新加坡遊記

前言

今次個trip自己算係發起人, 起點噶諗法係"探我噶best friend呀馬", 本來只係得2個人(我同民民)噶trip慢慢加到4個人(加埋呀源同Kenneth)。事前都OK放心, 信得過呢4條仔夾埋應該問題唔大, 結果應該都還算OK吧。

3個同伴入面, 之前已經同過2nd best fnd(講到明都係咁講, 係2nd哈哈)民民去過旅行, 反而識左呀源(Best fnd in CityU)咁耐都未一齊去玩過, 再加上相識一年但係相逢恨晚噶kenneth, 呢隊4仔A team就集結完成。

遊記內容主打會講行程同埋comment下見到噶野, 食過噶野, 主要係敘事多, 因此反而想係前言、後語打感想呢。不過根據我一向諗到咩打D咩噶習慣, 相信到最後都係打到好似我一直度講緊野咁, 哈哈。

係個trip pay得最多effort噶一定係民仔啦, 事前功夫(book酒店, book機票, 事前買環球one day pass, 唱定4個人噶錢)全部都係佢一手包辦, 真係要係度大大咁鳴謝一下。自己只係問去過SG噶同事拿左行程同埋借左一堆旅遊書返來, 同埋同大家傾過下D行程, 其餘都無點出過力, 身為發起人實在都無咩慚愧, 反正一早就預左叫朋友們幫手了。(係呢一刻都仲未比返錢比民民添) :D

成個行程之中, 由於4個人都係吹水怪, 所以基本上係廢話百出, 笑料不盡。由於大家係不停咁爆肚, 因此不能盡錄啦。大家係4日之中不停咁話民民"精算"同埋"神", 引發左好多後績噶野都係講唔到的了。(仲有趁而家自己記得寫低噶"Jubman"、"出來啦!"、"出得來還, 預左要行"、"休息係為左行更多路, 行更多路係為左食更多噶野"...etcetc)

前言都係唔好講咁多, 留待後語吧! 以下係我地4日噶行程(同埋同行程有關、時間性排列噶感想)。

Day 1 (出發)

由於搭cheap cheap虎(貓?)航噶關係, 出發、回程機噶時間並唔係早機去、晚機返。11點幾機, 換來噶係唔需要太早起身出發。9點幾10點終於係機場集齊人馬, 係千燒百味食個豐富噶早餐(食完之後下一餐要起碼5點先係SG先食到了)之後就入閘過關登機出發。

一路無話, 係好狹窄又無飛機餐無水飲噶飛機渡過左4個鐘, 終於到達新加坡。由於SG好細, 4個人搭的士去酒店都好平。去到酒店, 見到門口有貓貓~~~ 好開心, 好靚噶喵喵來呢, 幫佢改左個名叫白虎(之後都有再見到佢, 唔多提了)。係我影相噶時候民民已經做好check in手續, 上房啦~~

Kenneth同佢2個無咁熟, 於是就同我同房。間酒店係平價D的, 所以無G/F富麗堂皇Lobby, 間房唔大, 朝早無早餐, 咁其實仲好呢(尤其我地想出去四圍食野)。不過最可惜係無wifi(係SG好多地方試來試去都係無, 所以4日無online)。settle down之後都差唔多5點, 即刻出去食野~~

原來住噶地方好近逸群雞飯, 於是就行過去, 順便感受下新加坡普通噶街道同風土民情(?)。只係10分鐘島路程就到lu。(幾日之後同係果邊做野噶best fnd傾先知原來果條街果幾間雞飯都OK的, 並唔係"逸群"特別好)不過當時未知就緊係去旅遊書介紹架啦。主打噶雞油飯好味道(尤其食完早餐之後都無食過野), 個魚鰾湯都OK, 4個人計返都係40蚊島一位, 好抵呢。(佢係唯一一間menu無價錢噶咯...之後去左第間, 仲大碟過佢。)

食完就趕緊往Safari出發。行去City Hall站(係一個可以轉幾條線噶中間站之一)都好近, 就搭好幾站車再轉線去"宏貿橋"站(SG朋友叫佢做熊貓橋), 落車轉巴士去。地鐵+巴士加加埋埋差唔多成粒鐘, 係SG算係遠噶地方了。係度講一講地鐵。SG地鐵有幾條線, 可以去到我地想去噶大部份地方, 而儲值飛每一程都平過單程好多, 我地初初去到唔知頭唔知路, 見儲值飛要收手續費無得refund所以無買到, 蠢左。單程飛好麻煩, 每一次用完之後, 要去返部機還返同refund返1蚊, D機又慢又要排隊, 好晒時間, 不過算啦, 經驗來噶。

終於到左目的地, 期待噶行程之一 -- Safari夜間動物園。自己不嬲都鐘意睇動物園, 所以好開心呢。園內有導覽車, 會行一個圈亦會有人解說, 都幾多人排隊, 等左幾架車之後就上車啦。行左一半島中間有一站可以落車, 我地就落車自己行另一個車經唔到噶圈。由於動物園都係果d野, 所以都唔係度多講啦~~ 亦都因為夜晚又暗噶關係, 好難影相, 所以都放左好少相上fb了。行完果圈再上車, 發覺呢架車噶導覽講解得生動好多, 有氣氛好多呢。完晒成條線之後我地就落車去睇動物show。睇完呢個幾有趣噶動物show之後就走了, 其實真係想有多d時間慢慢行晒成個動物園呢~~~(仲有, 成個動物園噶佈置同setting都好正好鐘意)

搭巴士去另一個地方, 行去"老巴剎" -- 一個半露天街市咁樣噶地方食宵夜。食左串燒、馬拉盞、C蛤、燒魔鬼魚同埋飲左好似幾正宗噶印度拉茶, D串燒噶醬好味, 燒魔鬼魚都好少機會食到, 滿足噶宵夜呢。之後決定慢慢行返去酒店(大約半個鐘路程啦)。

行下睇下新加玻四圍噶夜景, 路經一度好似係bar定disco噶地方, 有好多著得好sexy好索噶女仔係門口等入場(等人溝?), 可惜夜同埋相機無咩電, 無影底lu(無膽就真XD), 行過少少就係新加坡地標魚尾獅, 影左夜晚噶佢同埋海景, 相機就無電了, 都叫O岩O岩好啦。影晒相行返酒店都成點了。要提一下Kenneth噶方向感同認路能力都好犀利呢, 民民都已經係好OK, 但係Kenneth直頭係之前睇過下地圖之後, 就全程都唔使望唔使睇就照行, 仲要完全O岩晒方向呢~~

返到去沖完涼大家hea傾左陣偈就返自己房。SG電視有一台係電影台, 我地幾日都見到播唔少好戲呢, 晚晚都睇左D戲先訓, 哈哈。雖然第二日一早要去環球, 不過都hea到3點先訓。

Day 2 (環球Grand Opening)

一早起身, 我地hotel對面有個foodcourt, 都好多款野食, 我地就過左去食個早餐先。食完早餐就出發去環球啦。我地酒店好近地鐘站"Bras Basah"(中文應該係"百姓"咁解), 行5分鐘就到, 好方便, 真係又平又正。搭左唔使好多站就去到一條線噶總站, 再轉Sentosa Express搭個單軌鐵路, 得4站 Vivo city(即係地鐵轉車果站) -> 環球影城 -> 一站唔記得咩野(玩樂設施例如滑草果d就係度) -> 沙灘(入左去之後如果唔出返來係係任搭噶)。當然就係去環球影城啦。

我地呢日撞正環球Grand Opening, 好抵呢。一去到影下相, 就等睇Opening Ceremony, 睇完之後有D表演, 巡遊, 影左好多相同video, 到11點島就比人入去玩啦(之後聽返SG死黨話係新聞見到我地上左鏡呢!)。唔知係咪因為O岩O岩過左人地噶public hoilday定係因為早, 我地入去即時玩晒想玩果幾樣野都唔使排隊, 好開心! 係度唔多講環球入面有咩玩同有咩show睇啦, 上網同睇書加埋睇我D相都睇到, 所以慳返唔打了。總之就係好玩同埋D show都好睇啦~ (記一記: revenge of mummy(類似space mountain), Jurassic Park激流(濕晒身), Shrek 4D影院, Masagascar街頭歌舞表演)

有人唔玩機動遊戲, 所以一齊無玩。時間尚早, 未夠鐘睇shows, 於是就搭Sentosa Express入去沙灘度睇下。入到最後一站, 有free shuttle兜成個沙灘區。入左中間一個沙灘位睇下, D風景同個沙灘都幾靚呢。係果度噶foodcourt是但食D野, 估唔到旅遊區食野都唔貴呢。一般來講SG兌HKD 1對6, D野都唔係平, 但係我地食好多餐, 包括係旅遊區食野都係三十幾四十蚊呢。

去左沙灘唔係好多時間, 差唔多夠鐘就出返去環球影城, 睇shows。又係影左相唔多講, 總之係好睇(XD), 同埋不停地濕身啦。(記一記: Waterworld(水上+爆破+drama), Monster Rock(Live rock song + 跳舞表演), 電影特技場景(大風爆炸灑水又濕身))

睇晒D show之後, 我地想睇埋夜晚噶煙花(當日噶巡遊、延長到9點、同埋夜晚煙花都係opening果日先有), 但係仲有時間, 我地就搭車去Chinatown(出返Vivo City轉地鐵幾站, 好近下)行下。雖然之後都會再去Chinatown行同埋食, 但係反正有時間同埋果度多野食, 所以決定去一去。

去到Chinatown, 同SG其他地方個feel好唔同。Spot左之後會去買手信噶地方, 就行下同埋搵野食。搵到個好~~~~大噶foodcourt, 真係咩都有得食, 超大。大家係度食左d野(炒粿條, 蔗汁, 紅豆冰, 魚蛋粉, 窩貼), 之後, 再行下附近D街就又入返去Sentosa噶area。

本來想睇Song of the Sea, 不過因為無買定飛, 爆滿左所以睇唔到。離煙花仲有D時間, 於是入左去Sentosa另一邊噶沙灘(沙灘有2邊噶, 我地去左日頭無去果邊), 坐左陣同埋睇下夜景, 到差唔多就出返去環球了。(聽返SG死黨講Sentosa入面有全侍應著泳衣噶bar, 不過我地都無去了)

返返環球(第三次了, 我地叫做三顧環球XD), 霸個靚位準備睇女仔...呀唔係, 係睇煙花, 等噶時候我行開去睇左場70年代歌舞表演, O岩晒我呢D老鬼。之後睇煙花, 普普通通啦. 睇完煙花就散水啦。好多人一齊出返去Vivo City, 我地發揮HK人醒目精神, 搭掉頭車去沙灘果邊再原車出返來, 有得坐又快左, 賺晒。(記: Kenneth講最值錢噶"羨慕眼神", 同埋我做打手噶果一句"Beach!"之後放人XD)

出返來Vivo City, 去左foodcourt食野先。食左個唔記得叫咩甜噶餅、燒雞翼、同埋好好味噶叻沙~~ 食飽就返酒店, 試左7-11賣噶楊桃汁, 本來諗住可能好味, 點知得個甜字, 又唔酸, 好怪, 後尾Kenneth講起話似華梅水味, 大家先知點講陣味出來, 總之好難飲。是晚2點9曼聯對巴塞決戰, SG電視有得睇, 我同民民諗住睇。沖完涼大家又一齊hea下傾偈, 我就諗住訓下先, 叫民仔開波叫我, 結果係民仔無叫我, 佢自己一個睇左, 其餘人都訓左覺了。其實我都有D想睇呢~

當日由於預左濕身, 於是著左對Crocs行左全日, 對腳好痛呢~~

Day 3 (食+行+買)

第三日噶行程就hea好多, 無咩要趕住去噶。自己一早醒左, 出去行左一轉, 不過見到落大雨, 所以都無去遠。返返來大家都好似未起身咁, 於是再恰下。到差唔多中午大家先起晒身準備好。都叫臨時決定好要去咩地方, 於是去foodcourt食d野先。食完出發去左小印度果邊先(發現黃亞細就來夠鐘收鋪)。小印度又係另一番景像, 同SG其他地方或者Chinatown都唔同噶。係地鐵站行2個字島就去到黃亞細食肉骨茶(有少少趕係佢收工前, 同埋星期一唔開!)。原來SG肉骨茶都有2款噶: 一款係我地HK食開藥味重d, 另一款就係好似黃亞細咁好重胡椒味噶。雖然我個人喜歡前者, 不過後者都好食呢(同埋可以添飲一次)。(之後聽返死黨講果度噶豬腸都好味, 可惜無食到了~~) 提一提, 果間野係無冷氣的。

