七月二十四日 -- 雜記

1. 今日Connie問來緊星期五至日去唔去大陸短期旅行2日幾, 不過我又同Spenser調左week, 唔得, 佢地玩得開心d啦; Connie亦提過9月或11月去台灣; 好耐無去旅行了, 而且一向都想去台灣, 又有假...都幾想去, 不過都係到時先算...

2. 由細到大都幾天真咁覺得, 只要自己係交個心出來, 無論係咩人都可以交到朋友, 即使friend唔到, 都唔會係敵人; 不過隨住年紀同經歷增加, 發覺呢樣野係無咩可能的...有d人就係做唔到朋友, 就係對你有bias, 就係唔妥...不過自己仍然係儘量對人交心(當然係有程度上o既唔同啦), 但係好多時都係失望...人點解要咁複雜呢?

3. 人其實係幾負面o既動物; 無論一個幾好幾叻o既人都好, 只要有少少野衰左, 或者做錯少少野, 就好似咩都衰晒, 以前做過o既野或者好事咁, 好似都一筆勾銷晒, 辛苦建立出來o既credit、信任一次過無晒; 唔講d歷史人物, 就近近地呀朱培慶咁, 都係一樣; 做人真係太難了。

4. 係某d方面, 自己係好敏感o既人。無論對朋友對愛人, 一向都覺得溝通最緊要(對自己來講); 當自己認為重要o既人/好朋友/愛人...etc, 斷絕溝通, 或者不信任o既時候, 會覺得好辛苦; (當然如果自己抵死, 唔應該被信任時, 就緊係抵啦), 但係如果明明覺得自己無錯, 但係對方誤會, 不明白, 甚至不信任時, 就會覺得好唔開心, 甚至會好傷心。有時人o既諗法, 唔多唔少都會reveal到出來, 或者會被感覺到, 而對呢d野敏感o既我, feel到o既時候就會好唔開心; 好多時嚴重時重會有想喊o既感覺; 因此由細到大睇小說、劇集時睇到d有誤會或者冤屈o既情節時會好唔舒服; 自己會好唔鐘意比人屈; 唔鐘意誤會、誤解; 最怕比自己o既愛人、好朋友誤會, 亂諗野又唔講唔問...對呢d野真係好敏感...

被誤會/不被信任時o既我, 好多時都會選擇"走"; 不喜歡/不想再多作解釋了, 不信就不要信吧, 反正要信/不信也不是我解釋就能解決到的, 喜歡怎樣就怎樣吧。有時就算明明可以解釋, 可以"tum", 但一有這情況出現就會意興闌珊, 不想再說什麼。講多無謂...

請不要傷害我。

5. 講過好多次, 人真係好很煩o既動物; 除左諗野複雜又自私仲有好多其他劣根性唔想講之外, 其中一樣野就係"是非"。有人o既地方就有是非遙言, 真係好佩服d人咩都諗得出, 咩都講得出; 大家出來做野咁多年, 廿幾三十歲人, 仲好似學生咁, 講一大餐, 又好多估計/猜想o既事情, 又要係人背後講, 真係好笑。好彩自己應該係大多數時間都唔係被談論o既對象。不過真係好憎呢d野。

**********

22/7(日) -- 一早打波, 打得都OK啦; 好熱好熱好熱好熱好熱好曬好曬好曬好曬; 打完波本來話同媽去唱K, 不過呀哥唔得閒, 之後諗住照去APM唱, 但係好多人, 要等, 唔唱了; 之後行下APM就返企, 很累。

23/7(一) -- 收工本來諗住去Spenser屋企睇貓貓, 但係好累同對腳痛所以唔去; Spenser夜晚無野做, 於是話同Iris上來我企睇碟; 收工一齊去我企, 我係企食飯, 佢地就自己攪掂; 之後睇"降頭", 港產o既呢d戲唔會太差o既, 不過睇左開頭半個鐘島已經出現好多核突場面, 我不嬲唔多好核突片, 最終放棄唔睇, 佢地2個繼續睇; 到左10點島佢地睇完就走。

24/7(二) -- 收工約左ConnieMartin係KT食韓燒; 不嬲都唔係好熟KT的食肆, 原來呢間都幾抵呢: $88任食+任飲, 而且都幾多野食, 幾抵呢。食左好~~多野, 係最近食量o既2日食o既野加埋咁滯...一次半次唔緊要啦...食完後Connie臨時決定去TKO家姐度訓, 於是同Martin一齊去APM買必需品, 買完後Martin返企, 我地入TKO, 先上佢屋企睇下未裝修完個樣, 之後再去佢家姐度; 個裝修好舒服呢...唔知幾時先有自己地方, 可以放晒d扭蛋出來。返到企12點幾了, 仍然唔太慣夜返企, 不過都OK, 有時有需要夜d, 唔使下下要好就住咁早返, 反正又唔係次次都夜o既。

完

七月二十一日 -- 雜記

1. 要settle down了。

2. 郵件已收, 有趣, 謝...

3. 因為匿名人士o既出現, 令我數一數d女性朋友, 發現原來C同M字頭係最多的(當然係計較熟果d啦), 而且係佔左絕大多數, 好有趣o既stat。

4. 唔想再講咁多, 其實亦都無咩好講, 要封嘴了; 多謝大家一直以來o既支持, 大家都係關心我當係我朋友o既, 衷心多謝。

5. 今日星期六係屋企難得訓到差唔多11點先起身; hea足一朝; 想係屋企抖抖; 中午只係叮左幾粒燒賣同芝士腸來食; 食完砌模型: BB三水蟹好耐之前砌左一隻就停左工, 今日又砌左一隻! 之後因為中午時臨時約左馬同民食晚飯, 馬又游完水, 所以未砌第三隻就出門口; 出到來同呀馬差唔多行晒MK果幾個睇玩具o既地方; 新一套SD Gundam10隻得4隻想要, 之前自己扭, 扭左2隻都係想要o既, 因此唔買一套了, 散買埋另外2隻, 攪掂。行晒之後o岩o岩民仔到, 於是係富貴食飯, 食完傾左陣偈, 埋單後無無聊聊去左麥花臣睇人踢波, 睇左一段時間(都幾好睇)呀馬走先(都10點半); 之後我同民睇埋果場波一齊走(~11pm); 民陪我到旺角道, 我行到路口見有296C, 飛奔追車, 追到要上車之際有人拍我膊頭, 原來係呀哥!! 原來佢係796C站等車, 本來唔想追架296C(2架車個站爭d距離的), 但係突然見有人飛奔過去, 見係我, 於是追上來; 又會咁o岩呢~~ 之後一齊返到企。

6. 天日打波! 唔知下午點, 如果同呀媽出去就唔游水, 如果唔出就游, 不過今晚又夜訓左...似乎狀態唔係咁好去游...帶定d野先啦。

**********

來緊:

25/7(三) -- 同同事食飯?

