說於大叔的愛(港版)大結局之後

說於大結局之後。

利申，有睇晒全套劇每一集，覺得幾好笑幾好睇，之前要讚嘅都讚過，網上都大把人討論過。所以想講下有咩唔好/不足。

首先，其實想講睇呢套劇時，真係主要為左睇笑料，同埋係唔同情況之下各個人擦出來嘅火花，撞出來嘅點。尤其係前半部比較多。相對之下，後半部叫係入主線，已經無乜呢d碰撞，所以無咁精彩。咁應該大部份人都會繼續鍾意睇後部劇情，因為講主角們嘅心態同轉變，可惜我就睇得比較出戲了。

唔關係咪同性戀事，主要係有以下幾點。

1. 其實對於入面角色邊個鍾意邊個，我個人覺得唔係營造得好夠。只係講出來因為咁>所以就鍾意，只係交代，唔係好做到個氣氛出來。另外，之後幾個角色嘅轉變 i.e. 田轉Gay鍾意牧、KK鍾意田、Darren放下牧、甚至Francesca鍾意Louis etc，都係流於就咁表現"因為佢地為佢做左好多野所以鍾意左"嘅感覺。

2. 最令我出戲嘅，其實係入面人物嘅"仆街"。唔好同我講"現實就係咁啦"、"好多人都係咁啦"，唔接受。有幾仆街? 20年婚姻因為見到一個心動嘅就離婚、小朋友都有埋因為鍾意又離婚、唔爹唔吊唔知自己想點人地鍾意你就同人一齊之後比人飛左另一個人對佢好就又一齊仲打算結婚點知臨尾走佬...如果係現實見到，只會鬧佢地一聲仆街而已。

為免太長，講少少演員算。

其實我真心唔覺得主角們好戲(再利申唔係覺得唔好睇)。只係劇中人物對佢地來講唔算難表現，爆點係劇情度多演員需要表現。Edan主辰搶妥嘅表現係卡通式誇張笮作表情、AL基本上木口木面只係個角色行為好暖男(不過有一場戲崩潰喊就幾好)、黃德斌其實都係一貫少少唔使點表情做個成熟男人樣間唔時無啦啦做d(其實生硬)嘅扮可愛表情顯示反差萌。真係好戲咩? 唔係話唔好戲，只係唔覺得好好戲。

簡慕華真係做得好自然，不過未感覺同Stanely好有火花。陳子豐唔知點解覺得好型好有魅力喎。娟姐幾吸引，呢d少少傻大姐角色一向討人歡喜。鬼妹其實做得幾好，可惜太殘xD。Stanley其實做得幾好，個人覺得佢係劇入面做到幾舍層次同改變喎。

少少對劇嘅感覺，紀錄一下。

七月十八日 -- 完成相簿

12/7(一) -- 收工返企夜晚C煮。

1. 勁眼訓。11點幾未搽藥未貼野無開冷氣就訓著左。

13/7(二) -- 收工返企夜晚C煮。

14/7(三) -- 收工返企夜晚C煮。

15/7(四) -- 收工返去(中途交收)食左點心後返企。

16/7(五) -- 收工去觀塘同2年無見嘅白田老友們食飯，C同B都join。可惜分開前後2枱坐。

2. 是日呀B早上低燒，不過都仲係好精神同百厭。睇完醫生食左藥訓左下，C話佢可以照出，所以夜晚照出去食飯。

17/7(六) -- B仍然間唔時有少少低燒，所以無活動。下午過天晉，夜晚食埋飯返企。

3. 之前幾日開始真係著手整本BB相簿。今日日頭就真係幾乎揀好晒d相同開始整。時間有少少趕。整開所謂夜晚繼續整, 又見差不多完，所以最後攪到2點幾先upload完晒所有相同埋整好排版，只係爭d字未打。

18/7(日) -- 8-10天晉; 隔左3個禮拜無打波，超開心。今日表現覺得還不錯，雖然全場條腰都痛痛地幾影響移動。好彩嘅係今日主要係防呀澤同Jack(2個都唔算好主力進攻)，所以防守唔太辛苦，因此進攻都算OK(仲入左球 Corner 3添)。無奈打左幾場都係同Derek+Victor同隊，所以即使贏波其實又唔係真係算好關我事(唯一一場同呀馬一隊對Derek+Victor輸少少，可惜)...打完之後買野食返去，食完沖完涼就出去街市買餸，再上天晉。夜晚食埋飯走。

4.  今日太陽輸Game 5，係有d失望...似乎冠軍窄窄地...唉。

5. 今日終於完成左本相簿，之後就拜託呀嫂幫我比錢同埋安排收貨了。總算完成左個大project，其實都幾消耗精神同心機。不過了左件事係開心嘅。

完

七月十一日 -- 終再Gathering

5/7(一) -- 收工返企夜晚C煮。

1. 的起心肝出post賣埋最後一水模型。暫時好彩都賣到大半出去，想清嘅都7788了~

6/7(二) -- 收工返企夜晚C煮。

7/7(三) -- 屋企果座下午突然停食水。無得煮飯，即刻叫C同B出街食飯算。食完我去油塘交收模型，再去寶林同Karman交收。之後去坑口出，買埋聰嫂返企。夜晚已經有返水可以沖涼了。

8/7(四) -- 早少少收工返去打針。唔知係咪因為下午，都多人。4點到，差不多4點9先打。夜晚返企C煮。

2. 夜晚打針位開始有少少少少痛。

9/7(五) -- 收工返企換衫再同CB一齊去啟德(搭屯馬線)Mandy新屋。一班人(前ACD同事們)好難得齊人，2年幾伙聚過，今次同Carol慶生。10點島我走先。

3. Mandy仔余柳包好乖好有manner，呀B係咁攪住佢佢都仲好有耐性。

4. 隻手打針位痛過第一日，不過都唔係好痛，仲遞得起，亦抱到B。

10/7(六) -- 中午我地一家同呀媽去寶林佢朋友餐廳食野，之後行一陣先返天晉。B訓起都6點，落去玩一陣就走，買外賣上呀哥度食飯。

5. 手已經無咩大感覺。

11/7(日) -- 中午買野上呀哥度食，之後B訓。4點島我同媽一齊去買野之後上天晉。C同B去買野之後先上來。6點落去玩一陣再返上天晉，食埋飯返企。

6.  早一日開始條脷痛，今日最痛，攪到無咩胃口。

完

七月四日 -- 熱

28/6(一) -- 收工返企夜晚C煮。

1. 大叔的愛港版都不錯，幾好笑。

29/6(二) -- 收工返企夜晚C煮。

2. 夜晚較剪呃左呀B，嚇到佢喊，有少少覺得內疚嘅(雖然好笑)。

30/6(三) -- C打針，佢打完就上天晉。收工上天晉，同B係遊戲室玩左陣，夜晚食埋飯走。

7/1(四) -- 公假一天。早上同呀媽CB去左Donki行下，跟住叫埋哥係附近食野。之後去天晉遊戲室玩完再上天晉。夜晚食埋飯先返。

3. “小太郎一個人生活”真人劇集版第10集就完結咗了。比起漫畫來講，由於集數有限，劇情cut咗好多枝節，主sell最大果條主線+每個房客各自少少背景，已經夠咗10集。平淡得來幾溫馨，不過漫畫真係好睇好多，建議睇漫畫。

4. “大叔的愛”做咗4集，仍然keep到好笑。本身個劇情同人物嘅矛盾同火花已經碰撞得好激烈，所以其他演技什麼的其實都已經唔太重要。暫時個節奏都掌握得幾好，無浪費到個劇本呀。

5. 波叔終於打到入NBA Finals。從好耐之前一直都覺得佢勁嘅，雖然佢好奸狗又賤賤哋，不過真心好波IQ又好高，縱然唔係佢fans但都覺得佢值得贏嘅。今季NBA傷患太勁，基本上係鬥唔傷。來緊決賽，如果球員無乜再變動，佢champ嘅機會都唔低。

6. 今晚比B激到，之後有一下佢(似乎)埋來想示好，比我話佢好似嚇咗嚇。(雖然之後佢好似無乜嘢但)爸爸內疚中。

2/7(五) -- 收工去寶林買野食返TKO，再meet返CB一齊返企。

3/7(六) -- 早上去天晉泳池同媽CB玩水，lunch買外賣上天晉食。之後係果度hea到5點幾(B訓左2個半鐘)呀B醒左之後走。買左少少野同埋返企整d菜食。

7. 呀B呢晚無啦啦要我(或佢媽)唱Little Twinkle Star同埋打鈴鼓，之後佢自己就無啦啦唱rainbow...rainbow... =_=

4/7(日) -- Monterey個場未整好，又無波打...早上睇左場波。跟住出門買野食上天晉食lunch。下午恰左陣，呀B攪左個幾2個鐘先訓，我都醒埋。之後繼續完成埋隻RG。6點幾B先醒，我地落一落去meet Mandy Thomas後順便去買d菜先返天晉。夜晚食埋飯走。

8. 公鹿對鷹隊 -- 睇左場鷹隊全場好似無form咁，只係不停1 on 1，公鹿無左字母哥反而成隊好平均，抵佢地贏嘅。來緊總決賽太陽對公鹿，希望太陽羸!

完

六月二十七日 -- 剷頭

21/6(一) -- 唔舒服早左少少收工。夜晚C煮。

22/6(二) -- 收工返企夜晚C煮。

1. Edith個B出世了~~

23/6(三) -- 收工返企夜晚C煮。

2. 想講好耐一路都唔記得，一release就聽左，謝安琪首新歌聽落一般般。

3. 睇左d寶寶大過天同埋欺詐劇團。寶寶大過天原本expect係講下而家社會風氣果d痴線野+攪笑+溫馨(再誇張化)，雖然實際上都係，不過d角色實在太癲同埋誇大嘅野都係negative野人物性格又negative仲要集集都不停嘈交，過份negative，令人睇得唔舒服。欺詐劇團見佢做一個禮拜就完，見人腳同介紹+短篇可以玩盡d有d期望，暫時都只係覺得OK，未到好好睇。

4. 太陽最後果球開波傳波Alley-oop Dunk真係好精彩。

24/6(四) -- 收工返企夜晚C煮。

25/6(五) -- 收工返將軍澳同CB係屋企附近食飯再返企。

26/6(六) -- 朝早睇左陣波，CB出左去遊戲室玩，我係企睇波砌模型。11點零出去meet佢地，一齊去九龍灣Megabox食野行街，4點幾走。上天晉食晚飯。

27/6(日) -- 本來早上有波打，點知早一日收到通知個場水浸無得打...; 朝早9點幾起身，C同B出左去排遊戲室。我hea一陣出門拿野買餸，返企放低之後再推埋車出門meet佢地。買野食上天晉食完之後抖一陣，3點落去酒店餐廳同C朋友Step同Kitty食tea。5點幾散左之後上返天晉，夜晚食飯。

5. 欺詐劇團 -- 整體都不錯，不過可能集數偏短，有d位營造得未係好夠，同埋反正短篇又覺得佢玩得唔夠盡。不過各個人演出都幾好嘅。

6. 剷左頭髮，今次真係最短仲短過上次，爽呀。

六月二十日 -- 父親節

15/6(二) -- 收工返去夜晚C煮。

1. 夜晚差不多10點落街交收一點絕，街上好多大強出沒...

16/6(三) -- 收工返去夜晚C煮。

17/6(四) -- 收工返去夜晚C煮。

18/6(五) -- 收工去九龍灣同CBEdfRita食飯+甜品。

2. 唔覺唔覺Edf就來要生了~~ 

19/6(六) -- 中午C媽來同我哋食晏，之後一齊入西貢佢細佬度同狗仔玩下。之後van出寶林再地鐵返TKO，上天晉食晚飯。

20/6(日) -- 8-10 Monterey; 之後買野食返去沖涼同食; B又唔肯訓，所以2點島就落街買野，一落到去佢就訓著左; 夜晚天晉食。買左個蛋糕輕鬆慶祝下父親節。

3. 今日開波前有少少時間練下射波adjust下，所以感覺射得好左。幾場波勝負都唔太關我事，尤其同Derek Victor同一隊真係唔使做乜就贏到波。係最後一場同馬家俊Sam一隊對Derek + Victor + Perry + James苦戰之下贏波，好有滿足感。另外值得一提，今日斷續射罸球有10投9中(定9投8中)好過 Ben Simmons xD

4. Weekend仍然係超攰...

5. 同呀哥傾過下佢去留問題; 8月嫂B們返來之後，似乎又好似無咁快會走。係開心嘅，希望佢地留返幾年先再算，睇定d先啦。

完

六月十四日 -- 呀B兩歲

7/6(一) -- 收工返企夜晚C煮。

8/6(二) -- 收工返企夜晚C煮。

9/6(三) -- 收工返企夜晚C煮。

1. 確定嫂姪8月返港。雖然好似係開心事，但有可能代表之後佢地去更裹嘅地方...開心唔落。

2. 呢幾日轉鐵返工，真心覺得討厭。之前有次講話出門口感到果陣厭惡感，係切切實實地感受到。入面有位d人頂係門口、轉車月臺狂奔、爭位坐...真心好痴線。今日轉車上車好好哋都比人夾硬狂撞...不過時間真係爭太遠...

