一個人係唔係好人, 有時真係好難講。
有時覺得好人同幫人係咪好似呃人咁? 有時好似成日幫人, 即使儘力幫人, 但係又唔係成日幫到, 或者有時有心幫, 但係發覺無從入手, 反而未必令人覺得舒服, 咁又叫唔叫幫手?
幫人叫唔叫自私?
有時幫人呢個感覺, 好似好假。唔知點形容。
有時幫人好似都係為左自己咁; 其他人幫人可能想要回報, 有d人幫人係唔使要回報的; 但係後者幫左人之後個心好滿足, 咁樣算唔算係都係有目的咁幫人呢?
諗衰d, 就好似為左自己開心而幫人, 咪好似有目的咯? 有目的而幫人, 咁就好似...有d問題...咁果個人係唔係一個好人呢?
好唔好人, 其實唔係自己定論, 只係人地定論o既一樣野; 即使係一個壞人, 當人人話你係好人o既時候, 你就係好人。
**********
Considerate
一個真係considerate(體貼)的人, 肯定係一個好人。
不過如何能夠做一個體貼的人, 其實好難。
一個真係體貼o既人, 係會顧慮到各方面o既感受同後果, 而作出最恰當o既行為。
例如: 2個人好鐘意傾偈, 但係明明想傾, 但係再傾個世界就會毀滅喎, 咁其中一個就話唔好傾啦。咁樣雖然另外一個想傾偈o既人唔高興, 但係其實觀乎大局, 都係一件"o岩"o既事情。
而"體貼"呢樣野, 似乎係愈熟愈親密o既人身上發現唔到。
大家會對朋友或者同事好, 有時會容忍好多野, 甚至係工作上對客都係咁。但係對死黨, 對家人, 對愛人o既時候, 大家會唔會發覺反而少左呢份"好"同"體貼"呢?
當好多野變成"老奉"(即係奉旨)o既時候, 應該係"體貼"o既野, 變左好似一定要做咁, 而有時應該"體貼"o既時候, 又會完全不理對方, 只係想對方體貼自己。即係對方係唔開心, 唔舒服o既時候, 都要對住你笑, 同你玩, 幫你做家務; 只有你自己先有唔開心, 人地唔可以唔開心; 自己唔開心就要人地tum, 人地唔開心就會令自己唔開心, 所以都唔得。
好多好多野。
自己唔係大晒的。家中老父老母一樣有自己o既經歷, 煩惱同不快, 死黨亦有自己的世界, 工作愛情健康每一樣野都有人煩緊的;
難得有咁親密o既人係身邊(尤其係血脈相連o既親人), 點解大家會對其他人體貼, 而唔對佢對體貼呢?
完
2007年6月19日 星期二
一題二目 -- 好人/Considerate
2007年6月18日 星期一
以身相許/以心相許 -- 水瓶座
古時的人以身相許, 即是把自己交託給對方, 全心全意地"跟"對方一世。
現今社會, 世風日下, "身"似乎並不再那麼重要, 要得到別人的身子, 對某些人仔說似乎已不算是什麼特別的事了。以身相許跟本就像沒什麼的。
情慾發洩過後, 能廝守的又有幾多? 能白頭的又有幾多?
反而, 現在得到一個人的心, 更加珍貴。看世上那麼多人找不到自己所愛的人, 終日在情海中打轉, 開心煩惱甜蜜苦澀百感交雜, 可見其實"心"影響人是多麼的厲害。
以心相許, 比起以身相許, 其實更加難得, 更加珍貴, 大家要好好珍惜以心相許的人。
**********
以心相許, 應該是最適當地表達水瓶座的, 因為水瓶座應該是最需要精神戀愛的人了(或者說, 只需要精神戀愛)即使沒有肉體, 只有一束腦電波而存在的話, 相信也可以以一束腦電波而與另一束腦電波談戀愛得不亦樂乎。
並不是想鼓吹迷信, 只是當興趣及閒聊來談談星座吧。
看過很多提及有關星座性格的文章, 有幾樣有關水瓶座的蠻有趣, 由於有些找不到原文, 所以用自己的文字及意思加上左抄抄右抄抄來談談。
水瓶座就像是梳打水，無色無味，適合任何口味的飲料。喜愛攪和的他擁有許多類型的朋友，因為他是梳打水，搭配任何飲料都顯得恰當：碰上烈酒，他可以是爆烈瘋狂的，如何另類刺激的冒險他都勇於嘗試﹔碰上鮮奶蜂蜜，他可以是靜謐柔軟的，寵物一般在家陪伴守候主人都不會有怨言。 因為他是蘇打水，就像O型的人，適合捐血給任何血型的人，慷慨無比。然而，麻煩的是，因為他是蘇打水，看來總是透明澄淨，他高懸的招牌微笑底下，到底快樂的成分有多少，而心事又被稀釋了多少？ 你永遠不會瞭解水瓶座的心事，就像你永遠不會瞭解蘇打水需要的是什麼？
愛情方面, 水瓶座的人就像風箏一樣; 風箏喜愛自由, 想到處飛, 愈高愈好, 愈遠愈快樂; 你可能覺得它虛無飄渺, 又不在身邊, 毫無安全感。但其實風箏的線永遠掌握再你手上, 即使它像是多麼的高, 多麼的遠, 它還是給你控制著...
水瓶座真是12星座之中其中一個很有趣的星座呢。
完
2007年6月17日 星期日
六月十七日 -- 雜記
1. 好累...
2. 身份危機: 發生左咁多野, 完全好似同我一向o既自己唔同, 咁即係點?
3. 好人好d定衰人好d? 好人定衰人先有好報? 定係跟本唔關好定衰事, 果個人係無好報就會無好報? 唔開心, 內疚感會唔會殺死一個人?
4. 某日同人去唱K時發現TVB金曲卡拉OK出左, 同民仔一齊夾定左, 自己專登練o既"突圍"終於有得唱啦! (民仔唔使練因為佢有睇開電視, 我都唔睇電視o既) ; 平時同民仔最鐘意就係夾埋呢d騎呢歌, 哈
附上"突圍"MV o既link -- http://www.youtube.com/watch?v=hbYuTQy9Qi0
5. Spurs 4-0 拿champ, 意料中事, 不過完全無興趣睇, 太唔鐘意呢隊波了...美國NBA Finals直播創歷史新低, 意料中事...呢個matchup跟本就係歷年最差
6. 返睇自己blog, 發現自己以前真係有多好多心機寫野同故仔; 雖然質素都係麻麻, 但係起碼都肯諗諗佈局氣氛各方面o既野...同埋原來自己寫左咁多自己o既感覺出來, 有時睇返有d都覺得幾有見地 :P
7. 今日打完波返來: 傷痕累累, 一手都係人地防守時抓落來o既爪痕; 返到企又累, 頭又暈, 腳又痛, 個肚仲咕嚕咕嚕...加上精神狀態差到極...係精神+思想+肉體上o既疲累
11/6(一) -- 好似無攪d咩, 收工返企
12/6(二) -- 話劇同學Gathering, 好耐無攪, 係紫荊; 大家出返來傾下偈, 好開心
13/6(三) -- 其實對呢個星期早幾日o既事好多都唔記得了; 好似收工打陣機返企?
14/6(四) -- 同白田DMO人唱K, 呀峰生日; 預左係煙+酒+貴d o既一次K; 雖然我唔煙唔酒, 不過佢地都好熱鬧, 我都飲左少少酒; 並無發現有唱得超好o既人, 不過佢地點d舊歌有d都幾正而我又無點開的, 11點半走先; 繼民仔甩底之後, Mandy因為契家姐o既爸爸入左院昏迷, 因此都唔去, 所以cancel左星期六去SZ玩了
15/6(五) -- 收工去打羽毛球, 之後無去呀天生日個K; 打完波4個人一齊食飯, 食完飯本來諗住去Spenser屋企打Wii, 點知拿左部NDS出來之後就停唔到, 打MarioKart打到10點幾散; 當晚心緒極亂...
