不安全感

其實自己算是理性還是感情用事的人呢?

我算是比較多朋友的人(當然不是指酒肉朋友或者生意上來往那種); 一般來說有不少朋友有問題時、想找人傾談、有問題發生、想聽聽意見時, 都會找我談(當然就有事鐘無艷, 無事夏迎春較多); 由於自己有一段時間經常上網看東看西, 又喜歡看書, 接觸得又算比較多人, 因此經常能夠與別人分享不同的看法及意見, 儘量幫助大家不同的需要。在這些時候, 旁觀者清, 算是比較理智及冷靜; 當然, 有人問我意見, 我就不會只是說出不同方面的利弊, 然後叫他們自己去決定, 因為別人問, 就會想知道我的答案, 而他們也不會單單聽了我一面之詞就跟從我的決定, 因此, 我都會以"我的觀點與感覺"去做一個我個人化的決定去回答他們。

說了一大堆題外話。

在處理自己的問題時, 有時就變得很不知所謂。並不是完全因為自己身在局中而看不清楚, 而是有時也知道問題所在或者重點在那裡, 但自己主觀的情感卻難以控制, 在冷靜, 情感及猶豫之間徘徊著。

特別在與朋友相處及對愛情之時, 問題益發嚴重。由於經常地過份相信自己的"感覺"(以前也說過, "覺得"與"不覺得"能否與對方做朋友等等), 因此與其他人就只談一個"信"字。基本上, 我也會毫不猶疑地相信我要相信的人, 因為我覺得別人沒有必要騙我, 騙我也沒有用, 所以沒有必要去不信人(當然只是朋友上, 並不是在談工作上), 因此我可能當了很多次別人心中的傻仔也不知道。其實自己一個在胡思亂想的時候, 甚至在自己的心底裡, 有時十分沒有安全感, 會不知道別人怎樣想, 有時甚至覺得別人在騙我、利用我(但不管我怎樣想, 也是如常的對待別人), 若非使我有很確切的感覺, 就總不免地會令我胡思亂想...

對於情感或很多感覺上的事情, 自己算是比較敏感、幼細一點, 有時會很被動, 因此也很容易受對方影響; 以前也提過, 我像一潭死水, 別人丟石頭入來, 可以不停地不停地有漣漪, 愈擴愈大; 即使是很小的石頭, 但只要先投下來, 我便會回應很多很多...縱使對方投的是糞便, 不是石頭, 當我是傻仔也好。

看得太多個案; 不開心、不快樂、不完滿的結果太多, 人性的醜陋也看得太多, 就算不是故意的醜陋, 人性的弱點也是有太多; 不論是多麼要好的朋友, 多麼深愛對方的情侶, 即使一開始是如何無顧忌的相信對方, 無條件地為對方也好, 始終也是兩個不同的個體, 不知何時會變質, 不知會變成什麼。

有些朋友的感情, 可能像大樹那般, 既深厚又堅定, 即使被砍了多年, 但只要裂痕不大, 慢慢也會回復原狀; 有些人則可能像飛絮一樣, 跟本就從不認真, 飄忽不定; 而我自己則有點像榕樹的氣根, 有很多很多的根, 但都是很幼很柔軟的, 斷了一根就沒了一根, 慢慢的不斷受到傷害不斷地斷的時候, 就愈來愈少...

仍然是很雜亂的內容。

由於以上種種關係(不理大家看不看得明白了, 總之就是以上那麼雜亂之中的某些內容的總結), 使我覺得很不舒服, 即使我信得過別人, 也信不過自己; 因為即使一個人多聰明也好, 也不一定能夠明白自己, 了解自己已經這麼困難, 何況要去了解別人? 雖然, 我覺得我真的了解別人比了解自己更多(只是覺得吧)。

人生總有太多顧慮, 及時行樂? 很難可以實行呢。

**********

不安全感

作曲：蔡一傑
填詞：黃偉文
主唱：草蜢(蔡一傑)

