這個世界之中有很多不同的人。有些有才能, 有些則庸庸碌碌。普通人固然很多庸碌一生, 懷才者卻又不一定成功。很多人都自怨自艾, 懷才不遇, 不見伯樂, 慢慢的便變得更孤傲不羣, 憤世嫉俗。身邊有不少某部份能力很有才能, 而又覺得自己有這樣的人, 也看見歷史中有很多這類人, 因此甚有感觸。自己覺得, 成功與否, 不能經常歸咎於“命運”、“運氣”。
其實每個人都有自己的長處, 隨著環境的影響又有不同發展。早期便發覺自己高人一等的人, 如果沒有適當的教育, 加上自己所見的世界仍未全面, 不知一山還有一山高, 很容易就會覺得自己“與別不同”; 自己的腦袋轉數較快, 或者想得比人更深入, 慢慢的在心底裡便看不起他人, 當有人提出意見時首先便會存疑, 簡單來說就是不信他人信自己, 剛愎自用。
題外一話, “剛愎自用”這問題其實經常出現在很多人身上(包括了所有、不論強弱的人)。大家試想想身邊平時接觸的人, 回想一下、想像一下他們的言行: 當他們遇到一些新事物、新意見時, 會抱什麼態度呢? 是正面還是負面的呢? 其實應該抱什麼態度, 怎樣才是正確, 很難下定論, 很多時都是因應人的性格及經驗而定。不過, 身邊有不少人都是“負面”的人, 總是對其他東西存疑; 例如: 認識到新朋友時總是帶著懷疑的態度, 看對方有什麼缺點; 有新電影上畫就會一直討論這類電影會怎樣怎樣拍得不好看…等等。我並不是想盲目鼓吹正面思想, 但當一個人看待每一樣東西都這樣時, 會快樂嗎? 尤其在跟本沒有任何證據之前, 為何一定要向不好的方向看呢? “觀點與角度”真的是一樣很重要的東西, 很影響一個人的思想及方向。當你向著一個方向想, 便自然會向著那方向的態度, 而慢慢的那事物、人物就會向著那方向發展, 因果循環; 為何當初不嘗試以好的角度去想?最最最起碼對一些無關痛癢的事, 不用都“負面”吧?
說回“懷才者”。其實懷才不遇者是否被命運作弄呢? 我覺得不一定, 甚至只有小部份真是因為“不幸”才是真的“懷才不遇”。當然, 除了“不幸”那些, 一定也有不少懷才者妄自菲薄、或者選擇錯誤、又或者有其他不同的經歷, 在此我只想特別地提某一種, 因為實在見到太多了。
“命運”除了一個人的運氣外, 其實還包含了很多主、客觀因素。一個人的性格及待人處事態度絕對會影響他人生所走的路。最大的問題是, “懷才者”經常會覺得自己的意見, 性格及待人處事態度沒有問題。但根本上他們是身處其中不知自己的問題所在, 只活在自己的世界裡, 又不接受、不聽信別人的意見。這樣的話, 就算多有才能都好, 都不會成功的。因此, 對於這堆某方面有才能的人, 我不承認他們是“強”、“懷才者”。當他們怨天尤人時, 有不少普通人努力的爬了上去; 而真正懷才又懂得處世者, 就是大家所見的成功人士。這些有才能的人應該學學“怎樣才能成功”, 而不應想像“有才能者自會成功”。雖然只是虛構人物, 但鹿鼎記中的小寶就是不學無術, 但憑其機智及待人處世之道而成功, 不無可欣賞及借鏡之處。
非常幸運地, 自己只是一個庸碌的人, 雖然平凡, 卻也會自得其樂。
希望能帶給身邊的人適當的“正面”信息吧。共勉之。
完
2006年12月29日 星期五
懷才者的命運
十二月二十八日 -- 雜記 (詳細雜記)
21/12(四) -- 去左Jason farewell K; Jason, 進, Benson, Jobby, Nattie, Stephenie, 我; Angus同Ryan無來; 亡命君同Gordon去左另一面; 當日基本上都係大家唱得幾開心(我當然係仍然只唱新歌 :D), 又難得果日係我好少地覺得狀態好; 非常開心地, Nattie都好唱得, 最緊要係咩歌都識唱, 係HK少friends識唱果d合唱歌如珊瑚海, 識唱又唱到, 真係好高興呢; 另外果日都有好多好笑野, 大家都玩得好開心, 遲d一定要問佢地拿返當日影d相。
22/12(五) -- 無咩心機做野o既一日; 中午lunch我地自己攪o既party; d野食麻麻地only(Pizza Box), 交換禮物抽到Jason的禮物, 係一罐個罐好靚, 而入面o既朱古力亦好食o既禮物。其他各人o既禮物都唔錯呢。玩完都幾晏; 返到公司磨一陣, 4點幾開始d人早放, 我同partner亦好彩地老細放人, 一齊早走; 成班人一齊去食糖水, 傾下偈(Jason last day), 之後同呀進同八婆君到MK行下(因為仲早), 行左好耐無行o既花園街同女人街, 買左張Gundam年曆10蚊雞, 買左個喵袋, 之後經過同我一樣咁變態o既Denise的意見, 係女人街買左生日禮物俾民仔: 前面係一隻雞雞o既男士用T-back, 哇卡卡, 懲罰佢爭我份禮物咁耐, 事先聲明, 我唔要玩野o既野 XDDD 行完都累, 去沙田食飯, 完
