實戰, 學習

由於呢篇野長, 而且個開頭同後面o既內容唔同, 所以係一開波呢一段就講左先, 後面o既內容其實係重點, 前面果d只係前言罷了。

**********

終於完左training, 好多舊人都話係最開心最honeymoon的日子。終於落左村做野, 雖然好多程序都未跟過, 但係其實同我畢業出來第一份工做ｏ既野一樣。當然, 有好多程序上同文件人操作上o既野係唔同, 但係癥結所在、最重點要做o既野其實係一樣的。有d朋友可能未做過, 覺得好似好難, 又或者同我講同以前唔同, 但係我無呢個感覺, 尤其係落左村呢２日, 完全感受返, 初初畢業時做果份工o既感受, 亦都知份工最難handle o既野係咩野。不過有無把握handle, 其實好睇每個村o既情況, 不過自己做過黃大仙下村, 知道都唔會好多村差得過呢度了。(並唔係我自大, 有幾個當年的同事講返, 同埋聽返好多其他人經驗都知, 果度村民的痴線率係好高的; 而且當時我做管理公司, 做夾心人比而家要co-ordinate o既野仲多過而家呢份工２重) 即使唔係handle得好好, 起碼都有個心理準備; 而家會有擔心的只係個exit test。

講左半段返工o既野, 大家以為"實戰"係講緊工作, 咁就錯了。其實都係想講下自己最近o既感受, 當然唔係工作方面啦。

自己每遇到問題或者新事物都儘量會諗會學, 從而得益不少。其實最近雖然最近係blog無寫ｄ咩雜記以外o既野, 但係其實自己都有得著同發現新o既"適合自己人生o既theory(道理)"(唔敢講適合全世界)。

有一樣野係見得愈多人愈感受到o既, 就係正面/負面思想。呢樣野睇落好似好簡單, 實際上解釋都好簡單, 但係影響就好大好大。

第一樣影響的當然就係一個人快樂與否。好多野, 從唔同的角度睇, 真係會有好大分別。從好果方面去睇、去諗, 真係會開心好多, 而且又唔見得會蝕左d咩野。何必要諗得咁差呢? 何況好多時情況唔係想像中咁差。最大的影響, 就係錯誤o既負面觀點會影響一個人對事、物、人的態度, 而一個人o既態度亦絕對會影響整個事、物、人o既情況同環境。憑自己經驗同觀察所得, 從好果方面諗會令人更積極, 對人對事都會好d, 個情況即使本來唔太好, 亦自然會慢慢地好返d (就算於事無補, 但一定好過無); 相反亦然, 會更差, 而且更會惡性循環, 最後只會另一個人愈來愈唔開心, 愈來愈怨天尤人。我唔知點係度舉例同埋令人明白呢種感覺, 但係大家自己想像一個情況, 客觀地諗下用唔同角度o既諗法-->行動-->後果, 應該唔難發覺同明白我所講o既野。

有好多朋友(或者識o既人, 身邊同事等等, 尤其係HK人), 睇野真係好片面同埋好鐘意諗向負面。見到一個陌生人, 或者見到咩情況, 都會留意左唔好o既野先, 唔清楚o既、唔知o既就會估係唔好o既先。因此見到好多人都會對陌生人有bias, 尤其係而家d人膚淺居多, 見到人唔靚仔/靚女就會係心入面踩左人先; 我以前都講過, 第一印象好重要; 亦都由於負面想法影響, 人們就會長期對果d人唔好, 睇到佢地唔好一面, 又係惡性循環落去...

另一方面, 亦都有好多人見到新事物就會首先用"存疑"o既態度, 之後不斷地搵該事物唔o岩、有矛盾o既地方, 搵到之後就一味用果一點來話果樣野唔o岩。其實咁樣一d建設性都無, 有少少矛盾都唔代表係錯。而且呢種態度會令人完全失去左學習能力; 尤其係有d人覺得自己識左好多野, 或者對某d野經驗多, 就覺得自己唔會錯, 接受唔到新事物; 眼見有好多人都不其然地犯左呢個錯誤, 失去好多學到野o既機會; 咁樣有咩好處呢? 只係自己心入面覺得自己叻而已, 但係其實一d得著都無。即使一樣事物有錯有問題, 一樣可以從中學習; 能夠睇到一樣野錯係咩地方, o岩係咩地方. 可以用o既地方, 唔可以用o既地方, 咁已經學到好多野! 所以世上每一樣野同每一件事, 有心諗一諗的話係可以學到好多野的! 當然唔係成日有時間同心機同精神去做呢樣野, 但係我相信好多叻o既人、偉人、出名o既人都係有能力從細微處學到野o既人; 即使好似我地呢d凡夫俗子無呢個能力, 但係起碼都唔好事事"存疑", 又唔去諗就否定掛? 同樣一件事, 要d人影響力, 大家信服o既人講出來先有人信, 但係幾時先可以等到呢d人出來, 又幾時呢d人會出來講呢d野? 可惜因為負面思想o既原因, 好多人亦都係唔接受別人講自己錯o既地方, 尤其係被人指出而唔係自己發覺的時候, 即使心中明白係錯, 都死唔肯認, 更找籍口去將錯o既野合理化...

要再講, 實在有太多野可以講, 亦都有好多情況可以一路發展再講落去, 不過個宗旨同原理都係一樣; 只係希望呢個世界上o既人, 可以帶住正面o既思想來生活, 咁樣互相影響之下大家一定會生活得快樂好多! (大家去d貧窮落後或者郊外o既國家同地區睇睇, 民風淳樸o既地方, 真係好舒服, 無咁多猜疑同麻煩...) (雖然人類最終都係會被呢d"壞"o既野影響, 人為左自己o既利益, 就算唔害人, 都會變得小心同猜忌, 去防人害自己...)

希望自己可以保持住自己而家o既心, 快樂同簡單地生活落去...

可惜每一次寫呢d野, 有心機時都係好夜或好累時, 無組織過一路諗一路打, 打完亦無再check過, 又長, 因此我都預左好難睇得明, 亦都無咩人會睇的了。好彩自己睇返應該會睇得明的...夠了。

完

三月十日 -- 雜記

1. 又係雜記...
2. 其實最近o既雜記都同往時有d唔同, 往時雜記剩係記事, d感受會另外開一篇來寫; 而家因為懶同無精神, 好多時d感想都會寫埋入雜記度...
3. 最近有d悶...雖然轉左工, 可能training悶掛?
4. 星期四training正式完結, 我地幾個KWH區新人娥會開村做, 做白田村, 但係４月先開, 係中間呢段時間會四散落ｄ做緊ｏ既村實習下, 星期五下午就落村; 我呢幾星期就會落許冠傑、草蜢等人ｏ既舊居 -- 蘇屋。好近MayChan, 可以約飯呢。

6/3(二) -- 返企

7/3(三) -- 唔知點解係完全無先兆同通知下cancel左個K, 完全搵唔到八婆, 唔覆電話留言sms(直至今日都係), 唔知咩事, 唔理了。反正本來都好想約呀貓同MayChan出來, 所以搵佢地出來食飯。MayChan想唱K, 所以估唔到都係出返來唱K。MayChan未去過瓊華果間, 於是大家一起去(d野食OK的)連埋呀哩4個人, 點知真係2個半鐘就cut歌...慘...大家都唔夠喉...

8/3(四) -- 某中學同學搵到份外國工要走, 同佢farewell。難得天氣涼返, 民仔話打邊邊, 於是book左紫荊。都預左成班人講股票野多, 預左悶悶地, 好彩都唔係全程講, 其餘時間都傾得好開心。不過由於累同唔想太遲走, 10點幾我走先, 佢地就留到11點幾先走。6個人請1個人, 任食同飲左唔少野, 都係$8X, 太抵了。

9/3(五) -- 本來想返企食飯, 不過馬打來話想印CFA notes, 所以叫左佢搵呀Mak幫手先, 我收工再去搵佢地。好彩佢一早去印住, 我收工到埋太子都過左6點半了。到時都差唔多印完Level 1的notes, 唔印住Level 2的; 我同呀Mak發揮當年讀part time時"釘裝王"ｏ既實力, 三個人吹下水咁, ８點前釘完裝, 攪掂。之後呀Mak去統, 我同呀馬去華人食飯, 食完無傾好耐, 唔太晏就散了, 第日要返工呢。

10/3(六) -- 返工, long week, 收工返企

來緊:
13/3(二) -- 同CarolConnieMartinK
14/3(三) -- 同Mango食飯?
搵日同呀源食飯
18/3(日) -- 早上QC舊生籃球賽, 晚上同Carol睇劇
20/3(二)21/3(三) -- 工聯會拿綠card上堂
20/3(二) -- 返工的exit test日子

唔記得仲有無漏了

完

三月五日 -- 雜記

1. 發覺自己失憶愈來愈嚴重, 過左去唔夠一個星期就唔記得做過咩, 要諗先諗到, 來緊約左人做咩又係咁...
2. 個blog已經好耐無日記以外o既野寫過, 好唔得...
3. 模型無郁過, 不過都無再買
4. 機都係頹打; Starwar開始用多d其他兵; Diablo2一隻人物未用完又開另一隻...開左好多隻...
5. 仲未換手機...
6. 呢排又有人講返九型人格, 記得以前好似都做過下, 但係忘記個result; 又做左個test, 唔知準唔準, 頹做的result: http://www.bt4u.com/calls/analysis/show_ennaResult.jsp

