四月二日 -- 準備忙碌

27/3(一) -- 收工返企夜晚C煮。

1. Lunchtime自己去左SSP行個圈。

28/3(二) -- 收工返企夜晚C煮。

2. Lunchtime再去SSP，今次買野比LoLo同幫Nathan鵬鯉Nat買野。

29/3(三) -- SL一天。朝早睇跌打，等咗1個鐘先來開門，做完B已經放咗學。係地鐵站meet，去海天晉Red Chicken食晏再去Monterey冒險樂園比B玩一陣返企。夜晚C煮。

3. 雪山飛狐 -- 經由唔同人物把口講出經歷而拼湊成全件事嘅真相，最令我深刻係日本嘅“在竹林中”，而雪山飛狐都寫得好好，每一個人講嘅都有推進故事，但又各有保留。書中人物最令人印象深刻一定係胡一刀同苗人鳳，胡夫人都算唔錯，其他人包括胡斐同苗若蘭因為篇幅頗短所以唔太突出。新修版夾硬加咗少少嘢銜接飛狐外傳，不過都係怪怪地。

反而係當年TVB果首呂方關菊英嘅主題曲好聽，同埋呂良偉謝賢都幾切合到形像。

4. 鴛鴦刀 -- 輕輕鬆鬆嘅短篇。無乜想講。

5. 白馬嘯西風 -- 其實係又一套自己幾鍾意嘅短篇。自己對於李文秀石破天狄雲呢類簡單單純嘅人會有多d好感。雖然係短篇，但2個主題都幾突出：不論係漢人定哈薩克人都有好人壞人(不論咩陣營都有好人壞人)，同埋明明人哋文化(諗法)係咁，點解一定要歸化(同化)呢？

呢篇短篇比到我最大嘅感受，係好深刻嘅孤單同寂寞。呢個感覺好可怕。文秀，瓦爾拉齊，馬家駿都係經歷咗十幾年嘅呢d時間。其實好可憐。

當然，以前都提過，最鍾意果句係結尾 -- 那都是很好很好的，可是我偏不喜歡。

30/3(四) -- 早收工去沙田比嘢Nat，之後返將軍澳做物理治療，再睇跌打。夜晚C煮。

31/3(五) -- 收工返去買外賣。

6. 返工時間成功chur晒d野，星期六唔使OT。

1/4(六) -- 朝早同CB呀媽一齊食早餐，上天晉hea一陣，CB返學校玩Easter遊戲日(1230-1330)(我本來預OT所以無報我去)。我去TKL圖書館還書借書返七座再去坑口meet佢地，行一陣之後返天晉，夜晚食埋飯返。

2/4(日) -- 朝早打波將軍澳運動場8-10，好耐無打全場! Surprise家俊來左打波。打完其中一d人一齊去寶林食早餐。食完我返九座搬野去七座再去天晉。

來緊:

6/4(四) -- 1600 Physio

7/4(五) -- 同CB源去娟屋企玩貓

8/4(六) -- 同馬一家天晉BBQ
9/4(日) -- 天晉8-10; 下午同同事們去CoCo屋企玩貓

10/4(一) -- 同悉悉姐姐一家玩

11-13/4 -- 夜晚都要OT

完

三月二十六日 -- 休息同睇戲

20/3(一) -- 收工返去買嘢夜晚C煮。

21/3(二) -- 收工返去book BBQ夜晚C煮。

22/3(三) -- 收工返企夜晚C煮。夜晚幫阿媽拿順豐。

23/3(四) -- 收工返企夜晚C煮。

1。最近好攰好無心機同埋唔想打機。今日lunch一個人走咗去旺角熟食街市食六寶飯，行皆旺千里達同英明。

24/3(五) -- 收工去寶林食飯後返企。

25/3(六) -- 朝早同B2個人去單車公園遊樂場玩一陣，再諗住去寶康時落雨，於是去咗圖書館。等雨細咗就抱佢去寶林。Meet埋C食晏行一陣後返企。B訓我淋個浴都恰一陣。夜晚一齊落街食飯。

2。夜晚有d嬲，忍唔住爆發。

26/3(日) -- 天晉打波8-10，今日幾熱鬧12個人。腰仍然唔好，加上今次多咗後生敏捷人，無乜發揮。同佢哋食埋嘢買外賣返屋企，沖個涼帶阿B去天晉。我同C去康城睇毒舌大狀。睇完行咗下將中，買咗波鞋。之後返天晉，夜晚食埋飯返。

3。今日C好似無乜嘢，佢覺得我尋晚心情唔好多過認真諗點解我嬲。

4。毒舌大狀 -- 幾好睇嘅一套科幻爽片。其實現實係人都知法律用來保護有錢人，人類係唔平等嘅。不過電影就可以比人high下世界有公義。子華神一貫本色發揮，其餘人都恰如其份。楊偲泳幾亮眼幾正，最印象深刻都係謝君豪，好型。

來緊：

30/3(四) -- 1630 physio

8/4(六) -- 同馬一家係天晉BBQ

9/4(日) -- 同一班同事去Coco屋企玩貓

完

三月十九日 -- 學校旅行

13/3(一) -- 收工返企夜晚C煮。

1。上星期睇完漫畫“勇者赫魯庫”，真係一套唔錯嘅漫畫。

2。原來出咗13集(第一季最後一集)。睇咗來自異世界的舅舅。

14/3(二) -- 收工返企夜晚C煮。

15/3(三) -- 出site收工返企夜晚C煮。

16/3(四) -- 收工去ssp同同事＆BD人打波，今日輕鬆打，無乜起身又無入波。之後跟同事車去九龍塘再搭鐵返企。

3。化物語漫畫完結撒花。

4。睇完俠客行同越女劍。

17/3(五) -- 收工過cwb meetCB去食金西南，之後返企。

18/3(六) -- 阿B學校旅行。一早係學校集合，搭旅遊巴去大埔海濱公園hea到中午，之後去粉嶺稻香食飯，估唔到膳食都唔差。下午去農場玩，又係估唔到都算幾多嘢玩。4點島搭旅遊巴返學校。之後上天晉，夜晚食埋飯返。

19/3(日) -- 朝早8-10天晉打波，今次有4個9叔group嘅波友來。呢排腰腿真心唔掂，雖然唔算打得差。打完即返屋企沖涼再出去天晉meet CB同埋阿媽，一齊去維園睇花卉展覽。一去到時都未算太多人，行咗一個鐘島到點零鐘開始越來越多。我哋過草地果邊有攤位有小丑魔術表演，都ok。之後開始有d毛毛雨，我哋過咗炮台山5 Guys食嘢，阿媽走先，食完行咗附近Daiso就返天晉。擺低B我同C去還書再返去接B返企。漏咗游水嘢我又返咗天晉一轉。夜晚是旦食d嘢。

5。連續2日嘅活動，對腳爆炸。

6。今日係地鐵見到無戴口罩嘅江嘉敏。

7。來緊星期六要OT。之後出offer應該會有段時間忙了...

完

三月十二日 -- 平淡

6/3(一) -- 出site收工係土瓜灣買布甸麵包返去。夜晚C煮。

7/3(二) -- 早2收工返去睇跌打，針咗嘢。夜晚C煮。

1。轉咗歌list，今次聽返8、90s。

8/3(三) -- 收工返企夜晚C煮。

9/3(四) -- 中午快閃去沙田同Nat食晏。收工同同事去城門谷公園打波，本來打7-9，點知唔覺打到9點9先走。Wilson車返我哋去九龍塘散。

10/3(五) -- 收工返將軍澳meet CB係附近食飯。

2。星期四Mario Kart有新賽道，不過未有機會開來玩...

11/3(六) -- 朝早睇跌打，中午買嘢返去食。恰一陣到3點C的朋友們來將軍澳，一齊去單車公園草地野餐。夜晚食埋飯上我家hea多陣散。

3。試咗新果間cake，幾好食不過太貴。試咗陳儀興潮州嘢，唔錯。

12/3(日) -- 朝早天晉打波8-10。之後同佢哋食早餐，再買嘢返去比CB食。中午休息下之後去圖書館同遊樂場玩一陣之後上天晉。夜晚食埋飯返企。

來緊：

16/3(四) -- 同事打波1900-2100

18/3(六) -- B學校旅行

完

再讀笑傲江湖(新修版)

上星期借左套笑傲江湖新修版來睇，用左d臨訓前同weekend少少日頭嘅時間睇完。呢套無乜大改動，仍然係金庸武俠小說入面自己比較鍾意嘅一套。

小說入面嘅政治隱喻同埋影射人物都幾明顯，所以我都唔使多講了。主要想講下少少對書中入面某d情節同埋人物嘅感覺。

Point Form散寫下算。所以會有少少雜亂無章。

令狐沖 -- 熟我少少嘅人都知係芸芸金庸武俠小說主角入面我比較鍾意令狐沖。主因係佢果種開放嘅心態同埋熱愛自由嘅性格。係主角群入面佢學武嘅資質肯定算係高果堆，書入面都有明講過，除左好快就get到獨孤九劍之外，都有提過佢記性極好，學琴學其他野都掌握得好快，超勁(不過書入面不斷強調佢唔算識好多字，但係係黑牢入面摸到吸星大法佢又摸到大部份出來。似乎古代人唔多識字都勁過好多而家識字嘅人 xDD)。自己而家同以前心態畢竟多少有d唔同，以前會好欣賞沖哥果種少少狂放嘅性格，而家人大左，睇嘅野感受嘅野多左，背負嘅野多左，自然會無咁認同果種不理後果嘅狂放(或許心底裡都會有呢個諗法，但現實無可能許可吧)。

有關愛情。其實書入面都好consistent講到佢由頭到好後段都好鍾意小師妹。不過可能太過情痴同埋佢嘅行為同各樣鋪排實在太根深柢固，之後點樣轉而鍾意左盈盈，無論點寫都係覺得爭d。當然，人有時係好複雜但其實亦比想像中簡單，鍾意左一個人係唔需要咩特別理由同時間。盈盈對佢情深義重又靚女又醒目，呀沖哥鍾意返佢都無可厚非。個人覺得佢有少少報答嘅成份。如果我係佢，我會點呢? 我覺得自己會揀儀琳。下一段就係講佢。

儀琳係小說入面其實係有少少超現實(應該話係超現實小說之中更加再超現實)。古代社會同文化風氣同而家好唔同，我地唔可以用現代嘅眼光去質疑古代人物(仲要係虛構)嘅行為。佢單純，佢同令狐沖經歷左d野因此愛上佢，佢單相思到幾乎瘋狂，我覺得係絕對有可能發生。而佢嘅超現實，係在於佢太好。佢靚，佢身材好(小說入面有講佢即使著住闊大嘅尼姑袍都可以見到佢曼妙嘅身材，咁應該真係好好身材)，佢性格溫柔善解人意，佢對令狐沖一往情深，佢甚至會希望令狐沖開心而禱告佢可以同盈盈一齊，佢會諗盈盈好聰明可能會管束而令到佢無咁自由，總之實在係太好...

莫大先生同寧中則(我唔會叫岳夫人)相信大部份人都會鍾意嘅，2個人物都描寫得好有氣派同埋令人覺得好型!

岳不群其實寫得幾好，因為由一開始極力描寫到佢係君子到之後原來係偽君子果下反差幾大(雖然由一開始已經滲下滲下有好多人對佢不以為然)，可惜佢雖然武功算勁(之後練左辟邪劍法應該都算排頭幾了)智謀又有d，但係格局真係唔夠大。可能由於本身華山派唔強盛(劍宗氣宗之爭都死好多人)，佢都好難靠門派實力去爭雄。最後只係落得個偽君子之名，做到個五嶽派掌門都唔見得有幾風光。

至於左冷禪，雖然書入面儘量描述到佢武功智謀都係出類拔萃果堆，可惜佢一來出場得後又唔算多，二來佢做親d野最後都比人識破左，最後仲要比岳不群謀算埋，為他人作嫁衣，柒晒。

作為最後大佬候選人，任我行身份太特殊，去到最後蘊釀大決戰，不過佢又係盈盈老豆，而故事都去到最後終盤，估唔到就咁交代佢瓜左，少少草草了事。(不過如果唔係咁都好難收科)。要講書中最強對戰，就真係東方不敗一戰了。幾個當世高手圍攻佢都嬴，實在勁得太癲。而佢變左不男不女嘅描述，又真係好令人印象深刻，好詭異。雖然只係出左一場，但人物塑造真係好成功。

我發覺金庸小說入面都出現左好幾次"小師妹套路"。除左岳靈珊之外，仲有戚芳。另外其實馬春花都有少少類似套路。不過相比之下，後兩者比起岳靈珊有更多可愛之處了。桃谷六仙就由以前到而家都覺得好煩，唯一妙語如珠嘅地方就係五嶽劍派大會，不過其實真正講內容嘅係盈盈。不得不提五霸崗果堆"羣雄"，人地魔教聖姑鍾意人，就算你地明唔明白女兒家心思，都無理由攪到咁大啦~ xDD 好好笑。

唔知有無人留意到，書入而好幾個章節嘅尾，都係令狐沖(因為受傷之後再遇到咩事)暈低之後不醒人事咁完，我覺得幾好笑。除左狄雲之外，佢應該算係另一個大部份時間都係帶嚴重傷患嘅主角 xDD

不得不提，書入面後記金庸先生講嘅野我十分認同，尤其係有關在位者反對者同隱仕嘅言論。

最後都想講下，當年TVB版嘅笑傲江湖選角真係好正好切合書中形象(咁當然無可能全部啦)。呂頌賢嘅瀟灑，王偉嘅假道學，陳鴻烈嘅霸氣，何美鈿嘅楚楚可憐，何寶生嘅富家公子氣質，魯振順最忠於原著嘅表達...etcetc都令我印象好深刻，好正。

完(懶得spell check了)

三月五日 -- 腰痛再跌打

27/2(一) -- 收工返企夜晚C煮。過天晉訓。

28/2(二) -- 出site收工返去睇跌打。夜晚C煮。過天晉訓。

1。今日宣佈，明天終於解除口罩了。

2。終於睇咗跌打，痛咗好耐。睇一次都好好多。

1/3(三) -- 收工返去夜晚C煮。過天晉訓。

3。今日已經唔點戴口罩。個人覺得無咩睇唔睇定d，一係戴一係唔戴，戴就戴到尾，何必辛苦多一排之後先唔戴呢?

2/3(四) -- 出site收工返去睇跌打，夜晚C煮。終於可以返屋企訓。

4。天晉張淋d嘅床係腰痛時訓真係更加拿命。返返屋企感覺實在太好。

3/3(五) -- 早少少收工返去睇物理治療。之後返企等CB係灣仔上完堂返來，去Monterey食Burger(都唔錯)，再行下Donki返企。

4/3(六) -- 一早去睇跌打，今日針埋，真係好有效感覺到好唔少。中午同呀媽一齊落街食，之後CB去TKL遊戲室，我係圖書館等佢地，到B玩完來圖書館meet，借埋書走。返企休息一陣再落樓下食飯，最後去左魚米家。

5/3(日) -- 天晉8-10，Penny 2個fnd放飛機，好彩最終有6人開到波，不過連打好攰。腰始終唔太好，今日真係有就住打了。打完一齊去雍明食早餐，再買外賣返去。沖涼等B食完就出門過天晉。下午同C去左附近行買printer墨同 KFC快食左少少野。夜晚係天晉食晚飯。

來緊:

9/3(四) -- lunch約Nat。夜晚同同事打波

11/3(六) -- C朋友返HK，同B去picnic

13/3(一) -- 1630 Physio

18/3(六) -- B學校旅行

完

二月二十六日 -- 郊遊遊

20/2(一) -- 早收返去物理治療，夜晚C煮。

21/2(二) -- 返工返企夜晚C煮。

23/2(三) -- 返工返企夜晚C煮。

24/2(四) -- 返工返企夜晚C煮。

1。連續幾晚都訓得好差，勁眼訓。

25/2(五) -- 中午公司係JW Marriot lunch buffet。收工返去夜晚同B去圖書館後係街食。呀媽返鄉下我去天晉訓。

2。好耐無食過buffet，好飽。

3。公司部門足球機比賽，第一場就輸左 xD

26/2(六) -- 11點幾出門，點零鐘到去汀角BBQ(娟SamEstherDorothyAda)(源肚痛臨時唔join)，5點島走。夜晚我過天晉訓。

27/2(日) -- 打波8-10天晉，唔多夠人，幾乎打足，本來身體狀態都唔好，呢排完全拿唔到手感，不過打完後最後有d時間練左一陣好似get返少少。打完同DerekTommy食早餐，之後返去沖涼恰一陣，下午去CWB同馬一家去坐鴨仔船，玩完去喜喜食飯後返去。夜晚我過天晉訓。

來緊:

3/3(五) -- 1630 Physio
11/3(六) -- C朋友聚
18/3(六) -- B學校旅行

完

二月十九日 -- C生日迪迪尼

13/2(一) --  早收工返去睇物理治療夜晚C煮。

1。電療果3個字趴係度都好似恰著左，勁眼訓。

14/2(二) -- 出site早d走。夜晚去樂天皇朝食飯，返企食蛋糕。

15/2(三) -- 收工返企夜晚C煮。

16/2(四) -- 收工返企夜晚C煮。

2。又跌錢。又係幾樣巧合夾埋，不過主因當然都係自己on9。錢事小，懊惱自己on9。

17/2(五) -- 收工返去買外賣。

18/2(六) -- C生日快樂。買左公司平飛去Disney。一早開門就入去玩，上半晝總算玩左想玩果d。下午主打睇下show同埋玩少少。6點食晚飯B就訓著，7點幾叫佢起身食埋野，8點睇煙花。完場之後meet埋ConnieLoLo一齊call車返TKO。

3。之前都講過，自己有活動會有少少焦慮。今次去Disney早去，唔知捱唔捱到夜晚睇煙花，又怕多人，又怕會攰。好彩最終都唔算太辛苦同埋順利，放下心頭大石。

19/2(日) -- 天晉打波8-10。之後返企沖個涼再出寶林meet馬一家下一齊食晏。食完去左寶康玩左大約一個鐘遊樂場後返寶林食雪糕後散。上天晉hea到夜晚(我返一返七座同買野)食埋飯食埋蛋糕後返企。

4。雖然順利，不過真係好攰。

5。呢排返工愈來愈忙了，來緊會更忙...

