15/4(一) -- 出site早收工; 今日出site搭小輪去灣仔, 機會難得, 感覺良好; 係灣仔見完個客收工, 行左出去行埋188同太原街, 先返TKO買野, 夜晚煮飯。
1. 睇左倚天第一集, 又唔太差喎。
16/4(二) -- 收工返天晉食飯。
2. 是日早上巴黎聖母院大火, 瞬間比稍後老鼠安黃心穎事件淹沒。
17/4(三) -- ex-URA生日飯, 臨時又有人唔來, 所以最終cancel; Connie本來預左出來食飯, 所以我地私低下約照食飯(ConnieLoLoAmandaC); 去左觀塘新匯聚食; 食完返企剛好睇鐵探。
18/4(四) -- 收工去寶林等C收工, 佢到時剛好號碼叫到我地, 食Satay王; 之後返企睇電視。
19/4(五) -- 復活節假第一天, 趁住內地唔係假期, 同源上SZ體檢, 超快10點4已完, 同源行左一圈東門(未點開無野睇)再買左d老翻DVD後就返HK; 1點島返到同C食晏返企沖涼抖。訓左個幾2個鐘, 7點島起身我落街買外賣返企食。
20/4(六) -- 朝早睇左半場波, 跟住同C落樓下食個早餐再去觀塘影大肚相(11-2), 第一個鐘化妝set頭, 影就2個鐘; 之後天好黑, 返TKO之後開始落好大雨, 係尚德食個tea之後返企, hea到6點零去將中同ConnieLoLo一齊同Penny慶祝生日食飯, 食完8點島再上我家hea睇SammiConcertDVD到10點島散。
21/4(日) -- 8-10柴灣, 好耐無打過全場了~~ 今日無之前2次打得咁sharp, 不過都係打得唔錯, 覺得自己呢排射波都算穩定? 不過好值得記低一下, 有一場對住Derek, 劣勢之中落後緊16-20時, 入左一球關鍵ge三分波追到19-20, 之後再加上隊友一球快攻反勝, 感覺滿足; 打完之後去左財記買什撈返企同C食, 之後就沖涼hea抖訓覺, 到3點零同C去坑口越南野食tea(個乳鴿雖然仲OK但已經無之前咁好食了), 再行下商場之後返去; 食屋企附近買左外賣, C剪頭髮; 夜晚係企hea睇電視同砌模型又一day。
22/4(一) -- 復活節假last一日; 早2日買定飛早場睇Corgi, 又唔覺得好好笑, 不過輕輕鬆鬆個半鐘。中午去天晉度食"潤餅", hea左一陣去買"食送"返企, 係企hea到爆攤係地下好耐; 6點半C去煮飯; 夜晚繼續睇電視。
3. 咁就完左4日假期...
來緊:
25/4(四) -- 買左夜場睇AVG4
26/4(五) -- 下午AL, 運動班要同C一齊上。
完
2019年4月23日 星期二
四月二十二日 -- 復活節假期
2019年4月15日 星期一
四月十四日 -- 雜記
8/4(一) -- 收工返去買外賣返企食。
1. 無啦啦又轉左個老細。
9/4(二) -- 收工返天晉食飯, 呀叔呀嬸都在。
10/4(三) -- 收工好眼訓, 返去附近茶記食完返企。
11/4(四) -- 收工約左AnselFawnia去CWB食金西南, 之後去左Hysan坐低飲野一陣先散。
12/4(五) -- C約左人, 我收工去青衣交收(未夠鐘之前去左SSP行左下先)。本來好累交收完應該都係返企抖下好d, 不過難得去青衣梗係約呀Ben食飯啦~~ 同佢係Mr. Steak食到9點半島走。無特野傾d咩都係輕輕鬆鬆吹下水咁。
2. 今日係公司印晒要印ge野, 所以星期六唔使返去OT了。
13/4(六) -- 太累, 訓到11點幾先醒, 12點幾先起身整d野食, 源2點幾來到, 一齊hea到夜晚, 幫呀哥幫野去垃圾站, 再去天晉見下呀叔(佢星期日飛返加拿大), 再去坑口(C同源)食野(間野偏貴又唔算好好食)。之後買杯Comebuy行返TKO, 再hea一輪呀源11點走。
14/4(日) -- 8-10天晉, 今日前大半都打得普普通通, 一落場就開波, 無熱身無射波所以唔太準, 最後一場終於爆發狂入波, 總算打左場好波; 打完波同Derek食個早餐再買外賣返去比C食, 之後就沖涼hea訓, 到4點幾5點落去買野返去, C煮。夜晚睇左香港金像獎。
3. 本來想7點幾去送呀叔上車, 點知佢7點零幾分車, 我去唔切了。
4. 呢2日部腦神神地, 仲開唔到機; 終於的起心肝清理左電腦同個位d塵, 即時又無事。
來緊:
17/4(三) -- ex-URA生日飯
完
2019年4月8日 星期一
四月七日 -- 叔叔+拜山
1/4(一) -- 出site早dddd收工, 返去好累腰又痛, 不過都係買左d野hea煮。
1. "鐵探"第一集暫時不錯, 年頭睇介紹時都覺得吸引, 希望睇落去都OK。
2/4(二) -- 收工去調景嶺食飯, 無咩新餐廳吸引, 結果食左間麻麻ge茶記; 之後行返企。
3/4(三) -- 收工返TKO買野煮飯。
2. 出左Joker trailer, 好吸引。
3. 係某FB群組出post, 之前有幾個6-700 like, 今日有個過1000 like; 雖然我自認唔係attention whore, 不過第一次有post過場like感覺幾得意。
4/4(四) -- 上星期二訂, 問左幾次, 今日終於有得拿; 收工抬左部鐵葉風扇返企, 有d重, 好彩要抬ge每程都係~5分鐘, 勉強頂到; 改左玩具交收時間, 7點->7半九龍灣, 抬左風扇返企再出去交收, 再返企7點9島, 都唔太晏; 同C去坑口食飯。
5/4(五) -- 清明假一天。中午同C食添好運, 下午同媽同蕃薯去Megabox Ikea行; 5點幾返到企, hea到8點半去買外賣返企食, 繼續睇電視。
4. "鐵探"睇左一個禮拜, 每一集都緊張喎~
6/4(六) -- 早上係企hea, 睇左半場NBA; 1點半同爸媽加拿大返來ge叔嬸哥同B仔一齊去柴灣拜山; 4點幾島返到企hea到6點出去一齊食飯。
4. 呀叔因病老左好多, 狀態都低左好多; 今次返HK之後應該之後都唔多機會會再返來了。
7/4(日) -- 8-10天晉, 繼續打得唔錯; 之後同DerekJames快食早餐+買外賣返去比C食; 食完沖涼heaheahea到4點幾出去食tea同買野, 夜晚煮飯。
來緊:
17/4(三) -- ex-URA生日飯
完
2019年4月1日 星期一
三月三十一日 -- 好多朋友Gathering
25/3(一) -- 收工返TKO係尚德食飯。
1. 是日下巴同牙骹痛, 入面唔知有無發炎, 完全唔想食野講野。
26/3(二) -- 收工返TKO想買野煮, 但係竟然連佳寶都收; 結果買左一盒飯返去C食; 我仍然口痛唔想食野, 食少少佢剩飯同生果就算。
2. 係土瓜灣發現一間平電器舖, 適逢要買風扇, 所以訂左; 雖然網上見有人話黑店, 不過呢d平野應該無事掛?
27/3(三) -- 是日起身頭赤+口痛, 病假一天; 全日都極眼訓, 訓完又訓, 咩都無做過, 唔好話諗過去射下波, 連砌模型, 揀歌都無, 總之就係攤; 全日係10點幾食左個撈麵同4點食左d燒賣, 夜晚先去左呀哥度食飯。下午去睇左跌打(終於), 條腰都痛左好耐, 睇完好好多。
28/3(四) -- 收工返去日本城呀哥幫手搬個膠櫃返企(都幾重); 之後同C出返附近茶記食飯; 下午媽叫我夜晚幫手, 結果等到親戚個親戚差不多11點到北角, 我就11點幾到北角比d野佢再返企, 12點島到, 仲要沖涼之後先訓。
29/3(五) -- 收工過CWB同CEdfRita食大戶屋, 之後行左下Hysan後散。
3. 是日C比老細激親, 一早都話唔好咁上心, 輕輕鬆鬆咪好lo~~ 可憐~~
30/3(六) -- C一早出門去瑪麗檢查; 我可訓晏d, 8點幾佢出門後佢鬧鐘係隔離房響, 結果都係要爬起身熄左佢, 醒到訓唔返。hea到10點幾整d野食同睇左半場NBA, 之後出門去TST食Natalie Post婚lunch(仲有ConnieLoLoPennyYee), 食完3點幾散, 同ConnieLoLoPenny去睇左果間Lego店, 之後同LoLo 2個人一齊搭巴士返TKO, 佢去剪髮, 我就返企抖; 5點幾又唔會沖涼, 攤左係地下恰左半個鐘, 真係太眼訓太累, 到6點幾同C出門去觀塘食貝菜(SamEsther娟源MandyAdaDorothyJessica), 補祝我同C生日, 多謝晒~~
6. 唔記得左, 後補; 今日幾surprise(雖然之前有少少估到)又開心, 一個好熟ge老友拍拖, 真係戥佢開心。希望係真命天子長長久久開開心心。
31/3(日) -- 8-10天晉, 今日無好刻意去射三分, 反而做返以前走位射中距離, 入攝拿波上籃, 覺得打得幾好, 尤其中距離很準, 三分射左幾球, 都入左一球; 之後返企好累, 整少少野食沖完涼之後就攤, 訓左幾個鐘(以前都係訓個幾鐘就醒), 真係太累; 夜晚同哥嫂Bs去Parkside果邊本來想食大家樂, 點知好多人, 所以食左翠河。
4. 係fb一個幾好又幾和諧ge專頁留左個言, 好似令人唔高興, 仲刪左post; 由於自己好怕誤會又好怕conflict, 忍唔住自己search左post主pm佢, 解釋返; 之後佢都reply返我話唔關我事, 係另一人留言令佢唔高興, 大家取得諒解; 感覺良好。好多時有d野真係要take a step去做, 起碼係自己果part做好左先, 咁事情就更有機會走向好果一面~~(其實呢樣野自己以前都會咁)
5. 係fb另一專頁同自己wall都會post下街上見到d得意野; 有時唔係想話嘩眾取寵定諗d咩邪野, 而係覺得人(或者自己)唔好忘記左細個果種對各樣野都有好奇ge心, 同埋對唔同事物ge聯想力同想像力; 對於現實中真正有用ge事情, 聯想力同想像力一樣會好有用。話說果個page好多post都幾高質, 好有趣。
來緊:
完
2019年3月24日 星期日
三月二十四日 -- 累痛睏
18/3(一) -- 收工返TKO食泰巷後返企; 呀哥上來拿野, 蕃薯都上埋來, 用左成個鐘教左佢幾句野, 嚴重地覺得佢專注力有問題。
19/3(二) -- 下午出site去富榮花園再去樂富, 中間行左下SSP同埋係SKM交收, 條友遲; 早少少返到TKO買野煮飯。
20/3(三) -- 收工返TKO食譚仔之後採購BB用品後返企。
21/3(四) -- 是日Ballot差不多全日做唔到d咩; 下午同鵬鯉一齊帶客去睇茵怡花園, 睇到4點半散; 行左一下寶林返企沖涼hea一陣, C收工返來再落街食飯。
22/3(五) -- 之前FS返左星期日補假一天; 11點去呀馬度搬左個BB洗衣機返來, 之後再過去同佢lunch再射波, 射左2下落少少雨, 走果時又唔落, 最終都打到2點幾; 返企幫老豆整個電視之後呀源來, 一齊hea到5點幾我先沖涼, 等C收工過坑口(想買個風扇點知間野下午開始盤點)食飯再返企hea多陣, 源10點3島走。
23/3(六) -- 早上又去瑪麗聽talk; 之後食左間頹茶記, 再去藍田meet Pierre比d野我; 返TKO訂個膠櫃返企; 本來想恰一下, 點知好多野攪住我最終訓唔到, 好累好累; 6點島同Crystal夫婦去Beans食野, 再上我家拿男仔BB野, 坐一陣散。
1. 其實真係好累好想有個時間可以休息一下, 唔好下下都要chur住或者跟住一個人的schedule去做野; 平時唔使攪d咩可以抖可以hea, 倒返轉比d時間我抖下好d?? 仲要係咁同人講我唔理d野?
