自己打野o既多少, 好睇果排得唔得閒。呢排比較得閒, 所以打多左好多無聊野。由於自己o既腦比起以前運轉速度慢左(本來已經慢, 仲要更慢...), 又成日空白一片, 因此經常會問下朋友, 有咩題目好寫。通常鐘意d比較open end的題目, 因為唔會限死左內容同題材, 是但舉一個簡單例子:鳥, 可以寫有關雀o既野, 可以寫一個故事, 可以寫鳥背後有d咩九唔搭八o既意思, 可以寫鳥同第2d野有咩關係, 甚至可以寫唔係雀仔o既"鳥"o既野, 總之咩都up得一餐; 不過都好多謝有好多朋友不時比題目我, 雖然有時寫唔到或者無寫到, 但係都好多謝; 係呢度要特別多謝一位朋友, 一口氣俾左一堆題目我, 都係好多野可以講, 而且好有啟發性o既題目; 由於有好多, 有d我又未必會寫, 但係又想講少少, 於是決定係呢度一次過講下自己o既睇法。
自己對"政經"(政治及經濟)野有d冷感, 不過我以前都寫過少少, 自己雖然唔喜歡呢d野, 但係都會留意, 都會知, 都會識dd, 不致於好似而家好多年青人咁連基本要知o既野都唔知o既...(自己算係好過無果種); 個人認為, 即使係幾咁無興趣都好, 時事o既野都係要知o既, 因為實在同自己o既生活息息相關, 係"常識"o既一種。如果唔識少少有關政治經濟又連新聞都唔多睇, 就真係有點兒那個...
不過呢, 知知地還知知地, 有關"政經"o既野, 我都唔多會寫o既。曾經同死黨都有傾過呢d野, 亦都有少少地寫過係blog度有關呢d野o既意見, 覺得而家o既政治及經濟都唔係自己喜歡o既, 唔多健康, 而且好小圈子, 全世界都係咁話, 話係自由民主果d其實都係假o既, 從政者或者當權o既body(或者任何國家)有99%都係只為自己利益來做野, 跟本無人係真係為左另外o既、弱勢o既人, 所以我覺得無咩好講; 經濟都係, 不論係商業、股票、任何有關活動, 到最後都係d"大"o既玩晒, 其他都係係個海入面載浮載沉, 儘量撈到幾多就撈幾多, 撈唔到果d就沉船。
自己睇得比較化d; 因為呢d控制唔到, 大家都係隨波逐流; 因此我寫o既野都係d微觀d有關"人"o既野, 而比較少寫宏觀有關世界、或者好大o既野呢。以前都講過, 自己思想都幾似老子o既道家思想果一派, 祟向自然呢。
以下係回應唔同題目o既感想:
1) 拯救世界/世人的行為: 世界唔需要拯救, 地球一直在轉動, 人類亦一直如常活動, 所有野都有兩面甚至好多唔同方面互相制衡, 先至有一個比較平衡o既世界; 當資訊愈來愈發達, 對人思想o既影響愈來愈大, 大家就可以見到究竟人係會容易偏向"善"定"惡", 可能到最後某一日, 其中一邊o既平衡崩潰, 咁就會世界大亂了; 至於誰對誰錯, 誰是誰非, 無人講得到, 更加講唔到甚麼為之"拯救"。呢個世界, 就只是由得佢繼續發展落去...
2) 語言污染(swear): 語言o既作用係用來溝通; 不管"語言污染"formally係咩意思都好, 在我而言, 欺騙、傷害人o既說話就係"語言污染"。反而有時一班直率o既人, 為左某一d野而意向一致地爆粗, 我都唔會覺得係語言污染呢。有時, "爆粗"的確係一種直接而坦率地抒發情感o既方法, 如果在場人士無人介意聽, 其實有人講左都無咩問題呢, 總之, 就唔好係唔適當o既場合同唔適當o既人面前講就好了。
3) 奧巴馬的施政對世界的影響: 牽涉太多野, 又唔係樣樣都熟, 所以好難講, 放棄談論。不過雖然唔鐘意美國, 但係佢對世界o既影響力大, 所以如果可以好返少少, 對大家都有d好處。
4) 有關聖誕節的事: 呢個係近d聖誕o既時候, 我一定會有野寫的, 所以唔係度講住。有關聖誕o既睇法同感覺以前都寫過, 今年可能又會有新o既睇法同感受? 另外, 都可能會有有關聖誕o既故事寫下吧?
5) 頭髮的煩惱: 對我來講, 就係髮線上移吧? 即使幾唔理儀容如我, 都有一點點介意呢。好彩, 暫時其實都係少少, 不太嚴重, 睇唔出。
6) 戲院與家庭影院之別: 無家庭影院o既經驗...不過相信幾好畫面同音響都好, 都好難同入戲院睇比較吧...(除非超級有錢)。自己雖然唔係戲迷, 亦唔睇得多戲, 但係都幾支持入戲院睇自己喜歡的戲, 即使係大家口中o既"碟戲"都好, 只要喜歡都會入戲院睇。
7) 政府為何變得弱世(應該係"勢")政府: 呢個有好多意見, 不過又係唔多想講。總之而家果個不知所謂。
音樂類:
8) 原音及用電的音樂(eg.木結他 vs 電子結他): 雖然木結他都可以彈得好快好勁, 電結他都可以好慢好溫柔, 但係相信木結他最佳表現都係抒情、民歌果種感覺, 而電結他就比較可以使人激烈高亢吧? 有一樣好肯定可以講, 鼓, 一定係打真鼓好過電子鼓好多!
9) 音樂趨勢: 全世界o既音樂趨勢, 都係多元化地又可以並存吧? 不過始終都係pop會係多d啦(話明係流行); HK果個, 就唔好提了...識得多左台灣同內地人, 佢地都唔多聽HK歌手d歌了。算吧啦。
10) 盜版問題: 好自然o既, 有邊個唔想唔使錢就有得睇有得聽? 不過又真係令到行業萎縮, 同埋資源不足之下質素愈來愈低, 跟住就惡性循環...好矛盾。
11) 現代音樂與古典音樂: 對現代音樂都唔係了解好多, 古典音樂更加可以話係一竅不通, 所以唔敢評論d咩野; 只可以話, 係唔同時代o既產物; 感覺上, 古典音樂的碓比較可以淘冶性情d, 而現代音樂就會比較直接地抒發情感。
12) 怎樣以聽歌去消磨時間: 呢樣係強項, 不過對我來講都無咩"怎樣": 聽就得了。好似自己之前咁講, 每一個component都聽下, 更加會消磨到好多時間呢。
13) 音樂效用: 對我來講第一一定係抒發情感吧。當然仲可以消磨時間, 淘冶性情, 仲有可以用來同人溝通...等等, 不過對我來講, 即使無晒其他原因, 有得聽已經好夠了。
完
WANDS - 明日もし君が壊れても(即使你明天失敗) -- 又係一首WANDS的歌, 又係一首比較高亢又好抒發心情o既歌, 又係一首自己好鐘意好鐘意o既歌。呢首係我獻比全部朋友o既歌來o既。如果大家睇我post又唔睇埋d歌o既介紹, 就會知少左d野呢。
WANDS - 明日もし君が壊れても
http://www.youtube.com/watch?v=vtgrX-7JXZM
明日もし君が壊れても
WANDS
作詞：坂井 泉水
作曲：大野 愛果
Call my name 誰かが呼ぶ声
暗闇の深い悲しみ
白い素肌の君が
僕のそこに光をさす
黒か白か分からないまま
こんな愛は時代遅れなのか
僕らは一日中
朝が訪れるのを待つだけ
明日もし君が壊（こわ）れても
ここから逃げ出さない
疲れた体を癒(いや)す
君の微笑みよ
Lonely heart もて余す心
ポッカリ穴が空いたようだ
自分を抑えきれず何かに
イライラしてた
｢あの恋を忘れられない｣と
出逢ったころ話してたね
本心を隠（かく）した表情
まだ僕には救いがありそう?
明日もし君が壊れても
さまよい続けるだろう
愛して初めて知った
失う怖さを
明日もし君が壊れても
何も見えなくなっても
安らかな時の中で
僕らは歩き出す
君のまぼろしよ
完
2008年11月18日 星期二
特別鳴謝
2008年11月17日 星期一
世界が終わるまでは・・・(直到世界的盡頭...)
一個很老土的題目:如果還有一天就是世界未日, 大家會做什麼呢?
首先, 我要假設這個世上只有我知道, 而並不是全世界都知道, 因為這樣只會大混亂, 人類陷入瘋狂, 到時可能還未捱到第二天已經死了一半人以上了, 不會去假設這一個情況的存在。因此, 我會假設了只有我知道, 然後我會以我的角度去猜想自己會怎樣吧?
就當作在這最後一天, 這個地球會如常轉動, 人們如常生活, 那我會做些什麼呢?即使是如何不浪漫也好, 除了家人, 我會先選擇找朋友。由於我不會讓消息走漏, 也不想有人擔心、甚至發瘋, 因此我不會跟身邊的任何人說這件事, 不會讓他們知道。我會很想跟我喜歡的朋友們一起渡過這最後一天的其中的時光, 因此我會用盡所有"朋友牌", 甚至自己付錢給他們叫他們請假, 一起去渡過一段大家共聚的時光。
當然, 一定會有一段時間與家人渡過的。當然, 也是用盡一切方法使大家都回來, 一起吃個豐富的一餐, 談談天, 跟他們每一個說:我愛你。
隨了與別人一起渡過的時間, 我想我也會有一點時間是自己去過的。反正最後一天了, 當然要做多一點東西, 享受、嘗試多一點東西啦。由於犯法會影響我要過的時間, 因此我也不會犯法的。不過, 花錢就一定在所難免了, 絕對會去花很多錢, 去嘗試擁有、享受不同的東西呢~玩的, 吃的, 什麼也好, 也會買一些東西給身邊的人, 即使只是使大家快樂多一天也好。
過了一段時間後(即是最後一天過了一段時間, 還有不足半天的時間), 我會跟我身邊最好、最喜歡、最愛的朋友們說這件事, 讓他們有一點時間去做自己喜歡的事, 見喜歡的人; 我不會跟親人說的, 因為不想他們會有任何一刻擔心, 而且, 他們見過了我, 跟我一起過過, 應該夠了吧? 嘻。
最後的時光, 我會跟知道了這件事, 而仍然願意跟我一起渡過最後時間的所有人一起, 靜靜地, 等待著那一刻, 見證著那歷史性、毀滅性的一刻...
