唔知大家細個或者而家對自己小朋友有無聽/講睡前故事嘅習慣呢?
又係網上d研究話, 小朋友由細個培養聽睡前故事嘅習慣, 對以後長大有幫助喎~~網上太多太多資訊, 全部都講到似層層, 其實已經分唔到真假, 不過同小朋友講睡前故事, 起碼可以增加到親子時間, 點都應該係好事來嘅。
不過, 今次唔係想講呢樣嘢。(次次都係文不太對題 xDDD)
話說應該唔係好多人知, 我成日都諗好多故仔, 無論係攪下笑、抒情、恐怖、咸故、打鬥…等等, 經常係腦海中出現好多唔同情節。而係多年之前開始, 諗左一個好龐大嘅長篇故仔(呢個係中學時期開始), 之後keep住有寫低自己嘅idea, 尤其係人物性格、特徵、武功, 各組織架構, 發生咩大事小事, 人物同人物之間互動...等等, 只係寫低呢d資料性嘅野已經有幾萬字, 超級滿足到自己對古代、武俠同打鬥嘅中二病。
不過, 今次都唔係想講呢樣嘢。
又再話說, 其實我個人本質應該係屬於黑暗系。就算平時表現出來幾咁正面撚、on 99、真心膠+假膠, 咩都好, 真正內裡嘅我其實可以好負面好痴線。
原因有好多, 除左因為受人影響, 睇嘢會向唔好果方面諗之外, 由細到大鍾意睇書+上網+同人傾計吸收資訊, 見到呢個世界負面嘅嘢變態嘅嘢好多好多(當然都有好多正面), 各樣見聞+經驗再影響埋本來性格, 令到好多時睇嘢都可以諗到好負面嘅可能性。(好彩, 自己會自動逼自己諗埋正面, 盡量兩方平衡, 起碼令自己理智上知道所有嘢都會有正反兩面兩個可能性。)
不過, 其實都唔止係想講呢樣嘢。
終於算係講到正題。綜合以上, 再加上自己嘅身體+精神, 會發生咩事呢?
1. 由細到大我都唔係訓得好, 同埋唔係容易訓著嘅人(近年好咗d);
2. 由細到大我個腦係好難放空, 係會自動一直諗嘢一直諗嘢一直轉一直轉果d人來;
3. 日頭自己一個人時, 或者唔係訓係度時, 可以做其他嘢分散注意力, 但係訓覺時間只會訓係度, 做唔到第d嘢, 所以係未訓著前個腦就會一直諗嘢;
4. 係夜晚嘅時候, 會特別負面。
咁結果係會點呢? 就係個人會不斷地諗d唔好嘅野, 負面嘅野, 痴線嘢嘅, 變態嘅嘢。唔係去諗人地唔好, 而係諗自己或者呢個世界, 舉d例: 細個可能知識未夠多, 就會因為身體出少少問題而擔心自己會死、讀書/前途無限擔心、其中一樣諗得最多嘅係死亡 – 自己、親人、朋友, 極度害怕失去、完全想像唔到會點, 總之就係諗到一切可能, 然後自己嚇自己(日頭唔會咁架喎), 最後就係諗到自己痴晒線, 好恐怖。
咁同睡前故事有咩關係呢? 自己屋企一向都無呢個習慣。但係係自己懂多少少事以來, 開始夜晚會陷入無限恐怖嘅時候, 就學識左諗故仔。尤其係以前自己失眠得最犀利嘅時候, 開始feel到自己亂諗野嘅時候, 就逼自己轉台, 諗故仔。由之前諗好多細故仔, 慢慢到多年前開始諗果個好長篇嘅故仔。
雖然有時都無用, 會陷入左恐怖嘅無限亂諗野輪迴, 但呢個睡前故事的確救左我唔少次。雖然好無聊, 但係除咗可以令自己唔好係夜晚自己痴線到驚之外, 仲可以自己滿足自己果個故仔添。(近年叫係訓得好d，所以detail故事中盤都未到。不過大綱一早完成)。
完
p.s. 最近都好攰好眼訓, 呢篇嘢一路諗一路打, 可能有d亂, 唔理了。
2018年7月8日 星期日
睡前故事
標籤： 個人感受/感想/人生觀
七月八日 -- 工商盃3rd
4/7(三) -- 收工返天晉食飯。
1. 夜晚屋企出現曉飛巨強, 好彩呀哥過來KO左佢, 實在太恐怖了......
5/7(四) -- OT開會到9點島。
2. 下午出site一次過去晒要去同影ge地方, 換來之後ge方便; 不過好熱又濕又乾左幾轉; 除左方便, 仲換來唔使同高級食飯同聽佢哦(雖然佢會請食飯), 自己係SSP掃下街仲開心; OT開會d人又遲來, 個高級明明話快講點知佢又up得好耐, 結果佢講ge時間係我幾倍, 臨尾仲累我走車(結果我搭MTR)。
3. 好耐無試過同fnd傾個幾鐘電話, 更耐無試過沖住涼傾電話 xDDD
6/7(五) -- 收工上C娘家食飯。夜晚返企睇波。
7/7(六) -- 是日狀態極低, 早上一早起身, heahea下到差不多11點出去, 食d野行下返企, 即時累到係地下恰左個幾2個鐘, 起身時頭暈仲有d想嘔(最終都嘔唔到出來), 沖個涼舒服d, 又恰; 晚上6點幾出去(同媽&呀哥一家)北角同鄉會飯, 11點島先返到企睇半場波。
8/7(日) -- 8-10 parkside, 是日打半場, 都無咩話打得好唔好, 覺得自己該做都做得唔錯, 單擋走位rollin rollout射波走底入波等等, 最開心係同呀馬夾果場夾得幾好仲贏波; 之後同C食d野, 返企睇Antman 1, 差不多睇完Edf同佢妹來到, 佢地同C去天晉游水, 我就係企hea一陣, 搭shuttle x2去順利打埋最後一場工商盃(原本有少少唔想去的), Edwin Choy終於出現, 幾好波喎~~ 如果佢之前有來, 可能我地贏到一場了(是日起手好少, 入左一球底線中距離~~)。打完又shuttle x2返TKO, 同佢地食小幸, 之後返企睇電視hea一陣後, 佢地9半島走。
來緊:
21/7(六) -- 公司電影
完
2018年7月4日 星期三
七月三日 -- 連假
25/6(一) -- 出site早少少收返去煮飯食完飯睇波揀歌。
26/6(二) -- 5點幾去西灣河接人上shuttle返上環開會OT, 8點開始, 9點半島完, 跟車返西灣河走。
27/6(三) -- QBOT7點3開會; 公司落到去6點幾有d時間, 因為近Nat公司, 同佢meet左係M記坐左陣傾計; 之後7點3開會, 半個鐘島KO佢地; 返到TKO 8點幾同C食峰壽司, 味係不錯但有d貴。
28/6(四) -- 收工出MK, 買左扭蛋SD模型同漫畫(難得出一次, 買晒要買ge野), 之後去天機棧同白田同事食飯, 今次仲叫埋好耐無見ge黃sir。
29/6(五) -- 上午SL睇跌打, 今次等到12點, 痴線; 睇完即返公司都遲左, 仲要無食飯, 食左幾塊餅乾; 之後出site後返企, 等到C收工出去食台式鍋。
30/6(六) -- 早上係企hea, 下午2點到6點同C源EdfSanny係Megabox唱K, 之後一齊返TKO meet埋Irene後返企坐一陣, 8點去食放題; 食完一齊上我家睇波, Argentina vs France, 好睇喎完場4:3~~
1/7(日) -- 8-10石塘咀; 今日終於贏波! 仲要贏幾場~~~ 雖然今日仍然腰痛, 射波都係唔好, 但係今日仍然努力防守, 無點失波, 進攻有睇位同就返隊友去走, 做擋, keep到個flow, 雖然無咩入波(打左幾場, 都只係入左2球, 其中一球都幾關鍵三分, 14:16->17:16), 但覺得自己打得幾好~~ 另外, 贏幾場都算係underdog, 對方都係Derek細佬佢地, 真係大家一齊努力地贏咕~~ 仲有今日呀馬回歸, 同佢同一隊果場打家都打得唔錯, 佢傳左果球wild open三分比我, 而最後一球係Jack傳邊比我我再傳比馬中間入攝佢入波而贏波, 好開心~~~~ 打完波返去沖個涼, 之後去寶林同馬couple食飯; 3點島同哥嫂B去天晉玩水, 夜晚同C2條友係屋企附近食, 夜晚睇波。
2/7(一) -- 公眾假期, 一早起身同C哥嫂去SZBody Check; 11點幾已完, 之後去東門買碟, 再去搵野食(去錯地方所以磨來磨去攪左成個鐘先食野), 最後去埋書城之後返TKO; 夜晚哥嫂Jason帶埋2個B來食Pizza同外賣。
1. 有一下呀哥休克左幾秒嚇死我。
3/7(二) -- 清假一天; 早上本來想射下波, 但係落雨, 於是自己去睇早場Uncle Drew, 如果係籃球同NBA fans睇都OK, 如果唔係就唔好了; 中午meet埋Connie一齊去中環, meet埋LoLoPenny一齊入長洲(本來怕落雨想改, 之後都係照入), 入去食下野飲下野行下, 6點幾走, 出返來去CWB meet埋C去左食金西南後返企。
來緊:
5/7(四) -- OT
21/7(六) -- 公司電影
完
2018年6月24日 星期日
六月二十四日 -- FS+千層糕
19/6(二) -- 堅道bfing OT到8點幾; 返去食粽。
1. 個女人竟然原來係傻傻地ge~~
20/6(三) -- 收工臨時約呀源, 同C一齊去北角, 行左奇趣, 之後去食素。散後返企睇到大半場波。
2. 突然夜晚收到消息, 公司又有人事變動, 睇來來緊條路愈來愈唔好行呀。
21/6(四) -- 收工返去同C食HKD之後返去都係睇下波。
22/6(五) -- FS, 本來可早d走, 但system出問題, 結果9半走...
23/6(六) -- FS, 6點走; 去KT同C食一心素食之後返企。
24/6(日) -- 10-12中山紀念公園, 今日打得好差, 不要再說了.jpg, 前2日FS之後腳痛手痛又腰痛, 諗住靠腎上腺來頂住, 結果打果時手同腳痛都唔覺了, 但腰仍痛, 所以真係打得差, btw, 又多一個禮拜無贏過波了(全場只入左一球三分); 打完返企C已買左野食, 即時食完沖涼著衫就出觀塘, 參加公司個千層糕班; 整完返企, 夜晚C煮飯。
來緊:
26/6(二) -- OT
28/6(四) -- 白田
21/7(六) -- 公司電影
完
2018年6月18日 星期一
六月十八日 -- 世界杯
11/6(一) -- Lunch幫Edf買Cookie, 本來約收工後MTR交收, 咁o岩大家都出TKW, 所以就咁係TKW交收後散; 買左雞比返去, 再買d野夜晚煮飯。
12/6(二) -- 是日屋苑我住果座洗水缸停水, 下午應該恢復, 不過通常d水都會濁d; 老豆打電話來話廚房d水OK, 浴室爭d; 最終收工時懶懶地決定唔煮出街食; 係調景嶺落打算去一麵館, 點知執左(呢排想去邊間就執邊間), 於是行返去將中, 發覺無咩o岩食, 最終去左食21燒肉飯。
1. 是日係工作上ge決定很正確, 旨意am真係無用, 直接搵sm決定又快又省時間。
13/6(三) -- 臨時約呀源夜晚食飯; 收工返去買野煮飯, 佢食完一齊hea到9點半島走。
14/6(四) -- 收工返去買左M記+KFC+菜+整埋屋企塊牛扒。
15/6(五) -- 收工臨時約呀源Sanny一齊去九龍灣, 呀源配眼鏡; 之後行左下淘大, 係果度食左靠得住, 再去食埋甜品後散。
16/6(六) -- 之前一晚2點幾自己醒左, 無理由唔順便睇埋雙方對戰啦, 結果3:3好精彩; 第二日全日都好累, 年紀大捱一晚夜都好辛苦了~~ 8點幾醒, hea到10點幾起身, 食少少野, 係企hea下訓下, 到3點幾出去大家樂食個tea行一下附近, 4點半拿TB野返企, 執完出發去C婆婆屋企, 佢加拿大呀姨星期日返去了。睇左半場亞軍廷對冰島走。
17/6(日) -- 8-10石塘咀; 是日進攻麻麻, 防守無特別, 總括都係麻麻; 場場都輸少少, 好似好幾個星期無贏過波了~~ 返TKO同C食撤利亞, 返企沖涼又恰; 3點幾出去坑口街市食tea, 買蛋糕返企, hea到7點島過去爸媽果邊食飯, 簡單都叫慶祝父親節; 夜晚11點睇波德國對墨西哥, 德國竟然輸波~~ xDD
18/6(一) -- 端午節假期; 係屋企耍廢了半日(連續三日都訓左晏覺xDD); 5點幾接近6點先落樓下行個圈食埋野, 之後買d野返企; 睇左場波(肉丸對泡菜)。
來緊:
19/6(二) -- OT
22-23/6 -- FS
24/6(日) -- 公司千層糕班
26/6(二) -- OT
28/6(四) -- 白田
21/7(六) -- 公司電影
完
香港典故 之 地鐵站之迷
2018年6月10日 星期日
六月十日 -- 攰
4/6(一) -- 收工返去想買野煮飯, 點知菜都無; 去左吉野家食, 呀哥後join。
5/6(二) -- 收工返去又無晒菜, 結果去左大家樂食完返企。
6/6(三) -- 出site早少少收(仲幫CSa派埋佢d信), 返到去終於買到野, 煮飯。
7/6(四) -- 出site返去買戲飛買"食送"幫C拿淘寶野返企煮飯。
8/6(五) -- 收工臨時約左EdfRita去長沙灣, Crystal店食飯, 多謝佢加左料同請我地食豆腐花~~
9/6(六) -- 早上11點睇Jurassic World, 都係一般expected片, 無大驚喜亦唔太差; 之後食完飯返企hea一陣, 夜晚去C婆婆屋企食飯, 9點半島散。