24/3(日) -- 天晉8-10, 好耐無正正經經打個波, 今日都打得唔錯; 之後返企又幫老豆整個電視, 再等到Rita同佢老公來拿野走, 先沖涼; 沖完涼就夠鐘出黃埔, 同ConnieLoLo食野後睇戲(Captain Marvel); 睇完行左下奇趣後返坑口, 點知今次又無個風扇(話要四月), 買左堆立雜野食返企。
2. 好累好痛好辛苦。
3. 今日打波比人用膊頭直擊下巴訓低左; 之後整日個口/較/下巴感覺都麻麻地。
4. Captain Marvel -- 普普通通; 無一個好強大或者勢均力敵ge敵人真係爭d, 主角太勁; 隻貓係好得意; 我覺得如果要講"唔好", 問題都唔係女主個樣或者身型, 而係佢跑步/出招感覺唔到果種好打得好powerful的感覺, 無果種架勢。
來緊:
完
2019年3月18日 星期一
三月十七日 -- 疲累的Weekend
11/3(一) -- 出site樂富收工返去買野煮飯。
12/3(二) -- 收工搭van去寶林, 中途C先話有TB野拿, 於是好快係寶林食個車仔麵就返TKO(8點前)拿野返企; 7點半就拿完。
13/3(三) -- 收工搭van去寶林, C今日產檢早d返到, 佢終於唔使等位食到沙爹王了~
14/3(四) -- 全日Belated Survey; 自己安排返d時間, 中午做三隻, 6點做2隻(6點9果隻無得改時間, 仲要7點幾先做); 做完返企; C下午產檢完早, 返去買野佢煮埋飯。
15/3(五) -- 好累; 收工返TKO食茶記, 草草食完返企睇完愛回家就沖涼等訓。
16/3(六) -- 早醒左, 少少心掛掛都係返左公司OT; 9點半O到2點半, 之後去城門谷運動場同公司同事打波4-6; 之後去坑口同C食新果間牛扒後再行左下先返企。
1. 是日無點食野又打波non-stop最後時抽筋落地整損埋個膝頭。
2. 今日打波都無咩話打得好唔好, 都係做下運動, 大部份人都唔係打開/無咩sense/年紀大, 所以都無得好認真。
17/3(日) -- 早上又BB Talk, 打左一個鐘波; 之後去瑪麗10-12, 聽完去寶林同馬couples食飯後返企。沖完涼上網hea一陣就極疲累訓左個幾鐘, 到Cass打來先醒, 佢7點幾來拿走d紅酒後, 我同C8點島去join姪女2歲生日飯(第一次見Jason女友), 再上天晉食埋蛋糕先返企。
3. 疲累的Weekend; 星期六OT+打波+愛傷, 星期日打左下波+搭車來回, 其實好累。
4. 呢個月以來斷斷續續打波, 又無點正正式式連續咁打, 手感無晒又無狀態, 來緊星期三放假希望天氣OK可以練下波。
來緊:
20/3(三) -- 之前FS返左星期日補假一天
24/3(日) -- 公司戲
完
2019年3月10日 星期日
三月十日 -- 生日禮物
4/3(一) -- 收工返去買外賣食。
5/3(二) -- 是日全日Belate Survey; 打比客安排時間, 早一場2隻午一場2隻, 中間時間返TKO買野晾衫煲湯醃定晒野; 5點幾做完晒之後返去煮埋夜晚食飯。
1. 好累。
6/3(三) -- 收工返TKO食魚米家再行左Aeon後返企。
2. 之前一晚訓得好差, 又發夢(但唔記得發咩), 總之好累好眼訓...
7/3(四) -- 出site早d收返去買野煮飯。
8/3(五) -- 突發出site去慈雲山, 收工後去C娘家食飯。竟然咁岩係CWB轉車轉到同C同車。
3. 睇來我幾好腳頭, 好多次一陪見麻煩客就settle到~~
9/3(六) -- 8點幾醒, hea一陣又再訓返, 11點半C叫醒我要出去; 中午同Rita食Jordon食飯之後再戰Jordon護協, 買左一堆野。買完就返企hea到夜晚, 過寶林食飯。
4. C買左之前我睇到覺得都OK件褸比我, 多謝。雖然佢話當3月14禮物, 不過我都當係生日禮物算了~
10/3(日) -- 8-10 Monterey, 2個星期無打, 打得都算係咁, 得6個人, 梗左2team無再轉人, 對住Derek贏左頭2場之後輸返4場(2場輸少少), 都算係咁; 之後同佢地食埋野先返企沖涼抖下; 下午3,4點去食個tea, 之後買野返企C煮飯。
來緊:
16/3(六) -- 公司同事波
17/3(日) -- 早上又BB Talk, 無得打波
24/3(日) -- 公司戲
完
2019年3月3日 星期日
三月三日 -- 探監Again
25/2(一) -- 是日全日Belated Survey, 之前case同deputy問題總算攪掂, 最後係LoLo同我一team, 仲好; 早上做完3隻之後中間2個幾鐘, 反而係LoLo提議去唱K lunch喎, haha~~ 唱完做埋最後一隻後散, 我買左鹽燒魚同富豪東方cake返去, 再買埋野返企煮飯。
1. 2條友唱K又熟人, 覺得好輕鬆, 果種狀態好舒服, 可以好hea無咩包伏咁唱 haha
26/2(二) -- 出site早收返去買野夜晚煮飯。
27/2(三) -- 收工去寶林食南記, 之後返TKO Jusco同樓下惠康買野。
28/2(四) -- 出site係寶林早收工, 返去天晉同呀媽吹左陣水再同佢去買"食送", 之後返企hea一陣到7點島再過去食。
1/3(五) -- 收工去寶林試食新果間"喇沙", 價錢OK, 食物普通都OK。之後行左下先返企。
2. 是日因為工作關係, 去左羅湖懲教所, 又係一個特別經驗; 值得一提係呢個係女子監獄, 都幾新(比起上次去赤柱), 令外係外面counter果個上左年紀Madam好霸氣, 氣場好勁。之後去左SSP行左下同食野, 仲買左玩具。
3. 之前睇到GU有件褸OK可惜無碼, UNIQLO有件都OK但有d貴, 今日係寶林見到件都唔錯, 不過未到心水價, 同埋主要其實我唔缺褸, 所以最後當然係無買。
2/3(六) -- 早上起身之後再訓, 11點幾睇NBA+砌模型; 下午出觀塘工廈睇BB野, 夜晚返TKO食完飯再去Aeon買BB野後返企。
3/3(日) -- 天晉8點拿場, 打左一陣走, 一開頭唔夠人打左陣2打2, 之後打左一場3打3, 2個禮拜無打波即時無晒手感, 好彩都入到d波又入到d籃底, 又贏波(無入三分); 10點到瑪麗聽講座, 聽完食d野, 下午出Jordon同Rita couple去護協睇BB野, 點知原來星期日無開, 白行一轉; 行左Miramar商務GU同UNIQLO後返企; 沖個涼抖一陣, 夜晚源入TKO幫手拿左d野來同埋同佢食飯。11點走。
4. 結果星期六日都無完整休息過, 加上兩日都係咁行+拿野, 腰好痛。
來緊:
24/3(日) -- 公司戲
完
2019年2月24日 星期日
二月二十四日 -- FS
18/2(一) -- C生日生日快樂; 收工同C係Popwalk2食牛鍋, 之後返企晏dd食係公司附近2刷買ge cake, 幾好食。
19/2(二) -- 收工買外賣返企食。夜晚整左少少湯圓慶元宵。
20/2(三) -- 收工去官塘同CEdfRita食開年飯。
21/2(四) -- 之前果晚訓得好差, 收工時已好累; 返TKO食薩利亞後返企。
22/2(五) -- 公司FS, 9點收, 算係預期之中, 其實都算早。
23/2(六) -- 公司FS, 本來6點走得, 不過時間咁岩接近晚飯, 廢事同C出街食又廢事佢煮, 所以同同事食埋(泰國野)(仲有錢賺)先返, 8點走。下午中間時間去唱左個K(JessieNathanDerekCathyCarolOn), 呢d突然唱ge真係反而有feel唱d喎, 唔知點解次次事先約果d去到果時反面唔知唱咩。
24/2(日) -- 公司FS, 接近4點走。返企沖涼太累訓左, 8點醒C煮左飯。
1. 真係好累
來緊:
3/3(日) -- 早上聽講座
24/3(日) -- 公司戲
完
2019年2月17日 星期日
二月十七日 -- 迷茫
11/2(一) -- 下午送信去CSW順便快行左SSP; 收工買外賣返去食。
12/2(二) -- 下午4點出車幫手搬野去上環URS, 咁岩5pm私家照結構@中環, 搬完野行過去剛剛差不多5點; 照完去北角meet埋呀源上民仔家拜年; 之後去左紅星食埋飯先散。
1. 上年同今年特別覺, 爸媽都老左; 今日去探民仔媽媽, 一樣有呢個感覺; 並唔(只)係因為少見, 而係可能真係到左某d年紀狀態跌得快左...
13/2(三) -- 公司有人請食tea, 所以收工仲有d飽; C買外賣, 我就煮左個秦國船麵(份量細細地又差不多要到期)。呢排好似個口同肚都唔太舒服(又未到有咩事發出來), 所以飲食都係清淡返d好d。
14/2(四) -- 情人節, 收工返TKO, 普通食茶記; 返企再食係公司附近買ge蛋糕, 又幾好食。
15/2(五) -- 本來CSW貓谷團拜, 不過Rita臨時唔得, cancel; 出site早收, 同呀媽去黃大仙, 之後返企, 太累連涼都無沖就係sofa恰左個鐘, C收工去寶林食飯, 試左間新茶記, 之後返企。
2. 榮總今日正式走了, 無左個好AM, 前路茫茫...我先剛剛開始適應少少ACD生活...
16/2(六) -- 之前果晚夜少少訓, 訓得晏d到10點島先起, 食d野hea下到下午又訓; C朋友下午4點島來; 我躲入房又訓左個鐘; 夜晚去Popwalk2食韓國野後散; 同C行左出海邊兜左個圈返企。
3. 而家真係唔夜訓得, 一夜訓第日就好累, 攪到d時間又亂晒。
4. 之前果晚因為翻睇"銃夢"所以夜左訓; 呢套野第一次睇果時仲係學生哥, 帶比我好大衝擊; 而家再睇, 仍然都覺得佢有好多理念同隱喻好正(當然細個果時無明白咁多), 而畫面處理、劇情、戰鬥同而家新果d比仍然都係好正。
17/2(日) -- 8-10柴灣, 雖然都係有贏有輸, 但係都打得幾好, 之前練完射波到今日仍然有作用, 入左幾球三分; 返企後hea一陣1點到寶林同馬couples食飯, 再上佢家拿BB野; 返企之後再出尚德呀C朋友比BB野佢, 買埋野返企夜晚煮飯食。
來緊:
18/2(一) -- C生日
20/2(三) -- CSW貓開年飯
22/2-24/2 -- FS
24/3(日) -- 公司戲
完
2019年2月10日 星期日
二月十日 -- 農曆新年
4/2(一) -- 返工無心機, 3點收工; 返企hea到6點島過天晉, 我家團年飯。
5/2(二) -- 大年初一; 早上起身heahea下, 中午呀哥一家來; 2個小朋友又嘈又百厭; 食完野上天晉同爸媽拜年, 之後一齊去北角(遇到家昇一家)姑媽度拜年(見到好耐無見表姐個仔, 好大個了), 之後返天晉hea到食飯, 食埋飯返企。夜晚係企見到千尋有好多新戲, 睇左Bumblebee, 幾好睇。
1. 是日差不多全日同小朋友搏鬥, 又嘈又累。
6/2(三) -- 今年初二無野做, free; C婆婆去左老人院, 所以無左每年下午上佢婆婆家磨到夜晚ge戲碼; 一早起身食d野又再訓, 咁就半日; 下午係企睇上年聖誕電影NutCracker, 普普通通兒童向; 邊睇邊砌完隻SDCS元祖Gundam, 今次連埋長骨架; 睇完砌完hea下到6點幾ConnieLoLo上來拜年, 之後一齊去Popwalk2食炸雞後散; 去吉之島行左個圈返企。
7/2(四) -- 初三中同賀歲波(馬澤BenHerman家昇朱), 雖然人唔多不過都打得幾開心, 臨走我同家昇Ben對一隊後生仔, 贏波添~~ 返去買d野食, 下午hea抖到5點幾出CWB同C一家同瑕姐食飯。
8/2(五) -- 收工返企, 再出官塘食Cass公佈婚訊飯。之前果晚訓得好差, 下午開始極累極眼訓。晚上上網睇左"新喜劇之王"。
9/2(六) -- 早上起身hea, 到中午食d野再恰左半個鐘, 出觀塘同CConnieLoLoPennyJessie唱K; 5點半完, 散左之後同C去坑口食左青越, 個燒乳鴿好味喎~~~ 之後行下一田同GU後返企。
2. 次次好耐無唱K/好想唱K, 約左人之後, 去到K就會唔知唱咩好, 加上好耐無唱又無咩狀態...
10/2(日) -- 8-10柴灣, 之前練完波真係唔同d, 初三果日有準左, 今日都準, 入左唔少波(當然有三分波), 而且都贏到波, 打得幾開心; 返企沖個涼, 唔join lunch 3點去跑馬地Herman屋企中同賀年聚; 5點幾走, 夜晚C家開年飯@灣仔。
來緊:
12/2(二) -- 5pm私家照結構
16/2(六) -- C朋友下午來
完
新喜劇之王
話說在頭, 我對大陸片/大陸演員/大陸味完全無bias, 我係一向完全無反感的, 所以應該算持平。另外, 我亦無當呢套片係所謂"賀歲片"或者"笑片"來睇, 只係想睇一套好戲。好, 咁正式開始講。
網上都幾多人話唔好睇, 我個人來講就覺得未至於唔好睇, 只係普普通通。
睇完, 亦都終於知道問題係邊 -- 編劇同導演(即是星爺)。
成個故仔個套路真係好大路, 亦太平淡。
好多經典電影個故仔都係好老土, 但係一個好編劇同導演係可以令老土都變得好睇(好似新不了情咁), 而呢套片真係太過平鋪直敘, 故事一開始已經知道晒成條故事線點走, 起承轉合好似無左個"轉", 咁好難會令人覺得好睇。
講下故事入面幾條線同人物。
入面除左王寶強同主角父母之外, 另外幾個配角都太過功能性甚至可有可無。
果個所謂"閨密"出來只係為左講人情冷暖, 無鋪排。(出四場, 第一場話佢地係識ge, 第二場無啦啦被選女主角即時變左唔理佢, 第三場嫌佢丟假, 第四場見佢成功即時想hi返佢, 但係全部都係好短幾分鐘, 無鋪排)
果個"賤人男友"鋪左幾幕, 就只係為左鋪女主角最後成功原因。(聽講係內地網紅, 做戲有d誇張, 個角色亦好似需要咁誇張, 但無咩味道)
果個"鍾意主角的有錢男仔"直頭好似可有可無, 出完一輪到最後都無用, 唔知做乜。
王寶強好好戲, 做果個角色都好有說服力, 而佢亦係戲中唯一有鋪排有轉折同埋帶起後面劇情ge角色(因為自己ge轉折而去鼓勵女主角), 已經叫戲中最好果個(然而佢做果d唔知係咪笑位唔好笑, 唯一好笑(亦幾乎係全場唯一笑位)就係嚇鬼果場)。
口不對心父同埋慈母, 角色太typical, 又唔覺好好戲, 果場叫佢去試鏡ge戲應該可以拍得好感動, 但實際麻麻地...浪費左。
至於主角, 睇trailer時覺得好戲亦好有期待, 但係全場戲來睇, 佢個角色好似好需要好多發揮, 但佢真係太自然定係佢根本就真係太過要做一個咖哩啡? 前面大半其實去到尾都只係做一個認真做人ge受害者, 然後故事去到尾, 突然間就"成功"左, 真係好快好突然, 之前一直講主角好努力, 但係又唔係鋪左好多/講左好多野令人覺得佢好好演技喎? 只係話佢遇到一個機會, 跟住最後果幾分鐘就成功左, 下?