Black Out
完
p.s. 說著說著, 似乎我說的並不是還有一天世界未日, 而像是我的生命還有最後一天而已呢。
歌:
WANDS - 世界が終わるまでは・・・(直到世界的盡頭)
http://www.youtube.com/watch?v=5xe2lazspLA&feature=related
呢首係其中一首, 鐘意左好多好多年o既ALL TIME FAVOURITE之一, 十幾年來, 周時聽都唔會覺得厭, 唔知點解, 總之就係好鐘意, 好好聽, 都係好o岩我feel的一首歌呢。個MV由於年代問題, 有點娘, 大家聽首歌就好。
完
十一月十六日 -- 雜記
1. 10/11(一) -- 收工返企
2. 11/11(二) -- 好耐無買模型, 收工交收左隻都幾鐘意的呢~ 好似又有返少少興趣想砌下~ 收工同好耐無見的話劇同學們食飯~雖然唔太多人(Albert, Albert嫂, Addison, Crystal, 民), 但係都好開心呢; 去左佐敦街邊的類似大排檔, d野食普通都唔錯啦, 價錢亦係偏貴, 不過勝在地點就晒大家收工來同返屋企; 食完再去松記係佐敦o既分店, 之後9點幾散。
3. 12/11(三) -- 收工本來同MartinConnieCarol4個人去唱K, 不過Martin唔舒服, cancel, 3個人照食飯。去觀塘一間聽聞薄有名氣o既雲南野。都地點都幾僻, 要行上少少, 細細間, 但係d野都幾好食, 好似幾地道風味喎~~
4. 13/11(四) -- 居然唔記得左, 今日係Cystal生日! 祝佢生日平安健康, 仔仔生生性性; 當日上午Crystal打來話一齊食晏, 先記得呢; 希望佢可以放底心中o既野, 可以開開心心啦...唉; 收工返企。
5. 14/11(五) -- 好耐無打羽毛球, 好累呢~~打完之後Spenser來join我同Catherine食飯, 食完仲去埋好耐無去o既綠林添, 之後返企。
6. 15/11(六) -- 好悠閒o既一日呢; 朋友有一潭BBQ, 唔多想去, 所以唔join; 係屋企hea到2點, 3點約左花姐姐出來食tea, 係好耐無去過o既"夏雪"坐左2個幾鐘, 傾偈傾得開心; 之後散左我就慢慢行去奧海城, 之前果晚約左MayChan貓貓睇戲; 好耐無去過奧海城, 好懷念段路呢~ 好耐無見過MayChan果班同志朋友呢, 一行8人6點一齊睇爆粗Band友, 都幾好笑, 係expect之中幾好睇, 又未到有好大驚喜果種。睇完差唔多8點, 去左大角咀一間應該唔多出名o既"晶輝"食小菜; d野幾好食, 而最正係籠仔蒸蝦、蒸鱔飯, 好好味~~~食完傾下偈之後10點, 佢地仲去唱K, 我同貓貓都唔join, 就走先了, 11點島返到企。
7. 16/11(日) -- 早上打籃球, 好累, 星期五o既疲累都未恢復; 打完食埋飯返企沖埋涼3點幾, 好累, 之前果晚唔夠訓, 於是下午訓左陣呢。
8. 聽到一個朋友講, 生日應該同媽媽慶祝至o岩, 因為果日係佢最辛苦的日子, 都好有道理呢~
9. 呢排好似過左好多時間, 發生左好多野; 人生好似有拉長左o既感覺呢, 哈哈。
10. 12月會好忙, 要約人趁機約了。
11. 繼續有大量case follow?
12. 人都容易受人影響, 經常見到負面o既野, 所以要堅強, 比返d正面o既野人; 好同壞o既野都係會傳染o既, 大部份人都係直接傳染, 但係有d人就會將壞o既轉化為正面, 有d人就相反; 希望自己儘量做到前者啦。
13. 前排頭髮開始稀疏?!
14. 愈識諗o既人, 愈冷靜o既人, 有問題時其實最難幫到...最難consult...因為好難再高佢地一個level來consult佢地...
15. 與你數日以來的纏綿, 肌膚之間徹底的相交, 你那殘餘的氣味在床上枕頭上刺激著我的鼻子裡甚至全身的每一個細胞...就是你...冬青膏...你陣薄荷味攪到我間房幾日d味都唔散, 好彩我唔憎陣味姐。嘻嘻。
來緊:
18/11(二) -- 帶Wendy步入快樂人生第一步: 帶佢識多d朋友; 同Sam民S等人去禾輋食飯, 其實係自己都想去呢哈哈哈。
19/11(三) -- 同事Vincent要走, 一行8人唱K farewell; 我應該...唔會點唱歌了吧...唱少少。
等Spenser約實大家同Puzzle見面食個飯。
推介歌:
It's gonna rain -- 係一首好鐘意好鐘意好鐘意o既歌; 如果自己唔係情緒唔穩定、心情無起伏、或者有特別原因o既時候, 係一般狀態下o既我來講, 呢首歌果種感覺應該係最似我自己o既歌(唔知係唔係呢?)。好鐘意果果種好輕鬆, 好舒服, 好隨意o既感覺(蘇打綠好多歌都係呢d, 所以會好鐘意), 呢首都算係一首幾代表我o既歌? (而且又係同"雨"有關呢); 除此之外, 個鼓雖然唔係勁打果d, 但係都好有feel, 勁free而且又另有難度呢。另外, 當年我為左呢一首歌, 就買左隻碟呢, 哈哈。
It's gonna rain -- Bonnie Pink -- MV Version, 一個九唔搭八o既MV, 大家聽首歌就好了。
http://www.youtube.com/watch?v=q6spiOrXfkI
It's gonna rain -- 首歌歌訶o既意思; 其實我從來都唔係好concern呢一首歌o既歌詞,因為只係聽就已經好有feel, 好夠了。
http://www.animelyrics.com/anime/kenshin/rkrain.htm
完
2008年11月16日 星期日
叮噹
有睇我blog o既人, 個年代相信都係叫叮噹, 唔係叫多啦A夢, 所以, 都係叫返叮噹親切d。
相比起好多卡通漫畫, "叮噹"應該係一個共同喜愛o既存在。就算係其他幾受歡迎o既卡通漫畫或者角色諸如龍貓, 一樣會有人唔多鐘意, 但係叮噹似乎係我暫時o既認知當中, 就算無點睇過, 應該都無咩人係唔鐘意o既。
自己幾好彩, 有個極鐘意叮噹o既死黨, 因此可以痴來睇晒所有叮噹o既漫畫。自己都係從細就鐘意叮噹, 當然亦都會幻想過類似o既野啦~係呢度唔係想講叮噹o既故事, 因為要講實在有太多野可以講了, 剩係講d大長篇都可以寫篇論文出來; 係呢度其實係想開開心心講下叮噹其中最重要o既一環 -- 道具。
要講叮噹, 不能不提道具。我諗大家係細個o既時候, 唔多唔少都幻想過如果有咩咩咩道具就好啦, 有咩咩咩就好方便啦咁。所以呢, 都係度發下神經, 講下d深刻又想提或者想要有o既玩具。有d道具唔係好exactly記得叫咩名, 就會大約咁叫返。
**********
竹蜻蜓 -- 呢個真係其中一個最常出現o既道具。會好想要, 不過要佢來唔係諗住當係交通工具, 而係當作去遊玩o既工具。大家應該見過唔少次竹蜻蜓有問題或者壞壞地o既情況, 所以搵佢來當交通工具實在有d牙煙; 其實有佢最開心係可以係空中散下步, heahea地遊盪下, 最o岩鐘意自由自在o既水皮座呢。
隨意門 -- 好簡單一句: 最可靠o既交通工具; 如果真係諗住去咩地方, 用呢個就夠啦, 夠務實。當然, 仲有好多奇怪o既用途, 例如係人沖涼o既時候入去呀、想偷情o既時候可以神不知鬼不覺又唔使晒時間去交通度呀、甚至可以入屋偷野呀等等。
空氣鎗 -- 呢個比起空氣砲實用好多。空氣砲有個實體係度, 會比人見到, 個威力又太勁, 所以係現實唔多o岩使; 反而空氣鎗滴一滴野係手指度, 用手指指住人"砰"一聲就可以打暈人, 又無咩大危險性, 又神不知鬼不覺, 好開心; 最好就係用來係街度或者係車度見到d好乞人憎o既人, "砰"一聲打鬼暈佢, 開心死; 當然都可以"砰"一聲打鬼暈好乞人憎o既老細或者客仔啦, 嘿嘿。
桃太郎果子 -- 呢個又係好開心o既野; 比動物食左, 就會變成朋友, 好聽話; 最好就係見到d好鐘意o既貓貓狗狗獅子老虎咁o既野, 比佢地食左, 就聽聽話話, 連去廁所都識得走去隔離, 簡直就係養動物o既最佳選擇, 可惜就係有時效, 要keep住餵咯...當然, 另外一個用途就係比老細食左, 然後...嘿嘿嘿, 或者係俾靚女食左, 然後...嘿嘿嘿嘿嘿...
時光機 -- 又係另一樣極常出現, 而且又極多人會諗到o既野。呢樣野應該又係好多人細個會好有幻想o既道具。不過呢, 而家自己大個左同細個有d唔同; 而家o既我唔會想去未來, 正如我唔多會睇相同占卜一樣, 我並唔係唔信呢d野, 而係我覺得如果知道左未來就唔好玩了, 所以一d都唔想知道以後係點; 反而如果有得回到過去的話就會好有趣, 剩係去睇d歷史人物個樣都有排睇啦~~哈哈~~用途呢, 相信有左呢樣野, d歷史學家就唔多使做了, 同埋可以探秘埋人類甚至宇宙o既起源; 而去未來o既用途, 緊係可以用來發達啦, 剩係六合彩同股市已經夠賺了。
餐廳桌布 -- 嘩, 有呢個就開心死; 放係度想食咩飲咩就會出來喎, 勁開心啦, 總之日日有好野食, 仲唔方會厭添, 勁開心, 仲要唔使錢; 用途隨左用來食飯之外, 當然可以用來賺錢啦, 開間餐廳, 連廚房都唔使, 躲埋係入面變d客想要o既野出來, 連煮o既時間都唔使, 哈哈哈。
放大/縮小燈 -- 呢個其實又唔係好必要o既, 不過好方便就真; 想帶d咩野, 帶好多野都好, 縮細左就攪掂, 去旅行都可以兩手空空, 哈哈, 甚至坐車搭飛機都可以一個人偷偷地帶好多人添, 慳唔少錢, 去shopping亦可以輕輕鬆鬆; 用途方面呢, 除左頭先果d之外, 用來去偷野、偷運人蛇、偷窺甚至偷襲都好方便, hehehe, 當然, 仲有縮細左乞人憎o既老細之後嘿嘿嘿嘿嘿啦。放大功能就可以放大d金呀銀呀, 用來賺錢, 或者將d食物放大, 比好多人食都得姐。
穿透圈圈 -- 呢個用來穿過d野o既圈圈, 其實如果有隨意門的話都唔使用, 不過呢, 有時行行下, 有左都好方便, 用來臨時逃走同躲埋就最o岩用, 如果無隨意門, 都係一樣好方便o既犯罪工具。
走入書中的鞋 -- 呢個就真係夢幻d, 係無咩實質用途, 但係會好開心o既道具; 可以走入書中, 體現書中o既世界, 有實質o既感覺; 會有大把書等住我再去回味呢~~~ 剩係漫畫都已經數都數唔完, 仲有大把小說添!仲有, 仲有好多靚女主角...仲有仲有仲有好多要不得o既書...hehehehehe...
