前言
今次個trip自己算係發起人, 起點噶諗法係"探我噶best friend呀馬", 本來只係得2個人(我同民民)噶trip慢慢加到4個人(加埋呀源同Kenneth)。事前都OK放心, 信得過呢4條仔夾埋應該問題唔大, 結果應該都還算OK吧。
3個同伴入面, 之前已經同過2nd best fnd(講到明都係咁講, 係2nd哈哈)民民去過旅行, 反而識左呀源(Best fnd in CityU)咁耐都未一齊去玩過, 再加上相識一年但係相逢恨晚噶kenneth, 呢隊4仔A team就集結完成。
遊記內容主打會講行程同埋comment下見到噶野, 食過噶野, 主要係敘事多, 因此反而想係前言、後語打感想呢。不過根據我一向諗到咩打D咩噶習慣, 相信到最後都係打到好似我一直度講緊野咁, 哈哈。
係個trip pay得最多effort噶一定係民仔啦, 事前功夫(book酒店, book機票, 事前買環球one day pass, 唱定4個人噶錢)全部都係佢一手包辦, 真係要係度大大咁鳴謝一下。自己只係問去過SG噶同事拿左行程同埋借左一堆旅遊書返來, 同埋同大家傾過下D行程, 其餘都無點出過力, 身為發起人實在都無咩慚愧, 反正一早就預左叫朋友們幫手了。(係呢一刻都仲未比返錢比民民添) :D
成個行程之中, 由於4個人都係吹水怪, 所以基本上係廢話百出, 笑料不盡。由於大家係不停咁爆肚, 因此不能盡錄啦。大家係4日之中不停咁話民民"精算"同埋"神", 引發左好多後績噶野都係講唔到的了。(仲有趁而家自己記得寫低噶"Jubman"、"出來啦!"、"出得來還, 預左要行"、"休息係為左行更多路, 行更多路係為左食更多噶野"...etcetc)
前言都係唔好講咁多, 留待後語吧! 以下係我地4日噶行程(同埋同行程有關、時間性排列噶感想)。
Day 1 (出發)
由於搭cheap cheap虎(貓?)航噶關係, 出發、回程機噶時間並唔係早機去、晚機返。11點幾機, 換來噶係唔需要太早起身出發。9點幾10點終於係機場集齊人馬, 係千燒百味食個豐富噶早餐(食完之後下一餐要起碼5點先係SG先食到了)之後就入閘過關登機出發。
一路無話, 係好狹窄又無飛機餐無水飲噶飛機渡過左4個鐘, 終於到達新加坡。由於SG好細, 4個人搭的士去酒店都好平。去到酒店, 見到門口有貓貓~~~ 好開心, 好靚噶喵喵來呢, 幫佢改左個名叫白虎(之後都有再見到佢, 唔多提了)。係我影相噶時候民民已經做好check in手續, 上房啦~~
Kenneth同佢2個無咁熟, 於是就同我同房。間酒店係平價D的, 所以無G/F富麗堂皇Lobby, 間房唔大, 朝早無早餐, 咁其實仲好呢(尤其我地想出去四圍食野)。不過最可惜係無wifi(係SG好多地方試來試去都係無, 所以4日無online)。settle down之後都差唔多5點, 即刻出去食野~~
原來住噶地方好近逸群雞飯, 於是就行過去, 順便感受下新加坡普通噶街道同風土民情(?)。只係10分鐘島路程就到lu。(幾日之後同係果邊做野噶best fnd傾先知原來果條街果幾間雞飯都OK的, 並唔係"逸群"特別好)不過當時未知就緊係去旅遊書介紹架啦。主打噶雞油飯好味道(尤其食完早餐之後都無食過野), 個魚鰾湯都OK, 4個人計返都係40蚊島一位, 好抵呢。(佢係唯一一間menu無價錢噶咯...之後去左第間, 仲大碟過佢。)
食完就趕緊往Safari出發。行去City Hall站(係一個可以轉幾條線噶中間站之一)都好近, 就搭好幾站車再轉線去"宏貿橋"站(SG朋友叫佢做熊貓橋), 落車轉巴士去。地鐵+巴士加加埋埋差唔多成粒鐘, 係SG算係遠噶地方了。係度講一講地鐵。SG地鐵有幾條線, 可以去到我地想去噶大部份地方, 而儲值飛每一程都平過單程好多, 我地初初去到唔知頭唔知路, 見儲值飛要收手續費無得refund所以無買到, 蠢左。單程飛好麻煩, 每一次用完之後, 要去返部機還返同refund返1蚊, D機又慢又要排隊, 好晒時間, 不過算啦, 經驗來噶。
終於到左目的地, 期待噶行程之一 -- Safari夜間動物園。自己不嬲都鐘意睇動物園, 所以好開心呢。園內有導覽車, 會行一個圈亦會有人解說, 都幾多人排隊, 等左幾架車之後就上車啦。行左一半島中間有一站可以落車, 我地就落車自己行另一個車經唔到噶圈。由於動物園都係果d野, 所以都唔係度多講啦~~ 亦都因為夜晚又暗噶關係, 好難影相, 所以都放左好少相上fb了。行完果圈再上車, 發覺呢架車噶導覽講解得生動好多, 有氣氛好多呢。完晒成條線之後我地就落車去睇動物show。睇完呢個幾有趣噶動物show之後就走了, 其實真係想有多d時間慢慢行晒成個動物園呢~~~(仲有, 成個動物園噶佈置同setting都好正好鐘意)
