二月四日 -- 農曆新年

27/1(一) -- 早收去TKO醫院抽血，順便接埋老豆同呀媽一齊返九座。

1。B半夜(26晚)開始發燒...

2。太攰，(27晚)我未9點就訓左。

28/1(二) -- 除夕早收返九座團年飯。

3。B燒總算好返，係肚仔未好晒。

29/1(三) -- 大年初一。中午過去九座拜個年，之後同呀媽呀C一齊去SKW同老姨拜年，再坐巴士到北角同表姐拜年。夜晚返九座一齊食飯。

30/1(四) -- 生日。一早同老豆去坑口診所睇醫生，同佢返九座安頓好已經11點零。中午食d蘿蔔糕，之後同B出去茶果嶺公園玩，再去海濱公園玩一陣。夜晚去左裕民坊新嘅商場是旦食台灣野後返企。

31/1(五) -- 朝早維園中同初三赤口賀歲波(馬、Herman、Pierre、屎蟲、Norman、Ben、我)，同外人打第一場輸，第二場靠呀馬一個人屌打對方嬴波。之後估唔到自己友打下玩下11點幾先走，好攰; 沖完涼一家出門去到荃灣meet娟，一齊食完野上八婆家。之後源同進一家都到一齊聚(源走先，進晏來)。食埋飯散。

4。好耐無見八婆一家同進一家，好開心! 大魔二魔都好大個了!

1/2(六) -- 中午C大細佬揸車來TKO兜我地入西貢，夜晚佢全家一齊BBQ+Bino開年飯。9點幾車返我地返去。

5。係佢屋企睇左海關戰線同不日成婚1。

2/2(日) -- 中午去CCC同中同一齊携眷聚。食完野C馬同PC睇住小朋友，我同HermanNormanBen同Ben大女一齊去灣仔卡舖抽卡，好開心。個零鐘返來，Herman一家返企，我地一齊行去天后，Norman走先，其餘上馬屋企。夜晚食埋飯(外賣)走。

6。Luka <--> AD 呢單trade真係好surprise。

3/2(一) -- Block leave放假。本來諗過即日來回北上，不過我攰所以唔去了。中午食BBQ剩嘅野加烏冬，之後叫埋呀媽一齊去Megabox行下，夜晚上九座食飯清埋新年剩嘅野。

7。大S竟然病死，shocked。

4/2(二) -- Block leave放假。朝早C帶B去上堂，上完佢地返來再一齊去牛大人Bino，竟然唔限時任食。食完返企拿單車，同B踩去康城，B係公園玩一陣，再踩返去。夜晚買左外賣壽司同飯團食。

來緊:

7/2(五) -- 小本型飯聚慶生

9/2(日) -- C家大開年

11/2(二) -- TKO醫院覆診

21/2(五) -- Sam Esther同我地食飯慶生

完

一月二十六日 -- 陳慧嫻Concert!

20/1(一) -- 出site收工拿d水仙上呀媽度，再踩車過慧安園meetCB，食南記後返企。

21/1(二) -- 收工返去夜晚C煮。

1。好耐無行過特賣城玩具街同玩具舖。

22/1(三) -- 出site收工返去夜晚C煮。

23/1(四) -- 出site收工返去夜晚C煮。

24/1(五) -- 下午請假同呀媽CB去AIA。唔使錢有野飲有小食仲玩左60個幣，我一個遊戲都中唔到獎品，佢地3個都有~ 玩完都6點幾係附近食飯，之後媽帶B返九座，我同C睇陳慧嫻concert。11點3先散場返企都12點幾，2點幾訓勁攰。

25/1(六) -- 朝早同呀媽去左2間銀行做手續，中午同CB係尚德食野之後去灣仔B上堂，等佢果時行左陣。3點半接佢一齊搭叮去北角行左就執嘅奇趣，之後去九座。夜晚同呀爸呀媽一齊食飯同埋同老豆慶祝生日。

26/1(日) -- 天晉打波8-10，今日人幾多又有新波友。自己算打得唔錯，有嬴有輸感覺OK。打完波Norman來埋join早餐，食完返企沖涼。中午Rita一家來一齊食飯同玩。佢地4點幾走之後係企hea一陣，幫B嘅同學嘅家姐5點半拿clubohouse房，同B係playhouse玩一陣去將中食飯。

來緊:

27/1(一) -- TKO醫院抽血

28/1(二) -- 除夕早收返九座團年飯

29/1(三) -- 大年初一

30/1(四) -- BDay

31/1(五) -- 初三赤口賀歲波; 晚上八婆聚

1/2(六) -- 入西貢C家開年

2/2(日) -- 中同?

9/2(日) -- C家大開年

11/2(二) -- TKO醫院覆診

完

陳慧嫻"The Fabulous 40 Priscilla" 40周年紅館演唱會2025

寫於睇Concert前(直

陳慧嫻開40周年concert。終於都睇佢嘅live。

好多兒時、童年、青少年時鍾意嘅歌手concert都有幸睇到，PC反而未。今次終於買咗飛睇。

我知，年紀大咗，音色差咗，身體無咁fit，狀態都差咗，全部都預咗嘅。但又如何呢？細個因為阿哥嘅關係，好鍾意聽佢d歌，佢亦都有好多好多好聽嘅歌，把聲好聽又有極強辨識度，唱到唔同風格嘅歌又有自己嘅style，絕對稱得上一時嘅天后。

對於無咁熟佢嘅人來講，起碼都識佢三五首經典，我都無謂多講果d咩千千闕歌/傻女/夜機/紅茶館/飄雪...etc了。有d例如love me once again/歸來吧/跳舞街/凌晨舊戲/我寂寞/七分愛情三分騙/Joe Le Taxi/情意結/癡情意外/人生何處不相逢/與淚抱擁/月亮/秋色/逝去的諾言/真情流露/孤單背影/玻璃窗的愛/戀戀風塵/我心不死...etc是旦數都已經夠全晚嘅歌單。唯一希望，呢d紀念concert，d歌嘅編曲唔好太大改動，有返以前味道已經夠了。

音樂好奇妙，除咗可以抒發自己嘅感興，仲可以連結記憶。點解好多人上咗年紀就越來越少聽新歌，因為舊歌連結咗佢哋最青春最美好嘅時光。聽到呢首嘅時候，會諗起某d開心嘅時候，聽到果首，會記得傷心嘅果晚。有d歌名或者旋律，會另人諗起某d片段，某d記憶，或者係某場大雨。

去聽concert，尤其係呢d舊歌手，唔止係為咗聽佢唱live，有時只係一種集體回憶，籍著呢d歌同周圍嘅人，去懷緬返一d已經逝去嘅過去，某d停留咗嘅片段，佢嘅作用唔係話欣賞d咩藝術或者得到d咩，而係係腦中連結咗d乜嘢。

事隔幾十年，當年流住鼻涕嘅小朋友們慢慢長大，可能一直聽住佢嘅歌，一路各種唔同經歷。可能大家都得到好多嘢，達成咗好多嘢，而呢d concert入面嘅音符同歌詞，係大家進入場館果刻，幫你將腦海入面好多嘢進行歸檔。

勾住過去嘅自己，係音樂其中重要嘅作用之一。音樂無話高唔高級，可唔可以產生共鳴，先係聽眾們最在意嘅。

Share呢首“二人時間”，係以前一直無點留意，到後來有次偶然聽到覺得好好聽嘅遺珠。

Concert後感

因為呀哥鍾意，所以細個都聽開，熟佢d歌。佢都59啦，本來預咗佢狀態都差好多，點知比起預期中好，我覺得好唔錯喎(現場有無tune有無咪咀我唔知啦)。

好多大路歌都有唱就預咗，最開心係佢揀咗唱“玩味”同“我心不死”(尤其係玩味)。

何炳重新編曲，令d歌有返新嘅時代感得來，但又無失去舊歌嘅味道。

除咗快歌medley果part d歌轉得快未必跟得切，其他歌幾乎都係音樂響起我就已經唔使睇字幕識得唱晒全首。

呢d concert真係睇一次少一次。睇完真係感覺好滿足啊。

Day 3 Rundown (可能有甩漏) (無comment果d都係正，只不過唔特別講)

1。奇妙旅程

2。柯德莉夏萍穿過的鞋 (幾驚喜有呢首，自己幾鍾意嘅)

3。不羈戀人 (除左快歌medley某d歌，唯一一首背唔到歌詞 xD)

4。逝去的諾言 (愛歌之一)

5。人生何處不相逢

6。花店

7。紅茶館 (當然無左獨白)

8。玩味 (好開心! 愛歌之一)

9。真情流露 (呢首一向鍾意原版日版果首多d)

10。傻女 (必唱歌之一)

11。Jealousy (呢首嘅編曲更powerful幾正)

12。我寂寞 (呢度連續幾首都係我之前一直覺得好match嘅系列 怨婦歌)

13。我心不死 (會揀呢首好開心)

14。凌晨舊戲 (唯一一首改編覺得麻麻地嘅)

15。為何仍是你 (估唔到有(不過當然我都識xD)

16。明日有明天

17。情意結 (幾年前內地有人翻唱紅左，而家變左佢必唱歌)

18。快歌Medley(呢度有d歌會唱幾句就轉歌所以可能會甩)

反叛->大情人->披星戴月->披星獨行->憂鬱你好->夜半驚魂->地球大追蹤->Joe Le taxi->變變變->貪貪貪->跳舞街 (嘉賓 李克勤 出場) (雖然佢唔擅長跳唱快歌，不過整左個十零分鐘嘅快歌Medley，唔使齋企唱，都幾有心又精神嘅)

19。去吧 by 李克勤 (好彩佢同軒公都唱返PC嘅歌，AGA可能唔夠班所以唔敢唱 xD) (以

20。陪伴 (新歌，都唔錯)

21。玻璃窗的愛 (大合唱位開始)

22。夜機 (又係必唱經典)

Encore

23。千千闕歌 (又係必唱經典佢自己都唱到悶 xD)

24。飄雪

25。幾時再見

完

一月十九日 -- 終於返歸

13/1(一) -- 收工同白田舊同事聚，試左MK燒烤堂，都幾好食。

1。今日交收咗2場，又清一堆，咁又差不多一千蚊。其實錢都唔係最大問題，位置都有d問題但唔係最大，主要係真係砌唔晒，無謂浪費了。

14/1(二) -- 收工返去買外賣。

15/1(三) -- 出site收工返去夜晚C煮。

16/1(四) -- 出site收工返去行去坑口meet CB食燒肉。

17/1(五) -- 出site收工返去meetCB去Popwalk2食幸運燒味。

18/1(六) -- C朝早帶B上堂，C 11點半聽talk，我11點3去湊B返去換衫，跟住帶B去寶康公園遊樂場玩到1點半，C聽完talk之後大家去寶林meet一齊食泰國野。行個圈返企再同B落去踩直排輪，到6點幾去食新開果間拉麵。

19/1(日) -- 呀媽今日終於返香港。天晉打波8-10，之前果晚訓得極差，不過打波果時就唔太覺攰嘅(但全日都好眼訓同攰)。今日都算打得唔錯，近幾次打波都好少起手三分(都無入)，不過防守算係咁，turnover唔算多，中距離射唔少都算準，有d籃底咁，嬴波唔係唔關我事係有貢獻嘅(仲贏到Derek隊添)~ 打完去調景嶺meetCB食泰早餐，之後返企沖涼hea一陣，CB去睇戲Lion King，我係企抖一陣同晾衫，5點島帶B同學仔上天晉琴房，再幫呀媽推一堆野去九座。之後出返來meetCB係樓下食大家樂Bino。

2。終於可以返自己床訓! 都係自己床自在d呀~

來緊:

24/1(五) -- 下午請假同呀媽CB去AIA。夜晚同C睇陳慧嫻concert

27/1(一) -- TKO醫院抽血

11/2(二) -- TKO醫院覆診

完

一月十二日 -- 終於打波!

6/1(一) -- 出site收工返企夜晚C煮。

1。第一次去到駿洋邨(同埋附近)。

7/1(二) -- Jackie返HK，搵我同Pen食lunch，好感觸。出site收工返去同CB去荳子食飯。

2。B難得今日一直都算乖，要一記。

8/1(三) -- 出site寶林收工返企，夜晚落去買外賣。

3。今日好夜先過去。半夜老豆打來問。

9/1(四) -- 出site收工返企夜晚C煮。

4。是日極眼訓。

10/1(五) -- 出site收工返企再同CB去寶林食金鳳，之後行一下返企。

5。今朝唔知醒，差不多8點先起，點知轉搭鐵返公司竟然無遲到。

11/1(六) -- 是日朝早嘈交，中午佢地食野我無食。之後入西貢C細佬度，hea到5點幾6點出返來，四圍已無位，最後去左譽居同埋佢爸媽細佬食飯。

6。過左一陣餓嘅時間就會唔覺得餓。

12/1(日) -- 天晉打波8-10，原來2個禮拜無打波。是日打得麻麻地，同埋只係嬴左一場(好彩都有贏)。打完例牌食雍明，食完返企沖涼夠一陣B(好攰想訓)，3點幾先落去食個大家樂tea，同B踩直排輪，佢又有進步。之後去寶盈大快活食飯後返企。

6。終於的起心肝出post，又賣左差不多成千蚊模型。

來緊:

13/1(一) -- 白田聚

24/1(五) -- 陳慧嫻concert

完

一月五日 -- 新年

1/1(三) -- 新年快樂。中午同CB呀媽一齊去Megabox食Ikea，食完呀媽走先，我地行完Megabox同Aeon之後返去。叫埋呀媽出來一齊食太興後返企。

1。呀B人生第一次跨年倒數。

2。例牌睇叱吒，例牌好多野攪唔掂。今年唱嘅水準"普遍"好過上年嘅其實，不過特別出眾嘅就少左。另外，d歌都係上年普遍好d。

3。呀媽今日返鄉下大約兩星期，我由今晚開始過九座訓。

2/1(四) -- Simon下午來拿返d野比我。出site收工返企擺低野同執野，夜晚出返APM同Ben食d野同睇誤判。

4。誤判 -- 事前好多網上評論話文戲唔差，打就狂打。自己睇完之後覺得都係自己預期之中，唔好太斟酌內容，順住個flow睇就OK，果啲乜堅持初心，謹守崗位，明燈照亮大眾，今時今日聽落仲十分諷刺，你咩立場就會take到乜嘢。劇情其實都係大路無乜驚喜，因為由細到大都睇得太多警匪片，套路唔會爭太多。呢套就想加d元素所以又有一堆法庭戲，好唔好就見仁見智，睇埋個製作特輯就覺得，佢好多諗法，有少少貪心，想講或者做嘅野多，對於某d人物或者場口塑造就反而好似唔夠。成套野嘅角色其實都算幾面譜同平面，尤其黑幫果兩件。打果幾場就精彩嘅，幾場決鬥前啲氣氛都營造得幾好，始終佢都係動作出身，而且又去過Hollywood，真心經驗值高嘅。Overall來講，純粹以睇戲角度就OK啦，不過難得有港式大製作(雖然係內地資金)，所以都值得入場睇嘅(我就因為睇戲quota少，如果要比錢入場未必排到睇呢套，但睇左都唔會後悔)。

3/1(五) -- 出site收工返屋企先，C同B睇超音鼠，睇完出來meet去敏華食野。

4/1(六) -- 上午C同B去上Ukulele，我係九座過七座等佢地上完一齊出去食野(堅信號唔使等)，下午一齊同B去灣仔上堂。點知原來大人唔使入，4點完一齊搭叮叮去天后，上呀馬屋企同鳴鳴慶生。8點走。

5/1(日) -- Book唔到場無波打。11點島出去食d野(小幸)跟住去維園行工展會，又曬又多人，抱左B行大半。行完買完野返屋企放低野，落單車公園草地玩攤位遊戲。遇到Grace一家。玩完係隔離單車場比B玩直排輪。6點島走，去尚德Sukiya食牛鍋。

5。上年差不多時候呀B學識踩單車，今年開始掌握直排輪了。而家呂使扶可以好慢咁向前，停低轉身。

來緊:

13/1(一) -- 白田聚

完

二零二四年回顧

又到每年回顧下自己記得又值得少少提下嘅事，可能都係d好瑣碎嘅野，或者對於其他人唔係d咩野，不過都想記錄一下。以下事情不分先後，不分重要程度。

1。今年其中一件大事應該係呀B準備升小? 雖然未升，但已經好傷腦筋。其實想簡簡單單開心讀下書咪好，不過係HK似乎唔係咁簡單。不過，其實如果唔係報私校或者直資，其實都只係等大抽獎姐。之前諗咁多其實一d用都無，根本無得估果年嘅情況，真係晒心機。仲記得有2個禮拜小學參觀/open day/talk馬拉松，真係聽到嘔。

2。另一件值得講嘅事係爸媽搬屋，因此佢地搬來同我地一齊住8個月。住緊間屋係佢地嘅，況且佢地係我呀爸呀媽，所以我一定無問題嘅。不過一定辛苦左呀C同呀B。始終人多咗，地方又得咁多，大家生活習慣又唔同，所以一定對大家生活有影響。呀媽就專登返大陸同埋去英國，幾長時間唔係度。不過總算有時限，捱下捱下終過去。搬屋事雖然呀媽攪晒大部份野，我同C只係少量幫手，不過都幾攰。暑假呀嫂返來，到暑假尾佢地走，呀爸搬返過去，我仲記得所有嘢一完，我即時病倒。

3。各樣嘢嘅延伸，就係我嘅腳痛。先係唔知點解無啦啦有反甲好痛，再因為痛行路就力攪到另一邊腳痛，再返返另一邊又痛，然後又影響過膝頭...總之痛來痛去影響左半年...而家touchwood總算反甲果度仍然反，但唔攪到都無乜嘢(但都會有痛)，腰係近年來講都算唔錯(都一定係keep住會冤呀痛呀咁，不過好過往年了)，打波狀態雖然都知唔會好好，但都叫不錯了。

4。承上，今年做body check，雖然有d指數之前高嘅都仲係偏高，不過除咗血糖之外全線下降，都算係咁。

5。好開心農曆新年返鄉下。比呀B感受下新年氣氛，同埋好大地方可以走來走去同玩。雖然果期腳好痛...今年都好想返鄉下，不過似乎無機會。

6。自從上年年尾跟公司trip上深圳再加上農曆新年返鄉下之後，今年開啟咗北上消費嘅大門(比起好多朋友同事好遲了)。我地住將軍澳，車程都幾耐，而且又帶住個小朋友，所以唔會好似北區朋友去得咁密。其實北上主要目的，真係地方大好多，去玩playhouse或者行街都闊落好多，比起香港成日都係果d地方無咁悶。咁當然飲食住買各樣真係平過香港好多...

