心底的天秤

每個人心底裡都會有一個天秤衡量著每一件事每一個人甚至每一樣事物, 每個人的天秤都不同, 但大部份對一些是非對錯及社會上一般的禮儀都應該有近似的概念。

自己心底的那把尺，自覺有一些與一般人有點不同。當然大是大非應該也和一般人差不多,但對於很多社會共同的概念, 就有很多不同之處。最近對很多不同的事情狀況都有點感觸, 反正有時間有心情寫, 就隨意隨想而寫吧。

愛
對於愛, 有很多人會把自己的各種愛排列, 好像什麼"事業第一家庭第二愛情第三"等等, 要將自己100%的愛分割; 但為何不可以對每一樣事情都100%呢?對家人對愛人對朋友對事業對每一樣東西都可以全力以付, 全心全意地對他/她/它們好, 不是更好嗎? 要我將100%分割開, 我做不到。

家人
朋友情人工作嗜好等等都可以選擇, 家人卻是一個"人"於世上唯一不能選擇的牽絆, 有些人可能覺得"我不能選擇的, 我不想出生的, 我不想與他們有關係的", 但在這世上, 有多少人與自己能有這種關係這種牽絆? 有多少人能像親人般能完全不用猶豫與猜忌的信任? 有多少人能不求回報地對你付出無限犧牲? 所以在此也再說一次, 雖然我很少在blog中提及家人, 但我是十分愛他們的。
(不過, 我身邊的而且確有朋友的家庭成員是完全不值得理會及不想與他/她有關係的人…)

朋友
正如剛才所說, 我對每一樣喜歡的"東西"都希望能儘全力去愛去做去實行。朋友對我來說也是一樣十分重要的"東西"。雖然我有很多地方也與一般人概念不同, 但相信接受我的人就已經接受, 而不接受的人也會道不同不相為謀。我也能無悔地告訴自己, 這樣的我, 也有很多好朋友(當然並非指泛泛之交), 亦有比起一般人多的知心朋友。

潮流
認識我的人應該都知道, 我不是一個順應潮流的人。其實我不是憤世嫉俗和盲目不從潮流的人, 只不過我是一個極度跟著自己心中的意思而行的人而已(我經常也說, 只要不會影響到別人, 自己喜歡的話怎樣做也可以)。對於精神滿足大於物質上滿足(大於而已, 並非物質完全不重要)的我來說, 對於自己的衣服髮型等等的要求也就不太高(當然自己本身並不俊俏也是一個很大原因), 因此儘量也以整潔為主就算了(雖然有很多時因為懶而不整齊)。對自己要求不高, 也就不代表不會品評, 只不過對自己要求低, 也就對別人也不會有要求罷了。對於名牌, 一向認為只是商人"營造"出來賺有錢人及笨人的錢而已; 有錢人有錢, 要排場要面子, 買名牌無可口非, 不過不是有錢人就…

對於娛樂圈, 我會以不同的看法去看"明星"。第一, 明星們的私生活一向有很多都是糜爛的, 平時的八卦新聞跟本有很多時候就不能道其十之一二, 因此我從來也不愛也不會理會那些八卦新聞, 現在的娛樂新聞有很多也是"煲"出來的, 有真有假, 跟本猜不透, 不如不理; 我會有留意, 只不過是能夠知道朋友及同事間的話題而已。對於一個藝人, 重要的是他/她的實力, 即使是多麼糜爛, 他/她演得好唱得好或很俊俏很性感, 都是值得讚賞的藝人。

對於明星, 我會看他/她是賣什麼藝而評論。如果是一名演員, 但擺明只是花瓶, 我也不會覺得討厭。如果是一名歌手, 就一定要唱得"不錯"; 起碼也要不錯吧? 現在很多歌手連一般唱也不能, 實在為我所討厭(話分兩頭, 討厭歌手的動聽的歌, 我也會聽的, 我會分開歌手及歌)。不過像Twins一類, 賣青春賣可愛賣跳脫的組合, 我只當她們是藝人而不是歌星, 所以並不討厭。討厭的, 不在此討論了。

風度
男士風度牽涉到男女平等。首先, 我極度痛恨一些喊著男女平等但又同時享受著男士風度所便的女人。現代社會的女性不像以前, 現代女性在社會地位抬頭, 在社會中的地位不再像以前般較低(在某些行業及職位上更是有"著數"), 卻有一些人經常打著男女平等的口號, 爭取過份的權益, 但同時卻享受著男士所謂的"紳士風度"。 男士風度是應該要有的, 但要去到哪一個層面呢? 由於體力比起女士較佳, 在女士有需要時男士的而且確要幫她提著東西, 太晚時也應該送人回家以免危險, 像一般上樓梯時站後面, 避免於女士前面說污穢的說話等等, 也沒有問題。但現在的情況似乎有點不妥。

男性在社會中的社會壓力愈來愈大; 現代社會中賺錢能力男女其實已經是平等的了, 但賺不到錢養家仍然卻只是男人受到壓力, 女性卻仍然只是嫁個人有人養也沒人會說話。這樣也叫男女平等?

公德心
香港是一個經濟已經發展得成熟的城市, 可是人民的公德心實在比起很多地方低。我強調, 我不是指從內地移民來港的人, 是指土生土長的香港人(內地人沒有公德心是一向有的問題, 也是內地經濟發展過快文化發展不相乎的現象, 不在此討論了)。要舉例日常生活的例子實在太多了, 就說乘車乘電梯吧; 正常來說, 開門時應該讓乘客先下車, 然後才上車/上電梯, 但大部人總愛塞在門前, 想搶著進去(但又不是有位可以坐), 其實這樣只會影響大家出入的時間更慢, 不知那些人為何總是這麼沒腦袋。乘車時讓座與有需要人士, 當然是應該的; 但是否全部的老人也是應該讓座給他們的呢? 對於我來說, 有一些雖然一看就知年紀很大, 但開門進車時仍能爭先恐後推開別人的老人, 我是不會讓座的。我寧願讓一個上了一天班很疲倦的年輕人坐, 也不會讓座與這些人。
車上仍然有很多人會將腳伸上座位, 或者以物件霸著旁邊的座位, 在擠逼的車廂中, 人人也需要扶著的時候把整個身子挨在柱子上做柱男/柱女; 街上亂甩垃圾, 甚至把鼻涕抹在牆上也見過…一大堆數不盡的醜事…這樣也算是大城市?東方之珠?

真
雖然我也會很假, 也不一定露出最最最真實的一面, 但對於很多人, 自問算是很”真”, 也因此結交到很多好朋友。有很多朋友也會隱藏自己, 或者對人歡笑背人愁, 我很少會說出來, 或者太過多的嘗試去開解; 有時有一些問題, 可能問題已久, 可能對方也知道問題所在, 要說的什麼也說過, 作為朋友, 除了作出精神上的支持外, 也就是陪著他/她們一起, 儘量一起玩一起快樂渡過, 有什麼需要就出聲吧。希望大家收到。

完

四月二十六日 -- 雜記

1. 返左白田一個星期, 感覺上都唔錯; Spenser來左, 呀天走左, 同事之間好似都無咩野, Spenser亦好nice同好玩, 同事間o既感覺都唔錯(雖然肯定唔會有蘇屋咁friend); 白田DMO亦有年輕人, 似乎大家都可以夾得來, 仲約埋一齊打波同打NDS添, 希望之後係白田做野可以繼續開開心心啦~ (最想都係返蘇屋)

2. 發覺有好多人都係唔明白”縱”同”厭”呢２個理論, 呢２樣野其實真係好容易令到任何人ｏ既關係破裂, 即使係最好o既朋友同情人/夫妻。

3. 每個人都有自己一套人生睇法同做法, 無話邊樣野o岩定錯, 人人都唔同的; 我就一向認為, 只要唔影響到別人(當然人每做一樣野都一定會對其他野/其他人有影響, 但係我講緊o既唔影響係無大影響), 基本上自己開心就可以了, 唔使理人地o既睇法的(人地有意見, 唔代表會影響佢地), 要夾硬改變自己o既做法同睇法來遷就別人, 令人舒服少少, 絕對唔抵。

4. 最近keep住想拿返d模型來開工, 希望抽到多d時間來攪攪啦。遲d又出d必買o既野了…MG Zaku II Version 2.o...

**********

23/4(一) – 好耐無搵呀Sam, 突然約佢食飯, 大家都可以準時收工, 於是2條友去左食三上。食完仲超早食埋糖水, 只係８點幾不過都散了。出來食下野傾下偈都幾好呢。

24/4(二) – 本來話星期一同Carol食飯, 不過Carol唔得, 於是星期二就同佢食。帶佢食壽司, 佢都覺得唔錯呢。講左好多佢朋友d野, 有時真係覺得人事o既野好麻煩, 我個人就最希望簡簡單單, 大家朋友開開心心咪好咯。不過”人”呢樣動物實在太多野諗, 又煩, 又主觀, 加上”縱”同”厭”, 真係好唔掂。

25/4(三) – 同呀Mak同娟去買電話; 要再次唔該呀Mak鼎力相助。又攪掂一樣野。之後又食華人食完散。

26/4(四) – 收工想約人但係又好似無咩人約…返企。

來緊:
1. 要約下話劇班朋友出下來食飯, 好耐無gathering了。
2. 要約下LOBO出來食飯, 佢去完西班牙都無搵過佢。
3. 要約下打鼓朋友出來, 極耐無出來了(本來上個月有日出來的, 不過有人病左cancel)。
4. Carol話要出來食多次飯…
5. 難得大家都有機, 搵次同日安小妹妹, 馬生, Carol, 娟等等一齊大戰Mario Kart。

再來youtube推介, 今次係一d我鐘意o既日文歌, 可惜好多係youtube係搵唔到的, 係呢度post d搵到架啦

Find the way - 中島美嘉, 一個很鐘意的日本女歌手, 唱得之餘, 可以唱快歌慢歌都得, 呢首係Gundam Seed入面o既插曲, 好好聽, 唔聽前面果d都要聽下呢首, 可惜搵唔到Live版, Live版我係街聽過一樣咁正
http://www.youtube.com/watch?v=nrenMa5o9Ls

My Medicine + Glamorous Sky - 中島美嘉唱快歌Live, 可以聽到佢唱快歌把聲可以好爆炸性, 但係Find the way時又可以好柔... http://www.youtube.com/watch?v=jDgsOBRTmqk