來緊:

20/2(一) -- 1630 Physio
25/2(六) -- 汀角BBQ

26/2(日) -- 天晉8-10

二月十二日 -- 2單RIP

6/2(一) -- 收工返企夜晚C煮。

1。源來請我食生日lunch，多謝。

7/2(二) -- 收工返企夜晚C煮。

8/2(三) -- 收工返企夜晚C煮。

2。追返動畫版嘅異世界舅舅，雖然漫畫已經睇過d劇情但係都係好笑。

9/2(四) -- 出site收工返企夜晚C煮。

3。收工行咗下玩具，本來想搵嘢買下比自己，但最終無。

4。夜晚剪咗頭髮。

10/2(五) -- 出site收工返去買外賣。

5。又行咗下玩具舖，爭少少買但最後都無買。

6。今年NBA trade幾精彩。

7。突然明白。原來自己其中一樣唔開心，唔係來自於自己嘅諗法睇法少人明白，而係自己唔敢發表，亦唔多可以傾到/願意傾嘅人。

8。終於到春天，開始回暖、潮濕...好唔想呀~~~可摸以涼多一排呀~~~

11/2(六) -- 突然決定去黃大仙，一早起身攪掂就同呀媽一齊去拜下神。可能因為過左十五，又可能因為早，或者因為少少雨，所以又唔算特別多人。拜完呀媽去北角，我地就係黃大仙中心食野之後行下，再去還書借書。下午上天晉hea，夜晚食埋飯返。

9。今日一次過聽到2單過身。Gine同表嫂。Gine病左好耐了，上年年尾都聽講話應該捱唔耐。表嫂就有d surprise，雖然大家唔多聯絡。RIP。

10。睇左本半書。以前嘅音樂人放人真係有料過而家果d好多。而而家嘅讀者觀眾聽眾質素真係低。尤其有好多時d評論已經係對人唔對事。

12/2(日) -- 哥生日快樂。朝早天晉打波8-10，今次都係自己friend或friend嘅friend，不過啱好六日，好攰。之後同Derek Tommy食野，再返企沖涼。差不多1點B舅父同婆婆來車我地出觀塘一齊飲茶，下午返西貢hea。夜晚出寶林食泰國野同婆婆慶生。

來緊︰

13/2(一) -- 同事lunch。1630 Physio

18/2(六) -- C生日; 公司Disney

25/2(六) -- 老友大埔BBQ

完

二月五日 -- 生日及叭地

30/1(一) -- 生日放假; 無plan，一早起身我suggest帶B去玩，於是第一站去左新蒲崗祟齡街遊樂場。個場唔大少野玩，個滑梯幾高B唔係好爬到，玩左一陣就走。行路轉場去東啟德公園，都有d特別野玩幾得意。玩完去附近彩頤花園食大快活，之後行過去玩埋坪石遊樂場。個場都幾大同幾多野玩，仲有個特別嘅升降台玩，不過B唔敢玩。玩完B都好攰，返企沖涼訓。夜晚唔再出返街，是但整d野食同食蛋糕。

1。公司2月開始取消彈性上班時間。

1/2(三) -- 出site收工返去夜晚C煮。

2。6點收工真係多好多人，同埋返去時間會耐咗。

2/2(四) -- 出site收工返去夜晚C煮。

3/2(五) -- 收工返去買外賣。

4/2(六) -- 朝早meet埋阿媽一齊去圖書館行吓，跟住係調景嶺食d嘢。食完上天晉，到夜晚落街食飯後返企。

3。借左本連城訣新修版來睇，即日睇完。雖然耐無睇但都大概記得有邊d位唔同左喎。仍然覺得好睇。

5/2(日) -- 朝早打波天晉8-10，得DerekSamTommy唔夠人所以係九叔group叫左人，來多4個。都好波喎! 大家都算輕鬆打，所以贏輸不能作準。不過我keep住同勁人一隊都嬴波多。最後一場最正，咁啱猜到九叔一隊我自己同friend一隊，打到20-20再duel到31分，28分時傳比我射左球正面三分入波贏哈哈。打完返企沖個涼去康城meetConnieLoLoPenny同妹妹豬食晏，再去佢地clubhouse影院睇一陣卡通電影，係遊戲室玩一陣再上佢地屋企，hea下整下蛋糕，我太攰恰左一陣。夜晚外賣食埋飯8點幾走。

4。好開心。

5。真係好厭倦好厭倦網上d負面評論了。而家開始不論邊一邊都係玩批鬥，挖黑材料或者係斷章取義，根本你有幾客觀都好難睇到事實同埋fact check到。同埋，對於唱歌睇戲等等娛樂性嘅野，唔客觀去睇都算，仲要又係一味搵野批評，唔係用欣賞嘅心去感受，咁點睇點聽都係差架啦。唔好上網? 我其實只係想睇下朋友現況，玩具籃球等等資訊，但真係好難避免睇到其他唔想睇嘅野...對於有B而少左其他娛樂嘅人來講，上網真係其中一樣簡單快捷嘅娛樂來架。

6。最近見到有唔少朋友couple之間有問題(當然問題唔係最近先有)，人同人之間嘅關係真係好複雜，不過真係要用心經營，絕對要體諒同相就。不過而家嘅人真係愈來愈難。

來緊:

13/2(一) -- 1630 physio

18/2(六) -- C生日; 公司Disney

完

一月二十九日 -- 長假

23/1(一) -- 中午去CWB買野食上C娘家，坐到5點半齊人落返CWB打邊爐，8點幾散。

24/1(二) -- 初三中同維園赤口賀歲波。啱好6個人不過Herman傷咗所以基本上大家都係hea打吹水。8點零打到差不多11走。返企無耐Rita一家來，同佢哋買外賣上屋企食。2個B玩，到3點零4點走。我哋過天晉B訓夜晚食飯。

1。是日手感好奇怪，完全拿唔到。有時仲射到離晒譜。

25/1(三) -- 中午去Hysan食嘢後meet馬一家一齊上Herman度中同團拜。6家人(加1個單身)好熱鬧。玩到8點島走。

26/1(四) -- 拿咗假。中午同源係北角食嘢再上民仔老家探佢媽。3點半島走係附近玩一陣到4點島散。返寶林行下玩具之後食埋飯賣一個糖水返企。

2。是日拍拖周年紀念。

27/1(五) -- 中午去九龍灣付費嘅遊戲室玩。之後去Megabox Ikea食嘢同行，例牌行埋ToyrusAeon同H&M後搭車返去。食個早飯(tea)咁啱遇到有舞獅。之後返企。

28/1(六) -- 2點meet悉悉一家去天晉會所睇舞獅同等抽獎拿禮物。3點完，我返一返企，佢哋分批去街市買嘢同小朋友遊樂場玩。齊人後入去悉悉家玩同打邊爐，8點半島走。

29/1(日) -- 朝早9點同Derek去尚德射波，估唔到有禮物收。到11點同佢meetCB食少少嘢散。我哋返企整頓下，再出門去Anthony家聚會(仲有Jessie一家Edf一家同Irene可惜Raymond中咗來唔到)。5點島走，C少少唔舒服返企休息，我同B玩陣遊樂場再買外賣返企食。夜晚沖完涼過天晉訓。

3。發左個唔好嘅夢。好彩好快醒，知道係夢。

4。阿媽過澳門一晚，所以今晚我過天晉陪老豆。

5。新年以來呢八日的確有比平時食多左。不過八日都有七日早餐食麥皮，算係咁了。

來緊:

30/1(一) -- 放假一天無plan。

3/2(五) -- 0945 physio

5/2(日) -- 小本型聚

18/2(六) -- C生日; 公司Disney

完

一月二十二日 -- 農曆新年

16/1(一) -- 收工去南昌同同事同佢BD朋友打波，仲遇到舊同事阿軒。食左個包先打。對方隊波夾開，我地雜牌軍，都無得點打。自己就都入左d波又有球三分。打完痴車同事車去九龍塘再返企。

17/1(二) -- 早收返去睇物理治療。行咗下YMT先。夜晚買外賣。

1。試咗Popwalk 1新開嘅秦國嘢，普通。

2。B仍然有燒，退下燒下。

18/1(三) -- 中午同源食飯，補請返佢生日飯。下午公司tea食唔落，拎返屋企當晚餐食。夜晚未夠10點攰到訓著左。

19/1(四) -- 收工返企自己買外賣壽司食。

3。本來想睇跌打，點知去到門口先知佢今日開始收爐...

20/1(五) -- 出site收工返TKO行去寶康meet阿媽，再去圖書館meetCB，之後一齊hea行花市，再係遊樂場玩一陣。夜晚係寶林食飯後返企。

21/1(六) -- 朝早佈置下屋企，中午買外賣上天晉食飯。B訓咗後我哋去買d嘢返7座執d嘢。夜晚係天晉食飯，同爺爺補祝生日後返企。

22/1(日) -- 中午過去天晉拜年同食飯，之後(落樓竟然遇到日安LoLo)去筲萁灣探老姨，再去北角搵表姐，夜晚返天晉食飯。

來緊:

23/1(一) -- 初二返娘家

24/1(二) -- 初三Rita中午來

25/1(三) -- 初四下午去Herman家中同聚

26/1(四) -- 放假

27/1(五) -- 放假; 930 Physio

28/1(六) -- 初七去Trista家Bino

29/1(日) -- 初八下午去Anthony家

30/1(一) -- 放假一天

完

The First Slam Dunk

睇左Slam Dunk電影版。

首先，作為一個fans同有睇過漫畫嘅人，我就好難用一個唔係/無睇過嘅角度去睇了。

自己就覺得好好睇。

而家網上基本上所有野都會有人鍾意有人反，同埋愈來愈多唔同勢力帶風向，再加上大部份人都係會偏向相信自己本來相信嘅方向，所以網上評論已經愈來愈無咩參考價值，除非你本身好理性同埋好識得過濾資訊。(呢方面唔講太多了)

劇情方面，相信大家都知係打山王了，唔算劇透掛? 不過就用左新嘅角度去睇 -- 全套主要以宮城良田為主軸，所以都算加左少少設定同埋多左少少視覺。網上見人話唔鍾意回憶又話只想睇比賽，我就唔多評論了。每逢有劇有戲都係有一堆人覺得應該點點點，唔合乎佢期望就係唔好睇，無咩討論價值。

雖然本來漫畫都睇到幾乎識背，但係場比賽真係做得好睇。除左好多細節位有表現出來(當然有所取捨都cut左唔少野)，d動作做到好流麗，而且完全呈現返漫畫出來(漫畫本來拿鏡頭已經好有電影感)，再加上節奏做得好好，配樂同音效好做到緊張嘅感覺，所以一直睇都唔覺時間過，比賽最後果分半鐘睇到聲都唔敢出，全場靜晒!

今次睇日文版，由於以前無聽過原配日文，所以話轉晒聲優都無咩感覺。呢套聽返日文嘅原配就一定不錯嘅。聽聞廣東話版搵返以前果班來配好有情懷不過怪怪地，第日有機會二刷試睇。

經典場面幾乎全部出齊，真係睇到毛管棟，超正! 新嘅主題曲其實比起舊嘅更適合呢套電影，亦幾好聽。(當然，齋論好聽同feel始終鍾意舊版啦~~)

總的來講，真係好好睇，好感動。

(寫得好求其)

完

一月十五日 -- B再燒

9/1(一) -- 收工返企夜晚C煮。

10/1(二) -- 收工返企夜晚C煮。

11/1(三) -- 收工返企夜晚C煮。

12/1(四) -- 收工返企夜晚C煮。

13/1(五) -- 收工返去一齊食街食野再返企。

1。去左信和一轉買左儲開嘅漫畫同扭蛋，仲拿左ig follow開個page嘅postcard。

2。今日終於睇完JoJo6。暫時唔睇7同8了。

3。連續幾晚發夢，訓得麻麻。

14/1(六) -- 因為星期日可能要帶B舟車勞頓，所以今日輕鬆D。朝早同馬Kathy係NOC meet，等鳴鳴放學之後一齊去玩左陣天晉遊戲室就散。返屋企放低d野(同買左水仙)就同我媽一齊去北角食點心，跟住去北角匯影下相，再去例牌行下執笠倉同12蚊店後返天晉。B開始無咩精神訓到夜晚食飯。食完飯返企。

4。B夜晚開始發燒。

15/1(日) -- B一朝早未退燒。我同Derek去左睇Slam Dunk電影，睇完之後C決定同B唔去BBQ，由於已經延左幾次，所以今次照去。Penny佢妹一家同外甥同學一家一齊去，佢地一個爐，PennyConnieLoLo同我一個爐。4點半島走，我痴佢妹夫車返坑口。夜晚C煮比佢地自己食，我唔餓唔食。

5。其實而家約朋友真係成日驚會有突發事件發生。之前聖誕約BBQ我家中招，估唔到今次B又無啦啦發燒...雖然我自己去不過都會心掛掛。不過講真就算B無病，我自己走左去約朋友(雖然極少)屋企比我嘅感覺都係唔好，其實幾灰。我都想好似大部份其他人咁，有時大家各自都有少少少少自己嘅生活。生活唔係完全圍住B或者自己屋企，會有自己朋友其實係健康d。

來緊:

16/1(一) -- 公司同事打波

17/1(二) -- 下午physio

完

一月六日 -- 攰

3/1(二) -- 終於都返工。收工去荃灣交收再返企，7點都返到TKO喎。夜晚C煮。

4/1(三) -- 今日悉悉保姆確診，臨時決定來我家。Trista放一日假湊悉悉來下午一齊玩。我收工返企，夜晚C煮+外賣。佢哋食完7點半島倉促走了。

5/1(四) -- 收工返企夜晚C煮。

6/1(五) -- 出site收工返調景嶺圖書館meetCB，玩一陣遊樂場再去新開間刀削麵食飯後返企。

1。公司活動最後一次上磅。總結呢2個月嘅成果。雖然唔算好多，不過體脂同內臟脂肪都有減，而體重係呢2個月來係減咗7KG，自己覺得算係咁了。

2。成日都覺得攰係真。唔只係有無得休息嘅問題，仲有有無高質嘅休息嘅問題。病咗成個禮拜，其實唔覺得自己有好好咁休息過。

3。早2日突然又有果個感覺：好似咩都無乜興趣同唔知想點，好茫然。

4。幾個朋友都表現左少少唔高興咁。好驚係自己做得唔好，或者係有唔清楚令人誤會。其實覺得自己已盡力。

7/1(六) -- 朝早同CB呀媽去行大橋，到康城食Outback後，一齊去九龍灣展貿玩攤位遊戲，拿到幾多獎品仲抽到大獎遙控飛機添。夜晚返天晉食飯。

8/1(日) -- 朝早打波天晉8-10。今日得Jack來，事前係九叔group搵人，最終來左2個。雖然未見過，不過2個都好nice，4個人都打得幾開心。今日打2 on 2，大家都輕鬆防守，所以入左唔少波哈哈，不過唔知係耐無打波定係啱啱瘺完，覺得自己好快無氣。打完波同Jack食早餐，等到B游完水來食埋野先散。下午同B係附近行下玩下，夜晚買外賣返企食。

5。呢個禮拜聽到幾個朋友家事，都幾一塌糊塗。

6。雖然唔公開得住，不過反正blog無人睇，就算睇應該都唔識。恭喜Jack :D

7。今集水星之魔水Season 1最後一集(即係未完)，劇情都幾衝擊。

完

一月二日 -- 出關

28/12(三) -- 無燒，喉嚨唔舒服，好攰。

29/12(四) -- 喉嚨都係唔舒服，同埋夜晚訓覺咳我最犀利。

30/12(五) -- 繼續夜咳。今日終於夜晚煮左飯，有飯食。夜晚已經一線，不過嚴格來講叫係Day 3。

31/12(六) -- Day 4 一線。好好多，喉嚨都有好d。keep住攰但都有好d。

1/1(日) -- 終於出得關。中午出去行下同埋食飯(樂天皇朝)，之後去左玩好耐遊樂場(TKL迪卡龍尚德寶康)，玩完去睇左下紅葉(唔係十分紅)再去寶林食晚飯(Jacomax Pizza補返個Xmas晚餐)，行下Toyrus返TKO買2個cake(遇到ConnieLoLo)後返企。

2/1(一) -- 公假; 11點半去TKO稻香同C親戚(總共5人)飲茶，自從19年以來都好耐無試過了~~ 之後帶佢舅母去文曲里公園同紅葉果度，我地再同B去遊樂場玩一陣。玩完行去TKO海天晉同Donki(meet我媽)，再去蕃茄18食tea後散。我返企再去天晉拿野返來。

完

十二月二十七日 -- 聖誕染疫

19/12(一) -- 出site收工返企睇跌打。夜晚C煮。

20/12(二) -- 放假。朝早睇跌打，中午去接B同食飯，之後去坑口醫院睇醫生。好彩都唔使太耐，睇完返屋企同B去單車公園草地picnic。夜晚試買樓下新開韓式小店，OK喎。

21/12(三) -- 放假。朝早睇跌打，睇完好冤。係屋企等B放學返企，一齊出北角同呀媽食飯。食完上呀媽office一下，之後我地3人搭叮。到炮台山前面撞車，落車行去維園。行左工展會買少少野，之後行返北角同呀媽(佢收工)一齊返TKO。夜晚買外賣返企食。

22/12(四) -- 本來team lunch cancel。冬至早收。本來買左23號party禮物，但發覺唔多啱使，於是臨時去牛頭角買左另一份。之後返企執d野，夜晚去天晉同爸媽食飯(盆菜)。

23/12(五) -- 收工去會展站出海濱meetCB同阿媽，影相同玩一下之後搭船去TST，食咗韓國嘢後返企。

1。B今日開始咳，夜晚發燒。

24/12(六) -- B朝早確診，本來都只係發燒，突然抽筋反白眼訓低無反應，即call 999。醫護來處理咗陣B醒返，話係因為發高燒，最緊要降溫，去醫院反而又等又乜都無，所以無去醫院。tj

25/12(日) -- byc bdg，我開始喉嚨有d唔舒服。tj

26/12(一) -- B好得7788退咗燒，我就開始發燒。全日頭暈無力攤咗係床全日，夜晚又好似退咗燒好少少。

27/12(二) -- 我基本上退左燒，不過今日RAT先二條線。都係全日係屋企hea，好攰。

來緊:

29/12(四) -- AL，不過都唔使返工了; 10am physio要cancel

31/12(六) -- Helen家postpone

2/1(一) -- C家大聚，睇情況

完

十二月十八日 -- 凍凍BBQ

12/12(一) -- 晏晝放假。去彩虹meet CBAngelEudora，係地鐵站買野，跟住搭車去佐敦谷公園野餐同玩。5點島散。返TKO樓下hea大家樂bino後返企。