之後慢慢行返去小印度地鐵站, 行下經過下果度噶社區。個感覺完全係另一樣野, 同其他SG地方都唔同。之後搭返去SG噶中心d噶地方(City Hall, Raffle Places, Clarke Quay等等係類似HK中上環果d地方?), 行左好長噶路, 睇左日頭噶新加坡河、沿河邊噶鋪、日頭噶魚尾獅等等(食左榴槤雪糕夾麵包), 最終行埋去Chinatown(中途d野大家睇相算了)。

時間關係(又係趕佢收工前), 先去遠東廣場食亞坤Kayan多。個廣場都好唔錯, 不過可能因為星期日, 所以大部份店都關左門(+_+)。去到間店, 個多士好脆, Kayan醬甜甜地, 好鐘意食個蛋! (食過其他國家噶蛋, 係講緊是但一個其他地方噶蛋之後, 你會發覺HK噶雞蛋係無味, 完全唔好食的)

食完野買左少量手信就行下Chinatown(正式行啦)。行左好多橫街雜巷, 搵晒要搵噶店同買手信噶地方。又係唔多講啦(某人買左過千蚊噶手信, 好似拿住2隻乳豬咁, 威到盡)。5點幾, 大家拿住各種貨物返酒店, 同埋約我噶死黨Best Fnd呀馬出來食晚飯。

返到酒店放低野settle down之後, 就出返來, 搭地鐵去東岸果邊meet呀馬。終於都見到佢啦! (成個trip噶起源就係想探佢) 佢瘦左好多呢, 同埋見到佢真係超開心。係地鐵站行唔使2個字, 去食出名噶"無招牌海鮮"。呀馬食完之後都話平過佢去開其他地方噶海鮮呢(而且其他地方好多間都係HK噶珍寶、東海集團)。食左麥片蝦、胡椒蟹(x2)、Chili蟹(x1)、馬拉盞炒菜、飲左Lime water、薏米水, 總之都係好味, 大家自己睇相啦。最正係前後食左三隻都大隻噶蟹加埋D立雜野, 圍到來每位都係二百幾蚊, 好平呢~~

食飽飽呀馬帶我地行係附近噶紅燈區。去到時我地都奇怪架啦, 竟然成條街都係男人, 一個女人都無, 我地仲比人望添! 之後有警車經過, 先知咁O岩係掃場時間, 所以睇唔到D服務行業人士了~~~ 不過咁樣反而夠膽拿相機出來影幾張相呢。

之後呀馬同我地去夜晚噶Clarke Quay。果度有一個好大好靚噶酒吧區。個環境好舒服好靚, 好有feel, 仲有好多間bar有Live band添! 不過我地就只係行左個圈, 無坐底飲野了。影左D夜景同埋合照之後, 本來想去試下另一款藥味重D噶肉骨茶, 不過收工了, 食唔到, 之後就散水返酒店了。

是日諗住想涼爽D, 當日都係著Crocs出左去行, 但係到中途開始, 已經開始超痛, 之前果日噶痛未回復呢! 所以買完手信返酒店之後再出返去時換返波鞋, 舒服好多!

Day 4 (最後一hea)

最後一日, 無咩行程, cheap cheap貓航4點機, 2點幾都要到機場了。又唔多順路於是都無專登去榴槤街食榴槤了, 可惜。反正無咩做又無野要再買, 又要食飯(又係食完呢餐要夜晚返到HK先有得食), 於是決定encore海南雞飯(酒店行過去又近)。Check out之後放低行李係酒店, 行去海南雞街, 食左另一間(因為聽左呀馬講唔一定係要食逸群), 發現都係平, 而且仲大碟D添!

食完仲好早, 臨時決定不如再去Clarke Quay食果間肉骨茶啦, 點知去到見到星期一關門(發現除左星期日好多店唔開之外, SG另外有好多鋪星期一都係唔開的), 白行一趟。Encore左個榴槤雪糕夾麵包之後就返酒店拿行李, 再搭的士去機場了。

去到機場, 由於我地搭平機噶關係, 係去budget terminal, 個場都cheap好多。係機場問左竟然係某D Terminal入左閘先買到班蘭蛋糕? Anyway無深究到, 無買就算了。4點起飛, 8點島返到來, 返到屋企9點幾, 完結左成個旅程了~~~

後語

呢次旅行對我來講幾開心呢。可以同幾個熟噶朋友一齊旅行, 吹水up屎, 仲有傾下心事, 真係人生一大樂事。雖然係好多時候, 臨訓前、行緊路無傾偈時, 又會諗起好多以前噶、唔開心噶野, 好彩個行程都開心, 好多時都可以忘記到。

如果大家想對行程知得更多, 就要睇下我upload係facebook上面噶album啦。如果想再知多d, 就唯有親身來睇我係自己電腦(或者相機)噶full album, 仲拍左好多片添!

值得一提噶係, 新加坡真係好多短褲仔呢, 好多美腿好開心~~ 哇卡卡卡~~ 我地幾條友(其實主要係我同K先生)係度睇女仔仲指指點點。果邊唔係好似日本台灣香港咁, 唔興化濃妝, 一樣有好多靚女, 講真都係環境同埋廣告影響, HK等地先多人化妝姐, 係其他地方D人都唔係咁化一樣見到好多靚女啦。仲要人地日日曬太陽(仲有我覺得係有做運動), 勁fit勁好睇。成日躲係屋內化妝係咁食, 唔做運動又話要減肥果d HK女仔真係要反省下呢。

係呢度不得不提下, 要多謝下人呢。多謝各位團友縱容我噶任性(有無呢?) 好似大部份行程其實都好似係跟我意願咁, 都係我拿主意幾時去邊去邊, 唔好去邊去邊咁。另外我訓覺又唔早訓但係又早起, 同我同房噶kenneth應該成日覺得唔夠訓, 比我嘈住晒, 哈哈。仲有我沿路成日停低影相, 差D連紅燈區都想拿部相機出來影, 哈哈, 見到貓貓又係咁影, 去到夜晚自己相機無電仲拿埋民民舊後備電去用...etc, 總之睇來最麻煩都係我呢, 不能盡錄, 哇卡卡。

希望今次個trip大家都開心, 同埋期待下次再同好友們再去旅行啦~~~
(預告: 東京體察災情振興經濟之旅?!)

完

荒村

不論是武功、相術、道術、紫微斗數或者是請神等等各種三教九流之術, 其實是真實的存在。當權者、富裕者垂涎於這些能力(者), 擁有這些能力是很危險的, 如果不好好正當地使用, 只會為禍人間, 因此, 真正有能之士, 十之八九都隱藏了他們的能力。現在的人所見, 也只是各種博大精深的方術之一二罷了。不過, 總有一些有能之士選擇了"入世", 用自己的能力去幫助人。

**********

在修行中, 她來到一條像似荒廢的村落。

丁圓感到像有很大的阻力, 阻礙她進入這條村莊。"阻礙"並不是物質上或事實上有什麼阻著她、擋著她, 而是她一準備進村就有一股莫名其妙的厭惡感湧現。若果意志力稍為薄弱的人, 恐怕就會轉身而去吧。

這條村正是她接受到委託的目的地。

委託人是村落中某村民移居到很遠的親人。他離鄉已久, 上次難得有機會回鄉時, 發現自己難以進入村莊。由於他強烈地想回去看一看家人, 總算誇過了那一道心理關口。可是一進村就發生一連串奇怪的事, 最後還是徒然離開。

丁圓斷定這兒有妖怪作祟。
那股"阻力"當然未能阻止她入村。但她一進村, 怪事就發生了。大風突然刮起, 捲起很大的沙塵, 四處發出奇怪的嗚嗚聲, 甚至有很多垃圾隨風直向她撲來。
"好大的惡作劇呢, 如果用硬的闖進去, 恐怕不能解決事情...還是晚點才來看看情況吧..."

晚上, 月色晈潔。
她再次來到這條村子, 竟然見到車水馬龍的景象。很多人在四處走, 大街上商業活動頻繁, 就像一般市集一大早的模樣。唯一不同的是, 現在是晚上。
"想不到那麼多人呢, 還是別打擾他們, 明天再來解決事情吧。"

第二天。
仍然是荒廢的村落, 仍然有莫名的厭惡感, 仍然有怪風怪事。
"強硬一點吧。"
她拿出兩道符, 口中唸唸有詞, 然後把符分向兩個方向直射出去!
"嘭!嘭!" 打破了兩道頹垣敗瓦。

"誰這麼大膽!"隨著一道吆喝聲, 一團黑色醜陋的東西冒了出來。
"是你做的嗎? 為什麼沒來由的破壞這個地方?!"
丁圓冷靜的回答, "你是誰? 從哪裡來的, 快報上名來。"
"哼! 你破壞了我的地方, 還敢大言不慚?! 這兒不到你這卑微的靈力者來多管閒事!"
只見那團醜陋的黑色的東西, 像吸了一口好大的氣, 四周像有無數的靈魂被吸了進去, "它"的體積變得愈來愈大, 樣貌變得愈來愈惡, 似乎要把她這外來者趕走。

"呼, 真麻煩, 看來這次的生意不划算呢。"
丁圓從背包拿了一道符出來, 唸了一句咒語, 突然閃身直衝向那黑色的東西。
"定!" 她把符貼在那東西身上。那東西似乎不能動彈了。

"說。"
"嗚...竟然...快放開我!"
"說吧。"
"......"

過了一會兒, 那東西開始說起來。
"...我是這裡的土地神。我要守護這村子。一直以來負責看守著這兒。可是這兒一直戰事頻繁, 這條村落就在進軍的路線, 首當其衝, 經常受到影響。男丁被強拉去當兵, 婦女也受到折磨, 民不聊生。你有想過"明天不來就好了, 希望開心一直繼續著, 希望不幸不要來臨"嗎? 戰爭、疾病、饑餓, 他們害怕明天會比今天更差, 因此我要保護他們, 這兒的人們都是好人, 他們常常祈求的保佑他們。是他們給我力量的, 我讓他們安安穩穩地留在村中, 不被外界侵擾, 不會再受戰火的洗禮! 我一直背負著這個使命, 就算到最後一分一刻, 我也要完成我的使命!"

丁圓一邊聽一邊看看這條村落: 荒廢的水井, 四周頹垣敗瓦, 一個人也沒有, 只剩下一些快要風化的骸骨。

她對著土地說, "明天不一定會更差, 時間會治療傷口, 艱苦的環境也會讓花兒茁壯成長!閉上眼、塞著耳、捲成一團, 才沒有進步! 這樣才是最不幸的結局! 你這樣做只能阻止戰爭和疾病入侵, 但最重要的東西 -- 時間, 你沒法阻止。跟外界隔絕, 這兒已經滅亡了, 缺乏循環, 停滯不前。你看, "明天"還是來了!看吧, 這兒已經沒有人了, 全部都死了。面對現實吧。你想好好的守護這個地方, 可是所有人、事、物都不可以固步自封的。看, 把自己封在原地, 不知道外面的世界, 留在原地踏步, 只是慢慢的腐朽...外面的世界現在是怎樣的, 你知道嗎? 戰亂已經停止了。這條村應該獲得解放, 那些亡靈也應該被超渡的了...讓他們去吧..."