3. 轉咗隻貼，即時見到效果。前晚新果隻貼咗成晚都唔濕，尋晚用返之前果隻，又濕晒。同埋唔知關唔關事，真係好早就勁眼瞓，係攰到睇下圖都無精神，眼都擘唔開。

10/6(四) -- 收工返企夜晚C煮。

11/6(五) -- 下午放半日假，行咗ssp同wc，買咗d小朋友玩具。夜晚上C娘家食飯，預祝B同佢舅父生日。之後舅父車我哋返去。

12/6(六) -- 上午睇咗陣波，中午去咗寶林同馬2公婆食晏。之後散咗行一陣就返天晉。夜晚食埋飯返。

13/6(日) -- 阿B生日。中午出去食飯，之後去天晉遊樂場玩(室內都開咗)。返去之後係屋企浴缸玩水。夜晚食飯食埋蛋糕後返企。

4. 真係唔覺唔覺，一眨眼阿B就兩歲。最近有時望住阿B，會無啦啦有陣陌生嘅感覺。明明係自己個囡，無啦啦好陌生，係因為佢大得快變得快？其實對比起我父母死黨老婆個個識咗幾十年/十年以上，我又的確識咗佢只係短短兩年時間嘅。雖然係重複又重複咁講，因為有咗自己嘅B，先會感受到好多從未感受過嘅感受，對生命嘅體會亦都多咗好多、好唔同。而呢d感受、體會有幾唔同/幾美好，係真係解釋唔到，自己未試過係感受唔到嘅。(再度重申我並無鼓吹生育，有有有嘅好，無有無嘅好) 不過又真真真係要講句，父母嘅愛係好離奇嘅，無論自己個B係如何，都會好愛好愛佢，係眼中亦好好好可愛。(當然並唔係必然，新聞都見唔少例外) 而我呢，又真係好好好愛阿B，亦都好愛同埋多謝老婆咁辛苦生佢出來同凑佢。阿B大個女啦，最多做埋呢年BB，下年三歲就係小朋友，唔係BB啦。希望你身體健康，開開心心。

14/6(一) -- 早上打波天晉8-10。之後同馬一家一齊游水，游完一齊食埋飯先散。跟住去買菜買嘢返屋企擺低晒d嘢後上天晉。夜晚食埋綜後返企。

5. 是日打波，幾乎來嘅人都係勁好多(無左d大家都退化左嘅中同xD)。雖然贏波唔太關我事，不過覺得自己都儘量做好左自己可以做嘅事，算係咁。另外，微調自己嘅射波form之後，都未有機會練波，所以暫時不倫不類。真係要搵機會練下波。

6. 咁就完左3日(其實係3日半)假期，好攰 X_X

完

六月六日 -- 擊中鳥

31/5(一) -- 收工返企夜晚C煮。

1. 用開個backpack爛咗。

1/6(二) -- 收工返去，同CB係樓下超市行咗陣。夜晚我煮C準備嘅嘢。

2. 連續2日都好攰好早訓。

2/6(三) -- 收工返企夜晚C煮。

3. SM坐正請食lunch。

4. 突發新聞見到燒船搞到d煙籠罩九龍西，都幾嚴重咁。仲有fnd係屋企見到現場添。

5. B間唔時隔幾日癲一次真係好難頂。收工已經好攰。

6. 今日開始試玩下吸濕貼，反正唔貴，睇下會唔會改善到經常攰同眼瞓嘅情況。當然會繼續盡量少甜少凍嘢(盡量啦...)。

7. 今日返工終於放棄巴士。實在爭太遠，一個鐘同半個鐘嘅分別...仲要貴d。

3/6(四) -- 收工返企夜晚C煮。

8. 連續好幾晚都係好攰無電頂唔住好早訓...

4/6(五) -- 收工直接去寶林，C同B來埋一齊食飯，之後行返屋企。中間去左圖書館還書。

5/6(六) -- 早上睇波，中午B訓左(我又恰左下)。3點同ConniePenny去將軍澳酒店食tea buffet。之前買一送一優惠book到，圍返一人大約125(包埋加一)，呀B又唔使錢，好抵~~ 開頭以為tea應該係多甜品，點知都好多其他野食，同lunch都無大分別~~食完散水之後去左圖書館，再上天晉。好飽所以只係食少少野。

6/6(日) -- 8-10天晉。是日頭幾場難打但係都僅勝，雖然唔係主將亦都起好少手，不過覺得自己都打得算係咁，做到該做嘅野。之後幾場因為攰所以就爭好多了。另外想改射波form但未有機會練。再另外，係場邊追波比Pierre用波一野直擊下面，痛。打完波買早餐返去食，之後沖涼。B訓左(我又訓)。佢由1點幾訓到差不多接近4點，先出門口買菜買野再上天晉，夜晚食埋飯走。

完

五月三十日 -- 呀B下水禮

24/5(一) -- 收工返企C煮。夜晚唔舒服發冷，無開冷氣好早訓。半夜熱醒先開返。

1. 流血喎。

2. 想試下戒甜。

25/5(二) -- 收工返企C煮。是日好d但都係覺得好攰。

26/5(三) -- 收工返企C煮。

27/5(四) -- lunch同Karmen食素。收工返企C煮。

2. 晚上同民民Zoom傾左個幾鐘，開心。

28/5(五) -- 收工係土瓜灣搭van去寶林買外賣返去食。

29/5(六) -- 中午娟來，一齊出去附近食飯。之後去圖書館還書同行下，4點島SamEstherDorothyAda來到，一齊返企。夜晚買外賣同蛋糕返去食，慶祝5月之星(娟Sam)生日。9點幾散。

30/5(日) -- 之前果個禮拜book唔到場，所以無波打; 早上同C&B去天晉游水，呀B第一次下水禮，佢似乎未習慣，主要都係淺水位玩下水。中午買外賣上天晉食，夜晚食埋飯返。

3. 呀B又黑左。

完

五月二十三日 -- 熱到痴線

17/5(一) -- 收工返企夜晚C煮。

1. 是日之前summer intern朋友仔回歸day 1。仲有機會多個賽車機友，是開心的。

2. 本來明天參與收皮行動，不過今日已解決。仲諗住以前曾經做過嘅project，可以參與最後嘅收皮行動添。

3. 想搵時間睇下“小太郎一個人生活”真人版。漫畫好好睇，劇版有好友話都ok。難得有劇想睇下。(已好耐無睇d咩劇集)

18/5(二) -- 出site早收返去meet CB同外母，外母返去，我地行一陣 TKO同買外賣返去食。

4. 半夜睇左下“小太郎一個人生活”真人版，睇左幾集暫時都不錯。個節奏慢少少，不過我覺得係有心機營造每一個角色嘅背景同關係。另外因為睇過漫畫，亦見到佢有擺左d伏筆入去。希望之後可以繼續keep到漫畫水準~~

19/5(三) -- 佛誕假期。早上我起身C就補眠。到中午同埋呀媽呀哥一齊出去食飯，再一齊過坑口同佢地去配眼鏡。行左下就返TKO。Meet Rita一家去天晉遊樂場玩左一陣，再meet Edf couples買野飲上我家。Hea一陣之後叫外賣返來食。9點零散。

5. 是日不覺又全日，好攰~~

20/5(四) -- 收工返企夜晚C煮。

6. 好耐無試過，又睇返籃球教學片。

21/5(五) -- 收工返去meet C同B(佢媽返去)，買外賣返去食。

7. 季初甚至到季中都以為巫師入唔到playoff。之後Westbrook加入都覺得唔掂。估唔到季尾打得咁好，仲闖埋入playoff添。雖然從來都唔鍾意Westbrook打法，不過佢永遠都好熱情比盡100%去打嘅心態，仲帶領隊廢廢哋嘅隊打入playoff，真係值得敬佩。

8. 咒術迴戰最近一直超展開。涉谷事變之後嘅後續反而仲癲...

22/5(六) -- 早上睇波，中午出去同媽哥係飯，之後上天晉。夜晚食埋飯走。

9. Warriors輸波是有d唔開心，可惜。

10. 呀B今年第一次浴缸下水禮~~

23/5(日) -- 8-10 Monterey。之後返企執下野沖涼再去寶林同馬一家食Ruby Tuesday。食完一齊行一陣散，我地再行一下後返天晉。抖一陣同呀B落去玩一陣再玩水。夜晚食埋飯走。

11. 今日錄得最高氣溫36.1度...5月咋...

12. 今日打波，由於馬DerekVictor都係度，基本上勝負關鍵都唔係我度。自己表現覺得一般，射波入d唔入d，有幾場好努力防守都OK但都有幾場有少少hea左。感覺好想再打唔多夠喉。

13. 早幾日溫左書睇左輪片同refresh左有關射波技術嘅認知之後，今日落場實踐下，又有得著同感覺。個射波form又有少少改善左。而家用力好左好多(尤其3分)，不過瞄準就需要練習適應返果d adjustment。

14. 除左打波唱K，因為上網見到同傾開，有少少想打下鼓機。

完

五月十六日 -- 熱

10/5(一) -- 收工返企夜晚c煮。

11/5(二) -- 娟生日快樂。收工返企夜晚c煮。

12/5(三) -- 收工返企夜晚c煮。

1. Connie Amanda來搵我同Yee食lunch。

13/5(四) -- 收工返企夜晚c煮。

14/5(五) -- 收工去寶林買外賣返去。

2. KC009我所有case都拿晒possession，算係完左一個benchmark了。

15/5(六) -- 好熱。中午出去買外賣上天晉食。夜晚食埋飯走。

3. 多年無剪，今晚終於剷短左頭髮! 雖然唔係3mm但感覺好舒服好爽! 下次要3mm了!

16/5(日) -- Monterey 9-11，之後返企煮麵食。下午B 2點半訓到差不多5點，C訓左陣，我上陣網又訓左個鐘。5點島出去，我同B係樓下遊樂場玩一陣，C去買餸，之後一齊上天晉。夜晚食飯後走。

4. 是日沖左今年第一個凍水涼。

5. 呢個禮拜天氣好熱好攰好辛苦。

6. 買左個碌面機比呀媽。

7. 有2晚都好眼訓好攰好早訓左，但係半夜會醒。又無咁快訓著，磨一陣先再訓得返。其實仲攰。

8. 呢個世界總有d 傻佬/痴線佬/衰人係度放負/發狖/攪事。呢排心情都好差。

9. 上網睇得多，由以前嘅板\newsgroup\fb page，難得會有d氣氛同板友都好好嘅地方，耐咗人多咗就會有老鼠屎，總有d人會搞串個party，搞壞個地方。即使只係佔好少數，但係都會搞到返唔到轉頭，到最後散band。雖然可惜，不過睇得多歷史，見得多嘢，就會明白呢個世界好多嘢都係一個循環，所以嘢都會由興轉衰，天下無不散之筵席。只要接受無常，就容易d睇得開。

10. 連續2個禮拜有一場波以弱勝強。我+Pierre+Sam對Derek+Tommy+會進攻嘅Jack。

11. 接連聽到好多親人朋友要移民嘅消息，其實好唔開心...

完

五月九日 -- 母親節

3/5(一) -- 收工返企夜晚C煮。

4/5(二) -- 收工返去睇跌打，夜晚C煮。

5/5(三) -- 收工返去夜晚C煮。

6/5(四) -- 收工返去睇跌打，阿媽都睇。夜晚返企食飯C煮。

7/5(五) -- 收工去C娘家食飯。

8/5(六) -- 呀麥生日快樂。中午出左將中食飯，跟住搭地鐵去坑口行同整C眼鏡，之後閒逛時遇到呀馬夫婦，一齊行左陣同一田之後散。去左常寧公園個遊樂場同B玩左成個鐘，之後都係返坑口食左間西餐後返企。

1. 之前一晚上網睇左篇野，係一個sad end嘅真人真事。幾有感慨。其中比較深刻嘅，係有時對人對感情(唔只係愛情)真係要斷捨離，過左去就唔好再諗再留戀。

9/5(日) -- 早上8-10，幾個人之前果晚同今朝臨時放飛機，結果得返5個人，波都唔夠開，於是keep住打2 on 2，當然都係有我果隊就輸，除左其中一場我拍家俊同Victor+Perry，因為好努力防守+進攻有走位有單擋，竟然贏左一場，最後一球仲要係18分時我射三分game波。打完買野返去，沖涼食完呀B又係唔肯休息，出街meet呀媽跟住去買野同買餸返天晉。夜晚我煮，慶祝母親節。

2. 原來折現係最開心。睇來我咁多年來都做左好無謂嘅事。以後唔使煩。

完

五月二日 -- 飲宴

26/4(一) -- 收工返企夜晚C煮。

1. 記: 呀B唔要我拖我入房之後出返廳。

27/4(二) -- 收工返企夜晚C煮。

28/4(三) -- 收工返企夜晚C煮。7點島落返地鐵站拿幫佢係MK買嘅玩具比佢，傾左陣計。    

29/4(四) -- 收工返企夜晚C煮。

2. 試左Nuttea，幾好飲不過好飽肚。可以試下飲一杯然後skip lunch。

3. 呢排一口氣dl一堆新人新歌來聽。

4. 最近訓得好麻麻，已經唔遲訓，但係狂發夢又早醒。訓得好差。起身超眼訓。

30/4(五) -- 收工去寶林買外賣返去。自己兜左一輪想食好d但又無咩啱，結果都係買左垃圾燒味飯。

5. 9點幾太攰一攤落床就訓著。12點幾先醒，又磨左一段時間先訓返...

1/5(六) -- 上午睇左陣波之後同CB出去寶康公園遊樂場，玩左一個鐘島。之後去寶林買外賣返企食同沖涼。中午C呀媽呀爸都來左，下午一齊出發去紅磡海逸，夜晚參加C表妹婚宴。

6. 限聚令之下分左一個area 20人4張枱，我地係hall果邊勁闊落。

2/5(日) -- 朝早天晉打波9-11，進攻方面好唔掂射極唔入，防守有一段時間唔係好專心麻麻地，其他時間都算係咁，overall都係打得麻麻。打完好攰買野返企食沖涼，呀B又扭又癲又唔肯坐唔肯訓，出街買野一輪終於肯坐車即時訓著，買完上天晉。夜晚食埋飯走。

完

四月二十五日 -- 打波!