呢套片似係星爺"有一個故仔/一個諗頭"就拍呢套片。中心思想似係 -- even係一個小人物, 有實力的話只要努力堅持就可成功, 但係其實成套戲走向只係令人覺得都係要好彩(遇到機會)先可以成功(雖然, 現實係咁!)。
的而且確, 現實又係好多人(其實真係有好多人)發夢又唔係真係有實力(或者係望唔清自己有幾多實力), 一味覺得自己掂, 或者覺得"努力就可以成功", 又或者更甚係覺得"青春要試過要搏過先無悔", 呢d諗法害左幾多人! 現實見到果d成功人士叫人努力, 或者睇戲見人成功, 究竟失敗左/死左幾多人先成功呢? 又有幾多人知呢?
另外, 都有野突兀野要提。就係歌。
成個故事係內地發生、幾乎全部內地演員, 無問題。用陳百強ge"疾風"串連個故仔, 雖然係廣東歌, 但都OK, 因為歌詞relevant。但係個大陸仔唱lum歌lum女主角用"分分鐘需要你"真係勁違和咯~~ 真係好唔夾個背景同d人喎? 佢咁樣係想拉少少香港人票定係想點? 唔得咯~~
總的來講, 我覺得呢套應該叫係一套"小人物勵志片"。但係由於劇情無大轉折, 所謂高潮位(最後一幕試鏡)拍得唔精彩, 而個結局更加太突然, 所以算係強差人意...
完
2019年2月3日 星期日
二月三日 -- 生日
28/1(一) -- 收工返TKO附近食野。
29/1(二) -- 收工去觀塘同Nat食我生日飯。雖然間野麻麻地好食, 不過main point係見人同傾計, 所以都無所謂了~ 傾計傾得好開心~
1. 最近經常無咩胃口; 仲要唔知點解呢排對酸野有dd反感(唔開呀C事), 同埋d濃味ge野聞到都覺得有d辛苦, 很抗拒。
30/1(三) -- 生日放假一天; 一早就醒左, 落去打波, 點知寶康同坑口個場呀馬話close左, 再去尚德2個場又係無開, 結果返返自己屋苑, 射左2個半鐘波; 無食過野, 11點9島好肚餓, 去買左KFC返來食, 沖埋涼就出門; 去瑪麗睇照結構, 照完3點島, 同C同佢媽去左食沙爹牛麵, 之後返企; 沖個涼太累訓左2個鐘, 8點零先落街食野。
2. 好耐無試過自己一個人練波; 之前睇條channel講打波, 一直係星期日打波都有慢慢改自己個射波form, 但都無好好地自己一個練; 有好多野真係要一個人狂射狂練先感覺到; 射左2個半鐘波, 慢係慢d但感覺到果種唔同, 不過仲未完全習慣到。不過有form射, 練慣左會穩定d好d的。
3. 其實都預左比錢去私家照, 公立呢度我會選擇改期; 另外, 一如所料係無idea臨時諗食咩, 我本來都無咩胃口所以都無打算去, 是但食好過, 亦都唔特別想被無咩心地慶祝。
31/1(四) -- 收工返天晉食飯, 慶祝爸爸生日; 澳門表姐同佢大仔因有事都來左, 一齊慶祝。
4. 雖然講過好多次, 但係真係好怕d人咩都驚咩都要riskfree, 我覺得太誇張果d可以叫係有"精神病"。
5. 連續射波2個半鐘後遺症係, 比平時打完波更累同酸痛, 因為不停重複同一個動作。
1/2(五) -- 早少少返去食team早餐; 收工去K11同ex-URA同事食我同Amanda生日飯。
2/2(六) -- 早上瑪麗BB Talk 10點, 11點半島完, 又去誠記食野, 之後返企; 沖個涼訓左陣, 呀源3點島來, 吹水hea, 我就順便一路吹一路抹地/抹窗/抹廚房, 叫係基本清潔左屋企(不過有d位清唔到, 算了)(上次已經洗左廁所); 7點島3個人去坑口桃源食飯(同呀源食個圍年飯), 之後返企無聊睇下電視, 呀源10點半島走。
6. 保險大結局 -- 無追開, 平時有時係企開見到先望下; 劇名改得衰, 劇情又衰, 演技主角又無咩top人(配角當然有), 個結局更加不知所謂, 真係唔知想點; 唯一可讚係歌, 但係臨尾呢2集狂狂狂播, 令人反感; 呢套野實在太差了。另外, 三哥果下"你做咩殺左葉子"有當年"嘩四條A"感覺, 多年不變演技仍然膠。
7. 打波有d擔心, 同佢打有壓力...(後記: 是日無conflict出現, 心安了)
3/2(日) -- 9-11天晉, 是日有贏有輸有三分, 早幾日練波亦有成果, 是開心的; 打完買野返來比C食, 我沖涼就訓到3點幾; hea左個下午, 本來夜晚唔想煮, 最終都落左去買野返去煮; 再落多轉同呀媽行左下街市買野(for年三十晚), 之後返去煮飯。
來緊:
4/2(一) -- 我家團年飯
7/2(四) -- 初三中同賀歲波
8/2(五) -- Cass公佈婚訊飯
10/2(日) -- 下午中同賀年聚, 夜晚C家開年飯
12/2(二) -- 5pm私家照結構
完
2019年1月27日 星期日
一月二十七日 -- 累到爆
21/1(一) -- 出site早少少返去買野煮飯。
1. 感到自己情緒低落。
22/1(二) -- 收工返去洗機衫, C7點先收, 返來去食附近茶記。
2. 我只係比意見都"痴線"?
23/1(三) -- 公司Annual Dinner; 拿十年老人牌。
3. 是晚公司節目評: MD唱歌無特別, 但將"月亮"改成"市建"令人覺得好嘔心; Licole同另一個PLD同事唱小幸運, 正常, 估計佢地唱K唔錯; YT唱英文老歌My Way, 一貫作風走特異路線, 我行我素, 雖然唔係話唱得好好, 但其實幾有大將之風(即係做唔到朋友, 但係以後有機會發圍ge似係呢類人); Candy同Derek唱你最珍貴, 2個都唱唔到唱K時水準ge一半, 甩beat走音和錯音, 對於有期望ge來講係慘不忍睹...不過由於相比之下又唔係好差, 結果高層投票都係比左冠軍佢地~
24/1(四) -- 喪強生日快樂; 收工超累, 返去屋企附近食飯。
25/1(五) -- 收工去SSP買返支模型刀, 見到Derek想要ge IJ, 幫佢買埋; 之後去TST食燒肉, 波友們同我食生日飯(DerekTommy輝Pierre)。11點島走, 同Derek搭巴士去坑口, 佢meet人拿野, 之後散, 我行返去。
26/1(六) -- 休息一天; 源中午上一齊食飯hea同埋幫搬野整野。夜晚EdfRita來埋一齊食晚飯, 再上屋企hea, 11點島散。
4. 有時真係幾難受。
27/1(日) -- 8-10柴灣, 是日進攻無特別表現, 不過防守都無點失, 有一球corner 3 swish; 返企食d野沖涼之後就累到訓, 訓左3個幾鐘差不多5點先起; 晚上C家團年@灣仔。
5. 真係好累。
來緊:
29/1(二) -- 同Nat食飯
30/1(三) -- 放假一天
1/2(五) -- ex-URA生日飯
2/2(六) -- 早上瑪麗BB Talk
12/2(二) -- 5pm私家照結構
完
2019年1月21日 星期一
一月二十日 -- 很累
14/1(一) -- 收工返去已無野買到, 所以買大家樂外賣返企食。
15/1(二) -- 收工返...again(同上), 食左泰國野。
16/1(三) -- 收工先去Jordon交收, 再返天晉食飯。
1. 是日証明收工搭地鐵返屋企係唔得的; 行去地鐵站都要2個字多d, 之後如果行上線就有排兜(但有得坐), 下線係金鐘又超多人, 而且又唔係快; 好明顯一定係搭巴士返企最好(仲要好好多)。
17/1(四) -- 花姐姐生日快樂。收工返TKO食魚米家。
18/1(五) -- Jenny生日快樂。收工第一次試搭van去寶林, 都快; 食上海野。
19/1(六) -- 無節目, 公司又真係好多野做, 結果選擇左返去OT; 本來諗住O半日到2,3點, 結果O到6點先走; 返去買外賣返企食。累到爆。
20/1(日) -- 8-10天晉, 是日打得正常, 有入3ball; 之後買d野返去比C食, hea到點半出去同呀哥一家食野, 食完散, 去街市買野返企整; 準備完又唔想沖涼住, 免得之後又要再沖, 自己落街行左下, 去佳寶超市行左個圈, 自己行感覺好好多, 跟返自己節奏; 返來hea多陣就煮飯, 7點零食; 之後洗碗晾衫沖涼, 洗開洗埋個廁所攪左好耐, 不過廢事咩都等到臨新年前一個禮拜先整了。超累, 手都"巢"晒。
2. 打波來講, 其實有時都幾怕同佢打, 唔知點講; anyway, 係我身體質素唔好, 係我技術唔夠, 係我sense不足, 不過我都無辦法, 起碼我每次都盡力打有盡諗有儘量係射波方面進步, 咁我跟唔上都無辦法, 最多真係唔打咯; 有d無癮。
3. 辛苦做晒所有家務, 洗埋廁所, 一句"其實都無人會上來唔緊要啦", 都唔緊要; 之後叫我幫佢拿紙巾入房, 我仲有好多野要整手又濕, 拿左係門口掉入床上, 仲好差聲氣話要佢擒上床拿? 你可以之後上床先拿返整返姐? 我仲有好多野要整要執喎? 我手濕喎? 我幫你拿左唔係好方便所以掉上床上都唔係好麻煩到你姐??
4. 結果星期六日都無訓得晏過, 又無午睡過, 抖唔夠...
來緊:
23/1(三) -- 公司Annual Dinner
25/1(五) -- 波友生日飯
30/1(三) -- 放假一天; C下午產檢, 不過我應該唔去; 預定行程: 早上練波, 中午搵Connie lunch? 下午自己行SSP, 夜晚可能煮飯?
1/2(五) -- ex-URA生日飯
2/2(六) -- 早上瑪麗BB Talk
12/2(二) -- 5pm私家照結構
完
2019年1月13日 星期日
一月十三日 -- 雜記
7/1(一) -- 收工去西環Tracy度拿衫返TKO, 是但飲左幾日前剩湯同整左個撈麵食。
1. 晚上同民民傾左個鐘; 雖然係講Ben件事同自己在公在私d辛苦事(未來得設問佢點就斷左線), 不過都好開心。
8/1(二) -- 收工返TKO交收同茶記食飯。
9/1(三) -- 收工返TKO買野煮飯, 8點幾先煮完; 如果6點收工, 果日唔使洗衫, 都勉強可以煮飯ge...
10/1(四) -- 條腰一直都未好好耐, 今日終於忍唔住早收工返去睇呎跌打; 返到去未夠鐘開門, 買左野返企先, 再開一機洗, 落去睇, 又係等左幾耐, 睇完返去煮飯。
2. 就算今日早煮早食, 但次次要等食完洗完, 佢又要等一陣先沖涼, 同我ready時間差不多結果又係等, 都係要等到好晏, 跟住到我整完得來又係晏, 都幾累。
11/1(五) -- 收工返TKO食食堂21(遇到Victor買外賣)之後返企。睇左大帥哥大結局。
3. 大帥哥 -- 其實無追開, 係間唔時睇下; 普普通通, 唔算特別精彩, 不過總算同一般TBB劇個format唔同; 另外, 固然有一堆綠葉OK, 張衛健又真係有一股氣場企出來係唔同d。
12/1(六) -- 全日無野做, 又約唔到人/出唔到街, 好悶。之前果晚太累一早訓左咩都未整, 半夜2點半島起身晾埋衫整完一堆野之後又訓唔到, 攪到4點幾先訓; 第日訓到10點幾11點先起身, 食少少野hea到2點幾先出去食tea, 再行個圈(超市佳寶etc)先返企。6點島去Aeon買熟食返來加之前剩湯同佳寶買ge菜又一餐; 夜晚出post賣模竟然有2單即晚都交收到(係TKO), 最後一單差不多10點半先交收, 返到來hea下睇下電視(Taken3)好晏先沖涼。
13/1(日) -- 8-10柴灣, 是日多人打得唔算多, 我亦無咩表現, 總算入左一球三分; 返企hea下食少少野, 中午同C出MK聽BB Talk, 之後去食好耐無食ge生力, 仍然一樣味道; 食完就返TKO, 行左超市x2同買野食返企(係將廣遇到Connie)。是日超累。
4. 最近打波射波表現都麻麻; 雖然如此, 一直refine緊自己射波mechanic同手法, 今日又覺得有d改進, 就算唔入都feel到d野, 希望之後有時間可以練下波, 再有進步。(其他走位、防守果d當然都有需要, 但係自己有得練同唔係限於身體質素ge野就只有射波呀~)
5. 是日發現用開支模型刀唔見左, 懷疑砌完latest果盒模型之後放左係個盒度掉埋...