**********
其實呢, 要講真係講極講唔要, 不過時間差不多, 講住咁多算了。難得又會寫下呢d開心o既題目呢; 大家如果有咩道具係好想講, 或者對以上道具有咩幻想同諗法o既, 一定要係度留下言呀~~~
完
唔post歌詞啦~ 我諗好多人都好熟啦~ 哈哈哈, 當然係廣東話版架啦~~
叮噹主題曲 -- 令人懷念, 多咩啦A夢呀~~~叮噹咪好咯~~
http://hk.youtube.com/watch?v=l7P0byZ6MEs&feature=related
畫叮噹 -- 先播廣東話版再日文版, 一link兩食, 爽。
http://hk.youtube.com/watch?v=ToQDQs3sAVA
完
2008年11月11日 星期二
肥喵奇遇記
曾經答應過某朋友, 要寫這一個故事, 但又是拖欠了很久很久; 終於, 我想到了整個故事了, 所以, 就把它寫下來了。我真的把整個故事完整的想了, 而且以最真實的角度紀錄下來呢!
**********
喵~
喵?
喵...
喵喵喵...
喵~喵~
喵? 喵!喵!
喵喵~ 喵喵喵~
...
喵! 喵喵? 喵~~~~
...
喵!!
喵!!!
喵~~~~~~
喵!! 咪~~~~~~~!! 喵呀~~~~!!
喵~~~~~~~~~~~~~~
喵...喵...
喵喵喵...
喵~
喵...
喵~~! 喵~~~~~~~~~
喵喵喵喵喵~~~
喵~~~!
喵~~
喵
**********
故事完了, 是不是很精彩呢~ 再度強調, 我真的想了整個故事, 沒有偷懶的呀~
大家試試用想像力去想想究竟發生了什麼吧, 有興趣的人, 可以參加本blog第一次舉行的"故事勁猜大賽";參加者請於comment內打出你們所想到的劇情, 連同個人資料, 送出回復於此blog之內。勝出者有機會獲得豐富獎品, 請踴躍參加!
完
我是貓
http://hk.youtube.com/watch?v=DRWu4cfxlfE
歌手：古巨基
作曲：雷頌德
填詞：林夕
編曲：雷頌德
馴服慣要去扮茅 (頹廢最有效)
人做厭要去做貓 (你哪裡敢鬧)
沒有東西好咬 咬牆腳
咬極也都不飽 (無法可起跑)
＊慘得過 (全賴我) 肚腩多動人 肚腩夠大人
肚腩夠自強不修身
我懶過大雄 我惡過大傻 我個性型爆每個人
將芝士引誘我熱吻 我怎可以忍 (我決定訓身)
做我真好福氣 我名叫加菲
未算好心地 看見客人會妒忌
就算賜我曲奇 拒絕你 捍衛我的骨氣
(叫我也不擺尾 Hei Hei)
做你真好福氣 我是你加菲
讓你的身體永遠帶著我氣味
就算我變癡肥 抱著我 你便變得冤氣 (怕你色心暗起)＊
誰願意再去做人 (最怕有責任)
誰像我懶到入心 (卻惹人開心)
路過挨一挨近 我便已 擄獲你的芳心
(我有我愛獨行 最怕你跟)
Repeat＊
不必唱 加菲真可愛 加菲真可愛
早知得人類的寵愛
特別在肥大 特別在高竇 怕每個人也碰過來
喵一聲已惹你憐愛 (實在極無奈)
我睬都懶睬 (卻怕我變肥人 你會閃開)
能肥得可愛 肥得可愛 (我慣了被愛)
能肥得可愛 全靠天才 (我慣了被愛)
看見芝士餅我獸性沒法改
我怎麼要改 (我拒絕去改)
你居然敢愛
完
2008年11月9日 星期日
十一月九日 -- 雜記
1. 3/11(一) -- 幾個星期以來第一天返工沒OT又返企食飯, 實在太滾動了。當日手多, 個電話壞壞地, 其實都仲叫用得...係麻煩少少, 不過基本功能都叫仲可以用到, 所以考慮買唔買新電話...雖然大部份人都叫我換左去...但係其實自己一向忍耐力都好強, 有好多野忍左, 之後同人講返, 原來比著好多人一早就唔忍的了...
2. 4/11(二) -- 可能個人太累, 又可能心情麻麻地, 個腦唔係好諗到野, 所以放工都係join左M先; 首先就緊係去醫院探下佢個BB女先啦~~好可愛呢~~估唔到佢做左人爸爸, 個感覺好唔同, 見佢平時好似唔理唔理咁, 但係其實佢都好錫好鐘意個BB呢~~未見BB之前係外面等佢屋企人等左好耐好耐成個鐘先輪到我入去, 睇得3個字...不過個BB真係好可愛, 身邊o既好友有BB, 個感覺好奇妙呢。之後睇左電話, 食完飯, 覺得自己真係思考唔到野, 懵查查就買左個電話...
3. 5/11(三) -- Connie, Puzzle, Esther都生日呢~ 全年唯一一日有3個朋友同一日生日。收工返企食飯。
4. 6/11(四) -- lunch難得澤安花姐姐係KT上堂, 於是同佢食左個lunch呢~~ 雖然只係短短一個鐘時間唔夠, 不過同朋友一齊傾偈o既感覺係無可替代o既, 難得得閒返d, 要約多d朋友出下來呢, 如果唔係之後可能又無咩機會; 收工繼續返企食飯。
5. 7/11(五) -- 連續幾日返左屋企食飯, 醒起欠左個朋友話食一餐飯好耐, 於是下午臨急call左個Lands的舊同事Wendy食飯; 由於大家返工地點同返屋企地點o既關係, 於是去左山林道食...坐左好耐, 終於有機會聽佢發牢騷, 講左好多好多, 終於明白左佢o既唔開心, 仲有好多野...不過呢, 其實佢只要識多d朋友, 擴大左自己圈子就應該會開心d, 我亦都同佢講過會帶佢識下我的朋友呢; 佢係一個好人, 應該deserve到好d的待遇, 所以呢...嘿嘿, 我的某朋友, 遲d試下加油吧。
6. 8/11(六) -- 一早起身, hea到咁上下, 同C去左九龍灣睇早場; 所謂早場, 到11點半都仲係早場, 所以唔使太早起身, 又可以好平o既價錢睇, 真係好抵呢; 睇左007, 覺得真係太~~~standard, 太無驚喜, 不過係一部唔算太差o既戲, 可以一睇果種咯; 另外, 個James Bond係幾型, 不過如果大家鐘意classic果種Bond, 就唔似咯; 最欣賞套野係007的動作, 唔知係咪每一個動作都有執過, 好乾淨俐落得來又型又有效率, 好鐘意, 不論係跑、跳、打等等都好OK。
7. 9/11(日) -- 一早就起左身, 個腦又係諗唔到野, 諗自己去唔去打波好呢? 死黨一又唔去, 個場又好似好多人, 諗諗下由唔使遲到要遲, 再諗諗下由遲到變唔去; 其實一早起身換左斷左o既鞋帶, 執好晒d野...結果成日一d野都無做過, 哈哈。本來都應該都可以有野做的, 不過我選擇左on居居係屋企而已。
8. 原來我o既地位等於一個芒果瑞士卷麼...
9. 妻子/女朋友/朋友究竟有咩分別呢? 了解/名份/慾望之間又係幾種關係入面有d咩唔同/相同之處呢?
10. 別人/所有人都可以不快樂, 可以低落; 我卻不可以; 我低落時只會讓人覺得我不好/不應該。到最後, 大家都拿我做底線去被安慰麼?
11. 終終終於拿到之前份工o既reference letter, 寫得我好好呢; 不過居然入邊有d寫左我做"she"咯...問唔問返再拿張o岩o既好呢?......
12. 因為有睇開漫畫o既關係, 想睇爆粗Band友電影版呢~~ Go To DMC!!
http://bbs.org.hk/pc/pccon.php?id=244&nid=19533&tid=0
http://hk.youtube.com/watch?v=VNkXmPjQ0Lk&feature=related
13. 某一日, 係一日之中做左5-6單consultant...有男有女, 其中最少有2單對方喊左; 哈哈, 大家都幾信任我呢; 不過馬前炮, 呢d人係以後都係會忘記我的。
14. 原來無論如何、怎樣做, 一個人做得多好的時候, 都有不被信任的時候。
15. 由今日開始, 呀哥返鄉下一星期, 家裡將會無人...唔好同我講鬼故。
16. 下巴生左粒暗瘡, 剃鬚唔敢剃下巴, 只係剃第二度, 攪到好似要留下巴鬚咁...=.=
17. 最新鮮滾辣的新聞; 我哥去SZ搭飛機前見下朋友, 佢地係茶樓漏低左個電話, 走左先發現, 打返電話去, 居然有人聽, 原來係間野o既員工keep起左, 之後仲拿得返添, HK都未必得呢; 其實內地真係咁差, 需要被歧視麼? 有問題的, 其實好多都係內省出到來SZ打工的人姐...不過SZ果個朋友真係要劏雞還神咁都拿得返個電話呢。
18. 天氣無啦啦涼左好多, 好開心呢~ 因為我好怕熱, 所以愈係唔熱就愈好; 訓覺凍醒左呢~ 大家小心身體了, 呢d天氣最易病。
19. 無野做, 係屋企正正式式聽左成隻周董o既碟。感覺...都係同之前差不多。
20. 記得有次同ConnieMartinCarol行街時, 有人問咩叫"中出", 大家都唔知係點解; 最近係網上見到有人解釋喎, 於是就貼出來比大家參詳參詳, 以下:
中出這個名詞源自《禮記》．樂記。原文如下：
「樂由中出，禮自外作。樂由中出故靜，禮自外作故文」
翻譯：「如果要做樂，就要中出，但從在外面出來，才算是有禮貌。而因為要做樂就要中出，所以要安靜的做才不會被發現，至於要有禮貌得在外面出來，就算是很斯文。」
**********
來緊:下星期二話劇同學食飯, 又係好耐無見。下星期三同ConnieMartinCarol唱K。下星期同死黨們食飯, 主要應該係家昇同佢未婚妻吧?未定日子, 都唔一定食得成。再下星期同PuzzleSpenserWing等人食飯, Puzzle生左BB之後都未見過佢, 好想約實到呢。應該會去Puz屋企附近食, 未定日子。12/11之後, MayChan去完玩返來, 再約佢同貓貓等人食生日飯。17/11之後, 呀源可能得閒返d, 等佢打來約食飯, 不過到時我仲得唔得閒呢?
