八月九日 -- 累

3/8(一) -- 收工返企食飯。

1. 今日隻腳仍然極痛, 之前果晚可能都因為痛而訓得唔好。

4/8(二) -- 呀馬生日快樂; 收工返企食飯。

2. 地鐵收工一二小事：隔離坐左個樣似係後生時好能幹好醒o既阿伯，同埋一個疑似佢孫女o既可愛細路女；個小朋友沿途係度玩個阿伯塊面，又搣佢塊面又按佢個鼻之後仲用貼紙係佢個口度貼個交叉，勁開心~ 深深地感受到個阿伯好愛佢個（疑似）孫女，血親之間o既愛真偉大。

3. 剪髮。

5/8(三) -- 收工唔想返去食, 於是買左飯盒返企食飯。

4. 忍了很久。

6/8(四) -- 收工同白田同事係Hysan食飯, 唔經唔覺傾到10點幾先走, 輕鬆的時間。

7/8(五) -- 要OT去九龍站, 同Derek一齊搭車走; 塞下車8點幾先返到企食飯。

5. 之前果晚發夢, 勁喊喊到講唔到野, 好辛苦; 今次醒左記得個夢喊過, 又記得埋之前都有試過咁。

8/8(六) -- 早上呀馬同KathyC同我去中環做西裝, 之後食野, 傾下偈, 好舒服; 平時有未做過o既任務要做都會有d緊張或唔知點, 同最fnd朋友就完全無呢個feeling; 之後返企抖一陣恰左下, 下午去C婆婆屋企hea同夜晚食飯, 好多人。

6. 鬼同你OT就來大結局, 好緊張。

9/8(日) -- 8-11TKL, 好~~~~~~~~累; 打完波返企沖涼即訓, 3點先出去食野; 返來hea到夜晚睇鬼同你OT大結局時煮個麵食。

7. 終於都睇完套劇; 難得TBB有套劇唔係行standard flow(以某職業來砌落一個default劇情or四角戀or宮廷or商業戰or大家族), 同埋有時間慢慢砌起個感情, 又輕鬆攪笑, 好唔錯。呢段時間仲返屋企食飯得好密添~

來緊:
17/8(一) -- Body Check
19/8(三) -- ex-KTPD飯
22/8(六) -- hi-tea
23/8(日) -- Sanny小雲飯
30/8(日) -- Cass K

完

八月二日 -- SZ探B

27/7(一) -- 出site收工, 返到去見間小王牛肉麵無咩人等位, 於是就試左; 之後去睇跌打後返企。

1. 叫左個半肉半筋麵, 逐樣講;
牛肉:淋淋地,無咩味又無咩口感, 蘭香園o既正d
牛筋: 好OK, 好有骨膠原感覺xDD 漿漿地又有味道o既~~
麵: 唔多得, 唔彈口,"大家食"o既質素
湯:都幾濃幾入味,feel到唔只用牛仲有唔少其他料來煲,食完尚算無咩水渴感覺,應該唔多味精
總評: 食過幾間台灣牛肉麵,呢間雖然味道OK, 但又未至於十分標青,$60來講有少許貴,如果要等位就不用考慮(個人一向認為, 除非真係好好食或好平,如果唔係的話,食飯或者買野唔值得等好耐 xD)

28/7(二) -- 收工返企食飯。

29/7(三) -- 收工返企食飯。

30/7(四) -- 收工返企食飯。

31/7(五) -- 收工去灣仔接C, 再食爭鮮; 趕得設返企睇電視。

1/8(六) -- 早上起身睇11點零o既早場Inside Out, 好好睇; 之後食d野, 買左比Jenny的野後返企放低, 再出返SSP行, 行左玩具街、福利第一日擴充營業, 夜晚食西九龍foodcourt後行埋就走。

2. Inside Out: 好好睇, 佢將一個人o既內心世界用左個好特別又好得意o既方式表達出來, 成個故事好好睇好有意思, 係無反派o既情況下都可以緊張刺激又感人, 好正; 同埋係好o岩大人睇, 基本上好多野要大人先睇得明。極力推介。

2/8(日) -- 8-10天晉; 下午同C娟Esther去SZ探FPP同佢個B, 之後行書城行東門返HK再搭個大車河返企。對腳超級無敵痛。

來緊:
8/8(六) -- 做西裝
9/8(日) -- 8-11 TKL

完

七月二十六日 -- 書展

20/7(一) -- 收工返企食飯。

21/7(二) -- 是日放假同Queenie去書展, 而家唔同team可以一齊請假啦~~ 10點幾係灣仔meet去檀島食個早餐, 之後入去行到3點幾先出返來, 對腳有d累(因為少企住, keep住行所以無咁累的), 雖然好大好多攤但其實唔係好多野睇同買...Queenie就係兒童果邊買左好多野; 出返來去左金鳳食個tea後散; 夜晚返企食飯。

1. 甜甜私房貓終於大結局啦~~~~

2. 行得有d累, 不過confirm一直行係絕對好過行下停下或者企。

3. 好confirm有人好貪小便宜(其實一早都知), 有d咩就一定係要左先; 同埋發覺呢個世界有d人真係自己講一句就好容易, 人地做就做死(都係一早就知)。

22/7(三) -- 收工返企食飯。

4. 今日食飯後同呀爸拗左差不多2個鐘; 本來講緊o既一件事, 之後已經講緊好根本性o既問題 (雖然佢一貫幾十年作風都係死牛一邊頸兜來兜去重覆又重覆), 佐今次真係好想同佢講清楚d問題 (大家都無野錯又唔係鬧交, 只係熱烈討論); 最後總算令佢明白左少少少少, ok啦...之後好累喉嚨好累把聲仲沙埋...最緊要希望佢無hard feeling啦...