26/7(四) -- 同日安馬生睇Transformer

27/7(五) -- MayChan又訂到三文魚, 又有得食超好味o既三文魚刺身啦~ 不過又唔係好想放棄打羽毛球...不過MayChan時間難就, 無計啦~

28/7(六) -- Spenser又有事要做, 又調, 所以又long week; 即係再之後果2個星期六都係short week

完

七月二十日 -- 雜記

1. 一早都話, 發生左呢件事, 心底o既天秤就會崩潰; 就算自己無野, 身邊o既朋友(不論了唔了解我o既)都會有好唔同o既意見, 猜想同反應; 如果我之前選擇扮無野, 繼續咁落去, 唔出聲, 可能唔會有咁多事發生, 可能無呢排咁o既心情, 可能大家都覺得無野; 我要相安無事唔俾大家小o既我一早就唔會做咁多野, 我亦預期左發生呢件事會有咁o既結果; 不過我呃唔到自己o既感覺, 問題一日唔解決都無好日子過, 解決唔到問題就唯有解決第二d野; 因此, 呢樣並唔係一朝一夕突然發生o既野來的; 我很煩, 但我很冷靜。

2. 親人、死黨、朋友、同事、唔熟o既人等都為呢件事好多唔同方面o既野有好多意見, 不論係msn電話blog度等等, 都有好多唔同意見, 我真係好多謝大家。不論意見係正方反方支持我插我小我都好, 我都知大家都係真心的, 都係當我朋友的, 所以我完全唔會介意, 而且亦都好多謝大家。就算有d人知得唔清楚, 有d人睇錯左意會錯左, 有d人唔支持我都好, 我都唔會對大家有負面o既諗法, 而以後我亦會繼續好似以前咁對大家, 大家對我點我就控制唔到咁多了。

3. 本來今日無羽毛球打, 要去Spenser屋企玩貓貓, 不過由於Spenser突然有野情況不妙, 而且個樣又好累, 因此雖然佢話無所謂, 但係我都話唔去了, 下次先; 希望佢無事啦。

4. 好耐無試過short week+無野做, 一定一定要全日hea下抖下! 要開工!!

5. 對她, 我希望(妄想)以後可以好像朋友一樣; 不過如果那樣只會帶來大家的幻想/不便/拖泥帶水的感覺, 那就不如不要...

6. 匿名人: 我驚我估錯, 可唔可以俾平時叫你個名o既字頭, 或者少少少少hints得我知o既, 等我confirm你係邊個呢?

7. 星期六抖, 星期日就緊係打波啦! 好耐無打籃球! 游水其實真係有興趣, 但係呢期真係爭少少...而且大家愈講, 我就會對果樣野有愈大o既負面感覺...

8. 好累, 身心俱疲...如果我係一個徹底o既衰人就好了...

9. 個人自由左, 反而開始覺得可以返屋企多左, 唔使成日去街; 等於成日禁住細路仔打機, 就反而成日想打; 但係成日俾佢打, 佢又反而未必成日打...而且唔使成日搵朋友"叉電", 回復精神力。

10. 其實經過左咁多野, 真係突然唔係好想搵朋友, 唔係好想見人; 雖然不嬲都知, 我了解o既人多過人了解我o既...不過我o既角色而家實在太亂了, 我要冷靜下。現在o既我好似咩都無晒咁...

11. 我強調, 自己從來都無話我完全無錯...

12. 好想有一個人可以救贖我...

**********

來緊:
23/7(一) -- 同S食飯講清楚?
26/7(四) -- 同馬生日安睇Transformer
27/7(五) -- MayChan一個月一度o既三文魚刺身! 必食! 可能去貓企一齊食。

完

失望

對自己失望, 但對身邊o既人、事、物更失望。

七月十九日 -- 雜記

1. 今天公司辦事處有個主任無啦啦入來發癲, 不過我覺得我自己lunch time, 仲要lunch果段時間係無人工的, 我要做咩唔關你事; 我地係唔係客都唔想講, 我只係知道我地幫佢食左唔少一路留落來o既屎; 既然係咁, 有d咩以後都撐行佢咯。

2. 收工同同事唱K! 連續幾日返屋企又早訓, 今日緊係想cher行d啦~~ 同PizzaSpenserIris凱琪唱K, 之前同過大家唱, 係未同過Iris唱; Iris唱K好不錯呢, 明顯係唱慣o既人啦~~仲要同我一樣係舊歌人, 哇卡卡; 最犀利係佢會唱"你最珍貴", 實在太厲害, 太滿足了。另外, 原來格蘭中心仍然係無限時間, 果然係主場呀。再另外, 由於Joyce七日內生日, 減左個人頭費, 抵呢。

3. 10點幾凱琪住TuenMun要走先, 因此大家都有去意, 叫埋單到真係走都只係10點9, 有d俾預期早; 之後除左Joyce(凱琪)之外4個人一齊搭MTR走人, 11點幾返到企, 早。明明前幾日都早訓, 不過走時有d頭赤。

4. 昨晚早訓, 今朝一早醒, 好早返到公司, 上去幾個人都話得的"合記"買沙爹牛肉麵做早餐; 麵+飽+凍飲, 好耐無食過咁大份早餐; 個麵OK啦, 又唔係真係話好好食; 由於早上太飽, lunch只係食左3粒牛肉丸就飽了。

5. 明天去Spenser屋企玩佢2隻新o既貓貓, 好野~ 星期六short week, 可以玩得盡興d, 不過人地屋企, 始終都無得夜o既。

6. 係社會上, 男性一方責任一向較大, 從來都不是平等的; 不過有好多野, 都係應該男性孭o既, 咁咪孭咯。

7. 我拖泥帶水嗎? 由真正發生果日到而家過左好耐了嗎? 咁大件事真係可以係短短幾個星期就下定決心嗎? 係咪要涼薄d, 一有問題發生就好快解決就叫好? 唔可以考慮一下? 唔可以感受一下自己o既心意? 我咁樣叫逃避嗎? 我一早知好多人諗左好多難聽o既說話啦, 咁又點呢?

8. 我不需要伴侶嗎? 我都覺得我自己不似一個適合拍拖o既人, 所以我先更加會係度諗究竟自己想點。建立同付出係雙方的, 拍拖亦當然一定係想結婚, 但係係問題發生o既時候, 究竟係邊個諗住修補先呢? 係邊個作出好多努力而不得解決其問題呢?

9. 自己絕對唔係一個兒戲o既人, 從來都諗得好長遠, 短視o既究竟係邊個? 我係完全單方面有問題我係逃避我係固執我係無維繫我係衰人的話就唔係係咁, 事情就好簡單了。

10. 自己係好坦白o既人, 我自己o既野從來都係9成9俾得人知o既野, 但係當一d牽涉到唔係只係自己o既野時, 當然唔會隨便話人知(自己唔介意, 唔代表人地唔介意)。係全部家人朋友等等咩事都以為無發生過野時, 究竟發生過d咩野, 大家係唔會知的, 有好多問題亦唔係突然發生; 因此好多人可能覺得好突然(某匿名亦提到:一下子就話唔得), 或者有好多想像o既野, 或者猜度、估計o既野; 係blog度唔想講一d一面之詞o既野, 大家知道d唔知道d我都無所謂, 亦都唔想解釋咁多, 反正我都唔介意背負d咩野, 總之大家要點諗, 舒服o既就好; 已經不想再同任何人交代, 有太多野不足為外人道了; 其實時間唔係過左好耐, 我一向亦唔想拖, 而既然大家都覺得我拖又或者覺得點o既, 咁我就唔再拖咯。

完

七月十八日 -- 雜記

1. 連續第3日收工返企! 天日同同事唱K, yeah! 未同過Iris唱K, 佢都係舊歌人, 應該會好玩呢~ 而且佢仲話一定要唱"你最珍貴", 仲以為會成絕唱, 正呀~~
2. 今晚想開工, 希望打完野會砌野! (我估未必得...星期六或日要開工!)
3. 砌埋剩返果2隻水中三寶先定Spenser俾我果隻紅渣先呢?
4. 匿名人可以俾d hints係邊位嗎?
5. 上返屋企個磅, 雖然個數唔準, 但係重左定輕左應該都o岩o既; 結果係輕左! yeah~~
6. 不嬲對腳都係弱點, 成日都痛, 一行得多就痛(但係以前都係成日行, 仲行好遠路都行); 呢排成日行樓, 又無lift, 居然唔痛! 對腳好似強左咁, 雖然都累, 但係行極都唔太痛, 太好了。
7. 好眼訓...都係去訓...