愈來愈明白我 原來 愈來愈難戀愛
愈愛愈欠安全感
任誰共誰合襯 和誰訂情被誰牽引
沒有甚麼不能分

和誰 不管思想多近 不管身體多近
兩個卻各有各的心
然而 終究也是二人 怎知彼此底蘊
許多感觸無法攤分

愛得多迫真 但我仍始終不放心
抱得你多麼緊 心中始終充滿著
不安全感

愈來愈明白我 原來 愈來愈難戀愛
愈愛愈欠安全感
目前暫時未變 誰能預言未來不變
有些結果不用等

和誰 不管多麼相愛 不知可否終老
最怕你我晚節不保
然而 即使這刻宣佈 執子之手偕老
再過數秒無法擔保

愛得多迫真 但我仍始終不放心
抱得你多麼緊 心中始終充滿著
不安全感

愛得多迫真 但我仍始終不放心
抱得你多麼緊 不減心中的缺憾
就算多迫真 但我仍始終不放心
抱得你多麼緊 心中始終充滿著
不安全感
不安全感
不安全感

完

雜談歌曲3

很喜歡聽合唱歌, 尤其唔係每人一句果種, 夾得好o既話實在好好聽; 唱K亦都喜歡唱, 不過由於自己比較奄尖, 因此自己都唔太鐘意唱錯合唱歌(因為一錯, 果種滿足感就無晒了), 所以通常都會聽得好熟先至唱(當然, 有d合唱歌好易唱, 唔使夾都夾到o既...但係通常都唔多好聽); 另外, 要搵到一個都係熟, 又唱到, 又夾o既人真係唔容易呢! 不過當搵到o既時候, 唱K o既樂趣實在係大大提高!

由古到今實在有太多好聽o既合唱歌, 儘講啦。不過都知道有好多好聽o既實無講啦當然。

**********

我們都是這樣失戀的 -- 呢首有d屈機, 因為本來就係組合唱o既; 不過話晒都有2重o既位, 一個人唱唔到, 所以都算係; 呢首唔使講, 熟我o既人都知呢首係我o既all time favourite; 雖然都好耐無再點來唱了。

會過去的 -- 經典合唱歌, 係K都係長期熱點o既車婉婉+許志安合唱歌; 最開心o既係, 同KTG合唱得好夾, 好正呢~~其實一路都覺得車婉婉幾唱得...可惜紅唔起...
MV version
http://www.youtube.com/watch?v=eL_lJKiiYdM
Live version
http://www.youtube.com/watch?v=0mPzNfodxtg

兩個女人 -- 當年張德蘭+葉德嫻o既合唱歌, 但係個人比較鐘意翻唱o既梅姐+林憶蓮version。甘舊o既歌, 當然係...搵唔到youtube link啦。

相愛很難 -- 好聽, 而且d歌詞勁正o既梅姐+學友合唱歌。
MV version
http://www.youtube.com/watch?v=yfjeB2bu3xs
Live version by 2個唔知咩人, 都唱得幾好, 不過個男o既係咁唱錯歌詞哈哈
http://www.youtube.com/watch?v=Wn8KJZAF24Q

女人之苦 -- 本來係許志安獨唱o既歌, 後場尾加上左梅姐o既合唱版, 好聽好多, 而且好o岩梅姐唱呢。
MV合唱Version, 基本上合唱真係好聽好多
http://www.youtube.com/watch?v=ubtt3rOXduk
MV獨唱Version, 貼出來o既原因係因為拍得幾好, 好鐘意入面個女主角, 完全做到2隻feel o既女仔; 當然化妝同衣著都好重要, 但係唔知點解佢幾令我感動呢。睇到最後有d眼濕濕, 次次唱到果句都有d哽咽 @@
http://www.youtube.com/watch?v=re_lhmUWuzY

醜得漂亮 -- 幾好聽又幾有意思o既一首合唱歌, 唔錯呢。
MV version
http://www.youtube.com/watch?v=5LmsJgFkTrY
Live version, 胡杏兒其實都叫唱得OK了
http://www.youtube.com/watch?v=AW1j4ZLWjO0&feature=related

其實你心裡有沒有我 -- 絕對經典o既合唱歌, 無理由唔拿來講, 都無咩好講。不過此情不再了...古老
MV version
http://www.youtube.com/watch?v=gGDLsY-7vqo
古老Live version -- 當年佢地o既樣..
http://www.youtube.com/watch?v=vVS-nDA47-4

只要有你 -- 幾好聽o既合唱歌 by 孫楠+那英
http://www.youtube.com/watch?v=UNqS1N_nwdE&feature=related

接近 -- 陳慧嫻+張學友有好多好聽o既合唱歌, 選一首啦; 呢首係"TVB劇集"茶是故鄉濃"o既主題曲, 好好聽~~超鐘意, 佢地2個唱歌都係一個絕配!
MV version
http://www.youtube.com/watch?v=E9CWglUJUfM

男孩像你/烈女 -- 同一個演唱會中, 楊千嬅同林一峰合唱o既歌; 本來都係獨唱o既歌來o既, 變左合唱好聽呢(本來都鐘意烈女)(主要係有得唱女仔歌 :P)。
男孩像你 -- 楊千嬅+林一峰live version, 好聽過原唱
http://www.youtube.com/watch?v=Lx2c9fvUblA
烈女 -- 楊千嬅+林一峰live version
http://www.youtube.com/watch?v=SzibUSKD2Qw
無賴+烈女對唱 -- 好攪笑不過唔係十分好o既2首夾埋來唱
http://www.youtube.com/watch?v=TFx-hprkNso

