失落的森林

好耐無寫過比較fantasy噶故仔。呢個故事係好多年前接觸呢類野(魔法、劍士、Dungeon & dragons)時, 見到有個class(職業?)係"德魯依"Druid, 知道左佢地噶各樣習慣之後, 隨即就諗到個故仔大鋼(所以個故仔都係比較簡單直接同單純d), 當時同咁多年來都無諗過會真係寫出來呢。

雖然可以當普通故事咁睇, 但係如果本來對魔法世界有多少少認識, 應該會了解多d, 因為個主角係一個"德魯依"(Druid), 而呢個class應該大家認識唔大(打機有打Diablo 2噶可能又會知多少少)。如果對呢樣野噶background無咩認識, 大家可以上網查下。呢個故事主要係寫比呀哥睇噶呢~~

有關故仔噶設定同由來寫左係最後, 有興趣可以睇埋。

**********

"吱!吱!"
"吱!吱!吱!"
"卜!"
"哎呀!痛痛痛!"

青年從他那繩網床中爬起來, 只見小鳥們都圍著他叫, 還有幾隻松鼠呢。

"好啦好啦! 我起來了起來了! 我記得, 今天要去長老會那邊開會吧? 我記得的啦~~! 也不用拿松果敲我的頭吧, 好痛呢!"
"什麼時候了...呀~~我要遲到了, 快快!"

**********

"隨著科技的發達, 現在已經沒有人用原始的武器了, 再也沒有騎士、劍士。魔法師們也因為教廷的取締, 而受到大量的屠殺, 魔法、鍊金也變成了不能公開的地下活動...

"我們德魯依祟尚自然, 一直都隱居在大自然中。我們不用人工(artificial)的東西, 武器連鐵器也不用, 只用樹木造的棍棒、弓箭, 椏杈, 衣服都用植物和獸皮做材料, 我們懂得跟動物甚至植物作一定程度的溝通, 可以化身成動物, 高階的甚至能操縱自然...與大自然融合一體...時移勢易了, 現在的人都相信科技。科技的發展很快...本來都跟我們沒關係的...

"最可恨的, 是人們開始忽略大自然的重要性, 大量砍伐樹木, 又不停地製造了很多污染空氣、海水的化學品、工場, 慢慢的把這個美麗的世界都毀掉了...這也是世界的趨勢, 時代總是慢慢的把老舊的東西都淘汰掉...我們德魯依的存在, 漸漸被遺忘...這也不要緊, 可是這個大自然...唉...我最近聽到很多很多的悲鳴聲...樹木、鳥兒、昆蟲...數不盡的滅亡...

"巴尼, 你是我們多年來難得一見的奇材, 不論你的智慧、修為或者戰鬥能力, 在同輩中也是出類拔萃的。我們對你有很大的期望。可是你總是只愿待在你那個小小的森林里, 不願接受我們的加護...你知道嗎? 以你的修為, 很快化便可以晉升為長老的了。"

"嘻嘻~ 我可不要呢! 做什麼長老的又麻煩又迂腐, 我才不要! 我很喜歡我的森林, 我有好多朋友, 他們都很喜歡我, 我不要離開他們呢! 我只要呆在那裡就很開心。什麼科技什麼長老的, 就由得它吧! 如果我們要被取締, 也是出於大自然弱肉強食的真理吧? 反正我會好好守護著我那片森林的!"

"天真的小子...如果再這樣下去, 不單止我們會滅亡, 連你喜愛的大自然也會有一天滅亡的...唉...你很快就會明白到、感受到的了...以你的性格, 還是適合做一個快樂的普通人吧..."

**********

(此段開始"多聲道", 由於主角具有與動物溝通的能力, 所以動物的言語也會寫出來)

"我回來啦~~!啤啤!小芒!小吱!"
"歡迎!歡迎!"
"回來!回來!"
小鳥, 松鼠, 猴子什麼的都圍著他, 跟他玩耍。
"好沉悶的大會呀! 總是叫我離開這裡, 拯救什麼的! 不過我們德魯依真的愈來愈少啦, 如果我不去, 那些老頭就會更納悶啦~ 哈哈哈!"
"開心! 開心!"
"對了, 比比呢?"
一頭很大很漂亮的梅花鹿剛剛走進來。比起其他的動物及同類, 這梅花鹿"比比"相當有靈性。
"巴尼, 回來了嗎? 辛苦麼?" 比比過去跟他摩擦一下, 以示友善。

"砰!"
"吼~~!" 遠處突然傳來一聲吼叫。
"是大熊的叫聲!"
"大熊怎麼了! 又來欺負我可愛的朋友們嗎? 我一早警告過他了! 這次一定要剝下他的皮, 哼哼! 比比! 去吧!"

巴尼騎著比比, 直奔吼聲來源。
"不得了! 不得了! 大熊! 受傷!"
"什麼?! 在這森林里還有誰傷得了他?"
"人類!人類!"

**********

"你的傷勢暫時沒什麼大礙了! 想不到你也有今天呢! 第一次見到槍傷, 似乎是很可怕的武器!不過竟然有其他人類會來這個偏僻的森來呢...真奇怪, 他們要在這裡做什麼呢?"

"砰! 砰!" 傳來了兩聲巨響。
"難道又是槍? 比比! 跟我來!"
巴尼和比比還有小吱吱們一起趕過去, 只見有兩個人類, 其中一個拿著奇怪的鐵管, 在細細端詳著地上的一隻猴子。
"哈哈哈! 這裡真的是一個不錯的打獵場地呢! 有那麼多動物, 而且一點防人之心也沒有, 哈哈哈!"
"對! 真是一個好地方, 哈哈哈!"

