六月二十九日 -- 正。反

23/6(一) -- 收工返企食飯。

24/6(二) -- 收工搭巴士過CWB換飛, 再去北角同TangoLily食飯, 係稻香食小菜, 9點島走。

25/6(三) -- 收工去CWB同C食飯睇戲。

1. Z風暴: 因為Karmen有免費換票証先有機會睇; 話說套戲個感覺就好似電視劇廉政行動20XX擺左上戲院咁, 成套戲拍得無咩電影感, 劇情十分之straight forward, 唔係話悶但都唔算係十分精彩, 好多位係電視角度來講就算數但係係電影角度來講山就真係幾求其同埋兒戲, 唔使錢或者早場勉勉強強都可以算數, 正價就免了。值得一講o既係個cast, 主角同supporting cast好多都係好戲之人, 算係最值得入場o既原因了。另外, 請開廉政行動20XX, 呢套係完全係幫ICAC做廣告o既一套戲...

26/6(四) -- 收工返企食飯。

27/6(五) -- 收工返企沖個涼再出坑口meet C試桃園茶餐廳; 都唔差。

2. 係屋企出去時竟然個頭竟然中左轟炸機! 真係咁大個仔第一次, 好彩係公園附近即時去沖頭, 真黑仔。

3. 東北表決單野真係好離譜, HK究竟點呀...

28/6(六) -- 中午同C食飯之後去左天晉游水, N年無游過本來都唔係好熟而家更加唔識, 於是hea浸下水, 之後好累去左池邊攤係椅度恰左下; 游完入西貢同C狗玩同幫手佢地沖涼, 之後食埋飯hea左陣10點幾先走。

29/6(日) -- 是日本來無野做, 中午同呀哥呀嫂食完飯後, 之前見Connie去左"正反"個展覽好似幾得意, 於是就同哥嫂一齊去, 都幾得意幾好玩; 本來諗住之後去下第d展覽, 但都唔太早, 於是就行下炮台山間759超市、和富12蚊店、759同奇趣, 之後去功夫點心食飯, 之後處理左d屋企野同上左天晉一下後過左呀哥度過相再返企。

4. 幾日前"訓禮頸", 頸同膊頭痛左幾日, 頭要慢慢咁轉同埋唔向得上, 好辛苦呢。

5. 正、反: 同個展覽無關; 每樣野都有兩面, 好多人都識講, 但唔一定識睇; 有人o既地方就有麻煩同是非, 最得人驚o既地方係, 明明件事正反兩面都無話邊邊係"錯", 但係成件事出到來就2邊都好似有錯, 或者唔開心; 呢樣野就係"人"最麻膠叉煩o既地方: 誤會、猜疑、情緒、喜惡, 真係好膠叉煩。

來緊:
30/6(一) -- YW飯局, 估唔到我連呢個group都join埋?
15/7(二) -- ex-URA 7月飯
16or17/7 -- 四仔飯

完

六月二十二日 -- 休息

16/6(一) -- 收工返企食飯。

17/6(二) -- 收工返企食飯。

18/6(三) -- 收工去CWB Tom Lee睇睇有無陳慧嫻concert飛賣, 一如所料full左; 同C食左花園餐廳行左陣後散。

1. 今日第一次試去坑口搭巴士返工, 效果比起之前TKO果2架好d喎~~ 如果第日早起左可以考慮下~~

19/6(四) -- 早少少收工返去睇左醫生先, 再出九龍城同Nat食飯, 再食埋糖水(合成)同佢等完車散。

2. 今日返工勁黑仔, 坐果架巴士竟然hi到前面架的士, 攪到係度磨左好耐; 好彩預早左出門口, 最終遲左3個字。

3. 試左間好似新新地叫Rossa Laksa的鋪, 好攪野: 裝修似西餐, 餐牌主要係東南亞野, 但係又有扒食喎; 入到去竟然得另一台2個男人就來食完, 之後走埋, 得返我地一台客, 好似包場咁; 到9點3竟然話last order, 之後聽到佢地洗野執野, 9點9島見到佢地連袋都拿埋出來等收工, 唯有埋單(其實無催); 係九龍城o既食店竟然未10黠就收工真係好奇怪咯 xDD

20/6(五) -- 收工同C食日本野同行左陣街, 有d累。而家唔行得太耐呢 -__-

21/6(六) -- 中午同C娟SamEsther係大圍食飯, 之後Sam返工我地上探佢地家玩貓貓; 夜晚係顯徑食大排檔潮州野(幾好食, 貴貴地)之後散。

22/6(日) -- 同尋日同一人腳, 同C娟Esther係葵芳meet跟住行商場, 竟然係同一間野食lunch同晚飯XD; 食完8點前就散。

4. 雖然自己一向少睇波, 不過話晒世界杯, 由決賽周開波一路以來少少都有睇下咁, 都幾好睇呢~~

5. 前排返工或者私人都好忙, 又好似好多野未攪未安排, 今個星期係比較休息o既一個星期(雖然都係仲有好多野要攪未攪); 有時真係要有d咁o既時間充下電, 唔想有太多節目或者出街, 同朋友聚下, 係屋企hea下就最好~

來緊:
24/6(二) -- TangoLily飯。
30/6(一) -- YW飯局, 估唔到我連呢個group都join埋?

完

六月十五日 -- 送殯

9/6(一) -- 收工返企食飯。

10/6(二) -- 收工同Cass娟係觀塘食上海野, 拿手信, 之後再去轉左新鋪o既葫蘆館; 9點半島散。

11/6(三) -- 收工返企食飯。

1. 早幾晚就好早醒或者半夜醒, 尋晚就發左個喪屍惡夢, 又驚又走好鬼累, 不過又幾有故事性, 入面個男仔雖死但好愛佢女友。

12/6(四) -- 收工同另一批同事再探Yee & B; 探完臨時同KennethWendyPenny食飯。

2. 是日出site, 有幾支針筒係上面跌落來係身邊, 好危險呀~~~

13/6(五) -- 請假一天, 一早起身過Macau; 之後幾乎全日係殯儀館, 10點散; 同2個表弟去酒店放低野, 之後落街買宵夜, 返來見到另一表弟, 4個人返房食野吹水, 全日最free最開心係呢個時刻, 好難得呢~ 之後散水(自己一間房), 係lobby上左陣網, 返去沖涼, 睇左陣世界杯訓。

3. 繼喪屍夢之後又夢到超大強夢同埋公司見客死八婆夢; 超大強夢仲嚇到叫左出來扎醒左添。

4. 睇唔到蜢蜢concert...

5. 經歷左舅父funeral, 深深地感到, 平時成日同fnd、同同事講笑話自己老, 事實上老o既唔係自己, 係自己爸爸媽媽...

14/6(六) -- 一早起身去殯儀館, 之後出車去珠海入土; 食完解穢酒返澳門執齊野返HK; 返到來飯都未煮, 唔想等所以同呀哥呀嫂係樓下快食完飯返企抖。

6. 極累極眼訓, 不過今次都唔算多企同行, 對條腰同腳都唔算好大破壞, 反而係怒食二手煙, 喉嚨同肺好辛苦。

15/6(日) -- 休息一天。中午join西貢出來的C食lunch, 之後買送返企睇電視, 太眼訓頂唔住係廳地下訓著左, 起身煮左2樣野帶過去食晚飯。C同Jason都一齊食。

7. 是晚試整新野, 時間不足之下, 都OK啦; 原來咖哩粉可以咁用呢~

來緊:
30/6(一) -- YW飯局, 估唔到我連呢個group都join埋?

完

六月八日 -- 打波s

3/6(二) -- 收工返企食飯。

4/6(三) -- 收工返企食飯。

5/6(四) -- 收工去TST妹記大排檔(ex-URA四、五月之星Gathering, ConnieLoLoAmandaCarolMandyHoChristineWaiYolanda); 9點半島散。其實每次呢group人出來, 有好多時講o既人事物我都係唔知或者唔識o既, 所以有時唔知講咩好, 都係靜靜地聽下o岩我d(或者一邊攪第d野一邊聽)

1. 妹記大排檔, 一間上左鋪o既大排檔, d野幾好食, 不過唔知係叫d野o既問題定係佢本身都係咁, 大部份都好油, 同埋口味幾重, 而家唔係好like太重口味o既野, 所以(對我來講only)感覺一般般。

2. 發現自己而家有d矛盾: 好鍾意同一班fnd gathering, 但係又開始唔係好鍾意出街食果d野; 仍然好鍾意唱K, 但出到來又唔知唱咩歌好; 好想砌模型, 但一拿起郁手又唔知點攪, 好快又收埋; 奇奇怪怪。

3. 是日出site見到疑似明星洪永城同黃翠如, 但係果個情況又唔多似真係佢地...

6/6(五) -- 出site見完個八婆有得早少少收工, 返企放低野換衫去坑口同公司同事打波。有時間買左d爭鮮來食, 唔使捱餓, 又唔使做完運動之後同埋夜食野~

4. 已經厭倦左同事又再來o既一壇蘇州屎, 不想多提。

5. 真係比較正式地打全場, 學打戰術同唔同走位; 平時睇波就識睇但係自己落到場無走開真係?膠膠唔知走去邊, 不過打戰術真係好玩好多, 同亂打絕對係2樣野來呢~~ 平時專業d球隊同教練要練定咁多套戰術又要臨埸發揮真係好困難o既一牛事呢~~

7/6(六) -- 起身去左睇跌打, 睇完即時好好多; 中午同C出去MK, 同佢食左朗豪坊街市, 落雨邊度都去唔到, 於是行左旺中、信和同In's Point, 之後返TKO; 一返到屋企就頂唔住, 係sofa訓左2個鐘; 夜晚食左吉野家。

6. 其實係HK落雨真係唔係好多地方去, 有時諗去邊真係幾頭痕。

8/6(日) -- 一早起身去打波, 今日狀態好過前日好多, 前日基本上係痛住咁打, 今日順好多; 中午同馬民CathyC一齊食飯, 之後即興睇左戲(奪命西), 睇完散水, 我同C去左海邊坐左陣, 之後行去TKL搭MTR落北角食飯後散。

7. 奪命西 -- 無無聊o既笑片, 有d位幾好笑, 不過overall普通而已; 有好幾點其實好值得讚(或彈): 好拍得出當時西部o既味道(當然都係從其他戲睇返來); Niam Leeson真係估唔到佢會做呢d gag戲, 不過佢真係好型同好有壓逼感, 次次出場都真係會驚呢~~ 女主角牛女姐姐好爽朗好型女, 好正! 估唔到Amanda Seyfield做大茄~~ 男主角明顯佢度橋係唔錯, 做戲就好普通; 有d死人位都嚇左一嚇, 不過其實trailor已經出晒咁滯...anyway, 同死黨睇戲已經好開心呢~~(N耐無一齊睇戲了~~) p.s.戲前trailor見到Drew Barrymore又有戲上~~~

來緊:
10/6(二) -- Cass飯
12/6(四) -- 再探Yee & B
13/6(五) -- 睇唔到蜢蜢concert, 要過Macau...請左一日假, 日頭過去
14/6(六) -- Macau返HK
30/6(一) -- YW飯局, 估唔到我連呢個group都join埋?

完

六月二日 -- 澳門

26/5(一) -- 今日下午為左同事o既疏忽同自己o既監管不力奔走, 不過有得早少少收工, 返去睇跌打, 好耐無睇, 呢排有d冤所以睇睇。由於唔知會睇到幾點所以無返去食飯, 點知無咩人, 好快睇完, 買個飯盒返去食。

1. 呢期高達game活動無咩愛, 可以抖下了 :D :D

27/5(二) -- 早dd收工, 返左屋企沖左個涼, 再出九龍城同八姑進食慶祝八妹生日飯; 由於小翠佢想食泰國菜所以就去左九龍城泰野飯堂"泰式燒烤", 又平又好味又唔多人; 食完再去合成食埋糖水對埋六合彩(唔中)先散。

2. 是日頂唔住又剪左髮(之後出去食飯)。

28/5(三) -- 收工同BadEnd人係SSP睇完玩具食飛鷹, 8點幾散。

29/5(四) -- 收工返企食飯, 食完飯係果邊眼訓到恰左陣。

3. 舅父終於走了...

30/5(五) -- 收工去觀塘同呀源食飯(大盛, 其實夜晚係OK的), 之後早d散第日要早起。

31/5(六) -- Macau 8人Day Trip(CAmy源雲EvaDesmondWing, 源原來未去過Macau), 8:30am船去11:00pm船返, 去左大部份應該去o既地方, 勁行, 好熱好累, 返到來腳痛。

4. 擇茄唔聲唔聲拍左拖! @@"""

1/6(日) -- 中午同C日安盧撈Penny係Popcorn睇黑魔后, 之後去左將中foodcourt食lunch, 再去坑口行下同埋食聰嫂; 之後係坑口買左d野飲野食返企, 超累同眼訓, 沖個涼後訓到7點幾8點起身食野。

5. 黑魔后: Disney兒童向電影, 劇情唔複雜唔難估但好流暢同溫暖, Angelina Jolie意想不到地都幾卡通化, 做魔后古靈精怪都幾合適(同埋今次佢應該拍得好舒服xD), overall來講幾好睇。

2/6(一) -- 公眾假期, 下午去左探Yee & B(CConnieLoLoCarolAmandaWaiChristineNatalie), 之後一齊食tea後散。夜晚無再食飯了。

來緊:
5/6(四) -- ex-URA6月之星Gathering
12/6(四) -- 再探Yee & B
13/6(五) -- 蜢蜢concert, 不過可能要過Macau睇唔到...

完

五月二十五日 -- 舅

19/5(一) -- 收工返企食飯。

20/5(二) -- 收工去呀C企食飯。拿左個mon返企。

1. 要做的始終都要做。

21/5(三) -- 之前果日Grace臨時約睇戲, 有換票証, 不過套戲麻麻, 7:30-9:30, 之後去左元氣食左少少野就散。

2. Transcendence: 將一個idea拍成兩個鐘，劇情發展唔難估，成套戲唔係話好差，不過最大問題係佢個主題唔出，科幻？講生命？探討A.I.？至死不渝愛情？全部都唔?到位。戲入面d角色其實都無咩邊幾個係需要交戲(女主角叫係要交得多d戲), 其餘d人幾乎木口木面神色凝重咁就交完戲(尤其男主角); 好彩有免費飛~~

22/5(四) -- BadEnd人之前果日通知佢唔得閒, cancel食飯; 收工返企食飯, 呀哥呀嫂返來了, 好耐無見啦~~~~

3. 全個屋苑係無事先通知下突然停食水(7點幾)，住左甘耐第一次！於是過左去呀爸果邊沖涼, 返來之後有返水先再淋個浴。屋企附近超市同便利店d水都被搶購晒~~好彩屋企有好多水, 無影響姐~

23/5(五) -- 呀爸去左澳門探舅父, 廢事佢咁趕返來煮飯, 收工同呀哥去左一麵館食飯。

4. 舅父身體似乎唔係好得了。

24/5(六) -- 中午同C去左灣仔食金鳳茶餐廳, 係幾好食o既雖然有dd貴; 之後搭巴士上山頂, 睇貓貓, 好熱好後悔著長牛仔褲~~ 之後夜晚去C婆婆屋企食飯, 佢呀姨下星期返加拿大了~

25/5(日) -- 早上去左打波, 好耐無打, 身體狀態麻麻, 打波狀態當然都麻麻, 不過真係志在做運動同走下, 所以都幾開心; 下午突然被呀媽急召, 同呀哥呀嫂一齊去澳門探舅父, 佢似乎真係唔多掂了; 係果邊食埋野返, 返到來都11點幾了。

5. 舅父: 細個對佢o既印象係係唔多同我地小輩野講的, 不過原來飲左少少酒就會好多野講, 好錫我地。仲有就係訓覺鼻寒超大聲(第一次接觸呢樣野~~)由細到大去親澳門都係住佢家, 表哥表姐帶我地去玩, 所以到而家都唔識澳門d路; 雖然咁多年來唔係同佢有好多真正o既傾偈同接觸, 不過都係一個好尊敬o既長輩, 希望佢可以捱過呢一關啦...(或者, 係可以舒服咁樣完成...)

6. 由於本來expect下午可以抖先去打波, 所以之後去澳門返來好累呢~

來緊:
27/5(二) -- 八姑進叔慶八妹生日飯
28/5(三) -- BadEnd人飯
31/5(六) -- Macau Day Trip
2/6(一) -- 公眾假期, 探Yee B
5/6(四) -- ex-URA6月之星Gathering
13/6(五) -- 蜢蜢concert

完

五月十八日 -- 雜記

12/5(一) -- 收工同媽子去Henry's Kitchen食飯, 之後返企。

13/5(二) -- 收工同Cass娟係天機棧食飯, 慶祝Cass生日同埋同佢講下Singapore d資料。

14/5(三) -- 收工返企自己買左個飯食; 的起心肝執左下間房, 噴左d金色, 希望可以開到工快d完成d貨; 不過是晚聽歌多...

15/5(四) -- 收工同馬民食飯, 好耐無試過best friend飯! 去左坑口村合時, 輕輕鬆鬆2粒幾鐘食完行返企。

16/5(五) -- 收工返企食左少少野, 夜少少有d餓...

17/5(六) -- 訓左大半日, 夜晚去C婆婆屋企食飯。

18/5(日) -- 本來諗住如果天氣OK可以1行下公園, 點知都係落雨, 於是下午行左下IVE的Gallery, 之後夜晚去MK大滿喜食娟Sam BDay飯。間野食普通同埋好擠逼d野又來得唔齊又耐, 唔推介。8點夠鐘食完散。

1. 之前睇完好友借o既書"母性", 短聊d感覺:
1.1. 比起之前o既告白、贖罪, 呢本劇情straight forward左, 無之前咁懸疑同咁爆, 雖然入面角色都有一定o既極端, 但係程度上都係無告白咁犀利。
1.2. 今次sell親情, 透過唔同角色講"母性", 幾有意思同幾得意, 最後亦都幾正面咁比人溫暖, 睇完幾舒服。
1.3. 雖然可能好多人睇完諗到o既係親人之間o既關係、"母親"呢個角色所帶來o既意義, 不過我自己睇完最大o既感想係無論咩人之間, 最緊要o既係"有效o既溝通"...不過, 係現實世界呢樣野真係有d困難, "表達"同埋"理解"o既一方要o岩channel或者都好擅長先可以。所以, 我好珍惜我咁多o既朋友, 因為會對大家o既思想有一定o既理解, 甚至好容易溝通。
1.4. 講返母、女, 我覺得世上其實無野係"必然"o既, 家庭觀念、道德觀念好多都係後天受環境而影響。新聞都見唔少呀爸呀媽真係無人性, 或者呀仔呀女無人性; 不過, 我又覺得, 血濃於水, 人"基本上"都係會愛自己父母、子女, 係動物界我諗都係比較自然o既事吧~
1.5. 係某d角色見到(尤其係入面個女主角), 有d人真係會見到少少野就好多幻想, 或者自己derive出來好多諗法、睇法、意見、感受...etc, 但其實又唔係o岩o既...對住呢d人真係好難頂。

來緊:
22/5(四) -- 同BadEnd人食飯
31/5(六) -- Macau Day Trip
5/6(四) -- ex-URA6月之星Gathering
13/6(五) -- 蜢蜢concert

完

五月十一日 -- 太平清蘸

5/5(一) -- 收工同好友們入長洲, 準備第日睇長洲飄色。是日有微雨; 入到去放低d野行左陣就去食飯, 個海鮮餐好好味又抵食, 好正呀~~ 之後返去hea, 有幾個人聚下賭XD 另外幾人又落左去行下, 之後返來各自沖涼訓覺; 熄左燈之後大家仲係度吹水講笑講衰野, 成班人都係低能的XDD 好好笑~

1. 雖然我無join玩牌同card game, 不過成班fnd一齊hea一齊overnite, 已經覺得好開心; 係好快樂o既時光呢~

6/5(二) -- 一早起身落去食包埋o既早餐, 之後落去行左圈就去check out; 一早book左茶餐廳, 可以坐係度舒服d睇長洲飄色巡遊(雖然都係有人係前面, 又因落雨前面有人開遮), 不過總算唔使企同埋同人逼; 巡遊其實都好standard, 又唔算好密地有野睇; 睇完之後再行左陣同買野, 之後就出返來, 雖然人多但都未至於要好耐同要排好長隊。出返來送左C返企後, 返企整d野食。

7/5(三) -- 之前OT補假, 拿左呢日正好可以休息下。訓到好晏起身, 約左呀源2點係MK等, 食好~~耐無食o既MK街市; 之後行晒以前係MK會行的模型扭蛋地點(信和廣華街前後兆萬In's Point皆旺千里達), 雖然好多都無咩再值得行, 但一次過行晒, 好耐無試過同好正呢(尤其果個時間MK唔多人)~~~途中試埋果間好出名好多人排隊o既小食店, 係幾好食不過絕~~對唔值得排咁長隊咯~ 行到6點島同呀源散, 同Grace食飯; 行左去佢公司果邊, 之後臨時決定去佐敦o既小酒窩, 之前食過一次, 今次2個人食, 叫唔到幾多野, 叫左個沙律同pizza(不過麻麻地), 之後去左12蚊店買野, Grace拿返上office度後一齊搭車返寶林, 行左下後散。

2. 是日係屋企樓下PK, 驚覺對鞋已經著左好耐, 頂唔住了...

3. 好開心好耐無試過一次過行晒呢d地點, 而家都無咩機會了~~~

8/5(四) -- DS後DH, 繼續無咩返工放緊假的感覺。收工返企食飯。

9/5(五) -- 本來大半日出site, 因為加單所以全日出site; 中間有一個長o既時間, 鵬鯉心血來潮想唱K, 於是去左MK唱左個K lunch; 下午做到4點幾就做完收工返企。突然好想煮野食, 於是返到去就買野同煮飯食。

4. 主要係FB見到有d人煮飯, 自覺雖然煮得唔算好但都唔差過佢地, 所以果下好想煮 XD

10/5(六) -- 係企hea左大半日, 下午幫民仔同佢個會帶路開門, 象徵式同佢地打左陣波, 之後返企沖涼抖; 夜晚去寶林同C食魚之味。

11/5(日) -- 娟生日快樂; 又係企hea左半日, 下午去左CWB同C同佢呀姨等人行CWB, 到6點同佢家族食大圍母親節飯; 之後佢細佬車我返企, 由於大雨塞車, 勁耐先返到企, 好累又少少暈暈地; 辛苦晒佢細佬了~~

來緊:
12/5(一) -- 同媽子去街街食飯
13/5(二) -- cass娟飯
18/5(日) -- 娟Sam BDay BBQ
5/6(四) -- ex-URA6月之星Gathering
31/5(六) -- Macau Day Trip
13/6(五) -- 蜢蜢concert

完

五月四日 -- 雜記

38/4(一) -- Whole Day Site; 臨時約左收工同Nat係KT Factory 99食飯, 估唔到係我belate BDay 飯呢, 多謝~

29/4(二) -- 收工去左Jordon Pink Salmon, 白田Gathering。

30/4(三) -- 收工落到MTR先臨時同EdithIda去MK天機棧食飯; 講左2個鐘頭書, 希望有幫助啦~~

1/5(四) -- 公眾假期一天; 11點出到MK join八婆一家, 車我地去黃埔; 同八婆一家C源進係果度食野同去左冒險樂園玩, 3點幾出來, 去許留山食左d野就散; 車返出MK, 我同C源行左下MK, 之後一齊去蘭苑饎館食完飯散。

1. 由細到大都唔會去冒險樂園, 除左覺得d game好無聊之外, 好晒錢。

2/5(五) -- 收工同同事唱K; 本來人多d, 不過因為不同因素有幾個人唔來得, 最終剩返5個(JessieEdithLeonaRita); 自己唱得唔係好多; 不過一向都好like同唔同人唱K, 除左可以聽多d唔同o既歌外(如果來來去去都係果d人, d歌都係咁上下), 亦都一貫會留意人唱K時o既狀態, 從而了解多d人呢~

2. 好友Queenie第2B突然彈閘出世~

3. 是日精選: "彈落d罅~ 彈落d罅~ 彈~~"

3/5(六) -- 中午同呀強Ida係沙田食飯, 之後meet埋PennyJessie去Raymond家探BB(joan後join); 之後再到浸會醫院探Queenie & B, 之後返企食飯。

4. 有人話請我地食譚仔放題 XDD; 我即刻同呀強話唔食米線, 齋叫雞翼; 之後有人話限定起碼叫一碗米線, 我地都覺得可以狂叫小食XDD; 之後我話約夜晚多d時間慢慢食, 有人話呀強點會join夜晚, 呀強當然話會join啦 XDD

4/5(日) -- 中午帶埋車仔去源家幫手掉個櫃; 去到食個茶記之後上去佢家掉左個櫃, 之後係附近兜左個圈再返去執埋d手尾攪掂; 係佢企hea左陣同吹下水上下網, 之後去左MOS的La Dolce食埋飯再行個圈走人。

5. 應該有十幾年無上過佢企了~~

6. 係佢企睇左本漫畫(一期完); 幾好睇, 個故事好OK喎~~

來緊:
5/5-6/5 -- 長洲飄色gathering
5/6(四) -- ex-URA6月之星Gathering

完

四月二十七日 -- 雜記

22/4(二) -- 出site早收工返企食飯, 由於呀媽要出去所以早食; 是日頭痛。

23/4(三) -- 收工同LilyTango係北角食刺身壽司, 唔太貴又幾好食~ 未到9點就散~

24/4(四) -- 收工返企食飯。

1. 由以前到而家, 上網睇好多野同埋睇開幾個好有料到o既newsgroup同網站, 收集左大量資訊, 平時係fb人地share果d野(健康、攪笑...etc)好多都遲過我見到; 自己好鐘意吸收資訊, 亦會消化, 但係咁多野點會記得出處? 但好多時同人講, 人地又唔信...我又無得quote返咯...

25/4(五) -- 收工返企食飯。

26/4(六) -- 一早起身同呀媽去銀行, 之後都無得訓返, 所以全日好眼訓; 下午本來想去山頂睇貓貓, 不過落雨所以無去, lunch去左天后食阿糊面線, 麻麻地; 食左豪大大雞排, 好大塊, 其實都係得個試字, 正常唔會買來食; 唔去山頂改去太古城, 行左下之後(C行街時我係太古城度坐左係度累到恰左下), 3點幾就走, 返TKO佢執野, 我係sofa又訓左陣, 之後5點島入西貢C細佬家hea同食飯, 9點幾我返企。

2. 記: 屋企樓下地產鋪外面, 2個男人並排(估計係蛇緊出來抖氣無聊中), 一齊向左、向右、向左、向加...咁郁; 平時如果係一對情侶都無野, 但2個男人就好攪笑咯~~

27/4(日) -- 鐵腳Kgroup, 點知有幾個人放飛機, 又約返幾個人(我C娟源EstherMayChan); 好耐無同MayChan唱K!(MayChan自己都好耐無唱K), 仍然好得呢~~~ 唔知點解無咩心機(雖然狀態還好)所以唔係唱好多; MayChan走先; 晚餐呀Sam來join埋, 係附近間餐廳食飯; 好平喎(野食都算係咁, 又幾多款)~~~ 可以係身日唱K後o既飯堂。之後再一齊去左松記食甜品後散。

3. 唱K叫左個tea set, 蝦醬海鮮炒飯, 不單止無蝦醬味, 連咸味都唔多覺, 結果落左2包茄汁撈埋, 自製變左廈門炒飯。XD


4. 呀哥呀嫂來緊去英國, 差不多成個月唔見了~~

來緊:
29/4(二) -- 白田Gathering
3/5(六) -- 探Raymond B
4/5(日) -- 暫定去源家幫手執屋
5/5-6/5 -- 長洲飄色gathering

完

四月二十一日 -- 復活?

