一月十六日 -- 雜記

9/1(一) -- 收工去尚德同樓下買送同糧食生果, 之後返企C煮。

1. 是日好累。

10/1(二) -- 出site早收工, 竟然係地鐵遇到呀媽; 即興想睇戲所以買左夜晚戲飛; 返企後出返去同呀馬練波, 不過幾乎都係鬥波, 打得唔錯, 打開全場打返半場3打3真係易好多, 而且唔係同d當打廿幾歲, 而係同中學生或健壯叔叔打, 輕鬆好多; 之後返企沖個涼, 出返去同C食吐司工房, 之後睇左Why Him? 幾好睇。

2. Why him? -- 以前非常外父系列編劇再來, 加上當年男主做監制, 但係笑料係update版同埋2個人性格係唔同, 所以笑料係唔同撞法。幾乎都係由頭笑到尾, 係個結局收得有d草草, 總的來講係睇得好開心ge~ 另外, James Franco堅係型仔好charming~

11/1(三) -- 收工返天晉食飯。

12/1(四) -- 公司春茗, 9點半散。

13/1(五) -- 出MK site, 早d收工, 行左信和同In's Point, 之後同Ansel去左SSP同佢行玩具街睇假Lego, 之後行埋福利返企(係MK同SSP都敗了家, 不過好耐無行過了~~)。懶煮懶落街買左飯盒返去食。

3. 夜晚上網睇左半套"億萬貓星人", 有人睇到訓著左, 所以無睇晒了。真係差差地。

14/1(六) -- 全日係企hea, 悶到爆; 下午上網睇左套"賞金獵人", 都係輕輕鬆鬆sell下靚仔靚女, 普普通通咁。夜晚過左坑口食桃園, 之後行下商場先返企。

15/1(日) -- 天晉9-11; 之後同C去左坑水食lunch, 買左個暖風機返企, 再落Jusco同街市買糧油同"食送", 夜晚佢煮。

4. 夜晚上網睇返好耐之前睇過嘅"School of Rock", 仍然覺得好正。不過真係唔係個個like。

來緊:
18/1(三) -- URFS K
22/1(日) -- 團年飯

完

一月八日 -- Passengers

3/1(二) -- 收工懶得煮, 去左北角係功夫點心。

1. 是日當事人親身消息: 呀囡終於都XXOOYYKK啦~~~ 好事多磨, 但係實在磨得太耐了~~~ 我已經聽夠你話fnd姐、無野ge、我覺得唔係咯...etc; 雖然無話一定會到最後, 但起碼都面對過去、嘗試走出傷痛、行出左第一步, 恭喜呀~~~

4/1(三) -- 收工返天晉食飯。

2. 今日繼續係人地trip緊的時候稍稍跟進, 似乎暫時問題不大丫~~

3. 假期同之後呢幾日翻睇返幽遊白書, 同埋順便睇一次買返來但無睇過ge完全版; 有彩頁好正, 不過d翻譯好似怪怪地, 有d意思同舊版直頭唔同(而有d我知ge好明顯係舊版先o岩), 好想睇日文版確認下真正意思呢~~ btw, 情意結又好, 咩都好, 真係好好睇~~~

5/1(四) -- 收工返TKO懶煮飯去左食將中foodcourt。

6/1(五) -- 出WC早收工接埋C返佢娘家食飯; 佢細佬車我地返去。

7/1(六) -- 中午同ConnieLoLo食意粉, 之後食寶林join埋呀珊行山, 行左小夏威夷瀑布, 幾易行又幾靚喎; 之後係井欄樹搭返巴士出鑽石山散; 夜晚返TKO同Edith同佢男友食放題。

8/1(日) -- 8-10中山, 以我自己能力範圍內算打得唔錯, 不過呀馬同佢地某d人打已打到好無癮, 可能佢以後都唔join了; 下午去奧海城睇公司贊助戲Passengers; 夜晚係foodcourt食埋飯返企。

4. Passengers -- 之前睇左影評, 知道唔係科幻災難片, 而係太空科幻愛情片。劇情想講係果個情況下男主角同女主角佢地心理想法、變化, 所以就算有唔合理位(例如點會無預有意外、點會無spare冬眠裝置、點會得一張醫療床etc), 都無損佢想表達的意思。初段半個鐘男主獨腳戲, 交代成件事+營造佢孤獨+佢想整醒人掙扎, 其實時間已經好多, 不過感覺個掙扎鋪排同描述得唔夠入肉(當然如果大家腦補能力強係應該感受到的); 之後女主醒左講佢地相處同愛情, 成件事就好自然, 去得好順, 加上2個係型男索女, 無得輸; 後段開始有危機同佢地去解救、要犧牲等等, 雖然大路但都緊凑, 結局無大驚喜但總算完滿, 成個起承轉合做得好好。場境來講雖然一直係架船度, 但都幾豐富, 尤其係失重力泳池果幕, 做得好正; 辛苦d演員幾乎齋係佈景做戲了~~交戲來講其實男女主都好努力交戲, 但諗返其實佢地靚樣都幾乎夠殺 xDD Bartender大叔Michael Sheen老戲骨, 都係一大亮點。總的來講係好睇呢~~

來緊:
12/1(四) -- 公司春茗
18/1(三) -- URFS K?
完

2016回顧

今次好少野寫, 主要唔係無大事發生, 亦都唔係懶搵返個blog之前d野來睇, 而係覺得2016過得舒服, 最值得講就係呢一份安逸。

好感恩 -- 當然亦唔係希望因為咁而令到以後變得唔好啦 -- 呢一年身邊親人朋友似乎都過得好唔錯; 爸爸媽媽哥嫂呀B都健康, 呀C屋企人都係; 而朋友們基本上都無好大唔好事發生, 就算有野之後都係recover返, 所以今年真係好感恩。

自己來講, 今年身體狀態尚算唔錯, 工作都習慣到, 而最緊要係所以幾自由舒適咁生活(我知自己屋企狀況真係比好多人幸福好多), 雖然無以前咁密, 但係都keep住見下朋友; 可以唱下K(少左好多); 砌模型(完成多左); 打波(keep住做運動); 唔多煩惱野。

