五月三十一日 -- FS

26/5(二) -- 收工返企食飯。

1. 試晒d放左係度好耐唔知咩o既CD同DVD, 搵返好多舊野~~ xD

2. 收工搭巴士, 無冷氣得d風, 好焗, 第一次搭巴士搭到要抖大氣, 好辛苦。

27/5(三) -- 收工同C去煌府交多一期訂, 再去食飯(一蘭)。

28/5(四) -- 四仔飯; 難得齊人, 本來expect四條仔吹下水, 突然join多2個夫人, 雖然都係開心Gathering, 不過成個gathering性質唔同晒~ xD 收工返企沖個涼再出去, 7點半約食i-Kitchen。10點半島散。

3. 是日吹左好多水, 最好笑係講開rewind同埋民仔呀源o既野~

29/5(五) -- 是日FS; 9點半收工。

4. 傢俬到; 多謝papa幫我收傢俬~~

5. 夜晚食晶輝~

30/5(六) -- FS, 竟然可6點收工; 係MK meet C行左信和In's Point再過去Jordon食Sam娟生日飯(我C娟SamEstherDorothy民FF), 10點島走。

6. 好熱呀~ 無咩胃口。

7. 屋企發現四腳爬爬; 係咪代表會無小強呢?

31/5(日) -- FS, 4點收工; 返企沖涼恰陣, 過去食飯; 返來沖涼hea陣訓。

8. 是日好累好眼訓, 來緊星期唔知點捱。

來緊:
1/6(一) -- 呀文綺始來港, 一齊食飯。
14/6(日) -- 源lunch
16/6(二) -- 中同飯

完

五月二十五日 -- 佛誕

18/5(一) -- OT見呀差, 8點收工; 返TKO Jusco買左熟食。

1. 每次見完果班"社工"感覺都好差; 做左咁耐野見d態度差o既人都無咩感覺, 但係呢d借幫人來攪事、極度主觀、下意識極度懷疑、以為自己o岩晒好叻好威、無禮貌目中無人、連表面功夫都唔識做入世未深...etcetc的人, 心中雖然覺得佢地on9同可憐, 但不免都有點氣。

19/5(二) -- 收工返企食飯。本來想快食完落去睇戲(全力扣殺), 但都想同屋企人hea下又廢事咁趕又廢事夜訓, 放棄左; 希望星期六未落畫。

2. 出site去九龍站, 可能真係太辟又唔會好多後生仔去, 竟然係果度7-11執到好野, 哈哈。

20/5(三) -- 收工去觀塘同Grace食飯。臨收工好大雨, 好彩公司落MTR唔侯出到街, 去到KT又唔大雨; 試左間"Bold Italic", 平平地但d野食都好普通, 好似平時食餐好少少o既lunch咁, 無咩特別原因可再去~ 9點幾走。

21/5(四) -- 收工返企食飯。

2. 返工返到好累無心機。

22/5(五) -- 收工同LD同事食飯。好耐無見佢地, 靜左一排呢; 仍然無人搵到Wendy~ Connie早2日突然話去三亞又唔join, 得返5個人(進GordonErika我C)食大瀛喜, 都係果d放題啦, 9點食完行左陣旺中走。

3. 網上睇到d野; 聯想到有時真係覺得d客同d攪事份子幾可憐, 而自己知道自己無錯就好, 可憐下佢地當係施捨佢地啦~

23/5(六) -- 早上睇左早場"全力扣殺", 只係普通, 比起"打擂台爭好遠; 之後返企休息, 下午C同佢一個fnd(本來仲有一個+小朋友, 但太大雨無來)來我家坐同吹水, 夜晚過左坑口食冬蔭公公後散; KTG到HK來我家暫住。

24/5(日) -- 早上打波8-10TKL, 又係打到唔知點咁, 最近都打得唔盡興, 自己唔知想點; 返企沖涼後去元朗同CKTGEdithRitaFawnia唱K, 好耐無唱K, 由於好累同無咩心機同狀態, 唔係唱好多同唱得麻麻地, 不過最高興係同KTG合唱, 感覺無與倫比; 夜晚KTG走先, 我地+IdaLeonaFungor同佢女友食私房菜, 普普通通, 每位250來講唔會再去。之後再去食甜品到11點幾先走, 是日連踩N個鐘累到爆。

25/5(一) -- 佛誕放假一天。早上睇左場11:15早場, 之後同C哥嫂Jason食晏(添好運); 食完哥Jason幫手掉左個床褥, 我同C就做清潔; 整左陣我頂唔住係廳訓左...Thx C幫我清潔左好多地方; 6點C返企, 我夜晚返企食飯。

來緊:
29/5(五) -- FS; 傢俬到
30/5(六) -- FS; Sam娟生日飯
31/5(日) -- FS;
14/6(日) -- 源lunch

完

五月十八日 -- 赤柱監獄

11/5(一) -- 收工好大雨, 褲濕晒, 返企淋個浴再出KT, 同娟Cass慶生(進同女友都來)(BELLA SHINE), d野食算貴貴地不過幾好食; 9點幾走。

12/5(二) -- 收工返企食飯。

13/5(三) -- 收工臨時陪Edith去見客, 見完去食珊BDay Dinner(ConnieMartinAmandaMandyWaiCarolYee), 約7點我7點半島到。粵來順, 叫小菜來講貴貴地不過幾好食。

1. 是日超眼訓, 身體狀態又差, 個肚又唔多舒服。

2. 因為身體唔好關係係公司發生左件慘劇, 太可怕了; 好彩無人知, 無事發生。

14/5(四) -- 由於要見呀差唔知幾點收工, 於是無話要返企食; 見完之後都係6點島, 返到TKO唔晏, 無飯食於是去睇好耐無睇o既跌打, 有d冤冤地, 睇下都好; 睇完去左Jusco買左d野食返企食。

15/5(五) -- 是日大半日都係出site, 仲第一次去赤柱探監添! 收工去TST The One煌府同工聯話劇組食飯; 好~~~~~耐無見佢地呢~~

3. Albert幾時都係咁正, 人生經驗豐富, 眼光、閱歷都好高, 講野風趣, 每次都學到野呢~~

16/5(六) -- 中午入西貢, 同C拿野入佢細佬度, 順便同d狗仔hea左陣, 之後去Esther娘家, 玩陣貓同搬個籠去呀娟家, 之後去Esther家玩貓, 差不多8點落去食譚仔後散。

17/5(日) -- TKL8-10, 又係好多人, 打唔得幾多, 無咩癮。中午同哥嫂JasonC食飯, 之後返企執野, 終於都叫執完間房! 是日又執又搬, 好累條腰好痛...夜晚同C去左坑口, 兜兜轉轉買左爭鮮返企食, 9點島走。