27/2(二) -- 返工d training無咩好講, 所以打後無咩特別都唔點講。當日收工好似返企。

28/2(三) -- 約左呀馬, 民, 娟同Sam去沙田禾輋陳根記食飯。馬同Sam係第一次見呢。大家好傾+野食又OK, 開開心心過左晚; 一班朋友一齊o既感覺實在太好了(不厭其煩的一句), 食完後行去沙角食糖水(行得好累), 之後散。

1/3(四) -- 約左Carol出來食飯; 由於佢臨時同同事去買NDS, 所以原本諗住去KT, 改去SSP。由於佢又要買機, 所以我收工後自己去左石夾尾行玩具, 幫呀強買左set盒蛋; 之後行行企企到咁上下就去黃金搵Carol同佢同事, 之後就同佢同事一齊食飯。要等佢另一個friend來...等到好似8點半, 我地3個人由SSP行返去太子(因為果個人係內地返來, 就佢火車近d...); 同2個對我來講o既陌生人一齊食飯, 好彩都有野傾下, 唔會悶, Carol仲為大家呃左一人一封利是添 :P, 是晚食好耐無食o既華人, 食完散。

2/3(五) -- 晚上約左呀B, 八婆同Sylvia係CWB食飯, 係總統戲院上面o既"泰鐘意"。環境食物都唔錯, 大家亦好傾, 不過約左六點半, 2個女仔掛住行街買野7點半先來到...食+傾左一個鐘, 八婆收到個電話之後好似唔開心, 之後仲話散, 係8點半咁早大家unexpected o既時間就散了; 由於早, 順便係企樓下買左家居用品。

3/3(六) -- 行程緊密的一天。原本諗住hea過, 點知呀媽話當日去黃大仙, 於是食完晏後同媽, 娟同呀姨去WTS; 呀姨遲到; 去完WTS, 去太子比d料比呀Mak(佢來in大使), 由於要還埋以前d野, 所以一直孭住好重o既野四圍行; 到左後去始創搵佢, 比左d野佢又傾下偈, 之後仲借佢部NDS同娟link打Mario Kart添, 同人玩好玩好多~~~之後呀Mak比左張GH卷比我, 結果用$50蚊買左2張飛(多謝呀Mak); 夜晚睇左想睇好耐o既"Musics and Lyrics", 好好睇呢~~ 個劇情好classic, 演員們都做得好呢, Hugh Grant仍然係型, 仲好好笑添~ 首主題曲Pop! Goes my Heart個MV真係classic到唔classic, 專登扮返八十年代o既MV, 好得!! XDDD
Youtube link 如下:
http://www.youtube.com/watch?v=S0A7dtdc-nU

4/3(日) -- 在家hea抖的一天, 咩都無做過; 拆利是, 無咩點去過拜年, 不過d利是透過呀媽同零零碎碎咁拿返來, 加加埋埋都幾多, $1,2XX。 :D 當晚食完飯同媽同哥係家附近四圍行傾下偈, 行左TKO廣場, 君薈坊, 行埋去尚德, 行晒d超市咁滯, 買埋未買的用品; 返到企發現原來行左2個鐘。累。

5/3(一) -- 收工約左呀強食飯順使比埋set盒蛋佢; 呀威要踢完波先來, 起碼8點先走; 約左強MK7點島係MK, 於是收工搵呀Mak, 比d野佢同hea一陣, 點知呀強早到左; 我行到皆旺meet時, 原來呀威無踢波都到埋; 買左幾隻扭蛋後, 去北海道活壽司食, 由於落雨又好多人無帶傘(我有帶), 所以無咩人等, 呵呵。食完行信和, 行完都10點幾了, 返企。累。

來緊:
6/3(二) -- 應該返企
7/3(三) -- 同Jobby八婆Esther唱K, 好耐無唱K了
8/3(四) -- 何文智又出國, farewell, 同馬民...等食飯
9/3(五) -- 諗唔起有咩攪
next week
同Connie馬生Carol唱K
18/3睇野, Connie張飛俾Carol

完

二月二十六日 -- 雜記

20/2(二) -- 年初三賀歲波! 呀馬復出戰! 自己打得麻麻地; 不過由於民仔係年幾入面o既進步, 同埋我同佢o既走位意識o既增強, 雖然馬無以前咁勁, 但係我地3個都夾得好唔錯, 可惜對住猩猩同呀輝輸少少(都只係輸少少, 而且無比馬爆入去), 當日打得幾盡慶呢; 想走時, 有2個外人話打全場, 好無聊地打左一段時間全場, 爆累。換完晒衫準備好即去荃灣下場: 去八婆屋企拜年。由於大量人甩底, 只係呀King, Sam, 呀康同Jobby上去...Jobby同我都係遲d去, 同佢係TW join左先去, 但係呀King早走...只係係樓下見左一面...之後買個飯盒上去食; 名逸居唔錯呢, 個質素唔錯, 樓底好高! 上到去我食野時, 其餘人就一齊債下偈, 睇下八婆o既舊相(當日八婆o既老公Ivan都係度呢); 之後大家傾下偈, 打下機, 鋤下啤, 打下麻將, 好寫意同開心, 其實只要幾個熟o既人一齊就夠了, 有d人唔來可能仲好; 由於大量人甩底, 本來八婆訂左盤菜一定食唔到, 因此轉為八婆煮晚飯。話時話八婆明顯係煮開飯做開家務o既人, 手勢ok呢~ 食完飯打多陣機傾完偈就散了, 多謝八婆招待同利是! 係TW搭van去KT轉車返企實在係比搭巴士/MTR快太多了...就算貴d都係van好...以後係TW返企可能都係搭van多...

21/2(三) -- 返工第一天, 無咩特別, 因為要training 2星期, 所以未使做野住, 之後有個test, 要pass左先做得野...當日發現要多2樣野先得: 出多個電話number同拿綠card; d新同事o既印象就暫時無咩特別, 無邊個特別好或唔好。收工好似返左企。

22/2(四) -- 星期四同五都係教customer service, CS呢樣野係呢份工最緊要o既野之一, 所以training會有四日係教呢樣野, 而個exit test亦係最主要考呢樣野, 可見重要性幾咁大; training入面除左教好多我地上樓要講o既standard wording同script外, 仲教好多技巧同意念上o既野; 發現自己原來係呢幾年出來工作同對人對朋友之間, 已經自然掌握左呢種心態同技巧, 可能亦係因為咁而可以自許為大眾朋友吧? 尤其係心態上, 覺得自己比起應有o既心態更睇得開。有朋友成日覺得呢份工唔好做又點點點, 其實我第一份工同呢份真係大同小異, 唔同o既只係呢份多左好多system要跟, 但係之前果份無咁systematic所以仲亂, 而且無standard跟, 又唔係房署人, 比人炳可能仲勁, 要咩o既鑊仲煩, 因此唔太擔心呢份o既工作性質呢。十分之慶幸第一份工時我o既上手: Kenny。係度真係要讚佢真係好犀利, 果幾日跟住佢學野同做野, 見到佢個態度真係好好, 而呢2堂training講o既customer service, 佢係未學過呢d野o既情況之下都做到! 而且做得好好! 而我亦慶幸一出來遇到佢比左個好榜樣我, 因此我亦可以做到咁樣, 亦發展出我而家o既性格同心態呢~~
當日晚上娟家食團年飯, 賺多幾封利是 :P

23/2(五) -- customer service training module 1 Day 2; 收工去坑口南豐foodcourt食飯發現原來個foodcourt之後會全部收晒只係做到月尾(28/2), 好彩來一來食, 可惜一個咁多野食又平o既foodcourt無左...多口問左賣蒸野間鋪, 佢地未有著落...

24/2(六) -- 由於星期日早上要返part time, 所以留左係企抖同早訓, 不過都唔太早訓...