雖然知道無野係可以永遠, 而且以後一定會有好多改變, 會有唔好野發生, 但係未來就係未知, 未知就有挑戰亦都先會有趣, 最希望係以後身邊親友同埋自己可以健健康康開開心心簡簡單單咁生活就好了。

完

欣宜現象

其實想講一個現象好耐, 不過都要講少少欣宜先。

首先要利申, 遠係我未用FB仲係打好多blog時, 欣宜已經係眾矢之的, 咩死亡之吻、扮白雪公主果d比人鬧到暈, 果時我係blog度曾經表達過幾欣賞佢, 好記得係佢仲細未出道時有次跟佢呀媽係大show表演又唱又跳, 覺得佢雖然唔靚又肥, 但係表演得幾放, 又有自信, 幾好的。之後佢出來唱歌, 把聲都算唔錯; 所以雖然當時好多人都唔like佢, 反而我覺得佢OK。

時至今日, 近年愈來愈多人like佢, 仲有好多好支持佢, 話佢好OK。
Sorry, 我唔係為反而反, 但係我真係覺得麻麻地。

首先, 我已經講過好多次, 做一個藝人, "聲色藝"起碼都要有2樣野係OK。明顯地, 佢係唔靚亦唔索, 呢樣野係好主觀, 但係我相信你問大部份人佢靚唔靚, 你話普世價值都好咩都好, 佢係唔靚咯。藝, 佢近年主打都唱歌, 拍戲拍劇演技來講經驗唔多, 當年同事三分親都已經見佢係麻麻地, 但佢唔係主攻呢方面, 算啦。跳舞來講近年唔係好覺佢跳, "你瘦夠了嗎?"雖然MV有跳但甚少見live, 姑且當佢OK啦。而佢身為一個歌手最重要?"聲", sorry, 我覺得佢只係消費緊佢以前?"OK"而已, 無進步, 只要聽一聽live就知。佢把聲唔厚, 即係無練基本功; 佢唱d音出來唔穩, 都係無練好基本功。作為一個職業歌手, 又係果句, 唔係同朋友唱K唔係玩, 你出來搵錢架, 連唱都未達標咁叫OK?

佢有歌好聽(say好多人鐘意?"女神")係佢公司同作曲填詞人比好野佢, 同佢唱得好唔好並唔係好直接關係。我亦都唔理佢有無消費佢呀媽同佢d叔祖兄弟?關係, 每個人上位都有佢理由, 有人關照都係一個長處, 無問題。最大問題係, 佢真係未夠班。同佢同期或後輩(唔好用前輩屈佢啦), 是但JW或Gin Lee都唱得好過佢, 講埋林二汶果d就更加無得比。

再次聲明, 我唔係佢hater, 因為香港歌壇有好多好唔掂?歌手, 我只係覺得佢唔值得而家?稱讚姐。
好, 講完欣宜。以下先係重點。(又來, 有幾多人會睇到呢度? xDD)

**********

唔只係歌壇, 而家娛樂圈、網上紅人甚至政治人物, 我最唔鍾意就係sell"態度"ONLY。有態度無問題, 但可唔可以唔"只係sell態度"?
欣宜為例。好多人讚佢好努力好勤力, 同埋佢好有態度, 唔介意自己肥, 唔理普世審美標準。Well, 我都好appreciate佢呢幾樣野, but咁唔代表佢係一個唱得好?歌手喎?? 歌手唔係應該基本係唱得好咩?大家可以覺得佢好努力係個圈度打滾, 好努力比人見到佢努力, 佢好有自己style好有態度, 但係唱歌? NO。

係現實世界, 你出到來係唔夠能力就係唔夠能力。好似我咁打波明明無技術體能下降意識又唔好, 但係我每一次都好勤力, 我嘗試去做好d, 每次有力唔痛時都比盡可以?力, 快攻唔夠人快都會跑前, 回防追唔到都會追, 自問係場內最勤力果幾個, 但係無意思架喎, 球技不足就係不足, 所以就算無沒到手/輸波/比人話做得唔好我都無得話我好勤力就無野喎? 現實世界都係咁, 唔係勤力就大晒, 一定要有能力, 無論係實力又好擦鞋又好, 要上世一定要有某d實力?。

勤力係一種"態度", 仲有好多其他"態度"。
(唔想講太多政治了。)
呢個世界偏偏就愈來愈多人愈來愈睇唔到重點。只要擺出來?感度/取態係正確(或政治正確)或者合乎好多人心態, 就係o岩, 之後就算做好多唔o岩?野都會大把人支持。或者明明無能力, 不過擺出來有noise有say有態度就盲目被支持。咁真係做到野果d人又點呢? 係咪呢個世界就緊要就係"公關"、識做"廣告"呢? 而家眼見唔單止係人, 連食店甚至係賣其他野咩店都好, 最緊要係"知名度", "有格調", 質素係點? 無人care。只要出名, 就大把人跟住去買、上FB呃like。Well...