1. NBA Finals Game 4, GSW贏埋, 4-0橫掃; 今年真係悶...
10/6(日) -- 8-10石塘咀, 是日難得覺得自己攻防都打得幾好, 雖然輸晒...不過覺得自己防守無點失, 無令隊友失, 回防左唔少球, 進攻不停單擋傳波該射就射亦入, 可惜幾場都係大約20分輸; 之後太累, 返來同C食完lunch買埋野佢就準備定晚飯野, 我就沖涼恰下(但唔係好訓到); 佢整完之後大約5點, 同佢出左寶林再去坑口睇雪櫃(行到腳都痛), 之後返企佢煮飯, 我又hea等飯食。
2. 打波 -- 今日尤其最尾果場, 人腳很好, 我又唔係打得差(無拖累隊友), 反而自己隊成隊後段走動幾低, 加上狂炒又狂Turnover, 結果輸1分, 真可惜。
來緊:
22-23/6 -- FS
24/6(日) -- 公司千層糕班
21/7(六) -- 公司電影
完
2018年6月4日 星期一
六月三日 -- 雜記
28/5(一) -- 收工同C去左寶林食飯。
29/5(二) -- OT西灣河, 7點半過d完; 之後返企食飯, C煮。
30/5(三) -- 上午諗住睇跌打先返工, 點知話10點開, 10點未半等到11點9先來, 仲要排第四, 結果睇完2點幾, 索性拿full day SL; 夜晚去科學園, 小翠擺酒。10點幾散, 好彩有得痴人車返TKO, 半個鐘島就返到來。
1. 今日等緊開門時, 先知原來樓下間雜貨舖有玻璃支裝可樂賣~~ 仲要大$7小$5, 價錢OK~~
31/5(四) -- 清假一天; 中午同呀馬食, 之後同佢射下波, 熱到痴線, 不過都射左個半鐘; 之後去馬會拿$40後返企沖涼抖下, 夜晚Sanny源入來TKO一齊食炸雞。
1/6(五) -- 收工搭叮去灣仔, 行左下太原街之後等C收工, 7點半島一齊行去CWB食金西南後返企。
2/6(六) -- 日頭留係企hea睇電視同砌好隻笛子魔童, 中途等師傅來整熱水爐。5點9島出KT, 6點半同CSannyEdfIrene源食磯燒放題, 之後行下APM到01點島散。
3/6(日) -- 9-11石塘咀, 是日難得覺得進攻不錯, 並唔係話入左好多波(當然都有入, 亦有三分), 而係唔會打到個節奏好亂, 走位OK, 該入ge入, 仲有不少助攻, 睇到隊友走位, 防守就普普通通, 今日無咩比人攻我果邊; 之後返TKO同C食台灣野, 返去沖涼後hea抖同訓左(太累); 5點島出門去SSP同Edf行黃金, C買左sdcard, Edf買左mouse, 我買左玩具店; 之後食馬來西亞野, 都不錯。最後行左下西九龍後散。
來緊:
22-23/6 -- FS
24/6(日) -- 公司千層糕班
21/7(六) -- 公司電影
完
2018年5月27日 星期日
五月二十七日 -- 雜記
21/5(一) -- 收工去西灣河Rita家同佢老公細女Edf打邊爐, 10點半島走。
22/5(二) -- 佛誕假期一天; 9-12堅離地城, 今日防守覺得都不錯, 頂到好多內線又無點失d唔該失ge波, 亦有回防快攻, 進攻就麻麻地, 起手唔多又唔太入(3個鐘只係入幾球), 好彩都叫贏到一場波。之後返TKO買外賣返去食, 沖完涼恰; 夜晚出翠屏同日安盧撈食日本野, 好抵喎。
1. 之前果晚飽同埋食到個人好熱好慶, 成晚都訓唔好, 第二朝又6點島已醒, 全日都好累好眼訓。
23/5(三) -- 收工同CSanny去第二街餐廳食飯, 臨別秋波係佢月尾唔做之前食多最後一次。8點幾走。
24/5(四) -- 出site早少少收工, 去MK行左In's Point信和兆萬, 之後同進姑姑八妹去天機棧食飯, 八妹派帖。
2. 是日買左張六合彩, 中左3個字喎~~
25/5(五) -- 出site收工返去沖涼恰左一下, 之後過去天晉食飯; 夜晚12點島C細佬渣車來, 我地拿d淘寶野落去比佢。
19/5(六) -- Edf同Rita早上去西貢, 中午出返來坑口, 同佢地去左食Xoxo Cafe之後散; 係企hea到4點半落去拿TB野, 之後去C婆婆屋企同佢親戚食飯; 食完一班一人齊行去西灣河買天仁茗茶, 再行去QuarryBay搭車返。
27/5(日) -- 8-10柴灣, 是日打得普普通通, 仍然有好勤力地回防, 進攻就入d唔入d咁, 不過經常part住Derek所以贏波多(可惜同呀馬一隊果場最尾連續2球Openlook winning shot唔入最後輸左); 中午出官塘同Sam娟慶祝生日食飯(C娟SamEsther源MandyAdaDorothy), 食完Mandy同源都走先, 其他一齊上我家hea, 5點散。夜晚同C去左食小王牛肉麵。
來緊:
29/5(二) -- OT西灣河
30/5(三) -- 小翠擺酒
31/5(四) -- 清假一天
3/6(日) -- 9-11石塘咀
完
2018年5月21日 星期一
五月二十日 -- 熱
14/5(一) -- 收工返TKO食大家樂, 好累唔想煮。
15/5(二) -- 本來係八妹派帖飯, 點知佢唔記得左今日係佢拍拖紀念日, 加上等埋姑姑一齊食, 結果改期去下星期。收工返TKO, 繼續懶煮去左Popwalk 2食。
16/5(三) -- 西灣河OT到8點幾, 返到屋企9點零先食飯(C煮)。
1. 上環叮到北角一個鐘, 到西灣河差不多個半鐘。
17/5(四) -- 收工返去買野煮飯。
18/5(五) -- 出site早收返企抖一陣, 夜晚出寶林食上海野後返企。是日全日頭赤赤。
19/5(六) -- 是日唔知點解全日都好累, 起左身又訓下咁; 早上起身磨到11點幾煮個麵食完又訓, 差不多2點呀爸同熱水爐師傅來睇完個熱水爐後, 我掃地抹地後熱到全身濕晒, 沖左今年第一個凍水涼, 之後又訓; 到5點幾呀C拿完淘寶野分完之後, 一齊去SKW佢婆婆屋企見下佢親戚同食飯, 10點幾走。
20/5(日) -- 早上起身去泰巷食左早餐之後睇Deadpool 2, 睇完返企hea, 3、4點去坑口青越食tea, 之後行下坑口後返TKO買d壽司返企; 沖個涼就一路係千尋睇Jumanji一路砌模型。
2. Deadpool 2 -- 都不錯幾好睇, 雖然都算多gag位不過狂玩好多其他戲或者入面演員d gag, 未必全部識得笑, 同埋有d知佢係笑位但都唔算好好笑; overall來講都OK。
3. Jumanji: Welcome to the Jungle -- 原來係當年Robbie William果套, 當續集拍。都係輕輕鬆鬆攪下笑, 又明知唔會危險咁冒下險咁, 開開心心睇完一套戲。巨石莊逖都係咁; Jack Black一貫本色演出, 扮女人動態眼神都好正; AVG入面個Nebula好索, 身材好好~~
4. 呢個星期都好熱呀~~印象中好似早左開始三十幾度?
來緊:
21/5(一) -- Rita家Bino
22/5(二) -- 佛誕假; 9-12 Kennedy
24/5(四) -- 八妹派帖飯
27/5(日) -- Sam娟生日飯
完
2018年5月14日 星期一
優越感
(N耐無打唔係雜記嘅野, 竟然係發嘮叨 xDD)
其實(以前都講過)一向覺得自己無咩特別野叻, 所以都好少會有[優越感]。
話說今日老細比左份野叫我幫手睇下有無問題, 而份野係將會上比Board果個level d人睇嘅。
佢無講清楚, 其實佢只係要我(同另一個同事)幫手睇下d內容同埋要講d points有無多有無漏, 因為要比上面d人approve, 如果多左/少左/錯左就大碌。結果我好難得地好認真咁睇左2次, 一次睇左d內容, 另一次就執d英文。
相信我自中學以來(定大學都有?), 好耐都無試過咁認真去睇英文嘅grammer, agreement...etc。講真, 自問英文唔算叻, 但係篇野真係差(連我都覺得差)。
有幾差? 例如:
1. 好多中文人患嘅最大問題, 就係鍾意超長英文; 其實分開一句一句短嘅仲好仲清楚。
2. 中間加好多and/which/that/,/who...etc, 其實一長就好易亂, 因為你個abverbial phrase係講緊邊個subject/object你要擺位擺得好清楚, 如果唔係意思係會錯晒。
3. 同一句用幾個and and and, 但係前面2個and講果幾樣野就係同一組野, 最後個and係完全唔關事, 只係唔知點解要用and加另一個可以自己做短句嘅句子駁埋去前面。
4. Tense, Prepositions, Agreements錯到七彩+唔consistent, 呢樣野都無咩好講, 係好易錯但係低級錯誤。
5. 仲有數之不盡我都up唔晒嘅唔通順/Chienglish...blah blah blah
有d意思啱但係唔通順嘅我就廢事改(改的話全份paper都要改到七彩), 有d我知佢意思但係寫到九唔搭八或者agreement錯嘅就改埋比佢。But, 都係改到七彩。
結果, 最後係我睇左一朝嘅comment, 老細都只係concern內容有無問題, 英文有無問題不作考慮之列, 所以我都無比我mark果份野佢。
希望之後佢地會比Alex(我諗係ACD數一數二支筆好嘅manager)睇一次, 幫手執下啦。如果真係就咁上去, 肯定唔比人小都比人笑到飛起...
講真, 我係有少少優越感嘅。
唔係因為我叻, 而係我真係發現我部門好多比我高級(不只AM, 連manager甚至senior manager)嘅英文都仲差過我, 有時都唔知笑好定喊好。不過係呢度做野, 真係人愈廢就愈唔會比野你做, 一識做少少, 真係話到明寧願比你做, 質晒比你。
我都係做返個廢人好d。
p.s. 其實我已經覺得自己好廢, 但估唔到真係仲有好多人廢過我...
完
標籤： 個人感受/感想/人生觀
2018年5月13日 星期日
五月十三日 -- 雜記
7/5(一) -- 出site收工返去買野煮飯。
8/5(二) -- 無啦啦OT到7點, 返去買左d外賣壽司唐記點心貢茶, 呀C煮d烏冬同菜, 夾埋一齊食。
9/5(三) -- 收工同小本型飯團去第二街餐廳食飯。
10/5(四) -- 本來有得出site, 不過老細比左同事出; 收工係屋企附近Waalah Cafe全家八口食預祝母親節飯。
11/5(五) -- 娟生日快樂; 收工臨時約EdfRita係MK食飯; 佢地先整甲, 我自己行左In'sPoint果欄信和(無買野), 之後meet埋C先, 原來想去果間炸雞太多人, 結果去左好耐無去ge天機棧食飯之後散。
1. 咁o岩呢個禮拜食左3次西餐。(後加: 爭d四次)
2. 公司老細擺到明仲講到明唔敢比d緊要野比d廢人做, 結果全部質晒比我做, 結結果有某d唔應該係我做+我做唔來ge我當堂reject左。
12/5(六) -- 下午同ConnieLoLoPenny係TKO酒店hi-tea; tea完返企hea, 砌完隻HG revive百式, 之後出去Popwalk 2試果間新餐廳, 都不錯。
3. 夜晚無聊地係屋企睇CA3, 都不錯。不過攪到夜沖涼。
13/5(日) -- 10-12 Parkside, 打得不錯, 仲以underdog隊贏Derek 2場; 下午鐵腳K+夜晚食飯慶祝娟同Cass生日。
4. 本來夜晚想果間竟然星期日休息唔休做, 結果去左七福神食日本野。
5. 有得做下進攻重心起手機會多d入波都多d, 贏果2場好似平均都入5-6球。
來緊:
15/5(二) -- 八妹派帖飯
16/5(三) -- OT西灣河
完
2018年5月7日 星期一
五月六日 -- 專頁
30/4(一) -- 收工返企, 等呀C收工, 去寶林食米線陣, 再行返企。
1. 是日下午開始頭赤, 收工頭痛, 仲要開會開左2個半鐘。
2. 是日下午姨丈來我家幫手裝個鏡櫃, 媽幫手睇。夜晚收工食完飯返來自己裝埋個門同架, 完。
3. 是日打埋去續埋屋企上網服務, 幾抵又有coupon。($138 500mb + $800 Wellcome coupon)
4. 終於FB開左個個人page; 搵舊相時見返好多相, send下比d有關朋友; 最可憐係見返有d相自己傷心。
1/5(二) -- 8-10堅尼地城; 中午去SKW同C婆婆同加拿大返來呀姨飲茶之後上C婆婆屋企; 3點幾返到家沖涼抖下(恰左), ConnieLoLoPenny5點島來TKO一齊買野夜晚係我家Bino。
5. 開左個FB page但果d管理好煩, 好彩都係自己post野可以ignore。
6. 換左個鏡櫃; 以前一直覺得奇怪, 自己係第二d地方照鏡一直都會覺得醜樣, 係唯獨照自己浴室果個, 會覺得無咁醜; 而家換左之後, 已經無左呢個感覺, 同照其他鏡一樣; 今日拿左舊果個去掉, 彷彿同我講左佢: 再見, 好好面對你自己啦。
7. 是日打波難得打了一日好波; 防守直情唔錯, 防到幾下Derek(當然都比佢無解入左幾球啦), 對其他人都無點失位, 回防快攻又有; 進攻方面, 場場都有入三分, 好似overall全日7定8投5中島, 二分都有入, 平均5-7分一場, 係可惜2球無人mark的走籃炒粉...三戰Derek全勝~~ 如果可以keep到條腰唔痛腳唔痛, 就可以差不多keep到呢個活動能力了...另外值得一提, 尋晚知Marcus會來打波, 好難得, 曾經諗過我同佢一齊企三分線射死對方, 結果有一場18分時, 係Strong side果邊傳左2下比我係45度角接波, 引到底果隻上來mark我, 我再傳返比0度位ge Marcus, 佢一球三分KO! 感覺好正~~
2/5(三) -- 香港仔收工, 返去買少少野, 沖涼頂唔住恰左下; C返來, 整埋尋晚d菜食。好眼訓。
8. 最近終於睇左"戰國妖狐"作者水上悟志另一套作品"魂環"; 之前見到網友大推, 果然不負所望, 好好睇!