暫完

七月十七日 -- 雜記

1. 第二日收工返企, 天日都會係; 本來約左民出下來食飯或者來我企打機, 不過佢天日返新工, 又無咩特別野攪, 所以都係唔出來了, 而且自己都有少少唔想出來見人; 另, 民仔返新工加油。
2. 好少發夢o既我, 前晚居然發夢, 仲要係綺夢, 而且對方係S...不過夢中好乖, 未做d咩野...
3. 次次日頭諗到好多野要打, 夜晚返到企就咩都唔記得晒
4. 電視遙控無電可以換, 個control仲係手; 遙控車壞左仲可以去執返; 風箏斷左就已經係好遠o既地方...
5. 最近見到好多ChoroQ車仔都幾特別同平, 去買返d先。
6. 真係諗唔起有咩要打, 係咁多
7. 果日去呀進屋企, copy左堆mp3, 有雨音熏, 有麥兜, 最正係林子祥精選, 好多歌都好正。

最愛是誰 詞：潘源良 唱：林子祥
　
在世間尋覓愛侶
尋獲了但求共聚
然而共處半生都過去
我偏偏又後悔
別了他原為了你
留住了愛亦留住了罪
誰料伴你的心今已碎
卻有他在夢裡
為何離別了 卻願再相隨
為何能共對 又平淡似水
問如何下去 為何猜不對
何謂愛 其實最愛只有誰
任每天如霧過去
沉默裡任寒風吹
誰人是我一生中最愛
答案可是絕對
為何離別了 卻願再相隨
為何能共對 又平淡似水
問如何下去 為何猜不對
何謂愛
誰讓我找到愛的證據

七月十六日 -- 雜記

1. 收工返企, 好耐無返企食飯咁...
次次都係, 一早返企早沖完涼, 就好早累同想訓...應該會好早訓, 打完就訓。

2. 唔記得講, 上星期Mario Kart打到三星了。

3. 劉關張好似愈來愈吸引。另外呀進同佢細佬好識幫d模型扭蛋擺pose, 好掂, 學唔來...

4. 我都話溝通困難啦...幾好都無用...愈好愈辛苦...

5. 好熱, 好熱, 好熱...好累...呢排好似成日收貨, 吸左好多塵, 所以喉嚨成日有dd咳; d VO, EOT同Cert單好似得我最熟, 速度差好多倍, 所以到最後好似9成都係我攪咁 @@, 好彩d每星期的政務(refer/email/scan...etc)o既野team leader攪晒, 只要唔使再跟其他人d手尾已經好好了。

6. 其實馬生唱歌幾好聽, 唱Leon的歌時仲有d似添; Connie把聲好溫柔。

7. 上星期拿返張信用卡後, 今日拿埋張新o既ATM卡, 仲將Visa的密碼改返做記得的。終於唔使靠向父母拿錢度日, 仲一次過出返糧+還錢+找埋卡數...etc, 好野~~! 要去好好地使返次錢獎下自己先!

8. 白田有人跳樓...再次感受到原來人好化學, 亦都原來係咁接近死亡。

9. 本來早返屋企諗住打返好多野, 不過點知hea hea下都係無打...

完

七月十五日 -- 雜記/遊記

好耐無試過郊遊, 呢d一定要成班人星期六/日去o既活動, 好少可去到, 而且仲要係咁熱o既夏天。


話說今日約左八婆, 呀B, 呀進同Esther出去玩。約左12點係元朗差館等, 不過我遲左少少出KT, 後尾轉左12.30; 要Esther等有d唔好意思添; 同Esther一齊搭268C去到元朗, 未見其他人(到果時12.15島), 去隔離街見到o既一間玩具店睇野, d模型貴貴地, 不過見到新一套高達BB戰士扭蛋又出左! 緊係要扭下啦! 一扭就扭到最想要果隻! 強人! 太好了~~ 又係時候要d朋友扭野比我了(好鐘意睇下d朋友會扭到咩比我 :P)。之後去左元朗廣場等齊人, 係M記等時大家拿左NDS出來打, 當然係打遍天下無敵手啦, 呵呵; 人齊之後就開始旅程; 搭巴士入流浮山, 入到去2點, 先食野; 由於唔知邊間好, 是但入左間類似酒家o既野, 真係有d奶野, d野食普通, 又唔平, 服務仲麻麻地...算吧啦。

食完野, 搭Van仔入去一個好偏僻o既地方, 睇傳單原來有個好大o既場地, 有好多小動物俾人領養; 不過原來要預約o既, 我地咁遠水路去到都唔俾入...慘。又熱又行咁, 流超多汗, 入唔到果度, 就順便行出去海邊睇下啦, 見到沙灘外o既地方好似係泥沼來o既, 見到有人係度挖蠔~ 仲近距離見到好多蟹仔同彈途魚添! 第一次見到真o既彈途魚呀~ 望左一輪行返出去搭Van, 去下一個地點, 又係山卡拉地方, 叫雲浮仙觀; 未去之前都唔知咩來o既, 原來係一個俾人放先人靈位o既地方...其實都無咩好睇...地方幾大, 同行行下好熱; 原本諗住行過一片草地過去快d, 點知見到條蛇! 大家都唔敢再行草地, 唯有兜路行石屎車路過; 到左行左一圈之後就走, 中途有個小型湖, 有個庭係中間, 見到有人餵魚, 行埋去睇, 嘩! 有好多好多鯉魚! 好大條, 過百條係水面搶野食! 其實個場面幾得人驚, d魚係度搶野食, 個口又大, 雖然無咩事發生, 但係個感覺似係一大堆食人倉衝埋去搶野食咁; 另外亦有一d龜係入面, 有人用野食嘗試釣d龜上來(試下玩下姐), 同我以前係BD用盲公繩釣一樣呢 :D 睇完一輪魚同龜之後就走, 搭返車出流浮山; 出左來之後, 行下條大街, 個感覺好似大澳, 又係街2邊好多有關海產o既野賣: 蝦乾呀、蝦醬呀...etc etc, 我又買左樽蝦醬 :P, 行到尾又到海邊, 又係一堆泥沼, 又見到好多小蟹同彈途魚, 睇左陣就返車站搭車出返元朗了。

出返元朗未去呀進屋企前, 去左百鳥塔(臨時去的), 有好多雀仔, 好近距離, 又無隔住的, ; 行到最上層就無雀, 不過個view就就可以睇到好遠; 不過我地到果時都差唔多收工, 好快睇完企完吹左陣風就走了。話時話, 今日睇唔到貓貓狗狗, 反而d野生動物彈途魚呀蛇呀雀呀又見好多。之後終於上左呀進屋企。由於家庭關係, 佢2兄弟搬出來住。雖然租屋住要使好多錢, 不過上到去見到全間屋都係自己用o既, 個感覺好正呢~~ 自己住好寫意呢~~ 係佢屋企見到前排出o既BB戰士模型: 劉備關羽張飛, 出果時都覺得麻麻, 又偷膠又有排上色, 見到實物又覺得OK, 想買喎, 一隻$30蚊加埋都係一舊水島, 有d想要呢。睇左陣, 我帶左件衫換左(流左好多好多汗又曬又熱, 仲辛苦過返工), 之後大家就叫左Pizza食; 打下UNO, 吹下水, 都OK呢。食完本來有人話去唱K, 不過由於唔早, 又係元朗咁遠, 好彩攪唔成。8點幾, 有人提議出去合益睇模型(5算, 好平呀), 於是打的去, 點知去到真係收左工, 晒氣...之後到B仔涼粉食糖水, 之後就去車站搭車, 散了。10點幾就返到屋企, 早呢。

**********

失去信心
由好早之前, 已經知道同埋預左好多野, 亦知道耐左會有好多問題發生, 諗住既然知道就可以防範, 可以做好d; 點知都係無用, 明明講過, 明明大家都知, 但係都無用...

