十一月二十四日 -- Disney

18/11(一) -- 出site收工去公司羽毛球班@佛光街。

1。今日無再教d咩，將之前所有野混合，叫我地係場上random開波過來比我地打返過去，之後再分組半邊場1 on 1。由於個場無冷氣加要走前走後，運動量都幾大同流好多汗。

19/11(二) -- 出site收工返企夜晚C煮。

20/11(三) -- 出site收工返企夜晚C煮。

2。是日屋企浴室寶壞左。

21/11(四) -- 收工返企夜晚C煮。

3。B接近5點無啦啦發燒。

4。逢星期四公司羽毛球班又因為場地問題延去星期一。

22/11(五) -- 拿MA早收工返去睇跌打，夜晚買外賣。

23/11(六) -- 公司Disney活動。一早8點8島出門，10點島出閘，行到去門口都唔少人，入到去10點8島即刻衝去玩左Frozen任務成功，目標達成。估唔到玩下hea下呀B都捱到去9點9睇煙花。睇完煙花同ConnieLolo諗住一齊call車，點知無人接，最終搭地鈕返去，12點先返到。

5。呀B全日都乖，好抵讚。另外佢成就解鎖Frozen個過山車，玩完話好玩同埋話以後都會玩~

24/11(日) -- 天晉打波8-10，勁攰，已盡力，有嬴有輸算係咁。同佢地食完野買外賣返來。呀C果朝先記得原來下午去將軍澳海水化淡廠。好彩有車接送又輕鬆嘅。夜晚(tea時間)去左Table食。

來緊:

逢星期四公司羽毛球班

29/11(五) -- B學校放假，我都請假一天

30/11(六) -- RitaEdf聚

完

十一月十七日 -- 破地獄

11/11(一) -- 出site火炭收工返去夜晚C煮。

12/11(二) -- 出site收工返去夜晚C煮。

13/11(三) -- 出site收工返去寶林拿體檢報告，夜晚C煮。

1。除左一早估到血糖會升左之外，其他本來高高地嘅指數竟然全部有跌(雖然都仲係少少偏高)，估唔到。

2。夜晚11點幾掛8號波。

14/11(四) -- 朝早10點4落波，為左唔同人逼，差不多10點半就返到公司。收工上九座食飯，呀媽拎左大閘蟹同羊腩返來，C再買左雞。

3。逢星期四公司羽毛球班又因為場地問題延去星期一。

15/11(五) -- 放假一天，B上午做assessment (9-13攪左4個鐘)，確定有專注力不足+過度活躍症。之後係觀塘"新乜乜"(好耐無去)食晏，再過SSP行特賣城同玩具街，買左少少聖誕Deco。搭地鐵返TKO，食到荳子最尾時間嘅tea之後返企。

4。呀B夜晚起風癩，成晚都訓唔好。

16/11(六) -- 朝早我湊B去坑口上堂，今日第一堂Ukulele，skip左最後一堂工聯會綜合美術，之後佢上埋粉彩。早少少捉佢落堂，返去睇醫生之後去食蕃茄十八，返企沖涼。佢明明好攰唔訓，C就訓左。我同佢溫少少書同比佢睇打機，夜晚叫外賣。

17/11(日) -- 是日無波打。C同B同C親戚去海洋公園。我同Derek睇早場"破地獄"。睇完一齊食點壽司之後散。返企沖涼抖一陣，夜晚中同食飯(合時小廚私房菜)，呀澤係日本返來。10點先散再同呀澤行返北角先搭地鐵。

來緊:

逢星期四公司羽毛球班

23/11(六) -- 公司Disney

29/11(五) -- B學校放假，我都請假一天

30/11(六) -- RitaEdf聚

完

破。地獄 觀後感

網上太多人講，所以重複嘅就唔多講了。先總結，係好睇嘅。至於神唔神呢，我就覺得未係神級。

話說在頭，每次有戲上我都好鍾意上網睇影評(都算睇得多，專頁嘅論壇嘅乜都睇)，大概都會get到邊類人邊類睇法。我知電影好唔好睇真係好主觀，而且人人都唔同切入點同埋唔同角度，尤其唔同身份對於戲入面嘅人物事件更加會有唔同體會，所以真係無得話反對別人嘅睇法。不過網上真係有好多立場撚/獨醒撚/為反而反撚/逢紅就踩立場獨特撚...呢d我就唔多講了，亦都無謂反駁。最無聊係一d連個expectation都唔啱嘅人話唔好睇，果d真係得啖笑。

講返套戲。個人覺得，個故事其實唔算太特別，基本上都係standard，咩人物出場都估到功用係乜。認同網上有人話想講嘅野太多，所以每一段都有少少短，講得唔夠，渲染嘅力度都未太夠，不過我覺得都OK，如果要cut，倒不如出個加長版。只可以話電影時間影響左想講嘅野。

電影嘅一大gimmick係殯儀，其實始終佢都唔係真係涉獵我好深入，更加唔係紀錄片。睇電影對於講任何行業，始終一定會"浪漫化"，"浪漫化"係包括美化醜化同"以意加減，真係好正常。因為要帶出戲劇效果，因為要比唔識嘅人某種認知，所以一定唔會係原原本本的。所以我自己就唔介意。而呢套戲都係用"殯儀業"為題，實質要帶出嘅係家庭、親情、關係，仲有人生、放下同埋釋懷。

我覺得編劇同鋪排算係唔錯，有人話2個主角角色心態轉變太快，我就認為唔係真係一單兩單case就轉變嘅，中間都有經過唔少時間，只不過電影唔會花費咁多編幅去交代姐。攝影、畫面同音樂音效就幾正。百年來，電影故事大部份始終走唔出框框，點講故事就好講技巧了。自己唔係讀電影，唔識評論任何技法，不過覺得呢部算係咁了(但講真未到神級，而家票房大賣我覺得係因為演員加成)。至於喊，我一向睇電影甚至動畫都係好易喊果類，極度眼淺，但呢套我又無喊喎(都有幾幕眼濕濕嘅)，可能佢想帶出嘅道理我本來就已經知道同諗到。

最要激讚嘅，就係演員。個陣容其實好勁。

黃子華來講，講真我又從來唔覺得佢演技特別好，佢最成功係棟篤笑同埋佢嘅形象，而佢好睇大賣嘅戲，係角色似佢啱佢多過佢做得特別好。不過又咁，要諗第個演員去做返個角色，又真係諗唔到邊個啱過佢。That's what I mean。

許冠文就真係好勁。佢個角色其實唔係就咁做個乞人憎廢老就OK，真係有唔同情緒係入面。朱康其實唔少戲份，網上d人話佢同衛詩雅被過譽，我就唔覺得佢地經常木口木面無表情一兩下爆發就係好定壞，而係覺得，係佢地有份嘅情景，佢地嘅行為心態表現得好自然，咁已經好足夠。金燕玲今次戲份無乜機會表現。最勁嘅始終係老戲骨秦沛，只係簡單2幕，d戲出晒來，好癲。

唔多識講d乜，無乜組織，諗到乜寫乜，可能有d亂。

總的來講我覺得係好睇值得一睇的。

完

十一月十日 -- 結婚9週年

4/11(一) -- 朝早去照MRI再返公司。收工返去夜晚C煮。

5/11(二) -- 收工返去夜晚C煮。

6/11(三) -- 收工返去夜晚C煮。

7/11(四) -- 全日site係SSP017 resumption。咁啱羽毛球班defer去星期一。收工去坑口同C呀媽呀姨食農耕菜。

8/11(五) -- 結婚9週年。收工返企再出藍塘傲"Hunter"meet C同B食飯。

9/11(六) -- 朝早我湊B去坑口上堂，之後我返TKO都係我拿晒d野去回收。中午去接B落堂之後去Monterey "Pizza Pig"同PennyNat一家Lolo一齊慶祝Connie生日。食完行海邊上我家，再同Connie切蛋糕。5點零散。同B係企hea左陣，夜晚同CB去屋企附近散買d外賣返企食。

1。夜晚太攰，食完野沖完涼訓著左，再起身已1210，book唔到下星期打波。

10/11(日) -- 朝早打波8-10，自從上星期後條腰都有少少痛，加上訓另一邊，成個人都好攰狀態麻麻。打波有嬴有輸，唔算打得差，有一場對住Derek隊最尾嬴少少，我入左4-5球(仲有last shot)，算係最impressive嘅一場。打完波同佢地係popwalk 2食完野買外賣返去，沖個涼恰一陣，同B溫陣書後hea一陣。夜晚去食清湯腩再食糖水後返去。

來緊:

逢星期四公司羽毛球班

15/11(五) -- 放假一天，B上午做assessment

17/11(日) -- 呀澤係日本返來，夜晚中同食飯 合時小廚私房菜 天后木星街

23/11(六) -- 公司Disney

29/11(五) -- B學校放假，我都請假一天

30/11(六) -- RitaEdf聚?

完

十一月三日 -- 呀媽再去旅行

28/10(一) -- 收工去寶林拿MRI referral信，之後踩單車返去。夜晚C煮。

29/10(二) -- 出site收工返去夜晚C煮。

30/10(三) -- 出site收工返去，C同B去左Grace比我地嘅將中遊戲室2個鐘玩，我返到去幫手煮左2樣野，佢地返來開飯。

31/10(四) -- 彩虹道羽毛球中心公司羽毛球班7-9；打完返企。

1。今日練返網前推波(後段加埋後場drop波)。

記: 身體同手動作唔好太大，因為追過龍個拍位會就唔啱，手fing太多好難對得準波。拍面記得向前。揮拍時手肘唔好向下郁。

1/11(五) -- 出site收工返企，再出去將中meet CB食譚仔。B下午同同學仔去草地picnic之後再用埋QR code去玩遊戲室。

2/11(六) -- 朝早我同B去上興趣班，中午同C去接佢，去明德食完飯去坑口鄉事會陪C打流感針後返企。馬一家4點半島來，係Table食完tea去海濱行，可能仲早同埋已經過左Halloween，所以都唔多人了。

1。呀媽又飛，呢晚開始過九座訓差不多2個星期。

3/11(日) -- 朝早打波8-10，是日打得普通，防守算正常，進攻有d turnover，三分3定4投1中唔算射得多。同佢地食完野返企沖涼恰一下，同B溫左下書。夜晚去寶林試左間炸雞，之後去左U士多同彩豐行買完野返去。

來緊:

逢星期四公司羽毛球班

9/11(六) -- 同PennyNat一齊慶祝Connie生日。

17/11(日) -- 呀澤係日本返來，夜晚中同食飯

23/11(六) -- 公司Disney

30/11(六) -- RitaEdf聚?

完

十月二十七日 -- Body Check / Meet Friends

21/10(一) -- 出site收工去觀塘同娟交收，再同貓姐Maychan食放題(間放題d野普通)。8點幾同佢地等埋車散。夜晚過九座訓。

22/10(二) -- Body Check拿左全日SL。9點去到寶林，大約11點半走。去觀塘同Natalie食晏，2點島散。返企陪B溫陣書，之後太攰係地下訓左陣。夜晚同CB去太興食tea。夜晚過九座訓。

23/10(三) -- 出site收工返企夜晚C煮。夜晚過九座訓。

1。今季NBA終於開鑼! LBJ歷史性第一個父子同場打波，雖然有d夾硬，不過真係幾癲。

24/10(四) -- 出site收工去坑口meetCB食d野，之後去彩虹道羽毛球中心公司羽毛球班7-9；打完返企。呀媽返左來。

2。今堂教網前推波。

平時打波動作係，轉腰，揮臂，手腕。如果打網前有時會時間不足，就減前面嘅動作，最minimum都要轉腕。打波要自己就位同距離感(所有波都係)。

網前推，打波位大約網頂，預備時打直拍，拍面向前唔好斜。波來時拍少少向後準備定，右腳踏前右臂連碗拍落波。個波應該係向下或向前，唔會向返上。揸拍網前會上少少，因為快，後場落少少，因為大力d。

25/10(五) -- 出site收工返去同CB去尚德食壽司。(本來去壽司郎不過太多人放棄左)

26/10(六) -- 竟然三號風球，唔使上興趣班。朝早係企hea左朝，2點幾差不多3點先出去食野。去左牛大人。食緊時Trista傾開，臨時約左來我家玩。佢地5點幾到，本來諗過夜晚一齊去海濱Halloween，不過有d雨，所以全晚係屋企hea。10點幾走。

20/10(日) -- 朝早打波8-10，今日個人好攰不過都仍然有盡力打。防守自己keep住都係麻麻地腳步慢，進攻唔算太差，走位入攝同中距離都唔差，反而身體有優勢爆入去好幾球有d入有d唔入，覺得自己應該入多d的。三分無點射，最終好似3定4投1中。打完同佢地快食完早餐返去沖涼，之後下午join呀B表妹綽宜生日Party。上佢clubhouse幫手打點少少野，2點幾成班小朋友落將中個收費playhouse玩(都算唔細同多野玩)，玩完返clubhouse有人體彩繪，之後玩玩玩到5點幾差不多6點散。本身有帶Halloween衫同糖，直接換埋衫同B出海濱行個圈(趁人少)湊個熱鬧之後返企。

3。之前果晚2點幾先訓，一早打波再直落到夜晚，超級攰。

來緊:

逢星期四公司羽毛球班

9/11(六) -- 同PennyNat一齊慶祝Connie生日。CB抽到活動去機場。

23/11(六) -- 公司Disney

完

十月二十日 -- B interview

14/10(一) -- 收工返企夜晚C煮。

15/10(二) -- 出site收工返企夜晚C煮。

16/10(三) -- 收工返企夜晚C煮。

17/10(四) -- 公司羽毛球班佛光街體育館7-9；打完返企。去左尚德買野食，唔多人。

1。今日教後場drop波。同後場高遠球動作一樣，只係打擊點比高遠球前少少，個拍面打嘅時候係向前或下。手揸實d，手腕唔點用力，好似用塊拍印落去個波度咁。

18/10(五) -- 出site收工入寶林同CB meet食西塔老奶奶。少貴得來d野普通。

19/10(六) -- 朝早我湊呀B去坑口上堂，之後返企hea到夠鐘同C去接佢，返Popwalk 2食泰國野之後上九座，夜晚呀媽煮飯。

20/10(日) -- 朝早打波8-10，不過我打到8點9島走先。今日個人好攰所以打得麻麻，籃底狂炒粉。打左三場，中間果場對住Derek隊，又係放比我射三分反超之後贏埋。返企沖個涼我帶呀BB去寶林interview。返企換個衫同CB一齊去Airside meet呀馬一家一齊食飯再去啟德遊樂場玩，5點島走，夜晚去北角同珍姨(&親戚s)食飯。

2。超級攰。今日呀媽飛，連續4日要去九座訓。

來緊:

逢星期四公司羽毛球班

21/10(一) -- 同貓姐Maychan食飯

22/10(二) -- Body Check whole day SL

27/10(日) -- 綽宜生日Party

9/11(六) -- 同PennyNat一齊慶祝Connie生日

完

十月十三日 -- 重陽三日連假

7/10(一) -- 收工返企夜晚C煮。

8/10(二) -- 收工返企夜晚C煮。

1。夜晚爆鬧咗B。其實事後究竟我係嬲佢定係嬲教佢果個呢?

9/10(三) -- 出site收工返企夜晚C煮。

2。行一行買到扭蛋又拿左Queenie幫手訂嘅書。

10/10(四) -- 公司羽毛球班佛光街體育館7-9；打完返企。

3。今日無教新野練舊野。發覺自己刻意要用啱嘅動作反而打唔到或者打得好差，但又唔想用錯嘅動作。不過二對十幾又好難有機會狂練...

11/10(五) -- 重陽節公眾假期。11點島出去同呀媽去買餸，中午買野上九座食。食完飯我攰到係廳地下訓左個幾鐘。夜晚呀媽煮，係九座食埋飯返。

12/10(六) -- 朝早呀B去坑口上堂，上完堂去左明德食飯。食完飯返去見單車公園草地有攤位遊戲，好曬但都玩左輪。之後呀媽來join，拿d野返七座放低再一齊去油塘食飯同行街。

13/10(日) -- 朝早打波天晉8-10，今日覺得自己都打得唔錯，有贏有輸，輸都係僅輸，走位傳波防守都算係不錯，又係入到幾球三分(同上星期一樣都無浪射好多球的)。打完同佢地食早餐買外賣返企之後沖涼，同B溫書。下午太攰恰左一下差左下電，5點零同BC一齊落去踩單車去康城來回。夜晚差不多6點時臨時約都約到ConnieLoLoPenny食飯。踩完車返企擺低野再去將中"Table"食飯。

來緊:

逢星期四公司羽毛球班

20/10(日) -- 朝早呀B interview。夜晚同珍姨(&親戚s)係北角食飯。

27/10(日) -- 綽宜生日Party

9/11(六) -- 同PennyNat一齊慶祝Connie生日

完

十月六日 -- 久未連續跌打

30/9(一) -- 出site收工返去睇跌打，夜晚C煮。

1/10(二) -- 公眾假期。日頭全日係屋企hea，夜晚同呀媽去半島28/F參加AIA某brand一周年晚會食buffet，仲有得上直升機停機坪睇煙花。

1。今次得2個位，呀媽又想去，佢又唔想益第個，所以我同呀媽去。其實每次有event我都唔係真係好enjoy去，雖然一年數埋12次都無，平均一個月都無一次，但係even咁少次，都會感覺被埋怨自己走左去玩咁。其實對方自己無活動，我自己自問都極少出去了，咁可以點呢?

2/10(三) -- MA返去睇跌打，夜晚C煮。

3/10(四) -- 公司羽毛球班彩虹道羽毛球中心7-9；打完返企。

2。今日教開波同網前放波。

開波 -- 同正手挑波一樣，不過腳唔踏前。打果時拍個位唔可以突然變，腳唔可以郁同拖，否則會犯規。手揸波嘅中間，左手放波落來係放前d。放落來，波落少少睇準先擊球，直線抽出去，轉腰向前，左手向後張開。

網前 -- 正反手都係放鬆隻手，整個人連臂推前，連肩一齊出。手腕唔用力，拍面唔係向波，向上dd，斜車出去送個波過去。可隨時轉挑高波。

4/10(五) -- MK收工返去同CB meet去食"那個"。

5/10(六) -- 朝早同B去上工聯會堂，C 11點半觀塘睇牙。之後我湊B出觀塘地鐵meet C一齊去九龍灣行淘大。食個tea之後返九座，夜晚呀媽煮。

3。夜晚撳左錢，交左費，增左值，backup左相，轉埋歌(但係唔記得copy入手機)，同埋好夜訓。

6/10(日) -- 朝早打波天晉8-10，可能睇左幾次跌打個腰狀態OK，所以攻防都唔錯。防守就都係慢架啦，不過有比之前好少少，應該唔失嘅分都唔失好多。進攻就唔錯，今日入左4、5球三分，又入左d中距離。同Derek一隊嬴左一場波，之後一場僅負，再之後一場實力爭太遠輸(我拿左8分)，最後一場對強隊(Derek佳Sam同新波友)竟然贏到，一直落後好多，臨尾我隊大家輪流入波追近，到16-18時我一球三分反超，最後比新波友入埋贏波，開心興奮嘅。打完同佢地食早餐後拿外賣返企，沖涼後同B溫書同玩，5點島出坑口試果間新野，返TKO再同B踩左下單車先返企。超眼訓超攰。

來緊:

逢星期四公司羽毛球班

11/10(五) -- 重陽節公眾假期

20/10(日) -- 同珍姨食飯

27/10(日) -- 綽宜生日Party

完

九月二十七日 -- 跌打again

23/9(一) -- 出site收工返企夜晚C煮。

24/9(二) -- 早晏都出site超攰。收工返企夜晚C煮。

1。無啦啦話我唔理報小學嘅野?