一口氣打左一堆字, 無心機再打落去同check了, 就咁。

完

一月二日 -- 新年

28/12(三) -- 收工返天晉食飯。

29/12(四) -- AL一天; 中午同馬食飯之後練下射波; 下午係企hea一陣, 夜晚同白田同事係西營盤食飯。

30/12(五) -- 收工同Grace臨時決定去SSP行同掃街, 最後食埋綠林後返企。

31/12(六) -- 上午係企hea, 下午出左Megabox行下同買野, 之後返企; 夜晚C煮飯食; 之後係企都無特別倒數安靜渡過了~~

1/1(日) -- TKL8-10, 雖然覺得打得唔算差, 但係好似贏波輸波都唔關我事咁; 之後返企沖涼食d野, 太累恰左下; 下午同C出摩士泳池(見有event)但太多人排放棄左(之後先知原來哥嫂佢地都差不多時間去左仲排左個幾鐘), 行下摩士公園之後行到去新浦崗, 搭車去KT行左公廠倉買左生蠔, 過左APM一田食左刺身飯後返企。

2/1(一) -- 上午係企hea過, C中午約左人係TST食lunch, 我下午meet Ex-URA同事們一齊, 先去左天晉clubhouse比小朋友玩, 之後係企外賣+煮d野食, 最後交換埋禮物散。

來緊:

完

十二月二十七日 -- Xmas

21/12(三) -- 冬至早收工, 帶晒野本來諗住返去同呀馬練下波, 點知落雨; 返企沖個涼昏迷左; 夜晚返天晉做冬。

22/12(四) -- 收工返TKO食飯, 米線陣。

23/12(五) -- 收工同CAnselFawnia去左太子食蘭苑, 之後散, 去油塘睇禮物但無, 返企。

24/12(六) -- TKL8-10, 好難得家昇都來一齊打; 下午ad-hoc約左gathering, ConnieLoLoNatShan來食飯, 我同C煮; 晏d Jessie都來join, 12點幾散。

1. 第一次係屋企試開蠔, OK喎, 之前學左無白費 xDDD

25/12(日) -- 中午出門, 3點每年例牌小欖BBQ。8點散。

26/12(一) -- TKL8-11, 打三個鐘好累; 中午同馬夫婦係寶林食飯, 之後去荃灣同八婆一家進2人源係政府體育館活動室同埋PingPong室玩; 玩完上佢地家, 開始覺得唔舒服, hea到夜晚食埋飯走。臨走係佢家嘔左。

2. 好辛苦返到屋企, 成個人無力又發冷, 沖完涼訓。

27/12(二) -- 起身好返d, 但係都係全身無力, 攤左係企大半日, 5點島EdfRita同Edf男友上來, 一齊睇左秒速五厘米, 之後去食米線再過坑口食聰嫂後散。

來緊:
29/12(四) -- AL一天; 白田
30/12(五) -- Grace
2/1(一) -- Ex-URA Party

完

十二月二十日 -- 學友concert

12/12(一) -- 收工去坑口堂食爭鮮之後C買野; 買左2件cake返去比Connie (原來唔好食)。

13/12(二) -- 收工返TKO食大家樂後返企; 一來累同唔太舒服二來屋苑停完水廢事用剛開返d水煮。

14/12(三) -- 收工返TKO, 去左Jusco同759本來諗住買野同食飯, 結果買左一大堆垃圾食物返去; 夜晚係企煮堆無謂野食。

15/12(四) -- 出site早收工返去同呀馬射左陣波; 夜晚返天晉食飯。

16/12(五) -- FS OT 9點3島收工。

17/12(六) -- FS OT 竟然可以6點收工; 返TKO同C食自家烏冬, 唔係好舒服; 返企沖個涼睇左致命復活大結局。

1. 是日仙桃島之戰打得幾盡興, 好耐無打孖寶賽車啦~~~

18/12(日) -- 8-10 TKO, 今日射得幾準; 打完波同佢地食埋野返企; 下午係企休息下, 之後出去黃埔行下食飯後睇學友concert。

2. Concert實在太正了, 無咩好講; 除左學友唱得好正, 個舞台、燈光、服裝、跳舞各方面都無渣流灘, 好正, 尤其係果個燈光; d歌好多都有再編過曲, 都大部份都不失原味, 好聽繼續好聽, 最有驚喜係"這麼近那麼遠", 一向麻麻呢首歌, 但今次最驚艷係呢首, 好正。最尾一段medley唱返好多經典歌, 好多首都想有full version呀~~~ 另外, 今次有齋結他伴奏的"她來聽我的演唱會", 太正了~~ 可惜呢段係連埋kiss cam, 現場氣氛熱烈同首歌唔係好夾, 好想靜靜地聽呢首呀~~~

19/12(一) -- 清假一天; 中午同馬練波, 之後自己係寶林食個tea行下買d野後返企; 夜晚本來民仔返HK約左中同食飯, 佢臨時有時要cancel; 我地中同照食飯, 去家昇clubhouse gathering。

20/12(二) -- 清假一天; 中午出門去Q企, 6點島走, 係觀塘間興興食飯後返企(貿素好似差左)。

來緊:
21/12(三) -- 返企做冬
25/12(日) -- BBQ
26/12(一) -- 八婆家

完

十二月十一日 -- 雜記

5/12(一) -- 出site早收工, 返去買完送整完野, 約左馬出去射下波; 點知去到變左鬥波, 對住三個學生哥, 腳步真係跟唔上, 不過總算打teamwork同技術老油條波, 打左幾場只係輸左一場, 打完好~~~~累。夜晚返去煮飯食。

1. 今日用蘇聯佬的技術又提升一級!

6/12(二) -- 收工同C去左西營盤再食果間第二街餐廳, 真係好抵食~~

7/12(三) -- 出site早收工返去買定野食之後同馬出去射波, 又變左鬥波; 贏左頭2場之後來左班後生, 夾開又ok打得唔錯, 我地2個再加一個後生一個阿伯, 默契不足輸一分...可惜。夜晚返企食飯。

8/12(四) -- 收工返天晉食飯。

9/12(五) -- 收工返娘家食飯。

2. 我都唔明, 又普天同慶又重光咁。一個人唔連任, 但係仲有個集團係背後話事、有班智障高官局長坐係上面、有堆十九議員係度阻住晒、有一大揪愚民係度攪事; 你話你唔鍾意果個人佢衰左你開心都合理講得通普天同慶, 但係重光? 個政局會因為一個人唔連任而改變?唔好咁天真咁硬膠啦。

10/12(六) -- Parkside 10-12; 幾個人練下波。Lunch同NormanAlexC食飯; 之後返企老豆同呀哥上來幫手整電制同拆走個乾衣機; 佢地走左之後清潔左下, 太累太眼訓訓左; 到夜晚先醒, 同哥嫂去左Popwalk間媚南食飯, 之後返企。

11/12(日) -- 中山紀念公園9-11; 之後返企食d野就休息; 夜晚出左坑口食飯同買左按摩椅墊。

3. 呢個世界尤其HK已經比商家洗腦到d人好物質; 食野買野明明有平d質素OK都係會令人去比貴多好多去買靚d, 將好多"想要"ge野變左"需要", 到最後就係不停地榨乾你, 尤尤其係呢個返工已經榨乾左你再比少少錢你ge世界, 再榨乾埋你果少少錢; 其實錢唔係多, 又要生活仲想買樓, 係咪應該諗下自己究竟比得起咩錢去享受幾多野? 咩野係"需要", 咩野係比得起ge"想要", 咩係比唔起ge"想要, 係咪應該考慮清楚呢?