"小芒!小芒!"
"他沒事吧?"
"擔心! 擔心!"

小芒是比比的好朋友, 她擔心得直奔過去想看看小芒。
"好漂亮好大的鹿! 快!快! 要活捉! 這個很珍貴呀~!"
"牠向這邊直奔過來! 好像想攻擊我們呀! 這麼大的一隻鹿!"
"射牠! 快射牠!"

眼見比比快要被攻擊, 巴尼立刻要出手了。
"一定要阻止他們! 嗯...還是不要讓他們見到我的樣子, 好! 妖獸變化(Shapeshifting) -- 人狼(Werewolf)!"
"吼~~~!!" 巴尼化身成人狼, 直撲出去, 兩個人先是嚇了一跳, 但畢竟是打獵老手, 立刻舉起步槍向巴尼扣了板機! "砰!"
子彈速度好快, 巴尼從來沒有見過這種武器, 總算憑著人狼身體的敏銳及速度避開了致命傷, 可也難免掛彩了。他也嚇了一跳, 深知這種武器的可怕, 不能留手, 於是在第二槍發出之前直撲向二人身旁, 一把就打走了"鐵管", 順手一爪抓傷了二人的手臂。
"吼~~~!!快離開這裡!! 我是這裡的守護神!! 你們再不離開, 我就不客氣了!!"
"有怪物呀!!快走!!"

**********

"小芒!小芒!"
"沒事吧?"
"還好發現得快, 應該沒事...噓...累死了..."
"很晚了, 你們都快回家休息吧。"
"我陪你吧..."比比打算陪著巴尼。"你也受傷了呢。"
"不用啦, 快回去吧, 我也想休息一下...小吱們幫忙輪流巡邏一下吧?"
"不, 我留下來陪你, 有什麼事也有個照應, 你們回去吧。"

**********

清晨。
"有人!有人!"
"又有人來? 他們究竟打算做什麼? 最近常常來這森林, 究竟想做什麼!"
巴尼立刻跟隨著小吱過去, 他不想驚動到敵人, 於是偷偷在樹後窺探。

"好美麗的女子!"雖然比比是雌性的鹿, 也不禁發出讚嘆。"她在這做什麼呢?"
只見有不少的小鳥和小動物圍著她, 除了其他能與大自然融合的德魯依之外, 他沒有見過普通人能夠如此讓小動物主動親近的。
比比也不自禁地走過去, 挨擦著女子。
"好美麗的梅花鹿!"女子不禁讚嘆。

"你是誰? 來這裡做什麼?" 巴尼緊握著弓箭, 隨著比比現身。
"哦! 竟然還有人在呢!"女子並沒有給嚇到。"我叫姬斯汀! 我從那邊的村落過來的。"
姬斯汀見到青年有點緊張, 展現出微笑, 表現出她的親和力, 希望讓他放鬆一點。
"你...你...你...嗯嗯。"巴尼一時不知所措, 他本以為是敵人, 想不到是普通的少女。
"你呢? 你叫什麼名字? 這梅花鹿是你的寵物嗎?"
"不! 她是我的朋友, 她叫比比。我是巴尼。"
"巴尼, 很高興認識你。你住在這裡嗎? 我住在那邊的村落。"姬斯汀指著山的另一邊。"好遠呢, 不過我一直想來這附近走一下, 呼吸一下清新的空氣。想不到這裡很漂亮, 而且動物都很友善呢!"
"這森林是我的守護範圍, 歡迎你。你一個人到這樣遠不怕嗎?"
"不會呢! 我一直都是這樣自己四處去探險的。好像那邊..."

兩人就坐著一直聊天到天色大亮, 成為了朋友。從此姬斯汀每個星期也會來一、兩天, 巴尼會帶她到處遊玩, 認識他的動物朋友們。姬斯汀雖然是普通的少女, 竟然也能學到簡單的跟動物溝通, 大家也很喜歡跟她玩。

快樂的日子過了幾星期, 大家似乎漸漸遺忘了帶著鐵管的獵人, 危險卻慢慢逼近。

**********

"砰! 砰!" 槍聲響起。

"人類!人類!"
"鐵管!鐵管!"
"什麼!他們又來了嗎?"
"好多!好多!"

巴尼的家在森林較高位置, 他爬上家旁的大樹頂, 從高眺望, 竟然發現為數不少的人, 而且都手持槍械, 在森林外圍聚集, 似乎正在打算些什麼。有些人已經在準備槍枝, 想射殺動物們了。
"不得了!上次的教訓似乎太小了!竟然找來了這麼多人!可惡!"
"小吱!快叫所有朋友們都來我這裡!我們要一起守護這森林!我需要你們的幫忙!"

巴尼很熟悉森林的地理位置和環境, 把動物們都分配好崗位, 還召喚(Summon)了好些惡狼(Dire Wolf)和大熊來幫忙。

**********

打獵隊伍進入了森林。
"我們真的見到呀!那次我跟彼得真的見到人狼, 好可怕! 而且還會說話的!"
"別吹牛啦! 怎有可能, 現在都什麼時代了, 還人狼的? 哈哈哈!"
"對! 就算有也不怕, 我們有這麼多人, 還有槍, 怕牠什麼的?
"哈哈哈! 對! 不過總算你們告訴了我這個好地方! 我決定要了這片森林! 在這裡蓋一幢別墅, 平常就在這裡打打獵, 哈哈哈!"
"老爺好主意呀! 今天我們就來獵殺那什麼人狼! 哈哈哈!"