link:罵人o既最高境界, 犀利。
http://www.youtube.com/watch?v=hUEOiQNAX_A&feature=related
推介歌:
愛笑的眼睛 --首歌其實都幾耐下了, 聽落好似幾難唱呢, 有幾下突然扯到好高上去, 唔係強而穩定都好難唱得好。
http://hk.video.yahoo.com/video/video.html?id=6474
歌手：徐若瑄
作詞：瑞業
作曲：林俊傑
如果不是那鏡子不像你 不藏秘密
我還不肯相信沒有你我的笑 更美麗
那天聽你在電話裡 略帶抱歉的關心
我嘟的一聲切的比你說分手 徹底
＃淋濕的衣洗乾淨 陽光裡曬乾回憶
摺好了傷心 明天起只和快樂出去
這愛的城市雖然擁擠 如果真的遇見你
你不必訝異 我的笑她無法代替
離開你我才發現自己 那愛笑的眼睛
流過淚 像躲不過的暴風雨 淋濕的昨天刪去
離開你我才找回自己 那愛笑的眼睛
再見愛情 我一定讓自己 讓自己決定
Repeat ＃
離開你我才發現自己 那愛笑的眼睛
流了淚 當一個人看舊電影 是我不小心而已
離開你我才找回自己 那愛笑的眼睛
再見到你 我一定讓自己 讓自己堅定
離開你我才發現自己 那愛笑的眼睛
流過淚 像躲不過的暴風雨 淋濕的昨天忘記
離開你我才找回自己 那愛笑的眼睛
再見愛情 我一定讓自己 讓自己 堅定
再見到你 我一定讓自己 假裝很 堅定
完
又講歌
一直也沒有故意去留心自己喜歡什麼類型的歌; 實際上, 自己大部份類型的歌也會喜歡。但原來有某些特定的東西會使我不自覺的會喜歡。
1. 雨如果有從以前就看我blog的人應該都知道, 我頗喜歡"雨"的; 不知是否這個原因, 有很多很多有關"雨"的歌我也很喜歡(當然並不是因為和雨有關就喜歡, 而是喜歡歌, 又剛剛有關雨的很多都喜歡)。
例: 下雨天(by Blue Jeans), 下雨天(by南拳媽媽), 忘情冷雨夜, 雨中街頭劇, 雨中的戀人們, 藍雨, 分手總要在雨天, 雨季不在來, 寂寞煙雨天, 再見rainy days, It's gonna rain...等等等等, 太多了, 不全部列出來了, 總之就是不知為何剛剛都是喜歡的。
2. 叫當然不是亂叫啦, 是指在歌曲開始/中段/間奏/尾段等等的時候, 歌手會有一些ha...woo...who...等等類型的聲音。很喜歡那些各種各樣不同的哼、叫, 比起唱出歌詞有時更有感覺, 更有感情, 更能表達不同的情感呢。
例: 仍然是最愛你, 傻女, 瘋了, 情人, 沒結果, 原來你什麼都不要, 藍月亮, 沙灘, 我們都是這樣失戀的, 遙遠的Paradise...好多好多, 數之不盡; 有些很纏綿, 有些很哀怨, 有些很高亢, 有些激情, 有些自由奔放...總之就是很喜歡, 又是多不勝數的。所以最近很喜歡蘇打綠的歌呢。
3. 估都估唔到, 我都好鐘意聽好多歌o既"Off-Vocal Version", 簡單來講, 即係好似Karaoke無左主音果d其餘o既聲音; 由好耐之前, 都好鐘意聽一首歌o既各種component, 好多時會分開好多次聽, 有時只係聽果個component的部份, 聽到好開心呢!可以了解多好~~~多一首o既野, 同埋會發現有時單聽d伴奏結他呀、Bass呀、或者鼓都好正!當然仲有我都好鐘意o既和音部份啦! 所以對我來講, 好多歌都好耐聽呢(好明顯, 呢篇野一早打緊, 放左係度好耐無再打, 之後一打返就變左白話 =.=)
其實要講歌係講唔完o既, 所以係度暫停了。
完
早班火車 -- Beyond; 其實Beyond的慢歌都好好聽, 好有feel, 喜歡你/情人/遙望/早班火車...等等都好好聽...
http://www.youtube.com/watch?v=KyMX0kddPnc
早班火車
作詞：林振強
作曲：家駒/家強/貫中
天天清早最歡喜 在這火車中再重逢妳
迎著 妳那似花氣味 難定下夢醒日期
玻璃窗把妳反映 讓眼睛可一再纏綿妳
無奈妳那會知我在凝望著萬千傳奇
*願永不分散 祈求路軌當中 永沒有終站 woo-oh
盼永不分散 仍然幻想一天我是妳終站 妳輕倚我臂彎
火車嗚嗚那聲響 在耳邊偏偏似柔柔唱
難道妳教世間漂亮 和默令夢境漫長
Repeat *
多渴望告訴妳知 心裡面我那意思
多渴望可得到妳的那注視
又再等一個站 看妳意思
三個站盼妳會知
千個站妳卻似仍未曾知
Repeat *
完
2008年11月7日 星期五
無與倫比的美麗
每一個人去看另一個人是否美麗, 除了看實質上、肉體上的那個臭皮囊之外, 其實也很會受"感覺"所影響。
隨著個人的喜好, 不同的人看不同的人會有很大的分別。舉個例子吧, 有些人極之討厭抽煙, 如果見到一個五官標致但抽煙的女人, 也會覺得很難看或者大打折扣; 相反卻可能有人覺得吸煙的女人會有女人味(?), 或者覺得沒有什麼影響; 有人覺得韓國男星Rain很有型, 眼睛細細的很可愛, 也有人覺得他眼細根本就不靚仔, 肌肉累累的很嘔心; 總之, 就是十分主觀, 每人的觀點也不同。
其實, 除了這些外在的條件之外, 內在的條件也會很影響人對"外貌"的觀感。簡單來說, 就是"氣質"。如何為之"氣質"呢? 一個人有學識、有品味、有禮貌...等等, 對他/她外型的"感覺"也會有很不同的影響。正如一個博士和在地盤工作的人, 感覺會很不同一樣(並不一定哪一方較好的)。從好的一方面看, 大家看一個博士可能會覺得他/她很有知性, 很有頭腦, 一個工人則可能較為純樸; 相反則可能會覺得是書呆子, 另一個則會粗魯(當然, 這些並不是必然的)。這有點"相由心生"的味道吧。
以明星為例, 大家會覺得王祖賢很有古代美(甚至簡直就是女鬼的感覺), 午馬的樣子很悽慘, 林正英就一定像是道長; 這些都會與大家對他們的認知(曾經在節目中做過什麼, 經常在幕前做什麼)影響; 正如發生淫照風波前後的呀嬌也給人不同的感覺吧。
我自己看人, 十分非常極之受"內在"及"氣質"影響。有點像電影"神探"裡劉青雲的角色(當然程度差天共地吧, 不會看著林家棟卻看到林雪)。我應該算是比較不太受外在影響的人, 我覺得對方"好"或者"不好"會使我對他/她的外貌觀感有很大很大的onus(當然, 並不一定是正面的, 其實不可以用"bonus"吧)。
看人與看自己會不同; 由於了解自已比其他人多, 因為經常地看到自己有很多不足之處, 性格上的缺憾一覽無遺(還未計潛意識之中自己不知道的), 自己覺得自己陰暗的一面十分可怕(外表就當然更加不用說了)。看別人時自己就有點走火入魔地經常比較去看別人好的一面, 因此看到的也經常是比較美麗的對方...其實有點自欺欺人, 其實知道人都有缺點優點, 不過, 經常被我放大的是優點而已。
在我認知的人當中(或者大家認知的人當中), 即使是明星也好, 也沒有五官標致而無與倫比的美麗吧; "內心"當然也不會有完美的, 每個人也是會有缺點的, 但如果"好"得某一個程度, 已經可以叫做十分美麗了吧。
人尋求朋友, 都是因為看到對方的美麗之處(自己覺得的); 可能其他人不覺得, 或者對方自己也不覺得, 但只要自己覺得就夠了。交朋友是不需要資格、不論年齡、國藉、男女、宗教、任何傾向...甚至不理好壞的。
因此, 請不要再跟我說"我並不漂亮", 也不必說"你也不是很醜陋呀"了。
完
無與倫比的美麗
蘇打綠
http://www.youtube.com/watch?v=dDeus3TraM0
天上風箏在天上飛
地上人兒在地上追
你若擔心你不能飛
你有我的蝴蝶
天上風箏在天上飛
地上人兒在地上追
我若擔心我不能飛
我有你的草原
嘿耶～嘿耶～
你形容我是這個世界上無與倫比的美麗
嘿耶～嘿耶～
我知道你才是這世界上無與倫比的美麗
天上風箏在天上飛
地上人兒在地上追
你若擔心你不能飛
你有我的蝴蝶
嘿耶～嘿耶～
你形容我是這個世界上無與倫比的美麗
嘿耶～嘿耶～
我知道你才是這世界上無與倫比的美麗
嘿耶～嘿耶～
你知道當你需要個夏天我會拼了命努力
嘿耶～嘿耶～
我知道你會做我的掩護當我是個逃兵
嘿耶～嘿耶～嘿耶～嘿耶～
嘿耶～嘿耶～
你形容我是這個世界上無與倫比的美麗
嘿耶～嘿耶～
我知道你才是這世界上無與倫比的美麗
嘿耶～嘿耶～嘿耶～嘿耶～
天上風箏在天上飛
地上人兒在地上追
你若擔心你不能飛
你有我的蝴蝶
我若擔心我不能飛
嘿耶～嘿耶～
我有你的～草原
完
2008年11月5日 星期三
電話響起時
難得突然想到一個自己覺得有趣而想談談的題目。
**********
當大家的電話響起時, 大家第一時間會想起誰呢? (當然不計事先知道誰會打來的電話, 而是沒有準備之下, 突然打來的電話)
大家會想起家人? 會想起同事? 打來硬銷/cold call/廣告的電話? 會不會是公司打來, 又有麻煩事情跟進? 會不會是客戶打來? 或者是男友/女友打來check你在哪裡? 還是心中的那個他/她打來, 輕輕的慰問2句?
不知道大家懷著什麼心情去接電話。有些人會覺得有人找自己很麻煩, 最不想就是有手機, 讓人可以隨時找到自己; 我自己則因為經常自稱自己喜歡與人溝通, 當然就很歡迎別人打給我, 而我也自稱自己是24小時on-call的, 大家有什麼麻煩/事情/煩惱/快樂...的東東, 想找我時, 隨時可以找我談。
我習慣了電話一響儘快就接了, 變得有點兒神經質地想很快接電話。很怕因為自己遲了接而miss了電話的感覺; 有時有些不知名來電、或者不能call back的電話就會使我覺得很懊惱呢。因此如果想找我, 大家記得響久一點, 我可以接一定會接, 不方便時也儘量令大家知道吧。
由小時候開始, 就很喜歡傾電話; 到了中學、到上班了, 大小活動都幾乎是由我去統籌及做聯絡人(當然某幾堆朋友我就不是啦); 以前最可怕的是, 有些平時大部份人找不到/很難找到的人, 通常我一找就找到了, 因此我也被堪稱為"電話怪魔"呢。(雖然, 近年我也已經將權力下放, 已經洗手不幹了)(接班人卻辦事不力)
講回正題吧。不知道在電話響起時, 在未看來電之前, 大家腦中浮起的是誰的一張臉呢? 大家會想起之前提過那些令人不快的電話, 還是會想起很想對方打給自己的那個人? 是懷著煩厭的心情去接電話, 還是期待的心情去接呢? 不知道有多少人在電話響起時, 會想起我那張醜臉呢?