7。講少少B嘅嘢。睇醫生確認好活躍同唔專心都預咗。愈來愈曳都係事實。每日返工放工返去好攰再做埋家務仲要日日聽到佢嘈佢扭佢發癲真心難頂。但亦都只係我可以睇佢情況來順應佢達成要達到嘅目的，同埋諗古靈精怪嘅嘢同佢玩。希望可以儘量拓展多少少佢睇到見識到嘅嘢。今年見到B係好多方面都進化咗﹕首先就係由文盲變做識睇字仲識寫字，呢下比起識講嘢感覺強烈。另外年頭學識踩單車之後，好快已經掌握咗呢樣嘢，仲同我地兜到將軍澳。今年終於同佢去Disney第一次玩Frozen區，佢人生第一次玩過山車仲唔驚添~ 另外，今年奧運呀B都係第一次睇，佢都對唔少項目睇得有趣味。

8。講下少少自己d嘅嘢。今年唔計有關屋企人嘅，又最最最值得講嘅，就係同中同幾家人一齊去愉景灣Staycation。真係好難得同好開心。

9。今年睇過嘅電影﹕臨時劫案，飯戲攻心2，熱辣滾燙，Seed Freedom，破地獄，我談的那場戀愛。比起以前有排幾乎個個禮拜自己睇戲當然少好多，但計近年真係算唔少了。

10。今年有睇開嘅漫畫，竟然完咗幾多套﹕徹夜之歌，咒術迥戰，小太郎一個人生活，我的英雄學院。

11。電視劇一向少睇。近年都係每年睇三幾套。今年不得不提"婚後事"，雖然係TVB劇，不過劇情、舖排、演技etc各樣嘢都好OK。

11。NBA真係無咩好講，近年真係愈來愈唔好睇。All Star Game更加係垃圾到爆。以前會睇波睇Stat睇recap，而家只係睇下賽果同boxscore算了。

12。講起籃球，幾開心參與咗九叔group嘅籃球賽(第一日開戰，同埋我齋join event同鬥下波無join正式比賽)。雖然keep住有打波，但一直無練波，深深感到自己個人嘅balance同手感都唔好。真係好想搵返時間來練下波。

13。今年砌左好多模型。係有紀錄以來最多，就算扣除Pokemon或者有d1簡單呀B砌嘅，個數目都多過往年。其實時間都係得咁多，只係抽到多dd可以有嘅時間同埋有精神去做呢樣嘢。

14。難得地唱了2次K。雖然好耐無唱狀態麻麻，但實在係開心。(好似近2年唱果幾次個狀態都係唔好的)

15。呢幾年明顯感覺到長老年紀大咗，退化咗。今年覺得自己各方面都算唔錯(家人安好/見到好多朋友/健康算係咁/工作算係咁)，希望來年最緊要係自己同家人健康，其他嘢可以起碼keep住已經好唔錯了。

完

十二月三十一日 -- 又到聖誕

23/12(一) -- 收工返企夜晚C煮。

24/12(二) -- 平安夜早放。夜晚去左九座打邊爐。

25/12(三) -- 聖誕節，一早join九叔場去柴灣運動場打8-10，Matt車我地去。好耐無打全場，自己狀態唔好打得差，又唔知點夾，所以係咁輸。打完返來買野食返去，沖個涼。呀娟1點島到，佢陪B玩我就訓左陣。Sanny病左無來，源5點半島到，我地直接出去meet佢食壽司，食完再一齊返企兵左計，9點幾散。

26/12(四) -- 臨時決定去科學館，食完晏同CB同呀媽一齊去科學館玩，玩完係星座冰室食野，之後去尖東行海傍到碼頭再行去1881，影下相。之後返企。

27/12(五) -- AL清假。係企hea大半日，夜晚去寶林行個圈同埋食燒肉。

28/12(六) -- 一早出發去皇崗過深圳玩三日兩夜。先去坂田check-in，食完京味張之後去華強北個商場行下同玩。夜晚meet KTG同佢個仔係客語食飯，佢仲請我地食飯添。食完同佢地打陣機散。佢幫我地call車返去。

29//12(日) -- 起身去酒店強近嘅坂田萬科廣場食野。呢個商場d野都好齊，有星際有大嘅Meland有KL Sports有探魚八合里..etc，幾乎可以係度stay玩足2日了。食完野去左Meland玩，玩完食原石牛扒之後，傍晚去甘杭古鎮。我地齋行影下相，無入去要付費嘅地方了。夜晚返返坂田食芸山季，食完都夜，商場超市都關晒(同埋都飽)，無再買咩宵夜返去了。

30/12(一) -- AL清假。起身去坂田萬科廣場食左間米線，之後去KL Sports玩。都幾多少機會玩嘅野玩，唔覺唔覺就玩左2個半鐘。玩完去食梳乎里，再去食左探魚。之後買d糕點餅嘅野後就返HK了。

31/12(三) -- Lunchtime同中同呀馬周天恩同美國返來嘅Simon食飯。3點收工，係公司打一陣機，之後去觀塘換戲飛，再去油塘meet CB，行一陣食日本野後返企。

1。一年又完了。

來緊:

完

十二月二十二日 -- 就到聖誕

16/12(一) -- 收工返企夜晚C煮。

17/12(二) -- 收工返企夜晚C煮。

18/12(三) -- 中午公司同事lunch X'mas party; 收工返企夜晚C煮。

19/12(四) -- 公司羽毛球班最後一堂7-9@佛光街體育館。

1。今日最後一堂，竟然第一個鐘先多一個場可以打下。繼續練習上一堂嘅雙打走位，係自己野果時試下又真係幾work。最後就再教左另一款走位，後場殺波，前場啦同伴網前殺波，後場果個再補上去另一邊前場再殺波。

2。終於都完晒d堂。雖然都鍾意打波同做運動，不過硬性一個禮拜有一晚唔返屋企，始終感覺有d burden，同埋更加唔好意思係其他日子做d乜(例如踩單車或約人，雖然不嬲都無乜)。上半年同爸媽同住，再到暑假完就差不多開始羽毛球班，來緊就可以再約下踩夜車，同埋同同事打下波練下準備工商盃。

20/12(五) -- 下午放假清假，行左信和InsPoint同果欄，無乜買到野，買左玩具送人同埋少量水果。返企hea陣，夜晚同ConnieMartinPenny係Simplylife食飯。

3。原來個品牌佢地都識喎。咁可能係階段或者圈子唔同?

4。朝早自己部門攪聖誕party，我要出site無join...有少少唔開心的，仲要個客係煩人。

21/12(六) -- 朝早係企hea，2點幾出到九龍灣meet KTG，好多年無見! 佢專登來HK搵我地。食完個late lunch行左下佢就走。我地係淘大行多陣就返九座，冬至做冬。

5。終於買到聖誕卡，又買左比B嘅聖誕禮物。

22/12(日) -- 天晉打波8-10，可能係今年最後一場波(起碼天晉就一定無)。今日都嬴波多，自己算打得唔錯，三分好似4投2中? 不過有幾下叫係過到半個人剷到入去，對方另一人迎上來，自己唔太識處理(始終少機會)，睇來真係要練返多少少上籃。打完波返企沖涼恰左下，到呀C恰我就陪B玩一陣同埋佢畫聖誕卡。5點幾出去牛大人打邊爐。

來緊:

24/12(二) -- 平安夜早放

25/12(三) -- 娟源Sanny聚

27/12(五) -- AL

28-30/12 -- SZ三日兩夜

31/12(三) -- 中同lunch

完

十二月十五日 -- 終於轉凍

9/12(一) -- 出site收工返企，夜晚C煮粉比B，我自己hea買飯盒食。

10/12(二) -- 出site收工返企夜晚C煮。

11/12(三) -- 出site收工返企夜晚C煮。

12/12(四) -- 公司羽毛球班@佛光街7-9。

1。今日教雙打企位及走位，主要係教進攻企位。通常人地開波過來之後，接果個定左位之後就一前一後，睇下左定右，由於suppose進攻打直線，所以前後都會同一邊。一般留係自己位置，睇3個位(當係左邊，就前面果個左右前+右中間，後面果個就左右後場+左中間)。承上，如果對手打去左中間，後面果個向咗前，前面果個就退開去右邊橫移+退後(後面果個可能要出聲提佢向咗前)，之後前後調轉。

之後練下壓(後中前場三下)，要少少拗腰。

remind自己：注意腳步唔好飄，同埋留意波打過來應該正定反手接。

13/12(五) -- 出site收工返去meet CB去parkside foodcourt食飯。

14/12(六) -- C同B朝早去上Ukulele班，我10-13去觀塘公司整聖誕薑餅屋班。個班各樣野都麻麻地。上完返企放低野再同CB出去食巷仔，食完上九座。夜晚食埋飯返。

15/12(日) -- 天晉打波8-10，今日難得身體狀態唔錯地打波，所以都打得幾好。嬴左幾場波，輸一場都只係輸21-19。值得記嘅幾球: 有2球右手cross去左手剷入去上籃入波(一球左手上一球右手上); 有一球三分KO對手; 最後一場最後一個possession偷左Derek波(然後隊友入波嬴波)。打完波例牌同佢地食野拿外賣返去，之後沖涼恰一陣。下午C訓我陪B。夜晚係屋企Bino。

來緊:

18/12(三) -- 公司同事lunch X'mas party

19/12(四) -- 公司羽毛球班最後一堂

20/12(五) -- 同ConnieMartinPenny食飯

21/12(六) -- 冬至屋企做冬; KTG話來HK搵我地食tea

24/12(二) -- team lunch; 平安夜早放

25/12(三) -- 娟源Sanny聚

27/12(五) -- AL

28-30/12 -- SZ三日兩夜

31/12(三) -- 中同lunch

完

十二月八日 -- 我談的那場戀愛

2/12(一) -- 呀源生日快樂。收工返企夜晚C煮。

1。今日終於有bubu痾。不過全日都係好攰...返工要清返之前幾日d野，更攰。

3/12(二) -- 出site收工返企夜晚C煮。

2。都唔是痾得好順。

4/12(三) -- 早2日夜晚Ben突然話有包場睇戲約我一齊睇。收工去高先戲院同佢一齊睇"我談的那場戀愛"。睇完同佢食埋野散。

3。我談的那場戀愛 -- 一直都係想睇嘅戲來，竟然有機會睇。果然如我想像係我鍾意睇嘅小品類型。好多人都聚焦係網騙呀、演技呀、吳君如呀、MC呀咁，我就簡單d，我覺得拍得幾浪漫喎。用網騙做故事骨幹，寫2個人嘅心點開始連結，之後係日本果段二人相見(但單方面不相認)，再到最後引爆個結局，成條線都寫得好順暢同舖排得幾好。吳君如就預期佢演得幾好，而事實上戲入面都好多位可以比佢發揮，MC個角色其實都算好做，做返個MK仔，反而佢好多獨白位，要用聲音做旁白並唔係容易嘅事。Stephy個角色有少少驚艷嘅，不過我覺得佢一向都OK做到呢款。另外當然要提下，郭爾君好正呀~~ 睇完之後有監製同導演分享，好幾位觀眾問嘅問題都係我想知嘅，對於casting，某d拍攝背後嘅情況，同埋有d本來想拍嘅畫面，聽落都豐富左對套戲嘅認識。總的來講我覺得好睇同值得睇的，多謝Ben請我睇。

5/12(四) -- 公司羽毛球班@佛光街。Skip左2堂，聽聞之前都係比我地自己打。今次呀Sir比我地互相練習一陣推波同網前，之後佢比我地同佢猜波，先叫我地做主攻果方，最後比我地試做守果邊。

6/12(五) -- 出site收工返去meet CB，佢地啱先睇完戲，B少少唔舒服去睇左醫生先，之後係雍明食飯返去。

7/12(六) -- B唔使上堂，全日無節目。不過佢唔舒服，最終無出去，朝早起身食d野睇左半場波，中午島我訓一陣。下午hea下hea下到3、4點出去食少少野，之後同呀媽一齊踩單車，去左轉康城來回。呀B好攰。返企叫外賣，2個鐘先到。

8/12(日) -- Book唔到場。朝早10點幾先落去M記食野，之後我去交場錢，呀媽同佢地去街市買野準備夜晚打邊爐。晏晝係企B訓一陣我砌模型。夜晚呀媽過來一齊打邊爐。

3。原本難得2日B無堂上無約人又無波打，C想上深圳，不過B keep住唔舒服所以無出去遠嘅地方了。

來緊:

逢星期四公司羽毛球班

14/12(六) -- 公司整聖誕蛋糕班

完

十二月一日 -- 發燒

25/11(一) -- 出site收工返企夜晚C煮。公司羽毛球班@佛光街唔去了。

26/11(二) -- 收工返企夜晚C煮。

27/11(三) -- 一朝早起身已經覺得好wing腳浮浮，但無發燒。請病假係屋企攤。之後愈來愈辛苦，全身無力仲要周身骨痛，連訓係度都覺得好辛苦，到中午再check就發燒了。最高39度。下午4點島夾硬捱去雍明睇醫生，總算睇到醫生有藥食...

28/11(四) -- 朝早起身燒已退，但係仲係wing，好攰同埋無力，都係請病假算了。係屋企攤左一日。(公司羽毛球班@佛光街去唔到)

29/11(五) -- B學校放假，我都請假一天。起身總算精神少少無wing，個人攰攰地，不過體力感覺都有返七成島。於是照原訂一家去深圳即日來回。今次試搭藍田皇崗巴士，感覺幾好，可以唔使狂轉車，過關無人，行10分鐘就到地鐵站，不錯。今次只係去左SZ嘅"下沙"站，有2個商場，都係飲飲食食同埋玩下咁。原來SZ TeamLab做到12月中就完，好彩今次去一去，都好啱呀B玩。

30/11(六) -- 朝早C帶B去學Ukulele。下午Rita同Edf帶小朋友們來，去搵左2個Pixar位影相同埋上天晉遊戲室玩，再上我家玩。夜晚叫外賣。10點島散晒。

1。差不多12點先攪完晒野，點知唔記得book場...

2。每日都痾水，右邊牙肉痛應該有發炎，其餘又無乜野大唔舒服...

1/12(日) -- 天晉打波8-10，雖然病好到7788，不過都係攰，但都好過上星期。各樣原因，輸波多。不過中距離OK，三分射左2球都入左球，最尾都嬴返場...今日難得Jack來。同佢地食完野，買外賣返去，沖涼就訓左陣。下午3、4點跟C細佬車同佢呀媽呀姨入西貢細佬屋企hea，到6點幾車返出來坑口食飯(台灣野)，9點島返到屋企。

3。之前果晚開始食止瀉藥，無痾但又有少少便秘...