19/4(一) -- 收工返去買d野係街meet埋C&B再買d野返企，夜晚C煮。

20/4(二) -- 收工返去夜晚C煮。

1. 之前一直想講，呢排食早餐有時會買點心食。有時買雞扎，食食下有次發覺，原來之前分開每樣野食係無乜意思嘅，一啖將所有野都一齊咬一齊食，不來d味夾埋好味d喎~

21/4(三) -- 收工返去夜晚C煮。

22/4(四) -- 收工去夜晚C煮。

3. 是日B又發癲。其實我真係無嬲，不過返工真係好攰，又好多唔順利野同負能量產生，唔想再增加，所以避開左一下。就算佢之後已經無事，我都唔想增加自己負能量。

23/4(五) -- 早收工返去屋企, C同B去左海馬公園仲未返。佢地返到我出去meet佢地去將中食東南亞野。

24/4(六) -- 姑姑同八妹同佢個仔下午來。出去meet佢地買外賣返來食。係企hea玩一陣之後，一齊出去，呀B係車一落去即訓左。去天晉clubhouse遊樂場玩，之後去Donki(呀B係途中醒)。行完Donki再買外賣返企食。佢地9點半島走。

25/4(日) -- 早上天晉打波8-10; 超開心可以打波，仲要有晒DerekTommyJamesJackPierreNorman佢地(可惜呀馬唔得); 頭2場都打得唔好，之後2場打得好好多，打21分一場拿8分一場拿10分仲有球極清脆穿針三分，感覺很好(防守因為唔係防勁人所以算係無點失波同失籃板)。打完波買外賣返去比佢地食之後沖涼。中午Penny去單車公園，出去meet佢比野佢之後同B係果度遊樂場玩。玩完上車好快B就訓左，我地去街市買野後上天晉。夜晚食埋飯走。

4. 打完波真係好攰，不過有得打波真係好開心。 

完

四月十八日 -- 攰

12/4(一) -- 收工返企夜晚C煮。

1. 仲有一隻煩case終於accept埋，太好了。

13/4(二) -- 收工返企夜晚C煮。

2. 第2堆(2隻)麻煩case攪唔掂。

3. 近排都算早瞓但頻頻發夢又早醒...好攰。最奇怪d夢係日常來，地點係認得嘅但係個樣同結構3就麒麟怪怪。

4. 只要我不尷尬，尷尬的就是別人。

14/4(三) -- 收工返企夜晚C煮。

5. 夜晚同民民傾咗好耐facetime，雖然夜咗不過係開心嘅。

6. 最近搭巴士返工越來越多人多車，越來越遲落車，睇來又要搭返鐵...不過一諗起就覺得辛苦...

7. 通常下站落車趁住停燈時就落下層。尋日準備落時前面個阿叔唔知咩事係度慢慢落，又飄下飄下咁，阻住晒，到我落緊時就開車，chok到隻手指撞到條柱...(p.s. 之後痛左幾日都未好晒)

15/4(四) -- 收工返企夜晚C煮。

16/4(五) -- 收工去寶林買外賣返企。係地鐵站同Karmen say左個hi添。

17/4(六) -- ConnieLoLoPenny中午來TKO，一齊買外賣上我家食。補慶Penny生日。佢地4點半島走。之後執野清理完夜晚過天晉食飯。

8. 係夢中爆煲大爆發，睇來我負能量真係好大。夢中被爆人係一走了之。

9. 無啦啦C幫Penny剪頭髮。最攪笑係以前呀B都呂鍾意剪, 次次剪親都fing來fing去，今次佢睇住Penny比佢mama剪之後，再即時幫佢剪，佢乖乖地坐定定 xDDD

18/4(日) -- 早上去九龍灣拿C朋友比嘅滑板車，之後過Megabox，先去Ikea食野，呀B食食下訓左。食完行AeonToyrusIkea後返去。上天晉到夜晚食埋飯返。

10. 繼續放假攰過返工嘅日子。點算。

完

四月十一日 -- 返三日又weekend之有d想OT

7/4(三) -- 收工返去夜晚C煮。

8/4(四) -- C媽來左TKO。收工返去，同佢去坑口拿電話，佢再買外賣返來我家食。我地夜晚就C煮左。

9/4(五) -- 收工去C娘家食飯。

1. 進撃的巨人完結。自己都算係早期開始追。其實咁多人話爛唔爛尾，有時好多野好難諗好難寫好難控制嘅。

2. 約好左個客諗住攪掂埋去點知佢放飛機，星期一再戰...

3. 緊要關頭上case上面不斷係無謂嘅野度撩來撩去...

10/4(六) -- 下午去天晉食飯，同呀B去左遊樂場玩，夜晚食埋飯返。

11/4(日) -- 一早8點出門口，8半到坑口meet馬一家，一齊行去銀線灣。呀B好叻成條上斜樓梯自己行晒行到去沙灘度。玩到11點幾走，一齊返坑口食Pizza再散。返屋企執下野再同B出去(佢訓著)，買完野我拎返企佢地上天晉，我就啱好呀媽搵我，我同媽買完野再上天晉。同呀B落左遊樂場玩一陣。食埋晚飯返企。

4. 好攰，攰到傻。 

完

四月六日 -- 五日長假

29/3(一) -- 收工返企夜晚C煮。

30/3(二) -- 補假一天。上午睇左跌打。下午同C&B去中環摩天輪，4點零走。之後返TKO食Outback。

1. 呀B唔怕高，係摩天輪上面唔使痴住我地都可以趴係玻璃邊望下面。旋轉木馬佢就似乎無乜感覺。

31/3(三) -- 收工返去夜晚C煮。食完飯之後去左睇跌打。

2. 好耐無試過/機會連睇2次跌打。

1/4(四) -- 收工返去買外賣。

2/4(五) -- 復活節假第一日。hea左日，上午去Donki，之後上天晉，夜晚食埋飯走。

3. 台鐵單嘢真係好得人驚好慘好震撼好心up，希望多d人無事...

4. 睇咗杜汶澤搵Mandy做嘉賓嘅片。有2樣嘢非常之認同。

2.1 經過過好介意人哋點睇之後變成嘅唔介意，先係真正嘅睇得開唔介意。呢樣嘢自己一直由以前都學習緊，亦都其實自己一直都唔係好介意人哋點睇/明唔明白我嘅😆而家更加係連解釋都費事。呢方面好認同佢哋。

2.2 我行我素/自我/真唔等於無禮貌。呢個更加認同。絕對係修養嘅分別。

3/4(六) -- 中午食完飯入馬鞍山阿Sam新居。第一次係鑽石山轉馬鐵，都好方便。叫咗外賣生蠔同刺身，好正又抵食。食完我哋早d走先。

5. 呀B第一次同貓貓玩，當然係完全唔驚...

4/4(日) -- 清明+復活+兒童節。朝早上阿哥度，中午買外賣上天晉。夜晚食埋飯返企。

5/4(一) -- 早上同中同去維園打波！好耐無打！超開心！大家輕鬆打都無話打得好唔好，叫係入到波入到三分贏到波咁。之後買外賣返企。下午入康城勇同Trista屋企，夜晚打邊爐。9點島走。

6. 一開始悉悉有d生保，不過之後玩熟咗2個就好fnd，見到2個小朋友d互動覺得好得意好搞笑。

7. 不意外，夜晚開始冤。第日開始全身痠痛。

6/4(二) -- 一早同呀馬一家入西貢食brunch同行下，2點幾出返來。係坑口行左下一田，之後上天晉放低呀B，再落去買菜買d野上七座，再過返天晉。食埋晚飯走。

8. 人地放假叉電，我就放假用盡埋d後備電。攰死了。

完

三月二十八日 -- 六角星

22/3(一) -- 收工返企C煮。

1. 半夜又抽筋痛到痴線叫左，第二日keep住痛。

23/3(二) -- 收工返企C煮。

2. 隻因為同事整錯野而麻煩嘅case，好彩個客好而解決了。

24/3(三) -- 收工返企C煮。

25/3(四) -- 收工返企C煮。

3. C&B日頭去左海洋公園。

4. 呢個禮拜好似第二次10點幾就眼訓+攰到10點幾就熄燈訓。即係話除左返工放工做家務睇B之外就無任何其他野。雖然好想整下其他野，但真係無精神。

5. NBA trading deadline，好多trade。成隊Magic拆左 lol。幾隊強隊再補強...

26/3(五) -- Lunchtime要去荃灣見客，即刻約阿源食飯。之後同佢行去佢公司先走，兜一兜知源再搵van落土瓜灣。出完site早收工返去買外賣。

6. 阿源達成六角星單嘢真係好勁。

27/3(六) -- 中午買外賣上天晉食。跟住同B落街行咗個幾鐘都唔訓，返天晉夾佢上床都唔訓，搞到我都無訓，好攰。夜晚食飯B先斷電，比佢訓咗陣我哋食完飯先再比佢醒同食。之後返企。

7. 今日聽到阿媽講佢有個fnd嘅相識食鮑魚整甩假牙骾死單嘢好surprise。

28/3(日) -- 中午買外賣上天晉食，跟住我哋一家同嫲嫲入西貢行下。4點幾返到天晉。夜晚食埋飯返企。

8. 早2日先話病，點知今日就88咗了。RIP智叔。

9. 過完weekend攰過未過已成日常。

10. 聖誕節都過左3個月了，嘿。

完

三月二十一日 -- 凍薪

15/3(一) -- 收工返企夜晚C煮。

16/3(二) -- 收工返企夜晚C煮。

17/3(三) -- 收工返去買外賣。夜晚Zoom開蕃茄生日會。

1. 呢幾日返工好辛苦好攰又唔係好順利。

18/3(四) -- 收工返企夜晚C煮。

19/3(五) -- 收工去寶林買外賣。

2. 一個高層咁講嘢，真係好唔掂。

20/3(六) -- 上午睇咗阿B一朝。中午買外賣上天晉食。下午恰咗陣。夜晚食埋飯返企。

3. 失憶24小時不錯說。

4. 返咗一個禮拜工，好攰。慣早醒，被發現，抄醒睇B。然後佢瞓咗成朝。

21/3(日) -- 太攰，朝早醒咗整完嘢一輪後再恰咗下。中午買外賣上天晉。下午講開Derek係MK佢幫我買咗玩具，然後係樓下交收。夜晚食埋飯走。

5. 中午好神奇。係街上時腦海突然彈咗Amanda佢哋一家出來。隔咗一陣真係撞到佢哋。好驚訝。

6. 最近攰到9點幾10點阿B瞓咗之後終於有自己時間嘅時候覺得好攰到無精神乜都做唔到跟住11點幾有時10點幾點就瞓咗。

完

三月十四日 -- FS後之攰

8/3(一) -- 收工返企夜晚C煮。

9/3(二) -- 出site早收返去睇跌打，之後買外賣返企食。

1. "懷念證明曾經的記憶無白廢"。

10/3(三) -- 放假; 早上同B去聯合復診, 竟然無乜人所以好快攪掂走得; 搭車落油塘係地鐵Meet呀媽，一齊去黃大仙拜個神。拜完中午島，呀媽返公司。我地返將軍澳食晏再返企沖涼休息。下午訓左個覺。夜晚C煮。

11/3(四) -- 收工返企文晚C煮。

12/3(五) -- 收工返去買外賣。

13/3(六) -- 終於捱到Weekend。之前果晚半夜B又喪喊，之後佢地訓左我訓唔到、朦朦朧朧到天光。8點幾起身，hea一陣就準備出去。去Donki行左陣竟然遇到呀馬say左個hi。之後呀媽來join一齊去左海邊行下，再去尚德買餸同外賣，上天晉食。我攰到恰左陣，呀B嘈住要去街，同佢落到平台佢就訓著左，返天晉hea。到呀B訓左個半鐘島醒後同呀媽一齊再落街買d野。夜晚返天晉食。

2. 有時d嘢一廂情願想分享或者給與其實係無意思。倒不如自己開心咗好過，唔好浪費。

14/3(日) -- 早上同呀B去左圖書館，佢都幾興奮好彩無大叫，不過係咁拿d書落來揭兩揭又拿第二本咁。之後去TKL果邊買野同買外賣，再上天晉食野。食完呀B訓著，我又恰左陣。醒晒之後呀媽睇住呀B，我同C去買餸同買野，之後拿返7座再返天晉，夜晚食埋飯走。

完

三月七日 -- 又 Freezing Survey

1/3(一) -- 收工返企夜晚C煮。

1. 唔啱食其實都係好事，食少d。已經好少運動，唯有減食。

2. 新manager來咗。暫時除咗第一句hello之後都無交流。

2/3(二) -- 收工返企夜晚C煮。

3. 估唔到Gary Tong突然走咗。

3/3(三) -- 收工返企夜晚C煮。

4/3(四) -- 收工返企夜晚C煮。

5/3(五) -- FS Day 1，做咗10隻，7點半收，好攰。夜晚腳痛。

4. 半夜腳痛到醒咗。

6/3(六) -- FS Day 2，6點半收。

5. 九龍城塞完上官塘繞道遇到3單嘢塞過咗之後仲繼續塞塞塞。

7/3(日) -- FS Day 3，4點8收。本來明明可以早d，d老細攪埋d無聊野...

