二月十三日 -- 再爆公司又爆

7/2(一) -- 收工返去買野，夜晚C煮。

1. 新年前未點清潔廚房，今晚抹左下。

8/2(二) -- WFH。接近中午一齊落去超市街市買野同買外賣返去食。夜晚C煮。

2. d菜真係差不多50蚊斤。

3. 呀B下午又話要同我訓覺。

9/2(三) --  Pen突發屋企工人疑似中招。我地同佢同一個bay嘅下午4點島收到指令即走同去麥花臣檢測。勁多人，好彩有Lin同Ally話得事，話第日先測，唔排住。之後順便去左信和行個圈再返企。夜晚C煮。

4. 夜晚Pen confirm negative，所以我地第日都唔使去測。

10/2(四) -- WFH(本來都係); 全日無出過去，夜晚C煮。

11/2(五) -- 因為公司WFH消息混亂，一早返左公司，然後話我其實唔使返。走時順便拿d野去SSP比Edf再返去。買左餸同必需品返去。夜晚我煮d。

5. 今年NBA trade deadline總算有幾單可觀嘅交易，幾有趣。唔知呢幾隊會唔會有咩大改變呢?而Lakers果然係 -- 無得變應萬變。

6. 好耐無下廚，今晚麻麻地。

7. 來緊分AB team，switch群組全部同更，正。

12/2(六) -- 呀哥生日快樂; 中午買野過去天晉食。夜晚食埋飯返。

8. 最近可能因為新年果期打亂左訓覺時間同埋因為腰痛，所以訓得好差。今日勁攰，但係又無機會恰，到5點幾開始頭都赤...結果夜晚食完飯佢地仲未完時就入房咪左一下。

13/2(日) -- 1點幾落去超市買d野返上企，再落去四飯上天晉食。夜晚食埋返去。

完

二月六日 -- 農曆新年

31/1(一) -- 10點半我地一家同呀媽呀嫂2個小朋友去超市再行海邊，之後上天晉。我下午返一返屋企執野晾衫，之後拿埋盤菜去天晉，夜晚食團年飯。

1. 今日收到生日快樂嘅各種msg竟然仲多過正日。

1/2(二) -- 大年初一，中午過天晉食野，之後我自己去坑口做檢測，大約一個鐘島完(排左大部份時間)。之後返屋企執下野，再過天晉，夜晚食飯。

2. 之前提過IT狗聞到陣除。雖然係喜劇但又好現實，雖然應該唔會係bad end但又似乎唔會係happy end。

2/2(三) -- 朝早起身11點幾出門去天后meet呀馬一家，之後上C娘家食晏。下午係佢度hea到夜晚食埋飯，B大舅父車我地返去。

3. 又一年無得打初三赤口賀歲波...好想打波呀...

3/2(四) -- 連續9日無返工(公司)最後一日。係企hea到6點幾，拎嘢過去九座再過天晉食飯。

4. 夜晚同中同zoom傾計，開心。雖然晏咗沖涼。

4/2(五) -- 年初四開工大吉。收工返去同阿哥拿外賣，2家一齊係我度食。

5. IT狗終於大結局，雖然大結局無前面咁高潮，不過都無爛尾。呢套劇實在好多位都好有意思。

5/2(六) -- 11點幾我地一家同呀媽去左行下海邊，之後買野同午飯上天晉食。夜晚食埋飯返。

6/2(日) -- 11點幾同呀哥一家同呀媽落去附近踩單車，之後買野上天晉食。夜晚食埋飯返。

完

一月三十日 -- 生日

24/1(一) -- 喪強生日快樂! 收工返去買堆野返企。夜晚C煮。夜晚自己剪左髮。

1. 竟然記錯日子。

25/1(二) -- 收工返企夜晚C煮。快食完陪呀媽收樓，之後睇跌打。

26/1(三) -- WFH; 夜晚去天晉放低野再去拿外賣返企食。

2. 拍拖周年。(唔係記錯呢個日子)

2. 之前清潔左廁所, 今日抹左屋。

3. 夜晚公司突然通知有site office有人中招，上星期有落過去嘅人都要WFH。於是我明天就WFH，然後就開始放假到新年後了。

27/1(四) -- WFH; 快食飯再陪呀媽收樓，之後趁仲有時間去睇左跌打。

4. 收爐。

28/1(五) -- 開始放假。中午C呀媽來，夜晚佢地一家都來，食團年飯。

5. 雖然星期一wfh，不過都照請左2日假，連埋7日fulfill左今年個block leave。

6. 叫左個貴盤菜，不過唔係特別好食。個松葉蟹就好食。

29/1(六) -- 唔記得左做過乜。夜晚去天晉食飯。

30/1(日) -- 生日。接近中午開始頭痛，C同B落去同呀哥一家玩，我係屋企攤。3點島先食野，6點零食左成藥，之後過天晉食飯。夜晚開始無咁頭痛，可能食左藥。

完

一月二十三日 -- 攰

17/1(一) -- 花姐姐生日快樂。WFH。連續4日無返office，好似放左個假咁。中午一齊落左下街去B學校拿野再買野食返企食。下午休息下夜晚我落街買野食返來。