4。傳來傳去幾次，而家又話下年可能轉office。

來緊:

逢星期四公司羽毛球班

14/12(六) -- 公司整聖誕蛋糕班

完

十一月二十四日 -- Disney

18/11(一) -- 出site收工去公司羽毛球班@佛光街。

1。今日無再教d咩，將之前所有野混合，叫我地係場上random開波過來比我地打返過去，之後再分組半邊場1 on 1。由於個場無冷氣加要走前走後，運動量都幾大同流好多汗。

19/11(二) -- 出site收工返企夜晚C煮。

20/11(三) -- 出site收工返企夜晚C煮。

2。是日屋企浴室寶壞左。

21/11(四) -- 收工返企夜晚C煮。

3。B接近5點無啦啦發燒。

4。逢星期四公司羽毛球班又因為場地問題延去星期一。

22/11(五) -- 拿MA早收工返去睇跌打，夜晚買外賣。

23/11(六) -- 公司Disney活動。一早8點8島出門，10點島出閘，行到去門口都唔少人，入到去10點8島即刻衝去玩左Frozen任務成功，目標達成。估唔到玩下hea下呀B都捱到去9點9睇煙花。睇完煙花同ConnieLolo諗住一齊call車，點知無人接，最終搭地鈕返去，12點先返到。

5。呀B全日都乖，好抵讚。另外佢成就解鎖Frozen個過山車，玩完話好玩同埋話以後都會玩~

24/11(日) -- 天晉打波8-10，勁攰，已盡力，有嬴有輸算係咁。同佢地食完野買外賣返來。呀C果朝先記得原來下午去將軍澳海水化淡廠。好彩有車接送又輕鬆嘅。夜晚(tea時間)去左Table食。

來緊:

逢星期四公司羽毛球班

29/11(五) -- B學校放假，我都請假一天

30/11(六) -- RitaEdf聚

完

十一月十七日 -- 破地獄

11/11(一) -- 出site火炭收工返去夜晚C煮。

12/11(二) -- 出site收工返去夜晚C煮。

13/11(三) -- 出site收工返去寶林拿體檢報告，夜晚C煮。

1。除左一早估到血糖會升左之外，其他本來高高地嘅指數竟然全部有跌(雖然都仲係少少偏高)，估唔到。

2。夜晚11點幾掛8號波。

14/11(四) -- 朝早10點4落波，為左唔同人逼，差不多10點半就返到公司。收工上九座食飯，呀媽拎左大閘蟹同羊腩返來，C再買左雞。

3。逢星期四公司羽毛球班又因為場地問題延去星期一。

15/11(五) -- 放假一天，B上午做assessment (9-13攪左4個鐘)，確定有專注力不足+過度活躍症。之後係觀塘"新乜乜"(好耐無去)食晏，再過SSP行特賣城同玩具街，買左少少聖誕Deco。搭地鐵返TKO，食到荳子最尾時間嘅tea之後返企。

4。呀B夜晚起風癩，成晚都訓唔好。

16/11(六) -- 朝早我湊B去坑口上堂，今日第一堂Ukulele，skip左最後一堂工聯會綜合美術，之後佢上埋粉彩。早少少捉佢落堂，返去睇醫生之後去食蕃茄十八，返企沖涼。佢明明好攰唔訓，C就訓左。我同佢溫少少書同比佢睇打機，夜晚叫外賣。

17/11(日) -- 是日無波打。C同B同C親戚去海洋公園。我同Derek睇早場"破地獄"。睇完一齊食點壽司之後散。返企沖涼抖一陣，夜晚中同食飯(合時小廚私房菜)，呀澤係日本返來。10點先散再同呀澤行返北角先搭地鐵。

來緊:

逢星期四公司羽毛球班

23/11(六) -- 公司Disney

29/11(五) -- B學校放假，我都請假一天

30/11(六) -- RitaEdf聚

完

破。地獄 觀後感

網上太多人講，所以重複嘅就唔多講了。先總結，係好睇嘅。至於神唔神呢，我就覺得未係神級。

話說在頭，每次有戲上我都好鍾意上網睇影評(都算睇得多，專頁嘅論壇嘅乜都睇)，大概都會get到邊類人邊類睇法。我知電影好唔好睇真係好主觀，而且人人都唔同切入點同埋唔同角度，尤其唔同身份對於戲入面嘅人物事件更加會有唔同體會，所以真係無得話反對別人嘅睇法。不過網上真係有好多立場撚/獨醒撚/為反而反撚/逢紅就踩立場獨特撚...呢d我就唔多講了，亦都無謂反駁。最無聊係一d連個expectation都唔啱嘅人話唔好睇，果d真係得啖笑。

講返套戲。個人覺得，個故事其實唔算太特別，基本上都係standard，咩人物出場都估到功用係乜。認同網上有人話想講嘅野太多，所以每一段都有少少短，講得唔夠，渲染嘅力度都未太夠，不過我覺得都OK，如果要cut，倒不如出個加長版。只可以話電影時間影響左想講嘅野。

電影嘅一大gimmick係殯儀，其實始終佢都唔係真係涉獵我好深入，更加唔係紀錄片。睇電影對於講任何行業，始終一定會"浪漫化"，"浪漫化"係包括美化醜化同"以意加減，真係好正常。因為要帶出戲劇效果，因為要比唔識嘅人某種認知，所以一定唔會係原原本本的。所以我自己就唔介意。而呢套戲都係用"殯儀業"為題，實質要帶出嘅係家庭、親情、關係，仲有人生、放下同埋釋懷。

我覺得編劇同鋪排算係唔錯，有人話2個主角角色心態轉變太快，我就認為唔係真係一單兩單case就轉變嘅，中間都有經過唔少時間，只不過電影唔會花費咁多編幅去交代姐。攝影、畫面同音樂音效就幾正。百年來，電影故事大部份始終走唔出框框，點講故事就好講技巧了。自己唔係讀電影，唔識評論任何技法，不過覺得呢部算係咁了(但講真未到神級，而家票房大賣我覺得係因為演員加成)。至於喊，我一向睇電影甚至動畫都係好易喊果類，極度眼淺，但呢套我又無喊喎(都有幾幕眼濕濕嘅)，可能佢想帶出嘅道理我本來就已經知道同諗到。

最要激讚嘅，就係演員。個陣容其實好勁。

黃子華來講，講真我又從來唔覺得佢演技特別好，佢最成功係棟篤笑同埋佢嘅形象，而佢好睇大賣嘅戲，係角色似佢啱佢多過佢做得特別好。不過又咁，要諗第個演員去做返個角色，又真係諗唔到邊個啱過佢。That's what I mean。

許冠文就真係好勁。佢個角色其實唔係就咁做個乞人憎廢老就OK，真係有唔同情緒係入面。朱康其實唔少戲份，網上d人話佢同衛詩雅被過譽，我就唔覺得佢地經常木口木面無表情一兩下爆發就係好定壞，而係覺得，係佢地有份嘅情景，佢地嘅行為心態表現得好自然，咁已經好足夠。金燕玲今次戲份無乜機會表現。最勁嘅始終係老戲骨秦沛，只係簡單2幕，d戲出晒來，好癲。

唔多識講d乜，無乜組織，諗到乜寫乜，可能有d亂。

總的來講我覺得係好睇值得一睇的。

完

十一月十日 -- 結婚9週年

4/11(一) -- 朝早去照MRI再返公司。收工返去夜晚C煮。

5/11(二) -- 收工返去夜晚C煮。

6/11(三) -- 收工返去夜晚C煮。

7/11(四) -- 全日site係SSP017 resumption。咁啱羽毛球班defer去星期一。收工去坑口同C呀媽呀姨食農耕菜。

8/11(五) -- 結婚9週年。收工返企再出藍塘傲"Hunter"meet C同B食飯。

9/11(六) -- 朝早我湊B去坑口上堂，之後我返TKO都係我拿晒d野去回收。中午去接B落堂之後去Monterey "Pizza Pig"同PennyNat一家Lolo一齊慶祝Connie生日。食完行海邊上我家，再同Connie切蛋糕。5點零散。同B係企hea左陣，夜晚同CB去屋企附近散買d外賣返企食。

1。夜晚太攰，食完野沖完涼訓著左，再起身已1210，book唔到下星期打波。

10/11(日) -- 朝早打波8-10，自從上星期後條腰都有少少痛，加上訓另一邊，成個人都好攰狀態麻麻。打波有嬴有輸，唔算打得差，有一場對住Derek隊最尾嬴少少，我入左4-5球(仲有last shot)，算係最impressive嘅一場。打完波同佢地係popwalk 2食完野買外賣返去，沖個涼恰一陣，同B溫陣書後hea一陣。夜晚去食清湯腩再食糖水後返去。

來緊:

逢星期四公司羽毛球班

15/11(五) -- 放假一天，B上午做assessment

17/11(日) -- 呀澤係日本返來，夜晚中同食飯 合時小廚私房菜 天后木星街

23/11(六) -- 公司Disney

29/11(五) -- B學校放假，我都請假一天

30/11(六) -- RitaEdf聚?

完

十一月三日 -- 呀媽再去旅行

28/10(一) -- 收工去寶林拿MRI referral信，之後踩單車返去。夜晚C煮。

29/10(二) -- 出site收工返去夜晚C煮。

30/10(三) -- 出site收工返去，C同B去左Grace比我地嘅將中遊戲室2個鐘玩，我返到去幫手煮左2樣野，佢地返來開飯。

31/10(四) -- 彩虹道羽毛球中心公司羽毛球班7-9；打完返企。

1。今日練返網前推波(後段加埋後場drop波)。

記: 身體同手動作唔好太大，因為追過龍個拍位會就唔啱，手fing太多好難對得準波。拍面記得向前。揮拍時手肘唔好向下郁。

1/11(五) -- 出site收工返企，再出去將中meet CB食譚仔。B下午同同學仔去草地picnic之後再用埋QR code去玩遊戲室。

2/11(六) -- 朝早我同B去上興趣班，中午同C去接佢，去明德食完飯去坑口鄉事會陪C打流感針後返企。馬一家4點半島來，係Table食完tea去海濱行，可能仲早同埋已經過左Halloween，所以都唔多人了。

1。呀媽又飛，呢晚開始過九座訓差不多2個星期。

3/11(日) -- 朝早打波8-10，是日打得普通，防守算正常，進攻有d turnover，三分3定4投1中唔算射得多。同佢地食完野返企沖涼恰一下，同B溫左下書。夜晚去寶林試左間炸雞，之後去左U士多同彩豐行買完野返去。

來緊:

逢星期四公司羽毛球班

9/11(六) -- 同PennyNat一齊慶祝Connie生日。

17/11(日) -- 呀澤係日本返來，夜晚中同食飯

23/11(六) -- 公司Disney

30/11(六) -- RitaEdf聚?

完

十月二十七日 -- Body Check / Meet Friends

21/10(一) -- 出site收工去觀塘同娟交收，再同貓姐Maychan食放題(間放題d野普通)。8點幾同佢地等埋車散。夜晚過九座訓。

22/10(二) -- Body Check拿左全日SL。9點去到寶林，大約11點半走。去觀塘同Natalie食晏，2點島散。返企陪B溫陣書，之後太攰係地下訓左陣。夜晚同CB去太興食tea。夜晚過九座訓。

23/10(三) -- 出site收工返企夜晚C煮。夜晚過九座訓。

1。今季NBA終於開鑼! LBJ歷史性第一個父子同場打波，雖然有d夾硬，不過真係幾癲。

24/10(四) -- 出site收工去坑口meetCB食d野，之後去彩虹道羽毛球中心公司羽毛球班7-9；打完返企。呀媽返左來。

2。今堂教網前推波。

平時打波動作係，轉腰，揮臂，手腕。如果打網前有時會時間不足，就減前面嘅動作，最minimum都要轉腕。打波要自己就位同距離感(所有波都係)。

網前推，打波位大約網頂，預備時打直拍，拍面向前唔好斜。波來時拍少少向後準備定，右腳踏前右臂連碗拍落波。個波應該係向下或向前，唔會向返上。揸拍網前會上少少，因為快，後場落少少，因為大力d。

25/10(五) -- 出site收工返去同CB去尚德食壽司。(本來去壽司郎不過太多人放棄左)

26/10(六) -- 竟然三號風球，唔使上興趣班。朝早係企hea左朝，2點幾差不多3點先出去食野。去左牛大人。食緊時Trista傾開，臨時約左來我家玩。佢地5點幾到，本來諗過夜晚一齊去海濱Halloween，不過有d雨，所以全晚係屋企hea。10點幾走。

20/10(日) -- 朝早打波8-10，今日個人好攰不過都仍然有盡力打。防守自己keep住都係麻麻地腳步慢，進攻唔算太差，走位入攝同中距離都唔差，反而身體有優勢爆入去好幾球有d入有d唔入，覺得自己應該入多d的。三分無點射，最終好似3定4投1中。打完同佢地快食完早餐返去沖涼，之後下午join呀B表妹綽宜生日Party。上佢clubhouse幫手打點少少野，2點幾成班小朋友落將中個收費playhouse玩(都算唔細同多野玩)，玩完返clubhouse有人體彩繪，之後玩玩玩到5點幾差不多6點散。本身有帶Halloween衫同糖，直接換埋衫同B出海濱行個圈(趁人少)湊個熱鬧之後返企。

3。之前果晚2點幾先訓，一早打波再直落到夜晚，超級攰。

來緊:

逢星期四公司羽毛球班

9/11(六) -- 同PennyNat一齊慶祝Connie生日。CB抽到活動去機場。

23/11(六) -- 公司Disney

完

十月二十日 -- B interview

14/10(一) -- 收工返企夜晚C煮。

15/10(二) -- 出site收工返企夜晚C煮。

16/10(三) -- 收工返企夜晚C煮。

17/10(四) -- 公司羽毛球班佛光街體育館7-9；打完返企。去左尚德買野食，唔多人。

1。今日教後場drop波。同後場高遠球動作一樣，只係打擊點比高遠球前少少，個拍面打嘅時候係向前或下。手揸實d，手腕唔點用力，好似用塊拍印落去個波度咁。

18/10(五) -- 出site收工入寶林同CB meet食西塔老奶奶。少貴得來d野普通。

19/10(六) -- 朝早我湊呀B去坑口上堂，之後返企hea到夠鐘同C去接佢，返Popwalk 2食泰國野之後上九座，夜晚呀媽煮飯。

20/10(日) -- 朝早打波8-10，不過我打到8點9島走先。今日個人好攰所以打得麻麻，籃底狂炒粉。打左三場，中間果場對住Derek隊，又係放比我射三分反超之後贏埋。返企沖個涼我帶呀BB去寶林interview。返企換個衫同CB一齊去Airside meet呀馬一家一齊食飯再去啟德遊樂場玩，5點島走，夜晚去北角同珍姨(&親戚s)食飯。

2。超級攰。今日呀媽飛，連續4日要去九座訓。

來緊:

逢星期四公司羽毛球班

21/10(一) -- 同貓姐Maychan食飯

22/10(二) -- Body Check whole day SL

27/10(日) -- 綽宜生日Party

9/11(六) -- 同PennyNat一齊慶祝Connie生日

完

十月十三日 -- 重陽三日連假

7/10(一) -- 收工返企夜晚C煮。

8/10(二) -- 收工返企夜晚C煮。

1。夜晚爆鬧咗B。其實事後究竟我係嬲佢定係嬲教佢果個呢?

9/10(三) -- 出site收工返企夜晚C煮。

2。行一行買到扭蛋又拿左Queenie幫手訂嘅書。

10/10(四) -- 公司羽毛球班佛光街體育館7-9；打完返企。

3。今日無教新野練舊野。發覺自己刻意要用啱嘅動作反而打唔到或者打得好差，但又唔想用錯嘅動作。不過二對十幾又好難有機會狂練...

11/10(五) -- 重陽節公眾假期。11點島出去同呀媽去買餸，中午買野上九座食。食完飯我攰到係廳地下訓左個幾鐘。夜晚呀媽煮，係九座食埋飯返。

12/10(六) -- 朝早呀B去坑口上堂，上完堂去左明德食飯。食完飯返去見單車公園草地有攤位遊戲，好曬但都玩左輪。之後呀媽來join，拿d野返七座放低再一齊去油塘食飯同行街。

13/10(日) -- 朝早打波天晉8-10，今日覺得自己都打得唔錯，有贏有輸，輸都係僅輸，走位傳波防守都算係不錯，又係入到幾球三分(同上星期一樣都無浪射好多球的)。打完同佢地食早餐買外賣返企之後沖涼，同B溫書。下午太攰恰左一下差左下電，5點零同BC一齊落去踩單車去康城來回。夜晚差不多6點時臨時約都約到ConnieLoLoPenny食飯。踩完車返企擺低野再去將中"Table"食飯。

來緊:

逢星期四公司羽毛球班

20/10(日) -- 朝早呀B interview。夜晚同珍姨(&親戚s)係北角食飯。

27/10(日) -- 綽宜生日Party

9/11(六) -- 同PennyNat一齊慶祝Connie生日

完

十月六日 -- 久未連續跌打

30/9(一) -- 出site收工返去睇跌打，夜晚C煮。

1/10(二) -- 公眾假期。日頭全日係屋企hea，夜晚同呀媽去半島28/F參加AIA某brand一周年晚會食buffet，仲有得上直升機停機坪睇煙花。

1。今次得2個位，呀媽又想去，佢又唔想益第個，所以我同呀媽去。其實每次有event我都唔係真係好enjoy去，雖然一年數埋12次都無，平均一個月都無一次，但係even咁少次，都會感覺被埋怨自己走左去玩咁。其實對方自己無活動，我自己自問都極少出去了，咁可以點呢?

2/10(三) -- MA返去睇跌打，夜晚C煮。

3/10(四) -- 公司羽毛球班彩虹道羽毛球中心7-9；打完返企。

2。今日教開波同網前放波。

開波 -- 同正手挑波一樣，不過腳唔踏前。打果時拍個位唔可以突然變，腳唔可以郁同拖，否則會犯規。手揸波嘅中間，左手放波落來係放前d。放落來，波落少少睇準先擊球，直線抽出去，轉腰向前，左手向後張開。

網前 -- 正反手都係放鬆隻手，整個人連臂推前，連肩一齊出。手腕唔用力，拍面唔係向波，向上dd，斜車出去送個波過去。可隨時轉挑高波。

4/10(五) -- MK收工返去同CB meet去食"那個"。

5/10(六) -- 朝早同B去上工聯會堂，C 11點半觀塘睇牙。之後我湊B出觀塘地鐵meet C一齊去九龍灣行淘大。食個tea之後返九座，夜晚呀媽煮。

3。夜晚撳左錢，交左費，增左值，backup左相，轉埋歌(但係唔記得copy入手機)，同埋好夜訓。

6/10(日) -- 朝早打波天晉8-10，可能睇左幾次跌打個腰狀態OK，所以攻防都唔錯。防守就都係慢架啦，不過有比之前好少少，應該唔失嘅分都唔失好多。進攻就唔錯，今日入左4、5球三分，又入左d中距離。同Derek一隊嬴左一場波，之後一場僅負，再之後一場實力爭太遠輸(我拿左8分)，最後一場對強隊(Derek佳Sam同新波友)竟然贏到，一直落後好多，臨尾我隊大家輪流入波追近，到16-18時我一球三分反超，最後比新波友入埋贏波，開心興奮嘅。打完同佢地食早餐後拿外賣返企，沖涼後同B溫書同玩，5點島出坑口試果間新野，返TKO再同B踩左下單車先返企。超眼訓超攰。

來緊:

逢星期四公司羽毛球班

11/10(五) -- 重陽節公眾假期

20/10(日) -- 同珍姨食飯

27/10(日) -- 綽宜生日Party

完

九月二十七日 -- 跌打again

23/9(一) -- 出site收工返企夜晚C煮。

24/9(二) -- 早晏都出site超攰。收工返企夜晚C煮。

1。無啦啦話我唔理報小學嘅野?

