5/1(五) -- 好似返左企抖
6/1(六) -- 由於第二日要地獄, 所以成日係屋企抖, 夜晚出左去KT間印尼野食飯
7/1(日) -- 返part time日, 5點幾起身; 本來佢話schedule係6點9至11點9, 之後半個鐘無錢, 再12點3到5點幾; 不過早上果場百萬行未到11點d人就散晒, 個話事人都知我地咁早去到好辛苦, 於是就話俾我地"幫手", 計埋中間d時間(實際上係成班人行行企企, 仲大家一齊叫外賣食添)。下午場係省港杯。有2場ball, 一場係廣東元老隊對香港元老隊, HK勝, 我成場係東廂守, 無得睇。之後就係正場廣東對香港。上半場一開始我都係守上面, 間唔時行出去睇下, 都幾好睇, 咁o岩都睇到入波; 上半場尾段調左落去, 行出少少都睇到, 所以都有睇波。幾好睇, 上半場就已經3-2, 港隊領先(之前果場廣東贏1-0, 所以呢場港隊領先一球, 總和都係會和打加時)。下半場開始無耐, 我同另外幾個人要落場邊準備拉繩, 於是有得係場邊睇晒剩餘o既賽事, 仲有得坐添!由於總比數和左, 所以下半場幾緊湊。可能累d同埋打得保守d的關係, 下半場雖然雙方都有唔少進攻機會, 但係都係入唔到波(無入波但係唔悶), 有幾下撞楣撞柱架~~ 港隊感覺上攻勢較多同打得較好, 廣東隊就打得體加化ｄ, 比較粗野。到左打加時, 終於港隊係加時下半場入左一球贏左! 第一次係球場睇正式比賽, 雖然唔係ｄ咩勁波, 但係好好氣氛同埋都幾好睇呢! 仲有機會極近距離睇到超型ｏ既教練黎新祥, 好正呢! 由於加時關係, 最後6點半走(走時都有ｄ頭痛了), 當日幾乎做左12個鐘呢, 好累(不過都無上次１０個鐘咁累, 起碼好多時有得坐同唔悶!)
1. 呢排砌返模型, 間唔時都會砌下, 希望可以慢慢清貨啦
2. 同事八婆君買左架遙控車俾我, 終於圓到童年夢之一! 不過會俾返錢佢啦當然。
3. 前排三國無雙全人物特別武器取得之後, 無再點玩了; 玩返Diablo2, 用Paladin玩Holy Shock, 完全係電光聖騎士, 型! 之後有時又會玩返之前玩開ｏ既Holy Freeze Paladin, 都好正呢。
4. 間唔時失眠, 真係非常之咁痛苦。
5. Lands的野愈來愈唔好做, 真係ｏ岩時候要走了; 就算新工唔好做, 起碼人工都高d。
6. 星期四簽約, 之後就遞辭職信了。
7. 呢排唔知點解成日好想同返呀馬+民仔打波, 呢年以來民仔進步左, 就算呀馬耐無打技術退步左, 但係意識+默契+民仔進步, 應該都OK呢!; 前幾日msn見馬, 佢話再搵唔到工2月就返來, 真係唔知希唔希望佢返來好(當然其實搵到工的話就係果面做幾年野先好d啦)。
來緊:
9/1(二) -- 照原定去KT食飯, 日安想食大排檔, 天氣凍正好食羊腩煲呢。
10/1(三) -- 應該係返企抖
11/1(四) -- 去天水圍飲 =.=
12/1(五) -- 懷舊金曲夜, 應該會好癲
13/1(六) -- 1點半同Taylor娟食飯, 好耐無見了; 夜晚同足球機之友源隆葵婷食飯, 時間地點未知
14/1(日) -- 希望有波打
好想睇Eragon, 好想睇時凶感應, 好想睇Nana2
完
2007年1月8日 星期一
一月八日 -- 雜記
2007年1月5日 星期五
給自己的遺書
遺書通常是什麼時候寫的呢?
一定不是突然死的時候, 無人會預料到自己會突然死吧? 來不及寫吧?
一定不是老了病了快死的時候, 那時寫的是遺囑, 不是遺書了。
遺書通常寫在, 人即將被人, 或想自己了結自己生命的時候。
這裡想講的當然是後者。
從來沒想過要寫遺書。
因為沒想過自己要死。
遺書通常是寫給人看的, 但那些人通常都是自己重要的人; 如果對方是那麼重要, 為何又要令他們傷心呢?
自己死了固然不會有什麼快樂, 還要令人傷心? 完全不是"賺", 只是"蝕", 不合乎經濟效益, 實在太浪費了, 不值得。
一定不會。
另一個原因, 就是我很怕死。
太怕死了。
死了, 就什麼都沒有, 什麼都感覺不到了。是那麼的可怕。
不管有否宗教信仰, 誰能肯定死後的世界是如何? 誰能肯定有死後的世界?
不想講太多, 總之就是怕死。
活著是多麼的好。無論是受著多大的苦, 多麼的不快樂, "生存"著的感覺總是最好的。
每一天每一天過著, 就算多麼不如意, 就算那麼的重複無聊的生活, 但總有希望, 總有改變的地方, 總有進步的空間。
死了就什麼都沒有了; 死了就有那麼多的美食吃不到; 死了就看不到那麼多的美女/美男; 死了就有很多東西做不到...
各種活色生香, 聲色犬馬, 什麼也好, 都沒有了。
除死無大事; 有此決心的話, 為什麼就不去做其他事情呢?
每天去找20個美女拿電話約去街, 一個月來總有一個會肯的;
放棄現在的一切, 放棄自己地頭, 去歐洲流浪一年, 體驗一下其他生活;
辭去現在的工作, 去找一份無關但有興趣的工作, 滿足自己的心靈;
儲夠了錢, 放棄一切去讀書, 讀有興趣的科目, 充實自己的求知慾;
做一些轟轟烈烈的大事, 對社會有貢獻而犧牲, 死得重於泰山;
這些都比死更加有意義; 做什麼也好, 反正最大不了就是失敗, 失敗時只要還有命在, 怕什麼?
極端的, 為什麼不去作奸犯科?