而家對"2個人在一起"o既關係真係好無信心, 覺得自己算係做得好d o既, 有努力o既, 都係咁; 就以後就算再一齊, 或者遇到另一個, 都係會咁...所以好驚, 好無信心...暫時唔想再諗呢樣野了。

**********

大義凜然
自己講左好多野, 做左好多o岩o既野, 無做好多錯o既野, 好似自己好大義凜然咁, 但係其實覺得自己都係一個衰人; 但係又唔夠衰, 如果自己徹底地係一個衰人可能仲好...

自己唔開心, 除左發生左咁多不愉快o既野之外, 其中之一都係對自己o既感覺, 太差了; 我唔介意人地諗咩, 即使覺得我仆街都係一樣, 都係果句; 只要自己快樂又唔影響別人, 點做都可以, 唔會理人眼光; 不過, 今次會影響到人, 而即使唔影響, 自己都唔多快樂...

**********

即使有幾理智都好, 人都係會被感情所影響, 不過呢樣亦都係人o既可愛、可怕、可憐之處。

完

七月十四日 -- 雜記

10/7(二) -- 收工返企

11/7(三) -- 睇死硬4.0; 自己大懵唔記得買飛前打電話, 衰左; 臨時拉夫叫人來頂, 有d唔好意思; 講返套戲, 由於一早expect左係一套點o既戲, 所以覺得非常好睇, 同前幾集一樣, 都係由頭刺激到落尾, 唔會晒好多時間係d講野度, 加上一大堆o既槍戰, 肉搏, 車追車, 車追人, 直昇機戰機等等, 總之就係好刺激無悶場; 主角身經百戰, 遇到危險o既時候都超淡定, 由於有前幾集o既關係, 加上主角個樣, 佢每次用d方法K.O.對手時, 幾誇張都好, 都覺得好型同好有說服力, 太正了。

12/7(四) -- 同Carol日安馬生唱K, 而家可能係暑假, 所以限時...; 唱完K被逼供, 講左好多野出來, 大家亦有俾意見我; 有多d拍拖經驗o既人o既意見果然係唔同d...起碼唔會好似睇小說同電視咁, 諗野咁ideal...係呢度多謝大家o既意見同支持...果日散左之後送左Carol返企, 又繼續傾左好多野。

13/7(五) -- 由於Spenser又需要調week關係, 星期六會long week; 夜晚亦無去呀儀的farewell, 去左打羽毛球; 好累, 平時打唔到都好有活力, 不過呢次就差d...不過過左呢個星期會試下儘量再早d訓; 打完波食飯散; 黑色星期五, 好邪, 發生好多野咁

14/7(六) -- long week, 收工落左落SSP, 唉, 愈來愈煩; d朋友好多野講, 又唔明, 只係令我愈來愈煩, 唔使個半月, 我應該就來頂唔住了。同日, 同同事Puzzle傾左好多野, 佢亦分享左佢自己o既經歷, 好多謝佢, 佢係一個好值得交o既朋友來呢。

15/7(日) -- 同Lands同事去流浮山+去呀進新居入伙, 就來出門口。

**********

1. 有d野, 過左去真係過左去...如果無事發生過, 可能都好好地, 發生過就係發生過, 返唔到轉頭; 自己唔係一個會記住唔開心o既野o既人, 所以一d怨恨都無, 不過而家o既感覺, 好似親人, 好似好朋友, 但係...

2. 愈來愈多朋友知道d野, 亦都有好多好多唔同o既意見; 旁觀者清, 其實當局者又何嘗唔知大家講o既野; 不過真係好睇到大家o既性格, 而且經歷唔同俾o既意見都唔同, 多謝大家。

3. 唔想再拖, 好煩好煩好煩好煩好煩好煩好煩, 完左之後我要"炳"埋自己一段時間。

4. 放心, 唔會影響我工作, 一定唔會。

5. 我好乖架啦...我儘量都唔會做錯野...而且其實我都無打算拖好耐解決, 我已經不停煩同諗點樣架啦...

6. 自由o既時間, 真係好自由, 不過都係一個星期姐, 之後會早d返企, 早d抖。

6. 當一切o既野完左, 我要嘗試下改變自己, 要下定決心做多d運動, 砌返模型, 有機會追下電視劇集。

暫完

七月七八九日 -- 雜記

0. 七日打左大部份, 一路無post, 之後果2日都加左d野, 所以咁。

1. 唔知係咪成日唔夠訓, 返工又係咁出汗, 又唔係食得多野, 個頭有d痛又成日wing; 又唔見減到磅同肚腩喎 =.=

2. Spenser日本歸來, 大量手尾...另, 送左盒MG紅渣2.0俾我, 多謝晒! 調week少左日假都有返d回報 :P

3. 一個星期, 無左夜返o既心理負擔, 經常夜歸(都係講緊11-12點姐), 都幾爽呢。

4. 係人面前, 唔高興都於事無補, 因此都係高興好d。

5. 冷靜o既時間入面, 從來都無機會冷靜; 孤軍作戰之下, 愈來愈無心機; 得唔到支持, 亦好難令人明白自己o既睇法, 亦都開始唔想見某d朋友, 愧對某d朋友, 接受唔到自己...etc , 總之連朋友都唔想搵了。

6. 上星期電話分鐘已爆, 唔知點解總要係無分鐘o既時候有d好少搵我o既人/無用o既電話/工作上突然多左...etc好多好多人打來, 今個月電話費死了; 不過來緊星期未完就夠期(仲有幾日而已)! 捱埋佢啦。

7. 瀨戶一貴幾年以來, 再次出動。

8. 呢排睇返下自己儲o既漫畫, 發現真係我自己買得o既都好鐘意, 好正。

9. 好似係表弟生日?

10. 副黑框o既鏡有一邊好花了...有時睇得唔係好清楚, 搵返以前副金屬出來(其實之前諗住呢副先係正帶, 黑框係後備...), 個度數仍然OK(仲有d過左添); 唔係好睇慣自己用返金屬框。

11. Hunter x Hunter 重出江湖?! 繼續連載?!

12. KTG真係要離開SZ去上海了, 祝一路順風+前程錦繡! (買左套扭蛋俾佢)

13. 前排睇左Grasshopper forever DVD, 又好鬼鐘意; 不過同某d friend唱K都係唔好點了。

14. 有人o既地方就有是非, 估唔到我都有份被傳。

15. 自己一向都好似好多friend, 好易識friend咁; 其實自己係某方面來講都算好易同人熟稔, 其實唔係好識"第一下" 點樣"開始"同人建立關係; 不過自己係一口井, 只要有人肯投一塊石落來, 我必定會有一堆漣漪返返來俾你...只不過呢口井係頂唔住o既時候, 無晒水o既時候, 會關井, 而且d水亦都返唔到來...cher得太勁, 井都有死o既一天。