25/9(三) -- 出site係白田收工返去睇跌打，夜晚C煮。

2。攪唔掂，腰好緊，pat同左腳扯住幾痛。睇完好d。

26/9(四) -- 公司羽毛球班彩虹道羽毛球中心7-9；打完返企。

3。今日將之前教嘅野複習同連埋，退後打高波再上前正/反手挑波。

記: 

3.1 高波同退後，側身，拼步退後(呢個時候個人張開)，自己就波嘅位。

3.2 高波打點其實並非頭頂，應該預前dd，因為會右腳踏前，應該係踏前後嘅頭頂(或前少少)

3.3 手握拍要握得緊少少(同同時全身應該放鬆，尤其發力時似彈弓d力順勢發過去。

3.4 打擊時記得手腕唔好凸出來，同埋右手打出時，轉身+踏右腳(右腳指向波)(轉手腕)，成個力順住去就會好夠力。

3.5 不論正手或反手，左手(或另一隻手)都應該張開平衡身體。

27/9(五) -- 收工去北角探民仔媽。QB交收。買少少壽司返企自己食。

4。呀B是日發燒，不過尚算精神。

28/9(六) -- 朝早同B去上工聯會堂，中午同CB出KTmeet娟同Mandy食生日afternoon tea。之後行下YM Square再出去觀塘海濱，比呀B雙手畫左彩繪，再一齊食埋晚飯返企。

5。下午夜晚本來約左RitaEdf cancel。

6。傾開原來同娟Mandy識左20年了。

29/9(日) -- 朝早打波天晉8-10，身體狀態一般來講都算打得係咁，當然仍然防守都係有漏洞同turnover，進攻方面都算射得幾準入唔少波，仲有2球三分。打完買外賣返去一齊食再沖涼，一家一齊恰下(全家都有少少病)。下午係企hea到咁上下過九座，夜晚呀媽煮。

7。咒術迥戰完結撒花。最尾呢一年嘅劇情同畫功真係...唔知想點。

來緊:

1/10(二) -- 公眾假期。夜晚同呀媽去食buffet?

逢星期四公司羽毛球班

完

九月二十二日 -- 一星期4場波

16/9(一) -- 上星期羽毛球班延到今日；收工買個三文治之後去彩虹道羽毛球中心打波7-9。

1。今次換左呀Sir，2個後生好多嘅，之前嘅阿伯教練雖然資深但係好多廢話，今次呀Sir講嘅細致好多，逐個動作細拆同少少解構，個人覺得好好多啊~ 至於自己打得好唔好，就完全係練習嘅事。

2。記: 今堂教網前正反手挑波。

正手: 右腳踏前，膝頭向邊打去邊，自己就距離(需要經驗及練習)。拿拍手張開(好難形容，自己記住)，拍向身外斜下。波來，手臂揮前，擊球一刻轉手腕(位置打約膝前，打點底打可向前，打點高波會向上)，手臂順勢抽向左上，完動作時手背近左耳。

反手: 拇指按闊果邊，垂下於左腳前。手腕凹(少難文字講，類似向上唔向下唔好突個角出來)，提臂向上推，又係擊球一刻郁腕。打擊點大約腰前？

17/9(二) -- 中秋節早放; 收工同同事打半個鐘機先走，約左Grace同佢B去左天晉遊戲室玩一陣到6點幾。夜晚返企食飯，食完飯同呀媽一齊去單車公園(meet左一下Penny)再去海邊行左一圈，回程差不多返到屋企先開始行雷落大雨，好彩。

18/9(三) -- 公眾假期一天。本來都無諗住join，點知都係自己醒左，去左九叔籃球Parkside8-10。打完返企沖涼休息一陣，送貨本來1-5竟然早到，1點半就送左來，2點零出門去寶林打邊爐，再去U士多掃野飲後返企。夜晚買左飯團食少少。極攰10點半前訓左。

19/9(四) -- 公司羽毛球班彩虹道羽毛球中心7-9；打完返企。

3。記: 今堂教打後場高遠球。我最掌握唔到嘅正手+最掌握唔到嘅高波...(最後係上堂+今堂combine練習)

4個步驟: 

(1)側身 (左手架起，右手拿拍，拍面向前，手臂唔好拗出拗入etc，左腳前右腳後)

(2)揮臂轉身 (揮臂向前+轉身向正面) (1-2呢個時候其實塊拍握拍位無點郁，只係身體郁咗，同埋拍向後)(轉完身後先上右腳)

(3)揮拍 (舉起，手直，拍面向前，揮扳路線係由上而下直落。擊球點睇下想向高遠定向下，自定)

(4)收拍 (揮到落腳先向左少少收，如果唔係會變咗左右fing)

注意: 控制板面，(始終真係打波個波唔會就你位置，所以)腳步同位置要自己就返打嘅位)

20/9(五) -- 出site收工返去買外賣，C少少唔舒服。

21/9(六) -- 朝早同B去上工聯會堂，中午C過來一齊食飯，之後佢湊B返去，我聽talk。4點幾返到去同B溫陣書一齊係地下訓著左。夜晚叫外賣。

22/9(日) -- 朝早打波天晉8-10，今日好多人。可能因為攰，自己有d時間有少少夢遊，打就盡左力，打得一般般，不過都算不過不失。有一場三分KO完場。打完同佢地食完野買外賣返去，沖個涼就訓左陣。下午同B玩到咁上下，5點幾6點過去九座印d野再去坑口食飯再返企。本來佢地想試果間好多人無試到。

來緊:

逢星期四公司羽毛球班

完

九月十五日 -- 小學講座馬拉松

9/9(一) -- 收工返企夜晚C煮。

1。回復正常，成個暑假都無洗過碗。

2。上一晚開始都唔使開冷氣訓了。

10/9(二) -- 出site收工去交收Pochita之後返企，夜晚C煮。

11/9(三) -- 出site係翠屏南收工返企，夜晚C煮。

12/9(四) -- 收工返去太興食完返企。

3。少少認真地傾左幾句，不過一如所料唔肯認衰認錯，錯一定係對方。又唔可以真係講錯嘅野，只會更唔接受。無得傾。

13/9(五) -- 收工返去同C去坑口快食然後去馮晴聽講座，B係九座食飯。聽完返去接B返企。

14/9(六) -- 上晝聽黃永樹，下午宣基。夜晚去將中試酸菜魚。

15/9(日) -- 朝早打波天晉8-10，覺得今日自己都打得唔錯。打完同佢地食野返企沖涼，去寶林meet CB，食金鳳再去梁潔華open day。之後行一下寶林買外賣返企食。

4。其實有好好地去了解同埋去諗有關升小嘅野，都問左好多人。個遊戲玩法本來就係唔想人可以咁易揀同埋睇運氣，至於果一年d人點諗而影響排名同結果，跟本係無得估嘅。諗太多其實盞諗太多。基本上唔打算入私校同直資，又只係得15分，都係睇彩數多。

來緊:

16/9(一) -- 上星期羽毛球班延到今日

17/9(二) -- 中秋節早放; 下午約Grace? 夜晚返企食飯

逢星期四公司羽毛球班

完

九月八日 -- 新學年就8號波

2/9(一) -- 一早出site前同B返學SSP。收工返去同CB食大家樂跟住買電飯煲後返企。

3/9(二) -- 出site收工返企夜晚C煮。

1。終於轉左歌list。

4/9(三) -- 出site收工返企再落樓下太興等CB一齊食。

5/9(四) -- 6:20掛8號波，逢星期四公司羽毛球班第一堂cancel。早d收工返去買外賣。

6/9(五) -- 12:40落波，早dd 1點島返到公司廢事搭車同人逼。出site收工返企再落譽居同呀B公公食慶生飯。食完再去滿記食糖水，再去地鐵站買電話先散。

7/9(六) -- 朝早C去學校聽talk，我帶B去上工聯會堂。中午好趕食飯團，下午去坑口小學參觀。夜晚去九座食飯呀媽煮。

2。今日呀B食糖啃親。

8/9(日) -- 朝早打波天晉8-10，今日波友帶左d新fnd來，見到後後生生又幾fit以為難打，點知原來都幾獨食隊友空左都唔傳波的，自己隊上去又唔係好準，所以拍住Derek認真打果幾場都羸。今日雖然起手唔多但都算efficient，又傳到該傳嘅波，三分1投1中仲要係絕殺，仲有打波最後一場對住波哥顏射還拖嘅中距離絕殺 xD 打完同佢地食完野返企淋個浴，CB12點10島聽完小學講座，meet佢地一齊去寶林，先食南記再去睇小學展，再行下買野買埋野食返企。

3。係我樣衰同攰無表情所以好似態度差，但其實從來無野。不過長期被無視又點可以被要求好好? 況且我做嘅絕對多過無做好多。

4。每星期五都話終於捱完到weekend，但每星期日都覺得終於捱完個weekend又返工。

來緊:

逢星期四公司羽毛球班

完

九月一日 -- 送機+病

26/8(一) -- 出site收工去觀塘同呀娟交收再去牛頭角呀Sam舖頭同CB嫂一家打邊爐，差不多10點走。

27/8(二) -- 出site收工返去將軍澳同CB係街食埋飯返企。

1。睇完左漫畫"百萬疊迷宮"，雖然得2本不過都引起人無限想像。作者講故事同畫畫技巧可以將少少複雜同抽象嘅概念清楚咁表達出來。成個故事表達得好流暢，係值得一睇嘅佳作。

28/8(三) -- 尋時請左一日假。朝早過九座同佢地hea同睇一睇住d小朋友，我攰係地下恰左一陣。中午全家一齊出去飲茶。飲完茶返來繼續係屋企hea，我又係地下恰左陣。大約5點開始食飯呀媽煮。Book左van1810係樓下，我同呀媽送佢地去機場，呀嫂佢地夜機返UK了。

2。雖然之前佢地移民已經試過一次，但到呢幾日臨尾自己都係有少少down。

29/8(四) -- 出site係秀茂坪邨走，返TKO食OK德Tea後返企。

30/8(五) -- 出site收工返去九座食飯呀媽煮。

31/8(六) -- 8-10Parkside九叔場，同呢班打因為佢地都heahea地打所以相對輕鬆。今日三分1投1中，最重要有一下，又係自己睇片腦內練習成績使出: 高位背籃拿波，fake左再向右轉面籃，再fake起防守者過佢(之後因為近籃所以要reverse layup好彩入)，不過如果對住平時打開果班應該無咁易出到了。打完返企沖涼過九座，同呀媽CB去Popwalk2食泰野，之後都開始覺得頂頂地。返九座係地下訓左2轉，愈來愈唔舒服。姨丈5點幾來幫手鑽牆之後走。我同呀媽CB去樓下食野，食2啖feel到好唔舒服返企沖涼先，之後check下發燒38.5度，撩鼻無中野。夜晚嘔左一下之後舒服少少。

1/9(日) -- 朝早起身已無燒，但全日都暈暈地又無力。醒下訓下渾渾噩噩就一日。老豆今日正式搬去九座，呀C就係屋企執野，我唔舒服無幫手。不過都有陪呀B溫書做功課同玩嘅。

3。事隔多年，終於同B睇返天竺鼠車車第二季。第一季好睇d~

4。Peter Grill的賢者時間幾好笑。

來緊:

逢星期四公司羽毛球班

完

八月二十六日 -- 呀媽同姪仔生日

21/8(三) -- 出site收工去南昌交收再返去TKO太興同CB食飯。我食完去睇跌打。

22/8(四) -- 出site收工去同CB試將中新開嘅"那個"，d野唔錯不過偏貴。我食完去睇跌打。

1。是晚唔使開冷氣訓。

23/8(五) -- 呀媽農曆生日。收工去大會堂美心公司annual dinner。今年拿15年老人牌，有d後悔報左去。10點3島散。

24/8(六) -- 番薯生日。中午出佐敦食任食燒烤+夾蝦。夜晚係屋企切蛋糕。

25/8(日) -- 天晉打波8-10，今日掹隊友車邊全勝 xD 覺得自己都算打得唔差，該有嘅都有了，係有幾下進攻選擇唔好；尾果幾場體力下降反應跟唔上；同埋有一下估唔到剷到入籃底空左無人上前我反而唔入。另外有一球落後18-20三分絕殺。最值得提嘅就係第一場嬴到Derek隊了。打完波同佢地食完野，買外賣返企沖涼，之後極攰昏迷左。起身落去拿TB野之後去寶林整Pizza班。整完行一下之後返去。夜晚係九座同呀媽慶生，飯後大家突發話一齊去行海邊同跨灣大橋，差不多2100行到2300，攰死了~

2。之前唔幾得邊晚發夢，又係果然夢裡什麼也是好的。

來緊:

26/8(一) -- 同呀嫂佢地一家去觀塘打邊爐

28/8(三) -- 嫂佢地返去了

完

八月二十日 -- SZ遊

12/8(一) -- 出site收工返去同C接女放興趣班，之後去將廣薩利亞食飯返企。

13/8(二) -- 出site收工返去9座呀媽煮。

1。本來想早d訓不過夜晚同呀哥facetine左個幾鐘，開心嘅。

14/8(三) -- 出site收工返去買外賣上9座食。

2。戰國妖狐第2季7月開始，呢晚開快速追返。仍然覺得好睇。

15/8(四) -- 出site收工返去9座呀媽煮。

16/8(五) -- 出site收工返去9座呀媽煮。

17/8(六) -- 起身後10點島我地一家同呀媽去北角參觀ICAC 50周年展，都幾得意，有得睇拘留室拿真槍同埋認人室。之後係紅星食野後行一下返企。夜晚呀媽煮。

18/8(日) -- 一早去SZ 3曰夜 Day 1。書城(少年宮) -> 酒店check-in(上梅林) -> 寶能打機夾公仔(笋崗) -> 文具玩具城(笋崗) -> 白玉串城(笋崗) -> 萬象食家盒馬鮮生(笋崗) -> 酒店

19/8(一) -- Day 2。去左個商場行下，一邊係蓮花山公園。5點半島食間米芝蓮嘅鴨(金鴨季)後返酒店。

20/8(二) -- Day 3。一早呀嫂同茄去笋崗，我地就check-out去會展中心行下同比小朋友打機。呀嫂佢地中午來會合之後一齊打邊爐(禧牛薈)，呀媽返去先。係果度行一下，之後返上梅林又比小朋友打左下機，5點半島去食吳莊。食完返酒店拿行李返HK。

3。呢2晚唯一好少少就係好攰訓到，第2日一早6點幾7點醒，但可再翻訓到8點幾9點。

4。打機扭親腳。

來緊:

23/8(五) -- annual din

24/8(六) -- 番薯生日lunch任食燒

完

八月十一日 -- 澳門飲

5/8(一) -- 出site收工返去同C接女放興趣班，之後去將廣壽司郎食飯返企。

6/8(二) -- 出site收工返企先，再過九座食飯。夜晚呀媽煮。

7/8(三) -- 出site收工返去同CB去太興食tea，之後我過九座拿d野同呀媽傾一陣先返。

1。我的英雄學院完結撒花(漢化日)。

2。公司lunchtime頌缽體驗班。本來諗住合埋眼聽下寧靜下，點知都幾快訓著左。醒返都覺得自己唔對路，問下同事，我真係有扯鼻鼾。太攰了。同同事傾返，原來大家都係一路聽一路有好多野諗出來，但係又好零碎，然後之後又唔記得左諗過乜。

8/8(四) -- 出site收工返去同CB食四寶tea。

9/8(五) -- FS Day1。7點收工。買外賣返企自己食。

10/8(六) -- 去澳門參加表妹個大仔十六歲慶。一早起身一家一齊搭A28去口岸，過到澳門表姐來車我地。上表妹屋企食飯(好多其他人包括佢果邊d親戚)，食完表姐車我地去氹仔放低我地，我地自己行下。咁上下時間佢來兜我地返去酒店check-in，7點島落去食飯(十圍)。食完都10點幾返酒店。

3。半夜扎醒起身睇左奧運男籃決賽個尾，睇住Curry連隊4球三分，好癲。

11/8(日) -- 朝早起身一齊落樓下茶記食早餐，返酒店抖一下落去游水(呀媽無來同埋嬲)。游完執野checkout(阿媽join呀姨果邊)，之後搭d酒店車去氹仔果邊食野，再返來去觀音像隔離個公園玩，再去科學館睇左天幕電影(講星空同星座)，之後再去公園玩一陣，佢地車我地返酒店果邊同表妹表妹夫呀姨姨丈一齊食飯(本來打算玩完就直接返HK)，食完飯返HK(呀媽stay多晚)。

4。返屋企程車竟然到寶達邨壞車。當機立斷行返落少少巴士站轉其他車。竟然有人選擇等下一班免費過車，但下一班係一個鐘後...

來緊:

18-20/8 -- 屋企一家SZ遊

完

八月四日 -- 超攰

29/7(一) -- SL一天; 朝早C帶B去上2堂，中午我接力同B食晏再返企抖一陣，再帶佢去上2堂。接佢落堂同佢2個人食埋飯先返企。

30/7(二) -- 出site收工返企先，再過九座食飯。夜晚呀媽煮。

31/7(三) -- 出site收工返企先，再過九座食飯。夜晚呀媽煮。

1/8(四) -- 出site收工返企先，再過九座食飯。夜晚呀媽煮。

1。發左個夢。夢裡什麼都有，真好。

2/8(五) -- 呀媽少少肚唔舒服自己煮粥食。出site收工返企先，再同佢地去將中食。

2。夜晚11點3有場好波，太攰睇唔到。

3/8(六) -- 朝早6點幾醒過，hea到7點零再訓，10點幾先起身，太攰。11點幾過9座(CB10點幾過左去)，呀媽有事出去呀嫂都約左人，我地幫睇2個小朋友。中午去尚德食飯，下午係7座玩。我中途太攰入左房地下訓一陣。夜晚6點島嫂返來，一齊去雍明食飯再行Donki先返。

3。夜晚沖涼時自己剷頭。可能因為太攰，到後段想補剷下時，唔記得自己拆左個頭，直接剷左落去，d頭髮無左一忽。好彩無整到流血果d。

4/8(日) -- 呀馬生日快樂! 朝早天晉打波8-10。今日打波覺得自己都盡量做左該做嘅野，不過都覺得自己打得唔太好。唯一一球可惜係又成功出到crossover過左波哥再剷入去，可惜收波時間唔太好，上到去個finishing唔好唔入...打完波同佢地食完野返企沖涼抖一陣，CB呀媽呀嫂佢地食完飯返九座，我又過去join。夜晚全家食飯後我同呀媽番薯呀B去運動場，陪2個小朋友跑左陣步。超攰。

來緊:

10-11/8 -- 去澳門參加表妹個大仔十六歲慶。

完

七月二十八日 -- 黃重陽/奧運開幕

22/7(一) -- 出site收工返去。夜晚全家去九座食飯，呀媽煮。

23/7(二) -- 請假一天。朝早我睇住三隻小朋友，佢地三個去SSP特賣城行。我10點9帶小朋友出去SSP meet佢地。是旦食功夫點心之後行玩具街，行完返九座。夜晚九座叫外賣食。

24/7(三) -- MK收工返去上九座食飯，呀媽煮。

25/7(四) -- 出site睇樓係鯉魚門邨返企。C唔舒服，我落去買外賣。

1。夜晚C check中左Covid。佢話唔隔離B繼續同佢訓。

26/7(五) -- 出site收工(行左下MK)返去買外賣比C食，我同B過九座呀媽煮。

27/7(六) -- 我同呀媽帶B去坑口上堂，上完食燒肉後佢地返九座，我返七座執d野再過去。夜晚我買外賣比C，呀媽炒個飯。食完hea陣先返七座。

28/7(日) -- 臨時join九叔Parkside場8-9，雖然得1個鐘但鬼6個人，keep住鬥波都攰。對住唔算勁同防守唔算積極嘅人，我係難得打得輕鬆又唔差。打完上天晉比錢返企沖涼，陪B做完暑期作業，去買外賣比C，再同B去九座。食完呀媽煮嘅麵，hea到4點島出將中行個圈再返去。5點半島去買外賣比C，夜晚呀媽煮係九座食埋，等埋呀B沖涼之後我自己返七座，女留九座。

來緊:

