八月十七日 -- 破碎虛空

13/8(四) -- OT到7點幾8點, 餓, 食埋飯先返。無OT錢之後第一次OT呢。

14/8(五) -- 返左屋企再出返去打羽毛球; 係牛池灣, 今次近好多呢~ 仲係MTR隔離。

1. 一生之中, 從未試過的漫長時間, 好長好長好長好長好長...極度痛苦, 真係從未感受過。沒訓過。為什麼會這樣, 為什麼要這樣。

2. 想了很多, 分。沒有人會接受吧, 尤其前科file極花。

3. 變了, 真的要/會改變了; 不再是那個我了。我不會再像以前一樣的。

15/8(六) -- 早上恰左一下; 同S民Cass同佢男友去SZ找KTG唱K; 去左食個lunch先(唔訕得叫咩了, 反正都係隨便食, 不過d野都OK), 之後1點半就去唱K唱到8點了; KTG雖然退步左, 但係仍然超勁呢~~~ 同佢地唱K真係好爽。唱到後段Cass男友唔多舒服, 佢地2個走先, Cass臨走前錄左音; 之後民仔同S都去左錄音, 到8點唱完KTG都錄埋; KTG好明顯真係唱K發揮得好過錄音好多呢~~ 可能真係好唔慣吧; 其餘人係唔係覺得聽返自己把聲好怪呢~~ 覺得超難聽呢~ 其實又唔係真係好難聽, 只不過係唔慣而已; Cass噶表現最穩定, 同平時唱K差唔多呢; 娟都係, 民仔就...唱完錄完音, 我地4個就去附近食北方麵類噶野, 唔知點解叫d野幾乎都係主食, 全部都有麵粉噶(炒面, 餃子, 粉等等), 好飽; 食完就走, 臨走KTG仲叫埋男友來見我地一見, 大家一致好評呢~~ 另外, 第一次係落馬洲過關(來回都係), 新淨好多又少人好多呢~

4. 從來都未試過對人咁差。

5. 行屍走肉的過了一天, 算了算了算了。

16/8(日) -- 一早打波, 一去到跟隊遇著一班好無品噶細路, 等左好耐先有得打, 打到1點幾食飯吹水, 3點島join埋呀媽同呀哥去探呀爺, 見佢狀態都差左好多了...探完一齊上左北角呀媽佢地果d同鄉會噶地方, 成班呀叔嬸嬸係度唱K(個地方有設備), 我都湊熱鬧唱左幾首老歌, 不過狀態唔多好又唔多慣呢。之後我同呀哥走先, 我自己返屋企沖涼等食飯。

6. 接受一切吧, 什麼也好; 反正我不再是我, 就虛與委蛇吧。

7. 自己對所有的接受能力愈來愈高了, 什麼也好。

8. 不要, 什麼也不要了。反正本來無一物, 得到什麼, 也是賺回來的。

9. 糟蹋了和被糟蹋了有什麼感覺?

10. 打完波食lunch, 成班舊同學吹水, 有幾個人講開一d男女關係噶野, 好可怕呢; 真係有好多人(包括男同女都係)都當呢d野唔係一回事, 男仔可以有人痴埋來有得食就可以上, 女仔都可以好隨便。欺騙、偷情等等都好等閒; 雖然以前上網都知呢d野好普遍, 但係身邊的朋友(好彩熟果d都唔係)講出口時, 感覺都幾難接受。

11. 民仔成了換衫公仔? 經過左3個星期噶努力, 總算幫佢執好晒d野, 純粹憑空想像, 好彩效果很好, 不枉大家一番努力。當呀cass連火車都未出第一句就話"民仔你今日個造型好得"時, 相信最自滿噶唔係著衫噶民仔本人, 而係佢身邊幫佢執噶果2個人呢。

11. 其實自己唔知著咩衫, 唔知點襯衫噶原因, 除左因為身型唔好, 好難著得好睇之外, 另一個好大原因係覺得自己好醜樣, 所以好少照鏡同影相, 唔係好熟自己噶樣, 因此唔可以憑空懋像去襯衫呢。反正, 著咩對我來講都差唔多。

17/8(一) -- 仍然都係躝街, 屋企又上唔到網(或者係又係要開左一陣先上到); 好早就關機攤上床了。

12. 表面已經裂得全部花了的玻璃, 不想再敲再碰到了, 一碰到就會弄碎了吧。

13. 有個打算, 究竟明天實不實行呢? 沒有告訴什麼人, 只有花姐姐知道而已。如果實行, 除了必要的單位之外, 也不會告訴什麼人的。

14. 早2日諗住摺blog, 不想也不需要對其他人有什麼交代; 不過, 始終對自己想有交代, 不要像某d人, 明明係開blog先, 明明話自己想放開自己噶心情, 表達多d自己, 點知而家明明得閒都放棄左; 所以, 暫不摺blog。始終, 寫噶都係自己最真實噶野, 要比自己睇返, 記得返所有野; 其他人,管他吧。

來緊:
20/8(四) -- 小曼姐姐約返果時話劇高班的人唱K, 其實都係唔太有feel玩果種, 不過好耐無見了。去Megabox新果間K店, 聽聞裝修同設備都好得, 都會去下睇下咩樣噶。唔會(亦唔想)好夜走吧。
21/8(五) -- 羽毛球活動。收工會同呀Cass食飯, 食完先打。
22/8(六) -- 二繩來HK找我一齊去睇話左好耐要睇噶麥兜。
25/8(二) -- MayChan放假, 會請假同佢唱下午K?晚上同Puzzle呀WingSpenser呀Man食飯, 又係好耐無見了!

**********

說謊的愛人 -- 以前都幾鐘意王傑, 真係好有浪子feel, 又勁滄桑; 不過之後就好唔得了...浪費晒; 民仔尤其係好鐘意佢呢。貼一隻都出名, 但又唔係最出名果幾首歌噶歌先。

http://www.youtube.com/watch?v=ylmy06Ya6HI

歌手：王傑
作曲：王傑
填詞：林夕

凝望你 但你似在逃避
前夜去向 不想講起 使你諸多的顧忌
誰料你 編故事極流利
為何陌路一般的心 沒有一絲裂痕
為何面上多麼天真 是說謊的愛人
說吧 讓我無從追問
曾話過 為我做任何事
無謂再說 失約當天 因有緊急的要事
無謂你 講錯別人名字
為何越是講得真心 越會偷偷愛別人
為何賣弄初戀天真 是說謊的愛人
騙吧 若你仍然肯接近
你 早已忠告依戀你只有遺憾
曾經 說笑般講起不想再傷我心
誰料你 這句話極誠實

無謂說 大雨逐漸停下
無謂再說 即使雙方都笑不出的笑話
其實你 想轉換話題吧
為何陌路一般的心 沒有一絲裂痕
為何面上多麼天真 是說謊的愛人
說吧 讓我無從追問
你 早已忠告依戀你只有遺憾
曾經 說笑般講起不想再傷我心
誰料你 這句話極誠實
為何越是講得真心 越會偷偷愛別人
為何賣弄初戀天真 是說謊的愛人
騙吧 若你仍然肯接近
為何陌路一般的心 沒有一絲裂痕
為何面上多麼天真 是說謊的愛人
說吧 讓我無從追問
（無從追問 我的心）

完