要死, 不如去殺了自己討厭的人, 討厭的政客;
要死, 不如去偷去搶, 成功了有錢賺, 失敗了還不只是去坐個牢, 還有免費飯食;
要死, 不如去找幾個美女強姦, 在警方還未捉到前應該都可以攪到幾個好貨;
要死, 不如去做一些自己平時不敢做的事。
失敗了, 怎樣也還未到"死"呢。
因此, 這"遺書"寫給自己看。
要看, 當然是未死時才看到; 想死時看, 看了, 可能就不想死了。
活著多好。
完
一月四日 -- 一年之計在於春 之 重要雜記
2/1 (二) -- 又返工。早上係公司收到電話, 之前見果份工得左, 農曆新年後返工。不知是福是禍了。感覺上, 都算是件好事。是晚返企食飯。又失眠, 無點訓過好的一晚, 失眠當然唔關轉工事。我老細慘了。
3/1 (三) -- 小曼姐姐早2日搵過我, 可能要星期三晚要頂一頂位, 終於真係要頂。話說佢同男友報左整蛋糕班, 點知佢男友放飛機, 於是就搵我來頂佢個位(搵我其中一個原因係唔會被誤會:P); 第一次去參加呢d學整蛋糕班! 呢堂係學整士多啤梨千層酥皮蛋糕, 超好食~~ 覺得都唔難學, d步驟雖然有d繁複, 但係由於明白徵結所在, 所以都OK記得d步驟(連呀sir講o既細微野都記得, d細緻野唔影響個味但係影響個外觀), 幾有趣的一堂呢~多謝小曼姐姐請埋我呢一堂o既費用(我都請佢食飯 :D); 之後要再多謝佢電單車送埋我返屋企, 好耐無坐過佢車, 仍然係感覺超爽! 另, 係學蛋糕過程中再之感受到"中庸之道"o既重要性, 無論係整野食, 打功夫, 人生咩都好, "力道"、"火侯"等等都係好緊要, 但係又唔可以太過的。
4/1 (四) -- Carol買到草蜢演唱會飛! 太好了! 真係多謝晒唔該晒!! 終於有得睇了~~~晚上同民仔家昇食飯, 好耐無咁o既人腳食了(係家昇少見)(翔哥仔無再打過來...), 食完去左行尖咀玩具反斗城, 好耐無行過。之後散。
算係連續3日都有特別o既事同好o既事發生呢!
另: 上星期同呢個星期的其中幾日下午分別試過公司附近出名o既野食;
橫綱拉麵: 自己唔算好好拉麵, 但係都覺得幾好食; 湯底好, d配料都好好食, 麵就一向都唔太好, 不過都OK啦; 多人係外面係因為間鋪極細, 坐滿都係廿人島...價錢OK唔算貴。
翠華: 幾好食, 唔知點評, 總之唔錯啦...價錢係茶餐廳來講都偏貴。
美都: 個焗豬扒飯都幾好食, 其實應該試焗排骨飯; $45蚊來講都幾貴, 雖然好食, 但係我寧願去大家樂好d (大家唔好以為我係貶低佢, 要好食過大家樂o既唔係咁易, 食過唔少更貴o既焗豬扒飯都無大家樂咁好食)
來緊:
5/1 (五) -- 應該無野攪?
6/1 (六) -- 一定要抖, 因為...
7/1 (日) -- 返大球場part time; 返早上6點9 =.=, 返2場, 會返到下午5點幾6點, 所以星期六一定要抖
8/1 (一) -- 好似無野攪?
9/1 (二) -- 同日安妹妹, 馬生, 嘉露姐姐食晚飯
10/1 (三) -- 好似有又好似無野攪, 唔即刻記底真係咩都唔記得
11/1 (四) -- 上午簽約, 下午應該會返工, 夜晚去天水圍飲 =.=
12/1 (五) -- 之前postpone左的同事懷舊金曲夜
13/1 (六) -- 六或日同呀源同好耐無見的足球機之友食飯?
完
2007年1月1日 星期一
一月一日 -- 雜記
新年快樂! 一年的第一天緊係要貼下野啦, 不過都只係雜記而已, 呵。
29/12(五) -- 收工同亡命君臨時約去MK, 認識左佢2個高達迷朋友, 又係超熟高達野的, 係超超超熟, 正! 本來話去紅磡高達展的, 不過聽聞無咩野睇, 於是係MK行下、食飯, 再去埋石夾尾玩具店同天悅(大家都識呢d地方), 行完晒就散了。
30/12(六) -- 本來約左呀強去行街, 但係佢唔舒服, 早上打來cancel左; 於是同哥&VG去KT食飯, 食完唔知做咩好, VG提議去行山/行下, 但係我哥超累, 好明顯唔想行; 跟住佢suggest唱K, 於是3個人就係KT Neway唱; 幾抵, 唱到6點幾先走; 之後一齊食埋dinner; 我同佢地去好耐無去的長沙灣米線食雞; 個雞仍然OK。
31/12(日) -- 早上打波, 打得OK啦, 但係場場都輸少少; 諗返起, 民仔比以前勁左好多, 如果而家同呀馬有以前默契, 就算佢實力因為無打好耐而打左折, 我地team都係勁左呢。由於張coupon到期, 極想用埋佢, 所以之前約左人唱K, 攪到連唱2日。約左民源娟唱, 本來仲想約某幾第2d人, 不過因為各種原因來唔到。2點幾唱, 又係唔趕人, 本來應該可以一路唱耐d, 但係由於大家要返企食飯, 所以6點半就走, 都好抵呢。
1/1(一) -- 出左2日, 今日無出去了。留係屋企打機+抖。聖誕果幾日又玩返Diablo2, 練緊隻電光聖騎士, OK啦。又要返工了, 真係唔想返。 XDDDD
完
二零零六年大事回顧
其實打左好幾日, 專登過晒2006年先貼出來; 本來一路仲諗到有野加, 不過無心機, 算了。
**********
套用返電視台年年大事回顧都講o既一句: 2006年對大家來講係有喜有悲(簡直係極度超級廢話)。
由於上年已經開始寫blog, 所以有發生d咩大事都應該寫低左落來, 所以都無咩想再寫。印象中大d o既事都係轉工呀、某人拍拖呀、又某人失戀呀咁, 過下過下又一年, 好又係咁過唔好又係咁過, 都無咩好講。