4. 頂唔住又剪左髮。

5. 民仔confirm左6月中至尾會走(SG)。

來緊:
18/5(一) -- OT見呀差
20/5(三) -- Grace
22/5(五) -- LD飯
24/5(日) -- 私房菜; KTG到
29/5(五) -- 傢俬到
14/6(日) -- 源lunch

完

五月十日 -- 雜記

4/5(一) -- 收工返企食飯。

1. 剛剛果3日假最正係除左打波無點行過街唔使點企, 對腳可以休息下, 無咁痛。

5/5(二) -- 收工返企食飯。

6/5(三) -- 收工約左Nat, 先去海港城睇袋(佢睇o岩左去買), 之後再去星林居食米線再去K11食Galeto, 10點島散。

2. 係煩悶低沉o既時候搵朋友食飯吹水真係好。

3. 是日其中一個令人厭惡o既話題係Nat當年與大強對峙1個鐘 =_=

7/5(四) -- 收工返企食飯。

4. 收工買左星期六早場10點飛。

8/5(五) -- 是日竟然7點半先收工; 收工入元朗同C姑姑八妹Edith進同佢女友食飯, 119 korean Station, 幾好食, 10點幾走, 好晏返到企。

5. 今日見個owner, 聽講有cancer, 但做人好執著同好少少野都計住, 做人真辛苦, 何必呢。

6. 遲收工, 仲要狂奔幾百米都走車, 架車好似無停站, 結果走車又等左好耐車, 遲上加遲。

9/5(六) -- 睇早場10點Avengers 2, as expected都係咁啦; 下午同C出左去九龍灣, 終於買左床同櫃; 夜晚同嫂Jason食坑口桃園。

10/5(日) -- 打波10-12, 今日Jason都一齊打呢~ 今次覺得自己走d位唔太差, 但有幾球easy shot唔入...總的來講都係普普通通; 中午同嫂Jason食將中米線; 下午返企本來沖完涼想執野, 但太累訓左; 5點幾6點先起身執左d, 又掉左一堆野, 臨尾見到隻大強屍體, 好核突......夜晚一齊過去同爸媽食飯。

來緊:
11/5(一) -- 娟BDay飯
13/5(三) -- 珊BDay Dinner
15/5(五) -- 工聯話劇組飯
17/5(日) -- 搬貓籠
24/5(日) -- 私房菜
29/5(五) -- 傢俬到, 執野deadline

完

五月三日 -- 勞動節

27/4(一) -- 收工同白田同事食飯, 直至今日先話係Jordon食, 但都未決定食咩, meet左先臨時決定食放題 xDD 食左和田樓下果間, 都OK; 9點cut單, 但傾到10點先走。

1. 估唔到今日都有利是收, 多謝呀Wing; 去唔到佢婚宴(FS)真係唔好意思呢。

2. 是日攪笑話題: 眼做激光手術原因: 有人話曾經諗過做o既原因係怕夜晚見唔到鬼 xDD

3. 頂唔住, 返來剪左頭髮。

28/4(二) -- 收工返企食飯。

29/4(三) -- 收工返企食飯。

4. 超眼訓。超累。

30/4(四) -- 收工同同事去左北角5enses食飯, 韓國野。個五層海鮮塔只係gimmicks, d料唔係d咩特別靚料, 又唔見得好好食; 其餘散叫o既野都係普通, 埋單每人大約300, 性價比來講唔多得。之後行去炮台山食福元湯圓後散。

5. 好累。

6. 見到dHK人攪次結婚, 好似係將男仔十幾年積蓄同埋無使係自己呀爸呀媽o既錢係一日燒晒+財富轉移去女家度咁; 其實大家都係有呀爸呀媽生同埋養, 結左婚又無話邊邊無左個仔定女, 點解會攪到好似賣女咁呢? 仲要賣完唔係賣斷喎。而家d港女又唔會洗衫煮飯做家務架喎, 真係鄧d男仔可憐。

1/5(五) -- 早上起身一陣就去柴灣醫院探C婆婆(佢仲遲過我半個鐘添), 之後去北角食個飯後返企, 頂唔住係sofa訓著左, 4點幾起身去西環探Tracy B, 係佢家食飯, 之後落去食糖水後散。

2/5(六) -- 早上起身hea, 中午出去TKL食晏, 順便睇下TKL個新政府體育館; 下午係企又執間房, 見返以前中學果時d作文月記剪報, 超正~~ 夜晚同呀嫂Jason係樓下食飯, 之後本來去實惠想買傢俱, 但好似爭少少所以又遲d先買; 返企又執少少野, 睇返以前blog文, 感慨良多。

7. 其實自己仍然idea不斷,仍然好想寫故仔, 不過無咩時間...但我遲d會寫返的~~

3/5(日) -- 10-12 TKL, 咁o既時間同地點, 無理由唔打掛? 是日好多人, 打得唔多, 亦打得唔好, 返企後隻左手前臂肌肉仲一用力就扯住痛添。中午hea食左foodcourt, 返企沖完涼由於手痛關係無執野 =_=, 訓左...夜嶜去左油塘食左果間東南亞野, 麻麻地。之後行左陣走。

來緊:
13/5(三) -- 珊BDay Dinner

完

四月二十六日 -- 雜記

20/4(一) -- 收工返企食飯。

1. 唔記得講, NBA playoff開鑼...

2. 今日7點果個港台節目講o既野(有間而家個政治環境同風氣)我buy...

21/4(二) -- 收工去九龍灣等Nat, 等果時去左打機, 好~~~~耐無打鼓機啦, 生疏晒, 但仍然好好玩~~~ 之後佢到, 一齊去得寶果邊, 竟然真係遇到Connie, 同佢傾左2句, 去佢推介o既日本野, 要等位, 放棄左; 去左另一間同Nat見到o既韓國野, 一於試下(Connie返企), 好味喎, 又唔算貴; 食完之後去左淘大行下, 唔同左好多, 好多小店無左又開平時見到果d鋪, 而且9點幾已收晒鋪 =_= 行完之後散。

22/4(三) -- 收工返企食飯。

3. 好累。

23/4(四) -- 收工返企食飯。

24/4(五) -- 收工返企, 之後再去坑口同C食冬蔭公公。

25/4(六) -- 早上係企heahea下, 之後過左坑口食左牛鍋, 返企抖一下之後去SKW呀C婆婆家食飯, 10點幾走。

26/4(日) -- 8-10柴灣, 是日打得幾好, 平均每場入幾球中距離~ 之後同佢地食埋早餐返企沖涼訓。下午執間大房d野, 有排執...C係西貢出返來, 夜晚去坑口食完飯走。

來緊:
27/4(一) -- 白田
30/4(四) -- YW飯
1/5(五) -- 探Tracy B
13/5(三) -- 珊BDay Dinner

完

四月十九日 -- 雜記

13/4(一) -- 收工返企食飯。

14/4(二) -- 收工返企食飯。

15/4(三) -- 收工返企食飯。之後出寶林同Grace食聰嫂後行一陣散。

1. 是日同Grace傾閒偈, 可能個人放鬆d原因, 果下好想喊(雖然係佢面前都係無表現出來), 好累積壓好多野都好似放左出來咁。好累。

2. 話說是日比人話我肥左...