只見她一邊說, 一些靈魂慢慢的從黑色的東西體內飄散出來, 那"土地"慢慢的縮小了, 最後回復了他本來的體積。"它"頹然地癱坐著。

"你答我: 你是為了什麼原因, 要保護誰, 不受什麼侵犯?"
"...這是我的存在意義, 我最初的目標, 不要被變更, 不想被否定......"
丁圓慢慢的走過去, 把"它"擁入懷中。"我叫你停止, 不是要你變更, 也不是否定你哦。而是你的任務已經完成了, 你做得很好; 或許, 在這交通要衝的地點, 慢慢會變回一個繁華的村子也不定呢。到時, 又會再有很多人在這生活, 有更多的笑臉在此浮現...一直以來你做的很好...辛苦你了...謝謝你..."
她感覺到肩上、背上慢慢的濕潤了。"它"在哭嗎?
"謝謝你...嗚嗚...一直也沒有人對我說呢...謝謝..."
黑色的東西慢慢的消散了。
村莊回復了本來荒涼的模樣。以後應該也不會再有怪事發生了吧。

"呼~ 又完成了一單生意。用了爆炸符和定身符, 真不划算呢..."
丁圓繼續踏上她的旅途。

完

攪手

由細個開始, 已經係鐘意主動聯絡人噶人。亦都因為通常D人都係我聯絡開, 所以慢慢我就做左攪手噶角色。

近年做少左好多, 但係真係發覺每次見到人做攪手時, 真係好唔得。其實攪手係好難做噶, 不過有D人做攪手真係連基本野都做唔到。又唔confirm人時間地點, 又無問人幾時available, 更加唔使講有無問人preference。講真, 要攪得好少少, 其實需要每個人打超過一個電話噶。算啦, 如果自己唔係做攪手果個, 所以都好少會complaint人地做得唔好了。

講返做攪手噶難處。

第一遇到噶難題當然係就時間啦。要就晒咁多人時間係好難噶事, 人少少4-5個已經唔係易就, 人愈多就愈麻煩。最麻煩係有D人無理答霎, 唔記得自己原來邊日邊日唔得閒或者咩時間唔得閒, 到就晒定晒先來改, 好鬼煩。最憎係咩呢? 就係果d "你約住先啦, 到時我再睇下得唔得"噶人。如果真係因為返工或者其他野未定到噶都無可厚非, 但係有d人擺明就係睇下有咩人去/地點等等野O岩唔O岩心水先去, 真係唔想理佢咯。

做"攪手", 其實只係一個聯絡人。對於活動、地點、時間係無決定權噶。要去邊、幾點、甚至就唔就一D麻煩人, 並唔係佢要做決定噶事(除非大家agree左啦)。當個個人意見都唔同, 又遲遲都未決定噶時候, 就最麻煩。你就得一個, 又唔O岩另一個人心水; 當你就返另一個, 可能又有人唔鐘意。自己決定仲衰, 個個都唔鐘意(甚至有可能係D人唔鐘意你自己決定而唔問過佢地而已, 但係自己又無preference又唔表態)。

而家流行facebook或者send message, 講真, 根據以前經驗, 就算打電話親身問都會有以上問題發生, 何況好似facebook呢d咁被動噶方法? 除非個個都好似我咁姐, 如果唔係根本就行唔通。

攪手呢D吃力不討好噶角色, 都係少做為妙。(不過到最後仍然係我? 哇哈哈)

完

五月二十二日 -- 雜記

催時同學打來, 真可憐。

16/5(一) -- Gordon兄弟姊妹感謝宴 @ MK帝京; d野食ok, 而家食任食都會就住, 唔會食到頂住胃啦~~

連續好耐都訓得唔好, 呢一晚又發夢了, 今次係時光機

17/5(二) -- 上堂; 同Sam & Nat & Gary食大盛; 唔見staff card and find back, 真好彩; KT and Tracy not happy again; extreme tired and talked seriously with Sam late

18/5(三) -- farewell呀強食飯, Muse Cafe; hea, 好笑, 怕左任食; back home not too late

19/5(四) -- 收工返企, 再出去gathering w/ TKO buddies, 榮華川菜館, but mark six, Yogurt @APM

20/5(五) -- 一早醒左, 又係極早, damn; 上網apply左HO; 頂唔住half day leave, 返企sleep, 夜晚出返MK, 買左要買噶野, 去Jordon, 食唔到太平館, 食左apple; 之後行TST, 好累; I think I'm sick today

argue?

21/5(六) -- gathering with 死黨s, K @ Jordon, 1-8好抵; 官涌街市dinner

22/5(日) -- 本來同sam & fnd BBQ or hot pot at Taipo, heavy rain cancelled; 本來留家, 突然要出KLB拿姨丈噶野, 拿完仲要去埋上環比cousin; 中環flying pan, dinner @ TKO w/ bro @ co.

呢個星期無咩心機打blog~

來緊:

23/5(一) -- 收工同bad-end人食飯(夾硬約), 比埋之前幫佢買噶野佢; 之後毛毛球
24/5(二) -- 上堂
25/5(三) -- pre trip gathering, 應該齊人啦掛
26/5(四) -- 準備出發
27/5-30/5 -- SG之旅

完

魚和海鳥

魚兒在大海中暢游。自她出世以來, 一直都在海較深處, 跟著魚群四處游, 覓覓食, 間中避開一些較為兇惡的捕食者, 日子過得很自由自在。

她常常望向上方, 覺得光光的, 好像很有趣。但魚群總是很少會游到近海面。她一直也跟著大家, 落單了可不好呢。

有一天, 一條鯊魚來襲, 魚群四散。鯊魚不停地追逐著同胞們, 死了好多, 但他們也只能各自的逃走。她跟一些朋友沒命的逃, 終於躲開了鯊魚。回神一看, 他們到了難得來到的近海面。

她很好奇, 順勢游到海面附近, 向上望去: 嘩! 外面的世界好不同哦! 難以形容, 很廣闊, 很高, 總之就是跟自己的世界不同! 她癡癡的望著她未接觸過的"天空"。然後她看到了一些她從未見過的動物 -- 鳥。鳥兒在天空飛翔, 看起來好自由, 比在海中游像是更自由。時而高飛, 時而俯衝, 時而盤旋, 一對大翅膀, 帥極了。

"喂! 快回去吧! 我們要回大隊啦!"
雖然回到深海中, 但那一刻的景象一直纏繞在心中。

自此, 她就常常趁機溜到海面附近, 看著那片天空。她感受到很多新奇的事: 看到外面的世界有時很光, 有時很暗, 有日出有晚上; 會天晴、會下雨; 有好多住在海面附近的新朋友; 這些都是很新奇的事。但最令她難忘的, 仍然是天上那遙不可及的鳥兒。

她見到他常常在空中瞄下來, 看著她。他是留意到她的。她好羨慕他, 可以在空中飛馳, 她慢慢的好想離開海的世界, 她好想試一下在空中的感覺, 她很留意他, 她喜歡他。

新朋友們跟她說: 你不要常常來這裡啦, 這兒很危險的, 你要小心點呀, 水面上有很多捕食者的。
她說: 我好想離開這裡哦! 好想成為上面那些朋友般, 可以自由自在地在上面哦!
"小朋友, 別妄想啦, 你是魚也就永遠是魚, 不可能的啦!"
"不! 你看! 他常常在看著我呢! 我想他帶我走, 去上面的世界!"
"世途險惡...你要小心呀..."

"看!看!他又看過來了! 你看!"
"小心點呀, 快走吧!"
"不! 他真的向著這邊過來呀! 我可以夢想成真了! 我喜歡他! 我要跟他走!"

海鳥真的飛下來了。他捉住了魚兒, 直飛天上去。

完

Q: 誰知道，或許真有善良的海鳥，想跟魚做朋友？
Y: 因此我也沒有寫最後怎樣。
Y: 離開了海面, 可能在窒息前那十分鐘的"人"生對她來說已足夠吧~只要她覺得幸福，就夠了; 因此還是半open end好了。

滿足感

人無論做什麼也好, 也是為了"滿足感"吧? 不論是最原始的食慾、性慾, 到精神層面的各種滿足感也好, 人所做的都是為了填滿自己的滿足感。

最基本的是為了生存。食, 然後是住衣行, 上班、賺錢就是為了生存。再進一步, 有了錢或者好一點的物質生活, 就會較為容易求偶。

之後就是滿足一些精神上的需要, 也就是人類所謂跟動物不同的地方。自尊、榮譽、權力、愛情、友情...等等數不盡的欲望, 而賺錢、食飯、勝利、甚至幫助人、做義工...等等數不盡的行為, 也只是為了滿足自己。即使是為了更大的、更深層一點的宗教、民族, 也一樣是滿足自己的心靈。以前也談過, 就算大至宗教、民族、小至愛情、友情的所為"犧牲", 也是為了自己, 只不過不是為了物欲, 而是滿足自己的意志而有滿足感罷了。因此我以前也說過, 所有人做的所有事都可以稱為"自私"。(當然, 有很多"自私"對別人來說是好事)

最能夠滿足大部份物慾、佔有慾的東西, 自然是"錢"。錢雖然不是萬能, 卻能買到很多很多東西, 甚至不只是物質的東西。不用多談了。

曾經跟不少朋友(尤其女性朋友)談過, 擇偶條件之一是要有"上進心"。何為上進心? "上進心"又代表什麼? 其實就等於是錢(或者其餘"物質"的統稱)吧。有上進心向上爬, 最終的目的還不是錢? 向上爬之後得到的權力也只有當事人享受得到, 另一半真正能享受的就只是錢。只不過每個人的目標價錢也不同而已。

對於我來說, 雖然自小不是有錢, 也經過經常要"慳住使"的時間, 但我從來對於"錢"或"物慾"方面的需要也不太強(當然又不至於完全不在乎可以送給人), 就算現在也不介意過刻苦一點的生活(當然可以舒服就舒服點吧)。

"人"雖然不知道為了什麼要生存於世上(也不打算討論), 但總是為了要"快樂"。"快樂"源於"滿足"。而我的滿足感也一樣, 貫徹多年來再網誌中所寫的, 我所希望的快樂很大部份是從精神層面上的滿足而來。感情上得到滿足, 可以使身邊的親人、愛人、朋友都開心, 大家一起開心, 就很好了。可以學到、看到、感受到不同的事物, 知道多一點, 也很開心。錢, 無疑令人可以更方便更舒服, 可是有很多事情真的不是錢可以達成的。對我來說, 夠就好了。怎樣為之夠, 反正我物質方面不用太過豐足, 因此夠就夠了, 哈哈。

我的上進心, 在於"為了得到我想要的東西而努力"。不過, 不是錢。

完

p.s. 叻比噶題目, 佢噶feedback係"在我角度黎睇, 有上進心係等於set 個目標/理想比自己. 有上進心既人, 起碼都會知自己做緊D乜, 無咁易lost當然, 都要睇個目標係set向邊一個aspect 既"
其實我最後果一句, 就係咁噶意思呢。

"親人"

以前已經談過真正的親人, 也說過不會在此多講, 因此這次當然也不是談真正的血親。
在大家的生命中, 有沒有一些沒有血緣關係, 但感情比血親還要好, 信任度很高的朋友呢?

可能大家會以兄弟、姊妹相稱, 甚至可能以父母、子女自居, 又或者大家沒有宣之於口, 但大家的情誼超越了一般朋友的界線, 會對他們有絕對的信任。

無論發生什麼事情, (只要不是犯罪), 對方會毫無條件的撐你, 支持你, 信任你。就算在不方便、情況不太許可之下, 也會儘能力去幫你, 甚至不惜與其他人"反面"也要幫。

這個位置與"了解"沒有關係, 純粹地是大家一直相處而累積起來的感情和信任。正如大家的爸爸媽媽不一定是最了解你的人, 但他們一定會支持你, 為你付出一樣。

如果你有的話, 恭喜你。
在世上能有這麼一個, 或者不止一個人會這麼對你的話, 真的是一件非常幸福的事。在這個很虛假、充滿自私與謊言的世界, 如果有這麼的一個人, 真的要好好珍惜。

我, 會是你的那個"親人"嗎?

**********

如果你有一個親人+最佳位置般的朋友(不一定是異性), 那恭喜你了。人生得一知己, 死而無憾。很慶幸自己身邊有這樣的人, that's what I always proud of in my life.

完

五月十五日-- 雜記

9/5(一) -- 請左假, 早上係家hea同埋整晒要整噶野, 好free; 下午同Sam去左寶琳食意粉, 之後去左買飛睇戲, 再食聰嫂同行一陣, 6點鐘睇左想睇好耐噶"Just go with it", 好睇呢~ 之後食魚之味後返企。

1. 見到深藏已久的朱古力, 深感朱古力跟愛情一樣, 會過期; 丟了吧。

2. Just go with it(愛情大龍鳳): 估唔到做左2個鐘, 好睇呢。成套戲都無悶場, 雖然劇情有D誇張(同埋覺得一開始交代個男主角以前果度好似無咩用), 但係男女主角噶愛情線都算係鋪排得合情理; Jennifer Aniston超正呢~~真係好sharp同埋好做到佢角色要表達噶感覺。年紀唔係一個問題, 同果時睇鞏利一樣, 雖然年紀唔輕但係都覺得好charming; 講大話真係一件好唔好噶事呢, 超憎, 一個大話掩蓋一個大話仲衰啦。

10/5(二) -- 公眾假期, 連續四日假噶最後一天; 全日在家hea的一天, 將之前砌左噶幾隻模型油埋, 好開心, 最近噶完工度好高呢。下午訓左2個鐘到夜晚過去食飯。晚上仲砌埋HG百式, 又完一隻。

3. 一個好友因為一件小事而誤會兼唔妥我, 我都超唔開心; 但係, 我依然覺得自己無做錯到。

11/5(三) -- 呀煎生日快樂; 收工諗住去寶琳買返之前見到果個好平的風扇, Connie都一齊去, 第一次係KT搭van入PoLam呢; 去到行左下奇趣, 再去睇展銷果度, 點知個風扇已經比人買左, 買唔到~~ 行左下PoLam(睇埋另外幾間電器鋪)之後同Connie返返TKO睇下日本城噶風扇, 全部都係要幾百蚊, 放棄了。返企食飯。

4. 今日又擅自亂剪頭髮, 不過剪完舒服, 爽!

