好無聊, 諗下d可以超級任up噶野先。
我諗無咩人未試過想像自己有超能力掛?不如講下呢d無聊野。(記得之前有個人好認同我白痴兼無謂, 所以提一提大家如果唔鐘意呢d題目就唔好睇啦)
感覺上呢個題目, 起碼都有多d空間比大家留言掛?
一諗呢個題目, 自己就即刻諗左一種最想要o既能力, 不過都係留返最後先講。咁不如就將諗到o既能力逐樣分析下我自己o既睇法啦。(不過寫寫下同講叮噹o既法寶都唔係差好遠...)
仲有, 大家係睇之前不如諗左自己想要咩能力先, 唔好比我影響。
**********
時間旅行 -- 之前都講過, 唔想去到未來, 人生就係有趣在唔知以後會發生咩事呢; 如果返到過去又唔會影響未來o既都OK。
飛 -- 細細個果時應該好多好多人都會想, 諗落又真係幾自由幾舒暢; 不過而家要小心飛機直昇機遙控飛機仲要小心埋d鏹水。
治癒能力 -- 呢個好好, 有咩受傷病痛只要運用能力就好得返, 幫得人又幫得自己, 唔錯呢。
手腳(或身體其他部份)伸長、變大(altenaltion of body) -- 好似...無咩好明顯o既實質用途...睇下咩部份咯...
千里眼、順風耳 -- 幾乎已經被科技代替(同飛唔同, 自身識飛同埋要乘搭d野來飛個感覺係唔同o既), 唔同o既係如果有呢個能力o既話可以係人地唔知o既情況之下就做呢。
力大無窮 -- 呢個社會都係慢慢走向知識型經濟架啦, 所以得鋪蠻力都發唔到達。除左打人好痛, 打波有著數之外, 去做搬運都好方便。不過, 就算幾大力都好, 都搬唔到座山, 大o既野始終都係靠機器唔靠人力, 所以都係小事來o既...
飛毛腿 -- 基本上同上, 都係係人生o既小處上叻左, 最多拿到奧運金牌。
透視 -- 諗到o既用處就係係賭場賭大細, 同埋可以見到人地o既裸體。
點石成金 -- 好實在, 但係唔多好玩o既能力, 不過有錢就唔會唔好玩; 不過唔可以太大量製造, 個價會跌呢。
Marvelous Super Hero的能力 -- 好多都係戰鬥用, 無咩興趣, 亦無咩好講; 用火用冰果d咪方便d, 唔使加熱、制冷咯。
隱身 -- 其實自身能力無咩提昇, 只係人地見你唔到, 係invisible, 唔係invincible, 即係入唔到o既地方都係入唔到(當然, 個能力運用得好, 都可以o既)。能夠係人地不知不覺做好多野, 但係拿住d野係手時, 會唔會果樣野都會唔見埋先?
變身 -- 就算其他能力幾犀利都好, 永遠用來用去都好單一下, 因此變身(Shapeshifting) -- 最多變, 多姿多釆o既能力, o岩晒水皮人呢! 想變左咩人都得, 只係感受下男同女o既唔同已經爭好遠了。而且"變身"仲包埋可以變成動物, 所以可以感受到好多唔同o既感受呢! 唔需要戰鬥力太勁o既能力, 呢個能力都夠做好多野, 想賺錢又得, 想贏運動打交又得, 想犯法都得添(就算擺明去搶野, 之後變個身就無人認得了, 嘿嘿)。所以如果選一種, 我會選呢種能力呢~~
完
p.s. 請大家suggest下仲有d咩能力, 或者自己想要咩能力啦
2009年6月12日 星期五
假如我有超能力
2009年6月11日 星期四
觀音兵
係網上見到, 覺得幾得意, 貼上來比大家睇下, 下面條link係轉載o既來源, 大家可以直接click入去睇。
http://evchk.wikia.com/wiki/%E8%A7%80%E9%9F%B3%E5%85%B5
**********
觀音兵來自香港俚語，用來形容某些男性為了追求女性，願意為該女性做各種事情，極為順從。後來此詞引伸至互聯網論壇等虛擬社群。男性成為觀音兵常被稱作「做兵」、「當兵」。被人崇拜的女性稱作觀音，即源於「觀音兵」一詞，觀音招攬觀音兵常被稱作「招兵」、「收兵」。而狗公則是一些不只對女性順從，還失去人類尊嚴且具攻擊性的男人。
觀音兵成因
- 對性的需求使他們失去理性。
- 社會對沒有女友的男性越來越鄙視，如毒男，引致他們不顧一切也要擺脫毒男的標籤。
- 抱著「人有我有」的心態而追求異性，要在朋友間炫耀。
- 對不公平的觀念沒有反抗心，對自己為奴為僕沒有羞恥感。
- 某些女性樂於「擁兵自重」，利用各種技巧吸引和留住觀音兵。
- 2000年代以後，由於香港娛樂圈、樂壇、模特兒界等，有不少年輕女性模特兒或偶像出現，吸引大量男性網民成為追隨者。同時自該年代起，數碼相機、具拍照功能的手提電話等電子消費產品普及，令男性網民可拍攝心愛女性，令不少男網民抵不住誘惑而成為「觀音兵」。
- 戀愛資本主義的一種表現。[1]
行為及特色
「觀音兵」指受虛擬社群中的女性用家、年輕女歌手藝人、女模特兒等(即觀音)吸引的人，尤以男性網民居多。其主要行為及特色有：- 崇拜該女性用家。
- 出錢出時間在所不計。
- 任勞任怨，任由差使。
- 對女性心存奢望，認為終有一天感動她。
- 於該女性用家受指責或騷擾時為其擋駕，或提供保護和協助。
- 為該女性用家的圖像、用語等作潤飾。
- 手拿數碼相機、或具拍照功能的手提電話，為女性用家拍攝或合照。
經常出沒的活動或場合
據不完全統計，「觀音兵」經常於以下活動或場合出現：- 觀音出席的商場宣傳活動。
- 香港動漫電玩節(ACGHK，每年7月尾至8月初)
- 香港電腦及通訊節(每年8月下旬)
- 香港電腦節/深水埗電腦節(每年12月或翌年1月)
- 亞洲遊戲展（AGS，每年12月下旬）
「觀音兵」出現的活動或場合，多是與動漫電玩(ACG)、電腦軟硬件、網絡遊戲、攝影器材有關。而活動主辦器位或參展商，正正是派駐觀音出席，除用以宣傳產品外，也吸引了眾多「觀音兵」狂攝觀音。故「觀音兵」某程度上是御宅族甚至是毒男的一種別稱。
兵種分類
引述高登會員白汁燴鮑魚的貼文[2]，「觀音兵」基本行為隨傳隨到是少不免，而兵種大致分類為：- 步兵：只能跟隨觀音任勞任怨，卻不能對娘娘做到什麼近身的事。
- 水兵／海盜：比步兵有錢，不斷送禮，用金錢/物資來維持接近娘娘的關係。
- 騎兵：可以有步兵/水兵，甚至上述兩者的特質，但勝在可以和娘娘打友誼波，憑騎功逗得娘娘歡心，此為觀音兵之最高境界。
- 弓兵：遙距服侍娘娘，例如利用msn/forum/phone in來滿足娘娘，亦可能連娘娘真正的樣子也未見。
- 弓騎兵：遙距服侍娘娘，如利用msn/forum/phone in來滿足娘娘，一見面約出來做愛，等同sex partner。[3]
- 空降兵：只要觀音奉召到場，無論觀音身處何方，也立刻即時到達。
- 山賊：經常用座駕接載娘娘到山上，水塘等地方車震或打野戰，此亦乃觀音兵另一種高境界。
- 咒術士／妖術士：利用毒品迷惑後和娘娘打友誼波，此乃高招。
- 參謀／軍師：與其他兵種不同之處就是輔佐娘娘一同尋找「水魚」，可謂同流合污!
- 騎馬參謀／騎馬軍師：與參謀／軍師大致上相同，但不同之處就是一 方面可輔佐娘娘，另一方面可以打友誼波。
- 武道家／拳聖：與一般可同娘娘打友誼波的兵種相似，特色就在於擁有非凡的性技，可透過口交(食撻)滿足娘娘旺盛的性慾!
- 都督：故名思義 即係乜野女都會督咁解!!