希望大家每天也會收到使自己快樂的電話吧。
完
Call My Name (English Version)
The Brilliant Green
Call My Name 日文版, 好無feel的一個MV...一d都唔關事...
http://hk.video.yahoo.com/video/video.html?id=1139405&p=call+my+name
Take my hand
And lead me to that place
Don't waste your time
Just another pretty face
Now don't you know
You're meant to be with me
I'm waiting yeah
For you to call my name
If this is how it was meant to be
I don't care, anything is OK
Only thing about it
I just wanna know
How I can kill time
Baby the moment you said goodbye
In the light of the day in a clear blue sky
On my cheek fell a single drop of rain
A thousand sighs
So slow, the time goes by
It's such a drag
You know i'm getting tired
One drop of rain became an ocean
And in my tears I'm drowning
I'm begging now
For you to call my name
The pain of a life time in just a day
Cried and cried for what seems forever
How could you do this to me
What did I do?
Want your love again
Baby this whirl pool of emptiness
Has got me spinning 'round so fast I'm on my knees
I never knew that the water could be so deep
The further I fall down into the emptiness
Rays of the sun we call love just fade away
If you care anymore baby call my name
I love you, love you, love you baby
I want you, want you, want you back again
Baby the moment you said goodbye
In the middle of the day in a clear blue sky
On my cheek fell a single drop of rain
Now as Im falling into the emptiness
Rays of the sun we call love fading away
If you care anymore baby call my name
Baby, baby, call me baby
Please baby, won't you save me
Oh baby, come back baby
Please baby
I need your love, baby
完
2008年11月3日 星期一
2008年11月2日 星期日
十一月二日 -- 雜記
1. 29/10(三) - OT到7點半; 之後同澤安花姐姐食飯; 七點幾都唔多人, 所以去左大盛。雖然人少少, 又唔係成日見, 但係都傾得開心; 仲有, 多謝好有心送比我o既柑桔! 飲左之後喉嚨第日完全無事! 感謝在不言中。
2. 30/10(四) - MayChan生日快樂! 唔知幾時出到來食呢一餐飯。下午返工時收到家昇電話, 佢諗住星期六求婚了; 因此約左我地幾個中學死黨出來食飯, 順便去場地事先視察環境; 無OT, 收工後同佢地係灣仔波士頓食扒, 都幾好食, 食完之後我就返企, 佢地幾個就去山頂了。
3. 31/10(五) - OT到七點, 無去打羽毛球, 返企自己整野食。Halloween屋企無人的牛扒感覺都唔錯, 幾free...
4. 1/11(六) - 早上10點返公司OT, O到4點半走; 之後K! 破紀錄, 4個人(可惜Cass的呀頭來唔到)由差唔多7點唱到第二日6點cut歌, 好耐好耐無試過通宵K(以前係讀書時期先試過, 仲要無咁早入場, 所以今次係時間最長)! 唱完出到來行到MK天都光了, 好彩第日唔使OT。
5. 2/11(日) - 係我仲唱緊K, 凌晨2點幾的時候, M的女女出世了, 恭喜!
6. 好朋友分手了; 心裡很不好受, 到頭來還是改變不了這個結局...很希望身邊的人們可以快快樂樂的生活, 幸幸福福的過日子。人總是不能控制離離合合(因為人都控制不了自己的情感), 想一想, 今年也有幾位好友有不開心的遭遇...
7. 愈來愈覺得對自己對別人也沒有信心; 人都是很複雜很PK的生物。很不想/不喜歡/不需要別人遷就我, 自己有時也很厭倦經常地遷就人; 經常由一邊跟隨著另一邊的步伐, 其實大家也很辛苦。
8. 同伴意識; 我覺得人應該學會獨立, 但不應捨棄人群; 擁有獨立的能力, 只是要在必要時有用, 並不代表從此不需要其他人了; 我不知道人是否群體動物, 但起碼我是, 也因此我會有同伴意識。
9. 加州紅11月開始, 逢星期三用恆生卡埋單全單六折!
10. 不執著也是一種執著。
11. 其實自己也很喜歡快歌, 也很享受那種奔放的感覺, 無奈自己並不適合唱呢。以下是其中一首自己會點來唱的快一點的歌。
瘋了 -- 林憶蓮; Sandy classic之一。
http://www.youtube.com/watch?v=aScuypDFg80
瘋了 -- 張學友; 當然係我點唱o既版本啦。
http://www.youtube.com/watch?v=nSs0IUEaH1c
瘋了
作曲：Trevor Gale/Kenni Hairston
填詞：林振強
准許我進入你臂內靈魂內
即使你有別人等待
你別離開 別離開 若前來
請不要問其實這該不該
＊如狂風吹吧 像浪與海
如浮沙捲吧 別要分析
要預料長夜無盡美妙
若讓夜和我 為你痴到透了 Oh...＊
＃知不知一開始 已發覺愛你不可止
我早已為你 為你瘋了 Yeah...
而戀火把此心燒焦 我愛你你卻知多少
我早已為你為你瘋了 Oh...＃
可否快進入我震動靈魂內
知否我已極難忍耐
我為誰生 為誰等 為誰來
得到你便全部答得精彩
REPEAT＊＃
若是我奔向你 願問會推開我麼
婉拒或狂擁我 快用臂胳說吧
熱吻吧 讓我為你瘋到自己都害怕
(Rap)Baby can't you see you are the only one for me
I'm thinking of you night and day
I say how can that beYou make me weak in the knees
I want to set myself free
But you're the only one I want &
I am crazy for you see
REPEAT＃＃
Oh...Oh...瘋戀我吧 來瘋戀我吧
Oh...Oh...Yeh...
Oh...Oh...瘋戀我吧 來瘋戀我吧
Oh...Oh...Yeh...瘋戀我吧 來瘋戀我吧
Oh...Oh...Yeh...
完
2008年10月28日 星期二
背著妳
前言
將一切老土的情節, 串連起來吧...
**********
"陳總呀, 今晚喝多一點吧!"風麈女子嬌媚而熟練地拿起酒杯, 喝了一口, 再慢慢伸出咀兒, 餵過去男人的口中。
"唔唔嗯...呀! 呵呵呵呵! 今晚...呵呵呵..."男人說著醉話, 與幾個朋友各自拉著女伴離開。
**********
"咔唰!"
大門打開, 男人見到妻子坐在沙發中睡著了。
"親愛的, 怎樣不回房睡了?"
"......"
"怎樣了? 快去睡吧, 別在這裡等我嘛。"
"你去那兒了?"
"都4點多了, 快去睡吧, 明天還要送真真上學呀。"
"你去了那裡滾呀? 滾到這麼晚還不回來?"
"妳在說什麼呀? 今晚要跟其他老闆應酬, 喝多了一點點吧了。"
"應酬? 要應酬到床上去了? 你一身的女人香水味是什麼? 你去滾也滾得高明點吧?!"
"那...去夜總會會有小姐陪也很正常的..."
"只是陪而已? 今天你的二奶打電話來家裡了! 陪?!"
"什...什麼?"
"別詐傻扮矇了! 什什什什什麼的!"
"別那麼大聲, 會嚇著真真的!"
"真真今晚去了婆婆那兒了! 你怕什麼怕? 做了虧心事吧?!"
"妳今晚怎麼啦...來來來...親一個吧!"
"我不要! 你那親過其他女人的髒咀別過來!"
"啪!"
"夠了吧! 妳發夠瘋了沒! 我平時工作也就夠辛苦了! 回來還要看妳發瘋嗎?! 還要打我?!"
"你做了什麼你自己知道! 你去滾那麼多女人當然辛苦啦! 還夠膽子回來跟我說辛苦?!"
"男人出去逢場作戲有什麼大不了? 我總算有頭有面有錢, 出去玩過女人而已, 我還不是很照顧家裡給你很多家用吧?!"
"你...你...你...終於認了吧! 嗚嗚嗚...你...以前對我說過只會和我好的...你追我的時候, 偷偷背著我為我做了好多事情, 令我感動, 喜歡上你...你求婚的時候, 就這一世也不會再背著我做什麼事情的...你...你現在卻背著我去滾!"
"難道你要我跟你正大光明地說我今晚去滾嗎? 你別瘋吧! 別做一個蠢的女人! 男人去滾, 女人應該只眼開只眼閉! 我們還要顧著真真的!"
"如果不是因為真真, 你就不要我了嗎? 你就要休了我嗎? 你個沒良心的..."
女人不停地哭叫、拍打著男人。
"你夠了沒!!"
男人把女人推開, 想走進房裡。女人追上去繼續纏打著。
"你別再發瘋了!!!"
男人一把推開女人。"碰啪!!"女人一失足, 整個人向後倒, 一頭撞在了堅硬的尖角上。
"珠? 你沒事吧, 珠?" 男人摸著女人的頭, 發現她後腦不斷地出血...
"珠! 珠! 你..."
...
...
...
女人的身軀逐漸冰冷...
男人的家就在郊外別墅式的洋房, 他毅然背起她, 走出郊外...
**********
日子一如以往的過, 真真也從婆婆家回來了。
過了一個星期, 男人覺得奇怪, 於是便問真真
"真真, 你一個多星期不見媽媽, 不會掛念她嗎?"
"不會呀, 我每天也見到她呀!"
"什...什麼?! 你見到...她?"
"對呀, 爸爸。我也覺得奇怪。"孩子天真地笑著，指著男人的後面。
"你這星期天天也背著媽媽不會累嗎?"
**********
我要你一世也背著我...
----------
完
**********
背著你
http://www.youtube.com/watch?v=h74nGn2nto0
作詞：吳青峰
作曲：吳青峰
編曲：蘇打綠
背著你讀書 背著你寫字
你再不會責備我不夠用功
背著你傷痛 傷痛關於我的快樂
背著你沉默 背著你穿洞
你再不會讓我看潮起潮落
我的愛 竟不翼而飛
但回憶 供我在夜裡消費
無所謂 當淚都成灰
背著你 得到一些 時間
背著你讀書 背著你寫字
你再不會責備我不夠用功
背著你沉默 背著你穿洞
你再不會讓我看潮起潮落
＊我的愛 竟不翼而飛
但回憶 供我在夜裡消
費無所謂 當淚都化成一片灰
背著你 得到一些 時間
Repeat ＊
背著你 我按停了 時間
完
謝絕探訪
專登連貼2篇, 睇下會睇我個無聊blog的少數人入面, 有無人會留意多少少, 拉落d發現我有時會唔止貼一篇o既。
**********
1. 27/10(一) -- OT till 8pm
2. 28/10(二) -- 小雅生日快樂, 謹祝遙遠的妳幸福; 下午係上環上堂同聽Briefing, 因此唔返去唔OT了; 今日有好朋友生日, 有朋友生BB, 俾人賣甩, 有好朋友問題接近解決邊緣, 等車等左四個字; 真是好不開心的一日呀。
3. 有點頭暈, 喉嚨又痛, 個肚仍然有點咕嚕咕嚕。
4. 出來社會做事, 以前的朋友也好, 後來認識的朋友也好, 總是因為結婚、因為拍拖、因為事業、因為各種原因而慢慢疏遠, 慢慢失去; 有幾多朋友能一直永遠持續下去的呢?