1. 是日B第一次無啦啦自己話要同我訓覺(午睡)。

18/1(二) -- Jenny生日快樂。收工返企夜晚C煮。

19/1(三) -- WFH。中午買野上天晉食，下午係屋企，買定左燒味夜晚煲飯食。

20/1(四) -- 收工返企夜晚C煮。

21/1(五) -- 唔知醒好彩唔係遲好多。收工返企夜晚C煮。

2. 之前果晚都唔夜訓，又原來無較鬧鐘。

3. 雖然夜晚而家本來都係無得出去食，不過呢排開始唔約人一排先。

22/1(六) -- 朝早出郵局拿掛號，之後佢CLS返企，我照去寶林拿蘿蔔糕，之後返企。下午去天晉，夜晚食埋飯返。

4. 一早都知完全無理過我嘅需要同感受，總之佢只搞掂佢2個嘅嘢。

5. 頭先望到鏡，個黑眼圈好得人驚，但呢排都早訓，應該真係訓得好差。

23/1(日) -- 朝早一家同阿媽阿嫂去寶林shopping，之後買埋lunch返天晉食。下午hea，自己返咗企執下嘢一轉。夜晚食埋飯返。

6. Tomny單嘢真係好驚訝。

完

一月十六日 -- 失銀包

10/1(一) -- 收工返企夜晚C煮。

1. K湯復出，感動。

11/1(二) -- Whole day training。收工去In's Point行個圈再返企，夜晚C煮。

12/1(三) -- 早收工去SSP買新年裝飾，走果時發現袋鍊甩左銀包唔見左，咁啱今日撳左好多錢...最後當然搵唔到，Jackie陪我去報左失，cut左卡，之後返企。夜晚C煮少少野食。

2. IT狗暫時不過不失，都OK嘅。

3. 果然係預想中，好多野講，但並無安慰。詳情唔想講唔想再提了。

13/1(四) -- 收工返企夜晚C煮。

4. 收工約左Amanda係地鐵站比月曆佢。

14/1(五) -- WFH。早上起身hea陣落街買野同拿身份証(我拿唔到)，之後買野返企食。食完抖下沖涼我訓左陣。到6點幾起身，再落去拿身份証，買埋晚飯返企。

5. 隔左2晚，幾乎都無大感覺。雖然錢係肉痛，但感覺傷痕係對件事多過對錢。

15/1(六) -- 朝早起身hea到中午，買野上天晉食。下午hea到夜晚食埋飯返企。

16/1(日) -- 中午呀哥一家買埋野上來食，之後呀媽都上來。玩board game同唱K，夜晚過天晉食飯。

6. 呀馬好有有心打來問我生日要唔要銀包，多謝

完

一月九日 -- 再爆

3/1(一) -- 收工返企夜晚C煮。

4/1(二) -- 收工返企夜晚C煮。

5/1(三) -- 收工返企夜晚C煮。

1. 又爆發，星期五晚開始又無堂食。

6/1(四) -- 收工返去買外賣。

2. 連續4日未天光/天啱啱光醒，攰到痴線。

3. B報名嘅K班塵埃落定。

7/1(五) -- 收工返去買外賣。

3. 公司響應政府話攪WFH，結果係(我地team)每人一星期WFH一日，真係WFH來把鬼。其實咁對於防疫有乜意義? 我寧願返工都唔稀罕WFH啦。

8/1(六) -- 一早起身去TKOMTR拿野，陪Kathy等呀馬傾左半個鐘，之後買早餐返去。食完落去睇跌打(又等好耐先開門)。睇完買午餐上天晉食，夜晚食埋飯返。

4. 真係好痛，終於睇左跌打，睇完好好多，不過應該要再睇。

9/1(日) -- 朝早起身買早餐上天晉食，之後難得全家連呀爸都一齊落街，去超市同埋海邊行下。買野上天晉食晏。夜晚食埋飯走。

5. 又爆疫無波打無地方去本來要去Disneyey都無。不過返下爸媽度都好。

6. 好耐無狂砌模型，更耐無玩board game~~

完

一月二日 -- 元旦大長征

28/12(二) -- 收工返企夜晚C煮。

29/12(三) -- 收工返去睇跌打，夜晚C煮。

30/12(四) -- 下午清假。食飯打埋機返去，同C一齊去做身份證，之後去睇跌打。睇完陪阿媽買波鞋，之後媽返企我哋食埋飯先返企。

31/12(五) -- 3點收工返企沖涼抖一陣，夜晚過阿哥度同佢一家連Jason夫婦同Peggy姪女打邊爐。

1/1(六) -- 元旦。一早起身出觀塘轉巴士入豐連搵Queenie一家食飯，呀B上左巴士無耐就訓到落車，一個鐘車程無事渡過。上左Queenie屋企同佢樓下遊樂場玩，佢三個小朋友好耐無見佢地已經好大個了~~ 2點半島走。搭輕鐵去西鐵站走左巴士，之後要等一個鐘，係VCity hea行。4點上車入龍鼓灘大約4個字，終於去到Mandy家。果度環境好好。去左沙灘睇日落，夜晚係佢度BBQ，到8點半我地一家叫左Van走先，返企大約10個字車程都幾快，B都係訓左。