3/5(四) -- 出site早收返去買左星期六早場飛, 再買野返企煮。又係整完d野頂唔住訓左, 到C返來先再煮。
4/5(五) -- OT到7點, 去左第二街餐廳食飯之後先返企。
9. 公司個腦細真係好野, 一封垃圾信由朝到晚密密改改左幾十次仲要OT到7點先完, 仲要好多時係一d意思都無, 好on9
10. 第二街餐廳竟然做到5月尾就唔做了, oh no~~~
5/5(六) -- 早上早場睇Avengers 3, 之後去C婆婆屋企, 到10點半先走, 足足7個半鐘, 悶到痴線; 手機睇到無野好睇, 好耐無試過悶到有想嘔ge感覺。佢地全日係度淘寶。
11. Avengers 3 -- 其實都無咩好講, 鋪10年一次過大集合打大佬, 其實又唔期望佢有咩大劇情大道理大轉折, 基本上娛樂性已經夠晒豐富, 呢d戲睇左點都唔會蝕。
12. 一如以往, 唔出聲當無, 出聲又只會人地唔膠興; 過一排情況又唔會有改善, 自我中心仍會繼續, 已預期。
6/4(日) -- 一早起身落雨, 諗住無波打, 點知8點零出太陽, 即時同中同去維園打波, 好曬好熱, 不過都打得唔錯(三打三每球一分, 但都入左球三分 xD); 打完波返企沖個涼, 下午出大角咀打公司工商盃, 一如所料實力差太遠, 比人炒; 今次多2個人來, 所以我都出得唔多, 亦唔多波到手, 亦無起手。打完自己行左去SSP行下之後先返企。返去等C食得落野, 落左foodcourt食飯。(C早上至下午同佢呀姨一齊)
13. 很surprise Ida原來今日結婚~~
來緊:
9/5(三) -- 小本型第二街again
13/5(日) -- 鐵腳K
完
2018年4月29日 星期日
四月二十九日 -- 雜記
23/4(一) -- 出site早收工返去買野煮飯。
24/4(二) -- 尋日返緊屋企先send msg來話拿得, 結果都係要預定今日去拿浴室鏡櫃。出site早收工去Megabox拿, 走時發現有直van返TKO, 於是等(剛發現時走左一架)左好耐; 返到去放低再落街買野返去煮飯。
1. Edf 6點幾係觀塘收工, 臨時話來痴餐; 再夜d 9點幾Riat係娘家食完飯過埋來一齊去食甜品先散。
25/4(三) -- 尋日搬完重野, 早上條腰覺得唔多掂, 於是睇完跌打先返公司; 夜晚ex-URA三+五月生日飯; Sense Cafe野食ok, 少貴; 佢地傾到10點幾都仲好熱烈, 但係我太累唔知點解好眼訓, 叫埋單走先了。
26/4(四) -- 出site早收返企, 砌左個鏡櫃, 恰左下; 夜晚C收工同佢係樓下台灣野食飯再行超市後返企。
27/4(五) -- 夜晚係山道OT到9點9返企。晚飯又同呀頭係KongU食。
28/4(六) -- 早上起身10點幾出發去TM, lunch同C朋友Annie同佢2個仔同佢媽食; 之後係安定hea到3點幾, 見埋Sarah; 散左之後meet EdfRitaIrene, 一齊去置樂果邊, 我行利寶佢地行萬寶; 5點半島去小曼谷排隊, 差不多6點開, 提早食晚飯, 幾好食又幾抵食; 食完去市中心行商場後上Edf家玩貓, 10點島散。
29/4(日) -- 早上去沙田C家拜山, 拜完去左食Ikea, 食完跟佢細佬車同佢媽呀姨姨丈出花墟行; 下午去Jordon同源CrystalLorita唱K, 唔知點解無咩feel唱, 所以唱得唔算多, 反而幾個一齊傾偈吹水幾開心, Crystal感覺豪爽直接好攪笑。唱完K後佢2個走先, 我C源三個去左食七福神(日本野)之後散返企。
來緊:
1/5(二) -- 8-10堅尼地城; 下午我家Bino
13/5(日) -- 鐵腳K
完
2018年4月22日 星期日
四月二十二日 -- 雜記
16/4(一) -- 收工同C約左娟係Megabox Ikea食野, 比之前幫佢唱ge日元佢; 之後係Ikea訂埋個浴室鏡櫃後返企。
1. 是日聽到有關同事Vincent事, 忍唔住搵佢傾左下; 希望佢無事, 同埋重新考慮佢決定。
17/4(二) -- 是日病假一天; 早上起身落去睇醫生, 之後想睇跌打個醫生又係遲開工未開門, 剛剛好時間食個早餐之後去睇早場; 睇完咁o岩媽搵我佢又未食lunch, 於是同佢去左食飯; 下午返左企突然好眼訓就訓左; 夜晚一家同加拿大返來的堂弟係紅樓食飯。
2. Secret Superstar -- 幾好睇。今次印度劉華只係個大配角, 基本上係個女仔由頭帶到落尾。夾硬要同之前三套(Idiot PK Dangel)比, 咁我覺得果三套都好睇d, 不過呢套都唔錯。係一開始時, 已經覺得媽媽個角色好靚, 個笑容無敵, 而到最後(有劇透)講緊ge仍然係佢。成個故事走向好大路, 唔似之前果3套咁, 今次劇情算係無咩驚喜甚至有d老土, 仲有少少夾硬; 同埋有d位(兩小無猜ge感情, 女主網上走紅, 印度劉華自己ge事...etc)節奏去得好快, 無點營造氣氛, 基本上造得最多ge就係同媽媽ge感情(雖然係主題); 但係頭先括號內果d內容提得來, 又營造得唔夠, 個感覺就怪怪地。
18/4(三) -- 出site早少少收工, 返TKO睇跌打, 之後本來想食台式邊爐, 點知好即興就去左屋企附近間韓燒; 個半鐘168+1, 都算ok啦。
19/4(四) -- 出site早收工返去買野煮飯。
20/4(五) -- 出site係觀塘收工。先返企, 再臨時約又約到ConniePenny去油塘食飯; Connie 8點幾走先, 我地同Penny去左奇趣同下面扭蛋, 大約10點散。
21/4(六) -- 下午出花墟, C買左幾盆細花, 返企抖一陣, 又係臨時約到夜晚出KLB同SannyEdfRitaIrene去大榮華食飯, 之後食哈根大師同行左德福一下後散。。
22/4(日) -- 本來book唔到場, 以為無波打, 點知星期六班中同約約下維園又打得成, 仲成10個人好難得咁多中同~~ 打成點已不重要~~ 中午去炮台山酒店食buffet慶C婆婆生日; 之後行去北角再搭車返去, 買野返企C煮。
來緊:
24/4(二) -- 拿得浴室鏡櫃
25/4(三) -- ex-URA飯
27/4(五) -- OT
29/4(日) -- C家拜山
完
2018年4月16日 星期一
四月十五日 -- 工商盃
9/4(一) -- 收工返TKO懶煮飯去左大家樂食完再去Jusco買d野返企睇電視。
10/4(二) -- OT山道; 同老細係KongUCan食野, 之後去拍門, 8點半島走。夜晚Edf臨時約我同Rita食甜水, 10點島坑口食聰嫂。
1. Edf係KT同人睇完戲想散, 於是搵左我地話有下場來救佢~~
11/4(三) -- 收工好累, 本來想煮都放棄左, 買KFC返企食。
12/4(四) -- 出site早收工去左一轉西環果欄, 之後返去買野返企煮飯。
2. 第一次去西環果欄, 上網睇返原來要早上去, 我去到果時已經收到得返一間仲開, 而且無標價(不過都有人幫襯, 個價可能都OK, 但我無問); 仲有入去要身份証登記。最開心係見到貓貓~~
13/4(五) -- 西灣河OT到7點半島, meet埋CEdfRita係太安樓食泰國野, 味還好但貴, 唔抵; 之後去食埋糖水散。
14/4(六) -- 無節目, 係企hea左大半日, 臨時約左Edf去大角咀係中東野, 食完返企, 好食。
15/4(日) -- 9-11堅離地, 是日唔知打左咩, 好似無咩特別, 無點入波; 打完同佢地食野, 之後去青衣同公司同事打工商盃, 成班人最終得7個人來; 今次對手應該係分組最弱的了, 頭三節我地都head, 最後一節始終我地人太少, 太累所以最後都係輸左; 我無咩點起手, 不過籃底接應入左一球, 好似係打正式ge比賽第一次入波? 出場時間其實都唔少(因為無人), 仲比對方撞到落地好痛; 打完之後睇左陣波, 痴人車出荃灣, 再搭van+巴士返TKO, 同C去吉野家食個tea後返企, 好累。
3. 是晚睇左金像獎頒獎典禮, 結果都算大路ge~
4. 估計來緊幾日腰腳都會GG
來緊:
22/4(日) -- C婆婆生日飯
25/4(三) -- ex-URA飯
29/4(日) -- C家拜山
完
2018年4月9日 星期一
四月八日 -- 雜記
3/4(二) -- 收工上天晉睇新奇個B, 之後買KFC返企食。
1. Easter一連4日有活動, 本身分開逐日計其實都好輕鬆(除左打波會累), 但係加加埋埋就對腰同腳都幾大負擔, 2樣都好酸痛(亦都因此星期日果日打波射波無咁準), 而且皮膚亦有少少損; (隔左幾日補充: 仍然都仲有痛)。
4/4(三) -- 收工去觀塘同C日安LoloPennyNat同佢男友食煲仔飯, Ad-hoc慶祝埋Penny生日。
5/4(四) -- 早上同呀馬去射左陣波, hea鬥左場波本來應該羸到點竟然輸左一球; 中午去媽果邊食潤餅, 下午在家沖完涼hea攤左半日, 爽。夜晚出左去hea食魚米家。
6/4(五) -- 收工同EdfRitaIrene去KT打bino, 間野因為隔涉所以好平, 雖然預左食物質素係低d, 但總計都係好抵。
7/4(六) -- 下午2點幾同HermanNormanIan去呀馬屋企睇B, 之後係寶林行下再去坑口行下再買d野返企夜晚食同睇電視。
8/4(日) -- 8-10 TKL, 是日打得都OK, 好可惜最後一場, 爭最後一球全隊都射左好多球入唔到又Turnover, 最後比人贏返, 真可惜; 打完波買早餐返企食; 下午同爸媽去柴灣拜山, 之後返TKO買野返企呀C煮。
2. 係M記見到好多人, 去到counter有個職員話入面做唔切, 所以counter唔開, 估唔到爆到咁。
3. 部腦死左機一日, 好彩本來無耐之前都backup過, 睇來都就來唔得了。
來緊:
22/4(日) -- C婆婆生日飯
25/4(三) -- ex-URA飯
29/4(日) -- C家拜山
完
2018年4月2日 星期一
四月二日 -- Easter
26/3(一) -- 收工上天晉食飯, 之後返企睇劇。
27/3(二) -- 收工返去買野C煮。
28/3(三) -- 土瓜灣OT到大約10點收工。
29/3(四) -- 出site早d收工, 去C娘家食飯, 睇埋電視返企。
1. 是日派信; 一如所料, 無希望無失望無驚喜, 不過請少講廢話。
30/3(五) -- 中午出中環, meet埋源SannyIrisRachel同佢個仔去坪洲Amy志寶度BBQ, 11點半返到企。
2. 夜晚睇埋TBB劇大結局; 其實我覺得根本就係慘...不過夾硬寫返個好dd結局?
31/3(六) -- 係企hea左大半日, 訓下醒下訓下醒下咁; 5點出KLB同EdfSannyIrene上平山睇日落, 原來廿分鐘係係下面開始計, 條樓梯兩個字就上完去了~~ 之後搭的士出MK無啦啦食放題後返企。
3. 是晚係旺角道等車返企時睇住一個人比的士撞到飛起左。
1/4(日) -- 10-12TKO, 是日進攻麻麻地, 雖然無咩點TO, 中路入攝入左三兩球, 但三分全炒, 斷左連續唔知幾多次都有三分ge紀錄了~~; 返去同C食完野返企執下野, 入西貢佢細佬度探下狗仔; 出來見TKO d車都爆晒, 於是搭左出彩虹, 再行去九龍灣行下同食飯後返企。
4. 今日腰腳都麻麻地, 打完波再更加麻麻地多d。
2/4(一) -- 中午係坑口meet日安LoLoNatMiu食飯, 之後行去銀線灣, 原來真係好近; hea一陣之後出返坑口食聰嫂, 再出KT行左間家品店同永樂士多, 再去官塘海濱睇日落; 夜晚行返去牛頭角蘭香園食小菜, 8點零就散。
5. 係銀線灣見到個胸湧澎湃ge三點式係度影緊相。
來緊:
4/4(三) -- 煲仔飯
22/4(日) -- C婆婆生日飯
25/4(三) -- ex-URA飯
29/4(日) -- C家拜山
完
2018年3月25日 星期日
三月二十五日 -- Grace拍拖
19/3(一) -- 同老細出site, 早少少收, 返去買野, C煮飯。
20/3(二) -- 收工返去買野又係C煮; 第日要OT, 所以都係唔好出街了。
21/3(三) -- 土瓜灣開會OT到9點3島。
22/3(四) -- 收工同Grace食飯; 本來約左CWB, 但我要出site去TKW, 臨時轉左去KT; 早收左, 搭巴士打算去KLB行下, 點知上錯車, 總站坪石落車, 行過去KLB (好少行果條路, 不過有少少驚喜, 影左d自己like的相); 行左下淘大之後, 見仲早行埋去KT; 同Grace食左煲仔飯, 之後搭車入寶林食埋聰嫂先散。多謝請我食飯~~
1. 今日好開心又極難得地, Grace主動同我講佢拍拖(個幾月了), 好耐無見佢笑得咁開心添~~
23/3(五) -- 出site早收返企, 累到攤係地下恰著左; 夜晚過坑口同C食左街市入面hea西餐, 之後返企睇膠劇。
24/3(六) -- 一早就醒左, hea到10點又恰一陣; 2點同C去葵廣同Edf掃街同行下, 之後再去D2 Place睇貓展, 再落SSP同Rita佢地唱錢再行下, 最後落Jordon食米記(6點), Edf生日飯。9點零就返到企。
25/3(日) -- 8-10中山, 今日打得都算ok, 普普通通咁啦(是日有2球三分), 重要係而家小心左, 少左TO同埋少左輸籃板; 返TKO同C食野, 去左單車公園睇花同埋買埋送返企, 之後返企就無再出街了(C煮)。
來緊:
28/3(三) -- OT
29/3(四) -- 娘家飯
30/3(五) -- 去Amy度玩
2/4(一) -- 試行銀線灣
4/4(三) -- 煲仔飯
22/4(日) -- C婆婆生日飯
完
2018年3月18日 星期日
三月十八日 -- 雜記
12/3(一) -- 收工同C係屋企附近食飯。
1. 簡慕華做戲真係OK喎~~
13/3(二) -- 是日返觀塘特別Operation, 竟然一間都做唔到; 7點就收工, 返去街市剛買到收緊工ge燒味飯。
14/3(三) -- 收工本來約RitaEdf一齊KT食飯, 不過原來佢地叫埋另外2人, C唔識就廢事join佢地了; 去左寶林食上海野, 同埋開左一排先第一次去左睇寶林果間玩具模型倉。
2. Stephen Hawking -- 你終於可以離開肉體ge束縛, 自由地飛翔了。
15/3(四) -- 收工返TKO金滿庭同2家人食番茄一歲生日飯, 之後上天晉切埋蛋糕食先返。
3. 是日剪左頭毛。
16/3(五) -- 收工臨時約左Edf係牛頭角meet, 行左下Meyer, 之後C來到KT, 一齊去左新匯聚食飯。估唔到小菜幾高質, 價錢唔算好平但大碟, 計返性價比絕對係高。食完返企睇到半集電視。
17/3(六) -- 訓到10點幾先起身, 無睇到蕃茄抓周, 係企hea左一朝, 下午3點同Nat同佢男友係APM唱K, 呀橙個聲底好厚, 唱K都OK喎~~~ 唱到6點完(唔係好夠喉其實), 佢地要8點前到TST拿鞋所以唔一齊食飯; 我同C係牛頭角食左間米線後返企。
4. 成兩個月無唱K+之前咳過一大輪, 今日唱明顯狀態麻麻, 高音上唔到平時最高, 又唔係好夠氣, oops~
5. 流行經典50年 -- 唐文龍不錯(雖然扎馬好奇怪); 海俊傑好耐無見, 仍然OK; 蝦頭雖然唔係專業歌手, 不過幾有feel, 感覺搭夠~~
18/3(日) -- Parkside 10-12, 今日進攻算係好好, 入好多波, 三分都有幾球, 防守就比Derek同馬係內線打爆, 其餘就失得唔多波ge, 籃板都OK; 之後同C同Derek食埋飯; 食完同C買送後返企沖涼抖執野。夜晚C煮。
來緊:
21/3(三) -- OT
22/3(四) -- Grace飯
30/3(五) -- 去Amy度玩
完
2018年3月11日 星期日
三月十一日 -- 九日三婚禮
5/3(一) -- 收工返TKO同C食撤利亞, 夜晚同老豆執上格床d野, 好累; 新劇翻生武林只睇到少少, 暫時都可以。
6/3(二) -- 出site, 之後去黃大仙同媽拜神, 之後仲有時間去左行下SSP; 早一日通知突然要OT, 夜晚同老細去山谷道開業主會。8點半島散, 好彩車站就係隔離, 仲要算快有車, 9點島返到。
7/3(三) -- 收工返企煮飯; 夜晚睇埋花遊記最後兩集。
1. 花遊記個結局有d渣流灘, 劇情就預左差不多, 係個鋪排好差...