10-11/8 -- 去澳門參加表妹個大仔十六歲慶。

完

七月二十一日 -- 呀嫂返港

15/7(一) -- 出site收工返去上九座幫呀媽執野，之後同呀媽CB去小幸食飯，食完我同呀媽再上九座整d野，我返企先。

16/7(二) -- MK收工返去。d電視洗衣機已經裝好晒。突發想打邊爐，同呀媽CB去左牛大人。

17/7(三) -- 出site收工早收，返去陪女玩一輪。夜晚同呀媽CB去米線陣。

18/7(四) -- MK收工返去同呀媽CB去Popwalk2燒味。

1。呀媽今晚過去九座訓了。

19/7(五) -- 阿嫂同2個小朋友今日到HK了。出site收工上九座等佢地返來，之後一齊落太興食飯。

20/7(六) -- 中午一齊去尚德食壽司，之後行下迪卡龍同將中，一齊上七座小朋友玩，我係房地下恰一陣。夜晚一齊去Parkside foodcourt食飯。

2。太攰無捱到12點book下星期場了。

21/7(日) -- 朝早打波8-10，打得幾激烈，好攰，不過自已算打得唔錯。打完返企沖涼抖陣。1點落樓同佢地一齊去寶林食豆漿大王，再行下寶林。行完返七座，我又攰到係廳地下恰左陣。夜晚嫂佢地返娘家，我地3個去食Popwalk2燒味。

來緊:

23/7(二) -- 請假一天同佢地去SSP

完

七月十四日 -- K2結業禮

9/7(二) -- 出site收工去荃灣同Esther交收concert飛，之後返企。同呀媽搬左拆散嘅床架落去垃圾站。夜晚C煮。

10/7(三) -- 出site彩虹收工之後去比飛Penny再返企。夜晚C煮。

11/7(四) -- 出site睇邨返企夜晚C煮。

12/7(五) -- 出site收工返去夜晚同CB呀媽係附近食。

13/7(六) -- 一朝早去坑口BB學校結業禮，完左之後係坑口朋友仔嘅遊戲室玩到11點9夠鐘上興趣班。上完返TKO同呀媽食野之後返企。夜晚落街食。

14/7(日) -- 朝早打波8-10 Parkside九叔場。今次比上次打得好少少，好難得地又出到crossover過人layup，幾開心，三分1投1中。返企沖個涼就落街食飯，之後去大水坑同Edf Janice2個小朋友一場參加果個"我是消防員"活動。其實個幾流又hea，不過小朋友都開心嘅。好熱。返將軍澳係太興食埋野先返企，極攰。

來緊:

18/7(四) -- 嫂返HK

完

育兒

[育兒]

又到暑假，又一年結業。

對於‘“時間”有觀念之後，細個嘅時候係覺得“一年”好長嘅。到咗大個出來做嘢，可能經常重複又重複咁過日子，就覺得“一年”好快過。

阿B下年高班了，同好多其他同學仔同朋友一樣，要面對升小。相信好多父母都曾經/會為咗小朋友嘅升學煩惱，其實係BB出世時，已經諗過好多好多有關成長、育兒嘅事。學業當然係重要嘅一環，但引申落去，究竟成長、經歷、人生，點樣先係叫“好”？叫“啱”？叫“成功”？

每個父母所謂嘅“教育”，其實都係按照各自心中嘅“正確”，但係每個人嘅人生都唔同，先唔講父母自己嘅人生可能都唔係叫“成功”，但就算成功而將個方法同觀念放置係小朋友身上，又係咪叫“啱”呢？

而家嘅世界同社會轉變得好快，唔好講一代，就算10年之差，人嘅諗法同態度都可以差好遠。而家大家適應緊嘅“平常”，對下一代來講已經係老seafood，過時了。

坊間好多好多育兒、教育資訊。其實邊可能咁統一可以一概而論點樣去教？人人性格唔同，資質唔同，資源唔同，需要唔同，目標唔同，際遇唔同。打機而家都無一條formula爆機啦，何況人生？

講到尾，最緊要係教識佢思考，識得分是非，識得點樣係身處嘅環境之下生存。無論置身係咩地方，其實都係有無限嘅框框同限制，其實都係係世界之中，好少部份上位者所設下嘅遊戲規則中生存，連自己所謂嘅“夢想”、“期望”、“自由”其實都係人哋嘅控制同洗腦嘅影響。係幾乎無可能顛覆規則嘅情況之下，點樣活出自己嘅人生同活得開心先係大原則。

每個人嘅目標都唔同，育兒嘅目標亦唔同。無得比較，亦無謂比較。反而有時諗緊，係咪有需要去教到佢太清醒或者太強？

例如啦。(只係例如，並唔係真係做)

教曉佢識踩單車游水甚至係唔怕小強，呢d實用性嘅嘢當然係好。咁教佢唔怕睇恐怖嘢(例如血腥嘢核突嘢)呢？唔怕睇鬼片呢？

如果小朋友從細就唔怕，就少咗害怕或者驚控嘅來源。但可能就少咗“同朋友去睇鬼片覺得驚”嘅樂趣？

又或者，父母覺得當時嘅社會現況、潮流“唔啱”或者“唔好”，咁應該點教個小朋友？個小朋友唔順應個社會，真係會開心d？但順應嘅話，就父母會睇唔順眼？

呢d只係是旦up嘅例子。重點係究竟要佢識嘅嘢，要嘅嘢，怕嘅嘢，要到咩程度？當然其實講到尾，好多嘢都會係自由發展或者控制唔到，但對於果d所謂好緊張嘅父母，又有無諗到呢個程度？

無論係教育小朋友定係大人，都係唔同嘅“期望管理”。“期望”都直接影響到開心嘅程度。如何拿捏“期望值”，先係人生嘅一大難題。

另外真係想講，經常見到有d網上圖片或片段，d小朋友好曳，然後網友就話生仔要考牌，或話d父母唔識教。真心覺得，就算有教，就算有用心，都唔代表教得到，或者小朋友長期會好乖好乖。一陣d小朋友好乖又話洗佢腦，一陣唔乖又話教唔到就唔好生。育兒真係一件唔簡單嘅事，不過人生就係有好多不穩定因素同變數先有趣。至於講到話教唔到唔好生，或者人類根本係毒瘤唔應該係世上果d，唔該自己去死咗先。

每次講開呢d課題，心中就有千言萬語想講，不過真係唔講太多了。作為爸爸，真心覺得健康同開心就夠。雖然呢兩樣簡單嘅嘢並唔係真係咁容易。

#邊諗邊打之後直出唔好捉我語病同錯字plz

#好耐無試過囉嗦下

完

七月七日 -- 深圳2日1夜

2/7(二) -- 出site收工返去夜晚C煮。

3/7(三) -- 出site收工返去叫外賣(B中午覆診所以唔煮)。

4/7(四) -- 九座租客VP。出site收工返去夜晚C煮。

5/7(五) -- KC收工返TKO meet埋CB阿媽係PSFC食飯。

6/7(六) -- 朝早B去上堂。中午求其食d野跟住同老豆去Megabox睇床。晏晝返企一陣，6點島同CB落去食完太興返企。

7/7(日) -- 起一早起身去深圳。食d野去書城，第一次去書城我無睇書搵書。之後去check-in，再出去商場行，B係機舖玩左個幾兩個鐘機。食完飯係行埋超市返，9點幾10點了。

8/7(一) -- 起身食d野就去文具玩具城。行完買完返去check-out，搭車去崗夏個大商場hea。夜晚打邊爐後大約7點係深圳返。

來緊:

13/7(六) -- BB學校結業禮

14/7(日) -- 消防@大水坑

18/7(四) -- 嫂返HK

完

七月一日 -- 呀媽回歸

24/6(一) -- 出site收工返企夜晚C煮。

25/6(二) -- 出site收工返去meetCB係太興食埋飯返去。

26/6(三) -- MK收工返TKO買d野返去食。

27/6(四) -- 同TracyPenny食飯cancel。起身頭痛手軟腳軟，病假一天。係企hea到中午落樓下同CB食壽司郎，之後返企。夜晚C煮。

28/6(五) -- MK收工返TKO meet埋CB係附近食飯。

29/6(六) -- 朝早九叔grp打波@Parkside; 晏晝去坑口小學玩攤位遊戲。玩完返企抖一陣，5點零RitaEdf兩家來，快慶祝一下六月三個B生日同食飯@Outback。

1。呀媽返來HK了。

30/6(日) -- 朝早係企hea，下午出去Megabox行同食野，夜晚買少少外賣返企食。

1/7(一) -- 公假一天。中午同CB呀媽一齊去Popwalk2食泰國野，之後同B去天晉睇一睇新裝修再落遊戲室玩左個幾鐘。返企佢地訓覺，我砌模型到7點島落去拿外賣。

來緊:

4/7(四) -- 九座租客VP

13/7(六) -- BB學校結業禮

14/7(日) -- 消防@大水坑

18/7(四) -- 嫂返HK

完

六月二十三日 -- 九叔籃球活動

17/6(一) -- 出site收工返企夜晚C煮。

1。星期日晚大房冷氣壞左，即時報價買返，星期三裝。

18/6(二) -- 出site收工返企夜晚C煮。

19/6(三) -- 出site收工係九龍城買d野再返TKO買d野返去食。

2。冷氣已裝。

20/6(四) -- 出site收工，去信和同In's Point行左個圈，再去灣仔修頓join九叔內戰開戰(我無份比賽，但有鬥下波)。Eric竟然唔記得拿飛 xDD

21/6(五) -- 出site收工返企再同CB去Popwalk2食燒味，係餐廳遇到Winnie。

22/6(六) -- 朝早C帶B去上堂，中午同佢地食Popwalk2泰國野meet食飯。由於晏左所以本來有諗過下同B睇戲都無了。食完飯返企休息。夜晚同C屋企人去陳儀興食飯，之後C呀媽同細佬上屋企坐左一陣。

23/6(日) -- 朝早同Derek去尚德射下波吹水(8-9半)，之後食早餐同買外賣返企。中午係企抖同恰下，3點幾4點先出去，食個tea之後上天晉遊戲室，呀B玩個半鐘島到大約7點，買少少野食返企。

來緊:

27/6(四) -- 同TracyPenny食飯。

29/6(六) -- 朝早九叔grp打波@Parkside; 晏晝去參觀小學。

完

六月十六日 -- B五歲生日

11/6(二) -- 收工同民源係MK妹記食飯，好難得。大家可以聚下傾下計，好開心。

1。出site收工早左，好難得咁行左IN's Point信和兆萬。

2。其實好多野就算無講我都知/估到。

12/6(三) -- B學校放假，我都請左假。本來諗住同佢去Disney，點知好似無開。早一日臨時決定快閃深圳。去左笋崗，除左飲飲食食玩之外，行左果個文具玩具城。d野都幾平嘅。夜晚提早5點島係萬象食城食埋飯，行埋盒馬鮮生之後返港。

13/6(四) -- B生日。朝早佢照返學，我返工。晏晝我去坑口醫院覆診。覆完診返企沖個涼太攰恰左陣。夜晚去海底撈食飯，返企後再同佢食雪糕蛋糕慶生。

14/6(五) -- 中午快閃同民FF源唱K lunch，唱得好唔好已經係其次，一齊聚下同唱K已經好開心~~ 出site收工返去同CB去KFC食飯，好耐無食過。

15/6(六) -- 上午同C湊B去坑口上堂(等佢放學時買左波鞋)，食完飯再湊佢去尚德上堂。返企沖涼恰左陣。5點9一齊接B之後係Sukiya食埋飯再去將中行個圈返企(幫女買左波鞋，結果三個係同一日都買左波鞋 xD)。

16/6(日) -- 仍然無波打。朝早逼B係屋企溫習。2點島先出去食晏，去左"無肉食"。第一次食，今日有折都還好。食完行左下海天晉同Donki後返企。攰到係地下恰著左。夜晚叫外賣。買左個蛋糕同老豆一齊食，叫慶祝左下父親節。

3。呢排經常早訓，但係早醒，又訓得差，又發下夢咁。好攰。

4。NBA Finals，繼續無興趣睇。

來緊:

完

六月十日 -- 中同愉景聚

3/6(一) -- 出site收工返屋企，夜晚C煮。

4/6(二) -- 收工返企夜晚C煮。

1。睇左一集芷珊約你，楊千嬅果集。雖然一直都唔特別欣賞佢，但都從來無討厭佢。呢集有一樣野好認同，就係做左父母先學習到，小朋友來呢個世界提醒返自己有咩唔記得，因為佢地自己就係初心。

5/6(三) -- 出site收工返屋企，夜晚C煮。夜晚太攰9點幾未10點就訓著左。

2。朝早發惡夢。

3。呀B生日禮物到手。

6/6(四) -- 出site收工返屋企，夜晚C煮。

7/6(五) -- 出site收工返去，陪B係天晉會所玩一陣，再去米線陣食飯。

4。個肚終於好返少少無痾了。

8/6(六) -- 上午同C湊B去坑口上堂，食完飯再湊佢去尚德上堂。C去聽talk，我返企先。5點一齊接B之後食埋飯返。

9/6(日) -- 係屋企食完中午去欣澳meet馬民天，四家人一齊入愉景灣酒店。Check-in完去沙灘玩，我同民天返酒店拿小朋友衫，順便買埋蛋糕。返到去果邊6點一齊食飯後返酒店。食左個小小生日會慶祝6月壽星生日。

10/6(一) -- 朝早落左酒店playroom，可惜無去泳池玩水。之後一班傻仔以為有龍舟睇點知無 xD 一齊去左Epicland玩(三個太太去飲野)。玩到點半夠鐘一齊食飯，之後民仔一家先走。我地返酒店拿行李後就一齊搭船返港島散。

5。真係太難得咁樣聚，好開心。

來緊:

11/6(二) -- 民源飯局@MK

12/6(三) -- B學校放假，我都請左假

13/6(四) -- B生日

完

六月二日 -- 無波打

27/5(一) -- 出site收工返屋企，CB係康城睇戲。佢地睇完差不多7點島係將meet食Beans。

28/5(二) -- 出site收工返屋企，夜晚C煮。

29/5(三) -- 出site收工返屋企，夜晚C煮。

30/5(四) -- 出site收工返屋企，夜晚C煮。

31/5(五) -- 出site收工返去，係地鐵站meet CB，去左食四寶飯堂。

1/6(六) -- 三號風球，去到坑口先知唔使上堂。同佢d同學仔係坑口clubhouse玩左個鐘，之後我地3個係坑口食燒肉後再湊佢去尚德上堂。返企等夠鈕再接佢，去左寶林行下同食上海野。

2/6(日) -- 無波打。竟然無雨出太陽，於是帶B去西貢市中心食野同行下。4點幾走，返企叫外賣。

來緊:

9-10/6 -- 中同愉景Overnight聚

完

五月二十六日 -- 我中甲流/B首次溜冰

20/5(一) -- 唔係好舒服照返工。出site收工返企沖涼，check一check中左甲流，出去睇醫生返企再沖涼訓。

1。7點幾8點訓，中間有醒下，到半夜2點起身，退左燒。

21/5(二) -- SL一天。全日困係房好攰又悶。

2。夜晚中同Whatsapp group chat，家昇移民似乎個人太緊張太大壓力了。

22/5(三) -- 再SL一天。

3。除左好攰同少少咳之外都無乜大礙，快測都無野了。

23/5(四) -- 出site收工返企夜晚C煮。

24/5(五) -- 出site收工返去同CB係屋企附近食。

4。突然好似對所有野失去興趣咁，好攰。

25/5(六) -- 朝早C同B去上堂，我睇左波。中午我去環保回收完去TKL同佢地食野，食完之後B去真道Interview。玩完之後返返去尚德上埋d興趣班。上完之後去Parkside FC食飯。

5。塞軍又贏，真係hea入Finals。木狼估唔到連輸2場主場，Mavs一直都話2個頂尖攻擊球員對咩隊都有機會剷。但問題係覺得佢贏唔到塞。

6。天晉會所打來話要整籃球架，打埋聽日之後就要整唔知到幾時。

7。Eudora呻，問返旁觀者Edf咩事。估唔到同事之間都會咁。其實公司d人都真係幾煩。

26/5(日) -- 朝早天晉打波8-10，今日都打得幾激烈又close。雖然表現例牌有失誤(唔算多)同炒粉(起得唔多手)，不過有努力走位同防守，今日贏多輸少。同佢地食野之後meet CB，同B係單車館玩左下直排輪(未識)，返企再去康城，C同B溜冰(B第一次)。溜完食個tea B訓著左，抱佢返企。

來緊:

完

五月十九日 -- 佛誕大澳遊

13/5(一) -- 呀媽飛英國。收工返企夜晚C煮。

14/5(二) -- 出site收工返樓下同CB食飯後返企。

1。其實真係好失望。

15/5(三) -- 公眾假期一天。突發決定去大澳。11點島出門，去東涌食d野再入去，搭下船仔可惜睇唔到海豚，四圍行下食下野到差不多5點半先走。巴士長龍船又未見，最終都係巴士出返來。係東涌食埋野再返企。

16/5(四) -- 出site收工返去夜晚C煮。

17/5(五) -- 出site返來同CB去雍明食飯後返企。

2。係特賣城買左野，個腦完全無印象，有2樣野比左錢無擺入袋無左。真係太攰。雖然只係幾蚊嘅野。

18/5(六) -- C唔舒服。輔早我湊B去坑口上堂。上完食野後再去尚德上堂。跟住我返企砌下模型，到5點幾同C去接B，去雍明食埋飯返。

19/5(日) -- 朝早天晉打波8-10，今日打得幾激烈，幾場都係close game，感覺自己唔算打得差，不過當然都有幾下係差嘅。打完同佢地食野返企，中午同CB去Popwalk 2食完同B去左天晉遊戲室玩左差不多2個鐘後返企。夜晚買定外賣返去。

3。今日開始唔舒服。頭重狂打乞痴夜晚開始流鼻水有兩聲咳。

來緊:

完

五月十二日 -- 母親節

6/5(一) -- 出site收工返企夜晚C煮。

7/5(二) -- 晏晝MA去坑口醫院覆診，似乎忘了抽血晒左時間...夜晚C煮。

1。呢排網上小爆嘅熊與陌生男人嘅討論，其實真係無乜可以思考同討論嘅空間。證明世上真係有好多人個腦唔知諗乜。

2。內地胖貓事件實在不幸。其實呢個世上係有好多好多好多差不多嘅情況發生。不過無論點都無理由blame the victim嘅。同埋人嘅精神真係唔可以寄託晒係一樣嘢上。

3。小太郎一個人生活完結撒花。其實日本完咗好耐，係apps今日先update最後一話漢化姐。真係好好睇，雖然完得有少少少少唔太順暢，但都不錯的。睇咗百幾話不斷地被破防，好開心小太郎終於搵到佢嘅幸福。

8/5(三) -- 呀媽返香港。出site收工夜晚C煮。

9/5(四) -- 出site收工返去夜晚C煮。

4。呀媽夜晚返企係樓下跌親撞到頭。同佢9點半call白車入急症。1點幾睇到醫生，我2點幾返企。

10/5(五) -- 全日都好眼訓。出site收工去SSP同SamEstherDorothyAda五月之星聚。無book枱四圍都full，所以隨便搵左間台灣野食。之後佢地去糖水我無join了。

5。食飯前去左石硤尾白田果邊朋友推介嘅All About Nuts買左開心果醬。

11/5(六) -- 娟生日快樂。一早就醒左，未訓夠。朝早C就帶B去上堂一路到5點9。我出去join佢地一齊食埋飯返。

12/5(日) -- 母親節。朝早天晉打波8-10，今日身體狀態算係咁(唔計default痛果d)，覺得自己攻防走位都算係咁，但又係籃底炒幾球...射波都麻麻，不過最後一場身體adjust返到少少，籃底一球加壓住對方bump一下上籃入到，算係咁。打完無同佢地食野，CB來左天晉遊戲室，陪佢個零鐘後去左Popwalk 2叫埋呀媽一齊食飯。下午係企休息，呀媽夜晚出去有活動，我同CB去左食鐵板牛後返企。

6。呢2日成個fb都係北極光post，學人話齋，即係有好多親人朋友移民外國。

7。漏夜係最後一晚有得睇睇返芷珊約你上星期草蜢果集，佢地果種做野態度真係好正。

8。返工對波鞋爛了，真係要買了。

來緊:

13/5(一) -- 呀媽飛英國

15/5(三) -- 公眾假期一天

完

2024 NBA 2nd Round

講少少NBA。第一round落幕。

西岸最估唔到應該係太陽被掃走。本來估中距離之隊可以破木狼防，點知狼adjust到個防守plan，Gobert會防出d，後面有人補位，完全箝制咗太陽嘅進攻，之後就沒有之後了。2個內線+1個高嘅側翼+可以有lead隊波技術同意志嘅新星+穩定老將後尾+最近第6人中鋒，堅勁。第2round第一場仲作客贏埋金塊。本來覺得狼始終欠經驗會輸金塊，而家真係唔敢講呀。Lakers輸係意料中事，快艇傷Kawhi真係無咩好comment，塘鵝無咗技安更加無得打，可惜。雖然傷病都係運動嘅一環，但playoff先來唔齊人真係無癮。

東岸熱火無JB偷到一場算係咁。公鹿無字母哥輸都正常。NY無咗Randle明顯無大影響，76人MB雖然聽說有傷在身，不過都就來10年啦，之前瀨隊友都瀨夠了，今年仲茅咗，更加令好多人唔like。最少人留意嘅騎士對魔術其實我都幾like。本來實力差距低，搶7結果係雙方都贏自己主場。實力分野在於經驗，魔術睇到前途無量啊。反而騎士雖然Mitchell證明到自己，但我覺得騎士應該利用個底嘅優勢，多過用咁多2個guard...