5. 是日FB洗版歌 -- 羅生門; 難得有一首唔係聽多幾次開始覺得順耳好聽o既歌, 而係一聽就覺得OK; 伍樂城寫開呢d合唱二部melody, 一向正; Wyman填詞一向玩feel玩gimmick; Juno一向有心機攪多唔同野同新嘗試; Kay把聲堅係好正好有feel; Overall得出來係很Ok; 不過唔鐘意d人神化左Wyman同Juno; 另外, 見到好多人出來話唔好笑Juno係有錢仔, 或者話自己曾經唔like佢而家見佢好有心就like, 我想講, 我由Day 1佢出果時已經覺得佢OK的...(識我耐d都知)。
p.s. 好多網上對呢首歌詞o既講法, 我都唔多認同呢。

23/7(四) -- 呀姨同佢朋友來HK幾日, 老豆唔煮飯。收工係九龍站, 同Derek hea一陣, 之後去左i-Kitchen食飯。雖然食物仍然OK但貴左了。

24/7(五) -- 收工好累又頭赤, 無join Rita Fawnia佢地食飯; 返去臨時決定睇跌打, 返企食d野再落去睇, 睇完返企沖涼睇電視訓。

25/7(六) -- 好累又周身傷, 全日係企抖; 10點幾醒食左個烏冬, 下午又再訓; 4點幾起身, 去C婆婆屋企食飯。

26/7(日) -- 早上打波8-10; 中午同C去坑口食米線同埋佢轉台, 之後出TST拿相簿, 再睇Minions (Sanny放飛機搵左Edith一齊睇); 之後同Rita男友Edith 5個人一齊食飯(Greyhound)後返企沖涼睇電影。

6. Minions: 無想像中咁好睇, 只係一般。

7. 是日非常累及無精神, 呆滯。

來緊:

完

七月十九日 -- 電視精

13/7(一) -- 收工返企食飯。

1. 之前睇預告覺得唔錯, 今晚專登睇下TBB劇集"鬼同你OT"第一集; 無想像中咁好笑, 不過暫時都OK, 有時間可試下繼續睇下。

14/7(二) -- 收工同Carol慶生, 臨時一堆人唔來剩返ConnieLoLoYeeAmanda, 人少少反而容易傾偈; 可惜出完site太累, 我基本上都係聽。

2. 是日終於點完貨, 加上之前一晚訓得唔好, 極累。

15/7(三) -- 收工返企食飯。

16/7(四) -- 收工返企食飯。

3. 繼續睇鬼同你OT, ok喎~~

17/7(五) -- 收工去左灣仔搵C, 間芝士麵唔見左, 是但食左間西餐。

18/7(六) -- 10點島醒整左個麵食當早餐, 之後又再訓返, 3點幾起身去食tea, 返來hea一輪煮麵食睇電視訓。

4. 就算我無錯, 好聲好氣, 都一樣係同一結局; 是晚非常想喊。

19/7(日) -- 本身約左SZ Jenny, 不過佢之前醒起唔得, BB要打針, 所以cancel; 前一晚眼光光訓唔著, 是日8-10調景嶺, 雖然唔係入到好多波, 不過今日打波感覺自己打得唔錯, 同埋今日無之前咁多人, 可以打多d; 之後返企頂唔住抖左一下, 再同C入西貢同佢d狗玩水沖涼, 之後出返TKo同哥嫂食飯後返企睇電視。

5. 估唔到多年無追劇o既我而家會追下劇呢; 今晚第一次睇李思捷個節目, 唔多掂。

6. 因為追劇所以砌多左模型; 另外, 睇左少少杜如風個節目, 感覺好過之前。

來緊:
21/7(二) -- AL書展
26/7(日) -- URA Movie -- Minions

完

七月十二日 -- 雜記

6/7(一) -- 收工同LilyTango去油塘大本型食泰國野, 去到先發覺原來係去過o既, 都OK; 食完行一陣就散。

7/7(二) -- 收工同AngelKTAuyee去CWB Hysan樓上食飯, 小慶KT生日; 食完傾一陣就散。

8/7(三) -- 收工返企食飯。

1. 是晚砌完HG G-self, 總算係下一套高達roll out前砌完。 :D

9/7(四) -- 8號風球, 因出左site, 比起同事早少少收工; 收工返企食飯。

2. 繼續有人撇清一切責任, 真有趣。

10/7(五) -- 收工同C食日本野再食糖水, 之後又行、行、行, 終於差不多11點先返到企。

3. 今日呀差accept左offer, 希望之後順順利利清埋。

4. 難得睇到件褸覺得OK又唔貴想買, 但得返一件而係爛o既...

5. 食完飯唔等於可以返屋企, 行完街唔得於真係行完街。xD

6. 呢排勁出site又熱又行又累, 腳痛。

11/7(六) -- 呢個星期太累, 訓醒成個人都好散...中午出KT同C食飯, 本來想去小時候, 點知好多人, 結果是但食左茶記; 之後行駱駝漆大廈, 行晒成幢, 唔係好多野行; 之後入坑口行下, 零食物語65折好抵; 好累, 返企沖涼恰, 到8點島起身整d野食。

12/7(日) -- 7-10TKL, 之後同佢地食埋早餐; 返企沖涼休息; 下午4點島出去先食tea, 再行下海邊同去左睇個狗公園, 都幾大, 落返清水灣半島返來再去坑口(是日TKO版圖又行多左同搵多左路), 買1爭鮮同貢茶返企食, 之後送C去MTR散。

來緊:
14/7(二) -- ex-URA carol BDay
26/7(日) -- URA Movie -- Minions

完

七月五日 -- 雜記

29/6(一) -- 下午又去赤柱, 港島收工。順便行左好~~~耐無行過o既188同太原街, 等埋C收工見左一見, 之後散水返企食飯。

30/6(二) -- 收工返去同姨丈一家表妹係樓下太興食飯, 之後同佢地係popcorn行左陣後散。

1/7(三) -- 公眾假期; EdithRitaFawnia來我家; 中午meet去買送上我家整, 整完食得時已經3點 xDD; 之後係企hea睇YY Concert到6點幾, 落根下海邊行左下再到聰嫂食甜品, 7點幾散。

