22/8(一) -- 收工後同去一齊去新加坡噶3個好友一齊食飯(4仔re-U); 最近少左去街食, 就算有時有飯局, 唔知點解都係想快d完左就算, 好似想敷衍左去就算; 但係呢個gathering就事前已經期待呢; 4條仔係九龍城食泰國野, 吹下水好開心, 好relax呢; 食完再去食埋合成糖水之後先散。
23/8(二) -- 落site之後direct home = 早放; 之後去寶琳MCL買$110 3張飛噶coupon, 先返企。
24/8(三) -- 收工返企食飯。
1. 記錯左呢日同JoyceLiuRachel食飯, 其實應該係尋日; 果日出左去同佢地坐底飲野同吹水; 2個都係好多年無見噶人, 係好無啦啦Rachel提開不如出來gathering下; 係APM近近地聚一聚, Joyce呢個舊同學係畢業後除左係街上遇到都無見過, 而rachel係Esther個fnd, 更加係無點出過來, 咁O岩佢地又識, 咁就3個人出來, 講下近況, 同埋聽下大家畢業之後點樣, 聚下舊都幾得意呢。
25/8(四) -- 收工返企食飯, 買埋蛋糕返去。
2. 記錯左呀媽生日噶日子; 局住放同事飛機, 真係對唔住了...
3. 諗返起, 一般人平時或者任何時候都會儘量表現自己最好噶一面比其他人見到, 但係原來我唔係; 好耐都無去表現過最好噶自己了, 定係, 已經無左呢?
4. 無自信, 負面...etc etc...要慢慢擊退談何容易, 不過多謝好友14噶一番話, 銘記於心, 盡力而為。
26/8(五) -- Angelic call suddenly on Thu morning, so Ad-hoc dinner; 收工同BarryAngel去尖咀韓國街食飯, 今次試呀之媽, 我覺得有D野麻麻地, 有D野都OK, overall都唔錯啦; 之後三個人係TST慢慢行同吹水去到差唔多太子, 去石磨坊坐底消下暑同吹水, 11點幾散。
27/8(六) -- 11點半去到鑽石山join埋八婆一家, 係Hollywood食晏; 食完呀進先來(大遲到), 之後一齊去行志蓮淨苑, 都幾靚呢~ 之後坐八婆佢地車去佢地家(第一次坐八婆手車, 仲衰過Barry XDD), 係佢家第一次玩高登神獸卡, 都幾好玩喎 XDD 最攪笑係果d獸死或者個player輸果時, 可以順便叫埋果d獸噶名出來, 好應景, 好好笑; 之後一齊去食埋飯先散。
5. 記得在夢中哭了。
6. 等左一年, 終於又出左新一期噶甜甜私房貓啦~~
7. 有D擔心好友噶情況。
8. 係時候要剪頭髮啦, 好唔好鏟左佢呢?
28/8(日) -- 係屋企hea一日, 聽返好多鼓機歌, 好多都好好聽呀~~ 好想打!下午呀嫂個細佬上埋來, 4個人一齊打AOEII, 好開心。夜晚落街食飯。
9. 經歷左2個星期多返屋企食飯之後, 來緊呢個星期又爆場...
10. 今期超級巨聲果然唔多掂...
11. 返多個星期, 老細就會放2個星期假啦~~
來緊:
29/8(一) -- dinner wv Cass姐, 睇來又有好多野要聽呢~
30/8(二) -- 姑姑發起日本放題
31/8(三) -- dinner wv BarryCynAmy @大坑; 睇來Barry好積極呢~
1/9(四) -- 同Planning果邊同事(NatWacoalJoyceTerence呀Yo)食飯 @ Bravo Latata
6/9(二) -- 同白田舊同事食飯
8/9(四) -- Badminton wv Barry
10/9(六) -- 而家公司義工活動
14/9(三) -- 同白田同事打毛毛球
8/10(六) -- 佐治結婚請飲
完
2011年8月28日 星期日
八月二十八日 -- 雜記
2011年8月22日 星期一
八月二十一日 -- 雜記
15/8(一) -- 收工返企食飯。
1. 反轉豬肚; 講咩都無用, 唔出聲應該係最恰當的吧。人總係望唔到自己噶錯處, 當然都包括我自己在內, 所以要好好檢討自己。最後, 對不起, 多謝。
16/8(二) -- 收工先返企快速換衫, 再出返去join而家同事快食魚米家, 之後係君傲灣打羽毛球。對腳好彩都好得7788, 雖然都係爭d; 2個鐘6個人(Martin呀黃呀Yee呀YoMandy我), 我停左一次唔係好短時間, 基本上係狂打, 運動量好夠呢~ 不過去到尾段真係有d累了~~打完之後散, 返企。
2. 真係想成日有波打呢~~ 雖然今日打完小腳又有返少少痛~ 不過都係上次衰姐~~
17/8(三) -- 收工返企食飯。
3. 今日感覺良好; 之前同Taylor少少誤會, 無論點都好take the first step, 無事了; 另外, 同同事傾開, 講返起一本自己覺得好好噶書, 唔知佢地係咪會睇呢? 話時話都係時候自己再翻睇一睇, 應該會有收獲吧。I have to add oil to retrieve my olf self~
4. 我部相機竟然壞左...開唔到... =_=""
18/8(四) -- 收工返企食飯。
5. 呢個星期回復返一般人噶"正常": 多左返屋企食飯, 得啦得啦, 我都知大家會覺得對我來講係唔正常啦。食完飯之餘仲會係果邊坐多一段時間, 同呀爸呀媽吹下水; 咩都講, 由6-70年代噶明星講到黎明郭富城Eason; 講金庸講三國水滸紅樓夢講內地電視劇講到古龍溫瑞安到黃易講到TVB; 講袁祟煥岳飛秦檜光緒慈禧講到日本希特拉羅馬帝國, 好耐無同爸媽咁樣咩都傾一餐傾好耐了; 再者, 同年紀都無咩人會傾(或者有更多噶係唔識)呢D野, 要好好珍惜呢D同家人相處噶時光呢。適逢呀媽傷左腳大抖幾個月, 返返屋企找返d書出來順手比佢睇呢。
19/8(五) -- 收工本來係借漫畫比人, 最後變左順便一齊唱K; 收工過荃灣同呀So小暈同寶利唱K; 荃灣Neway唯一最勁噶地方就係星期五都可以無限唱呢; 到11點半島就散, 飛van去KT轉巴士返企。唔知係少唱定係喉嚨狀態唔好定係個場噶關係, 總之覺得唱得唔多好。
6. MCL又推出$110 3張飛噶coupon, 又要去買返2套先得啦~~
7. 雖然以前同佢地唱過一次K, 但係今次聽多d又多d野; So其實入咪把聲都OK, 不過個人好唔夠放(好多野都似係呢), 放膽D同大聲d就ok啦~ 小暈就之前都講過係ok唱得, 把聲好入咪; 仲有係估唔到佢唱Hocc時把聲好似呢(唱其他歌時又唔覺喎)。MN MWT NSP。
20/8(六) -- 約左都幾耐, 下午同日安去灣仔食tea(有人請 :D); 1點先起身, 無食野就同佢去果間書室, 有貓貓, 好得意呢, 不過食同飲噶野好少選擇(結果只係食左個好細噶燉蛋), 仲要冷氣唔夠, 坐係度都幾熱呢, 其實係係雜誌見到介紹, 去試下(唔會encore, 同埋估佢好難捱落去呢); 食緊果時叫左Kenneth出來, 佢未到之前陪左日安去石板街果邊拿野, 之後係金鐘meet Kenneth一齊去返灣仔試一間另外一個朋友話好味噶cake shop, 點知full左, 行返出去時經過榮式燒雞扒, 佢地都未試過於是入去食左雞扒同藕餅; 行返出去係Rocca買左2件cake去M記坐(中途仲上左去和昌大押噶天台), 可惜買唔到最好味果幾款呢; 坐到咁上下就去玩具街行左轉先散; 之後去CWB噶Red Mr.唱K! 第一次去Red Mr.呢! 約左貓姐& Co. (貓, MayChan, 喱, NG, 媛媛), 除左貓姐之外其他人都係超過半年以上無見(有d成年添); 雖然之前果晚唱左K, 但係再唱都OK, 因為未去過Red Mr., 試下都好呢~~ 佢地狂點Neway無噶蕭敬騰、方大同噶歌來唱, 而我都第一次終於都唱到無眠、他夏了夏天同埋天梯呢(可惜唱唔到蟬想)~~好開心(雖然佢地唱左大部份, 我唱得唔多歌)。果度d野飲唔多得, d小食同果盤都好味~ 埋單係貴過Neway噶(二百幾)。唱到11點完, 由於大家都無食飯, 再去食宵夜之後先散。
8. 好耐無同貓姐MayChan佢地唱K, 好正呢; 因為佢地係全部, 無錯係全部都唱歌好聽噶人, 當然特別係MayChan超勁啦~~~
21/8(日) -- 全日係屋企hea, 打下機訓下咁就過左一日。中午自己炒米粉, 由於懶所以唔多好食; 夜晚呀嫂煮, 係屋企食。
9. ChokChokChok我連續幾個星期都估O岩左呢~ 哇卡卡
來緊:
22/8(一) -- 4仔re-U dinner @ KLS
23/8(二) -- may dinner wv old classmate Joyce and Rachel?
25/8(四) -- 同而家同事食飯
27/8(六) -- 同Lands舊同事(八婆等人)遊志蓮靜院, 未confirm
6/9(二) -- 同白田舊同事食飯
10/9(六) -- 而家公司義工活動
14/9(三) -- 同白田同事打毛毛球
8/10(六) -- 佐治結婚請飲
完
2011年8月15日 星期一
孩子氣
始終相信, 自己唔需要/唔想要係任何人面前"做樣"。
工作時工作, 遊戲時遊戲。講真, 工作對我來講絕對唔係人生噶全部, 因此我係off-work噶時候, 好少講公事, 亦都唔會扮到自己好能幹。就算返工唔忙果時, 我都會變現得好hea, I only do when it matter most(所以我真係最鐘意做果份工係之前IIA果份)。因此, 大部份朋友見到噶我都係去飲飲食食, 去玩, 鐘意玩具睇書睇漫畫聽歌唱K...etc, 因為同朋友一齊, 唔會係"工作"。
講下"玩"; 講真, 我覺得任何噶"興趣"都係同等的, 都係因為自己鐘意某樣野而想接觸、玩多d或者係想發洩下、開懷下, 係無分貴賤, 無關乎成熟與否。睇漫畫、煲劇、睇話劇、睇musical、睇Opera都係沉醉係幻想噶世界入面, 同埋欣賞到唔同種類噶藝術; 砌Model同玩O靚模都係對某D野噶構造有興趣; 打波同打Golf都一樣係做運動, 掃街同埋坐鏞記食噶都係好野...等等, 係根本上係無分別噶。
舉多個例, 我唔覺得睇漫畫同睇書係有"好"同"唔好"噶分別。一樣有好多"好"同"唔好"噶漫畫同書(係度講多句, 我係會睇書噶, 唔係純粹為左漫畫或者自己辯護)。要學野、要長進, 都唔一定要係所謂"好"噶野度學, 係"唔好"噶野度一樣可以學到好多野, 當係反面教材又得, 或者知道一D唔好噶野從而識得保護自己亦得。要學野、長進, 在乎噶係自己個心態, 唔係客觀環境。
講返"做樣"。或者因為唔想做作, 好多唔了解、未了解、不去了解我噶人都會係覺得我個人唔多得的。不論係外表定係平時見到我個人噶"感覺", 我都覺得自己係令人覺得unpleasant的。當然, 我話人地唔了解我, 唔係想話自己其實係"好"、"高分", 我亦唔覺得自己有幾好、幾高分添。但係我有我自己噶態度, 世上係興睇表面噶就由得佢地睇表面。只可以講一句, 我好似楊過咁, 係抵死噶(有關楊過係咪抵死, 請睇返我以前噶文)。
細個果時睇過本書, 有一句好影響到我, 比到我深刻感受: 以火點燃火, 以心發現心。我相信只要自己一直都係付出真心, 一定可以搵到更多真正噶朋友, 一定會有更加多人明白我, 至少唔會係討厭我吧。
如果話, 成人噶世界就係需要"做作", 就係需要"表面", 咁請恕我真係"孩子氣"。
完
標籤： 個人感受/感想/人生觀
2011年8月14日 星期日
八月十四日 -- 雜記
8/8(一) -- 好累又無胃口, lunch time又無食飯訓左; 起身到夜晚之間都無食野; 晚上本來同NatWacoal(華哥)秘書姐姐(Joyce)食飯, 點知Joyce係公司跌親, 下午cancel左個gathering; 諗全返屋企食飯, 臨收工Kenneth臨時搵我食飯, 於是出左MK睇左D自遊行資料, 不過時間都幾趕, 應該攪唔成了; 之後同佢去左北海道活壽司食飯, 傾偈談下心, 到9點幾就散, 返企。
1. 而家噶自己比以前負面左好多; 當然唔只係自己噶問題, 都會被身邊好多人同現實影響。
2. 今早返工前著條西褲, 發覺著唔到噶, 真係肥左咁多?! 原來唔係我噶...嚇餐死, 不過肥左就真噶...
3. 同好友十四噶一席話; 話我太過2仔, 要學下4仔(九型人格噶野), 將重心放係自己多d; 真係要學下同習慣下呢; 但係, 咁我唯一噶好少少噶地方都無埋?......
9/8(二) -- 約左BarryCynthiaAmy睇功夫熊貓2; 收工去金巴利街(即係韓國野街)食漢城, 都OK(我就來食過晒成條街d野啦), 之後去The One睇, 幾好睇呢~ 尤其鐘意孔雀噶動作, 好靚呢; 睇完9點半島散。
4. 覺得真係要整理下自己個"腦"; 成日覺得自己唔好, 差過之前, 呢D係梗局; 長期係個迷宮入邊, 走唔出來, 都無辦法; 不過整理左之後, 可能會好行少少, 再積極少少; 要令自己好似以前咁, 好似湖咁靜止, 而家太多雜念煩思了。一切由做好自己開始。
10/8(三) -- 收工返企食飯。
5. 開始左係屋企做運動, 逐步增加吧。
11/8(四) -- 收工返企食飯, 繼續在家運動。
6. 在家運動, 先做sit up, 再跑步; 由於真係頂唔住落街跑, 又唔想落去又悶, 結果用左自我custom噶解決方法: 係屋企慢跑+腳要提起+腳板唔可以dump地(唔好吵到樓下), 悶點解決呢? 就係係房開住mp3聽歌+手上拿住NDS打機(仲要係打d唔使用腦要chok level噶位); 加埋個效果真係好, 唔會悶(無咁悶)+堅做到運動+可以堅持一段時間(唔係幾個字, 都超過半個鐘架, 雖然後段對腳都無提得咁起了。另一樣野係, 要堅持呢樣野, 首先係要出少d街, 因為去完街返來, 好難再做晒呢D野呢~
7. 慢慢hea玩同chok下level咁玩, 終於都爆左DQ9, 不過係個主線劇情姐, 仲有好多隱藏要素未玩(不過都唔會玩晒了)。
12/8(五) -- 收工同Kenneth同路去Jordon, 同佢行左下傾左陣偈, 之後佢去CAS, 我就joi nLands同事(呀進GordonWendyConnieErika)食飯, 慶祝Erika生日, 又去King 1; 食完散自己再去The One行左圈, 買左想買噶野, 搵唔到Kenneth, 等唔到佢一齊走, 返企。
8. 之前果日係屋企運動過量噶backfire就係小腿肌肉酸痛, 竟然係幾痛下...
13/8(六) -- Kenneth生日快樂! 一個人的早場 -- 3D藍精靈, 都係兒童向開開心心噶電影呢。下午係屋企訓到死左, 本來約左4點半出去, 好彩有人4點3打來, 即時出去, 遲左少少; Barry開車同我同JP+Cynthia(因為係之前果晚先臨時約, 約唔到多d人)一齊去元朗食飯。再次感受到唔多識路噶人噶威力, 都兜左好一段時間先入到去, 不過反正時間多同大家吹下水, 都無咩所謂; 幾經辛苦先搵到想去果間野(其實去唔到之前去開果間鋪, 好彩都無點兜路), 大家都覺得好食呢; 坐係度傾左好耐, 之後再轉場去B仔又傾左一段時間先走; 回程JP開Barry架車, 先車Cynthia返屋企(勵德), 再返TKO; 今日搭左好耐車呢~~~ 七月十四反而夜返屋企, 哈哈。
9. Hehe, Barry好似...
10. 腳仍然痛。
14/8(日) -- 早上起身都無出去睇早場了; 係屋企hea左大半日, 4點出去上環同呀哥呀嫂同佢細佬睇"中女解毒"。都唔錯呢, 應該好多野都好"中"唔少人噶心聲, 無論男定女都可以睇呢。估唔到有人帶小朋友去睇咯, 有無sense架? 之後4個人去左灣仔食The Flying Pan, 食完返企。
11. 覺得自己好多野都錯晒, 完全唔O岩, so down。
12. 愈來愈對呢個世界、人生、人、自己都失望, 不停地減分, 咁樣我仲可以點落去? 仲有咩可以加返分噶呢?
來緊:
16/8(二) -- 羽毛球wv而家同事
20/8(六) -- Tea wv 日安
27/8(六) -- 同Lands舊同事(八婆等人)遊志蓮靜院, 未confirm
8/10(六) -- 佐治結婚請飲
完
2011年8月11日 星期四
尋覓
無咩心機寫...尤其個尾。
**********
迪卡維王子
迪卡維四處環遊, 身為王子的他最不喜歡在皇家之中像被綑綁般的生活, 他喜歡自由自在。他連隨從也不帶, 一個人到處經歷了不同的國度, 遇上了很多不同的人, 見到了很多不同的事。
這一天, 他來到了薩瑪隆城 -- 一個民風淳樸, 環境幽雅的小城。可是當他進入城中市集時, 卻覺得氣氛不太對勁。人民都好像惶恐不安似的。他曾聽說這兒的國王是一個溫和的國王, 人民的生活應該無憂無慮才對呀。
在酒館中, 聽到了酒後人們的私語。
"那黑色的騎士今天就要來搶公主了!"
"對呀! 他可厲害了, 無人能敵, 連國王親衛隊圍攻也打不贏他!"
"也難怪他要來搶我們的公主, 她真的十分美麗, 人人見了也不禁迷倒, 最難得是她心地善良, 能娶到她真是三生修來的福氣呢!"
"可惜那黑色騎士實在太厲害了, 跟本就沒有人可以打敗他! 就算國王立下重賞也沒有人敢挑戰他呢! 打敗便可以娶到公主呢! 不過我可無福消受呀!"
"現在我們最怕的是國王不肯交出公主, 那黑色騎士就不知會對我們這些平民百姓做些什麼來!"
"對呀...唏哩嘩啦..."
"唏哩嘩啦..."
流言不斷。就在此時, 城門警示聲大響, 迪卡維走出酒館, 在大街上聽到很清脆的馬蹄聲, 快而很有規律地從城外直奔大街, 再直衝向皇宮方向。
黑色騎士
只見那黑色騎士一身的黑色盔甲, 騎一匹黑馬, 極度整齊, 就像一個正規的軍隊騎士一般。黑色的頭盔把面孔都遮住了, 隱約見到盔中眼睛發出光芒。根據多時的遊歷經驗, 王子感覺到那黑色騎士不是"人", 是"魔物"。看來他要挺身而出, 一般人可對付不了"它"呢。
黑色騎士停在皇宮前, 低沈嘶啞的聲音叫道, "我的公主! 快還的的公主來!"
皇宮內沒有任何反應。
黑色騎士舉起手上大槍, 正有所行動。
"慢著!" 正是迪卡維王子。"有我在這, 你不可以胡作非為!"
"哦...你是他們請來阻礙我的嗎? 哼! 不知死活的傢伙, 去死吧!"
只見黑色騎士翻身下馬, 放下了大槍, 拔出了劍, "你沒騎馬, 我們以劍分勝負, 來吧!"
"想不到你倒也有風度! 喝!"
迪卡維首先出劍, 想不到黑色騎士雖穿著厚重的盔甲, 但動作也很敏捷。最難對付的是他那把厚重的雙手大劍, 連擋也不能擋, 只可以閃避。總算迪卡維身手敏捷, 連遇險招但也沒有被打中。
迪卡維也非庸手, 把握一個空隙閃身到黑色騎士側邊, 一劍直挑頭部。"鏘!"的一聲, 扶他的頭盔打了下來。圍觀的民眾都驚叫了起來, 那黑色騎士的臉竟然是一個骷髏!
黑色騎士輸了半招, 知道這次沒這麼容易解決事情。他立刻拾起頭盔戴上, 騎上黑馬, 說, "哼! 這次你贏了半招, 以後我不會再手下留情! 兩天後的月圓之夜, 把公主帶到米沙平原的山丘上, 否則我不會再客氣了!" 說完就騎著馬而去。
美麗的公主
迪卡維趕走了黑色騎士的消息傳遍了受到了薩瑪隆城。他受到了英雄式的歡迎, 被迎接到皇宮內見國王。
國王很高興的捉著迪卡維的手, 說, "太好了, 竟然有人能打敗那黑色騎士! 你是我們國家的英雄! 想不到那騎士竟然是魔物, 難怪沒有人是他的對手!"
"不, 我覺得他還未使出全力。如果他動真格, 我不知是否他的對手呢!"
"迪卡維呀! 現在我們國家只可以靠你了, 你一定要打敗那黑色騎士呀!"
"父皇!"
"拉菲爾! 你來了! 快來見見我們的英雄!"
只見拉菲爾公主站在門口。她果然名不虛傳, 美麗不可方物。卻見她走向國王, 憤怒的說, "父皇! 國家的安危, 人人都有責任! 為什麼要為了我使平民百姓受到威脅? 為什麼不可以把我交出去, 而要讓別人有危險? 為了大家, 月圓之夜你把我交出去吧! 況且, 我覺得那黑色騎士...不像是壞人!"
想不到公主不單美麗和心地善良, 還很有勇氣!
國王對公主說, "現在不只是你的安危問題。對方是魔物, 就算得到了你, 也不知他會對人民做些什麼! 你還是好好的留到宮中, 這些事就由我們處理吧!"
"不! 父皇! 你總是看不起我! 看不起女性!
公主一跺腳, 就氣得跑出去了。
"真失禮呀! 迪卡維, 我家公主實在太失禮了, 你可別嫌棄呀..."
"別這樣說, 我只是想收伏那魔物..."
說話未完, 士兵氣急敗壞地衝了進來: "不好了, 公主搶了一匹馬出城了!"
猛虎紋章
迪卡維在酒館喝著酒, 總著各式流言。
"我見到啦! 那黑色騎士頭盔被打飛時, 那一瞬間露出了真面目, 竟然是魔物!"
"對呀! 好可怕!!"
"不止呢! 我見到那盔甲胸口位置, 刻了猛虎紋章。那紋章好眼熟呢..."
"猛虎紋章? 是不是一隻老虎咬著花的圖樣? 難道是左魯古城的猛虎騎士團? 聽說左魯古城數百年前已經被魔物滅了, 那兒成了魔物的巢穴呀!"
"對呀, 聽說當時的騎士團長帶領著騎士團去討伐來襲的魔女和她的魔物軍團, 最終全軍覆沒...左魯古城從此就被滅了..."
"難道那黑色騎士是要來侵略我們的? 那可大事不妙呀..."
"對呀...唏哩嘩啦..."
"唏哩嘩啦..."
過了兩天, 大家也找不到公主的下落。
"迪卡維...我們連公主也不見了, 看來真的要靠你幫我們擊退那黑色騎士了..."
"放心吧, 擊退魔物是該做的事, 我會盡力而為的了!"
月夜決鬥
迪卡維騎著馬, 穿上全身裝備, 入夜後一個人去到米沙平原中那光禿禿的山丘。只見黑色騎士已經在等著。
"看來你們不打算交出公主呢...你一個人來跟我決鬥嗎? 好, 等我先解決你, 再去要我的公主!"
這次的決鬥比起上次更凶險。大家都出盡全力。兩個人的騎術和戰鬥技巧都是一等一的高手, 戰了好多回合都不分勝負。黑色騎士力量勝一疇, 迪卡維技巧高一些, 雙方一直打成平手。
"看招! 裂盔突!!" 黑色騎士使出絕招, 配合馬兒前衝之勢使出既快且狠的一招!
迪卡維眼快身輕, 突然剎停了馬, 趁著那多半秒的空檔離開了馬鞍, 從馬上跳起避開了那一絕招, 乘著對方前衝之勢直擊頭部!
"鏘!!" 黑色騎士頭部遭重擊, 跌下馬來。
"我輸了..."
尋覓百年
"慢著!" 只見公主騎著馬來到了這裡。
"拉菲爾公主! 你怎麼一個人來到這裡? 很危險的!"
"不! 我已經決定了, 你讓他把我帶走吧! 你看他身上的紋章, 是猛虎騎士團的。他一定跟魔女有關! 就算你擊敗了他, 左魯古的魔物如果群起而來, 憑你一個還是應付不了! 多謝你幫了我們, 但你還是快些離開這裡, 讓我跟他去吧!"
黑色騎士站起身來, 望向公主。
"拉...菲爾公主? 你...不是莉娜公主嗎? 我...?"
"我...我...記起了...我是左魯古的皇家猛虎騎士團長西剛達! 我帶領著兄弟們去討伐魔女! 可是...可是...我們全軍覆沒了...公主在等著我回去, 等著我戰勝了回去, 舉行盛大的婚禮! 她要跟我跳皇家圓舞曲, 完成我們的約誓! 我...一直在找她..."
"你...不是她嗎? 那...我要回去! 我要回去左魯古城找我的公主!"
