七月三十一日 -- 又傷

26/7(二) -- 收工同C上左TJ見一見姨丈呀姨, 之後去左將中米線, 無食一排水準好返少少; 之後返企睇電視。

27/7(三) -- 收工返TKO食香港地後行左下超市返企睇電視。

28/7(四) -- 收工同白田好友試西灣河班蘭, 好普通; 之後去埋明記食糖水後散, 返企睇電視。

1. 晚上真係好怒好唔開心, 我覺得我唔出聲躲係房已經係好好的了。

29/7(五) -- 早上大家終於完成左公司個無聊presentation; 夜晚(C日安盧撈Amanda衛珊)去左協奏坊西餐廳食buffet同Carol慶生。

30/7(六) -- 下午同C呀媽呀姨表妹去左CWB阿貓地攤食d野, 行左下CWB買衫, 之後去佢婆婆度hea食埋晚飯10點島走。

31/7(日) -- 8-11坑口, 打得唔錯時竟然踩到人腳拗柴, 超唔高興, 好彩好似唔係好嚴重; 下午本來臨時約EdfRita源來hea, Edf唔舒服佢2個無來, 又臨時Sanny來; 最終4人係樓下食個飯上返來一齊睇埋電視, 佢地10點半島走。

2. 星期六傍晚到星期日下午夾埋唔夠一日睇晒3本"診所低能奇觀"; 真人真事唔知有無誇張改篇定點呢? 不過改極都base on d真野, 估唔到有d真係好無常識好無理取鬧, 幾好睇同幾好笑。

3. 一屋老友記大結局了, 幾好睇; 估唔到陳瑩 xDD; 好難得TBB劇由頭到尾都無爛, 幾完滿; 男女主角感情線鋪足廿幾集, 好合理夠深厚, 係告白果下有d怪怪地姐。來緊又唔使睇電視了~~

來緊:
1/8(一) -- 返去一家同姨丈呀姨佢地食飯
2/8(二) -- 如果唔打風, OT
5/8(五) -- 可能OT
6/8(六) -- 詹家食飯
7/8(日) -- 天晉8-10
13/8(六) -- 小本型hi-tea; 夜晚番薯生日飯
18/8(四) -- C有約, me free
20/8-21/8 -- 長洲

完

七月二十五日 -- 書展

18/7(一) -- 出site早收工返企買送洗好整好d野, 之後出去同呀馬練左個幾鐘波。

1. 做左樣reversible ge野, 但係都比人鬧。

2. "唔好無問過攪我d野" -- refer to 雪櫃d野, 又要記住先。

19/7(二) -- 好累, 收工唔想買唔想煮所以去左坑口食米線, 本來想食聰嫂但無食就返企。

20/7(三) -- 臨時叫左去跑馬地送件, 5點幾先離開office, 好彩都唔係好晏收工; 收工去太古同Nat去左Mabelle同Aeon, 之後行去西灣河食大壽司, 9點島散, 返企睇電視。散時仲遇到Puzzle添~

21/7(四) -- 出site早收工返企沖涼抖下, 夜晚出觀塘同C源SannyAmy小雲呀豪DesmondWing食飯, 9點半島散。

22/7(五) -- 出site早收工係MK, 行左好耐無行的皆旺->波鞋街->信和->In's Point->兆萬, 之後上公司個整電話殼class; 上完堂後同EdfRita係附近"牛氣"食任食邊爐, 10點島散。

3. 無啦啦又任食, 連續三個星期五都係任食...

23/7(六) -- 本來想出去行下同搵好野食, 不過Esther佢地4人唱K唔夠人唱得耐(5人以上先可以1-8), 於是我地都係join佢地唱K; 中午出Jordon同娟EstherDorothyAda唱K。

24/7(日) -- 8-10柴灣, 有練過波係唔同d, 打得好過之前, 不過當然仲係有好多地方要改進啦...中午係企抹左一陣, 下午出TST睇公司平戲Finding Dory, 都唔錯啦, 但又未算係超好睇; 之後去C婆婆屋企樓下食飯, 佢加拿大呀姨返左來幾家人一齊食; 夜晚返企睇電視。

4. 仲加埋盧苑茵做奶奶, 套劇個人腳真係無敵呀~~~

25/7(一) -- 早上10點約左Q係灣仔檀島食個早餐, 之後行書展; 下午仲meet到Karmen見一下; 5點島係再興食個燒味, 之後等C收工一齊返企買爭鮮, 夜晚睇電視。

來緊:
29/7(五) -- Carol BDay buffet
13/8(六) -- 小本型hi-tea

完

七月十七日 -- 雜記

11/7(一) -- 收工去交收返模型之後返企食飯。

1. Duncan突然宣佈退休, 又一legend...

12/7(二) -- 西灣河OT約左8點; 之前同C食左恆河, 到8點再上樓, 9點幾收工, 跑+MTR竟然可以9點半返到企睇電視無miss~

2. 本來以為C要晏d收工, hea搭叮叮過去, 點知佢準時走, 於是係灣仔落車meet佢一齊MTR去西灣河 xD (仲見到修頓外面好多人, 後尾先知原來Durant來左)

3. 是晚OT見到3個八婆對戰 xDD

13/7(三) -- 出site早收行左下MK, 返企沖涼執好野, 夜晚出牛頭角同Grace食一心素食, d野食幾好食又唔貴, 性價比OK啦; 好早食完, 返企仲睇到電視。

14/7(四) -- 早上book左公司bi-annual body check, hea下 xD; 收工返企食飯。

15/7(五) -- 收工返企淋個浴再出KT同DerekPierreNormanFai食大滿屋。

16/7(六) -- 中午係樓下foodcourt食完野去葵芳行街, 之後再去SSP行街, 夜晚返坑口食瑞士, 之後打工商盃。當然係大後備出場少少時間啦~~ 今場我地贏波, 好野~~

4. 之前果晚發左個惡夢, 夢入面喊到癲。

17/7(日) -- 8-10坑口, 唔夠12個鐘又去返同一個場xD; 打得唔好, 而且好累, 其實我都知自己無論技術定係身體質素都係差過人好多, 咁唔通唔打咩...