13/12(二) -- 放假一日。上午睇跌打，跟住去接B放學，食完野返企換個衫出SSP玩具街買野。返將中試新果間刀削麵，都OK。

1。終於都似返少少冬天，有凍嘅感覺。好彩早2日拿咗棉被出來。

2。睇跌打比醫師話我拖咁耐先睇。其實都真係冤咗幾耐下，呢幾日特別犀利，趁放假睇埋去。不過來緊幾日都要睇，反正清假，繼續。今日睇完又係好咗好多。

3。Mario Kart上星期update咗新賽道。拎咗部switch返屋企幾日，莫講話試下，連掂都無掂過。

4。同阿B連出4日街，好攰。

14/12(三) -- 晏晝放假。快閃去SSP交收模型再買禮物比friend同去左特賣城。之後返TKO 4點去睇跌打。幫呀媽寄野後買外賣返去食。

15/12(四) -- 下午放假。去康城比野Martin再返TKO，4點睇跌打。夜晚C煮。

16/12(五) -- 收工返去係樓下食飯。

17/12/(六) -- 3點幾meet Jackie同Angel去買野食野飲，之後上我家玩一陣，Mona都到。6點島出門meet埋Eudora上天晉BBQ。8點半島就走，買糖水返屋企食同傾計，10點9島散。

5。是日又凍又大風，第一次咁樣BBQ。雖然難頂不過其實都係一個特別嘅體驗。

18/12(日) -- 朝早B游水我係企hea。11點幾出門食d野上天晉meet埋呀媽，一齊去啟德搭shuttle去渠務署開放日。睇完搭返shuttle去鑽石山，順便行左下志蓮淨苑，食個tea之後呀媽走先，我地行埋商場走。買外賣返企食。

20/12(二) -- AL，TKO醫院睇醫生

21/12(三) -- AL

22/12(四) -- 冬至早收，返天晉做冬

23/12(五) -- 公司朋友lunch party

26/12(一) -- 小本型Gathering

27/12(二) -- Trista一家

29/12(四) -- AL; 10am physio

31/12(六) -- Helen家

完

十二月十一日 -- 節目豐富

5/12(一) -- 上午放假，係屋企hea。下午返工，出site收工返企夜晚C煮。

1。朝早地鐵將軍澳線瓜左。公司全幢廁所瓜左。

6/12(二) -- 清假一天。本來諗下呀B下午放學去邊玩，接左佢放學食壽司郎，再同佢去單車公園遊樂場玩完都2點幾3點。返屋企OK聽話訓訓左個幾鐘5點島起身。去寶林行下玩具反斗城再食埋飯返企。

2。終於都有場波買中左，雖然都係輸，起碼都無輸晒 xD

7/12(三) -- 收工返企夜晚C煮。

8/12(四) -- 收工返企夜晚C煮。

9/12(五) -- 出site收工返去買外賣。

10/12(六) -- 朝早一齊同呀媽食早餐，之後去海防博物館玩，中途係果度食左d野。玩完行返出東大街再食呂仔記，之後搭叮叮。本來諗過去太古，不過B好快訓著左，於是係北角落車返TKO。上天晉抖左陣，我返七座收件同執d野，再去天晉遊樂場同B玩一陣。夜晚食埋飯返。

3。今次世界盃第一次睇深夜場。11點訓左，較左鬧鐘3點起身睇英法大戰。中場時間仲晾衫同食宵夜添。

11/12(日) -- 本來下午約左JP老公同女玩，不過佢地朝早臨時話唔得。B一早去游水，我訓到9點幾起身。中午煮野食。食完臨時約左馬一家係太古meet，去左遊樂場玩再去睇滅火輪，之後返太古睇Lego同Toyrus，最後係Log-on間cafe食埋飯散。

4。連續2日都行得幾多，今晚對腳有d攰。

5。疫情幾年，之前都少出街少gathering。而家開始變成常態，今年又多約返朋友們聚下啦。

來緊:

12/12(一) -- PM AL picnic

13/12(二) -- AL

16/12(五) -- 0945 Physio

17/12(六) -- BBQ

20/12(二) -- AL覆診

21/12(三) -- AL

22/12(四) -- 冬至早收

23/12(五) -- 公司朋友lunch party

26/12(一) -- 小本型Gathering

27/12(二) -- Trista一家

29/12(四) -- AL

31/12(六) -- Helen家

完

十二月四日 -- 飯戲攻心

28/11(一) -- 收工返將軍澳同C去康城，B留係爺嫲度。係康城食d嘢睇戲"飯戲攻心"。9點半睇完返天晉接B返企。

1。終於睇到"飯戲攻心"！當年有trailer時已想睇。同埋事隔3年幾，自AVG4之後第一次入戲院睇自己想睇嘅戲！之前太多人睇過亦講過，所以我都唔多講了。總之覺得好睇。

2。今晚竟然好似春天咁好大霧...

29/11(二) -- 下午放假。C同B來MOKO遊樂場玩到3點幾，跟住一齊搭Van落SSP玩具街，買左好多野。夜晚返Parkside Foodcourt食鐵板。

3。今日係SSP走巴士站見到巨強爬上人隻腳恐怖一幕...

30/11(三) -- 因為客要放工後先得閒，所以OT一陣。OT前同Jackie食係site附近嘅餃子。

1/12(四) -- 收工返企夜晚C煮。

4。終於真係涼，唔知涼到幾耐。

2/12(五) -- 源生日快樂。收工去C娘家食飯。

5。今日公司減肥活動第3次上磅，輕左5磅體脂都減左少少。呢2個禮拜早餐由平時heavy轉麥皮，其餘無特別食少，運動勉強叫多少少，都有d效。

3/12(六) -- 臨時決定去濕地公園。我一家同呀媽10點半島出發，搭巴士接近2個鐘先到。雖然買左飯團但發覺公園入面餐廳幾抵食又幾好食。無開一個遊戲室，另一個唔夠1米玩唔到最好玩個高滑梯。無左一段橋。4點9走，返去搭鐵，都係差不多2個鐘。夜晚係天晉食飯。

4/12(日) -- 朝早C湊B去游水，由於上星期無人打波所以今星期無book。自己係企hea，到B11點零返來時我又恰左陣。同B玩C做家務攪完一輪2點先出門出去食野。3點幾meet悉悉佢地係遊樂場玩一陣，再上我家hea同玩。夜晚買外賣返來食，8點幾散。

來緊:

12/12(一) -- PM AL picnic

16/12(五) -- 0945 Physio

17/12(六) -- BBQ

20/12(二) -- 覆診

十一月二十七日 -- World Cup

21/11(一) -- 收工返企夜晚C煮。

22/11(二) -- 放假一天。朝早係屋企砌模型睇波。中午同老豆去牛頭角陪佢照腸鏡。等佢嘅時間去左觀塘食野同行下。接返佢之後送佢上天晉，再買外賣返去。夜晚8-10係LP6同PennyLoLoAlvis打羽毛球。N年無打，4個人打2個鐘雖然係BB班不過都攰。

23/11(三) -- 收工返企夜晚C煮。

24/11(四) -- 出site收工返企夜晚C煮。

1。收工搭車到衛理道，睇住自己搭架巴士撞到人。

2。尋日睇咗場下半場睇到日本入2粒反超，今晚睇下半場睇到5粒入波haha。

25/11(五) -- C同B夜晚約friend食飯。收工返將軍澳同呀媽食附近食飯。吹下水食下人地花生又一晚。

3。好難得同阿媽2個人食下晚飯吹水，食下其他人花生。

4。今晚突然聽到消息，Regine可能差不多。雖然知道病咗好耐，但仍然感覺好唔開心。

5。聽呀媽講原來當年我都係有多動症? 而家先知~~

26/11(六) -- 朝早Jason來同我一齊幫寄果2箱野去英國，出奇地順利，終於攪掂件事。同佢食晏之後佢call車搬走埋佢要嘅BB野。下午3點幾去到CWB保良局同馬一家一齊玩攤位遊戲，再係皇室堡食飯後散。

27/11(日) -- 8-10天晉打波，得我同馬Derek。叫係練左下波，雖然努力嘗試，但自己基本功不足、體能又唔好同埋skill set完全唔係one on one嘅料子。之後同Derek去PSFC食早餐，再過尚德行左下。買野食返去比CB後沖涼，佢地食完中午之後恰一陣。4點幾差唔多5點出去迪卡龍買野，玩埋遊戲拿左現金卷，之後去TKL圖書館收左只還到書，去彩明食飯後返企。

來緊:

28/11(一) -- 夜晚放低B係呀媽度去睇戲?

29/11(二) -- 下午放假去SSP?

12/12(一) -- PM AL picnic

16/12(五) -- 0945 Physio

17/12(六) -- BBQ

20/12(二) -- 覆診

十一月二十日 -- 點解咁撚肥

14/11(一) -- 收工返企夜晚C煮。

15/11(二) -- 病假一日。朝早送完B返學之後出牛頭角洗牙，之後行個玩具舖返去，行返過坑口接B放學。係坑口食d嘢行一田再去單車公園遊樂場玩一陣返企。hea一陣出去睇物理治療。夜晚C煮。

16/11(三) -- 出site收工返企夜晚C煮。

17/11(四) -- 收工返企夜晚C煮。

1。身體一直有好多問題。加上今日Go Healthy我係我地team唯一一個數值增加嘅，睇來真係要再的起心肝減減佢。

2。牙肉最入痛左好耐，甚至影響左睡眠。一直無點理，呢幾日終於食下消炎藥+飲涼茶+搽藥膏，真係好左好多...

18/11(五) -- 中同聚。收工搭去灣仔行左下玩具街再行去CCC，同家昇屎蟲一齊同HermanBen慶生。9點幾走。

19/11(六) -- 本來Jason來幫手寄野去英國，點知一早嫂send message來話要delay，於是cancal...朝早起身去9座執野同搬野，中午同埋呀媽CB一齊食飯。下午又再搬野。夜晚係天晉食。

20/11(日) -- 天晉打波8-10。打完返企沖個涼，中午同CB出觀塘同Penny補祝日安生日飯。食完散水行左下APM再返天晉。太攰恰左下。夜晚食埋飯返。

3。是日唔夠人，大家齋射波吹水。雖然貴左d，難得有機會練下射波form。

4。B今日又撼親個頭，前額腫左中間有條痕，成隻邪眼咁。希望無事。

5。原來之前係因為無咩啱B睇嘅戲先話想睇，而家見到有套動畫就寧願唔知係咩都想連埋B一齊睇。

來緊:

22/11(二) -- 請全日假，下午同老豆去照腸鏡。

25/11(五) -- 夜晚C帶B去飯局，我free。

17/12(六) -- BBQ。

完

十一月十三日 -- 周年紀念

7/11(一) -- 出site收工無特別早，返企夜晚C煮。

1。今日陪partner去screening同度呎，做一樓一嘅單位。

8/11(二) -- 結婚周年紀念。收工返去買少少野。夜晚C煮。

9/11(三) -- 收工返企夜晚C煮。

10/11(四) -- 早收工返去睇跌打，夜晚C煮。

2。物理治療都係無乜用，睇一次跌打好好多。

11/11(五) -- 出site早少少收工(但返去都唔早)返企買外賣。

3。季前賽 -- 結局呢集幾好睇。最難接受係5-10集。老闆仔好好戲。

12/11(六) -- 中午悉悉一家來將軍澳一齊食嘢，之後係屋企hea，Trista夫婦去鯉魚門買海鮮，夜晚打邊爐。

4。鯉魚門街市海鮮幾平又新鮮喎。

13/11(日) -- 朝早打波天晉8-10。之後同DerekJack去雍明食早餐。返企沖涼晾衫之後，同CB阿媽食飯。下午去單車公園玩一陣，上9座執陣嘢，夜晚去天晉食飯。

5。今日人少，所以3打3同埋大家都hea打少少，所以我都好多入攝同埋上籃機會，但finishing唔太好。之前諗嘅一d動作都做唔到。不過起碼叫多左機會試同埋知道自己係唔得嘅。感覺不錯。其實都係要多練習啊~

完

十一月六日 -- 十一月打風(落雨)

31/10(一) -- 收工返企夜晚C煮。

1/11(二) -- 收工返企夜晚C煮。

2/11(三) -- 之前OT補假一日，不過中午開始掛8號風球，其實都無話蝕嘅。上午去咗九座執d嘢，中午meet埋阿媽一齊去寶林食飯。下午返企沖涼恰咗陣。夜晚C煮。

3/11(四) -- 收工返企夜晚C煮。

1。今日收到消息，公司我哋team個project又defer。

4/11(五) -- 收工去寶林meet CB食飯，行咗Toyrus同商場之後返企。

5/11(六) -- 日安生日快樂。中午出去附近(Savannah果邊)食飯(去到啱啱過2點食tea)，之後行Donki同韓國超市後上天晉，夜晚食埋飯走。

2。阿B夜晚竟然無啦啦話要留天晉訓。所以我同C自己返七座。

6/11(日) -- 朝早天晉打波8-10，C帶B去游水。我打完波同Derek Jack去fc食嘢後返企沖涼洗衫，B同嫲嫲同C去百勝角消防救護開放日。自己係企hea到4點幾先落街買d野過去天晉(佢地都係4點幾返到)。夜晚食埋飯返。

3。今日打波無乜特別。

4。hea下hea下終於睇完JoJo第五部了。開始有d無心機。

5。新一集水星之魔女好痴線呀！

6。最近條腰狀態應該係近大半年來最差。

完

十月三十日 -- 出關

24/10(一) -- 朝早湊B返學點知佢腳腫帶返天晉，再出site。收工返去買外賣上天晉食。

1。朝早搭車時睇睇下攪笑嘅片無啦啦喊左，因為放鬆左心情?

2。呢排腳又痛腰又痛。

3。好想剪頭髮。

25/10(二) -- 朝早湊B返學再去物理治療之後返工。出site早收工返天晉。

4。睇左季前賽，暫時OK，普普通通。

26/10(三) -- 出site早收工返天晉。

27/10(四) -- 收工返天晉。

5。其實想睇草蜢concert。

6。今日係上次有少少震驚嘅消息之上再加多少少震驚。

7。頂唔住，自己剪左d頭髮。

28/10(五) -- 出site早收工去左CWB SOGO拿波衫，返天晉食飯，之後返七座。

8。終於返返自己屋企。終於可以瞓返我張硬床。雖然果邊高床軟枕，但係條腰真係受唔住。

9。呢段時間(都唔算短，有好一排)經常發夢好唔順利或者想同人嘈但出唔到聲，夢入面勁壓抑。

29/10(六) -- 11點零出門去沙田Jessie屋企Gathering，好熱鬧(Jessie一家4人，Cherry一家4人，Edf 2人，強1人)。5點半走，去Ikea同娟源食飯後散。

10。B連續2晚癲。

30/10(日) -- 一早同C湊B去游水，前2堂好好地，今日唔知係咪呀媽係度，喊左好耐。之後返企擺低d野，出去附近食飯後上天晉。下午去超市一轉之後返天晉食埋晚飯返企。

11。攰到痴線。

12。水星之魔女第5集，都不錯。

完

暫沒媽媽的日子 之 也許佢真的不如你所想那樣

暫沒媽媽的日子 之 也許佢真的不如你所想那樣

事發足一個禮拜。終於有少少時間寫少少嘢記錄下(不過有好多細節已經忘了)。

事緣應該由三年幾以來第一次(想)睇戲講起。係阿B幾乎無同阿媽分離過嘅情況之下(除咗有時必要嘅阿媽複診或阿B返學)，極難得一次買咗飛諗住掉低阿B 2條友去睇戲，點知未睇就瀨咗嘢(我套飯戲攻心)。

一朝早拍門，有人中。其實都無咩好諗，執少少必需品，即時帶阿B撤離。唔知應該話幸定不幸，爺爺嫲嫲啱啱中完，唔怕傳染佢哋(應該)，有地方可以避吓。連續幾日不斷同B(同自己)快測又撩鼻，好彩阿B真係無中。亦開始咗阿B身邊暫無媽媽嘅日子(多謝+好彩有爺爺媽媽支援)。

首先不得不讚吓，阿B似乎真係明白件事，知道媽媽病咗，怕傳染比佢。所以咁多日以來，佢只係facetime時話掛住媽媽，但從來唔扭唔叫唔喊要見媽媽。真係surprise嘅。

其實咁啱早排都傾過，係咪應該搵多d時間放低下阿B，等佢習慣吓唔好成日痴住媽咪呢。三年幾，幾乎形影不離，大人無me time，真係好嗎？不過係本來仲係no嘅情況下，突然變咗強制分離，仲要唔係一套戲嘅時間，係過埋夜，而且已經一個禮拜。

其實阿B嘅適應能力比大人想像中強。

因為係close contact嘅關係，我都要wfh一星期，正好好彩可以睇住阿B(爺爺眼唔好嫲嫲要返工)。接送佢返放學，同佢做功課溫書睇圖書做練習湊佢去第一堂學游水，帶佢去食飯四圍玩。理解多咗平時我返工時佢嘅生活同須知(點接送返放學著咩衫幾時做咩功課)，亦都對佢多咗認識。

講少少自己本來唔知佢已經掌握/佢係呢個禮拜新掌握嘅技能。同佢做功課，發現佢剪紙已經識得對準條線來剪(都幾準)、發現佢比想像中認多好多中文字同英文字、自己識得戴好口罩、佢突然識得自己去廁所除褲wewe仲抹埋(bubu都識但唔識抹)、無論去到邊度玩佢都會極主動走埋去唔識嘅小朋友度問可唔可以一齊玩仲會拖人手(呢樣其實一直都知)、講到好多嘢有紋有路有前因後果，仲有好多好多...etc

深感小朋友(係小朋友，唔係B啦其實)大得好快。

知識方面係ok，不過要彈嘅係，如果真係三歲定八十的話，佢性格真係幾衰。經常話佢曳同百厭，講真小朋友會都正常。但最大問題係佢性格硬頸，極度有自我意識，非常唔聽話。其實佢思路幾清晰，同佢講道理同解釋d嘢，佢好多時係聽得明，但偏偏就唔做唔跟，唔聽你講，或者唔信。真係好難搞。又唔話得，講d嘢唔啱聽就唔高興，覺得你對佢唔好，即扭即喊即出眼淚。雖然呢段時間同佢相處多咗，但其實我唔特別覺得同佢增進咗感情...(佢晚晚都同嫲嫲瞓，唔要同我瞓)

仲有好多點點滴滴，難以盡錄。

主要想講吓阿B，有關自己或者其他人嘅就唔特別係度講了。媽媽已經單線2日，可以出關，不過為免仲有殘留病毒，佢會閉關多幾日，同埋係屋企做清潔同徹底消毒，辛苦佢了。我哋就再打擾多爺爺嫲嫲幾日了。