15/4(一) -- 收工返企食飯。

16/4(二) -- 收工返企食飯。

17/4(三) -- 收工返企食飯。

1. 連日返企食飯, 日日都睇左少少內地劇"宮鎖連城"; 覺得d人憎來憎去好煩 =_=; 話說覺得個男主角雖然想講到佢叻又專一, 但係我覺得佢做d野心機好重好得人驚, 個公主好可憐, 個女主角無咩特別, 個佟家女好得人驚、個演員做得好好, 個侍女小雪(程硯秋飾)好可愛不過佢段劇情真係好得人驚好可憐; 不過, 反正, 都係唔會專登追的了。

18/4(四) -- 臨時約左收工同K14係TKL FC食飯。好耐無見, 仍然係好多野傾~ 9點幾島散(多謝手信)。

19/4(五) -- 復活假第一天, 除左落過下街食飯之外抖足全日, 叉左d電(雖然未叉足)。

20/4(六) -- 復活假第二天, 係我家開party(C娟源進慧), 幾人甩底得返六人; 用左成日砌左個立體砌圖, 到9點9先出去食飯, 去到黑夜壽司好多人排隊, 於是去左元朗正記(坑口分店)叫小菜食飯, 都OK, 11點幾散。

21/4(日) -- 復活假第三天, 原本Sam攪BBQ, 但天氣太熱, 佢地傾傾下變左又係來我家(C娟源JessicaSamEstherDorothyAdaMandyThomas); 係企玩game, 夜晚Mandy煮左d簡單野+外賣爭鮮。

2. 試過先知, 我煮野都唔差, 無論係意粉定雞翼定沙律都係我叻好多。嘿。

22/4(一) -- 復活假第四天, 休息一天, 又係狂訓。夜晚出左炮台山同C食飯(大熱高湯麵, 算係OK)。

3. 連假雖然無去街, 但係又唔早訓又訓得唔好, 都係好累。

4. 耐性同感覺都是被消磨的。種咩因就有咩果, 有d野無需要解釋, 自作自受。如果我係抵死o既自然就會抵死, 如果唔係我抵死o既自然就係抵死o既人抵死。唔想再解釋得多了。

5. 睇書、戲等等得出o既感覺, 就係轉數快、叻果d人真係好可憐。佢地睇野諗野太快, 人地跟唔上, 又唔容易搵到實力相當o既人, 最慘o既係無人明白佢地,明明係叻係o岩但係低層次o既人永遠唔明白高層次o既野咁。又一証明做叻人係無好處的。(好彩)

來緊:
27/4(日) -- 鐵腳Kgroup
3/5(六) -- 探Raymond B
4/5(日) -- 暫定去源家幫手執屋
5/5-6/5 -- 長洲飄色gathering

完

四月十三日 -- Sodagreen Concert + FS

7/4(一) -- 收工返企食飯。

8/4(二) -- 收工返企食飯。

9/4(三) -- 之前果日呀源約食飯, 約左呢晚; 收工係觀塘APM食一杯, 睇左佢去旅行d相同拿手信, 好早8點島就散。

10/4(四) -- 收工去睇醫生先返企食飯。

1. (&*^@*^$R%!)@(&!_@$E(

2. 一口氣睇晒小說版o既"紅van", 個頭真係開得唔錯, 可惜真係埋唔到尾, 同埋好多野無交代。

11/4(五) -- 又FS, 竟然唔使10點就收得工, 9點9走10點半島返到企。

12/4(六) -- FS, OT到8點半。

3. 之前果日開始起, 今日生左飛滋, 超大超痛。

13/4(日) -- FS, OT到5點走, 夜晚去睇sodagreen演唱會, 其實已經相當累了。

4. 演唱會好正, 青鋒live好正; 有講野有encore 11點8, 9先散場, 雖然好累好晏但都昇心的。

來緊:
19/4(六) -- 復活假, 我家party
20/4(日) -- 復活假, Sam攪BBQ?
27/4(日) -- 鐵腳Kgroup
5/5-6/5 -- 長洲飄色gathering

完

風險管理

做每一件事都會有風險, 但係就算讀書曾經讀過呢一個課題, 都唔代表識得真正o既風險管理。

風險管理並唔係要將所有風險減到最低, 而係要有效地降低風險。當然, 唔同o既人唔同o既scenerio能夠承受o既風險程度都唔同, 不過絕對唔係係投放大量o既資源(可能係金錢、時間、人力等等)落去將個risk由5%降到3%。

舉個例, 好似起樓咁, 如果同行有讀過safety o既人都知, 跟本無可能做足safety regulation入面所有安全措施, 一d都唔practical; 如果做足, 都唔知要用多幾倍o既錢或人力。或者用比較生活化o既例子: 係街度隨時都會有花盆係上面跌落來、隨時有車鏟上行人路; 如果要100%安全, 係咪要行人路上面起晒鐵都跌唔穿o既蓋? 路旁起晒貨櫃車都撞唔爆o既欄杆?

用來保護平民同總統當然會唔同, 投放係重要人物上o既資源一定多d, 所以話唔同scenerio會投放唔同資源。不過即使係咁, 所有事情都會仲有一定程度o既風險。真正識得管理風險o既人, 會知道投放幾多資源落去, 去到有幾保險就OK, 而唔係盲目去到最最最安全。講真, 幾保守、幾小心都好, 一定仍然有risk, 放太多無謂o既時間精神人力落去, 非常浪費。

係好多貧窮o既地方, 生活環境惡劣, 唔通又好多人因為危險而死左? 其實長期係惡劣o既環境生活, 反而時常提高警覺性, 發生危險o既機會唔一定會高。曾經有研究指出(唔記得係邊睇, 無得quote返), 自從手機有左handfree之後, 出現汽車交通意外o既數字係比之前無果時高左。see? 好多野唔係單憑想像同一般常識就可以下定論, 如果可以, 世界就唔係咁運轉啦。同樣道理, 個個人o既能力唔同, 有d人唔覺得危險o既野, 唔好逼佢地話係危險o既事, 有時覺得唔安全, 只係因為你能力不足, 唔代表人地做唔到(舉例: 玩Parkour、玩X-game果班人)。

無奈, 唔知由幾時開始, 而家好多人做野不論大小事都極度小心翼翼。小心翼翼唔係問題, 問題在於矯枉過正。於是社會上現左好多正義撚, 極度主觀地將一套野apply晒落所有situation; 出現左好多怪獸家長, 對小朋友過度保護, 令佢地唔識得咩係risk, 大個左盞仲危險。去返工作方面, 咩野都要做到好穩陣, 只會慢, 唔efficient, 太無謂o既穩陣只會浪費左人力物力, 只有無能力、廢柴o既管理階層先會咁做。

我成日都話, 做好人、做壞人都唔緊要, 最緊要唔好蠢。要對住o既蠢人真係好煩好?。
(利申: 雖然我係蠢人但我都唔想對住蠢人咯)

完

四月六日 -- 舅父

31/3(一) -- 收工返企食飯。

1. 頂唔住, 剪左髮。

1/4(二) -- 收工同Ida去花墟買草, 佢住得近所以比佢幫我拿返企之後第日拿返公司~~ 係永合隆好快食左個飯之後散。

2/4(三) -- 收工返企食飯。

3/4(四) -- 收工返企食飯。

2. 是日公司正式宣佈各組人事調動安排。

4/4(五) -- 收工同同事(不過無邊幾個熟)去北葵涌個場(上次個場)打波, 打得麻麻地, 始終就住就住(好彩防守都OK); 9點散場, 10點幾返到企。無食飯。

5/4(六) -- 本來諗住呢個星期weekend有得抖, 點知早幾日突然增加mission, 要去珠海探舅父; 一早起身去搭船, 過去坐左陣後就返HK, 7點半島返到企食飯。

3. 舅父雖然好精神, 不過都知道身體已經唔係好好了。

6/4(日) -- 今日終終終於有得好好地咁訓返一覺了, 好難得一訓訓到12點幾呀~~體力回復至70%島; 本來想去公園, 點知落雨, 結果去左天后食晏之後去行葵涌廣場, 係新都會(遇到陳進同佢女友)食Toast Box, 個冬蔭意粉係意料之中地唔match同難食, 9點幾島走。

4. 70 --> 30, 好難想像來緊呢個星期(同埋下個星期)點捱, 仲要星期五至日九成有野做要OT。

來緊:
11/4-13/4 -- 又operation?
13/4(日) -- Sogagreen concert!
27/4(日) -- 鐵腳Kgroup

完

2014三月三十日 -- 婚宴s

24/3(一) -- Tracy突然約食飯, 同佢去左SSP掃街, 之後佢突然收到電話拿得相, 於是一齊去左TST拿佢wedding day相(仲買埋第日戲飛), 食埋yogurt; 同佢傾左好多有關結婚o既野同資訊, 同埋介紹左好多唔同有關o既公司比我呢~

25/3(二) -- 一早約左會同呀源睇戲(her), 之前果日臨時叫, 結果只叫到多一個人一齊睇(小暈); 收工過TST同佢地快食爭鮮, 之後係The One睇"her"; 睇完去左yogurt度見一見CSannyAmy佢地後(無食)就走。

"her -- 好散咁講下d感想:

唔知點講, 其實我覺得個main point唔係睇個劇情, 因為係科幻, 基本上(以而家科技)無咩可能發生; 個main point應該係講"relationship"吧; 我覺得係佢同幾個真人同OS的relationship有好多思考空間, 令人諗同反思好多野, 究竟應該點樣同人相處、對對方有咩期望...等等; 而個結局我覺得去到中後段已經有d失控, 返唔到轉頭同好難埋尾呢~~ 不過個ending都有令人要諗之處, 一諗再諗之下, 覺得似乎係一個唔錯o既ending; 拍攝+輕音樂都好正好靚好o岩成個tone, 而最正o既當然係男主角o既演出啦~~ 估唔到聲演OS的女主角原來好多對白, 但係好有感情, 好勁~

幾鍾意故事一開始未有OS之前已經有齋用"聲音"來演繹一d特殊o既關係, 出左Samantha之後慢慢入戲, 帶領主角(同埋觀眾)入晒段關係入邊, 令人感覺好真實; 中間穿插左幾個真人同埋男主角好友之間o既互動, 我覺得有少少將幻想o既空間現實化咁(當然係戲入邊係真係真實, 只不過Samantha係虛擬人物)

男主角個思想同感情都好~~~~~細膩; 其實同呢d人一齊, 我覺得世上無幾多個人可以唔雙方都辛苦。

唔關套戲事, 睇完除左諗好多野, 仲勾起左自己唔少negative情緒, 同埋其他胡思亂想, 好難攪呢~~

呢個故事教訓我地, 唔好同唔同level的人一齊。唔同level我諗唔止係講一樣野, 包括錢身世背境思想...etc, 有好多差別真係好難一齊。"

26/3(三) -- 收工返企食飯。

27/3(四) -- 收工同皇帝摘茄呀馬係CWB小平津食飯, 皇帝婚前last gathering, 9點零就走。

2. 好難得見到皇帝咁頹, 好似好累好唔開心咁, 希望佢無事啦; 男人對現實o既情況同女人對虛無o既追求實在係令人覺得無奈; 好彩我識o既好多女性朋友都好識睇現實, 大家o既老公都好好彩呢~

28/3(五) -- 收工返企食飯, 呀姨姨丈連表弟一家尋日來左HK。

3. 乜而家TBB劇咁多陰謀、計中計同反間計o既?

4. 睇得劇多有感而發: 其實一段關係之間係點相處, 其他所有人真係無咩身份同ground可以作d咩評論。人地點相處、有咩野接受、有咩野唔接受(etc), 實在容不下其他人去說三道四; 呢個世界上無野係"一定係點"或者"應該係點"。偏偏世上果d所謂朋友就鍾意說話多多評論多多意見多多; 需知其實人真係好容易受其他人(尤其朋友)影響, 本來人地明明相處得好好地, 又唔係有咩做錯, 就係因為呢d無謂說話而由"無所謂、無問題"變成"覺得有問題", 令一段關係變得惡劣左, 我覺得真係一件好缺德o既事。最可怕o既係, 果d所謂o既朋友係唔需要背上任何責任, 仲好似係好好心咁"提點"添! 真係唔該呢d人唔好咁多說話(或稱收皮)啦; 親眼見過好多關係都係因為呢d小言小語而受影響(亦都包括我自己在內)。

29/3(六) -- 係企抖足一日, 晚上參與HermanPriscilla婚宴。一班中同坐埋一齊幾開心, 可惜由於第日要早起, 無留到最後就走左(不過都係完左的了)。

30/3(日) -- Kenneth結婚, 做兄弟; 一早5點9起身7點3去佢度集合; 擺下午, 原本諗住3點幾4點點都走得, 點知攪左好耐, 4點幾先搬野去佢度, 仲要蝦look佢無鎖匙入門口, 結果等左好耐先拿到匙; 5點幾6點走, 差不多7點返到企食飯, 累到爆。

5. 其實唔關d friend事; 最近太多婚宴, 平時聽新人講感想都會感動, 而家(尤其best friend呀馬果個都過埋之後)竟然無咩感覺(其實係都感動的, 不過有d麻木同埋太累)。

6. 話說今日已經累到無咩意識了, 好彩唔使再去應酬d咩人(阿姨一家已走), 可以好早返企好好休息下; 好好地過下剩返幾個鐘, 自由自在o既weekend~~

來緊:
11/4-13/4 -- 又operation?
13/4(日) -- Sogagreen concert
27/4(日) -- 鐵腳Kgroup

完

三月二十三日 -- 返鄉+郊遊

17/3(一) -- 收工返企食飯。

18/3(二) -- 呀爸呀媽返左鄉下先, 收工同呀哥食壹麵館, 之後返企執野準備第日返鄉下。

19/3(三) -- 一早起身返鄉下參加表弟結婚。

20/3(四) -- 返HK; 好累呢~ 夜晚係企食飯。

21/3(五) -- 是日正式返新office, 好遠, 陣裝修味好難聞好辛苦; 執office野唔記得打返企話食飯, 收工返去睇左跌打後返企自己整左d野食。

22/3(六) -- 大集合郊遊團(八婆一家娟源Norman進CharlotteSannyCGrace); 石崗河背老路線, 夜晚元朗食大排檔, 都唔錯。

23/3(日) -- 由於三月行程緊密, 好累, 呢日都係抖了。夜晚同哥嫂食屋企附近新開o既日本野, 好唔掂又貴, 無第二次了。是日早訓第日試搭巴士返工先。

來緊:
29/3(六) -- 皇帝婚
30/3(日) -- Kenneth婚, 做兄弟

完

三月十六日 -- Tracy大婚

10/3(一) -- 上星期放左飛機今個星期同返Crystal食飯。收工入坑口村食Lardos, 今次水準下降左呢~ 而且今日無蘑菇湯, 好可惜; 當然成功制止左佢請我食飯啦~~ 由於大家都想早d返企, 所以8點幾就散了。

1. 今日沖完涼, 突然有種感覺, 個面部肌肉鬆弛左咁, 皮同肉好似分開左, 試下笑個感覺係皮笑肉不笑咁, 好得人驚 -_-

11/3(二) -- 收工返企食飯。

2. 對於自己o既身體狀況, 好幾次都決心要改變好d飲食習慣同埋生活習慣, 最終失敗o既原因唔係自制力低, 而係真係習慣左、唔記得左, 如果自己係記得o既時候, 係可以好輕易就忍得到口、忍得到手的。要再加油呢。

12/3(三) -- 2個月無同Grace食飯; 今日一見面果下感覺勁生外有d陌生 =_=(不過之後回復正常); 去試彩明果間"壹麵館", 真係以前坑口果間! 係我同呀哥同Grace的集體回憶呢~~仍然係差不多o既餐牌, 仍然係大件夾抵食, 好開心呀~~~ 食完傾左輪偈散, 返企都係9點幾~ 同TKO朋友食飯實在太方便了~~~

13/3(四) -- 收工返企, 自己買左飯盒食。之後都係執下野訓覺準備第日做姊妹。

14/3(五) -- Tracy大婚, 做佢姊妹。基本上rundown都係差不多, 而且集合時間唔早, 中間流程又唔趕, 所以都唔算太累(不過眼訓同累都係梗局); 差不多12點走。可能上年年尾做左死黨呀馬o既兄弟, 雖然Tracy都好熟, 但係感受無見到呀馬結婚咁深呢~ (雖然都好開心呢~~)

3. 老細whatsapp竟然話無我請假o既record, 唔理了, 最多補請返。

4. 終於見到佢行到呢一步, 恭喜佢!! 祝佢之後都幸福開心平安喜樂~~~

15/3(六) -- 訓到好晏, 中午C來TKO, 同佢食lunch, 之後佢入西貢, 我返企hea到晚上去Tracy wedding學校制服party, 10點9島散, 等左好耐車11點半先返到企 =_=

17/3(日) -- 訓到好晏; 中午返中學"參與"舊生籃球賽, 好可惜今次無落場打, show up左一下, 之後同C去左睇花展, 今年花展好唔掂, 而且又多人, 唔值得睇; 之後上左C屋企, 夜晚同佢呀爸係佢樓下食飯; 終於一嚐C成日話好難食好抗拒食o既樓下果間茶記, 講真絕對唔係難食咯...

來緊:
19/3-20/3 -- 表弟婚
22/3(六) -- 大集合郊遊團
29/3(六) -- 皇帝婚
30/3(日) -- Kenneth婚

完

三月九日 -- 最近比較煩

3/3(一) -- 收工去MK創興同白田舊同事打邊邊, 好飽呀~~

1. 深信廢o既老細先要整大量o既表同埋d野要攪到好穩陣先肯做; 驚, 因為廢。

4/3(二) -- 收工返企食飯。

5/3(三) -- 係大角咀收工, 咁o岩好近Kenneth家, 係佢家同佢o既兄弟gathering, 叫外賣食飯吹下水同傾下到時佢結婚果日o既流程。佢果幾個兄弟都同佢識左好耐同好熟o既, 我好似有d格格不入 XDD 不過佢地都好funny~ 差不多11點先走。

6/3(四) -- 收工返企食飯。好累好眼訓。

7/3(五) -- 一早公司同事約左去練波, 不過身體狀態麻麻, 唔多想去; 由於人數定左同之前通知左, 所以唔多想去都照去下; 第一次同Ronald同Jeff打波呢~ 自己都係hea下走動下射下波咁, 做運動感覺真係爽呀~~~打7-9, 收工過去和宜合道運動場好遠好趕, 打完後同Ronald落返荃灣食d野散。

2. 愈來愈頂唔順公司入面o既老細同下線; 咁做野真係無得做, 死硬。話說, 我果team真係可以叫廢人team。(利申: 我都係廢人之一)。

8/3(六) -- hea左日, 夜晚同呀哥嫂C食將中果間抹茶咩咩(唔記得名)。

9/3(日) -- 又hea左日, 中午同哥嫂出去食野買野, 下午又hea, 夜晚返企食飯。

3. 想整以前買o既CD做mp3好耐, 終於有時間+心機整, download左個好版複雜o既程式, 最後都係用返youtube converter係youtube搵晒d歌出來轉mp3算...話時話, 有d CD幾年無郁過, 仲OK喎。好懷念幽白d歌, 好聽呀~~

4. 好耐無試過咁厭惡返工, 咁落去真係做唔掂。一個咩都唔識、做野好似某廢SM的AM, 再加一個連filing都做唔掂o既AO, 再加一個來左幾日o既新O, 做o既野同麻煩程度又多過其他team好多, 真係shXXXXt。

5. 返工野已經好煩(麻煩老細麻煩teammate麻煩case麻煩漏招麻煩住客)再加上其他野都要來煩我, 好多野都係之前約左定左架啦, 自己身體狀況又唔係咁好, 好難頂。

來緊:
10/3(一) -- 上星期放左飛機今個星期食返Crystal飯。
12/3(三) -- 2個月無見Grace飯
14/3-15/3 -- Tracy婚
19/3-20/3 -- 表弟婚
29/3(六) -- 皇帝婚
30/3(日) -- Kenneth婚

完

三月二日 -- 累爆

24/2(一) -- 早上去左睇跌打; 晚上FFF briefing又要OT, 估唔到好快講完又無咩人問野, 7點半就完(5點幾去試左金船長, 食左tea, 三十幾蚊好抵又好味); 跟車返office放低d野再有得跟車返TKO。

1. 又頂唔住剪左髮。

25/2(二) -- 收工返企食飯。

26/2(三) -- 聖誕新年慶祝group之re-U K Gathering(源茄IdaKimmy); 氣氛都唔錯, 仲約埋下次出來郊遊添~

27/2(四) -- 收工返企食飯。

28/2(五) -- 收工返企食飯。好累。

2. 其實上線同下線咩都唔識又要咩都好保守又要做野好立真係好煩, 做野做到好累。

1/3(六) -- 一早起身同呀媽去黃大仙拜個神, 之後仲早食個早餐; 食完呀媽要返公司, C又未出得來, 結果上左呀媽公司hea, 第一次上去, 對面就係以前舊居, 望過去個感覺好得意呢~~ 之後同呀C行左下北角後去九龍灣陪佢配眼鏡, 再到沙田Gordon屋企同LD同事食飯(打邊); 8點幾走, 去Megabox同C的朋友DorisStephanie同Kitty唱K, 點幾走, 勁眼訓。

2/3(日) -- 太累, 訓同hea左大半日; 夜晚去西環TracyAlan家兄弟姊妹聚, 9點幾散。

來緊:
3/3(一) -- 白田飯
5/3(三) -- Kenneth兄弟聚
14/3-15/3 -- Tracy婚
19/3-20/3 -- 表弟婚
29/3(六) -- 皇帝婚
30/3(日) -- Kenneth婚

完

二月二十三日 -- OT

17/2(一) -- 收工返企食飯。

1. 康華好耐無出, 最近係2套劇見返企, 仍然覺得佢好正呢~~ (後按: 點知第二集就瓜左 =_= T_T)

2. 雖然講過, 不過Eric Kwok真係好似John Stark; 而家個太興廣告仲專登搵佢扮野, 好笑。

18/2(二) -- C生日, 放假一天; 中午同C係九龍塘join埋一齊過大埔墟, 搵左下巴士見晏未搵到廢事搵, 打的去小白鷺餐廳食lunch, 好食, 好大碟到嚇親我, 食完到夜晚都仲飽緊; 食完lunch係附近行下, 之後搭返van仔出大埔墟, 再搭巴士入左林村睇許愿樹(本來無咩行程, 入到大埔見到d車站先諗起去); 好快睇完個樹出返來, 知道東鐵瓜左, 好彩o岩o岩係大埔墟以北瓜, 我地係向南, 所以都唔大影響; 搭返火車落九充心4塘, 食左exp, 由於仲好飽所以只係食少少野, 之後行左下log-on後就走。

19/2(三) -- 收工返企食飯。

20/2(四) -- 收工同TangoLily去北角食飯, 試左小肥鵝火鍋; 3個人食唔夠多人, 所以都唔平, 不過幾好食~~ 由於第日要做FS又累所以9點零就散。

21/2(五) -- FS, 竟然要差不多11點半先收工, 痴線; 最黑仔o既係, 12點幾返到屋企, 先發覺因為要做FS轉左個証件套, 連鎖匙一齊無帶, 結果要打電話抄醒呀媽, 過左去佢果邊問佢借...再衰就係, 果邊12點後要do先上到lift, 我懷疑我張証係另一座o既, do唔到上去...呀媽竟然又驚落左來上唔返去, 叫我試下入lift佢call部lift上來, 衰唔晒o既竟然係, 同時有人入lift, 係呀媽同一層, 結果跟左佢地lift上去見到呀媽拿左key返企...攪到12點9先真係返到屋企......

3. 一早單左聲星期六只可返到6點, 點知又話我係臨時講, 早知唔咁好心幫你OT, 一早舉手話星期六唔返算了。

22/2(六) -- 結果都係要返工, 9-6; 收工後晚上去Mandy家聚下, 10點幾走, 又係12點幾返到企。眼訓到死, 搭車時訓到死左咁。

23/2(日) -- 一班舊同事連BB齊集Amanda家gathering, 9點幾散, 極度眼訓未抖夠。

來緊:
24/2(一) -- 晚上FFF briefing又要OT, 估計8點幾收工
26/2(三) -- 聖誕新年慶祝group之re-U K Gathering
1/3(六) -- LD同事Gathering
2/3(日) -- TracyAlan兄弟姊妹飯
3/3(一) -- 白田飯

完

二月十六日 -- 雜記

10/2(一) -- 收工去又一城Rice Paper同死黨group食飯, 多謝; 超級唔覺時間過去, 10點幾散。

1. 將軍抽車馬炮!