來緊:
16-17/12 -- FS OT
18/12(日) -- 學友concert
19/12(一) -- 清假一天; 本來民仔返HK約左中同食飯, 佢臨時有時要cancel; 照同中同食飯。
20/12(二) -- 清假一天; 去Q企?
21/12(三) -- 返企做冬
25/12(日) -- BBQ
26/12(一) -- 八婆家

完

十二月四日 -- 有節目

29/11(二) -- 出site返企煮飯食。

30/11(三) -- 收工去左寶林, 食飯後返企。

1. 之前一晚一過返去訓即時中招, 今日喉嚨痛+頭赤; 過左中招唔過又詐形, 比你過唔過? 梗係寧願病都好過煩啦; 已經無數次係要中招先証明我係o岩, 唔知幾時要我死先証明我係o岩呢?

1/12(四) -- 真係病倒了...病假一天; 中午夾硬落樓去睇醫生, 見個天氣好好, 買埋送返企再約馬出去射波, 出身汗做下運動, 都負荷到9不過激烈少少就唔得), 返企沖個涼整定晒夜晚煮飯d野同洗衫之後就訓訓訓到夜晚起身煮飯食飯。

2/12(五) -- 收工臨時約到呀源食生日飯(CSanny小暈Edf), 去左天機棧食。

3/12(六) -- 青山open day(因C仲病緊cancel); 早上同CConnieLoLo睇早場怪獸與牠們的產地, 之後分散食野返企抖; 夜晚上衛屋企Gathering(CConnieLoLoAmandaYeeMandyWaiCarol)。

2. 一向對JK羅琳d野無特別喜好, 不過當係爆谷片睇下奇幻野同電腦特技都唔錯; 故事劇情實在無咩特別, 明顯地受歡迎的話可長拍長有; 男主角唔知點解做極d角色都係有少少自閉傾向feel; 女主角演技同樣貌身材好唔起眼無咩特別; 個肥叔好出好搶戲; Johnny Depp雖然出左一下不過幾surprise~~

3. 玖瓏山果然係貴野, 係幾靚; 不過好唔方便呢~

4/12(日) -- 8-10士美菲路體育館, 又去一新場; 之後返企食野抖一陣, 下午去大圍名城Katy家坐下, 夜晚同埋AngelJanet去左新翠村食韓國野後返企。

4. 今個星期變左沙田睇樓團?

來緊:
18/12(日) -- 學友concert
19/12(一) -- 清假一天
25/12(日) -- BBQ
26/12(一) -- 八婆

完

病。假?

唔係睇低自己, 雖然個個民族都有好有唔好文化, 但有樣野香港人/中國人真係好攪笑, 就係老細會壓榨手下壓到盡, 而手下永遠奴性極重, 由得人壓榨, 而將好多唔合理野合理化。

有太多可以講, 不過今次想講病假。

好多公司都有比員工病假。病左, 請病假, 本來係一種福利、一種權利。不過人類總係重複錯誤, 的確有好多人濫用福利, 成日去睇個醫生拿個醫生紙射波, 每個月都休多日。之但係跟住有好多老細又似乎presume左有人請病假就係射波, 有人請病假都好似當佢賊咁, 好似請個病假都拿左你塊皮/條毛咁。

最低能係果d中間管理層。手下請假, 好多時有d公司又唔係忙又唔係影響進度d病假又唔係你但係佢地就好似d奴才咁, 要管管管, 荒死驚上面d老細會點點點, 然後自己去諗好多野去"做好d""或者"避免"。以下都係我親身聽到/真係有發生過, 包括有老細話星期一/五請假就一定係因為可以連埋星期六日, 所以就一定係偷懶, 所以盡量唔好請星期一/五; 又有人話廢事老細以為係偷懶, 所以病都要返一返工, 比老細見到自己真係病, 然後先請病假...etc etc

好老實講, 係咪on 9架?!(原諒我粗俗d)
我見到呢d情況, 雖然無當面講出口, 但係我心入面真係好認真、好嚴重、好確切地覺得果d奴才係on 9的。
如果真係病, 我理得係星期一定五定幾啦, 真係病返唔到工就係返唔到架啦。仲話要返一返工先再請病假? 有咩意思?都病左啦, 咁辛苦(最辛苦就係搭車返放工果d時間)返到來仲要請病假? 病左唔係要休息咩? 仲要返一返公司再走, 有咩意思? 講真病左連落樓下睇醫生都覺得辛苦, 仲要返公司? 係咪痴L線?

不過HK人就係咁, 明明有d野係應得, 但係就要縱埋d on 9老細, 老細就更加理所當然覺得咁做係應該, 其實都係因為你地on 9縱d老細咋。唔係想講政治, 不過好多野好多事做成, 其實係因為縱出來, 但係個個只係背後不滿/做鍵盤戰士, 從來都唔敢團結行出來。講真, 團結真係力量, 如果全部員工都真係係病果時拿病假, 唔會亂射波, 個個都病左就唔理星期一定幾照請, 老細可以點?? 我唔明, 真係唔明。

Any肥, 反正我從來就係唔理呢d野果d人, 一向都少請病假, 真係有病咪請咯, 理得係星期幾, 理得你點諗我。

完

十一月二十八日 -- 病病病

21/11(一) -- 收工去佛光街體育館同公司同事打波; 之前係何文田廣場食d野, 走果時原來諗住行去土瓜灣, 行左少少見到何文田站, 於是搭左MTR。落左好多條梯, 其實個月台根本唔似係何文田咯...

