六月二十六日 -- 雜記

20/6(一) -- 收工去葵興求其食左d爭鮮後同同事打波7-9, 連打2日好累呀。

1. 其實有form打下感覺舒服d, 起碼知自己要走去邊, 大家都有情況可應變; 平時打亂章波, 同d人夾唔到真係唔識打。

2. 真係估唔到, GSW竟然輸左; 唔係佢地big fans, 不過呢2隊係比較想佢champ, 可惜。

21/6(二) -- 收工同C係油塘係日本野後返企。

22/6(三) -- 同Ansel係MK洗樓OT到8點島。

23/6(四) -- 收工同CNatPenny係太古SimplyLife食飯, d野食都OK; 吹水吹得好開心。

3. 迷你倉火災單野, 估唔到幾日都未燒完, 更估唔到令2個消防員過身...好sad...

4. Nat張勁相真係好爆呀~~

24/6(五) -- 早d收工返企煮野食; 夜晚同返左娘家住幾日的LoLo日安食糖水。

5. 突然諗起以前係點射波, 來緊練返試返先!

25/6(六) -- 中午出KT join公司cooking class, 整egg roll可惜整衰左個公仔爛左 :( 之後EdfRita上我家, 一齊煮飯整野食睇電視, 10點半島散。

26/6(日) -- 柴灣8-10, 感覺上打得都唔錯; 返企沖個涼抖一陣, 去將中食野, 之後出SSP打工商盃; 係SSP行左下玩具, 比賽我只係出左幾分鐘(都唔知有無), 結果最後輸幾分, 其實有機會羸到的呢~ 打完返企後過TJ食飯。

來緊:
28/6(二) -- OT; 去Tracy爸白事
9/7(六) -- K; 黃子華
16/7(六) -- 工商盃
22/7(五) -- phonecase class
24/7(日) -- 公司movie
13/8(六) -- 小本型hi-tea

完

六月十九日 -- 熱

13/6(一) -- 收工返企食飯。

1. 隔左咁耐返工, 唔記得左開機密碼 xDD

14/6(二) -- Ben係丹麥來, 本來同佢同珊Carol食飯, 點知原來珊亂約, 所以無件事; 今次應該就唔到日子同Ben食了。收工去Jordon交收後返企食飯。

15/6(三) -- 收工返企食飯。

16/6(四) -- 收工返TKO, 去左大家樂食飯; 用晒之前d卷了~

17/6(五) -- 上午突然被叫去CSW幫手, 但去到得個等字; 最終都唔係做左好多野, 7點前就走; 好彩去到C娘家都唔遲, 係佢企食父親節飯。

18/6(六) -- 係企hea到3點島出門口去大尾督同C的同事BBQ。

2. BBQ個場幾好, d野食OK, 不過貴少少同隔涉d。

19/6(日) -- TKO10-12, 雖然無咩表現但其實覺得自己打得OK還好, 無咩錯失; 返企沖個涼落去食小王之後就入西貢幫手同d狗仔做清潔, 係天台曬到hihi; 5點幾等車出返來巴士van仔都full晒, 唯有佢細佬車返我地出來; 夜晚返TJ食飯, 簡單買左個蛋糕慶祝父親節。

來緊:
20/6(一) -- 同事打波
25/6(六) -- 公司cooking class
26/6(日) -- 工商盃
24/7(日) -- 公司movie

完

六月十二日 -- 韓遊

30/5(一) -- 出site早收工買送返企, 之後去睇跌打, C煮飯食。夜晚去左行百佳。

31/5(二) -- 收工返企食飯; 開始執gip同做旅行準備工夫s。

1. GSW真係由1-3反勝入Finals, 太可怕了。

1/6(三) -- 收工去坑口食完飯買埋野返企, final執野準備明天出發。

2/6-8/6 -- 首爾之旅

8/6(三) -- 因為封左一條跑道攪到delay左一個鐘; 巴士又係九龍東塞車, 掘到7點幾先返到企; 返TJ食飯。

2. 值得一記, 戰國妖狐堂堂完結, 從頭到尾都無爛, 亦無爛尾, 好睇。另外, 進擊的巨人新一話繼續衝擊性, 睇來真係去戲肉想完啦掛?

3. C返到來有d唔舒服。

9/6(四) -- 端午節公眾假期; 早上馬同擇茄來我家一齊睇NBA; 下午係企hea, 整好晒d相上FB; 夜晚同哥嫂Jason食新開果間美心香港地, 貴貴地野食算OK。

4. 食完晚飯返企時, 係樓下遇著有架私家車無啦啦車底爆火花, 啪啪啪一輪有舊野係車底著住火咁彈出來, 但架車好似無咩野繼續駛左入去...好彩舊野無整到人, 好近呀嫂~~

5. Hunter劇情超展開~~~

10/6(五) -- 之前自己拿多日假放埋呢日(C無放, 但唔舒服拿左SL), 即係返來繼續連放4日; 全日係企hea同訓, 夜晚自己煮d hea野食。

11/6(六) -- 早上家昇擇茄同皇帝上來一齊睇波; 中午Edf來埋一齊食lunch, hea到5點幾走; 夜晚同

6. GSW贏埋Game 4, 睇來都champ了~

12/6(日) -- TKL9-11; 好累; 同哥嫂Jason係foodcourt食lunch, 之後買埋送返企; 極累頭又赤, 下午沖左個涼hea左陣就訓左, 7點幾醒C煮完飯, 食埋hea到咁上下, 準備第日返工。