11/2(二) -- 收工返企食飯。

12/2(三) -- 收工去中環同白田舊同事食飯(niji bistro); 同一班思想成熟有諗法o既好友一齊食飯, 變返成熟mode傾偈(當然亦都會講低B野大笑), 好舒服o既gathering, 又係唔覺時間過, 唔夠喉地散。

2. 同Puzzle同路返企, 同佢傾左d問題; 佢都算係我識o既人之中好成熟同諗野rational的一個, 明顯地佢諗法都係expected呢~~

3. 返到企沖涼雖然晏但都剪左少少髮。

13/2(四) -- 收工本來想返企食飯, 但有好多野想買, 於是唔返; 收工臨時同鵬鯉過坑口, 幫佢買d野, 之後再過寶林散, 係奇趣同采豐行買左野後返TKO, 再去超市買野後返企, 好重拿死人~~ 之後沖涼整麵食。

4. 今期自己個mp3歌list好正, 無咩點skip歌呢~~

14/2(五) -- 情人節, 收工返企同C打邊邊(買左好o既材料), 同自製左燉蛋食。係企食真係又好味又抵又free好多呢~~

15/2(六) -- 好累hea到3點幾先出門口, 同C又新春行大運左成個TKO(下午食將中拉麵tea, 行坑口寶林, 夜晚食黑夜壽司)。

5. 無事出街破財, 又買衫又買玩具...(雖然好平); 話唔買, 褸魔最終都係買左件外套~~ :P

26/2(日) -- 下午出左灣仔同C睇婚展, 之後買左舊spare電同食南記後散。

6. 婚展有趣事: 2個呀姐交左場戲, 真係好好好好笑~ XDDDD

7. 去食晚飯時, 係街見到前面好似水浸(後尾先知原來係爆水渠), 見到隻米奇跑呀跑號過左馬路(估計係比水逼走), 前面有個港女大叫(但係現場得佢叫, 無其他人叫)。隻米奇唔知點解覺得佢幾得意 @@

8. 食完飯送C去搭車, 遇到鵝頸橋爆水渠, 浸左幾條街, 好似條河咁, 好誇張~~

來緊:
18/2(二) -- C生日, 放假一天
20/2(四) -- TangoLily飯
21/2(五) -- FS, 又要OT到9點幾10點
22/2(六) -- 晚上去Mandy家拜年
23/2(日) -- ex-URA開年飯
2/3(日) -- TracyAlan兄弟姊妹飯
3/3(一) -- 白田飯

完

二月九曰 -- 回鄉

3/2(一) -- 一早起身返鄉下; 返到去下午, d人出晒街XD, 係企hea到夜晚食埋飯, 之後過左佢地新屋果邊訓; 果邊真係好新, 真係新到家徒四壁, 成個好大o既廳得一張梳化XD; 另外夜晚開始起風, 好~~~~凍。

1. 係我買晒機票先決定, 初三影團體大合照, 都幾齊人, 但係我無份 :( 之前又話主要係返來食初五舅父請果餐 _T

4/2(二) -- 呢日其實係唯一一日我家全家齊人係度o既一日; 早上去左泉州清源寺拜呀爺呀嘛, 中午返企食完飯, 去左拜太麻同呀公, 之後就係企hea, hea到夜晚出去食舅父果餐, 好多人(親戚+朋友+同鄉), 不過其實d野唔係好o岩食, 寧願食上年o既buffet呢~ 食完之後又返新屋訓。

5/2(三) -- 是日呀媽呀哥呀嫂返HK, 係企hea左成日(連食飯)(又落雨又凍無地方去), 幾乎都係同細表弟一齊hea, 夜晚返返來舊呢邊訓。

6/2(四) -- 早上起身同大家傾下偈吹下水, 中午食完飯就搭飛機返HK(無啦啦要搬舊好大又重o既相架返HK); 返到企執完野去C企拜年, 之後佢細佬車我返企。

2. 連續幾日都有食辣o既杯麵做宵夜, 超熱氣, 成個口都feel到起飛滋; 飲左幾劑夏桑菊, 今日竟然無晒! 好勁~~

3. 去同返來搭飛機睇個電視同上面d雜誌, 都有幾多有趣o既野幾好笑; 另外, 咁o岩早幾日講起"戀人絮語", 竟然回程就播, 睇返Eason同林嘉欣出軌果段, 感覺又唔同~ 另外, B餐謝安琪果段, B餐真係好正呀~~~

4. 唔知點解, 幾個外甥好痴我(2-5歲不等), 我又無特別講d咩做d咩, 又無打機, 唔知點解佢地勁痴我同我講野又同我玩 @@, 2個女仔直頭痴埋來; 我d氣場真係咁無攻擊性同和藹可親? @@

5. 係HK真係累過返工。

6. 今晚訓返自己張床了~~~~

7/2(五) -- 初八啟市返工, 當然係完全無心機~ 收工過MK, 4仔re-U開年飯!本來話去井井屋(DonDon屋), 點知話限時, 於是去返MK飯堂天機棧食飯(原來Kenneth未去過。好耐無試過4仔齊人同埋4仔only聚一聚啦~~!! 4條友傾偈毫無拘束同超好傾, 到10點幾我覺得晏先叫走, 如果唔係有排傾~~~ 其實4條友又唔係話講d咩衰野或者壞話定咩, 但係就係好多野講同好free, 感覺實在正~~ 話說食埋今次飯, Kenneth入直路, 之後到結婚前都無咩機會時間出來聚下了~~~

7. 新年後第一日返工, 竟然就遇到Hawker衝擊office, 4點半疏散收工~~~ XDDDD

8/2(六) -- 早上起身成朝係企上youtube聽歌, 3點幾出到MK meet C同佢去左食茶木, 之後行左MK d鋪, 之後返CWB買左佢份生日禮物比佢; 晚C同佢屋企人食開年飯, 我同TracyPenny呀佳食Tracy姊妹飯, 到10點幾散。

9/2(日) -- 係企hea到咁上下, 下午出MK本來想同Amy源雲茄C玩密室逃脫, 但有人遲到過左booking時間所以無玩, 去左朗豪坊hea左陣, 之後落TST meet埋Sanny去食Amy生日飯(喜來稀肉@TST)。

來緊:
10/2(一) -- 死黨飯
12/2(三) -- 白田飯
14/2(五) -- 情人節
15/2(六) -- 行展覽
18/2(二) -- C生日, 放假一天
22/2(六) -- Mandy家
23/2(日) -- ex-URA開年飯

完

二月二日 -- 農曆新年

27/1(一) -- 收工過灣仔搵C食飯, 拿個攪拌機; 食左板長, 而家好似貴左; 食完行到CWB散; 搭MTR返去拿部野上去比呀爸後返企。

28/1(二) -- 好耐無試新野; 收工去左九龍站附近好多野食o既文英街, 試龍蝦燒o既4層鍋; 幾得意, d野食都幾好食, 不過其實放得食物o既位唔多, 都幾麻煩; 多謝CSanny源茄小暈慶祝我同Amy生日。食完10點幾散。

29/1(三) -- 係SSP收工, 係M記等到呀進收工, 過MK天機棧, 八姑進叔慶祝姑姑生日飯。

30/1(四) -- 生日早放年三十, 返企食飯。

1. 一個人出site, 係以前做野出site附近, 上左個好耐無上o既天台, 可愛貓貓果然唔見lu~~

31/1(五) -- 年初一, hea大半日, 下午同C行左海邊去TKL, 夜晚一齊返企食飯, Jason都來左, 齊齊開年。

2. 放假就係要hea, 日頭訓夜晚睇電視打機到好夜先訓 :D

1/2(六) -- 年初二, 屋企人返晒鄉下, 全日係家度hea下訓下咁, 夜晚去左食米線下午茶(6:00pm前)同埋係企睇左羅馬浴場, 幾好笑。

2/2(日) -- 一早起身打年初三赤口賀歲波~~好耐無打, 不過狀態唔錯, 做運動真係好開心精神爽利! 不過打完好~~~累。之後同民茄DerekLok食飯後返企。沖完涼抖左陣呀源來, 2條友係企傾下偈無咩特別野攪, 到7點幾落去食飯, 之後返企一齊再hea同埋睇電視(hea睇最強喜事)到完, 呀源返企, 我就執好晒d野訓, 第日返鄉下。

來緊:
3/2-6/2 -- 回鄉
8/2(六) -- Tracy姊妹飯
9/2(日) -- Amy生日飯
10/2(一) -- 死黨飯

完

一月二十六日 -- 眼訓

20/1(一) -- 一返工就OT, 7點走人, 返企食飯。

21/1(二) -- 收工返企食飯, 仲係覺得未好晒; 同埋長期覺得眼訓。

22/1(三) -- 收工同舊同事們食飯@ Factory 99 (ConnieLoLoAmandaWaiChristineYeeMandy), 多謝。

1. 唔知係咪之前病果時訓得太多慣左, 呢幾日都係好眼訓; 之前果晚11點幾就訓, 但第2日日頭開始全日都係好眼訓 =_=

23/1(四) -- 收工返企食飯。

2. 繼續早訓。

24/1(五) -- 收工返企食飯; Natalie突然話來呢頭剪髮, 食完飯落左foodcourt陪佢食飯傾下偈, 都幾耐無見佢了; 10點散。

25/1(六) -- 訓到中午, hea到下午4點幾C入來TKO, 由於我正日生日佢同唔到我食飯, 於是今日提早慶祝; 去左坑口食Kitchen J, 預期之中麻麻地, 唔會再去。之後行左下商場返企。

3. 之前病左幾日訓, 個背好左好多7788, 只要企返一個鐘就咩前功都盡棄, 我真係好X憎企係度, 行住仲好咯。

26/1(日) -- 狂訓狂抖左全日咁滯, 夜晚返企同爸食飯慶祝佢生日。

來緊:
28/2(二) -- Sanny etc飯
8/2(六) -- Tracy姊妹飯

完

一月十九日 -- 病

13/1(一) -- 收工返企食飯。

1. 星期日訓太多, 攪到夜晚訓唔到, 攪到今日好眼訓~~

2. 今日終於收到果隻ombusement, 仲有d好煩o既hawker, 好煩呀~~

3. 突然轉凍。

4. 我覺得自己o既按摩技術真係有咁上下, 係可以控制同按到o既範圍內, 盡量幫自己按d手手腳腳都鬆唔少~~不過按完個人同對手有d累~~

14/1(二) -- 全日做果隻Ombusement case background, 仲要病住來做, 超辛苦; 臨收工頂唔順食左Karmen比o既藥, 後尾聽講原來隻藥好勁架喎~~ 好彩都可準時收工, 過灣仔行左圈, 竟然買到平野; 之後同AngelKTJanet係Thai Delight食飯, 慶祝生日, 係今年第一餐呢~~多謝晒~~

15/1(三) -- 唔舒服夾硬返工, 仲出site, 早少少收工, 返去睇跌打, 之後返企食飯。

4. 帶病夾硬返工+出site吹風行樓之後, 拖住猶如喪屍一般o既身軀返企; 最爽莫過於, 明明流鼻水咳喉嚨唔舒服, 係屋企未有人時沖住熱水涼大聲跟住mp3來唱歌~~

16/1(四) -- 頂唔住, sick leave, 訓左一日。

5. 有咩正得過, 係需要返工又凍凍o既日子, 捲係被窩入面聽下歌抖下又過一日; 又有咩可惜得過, 平時無食開西藥, 一食完過左唔夠三個字幾乎即時暈低, 跟住就咁昏迷左成日?

17/1(五) -- 花姐姐生日快樂!; 原本想返工, 但一起身覺得個狀態唔多得, 結果全日又係渾渾噩噩係床度過...夜晚過去食飯, 一落街就好慶幸自己無返工, 腳步浮浮, 狀態唔多掂...不過訓左係度2日, 明顯地覺得個背無咁痛...休息真係重要呢...希望過左呢個病假之後所有野都好返啦! (公司野, 唔理得咁多lu =_=)

6. 好彩馬兄弟姊妹gathering cancel左, 如果唔係我都去唔到。

18/1(六) -- Jenny生日快樂~~ 估唔到到左呢日個狀態都仲係唔多掂, 假使係要返工的話, 都係返唔到工o既狀態; 幾乎都係咩都無做過, 下午C來左探下我, 不過我都無精神, 照訓覺; 夜晚佢陪我落街食d野後返企。

19/1(日) -- 狀態終於好少少, hea到下午4點島出MK同C民FF源去Kenneth屋企house warming; 傾下偈到7點絕落樓下食出名o既"萬發", 以前食過一次, 幾好食; 10點島散。

來緊:
22/1(三) -- 舊同事飯
26/1(日) -- 爸生日飯
8/2(六) -- Tracy姊妹飯

完

一月十二日 -- 藍藍

6/1(一) -- 收工返企食飯。

7/1(二) -- 收工返企食飯。

8/1(三) -- 收工本來想過MK行下, 但懶懶地都係返企先; 約左Grace係佢做完facial後係坑口食飯。結果佢9點幾先完, 反正差不多時間, 去左食一壽司9點半o既半價黑夜壽司; 由於半價好抵不自覺會叫多左野, 埋單同平時差不多價錢但食多好多野呢~~ 11點島散。

9/1(四) -- 臨時出site, 5點島係大角咀收工, 過MK行+睇+買新出果套扭蛋; o岩o岩Connie收工時間, 同佢一齊搭MTR各自返企; 返企食飯。

10/1(五) -- C唔舒服左成個星期, 收工去佢家探下佢同食飯, 之後返企。

11/1(六) -- 早上去左睇跌打, 中午出門去Esther家玩貓貓, 藍藍好可愛呀~~ C晏dd到; 4點幾走, 去葵芳行之後食埋飯返企。

12/1(日) -- 早上起身, 好累, 於是又再訓, 訓到中午, 落街食完飯行左超市返企, 睇左陣電視又頂唔住再訓, 訓到傍晚, 過去北角同C食點心, 之後行左奇趣同759後返企; 訓左成日但好累的一天。

來緊:
14/1(二) -- AngelKTJanet飯
17/1(五) -- 馬兄弟姊妹gathering
19/1(日) -- Kenneth house warming
22/1(三) -- 舊同事飯
26/1(日) -- 爸生日飯
8/2(六) -- Tracy姊妹飯

完

一月五日 -- 新年

30/12(一) -- 收工返企食飯。

1. 梅姐紀念音樂會, 好正呀~~

31/12(二) -- 我家倒數party(SamEsther娟小雲NormanIdaKimmyC, 源來唔到); 又到3點先散。

2. 今次都有玩但無聖誕投入得咁多呢~~

1/1(三) -- 公眾假一天, 夜晚係企食飯。

3. 係屋企睇左少少大陸新版天龍八部, 真係好~~~~~XXXX唔掂呀~~ XC=

4. 睇TBB, 康華都仲幾靚喎!

2/1(四) -- 下午放半日假諗住可以輕鬆下睇返場戲, 點知無場; 於是返企剪個頭沖涼抖陣去睇醫生, 今次整得幾痛呢~ 夜晚返企食飯。

3/1(五) -- 收工去荃灣同姑姑八妹C食米線, 好耐無食過呢間, 好好味呀~~~

4/1(六) -- 一早起身睇左哈比人, 都唔係d人講得咁差姐~~ 之後食完lunch去睇跌打, 返企抖一輪入西貢搵C同佢家人食飯。

5/1(日) -- K腳Gathering(Cass個fndCass娟進源雲C), 夜晚食飯(官涌街市, 去到發現唔係之前果間, d野食麻麻地), 10點島散。

來緊:
14/1(二) -- AngelKTJanet飯
17/1(五) -- 馬兄弟姊妹gathering
22/1(三) -- exURA飯
26/1(日) -- 爸生日飯
8/2(六) -- Tracy姊妹飯

完

十二月二十九日 -- 聖誕馬結婚

23/12(一) -- 收工去馬家, 兄弟姊妹Gathering同傾rundown, 估唔到11點幾先散。

24/12(二) -- 我家X'mas party; 我源C擇茄JasonIdaKimmy; 3點先散。

1. 雖然來賓都會吹水同一齊玩, 氣氛OK, 但我自己都好耐無試過比力同召喚返以前o既自己, 一齊吹水玩同攪事寸人了, 好彩由頭到尾氣氛都OK, 新朋友都唔會悶, 覺得開心。

2. 本來以為Ida都算好天真, 點知仲有個更純品 XDDD

2.1 後按: 連日出力吹水攪氣氛o既結果加上做兄弟o既後遺症係個人謝晒皮。

25/12(三) -- 每年例行X'mas BBQ; 今次竟然有22人, 叫親d人都來咁滯, 好幾group唔同堆o既fnd, 勁呀~ 好彩都平安同開心渡過~~

3. 少做好多攪手, 不過一年總有幾野會做; 今次竟然有超過20人, 之前都有d擔心會唔會出狀況, 好彩OK, 又過左個聖誕了~

4. 唔計交換禮物, 今年只係準備左廖廖數份比朋友, 仲要有唔使錢o既添(雖然我覺得好靚); 希望收到o既人鐘意啦~

26/12(四) -- 中午去TW, 同C娟一齊食飯之後行左下悅來坊, 買d野上八婆家開party, 呀源同呀進Charlotte之後到; d野食好好味, 10點幾先散。

27/12(五) -- 由於第二日要早起, 本來想去萬傳家打邊gathering, 但放棄左, 收工返企食飯。

28/12(六) -- 一早5點幾起身, 做best friend呀馬伴郎, 12點島散。累爆。

5. 見到呀馬結婚, 真係好感觸同感動呀~~ 我best friend結左婚, 個感覺好唔真實呢~~

6. 是日後遺症: 背痛痛地, 腳板痛, 個袋要報銷 T_T

29/12(日) -- 下午我家開party(日安伉儷、珊、Carol、Amanda、儀、C); 10點島散。

7. 超級鳴謝日安妹妹party後洗晒d野!!辛苦了!!

來緊:
31/12(二) -- 我家倒數party(SamEsther
5/1(日) -- K腳Gathering

完

十二月二十二日 -- 冬至

16/12(一) -- 收工返企食飯

17/12(二) -- 收工同Grace去左Factory 99食飯; lunch就食過夜晚就未, 都OK, 唔太差, 可以一試。之後返企拿返份禮物同野食比佢後去寶林散。

18/12(三) -- 收工過北角稻香同Angel擇茄KT打邊慶祝區兒生日。

1. 收到消息James可能升M? 我可能要做孤兒仔不知去向了~~ @@

19/12(四) -- 由於之後節目眾多, 所以幾乎得返呢日可以去買聖誕禮物(for交換禮物)(今年好少行街, 無點買禮物比朋友了); Ida都要買禮物, 同佢又同路, 於是搭同車出去; 本來想去MK, 不過我首選去左TST先, (睇左一間之後肚餓, 係蘭芳園快食左個15分鐘飯再行)最終係TST就睇o岩左要買o既野, 雖然out bud但總算完成任務, 放下心頭一石。

20/12(五) -- 收工去MK食漢和(韓燒)呀進生日飯。

21/12(六) -- 訓到好晏, 之後係TKO行下搵下聖誕禮物, 夜晚過CWB, C家做節。

22/12(日) -- 中午同哥嫂JasonC出左油塘食墾丁茶房, 之後我同C行左大本型同寶林坑口, 之後夜晚在我家做節。

來緊:
23/12(一) -- 馬兄弟姊妹飯
24/12(二) -- 我家X'mas party
25/12(三) -- 每年例行X'mas BBQ
26/12(四) -- 八婆家party
28/12(六) -- Ma Wedding
29/12(日) -- 我家party

完

2013十二月十五日 -- SZ書城

9/12(一) -- 收工唔想返去食飯, 臨時約左C去左北角試果間日本野, 麻麻地; 之後行埋759奇趣散。

10/12(二) -- 收工返企食飯。

11/12(三) -- 收工去中環meet Tracy, 之後一齊坐叮叮去西環佢家; 佢煮飯, 係佢家睇下電視傾偈食飯到9點半島走。

12/12(四) -- 上午過總部拿老人牌, 唔覺唔覺做左5年了; hea左大半日; 收工約左Nat食飯, 佢話搵埋Vikki唱K; 好耐無唱K, 無咩狀態又無咩feel唱, 去左新世紀唱到10點幾散。

13/12(五) -- 收工同花姐姐同C係北角食功夫點心。

14/12(六) -- 12點係沙田meet齊C源娟Esther去SZ(小雲唔舒服臨時唔來); 先去食左個飯同買碟, 之後去少年宮果間書城(呀哥呀嫂Jason已到)(科學人館站果個執左, 其實我like果個多d), 睇到5點走(我都係行左2圈就無行, 同呀源呀哥傾偈); 之後去大劇院站KK Mall meet埋KTG一家係"外婆家"食飯; 之後返HK。

15/12(日) -- 中午去左大本型同ConnieLoLoPennyC食lunch, 之後同LoLo去芒果拿破崙班; 整完係CWB等C, 係Hysan食完foodcourt, 上佢家分左一半比佢返企; 分埋比爸媽哥嫂。

來緊:
17/12(二) -- Grace飯
18/12(三) -- 區兒生日飯
20/12(五) -- 進生日飯
21/12(六) -- C家做節
22/12(日) -- 我家做節
23/12(一) -- 馬兄弟姊妹飯
24/12(二) -- 我家X'mas party
25/12(三) -- 每年例行X'mas BBQ
26/12(四) -- 八婆家party
29/12(日) -- 我家party

完

十二月八日 -- High Court

2/12(一) -- 呀源正日生日; 本來約食飯, 又話唔食; 之後臨時只係同我食飯 :); 收工過MK行左陣, meet佢後諗住食Rock Cafe果個位o既野, 點知直頭成幢執晒, 結果行行下去左食牛屋~~

1. 當一個地方人o既同情心比人利用左N次, 搵父母、搵B原來只係殺人兇手o既掩飾, 慢慢只會令人變得冷血, 唔再信任呢個世界; 咁樣同係內地去扶一個老人家之後會比人屈有咩分別? 呢個城市究竟係邊度出左問題? 千祁唔好成日鬧內地人冷血, 有朝一日我地呢d"外地"人都會變得一模一樣。當心冷了, 血也會冷了。

3/12(二) -- 收工過MK同Grace食飯(瓊華茶木, 都OK); 之後過寶林, 例行廣良興漫畫鋪奇趣後返企。

2. 真心覺得, 鐵達時近幾次o既廣告全部都唔得。

4/12(三) -- 公司指派, 第一次去High Court~~ 收工返企食飯。

3. 因為要等o既關係, 係High Court聽左好多其他case (我要聽果個case三分鐘就完左 =_=); 堅係覺得, 法律、律師樓真係唔係維持公義o既, 只係拿來玩o既一樣野, 同埋明顯地係保護有錢人o既一樣野, 愈有錢就愈著數。另外, 感受到個法庭氣氛, 原來真係follow procedure得來, 又幾有走盞位; 好like個法官, 好中立, 同時又好清楚, 好有心。

5/12(四) -- 收工同Ida同路去MK; 去左花墟終於買左怕羞草~~ 之後係蘭苑饎館食左野後返企。

6/12(五) -- 收工返企, 唔多想過去食, 本來想煮飯, 但又有d累又懶, 結果煮左個麵食算。

7/12(六) -- 出MK meet C, 生力冰室->牛棚->SSP福利->美荷樓->SKM JCCAC More Than Arts->MK信和->Jordon Pink Salmon

8/12(日) -- 本來想下午去觀禮, 但由於佢地好多人都唔去, 所以我都唔去了; 中午出KT同C, 佢媽同細佬係北斗翁飲茶, 之後佢地返西貢, 我就返企hea; 夜晚出尖東Mandy婚禮。

4. 以後d"雜記"要加返少少description, 唔係真係全部都一樣唔多掂; 起碼加少少今周重點嘛~~

來緊:
12/12(四) -- Nat Din
14/12(六) -- SZ購書行
15/12(日) -- 芒果拿破崙班
21/12(六) -- C家做節
22/12(日) -- 我家做節
24/12(二) -- 我家X'mas party
25/12(三) -- 每年例行X'mas BBQ
26/12(四) -- 八婆家party
29/12(日) -- 我家party

完

十二月一日 -- 雜記

25/11(一) -- 收工返企食飯。

26/11(二) -- 上午direct site; 下午請左假同ConnieLoLoPennyYee一齊去hi-tea。海港城->Hi-tea->恐龍展->The One鬆弛熊->燈飾->忌廉哥->好時沙o爹

3. Everything will be fine, everything will be OK~ (終於諗返起Captain Philips入面個綁匪果句野~)

27/11(三) -- 收工返企食飯。

4. 今日諗起, 如果世界有最後一分鐘, 只有一次機會打個電話(一定搵到), 唔計屋企人, 你會搵邊個?

28/11(四) -- 收工返企, 自己煮野食, 好耐無開自己煮飯食了~ 終於可以食一粒粒硬o既飯唔係一pat濕o既飯, 仲可以加埋臘腸添~~

39/11(五) -- 收工返企食飯。

30/11(六) -- 公司贊助活動, 同CSanny小暈去Disney玩左一日, 夜晚住埋酒店。

1/12(日) -- 早上check out出來, 好肚餓出東涌食飯, 仲叫左Karmen落來傾左陣計, 探下佢; 之後返企放低d野, 死黨6人去呀馬新居(兩手空空house warming XD), 大家傾下計好開心; 夜晚呀馬煮海南雞同肉骨茶比我地食, 好味呀~~ 第一次食佢煮o既野呀~~

來緊:
2/12(一) -- 呀源正日生日
3/12(二) -- Grace食飯
8/12(日) -- Mandy婚禮
14/12(六) -- SZ購書行
15/12(日) -- 芒果拿破崙班

完

十一月二十四日 -- 雜記

18/11(一) -- 收工同Ida一齊搭車去太子, 行左下花墟, 之後去TST鹿嗚春同一班中同食飯。幾好食, 同呀馬同路返企~~

19/11(二) -- 收工係APM一杯同Crystal補食生日飯, 聽左佢講好多野, 希望佢可以選擇到o岩o既路, 以後開開心心啦~~ 之後過將中meet Grace, 同佢去坑口食聰嫂後散。

20/11(三) -- 收工返企食飯。

21/11(四) -- 收工同Ida同路搭MTR去SSP, 跟住散, 行左下SSP玩具鋪同食散野後返企。

22/11(五) -- 本來可以早收工, 不過臨時無飯食, 個客話6點半返到來比野我, 於是反正無野做就等埋; 同Raymond打機打到7點拿埋野返企煮麵食。多謝Raymond陪我咁耐了 :D

23/11(六) -- 好累, 訓到11點, hea到1點幾同呀哥嫂去將中食飯, 之後返企繼續hea, 夜晚出沙田盛記同呀源慶生。

1. 盛記之前Nat帶過我去, 果次無開, 今次試到個邊爐; 間野o既裝潢好正, d野食都OK呢~

4. "需要"同"重視"係2樣野來o既, 好多野只係係人地(或某身份)身上需要, 但並唔代表重視果個人。

24/11(日) -- 終於係落畫前睇左Captain Philips, 下午去FF家, 佢煮飯招待我地(仲有同Ben仔玩), 之後返企。

5. MCL戲院個廣告搵左C All Star來做, 好攪笑。

6. 自從呀爸早2個星期開始搬返來住(閒日only)之後, 星期日夜晚變成我唯一o既free nite了~

7. 繼Headphone壞壞地之後, 而家到Mouse...