"咦, 怎麼這裡有條奇怪的繩?"
旁邊一人踢了繩一下。
"呀~~~!" "啊~~~!"
一條條的滕蔓捲起其中一些獵人, 還把他們都吊了起來。
"救命呀!"
"可惡! 怎會有這些滕蔓的?!"

"啪啪啪!啪啪啪!"
附近的一些奇怪果實與花朵突然破開。
"咳咳咳! 咳咳!"
"嗚~~!好辛苦, 這些是什麼氣體和花粉?! 淚水都出來了, 咳咳咳!"

"吱吱吱!"
鳥兒和松鼠們都把松果和石子從天上樹下丟下來, 打獵隊伍都十分狼狽。
"大伙兒都舉起槍來! 快把牠們都射下來!"

說時遲那時快, 猛獸們趁著他們狼狽之際都都衝了出來, 咬的咬, 爪的爪, 把他們打個落花流水。
巴尼一箭射中那"老爺"的手, 再化身成人熊(WereBear)的模樣走出來。
"你們別再來這森林了! 我是這森林的守護神! 你們再來的話, 就別怪我不客氣了!"
"muuuutakarlei...Yi...samarosa...地炎(Fissure)!"
地面突然破開好幾個洞, 噴著火焰。
"快走!!"

滕蔓都鬆開了, 猛獸們也退卻下來, 打獵隊伍立刻沒命似的逃跑了。
"哼! 你給我記著! 什麼守護神! 我一定把你殺死, 我會得到這裡的!"

**********

"太好了!今次我們的作戰很成功呢! 一點傷亡也沒有! 我也還沒使出什麼魔法, 靠大家的力量就把他們都趕跑了!"
"好呀!好呀!"
"開心!開心!"
"我們要開個宴會, 慶祝一下!"
"對呢! 要叫姬斯汀也一起來, 我們要跳舞! 我們要慶祝! 小吱, 幫我去通知姬斯汀好嗎? 呀! 不如比比幫我去接她來好嗎? 我去準備一切!"

比比凝視著巴尼, 乖巧的應了一聲, 就拔腿跟著小吱去山另一邊的村落去接姬斯汀了。

**********

森林的宴會好生熱鬧, 大家都很快樂。
巴尼和姬斯汀坐在宴會外的一棵大樹上。

"巴尼, 我在村里聽說了呢。"
"聽說了什麼?"
"那些人都是我村里的人。那個財主老爺史提芬是村中的惡霸。其他的人都是他的爪牙。他們在森林中碰釘子的事已經傳了出來。"
"原來他們是你村子的人!"
"嗯...我們村里從來都不知道有這一片森林, 距離太遠了。我懷疑...是史提芬的兒子...他平常就常常想借故找我。他可能是跟蹤我來到這裡, 才發現這個森林的...都是我的錯..."
"不關你事的...人類的發展愈來愈快, 遲早會找到這裡來的...只是遲或早的問題而已。不過, 我們總算守護到這片森林呀, 他們不敢再來了吧! 人類是敵不過大自然的力量的!"
"嗯嗯, 對呀..."

比比在暗處望著這一對年青男女。宴會的熱鬧, 篝火的光明, 好像也和她沒有關係一般。明亮的眼睛垂下了, 連平常鮮艷的毛皮顏色也好像暗淡了。

**********

"巴尼!巴尼!"
"紙!紙!"
巴尼接過小吱銜著的紙條, 只見是姬斯汀很潦草的字跡。
"巴尼! 快逃! 他們要過去了! 你們敵不過的! 快走!"

火光突起。
"火呀~! 火呀~!"
"救命!!救命!!"
""怎麼了?!"
"大怪!火!火!"
巴尼立刻爬到樹頂, 一望之下, 嚇了一跳。竟然有一架裝甲車向著森林開過來, 炮口竟然噴射出火焰, 把樹木都燃燒起來。

"什麼森林的守護神! 聽清楚了! 我們開了裝甲車來, 是噴火的裝甲車! 你識相的就快逃! 你那些滕蔓花粉的都沒有用啦! 哈哈哈!"
"還有, 你看她是誰? 是姬斯汀! 哈哈哈, 她落在我們手上了! 這漂亮的妞兒是你們的朋友吧? 你們還是乖乖的投降吧! 你們鬥不過我們的! 哈哈哈哈哈!"
裝甲車上的喇叭大聲的廣播著。

"是姬斯汀!"
"巴尼! 怎麼辦! 怎麼辦!"
"害怕!害怕!"
"呀~~~!!"
"可惡! 竟然...這麼重的裝甲, 就算用地炎或狂風也打不破呀!"

火勢很快就一直蔓延開來。槍聲不絕, 驚惶的動物們有很多都給絡射死了, 有些則葬身火海。

"唯有搏一搏了! 我要用天雷(ThunderStorm)! 可是...姬斯汀也在那裡..."
"你不能用天雷!" 比比惶急的叫。"我們逃走吧! 快逃!"
"不! 我不能讓他們毀了這森林! 我說過我會守護這裡的!"
"天雷是最高階的德魯依魔法, 可是你仍未夠級數使用呀! 你用了會死的!"
"我不能不顧我的好朋友們! 我不能不顧這片森林! 我不能不顧姬斯汀! 可惡, 如果她不在他們手上...我一定..."
"只要她沒事, 你就可以毫無顧忌了嗎?"
"對! 只要她沒事, 我怎樣也沒所謂! 我死也沒所謂! 不過, 天雷需要唸咒, 要十分鐘的時間...可是不到十分鐘, 這裡都已經被燒光了!"