Blue Velvet - 龍硃GT 片尾曲, 工滕靜香主唱, 好放。好正! 不愧當年咁紅。
http://www.youtube.com/watch?v=eR8foHG2IhU

Blue Velvet - Live Version
http://www.youtube.com/watch?v=X3ynQBRSPp0&mode=related&search=

L'Arc~en~Ciel -- Blurry Eyes, 一隊唔認自己係visual rock o既日本紅band, 首歌係卡通片DNA2的主題歌
http://www.youtube.com/watch?v=45a4Ou2g-ps

Blurry Eyes Live 版
http://www.youtube.com/watch?v=WNbmI0YYH4o

Can you keep a secret - 宇多田光, MV版, 怪怪地, 不過首歌好鐘意, 係日劇Hero(好似係)的主題曲 http://www.youtube.com/watch?v=uknqASfYZbQ

Can You Keep A Secret? - Live版, 2個女仔唱, 唔知咩人, 但係好特別同幾正
http://www.youtube.com/watch?v=pkjbWe7yrrg

Can You Keep A Secret? - 當然唔少得宇多田光的Live版, 話時話, 不嬲好早之前都係鐘意佢多過濱崎步
http://www.youtube.com/watch?v=nd3CtkwAelc

It's Gonna Rain! -Bonnie Pink, 一個幾鐘意的日本唔太紅的女歌手, 首歌係劍心o既片尾曲, 搵唔到MV版同Live版...只係搵到卡通版...
http://www.youtube.com/watch?v=1ZESg-DktKo

Say Anything - X Japan的慢歌, 非常好聽, 自己覺得好聽過"紅"呢d快歌...
http://www.youtube.com/watch?v=ifIqFQnJlp4

Say Anything - Live Version, 團長真係超勁, 好多歌作曲都係佢, 打鼓同彈琴都係佢
http://www.youtube.com/watch?v=U1iDLj0rbHc&mode=related&search=

TSUNAMI - Southern All Star經典名曲, 超好聽, MV版, 搵唔到Live版
http://www.youtube.com/watch?v=CdTNAIAVYS8

Southern All Star靈魂人物桑田圭祐的另一首好聽o既歌"波乗りジョニー", Live Version
http://www.youtube.com/watch?v=Z4ZEA8zZ4io&mode=related&search=

LoveAffair - 我自己好早期識Southern All Star的一首歌
http://www.youtube.com/watch?v=7XFItWkS3Ws&mode=related&search=

Unbalanced Kiss - 卡通片幽遊白書片尾曲, Live版怪怪地, 不過我好鐘意呢首歌的; 好多年前o既野, 係咁架啦
http://www.youtube.com/watch?v=Yrq1LLtvLDM

The Sun is Shining Again(日文歌名來的) - 又係幽遊白書片尾曲, 又係高橋Hiro唱的, MV版
http://www.youtube.com/watch?v=Fg4LfIazBYQ&mode=related&search=

最後, 送上顏福偉o既"愛多八十年", 係勁歌金曲的Live Version!
http://www.youtube.com/watch?v=1pARh13fnPw

完

四月二十二日 -- 雜記

17/4 (二) -19/4(四) -- 呢個星期唔想約人食飯, 所以好難得地連續4日收工後都返企食飯, 無去街。星期四返工時聽到不少有關白田果幾位同事o既野, 睇來開白田村都係奶野的了。收工時, 2方面分別同一時間打來, 我收到電話時都知大鑊了...
都係蘇屋好...俾我返蘇屋啦...

20/4(五) -- 當幾位同事都返左幾日白田時, 我終於係呢日第一日返白田; 原來佢地o既問題已經幾嚴重...雖然對我來講無咩影響, 但係一team人攪成咁, 以後點做野呢? 而我企係中間做夾心人, 個處境都唔見得好好...希望以後無事啦...當晚收工約左馬、民、Gloria食飯, 家昇亂入, 大家去左加拿大餐廳食飯; 好耐無去, 仍然係好食同抵食呢~~大家食完傾到差唔多11點先走, 雖然開心, 但係當日唔知點解好早就狀態大跌, 連唔熟我o既Gloria都感覺到...食完飯大家搭巴士出中環, 我就跟埋架巴士到北角先轉MTR; 恰恰下恰到總站先醒落車, 好彩總站係北角碼頭, 行返出來好近姐。

21/4(六) -- 連續2星期long week, 終於有返次short week! 基本上係抖抖抖, 晚上自己煮野食, 煲個豬骨湯咸左d...

22/4(日) -- 原本有得打波的一天, 不過因為無聊的原因無得打; 無較鬧鐘但係慣左早起, 8點幾起左身, 咩都無得做, 打NDS到中午; 下午仍然係無咩野好做, 睇下電視到到3-4點free d, 不過呢個時間要做咩都唔得, 基本上係浪費了的一天。無聊之下又睇下youtube, post d links出來睇睇啦。

只怕不再遇上 -- Live Version by 張學友&林憶蓮, 張學友d低音都好勁, 有時唔係唱到高音就叻呢。
http://www.youtube.com/watch?v=xykggTVciDo&mode=related&search=
擋不住的風情 -- 唔係葉玉卿, 而係王菲+林憶蓮+關淑怡, 呢個組合仲要唱呢首歌實在係難得一見+以後都無可能
http://www.youtube.com/watch?v=uK1PzuEcxZY&mode=related&search=

李香蘭 -- 林憶蓮主唱, 張學友和唱...
http://www.youtube.com/watch?v=bbtJjiCkNZc&mode=related&search=

翡翠歌星賀台慶片段, 又係林憶蓮+張學友, 勁到爆, 而家搵日齋唱都未必得, 仲要追住來唱...痴線的
http://www.youtube.com/watch?v=5C3W-Ejo0CY&mode=related&search=

瘋了(Live) -- 唔多似咪咀, 其實無咩特別
http://www.youtube.com/watch?v=aScuypDFg80&mode=related&search=

一堆勁人Medley梅姐o既歌 -- 葉蒨文+林憶蓮+王菲+梅艷芳, 無咩好講
http://www.youtube.com/watch?v=vcxs8ZNjnhg&mode=related&search=

完

尾班車

由於工作關係，阿真下班後經常要坐尾班車回家。

他最喜歡在這深夜裡坐在上層的最前排，邊聽著歌邊望著街外，渡過回家的時間。由於位置的關係，有什麼人上車他也能夠看到。在乘著車無聊的時間裡，這邊望望那邊望望比較容易打發時間。

這晚他從辦公室下來；由於是巴士總站，因此他總是第一個上車的人。開車後由總站行駛到較多人的市區位置要一段時間，所以很多時候他都喜歡像今晚一樣在空無一人的巴士車廂上層隨著音樂哼著歌，甚至唱出來。

聽著一首很動聽的合唱老歌，突然發覺在車中像有人在和唱著。
“剛才明明一直沒有人上過車，怎會有人在和唱的？我這兒和司機的位置應該互相聽不到對方的聲音，即使可以，男性司機總不會發出女聲吧?”

他暫停了耳機的聲音，但繼續唱著那老歌，想聽清楚後面那聲音；雖然不大聲，但在寧靜的車廂中也能聽得到。
“後面那女聲很動聽呢，而且很熟這首老歌呢，完全能夠跟我自然地合唱呢!”
聽清楚後面有人後，雖然帶點疑惑，阿真也大著膽地回頭一望。只見車廂後排坐著一個少女，樣子清雅而秀麗，卻帶一點蒼白。
倒是她先開腔“呀，對不起，是我打擾到你了嗎?”
“不…不不，我只是有點好奇，不會嚇著你吧?”
“不會呢，我也很喜歡這首歌呢，你又唱得好，因此想和著唱另一半的女聲呢。”

阿真正想再問她為什麼不見她上車時，少女突然離座走向下層，邊說“呀～我快要下車了，對不起，有機會再談吧～”阿真帶著莫明奇妙的心情回家了。

＊＊＊＊＊＊＊＊＊＊

過了好幾天，阿真也沒有坐尾班車，又沒有再見過那少女。在這晚，他剛剛趕及尾班車開車時間，上到巴士上層又自然地坐在上層最前排唱著歌；不過這次他特別留意那少女有沒有上車，但過了幾站後也一如以往沒有人上車。

又聽到那首很喜歡的老歌，阿真不期然地唱起來，腦中浮現出那少女的容顏，想著她究竟是什麼人，會不會再見到她呢？就在這時，他又聽到了和唱歌聲。
“明明沒有人上車，怎麼又在的?”他回過頭來，又見到了那少女。仍然是少女先開腔。

“你好，我又打擾到你嗎?”
“不，我只是很奇怪，為何你會在這裡而已。”
“我不可以在這裡的嗎”
“哦…因為我在總站上車，然後一直有留意沒人上車，所以…很疑惑呢。”
“哈哈哈…”少女發出銀鈴般的笑聲“因此你就覺得我是鬼咯？”
“呃…算是吧…哈哈哈…”
“哈哈，難道就不可以有人比你早上車嗎? 你習慣了在總站上車，這時間又沒有人，因此就認為自己是第一人上車吧?你也因為以為沒有人在車上才會唱歌吧?”
“哈哈哈哈哈…”阿真給說得有點面紅，這次真是粗心大意了，只能以笑遮羞。
“你不用害羞呢，你唱得很好聽呢，而且我們也因此而認識呀。”
“你讚我我會更面紅呢；你怎麼在那麼晚乘車呢?”
“我最近才轉了工，因此你以前沒見過我呢；初初一個人也有點害怕，一個人那麼晚乘車回家，但現在交了一個朋友，以後乘車就不會寂寞呢！嗯！我叫小婷！”
“對呢，交了一個傻子做朋友，有什麼好怕的，哈哈。我叫阿真。”
“哇哈哈…對了，你也喜歡老歌的嗎？”
“嗯嗯…我什麼歌也喜歡啦，不過有很多老歌比新歌更動聽呢。”
“對呀… …”
“嗯嗯…”
“…”
談話一直持續到少女下車。

往後的日子裡，在這寂寞的尾班車，增添了歡笑與快樂。

完

難得有機會打下野, 點知都係虎頭蛇尾。
本來一開始諗住懶恐怖, 最尾又想懶有feel咁, 當然做唔到個效果啦。
希望遲d果幾個好d啦。

四月十六日 -- 雜記

來緊呢個星期試下唔約人, 收工返企食飯, 只係有人約先出街。

11/4(三) -- 係MK睇手機, 終於complete左mission; 同時亦釘裝埋馬的notes。部手機好滿意。

12/4(四) --Connie, Martin, Carol K, 補返上次唱唔到; 瓊華full booking, 所以去左嘉樂。一來大家就拿左NDS出來打, 變左成場K都有2-3個人係度打機, 我就諗住大家出來唱K, 於是係佢地打時就唱多d; 唱下d新歌或者正常歌都無咩野, 反而唱下d騎呢歌(顏先生, 張立基先生, 心經果d)就吸引到大家注意, 到最後由於呢個星期成個星期都訓得唔好又好累的關係, 走先...

