四月七日 -- 左腳又痛

3/4(三) -- 腳好痛。3點收工返去睇跌打。夜晚同ConnieLolo一齊食觀塘同Penny食飯慶生。

1。朝早起身隻腳已經痛，硬住頭皮direct site，點知之後仲要去律師樓。返到公司痛到流冷汗。睇完跌打好少少，夜晚出去食飯又要行(雖然唔算多)，不過好似齋坐都痛咁，夜晚食完返去已經痛到唔郁佢都痛。

4/4(四) -- 清明放假一天。全日係屋企抖，唔知點解極眼訓，9點幾先起身，食完野hea下hea下又訓，中午、晏晝都係撳一陣電話就恰著，訓左大半日。不過腳有好d。

5/4(五) -- 晏晝早收返去睇跌打。夜晚叫外賣譚仔。

2。Martin星期四晚踩車比電動單車撞炒起入院。

6/4(六) -- 朝早C帶B去上堂，我係企抖。中午同呀媽出去meet埋CB去左Popwalk2食晏。下午呀媽幫我買餸，夜晚我煮左2樣野。(其餘呀媽煮)

3。好耐無下廚，似乎都無大退步。始終自己煮嘅野啱食d。

7/4(日) -- 朝早天晉打波8-10，隻腳唔掂只係行行企企。同佢地食埋野返企休息陣，中午落去同呀媽CB食少少野，佢地去行，我返企沖涼訓覺。夜晚C煮。

來緊:

13/4(六) -- B商演。呀媽返鄉下。Derek飛台睇Concert唔打波。

14/4(日) -- 朝早天晉打波8-10。

完

四月二日 -- 復活節假期北上

25/3(一) -- 本來有site出，不過有野趕，無出去。收工返企夜晚C煮。

26/3(二) -- 出site收工返去買外賣。

1。砌puzzle工人怪。

27/3(三) -- 收工返企夜晚C煮。

28/3(四) -- 出site收工返去屋企附近食。

29/3(五) -- 同ConnieLolo係將軍澳酒店食Lunch buffet。之後2點meet悉悉一家一齊去西九搭高鐵上SZ，人多少少不過都唔算好多。上到去酒店check-in未有房，擺低行李去對面商場食椰子雞。夜晚宵夜去左買串燒。

30/3(六) -- 晏起身，酒店早餐食少少，之後出發去CocoPark。都係行下商場飲飲食食。夜晚提早少少返去，都排左一段時間，食到白玉串燒。夜晚無去宵夜了。

31/3(日) -- 起身食左早餐之後check-out擺低行李，去個唔記得咩商場，有得睇下動物，不過area比想像中細。中午食吳莊，好食又抵食。夜晚食埋飯先走，食左間海膽嘅都OK。經福田口岸返，都係人多少少但又唔算好耐就過晒關返去。

1/4(一) -- 朝早打波Monterey 8-10。之後同佢地食完野返企，同CB呀媽一齊踩單車。B雖然停低休息左2次，不過總算踩過到大橋。還車後行Donki食雪糕再去食tea，食完返企B又踩，我追左佢去單車館另一邊先再返企，攰到爆。返企沖涼叫外賣，食飯前恰左一下。

2/4(二) -- 補假一日。朝早起身全家一齊去柴灣拜山。唔係清明正日又唔係前後嘅禮拜六日，竟然無架特別班巴士，的士又長龍。結果等左幾班van仔上去，再行返落來。老豆返企先，呀媽去灣仔入境處整野，本來打算一齊係灣仔食野，不過B訓著左，lunchtime又多人，所以一齊返TKL食野。返企玩一陣，我同B去上Ballet。夜晚外賣自取。

2。左腳後腳跟夜晚開始痛...

來緊:

完

三月二十四日 -- 連續返工

18/3(一) -- 一起身頭赤赤，返工清咁d野，下午病假。

1。婚後事 -- 做咗3個禮拜，終於來到結局周。頭果個禮拜實在太精彩，顯得中段好似無咁強勁。前面真係有幾集睇到好緊張，時間過得好快。中段其實都好睇，只不過同個頭比較無咁犀利姐。來到今集，節奏突然快咗，同埋真係好真實！真實到令人起雞皮毛管戙，睇到有d sad又有d共鳴。不論係講緊個社會工作身份育兒相處各方面都真到令人覺得驚。

呢套劇其中一個特點係同一件事會用唔同觀點去呈現多過一次，但如果有留意細節，同一場景入面d家私道具服裝臺詞甚至語氣都會唔同，顯示出唔同人唔同心態唔同環境嘅感覺可以爭好遠，亦都好多嘢無絕對嘅對錯。講過好多次，值得一睇。

19/3(二) -- 出site收工返企先，去接B放興趣班，再一齊行去地鐵站散。去CWB楓林小館中同聚(家昇皇帝擇茄BenEdgar)仲叫埋Miss古，同家昇farewell。9點半島散。

2。估唔到擇茄返左HK，同埋原來有白事。散水之後同佢係北角傾左陣先散。

3。雖然係同家昇farewell，但大家都好自然地係請Miss古食飯。

4。婚後事 -- 今集我覺得最深刻嘅係講照顧者同被照顧者。真係2個都無錯。

20/3(三) -- 出site收工返企叫外賣自取。

21/3(四) -- 收工返企夜晚C煮。

22/3(五) -- 出site收工返企叫外賣自取。

5。婚後事 -- 大結局。最尾2集要收尾，又要交代，所以多左口水說教。不過整體來講都不錯，最後都OK交代都d人嘅關係同結局，同埋有講少少生死生活嘅野。我唯一唔係好接受嘅，係馬壯同Yoyo一齊過之後又同羅仲謙做得返兄弟。TVB來講算係難得一套好劇。

23/3(六) -- 呀媽返來。朝早同下午湊B上興趣班。下午meet左一下新奇一家，同佢地去左天晉遊戲室。4點去QC Open Day meet呀馬一家。6點島走，同佢地食拉麵後走，竟然係QC外面遇到Miss古。

24/3(日) -- 天晉打波8-10。打完之後同TommyNorman暉一家食野。之後買外賣返企。下午同B踩單車到康城再踩到Donki食雪糕，之後返企抖。夜晚叫外賣。

來緊:

29/3(五) -- Lunch buffet

29-31/3 -- SZ trip again

完

三月十七日 -- FS

11/3(一) -- 收工返企夜晚C煮。

1。逼我裝廁所板，好攰。

12/3(二) -- 出site收工返企叫外賣自取。太眼訓係車度訓著，醒果時叫壽司郎，之前一直睇開將軍澳店，但係車定位自動link up左坑口店，加上好眼訓無留意，結果order左坑口店...

13/3(三) -- 康城收工，同Winnie行返TKO。夜晚C煮。

14/3(四) -- 出site睇邨返企夜晚C煮。

2。B發左6日爆，C今日都發埋燒。

3。今日第一次同B一齊沖涼。

15/3(五) -- FS，收7點，同鵬鯉快食個飯返企。

16/3(六) -- FS，收7點，返去買外賣食。

17/3(日) -- FS，收4點幾，收工去寶林行個圈再返企。夜晚叫外賣自取踩左單車。

4。好開心真係唱到K！話說尋日12點做完一隻，突然收到order點半鐘有appointment，不過如果呢d機會唔去唱，平時真係無機會，所以即使得一個鐘都照去！(之後有返去唱多陣) N耐無唱，預咗無乜狀態，(同埋應該永遠唔會返到最好狀態了)，不過感覺係好過上次。同埋可能真係開心，唱得比較無咁拘謹 haha。雖然成日話想唱K，但真係去到又唔知唱乜。是旦諗到點乜就求其撳。雖然唔算唱咗好耐，不過已經過到癮了！真係要多謝陪我唱嘅朋友！咁趕都陪我癲！

5。極攰，10點島咩都未整未熄就訓著左。

來緊:

19/3(二) -- 中同聚

29/3(五) -- Lunch buffet

完

三月十日 -- 飯戲攻心2

4/3(一) -- 出site收工返企夜晚C煮。

1。收工係彌敦道塞車，我都知自己實係黑仔，如果唔落車就等好耐，落車就會好快郁返。結果係等左一陣落車，行前一段路果然就通返(見到架波子車尾當爛左)。後2站等返原本架巴士，司機唔認得，都係比返錢。好彩只係比多三個幾。

5/3(二) -- 出site收工返企夜晚呀媽煮。

6/3(三) -- 公司training overrun到6點半先係IB2收工，返企夜晚C煮。

7/3(四) -- 康城收工順便換埋戲飛。收工返企夜晚C煮。

8/3(五) -- FS cancel; 出site收工返去買外賣。夜晚同C踩車去康城，食糖水同睇飯戲攻心2。睇完踩車兜大橋返企。B發燒。

飯戲攻心2 -- 終於睇左。絕對無網上d負評咁差。首先，未睇之前，就算唔睇網上評論，都預左無1咁好睇。第二，睇trailer都知唔會玩(得)返1玩果樣野，亦都做唔到。第三，無左黃子華對我來講唔會特別覺得好左或者差左，因為我覺得1唔只係睇佢。不過佢唔肯拍令到個劇本要寫到無左佢，就算點解釋都係爭d。玩返上集某d原素、一個笑料出超過一次、一套戲兩場婚禮，我又唔會覺得好重覆或者好"cum"，發生嘅事同尷尬位都唔同。人物多就真係雜左少少，不過你話個個人發揮但浪費左同埋營造不足咩我又唔認同，由始至終都係focus係主角5人組度，即使出左好多人都好，都係用來令主角更立體，而佢地就真係唔使太多太立體。Overall來講，就真係同1無得比嘅。2個格局大左但係反而無左1果種6個人3餐飯激起嘅火花，我會將2睇成 -- 1嘅角色後續故事+賀歲輕鬆熱鬧戲。唔算太差啦。

9/3(六) -- 呀媽返鄉下。朝早B低爆好好多，唔上跳舞堂。我湊B上之後果d班。下午上完堂就返企沖涼叫外賣食，夜晚早休息。

2。今晚又返返自己房，兩星期。

10/3(日) -- 天晉打波8-10，腳唔是好得，所以打得唔好。不過竟然有一球右手crossover去左手推進直鏟入籃底layup，又有一球三分。同佢地食完野之後買外賣返去，沖涼休息。夜晚叫外賣，話到但無，再叫唔知等幾耐，我落左街行一轉唔見張單，買d飯團比B。返來係樓下見到人送我地張單。夜晚食完再沖涼，今日沖左三次。

來緊:

15-17/3 -- FS

19/3(二) -- 中同聚

29/3(五) -- Lunch buffet

完

三月三日 -- 兩家深圳之旅

26/2(一) -- 收工返企夜晚C煮。

1。突然被擠壓情緒爆煲。

2。新劇婚後事可觀性幾高，題材好似幾現實，演員配搭同演技都OK。不過太負面可能會睇得辛苦。

27/2(二) -- 收工返去買外賣同埋睇左醫生。

28/2(三) -- 收工返企夜晚C煮。

3。婚後事 -- 故事一直推進，三集都用唔同角色嘅觀點出發，編得幾好。人物關係交纏得來都合理，而牽起離婚事件嘅"出軌"真相仲未完全披露。暫時覺得真係拍得唔錯。

29/2(四) -- 出site係紅磡收工返企，夜晚C煮。

1/3(五) -- 放假下午同呀媽去黃大仙。夜晚我買外賣。KWSSP

2/3(六) -- 朝早10點零出門meet埋悉悉一家一齊去西九搭鐵去福田。飲飲食食行下商場。

3/3(日) -- 朝早比B同悉悉玩playhouse。下午去行下街。夜晚早d食埋先返企。

來緊:

8-10/3 -- FS postpone?

19/3(二) -- 中同聚

二月二十五日 -- QCOBA籃球賽

19/2(一) -- 開工大吉。C同B下午入康城睇戲，我出site收工入去搵佢地食飯先返企。

1。收工返企先再去康城，踩單車過去，中途跌左電話，好彩好心人執到，打電話去接左，係中途比返我。

2。呀B愈來愈曳，愈來愈嘔心。

3。NBA ALLSTAR GAME 一如所料般垃圾。

20/2(二) -- 因為仲有一張戲飛要用，所以收工我自己入康城快食d野再睇戲，睇左"臨時劫案"。同LoLo一齊收工入康城，meet埋Connie一齊係敏華快食個飯，之後睇戲。睇完本來想踩單車返去，最後搭左MTR。不過應該都係單車快好多...

21/2(三) -- SSP收工，咁啱見到翻貨，等左一陣，可惜都係爭一盒先齊，明明見有一棟都唔拿出來。收工返企夜晚C煮。

22/2(四) -- 出site收工返企夜晚C煮。玩具店唔見想要嘅野。

23/2(五) -- 呀媽返香港

24/2(六) -- 朝早呀B上堂到3點幾，之後去北角meet埋呀源探黃媽媽。4點9島散水，我地再去搵表姐拜年。之後返TKO同呀媽一齊食飯，再去單車館睇花燈。

25/2(日) -- 朝早天晉打波8-10，唔記得左中學舊生籃球賽，所以唔join (打左一場)。9-13返中學打波。人地隊隊十幾人而且好fit，我地得7人而且第一場就傷左Pierre...最後三場波都輸晒。(而我竟然係隊中得分王，又入罸球又入中距離仲入左2球三分)。之後無同佢地食飯，返TKO買外賣返去。食完之後好唔舒服，唔知係咩事，又痌又嘔，好彩捱到沖完涼，之後好暈盲訓左。夜晚叫外賣。

來緊:

2-3/3 -- 同悉悉一家深圳之旅

臨時劫案 後感

臨時劫案

首先想講下，香港人真係好難服侍。已經見愈來愈多人講，而家d人評論一樣野(戲又好歌又好咩都好)，無該有嘅認識同水準、純主觀願望(只要唔係自己expect嘅野就係唔好)、甚至係個人喜惡行先。唔多想derive總之都幾不知所謂。

**********

講返套戲，又係慣性先結論，係幾好睇嘅。之前有睇過少少影評，知道唔係喜劇，唔係平時嘅賀歲片，算係黑色喜劇吧。

全套片個節奏掌握得幾好，無乜冷場，我仲睇到好緊張(reply圖有自己緊張抓自己嘅痕跡)。不過正因如此，其實我睇到有少少辛苦。

對於一向睇生死睇得重嘅我來講，睇到個人精神好繃緊，加上呢個黑色喜劇個底係悲劇來，會睇到有d唔開心添。

劇情玩少少荒謬+社會問題+中年危機+巧合+錯摸，幾條線分開到最後匯合為一條有少少杜Sir feel，雖然真係有好多巧合但呢d無話唔合logic我覺得係可以接受。我一向覺得只要係果個世界觀合logic就OK，跟到個logic就係合理(但合logic同合理係2樣野)。呢套戲我唯一一個唔明嘅地方就係呀輝一直辛苦死守嘅老人院原來最後轉個手就解決左，點解唔一早轉手呢?

演技來講就真係叫個個都OK，就算配角都好恰如其分，有d可能未必咁好戲嘅就做d易d嘅角色，所以全戲都無乜演技尷尬位。林家棟任賢齊John哥...etc都無乜好講啦，一定交到貨，呀黃就真係不錯，雖然佢之前已經拿過影帝，但我一直都覺得佢都係爭d。呢套我就感受到佢除左外型同角色都係突破之外，佢係有用心去演同埋無太大力去演嘅。

唔識都唔想講太多了。

唔錯幾好睇值得去睇的。不過想開開心心輕輕鬆鬆就唔好呢套了

完

二月十八日 -- 回鄉+C生日

11/2(日) -- 朝早出門去西九搭動車，到深圳北轉車上晉江。呀媽同司機接我地返去，都已經7點幾。食完野比B夜下煙花就休息。

12/2(一) -- 朝早起身去左無動力樂園比B玩左一朝。新奇一家同我地meet埋一齊玩到中午去隔離個商場食飯。食完飯行左陣商場同超市，我地返去轉同新智一家同櫻莉去另外一個公園(4點幾5點先meet)，玩一陣係果度食少少野到差不多夜晚就返去。

13/2(二) -- 姨車我地同呀媽去洪溪(老豆鄉下)，食d野經過睇下閩南傳統嘅野，就上返呀媽鄉下果度嘅靈秀山金相院，再落返以前舊居。夜晚返屋企食野。沖完涼呀姨帶我去睇左個跌打佬。敲左幾野再拔罐敷藥，無乜料到。

14/2(三) -- 朝早送花。呀姨車我(連埋呀媽CB)去醫院，睇左下醫生抽左血同拿藥。中午meet晒2個表弟2家人同姨丈一齊飲茶。之後呀姨同呀媽CB去玩，新奇車我去另一個跌打佬度，佢同支野篤我腰，好似有好少少? 之後新奇車返我去永寧古城join呀姨佢地(佢走先)，再去左施琅像之後返企。食完飯沖完涼又去返跌打佬一度，佢敷塊萬年布來照燈，之後都係敷藥，好似都係無乜料到。

15/2(四) -- 朝早新奇一家帶我同呀媽CB去五店市行下，之後過萬達玩一陣，再去SM商場食飯，然後係果舍商場玩左好耐遊戲室。到4點幾5點玩夠，返去經過跌打佬2，又篤左我腰好痛，之後再整我隻腳，今次真係有好d了。整完都係好快，一齊上新奇屋企settle一下，夜晚落仍屋企樓下食串燒，之後仍車我地返企。

16/2(五) -- 朝早上天台玩下風箏，11點半就出門，司機車我地去廈門，搭直通車到西九，返到屋企差不多8點了。

1。封咗幾年關，終於有機會返鄉下。終於有機會帶阿B返去。可惜今年少表兄弟姐妹一齊返去，無咁熱鬧。

2。可能細個幾乎年年都會返去，所以鄉下對我來講都係一個舒服嘅地方。雖然經過咁多年好多嘢都變咗，但對我自己來講感覺好自在。(當然對B來講好新奇，對C來講就陌生)

3。好可惜今年臨到年尾幾日隻腳突然好痛。係香港只睇得切一次西醫，兼且食消炎藥都無乜用。多謝阿姨帶我睇跌打又睇醫生終於最後搵到個搞得到嘅。不過幾乎全個行程都係痛住去...