5. 之前果晚訓唔好。

來緊:
21/7(四) -- Sanny飯
22/7(五) -- phonecase class
24/7(日) -- 公司movie
29/7(五) -- Carol BDay buffet
13/8(六) -- 小本型hi-tea

完

七月十日 -- 前度

4/7(一) -- 收工過SSP同Badend人行玩具舖再hea食d野散, 返到企岩岩睇得設電視。

1. 之前一晚頂唔住燈光同煲劇, 過左隔離訓; 估唔到唔開冷氣都訓到, 同埋硬床真係舒服好多~~ (雖然無冷氣係訓得差dd)

5/7(二) -- 同C係將廣食完飯返企睇電視。

6/7(三) -- 出site收工返去買送整定d野, 落去睇跌打, 呀C返企煮。

7/7(四) -- 收工同ConnieLoLoC去牛下新城食飯; 幾乎試晒個foodcourt d野; burger ok, 串燒OK, 魯水野ok, 酸辣粉OK, 野飲ok, 牛雜唔得; 食完吹左陣水逛左個圈散, 返企睇電視。

8/7(五) -- 出site收工返企沖個涼hea一陣再出灣仔接C收工上C娘家食飯。

9/7(六) -- 是日行程緊密; 早上睇早場Pet Pet當家, 之後返企抖一陣; 中午出Jordon同鐵腳們唱K, 呀進細佬都來埋(麻麻), 我同C6點半島早走; 夜晚求其係7仔買左d野食, 係演藝睇黃子華+陳法拉"前度"。

2. Pet Pet當家 -- 預期中輕輕鬆鬆個半鐘開開心心又一套ge戲, 睇完幾開心。

3. K -- 耐無唱, 好想唱; 到有得唱, 又唔知唱咩; 又無咩心機咁。結果都唱得唔多。

4. 前度 -- 總的來講, 幾好睇, 應該可以令人會諗好多野、探討好多野。
4.1 經由一件往事帶出左好多人心理想法、人同人之間ge關係、自己期望同人地期望ge唔同、唔同立場唔同睇法等等好人性ge問題, 又同時牽扯左好多社會問題: Fresh Grad、而家d人鍾意否定、banker世界、宗教、政治同官...等等社會問題; 不過我覺得其實內容係講"人"適合過講"社會", 有d位幾夾硬。
4.2 明顯地好多人無睇開話劇, 純粹為左黃子華入場。
4.3 唔明點解好多人係好多位9笑; 係, 有幾個位明顯地係笑位, 但有好多我覺得好認真ge位, d人都笑, 唔知笑咩春; 講句粗口都笑, 痴線架?
4.4 法拉好戲, 子華就用左佢個地痞feel來做。

10/7(日) -- 8-11TKL, 是日未開波已好累, 起動都覺得辛苦; 之後同C係米線陣食個早餐就返去買送沖涼抖一下; 黃昏去左行下尚德一行就行左2個幾鐘之後返企C煮飯食完睇電視。

5. 之前諗定今日打波時d走位、步法、視野結果都係出唔到 :( 好彩都有得著, 就係拿返少少以前手感, 記得起隻手係要點射, 第日練返應該會好d~~

來緊:
13/7(三) -- Grace
15/7(五) -- NormanFai生日飯
16/7(六) -- 工商盃
22/7(五) -- phonecase class
24/7(日) -- 公司movie
29/7(五) -- Carol BDay buffet
13/8(六) -- 小本型hi-tea

完

七月三日 -- 雜記

27/6(一) -- 收工返企煮飯食; 之後行左一下超市。

1. "一屋老友記" -- TBB一向拍喜劇/處境劇都唔錯，之前睇預告好似都ok，今日播第一集梗係望下：第一節睇劉江叔果段已經值回票價了~~（Bobby未有驚喜，不過成套supporting cast好唔錯）

28/6(二) -- 係西灣河OT到8點島, 好彩即刻有車, 去紅磡meet Penny去大酒店Tracy爸白事; 之後同Penny食d野返企。

2. 諗返起近年同以前唔同; 以前有活動攪或者有新野攪/學/玩, 會好開心興奮, 而家反而有d唔知點, 有興趣班、有比賽, 好似想快d到果日快d過左去咁; 少少諗通左之後, 上星期調節下心態, 可以輕鬆面對返, enjoy下學新野、去比賽。

29/6(三) -- 係葵芳收工返坑口買爭鮮同貢茶返企食同睇電視。

30/6(四) -- 收工返企換個衫再出TKL同C食一麵館後返企睇電視。

1/7(五) -- hea左半日, 下午同馬couples去太古城睇M記玩具展, 之後去埋葛量洪號, 行去西灣河, 睇左下電影資料館(無野睇), 再搭船去鯉魚門, 行左下, 再去油塘大本型食和平飯店; 食完行左下就返企睇電視。

3. 人年紀大左, 一定要接受好多野一直變緊, 無得返返轉頭, 同埋所以野唔同左, 唔可以諗變返以前咁, 一定要一直一直向前走, 接受改變。不論係政治、環境、健康、生活、工作...所有野都係。

2/7(六) -- 中午同C源Amy志寶係Hysan foodcourt食飯, 之後入赤柱, 再去淺水灣; 好多年無入過淺水灣, 完全唔同晒, 不過都係無咩好行; 5點幾散, 同C源出北角食功夫點心後散, 返企睇電視。