25/2(日) -- 5點半鬧鐘5點10起身6點出門口返大球場7.00 am到; 當日活動係保良局慈善步行籌款, 7點返工7點3brief完7點9埋位8點島開始入場9點節目開始10點半開始行11點差唔多清場11點3走得人計11點半, 晨早起身只係做上午, 減埋車錢得果百幾蚊, 真係唔抵做...
之後出返CWB出左張電話儲值card拿個number, 就join埋民(o岩o岩做完gym)去坑口臨別秋波個foodcourt, 食完返企一齊打機打天黑。

26/2(一) -- 無聊training一天, 教d野唔係無咩用就係要做開先知o既野。班同事感覺上未太o岩傾...可能好多個background都唔同, 佢地好多都係contractor/works等等果d出來, 同我以前做o既野都唔同, 佢地真係接觸多好多工程果類野, 自己就係另一個完全唔同o既層次做document野多(無話邊邊高低的), 而且佢地有一堆就畢業無耐, 一堆就做好耐野; 仲有起碼成半o既人係煙民...嗯, 總之都係睇下遲d熟d會點...
另外, 有3個人同我會做同一區: KWH - 九龍西及港島, 聽聞係會準時放工o既一區, 還好。有一個女仔係呀Mak同Barry都識, 係BD時同佢地係同事的Puzzle, 而Puzzle同另一個男仔住SauKeiWan, 我同另一個女teammate就住TKO(佢住寶盈, 難得識一個人住得咁近)。聽呀Sir講, 我地４個唔會分散跟ｄ舊人, 會４個人開條新村做, 相依為命了...不過聽講會做白田, 都算好方便了, 仲好近石夾尾玩具鋪同果埋食開ｏ既鋪頭呢。

完

二月十九日 -- 雜記

1. 拜年地點愈來愈少, 長輩愈來愈少, 係度o既又明顯比細個見到時老左...突然好有感觸, 大家要珍惜身邊人, 尤其係長輩呢; 不過見到有d長輩年紀雖大但係仍然好健康又精靈, 希望自己以後都可以係咁。
2. 今日全日在家, 好難得咁執下個手機電話簿, backup左係電腦, 之後delete左手機好多record, 逐個number執時發覺自己真係多左好多朋友, 雖然每一個地方(BD, LD等等)好多同事或者唔熟o既人都delete左(係手機delete, 但backup晒), 但係都有好多留到呢
3. 手機打柴, 壽終正寢, 一定要換了...
4. 想打雜記好耐, 有幾個題目想寫好耐, 仍然無做, 係今日太得閒, 先打...
5. 內容都已經懶, 打少好多了...

12/2(一) -- 八婆打敗仗, 病假缺席, 因此唱K cancel; 收工由於拍擋Jobby預左係街食, 所以同佢去左SSP三上, 好彩佢覺得d野都OK, 食完三上去左綠林; 2個人行下傾下偈, 幾開心呢

13/2(二) -- 八婆因家事, 晚上個飯再未能出席, 於是我同家輝2個係係公司附近M記食; 好耐無咁買模型了! 一次過三盒MG, 不過玩具星執, 大平賣, 唔買真係對唔住自己! 而且係一向想買又未買的呢~~ 之後一個人拿住4盒MG返企都幾攞命。

14/2(三) -- 情人節一等大事 -- 接機! 當日一早好唔好意思地打返公司請"病假"(因為resign左無得請annual leave); 一早醒左訓唔返, 打機打成朝, 中午民民上來一齊食飯, 之後打左2鋪winning(我撲王係十二碼連撲3球3-0呵呵呵), 之後就出門口去機場; 好彩唔使等好耐巴士, 巴士上演六C奶大戰嘈足全程 :D, 到左無耐呀馬都差唔多時間出來, 終於見到好耐無見的佢了, Gap; 之後打的返佢企, 夜晚同佢屋企人+Ian同娟後join食團年飯, 超唔好意思係佢屋企樓下睇醫生等左個幾鐘要大家等我食飯。

15/2(四) -- 八婆同Jobby來我home visit, 睇下d舊相笑下, 坐左陣就去坑口食飯; 大家又係食下傾下咁, 都係果句, 人少少但係o岩傾就好夠, 好舒服的一晚。

16/2(五) -- 返企團年; 收工後同JobbyNattie去大排檔食tea, 之後再加埋松林去機鋪"臨別揪機"。同松林打槍game真係好抵玩呢~~~返屋企時覺得唔捨得, 班同事真係幾好呢...晚飯雖然呀哥OT要等到9點先食, 但係都無問題 :D

17/2(六) -- 本來同呀娟ManduSam呀源去行V記花市, 但係無啦啦呀Sam話佢無約實的, 唔去; 呀源就我之前臨時叫的, 佢眼訓都唔去; 得2個女仔同我...我唔知點解又勁累, 所以我都放埋飛機了...(好彩無去); 係屋企抖, 4點幾同呀媽去坑口行, 行一圈已經勁累...之後返企食晚飯等過年。

18/2(日) -- 年初一; 先去柴灣呀爺度拜年, 之後本來應該去ShauKeiWan姨婆度先, 但係佢返工, 於是搭106到HungHom姑婆度拜年, 係HungHom時姨婆打來話返左企, 於是之後又106去ShauKeiWan...拜完呢3度, GTD去炮台山呀媽個表姊度拜年; 自己住左咁耐炮台山, 第一次上去康澤...質素唔錯呢; 坐到咁上下, 個呀B返左來, 超得意, 玩左陣就返企食晚飯了。晚上臨時(下午決定左o既)同民仔殺上呀馬度拜年, 9點幾去到打SatrWar打到12點幾, 好開心呢。返到屋企1點幾, 唔知點解傻傻地睇漫畫到4點幾先沖涼訓覺。

19/2(一) -- 完全無野做的年初二; SamMandy娟同另外Sam的朋友上深圳玩; 呀馬民仔等等其他朋友都要拜年, 呀媽呀哥返左鄉下, 一個人在家頹過, 不過抖下都好, 明天賀歲波!!!!

完

順便post埋 -- Youtube 2年三十下午在家無野做無聊睇youtube, 欣賞下正野今次主題係"女歌手", 幾乎全部都係live version, 而家能夠live唱到呢d歌o既人有幾多呢?
http://www.youtube.com/watch?v=d6NocBwZISY&mode=related&search=
梅艷芳自己歌的Medley, 仲要係佢把聲高峰期的表演

http://www.youtube.com/watch?v=g4nAtWhgOFM&mode=related&search=
唔覺意search出來, 陳慧嫻出道果期o既歌"跳舞街", 當時佢都只算係偶像派而已, 但係都唔錯呢; 另外, 雖然造型係抄日本, 但係當時好少女o既佢真係幾吸引呢! 個笑容好正, 難怪當年吸引到咁多少男fans! (唔好計而家覺得廿年前o既造型娘啦)

http://www.youtube.com/watch?v=zAp5iw2euQs&mode=related&search=
陳慧嫻Live"傻女", 好歌好唱, 正~~~ 每一段最尾果個"呀~~~~"超正! 個音唔高, 但要要呀得好聽係好難的~~~!

http://www.youtube.com/watch?v=JlPdW4NC-yE
林憶蓮Live"沒結果", 痴線的, 爆正; 一定要聽到最尾!!

http://www.youtube.com/watch?v=GfvZJzZrEaE
同場加映, 唔知邊個live唱"沒結果", 都唔錯但係Maychan唱得好過佢

http://www.youtube.com/watch?v=Sf5gI5s-FRw
蘇芮Live"誰可相依", 另一痴線, 勁

http://www.youtube.com/watch?v=nCt2k6pSPvA"
誰可相依"MV version, 有當年電影"龍的心"片段, 好感人, 無咩印象睇過, 想睇下!

http://www.youtube.com/watch?v=gfh3b2inTHQ"
多得他"Live by Faye, 無咩好講啦~~

http://www.youtube.com/watch?v=1H4_ZkEUu98
再同場加映, 唔知邊個live唱"多得他", 順便quote落來, 都係Maychan唱得好d

http://www.youtube.com/watch?v=N8uXWMNriio
愛歌"Eyes on me"by Faye, 首歌實在太正了

得閒有d咩會再post上來

再完

二月十二日 -- 雜記

呀哥生日快樂~~~!!

6/2(二) -- Sharon出山之K, 同Sharon民Law仔娟5個人唱; 當日去之前好累, 狀態好低, 但係由於有人唱歌好得, 令我個精神都起到, 而且當日唱時覺得自己難得狀態唔差呢~~ 同唱得之人唱K真係超開心, 勁正!!
7/2(三) -- 同呀源食飯; 好耐無返CityU打足球機, d新人都打得唔錯呀, 有個慈幼人勁呢~~ 去食好耐無食o既樹記, 好高興呢, 仲有多謝呀源果一堆禮物呢~~ ^^
8/2(四) -- 返企抖
9/2(五) -- 有2張UA coupon, 收工去德福睇戲 -- 生日快樂; 個故事本來係短篇故事, 改長左做電影劇本; 所以套戲o既推進好慢, 而且有時有d空洞, 有d拖o既感覺; 人物方面, 演員們都做得唔錯, 女主角由郭靄明佩音, 佩得幾好, 不過始終唔係原聲感覺爭d; 古天樂o既角色又係一貫唔使佢點發揮唔使點表情o既角色, 所以都OK啦; 整個故事o既flow好似而家好多日劇咁, 都係一對戀人之間有d咩咩問題, 最尾又點點點, 再加上d生離死別來煽情, 不過呢一方面日本經驗多好多, 所以呢套就無人地咁盡...而由於故事中o既角色o既行為, 不被我所認同, 因此我o既代入感唔大; 基本上, 即使個男主角無事, 而佢地2個人之後唔可以一齊, 我都覺得唔抵可憐; 係呢度唔講劇情出來了; 總之, 個意念就幾好, 可惜劇情同人物o既行為就有d夾硬來同唔鐘意啦。
10/2(六) -- 早上要去新公司拿安全帽同鞋; 好唔好彩地, 8點幾9點醒左(慣性), 訓唔返, hea一陣, 就出門口去牛頭角拿野, 返到來11點幾, 食d野下午同娟同呀媽行觀塘o既倉; 終於的起心肝買左波鞋, 又買左d衫咁。夜晚同日安妹妹同馬生食飯; 是但指一間之下食鐵版超; 多謝晒你地呢。之後去左睇電話(我都要換了), 食雪糕, 影貼紙相(好多年無影過了), 之後上PCCW樓上果間cafe坐; 3個玩左好多野: 鋤大D, cum棉胎, 飛行棋, 波子棋, 昇官圖(終極無間version XDD), 竹籤同層層疊, 好開心呢~~ 11點半島散。多謝日安妹妹的禮物, 真係多謝晒!
11/2(日) -- 由於星期六晏左(返到屋企12點幾, 沖埋涼個訓唔到等等default事件, 2點幾先訓), 所以星期一早醒左決定唔打波繼續訓(本來星期六行左一日都好累), 抖左一朝, 中午民仔打完波上來一齊食飯, 一齊打左成日機, 咁就完了一日了。