13/4(五) -- 由於馬病, 於是我同Angel食飯; 去左食雲南米線, 雖然呢間四圍都有分店, 但係TST呢間的確係好食d同裝修都好d(價錢一樣), 唔錯呢。好快食完, 坐左係店度同Angel傾到10點幾接近11點, 有去意之際收到電話, 呀哥打來求救; 原來佢留左野係PolyU, 同control room講又無咩用, 於是係TST過去Poly幫拖, 周旋左一輪終於都有d好少少o既解決方法, 留左資料走得時已經係12點幾...返到企1點幾...來本諗住早d訓的, 勁累

14/4(六) -- long week, 返工本來諗住收工同肥仔堅食飯, 不過可能太累的關係, 加上返工係咁吸石屎塵, 下午身體狀態急轉直下, 頂唔住, 都係返企食飯抖。是日下午呀哥打來話Poly搵到d野了。

15/4(日) -- 本來想打波, 不過頂唔住, 訓到11點幾; 基本上當日係hea左一日, 抖返夠。

16/4(一) -- 返龍翔, 搬野的一日; 一開始係龍翔搬一大堆野去白田, 跟住去愛民搬部電腦去白田, 下午再去模範搬個鐵櫃去白田... 之後係白田整理下個office...好累的一天。另外由於蘇屋二、四少左人的關係, 我星期二三四又返去幫手了, 呵呵, 真係走極走唔到。當日收工同白田teammate呀天收工係SSP行左陣, 之後返企食飯。晚上爆左"天誅DS", yeah~

完

復活節假期及後幾日之雜感

1. 第一日雖然係屋企好悶, 但係都有得著, 就係屋企睇左宮崎駿o既"夢幻街少女"。係屋企無咩做, 咁o岩見電視播, 就睇下啦。雖然自己都好鐘意宮崎駿o既野, 但係唔係套套都睇過; 呢一套好多人都話悶, 唔好睇。Well, 又係我唱反調o既時候。好唔好睇好主觀, 但係我覺得, 大部份人都主觀地期望"宮崎駿"會拍好似天空之城果類大場面同有逼力o既野。而呢一套好明顯唔係果d野, 所以好多人都覺得悶。我自己就反而幾欣賞呢套片, 好簡約o既故事同情感, 但係好真摰同舒服, 較感性o既人應該會覺得好睇呢。另外, 好耐之前就聽過日文版o既"Country Road"(該片主題曲), 以前未睇過套片, 又唔知d歌詞講咩, 又無咩經歷, 覺得首歌悶悶地, 但係而家聽返覺得好正呢。片中男主角同一班老人合奏, 女主角唱果個version仲正! 唔知搵唔搵到呢個version的mp3呢?

2. 假期無攪d咩野, 主要就係抖同係屋企同朋友玩。雖然無出去玩, 但係都好開心; 休息幾充足得來, 又可以同最friend的幾批friend一齊玩同渡過, 好開心同好舒服(當然係我屋企聚唔使我出去我都好高興, 呵呵)。可以同喜歡的人們渡過歡樂o既時光實在係太好了。

3. 拿到NDS, 要多謝呀Sam。佢唔鐘意玩NDS令我繼PS2之後又多左部機, 而且可以同朋友仔同事仔玩, 好高興呢。自己本來諗住部機都係同人地一齊link來玩多, 不過都忍唔住自己都有玩。想玩下天誅DS, 一個好有真實感o既忍者game。呀Mak亦都copy左一堆game來, 遲d可以試試。唔少得o既當然係可以同人連線玩炸彈人同埋Mario Kart啦。自己都忍唔住玩下Mario Kart, 不過技術太低, 好難玩呢。部機入面果個係咩都無(即係全部關都未過, 無任何隱藏要素出現)。好辛苦地過晒全部mission, 覺得自己幾叻同好有恆心呢~~呀Mak都話我未點玩過之下用左2個鐘島過晒d mission都幾好呢(尤其係14次drift果個mission)。

4. 而家份工, 暫時做得幾開心。之前d工其實雖然舒服d, 但係覺得好頹(BD), 或者job nature唔適合我做(LD)。而家呢份o岩做得來, 暫時d同事都幾夾得來(蘇屋果d), 做得幾開心呢(白田果d應該OK掛?) 暫時都唔會有悶、寂寞o既感覺, 好想留係蘇屋呢~~希望呢份感覺可以keep住。

5. 對模型又有返少少衝勁, 一連幾個星期都想整下, 而又有開過下工, keep住keep住!

6. 返工覺得OK, 自己個人整體感覺都好左, 有返好多生氣(當然唔係angry的生氣啦), 其實真係無咩精神寫野, 唔係懶或者無咩諗頭。有好多無聊idea想寫呢...好想寫想寫好耐的"過雲雨"。

7. 部電話壞左咁耐, 非法用左某電話咁耐, 終於都買左新電話; 一貫作風 -- 唔多其他功能, 襟用, 平。要慢慢研究下點用, 同埋終於可以用到想試好耐的mp3鈴聲(勁out...), 我要我d日文歌出籠~~~

8. 呢排...整體感覺唔錯呢。可能滿足感大左, 個人少左好多雜亂愁思。另, 又對有ｄ野感受深左: 老o既多經驗o既唔一定叻、一定o岩; 後生o既新手o既都唔一定幼稚、一定錯。

四月十日 -- 雜記

復活節假過去了, 又要返工

2/4(一) -- 過左成個星期, 好多野都唔記得...當日好似收工返企

3/4(二) -- 中午突然收到通知, 返埋星期三放完復活節假後就唔使返蘇屋, 返龍翔; 勁唔高興, 本來諗住19號開村應該有得返多1個星期島, 點知無得來仲要突然通知...難得覺得同事仔們都幾好, 唔捨得呢...收工後呀馬返來第一次唱K! 四個人, 狂唱騎呢歌, 舊歌同今年內hit的歌; 幾開心呢。

4/4(三) -- 臨放假的一天, 又係臨尾一日係蘇屋, 中午街市被請食飯, 多謝各位了; 約左MayChan收工食晚飯, 佢要7點先走得, 於是收工後係附近磨, 到7點仲未得, 話8點一定得, 於是慢慢行去天悅->福利->石夾尾睇玩具, 睇完差唔多8點打比佢話未得, 過多3, 4個字島, 再等左一段時間, 唔好意思成日打比佢, 於是等等等到9點都未打來, 頂唔住, 咁o岩見有車就上車返企了。

5/4(四) -- 放假第一天, 原本諗住去馬度, 不過佢屋企咁o岩唔得, 就自己係屋企磨, 磨了一天。

6/4(五) -- 同民仔輪流執對方間房的約定實行, 當天係佢來幫我執; 10點幾就到, 過程唔講了, 總之將我間房最麻煩o既地方--上格床d模型同模型盒執過晒, 掉左好多模型盒, d模型都執左好多, 整理過下, 雖然無成間房執晒, 但係已經好好了, 同日執返個violin出來, 遲d比Carol; 執到告一段落就當然係打winning啦~

7/4(六) -- 統的一天; 同哥, 娟出MK食lunch, 哥未食過北海道活壽司, 於是就去; 午飯時間當然少人, 哥都覺得d野食唔錯; 食完就行下MK, 好耐無行了, 好多人, 行完都5點幾(其實都無話行唔行完), 之後就返企了。當日行左好多好耐無行過o既玩具位, 耐無行行一次都OK o既...同日見到難得有小矮人野, 無咩諗就買了。另外我同哥都要買手機了(2人都係急需的), 所以都有行過下手機鋪睇同問過下人。

8/4(日) -- 想打波但無打; 約左馬、民、Sam、娟上來屋企玩, 呀源要返學, 所以夜晚先來join, Mandy唔來; 馬、民打波所以差唔多2點先來到, Sam就3點幾, 下午基本上屋企係機鋪, 1部PS2打winning, 2部NDS, 仲有部電腦, 大家打機打到不亦樂乎; 晚上到樓下食個飯, 上來開始正場戲; 玩UNO, 打啤牌, Cum棉胎, 總之一齊玩團體o既遊戲, 玩得好開心呢~~ 之後呀哥加入, 一齊玩Killer Game, 好玩不過人數多d會好玩d呢~ 唔覺唔覺玩到點幾鐘, 大家都繼續玩唔走了, 玩到4點幾開始大家都有倦意, 呀源同呀Sam就走先, 呀馬同民就決定留到6點有MTR, 於是娟就去訓, 我同佢2個就打winning(途中我沖左涼先), 到6點幾佢2個走後, 我就即訓了(天都光了)。另外, 呀Sam部NDS到手了, 呵呵。

9/4(一) -- 訓到點幾鐘Connie call, 話同Martin上來玩, 當然無問題啦; 中午同哥、娟食飯, 食完係樓下行一陣等到佢地到左, 就上屋企。套小矮人果然係已經有了, 不過買時都有預左。一上去就3部NDS打左個幾鐘Mario Kart, Martin勁左好多呢...好難得先贏到佢幾次...之後打左陣太鼓o既minigame同玩UNO, 差唔多時間就去坑口村食飯。Connie都覺得OK呢。

10/4(二) -- 返工了...早上龍翔無咩做, hea左d信...下午落白田睇睇, 都係hea hea地, 睇完得果4點, 大家就話direct home了...一早返企都好好呢, 呵呵。今日亦有好消息, 由於返龍翔都無咩作為, 於是呢個星期大家返落村做野; 蘇屋, 我又來了。

來緊:
11/4(三) -- 約左呀Mak去MK睇手機, 另外會幫呀馬印埋CFA d notes同釘裝。
12/4(四) --Connie, Martin, Carol K, 補返上次唱唔到; 去d野食OK的瓊華。
13/4(五) -- 同馬、Angel食飯
14/4(六) -- Long Week, 真正蘇屋last day
15/4(日) -- 有無得打波呢?
16/4(一) -- 正式返白田?

完

翻睇, 翻玩, 翻做, 翻....