第2 round。

Celtics點講都係應該要入Finals的。騎士J Allen如果繼續出唔到應該無得打。最多都係偷2場。反而溜馬對NY幾有睇頭。2隊完全唔同style，溜馬有攻無守，NY就慣打泥漿戰，究竟7、8人輪換拖唔拖得慢溜馬呢？溜馬雖然唔長於守，但NY無乜箭頭，如果有人可以守死賓神就應該搞得掂。呢個matchup真係無乜idea...

金塊對木狼，估唔到先輸一場。究竟木狼係咪係playoff度可以升level成熟到夠打金塊呢？純睇matchup木狼真係唔輸金塊。主要真係睇可否有效克制Joker。另一邊小牛對雷霆就有趣了。雷霆雖然係西岸第一，但season第一最多只係證明對弱隊食硬穩定唔輸，對強隊當然都會贏。但來到7場4勝嘅情況，雙方都會有針對性部署，優點缺點都放大。雷霆缺點係主力都係竹竿人。小牛就係好特別嘅隊伍，Luka後生但老油條，做d嘢都好識針對對方，可攻可傳，K榮就真係證明到自己實力，佢得分爆發起來真係好勁，認真防守時都唔差，加上今季新人Lively同簽返來嘅Gafford，多咗2個底填埋上年嘅不足，又有人可以食餅，實力真係提升咗。呢個matchup我tip小牛小爆冷。

完

五月五日 -- Seed Freedom

29/4(一) -- 中午十幾人飲茶同Eudora慶生。收工返企夜晚C煮。

30/4(二) -- 公司出offer。中午同喪強食飯。出site收工返企先，再去將中豆子同Derek食野，之後入康城睇Seed電影版。睇完出返來TKO，話如果無雨就去尚德夜市，點知係地鐵站望時地下係乾嘅無雨，一出閘就開始落，去到尚德時仲超大。一場去到照去望下竟然有開，就買少少來食。

1。Seed Freedom -- 其實之前日本上都劇透晒，大約知up乜。都係Seed fans向，睇來爽下，全部主角幾乎都有得出場表現下。

1/5(三) -- 公眾假期一天。中午同CB去食野(係Parkside FC見到王詠珩)，再去天晉clubhouse比B玩一陣就返企。夜晚是旦煮d粉食。

2/5(四) -- 收工返去交費拿衫後返企。夜晚C煮。

3/5(五) -- 出site收工返去，同CB係附近食飯。

4/5(六) -- 落大雨，紅雨幾乎全日。朝早睇左場波砌模型同噴左d模型，中午同CB去附近食飯，之後B上堂。我同C返企hea，我砌左d模型。5點幾出去接B跟住去尚德食野後返企。

5/5(日) -- 朝早天晉打波8-10，今日終於多人少少。覺得自己打得唔差，不過籃底炒左幾球...打完波同佢地食完野返企，同CB去灣仔，行玩具街同食米線，之後去灣仔海濱玩。玩完行去CWB再搭叮叮去北角後返TKO屋企附近食d野返企。

2。打完波後晏晝瘋狂行完後腳勁攰。

來緊:

8/5(三) -- 呀媽返香港。

10/5(五) -- 五月之星食唔食飯?

11/5(六) -- 娟生日

完

四月二十八日 -- 熱辣滾燙

22/4(一) -- 收工返企夜晚C煮。

1。呀B今日同佢呀媽入戲院睇哥斯拉。之後問佢佢竟然話鍾意睇哥斯拉訓覺同埋睇KingKong打交。

23/4(二) -- 收工返去買外賣。

2。B日日癲，攪唔掂。

24/4(三) -- 出site收工返企，由於有張到期戲飛要睇，於是自己去康城睇戲。夜晚C煮留飯比我。

3。熱辣滾燙 -- 睇完覺得幾好睇。回想返，其實套戲劇情、演技、鋪排...etc各方面都好大路，並唔係話十分驚喜，有少少位節奏仲覺得拖左少少。不過最吸睛嘅當然係賈玲減100磅嘅歷程。就算你話嘩眾取寵又好、咩影響人審美觀都好，佢真係好勁好堅喎。Overall來講，套戲都唔錯嘅。

25/4(四) -- 出site收工返企夜晚C煮。

3。今日B又發癲，激嬲佢呀媽。我收工返去捉左佢落樓行下同傾計。之後都難得有同C傾左下。希望之後大家都可以舒服d。

4。好攰，不停甜廢水。點算。

26/4(五) -- 收工返去買外賣。

27/4(六) -- 中午同B落去打算食完野佢上堂，點知落到去中心打來老師病左。臨時決定去Megabox。去到Ikea好多人，齋食小食之後就行Megabox例牌。Aeon模型做9折再8折，不過最後諗左好耐都無買野。夜晚返到TKO食埋野返企。

28/4(日) -- 朝早天晉打波8-10。近2個月來算係對腳狀態最好，所以都算打得落力。力戰輸多都有嬴一場，以自己standard來講唔算打得差。同佢地食完野之後買野返企比佢地食，之後沖涼抖。下午同B玩左好耐，之後傍晚同CB落街食野再比佢去天晉遊戲室玩一陣後返企。

5。Derek去左康城買飛，來緊星期二同佢睇Seed電影版。

來緊:

30/4(二) -- 公司出offer。收工入康城同Derek睇Seed電影版。

1/5(三) -- 公眾假期一天。

完

NBA Playoff 2024 1st Round

NBA終於來到playoff時候，例牌小講一下。附加賽結果如我所料，可惜傷咗JB同技安，第一round可觀性減...

講東岸先。

塞對熱火 -- 又係黑8熱火對塞軍嘅戲碼，今年塞軍補強咗，不過熱火早幾年不斷爆冷嘅戰績不容忽視...本來。可惜Jimmy Butler傷咗，其實就算佢出到，今年真係好難打低呢隊塞軍...Bam唔係領軍材料，Herro唔搵定，Rozier都出唔到，JJJ好唔錯但係始終係新。塞軍就算自爆，應該都好難輸4場。如果熱火有JB可能都贏到2場，無就...4-1啦。

NY對76人 -- 無咗Randle嘅NY，究竟係會勁咗定弱咗呢？76人本來應該係前4嘅料，不過Embiid傷咗先跌落來，所以呢個2對7種子嘅matchup其實差距唔遠。如果Embiid發揮到，76ers應該係贏嘅，不過可能係4-3。

鹿對溜馬 -- 純睇matchup，鹿贏一班波。雖然換咗個為人詬病嘅教練，不過字母哥+手錶佬並唔係溜馬頂得住嘅組合。正常估鹿4-1，不過計埋自爆，4-2啦。

騎士對魔術 -- 魔術今年終於打出來，之前一直都係天賦高但配合度同成熟度不足，今年終於開始來料。Banchero開始成熟，雖然未擔到大旗，德國內線兄弟發揮穩定。不過，我自己就一直都頗like呢隊騎士，其實早幾年有少少似而家嘅魔術，J Allen+Mobley嘅內線，Garland+Mitchell嘅guard組合，加上已經夾咗一排，如果無傷患實在係唔錯。我估騎士4-2。

西岸就真係大亂鬥了。

OKC對鵝 -- 唉，可惜技安傷咗...如果唔係佢+JV嘅內線組合，雷霆班竹竿人係頂唔住，有機會偷雞的。Ingram係勁但仲未到superstar，McCollum都係2、3哥嘅料。估雷霆4-2啦。

金塊對湖人 -- 上年冠軍金塊今年仍然穩定地強，暗湧係少咗個Bruce Brown。湖人陣容都唔弱，唔知點解好多人會覺得被橫掃4-0。我覺得55湖，應該偷到2場。金塊4-2啦。

灰狼對太陽 -- 雖然太陽係第6，但絕對係強隊...KD雖然年紀大但係仍然無解，Booker我雖然一向唔like但佢爆起來係好難搞，Beal雖然比人話勉強三巨頭，但做3rd option夠有突。相反，今年有機會拿西岸第一嘅木狼，Edwards已經慢慢超越Towns做球隊一哥，Towns仍然soft，唔係差但clutch time唔睇好佢，Gobert+Conley唔錯嘅配搭，不過Gobert有時食餅都食唔到...木狼個問題係，佢哋三分線同內線防守都勁，但偏偏佢哋較弱少少嘅一環係中距離防守，而太陽果幾個痴線佬全部中距離都勁嘅。格食格下，太陽佔優。我估太陽贏4-2。有機會木狼兵敗如山倒。

快艇對小牛 -- 第一圈最好睇一定係呢個matchup了。淨係睇星都夠照。Don77同榮叔進攻真係好強，季中入咗Gafford同埋今年新秀Lively大大加強咗本來弱嘅內線同食餅能力。快艇就難得4星都健康！Harden跌咗Watt，但Kawhi仍然好top，PG仍然攻守兼備，Westbrook打後備提供到活力，照咁睇個陣容係勁嘅，甚至有機會爭冠。呢場真係最難估，雖然老友係Mavs迷，但我估艇贏4-3。

完

四月二十一日 -- 休養生息

15/4(一) -- 出site收工返企夜晚C煮。

16/4(二) -- 出site收工返去同CB係附近食飯。

1。今日到腳趾痛。

17/4(三) -- 出site收工返企夜晚C煮。

2。勇士果然玩完了。

18/4(四) -- 出site收工返企晚C煮。

19/4(五) -- 朝早都係去左睇醫生。出site早收工去觀塘行一下，夜晚約左SannyEva同CB係觀塘食飯。9點半島散。

20/4(六) -- 全日係企hea，朝早睇左下NBA，下午C湊B上堂，5點9佢放學一齊去接佢，去食好耐無食嘅湯米。

21/4(日) -- 朝早Monterey打波8-10，雖然腳仲有痛但已經係近1、2個月來好少少嘅狀態。都算入到d波，中距離不錯，不過實在太慢，防守唔得。打完波例牌食野再買野返去比佢地食。下午休息，夜晚再落街食飯。

來緊:

完

四月十四日 -- 突然右膝痛

8/4(一) -- 出site收工返企，之後睇跌打。夜晚C煮。

9/4(二) -- 出site收工去荃灣西交收耳環，之後去荔枝角食少少野再同同事打波。9點走。

1。呀媽似乎幾鍾意個Dior耳環。

10/4(三) -- 出site收工返企，夜晚C煮。

11/4(四) -- 出site收工去紅磡大酒店。同呀媽一齊stay到9點島返去。

12/4(五) -- 出site返去買外賣。

13/4(六) -- 呀媽返鄉下。呀B係寶林商場表演。10點島出去睇唔切佢綵排。同C係寶林行下同食野，1點睇B表演。下午返企極累極痛，恰著左，本來想睇跌打。夜晚去北角同C親戚們食飯，慶祝佢婆婆生日。

2。朝早起身突然膝頭痛，feel到入面發炎腫晒，之後仲愈來愈痛，痛到痴線，行路極有問題。夜晚食左消炎藥後開始好少少。

3。由之前右腳扭親再到倒甲再左腳後面發炎到右腳皮膚磨石地再到右邊膝頭痛，真係好令人氣餒同埋好唔開心又辛苦。

4。B表演前幾日扭我犀利仲會肚痛，壓力應該真係好大。

14/4(日) -- 朝早天晉打波8-10，連埋我得5個人，好彩我膝頭好少少，雖然跳唔到跑唔到但落場行下都還OK。10點完之後同CB食樓下附近食早餐後返企。沖涼後下午訓左陣。夜晚去寶林行同食飯後返企。

5。今年金像獎結果都算大路，我雖然都有d係估唔到，但都無大complaint。

來緊:

完

四月七日 -- 左腳又痛

3/4(三) -- 腳好痛。3點收工返去睇跌打。夜晚同ConnieLolo一齊食觀塘同Penny食飯慶生。

1。朝早起身隻腳已經痛，硬住頭皮direct site，點知之後仲要去律師樓。返到公司痛到流冷汗。睇完跌打好少少，夜晚出去食飯又要行(雖然唔算多)，不過好似齋坐都痛咁，夜晚食完返去已經痛到唔郁佢都痛。

4/4(四) -- 清明放假一天。全日係屋企抖，唔知點解極眼訓，9點幾先起身，食完野hea下hea下又訓，中午、晏晝都係撳一陣電話就恰著，訓左大半日。不過腳有好d。

5/4(五) -- 晏晝早收返去睇跌打。夜晚叫外賣譚仔。

2。Martin星期四晚踩車比電動單車撞炒起入院。

6/4(六) -- 朝早C帶B去上堂，我係企抖。中午同呀媽出去meet埋CB去左Popwalk2食晏。下午呀媽幫我買餸，夜晚我煮左2樣野。(其餘呀媽煮)

3。好耐無下廚，似乎都無大退步。始終自己煮嘅野啱食d。

7/4(日) -- 朝早天晉打波8-10，隻腳唔掂只係行行企企。同佢地食埋野返企休息陣，中午落去同呀媽CB食少少野，佢地去行，我返企沖涼訓覺。夜晚C煮。

來緊:

13/4(六) -- B商演。呀媽返鄉下。Derek飛台睇Concert唔打波。

14/4(日) -- 朝早天晉打波8-10。

完

四月二日 -- 復活節假期北上

25/3(一) -- 本來有site出，不過有野趕，無出去。收工返企夜晚C煮。

26/3(二) -- 出site收工返去買外賣。

1。砌puzzle工人怪。

27/3(三) -- 收工返企夜晚C煮。

28/3(四) -- 出site收工返去屋企附近食。

29/3(五) -- 同ConnieLolo係將軍澳酒店食Lunch buffet。之後2點meet悉悉一家一齊去西九搭高鐵上SZ，人多少少不過都唔算好多。上到去酒店check-in未有房，擺低行李去對面商場食椰子雞。夜晚宵夜去左買串燒。

30/3(六) -- 晏起身，酒店早餐食少少，之後出發去CocoPark。都係行下商場飲飲食食。夜晚提早少少返去，都排左一段時間，食到白玉串燒。夜晚無去宵夜了。

31/3(日) -- 起身食左早餐之後check-out擺低行李，去個唔記得咩商場，有得睇下動物，不過area比想像中細。中午食吳莊，好食又抵食。夜晚食埋飯先走，食左間海膽嘅都OK。經福田口岸返，都係人多少少但又唔算好耐就過晒關返去。

1/4(一) -- 朝早打波Monterey 8-10。之後同佢地食完野返企，同CB呀媽一齊踩單車。B雖然停低休息左2次，不過總算踩過到大橋。還車後行Donki食雪糕再去食tea，食完返企B又踩，我追左佢去單車館另一邊先再返企，攰到爆。返企沖涼叫外賣，食飯前恰左一下。

2/4(二) -- 補假一日。朝早起身全家一齊去柴灣拜山。唔係清明正日又唔係前後嘅禮拜六日，竟然無架特別班巴士，的士又長龍。結果等左幾班van仔上去，再行返落來。老豆返企先，呀媽去灣仔入境處整野，本來打算一齊係灣仔食野，不過B訓著左，lunchtime又多人，所以一齊返TKL食野。返企玩一陣，我同B去上Ballet。夜晚外賣自取。

2。左腳後腳跟夜晚開始痛...

來緊:

完

三月二十四日 -- 連續返工

18/3(一) -- 一起身頭赤赤，返工清咁d野，下午病假。

1。婚後事 -- 做咗3個禮拜，終於來到結局周。頭果個禮拜實在太精彩，顯得中段好似無咁強勁。前面真係有幾集睇到好緊張，時間過得好快。中段其實都好睇，只不過同個頭比較無咁犀利姐。來到今集，節奏突然快咗，同埋真係好真實！真實到令人起雞皮毛管戙，睇到有d sad又有d共鳴。不論係講緊個社會工作身份育兒相處各方面都真到令人覺得驚。

呢套劇其中一個特點係同一件事會用唔同觀點去呈現多過一次，但如果有留意細節，同一場景入面d家私道具服裝臺詞甚至語氣都會唔同，顯示出唔同人唔同心態唔同環境嘅感覺可以爭好遠，亦都好多嘢無絕對嘅對錯。講過好多次，值得一睇。

19/3(二) -- 出site收工返企先，去接B放興趣班，再一齊行去地鐵站散。去CWB楓林小館中同聚(家昇皇帝擇茄BenEdgar)仲叫埋Miss古，同家昇farewell。9點半島散。

2。估唔到擇茄返左HK，同埋原來有白事。散水之後同佢係北角傾左陣先散。

3。雖然係同家昇farewell，但大家都好自然地係請Miss古食飯。

4。婚後事 -- 今集我覺得最深刻嘅係講照顧者同被照顧者。真係2個都無錯。

20/3(三) -- 出site收工返企叫外賣自取。

21/3(四) -- 收工返企夜晚C煮。

22/3(五) -- 出site收工返企叫外賣自取。

5。婚後事 -- 大結局。最尾2集要收尾，又要交代，所以多左口水說教。不過整體來講都不錯，最後都OK交代都d人嘅關係同結局，同埋有講少少生死生活嘅野。我唯一唔係好接受嘅，係馬壯同Yoyo一齊過之後又同羅仲謙做得返兄弟。TVB來講算係難得一套好劇。

23/3(六) -- 呀媽返來。朝早同下午湊B上興趣班。下午meet左一下新奇一家，同佢地去左天晉遊戲室。4點去QC Open Day meet呀馬一家。6點島走，同佢地食拉麵後走，竟然係QC外面遇到Miss古。

24/3(日) -- 天晉打波8-10。打完之後同TommyNorman暉一家食野。之後買外賣返企。下午同B踩單車到康城再踩到Donki食雪糕，之後返企抖。夜晚叫外賣。

來緊:

29/3(五) -- Lunch buffet

29-31/3 -- SZ trip again

完

三月十七日 -- FS

11/3(一) -- 收工返企夜晚C煮。

1。逼我裝廁所板，好攰。

12/3(二) -- 出site收工返企叫外賣自取。太眼訓係車度訓著，醒果時叫壽司郎，之前一直睇開將軍澳店，但係車定位自動link up左坑口店，加上好眼訓無留意，結果order左坑口店...