來緊:
12/2(一) -- 同同事唱K, 應該OK的
13/2(二) -- 同八婆家輝食飯拿返幫我買的模型, 要諗諗放係邊了...
14/2(三) -- 情人節, 決定放病假去接呀馬機!!最近的第一等大事!!
15/2(四) -- 可能幾個熟o既同事上屋企home visit一下
16/2(五) -- 我係Lands的last day...晚上返屋企團年飯
17/2(六) -- 可能同源Sam娟mandy行年宵...累; 呀哥當日返鄉下
18/2(日) -- 拜年日
19/2(一) -- 未知有咩攪, 呀Sam佢地上深圳; 我唔多好按摩...唔知去唔去, 去左又唔可以離群; 當日呀媽返鄉下
20/2(二) -- 年年都攪攪左好多年o既賀歲波!! 極期待!! 仲係呀馬復出戰!!
21/2(三) -- 新工第一天

完

二月五日 -- 雜記

31/1(三) -- 民, Sam, 娟, Mandy幫我慶生; 去瓊華Neway; 第一次去, d野食算係好, 拍得住港晶呢, 除左有魚生壽司串燒...etc外, 仲有白朱古力火鍋(雖然我唔太好), 雪糕同布甸都好味呢; 當日好累狀態好差, 平時我都唔點食野, 唱多過食, 果日居然係食好多野好少唱歌, 真係唔似我; 多謝晒大家, 仲有多謝呀Sam個蛋糕(雖然甜左d)
1/2(四) -- 收工同同事打波; 一開始打得普通, 後尾打起左, 有一場我+2個好少打波的人對2個識打o既同事+一個少打波o既人, 我方開波, 一開波我係5個唔同o既地方插左對方5球, 連奪5分; 之後放慢左互有攻守, 最後都贏到! 打左差唔多3個鐘, 好累, 想走時有隊街外人來挑機, 得一個人勁d, 而且有d矛, 仲要係我mark; 佢進攻、籃板拿位、防守...等等時都會推人, 好彩我都唔係漏的, 奶左幾次野後都打得硬淨左, 最衰甘o岩落場我地果3個之前都打得好, 但係好累所以對街外人就打得麻麻地, 好彩都贏到; 呢排波癮幾大呢~
2/2(五) -- 同話劇同學們食飯; 對上一次係11月, 好耐無見呢, 仍然係好好傾, 好開心; 同一班朋友一齊的感覺真係太好了~~　第日又唔水返工, 超free。
3/2(六) -- 日頭同Carol, 聰, 娟唱K; 唱到差唔多時間join埋日安妹妹食晚飯, 之後睇草蜢尾場。之前2次都無睇, 所以唔會失望, 而且預左都係差唔多; 現場氣氛幾好, 可惜咁o既坐係附近的觀眾都唔算熱情(可能係$200飛o既關係, 而且係$200來講都算後), 所以我都無發癲。當日有許志安、關淑怡同軟硬做嘉賓, 關淑怡把聲真係好得呢~ 完場encore之後, 好多觀眾都死留係度唔走, 但係都lur唔到再encore, 失望呢~ (雖然都11點9了)。做埋呢次, 草蜢應該短期內唔會再開, 不過睇過一次都夠了。

4/2(日) -- 早上起唔到身打波, 無打; 下午同呀強行睇玩具, 好耐無同佢行呢~ 亦好耐無入TuenMun; 都係果幾站: 葵芳-->TuenMun-->荃灣, 雖然車費都係度, 但係由於唔係想平, 而係志在睇, 所以都OK呢; 都有d收獲呢, 好耐無買玩具了。另, 係TW見到一d好o岩某朋友o既野, 幾靚但係手工又麻麻, 唔知買唔買好。
5/2(一) -- 返工好累, 對眼成日都做果2張圖, 收工去寶琳再返企。

來緊:
6/2(二) -- Sharon出山之K, 不過暫時唔多人
10/2(六) -- 同日安食飯, 未firm
13/2(二) -- 同家輝食飯+交收貨物
想搵日去沙田打邊邊
好似無咩約了

1. 要多謝生日果日呀哥係我返屋企後果個燭光蛋糕, 好味
2. 之前唔記得邊日, 出site去啟德睇野, 係前golf中心, 亦即係跑道最尾果忽要巡一巡同影相, 貪得意問個食蕉借左部單車巡左圈; 我諗係呢個世界上無咩人係機場o既跑道上自由自在咁踩單車呢!
3. 深水埔間"玩具星"執, 大平賣, 託八婆個friend家輝幫我掃左3盒MG, 超平~~~
4. 公司同事成日亂講野講出麻煩, 不過都唔燧咩大野, 而且佢地都係玩姐, 算...
5. MG渣古即將出Version 2.0!!!!!! ｄ關節超得!!救命呀~~~~~!!!



6. 好似諗唔到有咩了, 完啦

完

一月三十日 -- 又一年

一年了, 好多野:
死黨即將返HK, 當然高興; 佢唔係HK呢年幾, 發生左好多野; 以前成日都搵佢, 出去玩、傾偈咁, 呢一年"脫離"左o既時間, 我地各自都開闢左新o既空間; 係呢段時間識左好多朋友, 而且有熟o既添。自己經歷左轉工, 識新朋友, 報興趣班, 開始寫blog, 慢慢了解多d自己, 發展自己興趣等等; 覺得係有得著同有意義o既一年。唔知佢又點呢? 不過肯定一樣野, 就係死黨始終點都係死黨!

講講30日的感想:

1. 又一年了, 人大左就唔想再大d, 怕死;
2. 今日返工, 估唔到被揚左出來; 中午成班同事一齊係公司食, 叫左堆外賣, 仲有蛋糕添, 多謝一班同事尤其Jobby同八婆; 另外估唔到registry的maggie姐同月同日
3. 今年4份禮物, 契姐o既唔知咩組合, Taylor的門簾, Grace的古古力, 娟的錶, 多謝晒!
4. 收工同松林打機, 漏左份古古力係機鋪; 雖然唔係貴重o既野, 但係自己好重視精神上o既野, 都覺得好唔開心, 好唔應該...
5. 多謝Jobby, 文廸, Taylor, 哥, Kitty姐, Mari-an的sms同貓貓的msn!
6. 多謝呀源同呀Sam打來!
7. 多謝日安妹妹上星期想約我星期日出來, 可惜我要去飲...

今日收工同鬆鏈打機, 打完散; 由於無咩idea食咩, 又反正天日都會再出來, 我又想睇下玩具, 於是去石夾尾; 睇左"玩具星", 就來執, 但係都無咩好買; 睇埋福利同石夾尾間野, 都無咩點, 之後就去好耐無去過的賓墟頹食攪掂; 之後去MK較返好錶帶, 散; 9點幾就返到企呢~~

有d九唔搭八, 其實今日成日都好眼訓, 勉強打完, 去訓也...

完

一月二十九日 -- 雜記

23/1(二) -- 睇Nana2, 麻麻, 講過了
24/1(三) -- 唱K, 開心, 都講左了
25/1(四) -- 返企
26/1(五) -- 返企
27/1(六) -- 係企抖, 中午係企附近飲茶, 下午抖, 夜晚出左MK同哥同佢忑黨係紫
28/1(日) -- 早上打波, 打得麻麻地。同呀輝同民一隊, 次次都係輸少少; 不過最後終於都贏返場, 仲要係李正鳴+翁嘉志+猩猩。返企沖個涼食d野, 就去澳門飲表哥結婚果餐。呀哥發燒照去。食就無咩特別, 不過比人擺上台, 叫左上台唱歌, 不過比我拉晒成班表兄弟姊妹上去。第一次係台上唱歌, 不過總算自己個人性格問題, 唔會怯(對住50圍); 係台上唱唔係好聽到自己唱成點, 不過毫無準備之下+無開過聲(雖然不嬲唔太使)感覺上唱得麻麻地。食完搭到11點半船返TST, 打的返企, 1點, 沖埋涼, 攪到而家。另, 今天台灣某年輕偶像女演員車禍意外過身...