16. 爆粗band友#2入手。keep到好睇呢。個HK翻譯真係好有心機。

**********

5/7(四) -- 本來應該同Carol食飯, 不過太累, 早日通知左Carol話下星期四同埋ConnieMartin食, 唔好意思, 都叫放左飛機; 收工返企呢...
6/7(五) -- Spenser日本歸來第一天返工; 另, 收工同好耐無見的八婆同呀B等人食飯+睇玩具, 機會難逢, 放棄一星期羽毛球...好耐無見八婆, 八婆仍然係八婆, 而且仍然好o岩傾; 一行5人四圍睇下玩具, 行下傾下, 之後係富貴食飯, 都幾開心; 由於累, 9點幾我叫散了; 美林村原來係咁的
7/7(六) -- long week, 又食賓賓一野...真慘; 收工超累; 星期五晚有個friend拿左MG ZakuII 2.0的說明書睇唔記得比返我, 今天收工係SSP順便比返我。
8/7(日) -- 馬來我家, hea食飯+打機, 之後去MK睇電腦, 之後同S食飯, 9點散。
9/7(一) -- 收工去KT大盛食, 講左好耐好耐終於試過; d野食普通啦, overall唔係特別好食, 有d普通, 不過有d都幾好的; 平夾大件, 所以都好抵食, 值得去下呢。

來緊:
schedule有d亂, 中間又有d改過, 打final version算了
8/7(日) -- 抖, 太累, 可能呀馬上來我企; 夜晚食飯? (過ed)
9/7(一) -- 無 (過ed)
10/7(二) -- 本來話去睇死硬4.0(馬民等人), 不過有人話唔得
11/7(三) -- 應該睇死硬4.0(本來係同白田同事唱K, 不過白田有人又話唔得, 再postpone)
12/7(四) -- 同Carol日安馬生食飯/其他活動, seems to be 唱K
13/7(五) -- IIA同一batch的呀儀走(同一batch第3-4個走了), 好似話farewell, 但係想打羽毛球多d...
14/7(六) -- short week, 應該有野攪, 又唔係好記得有咩攪
15/7(日) -- 同Lands同事去流浮山+去呀進新居入伙

完

不習慣

純粹記下自己感覺, 因此雜亂無章。

1. 最近在店看到一本漫畫, 叫"爆粗band友", 一見到已經覺得好似幾有趣; 上星期六同貓們食飯+唱K時, 呀哩原來問friend借左來睇, 佢又推介喎, 於是睇左少少; 畫功唔靚, 而且內容都好粗俗, 但係幾好笑, 好笑得來其實內裡都幾有意思! 好另類的漫畫呢, 忍唔住買左第一期來睇! (應該會買埋第二期了)

2. 幾個星期以來, 尤其近幾日連續5-6點才睡, 平時都3-4點才睡, 1-2點已經算早了, 很累。幾個星期沒什麼食慾, 午飯食粉麵, 也吃不到一半, 有時只叫了一些點心來食, 但也吃不多; 可能天氣太差了, 夏天果然不是屬於的的季節; 可惜, 天天無lift行樓+熱+一向不吃零食+食唔安訓唔落也沒有減到肥...

3. 雖然自由, 但暫時也不習慣, 有點空空的感覺; 放工後的時間排得滿滿的(雖然一向也是這樣), 而且毫無顧忌地很晚才走, 但也一樣不覺得冷靜下來, 看來我真的需要一段長時間去慢慢的尋找舒服的感覺。總之不想再煩, 大家不要惹我, 出來食飯只要像平常一樣就可以了, 可能太累不夠訓人也會比較躁吧? (不過在朋友同事面前應該和一般的我沒大分別呢)

4. 要盡情地去玩去打波去唱K去食飯~~~~

完

七月四日 -- 雜記

2/7(一) -- 公眾假期, 中午無啦啦同呀哥去左灣仔(呀哥換左電腦想玩下新game); 中午食一間原來都有名氣的"波士頓餐廳"; 都幾好食不過都幾貴呢; 食鋸扒, 個扒好食, 仲有西餅沙律任食, 仲無啦啦送左cheese cake添, 好飽(後尾聽返puzzle講原來果度係難得有香蕉船食o既地方, 下次要試下); 食完去左電腦商場睇下野, 買左d老番; 等老番o既時候行左188, 買左本漫畫, hea睇左好多野, 之後夜晚就返企食飯了。

3/7(二) -- 本來蘇屋同事上星期話食飯, 一路無聲氣, 點知到左星期一晚先通知(原來通知果個人唔記得通知我, 所以遲左叫我); 本來話唔去(因為時間通知得太逼), 不過之後果日另外幾個人分別打來問我係咪玩野, 所以最終都係去; 家樂greenbox, 居然唔係話無限時間, 只係到9.30pm, 不過最後都係無人, 所以都係到好晏先走; 由於我晏左去, 所以7個人收左6個人錢, 呵。

4/7(三) -- 收工返企, 極累

來緊:
5/7(四) -- 同Carol食飯, 不過由於下星期可能連埋ConnieMartin食, 所以可能cancel
6/7(五) -- Spenser日本歸來第一天返工; 另, 收工同好耐無見的八婆同呀B等人食飯+睇玩具, 機會難逢, 唯有放棄一星期羽毛球了...
7/7(六) -- long week, 白田同事們的星期六返工終於正常返了
8/7(日) -- 好耐無打波了, 唔知有無得打?
12/7(四) -- 4人食飯, 慶祝Carol生日?
15/7(日) -- 同Lands同事(八婆等人)去流浮山(咁大個仔都未去過), 之後去呀進新居

完

被tag了

【★】　遊戲規則：　　　
〔壹〕
被點的人要在自己的報台或部落格上寫下答案　　　　　　
寫完後請務必點名七個幸運人士　　　　　　
並且到這七個人的報台或部落格留言通知對方　　　　　　
告知對方被問捲髮起人所出的白痴問卷擊中　　　　　　
這七個人要在自己的報台或部落格上　　　　　　
註明是哪個人傳給自己這份問卷　　　　　　
問卷不得回傳　　　
〔貳〕
本問卷僅適合容易自嗨的人們　　　　　　
不自嗨者，將遭到作者的怨念纏身　＝皿＝　　
　
〔作者ｓａｙ〕　愛ｘ無限大　讓我們一起把愛發揚光大吧！

【★】　遊戲　Ｓｔａｒｔ：

　－　愛ｘ無限大ｐａｒｔ１　－　〔基礎認識篇〕

１、Ｑ：敢問和我一起發揚愛的力量的你的鼎鼎大名是　　
Ａ：Ying
２、Ｑ：你偉大的出生日子是　　
Ａ：130
３、Ｑ：你的血型和你的星座是　　
Ａ：O掛? 水皮
４、Ｑ：你的身高和體重是　　
Ａ：17Xcm, 大約1 cm一磅...
５、Ｑ：你目前最想做的事情是〔至多三項〕　　
Ａ：不死
６、Ｑ：反之，最厭煩的是〔至多三項〕　　
Ａ：死
７、Ｑ：本回合最後一題，目前影響你最深的是〔至多三項〕　　
Ａ：人, 人, 人

　　－　愛ｘ無限大ｐａｒｔ２　－　　〔友誼認識篇〕

１、Ｑ：當初發不實廣告單、把你騙進來的人是誰　　　　
Ａ：貓
２、Ｑ：這個人跟你的關係是　　
Ａ：好朋友
３、Ｑ：你跟這個人是怎麼認識的　　
Ａ：同人誌活動
４、Ｑ：你們認識多久了　　
Ａ：9年, 原來未10年
５、Ｑ：這個人有什麼你認為優於別人的特點嗎　　
Ａ：好多喎
６、Ｑ：在你心目中這個人是個什麼樣的人　　
Ａ：好朋友
７、Ｑ：本回合最後一題，你愛這個人嗎　　
Ａ：友情+少少親情(姐姐~~)