至於對明年o既希望, 其實都同上年差唔多。對身邊親人、朋友o既祝福, 亦都係上年果d再加上今年新識果d, 不外乎都係工作順利身體健康情路平坦咁上下。不過, 每一個親、友都咁重要, 我係懶, 廢事再個個講一次, 但係係呢度都想特別祝福日安妹妹來年事事順境, 日日開心。
雖然呢篇野好似好廢好頹無咩實質內容, 但係其實係入面包含左我對自己、親友同世界o既祝福架, 千祁唔好睇小同鬧我呀, 哇卡卡卡卡卡卡, 係咁多。
完
同場加映
“二零零六年我的“最”之選舉”
回顧無咩好回顧, 所以攪下花臣, 選一d我而家印象2006年比較特別d o既野。當然, 自己o既一般喜好果d就唔使多講啦, 只係講一d零捨係06年發生o既事或人或物又值得講o既。(當然, 仲包括我而家寫呢個時候記得o既而已, 可能miss左好多野了)
二零零六年點播/點唱率最高歌曲: 草蜢 “我們都是這樣失戀的” (無咩好講, 極愛)
二零零六年最滿意貼文(敘事: 人生取向): "慾, 快樂, 自由 -- 思想空間中雜亂感覺之一角"+"道"+"慾望與自制能力"+"“無”的境界 "+"怪人、豪傑、瘋子、天才 "= 我基本上暫時對人生o既總結同體會。
二零零六年最滿意貼文(敘事: 愛情取向): "味精, 愛情"+"狠批一班無聊為情自傷的人"+"愛情觀"+"洞悉女人心/如何令她愛上你"= 愛情觀+對身邊親友遭遇o既意見同自己o既體會。
二零零六年最滿意貼文(故事): "一分鐘"、"流水無情‧萍踪不定"。一分鐘: 呢個可以話係第二滿意; 幾鐘意分鏡o既感覺, 同埋果種簡單清爽唔會令人太灰o既哀愁。流水無情‧萍踪不定: 叫係最滿意啦, 幾鐘意入面唔同自然景物隱喻左現實o既各類人, 而且亦都係想寫俾身邊o既朋友的。(稻草人有少少2篇野特點加埋, 不過無咁好)
二零零六年出的最想要Gunpla: MG強人(估唔到會出, 不嬲都鐘意o既夢幻機體! 不過又未買...@@)
二零零六年混熟左的朋友: 第一應該係呀Sam啦, 由話劇到而家都年幾, 但係未一年時就同佢同Carmen特別熟, 性格問題, 同呀Sam會熟好多; 另外, 轉左Lands之後, 成班同事都好好玩, 平均係好過BD (BD只有特別幾個熟, 但係有一堆唔熟+玩唔埋), Lands中個個都好玩, 尤其呀亡命八婆君(即係我一到Lands佢就結婚請飲果個)特別夾同熟, 大家係同一類人(做左咁耐人第一次身邊有雙子座又熟o既人, 唔知點解識來識去都識唔到雙子或水皮o既人), 佢又係超癲超講得笑又多野諗多野玩多野講o既人, 大家轉數亦差唔多, 日日超好笑。
二零零六年最Gap朋友: On昇, 戇戇地拍拖, 又散拖, 而且做左一埋好戇的行為, 實在...不知所謂。
二零零六年最奢侈行為: 當然係返鄉下時食o既魚翅鮑魚啦, 再提一提: 係成隻鮑魚叉來食, 成口都係翅。
二零零六年最忙: 一、二月果期, 勁多街去。
二零零六年最大得著: 識多左好多朋友: 話劇初、高班, 打鼓班, 水庫, Lands...好開心, 而且的見識同經歷亦肯定好多到自己o既喜好, 睇法同價值觀等等; 了解左自己好多。
二零零六年自己最騎呢事件: 應該係俾魚骨深喉吧?
二零零六年唔知最咩, 但係又想講的: Payton拿到冠軍指環!!
二零零六年最印象深刻遊記: 係行城門水庫! 無錯, 係果隻我嘰嘰嘰叫佢之後WOW返我果隻馬騮, 同埋俾人搶左野之後wiwiwiwi叫+fing手的馬騮仔, 印象極深, 攪到我而家仲會嘰嘰叫同WOW!
二零零六年最頂唔住o既朋友: 其實一向都唔係呀麥, 係B-E人
二零零六年最期待零七年的TV GAME: 高達無雙! 無錯! 係高達無雙! 好吸引!
純粹隨意諗, 有機會諗到再加。
完
2006年12月29日 星期五
懷才者的命運
這個世界之中有很多不同的人。有些有才能, 有些則庸庸碌碌。普通人固然很多庸碌一生, 懷才者卻又不一定成功。很多人都自怨自艾, 懷才不遇, 不見伯樂, 慢慢的便變得更孤傲不羣, 憤世嫉俗。身邊有不少某部份能力很有才能, 而又覺得自己有這樣的人, 也看見歷史中有很多這類人, 因此甚有感觸。自己覺得, 成功與否, 不能經常歸咎於“命運”、“運氣”。
其實每個人都有自己的長處, 隨著環境的影響又有不同發展。早期便發覺自己高人一等的人, 如果沒有適當的教育, 加上自己所見的世界仍未全面, 不知一山還有一山高, 很容易就會覺得自己“與別不同”; 自己的腦袋轉數較快, 或者想得比人更深入, 慢慢的在心底裡便看不起他人, 當有人提出意見時首先便會存疑, 簡單來說就是不信他人信自己, 剛愎自用。
題外一話, “剛愎自用”這問題其實經常出現在很多人身上(包括了所有、不論強弱的人)。大家試想想身邊平時接觸的人, 回想一下、想像一下他們的言行: 當他們遇到一些新事物、新意見時, 會抱什麼態度呢? 是正面還是負面的呢? 其實應該抱什麼態度, 怎樣才是正確, 很難下定論, 很多時都是因應人的性格及經驗而定。不過, 身邊有不少人都是“負面”的人, 總是對其他東西存疑; 例如: 認識到新朋友時總是帶著懷疑的態度, 看對方有什麼缺點; 有新電影上畫就會一直討論這類電影會怎樣怎樣拍得不好看…等等。我並不是想盲目鼓吹正面思想, 但當一個人看待每一樣東西都這樣時, 會快樂嗎? 尤其在跟本沒有任何證據之前, 為何一定要向不好的方向看呢? “觀點與角度”真的是一樣很重要的東西, 很影響一個人的思想及方向。當你向著一個方向想, 便自然會向著那方向的態度, 而慢慢的那事物、人物就會向著那方向發展, 因果循環; 為何當初不嘗試以好的角度去想?最最最起碼對一些無關痛癢的事, 不用都“負面”吧?