"謝謝你們! 對不起, 給你們添麻煩了..."
黑色騎士說著, 騎上了馬, 向著北方而去。
黑色騎士的身影在黑暗處消失。
"公主, 回去吧!"
"他..."
突然兩個蝙蝠魔很快的從樹林那邊直飛過來, 大家還未來得及反應, 公主就被捉住了, 直飛向北方!
"拉菲爾公主!"
左魯古城
迪卡維回到薩瑪隆城, 把經過一五一十告訴了國王。
"想不到那黑色騎士一早埋伏了魔物, 抓走了我的女兒! 實在太可惡了!"
"對不起, 我讓公主給抓走了..."
"唉...也不關你的事...現在也沒有辦法...左魯古城是魔物的巢穴...公主...公主是救不回來的了..."
"也不一定...國王, 你告訴我左魯古城在哪兒, 讓我去一趟吧!"
"你為了公主真的肯以身犯險嗎?"
"不, 不單止為了救公主, 還有那黑色騎士..."
迪卡維一直向著北方, 終於見到遠方一座城池。那城池上空籠罩著烏雲。
"看來這次不簡單呢!"
迪卡維一直來到城門前, 只見城門打開了。他進城後, 只見都是荒廢了的頹垣敗瓦。沿路過去皇宮, 卻見不時有魔物的屍體。進入皇宮, 不時有魔物來襲, 不過都給他料理了。終於來到了皇宮中庭門外, 只見黑色騎士站在中央, 跟一個穿著紫黑色袍的魔女對峙著。
紫衣魔女
"魔女! 你...你究竟做了什麼! 為什麼...為什麼這兒會變成這樣?!"
"哎喲~ 你都忘了嗎? 看來我控制你的魔法給別人破解了呢! 那就讓我一五一十告訴你吧! 很久以前, 你帶著一堆沒用的廢物來攻擊我, 都讓我給解決掉了, 呵呵呵呵呵...可是呀...我很喜歡你呢~ 我想跟你在一起, 你又不肯, 我只好殺了你, 把你變成了魔物, 再控制著你的身心。你知道嗎? 這個城的滅亡, 你也有份造成的! 呵呵呵呵呵! 這兒已經什麼都沒有了! 你還是乖乖的跟我在一起吧! 你看, 我把他國美麗的公主抓來了, 我要侵佔她的身體, 你就可以和美麗的我一起了, 呵呵呵呵呵!"
"你...你...你休想!"
黑色騎士直衝向魔女, 魔唸了一串咒文, "破!" 黑色騎士在快要擊中7女時被彈開了。
"你雖然很厲害, 但在我的禱法面前也沒奈何呀, 嘿嘿嘿!"
迪卡維走到中庭, 說, "二對一, 勝算可就增加了一倍啦! 醜女!"
"西剛! 上!"
"喝!!"
兩人曾經決戰過兩次, 知道對方底細, 合擊起來更得心應手。
可是, 在魔女厲害的魔法跟前, 他們還是不敵, 受傷倒下了。
"呵呵呵呵呵! 你們都很厲害! 這少年仔也不錯呢! 不如都跟了我做我手下吧? 不過, 我要先殺了你們!"
說著口中唸唸有詞, 手上魔杖儲起了一個很的的魔球, 準備最後一擊, 一舉把黑色騎士和迪卡維都殺死。
"小兄弟! 我的盔甲厚, 可以擋住那一擊! 你比我敏捷, 趁機去了結她! 這可是唯一機會!"
迪卡維知道這是唯一的方法, 於是儲起力氣, 準備隨時發難; 掌握魔法師施法後的那一瞬空隙。
"...米拉梅拿!!!!" 隨著咒語最後一個字喊出, 魔球直飛向他們處。
黑色騎士突然踏前, 雙方擋著了那巨大的黑色魔球, 大喊, "是現在了!!!!"
迪卡維二話不說, 站起來雙腳發力, 直撲魔女。魔女剛唸完咒, 在硬直之中, 眼睜睜看著劍插入自己心臟。
"呀~~~~~~~~~呀~~~~~~~~~!!!"
"我只想跟你在一起呀..."
魔女痛苦地叫喊, 身體漸漸化成黑氣, 消散。
皇家圓舞曲
黑色騎士倒在地上, 他受了重傷, 看來那化為魔物的身體也捱不住了。
"小兄弟, 多謝你...我...總算為了國家, 為了她報仇了...我...真對不起他們..."
"西剛..."一把清脆的女子聲音響起, "謝謝你..."
黑色騎士望過去, 只見公主站在那裡, 頸上戴著她那獨有的項鍊 -- 夢幻紅寶石。
公主走過來, 拉著黑色騎士的手, 黑色騎士慢慢的站了起來。
跳著舞。
荒廢的頹垣敗瓦像回復了金碧輝煌的皇宮, 四周響起了音樂, 一對壁人隨著那一支圓舞曲跳著舞。
黑色騎士的身體跳著舞, 慢慢的化為一道光...
"多謝你, 異國的公主拉菲爾..."
黑色騎士的樣子不再是骷髏, 而是一個英俊勇敢的青年, 慢慢的化為光消失而去...
一把女聲在大家的耳邊響起, "多謝你們...多謝大家...那紅寶石項鍊你們留著做紀念吧!"
"公主, 回去吧..."
"他...嗯..."
終結
舉國歡騰。
不單止黑色騎士的危機解決了, 連左魯古城的魔物也沒有了。
"流浪者迪卡維, 你真的要走嗎? 不留在這兒做我的軍團長嗎?" 國王說。
"不啦~ 我喜歡自由自在, 不過我也離家太久啦, 也差不多是時候回去呢!"
"真的多謝你呀! 可惜我的女兒不能嫁你這樣的英雄了! 以後要多來玩呀, 我們隨時都歡迎你的!"
"再見!"
"迪卡維, 多謝你呢! 我一直覺得那黑色騎士不是壞人。結果証實我是對的! 莉娜公主雖然死了, 可是她有一個很愛他的騎士, 她很幸福呢!"
"對! 你一定也可以找到一個永遠守護你的騎士的!"
"再見了迪卡維, 你一定要回來探我們哦!"
"再見!"
完
p.s.?
迪卡維回到了老家, 給爸爸 -- 亦即是國王臭罵了一頓。不過他總算經歷過不少歷練, 成長了很多回來, 國王也老懷安慰。
半年後。
國王一家在庭院中, 士兵進來報告。
"國王! 遠方的薩瑪隆國王帶著一家到處進行親善之旅, 他們不日即將來到我們這兒了!"
"哦! 聽說他們的公主拉菲爾十分美麗呢! 我們趁機可以..."
"哎呀! 這麼巧他們又會來到這裡呢~~!"
完
2011年8月7日 星期日
八月七日 -- 雜記
1/8(一) -- 呀源考車肥左, 似乎佢要放棄了; Cass姐又出事, 今次仲要有幾樣野; 收工同佢食飯, 本來諗住就咁係KT, 之後諗唔到有咩食, 佢又好多野唔食得, 結果係同佢去寶琳食魚之味, 之後帶埋佢去聰嫂(原來佢未去過~~)。之前已經聽過佢講咩事, 所以反面無點呻, 大家就輕鬆咁食飯吹水咩都講~
2/8(二) -- 頭痛, 心口好唔舒服成日好似有D野同埋痛痛地, 加上成日訓得唔好好累, 頂唔住sick leave一天; 全日係屋企攤都訓唔著, 醫生又無話特別咩事...晚上Jenny來HK借宿一宵, 佢第日要係HK做野。多謝大馬噶手信。
1. 信任就像一張紙, 皺了, 即使撫平, 也恢復不了原樣。
2. 世界上第一個知道牛奶可以飲噶人, 究竟對牛做左D咩野?
3. 結果今年動漫節都無去(本來其實都無諗住去)。
3/8(三) -- 之前臨時約, 收工同姑姑食飯, 拿手信(:D); 收工去MK行住等佢(行左In's Point, 信和, 又無去采豐行; 終於買左"進擊的巨人"), 佢就同預定差唔多8點到; 由於佢一早話左想食三文魚刺身, 所以去左北海道活壽司, 盡用我張88折卡; 食完9點, 好飽, 本來預左食完就散, 不過大家飽飽地都想行下, 結果去行左H&M、SaSa、卓悅, 之後發現原來MK有一間都幾大噶Cotton On(其實應該開左幾耐), 仲係果度買左衫添。行完都11點過d, 陪姑姑等埋車(又等得耐)都11點半, 返企12點3了。
4. 又聽到某人噶某d野, 唉。我都無做錯d野, 何必呢。
5. 姑姑又係一個好奇妙噶朋友; 平時msn傾2句又唔係十分多, 又唔常出來見; 但有咩野傾起來又會咩都講, 同埋出來食飯吹水行街又會好多野講同一齊睇, 其實係一個幾同感覺好舒服噶朋友呢。
6. 好少行MK, 好容易地牽動到D神經, 尤其係H&M...etc =_=
7. Hunter 311 出左!!!正!!!
4/8(四) -- 呀馬生日快樂!! 一早direct site去HA之後再見客, 可以晏d起身, 好開心; 收工同而家一堆同事食晚飯gathering, 去KT碼頭搭船去西灣河, 個日落景色好靚呢; 九個人(Queenie, Joe, Kenneth, Penny, Yee, Stanley, Wendy, Bonnie)食恆河, 好飽呢; 之後去埋明記食糖水(我無食了)後散。去到後段唔知點解開始勁眼訓, 狀態極低, 無晒聲氣, 哈哈。
8. 呀馬下星期五返來4日, 期待有機會打波!
5/8(五) -- 約左新朋友Cathy食飯; 去左King 1食飯; 好彩lunchtime訓左, 如果唔係真係未必頂得到夜晚; 好怕有dead air, 所以係咁講野~ 好耐無試過(定係其實未試過?)同未見過噶朋友食飯呢。
6/8(六) -- 中午出去香港仔, 同Nat同佢個fnd食山窿謝記, d炸魚皮魚片魚蛋都好味呢。之後join左佢地學會攪噶係蒲窩青少年中心噶Graffiti Workshop; 個地點係舊香港仔警署, 二級文物來呢, 只係入去睇下同影相都覺得正; 第一次接觸塗鴉, 好得意呢~ 可惜到真係畫果時要五人一組一人一隻字, 無得各人自己畫呢。完左就散, 返企食飯。
7/8(日) -- 下午出去同死黨們唱K, 喉嚨感覺麻麻, 間房音響、remote樣樣都唔多得, 三個半鐘sharp走, 樣樣野加埋令我覺得唔多盡興; 之後搵地方坐到6點半島, 去佐敦"金山"食飯, 好味道, 好早散8點幾返到屋企了。
來緊:
8/8(一) -- 同NatWacoal秘書姐姐食飯
9/8(二) -- 功夫熊貓wv BarryCynthiaAmy
12/8(五) -- dinner wv LD ex-colleagues
14/8(日) -- 中女解毒
20/8(六) -- Tea wv 日安
27/8(六) -- 掘蜆?
完
2011年8月1日 星期一
七月三十一日 -- 雜記
25/7(一) -- 帶團(Barry, JP, Cynthia, Amy)SSP掃街之旅成功, 大家都覺得OK呢; 返企時搭巴士竟然塞車, 係九龍城唔郁停半個鐘, 好彩JP同車有人吹水。
1. 諗起左好多之前噶野, 係由古到今D野。
26/7(二) -- 因為落site噶關係, 早DD收工; 返屋企休息下沖完涼再出去join返盧撈、呀黃、鵬鯉、Alex、呀Yee去君傲灣噶clubhouse打羽毛球, 7:30-9:30, 好開心有得打波呢~ 而家難得有得打一次波呀~~
2. 分數加加減減，好耐無做過總結；系時候執一執心底裡個朋友list了。唔好再做濫好人, 唔好執著於以前一直覺得係好、或者唔好噶人了。
3. 我發覺, 通常肯去接近少少、去了解下我噶人, 都唔太多會討厭我噶; 不過如果無機會、或者唔想果d, 又都幾多會唔鐘意我; 不過我又知道自己一向唔係十分刻意去修飾自己噶人, 好多時第一印象對我都係唔好的; 而人噶bias真係對好多野都好大影響; 算啦, 無謂為左果d無謂而唔了解我噶人唔高興。
4. 結果, 今年無去書展......
27/7(三) -- 呢個星期唯一一日收工返企食飯 =_=
5. 連續幾日都早訓, 連續幾日都訓唔好; 又發夢又醒過。
6. 呀媽企係椅上跌落來, 隻腳腫左; 好彩咋~~ 無跌親或者撞親其他地方~~~
28/7(四) -- 出site後direct home早少少收工, 決定唔去SSP而係返屋企先, 沖個涼抖一下出返MK Magic Cafe同BarryAngel慶祝關老B生日(Mandy無來); 9點半島散。
29/7(五) -- 好耐無見噶話劇班同學(最早果班), 終於約返出來食飯見面(超過大半年無見啦); 收工過左MK行左下, 買鞋帶, 睇漫畫(買左d), 本來想去埋采豐行不過唔夠時間(之後發現其實都未需要去住); 之後去左Jordon蘋果餐廳join佢地食飯; Albert, Albert嫂, Addison, Crystal, 民仔OT來唔到, 除左我之外都係40+噶人呢~ 不過仍然係好好傾同埋同親佢地傾真係學/知多好多野, 人生仔女政治經濟內地...etc好多野佢地都睇得好通透(雖然我唔多好但不嬲都會留意, 尤其如果人地係講得有見地就更加會聽), 食完飯傾左好耐先散呢。
6. 係信和行, 見到"戰國妖狐"原來有出中文版, 一定要買(無HK版得台版)!(同日連載亦出左); "進擊的巨人"全線無第一期, 都係第出返先一次過買返啦; "武道狂之詩"試睇左第一期, 都唔錯, 不過我諗自己唔會追; 另外買左幾本雜噶漫畫; 好耐無咁睇漫畫法呢~~~
7. 仍然係好累同好眼訓...
30/7(六) -- 補返慶祝Carol生日, 成班人一人整一樣野去珊姐屋企開大食會; 起身hea左下就去買野整, 整完同日安盧撈一齊過北角; 好耐無試過唔係叫外賣噶大食會呢, 大家整噶野都好食呀~ (珊、日安、盧撈、呀儀、Amanda、呀儀、呀衛) 可惜呀衛唔舒服(竟然之前果晚盲腸開始痛, 一直到第日仲痛緊都唔去睇醫生, 結果比我地逼左去睇)日安同盧撈陪左佢去醫院就無再返來; 剩返噶人係企齋吹水hea足一日, 呀珊老公返來一齊食晚飯(食埋d野)之後睇下電視吹水, 夜少少佢地4個人打牌, 我同呀儀唔打, 吹左陣水同睇下佢地打, 到12點幾走先。
31/7(日) -- 本來係TKO Buddy Gathering; 不過之後有2個人放飛機cancel; 全日係企hea~
8. 開始打NDS噶DQ9, 好耐無試過真係打機噶打機呢~ 不過幾好玩~~
來緊:
4/8(四) -- 同而家一堆同事食晚飯gathering
7/8(日) -- K wv 死黨s
14/8(日)-- 中女解毒
完
2011年7月28日 星期四
天使
不知從何時開始, 我們被稱為"天使"。從古時開始已經被人類歌頌, 被視為高貴、超然的一群。為了守護人類, 為了與邪惡戰鬥, 為了...那至高無上的"衪"效勞。
可是, "人類"真的值得被保護嗎?
**********
那些愚昧無知的人類。他們很醜惡, 充滿著各種劣根性。貪念、慾望、自私、憎恨、欺騙、隱瞞、猜忌、傲慢、偏見...各種負面的情緒交織, 人與人之間的關係總是存在著許多問題。即使標榜著人間有"愛"又如何? 愛一樣會扭曲、會變型、會消失不見。"愛"不是單單只有美好的一面, 只要滲入了以上隨便一樣負面的素材, 愛就會變得很醜惡。
只有"衪"的愛是可以完完全全、無私無盡的。可是人類呢? 還有...我們呢?
**********
人類不單止醜惡, 還"蠢"。自從人類擁有所謂"文明"後的數千年以來, 歷史所見的是永無止盡的自相殘殺。大部份的其他動物都只會獵殺異類以求果腹或生存。只有人類, 會不停地不停地不停地不停地不停地自相殘殺, 還會想出各種各樣的殘忍方法去折磨同類。
最愚蠢的是, 數千年來, 人類的歷史、戰爭、死亡...都是一直重複著又重複著又重複著:都只是為了"私慾" -- 權力、錢、女人。多少人就只是為了一個男人的慾望而死? 多少人就只是為了一個男人想要搶回女人(木馬屠城)、搏一個女人一笑而死(烽火戲諸侯)? 還有多少多少多少人是為了很無聊的事而去送死?
到了現代, 人更容易的就可以為了自己的慾望而惘顧別人的性命、利益。只是為了"錢", 人們住的地方、吃的東西、乘的交通工具...全部都可以偷工減料。世界上八成的所謂"財產"都只在多少的人手上, 有多少人清楚?
人命值錢嗎?
**********
"希望"。
如果世界不是那麼的污煙瘴氣, 為何還需要"希望"? 在這愈來愈被扭曲的世界, (假)"民主"、(假)"自由"、(假)"人權"、(假)"道學""已經被濫用。政府、政客、政黨、教廷、教堂、信仰、學校、家長、學生, 甚至平民、外來人士、社工什麼的, 都只是打著這些旗號去滿足自己的私慾; "投票"、"少數服從多數"只是讓有權力的人、有錢的人更容易去為自己要做的事而"正名", 讓無知的人覺得"合理。
希望要怎樣才可實現? 奇蹟要何時才會發生? 難道只有去等那不知幾多份之一才會中的"彩票"?
"希望"在哪裡?
**********
可是, "我"有這樣的想法, 會被界定為"有負面的劣根性", 會被評定為"異類", 會被批判為"顛覆者"。有誰會真正的看到世界正在滅亡? 人心正在扭曲?
全能、全知的"袮"啊, 究竟在"袮"眼中, 看到人類的未來會是怎樣? "袮"仍在救贖他們嗎? 還是"袮"已經放棄了, 由得他們自生自滅? "信"者真的可以得救嗎?
愛之深, 恨之切。如果我這樣會被稱為墮落, 那, 我就墮落好了。
完
2011年7月24日 星期日
七月二十四日 -- 雜記
18/7(一) -- 關十四生日快樂~~下午放埋剩返4個鐘噶CL, 同埋幾個同事(ConniePennyAhYee)一齊去灣仔Crabtree teahouse high tea~ d野食都OK; Queenie又係得一個人食飯, 又難得大家係港島果邊, 於是晚上約左佢食飯; tea完之後自己行去太原街行下玩具, 到6點幾join埋Queenie去西灣河食恆河, 之後食埋明記糖水後行左下太安樓返企, 好早呢, 9點島(前)都到家了~
19/7(二) -- 收工返企食飯。
1. 今日好癲, 一日打左六篇野。
20/7(三) -- 收工返企食飯。
2. 一氣之下, 又來亂剪頭髮; 剪到興興地, 鏟埋, 爽。
21/7(四) -- 收工同Tango, 子揚, Vikki, Vikki男友, Lily, Lily個fnd Nancy, Lily個fnd個fnd Toby, 去Megabox唱K, 都唱得幾多, 佢地有幾個都係玩得幾癲~ 11點幾走, 12點半前返到企, 都唔太晏~~
3. 2次唱K發現有2粒音唔係好上到, 退步左? 未開聲? 另外, 第一次唱"那誰", 首歌好正。
22/7(五) -- 收工本來同Connie去睇話劇(林奕華), 不過佢唔舒服; 臨時搵左呀女Nat睇, 好似好衰咁臨時要搵人攝呢~~ 佢轉左工都無見過佢, 正好見下都好呢。係附近買左個salad食就去睇; 套劇竟然三個半鐘無中場休息, 坐到個人好累呢~~ 唔知點comment, 我覺得都幾好呀, 唔會好似Penny咁講, 話上次果套命運建築師好過呢套, 我覺得差唔多啦。
4. R: 我食開cheap野, 無經過包裝, 所以講野都係直接少少。你覺得我好差嗎? 不好嗎? 不是? 那就不是我的問題吧?
23/7(六) -- 由於之前2晚都夜訓, 本來想早上去書展, 都係算了; Bad End人就來去外國讀書, 於是約左去灣仔食lunch, 佢仲帶埋佢女友出來添, 第一次見, 個樣好似TVB個演員"康華"呢~~ 食完飯就散; 去左會展方向望左下, 好多人, 於是唔去書展了, 去左行太原街同埋行埋188, 慢慢咁行, 係咁熱噶天氣放鬆自己來行, 都唔係十分熱呢! 同埋一個人行188真係好, 可以慢慢睇晒要睇噶野; 行到差唔多5點, 本來Cynthia話佢5點會同fnd出來, 我可以join埋一齊去書展, 但係書展好多人唔多想join, 最終無join佢地, 返屋企算了; 返屋企我煮飯同呀爸2個人食, 食完係企hea, 睇左TVB Pear播噶Harry Potter 4大半集, 又叫睇多左集呢~ 計落得哈里2係完任未睇過, 基本上都叫睇過晒啦~~~
5. 經過好多次灣仔果間"原汁原味", 真係要搵機會試一次呢~
6. 係屋企無聊時, 睇返之前呀進話好睇噶漫畫"進擊的巨人", 幾好睇呢! 個氣氛做得好好同好緊張而且內容都幾正, 不過有時睇睇下都幾驚呢~ 仲有套好似好紅噶"武道狂之詩"要搵機會了解下先。
24/7(日) -- 下午出去睇哈里大結局, 都唔錯呀幾好睇; 睇完4點島, 行左The One, 好鐘意果間Lost & Found, 好多野睇~~~ 晚上meet埋KmanFF, 去左新世紀噶Kimchee食飯, 食完差唔多到9點就散。好舒服同輕鬆噶一日。
7. 一百年後, 我們都掛在牆上, 你在微笑, 我也在微笑。到時我們已看不到彼此, 所以有話好說...
8. 天日好同事返來了~
來緊:
25/7(一) -- SSP掃街之旅
26/7(二) -- badminton wv colleagues at TKO
28/7(四) -- KT Bday Dinner @ MK
29/7(五) -- 話劇同學gathering
30/7(六) -- Carol Bday party
4/8(四) -- 同而家一堆同事食晚飯gathering
7/8(日) -- K wv 死黨s
8月某日-- 話劇wv嫂嫂and fnds
完
2011年7月19日 星期二
雨天女孩日記
又是討人厭的雨天。
一個人站在屋簷下, 望著灰色的天空, 下著大雨; 看著滿街的人, 有些一早有備而來, 打著傘漫步, 有些則給突如其來的雨打個措手不及, 被淋個落湯雞。
一個人站在屋簷下, 想像著會有一個心愛的人, 帶著傘來...;
或者, 那個帥帥的他會狼狽的跑到這個屋簷下, 不小心撞到了自己, "呀! 對不起小姐, 撞到你了!" "不要緊...";
又或者, 充滿成熟味道的男士會走過來, "小姐, 你沒帶傘嗎? 不如我送你回家吧?;
腦子裡充滿了各種想像, 口水也差不多流出來了。呀呼~ 星期天百無聊賴的, 又下著討厭的雨, 站在屋簷下發呆也沒什麼問題吧...
"喂! 小慧!"
還沉醉在幻想的她被一把粗大嗓子還有肩上的一拍嚇了一跳。
"阿萊?"
"你怎麼在這裡發呆了? 沒帶傘嗎? 來來來, 我送你一程吧!"
阿萊一把就把她扯到傘下, "回家嗎? 我也正跟你同路, 別客氣啦! 哈哈哈!"
女孩連發生什麼事也未清楚就給"挾持"著回家了。
"唉...怎麼跟想像中的都不同, 竟然是班中的粗魯男生!" 小慧心想著, "算啦! 反正也差不多要回家了。"
"喂!" 又是那大嗓門, "你沒看今天的天氣報告嗎? 怎麼連傘也沒帶? 不像你哦! 不過也對, 這兒離你家又不太遠, 可能懶帶出來吧? 哇哈哈哈...我說呀...嘰哩呱啦..."
男孩一直說過不停, 女孩幾乎連插嘴的機會也沒有。
女孩突然發現, 明明傘子也不太大, 下這麼大的雨, 怎麼她都沒有半點濕? 悄悄看一看男孩, 只見他把傘子都遮到女孩那邊, 自己都濕了半邊身了。
"或許, 其實他也是個不錯的男孩呢。"女孩想著, 拍一拍包包, "傘子呀, 對不起了, 今天可輪不到你派上用場啦~ ^_^"
完
龜兔賽跑 回歸!?
話說本人曾經寫過一系列噶"龜兔賽跑", 詳情請看標籤入面"龜兔賽跑"噶故仔。
**********
話說兔仔之前n次衰左係烏龜手上, 佢返屋企苦練多時, 將自己噶心、體、技都提昇到佢最高噶極限。佢覺得自己已經準備充足, 覺得今次無論如何, 不論係功夫版本、運動版本、色情版本、推理版本, 咩版本都好, 都唔會再輸比烏龜。
於是佢再搵烏龜, 要再同佢比試, 一雪前恥。
"烏龜! 我今次已經準備充足! 無論係邊一方面都好我都已經準備萬全! 我更加唔會掉以輕心! 所以今次一定唔會輸比你架啦!"
"哼哼! 呢D說話你好似係想講比自己聽咋嘛? 唔似咁有信心喎? 嘿嘿!"
"好! 我都知多講無用! 我同你只可以係分勝負, 係無需要講野噶!"
"無錯! 我地今次堂堂正正咁賽一次跑, 無花無假, 貨真價實咁比賽一次啦!"
"好! 我地由呢度開始, 跑去果邊果棵大樹下, 中間無障礙無陷阱, 憑實力分勝負!"