23/12(六) -- 聖誕四日假最充實o既一日; 幫民做生日; 一早10點幾呀娟同呀源來左, 睇下電視玩下層層疊, 11點幾民仔來, 一齊hea下, 食晏出去食, 食完Mandy同呀Sam差唔多到, 我同民仔去圖書館還書(雖然之後係續借同借多左書), 之後大家齊集在家, 又係咩都玩下, 好興高采烈, 到左差唔多7點, 俾民仔o既驚喜來到: 佢唔知道有o既神秘嘉賓Gloria來到! (我當然係唔會講點搵到佢啦) 佢都幾驚喜; 之後拿左呀娟整o既生日蛋糕出來俾佢吹燭, 仲送埋份"勁"o既生日禮物俾佢(呀G送Tie), 當日氣氛去到高潮, 佢又肯著條T-back係外面俾我地影相, 哇卡卡; Mandy過晒鐘走先, 剩返果d人出去食飯, 食完返來食蛋糕, 再hea一陣就散了。諗諗下, 我好似都無點正式同民仔做生日(上年好似煮左餐飯俾佢食only)。另外值得一提, 睇左吳靄儀寫o既"金庸小說的男子", 如果話倪匡評金庸係主觀得來好睇, 項莊寫o既係既客觀又有文采, 咁吳靄儀o既就係淺白得來極有條理; 佢寫o既內容既得我心, 又可以將複雜o既野用容易o既方法同好有條理咁寫出來, 好欣賞佢! 而且佢寫d角色, 完全將我心入面o既諗法寫出來, 仲深入同詳細過我寫o既, 好鐘意。睇完呢本書, 完全感受到自己寫野o既能力同真正作家o既差距, 實在係差太遠(完全唔想貼我寫左好多字果篇野出來)。完全有一下突然感到自己唔想再寫野...不過千里o既道路都係由第一步開始, 要努力呢。
24/12(日) -- 早上打波; 上半打全場, 都係輸少少, 對方有個好準o既人係度, 我方d人又打得麻麻地; 我就OK啦, 起手都中(唔多起); 下半就打返3打3, 當日手感麻麻地(當然都有入波, 但係手感唔好), 反而好罕有地打左好多內線波, 勁搶籃板同籃底入楔&入波, 好掂 :P。中午返企沖個涼, 下午同娟食飯hea。
25/12(一) -- 聖誕日; 其實由星期六果日開始, 個頭都痛, 狀態低; 本來4日中都想出下去, 但係真係唔多舒服(本來想搵下日安、貓...etc人出下來); 最終叫左民上來打機, winning了一天。
26/12(二) -- 頭最痛的一天, 係屋企抖左一天 =.=, 訓下醒下hea下上下網打下機...etc, 咁就完左4日假, 超頹。我發覺自己唔止一次有幾日假時會病, 平時又無點拿過sick leave... =.=
27/12(三) -- 民生日, 星期六時約左民同G當晚一齊食飯(後尾皇帝加入)(本來民同屋企一齊, 不過後尾知佢媽唔得閒, 所以我即出聲約G一齊食飯), 返工無咩心機(當然, 呢份工無咩心機都係一路做野o既), 收工就meet埋係SSP三上食飯。皇帝仍然係佢o既style, 好talk得同知得幾多野, 可惜唔o岩我style, 唔係好鐘意呢類人, 攪到當晚雖然唔悶又大家多野講, 但係好空洞, 相信如果佢唔係度會好少少, 直覺覺得。
28/12(四) -- 本來好早約左同事唱K(今次係亡命君呢邊, 會好玩野同唱舊歌的), 不過Jobby臨時唔來得, 進又話唔來, Keith又話要早走, 最終cancel左, 大家有d無癮, 反正頭痛仲未好, 返屋企。
完
2006年12月21日 星期四
十二月二十日 -- 雜記
15/12 (五) -- 同呀強呀威到紫荊再打邊邊; 星期五打, 得三個人, 埋單每人~$80, 太抵了; 同晚加插民仔拿返套漫畫比我借比呀威, 係樓下見到呀G
16/12 (六) -- 同娟, 呀SO同Tiffany係APM唱K Lunch; 唔太熟所以都係正正常常咁唱下歌; 之後去行KT的倉, 有d好平, 有d就普普通通; 行完成棟樓都無買d咩野(反而買左d唔多關事o既野), 之後去返TKO中心去開果間膽, d野仲平。
17/12 (日) -- 民仔上來打機, 好耐無打機同hea的一天
18/12 (一) -- lunch同老細, partner同亡命君食飯; 老細請去紅磡海逸食buffet, d野好食, 又傾左好多閒偈; 老細真係有錢。收工同哥出MK行下, 買左星期五party的禮物, 返屋企。另, 呢排同哥打返AOE II
19/12 (二) -- LandsD X'mas party, 係Jordan唔記得邊間buffet; 由於之前果日先食過, 有比較之下, 呢間d野麻麻地; 成場都好悶, 除左食就係睇佢慢慢抽百幾份獎, 仲有聽個死八婆唱聖詩; 即刻行遠少少, 雖然都聽到, 但係起碼唔會忍唔住指住佢來笑先; 果日最好有2樣野: 1, 攪到3點先返到公司; 2, 我抽到全場最好果份獎, 不嬲完全無抽獎運o既我(除左人人有份果d之外, 連豬肉獎差唔多人人有果d都唔會中), 居然抽到二獎, 現金禮劵幾舊水, 唔使抽到d垃圾, 現兜兜仲好; 收工後返企。
20/12 (三) -- 愈接近X'mas愈無心機做野, 連續第幾日LandsD network死晒, 好多野都做唔到(雖然都交左好多貨); 收工同呀源食飯; 終於等到佢考完晒試(ACCA)同佢慶返2/12的生日, 送埋份禮物比佢, 終於唔係模型XDDD, 係MK果間金鳳食, 好明顯好味過山林道果間; 之後行左花園街搵呀源想搵o既野, 搵唔到, 反而自己買左d立雜野, 好早就散。
來緊: 星期四都係未知會join Jason Farewell K定係呀B gathering, 都係Lands人的gathering; 星期五究竟會去邊做節又未知; 星期六X'mas聯歡第一炮: X'mas+民仔生日聯歡派對, 今日(20/12)做左野好勁o既野, 呵呵呵, 大成功。
仲有果幾日: 未有plan... =.=
完
再說金庸
(這篇分為2部份: 前面談一談我看過的一本談金庸的書, 後面就談一些比較有趣的我對金庸的XX排行榜。)
又再想說說金庸。
前一段日子, 又翻看了一次金庸小說, 慢慢的終於又全部看了一次。寫了五、六千字感想仍未寫完, 之後沒時間及精神再寫, 於是就此暫停了。
上星期三見工, 中間有幾小時空檔, 當然去圖書館“打躉”, 隨手拿了幾本“我看金庸系列”來看(此系列的內容是由很多不同的作家分別評論金庸的小說)。之前都看過不少此系列的書, 特別是倪匡、溫瑞安等名家的評論都看過了, 無意中在倪匡的4或5看金庸中, 見他提及另一作家“項莊”。原來他在金庸寫小說時已經是有名氣的作家, 而金庸亦曾盛讚其文字功力老練。恰巧在圖書館中見到“我看金庸系列”中有“項莊”寫的, 於是即時借了來看。