3/7(日) -- 9-12TKO, 累死了; 中午係企食, 沖個涼過呀哥度hea, 夜晚係TJ食飯。

4. "你幫你呀媽整野, 唔關我事", "間屋係你地o既, 唔關我事", 要記住先。

來緊:
4/7(一) -- Badend人
9/7(六) -- K; 黃子華
16/7(六) -- 工商盃
22/7(五) -- phonecase class
24/7(日) -- 公司movie
29/7(五) -- 可能Carol BDay buffet
13/8(六) -- 小本型hi-tea

完

六月二十六日 -- 雜記

20/6(一) -- 收工去葵興求其食左d爭鮮後同同事打波7-9, 連打2日好累呀。

1. 其實有form打下感覺舒服d, 起碼知自己要走去邊, 大家都有情況可應變; 平時打亂章波, 同d人夾唔到真係唔識打。

2. 真係估唔到, GSW竟然輸左; 唔係佢地big fans, 不過呢2隊係比較想佢champ, 可惜。

21/6(二) -- 收工同C係油塘係日本野後返企。

22/6(三) -- 同Ansel係MK洗樓OT到8點島。

23/6(四) -- 收工同CNatPenny係太古SimplyLife食飯, d野食都OK; 吹水吹得好開心。

3. 迷你倉火災單野, 估唔到幾日都未燒完, 更估唔到令2個消防員過身...好sad...

4. Nat張勁相真係好爆呀~~

24/6(五) -- 早d收工返企煮野食; 夜晚同返左娘家住幾日的LoLo日安食糖水。

5. 突然諗起以前係點射波, 來緊練返試返先!

25/6(六) -- 中午出KT join公司cooking class, 整egg roll可惜整衰左個公仔爛左 :( 之後EdfRita上我家, 一齊煮飯整野食睇電視, 10點半島散。

26/6(日) -- 柴灣8-10, 感覺上打得都唔錯; 返企沖個涼抖一陣, 去將中食野, 之後出SSP打工商盃; 係SSP行左下玩具, 比賽我只係出左幾分鐘(都唔知有無), 結果最後輸幾分, 其實有機會羸到的呢~ 打完返企後過TJ食飯。

來緊:
28/6(二) -- OT; 去Tracy爸白事
9/7(六) -- K; 黃子華
16/7(六) -- 工商盃
22/7(五) -- phonecase class
24/7(日) -- 公司movie
13/8(六) -- 小本型hi-tea

完

六月十九日 -- 熱

13/6(一) -- 收工返企食飯。

1. 隔左咁耐返工, 唔記得左開機密碼 xDD

14/6(二) -- Ben係丹麥來, 本來同佢同珊Carol食飯, 點知原來珊亂約, 所以無件事; 今次應該就唔到日子同Ben食了。收工去Jordon交收後返企食飯。

15/6(三) -- 收工返企食飯。

16/6(四) -- 收工返TKO, 去左大家樂食飯; 用晒之前d卷了~

17/6(五) -- 上午突然被叫去CSW幫手, 但去到得個等字; 最終都唔係做左好多野, 7點前就走; 好彩去到C娘家都唔遲, 係佢企食父親節飯。

18/6(六) -- 係企hea到3點島出門口去大尾督同C的同事BBQ。

2. BBQ個場幾好, d野食OK, 不過貴少少同隔涉d。

19/6(日) -- TKO10-12, 雖然無咩表現但其實覺得自己打得OK還好, 無咩錯失; 返企沖個涼落去食小王之後就入西貢幫手同d狗仔做清潔, 係天台曬到hihi; 5點幾等車出返來巴士van仔都full晒, 唯有佢細佬車返我地出來; 夜晚返TJ食飯, 簡單買左個蛋糕慶祝父親節。

來緊:
20/6(一) -- 同事打波
25/6(六) -- 公司cooking class
26/6(日) -- 工商盃
24/7(日) -- 公司movie

完

六月十二日 -- 韓遊

30/5(一) -- 出site早收工買送返企, 之後去睇跌打, C煮飯食。夜晚去左行百佳。

31/5(二) -- 收工返企食飯; 開始執gip同做旅行準備工夫s。

1. GSW真係由1-3反勝入Finals, 太可怕了。

1/6(三) -- 收工去坑口食完飯買埋野返企, final執野準備明天出發。

2/6-8/6 -- 首爾之旅

8/6(三) -- 因為封左一條跑道攪到delay左一個鐘; 巴士又係九龍東塞車, 掘到7點幾先返到企; 返TJ食飯。

2. 值得一記, 戰國妖狐堂堂完結, 從頭到尾都無爛, 亦無爛尾, 好睇。另外, 進擊的巨人新一話繼續衝擊性, 睇來真係去戲肉想完啦掛?

3. C返到來有d唔舒服。

9/6(四) -- 端午節公眾假期; 早上馬同擇茄來我家一齊睇NBA; 下午係企hea, 整好晒d相上FB; 夜晚同哥嫂Jason食新開果間美心香港地, 貴貴地野食算OK。

4. 食完晚飯返企時, 係樓下遇著有架私家車無啦啦車底爆火花, 啪啪啪一輪有舊野係車底著住火咁彈出來, 但架車好似無咩野繼續駛左入去...好彩舊野無整到人, 好近呀嫂~~

5. Hunter劇情超展開~~~

10/6(五) -- 之前自己拿多日假放埋呢日(C無放, 但唔舒服拿左SL), 即係返來繼續連放4日; 全日係企hea同訓, 夜晚自己煮d hea野食。

11/6(六) -- 早上家昇擇茄同皇帝上來一齊睇波; 中午Edf來埋一齊食lunch, hea到5點幾走; 夜晚同

6. GSW贏埋Game 4, 睇來都champ了~

12/6(日) -- TKL9-11; 好累; 同哥嫂Jason係foodcourt食lunch, 之後買埋送返企; 極累頭又赤, 下午沖左個涼hea左陣就訓左, 7點幾醒C煮完飯, 食埋hea到咁上下, 準備第日返工。