1. 同B入TM真係一大挑戰，好彩最終OK。

2/1(日) -- 9點半去九龍灣公園籃球場打波。好難得十幾人，有好多好耐無見。好耐無打波同打街場。中午島走，Tommy車我去地鐵站。返到去C同B直接出來meet食飯，食完返去大家休息(我做左d家務同沖涼)，訓左個零鐘7點半島(?)起身食d粉。

2. 今日難得覺得自己打得好(雖然腰痛)。防守唔太差竟然有block波有截波，籃板OK，射沒竟然幾好又有入攝走位又OK。最難得係有一場去到最後，係牛角位拿波，對方半放我射，果斷起手清脆入波贏波，感覺良好。

3. 又過完一年。希望下年好過上年。

完

十二月二十七日 -- 聖誕

20/12(一) -- 一起身超唔掂，請咗病假。10點鬆d落去睇跌打，等到差不多1點先到我。睇完去join阿嫂阿C食飯，去咗將軍澳新開嘅湊湊，食到好貴，又食到好晏。返企沖完涼之後7點島ConnieLoLoPenny買埋嘢食上來開party，9點半島散。

1. 連日嘅王先生其實好厭好厭。其實諗到好多可能性但都係算吧啦。

2. 本來睇完跌打下午想抖下...

3. 香港一年最遲嘅一號風球。

21/12(二) -- 冬至早收3點。返去睇跌打再過天晉食飯。

22/12(三) -- 出site收工返企夜晚C煮。

4. 太攰11點訓左。腰keep住有d痛訓得唔好，仲發夢第二日要考試，仲要係考數學...

23/12(四) -- 收工返企夜晚C煮粉。攰到食完野即訓左個幾鐘，好彩早恰又早醒，夜晚都訓到。

24/12(五) -- 3點收工返企he一陣，等B起身過阿哥度，同哥一家Jason夫婦party。

5. 聖誕老人出場果下小朋友陷入瘋狂尖叫狀態。

25/12(六) -- 中午去坑口食嘢，之後meet edf一家同Eudora買聰嫂同拿蛋糕返去。Rita遲dd上來。夜晚買外賣。

6. Edf B尿整到我張床。

26/12(日) -- Tracy一家臨時放飛機。一早起身去QB射下波，唔知係因為好耐無打定凍定咩原因，完完全全射得好差，射極都無手感。同PierreNorman一齊行返北角散，返去之後落街食飯，食完返企沖涼訓左差不多成個下午(B扭左好耐好耐先訓)。夜晚6點幾7點Penny帶HaileyB來(佢買埋外賣上來)，一齊食玩唱K到9點半10點島走。

27/12(一) -- 中午去坑口食燒肉，之後去遊樂場玩一陣上天晉。夜晚食埋飯走。

7. 幾日呀B都好曳好扭，o趙佢大脾佢痛都係喊2野only，攪唔掂。

8. 呀B第一年有意識過聖誕，應該都好開心。

完

十二月十九日 -- 第一次迪迪尼

13/12(一) -- 收工返企夜晚C煮。買咗蛋糕同B慶祝下佢2歲半生日。

14/12(二) -- 臨時決定下午拿假。去咗SSP行同買聖誕禮物。之後返企放低d嘢同等B醒，夜晚去街食用埋公司派嘅卷。

15/12(三) -- 收工返企夜晚C煮。夜晚太攰9點幾訓著左。

16/12(四) -- 下午放假，同Kenneth一家去西九野餐。坐到差不多6點走。之後一齊去奧海城食埋飯先散。

1. B太晏返企又攰到喊。Lunch wv J。

17/12(五) -- 收工返去，夜晚同C娘家係將軍澳食放題做冬。

18/12(六) -- 中午買野上九座食，之後B唔肯訓，最終都係返企比佢訓。7點島再同哥一家一齊去雍明食飯。

19/12(日) -- 一早起身8點半出門去迪士尼，7點半島走。返來TKO先買外賣返企食。

2.  聽 Raymond講果然啱。一早10點開門就入去，唔使點排就玩得晒呀B可以玩嘅。之後就排隊睇show。呀B都唔算好驚果d黑掹掹嘅show同遊戲。

3. 今日cheap到盡之旅: 公司平飛+搭車唔使錢+華御結10蚊飯糰4個+買二送一蛋糕+之前餐廳食飯送嘅支裝飲品。 

4. 一夠歲數做選民之後，今次係第一次無去投票。

來緊:

20/12(一) -- ConnieLoLoPenny飯@home

21/12(二) -- 屋企做節飯

24/12(五) -- 聖誕party@哥home

25/12(六) -- EdfRita三家三B 聚

26/12(日) -- Tracy一家Penny人約黃昏後

1/1(六) -- 中午Queenie飯@TM之後入龍鼓灘老友s Gathering

完

十二月十二日 -- 唔高興/心情極差

6/12(一) -- 收工返企夜晚C煮。

7/12(二) -- 收C同B下午去咗MOKO玩遊樂場。收工meet佢哋等Natalie食飯，竟然遇到Lolo同Connie，即時約埋一齊食。食完8點半島散。

1。好好哋問前老細嘢，佢似乎有d起鋼。Anyway我都係客氣tone同佢email來回，我點都唔會有事。記得之前係公司試過有嘢唔高興，都係因為呢條友而起。

8/12(三) -- 放假一日。朝早hea咗陣，中午同阿媽去將軍澳醫院檢查。佢一早入咗去我唔陪得，於是出咗官塘買嘢，再去咗街市食飯。返一返屋企擺低d嘢去個廁所，4點零再過醫院。媽4點8搞掂要抖一個鐘，大約6點出到來，陪佢返屋企之後，meetC同B係附近食飯。

2。阿B報嘅K班全收。

9/12(四) -- 收工返企夜晚C煮。

10/12(五) -- 收工返企等B起身再落街食飯。

11/12(六) -- 中午同呀媽一齊去附近食飯，之後上天晉hea。B訓到6點半島。食埋飯返企。

12/12(日) -- 又係唔夠人所以無打波。起身之後食完野就準備出去，到天后meet呀馬一家，食d野再過CWB搭van入赤柱正灘。玩到4點幾走，出返Times食晚飯，再行左一行工展會後散。

3。呢幾日又唔知點解極其鬱悶。好彩今日見下朋友出下去之後，感覺好少少。

4。屋企人之間似乎又有問題(老問題)。雖然做唔到d乜又嚴格來講唔係好關我事，但其實都影響我心情。大家簡簡單單開開心心唔好咩...

5。Jack新婚快樂。可惜join唔到佢婚禮。

完

十二月五日 -- 見朋友Bs

29/11(一) -- 收工去CWB交收再返企夜晚C煮。

1. 之前一晚好攰，10點幾訓著左。今朝一早發惡夢醒。夢到唔知有d咩人定軍隊要捉我參軍, 又唔知好似一係要射死我一係就呀B，之後我又驚變左要射呀B。轉個頭之後趁唔為意叫呀B走, 呀B又真係自己走左，見佢傻傻地咁唔知點但都走得唔見人。跟住我又好怕佢咁細個走就又唔知點，想搵返B, 係街度狂走狂喊叫佢名又搵佢唔到。超崩潰。

30/11(二) -- 收工返企夜晚C煮。

1/12(三) -- 提早收工睇跌打，夜晚C煮。

2. 好耐無睇跌打，一直都冤咗好耐，呢幾日好似嚴重咗，的起心肝睇，啪完lock完感覺好好多。

3. 又10點幾就攰到訓咗。

2/12(四) -- 下午放假去荃灣同源食飯，之後行下同陪佢做新身份證，再落SSP行睇玩具同買聖誕嘢。行完返將軍澳，夜晚C煮，同埋慶祝源生日。佢9點半走。

4. 今日照鏡發現自己多左白頭髮。

5. 同老友2條友食飯行下吹下水感覺實在太好，好輕鬆relax。

3/12(五) -- 收工去寶林食野，再行去坑口睇下野，再行返屋企。

4/12(六) -- 朝早起身食完早餐太攰又訓左一陣。下午約左Kenneth一家去香港公園同動植物公園。6點島散，返天晉食飯。

6. 咁啱個扶手電梯壞左，左轉右轉先上到去。

5/12(日) -- 唔夠人所以無打波。早上係企，中午出去食，跟住Meet Trista一家去觀塘海濱玩。5點島走，一齊返TKO，去海天晉打邊爐後散。

6. 呀B連續2日同朋友仔玩。

完

十一月二十八日 -- 準備聖誕

22/11(一) -- 收工返企夜晚C煮。

23/11(二) -- 下午C同B來左MOKO新開遊樂場玩。我收工落去搵佢地，玩一陣去打邊爐後返企。

24/11(三) -- 收工返企夜晚C煮。

1. 有人出到聲話如果唔買花將個budget放落吊咀度會好d。其實就算唔買花，個吊咀都係買果個，只係見好少買花所以買來開心下，唔存在個budget可以去果度嘅選項。雖然補左句佢都係好開心，不過呢...