來緊:
29/1(一) -- 抖掛?
30/1(二) -- 正日, 食飯
31/1(三) -- 民, Sam, Mandy, 娟唱K, 慶
1/2(四) -- 可能同同事收工後打波, 本來約星期五, 後尾諗起唔得
2/2(五) -- 話劇gathering
3/2(六) -- 草蜢Concert!!

Youtube

某死黨非常喜歡在Youtube找有趣的片段來看, 消磨時間。

前幾天, 因某一原因link了到youtube看了一段片段, 看完後有時間, 就找找一些以前想找的東東, 無意中找了很多有趣/正點的, 就post在此與各位分享吧。(歌詞全部係網上好易搵, 唔搵比大家了)

屋頂 -- 一首好好聽的合唱歌, 搵唔到真的MTV, 由於同之後o既link有關, 建議大家聽下, 推介來的
http://www.youtube.com/watch?v=X4Pd7XKzHmc

屋頂 -- 內地歌手Live版, 睇下就發覺, 香港歌手同人地係差幾幾幾咁遠...
http://www.youtube.com/watch?v=oBZPrI_rS-Y

屋頂 -- 又來屋頂, 呢個係搵正經野時的副產品, 幾好笑
http://www.youtube.com/watch?v=i2jK9JG7HPM

Virtual Insanity -- Jamiroquai 唱; 未必o岩個個聽, 不過d歌詞真係好正
http://www.youtube.com/watch?v=LIvc4NH4jOE

All the day i think about sex -- 哇卡卡, 唔係想講色情野; 話說以前有時得閒會一早起身無野做, 睇英文台d MTV, 見到呢首; 好爛, 不過個MTV幾好笑, 尤其係後半同個尾, 用d好象徵式o既野來表達...總之睇睇就知了:D
http://www.youtube.com/watch?v=Hw6OqwU4wAs

Creep -- RadioHead作品。好頹廢, 唱得好有feel好頹, 而且分別得出係頹, 唔係唱得求其。比起而家某d歌星果d又係另一層次。呢個MTV版無唱到粗口, 原版係有少少粗口的。 So "Very" Special <---個Very應該係...自己聽或者上網睇睇歌詞啦
http://www.youtube.com/watch?v=lugOuz1fXD0

Creep -- Live Version。現場演繹, 慢左, 仍然係表達到歌詞o既感覺。I'm Creep...I'm a weirdo...
http://www.youtube.com/watch?v=wHbLkp7Pj6o&mode=related&search=

暫時咁多, 有排大家睇了。
希望大家會睇啦~ ^^

完

一下子打死七個

看這篇文之前, 請先看看以下幾篇, 因為這篇是要最後一篇看的。看完才回來這裡再看吧。

***** *****

小時候很喜歡看故事書(直到現在也很喜歡閱讀), 看過一個外國翻譯成中文的童話故事。書中主角是一個很普通的裁縫, 有一天他見到有很多蚊子圍著他, 他一怒之下拿起毛巾一拍, 打死了七隻蚊子。他自覺很“威”, 於是縫了一條帶子繫在腰上, 寫著“一下子打死七個”, 其他人見到已為他能一下子打死七個人, 對他既敬且畏一於是他的名聲不脛而走。他自覺自己很厲害, 所以打算到皇宮去看看是否能得到什麼賞賜。在途中, 他認識及加入了六個厲害的朋友(例如槍法神準能打瞎蒼蠅而不殺了牠的神槍手、超級大力士、有能裝載無限東西的袋的人…等等), 他們憑著他們的能力見到國王, 還克服了很多難關, 使國王賞賜很多金銀財寶給他們, 而那沒有真材實料而幸運的裁縫更能迎娶美麗的公主, 即使後來國王後悔, 他們七人也能憑能力安全地離開。

多麼單純的一個故事。入面的人、事、物也很單純, 卻也能使小時候的我充滿了不同的幻想及填補了很多時間及寂寞。在那虛構的世界是多麼的美好。現實中, 人都是會存疑的, 怎會有人不懷疑那裁縫的能力? 總之現實總比虛構的故事殘酷, 而人們也需要很多故事及童話去安慰殘缺的心靈。

突然想起這故事(有十多年完全忘了有此故事, 是很突然想起的), 除了這故事在小時候有深刻的印象外, 主因在於“七”。

對, 我在一天裡出了七篇文!! 哇卡卡卡卡卡卡!!
昨晚臨別的雖然是戲言: 民仔七天才出一篇文, 我就說讓我一天出七篇。大家應該也沒當真, 我當時也不是太當真。但我是一個很無聊的人呢。
今天我隨即就做到了! 呵呵呵呵呵, 而且也不是濫竽充數的文, 而是真的有意思的呢~~~ 哇卡卡卡卡!! 呵呵呵呵呵~~~

完

一月二十五日 -- 雜記

1. 好耐未試過連續2日有雜記
2. 昨天的喜悅到今日仍在, 唱K好開心好抵, 仲有呀馬會返來!
3. 返工時間真係辛苦, 唔係忙唔忙o既問題, 係做d野o既問題...
4. 無意中發現平時老細拿來簽名支水筆, 寫野係皮膚上會造成好似"紋身"效果; 我玩野係手臂上潦左個"龍"字，　神來之筆個字又寫得幾型噃 :D, 好玩~ 仲要卒唔甩，　要沖涼先洗得甩添。
5. 仍然覺得Lands的同事幾好, 有d唔捨得離開咁好玩的同事, 希望以後keep到!
6. 今日收工後同幾個同事傾偈, 講講下講IQ題, 幾有趣; 而我亦係唯一一個諗到最無聊果條問題o既答案, 我寧願自己諗唔到 =.= :D
7. 臨近下星期二, 都無咩特別姐
8. 愈來愈近last day, 雖然仲有幾個星期, 但係估唔到身經百戰都有少少緊張去新工會點。
9. 上星期三開始, 3, 4, 5, 1, 2, 3都出site, 天日又要出; o岩o岩果個星期六又去左濕地公園, 昨晚4點幾訓, 來緊星期日晚又要去Macau飲我表哥結婚果餐, 一定累死...
10. 前排上網搵到張圖, 證明我一向的諗法可能係無錯的: 好多明星可能真係無整容。化妝o既效用實在太大了...呢張圖已經係唔算誇張, PS、打燈...etc真係可以令到個人睇上去差好遠。

11. 差唔多了...

完

電影院中的男男女女

去戲院看電影, 最主要當然是去看戲。但我這既好奇又喜歡四處也留意的人, 在一些空隙時間也會留意身邊的事物, 而看戲時坐在附近的人就成為了觀察對象。

說戲院是一個社會的縮影就太誇張, 但倒是可以觀察到人生百態。對“質素”有要求的人, 在中國人的社區中, 在大部份的戲院看戲都會感到不太快樂。除了較貴價或所在區域較高檔的戲院外, 幾乎都會有以下的不快事情發生: 在放映期間談話(包括私人對話、對電影的評論等等); 在放映期間電話響起, 不關電話也算了, 電話響了還要接; 在放映期間吃東西, 吃東西不要緊, 但發出很多的咀嚼聲及膠袋發出聲響; 放映剛完畢就亮起燈及有工作人員出聲請人走, 不給人機會看字幕…等等, 諸多種類令人不爽的事情使人很多時不想入戲院看戲(但有很多戲卻要在戲院中看才好看)。

而當中最惹人討厭的, 是一些醉翁之意不在酒的情侶。人家好好的在看戲, 他們居然在黑暗的環境中調笑, 而調笑聲浪絕對影響到坐在附近的人。令一種討我厭的人, 是不不適當做不適合事情的人, 有些情節, 是想營造感人場面的, 但感不感人非常主觀, 有些人自己沒有感覺, 就笑出來, 完全不理人的感受, 就算真的不好, 作為尊重也不應這樣做。還有一種就是看過影評、原著小說或動漫畫的人, 不停地評論與原著之間的差別或預告之後劇情, 好像自己很聰明似的, 極度乞人憎。

自己並沒有很多的戲癮, 但年中很多時也有不少電影有興趣看。除了約不到有興趣的人同看或相就不到時間外, 以上原因也令人有點卻步。中國這“禮儀”之邦何時才能使人們變回有禮儀呢?

