十二月十三日 -- 東莞的森林 (十五日追加)

7/12(一) -- 收工同公司同事打波, 之前果日先打左波, 再打好累...又遠, 走果時仲要走車 :(

1. 雖然打得唔多, 但練下form都幾好。

8/12(二) --去新蒲崗同攝影Joe哥拿BigDay相同片o既碟, 之後去Mikiki同佢食飯(泰國野)。

2. 野食普通; 真的麻煩Joe哥了。

9/12(三) -- 頂唔住, SL一天; 係企hea到咁上下出去睇醫生, 再去SSP同Jacky珊等人食大排檔。

3. 好開心見到Jacky同Pauline, 仲有第一次見Christine個妹。

10/12(四) -- 收工返企食飯。

11/12(五) -- 收工去荔枝角同CSW同事食清哥退休飯。

4. 大姐都感觸落淚。

12-13/12 -- 返C鄉下; 1. 佢鄉下親戚好熱情好好人; 2. 石龍都係同內地d小型城市差不多, 不過都幾多野食, 又幾好食; 竟然返鄉下都行街, 行左幾個鐘, 除左搭車耐, 主要都係因為呢樣野好累; 好似仲有d野想講但唔記得, 暫時咁多先, 好眼訓。

5. 煙味好勁好辛苦。

6. 星期六係酒家睇左集獅子山下, 咁o岩講有關收購重建事宣, 感觸良多。

來緊:
17/12(四) -- ex-URA
19/12(六) -- fnd K
20/12(日) -- C家做節
23/12(三) -- EAA試
25/12(五) -- 聖誕邊爐@Home
26/12(六) -- X'mas BBQ
完

十二月六日 -- Concerts

0. 講返少少"男人幫"concert; Rundown有記低但唔講了, 基本上大部份都係唱返首本名曲, 所以大部份都識跟住唱; 歌就只講d特別想講的:
0.1 蘇永康; 一直都覺得佢唱中低音把聲好靚, 亦都有好多好歌; 不過始終覺得佢有d爭d, 就係唱live時我好唔鍾意佢收個尾音, 可能好個人主觀感覺, 唔多鍾意; 高音當然唔係佢強項會爭d, 不過佢d歌都就左佢, 所以無咩大問題; 無咩好講, 係實力派o既~
0.2 梁漢文; 以前一路都覺得佢係樣樣能力都係B級o既歌手(樣普通, 唱唔錯, 唔跳舞, 識彈下琴), 好似樣樣野都唔錯但又無一樣標青; 聽完呢次live, 未至於大改觀, 不過反而覺得佢係最穩陣果個, 佢上高音、落低音、一口氣唱好多字o既歌、夠氣...etc都好穩陣, 真係有實力, 可惜係我覺得佢把聲唔係天生靚果種, 同埋唱得/穩陣又唔係到好勁果d, 不過聽完有加分呢。
0.3 黃家強; Beyond四子一向最無特別鍾意係佢, 唔講音樂才能齋講唱來講我覺得佢唱得唔好聽咯; 唔係話佢上唔到落唔到定點, 總之就係唔好聽, sorry。主打唱Beyond時d歌, 但係HK pop化+佢唱得唔好聽+無feel, oops; 雖然未至於好差, 不過係男人幫之中輸晒。另, 佢攪埋d野, 已經脫離左band列。係, 搵食姐。
0.4 任賢齊; 其實計peak位, 佢應該係4個之中最紅果個, 紅遍中港台; 聽佢唱live感覺好輕鬆游刃有餘, 好有大將風範, 真係掂o既; 可惜佢唱o既有幾首係輕輕鬆鬆玩o既歌(浪花一朵朵、對面的女孩看過來), 係好聽係開心不過唔係唱出功架o既歌, 好彩都有返d傷心太平洋比佢發揮下; 雖然我覺得佢唔係靚仔(但有好多女仔覺得), 不過的確值得佢紅o既。
0.5 歌來講, 每人唱左4,5首歌, 中間一part佢地一齊唱堆女歌手歌medley最唔掂, 編曲無feel/佢地唱得無feel/握手位, 寧願佢地唱返自己歌算。好彩唱自己歌大部份都係用返原編曲無點改, 呢d演唱會係要咁, 來o既人都係想聽返舊野姐。
0.6 好多師奶樣/呀嬸樣o既人來聽, 但又真係識唱識跟的; 同埋貴飛果d位都有唔少空位, 唔多賣得好。

30/11(一) -- 收工返去同C行超市整意粉食。

1/12(二) -- Lunch同勇Trista食飯(得知佢地攪結婚都係有好多拗撬); 夜晚本來約左TangoLily食飯, Tango屋企有事臨時取消; 返企煮飯食; 第一次煮咁難食o既炒飯, 煲得太濕...

1. 最近返得企多成日開電視睇左少少TBB感想:
1.1. 連續三套劇(梟雄, 東坡家事, 實習天使)都有煒哥, 不愧我由亞視時期已經like佢; 雖然已經唔年輕但仍然索~
1.2. 好confirm自己極度唔like新。愛。回家。唔止係因為無左馬家同律師樓, 係劇情同人物問題。之前劇情好多時都係開開心心攪下笑, 一係就溫溫馨馨一家人/一班同事有咩事都互相支持o既; 而家就係成日都係2個呀嬸無無聊自己諗多+對人有bias+諗野negative+極度主觀而造成好多不必要o既誤會/麻煩事...etc, 偏偏就踩中左我最唔鍾意o既人類特質, 真係妖一聲。
1.3. 梟雄大結局, 感覺上想講好多野, 但係又得1,2集講, 所以好多野覺得好草草了事/突兀, 無啦啦人死o既死走o既走變衰o既變衰...
1.4. 東坡家事: 無力吐糟...不過Bobby真係集體回憶, 見到個樣就覺得好親切。
1.5. 而家TBB其中幾個實力女演員都係亞視過檔...煒哥/大塊田/萬二蚊/江美儀, 幾時搵埋楊恭如同王薇過來?
1.6. J圖夾帶、伍公子班友係網上吹下水抽下水咪算咯, 今次真係柒到核爆。
1.7. 鍾嘉欣唱歌真係麻麻地。

2/12(三) -- 星期一突然通知今日要OT, 本來約左攝影Joe哥食飯同埋拿BigDay相片, 要再約; OT到9點幾。

3/12(四) -- 收工去C娘家食飯。搬左好多佢係公司拿o既冷門電器返來。

4/12(五) -- 收工去德福同ConnieMartinPennyEdith食d野, 之後join埋Penny細佬去九展聽concert。

2. 又聽左個concert, 少評一下; Dear Jane水準幾穩定, 可能個場音響麻麻加好嘈, 所以唔係好聽到瑕疵, 總之就叫係OK啦; 鄭融一向覺得佢唔錯, 不過一直覺得佢有d似梁漢文果種, 樣樣野(樣、身材、唱、跳...等等)都係B(其實樣樣係B都好唔錯), 但係無一樣野真係好特別突出, 所以好難紅, 不過聽過一次live之後(始終現場同youtibe果d live唔同), 覺得佢真係唱得係唔錯的, 好穩定, 高低唱慢歌字拉長都無走, 唔錯; 另外, 首受夠係是日驚喜, live版好過CD版; 周國賢一向麻麻地佢, 樣就好主觀, 但係唱真係唔得, 不過佢d歌係OK的; Supper Moment有上youtube聽開d人係現場錄o既片段, 佢地真係次次都好比力好有heart, 感覺唔錯, 好有心, 而且唱得OK。Overall來講雖然係個細show但係感覺唔錯。