在此不談內容了。不過一看之下, 發現他果然文字造詣極深, 而且亦學識淵博; 他不只評論人物及故事內容, 連文章結構、藝術性、寓意、佈局等等也有及也能作出深入及客觀的評價。在客觀之中, 他也會像倪匡一樣說說自己主觀的喜歡。實際是很厲害, 喜歡看此類書的一定要看, 絕對不比倪匡的差呢。最令我高興的是, 當中有些見解與我一直想的不謀而合, 而且寫得更精到貼切, 完全合我脾胃! 尤其有關楊過、程靈素等等的感覺和我十分相似呢。
既然這篇叫“再說金庸”, 當然不能說別人說的金庸, 自己也要談談金庸啦。
由於對小說的內容、喜惡等等, 在我那幾千字的感想裡都包涵了(雖然還未有時間完成及貼出 =.=), 因此不在此談。在這裡想做一些比較有趣的事, 就是像漫畫般做一些排行榜。當然, 我最喜愛XXX, 武功最高XXX等就太普通啦, 我想加一些比較主觀但又有趣的, 以下就是我個人的選擇及選擇原因: [ ( )ß中的字乃可有可無]
(最)喜歡男主角: 令狐沖 (非他莫屬, 因為他個性比較自由奔放, 恬靜無為)
(最)喜歡女(主)角: 雙兒 (集可愛, 溫馴, 體貼於一身, 武功又強, 又不會木獨, 簡直完美), 程靈素 (雖然不美, 但蘭心慧質, 做事謹慎有條理, 又會故及對方感受, 完全是最好的賢內助)
(最)討厭男主角: 張無忌 (性格不明顯, 而且遇事猶豫不決, 又經常被女人玩弄, 實在毫無大將之風)
(最)討厭女(主)角: 王語嫣 (性格不明+沒腦)
最理想組隊行走江湖組合(5人) (太多配角, 所以只選主角了): 令狐沖 (武功極強, 好交朋友, 相處一定很舒服), 程靈素 (聰明, 有計謀, 遇事冷靜, 用毒解毒超強, 最強支援), 雙兒 (照顧大家起居飲食, 身有武功), 段譽 (武功強, 為人滑稽有趣, 好交朋友, 而且有錢), 喬峰 (武功極強, 為人豪爽, 不拘小節)
最想對方做自己老師男、女主角: 袁承志 (為人雖正直但又不會木木獨獨, 懂得量才施教得來又不會太奸狡) 其餘很多主角其實看來都不是懂得教人之輩。
最美男主角: 相貌堂堂較多, 有提過是俊美者則聊聊也。看來不是楊過、張無忌就是陳家洛
最美女主角: 香香公主, 完全沒有別的選擇。
最醜男主角: 除狄雲, 虛竹外當無他選, 感覺上是虛竹較醜
最醜女主角: 只是以女主角而論, 由於每個女主角都美, 所以並不特別美的程靈素就…
武功最強人物: (有出現過的): 掃地僧, 風清揚, 張三豐; (沒出現過的): 獨孤求敗, 黃裳; 很難斷定誰是最強, 唯有只列出侯選人
武功最強主角: 由於: 南帝時代六脈神劍已失傳, 他單以一陽指就能成為五絕之一, 而六脈神劍又比一陽指強許多(笑傲江湖應該是更後的事),因此天龍八部中的人物該比其他小說的為強。而喬峰應該比段譽強, 所以我選喬峰。
今次這篇比較互動, 希望大家能回覆各自的選擇。如果有新的點子, 也希望大家寫出來吧!
完
無敵是最寂寞
並唔係想講自己有d咩無敵, 而係想講下呢首歌而已 XDDD
前排唔知點解同Mak講開呢首歌, 覺得好勁同埋個意境好高
但係我就發現左d問題
大家首先睇睇歌詞先(當然有就聽埋首歌啦)
無 敵 是 最 寂 寞 (一 劍 鎮 神 州 插 曲) * 鄭少秋
曲 : 顧 嘉 煇 / 詞 : 江 羽
無 敵 是 最 寂 寞 最 是 痛 苦
未 得 一 展 抱 負 更 是 痛 苦
誰 明 白 我 寂 寞 怕 登 峰 造 極
獨 因 一 些 際 遇 埋 抱 負
命 運 原 是 最 冷 酷
知 心 以 死 報 劬 勞
忠 奸 要 分 大 義 除 害
盡 義 難 盡 愛 實 在 殘 酷
常 為 俠 客 羨 慕 劍 道 至 高
內 心 中 感 愛 念 價 值 更 高
恨 偏 偏 得 不 到 我 心 底 愛 慕
願 得 知 心 愛 伴 忘 劍 道
究竟有咩問題呢?
無錯, 首先, 有好嚴重o既語病
頭2句已經奶左野了
"無敵是最寂寞最是痛苦
未得一展抱負更是痛苦"
無敵係最痛苦
最已經講左係"最", 即係唔會再上一層;
但係之後果句即刻話"未得一展抱負"更痛苦, 完全係自打咀巴, 極有語病。
另外一樣有趣o既野, 成首歌出現好多種"最";
"無敵"、"最寂寞"、"最痛苦"、登峰造極"、"最冷酷"、"劍道至高", 仲有無明講而實質暗示左o既"愛"
呢首歌真係有好多野都好"高"境界呢。
雖然講到好似好cheap咁, 其實首歌係幾型而意境都唔差的;
而且佢以呢個方式去講"愛"重要, 都好過好多而家果d情情塔塔不知所謂o既歌呢。
完
2006年12月14日 星期四
短篇 -- 稻草人
炎夏。農民都努力地在田裡工作, 希望秋天時有好收成。在田野中, 為了嚇走會破壞農作物的鳥兒, 都會有稻草人。
在偌大的田野中, 稻草人每天都曬著太陽冒著雨, 不辭勞苦地執行著自己的任務 – 站著不動, 嚇走各樣的鳥兒。他只穿著破舊的衣服, 一頂爛草帽, 不要什麼報酬, 只忠實地堅守自己的崗位, 因為他就是為了這目的而生。
經歷過不少風雨, 他依然屹立不倒, 寂寞的日子持續, 心如止水的他卻在某一天被激起了漣漪。
一隻白色的鳥兒竟不怕他, 飛到他的肩膀上休息。鳥兒的朋友們在遠處吱吱喳喳的說過不停, 叫那白鳥兒不要走近稻草人。
“喂喂喂, 那兒危險呀, 不要停在那裡呀!”