－　愛ｘ無限大ｐａｒｔ３　－〔自我篇〕

１、Ｑ：你很自戀嗎　　
Ａ：NO
２、Ｑ：那你覺得周圍的人認為你是怎樣的人〔三項〕　　
Ａ：唔知
３、Ｑ：相反的，你討厭的個性是　　
Ａ：乞人憎果d (超廢話)
４、Ｑ：自己想變成的理想類型〔三項〕　　
Ａ：無, 自己就好, 我就係我
５、Ｑ：覺得自己那裡最需要改　　
Ａ：我要做衰人
６、Ｑ：本回合最後一題，請用一句話形容自己　　
Ａ：呃...傻瓜

　　　　　－　愛ｘ無限大ｐａｒｔ４　－　　　　　　　　　〔聯想篇〕

１、Ｑ：說到杯子會讓你聯想到什麼呢　　
Ａ：水
２、Ｑ：說到御宅族你想到的是　　
Ａ：高達
３、Ｑ：說到天邊一朵雲想到的是　　
Ａ：黃昏
４、Ｑ：說到屁精你想到的是　　
Ａ：無
５、Ｑ：說到紅色你想到的是　　
Ａ：紅渣
６、Ｑ：說到總受你想到的是　　
Ａ：唔明
７、Ｑ：本回合最後一題，說到晴天你想到的是　　
Ａ：打波!

　　　　　－　愛ｘ無限大ｐａｒｔ５　－　　　　　　　　　〔愛情篇﹞

１、Ｑ：現在有喜歡的對象嗎　　
Ａ：...有
２、Ｑ：是什麼關係呢　　
Ａ：傻瓜...
３、Ｑ：你認為他對你的感覺是　　　
Ａ：唔知
４、Ｑ：你有情敵嗎　　
Ａ：唔知
５、Ｑ：你覺得你們在一起的機率是　　
Ａ：唔知
６、Ｑ：你認為談戀愛後的他是個怎樣的人　　
Ａ：唔知
７、Ｑ：本回合最後一題，你現在最想跟他說什麼　　
Ａ：唉...

　　　　　－　愛ｘ無限大ｐａｒｔ６　－　　　　　　　　　〔十八禁篇〕

１、Ｑ：跟心儀的對像一起到體育倉庫搬跳箱　　　　
結果門卻不小心被鎖住了出不去　　　　
這時你的他卻一下子把你推倒在軟墊上，此時你會　　
Ａ：走

２、Ｑ：某天因為身體不舒服到想保健室去休息　　　　
一進保健室卻沒看到人，卻聽到房間內傳出了不明的喘息聲　　　　
這時你的第一個反應會是　　
Ａ：偷偷地睇下睇唔睇到, 之後走

３、Ｑ：你跟好朋友一起看Ｘ片，看到一半他的手突然伸了過來並幫你做　　　　
這時你的反應是　　
Ａ：唔會掛

４、Ｑ：在跟一群人喝通宵之後，迷迷糊糊的就失去意識　　　　
第二天早上起來卻發現你心儀的上司被你用領帶綁在床頭　　　　
並且全身都是吻痕，這種情況你會怎麼辦　　
Ａ：無可能

５、Ｑ：鄰居家的超可愛小男孩／女孩每天都跑來你家玩　　　　
並且老是說要當你的情人　　　　最
後還學不知道哪裡看來的Ｘ片脫了衣服坐在你床上，請問你會　　
Ａ：叫佢乖, 返屋企

６、Ｑ：一個是喜歡在做Ｘ時拍下你奇怪照片的浪漫有錢攝影師　　　　
另一個則是有女性化傾向，在人妖酒吧打工的認真青年，兩者擇其一　　
Ａ：我係男架喎

７、Ｑ：本回合最後一個問題，以上都是你的真心嗎　ＹＥＳ　ｏｒ　ＮＯ　請擇一　　
Ａ：YES

　　　　－　愛ｘ無限大ｐａｒｔ７　－　　　　　　　　　〔ＫＵＳＯ篇〕　　　　
kuso篇規則：　　　　
請列舉七個你第一直覺想到的人　　　　
填完，才能開始看題目喔

1. 一諗都唔止七個, 唔答
2.
3.
4.
5.
6.
7.

１、Ｑ：如果[3]不小心看到[1]跟[7]在學校頂樓來個法式熱吻
　　　　你認為[3]會做何反應　　Ａ：
２、Ｑ：[6]跟你告白，你會做何反應　　Ａ：
３、Ｑ：[4]跟[5]跟[2]來段三角戀你的反應是　　　　Ａ：
４、Ｑ：請問，[3]跟[7]誰唱歌好聽　　Ａ：
５、Ｑ：某天，你看到[4]跟[1]鬼鬼祟祟的走在一起　　Ａ：
６、Ｑ：某天早上，你發現你身意外旁躺著[5]　　　　而且床旁邊多了許多衛生紙，你的反應是　　Ａ：
７、Ｑ：本回合最後一題，如果[2]跟[6]兩人要爭奪你，你會選擇誰　　Ａ：

最後 Tag 7個人:無人會做, 唔tag了

完

七月一日 -- 完了嗎?

完了嗎?

六月二十五日 -- 雜談

(無聊貼張網上見的圖先)

**********

前言: 篇野有大部分係二十五日打的, 所以就當係果日啦。

**********

既然是一個自命透明度有一定程度的blog, 什麼也要談談吧?

正面、負面

負面情緒一向都較容易感染人, 歡笑又如何? 自己大多數時間都想儘量用正面影響他人, 不過, 其實發覺都是失敗居多。口口聲聲就這麼多道理, 正面不正面什麼的, 最終很多身邊的親人、朋友還是不快樂, 也解決不了問題。自己又如何? 別人的歡笑又能影響我嗎?

歡笑

今天終於完成了知道差不多一個月的事。貓姐的朋友從台灣來, 不過她不知道。差不多早一個月前我就知道了。一早便決定台灣朋友到HK的當晚找貓姐食飯, 不讓她忙別的, 然後看著她突然見到的表情。於是當日收工後過一過SSP看電腦野, 之後到太子MTR等Carol拿Violin, 拿的時候o岩o岩貓姐到, 就上佢企等MayChan(貓姐有d唔舒服); MayChan意想不到地無點遲, 於是去買野食食完佢地打下NDS hea hea下就到9點半, 台灣的朋友到了! 可惜呀貓係落左去見到佢, 我同MayChan見唔到果一下表情呢...之後大家見到面傾左陣, 我同MayChan就返企了...好少見到貓姐笑得咁~~~開心, 真係好呢...