"好! 我無異議!"
於是佢地2個就設定左條起跑線, 嚴陣以待, 準備起跑!
"3, 2, 1, 跑!"
兔仔即刻全力狂奔, 佢覺得自己今日狀態好好, 比起平時練習時發揮更好, 佢好有信心一定可以贏到!
係呢個時候, 令佢驚訝噶事情發生左。
只見烏龜狂跑, 竟然快過佢!
無錯, 無花無假無取巧, 佢係跑得快過兔仔!
免仔出盡力咁跑, 眼見住自己同烏龜噶距離愈來愈遠。佢冷汗直流, 點解會咁噶?!
終於, 烏龜到左終點, 而之後兔仔都到左終點。
"點解...點解...點解...!! 點解我會輸噶!! 無理由噶!! 但係...我又真係唔覺今次有咩唔妥, 究竟點解!!"
"嘿嘿嘿...傻仔, 等我話你知點解啦; 我用四隻腳跑, 點會慢過你用兩隻腳跑呀?"
"下?!"
"乜你唔知烏龜係跑得好快噶咩? 不過我從來都唔比人知咋嘛。"
"下?!"
"哇哈哈哈哈哈哈......"
"下?! 下?! 下?!"
完
Aggressive-ness? less?
熟我少少都知我係一蹶唔多aggressive噶人。
用打羽毛球為例。有時打打下有舊叉燒食, 覺得大家打得開心咪幾好, 跟住就唔會殺個波落去。久而久之, 我而家係唔識殺波噶, 係真係唔識殺, 明明自己夠高, 殺落去會OK, 但係真係唔識。
對於好多野, 自己都一樣係咁。自己、或者大家, 舒服就好。自己一直算係隨遇而安噶人(當然同自己噶屋企同成長經歷有關), 覺竹7呢個世界好多野自己都控制唔到, 有好多時太過刻意都無咩意思。所以自己會比較隨意而行。
講真, 就算講career、政治、股市都係。你當我懶又好, 睇化又好, 好多野根本就係一少撮人係度自己玩緊, 你想去控制就一定無可能, 更多人就想係呢D情況之下撈些少著數、油水, 或者咩都好, sorry咯, 我真係無咩興趣。
花費(我唔會話係浪費, 因為我身邊都有好叻好成功噶例子)左好多時間同精神, 有幾多人真係可以係股票度賺左好多? 值唔值得? 大升大跌之後, 其實最後係唔係都係只係balance返? 咁其實咪即係真係浪費左D時間同精力? 錢係賺唔晒噶, 亦都唔係人生噶唯一(當然, 係必要噶)。自己唔係十分著重物質享受, 因此對我來講真係"夠"就夠了。
不過, 唔單止呢D野。其實對於好多其他野, 自己都係唔aggressive。覺得好多野, 係O岩噶、係會噶, 自然就會係。同"命運"無關, 係"性格"。性格影響命運, 係好多唔同性格同情況交叉而成噶, 就係每日每日發生噶事。而人生最有趣噶地方, 就係無可能知道所有information, 唔知下一步會發生咩事, 咁樣先係人生吧。
自己噶目標, 或者所有人噶目標, 其實到最後都係快樂, 只不過令大家快樂噶野唔同。而我, 唯一好aggressive噶野就係令自己快樂, 而令自己快樂噶"事物", 可能就係 -- 隨遇而安。
完
標籤： 個人感受/感想/人生觀
瓶中之水
再次強調, 自己雖然會看而且有看不過不少有關星座的書籍, 但並不代表自己是那些什麼也相信星座的星座迷。有時自己談及星座, 也只不過當作是閒聊的話題, 或者以此為題, 借題發揮而已。而這次也一樣。
水瓶座, 其精髓之處在於瓶中的"水"。水並無固定形態, 會隨著容器(甚至溫度)改變其形狀(態)。而很多水瓶座的人也一樣, 會隨著身邊的人而"改變"。
改變並不是改變自己的立場, 或者改變自己的看法。水瓶最忠於自己的感覺, 自己的一向的"concept"不會輕易地因人而改變的。
所謂"改變", 是改變自己與不同的人的相處方式, 按著對方的喜好、需要而改變自己的"形狀"、"顏色"、甚至"形態", 去使別人覺得舒服, 去緊貼住別人不同的形狀。不過, 水仍然是水而已。
曾經覺得, 這樣叫不叫"假"? 我覺得不算吧。這個情況, 就像大家對住自己的父母和對住自己的愛人, 應該會是兩個完全不同的人, 對吧? 而水瓶, 只是更細緻地分裂到不同的人身上而已。
因此我很喜歡Mr. Big的一首歌: Daddy, Brother, Lover, Little boy。只對著自己愛的人, 在他/她有需要的時候, 就變身成為她想要的狀態。How sweet。
完
標籤： 個人感受/感想/人生觀
記憶力, again
儘管能夠忘記、能夠放下是幸福, 我的身體、我的腦袋還是自然地選擇了去"記住"。
從小到大, 雖不至於過目不忘, 但"背書"總是比較拿手的一項。一直到長大, 記著很多有用的、無用的事: 發生一些事的感覺、對某朋友雞毛蒜皮的某些趣事、很多朋友的生日喜好禁忌, 當然也還有對自己心愛的人的一切, 把對她的好成為習慣、成為自然動作, 把一切與她有關的事、時間、一切一切都記得清清楚楚。
但當他/她已經不再需要我的時候, 那一切的記憶都沒有意義了, 成為一個空殼。全年、全日到了某一個特定的日子、每一個特定的時間, 就很自然的想起了。到了很多地方、看到了某些東西、聽到某些歌, 甚至是某些片言隻字、氣味、顏色...一切的細緻的事件, 都可以trigger到我記憶的那一部份。
這一年多來就是這樣熬過去的。
寫了這麼多, 不是想說自己仍然記掛著她、或者仍然愛著她、還是自己有多深情。我只想說自己只是一個死腦袋的傻瓜, 如果不會愛上我、對我好、還沒有準備好的話, 還是別讓我愛上一個人好了。
完
標籤： 個人感受/感想/人生觀
人生觀, again
有時回顧自己的blog, 數年來自己寫過的東西, 發現了一樣不知是好還是壞的現象。
以前寫過很多自己的人生觀, 對事物的看法, 現在已經很少寫了。當自己看著以前的東東時, 經常覺得到現在的看法也沒有什麼改變。這究竟是好事還是壞事呢?
從好的一方面看, 自己以前的"觀念", 對自己的人生來說已經是"正確", 自己已經清楚自己要走的路, 知道自己的性格、目光等等, 是要怎樣的, 因此就再沒有什麼大改變。
但另一方面, 我覺得人應該不斷成長, 要從經驗中學習。自己已經不再有多大改變, 是因為已經年紀大了, 變得頑固? 變得開始只相信自己的一套? 已經失去了進步的能力?
說真的, 對於人生觀也好, 看法也好什麼的, 是沒有什麼大的改變。但一直覺得, 這一年半來自己退步了很多。不是指身體上, 是指自己的心態上、待人接物上。明明已經掌握的技能, 有很多好像已經不再存在、不再能夠使用, 不論是因為"不能", 或者"不為"。
事實上也感覺到自己變得比以前負面, 也沒有以前般"好"。或者會有很多熟悉的的朋友認為我經常美化過去的自己, 但事實上, 倒不如說過去的自己的確是比現在的自己好。
從以前就一直覺得人應該是隨著時間一直有進步的, 可是卻得自己退步了, 而且變得疲累了, 動力也沒以前般大。是因為什麼原因呢? 因為之前的經歷? 因為失去以前的東西? 因為現在得不到想要的東西? 還是因為不知道未來想要什麼?
我經常也跟別人說, 二零一零年才認識我的人, 不再認識以前的我, 也不會知道以前的我是怎樣的了; 但不論怎樣也好, 我仍然很清楚自己就是自己。不會有人去慢慢分析你的經歷, 你的遭遇, 而去可憐現在已經變壞了、腐敗了的你。看來我要再努力起來呢。
或者, 我需要找一個動力, 或者一個支持點, 去使自己去重新努力起來? 又或者, 腐敗了才是真正的我?
p.s. 或者也要正面一點加多一句, 即使是變壞了、腐敗了的我, 也仍然比世上很多人好吧...
完
標籤： 個人感受/感想/人生觀
2011年7月18日 星期一
故事完結後
到現在, 我仍然會夢到自己在維卡爾大平原上或者在茱內亞大森林中漫步。那股嫩草的香氣, 樹木的陰涼, 還有可能突然出現的小草怪、食人花等等, 都清清楚楚的在我夢中出現。
你們總會保護著我。我是團隊內唯一的神官, 唯一會使用神跡, 唯一會治療魔法的隊員, 甚至是唯一擁有神聖力量, 可以協助擊敗大魔王的人。偏偏, 我是隊中戰鬥力最弱的一個, 經常要受到你們的保護, 甚至令你們不惜犧牲性命來守護著我...
我永遠不會忘記提頓遺跡那如有生命般的水晶, 不會忘記馬克大雪山冰天雪地中的神鷹, 不會忘記基烈斯火山爆發時的壯觀景色, 不會忘記湯贊沙漠中那奇怪的綠洲, 不會忘記空中之城中各種各樣奇怪的道具和城主, 我們一起旅行的一切, 我永遠不會忘記...還有...不會忘記...你。
對於記憶力強的我, 不只是可以很快記到大量的咒文, 還會記得跟你們在一起的一點一滴。我記得德格勒斯每天七時就會敲著鑼鼓般叫大家起來, 巴恩總是喋喋不休的準備著大家的膳食, 卡繆兒最喜歡唱歌... 我們一起快樂的午餐, 一起努力地修練, 一起對抗敵人; 而我最難忘的, 是你的背影。
你並不是團隊中的主角; 你個性木訥, 不擅長說話, 大家一起說笑的時候, 你只會跟著大家一起傻笑; 你不是魔法師, 不是僧侶, 不是吟遊詩人...你不懂魔法, 不可以發揮驚天動地的法術; 你只是一個戰士, 以肉體和技術去戰鬥的武鬥家。大家似乎忘記了戰士以肉體、以武器分勝負的重要性: 在已方魔法師諗咒時的肉盾, 在敵方魔法師放出魔法前一擊即殺的豪快, 不會像魔法師般只有有限的精力去施法...其實, 戰士是多麼的重要。
而我, 最記得是你那高大的背影, 那男兒項背。永遠地、堅定地擋在我的身前。把大部份的攻擊都幫我擋開了, 接下了。我知道, 你不只是知道神官的重要性, 才會如此地保護我的。我看得見你偷偷望我的眼神。我看得見你那對著我溫柔的笑容。你知道嗎? 我一直好喜歡你。我記得你的一舉一動, 比起其他伙伴的還要清楚。
終於, 我們一伙好不容易到了大魔王跟前。巴恩壯烈犧牲了, 大家都好傷心。然後, 我用盡一切力量, 把勇者的聖劍, 加護了最強的聖光, 勇者發揮他最強大的力量, 與大魔王戰鬥, 其他人也援助著他, 最後他成功把那劍尖送進大魔王艾瑪的心臟。
有誰會留意到, 在那邊廂風起雲湧的戰鬥, 在這邊的生死之戰也不惶多讓。你一直在我使出加護力量時保護我, 在我力盡倒地後一直死守在我的附近, 你把大魔王的手下都擋在你的前面。你把黑暗騎士擊倒, 把三頭大蛇的頭切了下來, 把暗黑妖術師一腳踢到老遠; 然後, 大魔王艾瑪也給勇者了結; 而你, 卻也中了多支暗黑魔法箭、那些只向著我直射而來的暗黑魔法箭。
那一刻, 艾瑪死了, 那些箭刺在你的身上, 背上, 那寬厚的背上, 刺在你的後腦, 你連再見也來不及說, 就這樣走了。我還未學到到那掌握生死的復活咒語。我只見到你最後的那一個微笑, 只是向著我的微笑。在那一刻, 不單止魔王死了, 連你也死了, 而我的心, 也跟隨著你而去了。
大魔王被消滅了, 世界恢復和平。勇者和他的伙伴 -- 亦即是我們, 都被國王加冕為聖騎士、大神宮...平民百姓、國王、其他伙伴們, 大家都過著很幸福愉快的生活。我們呢? 我好想你也得到幸福, 好想自己能夠給你幸福...
我還依稀記得那陣青草的香味, 那陣好香好香的味道...我們曾經一起經歷過的味道...
完
2011年7月17日 星期日
七月十七日-- 雜記
11/7(一) -- Pixar個展覽今日最後一日...無緣去睇了; 收工本來4仔re-U, 不過民民OT, FF唔多舒服, 所以得返呀源同Kenneth, 係APM Hipot食飯。
1. 要定下減肥計劃了, 但係邊度搵個secret angel呢?
12/7(二) -- 收工返企食飯, 呀媽竟然班到酒樓果d填鴨返屋企; 食完同媽去左Jusco行, 順便買埋要整卡邦尼意粉噶野, 等我天日試下先!
2. 對皮鞋都爛爛地了...
3. 要係廿幾號之前追返之前無睇噶Harry Porter...=_=
4. 我個故仔, 故事大綱+人物briefing已經過萬字了~ 我覺得好勁呀, 哇哈哈哈。
13/7(三) -- 本來打左電話返企話食飯, Queenie老公突然又話唔同佢食飯(之後又話返得不過太遲了), 臨時同Q食飯; 諗唔到食咩, 尋日又反正買左料, 仲有專人教路, 於是返左屋企試整卡邦尼汁意粉, 都OK啦; 食完去左坑口聰嫂食埋甜品散。
14/7(四) -- 臨時搵左呀進食飯, 比返上次無比噶手信佢; 去左SSP, 買左要買噶野比人, 順手買左要買噶扭蛋; 食左d雜食同同呀進行左下, 之後行左去近長沙灣果邊搵野食, 最後竟然係食小金井; 食完吹左陣水散。
5. 好想打羽毛球, 好想打籃球, 好想唱K, 好想打鼓, 好想畫公仔, 好想寫故事, 好想...好想...; 羽毛球無人book場, 無得打了; 籃球天氣好熱都仲可以照打, 但係落雨就無得打了; 唱K好難搵夠腳; 無咩識噶人會夾band, 更加唔會自己去打鼓; N年無畫公仔; 諗唔到寫咩故仔, 唔可以好似以前咁狂寫...仲有...仲有...
15/7(五) -- 收工返企同老豆2條友食飯。
16/7(六) -- 本來噶TKO buddies點心gathering, 變左呀瑛我噶聚眾Gathering, 哇哈哈哈, 結果係原本噶我、Barry、JP, 加埋呀源、Cynthia、Vikki同Lily, 臨時仲叫埋威威同呀娟添! 可惜民仔來唔到~~ 食完之後Lily同Vikki返公司, 威威同呀娟自己行, 剩返5人一齊唱K, 好開心可以唱K呢! 而且第一次同JP唱, 都OK呢; 到7點我走先, 去灣仔join Rhian呀天細恩同呀魚食飯, 本來話去金源, 不過最後無去, 佢地選左去The Flying Pan, 之後仲食埋之前Cynthia介紹果間cake添, 到10點幾就散。
6. 全日好圓滿呢, 又見好多朋友, 唔同堆噶朋友又唔會odd都傾到偈, 又食到好野, 唱到K, 好充實而圓滿噶一日呢。
17/7(日) -- 難得一日逼自己再訓, 好晏先起身; 跟住全日係屋企煲Harry Potter, 對眼好累, 不過都睇左要睇噶野, 唔睇晒lu~~ 夜晚係企同papa食飯。
7. 呀媽強制地介紹左D同鄉噶人比我, add埋facebook; 估唔到又真係會hi同傾偈喎~ haha
來緊:
18/7(一) -- 放埋剩返4個鐘噶CL, 同埋幾個同事一齊去high tea~
21/7(四) -- 同信和人等唱K?
22/7(五) -- 睇話劇(林奕華) wv Connie
23/7(六) -- Bad End人就來去外國讀書, 會同佢and佢gf食晏
24/7(日) -- 公司Movie蝦你老實; 晚上同KmanFF食飯
25/7(一) -- SSP掃街之旅?
28/7(四) -- KT Bday Dinner
30/7(六) -- Carol Bday party
8月某日-- 話劇wv嫂嫂and fnds
完
2011年7月13日 星期三
減肥
自從無羽毛球打, 天氣又變得難打籃球之後, 運動噶機會少左好多。
食量又不變(好彩無增大), 結果就係愈來愈肥。
要定下減肥計劃了, 但係邊度搵到我個secret angel呢?
首先要控制住某d野先, 唔使咁急一來就要減, 咁樣應該會可行d; 一來太急進的話只會無心機。
加油
減肥策略Version I
早餐
星期一至五: 三文治, 最多一次食炒麵
星期六日: 睇下有無早場/打波, 如果有就食包, 無就係屋企睇下連唔連埋lunch食
'
午餐
星期一至五: 照常同同事食, 叫少飯或者唔好食晒d飯, 食少d油野; 凍飲照飲, 但一定要少甜
星期六日: 睇情況啦...
除非有人請(或特殊情況<-當然唔會經常特殊情況), otherwise no下午茶
晚餐
記得食少d, 控制份量
如果之後會食甜品, 晚餐時要再食少d
嚴禁零食, 嚴禁宵夜
戒汽水, 戒甜野(好彩唔多好呢樣)
運動
我要打羽毛球 >__<
如果無落雨星期日儘量去打籃球
係屋企自己做d exercise
暫時係咁
2011年7月11日 星期一
七月十日 -- 雜記
4/7(一) -- 今日臨時約左魷魚食飯, 好N耐無見佢了, 一次過派左2度噶手信比佢; 好耐無見加上佢而家online又少講野, 雖然我無咩變但係對方好似陌生左d呢...係寶琳食完飯行左陣, 本來想買星期二飛自己睇戲, 諗諗下都係算了; 返企剪頭髮之後沖涼hea, 時間尚早仲係九點幾。
1. 自己長遠諗噶故仔, 大部份人物同故事大綱已經完成接近7-8成啦, 好開心, 哇哈哈哈, 只係briefing都好似六、七千字; 哇哈哈哈, 我係唔會寫個故仔的~~~
2. 原來我真係好易滯。
5/7(二) -- 因為特別噶原因, 早收工, 亦都因為等車太順利, 比早收工更早收工; 於是收工自己去寶琳睇左老變3, 之後仲可以返企食飯添。
3. I don't care all the truth, I care the cheats.
4. 神秘的一個人平價場: 老變3 - 好比面咁睇左3D版; 個人認為唔需要睇3D; 劇情預左都係無咩特別大橋, 成場個氣氛都OK幾緊張同keep住唔會悶, 但又未到十分精彩; 大部份戲都係D人類度, D老變唔算係出得好多, 打噶戲份算少添; 仍然同前2集一樣, 講到人類都ok打得, 同D敵人有得抽下; 搵笨D噶係麥sir出得少得來又比人秒...攪錯呀; 換左女角, 個樣係外國人口味, 自己又未至於覺得醜, 身型的確係索噶。Overall...65-70分島啦, 2個半鐘算係咁了。另外: 果個Sentinel個樣有D似吳耀漢加鬍鬚。
5. 係屋企搵左好多首九十年代日本卡通片歌噶youtube片出來, 好high呀~~!! (一向覺得)卡通片歌其實都好好聽~~~!!
6/7(三) -- 收工返企食飯。
6. 完了。
7/7(四) -- 之前果晚11點幾訓, 但係全日都仍然好累好眼訓狀態好低; 收工同同事們畫油畫, 唔知自己做過d咩來, 畫完返企。
8/7(五) -- 收工臨時約左見下花姐姐, 好耐好耐好耐無見佢啦, 終於可以見到佢, 我諗有大半年無見過佢了, 佢仍然都係同之前差唔多呢, 一次過將台灣、新加坡同日本噶手信比佢; 係九龍城糖百府坐左傾左個鐘偈(間野個楊枝甘露壞噶有怪味, 換左第二樣野), 7點半島同佢散左, 搭van落MK再轉MTR去TST, join埋姑姑同八妹, 去金巴利街噶"南大門"拿位, 之後賢賢+女友同呀Jim來埋, 六個人食飯(本來係預4個人噶), 又可以一次過清手信仲可以收返幫賢賢買野噶錢添。第一次見呀賢賢女友呢~~~ 食完飯姑姑沾沾同八妹去飲野, 我就返企了。
7. 今日真係派左好多手信出去呢~~同埋好開心見到花姐姐~~
8. 很難過, 很累。
9/7(六) -- 一早醒左, 起身係屋企hea, 之後成班同事去Queenie屋企玩; 初步學到點整卡邦尼汁, 下次要試下整先! 係佢家hea左一日, 打下Wii, 玩下Pictionary, 食下野咁, 成班好同事感覺良好。第一次見到Wendy男友真人, 感覺正如我同Q同Kenneth講咁。
10/7(日) -- 起身去睇左早場"Mr. Poppers Penguins", 睇完戲去奇趣發現做八折(即係之前八五折買貴左? =_=), 返屋企執一執野就出發去南丫島。好多年無去過南丫島, 超過五年了。係中環join埋Tango一齊入去, 伙南丫島meet Lily, 等埋Vikki同佢男友, 就入去海灘。原本完全無諗過落水, 不過佢地都話落, 好彩自己有帶左衫褲, 係果邊買左條沙灘褲就同佢地一齊落水。今年第一次游水呢~ 而且果個灘去到好出都仲係幾淺, 又唔太污糟, 幾好喎。咁大個仔第一次玩埋水泡, 好大個呀, 攬住佢載浮載沉隨波逐流都好寫意呢~ 之後Tango個fnd join埋一齊游, 到到夜晚大家一齊BBQ到搭10點半船出返來。
9. "Mr. Poppers Penguins", 占爺好似好耐都無拍戲, 佢噶肢體動作仍然係一絕呢~ 成套戲都好開心, D企鵝仔好得意呀~~ 另外佢個秘書, Ophelia Lovibond都令我留下印象, 好得意呢~
來緊:
11/7(一) -- dine wv 源KmanFF
16/7(六) -- DimSum wv TKO buddies, dine wv Rhian and Co.
22/7(五) -- 睇話劇(林奕華) wv Connie
24/7(日) -- 公司Movie蝦你老實
30/7(六) -- Carol Bday party
8月某日-- 話劇wv嫂嫂and fnds
完
2011年7月5日 星期二
手信list
呢一年去左好多次旅行(自問比起好多人來講真係算好密), 由頭一、二次噶旅行途中諗下買咩手信比邊個再寫低, 直到近幾次直頭預先寫個list出來(之後噶旅行仲可以就咁用返個list)。大部份人或多或少都會有個類似噶list係心入面, 但我覺得應該唔多人會好似我咁, 會係旅行前寫個list, 然後係旅行沿途見到D咩特別野或者留意D咩O岩噶野買比朋友仔, 甚至係見到D更O岩噶野就要諗下邊樣比邊個...等等。
唔知其他人點諗, 但係自己覺得, 買手信係一件好開心噶事。因為如果真係有心買噶話, 係要用好多心機同心思, 去買(或者有時係唔使錢咁拿)一D當地特別噶野, 而唔係見到一D好"行"噶野就買一堆送比人。能夠入到"手信list"噶人, 一定都係一D特別噶人, 哇哈哈, 其實咁講只不過係懶譁眾取寵, 講到尾都係一堆熟人啦。
(再)比起其他人, 自己個list都好長下, 下下要買野其實都幾多(仲好貴添), 哈哈。不過係得list入面噶人唔多唔少都係有好多唔同特別噶感覺, 都會係自己珍惜噶人(其實真係要list, 又何止list上果d呢?)。自己可能暗暗係好想佢地感受到我送噶果樣野O岩佢地, 令佢地開心噶。
好耐之前自己都講過, 自己雖然係極鐘意講野同埋sharing好多野, 但係對於自己情感噶野係好唔識得表達。不論係對屋企人、鐘意噶人同好朋友都好, 從來都唔多會講少少自己好喜歡對方或者透露呢D感覺出來。有時候會刻意隱藏、漠不關心、甚至口不對心添。
雖然自己好似對個個朋友都好咁(就算一般朋友都係), 不過如果有心人士留意到細微噶野的話, 應該都會sense到其實我對真係好朋友或者身邊好親噶人係唔同的。不過係度當然就唔會講出來, 又或者其實自己都唔知點講呢。不過難得地講開呢d野, 都想係度再講多一次: 其實我心中係好愛我家人同身邊噶人們, 有時候雖然好似無咩表示咁, 但係如果有咩事起來, 如果出聲的話我會希望自己儘量幫到大家呢。而大家對我噶好我亦都記得清清楚楚, 時常都覺得好多人錫我, 好溫暖。
嗯嗯, 唔知講咩好, 都係就咁算啦~
完
標籤： 個人感受/感想/人生觀, 還OK的
2011年7月4日 星期一
七月三日 -- 雜記
1. 之前果晚, 十一點幾訓, 十二點幾先訓著, 兩點幾, 四點幾同六點幾都醒...
20/6(一) -- FF生日快樂~~ 早上約左呀叻食早餐; 收工返企食飯之後本來想執野, 點知睇左華麗明星賽latest果2集之後好累, 就hea左無執。
2. 收到個晴天霹靂噶消息: 好同事Q由27/6開始將會被借調過去總部一個月, Oh no~~
3. 今次係三點幾, 五點幾同六點幾。
21/6(二) -- 收工返企食飯執野。經歷左幾次旅行, 每次執完野都仍然係有好似帶唔齊野噶感覺。
4. 終於...