1. 休閒舒服o既一天~~

2/7(四) -- 收工返企食飯。

3/7(五) -- 突然又要入赤柱, 係果邊收工; 去到灣仔同Derek坐左陣M記, 之後join公司Art Jamming, 10點幾走。

4/7(六) -- 早上同ConnieLoLoPennyC唱K, 之後去鯉魚門食tea; 搭船過海夜晚去C婆婆果邊酒樓同佢一堆人(16人)食飯, 差不多9點散。

2. 同幾個好友hea好舒服~ 不過whole day係街好累~~

5/7(日) -- 8-11西營盤, 是日打得麻麻; 下午C細佬突然OK來我家整冷氣漏水, 真係唔該晒, 下次要請飲茶; 之後佢車C同佢媽入西貢, 我就抹野之後沖涼訓一陣; 等到C出返來8點幾, 先去樓下foodcourt食野, 9點幾先食好肚餓, 食完散。

來緊:
6/7(一) -- LilyTango
7/7(二) -- AngelKTAuyee
14/7(二) -- ex-URA carol BDay
26/7(日) -- URA Movie -- Minions

完

六月二十八日 -- 疲倦

22/6(一) -- OT一陣收工, 好累, 走去搭巴士返企, 食左個包同蛋揵同返企煮麵食。

1. 係企睇左CCTVB大陸劇"風雲咩咩"第一集; 利申: 我對王晶、汪阿姐同內地劇一d bias都無, 但係呢套來講, 第一集真係可以以垃圾劇來形容...連上FB話佢垃圾都廢事。

23/6(二) -- 收工去九龍灣同Nat食飯(又係果間韓國野, 今次食左個鍋, 超大食唔晒); 食完行左下德福後散。

2. 最近唔知點解對大型活動有d恐懼感(除左打波); 人少少1,2個個感覺唔錯。

24/6(三) -- 收工同Derek係奧運坐左陣, 之後7點島去TST同Grace食飯; 無book位, 四圍都好多人, 去左K11, 少好多人, 食果間西餐好多位; d野食普通, 唔平, 但d單落得好亂同等左好耐...唔會返去; 9點島走。

25/6(四) -- 收工返企食飯。

3. 是日民同FF飛SG了~

26/6(五) -- 遲收工係九龍站去CWB meet C, 之後去炮台山食韓國野, 再行去北角後走。

27/6(六) -- 中午去TST拿相; 之後C同姊妹試帖行街食晚飯直落; 我就搬d野返企抖; 夜晚出返西環同Penny join Tracy B百日宴。

28/6(日) -- 8-10 TKL, 之後同佢地食d野返企沖涼; 下午係企hea同恰陣, 夜晚出CWB UA同C睇Jurassic World。

4. Jurassic World: Expected的劇情同走向, 無驚喜, 不過亦都算係全場精彩緊湊幾緊張, OK啦~ 不過最近做野好累精神麻麻亦好緊張, 其實唔太想睇呢類戲(後段刺激還好, 前段例牌緊張有野突然彈出來令人精神緊繃果d睇到人好累)。

來緊:
1/7(三) -- 公眾假期

完

六月二十一日 -- Farewell

15/6(一) -- OT一陣返企食飯。

16/6(二) -- OT一陣收工去TST同中同食飯, 難得好齊人~~ 仲請到古老師添! 好開心的一個晚上, 果然一班熟同學吹水好開心~ 食完飯Pierre同翔哥仔先到, 轉場(有d人走先)飲野坐多陣, 11點島散。

1. 一班熟又識左咁耐o既朋友真係完全無諗過計d咩, 造成別人唔高興了。

2. 有感而發:
2.1. 其實一班朋友, 所謂攪farewell主要就係想聚下同埋見多一面, 我覺得無話farewell就有邊個應該唔使比錢, 大家出來都係想見下farewell果個; 就算收左佢錢, 應該都唔存在weird、邊個寬宏大量o既; 收左錢轉頭來講返, 似乎係有d攪笑。xD
2.2. 如果公司攪farewell, 食餐飯請走果個人, 走果個人買返散水餅, 呢個就係而家個practice, 我諗同事先係咁; 朋友來講應該無話一定係要請, 走果個都無請食散水餅啦, 唔通又要計? :D
2.3. 唔知係邊位唔高興, 不過作為攪手o既我都應該知道要就個別情況作出改變, 明知對方係計o既就應該小心d, 唔好計佢, 所以whatsapp中我都係say sorry唔拗+sa lum了。
2.4. 雖說對方話唔係在意果一百幾十, 但係如果真係唔在意, 應該係會對比唔比錢呢樣野完全無意識; 而家拿件事出來講, 就係因有意識而在意(當然我明係在意件事而唔係d錢); 不過如果講一百幾十, 我地如果請埋佢都係比多十幾蚊, 更加唔在意~~ 所以我都話係因為無意識而收左佢錢~ :P
2.5. 呢排在公在私都好忙好大壓力兼好累, 當日收錢時好多人, 亦有人剛剛到未食野, 要轉場, 亦有老師、小朋友, 所以收錢時真係無諗咁多, 下次錢銀野都係唔好我攪了, 做攪手約下人book下位就算 :P
2.6. 成件事只不過係大家觀念有d唔同, 亦無誰是誰非, 所以息事寧人就最好, 尤其當事人係friend唔係其他陌生人 :D
2.7. 令我有d唔開心o既, 主要係因為我無諗清楚而令到朋友伉儷唔高興; 我係應該要諗到呢一點的。
2.8. 不得不係度講下自己感覺, 又唔想同其他人講; 反正無咩人睇應該無咩影響, 講左出來舒服d。 :)