7. 是日打波下巴被兜巴昇了一野 xD

8. 放左個幾禮拜假, 唔知返返工點呢~

9. Hea時睇左UC0096(Unicorn), 係唔錯。

來緊:
14/6(二) -- Ben係丹麥來, 同佢同珊Carol食飯
18/6(六) -- BBQ
25/6(六) -- 公司cooking class
24/7(日) -- 公司movie

完

五月二十九日 -- 貓B

23/5(一) -- 收工返企煮飯食。

1. 係網上嘗試下自己對外o既對話同處理手法, 同埋自己o既心理同氣量; 自覺都還好, 不過未夠完美...感覺上都係以前自己好d。

24/5(二) -- 是日2人都唔多舒服, 一齊請左病假; 訓左大半日, 甘不多3點先出門食個tea, 再去睇醫生同買送; 夜晚係企煮飯食。

2. 得到充足休息, 都係一件好事。

25/5(三) -- 收工去CWB唱韓錢, 之後同He She Eat, 由於身份証有某d英文字所以有discount, 都算抵食; 之後返TKO Jusco行個圈返企。

3. 是日身體都係麻麻, 累累地。

4. 公司d人事真係好很煩, on9的。

26/5(四) -- 下午出街, 夜晚OT Briefing; 8點半島收工。

27/5(五) -- 收工返娘家食飯。

28/5(六) -- 中午同馬夫婦同周天恩同佢女友係北角鳳城飲茶, 傾到3點島散; 之後返TKO上哥屋企幫手睇B, 3晚買外賣上去食, 9點幾返去。

5. 隻AOZ的HG Hazel Custom, N年前呀Sam送比我就生日禮物, 砌左一半之後放低左收埋左幾年, 今日係哥屋企終於finish左~~~

29/5(日) -- 柴灣8-10, 打完沖個涼就入屏山食盤菜(我C娟源EdfRitaSannyAmyPo進Charlotte勇Trista), 好食, 不過好熱, 估唔到個飯係好食好正; 之後一班人行左半個屏山文物徑(行返去西鐵站)後散; 我C娟上Edf家睇貓B, 好可愛, 5點半島走; 返TJ食飯。

6. GSW拿返Game 6, 厲害。

來緊:
2/6-8/6 -- 首爾之旅

完

五月二十二日 -- 雜記

16/5(一) -- Penny臨時話想食飯傾偈; 出site早收工返企淋個浴, 之後出返Popcorn meet Penny排Beans, 同埋C三個人食飯後去左天晉clubhouse行下先散。

1. 開頭以為好大件事, 原來只係一件煩惱唔算係唔好o既事; 不過都有d估唔到。

17/5(二) -- 收工同CNatConnieLoLoPennyyeeStella係KT的Lava Java食飯gathering; 野都幾好食, 價錢正常; 傾偈好開心, 可惜係閒日第日要返工, 同埋有d累。

2. 約已簽 :(

18/5(三) -- 收工突然臨時決定去將中食蠔吧, $10一隻好平, 唔識食係咪新鮮定好食; d野食還算OK但幾貴。

3. 其實我真係只想講fact, 間野唔係平, 同埋無理由係同尋晚果間差不多價錢, 同一款野(扒對扒, pasta對pasta)貴30-40%, 無理由將平果間扒同貴果間pasta比較話差不多掛? 同埋普通一餐晚飯2位食$600的確唔算平。不過如果我講出來, 對方而一定會覺得我覺得貴呀、唔想食呀咁, 其實我真係唔係覺得貴定點, 只係想講個fact、不帶任何情感地, 指出係貴過尋晚果間~ 不過我當然係唔出聲啦。

19/5(四) -- 收工返TJ食飯, 之後行左下百佳先返企。

20/5(五) -- 收工同進行下信和in's Point後同Cass娟食生日飯; 瀛素食都幾好食; 之後去對面源記食埋糖水散。

21/5(六) -- hea左一日; 早上起身到食lunch, 之後太累又訓到3點幾; 5點幾出門去坑口, 終於見到電器舖KK, 係果邊食左瑞士咖啡室之後再行下坑口後返企。

22/5(日) -- 柴灣8-10; 之前果晚眼光光訓唔著, 又好早鬧鐘未響就起, 所以好唔夠訓; 中午同馬夫婦食飯再行去康城再行返來, 好曬好熱; 夜晚返TJ食飯。

4. 行到腳都痛。

來緊:
26/5(四) -- OT Briefing
29/5(日) -- 屏山盤菜
完

五月十五日 -- 大澳

9/5(一) -- 係西灣河收工, 係太安樓買野食返企。

10/5(二) -- 收工返企食飯。

11/5(三) -- 娟生日快樂; OT開會到8點; 返企沖完涼睇毛記。

1. 老實講, 係資源有限o既情況下, 整個節目出來都算係咁, 同埋係一弁獨大o既情況之下都要支持下; 不過以節目論, 都悶悶地, 偶有笑位而已。

12/5(四) -- 煥然一居OT; 8點島收工自己食埋M記返企。

13/5(五) -- 收工過灣仔meet C再過CWB食左金西南米線, 都OK喎。

2. SAS輸左有d失望, 本來好想睇GSW對SAS呢個matchup多d(雖然應該都係無得打, 老, 好難cover咁大個範圍)

14/5(六) -- 起身係企煮麵食, 睇左Thor 2; 之後出左去行下TKO, 夜晚同哥嫂呀BJason食樓下foodcourt再上來我家hea一陣佢地走。睇左The A Team。