6. 今次應該係第一次無refusal嘅100%，好難得~~

完

二月二十八日 -- 又完一新年+Resumption

22/2(一) -- 出site收工返企夜晚C煮。

23/2(二) -- 出site收工返企夜晚C煮。

1. 最近幾晚阿B瞓咗之後，花咗d時間執下d舊玩具。結果又掉咗幾袋爛殘舊嘅。

24/2(三) -- 出site收工返企夜晚C煮。

25/2(四) -- 收工返企夜晚C煮。

26/2(五) -- KC014 Resumption。收工去寶林買外賣返去。

2. 終於Resumption。希望清case順順利利。

27/2(六) -- 中午幫呀媽開門比人睇樓，之後買野上天晉食。下午hea同埋恰左陣，再同呀媽落去買餸。夜晚食埋飯返企。

3. 吳孟達傳死訊。RIP

4. 當年Kobe打嘅最後幾年輸波擺爛pick返來果堆新人，估唔到各自都有不錯嘅發展。Russell，Ingram，Randle各自做過All-Star；Clarkson，Nance Jr.，Kuzma，Ball哥都做到好稱職嘅Starter或者板凳暴徒。雖然，都不及換一個AD返來直接拿Champ...

28/2(日) -- 中午買飯上呀哥度食。之後去買野。呀B係街訓左50分鐘。買完野返企沖涼。夜晚C煮。

5. 好攰。佢有休息日，我無。

6. 盡力同埋做得好/做得快係2回事，但係無得講。

完

二月二十一日 -- C生日

16/2(二) -- 年初五，開工大吉。收工返企C煮。

1. 夜晚同中同Zoom咗2個幾鐘，幾開心。

17/2(三) -- 收工返企C煮。

18/2(四) -- 老婆生日快樂; 請左一日假，早上帶埋B去天晉，玩一陣到中午放低佢，我同C去附近食放題。之後返天晉呀B差不多訓，比佢訓著一齊係天晉hea到佢起身，之後去買野返企。夜晚唔肚餓無食飯。

19/2(五) -- 收工返企C煮。

2. 早上約咗Kenneth交收，中午約咗Karmen交收。見下朋友係開心嘅。

3. 夜晚用咗幾個鐘執咗下d舊模型。掉就唔係掉咗好多，不過整理同執位進度都不錯。

20/2(六) -- 早上同cb去咗Donki買嘢，之後買外賣返企食。娟同源隨後到。下午係企hea坐同傾計。差不多5點一齊落街，我去同哥陪媽收樓後join返佢哋，再買外賣返企食。夜晚阿B攰9點訓咗，佢哋hea到10點島走。

4. 雖然無玩d乜，齋坐，但同好友齋hea齋吹水已經好開心。

5. 本來Edf都想來Sanny都話來，不過edf最後都唔來Sanny是日胃痛+肚痾來唔到。

21/2(日) -- B11點零訓咗，起身先去九座，我買外賣上去。之後同媽一齊去街市買嘢再上天晉。夜晚食埋飯走。

6. 夜晚又用咗幾個鐘執玩具。

完

二月十五日 -- 農曆新年

8/2(一) -- WFH；早上出去Donki同海邊行一陣，再係將中食日本嘢再返企。下午B訓後我又訓一陣，夜晚Dalbino。

9/2(二) -- 收工返將軍澳同阿媽順利行街市返；夜晚C煮。

1. 年廿八，夜晚洗咗下廁所，抹下廚房。

10/2(三) -- 收工返企C煮。

2. 公司突發單麻煩嘢真係好痴線，浪費咗大半日，搞到遲返企，仲要再加落雨塞車...(第二日發現自己唔記得拿智能櫃嘢添)

11/2(四) -- 年三十晚；公司早收3點，同Raymond強打咗陣機先返。夜晚去天晉食團年飯。

3. 單麻煩野總算攪掂，浪費我時間。

12/2(五) -- 年初一。呀哥新曆生日。早上就過天晉。食完晏頂唔住訓咗陣。之後同B落去行咗個圈買咗個tea返天晉。夜晚食飯同阿哥慶祝埋生日後返企。

13/2(六) -- 年初二。B食完晏就過娘家，結果佢只係路上恰咗一陣。夜晚食完飯舅父車我哋返。

4. 連續2日係長老屋企砌模型砌咗2隻。

5. 係車因為前面dc9突然dub停chok到少少條腰。

14/2(日) -- 初三赤口情人節。日頭係企hea同恰咗陣，5點出門入康城同Connie夫婦Nat夫婦去Penny新居housewarming同慶祝我生日。之後大家一齊行返將軍澳。

6. 多謝一班好友同我慶生，今年除左屋企食蛋糕就無其他慶祝活動。FB關左個info同留言就更加好少人記得。另外，個蛋糕好勁好surprise好正。

7. 夜晚發夢係街場打波打全場，感覺好開心。好想打波呀~

8. 打咗二十幾年嘅初三赤口賀歲波斷纜。

15/2(一) -- 年初四；新年假最後一日。係企hea到下午，B唔肯訓，出去買d嘢後上天晉(佢恰左半個鐘島only)。夜晚食埋飯返。

完

二月七日 -- 農曆生日

1/2(一) -- WFH；下午同CB去寶林拿嘢食嘢同行下，之後行返去尚德再買d嘢返企。夜晚我煮。

2/2(二) -- 收工返企夜晚C煮。

1. B夜晚早訓本來想執嘢，點知太攰自己都10點訓咗。

3/2(三) -- WFH；上午睇跌打，太耐無睇，超緊，扭唔晒；下午去咗彩明買嘢，B訓咗所以食個tea返企。夜晚我煮。

4/2(四) -- 收工返去C煮，之後再去睇跌打。

5/2(五) -- 收工去C娘家提早食團年飯同婆婆慶生。

6/2(六) -- 農曆生日。下午過天晉，食完嘢太攰想抖，B叫要去街，點知搞一輪一出門口lift都未搭佢就訓著咗。即返去大家都訓咗一下。4點幾醒，再落街買嘢再返天晉，夜晚食飯。

7/2(日) -- 中午買野上天晉食，跟住同呀爸切蛋糕慶生(農曆)。(呀哥夜晚去娘家團年)。下午係天晉hea，B又一落街就訓著。夜晚食埋飯返企。

完

一月三十一日 -- 4字頭

25/1(一) -- 收工返企，C準備咗嘢，我煮。

1. B好似越來越似情緒有問題咁... ...我都頂唔到。

26/1(二) -- 收工返去買外賣。

2. 拍拖紀念日。

3. 夜晚狂發夢又係d走來走去一係就好緊張果d夢，起身好攰。

27/1(三) -- WFH; 下午同CB去寶林行下，B係地鐵已訓，去到食左個安樂lunch，C送左銀包比我; 之後行去坑口，C配左眼鏡，再買外賣返企食。

4. 半夜B爆喊; 我醒左。佢訓返之後，我成晚訓下醒下到天光。超攰超眼訓。

28/1(四) -- 收工返去買外賣好似(唔記得)。

29/1(五) -- WFH; 下午同CB去左Donki同海邊，食埋野再係商場行左圈先返企。夜晚C煮。

5. 夜晚勁攰勁眼訓，10點就訓左。

30/1(六) -- 生日; 早上本來想早d出去天晉，但B發癲成朝唔肯換衫; 下午先出到去買野食上天晉; 攰到又恰左下。夜晚食埋飯返企。

6. 4字頭了。

31/1(日) -- 早上出去街市超市買野(Sanny來左TKO同呀B見左佢一下), 之後買野食上呀哥度, 食完hea多陣返企。夜晚Edf同老公上來拿BB野，買外賣一齊食埋先散。

7. 是日坐落地下輕輕地dun左一下，加上本來未好，再加上搬下野，腰背痛。

完

一月二十四日 -- 再戰鄧志昂

18/1(一) -- 請假一天; 一早5點幾起身出門6點前係官塘上車去TM幫手; 2點係荃灣簽完字影完相再食野先散，跟車到SSP再搭巴士返企。夜晚C煮。

1. 係街市被騙買左發霉士多啤梨。太攰。

19/1(二) -- 收工返企夜晚C煮。

2. 連續2晚早d訓都覺得補唔返咁，好睏。

20/1(三) -- 收工返企夜晚C煮。

3. 同Nat食lunch。借左2本書比我。

21/1(四) -- 收工去坑口拿嘢，夜晚C煮。

4. 半夜小腿抽筋勁痛。

22/1(五) -- WFH；下午同B去灣仔睇皮膚科，醫院有關衛生果科停咗，所以唔多人，亦都感覺安心d。睇完上娘家，夜晚食埋飯返企。

5. 今日難得去灣仔，去咗鉅利買咗生抽老抽同義記蠔油。

23/1(六) -- 上午去左呀哥度，執左堆衫仔同買外賣係果邊食lunch; 下午去天晉，夜晚食埋飯走。

6. 攰到係呀哥度食完飯恰左下，係天晉又恰。

7. 半夜醒，勁辛苦頂住。去個廁所，跟住頂唔住嘔，但嘔唔到野出來。之後返房

24/1(日) -- 中午落街買外賣上天晉食; 之後呀B攪極都唔訓，勁喊勁叫。最終帶埋佢落去街市超市etc買野，仲諗住佢係車會訓，點知完全唔訓。之後返天晉夜晚食埋飯走。

8. 呀B超鍾意個煮飯仔。

完

一月十七日 -- 突然醒起

11/1(一) -- 本來WFH，不過自己返公司，低過10度都起身返真係佩服自己。收工返企C煮。

12/1(二) -- 收工同Penny飲杯嘢，surprise Connie都來join。之後返企夜晚c煮。

1。難得同好友可以輕鬆坐一陣，很開心。

2. 今日佢地提起我生日，我先意識到我就來生日。今年真係完全無為意...(後按: 原來就來奔4......)

13/1(三) -- WFH；早上一家落街買嘢，係街食埋中午飯。夜晚c煮。

3. 尋日係公司同今日係街同c都被靜電啪咗幾嘢。

14/1(四) -- 收工返去夜晚c煮。

4. 本來lunch約咗Nat，不過佢臨時唔得。

15/1(五) -- WFH；下午同cb落街買嘢同行下海邊，夜晚食係Donki買嘅嘢。

16/1(六) -- 中午同呀哥買外賣上天晉食; 之後放低B，同C去坑口拿野同行一陣再返天晉，夜晚食埋飯返。

17/1(日) -- 中午買外賣上天晉食; 之後放低B，同C去附近買野同行一陣再返天晉，夜晚食埋飯返。

5. Harden個surprise trade完，今日第一場係Nets打竟然triple double兼贏波...不如Nets將K榮換埋Westbrook啦 xDD

6. 繼續希望resumption再postpone~~

完

一月十日 -- 天氣寒冷

4/1(一) -- WFH; 下午一家去左附近Donki街市超市藥房買野; 夜晚C煮。

1. 夜晚B食完野到我地要食時，太攰頂唔住去訓左個鐘，再起身食野同做埋d家務。

5/1(二) -- 收工返企夜晚C煮。

6/1(三) -- (自己返公司); 收工返企夜晚C煮。

7/1(四) -- 收工返企夜晚C煮。

2. 之前果晚都未12點訓，呢晚直頭做完家務後未10點就訓，太攰太眼訓。都無精神做下自己嘢。

8/1(五) -- WFH；全日係企hea，乜都無搞。夜晚出去買外賣。

9/1(六) -- 又凍又唔想郁係企hea一日，差不多6點先過天晉夜晚食飯。

10/1(日) -- 中午B食完野上呀哥度hea，我同媽買外賣上去一齊食; hea左一輪我同媽去街市買野再上天晉。夜晚係天晉食飯。

3. 天氣凍又係屋企嘅時間動力真係好低，唔想郁乜都唔想做...

4. 好想唱K同打波...

完

[無責任+非專業叱吒頒獎禮表現評]

 [無責任+非專業叱吒頒獎禮表現評]

(將會又係一路諗一路打，唔好捉我文口唔通順同捉錯字了，應該會打唔少字我唔會proof read了)

話說在頭，一向好鍾意聽歌，更鍾意聽Live。所以逢係歌唱節目尤其有live嘅都會想睇。而每年嘅樂壇頒獎禮更加係會儘量搵機會睇晒。(雖然我對音樂舊無深嘅認識)

一直都唔想成為以前後生果時見到嘅“老屎忽”。永遠沉醉係以前嘅世界，永遠覺得自己行開果套行之有效就唔接受改變，永遠覺得自己果套係啱。其實世界一直係度變，而且因為資訊流通得太快所以變得好快。本來都想講下呢幾年新人新歌，不過離題了，都係講返叱吒。

話說直播果日睇唔晒，不過呢2日上youtube搵返晒d表演片段來睇(official有upload)，所以真係好想講幾句。

首先要講一堆前設先。

現今樂壇，唱功水平一定係差過以前，唔使多討論嘅，跟本當年果堆經驗值同面對嘅環境都唔同。而且而家市場唔同左需求亦唔同左，面對住國際化嘅社會加上本土咁細嘅市場，青黃不接同萎縮係正常不過。不過一句就話未聽過/香港樂壇已死…etc果d可以唔使睇落去，無咩好同你地講。其實經過好多年比“純偶像派”洗禮左之後，近年已經多返好多唔錯嘅音樂人同歌手，亦都見到唔少好有heart嘅歌手，我覺得應該支持下本地嘅音樂嘅。不過以下評論之中講嘅“唱功好壞”，真係唔好同舊年代果d比較，我全部都用返而家average來講(當然最起碼都唔好走音無氣啦)。

另外呢，我發覺而家好多人聽歌原來係唔識分live唔live。最基本應該都知CD版係執過晒d聲掛? 其實even大家睇concert果d碟，或者電視上嘅唔係live嘅歌唱節目，唔多唔少都後期執過，同埋即使現場有tune都唔出奇。但係好多人好似耳仔被縱壞…類似叱吒呢d真係即場live仲要無乜和音無tune無遮無掩嘅演出，好多人就現形炒晒車。係網上見到好多人講excuse話佢地無ear mon無盛，其實無意思嘅。同場比較，點解有d歌手完全無事無問題仲唱得好好? 今次真係可以聽得出實力分野。