4。除咗頭一日凍dd，之後幾日都好好天氣好好太陽仲幾熱下添。不過對於旅遊同影相來講就fit晒。

5。同表弟講開，大家都覺得其實自己覺得點都無大所謂，最緊要係小朋友開心。阿B就真係玩得好開心嘅，地方又大，又玩到好多未試過嘅嘢，又有表哥表姐好多伴同佢玩。我以前細個返去，環境無咁好但都係好開心，其實有咩玩都唔緊要，最緊要係伴啊。

6。好耐無試過離開香港咁多日。雖然返鄉下都唔算係d咩trip，不過都好開心。返到來香港都好無真實感。

7。多謝阿姨姨丈同埋兩個表弟安排飲食遊樂車出車入，我幾乎可以放空腦袋做個殘廢就得。

8。出發前總會膽心阿B呢樣果樣，總算都ok。只係塊面起左敏感。

9。返到屋企，最開心嘅係瞓返自己床，最舒服嘅。

17/2(六) -- 中午出門去沙田meet呀娟同MandyThomas，係樓下一齊食晏(呀源朝早唔舒服臨時唔來)。之後上娟屋企hea，夜晚係樓下食大牌檔後散水。

18/2(日) -- C生日快樂。朝早8-10天晉不過我打唔到波。11點係北角同C親戚團拜。散水後行左下北角例牌之後返企比B訓一陣。夜晚出Monterey果邊食西餐，C唔太開心個waitress。食完買手搖返企再切蛋糕。

10。講少少腳傷。基本上係腳痛住來過年同返鄉下，好彩唔係頭果2日咁痛。最後整腳果下先係最有效，之後開始好起來。隊腰果幾下到而家個位都仲有痛，早2日仲keep住有腳痺，不過隨住無咁痛又會無咁痺，希望之後愈來愈好。而家左腳行都會有少少扯住，要少少趷住來行，順帶講埋右腳倒甲都有好d。

來緊:

完

二月十日 -- 年初一

5/2(一) -- 出site收工返企夜晚C煮。

1。C買左蛋糕，夜晚我地一齊同老豆慶祝生日。

6/2(二) -- 出site收工返去再同CB出去寶康行年宵，行完去寶林食金鳳再行一陣先返企。

2。是日腳腕後面個位開始痛。

7/2(三) -- 半夜醒左隻腳好痛，SL一天。10點幾去睇西醫，話我果個位筋膜發炎。睇完想睇跌打但原來已經收爐。中午買外賣返去自己食，沖個涼之後可能之前果晚訓得太差，同埋食左藥，勁眼訓訓左成個晏畫。夜晚C煮。

3。希望腳快d好，唔好影響返鄉下。

8/2(四) -- 腳有好d但仍痛，繼續SL。上午陪B hea同唔專心咁睇波。中午食完飯食完藥又好眼訓，又再訓左半日。夜晚C煮。

9/2(五) -- 年三十晚早收工。返TKO拿藥買野，夜晚C煮。8點幾去地鐵站同Derek交收，之後企左係度傾左成個鐘先散。

3/2(六) -- 大年初一。朝早睇左場波同砌模型。下午訓左陣。5點幾出去附近食完飯返企。

來緊:

初二至七返鄉下。

二月四日 -- 生日

29/1(一) -- 出site早收工。返企之後出返雍明同ConnieLoLoPenny食飯再食糖水(CB無join)，多謝幫我慶生。

30/1(二) -- 生日請假一天。朝早係屋企睇左幾場NBA close game 4Qtr，砌一陣模型。中午去接B放學同食壽司郎(自費)(笑)。之後返企淋個浴，下午恰左陣。C同B去上完Ballet返來之後，夜晚一齊去Popwalk 1食飯。

31/1(三) -- 出site早收工夜晚C煮。

1/2(四) -- 出site早收工夜晚C煮。

2/2(五) -- 收工返去買外賣。

3/2(六) -- 朝早C同B去上堂同返學校講座，我係屋企睇波同砌模型。1點出去meet佢地不過佢地overrun等到2點幾。係坑口食燒肉之後行返去，比B係單車公園遊樂場玩左陣。返來B磨左陣先訓，訓到7點幾。最終無再一齊落去食，我落街買外賣返去。

4/2(日) -- 朝早天晉打波8-10，難得Norman都來join。打完同DerekNormanJackSam一齊食埋早餐返企沖涼抖。中午C同B去左B同學仔屋企玩同預早團拜，5點幾返來，B訓左。夜晚叫外賣。

1。漫畫徹夜之歌200話完結撤花。

來緊:

11/2(日) -- 初二返鄉下，初七返。

完

一月二十八日 -- 又凍返

22/1(一) -- 收工返企夜晚C煮。

1。4點幾係公司發現唔見左staffcard+octopus+key，搵勻唔見，連垃圾桶垃圾袋都抄埋。

2。是晚開始凍。不過訓地下d被夠其實都仲夠暖。

23/1(二) -- 收工返企夜晚呀媽煮。

3。係公司搵返唔見左嘅野，夾左係file入面。

4。諗左好耐，似乎解決方法係初二返鄉下?

24/1(三) -- 公司lunch buffet。晏晝出site返企夜晚C煮。

25/1(四) -- 晏晝出site返企夜晚C煮。

5。呢排經常好早就眼訓，10點幾11點就訓左。

26/1(五) -- 晏晝出site返企再入西貢同C一家打邊爐。10點幾先走，大舅父車返我地出來。

27/1(六) -- 呀媽一早返鄉下。朝早10-1公司甜品班整檸檬撻。之後返企沖個涼，B同C返來。下午叫左人來換星盤水龍頭。夜晚落街食飯。(間雞麵竟然執左，豆漿果間開左)

6。今晚訓返自己房了。

21/1(日) -- 朝早天晉打波8-10，臨前一晚先一堆人話來，所以有11個，我可打少d。腳趾好過上星期。打完同Derek食完野買早餐返來，沖涼同B玩一陣佢下午訓。夜晚叫外賣。

7。買左初二返鄉嘅車飛了~

8。睇左3集勇氣爆發，暫時OK。睇左3集戰國妖狐，暫時都跟足漫畫，期待之後嘅劇情。

來緊:

29/1(一) -- 同ConnieLoLoPenny食飯

完

一月二十一日 -- 腳趾仍痛

15/1(一) -- 收工返企夜晚C煮。

16/1(二) -- 出site收工返去係屋企附近食。

1。收工返去睇醫生，醫生話唔使急食藥可以慢慢好，手術做唔做就自己決定。

17/1(三) -- 出site收工返去夜晚C煮。

2。今日試著返鞋返工(前2日著Crocs)好似好少少。

18/1(四) -- Lunch同喪強食，交收幫佢買嘅模型同埋預祝佢生日。出site收工返企夜晚C煮。

3。夜晚就我話唔返鄉下一事呀媽爆老豆。唔知之後點。

19/1(五) -- 出site收工。夜晚同媽CB本來諗住食段純貞，原來裝修緊，食左樓上山打根。之後行下Donki後返企。

20/1(六) -- 朝早湊B去坑口上工聯會d堂，C去幼稚園聽talk。中午呀媽來一齊食d野，下午再送B去上英文。臨時約悉悉一家，上完堂返企放低野入康城佢地家玩同夜晚打邊爐。

21/1(日) -- 朝早天晉打波8-10。就住少少腳趾痛勉強都打到。打完食埋野買野返企，沖個涼之後訓。5點幾半島同媽CB去左Beans食野，之後我上Connie娘家拿單車。

來緊:

27/1(六) -- 公司甜品班

完

一月十四日 -- 右腳趾公倒甲

8/1(一) -- 出site收工返去同媽CB去譽居。

9/1(二) -- 出site收工返去，夜晚呀媽煮。

1。今晚試左係廳地下訓，暫時未搵到個舒服嘅方法訓。不過好彩咁啱避開左B半夜尿。

10/1(三) -- 朝早拿左假，同B去做評估。之後係SSP食野同買左新年野。下午返工。出site收工返去夜晚呀媽煮。

2。B初步都係有ADSD。

11/1(四) -- 出site收工返去夜晚C煮。

3。右腳趾公倒甲愈來愈痛。

12/1(五) -- 出site收工返去夜晚出去食。

4。(右腳趾公倒甲)睇左醫生，開左抗生素。

13/1(六) -- 極攰。朝早C帶B去上堂，我訓到9點幾先起。食d野睇波砌模型，等老豆食完中午洗完野，我先煮個麵食。之後好攰訓到差不多5點。電話打來起身落去拿網購野返來，再同CB去海天晉食飯。食完行左韓國超市再行下Aeon返企。

14/1(日) -- Book唔到場打波。朝早同B去踩單車。中午同呀媽CB去附近食野後返企。我沖涼之後少恰左一下。夜晚叫外賣。

5。(右腳趾公倒甲)有水出，應該發炎了。

6。睇左勇氣爆發Bang Bravern第一集，一開頭都無乜野，正常真實系機械人動畫，點知去到尾無啦啦變熱血超級系 xDDD 笑死我 xDDD

來緊:

27/1(六) -- 公司甜品班

完

一月七日 -- 開始settled

2/1(二) -- 出site收工返去買外賣。

3/1(三) -- 收工返企夜晚C煮。

4/1(四) -- 朝早簽租倉約。收工交收。夜晚C煮。

1。總算租左倉同搬左大部份要裝嘅野入去。

5/1(五) -- 出site收工返去，同呀媽CB去雍明食飯。

6/1(六) -- 朝早同B去踩單車，之後去天晉同呀媽迎智一齊推個保險箱返去。中午同CB呀媽樓下食，之後C帶B去上堂，我同呀媽車抽濕機同風扇去倉。夜晚同呀媽CB去Popwalk2試新果間燒味，果然好似將中間金牌。

2。呀B第三次踩車，掌握到自己開車同轉彎了。

7/1(日) -- 朝早天晉打波8-10，今日雖然身體狀態麻麻，又係咁輸波，但自己覺得算打得唔錯(同埋都贏到一場打得幾好嘅)。打完波同Derek食完野，上天晉幫呀媽推d野返來，沖完涼就攰到恰左。夜晚去北角Lily婚宴。

3。Lily老公幾funny，飲左唔少酒有d hyper。

來緊:

完

一月一日 -- 新年

27/12(三) -- 5點發現漏招拿野趕過去上環。收工返企夜晚C煮。

1。今日日頭有師傅來換左個細廁所坐廁。

2。執左下房。

28/12(四) -- 出site收工返企夜晚C煮。

29/12(五) -- 下午放假。快行左SSP買d野之後返企。下晏過天晉幫呀媽睇下執下野，同埋上網睇左下租倉嘅野。夜晚返七座，食埋呀媽買嘅燒味。

30/12(六) -- 朝早同呀媽去觀塘睇倉，之後返七座。呀媽執完野，中午一齊落附近食飯。食完返企我沖個涼恰。夜晚叫外賣。

31/12(日) -- 朝早打波天晉8-10，好盡力打所以好勀。打完直接返企。沖完涼中午同馬一家係附近食飯，之後一齊去單車公園picnic同比2個小朋友學踩單車。重點係呀B叫係第2次學，已經學到自己踩直線了，好滿足。4點幾呀馬返去先，我地去左方叔叔打邊爐後散。

3。今日老豆呀媽正式搬過來了。

1/1(一) -- 12點島出門去CWB係Hysan食d野再上Herman屋企clubhouse中同聚(Herman馬BenEdgar帶屋企人家昇自己來)。6點島散水，同馬一家係CWB食埋飯散。

4。家昇講到感觸落淚。

來緊:

4/1(四) -- 租倉。

7/1(日) -- Lily婚禮。

完

2023回顧

照例回顧一下今年。

1。上年年尾中招，1號出關。阿B經歷過高燒暈低之後，今年年尾又來一嘢叫白車。嚇死人。

2。上年年尾一直延續到年頭嘅Go Healthy活動，應該有令自己健康d同埋輕咗磅。不過去到下半年竟然痛風...不過果排可能真係太辛苦。

3。9月上羽毛球班第一堂就扭親腳，之後就一直纏繞到而家爭dd爭dd。人老咗真係好多嘢差咗。

4。難得join班學新技能，縱然人多練習時間少，但感覺羽毛球level少少哋都有加到經驗值。其實一直都幾鍾意打。

5。阿B今年第一次過關離港，去咗澳門。亦都第一次北上深圳。

6。今年比前幾年睇多咗戲。絕對要提嘅係Slam Dunk，另外飯戲攻心都好like。

7。一直都好少睇劇(不論TVB定Viu定外國劇)。不過今年Netflix嘅幽遊白書真人版，不論大家評價如何，身為幽白鐵粉嘅我，都係睇晒。另外，覺得靈戲逼人幾啱我胃口。

8。動畫一向都係無點睇，今年出咗套高達水星之魔女叫有追。反而翻睇返d漫畫例如鋼鍊etc好正。一堆自己欣賞嘅漫畫動畫化都令人欣慰(但我無睇)。

9。睇咗一堆書。除咗散文仲有d有關心靈修煉嘅，一直覺得自己修為比起以前退步好多。另外，今年翻睇金庸武俠小說新修版完成。

10。阿B無特別咩大嘢講，睇住佢大，越來越曳，希望以後可以聽話返少少唔好激死佢老豆老母，同埋希望佢健健康康。不過2023年最後一日掌握單車技能都幾高興。有少少佢以前B果時睇住佢識轉身識企識行果種感覺。

[圖文不符+文題不符]

究竟咩叫真係覺得自己年紀大咗？

當自己打波後比人wear損嘅地方三幾個禮拜後條瘌仍然未退；

當自己未夠12點已經開始覺得眼瞓然後絕少捱過1點先摺更加唔好講N年無通過頂；

當自己d朋友都開始進入咗其他階段或者甚至進入咗幾次唔同階段(然後自己都一樣)；

當自己發現自己嘅老友們都現出唔後生嘅狀態然後自己都開始出白頭髮；

當自己突然發現，家中長老真係老咗好多，好似一轉眼同一向認知嘅佢哋唔同嘅時候；

然後。

發現有d嘢真係唔同咗。

知道永遠唔會返到轉頭。

只可以希望盡量keep住而家嘅狀態。

好好珍惜現在嘅所有人、事、物。

祝大家新年進步，身體健康。

2024加油。

完

幽遊白書真人版

作為幽遊白書鐵粉，出真人版劇集，就算網上同朋友點評都好，真係點都要睇一睇。

眾所9知我而家係好少睇劇/動畫/片類嘅，因為實在無乜機會可以坐定定睇，而睇呢d時間太fix，相對於我睇字/書類算快來講，係晒好多時間。

趁住聖誕假期睇晒5集，總的來講，我覺得係OK的。

首先講下劇情。預左會大改，我覺得係有限資源下已經算改得合理，將漫畫本來前後幾個故事合埋一齊，算合得合理。都預左會cut好多，尤其要用特技整d妖怪樣出來應該好貴，所以cut左四聖獸篇都預左。同埋d齋打無劇情(即係暗黑武術大會)都係應該cut嘅。不過由於實在cut得太多野(i.e.四聖獸篇+幻海弟子選拔篇+暗黑武術大會篇)，無晒幾個主角之間友情嘅鋪墊同埋幽助同幻海之間嘅師徒之情，呢d真係爭好多，最難接受。

另一樣被詬病嘅當然就係造型。d人物可能本身動漫畫真係太靚，轉到來真人真係好難carry。但難carry還難carry，有幾個真係特別唔掂。

幽助 -- 我覺得算幾好。都唔醜樣，做到少少痞痞嘅感覺，不過其實可以再爛多少少。我覺得係劇情所限。

桑原 -- 幾型。相對於主角要擺下d型樣，佢個角色無乜呢個包袱反而做得放少少。

藏馬 -- 睇過演員原樣其實都唔差，但做藏馬個樣就真係好唔得...戲都麻麻地...

飛影 -- 傲嬌+中二病始祖，由於戲份唔多，所以無乜發揮。而個演員個表情都係keep住痾屎唔出咁...

螢子 -- 相對其他幾個女角叫幾靚女。

牡丹 -- 呢個係眾矢之的...個樣真係唔得。佢想做到動畫入面咁少少趣怪，但又唔夠放，又唔多戲份，演出來不倫不類...

溫子 -- 幽助老母係其中一個亮點。除左幾靚之外，係好少量嘅戲入面都發揮得好。

小閻王 -- 算幾靚仔，又多出場，但就無乜特別覺得好。唔知點解覺得佢個樣似陳柏宇。

雪菜 -- 靚就唔多靚架啦，最大問題有幾下佢笑我覺得佢奸奸地...

幻海 -- 唔識講。同動漫好唔同。不過如果係呀婆的話真係係咁又真係可能差不多，唔識講。

左京 -- 估唔到搵稻桓吾郎做，又幾OK。如果佢可以再做得淡然少少會更正。可惜唔係大爆炸死。

戶愚呂兄、弟、鴉、武威、剛鬼...etc敵角 -- 無論做型定各方面，敵角都好好，既還原又有返個人特色，仲吸引過主角們。

全劇最要讚嘅就一定係動作同特技。係打得好睇，動作流麗順暢，速度感擊中感都好強，實在好過某d武俠劇齋擺pose果d好多好多。

少少總結。

我覺得劇情刪減個定位有少少尷尬。如果係fans向，就cut得都幾多。但係如果唔係fans向，d人物之間嘅羈絆刻畫真係唔係好夠。

自己一向係"向好方向"果面睇嘅人，儘量會去睇返"製作人們想呈現咩比我地睇"，我覺得係有限嘅篇幅同budget(應該?)來講，已經算做得好好了。

其實以佢呢個表達方式，我覺得仙水篇好啱拍做真人版。希望而家呢套5集收視OK，Netflix肯落多d本去拍仙水篇啦~~

十二月二十六日 -- 聖誕

18/12(一) -- Team lunch; 臨時拿左下午假，去左SSP行之後去In's Point同果欄。夜晚返企C煮，呀媽都係度食埋先返去。

19/12(二) -- 出site收工返去夜晚C煮。

20/12(三) -- 晏晝MA早走，夜晚C煮。

1。今晚拿左棉被出來。啱啱好好彩拿，好凍。

21/12(四) -- 同事X'mas Party; 下午拿假TKW。夜晚同Penny食飯，ConnieLoLo臨時join埋。

22/12(五) -- 早放3點。收工幫Edf交收之後返企，夜晚入西貢同C屋企人BBQ做冬。舅父車返我地返來。

2。全日都攰同頭重重。

23/12(六) -- 本來約左悉悉一家，不過Trista發燒cancel。中午過天晉食飯，之後我好唔舒服恰左，C幫呀媽執野。4點零出去3個一齊排醫生。睇完醫生買外賣返企食，好早訓。

3。睇完鹿鼎記。新修版金庸完全制霸。鹿鼎記都無乜好講，作為金庸長篇小說收爐之作，大家都知好唔"武俠"，我亦唔多講了。其實成個故事睇落去相當流暢，睇住主角係幾方之間游走而又可以無事得來不斷做到野，雖然成日話佢不學無術，其實佢真係好勁。反應快，決斷準，落手狠，絕對唔係話行運就可以達成嘅成就。不過人就真係仆街少少...好彩佢係義氣上都算係守得幾嚴，兩邊不是人但佢都係真心唔想害兩邊嘅人嘅，唯一係刺多隆果下，雖說係為左自己命仔，又話佢流眼淚，最後多隆仲死唔去，不過我覺得同劍心斬張果下一樣，個開關係開左就係開左，就算對方無死，果下都係想殺對方嘅。

24/12(日) -- 朝早打波天晉8-10，食左藥個人好浮，打完同DerekBosco食野再買野返去，我沖涼再恰下; 下午Rita帶女來玩，夜晚佢老公來join一齊食飯。

25/12(一) -- 中午娟源來一齊食野，下午係屋企吹下水同B玩ringfit到4點幾B訓，B6點島起身一齊去尚德食埋晚飯走。我同源係街兜左陣傾多陣計。

4。睇左幽白真人版4集，其實都唔差嘅。

26/12(二) -- 朝早起身入康城食早餐同睇戲(Wish)，之後上天晉幫呀媽執野。下晏係天晉恰左下，7點島走，買外賣返去食。

5。Wish -- 兒童向動畫。可能睇廣東話版所以d歌可能比英文詞爭d。劇情其實幾普通。背後引申嘅野係究竟自由意志重要定係有個好嘅well-planned獨裁者好d? 不過最後講到個魔法師比邪惡嘅野入侵左，將佢嘅邪惡"合理化"，所以變得無左討論價值了。其實現實世界無論係邊種政權，普通人嘅生活都係不知不覺咁被規範左係頂上果班政客同有錢人嘅影響之下，大家都係活係"佢地想你如何生活"嘅生活之下，只不過係做唔同種類嘅豬罷了。

6。今晚睇埋幽白第五集。小心得另開一篇講罷。

來緊:

1/1(一) -- 中同lunch

完

十二月十七日 -- 氣溫驟降

12/12(二) -- SL一天; 朝早同CB去醫院。返企後我買野比佢地食，我再自己去睇醫生。食完野沖涼。下午C落街買野同埋拿比我的新電話。夜晚C係屋企是旦整d野食。

1。今日無啦啦又好熱。

13/12(三) -- 收工返去C叫左外賣。

2。B之前果晚退左燒後暫無翻燒了。

14/12(四) -- 出site收工返企，之後外賣自取。

15/12(五) -- 下午新蒲崗training。夜晚返去買外賣。

3。家居維修training都幾實用同埋長知識。

3.1。記少少記得嘅重點: Lock英式Screw歐式細d美式而家多用，開面插鎖匙甩得。唔用電鑽開。

3.2。03年後廁所白色。

3.3。去水: 出煙熱水，去水有聲。如用通渠水，20-30秒就過水。

3.4。上水波曲，落水缸芯。

3.5。水壓60，村屋100。

4。老豆今晚過來訓3晚。

16/12(六) -- 中午去坑口人地clubhouse參加B同學仔們攪嘅Xmas Party，得我一個爸爸去，我扮埋聖誕老人。唔知係咪焗，之後有少少暈少少想嘔。玩完返企沖個涼就攤下休息，夜晚叫外賣。

5。氣溫一跌跌十幾度。

17/12(日) -- 朝早打波天晉8-10，打得好差，身體狀態同個腦都麻麻。打完人佢地食野，返企到中午同CB出去同呀媽2個呀姨姨丈飲茶。飲完我地3個去圖書館後返企沖涼抖。夜晚叫外賣。

來緊:

18/12(一) -- Team lunch

21/12(四) -- 同事X'mas Party

完

十二月十一日 -- B白車入院

5/12(二) -- 收工去羽毛球班。

1。今日練習步法多，記得向前正手定反手都係出右腳，打完之後向後跳一下先歸位。手要鬆d。正手推波用食指推支拍出去。

6/12(三) -- 出site收工返企夜晚C煮。

2。行左下SSP，又終於事隔半年去拿左銀行個贈品，原來好大舊...