來緊:
23/1(三) -- 公司Annual Dinner
25/1(五) -- 波友生日飯
30/1(三) -- 放假一天; C下午產檢, 不過我應該唔去; 預定行程: 早上練波, 中午搵Connie lunch? 下午自己行SSP, 夜晚可能煮飯?
1/2(五) -- ex-URA生日飯
2/2(六) -- 早上瑪麗BB Talk
12/2(二) -- 5pm私家照結構
完
2019年1月7日 星期一
一月六日 -- 新一年
1/1(二) -- 公眾假期一天; 早上起身食d野之後又訓返, 2點幾起身先出去尚德食野; 之後行下再係樓下街市買野返去, 夜晚煮飯。
1. 是日又出post賣模型, 賣左一半島。
2/1(三) -- 出site係街收工, 去左上環拿之前訂ge熱水壺, 之後返企放低再落去買野夜晚煮飯。
2. 是日早上開始頭痛, lunchtime訓過龍比老細拍醒(不過佢無咩野); 下午去樂富->大坑->上環, 係咁吹風又累, 所以最後無去灣仔等收工, 而係返TKO算了。
3/1(四) -- 收工返TKO食茶木, 之後係街meet呀媽呀姨姨丈行左陣, 之後散左再買d野先返企。
3. 茶木真係一間性價比低ge餐廳, 最奇係唔知點解又唔係平但係又間間/日日都見到要排隊, 痴Q線。
4/1(五) -- 收工返企煮飯, 整完晒野之後9點出門去CWBCCC同Ben馬IanHerman飲野傾計, 11點幾走, 返企晾完衫Edf打來講左好耐, 2點先沖涼...
4. 早一日Ben突然開個細group搵我地幾個話出來傾下計; 全部無人feel到, 得我一早覺得佢地有問題, 可惜Ben佢地2個都係唔出聲ge人, 而家已經太遲...真可惜。希望佢地都可以go forward啦。
5. 是日咩事個個都發癲? 敵半夜打來情緒起伏極大又狂喊, 又講左自己一個秘密(?)出來; 其實一直都唔太sure, 聽到仍然有d驚訝; 不過好彩佢已經走左出來(真的嗎?), 感覺上已經好左d, 希望佢唔好鍾返個頭埋去啦。
5/1(六) -- C早上產檢, 搵左佢媽陪佢; 由於公司d野太癲, 萬分不情愿都返左去OT...10點O到5點, 之後搭101去西環Tracy度搬左個hi-chair返企, 再過呀哥度食飯。累到爆。
6/1(日) -- TKO 1115交收, 之後11半睇Aquaman; 睇完行下TKO再去坑口, 行完返來都5點幾; 6點半去Popcorn彩雲軒同呀姨姨丈同佢d fnd食飯, 9點島走先。
6. Aquaman -- 劇情就預左老土無特別, 不過係拍得好睇, 同埋d特技/場面都正, 尤其個海底世界。估計睇I-Max個場面應該會仲正。
7. 2019第一個禮拜就好刺激; 中同出事, Edf原來之前出事, 逼不得已星期六OT...希望今年各樣野順順利利...
來緊:
7/1(一) -- TKO 730pm交收
9/1(三) -- TKO 7pm交收
完
2019年1月1日 星期二
十二月三十一日 -- 2018完
24/12(一) -- 平安夜早收3點; 收工返企, EdfRita上來, 等到C收工一齊去將中食越南野, 之後上我家坐一陣散。
25/12(二) -- 聖誕節; 早上8點半已起身, 食左少少野, hea到11點幾同爸媽哥嫂一家去飲茶; 之後哥嫂一家上來我家hea, 到2點半島源來一齊食聖誕蛋糕後哥佢地返去先; 同源係企hea到5點半島去Popcorn金滿庭食飯(娟SamEstherDorthyAda), 再去食糖水後上我家, 玩左一陣牛頭人到10點島散。
1. 今年無得去BBQ, 不過仍然可以同一班老友玩, 簡單相聚, 好開心。
26/12(三) -- 8-11堅尼地城, 是日打成一pat屎; 返企沖涼之後太累就訓左, 3點幾先起身出去食野(C係我返來前係屋企食左野, 我只係一早7點幾食左d燒賣), 食完野行下超市買野返企, 夜晚煲白飯食超市同街市買ge雞。
27/12(四) -- 收工返TKO食飯。
2. 今日係街食飯見到個好似呀橙ge呀媽, 同佢呀媽同個仔(大B來)食飯, 本來仲有講有笑, 突然佢呀媽唔知講咩辣著佢, 佢情緒突然爆上即時好激動+爆粗+講野內容好mean+好大聲; 有時呢d人真係唔知算唔算有情緒病?
28/12(五) -- 收工返TKO Parkside食翠河。
3. 今日下午我部腦server死左, 全個下午都用唔到電腦, 反而有時間睇file; 結果睇晒所有file, 終於都知道d case點, 爭d咩, 想要咩...etc, 個心對d case有晒底, 定好多; 之後仲有時間對埋圖。覺得今日工作進度良好。
29/12(六) -- 一早醒左, 今日凍左好多; 係屋企hea食少少野之後睇ViuTV播NBA+砌模型, 睇到2點去寶林食泰國野, 之後返企hea睇電視同繼續砌模型, 8點幾落去食台灣野。
30/12(日) -- 8-11坑口, 今日打得正常發揮, 2分入d, 3分入過, 唔算好準, 失少少波, 有d turnover, 唔算打得好又唔係特別差, 感覺上係最似我正常ge狀態, 亦有贏有輸; 中午同PennyConnieAmanda同佢個仔食lunch@SimplyLife, 之後買野返企, 沖個涼訓; 夜晚煮飯。
31/12(一) -- 除夕早放; 去左灣仔同DerekJack食Five Guys, 雖然貴但都幾好食; 之後返TKO同源EdfSanny食台式邊爐, 之後上我家hea, Sanny10點先走, Edf11點, 源12點。
來緊:
3/1(四) -- TKO 7pm交收
5/1(六) -- 早上產檢
6/1(日) -- TKO 12pm交收
7/1(一) -- TKO 730pm交收
完
2018年12月23日 星期日
十二月二十三日 -- 放假mood
18/12(二) -- 收工返TKO食完飯返企。
19/12(三) -- 出site早收係油塘, 係奇趣買左玩具, 返企沖涼恰左一下; C收工返來, 落寶盈食飯。
20/12(四) -- 清假一天; 早上起身出SSP行街買玩具, 又見Penny想買的公仔平, 幫佢買左; 本來約左Connie太子食晏, Penny都來join埋; 散水之後我去MK行同拿BB贈品, 再行信和InsPoint果欄; 之後去上環永安買熱水壺, 點知無貨(不過可照用就來到期ge coupon訂); 最後上C家做冬。
21/12(五) -- 收工返天晉我家做冬。
22/12(六) -- 太累訓到11點先起; 落街食飯後去MK帝京酒店聽BB講座(2-4); 之後去蘭苑食甜品後返TKO, 上一上天晉後去Beans食飯; 返企睇左50年同兄弟大結局。
1. 兄弟大結局果然無令我失望, 估中晒劇情; TBB劇就係唔可以太好, 要比人估中又cheapcheap咁先係架嘛~~
23/12(日) -- 8-10石塘咀, 是日無咩特別表現, 有贏有輸有貢獻, 入左2球三分(全場...); 返企沖個涼, lunch同馬couples食飯, 多謝佢送的BB車; 之後買野返企, 沖個涼累到昏迷左2個鐘, C煲左湯同飯, 我炒左個菜同煎熱返之前係呀媽度拿d雞卷。。
來緊:
25/12(二) -- Sam等人來TKO玩
26/12(三) -- 8-11堅尼地城
完
2018年12月17日 星期一
十二月十七日 -- 腰痛
12/12(三) -- 收工返去買外賣食。
13/12(四) -- 收工返去買外賣食。
14/12(五) -- 收工去果欄行個圈買左d生果, 之後meet源一齊行過去佐敦金山, 同Cass娟進食進同源生日飯。
15/12(六) -- 早上起身, 11點同媽哥新奇一家去飲茶; 飲完我去睇跌打, 等左好耐睇完已3點幾; 係企hea到5點幾6點, 去寶林食南記, 之後去出部新電話比C當係來緊生日禮物。
16/12(日) -- 8-10天晉; 返企hea到1點同哥嫂佢地去食譚仔, 之後散, 買野返企準備整晚飯, 之後再去街市買香, 返來沖個涼太累恰左; 起身煮飯後食飯。
1. 是日條腰好痛。
17/12(一) -- 清假一天; 早上同呀媽食早餐, 之後同佢行左去調景嶺再行出海邊行返TKO散步; 返企去個廁所換衫遲左搵呀馬射波(寶康開返); 由於腰痛所以都無點跳同跑, 輕鬆傾下計同郁下(之後條腰好好多喎); 2點完同佢行返寶林, 行左一圈就返TKO, 上天晉坐左陣, 同媽姪一齊落樓; 返去買d野返企, 整下沖個涼, 夜晚煮飯。
2. 上星期同媽食早餐, 發現一向無咩白頭髮ge佢多左唔少...
3. 同媽傾開計, 發覺有好多想法都好一致, 同埋又講左好多我未出世/好細個時d事。
來緊:
20/12(四) -- 清假一天; C家做冬
21/12(五) -- 我家做冬
完
2018年12月12日 星期三
"有了"有感
生命探測器終於有反應。
終於夠鐘可以講得。
今年年頭開始經常都唔commit一d之後嘅長期活動/體力型活動(難得我又同到好友去秦國)，呢幾個月又好少攪各種飯局/活動，人地叫食飯/唱K又話唔得唔方便唔舒服又盛，其實就係因為呢個原因。結婚頭1、2年係想二人世界，來到第三年開始認真考慮，自己都有d壓力。終於叫可以放下一舊心頭石。
係呢個年代，好多人有好多唔同原因唔想生小朋友。覺得自己未玩夠、自己未夠成熟可以處理、有經濟壓力、社會環境唔好…等等。不過我又咁諗：真係要樣樣嘢都perfect/準備完美先可以生??
人類從來都係好“被動”嘅生物。大自然嘅天氣、地理，人嘅社會、政治、經濟，到到最基本嘅生老病死，其實一般人可以控制嘅真係唔多。咁究竟人生在世係為咗咩? 點解世上要有人類有其他動物有植物…blahblahblah；講到呢d類似人生的意義真係無人答到(除咗宗教)。
老實講，我唔會認為人一定要傳宗接代，亦唔會諗養兒防老，更加唔會為生而生。只不過我覺得唔一定要好好環境、所有嘢都perfect池先可以生得下一代。人類從來都可以/焗住係困境之中生存。係古時戰亂時代甚至饑荒，或者社會動盪時、好多人好窮時，一樣會有好多人生下一代。唔通情況差d就唔好生? 或者，窮人真係唔生得仔? 有錢人生出來嘅一定好? 其實都係睇點教嘅姐(眼見好多有錢嘅都係垃圾吧?)。而家社會、環境真係好差咩? 比起好多好多好多地方，呢度的確唔止唔係唔好，直頭同“差”呢個字沾唔上邊掛?