8/3(四) -- 臨時呀源約收工食飯; 收工入TKO同C三個人去食台式一人邊爐, 之後上我家坐左陣睇電視, 9點半走。
9/3(五) -- 收工同C去西灣河食大壽司, 之後叫Rita出來一齊係明記食糖水。
10/3(六) -- 一早起身再翻訓到中午; 係屋企hea到4點島, 出太子行下花墟之後去C表弟Frankie婚宴。
11/3(日) -- 10-12 Parkside, 是日剛剛夠6個人, 打足全場3on3, 今日表現我覺得功過相抵, 進攻有2球三分有2分有籃底有走籃有單擋走位無咩turnover, 防守時籃板OKsecure到又唔係失好多波, 只係有好幾下比Victor同Jack過後因此失分, 但真係唔係我能力之內了; 同DerekPierreJack食完野返企沖涼, 出鑽石山同EdfRita行志蓮淨苑, 之後Rita走, 我地3個去KT食tea, 到5點幾Edf走後我地坐多陣(我係餐廳累到恰著左)去紅磡參加小雲婚宴, 11點幾返到企。
2. 終於完左九日三場婚禮, 其實有d累~~
來緊:
13/3(二) -- OTKT, 唔知之後果2日使唔使OT
15/3(四) -- 番茄一歲飯
30/3(五) -- 去Amy度玩
完
2018年3月5日 星期一
三月四日 -- Rita婚
26/2(一) -- 收工返TKO HKD食飯, 之後睇下劇打下機。
27/2(二) -- 是日全日CSW training; 夜晚去KT, Nat請我食生日飯, 仲有手信收。
1. 是日training請左港大民調鍾庭耀來講, 覺得好正佢講好多野都好有共鳴, 除左講做民調背後theory同埋methodology之外, 仲講左一d社會心理學ge野, 尤其講其實好多野唔係用科學頭腦去諗野/人好容易受影響/Spiral of silence...etc等等社會同埋人ge現象同理論都好正確, 同埋顯現到係而家社會; 亦feel到佢有心人promote一個理性同正確方向去解決事情, like~~
2. 是晚同Nat食飯, 好開心好難得可以2個人傾傾傾, 講下我返工野/健康野/韓劇...etc, 又講下有關佢結婚/屋企/相處...etc野, 唔覺就差不多10點, 勁唔夠喉。
28/2(三) -- 出site早收返去, 買左個土瓜灣雞脾; 夜晚過天晉食飯, 之前比C食個脾, 雖然凍左但係佢都話個味好食, 如果熱真係不得了。
1/3(四) -- OT茶果嶺8點開會, 9點幾走; 懷疑果頭似係以前舅公住果邊。
3. 是日新SM上場(即係之前個M); 麻煩人從此更麻煩。
2/3(五) -- 是日正月十五元宵佳節; 收工搭叮去灣仔接C收工, 再行去CWB食金西南, 去左買一芳試飲, 同茶湯會差不多, 普通但貴; 邊飲行去天后維園籃球場坐陣飲埋杯野返企。
3/3(六) -- Rita大婚日; 11點係沙田meet Edf之後一齊去Home Square果邊律師樓睇佢簽字, 之後去Hilton果邊飲茶; 2點島又去返排頭村果邊meet Sanny一齊上道風山行下, 落返來後行左Ikea同食少少野, 再去觀塘食煲仔飯後7點零已散。
4. 恭喜Rita結婚啊~~
4/3(日) -- 8-10TKL, 是日覺得自己打得好唔錯, 唔係話入波果d, 係overall打得幾好, 無咩turnover, 防守OK, 進攻起手唔多但該入ge都入(有三分), 有一場最後一球有人擋我射, 仲聽到Ben話我g唔放得, 結果果球入左贏波, 幾開心(係三分線外拿到波都聽到人話要守), 是日唯一一球可惜係底線走出中間高位接波轉射射波唔入, 果個位都係熟手位, 可惜; 打完波返企沖涼出上環同SamEsther娟DorothyAda食Moon Thai, 多謝佢請我地食生日飯。之後成班上來我家一齊hea, 竟然玩yoga, 拉筋, 又打下Switch, 到5點幾就散, 無食埋晚餐。
來緊:
10/3(六) -- Frankie婚
11/3(日) -- 小雲婚
13or14/3 -- 番茄一歲飯
30/3(五) -- 去Amy度玩
完
2018年2月26日 星期一
二月二十五日 -- Loyeah 88
20/2(二) -- 收工去到炮台山出去, meet埋呀源, 一齊行去北角; 經過森記睇貓, 再去和富睇奇趣同do兩蚊, 再上民仔屋企同佢媽拜年; 8點島走, 呀源請我食飯, 間紅星餐廳幾好喎, 舊式裝修, 唔貴又幾好食。
1. C公司逼員工扣Annual放埋呢個星期。佢呢日同成班現/舊同事去Helen家。
21/2(三) -- 收工上天晉食飯; 之後C突然想買野食野, 所以去左坑口一田行同埋買左好多野食先返企; 好累。
2. 是日Loyeah last day, 咩都無特別就過左去, 最後臨收工佢地一齊過去say個goodbye其實都唔係咁想過, 不過都係算數; 佢果然係無派散水餅, 雖然都唔預有亦唔恨有; 一個時代終結, 但係來緊果個都係麻煩友...
22/2(四) -- 收工返企, C煮飯。
23/2(五) -- 下午請假同CEdfRita去沙田睇Pixar展; 收工C來上環同我一齊去沙田(係九龍塘meetEdfRita), 是但食左個茶記, 仲行左奇趣; Pixar個展有佢地每套動畫ge手稿同造型公仔, 好多都好靚; 順便睇埋隔離ge香港動畫展、海報展同埋金庸館; 睇完晒後返TKO行左坑口一田, 之後上我家抖一陣(我太累係sofa恰左幾個字), 夜晚去左試果間台灣一人鍋, 都不錯。
24/2(六) -- 是日好眼訓狂訓, 醒左再訓到差不多中午先起; 下午入西貢睇狗仔, 之後跟佢細佬車出CWB, 食左Jolibee當tea行一陣灣仔, 夜晚係入境處同C家團拜。
25/2(日) -- 10-12坑口, 是日第一場打得好差, 好多TO...之後果2場就中規中矩, 攻防都無點失波(雖然都係輸晒), 三場加埋都起左好少手, 雖一fg係一球三分; 之後係坑口同C哥嫂2B食飯, 再一齊去寶康hea; 三點同Sanny小雲同佢未來老公係觀塘食Tea, 小雲派帖; 4點幾散返企沖涼抖。夜晚懶得出去, 係企整即食麵同睇劇打機。
來緊:
27/2(二) -- Nat飯
3/3(六) -- Rita婚
4/3(日) -- Sam Esther飯
10/3(六) -- Frankie婚
11/3(日) -- 小雲婚
30/3(五) -- 去Amy度玩
完
2018年2月20日 星期二
二月十九日 -- 農曆新年
12/2(一) -- CSW貓飯(因Edf唔得cancel); 收工同C同哥嫂一齊去左坑口村食合時, 慶祝呀哥生日, 之後去埋聰嫂先返企。
13/2(二) -- Nat飯(因佢無啦啦要團年cancel); 收工好累, 返TKO買左唐記蒸飯樓下炸脾同貢茶, C買左泰巷飯。
1. 之前一晚有人又煲劇到2點幾都未訓(可能唔止), 所以我今日極眼訓, 返工有2野極眼訓; lunch訓果時, 之後同事同我講我有鼻鼾, 似乎我真係太累太眼訓, 痴Q線。
14/2(三) -- 收工返TKO Paperstone買個cake, 再上天晉同爸媽哥嫂B成家人一齊食團年飯。
2. 之前果晚有人又夜, 終於忍唔住爆; 終於再講多次夜訓真係唔好, 我都好辛苦; 講完一輪又講左d 2個人之間ge野後, 無咩事就訓; 由於個腦run起左同處於running狀態, 訓唔著; 去左隔離房hea左大半個鐘到4點半島先返去訓。第日當然好眼訓仲遲左起身, 好彩返工人少左dd, 剛好準時返到公司。
15/2(四) -- 3點收工, 搭叮落灣仔meet Derek, 行188同太原街, 之後係修頓等Jack, 齊人後去左KFC hea; 6點C收工, 佢竟然自己去左搭MTR去SKW, 結果我自己係灣仔去; 夜晚係SKW C婆婆屋企家團年。
3. 喉嚨果然未好晒; 今晚團年食左d熱氣野, 返到企即時覺得喉嚨痛; 好彩噴左野, 第二朝又好返好多。
16/2(五) -- 大年初一; 早上醒左係企hea, 煎左RobertGo當晏食; 下午2點零去爸媽度, 再全家一齊出發去北角同姑媽表姐拜年, 之後去筲箕灣搵姨婆; 夜晚返天晉食飯後返企。
17/2(六) -- 年初二; 起身一直hea到下午差不多5點(煮麵食, 睇返花遊記, 上網)去C婆婆度食開年飯。
18/2(日) -- C生日快樂; 早上都係去打波Parkside10-12中同初三賀歲波, 今次難得中同都算幾齊人, 好開心; 打波來講都係中規中距啦, 三分N投一中, 起碼都入一粒; 是日比猩猩用個波一野炸埋來我塊面度, 眼鏡爛爛地同埋眼損左; 打完波即走, 返企沖涼然後同C落foodcourt join埋哥嫂食飯, 之後嫂帶B女返去, 我地4人就去左西貢獅子會自然教育中心行下, 其實都唔算好多野睇, 不過天色陰陰地又唔想去得遠, 去呼吸下新鮮空氣都不錯; 行完就返企抖下, 到夜晚再同哥嫂B去寶林漁之部屋食放題慶祝C生日, 好耐無食過放題, 好飽~~想食放題好耐了~~ 食完10點零, 好飽關係我地一齊行返屋企。
19/2(一) -- 起身後中午去荃灣同八婆一家源娟食飯, 之後上佢家等盆菜到, 3點島一齊去左葵芳行新都會同一田, 之後返八婆家抖左一陣(恰左下), 夜晚食埋飯9點零走; 車駁車好快10點前少少已返到企。
來緊:
24/2(六) -- C家團拜
25/2(日) -- 小雲派帖飯
3/3(六) -- Rita婚
4/3(日) -- Sam Esther飯
10/3(六) -- Frankie婚
11/3(日) -- 小雲婚
完
2018年2月12日 星期一
二月十一日 -- 雜記
5/2(一) -- 收工同C去北角功夫點心食飯, 竟然無晒燉湯; 本來去呢度有一半就係想飲湯啊~~
6/2(二) -- Ex-URA一月之星飯; 收工去米記食飯, 慶祝一月之星; 近二個月食左3,4次米記, 其實真係悶ge~ 不過之前被問有咩推介, 呢間佢地未食過又係值得推介ge, 又平又好食。接近10點散。
7/2(三) -- 收工返去煮飯食。
1. 已經我整晒洗埋竟然話早知出去食。
2. 原來佢已經自己睇左最update果集; 我唔會自己睇+唔會斷來睇, 等於我唔會再睇了。
8/2(四) -- 出site早收返企, 睇左下電視同砌模型; 夜晚同C去屋企附近食湯飯。
9/2(五) -- 收工係公司hea耐d, 再去YMT行左囝欄同In's Point, 再同波友食生日飯; 不過夾左好多日本來少左2個, 之後再有3個放飛機, 最後總共得返4人; 9點開始食創興上面有間一鍋豐, 叫左最貴個套餐(都係任食), d野都OK不過覺得有d over-price左。11點幾散。
10/2(六) -- 中午食完野去馬屋企探B, 下午臨時約Edf一齊去中環睇貓相影展, 之後再hea行左孫中山紀念館同PMQ, 散左之後同C食d野, 行左少少維園年宵(幾多人), 之後係天后尚喜同C一家食佢媽生日飯。
11/2(日) -- 8-10堅離地城, 是日都算中規中矩, 有入三分有中距離仲有2下籃底; 打完波同佢地食士美菲街市食埋好味沙爹牛麵, 之後帶Derek去北角天然椰子號買野後返企; 返到去堅大掃除, 呀C早上掃同抹左地同抹左其他野, 我就清理左廚房d油漬(抽氣扇抽油煙機牆天花等等), 成間廁所(連d細位磚中間d縫馬桶天花等等), 門呀鐵閘呀, 全部都抹晒; 又執左廳同電視櫃d雜物, C就煮今晚去天晉食飯2碟野; 整完夜晚過去天晉食飯, 呀嫂整一碟, 我買埋蛋糕, 慶祝爸爸農曆生日同預祝呀哥明天生日。
3. 是日幾乎non-stop(打完波返來即開始)同埋又要擒高蹲低跪低咁抹野, 真係好~~~累。
4. 之前發燒喉嚨痛咳病完好返7788無咩野, 係喉嚨仲有少少少少赤, 同埋沖涼時唱歌明顯把聲仲未回復; 不過好想唱K。
5. 好想食放題。
來緊:
12/2(一) -- CSW貓飯(因Edf唔得cancel)
13/2(二) -- Nat飯(因佢無啦啦要團年cancel)
14/2(三) -- 我家團年
15/2(四) -- C家團年
19/2(一) -- 八婆家拜年
3/3(六) -- Rita婚
4/3(日) -- Sam Esther飯
10/3(六) -- Frankie婚
11/3(日) -- 小雲婚
完
2018年2月4日 星期日
二月四日 -- 生日+三分絕殺
29/1(一) -- 收工臨時約左Edf食飯, YMT meet行左In's Point, 之後行去Jordon meet埋C食金鳳, 食完行左下Miramar後返企。
30/1(二) -- 生日放假一天; 早上起身去食個早餐, 再去睇11點25分早場與神同行; 睇完去坑口出左部新電話; 之後因為2個人都有病天氣又凍關係, 只係近近地去觀塘食個tea, 去煲仔飯度(5點島)發現未有(5點9先有), 於是臨時諗到可以試下美中鴨子, 所以返TKO食埋早d返企抖。
1. 與神同行 -- 電腦特技幾好, 全場都算幾精彩, 故事其實無咩, 係圍繞住主角一家人一件往事; 灑狗血就預左, 不過係估到劇情同明知狗血點灑情況下個氣氛都可以令我流淚(雖然我哭點一向低), 都算好野。車太鉉其實係帶起個故事ge人, 但其實都唔太使大發揮, 反而果3個使者就好出, 尤其隊長明做比佢型ge~~不過係幾型~~
2. 之前有打算去嘉道理農場, 咁好彩又開花, 可惜因病同凍都係廢事去; 原本又諗過去觀塘睇懷舊野果度, 不過唔太順路又無去; 仲有一早有想過放題, 不過一來病二來其實2個人食唔夠盡興, 所以都放棄左。是日活動幾乎都係臨時決定, 其實hea下都幾好。
31/1(三) -- 收工返去食撤利亞。
1/2(四) -- 出site係西環收工, 返天晉食飯; 輪到呀C發燒, 我食完飯拿d野食返去比佢食, 佢食左藥訓左一覺好似好d了。