完

懶改動，直接FB copy過來算了。

十月二十三日 -- B暫沒媽媽的日子

15/10(六) -- 一早C開門話佢懷疑中左，即時拿少少野同B去天晉。唔知算好彩定唔好彩，老豆呀媽啱中完，唔怕傳比佢地。呀媽星期六無活動幫手睇住B，我就出幾次門返去拿野執野同買野比C食。夜晚天晉食。

16/10(日) -- 打波天晉8-10。照去打左一個鐘，之後湊B去上第一堂游水。游完佢直接訓著抱返屋企，整醒佢同佢沖涼。下午呀媽返來，有媽同老豆幫手睇B，我下午帶B去遊樂場玩同又過返去執野同拿野同買野比C食。夜晚天晉食。

17/10(一) -- 因為係密接所以WFH一星期。同呀媽湊B返學，再食早餐後呀媽返工。我返天晉幫媽打陣字之後差不多11點就出去買野比C食，再過行坑口湊B放學。食壽司郎再返企換個衫，去尚德果邊玩一輪就同佢返伍沖涼放低佢，我買外賣去比C。夜晚返天晉食。

18/10(二) -- 三號風球B唔使返學。天氣凍左好多而且下午開始落雨更凍。朝早我睇物理治療，老豆帶B落會所遊戲室玩。我試用共享單車買外賣送去C度。之後同B去寶林食野同行下後返企。我黃昏再買外賣比C。夜晚返天晉食。

19/10(三) -- 一早同呀媽送B返學，之後踩車返尚德銀行做手續，點知浪費左好多時間都攪唔到。自己食左D野再買上去比C，再踩車去接B放學。係坑口玩一陣再去尚德食野玩一陣，返企做完功課hea一陣再同B去尚德對面玩，之後買外賣比C，再買外賣返天晉同B食。

1。NBA開鑼。

2。Hunter連載有流出了。

20/10(四) -- Grace生日快樂。一早同呀媽送B返學，之後一齊食早餐就返企。送完外賣比C再接B放學，跟住直接過北角同嫲嫲食飯。同B去嫲嫲公司同行咗Daiso奇趣之後，本來打算一齊返，嫲嫲突然有嘢做，所以同B返先，佢攰到係地鐵訓著，到天晉放低都仲訓。之後嫲嫲返來等佢醒幫佢沖涼，我就再送外賣同埋買d嘢返來，夜晚係天晉食飯。

21/10(五) -- 一早同老豆送B返學，之後一齊行咗幾圈附近認完路就返企。繼續送完外賣比C再接B放學，因為屋企中強檢所以返天晉換個衫就出去撩鼻再食嘢。好熱好曬所以躲係迪卡農玩咗好耐先返去。照舊同佢沖涼之後買外賣比C再返天晉食飯。

3。C叫係連續2日單線拿咗藍碼剪手帶了。不過以防萬一佢都係stay多屋企2日先，同埋清潔消毒全屋。

4。有人又有左? 咁嘅情況都仲要有?

22/10(六) -- 一早同呀媽同B落街食d嘢，快行一吓海邊再去九座執嘢。之後我去買外賣比C，再一齊返天晉，阿媽簡單煮食。下午hea到咁上下，爺爺帶B去遊戲室，嫲嫲煮飯，我去圖書館還書借書同買外賣比C，之後返天晉食飯。

5。日頭撞到馬夫婦，圖書館撞到Peony一家。

23/10(日) -- 一早同呀媽帶B上游水堂，之後返企。呀媽簡單煮，我買野過去比C食。下午B有午睡。4點尾同佢去遊樂場玩，到6點島返去，我去買野比C食。夜晚返天晉食飯。

6。水星之魔女，第4話仍然覺得ok丫。

完

十月十四日 -- 縮短之週記

10/10(一) -- 朝早MA晏少少返。收工返企夜晚C煮。

11/10(二) -- 收工返企夜晚C煮。

12/10(三) -- 收工返企夜晚C煮。

1。太攰10點訓左。

13/10(四) -- 收工返企夜晚C煮。

14/10(五) -- 收工返TKO meet C同B入康城買戲飛，準備星期六睇飯戲攻心。之後出返來TKO同Sanny食飯，疫情之後都無見了~~

2。難得C同意星期六放低呀B係天晉去睇戲，唔計今年同B睇卡通片，對上一次入戲院已經係Endgame了!

3。由於有人突發中招，所以update暫時到呢度。

完

十月九日 -- FS

3/10(一) -- 收工返企夜晚C煮。

4/10(二) -- 重陽公假一天。一早起身同CB呀媽去食早餐之後去Donki同U購，再上天晉。本來諗住放低少少野hea一下就搵地方去，結果幫老豆set下電視又攪一輪，呀媽煮左烏冬比B食，我同C就恰左陣。到3點幾就同B去附近食野。食完返企本來要夾B訓(B已好攰係餐廳訓著)，點知佢醒左又唔肯訓，於是我帶佢去樓下遊樂場玩(難得嘅二人時間)，再到尚德對面遊樂場玩，玩左個半鐘天光玩到天黑先走。之後買外賣返企食。

5/10(三) -- 下午拿假去北角同呀媽去2間銀行做手續。4點島攪完，去呀媽office拿d野就返企。夜晚C煮。

6/10(四) -- 收工返企夜晚C煮。

1。麥卡錫主義。

7/10(五) -- FS Day 1。7點半收工，比起以前真係早好多，很好。返去買外賣食。

2。之前一直覺得7點幾收得工之後應該可以同friend食飯，點知到左果時發覺真係好攰，寧願快d返去買個外賣食早d沖涼攤，老了。

8/10(六) -- FS Day 2。繼續7點半收工。返去買外賣食。

3。是日同Ray 2個人達成48場。

9/10(日) -- FS Day 3。收4點半。返去同CB係附近食飯。

4。是日同Ray加埋Anthony再48場。

5。終於完FS。攰。

6。睇左水星之魔女第二集，覺得好睇喎。全文戲無戰鬥，但一樣好有張力。短短2集已經可以建構到個世界觀同人物關係，而且一來就已經將矛盾撞晒出來，好有力度。期待之後可以keep到呢個節奏，唔好爛尾~

完

十月二日 -- 送機

26/9(一) -- 收工返去買外賣，爸媽全家一齊過去九座食飯。

1。雖然知道移民唔係咩壞事，但係自己仍然感覺好難受。

27/9(二) -- 收工返企夜晚C煮。

2。是日全日心情都麻麻，難受。呢幾日自己忍左幾次喊。

3。夜晚源打來陪傾1下計傾左差不多2個鐘，一路砌模型。點幾訓。

28/9(三) -- 放假一天。中午過天晉一家一齊食飯。之後我出觀塘拿野。返來4點幾hea一陣就過九座，6點出門。同呀媽跟車去機場。8點半島入閘散水，同呀媽係機場快食少少野，9點4島上的士，10點鬆d返到企。

4。件事總算發生左，完左。心情其實反而無之前咁差。

29/9(四) -- 出site收返企夜晚C煮。

5。今日終於收左project最後一隻case嘅吉了~

30/9(五) -- 收工返去同CB係屋企附近食完返企。

6。呢晚狂發夢狂醒所以星期六好眼訓同攰。

1/10(六) -- Derek生日快樂! 公眾假期星期六，所以無關係。中午落街食完野meet呀B婆婆一齊入西貢。本來想去市中心行下不過一直落雨，最終hea到6點幾(B有訓)之後B舅父車我地返TKO一齊打邊爐後散。

7。今日睇完JoJo第4部。暫時4部其實都係好straight forward嘅故事，甚至可以話無咩鋪排。都係出一個好壞嘅大佬，之後打下佢d手下或者遇到d人(好或壞)，最後打大佬。呢套漫畫嘅魅力應該唔係故事劇情度，而係獨特嘅畫風同情懷，仲有各種替身嘅想像力。睇完4部之後有少少疲勞要暫停一下。

2/10(日) -- 打波天晉8-10，今日Nathan都來打。打到差不多10點半先走。返企沖個涼就同CB出觀塘meet Edf同佢B，食親子燒烤餐廳。玩到3點夠鐘走後係觀塘行一陣上埋APM，4點半meet佢老公佢地就去下場，我地去裕民坊果度行一陣同食個早嘅晚飯之後返企。

8。今日打波都算OK，不過對鞋太鬆啱著，打到後期磨到痛，加上夠鐘後下一場d人未來，打多左差不多半個鐘，打到好攰，無晒體力。超攰。

9。高達新系列水星之魔女第一集首播，今巴梗係即睇啦。暫時第一集都好睇。無氛節奏反方面都做得好。

完

九月二十五日 -- 很爆的消息

19/9(一) -- 收工返企夜晚C煮。

1。好早訓左，但係半夜係咁醒。

20/9(二) -- 收工返企夜晚C煮。

2。連續2日搭地鐵都聞到有人放無聲屁。

3。今日無心惹人怒，自我感覺唔好。

4。終於的起心肝轉歌，又攪左好耐。今次竟然好多唔同歌都彈返好多以前唔同階段嘅場景片段出來。唔開心。

5。聽到一單37歲A0約apps女嘅野，好勁~

21/9(三) -- 收工返企夜晚C煮。

6。比B激到自己情緒爆煲(但無對人show出來)。

22/9(四) -- 下午請假，呀呀媽呀哥去上環律師樓，之後同呀媽去附近銀行，再返TKO尚德銀行，一次過攪晒要攪嘅野(都差不多5點)。返企沖個涼攤一下又出去，同呀哥一家食放題。

7。睇完JoJo第二部。睇左2部，感覺係千祁唔好諗合唔合理，完全係自成一格咁睇下入面d人物好中二咁戰鬥，同埋睇作者嘅幻想能力。第三四部開始有替身同埋係最紅果2部，應該會更好睇。

23/9(五) -- B打第二針，收工返企去寶林買外賣。

24/9(六) -- 朝早係企hea，中午訓咗。2點去天晉陪阿媽收樓，再返企食d嘢。3點零同哥一家去冒險樂園玩，之後係Donki同韓國超市買嘢食一齊返我家食。9點零散。

8。夜晚睇完JoJo第三部。

25/9(日) -- 朝早打波8-10柴灣，打完即刻淋個浴，搭車返TKO月台meet CB一齊去九龍城，比B睇果個免費檢查脊骨。睇完中午係果頭食泰國野，之後去M+ meet呀馬一家，一齊睇一陣佢地走先。我地睇到6點收館，就返TKO同呀媽呀哥一家同Jason夫婦食飯。

9。今日雖然有嬴有輸，不過幾場入左三球三分，又係有一球係game point(雖然唔係好似上次咁反勝來)，感覺爽。

10。今日一朝早出門打波後就一直non-stop又行得多，返來周身勁攰腳又痛...

11。過多幾日呀哥一家飛了。

完

九月十八日 -- 山頂纜車

13/9(二) -- 繼續放假。朝早起身hea一陣到11點到坑口接B放學，跟住直接搭的士上百勝角消防救護學校博物館參觀。都唔算好多野睇。搭返巴士落坑口食d野行一陣，返將軍澳我3點半睇物理治療。4點鬆d完返企沖個涼抖一陣，6點半島再落制食野同行左下超市後返企。

1。星期五晚開始有活動到今日一連5日，雖然今日叫輕鬆d，但真係好攰。

14/9(三) -- 出site收工買糖水返去，夜晚C煮。

2。之前一晚勁醒，好攰。

15/9(四) -- 收工返去夜晚C煮。

16/9(五) -- 出site收工返去買外賣。

17/9(六) -- 無活動。臨時決定中午出觀塘食飯跟住行工廈。而家無咩好行，不過都買到少少野。回程B訓左段車程，返到屋企又醒又唔肯訓。6點零悉悉一家買完野一齊係TKO meet入康城佢地屋企食飯(燒肉)，9點幾走。

3。太攰，好耐無試過一訓訓到朝早10點半先醒，好難得。

18/9(日) -- 無波打。9點零出門去金鐘meet呀馬一家，一齊去搭迎大纜車上山頂，上左凌霄閣頂睇風景，之後落去食飯(用晒公司派d卷)。未行商場就去行晨運徑。點知無行行返來果條路，行完條徑落左去中間嘅巴士站，於是直接搭車落返去。去呀馬屋企hea到5點島出門去Times食飯後散。

4。呀媽中完今日開始無二條線，但到老豆中。呀媽之前唔舒服左幾日，老豆就暫時宦無咩症狀。

5。又熱又攰。

6。睇左JoJo第一部。

完

九月十二日 -- 中秋

5/9(一) -- 收工返企買外賣。

1。中午源臨時來搵我食飯，講下佢做左個禮拜quit嘅事。

2。是日周身酸尤其腳。

3。收工後Trista來樓下比左d藥比C。

6/9(二) -- 收工返TKO係譽居同C一家食飯慶祝佢爸生日。

7/9(三) -- 收工返企夜晚C煮。

8/9(四) -- 收工返企夜晚C煮。

4。英女王香港時間9/9半夜走了。

9/9(五) -- 收工去北角meet CB同源，上民屋企同佢媽傾下計，等到差不多7半佢妹返來傾多2句就走。例牌係樓下紅星食，當然必叫橙茶。

10/9(六) -- 中秋節。朝早10點島同呀媽CB行一陣海邊同Donki，11點半同ConnieLoLoPenny係南澳食個brunch後係海邊影左陣相散。返天晉放低B再返七座拿野過天晉。勁攰休息左下。夜晚係clubhouse BBQ。

11/9(日) -- 8-10調景嶺運動場。今日都無咩特別大表現，不過一場一直比人head住到12-18後，隊友追至18-20，最後傳比我，一球三分KO，感覺是爽的。返企沖個涼同CB去寶林食lunch同行左陣，2點9等齊JackieAngelEudora去左有料案內所食甜品，再返屋企。係企玩下game hea一陣(B無訓)到7點島落街，行左下韓國超市去Pizza Pig食飯。食完行下海邊同去左單車公園後散。

12/9(一) -- 原本去ConnieLoLo家，不過太多人去，所以我地唔去。朝早好難得因為真係太太太攰，11點先醒。12點幾出Megabox，食Ikea同行下Ikea Aeon H&M果d，再返TKO食晚飯。

5。呀媽疑似中COVID。

6。星期二繼續放假，中午參觀消防局，下午約左Physio。

完

九月四日 -- 開學

29/8(一) -- 收工返企夜晚C煮。

1。鏟左頭是很爽。

30/8(二) -- 收工返企夜晚C煮。

31/8(三) -- 收工返去meetCB去附近食飯。

2。星期一搵人報價星期二扑鎚今日晏晝冷氣已送來明天安裝。

1/9(四) -- 開學日。請左假同呀B返放學。11點接佢放學之後去食壽司郎唔使排隊，啱好食完12點幾裝冷氣師傅話就到(本來話1點至3點)，好彩早食早完，我即刻趕返去先。一陣就裝完，係屋企攪返清潔同hea到差不多5點，出去Monterey果邊食段純貞牛肉麵(味道都OK但未識飛而有d貴overprice)，再行下Donki之後返企。

3。呢幾日真係feel到無咁熱喎。

2/9(五) -- 收工返去買外賣。

4。痞子殿下終於大結局。之前提過多次, TVB拍笑片係有一手，呢套未播睇trailer時都覺得不錯，所以由第一集就有睇。估唔到除左有好多笑位之外，劇情明顯有鋪排有心思，仲有非常之多細節位(唔止係致敬笑位)，覺得編劇同度橋嘅人做得好。演員方面，其實大部份都做到笑片嘅節奏同埋各自角色嘅特色。主角來講周嘉洛見佢好努力想唔做周星馳，其實做得唔差。朱敏瀚我覺得兼具顏值同時演技都唔差，張穎康就一向都OK(佢個角色做得好就係膠得好笑，做得唔好就真係只會膠，而佢係carry到嘅)。JW明顯係全部人之中最麻麻果個，不過佢個角色唔算難做，所以都唔礙眼。至於最驚喜嘅係陳瑩，雖然一向佢比人感覺係花瓶類，但係套劇入面我覺得佢真係做得好喎! 其餘配角綠葉就唔使多講，TVB果d一向都OK，唔係度多講了。值得一提嘅係，TVB劇近年就算個頭起得好，個尾成日都爛。今次雖然有d收得快，但總算所有線都收左，個結尾都OK。另外，聽聞開劇之前搵王祖藍做主角，好彩唔係佢，唔係懷疑佢演技或者唔靚仔，而係覺得佢真係唔多合適。

3/9(六) -- 朝早11點島出門去寶林meet呀嫂同2隻小朋友一齊食飯，之後呀嫂湊姪仔上堂，我地幫湊姪女返天晉。全日都好攰下午恰左陣。夜晚食埋飯走。

5。B雖然已戒片一排，但是日瀨左2次尿。

6。是晚挑戰夜晚唔開冷氣訓。半夜醒左，都係要開返。

4/9(日) - 將軍澳體育館8-10。打完返企沖個涼落街食飯，食完去尚德買蒸焗爐再上迪卡農行一陣，返富康超市買d野就meet悉悉一家。係我地屋企玩左陣2個B又訓左陣，我同Jason去買Sukiya返來食晚飯，到大約9點就散。

7。好耐無打波! 更耐無打全場! 雖然今日贏輸都唔太關我事(都係因為隊友/對手強)，但總算好努力走上走落，有入下波有入三分咁，開心的。

8。今朝出門前發現雪櫃入面有罐可樂爆左，成個雪櫃都係。

9。今日聽到有關Ka Chun屋企嘅消息，震驚。

10。好好好攰，好想抖。B愈來愈唔聽話。辛苦。

完

八月二十八日 -- 放假攰過返工

22/8(一) -- 出site係金鐘早收，夜晚C煮。

23/8(二) -- 收工返企夜晚C煮。

24/8(三) -- 衡衡生日本來係Clubhouse BBQ，點知8號風球。收工返去幫手買pizza，之後大家係天晉食飯食蛋糕幫佢慶生。

25/8(四) -- 中午同Ida食飯。收工返去天晉樓下同阿哥一家一齊食飯慶祝阿媽新曆生日。

26/8(五) -- 中午同阿源食飯。下午放假同CB阿媽一齊去參觀故宮博物館。夜晚阿媽唔join，返將軍澳食飯

1。用咗唔夠2日嘅freetime煲咗國王排名第一部。一開始到中段都唔錯，後面有少少下落，個結尾都ok不過有少少怪怪地。Overall都算不錯嘅。

27/8(六) -- 一早起身頭赤。C係掃屋企，我都係房執下野。中午(差不多2點)買野上天晉食，食完hea。B唔肯訓又曳，到4點半C同B去搵表妹，我訓左。夜晚食埋飯走。全日都唔舒服。

2。屋企果棟中強檢。

28/8(日) -- 一早起身同呀馬一家係天晉clubhouse游水。9點meet游到11點半島散。去撩個鼻後到尚德meet Ida一家，一齊食完飯上我家玩(B又識到新朋友)。5點島小朋友訓晒，6點零起身一齊過雍明食飯，9點島散。

3。又會咁啱今日廳個冷氣壞左，開晒房三部冷氣再吹出來，好彩都還算OK。

4。呢幾個禮拜有關娛樂圈、Mirror、明日戰記等等嘅新聞同網上評論真係睇到好厭。同埋真心覺得好多人好無sense好CLS，本來有好多野想講，都是不了。

5。痞子殿下拍得好有心好痴線，其實幾好睇，完左有機會再講。

6。2日追晒國王排名。個頭幾好睇，第一部個結果奇奇怪怪，同埋愈後愈無個頭咁好睇。

7。B最近好唔聽話好癲，攪唔掂。返左學會唔會好d呢?