完

非一般的愛 – 戀上我的床

愛有很多種, 除了愛情、親情、友情等等之外, 人對“死物”也會存有感情。

自問自己是一個睡眠質素極差的人。失眠、睡得不好、醒了難再入睡…等等, 經常使我精神不足。不知是否這關係, 我十分重視我的“床”。由於睡得不好, 我特別重視我睡的時間, 更重視我未睡得著時所躺的床, 因為我要一段時間才能入睡, 所以醒著時所躺的床就特別重要了。從以下的篇幅看來, 我也很“愛”我的床呢。

首先說說配備。枕頭被褥床單是當然有的。電腦旁就是電腦, 所以我可以在床上上網打機什麼的, 超寫意的說。無線電話通常放在枕頭邊, 因為身為大眾朋友的我, 是24小時隨時歡迎on call的(雖然實際上很少試過有人半夜打來)。另外, 由於房間細小及凌亂, 基本上我的漫畫、玩具、模型等等幾乎全部都可以在床上拿得到, 超方便。睡覺時, 看心情有時會攬著一個攬枕睡, 加上由小到大習慣有一條較小的被巾, 就是我床上的配備了 (其實基本在床上可以接觸到房中的一切, 亦可以做一切愛做的事)。

配備、玩具什麼的, 也還罷了。最要緊的, 是我對我睡的床有點潔癖。平時我對我自己也不會有潔癖, 工作時有時要接觸到骯髒的東西(如有滲漏的污水渠, 濕漉漉的污泥地等等), 我也不抗拒接觸而使工作更方便。但我的床則一定要乾淨。因此, 我每天返家後睡覺前, 必定會洗澡洗頭, 即使時間是多麼的晚, 也一定要洗(我明知自己難入睡, 而洗完澡會更難入睡, 也要洗)。心理上, 去完街的身體髮膚很骯髒, 回到家一定不會接觸自己的床! 一定要洗澡及換衣服後才能接觸它。所以我也不太歡迎其他人接觸我的床呢。

想上我的床, 不是那麼容易哦! 呵呵。

完

殺與被殺

刀鋒掠過, 刀光一閃。血光暴現, 一條生命就此了結。

我最喜歡殺人, 殺人的感覺太美好了。

只是一下簡單動作, 就可以奪走人的生命, 奪走人生存的權利, 笑的權利, 做任何事的權利, 更會牽連到很多其他人的情緒。實在使人太有滿足感了。

有時, 對方太過沒反抗能力也太沒趣。所以我最喜歡殺武功高強的高手。看著他們臨死時絕望的眼神, 痛苦的哀叫, 是最高的享受, 最大的興趣, 比高潮更高潮。一刀使人斷氣實在也太無聊了。

我也不是見人就殺。要看環境、心情、狀態。與玩女人一樣, 時候不對就提不起勁。但今天, 在這時候, 在這地點, 我興奮莫名。在這夜與清晨之間, 晨光未露, 日光未現之際, 在路上遇到了這令人提起勁的挑戰者。

她...好像她...我看到她時就想起了她...



好一個標緻的雌兒。居然膽敢在這荒野之地挑戰。簡直就像是要滿足這人生最高的兩種享受。呀…實在太興奮了…愈興奮我便愈強…我要殺死她! 我要…! 我聽不到她在說什麼, 我已經在幻想中, 在幻想一會兒怎樣凌辱她, 折磨她, 使她求生不得求死不能, 然後才慢慢的殺死她!

她的刀好快, 那麼多人使刀, 那麼多不同的刀法, 她卻使得很好看, 嗯…好纖細的腰肢, 好美的手, 使出來的刀是那麼柔, 那麼美, 像是一個絕色舞者, 儘情地發揮誘惑的舞蹈。她的刀勢既快捷且飄逸, 左三刀右五刀, 上七刀下一刀, 難以預測。可是我的刀更強, 我完全阻斷了她的攻勢。她太嫩了。使單刀的刀手, 居然閒著另一隻手, 哈哈, 太嫩了。單刀看手, 雙刀看走, 大刀看口。單刀者, 一手持刀, 另一手配合持刀手運動, 空手的作用甚至重於持刀手; 協調與否, 使用與否, 實用與否, 美觀與否, 全在於空手的配合, 故說單刀看手。她居然一隻手閒著, 只是像要平衡般收於腰際; 她想死嗎?!

我看夠了她出招的姿態, 我要真正出手了!

就在她使出了一刀收招之際, 我承隙而上, 直進敵方中路, 我不要殺了她, 我要先制服她!

呀!!

我...中刀...?

那另外閒著的一隻手, 放飛刀?

我太輕敵了...我不應犯這種錯誤...我被美色所誘了...
我聽不到她在說什麼, 她一臉痛恨, 應該是來報仇的吧?

殺人的感覺太美好了...原來死就是這種感覺...我還想再殺人呀...
看...看...日出了...

完

(寫左個頭就無心機...)

令我流淚的歌

由細到大, 大家應該都聽過唔少好歌, 其中有一類係賺人熱淚的歌。係呢度只係講一d剩係聽到就令我自己眼濕濕o既歌(唔係講好令人感動果種, 因為計埋會好多), 而唔包括因為睇埋電影、電視、卡通片等等o既歌, 因為呢d有加成作用, 而且要計埋又係會有好多, 所以就唔講了。以下係由細到大, 我有印象同埋仲記得, 而又自己聽時會眼濕鼻酸o既歌(當然一定會有好多唔記得左): (排名不分先後)

(另外, 我個人係幾眼淺的, 自己唔開心時又唔點會喊, 見到d感動野或者睇到d令人感動o既野時, 就好易喊)
(再另, 其實係眼濕鼻酸, 個title話流淚只係好睇d罷了)

***** *****

遙遠的她 -- 呢一首第一次有印象聽, 係細個時去表姊物料供應署o既攤位遊戲日時, 聽到個廣播播緊的。好記得當時o既情境。我係度唔知排緊隊玩定係做緊咩, 聽到呢首歌, 覺得好好聽!! 而且好感人, 會令我眼濕濕! 首歌又好聽人又唱得好(張學友), 正!
"遙遠的她, 不可以再歸家; 我在夢裡卻, 始終只有她...遙遠的她, 可知我心中的說話, 熱情若無變, 那管他滄桑變化..."

空凳 -- 另一首感情真摰o既歌。講親情得來又極具說服力, 而且又帶得出"子欲養而親不在"果種感覺, 次次聽親都會鼻酸! (最衰我自己又不嬲有自己未真係感受過但係又會有代入感o既感覺) 大家一定要好好珍惜眼前人同好好對待自己至親o既人呀~~ Danny Summer又唱得好激昂, 佢當年憑呢首歌拿獎絕對係值得的~~~!
"曾懶說半句我愛他! 懶說半句我愛他! 過去我說, 我最是要緊; 今天發覺最愛他! 呼叫永遠也愛他! 聽我叫喊, 只得一張空凳!"

絕戀 -- 愛情, 唔係一定要生離死別先至係慘。而家好多歌都係慘o既情歌, 而且都有好多死別o既歌, 但係我都唔覺得有幾慘。當然d人唱得唔好係一個原因, 但係主要問題係d歌詞度, 好多時都係一味話慘又唔捨得咁。我自己好多時都比較唔鐘意d懶係慘o既情歌(有睇開我blog或者熟我o既人都知), 但係呢首係例外。呢首係一首講死別o既歌, 但係歌手唱時唔會做到自己好慘咁, 只係有一種無奈o既感覺, 孤單咁係舊地等待不會回來o既愛人...全首歌哄係用結他和, 加上蔡齡齡o既精彩演出, 感動到我!
"假使愛長存心裡, 假使我共你相距, 就是天邊海角亦會等下去..."

手錶 -- 呢首歌大家可能唔太識; 係李克勤係寶麗金時代o既歌, 勉強入到佢係寶麗金出o既精選碟o既其中一首歌。Melody唔算好好聽, 但係d歌詞同編曲(尤其係歌詞), 係講母親o既, 同空凳一樣, 又係一樣物件令人想起至親o既鼓勵, 而且唱到後段亦暗示了"沒法再見她"; 加上當時o既李克勤仲係唱得幾有感情的, 唔似而家咁, 所以呢首歌有時係會令我聽聽下唔忍心聽落去, 好孤寂o既感覺! 建議大家可以聽下。
"沒法再見她, 各有各遠飄, 與我到處去, 只得此手錶; 沒法再見她, 各有各遠飄, 永遠到永遠, 她的愛難忘掉..."

我不是一個人住 -- 已淡出o既靚女歌手蘇慧倫o既歌。有必介紹下, 呢首歌有2個version: 普通話同廣東話版。普通話版係"我一個人住", 而"我不是一個人住 "係廣東話版。"我一個人住"o既內容係講個主角同男友/老公一齊住, 但係常被冷落, 令她覺得好似一個人住般; 而"我不是一個人住"就相反, 主角所愛並唔係同佢一齊, 但係女主角仍然心中愛著對方, 對方仍然係心中存在, "不感覺我獨住, 像住在一起", 歌手唱時仲要係帶點喜悅, 好似同心愛o既人一起時o既腔調來唱; 但係呢種感覺配上歌詞, 呢種傻勁, 反而令我更覺感動! 我最容易就係被呢d單純、正面但係可能現實係唔開心o既情況而受到感動! 蘇慧倫好得呢! 反而對普通話版無咩特別感覺。可惜, 我手頭上得普通話版..."我不是一個人住"唔見左...

Mr. Moon -- 呢首大家唔會識的了。係鼓機o既歌。同"我不是一個人住"情況相似, 女主角同愛人分隔兩地, 但係歌手並唔會唱得慘, 又係一種積極同純真o既諗法: "No matter where you may be, my love will travel to you, coz i leave my message to the man, on the moon! please, tell my story to my love, Mr. Moon, I love him so! please, show my tear drops to my love, Mr. Moon, I love him so!" 首歌亦都好聽呢!