2/2(五) -- 收工去公司Annual Din; 同返fnd底坐埋一齊好好多, 可惜都係無打機; 今次d野好難食, 抽獎到最後一個, 講左部門出來唔係我地因為坐近門口即走 xDD 超唔比面都係咁話, 反正留係度都無意思, 野又食晒(又唔好食), 獎又抽完, 梗係即走啦, 遲少少全部人一齊走就好塞的了~~
3/2(六) -- C唔舒服, 所以無出街; 中午我落街買外賣返去食, 下午係企陪佢煲下劇我砌模型, 之後佢恰一陣我同源講左陣電話, 佢終於轉左工; 夜晚同C落左樓下HKD食飯, 之後行下Jusco返企。
3. 繼續睇花遊記, 呢套都陪睇左大部份, 都算唔錯; 最正同最鍾意係牛魔王, 有男人味得來要型有型要攪笑有攪笑要認真深情有認真深情。
4/2(日) -- 8-10堅離地城, 是日打得唔錯, 不過最大achievement係係underdog一直落後情況之下, 18-20時做左球比我空晒射三分入左絕殺, 超有滿足感; 之後返來買外賣比C食, 沖涼訓左, 下午3點幾醒左就上網睇漫畫"迷宮飯"追到update, 幾好睇。夜晚去魚米家食飯。
4. 褸魔ge我一路以來都無點掉過褸, 不過今次件假皮褸個面爛晒甩到好核突, 所以終於都掉了~~byebye~~
來緊:
6/2(二) -- Ex-URA一月之星飯
9/2(五) -- 波友飯
13/2(二) -- Nat飯
14/2(三) -- 我家團年
15/2(四) -- C家團年
3/3(六) -- Rita婚
10/3(六) -- Frankie婚
11/3(日) -- 小雲婚
完
2018年1月30日 星期二
一月二十八日 -- 病
22/1(一) -- 本來OT, 但係上午係公司開始發冷同頭暈, 於是即拿SL, 返企食d野沖涼即訓, 仲嚴重左, 成身骨痛, 手腳無力又頭赤又想嘔, 結果訓左半日, 食左d成藥, 夜晚C買外賣返來食。(應該發左燒)
1. 夜晚有精神少少, 拆開左個喇叭, 整實左個壞開關制, 而家係強制開, 起碼唔使按實來聽歌; 唔想要聲最多較到無聲或拔左個插頭。
23/1(二) -- 出site土瓜灣之後去8度海逸參加Crystal婚宴; 早到左幫少少手set下場同埋用DC影下snapshot; d野食感覺上有upgrade左所以幾高質, 連我唔算十分好生蠔都覺得唔錯, 其他野食都幾好, 可惜最後無雪糕~~ 9點尾走。祝Crystal結婚快樂, 永遠幸福~~
24/1(三) -- 一早起身又頂唔住, 請病假; 9點落去已排第十一, 痴線; 去食個早餐買d野返企, 準備下到10半落去, 差不多到我, 等埋藥11點3先走得。返企整下野12點半島同馬射下波, 有時真係適應唔到佢講的rules...2點幾行返去寶林, 交埋電話費搭MTR返TKO, 再買埋野返企, 整完d野食hea下好累(可能因為食左藥), 訓著左到7點C返來, 先臨時煲飯落鑊; 食完飯去Aeon行個圈無收獲返企。
25/1(四) -- 收工返去同C食台灣野; 是日仍然唔舒服, 喉嚨痛。
26/1(五) -- C Annual Din; 我出site早收返企沖涼之後狂攤, 夜晚整左個麵線食。
27/1(六) -- 病訓左大半日; 4點幾落一落附近食d野行個圈已經無力好累...夜晚返企C煲粥我食。
28/1(日) -- 8-10中山, 是日身體狀態唔好, 但係場場都拍住勁人或打凡好順ge人, 所以贏波, 雖然open look都炒左幾球, 但都有入少少波, 亦有一粒3分, 反面籃板同turnover都少失喎, 算係咁; 返去買野食返企食完就陪C煲劇, 我就砌模型; 3點幾落去買野, 突然過天晉幫媽, 陪佢同人睇樓同簽租約, 個幾鐘先完, 返企沖涼就有飯食(C買同煮), 夜晚太累9點就訓左。
2. 之前4晚都咳到訓唔著, 呢晚終於好少少訓得到無點咳。
來緊:
30/1(二) -- AL
2/2(五) -- Annual Din
6/2(二) -- 一月之星飯
9/2(五) -- 波友飯
3/3(六) -- Rita婚
10/3(六) -- Frankie婚
11/3(日) -- 小雲婚
完
2018年1月21日 星期日
一月二十一日 -- 又一week
15/1(一) -- 收工去左油塘foodcourt食飯。
16/1(二) -- SL一天; 一早落街食早餐睇醫生, 之後返企hea到中午, 出去同呀馬射波到2點, 散左後去寶林食個tea, 再買野返企煮飯。
17/1(三) -- 花姐姐生日快樂; 出site早收工, 去SSP行下玩具舖(買左野)之後去長沙灣同Crystal食飯; 好耐無同佢單獨食飯傾偈啦~~ 食飯間泰國野普通, 之後去左佢舖頭坐, 檸檬水仍然好飲~~ 9點幾走。
18/1(四) -- Jenny生日快樂; 灣仔收工, 行左下太原街離夜晚約食飯時間仲早, 搭車去左SSP行, 又買左玩具; 之後落TST同白田朋友食越南野, 9點零散。
19/1(五) -- 收工返C娘家食飯; 夜晚同CSW佢地打左一陣Mario Kart~
20/1(六) -- 放棄左睇早場放棄左去街, 唔知點解全日都好累好眼訓, 訓左大半日; 只係中午起身煮左個麵食; 夜晚同CEdfSanny食米記。
1. 最近去左好多次米記, 來緊2月頭仲要去一次 xDDD 有d厭 xDDD
21/1(日) -- 8-10 Parkside, 是日同上次呀馬射波一樣, 打一陣對腳已經好冤同痛, 無力。不過唔夠人所以3打3, 都有好多機會射波, 都有入ge, 仍然keep到有入三分(好似3投1中?仲要係18分入絕殺xD); 之後返企睇姨丈個fnd幫手鑽野, 裝左條鐵通同終於整好廳個書櫃; 整完過去呀哥果邊幫手佢整個電視同睇B, 完晒之後同C哥B女一齊出去食飯; 食完返去買野返企呀C煮。
2. 是日Switch Mario Kart 8DX打晒所有盃賽三星, 叫初步爆機吧。
3. 夜晚睇TBB頒獎禮, 都算大路; 除左女主(都係大熱但覺得未夠)同女配(直頭surprise估唔到)。
來緊:
22/1(一) -- OT
23/1(二) -- Crystal婚
26/1(五) -- C Annual Din
30/1(二) -- AL
2/2(五) -- Annual Din
6/2(二) -- 一月之星飯
9/2(五) -- 波友飯
3/3(六) -- Rita婚
10/3(六) -- Frankie婚
11/3(日) -- 小雲婚
完
2018年1月14日 星期日
一月十四日 -- 雜記
8/1(一) -- 收工同C食樓下吉野家。
9/1(二) -- 出site去SSP收工返到TKO仲遲過平時收工(走左車又塞左車); 同C買KFC外賣返企食。
1. 想買下玩具但係又無咩買又無平。
10/1(三) -- 收工去樓下娜多食飯。
11/1(四) -- 出site早收返去買野煮飯, C遲收工。
12/1(五) -- 收工返去買外賣返企食, 睇誇世代大結局。
2. 誇世代大結局 -- 因為要happy ending, 所以最後呢集比較大路無早幾集咁爆了~ 不過以TBB來講, 呢套都算近年頗破格又玩得癲的一套了~~
13/1(六) -- 早上10點到3點K lunch, 比happy hour仲抵; 公司同事Derek果然好唱得, 把聲同唱都好~~~ Charlie仔就麻麻地; 雖然唱5個鐘但Charlie仔點左極多歌, 結果random都狂出佢d歌, 其他人都唱得唔太多。唱完一齊去左果欄, 買左d生果返企; 夜晚臨時搵Sanny來3個人係企打邊爐, 佢9點半島走。
3. 好耐無識到新朋友係男仔又唱K唱得好聽的了~~ 呢個Derek好得喎真係~~~
14/1(日) -- TKL8-10, 今日打得不錯, 2分起手幾乎都入, 3分好似都接近5成, 入左3定4粒, 每場都得唔少分, 戰績二勝一負(一負係頭場弱對強); 之後同佢地食埋早餐, 再一齊hea仲去埋Namco果度一齊玩射籃球機先返企; 返到去沖涼hea抖到4點島眼訓, 訓到6點醒肚餓去Popwalk 2食魚米家後返企。
4. 星期六唱K其實唔太夠喉, 可惜星期日個K唔夠人流局~~
來緊:
17/1(三) -- Crystal飯
18/1(四) -- 白田K
23/1(二) -- Crystal婚
30/1(二) -- AL
2/2(五) -- Annual Din
6/2(二) -- 一月之星飯
3/3(六) -- Rita婚
10/3(六) -- Frankie婚
11/3(日) -- 小雲婚
完
2018年1月7日 星期日
一月七日 -- 雜記
2/1(二) -- 出site早收返去買野煮飯。
3/1(三) -- 出site早收返去買野煮飯; 今日覺得煮得有d難食...
1. 得悉小雲婚禮重開, 好高興。
4/1(四) -- SSP OT到8點; 之前行左下玩具舖玩具街, 買左揮春無買玩具, 臨尾仲即興奔上嘉頓山影張相先落返去開會OT。
2. 恭喜呀馬個B終於出世, 辛苦左kathy捱左十幾個鐘後仍然都要開刀。
5/1(五) -- 出site後返企沖涼, C收工後出返去Popcorn食飯, 間Say Cheese普通偏貴。
3. 呀黃做十大表演嘉賓, 五張野又唱又跳都仲OK喎~ 雖然唔係佢fans但都覺得like~
6/1(六) -- 早場睇左"Coco", 好睇好感人; 之後出Jordan同K Group唱K(1330-1900), 終於唱到Hacken Concert, 不過由於原唱太勁, 覺得自己唱得唔多掂; 之後一齊去米記食飯, 再試性價比高~~
4. CoCo -- 仍然都係好有心編排劇情, 轉折位之前估唔到。故事感人, 又睇到眼濕濕, 不過覺得可以做多少少。好睇。
7/1(日) -- 9-11中山, 是日未打已feel到自己身體狀態唔太好, 所以都唔係起好多手, 結果真係狂炒, 係打到最最後先入左一球(三分)(每次打波入一球三分ge streak未斷 xDD); 之後痴車返TKO買d野食返去同C食, 沖涼後hea抖砌模型陪C煲劇; 夜晚上天晉食飯。
5. 砌左布歐, 呢個系列都唔錯, 最正都係斯路~ 主角一隻都無買; 好想佢出魔童。
6. 第一次打波期間都覺得眼訓, 照計腎上腺素應該會令我feel唔到, 但可能真係太累太眼訓了。
來緊:
17/1(三) -- Crystal飯
18/1(四) -- 白田K
23/1(二) -- Crystal婚
30/1(二) -- AL
2/2(五) -- Annual Din
3/3(六) -- Rita婚
10/3(六) -- Frankie婚
11/3(日) -- 小雲婚
完
2018年1月2日 星期二
一月一日 -- 新年
27/12(三) -- 出site早收返去, 去左睇一睇紅葉, 雖然得幾棵但係好大好紅, 可惜晏晏地已經唔係好光; 之後去坑口買個聰嫂, 再返樓下買野; 返企整好準備好晒d野後, 同老豆去幫呀哥搬個電視櫃去垃圾站; 呀C返企就落鑊炒; 搬完大約8點島返去就有得食飯。
28/12(四) -- 收工返天晉食飯。
29/12(五) -- 收工上C娘家食飯; C收工同佢老豆轉台再返來食, 食完再幫佢老豆整部電話到10點半先走, 返到企11點半。
23/12(六) -- 本來想同C去Hysan滿記食Little Twin Stars甜品, 不過佢覺得貴所以唔去; 結果下午去左荔枝角D2 Place食飯同行下, 之後再去左Aeon行; 行完本來想去土瓜灣食炸脾, 但係都累所以返企, 買左外賣sushi返去食; 夜晚睇勁歌頒獎禮同砌模型。
1. [勁歌頒獎禮一二事]
1.1。好多時睇電視只係想有個理由坐定定，咁就可以砌下模型。
1.2。綠渣絕對係至愛機之一；早排開來砌，第一野就剪爛件，發自己脾氣收埋左一排；早前拿出來嘗試下好彩痴得返，砌落都睇唔到爛位又唔影響可動性，好彩冷靜處理到。
1.3。鍾意聽歌，所以就算爛都好，都睇晒全場。
1.4。小圈子就預左，好多歌手唱live唔穩定都預左，大概咩人唱得好/唔好，咩歌拿獎etc基本上都估到，但TBB真係好cheap仲狂賣廣告果下真係打冷震。
1.5。唔grand、反傳統都唔緊要，但成場搞到感覺好la簁…唔知點形容，總之無應有果種大show的氣概。
1.6。較為驚喜ge係蔚雨芯唱得不錯。(其他果d不錯e.g.蔣志光糖妹etc係expected所以唔另外提了)
1.7。要一講再講ge係周柏豪從來唔覺得唱到歌。
1.8。雖然係實至名歸，但一個出道三十年五張野ge人同一班幾乎全部出道唔過十年四十未夠ge擺埋一齊比較+爭獎…(中間果浸都無埋)
31/12(日) -- 早上坑口9-12 3個鐘, 打完好~~~累; 買野返去同C食之後, 累到坐左個鐘先起身沖涼; 抖到5點島開始meet源Edf偉Irene同埋買野, 夜晚在家打邊爐; 偉10點半走, 其他人玩Switch到差不多3點先走。
2. 多謝Derek生日禮物; 1st。
1/1(一) -- 之前果日打完波, 今日仍然覺得對腳好累, 加上3點先訓, 好耐無試過訓到12點; 起身hea下同C落去食野再買野返來, C煮飯, 我就砌埋隻HG Origin綠渣, 夜晚睇左ViuTV轉播903頒獎禮, 呢個先似返個總選嘛~~
來緊:
4/1(四) -- OT
6/1(六) -- K
18/1(四) -- 白田K
23/1(二) -- Crystal婚
2/2(五) -- Annual Din
3/3(六) -- Rita婚
10/3(六) -- Frankie婚
完
2017年12月26日 星期二
十二月二十日 -- Xmas
18/12(一) -- 出site早d收, 返天晉我家做冬。
19/12(二) -- 下午去灣仔續牌, 之後接C收工, 去金西南食米線後返企。
20/12(三) -- 收工同話劇朋友食飯, 試左同事介紹的佐敦米記, ok喎性價比幾高; 好耐無見但係每次見都好開心同可以聽到前輩分享經驗, 另外梗係要恭喜Crystal來緊1月結婚啦!