比比走過去巴尼身邊, 摩擦了他一下, 悲傷的眼神轉為堅定。
"巴尼, 唸咒吧! 我會把姬斯汀救出來, 而且我也會拖延時間, 你要把天雷叫出來! 把壞人都打倒!"
"比比! 妳..."
"快集中精神唸咒!" 比比轉過身來, 叫道, "小芒! 啤啤! 你們來幫我! 我們也要出一分力! 我們要去救我們的朋友姬斯汀! 我們也要守護這片森林!"

"巴尼...我曾經想過永遠跟你在一起, 我好想每天也可以跟你依偎著入睡...可是, 我只是一頭鹿, 永遠也不能跟你結合一起...只有姬斯汀...她才可以跟你在一起...我一定會把她救出來! 你們要幸福的永遠在一起哦...我喜歡你...巴尼"
比比心裡的說話, 沒有說出來, 隨著一滴淚水, 滴在乾燥的草地上。

**********

"砰! 砰!"
動物們一隻隻死的死, 逃的逃。樹林也被燒了一大片, 可是裝甲車仍然在噴射著無情的火焰。

"你們看! 是梅花鹿! 上次那頭梅花鹿!"
"那頭漂亮的梅花鹿, 牠也逃出來了! 快! 快捉著牠!"
"好大的一頭, 怎麼捉?!"
"放心! 沒什麼攻擊性的! 快捉! 呀~~~!"

梅花鹿竟然衝擊撞倒了一人。"可惡! 快捉著牠! 捉不到就射牠!"
就在此時, 猴子小芒偷偷的跑上了裝甲車, 解開了綁著姬斯汀的繩子。
"嘰嘰!!(快走!!)"
小芒與姬斯汀跳下車, 猩猩啤啤在下面接應了姬斯汀, 抱著她就逃跑了。

"那女的被救走了! 有一隻猴子和一隻猩猩救了她!"
""快射!"
"砰!" 小芒靈巧的避開了子彈, 一跳就跳上一個人的頭上, 亂抓一通。
"嘰!!嘰!!(快走!快走)!"
"砰!"
意識消失。

**********

比比看見小芒被一槍打破了頭, 悲痛莫明。她見啤啤成功抱著姬斯汀跑走了, 安心很多, 可是還得拖延時間, 她向著裝甲車跑過去。
"梅花鹿跑向炮口那邊了! 不可以燒著牠! 快停! 別噴火!"
"好, 快射, 快射! 兩邊也給我射!"

獵人們一邊狙擊著啤啤, 一邊在瞄準比比的腳在射。
比比眼見啤啤跑到不能再射的範圍了, 抬頭望天, 見到一大片可怕的烏雲已經籠罩著森林上方。她知道是時候了。

"梅花鹿跑了, 牠要逃了! 別理那麼多! 把牠射下來!!"
"砰!砰!砰!砰!砰!"
比比倒下, 她望著山上的那棵樹, 望著她喜歡的人身處的位置。她的視線已經糢糊了, 再看不到他, 可是她心滿意足, 因為她為他做了最應該的事, 她知道他一定可以完成使命的...

**********

"終於都逃出來了! 謝謝你! 啤啤!"
"嗚..."
"啤啤! 你...你中槍了! 你--"
"砰!砰!砰!砰!砰!"
姬斯汀望過去, 看到小芒倒在地上, 比比也倒在地上了...
"小芒! 比比! 啤啤!"
她咬緊了牙, 她知道她不可以軟弱, 她要去找巴尼。

**********

巴尼在樹頂集中的唸著咒, 可是一連串的槍聲驚動了他。
他看到小芒倒地了, 他看到他最好的朋友比比倒地了。
心中不由得一陣悲慟。
"天雷"是最高階的魔法, 偉大的德魯依能夠跟自然融會一起, 操縱大氣及大地的力量, 把最強的雷柱從天上召喚下來, 沒有東西可以擋得了它的威力。可是, 雖然巴尼是難得的奇材, 但也未夠級數任意地使用, 他稍一分神, 立刻就吐出血來。
"我不能倒下!"
眼見朋友相繼倒下, 火勢已經燒到附近, 他更難集中精神, 憑著強大的精神力勉強去唸咒, 他覺得腦袋愈來愈痛, "我一定要...快要完成了..."

**********

裝甲車和獵人們燒了一大片的森林。慢慢的逼近了森林中心。
"竟然讓那女的逃了! 你們都真沒用!"
"對呀! 我可愛的姬斯汀! 不過不怕, 反正回到村里, 我們也可以找到她, 嘿嘿嘿嘿嘿!"
"燒了這片森林, 什麼守護神也沒用, 這片土地也是我的了!"
"咦, 怎麼天上有這麼大的烏雲?"
"對呀, 好大的烏雲呢! 怎麼了, 剛才天氣好像還好好的呀~"

巴尼滿咀是血, 頭痛欲裂。
"遭天遣吧! 對不起, 我守護不到這片森林, 我的朋友都死了, 我唯有跟你們同歸於盡!! 姬斯汀, 對不起, 你沒事就好了..."

