一月二十五日 -- 雜記

19/1(一) -- 清假, FS後自己放返假一天; 睇左腳, 好得8899; 下午又頂唔住訓著左...; 夜晚返企食飯, 唔記得帶card同key出去 @@

1. 又睇左我是歌手新一期d人唱歌, 都係果句, 係個個都唱得唔錯/好, 但名次o既野就算吧啦。

20/1(二) -- 收工返企同老豆食飯。

2. 頭髮好長, 好耐無剪, 仲長到開始卷, 剪左少少。

21/1(三) -- 下午突然有麻煩野要出site, 唔知幾點收得工, 點知比原訂早左, 仲要返公司添; 無報飯, 於是收工去左SSP(S)行左個圈食左好耐無食o既石夾尾燒味飯後返企。

22/1(四) -- 夜晚去DL10 Briefing, 9點幾收工。Briefing前同同事食左印尼野。

23/1(五) -- 夜晚公司Annual Dinner, 多年來以前一向都係攪lunch, 而家要霸埋我地私人時間, 豈有此理, 早知唔去...好彩都有一堆熟同事去, 坐埋一台自己一邊, 都OK。9點半前散水。

3. Annual Dinner竟然係d野好細碟又食唔飽人(我食量唔大就夠), 真係笑死人。

24/1(六) -- 果然攪麻煩野會出拗撬, 早上嘈左野不過之後都無咩野...; 下午同C去左大角咀食車仔麵, 之後去登記左婚展訂野送o既coupon同埋訂左pre-wedding相, 之後行左下旺中後去左SSP, 行左下就試食豆花米線, 都OK。結果今日全日行左好耐好多路, 累死個腰同腳...

25/1(日) -- 腳未好, 唔四圍去; 中午同C食d野去坑口Broadway買左新電話做我生日禮物, 多謝; 之後佢入西貢探佢狗仔我就好累返企set電話同抖下對腳; 到夜晚佢出返來, 一齊去北角食左日本野, 預早慶祝拍拖紀念(雖然佢完全唔記得)。

4. 雖然唔係新款, 不過夠用就好, 又平又抵用~~

來緊:
27/1(二) -- Sanny etc
28/1(三) -- ex-URA
30/1(五) -- 清假

完

一月十八日 -- FS

12/1(一) -- 因傷病假一天; 明明係傷腳唔知點解個人好累好似想病咁, 幾乎係企訓左一日, 原本仲想有時間可砌下模型...; 夜晚爸媽過來呢邊食飯。

1. 聽晒今期我是歌手所有表現; 其實無一個特別差(上次我就覺得有人差d), 唔想係度逐個評, 但覺得上一次陳潔儀肯定唔係最差, 今次都唔係; 不過都被叮走了...

13/1(二) -- 本身約左同Sanny等人去金源食, 但因傷病假一天, 飯都cancel了; 係企hea左一日, 夜晚爸媽過來呢邊食飯。

2. 同事話係公司聽到老細話我好似請幾多病假, 不過好似甚少射波, 請親都真係發燒扭親喎~

3. 係企無野做, 上youtube睇返晒RTHK節目"我們都是這樣唱大的", 堅正。

14/1(三) -- 本來約左小翠姑姑呀進Grace食米線, 不過因傷要戒口, 又cancel了...; 同Grace去左坑口食清淡d米線, 之後食埋聰嫂。傾左好多野, 攪結婚野呀煩野呀戲呀咁, 好開心。

15/1(四) -- FS前抖, 早收工返去睇腳, 之後返企食飯。

4. 呀姨姨丈來左, 姨左經左場大病同術瘦左好多呢~~ 不過好似反而健康d, 見佢面色同中氣都唔錯~~

16/1(五) -- FS; 9:30

17/1(六) -- FS; 9:00

5. 因為FS有麻煩客節外生枝, 攪到我無得早走, 去唔到呀Wing婚宴, 嗚哇~~~

6. 是日去左食串燒同埋去左新果間奇趣~~

7. 今日可能忙, 唔知點解行行下唔覺唔覺隻腳好左d~

18/1(日) -- FS; 5:00; 收工返TKO meet呀C再上屋企同姨丈食飯。辛苦佢專登來一來食飯再返去了。

8. 是日太累11點就訓左。

來緊:
19/1(一) -- 清假, FS後放假一天
22/1(四) -- DL10 Briefing
28/1(三) -- ex-URA
30/1(五) -- 清假

完

一月十一日 -- 咬柴+扑鎚

5/1(一) -- 收工返企食飯。之後同呀馬去左寶康公園打下波。

1. 今日某同事同我講開佢要攪結婚o既野; 傾開真係覺得攪結婚來講男人真係好~~~~~~L慘, 絕對無可能係enjoy同開心o既一件事。

6/1(二) -- 收工返企食飯。返企搭巴士時又訓到唔知醒~

2. 今日返企聽左個消息~ :D

7/1(三) -- 收工去SSP同Badend人行左2間模型鋪, 再去KT新果間(confirm就係以前間偉利)行埋再食飯。食左興興, 食完散。

3. 唉, 人結婚我結婚點解會咁? 唔好同人比? 因為一比就無得比嘛?

8/1(四) -- 收工返企食飯。之後同呀馬去左練下波。

4. 是日FB估唔到出現插曲? 其實我都唔明點解好似好大件事咁? 根本小事一件啦...

9/1(五) -- 收工同白田同事去左炮台山尚囍食飯, Wing派帖。

10/1(六) -- 下午去左婚展行左轉, 睇左d資料同埋接近扑鎚, 之後同哥嫂係牛頭角食小菜(以前$28果度)(炮台山尚囍真係又抵食又好食)。返企再上網同聽朋友評語, 睇o岩果間又好似麻麻地, 好糾結。

11/1(日) -- 早上打波, 打得唔好, 仲要kick腳咬柴, 打咁多年波第一次咬得咁犀利, 落地"格嘞一聲...之後返企沖個涼, 又唔太腫同唔太痛, 應該唔太嚴重; 婚展只開到今日, 頂硬上再去; Connie超好陪我地去, 有佢磅住心安好多!! 結果係去左Tracy老公好友o既煌府, 價錢同包o既野都好OK, 扑鎚。之後同Connie夫婦食左School Food(因為Lolo拿左飛+晏+星期日, 去到我地唔使等), 都幾好食喎~~

5. 長久以來一樣好煩o既野扑鎚, 起碼有個交代先。真係好煩。絕對要特別嗚謝Connie同Tracy。

來緊:
13/1(二) -- Sanny etc 飯
14/1(三) -- 米線
15/1(四) -- FS前抖, 返企食飯。
16-18/1 -- FS, 但17, 18都有飲宴...