21/12(四) -- 清假一天; 11點同馬食野, Kathy來一齊坐, 之後我同馬去練波, 由於佢傷左, 所以今次齋射波; 一直都想練射波同三分, 今次真係齋練, 感覺上有進步~ 之後同馬去左M記食d野, 佢返企我再去射左陣波, 返企沖涼; 夜晚同C去左Waalah食飯。
22/12(五) -- 冬至早放3點收工; 搭叮落灣仔同Derek Jack食tea(我只飲杯野), 之後行下188再meet埋C, 行下太原街, 之後散; 夜晚C家大圍係灣仔食飯做冬。
23/12(六) -- 臨時約左Sanny下午一齊行葵廣, 本來一齊食晚飯但係佢累所以返企; 去TW meet Edf同Irene行下同埋食晚飯後散。
24/12(日) -- 9-11TKO, 是日拍住勁隊友, 全場無輸過所以打足全場, 都唔使我點起手, 早段幾準仲入左2球三分, 後段開始累, 無咁準, 不過自覺防守都OK; 打完波返企沖涼即出寶林同馬夫婦Norman食晏; 散左之後2點島meet ConnieMartin一齊去西環泳棚影相, 唔太多人但估唔到個個都影得耐, 等左個幾鐘, 之後行出西環碼頭影下相, 開始覺得腳好累, 最後一齊去左第二街餐廳食飯後返企。
25/12(一) -- 每年聖誕BBQ; C唔係好舒服怕d煙熏到所以無去, 我遲少少到, 源等埋我一齊入小欖joinSamEsther娟AdaDorothy進CharlotteSanny BBQ; 進2個走先, Sanny返去, 源陪我搭MTR佢到KLT走, 其他人坐Sam車來我家; 夜晚係企玩switch, 差不多11點散。
26/12(二) -- 早上同呀馬射波2個鐘, 仍然覺得有進步(intensive咁狂射當然會); 之後散返去同C食飯; 下午源EdfRita偉Irene分別來到我家, C同Edf各整d野食, 夜晚打Switch到10點幾散。
來緊:
27/12(三) -- TangoLily
29/12(五) -- C home
31/12(日) -- 我家Bino
6/1(六) -- K
18/1(四) -- 白田K
23/1(二) -- Crystal婚
2/2(五) -- Annual Din
3/3(六) -- Rita婚
10/3(六) -- Frankie婚
完
2017年12月17日 星期日
十二月十七日 -- 冷
11/12(一) -- 收工去北角同白田舊同事食飯聚下, 試左果間青藏牛肉麵, 好食喎。
12/12(二) -- 夜晚OT幫ACD開Briefing, 9點半島收工; OT之前同CSW朋友食野同埋連線打Switch Mario Kart。
13/12(三) -- 夜晚大角咀OT, OT前出土瓜灣出site, 之後去SSP再行去大角咀; 由土瓜灣食到SSP。
14/12(四) -- 出site返企好累唔煮飯, 出去樓下食台灣野。
1. Crystal夜晚打電話來, 佢下個月結婚啦~~~ 真係天大喜訊~~~
15/12(五) -- 收工去油塘同C食日本野。
2. 終於捱過左呢個禮拜；2晚OT，老細放假無啦啦d野湧出來又多野搞，又比晒我搞。
16/12(六) -- 早上去太古同中同(馬夫婦,Herman, 何文智)飲茶, 中午Herman走我地行一陣太古後散; 返企恰左陣, 4點幾出去食個tea行下Aeon買野返去, 夜晚食牛扒。
3. 開住電視聽籌款節目唱歌, 黃翊黃寶欣湯寶如陳潔靈林欣彤糖妹陳曉東...果d唔多講啦, 雖偶有甩轆但都算發揮到水準, 最想講係咁多年來盧巧音唱live都係好難聽, 就算佢有好幾首首本名曲幾好聽都好, 佢live真係唱得好差, 仲話要開演唱會...
17/12(日) -- 9-11天晉; 8點同馬夫婦食早餐, 之後打波; 之後返企hea, 下午出去買野返來C煮飯。是日有d凍。
4. 是日打波，幫隊友做擋時迎來被擋ge呀馬，我擋果下已經(想)企定/企直，但由於現場實?太快+我年老身體同反應，我企得唔直+佢被擋撞過來，所以整到佢舊患超痛，雖然我覺得自己已盡力+非故意，但自我感覺都很唔良好，超唔好意思...
5. 翻睇金庸, 連城訣雖然慘, 但係仍然覺得正。
6. 已經每日都好早攤去訓, 但係有人打機/睇片到好晏, 攪到訓唔好...好眼訓...
7. 竟然無啦啦想買下玩具/野比自己做聖誕禮物ge念頭, 但係其實無target想買d咩ge~
8. 拿左Switch返來都無點玩...唔係好大癮打機了。
來緊:
18/12(一) -- 我家做冬
20/12(三) -- 話劇朋友聚
21/12(四) -- 清假
22/12(五) -- 早放; C家做冬
25/12(一) -- 每年聖誕BBQ
18/1(四) -- 白田K
23/1(二) -- Crystal婚
完
2017年12月10日 星期日
十二月十日 -- 極光
4/12(一) -- 出site返企沖涼上天晉食飯早訓。
5/12(二) -- 出siteTKW之後去左果欄買左d果, 之後去大角咀同Charlie同Annie食埃及野, 幾好食; 8點開會9點島收工, 上一上天晉再返企。
6/12(三) -- 出site返來睇跌打, 之後同C各自買外賣返企食。
7/12(四) -- 收工去九龍灣meet Penny跟住一齊行去九展, 換左飛後食d野就去排隊, 睇林一峰+林奕匡concert。
1. Mr. Nice Guys Concert -- 好睇喎~ 本來佢2個我都幾like, Chet打滾咁多年揮灑自如絕對無問題, Phil獨唱我覺得佢唔算好sharp, 反而同Chet合唱/夾唱時好自在好放, 發揮得仲好; 另外佢2個係中盤之後入晒狀態之後表現都好正, 尤其2個都識玩音樂, 互相和音/玩chorus/Chet玩口琴/Phil吹Saxophone...etc都好正~~
8/12(五) -- 清假一天; 早上起身睇戲"英倫對決", 都算不錯; 之後返企C話恰陣, 我就去同馬練陣波, 今次主練射波, 最後有2個後生走來撩鬥波, 靠呀馬最終贏左~~ 返企沖個涼去Beans食野, 之後上一上五座同呀爸睇下就來裝修果度, 就搭巴士出太空館, 結果大塞車好耐先到, 好彩都岩岩好; 極光好靚好壯觀, 值得睇; 之後行左下TST後去左食好耐無食ge越南野, 仍然好味; 食完返企。
9/12(六) -- 早上hea, 下午源上來,再晏d Edith同Irene都來一齊去食Simplylife, 食完上我家一齊hea睇電視同食cake, 11點島散。
10/12(日) -- 8-11中山, 三粒鐘堅累, 不過好耐無試過無點腰痛咁打, 覺得自己都打得唔錯(但係仍然都係有防守同turnover老問題), 進攻方面起手唔算多但把握力幾高, 都入唔少, 三分都入左幾球。打完返去買外賣返去同C食, 沖涼就訓; 4點幾起身好肚餓, 同C去食tea後行下將中再買野食返企, 到8點幾又餓就食。
來緊:
11/12(一) -- 白田
12/12(二) -- OT
21/12(四) -- 清假
22/12(五) -- C家做冬
完
2017年12月3日 星期日
十二月三日 -- 返鄉
20/11(一) -- 突然OT, 大約8點9收工, 無走車+飛車, 9點3返到屋企, 仲沖得設涼先睇電視。
21/11(二) -- 收工返去買野煮飯。
1. 一早意外地無啦啦攪到自己身體。
22/11(三) -- 收工返企煮飯。
23/11(四) -- 出site返企沖涼hea陣之後出KT同波友食11月之星飯放題。
24/11(五) -- 早機返鄉, 去到食中午, 下午幾乎昏迷, 夜晚出萬佳食圍菜。
25/11(六) -- 表弟正日擺酒, 我做兄弟團之一去趁下熱鬧, 接完新娘返去新房再返佢老家(即係我住的呀姨度), 食完野下午又係hea hea下訓左, 夜晚又去萬佳食飯, 130圍好壯觀(雖然大表弟果時都差不多)。
26/11(日) -- 呢日無咩特別野攪, 呀哥呢日返Hk先, 呢日就我同C幫手同呀嫂湊2個B(同場仲有好多表兄弟姊妹的B), 呀哥走前同我地去左個商場行左圈, 對比起新年時去竟然執左好多鋪, 人少左好多; 下午返到去又係訓左; 夜晚出去食飯, 竟然係港式飲茶...不過主打係餐廳有小朋友corner比班小朋友放電; 是晚返到去叫左好豐富的宵夜, 超正呀~~~
27/11 -- 早上又係heahea下, 食完晏中午再去商場行個圈, 下午4點島就出發返HK了。一早買左機票, 原來老叔公是晚擺80大歲無早d通知, 早知留多日。
2. 唔知點解返去幾日, 又唔係好夜訓又唔係超早起身又唔係話好勞動, 唔知點解幾日下午都係爆累到控制唔到訓著左 @@
28/11(二) -- 清假休息一天; 中午同C同馬去寶林UCC食brunch, 之後我同馬去左練下波(差不多2個半鐘累死), 之後返TKO叫C落來買d野返企; 我沖涼hea抖到7點幾出去食飯。
29/11(三) -- 收工同ConnieNatPenny係上環食飯, 之後上去參觀Nat暫住一個月的Service Appartment, 9點幾走。
3. 幾個fnd大家不?眷傾偈感覺free好多同好悠閒, 可惜Connie第二日早機所以要早走無得傾得耐。
30/11(四) -- 本來約表弟食飯, 不過C呢幾日遲收工, 佢同大肚老婆都唔晏食得, 所以再約; 臨時約左Edf同佢男友上來我家食飯; 出site早收返去買野煮飯食, 佢地9點幾走; 沖完涼C無啦啦唔舒服。我睇埋降魔的結局, 不錯。
1/12(五) -- OT開會9半收工。C發燒39.5度。
4. 是日試左TKW同事介紹小店炸脾幾好味。
2/12(六) -- 源生日快樂; C退左燒但仍然唔舒服; hea左一日, 下午自己落左街行下同買糧油野返企, 夜晚佢煮麵食我食sushi。
3/12(日) -- 8-10柴灣, 是日作病手軟腳軟, 唔係好起到跑快, 不過都入左2球三分, 仲過左個人layup添; 下午公司睇戲活動係黃埔睇Justice League, 睇完係紅磡食埋野返企。
5. Justice League不錯, 唔使用腦睇下精彩片咁; 超人太屈機, 水人好豪邁幾型, 溫打烏文keep住索。
來緊:
7/12(四) -- Concert wv Penny
8/12(五) -- 清假; 太空館
完
2017年11月20日 星期一
十一月十九日 -- 雜記
6/11(一) -- MA早走返去睇跌打, 睇完好好多不過都係要小心d; 夜晚我煮大半。
1. 降魔的好睇喎, 劇情鋪排同伏線都幾正。
7/11(二) -- 出site後去SSP, 比Edith幫佢唱ge日元同埋同佢買sim card同買埋headphone; 之後返TKO同C試popwalk2韓國野, 麻麻地。
8/11(三) -- 收工返去, 食魚米家。
2. 是日作病, 一早訓覺。
9/11(四) -- MA早走返去睇跌打; 之後去popwalk2試埋意樂。
10/11(五) -- 出site早少少返去沖涼訓著, C買外賣返來食。
2. 是日lunch同Ava farewell, 去果間香港老飯店又貴又難食, 中大伏。
11/11(六) -- 早上起身去睇跌打,, 企左成個鐘個醫生遲到; 睇完返去hea同抖到3點島出去, TST Miramar -> 永安 -> 果欄 -> In's Point -> Aeon -> 旺中 -> 旺角道附近食飯再返企。今日幾乎由TST行去太子, 腰腳大爆炸。
12/11(日) -- 8-10石塘咀, 因為腰未好晒, 所以唔敢chur得太恆, 是日進攻方面好似齋射三分xDD 仲要唔係好準, 入左2球only, 反而有球執到進攻籃板係罸球線射中距離入左, 2分fg 100% xDD; 由於C娘家去拜山我無join, 所以佢之後入西貢食早餐同同狗仔沖涼etc我全部無join, 打完波同波友食完野(又去堅尼地城)後返企沖涼恰左; 到5點島起身同C去坑口行再去寶林行, 7點半meet埋呀哥佢地食上海野後, C同嫂去買野, 我同哥等, 之後一齊返TKO。
來緊:
23/11(四) -- 波友11月之星飯
24-27/11 -- 返鄉下, 細表弟婚
1/12(五) -- OT
3/12(日) -- 公司睇戲JL
完
2017年11月12日 星期日
十一月十二日 -- 2場K+腰傷
6/11(一) -- 收工返天晉食飯。
1. 年紀大左精神力集中力都差左; 一有disturb或者distract就整錯野; 今日開工砌至like果隻綠渣, 第一件就剪錯左, 仲要無得補救爛左, 超唔開心。
7/11(二) -- 本來同芳嫂糖放題, 不過芳臨時SL cancel; 收工返TKO試新果間台灣野, 普通。
2. 是日早左返工, 竟然咁岩遇到第一日搬來上環service apartment ge Nat, 即時一齊食早餐吹下水。
3. 是日loyeah又撩我同Csa, 又辣慶我, 不過今次無上次咁嚴重, 都唔係十分慶。
8/11(三) -- 收工去KT工廈西餐食飯, 慶祝結婚2周年紀念; 一如以往情人節、生日、紀念...etc, 其實都係單方面慶祝~ LOL
9/11(四) -- 出site收工返去買野煮飯。
10/11(五) -- 收工返C娘家食飯。
11/11(六) -- 早上老豆過來指導我換個房天花燈, 都攪左成個幾鐘, 最累係條頸, 如果唔係老豆教路我真係整唔掂~~ 下午同K腳Group係Jordon唱K, 之後去左醉瓊樓食埋飯先散。
4. 一如以往, 一早約左唱K, 去到果日就唔知唱咩, 又唔係十分興奮, 唔知想點咁...