"天雷(ThunderStorm)!!"

"轟!!!"
由天上落下了一條極粗的光柱, 雷光四射, 直擊裝甲車。裝甲車立刻被擊至爆破起來, 雷柱一直持續著, 連帶著爆炸所造成的火光, 把獵人們一個個的都打至灰飛煙滅。

巴尼倒下了, 漸漸的看不到情況轉變成如何...

**********

在舒服軟軟的床上, 青年醒來。
"巴尼! 你醒了嗎?"坐在床邊的少女問。
"嗚...頭好痛..."
"你沒事吧?"
"我...我是誰...我在哪裡...?"
"你怎麼了? 沒事吧!?"
"我...我...頭好痛, 我是誰...妳..."
"巴尼! 你什麼都不記得了嗎? 你都忘了嗎?"
"我是...巴尼...你...你...你是姬斯汀! 我...我...我記得妳! 妳是姬斯汀!可是...我什麼都不記得了..."
"巴尼..."姬斯汀緊抱著巴尼。"你沒事就好了...太好了...你還記得我..."
"巴尼, 壞人們都不在了, 所有人也不在了, 村子回復了平安...只要你沒事就好了...或許, 你忘記了所有的過去對你來說是好事吧? 你以後就在這裡生活吧, 好嗎? 我們今後就在一起..."

完

**********

有關故事噶設定, 重點在於"大自然", 第二係"Druid"。
細個諗到呢個故仔噶時候, 大致上都同而家呢個版本唔係好大分別(所以劇情有d孩子氣同簡單)。
故事主要main point如下:
1. Druid可以同大自然溝通 --> 控制大自然+同動物傾偈
2. 其中一隻動物喜歡主角 --> 果時一諗唔知點解就諗到係鹿, 唔係馬
3. 出現敵人 --> 主角同動植物一齊對抗, 大勝(呢part本來係長d同fantasy d)
3. 出現危機 --> 主角要用ThunderStorm, 要用好長時間先出到
4. 鹿知道自己無可能同角一齊(人鹿殊途) --> sacrifice自己去幫佢拖延時間(原本個故事係無少女噶設定)
5. 結果最後出到絕招贏左, 大部份人都無事, 不過無左個好朋友(同埋都無好完整地諗過個結局)

對於小朋友來講, "犧牲"係一件好大噶事, 會覺得好慘噶呢, 不過而家睇, 應該會唔大感覺吧。
好耐之前諗落噶故仔, 無諗過會真係寫出來。雖然好幼稚, 但係都好開心呢。希望大家都會有童心咁enjoy個故仔。

完

一月二日 -- 新年快樂

28/12(二) -- 天氣凍凍, 收工同娟JennyQueenieJoe入博康打邊邊, 正呀。

1. updated左NDS個內核, 玩得返新game, 玩返下呢。果個三國傳都斬斬斬得幾開心。

29/12(三) -- 收工後打毛毛球@君匯港w/史生 & his fnds, 之後係大角咀街市食小菜, 食左羊腩煲! 冬天要食噶野爭殘忍飯未食了~~!

30/12(四) -- gathering cancelled, back home dine

2. 仲有一個月就30歲了, 三字頭...

3. 曾經說過, 在大部份朋友的面前, 我的存在價值就是可以幫助他們、開心...etc, 我的感受似乎不用理會; 現在再想深一層, 原來是很好的: 我應該想, 原來我在他們的心中很叻、很厲害, 因此我自己什麼也攪得掂, 不會有問題, 自己解決到, 他們來找我, 只要我幫他們就可以了; 真好呢~~ 我的形象那也真的不錯。 :D

31/12(五) -- 之前一日臨時book到打毛毛球@大角咀(全部都未一齊打過噶Barry, 呀強, Bonnie, Queenie同joe), 之後係大角咀街市食埋飯, 食完上左呀Mak屋企一下(佢個女大個左好多, 好可愛呢), 之後返屋企過年。

4. 新一年快將來臨, 我也要試試改變一下了; 之前的什麼, 都放棄了吧, 好久, 好久了, 已經好努力, 可是沒有關係的...

5. 新年, 真的快樂不起來; 試過在某些所謂的好朋友面前, 想給他們知道我也會捱不住, 我也會不開心, 我也會有負面情緒; 原來不可以的, 我的存在就是不應該有這些; 那還是不要再顯示出來算了。最近應該看起來好像好了很多吧。

1/1(六) -- 無約, 無野做; 在家休息一天; 九點幾起身, 唔想去一個人電影, 於是睇左"告白"作者噶新作"贖罪"; 之後hea hea下打左電話叫左民仔威威同呀娟上左屋企, 幾個最熟噶朋友係我家打邊邊, 幾開心, 天氣又凍凍地, good。到夜晚一齊hea睇埋長江七號(麻麻地, 樣樣野都唔多入肉)後散。

6. "贖罪" -- 都係有少少用返告白噶表達方式噶影子, 用唔同人噶告白+時序一直向前, 交代左成件事; 之前告白係一連串噶小事經過左一d人變成左扭曲晒d人噶大事, 係人變態; 而"贖罪"就係經過左一件大事去扭曲左d人, 但係今次d人物反而都算係比較係佢地能夠控制噶情況之下去生活, 係件事變態; 基本上好唔同呢, 同埋最後...都算係一個good ending來噶; 另外覺得佢描寫人物都幾有一手。