25/9(三) -- 出site係白田收工返去睇跌打，夜晚C煮。

2。攪唔掂，腰好緊，pat同左腳扯住幾痛。睇完好d。

26/9(四) -- 公司羽毛球班彩虹道羽毛球中心7-9；打完返企。

3。今日將之前教嘅野複習同連埋，退後打高波再上前正/反手挑波。

記: 

3.1 高波同退後，側身，拼步退後(呢個時候個人張開)，自己就波嘅位。

3.2 高波打點其實並非頭頂，應該預前dd，因為會右腳踏前，應該係踏前後嘅頭頂(或前少少)

3.3 手握拍要握得緊少少(同同時全身應該放鬆，尤其發力時似彈弓d力順勢發過去。

3.4 打擊時記得手腕唔好凸出來，同埋右手打出時，轉身+踏右腳(右腳指向波)(轉手腕)，成個力順住去就會好夠力。

3.5 不論正手或反手，左手(或另一隻手)都應該張開平衡身體。

27/9(五) -- 收工去北角探民仔媽。QB交收。買少少壽司返企自己食。

4。呀B是日發燒，不過尚算精神。

28/9(六) -- 朝早同B去上工聯會堂，中午同CB出KTmeet娟同Mandy食生日afternoon tea。之後行下YM Square再出去觀塘海濱，比呀B雙手畫左彩繪，再一齊食埋晚飯返企。

5。下午夜晚本來約左RitaEdf cancel。

6。傾開原來同娟Mandy識左20年了。

29/9(日) -- 朝早打波天晉8-10，身體狀態一般來講都算打得係咁，當然仍然防守都係有漏洞同turnover，進攻方面都算射得幾準入唔少波，仲有2球三分。打完買外賣返去一齊食再沖涼，一家一齊恰下(全家都有少少病)。下午係企hea到咁上下過九座，夜晚呀媽煮。

7。咒術迥戰完結撒花。最尾呢一年嘅劇情同畫功真係...唔知想點。

來緊:

1/10(二) -- 公眾假期。夜晚同呀媽去食buffet?

逢星期四公司羽毛球班

完

九月二十二日 -- 一星期4場波

16/9(一) -- 上星期羽毛球班延到今日；收工買個三文治之後去彩虹道羽毛球中心打波7-9。

1。今次換左呀Sir，2個後生好多嘅，之前嘅阿伯教練雖然資深但係好多廢話，今次呀Sir講嘅細致好多，逐個動作細拆同少少解構，個人覺得好好多啊~ 至於自己打得好唔好，就完全係練習嘅事。

2。記: 今堂教網前正反手挑波。

正手: 右腳踏前，膝頭向邊打去邊，自己就距離(需要經驗及練習)。拿拍手張開(好難形容，自己記住)，拍向身外斜下。波來，手臂揮前，擊球一刻轉手腕(位置打約膝前，打點底打可向前，打點高波會向上)，手臂順勢抽向左上，完動作時手背近左耳。

反手: 拇指按闊果邊，垂下於左腳前。手腕凹(少難文字講，類似向上唔向下唔好突個角出來)，提臂向上推，又係擊球一刻郁腕。打擊點大約腰前？

17/9(二) -- 中秋節早放; 收工同同事打半個鐘機先走，約左Grace同佢B去左天晉遊戲室玩一陣到6點幾。夜晚返企食飯，食完飯同呀媽一齊去單車公園(meet左一下Penny)再去海邊行左一圈，回程差不多返到屋企先開始行雷落大雨，好彩。

18/9(三) -- 公眾假期一天。本來都無諗住join，點知都係自己醒左，去左九叔籃球Parkside8-10。打完返企沖涼休息一陣，送貨本來1-5竟然早到，1點半就送左來，2點零出門去寶林打邊爐，再去U士多掃野飲後返企。夜晚買左飯團食少少。極攰10點半前訓左。

19/9(四) -- 公司羽毛球班彩虹道羽毛球中心7-9；打完返企。

3。記: 今堂教打後場高遠球。我最掌握唔到嘅正手+最掌握唔到嘅高波...(最後係上堂+今堂combine練習)

4個步驟: 

(1)側身 (左手架起，右手拿拍，拍面向前，手臂唔好拗出拗入etc，左腳前右腳後)

(2)揮臂轉身 (揮臂向前+轉身向正面) (1-2呢個時候其實塊拍握拍位無點郁，只係身體郁咗，同埋拍向後)(轉完身後先上右腳)

(3)揮拍 (舉起，手直，拍面向前，揮扳路線係由上而下直落。擊球點睇下想向高遠定向下，自定)

(4)收拍 (揮到落腳先向左少少收，如果唔係會變咗左右fing)

注意: 控制板面，(始終真係打波個波唔會就你位置，所以)腳步同位置要自己就返打嘅位)

20/9(五) -- 出site收工返去買外賣，C少少唔舒服。

21/9(六) -- 朝早同B去上工聯會堂，中午C過來一齊食飯，之後佢湊B返去，我聽talk。4點幾返到去同B溫陣書一齊係地下訓著左。夜晚叫外賣。

22/9(日) -- 朝早打波天晉8-10，今日好多人。可能因為攰，自己有d時間有少少夢遊，打就盡左力，打得一般般，不過都算不過不失。有一場三分KO完場。打完同佢地食完野買外賣返去，沖個涼就訓左陣。下午同B玩到咁上下，5點幾6點過去九座印d野再去坑口食飯再返企。本來佢地想試果間好多人無試到。

來緊:

逢星期四公司羽毛球班

完

九月十五日 -- 小學講座馬拉松

9/9(一) -- 收工返企夜晚C煮。

1。回復正常，成個暑假都無洗過碗。

2。上一晚開始都唔使開冷氣訓了。

10/9(二) -- 出site收工去交收Pochita之後返企，夜晚C煮。

11/9(三) -- 出site係翠屏南收工返企，夜晚C煮。

12/9(四) -- 收工返去太興食完返企。

3。少少認真地傾左幾句，不過一如所料唔肯認衰認錯，錯一定係對方。又唔可以真係講錯嘅野，只會更唔接受。無得傾。

13/9(五) -- 收工返去同C去坑口快食然後去馮晴聽講座，B係九座食飯。聽完返去接B返企。

14/9(六) -- 上晝聽黃永樹，下午宣基。夜晚去將中試酸菜魚。

15/9(日) -- 朝早打波天晉8-10，覺得今日自己都打得唔錯。打完同佢地食野返企沖涼，去寶林meet CB，食金鳳再去梁潔華open day。之後行一下寶林買外賣返企食。

4。其實有好好地去了解同埋去諗有關升小嘅野，都問左好多人。個遊戲玩法本來就係唔想人可以咁易揀同埋睇運氣，至於果一年d人點諗而影響排名同結果，跟本係無得估嘅。諗太多其實盞諗太多。基本上唔打算入私校同直資，又只係得15分，都係睇彩數多。

來緊:

16/9(一) -- 上星期羽毛球班延到今日

17/9(二) -- 中秋節早放; 下午約Grace? 夜晚返企食飯

逢星期四公司羽毛球班

完

九月八日 -- 新學年就8號波

2/9(一) -- 一早出site前同B返學SSP。收工返去同CB食大家樂跟住買電飯煲後返企。

3/9(二) -- 出site收工返企夜晚C煮。

1。終於轉左歌list。

4/9(三) -- 出site收工返企再落樓下太興等CB一齊食。

5/9(四) -- 6:20掛8號波，逢星期四公司羽毛球班第一堂cancel。早d收工返去買外賣。

6/9(五) -- 12:40落波，早dd 1點島返到公司廢事搭車同人逼。出site收工返企再落譽居同呀B公公食慶生飯。食完再去滿記食糖水，再去地鐵站買電話先散。

7/9(六) -- 朝早C去學校聽talk，我帶B去上工聯會堂。中午好趕食飯團，下午去坑口小學參觀。夜晚去九座食飯呀媽煮。

2。今日呀B食糖啃親。

8/9(日) -- 朝早打波天晉8-10，今日波友帶左d新fnd來，見到後後生生又幾fit以為難打，點知原來都幾獨食隊友空左都唔傳波的，自己隊上去又唔係好準，所以拍住Derek認真打果幾場都羸。今日雖然起手唔多但都算efficient，又傳到該傳嘅波，三分1投1中仲要係絕殺，仲有打波最後一場對住波哥顏射還拖嘅中距離絕殺 xD 打完同佢地食完野返企淋個浴，CB12點10島聽完小學講座，meet佢地一齊去寶林，先食南記再去睇小學展，再行下買野買埋野食返企。

3。係我樣衰同攰無表情所以好似態度差，但其實從來無野。不過長期被無視又點可以被要求好好? 況且我做嘅絕對多過無做好多。

4。每星期五都話終於捱完到weekend，但每星期日都覺得終於捱完個weekend又返工。

來緊:

逢星期四公司羽毛球班

完

九月一日 -- 送機+病

26/8(一) -- 出site收工去觀塘同呀娟交收再去牛頭角呀Sam舖頭同CB嫂一家打邊爐，差不多10點走。

27/8(二) -- 出site收工返去將軍澳同CB係街食埋飯返企。

1。睇完左漫畫"百萬疊迷宮"，雖然得2本不過都引起人無限想像。作者講故事同畫畫技巧可以將少少複雜同抽象嘅概念清楚咁表達出來。成個故事表達得好流暢，係值得一睇嘅佳作。

28/8(三) -- 尋時請左一日假。朝早過九座同佢地hea同睇一睇住d小朋友，我攰係地下恰左一陣。中午全家一齊出去飲茶。飲完茶返來繼續係屋企hea，我又係地下恰左陣。大約5點開始食飯呀媽煮。Book左van1810係樓下，我同呀媽送佢地去機場，呀嫂佢地夜機返UK了。

2。雖然之前佢地移民已經試過一次，但到呢幾日臨尾自己都係有少少down。

29/8(四) -- 出site係秀茂坪邨走，返TKO食OK德Tea後返企。

30/8(五) -- 出site收工返去九座食飯呀媽煮。

31/8(六) -- 8-10Parkside九叔場，同呢班打因為佢地都heahea地打所以相對輕鬆。今日三分1投1中，最重要有一下，又係自己睇片腦內練習成績使出: 高位背籃拿波，fake左再向右轉面籃，再fake起防守者過佢(之後因為近籃所以要reverse layup好彩入)，不過如果對住平時打開果班應該無咁易出到了。打完返企沖涼過九座，同呀媽CB去Popwalk2食泰野，之後都開始覺得頂頂地。返九座係地下訓左2轉，愈來愈唔舒服。姨丈5點幾來幫手鑽牆之後走。我同呀媽CB去樓下食野，食2啖feel到好唔舒服返企沖涼先，之後check下發燒38.5度，撩鼻無中野。夜晚嘔左一下之後舒服少少。

1/9(日) -- 朝早起身已無燒，但全日都暈暈地又無力。醒下訓下渾渾噩噩就一日。老豆今日正式搬去九座，呀C就係屋企執野，我唔舒服無幫手。不過都有陪呀B溫書做功課同玩嘅。

3。事隔多年，終於同B睇返天竺鼠車車第二季。第一季好睇d~

4。Peter Grill的賢者時間幾好笑。

來緊:

逢星期四公司羽毛球班

完

八月二十六日 -- 呀媽同姪仔生日

21/8(三) -- 出site收工去南昌交收再返去TKO太興同CB食飯。我食完去睇跌打。

22/8(四) -- 出site收工去同CB試將中新開嘅"那個"，d野唔錯不過偏貴。我食完去睇跌打。

1。是晚唔使開冷氣訓。

23/8(五) -- 呀媽農曆生日。收工去大會堂美心公司annual dinner。今年拿15年老人牌，有d後悔報左去。10點3島散。

24/8(六) -- 番薯生日。中午出佐敦食任食燒烤+夾蝦。夜晚係屋企切蛋糕。

25/8(日) -- 天晉打波8-10，今日掹隊友車邊全勝 xD 覺得自己都算打得唔差，該有嘅都有了，係有幾下進攻選擇唔好；尾果幾場體力下降反應跟唔上；同埋有一下估唔到剷到入籃底空左無人上前我反而唔入。另外有一球落後18-20三分絕殺。最值得提嘅就係第一場嬴到Derek隊了。打完波同佢地食完野，買外賣返企沖涼，之後極攰昏迷左。起身落去拿TB野之後去寶林整Pizza班。整完行一下之後返去。夜晚係九座同呀媽慶生，飯後大家突發話一齊去行海邊同跨灣大橋，差不多2100行到2300，攰死了~

2。之前唔幾得邊晚發夢，又係果然夢裡什麼也是好的。

來緊:

26/8(一) -- 同呀嫂佢地一家去觀塘打邊爐

28/8(三) -- 嫂佢地返去了

完

八月二十日 -- SZ遊

12/8(一) -- 出site收工返去同C接女放興趣班，之後去將廣薩利亞食飯返企。

13/8(二) -- 出site收工返去9座呀媽煮。

1。本來想早d訓不過夜晚同呀哥facetine左個幾鐘，開心嘅。

14/8(三) -- 出site收工返去買外賣上9座食。

2。戰國妖狐第2季7月開始，呢晚開快速追返。仍然覺得好睇。

15/8(四) -- 出site收工返去9座呀媽煮。

16/8(五) -- 出site收工返去9座呀媽煮。

17/8(六) -- 起身後10點島我地一家同呀媽去北角參觀ICAC 50周年展，都幾得意，有得睇拘留室拿真槍同埋認人室。之後係紅星食野後行一下返企。夜晚呀媽煮。

18/8(日) -- 一早去SZ 3曰夜 Day 1。書城(少年宮) -> 酒店check-in(上梅林) -> 寶能打機夾公仔(笋崗) -> 文具玩具城(笋崗) -> 白玉串城(笋崗) -> 萬象食家盒馬鮮生(笋崗) -> 酒店

19/8(一) -- Day 2。去左個商場行下，一邊係蓮花山公園。5點半島食間米芝蓮嘅鴨(金鴨季)後返酒店。

20/8(二) -- Day 3。一早呀嫂同茄去笋崗，我地就check-out去會展中心行下同比小朋友打機。呀嫂佢地中午來會合之後一齊打邊爐(禧牛薈)，呀媽返去先。係果度行一下，之後返上梅林又比小朋友打左下機，5點半島去食吳莊。食完返酒店拿行李返HK。

3。呢2晚唯一好少少就係好攰訓到，第2日一早6點幾7點醒，但可再翻訓到8點幾9點。

4。打機扭親腳。

來緊:

23/8(五) -- annual din

24/8(六) -- 番薯生日lunch任食燒

完

八月十一日 -- 澳門飲

5/8(一) -- 出site收工返去同C接女放興趣班，之後去將廣壽司郎食飯返企。

6/8(二) -- 出site收工返企先，再過九座食飯。夜晚呀媽煮。

7/8(三) -- 出site收工返去同CB去太興食tea，之後我過九座拿d野同呀媽傾一陣先返。

1。我的英雄學院完結撒花(漢化日)。

2。公司lunchtime頌缽體驗班。本來諗住合埋眼聽下寧靜下，點知都幾快訓著左。醒返都覺得自己唔對路，問下同事，我真係有扯鼻鼾。太攰了。同同事傾返，原來大家都係一路聽一路有好多野諗出來，但係又好零碎，然後之後又唔記得左諗過乜。

8/8(四) -- 出site收工返去同CB食四寶tea。

9/8(五) -- FS Day1。7點收工。買外賣返企自己食。

10/8(六) -- 去澳門參加表妹個大仔十六歲慶。一早起身一家一齊搭A28去口岸，過到澳門表姐來車我地。上表妹屋企食飯(好多其他人包括佢果邊d親戚)，食完表姐車我地去氹仔放低我地，我地自己行下。咁上下時間佢來兜我地返去酒店check-in，7點島落去食飯(十圍)。食完都10點幾返酒店。

3。半夜扎醒起身睇左奧運男籃決賽個尾，睇住Curry連隊4球三分，好癲。

11/8(日) -- 朝早起身一齊落樓下茶記食早餐，返酒店抖一下落去游水(呀媽無來同埋嬲)。游完執野checkout(阿媽join呀姨果邊)，之後搭d酒店車去氹仔果邊食野，再返來去觀音像隔離個公園玩，再去科學館睇左天幕電影(講星空同星座)，之後再去公園玩一陣，佢地車我地返酒店果邊同表妹表妹夫呀姨姨丈一齊食飯(本來打算玩完就直接返HK)，食完飯返HK(呀媽stay多晚)。

4。返屋企程車竟然到寶達邨壞車。當機立斷行返落少少巴士站轉其他車。竟然有人選擇等下一班免費過車，但下一班係一個鐘後...