1. 是日好累, 連打2日真係好累~~

22/11(二) -- OT北角Briefing到8點幾。

2. 是日loyeah同m都發癲, on99的。

23/11(三) -- 收工返TKO食飯。我地一家全部人同呀姨姨丈一齊食, 慶呀姨生日。

3. 天氣終於真係涼了~~

24/11(四) -- 下午開始有d唔舒服, 出site早少少收工; 返企沖個累即時昏迷到9點半島, 起身食d野又再攤...

25/11(五) -- 收工去娘家食飯, 之後佢大細佬車我地返來。

26/11(六) -- 一早醒左係企hea; 下午本來想入西貢睇清哥隻狗同埋同Edf食晚飯, cancel。係樓下茶記食左野。

4. 最近第二次悶到訓左, 訓醒有想嘔o既感覺。

5. SFIV竟然可以用蘇聯佬打最難唔使continue爆機~~

27/11(日) -- Book唔到場, 無打波 :( ; 下午都係企hea...; 夜晚煮飯食。

28/11(一) -- 清假一天; 中午去CityU同Edf一齊同Rita影畢業相。之後5點島散, 買送返企煮飯。

來緊:
3/12(六) -- 青山open day(因C仲病緊cancel); 夜晚上衛屋企Gathering(未知去唔去)。
18/12(日) -- 學友concert
19/12(一) -- 清假一天
25/12(日) -- BBQ
26/12(一) -- 八婆

完

十一月二十日 -- 你的名字

14/11(一) -- 白田飯cancel; 收工買野返企食。

1. 廚房隔氣漏水, 雖然麻煩, 但係無架生無膠紙情況之下要整好難; 煩煩煩之下夾硬白手整左佢, 好累好臭好辛苦...

15/11(二) -- 收工去WC等C收工, 之後係果度食埋野先返企。夜晚Penny來左TKO睇戲, 佢睇完搵左我同Connie食甜品。

2. C終於好返少少。

3. 樂糖d野幾貴又唔係好好食。

16/11(三) -- 收工返企整d野食。

4. 好surprise小翠突然話後年結婚了~~~恭喜呀~~~

17/11(四) -- Tracy home dinner cancel; 收工返企。

18/11(五) -- 收工臨時約左Nat, 同C一齊係油塘食日本野; C終於好d可以食普通野啦~~~

19/11(六) -- 早上同ConnieLoLoC一齊睇左新海誠"你的名字", 之後一齊食埋晏; 下午係企抖, 師傅來整左個浴屏; 夜晚出MK He She Eat食Esther同Dorothy生日飯(EstherSamC娟MandyThomasDorothy)。

20/11(日) -- Parkside 9-11, 呢排都好累, 一落場都已經好累, 不過都算打得係咁; 之後同C食埋野買埋送返企抖, 夜晚佢煮飯食。

來緊:
21/11(一) -- 公司波
22/11(二) -- OT
28/11(一) -- 清假一天; Rita畢業
3/12(六) -- 青山open day;
18/12(日) -- 學友concert
19/12(一) -- 清假一天
25/12(日) -- BBQ

完

十一月十三日 -- 病人

7/11(一) -- 出site早收返企煮野食。

8/11(二) -- 結婚一週年, 請假一天; 由於C都係唔多舒服, 所以都無去本來想去的地方同野食; 早上起身食個早餐之後睇左奇異博士早場, 佢累所以返企抖一陣, 下午出去啟德公園hea左陣, 再過返九龍灣, 係德寶食左野返企。

1. Dr. Strange -- Standard Marvel片, 劇情無驚喜, 娛樂性十足, 電腦特技好勁; 好彩無睇3D, 2D都睇到有少少wing wing地了; 最後竟然係煩L死個大佬等佢自己退 xDD

9/11(三) -- 收工返TKO同C去試左間湯飯, 食完返企, C都係麻麻地, 早訓了。

10/11(四) -- 是日C又唔舒服睇醫生再返工又早退了; 收工返企煮d野食。

2. 很疲累。

11/11(五) -- 出site早少少收工; 返去TKO夜晚買野食算。

12/11(六) -- 原本今日公司活動, 有免費飛去海馬公園; C仍然唔舒服, 本來佢想照去, 不過狀態真係麻麻, 結果無去; 全日在家休息。

3. 好耐無試過係屋企悶到訓著左 xD

13/11(日) -- 中山紀念公園8-10, 今次無咩人來打; 呢排好累, 打波時都覺得好累走唔郁咁; 下午後係屋企hea, 小雲飯取消。夜晚同C出去近近地TKO中心行一圈同食飯, 之後都係返企, 佢仍然都係唔舒服。

來緊:
14/11(一) -- 白田(應該cancel)
17/11(四) -- Tracy home
19/11(六) -- Esther BDay Dinner
28/11(一) -- 清假一天; Rita畢業
18/12(日) -- 學友concert
19/12(一) -- 清假一天

完

十一月六日 -- 病

31/10(一) -- 收工去左坑口, 買左壽司返去同C食。C是日唔太舒服, 本來之前話去呀哥度, 無過去了。

1/11(二) -- 收工去MK同Edf食Rita生日飯; 個蒸氣鍋食海鮮價錢好貴, 捨唔捨得食一回事, 主要係唔抵; 果個價錢自己買個份量可以倍計...食完8點幾島就走, 返企。