來緊:
26/11(二) -- hi-tea
30/11(六) -- Disney
1/12(日) -- 馬home
2/12(一) -- 呀源正日生日Dinner
8/12(日) -- Mandy婚禮

完

十一月十七日 -- 雜記

11/11(一) -- 收工過SSP同呀哥呀嫂食飯, 試左出名o既豬手麵, 個豬手幾好食~~之後上媽果邊探表弟o既BB後返企。

12/11(二) -- 收工返企食飯。

13/11(三) -- 收工返企食飯。

14/11(四) -- 收工去Puzzle屋企探B, 食左d薑醋, 之後再落左西灣河食串燒同小食, 補慶Puzzle生日。

15/11(五) -- 收工去MK, 買左禮物, 再同Lands同事同Gordon慶生, 食創興任食邊邊。

16/11(六) -- 休息左半日, 下午同C行左下APM, 夜晚食"一杯"; 之後去行埋寶林坑口, hea左一日。

17/11(日) -- 中午出左去天后買蛋糕(原本諗緊去天后定去九龍城TonyWong, 之後選擇左去天后), 買完去MK Amanda家放低蛋糕, 再去鳳城飲茶慶祝Connie同呀Yee生日; 之後上Amanda家探B, 到夜晚食飯, Amanda家印尼姐姐煮印尼野, 好味呀~

來緊:
18/11(一) -- 中同飯
19/11(二) -- Crystal生日飯
26/11(二) -- hi-tea
8/12(日) -- Mandy婚禮

完

十一月十日 -- 雜記

4/11(一) -- 收工返企食飯。

5/11(二) -- 同TangoLily係北角稻香食雞煲, 聚下兼同Lily慶生。好抵食呢~~~

6/11(三) -- 收工過灣仔同C食飯, 之後送佢返企。

7/11(四) -- 收工返企食飯。呀姨姨丈來左。

8/11(五) -- 收工同一大班同事唱K, 一坐低無耐就頭痛, 10點幾就走先。

9/11(六) -- 天氣涼浸浸,加上之前幾個星期都好~~~累, 訓到11點幾先起身(8點醒過), 好舒服~~ 同呀哥去左將中食完晏, 返企又再訓, 到4點幾起身, 去CWB同C去MK, 行左旺中皆旺同信和, 之後食和田同Esther慶生(EstherSam娟源JessicaDorothyMandyThomasC)。

10/11(日) -- 訓到11點起身, 下午同哥嫂去將中食lunch, 之後返企hea睇Running Man; 夜晚去MK Wendy婚宴。

來緊:
14/11(四) -- Puz home
15/11(五) -- Gordon進進生日飯
17/11(日) -- 探Amanda B
26/11(二) -- hi-tea
8/12(日) -- Mandy婚禮

完

十一月三日 -- 雜記

28/10(一) -- 收工返企食飯。

29/10(二) -- 收工返企食飯。

30/10(三) -- 四仔齊人re-U!收工過TST試海鮮站, 價錢唔平, d野食普通; 好開心可以齊人食飯吹水呀~~

1. NBA開鑼了~~~

2. 呢一年唔知點解, 有活動、飯局、去玩之前反而有壓力, 會覺得丸2d野未攪, 去完、玩完之後有種"攪掂左"放鬆o既感覺...

31/10(四) -- 收工返企食飯。

1/11(五) -- 花姐姐極度難得出來食飯!超過2年無見佢啦!出到來見佢都無咩點變, 覺得佢開心左, 真係好掛住佢呀~~(雖然keep住有email聯絡) 同佢同C係KT食雲南野(佢想食辣野同叫我叫埋女友), 之後散; 佢仲應承以後keep住出來見呢~~~

2/11(六) -- Macau即日Trip; 好少可一次去澳門唔係同舅父佢地一齊;一早起身過去, 表姐來接我地, 去左水舞間劃左位先, 之後去舅父家探舅父, 再同表姐落樓下食飯, 之後散; 同C行左好多地方食左好多野, 都係未去過o既; 夜晚睇水舞間, d表演好OK, 各種雜技咩都有d砌埋一齊, 不過砌個故事就奇奇怪怪; 睇完食d野就返HK, 好彩o岩o岩搭到尾班MTR。

3/11(日) -- 由於呢幾個星期都好累, 上星期又operation又SZ今個星期又Macau, 所以真係好~~~累; 中午同哥嫂食完飯後, 下午又累到係廳訓著左, 夜晚同呀哥嫂C係將中食米線; 終於試左果個玩命辣米線, 的確係辣d, 不過味道就唔係好味。

來緊:
5/11(二) -- Lily生日飯
8/11(五) -- 同事K
9/11(六) -- Esther生日飯
10/11(日) -- Wendy婚禮
15/11(五) -- Gordon進進生日飯
17/11(日) -- 探Amanda B
8/12(日) -- Mandy婚禮

完

十月二十七日 -- 雜記

21/10(一) -- 收工返企食飯。

22/10(二) -- 收工過沙田新城市同呀哥同KTG食飯(板長), 好耐無見KTG啦~~~

23/10(三) -- 收工返企食飯。第日要一早返工。

24/10(四) -- 一早凌晨5點返到KT開始特別operation; 直踩左13個鐘好無聊地都係要到6點幾先收工(仲有企左半日腰勁痛)。收工返企食飯超眼訓。

25/10(五) -- 收工過MK同翔哥仔食飯(仲有馬民FF, 家昇臨時來唔到@天機棧); 好~~~耐無見佢啦!一d都無變呀~~好開心o既飯聚; 雖然好~~~眼訓但係唔覺唔覺就10點幾先散。

1. Confirm呀馬婚後搬入TKO~~~ So Happy~~~

26/10(六) -- 一早起身6點幾同papa上SZ體檢, 之後同papa行左下東門又買左d碟, 中午島已經返到企休息(下午訓死左); 夜晚去呀哥度打邊邊。佢地朋友帶左好靚o既牛肉來淆個湯底同食, 好好味呀~~~

27/10(日) -- 同C呀哥Cindy民仔FF唱K之後食Pink Salmon後散。

2. Cindy唱K仍然好OK呢~~~

來緊:
30/10(三) -- 四仔齊人re-U!
1/11(五) -- 花姐姐極度難得出來食飯!
2/11(六) -- Macau即日Trip
9/11(六) -- Esther生日飯
8/12(日) -- Mandy婚禮

完

十月二十日 -- 雜記

15/10(二) -- 收工去九龍城洋一同Grace食生日飯, 之後去寶林食埋甜品行個圈就散。

1. 今日十個人有九個都係度講發電視牌單野...其實我無話支持咩野, 不過我都覺得個政府真係痴X線的。

16/10(三) -- 收工返企食飯。

2. 公司本來突然今日通知預定第日一大早5點開工攪特別行動, 點知夜晚又再通知cancel XD

3. o岩o岩今日播"閃婚"大結局, 咁o岩返企食飯睇到個結局wor~ ha~

17/10(四) -- 收工同Nat華哥係KT印尼野食飯; 好耐無見華哥呢~

18/10(五) -- 收工三劍俠連眷同Nike係CWB泉章居食飯; 同最熟o既人真係唔覺時間過呢, 傾傾下差不多11點先走。

19/10(六) -- 上午幫呀馬過大禮, 由於Kathy住係TKO, 結果係來回左順利同TKO 2次, 搭左6程車 =_=; 之後返企抖左下, 4點幾同C入左西貢行同食埋野, 之後返企。

4. 隻右腳丫由尋日開始痛, 愈來愈痛。

20/10(日) -- 中午出大圍同CSannyAmy進進女友Charlotte小雲踩車(hea踩大圍到科學園來回), 夜晚加埋呀源呀娟食陳根記。

5. 要就住d慢o既車行, 要踩下dub下又踩下, 真係累過就咁踩好多~~~

來緊:
22/10(二) -- 同KTG食飯
24/10(四) -- 同事K?
25/10(五) -- 翔哥仔飯
27/10(日) -- 同Cindy等唱K

完

十月十四日 -- 雜記

7/10(一) -- 收工返企食飯。

1. 之前果晚唔知係咪周身痛訓得唔好, 發惡夢(自己就來考公開試但係又完全未溫書) @@

2. 係企食飯時無聊睇左一集內地劇"閃婚", d人物關係千絲萬縷亂晒籠得來又幾有戲劇性, 虧個編劇諗到出來~

8/10(二) -- OT左個鐘返企, 點知樓下d野關晒, 結果去左Wellcome入貨返企整d野食。

9/10(三) -- 收工返企食飯。

10/10(四) -- 收工去天后潮州村食Angel生日飯(KT區兒家熊), 仲食埋果間出名o既拿破崙, 好味道。

11/10(五) -- 收工返去。

12/10(六) -- 同Cass娟進源C唱K, 之後食飯, 發現蘋果餐廳執左.........去左對面食太平館之後散。

13/10(日) -- 超累係企hea左日, 下午睇完Running Man係廳個地下訓著左, 太累了; 夜晚同呀哥去左將中食飯。

14/10(一) -- 下午入左西貢C細佬屋企陪佢hea, 夜晚出返來返企食飯。

來緊:
15/10(二) -- Grace生日飯
17/10(四) -- 同Nat華哥食飯
18/10(五) -- 同Nike食飯
19/10(六) -- 上午呀馬過大禮
20/10(日) -- 踩車+夜晚陳根記
27/10(日) -- 同Cindy等唱K

完

七月六日 -- 雜記

30/9(一) -- 收工返企食飯。

1/10(二) -- 國慶放假; 一班舊同事去Amanda家, 慶祝Mandy同呀衛生日。

2/10(三) -- 收工同Grace食飯; 本來約左去九龍城, 不過佢電話個電突發"呻"左, 要來觀塘買spare電, 於是就咁係觀塘食飯。去左食雲南野再去葫蘆館後走。

3/10(四) -- 請左假同八婆去食石夾尾車仔麵同行下SSP; 夜晚同PennyTracy係新世紀老富昌食飯後再去黑布街食甜品。

4/10(五) -- 收工返TKO。

5/10(六) -- 同呀哥個會班人一齊係TKO BBQ再打羽毛汞&再碌鈴(我無碌), 之後再係係嚐糖食埋糖水後散。

6/10(日) -- 一早起身去CityU打波, 之後返TKO; 沖完涼睇完Running Man後訓覺到夜晚, join係西貢出來的C同呀哥呀嫂係坑口一壽司食飯後散。一壽司麻麻地又唔平。

1. 講到底, 都係因為我唔夠有錢 XD

來緊:
10/10(四) -- Angel生日飯
12/10(六) -- 同Cass娟等唱K
19/10(六) -- 呀馬過大禮
20/10(日) -- 陳根
27/10(日) -- 同Cindy等唱K

完

九月二十九日 -- 雜記

16/9(一) -- 收工返企食飯。

1. 今日一次過試過晒半島酒店同埋嘉麟樓o既月餅; 係幾好食不過太~~~~~貴了~~~

17/9(二) -- 收工代表屋企去飲; 由於唔想咁早去, 所以留左係公司hea等(當然唔claim OT); 之前問左Ronald點知佢報錯料, 去錯左地方, 好彩佢即時飛車來車左我去, 唔該晒; 早左開場, 我8點40分去到已開始, 真係一個幾浮誇(但又唔係高格調)o既banquet...

2. 飲: 紅磡海逸; 好大陸, d片出殘體字, 又講普通話; 請左live band(彈琴吹saxophone同唱歌); 果對主角都無點係台上講野, 果2個朋友司儀竟然唱左唔止一首歌; 有芝士焗龍蝦, 好味; 睇片段見到接新娘係半島酒店接; 新人十分有二世祖o既模樣; 最慘係係venue入面我完全收唔到電話同上網...

18/9(三) -- 公司Briefing, OT到10pm; 又坐呀Fa車返企...

19/9(四) -- 中秋早放, 一班好友去八婆家過節(C進帶埋女友源娟), 玩得幾開心。

20/9(五) -- 返企食飯, 執野準備去玩。

21/9(六) -- 一早起身去機場; HK未打風, 去到果邊降落都唔太chok, 入緊墾丁就好~~~大風雨; 之後就係民宿hea左果日。

22/9(日) -- 個風走得好快, 今日連雨都無咩, 雖然都係天陰陰; 原來自由時間一天, 改返做之前果日o既行程去海生館。

23/9(一) -- 墾丁一日遊, 任務成功。

24/9(二) -- 出返高雄, 綺綺請左假陪我地去玩; 去左駁2藝術區, 睇左叮噹展, 之後去左旗津, 夜晚去瑞豐夜市。

25/9(三) -- 係高雄hea下後返HK。

26/9(四) -- 第一日返工, 又眼訓又累; 收工臨時約左Cass食飯係APM一杯派手信, 8點島就散。

27/9(五) -- 收工返企食飯。

28/9(六) -- 同而家班新同事BBQ; 佢地果然係一班年輕人, 狂玩狂叫~ 真係唔可以唔認老~~ (總算自己都join到入group XD)

29/9(日) -- 下午幫C同佢細佬一齊帶佢堆狗仔去打針, 夜晚係將中食霞飛, d野OK不過不失都唔錯, 性價比OK

來緊:
1/10(二) -- 一班舊同事去Amanda家
2/10(三) -- Grace
3/10(四) -- 請左假同八婆去食野同行下; 夜晚同PennyTracy食飯

完

九月十五日 -- 雜記

9/9(一) -- 收工去灣仔同白田舊同事食飯(泰國野), 呀Man臨時叫左另一新d的IIA Jacky仔來(唔熟的), 個gathering感覺有d格格不入 @@

1. 打左篇野諗住post, 點知係公司copy錯左第個file...低能仔~

10/9(二) -- 收工返企食飯。

2. 呀媽一打牌就咩都唔理唔記得, 差d無飯食 =o=

11/9(三) -- 收工返企食飯。同雄哥聯絡左, 墾丁之旅安心好多了。

12/9(四) -- 收工去灣仔meet Nat然後同佢入西環食好耐無食過o既加拿大, belate慶祝佢生日, 好飽; 之後一齊出返觀塘後散。

3. 比佢唔覺意咁講講下chok左d唔應該比佢聽到o既野...雖然佢都知同預左, 不過都唔太好呢。

13/9(五) -- 臨時搵左呀馬收工去北角食飯, 咁耐以來好似無咩試過咁樣同佢2個人食晚飯吹水呢~

14/9(六) -- 慶祝Mandy同Jessica生日, 中午出MK瓊華同娟MandyEstherJessica源唱K, 之後夜晚C馬民Sam來埋join晚飯@天機棧; 好耐無試過咁齊人成班一齊食飯了, 唔覺唔覺就10點半呢~

15/9(日) -- 下午同C行左坑口寶林, 夜晚去北角同C屋企人食飯。

來緊:
17/9(二) -- 代表屋企去飲...
18/9(三) -- Briefing, OT
19/9(四) -- 中秋去八婆家過節
20/9(五) -- 返企食飯
21-25/9 -- 墾丁之旅
3/10(四) -- 請左假同八婆去食野同行下

完

慳

慳

小時候家中並不富裕(可以算是窮吧)。基於這原因, 還有可能是家鄉人的習性, 家裡的用錢哲學是"慳"。
很多時候, 除了因為真的沒錢, 即使有錢也不會亂花, 可以省的就盡量省。

從來沒有買零食的習慣, 所以現在對於糖、薯片什麼的也沒有很大興趣。小時候晚上跟媽媽到樓下逛街, 到超市買一包果汁已經好開心好開心, 很滿足。一般都在家中吃飯, 可以到快餐店食飯已經覺得是很"豪"的事了, "飲茶"簡直是奢侈的事(雖然從小到大也不好此道)。
小時候有時間有精力, 交通經常是"走路"。經常從家中行到Quarry Bay魚涌、北角行到灣仔...等等, 當然並不只為了省車錢, 但也不無關係, 省了幾次的幾塊錢可買到很多東西了!
到了中學、大學, 仍然只捨得去canteen吃"十蚊飯"(又稱草飯)、後來的"廿蚊飯", 說真的, 我並不覺得有什麼問題, 不難吃, 填得飽肚子, 還想怎樣?

有人覺得省了才幾塊錢, 差得了多少? 其實不然。"慳"是一種態度, 這兒省一點, 那兒省一點, 小數怕長計, 差別可真的大了。就這樣慳著慳著, 一向沒投資、家庭收入不高的我家, 在我仍然在讀書時期, 我家已儲到買樓的錢。

習慣成自然, 到了現在, 我仍然算是慳的。
我自己的哲學是"應使則使"。何為"應"何為"不應"當然很主觀, 但我絕不會像爸爸一樣近乎刻薄自己、像苦行僧一般的生活。在於對別人的事時算很慷慨, 但對自己時就真的頗"慳"。其實我也會跟女友、跟朋友去吃好的、去玩、去買玩具, 也不是不會花錢, 只不過覺得, 提高生活質素, 應該從精神生活方面去考慮更多吧?

有人認為, 用多點錢, 自己舒服點、開心點, 省了那些錢不用有什麼用?
沒有用? 現在這個社會愈來愈艱難, 省了的錢怎會沒用? 未雨綢繆, 在香港要置業, 即使是月入數萬, 也幾乎是要節衣縮食的(何況我不是)。姑勿論會否生兒育女, 人年紀大了老了, 也一定要預備自己的醫療費用大增, 難道可以敢不儲蓄定將來養老之用?

趁年輕、趁現在開心, 當然也是必要的, 但我常說: to what extend? 去到什麼程度? 對於物質並不要求太高的我, 真的對所謂漂亮些、舒服些沒有太大感覺(當然並不是完全沒有), 但很多時候我真的不需要"太好"。足夠就好了。我寧願省著點留為後用。

最令我覺得更加要"慳"的原因, 是爸爸。即使到了現在家境比以前好了很多, 他仍然習慣了"慳"。根深柢固。對於一個不肯用多錢的爸爸, 他省下來的錢用在我們身上, 我又怎捨得把他應該享受到而沒享受的, 亂用出去? 每次想到這裡, 我就不想也不敢過份亂用錢(雖然在他眼中, 我們的支出都算很大了)。大家都是辛辛苦苦的賺錢回來, 有權去選擇自己怎去用錢, 但我的一份, 總要算在爸爸身上的。

還好, 自己收入不算高, 但扣除自己的開支、供款、家用後, 仍然可以每月儲到錢, 覺得可以給自己一個"叻"吧。可惜要買樓、積谷防饑, 在現今社會與"一般人的約定俗成"觀念下, 很難可以輕鬆達成呢。

我並不強求別人與我一樣, 但請別強逼我與別人也一樣。

完

九月八日 -- 雜記

2/9(一) -- 收工返企食飯。

3/9(二) -- 個個都唔返企食, 所以我都唔返, 好耐無整過野食, 屋企又無咩糧, 收工買左d儲備, 炒左個烏冬來食, hea睇電視打機又過一天。

1. 之前果晚仍然訓得唔多好, 仲發夢添(印象發左幾個夢, 其中一個見到呀Mak仲好似以前咁同佢去玩)

4/9(三) -- 收工返企之後過呀哥果邊食飯。

2. 連續幾日訓得唔好又半夜醒, 可能關冷氣事, 今晚試下唔開訓。

5/9(四) -- 收工臨時要OT, O左一個鐘返企食飯, 不過呀媽出左門口去游水了。pl sw g

3. 之前果晚無半夜醒, 但係攤左好耐先訓得著。

6/9(五) -- 臨時約姑姑同小翠食飯, 點知更臨時要OT; SM話要standby, 所以我就好聽話咩都唔做standby, 結果8點走, 0 workdone; 咁o岩呀哥返緊企, 同佢係MTR meet完上我家, 佢食左野, 我就炒左個烏冬+睇電視。

4. 網上見到: 劣評如潮吹, 樂在其中出, 俗不可內射 XD

7/9(六) -- 中午出CWB meet C同佢去葵芳行左成個下午; 之後佢去飲我臨時約左呀源去左觀塘食雲南野傾到10點島散。

8/9(日) -- 一早起身去打波, 射波layup都唔錯, 以就住就住來講算係打得好啦~ 竟然無人食飯, 返企買左飯盒食後沖涼睇埋TVB o既暗戰後訓; 夜晚去左呀哥度食飯。

來緊:
9/9(一) -- 白田gathering

完

其實我想...

其實我想...

人一生總有好多夢想、愿望、目標想達成。不過隨住年紀長大、環境改變、人為因素各樣野o既影響, 呢d夢想、愿望、目標都會有改變, 或者有所增減。

突然想回顧一下由古至今自己o既呢d夢想、愿望、目標。(不過無可能記得返晒啦~~)

細個果時, 所謂o既目標都比較簡單。
最記得o既有2樣: 買十蚊叉燒唔切, 成舊拿住來食(1. 以前十蚊叉燒都幾大舊, 好夠食。2. 以前d叉燒真係好味d); 另外一樣就係可以將好多支益力多倒埋一齊一次過飲(唔係連飲幾支, 個感覺有d唔同的)。
第一樣到而家都無實現過。由於而家食量唔大, 加上都唔覺邊度有叉燒係好好味, 所以無咩意欲去達成呢樣野。至於益力多, 都叫試過, 不過其實益力多好甜好滯, 實行起來並唔係想像中咁正咁開心o既, 哈哈。

讀書時期對於"我的志願"o既憧憬, 其實又真係無諗過做醫生(核突)律師(不知所謂)警察消防員(危險)。竟然真係有諗過係一間辦公室工作o既情境。覺得同同事、上司甚至客人互動好有趣(睇得電視多? 覺得同同事可以好開心好好玩, 所以到左而家做野咁耐同好多同事做左好友)。近幾份工都有返office又有得出下site, 算係係工作範圍上都唔錯呢~

另一樣一路到而家o既愿望就係有一個住得好近屋企o既好友。成日希望可以有個咁o既朋友, 隨時call一野就可以落樓下吹下水, 飲下野, 食下野, 個感覺好街坊好正好開心呢~~ 可惜到左而家都唔係好exactly有呢樣野呢~

從細開始同家人、朋友總會講起對以後"對象"o既要求。不過又真係從細開始就對個appearance無特別要求, 細個已經諗要搵個o岩傾同鍾意o既人係埋一齊, 哇哈哈。不過"睇"的話, 亦係由好耐之前開始鍾意睇"腿"(呢樣野係以前d blog都講過無數次了 XD) 家庭生活方面, 都算係幾傳統o既希望o既, 都係一般家庭咁啦。

人大左, 不得不向現實低頭, 有好多希望亦會實際左。最基本當然係希望自己、家人(尤其)、朋友都健健康康啦, 身體健康真係好緊要。想大家都開心幸福, 不過呢個係人都想, 超廢話。

比較短期之內, 有咩愿望同目標呢? List出來諗諗先。

1. 真係好想考埋個電單車牌; 雖然已經過左好耐, 而且實在太多人反對+無時間, 難度等級大概係C吧
2. 之前試過一次一人旅行, 好正。好想好想再試多次, 去個簡單、輕鬆o既地方。不過好多制肘, 難度等級大概係B
3. 想將自己長久以來諗o既好長好長o既故仔寫出來; 無文筆, 無時間, 最重要係無心機; 好彩自己一直諗d主要o既大綱人物特別野...etc都有記低(只係呢d都幾萬字了oops), 難度等級有B吧
4. 砌晒手頭上d模型; 實在有太多了...難度係A...

之前仲諗左好多野可以寫, 不過篇野長度都差唔多了, 係咁。

完

九月一日 -- 雜記

26/8(一) -- 收工返企食飯, 慶祝呀媽農曆生日。

1. 尋日呀媽新曆生日出街食中菜, 今日農曆生日就食蛋糕, 哇卡卡卡卡~~

2. 係屋企睇書聽歌打機睇漫畫, 感覺好寫意~~

3. 300場!

27/8(二) -- 收工返企食飯。

28/8(三) -- 呀嫂煮飯, 去左痴餐同呀嫂Jason食飯。

29/8(四) -- 本來約左賢賢收工交收, 由於返唔設屋企於是約左Grace食飯; 收工時賢賢先唔記得帶野, 無交收; 出完site收工同Grace去左試Star Cafe, d野OK不過幾貴呢~

4. 等緊人收工o既時候去左圖書館睇書; 睇左幾本蔡生o既書, 講男女關係; 雖然衰衰地, 但其實都好有道理, 現實好多時就係咁...

30/8(五) -- 係紅磡收工, 同同賢賢交收完過灣仔同C食Flying Pan後返企。

31/8(六) -- 係屋企hea左大半日, 夜晚同呀哥呀嫂同係西貢出來o既C去左九龍城食泰國野後再食埋合成糖水。

5. 終於鏟左頭! 但我想再短d咯...

1/9(日) -- 中午約左台灣來o既呀文同佢朋友同呀C係九龍灣麵屋一平安食飯, 交換佢幫我唱o既台幣; 之後從九龍灣行下鋪頭行到牛頭角再行到觀塘; 之後上呀哥屋企傾左下行程, 夜晚係企食飯。

6. 味千拉麵本來已經垃圾, 估唔到出個更垃圾o既廣告咯...

7. 頂唔住, 再鏟短d, 哇哈哈哈哈~~

來緊:

完

八月二十五日 -- 雜記

19/8(一) -- 收工去北角同四仔(-1)食酸辣米線, 之後去M記坐傾偈到10點島散。

20/8(二) -- 幾日來都好累, 個肚唔舒服, 身體狀態差o既情況之下收工唔去中同gathering, 返企食飯; 雖然同何文智唔係好熟不過難得佢返HK見唔到佢都好可惜。

1. 是日農曆七月十四。

21/8(三) -- 收工同中同三劍俠3pair人係灣仔Thai Delight食飯, 同best friend食飯傾偈好開心。

22/8(四) -- 收工返TKO

2. 好熱、好焗, 頂唔住剪左髮; 睇來weekend要鏟一鏟呢~

3. 而家呢個社會同人, 真係個個要權利多過義務...睇來都要另搵出路。

4. 呢個世界(尤其香港同中國人地方)愈來愈玩爛, 所有野都覺得有好過無, 多d好過少d, 好多無謂野就係因為d人玩爛攪到個個都要咁做(其中一樣最影響莫過於小朋友o既教育), 真係好嘔心好辛苦。

23/8(五) -- 收工返TKO

24/8(六) -- 同一班新舊同事(PennyYeeKennethWendyIdaJessie)去Queenie家玩全日食埋晚飯後散。出到KT急急結果去左觀塘新個泳池個toilet, 順便行個個圈睇左下, 果然又大又靚呢~

25/8(日) -- 中同籃球8點係小西灣打, 緊係唔join啦~~ 好累訓到好晏先起身, 本來想食完lunch去游水, 點知突然呀嫂有朋友話book左將廣羽毛球場但有人放飛機絛人打, 臨時改去打毛毛球, 諗住打完2-4去游水, 點知原來天晉泳池收5點, 得返唔夠一個鐘唔游了(游水活動一再推遲); 夜晚出北角新和富食飯同呀媽慶生。

5. 最終未鏟頭, 不過要鏟真係要快了~~

來緊:

完

八月十八日 -- 雜記

12/8(一) -- 收工返企食飯。

13/8(二) -- 收工返企食飯。

1. 半夜終於開始打風; 雖然打風對好多人同動物都唔係好事, 不過有時懶懶地真係會覺得打風放假係一件開心事; 希望星期三放下風假啦~ @@

14/8(三) -- 白田Gathering預早cancel; 八號波打半日, 抖左半日都好呀~~ direct site direct home後返企食飯。

15/8(四) -- 臨時約左Nat收工入左沙田搵佢食飯, 9點幾島返企。(之後佢又返去OT...)

2. 係極眼訓o既狀態下同一隻不知名昆蟲係房入面困獸鬥左半個鐘...終於的起心肝解決左佢(沖左佢落廁所)...南無阿彌陀佛...