3. Heat追平3-3; 今個playoff 2nd Round終於有場Game 7睇睇~~

15/5(日) -- TKO8-10, 覺得都打得唔錯; 突然決定下午去大澳; 影左幾十隻貓貓; 夜晚係東涌食Karmen推介的泰國野, 都OK。回程時竟然係MTR撞到同事呀Pam。

來緊:
17/5(二) -- 大本型飯團
20/5(五) -- Cass生日飯
26/5(四) -- OT Briefing
29/5(日) -- 屏山盤菜
完

五月八日 -- Marvel

3/5(二) -- 收工同Fawnia係公司樓下食d野散, 再去君頤峰同同事打波; 唔記得帶個打波用眼鏡, 點知真係整爛左平時用果個...8-10, 之後同幾個同事一齊搭的士返TKO。

4/5(三) -- 收工返企食飯。

1. 公司竟然有個低能同事將我個私人電話比左個客。

5/5(四) -- 收工返TKO同媽哥2個呀姨姨丈表妹同表弟食飯, 樓下酒樓。

2. 酒店book埋, 來緊要plan行程。

6/5(五) -- 係公司開briefing OT到10點。

3. 是日見識到個surveyor解個valuation好正; 又見識到區議員的on 9; 再見識到本公司高級人仕的on 9。

7/5(六) -- 一早起身去KLB睇CA3, 好睇喎; 之後同ConnieLoLo食lunch(車仔麵), 食完散左後行下淘大德福去換眼鏡再行埋Megabox返企; 夜晚返TJ食飯, 係屋企睇埋電影CA2。

8/5(日) -- 7-10TKL, 竟然7點幾好快齊人開波~~; 返企沖個涼太累恰左下; 2點零去左大本型食hi-tea, 再行下鯉魚門; 夜晚返企整野食, 上網睇左Ironman 1。

4. C睇開有條癮, 來緊慢慢會上千尋睇返之前果d Marvel戲~~ (半身都睇過d唔使由頭追晒)

來緊:
11/5(三) -- OT開會
12/5(四) -- 煥然一居OT
20/5(五) -- Cass生日飯
29/5(日) -- 屏山盤菜
完

五月二日 -- 請假

25/4(一) -- 收工返企食飯。

1. 新一套TBB劇, 應該都唔會係好好睇, 但又係輕輕鬆鬆可以睇下o既; 劇中好多好like的綠葉呀~~ 仲有煒哥超正~~

26/4(二) -- 早少少收工行一陣返企煮飯食。

27/4(三) -- OT到9點島; 之前食左間素食餐廳, 幾好食但貴。

28/4(四) -- 收工去MK同CEdfRita食德國野, 之後再食甜品後散。

29/4(五) -- 突然要OT, 係公司等等等到佢地個report出同整好堆信, 9點幾先離開公司去土瓜灣; Manager同埋我去, 佢唔想女仔去又怕我自己一個去舊區又夜, 同埋去到九龍再搭的士去快d; 結果10點島攪掂走。

2. 終於請左假, 暫定去泡菜國。(星期日已book機票)

30/4(六) -- 臨時約中午出MK, 同RitaEdf行花墟, 之後係新世紀食個貴tea之後散; 同C行左廣華街附近信和創興十二蚊店In'sPoint之後MTR返寶林行個圈買d野食後返企。

3. 電視睇返未睇過的Captain America 1; 係無咁精彩, 不過睇返佢出處都OK ge~

1/5(日) -- 早上同C去沙田拜山, 無得打波 :( ; 下午一班fnd(娟SamEstherDorothyAda源)來我家玩, 之後食飯(本來想食泰巷但6點3落去已full於是hea食)慶祝埋娟Sam生日, 食完去坑口食聰嫂再返企玩左陣到11點半島散。

2/5(一) -- 早上起身落樓下食個早餐入西貢幫狗仔沖涼, 5點幾出返來係坑口明德搵名貓KK(confirm係呢條村, 但見唔到佢), 食左個tea(無食晏)再返企沖涼抖; 夜晚過TJ食飯。

4. 是日親眼見到呀二怒咬呀大, 好得人驚; o岩o岩返左去2日就咁, 似乎真係要分開佢地2個了。

5. 話說自己從來好少做公眾人物的haters, 因為新聞或網上傳聞可信性實在好低; 黎明、欣宜以前都幾多haters, 但最近都因為一d事而令haters改觀, like的人更like; 我亦從來唔會唔like佢地, 我成日都覺得, 一個人成功一定有佢背後好多原因; 黎老明打滾咁多年就唔使講啦, 欣宜就係佢仲細個未出道時, 好記得有次佢呀媽帶佢出來, 見佢講野同表演都好OK, 反而係正式出道後, 覺得佢好戰戰兢兢, 發揮得唔好; 而家總算捱出少少成績同埋得到多人讚同呢~

來緊:
3/5(二) -- 同同事打波
6/5(五) -- 預計OT
29/5(日) -- 屏山盤菜
完

四月二十四日 -- 雜記

18/4(一) -- 本來出site以為有得早少少收, 點知條友勁多野講, 反而晏左要O少少T; 收工返企食飯。

1. 是日身體狀態極差。

19/4(二) -- 是日OT開briefing, 9點島走。

20/4(三) -- 收工返TJ同2個表弟一家打邊爐。

21/4(四) -- OT同Ansel見客; 又係估唔到耐左, 仲比預期中多人, 成十幾個, 8點半後先收工。

22/4(五) -- 收工返C娘家食飯。

23/4(六) -- 下午同C入西貢打理狗仔, 夜晚出返來同EdfRita返企抖一陣, 再去食寶林放題。

24/4(日) -- 8-10柴灣, 今日難得覺得打得幾好; 之後返企沖涼出返大圍同娟Esther食飯, 上Esther家玩貓再去娟家玩貓; 夜晚係乙明食飯後散。