5. 有很多自己想的事、看法也不能說出來; 並不是因為自己有秘密, 而是自己的角色不能這樣。總之, 要笑。
6. 看著很多事、自己的事、別人的事, 自己做的事想的事, 不論對自己對朋友對工作對什麼也好, 愈來愈大分歧, 經驗、經歷、思想、行為、信念、各方面有很大的contradiction, 自己好像愈來愈變質。
7. 自己心情不好時, 人人難免會有點脾氣; 自己心裡不爽時, 就算搭車時坐附近的人大聲說話, 行路時前面的人行得很慢阻住曬, 心裡都會極其不爽, 責備對方; 不過, 這些情況的心情並不常出現, 而最遺憾的是, 即使自己只是在腦海中一閃而過的念頭, 沒有明顯對對方做過什麼, 自己很快便會想起對方其實沒有錯, 因而非常歉疚...對陌生人都會這樣想, 對朋友或喜愛的親朋好友就更...其實有點兒痴線, 常常那樣的話自己怎樣做人? 要過自己這種無聊良心的一關很困難呢。
8. 最近個blog唔知點解只係可以log-in, 或者匿名先留到言; 希望大家唔好嫌麻煩, 如果留言的話唔log-in都用匿名來留, 係個message講返你係邊位(或者真係想匿名都得)。
9. 最近很喜歡聽"我只在乎你"(當然近期最愛係"新不了情"), 不論係蘇打綠翻唱定係原唱鄧麗君o既版本都好好聽。
我只在乎你 -- 鄧麗君
http://www.youtube.com/watch?v=N72dsXD2GdM
我只在乎你 -- 蘇打綠
http://www.youtube.com/watch?v=DXriC1LoVIM
我只在乎你
歌手：鄧麗君作曲：三木尤賀志填詞：慎芝
如果沒有遇見你 我將會是在那裡
日子過得怎麼樣 人生是否要珍惜
也許認識某一人 過著平凡的日子
不知道會不會 也有愛情甜如蜜
任時光匆匆流去我只有在乎你
心甘情願感染你的氣息
人生幾何 能夠得到知己
失去生命的力量也不可惜
所以我 求求你 別讓我離開你
除了你我不能感到一絲絲情意
如果有了某一天 你說即將要離去
會迷失我自己 走入無邊人海裡
不要什麼諾言 只要天天一在起
我不會只依靠 片片懷念活下去
任時光匆匆流去我只有在乎你
心甘情願感染你的氣息
人生幾何 能夠得到知己
失去生命的力量也不可惜
所以我 求求你 別讓我離開你
除了你我不能感到一絲絲情意
完
2008年10月27日 星期一
十月二十六日 -- 雜記
1. 23/10(四) -- 日日OT, 身體上雖然累, 但係都唔緊要, 反而對我來講"精神"上係最緊要o既, 實在到左極限; 好彩呢日約左幾個朋友, 出來聚聚; 去左TST行下買下衫, 之後去左加連威老道食印尼菜, 都幾好食呢, 不過叫左好多野, 大家都好飽。好耐無去過KT果間了。
2. 24/10(五) -- OT到8點。
3. 25/10(六) -- training全日; 完左之後未夠鐘, 去左MK自己一個人行, 好耐無行好無聊; 行左陣瓊華, 發覺而家d衫好似唔多o岩我呢d老餅著了...覺得自己開始有點唔係呢一代o既人...唔會掛咁快老...;之後行左陣皆旺, 7:30pm再去SSP同八婆一家仲有Gordon食飯; 間富來紫砂乜乜飯店都OK o既。個B好活潑呢。
4. 26/10(日) -- 好好好好累, 訓左一日, 波都無去打, 真係好累。身體狀態都開始差了, 頭痛個肚又咕嚕咕嚕。...
5. 星期五返屋企自己煮d野食; 得閒無聊睇左少年四大名捕o既結局; 聽人講之前o既劇情都唔錯, 不過結局就真係差左d..d劇情麻麻地, 個高潮又唔夠激烈, 臨尾果幕更加係不知所謂...另外, 點解故事中相愛的2人永遠都不可以一起呢?
6. 發現近年就算開心, 都係個心o既感覺舒服, 或者微笑, 原來好耐沒開懷大笑過...笑到肚痛o既感覺...真係好耐了。
7. 想轉個blog o既版面好耐好耐, 之前一路都整唔到, 有d好靚o既都整唔到出來; 近來發現左有d整到o既, 雖然無之前o既咁靚, 但係都OK啦, 而且改到都好開心了。
8. 仍然很像一個小朋友一樣, 相信愛情可以是純粹的, 什麼其他也沒有, 沒有條件, 沒有身體也可以。
9. 由於怕熱的關係, 自己在冬天也很少著很多很多衫, 通常只係著T Shirt係入面, 外邊就因應唔同天氣著唔同厚度o既褸, 所以我屋企有唔少褸呢~ 除此之外, 最重要就係頸巾同手套, 因為呢2個地方會外露, 個身唔使太厚, 有呢2樣野保護到就OK呢。原來自己有鋪鐘意褸o既癮; 不過其實有大部份o既褸都已經好舊/好殘/過時了~ 都唔著得呢。o岩o岩星期四買左件新褸, 好高興呢。
10. 近來見到色情o既野, 居然有想嘔o既感覺。
11. 我總是被燦爛笑容所蒙閉; 不論工作上, 朋友上, 愛情上, 總是被燦爛的笑容所吸引, 相信了對方; 很喜歡看到對方開心的笑容; 所以我一向也比較不喜歡冷艷型的靚女呢, 嘿嘿。
12. 今日原來係...
13. 最近極喜歡聽"新不了情", 好好聽。
新不了情 MV by 萬芳 -- 始終覺得最好聽係佢o既version!
http://www.youtube.com/watch?v=J-vaI4lBE44
蕭敬騰 - 新不了情 vs 楊宗緯 - 新不了情 -- 佢地係超級星光大道o既PK戰, 2個都好聽呢! 如果唱K都有男仔KEY的Version就好了...
http://www.youtube.com/watch?v=CPHrFdEzcQI&feature=related
張靚穎-新不了情(電視版) -- 雖然一向欣賞張靚穎, 不過呢首佢真係演繹得麻麻地...太過show off唱功...無咩feel...
http://www.youtube.com/watch?v=2J7V6sn6usA
辛曉琪 新不了情 -- 都係有唱功有feel的一個version
http://www.youtube.com/watch?v=ZOlpfiCOd0Q&feature=related
新不了情 - 萬芳
曲︰鮑比達
詞︰黃鬱
編︰鮑比達
心若倦了 淚也乾了
這份深情 難捨難了
曾經擁有 天荒地老
已不見你 暮暮與朝朝
這一份情 永遠難了
願來生還能 再度擁抱
愛一個人 如何廝守到老
怎樣面對一切 我不知道
回憶過去 痛苦的相思忘不了
為何你還來 撥動我心跳
愛你怎麼能了 今夜的你應該明瞭
緣難了 情難了
完
2008年10月25日 星期六
山羊座
前言
雖然我經常提起星座, 但我仍然覺得這是"興趣"及"閒聊的話題", 並非鼓吹相信星座運程及性格。以下的文, 也只是以這星座起頭, 及把某一些朋友歸類一起談談吧。
**********
山羊座
經常說, 風象星座的我, 這麼多年也交不到多少在星座上相合的朋友(只是說在星座上相合, 並不是星座不合實際就不合)。與自己比較相熟的一大堆朋友當中(當然不計泛泛, 而是真的是朋友), 百分比佔得最多的(而且還是拋離的多)是那三個土象星座 -- 金牛處女山羊。金牛處女當然也各有極相熟又淵源很深的朋友, 但這次想談的是山羊座(並不是只想談一個半個, 是談一堆; 另, 當然不會指名道姓)。
認識不少山羊座的朋友, 而有不少也很熟, 或者間接地也與自己很有關係; 水瓶是否總會與山羊有點孽緣? 自己其中二大死黨之一, 也是山羊座。山羊座的星座性格是怎樣的呢? 為什麼說山羊座的性格會與水瓶不合呢?
不詳細去研究, 只是淺談; 山羊座最給人印象深刻應該是那種沉穩實務的感覺吧? 而水瓶座則比較天馬行空, 無邊無際的跳脫? 以下是簡單的星座性格:
----------
山羊星座〔12月23日－1月22日〕
山羊座的人大都個性保守，十分謹慎，可以忍受任何外來的困難及壓力，重視實際利益，講求現實，認真，有耐性，善於辨認是非，下定目標即全力以赴，自信心強，不喜歡照他人的意思行事，我行我素。愛情：山羊座的人由於過分重視現實，所以戀愛較缺乏浪漫情調。
水瓶星座〔1月21日－2月19日〕
此星座的人為人善變，很活潑也很有表現力，頭腦清晰和靈活，具創造力以及獨立心，善於發揮才華，觀察仔細。他們個性溫和忠誠，有很明顯的利他主義，頗有人緣，對自己頗有信心，也很自負，既頑固又獨立。他們具有冒險和說服他人的能力，是我行我素的理想主義者，但也有為大眾服務的精神，說話風趣幽默，有時又顯得過於抑鬱，對某些事有點無動於衷。愛情：水瓶座的人比較喜歡有性格魅力的人，因此偏重理性的結合。在感情上很敏感，很容易受到傷害，若是受到傷害便會表現出特殊的脾氣。
----------
基本上, 就是典型土象與風象星座的分別: 跟本就是2種人。相比起其他2種穩定的土象星座, 處女會很高要求, 追求完美, 又會很囉嗦; 金牛有一點藝術家脾氣, 有時更會牛脾氣; 山羊卻是更加穩定的一個(簡單來說, 就是更沉實, 又或者是更"悶")。為什麼反而會做到朋友, 甚至會有很熟呢? 原因之一當然是水瓶人本來就與大部分的人都合得來(因為變化度及適應力高), 但最有可能的原因可能是因為對方有自己沒有的東西吧?
認識不少山羊座的朋友, 不多不少也跟上述的星座性格吻合(但其實又認識有些又不是那麼悶蛋的, 可能山羊應該是"穩定固執"多於"悶"吧?)。其實那些特質並沒有好壞之分, 世事總有2面, 有利總有弊的; 沉實堅韌的而且確也是水瓶座應該多學學的事情呢。而交朋友也不是看對方好或壞/有沒有利用價值/是不是有能力/值得交與否的, 而是大家心中的距離有多近吧(起碼自己是這樣想的)。
曾經想過, 如果不是一早從小就熟, 我應該不會跟他成為死黨吧? 有太多的不協調或不認同之處。不過其實之後也一直認識到山羊人, 而且也會很好傾, 做到朋友; 而經過時日變遷, 一起走過那麼多日子, 就算星座性格不合, 但也是一個了解我的死黨(其他朋友也是呢, 很高興認識到這些朋友); 所以星座什麼的, 其實只是用來說說玩玩就好了~~
不過, 似乎水瓶座跟山羊座真的有點"孽緣"呢(相愛就免了吧, 嘿嘿, 我對男人沒與趣)。
p.s. 不過對我來說, 似乎金牛和處女的"孽緣"也不比山羊差...實在識得太多土象星座了...
完
2008年10月22日 星期三
十月二十二日 -- 雜記
2. 22/10(三) -- OT
3. 唔覺唔覺, 最近o既時間過得好快, 因為平時返工忙, 所以覺得過得快吧...
