二月五日 -- 雜記

31/1(三) -- 民, Sam, 娟, Mandy幫我慶生; 去瓊華Neway; 第一次去, d野食算係好, 拍得住港晶呢, 除左有魚生壽司串燒...etc外, 仲有白朱古力火鍋(雖然我唔太好), 雪糕同布甸都好味呢; 當日好累狀態好差, 平時我都唔點食野, 唱多過食, 果日居然係食好多野好少唱歌, 真係唔似我; 多謝晒大家, 仲有多謝呀Sam個蛋糕(雖然甜左d)
1/2(四) -- 收工同同事打波; 一開始打得普通, 後尾打起左, 有一場我+2個好少打波的人對2個識打o既同事+一個少打波o既人, 我方開波, 一開波我係5個唔同o既地方插左對方5球, 連奪5分; 之後放慢左互有攻守, 最後都贏到! 打左差唔多3個鐘, 好累, 想走時有隊街外人來挑機, 得一個人勁d, 而且有d矛, 仲要係我mark; 佢進攻、籃板拿位、防守...等等時都會推人, 好彩我都唔係漏的, 奶左幾次野後都打得硬淨左, 最衰甘o岩落場我地果3個之前都打得好, 但係好累所以對街外人就打得麻麻地, 好彩都贏到; 呢排波癮幾大呢~
2/2(五) -- 同話劇同學們食飯; 對上一次係11月, 好耐無見呢, 仍然係好好傾, 好開心; 同一班朋友一齊的感覺真係太好了~~　第日又唔水返工, 超free。
3/2(六) -- 日頭同Carol, 聰, 娟唱K; 唱到差唔多時間join埋日安妹妹食晚飯, 之後睇草蜢尾場。之前2次都無睇, 所以唔會失望, 而且預左都係差唔多; 現場氣氛幾好, 可惜咁o既坐係附近的觀眾都唔算熱情(可能係$200飛o既關係, 而且係$200來講都算後), 所以我都無發癲。當日有許志安、關淑怡同軟硬做嘉賓, 關淑怡把聲真係好得呢~ 完場encore之後, 好多觀眾都死留係度唔走, 但係都lur唔到再encore, 失望呢~ (雖然都11點9了)。做埋呢次, 草蜢應該短期內唔會再開, 不過睇過一次都夠了。

4/2(日) -- 早上起唔到身打波, 無打; 下午同呀強行睇玩具, 好耐無同佢行呢~ 亦好耐無入TuenMun; 都係果幾站: 葵芳-->TuenMun-->荃灣, 雖然車費都係度, 但係由於唔係想平, 而係志在睇, 所以都OK呢; 都有d收獲呢, 好耐無買玩具了。另, 係TW見到一d好o岩某朋友o既野, 幾靚但係手工又麻麻, 唔知買唔買好。
5/2(一) -- 返工好累, 對眼成日都做果2張圖, 收工去寶琳再返企。

來緊:
6/2(二) -- Sharon出山之K, 不過暫時唔多人
10/2(六) -- 同日安食飯, 未firm
13/2(二) -- 同家輝食飯+交收貨物
想搵日去沙田打邊邊
好似無咩約了

1. 要多謝生日果日呀哥係我返屋企後果個燭光蛋糕, 好味
2. 之前唔記得邊日, 出site去啟德睇野, 係前golf中心, 亦即係跑道最尾果忽要巡一巡同影相, 貪得意問個食蕉借左部單車巡左圈; 我諗係呢個世界上無咩人係機場o既跑道上自由自在咁踩單車呢!
3. 深水埔間"玩具星"執, 大平賣, 託八婆個friend家輝幫我掃左3盒MG, 超平~~~
4. 公司同事成日亂講野講出麻煩, 不過都唔燧咩大野, 而且佢地都係玩姐, 算...
5. MG渣古即將出Version 2.0!!!!!! ｄ關節超得!!救命呀~~~~~!!!



6. 好似諗唔到有咩了, 完啦

完

一月三十日 -- 又一年

一年了, 好多野:
死黨即將返HK, 當然高興; 佢唔係HK呢年幾, 發生左好多野; 以前成日都搵佢, 出去玩、傾偈咁, 呢一年"脫離"左o既時間, 我地各自都開闢左新o既空間; 係呢段時間識左好多朋友, 而且有熟o既添。自己經歷左轉工, 識新朋友, 報興趣班, 開始寫blog, 慢慢了解多d自己, 發展自己興趣等等; 覺得係有得著同有意義o既一年。唔知佢又點呢? 不過肯定一樣野, 就係死黨始終點都係死黨!

講講30日的感想:

1. 又一年了, 人大左就唔想再大d, 怕死;
2. 今日返工, 估唔到被揚左出來; 中午成班同事一齊係公司食, 叫左堆外賣, 仲有蛋糕添, 多謝一班同事尤其Jobby同八婆; 另外估唔到registry的maggie姐同月同日
3. 今年4份禮物, 契姐o既唔知咩組合, Taylor的門簾, Grace的古古力, 娟的錶, 多謝晒!
4. 收工同松林打機, 漏左份古古力係機鋪; 雖然唔係貴重o既野, 但係自己好重視精神上o既野, 都覺得好唔開心, 好唔應該...
5. 多謝Jobby, 文廸, Taylor, 哥, Kitty姐, Mari-an的sms同貓貓的msn!
6. 多謝呀源同呀Sam打來!
7. 多謝日安妹妹上星期想約我星期日出來, 可惜我要去飲...

今日收工同鬆鏈打機, 打完散; 由於無咩idea食咩, 又反正天日都會再出來, 我又想睇下玩具, 於是去石夾尾; 睇左"玩具星", 就來執, 但係都無咩好買; 睇埋福利同石夾尾間野, 都無咩點, 之後就去好耐無去過的賓墟頹食攪掂; 之後去MK較返好錶帶, 散; 9點幾就返到企呢~~

有d九唔搭八, 其實今日成日都好眼訓, 勉強打完, 去訓也...

完

一月二十九日 -- 雜記

23/1(二) -- 睇Nana2, 麻麻, 講過了
24/1(三) -- 唱K, 開心, 都講左了
25/1(四) -- 返企
26/1(五) -- 返企
27/1(六) -- 係企抖, 中午係企附近飲茶, 下午抖, 夜晚出左MK同哥同佢忑黨係紫
28/1(日) -- 早上打波, 打得麻麻地。同呀輝同民一隊, 次次都係輸少少; 不過最後終於都贏返場, 仲要係李正鳴+翁嘉志+猩猩。返企沖個涼食d野, 就去澳門飲表哥結婚果餐。呀哥發燒照去。食就無咩特別, 不過比人擺上台, 叫左上台唱歌, 不過比我拉晒成班表兄弟姊妹上去。第一次係台上唱歌, 不過總算自己個人性格問題, 唔會怯(對住50圍); 係台上唱唔係好聽到自己唱成點, 不過毫無準備之下+無開過聲(雖然不嬲唔太使)感覺上唱得麻麻地。食完搭到11點半船返TST, 打的返企, 1點, 沖埋涼, 攪到而家。另, 今天台灣某年輕偶像女演員車禍意外過身...

來緊:
29/1(一) -- 抖掛?
30/1(二) -- 正日, 食飯
31/1(三) -- 民, Sam, Mandy, 娟唱K, 慶
1/2(四) -- 可能同同事收工後打波, 本來約星期五, 後尾諗起唔得
2/2(五) -- 話劇gathering
3/2(六) -- 草蜢Concert!!