而一些女性偶像歌手、藝人或模特兒的觀音兵，除了「騎兵」，「弓騎兵」「騎馬參謀／騎馬軍師」，「山賊」，「咒術士／妖術士」及「武道家／拳聖」因涉及男女性關係不包括在內，以上提及的兵種，均有出現。
與狗公的分別
「狗公」與「觀音兵」，兩者性質在若干部分相同：大致都是討好女性為主。不過前者多指男性已失去做人的尊嚴，且具攻擊性，「觀音兵」這詞的語調則較溫和。故「狗公」比「觀音兵」在名聲地位上更低一等。觀音兵例子
在現實世界和電視劇的內容，均有不少描述觀音兵的例子。例如無綫電視劇集《溏心風暴》中的男主角「得得地」，便是典型的觀音兵（得得地於劇中自稱為「守護天使」）。由於他是富家子弟，可不斷為女主角解決財政問題，亦能任勞任怨，最後成功抱得美人歸，然而這不代表現實情況。其他意見
有人認為觀音兵這詞語過分誇大，把一些正常追求異性的行為視作觀音兵的表現，甚至認為所謂觀音兵只是毒男酸葡萄心態的反映。內容被引用
2009年3月19日，香港商業電台清談節目《嘩！嘩！嘩！打到o黎！》談及觀音兵時提及香港網絡大典，及引述部分內容作為討論重點。**********
成日都話, 呢樣野真係一樣好唔健康o既現象。當然, 大家你情我愿, 無野好講; 個人認為"觀音"比"兵"更乞人憎, "兵"只不過係戇居, 就算自己要做十年"步兵"都無咩好講, 但係果d"擁兵自重"o既"觀音"就真係...
完
2009年6月10日 星期三
轉貼圖一堆
似乎都係轉貼o既野有趣過自己寫o既野。
**********
心理暗示
這個藥片的概念設計很有意思，大家都知道心理暗示在醫療方面的重要性，有些病，心理暗示要比用藥效果還要好。這款藥片的設計從大到小，其實每一片的藥物含量都相同，只是大小不同，病人從大的開始吃，藥片越來越小，給病人的暗示就是病越來越輕，逐漸的好起來了。
三萬根火柴砌成的佛像頭
膽量是要從小訓練的
試卷變成......學生會對學習產生興趣？
搭順風車的烏鴉
男人和女人喝酒的分別
完
六月九日 -- 雜記
3/6(三) -- 唔多想但都返企食飯剪髮。
4/6(四) -- 收工唔多想返企去左行SKMSSP買玩具, 返TKO同哥食M記Double足三兩。
1. 黃二妹生日快樂。
5/6(五) -- 同同事們去鯉魚門食海鮮, 未去過呢
。成日都聽人話鯉魚門食海鮮, 咁耐以來都係第一次去呢。對於食海鮮, 一向都OK但係就唔係好似d人咁鐘意o既, 不過當然唔會憎啦, 都OK的。當日每位$250, 都幾貴呢, 但係都有好多野食, 魚湯, 魚, 蝦, 蟹, 鮑魚, 龍蝦, 瀨尿蝦等等; 醉翁之意不在酒, 其實都係主要同成班同事聚下吹下水呢~ d野幾好食, 不過後尾果幾度菜來得太慢了, 等左好耐, 坐得幾辛苦呢。到10點幾就走, 行去油塘MTR都唔係好遠。
2. NBA Finals Game 1! Lakers大勝!
6/6(六) -- 好得閒, 無野做。約左花家姐去鳳德詠藜園食擔擔麵, 我之前都係去過一次, 仲要係好多年前; 再食都覺得OK啦, 好多人話呢間好食過另一間, 我就未比較過, 花姐就話都係差唔多姐; 食完都係無咩做, 決定遊下車河, 結果發神經由黃大仙坐42C-->荃灣61M-->TuenMun (好耐無行過得寶, 而家都無野好行, 最想睇果間居然無開...)-->SSP行左玩具店-->行去SKM睇玩具-->796C返企, 成日搭車時間超長呢~ 都係用左幾廿蚊哈哈, 不過搭得耐車都幾累呢~~
3. 星期五將件衫拿去洗, 耳機放左係袋, 好彩星期六發現左又未洗, 死裡逃生!
7/6(日) -- 早上起身打波, 好熱好焗好累!! 打完食飯頂唔住返企沖涼之後幾乎訓到夜晚食飯。
4. 食完飯去左買牙膏果d野, 只不過行左一圈, 成身汗, 濕晒, 又要沖多野涼 =.=
8/6(一) -- lunch去左KT個牛腩巷行都食, 咁耐以來都係未去過o既...試過牛腩同牛什, 都OK, 不過食完成個下午都好~~~口渴; 收工返企食飯之後同呀媽落左街行行。
5. NBA Finals Game 2! Lakers險勝! Courtney Lee慘啦...比人講成世...其實果下都唔係易...比起而家成日提o既煪年Nick Anderson炒4個罰球難好多...而且都唔係直接輸波o既原因來o既...
6. 好怕人"就"我; 最麻煩就係就得我又唔o岩我心水, 但係自己又覺得自己委屈左或者已經唔方便左, 最怕就係受呢d野, 對方唔係方便得來又唔係令我好左; 所以最好就唔好估我想點, 自己想點就點好了; 仲有, 平時我話無所謂o既野, 就即係點都OK, 唔好估。
7. 喜歡同d"舒服的存在"的人一起hea, 好free好自由呢, 好多死黨們或好朋友們等等, 大家相處跟本就唔使多講, 大家都知對方o既expectation, 很正呢。呢個世上當然無一個人可以完全了解另一個人o既, 去到某程度已經好好了。就係因為有d唔了解, 但係仍然相處得好、包容對方, 咁先係開心呢。
9/6(二) -- 約左客, OT完返企食飯。今日有2個飯局(LD舊同事廢祝WendyConnie生日, 呀Sam等人食飯), 結果2個都無去。
8. Wendy生日快樂。
9. 連續幾日都無咩心機打野, 其實晚晚都係幾乎貼得的, 今日死頂, 係咁咦貼埋佢。完全無check過, 唔理了。
10. 以前都提過, 人都喜歡將自己果套套係人地身上; 其實自己果套係唔係o岩呢? 就算o岩, 會唔會只係o岩自己, 唔o岩人地呢? 其實每個人o既思想同環境都唔同, 唔係感受性好強o既人, 係好難明白人地o既感受o既, 就算明明地, 都唔一定exactly係果種感覺, 例如可能大家都喜歡自由, 但係可能有d人穩定d都OK, 有d人就真係渴望極度自由o既空間; 又或者有d人目光遠大, 覺得人生就要進取, 但係可能有d人望o既野唔係呢一邊? 總之, 係"對人"o既時候, 大家要接受唔同諗法, 同埋唔好將自己o既諗法強加於人身上。(所以其實"就"人係一門好艱深o既學問, 就完人人地唔覺更加係一門藝術)
來緊(下星期好似好多野):
11/6(四) -- 同Wendy食飯, 慶佢生日, 未定。
15/6(一) -- 同好耐無見o既白田同事們食飯(PuzzleWingSpenserCatherineJoyce), 應該仲會MarioKart呢~)
16/6 or 17/6 -- 同話劇同學們食飯, 都好耐無見了。
18/6(四) -- 同事踢波, 如果攪得成真係去守龍? (未必攪得成)
19/6(五) -- 同Pearl媽仲有而家同事唱K, 都有8-9個人OK呢。
搵日同呀源食飯, 叫埋民同S。
本來想貼首歌: 男左女右, 不過都未有好o既version, 所以唔貼了。貼第二首。
Live -- 原來係升左key之後果個高音, Eason都係要用假音, 唔知係狀態問題定係咩呢, mp3似係用真音上o既呢。
http://www.youtube.com/watch?v=EKbDOBS2PcE&feature=related
七百年後
曲：柳重言
詞：林若寧
編:柳重言
監:柳重言/DavyChan/CY/陳奕迅
你那太空艙 能夠發出金色的光
我廢置一方 抬頭便會為你守望
一天天催迫生活在現代化
繽紛星空拋低我寄存繁榮垃圾崗
多得你原諒我骯臟
送你破黑膠 廉價發出歌聲依稀
送你破燈泡 便宜地照亮你天地
一箱卡式帶一直沒落仍能回味
那套舊文藝戲
生生不息的凄美愛情逾越物質跨過世紀
文明能壓碎 情懷不衰 無論枯乾山水
舊時年月投入垃圾里 你我一起同居
仍然能送你 兒時玩具
老地方抱著一起安睡
七百年 潮流里 瞬息過去
棄置那棵花 容我帶它的根歸家
送你這棵花 來懷念已逝去初夏
漆黑的星體花葉樹木無從留下
你會在流淚嗎
花開的沙丘滋養我們貧窮地方優美似畫
文明能壓碎 情懷不衰 無論枯乾山水
舊時年月投入垃圾里 你我一起同居
仍然能送你 兒時玩具
老地方抱著一起安睡
七百年 潮流里 建筑統統破碎
天天進化熱潮已記不起
用霓虹去建設歡喜
雖則你我被每粒星唾棄
我們貧乏卻去到金禧
文明能壓碎 情懷不衰
無論枯乾山水 舊時年月投入垃圾里
你我一起同居
仍然能送你 兒時玩具
老地方抱著一起安睡
七百年 隨年歲 記憶老去
仍然有你的忠心愛侶
完
2009年6月4日 星期四
門徒
再p.s. -- 本來係口語化的, 不過好似好耐無用書面語, 專登成篇野改返; 不過本來係口語, 就算改都不減白話的感覺; 而某d字眼覺得白話o既感覺發揮得好d, 所以用返。
再再p.s. -- 次次都好似仲有好多野想講, 但係都係唔多想打咁多了。
2009年6月2日 星期二
轉載: 史上最短、最懸疑、最精彩的武俠小說
某報社舉辦新銳武俠小說創作選拔， 史上最短、最懸疑、最精彩的武俠小說
徵求'史上最短、最懸疑，但最精彩的武俠小說'
徵文限定要求：
1、要同時涉及三大門派 。
2、要包含江湖門派間多年恩怨情仇，又要打破世俗倫理。
3、同時情節還要扣人心弦，大有血雨腥風呼之欲來之勢。
4、令人極為期待該小說之續集，同時留下很多懸念。
5、越短越好。
第二天，有人來投稿，全文只有十個字：
禿驢，竟敢跟貧道搶師太！
編輯評論：雖有恩怨情仇、血雨腥風，且短小精悍，諸多懸念。但俠骨有餘柔情不足。
第三天，原作者修改稿出現：
師太,你就放棄禿驢從了貧道吧!