17/6(三) -- FS補假一天。早上起身睇NBA Finals Game 6, 之後hea一陣訓返; 到5點出去同呀馬打左陣波; 夜晚同哥嫂係尚德食飯同買六合彩。

3. NBA今季完了~~難得今年睇到波~~

18/6(四) -- 收工同Badend人行左三和同福利, 之後佢女友來join食增輝後8點半島散。

4. 真係好累。Office野又累, 出site又熱又曬, 好辛苦。

19/6(五) -- 收工去觀塘同C花姐姐食飯, 去左之前同Grace去o既Blod italic, 今次好過上次, 平平地OK啦; 之後去左觀塘海濱花園行, 今次係完全開晒之後第一次行, 好OK呢; 行完後散。

5. 是日做野累到爆, 計最唔擅長o既數, 收工時個腦堅係頂唔住。

20/6(六) -- 訓到幾晏下, 上午在家hea; 下午同C去寶林食飯, 行左下之後返企, 佢淘寶我休息; 夜晚返企食飯做節+父親節。

21/6(日) -- 民仔告別籃球賽10-12, 之後一班人一齊食飯; 食完返企沖涼抖, 夜晚出Jordon同C民仔FFJessica唱K, 11點島散。同幾個都鐘意唱K又唱得OK的朋友唱K感覺好好呢~ 雖然以後唔多機會了 :(

來緊:

完

六月十四日 -- 雜記

8/6(一) -- 收工要派信, 反正去開九龍站, 係油麻地meet Derek, 行左In's Point再去九龍站, 之後派左信等佢拿埋件再走; 返企樓下買小食。

9/6(二) -- 收工返企食飯。之後同呀馬出去射下波。

1. 專登練波, 更加感到自己無晒手感, 大檸樂了~~

10/6(三) -- 收工OT左一陣先返企食飯。

11/6(四) -- 收工返企食飯。

2. 單方面消耗。

12/6(五) -- 收工同Edith入TM, 先食飯(米線+串燒)之後去佢家拿野返企。8黠半島就走但返到企都10點幾了~。

3. 又來。

13/6(六) -- 是日太累, 係企hea成日; 食左2餐即食麵, 打下機, 砌埋隻模型, 訓下覺, 足不出戶係企宅左一日~~

4. 唔知係咪之前積得太犀利, 今日訓多少少起身, 全身都好累, 周身骨痛; 不過難得有機會係企hea爆, 食公仔麵睇卡通片砌模型, 都幾寫意。

5. 睇完G之Reconguista, 其實都唔錯; 不過劇情太快了。

14/6(日) -- 早上打波8-10, 之後去九展join源lunch, 佢捐血50次以上有得參加個ceremony仲有餐食, 可叫多一個人, 於是就join下。之後去CWB meet C, 去赤柱行下食埋飯出返CWB散。

6. 是日一早7點幾出去直踩到夜晚返, 本身無錢八達通又無, 去到尾連電都無~~

7. 夜晚返企又見大強...已經唔想講野...

來緊:
16/6(二) -- 中同飯
18/6(四) -- Badend人
21/6(日) -- 民仔告別籃球賽

完

六月七日 -- 雜記 (Blog version)

1/6(一) -- 呀文同朋友來港, 收工同佢地同C貓MayChan一齊係SSP食增輝之後食埋綠林先散。

2/6(二) -- 收工返企食飯。

3/6(三) -- 下午見呀叉; 收工返企食飯。

1. 是日一日見到好多唔like見o既野咯...夜晚見到巨強, 好彩呀哥來幫手KO左佢...真係好大隻好核突好恐怖。

4/6(四) -- 收工係大角咀, 順便meet下Derek, 仲同佢過左九龍站拿件, 之後先返去。係寶林行左采豐行(暗瘡膏), 奇趣(HG G-Self), 買爭鮮返企食。

5/6(五) -- 出site早少少收工, 係MK收工, 經過皆旺入去行, 好耐好耐無行過, 好懷念。之後落灣仔, 同Derek(大家返放工出沒地點成日都係差不多xD)係M記hea左陣, C收工, meet埋文綺同佢fnd去左鵝頸街市食榮記, 再食埋聰嫂先散。同C上左佢家, 拿左佢係淘寶淘d野返企。

2. 是日Ida last day...

3. 連返左11日, 又行又搬野, 累到hihi, 真係好Q累。

4. 一隻高達角令我看得更清一個人, 一句說話令我再更看清一個人。

5. NBA Finals Game 1, 雖然Warriors贏係開心, 但係唔想有任何人傷咯...Cavaliers Irving竟然out for season...

6/6(六) -- 終於有得抖, 全日休息。

7/6(日) -- 8-10 TKL, 幾累都好, 打到一定要去打波, 已經差不多係唯一可以減壓輕鬆o既來源。Lunch同C哥嫂Jason去左坑口食米線, 之後又去九龍灣Megabox同淘大睇傢俬, 好累。晚上臨時搵左日安夫婦出來, 食韓國野, 之後再食埋松記散。同C行左下DSC後搭MTR走。

6. 原本諗住星期六日唔出街(除左食飯打波)可以抖2日, 點知又要出, 結果都係無足夠休息, 好累好L慘。

來緊:
14/6(日) -- 源lunch
16/6(二) -- 中同飯

完

五月三十一日 -- FS

26/5(二) -- 收工返企食飯。

1. 試晒d放左係度好耐唔知咩o既CD同DVD, 搵返好多舊野~~ xD

2. 收工搭巴士, 無冷氣得d風, 好焗, 第一次搭巴士搭到要抖大氣, 好辛苦。

27/5(三) -- 收工同C去煌府交多一期訂, 再去食飯(一蘭)。

28/5(四) -- 四仔飯; 難得齊人, 本來expect四條仔吹下水, 突然join多2個夫人, 雖然都係開心Gathering, 不過成個gathering性質唔同晒~ xD 收工返企沖個涼再出去, 7點半約食i-Kitchen。10點半島散。

3. 是日吹左好多水, 最好笑係講開rewind同埋民仔呀源o既野~

29/5(五) -- 是日FS; 9點半收工。

4. 傢俬到; 多謝papa幫我收傢俬~~

5. 夜晚食晶輝~

30/5(六) -- FS, 竟然可6點收工; 係MK meet C行左信和In's Point再過去Jordon食Sam娟生日飯(我C娟SamEstherDorothy民FF), 10點島走。

6. 好熱呀~ 無咩胃口。

7. 屋企發現四腳爬爬; 係咪代表會無小強呢?