16/8(五) -- 收工過九龍城同Lands同事食Erika生日飯@三和田。

17/8(六) -- 係屋企hea左大半日, 呀哥呀嫂竟然唔係TKO, 一個人去食左BurgerKing; 夜晚去左寶林第二次食Misocool, 再一次証明雖然唔太差, 但唔使再去~

3. 又睇一次0080, 翻睇N次都忍唔住喊... T_T

18/8(日) -- 一早去打波, 好累~~ 之後返企, 咁o岩Crystal打來話入來TKO喎, 同佢食個快飯帶佢去廣明苑睇佢個仔個show。夜晚去九龍塘同C家一大班人食飯。

4. 今日身體狀態唔好, 雖然射波OK, 但好累腳步跟唔上, 全輸; 如果身體好少少應該ok呢~

5. 睇住個blog除左雜記就無打第d野, 加上明明好多時都諗到野可以打但係無時間打/無精神打, 真可悲。

來緊:
19/8(一) -- 四仔(-1)食飯
20/8(二) -- QC Gathering
21/8(三) -- MaGallStan Dine
24/8(六) -- 同同事去Queenie家

完

八月十一日 -- 雜記

5/8(一) -- 收工返企食飯。

1. 單拖direct site遇到好buddy Alex, 大家都單拖出來當然要吹水happy一番 :D, so good timing~~

6/8(二) -- 臨時約左Grace收工去坑口村食飯, 食完買埋貓貓漫畫返企。

2. La Piazza的蘑菇湯同Lardos的係完全2種唔同口味, 都好味呢~~ 個人會pick Lardos果款~~

7/8(三) -- 收工返企食飯, 好累早訓。

8/8(四) -- 出site收工返企再出北角同LilyTango食小辣椒, 好味道。而家較少機會食辣野呢(雖然小辣椒d野我同Lily都覺得唔太辣)

3. 返工出site試著新波鞋, very OK好o岩著。

9/8(五) -- 本來同中名三劍俠食飯cancel真可惜; 收工去將中京都綠茶屋食飯。

4. 估唔到某漫畫o既一個喜歡o既角色無啦啦死左!! 唔制呀~~~~源田警官~~~~ >__<

10/8(六) -- 早上同同事打毛毛球(由於公司突襲要人OT所以有好多同事臨時來唔到, OnlyIdaRonaldZita); 打完後散水, C出觀塘一齊食新境界, 之後行下APM(竟然買左野...), 夜晚同呀哥呀嫂去將中食foodcourt。

11/8(日) -- 之前一日book左, 中午同呀哥呀嫂係天晉clubhouse打bowling; 之後下午係企休息(好累同眼訓)夜晚返企食飯。

5. 今日機緣巧合之下係fb見到傳說中o既"第三者", 嘿嘿。

6. 似乎來緊星期有機會打風放假?

來緊:
14/8(三) -- 白田
18/8(日) -- C家人飯
24/8(六) -- 同同事去Queenie家

完

八月四日 -- 雜記

29/7(一) -- 收工返企食飯, 之後同呀媽行左下尚德返企。

30/7(二) -- 臨時改同Bad-end人呢晚食飯; 收工過SSP同佢行左福利同三和, 之後食飛鷹後8點半島散; 返去等到10點半呀哥先返企, 去問佢拿左台灣書先返企沖涼, 之後家昇先話唔使要本野。

31/7(三) -- 一日出左三轉site, 累死。收工返企食飯。

1. 網上見到的一句話: 說出來會被嘲笑的夢想，才有實現價值。

1/8(四) -- 收工返企食飯。

2. 牙肉痛+喉嚨痛+頭赤+肚痛+連日出site, 勁累+唔舒服, 身體狀態好差呢~

2/8(五) -- 收工返企之後去將中foodcourt食飯。

3/8(六) -- 一早起身同PennyYeeConnieLoLoC去Megabox唱K, 好難得呀Yee join唱K呢; 可以9:30唱到3點都幾抵喎~ 之後係Pacific coffee坐低傾偈到6點島散; 去坑口同哥嫂Jason食冬蔭公公。係身體狀態麻麻又眼訓又累o既日子, 可以同好友坐下聚聚真係好, 又唔使好消耗體力~~~

4/8(日) -- 呀馬生日快樂!!中午出左去食元氣後終於都買左波鞋, 之後返企hea, 累到恰左下, 夜晚同呀哥嫂去北角join埋呀媽食功夫點心。

來緊:
10/8(六) -- Badminton wv URA
18/8(日) -- C家人飯
24/8(六) -- 同同事去Queenie家

完

七月二十八日 -- 雜記

22/7(一) -- 一班中同食飯, 皇帝正式宣佈婚期; 10點幾散。

23/7(二) -- 收工返企食飯。之後陪呀媽行左去TKO泳池再返企。

1. 星期六食完印尼野後即時牙肉腫, 之後果日開始退, 但到今日仍然有d痛...

24/7(三) -- 臨時約Grace收工去寶林食飯; 食左Saizeriya意粉同聰嫂後返企。

25/7(四) -- 收工去Tivoli同K14慶祝生日, 第一次見佢男友呢~ 10點幾散。

2. 第一次見KT男友, 平時見到一個人會好直覺覺得好定唔好, 不過今次竟然係無特別好定唔好, 就係普普通通(性格上); overall來講, 一般人都會覺得佢OK的, 高大個樣又唔差, 又ok talk得又sporty, 見到KT同佢一齊好開心(見到佢少見o既一面, 不過係我估到差不多果個樣), 哇卡卡, 都係一件好事; 希望之後可以keep住好同埋快d攪掂啦~~ :D

26/7(五) -- 收工返企去左將中食米線。

27/7(六) -- 一早起身去左睇早場叮噹, 估唔到好好睇喎; 之後去Esther屋企(C, 娟)玩貓貓, 5點島走, 去C婆婆屋企, 幾齊人食飯, 10點島返企。

3. 牙肉仲係痛

4. 叮噹大長篇: 自從頭果十幾套大長篇之後, 全部都唔多好睇, 都唔係原作者寫o既, d劇情流於千篇一律; 今次呢一集唔係好帶期望去睇, 雖然d劇情同埋感覺同以前真係唔同左, 無左以前果種情懷, 但係真係有心思諗過個故事同鋪排伏筆, 有d位又真係估佢唔到, 笑位keep住有, 睇得好開心呢~ 如果唔特別好卡通片都唔一定要睇, 如果鐘意叮噹就真係好值得去呢~ 今次玩道具, 真係出左好~~~多道具, 同埋有好多用法、combo都幾巧妙幾正; overall來講, 我覺得真係有好比心機做o巴一套叮噹大長篇。

28/7(日) -- 一早起身, 腳有d痛, 又流鼻水, 又腰酸背痛; 中午同哥嫂食將中foodcourt, 之後出KT meet Connue一齊去何敏B一歲生日P, 4點幾走; 搭船落NP再過CWB meet C, 行左下Times(睇左gundam展)同Hysan, 係foodcourt食完野行多陣返企。

5. 呢幾日個牙肉一直未好, 個肚又唔舒服, 再加上勁流鼻水, 全個人全身都好唔對勁, 身體狀態好差...夜晚開始有d頭暈...

來緊:
17/8(六) -- C家人飯

完

七月二十一日 -- 雜記

15/7(一) -- 收工過NP同呀源民仔係功夫點心食飯, 9點幾散。

16/7(二) -- Carol生日快樂! 收工返企食飯。

17/7(三) -- 收工返企食飯。

18/7(四) -- K14生日快樂! 收工同日安盧撈呀珊呀儀係大本營食泰國野同Carol慶祝生日。

1. 呢排返工好多野做, 有d壓力, 有時訓唔好, 又發夢咁, 仲試過發夢做登記, 又早醒 @@; 又試過眼光光一段時間先訓到, 都幾累幾眼訓呢~

19/7(五) -- 收工同一班新同事唱K(本來StaceyRaymondWongRonaldIdaKarmenZitaJeffersonZita, IdaRonald要OT唔來), 7點唱10點半島走。佢地成班年輕人好高興玩得好癲, 唱就普普通通啦; 係我年紀大定係真係唔多o岩呢? 需要係融入到, 但其實又唔太投入呢~

2. 唱K竟然遇到差人查牌, 真係好難得一見; 攪左幾個字, 全個K場d歌停晒; 不過補返半個鐘比我地, 都OK。停o既時候佢地仍然頗high, 仲用手機開youtube d歌, 再用mic隊落手機發音位度令到全間房聽到好清楚, 再照唱, 超癲, 嘈到d職員提我地話差人查緊牌唔好嘈住~~

20/7(六) -- 中午出去同唱K鐵腳們唱K(民娟Cass源C), 仍然係Jordon唱1-8, 好耐無試過齊人了(主要係民民), Cass早d走, 唱完一齊去食左印尼餐廳後返企。

21/7(日) -- 朝早去打波, 一去到球場開始落雨, 不過大家想搏一搏, 於是去茶記食早餐再去打, 真係無落了~~ 整乾左地之後打到點幾鐘, 好耐無試過同馬民齊人一team了~~ 之後返企沖涼後出北角同C行左陣, 再去Jordon同Sanny小雲慶生(我C源AmySanny小雲); 食"小酒窩", 有東南亞野又有pizzapasta, fusion菜, 都OK。

3. 返到來先發現曬到紅晒~~

來緊:
22/7(一) -- 一班中同食飯; 應該皇帝正式宣佈婚期?
25/7(四) -- K14生日飯
28/7(日) -- 何敏B生日P

完

七月十四日 -- 雜記

9/7(二) -- 收工返企食飯。

10/7(三) -- 收工返企食飯。

11/7(四) -- 收工去TST i-Square BabyCafe同NatJoyce食飯; 9點幾島散。

1. 眼光光, 訓唔著...

12/7(五) -- SSP resumption, 準時收工, 之後過創興同Lands同事食WendyConnie生日飯(打邊, 都幾抵)。

2. Resumption中間lunch time時間去左同RaymondStanleyJessieIda唱K(係K房打機), Jessie唱得好OK喎~~

3. 同舊同事打完邊爐散水果陣, 進進話約左人喎~~~ 之後佢同我認埋佢拍拖了~ 真係一個surprise的好消息呀~ 仲見左一面添~

4. 個口生左2粒唔同位o既飛滋, 爆痛; resumption survey好熱好熱, 又曬, 又行得多又要行樓梯, 極度爆累; 基本上夜晚gathering謝左皮, 又無咩胃口, 食少少野only。

5. 早幾日得知表妹個腦有野要做手術, 希望佢無事啦。

6. I'm not able to live up to your standard

7. 人總會用左自己標準來睇野; 覺得自己o既醒叻過人地o既醒, 覺得自己o既累等於人地o既累, 總之只可以係自己果個層次; 有幾多人可以跳出自己o既層次, 或者接受到人係另外有層次o既?

13/7(六) -- 爆累, 差不多訓左成日, 日頭剩係飲左朱奶又再訓; 到夜晚出寶林同呀球呀嫂Jason食魚之味。

14/7(日) -- 起身休息到中午出TST, 食左個包, 之後meet C係港威睇怪獸大學; 送佢返企後落北角行左奇趣同海邊後返企食飯。

8. 怪獸大學; 原本怕無左o靚妹個角色會無咁好睇, 不過點知都係好好睇; 成個故仔鋪排佢地相識, 又唔friend到friend, 又果班無用o既朋友變得叻左, 完全唔會好突然, 睇得出個變化同唔會夾硬來; 笑料都好正; 由於好鍾意怪獸公司, 所以都覺得怪獸大學好好睇~~

9. I'm reli reli reli tired of...

來緊:
15/7(一) -- 同呀源民仔食飯
18/7(四) -- Carol生日gathering
19/7(五) -- K wv 同事s
21/7(日) -- 同Sanny小雲慶生; Jenny同佢男友來HK
22/7(一) -- 一班中同食飯; 應該皇帝正式宣佈婚期?
28/7(日) -- 何敏B生日P

完

七月八日 -- 雙雜記

24/6(一) -- 收工返企食飯。

1. 主觀評論mode x2:
其一: 係同期來講, 出位有noise開集郵演唱會果2個係我心目中都只係第二梯隊, 個人來講都係鍾意林夕同伍樂城多d。
其二: 有夢想, 努力, 犧牲...係絕對值得稱讚同支持o既事, 但亦都絕對同有無實力係無咩關係o既; 唔知香港人係咪聽得差o既野太多, 上網聽過唔少錄音同埋現場表演, 個人認為龍小菌唱歌只係好普通好普通, 以應有o既職業水準來講係唔合格添。加油吧。
即使Wyman、Mark Lui同龍小菌有幾多fans都好, 我都係咁認為。

25/6(二) -- 收工返企食飯。

26/6(三) -- 約左呀進食飯, 比Eason concert飛佢, 同埋拿返想拿好耐o既BB Sazabi。臨時要OT, 本來約左係Jordon食, 但為要OT所以左來KT食; 係APM食完拉麵之後8點幾就散。

2. 是日精選: 網上見到"囍歡里讓我下沉, 囍歡里讓我哭"...

27/6(四) -- 收工join呀媽去QB大酒店, 表姨估唔到咁早過身; 之後返企食飯。

3. 每次去大酒店, 都感觸良多。

28/6(五) -- FS; 10pm收工

29/6(六) -- FS; 估唔到仲遲過第一日收工

30/6(日) -- FS; 估唔到7pm幾先收到, 臨時約左Grace食飯, 去坑口食, 之後行左個圈返企; 終於有得放飯抖下。

4. 今日發現, Grace多左好~~多白頭髮, 之前都唔係咁o既, 希望仍1無咩事啦...

1/7(一) -- 公眾假期, 連踩之後全日在家休息一天。

5. summr m m ta <--- d="" keyboard="" p="">
2/7(二) -- 收工返企食飯。

3/7(三) -- 係上環收工, 去灣仔行一陣等C, 之後同佢係298買左keyboard, 之後搭叮叮去炮台山食Henry's Kitchen, 之後散。

6. 個keyboard早2個星期開始有d壞壞地, 有幾個制用唔到, 之後差不多半個keyboard用唔到, 終於換左了。

4/7(四) -- 收工返企食飯。

5/7(五) -- 開Briefing, 又OT, 10點幾散。

6/7(六) -- 終於有得抖下, 係企休息一日, 下午過去C婆婆屋同佢屋企人食飯。10點幾島走。

7. 因為想睇2, 同埋之前Queenie話1好好睇, 所以係屋企上網睇左壞蛋獎門人1, 幾好笑~~

7/7(日) -- 繼續係屋企抖大半日, 夜晚出去同C睇E神Concert。好正呀~~~~ 之後送C返企後再返企。

8. Eason Concert: 佢把聲無返事Ok了~ 唱返好多佢typical好正o既歌, 同埋有幾首改過少少編曲都好正。最印象深刻同埋最開心係佢竟然唱"怕死", 仲有"今日"同"陀飛輪"都好正~~

8/7(一) -- 因為之前預左夜返企, 同埋自己都有好多假要清o既關係, 放假一天。全日在家hea爆, 煮左煲野, 夜晚返企食飯。

9. 上2個星期, 突然有心機拿返d模型來砌, 幾開心清左幾件貨, 希望可以keep住啦~~

來緊:
11/7(四) -- 同NatJoyce食飯
12/7(五) -- SSP resumption FS, 之後Lands同事生日飯
16/7(二) -- 暫定同呀源食飯
18/7(四) -- Carol生日gathering
21/7(日) -- 同Sanny小雲慶生
28/7(日) -- 何敏B生日P

完

壞keyboard暫停一周

壞keyboard暫停一周

六月二十三日 -- 雜記

17/6(一) -- 收工返企食飯。

1. Pet Society突然摺埋, 又少玩一樣成日要開o既野了。

18/6(二) -- 臨時約左Nat去MK, 第二次陪佢拿團購o既野(第二次拿唔到, 睇來次次都係同佢搵路XD), 之後食Karmen介紹係女人街o既日本野, 平得來都唔錯, 好抵食。

2. 好耐無去MK, 條鞋帶斷左好耐唔知邊有得買, 去開MK買; 終於買左同埋換埋了~~

3. 好想唱YY演唱會入面d歌, 好想唱Eason d歌。

19/6(三) -- 臨時約左C同Sanny去北角功夫點心食飯, 之後行左下奇趣同759後返企。

20/6(四) -- 早少少收工行左圈寶林後返企食飯。

21/6(五) -- 本來諗住要OT, 不過好快攪掂收工; 收工臨時邕左Grace去寶林魚之味食飯, 傾下偈行左下寶林8點幾散。

4. NBA決賽, 竟然要打到Game 7, 好緊張! 本來想Spurs champ, 不過可惜...以後佢地都無機會了~ Game6輸左真係就預左呢。

22/6(六) -- 因為星期五攪掂晒d野, 唔使OT, 本來諗住如果早起就都返個早上, 但一早起身太累, 都係再抖下; lunch同呀哥呀嫂Jason同呀嫂表妹食, 之後上佢家玩board game(之後佢表弟都來埋); 5點島Jason走先, 我返7座抖同恰左下, 到7點Connie伉儷來到TKO出去同佢地meet左一下, 之後上返呀哥家玩多陣, 8點幾去將中食米線(試埋麻辣, 好食過酸辣), 再返呀哥度, 睇左新拍o既GTO, 都唔錯(個男主角好似Amy個bf), 10點幾散返企。

23/6(日) -- 一早起身天氣OK去打波, 無咩太陽但好~~~~焗, 打得好辛苦; 11點幾就走。上次練完波真係好好多, 同埋竟然打左4場都嬴晒~~ Lunch同呀哥呀嫂同西貢出來o既C食飯。之後行左下Popcorn將中; 夜晚同呀哥呀嫂去左寶林, 行街同食左牛陣; 已經儘量唔食太多不過都好飽~ 買左對鞋, 最近置裝換季使左唔少錢呢~

5. 來緊公司勁cher, 痴孖筋, 我絕對唔會同佢搏到盡咯。

來緊:
28-30/6 - 又Operation
5/7(五) -- Briefing, OT
7/7(日) -- E神Concert
12/7(五) -- Briefing, OT
18/7(四) -- Carol生日gathering

完

六月十六日 -- 雜記

10/6(一) -- 收工返企食飯; 呀姨去菲律賓玩完返來, 有好味雪糕同好多野食手信~~

11/6(二) -- 係總部收工返企食飯。

12/6(三) -- 端午節放假一天, 多謝屈先生; 一早起身去呀馬屋企睇波, 可惜民仔唔得! 場波一面倒, 所以唔緊湊, 睇左三節就唔使再睇; 落去同佢射左陣波, 之後Cathy來埋, 一齊去食lunch後我就返企先。

1. 好耐無試過練波; 之前一大段時間腰背痛, 少打加上成日就住一邊, 所以個姿勢錯晒, 而家射返波都覺得好唔順同好自然偏埋一邊; 難得有機會練返波, 今日拿返好多感覺, 來緊再打波個射波狀態應該會好返好多~下午返左企汙合河之後訓左下, 補返眠, 之後起身同呀源傾住電話執左下野掉左d野; 夜晚返企食飯。好悠閒o既一日叉電假期呢~~

2. 其實我好鍾意Eason的歌, 不過好少唱, 因為覺得自己把聲唱佢d歌唔好聽; 好想唱K同埋唱佢d歌呀~~~~

13/6(四) -- 同Bad-end人帶佢係觀塘睇2間模型鋪之後係牛頭角Pizza & Chicken食飯同聽佢呻, 8點幾散。

3. Pizza & Chicken平得來水準好唔錯, 抵食; 個炸雞好味過KFC好多~

4. 經常不盡同意bad-end人講o既野, 不過今日倒是有一點同意: 未拍過拖o既人係煩d, 有好大fantasy同埋咩都係你o既責任。

14/6(五) -- 收工係屋企煮飯同CAmySanny食。

15/6(六) -- 落雨weekend, 係寶林行左下街, 好耐無試過買左千蚊衫(其實係買左好多件短袖恤衫)(係, 天氣太熱我投降了~~); 夜晚去左SSP同好~~~~耐無見o既Crystal食飯, 傾左好多佢d野同近況呢~

16/6(日) -- lunch同呀哥Jason食, 下午去哥屋企4個人玩card game, 夜晚呀嫂煮飯(我都煮少少), 係呀哥家一家人食飯。

5. 其實獎門人唔玩d不文遊戲咪幾好睇~~

來緊:
28-30/6 - 又Operation
7/7(日) -- E神Concert

完

六月九日 -- 雜記

3/6(一) -- 收工係APM同Cass食飯(拉麵), 有手信拿 :P; 傾到9點幾散。

4/6(二) -- 收工過九龍灣同死黨(+Cathy)食飯; 係麵屋一平安食同傾偈到差不多11點先走。

1. 星期六日早醒之後, 星期一二繼續早醒, 救命呀~~~(後續:之後幾日都係...)

2. 同Cathy講開原來大家都覺得TKO果間好難食, KLB果間就OK, TST果間未食過但好多人都話係好味的。

3. 同死黨傾偈, 講開以前o既野, 雖然一直都知都認但再講返仍然都係深感遺憾, 亦令自己好唔開心...

5/6(三) -- 收工返企食飯。

6/6(四) -- 收工返企食飯。

4. 繼之前K14的好消息之後, 今日收到FPP的好消息。似乎來緊Cass都...嘿嘿...

5. 人生之中有好多選擇o既時候, 亦無得再返轉頭; 無得話選左邊個係最好, 未選之前無人知選左之後會點; 最後只好係選擇左之後o既情況之下儘量做得最好同埋尋找最開心o既出路吧~

6. 聽到某友唔開心同屋企有d事o既消息, 希望佢無野啦。

7/6(五) -- 公司briefing無份去, 太好了。收工返企食飯。

8/6(六) -- 中午去大圍同Esther呀娟食飯, 之後meet埋Jessica源Mandy上SamEsther新家玩(民ThomasSam5點島到), 到8點島食生日蛋糕再落去食飯, 之後民源同我2個走先。

9/6(日) -- 早上無去打波; 下午同C去北角, 食功夫點心、行奇趣、759、新都城; 全日輕鬆heahea地幾好(C仍然未好返); 夜晚返企食飯。

來緊:
11/6(二) -- 同Bad-end人係觀塘食飯
12/6(三) -- 去馬屋企睇波!期待!
7/7(日) -- E神Concert

完

六月二日 -- 雜記

27/5(一) -- 臨時約左Nat食飯; 收工係site入沙田, 食左麵屋武藏, 食完傾左陣再行左個圈, 8點幾就散。

1. 終於正式踏入左夏天; 我又變返<50 p="">
28/5(二) -- 收工返企食飯; 話說都好耐無返企食...

29/5(三) -- 收工返企食飯。

2. 頂唔住, 剪左頭髮。

3. 因為update問題, 隻Megu今日開始無得再玩了...

4. 最近勁聽Eason幾首歌, 睇返原來唱近聽得多d果幾首就係病態三部曲果三首歌呢~

30/5(四) -- 收工返企食飯。

31/5(五) -- 收工返企再出返去Jordon Pink Salmon同八姑進食小翠生日飯, 小翠正日生日呢~ 食完傾下到11點散。

5. 呀進o既"羊脾"同埋小翠o既"深喉"笑死人~

1/6(六) -- 一早比返工仲早醒, 明明好累...但醒左又訓唔返, 結果出去睇左場早場; 下午Nat係KT剪完頭髮入左來TKO同我食tea, 之後行左下附近同吹水; 佢走之後我就入西貢, C唔舒服, 陪左佢一下, 夜晚食埋野睇埋電視後我先出返來返企。

6. 聖誕玫瑰 -- 之前睇海報就覺得好似幾吸引, 雖然一向唔太好呀黃、桂綸美又唔太好、楊釆妮又第一次做導演(自編自導); 不過估唔到係幾好睇, 好有野心係唔多場境o既情況之下, 主要係court入面出大部份劇情。
我估楊釆妮係根據HK之前一單新聞, 再加埋其他類似o既新聞, 去延續、去砌呢個故事出來; 帶出左一d社會o既問題(輿論)同埋醫生o既難處。
雖然我自己到一半就估到真相出來, 不過都拍得幾有逼力喎, 不過逼力唔係係court2個律師之間o既對抗, 係係幾個角色之間同埋事件之中遊離不定o既事實真相, 同埋"個結局究竟會係點呢?"會另人覺得有壓力。結局來講, 可能功力問題, 又可能係想就觀眾o既關係, 佢畫公仔畫出腸, 無留白; 雖然ok不過我覺得唔使畫到咁出~ 另外主線之外每個人物都加左少少支線, 不過太旁支(雖然係想表達d野), 但係唔夠深刻, 時間所限掛? 晒左。
講下演員。主角呀黃都係咁, 實在無咩特別, 果d所謂要交戲o既位, 就係做返要交o既戲咯...桂綸美, 算係難做o既角色, 算係做到, 不過未算太突出同埋表現得好標青, 算係咁; 張震, 其實個角色...唔知係交代到佢要咁, 定係由於唔可以一早比觀眾知個真相, 佢幾乎由頭到尾都好似忍屎咁唔出聲, 唔知想點...不過基於劇情同流程因素, 估計佢都係逼住要咁做, 辛苦佢了; 夏雨, 角色突出但唔太難做, 不過幾討我好, 好有自信~ 秦海璐, 配角一名, 個角色發揮唔盡到佢, 同埋...我覺得佢可以做得好d...不過由於佢係忍屎先生個老婆, 又唔算係主線, 可能又係唔可以太劇透, 所以只係半個路人...廖啟智, 佢個角色好似想係一個叻o既旁觀者, 不過好似唔太發揮到作用。
Overall來講, 港產片來講拍得有心思有野心, 值得支持下~

2/6(日) -- 一早起身去打波, 超~~~熱, 好耐無打好開心(呀馬有來打); C係西頁出來, 佢都仍然係唔舒服, 結果無行街係我家恰同休息, 我就hea到佢ok再送佢返企; 之後係NP行左圈後返企。咁又過左2日假期...

7. 其實我都幾怕殺生果下o既感覺; d蟻呀蚊呀細隻o既小強呀有時唔係好敢打死佢地, 唔係怕核突, 而係果下"生命消失的感覺"好得人驚~~ @@"

來緊:
3/6(一) -- 同Cass食飯, 有手信拿 :P
4/6(二) -- 死黨食飯!!
7/6(五) -- 公司有briefing, 唔知使唔使幫手(即係OT)呢?
8/6(六) -- 去Sam新家慶祝佢生日
9/6(日) -- 同姑姑佢地唱K?
7/7(日) -- E神Concert

完

五月二十六日 -- 雜記

20/5(一) -- 收工返企再出CWB同C家人食飯; 新斗記, d野雖然ok(都只係ok)但好貴(百幾蚊碟), 性價比好唔得。之後佢細佬車埋我返企。

1. 一向(自稱)腸胃最好o既我, 竟然幾日都咕嚕咕嚕好唔到... =_=

21/5(二) -- 臨時約左Kenneth食飯, 呀源join埋(又爭一個); 就Kenneth去左樂富食茶記叫小菜, 傾到9點幾走。

2. 傾開陳蛇結婚d野, 真係感到攪結婚對男人係一件莫大o既壓力, 尤其係無support的情況而又有好高期望底下。

22/5(三) -- 一早黑雨, 可以訓晏d先返工, 真開心; 收工一班舊同事慶祝Yo + 珊生日@龍圖閣; d野好OK, 雖然都唔平但係性價比好過新斗記~

23/5(四) -- Whole Day Site; 收工同Grace食飯

24/5(五) -- 係呀Man未搬之前去佢家

25/5(六) -- Sam生日派對cancel; 早上去跑馬地觀禮, 祝細Nat幸福快樂! 個神父好正, 好識講野又好好人呢~ 適逢上山去教堂果時係黃雨, 成身濕晒; 觀完禮之後無join酒店buffet, 返企淋個浴休息, 夜晚同呀哥佢地去坑口食"匠", 原來而家有放題, 平得來當然少d種類同埋質素普通啦~ 之後返企。

3. 你們相信婚姻嗎？相信兩個個體可以兩位一體嗎？信就有，唔信就無。 — by 神父

26/5(日) -- 好累全日在家休息; 夜晚出TST同CAmySanny小雲呀源食飯@ Peace Cafe; 算係幾舒服d野食OK又唔算貴o既一間樓上cafe; 食完之後玩左輪game到差不到11點散。

來緊:
7/7(日) -- E神Concert

完

五月十九日 -- 雜記

13/5(一) -- 收工過CWB同C食飯。

14/5(二) -- 臨時約收工後同民仔呀源食飯; 係北角食梅花村, 食完之後去M記坐繼續吹水, 好耐無試過咁, 好開心呀~~~ 講左好多爆笑野, 11點半島散。

1. 梅花村d"魯"水野果然無小菜咁好食。

2. 記: 2.1 麥邊爐; 2.2 如果寫信讚揚一間餐廳員工好比足料, 咁係會對佢有好定壞影響??