精神戀愛

肉體上, 基於男性本身都係會好色o既, 所以都一樣係會望下靚女, 睇下身材, 但係其實係慾念方面, 相信係男性之中好低o既。記得係玩話劇o既時候, 成班同學+導師討論緊個劇本, 大家對於劇內o既野都有好多意見, 當時o既討論幾有火花; 而其中有位同學稍稍討論到:"你地男仔有女就做咩都得架啦~" 當時在場o既人應該都記得果次o既討論呢; 我果時答如果唔鐘意要做會覺得好痛苦。其實我成日都話自己個思想有時都幾女仔呢。

對於水瓶人o既我來講, 精神上o既聯繫實在十分重要。無論係同親人朋友愛人都好, 互相o既溝通同了解果種感覺真係好重要。溝通並唔係傾下偈出下街咁簡單, 心靈上溝通到, 可能唔需要成日有直接o既聯繫; 即使係一年傾得幾次電話o既朋友, 或者幾個月先見一次o既人, 有時都可以感受到大家心靈上係十分之有默契的。

Single

好多人都話我唔似拍拖。比起一般人, 我的確係唔同。我表現出來同一般人表現出來實在係唔同。不過已經唔想再係呢個問題上討論, 反正接受到o既接受, 唔到就唔到啦。反正都差唔多。

以下係一個朋友係blog度post的測人的性格的test, 姑且做左, link及結果如下:

link: http://www.parttimegroup.com/PartTimeLove/Assessories/NineType/_Paper1.aspx

結果:

付出型（和藹慷慨，富同情心）
您是外向、快樂、活力充沛、友善、自信、討人歡心，尤其是樂於助人。您自願為他人提供時間、精力及物質，而且您所贈送的禮物總是經過精心挑選。您的世界是以人際關係為主，面對別人的需要和感覺有天生的同理心，能調整自己以迎合他人的需要。甚至更徹底地成為別人想要認識的那種人。您會因應不同的人而有不同的表玩，卻不帶任何欺騙成分。

優點：您會給他人無條件的愛，讓人覺得溫暖。對別人和善，並且經常給別人鼓勵。

缺點：當人們對您的不斷付出不以為意，或是視而不見時，您會表達出強度足以震驚他人的情緒或憤怒。

愛情：專注於一對一的關係，一旦選定和某個人交往，會以精心設計又而深具誘惑的手段攻擊目標，直至「追到手」為止。

您對自己能讓人人都想和您成為情人的能力感到洋洋得意。「我能讓每個男人感覺自己就像個國王，即使只是共處一夜。我能讓他因為我拿酒杯的特定方式，就永遠都忘不了我。若這是一段較為長期的關係，我會深入調查他所喜歡的一切，驅使這個人上癮。」

安定方位：自我型在安定的狀態下您會增強情緒的一面，有從親密關係中抽身而出的傾向。

壓力方位：挑戰型當面對感情的壓力或情緒對抗時，您會變得專制、易怒，最後勃然大怒。不願遭受控制的慾望會擴大至對自由的渴望，為了維護自己的立場，以平常不曾表現過的方式去抗拒他人的要求。

建意：注意個人的成就及價值告訴別人您的需要，並讓他們為您而做注意「多重人格」的衝突
最渴望：被愛，被別人需要

最恐懼：孤獨，不被喜愛

最難達到的美德：謙卑 (Humility)

最難克服的執念：奉承 (Flattery)

**********

25/6(一) -- 同貓MayChan食晚飯; 估唔到MayChan可以咁早收工; 食完hea下終於等到呀貓的台灣朋友來, 睇唔到見到果一刻, 蝕卓; 佢來到到無耐我同MayChan就走先了。游水後遺症: 背脊曬到有d痛...

26/6(二) -- 好似由呢日開始收工成日都落雨? 天氣轉差, 落左雨但係都仍然成日好焗又熱, 都唔涼o既。

27/6(三) -- 同小曼, 小茵姐姐, 民, 仲有呀細(小曼朋友)一齊慶祝Chris生日, 去左佐敦Neway唱K, d野食普通, 瓊華好d, 又限時間, 下次都係去瓊華或者Greenbox無限時好d。

28/6(四) -- 收工交收後返企。

29/6(五) -- 星期四交收完得返四十蚊島, SKMMTR又無得禁錢, 所以星期五都係得幾廿蚊, lunch食埋飯(SKM車仔麵)打埋機得返幾蚊, 下午行完樓累買完野飲得返5毫(之前仲以為自己仲有一蚊)...收工打完羽毛球去SSPMTR禁錢, 點知張card爛左用唔到, 張Visa又唔記得密碼...灰爆...得返5毫o既實在...最後唯有問呀媽借住先...=.=

30/6(六) -- 同Spenser調week所以要返, 好累又忙o既long week但又好悶; 收工同貓&Friends+台灣朋友去九龍城食飯(難得幾齊人); 好耐無去過九龍城; 間野食OK(唔記得叫泰咩咩); 食完8點島, 去左唱K...我11點幾走先; 估唔到除左民仔之外仲有人識唱突圍。唔記得星期五定六開始甩皮。

1/7(日) --晨早約左一堆人來企玩; 原定好多節目都因為天雨取消; 全程無咩特別唔講了。打下機食下飯hea了一天。

完

六月二十四日 -- 雜記

18/6(一) -- 收工好似行左石夾尾之後又返City; CityCanteen的米線d雞翼又變返一份3隻雞中翼。

19/6(二) -- 中午出左金鐘同呀馬lunch(馬要返工), 之後同民行灣仔玩具店+打機, 民仔打足球game歷史性用HK Team打到決賽, 十二碼和先輸機; 我亦顯示撲王o既實力; 係修頓望下人打波, hea下又打下機到6點馬收工, 一齊MTR返企。

20/6(三) -- 收工本來約左死黨們唱K, 不過呀哥累呀馬OT來唔到;TVB金曲好正呢, 呵呵; 亦唱左夾左好耐但係未唱過, 終於等到出碟o既"突圍"。未11點就散了。

21/6(四) -- 收工同好耐無見的BD舊同事呀威志博Rex係APM食飯; 傾下偈食完好早就散; Rex瘦左型仔左喎, 志博11月結婚, 呀威七月頭過Macau做野了。

22/6(五) -- 打羽毛球2個鐘, 之後上Spenser家打Wii, 好似係第一次打; 幾得意, 11點幾先散。

23/6(六) -- 中午去九公游水, 第一次去九公同埋係今年第一次落水, 好耐無游, 本來都唔係咁得, 果日更加唔得, 加上一早就暈暈地, 好快收皮。之後行下街, 買左d衫, 返企等民; 之後民來左就去坑口食飯。

24/6(日) -- 中午去KT游池再游, 今日狀態好d, 又有d進步; 不過今次室外場, 之後夜晚開始痕同痛, 背脊紅晒, 辛苦; 晚上去左大圍食飯, 之後返企。

完

一題二目 -- 好人/Considerate

一個人係唔係好人, 有時真係好難講。

有時覺得好人同幫人係咪好似呃人咁? 有時好似成日幫人, 即使儘力幫人, 但係又唔係成日幫到, 或者有時有心幫, 但係發覺無從入手, 反而未必令人覺得舒服, 咁又叫唔叫幫手?

幫人叫唔叫自私?
有時幫人呢個感覺, 好似好假。唔知點形容。

有時幫人好似都係為左自己咁; 其他人幫人可能想要回報, 有d人幫人係唔使要回報的; 但係後者幫左人之後個心好滿足, 咁樣算唔算係都係有目的咁幫人呢?
諗衰d, 就好似為左自己開心而幫人, 咪好似有目的咯? 有目的而幫人, 咁就好似...有d問題...咁果個人係唔係一個好人呢?