7/12(四) -- 出site收工返企夜晚C煮。

8/12(五) -- 下午清假。C同B來MK同我打邊爐，之後係樓下遊樂場玩一陣，同佢地去SSP行左特賣城同玩具街。5點幾先搭車返去，叫外賣。

9/12(六) -- 朝早起身狀態麻麻; 老豆來，同佢整間房嘅電視。中午我帶B落去行下去左圖書館再買野食返企。食完休息耐左，去唔到馮晴嘅開放日。夜晚CB落街睇醫生之後係附近食飯。

10/12(日) -- 朝早同馬同虫去QB射下波，9點半島就走。返來買d野食沖涼休息下。B中甲型流感，book左4點半去睇醫生。睇果時都無乜野行得走得37點幾度，返熙屋企時話好凍要抱，行到一半突然抽搐一下成個人拗後+無反應。即時call白車同返診所，39點幾度。上白車後過40度。係白車時已醒返，去到醫院已精神返少少。要留院。8點先上到房，我去買野食比佢地，攪一大輪差不多10點先走，C留醫院陪B。出到來毛毛雨，踩車返去，買左少少野食，10點半先食野。

3。本來約左悉悉一齊玩cancel。

4。半夜醒左幾時望電話，訓得唔好。

11/12(一) -- 本來呀B放假，我又清假一天。一早起身同呀媽一齊去醫院。呀媽睇左B一下返工，C就返企沖涼休息，我陪B。隔離床2個小朋友都喪咳。4點零醫生巡房話B未退晒燒話建議留多晚，但係其實係屋企休息仲舒服又無其他人傳染，所以醫生都放我地返去。

5。夜晚去唔到打羽毛球最後一堂。聽聞好好玩，呀Sir Miss一齊打。

來緊:

完

十二月三日 -- SZ trip

27/11(一) -- 出site收工返去圖書館再買外賣返去。

1。話唔睇但都睇左ViuTV版社內相親第一集。第一集暫時無乜特別，幾乎都係Hanna一個carry，其餘人真係無特別突出。Anson Lo個樣好似比起"大叔的愛"果時怪左好多...

28/11(二) -- 收工去羽毛球班。

2。今日做正反手網前。步法係出左腳踏右腳打。另外，我揸拍唔好，正手成日都用左反手揸法(手指公頂住個柄)。

29/11(三) -- 收工返企拿野出地鐵站交收再買外賣返去。

3。中午Anthony請食升職飯。念川居幾好食，多謝。

30/11(四) -- 出site收工返企夜晚C煮。

1/12(五) -- 出site收工返企買外賣返去食。

2/12(六) -- 源生日快樂! 公司SZ trip。朝早7點半出門口搭鐵去落馬洲過關。過關算順利，集合完(行果段路真心感覺麻麻)去旅遊巴車我地去動物園。動物園感覺唔錯。4點幾走去到酒店check-in完已5點幾，6點開始食buffet(d野麻麻)。食完同EdfJanice三家人一齊搭2站地鐵去保安行壹方城。10點幾走返酒店。

3/12(日) -- 公司SZ trip。朝早起身食早餐，食完去左附近超市行下，10點幾就check-out閃人。車我地去觀瀾湖區個遊樂園，先食lunch(又食，都未餓)，跟住自由時間係入面玩。Golf個session由於C無興趣所以唔join。玩到咁上下去左對面個商場行到夠鐘4點半集合，車我地返口岸。5點半島開始過關，6點零返到HK搭返鐵返企。我買外賣返去。

4。Overall來講其實都知個trip唔平，不過最大會去嘅原因係有伴，幾個小朋友一齊玩佢地好開心。動物園比想像中OK，近距離餵食老虎又餵好多其他動物又騎馬仔。第二日個場d野就舊d，無join golf就覺得成件事無乜為了。最差感覺係關口行去車同埋車行返關口，好多電單車係窄嘅行人路行，感覺危險。

4/12(一) -- 清假一日。朝早同C送B返學，之後食個早餐返去。差不多中午過返去接B，返TKO食C想食好耐嘅方叔叔邊爐。返企之後陪B做功課同陪佢玩，C朝早到下午keep住執床同換季。夜晚同佢地落樓下食飯。

5。老豆已經將d野搬晒來，呀媽要等10號之後得閒d先開始安排，唔知幾時佢地要正式搬過來了。

來緊:

完

十一月二十六日 -- 超級攰

20/11(一) -- 收工返企夜晚C煮。

1。B學校開始爆手足口病。應該來緊會唔返學幾日。佢有少少輕微燒。

21/11(二) -- 收工去羽毛球班。

2。今日都係練殺波同網前推。都係要靠練習先可以進步嘅。不過殺波動作我硬係覺得自己唔啱。

22/11(三) -- 收工返企夜晚買外賣。原本B做花女，不過花仔病左，呢個環節取消。本來B都有少少唔舒服嘅，唔使去都好。

3。終於扑鎚決定屋企上網公司簽埋約，個價錢都OK。少樣野煩。

23/11(四) -- 收工返企夜晚C煮。

4。睇完倚天屠龍記。新修版爭鹿鼎記就完了。

24/11(五) -- 出site收工返企買外賣返去食。

25/11(六) -- 朝早起身一陣陪C同B去雍明果邊睇醫生，之後行下Donki再去海天晉果邊食左越南野。返企抖一陣。下晏去康城睇戲(要用埋2張飛)，睇左Trolls Band Together。睇完返TKO食野。

Trolls Band Together -- 故事算簡單偏兒童向，講手足情唔係十分深刻。畫面聲光效果都屬於普通，不過d歌係好聽，尤其係d和音。跳舞就無乜特別。難得係呀B睇得好投入完全無話悶要走果d，睇完仲話好好睇d歌好聽。

26/11(日) -- 天晉打波8-10。今日一場場，有時打得好有時麻麻。有一球又係想像中練習好耐嘅底線轉身射球入左，幾開心。打完食早餐買外賣返去後，無沖涼等B食完同佢2個人出去。hea行左草地過去圖書館借左d書，再行去寶林行下玩具舖反斗城同社交費買野，再搭地鐵返去。沖個涼抖一陣夜晚我落街買外賣返去。

來緊:

2-3/12 -- 公司SZ trip

完

短談新修版倚天屠龍記

又睇完新修版倚天屠龍記，少少讀後感。

講下劇情先。

感覺上呢部似係集之前幾部嘅大成。劇情好豐富，主線好清楚，有伏線，各個正反派人物塑造好清晰又特別，不過主角嘅成長雖然細個多災多難，但佢九陽神功一練完就差不多無敵，之後再加埋乾坤大挪移太極拳同聖火令神功其實都只係bonus，太勁。都幾同意佢武功應該勁過郭靖同楊過。雖然係咁，總算之後打金剛伏魔圈都叫係有理由地覺得難，同埋最後大佬成崑係由金毛獅王來打，有返d睇頭。

全書入面最精彩一段，個人覺得雖然六大派圍攻光明頂、萬安寺救中原武林人仕、少林寺屠師大會嘅格局都好大又打得勁秋，但最鍾意反而係張無忌同獅王同四條女同一條船果一段，真係玩野玩到盡，人人心中都有唔同感受，又勁串張無忌，佢尤其老尷。呢段我覺得真係神來之筆。

另一度幾得意嘅係張無忌答應趙敏做三件事，成件事鋪排得好好，第二件事其實都係故事一大轉折，而最後第三件事又承接張無忌答應周芷若嘅一件事，感覺條友真係幾無主見無限loop xDD

講下人物先。

張無忌 -- 好多其他評論甚至金庸自己都講過，佢係一個好人，好少去記人地嘅壞處，胸襟廣闊，係一個好好嘅朋友。不過個人無乜主見，隨波逐流，並唔係做大事嘅人。呢d都無問題，最大問題係其實佢比起楊過其實仲渣少少。楊過(後生)雖然都經常撩人，不過佢自己諗諗下都會覺得唔妥，識得收，只不過之後人地已經失控咁不能自拔，而佢自己亦由頭到尾都好明顯愛小龍女。但張無忌就唔係咯，四個都係撩，四個都鍾意，又攬又錫又個個都唔捨得，仲發夢四個一齊要晒 xDDD 雖然係(男)人之常情，不過佢做埋出來，又個個都有承諾，真係有d渣。

趙敏周芷若小昭蛛兒就唔多講了，多年來大把人討論過，大同小異。

另外光明左右使四大護教法王等等都係塑造好成功嘅人物，唔使多提了。

張三丰同武當七俠個人覺得營造得好好，好大師同大俠風範，各有性格特色，幾乎個個都鍾意。(比起全真七子實在正太多) 張三丰果種胸襟同對所謂嘅正邪睇法亦都係金庸小說前輩高手入面少有嘅。

滅絕其實用返佢嘅角度去睇返，佢係佢一直好忠於自己嘅想法同理念。雖然佢正邪之念太過唔識變通，但佢護已護派、除魔抗元、為左心中大義可以犧牲任何野，其實個人係好勁同型嘅。雖然佢令人覺得乞人憎，但真係一個寫得好成功嘅人物。不得不提，當年台灣馬景濤版入面，張冰玉做嘅滅絕，真係令人好深刻，而且有d陰影添。

作為敵方boss級人馬嘅玄冥二老同埋成崑，比起神鵰嘅金輪法王實在成功好多。金輪雖然講到好勁，但係做嘅野又唔夠大器，戰績又麻麻，性格其實都唔突出。玄冥二老起碼都有唔少描述，亦都真係嬴到唔少書中好手。成崑就更厲害，基本上書入面發生嘅好多事端其實都係佢攪出來，而佢武功都係好勁嘅。

渡字輩三僧其實我覺得一般。講到佢地得道高僧咁，但人地入左攻擊範圍又幾唔留情咁打人。講胸襟又會將之前人地做嘅野算帳。之後奇奇怪怪又渡化左獅王，唔知想點。

不得不提少少，王難姑呢d真係阻礙老公發展嘅垃圾女人，而胡青牛則九叔得過份，兩個人物都好麻麻。

短短地寫少少算了。

到頭這一身，難逃這一日。百歲光陰，七十者稀。急急流年，滔滔逝水。

完

十一月十九日 -- 長征TM

13/11(一) -- 出site收工返企夜晚C煮。

1。叫左fnd幫我買ed Ringfit。

14/11(二) -- 收工去羽毛球班。

2。今日羽毛球班都係練返殺波同上網。如果完全唔跟自己想像嘅正確動作其實都打到個波，但一想用反而個動作就錯晒，好奇怪。

3。網上睇片，殺波個身斜少少，手同拍就可以正向咁直。

15/11(三) -- 出site收工返企夜晚C煮。B很難攪。

4。n fail xD

16/11(四) -- 收工去CWB同中同(BenHerman家昇)食11月生日飯。係會展站落車行過去，天氣涼左好多但係只係著左一件短袖T所以有d凍。家昇本來未必來到不過最後只係遲少少。

17/11(五) -- 下午行左下觀塘，夜晚去TKL meet CB跟住去Parkside FC食完飯返。

5。PMLKWVKW

18/11(六) -- 起身執野跟住call van入Edf度。4點零走，去TM公園玩一陣再走。搭西鐵返去。夜晚係TKO大家樂食埋飯返去。

6。夜晚攰到沖完涼照訓，較鬧鐘起身book場。應該訓得好淋，比個alarm嚇醒。

19/11(日) -- 朝早打波8-10天晉，都係得6個人，打得麻麻地。好攰，腳有d痛。打完無同佢地食野，過左坑口搵CB，食埋野返企。沖涼訓左陣，下晏同B試玩Ringfit，不過原來佢未啱玩住。夜晚出去附近食完飯行下Aeon之後返企。

來緊:

2-3/12 -- 公司SZ trip

完

十一月十二日 -- 疲

6/11(一) -- 收工返企夜晚C煮。

7/11(二) -- 收工去羽毛球班。

1。今日侯sir返來，又係口水多少少，同埋review返步法同殺波。

8/11(三) -- 下午拿左假。去圖書館還書，Langham Place買禮物，行信和買左盒模型，行In's Point買左粒扭蛋，去埋果欄買左水果，返TKO買埋2件cake。夜晚C煮。

2。是日立冬，有涼少少少少嘅。

3。今朝太眼訓鬧鐘響撳熄左再訓返唔知醒，好彩自己差不多8點醒返，即出門口啱啱好無遲到入門口。

4。是日係公司好激氣，d高層都CLS的。

5。結婚8周年。預左對方無任何表示。

9/11(四) -- 收工返企夜晚C煮。

6。今日出site去醫院。人真係好化學。之後因利成便去左好耐無去嘅荃灣米線。

10/11(五) -- 出site返去TKL圖書館meet CB，借完書係附近食埋飯返企。

7。今日係公司竟然唔多電話同支節，結果清到好多立雜野，開心。

8。我地team嘅租客真係好多身體出事...

11/11(六) -- 朝早出去11點meet Nat去Connie爸Funeral，之後係大圍同Nat食野後返企。沖個涼hea下訓左，入黑先出門，帶B去天晉遊戲室玩左輪，差不多8點先去尚德食壽司。

9。自己都爭少少忍唔住。希望Connie屋企人be strong。

5/11(日) -- 朝早打波8-10天晉。今日得6個人，其實半場打3on3我覺得仲好。無得換人，雖然第6個人遲來，不過之後連打都攰。今日出盡力打，覺得自己無咁易比人過了，同埋由於對手唔算強，所以有好多爆籃機會，顏色地帶都入左唔少波，不過都有唔少自己把握唔好，真係要練下。腳就因為真係chur盡所以有少少痛。打完食埋野買外賣返去，之後沖涼恰左陣。下午同B落去陪佢練左陣單車，再返企執野去天晉，夜晚食埋飯返。

來緊:

16/11(四) -- 中同慶生飯

2-3/12 -- 公司SZ trip

完

神鵰俠侶新修版再讀後感

相隔左一段短時間，又執起書本，繼續去完成翻睇金庸N次系列。

睇神鵰其實我自己有少少卻步。

相信神鵰係好多人好鍾意甚至係最鍾意嘅一部，但我自己絕對係排到跌出五名之外。

並唔係話佢唔好睇唔精彩，純粹係我自己嘅個人喜好，呢部小說劇情同主角同我"相性"唔啱。

首先一定要講講男主角楊過。

有好多人鍾意神鵰好大原因都係因為楊過。又靚仔又型又武功高強又溝死女，而最令人好多人欣賞嘅原因係佢嘅反叛，反社會傳統，孤芳自賞嘅傲氣。尤其係以前成班同學仔或者朋友討論時，大家都係處於反叛期或者係年少無知嘅年紀，代入感特別強。

偏偏呢，我自己由細到大都算係"循規蹈矩"果類人。當然，我自己諗野、想像、諗故事...etc好多野都會雲飛天外天馬行空，但係現實執行上算係乖仔同埋聽話果堆。所以一直都比較鍾意令狐沖，佢一樣係不屑於世俗嘅睇法，追求自由，但係佢同時亦好豁達。相反書入面都強調過唔少次楊過性格偏激而且氣度胸襟殊不廣闊，對我來講就敬謝不敏了。

自己一直覺得運氣對人生好大影響，但性格亦都同時會反映到係遭遇上。一直都覺得楊過嘅經歷雖然係慘係苦，但唔多唔少都係佢自己有份拿來(咁當然佢自細嘅經歷都造就佢嘅性格)。反而佢自己嘅任性一樣影響左其他人。亦都因為呢個原因，我睇呢部小說總係有d位會覺得唔舒服。並唔係因為唔精彩唔好睇或者唔合理，而係純粹因為我自己唔喜歡罷了。

以下講少少對書中人物同埋情節嘅睇法。

作為射鵰嘅續篇，好多人物都係呢部延伸落去。其中老叫化同老毒物嘅結果令我好深刻。竟然係互鬥到精、氣、神、力全部都盡晒，突然靈台清明，一笑泯恩仇，好勁好有意境。講到死，絕情谷一日之間死咁多人都好震撼。綠萼嘅可惜，公孫兩公婆嘅可笑，洪凌波嘅可憐，仲有作為中boss嘅李莫愁，係火中唱住"問世間，情為何物..."咁消逝，真係其中一個經典嘅退場。

小龍女 -- 細個睇會覺得佢係一個無乜腦無乜思考好靚嘅女主角，一再翻睇之下其實佢係好有血有肉。古墓教育令佢好似好冷淡咁，其實書入面比較多嘅描述佢個心係好有熱血同直率同埋好溫柔嘅人。以前成日覺得小龍女同王語嫣係similar嘅模板，但其實2個都好唔同，而且各有個性，並唔係男主角嘅附屬品咁簡單。小龍女嘅單純係可以為左對方原惜付出一切，以對方嘅快樂為先，雖然睇落好似只係兒女情長，但果種一往無為嘅氣魄其實好強大。

黃蓉 -- 好多人都表達過射鵰同神鵰嘅黃蓉實在爭好遠。射鵰嘅蓉兒佻皮可喜，神鵰變左一個多疑同埋諸多阻礙嘅婦人，好討厭。我個人都覺得佢係幾煩，不過自己年紀大左、負擔大左，有埋小朋友之後，顧慮多左，的而且確係會諗多好多。佢會為自己兒女過份擔心實屬正常，就算姆聰明嘅人都好，為"愛"之所困(不論係愛人定子女父母朋友)關心則亂，好容易會諗埋一邊。不過佢同小龍女講嘅野真係影響好大，好令人覺得討厭啊。