來緊:

18-20/8 -- 屋企一家SZ遊

完

八月四日 -- 超攰

29/7(一) -- SL一天; 朝早C帶B去上2堂，中午我接力同B食晏再返企抖一陣，再帶佢去上2堂。接佢落堂同佢2個人食埋飯先返企。

30/7(二) -- 出site收工返企先，再過九座食飯。夜晚呀媽煮。

31/7(三) -- 出site收工返企先，再過九座食飯。夜晚呀媽煮。

1/8(四) -- 出site收工返企先，再過九座食飯。夜晚呀媽煮。

1。發左個夢。夢裡什麼都有，真好。

2/8(五) -- 呀媽少少肚唔舒服自己煮粥食。出site收工返企先，再同佢地去將中食。

2。夜晚11點3有場好波，太攰睇唔到。

3/8(六) -- 朝早6點幾醒過，hea到7點零再訓，10點幾先起身，太攰。11點幾過9座(CB10點幾過左去)，呀媽有事出去呀嫂都約左人，我地幫睇2個小朋友。中午去尚德食飯，下午係7座玩。我中途太攰入左房地下訓一陣。夜晚6點島嫂返來，一齊去雍明食飯再行Donki先返。

3。夜晚沖涼時自己剷頭。可能因為太攰，到後段想補剷下時，唔記得自己拆左個頭，直接剷左落去，d頭髮無左一忽。好彩無整到流血果d。

4/8(日) -- 呀馬生日快樂! 朝早天晉打波8-10。今日打波覺得自己都盡量做左該做嘅野，不過都覺得自己打得唔太好。唯一一球可惜係又成功出到crossover過左波哥再剷入去，可惜收波時間唔太好，上到去個finishing唔好唔入...打完波同佢地食完野返企沖涼抖一陣，CB呀媽呀嫂佢地食完飯返九座，我又過去join。夜晚全家食飯後我同呀媽番薯呀B去運動場，陪2個小朋友跑左陣步。超攰。

來緊:

10-11/8 -- 去澳門參加表妹個大仔十六歲慶。

完

七月二十八日 -- 黃重陽/奧運開幕

22/7(一) -- 出site收工返去。夜晚全家去九座食飯，呀媽煮。

23/7(二) -- 請假一天。朝早我睇住三隻小朋友，佢地三個去SSP特賣城行。我10點9帶小朋友出去SSP meet佢地。是旦食功夫點心之後行玩具街，行完返九座。夜晚九座叫外賣食。

24/7(三) -- MK收工返去上九座食飯，呀媽煮。

25/7(四) -- 出site睇樓係鯉魚門邨返企。C唔舒服，我落去買外賣。

1。夜晚C check中左Covid。佢話唔隔離B繼續同佢訓。

26/7(五) -- 出site收工(行左下MK)返去買外賣比C食，我同B過九座呀媽煮。

27/7(六) -- 我同呀媽帶B去坑口上堂，上完食燒肉後佢地返九座，我返七座執d野再過去。夜晚我買外賣比C，呀媽炒個飯。食完hea陣先返七座。

28/7(日) -- 臨時join九叔Parkside場8-9，雖然得1個鐘但鬼6個人，keep住鬥波都攰。對住唔算勁同防守唔算積極嘅人，我係難得打得輕鬆又唔差。打完上天晉比錢返企沖涼，陪B做完暑期作業，去買外賣比C，再同B去九座。食完呀媽煮嘅麵，hea到4點島出將中行個圈再返去。5點半島去買外賣比C，夜晚呀媽煮係九座食埋，等埋呀B沖涼之後我自己返七座，女留九座。

來緊:

10-11/8 -- 去澳門參加表妹個大仔十六歲慶。

完

七月二十一日 -- 呀嫂返港

15/7(一) -- 出site收工返去上九座幫呀媽執野，之後同呀媽CB去小幸食飯，食完我同呀媽再上九座整d野，我返企先。

16/7(二) -- MK收工返去。d電視洗衣機已經裝好晒。突發想打邊爐，同呀媽CB去左牛大人。

17/7(三) -- 出site收工早收，返去陪女玩一輪。夜晚同呀媽CB去米線陣。

18/7(四) -- MK收工返去同呀媽CB去Popwalk2燒味。

1。呀媽今晚過去九座訓了。

19/7(五) -- 阿嫂同2個小朋友今日到HK了。出site收工上九座等佢地返來，之後一齊落太興食飯。

20/7(六) -- 中午一齊去尚德食壽司，之後行下迪卡龍同將中，一齊上七座小朋友玩，我係房地下恰一陣。夜晚一齊去Parkside foodcourt食飯。

2。太攰無捱到12點book下星期場了。

21/7(日) -- 朝早打波8-10，打得幾激烈，好攰，不過自已算打得唔錯。打完返企沖涼抖陣。1點落樓同佢地一齊去寶林食豆漿大王，再行下寶林。行完返七座，我又攰到係廳地下恰左陣。夜晚嫂佢地返娘家，我地3個去食Popwalk2燒味。

來緊:

23/7(二) -- 請假一天同佢地去SSP

完

七月十四日 -- K2結業禮

9/7(二) -- 出site收工去荃灣同Esther交收concert飛，之後返企。同呀媽搬左拆散嘅床架落去垃圾站。夜晚C煮。

10/7(三) -- 出site彩虹收工之後去比飛Penny再返企。夜晚C煮。

11/7(四) -- 出site睇邨返企夜晚C煮。

12/7(五) -- 出site收工返去夜晚同CB呀媽係附近食。

13/7(六) -- 一朝早去坑口BB學校結業禮，完左之後係坑口朋友仔嘅遊戲室玩到11點9夠鐘上興趣班。上完返TKO同呀媽食野之後返企。夜晚落街食。

14/7(日) -- 朝早打波8-10 Parkside九叔場。今次比上次打得好少少，好難得地又出到crossover過人layup，幾開心，三分1投1中。返企沖個涼就落街食飯，之後去大水坑同Edf Janice2個小朋友一場參加果個"我是消防員"活動。其實個幾流又hea，不過小朋友都開心嘅。好熱。返將軍澳係太興食埋野先返企，極攰。

來緊:

18/7(四) -- 嫂返HK

完

育兒

[育兒]

又到暑假，又一年結業。

對於‘“時間”有觀念之後，細個嘅時候係覺得“一年”好長嘅。到咗大個出來做嘢，可能經常重複又重複咁過日子，就覺得“一年”好快過。

阿B下年高班了，同好多其他同學仔同朋友一樣，要面對升小。相信好多父母都曾經/會為咗小朋友嘅升學煩惱，其實係BB出世時，已經諗過好多好多有關成長、育兒嘅事。學業當然係重要嘅一環，但引申落去，究竟成長、經歷、人生，點樣先係叫“好”？叫“啱”？叫“成功”？

每個父母所謂嘅“教育”，其實都係按照各自心中嘅“正確”，但係每個人嘅人生都唔同，先唔講父母自己嘅人生可能都唔係叫“成功”，但就算成功而將個方法同觀念放置係小朋友身上，又係咪叫“啱”呢？

而家嘅世界同社會轉變得好快，唔好講一代，就算10年之差，人嘅諗法同態度都可以差好遠。而家大家適應緊嘅“平常”，對下一代來講已經係老seafood，過時了。

坊間好多好多育兒、教育資訊。其實邊可能咁統一可以一概而論點樣去教？人人性格唔同，資質唔同，資源唔同，需要唔同，目標唔同，際遇唔同。打機而家都無一條formula爆機啦，何況人生？

講到尾，最緊要係教識佢思考，識得分是非，識得點樣係身處嘅環境之下生存。無論置身係咩地方，其實都係有無限嘅框框同限制，其實都係係世界之中，好少部份上位者所設下嘅遊戲規則中生存，連自己所謂嘅“夢想”、“期望”、“自由”其實都係人哋嘅控制同洗腦嘅影響。係幾乎無可能顛覆規則嘅情況之下，點樣活出自己嘅人生同活得開心先係大原則。

每個人嘅目標都唔同，育兒嘅目標亦唔同。無得比較，亦無謂比較。反而有時諗緊，係咪有需要去教到佢太清醒或者太強？

例如啦。(只係例如，並唔係真係做)

教曉佢識踩單車游水甚至係唔怕小強，呢d實用性嘅嘢當然係好。咁教佢唔怕睇恐怖嘢(例如血腥嘢核突嘢)呢？唔怕睇鬼片呢？

如果小朋友從細就唔怕，就少咗害怕或者驚控嘅來源。但可能就少咗“同朋友去睇鬼片覺得驚”嘅樂趣？

又或者，父母覺得當時嘅社會現況、潮流“唔啱”或者“唔好”，咁應該點教個小朋友？個小朋友唔順應個社會，真係會開心d？但順應嘅話，就父母會睇唔順眼？

呢d只係是旦up嘅例子。重點係究竟要佢識嘅嘢，要嘅嘢，怕嘅嘢，要到咩程度？當然其實講到尾，好多嘢都會係自由發展或者控制唔到，但對於果d所謂好緊張嘅父母，又有無諗到呢個程度？

無論係教育小朋友定係大人，都係唔同嘅“期望管理”。“期望”都直接影響到開心嘅程度。如何拿捏“期望值”，先係人生嘅一大難題。

另外真係想講，經常見到有d網上圖片或片段，d小朋友好曳，然後網友就話生仔要考牌，或話d父母唔識教。真心覺得，就算有教，就算有用心，都唔代表教得到，或者小朋友長期會好乖好乖。一陣d小朋友好乖又話洗佢腦，一陣唔乖又話教唔到就唔好生。育兒真係一件唔簡單嘅事，不過人生就係有好多不穩定因素同變數先有趣。至於講到話教唔到唔好生，或者人類根本係毒瘤唔應該係世上果d，唔該自己去死咗先。

每次講開呢d課題，心中就有千言萬語想講，不過真係唔講太多了。作為爸爸，真心覺得健康同開心就夠。雖然呢兩樣簡單嘅嘢並唔係真係咁容易。

#邊諗邊打之後直出唔好捉我語病同錯字plz

#好耐無試過囉嗦下

完

七月七日 -- 深圳2日1夜

2/7(二) -- 出site收工返去夜晚C煮。

3/7(三) -- 出site收工返去叫外賣(B中午覆診所以唔煮)。

4/7(四) -- 九座租客VP。出site收工返去夜晚C煮。

5/7(五) -- KC收工返TKO meet埋CB阿媽係PSFC食飯。

6/7(六) -- 朝早B去上堂。中午求其食d野跟住同老豆去Megabox睇床。晏晝返企一陣，6點島同CB落去食完太興返企。

7/7(日) -- 起一早起身去深圳。食d野去書城，第一次去書城我無睇書搵書。之後去check-in，再出去商場行，B係機舖玩左個幾兩個鐘機。食完飯係行埋超市返，9點幾10點了。

8/7(一) -- 起身食d野就去文具玩具城。行完買完返去check-out，搭車去崗夏個大商場hea。夜晚打邊爐後大約7點係深圳返。

來緊:

13/7(六) -- BB學校結業禮

14/7(日) -- 消防@大水坑

18/7(四) -- 嫂返HK

完

七月一日 -- 呀媽回歸

24/6(一) -- 出site收工返企夜晚C煮。

25/6(二) -- 出site收工返去meetCB係太興食埋飯返去。

26/6(三) -- MK收工返TKO買d野返去食。

27/6(四) -- 同TracyPenny食飯cancel。起身頭痛手軟腳軟，病假一天。係企hea到中午落樓下同CB食壽司郎，之後返企。夜晚C煮。

28/6(五) -- MK收工返TKO meet埋CB係附近食飯。

29/6(六) -- 朝早九叔grp打波@Parkside; 晏晝去坑口小學玩攤位遊戲。玩完返企抖一陣，5點零RitaEdf兩家來，快慶祝一下六月三個B生日同食飯@Outback。

1。呀媽返來HK了。

30/6(日) -- 朝早係企hea，下午出去Megabox行同食野，夜晚買少少外賣返企食。

1/7(一) -- 公假一天。中午同CB呀媽一齊去Popwalk2食泰國野，之後同B去天晉睇一睇新裝修再落遊戲室玩左個幾鐘。返企佢地訓覺，我砌模型到7點島落去拿外賣。

來緊:

4/7(四) -- 九座租客VP

13/7(六) -- BB學校結業禮

14/7(日) -- 消防@大水坑

18/7(四) -- 嫂返HK

完

六月二十三日 -- 九叔籃球活動

17/6(一) -- 出site收工返企夜晚C煮。

1。星期日晚大房冷氣壞左，即時報價買返，星期三裝。

18/6(二) -- 出site收工返企夜晚C煮。

19/6(三) -- 出site收工係九龍城買d野再返TKO買d野返去食。

2。冷氣已裝。

20/6(四) -- 出site收工，去信和同In's Point行左個圈，再去灣仔修頓join九叔內戰開戰(我無份比賽，但有鬥下波)。Eric竟然唔記得拿飛 xDD

21/6(五) -- 出site收工返企再同CB去Popwalk2食燒味，係餐廳遇到Winnie。

22/6(六) -- 朝早C帶B去上堂，中午同佢地食Popwalk2泰國野meet食飯。由於晏左所以本來有諗過下同B睇戲都無了。食完飯返企休息。夜晚同C屋企人去陳儀興食飯，之後C呀媽同細佬上屋企坐左一陣。

23/6(日) -- 朝早同Derek去尚德射下波吹水(8-9半)，之後食早餐同買外賣返企。中午係企抖同恰下，3點幾4點先出去，食個tea之後上天晉遊戲室，呀B玩個半鐘島到大約7點，買少少野食返企。

來緊:

27/6(四) -- 同TracyPenny食飯。

29/6(六) -- 朝早九叔grp打波@Parkside; 晏晝去參觀小學。

完

六月十六日 -- B五歲生日

11/6(二) -- 收工同民源係MK妹記食飯，好難得。大家可以聚下傾下計，好開心。

1。出site收工早左，好難得咁行左IN's Point信和兆萬。

2。其實好多野就算無講我都知/估到。

12/6(三) -- B學校放假，我都請左假。本來諗住同佢去Disney，點知好似無開。早一日臨時決定快閃深圳。去左笋崗，除左飲飲食食玩之外，行左果個文具玩具城。d野都幾平嘅。夜晚提早5點島係萬象食城食埋飯，行埋盒馬鮮生之後返港。

13/6(四) -- B生日。朝早佢照返學，我返工。晏晝我去坑口醫院覆診。覆完診返企沖個涼太攰恰左陣。夜晚去海底撈食飯，返企後再同佢食雪糕蛋糕慶生。

14/6(五) -- 中午快閃同民FF源唱K lunch，唱得好唔好已經係其次，一齊聚下同唱K已經好開心~~ 出site收工返去同CB去KFC食飯，好耐無食過。

15/6(六) -- 上午同C湊B去坑口上堂(等佢放學時買左波鞋)，食完飯再湊佢去尚德上堂。返企沖涼恰左陣。5點9一齊接B之後係Sukiya食埋飯再去將中行個圈返企(幫女買左波鞋，結果三個係同一日都買左波鞋 xD)。

16/6(日) -- 仍然無波打。朝早逼B係屋企溫習。2點島先出去食晏，去左"無肉食"。第一次食，今日有折都還好。食完行左下海天晉同Donki後返企。攰到係地下恰著左。夜晚叫外賣。買左個蛋糕同老豆一齊食，叫慶祝左下父親節。

3。呢排經常早訓，但係早醒，又訓得差，又發下夢咁。好攰。

4。NBA Finals，繼續無興趣睇。

來緊:

完

六月十日 -- 中同愉景聚

3/6(一) -- 出site收工返屋企，夜晚C煮。

4/6(二) -- 收工返企夜晚C煮。

1。睇左一集芷珊約你，楊千嬅果集。雖然一直都唔特別欣賞佢，但都從來無討厭佢。呢集有一樣野好認同，就係做左父母先學習到，小朋友來呢個世界提醒返自己有咩唔記得，因為佢地自己就係初心。

5/6(三) -- 出site收工返屋企，夜晚C煮。夜晚太攰9點幾未10點就訓著左。

2。朝早發惡夢。

3。呀B生日禮物到手。

6/6(四) -- 出site收工返屋企，夜晚C煮。

7/6(五) -- 出site收工返去，陪B係天晉會所玩一陣，再去米線陣食飯。

4。個肚終於好返少少無痾了。

8/6(六) -- 上午同C湊B去坑口上堂，食完飯再湊佢去尚德上堂。C去聽talk，我返企先。5點一齊接B之後食埋飯返。

9/6(日) -- 係屋企食完中午去欣澳meet馬民天，四家人一齊入愉景灣酒店。Check-in完去沙灘玩，我同民天返酒店拿小朋友衫，順便買埋蛋糕。返到去果邊6點一齊食飯後返酒店。食左個小小生日會慶祝6月壽星生日。

10/6(一) -- 朝早落左酒店playroom，可惜無去泳池玩水。之後一班傻仔以為有龍舟睇點知無 xD 一齊去左Epicland玩(三個太太去飲野)。玩到點半夠鐘一齊食飯，之後民仔一家先走。我地返酒店拿行李後就一齊搭船返港島散。