搭巴士去另一個地方, 行去"老巴剎" -- 一個半露天街市咁樣噶地方食宵夜。食左串燒、馬拉盞、C蛤、燒魔鬼魚同埋飲左好似幾正宗噶印度拉茶, D串燒噶醬好味, 燒魔鬼魚都好少機會食到, 滿足噶宵夜呢。之後決定慢慢行返去酒店(大約半個鐘路程啦)。
行下睇下新加玻四圍噶夜景, 路經一度好似係bar定disco噶地方, 有好多著得好sexy好索噶女仔係門口等入場(等人溝?), 可惜夜同埋相機無咩電, 無影底lu(無膽就真XD), 行過少少就係新加坡地標魚尾獅, 影左夜晚噶佢同埋海景, 相機就無電了, 都叫O岩O岩好啦。影晒相行返酒店都成點了。要提一下Kenneth噶方向感同認路能力都好犀利呢, 民民都已經係好OK, 但係Kenneth直頭係之前睇過下地圖之後, 就全程都唔使望唔使睇就照行, 仲要完全O岩晒方向呢~~
返到去沖完涼大家hea傾左陣偈就返自己房。SG電視有一台係電影台, 我地幾日都見到播唔少好戲呢, 晚晚都睇左D戲先訓, 哈哈。雖然第二日一早要去環球, 不過都hea到3點先訓。
Day 2 (環球Grand Opening)
一早起身, 我地hotel對面有個foodcourt, 都好多款野食, 我地就過左去食個早餐先。食完早餐就出發去環球啦。我地酒店好近地鐘站"Bras Basah"(中文應該係"百姓"咁解), 行5分鐘就到, 好方便, 真係又平又正。搭左唔使好多站就去到一條線噶總站, 再轉Sentosa Express搭個單軌鐵路, 得4站 Vivo city(即係地鐵轉車果站) -> 環球影城 -> 一站唔記得咩野(玩樂設施例如滑草果d就係度) -> 沙灘(入左去之後如果唔出返來係係任搭噶)。當然就係去環球影城啦。
我地呢日撞正環球Grand Opening, 好抵呢。一去到影下相, 就等睇Opening Ceremony, 睇完之後有D表演, 巡遊, 影左好多相同video, 到11點島就比人入去玩啦(之後聽返SG死黨話係新聞見到我地上左鏡呢!)。唔知係咪因為O岩O岩過左人地噶public hoilday定係因為早, 我地入去即時玩晒想玩果幾樣野都唔使排隊, 好開心! 係度唔多講環球入面有咩玩同有咩show睇啦, 上網同睇書加埋睇我D相都睇到, 所以慳返唔打了。總之就係好玩同埋D show都好睇啦~ (記一記: revenge of mummy(類似space mountain), Jurassic Park激流(濕晒身), Shrek 4D影院, Masagascar街頭歌舞表演)
有人唔玩機動遊戲, 所以一齊無玩。時間尚早, 未夠鐘睇shows, 於是就搭Sentosa Express入去沙灘度睇下。入到最後一站, 有free shuttle兜成個沙灘區。入左中間一個沙灘位睇下, D風景同個沙灘都幾靚呢。係果度噶foodcourt是但食D野, 估唔到旅遊區食野都唔貴呢。一般來講SG兌HKD 1對6, D野都唔係平, 但係我地食好多餐, 包括係旅遊區食野都係三十幾四十蚊呢。
去左沙灘唔係好多時間, 差唔多夠鐘就出返去環球影城, 睇shows。又係影左相唔多講, 總之係好睇(XD), 同埋不停地濕身啦。(記一記: Waterworld(水上+爆破+drama), Monster Rock(Live rock song + 跳舞表演), 電影特技場景(大風爆炸灑水又濕身))
睇晒D show之後, 我地想睇埋夜晚噶煙花(當日噶巡遊、延長到9點、同埋夜晚煙花都係opening果日先有), 但係仲有時間, 我地就搭車去Chinatown(出返Vivo City轉地鐵幾站, 好近下)行下。雖然之後都會再去Chinatown行同埋食, 但係反正有時間同埋果度多野食, 所以決定去一去。
去到Chinatown, 同SG其他地方個feel好唔同。Spot左之後會去買手信噶地方, 就行下同埋搵野食。搵到個好~~~~大噶foodcourt, 真係咩都有得食, 超大。大家係度食左d野(炒粿條, 蔗汁, 紅豆冰, 魚蛋粉, 窩貼), 之後, 再行下附近D街就又入返去Sentosa噶area。
本來想睇Song of the Sea, 不過因為無買定飛, 爆滿左所以睇唔到。離煙花仲有D時間, 於是入左去Sentosa另一邊噶沙灘(沙灘有2邊噶, 我地去左日頭無去果邊), 坐左陣同埋睇下夜景, 到差唔多就出返去環球了。(聽返SG死黨講Sentosa入面有全侍應著泳衣噶bar, 不過我地都無去了)