好唔好人, 其實唔係自己定論, 只係人地定論o既一樣野; 即使係一個壞人, 當人人話你係好人o既時候, 你就係好人。

**********

Considerate

一個真係considerate(體貼)的人, 肯定係一個好人。
不過如何能夠做一個體貼的人, 其實好難。

一個真係體貼o既人, 係會顧慮到各方面o既感受同後果, 而作出最恰當o既行為。
例如: 2個人好鐘意傾偈, 但係明明想傾, 但係再傾個世界就會毀滅喎, 咁其中一個就話唔好傾啦。咁樣雖然另外一個想傾偈o既人唔高興, 但係其實觀乎大局, 都係一件"o岩"o既事情。

而"體貼"呢樣野, 似乎係愈熟愈親密o既人身上發現唔到。

大家會對朋友或者同事好, 有時會容忍好多野, 甚至係工作上對客都係咁。但係對死黨, 對家人, 對愛人o既時候, 大家會唔會發覺反而少左呢份"好"同"體貼"呢?
當好多野變成"老奉"(即係奉旨)o既時候, 應該係"體貼"o既野, 變左好似一定要做咁, 而有時應該"體貼"o既時候, 又會完全不理對方, 只係想對方體貼自己。即係對方係唔開心, 唔舒服o既時候, 都要對住你笑, 同你玩, 幫你做家務; 只有你自己先有唔開心, 人地唔可以唔開心; 自己唔開心就要人地tum, 人地唔開心就會令自己唔開心, 所以都唔得。
好多好多野。

自己唔係大晒的。家中老父老母一樣有自己o既經歷, 煩惱同不快, 死黨亦有自己的世界, 工作愛情健康每一樣野都有人煩緊的;
難得有咁親密o既人係身邊(尤其係血脈相連o既親人), 點解大家會對其他人體貼, 而唔對佢對體貼呢?

完

以身相許/以心相許 -- 水瓶座

古時的人以身相許, 即是把自己交託給對方, 全心全意地"跟"對方一世。
現今社會, 世風日下, "身"似乎並不再那麼重要, 要得到別人的身子, 對某些人仔說似乎已不算是什麼特別的事了。以身相許跟本就像沒什麼的。
情慾發洩過後, 能廝守的又有幾多? 能白頭的又有幾多?

反而, 現在得到一個人的心, 更加珍貴。看世上那麼多人找不到自己所愛的人, 終日在情海中打轉, 開心煩惱甜蜜苦澀百感交雜, 可見其實"心"影響人是多麼的厲害。

以心相許, 比起以身相許, 其實更加難得, 更加珍貴, 大家要好好珍惜以心相許的人。

**********

以心相許, 應該是最適當地表達水瓶座的, 因為水瓶座應該是最需要精神戀愛的人了(或者說, 只需要精神戀愛)即使沒有肉體, 只有一束腦電波而存在的話, 相信也可以以一束腦電波而與另一束腦電波談戀愛得不亦樂乎。

並不是想鼓吹迷信, 只是當興趣及閒聊來談談星座吧。

看過很多提及有關星座性格的文章, 有幾樣有關水瓶座的蠻有趣, 由於有些找不到原文, 所以用自己的文字及意思加上左抄抄右抄抄來談談。

水瓶座就像是梳打水，無色無味，適合任何口味的飲料。喜愛攪和的他擁有許多類型的朋友，因為他是梳打水，搭配任何飲料都顯得恰當：碰上烈酒，他可以是爆烈瘋狂的，如何另類刺激的冒險他都勇於嘗試﹔碰上鮮奶蜂蜜，他可以是靜謐柔軟的，寵物一般在家陪伴守候主人都不會有怨言。 因為他是蘇打水，就像O型的人，適合捐血給任何血型的人，慷慨無比。然而，麻煩的是，因為他是蘇打水，看來總是透明澄淨，他高懸的招牌微笑底下，到底快樂的成分有多少，而心事又被稀釋了多少？ 你永遠不會瞭解水瓶座的心事，就像你永遠不會瞭解蘇打水需要的是什麼？

愛情方面, 水瓶座的人就像風箏一樣; 風箏喜愛自由, 想到處飛, 愈高愈好, 愈遠愈快樂; 你可能覺得它虛無飄渺, 又不在身邊, 毫無安全感。但其實風箏的線永遠掌握再你手上, 即使它像是多麼的高, 多麼的遠, 它還是給你控制著...

水瓶座真是12星座之中其中一個很有趣的星座呢。

完

六月十七日 -- 雜記

1. 好累...

2. 身份危機: 發生左咁多野, 完全好似同我一向o既自己唔同, 咁即係點?

3. 好人好d定衰人好d? 好人定衰人先有好報? 定係跟本唔關好定衰事, 果個人係無好報就會無好報? 唔開心, 內疚感會唔會殺死一個人?

4. 某日同人去唱K時發現TVB金曲卡拉OK出左, 同民仔一齊夾定左, 自己專登練o既"突圍"終於有得唱啦! (民仔唔使練因為佢有睇開電視, 我都唔睇電視o既) ; 平時同民仔最鐘意就係夾埋呢d騎呢歌, 哈

附上"突圍"MV o既link -- http://www.youtube.com/watch?v=hbYuTQy9Qi0

5. Spurs 4-0 拿champ, 意料中事, 不過完全無興趣睇, 太唔鐘意呢隊波了...美國NBA Finals直播創歷史新低, 意料中事...呢個matchup跟本就係歷年最差

6. 返睇自己blog, 發現自己以前真係有多好多心機寫野同故仔; 雖然質素都係麻麻, 但係起碼都肯諗諗佈局氣氛各方面o既野...同埋原來自己寫左咁多自己o既感覺出來, 有時睇返有d都覺得幾有見地 :P

7. 今日打完波返來: 傷痕累累, 一手都係人地防守時抓落來o既爪痕; 返到企又累, 頭又暈, 腳又痛, 個肚仲咕嚕咕嚕...加上精神狀態差到極...係精神+思想+肉體上o既疲累

11/6(一) -- 好似無攪d咩, 收工返企

12/6(二) -- 話劇同學Gathering, 好耐無攪, 係紫荊; 大家出返來傾下偈, 好開心

13/6(三) -- 其實對呢個星期早幾日o既事好多都唔記得了; 好似收工打陣機返企?

14/6(四) -- 同白田DMO人唱K, 呀峰生日; 預左係煙+酒+貴d o既一次K; 雖然我唔煙唔酒, 不過佢地都好熱鬧, 我都飲左少少酒; 並無發現有唱得超好o既人, 不過佢地點d舊歌有d都幾正而我又無點開的, 11點半走先; 繼民仔甩底之後, Mandy因為契家姐o既爸爸入左院昏迷, 因此都唔去, 所以cancel左星期六去SZ玩了

15/6(五) -- 收工去打羽毛球, 之後無去呀天生日個K; 打完波4個人一齊食飯, 食完飯本來諗住去Spenser屋企打Wii, 點知拿左部NDS出來之後就停唔到, 打MarioKart打到10點幾散; 當晚心緒極亂...

16/6(六) -- 豬二繩同咩其原來預左時間我上SZ搵佢地...不過我無去...另外Mandy契家姐爸爸走左...;本來諗住一早游水, 但係由於我同馬都好眼訓, 所以無去; 成日無做過d咩, 睇埋未睇果半隻草蜢Forever 演唱會DVD; 呢期極鐘意"再見Rainy Days"; 夜晚出左MK同馬食飯北海道活壽司, 師父工夫好似愈來愈差

17/6(日) -- 一早去打波; 雖然成個月無打波, 但係都keep住打得唔錯; 係最尾幾場太累, 打左幾場最尾刁時都係輸少少...太累了...不過要keep住做多d運動! 今日右手增加左大量戰績--好多爪痕, d人防守亂來o既; 打完波馬同民上來我企打機hea左一日; 天日要返工了...點算

來緊:
諗唔到有無約左咩人做d咩...好似有又好似無...
22/6(五) -- regular羽毛球活動

完