編輯又語：江湖兒女，柔情盡顯。但仍拘泥世俗倫理。
第4天，修正三稿出現
師太,你竟敢跟貧道搶禿驢 !
編輯語：此係打破世俗倫理之作，血雨腥風也呼之欲來，扣人心弦，但總感少點什麼
第五天完稿版出現：
和尚：師太，你就從了老衲吧 !
道長：禿驢，竟敢跟貧道搶師太 !
師太：你們一起上吧！我趕時間。
得獎評論：前無古人，後無來者之完美傑作。既有難以理清的多年門派恩怨，大有血雨腥風呼之欲來之勢；又有糾葛的俠骨柔情，既打破世俗倫理，盡顯江湖兒女不拘小節之豪氣干雲。
完
六月一日 -- 雜記
25/5(一) -- OT到8點, 返企。突然好想食西瓜, 超想食。諗起上年之前份工有一日星期六返工同Puzzle 2個人只食西瓜當lunch, 好懷念呢。
26/5(二) -- 收工返企。仍然無西瓜食。
1. 睇左畢打自己人(電單車/飛女), 真係估唔到佢地有係有關係o既, 但係同之前又連戲喎。
2. 東西岸o既決賽各自都好精彩呢~~ 遲d Finals一定要搵一日睇!
27/5(三) -- 第日唔使返工, 本來收工好想搵人出街食飯, 不過都係無, 收工返企食。晚上好想睇波, 難得一場足球但係都有幾多當代出名球星都打o既2隊對戰o既決賽呢~ 不過凌晨2點9再加上要上網睇再加自己一個睇, 都係算吧啦...
3. 連續3日都係一早好早醒過再訓, 簡單來講即係3晚都訓得好差; 仲知道自己有發夢添, 不過唔記得發咩了...
4. 用左2次"優鼻", 專登係塞果時用, 效果好得! 不過為左令自己個身體唔會太依賴藥物, 以後只會係好需要訓得好好, 或者好緊要o既時候先用。多謝呢~~
28/5(四) -- 同C去左花姐姐屋企, 終於參觀過佢家, 好好呢, 間屋好唔錯呀~~ 好舒服又整齊, 成日都話亂, 呃人o既。之後果然係唔比坐得耐, 於是大家就來左我家坐(=.=), 同哥哥一齊在家食粽應節呢~ 之後大家睇睇下電視居然眼訓, 各據一方(好似貓咁)咁訓覺, hea左成個下午到6點幾出左去灣仔食山東燒雞, 好耐無去, 好好味呢(仲有d甜品)~ 之後就散, 返企。
5. 我家真係一個容易令人hea同想訓噶地方呢~ 有人懷疑落左藥或者落左咒呢, haha。
29/5(五) -- 收工返企; 柴犬大結局, 不過都係無睇。
30/5(六) -- 下午同一齊睇演唱會o既J, S, M, K(哈哈, 專登全部英文單字)一齊唱K; 好耐無去過港晶果間, 係裝修之前已經無去過; 裝修得幾好, 而且我地走時見d野食都OK呢; 唱到過左7點半先走, 求其食d野就去睇concert! 真係唔多使講野, 超正! Excellant! Marvellous! 好激動呢~~!
6. 八婆生日快樂!
7. 當日早上開始上唔到網。
31/5(日) -- 早上起身打波, 超累, 好焗好快無氣呢, 仲要好耐無試過mark呀馬, 真係頂唔住; 之後返企沖涼抖一陣, 出MK食壽司(好似係峰壽司, 普普通通), 搵唔到花姐姐呢。
8. 出左新一期DMC, 唔錯呢。
9. 記低係信和G/F唱波兒果個男, 好好笑, 好appreciate佢, 哈哈。
10. 上一、兩年o既NDS game都係鐘意"靈光"呢。
11. 東西岸冠軍各自都出左了, 期待來緊星期五Game 1開戰!
1/6(一) -- 本來收工無野做, 當日臨時約左個客7點半screening, OT到8點返企食飯盒。
12. 早上如果搭巴士返工就只可以買包當早餐, 但係又唔多想食, 因為而家無咁好食定因為係甜野愈來愈唔想食呢?
13. 公司某同事去完蒙古旅行返來, 買左一堆騎呢o既食物返來, 好多同事都唔食, 叫佢第日唔好買呢d野返來; 我反而覺得OK呢, 有特色o既野先係手信嘛~~
14. 出site經過成日行過o既化妝品店, 平時都有隻貓所以成日影佢; 間鋪竟然執左, 突然後會無期呢。
15. 提自己買牙膏牙刷指甲鉗。
來緊:
請左民仔搵緊話劇同學食飯。
搵Wendy食晚飯, 慶祝佢生日(Lands舊同事們好似攪左個飯局慶祝佢同另一個唔識o既Connie慶生)
要搵下呀源食飯
呀強唔知幾時調去TKO返工, 可以搵佢食飯呢。
歌:
咁咁咁 -- The Pancakes; 諗起咩其成日唱呢; 好開心o既一首歌~~ 唔講唔知, 原來The Pancakes主唱亦都係配音Miss Chan Chan果個人呢~~
http://www.youtube.com/watch?v=7XtO8NyElnA
教我如何去小便 -- 麥兜; 同樣都係出自麥兜o既歌, 聽落好似好得意, 其實我覺得係一首好慘o既歌, 好傷感o既...只係小朋友唔識野, 先好似無咩野...聽落諗真d係好sad的。
http://www.youtube.com/watch?v=ZPWT0zX2ib0&feature=related
完
2009年5月25日 星期一
五月二十四日 -- 雜記
有時自己訓住覺講電話, 或者一早有人打來講電話時, 就同呢個樣差唔多...連個電話都似似地...其實有時仲懶, 隻手都唔拿, 就咁"浪"左係塊面度添...
18/5(一) 收工返企, 點知上唔到網, 好難得地砌左模型呢~~ 不過係BB戰士一隻...(仲要係果d透明版, 唔使上色果d...)好過無進展啦~~ (雖然買仲多過砌...)
1. 情牽女人心o既飛到手, d飛點好呢...
2. 冬天又話凍要食多d野保暖, 夏天又話熱要飲凍野食雪糕, 點減肥?
19/5(二) -- 家昇上年plan左11月結婚, 搵左我地幾個中學同學(仲有幾個佢教會o既弟兄)做兄弟, 收工幾個中學同學(馬民猩猩)同佢未婚妻出來去CWB的UCC食飯, 又傾下到時果日o既流程。之後大家吹下水, 始終係最熟o既幾個中學同學呢, 傾得好高興, 而且完全唔覺時間過左, 11點先散呢。
3. 為左令圖片清楚, 暫時轉版面, 直至搵到一個o岩o既位止。
4. 雜記改變下個形式, 同之前有d唔同。
20/5(三) -- 晚上同而家公司但係走左o既同事Pearl媽食飯, 仲有現任同事Charles, Mandy同呀儀, 係MK花滿樓食飯傾偈, 都到10點幾呢。
5. 人總有很多疑心, 想太多, 或者係唔明白、唔清楚o既情況之下亂諗野, 好煩。都係自由最好。
21/5(四) --收工返企。
6. 天氣熱, 又開始有d厚, 於是又自己剪髮, 愈來愈熟手呢, 雖然今次求其左d。本想砌模但係剪完沖完涼上下網, 又泡湯。
22/5(五) -- 收工返企。
7. 收到電話, 姨丈爆血管。肥再加上生活習慣唔好, 真係要小心d呢。希望佢無事啦。
8. 屋企樓下o既運動場開幕, 有條路可以行去坑口, 由於唔使兜, 所以近左呢; 不過, 原來自己都好白痴地會有d唔捨得之前行開好多年果條爛路呢。仲係果條路度見過螢火蟲呢~
9. 屋企附近將會開Jusco超市! 以前係坑口之後執左, 而家估唔到係屋企附近開返, 太好了~~
23/5(六) -- 真真來了, 同佢hea左日呢。多謝果d遲來o既聖誕仲有生日禮物呢。
10. 早上睇左場波; 真係慶幸睇左呢一場可以稱為經典o既一場波呢!經典o既一球!