25/11(四) -- 收工返企夜晚C煮。

2. 買左d聖誕裝飾，攪下屋企同個位。

26/11(五) -- 收工去油塘同CB食好耐無食嘅日本野，行左下同玩左下冒險樂園後走。遇到呀B細舅公，返到TKO又見到表姨姨丈同表妹。

3. 諗住順便去個許留山點知已經無開了。

4. 多左幾舊。

5. 同同事夾左12月24日lunch聖誕party同埋交換禮物。

27/11(六) -- 早上終於的起心肝貼左電視後面幅牆紙，痴埋聖誕裝飾。中午出去同呀媽食左野之後買埋餸上天晉，大家各自休息左陣，差不多6點B起身落去遊戲室玩一陣再去買野，返天晉食完後返企。

28/11(日) -- 維園8-10，今日無呀馬無Derek，雖然有Tommy但感覺都好似無左d好dominant嘅球員，打起來同平時感覺好唔同。又係同之前一樣，我變左內線球員。打完波返企沖個涼就落街食野，之後去呀馬屋企。係佢企hea下吹下水呀B們玩下夜晚去Times食Pizza後散。

6. 好攰好攰。

完

十一月二十一日 -- 買手機

17/11(三) -- 收工返企夜晚C煮。

18/11(四) -- 收工去SSP行一圈睇聖誕裝飾後返企，夜晚C煮。

19/11(五) -- 收工返去將中食牛扒，之後買左新手機。

1. 一向好怕換手機，因為要retrieve返晒所有野同account好煩。同埋總有一D野係拿唔返。好彩今次都應該基本上拿得返大部份要嘅野。

2. 有人好開心煩少一次送咩比我。

20/11(六) -- 朝早呀B whatsapp facetime面試，估唔到都算係表現得太脫線，算係咁。之後都係屋企hea，我到差不多中午太攰訓著左，起身時B食緊野，食完野C同B又訓，結果B竟然一訓訓左3個鐘。乜都無做又無去玩，到B起身就過去天晉食飯。

3. 夜晚砌模型，狂聽關淑怡。發覺真係認識得佢遲。以前講起佢d歌, 可能都係十首八首，但係佢好聽/正嘅歌，真係唔止十首八首! 聽返佢復出嘅演唱會，雖然已經唔年輕又唔係peak，但把聲同唱同表現仍然都唔差，好可惜佢而家咁樣呀~~

21/11(日) -- 8點維園。都係打到10點島走，上一上呀馬度拿d野再返企。沖個涼呀C執完野，出寶林食譚仔，再meet呀馬一家一齊去寶康公園遊樂場玩。到5點幾散，呀媽收工來寶林一齊行左一陣睇鞋，再返TKO，連埋呀哥一家去雍明食飯。

4. 是日打波，覺得自己反應好慢狀態都唔好，同埋好遺憾嬴唔到街外人果隊。自己打到唔知想點。

完

十一月十六日 -- 結婚紀念/七日連假/壞電話

8/11(一) -- 結婚周年紀念日; 下午放假，落左花墟買花，之後去左SSP行下，再返花墟拿花。拿住花去TST搵Crystal拿買左嘅吊咀，然後返TKO拿扎花去餐廳擺低，再返屋企。夜晚一齊去食飯。

1. 當店員捧住扎花出現時，C瞪大對眼個呆樣好攪笑。

9/11(二) -- 收工返企夜晚C煮。

2. 食左一半飯(其實都OK飽)太攰去恰左大半個鐘。

3. Clubhouse單野雖然我已經唔想理亦無點理但其實睇返都真係幾影響我情緒。明明唔係咩大事。真心唔想再同有關嘅野有咩牽涉到。

10/11(三) -- 放7日大假第一天。放學先臨時決定去Megabox。食Ikea，之後上去付費遊樂場玩。玩完行商場時，臨時約呀娟食飯。等娟收工之後一齊去左德福食飯。食完飯臨走仲遇到Jackie！真係撞都無咁啱。

11/11(四) -- 放假第二天。本來C想去愉景灣，後尾臨時都係改左去佐敦谷公園。放學返企換衫後去彩虹買左好多野食上去。天氣好好，玩到4點幾走。夜晚係屋企簡單整d野食。

12/11(五) -- 放假第三天。本來約左Natalie見面，佢中醫突然轉時間，所以見唔到。中午去左Parkside Foodcourt食野，因為佢好眼訓所以比片佢睇。結果一路到下午去左維園都無訓過。呀B追雀仔追得好開心。4點meet呀馬媽媽，同鳴鳴一齊去中央圖書館嘅Toy Library玩，玩完再一齊去維園入面嘅遊樂場玩一陣先散。呀B上BB車就訓左。買外賣行上C娘家食飯。9點半島走。