16/4(四) -- 收工返企食飯。之後臨時約左呀馬去射下波吹下水, 10點散。

3. 今日早上Vincent係公司個樣超病頂唔順, 被臨時拉夫送左佢返沙田; 話說我咁大個仔第一次打的送人返企呢 xDDD

4. 是日Ida竟然搵我商談拍拖煩惱, 其實都係common野姐~~ 不過好耐無做呢個角色了~ :)

17/4(五) -- 臨時約收工去灣仔接C收工, 之後上佢家同佢家人食個飯, 10點島走。

5. 話時話諗返起, 呢期都唔只係一單有人搵我傾煩惱o既; 除左Ida仲有CrystalEdithNat等等, keep住呢~

18/4(六) -- 很舒服地訓到自然醒10點幾, hea到中午同哥嫂落樓下食飯, 之後出TST meet C同佢嫖姨表妹試衫, 點知一個鐘就完; 之後散, 私同哥嫂行下Miramar同去左海防道街市食d野之後返企; 5點島再出返柴灣同CC媽探佢婆婆, 之後出返去北角食飯後散。

19/4(日) -- 早上打波(9-11); 之後返企沖個涼, 出觀塘同C食左間韓國野(唔得), 之後搭車去新蒲崗, 行左下Mikiki, 再去四美街工廠大廈睇左間婚禮用品舖, 再去荷里活果邊搭MTR落CWB係Hysan食左間意粉(麻麻又貴), 之後再送C返企後走。

6. 是日唔單止腳連腰都好痛。

來緊:
21/4(二) -- Nat
30/4(四) -- YW飯
13/5(三) -- 珊BDay Dinner

完

四月十二日 -- 三小喵

8/4(三) -- 臨時約左呀進收工一齊行下街食飯; 收工去左信和行個圈, 再係In's Point meet呀進一齊行, 行完2條

佬係附近吉野家打邊之後散; 同佢傾除左一開頭講玩具之外, 竟然之後大部份時間講社會政治經濟o既野~ :D

1. 是日放係窗台小植物無故斷左...... :(

2. 是日返企發現房間窗簾無故墜下, 仲要整左一輪發覺無得整...

9/4(四) -- 收工四大長老會面飯! 炮台山尚喜, 無驚無險又散水~~

10/4(五) -- 收工同CMaychan貓同佢老公食大角咀晶輝, 好味道~~ 之後去食貴族甜品多謝佢請呢~~

3. 對住入世未深ge憤青生同老奸巨猾ge老鬼，我心底竟然有些少動氣，修為退步了呢~

11/4(六) -- 無節目, 睇左furniture半日, 夜晚食Ikea。

12/4(日) -- 早上去西環打波9-11, 之後返企沖個涼, 入大圍同CEsther食飯, 再上Esther家睇小喵喵, 好可愛~~~

之後去柴灣醫院探C婆婆, 再同佢家人到北角食梅花村食飯後散。是日係HK兜大圈 xD

4. 之前不忿心情終於稍為緩和。

來緊:
18/4(六) -- C試衫
30/4(四) -- YW飯

完

四月七日 -- 復活節假

30/3(一) -- 收工返企食飯。

1. 今日終於belate拿左公司每年review信; 雖然比起好多好hea同事同埋老屎忽, 覺得自己都算還好, 不過相對於自己本來expect唔多好凡review之下(因為我地team似乎係炮灰team), 個result係有d於心有愧。

2. 是日有關公司的新聞, 某高層請辭, 甚囂塵上, 公司人心惶惶; 好眼訓。

31/3(二) -- 原來約左白田同事, 不過有2個人病左, 所以cancel; 收工返企食飯。

3. 是日大家焦點仍然係公司新聞。

4. 唔關單新聞事, 公司都愈來愈唔好做...

1/4(三) -- 收工返企食飯。

5. 一早發左個惡夢 T_T

2/4(四) -- 收工返企先, 再去西灣河太安樓同CSanny掃街。

6. 是日manager叫左入房, 話review左我個performance, 會高分dd; 以我一貫唔OT唔係好勤力o既做野態度, 真係於心有d愧呢~

7. 是晚收到消息, Esther的貓貓小虎意外身亡 T_T

3/4(五) -- 清明放假一天; 趁住內地人唔係放假醫院應該無咁多人, 上SZ身體檢查, 一早7點鬆d出門, 去到SZ醫院果然好少人, 做完檢查之後係開東門, 梗係掃一堆concert DVD返來啦; 返來TKO快食個lunch, 下午同爸媽去柴灣拜山, 之後返到企累到爆, 沖個涼就訓死左, 到7點幾過去一家食飯, 呀哥叫埋佢朋友Martin來一齊食(福建清明食品"輪餅")。

4/4(六) -- 真係開始放假, 一早睇早場"衝鋒車", 好好睇!之後同哥嫂去左寶林食晏(豆漿大王同豆花妹米線), 之後行返企, 中途行過果幾棵櫻花同單車館; 返到企就hea, 好耐無砌過模型砌左隻; 夜晚又同哥嫂去樓下食左吉野家邊邊, 之後行左出海邊行左個圈同睇到月蝕。

5/4(日) -- 早上打波10-13, 都打得唔錯呢, 好累; 返TKO中心食米線陣, 好耐無食難食左好多; 返企沖個涼之後去北角擇茄屋企, 一班中同Boys only gathering(我馬民Ben昇茄), 玩左一陣到7點島家昇到就落去梅花村食飯, 食完買左雞蛋仔同夾餅再返上去玩BANG!, 笑死, 又笑到好累xDDD, 11點幾先走。

8. 好難得一班最熟o既中同可以約到, 玩得好開心, 大家無咩顧忌所以可以發傻 xDD, 同埋更難得大家都可以撇低老婆女友仔女呢~~

9. 今日玩BANG!真係無咩幾可、歷史性地係第一round都未完、仲未輪到我之前, 我(副警長)就比Ben(歹徒)射死左 xDDDD

6/4(一) -- 早場睇左"五個小孩的校長", 好好睇; 下午同大本型飯團lunch(我C盧撈ConnieYeePenny), 驚訝地Penny帶左佢男友出來, 雖然一早估估地到, 但竟然帶左出來呢; 食完飯上我家同Penny慶生食生日蛋糕, 之後同佢地去左睇一下櫻花, 再去坑口食聰嫂; Penny同Yee走先, 珊來join, 夜晚係我家打邊邊, 10點島散。

7/4(二) -- 原本去探Tracy & B不過cancel左; 中午返企食飯, 下午同C去左Magabox睇傢私, 之後再去北角健威foodcourt食飯同又行左下實惠後散, 對d床同櫃都有少少概念。

10. 是日又行到痛。

11. 放左5日假, 都好似唔係好多時間感覺係放假咁, 又要返工了...