5。真係太難得咁樣聚，好開心。

來緊:

11/6(二) -- 民源飯局@MK

12/6(三) -- B學校放假，我都請左假

13/6(四) -- B生日

完

六月二日 -- 無波打

27/5(一) -- 出site收工返屋企，CB係康城睇戲。佢地睇完差不多7點島係將meet食Beans。

28/5(二) -- 出site收工返屋企，夜晚C煮。

29/5(三) -- 出site收工返屋企，夜晚C煮。

30/5(四) -- 出site收工返屋企，夜晚C煮。

31/5(五) -- 出site收工返去，係地鐵站meet CB，去左食四寶飯堂。

1/6(六) -- 三號風球，去到坑口先知唔使上堂。同佢d同學仔係坑口clubhouse玩左個鐘，之後我地3個係坑口食燒肉後再湊佢去尚德上堂。返企等夠鈕再接佢，去左寶林行下同食上海野。

2/6(日) -- 無波打。竟然無雨出太陽，於是帶B去西貢市中心食野同行下。4點幾走，返企叫外賣。

來緊:

9-10/6 -- 中同愉景Overnight聚

完

五月二十六日 -- 我中甲流/B首次溜冰

20/5(一) -- 唔係好舒服照返工。出site收工返企沖涼，check一check中左甲流，出去睇醫生返企再沖涼訓。

1。7點幾8點訓，中間有醒下，到半夜2點起身，退左燒。

21/5(二) -- SL一天。全日困係房好攰又悶。

2。夜晚中同Whatsapp group chat，家昇移民似乎個人太緊張太大壓力了。

22/5(三) -- 再SL一天。

3。除左好攰同少少咳之外都無乜大礙，快測都無野了。

23/5(四) -- 出site收工返企夜晚C煮。

24/5(五) -- 出site收工返去同CB係屋企附近食。

4。突然好似對所有野失去興趣咁，好攰。

25/5(六) -- 朝早C同B去上堂，我睇左波。中午我去環保回收完去TKL同佢地食野，食完之後B去真道Interview。玩完之後返返去尚德上埋d興趣班。上完之後去Parkside FC食飯。

5。塞軍又贏，真係hea入Finals。木狼估唔到連輸2場主場，Mavs一直都話2個頂尖攻擊球員對咩隊都有機會剷。但問題係覺得佢贏唔到塞。

6。天晉會所打來話要整籃球架，打埋聽日之後就要整唔知到幾時。

7。Eudora呻，問返旁觀者Edf咩事。估唔到同事之間都會咁。其實公司d人都真係幾煩。

26/5(日) -- 朝早天晉打波8-10，今日都打得幾激烈又close。雖然表現例牌有失誤(唔算多)同炒粉(起得唔多手)，不過有努力走位同防守，今日贏多輸少。同佢地食野之後meet CB，同B係單車館玩左下直排輪(未識)，返企再去康城，C同B溜冰(B第一次)。溜完食個tea B訓著左，抱佢返企。

來緊:

完

五月十九日 -- 佛誕大澳遊

13/5(一) -- 呀媽飛英國。收工返企夜晚C煮。

14/5(二) -- 出site收工返樓下同CB食飯後返企。

1。其實真係好失望。

15/5(三) -- 公眾假期一天。突發決定去大澳。11點島出門，去東涌食d野再入去，搭下船仔可惜睇唔到海豚，四圍行下食下野到差不多5點半先走。巴士長龍船又未見，最終都係巴士出返來。係東涌食埋野再返企。

16/5(四) -- 出site收工返去夜晚C煮。

17/5(五) -- 出site返來同CB去雍明食飯後返企。

2。係特賣城買左野，個腦完全無印象，有2樣野比左錢無擺入袋無左。真係太攰。雖然只係幾蚊嘅野。

18/5(六) -- C唔舒服。輔早我湊B去坑口上堂。上完食野後再去尚德上堂。跟住我返企砌下模型，到5點幾同C去接B，去雍明食埋飯返。

19/5(日) -- 朝早天晉打波8-10，今日打得幾激烈，幾場都係close game，感覺自己唔算打得差，不過當然都有幾下係差嘅。打完同佢地食野返企，中午同CB去Popwalk 2食完同B去左天晉遊戲室玩左差不多2個鐘後返企。夜晚買定外賣返去。

3。今日開始唔舒服。頭重狂打乞痴夜晚開始流鼻水有兩聲咳。

來緊:

完

五月十二日 -- 母親節

6/5(一) -- 出site收工返企夜晚C煮。

7/5(二) -- 晏晝MA去坑口醫院覆診，似乎忘了抽血晒左時間...夜晚C煮。

1。呢排網上小爆嘅熊與陌生男人嘅討論，其實真係無乜可以思考同討論嘅空間。證明世上真係有好多人個腦唔知諗乜。

2。內地胖貓事件實在不幸。其實呢個世上係有好多好多好多差不多嘅情況發生。不過無論點都無理由blame the victim嘅。同埋人嘅精神真係唔可以寄託晒係一樣嘢上。

3。小太郎一個人生活完結撒花。其實日本完咗好耐，係apps今日先update最後一話漢化姐。真係好好睇，雖然完得有少少少少唔太順暢，但都不錯的。睇咗百幾話不斷地被破防，好開心小太郎終於搵到佢嘅幸福。

8/5(三) -- 呀媽返香港。出site收工夜晚C煮。

9/5(四) -- 出site收工返去夜晚C煮。

4。呀媽夜晚返企係樓下跌親撞到頭。同佢9點半call白車入急症。1點幾睇到醫生，我2點幾返企。

10/5(五) -- 全日都好眼訓。出site收工去SSP同SamEstherDorothyAda五月之星聚。無book枱四圍都full，所以隨便搵左間台灣野食。之後佢地去糖水我無join了。

5。食飯前去左石硤尾白田果邊朋友推介嘅All About Nuts買左開心果醬。

11/5(六) -- 娟生日快樂。一早就醒左，未訓夠。朝早C就帶B去上堂一路到5點9。我出去join佢地一齊食埋飯返。

12/5(日) -- 母親節。朝早天晉打波8-10，今日身體狀態算係咁(唔計default痛果d)，覺得自己攻防走位都算係咁，但又係籃底炒幾球...射波都麻麻，不過最後一場身體adjust返到少少，籃底一球加壓住對方bump一下上籃入到，算係咁。打完無同佢地食野，CB來左天晉遊戲室，陪佢個零鐘後去左Popwalk 2叫埋呀媽一齊食飯。下午係企休息，呀媽夜晚出去有活動，我同CB去左食鐵板牛後返企。

6。呢2日成個fb都係北極光post，學人話齋，即係有好多親人朋友移民外國。

7。漏夜係最後一晚有得睇睇返芷珊約你上星期草蜢果集，佢地果種做野態度真係好正。

8。返工對波鞋爛了，真係要買了。

來緊:

13/5(一) -- 呀媽飛英國

15/5(三) -- 公眾假期一天

完

2024 NBA 2nd Round

講少少NBA。第一round落幕。

西岸最估唔到應該係太陽被掃走。本來估中距離之隊可以破木狼防，點知狼adjust到個防守plan，Gobert會防出d，後面有人補位，完全箝制咗太陽嘅進攻，之後就沒有之後了。2個內線+1個高嘅側翼+可以有lead隊波技術同意志嘅新星+穩定老將後尾+最近第6人中鋒，堅勁。第2round第一場仲作客贏埋金塊。本來覺得狼始終欠經驗會輸金塊，而家真係唔敢講呀。Lakers輸係意料中事，快艇傷Kawhi真係無咩好comment，塘鵝無咗技安更加無得打，可惜。雖然傷病都係運動嘅一環，但playoff先來唔齊人真係無癮。

東岸熱火無JB偷到一場算係咁。公鹿無字母哥輸都正常。NY無咗Randle明顯無大影響，76人MB雖然聽說有傷在身，不過都就來10年啦，之前瀨隊友都瀨夠了，今年仲茅咗，更加令好多人唔like。最少人留意嘅騎士對魔術其實我都幾like。本來實力差距低，搶7結果係雙方都贏自己主場。實力分野在於經驗，魔術睇到前途無量啊。反而騎士雖然Mitchell證明到自己，但我覺得騎士應該利用個底嘅優勢，多過用咁多2個guard...

第2 round。

Celtics點講都係應該要入Finals的。騎士J Allen如果繼續出唔到應該無得打。最多都係偷2場。反而溜馬對NY幾有睇頭。2隊完全唔同style，溜馬有攻無守，NY就慣打泥漿戰，究竟7、8人輪換拖唔拖得慢溜馬呢？溜馬雖然唔長於守，但NY無乜箭頭，如果有人可以守死賓神就應該搞得掂。呢個matchup真係無乜idea...

金塊對木狼，估唔到先輸一場。究竟木狼係咪係playoff度可以升level成熟到夠打金塊呢？純睇matchup木狼真係唔輸金塊。主要真係睇可否有效克制Joker。另一邊小牛對雷霆就有趣了。雷霆雖然係西岸第一，但season第一最多只係證明對弱隊食硬穩定唔輸，對強隊當然都會贏。但來到7場4勝嘅情況，雙方都會有針對性部署，優點缺點都放大。雷霆缺點係主力都係竹竿人。小牛就係好特別嘅隊伍，Luka後生但老油條，做d嘢都好識針對對方，可攻可傳，K榮就真係證明到自己實力，佢得分爆發起來真係好勁，認真防守時都唔差，加上今季新人Lively同簽返來嘅Gafford，多咗2個底填埋上年嘅不足，又有人可以食餅，實力真係提升咗。呢個matchup我tip小牛小爆冷。

完

五月五日 -- Seed Freedom

29/4(一) -- 中午十幾人飲茶同Eudora慶生。收工返企夜晚C煮。

30/4(二) -- 公司出offer。中午同喪強食飯。出site收工返企先，再去將中豆子同Derek食野，之後入康城睇Seed電影版。睇完出返來TKO，話如果無雨就去尚德夜市，點知係地鐵站望時地下係乾嘅無雨，一出閘就開始落，去到尚德時仲超大。一場去到照去望下竟然有開，就買少少來食。

1。Seed Freedom -- 其實之前日本上都劇透晒，大約知up乜。都係Seed fans向，睇來爽下，全部主角幾乎都有得出場表現下。

1/5(三) -- 公眾假期一天。中午同CB去食野(係Parkside FC見到王詠珩)，再去天晉clubhouse比B玩一陣就返企。夜晚是旦煮d粉食。

2/5(四) -- 收工返去交費拿衫後返企。夜晚C煮。

3/5(五) -- 出site收工返去，同CB係附近食飯。

4/5(六) -- 落大雨，紅雨幾乎全日。朝早睇左場波砌模型同噴左d模型，中午同CB去附近食飯，之後B上堂。我同C返企hea，我砌左d模型。5點幾出去接B跟住去尚德食野後返企。

5/5(日) -- 朝早天晉打波8-10，今日終於多人少少。覺得自己打得唔差，不過籃底炒左幾球...打完波同佢地食完野返企，同CB去灣仔，行玩具街同食米線，之後去灣仔海濱玩。玩完行去CWB再搭叮叮去北角後返TKO屋企附近食d野返企。

2。打完波後晏晝瘋狂行完後腳勁攰。

來緊:

8/5(三) -- 呀媽返香港。

10/5(五) -- 五月之星食唔食飯?

11/5(六) -- 娟生日

完

四月二十八日 -- 熱辣滾燙

22/4(一) -- 收工返企夜晚C煮。

1。呀B今日同佢呀媽入戲院睇哥斯拉。之後問佢佢竟然話鍾意睇哥斯拉訓覺同埋睇KingKong打交。

23/4(二) -- 收工返去買外賣。

2。B日日癲，攪唔掂。

24/4(三) -- 出site收工返企，由於有張到期戲飛要睇，於是自己去康城睇戲。夜晚C煮留飯比我。

3。熱辣滾燙 -- 睇完覺得幾好睇。回想返，其實套戲劇情、演技、鋪排...etc各方面都好大路，並唔係話十分驚喜，有少少位節奏仲覺得拖左少少。不過最吸睛嘅當然係賈玲減100磅嘅歷程。就算你話嘩眾取寵又好、咩影響人審美觀都好，佢真係好勁好堅喎。Overall來講，套戲都唔錯嘅。

25/4(四) -- 出site收工返企夜晚C煮。

3。今日B又發癲，激嬲佢呀媽。我收工返去捉左佢落樓行下同傾計。之後都難得有同C傾左下。希望之後大家都可以舒服d。

4。好攰，不停甜廢水。點算。

26/4(五) -- 收工返去買外賣。

27/4(六) -- 中午同B落去打算食完野佢上堂，點知落到去中心打來老師病左。臨時決定去Megabox。去到Ikea好多人，齋食小食之後就行Megabox例牌。Aeon模型做9折再8折，不過最後諗左好耐都無買野。夜晚返到TKO食埋野返企。

28/4(日) -- 朝早天晉打波8-10。近2個月來算係對腳狀態最好，所以都算打得落力。力戰輸多都有嬴一場，以自己standard來講唔算打得差。同佢地食完野之後買野返企比佢地食，之後沖涼抖。下午同B玩左好耐，之後傍晚同CB落街食野再比佢去天晉遊戲室玩一陣後返企。

5。Derek去左康城買飛，來緊星期二同佢睇Seed電影版。

來緊:

30/4(二) -- 公司出offer。收工入康城同Derek睇Seed電影版。

1/5(三) -- 公眾假期一天。

完

NBA Playoff 2024 1st Round

NBA終於來到playoff時候，例牌小講一下。附加賽結果如我所料，可惜傷咗JB同技安，第一round可觀性減...

講東岸先。

塞對熱火 -- 又係黑8熱火對塞軍嘅戲碼，今年塞軍補強咗，不過熱火早幾年不斷爆冷嘅戰績不容忽視...本來。可惜Jimmy Butler傷咗，其實就算佢出到，今年真係好難打低呢隊塞軍...Bam唔係領軍材料，Herro唔搵定，Rozier都出唔到，JJJ好唔錯但係始終係新。塞軍就算自爆，應該都好難輸4場。如果熱火有JB可能都贏到2場，無就...4-1啦。

NY對76人 -- 無咗Randle嘅NY，究竟係會勁咗定弱咗呢？76人本來應該係前4嘅料，不過Embiid傷咗先跌落來，所以呢個2對7種子嘅matchup其實差距唔遠。如果Embiid發揮到，76ers應該係贏嘅，不過可能係4-3。

鹿對溜馬 -- 純睇matchup，鹿贏一班波。雖然換咗個為人詬病嘅教練，不過字母哥+手錶佬並唔係溜馬頂得住嘅組合。正常估鹿4-1，不過計埋自爆，4-2啦。

騎士對魔術 -- 魔術今年終於打出來，之前一直都係天賦高但配合度同成熟度不足，今年終於開始來料。Banchero開始成熟，雖然未擔到大旗，德國內線兄弟發揮穩定。不過，我自己就一直都頗like呢隊騎士，其實早幾年有少少似而家嘅魔術，J Allen+Mobley嘅內線，Garland+Mitchell嘅guard組合，加上已經夾咗一排，如果無傷患實在係唔錯。我估騎士4-2。

西岸就真係大亂鬥了。

OKC對鵝 -- 唉，可惜技安傷咗...如果唔係佢+JV嘅內線組合，雷霆班竹竿人係頂唔住，有機會偷雞的。Ingram係勁但仲未到superstar，McCollum都係2、3哥嘅料。估雷霆4-2啦。

金塊對湖人 -- 上年冠軍金塊今年仍然穩定地強，暗湧係少咗個Bruce Brown。湖人陣容都唔弱，唔知點解好多人會覺得被橫掃4-0。我覺得55湖，應該偷到2場。金塊4-2啦。

灰狼對太陽 -- 雖然太陽係第6，但絕對係強隊...KD雖然年紀大但係仍然無解，Booker我雖然一向唔like但佢爆起來係好難搞，Beal雖然比人話勉強三巨頭，但做3rd option夠有突。相反，今年有機會拿西岸第一嘅木狼，Edwards已經慢慢超越Towns做球隊一哥，Towns仍然soft，唔係差但clutch time唔睇好佢，Gobert+Conley唔錯嘅配搭，不過Gobert有時食餅都食唔到...木狼個問題係，佢哋三分線同內線防守都勁，但偏偏佢哋較弱少少嘅一環係中距離防守，而太陽果幾個痴線佬全部中距離都勁嘅。格食格下，太陽佔優。我估太陽贏4-2。有機會木狼兵敗如山倒。

快艇對小牛 -- 第一圈最好睇一定係呢個matchup了。淨係睇星都夠照。Don77同榮叔進攻真係好強，季中入咗Gafford同埋今年新秀Lively大大加強咗本來弱嘅內線同食餅能力。快艇就難得4星都健康！Harden跌咗Watt，但Kawhi仍然好top，PG仍然攻守兼備，Westbrook打後備提供到活力，照咁睇個陣容係勁嘅，甚至有機會爭冠。呢場真係最難估，雖然老友係Mavs迷，但我估艇贏4-3。