我覺得好多因素都係要考慮嘅，我亦的確因為好多頭先提過嘅問題而猶疑過、掙扎過。但係最終我都係覺得，除咗一個家庭有下一代嘅感覺會好唔同同埋完滿d之外，多一個小朋友係會令人有好多改變同感受(尤其做產檢見到阿B由粒豆變咗有手有腳同埋聽到佢心跳聲今日隻手仲要比like) -- 人生真係去到另一階段、人需要變得更加成熟同負責、感受到前所未有嘅生命嘅奇妙、好多好唔同好新鮮嘅感受(so99y講嘢1999)。不過，最緊要係要有面對未知挑戰嘅勇氣啊(梁靜茹比嘅?)。
關於養育下一代。點解一定要比“一般人”認為“所謂”最好嘅嘢? 果d係咪真係最好? 人生最緊要係咩? 我認為唔係錢唔係叻唔係所有嘢都要順境。我覺得最緊要嘅係，識分是非、懂得尋找快樂，同埋健健康康。只要有解決難題嘅勇氣，有懂得從萬物中見到美好事物嘅眼光，識得欣賞各種唔同嘅唔同嘅胸襟，其實無論現實環境如何，都可以快樂咁生活。所謂“成功”，從來唔係錢同物質可以衡量到的。(我唔會反對人哋嘅睇法，亦都唔要求其他人一定要認同我。)
老土d講句，真係要多謝所有家人一直以來嘅支持，仲有各方好友嘅關愛，一直以來大家都比咗好多好多support同能量比我哋。我絕對係愛在心裡唔懂開口果種人來。另外亦辛苦老婆，呢幾個月除咗害喜嘅反應令你好唔舒服又長期好攰，仲要我自己都成日唔舒服同好攰，又有時會好似小朋友咁on99。希望陀穩定咗之後會好返d。亦都希望未出世嘅阿B以後亦可以健康快樂，知道爸爸媽媽係滿懷期待咁希望佢嘅出現，聽聽話話，咁就心滿意足了。
仲有多謝有心機由頭睇到呢度嘅人，肯定係真心朋友。🤣🤣 (諗到乜寫乜所以1999，虧你睇得晒)
完
標籤： 個人感受/感想/人生觀
十二月十一日 -- 男女已定
3/12(一) -- 出site早少少收工, 返TKO買野整定之後去睇跌打, 睇完返去再煮飯。
4/12(二) -- 放假一天; 早上同C去贊玉產檢, 11點半島走, 難得叫去果邊, 同C去堅尼地城街市食沙爹牛麵。食完返TKO, 佢返企, 我上天晉拿d野食, 同呀媽傾左陣, 之後一齊過富康, 買左d野, 我返企。整完d野沖個涼已6點, 眼訓到痴線, 一訓訓到差不多8點, 起身煮飯食飯洗野洗衫晾衫再淋個浴已12點。
5/12(三) -- 今日下午去灣仔地監局拿牌, 之後等C收工, 搭叮去CWB食金西南; 之後返TKO上天晉拿媽整ge水餃, 再去超市買野後返企。
1. 2日無鷓睇跌打, 腰都覺得有每日好少少; 尤其今日唔知點解行下企下同埋隻腳無啦啦痛左下之後, 突然feel到好多少少; 開始覺得唔係腰骨有問題, 係筋(定係神經?)可能有d野壓住定移左? 有時唔知點整返正就突然無咁痛, 個感覺同症狀唔係係骨有事。
6/12(四) -- 收工返TKO附近食飯。
2. 今日終於正常1係土瓜灣收工; 6點02分有車, 真係要準時即走仲要快去巴士站先上到; 不過6點9就落車, 都OK。
7/12(五) -- 下午放假清假; 去SSP行下買玩具, 之後搵Crystal去佢舖頭食野同傾計, 3點半先走, 搭巴士返企, 竟然無走車。
8/12(六) -- 早上起身食d野睇波, 比人嘈嘈嘈阻住我睇波勁無癮, 睇左半場就入房唔睇了(我無出任何聲); 攤攤下訓左, 3點幾落街去左泰國野食tea, 等佢食完抖完5點島幫嫂拿TB野, 返企後再落去睇跌打, 勁多人叫我6點半去; 6點半再落去仍多人不過下一個就到我, 8點睇完, feel到好好多, 應該敷多次藥就8899; 開始按時C打左叫定外賣, 8點睇完就去california pizza kitchen拿外賣返去食; 開千尋睇左"魔鐘奇幻屋", 都係d魔幻小朋友戲, 不過不失(後半段窒下窒下好掃興; 一路睇一路砌左新出果隻SD鐵甲萬能俠, 好正~~
9/12(日) -- 是日無波打; 中午同馬couples食飯之後係TKO行下, 下午係企hea同砌模型, 砌埋第二隻; 夜晚同哥一家食將中間越南野(都OK), 之後上一上我家坐陣同拿野後走。
3. 有人又係千尋影視睇左個幾鐘電影cover然後都係唔知睇咩, 最終睇垃圾電視節目。
10/12(一) -- 清假一日; 中午同呀馬couples食飯, 之後同呀馬射下波, 2點幾完去寶林行個圈返企; 沖個涼之後上下網, 到6點幾C收工返來係附近食野後去埋超市返。
11/12(二) -- 繼續放假; 朝早同呀媽食早餐陪佢買送, 上天晉後咁岩Connie來TKO睇醫生, 落去陪佢行去富康, 之後去灣仔Pizza Hut等C放lunch, 食完野過中環做Nifty; check完過上環睇永安之後返企; 夜晚我落街買外賣。
4. 是日check到男定女了~~
來緊:
14/12(五) -- 飯
完
2018年12月2日 星期日
十二月二日 -- 突發
26/11(一) -- 收工返TKO買外賣返企食, 是日唔夠訓頭赤。
27/11(二) -- 收工返TKO買外賣返企食。
1. 是日公司搬位, 搬到一半突然被通知要轉team, 下星期一開始返土瓜灣, 做返ACD野; 老實講真係估唔到, 最慘係又要重新適應過所有野(工作、同事、地點), 諗起就覺得好累...
2. 愛回家金城安同朱凌凌扮hehe果段好好笑, 佢地其實好交到戲~~
28/11(三) -- 出site西灣河遲少少收工, 都係返TKO買外賣返企食。
3. 唔記得邊日, 所以是但放一日; 知道要調返ACD後, 發夢見Tenant......
29/11(四) -- 收工返企煮飯。
30/11(五) -- 被調離前最後一日係呢邊返工, 無咩特別; 收工返去meet埋Edf(Rita已同C返左企)買野, 跟住返去煮飯; 佢地9點半島走。
4. 是日搬野可能整親, 條腰痛; 夜晚沖完涼之後更覺痛, 訓都訓得唔好, 半夜除左自己醒, 亦有比隔離整醒, 所以星期日好累好眼訓。
1/12(六) -- 一早起身幫Natalie(其實係幫Clement)過大禮, 9點前去到大角咀, 同佢係茶記佢食d野之後先上去佢度拿野打的去沙田, 好準時10點去到; 去到攪一輪坐下咁我11點島走先唔join佢地飲茶; 返到TKO買d野食比C, 我就去睇跌打; 睇完返企等到C舒服少少, 去寶林食秦國野, 攪左電話台d野, 就返TKO; 返到TKO上左天晉, 之後去買麵包, 買譚仔, 狂等狂企, 最後去拿淘寶, 勁長龍, C返企先; 拿完極累腰極痛, 即刻沖涼就訓左, 無食野。
5. "最好今日拿啦"
2/12(日) -- 源生日快樂; 天晉8-10, 是日腰痛, 打左一陣; 打完返企沖個涼, 之後去睇戲。睇完戲源來到TKO, 一齊食野之後佢陪埋我去街市買野, 之後返企hea、煮飯同食飯, 佢9點半走。
6. "怪獸與葛林戴華德的罪行" -- 明顯係一個長故仔拆開來拍, 今集作用似係連接之前之後同埋介紹下人物咁...覺得而家d戲有d搵笨...以前d戲起碼每部都可以獨立咁睇丫~~ Overall來講我自己未至於覺得悶, 但網上d人就有人覺得悶, 而我睇果場有個人睇到扯鼻寒 ...
7. 明天就要接受新野了...
來緊:
4/12(二) -- 贊玉
11/12(二) -- Nifty
完
2018年11月25日 星期日
十一月二十五日 -- 雜記
19/11(一) -- 收工返TKO買外賣返企食, 是日唔夠訓頭赤。
20/11(二) -- 早dd收工返去買少少野煮飯。
21/11(三) -- 收工去美麗華食秦國野, 慶祝ex-URA十一月之星生日飯。間野都幾好食不過d野細碟d。
22/11(四) -- 出site早收工返去買野煮飯。
1. 今日無啦啦有風, 話我可能轉返去ACD?
23/11(五) -- 是晚OT土瓜灣, CSa約左佢個客9點半; 係公司做野到7點幾搭車過去, 咁岩Edf係果頭, 叫埋Irene一齊食飯, 食完飯我夠鐘就過去meet CSa, 10點半先收工。
2. 是日下午見好耐無見果個八婆客(同埋佢個九叔老公), 果然不良預感不幸地中左, 真係好串好乞人憎仲要係咁搵日"了", 仲可能影響之後工作(可能會投訴定唔知做d咩), 好煩惱好唔開心好嬲; 擺明係麻煩人玩野, 完全係仆街來, 去死啦。
24/11(六) -- Penny係STAR Cinema睇中場, 所以中午搵我地食飯, 由於C唔係好舒服, 所以買左外賣上屋企食, 食完傾陣佢3點零走; 之後係企hea, 6點島炒左個烏冬比C, 我就出去KT同SamMandyAda娟食EstherDorothy源生日飯。
25/11(日) -- 天晉8-10, 是日打3on3, 同埋第一次試打國際例, 節奏無啦啦好快, 好唔慣~; 中午同馬一家食飯, 散左之後買野返企, 抖左個下午, 夜晚煮。
3. Weekend周不時會諗起星期五個死八婆單野, 好彩訓一覺起身都會淡左d, 同埋星期日諗通左少少野, 應該會無事掛? 希望之後順順利利無咩後續要再攪就好了。
來緊:
27/11(二) -- OT
1/12(六) -- 幫女過大禮
4/12(二) -- 贊玉
6/12(四) -- OT
11/12(二) -- Nifty
完
2018年11月18日 星期日
十一月十八日 -- 叉電
12/11(一) -- 收工返企, 買左樓下半隻雞$35幾抵, 再加呀C尋日煮剩d野同埋呀媽比左d燉湯, 立立雜雜2個人食完仲有得帶飯。
1. 是日抽到時間同C去check, 醫生証明無咩事, 安心d; C放一個禮拜假。
13/11(二) -- 出site早少少收工, 返去買野煮飯洗衫摺衫晾衫洗碗沖埋涼終於有d時間可hea下。
14/11(三) -- 收工返去買野返企煮, 準備完d野再落去超市買C要ge野, 返來再煮。
2. 一個人識唔識煮飯, 真係要計埋其他item; 除左好唔好食, 買d咩野ge計劃、煮果時ge時間/分流/先後、點用d廚房用具minimize之後洗ge麻煩...etc; 次次攪大龍鳳又耐又用一大堆碗呀煲呀煮出來都係幾道菜, 如果星期六日都OK, 收工返來梗係要快又方便啦~~ 結果買野+煮埋我都係用左一個鐘島就KO了。
15/11(四) -- 早少少收工返去, 做d家務再出尖東食放題, 同波友慶祝中同Pierre生日飯。
3. 雖然而家食野無以前咁多, 但睇來要真係再控制多d自己飲食, 要再健康d。
16/11(五) -- 出site早少少收工, 返去是旦煮d野食。洗碗時鋅盤無啦啦個隔氣漏水又整左輪; 沖涼前再順便洗左下個廁所, 累死了。
4. 終於明白點解有時d人壓力大或累會食野, 可能因為佢地無其他時間/精神/體力/機會去做第二d可以減壓ge野, 而飲飲食食就最容易的了。呢排經常好想飲甜野飲, 睇來要控制下~(好彩唔會好想食野)
17/11(六) -- 是日hea爆; 一早醒左, 去細房上左陣網又訓, 到11點幾出去買野食返來, 同C食完淋個浴攤攤下又訓, 比佢整醒之後都係攤係床碌電話, 到差不多6點一齊出街食飯, 再上天晉探下表弟剛出世個B, 之後行左下TKO後返企。
18/11(日) -- 8-10石塘咀, 好耐無打過室內全場! 今日覺得自己進攻選擇、走位都OK, 唔多turnover, 入左好幾球三分, 防守都無咩大出錯, 雖然輸多贏少, 不過算係打得唔錯; 雖一係上星期無打, 今日又算多少少人, 所以有d唔太夠喉; 之後返TKO去天晉比下星期場錢, 再買野食比C; hea一輪之後沖涼休息下; 5點幾落街, 去新開佳寶望左下, 再去Uniqlo買野比C, 跟住去超市買C要飲ge野, 最後街市買野返企煮。
來緊:
21/11(三) -- ex-URA生日飯
24/11(六) -- Esther生日飯
27/11(二) -- OT
1/12(六) -- 幫女過大禮
4/12(二) -- 贊玉
6/12(四) -- OT
11/12(二) -- Nifty
完
2018年11月12日 星期一
十一月十一日 -- 啡
5/11(一) -- Connie生日快樂。早收返企夜晚煮。
6/11(二) -- 早少少收工; C病假, 夜晚佢煮飯。
7/11(三) -- 出site早收, 去左Nat公司樓下同佢傾左陣, 送返禮物比佢; 之後返企沖涼, 夜晚去哥度食飯。
8/11(四) -- 出site係西灣河近海邊收工, 剛好搭到船, 去到三家村再行返去油塘搭地鐵返去; 沖個涼之後落Beans拿位同C食飯, 簡單慶祝結婚三周年。
9/11(五) -- 出site係西灣河收工, 返去沖涼再落樓下foodcourt同C食飯。
10/11(六) -- 呀C身體麻麻; 一早去到Macau, Shuttle去新濠影匯就食buffet, 坐到夠鐘3點先走, 上左8字摩天輪, 真心覺得無咩特別, 落返來hea一陣到4點幾就等拿房卡; 拿到房卡即時上房, 佢即訓, 我沖個涼都訓; 到7點島起身, 過去巴黎人果面睇下個假鐵塔同上七樓觀景台, 之後落foocourt食d野就返酒店。
11/11(日) -- 早上起身落去食早餐(buffet), 之後返房又恰一陣, 11點checkout, check完out就shuttle去碼頭返HK了。2點幾返到企。夜晚我去CWB飲, 姨婆個孫結婚, 我代表我家去。
來緊:
15/11(四) -- Pierre生日波友飯
21/11(三) -- ex-URA生日飯
24/11(六) -- Esther生日飯
27/11(二) -- OT
1/12(六) -- 幫女過大禮
7/12(五) -- ex-URA十一月之星生日飯
4/12(二) -- 贊玉
6/12(四) -- OT
11/12(二) -- Nifty
完
2018年11月4日 星期日
十一月四日 -- 諸事不順
29/10(一) -- 早dd收工, 返去買野煮簡單飯食。
1. 終於執左飯廳張台, 一如以往N次旅行, 之前係韓國/日本/其他地方話要買買買想食ge野, 次次擺一兩年質質質一輪因為無位要執時發覺過期而掉左。(果d零食我一向無咩興趣, 未過期前都有問過佢係咪食又話未過期, 遲d會食) 其實唔止旅行買果d, 有時係超市買果d都係咁ge結局。
30/10(二) -- 收工返去拿TB野返企, 之後上天晉食飯。
31/10(三) -- 是日下午同C第一次去醫生檢查。之後仲有早, 返去買野C煮飯。
2. 今日第一次照個粒豆/腰果, 又聽佢心跳聲; 之前一直仲有d夢幻ge感覺變得更加真實, 有一刻十分之激動。
1/11(四) -- 下午出左去, 中間有時間, 去左搵Connie比野佢同傾陣偈, 之後行左SSP; 6點半第一街OT, 之後返企食飯, C煮。
2/11(五) -- 收工同呀源同C去左寶林試新果間車仔麵, 還好。之後上我家hea同睇下電視, 源9點半島走。
3. 是日心情煩燥到極點, 屋企人、朋友等等都係度無理發癲, 痴線。
3/11(六) -- 早上係企煮麵食, 跟住ViuTv有NBA睇, 睇左場波, 睇完1點島恰左下, 2點幾起身同C落去meet源去吉野家食d野(源無食), 買野返去整; 之後SannyRitaEdfIrene陸續來到, 夜晚一齊食野同慶祝Rita生日, 10點半島散。
4/11(日) -- 本來天晉9-11, 但竟然原來無book到, 好彩轉場去街場都打到波...最近真係太累諸事不順; 之後返企沖個涼, lunch同呀馬一家食魚米家同係附近行下; 散左之後去街市買野返企, 淋個浴同恰, 夜晚C煮, 又一week。
4. 幽遊白書出動畫番外篇, 睇左中文字幕版; 雖然d劇情熟到識背, 但係都好懷念好正呀~~
來緊:
10-11/11 -- Macau Trip
21/11(三) -- ex-URA生日飯
1/12(六) -- 幫女過大禮
7/12(五) -- ex-URA十一月之星生日飯
4/12(二) -- 贊玉
6/12(四) -- OT
11/12(二) -- Nifty
完
2018年10月29日 星期一
十月二十八日 -- 累極
22/10(一) -- 收工同C係屋企附近食飯。
23/10(二) -- OT開會到10點完, 跟車送埋d業主返西灣河, 之後架車要返九龍灣, 司機大佬好好比我係牛頭角落車, 最終11點零返到企。
24/10(三) -- 出site係九龍塘收工, 咁o岩好彩同Natalie傾緊, 原來佢收工要去又一城拿資料, 好彩我未入閘, 於是幫佢拿埋先返去; 夜晚同C食大家樂。
25/10(四) -- 收工去SSP同貓姐MayChan食飯, 之後上貓姐家hea同玩貓。
1. 今日同佢地傾開, 原來同貓姐都識左20年了!