5/12(六) -- 起身後11點零出門口食少少野去SSP行; 邊行邊食, 買左好多要買o既野(wireless router, headphone, 家庭用品...etc), 但係竟然無買玩具、模型, 哈哈。(有好幾盒都想買, 全忍手了); 返企再整少少野食。

6/12(日) -- 10-12打波, 自覺打得麻麻地...; 打完即走返企沖個涼出返去YMT同鐵腳唱K, 好耐無唱, 最近喉嚨都唔多舒服+好耐無唱, 所以都係唱得麻麻地同埋唱得唔多; 之後一齊去創興打邊邊到10點島走。

來緊:
7/12(一) -- URA籃球
8/12(二) -- Joe飯
9/12(三) -- Jacky飯
11/12(五) -- 清哥退休飯
12-13/12 -- 返C鄉下
17/12(四) -- ex-URA
19/12(六) -- fnd K
20/12(日) -- C家做節
23/12(三) -- EAA試
8-10/12 -- 白田未firm
完

十一月二十九日 -- 男人幫

23/11(一) -- 收工返企, 同C用尋晚剩d湯煮烏冬食。

24/11(二) -- 收工同CNat去MK食韓燒, N耐無食過cheap cheap任食韓燒, 呢間都Ok喎; 返屋企喉嚨痛。 >_<

25/11(三) -- 收工返企煮飯食。

26/11(四) -- OT到9點幾, 走車返企。

27/11(五) -- 收工入坑口同媽C去醫院探爸; 之後食米線後返企換個衫去哥度探B, 好耐無去; 12點幾先走。

28/11(六) -- 早上起身, 食d野, C入西貢, 由於我好累同埋呢幾日個鼻同喉嚨都有d唔舒服, 所以無同佢入去; 夜晚去紅館睇"男人幫"演唱會(呀媽有2張免費飛)。遲d先講返個concert。

29/11(日) -- 打波8-10, 雖然入得唔少波但起手都多; 返企沖個涼同哥嫂出藍田, 呀嫂想買野點知佢話記錯應該係油塘, 於是係藍田食左好耐無食過o既三盞燈之後過油塘; 油塘行左陣又搵唔到佢fnd confirm係邊, 行完先話原來都係係藍田, 於是分散; 我同C返TKO買送煮飯, 夜晚爸媽哥嫂來食飯; 睇左TBB大結局。

1. G2000特價, shirt好平, 咁o岩我都想買, 買左堆, 好抵。

2. 無睇開, 不過都睇左"梟雄"大結局, 感覺上佢想講o既野好多, 但時間唔太夠, 有d草草同埋好多野好突然, 同埋講2句就算。

來緊:
1/12(二) -- TangoLily飯
2/12(三) -- Joe飯
4/12(五) -- concert?
6/12(日) -- 鐵腳K
11/12(五) -- 清哥退休飯
8-10/12 -- 白田未firm
完

十一月二十二日 -- 新生活

16/11(一) -- 中午返到HK, 返企放低野即落去食野; 返來執完行李後我就即時恰著(C好多野執), 到佢沖完涼去抖我就抹地沖涼; 夜晚返企食。

17/11(二) -- 早上起身, 中午去左尚德食慘仔, 之後出Ikea同實惠通寶行買左堆家居用品; 夜晚C去PL還頭紗比個化妝, 之後一齊返去食飯。

18/11(三) -- 繼續放假(C已返工); 起身處理左d信件文件野, 中午meet呀馬同佢射左陣波, 下午係企整野同睇跌打; 夜晚返企食飯。好忙碌~~

19/11(四) -- 收工去WC接C收工, 係果邊行左下玩具街同188(竟然無野買), 之後食埋飯返企。

1. 隻game終於追返個進度...想棄坑了...

20/11(五) -- 收工去In's Point同信和行, 好耐無行過同買野(仲meet左一下呀進)~~ 之後C來join, 去左女人街食一休, 都好耐無食~~ 食完返企。

21/11(六) -- 早上早場, 下午去左TKL食, 之後返企抖一陣; 下午4點島出門去C婆婆家, 夜晚同佢家人食稻香後返企。

2. "哪一天我們會飛" -- 係唔錯幾好睇, 不過又未覺得好似d人咁講到超好睇; 講由學生時代到而家o既老夫老妻, 講細個夢想講學校講初戀講爭女講相處講信任, 好現實得來一直插?講返以前o既事一步步現返真相鋪排算係OK。不過可能自己未到果個階段亦無果d經歷(我唔係讀男女校/讀書時期無拍過拖/無2個男仔咁叻/無大攪過開放日/未係老夫老妻/未有機會出背住老婆出軌xD), 所以共鳴感無咁強。
另外, 我覺得無得同台灣o既比較; 雖然都係講學生時代講回憶, 不過文化同環境都唔同, 表達方法都唔同, 我覺得唔可以話邊個好d, 我只可以話台灣果套誇張d、開心d, HK呢套就沉實d、娛樂性無咁豐富。
少少負評係我覺得係現代同學生時代o既插?平衡得唔算好好, 同埋Jan老友後尾條女又比佢攪上左又有少少誇張(雖然係有d意思o既)。

22/11(日) -- 早上去VP打波!!好耐無打, 覺得自己打得唔多好...不過終於可打波啦~~ 之後返TKO同C食吉野家, 買埋送返企沖涼, 可能太耐無打累到爆炸!!周身酸手腳痛~~ 下午恰左陣, 夜晚C煮飯。