來緊:
9/4(四) -- 四大長老會面
10/4(五) -- 貓Maychan晶輝
30/4(四) -- YW飯

完

三月二十九日 -- 揀相

23/3(一) -- 收工返企再出TKL同Angel KT食板長壽司, 好~~耐無見了~ 傾下KT準備結婚o既野, 同埋做運動、食野、減肥o既野; 年紀大左, 就算食得同以前差不多, 新陳代謝慢左都係會愈來愈肥呢~

24/3(二) -- 收工同exURA同事去KLB RubyT食飯, 慶祝LoLo生日(LoLoConnie珊Amanda儀MandyCarol衛)。一班人傾到10點半(分左兩邊)先散。

1. 人類枉有數千年歷史同經驗, 但係仍然都係短視o既生物: 政府高官及決策者著重自己利益忽視整個地區所需; 商家只牟取暴利樣樣賺到盡缺乏社會責任及整個經濟平衡; 家長過份催谷兒童漠視其成長過程; 男人只用下半身思考; 女人慢慢消磨男人的一切及對她們的耐性; 最終的結局就是: 壓力及不平衡感像氣球般愈脹愈大, 最終破滅。

2. 今日好surprise收到日安送的生日禮物, 好靚呀! 十分非常之多謝呀~~T_T

25/3(三) -- 收工去TST同C揀相; 個sales不論係個樣、眼、con、妝、指甲...等等各方面, 都令我覺得佢似巫婆; 佢sell野技術好低, 仲要令人有少少強逼感覺添, 總之感覺唔多好, 不過最終都無點加野就走人; 之後去左好~~~耐無去o既星林居食米線, 都仲OK喎。

3. 最近真係好累好眼訓...T_T

26/3(四) -- 收工返企食飯; 搭車、食完飯都累到恰左...

4. 是晚好眼訓又偏偏起敏感訓唔到 T_T

27/3(五) -- 早少少收工, 返企沖個涼再出返西灣河meet C, 食好耐無食過o既大壽司, 行左下太安樓但太飽無掃街, 之後再去明記食左甜品先走。

5. 終於睇完果個恐怖短篇, 睇完好唔舒服, 唔係因為個結果懸疑, 唔係因為死左幾條友, 而係因為果段往事, 覺得被害者好可憐...

28/3(六) -- 可能之前太累, 今日一早醒左再訓, 竟然累到爆, 唔知係咪一次過散左出來; 11點幾局住起身入元朗, 同C八婆一家&進唱K, 到7點半走食埋大排檔, 佢地車我地出荃灣先散。

6. 是日無咩點唱, 亦無咩feel; 唱左幾首好~~~~N耐無唱o既歌, 自己比較到, 而家真係差過以前好多。

29/3(日) -- 一早8-10係石塘咀打波, 好眼訓; 返來食個早餐沖個涼恰左下, 下午RitaEdith來我家, 玩下boardgameJenga棋等等到夜晚, 呀源咁o岩打來, 一齊去坑口食左合時再食聰嫂散。

7. 是日我原來係比較早果批經過新站西營盤o既乘客 xDD

8. 是日打完波唔記得拿返, 損失外套一件...

來緊:
31/3(二) -- 白田

完

三月二十二日 -- 舊生籃球賽

16/3(一) -- 臨時約呀娟收工係附近睇開倉, 但d野偏貴所以無買野; 之後食附近食左瑞士咖啡室, 7點幾食完就散。

17/3(二) -- 收工返企食飯。

18/3(三) -- 收工返企食飯。

19/3(四) -- 收工同呀進姑姑食飯(i-kitchen), 好~~耐無見好難約到出來食飯呢~ 可惜小翠無來。

1. 是日聽到小翠o既八卦消息, 可惜聽唔到足本~~

20/3(五) -- 收工同C去左Jordon行左下婚宴場地, 之後去TST同中同食飯(泰豐樓), 快樂的Gathering~

21/3(六) -- 早上起身整野食; 下午去佐敦谷公園同FF民仔兄弟姊妹picnic, 悠閒地過下個下午; 之後搭shuttle去寶林行左下, 好累, 返企hea休息左陣, 9點幾先落街食d野。

2. 聽呀源講左佢企d野update, 真難攪。

22/3(日) -- 一早起身去打舊生籃球賽, 分組非常好彩地分到唔太強o既隊一組, 竟然兩勝一和入決賽; 決賽對方有打甲一o既師弟, 實力差太遠了, 雖敗猶榮啦~~是日雖然自己隻腳都係未好唔多掂, 出得唔多, 但都要參與下呢~~ 中間lunch同中同and spouses食飯, 最後打到4點半島先散; 同C食tea等到呀媽放工同C散, 同媽返企食飯。

最近身心疲累(在公在私), 成日都有想哭o既感覺。尤其係聽歌o既時候。

來緊:
23/3(一) -- Angel KT
24/3(二) -- exURA
25/3(三) -- 揀相
29/3(日) -- RitaEdith來我家

完

三月十五日 -- Pre-wedding

9/3(一) -- 本來約左Nat睇叮噹, 但佢臨時收唔到工, 所以臨時話返企食飯; 食完仲來得設買飛返企沖個涼再落街自己睇。

1. 叮噹: 由於大部份劇情都係已知o既, 所以劇情上無驚喜, 純粹係因fans而去睇; 基本上係將幾個短篇串連埋一齊, 本身果幾個短篇都係好睇同感人o既, 如果唔知故事去睇應該會覺得好睇。

10/3(二) -- 收工同MayChan食飯; 佢唔想係MK食, 去觀塘, 於是又去左i-Kitchen, 9點幾走。仲撞到Carol收工添~

2. 最近睇完2套有關Gundam漫畫, 對於0079有多d解讀而且又幾好睇, 都幾得意呢~

11/3(三) -- 收工陪C去太子拿花球, hea食飯之後再行花園街旺中之後走。

3. 我兩隻腳都好L痛, 好痛。

4. 最近返放工搭車都會恰, 好累。

12/3(四) -- 收工同Badend人行SSP玩具鋪之後係近石夾尾南昌街果度食新蘇記燒味後散。

13/3(五) -- 收工返企食飯, 執野同收拾心情第日影相。

14/3(六) -- 一早起身去TST食個早餐再去影Pre-wedding相, 真係第一次+無咩機會會再攪呢d野, 都幾累; 點幾2點已經攪完(studio only), 之後食左星座冰室個番茄芝士撈蛋麵, 幾好食; 食完同佢去訂埋Big Day衫, 終於又完左一樣煩野; 夜晚返左TKO同哥嫂食飯。