13/11(六) -- 呀C自己早上9點去幼稚園家長交流會。10點島帶B出門meet我媽一齊去接C，再去Popwalk 2食早餐。食完呀媽返企先。我地返企呀B訓到4點幾起身，落樓下同佢玩一陣呀媽再過來帶佢上天晉遊戲室玩，我同C去買夜晚打邊爐嘅野。夜晚係天晉打完邊爐9點幾走。

14/11(日) -- 8點維園打波。而家大部份打波嘅中同都住港島，所以反而去維園仲好。加上而家入左秋又唔熱，所以來緊應該都會keep住係維園打。打到大約10點走。沖完涼後C細佬來車我地出觀塘食燒肉，食完入西貢睇狗仔。我太攰係西貢恰左陣。到5點半島C細佬車返我地出將軍澳。上左呀哥屋企(我返企擺低D野同執D野先)meet齊人再一齊過尚德食飯。

4. 去場外執波線到，爭d一字馬之後轉姿勢單腳跪低。膝頭哥損左，好彩無dun親或者真係一字馬，臨急轉到姿

5. 今日呀B係西貢提Brownie，猛問佢係邊。我哋同佢話brownie去咗好遠嘅地方玩，去咗彩虹橋玩。佢仲話唔要佢去咁遠。跟住猛係間屋搵佢，話“唔見嘅？”其實我心好up眼都濕左。

15/11(一) -- 放假第六天。B放學返來換衫即出，去愉景灣。去到買d嘢食去沙灘坐，結果阿B係沙灘玩沙同遊樂場已經好開心，唔捨得走，所以無去教堂果邊了。夜晚食埋嘢先走。

5. 今朝終於的起心肝攪掂份minute。

6. 阿B keep住夜晚都會少少起返敏感，今晚勁dd。

16/11(二) -- 放假第七天最後一日，所以輕鬆少少。上午呀B返學時唱狙一陣K。中午佢返來又癲左陣，之後出門，我上天晉幫呀媽拿野，再一齊過北角meet呀媽飲茶。飲完茶我地自己去行左下街再上呀媽公司坐一下就走。去坑口食壽司郎(4點9島拿飛5點2島就坐低)，呀B全程訓左無份食，我地食完返企(途中跌壞電話)。我沖完涼先呀B食野，到佢沖時(未9點)我攰到訓左(大約12點起身整埋d野訓)。

7. 呀源都話個假好chur。

8. 諗住七日假完美作結，點知夜晚跌壞左個電話芒...睇來今次要換了...

9. 真係好攰好攰好攰。

完

十一月七日 -- 面試/風癩

1/11(一) -- 收工返企夜晚C煮。

2/11(二) -- 收工返企夜晚C煮。

1. Lunch同一班同事同Ida食飯。咁耐無見做左2女之母但都仲係有d細路女feel。 

2. 攰到10點幾訓著左。

3. 最近連好想打波唱K砌模型嘅心情都無(只係唔係“好想”唔係“唔想”)。

3/11(三) -- 收工去寶林食Jolibee行一下返企。

4/11(四) -- 收工返企沖涼後太攰訓左個鐘。夜晚C煮。

4. 感覺很鬱結。

5/11(五) -- 收工返去，同B落單車公園玩左陣，再去Savannah果邊食晚飯。食完行海邊兜去Donki行下先返企。

5. 出街食飯行下心情感覺好似好少少。

6/11(六) -- 本來B有3場面試，朝早果場因為算遠又唔係特別好就放棄左。中午去坑口食d野見第一間，再坐陣後見第二間。雖然我無份入去陪，不過聽返講都算係見得唔太差。見完上天晉，夜晚食埋飯後返企。

6. 半夜B出風癩，又紅又痕訓得唔好好可憐。

7. C買左個唱K機返屋企。歌好update畫面又清。可惜我太攰未有精神試。 

7/11(日) -- 8-10天晉，今日得4個人(加埋Sam個仔叫5個)，半打半練波。打完同B去睇醫生，睇完食飯B訓左，抱佢返屋企佢就醒。但我地2個勁攰，結果比媽媽係廳訓左，我捉左佢入房比佢睇片, 我都斷左片。夜晚我去買外賣返來食。

8. B夜晚又開始出風癩。

完

十月三十一日 -- Halloween

25/10(一) -- 收工返企夜晚C煮。

26/10(二) -- 屋企日頭無水。收工返去買外賣。

1. 是日公司lunchtime有活動整左日曆架。

27/10(三) -- CB下午去海洋公園，我出完site去寶林。食完飯行一陣再行返屋企。

2. 呀B由寶林跑下行下全程無坐BB車無抱過返到富康。

3. 今日7仔推出自護精品，係我猶疑好唔好買嘅時候(通常結果都係唔買嘅)，C幫我買咗。

4. 估唔到天晉單野又來料，不過唔關我事唔理了都理唔到了。

5. NBA開季後，暫時戰果都算預期內。好睇在於有好幾隊有新氣象感覺又唔錯，尤其東岸球隊。今年幾like公牛(砌起咗成team，而家唔止Lavine一個，又有我頗like嘅Ball哥)，紐約人都不錯(十卜Rose)，黃蜂上力(又有個Ball弟)，呢d新d嘅球隊起碼有嘢睇下唔會悶。仍然唔太喜歡網隊，76人比Ben哥搞到淪為鬧劇，Celtics唔太睇好，熱火同鷹隊都不錯。西岸來講，最希望K湯快d出返，另外有d想波波用全無明星嘅球隊以體制打到入playoff。