來緊:
24/11(二) -- Nat飯
26/11(四) -- OT
6/12(日) -- 鐵腳K
8-10/12 -- 白田未firm
完

十一月婚後記

婚後記

Big Day已過左一日。好多野想講。不過由於時間倉促, point form講少少啦。
1. 今日還埋d衫之後, 總算叫正式落幕。隨即就要準備去旅行, 所以繼續好忙碌(執行李中)。
2. 要多謝o既多謝左, 不過再係度多謝一次所有人(唔打晒出來了)。
3. 有好多人都話到左當日2個"主角"已經會好累好忙同做佈景板, 一d感覺都無, 唔知自己做左d咩就過左一日。我又唔太覺, 全日每分每秒都知道自己做緊咩o既。有意識。
4. 事前無準備要講咩o既情況之下, 9UP左一輪, 諗返自己好白痴。
5. 自己全權處理又最有心機處理o既野就係音樂; 試果時有d播出來d聲拆, 雖然finally有1,2首歌用返酒樓default, 但係好彩最想用果幾首OK/攪得返。(成長片段、早拍晚播、March-in、敬酒、送客都OK, 可惜証婚果首唔得同埋唔敢用本來用來上燒豬果首。)
6. 一直無認真地諗住唱歌, 不過成個event本來就無咩特別亦無surprise, 加上10個有12個(連埋唔來果d)都問我, 所以係最後幾日決定唱下歌仔; 可惜1st choice搵唔到無人唱o既track, 整又整唔設, 唯有唱其他, 同埋, 雖然我平時唱歌都係普通, 但果日仲差過平時好多咯...(仲要忘詞)。
7. 是日全日無咩胃口, 無點食野; 其實夜晚新郎好多機會食野, 不過我幾乎都走左去朋友圍度吹水, 很開心。
8. 返到來除左執野抹地...etc等等必要做o既野外, 就係睇朋友比我d利是封; 超級無敵感動, 不停地睇邊個寫d咩比我, 超級唔捨得拆同埋掉; 我估計果堆野好可能擺好耐都唔會開住了~~~(到而家都只係睇晒d字only, 無開過入邊睇)
9. 腎上腺素效果果然強勁; 全日其實唔太覺累、餓、痛...etc; 不過一返到企沖完涼就...
10. 係HK攪"正常"婚宴, 之後想: 洞房花燭夜or執好晒間屋or傾偈or upload相or玩咩都好...etc is a joke; 基本上係腎上腺素功效完結之後, 連餓、痛...等等感覺都未出來之前, 第一件事已經係眼訓, 然後係訓著左。
11. 再再再次地感受到自己真係算好多朋友, 同埋大家都好十分非常之咁錫我; 今次有請o既, 我相信都一定係想/expect我會請o既朋友, 亦都肯定有一堆係expect我會請而無請o既朋友, 其實好難選擇, 不過總有取捨...好似早排某低能公眾人物所講, 我都幾肯定自己某樣因子好過好多人, even係咩位置o既人; 人絕對不以、高薪、高職、高級品而搏到尊敬; 令我火同埋辣著我絕對唔係一件好事。
12. 當日最唔能夠控制o既, 係臨尾2日甚至當日先知來唔到o既朋友, 好可惜; 更可惜係請得到或請唔到o既某幾個好朋友來唔到, 很遺憾。
13. 唔覺唔覺, 由開始籌備到攪完, 都差不多一年, 真係好快眨下眼就過去。
14. 好很累。
15. 多謝老婆。

給你我的手　像溫柔野獸　我們一直就這樣向前走
我們小手拉大手　一起郊遊　今天別想太多
哇啦啦啦啦　像北方的風　吹著南方暖洋洋的哀愁
我們小手拉大手　今天加油　向昨天揮揮手
我們小手拉大手今天為我加油　捨不得揮揮手

完

十一月九日 -- 結婚

2/11(一) -- 收工返企再出返KT同白田同事食飯(印尼野), 仲叫左好耐無見o既俠士添。

3/11(二) -- OT到9點半返企。

4/11(三) -- 收工搭叮去CWB CCC同中同食飯; 個中菜廳幾好食; 難得周天恩join到仲帶埋女友來。

5/11(四) -- 收工去Jordon煌府試碟同歌, 竟然有d歌播出來好拆...同RitaFawnia食飯之後佢地行街我返企; 一返到去即沖涼, 沖完即時攤係床訓著左, 12點先起返身整埋d野再訓。

6/11(五) -- 開始放假; 一起身個頭好痛; 去C屋企搬野去佢婆婆屋企; 之後返企執野、佈置, C返企食晚飯, 我過爸媽果邊食; 夜晚哥嫂帶埋B來碌床。

1. 是日頭痛腰痛腳痛又好累。

7/11(六) -- Final準備功夫; 係TKO同C伴郎(源)伴娘(Merina)食d野, 之後拿野去酒樓再去TST拿衫再拿去酒樓; 散水後同源拿野返企, hea到夜晚一齊食飯散; 之後呀馬來我家, 傾計講schedule同上頭後佢返企。是日唔多想訓, 好夜先訓, 但訓到。

2. 超級unexpectedly花姐姐無啦啦問一句就來TKO, 恭喜我比禮我然後即走; 知佢個人一向係咁, 好開心見到佢。

3. 最後一日Single Day, 同好友一齊過, 同屋企人一齊食飯, 同幾個好友傾電話; 感覺很好。

8/11(日) -- Big Day, 累。

9/11(一) -- 一早呀源來, 一齊食野, 之後還衫; 行左去In's Point竟然無收獲, 係KLT拿腳架後返企; hea到夜晚同大堆屋企人親戚食飯; 夜晚執行李。

來緊:
10/11 - 16/11 -- 蜜月旅行。

完

十一月一日 -- BigDay倒數

26/10(一) -- 收工過北角同AngelKTAu2食功夫點心; 好耐無見。

27/10(二) -- 出site收工返企沖個涼再出返MK北京樓同ex-URA同事食9,10月之星生日飯同埋派帖。

28/10(三) -- 收工同C去SPK搵Joe叔叔, 整埋個成長片段, 終於攪掂; 估唔到要攪到9點幾,攪到人地晏走添。之後係SPK食埋飯走。

1. 是日比公司個SM話我唔掂, 好失望喎; 原因係見我返工攪電話同拿帖; 話時話我基本上一有野就做, 做晒無野攪先攪果d咯...

29/10(四) -- 收工去MK同小雲CSannyAmy食飯。

2. 餐廳播住Intersteller, 睇左大半套, 仍然覺得好睇。

30/10(五) -- 出site早收工, 返企訓, 之後C收工來到出將中食飯。

3. 是日AM第一次同我出site; 佢講好多野明顯想安撫我同埋想我對faci印象好d; 其實佢真係一個好人同好OK的。

31/10(六) -- 係企hea; 下午出去買野; Ad-hoc約左RiotaEdith夜晚出KT食飯, 第一次試Bondi, 都OK; 之後一齊出KT海濱公園行下之後散。

4. 總要有relax時候。

5. 辛苦呀C經常執野refine個rundown...etc etc

1/11(日) -- 中午同源擇茄食, 之後兄弟姊妹Gathering(當然唔齊人, 伴娘係SG, 馬係USA, 男MC臨時前一日甩底); 傾完就散, 源同進留底一齊hea到夜晚, 一齊過將中食飯後散。

6. 踏入11月。
時間過得好快, 唔覺唔覺就剩返唔夠一個星期, 進入最後倒數階段。
臨尾呢個月突然多左好多變化, 實屬始料不及, 好多野亦唔可以跟自己步調, 被逼shift去另一套, 要處理、應付同適應o既野好多, 經常都覺得好攰。
時間無多, 不過要完成嘅野都七七八八, 來緊最後呢個星期嘅課題係(儘量)要有充足嘅休息(包括精神上), 保持心境開朗, 唔好比無謂野影響自己生活同心情, 愉快迎接星期日來臨。
加油。

7. 感覺混亂; 百感交集; 而家最希望係快d過完, 又可以開始有時間寫下野, 砌下模, 打下機, 約下fnd...