12/5(四) -- 四仔旅行團pre-trip gathering; Kenneth因為公司臨時要OT開會來唔到, 真可惜...臨時加埋FF來, 就晒所有人, 於是去Jordon金蘋果; 其實都無咩十分多野好傾, 大致上都係去果d地方食果d野, 都唔使傾好耐, 結果都係幾個死黨一齊吹下水食飯, 好relax呢。食完10點島返企, 竟然一來就有車。

5. 收到好友Q係捷克寄來噶postcard, 好開心~~ 話時話, 好似N年無收過postcard了~~

6. 催時同學又...-_-

13/5(五) -- 收工去元朗同Sam食飯, 終於食到個酸菜魚煲, 好味道, 食完之後未9點就散, 返企。

7. 多謝果把風扇呢。

8. 點解個豪華龍裝劉備咁平, $199~~~(平時最最最平都要$240島!) 不過都係無買呢~

14/5(六) -- 一早唔知點解好早醒, 攤左唔知幾耐發覺真係訓唔返, 起身, 8點幾; 上下網hea下仲砌埋一隻模型, 10點幾出門去iSquare同Sam睇早場Fast5, 都幾好睇; 之後係返iSquare食lunch(T e), 食完行下iSquare, 就去碼頭搭船去灣仔; 原本諗住去上環生記食粥, 或者去中環Flying Pan食野, 點知出到去大路, 臨時就上左架叮叮去北角; 去到自己舊居附近行下, 落左去睇森記書店同貓貓, 之後行去和富果邊(今日經過灣仔無去太源街, 行過和富無入奇趣, 哇哈哈), 去左Clover食cake, 之後就返TKO; 同呀哥一pair四個人去左坑口大排檔食晚飯, 食完再去聰嫂食甜水, 之後返企。晚上又砌一隻模型。

9. 快5：130分鐘，無咩悶場，用幾十蚊睇住好多野爛好抵睇；個夾萬作為主腳來講好稱職，最尾大發神威，好勁 :D

10. 呀哥係九座搬左個電視過來, 而家又有返電視了~~

15/5(日) -- Cass生日快樂; 本來好想去歷史博物館同埋科學館睇辛亥革命同埋愛恩斯坦果2個展覽, 仲推埋朋友噶K局, 不過到最後竟然無人一齊去, 算了。係屋企食完晏, 同呀媽呀哥呀嫂一齊出去, 行左寶琳同埋尚德, 行左成個下午, 好累呢~~ 不過一齊行下電器鋪呀、家品鋪呀、玩具鋪呀、街市呀超市呀咁, 都好開心呢。晚上係企食飯。是日又砌左模型~~

11. 今日Queenie返來了~~~

12. 聽講來緊呢期六合彩好多錢, 去買左, 如果中左就好啦~~ 唔好話一半啦, 四份一都好開心~~~

13. 追噶漫畫, 連有d新追噶都一套套咁完了 =_=

14. NBA playoff今年真係幾精彩呢~~ 其他邊隊champ都唔緊要, 總之剩返果D, 唔係Heats就得!

15. 今個星期打左好多篇野呢~ 自己好想好似以前咁, 打返多d野, 今個星期可能時間多dd, 可以打返好多無聊野, 都幾開心。

來緊:
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯, 放題?!
19/5(四) -- gathering w/ TKO buddies, 地點未定
20/5(五) --
21/5(六) -- gathering with 死黨, 詳情未定
22/5(日) -- BBQ?
23/5(一) -- 毛毛球
27/5-30/5 -- SG之旅

完

最佳位置?

在你的一生中, 有沒有一個異性朋友曾經是在你身邊的圈子之中, 佔有著一個特別位置的人呢?
或許你曾經有想過、沒想過、或者從來沒有考慮過、更加可能是不敢想過會跟他/她(之後都簡稱"他"吧)在一起的一個人。

可能你跟他在一起吃飯時、一起看戲時、或者無論什麼時候, 甚至是send sms、msn、facebook、whatsapp、pingchat...等等, 也覺得很快樂、很舒服。你有事或者他有事的時候, 會想起對方、支持對方、需要對方。他可能比你的另一半更了解你, 更懂得讓你快樂, 讓你心靈上得到安慰, 讓你在失意的時候舒服一點, 開心的時間更暢快一點。

你會覺得, 這樣的一個人、一段關係, 並不想有任何的改變, 因為這樣就已經是最舒服、最恰當的一個距離。你會害怕, 當關係改變之後, 期望會變得不同, 看到的會變得不同, 對對方的耐性、關懷、需要也變得不同, 破壞了最舒服的那種"和諧"。

可能, 彼此也有著另一半, 而你們不論在事實上甚至精神上也沒有出軌過。即使吵架時他會安慰你, 鼓勵你去?對方, 替你們加油, 幫你想辦法恢復關係。你們仍然忠於彼此的另一半, 只是安安份份的佔有著那個既近且遠的位置上, 一直一直繼續著你們那特別的相處方式。

或者有些人會覺得, 這跟"觀音兵"有分別嗎? 其實有著根本性的不同吧? 不論是兩人的關係、情感, 或者是事實上, 也完全是兩碼子事, 完全沒有曖昧的成份、思想、行為, 就只是守望、相助。或許, 不太感性的人沒有這種感覺吧?

這個佔有著特別位置的人, 可能會因為大家各有各忙, 或者因為各有另一半, 或者因為結婚還是其他什麼的原因, 最後疏遠了, 慢慢的沒有再聯絡了。不過他永遠在你心目中也是美好的, 最好的, 甚至好到縱壞了你, 讓你常常覺得你的另一半也沒有他的好。

因此, 你一直留住了這個位置。

這真的是一個最佳位置嗎?

完

p.s. 獻給身邊有著最佳位置的大家, 還有曾經破壞了那位置的他和自己。

成日任食, 罪大惡極

上星期食左好幾次任食。
屋企樓下牛涮鍋, 8度餐廳buffet, APM牛陣, 來緊Gordon請兄弟姊妹食飯去帝京buffet, 仲有肥強farewell又唔知會唔會真係食放題。

Oops~
任食呢樣野, 好明顯係係物質過度豐富噶社會下出現噶產物。
反正有錢, 人就比多d, 可以有好多款野食, 大食噶又可以食好多野, 係咁食貴野就會抵d, 各種原因令人係咁食。

一早有報導指出, buffet噶出現其實係浪費緊食物, 因為每次都要準備定好多款, 每款不停供應, 所以每次"宴會"結束後, 就會剩餘大量食物, 而呢D食物噶結果只係-- 掉左佢。

就算唔睇第三世界國家, 只係係物質豐富噶社會入面, 一樣都有窮人, 一樣都有食唔飽噶人。雖然一早知道呢個世界噶資源從來都唔係適當咁分配(適當, 唔需要平均), 甚至係弱肉強食, 無能力噶自然會受淘汰, 但係有必要咁浪費嗎?

事實上, 呢個世界上使得起錢噶人, 浪費得起, 要去做呢樣野, 無可厚非, 歷史上甚至有人權力大到可以為左D無聊野而令好多人死添。因此我覺得, 人想點係佢地噶自由, 由得佢。

不過在於個人方面, 任食都唔係一件好事。無錯, 係可以食到好多野, 甚至好多好野, 同埋buffet最valuable噶係可以係一餐之中食到唔同種類噶野。不過大多人去到食任食, 無論係因為D野太好食、太多好食噶野、定係因為要食多d先抵都好, 大部份人都係欲罷不能, 唔識節制。唔使我多講大家都知對健康係唔好噶。肥唔係一個問題, 唔需要個個都瘦到支竹咁, 個問題係"唔健康"。至於食咁多或者肥對健康有咩影響, 唔使我係度多講了。

誠然, 講咁多野之後, 我唔否認我都會去食任食, 甚至有時都會幾鐘意添, 不過其實呢樣真係唔係一件好事來。真係想食好野, 咪選擇一樣點來食咯。多吃壞肚皮, 何必呢?

It's our Bad Karma only~

窗框

一個人的性格、價值觀, 都是受著自己從少到大的所見所聞影響。就像一個人永遠被困於房間內, 看到的就只是房間內的事物, 還有透過窗框看到窗外的景物。要增長見識, 就只有不斷求學、旅行、閱讀、交談...等等, 知道得更多更深入。

礙於資源、時間所限, 人的眼界總會被那窗框限制住。因此一直以來看到的、感受到的, 就會覺得是對/錯, 根深蒂固之後, 就很難改變, 除非遇到很大的外力, 從外破牆而入, 徹底的改變一個人的看法。

總有些人會比別人優越一點。有些人聰明些, 有些人感受性強一些, 有些人有錢些, 這些各方面的優勢總能讓這些人接觸多一點, 從而去到另一層次的思想層面。而較低層面的人, 是永遠也不會明白較高層面的思想領域和模式的(感覺就像大家看著幼稚園的小朋友一樣, 不同的層次), 因此有很多人會對所謂"蠢"的人沒有耐性, 而那些"蠢"人也永遠無法理解別人的思想。再進一步, 有一些稀世的天才, 沒有人明白, 就成了"天才白痴"。

不過, 即使自己能夠伸出窗外, 看到多一點的人, 也不一定是比所有人厲害。誰又知道窗外的只不過是一幢大廈之內的事? 或者只是一個區域之內的事? 說不定有人能出了大廈、出了區域, 衝出世界, 甚至衝出宇宙?

到最後, 人也只是活於自己的窗框之中, 不論多大, 也只是自己的窗框。因此, 我從來也不會否定別人的人生觀、價值觀。就算大家覺得自己好像比別人看的多、看的闊、看的深(又是那看著幼稚園的小朋友不同的層次的感覺), 也應該要懷著心態, 知道自己之外有比自己看得更多更透徹的人。

其實這也就只是簡單的"人上有人, 天外有天"的道理。不過, 人總是剛愎自用的, 有幾多人可以虛懷若谷呢?

完

p.s. 朋友叻給的題目

三國外傳 -- 關先生劈友記

關先生千里劈友記

好久沒有寫過三國瞎扯外傳, 適逢最近"宇宙最強"所演的電影"關雲長"上映, 我也來湊個熱鬧寫一下三國的外傳吧。

**********

上回寫過(大家請看敝人以前寫的"趙雲百萬軍中藏阿斗")曹操與趙雲在百萬軍中姦淫了劉備的兩位夫人, 其實曹操一早就處心積累, 想攪劉備的老婆了。可憐的劉備本就沒什麼野心, 只想安安穩穩的過安樂日子, 怎知就因為娶了兩個漂亮的老婆, 就經常要受戰爭的洗禮, 當真紅顏禍水也。

話說終於曹操好不容易的打得劉備落荒而逃, 終於也讓他捉住了甘、麋二夫人, 連帶劉備旗下猛將關羽也給擄了過來。怎料關羽乃死腦筋, 腦中除了肌肉之外就是"忠義"兩字, 他一早看穿曹操是個淫賊, 作為劉備的二弟, 他怎可讓兩位嫂子讓曹賊污辱? 因此他答應效力曹操的條件, 其中一個就是不可動兩位夫人。

爭天下之事當然重要, 曹操雖然是個淫賊, 但畢竟是個亂世奸雄, 知道凡事皆應以大局為重, 最後不得不為了得到這一員大將, 而答應了他的條件。想不到關羽竟然夜夜守於兩位房夫人門前, 使曹操沒有機會去竊玉偷香, 了自己的心願。死了那麼多人, 打了場場勝仗, 期待萬分, 但卻給關羽這戇忠男破壞了好事, 唯有夜夜望門興嘆。

前事不多談。終於, 關先生得知大哥在河北表紹那裡, 決定連夜帶著兩位嫂嫂離開。由於他忠厚老實, 決不願帶著曹操送他的東西離開, 於是他掛印封金, 連曹先生送給他的新袍子也留了下來, 種下了那五關六將的禍根。

不一日來到東嶺關...等等, 由於故事由此開始會有對話, 為了增加親切感, 本人將Nicam故事至廣東白話, 將其本來的京腔轉變為白話表達是也。

來到東嶺關, 關羽一馬當先衝埋去個關口度, 諗住直行直過。點知守將孔秀即時攔住佢路。
"身分証, passport。"
關羽當堂啞左, 心諗, "敝, 無帶添!"
於是就答, "無喎。我係關羽關雲長, 官拜漢壽亭侯, 快D放我過去!"
"身分証passport丫唔該。"
關羽心諗, "唉呀, 頭先懶型將D野留晒係姓曹條友度, 早知就帶埋來, 而家就唔使咁煩啦!"
"喂, 我假假地都高級過你, 你快D放人好喎!"
"身分証passport丫唔該。"
"哎呀! 我挑你個XX祖宗十八代, 你連我關羽都唔識, 你點出來撈架!"
"身分証passport丫唔該! 你連身份証都無, 我點叉知你係乜水呀! 就算你係我上司, 就可以唔使証件都過得關呀? 下?! 我照足程序做野架, 我係唔放你吹呀? 我啤~~~~"
"我頂你個肺丫咁串? 我最X憎你呢D爛鬼公務員噶死人官腔! 正X街!"
"身分証passport丫唔..."