5. 醉瓊樓OK喎。
12/11(日) -- 8-10石塘咀, 是日打得落力, 又係攻防都覺得自己不錯; 是日連入2球3分, 可惜最後一球18:18 buzzer唔入之後夠鐘, 入左真係buzzer beater~~ 是日(again)最好笑係Jack叫左佢個fnd呀龍來, 又係好funny ge人, 最攪笑係佢無打開籃球都來(因為之前唔夠人), 仲要最後一球winning shot(另一場)係佢唯一一球亂隊ge三分入左, 超好笑~~; 之後同佢地去左Smithfield街市食好味沙爹牛麵再返企, 沖涼再出九龍城同EstherDorothy唱K慶生(SamEstherDorothy娟MandyThomasC), 之後6人去九龍城食平放題, 除開埋單每位$200, 雖然d野食好一般但係好平好抵。
6. 是日家俊帶左d新朋友來, 幾好波不過幾硬淨, 對左幾野同埋自己都落力打之後, 腰痛; 初初直頭痛到左邊下身痛又痺, 坐時好痛坐唔得耐; 之後返企沖涼捽完好d, 下午同夜晚慢慢都好好多, 起碼坐住都唔多痛。
7. 是日Dorothy帶果隻Board Game跑馬仔幾好玩。
來緊:
23/11(四) -- 波友11月之星飯
24-27/11 -- 返鄉下, 細表弟婚
完
2017年11月6日 星期一
十一月五日 -- Connie生日+草蜢Concert
30/10(一) -- 出site後返去買野煮飯。
1. 又係第一集, 一於睇下"降魔的"好唔好睇; 事前expect應該不錯, 睇完第一集來講暫時standard, 人物介紹+鋪排中, 比多幾集佢先。
31/10(二) -- 出site後返企先, 同老豆上五座收樓, 之後去寶林同C食飯同睇皮鞋。最終睇唔岩, 返企繼續追劇。
2. 其實都幾希望TBB有好睇劇, 一來可以更痴下家, 二來睇劇先會有起碼一個鐘時間坐定定可砌模型。
1/11(三) -- 早走去睇跌打, 買野返企沖個涼落返去點知已經好多人, 等到7點先到我; 夜晚C煮。
2/11(四) -- 原來唔使OT開會; 收工返天晉食飯。
3/11(五) -- 收工返企換衫執野出寶林同哥嫂C打羽毛球。之後食d野。
4/11(六) -- 一早起身去睇早場Thor 3, 之後去魚米家食早餐; 食完返企抖, heahea下訓埋; 醒左磨磨下到5點幾先出門, 去Megabox Ikea食野之後行下; 唔係好expect之下買左對波鞋(本來都有d想睇下)同皮鞋(呢個有需要的)後返企。
5/11(日) -- Connie生日快樂, 仲有Puzzle同esther都生日; 10-12 Parkside, 之後無人book, 所以我地加鐘打3個鐘, 是日由於星期五打左羽毛球同埋條腰緊, 所以無上星期咁有活力, 不過自覺都算打得中規中矩, 最後果一個鐘已經累到狗咁(入左一球三分); 之後同佢地食埋晏先返企; 累到大爆炸沖完涼就訓左, 無整個房燈; 6點出TST同ConnieLoLoNatClement食生日飯+草蜢concert。
2. 草蜢Concert，入場都睇過幾次了。
[我們都是這樣失戀的]
呢首係佢地嘅歌其中一首最like之一，好開心今次有唱。(所以偷錄左呢首)
以下為是次concert感受：
-- 可能唔想唱來唱去都係果d歌，今次唱左不少冷門歌，有d連我都唔識
-- 近年睇左好幾次何丙做音樂總監嘅concert，佢係好够膽大執過d歌嘅編曲
-- 同年代歌手來講，開concert都係sell老fans，所以d歌都唔會點大執，唯獨草蜢嘅style、歌、舞都創新得起，今次好多歌/跳舞歌都係編到完全唔同，disco電子音樂cyber風etc都玩埋，加上何丙d編曲好多時配樂好豐富，有時齋聽背景d音樂/聲效都好正
-- 今次d歌其中比較驚喜嘅係傑仔“流淚的背影”唱晒成首，好正~~(等K有得唱)
-- 光影效果都不錯，不過個圓型罩螢幕遮左我地山頂朋友d視線
-- 比起05年佢地重出，年紀始終大左，陰d陰d其實跳得少左(擺pose多左)
-- 我個位望到band位，個鼓真係超型棍，尤其係“華麗舞台”果part
-- 雖然係頭場，但現場氣氛都好熱烈，爆滿得來even坐我附近嘅山頂朋友好多都好high又叫晒
-- 音樂嘅野我識條鐵咩
-- 我要唱K!
3. 終於第一次見Nat男友, 感覺係幾sociable同nice ge~
來緊:
7/11(二) -- 同芳嫂糖食飯
8/11(三) -- Annivesary
11/11(六) -- K group K
12/11(日) -- Esther生日
24-27/11 -- 返鄉下, 細表弟婚
完
2017年10月29日 星期日
十月二十九日 -- 中同返港
23/10(一) -- 出site早收返去買野煮飯。
24/10(二) -- 中午出site後搵左Connie食飯; 收工同EdfC食Rita生日飯, 竟然係NPMTR撞到呀源; Villa Villa間野普普通通, 食完去左翠苑食糖水, 再去do平2蚊, 大家見仲早8點幾上左我家坐, 到10點零散。
25/10(三) -- 是日下午派信, 去馬游塘村同大埔仔上村, d村屋好難搵, 好彩最後都搵到; 之後返企沖涼, 夜晚上天晉食飯。
26/10(四) -- 出site早少少返, 買野煮飯。
1. 玩左幾年ge手遊SD高達終於正式執柒, 之前的確浪費左唔少時間係隻game度, 不過都總算有過滿足感, 隻game的achievement亦唔低; 雖然無咩用, 但係人生就係咁架啦, 有幾多到最後係有用? 曾經開心過, 已經足夠。
27/10(五) -- 收工返C娘家食飯。
28/10(六) -- 晨早起身8點到CWB同係美國返來的中同Simon飲茶(馬kathy周天恩); 之後返企抖陣, 下午出石夾尾同Edith食車仔麵同影下相。石夾尾村->南山村->CityU->又一城, 之後Rita走先, 我地3人返我家抖一陣, 8點幾去尚德稻香打邊爐, 11點島散。
2. 原來周天恩發生左d咁爆ge野, 真係surprise~~
29/10(日) -- 10-12 Parkside, 今日打之前雖然條腰好緊, 但難得覺得有d狀態, 好耐無試過真係好落力爆氣chok恆去打, 平時腳步極慢防守唔得, 今日覺得不錯, 算係decent, 攻擊方面都OK, 射波入攝等等果d都有, 而且好耐無同馬一隊, 今日同佢一齊打得幾爽。不過後遺症係打完之後條腰堅痛...是日三分唔記得3定4投2中; 之後返企, C煮杯麵, 我唔多想食, 於是食左一個橙一個柑一個柿同d提子當lunch算; 沖完沖太累訓左; 5點島起身, 超肚餓, 同C落去街市買野(食左d小食), 夜晚佢煮。
3. 近年ge自己唔係一個鍾意影響人ge人, 通常都係人地想點, 就由得佢/世界順住個flow去; 不過有時真係要guide返d野去一個自己覺得理想d的方向先得...
來緊:
2/11(四) -- OT
5/11(日) -- Connie生日+草蜢concert
11/11(六) -- K group K
24-27/11 -- 返鄉下, 細表弟婚
完
2017年10月23日 星期一
十月二十二日 -- TKO朋友
16/10(一) -- 收工臨時搵呀哥同C去TST睇埃及展, 之後哥走先, 我同C食萬豚屋後返企。
1. 估唔到睇左咁耐, 仲睇埋VR; 之後搭車睇apps見岩岩有車就去啦, 點知應該前面有問題, miss左2班, 最終等左好耐先上到車, 11點先返到企...
17/10(二) -- 起身感覺唔多妥, 索性SL; 結果放假仲辛苦過返工 xD; 10點幾落街睇醫生, 之後過天晉, 11點零食野, 12點同馬打波打左2個半鐘, 累到痴線, 之後同佢行到寶林再搭車, 上一上天晉返去, 買左生果, hea半個鐘3點9出去meet Norman, 同佢係Parkside hea射下波4-5傾下偈; 之後買野返企煮飯, 仲掃地抹地洗埋廁所, 累到癲; 最後果碟C返來接力。
18/10(三) -- 下午突然要出site, 西環收工, 臨時搵左Tracy坐左一陣傾下偈; 之後搭叮返上環, 同Grace食生日飯; Oldies環境同食物都唔錯, 但原來7點last order 8點收工, 好早就食完(不過由頭到尾都無客, 包場了); 之後返坑口食埋聰嫂先散。
2. 是日NBA開鑼! 可惜第一場一個球星(Hayward)出場唔夠5分鐘就大傷(隻腳向外擰...)摺埋了...
19/10(四) -- 收工返天晉食飯。
20/10(五) -- Grace生日快樂! 西環收工, 返企沖涼抖一陣, 8點幾出CWB食Derek生日飯(Derek Jack James Tommy Pierre Norman Raymond)。間火山燒ok啦, d肉都幾好, 三百幾蚊來講貴貴地但都算ok。有Jack James係度9 up全場都好笑。
21/10(六) -- 約左Grace 3點係坑口meet, 之後一齊入峻瀅勇Trista家坐; 吹下水到5點幾再一齊來我家同行下附近, 之後過寶林食上海野後Grace返企, 我地就行返去尚德再散。
22/10(日) -- 8-10柴灣, 是日一開打條腰就好緊, 所以進攻無咩特別表現, 起身唔多又入得唔多(雖然入左一粒三分), 好彩反而專注防守同回防唔太差, 有d貢獻; 打完之後家俊帶我去工業大廈入面一間好多年ge車仔麵, 買外賣返企, 真係好食喎~~~ 之後就係企抖, 到4點島落街買野返去, 夜晚C煮。
來緊:
24/10(二) -- Rita生日飯
27/10(五) -- 返娘家飯
28/10(六) -- 中同Simon飲茶
5/11(日) -- Connie生日+草蜢concert
11/11(六) -- K group K
24-27/11 -- 返鄉下, 細表弟婚
完
2017年10月15日 星期日
十月十五日 -- Dangal/八號波
9/10(一) -- 相安無事, 收工返天晉食飯。
1. 是日Stacey放完產假返來, 即時遞信, 賠錢星期五last day, 仲要來緊幾日SL xD
2. 八婆怒...又的確係我地唔太好ge...
10/10(二) -- 哥嫂忙, 出site早少少收工, 返去買野食再返企沖個涼, 上呀哥度幫手餵番薯食飯。
11/10(三) -- 收工返去, C唔多舒服, 買左粉返去食, 我就買大家樂雞餐食, 有剩帶飯。
12/10(四) -- 收工返去買野煮飯, 返企放低d野唔記得增值八達通, 於是落返街, 但唔記得帶key, 於是係樓下等C返來先返到企。
13/10(五) -- 收工去太子同好耐無見的花姐姐食飯; 第一間選ge cafe竟然已執, 之後去第二間; 裝修不錯, 環境都不錯, 不過d野食性價比就一般。9點就收舖, 焗散。
14/10(六) -- 一早起身自己去睇早場Dangal, 好好睇; 之後同馬佢地一齊食lunch, 傾下hea下到差不多4點散; 之後入西貢攪下狗, 最後出返調景嶺食一麵館後返企。
2. Dangal -- 一如之前3 Idiots同PK, 有意思得來個劇情節奏都拍得好好睇, 今次真人真事改篇一樣拍得唔會悶, 差不多3個鐘一d都唔覺時間過, 笑料無之前果2套咁多, 但一樣都係開開心心, 又有感動位; 有好多人睇完mainpoint覺得咩父權女權追尋夢想...etc, 我反而體會多一樣野, 就係而家好多故事叫人堅持、追逐夢想, 但係有幾多人好似主角咁有料/咁有眼光+咁有運呢? 唔好計運, 我反而好怕會令好多普通人/庸材/甚至蠢材盲目向前衝, 仲衰...