2/1(日) -- 本來約左同關老B食lunch, 改左做早餐, 11點出到來食, 一直傾偈; 食完去行TKO Jusco, 過埋坑口, 再行返調景嶺(3點島), 傾左好多偈呢, 以前都係齋講佢d野多, 今次竟然都有講下我, 哈哈; 下午過左去新世紀同民仔FondueCynthia唱K, 第一次同Cynthia唱, 都ok喎~~ 有d o岩佢唱噶歌唱起來幾好聽呢; 竟然有"說了再見"唱!! 第一次唱, 好開心呢~~~之後唱K可能會成日點XDDD 試左下"時光機", 原來無聽起來咁難。新世紀個場OK呢, 個音響幾好呀~ 值得做主場。本來唱到7點, 之後加左少少錢可以唱到9點連buffet, 所以唱到9點散。唔記得用民仔生日優惠呢!

7. 2011第一K, 係開心噶K呢! 狀態都唔錯! 我覺得個音響OK係會對發揮同感覺都有影響噶。

8. 唔知點解, 同關老B傾開覺得, 一過左2010到左2011, 有d野感覺好似又唔同左; 有d care噶野好似已經唔多再care, 或者唔想care, 咁不如由得佢算了。不過都多謝關老B比左好多好好噶建議同提點我呢XDDD, 你都要加油啦 hahaha(雖然佢無睇呢度噶XD)

9. 頗有自信(或者話我自大都好), 唔同我做朋友係一大損失, 嘿嘿。

10. 結果真係2日都無正式食lunch, 留返左比同事們一齊食2011第一個lunch XDD

來緊:

4/1(二) -- KE+TKO buddies gathering @ HangHau(竟然...)
5/1(三) -- 毛毛球@竹園體育館 21:00-23:00 (即係話劇走堂)
7/1(五) -- Bowling night of URA @ KLB, K night for me XDD
8/1(六) -- 早上QC室內場波, 晚上補祝民仔生日K
9/1(日) -- 暫時reserve to 虎媽同魚魚, 未confirm

11/1(二) -- 上路面學車
12/1(三) -- 話劇
14/1(五) -- 白田同事Gathering(Puz, Spenser, Grace, Wing and Man)
15/1(六) -- 海鮮 @ Tuen Mun w/ colleagues of URA
16/1(日) -- QCOBA籃球賽
24/1(一) -- 毛毛球

完

二零一零年個人大事回顧

又到年尾, 又係時候寫今年自己噶大事回顧(當然唔用書面語而係用白話啦)。多年前, 年年都話自己樣樣野都好穩定無咩波動, 我都無咩complaint, 覺得好滿足, 好心就唔好攪咁多野, 點知今年就成為左近年最大波動噶一年, 果然係沖太歲, 沖到呢...

唔多想睇返自己雜記, 儘量用自己噶記憶去回顧一下今年發生噶事同埋值得記念噶事吧(始終都有reference咁睇返少少)? 如果唔記得, 就即係唔緊要啦? 話時話, 今年個Blog噶貼文又創新低...主要係因為前半年產量驟減至接近零噶原因吧? 不過, 其實見到係逐年遞減...唉...

首先講講逐個月發生d咩事, 之後再講感想吧..

一月

1.1 原來諗返自己係經歷左情緒極度惡劣噶零九年年尾同一零年年頭, 而且情緒係極大波動; 一向覺得自己噶"心"好平穩, 但係呢一年完完全全係多年道行一朝喪, 既喪且亂; 好彩都只係自己噶時候同埋對某d事情噶時候先會, 一般人都係唔係好影響到噶。

1.2 有句真係o岩: 近朱者赤, 更墨者黑。所謂多年道行, 真係喪係接近左d唔應該接近噶人, 同埋受到身邊有d好友同埋好如親人噶好友(即使係、兼尤其係)好負面噶情緒影響, 自己諗野都負面左, 睇野都差左, 個人都差左, 好多野都差左。仲要最大鑊噶係, 覺得自己變唔返好...

1.3 繼好多年無去旅行, 然後零九年同死黨們去左台北之旅之後, 一零年年頭去左上海。其實係一個尚算開心噶旅行, 不過係而家呢個時候, 唔再想多提了。

1.4 係新年之前, 準備屋企重新油油事宜, 執過晒全屋噶野, 掉左好多野, 好大工程。

二月

2.1 唔想提噶二月, 唔好逼我諗啦, 就此跳過。

2.2 經歷人生第二次噶"一個月內減肥廿磅"噶成功例子, 瘦身有幾難? 呢樣應該係二、三月最值得一提噶事。之後聽到唔少朋友話: 呀瑛你瘦左好多喎, 點減肥架? 我一定會答(或者想答), 你地唔好學我, 咁減法係會死架。

三月

3.1 唔係唔想諗, 而係記得跟本成個三月就係渾渾噩噩渡過(或者應該話唔記得係點渡過), 無做過d咩特別野。

3.2 只係記得, 有好多好多好多朋友值得我去多謝, 由二月開始一直陪伴左我好耐(到而家), 係度唔再肉麻講係咩人、有幾多謝啦。

四月

4.1 好似人生中第一口煙係呢個月發生噶? 不為什麼, 亦都唔係想學壞, 就覺得只係想試下, 反正唔會再試噶; 味道? 試果支已經係好soft噶女仔煙, 但係吸左一啖(入肺架, 唔係用個口吸左吐返出來果種)之後, 即時狂咳。不過應該係最初也是最後一口吧。

4.2 幾位新同事, 包括好朋友Queenie, 就係係四月識噶啦。絕對值得一提。

五月

5.1 值得紀念噶Bad-end人BBQ事件。好長噶一件事, 唔係度詳細講了。不過其實真係有市場噶, 哈哈哈。

5.2 四日三場K達成!好似延續落去果個星期總計係六定七日五場添~~! I am K魔瑛! (K More Ying!)