22/6-26/6 -- Japan trip
26/6(日) -- 返到屋企, 執晒d野沖埋涼整埋要整噶野, 都好夜了。
27/6(一) -- Nat今日last day了, 所以唔請假專登返工; 另外Q都由今日開始外借去HQ果邊一個月了; 收工同Sam食飯, 試左KFC新果個好似有D日式噶燒雞餐, 三十幾蚊飽得來又幾好食喎! 仲值得encore添! 夜晚同呀哥AOE, 好眼訓。
28/6(二) -- 補返休息一天, 同隔離KTPD噶一D同事一齊放假, 約埋去食tea仲有夜晚掃街! 中午出去, 同Nat 1點去登記左個tea, 之後同佢係cafe 1882食左D野飲野同吹水, 之後2點幾華哥等人(Wacoal, Joyce, Joyce老公, Queenie Cheng, Queenie個fnd)來到, 就上齊上去食hi-tea; 間野個場就幾靚噶, 個view都好, 可惜落雨, d野食就普通麻麻地啦; 食完本來同Nat同Wacoal一齊去SSP掃街, 但係Nat唔舒服返去, 所有cancel左; 臨時約左呀進出來, 佢比左我係日本時佢幫我係HK買噶模型我, 真係唔該晒! 我竟然唔記得帶手信比佢~~~ 之後行左下黃金, 買左i-Phone果舊叉電, 之後同佢係周記食飯再散。晚上係屋企執左下d相。
5. 出門口時落天濕濕, 天氣又熱, 諗住都係著返短褲Crocs出去啦, 突然邐 起會唔會唔好呢? 於是著返牛記出去, 最終食tea果度男仔真係有dress code唔比短褲同涼鞋, 好彩我醒姐!
6. Joyce老公名不虛傳, 真係靚仔呀~~
29/6(三) -- 今日打完D遊記; 收工返企食飯, 繼續執相, 經歷左幾次upload時hang左再upload, 終於整理完。覺得自己好快好有效率呀~~
7. 要減肥呀呀呀~~~
8. 要叫民民約下之前話劇D同學仔聚下先, 好耐無見了。
30/6(四)-- 之前果晚訓得好差; 收工後同死黨們食飯@KLS, 聽Connie講去呀Yo介紹噶Thai, 好味道, 之後我帶路去食甜品後散。
9. 屋企附近漫畫鋪清二手書, 收工經過時好平咁買左五本(1-5)"櫻通信"; 點解會買呢? 係中學時期成日會買d台版CD來聽, 有時D未睇過噶卡通片或者無玩過噶game噶original soundtrack都會買來聽; 當年(直到而家)都未睇過"櫻通信"呢套野, 但就買就隻soundtrack來聽, 好好聽, 真係好正。明顯地係講愛情噶故仔(仲要係學生時間噶愛情), d soundtrack係正到一聽你已經估到個scenerio係咩, 好貼題得來好好聽。講返套漫畫, 作者係"遊人", 佢出名係畫咸濕漫畫噶, 果套野一睇之下, 果然係講愛情噶漫畫, 雖然都有D三級位但係唔多, 劇情好唔錯; 最令人開心係, 一路睇一路係諗到邊一場係配咩音樂, 個感覺好正~~ 可惜D漫畫原來到第五期係未完O既。
10. 上網見到消息: 期待已久, Hunter x Hunter 8月連載再開!!!!
1/7(五) -- 公眾假期; 中午同呀哥呀嫂食完KFC一齊打左鋪AOE, 三個人一齊玩好開心呢~ 之後本來約左出去同民民FF唱K, 但係K房爆左, cancel左(無出街); 個頭赤赤地, 係屋企訓左, 訓起身同呀哥佢地一齊打機, 打到8點幾煮野食係屋企食飯, 最終全日係屋企hea左休息一日。
11. 不再像從前般抓狂, 是因為不可以, 還是因為完全不對?反正, 答案都是"不"。
2/7(六) -- 早上起身msn見到關老B, 臨時約左出去TKO中心食早餐, 之後同佢行左Jusco, 見平買左鞋"薦"; 之後買左野食返屋企同呀哥呀嫂食野, 在家hea一天。
3/7(日) -- 早上去打波, 好熱好曬好累; 一開始打得麻麻, 慢慢上力都打得OK, 不過好熱熱到個人無咩動力(其實個身體又唔係好累); 打完波食完飯同民民慢慢行去北角返屋企沖涼休息同呀哥打鋪AOE(頭有d赤); 五點半出門口同仙肥牙六點係CWB食聰嫂同行下Times(多謝Macau手信), 七點半去Mandy Ho婚宴; 都幾開心呢(仲見到好多舊同事s), 最攪笑係羊生噶花絮, 哈哈。
12. 最短, 最驚栗, 最恐怖、最悲情、最懸疑的微小說: 貞子懷孕了......
來緊:
7/7(四) -- oil painting session after work wv colleagues
9/7(六) -- 成班同事去Queenie屋企玩
22/7(五) -- 睇話劇(林奕華) wv Connie
30/7(六) -- Carol Bday party
8月某日-- 話劇wv嫂嫂and fnds
要約姑姑賢賢同八妹
要約花姐姐
完
2011年7月1日 星期五
東京之旅 -後語-
東京之旅
後語
雖然自己係鐘意風景同埋歷史野多, 但係東京畢竟係首都, 亦都值得去噶。好彩並無點受地震影響, 而自己想去噶地方都幾乎去到。今次去由於2條佬去, 而且我未去過, 所以Barry都係有限時間內盡量同我去左好多地方呢, 同埋都無去到所有"樂園"類噶地方(仲可以再去多次東京in the future?)
另外, 雖然有帶本野, 但係唔係成日拿出來記低野, 好多時都係當晚係酒店拿返出來記, 所以都一定有miss左d感想, 無辦法了。今次可惜噶係買唔到想買噶鞋"薦", 唔知邊度有得買呢?
係度當然要多謝下d人啦, 一般太common果d唔再多講啦。
1. 首先要多謝Barry啦~~~都係多得佢book package、安排D行程、唱錢...等等, 又超好人又就我, 多謝晒呀~!
2. 多謝呀Penny借左本最新噶東京旅遊書比我, 好有用! 我地搭車行路睇地圖都係靠晒佢啦!
3. 多謝民民借左舊後備電比我, 等我可以係咁狂影相無顧忌!
4. 多謝Fontane借出Suica一張~~
5. 多謝Wacoal係本旅遊書mark左多recommendation比我~~
6. 多謝係東京留左一年噶呀Yan比左好多意見我
總結一下, 今次個trip 5日4夜, 機票連酒店連稅4000, 估唔到自己無expect買衫用左1000, 其餘使費(包括食飯, 交通, 買手信, 仲有未扣幫人買野)3000, 總共用左HKD8000島(應該係不足8000), 好抵呀~~
希望來緊唔知幾時, 再有下次噶trip!
完
東京之旅 Day 5 ~第九章~ "旅行的終結 - 上野"
東京之旅 Day 5
~第九章~ "旅行的終結 - 上野"
之前提過, 上野係返成田機場噶必經之路, 所以好多人都會係最後一日來上野, 買完手信, 行完街就順便直接走。我地都唔例外, 由於當日無咩特別行程, 對腳又累, 又行唔設上野動物園(可惜), 於是就係酒店休息到11點check-out先走。
之前某日行過一間好大噶"GAP", 無買到件褸, 話如果係新宿果間細D見到有就買, 結果就係last呢日係新宿買左咯(I am褸魔)。買完初, 終於離開新宿, 拖住Gip去到上野。行左果個話有好多玩具噶商場, 多係好多不過全部正價, 仲貴過秋葉原, (Barry就係另一邊買左野), 之後都係例牌行返果條街啦。去返一般手信位"二木", 不過我之前已經係川越買左野食(起碼唔係人人會買到噶野呀), Barry就係度掃貨。
係度反面係第一次係日本"掃街"; 食左Kebab, "大山"噶炸薯餅同肉餅, 仲有燒章魚丸, 好味又好飽, 都唔使食飯了。掃完貨、掃完街, 係時候上之前搭過來果價平D噶火車, 返返成田機場啦。係火車見到個呀佰, 年紀都幾大, 但係拿住支1.25公升噶可樂係度吹, 好勁呢~~ 呢樣野只係我讀書果時先會做, 而家都唔得啦~~
終於都攪掂晒d手續各方面, 係機場竟然比差佬逗, 好有禮貌咁叫check我地袋; 之後上機、回港, 旅程完結。
Day 5 end記一記:
1. 返到來好熱, 東京頭果3日都熱, 但係無咁濕咁焗, 之後果2日天陰直情涼添!Hk天氣真係辛苦。
2. 唔知係咪HK機場博覽館有function, d巴士勁多人, 第一架我係上唔到(無理由企返去架), 結果係等第二架巴士, 10點半到HK, 過左12點半先返到屋企。
東京之旅 Day 4 ~第八章~ "秋葉原 - 動漫、遊戲、宅男、女僕"
東京之旅 Day 4
~第八章~ "秋葉原 - 動漫、遊戲、宅男、女僕聚集之地?"
之前講過新宿池袋銀座原宿涉谷, 無提到秋葉原。因為呢個係一個唔同feel噶地方。一個好多有關動漫、遊戲、玩具、cosplay仲有好多女僕cafe噶地方(咁當然都有好多其他野, 例如電器)。不過由於對腳已經好痛, 加上去到都唔係好早(近黃昏), 所以唔係花左好多時間行。
行過晒旅遊書有介紹同無介紹噶好多店同商場, 真係有好~~~~多相關物品。不過事前都知, 其實果度D野比香港仲貴, 如果要買野, 只係要買D香港無噶野, 而我知價果d, 眼見的確係香港平D, 所以雖然都算行左幾多鋪頭, 但係一樣玩具都無買到。
至於街上好多係度派傅單噶女僕裝扮噶女仔, 佢地唔係好願意比人影相, 聽聞cafe內係唔比影添! 不過無去到, 所以唔知實際情況了。係區內有個AKB48劇場, 係佢地噶專屬場地, 聽聞日日有show開添, 不過我地當然係無去到啦。結果係無咩收獲噶情況下, 係對腳好痛噶狀態之中, 返返新宿。
照例去wifi通, 係大戶屋食晚飯, 之後就返酒店了。
Day 4 end 記一記:
1. 慳電mode of Japan
2. 腳超~~~痛, 返到來HK都仲痛左2日
3. 田村正和(純粹記返之前一D野)
4. Smap噶吾郎同松田聖子part埋拍廣告...
東京之旅 Day 4 ~第七章~ "築地市場 + 日本政治之旅? 日皇宮+靖國神社!"
東京之旅 Day 4
~第七章~ "築地市場 + 日本政治之旅? 日皇宮+靖國神社!"
期待已久。一早起身, 去築地! 不過我地都係一般早, 8點幾9點幾到, 唔係超早果隻, 覺得無咩需要咁早; 當然亦都無去食D多人排噶店(全程日本都無排過隊食野)。好多遊客都係係外面hea逛下, 我同Barry就入埋去街市位行(築地市場好大呢), 有好~~~多海產呢! Barry唔多敢即買即食, 而我就緊係要complete呢個mission啦! 係街市位即買即食左刺身, 出返去外市場再食定食, 好飽, 但係真係好味道~~~ 返香港真係唔想再食呢D野住啦~~
離開築地市場, 慢慢行去銀座。途經Barry想去噶賣衫店"A&F", 入左去睇左陣。好正, 成幢building都係間店, 入面好暗, D音樂好大聲, 最正係所有, 無錯, 係所有sales不論男女都好正。男噶都係高大同靚仔, 女噶都高同靚女仲清一色短褲仔, 煩心悅目。不過場內唔比影相, 睇完之後覺得D野都貴所以就咁走。
係銀座就緊係順便去日皇宮, 都OK啦, 係外圍睇下咁(主要都係大家睇相啦), 就行去東京站。連續三日walk fight, 對腳又開始痛了。東京站竟然裝修, 影唔到相, 只係見到個頂。之後自己心魔, 而barry亦好就我, 去靖國神社!
唔係度多講靖國神社係咩啦, 有興趣自己去睇下係咩來。不過如果有留意下新聞應該都知知地, 係一個供奉日本戰犯(即係二戰果時D日本軍人)噶地方。我就一直心魔好想去睇下, 結果係出乎意料地驚喜呢。
首先就係個神社, 其實無咩特別, 都係一個建築物來噶姐, 係"到此一遊"噶地方。反而係旁邊噶"遊就館", 如果鐘意睇歷史噶就好值得去。入面都係唔比影相, 所以都無相睇啦。好似歷史博物館咁, 講返日本從第一次世界大戰開始, 一直到二戰完之間打噶仗、發生過噶事。
又有好多展品, 包括有D藝術品, 打仗噶武器、軍服, 軍人噶照片、書信(尤其係比屋企人噶遺書好正)等等, 好多野睇, 好值得去睇下呢! 最"有趣"噶地方, 係睇由佢地角度出發去睇佢地侵略噶野, 好攪野。例如: 蘆溝橋事變佢地話係一件好少噶事, 但係另到中國人引起左出乎意料噶大反抗、南京大屠殺佢地叫"南京事件", 仲完全無提過佢地大屠殺噶事...等等。
係呢度都花左幾多時間, 之後就出返去, 去秋葉原了。
東京之旅 Day 3 ~第六章~ "散步之達人 - 小江戶川越"
東京之旅 Day 3
~第六章~ "散步之達人 - 小江戶川越"
呢一日噶行程差唔多係whole day, 所以可以一次過一篇野完。
一早起身, 去左wifi通食早餐(天屋個嬸嬸好好人)同wifi, 食完去左郵局寄左d"手信"先, 就搭JR由新宿去池袋再轉去川越。竟然係新宿噶車卡入面遇到呀Sean! 之前都知佢來日本, 但係要係咁大地方, 同一時空遇到一個人(仲要係車廂, 難度增加), 真係好難得! 同佢同路(佢當日係last day)傾左一陣, 到左池袋就散了。
川越, 係一個連日本東京旅遊書都無介紹噶地方。Barry San竟然搵到一個咁噶地方噶行程, 好犀利呢~ 佢知我鐘意d睇風景同舊式建築, 所以就搵到呢個地方, 而川越就正正係呢類地方。人稱"小江戶", 有好多好似江戶時代噶屋, 仲有好多神社。估唔到來到東京都可以有一日呢D行程, 好開心。之後(唔記得係銀座定邊度)我地係其他地方噶書店仲見到本書, 叫"散步之達人 - 川越", 係一本介紹果度噶書, 我地仲開左來睇添, 哈哈。
我地買左套票, 可以搭一程來回噶鐵路同埋當地巴士任搭, 係抵噶, 記住要去的話要買。基本上果度都係一個睇風景、睇建築物噶地方, 所以係呢度就無咩好寫啦, 不過個感覺好唔錯, 係東京除左都市之外都有呢D鄉下(又唔使搭去箱根咁遠)噶地方(從池袋去30分鐘車程only), 大家睇相啦。
由於都幾鐘意呢D野, 我地幾乎係度磨左全日。出返來都已經係黃昏了。係池袋(出返來要經過)竟然買到衫(係間店磨左好耐)。行左2日, 對腳都好痛了(每日都差唔返之前扣過噶血, 所以一日比一日痛)。買完衫返3新宿, 食飯同係wifi通hea左陣就返酒店了。
Day 3 end 記一記:
1. 多謝呀進幫我買模型, 好彩上一上facebook咋~~
2. 自己真係幾鐘意睇d歷史建築同舊野呢
3. 期待第二日噶築地魚生!
4. 果日竟然唔記得帶Suica, 好彩行程好多都唔係搭Suica用到噶線
5. 見到架車泊個位, 好~~~窄, 我同Barry仲話佢汨車勁過頭文字D果個藤原拓海
6. 經過思出橫町, 見到D燒烤好正, 好想試, 本來話第日試, 但係最後無去到, 可惜。
7. 電視廣告: I'm possible, 幾得意
東京之旅 Day 2 ~第五章~ "原宿、涉谷 - 迷失表參道" + "夜遊東京鐵塔"
東京之旅 Day 2
~第五章~ "原宿、涉谷 - 迷失表參道" + "夜遊東京鐵塔"
講起原宿、涉谷, 我首先諗起噶竟然係DMC(爆粗Band友)! 主角根岸成日都唔想做佢做開果d死亡金屬, 而係鐘意做D輕鬆噶街頭藝人, 而係漫畫入面佢就成日去原宿同涉谷, 話果度係有型噶地方。事實上, 果度噶鋪頭都係比較有style噶店, 係潮人朝聖噶地方。
其實新宿、池袋、銀座、原宿同埋涉谷, 各有各唔同, 感覺就好似香港噶尖咀、中環、銅鑼灣同旺角咁, 係唔同價錢、質素、年齡層噶行街位。不過自己其實無expect會買衫, 所以都係行下叫係行過, 無買到D咩野(而Barry就一早預左會睇衫噶, 不過都無咩收穫)。
入夜, 係涉谷搵到日本另一個free wifi位(我地全日本就只係搵到呢2個了, 而且呢個Barry上唔到添), 休息左一下(當日其實行得好甘, 對腳開始痛了)。之後就去左好出名, 但係又無人當係景點噶涉谷忠犬"八公像"。果度其實係D人等人噶位(好似香港噶五支旗竿), 但係我地專登去到, 緊係影下相啦! 仲帶起左一陣熱潮, 無啦啦D人又走圭去影幾張相, 哈哈哈。
由於四、五點食左拉麵, 唔肚餓, 夜晚無食飯就直接從涉谷去東京鐵塔。東京鐵塔已經出名到連D人而家都唔會去了。而且新東京鐵塔都就來落成, 舊呢個出現身份危機呢。東京雖然節電, 但係東京鐵塔夜晚仍然著燈, 現場見到噶佢, 好靚, 我覺得好值得去睇下呢。
Day 2 End 記一記:
1. 東京d鐵路真係癲架, 好多條唔同線好煩, D月台呀站呀好多, 要搵來搵去, 有時仲要係同一區唔同地方, 要出街搵站, 好煩~~~
2. D人成日話搭緊車要靜, 但係我地成個trip所見, 好多本地人都係照大聲傾偈...
3. 日本妹而家好少係肥噶(同台灣一樣), 同埋大部份裝甲值都好高(化妝同打扮得好勁, d妝濃到見唔到本來面目), 加上時值夏天, 好~~~多短裙同埋短褲(熱褲仔), 作為遊客來講, 係睇得幾開心噶
4. AKB48係日本好~~~紅, 周街賣碟噶地方、廣告牌、電視節目等等都狂出, 好誇張, 洗腦式咁宣傳)
5. View神@東京鐵塔
東京之旅 Day 2 ~第四章~ "池袋 - 與貓貓相會"
東京之旅 Day 2
~第四章~ "池袋 - 與貓貓相會"
下午噶行程幾乎都係"行街", 係真真正正噶行街。係幾個多人噶區域行同睇D鋪頭。跟返距離, 第一站先去池袋。行左Tokyu Hand, Sunshine City, 無咩收穫; Barry知我鐘意貓貓, 專登同我去左個貓貓店, 比D入場費入場有十幾廿隻貓貓任影任攪, 好開心呀~~ 因為之前都行左幾多路, 對腳有D累, 所以係果個位抖下, 同喵喵玩下影下相, 好開心, 磨左好耐呢9真係多謝Barry陪我呢)
池袋叫係行完, 準備去第二度; 途中經過華哥(Wacoal)極力推介噶"無敵家"拉麵, 當係半tea半dinner咁食, 4點幾5點食無咩人唔使等位(平時要排長龍, 緊係寧願呢D時間食啦), 好好味! 個湯底真係超得, 豬骨湯底好濃味(當然都好油)!Wacoal好介紹呢~~~
食飽飽(抖下對腳)之後, 就搭車繼續行街!
東京之旅 Day 2 ~第三章~ "三鷹之森 - 宮崎駿的足跡"
東京之旅 Day 2
~第三章~ "三鷹之森 - 宮崎駿的足跡"
如果年紀同我差唔多噶, 應該都識得宮崎駿, 或者鐘意佢噶作品, 就算唔太鐘意, 起碼都會識得天空之城、風之谷呢D咁經典噶動畫。呢一日上午噶主要行程就係去三鷹, 果度有個宮崎駿噶博物館"朝聖。我唔敢話自己係fans, 但係的確幾鐘意好多佢噶作品(even有D人地話悶噶我都鐘意)。
一早起身食完早餐, 就搭車去到三鷹果邊。有架接駁巴士要成20HKD去個館度, 但係其實可以行到過去, 緊係慢慢行下啦, 個巴士只係蹶外觀靚D同有公仔, 無咩特別, 所以慳返果20蚊好過了。行過去果條路叫"風之散步道", 聽聞係O岩季節噶時候有花睇添, 不過我地當然就無啦。行左幾個字(可能有D人覺得幾個字都辛苦要搭車噶)就到左啦。
館入面係唔比影相噶(室外就比), 所以大家有興趣就要親身去睇啦; 對於我呢個動畫迷來講, 就覺得好正; 成個場噶setting好正, 館內有好多手稿、原畫、場景、動畫製作過程、劇本...等等好多資料, 如果比我慢慢睇, 真係可以睇好耐, 不過當然唔會真係用咁多時間係入面啦, 而且都幾多人, 無咩機會慢慢睇晒了。有好多畫同setting好想影相呀~~~不過好乖地無影到(亦都有staff係度睇住)。其中有個幾大噶貓巴士, 可以比小朋友擒上去, 擒入去, 好開心呢~
館噶屋外都好正, 最正當然就係"天空之城"入面噶機械人啦~~~幾米高比人任影, 好開心呀! 仲有行入d有飛行石, 都好正呢!係度brief咁講少少, 好多野都不足為外人道, 大家自己去睇啦~~~(另外, 係度買左d野)
出左館, 行另一個方向去另一個站"吉祥寺", 果度有Penny交帶落叫我幫佢去同買野噶hea熊專門店, 係果度逛左一陣, 買左d野, 係附近hea食個lunch之後, 下午就繼續另外噶行程了。
東京之旅 Day 1 ~第二章~ "夜探新宿!"
東京之旅 Day 1
~第二章~ "夜探新宿!"
係酒店出來, 行返去新宿站果邊, 亦都係最熱鬧果邊。雖然經過左大地震, 但係仍然係好多人, 市面上完全唔覺有咩影響。唯一唔同就係佢地有好多地方都節電, 例如全東京5日行程, 所有街上噶汽水機都係唔著燈啦(但係仲work噶), 地鐵有d escalator唔開啦, 有好多地方噶hall或者行人通道無開晒D燈啦咁。
講返新宿, 係站附近真係好多人, 亦都好多人係度唱歌、表演。有band係度唱歌啦, 亦有人只係一set鼓係度打, 而D表演者噶水準都幾高呢。Weekday新宿噶夜晚, 街上都係人來人往, 四圍都係人, 經過旅遊書介紹噶中村屋, 試左個curry bun, 都ok啦。竟然行行下無意中搵到Barry心魔好想食噶"一蘭拉麵", 晚餐就食佢啦! 幾好味喎, 個湯底幾好味, 佢個特製辣粉都幾惹味, 個麵唔係一般拉麵, 係幼d噶, 食完好飽好滿足呢!
食飽飯就開始正式行下新宿, 其實都同一般大城市無咩分別。好多人, 好多車, 好多鋪頭。當然都要逛下歌舞妓町啦! 果幾條街好多人(男人負責噶)會撩你, 佢地除左會用日文, 見你似遊客仲會用幾流利噶普通話或者用英文添! 最攪笑係有個人見我地唔理, 無啦啦爆左句廣東話, 仲要係好粗俗噶添, 哈哈。
行左個圈, 當係見識過果頭係咩樣之後, 又出返D旺位行。去左Lawson買左三鷹個博物館噶飛, 去左Donkey睇雜貨, 搵到條街有free wifi(果條係日本我地幾乎唯一有free wifi噶地方, 我地之後叫果條街做"wifi通"(wifi dori, 即係wifi街, 哇哈哈, 差唔多日日都去wifi下同HK取得聯絡)。Wifi左一陣hea下之後, 就返酒店了。
東京之旅 Day 1 ~第一章~ "東京突入!"
東京之旅 Day 1
~第一章~ "東京突入!"
二零一一年六月二十二日早上, 係大家都仲應該訓緊覺噶時候, 正式出發。雖然係三號風球, 但係都無損出發噶興奮心情。到達左機場, 循例check-in、食早餐、入境登機, 不過值得一提噶係, 入境果時機場果個哥哥仔, 好開心同少少驚訝咁話, "終於搵到一個個姓噶英文串法係同佢一樣噶"。由於我姓"施", 一般身份証都係串"Sze", 或者都有d"Si", 好少好似我咁係"Sy"噶, 竟然有人一樣, 好得意呢!
本來係Delta航空, 早幾日confirm時竟然轉左做ANA, 都幾好彩; 飛機餐係幾好食, 係飛機度抖左下, 同埋睇左套日本電影"Nekopan", 講一個退休日本男人唔習慣退休生活, 但係一堆自來喵去左佢屋企, 為佢生活添上左色彩同樂趣, 無字幕齋聽日文, 節奏都好慢, 其實悶悶地, 不過念在果堆可愛噶喵喵份上, 都睇完左。同場加映, 我握介Barry睇"Unknown", 我不時都一齊睇, 幾好睇呢。
唔經唔覺就到達東京, 如常咁落機...etc出到來, 終於到左日本啦~~ Barry果然係熟路, 連係日本讀過書噶朋友都叫我搭Nex, 但係Barry就好有信心話唔需要, 結果我地搭左平好多噶鐵路(1200Yen, Nex貴好多~~)出成田去上野(上野幾乎係去成田機場噶必經之路, 好多時都係經呢個位出入成田機場, 遲D最後一日會再講)。
到左上野, 轉JR線去新宿(我地住新宿Washington), 係新宿站行去酒店途中經過都廳(即係東京都個市政大樓), 上面有個瞭望台(免費噶), 緊係順便走上去望下啦~~ 拖埋個Gib上去, 望下東京同日落, HK真係無呢D好遠好平噶地方同view呢; 望完之後就走, 去到酒店check-in, settled down, 七點幾了。準備出去食飯同埋探索夜新宿!