說回“懷才者”。其實懷才不遇者是否被命運作弄呢? 我覺得不一定, 甚至只有小部份真是因為“不幸”才是真的“懷才不遇”。當然, 除了“不幸”那些, 一定也有不少懷才者妄自菲薄、或者選擇錯誤、又或者有其他不同的經歷, 在此我只想特別地提某一種, 因為實在見到太多了。
“命運”除了一個人的運氣外, 其實還包含了很多主、客觀因素。一個人的性格及待人處事態度絕對會影響他人生所走的路。最大的問題是, “懷才者”經常會覺得自己的意見, 性格及待人處事態度沒有問題。但根本上他們是身處其中不知自己的問題所在, 只活在自己的世界裡, 又不接受、不聽信別人的意見。這樣的話, 就算多有才能都好, 都不會成功的。因此, 對於這堆某方面有才能的人, 我不承認他們是“強”、“懷才者”。當他們怨天尤人時, 有不少普通人努力的爬了上去; 而真正懷才又懂得處世者, 就是大家所見的成功人士。這些有才能的人應該學學“怎樣才能成功”, 而不應想像“有才能者自會成功”。雖然只是虛構人物, 但鹿鼎記中的小寶就是不學無術, 但憑其機智及待人處世之道而成功, 不無可欣賞及借鏡之處。
非常幸運地, 自己只是一個庸碌的人, 雖然平凡, 卻也會自得其樂。
希望能帶給身邊的人適當的“正面”信息吧。共勉之。
完
十二月二十八日 -- 雜記 (詳細雜記)
21/12(四) -- 去左Jason farewell K; Jason, 進, Benson, Jobby, Nattie, Stephenie, 我; Angus同Ryan無來; 亡命君同Gordon去左另一面; 當日基本上都係大家唱得幾開心(我當然係仍然只唱新歌 :D), 又難得果日係我好少地覺得狀態好; 非常開心地, Nattie都好唱得, 最緊要係咩歌都識唱, 係HK少friends識唱果d合唱歌如珊瑚海, 識唱又唱到, 真係好高興呢; 另外果日都有好多好笑野, 大家都玩得好開心, 遲d一定要問佢地拿返當日影d相。
22/12(五) -- 無咩心機做野o既一日; 中午lunch我地自己攪o既party; d野食麻麻地only(Pizza Box), 交換禮物抽到Jason的禮物, 係一罐個罐好靚, 而入面o既朱古力亦好食o既禮物。其他各人o既禮物都唔錯呢。玩完都幾晏; 返到公司磨一陣, 4點幾開始d人早放, 我同partner亦好彩地老細放人, 一齊早走; 成班人一齊去食糖水, 傾下偈(Jason last day), 之後同呀進同八婆君到MK行下(因為仲早), 行左好耐無行o既花園街同女人街, 買左張Gundam年曆10蚊雞, 買左個喵袋, 之後經過同我一樣咁變態o既Denise的意見, 係女人街買左生日禮物俾民仔: 前面係一隻雞雞o既男士用T-back, 哇卡卡, 懲罰佢爭我份禮物咁耐, 事先聲明, 我唔要玩野o既野 XDDD 行完都累, 去沙田食飯, 完
23/12(六) -- 聖誕四日假最充實o既一日; 幫民做生日; 一早10點幾呀娟同呀源來左, 睇下電視玩下層層疊, 11點幾民仔來, 一齊hea下, 食晏出去食, 食完Mandy同呀Sam差唔多到, 我同民仔去圖書館還書(雖然之後係續借同借多左書), 之後大家齊集在家, 又係咩都玩下, 好興高采烈, 到左差唔多7點, 俾民仔o既驚喜來到: 佢唔知道有o既神秘嘉賓Gloria來到! (我當然係唔會講點搵到佢啦) 佢都幾驚喜; 之後拿左呀娟整o既生日蛋糕出來俾佢吹燭, 仲送埋份"勁"o既生日禮物俾佢(呀G送Tie), 當日氣氛去到高潮, 佢又肯著條T-back係外面俾我地影相, 哇卡卡; Mandy過晒鐘走先, 剩返果d人出去食飯, 食完返來食蛋糕, 再hea一陣就散了。諗諗下, 我好似都無點正式同民仔做生日(上年好似煮左餐飯俾佢食only)。另外值得一提, 睇左吳靄儀寫o既"金庸小說的男子", 如果話倪匡評金庸係主觀得來好睇, 項莊寫o既係既客觀又有文采, 咁吳靄儀o既就係淺白得來極有條理; 佢寫o既內容既得我心, 又可以將複雜o既野用容易o既方法同好有條理咁寫出來, 好欣賞佢! 而且佢寫d角色, 完全將我心入面o既諗法寫出來, 仲深入同詳細過我寫o既, 好鐘意。睇完呢本書, 完全感受到自己寫野o既能力同真正作家o既差距, 實在係差太遠(完全唔想貼我寫左好多字果篇野出來)。完全有一下突然感到自己唔想再寫野...不過千里o既道路都係由第一步開始, 要努力呢。
24/12(日) -- 早上打波; 上半打全場, 都係輸少少, 對方有個好準o既人係度, 我方d人又打得麻麻地; 我就OK啦, 起手都中(唔多起); 下半就打返3打3, 當日手感麻麻地(當然都有入波, 但係手感唔好), 反而好罕有地打左好多內線波, 勁搶籃板同籃底入楔&入波, 好掂 :P。中午返企沖個涼, 下午同娟食飯hea。
25/12(一) -- 聖誕日; 其實由星期六果日開始, 個頭都痛, 狀態低; 本來4日中都想出下去, 但係真係唔多舒服(本來想搵下日安、貓...etc人出下來); 最終叫左民上來打機, winning了一天。
26/12(二) -- 頭最痛的一天, 係屋企抖左一天 =.=, 訓下醒下hea下上下網打下機...etc, 咁就完左4日假, 超頹。我發覺自己唔止一次有幾日假時會病, 平時又無點拿過sick leave... =.=
27/12(三) -- 民生日, 星期六時約左民同G當晚一齊食飯(後尾皇帝加入)(本來民同屋企一齊, 不過後尾知佢媽唔得閒, 所以我即出聲約G一齊食飯), 返工無咩心機(當然, 呢份工無咩心機都係一路做野o既), 收工就meet埋係SSP三上食飯。皇帝仍然係佢o既style, 好talk得同知得幾多野, 可惜唔o岩我style, 唔係好鐘意呢類人, 攪到當晚雖然唔悶又大家多野講, 但係好空洞, 相信如果佢唔係度會好少少, 直覺覺得。
28/12(四) -- 本來好早約左同事唱K(今次係亡命君呢邊, 會好玩野同唱舊歌的), 不過Jobby臨時唔來得, 進又話唔來, Keith又話要早走, 最終cancel左, 大家有d無癮, 反正頭痛仲未好, 返屋企。
完
2006年12月21日 星期四
十二月二十日 -- 雜記
15/12 (五) -- 同呀強呀威到紫荊再打邊邊; 星期五打, 得三個人, 埋單每人~$80, 太抵了; 同晚加插民仔拿返套漫畫比我借比呀威, 係樓下見到呀G
16/12 (六) -- 同娟, 呀SO同Tiffany係APM唱K Lunch; 唔太熟所以都係正正常常咁唱下歌; 之後去行KT的倉, 有d好平, 有d就普普通通; 行完成棟樓都無買d咩野(反而買左d唔多關事o既野), 之後去返TKO中心去開果間膽, d野仲平。