28/10(四) -- 收工返企。之後落街meet Penny，一齊買外賣上屋企食。C幫佢修頭髮。

29/10(五) -- 收工返企等B訓起身，再行去雍明果邊食飯。

6. Clubhouse單嘢繼續。我唔理了。

30/10(六) -- 起身同阿媽同番茄一齊出去食早餐，之後一齊行去坑口送番茄上跳舞堂。行返富康阿B去遊樂場玩，我同媽買餸，再等媽打流感針後一齊上天晉。夜晚食埋飯返。

7. 網上見到有人問無聊野，之後有個回答笑死我: 頭沾濕...無可避免... ...不如不要。

31/10(日) -- 8-10天晉; 返企沖個涼，呀B訓左覺，我又恰一陣; 1點幾先準備出去。先去北角，行左間精品舖，再搭叮叮過去太古(呀B第一次搭)。食左大戶屋同去買左d衫仔，再搭叮叮去西灣河，行去碼頭搭船過觀塘(呀B第一次搭)。落船B要抱之後瞬間訓著，抱住佢行出去搭地鐵返天晉。夜晚食飯後返企。

8. 是日打波又係得6個人打足，好攰。覺得自己都算打得係咁，最後真係太攰就當然好唔掂了。

9. 打完波再出去行再係咁抱B行真心好攰，頂唔住。

完

十月二十四日 -- 尖東館s

18/10(一) -- 收工返企夜晚C煮。

1. 星期五同今日夾埋，三個未攪掂嘅客無啦啦順攤accept? 希望順利。

19/10(二) -- 收工返企夜晚C煮。

2. 是日又郊遊東涌。

3. 無啦啦回想同面對返以前嘅經歷。

4. 收工撞正地鐵故障。好彩火車轉地鐵時等5分鐘，雖然勁多人但咁啱前面係男人又孭住袋，厚住面皮逼埋入去上到車。之後車就無每站停好耐，正常咁去，只係好多人，所以唔係遲過平時好多返到去。

5. 挑戰咗午餐晚餐都唔食白飯(當然包埋麵果類全部無食)，真係唔覺餓wor。

20/10(三) -- B下午去咗海洋公園。我收工去坑口meet佢哋，食飯再買咗褲同外套先返企。

6. 今日lunch同下午同Rita慶生。

7. 聽到Connie家人情況，雖然sad但真係唔知可以同佢講咩...

8. NBA開鑼！

21/10(四) -- 之前FS補假一天。朝早真係太攰，起身B已出門返學，起身hea陣食完早餐後又太攰恰咗，無接B放學。中午開始落大雨，去Simplylife食飯，之後照出去太空館，好彩好細雨，都影到微笑菠蘿包。同B入太空館玩完4點半島走。去寶林行一陣，同Karmen交收同買外賣返企食。

9. 收到天晉warning letter，唔多高興。明天要打去問下。

22/10(五) -- 收工返企買外賣。

10. 搵咗天晉物管經理，事件暫時叫解決咗。

23/10(六) -- 10點出門約左ConnieMartinPenny係牛頭角cafe食brunch。中午島散左之後我地去左科學館(順便去左歷史博物館同Pixar展)。呀B雖然好多都唔知咩來不過都玩得開心。夜晚返去海天晉同哥一家食任食牛鍋。

11. 當其他方法都求唔到嘅時候，就唯有求神。

24/10(日) -- 8-10天晉，今日咁啱得6個人，打足好攰。返企沖完涼hea一陣過天晉，超攰，呀B訓左好耐，我都恰左。夜晚食埋飯返企。

12. 是日打波都係受腰痛影響，射波個身體balance好差。Overall來講，由於勁同弱嘅人爭好遠，所以都係贏咪贏輸咪輸咯咁。

完

十月十七日 -- 再八號波

11/10(一) -- 收工返企虔晚C煮。

1. 今日因為公事入左東涌好入博覽館再入少少嘅位，搭車搭到傻。

12/10(二) -- 下午5點幾掛8號波; 出完site早d收工返企，買外賣。

13/10(三) -- 估唔到掛8號波全日唔使返工; 夜晚落左波落左去Beans食，食七去左迪卡龍行左陣先返企。

14/10(四) -- 公眾假期天氣好返好多; 早上同呀B落街去運動場同Donki，之後食野時佢已好眼訓。返企訓左陣，落左樓下玩一下，上呀哥度同Jason夫婦say個hi，我地3個自己去左單車公園遊樂場玩。好多人玩左一陣就轉左去尚德對面公園玩。玩完去左桃小品食飯後上一上天晉食哈密瓜再返企。