最近"翻"左唔少野。
最近除左聽歌係聽新歌之外, 做好多野都係"翻"舊的。

翻睇唔少漫畫: 幽白, 劍心, 入樽, I"s等等, 非常好睇, 即使以前睇過幾多次, 再睇返都係覺得好好睇, 唔會悶呢。I"s果種青澀o既學生戀愛, 未拍過拖的初戀, 不安而緊張o既心情完全描寫到出來, 好正呢~~不過如果第一次睇時係一個已經成熟左、拍過拖o既人, 感覺可能就低好多了。入樽亦非常緊湊, 又有好多笑位, 係當年其中一個好大原因令我鐘意打波呢~ 幽白就唔使講啦, 個作者諗"橋"真係好叻, 劇情、戰鬥都好多樣化, 唔係單一以力量分勝負, 而且好多位的氣氛都做得好好, d人真係有咁型得咁型, 有咁cool得咁cool, 極之好睇呀~~ 戶愚呂弟實在營造得好好, 感覺真係好強! 暗黑武術大會開始畫功亦愈來愈靚, 漸漸成熟, 翻睇時仍然有好多驚喜~~ 太正了~~

打機打返Diablo2, 出左咁多年仍然係覺得好好玩, 都係用慣近身戰ｏ既人, 用起來爽好多呢~~另外, 亦用模擬器玩返好多舊game, 其實好多舊game雖然畫面無咁靚, 但係遊戲性同諗頭好過好多而家o既game呢~一堆動作遊戲King of Dragons, Knight of the Round, Final Fight...etc都好好玩, 人物造型, 遊戲編排, 甚至音樂等等都好好, 而家好多game都太注重聲光效果...好少出到好好玩ｏ既game了...(當然有, 不過無以前咁百花齊放了)。

太多野翻做過了, 講唔晒, 差ｄ又想講歌都係舊o既好聽(呢樣其實又唔係, 而家都有唔少好聽o既歌, 只不過係d人唱得差罷了)。最近有時上網或者youtube搵到好多歌聽, 尤其係d歌手唱Live的version。之前post過一d舊歌手的version, 相信有睇過o既都唔會覺得差掛?當中亦有睇過好多而家歌手o既啦, 真係差好多...完全係慘不忍睹...基本上連標榜"實力"o既歌手, 都唔係個個得...唉...同好多人或者而家的年輕人傾過"歌"o既野, 最令人覺得唔高興o既係佢地連咩係"好"都唔識...如果對方擺明話係鐘意靚仔靚女都算啦, 但係無理由覺得係唱得"好"o既...連聽時d聲CD係執到呀媽都唔認得都唔知...

唔覺唔覺又呻左一堆呢d野, 講返"翻"o既問題啦~~有好多人都好念舊, 好鐘意睇返、諗返、做返以前o既事物; 當然, 以前o既野係好, 唔好都唔會留到而家, 而且間唔時溫故知新亦係好事, 不過亦唔係樣樣"翻"都係好野來的, 好似做spalling repair做得唔好要翻打啦, 對朋友翻舊帳啦, 明明分左手都想翻"啅"啦...等等

愈講愈離題, 其實寫野時最主要係想講幽遊白書好好睇而已...哈哈, 無無聊聊愈打愈多。

完

四月一日 -- 雜記

愚人節, 應下節先: 我真係靚仔啦, 完

26/3(一) -- 同同事唱K; o靚妹Heidi果然係成日唱K的人, 同Lands同事一樣都係咩歌都識唱, 又幾唱得之人, 不過始終無得同變態果幾個: MayChan泡泡同Sharon比... Terry把聲底好得, 係識得o既男仔入面唱得好唔錯呢~ 好沉好厚, 正; 其餘人都唱得唔錯呢~ 當日無限時間唱+食野都係每人$8X, 好抵呢~~ 自從禁煙後我地呢d唔食煙o既人真係著數左 :D, 要唱多d K!

27/3(二) -- 魚一丁之約; 幾乎最friend的朋友都到齊(當然有d唔識呢堆o既好朋友就無啦), d野食好貴, 不過用埋coupon就OK, 質素叫唔錯, 不過太貴了。成班人傾偈都好開心, 不過係本身自己累d姐。

28/3(三) -- 日頭返工Team Building Training全日係青衣IVE, 基本上係成班人一齊玩; 收住錢來玩當然開心, 而且成班人同一個batch, 大家都好齊心, 玩得幾開心呢~~ 收工後同Mango, 小茵(好耐無見)同民仔去坑口村食大排檔, 幾個人人少少傾下偈都幾好傾, 氣氛唔錯之下食完傾完散。

29/3(四) -- 收工同Lawrence簽埋基金野, 塵埃落定, 之後一齊食飯吹水至10點幾散返屋企, 呢排d煩野終於都告一段落了...

30/3(五) -- 同日安妹妹同馬生去日安妹妹o既姊姊屋企(君傲灣)的clubhouse打bowling; 好近自己屋企, 呵呵開心死。連續2星期好多野做好多野煩, 同朋友一齊輕鬆下真係好呢(雖然個人係極之累)。等到8點集合左, 入到去clubhouse發現9點半收, 於是打左先。居然唔係以game計而係以時間計, 半個鐘$50, 我地3個人打左1個鐘2個game, 都幾抵呢~~ 雖然自己以前只係打過1-2次, 不過都幾好玩呀~打完上左佢姊姊home hea左段短時間, 落去食飯時都9點半了, 食完傾完散; 幾開心呢, 呢2個星期雖然多野諗同累, 但係唔少次同朋友一齊食飯玩吹水, 都好開心。

31/3(六) -- Long Week; 返工唔太忙, 同同事傾下偈都好開心, 而家呢度d同事真係幾好呢~~ 真係想留係蘇屋, 難得唔係太多時間已經同呢度o既人磨合左。希望白田都一樣係咁開心啦~~ 收左工就返企了。

1/4(日) -- 星期六決定放棄返part time, 唔返了, 太累。一早起身打波; 今日發揮得好, 射波準; 同馬、民一隊一齊打係舒服好多的~~ 打完之後同娟食飯, 剪髮, hea了一天。晚上得到喜訊: 日安妹妹今年內會做我鄰居了, 因為全家都會就佢家姐搬埋來君傲灣, YEAH~~~~~~~~~~~~~

完

三月二十八日 -- 再轉貼

又來連續出左2個posts;
反正轉貼開, 貼晒d野出來啦, 張小嫻d野唔係全部好, 但係有時都唔錯, 自己過濾下啦~
都係o岩某d人睇的, 唔係個個o岩; 睇唔清楚就download落來放大睇。

完

三月二十八日 -- 超雜

最近keep住update聽下新歌, 不過鐘意o既仍然唔係好多。整體成隻碟來講, 反而係唔太出名o既方皓文唔錯。可惜女仔歌男仔唱唔到的。容祖兒之前果隻碟唔係隻隻好聽, 但係好聽果幾隻又好好聽。Eric Kwok都唔錯, 幾鐘意"晏"。千Fa普通啦, 張學友隻碟反而未有心機聽...

Eason仍然都係好正, 唔明點解d人拿古巨基同佢比, 古巨基係唔錯, 比好多男歌手都好好添, 但係同佢比又爭d...

上隻碟好多歌都幾正, 有一首特別鐘意, 就係"黑擇明"(裙下之臣都好鐘意), 本來見個名麻麻地而已, 但係d歌詞好得, 完全同我以前講過o既某d野一樣! 極o岩我心水! 特別係度post出來同大家分享下, 有興趣大家聽下或者問我要啦。


黑擇明
作曲：C.Y. Kong 填詞：林夕 編曲：C.Y. 監製：Alvin Leong / C.Y.

他不姓黑　不怕黑　選了光　叫最暗黑的戲院　發出光
臨行仍不肯撒手拍出一片彩色　給仰望
他很有心　很會講　黑暗中　老百姓怎麼發出　熱與汗
人又有幾多怕光要急於往花瓣下　被探望

＊未夠色　便要腥　若有日你也開鏡　願對白不要認你命　
別要驚　別要驚　亂世下佈滿樽頸　這都市已吃夠血腥　

情緒或高或低如此詭秘　陰晴難講理　
既然浮生就如遊戲　不如坐戰機　
黑暗下磊落光明中演你　心能隨心揀戲　這時期演傷心戲　
戲爛人未死＊

失戀也死　走去死　走去死　你母親傷心到死　內疚未
誰人逃不出債主　似三歲跳飛機　悲夠未
抑鬱也死　想去死　想去死　你當你醫生已死　沒見地
忘掉了雙星報喜　把天井當悽美地　煽未
Repeat＊

誰也在暢讀死亡的筆記　不如來推推理
要求存似電玩遊戲　操練著戰機
死也未怕又怕甚麼苦戲　不如重溫好戲
死亡遲早都找你　切勿憑自己


最後2句太好了。

**********

最近都聽返好多舊歌, 聽返唔少軟硬o既野。"老人院"係長期favourite唔在講, "川保久齡大戰山本耀司"亦都好正, 下次唱K要唱下, 同一班當年都聽收音機o既老餅懷舊下先~

**********

以下轉貼下d link, 無聊可以去睇睇, 開心下:

http://cubemax.hkfootballman.com/index.php?v=20070320224121
尹光名曲-少理阿爸(MTV), 正死

http://www.youtube.com/watch?v=B0ICOaiHX-M
其實我覺得係呢d戲或者時候做醜女或者玩爛都唔會影響形像啦, 大家都知只係做戲罷了, 不過真係幾專業o既, Karen Mok。