"噗!"
關羽好嬲, 係呢一刻佢爆啦, 佢拿起佢把大關刀, 一野就斬左孔秀噶頭落來。
"敝! 衝動出事, 快D撇先得!"
於是關羽就帶住兩個嫂嫂連夜閃人, 好不容易去到名城 -- 洛陽。

洛陽早幾年先俾董卓燒過來, 不過都總算係大城, 當地太守韓福都唔係流噶。佢一早收到風關羽會路經呢度, 自忖自己未必夠佢揪, 力敵不過就緊係智取啦, 於是佢係關羽來到果時百般留難, 同佢講, "你行左咁耐都累架啦, 不如你今晚係度抖下先, 天日先比你過關好無? 你都知啦, 你又無身份証又無passport, 我好難交代噶嘛...嘻嘻嘻...拿, 今晚我搵幾條女來陪你, 等你好好梳乎下, 天朝再慢慢趕路都唔遲呀~"

關羽一聽, 又好似有D道理, 又好似有D著數, 就一口答應。佢滿心歡喜, 就準備去沖個靚涼, 點知副將孟坦帶佢行果陣, 韓福偷偷地一箭射埋去! 關羽身手敏捷, 閃身一避, 總算避過左致命傷, 但係都中左肩頭。雖然好痛, 但係生死關頭, 絕對唔可以退縮! 佢一口咬住支箭頭, 一拔拔出來, 呢下其實係懶型, 佢知打交最緊要係個"勢", 先來一野嚇一嚇人, 贏個勢先! 果然隔離個孟坦睇到眼坦坦, 就係呢一下呆滯左就比關羽斬開左兩半。

韓福見自己偷襲都射唔死關羽, 知道大鑊, 即時就想走佬, 可惜走唔夠兩步, 就比關羽追到上來。關羽昂藏七尺, 步大力雄, 韓福又點夠佢來呢? 都係比關羽一刀劈開左兩半拜拜。
關羽知道此地不宜久留, 唯有帶住兩位嫂嫂, 仲有箭傷, 逃離左洛陽。

來到沂水關, 守關卞喜當然都收到消息啦, 佢見之前果三條友打又打唔過, 暗算又唔成功, 點算好呢? 雙拳難敵四手, 一於圍佢! 我唔信成班人圍佢佢都贏到! 於是佢係鎮國寺埋伏左六個刀斧手, 唉, 本來都想埋多幾個, 但係而家噶中級領導階層都好難撈, 平時做野油水又唔多, 慳住慳住先請到六個, 算啦, 照去。

話說關羽來到沂水關時, 卞喜就假裝好意, 要請佢為佢洗塵。點知果幾個平價刀斧手唔得醒目, 躲係牆角竟然突左d衫角同埋武器出來。關羽雖然係粗人一個, 但係之前比人線過, 都蠢唔晒架! 見到自己比人圍, 緊係先下手為強啦! 佢知卞喜警戒心都高, 如果一擊唔得手就實比人圍硬, 於是掄起佢把大關刀, 一衝衝埋去牆角後一斬斬左兩件。

呢下先聲奪人果然有用! 另外幾個人猝不及防, 又嚇親。關羽承機三兩下手勢就料理多兩件, 仲有兩件嚇到屁滾尿流, 緊係走夾唔抖啦。卞喜眼見不妙, 心諗早知唔好慳果少少錢, 請多幾個質素好d噶人來啦! 但係後悔都無用, 佢連走都走唔設, 就比關羽一刀斬死。

一路無話, 就到了滎陽關。呢度噶守將王植係韓福噶親家，不過佢不嬲同親家不和, 關羽斬死左韓福, 佢仲開心, 反正自己都唔夠關羽打, 不如做個好人放佢走仲好啦。佢接左關羽入城, 搵人幫關羽醫左箭傷, 安排晒房間比佢。不經意之下見到關羽兩個嫂嫂, 嘩! 當堂腳都軟, 攪乜呢兩條女咁索噶! 唔怪得老頂曹操點都要捉佢地返去啦! 曹操攪唔成, 而家佢地送羊入虎口, 仲唔係我噶運氣? 哇卡卡卡卡..."

佢即時著手安排人手, 設埋伏, 裝陷阱, 佢汲取左之前果幾條傻佬噶經驗, 今次準備充足, 重重噶陷阱加上充足噶人手, 一定可以制服到兩位夫人....呀唔係, 係制服到關羽, 志在必得! 可惜呀可惜, 千算萬算, 算不盡一點疏失, 日防日防, 防不住那一個 -- 家賊! 王植有條O靚叫胡班, 知道左王植噶企圖, 睇唔過眼, 偷偷地通知左關羽, 關羽知道之後緊係大怒啦, 不過佢唔會蠢到同自己條命仔過唔去, 三十六計, 走為上著!

憑住胡班引路, 佢避過晒d危險, 順利出關。王植知道事情敗露, 覺得好唔抵, 明明到手噶肥肉竟然飛出左佢五指山! 男人有時諗野真係用下面唔經大腦, 當佢諗起果兩位夫人噶豐姿, 佢就咩都唔理, 決定帶埋人馬去追! 一眾人馬唔使幾耐就追左上來。只嘆一聲英雄難過美人關, 狗熊都係難過美人關, 佢追到忘形竟然一馬當先就衝左過去, 都無諗過自己幾多斤兩。關羽本來都一肚氣出唔到, 而家王植自己埋來佢仲唔將D怒氣發係佢身上? 無錯, 發晒係佢身上, 佢揮刀連斬, 王植就俾佢劈開左幾份, 玩完。其餘噶兵丁見到呀頭瓜左, 緊係一哄而散啦, 於是關羽又過一關。

終於都來到最後一關。太守劉延知關羽到左, 親自去接佢。
"關先生, 你一路過關斬將, 其實我都唔應該放你走架啦, 不過我知我唔夠你打, 我唯有照普通程序來做啦。而家你無身份証無passport, 我照幫你登記左先, 第日有咩事再通知你啦。"
劉延抄底晒關羽噶生辰八字, 所有資料, 摸一奏關羽隻手, 諗, "呀...好大隻大手, 好堅壯噶大手...如果可以係我身上..."
關羽感覺到唔對路, 竟然係一個攪基太守, 救命呀! 佢即時就話, "咁多謝晒, 走啦!"
關羽一行人總算照做左過關手續。

臨走果時關羽問, "前面有條河, 老哥可唔可以借條船比我過河呢?"
劉延心有千絲萬縷噶念頭, 但係又點可以講出來呢? 佢因愛成恨, 得唔到, 唯有放手, 但係又唔忍心殺佢。
"我做晒好人比你過關啦, 你仲諸多要求? 仲要我借埋船比你? 你唔好要我貼埋大床比你娶老婆呀笨?"
關羽知道自己理虧, 難得過到關, 就算食左一面屁都算數, 去到河邊先算。

來到河邊, 已經係就快要去到佢劉大哥附近了。只見一個將領坐左係一條船上。
"關羽, 我係度等你好耐啦。"
"你係咩人, 你係咪要借條船比我?"
"關羽, 條船借比你, 不過租金係你條命! 喝!"

果位將領秦琪手執三尖八角槍, 來勢洶洶, 槍勁捲起沙塵, 直撲關羽! 關羽旋轉大刀, 刮起刀風, 迎向秦琪!
啪啪啪啪啪啪鏗鏗鏗鏗鏗鏗鏗鏗啪啪鏗鏗鏗鏗鏗啪啪啪啪啪啪鏗鏗鏗啪啪鏗鏗鏗鏗啪啪啪啪啪鏗鏗鏗鏗鏗!!!
鏘!!!!!!

雖然只係交手得好短時間, 但係兩人已經過左無數招, 甫合, 即分。
秦琪跪底。
"好厲害...噶功夫...我諗住自己已經練到爐火純青噶武藝...可以匹敵當年噶呂布...可以出來幫曹大人打江山...點知..."
"小子, 你噶武功都好唔錯, 不過同當年噶人中呂布仲有差距, 你返去再練十年啦。"
"哈哈哈...我已經到左極限, 唔可以再進步架啦...既然係咁, 我留係呢個時代都無用..." "啪!"
秦琪被劈開一半。
"妖! 諸多聲氣, 阻住晒, 要死就快d死啦!"
關羽於是就同兩位嫂子上左船, 成功投奔大哥了。

後記
話說關羽終於去到袁紹根據地搵劉備, 佢去到關口。
守城士兵問, "身分証, passport。"
關羽當堂啞左, 心諗, "敝, 無帶添!"
於是就答, "無喎。我係關羽關雲長, 我係來搵劉大哥劉備噶, 快D放我過去!"
"身分証passport丫唔該。"
"喂喂喂! 你又來呢套? 我係關羽呀, 你連我關羽都唔認得, 你點出來撈架!"
"身分証passport丫唔該! 你連身份証都無, 我點叉知你係乜水呀! 個個都認親認戚, 咁我咪唔使做? 下?! 我照足程序做野架, 我係唔放你吹呀? 我啤~~~~"
"我頂~~~~~~~~~~~~~~~~~~~~~~~~~~!!"

完

五月八日-- 雜記

3/5(二) -- 收工後上堂(德文d數字果然難XD, 不過我上完堂就已經記得了, 其實我真係應該讀文科 =_=); 上完堂後好累(應該話本來全日都好累), 所以快食飯(君滬, 都OK喎, 尤其個酸辣湯)之後返企。

4/5(三) -- 同熟噶同事們(日安, 盧撈, Mandy, Amanda, Carol, 呀Yo, Yee, Charles, 呀衛, 呀珊同佢老公呀健)不定期gathering, 去Cafe 8 degree食buffet慶祝呀珊生日, 個buffet都幾好味呢~~

1. 當日對大家最shocking噶news係呀Yee今年結婚, 平時收收埋埋, 大家連佢拍拖都唔知~~ 原來拍左7年拖啦~~~

2. 走果時見到金剛(大隻+成套老西)同洪天明(高), 幾型呢~~

5/5(四) -- 收工同同事們(呀叻, Yee, Penny, 盧撈, 植, 齋, 呀黃)係君傲灣歡樂羽毛球, 好開心: 好近~~ 入到TKO食左Burger King先, 之後集齊人(大家係唔同地方食)上去打波; 成班人一齊玩好開心呢~~ 如果之後有得keep住打就好了~~

3. 今日輪到催時同學陣亡了...