16/6(六) -- 豬二繩同咩其原來預左時間我上SZ搵佢地...不過我無去...另外Mandy契家姐爸爸走左...;本來諗住一早游水, 但係由於我同馬都好眼訓, 所以無去; 成日無做過d咩, 睇埋未睇果半隻草蜢Forever 演唱會DVD; 呢期極鐘意"再見Rainy Days"; 夜晚出左MK同馬食飯北海道活壽司, 師父工夫好似愈來愈差
17/6(日) -- 一早去打波; 雖然成個月無打波, 但係都keep住打得唔錯; 係最尾幾場太累, 打左幾場最尾刁時都係輸少少...太累了...不過要keep住做多d運動! 今日右手增加左大量戰績--好多爪痕, d人防守亂來o既; 打完波馬同民上來我企打機hea左一日; 天日要返工了...點算
來緊:
諗唔到有無約左咩人做d咩...好似有又好似無...
22/6(五) -- regular羽毛球活動
完
2007年6月16日 星期六
過雲雨
又到了放學時間, 好不容易等到星期五呢~~因為明天不用上課, 可以去玩了~~多努力讀書的學生也會有想懶的時候吧? 呵呵~
踏著輕快的步伐回家, 咦, 怎麼天色突然暗了下來? 嘩! 這雨說下就下~~~人家沒帶傘呢~~~
前面大廈正有一個大簷篷可以避雨呢! 這白色校服裙可不能濕呢~~濕了就變透視了!快步走到簷篷下, 嘩, 已經有些人在避雨了, 也難怪的, 這幾天天氣這麼好, 天氣預告也說是天晴的, 哪會有人帶傘出來呢?
在這個大"傘"子下還真多人在避雨呢~~看來只是過雲雨, 應該不會下太久吧?咦? 那不是天宇同學嗎? 看來他也沒帶斜很狼狽呢~~呀~~他向著這邊走過來呀~~ 太好了~~
唉呀~愈來愈多人擠過來, 我給愈擠愈後了! 我又長得不高, 他站在外檔一定看不到我啦~~可惡!
不過看得到我又怎樣? 還不是打個招呼寒喧幾句而已吧?他又高大英俊, 成績又好, 又是運動健將, 平時就已經是一眾女生的夢中情人了...班中一票可愛的女生都迷他, 他又怎會留意我這又不美又生得不高身材普通成績不錯的不起眼女生呢?唉...
嗯嗯...不過...說不定他平常也有留意我那勤懇樸素的性格呢? 又說不定他一會兒看到我, 談天說地之下發現我可愛的一面?
嗯嗯, 可能是這樣:"呀~ 依雯同學, 你也在這避雨嗎?"
"對呀, 天宇同學, 又會這麼巧, 大家在這避雨呢~"
"天氣預告明明沒說會下雨的嘛, 怎料會突然下雨呢~~"
"沒辦法啦, 唯有等雨停才走吧..."
"對了, 今天星期五, 明天放假啦, 有什麼節目呢?"
"沒呀~""怎麼? 放假不去玩嗎? 很悶的耶!"
"對呀...""不如明天我們一起去玩吧? 好嗎?"
"真的嗎? 好呀~~~~"...
......
...
嗯嗯...我似乎想的太多了...沒可能發生的吧? =.=
不過可能又會這樣呢...
......
...
讓我在距離稍遠了些的同一傘下, 再沉醉幾分鐘...
完
p.s.
1. 寫呢篇野係pre-set左最尾果一句來諗返轉頭的, 所以自己覺得幾得意
2. 又想試下寫d少女情懷, 不過似寫左個八婆出來多d...
3. 其實原本諗住寫個女仔"坦剔"(唔識打)不安o既心情...同埋最後沉醉係幻想入面...再加上果句pre-set做完結
4. 又來半夜訓唔著寫野, 係咁上下...又浪費左個題目添!! 算!!
再完
2007年6月12日 星期二
雜雜記
1. 模型又停工了...
2. 呢個夏天, 要打籃球, 游水, 打羽毛球!
3. Spenser去日本玩, 我犧牲左30/6 short week同佢調左week無左連續3日假, 真係慘; 不過應該有手信補償返掛? :P
4. MarioKart估唔到仲有進步空間; 天誅都就來儲到d"殺", 要玩下d新game至得了
5. 返工有點累
6. 來緊星期六應該會上SZ, 不會過夜, 好耐無見過SZ的朋友了; 星期日抖下都好(有某人放飛機了)
7. 來緊仲未同鼓班朋友gathering; 來緊會同呀威志博Rex食飯, 好耐無見了(我套DeathNote都好耐唔係手了...爭左Connie好耐)
8. One Piece仍然好睇, Naruto差太遠了...
9. 呀源考ACCA要加油!
10. 工聯唔報, 一個星期希望可以閒日keep到一日做運動
11. 睇來係白田都可以識到d朋友呢
12. 燒左堆碟backup左d無謂野, harddisk多返d位, 想攪好耐終於攪左了
另加新鮮熱辣網上改圖一張
好彩一早搭過, 之前亦都諗住唔會再去
完
2007年6月10日 星期日
六月十日 -- 雜記
6/6(三) -- 收工同民係坑口食飯+去工聯會; 坑口自從伯伯玩具店執左+南豐foodcourt執左之後都無咩點去, 遲d吉之島執埋真係唔使再去了, 無野值得我過去了; 係厚德食左好耐無食o既吉野家, 之後去吉之島睇下但係無減價平野執, 最尾去工聯睇course, 同以前一樣, 又係因為時間同興趣關係好多course都報唔到(遲去報所以地點時間o岩o既都full左, 有d地點太遠, 有d有興趣o既就星期六日), 最後決定暫定報中醫基礎班(當日係咁諗, 但係而家可能唔報了, 寧願一星期regularly閒日出來做一次運動 i.e.打羽毛球or游水); 攪完晒野之後上我企打winning, 之後散
7/6(四) -- 好似收工返左企
8/6(五) -- 收工約左7.30pm係西九龍同貓Maychan食飯拿手信; 由於6點收工要等的關係, 收工又有DMO同事打羽毛球, 所以join佢地打陣羽毛球再去食飯; 估唔到平時十年唔打一次羽毛球, 而家一個星期打左2次, 不過平時唔打開, 打唔到, 而家連打左2次都有d進步, 起碼打得中個波先 XDDDD 而且而家打開有d癮, 想之後keep住打(起碼唔使打籃球咁難約咁多人又唔使游水做咁多準備工夫); 之後MayChan打來話遲d, 我就遲d再過去(但貓一早到左); 去到之後join左貓, 原來西九龍間DonorHouse仲未執, 係搬左位姐~~ MayChan又意外地一波三折OT, 同上次一樣又等到9點幾...最終好似9點半先到...我同貓都好眼訓同累...食左d Pizza之後, MayChan拿左係公司一個月有得訂一次o既三文魚刺身, 開頭以為好少姐, 點知原來好多, 而且又厚又肥美, 好味呀~~~ 不過唔記得夾返錢俾佢添, 由於累o既關係, 無食糖水, 10點幾就去搭車走人了...(拿左MayChan的手信鐵蛋同鳳梨酥)
9/6(六) -- Long Week, 比平時o既星期六忙的一天, 行左8定9間樓, 好累...由於太累, 10點幾就去訓了; 當日歷史性地第一次避到藍龜~~~!