完

四月二十一日 -- 休養生息

15/4(一) -- 出site收工返企夜晚C煮。

16/4(二) -- 出site收工返去同CB係附近食飯。

1。今日到腳趾痛。

17/4(三) -- 出site收工返企夜晚C煮。

2。勇士果然玩完了。

18/4(四) -- 出site收工返企晚C煮。

19/4(五) -- 朝早都係去左睇醫生。出site早收工去觀塘行一下，夜晚約左SannyEva同CB係觀塘食飯。9點半島散。

20/4(六) -- 全日係企hea，朝早睇左下NBA，下午C湊B上堂，5點9佢放學一齊去接佢，去食好耐無食嘅湯米。

21/4(日) -- 朝早Monterey打波8-10，雖然腳仲有痛但已經係近1、2個月來好少少嘅狀態。都算入到d波，中距離不錯，不過實在太慢，防守唔得。打完波例牌食野再買野返去比佢地食。下午休息，夜晚再落街食飯。

來緊:

完

四月十四日 -- 突然右膝痛

8/4(一) -- 出site收工返企，之後睇跌打。夜晚C煮。

9/4(二) -- 出site收工去荃灣西交收耳環，之後去荔枝角食少少野再同同事打波。9點走。

1。呀媽似乎幾鍾意個Dior耳環。

10/4(三) -- 出site收工返企，夜晚C煮。

11/4(四) -- 出site收工去紅磡大酒店。同呀媽一齊stay到9點島返去。

12/4(五) -- 出site返去買外賣。

13/4(六) -- 呀媽返鄉下。呀B係寶林商場表演。10點島出去睇唔切佢綵排。同C係寶林行下同食野，1點睇B表演。下午返企極累極痛，恰著左，本來想睇跌打。夜晚去北角同C親戚們食飯，慶祝佢婆婆生日。

2。朝早起身突然膝頭痛，feel到入面發炎腫晒，之後仲愈來愈痛，痛到痴線，行路極有問題。夜晚食左消炎藥後開始好少少。

3。由之前右腳扭親再到倒甲再左腳後面發炎到右腳皮膚磨石地再到右邊膝頭痛，真係好令人氣餒同埋好唔開心又辛苦。

4。B表演前幾日扭我犀利仲會肚痛，壓力應該真係好大。

14/4(日) -- 朝早天晉打波8-10，連埋我得5個人，好彩我膝頭好少少，雖然跳唔到跑唔到但落場行下都還OK。10點完之後同CB食樓下附近食早餐後返企。沖涼後下午訓左陣。夜晚去寶林行同食飯後返企。

5。今年金像獎結果都算大路，我雖然都有d係估唔到，但都無大complaint。

來緊:

完

四月七日 -- 左腳又痛

3/4(三) -- 腳好痛。3點收工返去睇跌打。夜晚同ConnieLolo一齊食觀塘同Penny食飯慶生。

1。朝早起身隻腳已經痛，硬住頭皮direct site，點知之後仲要去律師樓。返到公司痛到流冷汗。睇完跌打好少少，夜晚出去食飯又要行(雖然唔算多)，不過好似齋坐都痛咁，夜晚食完返去已經痛到唔郁佢都痛。

4/4(四) -- 清明放假一天。全日係屋企抖，唔知點解極眼訓，9點幾先起身，食完野hea下hea下又訓，中午、晏晝都係撳一陣電話就恰著，訓左大半日。不過腳有好d。

5/4(五) -- 晏晝早收返去睇跌打。夜晚叫外賣譚仔。

2。Martin星期四晚踩車比電動單車撞炒起入院。

6/4(六) -- 朝早C帶B去上堂，我係企抖。中午同呀媽出去meet埋CB去左Popwalk2食晏。下午呀媽幫我買餸，夜晚我煮左2樣野。(其餘呀媽煮)

3。好耐無下廚，似乎都無大退步。始終自己煮嘅野啱食d。

7/4(日) -- 朝早天晉打波8-10，隻腳唔掂只係行行企企。同佢地食埋野返企休息陣，中午落去同呀媽CB食少少野，佢地去行，我返企沖涼訓覺。夜晚C煮。

來緊:

13/4(六) -- B商演。呀媽返鄉下。Derek飛台睇Concert唔打波。

14/4(日) -- 朝早天晉打波8-10。

完

四月二日 -- 復活節假期北上

25/3(一) -- 本來有site出，不過有野趕，無出去。收工返企夜晚C煮。

26/3(二) -- 出site收工返去買外賣。

1。砌puzzle工人怪。

27/3(三) -- 收工返企夜晚C煮。

28/3(四) -- 出site收工返去屋企附近食。

29/3(五) -- 同ConnieLolo係將軍澳酒店食Lunch buffet。之後2點meet悉悉一家一齊去西九搭高鐵上SZ，人多少少不過都唔算好多。上到去酒店check-in未有房，擺低行李去對面商場食椰子雞。夜晚宵夜去左買串燒。

30/3(六) -- 晏起身，酒店早餐食少少，之後出發去CocoPark。都係行下商場飲飲食食。夜晚提早少少返去，都排左一段時間，食到白玉串燒。夜晚無去宵夜了。

31/3(日) -- 起身食左早餐之後check-out擺低行李，去個唔記得咩商場，有得睇下動物，不過area比想像中細。中午食吳莊，好食又抵食。夜晚食埋飯先走，食左間海膽嘅都OK。經福田口岸返，都係人多少少但又唔算好耐就過晒關返去。

1/4(一) -- 朝早打波Monterey 8-10。之後同佢地食完野返企，同CB呀媽一齊踩單車。B雖然停低休息左2次，不過總算踩過到大橋。還車後行Donki食雪糕再去食tea，食完返企B又踩，我追左佢去單車館另一邊先再返企，攰到爆。返企沖涼叫外賣，食飯前恰左一下。

2/4(二) -- 補假一日。朝早起身全家一齊去柴灣拜山。唔係清明正日又唔係前後嘅禮拜六日，竟然無架特別班巴士，的士又長龍。結果等左幾班van仔上去，再行返落來。老豆返企先，呀媽去灣仔入境處整野，本來打算一齊係灣仔食野，不過B訓著左，lunchtime又多人，所以一齊返TKL食野。返企玩一陣，我同B去上Ballet。夜晚外賣自取。

2。左腳後腳跟夜晚開始痛...

來緊:

完

三月二十四日 -- 連續返工

18/3(一) -- 一起身頭赤赤，返工清咁d野，下午病假。

1。婚後事 -- 做咗3個禮拜，終於來到結局周。頭果個禮拜實在太精彩，顯得中段好似無咁強勁。前面真係有幾集睇到好緊張，時間過得好快。中段其實都好睇，只不過同個頭比較無咁犀利姐。來到今集，節奏突然快咗，同埋真係好真實！真實到令人起雞皮毛管戙，睇到有d sad又有d共鳴。不論係講緊個社會工作身份育兒相處各方面都真到令人覺得驚。

呢套劇其中一個特點係同一件事會用唔同觀點去呈現多過一次，但如果有留意細節，同一場景入面d家私道具服裝臺詞甚至語氣都會唔同，顯示出唔同人唔同心態唔同環境嘅感覺可以爭好遠，亦都好多嘢無絕對嘅對錯。講過好多次，值得一睇。

19/3(二) -- 出site收工返企先，去接B放興趣班，再一齊行去地鐵站散。去CWB楓林小館中同聚(家昇皇帝擇茄BenEdgar)仲叫埋Miss古，同家昇farewell。9點半島散。

2。估唔到擇茄返左HK，同埋原來有白事。散水之後同佢係北角傾左陣先散。

3。雖然係同家昇farewell，但大家都好自然地係請Miss古食飯。

4。婚後事 -- 今集我覺得最深刻嘅係講照顧者同被照顧者。真係2個都無錯。

20/3(三) -- 出site收工返企叫外賣自取。

21/3(四) -- 收工返企夜晚C煮。

22/3(五) -- 出site收工返企叫外賣自取。

5。婚後事 -- 大結局。最尾2集要收尾，又要交代，所以多左口水說教。不過整體來講都不錯，最後都OK交代都d人嘅關係同結局，同埋有講少少生死生活嘅野。我唯一唔係好接受嘅，係馬壯同Yoyo一齊過之後又同羅仲謙做得返兄弟。TVB來講算係難得一套好劇。

23/3(六) -- 呀媽返來。朝早同下午湊B上興趣班。下午meet左一下新奇一家，同佢地去左天晉遊戲室。4點去QC Open Day meet呀馬一家。6點島走，同佢地食拉麵後走，竟然係QC外面遇到Miss古。

24/3(日) -- 天晉打波8-10。打完之後同TommyNorman暉一家食野。之後買外賣返企。下午同B踩單車到康城再踩到Donki食雪糕，之後返企抖。夜晚叫外賣。

來緊:

29/3(五) -- Lunch buffet

29-31/3 -- SZ trip again

完

三月十七日 -- FS

11/3(一) -- 收工返企夜晚C煮。

1。逼我裝廁所板，好攰。

12/3(二) -- 出site收工返企叫外賣自取。太眼訓係車度訓著，醒果時叫壽司郎，之前一直睇開將軍澳店，但係車定位自動link up左坑口店，加上好眼訓無留意，結果order左坑口店...

13/3(三) -- 康城收工，同Winnie行返TKO。夜晚C煮。

14/3(四) -- 出site睇邨返企夜晚C煮。

2。B發左6日爆，C今日都發埋燒。

3。今日第一次同B一齊沖涼。

15/3(五) -- FS，收7點，同鵬鯉快食個飯返企。

16/3(六) -- FS，收7點，返去買外賣食。

17/3(日) -- FS，收4點幾，收工去寶林行個圈再返企。夜晚叫外賣自取踩左單車。

4。好開心真係唱到K！話說尋日12點做完一隻，突然收到order點半鐘有appointment，不過如果呢d機會唔去唱，平時真係無機會，所以即使得一個鐘都照去！(之後有返去唱多陣) N耐無唱，預咗無乜狀態，(同埋應該永遠唔會返到最好狀態了)，不過感覺係好過上次。同埋可能真係開心，唱得比較無咁拘謹 haha。雖然成日話想唱K，但真係去到又唔知唱乜。是旦諗到點乜就求其撳。雖然唔算唱咗好耐，不過已經過到癮了！真係要多謝陪我唱嘅朋友！咁趕都陪我癲！

5。極攰，10點島咩都未整未熄就訓著左。

來緊:

19/3(二) -- 中同聚

29/3(五) -- Lunch buffet

完

三月十日 -- 飯戲攻心2

4/3(一) -- 出site收工返企夜晚C煮。

1。收工係彌敦道塞車，我都知自己實係黑仔，如果唔落車就等好耐，落車就會好快郁返。結果係等左一陣落車，行前一段路果然就通返(見到架波子車尾當爛左)。後2站等返原本架巴士，司機唔認得，都係比返錢。好彩只係比多三個幾。

5/3(二) -- 出site收工返企夜晚呀媽煮。

6/3(三) -- 公司training overrun到6點半先係IB2收工，返企夜晚C煮。

7/3(四) -- 康城收工順便換埋戲飛。收工返企夜晚C煮。

8/3(五) -- FS cancel; 出site收工返去買外賣。夜晚同C踩車去康城，食糖水同睇飯戲攻心2。睇完踩車兜大橋返企。B發燒。

飯戲攻心2 -- 終於睇左。絕對無網上d負評咁差。首先，未睇之前，就算唔睇網上評論，都預左無1咁好睇。第二，睇trailer都知唔會玩(得)返1玩果樣野，亦都做唔到。第三，無左黃子華對我來講唔會特別覺得好左或者差左，因為我覺得1唔只係睇佢。不過佢唔肯拍令到個劇本要寫到無左佢，就算點解釋都係爭d。玩返上集某d原素、一個笑料出超過一次、一套戲兩場婚禮，我又唔會覺得好重覆或者好"cum"，發生嘅事同尷尬位都唔同。人物多就真係雜左少少，不過你話個個人發揮但浪費左同埋營造不足咩我又唔認同，由始至終都係focus係主角5人組度，即使出左好多人都好，都係用來令主角更立體，而佢地就真係唔使太多太立體。Overall來講，就真係同1無得比嘅。2個格局大左但係反而無左1果種6個人3餐飯激起嘅火花，我會將2睇成 -- 1嘅角色後續故事+賀歲輕鬆熱鬧戲。唔算太差啦。

9/3(六) -- 呀媽返鄉下。朝早B低爆好好多，唔上跳舞堂。我湊B上之後果d班。下午上完堂就返企沖涼叫外賣食，夜晚早休息。

2。今晚又返返自己房，兩星期。

10/3(日) -- 天晉打波8-10，腳唔是好得，所以打得唔好。不過竟然有一球右手crossover去左手推進直鏟入籃底layup，又有一球三分。同佢地食完野之後買外賣返去，沖涼休息。夜晚叫外賣，話到但無，再叫唔知等幾耐，我落左街行一轉唔見張單，買d飯團比B。返來係樓下見到人送我地張單。夜晚食完再沖涼，今日沖左三次。

來緊:

15-17/3 -- FS

19/3(二) -- 中同聚

29/3(五) -- Lunch buffet

完

三月三日 -- 兩家深圳之旅

26/2(一) -- 收工返企夜晚C煮。

1。突然被擠壓情緒爆煲。

2。新劇婚後事可觀性幾高，題材好似幾現實，演員配搭同演技都OK。不過太負面可能會睇得辛苦。

27/2(二) -- 收工返去買外賣同埋睇左醫生。

28/2(三) -- 收工返企夜晚C煮。

3。婚後事 -- 故事一直推進，三集都用唔同角色嘅觀點出發，編得幾好。人物關係交纏得來都合理，而牽起離婚事件嘅"出軌"真相仲未完全披露。暫時覺得真係拍得唔錯。

29/2(四) -- 出site係紅磡收工返企，夜晚C煮。

1/3(五) -- 放假下午同呀媽去黃大仙。夜晚我買外賣。KWSSP

2/3(六) -- 朝早10點零出門meet埋悉悉一家一齊去西九搭鐵去福田。飲飲食食行下商場。

3/3(日) -- 朝早比B同悉悉玩playhouse。下午去行下街。夜晚早d食埋先返企。

來緊:

8-10/3 -- FS postpone?

19/3(二) -- 中同聚

二月二十五日 -- QCOBA籃球賽

19/2(一) -- 開工大吉。C同B下午入康城睇戲，我出site收工入去搵佢地食飯先返企。

1。收工返企先再去康城，踩單車過去，中途跌左電話，好彩好心人執到，打電話去接左，係中途比返我。

2。呀B愈來愈曳，愈來愈嘔心。

3。NBA ALLSTAR GAME 一如所料般垃圾。

20/2(二) -- 因為仲有一張戲飛要用，所以收工我自己入康城快食d野再睇戲，睇左"臨時劫案"。同LoLo一齊收工入康城，meet埋Connie一齊係敏華快食個飯，之後睇戲。睇完本來想踩單車返去，最後搭左MTR。不過應該都係單車快好多...

21/2(三) -- SSP收工，咁啱見到翻貨，等左一陣，可惜都係爭一盒先齊，明明見有一棟都唔拿出來。收工返企夜晚C煮。

22/2(四) -- 出site收工返企夜晚C煮。玩具店唔見想要嘅野。

23/2(五) -- 呀媽返香港

24/2(六) -- 朝早呀B上堂到3點幾，之後去北角meet埋呀源探黃媽媽。4點9島散水，我地再去搵表姐拜年。之後返TKO同呀媽一齊食飯，再去單車館睇花燈。

25/2(日) -- 朝早天晉打波8-10，唔記得左中學舊生籃球賽，所以唔join (打左一場)。9-13返中學打波。人地隊隊十幾人而且好fit，我地得7人而且第一場就傷左Pierre...最後三場波都輸晒。(而我竟然係隊中得分王，又入罸球又入中距離仲入左2球三分)。之後無同佢地食飯，返TKO買外賣返去。食完之後好唔舒服，唔知係咩事，又痌又嘔，好彩捱到沖完涼，之後好暈盲訓左。夜晚叫外賣。

來緊:

2-3/3 -- 同悉悉一家深圳之旅

臨時劫案 後感

臨時劫案

首先想講下，香港人真係好難服侍。已經見愈來愈多人講，而家d人評論一樣野(戲又好歌又好咩都好)，無該有嘅認識同水準、純主觀願望(只要唔係自己expect嘅野就係唔好)、甚至係個人喜惡行先。唔多想derive總之都幾不知所謂。

**********

講返套戲，又係慣性先結論，係幾好睇嘅。之前有睇過少少影評，知道唔係喜劇，唔係平時嘅賀歲片，算係黑色喜劇吧。

全套片個節奏掌握得幾好，無乜冷場，我仲睇到好緊張(reply圖有自己緊張抓自己嘅痕跡)。不過正因如此，其實我睇到有少少辛苦。

對於一向睇生死睇得重嘅我來講，睇到個人精神好繃緊，加上呢個黑色喜劇個底係悲劇來，會睇到有d唔開心添。

劇情玩少少荒謬+社會問題+中年危機+巧合+錯摸，幾條線分開到最後匯合為一條有少少杜Sir feel，雖然真係有好多巧合但呢d無話唔合logic我覺得係可以接受。我一向覺得只要係果個世界觀合logic就OK，跟到個logic就係合理(但合logic同合理係2樣野)。呢套戲我唯一一個唔明嘅地方就係呀輝一直辛苦死守嘅老人院原來最後轉個手就解決左，點解唔一早轉手呢?