8。B最近愈來愈多會表達自己諗嘅野。希望可以把握機會同佢好好溝通，當佢係識野嘅人來同佢傾，可以教到佢得來又可以增加感情同信任度。

9。身體某d部份有好返少少，某d就都係麻麻地。戒嘅野都OK keep到戒，只係好少好少時候有少少忍唔到，不過都好過之前嘅。

10。唔經唔覺日劇量產型璃子～女子的塑膠模型人生組裝記好似就來尾聲了。一開始覺得係好輕鬆嘅Bandai模型廣告劇，又估唔到有好多集都幾有意義同埋做得幾好。

11。最近一氣追左好幾套漫畫，除左國王排名之後仲有坂本Days、異世界叔叔、勿言推理、黑暗集會(講緊一口氣追多話到update嘅漫畫，唔計自己一直有追開的)。暫時好似未有新(發現)嘅漫畫好追了。

完

八月二十一日 -- 大館

15/8(一) -- 收工返企夜晚C煮。

1。又係一早就好眼訓，B一入房訓我hea一陣到11點已經爆眼訓訓了。

16/8(二) -- 出site早收返去睇跌打，夜晚C煮。

17/8(三) -- 收工返企夜晚C煮。

2。睇左d緬北片，好唔舒服。

18/8(四) -- 收工返企夜晚C煮。

19/8(五) -- 收工約咗白田同事。由於要就Man係油尖旺食，所以C同B唔join。收工去咗信和行一圈，再meet Puzzle，本來佢哋suggest果間似乎貴又唔吸引，臨時轉去妹記食小菜，再轉場甜牙牙食甜品後散。

3。好耐無試過無携眷夜晚出街食飯同甜品。

20/8(六) -- 一早C去幼稚園參加家長會，我同B 9點半出門join呀媽同呀哥送姪仔去調景嶺學校興趣班，再係附近食野。C之後來join，等到姪仔放學，呀媽返去，我地一齊去寶林meet埋嫂同姪女食飯，跟住返天晉。夜晚食埋飯同呀媽食蛋糕慶生，之後返企。

21/8(日) -- 早少少食晏之後12點先出門去中環meet呀馬一家，一齊去大館。隨便行完之後去咖啡店坐一陣食少少野，再過維園放船仔同埋遊樂場玩。大概6點島食晚飯之後陪馬佢地一齊行去天后，B無訓晏覺終於訓著，全程抱返屋企。

4。睇左更多得人驚嘅片。其實以前都睇過不少獵奇核突片，不過再睇都係唔舒服。雖然一早知，但再一次感受到人類嘅惡意係無窮盡，好得人驚。

5。幾耐之前初睇已經覺得"勿言推理"(或者勿說是推理)好好睇。早排真人化拍劇同好似話來緊動畫化(?)，追返漫畫進度，仍然覺得好好睇。個作者對現實同社會有好多好多諗法，透過故事表達出來，寫得好好而有好多本來都好有同感。另外又估唔到幾單案原來都有伏線串埋一齊。幾值得睇。由於佢講嘅野好多都值得講，反而唔係度recap了，不如直接睇啦。

來緊:

24/8(三) -- 姪仔生日BBQ

26/8(五) -- 下午放假同CB呀媽一齊去睇故宮博物院展覽

1/9(四) -- 開學日放假一天陪B返學

八月十四日 -- 七月十四無特別

8/8(一) -- 出site早收夜晚C煮。

9/8(二) -- 收工返企夜晚C煮。

10/8(三) -- 收工返企夜晚C煮。

1。終於有少少精神，一晚睇完素黑另一本書"靜心是"。相對01"自愛是"，02"靜心是"啱我睇好多。佢好具體講何謂靜心、為何靜心、如何靜心，全本書好有編排，最犀利之處係可以好具體咁講到有少少抽象嘅野。一開始講靜心，自省、自處嘅作用，然後講要跟隨自己嘅身體同節奏，穩定咁跟住個flow，點樣放鬆。從呼吸開始，感受自己嘅身體，從而達到集中，自然就會靜心。靜心並唔係唔諗野唔係空，而係專心集中，面對自己，let in先可以let go。

睇過好多哲學書同心靈雞湯書，佢幾唔同嘅係並唔係果d好肉麻盲目正面撚，亦唔大愛左膠，係好清楚話你知應該點，唔應該點，人要為自己負責。

有一個幾特別嘅concept，係話思想並唔係自己，而係自己嘅經歷經驗環境等等好多方面嘅累積而不停彈出來嘅野，唔係自己要諗嘅野。最真實嘅係自己身體，所以要內省同自愛，對自己身體好d先，從而再由內到外散發能量。

有太多值得睇同講嘅內容，講唔晒，推介睇下本書。

11/8(四) -- 出site早收返企夜晚C煮。

2。七月十四。

12/8(五) -- 收工去寶林買外賣。

13/8(六) -- 朝早去坑口B學校交form，跟住行去寶林meet哥一家一齊食嘢。食完散，我哋行一陣同埋買咗B鞋。之後返將軍澳，CB上天晉，我同哥返去搬咗小朋友書枱過7座。阿哥來開，執咗7座佢d嘢走，抄開晒d嘢我又順便執咗陣屋。夜晚過天晉食飯。

3。好難得執咗下屋，其實真係有d需要嘅。掉下嘢整理下嘢，位又多d，無謂嘢又少d。

14/8(日) -- 一早起身皇帝話中咗招，所以去維園打波cancel(但已訓唔返)。之前一晚捱到12點又book唔到場，好眼訓。中午去康城同ConnieLolo食晏，之後去佢哋屋苑遊戲室玩，雖然唔大但個設施好得，玩得開心放到電。之後上佢哋家，B竟然訓到(我都攰到恰咗下)。佢起身之後一齊食個tea我哋就走(好似好阻人咁，人哋乜都做唔到)。夜晚約咗Edf一家係海天晉食炸雞，之後上我家玩一陣同mark要嘅嘢，9點幾走。

4。呀B係有其他朋友嘅時候係乖d的。

5。最近買左好幾盒模型，是開心的。

完

八月七日 -- 很很累

1/8(一) -- 收工返企夜晚C煮。

1。長期對住精神病或痴線個人真係會好辛苦。今日症狀係頭痛，心口頂住，胃頂住。好辛苦。

2。鬱結。

3。CCTBB拍小品或搞笑片一向唔差，近年亦少拍武俠。痞子殿下第一集暫時都算係咁，嘻嘻哈哈輕輕鬆鬆都ok。

2/8(二) -- 收工返企夜晚C煮。

4。本來今日Direct Site可以晏d起晏dd出門，點知6點幾醒左訓唔返，結果洗左機衫食d野睇完一集日劇睇左陣書晾埋衫再出門都有早...

5。近來睇嘅書，有好多值得講嘅體會，其實好值得買。其中一part想講下嘅係：孤獨其實係中性嘅事情，人總有孤獨嘅時間，係呢d時間先有機會靜落來，聽下自己嘅心聲，面對下自己，清洗下自己。孤獨並唔代表寂寞，只不過好多時人係孤獨嘅時候倍覺寂寞，先會覺得孤獨等於寂寞。其實如果係寂寞嘅話，有幾多人係身邊都會覺得寂寞。

6。7月開始嘅戒戒戒計劃，雖然到月尾有少少鬆懈，但對比未戒之前都係少做好多。Keep it up啦。

7。今日公司竟然係pantry裝咗部足球機，不過d Q裝錯左。

3/8(三) -- 收工返去買外賣。

8。夜晚攰到B入去訓覺時我已經好眼訓(9點半至10點島)，然後怕自己太早訓逼自己睇左陣書到接近11點超眼訓就訓左。

4/8(四) -- 收工返企夜晚C煮。

9。比B激到好早訓咗。

5/8(五) -- 朝早睇骨科，講d野都幾廢。下午大雨出site早收，去咗寶林買外賣返去。

10。最近買左好幾盒模型，無論價錢定質素都好滿意。

6/8(六) -- 朝早去坑口買校服，之後返天晉試。再過寶林睇鞋，再join阿媽阿哥一家一齊食晏。食完返天晉hea，我返企執吓嘢再過天晉。夜晚我哋同哥一家去海天晉食Red Chicken，都幾好食。之後行海邊返屋企，B怒跑。

11。放不下，先放好。

12。量產型璃子愈來愈好睇喎。今集有一段覺得好真實(一直都覺得嘅) -- 變成大人之後的時間，感覺一直是同樣的風景，轉瞬即逝。

7/8(日) -- 一早自然醒可以起身7點半到維園打下波，9點零走返企沖涼後，出去meet埋阿媽阿嫂小朋友同悉悉一家一齊去銅鑼灣睇屁屁偵探。睇完食飯後嫂佢哋走先，我哋去Toyrus行下，仲見咗下鳴鳴哥哥。行完之後行咗下衫舖就返天晉。夜晚食埋飯返。去左運動場同呀嫂番茄跑左陣先返屋企。

13。屁屁偵探 -- 無乜特別卡通片一套。小朋友睇得開心嘅。

完

七月三十一日 -- Project Defer

25/7(一) -- 收工返企夜晚C煮。

1。今日終於收左區波皮。舊Project我剩返一隻，不過到時可能係成個project最後一隻了。

2。臨收工，新project係deadline前收到appeal，所有野defer，公司同事們興奮歡呼。

3。哥一家已firm日子...

26/7(二) -- 收工返企夜晚C煮。

4。書展最後一日下午，Jessie去開幫我買到想要嘅書(之前幾次親友都買唔到)。仲即日交收埋，真係唔該晒~

27/7(三) -- 收工返企夜晚C煮。

5。今日返工搭巴士大塞車。

28/7(四) -- 今日日頭Trista同悉悉同CB一齊玩左一日; 我收工買外賣返去，等Jason收工來埋一齊食完9點半島佢地走。

29/7(五) -- 收工返去買外賣。

30/7(六) -- 中午去寶林同呀媽呀哥一家食野同食甜品，之後返天晉。夜晚食埋飯返。

6。原來月風魔傳出左Switch game。呢排Switch嘅忍者龜同來緊嘅SD高達都有d想買。

31/7(日) -- 8-10天晉打波，之後直接join呀媽呀哥佢地一齊去海邊快行一圈(好曬好熱)。行返我自己返屋企沖涼執野再過天晉。夜晚食埋飯返。

7。可能無對後生仔同埋自己friend唔係mark得我好盡力嘅關係，今日我都打得唔錯。最後一場贏Derek+馬嘅隊，就好明顯佢地2個無好著力進攻啦~ 不過難得一場凡入好多波仲要最後3分KO，哈哈。

8。是日超級攰，全日都好眼訓。

來緊:

5/8(五) -- 骨科

完

七月二十四日 -- 酷熱

18/7(一) -- Lunch做嘢過咗上環，同Candy食飯，燒肉好味。收工返企夜晚C煮。

19/7(二) -- 唔想洗嘢所以收工去寶林買外賣返去。

1。Connie排隊買咗嘉多娜布甸麵包，收工時比我，好味道。

20/7(三) -- 收工去坑口厚德街市買一堆嘢返去食。

2。源來MOKO同我食晏。

21/7(四) -- 收工返企夜晚C煮。

22/7(五) -- 收工去坑口買外賣返去。

23/7(六) -- 中午出去同阿嫂姪女食飯，之後B太曳所以唔同佢出街，返企沖涼恰。夜晚都無出去買外賣，hea整d嘢食。

3。是日大暑。

24/7(日) -- 一早醒咗，7點島出門去維園同中同射下波吹水，之後返企沖個涼，中午出去油塘同ConnieLoLoPenny同佢姪女係和平飯店食飯，之後行一陣，返企沖涼恰。夜晚再出cwb同馬一家食飯。

4。夜晚返將軍澳去咗將中買咗對波鞋，舊嘅個底就甩，直接換埋。

5。雖然中間有恰一下，不過一日走3場真係攰。而且天氣熱，都係hea下算。

6。最近成日半夜醒/朝早一早醒...

完

七月十七日 -- 只是覺得很疲累

11/7(一) -- 收工返企夜晚C煮。

1。今日Jessie last day。

12/7(二) -- 出site早少少收工返企夜晚C煮。

2。極攰。9點訓著咗，12點醒。磨咗輪先再訓到。

13/7(三) -- 早收工返去睇跌打。夜晚C煮。

3。跌打醫師睇咗個MRI，同我傾咗陣，了解多咗少少。

4。電鋸人終於出第二季，果然係藤本...無令人失望。

14/7(四) -- 收工返企夜晚C煮。

15/7(五) -- 收工去寶林買外賣返企食。

5。睇咗新嘅高達系列 -- 水星之魔女序章，係好睇嘅。一開波就feel到陣bad end味。臨尾無晒背景音樂+踹氣聲再唱生日歌，真心導演表達得好...一集嘅故事，巧妙地介紹了世界觀，高達的定義，機械性能，主角方與敵方，恩怨情仇，感情起伏。

學gundam谷d人話齋，而家聽到生日歌有陰影。

16/7(六) -- 一早起身同B落街食早餐，之後竟然撞到馬夫婦。一齊行一下同去接鳴鳴放學後散。行咗下海邊好熱就返企。沖涼食嘢訓一陣，4點島悉悉姐姐一家來玩，9點半島走。

6。田中脊髓劍vs直哉變蛔蟲

17/7(日) -- 朝早打波天晉8-10。之後同阿媽買餸再返企沖涼。中午買外賣上天晉食，夜晚食埋飯返。

7。今日經常同Derek一隊所以相對打得輕鬆，不過入攝走位layup射波各方面都做得幾好。好似唯一一場對Derek嘅，都打得唔錯入咗幾球，當中有2球三分，仲要有一球係落後18-20反cup贏波添。

8。哥一家Visa搞掂，可能9月就過去了... ...

9。發現要保養要戒嘅嘢比想像嘅多。

10。金像獎，其實大部份都幾大路，有d總有感情分。最接受唔到係智齒拿編劇，明明套戲係好在畫面凌厲同演員演技，劇情係差嘅。最可惜係濁水漂流竟然一個獎都無。

完

七月十日 -- Edf來

4/7(一) -- 收工返企夜晚C煮。

5/7(二) -- 收工返企夜晚C煮。

1。Edf家po。

6/7(三) -- 收工返企夜晚C煮。

2。Edf來。

3。係電視見到8點幾果套劇，勁嘔! 估唔到真係會有人拍呢d出來。

7/7(四) -- 收工返企夜晚C煮。

4。Edf來食完飯同B玩一陣就拿返嘢返去。

8/7(五) -- 收工返去買外賣。

9/7(六) -- 朝早同CB阿媽去圖書館再兜海邊，買外賣返去食晏。B下午訓覺我拿嘢返七座再還嘢去九座，坐咗陣同茄去天晉。夜晚食埋飯走。

10/7(日) -- 無波打。朝早我地同呀媽呀嫂姪仔女一齊去會所游水，之後上天晉食飯同hea。夜晚呀媽有野做出去，我同哥2家一齊去雍明食飯。食完散，我地去Donki兜個圈先返企。

5。入樽電影版，期待。

6。最近d新聞都幾得人驚。

7。有好多時人嘅言論行為未必咁易睇到係咪高質，但低質就真係好易分辨到。

8。原來有病同食咗藥係爭咁遠。

9。呢個禮拜牙肉發炎又生痱滋，狀態好低。

10。最近夜晚經常墮入無限負面輪迴好可怕。

完

七月三日 -- 三日連假

27/6(一) -- 收工返企夜晚C煮。

28/6(二) -- SSP收工返企夜晚C煮。

29/6(三) -- 朝早去拿體檢報告。收工返去買外賣。

1。三高。椎間盤突出壓住神經。尾龍骨軟組織撕裂。唔好搬重嘢，注意飲食，減下肥。

30/6(四) -- 收工返企夜晚C煮。

1/7(五) -- 公假。朝早食完早餐過阿哥度hea咗一日。2餐都係落去買外賣上來。

2。晚上7點2掛8號波。

3。是日NBA嘅trade同free agent都幾經常啊～

2/7(六) -- 8號波掛到4點幾。11點半JackieAngelEudora來將軍澳，一齊買嘢食上我家，同B玩同食嘢。玩card board game唱下K到7點幾，去大將dalbino後散。

4。阿B都幾鍾意幾個姐姐，同佢哋玩，又幾聽話無點扭。

5。Tanya連掃金曲獎，正。

3/7(日) -- 朝早打波天晉8-10。打完返企沖涼再準備出去，點半島到東岸公園meet馬一家，2個小朋友玩scooter放電，鳴鳴親手寫畫咗封信比B。玩完一輪一齊去清風街橋底食個甜品後散。之後上天晉，夜晚食埋飯返。

5。是日打波都算係咁，攻防都算無大失誤，護籃板都ok，攻算係籃底有d射波有d仲入咗2球三分添。

6。倪匡，羅啓銳，古天農都走(Peter Brook唔熟了)。幾位都有好多好作品。對我來講尤其倪生係童年回憶。

完

講下聲生不息

https://youtu.be/S2U6JCwtXfM

想講下歌好耐。純個人意見，非專業，不喜勿插。

無乜點睇電視，所以呢個節目(同埋Viu嘅Chill Club，我會另外出post講)都係上網選擇來睇返。

唔係離題，又要再重覆講一次，點解我覺得內地拍嘅金庸劇集唔好。

近年內地不斷翻拍金庸小說，好多人都覺得好好睇，但係我經常持否定態度。點解內地版好多人會覺得好睇呢? 首先嘅係本來個故事就好睇，二來內地硬件好好 -- 人靚景靚衫靚。但係軟件真係麻麻，拍攝手法取鏡講故事方法，真係麻麻地。所以我覺得overall就算覺得好睇都唔關個導演同演員事。

同一個原因，聲生相息(同埋內地好多歌唱節目)一樣，我意見都係差不多。首先呢d節目揀得嘅歌本來已經係好聽，只要唔係唱得衰，已經唔會覺得唔好聽。二來上得去嘅歌手(就算唔修音)本身都有咁上下，睇+聽完真心覺得班歌手不論內地定香港都好，大部份(唔係全部)聲係好靚，歌藝係好好。可惜，聽左一堆表演之後，真心唔覺得有幾多我係好欣賞嘅(但當然會有嘅)。

以呢首為例。

呢首算係咁多表演入面算幾好嘅一首。

李克勤唱功真係無得講，把聲雖然比起最fit果時係退化左，但係仍然無乜瑕疵。問題係邊呢? 就係佢唱歌有時真係無乜feel(利申以前曾經like佢而家亦無唔like佢)。而呢個節目好幾個內地歌手，雖然把聲真係好，但係d廣東話真係太爛，唱d歌詞出來真心覺得好唔得，而且唔知係咪佢地本身對d歌無乜感覺，所以唱出來都係無乜feel。

而今次呢首嘅玩法，用2個人來唱，不斷咁和音，純粹用聲音同音樂造詣，掩蓋晒以上嘅缺點。所以聽起來就唔會咁無feel。不過講真，編曲仍然有咁多年來內地歌唱節目嘅影子，硬係要搵位爆搵位叫...真心覺得其實無乜感染力...