26/10(五) -- 早少少收工返企沖涼hea下, 夜晚出Jordon同波友們補祝Derek生日(大鍋口), 11點幾先散。
2. 大鍋口(邊爐)真係幾抵食, 性價比幾高。
27/10(六) -- 早上去土瓜灣OT, 下午返企換衫去荃灣麗城同同事打波(6-8)。都預左佢地heahea地打, 所以我都hea打算(次次星期日打唔到波都咁o岩有其他波打)。Edf OT完去荃灣有野整, 所以我打完波出返去同佢食飯(車仔麵)。好難得同佢2個人食飯, 傾左陣偈, 大家呻下公司野其他野, 到10點幾散。有個好友可以呻下真係好事, 起碼感覺係有放鬆d。
28/10(日) -- C表妹媛媛婚; 累到痴線的whole-day-event; 早上8點幾出門去炮台山酒店, 睇人接新娘; 到12點幾完場散水, 上C娘家hea, 坐一陣落街食野, 請埋佢媽同佢細佬女友, 仲莫名其妙請埋佢地個街坊; 之後返企hea到差不多5點出返去酒店(我無得訓, C訓左), 睇簽名, 影相, 直落到飲, 11點島先散。全程好多時間都悶到爆無野做, 電話睇到無野睇。返到屋企12點累到爆炸。
3. 呢排返工好忙好辛苦, 星期六要返工星期日仲要全日無得抖, 好累。
來緊:
10-11/11 -- Macau Trip.
1/12(六) -- 幫女過大禮
7/12(五) -- ex-URA十一月之星生日飯
完
2018年10月22日 星期一
十月二十一日 -- 確診
15/10(一) -- 收工係北角伕左手信Penny, 傾左2句, 好surprise的消息; 之後同C去睇下寶盈個新街市, 開左咁耐終於去望左; 之後去Parkside大家樂食飯。
1. 是日有2個surprise消息。
16/10(二) -- 本來一早約左ex-URA生日飯, 但要OT開會, 又遇到個好多野講好多野問好多野質疑ge呀叔, 結果講左好耐, 過左8點半先散; 生日飯已食完, 好彩佢地全部人齊一齊轉場食甜品比我join, 去左松記食完先散。Amanda搬左入TKO, 所以同佢一齊搭巴士返。
17/10(三) -- 重陽放假一天; 本來5人唱K(MayChanEdf源C我), Edf臨時飛機, 得返4個照去唱。今日覺得自己狀態OK, 而且狂唱Eason狂嗌好爽, MayChan雖然好耐無唱但仍然堅; 4個人只可4個鐘, 5點半完, MayChan走先; 我地3人臨時決定入寶林, 是但食左文華, 之後行返去屋企果邊, 呀源就返企了。
18/10(四) -- 收工同C敵Sanny去第二街食飯。
19/10(五) -- 收工去灣仔等C收工, 睇左陣學界籃球比賽; 差不多7點C收工, 同佢去北角探佢婆婆, 之後係和富食台灣野後返企。
20/10(六) -- Grace生日快樂; 早上去土瓜灣OT, 之後返企hea一陣到2點幾先出去食野, 食完去寶林同坑口行下, 最後買d野食返企夜d食。
2. 是日睇醫生confirmed。
3. 今日出完街返來, 累到爆, 明明好急, 比佢去先, 係sofa等果時竟然就咁訓著左, 到佢出來時因為都係覺得好累無動力, 再訓多陣先起身去廁所同沖涼。
21/10(日) -- 天晉8-10, 半場無咩特別; 打完返企沖涼之後出荃灣meet娟, 一齊入雷公田村, meet埋Edf行去河背; 食左農場鮮奶餐蛋麵同其他野; 行完4點零, 出返元朗氧雞, 再去Edf屋企樓下買d野食, 係佢家食野同玩貓, 8點幾走。
來緊:
23/10(二) -- OT開會
25/10(四) -- 貓姐家
26/10(五) -- Derek生日飯
28/10(日) -- C表妹媛媛婚
10-11/11 -- Macau Trip
完
2018年10月14日 星期日
十月十四日 -- 雜記
8/10(一) -- CSa約左2個客, 我同佢收工分別一人去一個; 我果個7點幾係寶林, 所以收工同C係果邊meet食埋飯。不過我之後聯絡佢話其實佢5點幾都得。另外, 我懷疑CSa果邊果個佢一早攪掂左可直接返企。Anyway佢都係想搏多d OT, 好彩今日都唔算太影響我, 算。係寶林見左一下Grace, 而家好難約佢食飯了, 送左禮物比佢先; 同C試左本來係日本野果度轉左的台式野, 味道價錢都正常偏貴ddd。之後返企。
9/10(二) -- OT 6點見客@九龍城, 三言兩語KO佢, 7點島返得設去天晉食飯。
1. 今日同呀源傾開同計返，原來我同佢畢業後返工日子，如果返工時間(唔計OT放假禮拜六日收工後，只係regular working hour)每個鐘揮一拳，都已經可以揮出一百萬拳了。唔知如果懷住感恩ge心，可唔可以練成“百式觀音”呢?
2. 開電視, 今集劇集幾乎係比李成昌發揮足全集, 一集做晒由十幾廿年前PK人夫, 到十幾年前爛賭呀爸, 最後而家因後悔痛定思痛走回正路真男人; 同佢最對到戲當然唔係個仔何廣沛, 而係老細煒烈。老戲骨始終都係要對返老戲骨, 短短一幕已經好feel到果種情懷。
10/10(三) -- 公司野+香港野令人無咩心機; 收工同C去Popwalk2試左牛助, 好普通, 唔多抵。
3. 電視見到麥皓兒做果個緊張焦躁媽媽做得唔錯喎~ 不過佢呢d都係綠葉格, 大紅大紫似乎有d難。
11/10(四) -- OT; 是日10點散場, call van搬野返office, 第一架van話來點知唔見影, 打返去先話接唔到, 再call第架先有, 結果total係街企左半個鐘先有車; 差不多11點係office走, 11半先返到企。
4. 是晚SM同我地講開，今晚咁晏，明天比我地返遲半個鐘, 仲講到好似益我地咁,
話咩最多比半個鐘咋。之後又講句，record都係遲到。我即刻出聲話我睇跌打。係比ge，就話比我地明早direct site執埋手尾返去啦, 遲半個鐘，返來見到大老細仲核突, 一個鐘仲可以話做完野返來。所以我即話睇跌打, 佢仲叫我拿醫生紙, 我爭d想講我拿醫生紙咁我放全日, 不過好多野要整，又廢事am, m難做, 算q數。
12/10(五) -- 本來諗住睇完跌打返工, 點知都係攪到1點幾先完, 索性拿全日SL; 買飯盒返企食完掃地抹地, 之後全個下午砌模型, 完左之前果隻SD Zeta, 再砌左隻小雲差不多完; C收工一齊入寶林, meet埋呀源食上海野, 之後行返屋企一齊睇電視坐左陣, 我順便砌埋隻小雲; 完左套劇9點半源走。
13/10(六) -- 早上起身去泰巷食早餐(10點9島), 之後出(大約12點島到?)Megabox行左Ikea實惠同Aeon(差不多4點完?), 返企抖一陣到接近6點出九龍城, 同源EdfRita食泰國野, 再行左下九龍城廣場同食糖水後散。
14/10(日) -- 咩場都book唔到, 於是早上同馬係TKO街場打下波, 同佢平時打開果d叔伯打, 雖然佢地有d矛, 三分又準, 好彩馬同我隊友都夠照, 打左三場都贏; 下午C約左fnd食tea buffet, 我打完波返企沖個涼, 約過bomber唱K, 小本型食飯/tea都唔成/未成, 臨時約到Edf Irene去元朗食野行下。掃下街同去左Irene想去果個綠色隧道, 之後同佢地買埋野食之後我走先, 返TKO; 夜晚返企, C無啦啦煲湯同煮飯, 食左少少, 第日帶飯。
5. 是日比個波打左中左個眼鏡爆左鼻, 流埋血; 雖然無咩好相但都破左相 xDD
6. 之前果晚, 有人睇電話到點幾都未訓, 我攤左都叫佢訓, 佢話睇埋, 咁我一向唔係好逼人同唔鬧人, 唯有蓋住眼自己訓先; 不過一向怕光唔怕嘈, 訓左一陣醒, 佢仲未訓, 問幾點, 已1點9, 於是再同佢講訓啦, 然後又再自己訓; 又訓訓下醒, 再問佢幾點, 原來已2點3, 我已訓左幾轉, 唔係好頂得住, 就算第日唔係打波要早起, 我都想早訓, 所以就過去隔離房訓。佢一向都係唔會諗自己有錯的, 我要過去, 佢竟然完全唔覺得自己有問題, 仲要第一句就話"你都係想過去訓細房姐?"(因為細房張床硬其實我訓得舒服d)。下? 如果我係想過去訓我一早1點幾果時就過啦? 使唔使訓左幾轉到2點幾先過? 其實我勁嬲, 可以話我係完全無錯, 錯係佢果度, 都可以咁, 真係無野好講。我都唔講咁多, 就咁過去隔離房訓就算。
7. 是晚有人明明食完tea buffet又唔餓, 又怕夜d餓所以要我同佢食晚飯, 返到去TKO又多人, 佢又唔係諗住食多但要等好耐好似唔太抵, 問佢佢又叫我諗食咩, 咁我未食飯，食咩都得, 梗係就返佢想食咩啦？佢又話睇我食咩，佢先睇下果度有咩食, 我就話其實我無所謂。其實佢食完tea buffet, 如果怕夜d餓咪到時是旦搵d野食咯, 何必5點半食完tea buffet之後要7點幾食晚飯? 結果有人唔高興就話唔食返左屋企, 大家都無食野。佢就煮個湯飲。
來緊:
16/10(二) -- ex-URA生日飯
28/10(日) -- C表妹媛媛婚
10-11/11 -- Macau Trip
完
2018年10月7日 星期日
十月七日 -- 累上加累
2/10(二) -- 本來怕要OT派信, 結果唔使, 但又突發有其樣信要派, 好彩唔使OT; 夜晚約Nat食生日飯@米記, 好耐無同佢2個人傾計食飯, 由6點幾傾到9點半人地打烊先散水~~ 之後返去上呀哥度幫手搬冷氣, 一抽出來d積水瀉晒出來我度, 濕晒~~~
3/10(三) -- 是日突發(but都有d預左, 但無預咁晏)OT到8點半島, 佢地就去派信仲晏多少少。之後趕去CWBCCC中同齋仔飯(皇帝Ben家昇澤), 10點幾先散。
1. 今日係公司feel到返少少當年係物管果時ge感覺 -- 企係中間, 老細無能, 同事廢柴, 客戶痴線。
2. 成班仔出來食飯ge感覺係點? 有d人以為齋仔出來話題會好勁? 或者好唔同? 其實固然唔會講d咩國家大事, 除左講少少返工同屋企野之外, 其實好多時都係講鳩野, 串下你講下廢話only xDDD 其實有時識左咁耐就係好簡單, 大家只係想出來見下而已~~
4/10(四) -- wholeday training @ PolyU, Rita都一齊上; 6點過dd放, 返緊去時Edf臨時約食飯, 係KT meet埋C同Edf一齊去左東廣場食左間西餐後散。
3. 是日training內容很好, 對平日生活都有用, 不過覺得自己一向係呢方面掌握都尚算OK, 意思並唔係另, 而係合乎期望, 或者知道點解做唔到某d效果, 因為我根本就唔會做某d野。另外, 有d人真係(其實應該話所有人, 不過有d人特別地)好適合聽下學下今堂呀sir講ge野。
5/10(五) -- OT土瓜灣派信, 8點前散得; 巴士app見仲有4個字先有車, 即搭van入寶林meet C食米線陣後返企。
4. 呢幾日返工都好忙好累, 好多野整比晒我整仲要煩客打來。
6/10(六) -- 早上起身後去左Popwalk3食早餐, 再買廁紙返企, hea到下午出去調景嶺圖書館行下睇下書, 之後食個tea後返TKO吉之島行下再返企; 夜晚本來約左飯不過放晒飛機cancel; 呀哥帶左2個B上來hea一陣, 夜晚係屋企煮左少少船麵同食生蝦。