7. 是日打波下巴被兜巴昇了一野 xD

8. 放左個幾禮拜假, 唔知返返工點呢~

9. Hea時睇左UC0096(Unicorn), 係唔錯。

來緊:
14/6(二) -- Ben係丹麥來, 同佢同珊Carol食飯
18/6(六) -- BBQ
25/6(六) -- 公司cooking class
24/7(日) -- 公司movie

完

五月二十九日 -- 貓B

23/5(一) -- 收工返企煮飯食。

1. 係網上嘗試下自己對外o既對話同處理手法, 同埋自己o既心理同氣量; 自覺都還好, 不過未夠完美...感覺上都係以前自己好d。

24/5(二) -- 是日2人都唔多舒服, 一齊請左病假; 訓左大半日, 甘不多3點先出門食個tea, 再去睇醫生同買送; 夜晚係企煮飯食。

2. 得到充足休息, 都係一件好事。

25/5(三) -- 收工去CWB唱韓錢, 之後同He She Eat, 由於身份証有某d英文字所以有discount, 都算抵食; 之後返TKO Jusco行個圈返企。

3. 是日身體都係麻麻, 累累地。

4. 公司d人事真係好很煩, on9的。

26/5(四) -- 下午出街, 夜晚OT Briefing; 8點半島收工。

27/5(五) -- 收工返娘家食飯。

28/5(六) -- 中午同馬夫婦同周天恩同佢女友係北角鳳城飲茶, 傾到3點島散; 之後返TKO上哥屋企幫手睇B, 3晚買外賣上去食, 9點幾返去。

5. 隻AOZ的HG Hazel Custom, N年前呀Sam送比我就生日禮物, 砌左一半之後放低左收埋左幾年, 今日係哥屋企終於finish左~~~

29/5(日) -- 柴灣8-10, 打完沖個涼就入屏山食盤菜(我C娟源EdfRitaSannyAmyPo進Charlotte勇Trista), 好食, 不過好熱, 估唔到個飯係好食好正; 之後一班人行左半個屏山文物徑(行返去西鐵站)後散; 我C娟上Edf家睇貓B, 好可愛, 5點半島走; 返TJ食飯。

6. GSW拿返Game 6, 厲害。

來緊:
2/6-8/6 -- 首爾之旅

完

五月二十二日 -- 雜記

16/5(一) -- Penny臨時話想食飯傾偈; 出site早收工返企淋個浴, 之後出返Popcorn meet Penny排Beans, 同埋C三個人食飯後去左天晉clubhouse行下先散。

1. 開頭以為好大件事, 原來只係一件煩惱唔算係唔好o既事; 不過都有d估唔到。

17/5(二) -- 收工同CNatConnieLoLoPennyyeeStella係KT的Lava Java食飯gathering; 野都幾好食, 價錢正常; 傾偈好開心, 可惜係閒日第日要返工, 同埋有d累。

2. 約已簽 :(

18/5(三) -- 收工突然臨時決定去將中食蠔吧, $10一隻好平, 唔識食係咪新鮮定好食; d野食還算OK但幾貴。

3. 其實我真係只想講fact, 間野唔係平, 同埋無理由係同尋晚果間差不多價錢, 同一款野(扒對扒, pasta對pasta)貴30-40%, 無理由將平果間扒同貴果間pasta比較話差不多掛? 同埋普通一餐晚飯2位食$600的確唔算平。不過如果我講出來, 對方而一定會覺得我覺得貴呀、唔想食呀咁, 其實我真係唔係覺得貴定點, 只係想講個fact、不帶任何情感地, 指出係貴過尋晚果間~ 不過我當然係唔出聲啦。

19/5(四) -- 收工返TJ食飯, 之後行左下百佳先返企。

20/5(五) -- 收工同進行下信和in's Point後同Cass娟食生日飯; 瀛素食都幾好食; 之後去對面源記食埋糖水散。

21/5(六) -- hea左一日; 早上起身到食lunch, 之後太累又訓到3點幾; 5點幾出門去坑口, 終於見到電器舖KK, 係果邊食左瑞士咖啡室之後再行下坑口後返企。

22/5(日) -- 柴灣8-10; 之前果晚眼光光訓唔著, 又好早鬧鐘未響就起, 所以好唔夠訓; 中午同馬夫婦食飯再行去康城再行返來, 好曬好熱; 夜晚返TJ食飯。

4. 行到腳都痛。

來緊:
26/5(四) -- OT Briefing
29/5(日) -- 屏山盤菜
完

五月十五日 -- 大澳

9/5(一) -- 係西灣河收工, 係太安樓買野食返企。

10/5(二) -- 收工返企食飯。

11/5(三) -- 娟生日快樂; OT開會到8點; 返企沖完涼睇毛記。

1. 老實講, 係資源有限o既情況下, 整個節目出來都算係咁, 同埋係一弁獨大o既情況之下都要支持下; 不過以節目論, 都悶悶地, 偶有笑位而已。

12/5(四) -- 煥然一居OT; 8點島收工自己食埋M記返企。

13/5(五) -- 收工過灣仔meet C再過CWB食左金西南米線, 都OK喎。

2. SAS輸左有d失望, 本來好想睇GSW對SAS呢個matchup多d(雖然應該都係無得打, 老, 好難cover咁大個範圍)

14/5(六) -- 起身係企煮麵食, 睇左Thor 2; 之後出左去行下TKO, 夜晚同哥嫂呀BJason食樓下foodcourt再上來我家hea一陣佢地走。睇左The A Team。

3. Heat追平3-3; 今個playoff 2nd Round終於有場Game 7睇睇~~

15/5(日) -- TKO8-10, 覺得都打得唔錯; 突然決定下午去大澳; 影左幾十隻貓貓; 夜晚係東涌食Karmen推介的泰國野, 都OK。回程時竟然係MTR撞到同事呀Pam。