都係果句，內地或者香港其實係有好多好有實力嘅音樂人，呢d節目出現嘅都各有實力，但係為左營造某d特定嘅效果，我覺得有好多表演真係唔可以叫做十分好...

完

六月二十六日 -- 多活動的一星期

20/6(一) -- 上午去TST照MRI，第一次做覺得好特別，部機真係幾嘈。收工返企夜晚C煮。

21/6(二) -- 收工返企夜晚C煮。

22/6(三) -- 收工返企夜晚C煮。

23/6(四) -- 早收同呀媽去黃大仙快閃，C同B之前去左九龍灣玩，啱好可以join埋。之後一齊入康城買戲飛，買完呀媽返去先，我地食埋野先返企。

24/6(五) -- 清假一天。朝早9點零出門同CB呀嫂同茄茄去SSP玩具街掃貨，11點佢地走先，我地再行下買野之後去左Crystal舖頭搵佢傾偈同食野。食完之後返企沖涼休息，番薯過來玩呀嫂去買野，茄茄放學後一齊上埋來，到6點一齊去天晉Clubhouse BBQ。

25/6(六) -- 11點島出門同呀哥番薯茄同呀媽一齊過康城食野之後睇戲"光年正傳"。睇完散，係康城遊樂場玩左一陣上ConnieLoLo家，同PennyYeeNat一家一齊食飯House warming(又同B慶生)。第一次見Nat個B~~

光年正傳 -- Toy Story定位其實係大人睇(小朋友都OK不過主打應該算係大人)，呢套個定位就有少少奇怪。你話比大人睇但係劇情大路都完全無驚喜(未至於悶嘅)，比小朋友又似乎唔到小朋友果個有趣程度。另外，同果Toy Story入面Andy因為睇呢套而鍾意Buzz嘅話，我覺得唔太講得過去，隻貓介吸引 xDD

1. 日安盧撈新居好靚好舒服~

26/6(日) -- 8-10天晉; 打完波返企沖涼休息，呀B反鎖左係房一陣，好彩佢唔驚，佢呀媽仲緊張。中午食完野B訓一陣，EdfRita佢地2家3點半4點島上來，夜晚買外賣，9點半島散。

2. 是日打波覺得都算OK，有返少少中距離(不過無三分)，有入攝籃底layup，係有好幾下接唔實個波turnover...籃板今次都不錯，不過打到最後真係攰，對住班後生真係體力不足，拳怕少壯呀~

來緊:

2/7(六) -- 同事來我家玩。

六月十九日 -- GSW champ!

14/6(二) -- B病。收工返企夜晚C煮。

1. GSW嬴Game 5! 太好了! 最好Game 6嬴埋去完啦唔好Game 7啦~ btw見好多人話Curry呢場打得差，其實佢只係三分唔入，其他野野好好喎! 好多tough layup同埋floater，又吸晒d怪比晒spacing比隊友，呢季仲大隻左防守無咁易比人食，就算Wiggins打得好好又靚stat，GSW champ都絕對係Curry FMVP啦~ (另外佢頭4場都打得好勁呢)

15/6(三) -- 出site係TKO收。夜晚C煮。

16/6(四) -- MA早走返去睇跌打; 之前快閃Sino Ins再去寶林拿MRI referral信，返企淋個浴再睇跌打，睇完又真係好d。夜晚C煮。

17/6(五) -- 收工返去買外賣。

2. 勇士終於champ！老實講自己唔算係勇迷，不過都幾鍾意Curry同K湯嘅。塞都無特別唔鍾意，係有少少唔like Smart(尤其唔認同佢係DPOY，亦唔太欣賞佢果d所謂訓身但危險even唔係專登嘅動作)。見到GSW champ開心係覺得Curry同佢班隊友都值得嘅。經歷傷患同各種低潮，已經唔算年輕，企返起身仲可以奪冠，臨尾見到Curry眼濕濕時，都幾感觸架。

呀馬話佢地靠錢組隊，我又覺得大部份都係自己培養，之前傷晒都仍然比大約佢地keep人，呢個操作唔係話有錢就得丫。何況今年佢地雖然勁，但係Green有退化，Klay明顯不復當年，Wiggins未到playoff都仲係比人話水貨，Poole未夠成熟，Looney之前都有傷過，GPII做左浪人多年，我覺得真係砌得好而唔係只係一句用錢就完。

至於綠軍，Tatum比好多人話，不過睇佢係東岸playoff一路打上來係幾耀眼嘅，雖然未到超巨不過All-star係當之無愧，只不過GSW防守真係勁，單防team defence轉人補位各樣野都做得好足，又睇通晒塞嘅打法同佢地球員嘅弱點，Tatum作為隊中一哥自然做左戰犯。其實只係24歲，係東岸一路對住最勁嘅對手打到Finals真係算係咁(雖然熱火d人有傷公鹿又無左中間頓)。

18/6(六) -- 朝早起身決定出去。10點幾出門，先去北角行左雜貨舖同Daiso，之後已經中午。係北角匯食完野，行過去炮台山，係城市花園遊樂場玩左一陣又去左森記睇貓，之後去左油街實現睇鯨魚，再去東岸公園玩。雖然無咩玩不過幾大地方，呀B無咩玩都玩得好開心。4點半島走，上天晉恰一陣，夜晚食埋飯返。

19/6(日) -- 8-10天晉; 打完之後meet CB去TKL圖書館，再同呀媽食飯。食完之後我同呀媽去富康買野(我返企快沖個涼)再去街市(CB去買蛋糕上天晉先)，之後返天晉休息。夜晚食埋飯走。

3. 今日打波覺得自己都算打得唔錯。有唔少cut-in都把握到。打左幾場對手都算係強或者係平均，未試過係自己係強果邊，但都有d發揮，有贏有輸，算係咁。腳步慢防守差就一向老問題，盡左力唔失太多覺得算係咁。值得一提當然係有入三分啦，哈哈。

4. 暫時touchwood條腰打完波又唔是十分痛喎。不過呢幾年一直有腰痛，唔係瀨係真係對打波好大影響。無論帶波射波都影響左成個人嘅感覺同balance。

完

25/6(六) -- Connie家housewarming

26/6(日) -- 6月B生日聚會

2/7(六) -- JackieAngelMoEudora來

六月十三日 -- B生日

6/6(一) -- 朝早老豆陪埋我去寶林做body check，最終攪到過埋點半先走得。快食d野返公司，坐一陣又出site。收工返企夜晚C煮。

1。原來一直都蝕左無用好多公司benefit。不過又touchwood身體都唔太需要嘅，除左條腰。

2。是日呀B第一次砌左隻(比卡超)模型。

7/6(二) -- 下午去照超聲波，之後返去再睇跌打。夜晚C煮。

8/6(三) -- 補假一天。紅雨下去咗迪士尼。夜晚係Popcorn打邊爐。

3。由於迪士尼飛就到期嘅關係，焗住要去。今日一早打晒底有晒心理準備覺悟會落大雨，點知大到紅雨。

不過媽媽準備充足，BB車有雨冚，3人都有雨褸，所以實際去到還好。大雨中移動係有d麻煩，不過頭身同袋因為有雨褸嘅關係可以無乜顧慮，腳就預咗濕晒不過3人都著涼鞋由得佢浸晒水都唔怕。

落大雨帶來嘅好處係，今日幾乎玩所有嘢同睇嘅show都幾乎無排過，室外嘅遊戲全部無開不過本來都無預會玩。本來想避開放工時間夜d走，最終都叫玩晒想玩嘅嘢(有d上次玩過睇過可以skip，本來都預今次hea玩d)，4點零走(都係避開收工人潮)

阿B都表示玩得開心(雖然來過2次明顯佢都係鍾意海洋公園多d)。

9/6(四) -- 收工返企夜晚C煮。

4。勇士又輸...

5。好難得有心機睇片。上網睇咗高達杜安之島。劇情其實都幾老土，主角敵角配角一堆人物都無乜塑造，所以都唔太深刻。幾場打都算係咁，但又唔特別精彩。有唔少致敬位，舊fans就睇得出。呢套完全係做比渣古迷睇嘅，勁嘅型嘅都係渣。

10/6(五) -- 全日九龍城Belated Survey。無風無浪，lunch同Raymond食，試到沙爹牛都不錯。Consultant調左d case時間所以可以早少少收工。夜晚返去買外賣。

11/6(六) -- 中午一家去坑口B遲d返嘅K班交回條，之後食埋野，經過Jins見summer sale好抵(上星期經過都未有)配埋副眼鏡(本來都想配)。拿埋眼鏡返天晉。夜晚食飯後預祝B生日，Doris呀媽細佬弟婦都來左。

6。朝早睇左Game 4，好緊張，Curry好勁。

7。B好曳，頂唔住爆左佢一下(好耐無試過)。爆完自己好攰又頭暈(太激動)又聲沙(大聲鬧)又手掌痛(拍左一下枱)。

12/6(日) -- 天陰陰無去維園射波。點零鐘出門去尖東，2點半島到酒店做左check in手績再去附近遊樂場玩左一陣。返酒店等到4點9都未有電話，埋去counter先話有房。Upgrade左套房比我地，好大間。拿左個afternoon tea set返房食。食完都差不多落去餐廳食埋個set dinner(3個人食2人set tea同2人set dinner都好飽)。食完出去沿海邊去Toyrus，中途meet左咁啱都係TST staycation的Sam Esther夫婦，一齊去左Toyrus同睇恐龍後散。返到酒店沖埋涼執埋夜都過埋12點B未訓，同佢小慶祝埋先訓。

13/6(一) -- 放假一天。一早起身食早餐buffet，之後上泳池見無人即刻落房換衫拿野再上去玩水。玩左個零鍾開始有d人來就走(可能少人所以無跟佢本來嘅session時間)。返去沖完涼B訓我都恰左陣，我落去買外賣返來一齊食，食完去太空館(搭錯車)睇天幕電影(時間啱好，不過臨時買飛坐得好前，觀感麻麻)，睇左小海獅，B都OK乖係有時會講野唔細聲。睇完(我好多時合埋眼因為暈)去左881行一圈再去H&M行最後再行多次Toyrus後返酒店。返去休息一下執完野7點半島check out(可以9點)，係附近食埋飯返企。

8。唔經唔覺呀B就3歲了。

9。成個禮拜無咩時間係office。下星期唔知點了...

10。超級攰。

來緊:

25/6(六) -- Connie家housewarming

26/6(日) -- 6月B生日聚會

2/7(六) -- JackieAngelMoEudora來

完

六月五日 -- 連踩

30/5(一) -- 收工返企夜晚C煮。

1。連續返工Day 8。極攰。明明星期六11點瞓星期日10點瞓，但係每次FS都係莫名哋攰。今日本來㩒咗假不過最終讓咗比老細。仲要係公司食咗人哋嘅嘢。好攰。

2。東決Game 7，只差一點點。睇返最後幾分鐘，熱火JB真係已搏老命。係已經好多老人又好多傷兵又supporting cast打到咁嘅情況下，對住年輕力壯嘅對手，只係輸少少，真係respect。JB最後射果球3分波，雖然當刻好多人有懷疑，但我覺得唔係差嘅決定，而再事後睇返好多page同人嘅reply，大部份都係贊同嘅。果下拿到防守籃板即時推進，趁對方(同自己隊友都係)未落位，籃底睇落空但佢攻入去一定比人夾，mark佢嘅Horford又沉後咗，佢幾乎係open look，如果入咗反超雖然對方仲有十幾秒，但勝算真係大d。比佢鏟入去唔一定入，入都唔一定有罰球。如果打和加時基本上輸梗嘅...就只可惜呢球三分唔入...

不過，Finals塞對勇係會好睇d嘅。

3。估唔到一個FS咁多事發生，又唔見野又非禮，希望同事快d開心返。

4。今日阿B係佢阿媽唔得閒時，竟然識得自己拿佢阿媽電話，用whatsapp錄音send msg比我，好驚訝又好冧嘅~

31/5(二) -- 收工返企夜晚C煮。

1/6(三) -- CB去海洋公園。收工返去買外賣。

2/6(四) -- 收工去娘家食飯。第一次直接係旺角東直落金鐘，好快好方便。

5。因為真係太攰，公司有單野漏左招。好彩宦只算係內部野，搵老細簽返就得。唔理了~~

3/6(五) -- 端午節假期。一早起身一家同呀媽樓下食個早餐，之後行去海邊行個圈，再去超市買d野返天晉。Hea到傍晚我自己帶呀B落去玩滑板車行商場遊樂場再返去。食埋晚飯走。

6。勇士輸波係有d失望...不過對方第四節無啦啦射起左我唔覺得係勇嘅錯誤。雖然之後對手未必可以再射得咁好，不過先失一場真係有影響...今年希望勇士champ。

4/6(六) -- 差不多11點同CB去坑口行下，食左鐵板之後返天晉。呀哥佢地臨時話唔返，我地就食埋晚飯先返。

7。無論係人定物定事定記憶都要學會斷捨離。

5/6(日) -- 8-10將軍澳運動場，終於有得打全場!! 打完去隔離圖書館meet CB，之後去寶康公園玩左陣，再去寶林meet C呀媽同細佬食泰國野。食完車入西貢，幫佢細佬研究少少printer野，攪掂之後等B訓醒車返我地出TKO。返屋企放低野換個衫再過天晉食晚飯。

8。今日打波，覺得都打得唔算差。今日起手唔多，2分波全炒...腰腳痛真係有影響，完全無balance無手感。反而入左2球三分，因為係另一system。進攻方面唔算大貢獻，防守覺得自己算係無乜失波失籃板，算係咁。仍然都係快攻有一齊走上走落，覺得自己好多下都算防止到對方快攻，不錯了。

最值得一記係有一場算係欲弱勝強。我隊有2個幾敏捷嘅SG/SF加呀狗加Jack加我，對方有Derek加細佬仲有唔記得咩人唔太識但都幾好波嘅。一開始靠住果2個SG/SF同Jack偷波同快攻，一直keep住lead少少，不過Derek都打爆我地內線，細佬就射中距離多。之後佢地靠全內線追返上來，印象中好似我地lead 14-12，之後我入左果場唯一一球波(三分)令個lead去到17-12(有少少dagger feel)，Derek同姑佬之反雖然發力再打爆我地內線(但我地都夾得唔錯唔算失好多分)，再加上繼續有偷沒快攻，最終嬴波。係開心嘅。

來緊:

6/6(一) -- 上午公司body check。好似好耐無去，蝕底左。

8/6(三) -- FS補假。去返公司飛第二次Disney。不過睇來會落雨。

11/6(六) -- 係天晉同B慶生。

12-13/6 -- Staycation同B慶生

完

五月二十九日 -- FS

23/5(一) -- 早收工去睇整骨。今次無通櫃亦無壓腿，不過刮痧仍然好痛，打通腹位果幾下仍然好痛，今次仲多左2隻手各針左7下，又係好痛。睇完有鬆左，左腳屈得返上來，不過似乎真係傷左神經，仲有痛。睇完6點半島，搭巴士返去都順利，買外賣返去食。

1。今晚小朋友挨跌公仔爛左單野係網上好爆，亦都睇左唔少人嘅諗法。首先唔講間舖同埋當事人係藍黃紅定係咪傳銷先，如果因為呢樣野就話邊邊抵死就無咩討論價值。

另外，我亦唔去懷疑無fact check嘅言論了。我唔去懷疑間公司係咪專登裝人，亦唔信係咪已經發生過4次，亦唔覺得事主呀媽有心想玩野講返件事出來(因為佢地當時已經賠錢走人承擔左責任)。

我自己覺得，分開情理咁睇。有一堆人覺得唔睇住小朋友，整爛左自然要賠。從"理"嘅角度就一定無錯，好合理。(至於有網上quote律師話少於10歲唔使賠，由於可能涉及好多唔同條件同情況，又唔識FC，所以唔討論啦) 而實際上個家長都賠左錢，係呢一環上佢果方應該已經做足了?