完

一月四日 -- 撒嬌女人最好命

29/12(一) -- 久違了的收工返企食飯。

30/12(二) -- 收工返企食飯。

1. 今日搭地鐵返企訓到係總站比人叫醒, 上樓按錯層數仲要照出lift攪到要行上幾層, 打機又因為load得慢同整錯野攪到損失左d野, 有d黑仔...

31/12(三) -- 2014最後一天; 收工係SSP, 順便幫友搵d砌砌, 之後去Jordon同C娟源Esther食和田放題, 食完行左下Miramar後10點島散。

1/1(四) -- 新的一年, 又有假放, 新年快樂; 中午出去荃灣同C娟源民FFSamEsther去小欖BBQ; 之後去左葵芳行下10點島散。

2/1(五) -- 梗局holioday mood; 收工係將中食飯見到呀哥, 一齊食, 仲要不約而同同一個飯。xD

3/1(六) -- 睇左哈比人早場, 中規中距, 對於我地呢d魔法世界fans來講, 呈現到個世界都已經好開心了; 之後出Jordon同FFKman兄弟姐妹(有幾個無份)唱K(Jessica唱得不錯), 之後去灣仔食韓燒re-U(無Crystal同Norman), 多謝民民。

4/1(日) -- 9-11打波, non-stop所以好累。之後返TKO快食foodcourt後睇"撒嬌女人最好命"。睇完入西貢探狗仔, 之後出TKL食埋晚飯散。

撒嬌女人最好命(無劇透) -- Long time no戲後感。首先, 彭浩翔乜乜乜果d一陣先講, 一定要講左先o既係: 係"畫皮"之後, 我又再一次愛上周迅, 佢d演技實在係無得頂, 好正~~ 如果有機會睇碟睇多次, 一定會再細味下!
講返套戲先。
由於睇戲前trailer又見到葉念琛個垃圾d戲, 我實在不得不同佢作出比較: 相比於葉念琛次次拍埋d懶現實但事實係扭曲到爆愛情觀o既愛情片, 彭浩翔繼"志明與春嬌"(唔好提續集, 無得比)之後, 我覺得呢套係將愛情喜劇玩得再大d。我個人比較喜歡睇一d係現實之中仍然可以不乏單純o既愛情觀, 因為我仍然相信呢個世界係有美好o既事物存在。而呢套"撒嬌女人最好命"正正體現到"現實"同"單純"之間o既平衡。
其實由"志明與春嬌"開始, 彭導一直強調"兩個人走埋一齊唔係單靠女人外表男人有錢"。"志明與春嬌"要拍左兩集先完全講到呢樣野。如果"志明與春嬌"x2 係熱身, 咁"撒嬌女人最好命"我就覺得係將佢想講o既精華淋漓盡致咁表達左出來。
當然, 睇戲唔使睇到咁深(我亦都唔係d咩深入o既觀眾/戲評佬); 不過單就劇本(其實劇本基本上係簡單o既)所拍出來o既野, 每個場口分佈同時間、演員發揮(呢個一陣再講)、節奏流暢程度都做到恰到好處(仲有配樂其實都好正), 而當然唔少得o既就係笑料。對於笑點較高(哭點極低)o既我來講, 可以睇到笑出來, 我諗都應該算係有一定程度好好笑掛? 相比於Hollywood片成日用屎尿屁咸濕野來講低級笑話, 我都係喜歡真係諗出來度出來o既笑料, 而我認為呢套d笑料係有誠意o既(不過真係贏演員)。
講演員。周迅實在無話可說, 只係睇trailer都已經可以見到佢d演技, 做女強人扮撒嬌扮唔識撤嬌做深情做受傷扮不在乎...etc基本上愛情片要交o既戲佢交足, 搶鏡非常。雖然係咁, 黃曉明同隋棠亦唔係花瓶角色, 係周迅咁搶眼o既情況下都可以映入觀眾眼廉, 其實佢地角色都唔易做(相比女主當然係容易d), 但好似我成日比喻, "問誰領風騷"首歌雖然女音勁出贏晒, 男音果邊無咁難唱, 但係如果唔係搵羅文都襯托唔起甄妮。呢度情況一樣, 黃曉明同隋棠都恰如其分做到佢地要做o既野(除左交戲, 仲男有男脫女有女露添 xD)。
頭先講開, 我哭點極低, 唔知有無人同我一樣, 睇呢套戲又會感動到喊呢?
最後我覺得, 其實"撒嬌女人"根本應該係講緊個男主角咯...

p.s. 雖然套戲用內地演員+台灣演員, 取境都係內地+台灣, 但唔會好似一般合拍片咁好重大陸味, 值入式廣告亦唔明顯存在, 彭導值得一讚呀~
再p.s. 係, 我專登打咁多, 就係預左少人會有心機睇晒 xDD

來緊:
7/1(三) -- Badend人
10/1(六) -- 婚展?
16-18/1 -- FS, 但17, 18都有飲宴...
25/1(日) -- 同八婆etc去AIA

完

十二月二十八日 -- Phantom

22/12(一) -- 早收工(4點)返企食飯做冬; 收工搭左好耐巴士, 訓著左。

1. 是日問清楚好友令人心中翻起巨浪一事, 真係估佢唔到, 希望順利啦~~

23/12(二) -- 收工去觀塘i-kitchen同Grace食飯(順便慶祝冬至聖誕 xD 仲有禮物添~~), 之後行左下APM後走。

2. 食晚飯差不多走時, 來左一堆男人(起碼14個), 又唔係18、22, 唔似係學生, 一班男人來食西餐, 感覺好怪 xDDD 又好dry, 總之覺得好怪; 一全男班十幾個人好寧願去打邊或者食中菜啦~ XDD (仲要唔係斯文野係MK look)

3. 唔掂果然係唔掂, 都唔緊要, 問題係攪著我, 算把啦, 反正唔使OT, 我又唔搏升。

4. 是日得知同事大肚消息, 恭喜晒~~~

24/12(三) -- 早上食完個包之後開始有d唔舒服, 到lunchtime都唔係好妥, 過左lunch開始好唔掂, 又暈又凍, 終於嘔左; 死捱到4點早放捱到返企(樓下診所爆人同好似就收工, 無睇醫生), 難得約齊人(C馬Kathy民FF娟源SamEstherSanny), 當然照來; 打邊邊慶祝民仔生日同埋聖誕; 我就沖個熱水涼係房攤(無食野), 間唔時精神少少出去傾一陣, 11點幾散。

25/12(四) -- 一早起身好似好少少, 休息陣, 想照出去Esther企, 但到中午又開始發冷, 從來未試過覺得咁凍, 打冷震打到成身震晒, 結果又攤屍係企一日。