1. C收工話發燒, 自己返去睇醫生食藥訓。

2. 公司d野好L煩。

3. 是晚訓細房, 硬床超正呀~~ 同埋超唔想咁早訓咯~~~

2/11(三) -- C SL; 收工返尚德買d野返來整鳥冬。

3/11(四) -- C返左工但仲唔係好舒服; 收工返尚德買d野返來整鳥冬。

4. 我覺得自己好叻呀, 竟然可以做得到公司份數仲整埋excel加set埋formula, 整左幾日, 超累; 幾日都唔係好舒服, 整埋果份野更累。

5. 突然醒起之前發過唔止一次, 但係scenerio唔同的怪夢, 真係好奇怪。

4/11(五) -- 收工去WC等C收工, 係修頓坐左個半鐘; 之後係WC食埋飯返企。

6. C好d但仍然好累, 所以都無四圍去同埋早訓。

7. 終於weekend, 呢個星期好累; 公司又累收工又累。

8. DL左電腦直打版街霸4, 好耐無打過, hea打下幾開心; 仍然可以用keyboard chok到轉圈 xD

5/11(六) -- C仍然唔舒服, 係企hea左一日。打街霸。夜晚煮野食。

6/11(日) -- Parkside 10-12; 之後同C係附近食飯, 去街市行左個圈佢又開始累, 於是都係返企抖; 夜晚煮飯食。

來緊:
8/11(二) -- 請假一天
12/11(六) -- 公司Ocean Park
13/11(日) -- 小雲飯
14/11(一) -- 白田
17/11(四) -- Tracy home
19/11(六) -- Esther BDay Dinner
4/12(日) -- Katy home
18/12(日) -- 學友concert

完

十月三十日 -- 雜記

24/10(一) -- 出site早收工; 返TKO交低d野比老豆, 之後同呀媽傾偈吹水陪佢買下送又上來我度到6點幾佢先返去; 夜晚本來想整d野食, 最後懶落左樓下食。

1. 同媽傾開, 再次好開心覺得父母實在太好; 同時又好傷感feel到佢地真係年紀大了...

2. C頂唔住, 話要辭職...最近已經好多壓力, 愈來愈多野煩...不過佢辛苦, 我都一定支持佢辭ge。

25/10(二) -- 收工返企煮飯, 無留意煮左太多, 於是臨時叫埋Sanny來一齊食, 結果留左2個人帶飯+3個人食都有剩。

3. C老細叫佢考慮一晚, 第日答覆。

26/10(三) -- 收工返去, 臨時約左Connie係Popcorn吹水到7點9佢返企食飯; C都差不多返到來, 去左食foodcourt。

4. NBA開鑼了~ 每日有返d野睇; 不過今年無往年咁熱衷, 我果代d球星都退得7788, 今年一次過無晒KobeDuncanGarnett添...

5. 雖然都係傾下偈, 但同好友傾偈感覺真係好好, 多謝。

27/10(四) -- 出site; 之後去CWB同AngelKTAuyee食飯; 好耐無見。

6. 出site近, 於是第一次行下果欄; 有好多生果想買呀~ 但因為夜晚約左人, 所以只買左少少。

7. Little Vegas -- 間野都算ok, 係cwb來講唔係好貴, 個雞翼好食。

28/10(五) -- 收工返C娘家食飯。

8. 結果睇下C老細幫唔幫到佢fight升職加薪再算, 好果佢拖/有d咩唔高興/升完想走...etc咪隨時照走咯~~

29/10(六) -- 中午去KLB金滿庭食飯(ConnieLoLoWaiCarolMandyShanAmanda包包), 之後入去麗晶探Yee & B + YeeWaiMandy生日; 3點半島散, 返去呀哥屋企hea, 試左個街機底版月光寶盒, 好OK喎; 夜晚同哥嫂Jason食左亞來之後散。

30/10(日) -- 因為book左場, 所以一早去左中山紀念公園拿場, 再即走去沙田同C同佢家族拜山; 飲埋茶之後喝車去西貢睇實惠開倉, 又買野; 之後跟車返企, 下午媽搵左佢fnd珍珠姨上來我家睇個浴屏報價; 5點過左呀哥度hea, 夜晚返天晉食飯。

來緊:
1/11(二) -- Rita生日飯
8/11(二) -- 請假一天
12/11(六) -- 公司Ocean Park
13/11(日) -- 小雲飯
18/12(日) -- 學友concert

完

十月二十三日 -- 雜記

17/10(一) -- 出site早收工返企hea等C收工落樓下吉野家打邊。

1. 來自喵喵星的你第一集未有驚喜。

18/10(二) -- 收工約左呀嫂幫佢拿d野同埋放我家, 之後同哥C去左樓下食飯; 食完上我家坐左陣, 之後想沖涼竟然發現個熱水爐壞左; 結果C好累唔想落街, 係企煲水沖涼, 我就過左呀哥度沖, 沖完同哥吹左陣水再返。

2. 是日大雨臨時要出site淋到濕晒; 試左網友們話好味的黑椒牛肉漢堡係幾好食。

19/10(三) -- 收工返企, 街市已收; 等到C收工返來落樓下食飯; 之後去哥度沖涼。

3. 是日黑雨, 好似好耐無試過(雖然唔影響返放工); 同埋好似第一次10月有黑雨。

20/10(四) -- 收工去公司開蠔班; 第一次自己開蠔, 好似都唔太難, 雖然慢少少; d蠔好食喎, 平時食buffet唔係好食, 最多1,2隻, 今次6隻食晒, 而且覺得幾好食添~~ 散左之後同EdfRita去食埋甜品先散。

4. 睇來星期五都會打風了, 所以今日好有happy Friday feel。

21/10(五) -- 打風放假一天。早上起身book場, 之後先醒起自己果日打唔到, on居了; 之後返訓; 下午係企hea, 夜晚過天晉食飯。

22/10(六) -- 早上起身hea一輪, 臨時約左ConnieLoLo一齊去寶林食上海野; 之後陪我地睇熱水爐(買埋了),又買左褸(褸魔今年買左褸了~~), 之後返TKO同珊食hi-tea; 之後散, Edf來我家打邊爐, Rita甩底; 11點島散。