11. 第一次上釆豐行, 果然平呢。
24/5(日) -- 同澤安白田食lunch, 之後澤安走左。終於買到波鞋, 波鞋街而家幾平呢, 有機會大家去睇下。
12. 早上又睇左場波, 都幾好睇呢。湖人贏波; 雖然而家剩返o既隊都絛話唔鐘意, 但係都係支持Lakers多d呢。
13. 出左孫尚香同徐晃, 前者真係唔多得...
14. 成個星期都係好眼訓, 最終都都無點同同事食飯...本來星期五想食但係佢地去左個好遠又好油又唔多想去o既地方...呢排成日樓下快食完返office訓呢。
15. 明天又要OT, 仲要同老細一齊...
16. 係因為工作, 定係自己都覺得自己o既身體狀態, 精神狀態都差左? 各方面o既修為好似仲差過之前, 心情愈來愈差, 脾氣愈來愈唔好, 忍耐力愈來愈低。唔想再煩了。
17. 不單止情人, 其實只要同人建立左關係, 不論係親人、情人、朋友、定係咩都好, 就會對對方有期望, 一有期望就好麻煩; 為朋友做咁多, 做朋友咁辛苦為左咩? 為左令人開心? 自己開心? 大家都唔開心, 或者單方面唔開心, 都無咩意思; 不論係親人、情人、朋友咩都好, 總之有牽絆就好唔自由, 難怪都有人會六親不認; 咁講落去好似連朋友、親人等等咩野都唔需要了; 好多野好似離一向o既自己愈來愈遠了...我會唔會變到唔再係以前o既自己? 雖然係因為好多唔同o既人o既影響, 但係畢竟改變o既都係自己, 唔會去賴人點對我唔好, 唔支持我, 或者點樣o既。就算以後變左唔再理人, 只係為左自己都係, 都係自己來o既。
18. 受傷害不只單方面會的; 打完人一拳, 其實自己都有受到一定程度o既反震; 無人會鐘意打人的,變態的人例外。
19. 好多野, 唔想打了。
歌:
Carnival- the cardigans
http://www.youtube.com/watch?v=MFIM4HMKNY4
完
2009年5月21日 星期四
2009年5月19日 星期二
馬兒:『我可不是好欺負的...』
狗:『wow~wow~ 死馬兒，咬死你~ wow~』
馬兒:『我可不是好欺負的...』
馬兒:『咬死你』
狗:『救命呀~ wow~』
國際在線10月報導：常聽說「狗咬馬」，但你聽說過「馬咬狗」嗎？日前德國法蘭克福就發生了這樣罕見的一幕：一匹溫順的馬突然張開大嘴對「挑釁」它的一條牧羊犬下了「毒嘴」。
當時，一條比利時牧羊犬正在追逐一匹混血馬，不料這匹任性的馬卻不聽牧羊犬的「指揮」，當即脾氣大發，掉頭對牧羊犬反擊，試圖用嘴咬牧羊犬的尾巴。受到驚嚇的牧羊犬壓著尾巴灰溜溜地逃跑。
看到此情形，德國攝影師洛塔爾立即用照相機捕捉到了這罕見的一幕。
完
2009年5月17日 星期日
五月十七日 -- 雜記
14/5(四) -- 收工返企。
15/5(五) -- 同澤安白田去左加拿大, 好耐無去過, 依然OK; 之後因為第日唔使返工所以hea搭電車過灣仔再搭渡輪過尖咀先散再搭巴士返企。時間多的話都幾好呢。
16/5(六) -- 約左花姐姐3點係九龍城食泰國野, 大家都食得下辣所以勁食呢; 之後本來諗住散, 但係又唔多想返屋企住之下就去左TKO個海果邊行出去, 好耐無行過; 由於太熱又累o既關係, 行左少少就返轉頭, 過左坑口聰嫂, 再返返屋企hea; 2個係廳hea坐吹水聽歌都9點幾就走。
17/5(日) -- 打波, 天氣開始熱, 好辛苦...睇來要轉營打返羽毛球或者游水了; 比人打爆左副眼鏡o既一塊鏡片, 食完返左屋企沖個涼之後同死黨2hea搭296A-->40號去葵芳(反正時間早, hea傾下偈都好快過), 之後發覺打爛係無得保養o既, 比人昆左去, 不過反正葵芳都有野行, 民仔買左對波鞋添, 之後又hea搭MTR返企: 葵芳-->荃灣-->坐住去油麻地-->坐住去調景嶺-->將軍澳, 雖然中間前後搭多幾站但係時間多又累有得全程坐都OK呢。晚上返企食飯。
2. 前個星期開始連續眼訓, 所以都無咩點同同事食, 都係樓下快食; 延續至上個星期都係呢。
3. 平時對慣自己廿幾年, 咩都睇慣晒無咩感覺; 無啦啦又用自己o既特技"身外身", 個精神跳左出來客觀咁睇自己, 又真係幾醜樣。
4. 靜崗模型展展出下期會出o既模型: MG Guntank!! MG Exia!! 1/100 須佐之男!! 救命呀~~!!
5. 發夢見到花姐姐出嫁呢~~記下。
6. 很累, 但又不太想返屋企食飯, 想搵朋友食飯。
7. 總係無咩心機玩DQ4; 可能個故事同玩法真係DQ5好d? 連續好幾日都無玩了。
8. 這世上有超越"內容"o既存在 -- 技術; "新不了情"明明個故事普通到唔普通, "留給最愛的說話"明明d歌詞都係陳腔濫調, 但係就係好正, 點解? 因為導演o既拍攝手法, 因為作曲編曲o既編排, 仲有演員歌手o既演繹。所以聽歌睇戲如果只係睇大制作, 就會愈來愈少呢d野出現同存在了。
9. 只係一朝, 就曬紅左了。
10. 有事鍾無艷, 無事夏迎春。
11. 自由才是最適合我的; 因此我諗我唔會係星加玻呢類國家住, 都係自由自在最好...
來緊:
22/5(五) -- 同Pearl媽CharlesMandyTsui食飯
以前睇過, 係網上見到再睇, 都係覺得好正好笑同好勁, post出來先: 黃秋生同吳君如係"麥兜"入面o既其中一段。
完
雜歌s again
**********
http://www.youtube.com/watch?v=VEggZTKt7TY
Depend on me -- 打鼓機Original的歌; 鼓機第一代o既歌, 最耐之前的了, 呢首係由一代開始鐘意o既, d歌詞好簡單直接但係都好正呢。
http://www.youtube.com/watch?v=5J1_wg3rEEs
留給最愛的說話 -- 張麗瑾; 經典歌, 超好聽呢~~
http://www.youtube.com/watch?v=bXzWVAU_PFc
張柏芝version, 唯一好處係令到K有得點來唱。
http://www.youtube.com/watch?v=Pzdy9NUiveA
初戀情人 -- 劉小慧; 又一經典, 不過當然無以上o既咁好聽啦。
http://www.youtube.com/watch?v=bWK3fpq4ws4
Wind Beneath My Wings -- BETTE MIDLER; 超好聽o既經典英文歌, 唔睇報紙都唔知原來係外國d人係葬禮會用o既No.2歌呢~ 不過都唔關事o既, 本身就係一首好歌。
http://www.youtube.com/watch?v=hDURv8fj9dk
You Oughta Know -- Alanis Morissette; 呢個我諗身邊朋友少d人識掛? 大膽o既歌詞同埋演繹呢;
Live版
http://www.youtube.com/watch?v=dR6mEu5-egA
有歌詞版
http://www.youtube.com/watch?v=XBkycaBHK4c&feature=related
白鳥之湖still a duckling -- 終於比我搵到太鼓之達人o既歌~~ 呢首係一首用天鵝湖變奏o既歌, 會聽得好開心的~ 尤其係後段開始"啦"o既時候, 會好想一齊"啦"呢~ 大家唔好聽果d太鼓o既聲, 聽背景果d音樂啦~~
http://www.youtube.com/watch?v=20fIaDzXsa4
七色Harmony -- 另一首好鐘意o既太鼓之達人o既歌, 又係聽到好開心~
http://www.youtube.com/watch?v=UB2mhVShPOA&feature=related
music
http://www.youtube.com/watch?v=IBSd_Z3bROM&feature=related
Don't Say GoodBye (原歌名係日文) -- 幽遊白書劇場版o既歌, 好聽, 又係令人開心o既音樂來o既。估唔到唱o既人係咁o既樣呢, 聽左咁多年先知~~
MV
http://www.youtube.com/watch?v=bFnPW28CgHI
Live
http://www.youtube.com/watch?v=rMHEng0MnSo
青空之Knife -- 呢首又係好難搵; 係當年PS1的一隻跳舞game "Bust a Move"的其中一首歌, 亦都係果隻game住面最好聽o既一首, 成日都有聽呢~~ 大家又係盡量留意背景果首歌啦。
http://www.youtube.com/watch?v=uDKvc2c7kTI&feature=related
Daddy Brother Lover Little Boy -- MR.BIG; 好rock好激呢~ d歌詞都係溝女, 好激o既溝女哈哈。
http://www.youtube.com/watch?v=rKhZwVLmWJY
中間果段guitar間奏, 好正。
http://www.youtube.com/watch?v=m-VpCHmVH6Y
The Game of love - Santana feat. Michelle Branch; 某年NBA的插曲, 好奔放o既歌, 同埋個guitar好正; (Santana係個結他手, 大家睇個歌都係講Santana, feat.先係個唱o既女歌手咋)
http://www.youtube.com/watch?v=7yoGTVzgow8
奪鏢mv (tvb版) -- 森美+小儀+方力申+鄧健泓+許志安+李彩樺; 可惜搵唔到KTV版, 型好多呢。
http://www.youtube.com/watch?v=M_KH-pB4SVw&feature=PlayList&p=E0CEE5937C7EF3DA&playnext=1&playnext_from=PL&index=24
I Was Born To Love You -- Queen; 當年日劇o既主題曲; 但係一直都唔知係Queen唱!好正呢~~!