26/12(五) -- 終於好返好多; 3點一班中同(馬民Norman家昇Ben連Co)去左皇帝家clubhouse開party, 好熱鬧; 食到會, 佢地有d酒, 有小朋友, 有機打, 有偈傾, 有K唱, 好開心。10點島散。

27/12(六) -- (30號按: 真係病到傻左咩都唔記得, 早上睇左A night in the museum 3) C約左人所以無野做; lunch約左馬夫婦食飯(試左寶林羅麥記, 扮懷舊茶記d野普通但幾貴試一次唔會再去), 食完後散; 買杯野飲行一陣, 馬打來話遇到佢家姐一家, 即時走返去睇下呀B, 好可愛, 之後又散; 呀C打來竟然同fnd食完lunch就散, 於是返企hea左陣(砌左隻大貓模型好得意), 夜晚臨時約左娟源Sanny食飯, 本來想去九龍城, Sanny話想食西餐, 於是(係, 又)去左i-Kitchen, 食完仲早行左下APM後散。

4.1. A night in the museum 3 -- 都唔錯啦, 當係一個系列o既結尾, 輕輕鬆鬆, 又未到話好好笑~ 好warm的ending~

28/12(日) -- 雖然好返但呢幾日都係一直覺得累同狀態低, 本來想打波都無去; 下午同C食左別府站前咩咩(普通)後散, 同Tracy去機場博覽館睇Phantom(走時第一次搭機鐵, 好貴)。

5. Phantom: Overall其實係OK, 不過可能係我奄尖, 又或者真係佢地唱左好多場累, 有幾粒音覺得爭d; 個場就真係麻麻, 坐得唔舒服又逼。

6. 個聖誕假咁就過完, 又病又唔舒服又累, 仲要累到呀C都悶。收到d禮物都好好, 好開心, 反而自己唔係好滿意自己買果d(已經買唔多); 好彩都有同好友聚下都知志在都係聚。

7. 話說24號晚堆fnd, 除左Sam同Esther之外, 其他果d係之後果幾日都係我健康狀態時見返一次 xDD

來緊:
31/12(三) -- 2014最後一天
1/1(四) -- 又有假放; 呀Sam攪去BBQ
2/1(五) -- 梗局holioday mood
3/1(六) -- FFKman兄弟姐妹re-U
4/1(日) -- 好多日無打波, 好想打。

完

十二月二十一日 -- 雜記

15/12(一) -- 收工去TST等Nat, 之後一齊食飯; 去左金巴利街間"秀", 超低能竟然2個人都唔夠cash, 而間野唔收卡同EPS, 結果要臨時出去拿錢...好攪笑; 之後去左行下The ONE睇下有無禮物買同食埋Yogurt後散。傾左好~~~多偈呢~~

1. 今日偷閒買左d禮物, 同睇o岩左d禮物, 但係都仲有d禮物...

2. 今日又係另一渠道聽到有關公司o既消息, 似乎真係幾堅, 好彩都唔算多人知, 或者知o既情度唔算好高, 如果唔係都幾令人心惶惶~

3. Let it go Let it go: 別怪她別怪她...

16/12(二) -- 收工去觀塘i-kitchen同CarolConnie食Connie生日飯; 傾左好多偈: BD野, URA野, IIA野, 講結婚生仔搬屋etcetc, 到10點幾人地要收工先走。

17/12(三) -- 由於badend人話佢有家人昏迷, 所以cancel個飯; 收3過左呀哥度食飯。

4. 今日凍左好多, 呼~

18/12(四) -- 收工同ex-URA同事食飯慶祝聖誕兼補祝Connie呀衛生日; 收工去行左下In's Point先去佐敦和田食放題, 10點島散。

5. 最近可能返工忙同天氣凍訓得唔好, 一放工已經好眼訓好累, 狀態好低。

6. 是晚聽左好多小朋友入學入幼稚園o既野, 雖然之前聽過好多, 但係再聽同埋發生係身邊朋友身上, 都係覺得好得人驚同埋好累...HK真係好可怕, 好扭曲。

7. 禮物: 本來想買張好靚o既毛毯做禮物, 但係再去時無左...得返另一款唔靚; 時間無多, 買左另一樣野, 諗諗下其實係咪應該另一款都照買呢? 另外, 估唔到Connie買o既禮物, 真係多謝晒。

19/12(五) -- 係觀塘收工, 先返企再出寶林同C食飯同行下。

8. 老細唔掂真可憐, 明明無做錯, 竟然被以為我唔識做。

20/12(六) -- 休息左大半日, 中午去左坑口食野同行左陣, 夜晚出TST呀強婚宴。

21/12(日) -- 早上同呀馬去左上環打波, 第一次去果個場; 今次好多人, 打得唔多, 唔夠喉...lunch同埋馬同佢太太係寶林食, 試左新開o既番茄湯烏冬, 都OK; 之後返企沖涼訓覺, 夜晚去CWB警察會C家大圍做冬飯。

來緊:
22/12(一) -- 家做冬
23/12(二) -- Grace
24/12(三) -- party @ home
25/12(四) -- X'mas Gathering @ Esther home
26/12(五) -- Party by Herman PCLA
27/12(六) --
28/12(日) -- Phantom
3/1(六) -- FFKman兄弟姐妹re-U

完

十二月十四日 -- 長洲

8/12(一) -- 收工返企食飯。

1. 呢排網上瘋傳Eason係韓國唱浮誇o既表演, d人又話好正又大讚不已, 但係我堅係覺得佢果次表現算係麻麻(以佢來講)...

2. 有好多野要買, 要確認一下個buy list: 禮物s, 眼鏡, 室內無線電話。

9/12(二) -- 收工返企食飯。

10/12(三) -- 收工返企食飯。

11/12(四) -- 收工返企再出去新世紀同威威志博Rex食飯。好耐無見, 威威派帖, 大家傾下BD, 傾下結婚, 傾下擺酒, 傾下買樓, 傾下生仔, 好久不見但仍然一見如故。大家都不禁覺得, 香港男人真辛苦, 壓力真大。

12/12(五) -- 係觀塘收工, 返企自己煮叫埋老豆過來一齊食飯。是晚極度眼訓一早就訓。

13/12(六) -- 中午同哥嫂KTGCalvinC入長洲, 食行玩+過夜一天。

14/12(日) -- 中午食埋野出返來就散水; 下午沖完個涼係企昏迷到7點幾過去食飯。

來緊:
15/12(一) -- Nat
16/12(二) -- CarolConnie
17/12(三) -- Bad end人
18/12(四) -- ex-URA
20/12(六) -- 強婚
24/12(三) -- party @ home?
25/12(四) -- X'mas
26/12(五) -- Party by Herman PCLA
27/12(六) --
28/12(日) -- Phantom
3/1(六) -- FFKman兄弟姐妹re-U

完

十二月七日 -- 聚s

1/12(一) -- 收工返企食飯。

1. 講返上星期, 得知一單令人好驚訝o既消息, 真係有少少係心中激起星際啟示錄入面個巨浪果個感覺。

2/12(二) -- 呀源生日快樂; 收工返企食飯。

2. 今日又continue知多少少, 估唔到個進展好似魔界洞穴擴張咁, 唔係我想像中個程度了。

3/12(三) -- 臨時約C食飯, 收工去左北角食中間界, 好耐無去過。好早食完早d返企8點半散。

3. 今日收到風竟然係另一單野攪掂左, 希望係好事, 恭喜晒 :D

4. 某中同新婚老婆有左, 又恭喜晒。

5. 天氣突然轉涼; 12月有返12月應有o既溫度, 但係落雨...?