15/5(三) -- Cass生日快樂; 表弟結婚, 我請假一天參與其事; 早上起身, 11點簽名, 之後去食飯, 下午返企休息, 夜晚出返去夜晚食圍菜, 全日在家附近, 真方便。

3. 原本放假一日想去睇下鴨鴨, 點知之前果晚無左...無得睇~

4. 身體狀態: 4.1 好彩個肚頂到返企 4.2 生左幾日o既飛滋好L痛

16/5(四) -- 收工出太子同Nat食禾花亭, 好味道; 之後係太子行左小半個圈9點幾就散。

5. 同日收到Nat泰國手信同埋Grace日本postcard, 多謝晒~

6. feel very upset today

17/5(五) -- 公眾假期, 放假一天; 中午同呀球佢地食飯, 之後出葵芳同C行下街; 夜晚返去同呀哥佢地玩board game。

18/5(六) -- 慶娟同Cass生日; 下午去唱K, 之後去Tivoli意大利餐廳食晚飯後散。d野食都幾ok, 個甜品值得推介。

19/5(日) -- 全日係企抖, 中午同夜晚同呀哥呀嫂係家附近食。

7. 哇卡卡, 恭喜K14終於都攪掂左, 祝佢身邊果個好運了 XDD

8. 屋企個keyboard壞左, 有d制壞左...=_=

來緊:
22/5(三) -- 慶Yo + 珊生日
24/5(五) -- 係呀Man未搬之前去佢家
25/5(六) -- Sam生日派對cancel
26/5(日) -- 同小雲CSannyAmy源食飯
7/7(日) -- E神Concert

完

五月十二日 -- 雜記

6/5(一) -- 收工同美麗探戈去北角梅花村食飯。d小菜幾好食呢~~ 之後行左下奇趣。下次要多d人再去試過。

7/5(二) -- 收工過佐敦同Helen慶祝生日, 由於唔太舒服所以走先。打邊爐間野都OK, 無食到個蛋糕就走左~

1. 幫Bad-end人買左d模型, 唔知幾時比到佢~

8/5(三) -- 收工返企食飯; 終於可以返企食~

9/5(四) -- 收工返企食飯。

10/5(五) -- KC006 Resumption, 唔使點OT; 返企買飯盒食。

11/5(六) -- 娟生日快樂; 起身join埋西貢出來的C去石夾尾meet埋源進8婆一家去食貓貓車仔麵, 之後去福利同埋SSP舊玩具鋪, 上埋西九龍釆豐行, 之後去SSP Neway唱K, 到8點出來, 去到大中華見好多人於是係附近叫小菜食, 都唔差; 食完之後散。

2. 好彩無落雨, 不過出太陽好熱, 又累。

3. 唱K無咩feel唱; 好懷念以前4人唱K果時; 唔係因為呢幾個好友唱好定唔好, 係因為夾熟、大家知對方想/唔想點唱、玩開可以好投入去玩去唱...etc, 不過似乎無咩機會再4人唱了~

4. 真係會有人係一間食唔到炒蜆, 去第間買過來食???係我mindset有問題定世界變左???

12/5(日) -- 起身中午同呀姨姨丈等人出去人飲茶, 下午係家hea, 夜晚煮d野過去同家人+姨丈一家食。晚上badend人來TKO拿返我幫佢買o既野。

5. 生活=物質?

來緊:
15/5(三) -- 表弟結婚, 我請假一天參與其事
18/5(六) -- 慶娟同Cass生日K+晚飯
22/5(三) -- 慶Yo + 珊生日
24/5(五) -- 係呀Man未搬之前去佢家
25/5(六) -- Sam生日派對
26/5(日) -- 同小雲CSannyAmy源食飯
7/7(日) -- E神Concert

完

五月五日 -- 雜記

29/4(一) -- 收工返企食飯。

30/4(二) -- 收工返企再出返去沙田打羽毛球(8-10), 之後沖個涼再同佢地去食小小野吹陣水, 11點幾差唔多12點先上到車返企。

1.有人教+不斷練, 其實真係確實會有進步呢~~ 不過來緊會忙, 而且都遠, 唔會繼續學打了~~ 好想成日有波打呀~~~

1/5(三) -- 五一假期, 本來邐住休息一天, 點知之前約來約去無左影o既K局突然攪得成; 12:30出到CWB唱K Lunch(C皇帝PCLA擇茄), 唱完之後去左世貿食左好好味果個包包, 之後PCLA去打羽毛球, 我地上去機鋪打機; N年無去過機鋪打機了, 打果個彈彈下好好笑, 竟然贏左, 又玩左Mario Kart, 個坦克車都幾好玩~~ 之後散水, 去左行新果間好大間UNIQLO, 再去Hysan誠品, 最後係Hysan foodcourt食完野散。雖然早但都累累地呢~

2. 今日又唔會十分酸痛, OK喎; 當然會累同埋少少酸酸地啦~

3. 耐無唱K, 少唱, 十分不在狀態呢~~

2/5(四) -- 收工去北角同白田同事Gathering(Confirm Puzzle有左第二隻~~)。食左呀一豬扒米線同埋之後去王記食糖水, 好正呀~ 因為場地關係, 未到9點就散了。

4. 雖然被鴨仔洗版, 不過呢隻鴨鴨又真係幾得意幾討人歡喜呢~ 佢個樣好可愛同好善良~~

3/5(五) -- 收工返企食飯。

5. 天氣凍凍地真係訓得好舒服~~~一早醒果時真係超唔想起身~~~

6. 最近唔知點解keep住想食辣野; 一般來講係話身體欠缺d咩果期就會想食d咩, 同朋友講開, 唔通我係欠打? XD (聽講係胃寒所以會想食辣?)

7. 返企又剪左髮。

4/5(六) -- 超累, 訓得超舒服, 一早9點幾10點唔知邊度鑽野, 吵醒左; 頂佢呀, 又唔係鑽到好晏就完無再鑽啦喎, 好心佢就晏d先開始鑽啦! 下午食左少少野之後頂唔住又繼續訓, 訓到5、6點先起身。夜晚煮左個失敗o既麵食唔晒, 睇左玩野王, 今次雖然都玩得幾勁, 但係覺得無咁好笑, 去到中後段先估到係玩邊個~~ 另外, 見到個fnd係個節目入面呀! 開頭仲以為認錯~~~ 哈哈~~

5/5(日) -- 一早自然醒(之前果日訓得太多了), 之後去VP打波(好耐無打波啦!), 打到差唔多2點去食野, 之後去灣仔行左個圈, 買左d野, 返返TKO, C係西貢出來, 同佢行左下海邊, 之後行去坑口食冬蔭公公後散。對腳無感覺了。

8. 發左個好長o既夢, 自己做左老師, 同一班學生好好感情, 仲發到佢地畢業, 好唔捨得咁; 雖然所有野都係虛構, 但係果班學生令我覺得好warm呢~

來緊:
6/5(一) -- 同美麗探戈去北角梅花村食飯。
10/5(五) -- KC006 Resumption OT
18/5(六) -- 慶娟同Cass生日K+晚飯
22/5(三) -- 慶Yo + 珊生日
24/5(五) -- 係呀Man未搬之前去佢家
25/5(六) -- Sam生日派對

完

四月二十八日 -- 雜記

22/4(一) -- 收工一班舊同事去呀衛屋企探B, 係佢家食野; 9點島散。

1. 見到好友抱BB的表情, 唔知點解自己有d戚戚然...好想見佢地生B...

23/4(二) -- 本來以為要OT, 點知最後唔使, 結果無得打波又無飯食; 返去買飯盒食。早d返企抖都好, 好累。

24/4(三) -- 收工返企食飯; 第一次過天晉果邊, 整埋dodo card。去慣五座, 天晉好遠呀~~

25/4(四) -- 收工本來約左TangoLily食飯, 不過Lily屋企有事臨時cancel; 收工同呀媽去睇表弟結婚o既場, 之後返企食飯。

26/4(五) -- 收工去灣仔接C去CWB食北海道牧場牛乳餐廳, 之後行左下Hysan後返企。

27/4(六) -- 之前果日呀哥問一唔一齊睇早場Iron Man, 本來諗住訓晏d, 不過後尾話有11點場就去睇啦; 起身睇左, 好睇喎; 之後一齊食完飯後, 去Gordon家探B(C進ErikaWendyConnie), 係佢家叫外賣食完睇埋玩野王後散。

28/4(日) -- 大半日係企hea同打機, 同涉源傾左段時間電話, 5點幾入西貢C細佬家食飯, 之後出返來散。

來緊:
30/4(二) -- 羽毛球, 希望今次去到啦
2/5(四) -- 白田Gathering
18/5(六) -- 慶娟同Cass生日K+晚飯
25/5(六) -- Sam生日派對

完

四月二十一日 -- 雜記

15/4(一) -- 被派去夜晚briefing幫手, 九點收工。

16/4(二) -- 太累, 羽毛球唔去了。收工返企食飯。

1. 最近好友之情事: N仍然係咁; K14感覺發姣, 希望佢唔好魯莽; FPP有好對象, 但佢有心魔...; 希望大家都幸福啦~

17/4(三) -- 下午出site, 做完早少少收工; 返企食飯。

18/4(四) -- 收工返企食飯。

19/4(五) -- 公司隔離部門Joyce媽farewell飯(原來華哥都要走了); 收工去Jordon打邊邊, 間野都幾大碟幾抵食。9點島走, 佢地去糖水我無join。

2. 聽到好多URA舊人o既事, 真係估唔到呀~~ 另外, 佢地問埋d好難答o既選擇題咯...

3. 終於連踩完12日, 竟然好乖無射波~

20/4(六) -- 同同事去QQ家(Penny Ida), 探下B同玩card game, 夜晚食埋佢樓下泰國野之後再上佢家玩多陣, 10點島走。

21/4(日) -- 太累, 訓到中午先起, 同C係TKO食飯後佢入西貢, 之後幫爸媽搬野過天晉, 好累; 夜晚係家食飯。

4. 爸媽今日搬晒d野過果邊, 今晚搬埋過去訓了~~ 今晚餐便飯竟然係farewell埋5座呢~~ 之後要租比人了; 講真我都係寧願租比好友呢...

來緊:
22/4(一) -- 去呀衛屋企探B
23/4(二) -- 羽毛球
27/4(六) -- 去Gordon家探B
2/5(四) -- 白田Gathering

完

四月十四日 -- 雜記

8/4(一) -- 收工返企, 等呀哥開完返來差唔多9點先食飯。

1. 2架單車o既鎖匙係星期日到手, 以後得閒可以去踩下車了~~~

2. MSN完左(原來係英文版先), 好多好多以前o既野都跟住同佢消失了...

9/4(二) -- 係上環收工去沙田美林打波; 開頭以為Nat會遲, 同Stanley hea搭182入去, 打左好耐機; 入到大圍同Nat食飯, 打8-10, 之後返企。

3. 好耐無打羽毛球, 第一次跟教練打, 之前都知自己姿勢錯, 由頭學過正確好累, 隻右手舉到勁累, 手腕又用唔慣力, 勁累(返到企隻右手勁累無力~~); 不過好好玩, 好想打羽毛球呀~~ 可惜太遠, 打埋呢個月都係唔join了。

10/4(三) -- 本來約左收工係KTMTR見一見Kenneth, 點知臨時要出site就唔到, 佢又突然約人早左, 所以cancel; 返企食飯。

4. 今日右手酸痛。

5. 頂唔住, 剪髮了, 爽。

11/4(四) -- 收工約左Kenneth係MKMTR見一下, 傾左陣計好開心, 仲有手信收; 之後過SSP同Bad-end人睇玩具之後佢女友來埋join食飯。(之後佢打來勁問我覺得佢女友個樣點, 完全係concern個樣, 仲講呢樣講果樣)

6. Bad-end人女友, 普通女仔一個, 講野性格各方面都好普通, 食左個飯都睇唔到有咩特別咁。

12/4(五)-- 做FS, OT到10點收工返企。

13/4(六) -- FS全日, 探GordonB同埋夜晚食飯cancel。九點九收工。

14/4(日) -- FS, 估唔到要攪到7點幾先收工, 最尾幫手跟車搬埋d野返MC6, 都唔係蝕好多, 近少少屋企; C係西貢出來, 同我係坑口食飯, 食冬蔭公公, 終於試埋個冬蔭公, 都幾好食。之後散。

6. 今日真係超累超眼訓, 最慘係被欽點星期一晚briefing要幫手...

來緊:

15/4(一) -- 被派去夜晚briefing幫手; 唯一一個踩晒三日後仲要OT的人
16/4(二) -- 太累, 羽毛球唔去了。
20/4(六) -- 同同事去QQ家
22/4(一) -- 去呀衛屋企探B兼慶祝Yo生日
27/4(六) -- 去Gordon家探B

完

四月七日 -- 雜記

2/4(二) -- 收工返企食飯。

3/4(三) -- 收工去MK同Nat同佢fnd食飯, 之後唱K, 1點島走; 佢 fnds都唱得OK呢~

4/4(四) -- 清明放假一天。同呀哥呀嫂詩源進Jason去科學館, 之後食金巴利街韓國野, 再上The One食yogurt後散。

1. 「清明時節雨，紛紛路上行，人欲斷魂。借問酒家，『何處有牧童？』遙指杏花村。」－近代研究發現，古詩《清明》寄托了作者的特殊情慾。 <--- p="">
5/4(五) -- 收工返企食飯。

6/4(六) -- 臨時攪屋企gathering, 唔太多人; GraceJason源C都係5點幾到, 係家玩card game到9點幾, 去坑口試冬蔭公公, 幾好食又唔太貴喎; 去到果時9點9(10點收), 間野比我地入埋去食, 可能有d趕, 我地叫左好多野, 佢就漏左冬蔭公(無入單), 由於一入去就已經即時last order, 所以無得食...(去冬蔭公公無試冬蔭公); 食完後10點幾, 本來想食HaganDaz但收左, 於是散。

7/4(日) -- 早上起身同爸媽去柴灣拜山, 好快攪完; 落到來, 呀爸返企食唔肯去街食, 我同媽去北角食濰京坊, 之後佢去gathering, 我自己返企hea同抖; 夜晚返企一家食飯。

2. 已經有好一段時間好少著大紅色o既衫, 唔知點解一著左都係好開心~~

來緊:
11/4(四) -- 約左Bad-end人食飯。
12-14/4 -- 好可能三日都要operation
13/4(六) -- 日頭去Gordon家探B, 夜晚同SannyAmy源去禾輋食飯。
20/4(六) -- 同同事去QQ家
22/4(一) -- 去呀衛屋企探B兼慶祝Yo生日

完

四月一日 -- 雜記

25/3(一) -- 收工返企食飯, 之後臨時約左KT去坑口食聰嫂。

26/3(二) -- 收工去寶林, meet一meet呀Grace; 去左彩豐行漫畫鋪廣良興奇趣食d野; 之後好早返到企。

1. 晚上聽到一個極為震驚o既消息......唉......

27/3(三) -- 收工同Cass係APM foodcourt食飯, 比返本台灣書佢, 順便同佢講下台北o既資料。之後去埋食糖水後散。

28/3(四) -- 收工過灣仔同C食飯, 之後行下CWB後散。

1. MP10紅門畢業~~

2. 出左加人工同B仔信, 今年比預期中好。

29/3(五) -- Easter假第一天; 好累, 係企休息一日。

30/3(六) -- Easter假第二天; 同呀馬同佢Singapore來o既朋友郊遊(詩馬Kathy擇茄FionaNat同佢2個fnd)。先係東涌meet然後上心經簡林大佛食齋再落大澳。係大澳好~~~大雨, 大家都濕晒不過我覺得係好特別o既經歷, 成班都癲左哈哈。之後無點行就走, 大家出到東涌各散。本來話大家返企再出來食野, 但最終都無出返來了。

31/3(日) -- Easter假第三天; 同詩娟Cass善文仲有佢地o既fnd Edmund(呀源OT join唔到) 1:30係佐敦唱K, Edmund走先, 我地唱到8點出來, 去左食金鳳之後去K11食雪糕, 傾到10點半島散(大家係度講幫民仔FF影相o既野, 好好笑)。返企睇左懷念哥哥演唱會, 好正。

1/4(一) -- Easter假第四天; 起身頭赤, 有d頭痛, 係家休息。夜晚係企食飯。

來緊:
4/4(四) -- 去科學館。
11/4(四) -- 約左Bad-end人食飯。
13/4(六) -- 日頭去Gordon家探B, 夜晚同SannyAmy源去禾輋食飯。
20/4(六) -- 同同事去QQ家

完

眼訓大魔王

勇者阿卡沙拉和他的同伴來到魔王聖殿之前。

幾經艱辛, 他們打敗了魔王手下不計其數的小妖; 打敗了分佈於世界七個角落的七元帥, 解開可以進入魔王之島的七個封印; 打敗了魔王城守衛的四條惡龍, 取得魔王城堡的四條門匙; 打敗魔王直轄手下三名魔戰將軍, 取得一分為三的魔王水晶, 進入魔王城的中心; 打敗魔王聖殿前的雙子門番, 用它們的身軀連結魔王聖殿。終於來到了魔王聖殿之中。魔王, 艾瑪沙拉哥洛斯, 就在聖殿上的寶座。

"艾瑪沙拉哥洛斯! 我們終於來到你的面前了! 十年前, 你殺了上代勇者, 消滅了夏占王國騎士團、消滅了國教神官團, 統領惡魔大軍使世界陷入了恐怖的黑暗時代! 可是你卻沒有殺了我 -- 上代勇者的兒子 -- 阿卡沙拉!! 現在我帶領我的伙伴來找你算帳啦!"

"勇者...魔王...只不過是一場互相消耗的遊戲...你們死了那麼多人, 用了那麼多藥草、神丹妙藥, 斷了不計其數的神兵利器、神盔寶甲, 把世界的那麼多珍貴資源都投放到殺我手下之上; 來到我的面前, 你們還有多少剩下來的? 大概跟我戰鬥完畢後, 都用得七七八八了吧?"

"我每天管理著數以萬計的手下, 要計劃怎樣調度他們去征服世界, 又要想派什麼樣的手下去把你殺死, 又要處理很多突發狀況; 低級惡魔雖然幾對服從, 但一點腦筋也沒有, 高級一點的又自把自為, 魯莽行事, 不僅使我的計劃洩了底, 還賠上了性命; 最忠心最強的手下卻又不是三頭六臂, 管理不了那麼多的麻煩事。"

"真的好煩、好雜亂。每天只是聽各方戰線的回報就花了我很多時間, 還要開戰略會議、說服手下們聽聽話話、自己又要勤修武藝魔法, 一點私人時間也沒有! 好累呀! 好眼訓呀!! 其實我很想睡覺, 不足夠的睡眠我會很累很辛苦很沒有精神的!! 我真的很想睡個飽!! 為什麼總要佔據我的休息時間呢?!"

"好啦!! 現在他們全都被你們打倒了!! 我不用煩了!! 你們讓我睡吧!!"

勇者們一頭霧水。不過這都不關他們的事, 他們只是要消滅大魔王。
一哄而上。
"光速裂破!!" "巨輪翻天斬!!" "聖光守護盾!!" "火龍風暴!!" "穿破烈彈!!" "暗影縛束箭!!" "....!!" etc
都是最強的秘奧義, 終極的絕招。

大魔王艾瑪沙拉哥洛斯很睏, 很想睡。
他揮一揮身上黑袍的長擺, 運起魔力, "黑之羽衣"把一切攻擊都無效化。
"shaumbanaralakungbittorrasha..."
他唸起咒語, 聖殿地上出現多個魔法陣。每個陣都泛起光芒, 突然極度光耀, 閃了一下。
一個個魔法陣中, 出現了魔王手下一個個之前被打敗的猛將。

"迎擊吧! 我忠實的手下, 我好想睡, 你們就讓我有時間好好的睡一覺吧..."
"狂強裂震鎚!!" "七重迴盪斬!!" "天魔覆滅!!" "煉獄血池!!" "風散冰輪破!!" "毒龍咒!!"...etc
魔王麾下猛將們使出看家本領迎擊。

"哼哼! 同一招數, 我們不會再中第二次了! 況且我們已經知道你們的弱點是什麼! 看招吧!"
"受死吧!! 惡魔!!"
轉瞬間, 魔王的手下死的死, 被消滅的消滅。

魔王沒有受傷, 魔力也沒有怎樣消耗過。勇者們雖然也沒受傷, 但要打敗他絕不容易。
說時遲那時快, 勇者阿卡沙拉正面突擊, 卻不使出他拿手的劍技。他詠唱了一個初級咒文 -- 催眠咒。
催眠咒, 在冒險初期是很有用的咒語。它可以使怪物沉睡幾個回合, 勇者們可以乘機幹掉妖怪。不過隨著怪物等級提昇, 大多已經對這些低級魔法免疫, 沒有效用了。即使是勇者的防具, 也大多有反彈這種低級魔法的功能。

對於大魔王來說, 這低級法術本來就是天生免疫的, 不過對現在的他來說, 卻是不可抗拒。心中患得患失, 欲拒還迎...就是那動念與不動念的一剎那之間, 催眠咒術正面擊中大魔王。睡魔急不及待的襲來, 又或者是大魔mg1急不及待的去侵襲睡魔?

"我終於可以...訓了...好...眼...訓...我真係好眼訓..."

完

後記: 呢篇同之前果篇魔王復活一d關係都無, 係今日好眼訓好眼訓好眼訓所以寫出來o既。

發財立品

之前一直都有個感想, 不過最近更加強烈。
就係"有錢o既人, 想點都得。"

不單止之前提過o既"法律只係保障有錢人", 連佢地o既名聲、以後o既歷史、記載都一樣係。
睇得多歷史, 我自己有時都會幾信d"野史"。
講真, d史官都係收皇帝o既錢, 鐵飯碗, 點會寫得佢自己個老闆衰? 每一代o既領導人都唔會寫衰自己, 連毛澤東呢d人渣都會被歌功頌德, 洗左中國人腦洗左咁多年。只不過現代科技發達, 好多野都唔同左, 先至會有返好多醜野揭露返公開返出來姐。

講返正題。
有錢人, 諸如香港首富李先生咁, 佢地大把錢, 手指尾"了"少少錢出來捐下, 係大陸做下慈善, 大把人就會講到佢幾好幾好。多年之後, 呢d野一直留係度, 鬧佢、話佢果d人、果d事只會慢慢被淡忘。講真, 幾多有錢佬做埋做埋唔少非法野, 唔見得光o既勾當, 搵得咁多錢, 得幾多人會話佢衰? 話左都未必有好多人信。但係佢地比返些少錢, 就會有大把唱好、講好、寫好佢地o既野出現。"好人""好形象"真係好易做。

點解呢期又會特別有感而發呢? 主要係見到facebook有好多人like同share周星星係大陸o既訪問, 仲有古仔被雜誌o既訪問。佢地可以直認佢地自己有咩不是, 可以講以前點誤入岐途, 不過而家已經同以前唔同左啦, 以前只係佢後生, 唔識諗。再加一d都唔知真定假o既事跡, 再加一d"低調"o既慈善活動, 再加上靚仔, 一半以上o既人就會like佢, 從此佢個名聲就會好好(或者好好多)。就算有人話佢以前點點點, d like o既人都會話佢以前姐, 而家唔係就得啦。

即係話, 以前點衰都好, 而家改過自新就得。但係倒返轉, 一個窮人、唔靚仔o既人, 坐過監, 出返來話改過自新, 又會唔會有人接受呢? Well, 只不過係有錢, 同埋識得PR而已。

人可以改過自身, 我信, 絕對相信。不過機會總是留給有錢的人。窮撚? 慳d啦。

完

未世魔王降臨記

數千年前, 恐怖的大魔王艾瑪沙拉哥洛斯肆虐人間。勇者與他的伙伴們幾經艱辛, 犧牲了不少人的性命, 經過了血與淚的洗禮, 打敗了大魔王, 終把他封印於神秘的光之大陸。這段事蹟經歷了數千年, 慢慢的變成傳說。隨著時代變遷, 科技的發達, 世上不再有人相信曾經有大魔王、魔法、勇者的存在, 一切的痕跡都煙沒在歷史和人們的記憶之中。可是, 這都是千真萬確的事, 而且經過了那麼久的時間, 封印的力量愈來愈弱, 大魔王將會重臨人間...

也爹是世界歷史的研究專家。他專門研究世界各地失傳的歷史和傳說, 對古代魔法世紀的事跡尤其有興趣。他在世界各地的遺跡、圖書館、書院、民間之中尋找了無數的文獻, 踏遍了險境絕地, 終於讓他找到了傳說中的光之大陸 -- 現今中國境內, 古稱"河南", 位於黃河河套一帶, 陝西省的某一角落之中。

跟據線索, 翻過了一個又一個高峰絕嶺, 來到了一個幽暗的谷底。也爹撥開有如人高的雜草, 仔細搜尋每一處角落。跟據古書記載及他的解讀: "月圓之夜, 明鏡之匙, 入於陰中, 門戶自開"。可是他對什麼明鏡、陰中、門的一點概念也沒有。今晚已是月圓之夜, 還是千年一遇的"紅月亮", 魔力泛濫, 正是最適合喚醒魔王之時。

也爹口中唸唸有詞: "我一定要成功! 自小起這就是我的夢想! 我要清洗世界! 稱霸世界! 我掌握了控制魔王的方法, 只要不完全解開封印, 我仍然可以操縱他的生死! 嘿嘿嘿...我要控制魔王, 然後控制這個世界!! 快點給我找到吧...明鏡之匙...明鏡之匙..."