4. 最近都OT; d野做極唔完, 但係居然有同事做得超快, 差唔多攪掂晒佢d個案, 痴線o既; 雖然佢係比較資深少少o既同事, 但係都實在太快了...
5. 恆生卡逢星期三加州紅唱K全單七折優惠剩返最後一個星期, 成個優惠期, 居然只係用過一次, 對於我來講係咪少左d呢? 哈哈...
6. 睇左"保持通話"。睇之前大概都知套戲行咩flow, 睇完之後, 覺得都好唔錯; 大家當然唔好expect同Hollywood果部差唔多啦, 但係睇2個鐘全場都無悶場, 而且典型港產片o既好睇原素都好齊(攪笑啦, 驚險啦, 爆破啦, 追車啦, 打交啦...等等), 都係一部好精彩o既戲來o既。
7. Neway個唱K系統更新左, 而家好得! 係超得! 對於鐘意唱K o既人來講, 實在係好方便同好正呢~!
8. 其實收工OT多2粒鐘, 都唔係累多好多, 如果只係OT到8點, 唔係9點, 返到屋企都唔使9點, 時間上還不算太晏; 不過做d野實在太多, 好似做極都做唔完, 而且d個案有d都好煩; 最大問題係, 我老細永遠都係冷冷冰冰, 雖然我唔係最做得野o既員工, 但係都唔算懶同好唔做得野掛? 但係佢o既態度總係好似唔多OK我咁...對住其他人或者我partner又唔見係咁...有時做做下都無咩心機...話晒都新人未跟過d野, 我都算記得好多野又跟得OK足啦...
9. 某朋友介紹o既一首歌; 一向都覺得梁靜茹唱得幾好, d歌都幾好聽, 但係總係唔知點解唔多迷佢...不過其實我又會聽好多佢o既歌, 好多都好聽o既...究竟佢欠缺d咩野, 令我認同佢但係又唔會好鐘意佢呢?
可惜不是你
MV version
http://www.youtube.com/watch?v=cK2cPgzLCbg
楊宗緯Live Version
http://www.youtube.com/watch?v=a3_OjVvVH6I
可惜不是你
曲：曹軒賓
詞：李焯雄
編：陳飛午
唱: 梁靜茹
這一刻 突然覺得好熟悉
像昨天 今天同時在放映
我這句語氣 原來好像你
不就是我們愛過的證據
差一點 騙了自己騙了你
愛與被愛不一定成正比
我知道被疼是一種運氣
但我無法完全交出自己
＊努力為你改變
卻變不了 預留的伏線
以為在你身邊 那也算永遠
彷彿還是昨天
可是昨天 己非常遙遠
但閉上我雙眼 我還看得見＊
＃可惜不是你 陪我到最後
曾一起走 卻走失那路口
感謝那是你 牽過我的手
還能感受那溫柔＃
那一段 我們曾心貼著心
我想我更有權利關心你
可能你 已走進別人風景
多希望 也有 星光的投影
REPEAT＊＃＃
感謝那是你 牽過我的手
還能溫暖我胸口
完
2008年10月21日 星期二
十月二十日 -- 雜記
懶, 又係將之前自己記低o既notes不經修葺照貼出來算, 哈哈
13/10(一) -- OT to 20:00 and home
14/10(二) -- take 眼鏡in KF, dine w/ ManS @ SSP飛鷹, food OK; 不愧同金鳳齊名
15/10(三) -- OT to 20:00, dine and celeb Bday of Angel @ KT APM, Spag Hse
16/10(四) -- 日有所思; 鬧鐘無響? Late for work; OT until 8
17/10(五) -- OT until 8:30
18/10(六) -- CYZ come to HK; Don't note down, remember in the mind
19/10(日) -- BB and rest
20/10(一) -- OT till 20:00 and home
1. 慶幸, 多年o既政府部門工作經驗並無令我"公務員"化。沒有大大降低工作效率, 沒有變得迂腐。
2. 不愛照相, 不愛照鏡; 由於要配眼鏡所以被逼照; 相由心生; 難道我的內心真的這麼醜陋?
3. 新眼鏡; 帶左睇野唔會wing, 不過睇得野耐眼都會有d累...
4. 做野最唔鐘意有人監住; 我個位附近都係d呀頭level o既人, 雖然唔係睇住我, 但係都好難揮灑自如做野呢。
5. 好快完成左某d野, 究竟係我真係攪掂左, 定係有d野我係新人完全唔知而漏左?
6. 星期六日不OT的後果...本來都令我有d擔心...不過, 返到去似乎又無咩野...
7. 發左個好不得了的夢, 勁唔好o既夢...好彩, 以前有人話呢d通常係相反o既; ,不過實在太真實了...好唔開心
8. 最近聽返一段時間無聽o既中島美嘉o既歌, 真係好正! 最勁o既係, 佢唱好慢好柔o既歌又得, 唱好快好rock o既歌一樣得, 有power, 好掂!
9. 我是那種很記得很多東西的人; 去過的地方, 做過的事, 特別的日子...一經過就會/
10. 青瓜好有營養價值, 雖然表面好似唔好食, 但係只要整得好, 係好新鮮美味噶, 又有營養; 只有識貨o既人先會食, 講真, 使咩甘多人鐘意? 有識貨o既人就夠了!
11. 又想唱K。
12. 黑眼圈好厲害。睡得不好...
**********
又講下歌; 聽返首舊舊地o既歌, 蔡依琳o既"好想你"; 完全係sell feel的歌, 而佢亦唱到個feel出來, 可惜...呢d歌, 就算有男仔key, 都係女仔唱會有feel d...果種感覺...好正。
好想你 MV Version -- MV個feel完全唔係我想像中o既feel, 又唔o岩個聲音唱出來果種feel...雖然都可以係呢d開心愛住對方o既感覺, 但係聽首歌o既時候, 自己feel到係果種從心入面呼喊出來, 有點孤寂o既味道。
http://www.youtube.com/watch?v=XBCJOIrLHCc
好想你
歌手：蔡依林
作曲：林松錦
填詞：李焯雄
編曲：吳慶隆
我喜歡你緊握我的手
一股安全的暖流 滲透到胸口
我喜歡你叫我的語氣
理直氣壯的粗魯 卻有私密的親暱
＊好想你 不停止
好想你 我愛你
寫在手心 你笑容
你觸碰 還是讓我心動
好想你 不停止
好想你 我愛你 給我勇氣
那包容 那悸動 都是我
珍藏的內容 (被愛的光榮)＊
我喜歡你吻我的時候
看你專注的低頭 像永遠不夠
我喜歡你叫我的名字
一副若無其事的 又像公開的秘密
REPEAT＊
好幾次我怕會來不及 還沒抱夠你
不管我是你幾分之幾 我只要愛你
REPEAT＊
完
2008年10月14日 星期二
關於我
好一段時間, 無打唔係雜記o既野; 主要原因係忙, 同埋忙完之後累, 無精神打。所以雖然又累又夜, 但係難得有心機, 打埋佢。好耐之前都想寫下有關於自己o既文, 不過係諗到咩就寫咩, 所以會有d亂, 又唔係好有Logic, 而且都會比較口語化d。
最近睇返自己以前寫o既野, 有好多概念, 經歷左好一段時間, 同以前都無咩大改變, 都唔知係好定唔好; 係自己無成長過? 定係自己以前諗o既野已經係好適合自己? 係自己固執? 定係個世界無改變?
不過, 如果有人想睇呢篇野而明白我, 就好難; 1. 因為要了解一個人係好難o既, 要了解自己都難, 何況係人地? 2. 一個人有太多太多內容, 唔係三言兩語講得完o既 3. 最重要係, 因為係我, 我太多野諗, 諗野太亂了。
想對我有基本了解o既, 應該去睇下我標籤左"我喜愛的文"果堆野, 因為好多都係我o既人生觀同對好多重要事情o既感受。當然, 以下o既野, 睇完都實會知多我d野o既。不過一再重申, 我寫野係為左俾自己睇返...並唔會專登entertain人地, 所以, 都係會好亂。段落同段落之間, 亦都未必有關係。同埋, 有d同以前寫過o既野重複o既, 如果唔係想一再強調, 都唔會再係度講。
雖然世界觀人生觀同以前唔係好大唔同, 但係對愛情o既感覺就有少少唔同。基本o既愛情觀係無咩改變, 拍左拖都係要儘量認識對方, 大家互相夾, 互相遷就同尊重, 亦都不時要refresh下, 亦都唔鼓勵分手。不過, 自己對呢樣野o既需求又有幾多? 自己對呢樣野o既安全感又有幾多? 平時同朋友一齊已經好開心o既我, 又喜歡會有自己私人空間o既我, 仲有對朋友同對情人都唔係差好遠o既我, 真係需要? 真係會令人開心?
自己係細個o既時候好唔怕生, 亦都係外向o既一類; 後尾經過屋企同學校好多o既教育同洗禮之後, 有好大一段時間都係比較唔起眼, 又唔多外向的(只係同熟o既人外向); 同時, 個人變得好抑制自己o既情感, 係屋企o既影響之下, 好多野都唔敢做, 慢慢習慣左; 返工之後(以前講過第一份工開始)好左, 慢慢好d, 後尾因為性格關係, 鐘意留意好多心理/人生方面o既野, 慢慢的睇野都淡左...而令我個人慢慢變得無左火氣, 無左果種"激情"。
雖然不再內向, 而個人亦都逐漸回復自己o既狂放, 係思想同行為上絕對係點樣都得(都多虧自己見過唔少事物, 接受到唔同o既野), 但係係情感上仍然都係好收藏o既; 已前都講過唔懂得點樣去"開始"關係, 不過只要同一個人"開始"左, 認識左, 就會好快熟(或者好快唔熟), 因為我會很直接地與人溝通(因此o岩傾會好o岩傾, 唔o岩傾就無野講), 亦都因此係返工之後咁多年, 仍然可以識到好多好o既朋友。(呢樣野同性格都好有關係, 唔係人人都可以吧...)
對朋友還好, 但對愛情上, 感覺自己總是過份淡泊; 自己對呢樣野究竟係點樣? 想要人愛被人寵嗎? 係人都想吧? 但當我喜歡一個人的時候, 又真的很不介意為對方做很多事情, 默默忍受很多自己不喜歡的事情; 是寵人多於寵己的一類吧?
由細到大都有一樣野係好唔擅長o既, 就係扭乾毛巾(當然亦泛指扭乾其他衣物啦); 唔知點解自己對手對呢個轉動o既力量總係好弱呢~~好奇怪, 扭極都仲好濕, 扭完之後, 俾呀媽扭, 都可以再扭出好多水來 =.= 另外, 開d汽水樽蓋果d轉轉轉o既力又係唔多得 =.= 最後用牙多過用手開...唔通呢樣都係因為自己唔夠放, 唔夠膽去盡所致?