返返環球(第三次了, 我地叫做三顧環球XD), 霸個靚位準備睇女仔...呀唔係, 係睇煙花, 等噶時候我行開去睇左場70年代歌舞表演, O岩晒我呢D老鬼。之後睇煙花, 普普通通啦. 睇完煙花就散水啦。好多人一齊出返去Vivo City, 我地發揮HK人醒目精神, 搭掉頭車去沙灘果邊再原車出返來, 有得坐又快左, 賺晒。(記: Kenneth講最值錢噶"羨慕眼神", 同埋我做打手噶果一句"Beach!"之後放人XD)
出返來Vivo City, 去左foodcourt食野先。食左個唔記得叫咩甜噶餅、燒雞翼、同埋好好味噶叻沙~~ 食飽就返酒店, 試左7-11賣噶楊桃汁, 本來諗住可能好味, 點知得個甜字, 又唔酸, 好怪, 後尾Kenneth講起話似華梅水味, 大家先知點講陣味出來, 總之好難飲。是晚2點9曼聯對巴塞決戰, SG電視有得睇, 我同民民諗住睇。沖完涼大家又一齊hea下傾偈, 我就諗住訓下先, 叫民仔開波叫我, 結果係民仔無叫我, 佢自己一個睇左, 其餘人都訓左覺了。其實我都有D想睇呢~
當日由於預左濕身, 於是著左對Crocs行左全日, 對腳好痛呢~~
Day 3 (食+行+買)
第三日噶行程就hea好多, 無咩要趕住去噶。自己一早醒左, 出去行左一轉, 不過見到落大雨, 所以都無去遠。返返來大家都好似未起身咁, 於是再恰下。到差唔多中午大家先起晒身準備好。都叫臨時決定好要去咩地方, 於是去foodcourt食d野先。食完出發去左小印度果邊先(發現黃亞細就來夠鐘收鋪)。小印度又係另一番景像, 同SG其他地方或者Chinatown都唔同噶。係地鐵站行2個字島就去到黃亞細食肉骨茶(有少少趕係佢收工前, 同埋星期一唔開!)。原來SG肉骨茶都有2款噶: 一款係我地HK食開藥味重d, 另一款就係好似黃亞細咁好重胡椒味噶。雖然我個人喜歡前者, 不過後者都好食呢(同埋可以添飲一次)。(之後聽返死黨講果度噶豬腸都好味, 可惜無食到了~~) 提一提, 果間野係無冷氣的。
之後慢慢行返去小印度地鐵站, 行下經過下果度噶社區。個感覺完全係另一樣野, 同其他SG地方都唔同。之後搭返去SG噶中心d噶地方(City Hall, Raffle Places, Clarke Quay等等係類似HK中上環果d地方?), 行左好長噶路, 睇左日頭噶新加坡河、沿河邊噶鋪、日頭噶魚尾獅等等(食左榴槤雪糕夾麵包), 最終行埋去Chinatown(中途d野大家睇相算了)。
時間關係(又係趕佢收工前), 先去遠東廣場食亞坤Kayan多。個廣場都好唔錯, 不過可能因為星期日, 所以大部份店都關左門(+_+)。去到間店, 個多士好脆, Kayan醬甜甜地, 好鐘意食個蛋! (食過其他國家噶蛋, 係講緊是但一個其他地方噶蛋之後, 你會發覺HK噶雞蛋係無味, 完全唔好食的)
食完野買左少量手信就行下Chinatown(正式行啦)。行左好多橫街雜巷, 搵晒要搵噶店同買手信噶地方。又係唔多講啦(某人買左過千蚊噶手信, 好似拿住2隻乳豬咁, 威到盡)。5點幾, 大家拿住各種貨物返酒店, 同埋約我噶死黨Best Fnd呀馬出來食晚飯。
返到酒店放低野settle down之後, 就出返來, 搭地鐵去東岸果邊meet呀馬。終於都見到佢啦! (成個trip噶起源就係想探佢) 佢瘦左好多呢, 同埋見到佢真係超開心。係地鐵站行唔使2個字, 去食出名噶"無招牌海鮮"。呀馬食完之後都話平過佢去開其他地方噶海鮮呢(而且其他地方好多間都係HK噶珍寶、東海集團)。食左麥片蝦、胡椒蟹(x2)、Chili蟹(x1)、馬拉盞炒菜、飲左Lime water、薏米水, 總之都係好味, 大家自己睇相啦。最正係前後食左三隻都大隻噶蟹加埋D立雜野, 圍到來每位都係二百幾蚊, 好平呢~~
食飽飽呀馬帶我地行係附近噶紅燈區。去到時我地都奇怪架啦, 竟然成條街都係男人, 一個女人都無, 我地仲比人望添! 之後有警車經過, 先知咁O岩係掃場時間, 所以睇唔到D服務行業人士了~~~ 不過咁樣反而夠膽拿相機出來影幾張相呢。
之後呀馬同我地去夜晚噶Clarke Quay。果度有一個好大好靚噶酒吧區。個環境好舒服好靚, 好有feel, 仲有好多間bar有Live band添! 不過我地就只係行左個圈, 無坐底飲野了。影左D夜景同埋合照之後, 本來想去試下另一款藥味重D噶肉骨茶, 不過收工了, 食唔到, 之後就散水返酒店了。
是日諗住想涼爽D, 當日都係著Crocs出左去行, 但係到中途開始, 已經開始超痛, 之前果日噶痛未回復呢! 所以買完手信返酒店之後再出返去時換返波鞋, 舒服好多!