公孫止 -- 究竟佢係天性就咁cheap又咸濕定係因為比佢老婆長期逼迫壓抑到性格大變呢? 我覺得人人本性都係陰暗面，佢本來唔多唔少都會有，但如果唔係裘千尺咁癲，佢係唔會變到咁的。不過係書中佢嘅表現真係cheap左d...另外，書入面有提過佢要娶小龍女兩人相差廿幾歲，好多人覺得有問題。各位睇睇而家社會...d有錢人同埋明星...哈哈。

耶律齊 -- 好想講下佢。雖然書入面寫到佢係年輕一輩之中差不多最叻，又靚仔又打得性格又穩重聰明，但係因為要湊數夾硬講佢鍾意郭芙實在係佢呢個人物嘅一大敗筆。不過轉念一想，其實都無話好唔合理嘅，佢叻都好佢都係一個男人，郭芙幾蠢幾刁蠻係一回事，佢欣賞美色係另一回事，何況人地呀爸呀媽有錢有權有勢，娶佢都係一個好選擇。

金輪法王(國師) -- 雖然書中多次講佢武功智謀好強，而佢都真係好強，但比起好多"大佬"，佢真係無咁"大佬格"。何講"大佬格"其實應該無乜定義，不過我自己以前都有提過好多，除左"強"(其實呢樣任作者講)，最緊要係營唔營造酊恐怖感、絕望感，有無充分顯示出boss嘅氣魄。我成日都話，好多漫畫嘅前期boss係有feel過後期嘅，例如幽白嘅戶愚呂弟、龍珠嘅菲利、One Piece嘅沙鱷...etc。神鵰入面我覺得李莫愁嘅bosss格仲強過金輪少少(起碼一開波已經營造左佢個恐怖感)。新修版神鵰唔大改動，係幾個位增加左描述，其中一個就係金輪同郭襄嘅師徒之情。個人覺我雖非蛇足，但又唔覺加左有好幾多。

故事入面，楊過小龍女多災多難，最令人感受深同埋氣氛營造得最好嘅一段，我覺得係佢兩人經歷多番離合、重傷、中毒之後，諗住終成眷屬，點知又又又中招，小龍女毒入內臟無法得治。用左一段篇幅寫兩人重回古墓，化妝換上嫁衣一段，佢地強顏歡笑，真係好淒涼。呢段真係好表達到果種絕望同哀傷...另外，其實睇返楊過呢d喧至情至性嘅人痴痴等十六年，到到知道南海神尼係流嘅，再到絕情谷等過十六年，再癲左跳落崖，其實幾令人動容嘅。而郭襄跟住落去果下，我覺得佢出場雖然遲同篇幅唔多，但都好做到佢都係情感極強烈嘅感覺，比起天龍八部游坦之跟住阿紫落去嘅震撼強得多。

不得不再提N年前曾經少過內地劇集，個一燈講南海神尼碌大對眼好誇張個樣，明明書入面係黃蓉講再問一燈，一燈唔想講得咁明只係嗯嗯嗯...真係要一講再講，內地拍金庸除左硬件好之外其他野都唔多得。

其實要講金庸小說，寫篇論文甚至出本書都唔夠講啦，不過呢d少少字嘅短篇閱後報告係度都夠皮了。唔係咩文豪亦無grammer check，匆匆邊諗邊打完就算，係咁啦~

完

十一月五日 -- 愉景灣

30/10(一) -- 出site收工返企夜晚C煮。

31/10(二) -- 收工去羽毛球班。

1。今日羽毛球班教同練習左d步法，跟住練殺波。講返打波，之前都講過好多時球感距離感除左天生好唔好d之外，練習都佔好大因素。上左咁多堂之後，感覺到自己睇準個波來打個感覺係有進步嘅，尤其係一向完全唔擅長嘅正手同接高波，而家打唔中嘅情況少左。咁當然接波打返去嘅控制仍然係唔太好啦~

2。再記: 打波要: 轉腰，轉肘，肘向前先揮臂同揮拍打。

3。不論係打直線定斜線，其實都係一條直線，好單純。

1/11(三) -- 收工返企夜晚C煮。

4。今日攰到沖完涼B訓之後我開第2機衫就訓左，竟然真係可以差不多12點自己醒左晾衫再訓。

5。多左會打Mario Kart嘅新同事。同埋竟然有會打鼓嘅新同事。

6。最近因為太攰無精神所以無砌模型。又唔想成日只係碌電話，所以又借返書來睇。金庸新修版最後幾套未睇，而家又再繼續。

2/11(四) -- 收工返企夜晚C煮。

3/11(五) -- 好攰安排出site早d收工，返去TKO同CB係將中食完野，C帶B去游水補堂，我去拿藥問寬頻再返屋企沖涼先。

7。聽到來緊新project買賣搵consultant做，如果真係的話登時鬆少少口氣。

4/11(六) -- 差不多中午先臨時決定去愉景灣。搭地鐵去欣澳再轉巴士去。因為走車所以去愉景灣廣場再去愉景灣北。終於去到個小教堂。呀B係度唔帶眼行路撞親個頭。食左野行左個圈返返愉景灣沙灘，玩到入黑就走。都係巴士轉地鐵。返到將軍澳買外賣返企。

5/11(日) -- Connie生日快樂...朝早打波8-10天晉。今日試下唔就住腳來打波，都勉強OK，一定有少少扯住，本來已經慢嘅腳步一定更加慢的了。總算有努力地不停跑步走位同追住防守。三分一球都唔入，二分都入到少少嘅。同佢地食完野之後買外賣返來沖涼，老豆過來同佢執d野。呀B下午終於肯訓陣，我訓唔到。夜晚過天晉食飯。

8。究竟憤怒定鬱結傷身d?

來緊:

11/11(六) -- Funeral

十月二十九日 -- Halloween前夕

24/10(二) -- 出site收工去SSP行一下，夜晚羽毛球班。

1。今日教殺波。重點係擊球點，如果以時鐘打棟咁睇，應該係大約1點-2點位打落去。自己問題一直係睇位，腳步要就，拍位要啱，最後當然揮拍距離同發力要練。今日個新助教講多好多步法，主要係睇位一步同兩步，都係最後右腳踏前。另外有關揮拍，無論想打去邊個位，其實都係好單純一個直線，只不過係向邊度嘅直線。發力主要係下臂同手腕已足夠，轉腰轉肘係轉正個方向。用腕揮拍打波要lock腕，去到要打個位就lock。

25/10(三) -- 收工返企前拿藥。夜晚C煮。

2。NBA今日(香港時間)開鑼!

3。是日C因為各樣壓力同挫折(B嘅行為同埋其他家長)爆煲而喊。

26/10(四) -- 收工返企夜晚C煮。天晉訓。

27/10(五) -- 收工去天晉clubhouse同B嘅同學仔同家長們BBQ。10點島散，返7座再過天晉訓。

28/10(六) -- 朝早好難得訓到10點9先醒，應該真係好攰。出門買埋外賣過七座。之後休息恰左下。5點幾再聯悉悉佢地，一齊食晚飯再去海邊行左個圈感受下halloween。散水後返7座再過天晉訓。

29/10(日) -- 打波天晉8-10，打得唔好。腳8899但都係爭dd。同佢地食完早餐後買外賣返企沖涼休息(訓唔到)，5點先我同B出去單車公園玩左轉，返屋企等等等呀C終於織左幾日織完個袋，出左去Parkside foodcourt食飯再去海邊行一轉返企。終於可訓返自己張床。

4。今日下午開始暈暈地，唔知係咪唔夠訓...

來緊:

十月二十三日 -- 好友爸爸

16/10(一) -- 收工返企夜晚C煮。

17/10(二) -- 收工去羽毛球班。

1。今日教網前。記: 手: 肘提起少少，拍向下，拍面斜上，睇準波落點放好位置等波落拍面，輕逗，唔好橫cut動作。腳: 不論正手反手，左腳輕印，右腳踏出，右腳向波。再記: 記得仍然揸好拍，母指可視乎情況放側。手輕握拍。

18/10(三) -- 出site早少少收工返企夜晚C煮+買左d串燒。

19/10(四) -- 收工返企夜晚C煮。快食完飯之後落去睇跌打+睇埋西醫。

20/10(五) -- 收工返尚德快食，跟住同B去游水補堂。我返屋企沖涼先。

21/10(六) -- 今日臨時約左悉悉一家。朝早起身煮個麵食早餐之後突然好攰，再訓覺。12點半起身，到差不多2點出門食個tea，跟住入悉悉家。玩同打邊爐到夜晚9點島走。

22/10(日) -- 朝早打波8-10天晉。今日叫正式真係打，腳感覺有8899卜過都係少少扯住同埋打完會有少少少少痛，打就都打得算係咁，入到下波。之後人佢地食完野買外賣返去再沖涼，休息一下(無訓)B婆婆同舅父來竹我地入西貢hea同見下Almond。恰左下到6點島出返TKO，牛大人同壽司郎理所當然地好多人，最終去左尚德壽司店食，再去迪卡龍買左對羽毛球鞋後散水。

23/10(一) -- 朝早同呀媽同B去寶康公園玩，呀媽hea一陣走先，C後join。中午係寶林食飯，之後返天晉。我返七座放低野同執下野再過去。夜晚食埋飯返。

2。呢排夜晚都好攰無砌模型，成日係度碌電話。唔想碌咁多，所以去開圖書館順使借左新修版神鵰，攤係度睇書好過睇電話。

3。好友爸爸早幾日開始轉差，都唔知點安慰。今晚走了。RIP，take care。

來緊:

26/10 - 1/11 -- 呀媽去旅行，暫時起碼26-28要去天晉過夜

27/10(五) -- 好似B同學&家長們話來天晉BBQ

十月十五日 -- 身心狀態俱低迷

9/10(一) -- 估唔到8號波掛到11點40。提早少少出門買外賣返公司食，機照打。下午出site早少少返。同CB去行左圈超市先返企食飯。

1。今日終於來左個新teammate。(不過未有機會見到)

10/10(二) -- 收工去羽毛球班。

1。今日繼續練少少步法同埋揮拍。正手好似打好左少少。高波都係未掌握到距離感。記: 揮肘連腕出。儘量睇定d個波再打。

11/10(三) -- 收工返企夜晚C煮。

2。是晚剪左髮。

12/10(四) -- 收工返去本來打算出去食，最後無。我出去買外賣返去。

13/10(五) -- B放假一天，我都拿左假。朝早比預期晏左出門，先係屋企附近食早餐，本來我suggest去茶果嶺海濱公園，C話不如去葵芳新都會果個公園玩，於是去果邊。先去SSP特賣城行下買野，再去葵芳，點知原來個公園裝修，無做功課。行下葵廣同掃小食，好耐無行過了。之後都係返返茶果嶺海濱公園玩，都幾大幾多野玩，呀B好開心。5點島返TKO趁早唔多人食荳子冰室後返企。

14/10(六) -- 中午同CB呀媽一齊食野，之後下午一齊去B學校親子日玩下遊戲。玩完返天晉。我同C去寶林refund同行一圈，再返天晉。我恰左陣，夜晚食埋飯返。

15/10(日) -- 將軍澳體育館8-10，隻腳好似好返d試下打，跑步都還好，跳同急爆急停都係唔得，又唔敢同人對腳有咩碰撞。無咩表現之下，幾場波竟然都入左好幾球三分。打完波去坑口食野之後返TKO買外賣返去。沖完涼恰完，同CB去Megabox。食完Ikea行完例牌野8點零搭車返去。

3。幾晚無開冷氣訓，雖然日頭都仲熱熱地，不過終於叫入秋天氣有少少轉涼。

4。腳硬係爭d。

5。呢排好攰好無精神...

來緊:

表弟唔記得邊幾日來睇裝修

月底呀媽旅行我又要過天晉訓

完

十月八日 -- 九號波

3/10(二) -- 收工去羽毛球班。

1。今日教正手挑波，之後試埋反手。暫時留意到嘅點: 右腳踏前，左腳腳尖向前。右手塊拍同開波似，唔好心急等佢到低d位置先向前打。一向都係正手苦手，之後試反手好順，唔知點解由開始打羽毛球反手已經好順手。

4/10(三) -- 出site收工返企夜晚C煮。

2。同呀古買左玩具交收埋。

3。連續幾晚夜晚狂發夢，訓得好差。

5/10(四) -- 收工返企夜晚C煮。

6/10(五) -- 出site收工返去同B係樓下同尚德玩一陣，之後買外賣返屋企食。

7/10(六) -- 朝早同CB去排隊睇醫生，10點C去家長會，我同B睇醫生。10點半島睇完，同佢係屋企附近行下同玩，到1點島C先返來，去左Parkside Foodcourt食飯。食完返企沖涼訓左一個下午。夜晚食完飯之後我好快又昏迷。

4。反正陪B等睇醫生，我都排埋。其實腳一直都爭d，不過感覺都係發炎，可能食下消炎藥都OK，起碼唔使錢丫...

5。可能因為攰，可能因為食左藥，狂訓...

8/10(日) -- 天晉8-10，都係hea射下波。之後同DerekTommy食野再買外賣返屋企。沖完涼同B hea一陣又訓。訓到5點島起身執下野，夜晚C煮個粉又一餐。

6。是日5點幾掛8號波，7點掛9號波。

來緊:

13/10(五) -- B放假一天。

14/10(六) -- B學校下午親子日

完

十月二日 -- 中秋

25/9(一) -- 收工返企夜晚C煮。

26/9(二) -- 下午放假，去北角同源CB食晏，之後一齊去探民媽。探完返企夜晚再出去羽毛球班。

1。開高波差不多成型。回高波，隻手舉直時拍面向前，要預啱腳步及位置，習慣性啱啱打到。

27/9(三) -- 出site收工返企夜晚C煮+我買串燒。

28/9(四) -- 出site收工返企睇跌打。夜晚C煮少少+我買串燒。

2。原來呀哥佢地移英一年了。

3。終於由頭睇完一次漫畫鋼之練金街師。一向對於要追返好多進度或者由頭睇完嘅漫畫會比較無心機，除非好好睇。呢套真係佳作，令我好快就睇完。雖然有29本單行本不過由頭到尾節奏都好快又唔拖，劇情一步步去有晒鋪排。人物設計同性格都鮮明，幾個主角配角都有成長。敵人設計都各有特色，全部人物做事都各有解釋到嘅理由。會死人但唔會亂來，一直會出下新人物但唔會多到記唔到同埋無用。去到中盤同中後盤主角方分開幾方做唔同野再係約定之日會合分頭行事都寫得好有條理。個作者不論故事同畫功都好好呀。

4。C發燒。

29/9(五) -- 早收三點。返去同Grace交收之後睇跌打。夜晚過天晉食飯之後同CB呀媽出去海邊行下。

30/9(六) -- 無節目。中午出土瓜灣食左哥登堡，君威無開，熱又無去買燒賣，最後去左Sodamall行。返屋企5點島，好攰係屋企恰左陣。差不多8點去尚德食飯，再去單車公園草地玩一陣後返企。

1/10(日) -- 天晉8-10，今日hea打仍然唔係好得。打完同DerekSam食完野買返去，沖個涼就恰下。4點幾起身同CB呀媽一齊去沙田行下，去左Ikea食野行個圈，之後去新城市行出河邊睇下花燈，再行去沙田圍搭鐵返企。

2/10(一) -- 朝早起身10點幾出門去康城買飛，跟住食野行一陣，1點9睇Paw Patrol。睇完上天晉，夜晚食埋飯返。

5。Paw Patrol電影版 -- 小朋友戲，大人睇就少悶。

來緊:

完

九月二十四日 -- 腳未好

18/9(一) -- 貓生日快樂。收工返企夜晚C煮。

19/9(二) -- 收工照去羽毛球班，不過唔猜波齋學同練。

1。瘋狂練開波個副教又幫我執動作。記一下自己GET嘅重點: 根本係打側企。左手拿波時可以低少少，佢話放1點方向我覺得可以差不多2點。右手可以放低d。波跌低少少先打，個拍揮出去打中個波時係向前。

2。側身，拼步，殺波 (前後腳倒轉) (右腳踏前向右)。

20/9(三) -- 收工返企夜晚C煮。夜晚睇跌打。

3。咒術迥戰新一話55555瓜左。其實好難講合唔合理，不過就預左嘅...

21/9(四) -- 早收工返去睇跌打，夜晚C煮。

4。老叔公得病。希望早日康復。

22/9(五) -- 下午公司site visit去洪水橋，係天水圍散水。B夜晚帶去天晉食飯訓，我同C去康城睇戲食飯。

5。孤注一擲 -- 劇情幾straight forward，不過佢講詐騙講得幾到位，幾清楚直白，一般人睇完，有警戒作用。以戲論戲的話，節奏掌握得幾好。最後妣有少少主旋律，不過覺得唔少好多。

23/9(六) -- 朝早C帶B去上堂，原來最後一堂了。我去睇跌打，之後去寶林meet佢地食晏。食完返企沖涼B婆婆公公來左。hea到6點去稻香食飯(舅父join)同公公預早慶生。

6。因為屋企單野，呢幾日C不停執屋。不過次次都係咁，有事先執，平時唔執。一執就乜都唔理...其實好難攪。

24/9(日) -- 天晉8-10，今日都係hea射波唔敢打。之後同佢地食完野買野返來。沖完涼恰一陣去天晉，夜晚食埋飯返。

7。竟然無啦啦突然因為公事半夜扎醒，之後訓唔著。4點碌到5點先再訓。

8。原來老叔公胃做左手術。咁大年紀都仲做到其實本來身體都好好。

9。唔係我主要種嘅因唔想受果。要抵嘅你自己抵啦。

來緊:

26/9(二) -- 下午放假，同源去探民媽。夜晚去羽毛球班。

29/9(五) -- 早收三點。同Grace交收。夜晚出去行下。

完

九月十七日 -- 觀禮

11/9(一) -- 今日照返工，不過係街上行多幾步發覺麻麻地。收工返企夜晚C煮。

12/9(二) -- Sick Leave睇跌打，比醫師話我行(尋日無睇同埋返左工)。睇完食埋飯乖乖留家。下午訓左半日，晚飯C煮。夜晚聽歌砌模型。

13/9(三) -- Sick Leave睇跌打。C呀媽來。夜晚C煮。

1。得閒無事睇漫畫版鋼之鍊金術師(以前一直無完整咁睇晒)。睇左幾期單行本，真係佳作。

2。表弟突然正式話要來HK住。其實都預左嘅，係幾時姐。而家有少少趕，話12月要裝修天晉。呀爸呀媽未必搬得切。

3。砌左隻MG Gundam MkII Ver2.0。好耐無砌MG，好detail好靚不過真係大隻同埋多左水口，都係HG啱心水d。刮貼係靚嘅。

14/9(四) -- Sick Leave睇跌打。夜晚C煮。

4。得閒無事睇浪客劍心北海道篇。唔係話差不過真係主要賣情懷...整堆壞人出來，主角果邊集合返之前人物，之後都係一人一個咁打...