Youtube

某死黨非常喜歡在Youtube找有趣的片段來看, 消磨時間。

前幾天, 因某一原因link了到youtube看了一段片段, 看完後有時間, 就找找一些以前想找的東東, 無意中找了很多有趣/正點的, 就post在此與各位分享吧。(歌詞全部係網上好易搵, 唔搵比大家了)

屋頂 -- 一首好好聽的合唱歌, 搵唔到真的MTV, 由於同之後o既link有關, 建議大家聽下, 推介來的
http://www.youtube.com/watch?v=X4Pd7XKzHmc

屋頂 -- 內地歌手Live版, 睇下就發覺, 香港歌手同人地係差幾幾幾咁遠...
http://www.youtube.com/watch?v=oBZPrI_rS-Y

屋頂 -- 又來屋頂, 呢個係搵正經野時的副產品, 幾好笑
http://www.youtube.com/watch?v=i2jK9JG7HPM

Virtual Insanity -- Jamiroquai 唱; 未必o岩個個聽, 不過d歌詞真係好正
http://www.youtube.com/watch?v=LIvc4NH4jOE

All the day i think about sex -- 哇卡卡, 唔係想講色情野; 話說以前有時得閒會一早起身無野做, 睇英文台d MTV, 見到呢首; 好爛, 不過個MTV幾好笑, 尤其係後半同個尾, 用d好象徵式o既野來表達...總之睇睇就知了:D
http://www.youtube.com/watch?v=Hw6OqwU4wAs

Creep -- RadioHead作品。好頹廢, 唱得好有feel好頹, 而且分別得出係頹, 唔係唱得求其。比起而家某d歌星果d又係另一層次。呢個MTV版無唱到粗口, 原版係有少少粗口的。 So "Very" Special <---個Very應該係...自己聽或者上網睇睇歌詞啦
http://www.youtube.com/watch?v=lugOuz1fXD0

Creep -- Live Version。現場演繹, 慢左, 仍然係表達到歌詞o既感覺。I'm Creep...I'm a weirdo...
http://www.youtube.com/watch?v=wHbLkp7Pj6o&mode=related&search=

暫時咁多, 有排大家睇了。
希望大家會睇啦~ ^^

完

一下子打死七個

看這篇文之前, 請先看看以下幾篇, 因為這篇是要最後一篇看的。看完才回來這裡再看吧。

***** *****

小時候很喜歡看故事書(直到現在也很喜歡閱讀), 看過一個外國翻譯成中文的童話故事。書中主角是一個很普通的裁縫, 有一天他見到有很多蚊子圍著他, 他一怒之下拿起毛巾一拍, 打死了七隻蚊子。他自覺很“威”, 於是縫了一條帶子繫在腰上, 寫著“一下子打死七個”, 其他人見到已為他能一下子打死七個人, 對他既敬且畏一於是他的名聲不脛而走。他自覺自己很厲害, 所以打算到皇宮去看看是否能得到什麼賞賜。在途中, 他認識及加入了六個厲害的朋友(例如槍法神準能打瞎蒼蠅而不殺了牠的神槍手、超級大力士、有能裝載無限東西的袋的人…等等), 他們憑著他們的能力見到國王, 還克服了很多難關, 使國王賞賜很多金銀財寶給他們, 而那沒有真材實料而幸運的裁縫更能迎娶美麗的公主, 即使後來國王後悔, 他們七人也能憑能力安全地離開。

多麼單純的一個故事。入面的人、事、物也很單純, 卻也能使小時候的我充滿了不同的幻想及填補了很多時間及寂寞。在那虛構的世界是多麼的美好。現實中, 人都是會存疑的, 怎會有人不懷疑那裁縫的能力? 總之現實總比虛構的故事殘酷, 而人們也需要很多故事及童話去安慰殘缺的心靈。

突然想起這故事(有十多年完全忘了有此故事, 是很突然想起的), 除了這故事在小時候有深刻的印象外, 主因在於“七”。

對, 我在一天裡出了七篇文!! 哇卡卡卡卡卡卡!!
昨晚臨別的雖然是戲言: 民仔七天才出一篇文, 我就說讓我一天出七篇。大家應該也沒當真, 我當時也不是太當真。但我是一個很無聊的人呢。
今天我隨即就做到了! 呵呵呵呵呵, 而且也不是濫竽充數的文, 而是真的有意思的呢~~~ 哇卡卡卡卡!! 呵呵呵呵呵~~~

完

一月二十五日 -- 雜記

1. 好耐未試過連續2日有雜記
2. 昨天的喜悅到今日仍在, 唱K好開心好抵, 仲有呀馬會返來!
3. 返工時間真係辛苦, 唔係忙唔忙o既問題, 係做d野o既問題...
4. 無意中發現平時老細拿來簽名支水筆, 寫野係皮膚上會造成好似"紋身"效果; 我玩野係手臂上潦左個"龍"字，　神來之筆個字又寫得幾型噃 :D, 好玩~ 仲要卒唔甩，　要沖涼先洗得甩添。
5. 仍然覺得Lands的同事幾好, 有d唔捨得離開咁好玩的同事, 希望以後keep到!
6. 今日收工後同幾個同事傾偈, 講講下講IQ題, 幾有趣; 而我亦係唯一一個諗到最無聊果條問題o既答案, 我寧願自己諗唔到 =.= :D
7. 臨近下星期二, 都無咩特別姐
8. 愈來愈近last day, 雖然仲有幾個星期, 但係估唔到身經百戰都有少少緊張去新工會點。
9. 上星期三開始, 3, 4, 5, 1, 2, 3都出site, 天日又要出; o岩o岩果個星期六又去左濕地公園, 昨晚4點幾訓, 來緊星期日晚又要去Macau飲我表哥結婚果餐, 一定累死...
10. 前排上網搵到張圖, 證明我一向的諗法可能係無錯的: 好多明星可能真係無整容。化妝o既效用實在太大了...呢張圖已經係唔算誇張, PS、打燈...etc真係可以令到個人睇上去差好遠。

11. 差唔多了...

完

電影院中的男男女女

去戲院看電影, 最主要當然是去看戲。但我這既好奇又喜歡四處也留意的人, 在一些空隙時間也會留意身邊的事物, 而看戲時坐在附近的人就成為了觀察對象。

說戲院是一個社會的縮影就太誇張, 但倒是可以觀察到人生百態。對“質素”有要求的人, 在中國人的社區中, 在大部份的戲院看戲都會感到不太快樂。除了較貴價或所在區域較高檔的戲院外, 幾乎都會有以下的不快事情發生: 在放映期間談話(包括私人對話、對電影的評論等等); 在放映期間電話響起, 不關電話也算了, 電話響了還要接; 在放映期間吃東西, 吃東西不要緊, 但發出很多的咀嚼聲及膠袋發出聲響; 放映剛完畢就亮起燈及有工作人員出聲請人走, 不給人機會看字幕…等等, 諸多種類令人不爽的事情使人很多時不想入戲院看戲(但有很多戲卻要在戲院中看才好看)。

而當中最惹人討厭的, 是一些醉翁之意不在酒的情侶。人家好好的在看戲, 他們居然在黑暗的環境中調笑, 而調笑聲浪絕對影響到坐在附近的人。令一種討我厭的人, 是不不適當做不適合事情的人, 有些情節, 是想營造感人場面的, 但感不感人非常主觀, 有些人自己沒有感覺, 就笑出來, 完全不理人的感受, 就算真的不好, 作為尊重也不應這樣做。還有一種就是看過影評、原著小說或動漫畫的人, 不停地評論與原著之間的差別或預告之後劇情, 好像自己很聰明似的, 極度乞人憎。

自己並沒有很多的戲癮, 但年中很多時也有不少電影有興趣看。除了約不到有興趣的人同看或相就不到時間外, 以上原因也令人有點卻步。中國這“禮儀”之邦何時才能使人們變回有禮儀呢?