Day 4 (最後一hea)
最後一日, 無咩行程, cheap cheap貓航4點機, 2點幾都要到機場了。又唔多順路於是都無專登去榴槤街食榴槤了, 可惜。反正無咩做又無野要再買, 又要食飯(又係食完呢餐要夜晚返到HK先有得食), 於是決定encore海南雞飯(酒店行過去又近)。Check out之後放低行李係酒店, 行去海南雞街, 食左另一間(因為聽左呀馬講唔一定係要食逸群), 發現都係平, 而且仲大碟D添!
食完仲好早, 臨時決定不如再去Clarke Quay食果間肉骨茶啦, 點知去到見到星期一關門(發現除左星期日好多店唔開之外, SG另外有好多鋪星期一都係唔開的), 白行一趟。Encore左個榴槤雪糕夾麵包之後就返酒店拿行李, 再搭的士去機場了。
去到機場, 由於我地搭平機噶關係, 係去budget terminal, 個場都cheap好多。係機場問左竟然係某D Terminal入左閘先買到班蘭蛋糕? Anyway無深究到, 無買就算了。4點起飛, 8點島返到來, 返到屋企9點幾, 完結左成個旅程了~~~
後語
呢次旅行對我來講幾開心呢。可以同幾個熟噶朋友一齊旅行, 吹水up屎, 仲有傾下心事, 真係人生一大樂事。雖然係好多時候, 臨訓前、行緊路無傾偈時, 又會諗起好多以前噶、唔開心噶野, 好彩個行程都開心, 好多時都可以忘記到。
如果大家想對行程知得更多, 就要睇下我upload係facebook上面噶album啦。如果想再知多d, 就唯有親身來睇我係自己電腦(或者相機)噶full album, 仲拍左好多片添!
值得一提噶係, 新加坡真係好多短褲仔呢, 好多美腿好開心~~ 哇卡卡卡~~ 我地幾條友(其實主要係我同K先生)係度睇女仔仲指指點點。果邊唔係好似日本台灣香港咁, 唔興化濃妝, 一樣有好多靚女, 講真都係環境同埋廣告影響, HK等地先多人化妝姐, 係其他地方D人都唔係咁化一樣見到好多靚女啦。仲要人地日日曬太陽(仲有我覺得係有做運動), 勁fit勁好睇。成日躲係屋內化妝係咁食, 唔做運動又話要減肥果d HK女仔真係要反省下呢。
係呢度不得不提下, 要多謝下人呢。多謝各位團友縱容我噶任性(有無呢?) 好似大部份行程其實都好似係跟我意願咁, 都係我拿主意幾時去邊去邊, 唔好去邊去邊咁。另外我訓覺又唔早訓但係又早起, 同我同房噶kenneth應該成日覺得唔夠訓, 比我嘈住晒, 哈哈。仲有我沿路成日停低影相, 差D連紅燈區都想拿部相機出來影, 哈哈, 見到貓貓又係咁影, 去到夜晚自己相機無電仲拿埋民民舊後備電去用...etc, 總之睇來最麻煩都係我呢, 不能盡錄, 哇卡卡。
希望今次個trip大家都開心, 同埋期待下次再同好友們再去旅行啦~~~
(預告: 東京體察災情振興經濟之旅?!)
完
2011年6月2日 星期四
新加坡遊記
2011年5月24日 星期二
荒村
不論是武功、相術、道術、紫微斗數或者是請神等等各種三教九流之術, 其實是真實的存在。當權者、富裕者垂涎於這些能力(者), 擁有這些能力是很危險的, 如果不好好正當地使用, 只會為禍人間, 因此, 真正有能之士, 十之八九都隱藏了他們的能力。現在的人所見, 也只是各種博大精深的方術之一二罷了。不過, 總有一些有能之士選擇了"入世", 用自己的能力去幫助人。
**********
在修行中, 她來到一條像似荒廢的村落。
丁圓感到像有很大的阻力, 阻礙她進入這條村莊。"阻礙"並不是物質上或事實上有什麼阻著她、擋著她, 而是她一準備進村就有一股莫名其妙的厭惡感湧現。若果意志力稍為薄弱的人, 恐怕就會轉身而去吧。
這條村正是她接受到委託的目的地。
委託人是村落中某村民移居到很遠的親人。他離鄉已久, 上次難得有機會回鄉時, 發現自己難以進入村莊。由於他強烈地想回去看一看家人, 總算誇過了那一道心理關口。可是一進村就發生一連串奇怪的事, 最後還是徒然離開。
丁圓斷定這兒有妖怪作祟。
那股"阻力"當然未能阻止她入村。但她一進村, 怪事就發生了。大風突然刮起, 捲起很大的沙塵, 四處發出奇怪的嗚嗚聲, 甚至有很多垃圾隨風直向她撲來。
"好大的惡作劇呢, 如果用硬的闖進去, 恐怕不能解決事情...還是晚點才來看看情況吧..."