**********

反正轉貼開, 就一次過貼下野; 以下一篇係芝see菇be果時要自殺o既留書, 寫得唔錯


芝see菇be專欄 　　 　　

不要讓我在周日死去 寫給未婚夫的分手信 　　 　　
蘋果日報 2006/09/24 　　 　　 　　　　

有智無情者白活，有情無智者亂活。 　　　　
有腦無心者不解情，有心無腦者浪費情。 　　 　　　　　　　　　　——李天命《哲道行者》

　　 　　決定結婚是兩個人的事，決定不結婚卻可以是一個人的事；婚姻是（至少）兩個人的決定，離婚卻可以是單方面的決定──怪不得美滿婚姻難求，其實只是很簡單的機會率計算。 　　 　　我們分開了，好嗎？ 　　 　　如果我們還未談婚論嫁，只是隨便拍拍拖，可能根本不用在這個時候分手（大概會一直等到雙方討厭大家，然後才不再留戀地、心安理得地分手吧）。 　　 　　可惜我們已談到婚事了。 　　 　　我不想作出一個心中有疑惑的決定，反而想盡快下定決心──好趁我們未成為互相憎恨的夫婦。更諷刺的是，如果只是拍拍拖，我們或許還可以重新嘗試，然而一旦到達婚嫁的地步，我知道我倆大概連朋友也做不成了。關係曾經愈親密，兩個人竟在往後會分得愈開。 　　 　　這封信，不是為了要責怪你，甚至不會控訴/列舉/提出/重提任何我倆不合的原因和例證；一旦決定分開，那些事情都頓時變成小事了。 　　 　　近來，每次與你吵架，我心都只想一個問題：到底一個人好？還是兩個人好？ 　　 　　我不是那種渴求婚姻的人，因為我見過不少人為了達成結婚的夢想，連眼前人是否適合也不理會了；我一直提醒自己不要這樣，否則便本末倒置。 　　 　　當然希望自己找到終生伴侶（十分希望！），遠勝獨自上路，但如果拿「不健康的婚姻」與「健康的單身」相比，我會選後者──我不會知道自己餘下的路會否走得健康，但我卻看到這段婚姻不健康的潛力──試走向健康人生，應該是任何人的大前提吧。 　　 　　每當我們意見不合，難聽說話→憤怒→罵戰→眼淚→冷戰→哭到很頭痛→心軟→拿來止痛藥→和好→覺得浪費了大好周日→雙雙感到無奈→想起原本可以去看的電影、原本可以逛的街、見的朋友.在這個過程中，我老是想起，如果換轉是自己一個人的話，縱然只會是平淡的一天，卻不會感到無奈、傷心吧。這個想法漸漸在腦內萌生，然後慢慢育成，成為今天這封信。 　　 　　我見過為了結婚而結婚的人，然後他們為了維繫感情而生孩子，有了孩子後為了維繫家庭，再生一個孩子.如果一開始的起點錯了，就會愈來愈錯了。 　　 　　我們爭吵不算非常頻繁，而且一直都是一些雞毛蒜皮的事。別人聽到我要跟你分開，都會認為「未夠原因去分手」。有一套電影《玫瑰戰爭》，女主角因為「他吃東西的樣子很難看」而殺死自己的丈夫，其實那個又何嘗是原因？真正的原因，是雞毛蒜皮的小事，積少成多，最終累積成致命一擊。 　　 　　小事比起大事，來得更可怕。因為每當人遇上大事，總得被迫面對；小事就不同了，遇上小事的時候，人會慣性逃避，心想「只是小事一則吧」，而沒警覺要把問題解決，結果小事累積而成千絲萬縷的醜惡局面──面對這情況，人會產生一種無力感，更不懂得解決事情了。離異的夫婦們，又有多少能確切地說得出單一件致命大事呢？卻都是千千萬萬個連講也講不出口的細微事情吧。 　　 　　小事，就如中國五千年歷史的小人，他們不致於大奸大惡，科書中甚至無名無姓，卻一直陰好事，影響大局。如果我是歷史學家，我就會寫一本《真正的罪魁禍首──中國五千年小人全紀錄》。 　　 　　因此問題並非我們是否為了大事而吵架，而是我們在不和之後，有沒有真正解決/改善問題（無論問題是多　微小），抑或是為了一刻心軟和對擁抱的渴望，就胡亂地言和了。在這情況下，「言和」反而變成不顧後果的行為呢？ 　　 　　可能，是我想得太多和太認真了，但如果不三思不認真，又何必結婚？ 　　多謝你讓我相信世上真有感情這回事。保重。 　　 　　

Text by 卓韻芝


好彩無死到, 如果唔係又少一個有料之人...希望大家以此為鑑, 叻人都會有錯o既時候...

完

三月二十五日 -- 雜記

呢個星期完左好多任務, 個人輕鬆好多, 過晒d exit test, green card...etc
返工方面都幾開心, 起碼係o岩自己做o既, 就算忙或者累都好, 起碼個心做得舒服。
同事們都唔錯, 希望落到白田一樣係咁好啦~ ^^

19/3(一) -- 同呀強食飯, 拿返佢幫我買的扭蛋, SOG果套extra買唔到, 儲開的, 今次麻煩了...無理由好貴都照買架...

20/3(二) -- 日頭Exit Test, 順利完成; 收工上平安card堂, 6.50pm-10.20pm, 幾長時間, 不過呀sir講野唔太悶, 講得來都OK喎, d野都好淺而已, 上完堂返企都11點

21/3(三) -- 收工上平安card堂2; 問阻住借左部NDS, 打Mario Kart差唔多成大半堂; 之後個test極淺, 平安咭平安落袋

22/3(四) -- 收工後同張樂銘同馬、民去紫荊食飯傾野同聽基金d野, 基本上都有定論了...

23/3(五) -- 其中一個鼓班朋友早一日打來話唔舒服, 所以cancel左, 唔使5日閒日都出街

24/3(六) -- 終於有個short week, 全日在家hea抖了一日; 開了半隻BB戰士工; 娟晚上約左Mandy等人食飯, 我無join

25/3(日) -- 再hea一天; 半隻BB戰士埋單, 終於都叫有整下野, 好無聊的一個weekend; 是日早上舊生籃球賽無join

來緊:
26/3(一) -- 同而家蘇屋的同事們唱K, 幾期待; 一來好耐無唱, 二來未聽過大家唱
27/3(二) -- 因為有coupon, 同Sam民娟Mandy(仲應該有馬同源)去九龍灣食魚一丁
28/3(三) -- 本來同Mango民小茵等等去坑口村食飯, 不過當日公司要參加Team Building, 入青衣IVE, 唔知join唔join到
29/3(四) -- 應該攪基金D野
30/3(五) -- 同日安馬生碌鈴食飯
31/3(六) -- long week
1/4(日) -- 返大球場, 七人欖球, 31/3因為long week返唔到, 只返一日, 不過都應該夠累了
呢個星期真係賽程緊密, 慘了...早知唔好去咁多街 =.=

完

F5, Refresh, 重新整理

很久以前也提過, 人的"激情"、"新鮮感"很快便會消失掉。無論一對情侶是如何地要好, 一年二年沒問題, 到三四年時總會有悶的感覺。當然, 倆人的真正感情及默契也就培養了出來, 這是非常重要及難得的, 但有很多人也會忽視了"感情及默契"的重要性, "激情及新鮮感"過後便失去了對對方的興趣。因此, "Refresh"也是很重要的"動作"。

其實不一定對人, 對愛情, "人"基本上是很容易"習慣"的動物, 要長期喜好一樣東西, 除非該"東西"(包括人、興趣、事物等等)能夠給予無窮的創意及新鮮感, 否則一定也會有厭的時候。這也就是"refresh"的重要性之處。

像運動項目諸如籃球、足球那般, 由於人與人之間的互動性強, 每人每日的狀態也不同, 不同的隊友不同的敵人也不同, 因此就長期不會厭。但打機也好, 玩什麼遊戲也好, 人也好, 打得多玩得多對得多也會厭。因此需要每隔一段時間重新整理一下, 以不同的角度去看看他/她/它, 試試發掘仍然未知的一面, 那樣才能使關係更長久。可惜這並不容易做到, 而且大部份人也沒有這個概念, 只有少數人能行得通而已。

不能主動按"F5"去refresh, 就唯有以"時間"去refresh了。就像每天早上看NBA的play by play一樣, 有時畫面停留太久, 不知幾分鐘之間究竟2隊打得如何, 就自己按F5去refresh, 不用等它自動refresh, 尤其在球賽快要完結但2隊分數很近時更會心急。但不停地按F5卻沒有用, 因為太頻密的refresh電腦也來不及有新的資料吧? 所以有時以"時間"去"冷靜"一下也是好的。

自己也會有以上各個情況出現。幸好, 自己算是比較能refresh不同觀念的人。自己的各樣喜好長久以來也能維持(看書打籃球...等等, 高達模型仍然是很喜歡, 不過真的很久沒動工, 但天天也會想著要開工但又沒動過, 看來我需要冷靜一下, 忘記一段時間來以時間refresh呢), 希望大家也能以這種心態去面對各樣事物, 那便更容易看到世上事物的"好"呢。

另外也希望人們不要不停地按"F5", 那只會得出反效果而已。

完

三月十八日 -- 雜記

11/3(日) -- 好似無野攪過?唔太記得, 印象中好似因為落雨無波打, 所以好早起左身(7點幾８點...)又無野做, 打下機磨下去到下午訓左個覺到夜晚食飯磨到訓第日返工。

12/3(一) -- 好似都無野攪, 收工返企

13/3(二) -- 連續成個星期搵唔到八婆, 所以決定打公司電話搵佢, 終於都搵到; 原來真係同星期五果日o既事有關, 呢排都好唔高興, 所以唯有遲d再約出來啦; 收工後同CarolConnieMartin食飯; 本來唱K, 不過馬生喉嚨唔舒服所以改左做食飯; 係APM意粉屋食, 四個人hea下傾下, 食完仲打NDS(2部only), 估唔到我同馬生2個無NDS的人都贏到有果d呢(Mario Kart)

14/3(三) -- 本來同Mango食飯, 但係由於其他人都唔得閒, 得我同佢2個人得, 所以cancel, 遲d再約過出來食; 收工返企食飯。

15/3(四) -- 有個新o既PRO來返工, 係個未滿18歲o既妹妹仔(Heidi), 由於咁o岩果日我要坐半日PRO, 所以就教佢+吹水; 真係同而家d後生脫晒節, 而家d o靚妹細細個就成日落club...不過青春無敵o既...好多contractor d人都對佢好有興趣添, 不過應該唔係佢落白田, 而且都唔見得會做好耐; 收工同training的同學們去荃灣食飯, 天氣幾熱o既情況之下去任食打邊爐...14個得3個人無去, 大家都係分享下各自落左村o既經驗, 原來自己係KWH(九龍西及香港)真係好幸福, 無咁多麻煩野又唔使點OT, d人事關係都唔複雜, 講講下有d人飲左酒愈來愈high, 愈講愈癲呢, 不過大家坐埋一齊傾偈都幾開心o既; 到左10點幾已經想走, 但係睇落d人好似都仲未有心散, 到左10點9島有2個人話走, 我就都跟埋走了...返到屋企沖完涼見到有人online, 問佢之下原來佢過多半個鐘島都走, 但係班人未散, 唔知佢地到幾點了...又唔知食左幾錢