4/12(四) -- 收工返企食飯。之後落左街同呀馬行左下TKO寶林坑口, 睇下d籃球場咩情況。

5/12(五) -- 補返之前星期日返工o既一日假: 係屋企訓覺、聽歌、整野食、上網, 好舒適o既一日, 美中不足o既係有電鑽聲嘈住晒...夜晚本來想去沙角打邊, 點知人山人海超多人等位, 於是去返博康, 點知而家已經差左了; 不過天寒地凍同朋友一齊打邊真係正呀~~

6/12(六) -- 中午去上環同TracyAlanPennyC食lunch之後上Tracy家, 整野食(Risotto硬硬地, Pizza好食), Alan 4點走 Penny 6點走; 同Tracy傾下偈hea下到9點半島走。

6. 同好友一齊hea真開心, 心情好放鬆。

7. 係Tracy家睇左"神經俠侶", 呢套之前一直聽人講改壞名其實幾好睇, 終於有機會睇; 都幾好睇喎~

7/12(日) -- 原本去嘉道理農場因為有2個人甩底+1個人唔舒服+1個人都話唔去而cancel; 一早起身打波, 之後返企沖涼後出TST同C娟Esther食晏同睇展覽。由於佢地遲到關係, 係尖東食完野之後去左歷史博物館, (辦左年pass申請家庭証好抵), 睇左"皇村瑰寶 -- 俄羅斯宮廷文物展"; 其實係北歐睇左好多差不多o既野, 仲更華麗添; 不過一入場果個馬車就好正~ 睇完之後再去左樓下個"香港故事"睇, 影左好多相(因為唔夠時間去沙田睇埋敦煌果個, 所以hea d); 之後係附近食野, 見到Mr. Korea聽講OK於是就試下, 雖然無"喜來稀肉"咁好, 不過都唔錯; 食完之後再睇左下尖東燈飾就散。

8. 返到企對腳好痛; 小腿好痛硬左, 腳板更痛。

來緊:
13-14/12 -- 長洲
18/12(四) -- ex-URA
20/12(六) -- 強婚
24/12(三) -- party @ home?
25/12(四) -- X'mas
26/12(五) -- Party by Herman PCLA
27/12(六) --
28/12(日) -- Phantom
3/1(六) -- FFKman兄弟姐妹re-U

完

十一月三十日 -- 三K

24/11(一) -- 由於預計要OT所以唔返企食飯, 結果個客唔太遲到O唔耐; 之後同Rita去左Pink Salmon食飯; 臨走見到隻大強行過, 嚇到彈起, 太可怕了 =_=

1. 個死人呀差玩野, 正PK。

25/11(二) -- 收工去太子同白田友食雞煲, 之後去埋蘭苑食糖水後散。

2. 是日開左婚嫁資訊whatsapp group。

26/11(三) -- 收工返企食飯。

3. 今日試過蜂巢雪糕, 好甜又貴, 又唔見得真係幾珍貴同好食, 都幾搵笨。

4. 今日食lunch見到劉青雲夫婦~~~

27/11(四) -- 超累, 收工買左飯盒返企食。

28/11(五) -- 收工同Lands同事K(Wendy臨時話唔舒服唔來, 呀進叫埋佢細佬來), 慶祝呀進生日(壽星想唱K); 11點幾散。

5. 執左幾日CV終於apply左份工; 雖則都係唔好話比人知住好d。

29/11(六) -- 好累好累, 訓到自然醒之後起身聽下歌, 食左lunch後頂唔住再訓(一攤左係sofa連返房o既時間o既精神都無就訓左), 夜晚又再食左飯之後睇左碟(壞蛋獎門人2, 幾好笑)後訓; 休息的一天。

30/11(日) -- 一早起身無打籃球, 同呀馬夫婦打羽毛球; 本來book左一個鐘, 但之後個鐘無人來所以打多個鐘, 好抵; 之後食早餐返企沖涼再出返佐敦同舊K腳唱K(娟源Cass雲C同埋Cass帶左個fnd Eason來, 把聲好似黎明xD), 慶祝呀源生日(中間仲見到Bomber, 同我地同一間K); 之後雲CassEason走先, 同娟源C食埋飯散。

6. 好耐無試過一個星期唱3次K; 一係唔唱, 一唱就咁密 -__-, 不過目的唔同o既~~

7. 是日驚喜: 呀源同我講佢約左姊妹Jessica睇左戲, 真係估唔到佢咁主動喎~~~(雖然係好事)

來緊:
6/12(六) -- Tracy Home
7/12(日) -- Kadoorie
13-14/12 -- 長洲
18/12(四) -- ex-URA
20/12(六) -- 強婚

完

十一月二十三日 -- Interstellar

17/11(一) -- 收工返企食飯。

18/11(二) -- 收工返企食飯。

19/11(三) -- 收工返企食飯。

20/11(四) -- 同TangoLily去左炮台山食煲仔飯同小菜, 慶Lily生日; 個煲仔飯同d小菜都好食又唔貴喎。

21/11(五) -- 收工去左坑口食飯。

22/11(六) -- 早場睇左Interstellar, 之後同C源Amy志寶WingDesond食完飯係TKO踩車, 用左大約2個鐘環左將軍澳四個地鐵站; 之後入西貢meet埋Sanny BBQ(慶Desmond生日), 10點零散, 架巴士好快11點就返到。

1. Interstellar: 好好睇, 雖然打住科幻片o既名目又一堆科學理論, 但係跟本唔需要明, 跟住劇情去就得, 而套戲講o既唔係科幻科學, 係愛/親情; 講人類o既愛, 親人o既愛, 物種生存o既愛...etc, 有幾幕堅催淚(雖然我對呢d野係眼淺); 另外, 都幾表達到space explorer所會面對o既危險同痛苦; 有一樣野好正o既係全片都唔係用到幾勁o既電腦特技去表達太空、探險、異星球、異空間, 只係用一d好raw o既道具同光影效果去表現, 但係又好表現到要表達o既野, 亦表達到各種危機(情況有d似之前史匹堡果套)。係一套好值得睇o既戲呢~