晚上, 月色晈潔。
她再次來到這條村子, 竟然見到車水馬龍的景象。很多人在四處走, 大街上商業活動頻繁, 就像一般市集一大早的模樣。唯一不同的是, 現在是晚上。
"想不到那麼多人呢, 還是別打擾他們, 明天再來解決事情吧。"
第二天。
仍然是荒廢的村落, 仍然有莫名的厭惡感, 仍然有怪風怪事。
"強硬一點吧。"
她拿出兩道符, 口中唸唸有詞, 然後把符分向兩個方向直射出去!
"嘭!嘭!" 打破了兩道頹垣敗瓦。
"誰這麼大膽!"隨著一道吆喝聲, 一團黑色醜陋的東西冒了出來。
"是你做的嗎? 為什麼沒來由的破壞這個地方?!"
丁圓冷靜的回答, "你是誰? 從哪裡來的, 快報上名來。"
"哼! 你破壞了我的地方, 還敢大言不慚?! 這兒不到你這卑微的靈力者來多管閒事!"
只見那團醜陋的黑色的東西, 像吸了一口好大的氣, 四周像有無數的靈魂被吸了進去, "它"的體積變得愈來愈大, 樣貌變得愈來愈惡, 似乎要把她這外來者趕走。
"呼, 真麻煩, 看來這次的生意不划算呢。"
丁圓從背包拿了一道符出來, 唸了一句咒語, 突然閃身直衝向那黑色的東西。
"定!" 她把符貼在那東西身上。那東西似乎不能動彈了。
"說。"
"嗚...竟然...快放開我!"
"說吧。"
"......"
過了一會兒, 那東西開始說起來。
"...我是這裡的土地神。我要守護這村子。一直以來負責看守著這兒。可是這兒一直戰事頻繁, 這條村落就在進軍的路線, 首當其衝, 經常受到影響。男丁被強拉去當兵, 婦女也受到折磨, 民不聊生。你有想過"明天不來就好了, 希望開心一直繼續著, 希望不幸不要來臨"嗎? 戰爭、疾病、饑餓, 他們害怕明天會比今天更差, 因此我要保護他們, 這兒的人們都是好人, 他們常常祈求的保佑他們。是他們給我力量的, 我讓他們安安穩穩地留在村中, 不被外界侵擾, 不會再受戰火的洗禮! 我一直背負著這個使命, 就算到最後一分一刻, 我也要完成我的使命!"
丁圓一邊聽一邊看看這條村落: 荒廢的水井, 四周頹垣敗瓦, 一個人也沒有, 只剩下一些快要風化的骸骨。
她對著土地說, "明天不一定會更差, 時間會治療傷口, 艱苦的環境也會讓花兒茁壯成長!閉上眼、塞著耳、捲成一團, 才沒有進步! 這樣才是最不幸的結局! 你這樣做只能阻止戰爭和疾病入侵, 但最重要的東西 -- 時間, 你沒法阻止。跟外界隔絕, 這兒已經滅亡了, 缺乏循環, 停滯不前。你看, "明天"還是來了!看吧, 這兒已經沒有人了, 全部都死了。面對現實吧。你想好好的守護這個地方, 可是所有人、事、物都不可以固步自封的。看, 把自己封在原地, 不知道外面的世界, 留在原地踏步, 只是慢慢的腐朽...外面的世界現在是怎樣的, 你知道嗎? 戰亂已經停止了。這條村應該獲得解放, 那些亡靈也應該被超渡的了...讓他們去吧..."
只見她一邊說, 一些靈魂慢慢的從黑色的東西體內飄散出來, 那"土地"慢慢的縮小了, 最後回復了他本來的體積。"它"頹然地癱坐著。
"你答我: 你是為了什麼原因, 要保護誰, 不受什麼侵犯?"
"...這是我的存在意義, 我最初的目標, 不要被變更, 不想被否定......"
丁圓慢慢的走過去, 把"它"擁入懷中。"我叫你停止, 不是要你變更, 也不是否定你哦。而是你的任務已經完成了, 你做得很好; 或許, 在這交通要衝的地點, 慢慢會變回一個繁華的村子也不定呢。到時, 又會再有很多人在這生活, 有更多的笑臉在此浮現...一直以來你做的很好...辛苦你了...謝謝你..."
她感覺到肩上、背上慢慢的濕潤了。"它"在哭嗎?
"謝謝你...嗚嗚...一直也沒有人對我說呢...謝謝..."
黑色的東西慢慢的消散了。
村莊回復了本來荒涼的模樣。以後應該也不會再有怪事發生了吧。
"呼~ 又完成了一單生意。用了爆炸符和定身符, 真不划算呢..."