16/3(五) -- 收工返企

17/3(六) -- long week返工, 學到好多部PDA的野, 知道左點用(雖然慢), 可以正式地投入working force啦掛? 另外, contractor的有個管工Carol都幾好傾, 唔知佢會唔會落埋白田呢? 收工後同娟食MK北海道活壽司, 佢未食過, 好彩早ｄ去, 唔使點等位呢。

18/3(日) -- 由於天氣關係, QCOBA個波cancel左, postpone去下星期, 不過睇怕我唔去得了, 好彩因為咁而可以訓個好覺; 中午同娟(最衰呀哥唔睇)睇軟硬個演唱會DVD, OK好睇啦, 氣氛各方面都唔錯, 不過覺得佢地２個唔係好投入...總係覺得麻麻地...另外bonus DVD的嘉賓們都幾正呢~~~夜晚同Carol(當然係BD果個)去演藝睇音樂劇"留著愛", 高皓正同廖雋嘉做主角; 劇情普通啦, 但係其他各方面都好有心機, ｄ歌好聽呢, 可惜應該唔會出碟掛? 應該搵唔到mp3了; 舞就唔太識得評論同欣賞, 其餘氣氛舞台等等各方面都覺得幾好~~2位主角, 高皓正就唱得中規中矩啦, 廖雋嘉把聲幾好聽, 幾清幾甜(而且幾靚); 另外幾位出身演藝o既就當然唱得好好啦; 整體感覺都好唔錯, 幾好呢。

來緊:
19/3(一) -- 同呀強食飯, 拿返佢幫我買的扭蛋
20/3(二) -- 日頭Exit Test, 收工上平安card堂
21/3(三) -- 收工上平安card堂
22/3(四) -- 聽基金d野
23/3(五) -- 可能同鼓班朋友唱K, 好似好耐無正正式式唱個K
27/3(二) -- 因為有coupon, 同Sam民娟Mandy去九龍灣食魚一丁
28/3(三) -- 同Mango民小茵等等食飯, 好耐無見呢一班人同食飯了
1/4(日) -- 返大球場, 七人欖球, 31/3因為long week返唔到, 只返一日, 不過都應該夠累了

實戰, 學習

由於呢篇野長, 而且個開頭同後面o既內容唔同, 所以係一開波呢一段就講左先, 後面o既內容其實係重點, 前面果d只係前言罷了。

**********

終於完左training, 好多舊人都話係最開心最honeymoon的日子。終於落左村做野, 雖然好多程序都未跟過, 但係其實同我畢業出來第一份工做ｏ既野一樣。當然, 有好多程序上同文件人操作上o既野係唔同, 但係癥結所在、最重點要做o既野其實係一樣的。有d朋友可能未做過, 覺得好似好難, 又或者同我講同以前唔同, 但係我無呢個感覺, 尤其係落左村呢２日, 完全感受返, 初初畢業時做果份工o既感受, 亦都知份工最難handle o既野係咩野。不過有無把握handle, 其實好睇每個村o既情況, 不過自己做過黃大仙下村, 知道都唔會好多村差得過呢度了。(並唔係我自大, 有幾個當年的同事講返, 同埋聽返好多其他人經驗都知, 果度村民的痴線率係好高的; 而且當時我做管理公司, 做夾心人比而家要co-ordinate o既野仲多過而家呢份工２重) 即使唔係handle得好好, 起碼都有個心理準備; 而家會有擔心的只係個exit test。

講左半段返工o既野, 大家以為"實戰"係講緊工作, 咁就錯了。其實都係想講下自己最近o既感受, 當然唔係工作方面啦。

自己每遇到問題或者新事物都儘量會諗會學, 從而得益不少。其實最近雖然最近係blog無寫ｄ咩雜記以外o既野, 但係其實自己都有得著同發現新o既"適合自己人生o既theory(道理)"(唔敢講適合全世界)。

有一樣野係見得愈多人愈感受到o既, 就係正面/負面思想。呢樣野睇落好似好簡單, 實際上解釋都好簡單, 但係影響就好大好大。

第一樣影響的當然就係一個人快樂與否。好多野, 從唔同的角度睇, 真係會有好大分別。從好果方面去睇、去諗, 真係會開心好多, 而且又唔見得會蝕左d咩野。何必要諗得咁差呢? 何況好多時情況唔係想像中咁差。最大的影響, 就係錯誤o既負面觀點會影響一個人對事、物、人的態度, 而一個人o既態度亦絕對會影響整個事、物、人o既情況同環境。憑自己經驗同觀察所得, 從好果方面諗會令人更積極, 對人對事都會好d, 個情況即使本來唔太好, 亦自然會慢慢地好返d (就算於事無補, 但一定好過無); 相反亦然, 會更差, 而且更會惡性循環, 最後只會另一個人愈來愈唔開心, 愈來愈怨天尤人。我唔知點係度舉例同埋令人明白呢種感覺, 但係大家自己想像一個情況, 客觀地諗下用唔同角度o既諗法-->行動-->後果, 應該唔難發覺同明白我所講o既野。

有好多朋友(或者識o既人, 身邊同事等等, 尤其係HK人), 睇野真係好片面同埋好鐘意諗向負面。見到一個陌生人, 或者見到咩情況, 都會留意左唔好o既野先, 唔清楚o既、唔知o既就會估係唔好o既先。因此見到好多人都會對陌生人有bias, 尤其係而家d人膚淺居多, 見到人唔靚仔/靚女就會係心入面踩左人先; 我以前都講過, 第一印象好重要; 亦都由於負面想法影響, 人們就會長期對果d人唔好, 睇到佢地唔好一面, 又係惡性循環落去...

另一方面, 亦都有好多人見到新事物就會首先用"存疑"o既態度, 之後不斷地搵該事物唔o岩、有矛盾o既地方, 搵到之後就一味用果一點來話果樣野唔o岩。其實咁樣一d建設性都無, 有少少矛盾都唔代表係錯。而且呢種態度會令人完全失去左學習能力; 尤其係有d人覺得自己識左好多野, 或者對某d野經驗多, 就覺得自己唔會錯, 接受唔到新事物; 眼見有好多人都不其然地犯左呢個錯誤, 失去好多學到野o既機會; 咁樣有咩好處呢? 只係自己心入面覺得自己叻而已, 但係其實一d得著都無。即使一樣事物有錯有問題, 一樣可以從中學習; 能夠睇到一樣野錯係咩地方, o岩係咩地方. 可以用o既地方, 唔可以用o既地方, 咁已經學到好多野! 所以世上每一樣野同每一件事, 有心諗一諗的話係可以學到好多野的! 當然唔係成日有時間同心機同精神去做呢樣野, 但係我相信好多叻o既人、偉人、出名o既人都係有能力從細微處學到野o既人; 即使好似我地呢d凡夫俗子無呢個能力, 但係起碼都唔好事事"存疑", 又唔去諗就否定掛? 同樣一件事, 要d人影響力, 大家信服o既人講出來先有人信, 但係幾時先可以等到呢d人出來, 又幾時呢d人會出來講呢d野? 可惜因為負面思想o既原因, 好多人亦都係唔接受別人講自己錯o既地方, 尤其係被人指出而唔係自己發覺的時候, 即使心中明白係錯, 都死唔肯認, 更找籍口去將錯o既野合理化...

要再講, 實在有太多野可以講, 亦都有好多情況可以一路發展再講落去, 不過個宗旨同原理都係一樣; 只係希望呢個世界上o既人, 可以帶住正面o既思想來生活, 咁樣互相影響之下大家一定會生活得快樂好多! (大家去d貧窮落後或者郊外o既國家同地區睇睇, 民風淳樸o既地方, 真係好舒服, 無咁多猜疑同麻煩...) (雖然人類最終都係會被呢d"壞"o既野影響, 人為左自己o既利益, 就算唔害人, 都會變得小心同猜忌, 去防人害自己...)

希望自己可以保持住自己而家o既心, 快樂同簡單地生活落去...

可惜每一次寫呢d野, 有心機時都係好夜或好累時, 無組織過一路諗一路打, 打完亦無再check過, 又長, 因此我都預左好難睇得明, 亦都無咩人會睇的了。好彩自己睇返應該會睇得明的...夠了。

完

三月十日 -- 雜記

1. 又係雜記...
2. 其實最近o既雜記都同往時有d唔同, 往時雜記剩係記事, d感受會另外開一篇來寫; 而家因為懶同無精神, 好多時d感想都會寫埋入雜記度...
3. 最近有d悶...雖然轉左工, 可能training悶掛?
4. 星期四training正式完結, 我地幾個KWH區新人娥會開村做, 做白田村, 但係４月先開, 係中間呢段時間會四散落ｄ做緊ｏ既村實習下, 星期五下午就落村; 我呢幾星期就會落許冠傑、草蜢等人ｏ既舊居 -- 蘇屋。好近MayChan, 可以約飯呢。

6/3(二) -- 返企

7/3(三) -- 唔知點解係完全無先兆同通知下cancel左個K, 完全搵唔到八婆, 唔覆電話留言sms(直至今日都係), 唔知咩事, 唔理了。反正本來都好想約呀貓同MayChan出來, 所以搵佢地出來食飯。MayChan想唱K, 所以估唔到都係出返來唱K。MayChan未去過瓊華果間, 於是大家一起去(d野食OK的)連埋呀哩4個人, 點知真係2個半鐘就cut歌...慘...大家都唔夠喉...