31/5(日) -- FS, 4點收工; 返企沖涼恰陣, 過去食飯; 返來沖涼hea陣訓。

8. 是日好累好眼訓, 來緊星期唔知點捱。

來緊:
1/6(一) -- 呀文綺始來港, 一齊食飯。
14/6(日) -- 源lunch
16/6(二) -- 中同飯

完

五月二十五日 -- 佛誕

18/5(一) -- OT見呀差, 8點收工; 返TKO Jusco買左熟食。

1. 每次見完果班"社工"感覺都好差; 做左咁耐野見d態度差o既人都無咩感覺, 但係呢d借幫人來攪事、極度主觀、下意識極度懷疑、以為自己o岩晒好叻好威、無禮貌目中無人、連表面功夫都唔識做入世未深...etcetc的人, 心中雖然覺得佢地on9同可憐, 但不免都有點氣。

19/5(二) -- 收工返企食飯。本來想快食完落去睇戲(全力扣殺), 但都想同屋企人hea下又廢事咁趕又廢事夜訓, 放棄左; 希望星期六未落畫。

2. 出site去九龍站, 可能真係太辟又唔會好多後生仔去, 竟然係果度7-11執到好野, 哈哈。

20/5(三) -- 收工去觀塘同Grace食飯。臨收工好大雨, 好彩公司落MTR唔侯出到街, 去到KT又唔大雨; 試左間"Bold Italic", 平平地但d野食都好普通, 好似平時食餐好少少o既lunch咁, 無咩特別原因可再去~ 9點幾走。

21/5(四) -- 收工返企食飯。

2. 返工返到好累無心機。

22/5(五) -- 收工同LD同事食飯。好耐無見佢地, 靜左一排呢; 仍然無人搵到Wendy~ Connie早2日突然話去三亞又唔join, 得返5個人(進GordonErika我C)食大瀛喜, 都係果d放題啦, 9點食完行左陣旺中走。

3. 網上睇到d野; 聯想到有時真係覺得d客同d攪事份子幾可憐, 而自己知道自己無錯就好, 可憐下佢地當係施捨佢地啦~

23/5(六) -- 早上睇左早場"全力扣殺", 只係普通, 比起"打擂台爭好遠; 之後返企休息, 下午C同佢一個fnd(本來仲有一個+小朋友, 但太大雨無來)來我家坐同吹水, 夜晚過左坑口食冬蔭公公後散; KTG到HK來我家暫住。

24/5(日) -- 早上打波8-10TKL, 又係打到唔知點咁, 最近都打得唔盡興, 自己唔知想點; 返企沖涼後去元朗同CKTGEdithRitaFawnia唱K, 好耐無唱K, 由於好累同無咩心機同狀態, 唔係唱好多同唱得麻麻地, 不過最高興係同KTG合唱, 感覺無與倫比; 夜晚KTG走先, 我地+IdaLeonaFungor同佢女友食私房菜, 普普通通, 每位250來講唔會再去。之後再去食甜品到11點幾先走, 是日連踩N個鐘累到爆。

25/5(一) -- 佛誕放假一天。早上睇左場11:15早場, 之後同C哥嫂Jason食晏(添好運); 食完哥Jason幫手掉左個床褥, 我同C就做清潔; 整左陣我頂唔住係廳訓左...Thx C幫我清潔左好多地方; 6點C返企, 我夜晚返企食飯。

來緊:
29/5(五) -- FS; 傢俬到
30/5(六) -- FS; Sam娟生日飯
31/5(日) -- FS;
14/6(日) -- 源lunch

完

五月十八日 -- 赤柱監獄

11/5(一) -- 收工好大雨, 褲濕晒, 返企淋個浴再出KT, 同娟Cass慶生(進同女友都來)(BELLA SHINE), d野食算貴貴地不過幾好食; 9點幾走。

12/5(二) -- 收工返企食飯。

13/5(三) -- 收工臨時陪Edith去見客, 見完去食珊BDay Dinner(ConnieMartinAmandaMandyWaiCarolYee), 約7點我7點半島到。粵來順, 叫小菜來講貴貴地不過幾好食。

1. 是日超眼訓, 身體狀態又差, 個肚又唔多舒服。

2. 因為身體唔好關係係公司發生左件慘劇, 太可怕了; 好彩無人知, 無事發生。

14/5(四) -- 由於要見呀差唔知幾點收工, 於是無話要返企食; 見完之後都係6點島, 返到TKO唔晏, 無飯食於是去睇好耐無睇o既跌打, 有d冤冤地, 睇下都好; 睇完去左Jusco買左d野食返企食。

15/5(五) -- 是日大半日都係出site, 仲第一次去赤柱探監添! 收工去TST The One煌府同工聯話劇組食飯; 好~~~~~耐無見佢地呢~~

3. Albert幾時都係咁正, 人生經驗豐富, 眼光、閱歷都好高, 講野風趣, 每次都學到野呢~~

16/5(六) -- 中午入西貢, 同C拿野入佢細佬度, 順便同d狗仔hea左陣, 之後去Esther娘家, 玩陣貓同搬個籠去呀娟家, 之後去Esther家玩貓, 差不多8點落去食譚仔後散。