15/10(日) -- 8點Parkside, 由於未到9點就打8號波, 所以得7個人, 打到差不多9點一定要走, 同Derek jack食早餐, 再買外賣返去比C食; 係企hea左大半日, 5點落樓買野, 夜晚C煮。
來緊:
17/10(二) -- Grace生日飯
20/10(五) -- Derek生日飯
28/10(六) -- 中同Simon飲茶
5/11(日) -- Connie生日+草蜢concert
11/11(六) -- K group K
24-27/11 -- 返鄉下, 細表弟婚
完
2017年10月8日 星期日
十月八日 -- 不忿
3/10(二) -- 出site早少少收工, 返去煮飯; 呀爸呀媽同加拿大返來的叔嬸一齊食飯, 嬸住一晚。
1. 公司個死loyeah竟然夠夠膽做埋d無聊野辣慶我, 食屎啦。
4/10(三) -- 公司早收3點, 不過輪到我留守, 所以都係收6; 收工去SKW呀C婆婆屋企大圍做節飯。
5/10(四) -- 坪州BBQ cancel; 中午出九龍城同流局Group(ConnieLoLoPennyJessie)唱K, Jessie4點半島走; 我地唱到7點島走, 之後係九龍城食埋泰國野先散。
2. 真係唔知點解次次都係, 好耐無唱/難得攪一次好想唱的K, 出到來反而唔知唱咩得來, 又硬係覺得怪怪地咁; 是日仲衰ge係, 呢排真係好累好眼訓, 食完野竟然恰左一下, 好彩之後精神返唱返多d; 同埋好耐無唱, 不在狀態, 高音上唔好, 又唔夠氣...
3. 竟然難得有件事心頭不忿左2日, 不過之後終於淡忘了; 希望星期一無野發生。
6/10(五) -- 出site早dd收工, 返TKO拿返盒月餅(呀爸拿落來MTR), 之後過返北角同源上民仔屋企, 同佢媽妹傾左陣走; 之後meet埋C係附近食間星洲野後散。
7/10(六) -- 唔知點解呢排都好累好眼訓, 早上起身食d野又繼續hea, 到3點同C Connie Jessie去牧羊少年食tea, 4點9島Jessie走, 我地就去坑口行下, 6點半島返TKO; 返企hea一陣到差不多9點出去popwalk 2魚米家食飯。
8/10(日) -- 8-10WCH; 是日早段唔多起手, 無咩表現但都無咩大失誤, 之後起返少少手但都唔太入, 不過竟然難得有一下單人快攻前面無人入埋xDD 三分2投1中算係咁, 仲有一下critical贏波steal; 之後返TKO同C食野後返企抖。到傍晚出去買d野返來煮食。
來緊:
13/10(五) -- 花姐姐飯
20/10(五) -- Derek生日飯
28/10(六) -- 中同Simon飲茶
5/11(日) -- Connie生日+草蜢concert
24-27/11 -- 返鄉下, 細表弟婚
完
2017年10月2日 星期一
十月二日 -- 京阪之旅
20/9(三) -- 收工返去沖個涼, 之後夜晚出發去機場, 凌晨機去大阪~~
21-26/9 -- 京阪之旅。
27/9(三) -- AL休息一天; 全日就係hea, 執埋d野, 洗衫, 整相, 過天晉, 落街食飯x2等等。
28/9(四) -- 收工返企買野煮飯。
29/9(五) -- 出site早d收工; 同Derek係MK meet, 行左信和In's Point同果欄後散; 返企換個衫C收工, 去寶林食飯順便拿月餅, 之後meet馬夫婦一齊行左陣街散。
30/9(六) -- 進進大婚, 一早6點幾搭的士去汀九帝景, 成個過程尚算順利, 3點幾散; 酒店麻麻地, 地方窄, 野食又唔多又麻麻, 係叫有個池畔証婚; 散後坐shuttle出TW, 再返娘家食C爸生日飯。
1/10(日) -- Derek生日快樂; 早上10-12 TKO, 剛trip完返來+做完兄弟都好累, 唔算打得太差了...; 晚上姨丈請食飯, 係屋企附近紅樓, 不過呀哥佢地無來, 成班佢d fnd全部叔叔。
2/10(一) -- 10-12坑口, 極累不過都照跑, 都算係咁; 之後返去沖涼出TST食Mandy生日飯(MandyThomas娟SamEsther), 傾到差不多4點散; 之後行下TST同去In's Point信和, 夜晚返天晉食飯。
來緊:
3/10(二) -- 叔嬸來住一晚+食晚飯
4/10(三) -- C大圍做節飯
5/10(四) -- 坪州BBQ cancel; 流局Group K
5/11(日) -- Connie生日+草蜢concert
24-27/11 -- 返鄉下, 細表弟婚
完
2017年9月20日 星期三
大金冷氣泳兒羅力威Concert Rundown + 小評
標籤： 個人感受/感想/人生觀
2017年9月19日 星期二
九月十九日 -- 三分
11/9(一) -- 出site早收, 返去同媽買送吹水, 之後返企沖個涼, 夜晚過天晉食飯。
12/9(二) -- OT開會到差不多10點收工。
1. 是日試左James比我的鼻敏感藥, 效果好似不錯; 不過唔知關唔關藥事, 成日都極~~度眼訓。
13/9(三) -- 出site早少少收工, 返去買野煮飯。
14/9(四) -- 出site同埋夜晚OT, 9點半島收; 中間有d時間, 去左唱錢、SSP買sim card同玩具, 同埋去左明哥果間野買左3送飯飯盒去土瓜灣公屋下面d休憩地方食飯。
15/9(五) -- 出site, 同尋晚一樣又係去到個站無車, 等到6點幾先有車; 返去比左幫呀哥唱ge錢後返企沖個涼, 出返來同C係附近食飯。
16/9(六) -- 早上同馬佢地食早餐, 之後幫佢搬屋開門行行企企, 到中午一齊食埋晏先散; 之後返企沖涼抖, 夜晚同媽姨丈呀姨表弟一齊食添好運後返企。
17/9(日) -- 9-11坑口, 今日第一場入左一球三分, 總拿7分, overall都打得不錯, 仍然係打SG位; 第二場已經好累, 加上錯晒節奏, 大家都打得唔好(我更係一pat屎), 結果開頭輸太多, 之後佢打好d都係追唔返輸左; 最後一場, 可惜打到最後大家開始亂來hea, 不過如果真打應該我地贏, 我入左三球三分, 好似拿左11定13分, 好難得~~ C唔舒服, 中午食完飯買d野返去抖; 夜晚我煮。
18/9(一) -- OT開會到9點半島完。
19/9(二) -- 出site後medical appointment返TKO睇跌打, 就來去旅行都係睇一睇好d; 之後買野返去煮飯。
2. 今日小雲未婚夫無啦啦打比我, 我無佢電話開頭又唔認得, 佢講左一陣我先知係佢; 小雲媽好突然地走左, 佢地11月婚禮要暫停...好sad的消息...
來緊:
20/9(三) -- 收工返去沖個涼, 之後夜晚出發去機場, 凌晨機去大阪~~
21-26/9 -- 京阪之旅
30/9(六) -- 進婚, C爸生日
2/10(一) -- Mandy生日飯
5/10(四) -- Helen家飯
5/11(日) -- Connie生日+草蜢concert
24-27/11 -- 返鄉下, 細表弟婚
完
2017年9月13日 星期三
九月十日 -- 2場concert
4/9(一) -- 突然出site金鐘同灣仔做boy送件, 行左好耐又落雨; 收工同Nat去左西環食飯, 預祝佢生日。間野唔貴但難食, 對面第二街餐廳好食好多。好耐無傾咁耐計, 之後去埋源記食糖水後散。
1. 最近見到有套漫畫叫"迷宮飯", 將迷宮冒險同煮野食一齊講, 幾好創意又幾好笑~~
5/9(二) -- 收工時Penny剛剛係上環收工, 同佢Starbucks坐低傾左半個鍾, 之後同路各自返企; 同C係Beans食飯, 竟然唔使等位。
6/9(三) -- 收工同LoLo去KLB等埋C一齊過九展meet日安, 食完飯睇mini concert泳兒+羅力威。
2. Concert -- 今次concert佢地唱好多唔係自己ge歌, 大部份都係好名ge, 所以基本上都係識背。至於佢地自己ge歌, 除左羅力威有1,2首唔太識, 其餘歌同埋泳兒果d都係識ge。
泳兒同羅力威係HK樂壇都算係比較唱得果d, 不過個concert開局時果幾首歌, 佢2個狀態唔知係麻麻地定點, 唔太穩定。之後慢慢好d, 不過我一路都聽到不少瑕疵, 可能我當左佢地係實力派歌手來聽啦, 有少少失望。相比之下, 早年聽過一次雜錦concert有鄭融, 佢穩定性同埋台上表現好過泳兒好多; 而之前睇男人幫, 我成日覺得穩打穩扎無咩突出ge梁漢文原來算係十分好了, 更加係贏佢地成條街。Overall來講都唔差ge, 只係相對失望。
7/9(四) -- 出site早收工返去買野煮飯。
8/9(五) -- 收工返C娘家食飯。
9/9(六) -- 早上起身同C去左Popwalk 2果度行個圈食飯, 之後返企hea抖, 到5點島出去Jusco行下, 我就去YMT同進食兄弟姊妹飯。姊妹都不錯, 間野食貴左d。
10/9(日) -- 8-10WCH, 今次跟James fnd車去同返, 方便左; 今日打返正常dd水準, 射波ok入又入到三分, 算係咁; 一開波連打2場打左成個鐘, 雖然贏波但係好累~~ 第一場拿左8分仲要係20-20入左絕殺球, 第二場一開波入左球三分, overall拿5分, 都算係咁; 之後返TKO同C食d野就係屋企耍廢, 夜晚出返HH同C Derek食foodcourt再睇李克勤演唱會。
3. Concert -- 細個係佢仲係寶麗金時代都算好like佢,
之後變左CD勤時的確覺得爭d, 不過今次concert對佢有少少另眼相看。佢的確係唱得好穩定, 難度高ge位完全無問題, 係唱方面真係無咩好挑剔。值得一講係佢其實真係唔止播CD, 而真係好過聽CD的。可惜因為保守關係, 佢甚少唱冷門歌, 有d失望; concert之中最印象深刻係佢唱果幾首社會歌, 難得地佢唱+編曲係好有feel, 有果種對社會黑暗、無力同投訴感覺, 希望遲d會出碟重溫。
最surprise係當晚嘉賓竟然係我超like的陳慧嫻, 仲要唱傻女, 實在太太太開心。
來緊:
12/9(二) -- OT開會
14/9(四) -- OT?
16/9(六) -- 幫馬搬屋開門行行企企
18/9(一) -- OT開會
21-26/9 -- 京阪之旅
30/9(六) -- 進婚, C爸生日
5/10(四) -- Helen家飯
5/11(日) -- Connie生日+草蜢concert
18/11(六) -- 小雲婚
24-27/11 -- 返鄉下, 細表弟婚
完
2017年9月3日 星期日
九月三日 -- 打返波
28/8(一) -- OT土瓜灣; 之後返去同C食屋企附近食飯; 買左2件cake返企稍微慶祝七夕。
29/8(二) -- 出site早dddd收工, 去YMT行In's Point, 果欄(買左日本桃同韓國梨, 又見到交通意外現場, 好似有人係大貨車底), 信和, 之後同ex-URA同事食CarolMandy生日飯@牛角。都係大路日式任食邊爐, 而家唔知係年紀大左定點, 已經無以前咁熱衷食呢d, 同埋怕自己食得多, 今次真係食得唔多, 近年食任食都可以控制到自己食ge份量了。
1. 打完2次風, 天氣回復正常, 但係好似feel到無之前咁熱喎~~~
30/8(三) -- 突然要出site行左大半個土瓜灣睇舖搵舖, 行到死熱到死累到死; 早dd收工返去買野煮飯。
31/8(四) -- 收工返天晉食飯。
1/9(五) -- 收工返企, 之後再出KT磯燒放題食Tommy神生日飯(Derek, Pierre, Norman, Tai, Fai, Lok, Jack, Tommy)。
2/9(六) -- 早上起身, 呀馬臨時搵我地食lunch; hea到點幾鍾落樓同佢地食拉麵, 吹下水, 之後同佢地睇地產舖, 仲順手去埋坑口安寧慈園睇樓; 散左之後我地行左下坑口, 之後出MK行左果欄(買左d生果), 之後行In's Point同信和, 買左Derek生日禮物; 臨時約左Edith去左泰廚食飯後散。
3/9(日) -- 士美菲路8-10; 之後痴呀俊車返TKO, 同C食lunch之後買埋野返企, 我沖涼恰左下, 佢煮飯。
2. 今日一早唔知醒, 好彩平時返工時間醒左, 只係遲少少; MTR去到NP轉車, 見到對面月台開門, 即時九秒九狂奔, 竟然追到, 前面仲有個鯡套飛飛ge人一齊跑添~ 不過跑完feel到條腰痛...打波前已有拉筋, 不過唔知係咪因為痛成個人balance唔好, 今日狂炒...近幾個月每次打波都有三分入ge streak都斷左。
3. 馬搵左地方搬了~~
來緊:
8/9(五) -- 娘家飯
10/9(日) -- 李克勤演唱會
12/9(二) -- OT開會
21-26/9 -- 京阪之旅
30/9(六) -- 進婚
5/10(四) -- Helen家飯
5/11(日) -- Connie生日+草蜢concert
18/11(六) -- 小雲婚
24-27/11 -- 返鄉下, 細表弟婚
完
2017年8月27日 星期日
八月二十七日 -- 2風球
21/8(一) -- 出site早少少收工, 買野返去煮飯。
1. 是日超熱。
22/8(二) -- 出site早少少收工, 由於預第日打風, 所以唔煮, 買左sushi返去食。
2. 是日都係超焗超熱。
23/8(三) -- 一如所料打風, 仲要打到10號, 打到全日唔使返工; 一早起左身反而訓唔返, hea左輪又訓下咁, 到下午過左天晉, 之後同埋呀媽一齊去買野; 呀哥呀嫂帶埋2個B仔我家, 夜晚C煮。
3. 長久以來玩ge手遊Gundam, 今日終於出公告, 10月摺了~~~
24/8(四) -- URFSK因為我而cancel; 出完site返企, 好熱; 夜晚食TKO食番薯生日飯。
25/8(五) -- 出site早d收工, 返企沖個涼換衫再出CWB HeSheEat同AngelKtAuyee食飯。
26/8(六) -- 中午出Jordon Neway同C娟源Cass進唱K, 進派帖。夜晚食埋飯散。
27/8(日) -- 一早又打8號波, 無得打波頂~~~~; hea到下午出去食個飽tea, 之後買野返企C煮。
4. 超時空男臣個結局就咁???!
5. 好耐無砌過MG, 今次的起心肝開左隻MG百式, 真切感受到而家d HG仲好過舊時MG; 不過金光閃閃無可取代ge~~~
6. 一直都覺得體重無大改變, 但係前一個月太~~~熱, 飲多左甜野, 覺得自己肥左, 大鑊了。
7. 今個星期就好似打下風hea下訓下咁過左了; 不過無打波感覺爭d野呀~~~
來緊:
29/8(二) -- ex-URA生日聚
1/9(五) -- 神生日飯
10/9(日) -- 李克勤演唱會
12/9(二) -- OT開會
21-26/9 -- 京阪之旅
30/9(六) -- 進婚
5/11(日) -- Connie生日+草蜢concert
18/11(六) -- 小雲婚
25/11(六) -- 細表弟婚
完