“對呀, 他會把你捉住, 然後不知會對你做什麼的!”
“快些回來吧! 小心呀~~~”
可是, 白色的鳥兒繼續停在稻草人的肩上。
"為什麼他要這麼孤獨呢? 他從不偷懶, 也無怨言, 但卻為何從來也沒人理他? 我們大家也怕他, 其他人, 牛, 羊們等等連望也沒望他一下, 難道他做錯了什麼嗎? 我覺得他很善良呀, 我知道他不會對我做什麼不利的事情的!”
於是從那天起, 這白鳥每次飛得累時就會停在稻草人的肩上休息, 有時會唱著歌, 說說話。稻草人雖然不懂說話, 但他覺得很開心, 很溫暖, 他覺得自己的肩膀能讓白鳥兒休息, 很是開心。而雖然其他的鳥都不以為然, 但白鳥卻不理其他人的眼光, 繼續會停在稻草人的肩上。
**********
在一個灰濛濛, 太陽還未出來的清晨, 稻草人仍站在原地, 繼續著他的任務。在此時看見遠處一個熟悉的身影: 白鳥向他飛過來; 後面有一隻大鷹正追著她! 白鳥在努力飛著, 但似乎怎也不及鷹快; 她也努力向著稻草人飛去, 像想得到他的庇護。
老鷹當然也看見了稻草人, 但他哈哈大笑: "哈哈哈, 你也真夠蠢的, 你以為飛向稻草人有用嗎? 他只是用來嚇小鳥而已! 不會動的! 我又那會怕他! 你看! 他只能呆呆的站在那兒! 有個屁用!!" 老鷹一爪過去抓不著白鳥, 但卻也爪傷了她; 白鳥就跌在稻草人旁。
白鳥兒當然知道稻草人不能做些什麼, 但她能怎樣? 或許, 她只想在自己臨死之前, 能見一見稻草人吧?
**********
稻草人心焦如焚, 他只能眼睜睜看著事態發展, 他只能乾著急, 但什麼也做不到!
"動呀! 求求你給我動吧! 只要一次! 就算死我也願意呀!!"
**********
老鷹在上空盤旋著, 突然俯衝向下, 準備抓他的獵物, 就在他要抓到之時, 他突然給倒下來的稻草人壓著; 他大吃一驚, 立刻飛起逃之夭夭去了...
**********
晨光初露, 一個小女孩到田裡幫助爸爸工作。發現了倒在地上的稻草人。
"爹~~ 稻草人不知為什麼倒了下來呢!"
"是嗎? 不要緊吧, 反正也很殘破了, 我們再扎一個新的吧!"
"咦, 爹爹, 稻草人旁有一隻受傷的鴿子哦, 很白, 很美麗呀~~ 我們快些幫牠治療吧, 我很喜歡呢, 很美哦...我要養呢..."
完
超眼訓, 無心機寫, 算
十二月十四日 -- 雜記
7/12(四) - 返企
8/12(五) - 收工搵呀Mak, 拿下d資料來溫下, 不過完全無睇過; 同Mak Barry食KFC, Barry有coupon, 食到飽每人廿幾蚊; 到咁上下就散, 果日超累+眼訓
9/12(六) - 本來同Sam, 民, 娟, Mandy打邊邊, 但係Sam果面d朋友好似有BBQ, 我地唔想join; 最終都叫左呀Sam去BBQ果邊, 我地4個就去紫荊打邊邊; 星期六唔係8:30pm後入(7.00pm入), 任食, 埋單每人~$75, 而且乾淨左好多, 抵!
10/12(日) - 早上打波, 打得普通; 跟住返企等日安妹妹, 好累+眼訓, 恰左陣, 之後同佢上去君傲灣睇佢家姐間樓, 問題無咩, 不過個人來講, 感覺上唔太鐘意呢
11/12(一) - 無印象有咩攪
12/12(二) - 收工fire drill, 7點前要到, 係公司做到6點7, 8夾硬走; 極速狂奔7點零幾分到, 累。Fire Drill幾無聊, 9點半散
13/12(三) - 見工, 無咩好講, 同Derek同一組; 即日second-in埋, 等消息; 同日夜晚同B E人影畢業相+行下SSP玩具店+食飯, 8點幾散, 累
14/12(四) - 返企, 累; 返工野好煩, 極想轉工
完
2006年12月7日 星期四
十二月七日 -- 雜記
1. 呢排返工都keep住幾忙, 都係做得唔多高興, 老細俾個死八婆卒到不似人形。
2. 十二月十三日(三)即將會見工, 唔知會見成點; 見12點, 逼人請成日假=.=; 各位多多支持下我呀~
3. 十二月十二日(二)晚大球場fire drill, 希望唔會遲收工。
4. 我個partner來左成個月, 我成日都唔記得講, 我覺得佢個樣有d似NBA球星Chris Webber(不過緊係無咁黑啦)
5. 唔知有咩講添, 諗唔到
4/12(一) - 返企
5/12(二) - 返企
6/12(三) - 本來無約人, 但係由於唔多想真係日日返企, 而且突然好想約, 所以同S去左山林道間金鳳
7/12(四) - 返企
8/12(五) - 可能收工搵呀Mak, 拿下d資料來溫下
9/12(六) - 本來同Sam, 民, 娟, Mandy邊邊, 但係Sam果面d朋友好似有BBQ, 我地唔想join, 唔知會點
10/12(日) - 抖? 打波?