17/5(日) -- TKL8-10, 又係好多人, 打唔得幾多, 無咩癮。中午同哥嫂JasonC食飯, 之後返企執野, 終於都叫執完間房! 是日又執又搬, 好累條腰好痛...夜晚同C去左坑口, 兜兜轉轉買左爭鮮返企食, 9點島走。

4. 頂唔住又剪左髮。

5. 民仔confirm左6月中至尾會走(SG)。

來緊:
18/5(一) -- OT見呀差
20/5(三) -- Grace
22/5(五) -- LD飯
24/5(日) -- 私房菜; KTG到
29/5(五) -- 傢俬到
14/6(日) -- 源lunch

完

五月十日 -- 雜記

4/5(一) -- 收工返企食飯。

1. 剛剛果3日假最正係除左打波無點行過街唔使點企, 對腳可以休息下, 無咁痛。

5/5(二) -- 收工返企食飯。

6/5(三) -- 收工約左Nat, 先去海港城睇袋(佢睇o岩左去買), 之後再去星林居食米線再去K11食Galeto, 10點島散。

2. 係煩悶低沉o既時候搵朋友食飯吹水真係好。

3. 是日其中一個令人厭惡o既話題係Nat當年與大強對峙1個鐘 =_=

7/5(四) -- 收工返企食飯。

4. 收工買左星期六早場10點飛。

8/5(五) -- 是日竟然7點半先收工; 收工入元朗同C姑姑八妹Edith進同佢女友食飯, 119 korean Station, 幾好食, 10點幾走, 好晏返到企。

5. 今日見個owner, 聽講有cancer, 但做人好執著同好少少野都計住, 做人真辛苦, 何必呢。

6. 遲收工, 仲要狂奔幾百米都走車, 架車好似無停站, 結果走車又等左好耐車, 遲上加遲。

9/5(六) -- 睇早場10點Avengers 2, as expected都係咁啦; 下午同C出左去九龍灣, 終於買左床同櫃; 夜晚同嫂Jason食坑口桃園。

10/5(日) -- 打波10-12, 今日Jason都一齊打呢~ 今次覺得自己走d位唔太差, 但有幾球easy shot唔入...總的來講都係普普通通; 中午同嫂Jason食將中米線; 下午返企本來沖完涼想執野, 但太累訓左; 5點幾6點先起身執左d, 又掉左一堆野, 臨尾見到隻大強屍體, 好核突......夜晚一齊過去同爸媽食飯。

來緊:
11/5(一) -- 娟BDay飯
13/5(三) -- 珊BDay Dinner
15/5(五) -- 工聯話劇組飯
17/5(日) -- 搬貓籠
24/5(日) -- 私房菜
29/5(五) -- 傢俬到, 執野deadline

完

五月三日 -- 勞動節

27/4(一) -- 收工同白田同事食飯, 直至今日先話係Jordon食, 但都未決定食咩, meet左先臨時決定食放題 xDD 食左和田樓下果間, 都OK; 9點cut單, 但傾到10點先走。

1. 估唔到今日都有利是收, 多謝呀Wing; 去唔到佢婚宴(FS)真係唔好意思呢。

2. 是日攪笑話題: 眼做激光手術原因: 有人話曾經諗過做o既原因係怕夜晚見唔到鬼 xDD

3. 頂唔住, 返來剪左頭髮。

28/4(二) -- 收工返企食飯。

29/4(三) -- 收工返企食飯。

4. 超眼訓。超累。

30/4(四) -- 收工同同事去左北角5enses食飯, 韓國野。個五層海鮮塔只係gimmicks, d料唔係d咩特別靚料, 又唔見得好好食; 其餘散叫o既野都係普通, 埋單每人大約300, 性價比來講唔多得。之後行去炮台山食福元湯圓後散。

5. 好累。

6. 見到dHK人攪次結婚, 好似係將男仔十幾年積蓄同埋無使係自己呀爸呀媽o既錢係一日燒晒+財富轉移去女家度咁; 其實大家都係有呀爸呀媽生同埋養, 結左婚又無話邊邊無左個仔定女, 點解會攪到好似賣女咁呢? 仲要賣完唔係賣斷喎。而家d港女又唔會洗衫煮飯做家務架喎, 真係鄧d男仔可憐。

1/5(五) -- 早上起身一陣就去柴灣醫院探C婆婆(佢仲遲過我半個鐘添), 之後去北角食個飯後返企, 頂唔住係sofa訓著左, 4點幾起身去西環探Tracy B, 係佢家食飯, 之後落去食糖水後散。

2/5(六) -- 早上起身hea, 中午出去TKL食晏, 順便睇下TKL個新政府體育館; 下午係企又執間房, 見返以前中學果時d作文月記剪報, 超正~~ 夜晚同呀嫂Jason係樓下食飯, 之後本來去實惠想買傢俱, 但好似爭少少所以又遲d先買; 返企又執少少野, 睇返以前blog文, 感慨良多。

7. 其實自己仍然idea不斷,仍然好想寫故仔, 不過無咩時間...但我遲d會寫返的~~

3/5(日) -- 10-12 TKL, 咁o既時間同地點, 無理由唔打掛? 是日好多人, 打得唔多, 亦打得唔好, 返企後隻左手前臂肌肉仲一用力就扯住痛添。中午hea食左foodcourt, 返企沖完涼由於手痛關係無執野 =_=, 訓左...夜嶜去左油塘食左果間東南亞野, 麻麻地。之後行左陣走。

來緊:
13/5(三) -- 珊BDay Dinner

完

四月二十六日 -- 雜記

20/4(一) -- 收工返企食飯。

1. 唔記得講, NBA playoff開鑼...

2. 今日7點果個港台節目講o既野(有間而家個政治環境同風氣)我buy...