來緊:
2/11(一) -- 白田
3/11(二) -- OT
4/11(三) -- 中同
6/11(五) -- 開始放假

完

十月二十五日 -- 執屋

19/10(一) -- 收工返企食飯。

20/10(二) -- Grace生日快樂; 收工入元朗同八姑進食飯派炸彈; 好遠呀~~ 本來想食姑姑想食的一間日本野, 點知full左無walk-in, 於是轉場去正記食小菜, 再去食左韓式甜品後走。好耐無試過12點幾先返到企。

1. 傾開原來識左佢地都好耐了...

21/10(三) -- 公眾假期一天; 可能平時少食西藥, 一食成個人都好散...全日都wing咁; 夜晚出KT同Grace食生日飯。本來想去果間無開, 去左另一間野, 都ok。食完行左下APM無買tie就走。

2. 傾開原來都識左grace好耐了...

22/10(四) -- 中午同Mandy lunch派帖; 竟然係西貢收工; 夜晚出KT同娟Cass食飯派帖。

23/10(五) -- 收工去WC同呀C食飯後返企。

3. 一生人第一次搭左半站電車就落車……前面巴士係電車線hi到架的士

4. 回轉壽司，坐隔離果對男女，食左差不多20碟全部都係三文魚或花之戀……仲要一見就立晒落來，擺左係度好耐唔食先拿返上去或換一碟 @@"

24/10(六) -- 一早起身睇早場"我的少女時代", 好睇; 之後出KT同貓&MayChan去小時候食飯, 間野麻麻地; 之後返企, 累到幾乎即時係sofa訓左; 夜晚去左坑口食米線, 之後上爸媽度坐一陣, 再同哥嫂一齊去買左新sofa後返企。

5. 今日突然清楚地發現左一個經常令我壓力大同抓狂o既原因。

6. 終於買左sofa。最近好多次weekend，一攤係佢度就即時睡魔襲來幾乎即時訓?。唔知係咪佢知道就來要被?，所以要我訓係佢度多幾次呢? 其實佢無穿無爛，係d皮花少少，不過陪伴左我十幾年，而且有好多歡樂時光…

7. 係TKO偶遇K14, 嘩好似有左咁...

25/10(日) -- 今日主要執屋, 又清左好多野; 呀C同呀哥都有幫手; 夜晚買外賣上哥度食。

來緊:
26/10(一) -- AngelKT
27/10(二) -- ex-URA飯
1/11(日) -- 兄弟姊妹Gathering

完

十月十八日 -- 派帖

12/10(一) -- 收工去太子同Nat行左始創, 信和同兆萬搵Monchichi同Snoopy野, 之後經過花園餐廳心血來潮食飯, 派埋帖之後散。

1. 是晚見到舊友Catherine結婚照呢, 恭喜。

13/10(二) -- 收工返企食飯。

14/10(三) -- 收工過Jordon同Edf Rita唱K; 好耐無唱(次次都係), 不在狀態(次次都係), 唔知唱咩(次次都係); 是日証實左TVB男歌手系列都好容易唱; 11點島走。

2. 是日精選之一係"好歌獻給你"。xD

15/10(四) -- 放假一天, 一早過左去中環改褲, 之後返CSW, 同佢地食lunch, 終於食到間foodcourt, 真係Ok喎~~ 之後返office派餅, 本來諗住好快, 點知呢個吹下果個吹下吹左好耐, 覺得都唔夠時間~~ 4點幾同呀強Raymond一齊走, 佢地出完site一齊係SSP打左陣機~~ 6點幾散, 落西環同TracyPenny食飯派帖。間Food & Beverage幾好食~

16/10(五) -- 遲左收工, 同Ida係九龍灣食飯派帖。估唔到佢真係找數譚仔放題 xDD 雖然好似無其他人咁熟, 但係其實都係好好傾o既朋友; 同埋佢真係好單純好易chok XDD 一早食完行左陣淘大都係9點島散。

17/10(六) -- 本來無咩特別野攪, 之前果日突然話要去拿褂; 一早起身去新蒲崗搵鄧炳叔叔拿同埋傾左一陣當日安排, 仲幫我地做埋成長片段同早拍晚播, 真係多謝晒。之後趕返TKO, 同Derek食個晏同派帖(真係唔好意思要佢等), 之後返企, 好累成個下午hea下恰下...夜晚同哥嫂Jason過左去坑口食飯。

3. 本來就係你出雞架啦, 我都有出豉油啦。

18/10(日) -- 無野做; 中午買飯上哥度食, 之後hea同scan左d相for成長片段; 係佢企頂唔住又恰...夜晚呀嫂呀媽來幫手, 於是我同哥嫂出KT食雲南野後返企。

4. 呢排真係好累, 星期六日真係控制唔到, 頂唔住狂訓...

來緊:
20/10(二) -- 八姑進飯
21/10(三) -- 公眾假期一天; Grace生日飯
22/10(四) -- Mandy lunch; 娟Cass飯
24/10(六) -- 貓&MayChan飯
27/10(二) -- ex-URA飯
1/11(日) -- 兄弟姊妹Gathering

完

十月十一日 -- 失望的敵是尼

5/10(一) -- 收工威威突然打來要還書, 講左好~~~耐呢, 約左幾次都約唔到; 去左SSP一轉再行埋In's Point佢先o岩o岩到; 同SpenserConnieCarol食創興邊邊, 好耐無見Spenser呢~~ 幾個人輕鬆傾下偈又2個鐘, 9點半走。

1. 新一套Gundam出左第一集。好睇喎! 期待之後~~

2. 間邊邊竟然仲有三個字會來收未落煲o既野, 一夠鐘就埋來話有人等位跟住收爐, 但係明明無人等位同埋有空位喎 xDDD 其實佢講明2個鐘sharp收係OK的, 但唔明點解佢要講有人等位。xDDD

6/10(二) -- 收工返企食飯。

7/10(三) -- 收工去寶林同Grace食果間上海野之後行一陣食埋聰嫂散。

2. 講開去Maldives悶, Grace竟然講埋d咁o既野~ >_<

8/10(四) -- 收工同Badend人去SSP行玩具鋪後食周記後散。

3. 估唔到佢好客氣, 來唔到婚禮都比禮我, 多謝晒。

4. 聽到同事講有關爆炸果間樓o既野, Director影相影唔到, 咁邪?

