七月十四日 -- 想太多

1. 各種感想, 總是無法另開一篇去寫, 因此現在都總結在雜記中了。雜記好像慢慢變得不只記下發生過什麼事; 以後自己要回看有點麻煩呢。

2. 不得不提返, 上星期民仔居然pass左佢認為係呢一生最大滑鐵盧o既精算最後一試, 呢餐抵請啦~~ 哇卡卡卡卡卡卡卡卡......

6/7(一) -- 收工返企食飯。

3. 221918/222921

7/7(二) -- 大表弟生日快樂; 收工同哥哥去左探爺爺, 老左好多呢...感觸甚深; 之後同哥哥傾開偈, 又唔知食咩, 發神經係附近買左燒味飯係街上果d公園坐係度食; 之後返企。

8/7(三) -- 一早6點幾醒左訓唔返, 難得早起出去食早餐, 點知塞塞地車, 都係晏返少少, 蝕(仍然夠早食埋早餐)。收工返企食飯。

4. 最近聽歌好眼淺, 聽到好多歌都好想喊。

5. 本來都唔想多記同多提, 都記下: 變型金剛、合體、騎馬。 =.= =.= =.=

9/7(四) -- Catherine早收工我又係早少少, 於是一齊食個飯。去左"蘭苑饎館"食; 間野主打似係賣龜苓膏多, 有好多種類, 最貴成五舊水一盅都有。不過都有好多小菜食, d野都幾精緻, 難得係感覺上係無味精果種, 叫任何一碟小菜都一定包每位一個湯, 白飯好似任裝, 再加一碟油菜, 都OK呢(無食龜苓膏)~ 食完返企。

10/7(五) -- 收工同Maychan打波, 打10點, =.= 之前o既時間行發覺要咩住對鞋同球拍真係幾痛苦呢; 好耐好耐無打羽毛球, 本來都唔勁o既我, 無晒d球感仲衰, 雖然唔夠人得3個, 不過都打得好開心呢(到慢慢拿返個球感時, 都差唔多夠鐘了)~ 打完食個甜品返企, 成12點。

11/7(六) -- 唱左個K Lunch, 2個鐘, 未能盡興; 時晴時雨, 時熱時濕, 超煩; 之後去左join呀Mak佢地; 呀強係柴灣新居入伙, 成班大學舊同學+舊同事去佢家house warming, 之後十幾廿個人一齊去附近打邊爐, 好眼訓好累但係同Mak佢地一齊hea同吹水都好開心, 到10點島散, 一齊搭MTR走。

6. 星期六中午開始上唔到網。

7. 發現自己真係好鐘意唱K, 真係一大嗜好呢! (唔計睇書呢d日日都做到o既野之外), 以嗜好來講, 打籃球, 打羽毛球同唱K真係可以個個星期都做o既野來呢!

12/7(日) -- 一早打波, 好死熱, 好曬, 好累; 射波射極唔入, 反而唔係打開爆籃又打得唔錯...

8. 烈日當空, 又曬黑左d; 同事仲話我黑左好多, 真係有咩?

9. 不能欺騙自己的感覺和認知。得就得, 唔得就唔得。

10. 維他清心棧-冬蜜青檸, 幾好飲。

13/7(一) -- 好耐無去愛群食飯, d野食仍然都幾多。不過如果唔係貪個頭盤果類野同埋想坐下無人趕、睇下電視o既, 又想食扒o既, 呢個價錢都係去返金鳳或者飛鷹好d。多謝條繩。

11. 一早食完飯返企睇到少少新劇集, 見到條"蛟龍"...真係想死, 個腦只係諗到"膠龍"(其實都唔係道具, 係電腦特技整出來的。

12. 返屋企, 一氣之下, 又剪髮! 剪髮難道慢慢的成為左一種"習慣"? 還是想証明自己不再依賴...?

13. 成個星期都唔多夠訓; 之前係大梅沙無點訓, 之後成個星期都唔夠7點就醒...=.=

14. 來緊星期日開始HK版的星光大道了, 本來都有d期待; 不過見到d評判, 個熱情冷左一截, 再睇埋d評判懶專業仲要扮晒台灣星光大道o既感覺, 同埋參賽者又係扮晒野o既片段之後, 冷埋另一截; 不過, 有機會都會睇下。

15. 以歌論人; 聽人唱歌真係可以聽出好多野; 本來想長篇大論, 不過諗諗下自己又唔專業又主觀, 都係就此作罷。

16. 最近對好多野都心不在焉, 想得太多; 總是為所有因為我而不開心的人難過, 自己也快樂不起來。可能, 別人/自己難過的原因, 也因為我自私。

17. 曾經好友兼同事日安講過, 同我同team o既某partner好得閒; 當時都唔知講咩好, 山高皇帝遠+女性特權, 非同小可。難為老細仲不停將佢d野分比另一位partner度(包括一般routine野, 連revise offer果d都係), 平時除左case之外o既野就我同果個partner做, 佢就緊係愈來愈得閒啦...

18. 咩其就來返澳洲了, 搵佢食多次飯。

19. K癮暴起, 我要唱K! 總是被人demand的我, 做回自己吧! 我要你地陪我唱K! KTGMaychan貓貓Cass民SLaw仔Sharon日安Carol馬生花姐姐白田妹妹義盛咩其...etcetcetc~~~~~

20. 由於自己對於人生的滿足感來自"感受"(享受?), 因此對於工作的進取度就在於"能夠使自己和身邊的人以後足夠舒服的生活"就完; 其餘的, 都在於怎樣去感受每一刻的生活; 人生, 不是為了工作而存在。

21. 如果哥哥結婚, 家中各樣也會有激變吧?


完美的默契 -- 潘嘉麗; 聽得好有感受。

無MV無Live, 齋播歌Version
http://www.youtube.com/watch?v=bFMXIbHkuxY

歌手：潘嘉麗
作曲：王爺斯禹
填詞：小依
編曲：陳建騏

*我們總是心有靈犀　愛上同首歌曲
就連你裝開心的表情　也只有我懂你

只是多久沒有聽你　說要一起旅行
只剩心照不宣的默契　誰都不肯先喊停

也許我們　都太過聰明　不忍揭曉劇情
連說再見都有完美默契　不須言語
還記得那約定　說愛我的夏季
最初的我們　兩顆心都傻傻相信
你寂寞的眼裡　我安靜的抽離
到如今　億萬光年的距離
說好的我願意　說好的我愛你
最後的我們　是不是也覺得可惜
試著不再溫習　每一件小事情
只是淚豈止一萬顆流星*

repeat *

離開你　也因為完美默契

完