以下講返叱吒入面歌手嘅表現(有部份我聽過其他live，不過今次主打講叱吒入面嘅表現)

(排名不分先後)

莫文蔚 – 網上竟然都有彈。其實“呼吸有害”唔易唱，佢handle得好好，明顯有練過。因為無練過有d位係會好易上錯/轉錯聲嘅。更加值得一提嘅係佢表演果段Medley，畢竟係前輩級，不論係唱定台風都表現得好淡定大方，重新編曲加上連接各年嘅金曲都做得好流暢(呢個唔關佢事嘅)，我自己尤其鍾意尾二果首 “我們都是這樣長大的”，佢唱得好正喎。唯一我覺得唔好嘅，係佢把聲有老態，唔係咁“悅耳”了。不過佢一直唔係sell巨肺型，要唱晒十幾分鐘前、後輩嘅歌+有高有低音+記晒歌詞，以佢而家地位(算係咁啦)真係好俾面好有心了。

Per Se (featuring樹妮妮) – 我覺得Per Se嘅音樂幾特別(sorry我無乜音樂造詣，只係識講特別)，一開場2人演奏果段音頭都幾正，但係唱呢，就不敢恭維了(唔多講了)。Serrini近年都多人吹奏，我覺得“唔靚+sell唱功”唔代表唱功真係好勁，雖然佢唔係唱得差，不過我唔係覺得好好。暫時只係覺得佢d歌係幾有趣，走另類路線係得意嘅。

JUDE – 呢個一向都係知唔唱得的了。“零分”係好易上口好易入腦嘅歌，亦都因此傳唱度同cover數量都好高，而且幾乎翻唱嘅人都好過原唱… 當晚佢仲好明顯騰騰震勁緊張，全首歌都唱都唔穩…好大鑊…唱完見佢都知奶野。不過歌曲獎，主要係比首歌嘅…(不如都係比連詩雅唱啦)

陳廣偉 – 網上好多人鬧佢炒車。又有人護航，話佢學緊唱歌同埋轉緊唱腔。佢唱之前亦講左佢湊女辛苦亦都未開聲。好啦。我聽完覺得，佢走果粒音係炒得勁左，咁當然專業歌手真係唔好走音嘅。如果真係有眾多原因，一次半次我覺得可以接受。不過重點係，除左果幾粒音，佢全首歌其他位都好穩d聲好靚，屌打當晚好多歌手喎，咁又點計呢? 我偏向認為佢只係一時炒車only。雖然佢有少少李克勤2.0，唱歌sell技巧多過感情，但係我仍然比佢算高分嘅。

關智斌 – 今次sell佢出道17年第一次拿歌曲獎喎。Well，聽CD版首歌係不錯嘅，Live呢，炒到七彩，算吧啦。唱左17年都係咁就算啦，繼續sell你個樣啦。

馮允謙 – 之前一直對佢無感，係上年開始有聽多左佢d歌同埋有睇過佢演出，覺得原來都唔差喎。當晚演出，係眾多歌手炒車情況下，佢反而算係幾穩定，始終都唱左好幾年儲到d經驗值。前段好似未太入局，到第一次chorus之後開始穩定左落來就一直都不錯了。個人來講對佢評價有提升。

許廷鏗 – 果2屆嘅巨聲幫質素係較高，始終都係過五關斬六將出來，加上跳出comfort zone轉公司之後又有新衝擊，個人認為佢呢2年表現更加成熟。係當晚咁多表現嘅歌手，佢算係top果幾個了。有網上討論話其他歌手炒車因為音響問題因為無ear mon乜乜乜，不如睇下佢唱，再問下點解有d歌手(好似佢咁)係同一setting又無炒車?

MIRROR – 新一代歌手，雖然新(其實都出左道2年)，不過我覺得佢地經歷同表演機會算多，本身有潛力又勤力嘅話，其實係好有前景嘅。“IGNITED”都係走返典型近年男團路線，跳唱+rap，成隊跌舞練得好熟，邊唱邊跳無大問題，rap都無走算係清清楚楚，我覺得成場表演OK喎~ 好完滿又炒熱到氣氛嘅演出。千祈唔好話新一代不如一代丫~~

Dear Jane – 穩穩陣陣，Tim唱歌一直唔算係好top，以前仲有少少甩，近2年已經穩定左好多(雖然Howie寫比佢d歌一直都唔難唱)。Tim有佬味算係顏值擔當又唱得算OK+樂隊重心Howie有料+公司幫佢地包裝同拍MV拍得好，所以成功都非僥倖嘅。

柳應廷 – MIRROR其中一員。現場表現我覺得不過不失啦(穩定度有待改善)。MIRROR成班其實都算唔錯了，又後生又新，有前途。

姜B – 老實講，我呢個年紀嘅大叔，欣賞嘅男性外型都會係man果款，唇紅齒白類呢就唔係我杯茶了。不過靚唔靚仔從來好主觀，亦都跟當時大眾口味，的確而家好多妹妹仔或者呀姨就係鍾意佢呢type喎。講返佢表現，其實佢係表現得好唔錯嘅。以佢出道唔算長時間又咁年輕，雖然上台果時好似呆呆咁，又蝦碌攪笑，但係一唱歌就入晒局，睇得出佢身體語言都投入左係演出度。唱來講呢已經算係咁啦，穩穩陣陣唱晒成首歌無甩轆，對比其他人已經算係唔錯。講真，一個人紅可能有玩gimmick，但係好似佢咁紅就一定佢過人之處同原因嘅。

AGA – 如果以拿女獎嘅standard來講，佢真係唔合格。唱到吊吊下，又無氣，真心覺得佢Live唔掂。其實我一直對某堆歌手都有一個category係“Cam前唱cover唱得好好嘅歌手”。有好多而家所謂歌手，係studio/facebook/IG Live/Busking果類唱就好聽，但上呢d大台真係好唔同，唔得果d就會現形…AGA來講佢寫歌都不錯，可唱可作，不過唱就真係要再努力下了…講真，個人覺得唱來講Gin Lee高佢唔止一班。

二汶 – 呢個唔多講啦，好耐之前已經話佢係被低估嘅歌手，本身把聲好聽又有唱功嘅。雖然當晚表現只算係佢嘅平平。

RB – 又係果句，網上講其他歌因為音響呀Ear Mon呀有問題果d，睇下RB呀6號唱，你就會分別到咩叫唱得咩叫唔唱得。其實同場比較，真係無得避無得賴嘅。又要講多次，當年果期一堆band，我一來最鍾意就已經係RB了。無令我失望呀~~

好眼訓，主觀感覺，係咁多。

完

一月三日 -- 寧靜新年

28/12(一) -- 收工返企c煮。

29/12(二) -- 清假不過係屋企都照做嘢。下午c出去買嘢，夜晚我煮。

30/12(三) -- 收工返去買外賣？(唔記得)

31/12(四) -- 天氣寒冷。本來WFH，不過返工。下午早放3點，返去買嘢夜晚bino。

1/1(五) -- 新年。hea大半日，下午過天晉夜晚食飯。

2/1(六) -- 一早10點零帶B過去天晉放低，再去樓下同馬夫婦食早餐。之後返天晉，B食完晏訓咗後，2人去附近同坑口買嘢拿嘢。最後返天晉，夜晚食飯。

3/1(日) -- 上午C訓我睇B, 中午B食野時我訓左, 佢食完叫左一陣一齊去天晉, 中間遇到呀哥; 買左tea上去食, 食完我同哥落附近行下買野; 夜晚天晉食。 

完

十二月二十七日 -- 寧靜聖誕

21/12(一) -- 終於返工！不過過有2單嘢出site...結果幾乎都係街...冬至3點早收工，返去沖個涼再去天晉食飯。

22/12(二) -- 收工買外賣返去食。之後落咗去睇跌打。

1. 終於睇到跌打！醫師一望就問我係咪拖咗好耐...好腫，最尾擰腰要2嘢先擰到...

2. 今日見到朋友陸續收到卡。總算安慰聖誕前搞得掂。雖然唔係寄咗好多張，不過都花咗幾晚少有嘅可用時間去搞啊~

23/12(三) -- 早上C去買嘢，下午我睇跌打，之後買餸，夜晚我煮。

3. NBA開鑼！

24/12(四) -- 平安夜; 本來wfh，不過自己返咗公司。3點早收去官塘拿嘢，同Penny食d嘢，仲meet埋ConnieLoLo再返企。夜晚買外賣。

4. 上咗ConnieLoLo staycation酒店度一下。多謝佢哋幫買雜誌。

5. 難得係官塘梗係去駿運士多買燒賣返去。

6. 平安夜好平靜咁係屋企咁過。

25/12(五) -- 聖誕節。係屋企訓咗大半日，夜晚去天晉食飯。

26/12(六) -- 係屋企hea同訓左大半日，夜晚去天晉食飯。

27/12(日) -- 係屋企hea大半日，下午5點島呀媽上左來，之後同佢一齊落去買野，我再買外賣返企。

7. 今年收到一張聖誕卡，無禮物，無party。疫情影響左我地成年，仲影響埋節日。希望下年快d好轉...

8. One Piece 1000話了! 不過近期感覺真係好拖...雖然知道作者想講好多野想鋪好多野，但個節奏真係唔多得..

完

十二月二十日 -- WFH14Days

14/12(一) --  WFH(其實係AL); 係企hea左大半日，下午C訓完起身我落街2轉買野(第一轉同呀媽)。夜晚我煮。

1. 本來今日同B去打歲半針，仲請埋明後天預佢可能發燒，點知早2日健康院打來話有員工嘅家人中招，所以打針要延期...假已請又要清，所以都無cancel了...來緊年尾打...希望新年佢無打針作用啦...

15/12(二) -- WFH(a.m. AL); 全日在家; 夜晚C煮。

16/12(三) -- WFH(AL); 係企hea大半日，下午出去買野，夜晚打邊爐。

2. 李偲嫣無啦啦死左，有d突然同surprise。

17/12(四) -- WFH; 下午同阿媽去咗附近行下，係Donki買咗一堆嘢食返去做晚餐。

18/12(五) --  Karmen來左將軍澳比d野我，多謝~~ 下午去娘家食飯，提早做冬。

19/12(六) -- 下午去天晉，提早做冬。

3. 係天晉爺爺嫲嫲同B玩，我同C可以做下自己嘢 XD

4. 是晚上埋色又砌好一隻BB。

20/12(日) -- 中午出去拿呀馬比聖誕禮物比呀B，順便買埋lunch返去; 之後再出去同呀媽行一陣同買野，再上天晉拿魚湯; 夜晚我煮。

5. 今年因為無見到幾多朋友，更想寄聖誕卡比朋友。點知無啦啦 WFH 14日，基本上我無機會去做呢件事。最終抽到時間攪，點知一波三折其中一d卡係無信封...諗住寄左有果d算(本來都係寫左最想寄果幾張先)，最終今日出去專登買左信封返來夜晚寫埋，明天截郵前寄得切。好耐無拿筆，而且十幾廿張，又要等呀B訓先有得攪，累死了。

6. 真係完全無機會去買咩聖誕禮物了...

7. 唔覺唔覺NBA過多幾日又開季了~~

完

十二月十三日 -- 歲半

7/12(一) -- 14日WFH Day 1; 下午C出去買野，夜晚C煮。

8/12(二) -- WFH; 下午我出去買野，夜晚打邊爐。

9/12(三) -- WFH; 下午一齊出去買野，之後上天晉，夜晚食飯。

10/12(四) -- WFH; 全日在家; 夜晚C煮。

1. 而家好似恆常佢呀媽朝早訓覺我睇B。

11/12(五) -- 係企hea咗大半日，5點島落街，阿媽來一齊去咗坑口一轉，拿嘢同買飯。

2. 電鋸人終於完。跟住會有第二部 xD

3. 發現新漫畫 -- 葬送的芙莉蓮。不錯，又係我鍾意果種好溫暖有人情味嘅故事。

12/12(六) -- 係企hea半日，下午晏d(夜晚早d？)去天晉，食飯返。

4. 好想去信和買漫畫，ssp買玩具。

13/12(日) -- 呀B歲半; 係企hea左一日; 夜晚我同C都有煮。

5. 原來一個人的旅行已經係十年前嘅事。

完

十二月六日 -- 七座有人碓診

30/11(一) -- 收工返去C煮。

1. 今日個麻煩客打來，HA已經比埋intake letter佢，佢無啦啦話唔要，又來想無理要求，真係好痴線! 心中不禁狂用粗口咒罵佢全家!

1/12(二) -- 請假一天; 早上同CB去瑪麗覆診，都等左一個鐘; 睇完返去都中午，係街食埋野再買餸返企，呀B又訓左，比佢挨係我身差不多成個鐘我無得郁...夜晚打邊爐。

2. 皮膚科醫生話做Laser無用...剩返二個手術一個大家都覺得唔好，另一個就要考慮下...我個人就想照做，屋企人各有意見...

2/12(三) -- 呀源生日快樂! 收工返坑口拿野，夜晚C煮。

3. 第四波疫情，限聚令又來料，公司又開始輪流WFH。

3/12(四) -- 早上係屋企開會; hea左半日，夜晚C煮。

4. 成個月無砌模型，今日終於開工砌左一隻。

5. 夜晚第一次我同呀B講故事，不過佢好快訓著左。

4/12(五) -- Lunch同喪強食飯。夜晚過坑口拿野同買埋外賣(我買樓下)。

6. 多謝呀強送我變型金剛! 請佢食餐晏都抵呀~~

5/12(六) -- 全日無咩特別又唔敢出街，下午早少少4點幾5點過天晉，夜晚食飯。

6/12(日) -- 全日在家無去街。夜晚C煮。

7. 今日終於揀左歌換手機入面mp3。

8. 夜晚突然確認我果座有人確診...即係要連續WFH 14日...我好想返公司清case呀...