來緊:
17/5(二) -- 大本型飯團
20/5(五) -- Cass生日飯
26/5(四) -- OT Briefing
29/5(日) -- 屏山盤菜
完

五月八日 -- Marvel

3/5(二) -- 收工同Fawnia係公司樓下食d野散, 再去君頤峰同同事打波; 唔記得帶個打波用眼鏡, 點知真係整爛左平時用果個...8-10, 之後同幾個同事一齊搭的士返TKO。

4/5(三) -- 收工返企食飯。

1. 公司竟然有個低能同事將我個私人電話比左個客。

5/5(四) -- 收工返TKO同媽哥2個呀姨姨丈表妹同表弟食飯, 樓下酒樓。

2. 酒店book埋, 來緊要plan行程。

6/5(五) -- 係公司開briefing OT到10點。

3. 是日見識到個surveyor解個valuation好正; 又見識到區議員的on 9; 再見識到本公司高級人仕的on 9。

7/5(六) -- 一早起身去KLB睇CA3, 好睇喎; 之後同ConnieLoLo食lunch(車仔麵), 食完散左後行下淘大德福去換眼鏡再行埋Megabox返企; 夜晚返TJ食飯, 係屋企睇埋電影CA2。

8/5(日) -- 7-10TKL, 竟然7點幾好快齊人開波~~; 返企沖個涼太累恰左下; 2點零去左大本型食hi-tea, 再行下鯉魚門; 夜晚返企整野食, 上網睇左Ironman 1。

4. C睇開有條癮, 來緊慢慢會上千尋睇返之前果d Marvel戲~~ (半身都睇過d唔使由頭追晒)

來緊:
11/5(三) -- OT開會
12/5(四) -- 煥然一居OT
20/5(五) -- Cass生日飯
29/5(日) -- 屏山盤菜
完

五月二日 -- 請假

25/4(一) -- 收工返企食飯。

1. 新一套TBB劇, 應該都唔會係好好睇, 但又係輕輕鬆鬆可以睇下o既; 劇中好多好like的綠葉呀~~ 仲有煒哥超正~~

26/4(二) -- 早少少收工行一陣返企煮飯食。

27/4(三) -- OT到9點島; 之前食左間素食餐廳, 幾好食但貴。

28/4(四) -- 收工去MK同CEdfRita食德國野, 之後再食甜品後散。

29/4(五) -- 突然要OT, 係公司等等等到佢地個report出同整好堆信, 9點幾先離開公司去土瓜灣; Manager同埋我去, 佢唔想女仔去又怕我自己一個去舊區又夜, 同埋去到九龍再搭的士去快d; 結果10點島攪掂走。

2. 終於請左假, 暫定去泡菜國。(星期日已book機票)

30/4(六) -- 臨時約中午出MK, 同RitaEdf行花墟, 之後係新世紀食個貴tea之後散; 同C行左廣華街附近信和創興十二蚊店In'sPoint之後MTR返寶林行個圈買d野食後返企。

3. 電視睇返未睇過的Captain America 1; 係無咁精彩, 不過睇返佢出處都OK ge~

1/5(日) -- 早上同C去沙田拜山, 無得打波 :( ; 下午一班fnd(娟SamEstherDorothyAda源)來我家玩, 之後食飯(本來想食泰巷但6點3落去已full於是hea食)慶祝埋娟Sam生日, 食完去坑口食聰嫂再返企玩左陣到11點半島散。

2/5(一) -- 早上起身落樓下食個早餐入西貢幫狗仔沖涼, 5點幾出返來係坑口明德搵名貓KK(confirm係呢條村, 但見唔到佢), 食左個tea(無食晏)再返企沖涼抖; 夜晚過TJ食飯。

4. 是日親眼見到呀二怒咬呀大, 好得人驚; o岩o岩返左去2日就咁, 似乎真係要分開佢地2個了。

5. 話說自己從來好少做公眾人物的haters, 因為新聞或網上傳聞可信性實在好低; 黎明、欣宜以前都幾多haters, 但最近都因為一d事而令haters改觀, like的人更like; 我亦從來唔會唔like佢地, 我成日都覺得, 一個人成功一定有佢背後好多原因; 黎老明打滾咁多年就唔使講啦, 欣宜就係佢仲細個未出道時, 好記得有次佢呀媽帶佢出來, 見佢講野同表演都好OK, 反而係正式出道後, 覺得佢好戰戰兢兢, 發揮得唔好; 而家總算捱出少少成績同埋得到多人讚同呢~

來緊:
3/5(二) -- 同同事打波
6/5(五) -- 預計OT
29/5(日) -- 屏山盤菜
完

四月二十四日 -- 雜記

18/4(一) -- 本來出site以為有得早少少收, 點知條友勁多野講, 反而晏左要O少少T; 收工返企食飯。

1. 是日身體狀態極差。

19/4(二) -- 是日OT開briefing, 9點島走。

20/4(三) -- 收工返TJ同2個表弟一家打邊爐。

21/4(四) -- OT同Ansel見客; 又係估唔到耐左, 仲比預期中多人, 成十幾個, 8點半後先收工。

22/4(五) -- 收工返C娘家食飯。

23/4(六) -- 下午同C入西貢打理狗仔, 夜晚出返來同EdfRita返企抖一陣, 再去食寶林放題。

24/4(日) -- 8-10柴灣, 今日難得覺得打得幾好; 之後返企沖涼出返大圍同娟Esther食飯, 上Esther家玩貓再去娟家玩貓; 夜晚係乙明食飯後散。

2. 早2日係街見到個人企係度傾電話, 由於專注力放左係電話度, 佢企個pose就好自然; 之後發現以後叫人擺pose影相可以叫佢講電話 xDD

來緊:
1/5(日) -- C屋企拜山, 打唔到波 :(
完

四月十七日 -- 累累累

11/4(一) -- 收工返TKO同媽哥嫂C同表弟食飯(TKO泰國野)。

1. 新劇殭第一集好唔得, 懶得吐槽。

2. 辨而不當論，信而不當理，勇而不當義，法而不當務，惑而乘驥也，狂而操「吳干將」也，大亂天下者，必此四者也。

3. 返工大雨到濕晒...