東京之旅 -前言-
東京之旅
前言
實在太多人去過日本, 大家亦睇過好多日劇或者知道得好多有關日本噶野, 因此我覺得對於大家來講, 其實東京無咩新?感; 再者我自己之前去北海道果次都寫過日本人噶文化習性, 所以今次遊記(同埋facebook噶相)唔會再重複呢D野, 只會講返自己行過、望過同埋諗過噶野, 非常個人化。(當然都希望比未去過噶人清楚d咁感受我見到噶野)
~序幕~ "準備"
近年去左好多次旅行(比起一般人來講算係密啦), 因此準備工夫駕輕就熟。來來去去都係帶果d野, 仲可以參考返之前trip噶經驗, 寫定晒帶咩、準備咩、手信list等等, 因此實在係好方便快捷。今次又出動返之前去台灣果本"遊記本", 可以係行程中記底一D特別噶野或者心情, 都幾好呢~~
上年曾經諗過去東京, 最終turn out跟團去左北海道。日本來講, 自己最鐘意京阪神, 正常第一次去就應該係東京, 估唔到自己係去左北海道先。呢個情況令我諗起香港漫畫"風雲", 一開始個女主角孔慈, 被佢義父利用去控制幾個男人, 於是佢嫁左比秦霜, 偷偷地同步驚雲有路, 實際上個心鐘意聶風。Oops, 唔知自己講緊咩, 愈扯愈遠, 哈哈哈。
今次去東京都係好多野夾埋先成行。首先係自己有好多假。次次去trip都係請2-3日, 但係自己有廿幾日假, 每年又只係比留14日去下年, 即係年年都要請十幾日。雖然都可以間唔時散放, 但係一來覺得唔多抵, 二來以前好少去旅行, 而家想去返D想去噶地方, 三來年尾可能忙, 未必有機會清假, 因此最近好似密密去trip咁
另外, 就係食正O岩O岩早幾個月大地震, 而家D package好平。市面其實已經回復正常, 可見來緊亦都開始會貴返, 要趁平去, 就真係要趁而家; 好好彩地有有人(Barry San)肯一齊去(更好彩係佢都去過幾次, 識路又肯plan行程又好人又就得人), 所以緊係趁機去啦~~~
今次個遊記(同埋facebook噶相), 唔係跟日子5 Day咁寫, 而係跟地點咁寫, 所以會多幾part, 同埋每part都會短d, 我諗會容易D睇, 同埋有D無咁好心機睇好長字噶人會有DD心機睇掛? 仲有要一提噶係, 最好係遊記連photo album一齊睇, 咁就可以個picture好clear呢。
好啦, 開始。
2011年6月21日 星期二
淅瀝淅瀝
"淅瀝淅瀝......
轟!!"
"又獨行舊地, 遇著攔路雨灑遍......地...
路靜人寂寞, 這痛哭的雨途人懶去作躲避..."
收音機響起了Blue Jeans和林憶蓮合唱的舊歌。
看著窗外, 配合著這首經典老歌, 讓他想起了多年前他還在這城市的事情。
那時他天不怕地不怕, 和他的兄弟在這裡做各種"大買賣"。貧窮農村出身的他, 天不怕地不怕, 做事夠狠, 多次立下大功, 對兄弟卻有義氣, 因此成為了龍頭身邊的大紅人, 也很快在黑道上成為了"當紅"人物。
可惜, 英雄難過美人關, 當年他的其中一個兄弟搶走了他最心愛的女人, 兄弟反目, 他一怒之下錯手殺了自己人, 引起了軒然大波。好一陣的殺戮、報仇, 經歷過腥風血雨之後, 他的組織實力大為減弱, 而他也被"放逐", 即是逃走去台灣。
多年後, 他終於回到這個他曾經呼風喚雨的地方。呼腥風, 喚血雨。
看似多麼沉靜的一首歌, 內裡卻包涵著無限的情緒。當年他與他那最愛的女人, 最喜歡合唱這首歌。可是她已經隨他而去了...那次的仇殺, 讓很多人送了命, 卻偏偏送不了他的命。
這次, 另有組織知道他辦事能力強又夠狠, 專程由台灣請他回來做幾單買賣。他本對江湖再無留戀, 但對方的第一個任務吸引了他: 殺了那個已經成為黑幫高層的 -- "他"!
恨之入骨。"恨"會令一個人痛苦得死去活來。"恨"會讓一個人改變得很徹底。"恨"使他起了復仇的火焰。他決定要殺了他, 他覺得殺了他, 自己會好過點。他要一擊成功, 因此他不會在大街大巷, 而是 -- 約他出來。一個他認為已經消失的"老朋友"約他出來, 他一定會赴會。
**********
"卡刷。"
門開。多年不見, 那人面目依舊。可是大家的境況已經大不相同。
他知道只有一個機會。二話不說。
"呯!!" 一槍轟中了對方心臟, 沒錯, 是他的心臟, 他達成了目的了。
"呯!!呯!!呯!!呯!!呯!!呯!!呯!!呯!!"
那人當然帶了一些隨從來。他們立刻沒命的向他狂轟, 可是太遲了。他們的老大十之八九都會沒命。
而他自己, 當然也會。
"...急風送...陌路人...雨中歸去...(夜雨催促歸去)..."
在這天朗氣清的早上。血從他身上各處流出來。
淅瀝淅瀝......他聽著生命的聲音不斷溜走......也感覺到"恨"意隨著生命一同流走......
完
2011年6月19日 星期日
六月十九日 -- 雜記
13/6(一) -- 收工返企食飯。
1. 開始覺得頭髮長, 食完飯係屋企又剪左d。
2. 夜晚喉嚨比起早上更唔舒服...
3. 呢2日比返晒d trips(Singapore and Japan)用噶錢比人呢~
14/6(二) -- 收工同叻, Wacoal同埋秘書姐姐去Megabox唱K; 喉嚨唔舒服, 把聲係完全唔得, 得返6-7成都唔知有無(高音上唔到); 竟然比人話我聲沙別有一番風味(仲話好d?!); 奇怪地係講野把聲幾拆同沙, 但係渣左咪唱把聲係好過講野好多噶 XDDD; 唱到11點島走。是日發揮得比平時好噶歌係"望月" XDDD
4. 當你塊面仲同你講緊你好青春，但系個身體就話你知你退化緊，新陳代謝變慢左；你就會好煩惱，d荳荳做咩十世都好吾返。
5. 除左要記得問民民借後備電, 仲要問佢拿返d新加坡旅遊書還比人。
15/6(三) -- 收工本來同IIA舊同事們食飯@土瓜灣大漠, MandyHo派帖; 由於喉嚨唔舒服噶關係, 決定唔去了。收工返企食飯後hea, 早訓。
6. 結果當晚訓得好差, 好眼訓。
16/6(四) -- 下午出site去TKW, 之後direct home所以好早返到企。買埋送返企煮, QueenieKennethPenny來我家食飯, 食完去坑口聰嫂食埋甜品散; 唔記得自己仲係唔舒服, 一食完凍野就知奶野...
7. 我不是一個擅長用言語表達自己"情感"的人; 只會想, 只會做, 只會感受, 甚至會寫, 但真的不會"說"。
17/6(五) -- 下午臨時約左威威收工去SSP, 都有一段時間無去啦; hea搭巴士去到, 主要目的達成 -- 買新出噶BB Wing Gundam, 仲有好多平野, 不過一隻都無買呢。之後同佢係周記食完飯就返企。沖完涼即砌隻BB, 好靚丫~~~ 之後同呀哥打左鋪AOE2先訓。
8. 舒了一口氣
18/6(六) -- 一早起身睇左早場"S8", 好好睇! 之後返企休息一下再出去, Art Jam with Kman & Fontane, My first ever oil painting~~~比晒d野你, 由得你自己玩三個鐘, 其實都幾好賺呢, 如果無學過又完全未玩過噶人(好似我咁), 真係唔知點算。唔覺唔覺就三個鐘, 玩完, 都幾hea同寫意噶。之後去左金巴利街(韓國野街)食清溪川(民民終於請返我餐飯啦~~~), D野都唔錯, 食完FF返企, 民民同我返TKO, 係屋企hea左陣佢就返去。
9. S8 -- 好好睇! 唔認同網上D人講果d唔好睇噶points。首先個劇本, 我覺得成個故事大綱就唔算係有咩新噶idea, 但係就真係導演功力, 拍得好好睇, 成套戲差唔多2個鐘都好緊張同埋無悶場, 2對父子/父女個親情位都做得好好, 唔似其他科幻/特技/災難片咁, 夾硬加d父子患難見真情, 係有鋪排過噶。特技方面, 好appreciate佢用返d old school式電影特技! 睇得出成套戲得好少地方係用電腦特技, 而係真係用拍攝技巧同埋搭D野出來做成好多唔同噶效果, 呢樣野真係好正~~~ 最後當然都要提下演員都做得好出色啦, 尤其係成套戲一直主打跟住噶果班小朋友, 佢地個個都好好戲! 不得不提, 最後出左字幕一陣之後, 仲有一段幾長噶野睇, 一定要睇埋呀~~~好正架~~!
10. 民民記得拿d書同電比我, yay~
19/6(日) -- 本來有張飛全日free搭MTR, 點知...趕住出門口唔記得拿; 一早起身hea一陣, 決定去買"食送"instead of去睇早場, 買完返來準備定晒d野出門口; 同Sam去左上環, 諗住食生記點知關左門, 就順埋路入西環食天樂, 個瑞士汁都OK; 之後hea搭電車去太古城, 行左下太古城中心同埋食左個章魚丸, OK啦; 之後返企煮飯同叫家人過來食飯, d野煮得普通啦。
11. 轉: 世界上有這麼一個男人, 小時候你怕他的威嚴, 長大了你學他的沉穩, 他的愛很深沉但不求回報; 你跟他耍賴不講理, 你瞎胡鬧, 你闖禍回家, 他批評訓斥你, 但他對你的愛從不改變; 你只一句話, 他就成為你的超人兼跑腿兼保鏢兼顧問。神馬男人都是浮雲, 全球最可靠的男人就是他 ---- 這個人就是老爸! 老爸, 父親節快樂!!
12. 今日呀媽話, 第日呀哥結婚搬過去佢自己果邊之後, 呀爸呀媽都係唔會搬返來呢邊, 即係我會一個人稱霸我家............
13. 某人話我係sporty型, 我唔多認同咯, 尤其呢個weekend噶活動, 明顯我唔算係一個動態噶人 -- 我應該係動靜皆宜!
14. 今日提早攪掂晒所有野, 可以早d訓, 明早約左呀女食早餐! 仲有無幾多機會啦...
15. 喉嚨叫係好得7788, 但係都係未好晒咯...仲係拆拆地聲...
來緊:
20/6(一) -- FF生日快樂~~
22/6-26/6 -- Japan Tokyo trip
3/7(日) -- Mandy Ho婚宴
7/7(四) -- oil painting session after work wv colleagues
22/7(五) -- 睇話劇(林奕華) wv Connie
完
標籤： 個人感受/感想/人生觀
2011年6月15日 星期三
(還你)門匙
每個人在手中也握著一串門匙: 進入別人"領域"的門匙。
當開始認識一個人的時候, 大部份時候只會看到對方門外的"花園"。可能是悉心栽培過的花園, 也可能是從不理會的爛地, 總之就是他讓一般人看到的一面。
每個人也可能會有不止一個花園, 用來給不同的人觀看: 家人、同事、陌生人...等等, 這條花園的門匙,
一開始就可以得到。
再進一步, 就是進入大門的門匙了。有一定程度的熟悉, 才會把那"大門"的門匙給別人吧? 可以進入對方的"領域", 代表他讓你進入他的內心, 或者他願意跟你分享自己擁有的 -- 事、物、回憶、思想、經驗、過去...等等。不同程度的熟悉程度, 就可以access到那"領域"中不同的area。"家人"起碼也會把那"領域"中的幾把不同的門匙給了你, 因為血親的牽絆通常是一世的、絕對的信任。
能夠擁"睡房"門匙的, 一定是很親近或者很親密的人了。世上沒有多少人能像知己般, 能夠自出自入那個心底最私密的房間, 就算"情人"擁有房間中另一把知己沒有的暗門門匙, 但也不一定能夠access到知己能夠去到的所有範圍呢。當然, 也有些人從來就沒有派發過這門匙給任何人吧。
而在這房間中的保險箱 -- 那心底裡一切一切的想法, 包括了各種不同的秘密、黑暗、甚至腐爛了的自己, 那鑰匙從來也不存在, 因為連自己也不一定清楚在哪裡。畢竟, 人對於自己很多時其實也不是十分的了解。對於"房間"中的自己固然清清楚楚, 但對於保險箱中的自己, 很多時只能從鑰匙孔中窺探到一點, 更多時候, 只能從偶爾出現的次元裂縫中看到, 那真正的、赤裸裸的自己。
自己算是很容易把各種門匙給別人的人, 或許也比一般人擁有多些其他人的門匙。不過, 面對著一些從內反鎖的人們, 會感到很失望, 很不快樂。然而, 既然對方不再讓我進入他的"領域", 那又何必再抓著那些門匙不放呢?
還是乾脆還了它吧。
完
Q: "你門外的大概是一個遊樂場吧
把所有人都吸引過去玩, 讓人都忘了要進門
雖然大門根本沒鎖, 卻沒太多人會想到要去推一下
大門打開, 是幾乎沒甚麼間隔的大屋, 保險箱就放在大廳中心, 自己卻把它坐著...
"
標籤： 個人感受/感想/人生觀
2011年6月13日 星期一
六月十二日 -- 雜記
7/6(二) -- 德文最後一堂; 之後同叻食Grad Din~~果間"Houston"我地第一日放學後逛果時已經決定左食呢間當grad din架啦~~哇哈哈! 結果貴得來都勉強ok啦, 唔算十分抵食。
1. 見到好幾個朋友都開始減肥, 自己都真係要努力減肥了; 運動量唔係唔夠, 好明顯要從"縮食"開始做起。
2. 過左端午, 開始正正式式熱啦, 中國人D曆法真係準呢; D褸都洗晒了~~~
8/6(三) -- 收工去左寶琳, 諗住睇下比Fontane噶禮物, 點知無O岩佢噶野, 反而自己又敗左家 @@; 之後返屋企食飯~~
3. Mavs 追返2-2! Yay!
4. 夜晚砌完隻HG龜霸~
9/6(四) -- Wendy生日快樂; 收工去MK, 行左個鐘島, 睇FF的生日禮物; 之後同Lands同事係名寶石餐廳食飯, 慶祝Wendy生日。
5. 睇到新一套Gundam噶設定...無言, 睇來今次可以慳返好多錢了。
6. 前排開始上網追噶新漫畫"戰國妖狐", 雖然公仔唔係好靚, 但係畫風同拿鏡OK, 而且雖然好似包裝到好似少年打交漫畫咁, 但係事實上佢入面講到好多"人生積極"同正面噶信息, 幾好睇呢。如果有機會係HK出中文單行本, 都會買來睇呢。
7. 新出果隻BB戰士堅靚, 睇來都係走唔甩......
8. 天日Games 5 Mavs一定要贏呀~
10/6(五) -- 收工去灣仔同FF民民呀源Cynthia食飯, 慶祝FF生日; 本來諗住去另外幾個地方, 但因為FF牙痛, 所以去The Plying Pan, 佢應該會食得舒服D; meet之前同Cynthia去左間餅店買蛋糕, 食完飯先去拿, 去第度食, 好味喎, 幾好推介呀間cake shop; 比民民昆左由dining place行去拿cake再行去金紫荊果度, 超遠, 之後出返來都遠, 返到屋企又熱又累 =_=
9. Mavs won Game 5!! Yay!! 成早都好留心咁睇波~!
10. 要記得問民民借相機後備電。
11/6(六) -- 一早起身, 有幾套戲想睇, 結果選左睇12點場噶"不再讓你孤單"; 好趕咁出左去睇, 睇完返企。返到企本來唔想訓, 但係係張床度無啦啦就好眼訓, 結果差唔多成個下午係屋企訓覺。=_= 好累。
11. 最快紀錄: 由屋企出門口果下直至踏入戲院, 10分鐘!
12. 不再讓你孤單: Overal來講覺得唔錯啦, 又未到好好睇; 套戲入面個故事, 想講噶時間偏長, 由相識到到最後幾長時間, 明顯想交代好多野; 我又唔覺得拖, 不過有少少"參"氣。編劇普普通通, 男女主角相遇相識到男主角鐘意個女主角, 我覺得安排得短左少少, 一開頭以為套戲唔長就覺得為左要趕場, 點知原來成2個鐘, 我覺得可以營造多d; 故事都合理, 我又唔覺得網上D人話咩咩咩無可能...etc唔OK喎, 內地人噶文化同情懷真係唔係個個人都明白得晒, 有好多唔係大城市噶地方的確係有純樸D噶人; 要導一個劇本普通噶戲到好睇唔容易, 劉偉強普普通通啦, 叫係拍得唔太差; 最正都係演員, 演員都做得好好, 所以overall係OK的; 入面個啞噶女仔幾靚呢~~ 同埋, 咁多年來, 我真係到而家都唔覺得舒淇靚或者正咯...(做戲係OK的)
13. 喜見寶琳噶奇趣真係裝修, 唔係執笠~~
12/6(日) -- 一起身hea做晒每日要做噶野之後, 11點幾出門口去赤柱! Barry來到TKO接我, 之後去TKL接KT, 再去灣仔接Gel; 先去西灣河食好耐無食噶大壽司, 依然健在; 之後入赤柱, 行左下之後就去打波, Tracy後join打波; 打完去美利樓食德國野, 幾好味; 夜晚出返去灣仔放企Angel, 再去TKL放低KT, 剩返我同Barry同Tracy就去坑口食埋個甜品先散。多謝晒今日Barry辛苦車晒我地四圍去呢! 同埋同一班好友出去玩都開心, 好耐無試過了。
14. 天日Mavs一定要贏埋Game 6呀, 就咁champ左去啦唔該!! 天日早上儘可能都唔做野了 XDDD
來緊:
14/6(二) -- K wv colleagues
15/6(三) -- 同舊同事們食飯, MandyHo派帖
16/6(四) -- 同而家同事食飯
18/6(六) -- Art Jam with Kman & Fontane
22/6-26/6 -- Japan trip
3/7(日) -- Mandy Ho婚宴
7/7(四) -- oil painting session after work wv colleagues
22/7(五) -- 睇話劇(林奕華) wv Connie
完
2011年6月6日 星期一
六月六日 -- 雜記
23/5(一) -- 收工去MK交收MG百式(好抵), 再去SSP同bad-end人食飯(夾硬約), 比埋之前幫佢買噶模型佢; 之後去林士德打毛毛球; 蘇兒買左生日蛋糕慶祝119生日呢。
1. 得知一件令人好開心噶消息~ (咩都唔打得, 希望自己記得係咩事啦哈哈)
24/5(二) -- 上堂; 上完堂之後是但入左間SPK噶西餐廳, 估唔到好OK, 平靚正; 仲要無其他人, 包場。
2. 半夜每隔一個鐘就扎醒一次, 又發惡夢又唔舒服, 好辛苦。
25/5(三) -- 好唔舒服, 病假在家hea一天; 晚上pre-trip gathering, 爭呀源唔來得; 3仔係九龍灣淘大上海婆婆見下面傾下偈。
26/5(四) -- 要準備出發, 收工返企食飯後執野。
3. 好熱頂唔住所以係屋企剪左頭髮。
27/5-30/5 -- Singapore之旅, 詳見"新加坡遊記"。
31/5(二) -- 放假休息一天, 中午同Tracy食lunch, 而家Ikea噶野平左幾抵食喎; 夜晚全公司晚宴, 出返KT同同事們一齊搭shuttle過上環食飯, 上唔到德文。
4. 一返HK就知道叻要resign了, 好唔捨得呀呀女~~~papa以後點算呀~~~
5. 終於執晒d相上facebook。
1/6(三) -- 收工返企食飯; Jenny第二日要係HK返工, 所以過來借宿, 11點幾先來到。
2/6(四) -- 出site時Tango佢地臨時約埋我去佢地個K, 收工同佢地打的去Megabox唱K; 佢地成班人我都唔多識只係識3-4個, 不過好耐無唱K呢。megabox間野D野食都幾好食。佢地玩玩下飲好多酒愈來愈癲, 掉晒野咁好好笑, 我大約10點半早D走, 原來megabox行去296D都唔係好遠, 返屋企都幾快。Jenny 11點幾打來話第二日都仲要係HK做野, 要借多一宿, 佢係公司做到好夜差唔多成點先來(我訓先)。
6. 是那個人, 不說他也懂; 不是那個人, 說了也沒用。是那個人, 不解釋也沒關係; 不是那個人, 解釋也多餘。是那個人, 不留他也不走; 不是那個人, 留也留不住。是那個人, 不等自己會遇到; 不是那個人, 原地也會走丟...