完

十一月二十九日 -- 又爆疫

23/11(一) -- 收工返企c煮。

24/11(二) -- 放半日假。下午同CBEdfWahRita去tst食星座冰室，再去九公行下同1881影相後入TKO酒店食tea後散。夜晚買外賣。

1. 幾日就將鬼滅漫畫二刷完。真係唔算係神作，但亦絕唔係地底泥。個人覺得漫畫係above average嘅，畫功算係咁，分鏡唔算好，人物設計不錯，劇情其實幾簡單，不過夾夾埋埋睇得幾舒服，幾流暢。我覺得佢成功原因可能就係因為簡單，所以攸動畫果時唔需要再顧及其他野，將畫面整到好靚，d打鬥動作好睇，加上一流嘅配樂，已經齊備"動畫好睇嘅原因"。另外，之前睇漫畫果時係中段開始追，今次二刷由頭睇，只係二、三晚就睇完，証明劇情同對白真係好簡單可以睇得好快。第一次追果時覺得個尾好拖，而家再睇的確係有d拖，不過唔使追一次過睇個感覺都還好，算係好流暢咁完嘅。

25/11(三) -- 放假一天; 全日無做D乜，呀B又唔合作，下午出去街市同超市買野，5點去食燒肉。

2. 不停發夢，仲要發夢中夢，又有不停四圍走嘅夢，同埋死咗之後嘅夢。

26/11(四) -- 收工返企C煮。

3. 延續返早幾個月睇左一半，二刷完Fable(寓言殺手)，仍然覺得好睇。

27/11(五) -- 收工返去買外賣。

4. 一晚睇完Milk果本Gundam特刊。有介紹有專訪有畫作有成品，睇得出好有心機搜集資料同編排。好值得買一本。 

5. 呢幾日疫情開始嚴重...

28/11(六) -- 係屋企hea大半日。呀B又唔係好合作唔多肯訓，又到食晏先訓。結果佢呀媽訓佢食野我又訓咁樣攪攪下，下午好晏先落街買野，之後上天晉食飯。

29/11(日) -- 又係屋企hea大半日。我又係下午訓左一覺，呢排真係好攰。又係好晏先落街買野，上天晉拿d野，夜晚返企自己煮。

完

十一月二十二日 -- 第一次沙灘

16/11(一) -- 收工返企c煮。

17/11(二) -- 收工返去買外賣。之後整完嘢仲早，去睇咗跌打，條腰舒服好多。

18/11(三) -- 收工返去買外賣。

19/11(四) -- 放假一天。C早上去複診，中午返。下午去咗將軍澳間Donki，買咗嘢食。夜晚係企食。

1. Donki -- 閒日返工時間唔使排隊入去，d巷窄+都有一定人數，所以唔係好好行(即使無BB車)。

20/11(五) -- 收工返去買外賣。

21/11(六) -- 好攰，全日hea下hea下，阿B又食食下晏訓，搞到我又訓，結果搞搞下無去街。下午係附近行個圈買嘢後就上天晉，夜晚食飯。

22/11(日) -- 下午叫埋媽一齊行去銀綫灣。無帶BB車去，好彩阿B都肯自己行下，唔使全程抱。係果度hea一陣走，返坑口食個tea返將軍澳。夜晚我煮。

2. 呀B第一次去沙灘。行就無乜問題，叫佢掂下d沙好似有少少障礙。抱佢出去水嘅位佢驚驚。

3. 自己一直諗緊嘅劇情一直去緊嘅長篇故仔去到其中一個高潮位。一直都好認同之前睇過唔少作家話，只要設定好人物，好多劇情就會好自然咁走。而劇情自然地走，又會好順利咁更加突顯左人物性格，仲會補完好多之前無諗嘅設定。個感覺真係正。

完

十一月十五日 -- 無事是好事

9/11(一) -- 收工返企c煮。

10/11(二) -- 下午放假，同Cyrus行ssp玩具舖，大約4點散。之後落灣仔睇埋太原街上娘家夜晚食飯。

1. 天氣漸涼，褸魔終於出動外套。件新外套第一次著了。

11/11(三) -- 清假一天; 下午出去，先去坑口拿野再食d野，再去北角匯影個紫色花(無book只係外面影)同埋影貓貓展覽(遇到呀珊)。之後去呀媽公司坐左一陣，5點半島走。去調景嶺買野買埋外賣再返企。

2. 成季無著嘅牛仔褲都出動了，仲順便著埋新鞋。

12/11(四) -- 收工返企C煮。

3. 今日個麻煩客竟然send message來多謝我同埋話我做得好好。

13/11(五) -- 收工返去買外賣。

4. 今日打機打完第一次個分第一，高過長期高居榜首嘅呀強~~

5. 呀B連續2晚臨訓發癲狂喊做乜都唔得，好得人驚。

14/11(六) -- 呀馬突發約食lunch。中午2家一齊係將中食飯，再行少少商場散。之後買d野返企同執野後上天晉，夜晚係天晉食飯。

15/11(日) -- 下午入西貢呀C細佬屋企睇狗狗。夜晚返企我煮。

完

十一月八日 -- 五周年

 2/11(一) -- 收工返企c煮。

1. 今日2個突發消息 -- 羊生resign(入政府)，同埋Edf大肚。

3/11(二) -- 收工搭到寶林買外賣返去。

2. lunchtime公司活動整個浮游花筆有d流流哋。

4/11(三) -- 之前星期日FS補假一天。同cb去megabox食Ikea同行咗ToyRus同Aeon。Meet咗一下阿娟同還嘢比佢。夜晚返去c煮。

3. 呀B行玩具反斗城，見到動物/公仔會自己行埋去摸下玩下，見到車就自動飛左直行直過。我地從來無教過乜都比佢玩，睇來男仔同女仔都係天生有分別嘅。

5/11(四) -- 日安生日快樂；收工返企c煮。

4. 2年。

6/11(五) -- 收工返去買外賣。

7/11(六) -- 中午去阿媽公司食外賣，等阿媽收工後一齊去動植物公園同香港公園行下。夜晚上天晉食飯。

5. 香港歷來最熱立冬，30.2度。

8/11(日) -- 中午阿馬佢哋一家話去咗單車公園，我哋下午ad hoc join佢哋，係草地坐同玩，4點半散。之後帶阿B去天晉擺低，我同c去咗食Outback，叫係慶祝結婚5周年。食完買d嘢再買個蛋糕上去一齊食先返企。

6. 結婚5周年了，時間過得好快，尤其有B之後。

7. 第一次擺低阿B我哋自己去食飯。阿B好乖無叫無搵我哋。睇來可以繼續嘗試下。試多2次OK就可以去d任食嘅了。

完

十一月一日 -- 不停放假很疲累

27/10(二) -- Rita帶B+Edith下午來我家; Rita個B好少出街同見人，所以好生外又怕醜，唔太多互動。係屋企hea左一陣就出去單車公園野餐，食完野hea一陣就返企。我同Edith去買外賣同蛋糕，返去BB們食完野再食蛋糕，8點幾散。

28/10(三) -- 約左ConnieLoLoPenny出去，本來去野餐，不過落雨，轉左去K11 Musea食野同睇展品，之後再去香港藝術館睇展覽。最後夜晚食埋CheeseCake Factory之後走。慶祝Connie生日。

29/10(四) -- 晏返企夜晚C煮。

1. PMKGGYMT

2. 睇左套漫畫"小太郎一個人生活"。好啱我胃口，講人情味親情同埋與人相處。超級中我淚點，睇到心up但又有時好溫暖。仲係搭地鐵時睇到喊。

30/10(五) -- 收工返去買外賣。試咗parkside foodcourt，普通啦。

31/10(六) -- 突發入得西貢睇狗仔，阿B食完晏入去，睇到4點幾走。夜晚去天晉食飯。

3. 阿B第一次近距離見到同埋同狗狗互動，完全唔驚。仲好開心。

4. 2年無去西貢，5隻狗已經剩返2隻...

1/11(日) -- 一早起身去常寧公園同阿馬打波，之後去寶林買嘢食返去。中午好攰瞓咗，3點幾先出去，係附近買日用品買餸買飲品。夜晚C煮。

5. 好耐好耐無鬥波，雖然係同阿伯打，不過生疏+身體狀態好差，所以連阿伯都嫌我 xD。頭幾場一球波都射唔入(得籃底)。最後一場終於打返好d，d射波幾乎入晒。不過有得打波係開心嘅。

6. 最近沖涼時唱歌，驚覺差左好多。Joey Tang嘅假音上唔到，Mad About U上唔到，好多位上得唔舒服，用氣唔識用...etc，慘。 

完

十月二十七日 -- 七日連假(上)

19/10(一) -- 收工返去C煮。

20/10(二) -- 收工返企C煮。

1. 太眼訓，夜晚食完飯訓著左，到11點幾先起身執埋d野。

21/10(三) -- 收工返去買外賣。

22/10(四) -- 連放7日假第一天; 朝早10點出門一家去海洋公園; 本來約星期五不過怕打風所以改早一日; 去到都唔算好多人，入場等一陣同埋最後回程搭纜車等耐少少; 見到呀B都開心，主打睇動物，佢應該覺得好新奇嘅~~ 本來打算3,4點走，最終都差不多6點先走。好彩雖然係收工時間但係都逼到地鐵返去。將軍澳食完飯上左天晉再返企。本來約左之前影相佬拿相架，佢臨時話唔得。

2. 好攰好攰。
放連假 --> 搵日去洋海公園
星期五去洋海公園-->星期五可能打風-->改日子
其他日子-->星期六日公眾假期多人+其他日子有約
=改星期四
and，我之前星期五六日 -->不在考慮因素
完

23/10(五) -- 係企hea左大半日，中午攰到訓左; 下午4點先出去坑口拿野同行街，竟然遇到Connie。一齊行下一田後散，我地行多陣就返將軍澳，B訓著左我地6點島食埋野先返企。夜晚11點幾落樓拿相架。

24/10(六) -- hea咗大半日；阿B中午竟然訓咗2個鐘；4點島出門去坑口買d嘢再返將軍澳，再上天晉。夜晚係天晉食飯。

25/10(日) -- hea咗大半日，阿C做咗好多家務，我就睇住/抱住/捉住阿B。下午4點幾先出去，買d嘢就上天晉夜晚食飯。

26/10(一) -- 一朝早Penny突發約，10點幾佢帶個姪女來將軍澳(遇到Tommy神)，同B一齊去天晉clubhouse玩一陣，再去單車公園(Connie join)玩，到lunch一齊食埋嘢散。下午入康城搵Trista一家，係日出公園玩，跟住買外賣去佢哋家食，8點幾走。發現佢樓下搭van去坑口好方便。

完

十月十八日 -- 8號風球+FS

12/10(一) -- 收工返企c煮。

1。有新同事入我team; 妹妹仔一個，暫時睇都幾outgoing嘅，希望做野OK。

13/10(二) -- 原本打算夜晚返娘家食飯，結果全日8號風球泡湯。全日無落街，夜晚我煮。

2。公司單嘢(深喉樣本)其實我唔係好高興，不過解決咗，算了。

3。Beastars完結了。都幾突然，個尾好似完得有少少快，不過都算完整嘅。係一套值得推介嘅好漫畫。

14/10(三) -- 清假一日。一早起身去地鐵站比sample鵬鯉，之後上一上天晉，再買早餐返企。中午太攰訓咗一下，下午同cb出去食個tea，去調景嶺買嘢，比阿B係遊樂場玩咗一陣，再返將軍澳果邊買嘢後返企。夜晚我煮。

4。下午行完街臨返企係街企咗半個鐘，好攰...

5。原來煮得唔鞋叫無口感，笑咗。

15/10(四) -- 收工返去夜晚c煮。

16/10(五) -- FS；7點走得，夜晚同ConnieLoLo去咗晶輝食飯再返企。等個飯等咗好耐，之後搭巴士又塞車，最終落車係旺角搭地鐵返去。

6. 晶輝仍然好食呀~~~

17/10(六) -- FS；6半走得，返去買外賣。好眼訓。

7. 之前2日開始膝頭好痛，之前一晚臨訓係床自己按摩同捽左段時間，第二日好好多! 唔通真係久病成醫?

18/10(日) -- FS; 4點半走。唔記得食咩。

8. 因為太攰之前又忙，所以一直未post周記。本來見咁耐不如今次雙周，不過又好似已經好多，所以都係post埋。

完

十月十一日 -- 朋友仔

5/10(一) -- 公司whole day training悶到hi。夜晚返企c煮。

6/10(二) -- 收工返去我煮C準備左嘅野。

7/10(三) -- 收工去坑口拿嘢同買外賣返去。

8/10(四) -- 清假一天；中午同阿馬練咗2個半鐘波，超攰。返企沖個涼同cb出去食個tea，再搭鐵去康城睇下個新商場(無嘢睇)，之後行海邊返企。夜晚我煮。

1. 好耐無練波，真係無晒手感。不過練下有人提下，終於又記得返好多重點。不過都係要練多d先得。同埋，由於太攰加上下午繼續操勞，本來已經冤左好耐嘅腰開始痛。

9/10(五) -- 收工買外賣返企。之後趁有少少時間去左睇好耐無睇嘅跌打。睇完之後，之前腳一直有少少痺都無左, 不過個腰因為按丁d炎症發出來所以仲痛左(不過之後消左炎應該就會好d)。

10/10(六) -- 一早8點鐘出門去炮台山酒店睇C表妹被接新娘，11點島完之反大部份人散水，佢表妹爸媽、佢媽同我地就留係酒店hea; 下午我地3個去左城市花園同和富行左個圈; 6點零睇佢地簽紙(都幾多人)之後散水; 夜晚同C一家係水星街果間食飯，d野食仍然OK喎。

2. 是日超累，腰仍幾痛...