直至半夜, 紅月亮昇至高高的天上, 一抹紅光從谷頂照入, 射到一塊很大的岩石上。也爹立時感到一定跟傳說有關。他清除那石上的污泥雜草, 石面竟然十分光滑, 雖不至於像鏡一樣, 但也已經足夠顯示出也爹的目的地 -- 石把紅月亮的月光反射到另一處, 只見是射向兩塊向外彎曲的石之間, 有如一道門拱。而門中間漆黑一片, 不知是什麼情況。

也爹極度興奮, 想也不想就直衝過去!! 裡面一定就是封印魔王之地!! 也爹跨步進去, 腳底一空, 竟然就一直跌了下去! 栽了一個跟頭, 跌落到一條很滑很斜的斜道, 身體不由自主的沿著斜道一直滾下去, 正滾得天昏地暗的時候, 突然眼前一亮, 一屁股坐倒於地上。

**********

只見他到了一處很大、很光明的地方, 感覺就像一個曾經有無數信眾的聖堂。雖然在地底, 卻不知為何很光明。這地方實在有太多值得研究的地方, 但現在解封魔王更重要。他徑直走向大堂一端的通道, 去探索這個地方, 尋找封印之地。

他經過了一道長廊, 有很多房間, 但驟眼看也不像是他的目的地。去到中段他卻不由自主地進入了其中一間房:他在門外已經見到裡邊透著非同凡響的光彩, 不禁走進去, 見到了令他非常驚訝的東西; 他走向一個個台座, 逐件欣賞: 這對是干將莫邪劍, 那柄是古日本須佐之男的草薙之劍, 還有很多不同地方傳說中的神兵利器, 盔甲盾牌, 似乎有很多傳說都是真的!

也爹無暇再把玩這些"傳奇", 他要找更傳奇的"傳奇" -- 魔王本人。他要把他解封, 控制他, 令自己可以稱霸世界, 有享不盡的榮華富貴, 甚至可以長生不老...這股強大的動力使他不辭勞苦, 終使他找到了這裡。他穿過了另一大堂, 走到了盡頭, 只見有一道畫了符咒的門。

他小心奕奕的碰了碰門, 竟然應聲而開! 只見裡面像是一個秘密的祭壇, 六條柱中間圍住了一個六角星的魔法陣, 柱之都有一道藍色電光通向中間聖壇的一個水晶球體。球體卻不是透明, 而是閃爍著奇異的光芒, 有時卻又像一片黑色雲霧, 混沌不定。水晶上貼著一道黃色符咒, 卻是中國傳統道教的符咒。

這就是封印魔王, 可以控制魔王的符咒! 到這時候也顧不得危險, 顧不得一切了, 也爹一手撕去符咒, "蓬"的一聲, 一股強大的氣牆把他直撞出去。只見那水晶球體發出猛烈的光線, 變幻不定, 六條柱的電光四處扭曲, 突然六條一起倒塌, 一道強烈的藍光暴閃! 電光消去, 周圍突然靜了下來。

只一剎那的寂靜, 那水晶球體從祭壇上昇起, 發射出猛烈的光線, 就這些光線已經讓人感到莫大的怨念與邪氣, 讓人變得瘋癲。水晶球體不斷自轉, 光線充斥著整個房間, 慢慢霧氣從水晶球體中散發出來, 那光線竟然照射出黑色的光線, 不同顏色的光閃爍不停, 讓整個氣氛變得更詭異。

霧中響起了異聲, 祭壇地上之處泛起了圓形魔法陣的光芒...一個人影出現。所有東西, 包括光、影、霧、電等等突然全部散去。一個"人"站在祭壇中央。應該說是一個"人"的身型、外貌的生物。此人容貌冷峻, 雙眼帶著跟常人不一樣的神釆。

"你...你就是魔...魔王...艾瑪沙拉哥洛斯嗎?"
"呼...終於...出來了...肚子很餓..."
"魔王! 你聽著! 是我放你出來的! 封印你的符咒就在我手上! 只要符在, 你就動不到我分毫, 而且我可以很簡單的再把你封印起來! 所以你要聽我的話!"
"你...!"
"嘿嘿嘿, 你只要攻擊我, 符咒會自動彈開你的一切攻擊! 你乖乖聽我話吧, 我要操控全世界! 我要錢! 我要女人! 我什麼都要! 哈哈哈哈哈哈!! 現在快帶我出去!"

魔王艾瑪沙拉哥洛斯知道暫時對這人類沒辦法, 反正他終於可以解開封印, 回來人世間; 此人的目的跟自己一樣, 都是要稱霸全世界; 以他魔王的無窮的力量, 只要當年的勇者們不在, 自是容易的事; 要即使受此人所制一段時間, 最終還是可以找機會殺掉他, 取回世界的控制權。

"喂喂!! 聽到嗎? 現在快點帶我離開這兒!! 快呀!!"

艾瑪沙拉哥洛斯也很快點離開這兒, 出去看看外面的世界; 他一手挾著也爹, 施展法術, 騰空而起, 快速飛起穿過各個大堂及那條深深的斜道, 直飛出地面!

**********

也爹記得他跌入去封印之地時, 身處一個幽暗的深谷, 現在竟然燈火通明! 事實上, 是被強光照射著! 只見他們被一堆軍事武器包圍著, 強烈的射光燈都集中照射在他們身上。

"也爹你聽著! 你的行動一早已經被國際間密切留意! 雖然世界各國政府認為神話傳說並不可信, 但你已經幹了不少下三濫的勾當, 引起我們的注意! 加上最近你發現的線索相當可疑, 我們現在已經以最高科技和火力包圍你了! 你乖乖的投降, 把魔王封印起來! 或許我們會輕判你一點!"

也爹想不到事情發展如此, 不過他身邊是貨真價實的大魔王, 他一點都不怕。
不過, 他還未下命令, 艾瑪沙拉哥洛斯已經先做一步 --
"哼, 你們這些小毛孩, 還未見識過本魔王的力量! zhrarrrkaaarabiiiiilas~~~!!"
幾道魔法之箭從他手中直射而出, 以瞬雷不及掩耳之勢直飛裝甲車!!

"砰砰砰!!!"
"什麼...竟然幾乎絲毫無損?! 這些是當年勇者之甲的材料嗎? 看來我要..."
"躂躂躂躂躂躂躂躂躂......"
艾瑪沙拉哥洛斯還未有時間唸唱更強勁的咒語, 一陣機槍已經掃射過來! 他極快的自然反應一下翻身, 再使出了絕對防禦護罩, 總算把子彈都擋了下來。
"好厲害的武器!"
轉頭見到也爹肚子中了一鎗。他故意稍延開護罩的時間, 借刀殺人。不過也爹雖痛, 但未中要害, 一時也不會死。
"砰!!!"
大炮轟擊。
絕對防禦竟然也擋得下來! 不過氣流及沙塵使他們都抵受不住, 坐倒在地。
"躂躂躂躂躂躂躂躂躂......""砰!!!""砰!!!""砰!!!""砰!!!"
敵人不停開火, 艾瑪沙拉哥洛斯只能防禦, 連還擊的機會也沒有。
他知道在這待下去只有死路一條, 施展法術騰空而起, 開著絕對防禦護罩快速逃離。
軍方直昇機在谷中起飛, 但已追不著他了。

他一直飛到一個市鎮邊沿, 落到一條河邊。只見有一縷縷的煙在鎮中昇起...
艾瑪沙拉哥洛斯想起古代數千年前的時代, 他的手下魔將四天王, 還有勇者們, 一切一切都是很久以前的事了...

也爹中了鎗, 很痛。"快點給我治療! 看我不把你再次封印!!"
"哼! 你封印了我, 也是死路一條, 還這麼大口氣!"
"我死了也要把你封印! 你就從此也再別想出來!!"

艾瑪沙拉哥洛斯不想理他, 想著剛才的激戰。
"想不到現在的武器這麼強勁! 幸好我的防禦護罩是無敵的!"
"魔法之矢打花了那裝甲一點兒, 不過我更厲害的魔法一定可以打穿它。高熱的炎魔焦熱炮它也一定抵擋不住。哼哼, 待我準備好我就要好好反擊!"

"喂! 你想不理我由得我死嗎? 你想得美! 你一點也不理解現今世界, 沒有我, 你什麼也辦不到! 不要以為剛才的攻擊是什麼, 更強更厲害的, 全世界各地也一樣有! 想不到你只有這丁點兒本事...哈哈哈...不過打不過軍隊, 你有能力潛入權力中心做暗殺、做要脅的勺當, 一樣可以控制到世界!"

艾瑪沙拉哥洛斯頭腦還很亂, 一時間接受不到這麼大的變化。他有點累, 有點渴, 於是走到河邊, 喝了一口水...

"喂..."也爹在遠處叫著。
艾瑪沙拉哥洛斯轉頭, 見他倒在地上, 血一直在流出, 雖未中要害, 但一直沒有好好處理, 血一直在流。也爹好像有點虛弱了。也爹手上拿著那道封印之符, 一直向著艾瑪沙拉哥洛斯走過去...
突然一陣風吹來, 也爹本以虛弱, 那陣風竟把符吹走了。

"嘿嘿嘿嘿嘿嘿!! 你沒有符了!! 你再也封印不到老子了!! 嘿嘿嘿!! 好肚餓呀...嘿嘿...嘿嘿嘿..."
魔王的身型慢慢變化, 變成了一個黑色的、很醜惡的怪物。
"不...不要! 啊!!"
魔王一口咬掉也爹的手臂。
"呀!!!!!~~~~~~"
"嗚...?!"

魔王突然現出痛苦狀, 慢慢的又變回人型。
"嗚...呀呀呀...嘔..."
艾瑪沙拉哥洛斯面色鐵青, 呼吸困難, 然後開始不停咳嗽, 甚至咳出血來。他覺得全身發熱, 好像被什麼侵襲了。

"嘿...嘿...嘿嘿..."也爹明白了, "你的身體適應不了現代啦...嘿嘿嘿..."
"現在的空氣充滿了你當時沒有的細菌, 充滿了廢氣; 河流也因為現代化和工廠極度污染; 我身體也藏著很多的病菌; 病菌、病毒經數千年的變化, 影響了你的免役系統, 你的身體跟本適應不了這一切的變化...嘿嘿嘿...你死定了..."

"嗚...哇呀呀呀..."艾瑪沙拉哥洛斯痛苦得說不出話, 慢慢的他變得無力, 倒下。他睜大了雙眼, 看著眼前的陌生景象; 他看到也爹倒在血泊中, 再也沒有動靜; 他看著藍天、白雲、灰煙、碧綠的河流, 這個陌生的世界, 想起他的伙伴, 以前快樂的時光, 跟勇者激烈的一戰...一切一切也變得很遙遠, 慢慢的, 也不再跟現世有任何關係了...他終於明白, 他已經被現世所遺棄, 他不在屬於現在, 只應屬於神話之中。

魔王的身體慢慢化為灰...飄散而去。世間沒有人知道這事, 也不關心曾經有否發生這件事。反正, 世界仍然不斷的運轉下去。

完

後記: 寫左好耐, 到最後貓頭蛇尾...

三月二十四日 -- 雜記

11/3(一) -- 收工返企食飯。

12/3(二) -- 收工入沙田同Nat食飯, 同佢傾下偈~ 9點幾散。

13/3(三) -- 出site早少少收工返企執野。

14-18/3 -- 全家台灣旅行。

19/3(二) -- 放多日假抖, 係企訓左半日; 日頭停水, 下午出左MK(好耐無試過係巴士食飯XD), 行下同買野, 之後返企食飯。落雨好麻煩呢~

20/3(三) -- 返工了; 收工返企食飯。

21/3(四) -- 同日安伉儷Penny呀儀係油塘大本營間和平飯店食飯; 原來係上海野, 都OK; 估唔到無啦啦請左我食飯補祝生日, 多謝晒; 份禮物好~~靚呀~~

22/3(五) -- 收工等左9個字van仲要塞車...7點3先到TW, 同姑姑呀進食米線, 八妹甩底; 好耐無去好好味, 9點半散。

23/3(六) -- 約埋呀馬民民同周天恩食早餐; 之後同呀馬行左牙MK, 過C度陪佢等師父來整電視, 之後去TST同SannyAmy食阿利水韓國野, 之後散。

24/3(日) -- 係家hea一日, 下午C係西貢出來, 煮飯同佢同哥嫂食飯。

1. 嚴重地唔夠訓, 開始對眼有d朦。

2. 要考慮o既係我。

來緊:
27/3(三) -- 同Cass食飯。
30/3(六) -- 同呀馬同佢Singapore來o既朋友郊遊。
6/4(六) -- 去科學館? 未firm。
13/4(六) -- 日頭去Gordon家探B, 夜晚同SannyAmy源去禾輋食飯。
20/4(六) -- 同同事去QQ家

完

三月十日 -- 雜記

4/3(一) -- 收工返企食飯。

5/3(二) -- 收工返企, 由於好少人返, 自己果邊又有d野係雪櫃未清, 於是自己係企煮左來食。

6/3(三) -- 收工一班URA舊同事一齊去mandy家探魚柳包(我好似玩隻狗多d XD), 係佢家食完飯(外賣s)hea到10點島散, 行返出TKW搭車返企。

7/3(四) -- 一日比一日眼訓同累; 出site早少少收工, 返企食飯。

8/3(五) -- FS OT竟然到10點半先收得工; 超累超眼訓...

9/3(六) -- 雖然好累好眼訓但係都9點幾醒左訓唔返...下午同C去左坑口寶林行同埋陪佢買野, 之後夜晚同埋呀哥呀嫂jason去左坑口大排檔食飯; 好多人, 叫左野都等幾耐, 仲要大家都覺得好似細碟左...

1. 睇左J2播o既三色貓真人版; 覺得拍得麻麻地...個男主角傻傻地都OK, 晴美唔多靚....劇情同鋪排麻麻, 隻貓貓好肥幾得意...但係點解要整個幻想出來o既貓貓真人版角色, 仲要係一蹶咁肥又醜樣o既大叔呀...

10/3(日) -- 又係一早醒...全日都好累頭好實; 係企打下機hea, 夜晚join係西貢出來的C, 去北角食野之後散。係北角試左間酸辣米線, 好味喎~~

2. 夜晚呀女Whatsapp我, 出左d問題...咁耐先提返出來? 有d難解決, 但又似乎唔係無得解決o既問題...

來緊:
14-18/3 -- 全家台灣旅行
23/3(六) -- 同CSannyAmy食飯

完

三月三日 -- 雜記

25/2(一) -- 收工meet一meet Lily, 再帶呀儀去屋企樓下跌打, 之後返企食飯。

1. 終於都剪左想剪好耐o既頭髮。

2. 過左十五, 拆利是; 今年收獲都幾豐富喎。

26/2(二) -- 之前果晚好早訓兼一覺訓天光, 但係全日都好累; 收工約左Cass(借台灣旅遊書)係九龍灣食齋之後行左下好早8點幾就散, 狀態麻麻早d返企抖好d~

3. 台灣之旅機票酒店呢2樣最critical野終於都攪掂; 麻煩到人但最終又用唔著, 真係唔好意思...我係用人不疑疑人不用o既人呢~

27/(三) -- 本來約左同PennyTracy食飯, 點知改完地點再改時間, 之後到5點幾再話改晏d, 太晏了又唔近家, 所以唔去再約過; 收工返企食飯。

4. 唔咩高興? 人人都有expectation, 唔符合期望就唔高興的話, 我一早就要唔高興好耐了。

28/2(四) -- 之前臨時約左呀健去拿部唱歌機, 本來話6點, 之後改做7點; 早少少收工係土瓜灣過海, 仲早, 所去去左誠品幫Kenneth買本書先, 之後再去清風街拿呀健個客部機, 本來以為一部細機仔, 點知好大部... 本來Kenneth話唔拿住, 但係突然話想拿, 於是抬住部機去天后地鐵站拿本書比佢, 再行差不多距離去搭巴士, 拿部機上C屋企。之後順便係佢家食埋飯先返企。

5. 今日上網睇左下有關台灣228事件o既資料, 同埋有關日本1990年核電廠事故o既野, 睇完心情久久不能平伏; 點解人唔可以簡簡單單隨心隨意舒服地過日子呢?

1/3(五) -- 新年果時呀強好難得無啦啦打來約食飯; 收工過MK meet呀強同呀威, 係麥花臣睇左陣波, 呀強去交收; 第一場睇果場波幾好睇, 雖然雙方都係呀叔但係好好波仲好走得~~ 之後呀強返來, 大家無idea, 就去女人街是但食一間, 好-3食完去In's Point行個圈, 佢2個都有買野, 之後9點島散。

2/3(六) -- 下午過左呀哥果邊, 一齊傾台灣行程同hea下, 夜晚我同呀嫂一人煮d, 一家人一齊食飯。

3/3(日) -- 下午同C去寶林同坑口睇佢要買o既o急同其他立雜野, 之後佢入西貢, 我返企食飯。

6. 如今四位中國領導最令外國記者頭痛的，是他們的姓。現任的兩位，一個是President
Who（胡主席），一個是Premier When（溫總理），一個是「誰」，一個是「何時」，外國記者讀得舌頭打轉。但那麼多年了，好不容易也習慣了。不料，這頭剛習慣了「Who」和「When」，接著來了兩個更拗口的，一個是President She（習主席），一個
是Secretary Her（賀國強書記），這一下，挑戰更大了。英語記者如果不把舌頭捋平了，簡直沒法報道新聞：「She said, I mean he said... She said Who told When... He said, oh
I mean Her said, oh yeah, I mean not her said, I mean he said... Oh, my God！」

來緊:
6/3(三) -- 探魚柳包團拜
11or12/3 -- dine wv B-E人
14-18/3 -- 全家台灣旅行

完

二月二十四日 -- 雜記

4/2(一) -- 收工返企食飯。

5/2(二) -- 收工先返企再出去新蒲崗同死黨們食生日飯; 同死黨們吹水時間好快就過, 10點島散。

6/2(三) -- 本來好早之前約左同小雲CSanny食飯, 不過因為有人唔太舒服同埋要OT關係cancel; 我本身都因為太多局要出, 想返企多d, 正好。收工返企食飯, 慶祝papa農曆生日。

7/2(四) -- 本來約左同日安珊姐etc舊友舊同事食飯, 不過日安同佢老公盧撈因為屋企有事所以唔來, 其餘照舊(珊CarolMandyAmandaYolanda衛)(可惜最熟o既來唔到); 收工返企先再去九龍灣打邊爐, 到10點幾走。

8/2(五) -- 一日比2個八婆攪到唔高興; 出site早收工返企食團年飯。

9/2(六) -- 早上起身去睇早場古靈精怪大酒店, expected地幾好睇, 幾好笑; 之後同呀哥呀嫂飲茶, 飲完茶去筲箕灣同C去佢婆婆屋企, 坐左成個晏晝到夜晚佢其他親人來食團年飯, 之後散送佢返去再返企。車經過維園見到好~~~~多人, 又塞塞地, 好得人驚。

1. 今年12點前返唔到企, 係街過添; 又唔可以打slam過新年...

10/2(日) -- 大年初一; 由於今年唔使拜年, 呀媽又返左鄉下, 所以好得閒無野做; 下午Jason同佢fnd來, 同佢地同呀哥呀嫂一齊係呀哥家玩下game, 夜晚返企食飯。

2. 呢幾日都訓得唔多好, 早一晚竟然發左個夢, 見到個好耐無見o既人, 好得人驚...

3. 喪強竟然主動打來搵我, 仲約食飯添; 好耐無見啦~~~

11/2(一) -- 大年初二; 一早睇早場之後累累地下午都係係家hea, 晚上同呀哥慶生(佢今日農曆天日西曆), 係寶林食飯; 之後臨時約左grace係坑口食糖水, 新年流流無咩做約下街坊好友出來見下真舒適~

4. 西遊降魔錄 -- 比起長江七號好睇, 不過成套仍然(亦都當然)係星爺o既影子; 全場都唔會悶又幾好睇o既, 要笑位有笑位要打有打要演技有演技要特技都有唔錯特技; 不過自己稍嫌佢樣樣都有d唔湯唔水, 最緊要係佢講"大愛", "悟道", 星爺有好多諗頭, 又好似好多野睇得開咁, 但係其實個感覺有d堆砌同埋好"做出來", 唔得真係好"悟"o既感覺(我覺得佢本人都係咁); 網上有好多評論我都唔使講咁多了; 總的來講我又覺得OK, 值得一睇o既~~

12/2(二) -- 大年初三; 十幾年o既傳統初三賀歲波! 雖然打得麻麻地, 同埋超級就住, 但都好開心, 輸波多但都有贏呢~~ 由於打得晏, 所以無join中名lunch, 沖完涼過Jordon同好友K腳們唱K(C源Cass娟進SinMan)。夜晚去TST Tomo食飯, 都係無咩人, 真係驚會執呢。食完去K11諗住食炒雪糕點知o岩o岩10點關門, 唔轉場散了。

13/2(三) -- 大年初四; 早上臨時約左K14食lunch, 之後同C去家昇屋企團拜+探佢第二個B(仲有好多熟o既中同), 到夜晚同民FFBen一家Norman係Hollywood食埋飯散。

14/2(四) -- 早收工返企煮飯食完早攪掂, 好累。

15/2(五) -- 同Grace食我o既生日飯; 約左去MK, 行下女人街有咩好食, 而家有好多日本野, 同埋好多鋪都轉左了; 食左間之前Grace係Openrice睇到o既西餐, 普普通通; 之後行左信和瓊華(就來執)皆旺(好耐無行過), MK難得少人, 行完後散。

5. 覺得自己超低能, 雖然係因為好累同趕, 但係自己都好唔開心。

16/2(六) -- 河背士多啤梨團(AngelK14皇帝PrisSannyC); 一早去到TW食少少野搭車入去行(等左好耐車), 農場竟然無開, 好彩有食少少野(不過行完都好餓), 行到尾上去斜路, 第一次去青協個有機農場, ok喎; 參觀下同摘左士多啤梨, 之後出返元朗(皇帝同Pris走先), 去左酒泉食野, 好肚餓食左好多野好滿足, 之後散水, 同C行左下元朗後走, 行到好累呢。

6. 是日行同企左差不多成日, 條腰開始有d痛。

17/2(日) -- 上中午係家hea, 下午去C屋企拜年, 之後夜晚同佢家族去食開年飯, 之後佢細佬車我返企。

18/2(一) -- C生日; 大家都想訓晏少少唔咁早出來, 本來想去珀麗灣馬灣果頭, 不過應該有d趕, 所以轉左plan; 下午到CWB接埋C, 一齊去土瓜灣食lunch(Queenie隻case XD), 之後行九龍寨城公園(途中係九龍城廣場行左陣), 之後搭巴士去觀塘(11D總站), 行埋海濱公園, o岩o岩夠鐘去食buffet; 間buffet普通啦, 食完之後送佢返去後散。

7. 百彈齋主, 網上見到呢個名幾好喎。

19/2(二) -- 本來同Sanny佢地一齊食C生日飯, 不過連日行, 條腰有d痛, 是日睇左樓下跌打, 收工返企自己煮野食睇下電視, 休息打野同執野。

20/2(三) -- 收工去沙田meet呀Nat, 同佢係Ikea坐低傾左陣偈, 好耐無見呢~~ 之後散同LD舊同事係博康打邊邊, 慶祝我生日, 到幾晏10點幾先散。

21/2(四) -- 放假返鄉下; 行程唔係度打了~

22/2(五) -- 放假返鄉下; 行程唔係度打了~

23/2(六) -- 放假返鄉下; 行程唔係度打了~ 本來應該呢日返, 但係竟然班機取消, 要我地搭6點架機, 好明顯係2班機都唔多人合拼, 但係佢竟然等人登晒機入晒閘, 要上機先臨時通知取消, 勁cheap咯; 我反正星期日無野做, 就同佢講改星期日先返, 仲好。

24/2(日) -- 放假返鄉下; 行程唔係度打了~ 終於都返左HK, 好累~~


來緊:
28/2(四) -- 同PennyTracy食飯
1/3(五) -- 強飯
6/3(三) -- 探魚柳包團拜
完

碎紙

碎紙

站在碎紙機前, 幾張、幾張的紙放進那個窄窄的、長長的口, 然後看著紙被慢慢的被捲進去, 消失不見。積存了幾年份的廢紙, 幾乎用了一整個上午去整理和碎掉。

人生總有很多東西是慢慢累積起來的, 累積起來的東西很難可以清除, 總是揮之不去、卻又懶得整理。要整理就得徹徹底底的整理, 要花很多時間, 因此愈積愈多, 愈多愈不想整理。

然而, 過往的傷痛和經歷, 可否像碎紙機碎紙一樣, 把心中雜七雜八的疤痕都絡碎掉磨滅殆盡呢?