15/3(日) -- 是日中午同哥嫂去左寶琳食左唔記得咩咩豆漿大王, 之後去南昌公園(C哥嫂Jason)picnic(買左d零食飲品壽司), 好多人, 又無想像中咁大, 無點影到相, 中段好無聊係草地度恰左下; 夜晚去左好多年無去過o既大角咀晶輝食飯, 由於picnic左的關係, 唔係食到好多野; 之後就散。

5. 結果原本好想抖o既一日,又無得抖。

6. 68, 2540

來緊:
21/3(六) -- FF民仔兄弟姊妹picnic
22/3(日) -- QCOBA舊生籃球賽
24/3(二) -- exURA
25/3(三) -- 揀相

完

最後買賣

烈日當空, 密密麻麻的樹葉使得陽光難以透射到這林間小路, 滲發著一陣陰沉的味道。
陰暗的光線, 雜亂的樹葉, 使人難以看得清楚環境。
也沒有多少人會經過這裡。
因此這地方最適合 -
殺人。

暗殺。

**********

雖然位居未席, 但王旭勢是行內稱"天下十大殺手"之一人, 綽號"雲龍迷蹤劍", 一手"雲龍劍"配上腳踏"迷蹤步法", 成名多年, 在江湖上也屬一流劍客。

做殺手可比做一般劍客難多了。除了武功, 還要有智謀, 還要很多其他技術。不過劍客也要吃飯, 做殺手可著實容易賺錢。王旭勢喜歡美食, 喜歡酒, 喜歡美女; 每一樣也是要錢才可以得到, 愈多愈好, 因此他選擇了做殺手。

他深信自己的實力, 一定不止十大殺手之未席。他聰明、謹慎。以十大殺手之名, 可以賺很多錢。但他不想太出鋒頭, 因此一直沒有接最困難最引人注目的"生意"。而且, 除了死人之外, 從來沒有人見過他殺手的身份。江湖上對殺手身份的他所知甚少, 亦是他為何只位居"天下十大殺手"之未席。

**********

走在這片密林中, 王旭勢感覺到一絲"動靜"。這一點"動靜", 並不是他看到什麼、聽到什麼、聞到什麼。這一點感應, 是作為一流劍客、一流殺手的第六感, 感應到對方的一絲氣息 -- 殺氣。

他沒有一絲一點一毫的猶豫, 更沒有因為這一個感覺而令腳步有所遲緩 -- 那一絲的空隙足夠讓人置他於死地。他未能確定對方是道行未夠而讓他有所感應, 還是故意洩露那一點殺氣讓他遲疑。他繼續以原來的步伐向前走, 精神狀態、全身的肌肉也沒有一點的繃緊。反正確認了有"敵蹤", 他沒有讓對方感覺到他的感覺。

先機就在他這兒。

**********

左後方的一片落葉首先捲起。

王旭勢踏步、轉身、出劍, 先拉遠距離, 迴身、畜勢、發劍一氣呵成。
兩劍相交, "錚!"
甫合即分。

"沈玉琢。"
王旭勢立即道出對方名字。決鬥中, 當然並不需要確認對方身份。
他要令對方驚訝。一交手就知道對方的身份, 絕對是令人會訝異的一件事。
對方的眼神果然露出了一絲錯愕。

步走迷蹤, 劍出雲龍。
就在對方錯愕的一剎那, 王旭勢借勢穿越對方劍招所及之處, 繞到對方身後, 順勢橫掃一斬, 使出致命一擊。
"錚!"
對方也不是省油的燈, 在那危急之間竟然來得及迴劍直格。
"好!"
王旭勢忍不住發一聲讚嘆。剛才那一招非一流劍客不能擋下, 對方竟然能毫不掛彩就擋下那一擊, 身手也算得上極度不凡。

劍招雖擋, 但對方先手已失。
王旭勢承機使出一連串快攻, 連隨他的迷蹤步, 劍勢既快且詭異絕論, 活像游龍出沒於雲端之中, 見首不見尾, 難以捉摸。
沈玉琢左支右絀, 眼見支持不住, 突然全身急轉, 竟然連消帶打, 不單將王旭勢的攻勢全部卸開、接下, 還有餘裕刺出兩劍反擊。

王旭勢身型急退, 幾步間飛退至數丈之外, 之前急攻不下, 先手已失。沈玉琢承機前縱, 務要把握先機, "狩獵"對方。
"陷!!"
沈玉琢一腳踏空, 竟然一腳就踩在陷阱之上, 跌進了落穴之中。

"呀!"
陷阱頗深, 又裝置了傷人尖刺, 雖不致命, 但沈玉琢知道自己已被算計了。
王旭勢走到陷阱邊, 望著他的"獵物"。他也很喜歡這種高高在上的感覺, 尤其自己勝卷在握, 對方可以任其宰割的模樣。
"錢、銀票、一切可以從錢莊領走你財產的東西, 統統拿來。我就饒你一命。"
沈玉琢命在他手, 怎敢不低頭, 不得不就範。

王旭勢拿到了沈玉琢的一切, 把他從坑中救了出來, 一拍他的肩膊。
"從今以後, 你表面的身份是沈玉琢, 但你也是天下十大殺手之一的王旭勢了!"
"什麼?"沈玉琢一臉疑惑。
"今天就是我身為王旭勢最後的一次買賣, 本來就無人知道我就是我, 因此現在你就是我。我會讓道上的人知道你沈玉琢另一個身份就是十大殺手之一王旭勢, 你應該多謝我吧! 嘿嘿! 就憑"王旭勢"三個字, 你可以收到更高的酬勞呢!"
"別以為你可以把真相說出去, 你知道不論武功智謀你都不及我的, 你敢把真相說出去, 影響我的退休生活, 我一定會把你弄的很慘, 嘿嘿嘿..."
"收此大禮也不用多謝我了, 嘿嘿嘿嘿嘿..."

王旭勢把他一向怎樣聯絡中間人及如何接洽的方法告訴了沈玉琢, 踏著輕鬆的步伐, 留下一臉錯愕的沈玉琢揚長而去。
"嘿嘿嘿, 沈玉琢這小子財產還真蠻多的, 我暫時可無憂無慮的過一過好日子。以他的智謀武功要做殺手, 遲早也會死掉的, "王旭勢"這一號人物算是沒有了! 我嘛, 反正我想的時候還可再用另一名字從頭來做起, 哈哈哈哈哈..."