11/10(日) -- Parkside 8-10，今日真係輕鬆射下波，拿下感覺同埋adjust好射姿，所以條腰無再嚴重(亦好過尋日); 下午Trista勇帶埋佢地B女來我家，玩一陣熟絡左再落去單車公園玩; 到6點島盲買外賣上我家食同埋佢地玩多陣，8點半島散。

3. 呀B第一次同差不多年齡嘅小朋友互動同玩，一開始有D生保(不過呀B係自己屋企主場都幾主動)，之後熟少少可以一齊係同一個area玩下同有少少互動。到到夜晚已經見熟左，一齊玩得好開心，睇住佢地覺得好攪笑好開心，第一次見到呀B同人一齊玩。希望之後都多d機會可以繼續咁樣啦~~

4. 文晚好攰好眼訓，有一下整完野頭暈暈又好似有少少心跳咁, 有d辛苦。

完

十月四日 -- 連放五日假

 28/9(一) -- 收工返企夜晚C煮。

1. 估唔到熱火一路打上來入埋總決賽, JB係勁嘅, 領軍大佬精神領袖。

29/9(二) -- 收工返去買外賣。

30/9(三) -- 放假一天。早上同阿哥去荔枝角換Disney嘢，之後去SKM食貓貓車仔麵，再行咗圈ssp後返去。下午同CB去附近行下，上咗天晉一陣然後係街食個tea，夜晚買外賣返去。

2. 自問食嘢要求頗低，但今晚個飯真係難食...好撚難食。我連垃圾平價燒味飯都唔會話難食嘅...果個唔知乜牛免治牛甜蛋牛舌飯堅係...頂唔住。

3. 是晚黑雨。

1/10(四) -- 國慶放假一天+中秋; 朝早睇波; 中午出去同ConnieLoLoPenny同迷你仔食lunch, 之後去單車公園玩; 到3點幾暫時散, 我地去超市買d野返企, ConnieLoLo同Penny再上來我家吹水同打機(Penny買左聰嫂上來), 6點零散; 夜晚上天晉食飯。

2/10(五) -- 中秋節翌日假期；下午落街meet阿媽同阿哥，一齊行下海邊再兜返天晉，上去坐一陣。夜晚買外賣返去食。

3/10(六) -- 8-10 Parkside，好耐無打波！雖然限聚4人，射下波吹下水都好開心。之後阿澤陪我買早餐再一齊上我家，睇完場波後佢走。下午同cb去寶康公園玩，之後再去寶林行個圈食個tea返去。夜晚去天晉打邊爐。

4/10(日) -- 朝早果轉呀B訓得耐少少, 砌左個模型同youtube聽歌; 下午同CB出去公園行下再過坑口食左個tea之後返去TKO買d野; 夜晚C煮。

4. 放左5日假日日都出街, 攰死人了, 仲攰過返工。

5. 放假有去街有打波有聽歌有砌模型, 感覺都幾充實嘅。

6. 同C再三傾左下要放低下呀B嘅問題, 佢終讓步; 之後要搵機會放低下呀B係天晉度, 少少時間慢慢加都好丫。

完

九月二十七日 -- 終於轉歌list

1. 補返上星期, 5隻狗仔第3隻都走了...

21/9(一) -- 收工去坑口拿嘢同買外賣返企。

22/9(二) -- 下午放假，去行咗ssp(Edf同男友join行一陣)同灣仔，之後買蛋糕上娘家，夜晚食飯後呀B舅父車返我地返企。

2. SSP無嘢買，反而灣仔買到嘢 xD

23/9(三) -- 中午B食完野執埋野後, 呀哥過來再一齊出去陪我地去將中果邊入數交form再食tea, 之後再行下TKO返企。夜晚C煮。

24/9(四) -- 收工返企夜晚C煮。

3. 連續幾晚都因為太攰/太眼訓而乜都無做。今晚仲食完飯做完家務就恰咗下。好想轉下手機d歌。

25/9(五) -- 出site早收係土瓜灣搭van去寶林買嘢食同行個圈返企。

26/9(六) -- 朝早睇咗陣波同砌模型。下午同cb同阿媽去咗寶林行咗陣，5點島返tko，同cb食個tea返企整b嘅晚飯，再過天晉食飯。

27/9(日) -- 朝早起身睇左場波，下午同CB落街行下同買野食個tea，夜晚C煮。

4. Lakers入左 Finals, 雖然一向唔多like LBJ但係佢係勁嘅。

5. 夜晚終有精神揀歌同Backup野，一攪又攪左幾個鐘好夜。

6. 揀歌一向都係一個好長時間嘅任務; 每次都要由頭睇下d歌，又要就返呢期個mood; 另外發現除左果排個心情會影響之外，年紀同階段都好影響揀咩歌，有d歌以前經常聽，而家見到都唔係好想揀。

完

九月二十日 -- 雜記

 14/9(一) -- 收工返企夜晚C煮。

1. 夜晚廳個玩具突然自己唱, 不過應該係有野責到個制。

15/9(二) -- 收工返企夜晚c煮。佢媽下午來。

2. 出site收工又總站搭到總站。

16/9(三) -- 出site早收工去ssp行咗個圈買玩具先返企；夜晚c煮。

3. 今日抽樓估唔到個八婆來抽，但都抽唔到佢想要嘅。來緊有排煩。

17/9(四) -- 收工去坑口拿嘢返企，夜晚c煮。

4. 剪咗髮。

18/9(五) -- 收工返去買外賣。

5. 反黑路人甲 -- 覺得今年TBB其中一套最好睇; 故事當然有好多唔合理, 但由於係一套笑片, 我覺得d bug都可以接受去ignore嘅; 一路咁多集都有好多位好好笑, 覺得幾成功。一向覺得無理由做到男一嘅張振朗係呢度就好合適。另外係眾多女角各有特色都幾正。

19/9(六) -- 一早又醒, 起身睇波砌模型; 下午我過去呀哥度拿野過來, 之後話出去, 係屋企一路執野磨下磨下到4點幾先出; meet呀媽一齊行左一陣同街市買野(之前meet呀馬比左d野佢); 之後盲直接上天晉, 夜晚係天晉食飯。

20/9(日) -- 下午出去，expected有人要執好耐嘢，好彩照恰咗半個鐘(都未出到去)，4點幾落樓，meet埋阿媽去調景嶺買嘢，再出海邊兜個圈返去。夜晚c煮+買少少嘢食。

6. 醒唔起要行，著咗crocs，後段開始腳同腰都痛...

完

九月十三日 -- 雜記

7/9(一) -- 收工返企夜晚c煮。

1. 出site閃過ssp行感滿足。

8/9(二) -- 收工去尚德交收再去Popcorn買嘢飲再返企，夜晚c煮。

9/9(三) -- 早上10點零同B去聯合睇額頭, 等左2個鐘先有得睇, 呀B好乖咁長時間係度等都無點扭。睇完之後都差不多2點, 去Megabox Ikea食野之後行Megabox, 到6點島先走; 夜晚返去食屋企現成野。

2. 呀B係街或者對住其他人時真係好乖, 值得讚許。(不過係屋企真係好扭好曳好難頂呢)

10/9(四) -- 出site早收去坑口拿嘢再返企。夜晚c煮。

3. 出門返工行去搭車途中, 陽光充沛三秒鐘變大雨, 遮宦開唔切濕晒。

10/9(五) -- 收工返去買外賣。

11/9(六) -- 早上起身睇左陣波, 下午出去北角打針, meet呀媽係北角行左一陣, 之後上C娘家食晚飯。

12/9(日) -- 一早又比人吵醒, 早上睇左陣波; 下午太攰恰左一陣, 4點島出去meet呀媽行左下海邊, 好多人; 之後去坑口拿野, 夜晚上天晉食飯。

4. NBA -- Celtic同Raptors其實最初有少少估唔到打到Game 7, Game 3果球Buzzer 3分救左Raptors打多幾場, 雖然最後都輸左, 不過雖敗猶榮啦。今年playoff好多Game 7而且好多場都打到last second先分勝負, 幾精彩。Lakers無懸念晉級, 雖然唔係特別like LBJ, 不過更唔欣賞Harden同Westbrook。

完

九月六日 -- 雜記

31/8(一) -- 下午同C&B出去TKL買野, 呀B訓左又可食左個tea, 之後返TKO買完野返企; 夜晚C hea煮。

1/9(二) -- 收工去坑口拿野, 晚飯C煮。

2/9(三) -- 收工返企晚飯C煮。

3/9(四) -- 收工返去外賣好似。

4/9(五) -- WFH; 中午B食完野就一家去灣仔入境處拿護照, 之後上C娘家hea到夜晚食埋飯走。

1. 其實好想順便行太原街，可惜果10分鐘都無...

2. NBA playoff第一輪, expected有幾組好精彩; 結果有3組打到Game 7仲要都係打到最後一個play先分勝負,好熱血好好睇; 值得一提嘅係波叔CP3, 雖然最終Game 7落敗, 但係佢帶領到呢隊入到playoff已經係季前幾乎無人諗到嘅結果, 証明到佢真係好犀利~~

3. 公鹿輸0-3, 始料未及, 不過我都一直覺得係overate左嘅; 熱火加油~~

5/9(六) -- 一早起身同老豆去銀行, 之後買早餐返來; 下午係企hea, 夜晚去天晉食飯。

4. 夜晚同呀哥傾下AD&D同埋歌手...etc感覺好爽, 好耐無同人討論下d興趣野。

6/9(日) -- 下午同C&B落街買野, 落去無耐呀B痾左bubu, 於是上天晉換個片順便坐下同埋比爺爺嫲嫲同B玩下; 之後落返去買野, 商場超多人; 到差不多返到去屋企附近B先訓著, 係左個tea返企; 夜晚C 煮。

5. 整理下最近身體狀態: 

5.1 近呢一年係唔係好光嘅情況下有覺得眼朦左少少(砌模型時覺得), 老花?

5.2 一向無乜蛀牙, feel到最入果隻大牙有少少痛...

5.3 耐無運動, 應該有肥少少, 好彩感覺唔多...

5.4 腰有冤痛, 應該係經常拿重野同埋抱B, 不過比起之前傷患唔算嚴重

5.5 膝頭x2 feel到痛同漲, 應該發炎到有一定規模...不過同腰一樣, 哪有機會睇

5.6 身體有4-5度小型濕疹, 都係呢1,2年先發(以前不嬲都無), 除左因為年紀大左抵抗力差左, 相信都因為好耐無點做運動...

5.7 竟然好似有灰甲...要搵機會睇下醫生...

5.8 精神病應該一直都有, 雖然最近好似嚴重左...

完

八月三十日 -- 低落

24/8(一) -- 本來WFH, 不過有野辰趕,返左office; 收工返企夜晚C煮。

25/8(二) -- 早上做拿左返屋企嘅公司野, 一路做到中午呀B食完野就一家一齊出去, 去左坑口行+買野+拿野; 中間呀B訓著左, 好難得係街食左tea; 返TKO再買d野返企煮呀B晚飯, 夜晚過去天晉食飯, 慶祝媽子新曆生日。

1. 是日精神體力全消耗, 極攰。

26/8(三) -- 收工返去買外賣。

2. 覺得自己情緒同精神狀態唔多掂。

27/8(四) -- WFH；下午同c b落街行超市同商場買嘢。中途阿b訓著我哋又食咗tea。夜晚第一次試大6果d自熱火鍋，都幾得意。

28/8(五) -- 收工返去買外賣好似。

29/8(六) -- 上午出左一下去地鐵站meet呀馬拿野, 順便買野食返去; 下午同C&B去坑口行同買野, 夜晚過左天晉食飯。

30/8(日) -- 本來諗住下午出下去, 點知磨下磨下無出; 夜晚買外賣。

完

八月二十三日 -- 無啦啦九號波

 17/8(一) -- 收工返去買嘢再返企，夜晚c煮。

1. 過街英雄 -- 之前睇trailer好似幾好笑，暫時第一集就普通。森美一家人好入型入格 xD 于洋嘅窩囊阿伯、Madam Lo嘅惡師奶、森美嘅賤精、江嘉敏嘅港女 xDD

2. NBA playoff終於開始。

18/8(二) -- 收工去坑口拿嘢同買外賣。

3. 是晚7月+8號波+9號波。

19/8(三) -- WFH；早上繼續打風; 下午阿媽來一陣，之後我同佢一齊走陪佢返天晉，回程再買賣嘢同晚飯返去。

4. 過街英雄睇咗輪覺得麻麻哋，雖然走歡樂正面路線但感覺有d兒童向。棄。 

20/8(四) -- BE人來將軍澳搵我，好耐無見。2點出去meet佢，行咗將軍澳坑口同寶林玩具舖後散。返到將軍澳之後買埋一堆嘢返企。夜晚c煮。

5. Bad End人 -- 其實唔覺都識咗佢好耐，雖然一般人應該都係覺得佢難相處，但我都覺得ok嘅。同埋佢都真心當我係朋友嘅。

21/8(五) -- 收工去調景嶺買野再行返去中途買埋飯返企。.