8/3(四) -- 某中學同學搵到份外國工要走, 同佢farewell。難得天氣涼返, 民仔話打邊邊, 於是book左紫荊。都預左成班人講股票野多, 預左悶悶地, 好彩都唔係全程講, 其餘時間都傾得好開心。不過由於累同唔想太遲走, 10點幾我走先, 佢地就留到11點幾先走。6個人請1個人, 任食同飲左唔少野, 都係$8X, 太抵了。

9/3(五) -- 本來想返企食飯, 不過馬打來話想印CFA notes, 所以叫左佢搵呀Mak幫手先, 我收工再去搵佢地。好彩佢一早去印住, 我收工到埋太子都過左6點半了。到時都差唔多印完Level 1的notes, 唔印住Level 2的; 我同呀Mak發揮當年讀part time時"釘裝王"ｏ既實力, 三個人吹下水咁, ８點前釘完裝, 攪掂。之後呀Mak去統, 我同呀馬去華人食飯, 食完無傾好耐, 唔太晏就散了, 第日要返工呢。

10/3(六) -- 返工, long week, 收工返企

來緊:
13/3(二) -- 同CarolConnieMartinK
14/3(三) -- 同Mango食飯?
搵日同呀源食飯
18/3(日) -- 早上QC舊生籃球賽, 晚上同Carol睇劇
20/3(二)21/3(三) -- 工聯會拿綠card上堂
20/3(二) -- 返工的exit test日子

唔記得仲有無漏了

完

三月五日 -- 雜記

1. 發覺自己失憶愈來愈嚴重, 過左去唔夠一個星期就唔記得做過咩, 要諗先諗到, 來緊約左人做咩又係咁...
2. 個blog已經好耐無日記以外o既野寫過, 好唔得...
3. 模型無郁過, 不過都無再買
4. 機都係頹打; Starwar開始用多d其他兵; Diablo2一隻人物未用完又開另一隻...開左好多隻...
5. 仲未換手機...
6. 呢排又有人講返九型人格, 記得以前好似都做過下, 但係忘記個result; 又做左個test, 唔知準唔準, 頹做的result: http://www.bt4u.com/calls/analysis/show_ennaResult.jsp

27/2(二) -- 返工d training無咩好講, 所以打後無咩特別都唔點講。當日收工好似返企。

28/2(三) -- 約左呀馬, 民, 娟同Sam去沙田禾輋陳根記食飯。馬同Sam係第一次見呢。大家好傾+野食又OK, 開開心心過左晚; 一班朋友一齊o既感覺實在太好了(不厭其煩的一句), 食完後行去沙角食糖水(行得好累), 之後散。

1/3(四) -- 約左Carol出來食飯; 由於佢臨時同同事去買NDS, 所以原本諗住去KT, 改去SSP。由於佢又要買機, 所以我收工後自己去左石夾尾行玩具, 幫呀強買左set盒蛋; 之後行行企企到咁上下就去黃金搵Carol同佢同事, 之後就同佢同事一齊食飯。要等佢另一個friend來...等到好似8點半, 我地3個人由SSP行返去太子(因為果個人係內地返來, 就佢火車近d...); 同2個對我來講o既陌生人一齊食飯, 好彩都有野傾下, 唔會悶, Carol仲為大家呃左一人一封利是添 :P, 是晚食好耐無食o既華人, 食完散。

2/3(五) -- 晚上約左呀B, 八婆同Sylvia係CWB食飯, 係總統戲院上面o既"泰鐘意"。環境食物都唔錯, 大家亦好傾, 不過約左六點半, 2個女仔掛住行街買野7點半先來到...食+傾左一個鐘, 八婆收到個電話之後好似唔開心, 之後仲話散, 係8點半咁早大家unexpected o既時間就散了; 由於早, 順便係企樓下買左家居用品。

3/3(六) -- 行程緊密的一天。原本諗住hea過, 點知呀媽話當日去黃大仙, 於是食完晏後同媽, 娟同呀姨去WTS; 呀姨遲到; 去完WTS, 去太子比d料比呀Mak(佢來in大使), 由於要還埋以前d野, 所以一直孭住好重o既野四圍行; 到左後去始創搵佢, 比左d野佢又傾下偈, 之後仲借佢部NDS同娟link打Mario Kart添, 同人玩好玩好多~~~之後呀Mak比左張GH卷比我, 結果用$50蚊買左2張飛(多謝呀Mak); 夜晚睇左想睇好耐o既"Musics and Lyrics", 好好睇呢~~ 個劇情好classic, 演員們都做得好呢, Hugh Grant仍然係型, 仲好好笑添~ 首主題曲Pop! Goes my Heart個MV真係classic到唔classic, 專登扮返八十年代o既MV, 好得!! XDDD
Youtube link 如下:
http://www.youtube.com/watch?v=S0A7dtdc-nU

4/3(日) -- 在家hea抖的一天, 咩都無做過; 拆利是, 無咩點去過拜年, 不過d利是透過呀媽同零零碎碎咁拿返來, 加加埋埋都幾多, $1,2XX。 :D 當晚食完飯同媽同哥係家附近四圍行傾下偈, 行左TKO廣場, 君薈坊, 行埋去尚德, 行晒d超市咁滯, 買埋未買的用品; 返到企發現原來行左2個鐘。累。

5/3(一) -- 收工約左呀強食飯順使比埋set盒蛋佢; 呀威要踢完波先來, 起碼8點先走; 約左強MK7點島係MK, 於是收工搵呀Mak, 比d野佢同hea一陣, 點知呀強早到左; 我行到皆旺meet時, 原來呀威無踢波都到埋; 買左幾隻扭蛋後, 去北海道活壽司食, 由於落雨又好多人無帶傘(我有帶), 所以無咩人等, 呵呵。食完行信和, 行完都10點幾了, 返企。累。

來緊:
6/3(二) -- 應該返企
7/3(三) -- 同Jobby八婆Esther唱K, 好耐無唱K了
8/3(四) -- 何文智又出國, farewell, 同馬民...等食飯
9/3(五) -- 諗唔起有咩攪
next week
同Connie馬生Carol唱K
18/3睇野, Connie張飛俾Carol

完

二月二十六日 -- 雜記

20/2(二) -- 年初三賀歲波! 呀馬復出戰! 自己打得麻麻地; 不過由於民仔係年幾入面o既進步, 同埋我同佢o既走位意識o既增強, 雖然馬無以前咁勁, 但係我地3個都夾得好唔錯, 可惜對住猩猩同呀輝輸少少(都只係輸少少, 而且無比馬爆入去), 當日打得幾盡慶呢; 想走時, 有2個外人話打全場, 好無聊地打左一段時間全場, 爆累。換完晒衫準備好即去荃灣下場: 去八婆屋企拜年。由於大量人甩底, 只係呀King, Sam, 呀康同Jobby上去...Jobby同我都係遲d去, 同佢係TW join左先去, 但係呀King早走...只係係樓下見左一面...之後買個飯盒上去食; 名逸居唔錯呢, 個質素唔錯, 樓底好高! 上到去我食野時, 其餘人就一齊債下偈, 睇下八婆o既舊相(當日八婆o既老公Ivan都係度呢); 之後大家傾下偈, 打下機, 鋤下啤, 打下麻將, 好寫意同開心, 其實只要幾個熟o既人一齊就夠了, 有d人唔來可能仲好; 由於大量人甩底, 本來八婆訂左盤菜一定食唔到, 因此轉為八婆煮晚飯。話時話八婆明顯係煮開飯做開家務o既人, 手勢ok呢~ 食完飯打多陣機傾完偈就散了, 多謝八婆招待同利是! 係TW搭van去KT轉車返企實在係比搭巴士/MTR快太多了...就算貴d都係van好...以後係TW返企可能都係搭van多...

21/2(三) -- 返工第一天, 無咩特別, 因為要training 2星期, 所以未使做野住, 之後有個test, 要pass左先做得野...當日發現要多2樣野先得: 出多個電話number同拿綠card; d新同事o既印象就暫時無咩特別, 無邊個特別好或唔好。收工好似返左企。

22/2(四) -- 星期四同五都係教customer service, CS呢樣野係呢份工最緊要o既野之一, 所以training會有四日係教呢樣野, 而個exit test亦係最主要考呢樣野, 可見重要性幾咁大; training入面除左教好多我地上樓要講o既standard wording同script外, 仲教好多技巧同意念上o既野; 發現自己原來係呢幾年出來工作同對人對朋友之間, 已經自然掌握左呢種心態同技巧, 可能亦係因為咁而可以自許為大眾朋友吧? 尤其係心態上, 覺得自己比起應有o既心態更睇得開。有朋友成日覺得呢份工唔好做又點點點, 其實我第一份工同呢份真係大同小異, 唔同o既只係呢份多左好多system要跟, 但係之前果份無咁systematic所以仲亂, 而且無standard跟, 又唔係房署人, 比人炳可能仲勁, 要咩o既鑊仲煩, 因此唔太擔心呢份o既工作性質呢。十分之慶幸第一份工時我o既上手: Kenny。係度真係要讚佢真係好犀利, 果幾日跟住佢學野同做野, 見到佢個態度真係好好, 而呢2堂training講o既customer service, 佢係未學過呢d野o既情況之下都做到! 而且做得好好! 而我亦慶幸一出來遇到佢比左個好榜樣我, 因此我亦可以做到咁樣, 亦發展出我而家o既性格同心態呢~~
當日晚上娟家食團年飯, 賺多幾封利是 :P

23/2(五) -- customer service training module 1 Day 2; 收工去坑口南豐foodcourt食飯發現原來個foodcourt之後會全部收晒只係做到月尾(28/2), 好彩來一來食, 可惜一個咁多野食又平o既foodcourt無左...多口問左賣蒸野間鋪, 佢地未有著落...

24/2(六) -- 由於星期日早上要返part time, 所以留左係企抖同早訓, 不過都唔太早訓...

25/2(日) -- 5點半鬧鐘5點10起身6點出門口返大球場7.00 am到; 當日活動係保良局慈善步行籌款, 7點返工7點3brief完7點9埋位8點島開始入場9點節目開始10點半開始行11點差唔多清場11點3走得人計11點半, 晨早起身只係做上午, 減埋車錢得果百幾蚊, 真係唔抵做...
之後出返CWB出左張電話儲值card拿個number, 就join埋民(o岩o岩做完gym)去坑口臨別秋波個foodcourt, 食完返企一齊打機打天黑。

26/2(一) -- 無聊training一天, 教d野唔係無咩用就係要做開先知o既野。班同事感覺上未太o岩傾...可能好多個background都唔同, 佢地好多都係contractor/works等等果d出來, 同我以前做o既野都唔同, 佢地真係接觸多好多工程果類野, 自己就係另一個完全唔同o既層次做document野多(無話邊邊高低的), 而且佢地有一堆就畢業無耐, 一堆就做好耐野; 仲有起碼成半o既人係煙民...嗯, 總之都係睇下遲d熟d會點...
另外, 有3個人同我會做同一區: KWH - 九龍西及港島, 聽聞係會準時放工o既一區, 還好。有一個女仔係呀Mak同Barry都識, 係BD時同佢地係同事的Puzzle, 而Puzzle同另一個男仔住SauKeiWan, 我同另一個女teammate就住TKO(佢住寶盈, 難得識一個人住得咁近)。聽呀Sir講, 我地４個唔會分散跟ｄ舊人, 會４個人開條新村做, 相依為命了...不過聽講會做白田, 都算好方便了, 仲好近石夾尾玩具鋪同果埋食開ｏ既鋪頭呢。

完

二月十九日 -- 雜記

1. 拜年地點愈來愈少, 長輩愈來愈少, 係度o既又明顯比細個見到時老左...突然好有感觸, 大家要珍惜身邊人, 尤其係長輩呢; 不過見到有d長輩年紀雖大但係仍然好健康又精靈, 希望自己以後都可以係咁。
2. 今日全日在家, 好難得咁執下個手機電話簿, backup左係電腦, 之後delete左手機好多record, 逐個number執時發覺自己真係多左好多朋友, 雖然每一個地方(BD, LD等等)好多同事或者唔熟o既人都delete左(係手機delete, 但backup晒), 但係都有好多留到呢
3. 手機打柴, 壽終正寢, 一定要換了...
4. 想打雜記好耐, 有幾個題目想寫好耐, 仍然無做, 係今日太得閒, 先打...
5. 內容都已經懶, 打少好多了...