17/12 (日) -- 民仔上來打機, 好耐無打機同hea的一天
18/12 (一) -- lunch同老細, partner同亡命君食飯; 老細請去紅磡海逸食buffet, d野好食, 又傾左好多閒偈; 老細真係有錢。收工同哥出MK行下, 買左星期五party的禮物, 返屋企。另, 呢排同哥打返AOE II
19/12 (二) -- LandsD X'mas party, 係Jordan唔記得邊間buffet; 由於之前果日先食過, 有比較之下, 呢間d野麻麻地; 成場都好悶, 除左食就係睇佢慢慢抽百幾份獎, 仲有聽個死八婆唱聖詩; 即刻行遠少少, 雖然都聽到, 但係起碼唔會忍唔住指住佢來笑先; 果日最好有2樣野: 1, 攪到3點先返到公司; 2, 我抽到全場最好果份獎, 不嬲完全無抽獎運o既我(除左人人有份果d之外, 連豬肉獎差唔多人人有果d都唔會中), 居然抽到二獎, 現金禮劵幾舊水, 唔使抽到d垃圾, 現兜兜仲好; 收工後返企。
20/12 (三) -- 愈接近X'mas愈無心機做野, 連續第幾日LandsD network死晒, 好多野都做唔到(雖然都交左好多貨); 收工同呀源食飯; 終於等到佢考完晒試(ACCA)同佢慶返2/12的生日, 送埋份禮物比佢, 終於唔係模型XDDD, 係MK果間金鳳食, 好明顯好味過山林道果間; 之後行左花園街搵呀源想搵o既野, 搵唔到, 反而自己買左d立雜野, 好早就散。
來緊: 星期四都係未知會join Jason Farewell K定係呀B gathering, 都係Lands人的gathering; 星期五究竟會去邊做節又未知; 星期六X'mas聯歡第一炮: X'mas+民仔生日聯歡派對, 今日(20/12)做左野好勁o既野, 呵呵呵, 大成功。
仲有果幾日: 未有plan... =.=
完
再說金庸
(這篇分為2部份: 前面談一談我看過的一本談金庸的書, 後面就談一些比較有趣的我對金庸的XX排行榜。)
又再想說說金庸。
前一段日子, 又翻看了一次金庸小說, 慢慢的終於又全部看了一次。寫了五、六千字感想仍未寫完, 之後沒時間及精神再寫, 於是就此暫停了。
上星期三見工, 中間有幾小時空檔, 當然去圖書館“打躉”, 隨手拿了幾本“我看金庸系列”來看(此系列的內容是由很多不同的作家分別評論金庸的小說)。之前都看過不少此系列的書, 特別是倪匡、溫瑞安等名家的評論都看過了, 無意中在倪匡的4或5看金庸中, 見他提及另一作家“項莊”。原來他在金庸寫小說時已經是有名氣的作家, 而金庸亦曾盛讚其文字功力老練。恰巧在圖書館中見到“我看金庸系列”中有“項莊”寫的, 於是即時借了來看。
在此不談內容了。不過一看之下, 發現他果然文字造詣極深, 而且亦學識淵博; 他不只評論人物及故事內容, 連文章結構、藝術性、寓意、佈局等等也有及也能作出深入及客觀的評價。在客觀之中, 他也會像倪匡一樣說說自己主觀的喜歡。實際是很厲害, 喜歡看此類書的一定要看, 絕對不比倪匡的差呢。最令我高興的是, 當中有些見解與我一直想的不謀而合, 而且寫得更精到貼切, 完全合我脾胃! 尤其有關楊過、程靈素等等的感覺和我十分相似呢。
既然這篇叫“再說金庸”, 當然不能說別人說的金庸, 自己也要談談金庸啦。
由於對小說的內容、喜惡等等, 在我那幾千字的感想裡都包涵了(雖然還未有時間完成及貼出 =.=), 因此不在此談。在這裡想做一些比較有趣的事, 就是像漫畫般做一些排行榜。當然, 我最喜愛XXX, 武功最高XXX等就太普通啦, 我想加一些比較主觀但又有趣的, 以下就是我個人的選擇及選擇原因: [ ( )ß中的字乃可有可無]
(最)喜歡男主角: 令狐沖 (非他莫屬, 因為他個性比較自由奔放, 恬靜無為)
(最)喜歡女(主)角: 雙兒 (集可愛, 溫馴, 體貼於一身, 武功又強, 又不會木獨, 簡直完美), 程靈素 (雖然不美, 但蘭心慧質, 做事謹慎有條理, 又會故及對方感受, 完全是最好的賢內助)
(最)討厭男主角: 張無忌 (性格不明顯, 而且遇事猶豫不決, 又經常被女人玩弄, 實在毫無大將之風)
(最)討厭女(主)角: 王語嫣 (性格不明+沒腦)
最理想組隊行走江湖組合(5人) (太多配角, 所以只選主角了): 令狐沖 (武功極強, 好交朋友, 相處一定很舒服), 程靈素 (聰明, 有計謀, 遇事冷靜, 用毒解毒超強, 最強支援), 雙兒 (照顧大家起居飲食, 身有武功), 段譽 (武功強, 為人滑稽有趣, 好交朋友, 而且有錢), 喬峰 (武功極強, 為人豪爽, 不拘小節)
最想對方做自己老師男、女主角: 袁承志 (為人雖正直但又不會木木獨獨, 懂得量才施教得來又不會太奸狡) 其餘很多主角其實看來都不是懂得教人之輩。
最美男主角: 相貌堂堂較多, 有提過是俊美者則聊聊也。看來不是楊過、張無忌就是陳家洛
最美女主角: 香香公主, 完全沒有別的選擇。
最醜男主角: 除狄雲, 虛竹外當無他選, 感覺上是虛竹較醜
最醜女主角: 只是以女主角而論, 由於每個女主角都美, 所以並不特別美的程靈素就…
武功最強人物: (有出現過的): 掃地僧, 風清揚, 張三豐; (沒出現過的): 獨孤求敗, 黃裳; 很難斷定誰是最強, 唯有只列出侯選人
武功最強主角: 由於: 南帝時代六脈神劍已失傳, 他單以一陽指就能成為五絕之一, 而六脈神劍又比一陽指強許多(笑傲江湖應該是更後的事),因此天龍八部中的人物該比其他小說的為強。而喬峰應該比段譽強, 所以我選喬峰。
今次這篇比較互動, 希望大家能回覆各自的選擇。如果有新的點子, 也希望大家寫出來吧!
完
無敵是最寂寞
並唔係想講自己有d咩無敵, 而係想講下呢首歌而已 XDDD
前排唔知點解同Mak講開呢首歌, 覺得好勁同埋個意境好高
但係我就發現左d問題
大家首先睇睇歌詞先(當然有就聽埋首歌啦)
無 敵 是 最 寂 寞 (一 劍 鎮 神 州 插 曲) * 鄭少秋
曲 : 顧 嘉 煇 / 詞 : 江 羽
無 敵 是 最 寂 寞 最 是 痛 苦
未 得 一 展 抱 負 更 是 痛 苦
誰 明 白 我 寂 寞 怕 登 峰 造 極
獨 因 一 些 際 遇 埋 抱 負
命 運 原 是 最 冷 酷
知 心 以 死 報 劬 勞
忠 奸 要 分 大 義 除 害
盡 義 難 盡 愛 實 在 殘 酷
常 為 俠 客 羨 慕 劍 道 至 高
內 心 中 感 愛 念 價 值 更 高
恨 偏 偏 得 不 到 我 心 底 愛 慕
願 得 知 心 愛 伴 忘 劍 道
究竟有咩問題呢?