2. 早2日係街見到個人企係度傾電話, 由於專注力放左係電話度, 佢企個pose就好自然; 之後發現以後叫人擺pose影相可以叫佢講電話 xDD

來緊:
1/5(日) -- C屋企拜山, 打唔到波 :(
完

四月十七日 -- 累累累

11/4(一) -- 收工返TKO同媽哥嫂C同表弟食飯(TKO泰國野)。

1. 新劇殭第一集好唔得, 懶得吐槽。

2. 辨而不當論，信而不當理，勇而不當義，法而不當務，惑而乘驥也，狂而操「吳干將」也，大亂天下者，必此四者也。

3. 返工大雨到濕晒...

12/4(二) -- 收工返企食飯, C煮。

4. 雖然今個星期Loyeah放假, 但上面仍然不緬比野我整; 其他人日日係度hea(包括上面), 但我就勁晒精神整d野, 好累 =__=

13/4(三) -- 收工返TJ食飯。

5. 尋晚已經11點幾訓, 但今日都好眼訓, 仲頭赤左半日添 =_=

14/4(四) -- 收工同C去北角同Nat華哥食梅花村。

6. (唔係好識睇波o既我)其實以前鍾意睇Kings睇Portland睇其他隊所以唔多鐘意佢(但當然都覺得佢勁), 係佢拿完三冠之後開始見到佢撐起隊波, 果份鬥心同埋見平時d報導話佢幾咁勤力練波果種態度, 真係值得respect, 到近幾年全隊靠佢一個, 大傷之前一條友怒隊, 果種霸氣而家都無咩球員會有。
今日係佢最後一場波, 雖然返工無得睇, 事後睇返replay, highlight, 佢拿60分真係痴線的。就算係隊友造晒d波比佢射, 都要入先得架~~睇落對方都唔係好hea守(無理由double team佢掛?)
係已經37歲高齡、打左20年NBA同埋勁多時間、傷左三大次o既身體, 係佢退休前最後一場波可以打到咁, 真係好好好恐怖, 好值得respect。
以後NBA無左佢o既日子, 睇來會好唔習慣(佢果一代球員幾乎退晒, 真係無咩好似以前咁o既硬淨防守, 鐵血攻防了)。
雖然時代、世界係一路轉變, 但係我相信我呢一代有睇波o既人, 永遠都唔會忘記佢帶比我地o既impact~~

15/4(五) -- 是日到煥然一居售樓果度幫手, (3-9)OT; 同Rita同日; 8點9島走得。

7. 煥然一居, 英文De Novo(D老母); 係沐翠街(木咀街), well...

8. 是日大新聞: Hunter x Hunter 連載重開!

16/4(六) -- 天氣竟然大好, 同C去左樂富諗住行樂富公園、九龍仔公園同食石屋咖啡, 點知行來行去去左幾個公園都無正式入到樂富公園, 之後食左石屋咖啡再行左九龍仔公園, 再落九龍城行下; 諗住走時原來咁o岩Amy同佢男友係附近, meet埋佢地一齊返TKO抖下, 叫埋呀源同Sanny一齊去坑口村泰國野食飯; 之後再我C源Sanny4個人食埋聰嫂先散。

9. 未試過o既人唔會知傷過腰背腳o既人係舊患痛果時係幾咁痛。

17/4(日) -- 10-12TKL, 身體頂唔住; 打完同佢地食d野返企沖涼再出去C娘家睇狗仔hea一陣, 夜晚去左天后皇悅酒店同C婆婆食佢生日飯(16人); 平平地d野食算係咁啦。

來緊:
19/4(二) -- OT開briefing
21/4(四) -- OT同Ansel見客
28/4(四) -- 同EdfRita食寶林放題
1/5(日) -- C屋企拜山, 打唔到波 :(
完

四月十日 -- 睇戲s

5/4(二) -- 係WC收工同C試左太安樓搬過去WC的漢堡, 普通。

6/4(三) -- 收工返企煮飯食。

7/4(四) -- Nat華哥飯因為Nat要OT所以cancel; 放工一條友返企係Jusco買野返企食(C約左同事食)。

1. 突然有project比我跟, 雖然都唔係壞事但有d突然; 仲突然同Stacey part住一齊做呢個project...

8/4(五) -- 早收工返企淋個浴再出返油塘同C食飯。

9/4(六) -- 起身去戲院睇左Zootopia, 好睇; 之後ad-hoc約左Rita Edf食tea, 去左九展行左下先, 之後到City meet佢地食d野, Rita同fnd繼續做功課, 我地同Edf去左葵芳行街; 7點島Edf走, 我同C係果度食埋野返企。

2. Zootopia -- 好睇, 輕鬆好笑有意思劇情世界觀度得幾好; 應該有唔少心對入面某d意思好有感觸, 而我就對"標籤"o既感覺最大。

10/4(日) -- 8-10TKL; 之後同C食KFC後睇Huntsman 2, 一般; 睇完係TKO附近行同買家品(都行左2個鐘, 腳好痛)同買送返企, C煮飯, 夜晚睇埋超時大結局。

3. Huntsman2 -- 講真好一般; 題材同故事已經係好standard, 但又唔夠合理, 無咩心機講; d人雖然幾靚但老左d, 係d衫同髮型真係靚; 總的來講一般。

4. 超時: 其實TVB來講都算幾有心機, 唔錯; 個結局都估到, 係個劇情一路落來慢慢逐d揭開都唔錯; 不過最最後究竟女主記唔記得d野呢? (個人覺得係NO的)