6. 夜晚沖涼熱水爐無電, 好彩未開始沖; 落街買電。

22/8(六) -- 日頭在家，c表妹4點幾上來拿BB嘢，6點幾走。阿B全個下午無訓，點幾先訓。夜晚我出去買外賣。

7. 之前果晚夜訓，今日又無得恰，所以勁眼訓勁攰。

23/8(日) -- 下午同呀媽去街市超市買野，夜晚C整定左野我炒。

8. 呀B朝早一野wor落佢呀媽條腰度，佢呀媽條腰傷左。

9. 年紀漸長，頭髮無點白, 反而唔知點解唔少鼻毛白。

10. 最近夜晚自己係房個思緒同情緒差到一個點。

完

八月十六日 -- 睇波

10/8(一) -- WFH；下午落街2轉買嘢，夜晚c煮。

1. 反黑路人甲，之前以為又係警匪片，上星期睇trailer原來係笑片，又好似幾得意，今日一睇都覺得ok幾好笑，會再睇落去。

11/8(二) -- WFH；下午C落街買野; 本來我唔使落街, 不過臨時落街幫呀哥落左一落; 夜晚C煮。

2. 有時真係頂唔住d精神緊張, 唔好咁痴線啦。

3. 半夜發夢, 竟然係同老豆嘈(好耐都無啦, 而且同佢關係都無問題, 唔知點解發到係佢), 跟住扎醒。好唔開心

12/8(三) -- 收工去坑口拿野, 夜晚C煮。

13/8(四) -- 收工返企, 夜晚C煮。

14/8(五) -- 收工返去買外賣。

15/8(六) -- 黃昏去坑口拿嘢順便買埋外賣返。

5. 星期日凌晨2點半(星期六晚)有波睇，本來考慮早唔早d訓較鬧鐘睇唔睇，結果佛系11點訓唔較鬧鐘，點知2點半自己醒咗。食杯麵砌模型又睇咗場好波，雖攰但滿足。

16/8(日) -- 早上阿媽買早餐上來同見一見B；中午同阿媽去買餸再拿上天晉，返去再買d嘢返企。夜晚c煮。

完

八月九日 -- 攰

 3/8(一) -- 收工上天晉比口罩架爸媽, 同呀哥meet左比埋佢; 買外賣返企。

1. 買咗口罩架，都不錯，係無咁焗。

4/8(二) -- 呀馬生日快樂。WFH; 傍晚落街買野拿野上一上天晉同埋買外賣返企。

5/8(三) -- 出site去海盈白行一轉; 收工返去尚德買外賣。

2. 行左轉MK滿載而歸。

3. 好耐無試過搭296C總站到總站, 竟然只係啱好一個鐘仲以為會耐d。

6/8(四) -- WFH; 呀C下午落街, 夜晚我煮。

7/8(五) -- 收工去坑口拿嘢同買外賣。

4. 前一晚阿B半夜爆喊，搞咗輪先靜返，我再瞓。第日返工起身超眼瞓...

5. 殺手 -- 其實劇本真好多bug, 不過演員演出遮蓋左, 整體來講如果唔係因為d bug令人出戲的話, 其實氣氛做得幾好。除左大部份演員值得讚之外(除左陳國峰), 我覺得配樂做得好好喎; 另外拿鏡同剪接都幾好, 尤其上星期五果個結局周預告。

8/8(六) -- 早上被叫醒, 落去地鐵站同馬交收, 買埋早餐返企食; 下午訓左陣又被嘈醒; 夜晚買外賣。

6. 今期扭蛋一出, 我出去已經無得散買想要果2隻...果然係hit...

9/8(日) -- 全日在家; 之前果晚夜訓但都一早醒, 早上睇NBA+整好隻BB模型, 中午都係煮麵食, 下午訓左一半, 夜晚C煮。

7. 鳴謝好友今日出開街幫我買左套扭蛋。

完

八月二日 -- NBA restart

27/7(一) -- 收工去坑口拿野同買外賣返企。

28/7(二) -- WFH; 唔記得夜晚食咩。

29/7(三) -- WFH; 夜晚C煮。

30/7(四) -- WFH; 去坑口拿野買野同買外賣。

31/7(五) -- 收工調景嶺落車, 買 BB 野再行返去; 買埋外賣返。

1. 前一晚發夢同呀麥見面仲一齊去玩好開心好似以前咁...

2. 上網見到一個網上流傳有關小朋友可怕嘅故事, 希望唔係真人真事。

3. NBA終於restart。

1/8(六) -- 夜晚去Popwalk 2買外賣。

4. 無聊地半夜睇左一場足球決賽下半場, 仲要一開電視就即刻睇到入波果個攻勢。哈。

2/8(日) -- 下午C出去, 呀媽過左來賜下呀B; 夜晚C煮。

5. 又唔記得又懶所以咁遲先補返雜記。 

完

七月二十六日 -- WFH

20/7(一) -- WFH; 下午落街買野同睇跌打; 夜晚C煮。

21/7(二) -- 收工返去買嘢，夜晚c煮。

1. 今日公司部門大抽獎，teammate同事大兜亂...

22/7(三) -- WFH; 全日無落街, 係屋企做完公司拿返來嘅野;  C 下午2點島出去, B竟然無耐就訓著, 仲要訓左差不多2個半鐘; 夜晚C外賣Outback。

23/7(四) -- 是日AL; 全日無落街, 夜晚C煮。

24/7(五) -- 土瓜灣收工同edfrita行咗陣Sodamall，返去超市買嘢再買晚飯(幫阿哥買埋)。

25/7(六) -- 日頭係企hea, 下午出坑口拿野、買野同埋買Mr. Steak。

26/7(日) -- 日頭係企hea, 傍晚落街買野同買飯。

2. 好攰, 星期六同日嘅日頭都頂唔住恰/訓左1,2轉。

完

七月十九日 -- 又要wfh

13/7(一) -- 收工返企c煮。

14/7(二) -- 收工去坑口拿嘢，c煮。

15/7(三) -- 出site早d收，c煮。

1. 太攰，食完飯整完嘢9點零斷電跳制訓著，11點半島醒返。

14/7(四) -- 收工返去C煮d我買d野食。

15/7(五) -- 出site早收, 返去買外賣。

16/7(六) -- 好耐無試過, 全日無出街; 中午整左d野食, 呀C 2 點島出去, 呀B三個幾鐘都無訓, 最終5點半島訓左; 呀C返來買左tea當晚飯。

17/7(日) -- 更耐無試過, 連續2日無落過街; 呀C點幾鐘出去, 今次無夾硬叫呀B訓, 結果佢真係下午完全無訓過。夜晚C煮。

2. 好難得又砌起一隻, 好似係 N 年前買落果堆來講, 最後一隻HG。

3. 呢幾日爆得好犀利, 政府終於WFH, 我地公司當然跟。

完

七月十二日 -- 又爆疫

6/7(一) -- 收工去坑口拿野再去Jusco759買野返企, C煮。

7/7(二) -- 收工去將中同外父母BC食飯。

1. 美中鴨子個餐真係好唔抵食。

8/7(三) -- 收工返企C煮。

2. 是日Candy來搵我同Ansel食lunch, 仲請我地食飯(之前連升am, m同埋而家走)

9/7(四) -- 收工返企C煮。

3. Alex請食lunch。恭喜佢升am了~

10/7(五) -- 收工返去買外賣。

4. 2日行左SSP同信和 In's Point, 買左d玩具同用品, 好滿足, 尤其total都只係使左唔多錢。

11/7(六) -- 連日疫情爆發, 又唔敢帶B出街。想買部notebook比呀C, 於是整完lunch後同呀哥出左 SSP, 買左部notebook。夜晚買外賣。

5. 之前無送生日禮物, 見佢部notebook唔多掂佢又想要, 就買部比佢。買就自然要出去, 佢又唔想自己"又"係屋企睇B, 叫佢同呀哥去買我睇B佢又唔想, 最終都係我出。問多佢2句幾時出佢就來料。講真, 其實我都唔係好想出街, 而且出去都係買野比佢 ...

12/7(日) -- 9-11 Monterey, 今日打得算正常, 不過射波就唔多入; 打完買外賣返來, 沖涼之後一家係大床攤, 呀B玩左成個鐘都唔訓; 之後呀C出街買野, 呀媽上左一下來; 夜晚我煮。

6. 呢排朋友之間講好多生活問題, 好多人都對前景悲觀, 又話要走資又話移民, 負能量爆發。雖然對於無得選擇嘅我來講, 係少左樣煩惱, 不過聽住都覺得煩。

7. 來緊想做嘅野: 賣埋剩返要賣嘅模型; 想寫返故; 繼續抽時間砌模型。

8. 搬去MK Office之後, ACD同事集結, 有少少想買Switch同佢地lunch一齊賽車...

9. 呢排都訓得好差。成日鬧鐘未響就醒, 又差不多日日發夢。 仲要d夢都係好攰, 一係就係狂諗野、一係就係同人爭拗, 一係就走來走去果d。攰死人。

完

七月五日 -- 雜記

29/6(一) -- 收工返企C煮。

1. 呀B終於開始發燒。

2. 呀B成功係兜兜屎屎。

3. TBB套殺手雖然都有抄襲成份, 不過暫時都不錯。陳豪做膠人一向OK, 視帝祥做爛人又係一向OK, 龔嘉欣做癲婆都不錯。

30/6(二) -- 出site早d收返企煮餃食。

1/7(三) -- 公眾假期; 朝早係企, 下午呀B難得訓左好耐, 我都恰左; 4點島出去呀C影相同買野, 之後上天晉clubhouse遊樂場同呀B玩一陣, 再上去食飯。

2/7(四) -- 收工返企C煮。

3/7(五) -- 臨時約收工Edf同Rita上來; 收工同Edf係土瓜灣一齊返TKO買野食再返企, Rita晏d到; 9點半島散。

4/7(六) -- 早上10點島出門, 11點島去大角咀"浮生"Cafe同日安NatPenny食野; 食完次後Penny返parttime, 我同Connie上Nat屋企; Connie走先, 之後Nat我地去奧海城後散, 我同C&B係果度行同係Outback食tea, 到差不多6點先走; 返到屋企後攪呀B野比佢食同沖涼, 我同C都無再食野。

5/7(日) -- 9-11 Monterey, 是日打得普通, 不過不失; 之後返企睇下B, 沖完涼後呀B訓左, 我又訓; 到4點幾5點先出去尚德街市同商場行下, 再去天晉clubhouse遊樂場同呀B玩一陣, 夜晚上天晉食飯。

4. 一星期三日假期, 係屋企有d時間, 但係都因為太累訓左或抖左...

完

六月二十八日 -- 雜記

22/6(一) -- 收工返企唔記得, 好似外賣。

1. BB今日打左三針, 好彩又唔係喊得好勁。

2. 半夜3點幾醒, 5點幾先訓得返, 好攰。

23/6(二) -- 收工返企唔記得。

2. BB開始低燒。

3. BB學用匙羹同第一次成功係兜兜wewe。

4. 太攰一早(10點島)整晒d野後訓。

24/6(三) -- 收工返企買外賣。

5. 太攰一早(10點島)咩都未整就訓著。

25/6(四) -- 端午節假; 同呀B出去行下之後上天晉, 比佢游下水; 夜晚食埋飯返。

26/6(五) -- 收工返去買外賣。

6. 多謝黃蜂扭蛋同日本買嘅UNIQLO EVA TEE

27/6(六) -- 同呀B去TKL行下同玩遊樂場, 之後上天晉食飯。

7. 呀嫂係台灣送來嘅夏雪芒好食, 好香同埋食落有一陣唔識形容嘅味, 同一般芒果隻味唔同。(愛文芒就係好濃好香啦山嘅芒果味, 夏雪芒就多一陣唔知咩味)

8. 係將軍澳商場短時間撞到呀馬一家同日安夫婦~

28/6(日) -- 8-10 Parkside; 終於有得打波! 不過一來顧慮左毛!腰同膝, 二來又唔係好夾到隊友, 所以打得麻麻; 之後返企食d野沖涼hea, 夜晚去天晉食飯。

9. 是日不停按摩同捽自己d肌肉同筋又拉筋, 後按: 星期一起身同返工都唔太痠痛。

來緊:
23/7(四) -- 請一日假同 C, B, C 媽同C呀姨(唔知仲有咩人 ) 去海洋公園, 全部人都係上半年生日所以有免費。

 完

六月二十一日 -- 賣模

15/6(一) -- 收工係九龍塘月台meet一meet Crystal, 佢比左d荔枝我; 之後去坑口拿野返企, 夜晚C煮。

16/6(二) -- 收工返企C煮。

17/6(三) -- 收工返企C煮。

18/6(四) -- 睇樓後收工返企C煮, 睇跌打。

19/9(五) -- 蘇屋睇樓後去舖頭搵Crystal, 之後同佢一齊人企睇呀B; 佢7點半島走, 我買外賣。

1. 多謝Crystal送左堆野比我地。

20/6(六) -- 早上OT, 買d野食返來, 之後我睇跌打; 下午hea一陣出街行個圈再上天晉夜晚食飯。

2. 夜晚經過Uniqlo屎忽痕入去行個圈, 無啦啦又買左件外套...不過減價係抵嘅。

21/6(日) -- 朝早呀媽買左早餐來; 下午同呀B出左一轉街買野之後上天晉, 夜晚食飯, 買左蛋糕簡單慶祝父親節。

3. 日蝕, 睇唔清。

4. 夜晚剪左頭髮, 爽好多。

5. 呢個禮拜多出街做野, 又熱又勁流汗所以個人特別攰, 星期六又OT(又係勁熱), 所以好似唔多夠抖...好攰...

6. 之前終於的起心肝出post賣模型; 賣得有平有貴, 都唔計得咁多, 總之賣得出大部份, 總計又無蝕就OK了。

完