9/10(五) -- 收工同C去Jordon比酒席錢, 食埋飯; 估唔到係街遇到Natalie~~~ 同佢係Cafe坐飲野吹水到10點關門先散, 好開心。

5. 今日同舊City同學呀勇同Trista食lunch; 好耐無見Trista呢~~~ 一直同佢地都唔熟, 但覺得係交得過o既朋友; lunchtime之間都幾好傾好多野講, 希望可以keep contact變熟d啦~~

10/10(六) -- Disney一天遊; 本來都無咩興趣, hea去下, 點知今次Halloween比起之前去果次hea好多, 連decoration都無咩, 因為落雨夜晚d巡遊同鬼全部唔見, 個船亦都幾hea無特別; 講真呢個Disney真係執得...夜晚去左荃灣好味米線, 之後第一次試搭290返TKO, 一程車返到去係幾好o既, 不過都要成個鐘。

6. 今日main point係同朋友一齊hea咯。

11/10(日) -- hea訓到中午, 出去食d野之後之後同C去KLB Ikea行下買野, 之後返TKO上哥度hea食埋晚飯散。

7. 天氣涼左好多, 今年踏入夏天後, 第一次唔係因為返工或者有需要而著長褲出街~~~

8. 今日係Ikea目擊中港矛盾，金毛燥底中佬vs强國巴辣潑婦，仲有大量圍觀花生魷，好嘈……

9. 呢幾日FB有唔少fnd都放左條片出來, 有2個小朋友唱You Raise Me Up唱到好犀利。自問自己唔係好似而家好多人咁, 見人叻見人有錢見人好就要搵野鬧搵野踩, 不過呢段野, 我雖然唔係要鬧, 但我堅係好唔like。(我對forward條片o既所有朋友並無惡意, 因為佢地like係無問題的, 只係我自己唔like而已)
老實講, 我睇時第一個感覺係"想嘔"。
我唔知點形容我個感覺; 果2個小朋友係勁, 係唱得好好, 呢個無可否認。但係我覺得一dddddd感覺都無。我唔想質疑, 但究竟咁細個人仔, 從細經過左d咩教育, 先可以識唱英文歌同埋唱到咁o既技巧呢? 就算真係天才(其實都幾天才架啦), 佢地明唔明成首歌真正o既意思呢?
最令我覺得嘔心o既係, (尤其係個男仔), 佢地係台上o既表現, 我唔知佢地係真心發出, 定係造作, 定係學左d pre-set表情+動作, 真係睇到我打冷震。因此我只係度講, 連forward都唔想。佢地應有o既童真, 一d都感受唔到。
呢d節目, 愈來愈唔想睇。比賽、歌手、表演, what a xxxx。
我寧願聽我d朋友唱K。

10. 新Gundam第二集仍然唔錯~

來緊:
11/11(一) -- Nat飯
13/11(三) -- K
14/11(四) -- 放假一天, 返CSW派餅
19/11(一) -- Grace生日飯
攪片段

完

十月四日 -- 過大禮

29/9(二) -- 決定都係要休息一日, 比隻腳抖下。

1. 係屋企唔出得街, 執成長片段用o既相; 睇返這些年來的相, 感觸良多: 原來早期gathering好少影合照, 只係係咁影食物; 有好幾班固定朋友, keep住gathering, 真係要多謝攪手; 好多朋友經我多番gathering之後變埋同一group, 所以我好多朋友都變左comon fnd; 有某幾個fnd係超級common fnd, 或經常係我d相出現; 同埋, 原我我都真係幾多朋友(真係朋友, 唔係泛泛果種), 多謝大家。

2. 最近睇晒ONE畫o既漫畫; 一拳超人原作版、靈能百分百同魔界大叔, 我覺得呢個作者諗野好有深度, 雖然佢d畫功好似好核突咁, 但其實佢控制同處理畫面同分鏡好叻, 而且劇情同內容都好正~~ 佢係好似好無聊o既故事入面講左好多社會、人、心理等等好有意義o既道理, 真係好正; 而三套仲有一個共通點: 主角都係一出就已經係力量上好強、最強o既存在, 但係亦帶出左係世界上力量強並唔代表一切, 生活、社會、朋友...etc各方面都有好多野要配合先會開心, 同埋要做好人、好事先係真理。

3. 睇左TBB劇集; 無雙譜, 人妻做2個角色係唔易, 但佢做男人都唔似男人; 張保仔直頭唔知想點; 不過2套劇3個奸角(趙永洪, 黃嘉諾同李天翔; 應該3個都唔係最後大佬)都係我幾like的綠葉。(咁o岩係企睇左, 但唔會追)

30/9(三) -- 是日confirm 24座van, 收工過MK交費, 拿帖, 呀馬同我拿過大禮野, 返TKO放低野, Cathy幫我買埋龍鳳餅; 攪掂晒d野食小王牛肉麵後散, 再去ATM拿錢後返企。

4. 前一晚訓覺係床上, 突然好強烈o既恐懼感襲來。或許我只是想要撤嬌, 或許我真的很害怕...

1/10(四) -- 公眾假期; 早上呀源過來, 同佢落去食早餐、拿錢、買生果, 之後12點搭GoGoVan去過大禮; unexpected佢果邊有個大吟姐(佢親戚d fnd), 攪到要攪多好多野, 攪完一輪落樓下茶記食埋飯先散; 同呀源Taxi返企, hea到夜晚同佢一齊過爸媽果邊食飯。之後散。

5. 下午係屋企同呀源研究個software, 應該攪得掂條片了。

2/10(五) -- 收工同Derek行左下灣仔, 之後同佢同PierreTommyHermanNorman係金鐘DanRyan食Derek生日飯。

3/10(六) -- OT(12-6); 之後返企沖個涼落街睇腳, 睇完買野食上呀哥度睇呀B。

6. 是日大風大雨。

4/10(日) -- 腳傷無波打; 中午落街食野, 之後係企hea, 夜晚過爸媽度食飯同睇B。

來緊:
5/10(一) -- SpenserConnieCarol邊邊
10/10(六) -- Disney
攪片段

完

九月二十八日 -- 中秋

21/9(一) -- 收工返企食飯後過左過呀哥度。

22/9(二) -- 收工去CWB(買埋餅卡)泉章居同C一家食飯慶祝佢爸生日; 之後返企。

23/9(三) -- 收工去寶林, 呀馬陪我睇皮鞋, 之後上佢家借條tie, 再落來行個圈先返企食飯, 之後過呀哥度坐一陣, Doris有朋友係度, 所以就走。

1. 是日係公司執下個outlook d舊email, 睇返以前好多無delete的email chat, 好懷念果時的日子; 成班同事好fnd又咩都傾, 有d特別熟o既都成日係email傾計; 發覺過左幾年, 人事各方面都變遷, 但係熟o既朋友始終都係熟, 就算講野已經無咁低能或者環境唔同左, 但都仍然係好熟, 感覺真好。

24/9(四) -- OT到10點島收工, 比起預期11點好好多了。

2. 今日公司d人又做左件少事, 但令人feel到唔當我係自己友呢~ 本人同伴意識甚強, 因此唔係同件的話我就更加唔會當係同伴。

25/9(五) -- 出site早少少收工, 同C去灣仔拿婚前檢查結果, 一齊正常; 之後返企淋個浴出返去同Doris家人, 2家人一齊食呀B滿月+中秋做節飯; 之後去呀哥度坐陣先返企。

2. 鳴哇~~今日比個女醫生攪J~~~

26/9(六) -- 中午出門去天水圍探Jessie & B(Q, EDF, Ida, PCLa, C); 之後散, 同EdithC去TM碼頭睇貓同食野, 間台式野幾好食, 再過凱都睇"華麗上班族"後散。