完

三月八日 -- Kiki

2/3(一) -- 臨時約左Grace食飯; 收工返企一陣, 等到佢差不多做完facial再出坑口, 同佢食左冬蔭公公。

3/3(二) -- 收工返企食飯。是日超累超眼訓, 等食飯時都恰著左。

4/3(三) -- 收工返去睇腳, 之後自己係企整d野食。

5/3(四) -- 收工返去睇腳, 之後同花姐姐去左i-Kitchen食飯。

6/3(五) -- Resumption Survey; 收工去左灣仔meet C之後去北角食左功夫點心。

7/3(六) -- 早上起身去左TST試pre-wedding衫, 之後同陪我地o既C姨丈呀姨同佢地朋友食飯, 真係唔該晒佢地。食完散, 同C去左金都同花墟行, 到7點島呀哥同嫂來左太子join我地, 一齊食蘭苑之後走。

1. 已經唔想第N個星期講第N次隻腳又被破壞了。

8/3(日) -- 難得有個星期日無打波(其實係打唔到), 上午係企hea下, 中午出門去Rita家玩貓貓同打邊邊(CRitaEdithFawnia); 9點幾走, 遊完地鐵河差不多11點先返到企。

來緊:
9/3(一) -- DingDongMovie
10/3(二) -- MayChan
12/3(四) -- Badend人
14/3(六) -- Pre-wedding
21/3(六) -- FF民仔兄弟姊妹picnic
22/3(日) -- QCOBA舊生籃球賽
24/3(二) -- exURA

完

三月一日 -- 年後

23/2(一) -- 收工去C家食飯拜年。

1. 終於正式從Ida自己口中承認拍拖了; 恭喜晒~~~ 哇卡卡~~~

24/2(二) -- 收工返企食飯。

25/2(三) -- 收工去荃灣八婆聚(八婆一家娟進Charlotte我C), 再搭巴士去石圍角村, 食左一間而家屋村先有o既茶記, 可惜懷舊文具鋪同辦館收左工食唔到孖條; 之後落返TW食左豆腐花散。

26/2(四) -- 收工返企食飯。

2. 係屋企食飯睇左集TBB劇集, 感受殊深。
自己做過唔少要對人、對外o既工作, 亦都企過係唔同立場做野, 有幾樣野係劇集入面發生而覺得好真實:
2.1. 係大眾眼中"弱勢"、"可憐"o既一群, 並唔一定係o岩o既一群;
2.2. 一般人都會好信傳媒講o既野, 而且好多時只會聽到自己想聽o既野;
2.3. 真係有好多人係好壞心, 明明自己無著數都要害人; 又或者被害意識好高, "深信"自己係被害;
2.4. 有好多人好相信自己係o岩就去做好多覺得係o岩o既事, 但係無諗過自己係唔係會錯, 或者對其他人有咩影響。
人總係重複犯錯, 唔識得從歷史之中學習o既~

27/2(五) -- 清假一天; 中午同C去SSP行飾物街->西九龍->食豆花米線->福利->高登買notebook->福榮街->高登拿notebook, 腳同腰痛死; 之後趁未5點過左海, 本來諗住hea到7點, 但仲早於是拿左notebook上C家先再落返炮台山同哥嫂AlexJP寶Amy(有4人放左飛機)食煲仔飯再食埋甜品先散。

3. 承諾同埋priority係兩樣野。

28/2(六) -- 勁free訓到中午先起身, 下午同C去左PMQ行下, 感覺似係賣野多過似促進藝術o既地方, 石夾尾感覺好d; 之後去CWB同C家族團拜開年飯。

4. 是晚食飯, 隔離台竟然係四點鐘許Sir~~

1/3(日) -- 一早8-10打波, 雖然唔可以賴隻腳唔好, 不過的確打得唔好, 不過幾乎走足全場當做下運動啦; 之後返屋企沖涼抖下, 下午4仔去民神家拜年, 之後過烏溪沙站食晚飯後散。

來緊:
7/3(六) -- 試pre-wedding衫&妝
8/3(日) -- Rita家?
14/3(六) -- Pre-wedding
21/3(六) -- FF民仔兄弟姊妹picnic
完

幻想 (Illusion)

(其實中文同英文題目係唔夾o既, 不過其實我講o既野係有少少兩邊踩界)

細個o既時候, 由於各種原因無得睇電視同卡通片(熟人就會知), 加上屋企當時環境並不太好又無幾多玩具同其他野玩, 課餘時間係無咩好攪o既。印象之中除左幾乎逢星期日去呀媽公司打躉同去圖書館之外, 其餘時間就係係屋企唔知做咩。

好多時呀哥會係公共或者學校圖書館借左各類o既書(佢睇d書勁雜, 亦都因此令我睇o既野都好雜)返來, 由於好悶無咩好玩o既關係就會拿來睇。從來都話好多野睇書係好過睇電視, 尤其係故事書(武俠、愛情、科幻...咩都好), 因為從文字描述出來o既野, 仲可以有無限o既想像空間, 而電視(不論真人定卡通都好)都已經規限左好多野, 而且由於資源同現實所限, 有好多野用畫面係呈現唔到o既。再加上導演或演員功力有限(尤其導演), 好多時就變得差過睇書好多。不過, 呢樣野係度不作詳細討論了。

由於第一段所論及o既關係, 自細睇左好多無厘頭九唔搭八o既書, 再加上好多時無咩好玩又無咩好做o既關係, 造就左我經常個腦係度無聊幻想o既習慣了。(無錯係習慣, 並唔係d咩能力, 想得多都唔代表叻o既) 基本上個腦係無時停o既, 除非太?太眼訓, 如果唔係一係就係度諗野, 一係度係度播歌, 總之停唔到落來(所以係煩惱、唔開心o既時候好大鑊, 因為果d諗法non-stop充斥住個腦)。又叉開左話題。

話說, 細個睇埋好多三教九流雜學書籍加上好多小說故事歷史地理哲學之後, 自己都會成日諗埋好多故仔(當然好多都無係blog度寫出來啦, 寫出來果d通常都係果下想寫先會打出來)。就算係街行見到d咩, 都會聯想到一堆可能性/故仔/無謂野, 而細個果時最慘就係會諗到恐怖野, 然後就愈諗愈真愈諗愈唔對路, 自己嚇餐飽, 哈哈哈。

當然地, 對真實o既野都會有呢個情況。對人、對客、對朋友, 我發現人人都自不然去諗好多野, 見到少少野就會去估對方好多野。有d人會諗對方有無錢, 有d人會諗對方做d咩有d咩動機, 有d人會懷疑自己個男/女朋友做左d咩, 最辛苦係有d人諗親都好negative, 人地講多一句/講少一句甚至係facebook多個like少個like都諗好多野, 對住呢d人真係超辛苦。再慘o既係, 有d呢d人仲將自己諗o既當成真, 我覺得已經唔係幻想, 係叫幻覺了, 真可憐。