5. 來緊星期Loyeah放假, 應該部門接近癱瘓, 可hea xDDD

6. 剪左頭髮, 爽

7. 最近個高達game愈來愈hea, 係咪就執? 係就好啦~~~我都無咩心機打了~~

來緊:
15/4(五) -- 約左八姑進係元朗食飯
17/4(日) -- 10-12TKL; C婆婆生日飯
1/5(日) -- C屋企拜山, 打唔到波 :(
完

四月四日 -- 清明假

29/3(二) -- OT開Briefing, 本來上星期話係M同AM去, 突然M話唔去, AM又唔去, 叫我去講; 今日去講, 突然M又來埋, 好彩無講錯d咩

1. 是日appraisal, 一如所料SM唔like我; 開完個會, 個M亦係好似之前咁覺得OK~ 唔理了。

30/3(三) -- 之前FS OT補假一天; 係企hea左成日, 好舒適; 夜晚C收工返來去Jusco買野同係樓下西餐食飯。

31/3(四) -- 出site早收工; 就近於是去左奧海城睇下個Gundam Expo(預左無咩睇)之後先返去買送; 夜晚係企食飯。

1/4(五) -- 收工去左坑口村食Lardos; 之後返企。

2. 是晚相信好多人係屋企(包括我)係屋企睇住亞視熄機, 唏噓。

2/4(六) -- hea左一日; 中午hea食杯麵, 諗住下午出去食tea, 佢睇劇我就hea悶到訓著左, 5點半醒返先出去樓下食d野同行下海邊; 夜晚返TJ食。

3/4(日) -- C一早返娘家睇住隻狗仔; 我早上食左d野中午去紅磡輝屋企個場打波, 好耐無同一班中同(仲有Derek)打波, 好耐無打3打3~~ 2點諗住打最多2個鐘點知打到5點半先完; 之後跟Arthur的過海, 係CWB落, 買d野食上C娘家, 睇埋金像獎到11點半先走(C留娘家)。

3. 打左年幾2年(?唔記得幾耐)全場, 好似無咩進步又入唔到波又唔迫走位咁, 一打返3打3發覺其實比以前進步左, 因為3打3空左好多, 比以前其實識得走位單檔, 同埋由於空d的關係, 射波比以前3打3準(雖然對住老鬼); 同埋真係覺得身體體能跟唔上, 而家打全場果班都係年青力壯, 腳步跟唔上, 今日對返老鬼, 打耐左又熱又累有時都唔係好跟得上了~~~

4. 金像獎, 由於唔太好個題材所以無睇過踏血尋梅, 不過一直都聽過人話係幾好睇, 但都估唔到佢拿到咁多獎; 亦都估唔到大會夠膽比最佳電影比"十年"。

5. 好耐無試過自己在家, 好自在 xDD  仲可以訓返細房張硬床~~~

4/4(一) -- 清明節放假一天; 上午係企hea, 中午過爸媽度食潤餅, 再過C度(北角->勵德)陪佢, 呢幾日砌左好多模型, 同埋坐到好累~~ 9點半島佢細佬返左來所以走得。

來緊:
7/4(四) -- Nat華哥飯。

完

三月二十八日 -- 復活節假

21/3(一) -- 收工返去同C一齊買野返企, 佢煮。

22/3(二) -- 收工返天晉食飯。

23/3(三) -- 收工去MK同Ex-URA同事食3月之星(Martin)生日飯, 9點半島散。

1. 講起珊姐原來佢呢期真係不停搵人sell野 xDD 同埋仍然aggressive~~

24/3(四) -- 收工返TKO同AngelKT食飯; 好耐無見; 終於試到間Beans, OK喎, 幾好食又唔算好貴。

2. 電話壞左...

3. 是日最大震撼係聽到Norman女友病危o既消息......

25/3(五) -- 復活節假期第一天; 中午去寶林食晏同埋換左C張電話卡for新機, 之後返企再出寶康公園, 我同馬打波, C同Kathy跑步; 散左後返企, 6點幾去吉野家同哥一家打邊。

26/3(六) -- 係企hea下訓下到4點島出去大埔Helen家食飯。

27/3(日) -- TKL9-11, 練過波果然好少少, 由唔入波變左彈2下入 xDD; 之後係果度淋個浴即去美孚同八婆一家進女友食飯; 間上海野好食喎~~ 之後去荔枝角公園同o靚仔玩, 再返TKO我家打邊邊; 9點半島散。

28/3(一) -- 復活節假期第四天; 下午一家去拜山。返TKO咁o岩Puzzle同2個仔係呢邊踩完單車, 於是上左我家hea同傾下計; 佢坏1走左後呀源O完T上來, 一齊去樓下食野後再上來坐多陣走。

4. 原來連續幾日都同o靚仔玩, 哈。

5. 咁就過左個假期, 不過都算舒適, 幾relax。

來緊:
29/3(二) -- OT開會
30/3(三) -- 之前FS OT補假一天

完

三月二十日 -- 打波

14/3(一) -- 收工臨時決定去探狗仔Almond; 去天后同C hea食飯, 之後meet埋佢細佬睇狗仔; 今次真係打得好甘, 勁傷, 點會咁架~

15/3(二) -- 收工同CLilyTango去北角食梅花村, 之後再食埋甜品走。

1. 奇趣又有折, 仲要有折o既再折, 好吸引呀~~ @@

16/3(三) -- 收工返TJ食飯。

17/3(四) -- 收工好累, 返TKO食大家樂。

2. 最近狂砌模型, 清左好幾盒; 砌得快過買好多呢~~(而家都少買啦~~)