15/9(五) -- 收工返TKO，等B玩一陣天晉遊戲室後去尚德食飯。

5。迷宮飯完結撤花。好睇好完整。

16/9(六) -- 朝早係企hea，C同B去上堂。中午同CB同呀媽食飯。下午係企，C執屋，我同B玩。夜晚去Popwalk 2食。

17/9(日) -- 朝早天晉8-10，腳未好晒只係輕鬆走動同射下波，之後同DerekSam食完野買外賣返去。沖完涼訓一陣，下午去薄扶林伯大尼小突堂觀禮Candy結婚。夜晚返天晉食飯。

來緊:

完

九月十日 -- 開學/扭親/極端黑雨

4/9(一) -- 收工返企夜晚C煮。

1。今日朝早有單野突發要返上環HQ。等老細簽名時順便兜左下以前行嘅地方，買左皮蛋。泰國野、燒味、糖果舖已消失。

5/9(二) -- 收工join公司抽到嘅免費羽毛球班活動。由初步學起，感覺幾實在。到最後自由時間hea打時竟然扭親腳...勉強返到屋企。

2。估唔到自己扭親腳，輕鬆hea猜波都扭，應該真係個人身心俱疲，狀態低到一個點。

6/9(三) -- Nat生日快樂。呀B開學本來請左一日假。朝早去睇跌打等左好耐先開。睇完買野返來食少少之後沖涼敷藥，係屋企hea一日。好攰不停好眼訓。

7/9(四) -- SL。朝早睇跌打，係屋企hea一日。

3。今日B不停發癲終於都引到我都爆炸發癲。三歲定八十，無得救。

8/9(五) -- 本來SL一日，不過尋晚開始黑雨，竟然全日黑雨，極端天氣，停學停工，慳返日SL。係屋企hea一日。

4。睇左幾日FIBA，好睇過NBA好多。加拿大同美國輸，雖然算係爆冷，但我又唔覺得係大冷，人地teamwork真係好好多，有晒戰術。美國不停單打舍底又唔夠硬，其實輸唔算好意外。

5。腳睇左2次跌打，抖左3日，感覺有好好多。

9/9(六) -- 朝早睇跌打，雖然好好多，但行路仍然都係爭少少。下午C帶B去大埔Helen度夜晚食飯，可惜我join唔到。係屋企聽歌砌模型。聽返好多唱歌節目表演嘅舊歌, 發掘到d好唔錯。

10/9(日) -- 朝早打波天晉8-10，只係負責拿場同拍下片，唔敢打了。同Derek食完野返企。B訓完後過天晉，夜晚食埋飯返。

6。德國嬴冠軍。其實打得好，值得贏嘅。

來緊:

17/9(日) -- Candy婚

完

九月三日 -- 打風

28/8(一) -- 收工返企夜晚C煮。

1。Add到新同事IG，真係幾勁喎。

2。終於轉左歌list，今次幾乎徹底舊歌。

29/8(二) -- 下午病假。先去九龍灣拿報告，再去將軍澳醫院覆診。可能專科都幾快，唔算等好耐(少過一個鐘攪掂晒走得)。之後見無落雨，踩單車返企。夜晚C煮。

3。本來約TKO佬們夜晚踩車，不過鵬鯉臨時唔得所以cancel。

30/8(三) -- Physio915SSP。出site九龍城收工買d外賣返企。

31/8(四) -- 我地team SM Connie本來星期五last day退休，今日同佢lunch farewell。點知預估星期五打風，last day埋。下午出site收工返企夜晚C煮。

1/9(五) -- 打風放假一天。係屋企hea足一日，主要我陪B玩，其實好攰同悶。

4。B去poopoo痛到喊。仲話要叫消防員(同醫生)救佢，笑死。

2/9(六) -- 8號風球到4點幾。呀媽活動取消，所以臨時決定夜晚去天晉食飯。呀B要求所以臨時決定比佢留天晉訓。無戲啱睇加上我頭赤所以返企休息。

5。比B睇卡通片，所以有時間砌下模型...

6。聽同dl左好多50年live演唱嘅歌，不錯。有d堅唔識/唔熟。

3/9(日) -- 朝早打波天晉8-10。是日起身已經覺得自己身體狀態麻麻好攰，加上打打下腳趾痛(返企之後發現原來穿左襪磨到痛)，自覺表現麻麻。雖然都有入下波防守唔係防人地主攻手，不過有幾下應該打得好d但真係唔好，唯一有球值得一記嘅係有下clear blcok好應。打完波同Derek食野買外賣返企之後沖涼訓左陣，同B去左海邊比佢試下直排輪，5點零我走先，去灣仔meet Nathan食飯再睇波(香港金牛季後賽)，主場輸波被淘汰，不過氣氛比上次熱烈嘅。睇完返去尚德買夜市外賣。

7。C竟然食到煙頭...

8。Keep住有睇下FIBA大賽，好睇過NBA。日本幾勁，中隊真係幾廢...

9。N年前搭巴士係隧道口見到幾次嘅人名車牌FION NG竟然今日係TKO街上再見到~

來緊:

8/9(五) -- 1630 Physio

17/9(日) -- Candy婚

完

八月二十七日 -- 呀媽生日

21/8(一) -- 朝早Physio SSP。收工返企夜晚C煮。

22/8(二) -- 下午去整骨，搬左去上水。今次又有新野，懷疑就係抓龍筋，扯JJ都無事，揸春袋真係好痛，仲要持續一段時間，全身標晒冷汗濕晒...同之前一樣整完勁攰，搭巴士到觀塘轉車返企，無去九龍灣拿report了。

1。一早預左會攰，一早話左夜晚早d係街食飯返去沖涼訓覺。結果完全活係自己世界入面，煮飯煲埋湯，又係要等B好慢咁食完先有我洗碗倒垃圾(仲拿左湯過天晉)，結果好夜先有得沖涼訓。CLS。

23/8(三) -- 請一日假。10點幾同CB出門去SSP，行左特賣城同玩具街，2點幾食油渣麵再去綠林食埋甜品就搭車返TKO。去Aeon行陣買野返企放低晒d野，去天晉遊戲室比B玩一陣，佢地返企我去買外賣返去。

2。超級攰，沖完涼一陣就自己係房訓左。11點幾醒熄晒d野再訓。

24/8(四) -- 收工去灣仔meet呀媽一齊食野(用卷好抵)，之後去修頓睇波。由於都幾多Foul同埋有d球員唔太好波，所以會有少少悶。9點9島散場。

3。真心覺得如果唔計身材，打開嘅某d波友球感球商同球技好過有d落場比賽嘅球員。

4。最近d新聞+睇炎拳+自己週期性嘅情緒令到自己心情好差同忐忑。

25/8(五) -- 呀媽生日。出site收工返TKO同呀媽去海邊食飯慶生。

26/8(六) -- 朝早C同B去寶林上堂, 我去睇準備蛋糕嘅野。中午我買外賣，食完呀B恰一陣我整左果個蛋糕。下午我帶B去寶林整Pizza。C臨尾來join，佢帶B上天晉，我返七座拿蛋糕過去。夜晚食完飯食埋蛋糕返去。

5。抽錢蛋糕總算完成，勉強都算順利。

27/8(日) -- 打波天晉8-10，今日雖然有d場芍住勁人被炒，但都有以弱勝強嘅一場，雖然我進攻無大貢獻，不過Mark呀泰同協防Derek都算係咁，而且有一球致命拉開嘅三分。打完直接返企沖涼，之後去稻香同呀媽CB舅母同表姐飲茶。飲完散水之後同CB去寶林小童群益會遊戲日。玩完我自己去坑口meet老豆同佢拿眼鏡，拿完我返七座放低野同攸少少家務後再過天晉，食完晚飯返。

來緊:

29/8(二) -- 下午醫院覆診

30/8(三) -- Physio915

31/8(四) -- Connie farewell lunch

17/9(日) -- Candy婚

完

八月二十日 -- TKO中佬踩車團成行

14/8(一) -- OT screening，之後返TKO自己買d野食返企，9點島先食。

15/8(二) -- 收工返企夜晚C簡單煮。超級眼訓同攰。

16/8(三) -- 收工返企夜晚C煮。之後出去同LoLo鵬鯉係TKO踩單車。夜晚幾焗無乜風。係大橋中間吹左陣水，Lolo係康城先脫隊，我同鵬鯉去尚德買睇下，我買左野食返去宵夜。

17/8(四) -- 出site收工返企夜晚C煮。

1。太攰，9點幾訓左。B又癲。

18/8(五) -- 公司Annual Din。9點半島抽完獎即閃晞同Lolo一齊返。當然我係抽唔到咩獎啦。

19/8(六) -- 朝早同老豆去配眼鏡，比想像中順利。之後過寶林同CB食飯，返企抖一陣。下午4點島Grace一家上來拿BB野，再一齊拿去佢屋企。夜晚我地自己一家係坑口食泰國野後返企。

20/8(日) -- 打波天晉8-10。同Derek Jack食完野後買野返去，沖個涼休息一陣，2點零馬一家來，去天晉遊戲室玩，再上我地家玩。5點半島散，我地上天晉食晚飯。

來緊:

21/8(一) -- 1000 Physio

22/8(二) -- 1400正骨

29/8(二) -- 下午醫院覆診

31/8(四) -- Connie farewell lunch

17/9(日) -- Candy婚

完

八月十三日 -- Up & Under

7/8(一) -- 出site收工上C娘家食飯。

1。B行路企係度也訓著。

8/8(二) -- 慈雲山收工，去寶林同CB食燒肉。

2。姨丈一家全部返晒去，老豆都返天晉訓。

3。B係商場無啦啦話要跟爸爸去廁所一野衝入男廁，好彩只係門口附近姐~

4。剪(剷)左頭髮，今次有少少唔同。

9/8(三) -- 收工返企夜晚C煮。

5。公司URFS單野似乎幾勁，今日MD都落埋去KCNC。

10/8(四) -- 收工返企夜晚C煮。

6。戰國妖狐動畫化！

11/8(五) -- C約左人食飯帶埋B。我收工去觀塘幫呀媽拿野，之後過北角同BenHerman食飯。

7。Lunch Candy來拉我同Ansel食飯派帖(不過Ansel唔舒服無join)。

8。試左一晚唔開冷氣訓，都唔太差。不過爭少少始終都係開好訓d。

12/8(六) --  朝早我帶呀B去上堂，呀媽都一齊來。呀C之後來寶林join食飯。返TKO後Trista帶悉悉來同B去天晉遊戲室玩。玩到咁上下上我家玩，我攰到係廳恰著。夜晚7點幾呀勇來尚德一齊meet埋食壽司後散。

13/8(日) -- 天晉打波8-10，今日射波不錯仲入左幾球三分，仲出到自己練嘅up & under轉過左Derek，可惜finishing果下入唔到。另外，有一場大家苦戰贏Derek都開心的。打完波同佢地食完野返屋企沖涼，C帶B去同佢同學仔去天晉遊戲室玩，我沖完涼hea一陣做完家務過去後join。散水後上天晉，夜晚食埋飯返企。

來緊:

18/8(五) -- 公司Annual Din

21/8(一) -- 1000 Physio

22/8(二) -- 1400正骨

29/8(二) -- 下午醫院覆診

31/8(四) -- Connie farewell lunch

17/9(日) -- Candy婚

完

八月六日 -- 新傑婚宴姨丈來一星期

31/7(一) -- 收工返企夜晚C煮。

1/8(二) -- 收工返去同CB去Parkside Foodcourt食飯。

1。姨丈一家(連2個表弟一家)來港兩星期，老豆呢段時間過來訓。呢段時間夜晚唔煮飯，因可能隨時要同佢地食。

2。一個疫情令大家好耐無見，小朋友都大晒~~

2/8(三) -- 收工返去食Subway，呀B第一次食佢覺得this this and this好得意 xD

3/8(四) -- 收工返去同呀媽CB呀姨文婉同佢小朋友食譽居。

4/8(五) -- 收工返去食番茄18。

5/8(六) -- 朝早同CB去酒店食早餐(表弟一家唔食所以有位)，之後去寶林同B上堂。上完堂返企比B訓覺，之後我帶B去寶林上堂佢整果撻。5點幾完返屋企換衫整理之後去炮台山參加新傑婚宴。

6/8(日) -- 朝早打波天晉8-10，同佢地食完早餐買外賣返去後沖涼再一齊休息。3點幾起身買生日蛋糕同少少佈置上天晉，簡單慶祝丹婷同球球生日，同呀B小富貴落去玩一陣天晉遊戲室(裝修完今日開)後過去稻香食飯(姨丈開左左四圍)。

來緊:

11/8(五) -- C約左朋友食飯

18/8(五) -- 公司Annual Din

21/8(一) -- 1000 Physio

31/8(四) -- Connie farewell lunch

17/9(日) -- Candy婚

完

七月三十日 -- 靈戲逼人大結局

24/7(一) -- 收工返企夜晚C煮。

25/7(二) -- 出site早收，C唔舒服，我順便係九龍城買外賣返去。

26/7(三) -- 收工返企夜晚C煮。

27/7(四) -- 收工去觀塘同Natalie食台灣野。野食普通。難得大家拿到permit唔使lunchtime趕頭趕命，可以傾下計幾開心。8點零散。

28/7(五) -- 收工返光買外賣。夜晚去天晉訓。

1。靈戲逼人 -- 難得追一套電視劇，初初未播睇到trailer已覺得幾吸引，加上見到龔嘉欣就更有興趣睇。其實個意念幾好，將傳統粵劇加入係故事原素入面，大半部以雲柳芳想拉曲行雲做主線，後段開始再加d懸疑查當年發生咩事，都幾好。男女主角互相有經歷慢慢建立起嘅感情都寫得合理。可惜嘅係故事節奏有時唔太好，營造感情位有時多左有時少左。另外，戲班戲份多左少少，有幾集男女主好似配角咁，偏偏男二傑仔人物個性麻麻地有d趕客，睇到有少少厭煩。

演技傑仔普通，Tiffany就不嬲都麻麻地，只係樣靚身材正...張振朗我覺得無網上d人講得咁差，其實都算自然，不過我都認同佢未太擔得到大旗，不過不失而已。龔嘉欣自從佢係幕後玩家(好似係)之後一直都覺得佢好戲，尤其係慘戲喊戲發揮得好勁，並唔係果d咩喊到好淒厲果種咩演技大爆發，真心覺得有層次有感情。今次係最後餐飯笑住哽咽果幾句好癲。

大結局來講，覺得都係節奏問題。劇情有bugs就算，個人覺得重點唔係bugs果d位，但食飯個位其實就咁完已OK，沙灘少少多左，但如果係沙灘消失加上歌來完都OK，無啦啦落埋水就有d多左...

不得不提首主題曲，如果普通版就只係一首so-so OK啦嘅歌，但夾埋粵曲就覺得好有創意好得意同好有feel，可惜網上未有呢個版本聽到，只有個商場live。似夢迷離改左編曲都唔錯(音樂部份)，唱就麻麻地...始終男聲唔係職業歌手。翻唱嘅白金升降機其實無大問題，但咬字令人覺得好出戲...要多加進步了。

29/7(六) -- 朝早大雨到紅雨，呀B上堂cancel。中午同CB去Megabox行再去淘大，夜晚係得寶foodcourt食野再返去。夜晚去天晉訓。

30/7(日) -- 朝早打波天晉8-10，成班後生，打到好攰。之後同Derek食完野買外賣返去，沖完涼抖。差不多3點出門，下午4點去i-square公司活動睇戲Elemental。睇完返尚德食埋飯行一陣返企。

2。Elemental -- 營造嘅世界好靚，人物鮮明。劇情講移民、講父母expectation、講種族問題，簡單直接唔算好深入，但亦唔特別深刻。起承轉合都只係普通，並唔算特別出色。Overall係唔錯嘅，不過唔好同Inside Out比了。

來緊:

1/8-8/8 -- 姨丈一家來香港。老豆過來訓。

5/8(六) -- 新傑婚宴

7/8(一) -- 1015 Ultrasound

14/8(一) -- 1000 Physio

17/9(日) -- Candy婚

完

七月二十三日 -- Barbie

17/7(一) -- 估唔到打風打大半日，放左一日風假。全日係企hea，中午我煮，夜晚我落去買外賣。

1。好耐無落手煮野，都係自己整嘅啱食d。

18/7(二) -- 出site收工返企夜晚C煮。同B落左去行超市。

19/7(三) -- 出site收工返企夜晚C煮。

2。呀B第一次上畫畫堂，我返屋企門都未關就自己打瀉左杯野破壞左佢幅畫，佢都喊得幾傷心。我覺得我自己嘅心理創傷可能比呀B仲大。

3。公司URFS嘅人單野，其實佢地真係自己拿來嘅。

20/7(四) -- 早收工去睇醫生做檢查。夜晚C煮。

4。今日開始老細放一個禮拜假去韓國。希望公司無特別野發生。

21/7(五) -- 收工返去買外賣返企。

22/7(六) -- 上午同B去寶林上堂跟住食晏，呀媽都來join。之後返TKO我同呀媽去街市買野，再返天晉。下午恰左陣，夜晚快食完飯快閃。B留天晉訓，我同C去康城腸Barbiezd1

5。Barbie -- 估唔到都玩得幾盡，幾好笑，但又好諷刺男權女權，又諷刺現實世界。最後仲有帶出少少真實人生。套戲不錯。不過有少少可惜腸唔到Indiana Jones。

23/7(日) -- 打波10-12天晉，今日因為晏所以呀輝都來! 第一次見到佢太太同仔。由於近幾星期來打嘅人水準都偏高，所以自己唔算有咩作為，不過因為要狂走，所以運動量都高。打完之後CB一齊同Derek Sam去Parkside FC食野，之後上天晉。食埋飯返。

6。是日大暑，好熱。

來緊:

28-29/7 -- 呀媽出行我去天晉訓

28/7(五) -- 1015 Physio

30/7(日) -- 公司movie

7/8(一) -- 1015 Ultrasound

8月一星期姨丈全家來

完

七月十六日 -- 打風

10/7(一) -- 收工返企夜晚C煮。

11/7(二) -- whole day site，朝早九龍城下午SSP，熱死了。夜晚C煮。

12/7(三) -- 呀馬早一日突發搵我，Kathy同鳴鳴飛日本，馬轉contract無假去。收工去北角紅星同佢食飯8點島散。

13/7(四) -- 出site收工返企夜晚C煮。

14/7(五) -- 收工去寶林同CB食飯之後返企。

15/7(六) -- B中午係寶林上堂。我朝早睇跌打，條腰冤痛到爆炸，醫師話硬到撳唔入。睇完CB已經出發，我返企晾埋衫先去寶林。中午係寶林食完野行一陣返天晉。夜晚天晉食埋飯返。

16/7(日) -- 朝早打波天晉8-10，今日幾多人，同事Alvin都來打。打完同DerekJackSam食埋野買外賣返企。本來入TM不過Rita女發燒再postpone。夜晚買外賣返來食。

1。是日打風落雨，明天可能8號波。

2。今日終於再的起心肝執左屋企嘅舊模同埋散件s下半場。

來緊:

28-29/7 -- 呀媽出行我又過天晉訓

30/7(日) -- 公司movie

七月九日 -- 熱又攰

3/7(一) -- 早收工物理治療，之後踩單車去寶林有關身體檢查嘅野。返企夜晚C煮。

4/7(二) -- 收工返企夜晚C煮。

1。物理魔法師完結撒花~ 其實到後尾都有少少拖同埋已經無乜梗，總算平平實實咁完。

5/7(三) -- 收工返企夜晚C煮。

6/7(四) -- 收工返企夜晚C煮。

2。李玟突然過身，幾震驚。

7/7(五) -- 出site收工返TKO同CB係附近食飯，返企換衫出CWB同HermanBenchoi坐低傾左陣，10點半島走。

3。出完site超級攰。

8/7(六) -- 朝早起身去天晉游水，之後上天晉。晏晝同C返一返七座拿TB野同執野，再去坑口買野食，夜晚返天晉食飯，呀B留天晉訓。

4。本來想夜晚去康城睇戲，不過C唔太好我想睇嘅戲，所以作罷。

9/7(日) -- 朝早8-10天晉打波，今日來嘅都勁，自己唔及人level，不過以我自己來講算係打得唔錯(雖然籃底炒左好多...)。同佢地食完野買外賣返企，沖涼訓。下午同CB去圖書館後上天晉，夜晚食埋飯返企。