6/5(五) -- 今日Barry佢地同呀Mak慶生, 不過約左魷魚在先; 同佢係新世紀老富昌食飯, 個名成間茶餐廳咁, 原來係西餐 XD 不過d野都幾好食喎, 尤其係個豬肋骨, 十分OK~~ 食完之後諗住去采豐行入貨, 點知去到8點35分, 人地原來8點半收工, 頂~ 之後同魷魚散左就返返去新世紀潮風join返Barry佢地, 佢地9點都未開始食 XDDD 之後就同佢地吹水(我無食野), 到咁上下就散了。順帶一提, 果間潮風d野真係唔多得, 但係好平, 估唔到新世紀有呢D地方 XDD

7/5(六) -- 臨時約左催時睇早場"關雲長"; 之後返企抖同hea, 訓左下; 晏少少Sam入左來TKO搵我7點幾走; 夜晚無同催時食飯; 上網見到貓姐,8點半臨時搵左佢出來MK, 9點幾係朗豪坊食左d野, 終於拿返係台灣果時借比佢噶4GB card了~~~!!食完野就返企了。

4. 聽催時同學講左好多佢d野(仲有有關T先生噶野), 真係有d嚇人。

5. 關先生劈友記: 又一顛覆三國"演義"之作; 近年愈來愈多作品以另外噶角度寫三國, 更加多人平反曹先生XD; 不過全套戲文戲同打戲好似2邊都唔拖唔水, 節奏亦有少少慢, 文戲想表達好多野但係又唔夠喉(尤其唔熟歷史背景噶人會唔識), 打戲又唔係真係十分多到打到飛起, 所以有少少兩邊不討好, 條"愛情線"更加係騎呢同薄弱; 姜文仍然好交到戲, 宇宙最強都係負責打果part, 唯一最要交戲個位係全套戲最好笑噶位, 真係忍唔住笑; 另外, 戲入面好多個男子漢都好型仔。

6. 本來係睇之前都係諗左個三國噶玩野故仔, 又係用同一段過五關斬六將, 而家唔多想寫了~~

7. 星期日噶凌晨發左個騎呢夢, 係夢入面又係走來走去又搭車又盛好累; 最後去左間"啟田小學", 係夢中竟係係大陸同HK邊境, 奇奇怪怪 @@"; 不過起身真係覺得累 =_=

8/5(日) -- 呀Mak生日快樂!! 早上去維園打波, 超耐無打, 好唔掂, D波射極唔入, 連籃底都炒粉, layup都唔入, 好彩最後好返d~~~ 同佢地食完飯後同民仔+擇茄三個人慢慢行去北角, 行左炮台山模型鋪同埋北角奇趣, 之後去左阿鴻小吃買左鹵水鵝返屋企加"食送"; 臨時約左Temp014係TKL食tea, 之後過埋坑口食聰嫂, damn fat! XD 再次感受到可以隨時約熟噶街坊出來食野吹水噶感覺, 太好了~ 晚上返企食飯, 個鹵水鵝堅好味~~ 晚上對手臂開始有d痛(紅晒)同有少少起泡, 睇來係曬傷左了。

8. 有連續三、四天的假期真好~~~

9. 夜晚係屋企煲Eason同蜢蜢噶concert, 好鬼正~~

10. 天才的課題(櫻木花道?): 1. 來緊真係要減少自己噶食野同埋少D去街(肥左啦), 仲有2. 要少d同朋友(女仔?)食飯(避忌d+多d返屋企食飯); 為自己定下目標, 學某人咁, 俾個叻自己先~~~ :D

來緊:

12/5(四) -- 4仔旅行團pre-trip gathering
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯
19/5(四) -- gathering w/ TKO buddies @ 點好味
23/5(一) -- 毛毛球

完

貪

貪

每個人也會有貪念。除了第三世界國家的人們, 還在追求基本的溫飽, 我們這些生活於大城市的人, 基本上都會有高於基本生活需求的欲望, 而人們要進步, 不多不少也是因為有欲望或者貪念, 才會去努力爭取。其實以前也寫過有關欲望的, 因此這次也不是談人的欲望, 是想寫有關人對愛情/關係/愛人的"貪念"。

現在的人一般拍拖, 也是"貪"對方的一些"好"吧。貪錢, 貪靚仔, 貪別人的關心, 貪被愛的感覺, 貪就手, 貪對方性格好, 貪對方叻...等等, 總會有一些優點去使人被吸引到。現在的人也好像愈來愈容易拍拖, 只要不是三頭六臂悟空八戒模樣的(或者即使是也好), 也會拍到拖。人們很容易便因為一點感覺, 或者某一些優點, 便走在一起。

人的相處, 是一種哲學。兩個人一起, 固然不可能預算以後會發生什麼事, 但起碼基本的價值觀要相同, 大家知道對方要的是什麼, 有足夠的了解, 才會有較好的根基吧?

本來想寫多些關於關係之中有關"貪"的事情, 還有自己貪的是什麼, 不過突然很沒有心機, 就此停下算了~~

完

五月二日 -- 雜記

26/4(二) -- 收工之後去上堂, 上完堂食飯後返企。

1. Dunno why suddenly think of many things, super unhappy, it hurts. (and it last through the week)

2. 上完堂食飯時見到好大隻甲由, 超核突; 諗起進入左春、夏天, 呢d死野又開始走出來了, 討厭!

27/4(三) -- 講左好~~~~~~耐了(上年噶事), 要同Queenie去西環"加拿大"食飯, 終於都去得成。收工搭Van仔去(原來KT有van去, 都好dd, 唔使MTR轉巴士煩死), 質素同價錢都OK keep到; 食完搭van返KT, 好快, 反而等巴士返屋企等左2個字 =_=

3. 多謝Sam送的headset, 終於有得正常咁聽返歌 @_@

4. 幾無啦啦地, 014比左佢個blog address我; 都幾開心呢, 雖然本來都熟, 但係以佢咁會有d收埋噶人來講會比個blog人, 証明我又儲多張朋友牌, 開心 ^_^

28/4(四) -- C妹生日快樂; TKO Buddies Gathering @ 匠(坑口), d野ok啦, 唔算好標青; 之後Sam來找我。

5. 已成為Rockman ZX Advent噶expert(好無聊), 而家最難level打最後大佬竟然可以只用subtank就夠贏; survival mode連打14隻大佬都游刃有餘, Oops~

6. 我要砌多d模型, 快d清貸~~

29/4(五) -- 收工返企食飯, 砌模型。三國傳來講已經砌左超過一半, sehr gut。

7. 食完飯同呀爸過左去搬洗衣機, 都幾重呢。

30/4(六) -- 臨時約左催時同學去Neway, 唱早K(APM)! 早K加上自己一直仲有d咳, 都係唔多盡興(都好過之前同Rhian佢地唱)。之後先返屋企, 下午hea with Sam and dinner@牛涮鍋。

8. 唔知點解全日都覺得好累, 好無精神個人又軟LaiLai。

9. Sam經過一輪長時間噶轉來轉去之後, 決定辭工(暫時)。

10. feel bad after long chat at night

1/5(日) -- 下午係Kt join埋民民一齊去青衣呀Ben屋企(海欣花園), 幾個中學同學一齊(我, 民同女友FF, Ben同佢老婆Amanda, 孖星同佢老婆同BB, 皇帝, 摘茄)傾下偈, 玩下BB, 同一班熟人一齊噶感覺真係舒服同開心。夜晚食飯同埋玩牌(一個新噶cardgame同埋鋤D), 到12點島走。去到巴士站先發覺漏左野, 返轉頭拿, 可能會走尾班車; 結果拿完之後勁走去巴士站, 0:25am趕到上左0:20係總站開過來噶尾班車, 噓~

2/5(一) -- 之前果晚好夜訓, 第日成點先起身(好耐無試過咁晏起身); 下午同Sam去左中環, 食個tea同吹水, 之後搭叮叮去灣仔太源街同188睇下玩具, 吃左蛇羹(本來o岩o岩呢個冬天諗住要食而家先食到), 之後我MTR去太子打毛毛球9-11。好耐無打波, 好開心呢~~

11. 珊姐生日, 成班fnd同佢慶祝, 無去到。

12. 假期中都砌左幾多隻模型呢, 不過原本預算係會砌多d的。

13. 係時候要練返下車了。

14. 要慢慢習慣同改變下生活, 畢竟唔係單身, 要慢慢習慣減少下約其他朋友出街(自己真係好多fnd, 約d都已經full晒成week); 仲有要多d返屋企食飯...

15. 明顯地感到呢排身體麻麻地, 要休息多d同埋要解一解熱氣。

16. 最終都無去Lego展~

來緊:

3/5(二) -- 上堂
4/5(三) -- buffet gathering with colleagues @ Cafe 8 degree
5/5(四) -- badminton in TKO with colleagues, so happy

16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯
23/5(一) -- 毛毛球
30/5(一) -- 毛毛球

完

四月二十五日 -- 雜記

18/4(一) -- Jenny來港, 由於佢無得早收, 所以會晏; 差唔多9點入到來TKO同佢食樓下魚米家。

1. 記: 今日係公司同鵬鯉傾開"志明與春嬌"入面噶千Fa, 佢突然扮千Fa"你想約我呀? 你想約我呀?"果下, 超似, 爆笑XDDD

2. 魷魚最終都係...頂唔住。最終都係解決左...希望佢之後可以順順利利, 同埋可以開心啦。

19/4(二) -- 呀叻之前都話有事唔上得堂, 到左今日仲病埋添。公司好少人, 爆悶, 好累好眼訓, 有D想唔返學。最終都照去上堂, 上完堂同呀源係返新蒲崗(下午叫左佢)食馬拉‧棧, 之前同叻同佢男友食過都OK呢。之後Samantha來找我。

20/4(三) -- 下午係Jordon上堂(公司報果d"how to convey unwelcome message咁上下"), 之後順便同Carol食飯(Carol都有份上); 行左下In's Point之後食壽司, 食完再行下信和後返企。

3. 今天出左VP, 好耐無試過一出糧出咁大舊錢呢~

4. 開始有d唔係好舒服。

5. 其實一直以來, 想要的只是簡單的信心、沒有ignorance, 仲有少少噶希望, 可以傾住電話訓...

21/4(四) -- 好唔舒服, 不過都無SL; 收工返一返企再出去同Samantha食飯。

6. NDS Rockman ZX Advent個survival mode, 終於比我攻破左啦~~ 覺得自己好叻呀~~

7. 014同某人一齊睇3DXX團, 哇卡卡。

22/4(五) -- 一連四日Easter Holiday第一日; 早一日約左虎媽同Yan中午係油麻地唱K(個喉嚨超唔舒服所以唔係好唱得, 亦都唱得好少, 呀Yan係日本讀完書返來之後都未見過佢, 好耐無見呢; 之後虎媽返工, Yan同我去TST行玩具開倉, 好多平野呀~~~ 不過都無買!之後去TST Vietnam野坐底食D野, 傾左好耐偈; 佢雖然年紀輕輕但係思想好成熟, 比起好多大過佢噶人都識諗呢(其實識佢果時都係咁的了); 之後返屋企沖涼, 再出去同催時同學食晚飯。大家都累又唔多舒服, 結果佢入左來寶琳(近大家返屋企), 一齊食Saizeriya Italian Restaurant(意粉)同聰嫂之後散。

8. 開倉d野真係好抵, 其實有幾多野都ok想買, 不過又無話一隻真係極鐘意, 最終都忍手呢! 不過返轉頭諗, 有幾盒大盒噶BB戰士真係應該買的~~~ (PG GP01FB都好抵!)

23/4(六) -- 諗住在家休息的一日; 中午同關老B傾開臨時約左係樓下寶盈食個lunch同吹水; 之後返屋企hea; 晚上又係臨時有約, 呀珊姐叫左我同ConnieMartin等一齊去佢家食飯, 到10點幾就返企。

9. 呀哥同準嫂嫂去左Macau; 係屋企hea同休息都幾好; 終於的起心肝開返舊機, 用白痴方法整返晒d bookmark link同埋newsgroups出來, 係返新機add返晒, 仲順手執返整理返好, 真係好呢~~

10. 聽某人評返佢睇噶3DXX團, 同高登果段野真係差唔多, 好攪笑, 不過真係爛片一套, 唔需要去睇了。

11. HG Gouf Custom上埋黑線了, 又完一隻, so good。

12. 竟然係MTR遇到Angel~~~

24/4(日) -- 中午12點島到左元朗join左呀進, 等左八婆一家好耐到點幾鐘, 一齊食晏, 之後去百鳥塔; 同八婆一家散左之後同呀進行左下元朗, 合益三間模型鋪竟然有2間無開 @@; 之後搭巴士出CWB, 同Cynthia去左阿貓地攤, 第一次去呢~ D貓貓都唔怕人, 十隻有九隻都係肥貓呢。D野食普通, 每位$100如果只係想去食野就唔使去了。食完本來想去CWB聰嫂, 點知都幾多人, 結果改左去炮台山舊居附近噶福元湯圓, 食完之後返企。

13. 今日突然諗到, Cynthia Wong個讀音同黃鋅花好似, Oops~

14. 原來呀哥今日都係未返來, 繼續獨霸空閨~ :D

25/4(一) -- 一連四日Easter Holiday最後一日; 在家休息; 中午又係whatsapp臨時同關老B一齊食飯, 係樓下BurgerKing, 都係聽佢呻下, 不過佢都清楚自己諗咩O既, 加油努力啦。晚上返企食飯。同埋執埋剩返少少噶bookmarks~

15. 再的起心肝噴BB金色件, 再砌左少少, good。

16. 呢個假期感覺好ok呢, 又有節目, 又唔累, 又relax, 又執左好多野, very good~~

17. Queenie返多個星期就去旅行了~ 真開心!

18. 有D野唔同左, 心情亦都會有唔同, Blog個版面都好耐無轉, 轉下啦; 雖然已經公開, 但又唔喜歡太揚, 不過朋友們要知噶都知, 要明噶都明, 都夠了~ 有D咩要問O既話, 我唔太識用口講, 用message/whatsapp/msn等等噶野問我啦, 唔會唔肯答的。

來緊:

26/4(二) -- 上堂
27/4(三) -- 同Queenie同佢老公Joe去西環"加拿大"食飯, 講左好耐了。
28/4(四) -- TKO Buddies Gathering @ 匠
29/4(五) --
30/4(六) -- BadEnd人飯局可能postpone來呢日?