12/4(二) -- 收工返企食飯, C煮。

4. 雖然今個星期Loyeah放假, 但上面仍然不緬比野我整; 其他人日日係度hea(包括上面), 但我就勁晒精神整d野, 好累 =__=

13/4(三) -- 收工返TJ食飯。

5. 尋晚已經11點幾訓, 但今日都好眼訓, 仲頭赤左半日添 =_=

14/4(四) -- 收工同C去北角同Nat華哥食梅花村。

6. (唔係好識睇波o既我)其實以前鍾意睇Kings睇Portland睇其他隊所以唔多鐘意佢(但當然都覺得佢勁), 係佢拿完三冠之後開始見到佢撐起隊波, 果份鬥心同埋見平時d報導話佢幾咁勤力練波果種態度, 真係值得respect, 到近幾年全隊靠佢一個, 大傷之前一條友怒隊, 果種霸氣而家都無咩球員會有。
今日係佢最後一場波, 雖然返工無得睇, 事後睇返replay, highlight, 佢拿60分真係痴線的。就算係隊友造晒d波比佢射, 都要入先得架~~睇落對方都唔係好hea守(無理由double team佢掛?)
係已經37歲高齡、打左20年NBA同埋勁多時間、傷左三大次o既身體, 係佢退休前最後一場波可以打到咁, 真係好好好恐怖, 好值得respect。
以後NBA無左佢o既日子, 睇來會好唔習慣(佢果一代球員幾乎退晒, 真係無咩好似以前咁o既硬淨防守, 鐵血攻防了)。
雖然時代、世界係一路轉變, 但係我相信我呢一代有睇波o既人, 永遠都唔會忘記佢帶比我地o既impact~~

15/4(五) -- 是日到煥然一居售樓果度幫手, (3-9)OT; 同Rita同日; 8點9島走得。

7. 煥然一居, 英文De Novo(D老母); 係沐翠街(木咀街), well...

8. 是日大新聞: Hunter x Hunter 連載重開!

16/4(六) -- 天氣竟然大好, 同C去左樂富諗住行樂富公園、九龍仔公園同食石屋咖啡, 點知行來行去去左幾個公園都無正式入到樂富公園, 之後食左石屋咖啡再行左九龍仔公園, 再落九龍城行下; 諗住走時原來咁o岩Amy同佢男友係附近, meet埋佢地一齊返TKO抖下, 叫埋呀源同Sanny一齊去坑口村泰國野食飯; 之後再我C源Sanny4個人食埋聰嫂先散。

9. 未試過o既人唔會知傷過腰背腳o既人係舊患痛果時係幾咁痛。

17/4(日) -- 10-12TKL, 身體頂唔住; 打完同佢地食d野返企沖涼再出去C娘家睇狗仔hea一陣, 夜晚去左天后皇悅酒店同C婆婆食佢生日飯(16人); 平平地d野食算係咁啦。

來緊:
19/4(二) -- OT開briefing
21/4(四) -- OT同Ansel見客
28/4(四) -- 同EdfRita食寶林放題
1/5(日) -- C屋企拜山, 打唔到波 :(
完

四月十日 -- 睇戲s

5/4(二) -- 係WC收工同C試左太安樓搬過去WC的漢堡, 普通。

6/4(三) -- 收工返企煮飯食。

7/4(四) -- Nat華哥飯因為Nat要OT所以cancel; 放工一條友返企係Jusco買野返企食(C約左同事食)。

1. 突然有project比我跟, 雖然都唔係壞事但有d突然; 仲突然同Stacey part住一齊做呢個project...

8/4(五) -- 早收工返企淋個浴再出返油塘同C食飯。

9/4(六) -- 起身去戲院睇左Zootopia, 好睇; 之後ad-hoc約左Rita Edf食tea, 去左九展行左下先, 之後到City meet佢地食d野, Rita同fnd繼續做功課, 我地同Edf去左葵芳行街; 7點島Edf走, 我同C係果度食埋野返企。

2. Zootopia -- 好睇, 輕鬆好笑有意思劇情世界觀度得幾好; 應該有唔少心對入面某d意思好有感觸, 而我就對"標籤"o既感覺最大。

10/4(日) -- 8-10TKL; 之後同C食KFC後睇Huntsman 2, 一般; 睇完係TKO附近行同買家品(都行左2個鐘, 腳好痛)同買送返企, C煮飯, 夜晚睇埋超時大結局。

3. Huntsman2 -- 講真好一般; 題材同故事已經係好standard, 但又唔夠合理, 無咩心機講; d人雖然幾靚但老左d, 係d衫同髮型真係靚; 總的來講一般。

4. 超時: 其實TVB來講都算幾有心機, 唔錯; 個結局都估到, 係個劇情一路落來慢慢逐d揭開都唔錯; 不過最最後究竟女主記唔記得d野呢? (個人覺得係NO的)