7/10(日) -- 8-10坑口, 是日頭2場贏波都係因為同Derek+呀立一隊, 不過總算防守無犯錯, 進攻每場都有入1,2球; 休息一場之後再打都係同Derek一隊, 終於有入三分同其他進攻貢獻大少少, 亦都贏波~~ 打完波買飯返去食, 之後就hea同抖, 呀C係我訓著時去左買野同煮飯; 夜晚Edf臨時話上來一齊食飯。
來緊:
9/10(二) -- OT
11/10(四) -- OT
16/10(二) -- ex-URA生日飯
28/10(日) -- C表妹媛媛婚
10-11/11 -- Macau Trip
完
2018年10月6日 星期六
月餅與攪手
事先聲明, 呢篇野並唔係針對單一事件或者人物, 而係多年經驗同感覺, 所以如果有人覺得不安, 唔使太緊張, 因為可能真係講緊你, 但係其實唔止係講緊你only而已。
另外, 其實有關話題係以前blog又寫過, fb都share過類似內容, 如果嫌悶嫌長都可以飛左去。
**********
相傳元朝時，朱元璋造反，但係比人嚴密監控，傳遞唔到消息，於是就趁住中秋節送月餅，係入面夾紙條寫住"八月十五殺韃子"做暗號，成功將信息傳出去。
古時候, 唔好話互聯網, 連電話都無, 所以通訊好麻煩, 而約人就更難, 而約實左之後要爽約就更麻煩。
到左現代, 唔知係因為科技實在太發達, 定係人心不古, "承諾"已經同以前唔同。
話說十幾年前開始, 有好多group朋友都係我負責做攪手, 而攪手呢個位置, 絕對絕對絕對係吃力不討好。其實攪手最終係想點呢? 就只係想要個"confirm", 即是"確定"。Confirm有2個stage(其實唔係應該只係一個咩?), 以下就分開2個stage來講有咩咁麻煩。
第一個stage就係要確認, 係咪真係攪得成個活動同埋人數(已經唔好講地點同時間)。而家有whatsapp, 開個group大家一齊夾已經易好多, 十幾年前只係得電話或者ICQMSN etc, 只可以逐個人搵, 逐個confirm去唔去、邊日得, 做consolidate, 之後仲要再打多次confirm返, 即係每個人起碼要搵2次。如果夾日子唔順利, 隨時要搵345次。咁做得攪手就真係預左要狂打電話, 唔緊要, 但係最憎係咩呢? 放諸幾時都係, 即使而家方便左都係, 就係 -- 死都唔firm/唔出聲/遲d firm。
其實大家明唔明, 你(地)一日唔firm, 就全部人都係等緊你(地)呢? 而家真係無逼你去, 一係去一係唔去, 唔去都比個答案please。我知, 其實可能係priority問題/可能你(地)第2d朋友可能約你/可能想睇下有邊個去或者邊個唔去/可能睇下去邊或者個活動要使幾多錢/或者其他因素etc, 如果個個都係咁諗, 使撚約呀? 有時明明講好左一日, 但係又唔confirm係咪finalise, 咁即係點? 唔好hold住人丫唔該。講真一group咁多人, 人人都有其他friend, 一個活動係"未firm但已答應"之後呢段時間, 大家(理應)係預左果段時間係unavailable的(除非最後真係cancel)。最憎有d人(真係咁多年來好多)可能覺得呢班唔係first priority or因為有邊個邊個去或者唔去or頭先上面講果d原因, "唔想firm", "hold住先", 或者"唔出聲"。Hold住左人地段時間, 人地係(理應)唔會約其他人, 好嘞, 磨左好耐啦, 呀原來最後唔啦喎, 到臨尾先話唔得喎, 呀係呀你(地)之前未firm架, 所以無放飛機架~~ 但係你知唔知hold住人時間, 到最後話唔去, 攪唔成個活動, 人地又未必約得切其他人?或者有d人覺得, "我之前提過出來姐, 但係無confirm過, 如果你自己有節目你咪去果邊咯", 我當你係fnd先會因為你提過而又提先而hold住時間比你咋, 如果唔係我一早就唔睬你啦。
好, Stage 2。就係已經約好晒時地人。之後放飛機。
我知, 有時真係有urgent野/真係病/真係有unexpected事而來唔到, 真係唔緊要。但有更多時候來唔到果d理由, 根本係可以expect, 或者好明顯係假。其實放飛機真係唔使多講, 我估係人都唔鍾意。不過又真係唔知點解咁多年以來係有好多人會臨時放飛機, 而又覺得自己無問題。佢地會覺得"你地可以照去喎/我一個唔去唔係好影響姐/唉呀我唔記得左原來我咩咩咩/我今日因為咩咩咩好累"...etc, 呢d原因呢, 全部係可以之前預算到, 並唔係合理原因來架。而如果係講大話果d就更加唔使講啦, 去死啦。
其實呢, Stage 2果d放飛機我唔係好厭惡, 因為通常呢d情況果d人唔多唔少都知自己仆街, 而我係心入面又已經好直接咁屌鳩左佢地架。反而我最想share、最想講個主題同埋經驗(即係呢篇文個main point), 係係Stage 1果班死都唔firm、抱持觀望態度果班人, 其實比起臨時放飛機仲更加仆街。
所以其實係好多年前開始, 如果熟我少少果d朋友應該都知, 我攪少左好多活動, 又已經好耐都唔係好做攪手了。因為你地班仆街真係好撚煩。最後講多次, 你(地)唔使say sorry架, 因為我係唔會接受個sorry架其實, 我心入面都無鬧你(地)架, 我只係唔會點再攪活動。如果你地想出來/食飯/有咩活動, 自己出聲, 大家出到咪出咯。
仲有最後一點, 我真係慣左好多人都係咁, 所以我已經唔會嬲, 寫呢篇野只係比大家知道, 就算唔係我, 你地對其他攪手都唔好咁仆街, 因為攪手們都係好人來架, 佢地肯無償咁攪活動約人夾時間諗地點已經好好架啦, 你(地)做仆街野, 佢地唔屌你(地)只係佢地有修養, 並唔係你(地)無問題呀, 親。
完
p.s. 仍然係心想手直出無proof read, 幾分鐘打咁多字有錯就原諒則個啦 ^^
標籤： 個人感受/感想/人生觀
2018年10月1日 星期一
十月一日 -- 泰遊
17/9(一) -- 打風後開工, TKO線同HK線都無咩事, 所以返放工無咩事。收工去哥度借個gip, C煮飯。
18/9(二) -- 收工同Penny交收, 佢竟然比左泰國地鐵上個月出ge八達通連Tshirt比我, 比我去到有得用, 仲話出左咁耐未必有得買, 實在太好了; C好晏收工, 等佢返來係Popcorn食芽庄, 上一上天晉後落返地鐵交收後返企, 執行李。
19/9-25/9 -- (19)早上換左個廁所燈座, 中午同C去寶林同馬couples食飯, 之後我同呀馬去左射左陣波; 下午返企沖涼抖下, 夜晚去機場飛去泰國了~~
26/9(三) -- 放多一日假; 本來想睇11點早場Mr.Bean或老婆扮死, 點知訓晏左, 無睇; 中午約馬couples食飯, 之後同馬去左射波; 射完去左寶林行個圈後返企沖涼恰, 5點幾去東華東院探C婆婆; 細個成日去, 好耐無去了~~ 探完ad-hoc約到呀源食飯, 搭叮去史1角奇趣meet, 已經無咩好買了; 之後食肉骨茶果間野後散。返到來行Uniqlp竟然見到仲有Jump50週年Tshirt減價仲有貨, 買左2件幽白。
27/9(四) -- 出site收工返企再過天晉食飯。買埋星期六早場飛。
28/9(五) -- 出site早收返企抖, 等C收工食飯。結果佢要好晏, 自己係企煮麵食, 佢就9點先收工。
29/9(六) -- 早場特務OnJ, 都幾好笑; 之後返企hea, 下午C煮左買返來ge船麵來食; 再hea下恰下, 5點幾出APM meet源EdfSanny去打邊爐, 好早食完行多陣就散。
1. 特務OnJ -- 見到好有心keep住有笑料, 同埋真係有設計過唔係亂來ge笑位; 雖然又唔係個個笑位都笑得出, 但係overall都好輕鬆睇得舒服, 同埋main果幾個大笑位又真係好笑~~(VR同結尾)
30/9(日) -- 之前果晚10點幾就係細房訓著, 2點幾醒返過去, 之後5點幾醒過下, 8點幾再醒過返細房碌電話, 9點幾又訓著到11點半島, 唔知點解好累係咁訓; Lunch出KT同ConnieLoLoYee食晏; 食完後hea行左下APM散; 臨時決定同C去SSP, 搭巴士去行返例牌路線, 係玩具街咁o岩哥都係度, meet埋一齊行同去綠林, 之後一齊MTR返TKO, 同埋嫂一齊食飯。
2. 是日同番薯去wewe, 幫佢除左面褲之後佢就we左, 結果佢褲濕晒, 好彩有spare換。
1/10(一) -- 堅離地城8-11, 是日頭三場雖然攻守無咩大表現但勝在無咩犯錯, 加上呀立真係好勁, 贏晒Derek細佬佢地(我就無點入波, 1,2球only)~~ 第4場太累+matchup無得打, 不過都只輸少少, 最後果場本來都落後, 但手風順返, 連入三球三分波反超, 最後仲贏埋~~; 打完跟車返TKO企沖個涼就出返KT工廈cafe食Lunch同MandyAda慶生(SamEsther源Dor娟), 食完之後行下海濱再行埋去Megabox同九展, 最後係德福散; 入坑口同哥嫂一家食晚飯。
3. 是日比人係場外救波拍返入來中下腹部...雖則有鐵J但無鐵蛋，有d痛...
來緊:
2/10(二) -- Nat生日飯
3/10(三) -- 中同飯
4/10(四) -- wholeday training @ PolyU
11/10(四) -- OT
16/10(二) -- ex-URA生日飯
28/10(日) -- 媛表妹婚
10-11/11 -- Macau Trip
完
2018年9月28日 星期五
喪屍
2018年9月16日 星期日
九月十六日 -- 民仔!
10/9(一) -- OT開會堅離地城, 9點島完; OT前去試左間越南野"津津美食"都不錯又平。
11/9(二) -- OT開會茶果嶺; OT前有d時間同Ansel返我家hea一陣, 到差不多夠鐘先再出去開會。
12/9(三) -- 早上睇跌打, 本來MA睇完返去, 不過上面話要我拿醫生紙, 咁我拿開梗係拿全日SL啦。係企hea左一日, 夜晚出Jordon米記4仔re-U! 大約10點散。
1. 好耐無見民民，更耐無試過四仔齊人聚！其實都係好偶然ge契機。本來成班中同約來緊星期日，但因我本來plan左去澳門，所以另約一日(今日)。而家反而星期日打風(我都唔使去澳門)，中同聚未必搞得成。而民民因schedule同屋企各方面原因都未必約到第二d朋友見面了。
2. 終於記得, 最近發夢(但今次先係醒果時記得)成日都發一種(次次內容都唔同, 但已唔記得內容)係夢中見到/發生左d好唔順意ge事, 令我情緒好激動, 從而要好大聲去同對方(或幾個人, 通常都係好親ge人例如屋企人或好fnd的朋友)講, 但共通點係次次講到一半未講完想講ge野就唔知點解出唔到聲, 唔係痛唔係點而係唔知點解個喉嚨出唔到聲, 果種抑壓住、想講野又講唔到ge感覺好難受。唔知點解會發呢d夢呢?