23/11(日) -- 一大早起身7點鬆d出門口去小西灣打波(8-10), 由於之前果日踩車(唔太累)+唔夠訓加呢排返工都好累, 所以狀態好低, 打得麻麻地, 無咩動力跑射波手感亦麻麻; 之後返企沖個涼恰左下, 13:30出返佐敦唱K(C娟源MandySamEstherDorothy民FF), 慶Esther同Dorothy生日; 8點唱完夜晚係附近食埋飯(C娟SamEsther)散。

來緊:
27/11(四) -- 白田
28/11(五) -- Lands
30/11(日) -- 鐵腳K
7/12(日) -- Kadoorie
18/12(四) -- ex-URA

完

十一月十六日 -- 民婚

10/11(一) -- 收工返企食飯。

11/11(二) -- 收工返企食飯。

12/11(三) -- 收工返企食飯。

1. 好累, 頂唔住。

2. 愛回家, 為左鋪John Ma條新線, 咁快就話到佢放低左? 感覺唔良好。(我都明劇情同人物出場所需唔可以花太多時間講佢慢慢放低, 不過...)

3. 睇左少少老表你好hea, 唔多掂, 好夾硬。

4. 突然被通知要頂鵬鯉, 星期四晚要OT去briefing幫手...

13/11(四) -- OT briefing幫手. 9點幾散。

14/11(五) -- 個客要6點仲要遲到, O左少少T, 廢事屋企等唔返去食飯; 收工返企自己煮個麵食。

5. 再睇左少少老表你好hea, 都係覺得唔多掂, 好夾硬(雖然好有心想帶出一d message, 不過以劇論劇就唔多得)。

15/11(六) -- 民仔大昏, 做佢伴郎, 連踩十幾日, 已經累到無咩好講。

16/11(日) -- 叉電的一天; 訓到10點幾都醒晒, 中午同哥嫂食foodcourt, 之後同C係附近行下同問左租單車價錢, 之後返企好累好眼訓, 睇左陣電視又係地下訓著左; 6點幾出左大本型食韓國野後散。

6. 是日精選：連續4隻大口仔；呢個故事教訓我地，唔好賭，就算賭都要識得止蝕；不過$10令人情緒起伏咁大笑餐飽，實在好抵 xDDD

7. 最近因為有apps睇左唔少漫畫, 都係之前出名但未睇過o既; 20世紀少年幾正, 不過偏向黑暗; GTO就好笑; 呀Q推介o既鴨子的天空都幾好睇, 籃球漫畫, 係講籃球方面比Slam Dunk詳細同technical好多, 不過以漫畫、劇情、畫功、娛樂性overall來講都係Slam Dunk好睇d~

來緊:
22/11(六) -- BBQ Cycling
27/11(四) -- 白田
30/11(日) -- 鐵腳K
7/12(日) -- Kadoorie
18/12(四) -- ex-URA

完

十一月九日 -- FS

3/11(一) -- 收工返企食飯。

4/11(二) -- 收工返企食飯。

5/11(三) -- 收工同好耐無見係澳洲返來o既周天恩食飯; 收收工先返企再去坑口同馬Kathy周天恩去左食Vietnam野, 接近10點散。

6/11(四) -- 收工返企食飯。

7/11(五) -- 公司operation, 仲要做command post, 慘爆; 日頭早晏要2輪影街, 企左好幾個鍾, 超酸; 之後因為有crazy survey team chief, 唔好o既command post安排同埋慢o既check form人, 勁夜差不多12點收工。

8/11(六) -- 公司operation, 仲要做command post, 慘爆; 舉手早走, 最終要去的同事們都可去到Jessie婚宴~(不過就晏返企...)

9/11(日) -- 公司operation, 仲要做command post, 慘爆; 7點半收工, 返企煮左煮面食。

1. 由於坐command post關係, 有機會同jackie吹左好耐水; 其實係某個層面(唔係工作上), 佢都得到我o既respect~

來緊:
15/11(六) -- 民大昏
22/11(六) -- BBQ Cycling
27/11(四) -- 白田
30/11(日) -- 暫定鐵腳K
7/12(日) -- Kadoorie
18/12(四) -- 白田

完

十一月二日 -- 雜記

27/10(一) -- 收工去MK同哥嫂KTG食飯@茶木。

28/10(二) -- 收工返企食飯。

29/10(三) -- 收工返企食飯。

1. NBA開鑼了。今季暫時又無咩特別捧邊隊, 當係食花生咁睇~

30/10(四) -- 收工係MK先meet Kenneth再meet民仔, 去左食雞煲; 本來諗住呀源來唔到, 點知佢係我地食完話收工, 於是就係街等佢來到去義順食d野再散, 難得四仔齊人。

31/10(五) -- 出site早收工, 好累, 返企沖個涼訓, 之後到差不多9點C先收工, 去左大本型食飯(foodcourt), 比個呀姐呃 :(

1/11(六) -- 訓到差不多中午, 好累; 下午同C本來想去長沙, 但晏出門口, 於是改去佐敦谷公園, hea左個下午; 夜晚同埋呀源一齊係觀塘i-Kitchen食飯, 都幾OK喎; 之後去左APM行左一輪到10點幾先散, 累死。

2/11(日) -- 一早起身打波, 又於早到+其他人遲到關係, 難得有機會自己練左一段時間射波, 結果打波時都OK準, 幾爽~~~ 仲比人叫做二井(三井o既射2分波版) xDDD; 之後返企沖涼, 出左將中同C食米線陣, 再行左陣返企, 佢借我部腦整佢果8百幾張相上FB, 我就睇下Running Man、打下機最後係sofa訓左, 到6點幾起身,佢o岩整完相, 於是又去大本型係飯, 今次試間日本野, d野唔差, 最緊要係幾平, 性價比好高呢~~ 食完後散。

來緊:
7-9/11 -- 公司operation
22/11(六) -- BBQ Cycling
30/11(日) -- 暫定鐵腳K
7/12(日) -- Kadoorie

完

十月二十六日 -- 花姐姐

20/10(一) -- 出site早d收工, 係SSP所以搵左Crystal比左手信佢再走; 返企食飯。

21/10(二) -- 收工返企食飯。

22/10(三) -- 出site要OT, 之後去QB大酒店, 姑丈白事, 唔使9點就走得。

23/10(四) -- 收工去TST同CAngelKtJanet擇茄Ceci食飯, 試左間韓國野都OK, 10點島散。

24/10(五) -- 收工去MK同花姐姐食飯, 差不多成年無見! 講下佢旅行同我旅行d野同睇相, 之後要埋單, 再去球場睇埋d相後散。

1. 估唔到攪個gathering好少事都會有問題~ 無謂咁唔開心啦~~ :)