丁圓繼續踏上她的旅途。
完
攪手
由細個開始, 已經係鐘意主動聯絡人噶人。亦都因為通常D人都係我聯絡開, 所以慢慢我就做左攪手噶角色。
近年做少左好多, 但係真係發覺每次見到人做攪手時, 真係好唔得。其實攪手係好難做噶, 不過有D人做攪手真係連基本野都做唔到。又唔confirm人時間地點, 又無問人幾時available, 更加唔使講有無問人preference。講真, 要攪得好少少, 其實需要每個人打超過一個電話噶。算啦, 如果自己唔係做攪手果個, 所以都好少會complaint人地做得唔好了。
講返做攪手噶難處。
第一遇到噶難題當然係就時間啦。要就晒咁多人時間係好難噶事, 人少少4-5個已經唔係易就, 人愈多就愈麻煩。最麻煩係有D人無理答霎, 唔記得自己原來邊日邊日唔得閒或者咩時間唔得閒, 到就晒定晒先來改, 好鬼煩。最憎係咩呢? 就係果d "你約住先啦, 到時我再睇下得唔得"噶人。如果真係因為返工或者其他野未定到噶都無可厚非, 但係有d人擺明就係睇下有咩人去/地點等等野O岩唔O岩心水先去, 真係唔想理佢咯。
做"攪手", 其實只係一個聯絡人。對於活動、地點、時間係無決定權噶。要去邊、幾點、甚至就唔就一D麻煩人, 並唔係佢要做決定噶事(除非大家agree左啦)。當個個人意見都唔同, 又遲遲都未決定噶時候, 就最麻煩。你就得一個, 又唔O岩另一個人心水; 當你就返另一個, 可能又有人唔鐘意。自己決定仲衰, 個個都唔鐘意(甚至有可能係D人唔鐘意你自己決定而唔問過佢地而已, 但係自己又無preference又唔表態)。
而家流行facebook或者send message, 講真, 根據以前經驗, 就算打電話親身問都會有以上問題發生, 何況好似facebook呢d咁被動噶方法? 除非個個都好似我咁姐, 如果唔係根本就行唔通。
攪手呢D吃力不討好噶角色, 都係少做為妙。(不過到最後仍然係我? 哇哈哈)
完
標籤： 個人感受/感想/人生觀
2011年5月23日 星期一
五月二十二日 -- 雜記
催時同學打來, 真可憐。
16/5(一) -- Gordon兄弟姊妹感謝宴 @ MK帝京; d野食ok, 而家食任食都會就住, 唔會食到頂住胃啦~~
連續好耐都訓得唔好, 呢一晚又發夢了, 今次係時光機
17/5(二) -- 上堂; 同Sam & Nat & Gary食大盛; 唔見staff card and find back, 真好彩; KT and Tracy not happy again; extreme tired and talked seriously with Sam late
18/5(三) -- farewell呀強食飯, Muse Cafe; hea, 好笑, 怕左任食; back home not too late
19/5(四) -- 收工返企, 再出去gathering w/ TKO buddies, 榮華川菜館, but mark six, Yogurt @APM
20/5(五) -- 一早醒左, 又係極早, damn; 上網apply左HO; 頂唔住half day leave, 返企sleep, 夜晚出返MK, 買左要買噶野, 去Jordon, 食唔到太平館, 食左apple; 之後行TST, 好累; I think I'm sick today
argue?
21/5(六) -- gathering with 死黨s, K @ Jordon, 1-8好抵; 官涌街市dinner
22/5(日) -- 本來同sam & fnd BBQ or hot pot at Taipo, heavy rain cancelled; 本來留家, 突然要出KLB拿姨丈噶野, 拿完仲要去埋上環比cousin; 中環flying pan, dinner @ TKO w/ bro @ co.
呢個星期無咩心機打blog~
來緊:
23/5(一) -- 收工同bad-end人食飯(夾硬約), 比埋之前幫佢買噶野佢; 之後毛毛球
24/5(二) -- 上堂
25/5(三) -- pre trip gathering, 應該齊人啦掛
26/5(四) -- 準備出發
27/5-30/5 -- SG之旅
完
2011年5月18日 星期三
魚和海鳥
魚兒在大海中暢游。自她出世以來, 一直都在海較深處, 跟著魚群四處游, 覓覓食, 間中避開一些較為兇惡的捕食者, 日子過得很自由自在。
她常常望向上方, 覺得光光的, 好像很有趣。但魚群總是很少會游到近海面。她一直也跟著大家, 落單了可不好呢。
有一天, 一條鯊魚來襲, 魚群四散。鯊魚不停地追逐著同胞們, 死了好多, 但他們也只能各自的逃走。她跟一些朋友沒命的逃, 終於躲開了鯊魚。回神一看, 他們到了難得來到的近海面。
她很好奇, 順勢游到海面附近, 向上望去: 嘩! 外面的世界好不同哦! 難以形容, 很廣闊, 很高, 總之就是跟自己的世界不同! 她癡癡的望著她未接觸過的"天空"。然後她看到了一些她從未見過的動物 -- 鳥。鳥兒在天空飛翔, 看起來好自由, 比在海中游像是更自由。時而高飛, 時而俯衝, 時而盤旋, 一對大翅膀, 帥極了。
"喂! 快回去吧! 我們要回大隊啦!"