5. 來緊星期Loyeah放假, 應該部門接近癱瘓, 可hea xDDD

6. 剪左頭髮, 爽

7. 最近個高達game愈來愈hea, 係咪就執? 係就好啦~~~我都無咩心機打了~~

來緊:
15/4(五) -- 約左八姑進係元朗食飯
17/4(日) -- 10-12TKL; C婆婆生日飯
1/5(日) -- C屋企拜山, 打唔到波 :(
完

四月四日 -- 清明假

29/3(二) -- OT開Briefing, 本來上星期話係M同AM去, 突然M話唔去, AM又唔去, 叫我去講; 今日去講, 突然M又來埋, 好彩無講錯d咩

1. 是日appraisal, 一如所料SM唔like我; 開完個會, 個M亦係好似之前咁覺得OK~ 唔理了。

30/3(三) -- 之前FS OT補假一天; 係企hea左成日, 好舒適; 夜晚C收工返來去Jusco買野同係樓下西餐食飯。

31/3(四) -- 出site早收工; 就近於是去左奧海城睇下個Gundam Expo(預左無咩睇)之後先返去買送; 夜晚係企食飯。

1/4(五) -- 收工去左坑口村食Lardos; 之後返企。

2. 是晚相信好多人係屋企(包括我)係屋企睇住亞視熄機, 唏噓。

2/4(六) -- hea左一日; 中午hea食杯麵, 諗住下午出去食tea, 佢睇劇我就hea悶到訓著左, 5點半醒返先出去樓下食d野同行下海邊; 夜晚返TJ食。

3/4(日) -- C一早返娘家睇住隻狗仔; 我早上食左d野中午去紅磡輝屋企個場打波, 好耐無同一班中同(仲有Derek)打波, 好耐無打3打3~~ 2點諗住打最多2個鐘點知打到5點半先完; 之後跟Arthur的過海, 係CWB落, 買d野食上C娘家, 睇埋金像獎到11點半先走(C留娘家)。

3. 打左年幾2年(?唔記得幾耐)全場, 好似無咩進步又入唔到波又唔迫走位咁, 一打返3打3發覺其實比以前進步左, 因為3打3空左好多, 比以前其實識得走位單檔, 同埋由於空d的關係, 射波比以前3打3準(雖然對住老鬼); 同埋真係覺得身體體能跟唔上, 而家打全場果班都係年青力壯, 腳步跟唔上, 今日對返老鬼, 打耐左又熱又累有時都唔係好跟得上了~~~

4. 金像獎, 由於唔太好個題材所以無睇過踏血尋梅, 不過一直都聽過人話係幾好睇, 但都估唔到佢拿到咁多獎; 亦都估唔到大會夠膽比最佳電影比"十年"。

5. 好耐無試過自己在家, 好自在 xDD  仲可以訓返細房張硬床~~~

4/4(一) -- 清明節放假一天; 上午係企hea, 中午過爸媽度食潤餅, 再過C度(北角->勵德)陪佢, 呢幾日砌左好多模型, 同埋坐到好累~~ 9點半島佢細佬返左來所以走得。

來緊:
7/4(四) -- Nat華哥飯。

完

三月二十八日 -- 復活節假

21/3(一) -- 收工返去同C一齊買野返企, 佢煮。

22/3(二) -- 收工返天晉食飯。

23/3(三) -- 收工去MK同Ex-URA同事食3月之星(Martin)生日飯, 9點半島散。

1. 講起珊姐原來佢呢期真係不停搵人sell野 xDD 同埋仍然aggressive~~

24/3(四) -- 收工返TKO同AngelKT食飯; 好耐無見; 終於試到間Beans, OK喎, 幾好食又唔算好貴。

2. 電話壞左...

3. 是日最大震撼係聽到Norman女友病危o既消息......

25/3(五) -- 復活節假期第一天; 中午去寶林食晏同埋換左C張電話卡for新機, 之後返企再出寶康公園, 我同馬打波, C同Kathy跑步; 散左後返企, 6點幾去吉野家同哥一家打邊。

26/3(六) -- 係企hea下訓下到4點島出去大埔Helen家食飯。

27/3(日) -- TKL9-11, 練過波果然好少少, 由唔入波變左彈2下入 xDD; 之後係果度淋個浴即去美孚同八婆一家進女友食飯; 間上海野好食喎~~ 之後去荔枝角公園同o靚仔玩, 再返TKO我家打邊邊; 9點半島散。

28/3(一) -- 復活節假期第四天; 下午一家去拜山。返TKO咁o岩Puzzle同2個仔係呢邊踩完單車, 於是上左我家hea同傾下計; 佢坏1走左後呀源O完T上來, 一齊去樓下食野後再上來坐多陣走。

4. 原來連續幾日都同o靚仔玩, 哈。

5. 咁就過左個假期, 不過都算舒適, 幾relax。

來緊:
29/3(二) -- OT開會
30/3(三) -- 之前FS OT補假一天

完

三月二十日 -- 打波

14/3(一) -- 收工臨時決定去探狗仔Almond; 去天后同C hea食飯, 之後meet埋佢細佬睇狗仔; 今次真係打得好甘, 勁傷, 點會咁架~

15/3(二) -- 收工同CLilyTango去北角食梅花村, 之後再食埋甜品走。

1. 奇趣又有折, 仲要有折o既再折, 好吸引呀~~ @@

16/3(三) -- 收工返TJ食飯。

17/3(四) -- 收工好累, 返TKO食大家樂。

2. 最近狂砌模型, 清左好幾盒; 砌得快過買好多呢~~(而家都少買啦~~)