5.3 真係諗唔到有咩特別野, 其實基本上幾個月都係唔知點捱過, 同埋返工好忙。好記得一直想去旅行但係公司忙到無得諗。

六月

6.1 好似真係半年只係得雜記, 咩都無打, 亦都記唔起做過d咩特別事, 應該係六月開始無咁忙, 同埋開始真係想去旅行了。但係我噶行動力(以前做攪手搵人噶行動力、勇氣、面皮等等)都已經大不如前。

6.2 六月真係唔記得有d咩特別野。

七月

7.1 世界杯。始終都係盛事, 都有睇下, 同人談論下, 基本上有d咩野可以distract到自己噶都會試下去做。

7.2 本來想七月頭旅行, 點知攪唔成, 到左暑假又貴, 因此個計劃就要起碼到暑假之後, 即係九月...

7.3 印象中都係七月開始心情叫係正式轉好少少? 起碼識得搵野去distract自己去諗第二d野。

7.4 開始報話劇、報學電單車。總之將自己噶schedule填滿佢。

八月

8.1 唔記得係七月定八月開始習慣一個人的電影。其實自己幾鐘意睇戲, 不過識咁多人竟然無咩friend係好鐘意睇戲噶, 有時有d戲想睇, 要搵d有興趣噶人睇, 搵到又要就時間, 最終都係睇唔到, 好遺憾入唔到戲院睇架。非常開心自己可以習慣到呢樣野。最緊要係自己慣左早起, 星期六日可以睇平噶早場, 好抵架!

8.2 所有野都係呢個月繼續: 心情, 識朋友, 睇戲, 上堂...等等, 仲開始多左打毛毛球添。等待九月。

九月

9.1 最值得紀念噶就係去左旅行: 繼多年前噶泰國之旅之後, 第一次去唔係中國人地方噶旅行。雖然, 講真, 其實自己係果時仲係好茫然, 唔係好知自己做咩。結晶姐姐搵我話叫我湊人數去旅行時, 我都無點考慮過就答應左。個心只係諗, 咦, 有人叫我去旅行喎, 會平d喎, 去啦。咦, 日本喎, 雖然未去過東京, 想去東京先, 但係北海道都好呀, 跟團都無所謂, 去啦。結果就矇查查咁報左, 矇查查咁去左。都算係一次愉快噶旅行...吧。

十月

10.1 開始正式學車, 真係坐上架車來學; 好記得三堂噶第一堂, 自己唔好彩揀左架唔得噶車, 加上自己無咩信心, 竟然完全渣唔到, 好大噶挫敗感...好彩之後第二堂好快pick up返, 不過始終對於自己有左疑慮...

10.2 換左手機...換左一向自己都話唔會用噶i-Phone, 又真係幾好用。主要目的仍然係"溝通", 為左可以同朋友方便地溝通, 當然仲有上網(尤其公司上唔到之後), 再加上好友換機, 多謝呢。咁多原因...定係因為純粹想將以前噶野, 有關無關都換晒去呢?

10.3 好值得一記噶 -- 草蜢演唱會!! 自己係fans, 無咩好講, 正。值得一記呀傑唱噶"盼望的緣份", 同當年聽到佢唱"愛比我重要"一樣震撼, 相當之令人起雞皮, 太好聽了。

10.4 睇左Grease, 超正~! 仲要半價飛~~!

十一月

11.1 全年對我來講最勁噶一件事: 一個人的旅行 -- 台灣! 感想都打晒係個遊記度, 唔多講對於個trip噶野了。不過對於行動力跌到接近零噶我來講, 攪得成呢個散心旅行真係好好彩, 亦都好犀利。真係好多謝各方好友噶幫助我先去得成, 自己其實除左錢唔係pay左好多effort。亦都好佩服自己話去就去, 一個人旅行唔係咁易克服到個心理障礙就可以去噶, 不過當時噶自己一d猶豫都無, 真係想試下, 結果亦都好好, 好開心; 同埋, 真係散到心噶。

11.2 發現到從前怕黑噶我而家已經不再怕孤單一人身處黑暗中呢。

十二月

12.1 旅行由十一月持續到十二月; 八日, 我好似除左細個返鄉下, 未試過咁長時間唔係香港呢。

12.2 認清左自己某d心情, 有試過去努力, 不過太care太著緊反而仲衰, 所以...都係唔諗好。還是別多想。愈刻意就更加唔得吧。

12.3 充實而快樂噶聖誕。今年聖誕雖然唔一定係最開心, 但係感覺良好。有好充實噶感覺, 想做噶野都係4晚3日內做到: 見朋友, Gathering, 睇戲, 執房...etc, 真係好唔錯噶聖誕。

12.4 懷著咩都無噶心情, 渡過2010, 進入2011。

**********

以時間來分類講完, 之後就係雜亂咁將覺得特別值得提噶野寫出來。首先係set下題目"XX之最"記下無聊野先。

二零一零年最值得提噶戲/Musical: Inception, 唐山大地震, 父後七日; Grease。
1. Inception -- 一開始我就唔多想睇, 因為唔知點解硬係對d比人煲得好勁噶野失左興趣; 不過睇完之後, 不得不讚好, 同埋個導演功力真係掂, 成套戲個concept同埋層次感都表達得好好, 張力都好夠, 絕無冷場, 今年睇咁多套戲, 絕對係one of the best。