10/6(日) -- 好難得, 由於累訓, 夜晚好大聲雷我都無醒到, 又好難得訓到10點幾先起身(不過中間有醒過); 下午同ConnieSpenser睇樓(我都係跟班去睇下only), 之後上我企打機; 到咁上下Martin來一齊打, 再之後Carol來Spenser走, 我就突然決定買野來煮野食; 由於6點先去買, 來唔設煮+屋企好多野原來係無o既, 因此d野強差人意...算吧啦, 之後大家係企睇埋師奶兵團先散(平時我又係唔睇開電視無啦啦睇的, 而且Connie連續2次上來都係睇大結局 XDD)
來緊
12/6(二) -- 話劇同學Gathering, 好耐無攪, 應該係紫荊
15/6(五) -- 同GordonWendyErica飯局cancel, 有人唔得...可能收工去打羽毛球
16-17/6同Sam等人上SZ? 未confirm, 民仔放飛機
等呀源考完試食飯
好介紹時間, 不過可能剩係某d人有興趣, 老餅廣告測驗!! 睇下你對以前o既廣告有幾熟悉!!
http://www.daihung.com/blog/adquiz
完
2007年6月5日 星期二
六月五日 -- 雜記
1/6(五) -- 收工同Connie&Martin食飯, 食完飯行左陣APM, 之後因為想睇"唐心", 大家突然決定上我企睇, 於是去買左ice cream就上去睇; 我都無幾可睇電視, 好彩一向都知劇情講開d咩, 所以睇大結局都幾好, 睇完就散了...多謝馬哥哥o既雪糕 :P
2/6(六) + 3/6(日) -- 幾個人上左深圳玩; KTG要去上海做野, 以後好少機會見了~~~所以要見下佢。 星期六中午上到去SZ食個飯先, 之後就成日"hea"過, 係東門行下睇下買下野(買左堆老番DVD演唱會同戲), 之後去左機鋪打機, 到咁上下時間就去食KTG介紹的buffet; 每位百幾蚊, 但係好多野食, 各國唔同o既種類都有, 而且質素都好呢~~ 好耐無食得咁飽了~~食完再去行左陣就返酒店; 間酒店係國內知名o既連鎖式酒店, 雖然平, 一間房百幾蚊, 但係好乾淨企理呢~~第二日幾本上係主打日, 而主打節目就係唱K; 早上起身中午交房後, 就去快快食個晏之後唱; 由中午唱到6點都係三十幾蚊抵到爆!不過最重要唔係抵唔抵, 而係同KTG唱K! KTG係我識o既人入面唱歌好聽頭三位, 以後無咩機會同佢唱K啦~~ 嗚嗚嗚, 以後都無人同我唱"你最珍貴""屋頂""珊瑚海"呢d歌啦~~~千古絕唱呀~~~唱完去食正宗韓國野, 唔貴得來都好食呢~~食完就返HK了
4/6(一) -- 同Pizza, Spenser, Sam, Iris同坤去TKO廣場(Pizza呀哥度)的Clubhouse打羽毛球同碌Ling; Spenser同Sam好勁, 完全唔夠打(尤其我都唔識打的), Bowling就大家海軍鬥水兵啦; 打完係魚米家食完飯就散了; 近屋企真係開心呢~~~
5/6(二) -- 下午MC來左白田, 拿左部NDS玩捉錯處2; 難玩過1好多呢, 不過我都搵到d超難o既呢, 一向對圖像o既野都唔太差o既; 收工返企, 飯局取消
來緊:
6/6(三) -- 基金野搵日打波先拿; 收工應該同民食飯+報工聯course
8/6(五) -- 同貓Maychan食飯拿手信!
10/6(日) -- 應該唔打波; 下午同ConnieSpenser睇樓+食飯
1. 等呀源考完試食飯
2. 話劇同學Gathering, 好耐無攪
3. 15/6同GordonWendyErica飯局?
4. 16-17/6同Sam等人上SZ?
又到好介紹時間, 先來一張呢期最紅o既細契poster, 網上d人真係整咩都得的, XDDD
蝙蝠的故事
很久很久以前, 蝙蝠很孤獨, 他想融入一個群體裡。
他很像鼠, 於是去找老鼠們, 但老鼠不把他當做同類, 把他趕走了。
他去找鳥兒, 但鳥兒也不視他為同伴, 不理睬他。
蝙蝠的眼睛很差, 是大近視, 得不到其他動物的幫助, 唯有靠著靈敏的聽覺, 發出尖銳的叫聲, 憑著回音來躲避障礙物。
但因此而令人更討厭他。
他唯有躲在黑暗的洞穴裡。
很久很久以後, 他離開了黑暗的地方。
他出到來見到了老鼠, 老鼠見到他, 跟他成了朋友。
"你跟我們很像呢~! 而且還會飛, 好棒哦!"
他又見到了鳥兒, 與鳥兒做了同伴。
"你飛得很快呢~! 而且聽覺又好, 可以避到很多麻煩呢!"
蝙蝠很快樂, 他只想與大家做朋友。
為什麼"不同"就不可以做朋友?
就算不同, 大家只要換個角度去想想, 有很多東西其實也是很好的。
這是痴心妄想嗎?
完
2007年5月31日 星期四
五月三十一日 -- 雜記
1. 仍然無心機打野, 個"過雲雨"睇怕過左雨季都未必寫到出來...
2. NBA無意義, 雖然Pistons同Spurs都唔鐘意, 但係Spurs係更唔鐘意, 可惜今年都係睇高Spurs半線...
3. 模型有開工! 不過開左工又報唔到完工...
4. 返工好熱, 仲要無lift, 行死
5. 成個星期先打一次, 好多感想都唔記得了............
26/5(六) -- 收工返企; 當晚娟MandySam平安返港
27/5(日) -- MEB; 下午落大雨, 隔離區MS兼負責MEB的Fiona仍然要堅持我地要做到4點先收, 個帳篷都漏晒水入來了...(CW同ACW都想比我地早收檔的)
28/5(一) -- 星期六日連續返工, 人都累啦, 收工返企抖
29/5(二) -- 同Lands的Erica, Wendy同Gordon食飯; 係Lands唔係好熟, 反而走左後係msn傾同出來傾都傾得幾開心, 幾好傾呢; 當日係TST果間米線食, 好抵, 好好坐 :p, 發覺有堆朋友都係做同事時普通熟反而走左仲熟
30/5(三) -- 八婆生日; SMS之下, 當日終於知道係有d唔妥所以呢排無聯絡, 但係我唔知自己究竟做過d咩攪成咁...難得有個咁好傾o既朋友...希望以後慢慢有機會再同佢傾下究竟發生咩事啦...當日有d唔開心...
31/5(四) -- 收工同training同一batch的IIA們食飯, 去TST潮樓食, 幾抵食呢, 9個人每人八十幾; 9點幾食完佢地去飲野, 我就返企先了...
來緊:
2/6(六)+3/6(日) -- KTG要去上海做野了, 應該會上SZ見下佢farewell啦, 以後無咩機會見...
4/6(一) -- 可能請time-off抖抖, 順便用左果日儲左好耐的time-off; 晚上係TKO廣場同同事打羽毛波, 好近屋企, good
5/6(二) -- 同WendyEricaGordon食飯?話firm但我覺得可能無...
6/6(三) -- 同幫我攪基金的張樂銘食飯?未firm
其餘未定...