3. 最近見FB好多人話抵制咩人o既親戚開o既鋪頭: 固然我都好唔鍾意果d政治人物, 但係有幾點:
3.1 禍不及妻兒, 果個人PK, 何必要影響人地屋企人? 好啦, 如果呢樣野係可接受o既, 點解以前日本仔打中國人, 又衰又殘忍, 而家又唔抵制日本? 早2年內地一遍反日熱潮又話抵制日本, 本土人又話佢地做呢d野好低B? 而家d人同果d低B大陸人有咩分別? 講到尾只係自己對住d政治PK咩都做唔到而做o既發洩行為, 千祈唔好話自己係以"正義"為名咯; 無論點都好, 用"正義"來做牌頭, 做唔o岩o既事都係唔o岩。
3.2 好啦, 講要抵制, HK好明顯由好~~~~耐之前已經係比d大商家攪到貧富懸殊同埋壟斷晒個市場, 又攪高個樓市同埋所有鋪租, d野就因為租貴而貴晒, 點解大家就只係係度鬧下土共、鬧下建制派(我一再強調我都好憎土共的), 而唔去團結做d野對大商家呢? 係無意識? 唔想做? 做唔到? 豬到唔明白真正問題發生係邊? 定係又係明知自己做唔到d咩, 所以只係搵d發洩到o既對象來發洩? 有骨氣o既, 唔好幫襯李生旗下所有o既野野丫笨?
3.3 其實自己雖然唔多like講政治, 但係由細到大老豆都like睇, 因此呢樣野係由細到大都有留意到, 有睇到個改變; 當然, 我都好憎果d盲目奶共o既走狗, 亦都好憎拿著數拿到盡, 唔同平民共享o既大商家大企業, 但係更怕果d自以為是又唔了解成個世界、國家、地區政治體制、玩法但係又一頭熱血係度亂來o既人。

4. 多返屋企, 就多開電視, 自不然就睇下。話說"潮流教主", 唔講佢抄人或者攪一本雜誌咩合唔合理, 想講o既野有以下幾點:
4.1 好唔合理係, 點解劇入面一本雜誌d編輯(楊秀惠許亦妮陳瀅湯洛雯甚至李佳芯李璧琦)會靚過索過晒劇入面果d top models明星同影后(莊思明邵珮詩曹思詩范文雅)?
4.2 呢套劇入面拆o既局仲密過拆局專家
4.3 好明顯主角係李佳芯, 入面主線劇情圍繞講得最多o既係佢, 佢做o既野發生o既野最似一個"主角" xDD
4.4 教主係入面只係一個無敵o既角色, 無咩好講, 亦唔算立體; 煩膠貝好似係主角咁其實佢只係牽引住個劇情推進, 反而最有戲要交(交唔交到一回事)最多線最有say最立體果個係李佳芯: (事業同人生)有起有落, (爭權, 失婚, 四出奔走為勝利)有因有果, 有被愛/欣賞(陳山蔥/陳豪)有性有情(羅仲謙), 簡直就係做比佢咯。

18/3(五) -- 收工去C娘家食飯, Almond精神返好多, 仲幾精靈。

19/3(六) -- 太累, 訓到12點幾先起身; hea到點半先出去, 已食到tea; 去坑口食格格之後買左C生日禮物(手機), 之後返企hea; 剪左頭髮; 夜晚出寶林同馬夫婦食綠茶館同行下街, 8點半島散。

20/3(日) -- 柴灣8-10, 2個星期無打! 打得唔好, 不過總算學到d野; 返企沖涼hea一陣, 下午出SSP行下同買野, 行到對腳痛; 5點幾搭車返企; 夜晚係企食。

5. 固然有時係唔識/唔知點做, 但係有時唔係唔知點做, 而係身體/體能/精神已經跟唔上了。

來緊:
23/3(三) -- Ex-URA 3月之星飯
24/3(四) -- AngelKT飯
26/3(六) -- Helen Home

完2016三月二十日 -- 打波

三月十三日 -- 休息

7/3(一) -- 收工去灣仔同Nat食波士頓, 好耐無食過; 多謝估唔到3月仲有生日飯食 xDD

8/3(二) -- 收工返TJ食飯。

9/3(三) -- 收工返企食飯, C煮。

10/3(四) -- 老細約左7點洗樓搵客; 同佢出SSP食左蛋牛治後6點9集合搵社工再上樓, 7點半過d收工。

11/3(五) -- 收工返TKO同C試下間新開泰國野, 都算OK啦, 個2人餐(CBD300)其實有3人份量。

1. 夜晚CBD12點Sanny話佢無帶Key係屋企樓下等左2個鐘屋企人都無聽電話, 於是叫左佢來我地家借宿一宵。其實佢應該一早就搵我地啦~~ 反正佢星期六辰去寶林拿跑步選手野夜晚又一齊邊爐~~

12/3(六) -- 同馬夫婦Sanny食lunch, 試左冬蔭公公隔離間Bar樣o既西餐, 幾好食但貴; 吹水到CBD3點先散, 我頂唔住係企恰左, C同Sanny就去買夜晚Bino野; 夜晚Amy志寶同源來一齊打邊。

13/3(日) -- 中學舊生籃球賽因天雨延後, 連續第2個星期無打波...; 下午出MK同C娟EdfCass進唱K, 夜晚Charlotte join埋食飯; 本來想食間潮州野, 但等左幾耐位, 結果轉左去食晶輝再食小王子甜品。