7. 終於打完個遊記。
3/6(五) -- 收工後同BarryGeorge呀強呀Mak等人係大角咀食飯, 慶祝Bonnie生日。間野普通, 之後去食埋甜水後散。Jenny要再留埋呢一晚。
8. 連續幾日都訓得麻麻地, 好好好累呢。
9. 有好多好多野, 唔知點講。我只係覺得好累, 同埋個人唔想諗野, 但係好多唔同人就不停地逼迫我。好多野都唔到我去諗同決定。有時想靜落來都係無可能咁。算吧啦。
4/6(六) -- 黃二妹生日。起身同呀哥呀嫂Jenny去食牛涮鍋, 返屋企之後超累訓左成個下午, 都無陪到Jenny添。Jenny傍晚就返SZ了。夜晚返企食飯。
5/6(日) -- 早上去左維園打波, 爆熱, 今日feel到條腰有D痛, 所以唔算走得積極; 打完波返TKO同關老B食tea, 多謝佢送我噶USB風扇; 之後返企沖涼抖。KTG同佢老公來HK, 星期一晚睇Fish噶concert; 夜晚一齊同埋呀哥呀嫂等等去寶琳食板前, 行左下奇趣同戲院, 陪佢地買埋聰嫂之後返企。
10. 係奇趣親眼見到噶事: 一個小朋友走埋去counter, 拿住一個五蚊銀, 問個櫃位姐姐: 我可唔可以換2個$5銀呀? 個櫃位姐姐仲話試過有小朋友就咁走埋來話可唔可以要2個$5添。
6/6(一) -- 公眾假期; 一早7點前起左身, 去奧運皇帝屋企, 一班中學同學一齊睇波, 可惜Mavs輸左 >__<, 睇完波hea左一陣, 有人走先, 剩返三個人係大角咀食埋野都散, 返屋企。同呀哥打好~~~~多年無打過噶AOE II, 好攪野。夜晚返企食飯(粽)。
來緊:
7/6(二) -- 德文最後一堂; 之後同叻食Grad Din~~
8/6(三) --
9/6(四) -- 同Lands同事食飯, 慶祝Wendy生日
10/6(五) -- dine wv Kman FF etc for Bday of FF
12/6(日) -- Outing with TKO buddies
18/6(六) -- Art Jam with Kman & Fontane
22/6-26/6 -- Japan trip
7/7(四) -- oil painting session after work wv colleagues
完
2011年6月2日 星期四
新加坡遊記
前言
今次個trip自己算係發起人, 起點噶諗法係"探我噶best friend呀馬", 本來只係得2個人(我同民民)噶trip慢慢加到4個人(加埋呀源同Kenneth)。事前都OK放心, 信得過呢4條仔夾埋應該問題唔大, 結果應該都還算OK吧。
3個同伴入面, 之前已經同過2nd best fnd(講到明都係咁講, 係2nd哈哈)民民去過旅行, 反而識左呀源(Best fnd in CityU)咁耐都未一齊去玩過, 再加上相識一年但係相逢恨晚噶kenneth, 呢隊4仔A team就集結完成。
遊記內容主打會講行程同埋comment下見到噶野, 食過噶野, 主要係敘事多, 因此反而想係前言、後語打感想呢。不過根據我一向諗到咩打D咩噶習慣, 相信到最後都係打到好似我一直度講緊野咁, 哈哈。
係個trip pay得最多effort噶一定係民仔啦, 事前功夫(book酒店, book機票, 事前買環球one day pass, 唱定4個人噶錢)全部都係佢一手包辦, 真係要係度大大咁鳴謝一下。自己只係問去過SG噶同事拿左行程同埋借左一堆旅遊書返來, 同埋同大家傾過下D行程, 其餘都無點出過力, 身為發起人實在都無咩慚愧, 反正一早就預左叫朋友們幫手了。(係呢一刻都仲未比返錢比民民添) :D
成個行程之中, 由於4個人都係吹水怪, 所以基本上係廢話百出, 笑料不盡。由於大家係不停咁爆肚, 因此不能盡錄啦。大家係4日之中不停咁話民民"精算"同埋"神", 引發左好多後績噶野都係講唔到的了。(仲有趁而家自己記得寫低噶"Jubman"、"出來啦!"、"出得來還, 預左要行"、"休息係為左行更多路, 行更多路係為左食更多噶野"...etcetc)
前言都係唔好講咁多, 留待後語吧! 以下係我地4日噶行程(同埋同行程有關、時間性排列噶感想)。
Day 1 (出發)
由於搭cheap cheap虎(貓?)航噶關係, 出發、回程機噶時間並唔係早機去、晚機返。11點幾機, 換來噶係唔需要太早起身出發。9點幾10點終於係機場集齊人馬, 係千燒百味食個豐富噶早餐(食完之後下一餐要起碼5點先係SG先食到了)之後就入閘過關登機出發。
一路無話, 係好狹窄又無飛機餐無水飲噶飛機渡過左4個鐘, 終於到達新加坡。由於SG好細, 4個人搭的士去酒店都好平。去到酒店, 見到門口有貓貓~~~ 好開心, 好靚噶喵喵來呢, 幫佢改左個名叫白虎(之後都有再見到佢, 唔多提了)。係我影相噶時候民民已經做好check in手續, 上房啦~~
Kenneth同佢2個無咁熟, 於是就同我同房。間酒店係平價D的, 所以無G/F富麗堂皇Lobby, 間房唔大, 朝早無早餐, 咁其實仲好呢(尤其我地想出去四圍食野)。不過最可惜係無wifi(係SG好多地方試來試去都係無, 所以4日無online)。settle down之後都差唔多5點, 即刻出去食野~~
原來住噶地方好近逸群雞飯, 於是就行過去, 順便感受下新加坡普通噶街道同風土民情(?)。只係10分鐘島路程就到lu。(幾日之後同係果邊做野噶best fnd傾先知原來果條街果幾間雞飯都OK的, 並唔係"逸群"特別好)不過當時未知就緊係去旅遊書介紹架啦。主打噶雞油飯好味道(尤其食完早餐之後都無食過野), 個魚鰾湯都OK, 4個人計返都係40蚊島一位, 好抵呢。(佢係唯一一間menu無價錢噶咯...之後去左第間, 仲大碟過佢。)
食完就趕緊往Safari出發。行去City Hall站(係一個可以轉幾條線噶中間站之一)都好近, 就搭好幾站車再轉線去"宏貿橋"站(SG朋友叫佢做熊貓橋), 落車轉巴士去。地鐵+巴士加加埋埋差唔多成粒鐘, 係SG算係遠噶地方了。係度講一講地鐵。SG地鐵有幾條線, 可以去到我地想去噶大部份地方, 而儲值飛每一程都平過單程好多, 我地初初去到唔知頭唔知路, 見儲值飛要收手續費無得refund所以無買到, 蠢左。單程飛好麻煩, 每一次用完之後, 要去返部機還返同refund返1蚊, D機又慢又要排隊, 好晒時間, 不過算啦, 經驗來噶。
終於到左目的地, 期待噶行程之一 -- Safari夜間動物園。自己不嬲都鐘意睇動物園, 所以好開心呢。園內有導覽車, 會行一個圈亦會有人解說, 都幾多人排隊, 等左幾架車之後就上車啦。行左一半島中間有一站可以落車, 我地就落車自己行另一個車經唔到噶圈。由於動物園都係果d野, 所以都唔係度多講啦~~ 亦都因為夜晚又暗噶關係, 好難影相, 所以都放左好少相上fb了。行完果圈再上車, 發覺呢架車噶導覽講解得生動好多, 有氣氛好多呢。完晒成條線之後我地就落車去睇動物show。睇完呢個幾有趣噶動物show之後就走了, 其實真係想有多d時間慢慢行晒成個動物園呢~~~(仲有, 成個動物園噶佈置同setting都好正好鐘意)
搭巴士去另一個地方, 行去"老巴剎" -- 一個半露天街市咁樣噶地方食宵夜。食左串燒、馬拉盞、C蛤、燒魔鬼魚同埋飲左好似幾正宗噶印度拉茶, D串燒噶醬好味, 燒魔鬼魚都好少機會食到, 滿足噶宵夜呢。之後決定慢慢行返去酒店(大約半個鐘路程啦)。
行下睇下新加玻四圍噶夜景, 路經一度好似係bar定disco噶地方, 有好多著得好sexy好索噶女仔係門口等入場(等人溝?), 可惜夜同埋相機無咩電, 無影底lu(無膽就真XD), 行過少少就係新加坡地標魚尾獅, 影左夜晚噶佢同埋海景, 相機就無電了, 都叫O岩O岩好啦。影晒相行返酒店都成點了。要提一下Kenneth噶方向感同認路能力都好犀利呢, 民民都已經係好OK, 但係Kenneth直頭係之前睇過下地圖之後, 就全程都唔使望唔使睇就照行, 仲要完全O岩晒方向呢~~
返到去沖完涼大家hea傾左陣偈就返自己房。SG電視有一台係電影台, 我地幾日都見到播唔少好戲呢, 晚晚都睇左D戲先訓, 哈哈。雖然第二日一早要去環球, 不過都hea到3點先訓。
Day 2 (環球Grand Opening)
一早起身, 我地hotel對面有個foodcourt, 都好多款野食, 我地就過左去食個早餐先。食完早餐就出發去環球啦。我地酒店好近地鐘站"Bras Basah"(中文應該係"百姓"咁解), 行5分鐘就到, 好方便, 真係又平又正。搭左唔使好多站就去到一條線噶總站, 再轉Sentosa Express搭個單軌鐵路, 得4站 Vivo city(即係地鐵轉車果站) -> 環球影城 -> 一站唔記得咩野(玩樂設施例如滑草果d就係度) -> 沙灘(入左去之後如果唔出返來係係任搭噶)。當然就係去環球影城啦。
我地呢日撞正環球Grand Opening, 好抵呢。一去到影下相, 就等睇Opening Ceremony, 睇完之後有D表演, 巡遊, 影左好多相同video, 到11點島就比人入去玩啦(之後聽返SG死黨話係新聞見到我地上左鏡呢!)。唔知係咪因為O岩O岩過左人地噶public hoilday定係因為早, 我地入去即時玩晒想玩果幾樣野都唔使排隊, 好開心! 係度唔多講環球入面有咩玩同有咩show睇啦, 上網同睇書加埋睇我D相都睇到, 所以慳返唔打了。總之就係好玩同埋D show都好睇啦~ (記一記: revenge of mummy(類似space mountain), Jurassic Park激流(濕晒身), Shrek 4D影院, Masagascar街頭歌舞表演)
有人唔玩機動遊戲, 所以一齊無玩。時間尚早, 未夠鐘睇shows, 於是就搭Sentosa Express入去沙灘度睇下。入到最後一站, 有free shuttle兜成個沙灘區。入左中間一個沙灘位睇下, D風景同個沙灘都幾靚呢。係果度噶foodcourt是但食D野, 估唔到旅遊區食野都唔貴呢。一般來講SG兌HKD 1對6, D野都唔係平, 但係我地食好多餐, 包括係旅遊區食野都係三十幾四十蚊呢。
去左沙灘唔係好多時間, 差唔多夠鐘就出返去環球影城, 睇shows。又係影左相唔多講, 總之係好睇(XD), 同埋不停地濕身啦。(記一記: Waterworld(水上+爆破+drama), Monster Rock(Live rock song + 跳舞表演), 電影特技場景(大風爆炸灑水又濕身))
睇晒D show之後, 我地想睇埋夜晚噶煙花(當日噶巡遊、延長到9點、同埋夜晚煙花都係opening果日先有), 但係仲有時間, 我地就搭車去Chinatown(出返Vivo City轉地鐵幾站, 好近下)行下。雖然之後都會再去Chinatown行同埋食, 但係反正有時間同埋果度多野食, 所以決定去一去。
去到Chinatown, 同SG其他地方個feel好唔同。Spot左之後會去買手信噶地方, 就行下同埋搵野食。搵到個好~~~~大噶foodcourt, 真係咩都有得食, 超大。大家係度食左d野(炒粿條, 蔗汁, 紅豆冰, 魚蛋粉, 窩貼), 之後, 再行下附近D街就又入返去Sentosa噶area。
本來想睇Song of the Sea, 不過因為無買定飛, 爆滿左所以睇唔到。離煙花仲有D時間, 於是入左去Sentosa另一邊噶沙灘(沙灘有2邊噶, 我地去左日頭無去果邊), 坐左陣同埋睇下夜景, 到差唔多就出返去環球了。(聽返SG死黨講Sentosa入面有全侍應著泳衣噶bar, 不過我地都無去了)
返返環球(第三次了, 我地叫做三顧環球XD), 霸個靚位準備睇女仔...呀唔係, 係睇煙花, 等噶時候我行開去睇左場70年代歌舞表演, O岩晒我呢D老鬼。之後睇煙花, 普普通通啦. 睇完煙花就散水啦。好多人一齊出返去Vivo City, 我地發揮HK人醒目精神, 搭掉頭車去沙灘果邊再原車出返來, 有得坐又快左, 賺晒。(記: Kenneth講最值錢噶"羨慕眼神", 同埋我做打手噶果一句"Beach!"之後放人XD)
出返來Vivo City, 去左foodcourt食野先。食左個唔記得叫咩甜噶餅、燒雞翼、同埋好好味噶叻沙~~ 食飽就返酒店, 試左7-11賣噶楊桃汁, 本來諗住可能好味, 點知得個甜字, 又唔酸, 好怪, 後尾Kenneth講起話似華梅水味, 大家先知點講陣味出來, 總之好難飲。是晚2點9曼聯對巴塞決戰, SG電視有得睇, 我同民民諗住睇。沖完涼大家又一齊hea下傾偈, 我就諗住訓下先, 叫民仔開波叫我, 結果係民仔無叫我, 佢自己一個睇左, 其餘人都訓左覺了。其實我都有D想睇呢~
當日由於預左濕身, 於是著左對Crocs行左全日, 對腳好痛呢~~
Day 3 (食+行+買)
第三日噶行程就hea好多, 無咩要趕住去噶。自己一早醒左, 出去行左一轉, 不過見到落大雨, 所以都無去遠。返返來大家都好似未起身咁, 於是再恰下。到差唔多中午大家先起晒身準備好。都叫臨時決定好要去咩地方, 於是去foodcourt食d野先。食完出發去左小印度果邊先(發現黃亞細就來夠鐘收鋪)。小印度又係另一番景像, 同SG其他地方或者Chinatown都唔同噶。係地鐵站行2個字島就去到黃亞細食肉骨茶(有少少趕係佢收工前, 同埋星期一唔開!)。原來SG肉骨茶都有2款噶: 一款係我地HK食開藥味重d, 另一款就係好似黃亞細咁好重胡椒味噶。雖然我個人喜歡前者, 不過後者都好食呢(同埋可以添飲一次)。(之後聽返死黨講果度噶豬腸都好味, 可惜無食到了~~) 提一提, 果間野係無冷氣的。
之後慢慢行返去小印度地鐵站, 行下經過下果度噶社區。個感覺完全係另一樣野, 同其他SG地方都唔同。之後搭返去SG噶中心d噶地方(City Hall, Raffle Places, Clarke Quay等等係類似HK中上環果d地方?), 行左好長噶路, 睇左日頭噶新加坡河、沿河邊噶鋪、日頭噶魚尾獅等等(食左榴槤雪糕夾麵包), 最終行埋去Chinatown(中途d野大家睇相算了)。
時間關係(又係趕佢收工前), 先去遠東廣場食亞坤Kayan多。個廣場都好唔錯, 不過可能因為星期日, 所以大部份店都關左門(+_+)。去到間店, 個多士好脆, Kayan醬甜甜地, 好鐘意食個蛋! (食過其他國家噶蛋, 係講緊是但一個其他地方噶蛋之後, 你會發覺HK噶雞蛋係無味, 完全唔好食的)
食完野買左少量手信就行下Chinatown(正式行啦)。行左好多橫街雜巷, 搵晒要搵噶店同買手信噶地方。又係唔多講啦(某人買左過千蚊噶手信, 好似拿住2隻乳豬咁, 威到盡)。5點幾, 大家拿住各種貨物返酒店, 同埋約我噶死黨Best Fnd呀馬出來食晚飯。
返到酒店放低野settle down之後, 就出返來, 搭地鐵去東岸果邊meet呀馬。終於都見到佢啦! (成個trip噶起源就係想探佢) 佢瘦左好多呢, 同埋見到佢真係超開心。係地鐵站行唔使2個字, 去食出名噶"無招牌海鮮"。呀馬食完之後都話平過佢去開其他地方噶海鮮呢(而且其他地方好多間都係HK噶珍寶、東海集團)。食左麥片蝦、胡椒蟹(x2)、Chili蟹(x1)、馬拉盞炒菜、飲左Lime water、薏米水, 總之都係好味, 大家自己睇相啦。最正係前後食左三隻都大隻噶蟹加埋D立雜野, 圍到來每位都係二百幾蚊, 好平呢~~
食飽飽呀馬帶我地行係附近噶紅燈區。去到時我地都奇怪架啦, 竟然成條街都係男人, 一個女人都無, 我地仲比人望添! 之後有警車經過, 先知咁O岩係掃場時間, 所以睇唔到D服務行業人士了~~~ 不過咁樣反而夠膽拿相機出來影幾張相呢。
之後呀馬同我地去夜晚噶Clarke Quay。果度有一個好大好靚噶酒吧區。個環境好舒服好靚, 好有feel, 仲有好多間bar有Live band添! 不過我地就只係行左個圈, 無坐底飲野了。影左D夜景同埋合照之後, 本來想去試下另一款藥味重D噶肉骨茶, 不過收工了, 食唔到, 之後就散水返酒店了。
是日諗住想涼爽D, 當日都係著Crocs出左去行, 但係到中途開始, 已經開始超痛, 之前果日噶痛未回復呢! 所以買完手信返酒店之後再出返去時換返波鞋, 舒服好多!
Day 4 (最後一hea)
最後一日, 無咩行程, cheap cheap貓航4點機, 2點幾都要到機場了。又唔多順路於是都無專登去榴槤街食榴槤了, 可惜。反正無咩做又無野要再買, 又要食飯(又係食完呢餐要夜晚返到HK先有得食), 於是決定encore海南雞飯(酒店行過去又近)。Check out之後放低行李係酒店, 行去海南雞街, 食左另一間(因為聽左呀馬講唔一定係要食逸群), 發現都係平, 而且仲大碟D添!
食完仲好早, 臨時決定不如再去Clarke Quay食果間肉骨茶啦, 點知去到見到星期一關門(發現除左星期日好多店唔開之外, SG另外有好多鋪星期一都係唔開的), 白行一趟。Encore左個榴槤雪糕夾麵包之後就返酒店拿行李, 再搭的士去機場了。
去到機場, 由於我地搭平機噶關係, 係去budget terminal, 個場都cheap好多。係機場問左竟然係某D Terminal入左閘先買到班蘭蛋糕? Anyway無深究到, 無買就算了。4點起飛, 8點島返到來, 返到屋企9點幾, 完結左成個旅程了~~~
後語
呢次旅行對我來講幾開心呢。可以同幾個熟噶朋友一齊旅行, 吹水up屎, 仲有傾下心事, 真係人生一大樂事。雖然係好多時候, 臨訓前、行緊路無傾偈時, 又會諗起好多以前噶、唔開心噶野, 好彩個行程都開心, 好多時都可以忘記到。
如果大家想對行程知得更多, 就要睇下我upload係facebook上面噶album啦。如果想再知多d, 就唯有親身來睇我係自己電腦(或者相機)噶full album, 仲拍左好多片添!
值得一提噶係, 新加坡真係好多短褲仔呢, 好多美腿好開心~~ 哇卡卡卡~~ 我地幾條友(其實主要係我同K先生)係度睇女仔仲指指點點。果邊唔係好似日本台灣香港咁, 唔興化濃妝, 一樣有好多靚女, 講真都係環境同埋廣告影響, HK等地先多人化妝姐, 係其他地方D人都唔係咁化一樣見到好多靚女啦。仲要人地日日曬太陽(仲有我覺得係有做運動), 勁fit勁好睇。成日躲係屋內化妝係咁食, 唔做運動又話要減肥果d HK女仔真係要反省下呢。
係呢度不得不提下, 要多謝下人呢。多謝各位團友縱容我噶任性(有無呢?) 好似大部份行程其實都好似係跟我意願咁, 都係我拿主意幾時去邊去邊, 唔好去邊去邊咁。另外我訓覺又唔早訓但係又早起, 同我同房噶kenneth應該成日覺得唔夠訓, 比我嘈住晒, 哈哈。仲有我沿路成日停低影相, 差D連紅燈區都想拿部相機出來影, 哈哈, 見到貓貓又係咁影, 去到夜晚自己相機無電仲拿埋民民舊後備電去用...etc, 總之睇來最麻煩都係我呢, 不能盡錄, 哇卡卡。
希望今次個trip大家都開心, 同埋期待下次再同好友們再去旅行啦~~~
(預告: 東京體察災情振興經濟之旅?!)
完
2011年5月24日 星期二
荒村
不論是武功、相術、道術、紫微斗數或者是請神等等各種三教九流之術, 其實是真實的存在。當權者、富裕者垂涎於這些能力(者), 擁有這些能力是很危險的, 如果不好好正當地使用, 只會為禍人間, 因此, 真正有能之士, 十之八九都隱藏了他們的能力。現在的人所見, 也只是各種博大精深的方術之一二罷了。不過, 總有一些有能之士選擇了"入世", 用自己的能力去幫助人。
**********
在修行中, 她來到一條像似荒廢的村落。
丁圓感到像有很大的阻力, 阻礙她進入這條村莊。"阻礙"並不是物質上或事實上有什麼阻著她、擋著她, 而是她一準備進村就有一股莫名其妙的厭惡感湧現。若果意志力稍為薄弱的人, 恐怕就會轉身而去吧。
這條村正是她接受到委託的目的地。
委託人是村落中某村民移居到很遠的親人。他離鄉已久, 上次難得有機會回鄉時, 發現自己難以進入村莊。由於他強烈地想回去看一看家人, 總算誇過了那一道心理關口。可是一進村就發生一連串奇怪的事, 最後還是徒然離開。
丁圓斷定這兒有妖怪作祟。
那股"阻力"當然未能阻止她入村。但她一進村, 怪事就發生了。大風突然刮起, 捲起很大的沙塵, 四處發出奇怪的嗚嗚聲, 甚至有很多垃圾隨風直向她撲來。
"好大的惡作劇呢, 如果用硬的闖進去, 恐怕不能解決事情...還是晚點才來看看情況吧..."
晚上, 月色晈潔。
她再次來到這條村子, 竟然見到車水馬龍的景象。很多人在四處走, 大街上商業活動頻繁, 就像一般市集一大早的模樣。唯一不同的是, 現在是晚上。
"想不到那麼多人呢, 還是別打擾他們, 明天再來解決事情吧。"
第二天。
仍然是荒廢的村落, 仍然有莫名的厭惡感, 仍然有怪風怪事。
"強硬一點吧。"
她拿出兩道符, 口中唸唸有詞, 然後把符分向兩個方向直射出去!
"嘭!嘭!" 打破了兩道頹垣敗瓦。
"誰這麼大膽!"隨著一道吆喝聲, 一團黑色醜陋的東西冒了出來。
"是你做的嗎? 為什麼沒來由的破壞這個地方?!"
丁圓冷靜的回答, "你是誰? 從哪裡來的, 快報上名來。"
"哼! 你破壞了我的地方, 還敢大言不慚?! 這兒不到你這卑微的靈力者來多管閒事!"
只見那團醜陋的黑色的東西, 像吸了一口好大的氣, 四周像有無數的靈魂被吸了進去, "它"的體積變得愈來愈大, 樣貌變得愈來愈惡, 似乎要把她這外來者趕走。
"呼, 真麻煩, 看來這次的生意不划算呢。"
丁圓從背包拿了一道符出來, 唸了一句咒語, 突然閃身直衝向那黑色的東西。
"定!" 她把符貼在那東西身上。那東西似乎不能動彈了。
"說。"
"嗚...竟然...快放開我!"
"說吧。"
"......"
過了一會兒, 那東西開始說起來。
"...我是這裡的土地神。我要守護這村子。一直以來負責看守著這兒。可是這兒一直戰事頻繁, 這條村落就在進軍的路線, 首當其衝, 經常受到影響。男丁被強拉去當兵, 婦女也受到折磨, 民不聊生。你有想過"明天不來就好了, 希望開心一直繼續著, 希望不幸不要來臨"嗎? 戰爭、疾病、饑餓, 他們害怕明天會比今天更差, 因此我要保護他們, 這兒的人們都是好人, 他們常常祈求的保佑他們。是他們給我力量的, 我讓他們安安穩穩地留在村中, 不被外界侵擾, 不會再受戰火的洗禮! 我一直背負著這個使命, 就算到最後一分一刻, 我也要完成我的使命!"
丁圓一邊聽一邊看看這條村落: 荒廢的水井, 四周頹垣敗瓦, 一個人也沒有, 只剩下一些快要風化的骸骨。
她對著土地說, "明天不一定會更差, 時間會治療傷口, 艱苦的環境也會讓花兒茁壯成長!閉上眼、塞著耳、捲成一團, 才沒有進步! 這樣才是最不幸的結局! 你這樣做只能阻止戰爭和疾病入侵, 但最重要的東西 -- 時間, 你沒法阻止。跟外界隔絕, 這兒已經滅亡了, 缺乏循環, 停滯不前。你看, "明天"還是來了!看吧, 這兒已經沒有人了, 全部都死了。面對現實吧。你想好好的守護這個地方, 可是所有人、事、物都不可以固步自封的。看, 把自己封在原地, 不知道外面的世界, 留在原地踏步, 只是慢慢的腐朽...外面的世界現在是怎樣的, 你知道嗎? 戰亂已經停止了。這條村應該獲得解放, 那些亡靈也應該被超渡的了...讓他們去吧..."
只見她一邊說, 一些靈魂慢慢的從黑色的東西體內飄散出來, 那"土地"慢慢的縮小了, 最後回復了他本來的體積。"它"頹然地癱坐著。
"你答我: 你是為了什麼原因, 要保護誰, 不受什麼侵犯?"
"...這是我的存在意義, 我最初的目標, 不要被變更, 不想被否定......"
丁圓慢慢的走過去, 把"它"擁入懷中。"我叫你停止, 不是要你變更, 也不是否定你哦。而是你的任務已經完成了, 你做得很好; 或許, 在這交通要衝的地點, 慢慢會變回一個繁華的村子也不定呢。到時, 又會再有很多人在這生活, 有更多的笑臉在此浮現...一直以來你做的很好...辛苦你了...謝謝你..."
她感覺到肩上、背上慢慢的濕潤了。"它"在哭嗎?
"謝謝你...嗚嗚...一直也沒有人對我說呢...謝謝..."
黑色的東西慢慢的消散了。
村莊回復了本來荒涼的模樣。以後應該也不會再有怪事發生了吧。
"呼~ 又完成了一單生意。用了爆炸符和定身符, 真不划算呢..."
丁圓繼續踏上她的旅途。
完
攪手
由細個開始, 已經係鐘意主動聯絡人噶人。亦都因為通常D人都係我聯絡開, 所以慢慢我就做左攪手噶角色。
近年做少左好多, 但係真係發覺每次見到人做攪手時, 真係好唔得。其實攪手係好難做噶, 不過有D人做攪手真係連基本野都做唔到。又唔confirm人時間地點, 又無問人幾時available, 更加唔使講有無問人preference。講真, 要攪得好少少, 其實需要每個人打超過一個電話噶。算啦, 如果自己唔係做攪手果個, 所以都好少會complaint人地做得唔好了。
講返做攪手噶難處。
第一遇到噶難題當然係就時間啦。要就晒咁多人時間係好難噶事, 人少少4-5個已經唔係易就, 人愈多就愈麻煩。最麻煩係有D人無理答霎, 唔記得自己原來邊日邊日唔得閒或者咩時間唔得閒, 到就晒定晒先來改, 好鬼煩。最憎係咩呢? 就係果d "你約住先啦, 到時我再睇下得唔得"噶人。如果真係因為返工或者其他野未定到噶都無可厚非, 但係有d人擺明就係睇下有咩人去/地點等等野O岩唔O岩心水先去, 真係唔想理佢咯。
做"攪手", 其實只係一個聯絡人。對於活動、地點、時間係無決定權噶。要去邊、幾點、甚至就唔就一D麻煩人, 並唔係佢要做決定噶事(除非大家agree左啦)。當個個人意見都唔同, 又遲遲都未決定噶時候, 就最麻煩。你就得一個, 又唔O岩另一個人心水; 當你就返另一個, 可能又有人唔鐘意。自己決定仲衰, 個個都唔鐘意(甚至有可能係D人唔鐘意你自己決定而唔問過佢地而已, 但係自己又無preference又唔表態)。
而家流行facebook或者send message, 講真, 根據以前經驗, 就算打電話親身問都會有以上問題發生, 何況好似facebook呢d咁被動噶方法? 除非個個都好似我咁姐, 如果唔係根本就行唔通。
攪手呢D吃力不討好噶角色, 都係少做為妙。(不過到最後仍然係我? 哇哈哈)
完
標籤： 個人感受/感想/人生觀
2011年5月23日 星期一
五月二十二日 -- 雜記
催時同學打來, 真可憐。
16/5(一) -- Gordon兄弟姊妹感謝宴 @ MK帝京; d野食ok, 而家食任食都會就住, 唔會食到頂住胃啦~~
連續好耐都訓得唔好, 呢一晚又發夢了, 今次係時光機
17/5(二) -- 上堂; 同Sam & Nat & Gary食大盛; 唔見staff card and find back, 真好彩; KT and Tracy not happy again; extreme tired and talked seriously with Sam late
18/5(三) -- farewell呀強食飯, Muse Cafe; hea, 好笑, 怕左任食; back home not too late
19/5(四) -- 收工返企, 再出去gathering w/ TKO buddies, 榮華川菜館, but mark six, Yogurt @APM
20/5(五) -- 一早醒左, 又係極早, damn; 上網apply左HO; 頂唔住half day leave, 返企sleep, 夜晚出返MK, 買左要買噶野, 去Jordon, 食唔到太平館, 食左apple; 之後行TST, 好累; I think I'm sick today
argue?