無錯, 首先, 有好嚴重o既語病
頭2句已經奶左野了
"無敵是最寂寞最是痛苦
未得一展抱負更是痛苦"
無敵係最痛苦
最已經講左係"最", 即係唔會再上一層;
但係之後果句即刻話"未得一展抱負"更痛苦, 完全係自打咀巴, 極有語病。
另外一樣有趣o既野, 成首歌出現好多種"最";
"無敵"、"最寂寞"、"最痛苦"、登峰造極"、"最冷酷"、"劍道至高", 仲有無明講而實質暗示左o既"愛"
呢首歌真係有好多野都好"高"境界呢。
雖然講到好似好cheap咁, 其實首歌係幾型而意境都唔差的;
而且佢以呢個方式去講"愛"重要, 都好過好多而家果d情情塔塔不知所謂o既歌呢。
完
2006年12月14日 星期四
短篇 -- 稻草人
炎夏。農民都努力地在田裡工作, 希望秋天時有好收成。在田野中, 為了嚇走會破壞農作物的鳥兒, 都會有稻草人。
在偌大的田野中, 稻草人每天都曬著太陽冒著雨, 不辭勞苦地執行著自己的任務 – 站著不動, 嚇走各樣的鳥兒。他只穿著破舊的衣服, 一頂爛草帽, 不要什麼報酬, 只忠實地堅守自己的崗位, 因為他就是為了這目的而生。
經歷過不少風雨, 他依然屹立不倒, 寂寞的日子持續, 心如止水的他卻在某一天被激起了漣漪。
一隻白色的鳥兒竟不怕他, 飛到他的肩膀上休息。鳥兒的朋友們在遠處吱吱喳喳的說過不停, 叫那白鳥兒不要走近稻草人。
“喂喂喂, 那兒危險呀, 不要停在那裡呀!”
“對呀, 他會把你捉住, 然後不知會對你做什麼的!”
“快些回來吧! 小心呀~~~”
可是, 白色的鳥兒繼續停在稻草人的肩上。
"為什麼他要這麼孤獨呢? 他從不偷懶, 也無怨言, 但卻為何從來也沒人理他? 我們大家也怕他, 其他人, 牛, 羊們等等連望也沒望他一下, 難道他做錯了什麼嗎? 我覺得他很善良呀, 我知道他不會對我做什麼不利的事情的!”
於是從那天起, 這白鳥每次飛得累時就會停在稻草人的肩上休息, 有時會唱著歌, 說說話。稻草人雖然不懂說話, 但他覺得很開心, 很溫暖, 他覺得自己的肩膀能讓白鳥兒休息, 很是開心。而雖然其他的鳥都不以為然, 但白鳥卻不理其他人的眼光, 繼續會停在稻草人的肩上。
**********
在一個灰濛濛, 太陽還未出來的清晨, 稻草人仍站在原地, 繼續著他的任務。在此時看見遠處一個熟悉的身影: 白鳥向他飛過來; 後面有一隻大鷹正追著她! 白鳥在努力飛著, 但似乎怎也不及鷹快; 她也努力向著稻草人飛去, 像想得到他的庇護。
老鷹當然也看見了稻草人, 但他哈哈大笑: "哈哈哈, 你也真夠蠢的, 你以為飛向稻草人有用嗎? 他只是用來嚇小鳥而已! 不會動的! 我又那會怕他! 你看! 他只能呆呆的站在那兒! 有個屁用!!" 老鷹一爪過去抓不著白鳥, 但卻也爪傷了她; 白鳥就跌在稻草人旁。
白鳥兒當然知道稻草人不能做些什麼, 但她能怎樣? 或許, 她只想在自己臨死之前, 能見一見稻草人吧?
**********
稻草人心焦如焚, 他只能眼睜睜看著事態發展, 他只能乾著急, 但什麼也做不到!
"動呀! 求求你給我動吧! 只要一次! 就算死我也願意呀!!"
**********
老鷹在上空盤旋著, 突然俯衝向下, 準備抓他的獵物, 就在他要抓到之時, 他突然給倒下來的稻草人壓著; 他大吃一驚, 立刻飛起逃之夭夭去了...
**********
晨光初露, 一個小女孩到田裡幫助爸爸工作。發現了倒在地上的稻草人。
"爹~~ 稻草人不知為什麼倒了下來呢!"
"是嗎? 不要緊吧, 反正也很殘破了, 我們再扎一個新的吧!"
"咦, 爹爹, 稻草人旁有一隻受傷的鴿子哦, 很白, 很美麗呀~~ 我們快些幫牠治療吧, 我很喜歡呢, 很美哦...我要養呢..."
完
超眼訓, 無心機寫, 算
十二月十四日 -- 雜記
7/12(四) - 返企
8/12(五) - 收工搵呀Mak, 拿下d資料來溫下, 不過完全無睇過; 同Mak Barry食KFC, Barry有coupon, 食到飽每人廿幾蚊; 到咁上下就散, 果日超累+眼訓
9/12(六) - 本來同Sam, 民, 娟, Mandy打邊邊, 但係Sam果面d朋友好似有BBQ, 我地唔想join; 最終都叫左呀Sam去BBQ果邊, 我地4個就去紫荊打邊邊; 星期六唔係8:30pm後入(7.00pm入), 任食, 埋單每人~$75, 而且乾淨左好多, 抵!
10/12(日) - 早上打波, 打得普通; 跟住返企等日安妹妹, 好累+眼訓, 恰左陣, 之後同佢上去君傲灣睇佢家姐間樓, 問題無咩, 不過個人來講, 感覺上唔太鐘意呢
11/12(一) - 無印象有咩攪
12/12(二) - 收工fire drill, 7點前要到, 係公司做到6點7, 8夾硬走; 極速狂奔7點零幾分到, 累。Fire Drill幾無聊, 9點半散
13/12(三) - 見工, 無咩好講, 同Derek同一組; 即日second-in埋, 等消息; 同日夜晚同B E人影畢業相+行下SSP玩具店+食飯, 8點幾散, 累
14/12(四) - 返企, 累; 返工野好煩, 極想轉工
完
2006年12月7日 星期四
十二月七日 -- 雜記
1. 呢排返工都keep住幾忙, 都係做得唔多高興, 老細俾個死八婆卒到不似人形。
2. 十二月十三日(三)即將會見工, 唔知會見成點; 見12點, 逼人請成日假=.=; 各位多多支持下我呀~
3. 十二月十二日(二)晚大球場fire drill, 希望唔會遲收工。
4. 我個partner來左成個月, 我成日都唔記得講, 我覺得佢個樣有d似NBA球星Chris Webber(不過緊係無咁黑啦)
5. 唔知有咩講添, 諗唔到
4/12(一) - 返企
5/12(二) - 返企
6/12(三) - 本來無約人, 但係由於唔多想真係日日返企, 而且突然好想約, 所以同S去左山林道間金鳳
7/12(四) - 返企
8/12(五) - 可能收工搵呀Mak, 拿下d資料來溫下
9/12(六) - 本來同Sam, 民, 娟, Mandy邊邊, 但係Sam果面d朋友好似有BBQ, 我地唔想join, 唔知會點
10/12(日) - 抖? 打波?