善忘

為了生存, 為了快樂, "人類"的其中一個特質, 就是善忘。
人從小到大, 一定會發生很多不快樂的事情, 如果人們不善忘的話, 大概會一直活得很不開心直到死為止。

善忘有好處也有壞處。
好處是, 很容易忘記不開心的事, 不用痛苦地繼續生存下去, 不會為不快的回憶纏繞。
壞處是, 很容易忘情, 忘記好的感覺, 忘記開心的時候, 忘記承諾, 變得薄情。

善忘的人很可怕。不過人都是善忘的。
大概只有一些不正常的人才會一直記著過去, 累積著疤痕, 痛苦地生活下去吧?
但願身邊的好友們都是善忘的人, 快樂的生活下去。

完

二月三日 -- 雜記

28/1(一) -- 收工返企之後出返TST同白田同事Gathering; 果間Tomo又少人又好坐味道唔錯又唔太貴, OK喎; 之後去左之前Kenneth帶去o既K11 Hobby Brown食炒雪糕, 食完返企。

29/1(二) -- 收工同AngelKT食飯; 去左諾士佛臺食泰國野, 幾好味; 之後再去The One食Yogurt後散。

30/1(三) -- 本人生日放假一天; 訓到中午先起身, 全日都好累; 中午煮左個麵食, 之後出左去同C行下後, 係CWB食飯, 間野都幾貴唔係叫左好多野不過好飽, 之後去左Hysan行下, 試飲埋913奶茶, 茶味濃o岩晒我, 好飲, 之後散水返企。

31/1(四) -- 清假放假一天; 係屋企hea到盡, 晚上返企食飯。

1. 終於一剪d頭髮, 爽。

1/2(五) -- 收工返企再出去九龍城同姑姑小翠進進C食姑姑同我o既生日飯。間泰國野幾好味~~~

2/2(六) -- 起身去荃灣join埋八婆一家仲有進進C一齊入屯門黃金海岸食buffet, 慶祝葉魔一號生日; 食完入青衣兜埋呀娟一齊去公園玩, 玩完一輪返八婆家坐, 到6點散; 返去同呀哥呀嫂食飯。

3/2(日) -- 無打波無野做, 夜晚返企食飯。

2. 唔知點解今日感覺好唔良好, 心緒不寧, 又唔知咩事。

來緊:
5/2(二) -- 同死黨食飯
6/2(三) -- 同小雲食飯
7/2(四) -- 同日安珊姐etc舊友食飯
8/2(五) -- 團年飯
9/2(六) -- 團年飯2

完

一月二十七日 -- 雜記

21/1(一) -- 一起身個背好緊同有d痛, 於是去睇醫生後先返工; 難得約到Kenneth, 收工去MK佢陪我行左陣同買左d野, 之後食飯傾偈再轉場去M記, 傾到11點幾先走; 同佢傾左好多野同埋聽佢講左好多佢o既野, 其實佢都真係幾辛苦呢~~ 希望之後會好d同開心啦~~

22/1(二) -- 早收工返企先, 沖完涼好累頂唔住訓左陣, 夜晚出返TST同AmySanny食飯(C唔舒服無出來); 阿利水韓國料理, 有幾多平時去食韓國野無o既菜色, 幾特別, 同埋都幾好食; 食完之後去The One食Yogurt之後散。

23/1(三) -- 收工返企食飯; 本來諗住平常返企, 點知呀姨姨丈表弟...etc一堆親戚來左, 一齊去酒樓食飯, 食完返企。

24/1(四) -- 呀文同綺綺仲有個佢地朋友來HK, 臨時約左Cass同娟去耀東街強記食大排檔, 再去綠林食甜品, 之後散。

25/1(五) -- 收工返企之後出返TST, 同C同綺綺食飯(呀文同另一個fnd無join); 之後同佢去左尖東海旁行個圈之後散返企。

26/1(六) -- 早上同呀哥呀嫂睇11點幾o既早場, 之後4個人食晏後一齊上天晉幫姨丈收樓, 個人覺得個樓都OK啦; 之後一齊去寶林行下街買野, 之後過坑口村食晚飯。

1. 格林雙雄獵巫世紀: 又係唔多使用腦順住劇情睇, 又唔使諗合唔合理o既戲; 由頭到尾都隔一段時間有d打同精彩鏡頭, d箭弩槍令我諗起D4 Demon Hunter, 幾正; 基本上睇完唔會失望o既; 套戲3D都枕住有, 算係幾多; 男女主角都幾型; 最值得我自己appreciate o既係入面出左好多女巫, even有好多只係最後一幕出, 出得好少又係咖哩啡, 但係每一個造型都好突出好有心機, 我覺得好正; 特技各方面我覺得都好好; 有時睇戲又真係唔使太執著要/唔要d咩o既~~

27/1(日) -- 上星期打到腰痛, 今個星期休息; 中午同呀哥呀嫂食完晏後一齊入西貢C細佬屋企玩狗仔; 之後出返來呀嫂返學, 我地3個食埋晚飯後散。

來緊:
28/1(一) -- 白田Gathering
29/1(二) -- KT Angel飯
30/1(三) -- 本人生日放假一天
31/1(四) -- 放假一天
1/2(五) -- 姑姑生日飯
2/2(六) -- 葉魔生日Gathering
7/2(四) -- 同日安珊姐etc舊友食飯
8/2(五) -- 團年飯
9/2(六) -- 團年飯2

完

一月二十日 -- 雜記

14/1(一) -- 收工返企食飯。

1. 可能做足熱身運動, 可能之前已經有打過下波, 今日竟然無咩周身酸痛喎~~

15/1(二) -- 收工同CYeeSannyAmy去紅磡食串燒, 好味道, 之後去食埋甜品(芝麻綠豆)後散。

16/1(三) -- 收工返企食飯。

17/1(四) -- 收工唱K farewell隔離部門Queenie(華哥, 細Nat, Joyce, Sunny, Cabby, 新秘書, Queenie); Sophia同Terence唔來, 好可惜呢, 本來terence話會帶多個人來~~ 有好幾個人都唔熟, 平時都無咩機會接觸所以無2句, 不過唱左次K會好d呢~ 新o既秘書Natalie Lau幾靚講野幾有氣質, 有d似再大年紀d的高圓圓呢; 原來係呢個年齡group, 有人唱twins係可以炒熱個氣氛的, 同埋當然都係細Nat唱騎呢歌多啦~ 另外, 佢地不斷咁談論明哥, 講講下仲同楊生比較添~~ 由於大部分人已有家室同埋住得遠, 所以10點散。

18/1(五) -- Puzzle唔記得左原來唔得閒, 所以白田gathering取消。收工過灣仔, 之後同C去CWB時代睇開倉, 好彩都唔多人, 之後去左Hysan行68, 再去誠品試個珍珠奶茶幾好飲, 再上foodcourt食飯, 之後返企。

19/1(六) -- 夜晚同C去上水同姑姑小翠呀進食講左成年o既永發雞煲; 真係唔該晒賢賢呀, 佢因為唔舒服唔join, 但係因為姑姑小翠都遲到, 所以佢來接我地先帶我地去仲陪我地坐左一陣; 個雞煲唔係麻辣, 係配左紅棗紀子淮山等等o既醉雞煲; d雞都大碟同新鮮, 邊邊配料就雲吞同長蟹柳都好味; 食完因為遠所以都早散了。

20/1(日) -- 早上去左打波, 今日射順d, 不過打左一輪開始有d痛, 之後就抖2場打1場咁, 唔敢太搏, 之後全日都有少少痛; 下午Penny同TracyAlan來我家, 煮飯食, 歡迎Penny返HK, 同佢洗塵; 食完飯之後去聰嫂食完甜品散。

來緊:
22/1(二) -- 同CAmySanny食飯
24/1(四) -- 呀文同綺綺來HK, 約左呢晚帶佢地食飯
25/1(五) -- 每年一度同姑姑食生日飯

完

一月十三日 -- 雜記

7/1(一) -- 收工返企食飯; 好累又眼訓~~ 星期日打完波今日成身酸痛~~

8/1(二) -- 收工返企食飯, 之後同呀媽去左行超市。

9/1(三) -- 收工返企食飯, 之後同呀哥呀嫂去左行超市。

1. 今日八達通無啦啦壞左, 要買過張新o既之餘, 果2張貼紙亦同時宣告報廢...

10/1(四) -- 收工同LilyTango去左北角街市上面新o既雞煲食; d配料好OK喎~~

2. 問左Tango佢d野, 估唔到呢~

11/1(五) --收工返TKO食飯。

3. 當公司有個麻煩Manager同埋有對麻煩八婆夫婦客o既時候, 加埋係極度煩人。星期一又要同佢地對戰了......

12/1(六) -- 中午過荃灣同C同八婆一家食晏, 之後一齊去青衣個公園玩, 同小朋友踩單車同打波; 同Ivan打左陣籃球, 難得2個人霸一個籃, 練返下射波, 感覺比上星期好返好多呢; 同埋由於腰無痛, 感覺上跳起都無偏埋一邊(?唔知有無呢); 之後返返佢地屋企坐左陣後散, 返屋企食飯。

4. 屋企樓下Market Place開左, 好細間; 另外見到就來有恆生, 最開心係呢樣野, 第日可能可以係樓下拿錢; 果然係多d有錢人o既地方好d...

5. 早排聽到Crystal消息, 今日佢再send message來, 告知身體情況唔太差, 咁都好d; 希望佢快d好返啦~

6. 朋友send左條link來, 睇左"一路向西"。我覺得係一套幾得意o既戲; 如果講正, 就係睇原著果篇短篇小說正d, 因為短、精警、又會多好多幻想; 不過要拍成戲當然要一定程度o既改編, 都算係改得ok正正路路啦, 精警對白當然係留返晒, 而呢套片係三級片, 所以都有好多性愛鏡頭, 仲有好幾場添~ 估唔到出o既幾個女角原來都會有呢d鏡頭呢~ 本來以為剩係得果個妓女有; 都幾好笑, 前文後理都幾通, 最值得睇o既可以睇到好多係我地(起碼我o既圈子)唔會睇到o既野 i.e.北上果d邪骨、金魚缸、揀女、召妓、d妓女o既招數...等等o既野, 算係大開眼界(上網睇人講話成套戲出現o既場面人物感想等等都好真實), 所以我覺得都值得睇下; 最後, 果首"傾城"配搭埋個劇情用得唔錯呢~~

13/1(日) -- 早上去打波, 今日打得好少少, 同埋好似無上星期咁累; 下午返企休息, 夜晚出返去寶林同C食飯, 試左間新意粉都OK。之後行左下商場, 買左d衫後返企。

來緊:
15/1(二) -- 串燒wv CAmySannyYee
17/1(四) -- K wv Wacoal etc
18/1(五) -- 白田gathering
19/1(六) -- 雞煲wv姑姑小翠s@上水永發雞煲
20/1(日) -- Penny洗塵宴
24/1(四) -- 呀文同綺綺來HK, 約左呢晚帶佢地食飯

完

一月六日 -- 雜記

2/1(三) -- 臨時約收工同八妹去MK, 佢陪我行下同食飯; 去左In's Point信和同星際, 大致上睇左要買d咩; 係朗豪坊foodcourt食果間韓國野, 唔貴又幾好食喎~ 9點半島散。

3/1(四) -- 一起身唔對路, 頭痛+全身手軟腳軟仲有個胸腔成個有d痛, 唔知咩事; 病假一天, 係企訓到中午起身整左好清淡o既烏冬食; 今日明明話暖左17-8度但係全日都覺得好凍, 咩都無做呆下呆下過埋個下午, 夜晚過去同呀爸食飯。

4/1(五) -- 201314, 收工過灣仔同C食意粉屋芝士火鍋; 之後咁o岩佢細佬爸媽係灣仔, 痴佢車返佢屋企, 佢細佬再車我返TKO; 我地去到架車果時, 見到有人抄牌就抄到佢架車, 即時叫佢來, 好好彩呀~~下一架抄到啦~~

5/1(六) -- 係家hea到2點出去葵芳同C行葵涌廣場, 之後入大埔Helen家作客, 又食佢一餐好味住家菜, 到11點半先走。

1. 今年要嚴厲執行o既目標係小心飲食同埋勤做運動。

6/1(日) -- 一早起身打波, 大半年無打波啦~~~~ 估唔到都唔會走唔郁, 不過射極唔入咯~~~ 打到中午同佢地食埋飯之後同民仔返我家打機; 夜晚民仔返企, 呀C係西貢出來同我同呀哥一齊去坑口食晚飯, 之後行左下UNIQLO後散。

2. 太耐無打波(超過大半年), 一打完o既當然後遺症就係 -- 未到第二日已經開始周身酸痛了, 要keep住多d打, 第日就唔會啦~~~

來緊:
15/1(二) -- 串燒wv CAmySannyYee
17/1(四) -- K wv Wacoal etc
19/1(六) -- 雞煲wv姑姑小翠s@上水永發雞煲
24/1(四) -- 呀文同綺綺來HK, 約左呢晚帶佢地食飯

完

一月一日 -- 雜記

24/12(一) -- 平安夜; 早收工同Raymond呀強Ida係樓下大快活打左陣機, 之後返坑口TKO各處買野食, 準備夜晚大食會。平安夜都係係家中平安渡過好d呢~~ 好早就食完飯攪掂晒唔使太夜訓~~

25/12(二) -- 每年例牌聖誕BBQ; 今次約左19個人, 竟然超過一半人數有10個人放飛機(得3個係早一日通知) XDD; B到7點幾走, 5個人係荃灣唱K, 唱到11點9散。

1. 唱K真係好講feel, 無feel時真係唔多想唱, 唱都無咩感覺。

2. 今年買得好少禮物, 好多好友都無份啦~~ 只係得少數咁o岩買得o岩同埋話左交換禮物o既朋友會有; 祝大家聖誕快樂~

26/12(三) -- 好累, 竟然訓左一日, 早上醒左又攤下訓下, 起身食完野hea左陣又訓, 訓到6點先再起身 @@""

3. 積壓住o既情緒忍唔住爆發, 喊左。

27/12(四) -- 民仔生日快樂~ 收工返企同呀爸食飯。

4. 今早一早比個死八婆客打電話來搞到勁無mood！胡吼~~~~~

28/12(五) -- 收工過灣仔食飯。而家d玩具好貴呀; 本來想食好d不過最終都係是但食。

29/12(六) -- 訓到好晏先起身, hea過左個下午好晏先入西貢探狗狗, 食埋晚飯先出返TKO, 好凍。

30/12(日) -- 家昇生日快樂~ 早場睇"無敵破壞王"; 之後係屋企hea到夜晚過去食飯。

5. 無敵破壞王 -- 一貫Disney作風有笑位有感動位有奸角有起承轉合Happy End; 可惜係佢出左好多其他game人物但係用得好少, 玩得唔夠盡呢~~仲有, 蘇聯佬並唔係歹角來架~~~

6. 總算係2012年完之前完成左果3隻Legend BB, 好靚呀~~

31/12(一) -- 出site有得早收d工, 返企同一大班fnd開倒數home gathering~ 12點9島已經散晒, 大家都唔年輕, 唔會玩得好晏了~ 不過執野再沖涼都好晏了。

1/1(二) -- 新的一年; 起身去i-Square 10/F"南海一號"同中學同學食飯; 之後同擇茄2個人去灣仔同佢行左下太原街同188, 佢買左PS3手制, 之後上北角佢家打機; 佢搬左咁耐第一次上佢家呢~ 估唔到佢媽同細妹都係度, 以為無人; 打機到7點幾之後返企食飯。

7. 人人都有自己o既一套生活方式、習慣同埋理念, 我唔會要求去好大地改變另一個人, 點解世上有好多人都好鍾意改變人呢?

來緊:
5/1(六) -- 去Helen家作客
24/1(四)  -- 呀文同綺綺來HK, 約左呢晚帶佢地食飯

完

十二月二十三日 -- 雜記

17/12(一) -- 收工返去買定第日要o既飲品雞翼同醬汁, 之後返企食飯, 食完飯整定d雞翼, 到咁上下Grace打來o岩o岩係TKO做完facial, 一齊去食糖水(下午約左), 之後返企。

18/12(二) -- 收工同一班舊同事(日安盧撈何敏呀儀Carol珊姐呀黃呀衛)係我家開X'mas Party, 飲飲食食同抽獎吹下水講下衰野咁, 到10點半島散。

19/12(三) -- 收工返企再出返去北角Ibis個酒店餐廳同白田同事食飯(PuzzleManWing俠士軒軒); Initiate個飯局o既Spenser又放飛機, 佢叫o既Grace都唔來了; 食到9點半島散。

1. 呢幾日愈來愈凍, 訓覺起身時好唔想出個被竇返工呀~~~

20/12(四) -- 早收工, 行左下MK, 同KTPD同事食雞煲; 本來想去66雞煲, full左, 去左天機棧雞煲(普通啦); 10點半島散。

2. 果套SD Next特別版boxset太~~~貴了...

3. 天日真係世界未日?

4. 個個係度話世界未日, 不如每一日都當係世界未日前夕, 好好地珍惜每一分每一秒同埋身邊o既每一人每一物吧。

21/12(五) -- 公司要有人留, 所以正常6點收工, 所以無煮野食; 收工返企食飯做冬, 呀爸呀媽呀嫂佢地煮。

5. 呢幾日都訓得麻麻地, 日日都好早醒, 好眼訓; 星期一買野時咩住好多野, 加上上星期開始連日行, 所以條腰有d痛...

22/12(六) -- Hea爆到夜晚去臨時叫人博康同呀哥呀嫂呀源Jason呀C打邊邊。

23/12(日) -- Hea爆到下午過左呀哥度一陣, 之後上FF家食飯同Benson玩(我C民仔FF茄), 之後落佢樓下食埋甜品走。

6. 民仔婚期已訂了~~恭喜恭喜~~

來緊:
24/12(一) -- 平安夜
25/12(二) -- 每年例牌BBQ
31/12(一) -- 倒數home gathering
24/1(四)  -- 呀文同綺綺來HK, 約左呢晚帶佢地食飯

完

十二月十六日 -- 雜記

10/12(一) -- 收工返企食飯, 今晚好齊人呀~~

11/12(二) -- 收工過坑口村同Grace食飯, 又試多間野; 今次呢間勝在平同抵食, 但就無上次果間咁好食。食完行左下東港城同埋新都城之後散。

12/12(三) -- 日安收工來KT接我收工XD; 一齊過去鬆弛熊館拿之前幫Penny訂左o既聖誕特別版熊仔, 之後去油塘meet埋盧撈行"大本營", 今次係開幕之後第一次行, d鋪頭開到7788了; 行左個圈(仲有導遊(定伴遊呢XDD))之後佢地返去食飯, 我都返企食飯。

1. 之前果晚一路訓下醒下咁, 唔知咩事, 好辛苦呢~~

2. 是日早餐食之前果晚剩o既pizza蝦餅春卷, 晚餐就食剩落好~~~多o既ribs, 果餐晚餐真抵食~

13/12(四) -- 收工過MK, 自己行左下In's Point同信和, 之後等到8點Tracy到, 同佢去天機棧食飯; 搬左之後第一次去, 大間左好多同埋無咁逼, 不過就好暗, 都幾好坐; menu同價錢就同以前差不多, 都OK抵食o既; 到9點半島就走。

3. 好開心好耐無同Tracy同學食飯見面傾偈啦~~ 仍然都係好好傾o既好友, 佢仲搵左我如果佢結婚要攸佢姊妹添, 難得一次真係要做下呀哈哈哈~~~

4. 今日係公司怒清理個位, 將好多萬年未file o既野同埋未碎o既紙攪掂晒~~

14/12(五) -- 收工過澳門探舅父, 飲飲食食過左2日。

15/12(六) -- 澳門一日遊; 以前去咁多次都無點玩過, 今次真係正正式式咁去左好多應該去o既地方遊覽呢~ 晚上參加呀媽果個巨型同鄉會聚會, 11點船返來。

5. 參加左一次"有錢佬活動", 充分地感受到有錢人同平常人mindset係唔同, 同埋d錢真係唔係錢來的; 另外, 亦都見到人鍾意被稱讚同自我膨脹o既一面。

6. 係威尼斯人好似有明星o既大型宴會, 好多記者, 仲有紅carpet, 入去時見到徐子珊, 真人幾靚; 返HK時係碼頭極近距離見到蔡一智(先見到林珊珊), 佢仲對我笑添~ 同一班船返HK(應該都係出席同一個場合?)。

16/12(日) -- 好累好眼訓, 同中午去睇公司電影"哈比人"(遲左少少入場); 由於坐得偏前, 又3D又有時鏡頭搖又唔夠訓, 睇到好暈; 睇完同日安盧撈Vincent同Vincent女友一齊去蘭芳園食野(起身無食過野), 之後散水; 夜晚返企食飯。噴左少少模型金色, 砌左隻BB。

7. 哈比人: 套戲來講其實唔算係拍得好好睇, 因為係第一部o既關係都係交代下個background人物等等, 出返好多LOTR的人物, 明顯都係有d fans向o既; 劇情都係老掉牙, d驚險位動作位都係expected; 3D來講都算係咁, 好過好多3D戲; 最正當然都係可以係大銀幕見到果類世界o既場面啦~ 對於我呢d有份玩最早期board game RPG的玩家來講, 可以係銀幕重現到咁多野, 自己又清楚好多果個世界觀d野, 一定會加好多分。以戲論戲就普普通通啦~~

8. 今年聖誕唔會好似以前咁買咁多禮物啦, 少行街, 又無咩睇得o岩~~

來緊:
17/12(一) -- 收工返企食飯
18/12(二) -- 好友X'mas Party@我家
19/12(三) -- 白田Gathering
20/12(四) -- 同同事未日雞煲
21/12(五) -- 屋企做冬; 世界未日??
24/1(四)  -- 呀文同綺綺來HK, 約左呢晚帶佢地食飯

完

十二月九日 -- 雜記

3/12(一) -- 收工返企食飯。

1. 最近好鍾意呢個term: 邊際報酬遞減定律。

2. 偶爾夜晚望到幾次J2的節目"音樂工房"; 其實個形式係唔錯, 可惜只係TVB自己班人係度玩(當然我估TVB都會想多d其他歌手, 但係TVB同咁多唱片公司關係唔好, 人地唔來玩), 次次睇親都係關埋門一班友自己係度jam歌或者唱歌, 邊班? 十次有九次都係"巨星幫"...真係唔多掂...

4/12(二) -- 收工返企煮飯食; 呀媽終於都返屋企食飯了~~

3. 呢幾日見到果個鐵達時廣告, 好多人都post上fb, 個人認為係一個"唔得"o既廣告。點解? 因為太出、太陳腔濫調, 個所謂轉折位一d都唔轉折; 無疑件"事"係浪漫(老果對Ok, 後生果對真係唔知咩事又無病呻吟), 但係編劇可以話幾乎等於無編過, 亦拍得唔感人, 個導演好唔掂; 片中角色唔係好做到要拍o既感覺出來, 已經係講緊Full Version 4分幾鐘果個都唔得...講真我覺得個廣告真係麻麻地咯...

4. 之前買落d料, 試整香茅豬扒成功~~

5/12(三) -- 收工返企再出Megabox同美麗Tango呀康唱K, 本來想同Lily食生日飯, 點知佢話想唱K發洩, 於是先叫埋呀康多d人, 結果唱完都無請佢; 過左11點半走。

5. 之前同Tango美麗唱K時都係好多人, 佢地都係玩多, Tango不嬲都唔太好唱K。不過今次得4個人, 大家都OK唱得多喎; 仲有難得有多d機會同埋正正經經聽到佢地唱, 其實如果佢地認真唱都唔太差呢。

6. 今日唱K發現之一係有連詩雅o既歌, 當然包括"到此為止"。

6/12(四) -- 收工返企食飯。

7/12(五) -- 收工同Raymond行過去九龍灣行下, 買左漫畫, 之後同佢散, 我過CWB同CSannyEvaLucy食HiPot, 之後散水返企。

7. 之前DMC爆粗Band友個作者, 完左DMC之後又出新作"戇救世主", 本來以為唔會好好睇, 江郎才盡, 點知上網見人話OK, 於是買左第一本來睇; 好睇喎~ 有返DMC第一期個驚喜度, 好笑得來又有d point; 當然同DMC一樣值得一讚o既係, 個HK翻譯啦, 仍然係好啜核好地道, 好鬼正~~ 好可能會繼續睇落去啦~~

8/12(六) -- 中午係Popcorn土司工房同CSannyJason食飯, 之後呀娟SamEstherJessica到, 佢地坐一陣, 我地4個就去訂定pizza同其他野食, 再join埋去拿蛋糕同買野飲後上企; 玩card game board game到咁上下呀馬同Kathy都來埋, 之後到7點幾呀源同民仔都到, 出去買壽司同拿pizza, 8點島呀哥呀嫂來埋, 一齊食同埋補祝呀源生日, 食完野再玩一陣, 大家陸陸續續分批走, 到12點幾就散晒。

8. 一貫地我雖然都有join d game但係唔係全程join, 其實我好鍾意同一班好友一齊玩同hea, 不過鍾意一齊o既感覺多過真係要一齊玩, 所以有時無join一邊聽住佢地玩, 一邊影下相, 執下野, 整下自己野都好開心。

9/12(日) -- 早上Jenny來HK, 同C一齊睇早場浪客劍心, 睇完呀娟來寶林join我地一齊食牛陣, 之後散。返企睇左陣Wyman演唱會之後入西貢, 食埋晚飯hea一陣走。

9. 浪客劍心 -- 睇得出好有心機拍o既一套片, 係日本漫畫改拍真人版o既戲來講算係好唔錯啦, 都唔會悶同都幾好睇, 每個角色都有d發揮, 當然動作場面都好OK, 真係幾正宗o既日本刀打鬥, 雖然一定有d誇張但又唔會太過份, 表現到主角果種速度感, 同時亦都可以型, 幾正。人物方面, 主角ok型啦, 佢都儘量想做到好似漫畫劍心咁, 但係始終有d難度了, 型多過似女仔。呀薰明顯係一蹶花瓶角色, 不過幾靚女。左之我覺得比漫畫果個更正, 佢真係好做到果d有少少無賴同極度爛仔o既感覺, 不過無咩內心戲齋打而已。呀惠搵蒼井優做, 好交到戲, 又靚又叻, 十分OK。好期待o既江口洋介做齋滕一, 的確係好型同埋做到齋滕一o既感覺, 可惜出得唔多, 出手更唔多, 好唔夠喉呀~~ 刃衛o既角色, 唔需要點交戲, 不過都幾型, 最後一場打都好睇。Overall來講, 如果係睇開漫畫係fans的話, 絕對係值得睇o既戲來o既~~

來緊:
14/12(五) -- 收工過澳門探舅父, 星期六晚返
16/12(日) -- 公司電影
18/12(二) -- 好友X'mas Party@我家
19/12(三) -- 白田Gathering
21/12(五) -- 屋企做冬
24/1(四)  -- 呀文同綺綺來HK, 約左呢晚帶佢地食飯

完

十二月二日 -- 雜記(revised)

26/11(一) -- 差唔多6點係土瓜灣收工, 趕過去SSP買禮物之後再去MK意粉屋食芝士火鍋, 同LD同事慶祝進進生日, 9點半島散。

27/11(二) -- 收工返企煮野食同呀爸撐台腳。

1. 睇左網上o既放火片, d人真係好變態。

28/11(三) -- 收工去上環蓮香樓同中學同學們飯聚; 第一次去, 幾好食呢, 好傳統o既中式酒家~~ 好耐無試過全男班無人帶眷屬參與啦~ 一樣傾得好開心。

29/11(四) -- 收工唔係十分想返企食飯, 又唔係十分搵人食飯, 於是去左寶林行左個圈後返企整野食。

2. 最近聽歌聽個K apps, 成日聽到d卡拉OK版, 有時覺得真係幾正; 無左個vocal聽到首歌好多野呢~~

3. 去左寶林奇趣行, 本來去到想買支gundam marker, 點知行左個圈就唔記得左無買。

30/11(五) -- 下午放假半日同八婆行街, 先去ssp行左福榮街, 佢原來未行過, 估唔到有咁多野睇, 行左好耐佢unexpect咁買左好多野哈哈, 之後佢老公來到, 同我地一齊行左陣, 拿d野返屋企先, 我同八婆過北角天然椰子號, 之後散水, 我過灣仔搵C, 一齊過返北角同呀球呀嫂食飯。

1/12(六) -- 同呀哥呀嫂呀CSannyJason一齊過SZ, 主要係呀哥呀嫂要去買野; 大家先一齊去東門, 食完lunch呀哥呀嫂先去買野, 我地其餘人就行下東門, 佢地買左d野, 之後去之前去開果間書城睇書, 同1呀哥呀嫂集合, 到4點就去另一間新d書城, 睇到6點走, 去"黃記煌"食晚飯, 之後就返HK。

4. 今日行到5點幾開始已經用盡晒所有精神同體力, 條腰痛返同埋超級頂唔住, 個頭發發下, 個人無晒反應, 亦都唔想有咩反應了(累到連聲都唔想出), 超級辛苦。仲有行左一整日完全摧毀左條腰。

5. 2間書城都係得個幾鐘行, 由於我咩書都會睇下, o岩o岩夠我全場係咁咦掃過一次, 都未去睇下想買咩書, 所以最終咩書都無買; 下次要去定一間狂磨一段時間先OK。

2/12(日) -- 呀源生日快樂; 極度疲累, 訓下醒訓下醒下都1點幾先起身, 落去同呀哥呀嫂食飯之後返企, 下午落左樓下同日安傾左陣偈同埋行左下Jusco, 同街坊落樓下行下o既感覺真係正~~ 之後返企hea到夜晚出KT去Man婚禮, 10點幾完後返企。

6. 尋日好明顯令條腰嚴重返, 今日無帶袋兩手fingfing咁行一陣都開始會痛...

來緊:
8/12(六) -- Home Gathering

完