23/10(日) -- Parkside 9-11, 覺得自己都算打得唔錯; 打完係果度沖埋涼, 上埋Norman間屋睇; 之後再出Jordon同鐵腳K(娟MayChanCass源進C), 之後同C源進MayChan去左食好時沙爹(今日先醒起May就來生日, 慶埋佢生)。

5. 難得覺得今日唱K狀態尚算唔錯(不過好快就有d沙沙地...)
6. 出左全日街, 累死了。

來緊:
27/10(四) -- Angel BDay飯
29/10(六) -- 探Yee B + Wai Mandy生日
30/10(日) -- C家拜山
8/11(二) -- 請假一天
18/12(日) -- 學友concert
完

十月十六日 -- 雜記

11/10(二) -- OT西灣河, 9點幾散。之前同Ansel食星加玻果間餐廳。

12/10(三) -- 收工去西環同Grace慶生; 間野接再厲第二街餐廳)Tracy介紹, 雖然無裝修又平, 但d野好食, 很OK; 之後好因為好早, 所以搭叮過北角, do張八達通再食埋糖水先走。

13/10(四) -- 收工返企, 街市已收, 結果去左茶記食飯。

1. 巨輪II: TVB劇好耐無試過出過一個徹底地又cheap又衰的壞人; 吳岱融要豁出去做呢個角色都唔易呀~

14/10(五) -- 出site早收工返企, 之後再出北角食大紅袍, 同Derek食生日飯(HermanRaymondTommyNormanPierre),
傾傾下到11點幾先散。

2. 個雞湯底好甜好味呀, d野都好食。

15/10(六) -- 中午臨時約左ConnieLoLoShan, 下午去Amanda新居; 食屋企食d野再出MK meet佢地入去石籬村, 都幾遠同隔涉; 係佢家食野打機唱K到7點島, 落葵涌廣場食野同行街, 10點島走。

3. 好彩有第d人一齊同埋都晏, 所以唔係行左好耐呀~

4. 好耐無打過好白機, 仲打魂斗羅(爆埋機)Double Gragon xD

16/10(日) -- book唔到場, 於是10點島到維園打波, 好耐無打過維園~~好曬好熱, 估唔到都仲可以non-stop打左個半鐘, 好熱呀~~ 下午係企抖, 夜晚去天晉食飯。

來緊:
20/10(四) -- 公司Oyster class
23/10(日) -- 鐵腳K
27/10(四) -- Angel BDay飯
29/10(六) -- 探Yee B + Wai Mandy生日
18/12(日) -- 學友concert
完

十月十日 -- 雙十重陽假

3/10(一) -- 臨收工約呀源一齊食飯, 佢放假; 收工返去買送煮飯食, 呀源10點島走。

1. 真係要開始減肥; 來緊目標係盡量停止甜野先。

2. Gundam鐵血Orphans第二季尋日第一集, 今日download到了~~

3. 今日lunch time公司好多人一齊同大姐食lunch, 祝福佢離職迎接新生活。

4/10(二) -- 出site早d收工, 去灣仔同埋C行去CWB食金西南米線後返企。

4. 而家d人好似只要政見/出發點o岩就可以其他野咩都唔使理, 粗俗語言/郁手郁腳都可以, 但我唔係好接受。人做事o岩唔o岩同埋佢個人有無質素唔exactly有關係。p.s.一個人直唔直, 同埋佢修養行為都無關係, 係分開2樣野來。

5/10(三) -- 收工同C去坑口行個圈, 買左爭鮮同貢茶返企食。

5. 今日係地鐵見到火雞姐真人; 青春少艾一個, 素顏樣同上網見的一樣, 算係咁~

6/10(四) -- OT西灣河。

6. 夜晚同Ansel食大壽司。

7/10(五) -- 出site早收工, 臨時約左EdfRita食飯; 行左下SSP同MK之後同CEdfRita食牛氣, 之後行左下旺中, 見到Edf bf, 之後散。

7. 出site竟然係MTR遇到bad-end人。

8/10(六) -- hea左大半日, 下午4-5同Lolo佢地打羽毛球, 之後係Beans提早食晚飯; 返一返企再過呀哥度hea到10點零走。

8. C又買左支唱K咪, 新version。

9. 比呀哥睇左下個耳, 入面好似有d發炎, 睇來要睇下醫生。

9/10(日) -- 坑口9-11; 返屋企再去沙田同娟Edf食飯, 再上娟屋企玩貓貓; 到6點Edf走先, 本來想食d野就返企, 點知咁o岩Esther打來, Sam買左車, 即興話入元朗食飯; 於是跟車入去食飯(食左間西餐, 平d野食普通), 之後再車入TM食甜品(唔錯); 走果時Sam想試車(5個人上斜)於是無啦啦上左大帽山, 兜到差不多12點出返鑽石山放低我地散。好累呢~~

10. 話說重陽真係登左高。

10/10(一) -- 係企hea到下午, 同日安Lolo去九展行下outlet(無野行), 之後再行Megabox, 係Ikea食埋野再行下之後搭shuttle到九龍灣搭地鐵返TKO; 本來想食糖水但嚐糖竟然無開, 所以散。

來緊:
11/10(二) -- OT西灣河
12/10(三) -- Grace
14/10(五) -- Derek生日飯
15/10(六) -- 鐵腳K
20/10(四) -- 公司Oyster class
29/10(六) -- 探Yee B + Wai Mandy生日
18/12(日) -- 學友concert
完

十月二日 -- Full Day Activities

26/9(一) -- 出site早收工返去睇跌打, 等左好耐; 夜晚係企食飯。

27/9(二) -- 出site早收工, 去左SSP同MK行, 之後落TST同CNat食飯, 10點島散。

28/9(三) -- AM放假(三天半), 感覺自由少少; 收工同同事(PamRonaldAnsel)同C去CWB Red MR唱K, 10點幾走。

1. Pam果然係唱開K, 唱得幾好; Ronald都幾得意; Ansel唱d歌都幾o岩我同埋我唱果d佢又會唱, 幾夾。

2. 好耐無去Red MR, 個環境係好d, 野食好d, 因為係人頭費計來叫野, 佢地飲酒又抵d; 雖然又少neway好多歌, 但又有一堆歌Neway係無的, 間唔時來唱下都幾好~

29/9(四) -- 出site早收工返去睇跌打, 原來隻左腳都有dd事; 之後返天晉食飯(呀姨姨丈來一星期)。

30/9(五) -- 覆診晏d返工; 收工去C娘家食飯。

3. 聽到公司好多核突野, 愈來愈覺得呢度唔多掂...