21/5(六) -- gathering with 死黨s, K @ Jordon, 1-8好抵; 官涌街市dinner
22/5(日) -- 本來同sam & fnd BBQ or hot pot at Taipo, heavy rain cancelled; 本來留家, 突然要出KLB拿姨丈噶野, 拿完仲要去埋上環比cousin; 中環flying pan, dinner @ TKO w/ bro @ co.
呢個星期無咩心機打blog~
來緊:
23/5(一) -- 收工同bad-end人食飯(夾硬約), 比埋之前幫佢買噶野佢; 之後毛毛球
24/5(二) -- 上堂
25/5(三) -- pre trip gathering, 應該齊人啦掛
26/5(四) -- 準備出發
27/5-30/5 -- SG之旅
完
2011年5月18日 星期三
魚和海鳥
魚兒在大海中暢游。自她出世以來, 一直都在海較深處, 跟著魚群四處游, 覓覓食, 間中避開一些較為兇惡的捕食者, 日子過得很自由自在。
她常常望向上方, 覺得光光的, 好像很有趣。但魚群總是很少會游到近海面。她一直也跟著大家, 落單了可不好呢。
有一天, 一條鯊魚來襲, 魚群四散。鯊魚不停地追逐著同胞們, 死了好多, 但他們也只能各自的逃走。她跟一些朋友沒命的逃, 終於躲開了鯊魚。回神一看, 他們到了難得來到的近海面。
她很好奇, 順勢游到海面附近, 向上望去: 嘩! 外面的世界好不同哦! 難以形容, 很廣闊, 很高, 總之就是跟自己的世界不同! 她癡癡的望著她未接觸過的"天空"。然後她看到了一些她從未見過的動物 -- 鳥。鳥兒在天空飛翔, 看起來好自由, 比在海中游像是更自由。時而高飛, 時而俯衝, 時而盤旋, 一對大翅膀, 帥極了。
"喂! 快回去吧! 我們要回大隊啦!"
雖然回到深海中, 但那一刻的景象一直纏繞在心中。
自此, 她就常常趁機溜到海面附近, 看著那片天空。她感受到很多新奇的事: 看到外面的世界有時很光, 有時很暗, 有日出有晚上; 會天晴、會下雨; 有好多住在海面附近的新朋友; 這些都是很新奇的事。但最令她難忘的, 仍然是天上那遙不可及的鳥兒。
她見到他常常在空中瞄下來, 看著她。他是留意到她的。她好羨慕他, 可以在空中飛馳, 她慢慢的好想離開海的世界, 她好想試一下在空中的感覺, 她很留意他, 她喜歡他。
新朋友們跟她說: 你不要常常來這裡啦, 這兒很危險的, 你要小心點呀, 水面上有很多捕食者的。
她說: 我好想離開這裡哦! 好想成為上面那些朋友般, 可以自由自在地在上面哦!
"小朋友, 別妄想啦, 你是魚也就永遠是魚, 不可能的啦!"
"不! 你看! 他常常在看著我呢! 我想他帶我走, 去上面的世界!"
"世途險惡...你要小心呀..."
"看!看!他又看過來了! 你看!"
"小心點呀, 快走吧!"
"不! 他真的向著這邊過來呀! 我可以夢想成真了! 我喜歡他! 我要跟他走!"
海鳥真的飛下來了。他捉住了魚兒, 直飛天上去。
完
Q: 誰知道，或許真有善良的海鳥，想跟魚做朋友？
Y: 因此我也沒有寫最後怎樣。
Y: 離開了海面, 可能在窒息前那十分鐘的"人"生對她來說已足夠吧~只要她覺得幸福，就夠了; 因此還是半open end好了。
2011年5月17日 星期二
滿足感
人無論做什麼也好, 也是為了"滿足感"吧? 不論是最原始的食慾、性慾, 到精神層面的各種滿足感也好, 人所做的都是為了填滿自己的滿足感。
最基本的是為了生存。食, 然後是住衣行, 上班、賺錢就是為了生存。再進一步, 有了錢或者好一點的物質生活, 就會較為容易求偶。
之後就是滿足一些精神上的需要, 也就是人類所謂跟動物不同的地方。自尊、榮譽、權力、愛情、友情...等等數不盡的欲望, 而賺錢、食飯、勝利、甚至幫助人、做義工...等等數不盡的行為, 也只是為了滿足自己。即使是為了更大的、更深層一點的宗教、民族, 也一樣是滿足自己的心靈。以前也談過, 就算大至宗教、民族、小至愛情、友情的所為"犧牲", 也是為了自己, 只不過不是為了物欲, 而是滿足自己的意志而有滿足感罷了。因此我以前也說過, 所有人做的所有事都可以稱為"自私"。(當然, 有很多"自私"對別人來說是好事)
最能夠滿足大部份物慾、佔有慾的東西, 自然是"錢"。錢雖然不是萬能, 卻能買到很多很多東西, 甚至不只是物質的東西。不用多談了。
曾經跟不少朋友(尤其女性朋友)談過, 擇偶條件之一是要有"上進心"。何為上進心? "上進心"又代表什麼? 其實就等於是錢(或者其餘"物質"的統稱)吧。有上進心向上爬, 最終的目的還不是錢? 向上爬之後得到的權力也只有當事人享受得到, 另一半真正能享受的就只是錢。只不過每個人的目標價錢也不同而已。
對於我來說, 雖然自小不是有錢, 也經過經常要"慳住使"的時間, 但我從來對於"錢"或"物慾"方面的需要也不太強(當然又不至於完全不在乎可以送給人), 就算現在也不介意過刻苦一點的生活(當然可以舒服就舒服點吧)。
"人"雖然不知道為了什麼要生存於世上(也不打算討論), 但總是為了要"快樂"。"快樂"源於"滿足"。而我的滿足感也一樣, 貫徹多年來再網誌中所寫的, 我所希望的快樂很大部份是從精神層面上的滿足而來。感情上得到滿足, 可以使身邊的親人、愛人、朋友都開心, 大家一起開心, 就很好了。可以學到、看到、感受到不同的事物, 知道多一點, 也很開心。錢, 無疑令人可以更方便更舒服, 可是有很多事情真的不是錢可以達成的。對我來說, 夠就好了。怎樣為之夠, 反正我物質方面不用太過豐足, 因此夠就夠了, 哈哈。
我的上進心, 在於"為了得到我想要的東西而努力"。不過, 不是錢。
完
p.s. 叻比噶題目, 佢噶feedback係"在我角度黎睇, 有上進心係等於set 個目標/理想比自己. 有上進心既人, 起碼都會知自己做緊D乜, 無咁易lost當然, 都要睇個目標係set向邊一個aspect 既"
其實我最後果一句, 就係咁噶意思呢。
標籤： 個人感受/感想/人生觀
"親人"
以前已經談過真正的親人, 也說過不會在此多講, 因此這次當然也不是談真正的血親。
在大家的生命中, 有沒有一些沒有血緣關係, 但感情比血親還要好, 信任度很高的朋友呢?
可能大家會以兄弟、姊妹相稱, 甚至可能以父母、子女自居, 又或者大家沒有宣之於口, 但大家的情誼超越了一般朋友的界線, 會對他們有絕對的信任。
無論發生什麼事情, (只要不是犯罪), 對方會毫無條件的撐你, 支持你, 信任你。就算在不方便、情況不太許可之下, 也會儘能力去幫你, 甚至不惜與其他人"反面"也要幫。
這個位置與"了解"沒有關係, 純粹地是大家一直相處而累積起來的感情和信任。正如大家的爸爸媽媽不一定是最了解你的人, 但他們一定會支持你, 為你付出一樣。
如果你有的話, 恭喜你。
在世上能有這麼一個, 或者不止一個人會這麼對你的話, 真的是一件非常幸福的事。在這個很虛假、充滿自私與謊言的世界, 如果有這麼的一個人, 真的要好好珍惜。
我, 會是你的那個"親人"嗎?
**********
如果你有一個親人+最佳位置般的朋友(不一定是異性), 那恭喜你了。人生得一知己, 死而無憾。很慶幸自己身邊有這樣的人, that's what I always proud of in my life.
完
標籤： 個人感受/感想/人生觀
2011年5月15日 星期日
五月十五日-- 雜記
9/5(一) -- 請左假, 早上係家hea同埋整晒要整噶野, 好free; 下午同Sam去左寶琳食意粉, 之後去左買飛睇戲, 再食聰嫂同行一陣, 6點鐘睇左想睇好耐噶"Just go with it", 好睇呢~ 之後食魚之味後返企。
1. 見到深藏已久的朱古力, 深感朱古力跟愛情一樣, 會過期; 丟了吧。
2. Just go with it(愛情大龍鳳): 估唔到做左2個鐘, 好睇呢。成套戲都無悶場, 雖然劇情有D誇張(同埋覺得一開始交代個男主角以前果度好似無咩用), 但係男女主角噶愛情線都算係鋪排得合情理; Jennifer Aniston超正呢~~真係好sharp同埋好做到佢角色要表達噶感覺。年紀唔係一個問題, 同果時睇鞏利一樣, 雖然年紀唔輕但係都覺得好charming; 講大話真係一件好唔好噶事呢, 超憎, 一個大話掩蓋一個大話仲衰啦。
10/5(二) -- 公眾假期, 連續四日假噶最後一天; 全日在家hea的一天, 將之前砌左噶幾隻模型油埋, 好開心, 最近噶完工度好高呢。下午訓左2個鐘到夜晚過去食飯。晚上仲砌埋HG百式, 又完一隻。
3. 一個好友因為一件小事而誤會兼唔妥我, 我都超唔開心; 但係, 我依然覺得自己無做錯到。
11/5(三) -- 呀煎生日快樂; 收工諗住去寶琳買返之前見到果個好平的風扇, Connie都一齊去, 第一次係KT搭van入PoLam呢; 去到行左下奇趣, 再去睇展銷果度, 點知個風扇已經比人買左, 買唔到~~ 行左下PoLam(睇埋另外幾間電器鋪)之後同Connie返返TKO睇下日本城噶風扇, 全部都係要幾百蚊, 放棄了。返企食飯。
4. 今日又擅自亂剪頭髮, 不過剪完舒服, 爽!
12/5(四) -- 四仔旅行團pre-trip gathering; Kenneth因為公司臨時要OT開會來唔到, 真可惜...臨時加埋FF來, 就晒所有人, 於是去Jordon金蘋果; 其實都無咩十分多野好傾, 大致上都係去果d地方食果d野, 都唔使傾好耐, 結果都係幾個死黨一齊吹下水食飯, 好relax呢。食完10點島返企, 竟然一來就有車。
5. 收到好友Q係捷克寄來噶postcard, 好開心~~ 話時話, 好似N年無收過postcard了~~
6. 催時同學又...-_-
13/5(五) -- 收工去元朗同Sam食飯, 終於食到個酸菜魚煲, 好味道, 食完之後未9點就散, 返企。
7. 多謝果把風扇呢。
8. 點解個豪華龍裝劉備咁平, $199~~~(平時最最最平都要$240島!) 不過都係無買呢~
14/5(六) -- 一早唔知點解好早醒, 攤左唔知幾耐發覺真係訓唔返, 起身, 8點幾; 上下網hea下仲砌埋一隻模型, 10點幾出門去iSquare同Sam睇早場Fast5, 都幾好睇; 之後係返iSquare食lunch(T e), 食完行下iSquare, 就去碼頭搭船去灣仔; 原本諗住去上環生記食粥, 或者去中環Flying Pan食野, 點知出到去大路, 臨時就上左架叮叮去北角; 去到自己舊居附近行下, 落左去睇森記書店同貓貓, 之後行去和富果邊(今日經過灣仔無去太源街, 行過和富無入奇趣, 哇哈哈), 去左Clover食cake, 之後就返TKO; 同呀哥一pair四個人去左坑口大排檔食晚飯, 食完再去聰嫂食甜水, 之後返企。晚上又砌一隻模型。
9. 快5：130分鐘，無咩悶場，用幾十蚊睇住好多野爛好抵睇；個夾萬作為主腳來講好稱職，最尾大發神威，好勁 :D
10. 呀哥係九座搬左個電視過來, 而家又有返電視了~~
15/5(日) -- Cass生日快樂; 本來好想去歷史博物館同埋科學館睇辛亥革命同埋愛恩斯坦果2個展覽, 仲推埋朋友噶K局, 不過到最後竟然無人一齊去, 算了。係屋企食完晏, 同呀媽呀哥呀嫂一齊出去, 行左寶琳同埋尚德, 行左成個下午, 好累呢~~ 不過一齊行下電器鋪呀、家品鋪呀、玩具鋪呀、街市呀超市呀咁, 都好開心呢。晚上係企食飯。是日又砌左模型~~
11. 今日Queenie返來了~~~
12. 聽講來緊呢期六合彩好多錢, 去買左, 如果中左就好啦~~ 唔好話一半啦, 四份一都好開心~~~
13. 追噶漫畫, 連有d新追噶都一套套咁完了 =_=
14. NBA playoff今年真係幾精彩呢~~ 其他邊隊champ都唔緊要, 總之剩返果D, 唔係Heats就得!
15. 今個星期打左好多篇野呢~ 自己好想好似以前咁, 打返多d野, 今個星期可能時間多dd, 可以打返好多無聊野, 都幾開心。
來緊:
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯, 放題?!
19/5(四) -- gathering w/ TKO buddies, 地點未定
20/5(五) --
21/5(六) -- gathering with 死黨, 詳情未定
22/5(日) -- BBQ?
23/5(一) -- 毛毛球
27/5-30/5 -- SG之旅
完
2011年5月14日 星期六
最佳位置?
在你的一生中, 有沒有一個異性朋友曾經是在你身邊的圈子之中, 佔有著一個特別位置的人呢?
或許你曾經有想過、沒想過、或者從來沒有考慮過、更加可能是不敢想過會跟他/她(之後都簡稱"他"吧)在一起的一個人。
可能你跟他在一起吃飯時、一起看戲時、或者無論什麼時候, 甚至是send sms、msn、facebook、whatsapp、pingchat...等等, 也覺得很快樂、很舒服。你有事或者他有事的時候, 會想起對方、支持對方、需要對方。他可能比你的另一半更了解你, 更懂得讓你快樂, 讓你心靈上得到安慰, 讓你在失意的時候舒服一點, 開心的時間更暢快一點。
你會覺得, 這樣的一個人、一段關係, 並不想有任何的改變, 因為這樣就已經是最舒服、最恰當的一個距離。你會害怕, 當關係改變之後, 期望會變得不同, 看到的會變得不同, 對對方的耐性、關懷、需要也變得不同, 破壞了最舒服的那種"和諧"。
可能, 彼此也有著另一半, 而你們不論在事實上甚至精神上也沒有出軌過。即使吵架時他會安慰你, 鼓勵你去?對方, 替你們加油, 幫你想辦法恢復關係。你們仍然忠於彼此的另一半, 只是安安份份的佔有著那個既近且遠的位置上, 一直一直繼續著你們那特別的相處方式。
或者有些人會覺得, 這跟"觀音兵"有分別嗎? 其實有著根本性的不同吧? 不論是兩人的關係、情感, 或者是事實上, 也完全是兩碼子事, 完全沒有曖昧的成份、思想、行為, 就只是守望、相助。或許, 不太感性的人沒有這種感覺吧?
這個佔有著特別位置的人, 可能會因為大家各有各忙, 或者因為各有另一半, 或者因為結婚還是其他什麼的原因, 最後疏遠了, 慢慢的沒有再聯絡了。不過他永遠在你心目中也是美好的, 最好的, 甚至好到縱壞了你, 讓你常常覺得你的另一半也沒有他的好。
因此, 你一直留住了這個位置。
這真的是一個最佳位置嗎?
完
p.s. 獻給身邊有著最佳位置的大家, 還有曾經破壞了那位置的他和自己。
標籤： 個人感受/感想/人生觀
2011年5月12日 星期四
成日任食, 罪大惡極
上星期食左好幾次任食。
屋企樓下牛涮鍋, 8度餐廳buffet, APM牛陣, 來緊Gordon請兄弟姊妹食飯去帝京buffet, 仲有肥強farewell又唔知會唔會真係食放題。
Oops~
任食呢樣野, 好明顯係係物質過度豐富噶社會下出現噶產物。
反正有錢, 人就比多d, 可以有好多款野食, 大食噶又可以食好多野, 係咁食貴野就會抵d, 各種原因令人係咁食。
一早有報導指出, buffet噶出現其實係浪費緊食物, 因為每次都要準備定好多款, 每款不停供應, 所以每次"宴會"結束後, 就會剩餘大量食物, 而呢D食物噶結果只係-- 掉左佢。
就算唔睇第三世界國家, 只係係物質豐富噶社會入面, 一樣都有窮人, 一樣都有食唔飽噶人。雖然一早知道呢個世界噶資源從來都唔係適當咁分配(適當, 唔需要平均), 甚至係弱肉強食, 無能力噶自然會受淘汰, 但係有必要咁浪費嗎?
事實上, 呢個世界上使得起錢噶人, 浪費得起, 要去做呢樣野, 無可厚非, 歷史上甚至有人權力大到可以為左D無聊野而令好多人死添。因此我覺得, 人想點係佢地噶自由, 由得佢。
不過在於個人方面, 任食都唔係一件好事。無錯, 係可以食到好多野, 甚至好多好野, 同埋buffet最valuable噶係可以係一餐之中食到唔同種類噶野。不過大多人去到食任食, 無論係因為D野太好食、太多好食噶野、定係因為要食多d先抵都好, 大部份人都係欲罷不能, 唔識節制。唔使我多講大家都知對健康係唔好噶。肥唔係一個問題, 唔需要個個都瘦到支竹咁, 個問題係"唔健康"。至於食咁多或者肥對健康有咩影響, 唔使我係度多講了。
誠然, 講咁多野之後, 我唔否認我都會去食任食, 甚至有時都會幾鐘意添, 不過其實呢樣真係唔係一件好事來。真係想食好野, 咪選擇一樣點來食咯。多吃壞肚皮, 何必呢?
It's our Bad Karma only~
標籤： 個人感受/感想/人生觀
2011年5月11日 星期三
窗框
一個人的性格、價值觀, 都是受著自己從少到大的所見所聞影響。就像一個人永遠被困於房間內, 看到的就只是房間內的事物, 還有透過窗框看到窗外的景物。要增長見識, 就只有不斷求學、旅行、閱讀、交談...等等, 知道得更多更深入。
礙於資源、時間所限, 人的眼界總會被那窗框限制住。因此一直以來看到的、感受到的, 就會覺得是對/錯, 根深蒂固之後, 就很難改變, 除非遇到很大的外力, 從外破牆而入, 徹底的改變一個人的看法。
總有些人會比別人優越一點。有些人聰明些, 有些人感受性強一些, 有些人有錢些, 這些各方面的優勢總能讓這些人接觸多一點, 從而去到另一層次的思想層面。而較低層面的人, 是永遠也不會明白較高層面的思想領域和模式的(感覺就像大家看著幼稚園的小朋友一樣, 不同的層次), 因此有很多人會對所謂"蠢"的人沒有耐性, 而那些"蠢"人也永遠無法理解別人的思想。再進一步, 有一些稀世的天才, 沒有人明白, 就成了"天才白痴"。
不過, 即使自己能夠伸出窗外, 看到多一點的人, 也不一定是比所有人厲害。誰又知道窗外的只不過是一幢大廈之內的事? 或者只是一個區域之內的事? 說不定有人能出了大廈、出了區域, 衝出世界, 甚至衝出宇宙?
到最後, 人也只是活於自己的窗框之中, 不論多大, 也只是自己的窗框。因此, 我從來也不會否定別人的人生觀、價值觀。就算大家覺得自己好像比別人看的多、看的闊、看的深(又是那看著幼稚園的小朋友不同的層次的感覺), 也應該要懷著心態, 知道自己之外有比自己看得更多更透徹的人。
其實這也就只是簡單的"人上有人, 天外有天"的道理。不過, 人總是剛愎自用的, 有幾多人可以虛懷若谷呢?
完
p.s. 朋友叻給的題目
標籤： 個人感受/感想/人生觀
三國外傳 -- 關先生劈友記
關先生千里劈友記
好久沒有寫過三國瞎扯外傳, 適逢最近"宇宙最強"所演的電影"關雲長"上映, 我也來湊個熱鬧寫一下三國的外傳吧。
**********
上回寫過(大家請看敝人以前寫的"趙雲百萬軍中藏阿斗")曹操與趙雲在百萬軍中姦淫了劉備的兩位夫人, 其實曹操一早就處心積累, 想攪劉備的老婆了。可憐的劉備本就沒什麼野心, 只想安安穩穩的過安樂日子, 怎知就因為娶了兩個漂亮的老婆, 就經常要受戰爭的洗禮, 當真紅顏禍水也。
話說終於曹操好不容易的打得劉備落荒而逃, 終於也讓他捉住了甘、麋二夫人, 連帶劉備旗下猛將關羽也給擄了過來。怎料關羽乃死腦筋, 腦中除了肌肉之外就是"忠義"兩字, 他一早看穿曹操是個淫賊, 作為劉備的二弟, 他怎可讓兩位嫂子讓曹賊污辱? 因此他答應效力曹操的條件, 其中一個就是不可動兩位夫人。
爭天下之事當然重要, 曹操雖然是個淫賊, 但畢竟是個亂世奸雄, 知道凡事皆應以大局為重, 最後不得不為了得到這一員大將, 而答應了他的條件。想不到關羽竟然夜夜守於兩位房夫人門前, 使曹操沒有機會去竊玉偷香, 了自己的心願。死了那麼多人, 打了場場勝仗, 期待萬分, 但卻給關羽這戇忠男破壞了好事, 唯有夜夜望門興嘆。
前事不多談。終於, 關先生得知大哥在河北表紹那裡, 決定連夜帶著兩位嫂嫂離開。由於他忠厚老實, 決不願帶著曹操送他的東西離開, 於是他掛印封金, 連曹先生送給他的新袍子也留了下來, 種下了那五關六將的禍根。
不一日來到東嶺關...等等, 由於故事由此開始會有對話, 為了增加親切感, 本人將Nicam故事至廣東白話, 將其本來的京腔轉變為白話表達是也。
來到東嶺關, 關羽一馬當先衝埋去個關口度, 諗住直行直過。點知守將孔秀即時攔住佢路。
"身分証, passport。"
關羽當堂啞左, 心諗, "敝, 無帶添!"
於是就答, "無喎。我係關羽關雲長, 官拜漢壽亭侯, 快D放我過去!"
"身分証passport丫唔該。"
關羽心諗, "唉呀, 頭先懶型將D野留晒係姓曹條友度, 早知就帶埋來, 而家就唔使咁煩啦!"
"喂, 我假假地都高級過你, 你快D放人好喎!"
"身分証passport丫唔該。"
"哎呀! 我挑你個XX祖宗十八代, 你連我關羽都唔識, 你點出來撈架!"
"身分証passport丫唔該! 你連身份証都無, 我點叉知你係乜水呀! 就算你係我上司, 就可以唔使証件都過得關呀? 下?! 我照足程序做野架, 我係唔放你吹呀? 我啤~~~~"
"我頂你個肺丫咁串? 我最X憎你呢D爛鬼公務員噶死人官腔! 正X街!"
"身分証passport丫唔..."
"噗!"
關羽好嬲, 係呢一刻佢爆啦, 佢拿起佢把大關刀, 一野就斬左孔秀噶頭落來。
"敝! 衝動出事, 快D撇先得!"
於是關羽就帶住兩個嫂嫂連夜閃人, 好不容易去到名城 -- 洛陽。
洛陽早幾年先俾董卓燒過來, 不過都總算係大城, 當地太守韓福都唔係流噶。佢一早收到風關羽會路經呢度, 自忖自己未必夠佢揪, 力敵不過就緊係智取啦, 於是佢係關羽來到果時百般留難, 同佢講, "你行左咁耐都累架啦, 不如你今晚係度抖下先, 天日先比你過關好無? 你都知啦, 你又無身份証又無passport, 我好難交代噶嘛...嘻嘻嘻...拿, 今晚我搵幾條女來陪你, 等你好好梳乎下, 天朝再慢慢趕路都唔遲呀~"
關羽一聽, 又好似有D道理, 又好似有D著數, 就一口答應。佢滿心歡喜, 就準備去沖個靚涼, 點知副將孟坦帶佢行果陣, 韓福偷偷地一箭射埋去! 關羽身手敏捷, 閃身一避, 總算避過左致命傷, 但係都中左肩頭。雖然好痛, 但係生死關頭, 絕對唔可以退縮! 佢一口咬住支箭頭, 一拔拔出來, 呢下其實係懶型, 佢知打交最緊要係個"勢", 先來一野嚇一嚇人, 贏個勢先! 果然隔離個孟坦睇到眼坦坦, 就係呢一下呆滯左就比關羽斬開左兩半。
韓福見自己偷襲都射唔死關羽, 知道大鑊, 即時就想走佬, 可惜走唔夠兩步, 就比關羽追到上來。關羽昂藏七尺, 步大力雄, 韓福又點夠佢來呢? 都係比關羽一刀劈開左兩半拜拜。
關羽知道此地不宜久留, 唯有帶住兩位嫂嫂, 仲有箭傷, 逃離左洛陽。
來到沂水關, 守關卞喜當然都收到消息啦, 佢見之前果三條友打又打唔過, 暗算又唔成功, 點算好呢? 雙拳難敵四手, 一於圍佢! 我唔信成班人圍佢佢都贏到! 於是佢係鎮國寺埋伏左六個刀斧手, 唉, 本來都想埋多幾個, 但係而家噶中級領導階層都好難撈, 平時做野油水又唔多, 慳住慳住先請到六個, 算啦, 照去。
話說關羽來到沂水關時, 卞喜就假裝好意, 要請佢為佢洗塵。點知果幾個平價刀斧手唔得醒目, 躲係牆角竟然突左d衫角同埋武器出來。關羽雖然係粗人一個, 但係之前比人線過, 都蠢唔晒架! 見到自己比人圍, 緊係先下手為強啦! 佢知卞喜警戒心都高, 如果一擊唔得手就實比人圍硬, 於是掄起佢把大關刀, 一衝衝埋去牆角後一斬斬左兩件。
呢下先聲奪人果然有用! 另外幾個人猝不及防, 又嚇親。關羽承機三兩下手勢就料理多兩件, 仲有兩件嚇到屁滾尿流, 緊係走夾唔抖啦。卞喜眼見不妙, 心諗早知唔好慳果少少錢, 請多幾個質素好d噶人來啦! 但係後悔都無用, 佢連走都走唔設, 就比關羽一刀斬死。
一路無話, 就到了滎陽關。呢度噶守將王植係韓福噶親家，不過佢不嬲同親家不和, 關羽斬死左韓福, 佢仲開心, 反正自己都唔夠關羽打, 不如做個好人放佢走仲好啦。佢接左關羽入城, 搵人幫關羽醫左箭傷, 安排晒房間比佢。不經意之下見到關羽兩個嫂嫂, 嘩! 當堂腳都軟, 攪乜呢兩條女咁索噶! 唔怪得老頂曹操點都要捉佢地返去啦! 曹操攪唔成, 而家佢地送羊入虎口, 仲唔係我噶運氣? 哇卡卡卡卡..."