11/12(一) - 無印象有咩攪
12/12(二) - 收工fire drill, 7點前要到
13/12(三) - 見工, 想搵人收工唱K
14/12(四) - 同Cyrus係Poly影畢業相+食飯...
完
2006年12月3日 星期日
十二月三日 -- 雜記
29/11(三) -- 唔記得左要同雞脾ConnieCarmen馮Sir食飯, 之前叫雞脾早2日打來提我不過無打來, 唯有放民Leo飛機了, 下次再食過; 同佢地係紫荊食, 好耐無見佢地了。
30/11(四) -- 唱K馬拉松最後一站; 同民, 小曼, 機司, 同佢地2個朋友唱; 加州紅全世界爆左, 於是去好耐無去的港晶; 仍然好多野食; 由於同果2個朋友未見過, 大家都幾拘謹, 加上小曼姐屋企有事10點就同機司哥哥走左, 之後我地都散了...
1/12(五) -- 收工返企
2/12(六) -- 呀源生日快樂!仍然都係生日全日熄電話 一.一; 本來預左同Carol出來, 不過最後佢都係上左去, 所以搵左LOBO; 中午出左去同LOBO同娟食石夾尾車仔麵, LOBO都話好食呢, 之後行下SSP, 到甘上下4.30pm島散
3/12(日) -- 抖的一日
來緊好似無預約任何野?
1. 要攪攪12月Gathering
2. 天氣冷左, 要約下人打下邊爐(今年未打過)(仲未去過NP小肥牛)、食氣鍋雞、羊腩煲、BBQ...etc
3. 12/12晚要去大球場Fire Drill
完
2006年11月29日 星期三
綁架
這天, 我準備好了一切東西。我要綁架她。
為什麼? 為什麼她要這樣對我? 前幾天還好好的, 為什麼她說走就走? 我不能讓她走! 她要走, 我就綁她回來! 我和她是永不分開的!
我要她永遠在我的懷裡, 安安靜靜的, 柔順的, 就像以前一樣… 如果她不肯, 我就鎖著她!
天在下著雨, 打著雷, 一定是老天因為她離開的而落淚了; 不要打雷呀…不要…
我記得她最怕打雷了, 每次打雷她都會怕得摟著我; 她也怕黑的, 所以晚上都不敢一個人四處去; 現在有人陪她嗎? 她會怕嗎?
看, 我雖然準備了繩子, 但我也拿了她最喜歡的毛公仔, 最喜歡的食物, 還有很多很多她喜歡的東西…她一定不會寂寞的, 因為還有我陪她!
我把這裡佈置成她的家一樣, 她一定會喜歡這裡的, 我就在這裡陪她! 就在這裡! 你要等我呀… 我這就來了, 不要走… 不要走… 我…來……了………
**********
[本報訊] 一名青年昨晚懷疑因早前未婚妻車禍意外身亡, 不堪打擊, 於寓所內上吊自殺…
完
十一月二十八日 -- 雜記
上星期真係地獄之星期, 日日都7-8點收工(比起其他人唔算晏), 但係真係好好好忙, 好多野做又好雜又好亂, 而且有好多都好無理又無謂, 總之做得好唔高興。雖然handle到, 但同我初初來果時同一感覺: 恬份工唔係好o岩我做。呢個星期工作好返d, 無上星期咁癲了。
20/11, 21/11, 22/11(一, 二, 三) -- 連續三日晏收工完返企食飯
23/11(四) -- 同民仔睇廣告show
24/11(五) -- 收工同同事去睇玩具模型食飯, 好累...
25/11(六) -- 起身出SPP同娟睇+買手工材料, 狀態極差+累
26/11(日) -- 開始唱K馬拉松, 下午同貓Maychan喱唱K, 好耐無同佢地唱K了, 好高興; 夜晚趕過Poly同Barry等人差唔多20人食飯, 間野唔掂又貴, 好彩人多每人$80島。
27/11(一) -- 返屋企
28/11(二) -- 唱K馬拉松第二站; 同同事唱, 十個人, 成班人好熱鬧好好玩, 好癲; in term of 玩就好開心, in terms of唱就麻麻地啦, 亂咁叫咁的; 由於身邊太多唱歌勁人: Maychan貓Kitty姐SharonLaw仔...etc, 所以呢班就覺得麻麻地, 得幾個係唱得唔錯的。
來緊:
星期三同Leo民仔食飯, 好耐無見Leo; 星期四唱K馬拉松最後一站同小曼姐唱; 星期五好似有d野攪但係又唔記得...星期六日應該有得抖抖啦掛?
完
2006年11月24日 星期五
流水無情‧萍踪不定
一朵嬌嫩美艷的花兒, 離開了枝幹, 離開了家, 開始了自己的旅程。
她跌落了溪澗淙淙的流水中。流水寬廣的心胸, 明淨的外表, 吸引了花兒, 情竇初開的花兒深深地被吸引著, 輕倚在流水的懷裡隨著水流走著她的旅程。
可惜, 她卻發現流水並不只愛著她。流水寬廣的心胸中, 也藏著無數其他的花瓣。流水跟她說: 平常有那麼多落花, 有那些美麗的花我未見過? 我又怎會只喜歡你一個呢?
花兒很傷心, 離開了他, 去到另一個地方; 在那地方她遇到了浮萍。浮萍不像流水一般輕快地走著路, 而是慢慢仔細地欣賞著身邊的一切, 他也留意到美麗的花兒; 花兒在水中飄過浮萍時, 被浮萍捉住了; 花兒卡在浮萍旁, 慢慢的一起走他們的旅程; 浮萍很溫柔, 對花兒很好, 亦很懂得欣賞她的好; 花兒以為找到了她一生的歸宿, 她安心我靠在浮萍身上, 沉沉睡去...
在旅途中, 卡住的地方卻解開了, 他們倆的聯繫突然斷了, 花兒醒來時, 發現身邊的浮萍不見了; 不但聯繫斷了, 連萍踪也不見了; 浮萍就這樣再沒出現在花兒眼前。
花兒很傷心, 很失落。她繼續隨波逐流。離家已經過了一段時間, 經過了這些創傷, 她已經慢慢失之前的光彩了。她漸漸變得憔悴, 沒有了以前青春動人的氣質了。在此時, 她遇到了一團廢紙。廢紙很醜, 但她很好奇, 於是和廢紙談起來。
"為什麼我沒見過你呢? 你好像不是大自然的東西?"