1/10(六) -- 國慶公眾假期一天, 蝕左。早上睇左Tim Burton套新戲, 幾好睇; lunch約左馬夫婦係Jusco間沾麵食飯, 之後行左下TKO同寶林, 買左六合彩; 返企剪頭髮沖涼抖陣之後過天晉食飯。

2/10(日) -- 寶林8-10, 無冷氣+少人non-stop打2個鐘, 隻腳痛痛地情況下都算交到貨...; 之後大本型飯團康樂日: 打完波出KTAPMNeway唱K(CPennyConnieLoLo), 之後返TKO, CPennyLoLo游水, Christine做Gym, 我同ConnieNat行下手作市集同買夜晚食飯野; 之後上Connie屋企hea(Connie準備野食), 集齊人之後就去Clubhouse BBQ, 到9點幾; 最後臨時加場去埋坑口聰嫂先散。

4. 最近來講身體狀態最差, 耳仍然有一邊塞塞地, 腰痛腳痛, 好累。不過雖然又早起又打波又wholeday event, 同一班好友hea就算好多野攪或無咩攪都好開心~~

來緊:
8/10(六) -- 大澳
15/10(六) -- 鐵腳K
20/10(四) -- 公司Oyster class
18/12(日) -- 學友concert
完

九月二十五日 -- 台北hea遊+迫降奇蹟

12/9(一) -- 收工去KT街市同LilyTango食泰國野, 好食又唔貴。

13/9(二) -- 無咩胃口, 返TKO hea買d野食返企食。

1. 嗚哇~~~~達成左一個人生成就~~~~
話說頭先為左保護同埋唔好嚇親愛妻, 自己一個係浴室、係無驚動老婆?情況下同我個天敵 -- 一隻大過手指公?巨強搏鬥左半個鐘, 最終我KO左人生第一隻大強!! 嗚哇好L核突兼恐怖呀~~~值得紀念一下D事後感想: (熟我?人一定知我係好L驚小強?)
1.1. 大強真係好L核突, 好L嘔心 XC==
1.2. 平時去旅行練開雙槍, 左手手機右手DC來影相, 所以今次戰鬥都係用雙武 -- 左手地拖右手花灑~
1.3. 平時都幾怕殺生, 就算係蟻呀蟲呀都好怕落手殺佢地果一刻, 覺得生命消失果一下好難頂, 所以通常趕走就算; 頭先係大強露出破綻之制, 我都猶豫左一下, 究竟係咪落手KO佢, 個感覺就似劍心為左要救BB而出刀斬呀張咁, 破左戒, 但最後原來係逆刃刀無殺到佢, 但其實心理上係咪應該已經破左戒都係破左呢? (即係等於精神出軌算唔算出軌一樣)
1.4. 完事後, 好?; 不過我唔食煙, 事後煙就免了。
1.5. 好明顯是日太大刺激, 已經唔知自己up緊乜, 係咁。

14/9(三) -- 收工去西環Cafe 2同Nat慶生; 傾下傾下唔覺已經10點半先走。同好朋友傾偈幾時都係咁開心同釋放壓力; 間野食都OK。

15/9(四) -- 早收工返企沖涼之後攤上床即時昏迷, 太累了; 之後起身夜晚去C婆婆屋企做節。

16/9(五) -- 公眾假期, 係企執旅行同準備旅行野; 夜晚返天晉做節。之後同媽哥嫂表妹番薯C一齊去海邊行個圈追月。

17-20/9 -- 台北hea遊

21/9(三) -- 放假休息一天。中午落左樓下食意粉, 而家多左d餐都幾抵; 之後行Jusco同買送, 夜晚煮飯食。

22/9(四) -- 收工返企累得很; C要OT, 本來唔想煮, 不過返去都係諗住買野, 點知係Jusco買到d野7788先發現有樣野賣晒, 整唔到; 放低晒轉去樓下街市, 點知收左; 諗住唔煮, 買左米返去, 諗諗下都係煮, 用左冰箱入面d凍肉。

23/9(五) -- 臨時約收工同EdfRita係TKO食飯, 順便比埋台灣野佢地; 去左Popwalk試左間新野, 麻麻地; 之後去坑口食埋聰嫂, 再返企佢地拿返d野散。

24/9(六) -- 早上睇左早場迫降奇蹟, 好睇; 中7食左米線返企hea, 夜晚出觀塘瑞和街市食泰菜同Mandy慶生(MandySam娟我C, Esther唔舒服)。

2. 迫降: 好睇。
2.1. Tom Hanks實在無得頂。
2.2. 今次Clint Eastwood拍得唔錯, 係事先知道結果情況下一樣睇得緊湊。
2.3. 對於我自己最大感觸, 係再次印證無論做得幾好, 一定會有haters, 有人質疑。
2.4. 竟然係睇戲時就認得出個副機長係Batman入面個Harvey Dent~~
2.5. 個真人機師實在太勁了~~~~

25/9(日) -- 石塘咀8-10, 今日打得幾好; 中午同ConnieLoLo食飯; 下午入西貢呀C打理佢D狗仔; 夜晚返天晉食飯。

3. 是日又早起, 中間又無訓無抖, 所以好累; 加上近排身體狀態唔係好好, 所以有少少辛苦。

4. 是日天大喜訊: 進進confirm下年9月30日結婚。

來緊:
27/9(二) -- Nat飯
28/9(三) -- URFSK
2/10(日) -- 大本型飯團康樂日及BBQ
20/10(四) -- 公司Oyster class
18/12(日) -- 學友concert
完