完

非一般的愛 – 戀上我的床

愛有很多種, 除了愛情、親情、友情等等之外, 人對“死物”也會存有感情。

自問自己是一個睡眠質素極差的人。失眠、睡得不好、醒了難再入睡…等等, 經常使我精神不足。不知是否這關係, 我十分重視我的“床”。由於睡得不好, 我特別重視我睡的時間, 更重視我未睡得著時所躺的床, 因為我要一段時間才能入睡, 所以醒著時所躺的床就特別重要了。從以下的篇幅看來, 我也很“愛”我的床呢。

首先說說配備。枕頭被褥床單是當然有的。電腦旁就是電腦, 所以我可以在床上上網打機什麼的, 超寫意的說。無線電話通常放在枕頭邊, 因為身為大眾朋友的我, 是24小時隨時歡迎on call的(雖然實際上很少試過有人半夜打來)。另外, 由於房間細小及凌亂, 基本上我的漫畫、玩具、模型等等幾乎全部都可以在床上拿得到, 超方便。睡覺時, 看心情有時會攬著一個攬枕睡, 加上由小到大習慣有一條較小的被巾, 就是我床上的配備了 (其實基本在床上可以接觸到房中的一切, 亦可以做一切愛做的事)。

配備、玩具什麼的, 也還罷了。最要緊的, 是我對我睡的床有點潔癖。平時我對我自己也不會有潔癖, 工作時有時要接觸到骯髒的東西(如有滲漏的污水渠, 濕漉漉的污泥地等等), 我也不抗拒接觸而使工作更方便。但我的床則一定要乾淨。因此, 我每天返家後睡覺前, 必定會洗澡洗頭, 即使時間是多麼的晚, 也一定要洗(我明知自己難入睡, 而洗完澡會更難入睡, 也要洗)。心理上, 去完街的身體髮膚很骯髒, 回到家一定不會接觸自己的床! 一定要洗澡及換衣服後才能接觸它。所以我也不太歡迎其他人接觸我的床呢。

想上我的床, 不是那麼容易哦! 呵呵。

完

殺與被殺

刀鋒掠過, 刀光一閃。血光暴現, 一條生命就此了結。

我最喜歡殺人, 殺人的感覺太美好了。

只是一下簡單動作, 就可以奪走人的生命, 奪走人生存的權利, 笑的權利, 做任何事的權利, 更會牽連到很多其他人的情緒。實在使人太有滿足感了。

有時, 對方太過沒反抗能力也太沒趣。所以我最喜歡殺武功高強的高手。看著他們臨死時絕望的眼神, 痛苦的哀叫, 是最高的享受, 最大的興趣, 比高潮更高潮。一刀使人斷氣實在也太無聊了。

我也不是見人就殺。要看環境、心情、狀態。與玩女人一樣, 時候不對就提不起勁。但今天, 在這時候, 在這地點, 我興奮莫名。在這夜與清晨之間, 晨光未露, 日光未現之際, 在路上遇到了這令人提起勁的挑戰者。

她...好像她...我看到她時就想起了她...



好一個標緻的雌兒。居然膽敢在這荒野之地挑戰。簡直就像是要滿足這人生最高的兩種享受。呀…實在太興奮了…愈興奮我便愈強…我要殺死她! 我要…! 我聽不到她在說什麼, 我已經在幻想中, 在幻想一會兒怎樣凌辱她, 折磨她, 使她求生不得求死不能, 然後才慢慢的殺死她!

她的刀好快, 那麼多人使刀, 那麼多不同的刀法, 她卻使得很好看, 嗯…好纖細的腰肢, 好美的手, 使出來的刀是那麼柔, 那麼美, 像是一個絕色舞者, 儘情地發揮誘惑的舞蹈。她的刀勢既快捷且飄逸, 左三刀右五刀, 上七刀下一刀, 難以預測。可是我的刀更強, 我完全阻斷了她的攻勢。她太嫩了。使單刀的刀手, 居然閒著另一隻手, 哈哈, 太嫩了。單刀看手, 雙刀看走, 大刀看口。單刀者, 一手持刀, 另一手配合持刀手運動, 空手的作用甚至重於持刀手; 協調與否, 使用與否, 實用與否, 美觀與否, 全在於空手的配合, 故說單刀看手。她居然一隻手閒著, 只是像要平衡般收於腰際; 她想死嗎?!

我看夠了她出招的姿態, 我要真正出手了!

就在她使出了一刀收招之際, 我承隙而上, 直進敵方中路, 我不要殺了她, 我要先制服她!

呀!!

我...中刀...?

那另外閒著的一隻手, 放飛刀?

我太輕敵了...我不應犯這種錯誤...我被美色所誘了...
我聽不到她在說什麼, 她一臉痛恨, 應該是來報仇的吧?

殺人的感覺太美好了...原來死就是這種感覺...我還想再殺人呀...
看...看...日出了...

完

(寫左個頭就無心機...)

令我流淚的歌

由細到大, 大家應該都聽過唔少好歌, 其中有一類係賺人熱淚的歌。係呢度只係講一d剩係聽到就令我自己眼濕濕o既歌(唔係講好令人感動果種, 因為計埋會好多), 而唔包括因為睇埋電影、電視、卡通片等等o既歌, 因為呢d有加成作用, 而且要計埋又係會有好多, 所以就唔講了。以下係由細到大, 我有印象同埋仲記得, 而又自己聽時會眼濕鼻酸o既歌(當然一定會有好多唔記得左): (排名不分先後)

(另外, 我個人係幾眼淺的, 自己唔開心時又唔點會喊, 見到d感動野或者睇到d令人感動o既野時, 就好易喊)
(再另, 其實係眼濕鼻酸, 個title話流淚只係好睇d罷了)

***** *****

遙遠的她 -- 呢一首第一次有印象聽, 係細個時去表姊物料供應署o既攤位遊戲日時, 聽到個廣播播緊的。好記得當時o既情境。我係度唔知排緊隊玩定係做緊咩, 聽到呢首歌, 覺得好好聽!! 而且好感人, 會令我眼濕濕! 首歌又好聽人又唱得好(張學友), 正!
"遙遠的她, 不可以再歸家; 我在夢裡卻, 始終只有她...遙遠的她, 可知我心中的說話, 熱情若無變, 那管他滄桑變化..."

空凳 -- 另一首感情真摰o既歌。講親情得來又極具說服力, 而且又帶得出"子欲養而親不在"果種感覺, 次次聽親都會鼻酸! (最衰我自己又不嬲有自己未真係感受過但係又會有代入感o既感覺) 大家一定要好好珍惜眼前人同好好對待自己至親o既人呀~~ Danny Summer又唱得好激昂, 佢當年憑呢首歌拿獎絕對係值得的~~~!
"曾懶說半句我愛他! 懶說半句我愛他! 過去我說, 我最是要緊; 今天發覺最愛他! 呼叫永遠也愛他! 聽我叫喊, 只得一張空凳!"

絕戀 -- 愛情, 唔係一定要生離死別先至係慘。而家好多歌都係慘o既情歌, 而且都有好多死別o既歌, 但係我都唔覺得有幾慘。當然d人唱得唔好係一個原因, 但係主要問題係d歌詞度, 好多時都係一味話慘又唔捨得咁。我自己好多時都比較唔鐘意d懶係慘o既情歌(有睇開我blog或者熟我o既人都知), 但係呢首係例外。呢首係一首講死別o既歌, 但係歌手唱時唔會做到自己好慘咁, 只係有一種無奈o既感覺, 孤單咁係舊地等待不會回來o既愛人...全首歌哄係用結他和, 加上蔡齡齡o既精彩演出, 感動到我!
"假使愛長存心裡, 假使我共你相距, 就是天邊海角亦會等下去..."

手錶 -- 呢首歌大家可能唔太識; 係李克勤係寶麗金時代o既歌, 勉強入到佢係寶麗金出o既精選碟o既其中一首歌。Melody唔算好好聽, 但係d歌詞同編曲(尤其係歌詞), 係講母親o既, 同空凳一樣, 又係一樣物件令人想起至親o既鼓勵, 而且唱到後段亦暗示了"沒法再見她"; 加上當時o既李克勤仲係唱得幾有感情的, 唔似而家咁, 所以呢首歌有時係會令我聽聽下唔忍心聽落去, 好孤寂o既感覺! 建議大家可以聽下。
"沒法再見她, 各有各遠飄, 與我到處去, 只得此手錶; 沒法再見她, 各有各遠飄, 永遠到永遠, 她的愛難忘掉..."