5。靈戲逼人 -- 講過好多次TVB拍小品一直唔錯，好過d大製作或者鬥爭劇，加上龔嘉欣我一向覺得佢幾好戲，所以有追來睇。暫時5集都唔錯。

來緊:

10/7(一) -- 1545physio

16/7(日) -- TM

30/7(日) -- 1600公司movie

完

七月二日 -- 完上半年

27/6(二) -- 收工返企夜晚C煮。

28/6(三) -- 收工返企夜晚C煮。8點出門踩車兜坑口去寶林，9-10同鵬鯉Penny打羽毛球。

29/6(四) -- 收工返企夜晚C煮。

30/6(五) -- 收工返TKO海天晉食，食完買湊湊手搖返企。

1/7(六) -- Rita女發燒，去TM cancel。朝早10點我同B 2個出去玩。去左圖書館再去寶林，2個人食埋飯再去寶康公園玩完返企大約3點。C之前果晚話無點訓，我地返到去都未訓話啱想訓...沖個涼之後恰。夜晚去天晉食飯，B留天晉訓。

2/7(日) -- 朝早天殉打波8-10，Jack竟然來到。打完一齊食完野我買外賣返去。沖完涼又恰。夜晚過天晉食飯。

1。咁就完左上半年。

2。水星之魔女大結局。Overall來講成套算係普通，宏觀咁睇有d唔知想點，前面商戰好似有少少無謂。打得唔算多，大結局直頭無打，來個BBQ結局。細節來睇有幾多位都幾正嘅，但就只係某d分段某d分段一節節好，overall就普通。最正係第0集。

來緊:

10/7(一) -- 1545 Physio

16/7(日) -- TM

30/7(日) -- 1600 Movie

完

六月二十六日 -- Macau Trip + 結業典禮

19/6(一) -- 收工返企夜晚C煮。

20/6(二) -- CB下午同同學仔去沙灘。收工返屋企食糭。

21/6(三) -- 請假一日。一早起身去上環搭船去澳門，氹仔落船搭輕軌去酒店。check-in後食完野去科學館，再去觀音像隔離嘅公園玩。7點島搭返去官也街搵野食，之後返酒店。

22/6(四) -- 端午節假期。一早起身去酒店泳池，玩到大約11點返房，沖涼抖一陣check-out。去hea行左上葡京同食野，表姐來車我地，去左熊熊館行左個圈(過左時間睇唔到熊貓)，之後上舅母家拜訪佢。夜晚同表哥表姐表妹同佢地一堆小朋友一齊食埋飯走。搭金巴返香港。

1。B第一次離HK境。搭船無扭無暈。成個trip都開心嘅。科學館一般般，反而個公園幾正。

23/6(五) -- 收工返TKO同CB係街食。

2。NBA Off season頭幾單trade都有d surprise (CP3 Poole Smart etc)，期待繼續洗牌。

24/6(六) -- 朝早起身hea陣去寶林行一陣，呀娟12點半來同佢食飯再食甜品補慶生，仲有日本手信拿。散水後我地返TKO行一陣買d野返企。夜晚hea煮粉同雲吞食。

25/6(日) -- 朝早打波天晉8-10。之後去游水度meet CB，再到尚德meet呀媽一齊食野。食完呀媽帶B上天晉，我同C返七座執野，再去圖書館先返天晉。下午同老豆食蛋糕補返父親節。夜晚Edf突發話入來TKO食飯，佢帶大仔來，一齊食sushi再上我家坐陣同埋BB們玩，佢地10點幾走。

3。雖然之前練過下波，但手感同身體balance未練返。再加上周身痛。

26/6(一) -- 請假一天。B K1結業禮9-10。完左之後我拎野返七座，順便快剷左頭髮，再出牛頭角meet CB同佢同學仔們，食d野再去playroom玩(12-3)。散水返TKO去左湊湊買野飲，回程買埋外賣返企夜晚食。

來緊:

27/6(二) -- 0945 Physio
28/6(三) -- 2100-2200寶林羽毛球

1/7(六) -- Edf家

完

六月十八日 -- B 4歲生日

12/6(一) -- 收工返企夜晚C煮。

13/6(二) -- B生日，我拿假。朝早送佢返學後同C快食個早餐，之後去SSP電子特賣城同玩具街行下同買野。返坑口啱啱好C去接佢放學我去壽司郎拿飛，一齊食lunch。食完返企沖個涼佢玩陣訓。夜晚見原來616做緊66折，6點島去邊爐。

14/6(三) -- 收工返企夜晚C煮。

15/6(四) -- 裝抽油煙機C無煮，早收工返去睇跌打，夜晚食糉。夜晚我過天晉訓。

16/6(五) -- 收工返去買外賣。夜晚我過天晉訓。

1。夜晚天晉見大強。

17/6(六) -- 朝早同九叔group打波Parkside 8-10，之後同Jack食早餐。買外賣返企沖涼，下午C姨丈同呀媽上來。好大雨，坐一陣本來諗住一齊入西貢，不過我地無入佢地2個入。6點佢地出返來連埋C大細佬一齊去食湊湊。夜晚我過天晉訓。

2。同Jack打左佢應該近期最後一次波。

18/6(日) -- 朝早9點天水圍公司工商盃比賽，好彩Kenneth車埋我入去。打得唔好，輸左幾分。打完搭鐵返企。買埋野食返去食埋沖個涼休息一下悉悉一家上來玩，夜晚買外賣一齊食，8點幾散。

3。某友之前發脾氣(但我完全無做錯或有咩唔恰當)，我當然係當無事咁。之後佢都有say返sorry。有時同人嘅關係，總係要有退有讓或一方無少少所謂先，先會長keep到，甚至更進一步。

來緊:

21-22/6 -- Macau Trip

24/6(六) -- 娟飯?

25/6(日) -- 8-10天晉; 本來話去TM不過應該postpone

26/6(一) -- 放假一日參加B K1結業禮

完

六月十一日 -- 預祝B生日

5/6(一) -- 收工返企夜晚C煮。

1。係公司廁所無意之間出左降龍十八掌。xD

2。睇完射鵰英雄傳。

6/6(二) -- 出site收工返企夜晚C煮。

3。再轉舊歌list，3.0。

7/6(三) -- 收工返企夜晚C煮。

8/6(四) -- 出site收工返企夜晚C煮。

9/6(五) -- 收工meet一meet Ronald，之後返TKO去稻香食飯，公公婆婆大舅父一齊來同呀B預祝生日。

10/6(六) -- 朝早同CB呀媽一齊食早餐，之後呀媽有野攪，我地上天晉。我同C返七座拿野放低野再返天晉。夜晚食飯再同B預祝埋生日返企。

11/6(日) -- 朝早9點同Derek去尚德射下波，10點9島落商場meet埋CB一齊食野再行埋迪卡龍散。返企沖個涼恰下。4點島出門行Aeon遇到老豆，返七座拿Blender過去天晉。去將中食tea後返將廣行下再返企。

來緊:

13/6(二) -- B生日，拿左假。

18/6(日) -- 公司比賽

19/6(一) -- 0945Physio

21-22/6 -- Macau Trip

25/6(日) -- TM

26/6(一) -- B畢業典禮，拿左假

完

六月四日 -- 休息

29/5(一) -- 收工返企夜晚C煮。

30/5(二) -- 收工返企夜晚C煮。

1。熱火竟然羸!

31/5(三) -- 下午出site，夜晚OT。中間攝時間去左Crystal舖頭傾計同食d野。

1/6(四) -- 收工返企夜晚C煮。

2/6(五) -- 收工去坑口整眼鏡，之後返TKO meet CB食飯。

2。中午同周天恩食飯，聽左佢近況。佢自己就雖然其他人聽落會覺得怪但總算係自己選擇。佢屋企人就真係奇怪。

3/6(六) -- 10點島出門meet埋呀媽一齊去維園行左個圈同拿禮品，好熱。返TKO食野上天晉，放低B。我同C去坑口買抽油煙機再去九龍灣拿回鄉証。返天晉食晚飯。B留低訓，我同C夜晚去康城睇銀河守護隊3，睇到12點幾完場返企。

3。銀河守護隊3 -- 不過不失完滿結束個系列。個最後大佬又係例牌前面好勁到同主角打果時廢左好多。又好似痴線佬咁癲癲地。

4。是日可能好攰又熱又唔夠訓，下午搭巴士塞車又口咁chok，所以暈暈地。

4/6(日) -- 7點半鰂魚涌公園同馬皇帝屎蟲射下波。之後返TKO同C一齊等B游水，再去尚德meet呀媽一齊食飯。同呀媽買埋野上天晉後返屋企沖涼訓。4點先起身出門去圖書館再過天晉食晚飯。

5。麻糬走得好突然。阿B知道之後喊得好淒涼。係咁問係咪以後見唔到貓貓，又話佢最鍾意陪佢訓覺果隻貓貓。同平時扭計嘅喊好唔同，非常傷心。佢係咁問係咪以後都見唔到貓貓，又問係咪我哋有咩病傳比貓貓。同佢講貓貓去咗彩虹橋，佢又話佢可唔可以去搵貓貓。又話好鍾意好掛住佢。隨住B大，總要慢慢領略人間嘅悲歡離合生老病死。之前Brownie走，佢都係半知半解咁，但係都表示好唔開心，今次麻糬雖然佢只係得一面之緣，但似乎更加了解到永別嘅感覺。加油啊阿B，爸爸睇好多嘢都好淡，但呢樣嘢都係睇唔透嘅。

6。呢個禮拜好熱好焗，返工又超忙。好攰好攰。

7。NBA Finals 2隊(金塊熱火)都OK，不過其實都無乜懸念，實力有差距。

8。水星之魔女新一集，突然劇情大進，收一堆線。前半不停立flag，後半典型嘅強化人結局...而女主角線就一直連續幾集講少少鋪排緊之後估計會爆發？希望大河內唔好好似之前一向咁爛尾。

來緊:

5/6(一) -- 930Physio
13/6(二) -- B生日，拿左假

21-22/6 -- B生日澳門之旅

完

五月二十八日 -- Jackie last day

22/5(一) -- 食左藥好好多，不過仲有少少痛同緊，所以都係請左病假。係屋企hea一日，夜晚C煮。

23/5(二) -- 收工返企夜晚C煮。

24/5(三) -- 收工返去同呀媽呀B係屋企附近食飯。

25/5(四) -- 收工返去調景嶺圖書館借書同meet BC，之後食埋飯返企。

1。Jackie last day了。

26/5(五) -- 佛誕假期一天。朝早我帶B落去單車公園玩，11點幾返去再同C一齊落去食飯，之後行下Parkside海天晉Donki，再買d野食返企。食完沖個涼恰下。差不多8點我先起，落去買外賣返來。

2。剪左髮。

27/5(六) -- 朝早去KT同JackieAngelEudoraCoco唱K，之後返TKO再meet埋Mona一齊上Coco屋企玩貓同card game。8點島先落返TKO食海邊食野，10點島散。

3。N年無唱K。完全開唔到聲，亦不在狀態。

4。又玩貓又玩狗是開心的。Pictionary個新玩法都幾好玩。

28/5(日) -- 朝早天晉打波8-10。同DerekJack食野再買外賣返去，沖個涼訓一陣再過天晉，夜晚食埋飯返。

5。腳一直keep住7788個狀態。打波真係只係輕鬆走動下算。

來緊:

5/6(一) -- 朝早Physio

完

五月二十一日 -- 痛風

15/5(一) -- 朝早拿假去九龍灣做回鄉証，而家好快，9點半已經攪掂晒。太早完，去左SSP行。下午返工。下午出site返企夜晚C煮。天晉訓。

16/5(二) -- 下午出site返企夜晚C煮。天晉訓。

17/5(三) -- 收工返企買外賣。天晉訓。

1。熱火贏波!

18/5(四) -- 收工返緊屋企時腳趾公突然好痛。收工去左圖書館同物理治療(打左好耐電話唔通想轉時間)度一轉。夜晚C煮。天晉訓。

2。夜晚痛到訓唔到。

3。外婆火化，儀式終於完結，可惜join唔到。

19/5(五) -- 病假一日。朝早睇跌打，懷疑左一下係痛風，但又話唔似。睇完又有好少少。係屋企攤左一日。天晉訓。

4。朝早同夜晚係天晉同七座之間果程，平時行個幾字，而家要行4-5個字。

20/5(六) -- 朝早睇跌打，係屋企攤左一日。天晉訓。

5。熱火又贏，作客贏晒2場好勁呀~

21/5(日)  -- 本來隻好似好少少，今日勁痛。朝早去左睇西醫，應該真係痛風。食左藥好眼訓，係屋企攤左一日。呀媽返左來，終於唔使去天晉訓。

6。本來今日公司比賽，join唔到...

來緊:

27/5(六) -- Coco家

29/5(一) -- 0900 Physio

完

五月十四日 -- 外婆過身

8/5(一) -- 收工返企夜晚C煮。夜晚過天晉訓。

9/5(二) -- 收工返企夜晚C煮。夜晚過天晉訓。

1。之前果晚了起條筋，今晚返天晉前踩左陣單車。今次踩去調景嶺再上橋過康城再沿海邊返來。

10/5(三) -- 收工同CB食台灣野先返企。夜晚過天晉訓。

11/5(四) -- 出site收工返企夜晚C煮。夜晚過天晉訓。

2。是晚早訓，係我訓緊時外婆過身。

12/5(五) -- 收工返去調景嶺圖書館meet CB，再去尚德食壽司再返企。夜晚過天晉訓。

3。勇士出局。其實今年真係好唔穩定，太多事同傷患好少全full team。打到第2 round同埋輸比Lakers都算係咁啦。K湯雖然打得差，但真係無咩好鬧，經歷過大傷返來仲可以打到咁已經好好啦。

13/6(六) -- 一早起身去葵興中旅社問有無快証不過最快都係5日，做唔切所以返唔到去送外婆。順便影完相先走。九龍灣meet CB，去中旅望下同影相先。之後去Megabox Ikea食野同行，再行埋ToyrusAeon，搭shuttle返德福。B訓著，係德福hea左陣，佢醒左之後過去淘大行同食飯，之後先返企。夜晚過天晉訓。

14/6(日) -- 臨時join九叔group人地嘅場，7-9東啟德。d人都幾好波，我就打得普普通通。返企沖涼之後同CB去六一六打邊爐，再去寶林行下同去有料案內所食甜品，之後返企。B訓我淋個浴6點一訓訓到差不多8點，超攰。我落去買外賣返來。食完返天晉訓。

來緊:

15/6(一) -- 朝早半日假去做回鄉証

19/5(五) -- 1600 Physio

完

五月七日 -- 又過天晉

2/5(二) -- 收工返企夜晚C煮。

3/5(三) -- B下午上堂，收工我買外賣返去。

4/5(四) -- 早收返去睇跌打，夜晚C煮。試左Raymond介紹氣炸魚，未掌握得好。

1。(唔記得邊日) 睇完碧血劍。講少少。比起書劍恩仇錄，係好咗。劇情順住去無咁散，人物又集中返d無咁散。劇情轉折同埋加碼歷史事件同人物都不錯。同好睇果幾套比較(或者後期果d)，係主角一開波幾乎武功已經好強，係呢方面唔多成長，打鬥方面無乜危難。人物方面，可能係呢套比較敗筆嘅地方

袁承志比起陳家洛好少少，但都係無乜個性，仲要見異思遷(雖然金庸好幾個男主都係咁)...溫青青直頭討厭，最憎呢類女仔。夏雪宜講到好似好勁好有個性，但係其實真係好仆街。反而何紅藥描寫得幾好，果種癡心去得好盡，對佢無大惡感。阿九無乜描寫，反而何鐵手好得意好有趣。新修版來講，係我記憶嘅劇情同描寫中，呢套都幾多修改，尤其係袁承志對幾個女角嘅感情描述。下一套係天龍八部。剩返天龍八部，射鵰三部曲同鹿鼎記就翻睇完新修版了。

5/5(五) -- 收工去調景嶺meet CB，我去圖書館借書，之後去樂天皇朝食飯。

6/5(六) -- 朝早CB同呀媽食早餐，我去睇跌打。中午返企沖個涼休息，5點島出門食tea再行下附近同Donki後返企。夜晚我過天晉訓。

2。呀媽臨時決定返鄉下探外婆。外婆中左肺炎，之前好似話麻麻地。不過當晚呀媽話佢精神同食得訓得，係要用呼吸機。

3。睇左2次跌打好好多，針左一野。

7/5(日) -- 朝早打波8-10，之後同佢地食早餐。買野返企比佢地食，沖涼恰下。下午C親戚(2個呀姨2個表妹2個B同外母)來我地屋企聚。夜晚一齊食飯(外母加拿大姨同表妹)後散，我去天晉訓。

4。NBA 2nd Rnd全部2-1未入肉。

來緊:

8/5(一) -- 下午Physio

27/5(六) -- 去Coco屋企玩貓

完

五月一日 -- NBA 1st Round

24/4(一) -- 朝早睇物理治療。出site早收返企夜晚C煮。

25/4(二) -- 收工返企夜晚C煮。

1。熱火竟然嬴公鹿，JB一條友打爆full team公鹿，好癲好熱血。

2。Lunch time睇左湖人對熊第四節尾同OT，LBJ真係堅，呢個年紀仲有咁嘅身手真係respect。Regular最尾果球追和layup好clutch，犀利。

26/4(三) -- 收工返企夜晚C煮。

3。吹羊最尾反勝三分係癲嘅。快艇好可惜，又一年，不過WB都証明到自己。

27/4(四) -- CB同親戚去海洋公園。到我收工佢地來MOKO夜晚一齊打邊爐。

4。熱火! JB! 真係好痴線! 竟然4-1黑八踢走公鹿! 公鹿真心7了。另外，真係估唔到騎士會咁輸同埋出局。

5。為左$30戲飛去排咁耐，d時間真係咁廉價?