3. TM同天水圍對TKO來講好遠呀~~~

4. 華麗上班族 -- 舞台劇搬上銀幕之作, 不過問題正出係呢度, 效果其實唔太差, 但又唔見得好好; 今次杜Sir試新野, 反而專登留返舞台劇場景o既feel同搭左全個劇o既場景出來, 唔知應該叫係玩野定係勁? 將無限o既空間用返健台劇有限空間去表現; 另外, 雖然好拍比大陸人睇, 但都唔太勁大陸味; d突然o既歌(舞)係有d突兀, 不過都係用返健台劇果套...所以所有出問題o既地方都係源於"舞台劇搬上銀幕", buy的話其實OK, 唔buy就會覺得麻麻。
其實成個搭出來o既場景好有心思, 亦都好特別, 層次分明。用燈做出分區效果同埋d樓梯、電梯都幾正。至於個劇情方面, 其實無咩驚喜, 不過幾拍到個公司入面o崏壓逼感, 某程度上都幾反映到現實, 果d辦公室政治、鬥爭、是非、人情...etc都好真(所以係睇得唔舒服的); 不過劇情無咩特別都唔緊要, 呢d戲係睇戲味o既, 所以如果拍得出個感覺都OK, 但係最唔好o既係佢人物關係描寫得好簿弱, 人物之間o既瓜葛、感情、營造等等都寫得好唔夠, 有d夾硬, 真係好麻麻。而且可能太多角色o既關係, 連埋d配角都有份有少少戲, 反而拉到好散, 個個都唔夠咁...
當然最值得一讚o既一定係演員啦, cast強勁; 好耐無睇張艾嘉做戲, 好自然; 湯唯我覺得叫係戲入面要交得最多戲o既角色, 而佢亦當然無問題; Eason一向覺得佢做戲唔差, 今次個角色仲有位比佢發揮添, OK啦~; 天心、張兆輝、洪天明果d直頭係浪費晒佢地, 又要比佢地出又要有戲交但又唔係好多位; 果2個後生雖然出得多, 但係表現唔突出(感覺都唔難做); 最攪笑係發哥, 我認為個角色對佢來講係唔使做, 其實都唔叫有咩大發揮, 對佢來講都唔難做, 而且又係好似"滿城盡帶黃金甲", "齊天大聖之大鬧天宮"佢做o既果d角色咁, 佢係最聰明最叻佢估到晒全部野佢掌握晒所有情況咁, 其實都幾悶...
Overall來講, 套戲其實都幾大膽試野, 不過效果一般; 雖然未至於唔好, 但只可以話不錯, 絕對唔outstanding。

27/9(日) -- 8-10柴灣, 打第一場一陣就扭親, shit...; 返企沖涼出返來同馬夫婦食飯, 再行寶林買左皮鞋同鑽石耳環, 返企抖一陣再出去SKW去C婆婆家同佢家族做節(順便搬一堆野), 之後佢細佬車我地返TKO; 行左一下海邊睇月亮同狗狗先返企。

5. 我隻腳 T_T

28/9(一) -- 公聚假期一天; 好累訓到11點幾先起, 夾硬落街食晏, 行左圈返企; 寫好果本自製相簿, 極度眼訓所以又訓左; 夜晚落街食foodcourt後散。

6. 腳仍然痛; 始終要完全唔郁先會慢慢好...

來緊:
30/9(三) -- 收工MK拿過大禮野(同馬)
1/10(四) -- 過大禮(同源)
2/10(五) -- Derek生日飯
3/10(六) -- OT; C final上妝
10/10(六) -- Disney
Book車(van only)
攪片段
買窗廉, 波鞋

完

九月二十日 -- 新工

14/9(一) -- 收工返企食飯再過呀哥度。

15/9(二) -- 收工返企食飯再過呀哥度。

16/9(三) -- 收工去MK同Grace食飯, 之後去寶林買六合彩>皮帶>杏仁>奇趣後散。

17/9(四) -- Last Day in ACD; 收工返企食飯再過呀哥度。

18/9(五) -- 第一日返新果邊; 出site早收工去WC接C同佢上佢家食飯; 之後返TKO上左哥家一陣。

1. 是日感想: 個SM懶客氣, 未摸清個底; 個M好唔得, 一來好似下馬威同好有bais咁, 好討厭, 成為極想走o既原因(雖然我又無話怒亦都唔會怕佢); 其餘人都OK。

19/9(六) -- 早上起身, 同C去中環(又係中環 xD)旅行社報左名, 之後食飯(間野幾好食), hea一陣去九龍塘meet Kathy拿鑲果個吊咀, 再一齊去寶林配埋條鏈同行下; 之後返去hea一陣, 買野上哥屋企食飯同埋攪下B; 今日攪左B好耐, 總算比以前無咁生硬同怕。

20/9(日) -- 灣仔8-10, 打得唔多, 炒openlook, 但感覺打得還好, 起碼無咁多失誤; 之後買d野返企同C食, 沖個涼頂唔住累到訓左; 起身後hea多陣出金都訂左過大禮d野, 再行下旺中後散; 返TKO上左呀哥度hea左一陣。

2. 之前果晚試訓左新床(終於買齊左d野), 都OK, 唔會覺得唔舒服訓唔著(亦可能因為累)

3. 雷克雅未克 -- 唔掂, 講完。

4. （完全無睇開套劇集）係阿哥屋企睇B時見到TBB套劇大結局，無無聊睇左一陣。劉江、鄭子誠、康華、鄭敬基呢堆歹角都有清楚地交代點瓜同埋有成段戲發揮；阿林偉都叫有頭有面，雖然只係小頭目，但係係槍戰入面0.5秒就順便比人辣低左，真可憐。

5. 過左2日, 對於新環境同人事沉澱左少少; 呀Q精神發揮, 都係咁返工做野姐, 現階段都無咩好做, 我亦唔需要理佢, 一於keep in view。

來緊:
22/9(二) -- C爸生日飯
24/9(四) -- OT
25/9(五) -- Body Check 6pm; 呀B滿月+中秋做節飯
29/9(二) -- IIA飯
30/9(三) -- 收工MK拿過大禮野
1/10(四) -- 過大禮
3/10(六) -- OT
4/10(日) -- C final上妝
10/10(六) -- Disney
Book車(van only)
採購過大禮物品(剩少量)
攪片段
買窗廉, 波鞋

完

九月十三日 -- 極累

7/9(一) -- 收工過灣仔比野C同埋搬野返企, 同佢係灣仔食埋晚飯行去CWB散。

8/9(二) -- 收工返企食飯, 之後過呀哥度睇B。

1. 之前分開聽都唔覺, 選左堆TBB歌手d mp3(仲要係派台歌)入電話聽, 一次過連續幾首一齊聽先覺(e.g.許廷鏗o既螞蟻、護航...etc, 鄭俊弘o既熊貓...etc, 仲有吳業坤...etc), d歌真係好罐頭, 好無誠意, 成個音樂arrangement鋪排...etc一L樣, 前面A段0作曲, 跟住重覆B/C段就算...完全係當年JanLamb果首"流行曲"講o既野一樣; 聽多幾次已厭, delete。

9/9(三) -- 收工買飯上呀哥度食同hea下先返企。

10/9(四) -- 收工返企食飯再上呀哥度hea。

2. 累。

11/9(五) -- 早收工, 返企沖涼hea陣再出返葵興同公司同事打波(7-9); 而家打多左全場, d走位好左好多呢~ 成日走到空位, 但好可惜係openlook成日炒...