13/3(三) -- 康城收工，同Winnie行返TKO。夜晚C煮。

14/3(四) -- 出site睇邨返企夜晚C煮。

2。B發左6日爆，C今日都發埋燒。

3。今日第一次同B一齊沖涼。

15/3(五) -- FS，收7點，同鵬鯉快食個飯返企。

16/3(六) -- FS，收7點，返去買外賣食。

17/3(日) -- FS，收4點幾，收工去寶林行個圈再返企。夜晚叫外賣自取踩左單車。

4。好開心真係唱到K！話說尋日12點做完一隻，突然收到order點半鐘有appointment，不過如果呢d機會唔去唱，平時真係無機會，所以即使得一個鐘都照去！(之後有返去唱多陣) N耐無唱，預咗無乜狀態，(同埋應該永遠唔會返到最好狀態了)，不過感覺係好過上次。同埋可能真係開心，唱得比較無咁拘謹 haha。雖然成日話想唱K，但真係去到又唔知唱乜。是旦諗到點乜就求其撳。雖然唔算唱咗好耐，不過已經過到癮了！真係要多謝陪我唱嘅朋友！咁趕都陪我癲！

5。極攰，10點島咩都未整未熄就訓著左。

來緊:

19/3(二) -- 中同聚

29/3(五) -- Lunch buffet

完

三月十日 -- 飯戲攻心2

4/3(一) -- 出site收工返企夜晚C煮。

1。收工係彌敦道塞車，我都知自己實係黑仔，如果唔落車就等好耐，落車就會好快郁返。結果係等左一陣落車，行前一段路果然就通返(見到架波子車尾當爛左)。後2站等返原本架巴士，司機唔認得，都係比返錢。好彩只係比多三個幾。

5/3(二) -- 出site收工返企夜晚呀媽煮。

6/3(三) -- 公司training overrun到6點半先係IB2收工，返企夜晚C煮。

7/3(四) -- 康城收工順便換埋戲飛。收工返企夜晚C煮。

8/3(五) -- FS cancel; 出site收工返去買外賣。夜晚同C踩車去康城，食糖水同睇飯戲攻心2。睇完踩車兜大橋返企。B發燒。

飯戲攻心2 -- 終於睇左。絕對無網上d負評咁差。首先，未睇之前，就算唔睇網上評論，都預左無1咁好睇。第二，睇trailer都知唔會玩(得)返1玩果樣野，亦都做唔到。第三，無左黃子華對我來講唔會特別覺得好左或者差左，因為我覺得1唔只係睇佢。不過佢唔肯拍令到個劇本要寫到無左佢，就算點解釋都係爭d。玩返上集某d原素、一個笑料出超過一次、一套戲兩場婚禮，我又唔會覺得好重覆或者好"cum"，發生嘅事同尷尬位都唔同。人物多就真係雜左少少，不過你話個個人發揮但浪費左同埋營造不足咩我又唔認同，由始至終都係focus係主角5人組度，即使出左好多人都好，都係用來令主角更立體，而佢地就真係唔使太多太立體。Overall來講，就真係同1無得比嘅。2個格局大左但係反而無左1果種6個人3餐飯激起嘅火花，我會將2睇成 -- 1嘅角色後續故事+賀歲輕鬆熱鬧戲。唔算太差啦。

9/3(六) -- 呀媽返鄉下。朝早B低爆好好多，唔上跳舞堂。我湊B上之後果d班。下午上完堂就返企沖涼叫外賣食，夜晚早休息。

2。今晚又返返自己房，兩星期。

10/3(日) -- 天晉打波8-10，腳唔是好得，所以打得唔好。不過竟然有一球右手crossover去左手推進直鏟入籃底layup，又有一球三分。同佢地食完野之後買外賣返去，沖涼休息。夜晚叫外賣，話到但無，再叫唔知等幾耐，我落左街行一轉唔見張單，買d飯團比B。返來係樓下見到人送我地張單。夜晚食完再沖涼，今日沖左三次。

來緊:

15-17/3 -- FS

19/3(二) -- 中同聚

29/3(五) -- Lunch buffet

完

三月三日 -- 兩家深圳之旅

26/2(一) -- 收工返企夜晚C煮。

1。突然被擠壓情緒爆煲。

2。新劇婚後事可觀性幾高，題材好似幾現實，演員配搭同演技都OK。不過太負面可能會睇得辛苦。

27/2(二) -- 收工返去買外賣同埋睇左醫生。

28/2(三) -- 收工返企夜晚C煮。

3。婚後事 -- 故事一直推進，三集都用唔同角色嘅觀點出發，編得幾好。人物關係交纏得來都合理，而牽起離婚事件嘅"出軌"真相仲未完全披露。暫時覺得真係拍得唔錯。

29/2(四) -- 出site係紅磡收工返企，夜晚C煮。

1/3(五) -- 放假下午同呀媽去黃大仙。夜晚我買外賣。KWSSP

2/3(六) -- 朝早10點零出門meet埋悉悉一家一齊去西九搭鐵去福田。飲飲食食行下商場。

3/3(日) -- 朝早比B同悉悉玩playhouse。下午去行下街。夜晚早d食埋先返企。

來緊:

8-10/3 -- FS postpone?

19/3(二) -- 中同聚

二月二十五日 -- QCOBA籃球賽

19/2(一) -- 開工大吉。C同B下午入康城睇戲，我出site收工入去搵佢地食飯先返企。

1。收工返企先再去康城，踩單車過去，中途跌左電話，好彩好心人執到，打電話去接左，係中途比返我。

2。呀B愈來愈曳，愈來愈嘔心。

3。NBA ALLSTAR GAME 一如所料般垃圾。

20/2(二) -- 因為仲有一張戲飛要用，所以收工我自己入康城快食d野再睇戲，睇左"臨時劫案"。同LoLo一齊收工入康城，meet埋Connie一齊係敏華快食個飯，之後睇戲。睇完本來想踩單車返去，最後搭左MTR。不過應該都係單車快好多...

21/2(三) -- SSP收工，咁啱見到翻貨，等左一陣，可惜都係爭一盒先齊，明明見有一棟都唔拿出來。收工返企夜晚C煮。

22/2(四) -- 出site收工返企夜晚C煮。玩具店唔見想要嘅野。

23/2(五) -- 呀媽返香港

24/2(六) -- 朝早呀B上堂到3點幾，之後去北角meet埋呀源探黃媽媽。4點9島散水，我地再去搵表姐拜年。之後返TKO同呀媽一齊食飯，再去單車館睇花燈。

25/2(日) -- 朝早天晉打波8-10，唔記得左中學舊生籃球賽，所以唔join (打左一場)。9-13返中學打波。人地隊隊十幾人而且好fit，我地得7人而且第一場就傷左Pierre...最後三場波都輸晒。(而我竟然係隊中得分王，又入罸球又入中距離仲入左2球三分)。之後無同佢地食飯，返TKO買外賣返去。食完之後好唔舒服，唔知係咩事，又痌又嘔，好彩捱到沖完涼，之後好暈盲訓左。夜晚叫外賣。

來緊:

2-3/3 -- 同悉悉一家深圳之旅

臨時劫案 後感

臨時劫案

首先想講下，香港人真係好難服侍。已經見愈來愈多人講，而家d人評論一樣野(戲又好歌又好咩都好)，無該有嘅認識同水準、純主觀願望(只要唔係自己expect嘅野就係唔好)、甚至係個人喜惡行先。唔多想derive總之都幾不知所謂。

**********

講返套戲，又係慣性先結論，係幾好睇嘅。之前有睇過少少影評，知道唔係喜劇，唔係平時嘅賀歲片，算係黑色喜劇吧。

全套片個節奏掌握得幾好，無乜冷場，我仲睇到好緊張(reply圖有自己緊張抓自己嘅痕跡)。不過正因如此，其實我睇到有少少辛苦。

對於一向睇生死睇得重嘅我來講，睇到個人精神好繃緊，加上呢個黑色喜劇個底係悲劇來，會睇到有d唔開心添。

劇情玩少少荒謬+社會問題+中年危機+巧合+錯摸，幾條線分開到最後匯合為一條有少少杜Sir feel，雖然真係有好多巧合但呢d無話唔合logic我覺得係可以接受。我一向覺得只要係果個世界觀合logic就OK，跟到個logic就係合理(但合logic同合理係2樣野)。呢套戲我唯一一個唔明嘅地方就係呀輝一直辛苦死守嘅老人院原來最後轉個手就解決左，點解唔一早轉手呢?

演技來講就真係叫個個都OK，就算配角都好恰如其分，有d可能未必咁好戲嘅就做d易d嘅角色，所以全戲都無乜演技尷尬位。林家棟任賢齊John哥...etc都無乜好講啦，一定交到貨，呀黃就真係不錯，雖然佢之前已經拿過影帝，但我一直都覺得佢都係爭d。呢套我就感受到佢除左外型同角色都係突破之外，佢係有用心去演同埋無太大力去演嘅。

唔識都唔想講太多了。

唔錯幾好睇值得去睇的。不過想開開心心輕輕鬆鬆就唔好呢套了

完

二月十八日 -- 回鄉+C生日

11/2(日) -- 朝早出門去西九搭動車，到深圳北轉車上晉江。呀媽同司機接我地返去，都已經7點幾。食完野比B夜下煙花就休息。

12/2(一) -- 朝早起身去左無動力樂園比B玩左一朝。新奇一家同我地meet埋一齊玩到中午去隔離個商場食飯。食完飯行左陣商場同超市，我地返去轉同新智一家同櫻莉去另外一個公園(4點幾5點先meet)，玩一陣係果度食少少野到差不多夜晚就返去。

13/2(二) -- 姨車我地同呀媽去洪溪(老豆鄉下)，食d野經過睇下閩南傳統嘅野，就上返呀媽鄉下果度嘅靈秀山金相院，再落返以前舊居。夜晚返屋企食野。沖完涼呀姨帶我去睇左個跌打佬。敲左幾野再拔罐敷藥，無乜料到。

14/2(三) -- 朝早送花。呀姨車我(連埋呀媽CB)去醫院，睇左下醫生抽左血同拿藥。中午meet晒2個表弟2家人同姨丈一齊飲茶。之後呀姨同呀媽CB去玩，新奇車我去另一個跌打佬度，佢同支野篤我腰，好似有好少少? 之後新奇車返我去永寧古城join呀姨佢地(佢走先)，再去左施琅像之後返企。食完飯沖完涼又去返跌打佬一度，佢敷塊萬年布來照燈，之後都係敷藥，好似都係無乜料到。

15/2(四) -- 朝早新奇一家帶我同呀媽CB去五店市行下，之後過萬達玩一陣，再去SM商場食飯，然後係果舍商場玩左好耐遊戲室。到4點幾5點玩夠，返去經過跌打佬2，又篤左我腰好痛，之後再整我隻腳，今次真係有好d了。整完都係好快，一齊上新奇屋企settle一下，夜晚落仍屋企樓下食串燒，之後仍車我地返企。

16/2(五) -- 朝早上天台玩下風箏，11點半就出門，司機車我地去廈門，搭直通車到西九，返到屋企差不多8點了。

1。封咗幾年關，終於有機會返鄉下。終於有機會帶阿B返去。可惜今年少表兄弟姐妹一齊返去，無咁熱鬧。

2。可能細個幾乎年年都會返去，所以鄉下對我來講都係一個舒服嘅地方。雖然經過咁多年好多嘢都變咗，但對我自己來講感覺好自在。(當然對B來講好新奇，對C來講就陌生)

3。好可惜今年臨到年尾幾日隻腳突然好痛。係香港只睇得切一次西醫，兼且食消炎藥都無乜用。多謝阿姨帶我睇跌打又睇醫生終於最後搵到個搞得到嘅。不過幾乎全個行程都係痛住去...

4。除咗頭一日凍dd，之後幾日都好好天氣好好太陽仲幾熱下添。不過對於旅遊同影相來講就fit晒。

5。同表弟講開，大家都覺得其實自己覺得點都無大所謂，最緊要係小朋友開心。阿B就真係玩得好開心嘅，地方又大，又玩到好多未試過嘅嘢，又有表哥表姐好多伴同佢玩。我以前細個返去，環境無咁好但都係好開心，其實有咩玩都唔緊要，最緊要係伴啊。

6。好耐無試過離開香港咁多日。雖然返鄉下都唔算係d咩trip，不過都好開心。返到來香港都好無真實感。

7。多謝阿姨姨丈同埋兩個表弟安排飲食遊樂車出車入，我幾乎可以放空腦袋做個殘廢就得。

8。出發前總會膽心阿B呢樣果樣，總算都ok。只係塊面起左敏感。

9。返到屋企，最開心嘅係瞓返自己床，最舒服嘅。

17/2(六) -- 中午出門去沙田meet呀娟同MandyThomas，係樓下一齊食晏(呀源朝早唔舒服臨時唔來)。之後上娟屋企hea，夜晚係樓下食大牌檔後散水。

18/2(日) -- C生日快樂。朝早8-10天晉不過我打唔到波。11點係北角同C親戚團拜。散水後行左下北角例牌之後返企比B訓一陣。夜晚出Monterey果邊食西餐，C唔太開心個waitress。食完買手搖返企再切蛋糕。

10。講少少腳傷。基本上係腳痛住來過年同返鄉下，好彩唔係頭果2日咁痛。最後整腳果下先係最有效，之後開始好起來。隊腰果幾下到而家個位都仲有痛，早2日仲keep住有腳痺，不過隨住無咁痛又會無咁痺，希望之後愈來愈好。而家左腳行都會有少少扯住，要少少趷住來行，順帶講埋右腳倒甲都有好d。

來緊:

完

二月十日 -- 年初一

5/2(一) -- 出site收工返企夜晚C煮。

1。C買左蛋糕，夜晚我地一齊同老豆慶祝生日。

6/2(二) -- 出site收工返去再同CB出去寶康行年宵，行完去寶林食金鳳再行一陣先返企。

2。是日腳腕後面個位開始痛。

7/2(三) -- 半夜醒左隻腳好痛，SL一天。10點幾去睇西醫，話我果個位筋膜發炎。睇完想睇跌打但原來已經收爐。中午買外賣返去自己食，沖個涼之後可能之前果晚訓得太差，同埋食左藥，勁眼訓訓左成個晏畫。夜晚C煮。

3。希望腳快d好，唔好影響返鄉下。

8/2(四) -- 腳有好d但仍痛，繼續SL。上午陪B hea同唔專心咁睇波。中午食完飯食完藥又好眼訓，又再訓左半日。夜晚C煮。

9/2(五) -- 年三十晚早收工。返TKO拿藥買野，夜晚C煮。8點幾去地鐵站同Derek交收，之後企左係度傾左成個鐘先散。

3/2(六) -- 大年初一。朝早睇左場波同砌模型。下午訓左陣。5點幾出去附近食完飯返企。

來緊:

初二至七返鄉下。

二月四日 -- 生日

29/1(一) -- 出site早收工。返企之後出返雍明同ConnieLoLoPenny食飯再食糖水(CB無join)，多謝幫我慶生。

30/1(二) -- 生日請假一天。朝早係屋企睇左幾場NBA close game 4Qtr，砌一陣模型。中午去接B放學同食壽司郎(自費)(笑)。之後返企淋個浴，下午恰左陣。C同B去上完Ballet返來之後，夜晚一齊去Popwalk 1食飯。

31/1(三) -- 出site早收工夜晚C煮。

1/2(四) -- 出site早收工夜晚C煮。

2/2(五) -- 收工返去買外賣。

3/2(六) -- 朝早C同B去上堂同返學校講座，我係屋企睇波同砌模型。1點出去meet佢地不過佢地overrun等到2點幾。係坑口食燒肉之後行返去，比B係單車公園遊樂場玩左陣。返來B磨左陣先訓，訓到7點幾。最終無再一齊落去食，我落街買外賣返去。

4/2(日) -- 朝早天晉打波8-10，難得Norman都來join。打完同DerekNormanJackSam一齊食埋早餐返企沖涼抖。中午C同B去左B同學仔屋企玩同預早團拜，5點幾返來，B訓左。夜晚叫外賣。

1。漫畫徹夜之歌200話完結撤花。

來緊:

11/2(日) -- 初二返鄉下，初七返。

完

一月二十八日 -- 又凍返

22/1(一) -- 收工返企夜晚C煮。

1。4點幾係公司發現唔見左staffcard+octopus+key，搵勻唔見，連垃圾桶垃圾袋都抄埋。

2。是晚開始凍。不過訓地下d被夠其實都仲夠暖。

23/1(二) -- 收工返企夜晚呀媽煮。

3。係公司搵返唔見左嘅野，夾左係file入面。

4。諗左好耐，似乎解決方法係初二返鄉下?

24/1(三) -- 公司lunch buffet。晏晝出site返企夜晚C煮。

25/1(四) -- 晏晝出site返企夜晚C煮。

5。呢排經常好早就眼訓，10點幾11點就訓左。

26/1(五) -- 晏晝出site返企再入西貢同C一家打邊爐。10點幾先走，大舅父車返我地出來。

27/1(六) -- 呀媽一早返鄉下。朝早10-1公司甜品班整檸檬撻。之後返企沖個涼，B同C返來。下午叫左人來換星盤水龍頭。夜晚落街食飯。(間雞麵竟然執左，豆漿果間開左)

6。今晚訓返自己房了。

21/1(日) -- 朝早天晉打波8-10，臨前一晚先一堆人話來，所以有11個，我可打少d。腳趾好過上星期。打完同Derek食完野買早餐返來，沖涼同B玩一陣佢下午訓。夜晚叫外賣。

7。買左初二返鄉嘅車飛了~

8。睇左3集勇氣爆發，暫時OK。睇左3集戰國妖狐，暫時都跟足漫畫，期待之後嘅劇情。

來緊:

29/1(一) -- 同ConnieLoLoPenny食飯

完

一月二十一日 -- 腳趾仍痛

15/1(一) -- 收工返企夜晚C煮。

16/1(二) -- 出site收工返去係屋企附近食。

1。收工返去睇醫生，醫生話唔使急食藥可以慢慢好，手術做唔做就自己決定。

17/1(三) -- 出site收工返去夜晚C煮。

2。今日試著返鞋返工(前2日著Crocs)好似好少少。

18/1(四) -- Lunch同喪強食，交收幫佢買嘅模型同埋預祝佢生日。出site收工返企夜晚C煮。

3。夜晚就我話唔返鄉下一事呀媽爆老豆。唔知之後點。

19/1(五) -- 出site收工。夜晚同媽CB本來諗住食段純貞，原來裝修緊，食左樓上山打根。之後行下Donki後返企。

20/1(六) -- 朝早湊B去坑口上工聯會d堂，C去幼稚園聽talk。中午呀媽來一齊食d野，下午再送B去上英文。臨時約悉悉一家，上完堂返企放低野入康城佢地家玩同夜晚打邊爐。

21/1(日) -- 朝早天晉打波8-10。就住少少腳趾痛勉強都打到。打完食埋野買野返企，沖個涼之後訓。5點幾半島同媽CB去左Beans食野，之後我上Connie娘家拿單車。

來緊:

27/1(六) -- 公司甜品班

完

一月十四日 -- 右腳趾公倒甲

8/1(一) -- 出site收工返去同媽CB去譽居。

9/1(二) -- 出site收工返去，夜晚呀媽煮。

1。今晚試左係廳地下訓，暫時未搵到個舒服嘅方法訓。不過好彩咁啱避開左B半夜尿。

10/1(三) -- 朝早拿左假，同B去做評估。之後係SSP食野同買左新年野。下午返工。出site收工返去夜晚呀媽煮。

2。B初步都係有ADSD。

11/1(四) -- 出site收工返去夜晚C煮。

3。右腳趾公倒甲愈來愈痛。

12/1(五) -- 出site收工返去夜晚出去食。

4。(右腳趾公倒甲)睇左醫生，開左抗生素。

13/1(六) -- 極攰。朝早C帶B去上堂，我訓到9點幾先起。食d野睇波砌模型，等老豆食完中午洗完野，我先煮個麵食。之後好攰訓到差不多5點。電話打來起身落去拿網購野返來，再同CB去海天晉食飯。食完行左韓國超市再行下Aeon返企。

14/1(日) -- Book唔到場打波。朝早同B去踩單車。中午同呀媽CB去附近食野後返企。我沖涼之後少恰左一下。夜晚叫外賣。

5。(右腳趾公倒甲)有水出，應該發炎了。

6。睇左勇氣爆發Bang Bravern第一集，一開頭都無乜野，正常真實系機械人動畫，點知去到尾無啦啦變熱血超級系 xDDD 笑死我 xDDD

來緊:

27/1(六) -- 公司甜品班

完

一月七日 -- 開始settled

2/1(二) -- 出site收工返去買外賣。

3/1(三) -- 收工返企夜晚C煮。

4/1(四) -- 朝早簽租倉約。收工交收。夜晚C煮。

1。總算租左倉同搬左大部份要裝嘅野入去。

5/1(五) -- 出site收工返去，同呀媽CB去雍明食飯。

6/1(六) -- 朝早同B去踩單車，之後去天晉同呀媽迎智一齊推個保險箱返去。中午同CB呀媽樓下食，之後C帶B去上堂，我同呀媽車抽濕機同風扇去倉。夜晚同呀媽CB去Popwalk2試新果間燒味，果然好似將中間金牌。