Youtube精選又來了
福佳始終有你 -- 無論你地點唔睇我之前d推介都好, 呢個都要睇睇~~ XDDD
http://www.youtube.com/watch?v=2j3vh55SSVw&eurl=http%3A%2F%2Fwww%2Egaforum%2Eorg%2Fshowthread%2Ephp%3Fp%3D6003225%23post6003225
明天會更好 -- 廿幾年前o既野, 好好聽, 好經典, 仲要係原裝MV; 最得人驚o既係, 一開頭唱果幾個我全部認得, 係後面果d開始有d唔認得
http://www.youtube.com/watch?v=lEDZyIUbSd0
Undiscovered -- James Morrison, 幾好的英文歌呢
http://www.youtube.com/watch?v=OHN2JKuqNNc
You're Beautiful -- James Blunt , 又係幾好的, 呢期幾hit
http://www.youtube.com/watch?v=8Y7WDWP8WMs
暫時打咁多
完
2007年5月26日 星期六
五月二十五日 -- 雜記
21/5(一) -- Sam生日快樂; 當日臨時約佢出來食飯, 大家都想方便d, 所以去左太子金鳳, 食完再去義順, 由於大家都累累地, 所以好早就散了(好似8點島); 2條友出來傾下偈都幾好呢, 星期日唱K果日都傾唔到偈。
22/5(二) -- 娟SamMandy去泰國玩; 收工返企無野攪。
23/5(三) -- 同Lands松林係SSP食飯; 佢帶去一間食上海野, 都OK啦; 好耐無見, 食完飯傾陣偈大家一齊打左陣機就散, 都係幾早(好似9點島)。
24/5(四) -- 日頭一個人係企hea足一日; 夜晚同Canada來的嬸嬸同佢細仔(即係我堂弟)食飯(係屋企旁TKO廣場); 十幾年無見, 見面都係傾下閒偈咁, 感覺OK呀; 堂弟個樣好似佢老豆(即係呀叔), 食完飯呀哥同佢去左行TST, MK, 由於我星期六日要直踩, 所以食完就返企了(~9:00)
25/5(五) -- 同蘇屋朋友K; 都係果幾個, 係呀Derek之前無來今次來埋; Derek唱歌OK呢~~(同埋佢好似都係唱開唔用echo的, 可惜Terry明明唱得幾好但係都要開echo...)好耐無見大家, 好開心(我11點半走, 佢地都仲有幾個係度唱緊); 另外, 泰國除左第一日到步之外, 無人再打電話來...
(當晚訓覺訓2粒鐘醒一次, 第二日好眼訓)
來緊:
26/5(六) -- Long week, 好彩收工飯局取消(Gordon唔得閒, Erica星期一要考試), 收工返企
27/5(日) -- MEB, 要返工...
完
2007年5月20日 星期日
五月二十日 -- 雜記
1. NBA無意義, 而家d足球籃球太易控制戰果了...暫時剩返果4隊只係鍾意UTAH, 但係亦係無咩可能Champ的一隊...
2. 終於整好部電腦, 多謝呀哥幫我裝過部野, MSN有得用返了
3. 一氣剪左頭髮, 其實想再短d, 不過算啦; 好舒服 :D
4. 模型...
5. 工聯仲未決定報咩...好想報d野
6. 坑口Jusco正式宣佈唔做, 東港城真係超賤...人地同你做起左個人流(基本上d人去都係因為Jusco)之後, 就想轉高檔專登唔要人...收到風話會俾CitySuper(馬前炮來的, 如係真係的話, 就真係賤...)Jusco都無埋, 南豐foodcourt又無左, 間模型鋪又無, 以後可以唔去果面了。
7. 來緊星期Sam娟Mandy去泰國, 貓Maychan等人去台灣, 個個都去玩, 唔制呀~~~
15/5(二) -- 同民食飯; 好耐試過2條友食飯了, 最終決定來我企食+打機。係TKO廣場foodcourt發現2間新野, 懷疑係坑口果面南豐個foodcourt大裝修執晒後o既其2間。
16/5(三) -- 同Lands的Jobby同Grace去紫荊食飯, 其他人搵唔到。大家都幾好傾呀。返企後夜夜地突然想剪頭, 呀哥就幫我快手鏟了。
17/5(四) -- 同白田同事唱K; Puzzle, Spenser, Man, 另外2個TMS人David同Francis, 仲有Work-Co Joyce(呀輝家姐); 呀Man唱歌幾好聽呢, 而且同PP, MayChan, Sharon佢地唔同type, 係柔d甜d的type; 個幾月無唱K, 狀態麻麻, 不過都算攪到少少gag同氣氛; 當日大家都幾開心, 11點幾走了。
18/5(五) -- 收工返企
19/5(六) -- 呢排返工有d累(主要係身體累), 所以hea抖了一天; 呀哥幫我整埋電腦 :D
20/5(日) -- 中午同Sam娟Mandy民唱K Lunch慶祝Sam生日; 雖然之前個幾月無唱K, 星期四又唱過來, 但係都好似唔太大癮。
來緊:
21/5(一) -- Sam生日
22/5(二) -- 娟SamMandy去泰國玩
23/5(三) -- 同Lands松林係SSP食飯
24/5(四) -- 唔知使唔使同Canada來的呀叔食飯
25/5(五) -- 同蘇屋朋友K
26/5(六) -- Long week, 可能收工同Lands Wendy+Erica食飯
27/5(日) -- MEB, 要返工...
完
23/5
2007年5月18日 星期五
看得開=性格涼薄?
我的性格一向都比起很多人算"看得開"。
很多事情看得開，做人的確會更快樂。也因為如此，很多朋友會覺得我沒"火"。打籃球或做一些競爭性的活動時，經常沉醉於過程中的快樂，對勝負慢慢的沒那麼執著，即使面對"茅"的對手，也沒有像朋友般火爆，只是繼續如常比賽。因此經常被朋友責備，因為要有"火"才更有爭勝的決心。
再以另一層面來說，平時在對朋友或陌生人的時候，或在工作的時候，經常也會遇到一些很麻煩的人、很乞人憎的人，或者對人(我)很過份的事，在別人的眼中可能會覺得過份，很辛苦，很不忿，但可能真的由於自己的性格、經歷及成長(以前談及過由小時候親人的影響到長大同學的影響加上出來工作同事及上司的影響)，很多時候會覺得"沒什麼"。對比起一些忍耐能力很高沉得住氣的人及城府極深的人，"覺得沒什麼"可能是更高一個層次，因為前者的人會覺得不高興，只是能強忍下來，但我自己遇到這些人、這些情況的時候，是真的覺得"沒什麼"，不覺得有什麼問題，而且會為對方想到很多理由，為什麼他們會這樣做，"懶"為對方著想...因此我就會覺得"沒什麼"，不會不高興。很多朋友經常跟我逆一些"激氣"的事情，但我總會表現得很不在乎，其實原因是我覺得沒什麼大不了...(說真的，有很多時我自己遇到的人、事更離譜，但我也不覺得怎樣...)即使會不高興(當然不會九成九的時候也會完全不覺得對方有問題吧)，自己也會很快釋懷，很快便忘記了那不快樂的感覺。(也因為這原因，會經常被朋友"恰"，因為他們知道我不會發怒，或者很快便會沒事...)
說了這麼久，其實並不是想說自己很看得開，可以脫離世俗去做和尚。
其實當我想起自己這樣的個性時，會有點害怕。
自己很重視家人，很重視朋友，很重視喜歡的人，即使沒有表達出來/不懂表達出來，但其實心裡有時是很著緊他們的。自己經常會胡思亂想(亂諗野)，有時會想到，如果他們離去的時候，會怎樣呢?我一定是會很傷心的，而且會長時間的掛念他們。但由於自己一向的性格看得開及會令自己釋懷，可能在人家的眼中，我很快便沒事了。那樣好像是一個性格涼薄的人一般，即使失去至親或者失戀，過不幾天又能去玩一樣?(雖然暫時未發生，也極不希望發生，最好大家永永遠遠健健康康快快樂樂的生活下去) (話說回頭，自己一向"愛"別人的方法及表現與平常人不同，即使是好朋友也覺得我的行為不像一般人...假如有一天我拍拖被"飛"，再加上我過了幾天就表現得好像沒什麼時，一定不會有人可憐我...)