演技來講就真係叫個個都OK，就算配角都好恰如其分，有d可能未必咁好戲嘅就做d易d嘅角色，所以全戲都無乜演技尷尬位。林家棟任賢齊John哥...etc都無乜好講啦，一定交到貨，呀黃就真係不錯，雖然佢之前已經拿過影帝，但我一直都覺得佢都係爭d。呢套我就感受到佢除左外型同角色都係突破之外，佢係有用心去演同埋無太大力去演嘅。

唔識都唔想講太多了。

唔錯幾好睇值得去睇的。不過想開開心心輕輕鬆鬆就唔好呢套了

完

二月十八日 -- 回鄉+C生日

11/2(日) -- 朝早出門去西九搭動車，到深圳北轉車上晉江。呀媽同司機接我地返去，都已經7點幾。食完野比B夜下煙花就休息。

12/2(一) -- 朝早起身去左無動力樂園比B玩左一朝。新奇一家同我地meet埋一齊玩到中午去隔離個商場食飯。食完飯行左陣商場同超市，我地返去轉同新智一家同櫻莉去另外一個公園(4點幾5點先meet)，玩一陣係果度食少少野到差不多夜晚就返去。

13/2(二) -- 姨車我地同呀媽去洪溪(老豆鄉下)，食d野經過睇下閩南傳統嘅野，就上返呀媽鄉下果度嘅靈秀山金相院，再落返以前舊居。夜晚返屋企食野。沖完涼呀姨帶我去睇左個跌打佬。敲左幾野再拔罐敷藥，無乜料到。

14/2(三) -- 朝早送花。呀姨車我(連埋呀媽CB)去醫院，睇左下醫生抽左血同拿藥。中午meet晒2個表弟2家人同姨丈一齊飲茶。之後呀姨同呀媽CB去玩，新奇車我去另一個跌打佬度，佢同支野篤我腰，好似有好少少? 之後新奇車返我去永寧古城join呀姨佢地(佢走先)，再去左施琅像之後返企。食完飯沖完涼又去返跌打佬一度，佢敷塊萬年布來照燈，之後都係敷藥，好似都係無乜料到。

15/2(四) -- 朝早新奇一家帶我同呀媽CB去五店市行下，之後過萬達玩一陣，再去SM商場食飯，然後係果舍商場玩左好耐遊戲室。到4點幾5點玩夠，返去經過跌打佬2，又篤左我腰好痛，之後再整我隻腳，今次真係有好d了。整完都係好快，一齊上新奇屋企settle一下，夜晚落仍屋企樓下食串燒，之後仍車我地返企。

16/2(五) -- 朝早上天台玩下風箏，11點半就出門，司機車我地去廈門，搭直通車到西九，返到屋企差不多8點了。

1。封咗幾年關，終於有機會返鄉下。終於有機會帶阿B返去。可惜今年少表兄弟姐妹一齊返去，無咁熱鬧。

2。可能細個幾乎年年都會返去，所以鄉下對我來講都係一個舒服嘅地方。雖然經過咁多年好多嘢都變咗，但對我自己來講感覺好自在。(當然對B來講好新奇，對C來講就陌生)

3。好可惜今年臨到年尾幾日隻腳突然好痛。係香港只睇得切一次西醫，兼且食消炎藥都無乜用。多謝阿姨帶我睇跌打又睇醫生終於最後搵到個搞得到嘅。不過幾乎全個行程都係痛住去...

4。除咗頭一日凍dd，之後幾日都好好天氣好好太陽仲幾熱下添。不過對於旅遊同影相來講就fit晒。

5。同表弟講開，大家都覺得其實自己覺得點都無大所謂，最緊要係小朋友開心。阿B就真係玩得好開心嘅，地方又大，又玩到好多未試過嘅嘢，又有表哥表姐好多伴同佢玩。我以前細個返去，環境無咁好但都係好開心，其實有咩玩都唔緊要，最緊要係伴啊。

6。好耐無試過離開香港咁多日。雖然返鄉下都唔算係d咩trip，不過都好開心。返到來香港都好無真實感。

7。多謝阿姨姨丈同埋兩個表弟安排飲食遊樂車出車入，我幾乎可以放空腦袋做個殘廢就得。

8。出發前總會膽心阿B呢樣果樣，總算都ok。只係塊面起左敏感。

9。返到屋企，最開心嘅係瞓返自己床，最舒服嘅。

17/2(六) -- 中午出門去沙田meet呀娟同MandyThomas，係樓下一齊食晏(呀源朝早唔舒服臨時唔來)。之後上娟屋企hea，夜晚係樓下食大牌檔後散水。

18/2(日) -- C生日快樂。朝早8-10天晉不過我打唔到波。11點係北角同C親戚團拜。散水後行左下北角例牌之後返企比B訓一陣。夜晚出Monterey果邊食西餐，C唔太開心個waitress。食完買手搖返企再切蛋糕。

10。講少少腳傷。基本上係腳痛住來過年同返鄉下，好彩唔係頭果2日咁痛。最後整腳果下先係最有效，之後開始好起來。隊腰果幾下到而家個位都仲有痛，早2日仲keep住有腳痺，不過隨住無咁痛又會無咁痺，希望之後愈來愈好。而家左腳行都會有少少扯住，要少少趷住來行，順帶講埋右腳倒甲都有好d。

來緊:

完

二月十日 -- 年初一

5/2(一) -- 出site收工返企夜晚C煮。

1。C買左蛋糕，夜晚我地一齊同老豆慶祝生日。

6/2(二) -- 出site收工返去再同CB出去寶康行年宵，行完去寶林食金鳳再行一陣先返企。

2。是日腳腕後面個位開始痛。

7/2(三) -- 半夜醒左隻腳好痛，SL一天。10點幾去睇西醫，話我果個位筋膜發炎。睇完想睇跌打但原來已經收爐。中午買外賣返去自己食，沖個涼之後可能之前果晚訓得太差，同埋食左藥，勁眼訓訓左成個晏畫。夜晚C煮。

3。希望腳快d好，唔好影響返鄉下。

8/2(四) -- 腳有好d但仍痛，繼續SL。上午陪B hea同唔專心咁睇波。中午食完飯食完藥又好眼訓，又再訓左半日。夜晚C煮。

9/2(五) -- 年三十晚早收工。返TKO拿藥買野，夜晚C煮。8點幾去地鐵站同Derek交收，之後企左係度傾左成個鐘先散。

3/2(六) -- 大年初一。朝早睇左場波同砌模型。下午訓左陣。5點幾出去附近食完飯返企。

來緊:

初二至七返鄉下。

二月四日 -- 生日

29/1(一) -- 出site早收工。返企之後出返雍明同ConnieLoLoPenny食飯再食糖水(CB無join)，多謝幫我慶生。

30/1(二) -- 生日請假一天。朝早係屋企睇左幾場NBA close game 4Qtr，砌一陣模型。中午去接B放學同食壽司郎(自費)(笑)。之後返企淋個浴，下午恰左陣。C同B去上完Ballet返來之後，夜晚一齊去Popwalk 1食飯。

31/1(三) -- 出site早收工夜晚C煮。

1/2(四) -- 出site早收工夜晚C煮。

2/2(五) -- 收工返去買外賣。

3/2(六) -- 朝早C同B去上堂同返學校講座，我係屋企睇波同砌模型。1點出去meet佢地不過佢地overrun等到2點幾。係坑口食燒肉之後行返去，比B係單車公園遊樂場玩左陣。返來B磨左陣先訓，訓到7點幾。最終無再一齊落去食，我落街買外賣返去。

4/2(日) -- 朝早天晉打波8-10，難得Norman都來join。打完同DerekNormanJackSam一齊食埋早餐返企沖涼抖。中午C同B去左B同學仔屋企玩同預早團拜，5點幾返來，B訓左。夜晚叫外賣。

1。漫畫徹夜之歌200話完結撤花。

來緊:

11/2(日) -- 初二返鄉下，初七返。

完

一月二十八日 -- 又凍返

22/1(一) -- 收工返企夜晚C煮。

1。4點幾係公司發現唔見左staffcard+octopus+key，搵勻唔見，連垃圾桶垃圾袋都抄埋。

2。是晚開始凍。不過訓地下d被夠其實都仲夠暖。

23/1(二) -- 收工返企夜晚呀媽煮。

3。係公司搵返唔見左嘅野，夾左係file入面。

4。諗左好耐，似乎解決方法係初二返鄉下?

24/1(三) -- 公司lunch buffet。晏晝出site返企夜晚C煮。

25/1(四) -- 晏晝出site返企夜晚C煮。

5。呢排經常好早就眼訓，10點幾11點就訓左。

26/1(五) -- 晏晝出site返企再入西貢同C一家打邊爐。10點幾先走，大舅父車返我地出來。

27/1(六) -- 呀媽一早返鄉下。朝早10-1公司甜品班整檸檬撻。之後返企沖個涼，B同C返來。下午叫左人來換星盤水龍頭。夜晚落街食飯。(間雞麵竟然執左，豆漿果間開左)

6。今晚訓返自己房了。

21/1(日) -- 朝早天晉打波8-10，臨前一晚先一堆人話來，所以有11個，我可打少d。腳趾好過上星期。打完同Derek食完野買早餐返來，沖涼同B玩一陣佢下午訓。夜晚叫外賣。

7。買左初二返鄉嘅車飛了~

8。睇左3集勇氣爆發，暫時OK。睇左3集戰國妖狐，暫時都跟足漫畫，期待之後嘅劇情。

來緊:

29/1(一) -- 同ConnieLoLoPenny食飯

完

一月二十一日 -- 腳趾仍痛

15/1(一) -- 收工返企夜晚C煮。

16/1(二) -- 出site收工返去係屋企附近食。

1。收工返去睇醫生，醫生話唔使急食藥可以慢慢好，手術做唔做就自己決定。

17/1(三) -- 出site收工返去夜晚C煮。

2。今日試著返鞋返工(前2日著Crocs)好似好少少。

18/1(四) -- Lunch同喪強食，交收幫佢買嘅模型同埋預祝佢生日。出site收工返企夜晚C煮。

3。夜晚就我話唔返鄉下一事呀媽爆老豆。唔知之後點。

19/1(五) -- 出site收工。夜晚同媽CB本來諗住食段純貞，原來裝修緊，食左樓上山打根。之後行下Donki後返企。

20/1(六) -- 朝早湊B去坑口上工聯會d堂，C去幼稚園聽talk。中午呀媽來一齊食d野，下午再送B去上英文。臨時約悉悉一家，上完堂返企放低野入康城佢地家玩同夜晚打邊爐。

21/1(日) -- 朝早天晉打波8-10。就住少少腳趾痛勉強都打到。打完食埋野買野返企，沖個涼之後訓。5點幾半島同媽CB去左Beans食野，之後我上Connie娘家拿單車。

來緊:

27/1(六) -- 公司甜品班

完

一月十四日 -- 右腳趾公倒甲

8/1(一) -- 出site收工返去同媽CB去譽居。

9/1(二) -- 出site收工返去，夜晚呀媽煮。

1。今晚試左係廳地下訓，暫時未搵到個舒服嘅方法訓。不過好彩咁啱避開左B半夜尿。

10/1(三) -- 朝早拿左假，同B去做評估。之後係SSP食野同買左新年野。下午返工。出site收工返去夜晚呀媽煮。

2。B初步都係有ADSD。

11/1(四) -- 出site收工返去夜晚C煮。

3。右腳趾公倒甲愈來愈痛。

12/1(五) -- 出site收工返去夜晚出去食。

4。(右腳趾公倒甲)睇左醫生，開左抗生素。

13/1(六) -- 極攰。朝早C帶B去上堂，我訓到9點幾先起。食d野睇波砌模型，等老豆食完中午洗完野，我先煮個麵食。之後好攰訓到差不多5點。電話打來起身落去拿網購野返來，再同CB去海天晉食飯。食完行左韓國超市再行下Aeon返企。

14/1(日) -- Book唔到場打波。朝早同B去踩單車。中午同呀媽CB去附近食野後返企。我沖涼之後少恰左一下。夜晚叫外賣。

5。(右腳趾公倒甲)有水出，應該發炎了。

6。睇左勇氣爆發Bang Bravern第一集，一開頭都無乜野，正常真實系機械人動畫，點知去到尾無啦啦變熱血超級系 xDDD 笑死我 xDDD

來緊:

27/1(六) -- 公司甜品班

完

一月七日 -- 開始settled

2/1(二) -- 出site收工返去買外賣。

3/1(三) -- 收工返企夜晚C煮。

4/1(四) -- 朝早簽租倉約。收工交收。夜晚C煮。

1。總算租左倉同搬左大部份要裝嘅野入去。

5/1(五) -- 出site收工返去，同呀媽CB去雍明食飯。

6/1(六) -- 朝早同B去踩單車，之後去天晉同呀媽迎智一齊推個保險箱返去。中午同CB呀媽樓下食，之後C帶B去上堂，我同呀媽車抽濕機同風扇去倉。夜晚同呀媽CB去Popwalk2試新果間燒味，果然好似將中間金牌。

2。呀B第三次踩車，掌握到自己開車同轉彎了。

7/1(日) -- 朝早天晉打波8-10，今日雖然身體狀態麻麻，又係咁輸波，但自己覺得算打得唔錯(同埋都贏到一場打得幾好嘅)。打完波同Derek食完野，上天晉幫呀媽推d野返來，沖完涼就攰到恰左。夜晚去北角Lily婚宴。

3。Lily老公幾funny，飲左唔少酒有d hyper。

來緊:

完

一月一日 -- 新年

27/12(三) -- 5點發現漏招拿野趕過去上環。收工返企夜晚C煮。

1。今日日頭有師傅來換左個細廁所坐廁。

2。執左下房。

28/12(四) -- 出site收工返企夜晚C煮。

29/12(五) -- 下午放假。快行左SSP買d野之後返企。下晏過天晉幫呀媽睇下執下野，同埋上網睇左下租倉嘅野。夜晚返七座，食埋呀媽買嘅燒味。

30/12(六) -- 朝早同呀媽去觀塘睇倉，之後返七座。呀媽執完野，中午一齊落附近食飯。食完返企我沖個涼恰。夜晚叫外賣。

31/12(日) -- 朝早打波天晉8-10，好盡力打所以好勀。打完直接返企。沖完涼中午同馬一家係附近食飯，之後一齊去單車公園picnic同比2個小朋友學踩單車。重點係呀B叫係第2次學，已經學到自己踩直線了，好滿足。4點幾呀馬返去先，我地去左方叔叔打邊爐後散。

3。今日老豆呀媽正式搬過來了。

1/1(一) -- 12點島出門去CWB係Hysan食d野再上Herman屋企clubhouse中同聚(Herman馬BenEdgar帶屋企人家昇自己來)。6點島散水，同馬一家係CWB食埋飯散。

4。家昇講到感觸落淚。

來緊:

4/1(四) -- 租倉。

7/1(日) -- Lily婚禮。

完

2023回顧

照例回顧一下今年。

1。上年年尾中招，1號出關。阿B經歷過高燒暈低之後，今年年尾又來一嘢叫白車。嚇死人。

2。上年年尾一直延續到年頭嘅Go Healthy活動，應該有令自己健康d同埋輕咗磅。不過去到下半年竟然痛風...不過果排可能真係太辛苦。

3。9月上羽毛球班第一堂就扭親腳，之後就一直纏繞到而家爭dd爭dd。人老咗真係好多嘢差咗。

4。難得join班學新技能，縱然人多練習時間少，但感覺羽毛球level少少哋都有加到經驗值。其實一直都幾鍾意打。

5。阿B今年第一次過關離港，去咗澳門。亦都第一次北上深圳。

6。今年比前幾年睇多咗戲。絕對要提嘅係Slam Dunk，另外飯戲攻心都好like。

7。一直都好少睇劇(不論TVB定Viu定外國劇)。不過今年Netflix嘅幽遊白書真人版，不論大家評價如何，身為幽白鐵粉嘅我，都係睇晒。另外，覺得靈戲逼人幾啱我胃口。

8。動畫一向都係無點睇，今年出咗套高達水星之魔女叫有追。反而翻睇返d漫畫例如鋼鍊etc好正。一堆自己欣賞嘅漫畫動畫化都令人欣慰(但我無睇)。

9。睇咗一堆書。除咗散文仲有d有關心靈修煉嘅，一直覺得自己修為比起以前退步好多。另外，今年翻睇金庸武俠小說新修版完成。

10。阿B無特別咩大嘢講，睇住佢大，越來越曳，希望以後可以聽話返少少唔好激死佢老豆老母，同埋希望佢健健康康。不過2023年最後一日掌握單車技能都幾高興。有少少佢以前B果時睇住佢識轉身識企識行果種感覺。

[圖文不符+文題不符]

究竟咩叫真係覺得自己年紀大咗？

當自己打波後比人wear損嘅地方三幾個禮拜後條瘌仍然未退；

當自己未夠12點已經開始覺得眼瞓然後絕少捱過1點先摺更加唔好講N年無通過頂；

當自己d朋友都開始進入咗其他階段或者甚至進入咗幾次唔同階段(然後自己都一樣)；

當自己發現自己嘅老友們都現出唔後生嘅狀態然後自己都開始出白頭髮；

當自己突然發現，家中長老真係老咗好多，好似一轉眼同一向認知嘅佢哋唔同嘅時候；

然後。

發現有d嘢真係唔同咗。

知道永遠唔會返到轉頭。

只可以希望盡量keep住而家嘅狀態。

好好珍惜現在嘅所有人、事、物。

祝大家新年進步，身體健康。

2024加油。

完