2。呀B第三次踩車，掌握到自己開車同轉彎了。

7/1(日) -- 朝早天晉打波8-10，今日雖然身體狀態麻麻，又係咁輸波，但自己覺得算打得唔錯(同埋都贏到一場打得幾好嘅)。打完波同Derek食完野，上天晉幫呀媽推d野返來，沖完涼就攰到恰左。夜晚去北角Lily婚宴。

3。Lily老公幾funny，飲左唔少酒有d hyper。

來緊:

完

一月一日 -- 新年

27/12(三) -- 5點發現漏招拿野趕過去上環。收工返企夜晚C煮。

1。今日日頭有師傅來換左個細廁所坐廁。

2。執左下房。

28/12(四) -- 出site收工返企夜晚C煮。

29/12(五) -- 下午放假。快行左SSP買d野之後返企。下晏過天晉幫呀媽睇下執下野，同埋上網睇左下租倉嘅野。夜晚返七座，食埋呀媽買嘅燒味。

30/12(六) -- 朝早同呀媽去觀塘睇倉，之後返七座。呀媽執完野，中午一齊落附近食飯。食完返企我沖個涼恰。夜晚叫外賣。

31/12(日) -- 朝早打波天晉8-10，好盡力打所以好勀。打完直接返企。沖完涼中午同馬一家係附近食飯，之後一齊去單車公園picnic同比2個小朋友學踩單車。重點係呀B叫係第2次學，已經學到自己踩直線了，好滿足。4點幾呀馬返去先，我地去左方叔叔打邊爐後散。

3。今日老豆呀媽正式搬過來了。

1/1(一) -- 12點島出門去CWB係Hysan食d野再上Herman屋企clubhouse中同聚(Herman馬BenEdgar帶屋企人家昇自己來)。6點島散水，同馬一家係CWB食埋飯散。

4。家昇講到感觸落淚。

來緊:

4/1(四) -- 租倉。

7/1(日) -- Lily婚禮。

完

2023回顧

照例回顧一下今年。

1。上年年尾中招，1號出關。阿B經歷過高燒暈低之後，今年年尾又來一嘢叫白車。嚇死人。

2。上年年尾一直延續到年頭嘅Go Healthy活動，應該有令自己健康d同埋輕咗磅。不過去到下半年竟然痛風...不過果排可能真係太辛苦。

3。9月上羽毛球班第一堂就扭親腳，之後就一直纏繞到而家爭dd爭dd。人老咗真係好多嘢差咗。

4。難得join班學新技能，縱然人多練習時間少，但感覺羽毛球level少少哋都有加到經驗值。其實一直都幾鍾意打。

5。阿B今年第一次過關離港，去咗澳門。亦都第一次北上深圳。

6。今年比前幾年睇多咗戲。絕對要提嘅係Slam Dunk，另外飯戲攻心都好like。

7。一直都好少睇劇(不論TVB定Viu定外國劇)。不過今年Netflix嘅幽遊白書真人版，不論大家評價如何，身為幽白鐵粉嘅我，都係睇晒。另外，覺得靈戲逼人幾啱我胃口。

8。動畫一向都係無點睇，今年出咗套高達水星之魔女叫有追。反而翻睇返d漫畫例如鋼鍊etc好正。一堆自己欣賞嘅漫畫動畫化都令人欣慰(但我無睇)。

9。睇咗一堆書。除咗散文仲有d有關心靈修煉嘅，一直覺得自己修為比起以前退步好多。另外，今年翻睇金庸武俠小說新修版完成。

10。阿B無特別咩大嘢講，睇住佢大，越來越曳，希望以後可以聽話返少少唔好激死佢老豆老母，同埋希望佢健健康康。不過2023年最後一日掌握單車技能都幾高興。有少少佢以前B果時睇住佢識轉身識企識行果種感覺。

[圖文不符+文題不符]

究竟咩叫真係覺得自己年紀大咗？

當自己打波後比人wear損嘅地方三幾個禮拜後條瘌仍然未退；

當自己未夠12點已經開始覺得眼瞓然後絕少捱過1點先摺更加唔好講N年無通過頂；

當自己d朋友都開始進入咗其他階段或者甚至進入咗幾次唔同階段(然後自己都一樣)；

當自己發現自己嘅老友們都現出唔後生嘅狀態然後自己都開始出白頭髮；

當自己突然發現，家中長老真係老咗好多，好似一轉眼同一向認知嘅佢哋唔同嘅時候；

然後。

發現有d嘢真係唔同咗。

知道永遠唔會返到轉頭。

只可以希望盡量keep住而家嘅狀態。

好好珍惜現在嘅所有人、事、物。

祝大家新年進步，身體健康。

2024加油。

完

幽遊白書真人版

作為幽遊白書鐵粉，出真人版劇集，就算網上同朋友點評都好，真係點都要睇一睇。

眾所9知我而家係好少睇劇/動畫/片類嘅，因為實在無乜機會可以坐定定睇，而睇呢d時間太fix，相對於我睇字/書類算快來講，係晒好多時間。

趁住聖誕假期睇晒5集，總的來講，我覺得係OK的。

首先講下劇情。預左會大改，我覺得係有限資源下已經算改得合理，將漫畫本來前後幾個故事合埋一齊，算合得合理。都預左會cut好多，尤其要用特技整d妖怪樣出來應該好貴，所以cut左四聖獸篇都預左。同埋d齋打無劇情(即係暗黑武術大會)都係應該cut嘅。不過由於實在cut得太多野(i.e.四聖獸篇+幻海弟子選拔篇+暗黑武術大會篇)，無晒幾個主角之間友情嘅鋪墊同埋幽助同幻海之間嘅師徒之情，呢d真係爭好多，最難接受。

另一樣被詬病嘅當然就係造型。d人物可能本身動漫畫真係太靚，轉到來真人真係好難carry。但難carry還難carry，有幾個真係特別唔掂。

幽助 -- 我覺得算幾好。都唔醜樣，做到少少痞痞嘅感覺，不過其實可以再爛多少少。我覺得係劇情所限。

桑原 -- 幾型。相對於主角要擺下d型樣，佢個角色無乜呢個包袱反而做得放少少。

藏馬 -- 睇過演員原樣其實都唔差，但做藏馬個樣就真係好唔得...戲都麻麻地...

飛影 -- 傲嬌+中二病始祖，由於戲份唔多，所以無乜發揮。而個演員個表情都係keep住痾屎唔出咁...

螢子 -- 相對其他幾個女角叫幾靚女。

牡丹 -- 呢個係眾矢之的...個樣真係唔得。佢想做到動畫入面咁少少趣怪，但又唔夠放，又唔多戲份，演出來不倫不類...

溫子 -- 幽助老母係其中一個亮點。除左幾靚之外，係好少量嘅戲入面都發揮得好。

小閻王 -- 算幾靚仔，又多出場，但就無乜特別覺得好。唔知點解覺得佢個樣似陳柏宇。

雪菜 -- 靚就唔多靚架啦，最大問題有幾下佢笑我覺得佢奸奸地...

幻海 -- 唔識講。同動漫好唔同。不過如果係呀婆的話真係係咁又真係可能差不多，唔識講。

左京 -- 估唔到搵稻桓吾郎做，又幾OK。如果佢可以再做得淡然少少會更正。可惜唔係大爆炸死。

戶愚呂兄、弟、鴉、武威、剛鬼...etc敵角 -- 無論做型定各方面，敵角都好好，既還原又有返個人特色，仲吸引過主角們。

全劇最要讚嘅就一定係動作同特技。係打得好睇，動作流麗順暢，速度感擊中感都好強，實在好過某d武俠劇齋擺pose果d好多好多。

少少總結。

我覺得劇情刪減個定位有少少尷尬。如果係fans向，就cut得都幾多。但係如果唔係fans向，d人物之間嘅羈絆刻畫真係唔係好夠。

自己一向係"向好方向"果面睇嘅人，儘量會去睇返"製作人們想呈現咩比我地睇"，我覺得係有限嘅篇幅同budget(應該?)來講，已經算做得好好了。

其實以佢呢個表達方式，我覺得仙水篇好啱拍做真人版。希望而家呢套5集收視OK，Netflix肯落多d本去拍仙水篇啦~~

十二月二十六日 -- 聖誕

18/12(一) -- Team lunch; 臨時拿左下午假，去左SSP行之後去In's Point同果欄。夜晚返企C煮，呀媽都係度食埋先返去。

19/12(二) -- 出site收工返去夜晚C煮。

20/12(三) -- 晏晝MA早走，夜晚C煮。

1。今晚拿左棉被出來。啱啱好好彩拿，好凍。

21/12(四) -- 同事X'mas Party; 下午拿假TKW。夜晚同Penny食飯，ConnieLoLo臨時join埋。

22/12(五) -- 早放3點。收工幫Edf交收之後返企，夜晚入西貢同C屋企人BBQ做冬。舅父車返我地返來。

2。全日都攰同頭重重。

23/12(六) -- 本來約左悉悉一家，不過Trista發燒cancel。中午過天晉食飯，之後我好唔舒服恰左，C幫呀媽執野。4點零出去3個一齊排醫生。睇完醫生買外賣返企食，好早訓。

3。睇完鹿鼎記。新修版金庸完全制霸。鹿鼎記都無乜好講，作為金庸長篇小說收爐之作，大家都知好唔"武俠"，我亦唔多講了。其實成個故事睇落去相當流暢，睇住主角係幾方之間游走而又可以無事得來不斷做到野，雖然成日話佢不學無術，其實佢真係好勁。反應快，決斷準，落手狠，絕對唔係話行運就可以達成嘅成就。不過人就真係仆街少少...好彩佢係義氣上都算係守得幾嚴，兩邊不是人但佢都係真心唔想害兩邊嘅人嘅，唯一係刺多隆果下，雖說係為左自己命仔，又話佢流眼淚，最後多隆仲死唔去，不過我覺得同劍心斬張果下一樣，個開關係開左就係開左，就算對方無死，果下都係想殺對方嘅。

24/12(日) -- 朝早打波天晉8-10，食左藥個人好浮，打完同DerekBosco食野再買野返去，我沖涼再恰下; 下午Rita帶女來玩，夜晚佢老公來join一齊食飯。

25/12(一) -- 中午娟源來一齊食野，下午係屋企吹下水同B玩ringfit到4點幾B訓，B6點島起身一齊去尚德食埋晚飯走。我同源係街兜左陣傾多陣計。

4。睇左幽白真人版4集，其實都唔差嘅。

26/12(二) -- 朝早起身入康城食早餐同睇戲(Wish)，之後上天晉幫呀媽執野。下晏係天晉恰左下，7點島走，買外賣返去食。

5。Wish -- 兒童向動畫。可能睇廣東話版所以d歌可能比英文詞爭d。劇情其實幾普通。背後引申嘅野係究竟自由意志重要定係有個好嘅well-planned獨裁者好d? 不過最後講到個魔法師比邪惡嘅野入侵左，將佢嘅邪惡"合理化"，所以變得無左討論價值了。其實現實世界無論係邊種政權，普通人嘅生活都係不知不覺咁被規範左係頂上果班政客同有錢人嘅影響之下，大家都係活係"佢地想你如何生活"嘅生活之下，只不過係做唔同種類嘅豬罷了。

6。今晚睇埋幽白第五集。小心得另開一篇講罷。

來緊:

1/1(一) -- 中同lunch

完

十二月十七日 -- 氣溫驟降

12/12(二) -- SL一天; 朝早同CB去醫院。返企後我買野比佢地食，我再自己去睇醫生。食完野沖涼。下午C落街買野同埋拿比我的新電話。夜晚C係屋企是旦整d野食。

1。今日無啦啦又好熱。

13/12(三) -- 收工返去C叫左外賣。

2。B之前果晚退左燒後暫無翻燒了。

14/12(四) -- 出site收工返企，之後外賣自取。

15/12(五) -- 下午新蒲崗training。夜晚返去買外賣。

3。家居維修training都幾實用同埋長知識。

3.1。記少少記得嘅重點: Lock英式Screw歐式細d美式而家多用，開面插鎖匙甩得。唔用電鑽開。

3.2。03年後廁所白色。

3.3。去水: 出煙熱水，去水有聲。如用通渠水，20-30秒就過水。

3.4。上水波曲，落水缸芯。

3.5。水壓60，村屋100。

4。老豆今晚過來訓3晚。

16/12(六) -- 中午去坑口人地clubhouse參加B同學仔們攪嘅Xmas Party，得我一個爸爸去，我扮埋聖誕老人。唔知係咪焗，之後有少少暈少少想嘔。玩完返企沖個涼就攤下休息，夜晚叫外賣。

5。氣溫一跌跌十幾度。

17/12(日) -- 朝早打波天晉8-10，打得好差，身體狀態同個腦都麻麻。打完人佢地食野，返企到中午同CB出去同呀媽2個呀姨姨丈飲茶。飲完我地3個去圖書館後返企沖涼抖。夜晚叫外賣。

來緊:

18/12(一) -- Team lunch

21/12(四) -- 同事X'mas Party

完

十二月十一日 -- B白車入院

5/12(二) -- 收工去羽毛球班。

1。今日練習步法多，記得向前正手定反手都係出右腳，打完之後向後跳一下先歸位。手要鬆d。正手推波用食指推支拍出去。

6/12(三) -- 出site收工返企夜晚C煮。

2。行左下SSP，又終於事隔半年去拿左銀行個贈品，原來好大舊...

7/12(四) -- 出site收工返企夜晚C煮。

8/12(五) -- 下午清假。C同B來MK同我打邊爐，之後係樓下遊樂場玩一陣，同佢地去SSP行左特賣城同玩具街。5點幾先搭車返去，叫外賣。

9/12(六) -- 朝早起身狀態麻麻; 老豆來，同佢整間房嘅電視。中午我帶B落去行下去左圖書館再買野食返企。食完休息耐左，去唔到馮晴嘅開放日。夜晚CB落街睇醫生之後係附近食飯。

10/12(日) -- 朝早同馬同虫去QB射下波，9點半島就走。返來買d野食沖涼休息下。B中甲型流感，book左4點半去睇醫生。睇果時都無乜野行得走得37點幾度，返熙屋企時話好凍要抱，行到一半突然抽搐一下成個人拗後+無反應。即時call白車同返診所，39點幾度。上白車後過40度。係白車時已醒返，去到醫院已精神返少少。要留院。8點先上到房，我去買野食比佢地，攪一大輪差不多10點先走，C留醫院陪B。出到來毛毛雨，踩車返去，買左少少野食，10點半先食野。

3。本來約左悉悉一齊玩cancel。

4。半夜醒左幾時望電話，訓得唔好。

11/12(一) -- 本來呀B放假，我又清假一天。一早起身同呀媽一齊去醫院。呀媽睇左B一下返工，C就返企沖涼休息，我陪B。隔離床2個小朋友都喪咳。4點零醫生巡房話B未退晒燒話建議留多晚，但係其實係屋企休息仲舒服又無其他人傳染，所以醫生都放我地返去。

5。夜晚去唔到打羽毛球最後一堂。聽聞好好玩，呀Sir Miss一齊打。

來緊:

完

十二月三日 -- SZ trip

27/11(一) -- 出site收工返去圖書館再買外賣返去。

1。話唔睇但都睇左ViuTV版社內相親第一集。第一集暫時無乜特別，幾乎都係Hanna一個carry，其餘人真係無特別突出。Anson Lo個樣好似比起"大叔的愛"果時怪左好多...

28/11(二) -- 收工去羽毛球班。

2。今日做正反手網前。步法係出左腳踏右腳打。另外，我揸拍唔好，正手成日都用左反手揸法(手指公頂住個柄)。

29/11(三) -- 收工返企拿野出地鐵站交收再買外賣返去。

3。中午Anthony請食升職飯。念川居幾好食，多謝。

30/11(四) -- 出site收工返企夜晚C煮。

1/12(五) -- 出site收工返企買外賣返去食。

2/12(六) -- 源生日快樂! 公司SZ trip。朝早7點半出門口搭鐵去落馬洲過關。過關算順利，集合完(行果段路真心感覺麻麻)去旅遊巴車我地去動物園。動物園感覺唔錯。4點幾走去到酒店check-in完已5點幾，6點開始食buffet(d野麻麻)。食完同EdfJanice三家人一齊搭2站地鐵去保安行壹方城。10點幾走返酒店。

3/12(日) -- 公司SZ trip。朝早起身食早餐，食完去左附近超市行下，10點幾就check-out閃人。車我地去觀瀾湖區個遊樂園，先食lunch(又食，都未餓)，跟住自由時間係入面玩。Golf個session由於C無興趣所以唔join。玩到咁上下去左對面個商場行到夠鐘4點半集合，車我地返口岸。5點半島開始過關，6點零返到HK搭返鐵返企。我買外賣返去。

4。Overall來講其實都知個trip唔平，不過最大會去嘅原因係有伴，幾個小朋友一齊玩佢地好開心。動物園比想像中OK，近距離餵食老虎又餵好多其他動物又騎馬仔。第二日個場d野就舊d，無join golf就覺得成件事無乜為了。最差感覺係關口行去車同埋車行返關口，好多電單車係窄嘅行人路行，感覺危險。

4/12(一) -- 清假一日。朝早同C送B返學，之後食個早餐返去。差不多中午過返去接B，返TKO食C想食好耐嘅方叔叔邊爐。返企之後陪B做功課同陪佢玩，C朝早到下午keep住執床同換季。夜晚同佢地落樓下食飯。

5。老豆已經將d野搬晒來，呀媽要等10號之後得閒d先開始安排，唔知幾時佢地要正式搬過來了。

來緊:

完

十一月二十六日 -- 超級攰

20/11(一) -- 收工返企夜晚C煮。

1。B學校開始爆手足口病。應該來緊會唔返學幾日。佢有少少輕微燒。

21/11(二) -- 收工去羽毛球班。

2。今日都係練殺波同網前推。都係要靠練習先可以進步嘅。不過殺波動作我硬係覺得自己唔啱。

22/11(三) -- 收工返企夜晚買外賣。原本B做花女，不過花仔病左，呢個環節取消。本來B都有少少唔舒服嘅，唔使去都好。

3。終於扑鎚決定屋企上網公司簽埋約，個價錢都OK。少樣野煩。

23/11(四) -- 收工返企夜晚C煮。

4。睇完倚天屠龍記。新修版爭鹿鼎記就完了。

24/11(五) -- 出site收工返企買外賣返去食。

25/11(六) -- 朝早起身一陣陪C同B去雍明果邊睇醫生，之後行下Donki再去海天晉果邊食左越南野。返企抖一陣。下晏去康城睇戲(要用埋2張飛)，睇左Trolls Band Together。睇完返TKO食野。

Trolls Band Together -- 故事算簡單偏兒童向，講手足情唔係十分深刻。畫面聲光效果都屬於普通，不過d歌係好聽，尤其係d和音。跳舞就無乜特別。難得係呀B睇得好投入完全無話悶要走果d，睇完仲話好好睇d歌好聽。

26/11(日) -- 天晉打波8-10。今日一場場，有時打得好有時麻麻。有一球又係想像中練習好耐嘅底線轉身射球入左，幾開心。打完食早餐買外賣返去後，無沖涼等B食完同佢2個人出去。hea行左草地過去圖書館借左d書，再行去寶林行下玩具舖反斗城同社交費買野，再搭地鐵返去。沖個涼抖一陣夜晚我落街買外賣返去。

來緊:

2-3/12 -- 公司SZ trip

完

短談新修版倚天屠龍記

又睇完新修版倚天屠龍記，少少讀後感。

講下劇情先。

感覺上呢部似係集之前幾部嘅大成。劇情好豐富，主線好清楚，有伏線，各個正反派人物塑造好清晰又特別，不過主角嘅成長雖然細個多災多難，但佢九陽神功一練完就差不多無敵，之後再加埋乾坤大挪移太極拳同聖火令神功其實都只係bonus，太勁。都幾同意佢武功應該勁過郭靖同楊過。雖然係咁，總算之後打金剛伏魔圈都叫係有理由地覺得難，同埋最後大佬成崑係由金毛獅王來打，有返d睇頭。

全書入面最精彩一段，個人覺得雖然六大派圍攻光明頂、萬安寺救中原武林人仕、少林寺屠師大會嘅格局都好大又打得勁秋，但最鍾意反而係張無忌同獅王同四條女同一條船果一段，真係玩野玩到盡，人人心中都有唔同感受，又勁串張無忌，佢尤其老尷。呢段我覺得真係神來之筆。