我不是一個人住 -- 已淡出o既靚女歌手蘇慧倫o既歌。有必介紹下, 呢首歌有2個version: 普通話同廣東話版。普通話版係"我一個人住", 而"我不是一個人住 "係廣東話版。"我一個人住"o既內容係講個主角同男友/老公一齊住, 但係常被冷落, 令她覺得好似一個人住般; 而"我不是一個人住"就相反, 主角所愛並唔係同佢一齊, 但係女主角仍然心中愛著對方, 對方仍然係心中存在, "不感覺我獨住, 像住在一起", 歌手唱時仲要係帶點喜悅, 好似同心愛o既人一起時o既腔調來唱; 但係呢種感覺配上歌詞, 呢種傻勁, 反而令我更覺感動! 我最容易就係被呢d單純、正面但係可能現實係唔開心o既情況而受到感動! 蘇慧倫好得呢! 反而對普通話版無咩特別感覺。可惜, 我手頭上得普通話版..."我不是一個人住"唔見左...

Mr. Moon -- 呢首大家唔會識的了。係鼓機o既歌。同"我不是一個人住"情況相似, 女主角同愛人分隔兩地, 但係歌手並唔會唱得慘, 又係一種積極同純真o既諗法: "No matter where you may be, my love will travel to you, coz i leave my message to the man, on the moon! please, tell my story to my love, Mr. Moon, I love him so! please, show my tear drops to my love, Mr. Moon, I love him so!" 首歌亦都好聽呢!

MR -- 楊千嬅好幾年前o既一首歌。第一次知首歌唔係聽到首歌, 而係係朋友ICQ info見到, 覺得段詞好正; 過左好耐先有機會聽成首歌。不嬲唔算聽好多楊千嬅o既歌, 但係好鐘意呢首! 歌詞中對愛人o既依戀同鼓勵感動到我, 雖然係一首幾開心o既歌, 但係感動處我自己會聽到鼻一酸的(正傻仔-.-), 總之就係鐘意。
"已經夠喜歡你, 什麼也別要改, 從來無人嫌你這樣, 你這樣才像你"

她來聽我的演唱會 -- 一個好完整故事, 一個女人的唏噓。亦都因為有故事, 想像空間亦大。首歌前大半段都無咩野, 係最後一段最正! 果種對現實o既無奈同埋對已經過去時間o既遺憾, 張學友輕描淡寫咁唱左出來, 好有feel, 係05活出生命演唱會, 一支結他+一個人唱攪掂, 正!
"她來聽我的演唱會, 在四十歲後聽歌的女人很美; 小孩在問她為什麼流淚, 身邊的男人早已靜靜入睡; 她靜靜聽著...我們的演唱會..."

十個救火的少年 -- 完全同愛情無關, 達明一派o既經典歌之一(又未係最經典); 細個無咩感覺, 係大個d明白首歌講咩先至有感觸; 人性醜惡, 係短短一首歌表露無為; 雖然用左輕鬆o既手法表達, 但係諗深一層3個勇敢o既人就此葬身火海, 慘! 唔抵!
"在這夜這猛火像燎原, 大眾議論到這三位少年, 就似在怨 用處沒有一點; 在這夜這猛火像燎原, 大眾議論到這三位少年, 亂說亂說 愈說祇有愈遠..."

暫時諗唔到了, 而且已經4點, 一定要訓, 係咁多先啦!

大家又有d咩類似o既歌呢? 多d出聲講下啦~~

完

一月二十四日 -- 雜記

今日都有幾多野發生, 要記一記

1. 呀強生日快樂!~~~

2. 尋日睇Nana2, 有d失望; Nana1好睇d, 個故事係1度圍繞2個Nana的友情同埋佢地互相扶持, 再牽涉到佢地各自o既愛情, 我覺得好睇d, 歌亦都好聽d; Nana2個故事主線放左好多落小松奈奈度, 但係呢個女人的行為同思想我覺得有d不知所謂, 咩都唔識做野返工又唔掂, 剩係識發夢同埋想要被愛, 又因為空虛寂寞好容易同男人上床, 仲傷害左人地o既心, 加上大埋肚, 總之不知所謂; 成個第2集故事講佢多, 大崎娜娜果面同埋佢地2個之間o既友情都講得唔多,
歌又無上集咁好聽, 又無啦啦換左角色, 總之就無第一集咁好...講起換角色, 其他人都OK, 不過市川由衣做小松奈奈麻麻地, 唔係話佢唔靚, 但係佢唔夠可愛, 無之前果個咁似, 而且佢仲要扮可愛...總的來講, 能夠睇2個幾鐘都唔太有悶場, 都OK啦...不過有d失望同埋唔太建議入場睇咯。另外, 字幕完左都仲有少少少少野一個畫面睇下o既, 出字幕就唔好走住啦。

3. 我會轉工o既事係公司揚晒了, 不過都預左會有一日係揚晒o既, 無咩野。

4. 今日同民、Angel同Mari-an唱K, 雖然人少少, 又唔係狂唱勁歌, 但係都幾開心, 個氣氛幾融洽同開心~ 而且唔知時間過, 當民仔話已經11點9時, 真係完全唔覺的!

5. 今日另一大事就係終於confirm左呀馬返來!! 向好果方面諗, 又反正搵唔到工, 再加上自私d講句, 好野~~~!!

6. 唱K時發現左好多野, 包括: 有歌手係演唱會唱左d好正o既舊歌, 例如林憶蓮唱細水長流, 容祖兒唱絕戀...等等, 勁開心; 最開心就係有歌手係演唱會唱舊歌或者男歌手係演唱會唱金仔歌, 因為咁樣會令我有得唱呢! 又唔使俾人話, 尤其係d會笑人唱舊歌o既人。最攪笑係當有歌手演唱會唱時又話d歌好正...

7. 返屋企睇返個朋友評薛凱琪把聲, 係"感冒聲", 各位留意啦:d

8. 今日唱K勁抵, 原來做埋會員真係幾抵的; 平時有d優惠都係是但用一個, 但係今日用到2個優惠: 恆生信用card+生日免一個人頭費, 所以最終4個人唱連埋食個cheap buffet都係總共$300島, 好平! 要趁呢2個星期唱多d K!

9. 本來有d野心今晚夾硬來都出7篇文, 不過有d眼訓, 都係唔玩了; 反正我係話一日出7篇, 咁即係訓完起身第日收工食完飯返企後都寫都得啦 :D (雖然我自己不嬲計法都係以訓覺為過一日o既 ^o^)

10. 打字打得快, 但係個人o既反應同意識開始低; 成3點了, 其實個人係知道自己累但係唔係好訓得著, 去唔去訓下好呢? 我天日仲返唔返到工呢?

完

一月二十二日 -- 雜記

最近忙得來好累, 無精神打野, 好多野想打又無打...
最慘係其實雜記中好多日子應該有唔少感想或者感覺想打
但係由於拖得太耐之故, 唔記得左了...
一星期最少打一篇雜記, 係我自己最minimum的了(而且都係寫自己做過d咩多, d感想唔記得晒)...

1. 我果幾條手鏈唔記得幾時係邊度唔見左, 勁唔開心...
2. 呢排打機都係打Diablo2多, 玩下Freeze Zealot同Summon Necromancer; 終於有一次玩可以d骨骨無使比大佬一掃掃死, 圍嘔死隻大佬, yeah~~~!
3. 做野愈來愈煩同累, 同某d同事愈玩愈熟, 離轉工日子愈來愈近
4. 究竟呀馬搵工搵成點, 又會唔會返來呢?
5. 星期五出site時係啟德問看更借來踩左2野單車, 方便去另一邊影相(爛左o既網); 星期一再借, 兜左圈; 係啟德跑道尾踩單車o既感覺果然與眾不同! 而且我諗無咩人有機會試過呢!