28/4(五) -- 收工我去寶林買外賣。

6。Jackie今天遞信，佢要到加拿大讀書了。

29/4(六) -- 11點到北角同C親戚大型聚會食飯。之後係附近行一陣就散。返企沖涼我超攰訓著左。夜晚是但整d野食。

7。Lakers打爆左灰熊，大炒40分淘汰，又少少估唔到。

30/4(日) -- 9-11柴灣，本來記錯8-10，仲好早出門，好彩Derek提我，所以返返屋企hea多陣先出。今日防守方面無點攻我呢邊，所以無話咩大失分。進攻都係唔係主力，不過之後射順少少入左幾球三分，都不錯。痴Ka Chun車返TKO，第一次行將南隧道。沖完涼等B大舅父來車我地去觀塘飲茶，之後入西貢佢新居。Hea(同訓)到6點幾，車返出TKO食埋飯散。

1/5(一) -- 公假。朝早同CB呀媽去食個late早，跟住去圖書館借左一堆書。我上天晉同返企擺低野，再去尚德街市meet呀媽再上迪卡龍meet埋CB，一齊返天晉。Hea到夜晚食埋飯返。

8。一早起身見到Curry爆氣贏Game 7。其實2隊都like，不過想勇晉級多少少嘅，畢竟佢地年紀大打一年少一年了。

9。連放三日假感覺係幾好，有節目有波打又有時間休息。

來緊:

2/5(二) -- 1615 Physio

完

2023 NBA Playoff 2nd Round 短評

其實仲有一場未分勝負，不過2nd round已經開始，所以講下。

先講1st round結果。

Bucks對Heat -- 真係無諗過公鹿會輸，更唔好話4-1。Full team都算幾有冠軍相，而且大部份人都有champ經驗，竟然比JB一個人打爆左。真係估唔到。NBA 1st seed來講咁樣比人黑八真係幾樣衰。

76ers對Nets -- 正路結果。真係4-0掃走。

Celtics對Hawks -- 正路結果。都估啱4-2。

Cavaliers對Knicks -- 其實邊隊嬴都唔算好出奇，不過我本來睇高Cav一線，點知4-1，有少少驚訝。仲諗住雙塔陣幾勁，guards又幾頂級。網上睇左篇技術文，又幾有道理。佢地內線比Brunson拉出左dd，就比M Robinson狂搶板，結果場場都真係輸板。係教練無變通問題? 我自己又覺得佢2個guards打得太多，少比內線發揮。

Nuggets對Wolves -- 估啱。

Grizzlies對Lakers -- 竟然比我估啱Lakers贏，不過無諗過唔係7場。灰熊少左Steven Adams同Clarke其實幾大影響嘅。Ja其實還好，年少氣盛有少少傲氣講野大d我覺得可以接受，有估心姐。Dillon Brooks就真係7到爆了。自己年紀大，更加會支持比人串嘅老人。應該係第一次咁支持LBJ要贏。

Kings對Warriors -- 勝負未分，勇士危危乎。其實2隊都幾like嘅。

Suns對Clippers -- 正路太陽都贏，如果唔係哨，應該唔會4-1咯...不過WB都証明到自己仲有d實力。雖然經常腦衝，幾respect佢上場就give it all嘅。

2nd round

Knicks對Heat -- 應該幾好睇嘅matchup。Heat對住Knicks嘅熱血防守應該無咁好打了。JB無理由一條友撐到成個series。傷左一堆隊友之下，估Knicks會贏，4-2啦。如果打到Game 7，就Heat贏。

Celtics對-76ers -- 可以當東決咁睇。星對星來講，覺得今年Embiid沉穩左，Harden都係。Tatum就仍然間唔時會自爆，Brown仲好過佢。如果無人傷，我tip 76ers贏4-3。

Nuggets對Suns -- 雖然今日已經打左一場...本來覺得金塊都幾慘，2nd round就要對太陽。不過今年Nuggets終於人齊，Murray都差不多回復之前身手，Joker+Murray+Aaron Gordon+Porter對KD+Booker+CP3+Ayton，其實只係得KD係贏，其餘幾個我都覺得係金塊勁d。不過波就唔係逐個計嘅。私心希望Nuggets晉級，估搶7 4-3啦。

最後一個series未知...唔講住了。

完

四月二十三日 -- 工商盃

17/4(一) -- 朝早Physio。收工返企夜晚C煮。

1。本來11點幾訓左，半夜12點幾B醒又喊又扭。反正佢唔係病我又幫唔到d咩，而自己又過左線，所以1點島突發自己落街。落到去行左2步先決定踩單車。拿左車踩左2下先決定去康城果邊，踩到一半先決定上誇海大橋。結果係調景嶺果邊落來再兜將中側邊經泳池去寶林再行外圍到坑口再返TKO，只係大約一個鐘島。之後再踩入來再出Donki果邊海邊再兜返出TKO再返企。之後沖涼訓。

18/4(二) -- 收工同同事去城門谷公園打波，9點幾走。高佬車我地去荔枝角，我可一程巴士返企。

19/4(三) -- 收工返去睇跌打夜晚C煮。我睇完返去食。

20/4(四) -- 收工返去睇跌打夜晚C煮。我睇完返去食。

21/4(五) -- CB下午去佢呀姨度，之後叫我夜晚自己攪掂。收工去寶林行左圈再返去TKO，買d立雜野同手搖返去食。佢地好似成10點幾11點先返，我10點幾已訓著。

2。下午肚痾，好少可地去左三次(公司寶林屋企)先完。

3。一直熱氣。上星期食左清瘟同金銀花飲好少少，今星期一停牙肉又痛過。又食返。

22/4(六) -- 好疲累，2點幾醒一下7點幾醒一下9點幾起身煮個麵食，同B做完功課我又攰到再訓。到1點幾外母來我先醒。我落去買d立雜野返來一齊食，之後佢地3個各自訓覺，我就終於可以選下歌list。到5點幾大家一齊去TST同2個呀姨一家一齊打邊爐。差不多10點走，C細佬車我地返去。夜晚我過天晉訓。

23/4(日) -- 朝早本來諗住無波打，點知早2日突然九叔group有場，於是join左。8-10 Parkside，呀馬都來。難得竟然有班仲弱過我嘅人。早少少走，趕去灣仔參加公司工商盃比賽。預左輸好多，表現都同預期差不多，不過最接受唔到係自己搏到foul連續三球ft炒晒...12點走，返TKO clubhouse，C親戚幾乎齊人開P，幾年無咁多人，上一次都未有果堆B。最終唱左1,2首歌，因為嘈住人傾計無點唱了。4點散，我返企沖涼抖。

來緊:

24/4(一) --  0945 Physio

29/4(六) -- C婆婆生日可能有大圍聚會

完

四月十六日 -- 連續OT

11/4(二) -- 夜晚公司online Bfing係公司OT到9點。

1。呀B第一次成功跳起開到燈同埋勉強自己讀得完一本書。

12/4(三) -- 夜晚公司Bfing係長沙灣OT到9點零。

2。前一晚發夢。

3。夜晚食左甜記餃子。

13/4(四) -- 夜晚公司Bfing係長沙灣OT到9點零。

4。夜晚我suggest所以12人去左食梅花邨。好彩大家都算好評。

5。B一直低燒唔退，所以決定比佢食抗生素了。

14/4(五) -- 出site早少少收返去買外賣。

6。連續三晚OT真係好攰。

7。是日見到原來朋友Karmen來公司in AM。

15/4(六) -- 朝早起身決定睇戲。同CB去左康城睇1115嘅早場3D Mario。之後上天晉hea夜晚食埋飯返。

8。Mario -- 網上戲評竟然極端，票房好好亦多人讚，不過都有堆彈。其實一套本身已經咁出名嘅遊戲同牌頭，電影化d人竟然有咁多唔同嘅expectation? 套戲擺明就係會咁拍架啦...咁都有得彈? 作為童年回憶同老玩家，我就滿意套戲入面各種畫面同動作嘅安排，輕輕鬆鬆個半鐘。

16/4(日) -- 朝早打波天晉8-10，今日難得覺得自己打得好。雖然防守腳步真係好慢係咁比人過或者爆失好多分，但起碼唔係無努力咁渣流灘咁去防，籃板都有好好保護。進攻方面就真係好，並唔係話射波準就叫好，而係該傳時傳該射時射(又射得入)，好多入攝同籃底波(走位好同把握到)，仲入左3分添。而且有3場弱勝強，自己都係有貢獻嘅。打完波同佢地食野後買外賣返企跟住沖涼，沖完去太古呀C呀姨屋企，睇B同hea下吹水，到4點島同佢加拿大返來嘅呀姨同表妹食tea後散，行左下Aeon後返TKO。買外賣返企。

9。新一集水星之魔女直接將之前伏線解釋，雖然一早好多人估到，但真係講出來時都幾衝擊。幾黑暗呀...

來緊:

17/4(一) -- 0945 Physio

18/4(二) -- 同同事練波

22/4(六) -- 夜晚約左C親戚TST食飯; 夜晚我過天晉訓

23/4(日) -- 中午工商盃比賽; 下午約左C的親戚係天晉會所Party Room大型聚會

完

2023 NBA Playoff 1st Round 短評

聽日NBA Playoff開鑼，慣例自己輕輕講下2句。

東岸Play-in其實自己想Heat同Bulls入，可惜最後只能二入一，而我就比較希望Heat入嘅。公牛如果有Ball應該會好唔同，可惜傷左咁耐都出唔到...Lavine一直覺得佢唔係擔大旗嘅角色，事實都見佢唔可以叫係一線球員，最多一線尾...Heat就純粹like Butler，鐵血球員好值得支持。Raptors就從來都覺得VanFleet overrated，Siakam soft，Barnes仲幼嫩(今年仲要成長得麻麻地)，輸都正常。

季初對Wizards都有d期待嘅，可惜。

西岸來講，Pelicans又係好可惜，技安每季都出得唔夠一半，之前真係好期待呢隊，但幾季落來而家真係算吧啦。Lakers同Wolves入仲好。Wolves就咁多年來儲埋一堆high pick球員有talent但未點打起過。今季大賭換Gobert返來似乎唔多行得通，同Pelicans一樣，已經無乜大期待。不過覺得換Conley返來搭下應該都好過本來Russell嘅。

本來仲諗住Mavs大路都入到playoff，點知崩盤。換K榮返來我唔覺得係拍唔到，只係換左走防守人對成隊影響大。下季真係要度下點攪。

今年Playoff嘅matchup都唔錯，有d有睇頭有d有talking point。

東岸

Bucks對Heat

公鹿今年唔聲唔聲就拿左最佳戰績。字母哥雖然得分籃板各樣數據都無去爭第一，而且MVP呼聲都無Embiid同Jokic咁高，但其實都係怪物級表現。公鹿最可怕係有佢+有冠軍經驗+full team健康，今年絕對係有力爭標嘅一隊。熱火就明顯低一班了...除左Butler叫係穩定d之外，另外幾個進攻手同射手都唔太穩定，Bam就不嬲最多叫一線尾...估公鹿4-1啦。

Celtics對Hawks

一直覺得Tatum仲未進化到超巨，佢同Brown雙星係幾勁但未覺Dominent。今年如果係的話就要証明到自己了，不過我都係覺得未到。Smart一向唔太like，Horford愈來愈老，2個Williams好使好用，我覺得今年簽到Brogdon返來仲做後備先勁，個人覺得佢係勝任Starter嘅能力。Hawks就好似全季都未搵到完全融合2個All-star guards嘅方法，所以浮浮沉沉。個人幾鍾意Murray，麻麻地Trae Young。我覺得Hawks Starter+Bench深度係OK夠嘅，所以分勝負在於雙guards對雙forwards了。Tatum相對Young無咁神經刀嘅。我估Celts 4-2。

76ers對Nets

Nets用前人留返來嘅戰績都夠入playoff，trade完大牌球星走之後，得返一堆好唔錯嘅球員。Playoff始終需要星，好難晉級了。76人今年其實好勁，個人覺得Embiid叫大熟大勇，Harden今年係助攻王，雖然無好似以前咁做得分機器，好似被忽略(入唔到All-star又未必入到All-NBA)，但今年佢命中率好似係生涯高。今年76人都係有力爭標球隊呀。大膽估76人4-0掃。

Cavaliers對Knicks

騎士係早幾年已經幾like了，當時J Allen拍Sexton Garland仲有Love都幾勁，幾年落來而家換左Mitchell多左Mobley，我覺得可以比到麻煩Bucks同76人的。Knicks今年簽左Brunson即時勁左，不過同爭標仲有d距離，Randle少少神經刀，Barrect同Quickley未擔到大旗，Fournier係NBA又打唔出咩成績。希望有機會比D Rose出下場就真。估騎士4-2。

西岸

Nuggets對Wolves

Nuggets唔知點解咁多年來一直雖然都叫勁，今年仲西岸第一，但總係覺得無乜霸氣。Joker大三元機器但好似無乜聽佢係close game最後做咩勁野，Murray傷完返來狀態都OK但感覺都唔係巔峰，Aaron Gordon就真係只係一個3rd Option...雖然一定晉級第一圈但點都覺得唔似champ球隊。Wolves就...頭先都講過，算吧啦。手感好d咪偷1-2場。估Nuggets 4-1。

Grizzlies對Lakers

拿，一直主觀地唔太like灰熊。Ja串咀我覺得還好，實力我只會覺得佢係同早2年Trae Young差不多。其餘都係一堆好球員都夾得唔錯。主要唔鍾意係Brooks。個人唔想呢隊champ。Lakers就好難講佢地實力，因為下半季後段時最後trade人埋班，之後又傷下人，未真係好多場夾過。不過trade後成績係幾勁。如果全隊健康的話(尤其AD)絕對唔敢話有邊隊嬴硬佢。一直都唔特別like LBJ，不過早幾年已經開始敬佩佢，呢個年紀仲咁高效係好難得。Trade後成隊後生返d都有返d生氣，不過其他人都係神經刀球員，好難講。我覺得Lakers係其中一隊隊型打到Griz的。正路就Griz出線，不過私心大膽搏Lakers 4-3。LOL

Kings對Warriors

Kings都幾慘，一來就對上年冠軍。今年Kings相隔16年終於入得返playoff，對於好多人心入面已經覺得達標。Warriors今季浮浮沉沉，又長期無full team，最好笑係作客極差，我估會輸第一場。不過來到playoff終於人齊。Kings今年攻強守弱，面對住full team Warriors，就算Wiggins GPII狀態未復，齋鬥攻都唔夠勇士來...估勇4-2啦。

Suns對Clippers

Clippers好可惜，P George傷左。如果full team，George+Leonard 2個防守大鎖又有進攻能力我覺得係有得同太陽打。太陽好似都無乜人可以單防晒佢2個。一個有趣嘅話題就係Westbrook對KD(唔係對位)。Westbrook來到Clippers都打得生左。雖然太陽應該嬴，但如果George出到真係有少少機會偷雞...太陽臨尾trade到KD返來，變左一隊好可怕嘅球隊，唔使多講。CP3有playoff魔咒，如果今年都champ唔到就真係無了。Booker我就定位同Trae Young或者Ja果類，有爆發得分能力但又唔一定好穩定又唔勁防守而且有機會自爆。希望Westbrook打到生性波，好好睇睇，比d麻煩太陽啦。估太陽4-2。

以上猜測基於而家仲健康嘅球員全部繼續健康。

下round見

完

四月十日 -- 依時打假期

3/4(一) -- 收工返企夜晚C煮。

4/4(二) -- 收工同Eudora去官塘拿訂嘅書。返將軍澳meet Jessie比一本佢。買外賣返企。

5/4(三) -- 清明公假。朝早11點同ConnieLolo係Popcorn食brunch同Penny慶生。散水之後我哋一家去Penny屋企hea，唱咗陣K同埋睇咗3集梅艷芳。B 5點零訓到7點。Penny去佢細妹度，我哋係油塘食埋嘢返去。我過天晉訓。

1。天氣超級潮濕又焗到一個點。

2。唱咗陣屋企K。試唱呢幾年因為無唱K未試過唱嘅歌，例如小心地滑，2084，到底發生過什麼事..etc，唔計唔熟歌詞唱錯，音來講係跟得到嘅。好想係K房真係大聲試吓真唱嘅效果啊~

3。係Disney+睇咗3集梅艷芳(total有5集)。電影版無睇，劇集版個2節奏就真係麻麻哋。聽聞電影版雖然少d片段但流暢好多。王丹妮真係ok做到梅姐嘅感覺，好多動態小動作都似。劉俊謙做哥哥真係唔多得...唔係話靚唔靚仔嘅問題了，成個feel都唔似。另外，楊千fa仍然好楊千fa，好似做緊自己咁，完全唔夾套戲...

6/4(四) -- 早收工返去睇物理治療，之後去圖書館meet CB，再去將中食個早嘅晚餐。終於試到平時好多人排嘅四寶食堂。夜晚天晉訓。

4。出左加人工信，都係咁上下。

5。今年NBA西岸季後賽爭奪戰好緊湊。對於我呢d一向睇邊緣球隊嘅人來講，真係好啱口味。Playoff嘛，只要唔係唔鍾意嘅球隊champ就ok。今年唔太多。

6。翻睇完飛狐外傳(15套睇咗超過一半了，雖然睇晒d中短篇先)。講真相比起其他來講係遜色d。胡斐今次真係主角，個性比起雪山飛狐寫得多咗，不過唔算好吸引。由於先寫咗後事(雪山飛狐)，所以呢個前傳太多局限，好多嘢都去得唔夠盡。武功比紅花會群豪同苗人鳳封咗頂，用毒果d又太誇張太勁，失晒衡。雖然劇情有好多打交，但唔痛快，甚至覺得有d‘’chum‘’。袁紫衣個角色好唔吸引，甚至覺得有d九唔搭八。成套嘢唯一亮點真係程靈素。之前都提過好多次所以唔再多講，係金庸小說最like女主角(唔知係唔係)之一(可能係唯一)。

7。其實我覺得自己同伴意識幾強。不論係對屋企人定朋友，好多時做d咩見d咩買d咩好多時一有關係都會link去人度。可能會記得好多細節，同埋盡可能會想“一齊”去做或者完成或者分享好多嘢。咁當然亦都無得expect所有人都會相當咁返轉頭，但係尤其覺得close果d會有少少期望嘅。不過無癮嘅時候會佔大大大多數。所以我係唔會睇埋剩返果2集。

8。突發發現可以訓過去窗台果邊，訓返硬即時感覺好好多。

9。有好多嘢真係唔明嘅人係永遠唔會明。例如腰痛訓淋嘅床會痛。講返起，覺得自己算係比較會同埋識將心比心同去代入嘅人。當然有好多嘢未試過真係唔知唔明，但自問自己會肯去諗去試去想像，同埋睇得多接觸得多唔多唔少就算感受唔到都會知。但呢個世界越來越多嘅人唔具備呢個mindset了。

10。其實我爆1次即係我已經可能忍咗100次。

7/4(五) -- 起身返七座，去好晒野10點島出門去沙田娟屋企同貓玩。11點到坐一陣源都到，落去meet佢同食野，再返上去hea。4點島走。返TKO食漁釧後返企。我過天晉訓。

11。B夜晚有d肚痾同燒。

8/4(六) -- 朝早起身搬返d野返七座。10點同馬一家meet係天晉BBQ。1點B完Kathy唔舒服返企，我拿野返七座之後meet返佢地一齊去坪石恐龍遊樂場玩。4點島走。我地返企。B仍有d肚痾同燒，C同佢去睇醫生。夜晚食外賣，煮粉比B食。

9/4(日) -- 打波天晉8-10。B游水請假。本來約咗同同事去Coco屋企玩貓，我哋唔去了。夜晚我去診所拿藥同買外賣。

12。水星之魔女又開波。劇情走向硬係覺得bad bad哋...個ED更令人不安。

13。NBA今年play-in都幾精彩。Playoff matchup第一round似乎都不錯。

10/4(一) -- B仍然有燒。全日係屋企，下午C出去買嘢，買賣外賣返來。B呢幾日都係煮粉比佢食。

14。吳耀漢過身。對我來講雖然佢做嘅電影都好有記憶點，不過印象最深刻都係以前電視播嘅‘’吳耀漢搞搞震‘’。

來緊:

11-13/4 -- OT

17/4(一) -- 0945 Physio

完

四月二日 -- 準備忙碌

27/3(一) -- 收工返企夜晚C煮。

1. Lunchtime自己去左SSP行個圈。

28/3(二) -- 收工返企夜晚C煮。

2. Lunchtime再去SSP，今次買野比LoLo同幫Nathan鵬鯉Nat買野。

29/3(三) -- SL一天。朝早睇跌打，等咗1個鐘先來開門，做完B已經放咗學。係地鐵站meet，去海天晉Red Chicken食晏再去Monterey冒險樂園比B玩一陣返企。夜晚C煮。

3. 雪山飛狐 -- 經由唔同人物把口講出經歷而拼湊成全件事嘅真相，最令我深刻係日本嘅“在竹林中”，而雪山飛狐都寫得好好，每一個人講嘅都有推進故事，但又各有保留。書中人物最令人印象深刻一定係胡一刀同苗人鳳，胡夫人都算唔錯，其他人包括胡斐同苗若蘭因為篇幅頗短所以唔太突出。新修版夾硬加咗少少嘢銜接飛狐外傳，不過都係怪怪地。