2. 去運動場呀B號下停下自己跑左2圈(800米)，好犀利。

15/10(五) -- 收工返企夜晚C煮。

3. 是日去左SSP行左圈買左玩具比小朋友，自己都交收左一堆BB戰士，開心嘅。

16/10(六) -- 一早起身同呀媽去食早餐同行下海邊。之後陪呀媽買餸行下先返企。沖個涼呀B就醒左，一齊過天晉。夜晚食埋飯走。

4. 發夢好勞氣話呀B，平時又係咁。起身果下覺得好攰。xDD

17/10(日) -- 8-10天晉，再同Jack朋友打波。打完返企沖個涼，等到1點出門去坑口同呀哥一家食飯，再meet埋Jason夫婦一齊入去銀綫灣同小朋友們玩下沙踢下水，5點半島走，出返Popwalk 2食炸雞後散。

5. 是日天晉clubhouse又捉得好嚴，真係好煩。

6. 同後生仔打波仲要3對3真心攰。不過今日最後一場個matchup，我狂爆對方最細粒果個入好多分贏，真係好耐無試過。

7. Jason佢地入左康城地鐵無限loop，結果係公園等左佢地大半個鐘。原來真係會咁易中招的~~

8. 是日打完波無點抖就再上山下海又抱B，超級極攰。夜晚食完飯小腿同腰已硬崩崩。夜晚B都好攰好早訓，我做完要做嘅家務未執返工野未熄燈10點零就訓著左，訓到第朝。放假仲攰過返工。

完

十月十日 -- 八號波

4/10(一) -- 收工返企夜晚C煮。

1. 記夜晚11點幾FB Whatsapp IG死晒。

5/10(二) -- 收工返企夜晚C煮。

6/10(三) -- 收工去坑口，CB去完海洋公園，來meet埋一齊食壽司郎，行返去時去咗一下運動場。

7/10(四) -- 收工返企夜晚C煮。

8/10(五) -- 收工返去買外賣返企。

9/10(六) -- 原本要做belated survey OT，點知全日八號風球。早上係企hea，中午買飯上天晉食。下午B訓咗我又訓。夜晚食埋飯返企。

10/10(日) -- 8-10天晉，呀Jack叫左佢同事&Co.來，點知佢自己唔知醒無來 xDD; 中午上天晉，夜晚食埋飯返。

2. 是日Jack嘅朋友都係後生仔，都打得唔錯但就未算好好波。我地勁果幾個老鬼完全羸晒佢地(梗係唔係我啦)。今日可能因為腰痛，射波感覺好差，好似唔係好用到力咁。好彩d中距離齋靠手感都入到，仲入左球三分。

十月三日 -- Belated Survey之唱K!

27/9(一) -- 全日做belated survey，攰到痴線。夜晚8點幾就訓著，1點幾醒先執野。

28/9(二) -- 收工返企夜晚C煮。

1. B返學曳嘢又創新猶。係廁所拉晒d廁紙出來，比老師話仲好傷心咁喊。明明係佢自己做錯事...

29/9(三) -- 收工返去夜晚C煮。

30/9(四) -- 全日belated survey，好熱好焗痴立立。不過咁啱就到時間地點，唱到個K lunch！收工返mk，meet CBEdfRita一齊搭的去荃灣，參加EdfB百日宴。9點幾走，差不多11點返到企。

2. 同JessieAngelEudora唱K; Jessie就唱過知一向OK，Angel估唔到唔錯，Eudora都OK。N耐無唱，真心唔掂，唔夠氣高音上唔到把聲又唔得，不過有得唱K真係好開心!

1/10(五) -- 公眾假期。9點幾起身，朝早同B係企玩，食完飯又訓。5點幾先起身，同佢落樓下玩一陣，再上哥度，2家一齊去雍明果邊食嘢。食完去行下Donki先返企。

2/10(六) -- 一早起身，9點幾同CB去官塘海濱公園。玩下跑下又係噴水池玩到濕晒，到11點幾走。去食晏中途B訓咗，但一放低又醒。食完去行下裕民square同市集，行完搭巴士返去，B係車訓著，一訓就訓到6點幾。我哋返企後沖涼休息，到6點幾過天晉食飯。

3/10(日) -- 0800-0945維園，約左一班中同打波(馬昇BenHermanNormanPierre)。好彩打果時無雨仲出太陽，要走果時先開始落。打完返企沖個涼，同媽CB一齊去寶康公園遊樂場玩，之後join呀哥同姪仔一齊去寶林食飯。食完返天晉，B訓著。我都斷斷續續訓左2個鐘。夜晚食埋飯返。

3. 同呀B出去玩真夠運動量，又跑又追又流汗又抱，超攰。不過佢開心又可以放電，都好嘅。

完