2. 唐山大地震 -- 雖然有好多廣告位, 又有好多人話有媚國傾向, 不過我仍然覺得係正噶。最值得講係女主角, 對佢噶戲好深刻, 真係好掂。單係睇佢已經值得睇呢套戲了。

3. 父後七日 -- 我都估唔到自己會提呢套, 不過真係好buy果種好鄉土、樸素噶感覺, 仲有果種好自己鄉下噶感覺都好正。

4. Grease -- 今年睇得一套musical, 當然要提一提。正!

5. 滄海遺珠 -- 告白, 都係一套好唔錯值得睇噶戲, 尤其我覺得我先睇過本書, 知道晒劇情, 但係睇戲時都會覺得OK, 真係拍得唔錯。

二零一零年點播/點唱率最高歌曲: 纏綿遊戲、突然好想你(成功唱到人喊噶一首歌)、心動。Neway無左一堆想唱噶歌之後, 有d好想唱噶歌好耐都無唱了...(我們都是這樣失戀的)~~~

二零一零年Gunpla: 買得最多係三國傳; 好開心平買到MG強人同太空坦克; 買得好滿足又超鐘意噶係HGUC Gouf Custom!

二零一零年值得記噶事: 有幾樣野係好值得記噶, 學車、旅行, 同埋識到、熟返好多人。

學車 -- 對屋企來講算係好聽話乖巧同埋好識諗噶我來講, 係父母心目中我係(應該)唔會學電單車噶。不過, 其實之前已經一直有少少心想學。自己不嬲都唔係好鐘意4個轆, 所以無考慮過呢。

旅行 -- 對於我來講, 人生之中, 之前好多年都無咩"旅行"噶經歷, 唔係無, 不過真係少。同過好多人講過原因: 轉工、讀part time、就唔到朋友時間...etc, 總之就係少機會。自己唔係唔鐘意去, 係一直去唔到。今年終於有機會, 一去去幾次, 係幾開心噶。尤其係一個人去旅行, 真係好珍惜呢一次噶感覺, 好正。不過下一次應該/希望唔會係一個人吧。

朋友 -- 同我熟噶人都知我非常十分重視"同人噶關係", 重視朋友。今年下半年重新開放返少少自己, 識到好多朋友, 有好多都覺得好好; 或者我已經無以前咁識得同人溝通同相處, 但係仍然都可以識到好多好好噶朋友呢, 好開心。感覺自己同以前比, 係會比較無咁令人相處得舒服左呢...以前應該可以處理得好d吧? 今年諗返真係有好多之前識左但係變熟、或者新識又熟噶朋友呢: 魷魚、姑姑、QQ、關十四、Fondue、加輪同學、催時同學、叻姐等等, 加埋d本來就熟噶一堆好友(唔使再多多多講啦), 真係好開心呢...

家庭 -- 對於屋企, 感覺上對佢地呢幾年一直都無咩大噶改變; 最大噶改變係上年呀爺過身, 今年呀麻健康隨即一落千丈, 亦都影響左屋企一個好大噶決定, 不過都攪掂了。對呀爸呀媽都仍然係咁, 尤其係呀爸, 仍然都係果樣野。對家人最希望噶、覺得可以令全家都有大改變噶, 仍然係希望呀哥可以快d結婚, 開開心心, 同埋快d生個仔/女出來, 比呀爸呀媽玩下。

工作 -- 甚為穩定, 無咩好講, 亦不嬲唔鐘意多講工作。總之唔使OT, 份糧夠我食夠我供基金比完家用使完都仲有突, 就算了。

自己 -- 認唔清自己, 無左目標, 好似無缺少d咩野, 又唔知自己想要d咩野。自己一向噶目標, 又唔會達成到, 或者應該話, 無咁快達成到? 點都好。今年尤其覺得, 自己真係好易識/熟到朋友, 又好容易地令人同我講好多野, 同埋比人噶感覺好"姊妹"。係好事定壞事來呢? 人係會不斷成長, 不過自己係會想自己某部份(或者大部份)咁變返以前噶自己, 或者我真係過份美化左以前噶自己吧。今年對自己噶期望都係一如往年吧...

**********

一貫作風一口氣打出來, 唔多想翻睇錯字或者唔通順了。

展望來年: 之前好八卦咁, 忍唔住睇左下蘇民峰噶來年運程, 睇左第一句已經唔使再睇落去: 來年將會延續上年噶運程...Shit!! 夠了~~!

自己一向都唔迷信, 成日都話以後結婚會專登揀d大凶或者日值歲破果d日子來結。我就死唔信來年運程會延續上年, 寧願相信好友會一語成籤!哼哼!大家等住啦!!

仲有, 好有衝動想養喵, 應該係繼學車之後, 另一樣好想但係又覺得自己一直都唔會真係做噶事吧? 車仲未學完, 希望今年會順利考到個車牌返來。仲有繼續唱K, 砌模型, 識朋友, Gathering, 睇書, 旅行, 睇戲, 打波...做我鐘意做噶野。

希望今年可以開開心心, 健健康康, for所有我身邊噶人...

by Ying 01/01/2011

完