佢即時著手安排人手, 設埋伏, 裝陷阱, 佢汲取左之前果幾條傻佬噶經驗, 今次準備充足, 重重噶陷阱加上充足噶人手, 一定可以制服到兩位夫人....呀唔係, 係制服到關羽, 志在必得! 可惜呀可惜, 千算萬算, 算不盡一點疏失, 日防日防, 防不住那一個 -- 家賊! 王植有條O靚叫胡班, 知道左王植噶企圖, 睇唔過眼, 偷偷地通知左關羽, 關羽知道之後緊係大怒啦, 不過佢唔會蠢到同自己條命仔過唔去, 三十六計, 走為上著!
憑住胡班引路, 佢避過晒d危險, 順利出關。王植知道事情敗露, 覺得好唔抵, 明明到手噶肥肉竟然飛出左佢五指山! 男人有時諗野真係用下面唔經大腦, 當佢諗起果兩位夫人噶豐姿, 佢就咩都唔理, 決定帶埋人馬去追! 一眾人馬唔使幾耐就追左上來。只嘆一聲英雄難過美人關, 狗熊都係難過美人關, 佢追到忘形竟然一馬當先就衝左過去, 都無諗過自己幾多斤兩。關羽本來都一肚氣出唔到, 而家王植自己埋來佢仲唔將D怒氣發係佢身上? 無錯, 發晒係佢身上, 佢揮刀連斬, 王植就俾佢劈開左幾份, 玩完。其餘噶兵丁見到呀頭瓜左, 緊係一哄而散啦, 於是關羽又過一關。
終於都來到最後一關。太守劉延知關羽到左, 親自去接佢。
"關先生, 你一路過關斬將, 其實我都唔應該放你走架啦, 不過我知我唔夠你打, 我唯有照普通程序來做啦。而家你無身份証無passport, 我照幫你登記左先, 第日有咩事再通知你啦。"
劉延抄底晒關羽噶生辰八字, 所有資料, 摸一奏關羽隻手, 諗, "呀...好大隻大手, 好堅壯噶大手...如果可以係我身上..."
關羽感覺到唔對路, 竟然係一個攪基太守, 救命呀! 佢即時就話, "咁多謝晒, 走啦!"
關羽一行人總算照做左過關手續。
臨走果時關羽問, "前面有條河, 老哥可唔可以借條船比我過河呢?"
劉延心有千絲萬縷噶念頭, 但係又點可以講出來呢? 佢因愛成恨, 得唔到, 唯有放手, 但係又唔忍心殺佢。
"我做晒好人比你過關啦, 你仲諸多要求? 仲要我借埋船比你? 你唔好要我貼埋大床比你娶老婆呀笨?"
關羽知道自己理虧, 難得過到關, 就算食左一面屁都算數, 去到河邊先算。
來到河邊, 已經係就快要去到佢劉大哥附近了。只見一個將領坐左係一條船上。
"關羽, 我係度等你好耐啦。"
"你係咩人, 你係咪要借條船比我?"
"關羽, 條船借比你, 不過租金係你條命! 喝!"
果位將領秦琪手執三尖八角槍, 來勢洶洶, 槍勁捲起沙塵, 直撲關羽! 關羽旋轉大刀, 刮起刀風, 迎向秦琪!
啪啪啪啪啪啪鏗鏗鏗鏗鏗鏗鏗鏗啪啪鏗鏗鏗鏗鏗啪啪啪啪啪啪鏗鏗鏗啪啪鏗鏗鏗鏗啪啪啪啪啪鏗鏗鏗鏗鏗!!!
鏘!!!!!!
雖然只係交手得好短時間, 但係兩人已經過左無數招, 甫合, 即分。
秦琪跪底。
"好厲害...噶功夫...我諗住自己已經練到爐火純青噶武藝...可以匹敵當年噶呂布...可以出來幫曹大人打江山...點知..."
"小子, 你噶武功都好唔錯, 不過同當年噶人中呂布仲有差距, 你返去再練十年啦。"
"哈哈哈...我已經到左極限, 唔可以再進步架啦...既然係咁, 我留係呢個時代都無用..." "啪!"
秦琪被劈開一半。
"妖! 諸多聲氣, 阻住晒, 要死就快d死啦!"
關羽於是就同兩位嫂子上左船, 成功投奔大哥了。
後記
話說關羽終於去到袁紹根據地搵劉備, 佢去到關口。
守城士兵問, "身分証, passport。"
關羽當堂啞左, 心諗, "敝, 無帶添!"
於是就答, "無喎。我係關羽關雲長, 我係來搵劉大哥劉備噶, 快D放我過去!"
"身分証passport丫唔該。"
"喂喂喂! 你又來呢套? 我係關羽呀, 你連我關羽都唔認得, 你點出來撈架!"
"身分証passport丫唔該! 你連身份証都無, 我點叉知你係乜水呀! 個個都認親認戚, 咁我咪唔使做? 下?! 我照足程序做野架, 我係唔放你吹呀? 我啤~~~~"
"我頂~~~~~~~~~~~~~~~~~~~~~~~~~~!!"
完
2011年5月9日 星期一
五月八日-- 雜記
3/5(二) -- 收工後上堂(德文d數字果然難XD, 不過我上完堂就已經記得了, 其實我真係應該讀文科 =_=); 上完堂後好累(應該話本來全日都好累), 所以快食飯(君滬, 都OK喎, 尤其個酸辣湯)之後返企。
4/5(三) -- 同熟噶同事們(日安, 盧撈, Mandy, Amanda, Carol, 呀Yo, Yee, Charles, 呀衛, 呀珊同佢老公呀健)不定期gathering, 去Cafe 8 degree食buffet慶祝呀珊生日, 個buffet都幾好味呢~~
1. 當日對大家最shocking噶news係呀Yee今年結婚, 平時收收埋埋, 大家連佢拍拖都唔知~~ 原來拍左7年拖啦~~~
2. 走果時見到金剛(大隻+成套老西)同洪天明(高), 幾型呢~~
5/5(四) -- 收工同同事們(呀叻, Yee, Penny, 盧撈, 植, 齋, 呀黃)係君傲灣歡樂羽毛球, 好開心: 好近~~ 入到TKO食左Burger King先, 之後集齊人(大家係唔同地方食)上去打波; 成班人一齊玩好開心呢~~ 如果之後有得keep住打就好了~~
3. 今日輪到催時同學陣亡了...
6/5(五) -- 今日Barry佢地同呀Mak慶生, 不過約左魷魚在先; 同佢係新世紀老富昌食飯, 個名成間茶餐廳咁, 原來係西餐 XD 不過d野都幾好食喎, 尤其係個豬肋骨, 十分OK~~ 食完之後諗住去采豐行入貨, 點知去到8點35分, 人地原來8點半收工, 頂~ 之後同魷魚散左就返返去新世紀潮風join返Barry佢地, 佢地9點都未開始食 XDDD 之後就同佢地吹水(我無食野), 到咁上下就散了。順帶一提, 果間潮風d野真係唔多得, 但係好平, 估唔到新世紀有呢D地方 XDD
7/5(六) -- 臨時約左催時睇早場"關雲長"; 之後返企抖同hea, 訓左下; 晏少少Sam入左來TKO搵我7點幾走; 夜晚無同催時食飯; 上網見到貓姐,8點半臨時搵左佢出來MK, 9點幾係朗豪坊食左d野, 終於拿返係台灣果時借比佢噶4GB card了~~~!!食完野就返企了。
4. 聽催時同學講左好多佢d野(仲有有關T先生噶野), 真係有d嚇人。
5. 關先生劈友記: 又一顛覆三國"演義"之作; 近年愈來愈多作品以另外噶角度寫三國, 更加多人平反曹先生XD; 不過全套戲文戲同打戲好似2邊都唔拖唔水, 節奏亦有少少慢, 文戲想表達好多野但係又唔夠喉(尤其唔熟歷史背景噶人會唔識), 打戲又唔係真係十分多到打到飛起, 所以有少少兩邊不討好, 條"愛情線"更加係騎呢同薄弱; 姜文仍然好交到戲, 宇宙最強都係負責打果part, 唯一最要交戲個位係全套戲最好笑噶位, 真係忍唔住笑; 另外, 戲入面好多個男子漢都好型仔。
6. 本來係睇之前都係諗左個三國噶玩野故仔, 又係用同一段過五關斬六將, 而家唔多想寫了~~
7. 星期日噶凌晨發左個騎呢夢, 係夢入面又係走來走去又搭車又盛好累; 最後去左間"啟田小學", 係夢中竟係係大陸同HK邊境, 奇奇怪怪 @@"; 不過起身真係覺得累 =_=
8/5(日) -- 呀Mak生日快樂!! 早上去維園打波, 超耐無打, 好唔掂, D波射極唔入, 連籃底都炒粉, layup都唔入, 好彩最後好返d~~~ 同佢地食完飯後同民仔+擇茄三個人慢慢行去北角, 行左炮台山模型鋪同埋北角奇趣, 之後去左阿鴻小吃買左鹵水鵝返屋企加"食送"; 臨時約左Temp014係TKL食tea, 之後過埋坑口食聰嫂, damn fat! XD 再次感受到可以隨時約熟噶街坊出來食野吹水噶感覺, 太好了~ 晚上返企食飯, 個鹵水鵝堅好味~~ 晚上對手臂開始有d痛(紅晒)同有少少起泡, 睇來係曬傷左了。
8. 有連續三、四天的假期真好~~~
9. 夜晚係屋企煲Eason同蜢蜢噶concert, 好鬼正~~
10. 天才的課題(櫻木花道?): 1. 來緊真係要減少自己噶食野同埋少D去街(肥左啦), 仲有2. 要少d同朋友(女仔?)食飯(避忌d+多d返屋企食飯); 為自己定下目標, 學某人咁, 俾個叻自己先~~~ :D
來緊:
12/5(四) -- 4仔旅行團pre-trip gathering
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯
19/5(四) -- gathering w/ TKO buddies @ 點好味
23/5(一) -- 毛毛球
完
2011年5月3日 星期二
貪
貪
每個人也會有貪念。除了第三世界國家的人們, 還在追求基本的溫飽, 我們這些生活於大城市的人, 基本上都會有高於基本生活需求的欲望, 而人們要進步, 不多不少也是因為有欲望或者貪念, 才會去努力爭取。其實以前也寫過有關欲望的, 因此這次也不是談人的欲望, 是想寫有關人對愛情/關係/愛人的"貪念"。
現在的人一般拍拖, 也是"貪"對方的一些"好"吧。貪錢, 貪靚仔, 貪別人的關心, 貪被愛的感覺, 貪就手, 貪對方性格好, 貪對方叻...等等, 總會有一些優點去使人被吸引到。現在的人也好像愈來愈容易拍拖, 只要不是三頭六臂悟空八戒模樣的(或者即使是也好), 也會拍到拖。人們很容易便因為一點感覺, 或者某一些優點, 便走在一起。
人的相處, 是一種哲學。兩個人一起, 固然不可能預算以後會發生什麼事, 但起碼基本的價值觀要相同, 大家知道對方要的是什麼, 有足夠的了解, 才會有較好的根基吧?
本來想寫多些關於關係之中有關"貪"的事情, 還有自己貪的是什麼, 不過突然很沒有心機, 就此停下算了~~
完
標籤： 個人感受/感想/人生觀
五月二日 -- 雜記
26/4(二) -- 收工之後去上堂, 上完堂食飯後返企。
1. Dunno why suddenly think of many things, super unhappy, it hurts. (and it last through the week)
2. 上完堂食飯時見到好大隻甲由, 超核突; 諗起進入左春、夏天, 呢d死野又開始走出來了, 討厭!
27/4(三) -- 講左好~~~~~~耐了(上年噶事), 要同Queenie去西環"加拿大"食飯, 終於都去得成。收工搭Van仔去(原來KT有van去, 都好dd, 唔使MTR轉巴士煩死), 質素同價錢都OK keep到; 食完搭van返KT, 好快, 反而等巴士返屋企等左2個字 =_=
3. 多謝Sam送的headset, 終於有得正常咁聽返歌 @_@
4. 幾無啦啦地, 014比左佢個blog address我; 都幾開心呢, 雖然本來都熟, 但係以佢咁會有d收埋噶人來講會比個blog人, 証明我又儲多張朋友牌, 開心 ^_^
28/4(四) -- C妹生日快樂; TKO Buddies Gathering @ 匠(坑口), d野ok啦, 唔算好標青; 之後Sam來找我。
5. 已成為Rockman ZX Advent噶expert(好無聊), 而家最難level打最後大佬竟然可以只用subtank就夠贏; survival mode連打14隻大佬都游刃有餘, Oops~
6. 我要砌多d模型, 快d清貸~~
29/4(五) -- 收工返企食飯, 砌模型。三國傳來講已經砌左超過一半, sehr gut。
7. 食完飯同呀爸過左去搬洗衣機, 都幾重呢。
30/4(六) -- 臨時約左催時同學去Neway, 唱早K(APM)! 早K加上自己一直仲有d咳, 都係唔多盡興(都好過之前同Rhian佢地唱)。之後先返屋企, 下午hea with Sam and dinner@牛涮鍋。
8. 唔知點解全日都覺得好累, 好無精神個人又軟LaiLai。
9. Sam經過一輪長時間噶轉來轉去之後, 決定辭工(暫時)。
10. feel bad after long chat at night
1/5(日) -- 下午係Kt join埋民民一齊去青衣呀Ben屋企(海欣花園), 幾個中學同學一齊(我, 民同女友FF, Ben同佢老婆Amanda, 孖星同佢老婆同BB, 皇帝, 摘茄)傾下偈, 玩下BB, 同一班熟人一齊噶感覺真係舒服同開心。夜晚食飯同埋玩牌(一個新噶cardgame同埋鋤D), 到12點島走。去到巴士站先發覺漏左野, 返轉頭拿, 可能會走尾班車; 結果拿完之後勁走去巴士站, 0:25am趕到上左0:20係總站開過來噶尾班車, 噓~
2/5(一) -- 之前果晚好夜訓, 第日成點先起身(好耐無試過咁晏起身); 下午同Sam去左中環, 食個tea同吹水, 之後搭叮叮去灣仔太源街同188睇下玩具, 吃左蛇羹(本來o岩o岩呢個冬天諗住要食而家先食到), 之後我MTR去太子打毛毛球9-11。好耐無打波, 好開心呢~~
11. 珊姐生日, 成班fnd同佢慶祝, 無去到。
12. 假期中都砌左幾多隻模型呢, 不過原本預算係會砌多d的。
13. 係時候要練返下車了。
14. 要慢慢習慣同改變下生活, 畢竟唔係單身, 要慢慢習慣減少下約其他朋友出街(自己真係好多fnd, 約d都已經full晒成week); 仲有要多d返屋企食飯...
15. 明顯地感到呢排身體麻麻地, 要休息多d同埋要解一解熱氣。
16. 最終都無去Lego展~
來緊:
3/5(二) -- 上堂
4/5(三) -- buffet gathering with colleagues @ Cafe 8 degree
5/5(四) -- badminton in TKO with colleagues, so happy
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯
23/5(一) -- 毛毛球
30/5(一) -- 毛毛球
完
2011年4月25日 星期一
四月二十五日 -- 雜記
18/4(一) -- Jenny來港, 由於佢無得早收, 所以會晏; 差唔多9點入到來TKO同佢食樓下魚米家。
1. 記: 今日係公司同鵬鯉傾開"志明與春嬌"入面噶千Fa, 佢突然扮千Fa"你想約我呀? 你想約我呀?"果下, 超似, 爆笑XDDD
2. 魷魚最終都係...頂唔住。最終都係解決左...希望佢之後可以順順利利, 同埋可以開心啦。
19/4(二) -- 呀叻之前都話有事唔上得堂, 到左今日仲病埋添。公司好少人, 爆悶, 好累好眼訓, 有D想唔返學。最終都照去上堂, 上完堂同呀源係返新蒲崗(下午叫左佢)食馬拉‧棧, 之前同叻同佢男友食過都OK呢。之後Samantha來找我。
20/4(三) -- 下午係Jordon上堂(公司報果d"how to convey unwelcome message咁上下"), 之後順便同Carol食飯(Carol都有份上); 行左下In's Point之後食壽司, 食完再行下信和後返企。
3. 今天出左VP, 好耐無試過一出糧出咁大舊錢呢~
4. 開始有d唔係好舒服。
5. 其實一直以來, 想要的只是簡單的信心、沒有ignorance, 仲有少少噶希望, 可以傾住電話訓...
21/4(四) -- 好唔舒服, 不過都無SL; 收工返一返企再出去同Samantha食飯。
6. NDS Rockman ZX Advent個survival mode, 終於比我攻破左啦~~ 覺得自己好叻呀~~
7. 014同某人一齊睇3DXX團, 哇卡卡。
22/4(五) -- 一連四日Easter Holiday第一日; 早一日約左虎媽同Yan中午係油麻地唱K(個喉嚨超唔舒服所以唔係好唱得, 亦都唱得好少, 呀Yan係日本讀完書返來之後都未見過佢, 好耐無見呢; 之後虎媽返工, Yan同我去TST行玩具開倉, 好多平野呀~~~ 不過都無買!之後去TST Vietnam野坐底食D野, 傾左好耐偈; 佢雖然年紀輕輕但係思想好成熟, 比起好多大過佢噶人都識諗呢(其實識佢果時都係咁的了); 之後返屋企沖涼, 再出去同催時同學食晚飯。大家都累又唔多舒服, 結果佢入左來寶琳(近大家返屋企), 一齊食Saizeriya Italian Restaurant(意粉)同聰嫂之後散。
8. 開倉d野真係好抵, 其實有幾多野都ok想買, 不過又無話一隻真係極鐘意, 最終都忍手呢! 不過返轉頭諗, 有幾盒大盒噶BB戰士真係應該買的~~~ (PG GP01FB都好抵!)
23/4(六) -- 諗住在家休息的一日; 中午同關老B傾開臨時約左係樓下寶盈食個lunch同吹水; 之後返屋企hea; 晚上又係臨時有約, 呀珊姐叫左我同ConnieMartin等一齊去佢家食飯, 到10點幾就返企。
9. 呀哥同準嫂嫂去左Macau; 係屋企hea同休息都幾好; 終於的起心肝開返舊機, 用白痴方法整返晒d bookmark link同埋newsgroups出來, 係返新機add返晒, 仲順手執返整理返好, 真係好呢~~
10. 聽某人評返佢睇噶3DXX團, 同高登果段野真係差唔多, 好攪笑, 不過真係爛片一套, 唔需要去睇了。
11. HG Gouf Custom上埋黑線了, 又完一隻, so good。
12. 竟然係MTR遇到Angel~~~
24/4(日) -- 中午12點島到左元朗join左呀進, 等左八婆一家好耐到點幾鐘, 一齊食晏, 之後去百鳥塔; 同八婆一家散左之後同呀進行左下元朗, 合益三間模型鋪竟然有2間無開 @@; 之後搭巴士出CWB, 同Cynthia去左阿貓地攤, 第一次去呢~ D貓貓都唔怕人, 十隻有九隻都係肥貓呢。D野食普通, 每位$100如果只係想去食野就唔使去了。食完本來想去CWB聰嫂, 點知都幾多人, 結果改左去炮台山舊居附近噶福元湯圓, 食完之後返企。
13. 今日突然諗到, Cynthia Wong個讀音同黃鋅花好似, Oops~
14. 原來呀哥今日都係未返來, 繼續獨霸空閨~ :D
25/4(一) -- 一連四日Easter Holiday最後一日; 在家休息; 中午又係whatsapp臨時同關老B一齊食飯, 係樓下BurgerKing, 都係聽佢呻下, 不過佢都清楚自己諗咩O既, 加油努力啦。晚上返企食飯。同埋執埋剩返少少噶bookmarks~
15. 再的起心肝噴BB金色件, 再砌左少少, good。
16. 呢個假期感覺好ok呢, 又有節目, 又唔累, 又relax, 又執左好多野, very good~~
17. Queenie返多個星期就去旅行了~ 真開心!
18. 有D野唔同左, 心情亦都會有唔同, Blog個版面都好耐無轉, 轉下啦; 雖然已經公開, 但又唔喜歡太揚, 不過朋友們要知噶都知, 要明噶都明, 都夠了~ 有D咩要問O既話, 我唔太識用口講, 用message/whatsapp/msn等等噶野問我啦, 唔會唔肯答的。
來緊:
26/4(二) -- 上堂
27/4(三) -- 同Queenie同佢老公Joe去西環"加拿大"食飯, 講左好耐了。
28/4(四) -- TKO Buddies Gathering @ 匠
29/4(五) --
30/4(六) -- BadEnd人飯局可能postpone來呢日?
2/5(一) -- 毛毛球
4/5(三) -- buffet gathering with colleagues
23/5(一) -- 毛毛球
完
2011年4月21日 星期四
想太多
知道自己的性格, 總是想得太多。就算有些時候似乎是像沒有想過而行動, 其實也是經過了過往很長時間的"想"而成為了預設的行動, 習慣性地知道要怎麼做。為什麼會這樣呢?
首先, 是自己的腦常常停不下來, 一定會一直在轉動, 總會在想著什麼, 如果真的不想去想什麼, 最少也得在腦海中唱著歌, 一直播放, 從來也很難得有空白的時候。而且自己的腦子會不停地跳躍思想、聯想, 會突然想到很遠、很不關事的東東上。這些全部加起來就變了一個無限的宇宙。不過, 這樣並不等同轉數快不快或者想像力豐不豐富, 只是會不停亂想罷了。
腦子的能力如是。經歷和習慣也會受到影響。小時候不能出街遊玩, 在家也不能看電視, 沒有遊戲機。每天除了上學還有放學回家溫書做功課之外, 休息時間也沒什麼可做的。因此我最大的娛樂除了看書之外就是"想" - 幻想、聯想、一直想。拿著家中謹有的玩具車、公仔去想故事、想情節。
我爸爸也是會想得多的人, 而他的"未雨綢繆"似乎有點過了份, 有時會想得太負面太遠。或許也有受了他一點影響自己也會這樣。自己算是樂觀正面的人, 對著家人朋友有事發生, 總會儘量鼓勵一下, 讓大家可以正面一些。不過當自己有事沒事的時候, 反而有時會想得很負面, 很害怕呢。
小時候住的地方家中有祖先的畫像, 單位外的公眾地方又有暗位, 總會很害怕地聯想到有鬼。人漸長大後愈來愈不怕黑, 反而怕死。之前有一段時間, 身體出現一點問題就會覺得是否有嚴重的病呢? 是否隱藏了不得了的大病呢? 之後會想到死了會怎樣呢? 其實自己並不很怕下地獄的。因為有afterlife的存在, 就代表的的意識會在, 就算受苦也好, 仍然"存在"。如果死了就什麼都沒有了, 那感覺好可怕呢。總之, 就是這樣胡思亂想。
再大一點, 人生經歷一點點的累積起來, 看到很多很多人間不好的事情, 有時可以看穿對方的謊言, 或者隱藏的不好的意思。人性真的很醜惡, 包括自己也會有時有很可怕的想法。因此其實對"人"、"愛情"等等的感覺頗為負面, 也因此很沒有安全感。
對於自己的"想太多", 可以讓自己開心、驕傲的倒也有一、二事。第一便是由於自己有想得多的能力, 有時對家人朋友的事倒還算上心, 大家有問題、煩惱等等的時候, 我倒也可以從很多不同角度去解釋、安慰一下, 或者可以幫忙解決問題。有時候也頗為細心, 想到一些別人想不到的重點, 總算對人有點幫助吧?
另一樣覺得自豪的, 是我從中學時期起想的一個故事。雖然並不是什麼大作, 就只是一個普通的武俠故事, 但整個故事的大綱尚算嚴謹。自己喜歡的尤其是人物設定, 除了主角之外所有配角敵角忠角奸角數十人(還是已經過百?)都有詳細的人物設定(當然還有自己的手稿畫下了他們的外貌裝扮)。自己很喜歡想故事(平時在Blog中也打了不少), 所以很喜歡這個長篇的故事呢! 不過由於太長, 也不會打出來了。就由得它留在心底吧。
其實每件事都總有好處有壞處, 視乎觀點與角度。"想太多", 也一樣有好有壞, 希望自己可以把它調節得剛剛好, 不致於對自己有壞的影響吧。
完
標籤： 個人感受/感想/人生觀
2011年4月18日 星期一
醫院
標籤： 個人感受/感想/人生觀