開始覺得自己又想到走火了，希望自己看得開的性格能帶給身邊的人比較正面的思想吧。(亦當然希望自己不是涼薄之輩)
完
2007年5月15日 星期二
五月十四日 -- 雜記
1. 未有心機攪部電腦, MSN, ICQ, QQ等仍然未用得...仍然係充滿病毒
2. 由於各種理由, 都係未點砌模...
3. 天氣開始熱, 真正o既我慢慢又會消失...同各位冬天見啦
4. Utah, Phoenix都加油呀~~
5. 開始習慣白田的生活, d人都OK啦...
6. 夏天到, 要游水!
7. 好似有堆人好耐無見...但係又好似好難搵
8. 來緊呢期工聯要報下野先, 返工方面開始穩定落來, 頹頹地要有d攪作了, 大家有興趣一齊來報啦
9. 發現有好多人真係唔識咩叫"做野"...尤其係d係管理層位置o既人; 另外, 亦覺得好多人係度做爛市, 又要影響埋第2d人, 其實大家明唔明白大家要做o既野係咩野呢? 呢個世界永遠無最好, 達到一個好o既標準已經好好; 要令居民滿意唔難, 又何必做多咁多野呢? 好彩九龍西的呀頭們尚算識諗, 不過唔知以後會變成點了...
9/5(三) -- 肥仔堅明顯唔記得食飯件事, 取消, 返企
10/5(四) -- 收工去MK買戲飛同交電話費; 轉左工唔近Sunday/PCCW真係唔方便, 唔通要整自動轉帳?
11/5(五) -- 娟生日快樂! 由於要睇GG人3, 7.30pm-~10.00pm, 因此無咩時間正正經經食飯...食d野就入場睇到出場。GG人keep住水準, 好睇, 今集3個敵人, 打得燦爛, 內心描寫我又覺得OK足夠, 主角內心o既掙扎同成長都交代到出來, 敵角亦都唔錯(個人認為沙人的確可以講多少少, 不過都OK啦), Venom就唔使點交代都得, 怪物一隻而已。整體當然好睇啦, 唔會差過1同2, 包括埋d場面的話, 更加應該入戲院睇。
12/5(六) -- 累累地, 在家抖。得閒無聊打晒Mario Kart 50cc, 100cc, 150cc同mirror mode o既rank"星"左。
13/5(日) -- 本來加拿大的叔叔一家來HK, 要同佢地食飯, 點知又話仲係Phillipines, 未來HK住, 所以唔水同佢地食; 本來諗住打波, 不過人數唔多夠, 無打。中午同哥去左PoLam食飯之後行下, 3-4點返到企。又係無聊將Mario Kart d mission "星"晒rank, 出埋mission 7, 過埋, "星"晒...晚上係企一家人簡簡單單食飯。
14/5(一) -- 收工返企。Mario籃球打爆左Normal mode, 最後一隊痴線的, 打完出hard mode無心機玩了。本來諗住寫下野, 執下房, 砌下模, 點知用來打晒機...另外, 我間房今日終於裝左新冷氣, 之前果部壞左好耐都未整...好彩趕及係真係熱之前攪掂, 呢幾日都未太需要開...
來緊:
15/5(二) -- 同民食飯, 好耐無收工only2條友食飯了, 順便傾下來緊一期工聯有咩好報。
16/5(三) -- 同Lands舊同事食飯, 有咩人來去咩地方咩時間到全部未知...只知Jobby同Grace會到。
17/5(四) -- 同而家白田同事唱K, 好耐無唱K, 又好似唔係好大癮唱...應該會去家樂。
印象中, 好似無咩約了...掛?
20/5(日) -- 同娟民MandySam K Lunch/Happy Hour, 慶祝埋Sam生日
27/5(日) -- 要返工, MEB...由於26/5 long week, 即係話連續返工...睇下28/5拿唔拿time off先
完
五月十四日 -- 雜記
1. 未有心機攪部電腦, MSN, ICQ, QQ等仍然未用得...仍然係充滿病毒
2. 由於各種理由, 都係未點砌模...
3. 天氣開始熱, 真正o既我慢慢又會消失...同各位冬天見啦
4. Utah, Phoenix都加油呀~~
5. 開始習慣白田的生活, d人都OK啦...
6. 夏天到, 要游水!
7. 好似有堆人好耐無見...但係又好似好難搵
8. 來緊呢期工聯要報下野先, 返工方面開始穩定落來, 頹頹地要有d攪作了, 大家有興趣一齊來報啦
9. 發現有好多人真係唔識咩叫"做野"...尤其係d係管理層位置o既人; 另外, 亦覺得好多人係度做爛市, 又要影響埋第2d人, 其實大家明唔明白大家要做o既野係咩野呢? 呢個世界永遠無最好, 達到一個好o既標準已經好好; 要令居民滿意唔難, 又何必做多咁多野呢? 好彩九龍西的呀頭們尚算識諗, 不過唔知以後會變成點了...
9/5(三) -- 肥仔堅明顯唔記得食飯件事, 取消, 返企
10/5(四) -- 收工去MK買戲飛同交電話費; 轉左工唔近Sunday/PCCW真係唔方便, 唔通要整自動轉帳?
11/5(五) -- 娟生日快樂! 由於要睇GG人3, 7.30pm-~10.00pm, 因此無咩時間正正經經食飯...食d野就入場睇到出場。GG人keep住水準, 好睇, 今集3個敵人, 打得燦爛, 內心描寫我又覺得OK足夠, 主角內心o既掙扎同成長都交代到出來, 敵角亦都唔錯(個人認為沙人的確可以講多少少, 不過都OK啦), Venom就唔使點交代都得, 怪物一隻而已。整體當然好睇啦, 唔會差過1同2, 包括埋d場面的話, 更加應該入戲院睇。
12/5(六) -- 累累地, 在家抖。得閒無聊打晒Mario Kart 50cc, 100cc, 150cc同mirror mode o既rank"星"左。
13/5(日) -- 本來加拿大的叔叔一家來HK, 要同佢地食飯, 點知又話仲係Phillipines, 未來HK住, 所以唔水同佢地食; 本來諗住打波, 不過人數唔多夠, 無打。中午同哥去左PoLam食飯之後行下, 3-4點返到企。又係無聊將Mario Kart d mission "星"晒rank, 出埋mission 7, 過埋, "星"晒...晚上係企一家人簡簡單單食飯。
14/5(一) -- 收工返企。Mario籃球打爆左Normal mode, 最後一隊痴線的, 打完出hard mode無心機玩了。本來諗住寫下野, 執下房, 砌下模, 點知用來打晒機...另外, 我間房今日終於裝左新冷氣, 之前果部壞左好耐都未整...好彩趕及係真係熱之前攪掂, 呢幾日都未太需要開...
來緊:
15/5(二) -- 同民食飯, 好耐無收工only2條友食飯了, 順便傾下來緊一期工聯有咩好報。
16/5(三) -- 同Lands舊同事食飯, 有咩人來去咩地方咩時間到全部未知...只知Jobby同Grace會到。
17/5(四) -- 同而家白田同事唱K, 好耐無唱K, 又好似唔係好大癮唱...應該會去家樂。
印象中, 好似無咩約了...掛?