"我曾經是樹, 後來人們把我變成了紙, 在上面紀錄了很多事, 我隨著人們走動也見了很多事物, 我的見識很豐富。後來一個野蠻女子居然把我劃花了, 還隨手一撕成一廢紙團, 就丟到了河流來。""我看你也曾經是一朵美麗的花兒, 何解那麼憔悴, 那麼不快樂?"
廢紙雖然醜, 但十分善良, 見識又多, 花兒把她的經歷告訴了他。他們一直談著, 一路順著水流向前, 互相在身旁, 卻從來沒有靠在一起。
後來, 廢紙說: 不如我們倆永遠在一起好嗎? 我的身體能承托著你, 也能包圍著你, 儘量保護你, 使你保持仍然殘存的美麗; 我不介意你的過去, 只想與你一起守著未來; 你答應我嗎?
**********
這個故事沒有結局。因為我想不到結局, 亦不想想結局。身為花兒的你選擇了怎樣的結局呢?
謹獻給仍在情場中尋找, 打滾, 遊戲著, 各式各樣的美麗花兒。
完
2006極品廣告片 "The Art of Commercials 2006"
話說某日死黨見到有呢個event, 大家一向都幾鐘意睇廣告o既, 呢ｄ咁有趣ｏ既野緊係要睇啦, 有５場唔同o既programme, 每場都有好多日子上, 直至12月都有的, 所以同死黨夾左日子今日24/11(四)睇Programme three, 應該係最好睇o既"2005-2006世界最佳廣告片精選"(咁ｏ岩睇呢個, 並唔係因為只想睇最好睇果個, 就ｏ岩時間都會睇埋另外果幾個programme)。$40, 睇一個鐘。
**********
大家有無試過睇電視時, 到廣告時間超唔耐煩唔想睇o既經驗呢? 如果要大家連續睇一個鐘廣告, 仲要俾錢睇, 大家又會點諗呢? 我會話: 一定要去! 講真, 個event內容就係一個鐘狂齋播廣告, ｄ廣告內容好難係度講, 亦都講唔到, 更加唔會係度講。我只可以話好好睇, 真係好好睇, 我寧願俾$40睇一個鐘廣告都好過俾$35去睇場2個鐘垃圾戲。睇左一個鐘完果時完全唔覺, 時間過得好快。我自己睇時, 除左留意內容, 都會留意埋個佈局, 拍攝技巧, 氣氛營造, 各方面ｏ既野, 真係好好睇, 好精彩。當然, 當中最sell最正係idea啦, ｄ廣告都做到佢地應有ｏ既效果: 可以係叙事, 可以係sell product, 可以攪笑, 咩種類都有, 好正。
實在講唔到內容, 亦都記唔到咁多, 純粹remind一下自己幾個深刻ｏ既: school is back, gay果幾個, 真係全場拍爛手掌呢。
係度推介下, 大家有興趣有時間, 可以睇下programme three呢
完
EL SHADDAI
呢排返工好忙, 無時間係公司打野, 返到來又累, 更無時間打。難得今日唔係咁訓到, 打埋先。
************
見到個title, 係咪唔知咩歐洲文, 有d high的感覺呢?
其實呢個應該係菲律賓文來o既, 至於exactly係咩解釋, 其實我都唔知。(好似係Filipino某大組織o既名, 意思為"God Almighty")。
咁點解突然又要講呢?話說我星期日(19/11)第一次去做我份球場助理part time, 當日o既活動就係呢個"EL SHADDAI"。講返d題外話, 果日ｏ既工作先。果日由朝早9點3到夜晚7點3, 基本上由頭企到落尾, 中間有時有15分鐘break, lunch official 有4個字(team leader比半個鐘), 企死我, 而且大部分時間都好悶, 真係好辛苦。我最弱就係腳嘛...
講返個function, 其實係菲律賓人係香港大球場每年一度攪ｏ既宗教聚會。果日10點開始比人入場, 但係實際就唔記得12點定1點先開始, 到最後人數純計過萬人架! 一開頭有一陣唱歌跳舞, 跟住就有一大隊人入場, 仲拿住d類似聖器ｏ既野入來。跟住再一輪集體歌舞(應該都係聖詩來, 不過唔係大家聽開果ｄ咁莊嚴, 幾有特色而且幾好聽呢), 正式開始後, 都係間住有唱歌, 有人講下野(類似係見證或分享)咁。雖然大部分都係講英文, 但係ｄ口音都唔係好易聽到。到左３點島, 就來正場: 有一個人叫Brother Mike(咁上下名), 聽返ｄ前輩講, 係好似偶像咁ｏ既人, 大家都好祟拜好信佢的。甚至會好熱烈, 會叫。到左佢出場, 果然全場歡呼, 氣氛好熱烈!好彩我馬前炮都估佢唔係歌手果ｄ來, 睇來似係一個宗教領袖咁, 果然, 佢應該係類似平時係國際台見到果ｄ宗教節目入面果ｄ神父咁, 好talk得的。
佢又真係好talk得, 由３點島講到散場差唔多6點7-8個字, 有時講得快ｄ聽唔到佢講乜, 好鬼悶, 又好累!對腳極累! 不過似乎d人都好buy佢, 佢又的而且確一路講, ｄ菲傭會聽到笑; 有時又會講到佢地一齊笑一齊歡呼; 有時又會講到佢地喊, 好犀利。佢有時會叫人一齊講句野, 又或者一齊做d咩動作, 大家都會好齊咁一齊做, 勁過明星好演唱會或者talk show。終於等到佢講完(死唔斷氣), d人走埋清場就收工。