12/2(一) -- 八婆打敗仗, 病假缺席, 因此唱K cancel; 收工由於拍擋Jobby預左係街食, 所以同佢去左SSP三上, 好彩佢覺得d野都OK, 食完三上去左綠林; 2個人行下傾下偈, 幾開心呢

13/2(二) -- 八婆因家事, 晚上個飯再未能出席, 於是我同家輝2個係係公司附近M記食; 好耐無咁買模型了! 一次過三盒MG, 不過玩具星執, 大平賣, 唔買真係對唔住自己! 而且係一向想買又未買的呢~~ 之後一個人拿住4盒MG返企都幾攞命。

14/2(三) -- 情人節一等大事 -- 接機! 當日一早好唔好意思地打返公司請"病假"(因為resign左無得請annual leave); 一早醒左訓唔返, 打機打成朝, 中午民民上來一齊食飯, 之後打左2鋪winning(我撲王係十二碼連撲3球3-0呵呵呵), 之後就出門口去機場; 好彩唔使等好耐巴士, 巴士上演六C奶大戰嘈足全程 :D, 到左無耐呀馬都差唔多時間出來, 終於見到好耐無見的佢了, Gap; 之後打的返佢企, 夜晚同佢屋企人+Ian同娟後join食團年飯, 超唔好意思係佢屋企樓下睇醫生等左個幾鐘要大家等我食飯。

15/2(四) -- 八婆同Jobby來我home visit, 睇下d舊相笑下, 坐左陣就去坑口食飯; 大家又係食下傾下咁, 都係果句, 人少少但係o岩傾就好夠, 好舒服的一晚。

16/2(五) -- 返企團年; 收工後同JobbyNattie去大排檔食tea, 之後再加埋松林去機鋪"臨別揪機"。同松林打槍game真係好抵玩呢~~~返屋企時覺得唔捨得, 班同事真係幾好呢...晚飯雖然呀哥OT要等到9點先食, 但係都無問題 :D

17/2(六) -- 本來同呀娟ManduSam呀源去行V記花市, 但係無啦啦呀Sam話佢無約實的, 唔去; 呀源就我之前臨時叫的, 佢眼訓都唔去; 得2個女仔同我...我唔知點解又勁累, 所以我都放埋飛機了...(好彩無去); 係屋企抖, 4點幾同呀媽去坑口行, 行一圈已經勁累...之後返企食晚飯等過年。

18/2(日) -- 年初一; 先去柴灣呀爺度拜年, 之後本來應該去ShauKeiWan姨婆度先, 但係佢返工, 於是搭106到HungHom姑婆度拜年, 係HungHom時姨婆打來話返左企, 於是之後又106去ShauKeiWan...拜完呢3度, GTD去炮台山呀媽個表姊度拜年; 自己住左咁耐炮台山, 第一次上去康澤...質素唔錯呢; 坐到咁上下, 個呀B返左來, 超得意, 玩左陣就返企食晚飯了。晚上臨時(下午決定左o既)同民仔殺上呀馬度拜年, 9點幾去到打SatrWar打到12點幾, 好開心呢。返到屋企1點幾, 唔知點解傻傻地睇漫畫到4點幾先沖涼訓覺。

19/2(一) -- 完全無野做的年初二; SamMandy娟同另外Sam的朋友上深圳玩; 呀馬民仔等等其他朋友都要拜年, 呀媽呀哥返左鄉下, 一個人在家頹過, 不過抖下都好, 明天賀歲波!!!!

完

順便post埋 -- Youtube 2年三十下午在家無野做無聊睇youtube, 欣賞下正野今次主題係"女歌手", 幾乎全部都係live version, 而家能夠live唱到呢d歌o既人有幾多呢?
http://www.youtube.com/watch?v=d6NocBwZISY&mode=related&search=
梅艷芳自己歌的Medley, 仲要係佢把聲高峰期的表演

http://www.youtube.com/watch?v=g4nAtWhgOFM&mode=related&search=
唔覺意search出來, 陳慧嫻出道果期o既歌"跳舞街", 當時佢都只算係偶像派而已, 但係都唔錯呢; 另外, 雖然造型係抄日本, 但係當時好少女o既佢真係幾吸引呢! 個笑容好正, 難怪當年吸引到咁多少男fans! (唔好計而家覺得廿年前o既造型娘啦)

http://www.youtube.com/watch?v=zAp5iw2euQs&mode=related&search=
陳慧嫻Live"傻女", 好歌好唱, 正~~~ 每一段最尾果個"呀~~~~"超正! 個音唔高, 但要要呀得好聽係好難的~~~!

http://www.youtube.com/watch?v=JlPdW4NC-yE
林憶蓮Live"沒結果", 痴線的, 爆正; 一定要聽到最尾!!

http://www.youtube.com/watch?v=GfvZJzZrEaE
同場加映, 唔知邊個live唱"沒結果", 都唔錯但係Maychan唱得好過佢

http://www.youtube.com/watch?v=Sf5gI5s-FRw
蘇芮Live"誰可相依", 另一痴線, 勁

http://www.youtube.com/watch?v=nCt2k6pSPvA"
誰可相依"MV version, 有當年電影"龍的心"片段, 好感人, 無咩印象睇過, 想睇下!

http://www.youtube.com/watch?v=gfh3b2inTHQ"
多得他"Live by Faye, 無咩好講啦~~

http://www.youtube.com/watch?v=1H4_ZkEUu98
再同場加映, 唔知邊個live唱"多得他", 順便quote落來, 都係Maychan唱得好d

http://www.youtube.com/watch?v=N8uXWMNriio
愛歌"Eyes on me"by Faye, 首歌實在太正了

得閒有d咩會再post上來

再完

二月十二日 -- 雜記

呀哥生日快樂~~~!!

6/2(二) -- Sharon出山之K, 同Sharon民Law仔娟5個人唱; 當日去之前好累, 狀態好低, 但係由於有人唱歌好得, 令我個精神都起到, 而且當日唱時覺得自己難得狀態唔差呢~~ 同唱得之人唱K真係超開心, 勁正!!
7/2(三) -- 同呀源食飯; 好耐無返CityU打足球機, d新人都打得唔錯呀, 有個慈幼人勁呢~~ 去食好耐無食o既樹記, 好高興呢, 仲有多謝呀源果一堆禮物呢~~ ^^
8/2(四) -- 返企抖
9/2(五) -- 有2張UA coupon, 收工去德福睇戲 -- 生日快樂; 個故事本來係短篇故事, 改長左做電影劇本; 所以套戲o既推進好慢, 而且有時有d空洞, 有d拖o既感覺; 人物方面, 演員們都做得唔錯, 女主角由郭靄明佩音, 佩得幾好, 不過始終唔係原聲感覺爭d; 古天樂o既角色又係一貫唔使佢點發揮唔使點表情o既角色, 所以都OK啦; 整個故事o既flow好似而家好多日劇咁, 都係一對戀人之間有d咩咩問題, 最尾又點點點, 再加上d生離死別來煽情, 不過呢一方面日本經驗多好多, 所以呢套就無人地咁盡...而由於故事中o既角色o既行為, 不被我所認同, 因此我o既代入感唔大; 基本上, 即使個男主角無事, 而佢地2個人之後唔可以一齊, 我都覺得唔抵可憐; 係呢度唔講劇情出來了; 總之, 個意念就幾好, 可惜劇情同人物o既行為就有d夾硬來同唔鐘意啦。
10/2(六) -- 早上要去新公司拿安全帽同鞋; 好唔好彩地, 8點幾9點醒左(慣性), 訓唔返, hea一陣, 就出門口去牛頭角拿野, 返到來11點幾, 食d野下午同娟同呀媽行觀塘o既倉; 終於的起心肝買左波鞋, 又買左d衫咁。夜晚同日安妹妹同馬生食飯; 是但指一間之下食鐵版超; 多謝晒你地呢。之後去左睇電話(我都要換了), 食雪糕, 影貼紙相(好多年無影過了), 之後上PCCW樓上果間cafe坐; 3個玩左好多野: 鋤大D, cum棉胎, 飛行棋, 波子棋, 昇官圖(終極無間version XDD), 竹籤同層層疊, 好開心呢~~ 11點半島散。多謝日安妹妹的禮物, 真係多謝晒!
11/2(日) -- 由於星期六晏左(返到屋企12點幾, 沖埋涼個訓唔到等等default事件, 2點幾先訓), 所以星期一早醒左決定唔打波繼續訓(本來星期六行左一日都好累), 抖左一朝, 中午民仔打完波上來一齊食飯, 一齊打左成日機, 咁就完了一日了。

來緊:
12/2(一) -- 同同事唱K, 應該OK的
13/2(二) -- 同八婆家輝食飯拿返幫我買的模型, 要諗諗放係邊了...
14/2(三) -- 情人節, 決定放病假去接呀馬機!!最近的第一等大事!!
15/2(四) -- 可能幾個熟o既同事上屋企home visit一下
16/2(五) -- 我係Lands的last day...晚上返屋企團年飯
17/2(六) -- 可能同源Sam娟mandy行年宵...累; 呀哥當日返鄉下
18/2(日) -- 拜年日
19/2(一) -- 未知有咩攪, 呀Sam佢地上深圳; 我唔多好按摩...唔知去唔去, 去左又唔可以離群; 當日呀媽返鄉下
20/2(二) -- 年年都攪攪左好多年o既賀歲波!! 極期待!! 仲係呀馬復出戰!!
21/2(三) -- 新工第一天

完