反而係當年TVB果首呂方關菊英嘅主題曲好聽，同埋呂良偉謝賢都幾切合到形像。

4. 鴛鴦刀 -- 輕輕鬆鬆嘅短篇。無乜想講。

5. 白馬嘯西風 -- 其實係又一套自己幾鍾意嘅短篇。自己對於李文秀石破天狄雲呢類簡單單純嘅人會有多d好感。雖然係短篇，但2個主題都幾突出：不論係漢人定哈薩克人都有好人壞人(不論咩陣營都有好人壞人)，同埋明明人哋文化(諗法)係咁，點解一定要歸化(同化)呢？

呢篇短篇比到我最大嘅感受，係好深刻嘅孤單同寂寞。呢個感覺好可怕。文秀，瓦爾拉齊，馬家駿都係經歷咗十幾年嘅呢d時間。其實好可憐。

當然，以前都提過，最鍾意果句係結尾 -- 那都是很好很好的，可是我偏不喜歡。

30/3(四) -- 早收工去沙田比嘢Nat，之後返將軍澳做物理治療，再睇跌打。夜晚C煮。

31/3(五) -- 收工返去買外賣。

6. 返工時間成功chur晒d野，星期六唔使OT。

1/4(六) -- 朝早同CB呀媽一齊食早餐，上天晉hea一陣，CB返學校玩Easter遊戲日(1230-1330)(我本來預OT所以無報我去)。我去TKL圖書館還書借書返七座再去坑口meet佢地，行一陣之後返天晉，夜晚食埋飯返。

2/4(日) -- 朝早打波將軍澳運動場8-10，好耐無打全場! Surprise家俊來左打波。打完其中一d人一齊去寶林食早餐。食完我返九座搬野去七座再去天晉。

來緊:

6/4(四) -- 1600 Physio

7/4(五) -- 同CB源去娟屋企玩貓

8/4(六) -- 同馬一家天晉BBQ
9/4(日) -- 天晉8-10; 下午同同事們去CoCo屋企玩貓

10/4(一) -- 同悉悉姐姐一家玩

11-13/4 -- 夜晚都要OT

完

三月二十六日 -- 休息同睇戲

20/3(一) -- 收工返去買嘢夜晚C煮。

21/3(二) -- 收工返去book BBQ夜晚C煮。

22/3(三) -- 收工返企夜晚C煮。夜晚幫阿媽拿順豐。

23/3(四) -- 收工返企夜晚C煮。

1。最近好攰好無心機同埋唔想打機。今日lunch一個人走咗去旺角熟食街市食六寶飯，行皆旺千里達同英明。

24/3(五) -- 收工去寶林食飯後返企。

25/3(六) -- 朝早同B2個人去單車公園遊樂場玩一陣，再諗住去寶康時落雨，於是去咗圖書館。等雨細咗就抱佢去寶林。Meet埋C食晏行一陣後返企。B訓我淋個浴都恰一陣。夜晚一齊落街食飯。

2。夜晚有d嬲，忍唔住爆發。

26/3(日) -- 天晉打波8-10，今日幾熱鬧12個人。腰仍然唔好，加上今次多咗後生敏捷人，無乜發揮。同佢哋食埋嘢買外賣返屋企，沖個涼帶阿B去天晉。我同C去康城睇毒舌大狀。睇完行咗下將中，買咗波鞋。之後返天晉，夜晚食埋飯返。

3。今日C好似無乜嘢，佢覺得我尋晚心情唔好多過認真諗點解我嬲。

4。毒舌大狀 -- 幾好睇嘅一套科幻爽片。其實現實係人都知法律用來保護有錢人，人類係唔平等嘅。不過電影就可以比人high下世界有公義。子華神一貫本色發揮，其餘人都恰如其份。楊偲泳幾亮眼幾正，最印象深刻都係謝君豪，好型。

來緊：

30/3(四) -- 1630 physio

8/4(六) -- 同馬一家係天晉BBQ

9/4(日) -- 同一班同事去Coco屋企玩貓

完

三月十九日 -- 學校旅行

13/3(一) -- 收工返企夜晚C煮。

1。上星期睇完漫畫“勇者赫魯庫”，真係一套唔錯嘅漫畫。

2。原來出咗13集(第一季最後一集)。睇咗來自異世界的舅舅。

14/3(二) -- 收工返企夜晚C煮。

15/3(三) -- 出site收工返企夜晚C煮。

16/3(四) -- 收工去ssp同同事＆BD人打波，今日輕鬆打，無乜起身又無入波。之後跟同事車去九龍塘再搭鐵返企。

3。化物語漫畫完結撒花。

4。睇完俠客行同越女劍。

17/3(五) -- 收工過cwb meetCB去食金西南，之後返企。

18/3(六) -- 阿B學校旅行。一早係學校集合，搭旅遊巴去大埔海濱公園hea到中午，之後去粉嶺稻香食飯，估唔到膳食都唔差。下午去農場玩，又係估唔到都算幾多嘢玩。4點島搭旅遊巴返學校。之後上天晉，夜晚食埋飯返。

19/3(日) -- 朝早8-10天晉打波，今次有4個9叔group嘅波友來。呢排腰腿真心唔掂，雖然唔算打得差。打完即返屋企沖涼再出去天晉meet CB同埋阿媽，一齊去維園睇花卉展覽。一去到時都未算太多人，行咗一個鐘島到點零鐘開始越來越多。我哋過草地果邊有攤位有小丑魔術表演，都ok。之後開始有d毛毛雨，我哋過咗炮台山5 Guys食嘢，阿媽走先，食完行咗附近Daiso就返天晉。擺低B我同C去還書再返去接B返企。漏咗游水嘢我又返咗天晉一轉。夜晚是旦食d嘢。

5。連續2日嘅活動，對腳爆炸。

6。今日係地鐵見到無戴口罩嘅江嘉敏。

7。來緊星期六要OT。之後出offer應該會有段時間忙了...

完

三月十二日 -- 平淡

6/3(一) -- 出site收工係土瓜灣買布甸麵包返去。夜晚C煮。

7/3(二) -- 早2收工返去睇跌打，針咗嘢。夜晚C煮。

1。轉咗歌list，今次聽返8、90s。

8/3(三) -- 收工返企夜晚C煮。

9/3(四) -- 中午快閃去沙田同Nat食晏。收工同同事去城門谷公園打波，本來打7-9，點知唔覺打到9點9先走。Wilson車返我哋去九龍塘散。

10/3(五) -- 收工返將軍澳meet CB係附近食飯。

2。星期四Mario Kart有新賽道，不過未有機會開來玩...

11/3(六) -- 朝早睇跌打，中午買嘢返去食。恰一陣到3點C的朋友們來將軍澳，一齊去單車公園草地野餐。夜晚食埋飯上我家hea多陣散。

3。試咗新果間cake，幾好食不過太貴。試咗陳儀興潮州嘢，唔錯。

12/3(日) -- 朝早天晉打波8-10。之後同佢哋食早餐，再買嘢返去比CB食。中午休息下之後去圖書館同遊樂場玩一陣之後上天晉。夜晚食埋飯返企。

來緊：

16/3(四) -- 同事打波1900-2100

18/3(六) -- B學校旅行

完

再讀笑傲江湖(新修版)

上星期借左套笑傲江湖新修版來睇，用左d臨訓前同weekend少少日頭嘅時間睇完。呢套無乜大改動，仍然係金庸武俠小說入面自己比較鍾意嘅一套。

小說入面嘅政治隱喻同埋影射人物都幾明顯，所以我都唔使多講了。主要想講下少少對書中入面某d情節同埋人物嘅感覺。

Point Form散寫下算。所以會有少少雜亂無章。

令狐沖 -- 熟我少少嘅人都知係芸芸金庸武俠小說主角入面我比較鍾意令狐沖。主因係佢果種開放嘅心態同埋熱愛自由嘅性格。係主角群入面佢學武嘅資質肯定算係高果堆，書入面都有明講過，除左好快就get到獨孤九劍之外，都有提過佢記性極好，學琴學其他野都掌握得好快，超勁(不過書入面不斷強調佢唔算識好多字，但係係黑牢入面摸到吸星大法佢又摸到大部份出來。似乎古代人唔多識字都勁過好多而家識字嘅人 xDD)。自己而家同以前心態畢竟多少有d唔同，以前會好欣賞沖哥果種少少狂放嘅性格，而家人大左，睇嘅野感受嘅野多左，背負嘅野多左，自然會無咁認同果種不理後果嘅狂放(或許心底裡都會有呢個諗法，但現實無可能許可吧)。

有關愛情。其實書入面都好consistent講到佢由頭到好後段都好鍾意小師妹。不過可能太過情痴同埋佢嘅行為同各樣鋪排實在太根深柢固，之後點樣轉而鍾意左盈盈，無論點寫都係覺得爭d。當然，人有時係好複雜但其實亦比想像中簡單，鍾意左一個人係唔需要咩特別理由同時間。盈盈對佢情深義重又靚女又醒目，呀沖哥鍾意返佢都無可厚非。個人覺得佢有少少報答嘅成份。如果我係佢，我會點呢? 我覺得自己會揀儀琳。下一段就係講佢。

儀琳係小說入面其實係有少少超現實(應該話係超現實小說之中更加再超現實)。古代社會同文化風氣同而家好唔同，我地唔可以用現代嘅眼光去質疑古代人物(仲要係虛構)嘅行為。佢單純，佢同令狐沖經歷左d野因此愛上佢，佢單相思到幾乎瘋狂，我覺得係絕對有可能發生。而佢嘅超現實，係在於佢太好。佢靚，佢身材好(小說入面有講佢即使著住闊大嘅尼姑袍都可以見到佢曼妙嘅身材，咁應該真係好好身材)，佢性格溫柔善解人意，佢對令狐沖一往情深，佢甚至會希望令狐沖開心而禱告佢可以同盈盈一齊，佢會諗盈盈好聰明可能會管束而令到佢無咁自由，總之實在係太好...

莫大先生同寧中則(我唔會叫岳夫人)相信大部份人都會鍾意嘅，2個人物都描寫得好有氣派同埋令人覺得好型!

岳不群其實寫得幾好，因為由一開始極力描寫到佢係君子到之後原來係偽君子果下反差幾大(雖然由一開始已經滲下滲下有好多人對佢不以為然)，可惜佢雖然武功算勁(之後練左辟邪劍法應該都算排頭幾了)智謀又有d，但係格局真係唔夠大。可能由於本身華山派唔強盛(劍宗氣宗之爭都死好多人)，佢都好難靠門派實力去爭雄。最後只係落得個偽君子之名，做到個五嶽派掌門都唔見得有幾風光。

至於左冷禪，雖然書入面儘量描述到佢武功智謀都係出類拔萃果堆，可惜佢一來出場得後又唔算多，二來佢做親d野最後都比人識破左，最後仲要比岳不群謀算埋，為他人作嫁衣，柒晒。

作為最後大佬候選人，任我行身份太特殊，去到最後蘊釀大決戰，不過佢又係盈盈老豆，而故事都去到最後終盤，估唔到就咁交代佢瓜左，少少草草了事。(不過如果唔係咁都好難收科)。要講書中最強對戰，就真係東方不敗一戰了。幾個當世高手圍攻佢都嬴，實在勁得太癲。而佢變左不男不女嘅描述，又真係好令人印象深刻，好詭異。雖然只係出左一場，但人物塑造真係好成功。

我發覺金庸小說入面都出現左好幾次"小師妹套路"。除左岳靈珊之外，仲有戚芳。另外其實馬春花都有少少類似套路。不過相比之下，後兩者比起岳靈珊有更多可愛之處了。桃谷六仙就由以前到而家都覺得好煩，唯一妙語如珠嘅地方就係五嶽劍派大會，不過其實真正講內容嘅係盈盈。不得不提五霸崗果堆"羣雄"，人地魔教聖姑鍾意人，就算你地明唔明白女兒家心思，都無理由攪到咁大啦~ xDD 好好笑。

唔知有無人留意到，書入而好幾個章節嘅尾，都係令狐沖(因為受傷之後再遇到咩事)暈低之後不醒人事咁完，我覺得幾好笑。除左狄雲之外，佢應該算係另一個大部份時間都係帶嚴重傷患嘅主角 xDD

不得不提，書入面後記金庸先生講嘅野我十分認同，尤其係有關在位者反對者同隱仕嘅言論。

最後都想講下，當年TVB版嘅笑傲江湖選角真係好正好切合書中形象(咁當然無可能全部啦)。呂頌賢嘅瀟灑，王偉嘅假道學，陳鴻烈嘅霸氣，何美鈿嘅楚楚可憐，何寶生嘅富家公子氣質，魯振順最忠於原著嘅表達...etcetc都令我印象好深刻，好正。

完(懶得spell check了)

三月五日 -- 腰痛再跌打

27/2(一) -- 收工返企夜晚C煮。過天晉訓。

28/2(二) -- 出site收工返去睇跌打。夜晚C煮。過天晉訓。

1。今日宣佈，明天終於解除口罩了。

2。終於睇咗跌打，痛咗好耐。睇一次都好好多。

1/3(三) -- 收工返去夜晚C煮。過天晉訓。

3。今日已經唔點戴口罩。個人覺得無咩睇唔睇定d，一係戴一係唔戴，戴就戴到尾，何必辛苦多一排之後先唔戴呢?

2/3(四) -- 出site收工返去睇跌打，夜晚C煮。終於可以返屋企訓。

4。天晉張淋d嘅床係腰痛時訓真係更加拿命。返返屋企感覺實在太好。

3/3(五) -- 早少少收工返去睇物理治療。之後返企等CB係灣仔上完堂返來，去Monterey食Burger(都唔錯)，再行下Donki返企。

4/3(六) -- 一早去睇跌打，今日針埋，真係好有效感覺到好唔少。中午同呀媽一齊落街食，之後CB去TKL遊戲室，我係圖書館等佢地，到B玩完來圖書館meet，借埋書走。返企休息一陣再落樓下食飯，最後去左魚米家。

5/3(日) -- 天晉8-10，Penny 2個fnd放飛機，好彩最終有6人開到波，不過連打好攰。腰始終唔太好，今日真係有就住打了。打完一齊去雍明食早餐，再買外賣返去。沖涼等B食完就出門過天晉。下午同C去左附近行買printer墨同 KFC快食左少少野。夜晚係天晉食晚飯。

來緊:

9/3(四) -- lunch約Nat。夜晚同同事打波

11/3(六) -- C朋友返HK，同B去picnic

13/3(一) -- 1630 Physio

18/3(六) -- B學校旅行

完

二月二十六日 -- 郊遊遊

20/2(一) -- 早收返去物理治療，夜晚C煮。

21/2(二) -- 返工返企夜晚C煮。

23/2(三) -- 返工返企夜晚C煮。

24/2(四) -- 返工返企夜晚C煮。

1。連續幾晚都訓得好差，勁眼訓。

25/2(五) -- 中午公司係JW Marriot lunch buffet。收工返去夜晚同B去圖書館後係街食。呀媽返鄉下我去天晉訓。

2。好耐無食過buffet，好飽。

3。公司部門足球機比賽，第一場就輸左 xD

26/2(六) -- 11點幾出門，點零鐘到去汀角BBQ(娟SamEstherDorothyAda)(源肚痛臨時唔join)，5點島走。夜晚我過天晉訓。

27/2(日) -- 打波8-10天晉，唔多夠人，幾乎打足，本來身體狀態都唔好，呢排完全拿唔到手感，不過打完後最後有d時間練左一陣好似get返少少。打完同DerekTommy食早餐，之後返去沖涼恰一陣，下午去CWB同馬一家去坐鴨仔船，玩完去喜喜食飯後返去。夜晚我過天晉訓。

來緊:

3/3(五) -- 1630 Physio
11/3(六) -- C朋友聚
18/3(六) -- B學校旅行

完

二月十九日 -- C生日迪迪尼

13/2(一) --  早收工返去睇物理治療夜晚C煮。

1。電療果3個字趴係度都好似恰著左，勁眼訓。

14/2(二) -- 出site早d走。夜晚去樂天皇朝食飯，返企食蛋糕。

15/2(三) -- 收工返企夜晚C煮。

16/2(四) -- 收工返企夜晚C煮。

2。又跌錢。又係幾樣巧合夾埋，不過主因當然都係自己on9。錢事小，懊惱自己on9。

17/2(五) -- 收工返去買外賣。

18/2(六) -- C生日快樂。買左公司平飛去Disney。一早開門就入去玩，上半晝總算玩左想玩果d。下午主打睇下show同埋玩少少。6點食晚飯B就訓著，7點幾叫佢起身食埋野，8點睇煙花。完場之後meet埋ConnieLoLo一齊call車返TKO。

3。之前都講過，自己有活動會有少少焦慮。今次去Disney早去，唔知捱唔捱到夜晚睇煙花，又怕多人，又怕會攰。好彩最終都唔算太辛苦同埋順利，放下心頭大石。

19/2(日) -- 天晉打波8-10。之後返企沖個涼再出寶林meet馬一家下一齊食晏。食完去左寶康玩左大約一個鐘遊樂場後返寶林食雪糕後散。上天晉hea到夜晚(我返一返七座同買野)食埋飯食埋蛋糕後返企。

4。雖然順利，不過真係好攰。

5。呢排返工愈來愈忙了，來緊會更忙...

來緊:

20/2(一) -- 1630 Physio
25/2(六) -- 汀角BBQ

26/2(日) -- 天晉8-10

二月十二日 -- 2單RIP

6/2(一) -- 收工返企夜晚C煮。

1。源來請我食生日lunch，多謝。

7/2(二) -- 收工返企夜晚C煮。

8/2(三) -- 收工返企夜晚C煮。

2。追返動畫版嘅異世界舅舅，雖然漫畫已經睇過d劇情但係都係好笑。

9/2(四) -- 出site收工返企夜晚C煮。

3。收工行咗下玩具，本來想搵嘢買下比自己，但最終無。

4。夜晚剪咗頭髮。

10/2(五) -- 出site收工返去買外賣。

5。又行咗下玩具舖，爭少少買但最後都無買。

6。今年NBA trade幾精彩。

7。突然明白。原來自己其中一樣唔開心，唔係來自於自己嘅諗法睇法少人明白，而係自己唔敢發表，亦唔多可以傾到/願意傾嘅人。

8。終於到春天，開始回暖、潮濕...好唔想呀~~~可摸以涼多一排呀~~~

11/2(六) -- 突然決定去黃大仙，一早起身攪掂就同呀媽一齊去拜下神。可能因為過左十五，又可能因為早，或者因為少少雨，所以又唔算特別多人。拜完呀媽去北角，我地就係黃大仙中心食野之後行下，再去還書借書。下午上天晉hea，夜晚食埋飯返。

9。今日一次過聽到2單過身。Gine同表嫂。Gine病左好耐了，上年年尾都聽講話應該捱唔耐。表嫂就有d surprise，雖然大家唔多聯絡。RIP。

10。睇左本半書。以前嘅音樂人放人真係有料過而家果d好多。而而家嘅讀者觀眾聽眾質素真係低。尤其有好多時d評論已經係對人唔對事。

12/2(日) -- 哥生日快樂。朝早天晉打波8-10，今次都係自己friend或friend嘅friend，不過啱好六日，好攰。之後同Derek Tommy食野，再返企沖涼。差不多1點B舅父同婆婆來車我地出觀塘一齊飲茶，下午返西貢hea。夜晚出寶林食泰國野同婆婆慶生。

來緊︰

13/2(一) -- 同事lunch。1630 Physio

18/2(六) -- C生日; 公司Disney

25/2(六) -- 老友大埔BBQ

完