16/1(二) -- 我同岑哥2個人, 去到鼓房發現咩都有但係無得駁mp3, 頹打一個鐘後走人; 幾早, 所以行左去SSP睇玩具, 食譚仔。
17/1(三) -- 睇Holiday; 好睇, 好鐘意Jack Black果一pair的果段故事, 個故仔同情節較能得我共鳴,
而且佢2個做得好好, 好過2個主角; 反而祖迪羅同金美輪戴雅思果邊就普通, 但係就長d講多d...(本來仲有好多野想講, 但係d感覺無晒...呢d就係唔即刻寫o既壞處)
18/1(四) -- 去左YMT北海道食Sushi, 仍然好食, 平果d係無得比的; 同日聽到LOBO講佢公司發生o既野, 真係少聽見呢d人; 另外亦見到好耐無見的Carmen。
19/1(五) -- 又一個返屋企的happy friday; 不過收工同同事打波; 8個人, 打左個幾鐘波; 打波真係一件開心o既事呢! 原來大家都係有打波o既人, 而且都打得唔錯呢~! 好彩我當日都打得唔錯, 唔失禮, 射波仲幾準添。
20/1(六) -- 濕地公園遊; 約左11.30am係天水圍西鑼站等, 約左某住TKO同事10.00-10.15係KT等, 過左鐘先打來話唔知醒; 自己搭車入去, o岩o岩差唔多11.30到; 同Jobby, 進, 八婆行去銀座(十年唔去一次大西北o既我, 居然短時間去左2次)食飯, 中途Benson、Esther陸續到, 食完飯就入去; 入到去o岩o岩2點有個free guide tour, 有義工帶團行+講解, 報左; 成班同事唔多好, 所以得我同Jobby、Esther跟團; 自己對呢d野都有d興趣, 一路行一路聽都覺得幾有趣, 中途Latte、Gordon都到左(都係無跟團); 完團時都過左個半鐘, group返成班人再四圍行下發下癲, 到5點幾就散; 濕地公園基本上唔鐘意大自然o既人會覺得悶, 因為入面無專登養動物, 只係造個生態環境出來吸引動物來, 而貝貝就成日lay埋, 當日都睇唔到。去完濕地公園, 去左元朗o既合益"朝聖"; "合益"不嬲d模型友都話係平的, 不過當日所見今非昔比, 不鯡如是了。之後八婆離隊, 我地就去元朗西鐵站旁o既一個場地燒野食, 心虛同Latte男友就加入; 燒野食傾偈都幾開心, 不過由於當日太累, 所以9點幾走先, 其實想留到大家一齊散呢。
21/1(日) -- 抖的一天, 睇左加菲貓1, 鐘意貓、加菲貓的就會覺得好睇, 如果唔係, 都唔錯啦, 但係又未到好好睇。
22/1(一) -- 收工返企抖, 好好累, 呢排成日出site。

印象中呢d日子中間係有好多野諗到同想講, 不過真係唔記得晒了...

完

【情人節•我想對你說-----......什麼......?】

呢篇野係我係某網站想呃經驗同獎品而寫的, 所以有d九唔搭八, 不過反正寫左就貼出來啦。

***** ***** *****

真情的表白, 不用那些悅耳的歌來迷惑你

真情的表白, 不用美麗但無關痛癢的圖畫來裝飾

真情的表白, 不用七彩繽紛五顏六色的字型去帶來視覺上的美感

一切一切的花巧、門面功夫, 彌補不了人與人之間的空洞, 修補不了虛情假意的言辭, 掩飾不了幼稚脆弱的愛情

***** ***** *****

二月十四日, 有必要在一個商人承機賺大錢的日子, 花大量金錢去表白嗎?

真正的表白, 發自內心, 由思緒至身體, 以致每一個行動, 都是為了愛他/她而做, 才有意義

每一天輕吻她的髮端, 每一天輕撫他的鬚根

每一天為他洗碗, 每一天替她挽袋

每一天努力賺錢, 每一天做好家務

一切一切平淡的舉動, 數十年簡單的動作, 就是最真情的表白!

***** ***** *****

可惜

人們都只看著眼前, 沒有看未來

人們都只看著外殼, 忽視了內涵

人們都只看圖畫, 聽音樂, 看著刻意營造的華麗措辭, 愛上一個個空洞的心靈;

多少平凡、沉實、拙於言詞、醜陋, 但又寂寞的心在情人節悄悄地渡過?

多少人聽得到他們心底的呼喚?

"讓我給你幸福!"

"請你好好待我!"

"我愛你!"

多少人懂得他們內心的美麗?

多少人感受得到他們真情的表白?

踏破鐵鞋, 驀然回首, 你在何方?

***** ***** *****

在人人都浪浪漫漫雙雙對對甜甜蜜蜜快快樂樂的慶祝情人節的時候

謹以此文獻給仍然未找到真情告白對象, 心靈美得像天使的每一位朋友

亦謹代某些朋友及自己, 沉默地在內心之中對所愛的人作出最真摰的表白, 最誠懇的祝福

完

一月十五日 -- 又係好長的雜記

8/1 (一) -- 好似返企抖
9/1 (二) -- 晚上去KT大排檔; 有羊腩, 無爐 =.=, 攪錯。幾種魚又因為呢排有問題所以無得賣...無辦法。下次去沙田食真o既大排檔! 食飯在其次, 同幾個好傾o既朋友一齊真係好開心, 大家說說笑笑, 係非常開心o既時光。當日正場反而似係4個人行上樂華送Carol返屋企o既時候, 個感覺真係好舒服, 好自由, 朋友就係咁樣樣o既! 對我來講, 思想同精神上o既放鬆同舒服遠在身體o既疲憊之上, 可惜下一日要返工呢。
10/1 (三) -- 好似返屋企食飯
11/1 (四) -- 早上請左半日假, 10點9去簽約, 正正式式會走了(由於唔知會去忙唔忙o既地方, 所以轉工前都係出多d去玩多d, 見多d朋友!)。中午約左八婆食飯, 都係果句, 朋友就係咁樣樣的! 同時都話左佢知我會走。下午返公司, 好困難地開口同老細講左我走, 鬆一口氣。對住個好老細真係好難開口呢。晚上殺入天水圍飲。搭成個鐘車先入到去。係附近行下, 無咩好行, 入去。本來話可能主家席唔夠人先叫我去, 點知原來唔使我坐...=.=, 同二姐o既死黨和男友3個人一齊坐, 好彩都係傾得o既人, 唔太悶; d野食OK啦。11點幾散得, 我走先, 原來11點半尾班車出KT, 好彩搭到。好耐之前係blog講過, 其實自己好enjoy夜晚搭長途巴士, 一邊四圍望一邊聽歌o既感覺, 可惜第日要返工...一個鐘出到KT, 返到屋企未1點, 訓時都2點了。
12/1 (五) -- 晚上同同事唱K。呢次K係八婆攪o既, 由於佢係極度攪野同玩野o既人, 亦晨早講左係懷舊金曲夜, 所以唱左好多舊歌, 而且仲好玩野咁唱, 佢仲癲到跳晒叫晒, 勁high, 最尾2首typical Medley大家更癲, 唔飲酒都勁high~~由於好多人放飛機, 攪下攪下得5個人, 不過大家都玩得高興, 基本上都係肯癲o既人。我自己一向係果d追求自由奔放o既人, 雖然社會同教育令人唔可以咁, 但係某程度上都會唔理! 八婆係其中一個見過o既超癲o既人(正經做野時又可以正經), 所以超好玩同夾! 係大膽o既人面前, 我都會更大膽同玩得癲呢~~慶幸自己遇到唔少見朋友, 都係堅信自己o既道路而勇往直前o既人, 好羨慕同嚮往呢種人!
13/1 (六) -- 走幾場o既一天; 中午約左娟同好耐無見o既老友Taylor, 同埋極極極耐無見, 柏齡時代o既契家姐食飯(係MK); 久別一見仍然同當年差唔多。大家又係可以狂傾o既人, 食飯傾偈到咁上下佢地去行街, 我就去搵呀Mak借GH VIP card, 見到呀MAK一齊上左去始創, heahea下就無去join返佢地; 同呀MAK hea到夠鐘, 約左City時代足球機之友食飯(除左呀源之外, 呀隆呀葵婷婷都好~~耐無見); 6.30pm係TST等, 大家又係無點變過, 婷婷仍然係玩得同癲癲地的(八婆同婷婷2個女人結左婚都係咁癲 XDD); 本來想去老趙, 但係太多人等緊位, 去左金鳳(又去); 食飯傾偈一輪, 完左仲係8點零, 婷婷話去唱K, 大家無咩異議下就去唱了(係突然o既節目來...), 發現幾抵: 星期六晚上8點幾去, 人頭費$98, 唔使nuts果盤, 無限時間唱+有buffet, 埋單真係$10x, 真係抵喎, 第日唔水返工, 有心可以狂唱呢~~
14/1 (日) -- 早上打波(而家真係好有心好想打波), 好多QC人都來, 十幾個, 超齊人; 前半打得唔太好, 各方面都麻麻地; 後半開始上力, 手感返來! 難得最後2場做scorer, 10分入面拿左起碼6分, 有籃底有射波, 走位拿位box out都OK, 打得幾順呢~ 下午3點約左貓貓Maychan係KT唱K(我, 貓, Maychan, 娟, 民, Maychan妹)(無錯, 連續3日唱K, 但係呢個一早約左的, 係星期六果晚突然先攪成咁), 話雖如此, 每次同佢地唱都好開心, 因為貓貓Maychan佢地憬我識o既人入面其中一堆極唱得o既朋友! 民仔知左好耐, 終於有機會聽到, 完全無野好講, 一般唱得好o既朋友係無得比的!! 超鐘意同貓&Maychan唱K; 咩歌都唱得, 又好聽, 又唱到難唱o既歌, 又有feel, 太正了; 唱到8點島完; 出到來, 佢地3個行APM, 我地3個就去左食車仔麵, 食完去埋糖水, 之後行一陣就散。好充實o既星期六日, 好耐無試過2日全日都係街。本來諗住唱完K同娟、民去睇戲(Deja Vu), 不過大家都有點累同唔想太晏, 所以擇日再睇
15/1 (一) -- 正式遞左辭職信。收工返企累累地懶洋洋, 原本有好多篇野諗到想寫, 但係無寫, 不過都硬住頭皮打左一定要打o既呢篇野。