12/9(六) -- 訓到11點幾, 2點島meet C同佢係寶林食上海野, 之後拿對戒, 拿西褲; 返企hea陣再買野食上呀哥度探B。

13/9(日) -- 9-11 TKL, 雖然自己好盡力好有心打波, 但水準同體能都真係跟唔上班後生, 加上曾經傷過、身體狀態差左、無練波, 更加感覺唔良好, 雖然實際打唔係好差, 但feel自己可以好d咯...; 打完返企沖個涼出返MK, 同C娟SamEsther慶祝Mandy生日, 一班識左好耐的老友, 係cafe吹下水, 4點幾散; 之後同C行左In's Point, 再行去金都睇下, 再行去SSP食野睇貓, 之後搭102去北角行少少後散。

來緊:
16/9(三) -- Grace
18/9(五) -- 返新果邊
25/9(五) -- Body Check 6pm
1/10(四) -- 過大禮
4/10(日) -- C final上妝
10/10(六) -- Disney
Book車
Book Honeymoon
採購過大禮物品
攪片段
買窗廉, 皮帶, 波鞋

完

九月六日 -- 失眠

31/8(一) -- 呀B出院了~ 收工過去呀哥家探左下呀B, 再返企食飯。

1/9(二) -- 收工返企食飯, 之後去睇左呀B一陣返企。

2/9(三) -- 下午Nat臨時約食飯; 收工係office抖左陣, 再落去公司附近間玩具鋪行下, 再hea搭巴士落MK等Nat; 8點3島meet, 之後去左太子食蘭苑; 10點半島先散。

1. 無啦啦叫我星期五一早去總部開會, 似乎係想逼人轉過去Facilitation果邊...唔好攪到我啦...

3/9(四) -- 公眾假期一天; 全日宅在家, 好free好正呀~~~ 中午煮公仔麵, 夜晚落街買飯盒。本來仲想打下機同砌模型, 點知訓左大半日; 結果食完飯盒夜晚砌左新HG Gundam Revive, 正~~

2. 有時有d野, 唔比做果時反而更想做; 例如忍笑。

4/9(五) -- 一早過HQ, 果然係叫人去facilitation, 無得揀, 下星期過; 收工hea搭巴士返去, 買爭鮮上呀哥屋企食同睇B。

3. 雖說expected, 不過感覺都係好差, bad mood。

5/9(六) -- 一早起身去交體檢物品同埋拿埋西裝, 食左d野, 又上C屋企hea恰同叉電一陣; 下午4點幾係九龍塘約左Kathy比野比整金師傅; 之後去九龍灣, 果日中午臨時約左EdithRitaFawnia出來, (買左西褲)打機食飯食糖水, 好耐無係機鋪打機同埋咁hea過~~

4. 係化驗所好好笑o既10:47 a.m.

5. 是晚失眠, 5點幾先訓到。

6/9(日) -- 早上柴灣打波10-12, 個人浮浮下, 還好都打到波; 之後返企沖個涼出返去食吉野家, 再去Jordon煌府同Apple姐4pm開會, 之後去MK買唐餅卡同去太子睇喜帖稿(有得提早一日睇); 之後食埋野散, 過左去哥度睇左下呀B。

6. 點解而家除左錢之外, 男同女o既立場都倒轉晒?

7. 剪左髮。

來緊:
11/9(五) -- 公司波?
25/9(五) -- Body Check 6pm
1/10(四) -- 過大禮
4/10(日) -- C final上妝
10/10(六) -- Disney
Book車
Book Honeymoon
探購過大禮物品
攪片段
買窗廉, 皮帶, 波鞋

完

八月三十日 -- 姪仔出世

1. 最近少左好多約人, 除左個人好累, 又忙忙地之外, 有時有d聚會都未必會覺得舒服寫意; 好彩都仲有d fnd可以出到來係覺得舒服放鬆o既; 有時約左d gathering, 未到都有d壓力好想快d過左去, 有d就會好期待快d到, 可以同d好友一齊hea下。

24/8(一) -- 收工去Jordon食放題; 難得齊人(C源Sanny小雲AmyWingDesmond仲有第一次見小雲男友), 佢地講野好好笑。10點島散。

2. 呀B出世啦!

25/8(二) -- 收工去QE探呀嫂, 之後同媽哥C係Pink Salmon係飯, 慶祝媽生日。

3. 希望呀嫂同呀B快d出院啦~~

26/8(三) -- 收工返企食飯。之後去哥屋企探下嫂嫂。

27/8(四) -- 收工返企食飯。

4. 是日農曆七月十四。

28/8(五) -- 收工又又又去婚展買餅card但係竟然無美心, 即走, hea食壽司後返企。

29/8(六) -- 好累。下午出去食個tea, 同C去太子整帖, 之後係近SSP食餃子後走。

5. 對住d無常識又自以為是o既人, 真係恐撚怖。

30/8(日) -- 中午去買左對戒; 之後去創興同Cass娟進Cass男友同C唱K; 好耐無唱K了, 雖說想唱K但去到又唔知唱咩...之後Cass男友走先, 呀源來join我地食晚飯@花園餐廳。

6. 今個星期第一次見到2個朋友o既男朋友呢~ :P; Cass男友感覺唔錯。

來緊:
5/9(六) -- 拿西裝, 交體檢物品
6/9(日) -- Apple姐 4pm
7/9(一) -- 睇帖稿
25/9(五) -- Body Check 6pm
1/10(四) -- 過大禮
4/10(日) -- C final上妝
10/10(六) -- Disney
Book車
Book Honeymoon
探購過大禮物品
攪片段
買窗廉, 西褲, 皮帶, 波鞋

完

八月二十三日 -- Turnover

17/8(一) -- 下午4點島medical appointment同C去灣仔Body Check; 之後上佢家食飯後返企。

1. 公司真係愈來愈難頂。

18/8(二) -- 收工返TKO金滿庭一家加埋表弟&fnd同媽子預祝生日。

19/8(三) -- 收工過MK同ex-KTPD同事(NatTCMJoyce)食飯(Korean BBQ), 10點幾散。

20/8(四) -- 七夕; 是日全日頭痛; 收工返企食飯。

21/8(五) -- 收工過灣仔, 搬C係TB買o既野返企; 係灣仔hea食晚飯後走。

2. 等人收工時睇人打波, 好想落場呀~ 見到個勁人拍住2個垃圾, 好想落場幫佢手, 贏硬呀~~

22/8(六) -- 早上起身去中環fitting, 之後食個早餐, 一程車去C屋企, 佢戴返隱形眼鏡, 之後一程車去紅磡, 同ConnieLoLoNataliePenny hi-tea, 之後Penny返工, 我地去美味佳買串燒, 打的去Yee家探B, 陳皮仔好得意; 之後Yee同我地去淘大食糖水後11點島散。