講左咁耐, 其實都未講到我想講o既正題。其實今次雖然辛苦, 但係我都有好深o既感受。首先, 係感受到外國人對宗教o既熱誠。平時都知道, 好似菲律賓呢d有國教o既國家大部分人都係信徒, 真係好熱心地信, 唔似HK咁, 完全係有一堆人係hea信, 經過今次之後, 而家見到有d就算有d成日去教會o既朋友, 都覺得佢地同人地差幾皮。呢次活動, 真係比我深深地感到佢地對宗教果種虔誠, 係幾咁有凝聚力; 成萬人係個場入面, 係幾專心咁參與, 係幾守秩序同乾淨, 係幾開心咁笑, 幾開心咁喊, 全場可以一齊唱歌, 一齊跳, 一齊跳舞, 一齊做同一個動作, 好萬人一齊拍手拍到好齊! 好多野, 都另我感動, 係真的感動。
除左呢種"心"同凝聚力之外, 當Brother Mike講野時, 有時聽到佢講到大家離鄉別井來到HK做野, 講佢地離開屋企人遠走他方, 為左錢o既時候, 見到好多人都眼濕濕, 甚至喊。佢地並無"嗚嗚嗚"咁喊出來, 而係打從心底裡覺得傷心, 忍唔住眼淚滲出來, 果種痛苦o既面容, 非我筆墨能形容, 但係見到時真係覺得佢地係有莫大o既悲傷! 當佢地全場一齊雙手舉起祈禱時, 真係震撼到我! 真係好深感受。
可惜, 我無即刻落blog, 好多野可能會唔記得或者淡忘左, 但係我唔會忘記當日佢地帶比我呢d咁特別o既經驗如咁強烈o既感覺。
p.s. 當日d歌都幾好聽, 有一首我仲覺得好好聽添, 當時有衝動想問下人首歌叫咩名, 可惜到最後都無問到, 真係有d唔似我呢。
完
2006年11月20日 星期一
十一月二十日 -- 雜記
14/11(二) -- 同娟, 源睇死亡筆記2。幾好睇, 睇過漫畫都好睇, 因為改左。改得幾好呢。
15/11(三) -- 差d唔記得, 同BD舊同事威, 志博, Rex食飯。諗唔到食咩, 最後去左山林道食金鳳。未去過呢間金鳳呢。傾返而家BD狀況, 仲頹過以前, 雖然好悠, 但係都慶幸自己走左。
16/11(四) -- 同LOBO民仔去大壽司食。抵死夾大件到LOBO都驚。超好胃口, 因為返工忙到無時間食lunch。到食野時餓死了, 好彩有買定乾糧係公司姐。食完仲早, 行左陣好耐無行的太古城。又行左更耐無行的UNY, 幾滿足到我呢d有超級市場症o既人呢~仲買左樽咖啡孝敬下呀媽。
17/11(五) -- 收工都7-8點了, 返屋企食飯抖。
18/11(六) -- 本來BBQ, 但天氣好似唔多好, 所以改為食飯。去左觀塘食大排檔。去埋隔離食埋甜品, 每位都係$70, 又好食又抵。
19/11(日) -- 第一日返part time球場助理。咁o岩係屬於長時間的一日, 晨早9點3直踩到夜晚7點3, 企10個鐘, 累死。中間間唔時break十幾分鐘, lunch officially得4個字, 不過我地team leader放我地半個鐘, 但係都幾乎係企足全場, 累死。至於當日內容同心情, 有心機先打另一篇講。收工Barry唔一齊食, 約左LOBO食飯, 咁o岩佢又係Causeway Bay, meet左佢之後, 臨時決定去鵝頸街市食飯。又一超出名地點。可惜去到時間咖哩+燒鵝收左檔。2個人, 叫左個羊腩煲同焗魚腸。羊腩煲好得, 焗魚腸麻麻地, 最開心係有大枝裝可樂, 而家真係唔多地方有大枝裝可樂了。每人$55, 掂。
20/11(一) -- 又係忙的一天。個DLO真係極八婆, 極憎。lunch好彩同事買左車仔麵我食, 唔會餓。7點半收工, 返企食飯抖。
來緊: 我都唔係好記得有d咩攪
暫時淨係記得下星期四同小曼姐姐機司哥哥唱K, 太少update blog就咩都唔記得了。
2006年11月15日 星期三
醜小鴨的故事 – 烏鴉版
從前有一隻烏鴉, 他很喜歡叫。有一天, 他居然失了聲。叫得又沙又啞又難聽, 聲音像給石磨磨了一樣, 嘶啞之極。森林裡的動物們都受不了, 不讓他叫。烏鴉可慘了, 他最愛就是說話和唱歌, 雖然也喜歡吃, 但對他來說不講話唱歌比不吃飯更難受。
這一天, 他的上司見他可憐, 給了他一包八仙果。不是平常零食店的八仙果, 而是正宗大塊的八仙果。烏鴉試食一塊, 果然味道更濃, 很厲害。慢慢地吃完一塊又一塊, 不知不覺間, 喉嚨的問題竟然好了很多!他可以再叫了, 可以再唱了, 不再是又沙又啞又難聽的烏鴉!
他又再開始叫起來, 唱起來! “丫~~~~丫~~~~丫~~~~” 叫得更落力, 更大聲!
森林裡的動物們都說: “你喉嚨好了還不是叫得那麼難聽! 烏鴉始終是烏鴉!”
烏鴉不介意別人怎說他, 他就是他自己, 他喜歡叫, 喜歡唱, 他就叫, 他就唱, 他更珍惜自己回復原狀的聲音了。他要唱歌, 很想唱歌! 他變成了一隻金色的烏鴉, 繼續在叫著, 唱著, 發熱, 發亮。
他突然很想唱K呀~~~!!
水完
2006年11月13日 星期一
喎失身鳥
為免大家睇唔明, 打左一篇正常o既下面... =.=
**********
失身真係一件巧橙既樹哇~~!! 上鮮遲四喎去燦K, 刀巧齒矛咩樹, 腥皮胡返工刀矛咩野, 把身仲姣姣地, 典豬到左鮮遲六, 胡知典解開齒沙了, 旦係住己又矛病矛痛喎~~~ 猴龍都胡覺痛添! 撚住矛咩樹啦, 典豬到左腥皮日仲衰! 失左身!! 我失左身哇~~~ 講野把身沙曬, 想燦歌都去胡到高欣! 巧橙呀!! 巧爛橙呀!! 實胡到野胡緊要, 揀胡到野簡蛭頭係地肉哇~~~ 典線好~~~ 撚字訓一覺會姣d, 旦係羹逸刀仲係巧沙哇~~~
喎胡制哇~~~~~
(胡知大渣體胡體得萌呢?)