http://www.youtube.com/watch?v=uMGjN8-9IG0
Killer Queen - Queen; 又係Queen的作品, 真係有好多唔同風格o既歌, 可惜好難搵到1990年世界杯果首"To be Number One", 又係好好聽o既!
http://www.youtube.com/watch?v=yhx5Fk09oS4
http://www.youtube.com/watch?v=1Ti2P_z5IPw&feature=related
with lyrics
http://www.youtube.com/watch?v=F8ysQxyqK8k
Live
http://www.youtube.com/watch?v=1__KQZvoBpc&feature=related
Anarchy In The UK -- The Sex Pistols; 一首發癲o既歌, d歌詞、唱全部都係發癲, 歌名都講左係發癲的了。
http://www.youtube.com/watch?v=etruNuND8L4
Que Sera Sera -- Doris Day; 又係唔搵唔知係Doris Day o既; 最欣賞係首歌o既歌詞! 獻比大家o既一首歌。
http://www.youtube.com/watch?v=xZbKHDPPrrc
Satsugai(血腥) -- Detroit Metal City; 純粹發癲o既一首歌, 漫畫改篇o既電影, 不過d guitar好有power; Go To DMC!!
http://www.youtube.com/watch?v=WioKSZaLd2c&feature=related
我是不是你最疼愛的人 -- 潘越雲; 超經典o既老餅歌, 羅文果首"留給這世上我最愛的人"改篇自呢首o既; 個人認為, 呢首好聽d。
http://www.youtube.com/watch?v=oVS-_YlI2uU
Live -- Live被都好正, 而家d歌手唱Live真係唔多得, 大家留意下, 小肥同埋小玲伴奏的~~
http://www.youtube.com/watch?v=NLAldijw4kY&feature=PlayList&p=19C38E158085C810&playnext=1&playnext_from=PL&index=60
梅艷芳Medley; 梅姐演唱會最正最high的Medley; 2條link加埋先係一整段。
http://www.youtube.com/watch?v=bvcrLsDEztE
http://www.youtube.com/watch?v=m_LKfeCCeCU
風之Fantasia(幻想曲) -- 卡通片羅德島戰記片尾曲; 以前係youtube都搵唔到, 而家有人upload左!! 卡通歌o既all time favourite呢~ 好有elf(精靈)o既感覺o既歌, 超好聽~~
http://www.youtube.com/watch?v=F4HDF7yjCbI&feature=related
Adesso e Fortuna (炎和永遠) -- 通片羅德島戰記片頭曲; 又係超好聽~~
http://www.youtube.com/watch?v=MIt513Dqj9I&feature=related
完
2009年5月12日 星期二
五月十二日 -- 雜記
5/5(二) -- Sorry放左飛機...真係極少會咁樣放飛機, 對不起; 收工返屋企自己煮野食, 本來諗住求其煎2塊件扒算, 之後又好似無咩心機, 唔多想煮; 但係返到去諗諗下都係煮啦; 買左新鮮排骨, 整蒜蓉蝦醬蒸排骨, 好味呢嘿嘿嘿, 一個人廢事煮咁多, 所以無菜, 食返生果補數。
6/5(三) -- 同SpenserCatherine食大盛, 近返屋企真係好; 有coupon所以食左好多野都唔貴, 可以狂叫野都幾滿足; 好早未到8點食完, 之後過去M記打賽車, 極耐無打, 打到9點零就走。
7/5(四) -- 係公司OT到7點, 之後去左MK行下, 好耐無行過MK, 行到差唔多9點join呀Mak佢地食飯; 佢地為左要平, 專登去9點入坐就平o既打邊爐(天氣熱+咁晏...), 佢地唔怕遲, 不過我就超累...不過無辦法啦, 慶祝呀Mak生日, 都係跟大圍; 9點入去, 9點7-8先有得食, 食左半個幾鍾10點3-4島走先...
8/5(五) -- 呀Mak生日快樂; 收工同Taylor呀強S食飯, 去左幾耐無去o既花滿樓; Taylor今年年底結婚, 果然係土像星座, 真係超有恆心減肥, 仲要係健康果種, 食野照食但係做大量運動唔靠藥物, 堅持左好長時間, 而家瘦左好多! 真係犀利呢~ 呀強仍然係呀強, 水瓶座仍然係水瓶座, 永遠有自己一套唔同普通人o既理論, 超正~! 食完之後同唦強行MK睇玩具, 好耐無同佢一齊睇玩具呢~~ 終於買左睇o岩左好耐好耐又唔捨得買o既SD騎士~~!! 好靚呀~~~
9/5(六) -- 花姐姐唔出來, 同白田食lunch, 之後由太子行街睇野到油麻地, 連續3日行MK, 不過3日雖然有重復某d地方, 但係都有d唔同o既地方o既; 晚上約左S民仔Cass係SOHO食AL DENTE, 慶祝S同Cass生日, 食完返企。
10/5(日) -- 老細約左個客同社工星期日一早見面(帶定左波衫如果早走可以去打波); 7點幾起身9點到, 之後開始傾, 極晒時間人地社工明明好短時間講好晒d野佢又叉隻腳落去係咁講, 個呀婆又係朦查查果d人, 愈講得多佢愈唔明, 老細仲要一向唔係表達能力好強o既人, 佢講o既野仲要唔多適合o既, 最慘係佢不停又不停咁重複左差唔多o既內容好多好多次, 個呀婆又成日兜返轉頭, 結果明明最最最多一個鐘講得完走人o既野, 居然攪左3個幾鐘, 我同2個社工企係度無野講係度苦笑, 超慘!! 好痛恨呢~~~!! 累唔緊要, 最慘憬浪費晒d時間唔知做咩果下辛苦; 係大盛食完lunch之後返屋企樓下買送, 之後準備好晒d野之後即刻沖涼訓, 超眼訓同累...6點幾起身過去煮飯, 煮得唔多掂...
11/5(一) -- 娟生日快樂; 晚上同娟民SamEstherMandy6個人去好耐無去o既五月花食任食慶祝娟同Sam生日(馬腸胃炎來唔到); d野仍然都唔太差, 款都幾多, 食到10點夠鐘走人。
12/5(二) -- 收工返企食飯。
2. 在家儘量少打NDS, 留多d時間做第2d野, 太多野可以做了, NDS留返係街係車打吧。
3. 總要在負面的時候更負面。
4. 蘇打綠出碟了, 盧廣仲出碟了, 張靚穎都出碟了。
5. 成日慣性食飯都係會食晒d野, 其實可以唔食晒都已經飽了; 有時大家如果有機會食飯時記得就
提下我唔好慣性食晒d野啦。
6. 係公司樓下見到個女仔, 細細粒外表正正常常, 著條短褲, 但係2條腿好多好長o既毛好似男人咁樣, 但係睇返手同面又唔多覺喎, 好奇怪。
7. 當d野好多好逼到埋來時係可以做得好快o既; hea d的時候就會放皺左落來; 應該好多人都會有咁o既情況吧。
8. 上星期有一日有機會去睇下籠屋, 因為隔離team有個單位係籠屋來, 老細都partner都走左去睇; 我就留守左大本營, 好彩留左係度因為有野發生, 好彩我係度攪掂左; 不過其實自己都好想去見識下呢。
9. 人都唔可以小氣, 一般來講當然係; 有d野(唔係講錢)就唔關小唔小氣事, 亦都唔係為左一啖氣; 係堅持, 對於自己性格或者人生觀o既堅持, 因此不會讓步。
10. 除左買左之前睇o岩好耐的騎士, 其實都好想買果2隻船的; 行左3日MK無買, 星期一再去望下(都唔諗住買的), 終於加左價...