一向都唔習慣身體接觸, 同我熟o既人都可能感覺到, 其實我好少去"掂"到人(包括女朋友都係), 連平時一般o既拍一拍膊頭都好少, 人地(不論男女, 尤其係女)行埋少少我都縮縮地o既(當然打波果d就另計啦...), 唔知點解, 總係好唔習慣同人有身體上o既接觸, 好似自己身體外有一層"絕對領域"咁, 一過左就好唔知點; 而能夠衝破到呢層障礙o既人, 相信都係我好喜歡好喜歡o既朋友(當然包括女朋友)吧。
由於自己著重精神o既溝通多過其他野, 加上都可能由於以上o既原因, 自己對於要接觸身體o既活動都係比較少o既(包括同女朋友比較親密o既舉動)(又係果句, 籃球除外); 覺得自己如果愛一個人, 真係可以(幾肯定)係世上少數可以遠距離戀愛果種人; 當然會好想見, 好想攬住對方, 好想同對方一齊, 但係如果真係喜歡, 又見唔到的話, 自己係可以堅持到果種吧? 當然, 對於各種奇奇怪怪o既忘年戀、同性戀等等o既野, 接受能力都比一般人高呢。
同喜歡o既人(不論係朋友定係情人)一起, 對我來講最重要o既當然係精神上o既交流同放鬆; 其實並唔需要去玩, 去癲(來Ocean Park!)(發癲唱廣告歌, 同內容一d關係都無); 同喜歡o既人一齊, 那怕只係其他人講野, 我好似無咩聲出, 無咩表情都好, 其實我都係好開心, 心入邊好舒服; 那怕大家都無出聲, 只係坐係餐廳呆呆出神, 都一樣好放鬆; 那怕只係大家挨係度, 咩都唔做, 一齊聽下喜歡聽o既歌, 都可以感受到對對方o既喜歡。呢d野可能對好多人來講好無聊, 好悶, 但係對我來講已經好足夠。其實我只係一個好容易滿足(定係其實呢d野係好難滿足呢?)o既傻瓜而已。
一向被人壓抑住o既情感, 其實當然並唔會無; 泛起時亦係可以好犀利, 只不過在心中; 行為上應該並不能看見吧? 見到同自己好夾o既朋友, 好o岩傾o既朋友, 識左好耐o既死黨, 不用言喻o既了解等等, 都會令我心中一陣在喜, 不能自己。
人總是appreciate沒效率的東西, 總是要人做很多沒效率的事, 才會欣賞; 工作要無意義地OT, 愛人要無意義地浪費很多時間做很沒效益的事情; 自己其實卻總是會做著些很沒效率的事, 去使人開心...(烽火戲諸侯的可能也是水瓶座?)而別人也會很appreciate自己的努力, 和你做朋友, 但慢慢變得有事才找你, 有時間才關心你, 自己去玩去開心時就不用記得你了; 相反被我喜歡的人, 則不太用有效率就可以使我很快樂(因為...只要精神上有溝通?), 其實很容易騙吧?
曾經形容過自己(或者是水瓶座?)像風箏, 雖然飛得很高很遠, 但只要線一直被牽著, 也逃不出對方的手, 但當操縱著線的手, 不停地做錯, 不停地放開, 不停地不理就會斷了, 而由於太遠, 一斷了就不見了...感覺都沒有了, 即使再跌在對方腳底, 也不再是那掌握於手中, 曾經被那對手牽動得像潮起潮落般的風箏了。
以下有兩則幾有趣o既星座性格, 諗下雖然有好多唔係好關事, 但係又幾好笑, 有d又幾準。
12星座裡最容易被誰騙感情
水瓶座容易被金牛座騙感情：金牛座表現出的樣子非常安定，這會讓水瓶座非常安心，可是金牛座屬於安定之後就不會對對方像以前那麼熱情，可能會開始去發展自己的人際關係和事業，可是水瓶座會為了另一半改變自己的交友圈和整個環境，這時候他就會覺得金牛座對自己的愛情和真心怎麼跟自己不一樣，而從而覺得金牛座看起來很老實其實滿肚子歪主義。
星座情人
寶瓶座 寶瓶對人相當尊重而且友善，人緣奇佳，最熱衷社團活動，在群眾裡如魚得水，人際關係一把罩，不過對身邊的人反倒冷冷淡淡，有一道似有若無的疏離感。
寶瓶熱心但不熱情，愛情與友情的界線可能不太分明，博愛精神，最讓親密愛人抱怨連連，也是當情人不如做朋友的類型，放牛吃草可能是最好的模式。
酷斯拉寶瓶，特立獨行創意非凡，勇於脫胎換骨擺脫規範，太過超前的思考模式有時讓人無法解碼，丈二金剛摸不著頭緒。不按牌理出牌的性格，時而製造驚奇時而製造意外，很讓保守型的情人擔心害怕，而讓新潮型的情人激賞，無論如何他總是頑皮的欣賞著自己的瘋狂。
愛上寶瓶你得適應這種爆炸性的前衛風格，還要用足夠的空間供養對方，使他保持個性中的原創性。寶瓶欣賞知性的相遇，對於才氣縱橫的智慧型異性，最不厭倦。
真的嗎?
完
p.s. 其實要講, 要再諗, 仲可以打多好多好多好多野, 不過, 夠了吧; 水瓶座要繼續隨想, 係永無止境o既事, 2點半係極限了。
再完
你好勁呀!
當一個人俾人話"你好勁呀!"o既時候, 大家會諗起d咩野呢?一般大家都係諗到好多唔同原因o既讚美; 可能係打波好勁, 可能係唱歌好勁, 可能係讀書好勁。
如果情況係, 一個女性對一個男性講o既呢?大家可能會諗多d; 可能係個男仔幫個女仔換電燈膽, 可能係幫佢修理左電器, 可能係幫佢打死左隻大強。
如果係一個少女對一個青年講o既呢?大家又會再諗多一d; 係少女對青年o既愛慕? 情人眼裡出西施所以做咩都覺得勁? 定係大家會諗到一d色色o既事情(定係大家係一開始見到個題目就諗到呢d野?)
其實, "勁"亦唔一定係讚美, 可以係以下情況:
男: 我近視有成千度呀。
女: 嘩! 你好勁呀!
完
2008年10月13日 星期一
十月十二日 -- 雜記
1. 8/10(三) -- 難得終於有機會使用加州紅星期三的七折優惠; 好耐好耐, 應該有幾年無同呀Mak佢地唱過K, 所以好難得一次同佢地唱呢; 可惜幾個人出到來一係就狂叫股市跌, 狂叫慘, 一係就有幾個係度打PSP, 基本上佢地都無咩心唱K o既...由於對手無咩心機, 又唔係唱得好, 基本上我都無咩心機唱, 唱得唔多...其實呀Mak唱得唔差的, 只不過佢成日亂來...由於第日要返工又無心機唱, 我就10點幾走先了, 佢地唔知幾點走。
2. 9/10(四) -- 收工OT到7點島返企。
3. 10/10(五) -- 收工OT到8點返企。
4. 11/10(六) -- 大家都話返公司OT, 於是星期六都返左公司OT...本來想3點走, 點知大家都好似唔走咁, 諗住最遲4點走, 點知都係無人走, 最終5點頂唔住, 好彩仲有一個同事一齊走...HK人(或者中國人)真係戇居o既, 係要有人玩爛或者過份擔心, 攪到一d唔應該做o既野成為左應該,其實咁樣都唔會對自己有利...上面d人都唔一定appreciate你...如果大家都唔OT, 上面都吹唔脹啦...大家睇下外國人, 從來都唔OT, 咪一樣做得晒d野...總之, 其實應該叫d人唔好帶頭玩爛...
5. 2/10(日) -- 好累, 不過難得天氣好, 緊係照起身去打波啦; 好耐無打(唔好計上星期果d比賽...都唔同o既)打得唔多好...手風好差...只係對d弱旅先贏到; 打完波食完飯返屋企沖完涼, 好累好累(精神同身體都累), 好難得一訓低就幾乎即刻訓著, 訓左2個鐘島到6點半先醒呢~~
6. 來緊返工o既日子開始吃緊了, 終於都唔使好無聊係公司無咩野做, 可以由返工做到收工, 時間過得好快, 不過當然希望唔使OT啦(但係應該都要的了); 其實如果做唔晒d野, 又真係好趕, 我都好樂意OT的, 而且而家d野, 真係多到好難敏得晒呢...
7. 千祈唔好愛上水瓶座, 亦都唔好被水瓶座愛上, 雖然會有異於其他人o既開心, 但同時也會得到痛苦; 水瓶座, 還是只做好朋友好了。
8. 好想好想去玩, 好想好想去放鬆下, 好想好想同好好o既朋友一齊, 就算係hea都好開心呢...
9. Hunter x Hunter同Gundam OO都好睇呢~
10. 連續幾天都想寫一些關於自己的事的文, 不過總是沒有精神和心機呢...不過, 會儘量吧...內容將會很散亂, 一段段的, 想到什麼就寫什麼。
11. 最近好喜歡張韶涵+蘇打綠o既"藍眼睛", 係最近好喜歡o好喜歡既合唱歌, 好好聽; 好想好想搵人一齊唱呀~ 可惜HK無得唱, 而且首歌又難唱又難學呢...
再者, d歌詞又係好奇怪o既, 好似我呢d諗野已經係亂來o既人, 都係憑想像力估估下佢諗咩野呢~哈哈哈, 不過佢d歌o既歌詞不嬲都係好奔放同埋係佢自己思想空間o既野來o既~~
MV Version -- 畫面怪怪地, 都唔係MV畫面來o既, 好似係第2首歌o既畫面
http://www.youtube.com/watch?v=i5iKYItVe38&feature=related
Live Version -- 基本上聽咩version, 如果係勁人唱o既, 聽Live都得啦哈哈。
http://www.youtube.com/watch?v=2GQl7LY5RTM&NR=1
藍眼睛 張韶涵+蘇打綠
作詞：吳青峰 作曲：吳青峰
張:你的眼睛 藍色的一面海
總是太安靜 像是會有暴風雨
呼喚一個夏季 也許那天都逝去
海面閃著淚 像夢境
蘇:你的眼睛 閃爍的一面海
平靜地嘆息 灑了一片碎玻璃
穿過一座島嶼 也許那天都死去~
(張:都死去)
合:海浪都沉默 累不累 yayayaya~~
蘇:作一場冒險的表演 走過千秋萬歲 寂寞的雲煙
(張:寂寞雲煙)
蘇:下雨天 沒有地點可以擱淺
(張:地點可以擱淺)
蘇:拍一張分別的紀念 努力遠走高飛 失眠的海面
(張:失眠海面)
蘇:地平線 彩虹消失在~一瞬間
(張:消~失~一瞬間)
蘇:其實從頭到尾 誰又得到了水仙
張:其實從頭到尾 走了錯誤的航線
(蘇:錯誤的航線)
合:讓海水都沒去你我的臉 閉上眼
張:回到原點 一個語言兩個世界
(蘇:回到原點) (蘇:兩個世界)
張:作一場冒險的表演 走過千秋萬歲 寂寞的雲煙
(蘇:冒險表演) (蘇:寂寞雲煙)
張:下雨天 沒有地點~可~以~~擱淺
(蘇:沒有地點擱淺)
張:拍一張分別的紀念 努力遠走高飛 失眠的海面
(蘇:分別紀念) (蘇:失眠海面)
張:地平線 彩虹消失在~一~瞬間
(蘇:消失~~一瞬間)
完
