十二月十七日 -- 雜記

1. 睇返原來上次唱K已經係9月尾了。

7/12(一) -- 收工返企自己煮飯食。

8/12(二) -- 收工去左SSP之後去MK睇禮物。MK果間野居然關住門晏d開, 唔等佢遲d再去, 點知之後要三顧草蘆呢。

9/12(三) -- 收工呀姑係MK睇姊妹衫, 同小翠姐食飯; 去左北海道活壽司, 食完自己去左睇禮物, 第二次去MK仍然又係摸門釘。為兄弟而鋪路。

10/12(四) -- 係公司OT到8點半趕返屋企睇裝寬頻, o岩o岩好買完飯盒係lift撞到果2個師傅呢。攪左好耐終於攪晒2邊, 由呢晚開始到16號都上唔到網...另, 同事們一齊開心打邊爐都join唔到。

11/12(五) -- 收工返企。

12/12(六) -- 臨時決定行山, 同民娟EstherDorothy早上11點行。民仔今次揀呢條都算幾輕鬆呢, 由QuarryBay行到陽明山莊, 三個鐘石屎斜路, 唔太辛苦, 之後仲去左食聽呀哥講好耐噶榮式燒雞扒, 真係幾好食喎。返到屋企沖涼休息下晚上出去佐敦"迎囍"(其實個字係三個喜)食飯, 同1月頭BenChoi結婚噶兄弟姊妹一齊食飯, 有電視睇仲睇到東亞HK足球十二碼贏噶一刻添。d野食都OK, 尤其係碟雞。

13/12(日) -- 約左呀姑同小翠姐同民仔呀源唱K, 等佢地認識下對方, 我就志在唱K, 勁耐無唱!!又1點唱到7點半島(其實可以耐d), 可惜佢地無咩溝通, 似乎機會唔大了。好開心有"寂寞考"唱!! 仲有蕭敬騰版噶"新不了情"添(有得唱男仔版)~~ 好耐無唱, 一開始段時間一唱真係發覺不在狀態, 之後開返聲好d, 不過都係爭好遠了。民仔早走, 到後段大家好似都無咩心機了, 所以唔唱到最後就走, 而且無一齊食飯, 同呀源食街市之後都係8點島, 再去行下買野, 終於第三次無摸門釘了~

2. 仍然好肯定自己係好鐘意唱K噶, 雖然唔係擅長, 但絕對係興趣。

14/12(一) -- 唔記得左之前約左Crystal食飯, 好彩佢打來提我, 臨時都係同佢食飯。同佢食觀塘的雲南風味, 大家都唔怕辣, 所以咩都食得呢。同佢傾左好多, 知佢近況都好唔錯呢~ 希望佢幸福啦~~ 另外, 同成熟d噶人、益友傾偈, 真係好好多, 好似好耐無搵大家了, 失去左一向噶自己咁呢。食完大家都唔係好晏就返企了。

15/12(二) -- 收工去APM行下睇下買唔買到禮物, 係foodcourt食埋飯返企。

3. 我不必再賣你帳了吧?

16/12(三) -- 同好耐無見的舊同事們PuzzleSpenser呀Wing同Grace食飯, 由於Puzzle有突發事件要晏來, 我地另外幾個係西灣河就返近佢噶M記等, 到8點幾就去"權發"坐底, 佢大約9點島到大家開始食野。雖然每碟價錢唔算平, 但係好大碟好足料而且都好食呢, overall係OK噶~~ 冬天三寶, 今日食埋羊腩煲, 正。又係同Crystal一樣, 見返舊朋友同成熟噶人傾偈, 真係好好感覺呢。

17/12(四) -- 收工返企, 自己煮飯, 似乎而家習慣每星期至少有一晚都會自己煮飯食呢。今日開始上得返網。

4. 好多野都無打低, 記得應該有好多野, 但係都唔係好記得了, 算。

5. 呢幾個月來, 好似發生左好多好多野, 經過好多好多喜怒哀樂; 覺得自己好似同以前噶自己唔同左, 爭好遠好遠呢, 覺得自已變左好多次; 不過都有好多野進步左, 自己噶忍耐能力同接受能力高左好多, 修為有所提昇。但係同時亦覺得自己變左好多, 一時變成咁一時變成咁, 經過左好多次噶變化, 好似由毛蟲變蛹, 蛹變蝶, 蝶生羽毛, 之後生對爪, 再生手腳, 後面生條尾, 頭上再生角, 變左唔知咩, 好似愈來愈強大, 又愈來愈脆弱。不過, 比較想回復以前噶自己呢。好彩, 而家慢慢慢慢又找到一點點方向, 要慢慢的變返一個強化了修為, 但又似係以前咁樣噶自己吧。

6. 太遲了, 返唔到轉頭了, 承受吧。

7. 公司上層開始卒數, 老細又開始發多左癲, 都係預左我食噶啦, 最近返工更難頂了。

8. 原來好多野都唔係好難, 只要再睇開d, 或者令個心更淡更淡, 就可以接受到極多野, 同埋好多野都唔care; 人地話擇善固執, 而家就擇值得care噶野來care吧, 如果唔係會好辛苦呢。

9. 一個人的性格行為習慣價值觀好大部份都係從細開始培養噶, 之後就係成長時期返學同埋身邊噶朋友。近朱者赤, 近墨者黑。

**********

斷尾 -- 劉浩龍; 呢個人其實我覺得麻麻地而已, 果時仲有人話佢唱歌似Eason, 唔係嘛?

無MV版, 有幾個Live版, 藍奕邦唱得好聽過原唱呢, 所以揀左呢個version。
http://www.youtube.com/watch?v=Mp7kFONi84g

歌手：劉浩龍
作曲：藍奕邦
填詞：藍奕邦
編曲：Billy Chan

別又來用你眼淚感動我
阻止我忘記你弄傷我
別又來用你漂亮的手指去
在我膊頭撫摸

別又來用你說話擾亂我
全力逼我愛到忘我
別又來為我營造惡夢
以後無法抹掉你這心魔

＊誰人讓我悲　誰人讓我喜
　誰人讓我死心不息奄奄一息不服氣
　所以　重重病症久久都不斷尾

　誰人讓我生　還能令我死(都可致死)
　還淪落到拖拖拉拉輾轉反側痴纏你
　所以　傻人為你痛
　傻人病到死都不爭氣＊

別又來做你誘惑的動作
阻止我儘快愛下一個
別又來用你美麗的咀巴說
沒有你很坎坷

都只怪是我軟弱的罪過
承受不了你騷擾我
蠢得要為你忘命撲火
不可撇脫拒絕被你瘋魔

REPEAT＊＊

完