有好多野, 過左幾日就無feel或者唔記得, 所以一定miss左好多感覺...不過又無理由+無精神日日打呢。

來緊:
16/1 (二) -- 約左鼓班朋友; 不嬲連埋我得3個人, 今次搵唔到Chris, 所以同Shum哥2個人出來, 對上一次係11月了。諗住去太子開間鼓房打下鼓, 好耐無打真鼓了!(其實鼓機都少打了)
17/1 (三) -- 睇Holiday, 期待o既戲之一(仲有Deja Vu, Nana2未睇...Eragon更加無機會了)
18/1 (四) -- 同久違o既LOBO同Carmen師妹(仲有民仔)食飯, 去上年已經聽過但係仲未去過o既北角小肥牛打邊邊(我無打錯, 唔係小肥羊; 食家LOBO話絕對好過小肥羊)
19/1 (五) -- 收工同而家同事打波, 終於攪得成呢
20/1 (六) -- 同同事去濕地公園? 踩單車? 燒野食? 未定
21/1 (日) -- 應該會抖下啦, 睇呀MAK借o既加菲貓1(專登電視播唔睇要睇碟)

要記o既野/遠d o既約會:
1. 幫咩其睇跳跳虎公仔
2. 24/1 同Marian, Angel, 民K
3. 3/2 睇草蜢
4. 同Connie睇高浩正

好眼訓, 諗唔到野了
仲有好多篇野下次有機會先打

完

一月八日 -- 雜記

5/1(五) -- 好似返左企抖
6/1(六) -- 由於第二日要地獄, 所以成日係屋企抖, 夜晚出左去KT間印尼野食飯
7/1(日) -- 返part time日, 5點幾起身; 本來佢話schedule係6點9至11點9, 之後半個鐘無錢, 再12點3到5點幾; 不過早上果場百萬行未到11點d人就散晒, 個話事人都知我地咁早去到好辛苦, 於是就話俾我地"幫手", 計埋中間d時間(實際上係成班人行行企企, 仲大家一齊叫外賣食添)。下午場係省港杯。有2場ball, 一場係廣東元老隊對香港元老隊, HK勝, 我成場係東廂守, 無得睇。之後就係正場廣東對香港。上半場一開始我都係守上面, 間唔時行出去睇下, 都幾好睇, 咁o岩都睇到入波; 上半場尾段調左落去, 行出少少都睇到, 所以都有睇波。幾好睇, 上半場就已經3-2, 港隊領先(之前果場廣東贏1-0, 所以呢場港隊領先一球, 總和都係會和打加時)。下半場開始無耐, 我同另外幾個人要落場邊準備拉繩, 於是有得係場邊睇晒剩餘o既賽事, 仲有得坐添!由於總比數和左, 所以下半場幾緊湊。可能累d同埋打得保守d的關係, 下半場雖然雙方都有唔少進攻機會, 但係都係入唔到波(無入波但係唔悶), 有幾下撞楣撞柱架~~　港隊感覺上攻勢較多同打得較好, 廣東隊就打得體加化ｄ, 比較粗野。到左打加時, 終於港隊係加時下半場入左一球贏左! 第一次係球場睇正式比賽, 雖然唔係ｄ咩勁波, 但係好好氣氛同埋都幾好睇呢! 仲有機會極近距離睇到超型ｏ既教練黎新祥, 好正呢! 由於加時關係, 最後6點半走(走時都有ｄ頭痛了), 當日幾乎做左12個鐘呢, 好累(不過都無上次１０個鐘咁累, 起碼好多時有得坐同唔悶!)

1. 呢排砌返模型, 間唔時都會砌下, 希望可以慢慢清貨啦
2. 同事八婆君買左架遙控車俾我, 終於圓到童年夢之一! 不過會俾返錢佢啦當然。
3. 前排三國無雙全人物特別武器取得之後, 無再點玩了; 玩返Diablo2, 用Paladin玩Holy Shock, 完全係電光聖騎士, 型! 之後有時又會玩返之前玩開ｏ既Holy Freeze Paladin, 都好正呢。
4. 間唔時失眠, 真係非常之咁痛苦。
5. Lands的野愈來愈唔好做, 真係ｏ岩時候要走了; 就算新工唔好做, 起碼人工都高d。
6. 星期四簽約, 之後就遞辭職信了。
7. 呢排唔知點解成日好想同返呀馬+民仔打波, 呢年以來民仔進步左, 就算呀馬耐無打技術退步左, 但係意識+默契+民仔進步, 應該都OK呢!; 前幾日msn見馬, 佢話再搵唔到工2月就返來, 真係唔知希唔希望佢返來好(當然其實搵到工的話就係果面做幾年野先好d啦)。

來緊:
9/1(二) -- 照原定去KT食飯, 日安想食大排檔, 天氣凍正好食羊腩煲呢。
10/1(三) -- 應該係返企抖
11/1(四) -- 去天水圍飲 =.=
12/1(五) -- 懷舊金曲夜, 應該會好癲
13/1(六) -- 1點半同Taylor娟食飯, 好耐無見了; 夜晚同足球機之友源隆葵婷食飯, 時間地點未知
14/1(日) -- 希望有波打
好想睇Eragon, 好想睇時凶感應, 好想睇Nana2

完

給自己的遺書

遺書通常是什麼時候寫的呢?