3. 睇到人地d B真係好得意, 不過係HK生仔養大, 個心理障礙都好高。

23/8(日) -- 一早8-10柴灣, 好累同埋因為自己係咁turnover輸感覺好唔好; 返企沖涼之後hea同抖, 本來諗住去買對戒不過hea得太晏無; 夜晚去左將中foodcourt食飯。

4. 我負擔不起了。

來緊:
24/8(一) -- Sanny小雲飯
30/8(日) -- Cass K

完

八月十六日 -- 很累

10/8(一) -- 收工返企食飯。

1. 成日對住d零risk assessment o既人真係好辛苦。

2. 新劇無咩驚喜, 應該唔會追; 雖然唔係一個藉口, 但又的確少左個理由返多d屋企食飯(其實而家都出少左街)。

3. 錢唔用到自己果d真係一d感覺都無。

11/8(二) -- 收工返企食飯。

4. 返開屋企食飯, 再睇電視劇; 下, 原來果個係蓋世寶? @@"

5. 之後個節目, 小寶食野好恐怖。

12/8(三) -- 收工返去, 同哥嫂落街食飯。

6. 已經放棄左套新劇了~~

13/8(四) -- 早一日約左Nat食飯, 要等佢, 收工去九龍灣行個圈, 之後慢慢行去KT, o岩o岩行到佢就剪完髮; 去左食bold italic, 食下飯吹下水10點島散。

7. 最近公司野愈來愈煩, 公私都好煩。

14/8(五) -- 收工落MK行下, 同C去左In's Point沙o爹王食左比卡超飯, 幾得意。

15/8(六) -- 訓到好晏起, 好累, 好似將d疲勞一次過發晒出來咁; 中午同呀馬行左下, 一齊過寶林散, 我同C食左薩利亞, 之後行左下返企, 夜晚返企食飯。

8. Big number dou done, small number dun fan L 9 me la

16/8(日) -- 10-12柴灣; 中午上哥屋企食飯, 之後頂唔住恰左一下, 之後落左樓下行個圈買埋送返企, 又頂唔住恰左下, 起身煮野食, 食完呀C走。

來緊:
17/8(一) -- Body Check
18/8(二) -- 預祝媽媽生日飯
19/8(三) -- ex-KTPD飯
22/8(六) -- hi-tea
24/8(一) -- Sanny小雲飯
30/8(日) -- Cass K

完

八月九日 -- 累

3/8(一) -- 收工返企食飯。

1. 今日隻腳仍然極痛, 之前果晚可能都因為痛而訓得唔好。

4/8(二) -- 呀馬生日快樂; 收工返企食飯。

2. 地鐵收工一二小事：隔離坐左個樣似係後生時好能幹好醒o既阿伯，同埋一個疑似佢孫女o既可愛細路女；個小朋友沿途係度玩個阿伯塊面，又搣佢塊面又按佢個鼻之後仲用貼紙係佢個口度貼個交叉，勁開心~ 深深地感受到個阿伯好愛佢個（疑似）孫女，血親之間o既愛真偉大。

3. 剪髮。

5/8(三) -- 收工唔想返去食, 於是買左飯盒返企食飯。

4. 忍了很久。

6/8(四) -- 收工同白田同事係Hysan食飯, 唔經唔覺傾到10點幾先走, 輕鬆的時間。

7/8(五) -- 要OT去九龍站, 同Derek一齊搭車走; 塞下車8點幾先返到企食飯。

5. 之前果晚發夢, 勁喊喊到講唔到野, 好辛苦; 今次醒左記得個夢喊過, 又記得埋之前都有試過咁。

8/8(六) -- 早上呀馬同KathyC同我去中環做西裝, 之後食野, 傾下偈, 好舒服; 平時有未做過o既任務要做都會有d緊張或唔知點, 同最fnd朋友就完全無呢個feeling; 之後返企抖一陣恰左下, 下午去C婆婆屋企hea同夜晚食飯, 好多人。

6. 鬼同你OT就來大結局, 好緊張。

9/8(日) -- 8-11TKL, 好~~~~~~~~累; 打完波返企沖涼即訓, 3點先出去食野; 返來hea到夜晚睇鬼同你OT大結局時煮個麵食。

7. 終於都睇完套劇; 難得TBB有套劇唔係行standard flow(以某職業來砌落一個default劇情or四角戀or宮廷or商業戰or大家族), 同埋有時間慢慢砌起個感情, 又輕鬆攪笑, 好唔錯。呢段時間仲返屋企食飯得好密添~

來緊:
17/8(一) -- Body Check
19/8(三) -- ex-KTPD飯
22/8(六) -- hi-tea
23/8(日) -- Sanny小雲飯
30/8(日) -- Cass K

完

八月二日 -- SZ探B

27/7(一) -- 出site收工, 返到去見間小王牛肉麵無咩人等位, 於是就試左; 之後去睇跌打後返企。

1. 叫左個半肉半筋麵, 逐樣講;
牛肉:淋淋地,無咩味又無咩口感, 蘭香園o既正d
牛筋: 好OK, 好有骨膠原感覺xDD 漿漿地又有味道o既~~
麵: 唔多得, 唔彈口,"大家食"o既質素
湯:都幾濃幾入味,feel到唔只用牛仲有唔少其他料來煲,食完尚算無咩水渴感覺,應該唔多味精
總評: 食過幾間台灣牛肉麵,呢間雖然味道OK, 但又未至於十分標青,$60來講有少許貴,如果要等位就不用考慮(個人一向認為, 除非真係好好食或好平,如果唔係的話,食飯或者買野唔值得等好耐 xD)

28/7(二) -- 收工返企食飯。

29/7(三) -- 收工返企食飯。

30/7(四) -- 收工返企食飯。

31/7(五) -- 收工去灣仔接C, 再食爭鮮; 趕得設返企睇電視。

1/8(六) -- 早上起身睇11點零o既早場Inside Out, 好好睇; 之後食d野, 買左比Jenny的野後返企放低, 再出返SSP行, 行左玩具街、福利第一日擴充營業, 夜晚食西九龍foodcourt後行埋就走。

2. Inside Out: 好好睇, 佢將一個人o既內心世界用左個好特別又好得意o既方式表達出來, 成個故事好好睇好有意思, 係無反派o既情況下都可以緊張刺激又感人, 好正; 同埋係好o岩大人睇, 基本上好多野要大人先睇得明。極力推介。

2/8(日) -- 8-10天晉; 下午同C娟Esther去SZ探FPP同佢個B, 之後行書城行東門返HK再搭個大車河返企。對腳超級無敵痛。

來緊:
8/8(六) -- 做西裝
9/8(日) -- 8-11 TKL

完