3. 最近見FB好多人話抵制咩人o既親戚開o既鋪頭: 固然我都好唔鍾意果d政治人物, 但係有幾點:
3.1 禍不及妻兒, 果個人PK, 何必要影響人地屋企人? 好啦, 如果呢樣野係可接受o既, 點解以前日本仔打中國人, 又衰又殘忍, 而家又唔抵制日本? 早2年內地一遍反日熱潮又話抵制日本, 本土人又話佢地做呢d野好低B? 而家d人同果d低B大陸人有咩分別? 講到尾只係自己對住d政治PK咩都做唔到而做o既發洩行為, 千祈唔好話自己係以"正義"為名咯; 無論點都好, 用"正義"來做牌頭, 做唔o岩o既事都係唔o岩。
3.2 好啦, 講要抵制, HK好明顯由好~~~~耐之前已經係比d大商家攪到貧富懸殊同埋壟斷晒個市場, 又攪高個樓市同埋所有鋪租, d野就因為租貴而貴晒, 點解大家就只係係度鬧下土共、鬧下建制派(我一再強調我都好憎土共的), 而唔去團結做d野對大商家呢? 係無意識? 唔想做? 做唔到? 豬到唔明白真正問題發生係邊? 定係又係明知自己做唔到d咩, 所以只係搵d發洩到o既對象來發洩? 有骨氣o既, 唔好幫襯李生旗下所有o既野野丫笨?
3.3 其實自己雖然唔多like講政治, 但係由細到大老豆都like睇, 因此呢樣野係由細到大都有留意到, 有睇到個改變; 當然, 我都好憎果d盲目奶共o既走狗, 亦都好憎拿著數拿到盡, 唔同平民共享o既大商家大企業, 但係更怕果d自以為是又唔了解成個世界、國家、地區政治體制、玩法但係又一頭熱血係度亂來o既人。

4. 多返屋企, 就多開電視, 自不然就睇下。話說"潮流教主", 唔講佢抄人或者攪一本雜誌咩合唔合理, 想講o既野有以下幾點:
4.1 好唔合理係, 點解劇入面一本雜誌d編輯(楊秀惠許亦妮陳瀅湯洛雯甚至李佳芯李璧琦)會靚過索過晒劇入面果d top models明星同影后(莊思明邵珮詩曹思詩范文雅)?
4.2 呢套劇入面拆o既局仲密過拆局專家
4.3 好明顯主角係李佳芯, 入面主線劇情圍繞講得最多o既係佢, 佢做o既野發生o既野最似一個"主角" xDD
4.4 教主係入面只係一個無敵o既角色, 無咩好講, 亦唔算立體; 煩膠貝好似係主角咁其實佢只係牽引住個劇情推進, 反而最有戲要交(交唔交到一回事)最多線最有say最立體果個係李佳芯: (事業同人生)有起有落, (爭權, 失婚, 四出奔走為勝利)有因有果, 有被愛/欣賞(陳山蔥/陳豪)有性有情(羅仲謙), 簡直就係做比佢咯。

18/3(五) -- 收工去C娘家食飯, Almond精神返好多, 仲幾精靈。

19/3(六) -- 太累, 訓到12點幾先起身; hea到點半先出去, 已食到tea; 去坑口食格格之後買左C生日禮物(手機), 之後返企hea; 剪左頭髮; 夜晚出寶林同馬夫婦食綠茶館同行下街, 8點半島散。

20/3(日) -- 柴灣8-10, 2個星期無打! 打得唔好, 不過總算學到d野; 返企沖涼hea一陣, 下午出SSP行下同買野, 行到對腳痛; 5點幾搭車返企; 夜晚係企食。

5. 固然有時係唔識/唔知點做, 但係有時唔係唔知點做, 而係身體/體能/精神已經跟唔上了。

來緊:
23/3(三) -- Ex-URA 3月之星飯
24/3(四) -- AngelKT飯
26/3(六) -- Helen Home

完2016三月二十日 -- 打波

三月十三日 -- 休息

7/3(一) -- 收工去灣仔同Nat食波士頓, 好耐無食過; 多謝估唔到3月仲有生日飯食 xDD

8/3(二) -- 收工返TJ食飯。

9/3(三) -- 收工返企食飯, C煮。

10/3(四) -- 老細約左7點洗樓搵客; 同佢出SSP食左蛋牛治後6點9集合搵社工再上樓, 7點半過d收工。

11/3(五) -- 收工返TKO同C試下間新開泰國野, 都算OK啦, 個2人餐(CBD300)其實有3人份量。

1. 夜晚CBD12點Sanny話佢無帶Key係屋企樓下等左2個鐘屋企人都無聽電話, 於是叫左佢來我地家借宿一宵。其實佢應該一早就搵我地啦~~ 反正佢星期六辰去寶林拿跑步選手野夜晚又一齊邊爐~~

12/3(六) -- 同馬夫婦Sanny食lunch, 試左冬蔭公公隔離間Bar樣o既西餐, 幾好食但貴; 吹水到CBD3點先散, 我頂唔住係企恰左, C同Sanny就去買夜晚Bino野; 夜晚Amy志寶同源來一齊打邊。

13/3(日) -- 中學舊生籃球賽因天雨延後, 連續第2個星期無打波...; 下午出MK同C娟EdfCass進唱K, 夜晚Charlotte join埋食飯; 本來想食間潮州野, 但等左幾耐位, 結果轉左去食晶輝再食小王子甜品。

2. 好耐無唱K, 唔知點解近幾次唱K都係一直期待但去到果日又好似唔係好大心機同唔知唱咩好咁? 不過一班熟朋友一齊hea感覺夠OK了。

3. 好突然o既消息, 原來某友散左一排。

4. 耐無打波出site, 唯一好處係抖左對腳。

來緊:
15/3(二) -- LilyTango飯
23/3(三) -- Ex-URA 3月之星飯
26/3(六) -- Helen Home

完