另一度幾得意嘅係張無忌答應趙敏做三件事，成件事鋪排得好好，第二件事其實都係故事一大轉折，而最後第三件事又承接張無忌答應周芷若嘅一件事，感覺條友真係幾無主見無限loop xDD

講下人物先。

張無忌 -- 好多其他評論甚至金庸自己都講過，佢係一個好人，好少去記人地嘅壞處，胸襟廣闊，係一個好好嘅朋友。不過個人無乜主見，隨波逐流，並唔係做大事嘅人。呢d都無問題，最大問題係其實佢比起楊過其實仲渣少少。楊過(後生)雖然都經常撩人，不過佢自己諗諗下都會覺得唔妥，識得收，只不過之後人地已經失控咁不能自拔，而佢自己亦由頭到尾都好明顯愛小龍女。但張無忌就唔係咯，四個都係撩，四個都鍾意，又攬又錫又個個都唔捨得，仲發夢四個一齊要晒 xDDD 雖然係(男)人之常情，不過佢做埋出來，又個個都有承諾，真係有d渣。

趙敏周芷若小昭蛛兒就唔多講了，多年來大把人討論過，大同小異。

另外光明左右使四大護教法王等等都係塑造好成功嘅人物，唔使多提了。

張三丰同武當七俠個人覺得營造得好好，好大師同大俠風範，各有性格特色，幾乎個個都鍾意。(比起全真七子實在正太多) 張三丰果種胸襟同對所謂嘅正邪睇法亦都係金庸小說前輩高手入面少有嘅。

滅絕其實用返佢嘅角度去睇返，佢係佢一直好忠於自己嘅想法同理念。雖然佢正邪之念太過唔識變通，但佢護已護派、除魔抗元、為左心中大義可以犧牲任何野，其實個人係好勁同型嘅。雖然佢令人覺得乞人憎，但真係一個寫得好成功嘅人物。不得不提，當年台灣馬景濤版入面，張冰玉做嘅滅絕，真係令人好深刻，而且有d陰影添。

作為敵方boss級人馬嘅玄冥二老同埋成崑，比起神鵰嘅金輪法王實在成功好多。金輪雖然講到好勁，但係做嘅野又唔夠大器，戰績又麻麻，性格其實都唔突出。玄冥二老起碼都有唔少描述，亦都真係嬴到唔少書中好手。成崑就更厲害，基本上書入面發生嘅好多事端其實都係佢攪出來，而佢武功都係好勁嘅。

渡字輩三僧其實我覺得一般。講到佢地得道高僧咁，但人地入左攻擊範圍又幾唔留情咁打人。講胸襟又會將之前人地做嘅野算帳。之後奇奇怪怪又渡化左獅王，唔知想點。

不得不提少少，王難姑呢d真係阻礙老公發展嘅垃圾女人，而胡青牛則九叔得過份，兩個人物都好麻麻。

短短地寫少少算了。

到頭這一身，難逃這一日。百歲光陰，七十者稀。急急流年，滔滔逝水。

完

十一月十九日 -- 長征TM

13/11(一) -- 出site收工返企夜晚C煮。

1。叫左fnd幫我買ed Ringfit。

14/11(二) -- 收工去羽毛球班。

2。今日羽毛球班都係練返殺波同上網。如果完全唔跟自己想像嘅正確動作其實都打到個波，但一想用反而個動作就錯晒，好奇怪。

3。網上睇片，殺波個身斜少少，手同拍就可以正向咁直。

15/11(三) -- 出site收工返企夜晚C煮。B很難攪。

4。n fail xD

16/11(四) -- 收工去CWB同中同(BenHerman家昇)食11月生日飯。係會展站落車行過去，天氣涼左好多但係只係著左一件短袖T所以有d凍。家昇本來未必來到不過最後只係遲少少。

17/11(五) -- 下午行左下觀塘，夜晚去TKL meet CB跟住去Parkside FC食完飯返。

5。PMLKWVKW

18/11(六) -- 起身執野跟住call van入Edf度。4點零走，去TM公園玩一陣再走。搭西鐵返去。夜晚係TKO大家樂食埋飯返去。

6。夜晚攰到沖完涼照訓，較鬧鐘起身book場。應該訓得好淋，比個alarm嚇醒。

19/11(日) -- 朝早打波8-10天晉，都係得6個人，打得麻麻地。好攰，腳有d痛。打完無同佢地食野，過左坑口搵CB，食埋野返企。沖涼訓左陣，下晏同B試玩Ringfit，不過原來佢未啱玩住。夜晚出去附近食完飯行下Aeon之後返企。

來緊:

2-3/12 -- 公司SZ trip

完

十一月十二日 -- 疲

6/11(一) -- 收工返企夜晚C煮。

7/11(二) -- 收工去羽毛球班。

1。今日侯sir返來，又係口水多少少，同埋review返步法同殺波。

8/11(三) -- 下午拿左假。去圖書館還書，Langham Place買禮物，行信和買左盒模型，行In's Point買左粒扭蛋，去埋果欄買左水果，返TKO買埋2件cake。夜晚C煮。

2。是日立冬，有涼少少少少嘅。

3。今朝太眼訓鬧鐘響撳熄左再訓返唔知醒，好彩自己差不多8點醒返，即出門口啱啱好無遲到入門口。

4。是日係公司好激氣，d高層都CLS的。

5。結婚8周年。預左對方無任何表示。

9/11(四) -- 收工返企夜晚C煮。

6。今日出site去醫院。人真係好化學。之後因利成便去左好耐無去嘅荃灣米線。

10/11(五) -- 出site返去TKL圖書館meet CB，借完書係附近食埋飯返企。

7。今日係公司竟然唔多電話同支節，結果清到好多立雜野，開心。

8。我地team嘅租客真係好多身體出事...

11/11(六) -- 朝早出去11點meet Nat去Connie爸Funeral，之後係大圍同Nat食野後返企。沖個涼hea下訓左，入黑先出門，帶B去天晉遊戲室玩左輪，差不多8點先去尚德食壽司。

9。自己都爭少少忍唔住。希望Connie屋企人be strong。

5/11(日) -- 朝早打波8-10天晉。今日得6個人，其實半場打3on3我覺得仲好。無得換人，雖然第6個人遲來，不過之後連打都攰。今日出盡力打，覺得自己無咁易比人過了，同埋由於對手唔算強，所以有好多爆籃機會，顏色地帶都入左唔少波，不過都有唔少自己把握唔好，真係要練下。腳就因為真係chur盡所以有少少痛。打完食埋野買外賣返去，之後沖涼恰左陣。下午同B落去陪佢練左陣單車，再返企執野去天晉，夜晚食埋飯返。

來緊:

16/11(四) -- 中同慶生飯

2-3/12 -- 公司SZ trip

完

神鵰俠侶新修版再讀後感

相隔左一段短時間，又執起書本，繼續去完成翻睇金庸N次系列。

睇神鵰其實我自己有少少卻步。

相信神鵰係好多人好鍾意甚至係最鍾意嘅一部，但我自己絕對係排到跌出五名之外。

並唔係話佢唔好睇唔精彩，純粹係我自己嘅個人喜好，呢部小說劇情同主角同我"相性"唔啱。

首先一定要講講男主角楊過。

有好多人鍾意神鵰好大原因都係因為楊過。又靚仔又型又武功高強又溝死女，而最令人好多人欣賞嘅原因係佢嘅反叛，反社會傳統，孤芳自賞嘅傲氣。尤其係以前成班同學仔或者朋友討論時，大家都係處於反叛期或者係年少無知嘅年紀，代入感特別強。

偏偏呢，我自己由細到大都算係"循規蹈矩"果類人。當然，我自己諗野、想像、諗故事...etc好多野都會雲飛天外天馬行空，但係現實執行上算係乖仔同埋聽話果堆。所以一直都比較鍾意令狐沖，佢一樣係不屑於世俗嘅睇法，追求自由，但係佢同時亦好豁達。相反書入面都強調過唔少次楊過性格偏激而且氣度胸襟殊不廣闊，對我來講就敬謝不敏了。

自己一直覺得運氣對人生好大影響，但性格亦都同時會反映到係遭遇上。一直都覺得楊過嘅經歷雖然係慘係苦，但唔多唔少都係佢自己有份拿來(咁當然佢自細嘅經歷都造就佢嘅性格)。反而佢自己嘅任性一樣影響左其他人。亦都因為呢個原因，我睇呢部小說總係有d位會覺得唔舒服。並唔係因為唔精彩唔好睇或者唔合理，而係純粹因為我自己唔喜歡罷了。

以下講少少對書中人物同埋情節嘅睇法。

作為射鵰嘅續篇，好多人物都係呢部延伸落去。其中老叫化同老毒物嘅結果令我好深刻。竟然係互鬥到精、氣、神、力全部都盡晒，突然靈台清明，一笑泯恩仇，好勁好有意境。講到死，絕情谷一日之間死咁多人都好震撼。綠萼嘅可惜，公孫兩公婆嘅可笑，洪凌波嘅可憐，仲有作為中boss嘅李莫愁，係火中唱住"問世間，情為何物..."咁消逝，真係其中一個經典嘅退場。

小龍女 -- 細個睇會覺得佢係一個無乜腦無乜思考好靚嘅女主角，一再翻睇之下其實佢係好有血有肉。古墓教育令佢好似好冷淡咁，其實書入面比較多嘅描述佢個心係好有熱血同直率同埋好溫柔嘅人。以前成日覺得小龍女同王語嫣係similar嘅模板，但其實2個都好唔同，而且各有個性，並唔係男主角嘅附屬品咁簡單。小龍女嘅單純係可以為左對方原惜付出一切，以對方嘅快樂為先，雖然睇落好似只係兒女情長，但果種一往無為嘅氣魄其實好強大。

黃蓉 -- 好多人都表達過射鵰同神鵰嘅黃蓉實在爭好遠。射鵰嘅蓉兒佻皮可喜，神鵰變左一個多疑同埋諸多阻礙嘅婦人，好討厭。我個人都覺得佢係幾煩，不過自己年紀大左、負擔大左，有埋小朋友之後，顧慮多左，的而且確係會諗多好多。佢會為自己兒女過份擔心實屬正常，就算姆聰明嘅人都好，為"愛"之所困(不論係愛人定子女父母朋友)關心則亂，好容易會諗埋一邊。不過佢同小龍女講嘅野真係影響好大，好令人覺得討厭啊。

公孫止 -- 究竟佢係天性就咁cheap又咸濕定係因為比佢老婆長期逼迫壓抑到性格大變呢? 我覺得人人本性都係陰暗面，佢本來唔多唔少都會有，但如果唔係裘千尺咁癲，佢係唔會變到咁的。不過係書中佢嘅表現真係cheap左d...另外，書入面有提過佢要娶小龍女兩人相差廿幾歲，好多人覺得有問題。各位睇睇而家社會...d有錢人同埋明星...哈哈。

耶律齊 -- 好想講下佢。雖然書入面寫到佢係年輕一輩之中差不多最叻，又靚仔又打得性格又穩重聰明，但係因為要湊數夾硬講佢鍾意郭芙實在係佢呢個人物嘅一大敗筆。不過轉念一想，其實都無話好唔合理嘅，佢叻都好佢都係一個男人，郭芙幾蠢幾刁蠻係一回事，佢欣賞美色係另一回事，何況人地呀爸呀媽有錢有權有勢，娶佢都係一個好選擇。

金輪法王(國師) -- 雖然書中多次講佢武功智謀好強，而佢都真係好強，但比起好多"大佬"，佢真係無咁"大佬格"。何講"大佬格"其實應該無乜定義，不過我自己以前都有提過好多，除左"強"(其實呢樣任作者講)，最緊要係營唔營造酊恐怖感、絕望感，有無充分顯示出boss嘅氣魄。我成日都話，好多漫畫嘅前期boss係有feel過後期嘅，例如幽白嘅戶愚呂弟、龍珠嘅菲利、One Piece嘅沙鱷...etc。神鵰入面我覺得李莫愁嘅bosss格仲強過金輪少少(起碼一開波已經營造左佢個恐怖感)。新修版神鵰唔大改動，係幾個位增加左描述，其中一個就係金輪同郭襄嘅師徒之情。個人覺我雖非蛇足，但又唔覺加左有好幾多。

故事入面，楊過小龍女多災多難，最令人感受深同埋氣氛營造得最好嘅一段，我覺得係佢兩人經歷多番離合、重傷、中毒之後，諗住終成眷屬，點知又又又中招，小龍女毒入內臟無法得治。用左一段篇幅寫兩人重回古墓，化妝換上嫁衣一段，佢地強顏歡笑，真係好淒涼。呢段真係好表達到果種絕望同哀傷...另外，其實睇返楊過呢d喧至情至性嘅人痴痴等十六年，到到知道南海神尼係流嘅，再到絕情谷等過十六年，再癲左跳落崖，其實幾令人動容嘅。而郭襄跟住落去果下，我覺得佢出場雖然遲同篇幅唔多，但都好做到佢都係情感極強烈嘅感覺，比起天龍八部游坦之跟住阿紫落去嘅震撼強得多。

不得不再提N年前曾經少過內地劇集，個一燈講南海神尼碌大對眼好誇張個樣，明明書入面係黃蓉講再問一燈，一燈唔想講得咁明只係嗯嗯嗯...真係要一講再講，內地拍金庸除左硬件好之外其他野都唔多得。

其實要講金庸小說，寫篇論文甚至出本書都唔夠講啦，不過呢d少少字嘅短篇閱後報告係度都夠皮了。唔係咩文豪亦無grammer check，匆匆邊諗邊打完就算，係咁啦~

完

十一月五日 -- 愉景灣

30/10(一) -- 出site收工返企夜晚C煮。

31/10(二) -- 收工去羽毛球班。

1。今日羽毛球班教同練習左d步法，跟住練殺波。講返打波，之前都講過好多時球感距離感除左天生好唔好d之外，練習都佔好大因素。上左咁多堂之後，感覺到自己睇準個波來打個感覺係有進步嘅，尤其係一向完全唔擅長嘅正手同接高波，而家打唔中嘅情況少左。咁當然接波打返去嘅控制仍然係唔太好啦~

2。再記: 打波要: 轉腰，轉肘，肘向前先揮臂同揮拍打。

3。不論係打直線定斜線，其實都係一條直線，好單純。

1/11(三) -- 收工返企夜晚C煮。

4。今日攰到沖完涼B訓之後我開第2機衫就訓左，竟然真係可以差不多12點自己醒左晾衫再訓。

5。多左會打Mario Kart嘅新同事。同埋竟然有會打鼓嘅新同事。

6。最近因為太攰無精神所以無砌模型。又唔想成日只係碌電話，所以又借返書來睇。金庸新修版最後幾套未睇，而家又再繼續。

2/11(四) -- 收工返企夜晚C煮。

3/11(五) -- 好攰安排出site早d收工，返去TKO同CB係將中食完野，C帶B去游水補堂，我去拿藥問寬頻再返屋企沖涼先。

7。聽到來緊新project買賣搵consultant做，如果真係的話登時鬆少少口氣。

4/11(六) -- 差不多中午先臨時決定去愉景灣。搭地鐵去欣澳再轉巴士去。因為走車所以去愉景灣廣場再去愉景灣北。終於去到個小教堂。呀B係度唔帶眼行路撞親個頭。食左野行左個圈返返愉景灣沙灘，玩到入黑就走。都係巴士轉地鐵。返到將軍澳買外賣返企。

5/11(日) -- Connie生日快樂...朝早打波8-10天晉。今日試下唔就住腳來打波，都勉強OK，一定有少少扯住，本來已經慢嘅腳步一定更加慢的了。總算有努力地不停跑步走位同追住防守。三分一球都唔入，二分都入到少少嘅。同佢地食完野之後買外賣返來沖涼，老豆過來同佢執d野。呀B下午終於肯訓陣，我訓唔到。夜晚過天晉食飯。

8。究竟憤怒定鬱結傷身d?

來緊:

11/11(六) -- Funeral

十月二十九日 -- Halloween前夕

24/10(二) -- 出site收工去SSP行一下，夜晚羽毛球班。

1。今日教殺波。重點係擊球點，如果以時鐘打棟咁睇，應該係大約1點-2點位打落去。自己問題一直係睇位，腳步要就，拍位要啱，最後當然揮拍距離同發力要練。今日個新助教講多好多步法，主要係睇位一步同兩步，都係最後右腳踏前。另外有關揮拍，無論想打去邊個位，其實都係好單純一個直線，只不過係向邊度嘅直線。發力主要係下臂同手腕已足夠，轉腰轉肘係轉正個方向。用腕揮拍打波要lock腕，去到要打個位就lock。

25/10(三) -- 收工返企前拿藥。夜晚C煮。

2。NBA今日(香港時間)開鑼!

3。是日C因為各樣壓力同挫折(B嘅行為同埋其他家長)爆煲而喊。

26/10(四) -- 收工返企夜晚C煮。天晉訓。

27/10(五) -- 收工去天晉clubhouse同B嘅同學仔同家長們BBQ。10點島散，返7座再過天晉訓。

28/10(六) -- 朝早好難得訓到10點9先醒，應該真係好攰。出門買埋外賣過七座。之後休息恰左下。5點幾再聯悉悉佢地，一齊食晚飯再去海邊行左個圈感受下halloween。散水後返7座再過天晉訓。

29/10(日) -- 打波天晉8-10，打得唔好。腳8899但都係爭dd。同佢地食完早餐後買外賣返企沖涼休息(訓唔到)，5點先我同B出去單車公園玩左轉，返屋企等等等呀C終於織左幾日織完個袋，出左去Parkside foodcourt食飯再去海邊行一轉返企。終於可訓返自己張床。

4。今日下午開始暈暈地，唔知係咪唔夠訓...

來緊:

十月二十三日 -- 好友爸爸

16/10(一) -- 收工返企夜晚C煮。

17/10(二) -- 收工去羽毛球班。

1。今日教網前。記: 手: 肘提起少少，拍向下，拍面斜上，睇準波落點放好位置等波落拍面，輕逗，唔好橫cut動作。腳: 不論正手反手，左腳輕印，右腳踏出，右腳向波。再記: 記得仍然揸好拍，母指可視乎情況放側。手輕握拍。

18/10(三) -- 出site早少少收工返企夜晚C煮+買左d串燒。

19/10(四) -- 收工返企夜晚C煮。快食完飯之後落去睇跌打+睇埋西醫。

20/10(五) -- 收工返尚德快食，跟住同B去游水補堂。我返屋企沖涼先。

21/10(六) -- 今日臨時約左悉悉一家。朝早起身煮個麵食早餐之後突然好攰，再訓覺。12點半起身，到差不多2點出門食個tea，跟住入悉悉家。玩同打邊爐到夜晚9點島走。

22/10(日) -- 朝早打波8-10天晉。今日叫正式真係打，腳感覺有8899卜過都係少少扯住同埋打完會有少少少少痛，打就都打得算係咁，入到下波。之後人佢地食完野買外賣返去再沖涼，休息一下(無訓)B婆婆同舅父來竹我地入西貢hea同見下Almond。恰左下到6點島出返TKO，牛大人同壽司郎理所當然地好多人，最終去左尚德壽司店食，再去迪卡龍買左對羽毛球鞋後散水。

23/10(一) -- 朝早同呀媽同B去寶康公園玩，呀媽hea一陣走先，C後join。中午係寶林食飯，之後返天晉。我返七座放低野同執下野再過去。夜晚食埋飯返。

2。呢排夜晚都好攰無砌模型，成日係度碌電話。唔想碌咁多，所以去開圖書館順使借左新修版神鵰，攤係度睇書好過睇電話。

3。好友爸爸早幾日開始轉差，都唔知點安慰。今晚走了。RIP，take care。

來緊:

26/10 - 1/11 -- 呀媽去旅行，暫時起碼26-28要去天晉過夜

27/10(五) -- 好似B同學&家長們話來天晉BBQ

十月十五日 -- 身心狀態俱低迷

9/10(一) -- 估唔到8號波掛到11點40。提早少少出門買外賣返公司食，機照打。下午出site早少少返。同CB去行左圈超市先返企食飯。

1。今日終於來左個新teammate。(不過未有機會見到)

10/10(二) -- 收工去羽毛球班。

1。今日繼續練少少步法同埋揮拍。正手好似打好左少少。高波都係未掌握到距離感。記: 揮肘連腕出。儘量睇定d個波再打。

11/10(三) -- 收工返企夜晚C煮。

2。是晚剪左髮。

12/10(四) -- 收工返去本來打算出去食，最後無。我出去買外賣返去。

13/10(五) -- B放假一天，我都拿左假。朝早比預期晏左出門，先係屋企附近食早餐，本來我suggest去茶果嶺海濱公園，C話不如去葵芳新都會果個公園玩，於是去果邊。先去SSP特賣城行下買野，再去葵芳，點知原來個公園裝修，無做功課。行下葵廣同掃小食，好耐無行過了。之後都係返返茶果嶺海濱公園玩，都幾大幾多野玩，呀B好開心。5點島返TKO趁早唔多人食荳子冰室後返企。

14/10(六) -- 中午同CB呀媽一齊食野，之後下午一齊去B學校親子日玩下遊戲。玩完返天晉。我同C去寶林refund同行一圈，再返天晉。我恰左陣，夜晚食埋飯返。

15/10(日) -- 將軍澳體育館8-10，隻腳好似好返d試下打，跑步都還好，跳同急爆急停都係唔得，又唔敢同人對腳有咩碰撞。無咩表現之下，幾場波竟然都入左好幾球三分。打完波去坑口食野之後返TKO買外賣返去。沖完涼恰完，同CB去Megabox。食完Ikea行完例牌野8點零搭車返去。

3。幾晚無開冷氣訓，雖然日頭都仲熱熱地，不過終於叫入秋天氣有少少轉涼。

4。腳硬係爭d。

5。呢排好攰好無精神...