2/5(一) -- 毛毛球
4/5(三) -- buffet gathering with colleagues
23/5(一) -- 毛毛球

完

想太多

知道自己的性格, 總是想得太多。就算有些時候似乎是像沒有想過而行動, 其實也是經過了過往很長時間的"想"而成為了預設的行動, 習慣性地知道要怎麼做。為什麼會這樣呢?

首先, 是自己的腦常常停不下來, 一定會一直在轉動, 總會在想著什麼, 如果真的不想去想什麼, 最少也得在腦海中唱著歌, 一直播放, 從來也很難得有空白的時候。而且自己的腦子會不停地跳躍思想、聯想, 會突然想到很遠、很不關事的東東上。這些全部加起來就變了一個無限的宇宙。不過, 這樣並不等同轉數快不快或者想像力豐不豐富, 只是會不停亂想罷了。

腦子的能力如是。經歷和習慣也會受到影響。小時候不能出街遊玩, 在家也不能看電視, 沒有遊戲機。每天除了上學還有放學回家溫書做功課之外, 休息時間也沒什麼可做的。因此我最大的娛樂除了看書之外就是"想" - 幻想、聯想、一直想。拿著家中謹有的玩具車、公仔去想故事、想情節。

我爸爸也是會想得多的人, 而他的"未雨綢繆"似乎有點過了份, 有時會想得太負面太遠。或許也有受了他一點影響自己也會這樣。自己算是樂觀正面的人, 對著家人朋友有事發生, 總會儘量鼓勵一下, 讓大家可以正面一些。不過當自己有事沒事的時候, 反而有時會想得很負面, 很害怕呢。

小時候住的地方家中有祖先的畫像, 單位外的公眾地方又有暗位, 總會很害怕地聯想到有鬼。人漸長大後愈來愈不怕黑, 反而怕死。之前有一段時間, 身體出現一點問題就會覺得是否有嚴重的病呢? 是否隱藏了不得了的大病呢? 之後會想到死了會怎樣呢? 其實自己並不很怕下地獄的。因為有afterlife的存在, 就代表的的意識會在, 就算受苦也好, 仍然"存在"。如果死了就什麼都沒有了, 那感覺好可怕呢。總之, 就是這樣胡思亂想。

再大一點, 人生經歷一點點的累積起來, 看到很多很多人間不好的事情, 有時可以看穿對方的謊言, 或者隱藏的不好的意思。人性真的很醜惡, 包括自己也會有時有很可怕的想法。因此其實對"人"、"愛情"等等的感覺頗為負面, 也因此很沒有安全感。

對於自己的"想太多", 可以讓自己開心、驕傲的倒也有一、二事。第一便是由於自己有想得多的能力, 有時對家人朋友的事倒還算上心, 大家有問題、煩惱等等的時候, 我倒也可以從很多不同角度去解釋、安慰一下, 或者可以幫忙解決問題。有時候也頗為細心, 想到一些別人想不到的重點, 總算對人有點幫助吧?

另一樣覺得自豪的, 是我從中學時期起想的一個故事。雖然並不是什麼大作, 就只是一個普通的武俠故事, 但整個故事的大綱尚算嚴謹。自己喜歡的尤其是人物設定, 除了主角之外所有配角敵角忠角奸角數十人(還是已經過百?)都有詳細的人物設定(當然還有自己的手稿畫下了他們的外貌裝扮)。自己很喜歡想故事(平時在Blog中也打了不少), 所以很喜歡這個長篇的故事呢! 不過由於太長, 也不會打出來了。就由得它留在心底吧。

其實每件事都總有好處有壞處, 視乎觀點與角度。"想太多", 也一樣有好有壞, 希望自己可以把它調節得剛剛好, 不致於對自己有壞的影響吧。

完

醫院

生、老、病、死。似乎醫院同人生呢四大(幾乎)必經之路最大關係。

自己三十年人生之中, 諗諗下原來都去幾多醫院, 而所幸噶係近年都好~少去。唔好睇我而家肥獅大隻, 細個果時其實我體弱多病, 係藥罐來。果時呀媽或呀爸成日帶我去東華東院睇醫生, 成日都要食藥(因此我都練成左可以唔飲水一次過生吞乾啃幾粒藥丸噶特技)。不過好低能地果時去醫院果d時間又幾開心架喎, 因為細個無得去街又無得玩, 可以同呀媽搭電車到銅鑼灣再行過去醫院, 可以出下去行下, 都有少少開心架~

而其中一次好深刻印象, 就係細個有次又病左, 個天氣好凍我係咁咳同流鼻水, 好辛苦。同呀媽睇完醫生之後行返出來, 經過果時噶美心(仲係用緊紅綠色logo架), 入去食d野(細個好難得係街外面食野架), 之後呀媽叫左杯熱檸樂, 細個正常係會飲凍噶可樂噶嘛, 佢叫個熱噶仲要加檸, 對小朋友來講好怪, 但係佢話飲左會舒服d, 於是就飲啦, 點知真係舒服d仲好好飲添! 好記得呢件事呢!

另外對於小朋友來講, 就係細個一年一度噶牙科保健啦; 不過我除左牙之鯡, 爸爸以前keep住會同我睇眼, 因為屋企人眼都唔太好, 要一直keep in view; 仲有有幾次去照肺, 因為呢個係我細個成日病噶原因呢。

隨著長大, 自己係中學時期開始打波, 身體好過細個果時, 就開始少去醫院了。大個左之後都少左病, 有事都係受傷多(睇跌打), 有段時間仲有去做物理治療添。而家如果有病都係去診所睇, 好少再去醫院了。反而有幾次係去做body check, 係返大陸做, 果時已經覺得而家內地好多野都係先進同文明左好多, 唔似得好多HK人有bias的

近年最唔好又有關醫院噶事, 就係幾年前呀媽同呀爸分別要入院留醫。果時都好擔心下, 而且屋企都好多野煩。果段時間就有去多左醫院, 真係好唔好噶事來呢。好彩後尾屋企人都無咩事。反而之後有次自己發燒發到去睇急症呢。 =_=

到左呢2年, 去左幾次醫院都係因為呀Mak, 之前係佢老婆生左BB, 探佢生左幾日噶B女, 丁左上年就係因為佢傷左個背脊入左院, 要探佢; 估唔到近果幾次都係因為同一個人而唔係同一件事而探佢呢。

希望來緊都無咩機會去醫院, 大家健健康康啦! 不過如果有朋友要生BB要我去探又唔拘呀! 哈哈

完醫院

生、老、病、死。似乎醫院同人生呢四大(幾乎)必經之路最大關係。

自己三十年人生之中, 諗諗下原來都去幾多醫院, 而所幸噶係近年都好~少去。唔好睇我而家肥獅大隻, 細個果時其實我體弱多病, 係藥罐來。果時呀媽或呀爸成日帶我去東華東院睇醫生, 成日都要食藥(因此我都練成左可以唔飲水一次過生吞乾啃幾粒藥丸噶特技)。不過好低能地果時去醫院果d時間又幾開心架喎, 因為細個無得去街又無得玩, 可以同呀媽搭電車到銅鑼灣再行過去醫院, 可以出下去行下, 都有少少開心架~

而其中一次好深刻印象, 就係細個有次又病左, 個天氣好凍我係咁咳同流鼻水, 好辛苦。同呀媽睇完醫生之後行返出來, 經過果時噶美心(仲係用緊紅綠色logo架), 入去食d野(細個好難得係街外面食野架), 之後呀媽叫左杯熱檸樂, 細個正常係會飲凍噶可樂噶嘛, 佢叫個熱噶仲要加檸, 對小朋友來講好怪, 但係佢話飲左會舒服d, 於是就飲啦, 點知真係舒服d仲好好飲添! 好記得呢件事呢!

另外對於小朋友來講, 就係細個一年一度噶牙科保健啦; 不過我除左牙之鯡, 爸爸以前keep住會同我睇眼, 因為屋企人眼都唔太好, 要一直keep in view; 仲有有幾次去照肺, 因為呢個係我細個成日病噶原因呢。

隨著長大, 自己係中學時期開始打波, 身體好過細個果時, 就開始少去醫院了。大個左之後都少左病, 有事都係受傷多(睇跌打), 有段時間仲有去做物理治療添。而家如果有病都係去診所睇, 好少再去醫院了。反而有幾次係去做body check, 係返大陸做, 果時已經覺得而家內地好多野都係先進同文明左好多, 唔似得好多HK人有bias的

近年最唔好又有關醫院噶事, 就係幾年前呀媽同呀爸分別要入院留醫。果時都好擔心下, 而且屋企都好多野煩。果段時間就有去多左醫院, 真係好唔好噶事來呢。好彩後尾屋企人都無咩事。反而之後有次自己發燒發到去睇急症呢。 =_=

到左呢2年, 去左幾次醫院都係因為呀Mak, 之前係佢老婆生左BB, 探佢生左幾日噶B女, 丁左上年就係因為佢傷左個背脊入左院, 要探佢; 估唔到近果幾次都係因為同一個人而唔係同一件事而探佢呢。

希望來緊都無咩機會去醫院, 大家健健康康啦! 不過如果有朋友要生BB要我去探又唔拘呀! 哈哈

完

四月十七日 -- 雜記

11/4(一) -- 收工同威威Mandy食SSP果間"添好運", 竟然4月都仲有我噶生日飯食哈哈(多謝)。添好運SSP店; 由於個名頭太響, 因此expectation要高d~ 但係SSP店明顯係名大於實, 唔知MK原店係咪真係好好多呢(連個老闆自己都話SSP店係差d)? 以唔使等位來講, 都ok噶, 不過真係名大於實咯(但係都抵去噶)。

12/4(二) -- 收工上堂。落堂食之前"Cass新蒲崗推介"2噶叉燒, 個味道OK, 但係好硬好鞋 =_=, 唔知係咪因為晏呢? (之後聽到人叫外賣果時話要淋叉燒喎, 會唔會有關係呢?) 一日兩餐都飲燉湯, 好潤哈哈。

1. 同魷魚傾左好多佢d野, 真係估唔到係咁呢。希望之後不論點都好, 佢可以快d解決左問題同埋開心啦。

13/4(三) -- 收工返企食飯。

14/4(四) -- 收工約左Samantha; 去左SSP行m 再過MK, 一次行晒福利、福榮街、綠野仙蹤、星際、信和、In's Point, 有排都可以唔使專登行街睇玩具了(而且都好累), 之後等到9點幾佢收工來到Mk食壽司。

2. 經歷一連串意外之後, iPhone個headphone唔掂了, 要買。我真係headphone destroyer呀~ =_=

3. NBA常規賽終於都完左啦, 來緊係季後賽! 今年唯一最大希望係Heat比人打走左先! 之後都無咩特別邊隊係好唔鐘意的了~~ 比較想champ噶有Lakers, Spurs, Mavericks同Celtics, 之後再次一等噶係Bulls同Magics, 其他都係唔好啦。

4. 又有朋友raise up話我多女性朋友噶問題, 其實只不過係錯覺, 應該話我男、女性朋友都多; 不過感覺上女性比較會share自己心事或者comment好多細緻野, 先會留意到好似女性朋友多d姐(我一樣有好多男性朋友會搵我傾心事啦); 另外, 又諗起另一個朋友話我識咁多又對個個都好, 其實係個個都試下, 如果我真係個個都試下就唔係咁啦; 事實上我覺得同男或女性朋友都好, 有好朋友噶感覺真係好開心, 唔係酒肉朋友, 而係真係會sharing同care噶朋友; 而且, 我覺得自己寧願同d女性朋友係好朋友多過轉變左個關係呢(不過實有人會話咩鐘意攪曖昧, anyway呢d野不足為外人道了)

15/4(五) -- 約左好耐噶白田同事Gathering; 之前誓神劈願話一定會來噶Spenser再放飛機, 佢已經連續N次放飛機, 已經有成年幾時間之間所有gathering都無來了。同Puzzle呀Man呀Wing食灣仔橋底辣蟹, 雖然幾好食但係我覺得貴貴地(個蟹); 食完吹下水後散。

5. 今日輪到我做belated survey team, 原來我真係好旺場, 之前幾日都無咩appointment, 到我要做就有, 仲要出左去之後再加一隻, 哈哈哈。不過公司唔多野做, 出下去都好, hea下同埋吹水, 仲可以攪埋自己要攪噶野呢。

6. happened and happened again, sth I dislike, make me down and low confidence

16/4(六) -- 同催時同學睇早場"隱婚男女", 亦同佢傾左一下; 之後唔join姑姑果邊噶BBQ同話劇班呀輝噶K局; 去左RC探班, Karen同Sandy係度, 於是同佢地食lunch, 走左去買新境界外賣返來同佢地食; 食完返企抖, 沖完涼一訓訓死到食晚飯, 太累了。

6. "隱婚男女" -- 個故事鋪排一開始就有dd問題, 同埋個方向好明顯。不過我覺得個劇情一路落都叫ok合情理(我會建基於佢本來個assumption係"對"噶來諗); 個結局都唔太難估, 但係亦都係鋪排得麻麻地(應該話個結尾其實收得差)。葉念琛始終都係廖化級數呢(同埋今次要賣去內地, 所以無"葉念琛式"結尾)。演員方面當然係OK, 本身睇都係為左睇劉若英同Eason。估唔到噶係庾澄慶個角色, 雖然係做得ok但係好唔夾一哈哈。

17/4(日) -- Gordon結婚擺酒要做兄弟; 全程都係跟返一般normal噶procedure, 所以唔係度詳細講了。12點島散水。

7. 係facebook得知一個唔係好熟噶朋友的好好朋友係交通意外(屯門果單?)中過左身, 好難過呢。 8. 呀哥定左日子擺酒了。

來緊:

18/4(一) -- Jenny來港, 同佢食飯

19/4(二) -- 上堂; Nat有事唔上得。

20/4(三) -- 下午上公司果d堂, 之後順便同Carol食飯?