11/12(一) - 無印象有咩攪
12/12(二) - 收工fire drill, 7點前要到
13/12(三) - 見工, 想搵人收工唱K
14/12(四) - 同Cyrus係Poly影畢業相+食飯...
完
2006年12月3日 星期日
十二月三日 -- 雜記
29/11(三) -- 唔記得左要同雞脾ConnieCarmen馮Sir食飯, 之前叫雞脾早2日打來提我不過無打來, 唯有放民Leo飛機了, 下次再食過; 同佢地係紫荊食, 好耐無見佢地了。
30/11(四) -- 唱K馬拉松最後一站; 同民, 小曼, 機司, 同佢地2個朋友唱; 加州紅全世界爆左, 於是去好耐無去的港晶; 仍然好多野食; 由於同果2個朋友未見過, 大家都幾拘謹, 加上小曼姐屋企有事10點就同機司哥哥走左, 之後我地都散了...
1/12(五) -- 收工返企
2/12(六) -- 呀源生日快樂!仍然都係生日全日熄電話 一.一; 本來預左同Carol出來, 不過最後佢都係上左去, 所以搵左LOBO; 中午出左去同LOBO同娟食石夾尾車仔麵, LOBO都話好食呢, 之後行下SSP, 到甘上下4.30pm島散
3/12(日) -- 抖的一日
來緊好似無預約任何野?
1. 要攪攪12月Gathering
2. 天氣冷左, 要約下人打下邊爐(今年未打過)(仲未去過NP小肥牛)、食氣鍋雞、羊腩煲、BBQ...etc
3. 12/12晚要去大球場Fire Drill
完
2006年11月29日 星期三
綁架
這天, 我準備好了一切東西。我要綁架她。
為什麼? 為什麼她要這樣對我? 前幾天還好好的, 為什麼她說走就走? 我不能讓她走! 她要走, 我就綁她回來! 我和她是永不分開的!
我要她永遠在我的懷裡, 安安靜靜的, 柔順的, 就像以前一樣… 如果她不肯, 我就鎖著她!
天在下著雨, 打著雷, 一定是老天因為她離開的而落淚了; 不要打雷呀…不要…
我記得她最怕打雷了, 每次打雷她都會怕得摟著我; 她也怕黑的, 所以晚上都不敢一個人四處去; 現在有人陪她嗎? 她會怕嗎?
看, 我雖然準備了繩子, 但我也拿了她最喜歡的毛公仔, 最喜歡的食物, 還有很多很多她喜歡的東西…她一定不會寂寞的, 因為還有我陪她!
我把這裡佈置成她的家一樣, 她一定會喜歡這裡的, 我就在這裡陪她! 就在這裡! 你要等我呀… 我這就來了, 不要走… 不要走… 我…來……了………
**********
[本報訊] 一名青年昨晚懷疑因早前未婚妻車禍意外身亡, 不堪打擊, 於寓所內上吊自殺…
完
十一月二十八日 -- 雜記
上星期真係地獄之星期, 日日都7-8點收工(比起其他人唔算晏), 但係真係好好好忙, 好多野做又好雜又好亂, 而且有好多都好無理又無謂, 總之做得好唔高興。雖然handle到, 但同我初初來果時同一感覺: 恬份工唔係好o岩我做。呢個星期工作好返d, 無上星期咁癲了。
20/11, 21/11, 22/11(一, 二, 三) -- 連續三日晏收工完返企食飯
23/11(四) -- 同民仔睇廣告show
24/11(五) -- 收工同同事去睇玩具模型食飯, 好累...
25/11(六) -- 起身出SPP同娟睇+買手工材料, 狀態極差+累
26/11(日) -- 開始唱K馬拉松, 下午同貓Maychan喱唱K, 好耐無同佢地唱K了, 好高興; 夜晚趕過Poly同Barry等人差唔多20人食飯, 間野唔掂又貴, 好彩人多每人$80島。
27/11(一) -- 返屋企
28/11(二) -- 唱K馬拉松第二站; 同同事唱, 十個人, 成班人好熱鬧好好玩, 好癲; in term of 玩就好開心, in terms of唱就麻麻地啦, 亂咁叫咁的; 由於身邊太多唱歌勁人: Maychan貓Kitty姐SharonLaw仔...etc, 所以呢班就覺得麻麻地, 得幾個係唱得唔錯的。
來緊:
星期三同Leo民仔食飯, 好耐無見Leo; 星期四唱K馬拉松最後一站同小曼姐唱; 星期五好似有d野攪但係又唔記得...星期六日應該有得抖抖啦掛?
完
2006年11月24日 星期五
流水無情‧萍踪不定
一朵嬌嫩美艷的花兒, 離開了枝幹, 離開了家, 開始了自己的旅程。
她跌落了溪澗淙淙的流水中。流水寬廣的心胸, 明淨的外表, 吸引了花兒, 情竇初開的花兒深深地被吸引著, 輕倚在流水的懷裡隨著水流走著她的旅程。
可惜, 她卻發現流水並不只愛著她。流水寬廣的心胸中, 也藏著無數其他的花瓣。流水跟她說: 平常有那麼多落花, 有那些美麗的花我未見過? 我又怎會只喜歡你一個呢?
花兒很傷心, 離開了他, 去到另一個地方; 在那地方她遇到了浮萍。浮萍不像流水一般輕快地走著路, 而是慢慢仔細地欣賞著身邊的一切, 他也留意到美麗的花兒; 花兒在水中飄過浮萍時, 被浮萍捉住了; 花兒卡在浮萍旁, 慢慢的一起走他們的旅程; 浮萍很溫柔, 對花兒很好, 亦很懂得欣賞她的好; 花兒以為找到了她一生的歸宿, 她安心我靠在浮萍身上, 沉沉睡去...
在旅途中, 卡住的地方卻解開了, 他們倆的聯繫突然斷了, 花兒醒來時, 發現身邊的浮萍不見了; 不但聯繫斷了, 連萍踪也不見了; 浮萍就這樣再沒出現在花兒眼前。
花兒很傷心, 很失落。她繼續隨波逐流。離家已經過了一段時間, 經過了這些創傷, 她已經慢慢失之前的光彩了。她漸漸變得憔悴, 沒有了以前青春動人的氣質了。在此時, 她遇到了一團廢紙。廢紙很醜, 但她很好奇, 於是和廢紙談起來。
"為什麼我沒見過你呢? 你好像不是大自然的東西?"
"我曾經是樹, 後來人們把我變成了紙, 在上面紀錄了很多事, 我隨著人們走動也見了很多事物, 我的見識很豐富。後來一個野蠻女子居然把我劃花了, 還隨手一撕成一廢紙團, 就丟到了河流來。""我看你也曾經是一朵美麗的花兒, 何解那麼憔悴, 那麼不快樂?"