至於在"情"方面，我唔會話小朋友做錯事無唔啱(其實睇條片，都唔sure佢係咪專登挨落去，定係避開人所以挨)，亦都唔會話呀媽無睇實無唔啱，呀媽係應該睇實小朋友。小朋友真係好難控制，唔係話生仔要考牌或者有無教好嘅問題。就算係乖嘅都唔代表佢所有動作都係恰當，所以有咩事只可以話父母無100%睇實(不過有時真係好難100%睇實，可能有d人唔會明)。

不過係旺角商場又咁多人流嘅地方，放一個咁貴嘅野係度又無圍住又無人睇住，我覺得係間舖處理得唔好同埋無危機意識(法律上佢自己地方係點放都得嘅，所以我只係覺得唔恰當，無話佢唔可以咁)。有人講話間舖無做足"最低防範成本"，法律上我就唔識，但情理上我覺得係嘅。

有好多人純粹執住"理"來講，一刀切，總之個細路唔恰當，咪衰左咯。甚至覺得even間舖係有心陰人，但父母唔睇實都係抵死。齋從道理方面睇係"無錯"嘅，只不過我覺得人唔應該係咁姐。

或者咁講啦，整爛人野，有責任賠。但係你問我覺得邊個責任大d，我會覺得係舖。

24/5(二) -- 收工返企夜晚C煮。

25/5(三) -- 收工返企夜晚C煮。

26/5(四) -- 收工返企夜晚C煮。

27/5(五) -- FS Day 1。一早6點幾出門口，未到7點嘅將軍澳隧道竟然都塞車; 夜晚被遺棄食飯，於是同另外同事食泰國野，8點幾上shuttle等左好耐(8點50分)先開車，返到CP走左大部份人，9點零收工。

2. Jackie唔見iPad，實屬不幸。希望快d完左件事。

3. 今日做咗8隻連埋2隻open roof 10隻算係咁。

4. 前一晚半夜腳抽筋，之後隻腳痛全晚。勁眼瞓。

28/5(六) -- FS Day 2。難得齊人4個打左輪機。8點島收工。11點島頂唔住訓左。

5. 恭喜Ansel小登科。

29/5(日) -- Denise生日快樂。FS Day3。4點半島收工。買外賣返企一齊食。10點要頂唔住訓左。

6. 好彩整左骨。三日又企又行，雖然好攰，隻腳一直痺，但總算無點痛。

7. 結果係九龍城OT三日無特別去食咗咩好嘢。幾間想食嘅都無去，又無K lunch。

完

五月二十二日 -- 慶生

16/5(一) -- 收工返企夜晚C煮。

17/5(二) -- 收工返企夜晚C煮。

1. 夜晚同呀澤facetime傾左段時間，知道佢近況都OK。

18/5(三) -- CB去咗海洋公園。收工返去買外賣。

19/5(四) -- 收工返企夜晚C煮。

20/5(五) -- 收工去咗In's Point買禮物，之後返企夜晚C煮。

2. 攰到未10點訓咗。

21/5(六) -- 朝早返咗公司OT，下午去1881同ConnieLoLo慶祝Penny生日tea。之後返去買外賣。

3. 話說好似從來無買過正版Lego。今日做咗聖誕老人。

22/5(日) -- 天晉8-10，今日腰腳痛蹬下腳，早段都還ok，之後開始攰同痛就麻麻。打完返屋企沖個涼，之後同源娟去海邊餐廳食飯，慶祝娟生日。食完去Donki同韓國超市兜個圈再返屋企一齊坐下。佢哋4點半島走，B訓一陣就去天晉食晚飯。

4. 限聚放鬆之後多返少少見朋友，又頻頻同人慶生，希望之後唔好又再爆，快d回復以前咁連口罩都唔使帶啦。

5. 東鐵過海通車，而家收工好多人...

完

2022 NBA Playoff 2nd Round 完

Heat對76ers

其實一直都係睇boxscore同play by play多，好少真係有機會睇live。真心低估左Harden嘅退化。如果Harden有係火箭時期嘅7、8成，76ers係好難打嘅。Embiid已經盡力，亦顯示到佢技術同心態都可以帶隊嘅。可惜同事唔爭氣...

Jimmy Butler係公牛時期做all-star，果時一直覺得佢好似無樣野真係超級outstanding嘅野。不過佢之後過左去灰狼到76人再到熱火，就真係証明到佢自己係可以做leader。有時leader除左球技，最緊要係心態。佢攻防發揮穩定，性格堅韌，對自己對人都嚴格，真係好過d去到playoff軟左落來嘅明星啊~

雖然有少少想睇Embiid對字母哥，不過熱火晉級對塞，兩隊都勤力防守，應該都好精彩呀~

另外要一讚嘅係熱火教練，佢同Kidd都係今年覺得調度好好嘅教練~~

Celtics對Bucks

字母哥係勁嘅，champ又champ過，大熟大勇，雖然總有瑕疵，但係無可能有樣樣都perfect嘅球員，佢有幾樣野屈機又肯自我進步，心態又成熟，已經好好。Middleton無得出真係有d可惜，少左個算係穩定嘅得分點，Holiday要防守又要兼顧進攻顧唔晒，字母哥比人夾晒就成隊玩完...最慘係Game 7塞咁啱三分好準(一場入到過20個，我覺得點都有"咁啱"嘅成分啦)，而鹿又係咁炒，所以真係無得打...

今年下半季塞係打出霸氣嘅，成隊波士氣又高又勤力防守又勁，要進攻又可以點點開花，要單打又有Tatum，如果ref唔會無啦啦係咁吹佢地foul的話，都幾難打。

東決本來係希望76人對鹿或熱火對塞(因為咁樣個matchup好睇)，而家算係無失望。

私心想熱火入Finals。

太陽對小牛

原本覺得小牛個陣容，入到第二圈已經達標，嬴到2場已經好叻，真係估唔到會搶7，再贏埋。可能隊波真係無乜壓力nothing to lose，再加上其實Luka雖然只係23歲但係其實佢已經好多年經驗心理質素已經好好，所以一直發揮得好穩定。反而真係唔明太陽，Finals入過，今年常規賽第一，就算CP3老開始上唔到力，照計全隊都唔會打成咁。Game 7照頭可以話輸得好醜。

不過一直都覺得，以攻擊為主嘅guard做核心，係好難champ，除非個"guard"係MJ、Kobe、Wade甚至係Harden呢d唔係矮身體質素又好又防守勁嘅(唔計Harden啦OK)，如果6呎3以下嘅攻擊型後衛，我覺得除非真係好勁好誇張(當年嘅D Rose)，如果唔係我唔太睇好的(包括Booker、Ja、Mitchel、Murray...等等)

勇士對灰熊

勇士其實點打個陣係點，底牌都出晒，主要係睇佢地自己發揮得好唔好。打得好就好勁，如果係咁turnover就牙煙d。另一個問題係始終開始老同埋K湯大傷過。而灰熊就真係後生，所以令勇打得幾辛苦。不過最後幾場Ja打唔到，熊都已經打得好好，場場都逼到勇打到最後先贏。

熊嘅評價我會同返頭先講太陽果段，用攻擊型嘅guard做核心，如果唔係勁到好誇張又無其他勁嘅隊友做支援，最多只可做playoff常客only，champ就唔使諗。

今個series終於明白到Wiggins係幾咁緊要，同埋成熟左進步左，雖然得分永遠keep係17、8分，但係有幾場贏波真係因為佢防守同籃板，希望佢之後series一直keep到。另外Looney都好緊要，後生果班，始終Poole係攻擊性又未算好穩定，Kuminga仲好新，GPII又傷左，所以都仍然好倚重浪花+Green。

西決正常照秤就勇贏嘅，不過經過左太陽之後，真伙唔好咁魯定了~

完

五月十五日 -- 腰痛

10/5(二) -- 收工返企拿C唔記得還嘅證返天晉再返企食飯，夜晚C煮。

1。B又癲喊，今晚感覺自己都想喊。

2。心中鬱結好嚴重，嚴重到physically感覺到屈住。

3。好攰。

11/5(三) -- 娟生日快樂! 收工返企夜晚C煮。

12/5(四) -- 工返企夜晚C煮。

13/5(五) -- 收工返企夜晚C煮。10點訓著咗。

14/5(六) -- 接近中午出去圖書館meet阿媽阿哥同蕃薯。之後買飯上天晉食。晏晝恰咗陣，再一齊去坑口行個圈。夜晚係天晉食埋飯返。

15/5(日) -- 有人上網睇完話去九展playroom; 一早同呀哥一家同呀媽去尚德食早餐，之後呀媽唔join其他人一齊去搭巴士去九展，點知原來已經執左...好彩唔算好大雨行去Megabox，諗住轉去呢度果間playroom，不過去到已經full，預計下一場都好多人，結果放棄。行左Toyrus宜家同Aeon之後返天晉。夜晚食埋飯走。

4。NBA另外出post講。

5。腰痛，已約正骨。

來緊:

21/5(六) -- Penny生日tea

22/5(日) -- 8-10天晉

27-29/5 -- Operation

仲有一次Disney入場

完

五月九日 -- 身體很疲累

3/5(二) -- 收工返企夜晚C煮。

1。Ansel月尾結婚了，恭喜~~

4/5(三) -- 收工返企夜晚C煮。食完飯拿咗嘢去一去天晉比阿媽。

5/5(四) -- CB同親戚們去海馬公園。收工返去我買外賣。

6/5(五) -- 收工去寶林買外賣。

7/5(六) -- 中午我落街買外賣返來。之後等呀B訓一覺起身，落去遊樂場玩一陣再過天去晉。食埋晚飯返。

8/5(日) -- 麥生日快樂; 朝早打波天晉8-10，今次順利clubhouse無咩留難，似乎都OK。打完返企沖個涼抖一陣，中午去坑口食飯(呀B好似好耐無試過係街食)之後行一下，再搭地鐵去調景嶺行一下同去圖書館，之後係隔離遊艇玩一陣再上天晉。夜晚食飯慶祝下母親節之後返企。

2。上次打波練過下d籃底finishing之後呢2次打波都不錯，入攝呀接應籃底呀走下籃呀爆籃呀都OK入到，雖然到後段體力大幅下降之後都係炒多左。射波仍然未準。不過覺得自己走位各方面都算係咁，唔計身體質素嘅野，已經都做得不錯了。

3。行去坑口果段，突然一邊腰至全腿好痛。之後坐一陣同拉下之後好d。食完lunch就都OK了。

4。B額頭果撻，呢2日發現生左幾條白頭髮。真心希望唔影響健康，擔心。

5。Jason有喜訊，恭喜~~

9/5(一) -- 約左馬一家。本來以為會落雨，點知好好天氣。中午去CWB同佢地食晏，之後一齊入左赤柱行下同沙灘玩。5點島走，出返CWB同佢地食埋晚飯先散。

完

2022 NBA Playoff 2nd Round

講少少1st round先。

Heat對Hawks -- 雖然本來估熱火贏，不過估唔到佢地鉗制得吹羊咁好，個系列唔算辛苦地攪掂。

Celtics對Nets -- 真係估唔到會sweep。Celtics而家比人講到好勁超級球隊咁，不過睇左少少又覺得未至於，佢近態係勁個勢都好，靠嘅防守始終ref有少少偏幫。不過掃走Nets又真係估唔到。

Bucks對Bulls -- 公牛無左Ball仔其實都預左輸，係輸幾多姐。無比人掃走唔算樣衰啦。

76ers對Raptors -- 4:2都算正常賽果，無乜特別。本來估可以4:1。

Sun對Pelicans -- 鵝算係咁了，交足功課。期待下年啦。

Grizzlies對Wolves -- 幾好睇嘅series。其實Wolves唔係無得打，不過見到經常嘅分別。無啦啦會肫咁射亂咁單打，幾次head住比人反超。同Pelicans一樣，拿左經驗期待下年。

Warriors對Nuggets -- Jokic單天保唔到至尊，無左2個starter真係攪唔掂。Seasons單核打入playoff又同勇打到咁，已經好叻仔了。

Mavs對Jazz -- 雖然一直覺得Jazz今年打得差，但估唔到真係完全唔掂。要拆夥了。

2nd round睇法

應該全部2nd round series都好睇了，隊隊都有咁上下勁。

Heats對76ers -- 雖然有star但又唔算有superstar、打全隊勤力+藍領嘅Heats，對住MVP級數嘅Embiid+明星Harden，究竟playoff最緊要嘅明星哨會唔會令76ers有著數呢? 如果無，熱火team defence真係唔係咁容易打得低。不過如果Embiid打得出今年keep住有嘅霸氣+Harden(暫時仲未)爆到Seed，其實76人真係好勁。我估...唔到 xDD 私心就想熱火上，但同時又想睇76人對公鹿 xDD

Celtics對Bucks -- Celtics果種防守，我覺得對住有個超人嘅字母哥+Lopez+Portis未必頂得住。雖然中間頓出唔到住，但係Holiday一定做到野。Bucks有冠軍經驗有板凳深度，又唔係無防守，真心覺得Celtics而家比人吹得太勁(我覺得勁但唔覺得係超級球隊)。雖然都唔太like公鹿，但我估公鹿贏。(另外私心想睇76人對公鹿)

Sun對Mavs -- 睇牌面+Seasons表現，太陽就贏嘅。如果CP3無魔咒嘅話。另外，雖然CP3好多小動作好狗又無乜品，不過真係勁，可以帶起隊波。球隊亦已經有唔少經驗，最大考驗都係今季每個series都要打生打死，邊個可以無傷捱到最後最critical。LukaBB有佢好獨特嘅打法，今年季尾換左幾個唔錯嘅球員返來，加上Brunson打超出身價，一齊爆下seed我覺得偷到1、2場。估Sun 4:2啦。

Griz對Warriors -- 年輕球隊對經驗球隊。一隊年輕得來開始成熟+每場都會有進步，另一隊就已大熟大勇不過有少少疲態(個人覺得Curry幾件都係比人針對到死，K湯雖然復出狀態幾好但未及以前)。Griz班後生如果打出信心來其實幾勁，因為唔止靠Ja一個人。不過勇嘅Poole今年打得亮眼，加上(唔係馬後炮)一直都覺得GPII好啱勇(要攻有d攻要守守得好又夠hustle)，如果game 1偷到，我覺得有機會唔侯打到game 7，六場攪掂。

完

五月二日 -- 五一公假

1. 聲生不息 -- 睇左少少。我睇到嘅部份來講，好多個歌手都唱得好flat...(唔知tune左幾多音來講)好多把聲都靚嘅，但係堅係無feel... ... 其餘舞台、編排就好好嘅

25/4(一) -- 收工返企夜晚C煮。

2. 金宵大廈2 -- 暫時劇情來講，覺得每個個別單元本來都唔錯，但係唔夠2集一個單元(因為仲要分時間比主線)好多野都鋪得唔夠，如果可以足2集時間或者比多集，我覺得好幾個單元會好睇好多。而每個單元入面有好多message都好正。主線真心暫時來講唔太吸引，而且同單元故事無咩大關係，比起1呢方面真係爭d(除非真係最後一個單元有伏線可以連晒啦)。等大結局點收尾。

26/4(二) -- 收工返企夜晚C煮。

27/4(三) -- 收工返企夜晚C煮。

3. 曾江過身好突然。

4. Kenneth原來已過英倫，好快。

28/4(四) -- CB下午去海洋公園。我收工返去買外賣。

5. 最近長期覺得攰同眼訓，keep住11點幾就摺。

29/4(五) -- 出site係啟德早收，去寶林買外賣返去。

6. 金宵大廈2 -- 終於結局。其實主線idea算係唔錯，單元故仔好多都ok，不過無論主線定單元，都鋪墊得唔夠，真心覺得每個故事嘅時間太短。如果唔好來去起頭結尾都咁匆匆會好d。有某d嘢無交代open end係ok，但有d嘢完全無交代又怪怪哋，例如MIA。而主線同單元原來真係牽連得唔算多...結論，金宵1係好睇好多。2雖非爛但都唔係神。氣氛其實拍到，算係收貨啦。(唔詳細寫評了)

30/4(六) -- 中午婆婆來join埋一齊入西貢舅父屋企睇狗仔(我地買外賣入去食/舅父唔係度)。4點零走，去圖書館還書借書(B搭車訓著左)之後上天晉(一上去就醒，訓得好少)。夜晚食埋飯走。

1/5(日) -- 落雨天，上午落街同呀媽呀哥佢地行下Aeon之反去U購買下野之後就上天晉。夜晚食埋飯走。

7. 呀哥突然話攪掂的話好快就要去英國了。

2/5(一) -- 公假一天; 9-11 Monterey，今日得5個人加其他人遲，射左半個鐘波之後打2 on 2(好攰)。今日好多時都係Jack守我，佢放鬆防守所以我都入到幾多波又贏波，雖然無乜參考性但總算有入攝有鏟籃有爆籃有射波。打完之後沖涼係返Monterey meet呀媽CB呀哥一家，本來打算係外面食，之後都係放棄，去左韓國超市買便當上天晉食。下午同呀媽去買餸(順便返屋企執野拿野)。夜晚食埋飯返。

完

四月二十四日 -- 打波!!

19/4(二) -- 九龍城收工買咗鹽燒魚返去。夜晚C煮。

20/4(三) -- 收工返去買外賣。

1。今日公司Alexander Chow退休last day。同佢傾咗陣，佢講嘅嘢好inspire我，獲益良多。

2。阿B係凳度曳，反凳跌咗落來，暫時睇無大事，keep in view。

20/4(三) -- 收工返去買外賣。

21/4(四) -- 限聚解禁，呀B同哥哥姐姐一齊去海洋公園玩。收工返TKO差不多時間所以meet到佢地返來，一齊買外賣返企。

22/4(五) -- 收工返企買外賣。

3。同事買開，食左就來執果間臭豆腐同炸大腸。好耐無食過，都係以前好食d。

23/4(六) -- 朝早一家出去同呀媽姪仔行海邊，呀哥後join。一齊行到康城，我地買野食一齊返天晉。夜晚食埋飯返。

24/4(日) -- 9-11 Monterey，終於打波! 打完去海邊join呀媽佢地，行個圈再去買lunch上天晉食。之後我自己返屋企沖涼休息陣。夜晚過去天晉食飯返。

4。好耐無打波! 超開心! 今日有贏有輸，不過覺得自己(有體力時)都打得唔錯，好多唔錯走位入攝籃底fake同上都入(當然都有炒)。射波就唔太準，一般啦。最記得第一場，本來猜左VictorJack同我一隊，Victor唔知係咪唔想同我地一隊，要打果時就話得來外面3個一team(佢就同馬一隊)，結果我地贏左, 感覺有d爭氣啊~

完

2022 NBA Playoff 個人喜惡見解

早2日係playoff開始之前寫左，本身想post係週記，不過咁長都係另外開post啦。

**********

NBA Playoff即將係香港時間明天開鑼，等我又講少少先。長文慎入。

應該熟我嘅人先知，每年睇NBA主要唔係睇邊隊champ，而係季初會睇幾隊自己比較鍾意又要爭崩頭先勉強入/入唔到playoff嘅球隊。

今年東岸幾鍾意Knicks(因為Rose)、Cavs(成隊幾完整同埋長人陣幾特別)、Wizards同Pacers都不錯，可惜全部衰晒。Pacers幾乎一直都唔齊腳，如果齊腳我覺得幾勁，後尾仲trade走埋Sabonis，變左無特別like。Wizards又係一直傷人...無咩好講。Knicks前半季其實一直打得唔錯，之後開始傷人，仲要無埋Rose(又傷)，又唔出Walker(仲要回晒塘)，就一直頹到尾...最可惜係騎士，其實一直都幾勁，點知d主力一直傷(得分主力Sexton、控制節奏嘅Rubio、All-Star中鋒J Allen)，下半季先輸得多。去到play-in我已經知奶野，第一場對Nets一定嬴唔到，之後都預感唔會嬴到Hawks(果然)...