11. Youtube睇少少劉美君演唱會片段, 果然意識大膽呢; 聽返d歌都好大膽, 細個果時聽根本就唔會明; 再聽一次"我估不到"(好耐無聽), 仍然都係好大膽同埋好得人驚, 都係唔鐘意聽。
偷窺; 原唱係劉美君同林保怡, 原唱version唔好提啦, 唔掂, 呢個version係劉美君+蘇永康; 都係覺得麻麻地, 劉美君唱就OK, 不過比人o既感覺係好大膽, 唔係好覺有"偷窺"o既感覺, 明睇就真; 蘇永康...有d獰唔搭八, 唔多掂。
http://www.youtube.com/watch?v=gbuP-LEf7nw&feature=related
歌:
想家
詞：胡黎 曲：門田英司
那時候 爸爸總是陪我一起走路上學去
那時候 媽媽總是怕我淋到雨
有時 我希望回到過去
握著它的手好安心
每天我在遠方擔心他的白髮
我想回家
為什麼一定要長大
為什麼世界變得好複雜
我不想獨自面對眼淚流下
我只想緊緊抱著他
有時候 我喜歡和朋友一起冒險的遊戲
有時候 我寧可到海邊去淋雨
只是我找不到我自己
我的心其實在逃避
每天被困在幻想和現實之間
我想回家
為什麼一定要長大
為什麼都不說出真心話
我不想別人看穿我的倔強
我真的好想要回家
為什麼一定要長大
為什麼世界變得好複雜
我不想獨自面對眼淚流下
我只想緊緊抱著他
我真的好想要回家
完
2009年5月5日 星期二
雜歌s
http://www.youtube.com/watch?v=uYeNHz3qfic
http://www.youtube.com/watch?v=nn6FUmcjvY8
http://www.youtube.com/watch?v=7dtJl7Y_Vmg
http://www.youtube.com/watch?v=0BUKY2Mj4Hc&feature=related
http://www.youtube.com/watch?v=lBjhjgMLE0I
不要離我太遠 -- 鄧麗欣; 點解會貼呢首歌呢? 因為d歌詞...有種"萌"o既感覺哈哈哈。
http://www.youtube.com/watch?v=x0GvNHSlrbo
http://www.youtube.com/watch?v=K2DOszhqPqE&feature=related
http://www.youtube.com/watch?v=MWgMSz00CBk&feature=related
MV
http://www.youtube.com/watch?v=ReTedz--UMM&feature=related
Live
http://www.youtube.com/watch?v=5fkySMoS1Es&feature=related
2009年5月4日 星期一
五月三日 -- 雜記
23/4(四) -- 收工約左花姐姐食飯; 佢早過我收工, 於是話來KT食; 都唔知食咩好, 佢未去過間車仔麵, 於是就同佢食車仔麵; 食完仲係超早(7點島?), 於是行去九龍灣食糖水, 之後仲食埋果度o既炭爐格仔餅添(好多人排隊, 但係我覺得都係因為就來拆比人煲大左, 其實又唔係話好食幾多)食完都係早, 就上左德福hea行傾偈; 行行下上左德福二期o既機鋪(連續2日去機鋪?), 不過今次係打鼓機(可能悶左花姐姐要睇我打機了); 真係好耐無打過鼓機了! 退步晒, 部機又細聲聽唔清楚歌同個beat, 不過都好開心, 真係好耐無打啦~~ 其實我都幾鐘意的; 打完之後就落返去, 之後都無咩地方好行, 返企了(都仲幾早)。
24/4(五) -- 終於捱到收工, 同C去左沙田試間日本野, OK啦; 之後過左博康問S拿返把傘, 順便食個糖水, 可惜見唔到貓婆婆。
25/4(六) -- 極累; 平時返工振起精神, 仲狂做野, 一放假就發晒出來; 當日在家好累好累好累, 食完晏在家睇電視時, 突然極累, 由於我訓左係地下睇電視, 果下疲累湧埋來, 我個精神唔好話起身行去間房, 連爬上個梳化都唔得, 就咁係地下就摺左; 之後其實都唔係訓得好好, 因為地下硬, 訓訓下又凍, 訓得唔淋, 但係又真係cher唔起個精神起身或者去床訓, 最終就係地下訓到5點幾=.=; 之後約左澤安花姐姐同白田妹妹食飯, 於是6點出門口去左大圍食飯; 去到果間野都係叫小菜, 但係佢話有雞粥食, 於是都試左一碗, 都唔知係唔係人地講果間沙田雞粥來o既, 由於自己唔多好粥, 因此對我來講都唔係話好吸引, 不過感覺係落左味精咯...d小菜反而都唔錯, 但係始終係禾輋好d; 之後食左附近o既糖水, 見都有d西式比較好o既甜品, 不過由於飽, 無試; 食完就返企了。
26/4(日) -- 一早起身睇波, 連續2次睇波都係一早放開比數; 之後睇左內地電視劇"潛伏"大結局, 食完晏, 本來諗住睇下TVB話播o既"新不了情", 點知臨時改左做"逃學威龍2"...個tone爭咁遠...; 照睇, 睇完睇左陣星光三, 再睇埋另一套內地劇"婚變"o既結局; 晚上在家食飯。
27/4(一) -- 晚上同Cyrus食飯; 極耐無見, 一如以往都係聽佢呻, 同埋比我話; 由於佢無野做, 於是就我係坑口食飯, 之後行去寶琳睇玩具, 食埋糖水返企, 都唔晏。
28/4(二) -- 之前果日Carol臨時約我地食飯, 於是同CarolConnieMartin去果間新o既印尼野食飯; 估唔到Martin可以唔使點OT早走來一齊食呢~ 食完之後無咩攪又無地方行, 返企。
29/4(三) -- 收工返企。
30/4(四) -- 收工返企等花姐姐, 之後出返來食飯; 當日最大收獲係終於試過時新o既漢堡包, 真係好味呢~~ 多謝花姐姐專登買來比我食, 仲要等我~~ 大家係北角等, 去食我家鄉o既野; 雖然唔係話d咩美食, 不過好地道o既; 之後去左以前舊屋果頭o既樓下, 試左死黨2推介o既酒饟丸子(不過唔多得...)之後行返去媽公司果邊, 仲見到呀媽添。之後返企。
1/5(五) -- 其實心情唔多好, 在家hea一日, 之前果晚好夜訓, 下午諗住訓下, 點知不停地有電話, 結果係無點訓過, 極累...晚上煮左下野食。
2/5(六) -- 同哥同SZ Fnd係Kt食華苑, 之後由於又熱又多人又無咩行的關係, 返返屋企睇佢買的梁靜茹演唱會; 比較少聽佢live, 其實佢唱歌真係幾好, 不過由於d歌真係來來去去都差唔多果款, 雖然好聽, 但係自己都有少少頂唔住呢(但係都係覺得好聽o既, 只不過自己唔可以幾個鐘一路聽住佢d歌姐)(另, 同蔡健雅合唱果度好正); 晚上又去佐敦食, 之後自己返屋企, 呀Sam佢地燒完野食上來我企打winning, 到好夜走我先訓(本來諗住自己早d訓由得佢地打機)。
3/5(日) -- 晏起, 下午係葵芳行, 總算買左d玩具, 之後同澤安白田去左土瓜灣食上海野; 今次佢地話想食上海野同食我未去過o既地方, 於是我都唔知好唔好食呢; 結果覺得都唔錯, 雖然其實我唔識分點先算係好定唔好, 不過預左上海野又油又濃, 食落都OK, 好難得飲自己喜歡o既有火腿味o既湯呢。食完就返企了。
6/5(三) -- 同SpencerCatherine係大盛食飯。
8/5(五) -- 約左taylor呀強同S食飯; 好耐無見了。
10/5(日) -- 突然記起, 老細約左見個客同社工, 要返工OT...不過估計我見完個客會即走, 唔會返office做野。
4. DQ5全破; 主角Lv99了...果2隻野都過左60Lv, 果然之後開始勁得好快。
5. 腳版底比我"meet"爛左面果層皮, 之後現真皮又無整理佢, 個傷口發炎左幾日, 行路都痛, 不過應該無咩人留意到。
6. 之前係家一日之內睇左2套內地電視劇o既結局, 由於有時係屋企都有睇少少, 因此都知講咩; 本來諗住係度講下, 不過已經好長, 又過左成個星期, 無咩心機講, 係度提左就算了。
7. 好少睇星光三, 難得睇左一集, 終於見到第一名徐佳瑩o既表現; 真係唱得呢。
8. Spenser終於都同佢女友散左; 客觀來睇, 係好事呢; 之前大家都係覺得, 睇下幾時散。嗯...客觀來講, 恭喜佢。
9. 公司做野好累; 多野做、多duel date、老細麻煩、俾客鬧都無咩所謂, 但係當做噶野同自己o既理念、人性唔同, 不認同o既時候, 就覺得尤其辛苦; 精神、身體狀態都已經好差, 仲要攪埋d咁o既野, 心情keep住不太好。
10. 三日假期亂晒籠; 由之前o既預算開始, 之前話去BBQ, 邊日得邊日唔得, 到有野改日子, 又有野唔改日子, 又得, 又唔得, 又出, 又唔出, 又病, 又累(之前o既所有"又"都係講緊唔同o既人事物, 唔係講緊同一樣野), 總之就係好亂又無癮又煩; 本來自己o既狀態已經係唔想煩的了, 所以更煩; 其實3日都唔多想見到人。
11. 某死黨終於考完試, 閉關閉左咁耐, 終於可以出山; 雖然呢次可能係你一生中考得最差o既一次(對於一個以前由細都大, 未入去考試已經知道掂硬, 連A-Level某d科都拿硬A o既人來講), 不過向好果方面諗, 你今年係考咁多試以來第一次追, 話唔定今年亦係咁多年無女朋友以來第一次有呢。
12. 條腰好左9成9, 可能仲好過之前, 要出山了。
13. 豬流感, 而家應該叫咩H1N1, 同能仲煩過SARS, 不過我都係唔帶口罩, 煩。(除非我有病防止傳比其他人咯)
14. 心情不好, 自制能力低左; 令到各位唔開心, 唔好意思; 另, 應該都唔會好多人覺得。其實呢幾日心情真係好差。差, 唔係只係話唔開心, 只係唔開心都唔可以話係好差, 係有好多野好多野唔開心、煩、諗等等, 其實唔應該係度打出來, 不過呢度係for自己睇(雖然亦都知有人會睇, 亦都要對睇o既人負責), 總之, 都係要打出來自己記錄低。
15. 人都會唔接受自己ｏ既過去，於是繼續抹黑自己ｏ既現在，摧毀自己ｏ既將來嗎?