雖然回到深海中, 但那一刻的景象一直纏繞在心中。
自此, 她就常常趁機溜到海面附近, 看著那片天空。她感受到很多新奇的事: 看到外面的世界有時很光, 有時很暗, 有日出有晚上; 會天晴、會下雨; 有好多住在海面附近的新朋友; 這些都是很新奇的事。但最令她難忘的, 仍然是天上那遙不可及的鳥兒。
她見到他常常在空中瞄下來, 看著她。他是留意到她的。她好羨慕他, 可以在空中飛馳, 她慢慢的好想離開海的世界, 她好想試一下在空中的感覺, 她很留意他, 她喜歡他。
新朋友們跟她說: 你不要常常來這裡啦, 這兒很危險的, 你要小心點呀, 水面上有很多捕食者的。
她說: 我好想離開這裡哦! 好想成為上面那些朋友般, 可以自由自在地在上面哦!
"小朋友, 別妄想啦, 你是魚也就永遠是魚, 不可能的啦!"
"不! 你看! 他常常在看著我呢! 我想他帶我走, 去上面的世界!"
"世途險惡...你要小心呀..."
"看!看!他又看過來了! 你看!"
"小心點呀, 快走吧!"
"不! 他真的向著這邊過來呀! 我可以夢想成真了! 我喜歡他! 我要跟他走!"
海鳥真的飛下來了。他捉住了魚兒, 直飛天上去。
完
Q: 誰知道，或許真有善良的海鳥，想跟魚做朋友？
Y: 因此我也沒有寫最後怎樣。
Y: 離開了海面, 可能在窒息前那十分鐘的"人"生對她來說已足夠吧~只要她覺得幸福，就夠了; 因此還是半open end好了。
2011年5月17日 星期二
滿足感
人無論做什麼也好, 也是為了"滿足感"吧? 不論是最原始的食慾、性慾, 到精神層面的各種滿足感也好, 人所做的都是為了填滿自己的滿足感。
最基本的是為了生存。食, 然後是住衣行, 上班、賺錢就是為了生存。再進一步, 有了錢或者好一點的物質生活, 就會較為容易求偶。
之後就是滿足一些精神上的需要, 也就是人類所謂跟動物不同的地方。自尊、榮譽、權力、愛情、友情...等等數不盡的欲望, 而賺錢、食飯、勝利、甚至幫助人、做義工...等等數不盡的行為, 也只是為了滿足自己。即使是為了更大的、更深層一點的宗教、民族, 也一樣是滿足自己的心靈。以前也談過, 就算大至宗教、民族、小至愛情、友情的所為"犧牲", 也是為了自己, 只不過不是為了物欲, 而是滿足自己的意志而有滿足感罷了。因此我以前也說過, 所有人做的所有事都可以稱為"自私"。(當然, 有很多"自私"對別人來說是好事)
最能夠滿足大部份物慾、佔有慾的東西, 自然是"錢"。錢雖然不是萬能, 卻能買到很多很多東西, 甚至不只是物質的東西。不用多談了。
曾經跟不少朋友(尤其女性朋友)談過, 擇偶條件之一是要有"上進心"。何為上進心? "上進心"又代表什麼? 其實就等於是錢(或者其餘"物質"的統稱)吧。有上進心向上爬, 最終的目的還不是錢? 向上爬之後得到的權力也只有當事人享受得到, 另一半真正能享受的就只是錢。只不過每個人的目標價錢也不同而已。
對於我來說, 雖然自小不是有錢, 也經過經常要"慳住使"的時間, 但我從來對於"錢"或"物慾"方面的需要也不太強(當然又不至於完全不在乎可以送給人), 就算現在也不介意過刻苦一點的生活(當然可以舒服就舒服點吧)。
"人"雖然不知道為了什麼要生存於世上(也不打算討論), 但總是為了要"快樂"。"快樂"源於"滿足"。而我的滿足感也一樣, 貫徹多年來再網誌中所寫的, 我所希望的快樂很大部份是從精神層面上的滿足而來。感情上得到滿足, 可以使身邊的親人、愛人、朋友都開心, 大家一起開心, 就很好了。可以學到、看到、感受到不同的事物, 知道多一點, 也很開心。錢, 無疑令人可以更方便更舒服, 可是有很多事情真的不是錢可以達成的。對我來說, 夠就好了。怎樣為之夠, 反正我物質方面不用太過豐足, 因此夠就夠了, 哈哈。
我的上進心, 在於"為了得到我想要的東西而努力"。不過, 不是錢。
完
p.s. 叻比噶題目, 佢噶feedback係"在我角度黎睇, 有上進心係等於set 個目標/理想比自己. 有上進心既人, 起碼都會知自己做緊D乜, 無咁易lost當然, 都要睇個目標係set向邊一個aspect 既"
其實我最後果一句, 就係咁噶意思呢。
標籤： 個人感受/感想/人生觀
"親人"
以前已經談過真正的親人, 也說過不會在此多講, 因此這次當然也不是談真正的血親。
在大家的生命中, 有沒有一些沒有血緣關係, 但感情比血親還要好, 信任度很高的朋友呢?