25/10(六) -- 起身到Mandy家Gathering, 慶祝衛同Mandy生日; 6點幾散, 同C去左紅磡行下, 食左美味佳串燒同去左奇趣(就執全場正價七折)後走。

2. 比喻: 如果支持佔中同反佔中o既民眾分別係有近視或遠視, 警察係有青光眼, 大家都係係唔同o既框架下睇野; 咁果班硬膠左派(左膠)肯定係有白內障; 真係痴孖根的。

26/10(日) -- 無咩人打波, 所以唔去打; 結果亦都起唔到身睇早場; 中午自己整左d野食, 之後入西貢搵C幫下手佢同d狗仔沖涼抹身剪毛etc(其實我係hea only); 6點幾出返TKO食左foodcourt後走。

3. 夜晚剪左頭髮~

來緊:
27/10(一) -- 同哥&KTG食飯@MK
7-9/11 -- 公司operation
30/11(日) -- 暫定鐵腳K
7/12(日) -- Kadoorie

完

十月十九日 -- 雜記

13/10(一) -- 本來約左Grace食飯, 未好返晒, 延左去星期五; 收工返企食飯。

14/10(二) -- 收工返企食飯。

15/10(三) -- 出site早d收工, 先返企再出MK泉章居同中同食飯, 民民派帖; 之後再去食甜品先散。好開心的gathering~

16/10(四) -- 出site早d收工, 先返企再出去坑口村同Nat食飯, 睇相未睇到一半就收工, 再去聰嫂食甜品後散。

17/10(五) -- 出site早d收工, 先返企再出寶林同Grace食生日飯; 試左煉瓦亭都OK。之後食隔離甜品, 再去搵個地方坐睇相, 睇左個半鐘又要邊講, 喉嚨好累 xD, 睇完散。星期五gathering真開心, 第日唔使返工。

18/10(六) -- 好累係企抖左一日; 下午買左d野返企整, 夜晚同C源SannyAmyAmy新男友志寶Eva食大閘蟹。

19/10(日) -- 好累但都起身去左打波8-10, 都打得唔錯; lunch同C食完佢整相我就恰左下, 夜晚去佢婆婆家同埋佢加拿大返來呀姨食飯; 得知C媽比狗整親, 送左C返企後走。

來緊:
22/10(三) -- 姑丈白事
23/10(四) -- AngelKtJanet飯
24/10(五) -- 花姐姐飯
25/10(六) -- ex-URA Gathering
7-9/11 -- 公司operation

完

十月十二日 -- 病痛

22/9(一) -- 收工返企食飯。

23/9(二) -- 收工返企食飯。

1. 是日莫名其妙地覺得好唔開心。

24/9(三) -- 收工返企食飯。

2. 話說我又唔係好緊張, 唔知點解今晚都唔係好訓得著, 係度hea選下歌上網睇youtube執下野咁, 其實係holiday mood? 不過第日仲要返工喎~

25/9(四) -- 收工返返企食飯沖涼後出發去瑞典!

26/9 - 6/10 -- 瑞典丹麥Trip

6/10(一) -- 返到HK, 執好大部份野, 夜晚返企食飯。

7/10(二) -- 放假一天, 本來想出MK行一轉或去睇埸戲, 但係好累又唔舒服, 無出到; 傍晚落左去睇醫生, 原來發燒; 夜晚返企食飯。

8/10(三) -- 原本想返工, 不過狀態真係好唔掂(雖然退左燒); 結果差不多係企訓左日; 夜晚過去食飯。

3. 頂唔住, 剪左髮。

4. 又累喉嚨又痛。

9/10(四) -- 咩都好晒咁滯抖左幾日連腳膝頭感覺都良好, 係個喉嚨痛到hihi, 又係發燒食消炎藥後遺症...收工去左睇醫生先返企食飯。

10/10(五) -- DL3 resumption survey, 一如以往resumption唔忙; 完左幫手搬野返office後7點先收工; 去左MK行下, 睇左而家MK情況, 行埋信和In'sPoint後返去; 終於幫襯左樓下間貢茶; 去左759買d野食, 原來有折所以好多人。之後發現個收銀找多左錢比我。

5. 係企睇左一集TBB新劇; 豹哥做監躉好OK; 忘年戀好難頂; 朱千雪d戲...

6. 喉嚨好L痛。

11/10(六) -- 繼續喉嚨痛; 全日係企hea到盡...夜晚C係西貢出來, 係坑口食完飯再行左下海邊先走。

12/10(日) -- 繼續喉嚨痛; 全日係企hea, 夜晚同哥嫂食foodcourt。

7. 連日病休息, 唯一好處就係無打波無行街無點行, 對腳同膝頭感覺良好。

來緊:
15/10(三) -- QC飯
17/10(五) -- Grace飯
22/10(三) -- 姑丈白事
23/10(四) -- AngelKtJanet飯
25/10(六) -- ex-URA Garhering
7-9/11 -- 公司operation

完

自由意志

唔想講政治, 唔係講佔中。又係講下自己好鍾意諗同埋發掘o既人生/人性。(主要係想發牢騷)

其實大家有無諗過, 而家人人口中講o既"自由"係有幾自由? 係咪真係自己o既意志發展出來? 有時我見到d人口口聲聲咩都話"自由"我都幾想笑。係度想舉幾個簡單例子。

不如先講下審美觀呀。
係外國, 好多女仔都係大大隻, 完全唔需要話咩纖體, 一樣好多人覺得靚, 反而唔鍾意瘦到一排骨咁。相反係亞洲尤其中日韓呢d地方, 女仔係要愈瘦愈好。中國唐代果時亦都係時興有肉地, 四大美人o既楊玉環都係肥野一件添。咁其實咩先叫靚? 點解唔同地方審美觀會完全唔同? 因為環境影響。身邊個個人都係咁諗, 或者當地傳媒、廣告、商家如此營造。有無諗過如果從來都無受呢d野影響, 大家會覺得咩野係靚?

而家好多人都鍾意買野、購物, 甚至覺得買貴野、luxury野、夠豪先有優越感。係第三世界、貧窮國家, 根本唔會有呢d野, 有得食有溫飽已經好開心, 點解會有呢d分別? 都係因為傳媒、廣告、商家營造。如果無呢d野, 由細到大都無接觸, 大家會唔會需要luxury、豪o既野?