2. 好耐無唱K, 唔知點解近幾次唱K都係一直期待但去到果日又好似唔係好大心機同唔知唱咩好咁? 不過一班熟朋友一齊hea感覺夠OK了。

3. 好突然o既消息, 原來某友散左一排。

4. 耐無打波出site, 唯一好處係抖左對腳。

來緊:
15/3(二) -- LilyTango飯
23/3(三) -- Ex-URA 3月之星飯
26/3(六) -- Helen Home

完

三月六日 -- FS 累爆

29/2(一) -- 收工返企, C煮飯。

1. 選舉來講, 雖然作用唔大, 但都投左票, 結果雖然險但係都還好; 最希望係長遠都OK。

2. 老野開始搬來我斜後坐 =__=

1/3(二) -- 收工返企, C煮飯。

2/3(三) -- 收工返企, C煮飯。

3/3(四) -- 出site早收工返企, 我煮飯。

4/3(五) -- FS; OT到8點半, 好彩都算早。

5/3(六) -- FS; OT到7點半; 返TKO同C食吉野家; 好累。

6/3(日) -- FS; OT到4點半; 飛van去寶林, 之後搭shuttle返去(o岩o岩有車唔使等); 夜晚C煮飯; 之後出去行左個圈(TJ, 尚德)返企。

來緊:
7/3(一) -- Nat飯
10/3(四) -- OT
13/3(日) -- QCOBA Bball game
15/3(二) -- LilyTango飯
26/3(六) -- Helen Home

完

二月二十八日 -- 雜記

22/2(一) -- 元宵快樂。收工去灣仔行下等C收工, 之後去hea食爭鮮後返企。

23/2(二) -- 收工同Esther娟MandyJessicaDorothy係粵來順食飯, 多謝大家請食飯同埋Mandy的生日禮物~~~

24/2(三) -- 收工同Queenie一齊過TST同Penny強食Queenie金盆洗手飯@瀛川; 間野都OK, 不過寶林果間好d呢; 好耐無打Mario Kart, 同呀強打左一陣, 寶刀未老哈哈。

25/2(四) -- 出site早d收工, 同呀媽去左黃大仙; 夜晚返TJ食飯。

1. 真係估都估唔到自己會咁: 呢日臨7點鬧鐘未響時竟然發夢去廁所, 竟然就係床度出左少少! 即時feel到濕即醒! 可惜已經太遲, 雖然濕得唔多但都污糟左, 好彩有張被係底, 只係拿左果張野同衫褲要洗, 其他無事。好奇怪係我又唔係急喎, 唔知咩事竟然發個咁o既夢(詳細都唔記得, 但幾肯定係發夢導致), 攪到我咁 =__=

26/2(五) -- 收工去C企食飯。

27/2(六) -- 是日好累; 早上晏起身, 食左個烏冬; 中午C媽來左TKO, 陪佢買送行左下街陪佢等車入西貢後返企; 返到企極累幾乎即時係sofa訓著左; 5點幾起身, 同哥嫂B行去寶林食牛鍋後行返企; 9點幾佢地上左來一齊hea, 佢地係廳開左apps睇閨密, 麻麻地姐。

28/2(日) -- TKO10-12, 雖然贏波, 係打得好過之前d, 但都唔見得叫好; 返企沖涼出返去食飯冬蔭公公下午茶; 下午係企抖, 夜晚一家都返TJ食飯。

來緊:
3月頭公司Operation
13/3(日) -- 暫定鐵腳K
15/3(二) -- LilyTango飯
26/3(六) -- Helen Home

完

二月二十一日 -- 腳痛

15/2(一) -- 收工本來公司同事有波打, 不過上星期打多左, 腳又冤冤地痛, 所以唔join了; 返企呀C煮左飯食。

16/2(二) -- 收工哥嫂臨時約左食飯, 去左寶林o既"靠得住", 話係連續6年入選米芝蓮(但我聽都未聽過), 不過d野食就ok啦, 但又細碟又唔平, 唔抵食; 去坑口桃園好過。

17/2(三) -- 下午出site早收工, 返企抖陣(哥嫂B上左來)換個衫再出KT同EdfRita食Kani, 之後行左下APM後散。

1. 明明大調位個sitting plan定好左, 無啦啦將我調左去老野前面, shit...

18/2(四) -- C生日; 拿左AL去澳門hea左一日。都係飲飲食食, 幾好食; 夜晚去左影光影童話夢, 都幾靚, 但多人, 之後有陣小雨人少左dd...影完就返HK。

2. 好似未試過一日之間令我變得由對一個地方無咩感覺或者唔錯變成唔多鍾意。

3. 腳痛。

19/2(五) -- 拿左假; 由於太累所以hea; 夜晚C同朋友食飯, 我同Grace食, 終於去試左寶林果間放題, OK喎值得去~~之後去馬會諗住買果期好多o既多寶但點知未有得買, haha。

4. 多謝有人請食飯仲有手信。

20/2(六) -- 中午同新奇食飯; 之後下午我去參加公司Cooking Class整酥皮焗三文魚菠菜(同班仲有Edith); 整完之後去左貓貓書店行左下後散; 夜晚返企食飯。

5.幾好食, 但我同C都唔太好酥皮 xD

21/2(日) -- 早上打波8-10坑口, 好累腳好痛; 之後睇Deadpool, 幾好睇; 下午返企抖左下, 再出花墟行左陣, 夜晚同C娟Cass源進食飯(金山), 多謝, 好surprise有蛋糕。

來緊:
23/2(二) -- SamEsther飯
24/2(三) -- Queenie金盆洗手飯
3月頭公司Operation
12/3(六) -- 暫定鐵腳K
26/3(六) -- Helen Home

完

二月十四日 -- 雙週記

1/2(一) -- 收工過寶林同C同Badend人食飯; 咁o岩就到時間, 約左ConnieLoLo係TKOMTR比野佢地, 竟然撞到Fungor, 之後去寶林等人時又撞到鵬鯉, 今日係咁撞到人哈哈; 同BE人行左下玩具鋪後, C到左一齊食上海野。食完散。多謝佢請我地食飯~

1. 是日好累同頭赤。

2/2(二) -- 係site收工, 今日拿左西裝褸同埋之前婚宴果間o既年糕同羅白糕, 2張卷以為拿2底, 點知係一張2底, 結果拿住4底糕係街度行...=_= 手痛死; 幫Derek係信和買野; 之後同CSW貓Group係天機棧食飯團年; 食完行左下旺中後佢地繼續行我就返企。

2. 斷斷續續咁睇左少少夜晚做果套神鵰; 同幾年前果套個comment一L樣, 大陸硬件OK軟件唔得, d人景衫都好靚, 但拍得差。

3/2(三) -- 收工去KLB食放題(ex-URA一月之星飯, ConnieLoLoAmandaCarolWaimandy), print左coupon 6送1都幾抵。野食就同一般放題差不多都係果d。

3. 唔知點解早訓左都係眼訓同累...