16. 太多太長, 又係唔check唔執了。
17. 記錄一d自己o既感覺, 超亂, 不過唔想執好佢了; 但係好得人驚, 可能亦都會令睇天o既人不安, 甚至覺得我好可怕。
"有時有d野要認真d講
會比較有效果
好多時講o既野, 做o既野
都係計算過時做出來
文字運用好重要
係咪突然覺得我好假?
我又唔係專登呃人定點樣
只係運用技巧做出我想要令人覺得o既效果
不過, 其實都無用好多時間去諗
係自然去做
點講呢
有d似, 你同BB講野就會用得意話
同老人家講野就自然會尊敬d
果種感覺
係適當o既時候採取適當行動, 講o岩o既野
其實同有心計又真係只係一線之差...
我只係表達自己想表達o既野
而用比較有效令人感受到o既方法
但係有時又覺得自己好得人驚
又唔覺得自己係呃人或者做作
但係自己又感覺到果種, 自己企左係外一圈, 睇返自己做o既野
知道會有咩效果果d感覺
即係都係為左做到某種效果而做一d事, 講一d野
咁係唔係即係都等於, 為左達到自己想要o既野, 而作o既"權謀"呢
即係都係"假"
都唔知自己係唔係"假"
就算係出於好意, 我都唔係好接受到
(因此, 我都唔算好認同基督教o既做法)
簡單來講, 係教會所做o既野
係個方法o既問題
唔係佢地做o既野係好定壞o既問題
都係捉一般人o既心理來做o既
就好似我頭先講我自己咁
唔係做壞事, 甚至係想人好
但係用o既方法, 係容易令人相信我或者覺得我o岩
總之, 如果一個唔妥我o既人, 知我係咁
可以覺得我好有問題, 而完全唔信任我因為我頭先講o既野, 可以理解為:
我每講一句說話, 每做一樣野, 都係有目的o既"
歌:
沒鎖門, 好開心好輕快好自由奔放o既一首歌, 聽左應該會開心一點吧; 歌手係星光大道三o既第一名, 都好唱得呢。雖然唔靚, 但係大家只係聽把聲係好靚o既, 歌手就係要唱得為先嘛~
歌曲：沒鎖門(MSN精彩十年主題歌曲)
歌手：徐佳瑩
http://www.youtube.com/watch?v=WWV8zgt1wo4
我們約好狀態常更新 保持kuso也要變美麗
有個model穿得好有型 我mail給你
喜歡他有千百種表情 不必下跪也能orz
星座運勢耍點小心機 偵測愛情
搞定天下事 快樂不設限
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
不管你有彩色的蝴蝶 還是一閃一閃的飛碟
我們劈腿白天和黑夜 綁架時間
厭倦吵吵鬧鬧的大街 逃開沒有靈感的床沿
我們騎著滑鼠的左鍵 環遊世界
搞定天下事 快樂不設限
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
從房間飛到外太空 從太空鑽到小指頭
搭拉搭拉拉～
登登登 誰敲我 登登登 沒鎖門
我們發現善變的瞬間 我們分享習慣的宣泄
手拉著手打開的世界 永遠新鮮
完
2009年4月27日 星期一
一脈相承
平時講朋友講玩具講其他野多, 今次少少地講下有關屋企人o既野。
人o既思想(包括性格、興趣、習慣、行為等等)一向都好受環境影響, 而塑造性格最大影響o既時期應該算係童年至發育時期。因此, 一個人一般來講始終最受家庭影響(因為正常來講童年都係同屋企人一齊多)(thats why成日都話小朋友要由細就教得好)。
小朋友似爸爸媽媽, 唔單止係因為遺傳o既關係, 個外貌會似; 由於會以見到o既野"大人"為學習對象, 見得最多o既爸爸媽媽o既行為同性格好多野就會傳承左落來, 唔多唔少仔女o既性格或者有某d氣質都會似返父母。唔計d特殊童年o既人(相信大家身邊都唔會有好多吧), 亦都會有一d識諗d的小朋友(可能係因為本身叻, 可能係因為教得好), 比較早就懂得去分析同埋去思考爸爸媽媽o既行為, 所以會無咁似, 但係始終都係建基於佢地見到o既野。(再thats why強調細個家教好緊要, 請外藉傭工係無咁好的, 不過生活逼人無辦法)
講左咁多廢話, 其實同個主題都唔係好大關係。
大家唔知有無"繼承"到一d父母o既性格、特質、長處呢?