再數落去, 例如外國o既男女平等, 港式o既男女平等o既唔同; 而家o既"成功"定義係搵幾多錢, 職位有幾高; 由細到大都被人灌輸要"乖", 唔好"犯規"、"犯法"...等等, 其實大家又有無諗過, 所有呢d野都已經影響左人o既思想, 已經唔係完全"自由"呢?

如果真係"自由", 自己想做咩都得, 就會好似動物、原始人咁, 想要o既野就搶、用武力去解決事情、有食野或性慾就盡情地去搵去做去爭, 咁究竟係唔係自由?? 文明又係唔係"自由"o既框框? 我覺得要爭取自由, 首先要認清楚究竟係爭取緊咩o既自由, 唔係盲目將呢樣野放到一個好似好高o既層次就打個旗號出來爭取咯。

根本, 所有大家以為係自己諗o既野, 一早已經被傳統、社會、環境呢d框框限死左。

**********

來到呢個位, 講左唔夠一半想講o既野。

係政治層面, 無論係管治定要鬥爭, 雙方最先想控制o既一定係人o既思想, 所以最先控制o既一定係大眾傳播媒介。唔好睇得自己太高, 其實人係好易被人影響, 三人成虎, 只要有一定人數講同一樣野就會信。而當一個諗法定左型之後, 人就好容易以果個睇法果個角度去睇野, 之後變左只會睇到一樣野only。

而家o既香港就好似有呢個現象。唔知點解咁多人諗野變左死牛一邊頸, 非黑即白。大家係評論佔中、反佔中、警察、政府o既時候, 係同自己唔同意見o既人傾o既時候, 有無睇過晒雙方所見到o既野?

我覺得有d盲目支持佔中o既人話好和平、盲目支持反佔中o既人話佔中者攪事、盲目鬧警察、盲目話政府唔o岩、盲目話泛民勾結外國勢力、盲目話班學生係廢青、盲目話建制派係左膠...etc etc o既人, 真係得啖笑。

佔中咁多人, 大部份都好和平, 但係不乏衝動或攪事o既人, 唔可以話完全有理; 但相反另一邊o既人亦唔可以只執住呢少部份o既人就話所有佔中者係攪事吧?

警方使用比較強力手法清場, 我無從去評論對錯; 照計佔中果班人幾攪事都好, 都尚算和平, 係唔係有需要用到呢d野去清場呢? 但係於"法"來講, 佢地又可以叫合理喎? 我最頂唔順係果班鬧警察o既人, 又話佢地唔o岩, 又話佢地應該抗命, 又話要佢地辭職。究竟佢地知唔知咩叫紀律部隊? 究竟佢地有無係人地立場去諗過? 如果佢地自己係果個位置, 係咪真係可以放棄份工, 唔使養妻活兒? 或者, 係唔係所有警察都係錯? 仲有好多係普通環頭維持緊治安果d又點計? 竟然會有人話唔交稅唔交差餉, 有無病呀?

傳媒本身就係好容易被拿來做政治工具, 係唔係TBB就一定係維穩, 蘋果講o既野就無偏頗呢? 我覺得邊一方都只係報導左佢地想報導o既野出來。要睇要分析, 係咪應該睇晒所有野先好評論呢?

做過政府部門、公營機構, 尤其覺得而家政府係好難做, 做咩都錯(事實上積怨太深, 而且又真係有好多錯果下吹脹), 但係人們係咪應該個別個案去睇下究竟政府做o既野係o岩定錯?

呢段同頭先"自由意志"想講o既, 係其實大家有無諗過自己思想係被人控制左(無論邊一邊都係)?

**********

講完自由, 講民主。
我從來都覺得, 民主唔一定係好事(但我絕對好L憎中共)。

民主一定係d"民"有咁上下質素先可以"主"到事。各位看倌諗下, 以而家中國大陸大部份人o既質素, 要攪民主會攪成點? 講真, 好似美國呢個自稱民主自由o既國家, 根本好多野都唔民主啦, 而且因為d人膠, 有好~~~~~多法例、個案係膠到無輪o既添! 咁大家又覺得香港人有無質素又攪民主呢? 君不見而家呢壇野, 支持佔中o既人, 有d(好彩唔係大部份, 而我身邊識o既人都唔會)人偏激到講少少唔o岩聽o既野就即刻覺得你有問題, 咁都叫自己民主? 比呢d人攪民主, 死硬。

有人話移民, 有人話去新加坡好。其實新加坡係獨裁統治來架喎? 李光耀以前一樣有鈕鏟除異已, 有貪污; 而家係新加坡有好多野都唔做得唔講得添, 不過佢民生、經濟攪得好咋嘛~~~ 又唔見香港有出聲話新加坡唔好??

講到尾, 都係生活。
當然, 生活只係基本需要, 再高d理想係另一層次野, 但今次香港呢個咁大o既運動, 造成o既原因都係因為政府係呢幾年攪到大家頂唔住先會攪到呢個局面。

**********

最後, 我講下自己睇法。
講真我係好不滿香港政府果堆。我堅係覺得政府廢(當然好多野係呀爺決定, 無得揀), 呢幾年攪衰好多民生, 自由行、樓價...各方面唔使我講大把人講得叻過我, 令到民怨好大。今次o既運動, 即使政府做得o岩唔o岩, 應唔應該都好, 都有d野處理失當, 攪到好核突。攪到而家咁耐繼續逃避問題, 擺平唔到件事, 剩係呢樣已經可以話佢廢"
講真, 我覺得政府唔掂, 咁多年來好多人從好多方法途徑表達過, 無點改善, 的確係需要做d野去表達的。
但無論支持定反對佔中都好, 社會聲音、朋友之間有需要非黑即白嗎?

**********

一口氣打左堆野, 手跟唔設個腦, 亦都無返睇執錯字白字, 純粹發牢騷。
我自己只係一介草民, 見識少, 無咩真知灼見, 只係覺得好煩, 發下牢騷。
希望大家都可以開開心心咁生活而已...(雖然攪到咁好難收科了...)