MR -- 楊千嬅好幾年前o既一首歌。第一次知首歌唔係聽到首歌, 而係係朋友ICQ info見到, 覺得段詞好正; 過左好耐先有機會聽成首歌。不嬲唔算聽好多楊千嬅o既歌, 但係好鐘意呢首! 歌詞中對愛人o既依戀同鼓勵感動到我, 雖然係一首幾開心o既歌, 但係感動處我自己會聽到鼻一酸的(正傻仔-.-), 總之就係鐘意。
"已經夠喜歡你, 什麼也別要改, 從來無人嫌你這樣, 你這樣才像你"

她來聽我的演唱會 -- 一個好完整故事, 一個女人的唏噓。亦都因為有故事, 想像空間亦大。首歌前大半段都無咩野, 係最後一段最正! 果種對現實o既無奈同埋對已經過去時間o既遺憾, 張學友輕描淡寫咁唱左出來, 好有feel, 係05活出生命演唱會, 一支結他+一個人唱攪掂, 正!
"她來聽我的演唱會, 在四十歲後聽歌的女人很美; 小孩在問她為什麼流淚, 身邊的男人早已靜靜入睡; 她靜靜聽著...我們的演唱會..."

十個救火的少年 -- 完全同愛情無關, 達明一派o既經典歌之一(又未係最經典); 細個無咩感覺, 係大個d明白首歌講咩先至有感觸; 人性醜惡, 係短短一首歌表露無為; 雖然用左輕鬆o既手法表達, 但係諗深一層3個勇敢o既人就此葬身火海, 慘! 唔抵!
"在這夜這猛火像燎原, 大眾議論到這三位少年, 就似在怨 用處沒有一點; 在這夜這猛火像燎原, 大眾議論到這三位少年, 亂說亂說 愈說祇有愈遠..."

暫時諗唔到了, 而且已經4點, 一定要訓, 係咁多先啦!

大家又有d咩類似o既歌呢? 多d出聲講下啦~~

完

一月二十四日 -- 雜記

今日都有幾多野發生, 要記一記

1. 呀強生日快樂!~~~

2. 尋日睇Nana2, 有d失望; Nana1好睇d, 個故事係1度圍繞2個Nana的友情同埋佢地互相扶持, 再牽涉到佢地各自o既愛情, 我覺得好睇d, 歌亦都好聽d; Nana2個故事主線放左好多落小松奈奈度, 但係呢個女人的行為同思想我覺得有d不知所謂, 咩都唔識做野返工又唔掂, 剩係識發夢同埋想要被愛, 又因為空虛寂寞好容易同男人上床, 仲傷害左人地o既心, 加上大埋肚, 總之不知所謂; 成個第2集故事講佢多, 大崎娜娜果面同埋佢地2個之間o既友情都講得唔多,
歌又無上集咁好聽, 又無啦啦換左角色, 總之就無第一集咁好...講起換角色, 其他人都OK, 不過市川由衣做小松奈奈麻麻地, 唔係話佢唔靚, 但係佢唔夠可愛, 無之前果個咁似, 而且佢仲要扮可愛...總的來講, 能夠睇2個幾鐘都唔太有悶場, 都OK啦...不過有d失望同埋唔太建議入場睇咯。另外, 字幕完左都仲有少少少少野一個畫面睇下o既, 出字幕就唔好走住啦。

3. 我會轉工o既事係公司揚晒了, 不過都預左會有一日係揚晒o既, 無咩野。

4. 今日同民、Angel同Mari-an唱K, 雖然人少少, 又唔係狂唱勁歌, 但係都幾開心, 個氣氛幾融洽同開心~ 而且唔知時間過, 當民仔話已經11點9時, 真係完全唔覺的!

5. 今日另一大事就係終於confirm左呀馬返來!! 向好果方面諗, 又反正搵唔到工, 再加上自私d講句, 好野~~~!!

6. 唱K時發現左好多野, 包括: 有歌手係演唱會唱左d好正o既舊歌, 例如林憶蓮唱細水長流, 容祖兒唱絕戀...等等, 勁開心; 最開心就係有歌手係演唱會唱舊歌或者男歌手係演唱會唱金仔歌, 因為咁樣會令我有得唱呢! 又唔使俾人話, 尤其係d會笑人唱舊歌o既人。最攪笑係當有歌手演唱會唱時又話d歌好正...

7. 返屋企睇返個朋友評薛凱琪把聲, 係"感冒聲", 各位留意啦:d

8. 今日唱K勁抵, 原來做埋會員真係幾抵的; 平時有d優惠都係是但用一個, 但係今日用到2個優惠: 恆生信用card+生日免一個人頭費, 所以最終4個人唱連埋食個cheap buffet都係總共$300島, 好平! 要趁呢2個星期唱多d K!

9. 本來有d野心今晚夾硬來都出7篇文, 不過有d眼訓, 都係唔玩了; 反正我係話一日出7篇, 咁即係訓完起身第日收工食完飯返企後都寫都得啦 :D (雖然我自己不嬲計法都係以訓覺為過一日o既 ^o^)

10. 打字打得快, 但係個人o既反應同意識開始低; 成3點了, 其實個人係知道自己累但係唔係好訓得著, 去唔去訓下好呢? 我天日仲返唔返到工呢?

完

一月二十二日 -- 雜記

最近忙得來好累, 無精神打野, 好多野想打又無打...
最慘係其實雜記中好多日子應該有唔少感想或者感覺想打
但係由於拖得太耐之故, 唔記得左了...
一星期最少打一篇雜記, 係我自己最minimum的了(而且都係寫自己做過d咩多, d感想唔記得晒)...

1. 我果幾條手鏈唔記得幾時係邊度唔見左, 勁唔開心...
2. 呢排打機都係打Diablo2多, 玩下Freeze Zealot同Summon Necromancer; 終於有一次玩可以d骨骨無使比大佬一掃掃死, 圍嘔死隻大佬, yeah~~~!
3. 做野愈來愈煩同累, 同某d同事愈玩愈熟, 離轉工日子愈來愈近
4. 究竟呀馬搵工搵成點, 又會唔會返來呢?
5. 星期五出site時係啟德問看更借來踩左2野單車, 方便去另一邊影相(爛左o既網); 星期一再借, 兜左圈; 係啟德跑道尾踩單車o既感覺果然與眾不同! 而且我諗無咩人有機會試過呢!

16/1(二) -- 我同岑哥2個人, 去到鼓房發現咩都有但係無得駁mp3, 頹打一個鐘後走人; 幾早, 所以行左去SSP睇玩具, 食譚仔。
17/1(三) -- 睇Holiday; 好睇, 好鐘意Jack Black果一pair的果段故事, 個故仔同情節較能得我共鳴,
而且佢2個做得好好, 好過2個主角; 反而祖迪羅同金美輪戴雅思果邊就普通, 但係就長d講多d...(本來仲有好多野想講, 但係d感覺無晒...呢d就係唔即刻寫o既壞處)
18/1(四) -- 去左YMT北海道食Sushi, 仍然好食, 平果d係無得比的; 同日聽到LOBO講佢公司發生o既野, 真係少聽見呢d人; 另外亦見到好耐無見的Carmen。
19/1(五) -- 又一個返屋企的happy friday; 不過收工同同事打波; 8個人, 打左個幾鐘波; 打波真係一件開心o既事呢! 原來大家都係有打波o既人, 而且都打得唔錯呢~! 好彩我當日都打得唔錯, 唔失禮, 射波仲幾準添。
20/1(六) -- 濕地公園遊; 約左11.30am係天水圍西鑼站等, 約左某住TKO同事10.00-10.15係KT等, 過左鐘先打來話唔知醒; 自己搭車入去, o岩o岩差唔多11.30到; 同Jobby, 進, 八婆行去銀座(十年唔去一次大西北o既我, 居然短時間去左2次)食飯, 中途Benson、Esther陸續到, 食完飯就入去; 入到去o岩o岩2點有個free guide tour, 有義工帶團行+講解, 報左; 成班同事唔多好, 所以得我同Jobby、Esther跟團; 自己對呢d野都有d興趣, 一路行一路聽都覺得幾有趣, 中途Latte、Gordon都到左(都係無跟團); 完團時都過左個半鐘, group返成班人再四圍行下發下癲, 到5點幾就散; 濕地公園基本上唔鐘意大自然o既人會覺得悶, 因為入面無專登養動物, 只係造個生態環境出來吸引動物來, 而貝貝就成日lay埋, 當日都睇唔到。去完濕地公園, 去左元朗o既合益"朝聖"; "合益"不嬲d模型友都話係平的, 不過當日所見今非昔比, 不鯡如是了。之後八婆離隊, 我地就去元朗西鐵站旁o既一個場地燒野食, 心虛同Latte男友就加入; 燒野食傾偈都幾開心, 不過由於當日太累, 所以9點幾走先, 其實想留到大家一齊散呢。
21/1(日) -- 抖的一天, 睇左加菲貓1, 鐘意貓、加菲貓的就會覺得好睇, 如果唔係, 都唔錯啦, 但係又未到好好睇。
22/1(一) -- 收工返企抖, 好好累, 呢排成日出site。

印象中呢d日子中間係有好多野諗到同想講, 不過真係唔記得晒了...