一定不是突然死的時候, 無人會預料到自己會突然死吧? 來不及寫吧?
一定不是老了病了快死的時候, 那時寫的是遺囑, 不是遺書了。

遺書通常寫在, 人即將被人, 或想自己了結自己生命的時候。
這裡想講的當然是後者。

從來沒想過要寫遺書。
因為沒想過自己要死。
遺書通常是寫給人看的, 但那些人通常都是自己重要的人; 如果對方是那麼重要, 為何又要令他們傷心呢?
自己死了固然不會有什麼快樂, 還要令人傷心? 完全不是"賺", 只是"蝕", 不合乎經濟效益, 實在太浪費了, 不值得。
一定不會。

另一個原因, 就是我很怕死。
太怕死了。

死了, 就什麼都沒有, 什麼都感覺不到了。是那麼的可怕。
不管有否宗教信仰, 誰能肯定死後的世界是如何? 誰能肯定有死後的世界?
不想講太多, 總之就是怕死。

活著是多麼的好。無論是受著多大的苦, 多麼的不快樂, "生存"著的感覺總是最好的。
每一天每一天過著, 就算多麼不如意, 就算那麼的重複無聊的生活, 但總有希望, 總有改變的地方, 總有進步的空間。
死了就什麼都沒有了; 死了就有那麼多的美食吃不到; 死了就看不到那麼多的美女/美男; 死了就有很多東西做不到...
各種活色生香, 聲色犬馬, 什麼也好, 都沒有了。

除死無大事; 有此決心的話, 為什麼就不去做其他事情呢?
每天去找20個美女拿電話約去街, 一個月來總有一個會肯的;
放棄現在的一切, 放棄自己地頭, 去歐洲流浪一年, 體驗一下其他生活;
辭去現在的工作, 去找一份無關但有興趣的工作, 滿足自己的心靈;
儲夠了錢, 放棄一切去讀書, 讀有興趣的科目, 充實自己的求知慾;
做一些轟轟烈烈的大事, 對社會有貢獻而犧牲, 死得重於泰山;
這些都比死更加有意義; 做什麼也好, 反正最大不了就是失敗, 失敗時只要還有命在, 怕什麼?

極端的, 為什麼不去作奸犯科?
要死, 不如去殺了自己討厭的人, 討厭的政客;
要死, 不如去偷去搶, 成功了有錢賺, 失敗了還不只是去坐個牢, 還有免費飯食;
要死, 不如去找幾個美女強姦, 在警方還未捉到前應該都可以攪到幾個好貨;
要死, 不如去做一些自己平時不敢做的事。
失敗了, 怎樣也還未到"死"呢。

因此, 這"遺書"寫給自己看。
要看, 當然是未死時才看到; 想死時看, 看了, 可能就不想死了。
活著多好。

完

一月四日 -- 一年之計在於春 之 重要雜記

2/1 (二) -- 又返工。早上係公司收到電話, 之前見果份工得左, 農曆新年後返工。不知是福是禍了。感覺上, 都算是件好事。是晚返企食飯。又失眠, 無點訓過好的一晚, 失眠當然唔關轉工事。我老細慘了。
3/1 (三) -- 小曼姐姐早2日搵過我, 可能要星期三晚要頂一頂位, 終於真係要頂。話說佢同男友報左整蛋糕班, 點知佢男友放飛機, 於是就搵我來頂佢個位(搵我其中一個原因係唔會被誤會:P); 第一次去參加呢d學整蛋糕班! 呢堂係學整士多啤梨千層酥皮蛋糕, 超好食~~ 覺得都唔難學, d步驟雖然有d繁複, 但係由於明白徵結所在, 所以都OK記得d步驟(連呀sir講o既細微野都記得, d細緻野唔影響個味但係影響個外觀), 幾有趣的一堂呢~多謝小曼姐姐請埋我呢一堂o既費用(我都請佢食飯 :D); 之後要再多謝佢電單車送埋我返屋企, 好耐無坐過佢車, 仍然係感覺超爽! 另, 係學蛋糕過程中再之感受到"中庸之道"o既重要性, 無論係整野食, 打功夫, 人生咩都好, "力道"、"火侯"等等都係好緊要, 但係又唔可以太過的。
4/1 (四) -- Carol買到草蜢演唱會飛! 太好了! 真係多謝晒唔該晒!! 終於有得睇了~~~晚上同民仔家昇食飯, 好耐無咁o既人腳食了(係家昇少見)(翔哥仔無再打過來...), 食完去左行尖咀玩具反斗城, 好耐無行過。之後散。

算係連續3日都有特別o既事同好o既事發生呢!

另: 上星期同呢個星期的其中幾日下午分別試過公司附近出名o既野食;
橫綱拉麵: 自己唔算好好拉麵, 但係都覺得幾好食; 湯底好, d配料都好好食, 麵就一向都唔太好, 不過都OK啦; 多人係外面係因為間鋪極細, 坐滿都係廿人島...價錢OK唔算貴。
翠華: 幾好食, 唔知點評, 總之唔錯啦...價錢係茶餐廳來講都偏貴。
美都: 個焗豬扒飯都幾好食, 其實應該試焗排骨飯; $45蚊來講都幾貴, 雖然好食, 但係我寧願去大家樂好d (大家唔好以為我係貶低佢, 要好食過大家樂o既唔係咁易, 食過唔少更貴o既焗豬扒飯都無大家樂咁好食)

來緊:
5/1 (五) -- 應該無野攪?
6/1 (六) -- 一定要抖, 因為...
7/1 (日) -- 返大球場part time; 返早上6點9 =.=, 返2場, 會返到下午5點幾6點, 所以星期六一定要抖
8/1 (一) -- 好似無野攪?
9/1 (二) -- 同日安妹妹, 馬生, 嘉露姐姐食晚飯
10/1 (三) -- 好似有又好似無野攪, 唔即刻記底真係咩都唔記得
11/1 (四) -- 上午簽約, 下午應該會返工, 夜晚去天水圍飲 =.=
12/1 (五) -- 之前postpone左的同事懷舊金曲夜
13/1 (六) -- 六或日同呀源同好耐無見的足球機之友食飯?

完

一月一日 -- 雜記

新年快樂! 一年的第一天緊係要貼下野啦, 不過都只係雜記而已, 呵。

29/12(五) -- 收工同亡命君臨時約去MK, 認識左佢2個高達迷朋友, 又係超熟高達野的, 係超超超熟, 正! 本來話去紅磡高達展的, 不過聽聞無咩野睇, 於是係MK行下、食飯, 再去埋石夾尾玩具店同天悅(大家都識呢d地方), 行完晒就散了。
30/12(六) -- 本來約左呀強去行街, 但係佢唔舒服, 早上打來cancel左; 於是同哥&VG去KT食飯, 食完唔知做咩好, VG提議去行山/行下, 但係我哥超累, 好明顯唔想行; 跟住佢suggest唱K, 於是3個人就係KT Neway唱; 幾抵, 唱到6點幾先走; 之後一齊食埋dinner; 我同佢地去好耐無去的長沙灣米線食雞; 個雞仍然OK。
31/12(日) -- 早上打波, 打得OK啦, 但係場場都輸少少; 諗返起, 民仔比以前勁左好多, 如果而家同呀馬有以前默契, 就算佢實力因為無打好耐而打左折, 我地team都係勁左呢。由於張coupon到期, 極想用埋佢, 所以之前約左人唱K, 攪到連唱2日。約左民源娟唱, 本來仲想約某幾第2d人, 不過因為各種原因來唔到。2點幾唱, 又係唔趕人, 本來應該可以一路唱耐d, 但係由於大家要返企食飯, 所以6點半就走, 都好抵呢。
1/1(一) -- 出左2日, 今日無出去了。留係屋企打機+抖。聖誕果幾日又玩返Diablo2, 練緊隻電光聖騎士, OK啦。又要返工了, 真係唔想返。 XDDDD

完

二零零六年大事回顧

其實打左好幾日, 專登過晒2006年先貼出來; 本來一路仲諗到有野加, 不過無心機, 算了。

**********

套用返電視台年年大事回顧都講o既一句: 2006年對大家來講係有喜有悲(簡直係極度超級廢話)。

由於上年已經開始寫blog, 所以有發生d咩大事都應該寫低左落來, 所以都無咩想再寫。印象中大d o既事都係轉工呀、某人拍拖呀、又某人失戀呀咁, 過下過下又一年, 好又係咁過唔好又係咁過, 都無咩好講。