20/5(日) -- 同娟民MandySam K Lunch/Happy Hour, 慶祝埋Sam生日
27/5(日) -- 要返工, MEB...由於26/5 long week, 即係話連續返工...睇下28/5拿唔拿time off先
完
2007年5月9日 星期三
五月八日 -- 雜記
1. 呀Mak生日快樂~
2. 今日來左個新TA做PRO, 以後都唔使坐PRO了; 新TA手Mario Kart又係勁o既...又多個勁人了。
3. 做野見得多老人家, 有時都會諗多左; 自己老左o既時候會點? 去到佢地果個年紀會係咩狀態? 如果個狀態好差, 會唔會死左好過? 到左果個年紀對於生死有咩睇法? 好多野。
4. 因此, 自己一向認為, 係年青時儘量開心係最好的。當然我唔會好似d人咁, 使晒d錢去玩, 又不知自愛, 去做d唔應該做o既事, 去賭去毒去嫖呢d就緊係唔得啦; 但係我覺得係為未來著想, 搵多d錢同係工作上打拼之餘, 都應該有時間係盡情去玩, 去開心。一個人最能夠玩同開心o既時間就係廿幾同三十幾歲了。
5. 睇左半集呢期好多人講的糖心風暴, 其實之前都知係幾好睇, 我睇果一part亦好好睇, 一堆老戲骨真係好正呢。
6. 模型要開工!
7. Heat, Mavs同Rockets相繼輸波被out, 無咩好講。唯有支持Utah同Phoenix了。
8. 隔一星期打一次o既後果就係真係有好多事唔記得, 同好多感想/感覺唔記得。
9. 電腦未整好, 仍然有病毒, 所以未清前咩都無攪過, ICQ, MSN, QQ全部用唔到。
**********
2/5(三) -- 好似返企, 又好似臨收工有野攪? 唔記得了。記得再update返。
3/5(四) -- 收工同白田同事及DMO打波。白田村個球場個框standard同打開好大分別, 自己身為射手射極唔入, 真失敗。有一、二個人幾勁, 打晒咁滯。幾個人都無咩打team的意識, 基本上都係獨食...所以有d悶, 不過做下運動都幾開心同舒服o既。夜晚臨時收到SMS話星期五同IIA training同一batch的人BBQ, 當然puzzle無被邀請。基於各種原因, 雖然星期六調左week要返工, 但係都決定要去。叉開左話題添, 星期四晚打完波, 係我講電話之際原來決定左去創興打邊爐...原來諗住打完波就係附近頹食返企架嘛...打邊爐到10點幾我走先。
4/5(五) -- 收工去BBQ, 本來話去小欖, 之後改左去元朗, 咁o岩係我Lands時同同時去果個地方。不過對我來講都係遠。BBQ有d人已經係不被邀請的了, 大家都係講下返工o既是是非非, 我都唔多想講了。我一向都係做返自己, 與世無爭做隻只係做野同講下笑o既牛就算了。當日我亦係早d走, 10點9島走先。12點先返到企。
5/5(六) -- 返工, 返白田第一次遲到, 遲左10分鐘島; 一朝早起身發現已經就來8點半, 極快地出門口返工。當日都唔算多野做, 下午heahea地收貨+同Spenser打下NDS渡過; 收工陪Spenser去黃金睇同買Wii, 之後各自散and返企。
6/5(日) -- 早上起身同呀姨(當然包括屋企人)飲早茶, 之後去打波。返返維園打始終係打得好d, 當日我地3人夾得都唔錯呢, 贏波。打完無同其他人食, 只係同呀馬同娟食飯, 食完行好耐無行o既route了: 維園->銅中->188->太源街。好耐無行過呢d以前成日行的漫畫玩具集中地, 雖然行到好累但係都好開心呢(雖然好似阻住馬溫書), 行完再MTR去上環同馬探路, 之後散。上環無左692, 於是行左去中環exchange square搭, 點都想搭巴士多過MTR。夜晚同哥娟KTG去坑口村食飯。
7/5(一) -- 收工返企, 不過成班人係公司打NDS打到唔識走, 7點幾有幾個人一齊打返企叫人食飯先同留飯(包括我 :P)打到無電先走。食完飯沖完涼睇左陣糖心風暴, OK呢。
8/5(二) -- 新TA來坐PRO。收工同民LOBO和Carmen去TST食米線。原來LOBO都去過。呢間真係比其餘同名o既好食d(當然荃灣果間都係最好食)。食完傾偈到9點幾走, 慢慢行去裁判處果度先散。
來緊:
9/5(三)同肥仔堅食飯?
11/5(五)娟生日飯, 未知去邊食
同Grace食飯
仲有好似要同好多人出來見下同食飯...
完
2007年5月2日 星期三
五月二日 -- 雜記
1. 白田而家估計日日都會有Mario Kart大戰, DMO的人打得好勁呢~~ 有個呀姐我一見佢用龍龜我就知係勁人, 果然幾乎鋪鋪都係佢贏咁滯, 勁。
2. 雖然白田同事都唔錯, 但係我係唔先入為主o既心態下, 都係鐘意蘇屋多d, 不過我都知自己唔可以成日嗌住要返蘇屋o既。況且白田DMO同事都唔錯呀。
3. 愈來愈覺得, 好多野困住真係好辛苦。做野定係點都縛手縛腳, 好煩, 好憎呢d野, 自自由由咪好咯, 最緊要d野攪得掂同大家開心。
4. 近幾日電腦死左, 五一果日呀哥幫我攪下先用得返, 不過d毒都未清晒, 上得網但係msn都係未用到。
5. 得個講字: 模型開工!
**********
27/4(五) – 收工臨時同呀源食飯, 返左City打左陣足球機(寶刀未太老), 再去好耐無去o既樹記食飯。
28/4(六) – Long week, 由於contractor未開工, 所以朝早坐完PRO後下午就無咩做。晚上去左食三上, 行開福利見MG Nemo有平, 又買…
29/4(日) – 星期日, 本來諗住打波, 點知一朝早落雨地濕打唔到。呀馬突然話去佢企睇波, 於是同民娟上左去佢企。悶波一場, 後來大家一齊狂打StarWar至晚飯。民仔返企食飯, 我地都係食完飯就返企了。StarWar都係同人一齊打開心好多。
30/4(一) – 第一次同白田同事們七人大戰Mario Kart, 好開心。收工再5-6人打戰左半個鐘先收工返企
1/5(二) – 五一紅假, KTG落來。中午去食Sushi, 之後行左陣MK睇電話, 4點幾返到企, 哥幫我整電腦, 夜晚出返觀塘食車仔麵, 之後去APM行左陣; KTG當日手氣不錯, 狂扭蛋扭到自己想要o既野, 於是我都慣例去APM都扭隻野, KTG幫我扭, 一扭就中想要果隻Sazabi, 勁。
2/5(三) – 應該返企。
來緊:
1. 3/5(四)同白田IIA+DMO同事打波
2. 等民仔約LOBO同Carmen出來食飯
3. 未知幾時同蘇屋肥仔堅同Carol食飯
4. 來緊星期六可能調week, 下星期五娟生日之後果日就可以short week
5. 搵日同Lands大姐姐Grace食飯, 不過最近搵唔到八婆
完
最後一夜
咇… … 咇… … 咇… … 咇… …
深切治療病房中,機器在有規律地隨著病床上的人心跳而響。
一批批的人前來看他, 是他的親人嗎?
**********
“老公…你為什麼要這樣? 我們一家以後怎麼過? 以前你回來就問我們拿錢, 去賭去毒去嫖, 我也只有啞忍, 現在這樣... 你究竟想如何?”
咇… … 咇… … 咇… … 咇… …
“是我負了你…要你打點一切家裡的事…辛苦你了…我也很想回到以前的時光呀…我們初時在一起的那段快樂時光…””
**********
“爸! 我恨透你! 從小到大你也沒有理過我們。現在我在學校, 同學們談論之時, 我也不敢作聲, 甚至要附和他們去罵那劫匪! 說真的, 我比他們更痛恨你! 你要死就快點死吧, 不要再拖累我們了!”