來緊:

表弟唔記得邊幾日來睇裝修

月底呀媽旅行我又要過天晉訓

完

十月八日 -- 九號波

3/10(二) -- 收工去羽毛球班。

1。今日教正手挑波，之後試埋反手。暫時留意到嘅點: 右腳踏前，左腳腳尖向前。右手塊拍同開波似，唔好心急等佢到低d位置先向前打。一向都係正手苦手，之後試反手好順，唔知點解由開始打羽毛球反手已經好順手。

4/10(三) -- 出site收工返企夜晚C煮。

2。同呀古買左玩具交收埋。

3。連續幾晚夜晚狂發夢，訓得好差。

5/10(四) -- 收工返企夜晚C煮。

6/10(五) -- 出site收工返去同B係樓下同尚德玩一陣，之後買外賣返屋企食。

7/10(六) -- 朝早同CB去排隊睇醫生，10點C去家長會，我同B睇醫生。10點半島睇完，同佢係屋企附近行下同玩，到1點島C先返來，去左Parkside Foodcourt食飯。食完返企沖涼訓左一個下午。夜晚食完飯之後我好快又昏迷。

4。反正陪B等睇醫生，我都排埋。其實腳一直都爭d，不過感覺都係發炎，可能食下消炎藥都OK，起碼唔使錢丫...

5。可能因為攰，可能因為食左藥，狂訓...

8/10(日) -- 天晉8-10，都係hea射下波。之後同DerekTommy食野再買外賣返屋企。沖完涼同B hea一陣又訓。訓到5點島起身執下野，夜晚C煮個粉又一餐。

6。是日5點幾掛8號波，7點掛9號波。

來緊:

13/10(五) -- B放假一天。

14/10(六) -- B學校下午親子日

完

十月二日 -- 中秋

25/9(一) -- 收工返企夜晚C煮。

26/9(二) -- 下午放假，去北角同源CB食晏，之後一齊去探民媽。探完返企夜晚再出去羽毛球班。

1。開高波差不多成型。回高波，隻手舉直時拍面向前，要預啱腳步及位置，習慣性啱啱打到。

27/9(三) -- 出site收工返企夜晚C煮+我買串燒。

28/9(四) -- 出site收工返企睇跌打。夜晚C煮少少+我買串燒。

2。原來呀哥佢地移英一年了。

3。終於由頭睇完一次漫畫鋼之練金街師。一向對於要追返好多進度或者由頭睇完嘅漫畫會比較無心機，除非好好睇。呢套真係佳作，令我好快就睇完。雖然有29本單行本不過由頭到尾節奏都好快又唔拖，劇情一步步去有晒鋪排。人物設計同性格都鮮明，幾個主角配角都有成長。敵人設計都各有特色，全部人物做事都各有解釋到嘅理由。會死人但唔會亂來，一直會出下新人物但唔會多到記唔到同埋無用。去到中盤同中後盤主角方分開幾方做唔同野再係約定之日會合分頭行事都寫得好有條理。個作者不論故事同畫功都好好呀。

4。C發燒。

29/9(五) -- 早收三點。返去同Grace交收之後睇跌打。夜晚過天晉食飯之後同CB呀媽出去海邊行下。

30/9(六) -- 無節目。中午出土瓜灣食左哥登堡，君威無開，熱又無去買燒賣，最後去左Sodamall行。返屋企5點島，好攰係屋企恰左陣。差不多8點去尚德食飯，再去單車公園草地玩一陣後返企。

1/10(日) -- 天晉8-10，今日hea打仍然唔係好得。打完同DerekSam食完野買返去，沖個涼就恰下。4點幾起身同CB呀媽一齊去沙田行下，去左Ikea食野行個圈，之後去新城市行出河邊睇下花燈，再行去沙田圍搭鐵返企。

2/10(一) -- 朝早起身10點幾出門去康城買飛，跟住食野行一陣，1點9睇Paw Patrol。睇完上天晉，夜晚食埋飯返。

5。Paw Patrol電影版 -- 小朋友戲，大人睇就少悶。

來緊:

完

九月二十四日 -- 腳未好

18/9(一) -- 貓生日快樂。收工返企夜晚C煮。

19/9(二) -- 收工照去羽毛球班，不過唔猜波齋學同練。

1。瘋狂練開波個副教又幫我執動作。記一下自己GET嘅重點: 根本係打側企。左手拿波時可以低少少，佢話放1點方向我覺得可以差不多2點。右手可以放低d。波跌低少少先打，個拍揮出去打中個波時係向前。

2。側身，拼步，殺波 (前後腳倒轉) (右腳踏前向右)。

20/9(三) -- 收工返企夜晚C煮。夜晚睇跌打。

3。咒術迥戰新一話55555瓜左。其實好難講合唔合理，不過就預左嘅...

21/9(四) -- 早收工返去睇跌打，夜晚C煮。

4。老叔公得病。希望早日康復。

22/9(五) -- 下午公司site visit去洪水橋，係天水圍散水。B夜晚帶去天晉食飯訓，我同C去康城睇戲食飯。

5。孤注一擲 -- 劇情幾straight forward，不過佢講詐騙講得幾到位，幾清楚直白，一般人睇完，有警戒作用。以戲論戲的話，節奏掌握得幾好。最後妣有少少主旋律，不過覺得唔少好多。

23/9(六) -- 朝早C帶B去上堂，原來最後一堂了。我去睇跌打，之後去寶林meet佢地食晏。食完返企沖涼B婆婆公公來左。hea到6點去稻香食飯(舅父join)同公公預早慶生。

6。因為屋企單野，呢幾日C不停執屋。不過次次都係咁，有事先執，平時唔執。一執就乜都唔理...其實好難攪。

24/9(日) -- 天晉8-10，今日都係hea射波唔敢打。之後同佢地食完野買野返來。沖完涼恰一陣去天晉，夜晚食埋飯返。

7。竟然無啦啦突然因為公事半夜扎醒，之後訓唔著。4點碌到5點先再訓。

8。原來老叔公胃做左手術。咁大年紀都仲做到其實本來身體都好好。

9。唔係我主要種嘅因唔想受果。要抵嘅你自己抵啦。

來緊:

26/9(二) -- 下午放假，同源去探民媽。夜晚去羽毛球班。

29/9(五) -- 早收三點。同Grace交收。夜晚出去行下。

完

九月十七日 -- 觀禮

11/9(一) -- 今日照返工，不過係街上行多幾步發覺麻麻地。收工返企夜晚C煮。

12/9(二) -- Sick Leave睇跌打，比醫師話我行(尋日無睇同埋返左工)。睇完食埋飯乖乖留家。下午訓左半日，晚飯C煮。夜晚聽歌砌模型。

13/9(三) -- Sick Leave睇跌打。C呀媽來。夜晚C煮。

1。得閒無事睇漫畫版鋼之鍊金術師(以前一直無完整咁睇晒)。睇左幾期單行本，真係佳作。

2。表弟突然正式話要來HK住。其實都預左嘅，係幾時姐。而家有少少趕，話12月要裝修天晉。呀爸呀媽未必搬得切。

3。砌左隻MG Gundam MkII Ver2.0。好耐無砌MG，好detail好靚不過真係大隻同埋多左水口，都係HG啱心水d。刮貼係靚嘅。

14/9(四) -- Sick Leave睇跌打。夜晚C煮。

4。得閒無事睇浪客劍心北海道篇。唔係話差不過真係主要賣情懷...整堆壞人出來，主角果邊集合返之前人物，之後都係一人一個咁打...

15/9(五) -- 收工返TKO，等B玩一陣天晉遊戲室後去尚德食飯。

5。迷宮飯完結撤花。好睇好完整。

16/9(六) -- 朝早係企hea，C同B去上堂。中午同CB同呀媽食飯。下午係企，C執屋，我同B玩。夜晚去Popwalk 2食。

17/9(日) -- 朝早天晉8-10，腳未好晒只係輕鬆走動同射下波，之後同DerekSam食完野買外賣返去。沖完涼訓一陣，下午去薄扶林伯大尼小突堂觀禮Candy結婚。夜晚返天晉食飯。

來緊:

完

九月十日 -- 開學/扭親/極端黑雨

4/9(一) -- 收工返企夜晚C煮。

1。今日朝早有單野突發要返上環HQ。等老細簽名時順便兜左下以前行嘅地方，買左皮蛋。泰國野、燒味、糖果舖已消失。

5/9(二) -- 收工join公司抽到嘅免費羽毛球班活動。由初步學起，感覺幾實在。到最後自由時間hea打時竟然扭親腳...勉強返到屋企。

2。估唔到自己扭親腳，輕鬆hea猜波都扭，應該真係個人身心俱疲，狀態低到一個點。

6/9(三) -- Nat生日快樂。呀B開學本來請左一日假。朝早去睇跌打等左好耐先開。睇完買野返來食少少之後沖涼敷藥，係屋企hea一日。好攰不停好眼訓。

7/9(四) -- SL。朝早睇跌打，係屋企hea一日。

3。今日B不停發癲終於都引到我都爆炸發癲。三歲定八十，無得救。

8/9(五) -- 本來SL一日，不過尋晚開始黑雨，竟然全日黑雨，極端天氣，停學停工，慳返日SL。係屋企hea一日。

4。睇左幾日FIBA，好睇過NBA好多。加拿大同美國輸，雖然算係爆冷，但我又唔覺得係大冷，人地teamwork真係好好多，有晒戰術。美國不停單打舍底又唔夠硬，其實輸唔算好意外。

5。腳睇左2次跌打，抖左3日，感覺有好好多。

9/9(六) -- 朝早睇跌打，雖然好好多，但行路仍然都係爭少少。下午C帶B去大埔Helen度夜晚食飯，可惜我join唔到。係屋企聽歌砌模型。聽返好多唱歌節目表演嘅舊歌, 發掘到d好唔錯。

10/9(日) -- 朝早打波天晉8-10，只係負責拿場同拍下片，唔敢打了。同Derek食完野返企。B訓完後過天晉，夜晚食埋飯返。

6。德國嬴冠軍。其實打得好，值得贏嘅。

來緊:

17/9(日) -- Candy婚

完

九月三日 -- 打風

28/8(一) -- 收工返企夜晚C煮。

1。Add到新同事IG，真係幾勁喎。

2。終於轉左歌list，今次幾乎徹底舊歌。

29/8(二) -- 下午病假。先去九龍灣拿報告，再去將軍澳醫院覆診。可能專科都幾快，唔算等好耐(少過一個鐘攪掂晒走得)。之後見無落雨，踩單車返企。夜晚C煮。

3。本來約TKO佬們夜晚踩車，不過鵬鯉臨時唔得所以cancel。

30/8(三) -- Physio915SSP。出site九龍城收工買d外賣返企。

31/8(四) -- 我地team SM Connie本來星期五last day退休，今日同佢lunch farewell。點知預估星期五打風，last day埋。下午出site收工返企夜晚C煮。

1/9(五) -- 打風放假一天。係屋企hea足一日，主要我陪B玩，其實好攰同悶。

4。B去poopoo痛到喊。仲話要叫消防員(同醫生)救佢，笑死。

2/9(六) -- 8號風球到4點幾。呀媽活動取消，所以臨時決定夜晚去天晉食飯。呀B要求所以臨時決定比佢留天晉訓。無戲啱睇加上我頭赤所以返企休息。

5。比B睇卡通片，所以有時間砌下模型...

6。聽同dl左好多50年live演唱嘅歌，不錯。有d堅唔識/唔熟。

3/9(日) -- 朝早打波天晉8-10。是日起身已經覺得自己身體狀態麻麻好攰，加上打打下腳趾痛(返企之後發現原來穿左襪磨到痛)，自覺表現麻麻。雖然都有入下波防守唔係防人地主攻手，不過有幾下應該打得好d但真係唔好，唯一有球值得一記嘅係有下clear blcok好應。打完波同Derek食野買外賣返企之後沖涼訓左陣，同B去左海邊比佢試下直排輪，5點零我走先，去灣仔meet Nathan食飯再睇波(香港金牛季後賽)，主場輸波被淘汰，不過氣氛比上次熱烈嘅。睇完返去尚德買夜市外賣。

7。C竟然食到煙頭...

8。Keep住有睇下FIBA大賽，好睇過NBA。日本幾勁，中隊真係幾廢...

9。N年前搭巴士係隧道口見到幾次嘅人名車牌FION NG竟然今日係TKO街上再見到~

來緊:

8/9(五) -- 1630 Physio

17/9(日) -- Candy婚

完

八月二十七日 -- 呀媽生日

21/8(一) -- 朝早Physio SSP。收工返企夜晚C煮。

22/8(二) -- 下午去整骨，搬左去上水。今次又有新野，懷疑就係抓龍筋，扯JJ都無事，揸春袋真係好痛，仲要持續一段時間，全身標晒冷汗濕晒...同之前一樣整完勁攰，搭巴士到觀塘轉車返企，無去九龍灣拿report了。

1。一早預左會攰，一早話左夜晚早d係街食飯返去沖涼訓覺。結果完全活係自己世界入面，煮飯煲埋湯，又係要等B好慢咁食完先有我洗碗倒垃圾(仲拿左湯過天晉)，結果好夜先有得沖涼訓。CLS。

23/8(三) -- 請一日假。10點幾同CB出門去SSP，行左特賣城同玩具街，2點幾食油渣麵再去綠林食埋甜品就搭車返TKO。去Aeon行陣買野返企放低晒d野，去天晉遊戲室比B玩一陣，佢地返企我去買外賣返去。

2。超級攰，沖完涼一陣就自己係房訓左。11點幾醒熄晒d野再訓。

24/8(四) -- 收工去灣仔meet呀媽一齊食野(用卷好抵)，之後去修頓睇波。由於都幾多Foul同埋有d球員唔太好波，所以會有少少悶。9點9島散場。

3。真心覺得如果唔計身材，打開嘅某d波友球感球商同球技好過有d落場比賽嘅球員。

4。最近d新聞+睇炎拳+自己週期性嘅情緒令到自己心情好差同忐忑。

25/8(五) -- 呀媽生日。出site收工返TKO同呀媽去海邊食飯慶生。

26/8(六) -- 朝早C同B去寶林上堂, 我去睇準備蛋糕嘅野。中午我買外賣，食完呀B恰一陣我整左果個蛋糕。下午我帶B去寶林整Pizza。C臨尾來join，佢帶B上天晉，我返七座拿蛋糕過去。夜晚食完飯食埋蛋糕返去。

5。抽錢蛋糕總算完成，勉強都算順利。

27/8(日) -- 打波天晉8-10，今日雖然有d場芍住勁人被炒，但都有以弱勝強嘅一場，雖然我進攻無大貢獻，不過Mark呀泰同協防Derek都算係咁，而且有一球致命拉開嘅三分。打完直接返企沖涼，之後去稻香同呀媽CB舅母同表姐飲茶。飲完散水之後同CB去寶林小童群益會遊戲日。玩完我自己去坑口meet老豆同佢拿眼鏡，拿完我返七座放低野同攸少少家務後再過天晉，食完晚飯返。

來緊:

29/8(二) -- 下午醫院覆診

30/8(三) -- Physio915

31/8(四) -- Connie farewell lunch

17/9(日) -- Candy婚

完

八月二十日 -- TKO中佬踩車團成行

14/8(一) -- OT screening，之後返TKO自己買d野食返企，9點島先食。

15/8(二) -- 收工返企夜晚C簡單煮。超級眼訓同攰。

16/8(三) -- 收工返企夜晚C煮。之後出去同LoLo鵬鯉係TKO踩單車。夜晚幾焗無乜風。係大橋中間吹左陣水，Lolo係康城先脫隊，我同鵬鯉去尚德買睇下，我買左野食返去宵夜。

17/8(四) -- 出site收工返企夜晚C煮。

1。太攰，9點幾訓左。B又癲。

18/8(五) -- 公司Annual Din。9點半島抽完獎即閃晞同Lolo一齊返。當然我係抽唔到咩獎啦。

19/8(六) -- 朝早同老豆去配眼鏡，比想像中順利。之後過寶林同CB食飯，返企抖一陣。下午4點島Grace一家上來拿BB野，再一齊拿去佢屋企。夜晚我地自己一家係坑口食泰國野後返企。

20/8(日) -- 打波天晉8-10。同Derek Jack食完野後買野返去，沖個涼休息一陣，2點零馬一家來，去天晉遊戲室玩，再上我地家玩。5點半島散，我地上天晉食晚飯。

來緊:

21/8(一) -- 1000 Physio

22/8(二) -- 1400正骨

29/8(二) -- 下午醫院覆診

31/8(四) -- Connie farewell lunch

17/9(日) -- Candy婚

完

八月十三日 -- Up & Under

7/8(一) -- 出site收工上C娘家食飯。

1。B行路企係度也訓著。

8/8(二) -- 慈雲山收工，去寶林同CB食燒肉。

2。姨丈一家全部返晒去，老豆都返天晉訓。

3。B係商場無啦啦話要跟爸爸去廁所一野衝入男廁，好彩只係門口附近姐~

4。剪(剷)左頭髮，今次有少少唔同。

9/8(三) -- 收工返企夜晚C煮。

5。公司URFS單野似乎幾勁，今日MD都落埋去KCNC。

10/8(四) -- 收工返企夜晚C煮。

6。戰國妖狐動畫化！

11/8(五) -- C約左人食飯帶埋B。我收工去觀塘幫呀媽拿野，之後過北角同BenHerman食飯。

7。Lunch Candy來拉我同Ansel食飯派帖(不過Ansel唔舒服無join)。

8。試左一晚唔開冷氣訓，都唔太差。不過爭少少始終都係開好訓d。

12/8(六) --  朝早我帶呀B去上堂，呀媽都一齊來。呀C之後來寶林join食飯。返TKO後Trista帶悉悉來同B去天晉遊戲室玩。玩到咁上下上我家玩，我攰到係廳恰著。夜晚7點幾呀勇來尚德一齊meet埋食壽司後散。

13/8(日) -- 天晉打波8-10，今日射波不錯仲入左幾球三分，仲出到自己練嘅up & under轉過左Derek，可惜finishing果下入唔到。另外，有一場大家苦戰贏Derek都開心的。打完波同佢地食完野返屋企沖涼，C帶B去同佢同學仔去天晉遊戲室玩，我沖完涼hea一陣做完家務過去後join。散水後上天晉，夜晚食埋飯返企。

來緊:

18/8(五) -- 公司Annual Din

21/8(一) -- 1000 Physio

22/8(二) -- 1400正骨

29/8(二) -- 下午醫院覆診

31/8(四) -- Connie farewell lunch

17/9(日) -- Candy婚

完