你最珍貴 -- 鐘意呢首歌, 除左好聽之外, 另一個原因就係同KTG合唱得好夾, 好開心呢~~
MV version, 正到爆
http://www.youtube.com/watch?v=tnGufIflG1U
蕭敬騰+小S version, 幾攪笑
http://www.youtube.com/watch?v=zWJjt3bmzII

珊瑚海 -- 周杰倫之中好好聽o既歌, Lara都唱得好聽; 不論男女都好難唱; 二重+和音+高音, 難得KTG又係識唱呢! 可惜我唱男仔part有d位爭dd...要最好狀態先唱到成首o既高音...
MV version
http://www.youtube.com/watch?v=-SGsu6ntP_E
Live version
http://www.youtube.com/watch?v=ENUOqI2ZykU
Live version by 星光幫, 個女o既好勁
http://www.youtube.com/watch?v=6hP_wh1X1PA&feature=related

相愛多年 -- 韓紅+許志安; 主要係韓紅把聲同埋唱功實在太好聽太勁了
MV versionhttp://www.youtube.com/watch?v=MBpIXOZ2sZ0

蒼海遺珠 -- 謝安琪+劉浩龍; 原本係男獨唱o既, 又係加左女聲合唱之後好聽好多o既一首歌。

風箏與風 -- 一首歌同詞都好正o既歌, 雖然係Twins唱但係都無損其好聽程度, 亦都係Twins之中最鐘意o既一首歌。
MV version
http://www.youtube.com/watch?v=06jcfR0AMAw
Live version x2 @ 唔同演唱會
http://www.youtube.com/watch?v=qc8XrY8-xYs -- 短d
http://www.youtube.com/watch?v=KJXOhAEg7aQ -- full version

魚蛋歌 -- 之前都提過; 其實melody同歌詞都好正, 只不過係苦榮唱, 大家先覺得不可登大雅之堂姐。
MV version
http://www.youtube.com/watch?v=e7MdgpKcwLs

來夜方長 -- 陳潔儀同蘇永康2個唱得之人, 呢首亦都唱得好柔情呢; 可惜陳潔儀而家無唱歌了...
MV version
http://www.youtube.com/watch?v=KqD3eLtpQNo
Live version by 洪卓立+唔知係咪鐘舒漫, d身體動作完全唔夾...
http://www.youtube.com/watch?v=PNoXLRyAvzY

漩渦 -- 完全係sell味道同埋唱o既人要勁先得o既, 勁有味道o既一首歌, 彭羚同黃耀明都係唱得又可以唱出味道o既人, 超正! 女o既高音男o既低唱, 超難唱。普通人唱到, 都無feel。
Live version -- 正到嘔! 唔需要MV Version
http://www.youtube.com/watch?v=nXRZrnHAz_c

傾偈 -- 係"雜談歌曲2"入面講過, 不過由於係合唱歌, 而且好鐘意, 所以再講過; 蔣雅文同李逸朗o既歌; 其實佢地果隻合唱碟好多歌都唔太差, 可能因為HK少真正o既合唱歌(唔係一人一句, 而係有二重或者和音位o既歌)吧? 呢首原本係泰文歌, 改篇左做廣東話, 2首o既味道好唔同呢。係youtube有好多佢地其他o既歌, 居然無佢地o既歌入面我最鐘意o既呢一首...

無間道 -- 雖然一個唔識唱歌一個係唱大戲, 但係都係一個字: 型! 完全係sell feel o既一首歌!
MV version
http://www.youtube.com/watch?v=jeatuPVJWP8

睇左咁多合唱歌, 發覺許志安係好多好聽o既合唱歌入面都有份呢。

其實真係仲有好多好好聽o既合唱歌, 好難講得晒呢~ 就咁算了~~

完

九月二十一日 -- 雜記

1. 17/9(三) -- 下午過上環總部training; 收工同WingSpenserCatherineMartin打羽毛球, Carol臨時唔舒服來唔到; 好耐無打過, 好開心有得打! 早到左, 有空場, 所以打左差唔多2個半鐘, 好爽但係好累呢~~之後去左總統花園, o岩o岩9點半有宵夜餐, 廿幾蚊幾抵呢!