21/4(二) -- 收工去九龍灣等Nat, 等果時去左打機, 好~~~~耐無打鼓機啦, 生疏晒, 但仍然好好玩~~~ 之後佢到, 一齊去得寶果邊, 竟然真係遇到Connie, 同佢傾左2句, 去佢推介o既日本野, 要等位, 放棄左; 去左另一間同Nat見到o既韓國野, 一於試下(Connie返企), 好味喎, 又唔算貴; 食完之後去左淘大行下, 唔同左好多, 好多小店無左又開平時見到果d鋪, 而且9點幾已收晒鋪 =_= 行完之後散。

22/4(三) -- 收工返企食飯。

3. 好累。

23/4(四) -- 收工返企食飯。

24/4(五) -- 收工返企, 之後再去坑口同C食冬蔭公公。

25/4(六) -- 早上係企heahea下, 之後過左坑口食左牛鍋, 返企抖一下之後去SKW呀C婆婆家食飯, 10點幾走。

26/4(日) -- 8-10柴灣, 是日打得幾好, 平均每場入幾球中距離~ 之後同佢地食埋早餐返企沖涼訓。下午執間大房d野, 有排執...C係西貢出返來, 夜晚去坑口食完飯走。

來緊:
27/4(一) -- 白田
30/4(四) -- YW飯
1/5(五) -- 探Tracy B
13/5(三) -- 珊BDay Dinner

完

四月十九日 -- 雜記

13/4(一) -- 收工返企食飯。

14/4(二) -- 收工返企食飯。

15/4(三) -- 收工返企食飯。之後出寶林同Grace食聰嫂後行一陣散。

1. 是日同Grace傾閒偈, 可能個人放鬆d原因, 果下好想喊(雖然係佢面前都係無表現出來), 好累積壓好多野都好似放左出來咁。好累。

2. 話說是日比人話我肥左...

16/4(四) -- 收工返企食飯。之後臨時約左呀馬去射下波吹下水, 10點散。

3. 今日早上Vincent係公司個樣超病頂唔順, 被臨時拉夫送左佢返沙田; 話說我咁大個仔第一次打的送人返企呢 xDDD

4. 是日Ida竟然搵我商談拍拖煩惱, 其實都係common野姐~~ 不過好耐無做呢個角色了~ :)

17/4(五) -- 臨時約收工去灣仔接C收工, 之後上佢家同佢家人食個飯, 10點島走。

5. 話時話諗返起, 呢期都唔只係一單有人搵我傾煩惱o既; 除左Ida仲有CrystalEdithNat等等, keep住呢~

18/4(六) -- 很舒服地訓到自然醒10點幾, hea到中午同哥嫂落樓下食飯, 之後出TST meet C同佢嫖姨表妹試衫, 點知一個鐘就完; 之後散, 私同哥嫂行下Miramar同去左海防道街市食d野之後返企; 5點島再出返柴灣同CC媽探佢婆婆, 之後出返去北角食飯後散。

19/4(日) -- 早上打波(9-11); 之後返企沖個涼, 出觀塘同C食左間韓國野(唔得), 之後搭車去新蒲崗, 行左下Mikiki, 再去四美街工廠大廈睇左間婚禮用品舖, 再去荷里活果邊搭MTR落CWB係Hysan食左間意粉(麻麻又貴), 之後再送C返企後走。

6. 是日唔單止腳連腰都好痛。

來緊:
21/4(二) -- Nat
30/4(四) -- YW飯
13/5(三) -- 珊BDay Dinner

完

四月十二日 -- 三小喵

8/4(三) -- 臨時約左呀進收工一齊行下街食飯; 收工去左信和行個圈, 再係In's Point meet呀進一齊行, 行完2條

佬係附近吉野家打邊之後散; 同佢傾除左一開頭講玩具之外, 竟然之後大部份時間講社會政治經濟o既野~ :D

1. 是日放係窗台小植物無故斷左...... :(

2. 是日返企發現房間窗簾無故墜下, 仲要整左一輪發覺無得整...

9/4(四) -- 收工四大長老會面飯! 炮台山尚喜, 無驚無險又散水~~

10/4(五) -- 收工同CMaychan貓同佢老公食大角咀晶輝, 好味道~~ 之後去食貴族甜品多謝佢請呢~~

3. 對住入世未深ge憤青生同老奸巨猾ge老鬼，我心底竟然有些少動氣，修為退步了呢~

11/4(六) -- 無節目, 睇左furniture半日, 夜晚食Ikea。

12/4(日) -- 早上去西環打波9-11, 之後返企沖個涼, 入大圍同CEsther食飯, 再上Esther家睇小喵喵, 好可愛~~~

之後去柴灣醫院探C婆婆, 再同佢家人到北角食梅花村食飯後散。是日係HK兜大圈 xD

4. 之前不忿心情終於稍為緩和。

來緊:
18/4(六) -- C試衫
30/4(四) -- YW飯

完

四月七日 -- 復活節假

30/3(一) -- 收工返企食飯。

1. 今日終於belate拿左公司每年review信; 雖然比起好多好hea同事同埋老屎忽, 覺得自己都算還好, 不過相對於自己本來expect唔多好凡review之下(因為我地team似乎係炮灰team), 個result係有d於心有愧。

2. 是日有關公司的新聞, 某高層請辭, 甚囂塵上, 公司人心惶惶; 好眼訓。

31/3(二) -- 原來約左白田同事, 不過有2個人病左, 所以cancel; 收工返企食飯。

3. 是日大家焦點仍然係公司新聞。

4. 唔關單新聞事, 公司都愈來愈唔好做...