西岸來講，本來都係睇木狼馬刺塘鵝，而亦都比較like馬刺(因為波波同埋成team夾得唔錯)，不過play-in估計Spurs都嬴唔到Clippers(點知今日P George出唔到)，所以Pelicans嬴都係好事(當時覺得Pelicans嬴Clippers機會大d)。其實如果有埋技安，Pelicans會仲好睇(今年仲有McCollum)。

講下Playoff match-up。

東岸

熱火對鷹 -- 熱火今年打得唔算亮眼，不過陰d陰d又拿到東岸第一。不過對住吹羊絕對係有少少危機，條友一爆氣都幾難攪。個人就鍾意熱火多d。

塞爾特人對網 -- 相信大家都覺得，網隊係其中一隊最唔想對嘅球隊。季尾終於叫齊人仲打起左個勢，根本就係上游嘅實力。Celtics下半季都打得好勁，相信呢個matchup係第一圈最精彩。雖然唔太喜Nets，不過更唔喜Celts，所以希望網隊晉級。

公鹿對公牛 -- 公鹿就唔使多講，上年冠軍隊伍，今年都仍然係大熟大勇嘅，雖然不嬲唔特別鍾意。公牛今年上半季打得好，之後係咁跌watt，好多人都話佢對勁隊輸多嬴少。我覺得年頭Ball仔傷左都幾大影響，雖然本來都未必夠公鹿打。睇下偷唔偷到一兩場啦。

76人對速龍 -- 我覺得今年速龍都值得一個playoff席位，不過僅此而已。VanVleet係唔錯但我覺得有少少overrated，擔唔起大旗的。最期待係76人晉級之後同公鹿大戰。

西岸

太陽對鵝 -- 應該無乜懸念，係睇下班後生偷唔偷到一、兩場姐。

灰熊對木狼 -- 雖然灰熊個勢一直好勁，不過一直唔覺得佢地有咁勁。Ja對住木狠癲狗Beverly好可能發揮得少左，係勝負嘅關鍵。呢個series想睇木狼翻盤哈哈。

勇士對金塊 -- 私心想K湯爆氣証明自己，金塊今季無左Murray都keep住打到咁，Jokic真係勁。不過都係支持勇士。

小牛對爵士 -- 其實今年Jazz打到一pat屎咁，無晒霸氣。好想睇到Luka更上一層樓，可惜竟然季尾最後一場傷左...唔知幾時先出得。基本上覺得呢個series有Luka就嬴，無佢就輸。希望佢快d出得返。

暫時無乜特別想估champ，因為通常最好睇都係中間嘅series。

特別再提一吓，Lakers同LBJ今年真係樣衰。

四月十八日 -- 復活節假期

11/4(一) -- 收工返企夜晚C煮。

1。雖然一直都知，但比人再講都係覺得sad。你估我想嘅咩。

2。上年凍薪，今年諗住都係凍過水，意想不到竟然有加人工。

12/4(二) -- 收工返企夜晚C煮。

3。本來好叻英文嘅黃子雄扮chinglish好正。

13/4(三) -- 收工返企夜晚C煮。

4。西岸狼隊率先入playoff。東岸其實想騎士贏，不過都預左佢地贏唔到網。

5。又再見證人係盲目愚昧。真心on9。尤其左膠。

14/4(四) -- 最後wfh。中午同B去碌陣滑板車，再同佢行Donki同海天晉新開嘅韓國超市，再買lunch返企食。夜晚hea食。

6。馬刺輸。其實西岸4隊，鍾意刺>狼>鵝>艇。不過我覺得鵝贏到艇嘅機會大d，所以鵝贏都好嘅...

5/4(五) -- 公假第一天; 中午買飯上天晉食，夜晚食埋飯返。

16/4(六) -- 朝早落單車公園同B玩平衡車，呀媽來join一陣，佢之後去買餸。我地去坑口行一下同買飯上天晉食。夜晚食埋飯返。

7。Cavs被淘汰，可惜。鵝羸艇入playoff，係開心嘅。

17/4(日) -- 一早9點鬆d一家下一齊出門(除左老豆)行山。行左上茅湖廢堡再上埋涼亭，全程3個幾鐘中途好多樓梯，呀B自己全部行晒，好勁。中午買野食上天晉，夜晚食埋返。

18/4(一) -- 公假; 可能尋日最後落來抱左B一陣，又可能本來都攰，加上不嬲左邊腰+腿有事，今日左小腿小小痛，不過都唔嚴重。10點幾落街同呀媽去海邊小兜一圈，去超市買d野同買飯上天晉食。夜晚食埋飯返。

8。金宵大廈2 -- 睇左一半以上了。暫時覺得，每個單元同主線唔係太大關係，只係用幾張相連繫，個男主角係咁搵相有關嘅人，感覺有少少夾硬，除非原來有伏線啦。今晚個單元因為之前睇資料係10隻辣椒，本來都營造都幾有氣氛，再加上自己嚇自己，所有幾緊張。

9。真心嬲。我係唔尊重，不過都從來無被尊重。

完

四月十日 -- B出TKO

4/4(一) -- 出site收工去SSP行一轉買左d玩具比小朋友; 夜晚買外賣。

5/4(二) -- 清明公假一天; 中午同CB呀媽去單車公園睇下花，之後上天晉。夜晚食埋飯走。

6/4(三) -- 出site早收但因為約咗交收所以去咗ssp行一圈，買咗小朋友玩具啱好時間交收埋返企。再拿湯過去天晉。夜晚C煮。

1. Lakers慘被出局，真樣衰。

2. 嚴重懷疑B有情緒病。

7/4(四) -- WFH; 中午同呀B落去兜左一圈之後買飯上呀哥度食; 下午返屋企B沖涼時已訓著。夜晚C煮。

3. 今日呀嫂話我地知佢地要開始攪移民去英國嘅野了。

8/4(五) -- 收工返去買外賣。

4. 反起跑線聯盟 -- 大結局。其實收尾收得麻麻地。唔係個結局sad唔好，而係處理得好似交代埋d野就完咁，唔係好順暢咁。Overall套劇係好睇好舒服嘅，班小朋友做得好好(呢樣野好困難所以好犀利)，潘燦良演技好犀利(呢個真係無需多講)，周家怡都犀利(睇佢之前拍劇嘅人物同呢套對比，人物感覺完全唔同，而佢係完全可以進入晒個角色)。梁詠琪強尼夫婦嘅角色其實類似負責帶住個故事一直去嘅作用，雖則叫係主角線不過其實更似功能性角色。亦都因為比較大路，所以反而唔使其他人咁交戲。而實際上，佢地2個做爸爸同媽媽感覺OK，但係完全無老公老婆嘅感覺。

5. 直播睇反起跑，所以係網上睇返金宵大廈2。由於主線劇情未入局，所以未講到究竟算唔算好睇。記得金宵大廈1都係比較慢熱嘅。至於已經播左嘅單元故事，"七樓半"其實意念有d恐怖，不過專登用左攪笑嘅方法表達，幾得意。不得不提于洋三祖孫幾正幾有火花，鄭子誠就當然尤其正。"雙魚"完全係為左睇伍姑娘，亦無令我失望，佢演技一向好好。蘇皓兒做得好唔好根本唔緊要，因為佢靚 xDDD 交到貨就OK啦。網上有人話呢個故事悶，去到後面又賣親情。我覺得唔係掛? 個故意背後完全係變態，個女黑化左。最玩野係唱好溫情嘅歌，而畫面係個呀媽之前虐待佢架喎(仲要d歌詞同畫面有對應反諷嘅)。最尾個施比受更布福仲得人驚添~ 期待之後嘅單元同主線劇情係好睇嘅啦~

9/4(六) -- 11點幾同CB呀媽一齊行過寶林(搵地方行下同埋之前成日行去海邊今次唔行)，之後係寶林買外賣同甜品返天晉。食完我返左屋企執野，沖個涼恰左陣再返天晉。夜晚食埋飯走。

10/4(日) -- 一早出門同CB呀媽姪仔去Megabox，呀B好耐無離開過TKO啦。去左行下Aeon到11點入Ikea，都買左唔少野。中午行完返天晉。夜晚食埋飯走。

6. 今個禮拜公司突發轉返少d WFH。來緊我果更亦咁啱係返多d嘅。不過爭少少無所謂嘅。

7. 農曆新年開始hea玩果隻手機game，本身都玩到咩都玩晒，之後見有cheat就cheat下，都玩到厭。之後server搵到我cheat，順手y就盲delete埋唔玩了~~

8. 揀返d讀書時期同啱出來做野果時聽開嘅日文歌卡通歌，浮現返好多以前嘅回憶。有d唏噓。

完

四月三日 -- 爆

28/3(一) -- 收工返企夜晚C煮。

1. 腰又開始痛返。

29/3(二) -- 收工返去交錢拿嘢返企。夜晚C煮。

30/3(三) -- 收工返去買外賣。

31/3(四) -- wfh；阿B呢2日經常叫要wewe，勁密，唔知亂up定真係有事，朝早帶佢去睇醫生，之後行咗迪卡儂，再兜返去將中買外賣返企。夜晚C煮。

2. 大爆咗一吓好勁嘅。好耐無試過咁嬲。之後好攰。

3. 夜晚洗完隻碗抹乾時甩手打爛隻用咗好耐嘅貓貓碗。割到手腕。

1/4(五) -- wfh；朝早開咗半朝會。夜晚C煮。

2/4(六) -- 接近中午同阿媽去買餸，之後上天晉。我落去買外賣返來食晏。夜晚食埋飯走。

3/4(日) -- 朝早同CB呀媽出去行玩滑板車，去左好耐無去嘅環保道狗公園。之後B叫要去天晉(本來無打算去)，結果上左去(呀哥一家都去，好耐無一齊見)。我返屋企執d野再買外賣上去食晏。夜晚食埋飯走。

4. 星期六又落雨又陰又凍，今日竟然出太陽勁好天又舒服。

完

三月二十七日 -- B出關

1. Norman平安到達日本，希望佢順利安好。

21/3(一) -- 收工去寶林買外賣返去。

2. 飛機失事。最可怕係好多人竟然因為係咩國家而幸災樂禍。再藉口因為果個國家嘅人會幸災樂禍所以自己幸災樂禍都無問題。我覺得人地差所以自己差並唔係正確嘅。

3. Mario Kart出新賽道，二話不說就買咗。

22/3(二) -- 收工返去買外賣，呀媽陪我等吹左陣水。

23/3(三) -- WFH; 係屋企唔知做過d乜渾渾噩噩就過左一日。夜晚C煮。

24/3(四) -- WFH; 頭赤左一日; 夜晚C煮。

4. 唔舒服，不過都換左個廁所板。

5. 剪左頭髮。

25/3(五) -- WFH; 朝早C出去買野; 夜晚C煮。

6. 隻麻煩splitting case今日抽樓，初步2個都accept，可喜可賀。

26/3(六) -- 朝早我地同呀媽去海邊行，之後買lunch上天晉。夜晚食埋飯走。

7. 呀B農曆新年之後都無出過門口，今日終於出街啦~

8. 下午5點幾同呀媽去街市買餸，經過見到檢測站無人，好順便咁撩左鼻。(第日一早7點幾就有msg -ve)

27/3(日) -- 一早出門同B踩滑板車，兜完單車公園再出海邊兜到Monterey，行埋Donki後買外賣返企。夜晚C煮。

9. 今日呀B幾乎全程自己踩，擺明係有得玩就精力旺盛。平時同佢落街就行2步就要人抱。

完

三月二十日 -- 正骨打針

14/3(一) -- 收工返去買外賣同甜品手搖。

1. 驚訝於Grace的news。希望佢好快好返無事。

15/3(二) -- 收工同Eudora快閃行左轉SSP，之後7點到佐敦周天恩陪我睇佢介紹嘅正骨師。攪到9點幾走，返到TKO 10點零已無野食，屋企求其食左個杯麵。

2. 第一次睇正骨師，全身乜都比佢整晒。儘量紀錄: 啪晒全身d骨包括頸、拉手拉腳拉腰拉頭，最痛係壓腿、啪面、伸手入口腔捽、"劣"頸"劣"身"劣"手腳、除晒衫搵舊野吸住背"劣"(類似拔罐刮沙)、伸手入patpat通櫃移尾龍骨位、一野啄落去肚位，除左正骨仲通我氣同血。做完之後個人好攰好攰。同埋之後訓坐行企都要做好正確姿勢。

16/3(三) -- 早少少收工去打第三針，之後出來時經花墟買花再經蘭苑買開心果膏再走車，所以搭巴士返企。幫呀嫂收網購野再拿上佢門口，再去買野食返企。

17/3(四) -- WFH; 唔舒服，全日低燒周身唔聚財，全日咩都無做。夜晚

18/3(五) -- WFH; 退左燒，之前果晚開始左邊格肋底痛，全日都好攰。上午C出去買野交B功課。下午嫂突然要幫拿野，於是我落街幫拿同順便行個圈買野。好攰行2步都腳軟軟咁。夜晚C煮。

19/3(六) -- 今日狀態好d。呀媽來七座同B玩左陣，12點島我同佢去海邊行(行到康城再返轉頭)，買埋tea 3點島返到屋企。夜晚C煮。

3. 星期六夜晚突然右邊膊頭開始痛，痛到唔係好訓到。訓一陣就痛醒。半夜醒2次唔知幾點，都要一輪先訓得返。第3次醒爬起身，接近3點，磨咗輪先再訓到。之後好似4點幾再醒，再訓後，6點島再醒。最後再訓到8點幾就起身。(天光之後又無點痛了)

20/3(日) -- 一早9點幾一家同我媽出去行下海邊。雖然落雨，呀B個幾月無出過門口，見佢都開心。不過落雨都麻煩，唔係行好遠就返去。本來想去天晉，不過佢地返企沖左涼之反廢事出返去了。我買左lunch返來食，食完沖涼hea一陣我就訓左。一覺訓左3個幾鐘好難得(平時午睡都係個零鐘)。夜晚C煮。

完

三月十三日 -- 全WFH

7/3(一) -- WFH; 中午去買飯返來再去睇跌打，睇左2個幾鐘，好痛不過睇完好唔少。夜晚C煮。

8/3(二) -- WFH; 中午去買飯返來再去睇跌打。夜晚C煮。

1. 今日跌打佬堅持要同我敷埋藥，攪到我返企無得正常沖涼。最終要自己分段咁沖先無濕水。

9/3(三) -- WFH; 中午去睇跌打。夜晚C煮。

10/3(四) -- WFH; 中午去買野之後睇跌打。夜晚C煮。

2. WFH到已經對星期幾無咩sense。

3. 之前針手，呢2日針埋腳。好耐無咁樣連續日日睇跌打，一來條腰痛真係要睇，二來主要係而家知道無咩人唔使等。之前有時等好耐好耐有時都幾卻步。

11/3(五) -- WFH; 中午去睇跌打之後買野。夜晚C煮。

4. 今日針尾龍骨。

12/3(六) -- 中午睇跌打，再針尾龍骨。夜晚C煮。

5. 今日開live見證波波教練奪得NBA史上最多勝仗嘅一場(仲要係同一球隊)。

13/3(日) -- 早上同呀媽去海邊行左一圈，買lunch返去食。夜晚C煮。

完

三月六日 -- 坐困愁城

28/2(一) -- 收工返企夜晚C煮。

1. 呀C打左針，下午開始攰，夜晚有d發冷。

1/3(二) -- 收工返買外賣。

2/3(三) -- 收工返買外賣。

3/3(四) -- WFH。全日無出街，夜晚C煮。

4/3(五) -- WFH。中午落街買野買飯睇跌打。夜晚C煮。

5/3(六) -- 全日係屋企無出去。夜晚C煮。

2. 我manager中招，由於星期三我同幾個同事都曾經同佢有接觸，所以今日開始計7日唔返公司。

3. 其實好想睇跌打。

6/3(日) -- 尋日同今日C都不停執野。夜晚落街買野食。

4. 雍明間野貴左又質素下降，要停一排了。

完

二月二十七日 -- 悶到爆

21/2(一) -- 收工返企夜晚C煮。

22/2(二) -- 收工返去買外賣。

1. 今日係好難得嘅2022年2月22日年二二，不過都無乜特別咁過。

23/2(三) -- WFH。下午C出去買野，B訓。夜晚C煮。

2. 夜晚同呀源傾左差不多2個鐘，好耐無傾~~

24/2(四) -- WFH。中午我出去交嘢還書買外賣返去，再落去睇跌打，睇完再自己買嘢食返去。夜晚C煮。

3. 下午晏少少攰到頂唔住訓左差不多2個鐘。呢排夜晚應該都訓得算不錯，但都仲係咁攰，唔知係咪睇跌打好多energy用左係回復身體度呢?

25/2(五) -- WFH。中午我去天晉拿d野再同呀媽去街市再買外賣返去，再落去睇跌打，睇完再自己買嘢食返去。夜晚C煮。

4. 見到俄烏打仗感覺好唔好...

26/2(六) -- 朝早自己同呀媽去海邊行個圈，再去街市超市買野後上天晉放低野同拿野。之後買lunch返去食。夜晚打邊爐。

27/2(日) -- 係屋企吽左一日，夜晚出去買外賣。

5. 呢2日暖返好多了。

6. 夜晚剪左頭髮。其實禁左salon對我完全無影響，因為一向都無出去剪 xDD

7. 街都唔出下真係好悶~~

完

二月二十日 -- 黑仔

14/2(一) -- 收工返企夜晚C煮。

1. 情人節+C農曆生日。疫情之下無乜準備，買左cake仔同玩具仔only。

15/2(二) -- 收工返企夜晚C煮。

16/2(三) -- 收工返去雍明拿外賣。

2. 腰好痛，終於頂唔住去睇跌打。佢地食完野先，我睇完先返企食。

17/2(四) -- WFH。下午4點島出去睇跌打之後買野返去。夜晚C煮。

18/2(五) -- C生日快樂。WFH。下午4點島出去睇跌打之後買野返去(買左蛋糕)。夜晚打邊爐。

3. 夜晚(好彩)B訓左之後，因為渠塞同我攪，星盆底個喉又漏水，仲因為洗衫d水爆出來，浸左個廚房。好彩無出廳。攪左差不多2個鐘先清理好。

19/2(六) -- 一早10點零落去搵水喉佬攪左，終於安心。12點零攪完，我落去買外賣。下午stay係企無出去，夜晚C煮。

20/2(日) -- 11點島去寶林同Kitty交收，之後去左買個甜品(比左錢先話無芋圓)。係隔離買個飯(比左錢)等左半個鐘先話無，結果退錢走。返企先，再落街買午餐。下午stay係企無出去，夜晚C煮。

完