至於對明年o既希望, 其實都同上年差唔多。對身邊親人、朋友o既祝福, 亦都係上年果d再加上今年新識果d, 不外乎都係工作順利身體健康情路平坦咁上下。不過, 每一個親、友都咁重要, 我係懶, 廢事再個個講一次, 但係係呢度都想特別祝福日安妹妹來年事事順境, 日日開心。

雖然呢篇野好似好廢好頹無咩實質內容, 但係其實係入面包含左我對自己、親友同世界o既祝福架, 千祁唔好睇小同鬧我呀, 哇卡卡卡卡卡卡, 係咁多。

完

同場加映

“二零零六年我的“最”之選舉”

回顧無咩好回顧, 所以攪下花臣, 選一d我而家印象2006年比較特別d o既野。當然, 自己o既一般喜好果d就唔使多講啦, 只係講一d零捨係06年發生o既事或人或物又值得講o既。(當然, 仲包括我而家寫呢個時候記得o既而已, 可能miss左好多野了)

二零零六年點播/點唱率最高歌曲: 草蜢 “我們都是這樣失戀的” (無咩好講, 極愛)
二零零六年最滿意貼文(敘事: 人生取向): "慾, 快樂, 自由 -- 思想空間中雜亂感覺之一角"+"道"+"慾望與自制能力"+"“無”的境界 "+"怪人、豪傑、瘋子、天才 "= 我基本上暫時對人生o既總結同體會。
二零零六年最滿意貼文(敘事: 愛情取向): "味精, 愛情"+"狠批一班無聊為情自傷的人"+"愛情觀"+"洞悉女人心/如何令她愛上你"= 愛情觀+對身邊親友遭遇o既意見同自己o既體會。
二零零六年最滿意貼文(故事): "一分鐘"、"流水無情‧萍踪不定"。一分鐘: 呢個可以話係第二滿意; 幾鐘意分鏡o既感覺, 同埋果種簡單清爽唔會令人太灰o既哀愁。流水無情‧萍踪不定: 叫係最滿意啦, 幾鐘意入面唔同自然景物隱喻左現實o既各類人, 而且亦都係想寫俾身邊o既朋友的。(稻草人有少少2篇野特點加埋, 不過無咁好)
二零零六年出的最想要Gunpla: MG強人(估唔到會出, 不嬲都鐘意o既夢幻機體! 不過又未買...@@)
二零零六年混熟左的朋友: 第一應該係呀Sam啦, 由話劇到而家都年幾, 但係未一年時就同佢同Carmen特別熟, 性格問題, 同呀Sam會熟好多; 另外, 轉左Lands之後, 成班同事都好好玩, 平均係好過BD (BD只有特別幾個熟, 但係有一堆唔熟+玩唔埋), Lands中個個都好玩, 尤其呀亡命八婆君(即係我一到Lands佢就結婚請飲果個)特別夾同熟, 大家係同一類人(做左咁耐人第一次身邊有雙子座又熟o既人, 唔知點解識來識去都識唔到雙子或水皮o既人), 佢又係超癲超講得笑又多野諗多野玩多野講o既人, 大家轉數亦差唔多, 日日超好笑。
二零零六年最Gap朋友: On昇, 戇戇地拍拖, 又散拖, 而且做左一埋好戇的行為, 實在...不知所謂。
二零零六年最奢侈行為: 當然係返鄉下時食o既魚翅鮑魚啦, 再提一提: 係成隻鮑魚叉來食, 成口都係翅。
二零零六年最忙: 一、二月果期, 勁多街去。
二零零六年最大得著: 識多左好多朋友: 話劇初、高班, 打鼓班, 水庫, Lands...好開心, 而且的見識同經歷亦肯定好多到自己o既喜好, 睇法同價值觀等等; 了解左自己好多。
二零零六年自己最騎呢事件: 應該係俾魚骨深喉吧?
二零零六年唔知最咩, 但係又想講的: Payton拿到冠軍指環!!
二零零六年最印象深刻遊記: 係行城門水庫! 無錯, 係果隻我嘰嘰嘰叫佢之後WOW返我果隻馬騮, 同埋俾人搶左野之後wiwiwiwi叫+fing手的馬騮仔, 印象極深, 攪到我而家仲會嘰嘰叫同WOW!
二零零六年最頂唔住o既朋友: 其實一向都唔係呀麥, 係B-E人
二零零六年最期待零七年的TV GAME: 高達無雙! 無錯! 係高達無雙! 好吸引!

純粹隨意諗, 有機會諗到再加。

完

懷才者的命運

這個世界之中有很多不同的人。有些有才能, 有些則庸庸碌碌。普通人固然很多庸碌一生, 懷才者卻又不一定成功。很多人都自怨自艾, 懷才不遇, 不見伯樂, 慢慢的便變得更孤傲不羣, 憤世嫉俗。身邊有不少某部份能力很有才能, 而又覺得自己有這樣的人, 也看見歷史中有很多這類人, 因此甚有感觸。自己覺得, 成功與否, 不能經常歸咎於“命運”、“運氣”。

其實每個人都有自己的長處, 隨著環境的影響又有不同發展。早期便發覺自己高人一等的人, 如果沒有適當的教育, 加上自己所見的世界仍未全面, 不知一山還有一山高, 很容易就會覺得自己“與別不同”; 自己的腦袋轉數較快, 或者想得比人更深入, 慢慢的在心底裡便看不起他人, 當有人提出意見時首先便會存疑, 簡單來說就是不信他人信自己, 剛愎自用。

題外一話, “剛愎自用”這問題其實經常出現在很多人身上(包括了所有、不論強弱的人)。大家試想想身邊平時接觸的人, 回想一下、想像一下他們的言行: 當他們遇到一些新事物、新意見時, 會抱什麼態度呢? 是正面還是負面的呢? 其實應該抱什麼態度, 怎樣才是正確, 很難下定論, 很多時都是因應人的性格及經驗而定。不過, 身邊有不少人都是“負面”的人, 總是對其他東西存疑; 例如: 認識到新朋友時總是帶著懷疑的態度, 看對方有什麼缺點; 有新電影上畫就會一直討論這類電影會怎樣怎樣拍得不好看…等等。我並不是想盲目鼓吹正面思想, 但當一個人看待每一樣東西都這樣時, 會快樂嗎? 尤其在跟本沒有任何證據之前, 為何一定要向不好的方向看呢? “觀點與角度”真的是一樣很重要的東西, 很影響一個人的思想及方向。當你向著一個方向想, 便自然會向著那方向的態度, 而慢慢的那事物、人物就會向著那方向發展, 因果循環; 為何當初不嘗試以好的角度去想?最最最起碼對一些無關痛癢的事, 不用都“負面”吧?

說回“懷才者”。其實懷才不遇者是否被命運作弄呢? 我覺得不一定, 甚至只有小部份真是因為“不幸”才是真的“懷才不遇”。當然, 除了“不幸”那些, 一定也有不少懷才者妄自菲薄、或者選擇錯誤、又或者有其他不同的經歷, 在此我只想特別地提某一種, 因為實在見到太多了。

“命運”除了一個人的運氣外, 其實還包含了很多主、客觀因素。一個人的性格及待人處事態度絕對會影響他人生所走的路。最大的問題是, “懷才者”經常會覺得自己的意見, 性格及待人處事態度沒有問題。但根本上他們是身處其中不知自己的問題所在, 只活在自己的世界裡, 又不接受、不聽信別人的意見。這樣的話, 就算多有才能都好, 都不會成功的。因此, 對於這堆某方面有才能的人, 我不承認他們是“強”、“懷才者”。當他們怨天尤人時, 有不少普通人努力的爬了上去; 而真正懷才又懂得處世者, 就是大家所見的成功人士。這些有才能的人應該學學“怎樣才能成功”, 而不應想像“有才能者自會成功”。雖然只是虛構人物, 但鹿鼎記中的小寶就是不學無術, 但憑其機智及待人處世之道而成功, 不無可欣賞及借鏡之處。

非常幸運地, 自己只是一個庸碌的人, 雖然平凡, 卻也會自得其樂。
希望能帶給身邊的人適當的“正面”信息吧。共勉之。

完