我覺得一個人要猜度其他人, 一定要係好聰明+見識廣博+好了解對方先至可以估得好準, 有好多時其實唔可以用general去估一個人的, 以我所見, 其實每一個人每一個行為都有好多exceptional case, 根本無野可以以一概全。所以對"人"呢樣野, 我都唔想諗太多。其實"人"對"人", 簡簡單單係最好的, 不過如果"人"唔係咁複雜, 都唔係"人", "人"o既社會都唔係好似而家咁的了。

講講下, 其實已然偏離左一開始想講o既野, 不過邊打邊諗就係咁, 經常離題。but who care? 哇卡卡。

完

二月二十二日 -- 農曆新年

16/2(一) -- 收工返企提早食團年飯。

17/2(二) -- 同C去左坑口村食飯預早慶祝佢生日。

1. 今日唔知點解好累, 返緊企時開始好辛苦, 2條腿都痛又好累, 結果返到企時, 除左對鞋, 連背包都未除就直接撻左落梳化訓左; 恰左一陣先夾硬起身沖涼訓覺。

18/2(三) -- C生日快樂; 4點收工, 覺得有少少唔舒服, 返企沖個熱水涼再去C婆婆家團年飯。

2. 夜晚開始喉嚨痛同唔舒服...

19/2(四) -- 大年初一, 仍然唔舒服; 中午同哥嫂係樓下foodcourt食飯, 之後同媽去黃大仙, 雖然OK多人不過還好; 之後返企抖, 夜晚一齊食飯。

20/2(五) -- 年初二, 中午去左哥果邊食飯, 慶祝呀哥生日; 下午去C婆婆屋企, 夜晚食飯。

21/2(六) -- 大年初三赤口賀歲波! 病好得七七八八, 腳就仲爭d, 不過當然要打, 連家昇屎蟲皇帝都來難得齊人! 雖然打得唔好射極唔入, 到臨尾先入得返幾球, 不過都打得好開心(好累~~); 之後返TKO先, 臨時ad-hoc約左上Edith家玩貓貓(Rita我C), 入到TM買左d野食, 玩左一陣到夜晚, 再到市中心食野再走。

3. 第一次係屯門西鐵篤篤站搭到返TKO真係搭到癲，不過半價左$10.6真係好抵~

22/2(日) -- 中午約左CPennyTracy係西環食飯再上佢家; 玩左陣貓狗同card game board game到差不多6點走, 各自返企食飯。

4. 連續幾日都訓得唔好, 好眼訓。

來緊:
23/2(一) -- C家拜年
25/2(三) -- 荃灣八婆聚
28/2(六) -- 晚上C家團拜開年飯
1/3(日) -- 4仔民神家拜年團
7/3(六) -- 試pre-wedding衫&妝
8/3(日) -- Rita家?
14/3(六) -- Pre-wedding
21/3(六) -- FF民仔兄弟姊妹picnic

完

遙遠的她...後

遙遠的她...後

(好耐無打下無聊野; 請原諒我又係一路諗一路打, 打完直接post, 無check任何錯字任何文句不通, 如有錯處, 實屬錯處)

**********

"爸~~ 快點過來啦! 現在人人也在用面書的了, 你就別那麼落後, 我幫你註冊個帳戶吧~"
"好啦好啦, 你要註冊就註冊吧, 爸爸下班後很累, 讓我休息一下好嘛?"
"密碼要你自己定呢! 哎呀我先給你弄好, 你再慢慢設定吧...咇喱巴啦...咇喱巴啦..."
好累, 眼皮很重, 睡著了...

睡醒的時候已經是半夜。
大概老伴不想吵醒他, 也沒叫他起來, 就幫他蓋了一件被子在身上, 由得他在沙發上繼續睡。
望過去客廳的電腦屏幕, 仍然開動著。畫面正是他的新"面書"帳戶。

"都五十多歲了, 還要我玩什麼面書, 真無聊。"
口裡這麼說, 身體還是走到了電腦前, 去探索這個對於他來說的"新事物"。
雖然並不是年輕人, 但對於科技、新知識什麼的, 也不是什麼難事。什麼狀態更新、朋友列表的, 很很快就能掌握。
"他們都擅自加了我當朋友了! 都未經我同意呢! 哼! 還是快點改了登入密碼, 免得他們攪什麼古怪!"
其實能夠融入兒女的世界, 從面書上看到他們的各種更新, 知道他們發生什麼事, 分享些什麼, 對於父母來說也是一件好事吧。

反正剛睡了一會現在睡不著, 就看一會也好。
上載的大都是一些無聊的事兒: 在哪兒吃了什麼好的、去了哪兒玩、和朋友的合照...等等。哈連老伴也有帳戶, 也不知是她自己註冊還是兒女逼出來的。

一句熟悉的句子在眼前閃過, 突然像觸電的感覺。
"不要相約 縱使分隔 相愛不會害怕"

這是女兒的一個朋友(A)回覆另一個朋友(B)的句子。
內容大概是朋友B要到外國讀書, 一班朋友包括兒子和朋友A都留言鼓勵和安慰B。
不自覺的按了那朋友A的名子, 看她面書牆上分享的東西。

那朋友A是女兒在外國交流時認識的當地華僑學生。
不知是否心理作用, 總是覺得她有點像"她"。
看著她分享的照片、各種更新, 終於看到她與家人的合照 -- 她的媽媽, 不正是多年前被血癌帶走的她?
雖然已過了差不多三十年, 但不會有錯, 一定是她。那笑容、那眼睛、那個曾經在夜雨半山上緊擁著的她。 
然後還有A的外公外婆, 正是當年帶"她"一起移民的伯父佰母。
當然還有不認識的朋友A爸爸, 她的丈夫。

回想當年。
在七、八十年代, 別說上網, 連長途電話也不普及。當時"她"舉家移民後, 就只靠著書信來往。他還記得那下著夜雨的半山上, 還記得她所說過的話, 還記得"不要相約縱使分隔相愛不會害怕"。慢慢的, 連絡愈來愈少, 由初時每個月一封信, 漸漸的愈來愈久才收到一封信, 甚至很長一段時間也沒有來信。直到她爸爸的那一封、說血癌已帶走她的信。他才"以為"原來她一直生病。

他悲痛不已, 胡亂發瘋, 但人終歸要生活。繼續長大、上班、認識新的人、結婚、生子。他也多年沒有和伯父佰母聯絡。
一過就幾十年。
看著現在的"她", 他才明白到時間是多麼的強大, 環境轉變的影響是多麼的深。
網上不難看見各種個案, 每逢環境轉變: 升大學、出社會、轉工作, 環境一變, 感情就會受到考驗。不同的視野、不同的心態、不同的人物, 會使人感到舊不如新。