4/2(四) -- 收工返企食飯, 爸爸農曆生日。

4. 好累好眼訓...已經唔夜訓...

5/2(五) -- 收工同C係屋企附近hea食, 之後想行下花市, 本來想早d行完返企, 點知等呀B哥嫂到10點半先行, 11點半先返企再沖涼訓就夜了。

6/2(六) -- 年廿八; 日頭係家清潔, 夜晚去SKW同呀C婆婆細舅父食飯。

7/2(日) -- 團年波10-12TKL, 打得唔好; 下午係企沖完涼就恰; 夜晚去爸媽度團年飯同睇電視。

5. 美妮姐姐做個悍匪感覺好出, 好正 xDD

6. 唔記得係咪呢晚, 係電視睇左羅馬浴場2, 1好睇好多, 2用返果d橋已經無驚喜。

8/2(一) -- 大年初一; 中午meet C細佬拿Key, 同佢食埋晏; 下午過爸媽度拜年, 之後去老姨度拜年, 夜晚返爸媽度食飯。

9/2(二) -- 年初二; 下午入西貢幫C細佬攪d狗仔, 之後出SKW佢婆婆度同佢呀姨一家食飯。

10/2(三) -- 年初三; 赤口賀歲波10-12TKL, 好似結完婚以來都未打得好過...; 下午返企抖, 夜晚同馬夫婦係PL食飯, 間日本野唔掂。

11/2(四) -- 開工大吉; SM不在, 無人有心機做野; 夜晚同C一家係CWB食韓國野, 慶祝佢媽生日。

12/2(五) -- 呀哥生日快樂; 收工同源去左民仔屋企同佢媽拜年; 之後C來埋北角一齊食飯, 去左好耐無去o既Ibis酒店個飯堂, 仍然都係大件夾抵食。

7. 相識多年, 覺得去民仔家拜年係一個好正確o既決定, 覺得佢媽都開心的。

13/2(六) -- 係企hea左半日, 夜晚出灣仔C家族團拜。

14/2(日) -- 9-11灣仔, 今日叫打得好返少少, 不過都麻麻地; 情人節+人日, C唔多舒服, 所以stay左係屋企hea睇千尋同砌模型; 夜晚佢煮d野食, 簡單過。

8. 魔法黑森林麻麻地, 將幾個童話故事串連埋一齊, 不過好散亂, d劇情又膠膠地, 唔多掂; 深夜食堂OK, 雖然平淡, 但係好warm好有feel~

9. 第一年派利是, 又唔會話好大感覺; 可能係因為都expected~

來緊:
18/2(四) -- C生日; 拿左AL
19/2(五) -- 拿左假; 夜晚C同朋友食飯, 我同Grace食
20/2(六) -- 公司Cooking Class
21/2(日) -- Cass飯
23/2(二) -- SamEsther飯

完

一月三十一日 -- 生日

25/1(一) -- 收工去坑口食野同買電視之後返企。

1. 近幾個月不停添置新傢俬同電器。

2. 終於記得將FB個生日hide左。

26/1(二) -- 收工返企食飯; 補慶呀嫂生日。

27/1(三) -- 收工返企煮飯, 夜晚新電視送來。

28/1(四) -- 收工去MK天機棧同白田朋友食飯, 10點幾走。

3. 天機棧搬過2次到今次第3個地點我都試左, 仲唔係fans? xD 雖然好耐無去, 不過仍然keep到準呢~

4. 每次出來都覺得呢group朋友又係傾偈傾得好舒服好正的一班。

29/1(五) -- AL; 早上睇左Dirty Grandpa, 普通, 算係咁啦; 之後出中環Landmark食hi-tea, 順便拿埋件西裝褸去整返做普通領; 食完tea hea搭叮去CWB, 行左下Hysan後上C家食團年飯。

30/1(六) -- BDay; 本來都無特別安排或book左邊度去, 之前C話過想去Macau或海馬公園, 但以為會落雨所以放棄(加上我麻麻地想去), 由於無咩idea所以比我決定去邊; 結果自己一早9點島起身上網打機hea下, 到11點幾又再訓返, 點幾鐘醒返, 去SKM食車仔麵, 再行下SSP玩具街睇下揮春同玩具; 睇完食左綠林抖一下之後去花墟睇盆栽, 好多人好逼行到好累; 之後MTR去坑口換個袋換唔到, 買爭鮮同貢茶返企食。夜晚哥嫂Jason同呀B上來, 同我食左蛋糕。

5. 咁又過左個生日了...

31/1(日) -- 10-12TKL, 一般般; 之後返企再出去食lunch, 將廣果間譚仔唔好食; 食完去買d野返企, 煮少少野, 夜晚過去一家預祝呀爸生日。新奇都來左一齊食。

6. Derek送左隻Gundam Barbatos比我, 好正呀~~~

來緊:
1/2(一) -- Badend人
2/2(二) -- CSW貓團年
3/2(三) -- ex-URA飯
完