21/4(四) -- 同Sam食飯

22/4(五) -- 一連四日Easter Holiday

28/4(四) -- TKO Buddies Gathering @ 匠

30/4(六) -- BadEnd人飯局可能postpone來呢日?

2/5(一) -- 毛毛球

完

收埋

在廣州城的大街, 民眾仍然如常沉浸在炎熱的太陽之下。行人、馬車、人力車等等在穿梭來回, 好不熱鬧。街上車水馬龍, 亦有著各式各樣的攤子在擺賣各類貨品。

陳六也在攤子堆中擺著他的小食攤子。他在半年之前已經部署好, 在這兒擺起攤子來, 慢慢的融入社區當中, 以免突然的打草驚蛇。大隱隱於市, 在大街上擺放攤子, 最適合作觀察, 他一直觀察著四周的人群及來往經過的轎子、馬車。

陳六是京城的密探。他的武功雖算得上是好手, 但絕對不是一流高手之列。使他能成為一個成功密探的是他超卓的觀察力、分析力, 追蹤能力, 易容的技術等等。在半年前他們收到消息, 反叛軍將會聯同附近的山賊在此起義, 廣州城離京城如十萬八千里, 山高皇帝遠, 如果情況一發不可收拾, 會很難控制局面。因此派了他來掌握情報, 儘量在未成事之前就把火種撲滅。

半年來, 他走遍廣州城角落, 跟不同的人打交道, 卻得不到半點消息。莫說反賊, 連小偷也不常見。比起京城那些中原地方, 南部的民風淳樸很多。這段時間在廣州城的潛入調查, 對他來說反而是優差一份。

其實他有點累了。半年來在這兒的擺賣生活, 使他學會了平凡, 學懂了平淡生活的樂趣。他已經厭倦了每天在刀頭上過日子的生活。他從前改過很多名字, 已經幾乎忘了自己的真正名字是什麼了; 他覺得這兒的生活很適合他,即使沒有朝廷的奉祿, 他在這兒賣小食也足夠他的生活費, 何況他還儲了那麼一點錢, 該可安安穩穩的過下半生。他習慣了一早起床, 準備小食攤子; 習慣了每天跟熟悉的鄰居、攤販談天說地; 你喜歡上那繡莊的姑娘花貓兒, 想跟她共渡餘生; 他完全融入了這個地方, 唯一學不好的就只是廣州話, 口音總是有很大差別。

他決定把這次的任務完成, 然後趁自己還算年輕就告退隱了。最近他收到消息, 反賊開始有小動作, 因此這幾天他特別的留心, 看看有沒有異狀出現, 他深信自己的眼光, 如果有問題一定會被他發現。

中午時份, 毒辣的太陽彷彿想盡情地放射他的熱力, 街上滾燙燙的, 人們都不想停留太久。在這些時候, 城門的守衛總會較為鬆懈。就在此時, 他留意到有陌生的臉孔從城門的方向走過來。三名漢子沿著大街走, 他們應該是從外地來的, 不論相貌還是衣著都很陌生。不過內行人一看就知道是會家子的, 而且武功還相當不錯。

在中央的漢子像是他們的首腦, 樣貌溫文, 身佩長劍, 感覺更像是公子哥兒, 不過氣定神閒, 步伐平穩, 反而可能是武功最高的一個。左邊那人生得一副乾枯的模樣, 眼睛瞇成一縫, 可是睛光閃爍, 也不是等閒之輩。右首是個大漢, 肩高膀闊虎背熊腰, 典型肉盾型戰士, 給他纏上可十分麻煩。這三人一定大有來頭, 看來要早些收檔, 跟蹤一下。

就在陳六想收攤子的時候, 那大個兒卻徑直向他走過來。陳六不禁流下冷汗, 難道已經給別人識穿了, 看出他身負武功? 他暗暗把手伸進背部衣擺, 握著他的刀, 準備隨時發難。可是就算他突襲成功, 放倒一個, 他有能力在另外二人聯手夾擊之下全身而退嗎?

"收埋!!" 大漢向著他大喝。陳六緊握刀的手本想抽出, 卻因此大喝不禁縮了一縮。機會稍縱即逝, 他會不會就這樣錯失了自救的機會呢? "收埋!! 收埋呀!!" 究竟大個子想怎樣? 是想警告他不要抽刀, 還是想威嚇他? 不論如何, 陳六覺得自己在這廣州城的平淡生活要結束了, 小命要緊, 放倒一個是一個, 他二話不說就抽刀而出, 打算先殺大漢!

變生倏起。

他抽出雙尖刀, 虛晃一下, 一腳就踢開了那大漢。 "裂!" 血光暴現。陳六背後、肩上、右腿著了刀、中了鐵彈子。不是那儒雅公子, 也不是乾枯漢子。

是他攤子兩旁的 -- 豬肉榮和糖果老張。還有麵檔的葉老闆和伙計小二歪七兒。還有鐵匠高山峰。 "我們一早知道有朝廷密探來了這兒了, 不過一直查不出是誰, 我們也不敢妄動! 不過真的想不到是你呢! 你隱藏得很好, 我們這麼久也看不出來! 可惜呀可惜, 我們身在不同陣營, 你這個朋友, 我們會記著你的。 "今天非要在這裡殺掉你不可, 我們已經曝了光, 而起義的事也已經差不多準備好, 不可以被你破壞!"

陳六絕望地望著一張張熟悉的面孔, 再看看驚訝的儒雅公子, 沒有表情的乾枯漢子。他們是一路的? "媽的!" 只聽到那被他踢開的大漢叫道。"本大爺只不過想吃燒賣! 怎麼突然踢我! 媽巴羔子!" "南蠻子就是南蠻子! 咦, 怎麼突然變成這樣的?"

陳六望著他身邊被波及的攤子, 看著一地的食物, 還有那些燒賣...他知道他不可能跟花貓兒共諧連理了... "收...埋..."

完

**********

朋友給的題目, 一下就想到了整個故事大綱。以上就是本來的設想, 不過後來愈寫愈改變了主意, 改了下半部份, 應該是比較開心的結局吧? 看倌們請看以下。

**********

(續"變生倏起"前)

變生倏起。

先說那大漢, 他總算武功不弱, 險險避開了陳六的一刀, 可是避不了陳六順勢的一腳, 給踢得向後直倒。陳六兩旁卻已經夾擊而來。不是那儒雅公子和乾枯漢子, 是他攤子兩旁的 -- 豬肉榮和糖果老張!

陳六抽出左手刀架開了豬肉榮的刀, 勉強的閃身避開了老張的鐵彈子, 一躍而後。他才發覺他已經被包圍了。原來一直以來跟他打招呼的街坊、一起開攤子的販子, 有些是潛伏著的高手! 除了豬肉榮和糖果老張, 還有麵檔的葉老闆和伙計小二歪七兒, 還有鐵匠高山峰。他們竟然一直潛伏在這裡, 他卻從來沒有發現!

可是, 為什麼?

"你們怎麼了, 為什麼襲擊我?!" "我們一早知道有朝廷密探來了這兒了, 不過一直查不出是誰, 我們也不敢妄動! 不過真的想不到是你呢! 你隱藏得很好, 我們這麼久也看不出來! 可惜呀可惜, 我們身在不同陣營, 你這個朋友, 我們會記著你的。 "今天非要在這裡殺掉你不可, 我們已經曝了光, 而起義的事也已經差不多準備好, 不可以被你破壞!" "受死吧!"

"原來你們就是反賊一黨...想不到呢..." 說時遲那時快, 那五人同時發動攻擊。豬肉榮的刀法既快且狠, 不過他還應付得來; 葉老闆和歪七兒似乎在掠陣, 還未出手, 高鐵匠身高個頭大, 拿著個大鐵鎚, 吃一下也吃不消, 最麻煩的還是老張, 總在空隙中發射暗器過來。

"噗!" "啪!" "!" 高鐵匠突然軟下身子來, 老張的身子如斷線風箏般直飛出去。想不到那強大的掌力是來自那乾枯的人那一對手掌, 把老張硬生生的打得直飛出去; 而那公子把劍從高鐵匠身上抽回來, 立即便攻向葉老闆; 他們在出擊之前連一點殺氣也沒有, 乾淨俐落!

陳六也沒有什麼時間再看, 他的雙尖刀要對付豬肉榮的砍肉刀。砍肉刀既厚且重, 加上豬肉榮的刀法既快且狠, 絕不能直纓其鋒, 否則他的尖刀會被劈爛。他連避豬肉榮五六刀, 愈退愈後, 眼看要退到牆壁了, 唯有出絕招吧!

"陰陽雙刀!" 手上尖刀脫手而出, 直飛豬肉榮。豬肉榮眼明手快, 一刀把尖刀擋開, 另一把尖刀隨即從死角直射過來! 豬肉榮回刀一擋, 險險地擋下第二把刀。他心想: 哼, 放棄手上武器想爭取時間逃跑嗎? 一念未至, 再有兩把尖刀直飛而至! "鏗!鏗!" 豬肉榮總算一流高手, 接連把第三、第四把刀都擋下了。 "不愧為陰陽雙刀..." "噗!" 只見陳六已經手執第五、第六把尖刀, 把豬肉榮砍倒在地了。

陳六望過去, 只見葉老闆已經倒在血泊中, 那公子氣定神閒的看著戰局, 他在短短時間內已經收拾了葉老闆, 武功好高! 而那乾枯漢子仍然跟歪七兒纏鬥中, 歪七兒使用像麵條一樣的奇型武器, 又長又軟, 乾枯漢子武功雖高掌力雖強, 卻欺不近他身。

"媽的!" 只聽到那被他踢開的大漢叫道。"本大爺只不過想吃燒賣! 怎麼突然踢我! 媽巴羔子!" 那被陳六踢開的大漢爬起來, 一邊罵一邊直衝向歪七兒。那奇型武器掃中了大漢身上好幾下, 他卻像渾然無事般, 雙手一抓就把歪七兒捉著, 猛然一記頭錘, 把歪七兒擊倒了。

"什麼...? 原來你只是要燒賣!? 就因為燒賣我暴露了身份?!" "陳六, 你武功有進步呢。看來這半年來你沒有擱下練功呢。" "恭喜你! 任務成功了! 陳六, 雖然有點誤打誤撞, 但今次捉拿反賊的任務總算完成。捉了他們, 我們一定可以把他們的老巢和計畫都問出來, 一舉消滅!" "媽巴羔子陳六你踢我! 我跟你沒完沒了!"

陳六看著這幾位從京城派來的密探, 聽著那公子、乾枯漢子、大漢對著他說話, 哭笑不得。他竟然因為聽錯了"燒賣"而暴露了身份, 也因為他聽錯了而暴露了反賊的身份, 間接令他的任務成功了。不過暴露了身份, 他還可以順利退隱, 留在這裡嗎? 花貓兒還愿意跟他一起嗎? 街坊們還會接受他嗎?

他覺得一切也不重要了, 他可以鬆一口氣, 不用再收埋, 他決定繼續賣他的燒賣, 他決定鼓起勇氣向花貓兒提親, 他知道他的未來一定會很快樂很幸福。

完

**********

收埋 -- 本來想寫悲劇結局, 不過寫著寫著還是向了開心的方向寫了。而且本來想短短的就完, 後來突然好想寫一下打鬥場面, 於是就多了很多無謂的字數在"打交"的地方了, 哈哈。

每個人也都會收埋自己, 只是程度不同, 每個人都會有不同的東西會被收埋; 故事中"收埋"隱喻陳六隱姓埋名擺攤子, 也隱喻陳六有退引之心, 當然也開了"燒賣"的玩笑。

完