3. 今日見到民民前及後竟然有幾下激動到有d想眼濕濕。
13/9(四) -- 下午出西灣河, 再到MK行一陣, 夜晚係大角咀OT開會。
4. 一出來又走車，不負走車魔人之名。
5. 一程車dub左車2次，一次比個痴線的士佬轉線攝埋來，仲要"呠"，仲要之後係巴士前面慢駛?幾個街口。另一次係綿羊仔係小路標出來。而家d人渣車都痴痴地。
6. 上左個極臭煙味呀叔，臭到痴線到完場。
14/9(五) -- 收工搭叮落灣仔188幫Derek買PS4 game, 之後行去CWB打Bino同TommyJack慶生, 11點島散。好耐無試過咁晏返企。
15/9(六) -- 本來公司event去澳門, 因為打風關係延至11月, 都係好事, 本來日子都太近去泰國了。訓到11點幾先起身, 中午落街食野, 之後買左d菜返企, 沖個涼就訓, 夜晚又係落街食, 之後返企睇左Viu播的紀念陳百強concert, 應該cut左d歌星, 同時開始砌隻白兵。
16/9(日) -- 打風無波打; 十號風球, 全日在家。砌完之前開始砌ge白兵, 再砌完隻HG Palace-Athena; 同時睇左Joey+Hacken concert同埋Joey果個side track concert。Joey x Hacken果個感覺上無N年前果個咁正(不過佢2個唱基本上就梗係無問題啦); 至於Joey Secret Life係預期之中幾正, 基本上都唔唱大路歌, 而我又
真係識唔晒, 幾正。夜晚C煲左湯+呀媽尋日拿ge燒雞同烚我地尋日買ge菜。
7. 最近都砌左唔少模型, 又發覺自己呢期砌HG多。之前賣左大部份MG, 剩返大量BB同少量HG; 其實自己最鍾意都係BB, 不過HG都好靚同埋款多, 所以都唔會放棄, MG就真係只係剩返最鍾意果幾隻算了。好耐無砌BB, 之後砌返BB戰士重拾下自己最鍾意ge感覺先。
來緊:
18/9(二) -- 收工Penny交收
19/9-26/9 -- 尋秦記
1/10(一) -- Lunch Mandy生日飯
2/10(二) -- Nat生日飯
16/10(二) -- ex-URA生日飯
完
2018年9月9日 星期日
九月九日 -- 雜記
3/9(一) -- 出site西灣河後係果度買d野食返企食。
4/9(二) -- 收工上一上天晉, 之後同C源係TKO食飯, 食完飯上我家坐吹水睇電視, 到9點9島源走。
5/9(三) -- 收工返企試買樓下$23燒味飯, 呢個價錢來講都還好; 有時懶又唔想去街食都係一個選擇。
6/9(四) -- 晚上OT開會8點麗港城。之前有d時間返企沖涼抖一陣食d野再去。
7/9(五) -- 下午出site行土瓜灣, 呢幾日都好熱好焗, 成身痴立立好辛苦; 行完返企沖個涼抖一下, 再去東區醫院探C婆婆; 探完搭van去北角行下同食左Jolibee後返企。
1. 今日追晒(到update)漫畫"轉生成蜘蛛又怎樣", 個設定同設想好有趣。
8/9(六) -- 早上起身去天晉幫老豆搬d野, 之後睇早場逆流大叔, 想睇好耐終於有得睇; 中午同馬couples食飯, 之後返企hea, 太累又係sofa恰著; 夜晚去坑口南豐食頹日本野同係坑口行個圈後返企hea睇電視同砌模型。
2. 逆流大叔 -- 好睇呀~~ 好本土, 有笑有淚, 又幾正面, 好值得睇。
9/9(日) -- 9-11天晉, 是日打得不錯; 打完同C食個飯之後買埋野返企佢煮飯我就抖。夜晚再家食飯。
來緊:
10/9(一) -- OT開會
11/9(二) -- OT開會
12/9(三) -- 4仔re-U
13/9(四) -- OT開會
14/9(五) -- 波友生日飯
15-16/9 -- Macau
19/9-26/9 -- 尋秦記
完
2018年9月3日 星期一
九月二日 -- 賣模
27/8(一) -- 收工同C係TKO食飯後返企。
1. 講返星期日唱K, 有宮心計2 d歌唱, 仲有翻生武林果首添 xD 可惜無"日月"。
2. 今日不得不提, 係公司manager開個會, 令我心中不禁暗笑, 爽。
28/8(二) -- 收工返天晉食飯預祝媽生日。
3. 是日交收條友幾乎放飛機, 之後先聯絡返, 攪到我要行多轉交收, 腳很累; 不過佢應機寧願即晚攪掂埋好過約第日了。
29/8(三) -- 收工返TKO附近食, 之後行左Jusco後返企。
30/8(四) -- 收工去LCK Fat burning class last一堂。完左之後係地鐵站meet左Bomber一下, 還返十幾年前借ge書比佢 xDDD (同埋hold左幾年ge大口仔扭蛋)
4. 是日交收又一死屁孩, 約果時已經成日唔應機又唔confirm, 結果又遲到等左好耐, 正PK。
31/8(五) -- 收工去東區醫院探C婆婆, 之後佢細佬車我地去北角食飯; 食梅花村, 到9點半島走。
1/9(六) -- 早場"與神同行2", 完全係續集, 其實我唔係好鍾意d戲唔可以獨立睇, 變左連續劇咁; 唔計呢樣野, 今集都無上集咁好睇, 純粹交代返三個使者生前恩怨, 但去到中間都估到晒; 之後返企抖, 下午又訓著左, 傍晚交收同拿TB野後夜晚出尖東食好時, 同Irene慶生(EdfRita), 食完我同C返企先。
2/9(日) -- 中山8-10, 頭半個鐘未夠人, 自己係半場射波, 拿到少少之前想tune射波ge感覺, 不錯; 可能拉筋熱身充足同埋有自己射左陣波ge關係, 是日打得幾好, 竟然有5,6球上籃而且入晒, 仲要有之前試過ge遠距離放高籃。有一場仲拿9分, 贏埋有Derek呀立細佬team; 打完返TKO食野買埋野返企, 夜晚C煮飯, 我下午訓左2個鐘。夜晚食完飯洗完野去左尚德同根下惠康行左個圈。
來緊:
6/9(四) -- OT開會茶果嶺
10/9(一) -- OT開會
11/9(二) -- OT開會
13/9(四) -- OT開會
14/9(五) -- 波友生日飯
19/9-26/9 -- 尋秦記
完
2018年8月26日 星期日
八月二十六日 -- 很疲累
20/8(一) -- 是日公司好多人唔係度, 好靜; 不過都清左唔少立雜野; 收工返TKO同C食日本野。
21/8(二) -- 出site返去買野煮飯, 是日太累落左糖係湯度, 好彩唔係好大影響...
1. 夜晚竟然失眠訓唔到。
22/8(三) -- 出site後返企執左d模型出來準備賣; 夜晚同C係附近食飯。
2. 今日有d時間, 又執左一堆模出來, 再清位。
23/8(四) -- 收工去LCK Fat burning class第五堂, 今日一堂做十樣野, 之前打筋+熱身再講解十樣野點做, 已經用左大部份時間, 之後就係草草每樣野做分幾鐘就完。如果長d時間每樣野都練唔同部位, 時間長少少, 同做多一set, 就可能有用ge~~ 落堂後同EdfRita去觀塘打邊爐到10點散。
24/8(五) -- 下午出site搵舖, 夜晚去C娘家食飯。之前果日留左皮鞋西褲果d係公司, 所以著便服返去, 但下午要出去行, 又唔想帶太多野, 又唔想留d野係公司, 但係行完夜晚又要去娘家食飯, 最終方案係: lunchtime即走返屋企食d野沖涼訓, 到咁上下先出門口去新蒲崗同九龍城行, 行完直接一程車去娘家, 咁樣最方便。夜晚食完落CWB睇左高達展先返企。
3. 是日空氣質素極差+熱+狂行, 其實都幾辛苦。
25/8(六) -- 早場睇古靈精怪大酒店3, 不過不失, 普普通通, 睇得幾開心ge~ 之後返企hea, 事隔十年終於都繼續砌隻MG紅渣; Edf五點到坑口, 一齊食Vietnam tea(可惜無個塔), 之後行去寶林睇佢講左要睇好耐ge裝修舖, 再行左下寶林後返TKO; 原本佢想上我家hea, 但太累臨時決定返TM; 同C返企沖完涼後就睇電視, 我繼續邊睇邊砌模型。
4. 星期五行得太甘, 今日又行左, 所以腳痛。
26/8(日) -- 8-10TKL, 今日覺得打得不錯, 固然都有犯錯同漏洞, 但我覺得係我可以發揮ge能力來講已經唔錯, 打左3場(都同呀馬一隊)贏2場, 輸果場其他難打+好累; 打完同呀C食野同埋係TKO交收模型之後返去沖涼即去東區醫院, C婆婆星期六有d事入左院所以去探佢; 探完即搭118同EdfRitaIrene係佐敦唱K, 是日狀態麻麻不過由於都係熟朋友所以感覺輕鬆, 其實只要個feel自在已好好; 1點半(我2點到)唱到7點, 之後搵左間泰國野食完散。
5. 今日打波值得一記ge係今日最後有場贏波係後上+最後果個possession隊友甩波出界我撲出救返返來, 另一下值得一記係Jack單人快攻比我從後追上後block(雖然之後佢拿返交比呀狗再射唔入佢再上入左), 但已經好夠~~
來緊:
28/8(二) -- 返企同媽慶生
30/8(四) -- 收工去LCK Fat burning class last一堂。
31/8(五) -- 波友生日飯cancel
完
2018年8月19日 星期日
八月十九日 -- 疲累
13/8(一) -- 土瓜灣OT到差不多9點; 之前去左一轉SSP, 係月台見到珊姐傾左大半個鐘; 福利竟然咁岩早收, 去到見住佢關。
14/8(二) -- 收工返TKO食番薯生日飯。
15/8(三) -- 是日SL; 早上睇跌打, 個醫生例牌遲來, 結果12點9先完; 即時去搵馬射波, 差不多1個鐘, 之後去寶林食左M記$10兩隻雞翼+汽水, 自己再返球場射多陣波, 3點幾好多學生就返企了; 晾衫沖涼摺衫後好累, 呀C收工但我都頂唔住恰左下, 佢去左超市買埋野返來, 先一齊落街食飯。
16/8(四) -- 收工去LCK Fat burning class第四堂。
17/8(五) -- 出完site返企換個衫, 下午臨時約左夜晚同C源Sanny去油塘食日本野, 之後仲入埋坑口食聰嫂先散。
1. 是晚同Denise傾左好耐, 希望佢心中對我同進ge誤解有所改善。
18/8(六) -- 最近可能真係訓得唔太好同太累, 訓到11點先起; 出去樓下食完野之後返企, hea下hea下又訓左; 夜晚再出去都係TKO附近食野同行下超市買下野, 又一day。
19/8(日) -- 10-12 Parkside, 是日自己算係打得唔錯, 而贏輸都係打到last point, 所以都幾緊湊; 之後直接同C食野行埋超市再返企, 沖完涼累到差不多即時訓著; 平時午睡都係一個鐘島, 今日訓左2個鐘...夜晚臨時約左Connie夫婦去左翠屏食日本野, 今次半價更抵~
來緊:
23/8(四) -- 收工去LCK Fat burning class第五堂。
30/8(四) -- 收工去LCK Fat burning class last一堂。
31/8(五) -- 波友生日飯
完
2018年8月12日 星期日
八月十二日 -- 想練波
6/8(一) -- 是晚土瓜灣OT, 8點半島走。
7/8(二) -- 出site早收, 返企抖一陣, 再出觀塘小本型飯聚。
8/8(三) -- 下午出site熱死, 出完順便搵呀So拿返套Slam Dunk; 返企沖涼後太累訓, 夜晚C收工返來買埋外賣食。
9/8(四) -- 收工去LCK Fat burning class第三堂。
10/8(五) -- 夜晚去西灣河OT影相後返TKO Popwalk 2同C食飯後返企。
1. 是日開始落雨。
11/8(六) -- 早上呀哥同蕃茄過來hea, 10點島呀爸過來睇我換房個燈座, 換完佢走先, 到11點幾呀哥都走; 點九島同哥去食野後返企, 呀澤3點半島上來, 吹一陣水4點半島同佢去Parkside同陪佢帶人睇樓, 之後散; 返企到5點九島同C出九龍灣meet埋源EdfSannyIrene, 陪Edf配完眼鏡後食飯, 再去淘大食糖水同行下之後散。
12/8(日) -- 8-10香港公園, 是日都打得唔錯, 不過無機會練波, 亦無機會re-tune我個射波system(好彩都夠用); 返TKO同C食d野就返企沖涼抖; 到4點幾落去買野, 又抖, 呀C煮飯。
2. 之前一晚不停醒完又訓, 訓得好差, 最終唔夠6點就起身, 好累。
來緊:
13/8(一) -- OT
14/8(二) -- 番薯生日飯
31/8(五) -- 波友生日飯
完
2018年8月5日 星期日
八月五日 -- 雜記
30/7(一) -- 收工返企, 樓下菜檔竟然仲有少少菜, 於是買左煮飯。
31/7(二) -- 收工返去食大家樂。
1/8(三) -- 收工同C去坑口Mr Steak食, 第一次試, 果個價錢來講半自助餐都算係咁啦, 2款牛有一款好唔得, 另一款OK。今日包包到手, 送埋比C。
2/8(四) -- 收工去荔枝角join公司Fat Burning Class第二堂, 今日玩Fitness Ball, 唔好睇佢好似彈下彈下咁玩其實都好累...下堂之後就散, 返TKO買左d壽司同一舊KFC返企食。
1. 上次玩TRX, 第日開始會痛三兩日, 今次個波無喎~ 不過做果時都累同埋爆汗ge~
3/8(五) -- 收工去TST食Carol生日飯(CarolConnieLoLoMandyWaiAmanda), 9點半島散。
4/8(六) -- 馬生日快樂~~ 之前果晚自己睇漫畫到3點(好耐無試過咁晏訓xD)所以好累, 第日都係9點幾就起身, hea下到中午出去食野, 行下TKO一陣就去娟屋企睇貓貓, 3點幾到佢家hea下到4,5點太累恰左恰; Edf 6點幾到沙田, 一齊落去食野, 再上返娟企hea多陣就散。
5/8(日) -- 8-10 Parkside, 是日打得正常; 中午同馬couples食飯同行下寶林, 散左之後返TKO, 買野夜晚C煮。
2. 今日盧凱彤單新聞真係好surprise...
來緊:
6/8(一) -- OT
7/8(二) -- 小本型飯聚
13/8(一) -- OT
完