或許當年也是一樣。她是移民到外國的富家女, 自己是留港發展的屋村窮小子。相差太遠了。
或許她在那邊熱情漸冷。
或許她認清了現實, 兩人終究不能走在一起。
或許她認識了另一個更好的"他"。
她不便告訴真相, 唯有慢慢疏遠, 然後叫她的爸爸寫了那封信。
那便是現實。

看到更多朋友A上載的照片, 見到當年那個屬於他的"她", 已經是兩孩之母, 在那邊生活似乎很不錯, 照片上流露著幸福的笑容。
那樣便很好, 很足夠了吧?
熱情有沒有變也好, 只要過得幸福, 那管他蒼桑變化。

完

**********

這篇文的主要目的大概是想寫這"寫後感"。

"遙遠的她"是第一首令我聽到哭的歌曲(第一次聽時只得幾歲)。
由小至大也很喜歡這首歌(對, 我很老土), 雖然煽情, 但起碼煽到我, 反正韓劇的劇情也差不多。
對於幼小的心靈來說, "死"實在是一個很沉重的話題, 愛情因"死"而完結也實在太可悲。
之前曾經說過, 歌詞之中其中一個最動人的地方是由"若"到"並"的變化(熱情若無變-->熱情並無變)
然而, 一廂情愿的我, 寧願不要這麼悲傷的結局, 因此把故事"合理化"地寫成這樣的結局。

沒錯, 我是一個活在現實社會的理想主義動物。自我的世界很理想化, 但也極度了解現實(雖然了解、接受與實行是三回事)。對於有點兒精神潔癖的我來說,  "遙遠的她"一歌中的故事很"清潔", 但我反而寧願接受我寫的"結局"。

無可否認, 大部份的"人"很善忘。如果人不善忘, 大概會一直很痛苦的生活。現代的人比以前更複雜, 因此更加容易"失憶症發作加深, 沒記住他/她但卻另有更新蜜運"。忘卻過去, 眼望將來, 就像我寫的這結局般, 他和她都淡忘了過去, 雖然夾雜著謊言, 事實一樣可悲, 可是到頭來, 他們亦都踏著自己的步伐, 尋找了自己的幸福。只是"突然很想你"是很幸福的, 總比事隔多年仍然"熱情並無變, 那管他蒼桑變化"的人幸福得多。

在此把這篇故事獻給身邊曾經痛苦過, 但/卻已得到/正等待幸福的朋友們。

完

二月十五日 -- 雜記

9/2(一) -- 收工同娟去SSP行左一陣再落MK meet Cass, 上朗豪坊amici食飯; 環境幾好, 野食都算唔錯, 又唔算好貴。

10/2(二) -- 是日補假一天, 全日係企抖, 好正。中午落左去睇腳, 佢話我就埋尾啦, 而睇完感覺係好好多, 希望可以真係好返!

11/2(三) -- 收工過CWB同C同佢媽食飯, 慶祝佢媽生日; Hysan南小館, 性價比普通。

12/2(四) -- 呀哥生日快樂, Tracy生日快樂; 收工去左In's Point同信和行左下, 之後同Nat華哥食飯; 間野麻麻地。接近10點走。

因為係奇趣意想不到地買到市面搵唔到o既一盒玩具, 所以就成套買左; 本來唔想入坑, 不過真係好靚; 如果係MK玩具鋪一套買貴好多~~

13/2(五) -- 下午放假; 返企本來唔想出去了, 約左Lily拿帶子, 佢話食埋飯, 於是7點半到北角同佢食飯(多謝係生日飯xD), 之後係佢樓下拿左帶子後走。

14/2(六) -- 起身又訓下回籠覺又hea下咁到中午, 點幾2點先出灣仔meet C食飯然後去婚展望下, 竟然得一間餅店有參展, 結果無買野; 夜晚返企同爸食生日飯, 之後同哥嫂去左行下TKO花市。

15/2(日) -- 早上打波, 腳個感覺都OK, 仲打得唔錯添; lunch同哥嫂食, 下午在家hea, 之後出SSP買之前預留o既禮物, 再落TST夜晚同CSamEsther食飯。

來緊:
16/2(一) -- 屋企提早團年飯
18/2(三) -- C生日; 早收工, 去C婆婆家團年飯
19/2(四) -- 大年初一, 係企食飯
20/2(五) --
21/2(六) -- 大年初三赤口賀歲波!
22/2(日) --
25/2(三) -- 荃灣八婆聚
1/3(日) -- 4仔民神家拜年團
21/3(六) -- FF民仔兄弟姊妹picnic

完

二月八日 -- B Meals

2/2(一) -- 收工返TKO同上海來的親戚食飯; 食左翠園, 係果d貴、細碟、精緻、幾好味但我唔會主動去食o既地方。

3/2(二) -- 本來約左白田同事, 不過有人臨時唔得, cancel; 收工返企食飯, 之後落去睇腳。之前行到條筋有d問題, 所以狂隊小腿個肚後面果d位, 痛到痴線。

4/2(三) -- 出site早d收工返企食飯。

1. 本來星期四早要特別行動, 是晚收到通知cancel; 本公司似乎都係退讓, 真係無天理...

5/2(四) -- 收工返企, 又有親戚來港, 去左樓下酒樓食飯。

6/2(五) -- 多謝Karmen餐BDay Lunch; 收工去荃灣同Grace食飯, 多謝(間野普通) :D; 之後行左熊貓酒店商場(奇趣同吉之島), 搭van去觀塘轉巴士去寶林, 食埋聰嫂先散。

2. 嘩, 而家200Yen蛋要$20抽, 太貴了~~~

7/2(六) -- 早二日大本型飯團突然約唱K lunch; 11點到Megabox同C日安盧撈Penny唱K, 估唔到係同我慶生 @@; 之後一齊去左日安新家hea左陣, 5點幾散同C去KT同SamEstherMandy食放題生日飯(煮場, 正常一般放題)。

3. 是日聽到"姊妹"有想哭o既感覺, 多謝。

4. 是晚同呀Nat傾左勁耐電話, 勁夜訓(3點幾) xDD; 好耐無煲過咁耐粥了~~~

8/2(日) -- 一早起身用餐卷去左隔離酒店食早餐, 唔多得, 早知唔好咁早起; 之後返企再訓(~11-2), 同表弟去左APM同寶林行左下, 佢買禮物比朋友; 之後再返企訓(~5-6sth), 之後去樓下酒樓同姨丈一家同d親戚(二圍)食飯。

來緊:
9/2(一) -- Cass娟飯
10/2(二) -- Sanny etc煲仔飯(cancel)
11/2(三) -- C媽飯
12/2(四) -- 哥生日; Nat飯
13/2(五) -- Angel KT飯(cancel??)

完