咇… … 咇… … 咇… … 咇… …
“爸…爸爸起初只是想家裡的環境好一點…後來才認識到那些豬朋狗友…才會吸毒, 賭錢, 欠一屁股的債…唉…我明白你恨我…也知道你生性…你即使賺不到錢, 也千萬不要誤交損友呀…”
**********
是我不對…我對不起你們…原諒我吧…
**********
“還我丈夫呀!! 你把我的丈夫還我呀~~~嗚嗚嗚…” “哇~哇~哇~~” 一個年輕女子及嬰兒在外面的哭叫聲…
咇… … 咇… … 咇… … 咇… …
“我也不想的, 是他先拔槍的! 我不還擊難道等他打死我嗎? 最多我下去見到他時再向他道歉吧…”
**********
“醫生, 他的情況怎樣?”
“不太樂觀, 他身上的槍傷太深, 而且擊中要害…好不好就要看他過不過到今晚了…”
一名警察和醫生的對話。
咇… … 咇… … 咇… … 咇… …
**********
“找到了!找到了! 是這裡了! 快點開門補一刀吧! 如果他醒了就會供我們出來! 一定要殺了他!”
“有人呀~~~快來人呀~~~!! 有人潛了入來呀~~!!”當值護士大叫。
“噢! 給人發現了! 可惡! 趕快逃走!!”
“別逃! 舉起雙手! 再走就開槍呀!”警察大叫。
“呀~別…別…別…開槍…我投降!”
咇… … 咇… … 咇… … 咇… …
“哼…平時就稱兄道弟, 有難時就想殺我滅口! 活該!”
**********
咇… … 咇… … 咇… … 咇… …
咇… … 咇… … 咇… … 咇… …
“我…我不想死…我不想死呀…快…快救救我…我後悔了…讓我回到從前吧! 我不想死呀…”
咇… … 咇… … 咇… … 咇… …
咇… … 咇… … 咇… … 咇… …
B~~~~~~~~~~~~~~~~~~~~~~~~~~~~~~
**********
“現在是特別新聞報導, 前天於XX銀行劫案開槍擊斃一名警員的悍匪XXX, 於凌晨二時四十八分證實不治, 警方…”
**********
沒有人知道他死前在心裡曾經對他的親人及其他人想說什麼, 也沒有人知道他死前想著什麼…
**********
完
2007年4月28日 星期六
心底的天秤
每個人心底裡都會有一個天秤衡量著每一件事每一個人甚至每一樣事物, 每個人的天秤都不同, 但大部份對一些是非對錯及社會上一般的禮儀都應該有近似的概念。
自己心底的那把尺，自覺有一些與一般人有點不同。當然大是大非應該也和一般人差不多,但對於很多社會共同的概念, 就有很多不同之處。最近對很多不同的事情狀況都有點感觸, 反正有時間有心情寫, 就隨意隨想而寫吧。
愛
對於愛, 有很多人會把自己的各種愛排列, 好像什麼"事業第一家庭第二愛情第三"等等, 要將自己100%的愛分割; 但為何不可以對每一樣事情都100%呢?對家人對愛人對朋友對事業對每一樣東西都可以全力以付, 全心全意地對他/她/它們好, 不是更好嗎? 要我將100%分割開, 我做不到。
家人
朋友情人工作嗜好等等都可以選擇, 家人卻是一個"人"於世上唯一不能選擇的牽絆, 有些人可能覺得"我不能選擇的, 我不想出生的, 我不想與他們有關係的", 但在這世上, 有多少人與自己能有這種關係這種牽絆? 有多少人能像親人般能完全不用猶豫與猜忌的信任? 有多少人能不求回報地對你付出無限犧牲? 所以在此也再說一次, 雖然我很少在blog中提及家人, 但我是十分愛他們的。
(不過, 我身邊的而且確有朋友的家庭成員是完全不值得理會及不想與他/她有關係的人…)
朋友
正如剛才所說, 我對每一樣喜歡的"東西"都希望能儘全力去愛去做去實行。朋友對我來說也是一樣十分重要的"東西"。雖然我有很多地方也與一般人概念不同, 但相信接受我的人就已經接受, 而不接受的人也會道不同不相為謀。我也能無悔地告訴自己, 這樣的我, 也有很多好朋友(當然並非指泛泛之交), 亦有比起一般人多的知心朋友。
潮流
認識我的人應該都知道, 我不是一個順應潮流的人。其實我不是憤世嫉俗和盲目不從潮流的人, 只不過我是一個極度跟著自己心中的意思而行的人而已(我經常也說, 只要不會影響到別人, 自己喜歡的話怎樣做也可以)。對於精神滿足大於物質上滿足(大於而已, 並非物質完全不重要)的我來說, 對於自己的衣服髮型等等的要求也就不太高(當然自己本身並不俊俏也是一個很大原因), 因此儘量也以整潔為主就算了(雖然有很多時因為懶而不整齊)。對自己要求不高, 也就不代表不會品評, 只不過對自己要求低, 也就對別人也不會有要求罷了。對於名牌, 一向認為只是商人"營造"出來賺有錢人及笨人的錢而已; 有錢人有錢, 要排場要面子, 買名牌無可口非, 不過不是有錢人就…
對於娛樂圈, 我會以不同的看法去看"明星"。第一, 明星們的私生活一向有很多都是糜爛的, 平時的八卦新聞跟本有很多時候就不能道其十之一二, 因此我從來也不愛也不會理會那些八卦新聞, 現在的娛樂新聞有很多也是"煲"出來的, 有真有假, 跟本猜不透, 不如不理; 我會有留意, 只不過是能夠知道朋友及同事間的話題而已。對於一個藝人, 重要的是他/她的實力, 即使是多麼糜爛, 他/她演得好唱得好或很俊俏很性感, 都是值得讚賞的藝人。
對於明星, 我會看他/她是賣什麼藝而評論。如果是一名演員, 但擺明只是花瓶, 我也不會覺得討厭。如果是一名歌手, 就一定要唱得"不錯"; 起碼也要不錯吧? 現在很多歌手連一般唱也不能, 實在為我所討厭(話分兩頭, 討厭歌手的動聽的歌, 我也會聽的, 我會分開歌手及歌)。不過像Twins一類, 賣青春賣可愛賣跳脫的組合, 我只當她們是藝人而不是歌星, 所以並不討厭。討厭的, 不在此討論了。
風度
男士風度牽涉到男女平等。首先, 我極度痛恨一些喊著男女平等但又同時享受著男士風度所便的女人。現代社會的女性不像以前, 現代女性在社會地位抬頭, 在社會中的地位不再像以前般較低(在某些行業及職位上更是有"著數"), 卻有一些人經常打著男女平等的口號, 爭取過份的權益, 但同時卻享受著男士所謂的"紳士風度"。 男士風度是應該要有的, 但要去到哪一個層面呢? 由於體力比起女士較佳, 在女士有需要時男士的而且確要幫她提著東西, 太晚時也應該送人回家以免危險, 像一般上樓梯時站後面, 避免於女士前面說污穢的說話等等, 也沒有問題。但現在的情況似乎有點不妥。
男性在社會中的社會壓力愈來愈大; 現代社會中賺錢能力男女其實已經是平等的了, 但賺不到錢養家仍然卻只是男人受到壓力, 女性卻仍然只是嫁個人有人養也沒人會說話。這樣也叫男女平等?
公德心
香港是一個經濟已經發展得成熟的城市, 可是人民的公德心實在比起很多地方低。我強調, 我不是指從內地移民來港的人, 是指土生土長的香港人(內地人沒有公德心是一向有的問題, 也是內地經濟發展過快文化發展不相乎的現象, 不在此討論了)。要舉例日常生活的例子實在太多了, 就說乘車乘電梯吧; 正常來說, 開門時應該讓乘客先下車, 然後才上車/上電梯, 但大部人總愛塞在門前, 想搶著進去(但又不是有位可以坐), 其實這樣只會影響大家出入的時間更慢, 不知那些人為何總是這麼沒腦袋。乘車時讓座與有需要人士, 當然是應該的; 但是否全部的老人也是應該讓座給他們的呢? 對於我來說, 有一些雖然一看就知年紀很大, 但開門進車時仍能爭先恐後推開別人的老人, 我是不會讓座的。我寧願讓一個上了一天班很疲倦的年輕人坐, 也不會讓座與這些人。
車上仍然有很多人會將腳伸上座位, 或者以物件霸著旁邊的座位, 在擠逼的車廂中, 人人也需要扶著的時候把整個身子挨在柱子上做柱男/柱女; 街上亂甩垃圾, 甚至把鼻涕抹在牆上也見過…一大堆數不盡的醜事…這樣也算是大城市?東方之珠?