完

【情人節•我想對你說-----......什麼......?】

呢篇野係我係某網站想呃經驗同獎品而寫的, 所以有d九唔搭八, 不過反正寫左就貼出來啦。

***** ***** *****

真情的表白, 不用那些悅耳的歌來迷惑你

真情的表白, 不用美麗但無關痛癢的圖畫來裝飾

真情的表白, 不用七彩繽紛五顏六色的字型去帶來視覺上的美感

一切一切的花巧、門面功夫, 彌補不了人與人之間的空洞, 修補不了虛情假意的言辭, 掩飾不了幼稚脆弱的愛情

***** ***** *****

二月十四日, 有必要在一個商人承機賺大錢的日子, 花大量金錢去表白嗎?

真正的表白, 發自內心, 由思緒至身體, 以致每一個行動, 都是為了愛他/她而做, 才有意義

每一天輕吻她的髮端, 每一天輕撫他的鬚根

每一天為他洗碗, 每一天替她挽袋

每一天努力賺錢, 每一天做好家務

一切一切平淡的舉動, 數十年簡單的動作, 就是最真情的表白!

***** ***** *****

可惜

人們都只看著眼前, 沒有看未來

人們都只看著外殼, 忽視了內涵

人們都只看圖畫, 聽音樂, 看著刻意營造的華麗措辭, 愛上一個個空洞的心靈;

多少平凡、沉實、拙於言詞、醜陋, 但又寂寞的心在情人節悄悄地渡過?

多少人聽得到他們心底的呼喚?

"讓我給你幸福!"

"請你好好待我!"

"我愛你!"

多少人懂得他們內心的美麗?

多少人感受得到他們真情的表白?

踏破鐵鞋, 驀然回首, 你在何方?

***** ***** *****

在人人都浪浪漫漫雙雙對對甜甜蜜蜜快快樂樂的慶祝情人節的時候

謹以此文獻給仍然未找到真情告白對象, 心靈美得像天使的每一位朋友

亦謹代某些朋友及自己, 沉默地在內心之中對所愛的人作出最真摰的表白, 最誠懇的祝福

完

一月十五日 -- 又係好長的雜記

8/1 (一) -- 好似返企抖
9/1 (二) -- 晚上去KT大排檔; 有羊腩, 無爐 =.=, 攪錯。幾種魚又因為呢排有問題所以無得賣...無辦法。下次去沙田食真o既大排檔! 食飯在其次, 同幾個好傾o既朋友一齊真係好開心, 大家說說笑笑, 係非常開心o既時光。當日正場反而似係4個人行上樂華送Carol返屋企o既時候, 個感覺真係好舒服, 好自由, 朋友就係咁樣樣o既! 對我來講, 思想同精神上o既放鬆同舒服遠在身體o既疲憊之上, 可惜下一日要返工呢。
10/1 (三) -- 好似返屋企食飯
11/1 (四) -- 早上請左半日假, 10點9去簽約, 正正式式會走了(由於唔知會去忙唔忙o既地方, 所以轉工前都係出多d去玩多d, 見多d朋友!)。中午約左八婆食飯, 都係果句, 朋友就係咁樣樣的! 同時都話左佢知我會走。下午返公司, 好困難地開口同老細講左我走, 鬆一口氣。對住個好老細真係好難開口呢。晚上殺入天水圍飲。搭成個鐘車先入到去。係附近行下, 無咩好行, 入去。本來話可能主家席唔夠人先叫我去, 點知原來唔使我坐...=.=, 同二姐o既死黨和男友3個人一齊坐, 好彩都係傾得o既人, 唔太悶; d野食OK啦。11點幾散得, 我走先, 原來11點半尾班車出KT, 好彩搭到。好耐之前係blog講過, 其實自己好enjoy夜晚搭長途巴士, 一邊四圍望一邊聽歌o既感覺, 可惜第日要返工...一個鐘出到KT, 返到屋企未1點, 訓時都2點了。
12/1 (五) -- 晚上同同事唱K。呢次K係八婆攪o既, 由於佢係極度攪野同玩野o既人, 亦晨早講左係懷舊金曲夜, 所以唱左好多舊歌, 而且仲好玩野咁唱, 佢仲癲到跳晒叫晒, 勁high, 最尾2首typical Medley大家更癲, 唔飲酒都勁high~~由於好多人放飛機, 攪下攪下得5個人, 不過大家都玩得高興, 基本上都係肯癲o既人。我自己一向係果d追求自由奔放o既人, 雖然社會同教育令人唔可以咁, 但係某程度上都會唔理! 八婆係其中一個見過o既超癲o既人(正經做野時又可以正經), 所以超好玩同夾! 係大膽o既人面前, 我都會更大膽同玩得癲呢~~慶幸自己遇到唔少見朋友, 都係堅信自己o既道路而勇往直前o既人, 好羨慕同嚮往呢種人!
13/1 (六) -- 走幾場o既一天; 中午約左娟同好耐無見o既老友Taylor, 同埋極極極耐無見, 柏齡時代o既契家姐食飯(係MK); 久別一見仍然同當年差唔多。大家又係可以狂傾o既人, 食飯傾偈到咁上下佢地去行街, 我就去搵呀Mak借GH VIP card, 見到呀MAK一齊上左去始創, heahea下就無去join返佢地; 同呀MAK hea到夠鐘, 約左City時代足球機之友食飯(除左呀源之外, 呀隆呀葵婷婷都好~~耐無見); 6.30pm係TST等, 大家又係無點變過, 婷婷仍然係玩得同癲癲地的(八婆同婷婷2個女人結左婚都係咁癲 XDD); 本來想去老趙, 但係太多人等緊位, 去左金鳳(又去); 食飯傾偈一輪, 完左仲係8點零, 婷婷話去唱K, 大家無咩異議下就去唱了(係突然o既節目來...), 發現幾抵: 星期六晚上8點幾去, 人頭費$98, 唔使nuts果盤, 無限時間唱+有buffet, 埋單真係$10x, 真係抵喎, 第日唔水返工, 有心可以狂唱呢~~
14/1 (日) -- 早上打波(而家真係好有心好想打波), 好多QC人都來, 十幾個, 超齊人; 前半打得唔太好, 各方面都麻麻地; 後半開始上力, 手感返來! 難得最後2場做scorer, 10分入面拿左起碼6分, 有籃底有射波, 走位拿位box out都OK, 打得幾順呢~ 下午3點約左貓貓Maychan係KT唱K(我, 貓, Maychan, 娟, 民, Maychan妹)(無錯, 連續3日唱K, 但係呢個一早約左的, 係星期六果晚突然先攪成咁), 話雖如此, 每次同佢地唱都好開心, 因為貓貓Maychan佢地憬我識o既人入面其中一堆極唱得o既朋友! 民仔知左好耐, 終於有機會聽到, 完全無野好講, 一般唱得好o既朋友係無得比的!! 超鐘意同貓&Maychan唱K; 咩歌都唱得, 又好聽, 又唱到難唱o既歌, 又有feel, 太正了; 唱到8點島完; 出到來, 佢地3個行APM, 我地3個就去左食車仔麵, 食完去埋糖水, 之後行一陣就散。好充實o既星期六日, 好耐無試過2日全日都係街。本來諗住唱完K同娟、民去睇戲(Deja Vu), 不過大家都有點累同唔想太晏, 所以擇日再睇
15/1 (一) -- 正式遞左辭職信。收工返企累累地懶洋洋, 原本有好多篇野諗到想寫, 但係無寫, 不過都硬住頭皮打左一定要打o既呢篇野。

有好多野, 過左幾日就無feel或者唔記得, 所以一定miss左好多感覺...不過又無理由+無精神日日打呢。

來緊:
16/1 (二) -- 約左鼓班朋友; 不嬲連埋我得3個人, 今次搵唔到Chris, 所以同Shum哥2個人出來, 對上一次係11月了。諗住去太子開間鼓房打下鼓, 好耐無打真鼓了!(其實鼓機都少打了)
17/1 (三) -- 睇Holiday, 期待o既戲之一(仲有Deja Vu, Nana2未睇...Eragon更加無機會了)
18/1 (四) -- 同久違o既LOBO同Carmen師妹(仲有民仔)食飯, 去上年已經聽過但係仲未去過o既北角小肥牛打邊邊(我無打錯, 唔係小肥羊; 食家LOBO話絕對好過小肥羊)
19/1 (五) -- 收工同而家同事打波, 終於攪得成呢
20/1 (六) -- 同同事去濕地公園? 踩單車? 燒野食? 未定
21/1 (日) -- 應該會抖下啦, 睇呀MAK借o既加菲貓1(專登電視播唔睇要睇碟)

要記o既野/遠d o既約會:
1. 幫咩其睇跳跳虎公仔
2. 24/1 同Marian, Angel, 民K
3. 3/2 睇草蜢
4. 同Connie睇高浩正

好眼訓, 諗唔到野了
仲有好多篇野下次有機會先打

完