完

九月二十一日 -- 風暴

15/9(一) -- 收工返企食飯; 同呀爸2條友食飯, 又聽佢講下野, 9點幾先走。

1. 東京食種竟然突然完左, 仲要bad-ending, 一時不能接受; 上網睇返人講, 原來係完左第一部, d人叫係生死未卜, 希望第二部會出返啦。(其實未確定係咪真係有第二部, 不過如果真係就咁完左, 就真係唔係好接受到咯)

2. 食完飯返企時好大風~~~

3. 第日八號波? 不存寄望。

16/9(二) -- 早上八號波, 返下午, 哇卡卡; 收工返企食飯。

17/9(三) -- 出site收工行左下MK之後去TST同C4食飯(韓國街秀韓國餐廳), 之後再去甜牙牙食埋甜品散。

18/9(四) -- 收工返企食飯。

19/9(五) -- 收工同呀哥係將中foodcourt食飯, 之後仲早早地去左覆診睇腰(最近有少少冤同埋就來去旅行)後返企。

4. 感覺洶湧, 久久不能平復。

20/9(六) -- 一早醒左, 都係唔去睇早場了; 食左少少野再訓到中午, 出KT同C食新境界(改左名但都係一樣的)後行左下d倉, 竟然買到Crocs, 我本來果對都差不多要退役了...之後搭車入大埔Helen家食飯, 10點島走。

21/9(日) -- 本來臨近去旅行唔想打波, 但唔夠人所以都係去左打(8-10TKO); 返企沖個涼抖一下中午去油塘大本營同日安盧撈PennyC係Eurogogo食lunch; 之後太累, 返企訓覺, 到夜晚出返佐敦同SamEsther娟ThomasC慶祝Mandy生日; 10點島散。

5. 今日明顯地feel到無咁熱, 秋天來緊呢~~~

來緊:
25/9(四) -- 收工返返企食飯沖涼後出發去瑞典!
完

九月十四日 -- 中秋

8/9(一) -- 中秋早放返企食飯。之後出左去海邊行左個圈, 再去戲院睇左Begin Again; 賞左月, 食左月餅; 好free好開心o既一晚呀~~

1. Begin Again: 好簡單o既故事線(應該話其實個故事其實好少野好短), 但係"音樂"本身已經講左好多message、已經好足夠令套戲好有content; 非常之咁認同故事入面主角(們)可以係音樂之中聽得出好多人心中o既野(亦都因此我好鍾意唱K聽人唱歌, 以前係blog都講過); 成套戲入面o既人同音樂都好純粹、好純真、好straight forward。

不得不提下入面角色: 一開始睇trailor就係被女主吸引, 無錯, 佢就係Love Actually入面果個嫁左比黑人果個好靚o既新娘, 經過多年, 佢老左殘左少少, 但係笑容不變仍然好吸引人; 驚訝表情一樣帶點fantasy同傻氣, 夠照了。男主Mark Ruffalo又估唔到佢會做呢種角色, 同Jack Black做School of Rock或者其他音樂電影好相似, 都係非常有才華又帶點神經質o既天才, 不過講真Jack Black拍戲時表現出來對音樂o既投入度高d, 相對來講Ruffalo就爭少少, 不過Jack Black又滑稽得滯, 唔適合做呢個角色o既~~

音樂方面, 雖然我唔識音樂, 不過d歌好聽呀~ 尤其果幾首主打歌, 好有feel, 好鍾意呢種輕鬆o既感覺(所以比較起來無咁鍾意Maroon 5做果個男配角果d流行曲arrangement); 呢套同Music & Lyrics都係講音樂講歌, 不過Musics & Lyrics成套戲幾乎都係講果首主打(Way Back into Love), 而呢套戲就跟住劇情去有幾首主打; 而Musics & Lyrics有講曲有講歌詞, 呢套就講音樂同arrangement多少少(不過由於係比一般人睇所以都無著墨好多, 就算講多我都唔伯識)。

總的來講, 我覺得係一套好睇, 睇得好開心o既戲呢~~

9/9(二) -- 中秋翌日假期一天。由於好累全日係屋企抖抖抖, 連早場都無出去睇了~~ 中午煮麵夜晚返企食飯。

2. 好耐無試過係企抖足一日, 本身全身手腳同關節好多都好累有酸痛, 訓左大半日feel到好左好多~ 唯一係好似訓多左少少, 個頭有d唔舒服; 不過有得比個身體叉下電真係好~~

10/9(三) -- 臨時約左呀叻收工食飯; 收工入沙田搵佢食佢生日飯, 不過由於佢好忙要OT所以只係係附近茶記快食佢再返去做野(雖然都傾耐左xD), 9點半島走。

3. 聽叻講左好多佢同佢"同事"o既野~ 又同佢傾左d男、女、心出軌、身出軌、男女純朋友同埋追人果時係點等話題, 哇哈哈哈。不過其中一個結論, 係我同佢都係exceptonal case :P

11/9(四) -- 收工返企食飯

12/9(五) -- 收工臨時約C, 去左灣仔食飯; 食完爭鮮行去CWB行左下送佢返企後走。

13/9(六) -- 是日幫民仔過大禮。11點同馬到太子, 拿晒野入MOS(源join埋), 之後飲茶, 再回禮去北角; 坐左陣連埋KathyC同FF一齊去新和富食飯, 9點島散。

14/9(日) -- BBall(8-10), 之後沖個涼中午前就同C去鴨脷洲食Tree Cafe同埋行下果個28層o既"富豪博物館"(其實係一大堆好貴牌子o既outlet, 不過大減價之後都仲係好~~貴)(不過都有好多傢俱家品鋪可以睇o既), 之後過左去鴨脷洲村行下(第一次去鴨脷洲), 睇下呀C以前外婆住果頭o既地方, 同埋食下附近d野; 之後出西環行左下, 再過北角, 係薩利亞食左少少野後散。

來緊:
16/9(二) -- 公司波
17/9(三) -- C4飯
20/9(六) -- Helen家飯
21/9(日) -- BBall(8-10)
完

九月七日 -- 元朗

1/9(一) -- 收工返企食飯。

2/9(二) -- 收工返企食飯。

3/9(三) -- 收工返企食飯。

4/9(四) -- 收工去左灣仔拿月餅再去C企食飯。

1. 是日周身唔舒服, 頭又暈胃又脹。

5/9(五) -- 約左Grace食飯; 臨時決定去元朗; 試左呀進推介Savour Cafe(New York Cafe同Homey cafe都book唔o岩時間), 幾好食; 未到9點走, 等左半個鐘車, 勁晏先返到企。

2. 好鍾意星期五收工果種自由時間呀~~ 之後有2日假, 可以hea到爆o既感覺~~

6/9(六) -- 中午起身去CWB同C行左下同食d野, 再搭車入元朗行同食野; 鳴謝呀進中途join為我地指左d路~~ 夜晚食姑姑推介o既韓之美食, 幾家庭式經營, 細細間鋪, d野食唔貴但幾好食~~次後再行左下8點幾就走。

7/9(日) -- 身體狀態唔多好(腳面損左, 腳底痛, 成個人累, 背有d痛), 所以唔打波。下午入西貢同C狗游水沖涼食埋飯先走。

來緊:
8/9(一) -- 中秋早放返企食飯。
9/9(二) -- 中秋翌日假期一天。
13/9(六) -- 民仔過大禮。
完