2. 18/9(四) -- 連續第二日training, 由於本來預計星期五六日都要返工做Freezing Survey, 所以收工後就返企抖。

3. 19/9(五) -- Freezing Survey, 當日早上知原來係做花墟; 可能而家URA人數多左o既關係, 今次聽返d舊人講, 係有史以來最輕鬆o既一次, 每人大概做4-5間島; 我partner(其實係team leader)係夾開o既Pearl媽, 超好呢~~好好彩地, 我地做o既4個Interest有一間係裝修得好靚屋主又好好人, 仲有2隻貓貓仲好好玩添; 之後我地做得晏左, 本來12點食飯, 攪到1點幾先完上午, 睇左2間(仲有2間約左星期六); 其他人一行人原來去左唱K Lunch, 我2個人就之後先join佢地, 但係我地去到, 大部份人都走了...2點先有野食, 食埋得2個人唱埋先走...下午返到去, 再落site, 5-6點返到command post, 之後都無咩攪, 食完晚飯, 再hea到差唔多9點收工。

4. 20/9(六) -- 本來預左要返Freezing Survey, 點知之前果日被通知星期六我會被調去坐觀塘個資源中心坐一日, 有客來就解答下問題同幫下佢地; 坐左9am-6pm, 都無咩人來, 勁hea又悶的一天哈哈, 叫係唔使出汗辛苦咯, 不過我寧願去做Survey了哈哈; 當日臨時拉夫約左S民Cass四個人去唱K, 除左民之外大家都有k癮呢~~ 好耐無試過唱長時間o既夜K, 仲要係同熟又夾o既人唱呢~~當日決定自己完全(或者九成)唔點唱開果d歌來唱, Cass又受埋我影響, 於是當晚大家唱左好多好少唱, 但係都好聽o既歌呢(而且點左好多好多合唱歌來唱呢)~~其實好聽o既歌, 由古到今有好多, 並唔使點來點去都係果d呢~~ 好難得地, 大家唱唱下都唔覺時間過, 到4點幾先走, 好耐無試過咁夜呢!! 返到屋企都5點幾, 沖埋涼訓時6點都有dd天光了哈哈。

5. 21/9(日) -- 幾乎訓一日, 如果唔係要起身食飯都唔想起身; 晚上播無聊大結局, 所以連電視都無睇。

6. 跟開之前果個老細, 雖然少d講野, 但係其實熟d都有野講; 新跟果個...個人怪怪地, 又唔點出聲, 又似係好主觀o既人, 而且同熟o既人笑晒, 其他人就連野都唔講...對我來講, 好怕呢類人呢...而且我"覺得"佢好似唔多鐘意我...總之煩。

無聊link一條:
江欣燕扮梅姐, ok好笑, 把聲就不嬲都似啦~~
http://www.youtube.com/watch?v=UUMKVfxbnj4&feature=related

最近聽左d林敏聰自己唱o既歌, 其實一向覺得佢係幾有才華o既, 只不過個人係怪怪地果種人(好多叻人都係咁呢), 無咩觀眾緣; 佢唱歌就緊係唔係好好啦, 一般啦...以下係搵到o既一d link。呢期聽返佢唱o既"自你去後", 好有以前呀倫o既歌o既feel呢~~

眼光光 - 以前TVB節目"點解咁好笑"主題曲 (杜德偉+林敏聰), 好經典呢~~
http://www.youtube.com/watch?v=b92ltYKTN6c&feature=related

林敏驄 -- 霧之戀
http://www.youtube.com/watch?v=FmJRTOrs430&feature=related

林敏驄 -- "我細細個.."送給林敏怡
http://www.youtube.com/watch?v=DKbesnKcRvU&feature=related

林敏驄~~ 不見不散 + 深愛著你@勁歌金曲 Live
http://www.youtube.com/watch?v=HauNyb5_cM8

不見不散MV Version
http://www.youtube.com/watch?v=quq_ahzDqko

自你去後 MV version x2
http://www.youtube.com/watch?v=vX2ZWrGBSFI
http://www.youtube.com/watch?v=SHPoF90z4W0

自你去後 日子都匆匆彷彿似舊
人仍然在奮鬥 不分季候
然而曾話算了 由從前逝去了
而不知怎可 驅走這厭厭的寂寥

自你去後 甚麼都匆匆彷彿似舊
但面上的歡欣 總不似舊
和人們在說笑 由從前逝去了
而心困在曾共你過的每一秒

以往 永遠在心裡
你的聲音 一切往事
仍在我心 仍不可缺少
曾說：情貴於分開中那思念
曾話：情就是怎麼都不改變
為甚麼停留在這裡
給愛念愛念愛念困擾得心酸酸

懷緬 和你總一雙一對出現
懷念 曾在天天親過的臉
為甚時日在轉變 曾醉在一起的心
到這一天 怎已經......改變

完