我失聲了
失聲真係一件好慘o既事呀~~!!上星期四去唱K, 都好似無咩事, 星期五返工都無咩野, 把聲仲好好地, 點知到左星期六, 唔知點解開始沙了, 但係自己又無病無痛喎~~~ 喉嚨都唔覺痛添1 諗住無咩事啦, 點知到左星期日仲衰! 失左聲!! 我失左聲呀~~~ 講野把聲沙晒, 想唱歌都去唔到高音! 好慘呀!! 食唔到野唔緊要, 講唔到野直頭係地獄呀~~~ 點算好~~~ 諗住訓一覺會好d, 但係今日都仲係好沙呀~~~
我唔制呀~~~~~
完
十一月十三日 -- 雜記
4/11(六) -- 第一日返果份part time, 基本上係普通briefing咁, 無咩特別, 之後同娟, Mak, Barry佢地幾個一齊去呀強(City呀強)介紹西灣河的"大壽司和食"。真係好抵食!! 又平又大件呢!
5/11(日) -- 下午去Poly同Barry影畢業相
6/11(一) -- 返企
7/11(二) -- 返企
8/11(三) -- 返企 (近來破紀錄連續三日收工返屋企, 仲要砌左2盒模型)
9/11(四) -- 話劇K(我娟民SamLaw仔CarmenFederick) 由於早一book, 所以有6折, 不過9點半就趕人走; 好耐無同Law仔唱K, 仍然係勁好聽; 呀Sam對某人o既惡感愈增XDD; 當日我狂唱新歌, 側田古巨Lay劉浩龍等等d新歌都唱晒咁滯, 廢事成日比人話我唱舊歌, 唔識新歌 XDDD; 其實去唱K, 總有人唱晒d新歌, 我唱新歌即係同人搶咪...唔多想, 所以鐘意唱d舊野 XDD
10/11(五) -- 本來都係無野攪, 不過lunch時同同事傾開, 無啦啦就約左個同事收工食飯。第一次同而家同事收工有活動呢。收工後同松林2條友打陣機, 就去廟街食野。叫左個煲仔飯, 一碟炒硯(幾大碟又唔會成碟係殼)再加碟菜心牛肉。大家傾下食下都OK呢。食完仲好早, 佢住何文田所以同佢行過去油麻地, 中途見金聲樓上開左間新松鋪, 入去睇下, 之後落返來佢搭van, 我就行去以前BD收工果個巴士站散了。都未到9點。
11/11(六) -- 喉嚨有dddd沙, 諗住無咩野。在家抖了一天。
12/11(日) -- 失了聲, 不過起身時都唔太嚴重。早上打波。防守籃板各方面都OK, 但係完全無手感。射極唔入。所以輸波多(但係都係輸1-2分)。值得一提有一球籃底fake左幾野轉身reverse layup幾順暢, 完全將對手1呃晒, 有幾% Olajuwon的風範, 呵呵。下午民上企打機, 又有幾球經典球。到臨尾果場用利物浦對AC, 仲超精彩+峰迴路轉添!夜晚失聲更嚴重。
13/11(一) -- 收工都係乖乖地返企好了
完
2006年11月9日 星期四
洞悉女人心/如何令她愛上你
不知有沒有朋友見到這標題會感到驚訝: “呢條粉腸居然會寫呢d野? 咁犀利?”
當然不犀利, 因為我在這並不是要寫如何洞悉女人的心, 或者如何令她愛上你。話說今天上班途中, 見到前座的男子拿著一本類似這題目的書, 讀得津津有味。我斜眼看看書的內容/題目, 都是一篇篇短短的文章: “如何令她留意你”, “第一次約會要在人多的地方”, “關心她使她愛上你”等等什麼的。
一向不會相信/求教於這類書籍。當然不是指“識女仔”, 而是坊間大量的心理書籍, “如何”系列的書籍(包括了什麼如何待人處事, 如何在公司上位, 如何成功, 如何溝女等等), 完全不能使我有信服的感覺。
人的心理是很複雜的, 連自己的心理, 一般人自己也可能未掌握清楚。至於如何與其他人溝通, 如何成功這麼複雜的課題, 更非三言兩語能成。最大的問題, 在於每個情況都不同, 不同的人遇上不同的另一人, 大家性格、經歷、環境都不同, 如何能一概而論? 有些人可能會認為: “可能有一些比較有用的, 一般情況都能用的呢?” 我就覺得根本無此必要。
原因一: 一般有用的, 通常都是廢話, 人人都知, 說也無用。做不做得到而已。
原因二: 每一個個案都不同, 人要成功, 最重要是隨機應變, 懂得隨機應變的人根本就不用這些書, 而不能隨機應變的人, 我相信看了書也沒用, 不能融會及適當地使用出來, 用錯時機的話, 更弄巧成拙。
原因三: 如果真的大眾有效, 一早很多人都成功了/改善了。
原因四: 這是個人原因; 個人認為人生就是因為有很多未知之數, 很多變化才有趣; 靠著自己的能力去應付和面對, 才更有趣; 當然, 真的不行時就要想想辦法或找人幫忙。
基於總總原因, 我對這類書籍實在沒有好感。說真的, 只要寫作稍有條理, 有一堆人都能寫出這些書。因此我見到人看的時候, 總有滑稽的感覺。不過, 我不抗拒看這些書, 因為可以當娛樂來看呢。
本來想就在此完了這篇文。不過, 也說一點有關標題的見解吧。如果“愛”一個人, 是要“洞悉”他/她的心, 要“做一些事情”使他/她愛上你, 實在令我覺得有點兒不爽。有很多人因為對方不愛自己, 或覺得自己沒機會, 就會轉移目標; 有時覺得對方不錯, 就做很多事情去“溝/泡”對方; 但拍拖以後能否保持之前那麼好的甜蜜? 這真的是愛嗎? 真正“愛”的時候, 是不用知道他/她愛你與否, 也不求要做些什麼事情使他/她愛上你的。
真正的溝通秘技(不論交友或溝女), 就是用真心, 毫不造作(故意對他/她好), 毫不隠暪(包括自己的缺點/真正的一面), 去愛他/她吧!
完