說來慚愧, 自己父母叻o既野, 諗諗下原來自己都唔係點繼承到落來。
由於老豆並唔係好講自己以前o既野, 我都唔算知得好多; 不過以我所知, 佢以前擅長o既野原來我都係唔多得o既。記得聽呀媽話過, 老豆以前打PingPong好叻o既, 仲試過教人打添(不過應該唔係專業教人果種掛)。可惜到我大個dd讀書時, 佢對眼已經唔多好, 打唔到了(睇唔清楚), 我都無咩機會可以係佢身上學到呢樣野了~~
另外亦記得細個老豆經常吹口琴同會係屋企唱2句(好記得佢好鐘意唱"往事只能回味:), 我都跟佢學過下吹口琴, 仲攪到個嘴唇爛左好痛添(因為要係個田琴邊磨來磨去), 果時都勉強吹到d歌仔, 但係到而家已經都係唔記得晒lu, 真失敗。
呀媽果種企企理理一絲不苟o既精神(做事態度, 好似屋企執野呀, 廚房洗手間廳d minor野呀, 甚至係佢寫野等等都係), 完全唔係我呢種自由發揮派做到o既。而佢亦係一個好跟得上時代同好外向好多活動o既媽媽。雖然我自問都算係接受到新事物o既人, 但係我覺得如果我年紀大左果時, 都唔會好似呀媽咁, 又早過個仔玩msn同QQ, 又學整網頁, 又識用flash, 又四圍去好多地方旅行, 仲要明明做office工但係無來啦更連個導遊牌都可以考埋返來。
興趣方面自己受呀哥影響多。由於佢三教九流亂七八糟咩都o岩, 細個果時佢買、借返來d書放左係度, 我又係屋企無咩好做成日拿來睇, 再加上受佢影響又成日聽佢講, 所以自己都係樣樣野都有d興趣三教九流亂七八糟咩又雜雜地; 不過同佢唔同o既地方係: 佢就好似樣樣都識, 問親佢好似咩都知咁, 而我無樣精...成日都話, 自己好似無咩擅長o既野...真大鑊。
當然, 自己都有似佢地o既地方。
好似呀爸果種好鐘意諗野o既腦袋, 相信唔多唔少我都傳左落來。我自己都係果種腦袋係度24小時不停運轉係咁諗諗諗又唔知諗咩o既人, 明明自己唔想諗, 但係就偏偏不停地諗諗諗, 最慘就係有時諗到d唔好o既野, 就會不停地諗, 甚至無限放大, 係要攪到自己唔高興, 簡直係白痴又無謂。好彩自己都唔係果種完全悲觀, 咩都諗去唔好果方面o既人, 所以唔會常時處於唔開心o既狀態o既。
呀媽果種外向識得多朋友o既性格, 我都比較能夠傳到落來(好彩自己呢方面唔係似呀爸o既孤僻d的性格姐)。不過都唔知係好事定壞事, 我似乎比佢發揮得更加大。不論人地當唔當我係朋友都好(呢d野無人知, 只有大家自己心入面知), 我自己都算係多朋友o既人。而且朋友有事起來, 有時都會樂於搵我傾下或者hea下, 雖然都唔係話幫到對方d咩野, 但係起碼都會舒服少少掛。由於成日呢個又有果個又有d事, 就算無事又會搵下唔同朋友食飯, 有時都會突然幾多電話或者成日去街呢~ 真係自己拿來(不過都唔係自己拿來煩, 其實同朋友一齊聚下hea下都好開心)。
講左一大堆野, 其實都無咩主題, 都係hea講下d野, 要講呢方面真係有好多野講呢, 不過都打左咁多, 唔再多寫了~ 係咁。
完
p.s. 呢篇野大半其實打左好耐, 一路烘左係度; 成日都無時間無精神打, 近幾日屋企又上唔到網, 而家埋埋個尾去, 不過post唔到歌的link了。
完
2009年4月22日 星期三
四月二十一日 -- 雜記
15/4(三) -- 無早收工, 6點準時收工再去覆診。由於睇完之後晏所以自己買野返去食。
16/4(四) -- 老細下午開始放假; 返左2日企, 唔多想再返同覆診; 臨收工約左呀源食飯; 去左坑口食雞, 再行去寶琳, 買左玩具, 再食埋糖水返企。
17/4(五) -- 老細全日放假, 佢唔係度o既時間真係可以做到多d野; 晚上約左澤安同白田去荃灣食米線, 自己好耐無去過, 而且都同澤安講左好耐要帶佢去呢; 第一次係KT搭Van過去TW, 都係好快呢; 仍然好好味, 佢食左都話連譚仔都要企埋一邊, 我一向都覺得HK最好食的了~~ 食完係咁咦行左下TW, 都好云無行了, 之後返企都係9點幾。
18/4(六) -- 想買新出果套扭蛋同睇下平價大陸書店(唔係尚書房); 本來想去屯門行一圈, 真係好~~耐無去, 不過後尾打比呀強, 佢都話而家唔平了, 最後都覺得太遠唔去了; 於是去左SSP食飯, 仲去埋公和豆腐, 行左無野買到, 之後再去MK的In's Point, 居然賣晒無晒貨!! 專登早d出來行就係諗住買架嘛~~ 之後書都係買唔到, 食左個BurgerKing的包, 實在係好味過M記好多呢~~ 之後就去唱K, 落大雨好煩, 打左的去; 唱到點幾2點島走, 狀態都OK啦。Cass的男友都唱得唔太差姐~
19/4(日) -- 雖然晏訓, 但係都10點幾起身睇波; 季後賽第一日! 前半段都幾好睇, 到個分數放開左之後就麻麻了; 晚上係屋企睇金像獎, 發覺自己有好多戲之前想睇都無睇到...同埋自己都係幾少睇戲o既...
20/4(一) -- 4點收工去覆診睇腰之後返企食飯。
21/4(二) -- 7點收工返企買飯盒食飯。
對佢好? 令佢開心? 縱佢? 氹佢?
定係逼佢做一d唔開心但係有益o既野?
教小朋友要嚴, 但係大人呢? 係咪要唔搵、唔理、唔講先係o岩呢?
詞： 黃偉文
還未有新空缺 來容納我
正選只得一個 候選經已太多
我細心想過 停在今天這一處也不錯
越過知己的親密 然而未有擁吻過
共你這麼的曖昧 已得到甚多
時常在內心一隅 空出幾寸為我堅持
同度半生 亦有張椅子 是否愛還是其次*
只想你依然 亦想得起我不是 任你處置
若你珍惜我 不如從來沒有愛戀過
互有好感的尊重 更加可貴麼
時常在內心一隅 剩低幾寸 留給這女子
誰共你好 都不礙事 我都會衷心支持
未必所有關係 亦受得起刺激
但我可以
共你也許 真的不容易
喜歡你 最好不要講
安守這位置
2009年4月14日 星期二
四月十四日 -- 雜記
7/4(二) -- 收工返企。
8/4(三) -- 呀哥同佢d朋友唱K。平時佢地枕住會叫我join佢d活動, 不過我都唔多去, 間唔時一次半次叫得勁d先去; 今次去係係咁叫我去, 於是OT到7點先去; 係北角Neway(以前係北角住左咁多年, 都係第一次去)唱, 佢班fnd都係好玩得好好玩o既人, 不過一來我狀態好低(好累)二來真係完全唔識三來又唔係同一type o既玩o既人, 於是我都係有d牛豆坐埋一邊, 都唔係唱好多; 之後到11點幾我就走先, 佢地好似玩到好夜。
9/4(四) -- 同事Pearl媽轉工就來走人, 本來一早約左成班同事收工唱K(因為第日唔使返工)farewell佢, 點知突然又有好多野要做要係deadline前趕起d野, 於是就cancel左...記得Pearl媽之前話過推左人o既, 於是收工搵佢食飯, 結果OT到7點, 叫埋Eddie仔同Charles一齊食飯; 本來想去華苑, 點知Eddie仔介紹原來KT仲有另一間印尼野, 於是就去食下; Overall就華苑好d, 但係呢間都唔錯, 而且有d野仲好食d添, 最緊要係個位置唔多人知又大間d, 所以好多位剩, 唔會好似華苑咁好逼又要食完即走, 價錢又OK, 所以都唔錯呢。大家食完飯傾左一段時間先散, 聽多好多野呢。
10/4(五) -- 公眾假期第一天, 要OT。10:30am-7:00pm; 晚上臨時搵左花姐姐同C妹妹食飯去左禾輋陳根記終於食左個手撕雞好味道, 食完之後C妹妹返屋企, 我同花姐姐係果度行過去馬鞍山佢屋企果度; 沿住條海濱行, 天氣又唔熱又有風, 即使行左成個鐘但係都好舒服呢~~~同埋即使自己對腳弱, 如果係keep住行d平路, 又唔係行街行商場咁睇野行下停下, 都OK呢, 行完之後完全無事唔痛~~
11/4(六) -- 想睇禮儀師好耐, 約左日安妹妹睇(大家都想睇好耐呢); 馬田哥哥唔得閒, 無辦法啦~~ 第一次係Megabox睇戲呢, 不過咁新, 但係d坐位o既pan拉唔到上來, 唔可以全部變成情侶雙座o既(雖然我用唔著姐); 套戲好睇呢~ 睇完一齊食埋飯我返屋企抖。
12/4(日) -- 早上去左打波; 難得狀態幾好, 但係第一場就整親條腰, 好痛! 之後再打已經唔可以再同人相撞同埋快跑, 爭好遠, 不過overall感覺都OK, 所以都打得唔差(如果唔係整親會仲好); 之後同民仔上來我家打機, 晚上一齊食完飯再打機到12點島走。
13/4(一) -- 全日在家hea抖一天。
自己唔係專業睇戲人, 亦都唔識好多野, 係咁咦打d自己感想啦。
http://evchk.wikia.com/wiki/%E9%BB%8E%E6%BD%94%E7%91%A9
http://www.youtube.com/watch?v=bZllTs5BUZI&feature=related
http://www.youtube.com/watch?v=hpb-bNLlqmI&feature=related
不用擔心 -- 柯有綸; 我真係到最近先知佢係柯受良個仔...
可不可以 不要留我一個在這掙扎
你可以躺著不說話 等你睜開眼以後你會發現
是我在你旁邊
唱你想聽的歌曲 寫你還沒寫完的日記
害怕的你不用擔心 我哪裡都不會去
沒有任何的委屈 溫暖著你直到你醒
可不可以 不要留我一個在這掙扎
你可以躺著不說話 等你睜開眼以後你會發現
是我在你旁邊
唱你想聽的歌曲 寫你還沒寫完的日記
害怕的你不用擔心 我哪裡都不會去
沒有任何的委屈 溫暖著你直到你醒
直到我們失去力氣
直到我們失去力氣
唱你想聽的歌曲 寫你還沒寫完的日記
害怕的你不用擔心 我哪裡都不會去
沒有任何的委屈 溫暖著你直到你醒
