告白

一封不寄的信 -- 告白

好友出噶題目"告白", 諗過好多寫法, 究竟要點寫好呢? 唔想寫故事, 本來想討論下呢個話題, 但係又無咩心機叙事; 不如用以下噶方式寫下...都幾有趣呢哇卡卡。寫"一封不寄的信"系列, 試下用宅男噶心態去寫下佢告白比心儀噶對象(心態而已, 用詞真係學唔來)? 哈哈哈。(請某外地宅男朋友comment下 XD) (應該用白話定書面語好呢? XD)

**********

邱小美同學:

你好。

我知, 我知道我o既中文程度麻麻, 不過我發覺我打字出來, 比講野順好多。唔知點解, 平時打online game, 係網上係咁打字都好快, 但係對住你我就真係咩都唔識講。我都知, 平時我係學校都唔係好識同人講野, 不過我都唔係淨係識對住電腦打online game, 我都有d朋友架~~

好似叉開左話題添。其實呢, 聖誕節到啦。每逢佳節倍思春, 係呢d日子身邊無女陪, 真係有d寂寞。不過我唔係因為呢個原因而寫呢封信比你o既! 係, 我係冧你, 堅冧o既。

你仲記唔記得差唔多半年前果次, 我同你食飯果次? 其實我果次都係講堅o既。平時上網打機, 咩都講得出, 同d女仔講下笑, 爆下粗, 咩都夠膽死。但係對住你呢, 咩都講唔出, 好怕醜。果次我真係鼓起勇氣同你講o既。雖然你會覺得我唔認真, 但係我係講真架! 我之前已經發覺自己成日會留意你。你唔介意我醜樣, 唔介意我唔識講野, 有時會同我傾偈, 同我做朋友。我真係好開心。

我覺得同你一齊相處果時好開心。上次之後過左咁耐, 我發覺自己都仲係鐘意你, 唔係玩玩下架。我雖然鐘意打機, 但係其實讀書成績都唔差, 而且又無不良嗜好, 雖然肥, 但係應該好好攬架~ 我好想約你係平安夜出下街, 食下飯, 睇下燈飾。

小美同學, 不如你做我條女呀! 我真係鐘意你架! 等你回覆!

**********

覺得自己完全唔了解佢地噶心態係點, 真係唔掂 XD, 不過專登寫到luckluckcutcut好好玩, 哇哈哈哈~~! 同埋, 寫完其實覺得自己係寫唔出d咩野, 算啦, 都叫寫左個題目 XDDD
拿拿拿, 上次果封我已經否認左係真正噶心聲, 今次更加無可能係啦! 純屬虛構! 不論係內容定心態都係虛構噶!!

完

十二月十九日 -- 雜記

13/12(一) -- 收工同Grace去左MK睇禮物, 行左兆萬、信和同In's Point, 大約都有個譜。之後行左去蘋果餐廳食飯, 好大份 =_=, 食完返企。

14/12(二) -- 收工返企食飯, 過去探呀麻, feel sad; 之後hea、同民民傾電話、砌模型, 幾舒服。

1. 下期工聯唔報住了, 想自己得閒返d。

15/12(三) -- 收工去去醫院探一探呀Mak, 佢話我知BurgerKing三日有$10蚊餐, 買左上去同佢一齊食, 之後去上話劇。

2. 竟然唔記得帶遮; 又凍又淋雨。

16/12(四) -- 收工練車; 下午時同Grace傾開, 佢想行下寶琳, 於是練完車入寶琳同佢食飯(魚之味)同行左下之後返企。

17/12(五) -- 下午放假考車 @ 3 p.m., 終於都過左, 唔使心掛掛過聖誕; 之後去左SSP行同睇禮物, 最終決定一份過; 去左綠林食糖水慶祝下自己pass; 之後去左In's Point行再去廣華探呀Mak, 約左威威7點幾比Ocean Park飛佢同埋同佢食飯, 佢帶埋佢個契媽來, 之前都有聽過呢個人呢; 行左下信和, 自已買左好多野...之後去左女人街食飯, 食完又再行左陣散。

18/12(六) -- 早上中學同學室內Ball Game @ 藍田體育館, 打左2場只係入左2球(其實都無咩起手), 不過係最緊要噶2球, 哈哈。本來見得十零個人話來, 點知來左廿幾人, 所以都無咩機會打幾耐; 下午返屋企hea左下休息陣, 晚上過SZ飲KTG噶喜酒, 去左國貿頂樓旋轉餐廳; 食完都唔太晏, 留低傾左陣偈就返HK了。

3. 終於找到做壞人的理由了, 哇哈哈哈哈; 壞人的偶爾的好才是稀罕、值得珍惜的, 好人的好都是廉價的。

4. 要開始準備寫今年大事回顧了。

19/12(日) -- 無plan噶一日, 諗住係屋企hea(想砌埋隻HG老虎改); 中午同呀哥落左去食牛鍋, 食食下史生竟然打比我, 話入緊來TKO, 搵我出來hea, 於是食完飯返一返屋企就落樓下茶記同佢坐左陣, 之後無野做佢又要磨到7點, 原來佢有堆碟係身, 於是返左我屋企睇左套"讓子彈飛", 好睇喎。中間落左去MTR幫姨丈同呀姨仲有表弟拿d野返屋企; 返去睇埋個結局之後同佢過坑口我就返屋企食飯(姨丈佢地早食, 食完...), 同表弟傾左下偈, 之後就hea到訓覺。

5. 之前果晚發夢見到熊人, 個夢都好攪野, 用佢來寫個故仔先。

6. 人生總要繼續進步, 要繼續學會心淡, 學會放棄、放下, 繼續對所有野無所謂。

7. 又開始無咩人comment個blog @@

來緊:

20/12(一) -- 同死黨圈(娟威民源)加埋Fontane去SSP睇野(買野)同食飯。
21/12(二) -- 去史生打羽毛球果邊, 第一次同佢d fnd打, 好彩唔係佢果班好勁噶中學同學。
22/12(三) -- 冬至早放, 可能約JoyceLi叻姐佢地唱K?
23/12(四) -- 想去行下街買下衫, 一直話想買都無買...
24/12(五) -- 返屋企訓覺算了, 來來回回的很折騰人呢。
25/12(六) -- BBQ w/ usual gang, 暫時如果全部都真係去都幾多人呢~
26/12(日) -- 係屋企抖下, 執下間房。
27/12(一) -- 八婆個仔噶生日會 @ Fat Angelos

5/1(五) -- 毛毛球
11/1(二) -- 上路面學車
16/1(日) -- QCOBA籃球賽

完