1/4(三) -- 收工返企食飯。

5. 一早發左個惡夢 T_T

2/4(四) -- 收工返企先, 再去西灣河太安樓同CSanny掃街。

6. 是日manager叫左入房, 話review左我個performance, 會高分dd; 以我一貫唔OT唔係好勤力o既做野態度, 真係於心有d愧呢~

7. 是晚收到消息, Esther的貓貓小虎意外身亡 T_T

3/4(五) -- 清明放假一天; 趁住內地人唔係放假醫院應該無咁多人, 上SZ身體檢查, 一早7點鬆d出門, 去到SZ醫院果然好少人, 做完檢查之後係開東門, 梗係掃一堆concert DVD返來啦; 返來TKO快食個lunch, 下午同爸媽去柴灣拜山, 之後返到企累到爆, 沖個涼就訓死左, 到7點幾過去一家食飯, 呀哥叫埋佢朋友Martin來一齊食(福建清明食品"輪餅")。

4/4(六) -- 真係開始放假, 一早睇早場"衝鋒車", 好好睇!之後同哥嫂去左寶林食晏(豆漿大王同豆花妹米線), 之後行返企, 中途行過果幾棵櫻花同單車館; 返到企就hea, 好耐無砌過模型砌左隻; 夜晚又同哥嫂去樓下食左吉野家邊邊, 之後行左出海邊行左個圈同睇到月蝕。

5/4(日) -- 早上打波10-13, 都打得唔錯呢, 好累; 返TKO中心食米線陣, 好耐無食難食左好多; 返企沖個涼之後去北角擇茄屋企, 一班中同Boys only gathering(我馬民Ben昇茄), 玩左一陣到7點島家昇到就落去梅花村食飯, 食完買左雞蛋仔同夾餅再返上去玩BANG!, 笑死, 又笑到好累xDDD, 11點幾先走。

8. 好難得一班最熟o既中同可以約到, 玩得好開心, 大家無咩顧忌所以可以發傻 xDD, 同埋更難得大家都可以撇低老婆女友仔女呢~~

9. 今日玩BANG!真係無咩幾可、歷史性地係第一round都未完、仲未輪到我之前, 我(副警長)就比Ben(歹徒)射死左 xDDDD

6/4(一) -- 早場睇左"五個小孩的校長", 好好睇; 下午同大本型飯團lunch(我C盧撈ConnieYeePenny), 驚訝地Penny帶左佢男友出來, 雖然一早估估地到, 但竟然帶左出來呢; 食完飯上我家同Penny慶生食生日蛋糕, 之後同佢地去左睇一下櫻花, 再去坑口食聰嫂; Penny同Yee走先, 珊來join, 夜晚係我家打邊邊, 10點島散。

7/4(二) -- 原本去探Tracy & B不過cancel左; 中午返企食飯, 下午同C去左Magabox睇傢私, 之後再去北角健威foodcourt食飯同又行左下實惠後散, 對d床同櫃都有少少概念。

10. 是日又行到痛。

11. 放左5日假, 都好似唔係好多時間感覺係放假咁, 又要返工了...

來緊:
9/4(四) -- 四大長老會面
10/4(五) -- 貓Maychan晶輝
30/4(四) -- YW飯

完

三月二十九日 -- 揀相

23/3(一) -- 收工返企再出TKL同Angel KT食板長壽司, 好~~耐無見了~ 傾下KT準備結婚o既野, 同埋做運動、食野、減肥o既野; 年紀大左, 就算食得同以前差不多, 新陳代謝慢左都係會愈來愈肥呢~

24/3(二) -- 收工同exURA同事去KLB RubyT食飯, 慶祝LoLo生日(LoLoConnie珊Amanda儀MandyCarol衛)。一班人傾到10點半(分左兩邊)先散。

1. 人類枉有數千年歷史同經驗, 但係仍然都係短視o既生物: 政府高官及決策者著重自己利益忽視整個地區所需; 商家只牟取暴利樣樣賺到盡缺乏社會責任及整個經濟平衡; 家長過份催谷兒童漠視其成長過程; 男人只用下半身思考; 女人慢慢消磨男人的一切及對她們的耐性; 最終的結局就是: 壓力及不平衡感像氣球般愈脹愈大, 最終破滅。

2. 今日好surprise收到日安送的生日禮物, 好靚呀! 十分非常之多謝呀~~T_T

25/3(三) -- 收工去TST同C揀相; 個sales不論係個樣、眼、con、妝、指甲...等等各方面, 都令我覺得佢似巫婆; 佢sell野技術好低, 仲要令人有少少強逼感覺添, 總之感覺唔多好, 不過最終都無點加野就走人; 之後去左好~~~耐無去o既星林居食米線, 都仲OK喎。

3. 最近真係好累好眼訓...T_T

26/3(四) -- 收工返企食飯; 搭車、食完飯都累到恰左...

4. 是晚好眼訓又偏偏起敏感訓唔到 T_T

27/3(五) -- 早少少收工, 返企沖個涼再出返西灣河meet C, 食好耐無食過o既大壽司, 行左下太安樓但太飽無掃街, 之後再去明記食左甜品先走。

5. 終於睇完果個恐怖短篇, 睇完好唔舒服, 唔係因為個結果懸疑, 唔係因為死左幾條友, 而係因為果段往事, 覺得被害者好可憐...

28/3(六) -- 可能之前太累, 今日一早醒左再訓, 竟然累到爆, 唔知係咪一次過散左出來; 11點幾局住起身入元朗, 同C八婆一家&進唱K, 到7點半走食埋大排檔, 佢地車我地出荃灣先散。

6. 是日無咩點唱, 亦無咩feel; 唱左幾首好~~~~N耐無唱o既歌, 自己比較到, 而家真係差過以前好多。

29/3(日) -- 一早8-10係石塘咀打波, 好眼訓; 返來食個早餐沖個涼恰左下, 下午RitaEdith來我家, 玩下boardgameJenga棋等等到夜晚, 呀源咁o岩打來, 一齊去坑口食左合時再食聰嫂散。

7. 是日我原來係比較早果批經過新站西營盤o既乘客 xDD

8. 是日打完波唔記得拿返, 損失外套一件...

來緊:
31/3(二) -- 白田

完