廢紙雖然醜, 但十分善良, 見識又多, 花兒把她的經歷告訴了他。他們一直談著, 一路順著水流向前, 互相在身旁, 卻從來沒有靠在一起。
後來, 廢紙說: 不如我們倆永遠在一起好嗎? 我的身體能承托著你, 也能包圍著你, 儘量保護你, 使你保持仍然殘存的美麗; 我不介意你的過去, 只想與你一起守著未來; 你答應我嗎?
**********
這個故事沒有結局。因為我想不到結局, 亦不想想結局。身為花兒的你選擇了怎樣的結局呢?
謹獻給仍在情場中尋找, 打滾, 遊戲著, 各式各樣的美麗花兒。
完
2006極品廣告片 "The Art of Commercials 2006"
話說某日死黨見到有呢個event, 大家一向都幾鐘意睇廣告o既, 呢ｄ咁有趣ｏ既野緊係要睇啦, 有５場唔同o既programme, 每場都有好多日子上, 直至12月都有的, 所以同死黨夾左日子今日24/11(四)睇Programme three, 應該係最好睇o既"2005-2006世界最佳廣告片精選"(咁ｏ岩睇呢個, 並唔係因為只想睇最好睇果個, 就ｏ岩時間都會睇埋另外果幾個programme)。$40, 睇一個鐘。
**********
大家有無試過睇電視時, 到廣告時間超唔耐煩唔想睇o既經驗呢? 如果要大家連續睇一個鐘廣告, 仲要俾錢睇, 大家又會點諗呢? 我會話: 一定要去! 講真, 個event內容就係一個鐘狂齋播廣告, ｄ廣告內容好難係度講, 亦都講唔到, 更加唔會係度講。我只可以話好好睇, 真係好好睇, 我寧願俾$40睇一個鐘廣告都好過俾$35去睇場2個鐘垃圾戲。睇左一個鐘完果時完全唔覺, 時間過得好快。我自己睇時, 除左留意內容, 都會留意埋個佈局, 拍攝技巧, 氣氛營造, 各方面ｏ既野, 真係好好睇, 好精彩。當然, 當中最sell最正係idea啦, ｄ廣告都做到佢地應有ｏ既效果: 可以係叙事, 可以係sell product, 可以攪笑, 咩種類都有, 好正。
實在講唔到內容, 亦都記唔到咁多, 純粹remind一下自己幾個深刻ｏ既: school is back, gay果幾個, 真係全場拍爛手掌呢。
係度推介下, 大家有興趣有時間, 可以睇下programme three呢
完
EL SHADDAI
呢排返工好忙, 無時間係公司打野, 返到來又累, 更無時間打。難得今日唔係咁訓到, 打埋先。
************
見到個title, 係咪唔知咩歐洲文, 有d high的感覺呢?
其實呢個應該係菲律賓文來o既, 至於exactly係咩解釋, 其實我都唔知。(好似係Filipino某大組織o既名, 意思為"God Almighty")。
咁點解突然又要講呢?話說我星期日(19/11)第一次去做我份球場助理part time, 當日o既活動就係呢個"EL SHADDAI"。講返d題外話, 果日ｏ既工作先。果日由朝早9點3到夜晚7點3, 基本上由頭企到落尾, 中間有時有15分鐘break, lunch official 有4個字(team leader比半個鐘), 企死我, 而且大部分時間都好悶, 真係好辛苦。我最弱就係腳嘛...
講返個function, 其實係菲律賓人係香港大球場每年一度攪ｏ既宗教聚會。果日10點開始比人入場, 但係實際就唔記得12點定1點先開始, 到最後人數純計過萬人架! 一開頭有一陣唱歌跳舞, 跟住就有一大隊人入場, 仲拿住d類似聖器ｏ既野入來。跟住再一輪集體歌舞(應該都係聖詩來, 不過唔係大家聽開果ｄ咁莊嚴, 幾有特色而且幾好聽呢), 正式開始後, 都係間住有唱歌, 有人講下野(類似係見證或分享)咁。雖然大部分都係講英文, 但係ｄ口音都唔係好易聽到。到左３點島, 就來正場: 有一個人叫Brother Mike(咁上下名), 聽返ｄ前輩講, 係好似偶像咁ｏ既人, 大家都好祟拜好信佢的。甚至會好熱烈, 會叫。到左佢出場, 果然全場歡呼, 氣氛好熱烈!好彩我馬前炮都估佢唔係歌手果ｄ來, 睇來似係一個宗教領袖咁, 果然, 佢應該係類似平時係國際台見到果ｄ宗教節目入面果ｄ神父咁, 好talk得的。
佢又真係好talk得, 由３點島講到散場差唔多6點7-8個字, 有時講得快ｄ聽唔到佢講乜, 好鬼悶, 又好累!對腳極累! 不過似乎d人都好buy佢, 佢又的而且確一路講, ｄ菲傭會聽到笑; 有時又會講到佢地一齊笑一齊歡呼; 有時又會講到佢地喊, 好犀利。佢有時會叫人一齊講句野, 又或者一齊做d咩動作, 大家都會好齊咁一齊做, 勁過明星好演唱會或者talk show。終於等到佢講完(死唔斷氣), d人走埋清場就收工。
講左咁耐, 其實都未講到我想講o既正題。其實今次雖然辛苦, 但係我都有好深o既感受。首先, 係感受到外國人對宗教o既熱誠。平時都知道, 好似菲律賓呢d有國教o既國家大部分人都係信徒, 真係好熱心地信, 唔似HK咁, 完全係有一堆人係hea信, 經過今次之後, 而家見到有d就算有d成日去教會o既朋友, 都覺得佢地同人地差幾皮。呢次活動, 真係比我深深地感到佢地對宗教果種虔誠, 係幾咁有凝聚力; 成萬人係個場入面, 係幾專心咁參與, 係幾守秩序同乾淨, 係幾開心咁笑, 幾開心咁喊, 全場可以一齊唱歌, 一齊跳, 一齊跳舞, 一齊做同一個動作, 好萬人一齊拍手拍到好齊! 好多野, 都另我感動, 係真的感動。
除左呢種"心"同凝聚力之外, 當Brother Mike講野時, 有時聽到佢講到大家離鄉別井來到HK做野, 講佢地離開屋企人遠走他方, 為左錢o既時候, 見到好多人都眼濕濕, 甚至喊。佢地並無"嗚嗚嗚"咁喊出來, 而係打從心底裡覺得傷心, 忍唔住眼淚滲出來, 果種痛苦o既面容, 非我筆墨能形容, 但係見到時真係覺得佢地係有莫大o既悲傷! 當佢地全場一齊雙手舉起祈禱時, 真係震撼到我! 真係好深感受。
可惜, 我無即刻落blog, 好多野可能會唔記得或者淡忘左, 但係我唔會忘記當日佢地帶比我呢d咁特別o既經驗如咁強烈o既感覺。
p.s. 當日d歌都幾好聽, 有一首我仲覺得好好聽添, 當時有衝動想問下人首歌叫咩名, 可惜到最後都無問到, 真係有d唔似我呢。
完