真
雖然我也會很假, 也不一定露出最最最真實的一面, 但對於很多人, 自問算是很”真”, 也因此結交到很多好朋友。有很多朋友也會隱藏自己, 或者對人歡笑背人愁, 我很少會說出來, 或者太過多的嘗試去開解; 有時有一些問題, 可能問題已久, 可能對方也知道問題所在, 要說的什麼也說過, 作為朋友, 除了作出精神上的支持外, 也就是陪著他/她們一起, 儘量一起玩一起快樂渡過, 有什麼需要就出聲吧。希望大家收到。
完
2007年4月26日 星期四
四月二十六日 -- 雜記
1. 返左白田一個星期, 感覺上都唔錯; Spenser來左, 呀天走左, 同事之間好似都無咩野, Spenser亦好nice同好玩, 同事間o既感覺都唔錯(雖然肯定唔會有蘇屋咁friend); 白田DMO亦有年輕人, 似乎大家都可以夾得來, 仲約埋一齊打波同打NDS添, 希望之後係白田做野可以繼續開開心心啦~ (最想都係返蘇屋)
2. 發覺有好多人都係唔明白”縱”同”厭”呢２個理論, 呢２樣野其實真係好容易令到任何人ｏ既關係破裂, 即使係最好o既朋友同情人/夫妻。
3. 每個人都有自己一套人生睇法同做法, 無話邊樣野o岩定錯, 人人都唔同的; 我就一向認為, 只要唔影響到別人(當然人每做一樣野都一定會對其他野/其他人有影響, 但係我講緊o既唔影響係無大影響), 基本上自己開心就可以了, 唔使理人地o既睇法的(人地有意見, 唔代表會影響佢地), 要夾硬改變自己o既做法同睇法來遷就別人, 令人舒服少少, 絕對唔抵。
4. 最近keep住想拿返d模型來開工, 希望抽到多d時間來攪攪啦。遲d又出d必買o既野了…MG Zaku II Version 2.o...
**********
23/4(一) – 好耐無搵呀Sam, 突然約佢食飯, 大家都可以準時收工, 於是2條友去左食三上。食完仲超早食埋糖水, 只係８點幾不過都散了。出來食下野傾下偈都幾好呢。
24/4(二) – 本來話星期一同Carol食飯, 不過Carol唔得, 於是星期二就同佢食。帶佢食壽司, 佢都覺得唔錯呢。講左好多佢朋友d野, 有時真係覺得人事o既野好麻煩, 我個人就最希望簡簡單單, 大家朋友開開心心咪好咯。不過”人”呢樣動物實在太多野諗, 又煩, 又主觀, 加上”縱”同”厭”, 真係好唔掂。
25/4(三) – 同呀Mak同娟去買電話; 要再次唔該呀Mak鼎力相助。又攪掂一樣野。之後又食華人食完散。
26/4(四) – 收工想約人但係又好似無咩人約…返企。
來緊:
1. 要約下話劇班朋友出下來食飯, 好耐無gathering了。
2. 要約下LOBO出來食飯, 佢去完西班牙都無搵過佢。
3. 要約下打鼓朋友出來, 極耐無出來了(本來上個月有日出來的, 不過有人病左cancel)。
4. Carol話要出來食多次飯…
5. 難得大家都有機, 搵次同日安小妹妹, 馬生, Carol, 娟等等一齊大戰Mario Kart。
再來youtube推介, 今次係一d我鐘意o既日文歌, 可惜好多係youtube係搵唔到的, 係呢度post d搵到架啦
Find the way - 中島美嘉, 一個很鐘意的日本女歌手, 唱得之餘, 可以唱快歌慢歌都得, 呢首係Gundam Seed入面o既插曲, 好好聽, 唔聽前面果d都要聽下呢首, 可惜搵唔到Live版, Live版我係街聽過一樣咁正
http://www.youtube.com/watch?v=nrenMa5o9Ls
My Medicine + Glamorous Sky - 中島美嘉唱快歌Live, 可以聽到佢唱快歌把聲可以好爆炸性, 但係Find the way時又可以好柔... http://www.youtube.com/watch?v=jDgsOBRTmqk
Blue Velvet - 龍硃GT 片尾曲, 工滕靜香主唱, 好放。好正! 不愧當年咁紅。
http://www.youtube.com/watch?v=eR8foHG2IhU
Blue Velvet - Live Version
http://www.youtube.com/watch?v=X3ynQBRSPp0&mode=related&search=
L'Arc~en~Ciel -- Blurry Eyes, 一隊唔認自己係visual rock o既日本紅band, 首歌係卡通片DNA2的主題歌
http://www.youtube.com/watch?v=45a4Ou2g-ps
Blurry Eyes Live 版
http://www.youtube.com/watch?v=WNbmI0YYH4o
Can you keep a secret - 宇多田光, MV版, 怪怪地, 不過首歌好鐘意, 係日劇Hero(好似係)的主題曲 http://www.youtube.com/watch?v=uknqASfYZbQ
Can You Keep A Secret? - Live版, 2個女仔唱, 唔知咩人, 但係好特別同幾正
http://www.youtube.com/watch?v=pkjbWe7yrrg
Can You Keep A Secret? - 當然唔少得宇多田光的Live版, 話時話, 不嬲好早之前都係鐘意佢多過濱崎步
http://www.youtube.com/watch?v=nd3CtkwAelc
It's Gonna Rain! -Bonnie Pink, 一個幾鐘意的日本唔太紅的女歌手, 首歌係劍心o既片尾曲, 搵唔到MV版同Live版...只係搵到卡通版...
http://www.youtube.com/watch?v=1ZESg-DktKo
Say Anything - X Japan的慢歌, 非常好聽, 自己覺得好聽過"紅"呢d快歌...
http://www.youtube.com/watch?v=ifIqFQnJlp4
Say Anything - Live Version, 團長真係超勁, 好多歌作曲都係佢, 打鼓同彈琴都係佢
http://www.youtube.com/watch?v=U1iDLj0rbHc&mode=related&search=
TSUNAMI - Southern All Star經典名曲, 超好聽, MV版, 搵唔到Live版
http://www.youtube.com/watch?v=CdTNAIAVYS8
Southern All Star靈魂人物桑田圭祐的另一首好聽o既歌"波乗りジョニー", Live Version
http://www.youtube.com/watch?v=Z4ZEA8zZ4io&mode=related&search=
LoveAffair - 我自己好早期識Southern All Star的一首歌
http://www.youtube.com/watch?v=7XFItWkS3Ws&mode=related&search=
Unbalanced Kiss - 卡通片幽遊白書片尾曲, Live版怪怪地, 不過我好鐘意呢首歌的; 好多年前o既野, 係咁架啦
http://www.youtube.com/watch?v=Yrq1LLtvLDM
The Sun is Shining Again(日文歌名來的) - 又係幽遊白書片尾曲, 又係高橋Hiro唱的, MV版
http://www.youtube.com/watch?v=Fg4LfIazBYQ&mode=related&search=
最後, 送上顏福偉o既"愛多八十年", 係勁歌金曲的Live Version!
http://www.youtube.com/watch?v=1pARh13fnPw
完