可能大家會以兄弟、姊妹相稱, 甚至可能以父母、子女自居, 又或者大家沒有宣之於口, 但大家的情誼超越了一般朋友的界線, 會對他們有絕對的信任。
無論發生什麼事情, (只要不是犯罪), 對方會毫無條件的撐你, 支持你, 信任你。就算在不方便、情況不太許可之下, 也會儘能力去幫你, 甚至不惜與其他人"反面"也要幫。
這個位置與"了解"沒有關係, 純粹地是大家一直相處而累積起來的感情和信任。正如大家的爸爸媽媽不一定是最了解你的人, 但他們一定會支持你, 為你付出一樣。
如果你有的話, 恭喜你。
在世上能有這麼一個, 或者不止一個人會這麼對你的話, 真的是一件非常幸福的事。在這個很虛假、充滿自私與謊言的世界, 如果有這麼的一個人, 真的要好好珍惜。
我, 會是你的那個"親人"嗎?
**********
如果你有一個親人+最佳位置般的朋友(不一定是異性), 那恭喜你了。人生得一知己, 死而無憾。很慶幸自己身邊有這樣的人, that's what I always proud of in my life.
完
標籤： 個人感受/感想/人生觀
2011年5月15日 星期日
五月十五日-- 雜記
9/5(一) -- 請左假, 早上係家hea同埋整晒要整噶野, 好free; 下午同Sam去左寶琳食意粉, 之後去左買飛睇戲, 再食聰嫂同行一陣, 6點鐘睇左想睇好耐噶"Just go with it", 好睇呢~ 之後食魚之味後返企。
1. 見到深藏已久的朱古力, 深感朱古力跟愛情一樣, 會過期; 丟了吧。
2. Just go with it(愛情大龍鳳): 估唔到做左2個鐘, 好睇呢。成套戲都無悶場, 雖然劇情有D誇張(同埋覺得一開始交代個男主角以前果度好似無咩用), 但係男女主角噶愛情線都算係鋪排得合情理; Jennifer Aniston超正呢~~真係好sharp同埋好做到佢角色要表達噶感覺。年紀唔係一個問題, 同果時睇鞏利一樣, 雖然年紀唔輕但係都覺得好charming; 講大話真係一件好唔好噶事呢, 超憎, 一個大話掩蓋一個大話仲衰啦。
10/5(二) -- 公眾假期, 連續四日假噶最後一天; 全日在家hea的一天, 將之前砌左噶幾隻模型油埋, 好開心, 最近噶完工度好高呢。下午訓左2個鐘到夜晚過去食飯。晚上仲砌埋HG百式, 又完一隻。
3. 一個好友因為一件小事而誤會兼唔妥我, 我都超唔開心; 但係, 我依然覺得自己無做錯到。
11/5(三) -- 呀煎生日快樂; 收工諗住去寶琳買返之前見到果個好平的風扇, Connie都一齊去, 第一次係KT搭van入PoLam呢; 去到行左下奇趣, 再去睇展銷果度, 點知個風扇已經比人買左, 買唔到~~ 行左下PoLam(睇埋另外幾間電器鋪)之後同Connie返返TKO睇下日本城噶風扇, 全部都係要幾百蚊, 放棄了。返企食飯。
4. 今日又擅自亂剪頭髮, 不過剪完舒服, 爽!
12/5(四) -- 四仔旅行團pre-trip gathering; Kenneth因為公司臨時要OT開會來唔到, 真可惜...臨時加埋FF來, 就晒所有人, 於是去Jordon金蘋果; 其實都無咩十分多野好傾, 大致上都係去果d地方食果d野, 都唔使傾好耐, 結果都係幾個死黨一齊吹下水食飯, 好relax呢。食完10點島返企, 竟然一來就有車。
5. 收到好友Q係捷克寄來噶postcard, 好開心~~ 話時話, 好似N年無收過postcard了~~
6. 催時同學又...-_-
13/5(五) -- 收工去元朗同Sam食飯, 終於食到個酸菜魚煲, 好味道, 食完之後未9點就散, 返企。
7. 多謝果把風扇呢。
8. 點解個豪華龍裝劉備咁平, $199~~~(平時最最最平都要$240島!) 不過都係無買呢~
14/5(六) -- 一早唔知點解好早醒, 攤左唔知幾耐發覺真係訓唔返, 起身, 8點幾; 上下網hea下仲砌埋一隻模型, 10點幾出門去iSquare同Sam睇早場Fast5, 都幾好睇; 之後係返iSquare食lunch(T e), 食完行下iSquare, 就去碼頭搭船去灣仔; 原本諗住去上環生記食粥, 或者去中環Flying Pan食野, 點知出到去大路, 臨時就上左架叮叮去北角; 去到自己舊居附近行下, 落左去睇森記書店同貓貓, 之後行去和富果邊(今日經過灣仔無去太源街, 行過和富無入奇趣, 哇哈哈), 去左Clover食cake, 之後就返TKO; 同呀哥一pair四個人去左坑口大排檔食晚飯, 食完再去聰嫂食甜水, 之後返企。晚上又砌一隻模型。
9. 快5：130分鐘，無咩悶場，用幾十蚊睇住好多野爛好抵睇；個夾萬作為主腳來講好稱職，最尾大發神威，好勁 :D
10. 呀哥係九座搬左個電視過來, 而家又有返電視了~~
15/5(日) -- Cass生日快樂; 本來好想去歷史博物館同埋科學館睇辛亥革命同埋愛恩斯坦果2個展覽, 仲推埋朋友噶K局, 不過到最後竟然無人一齊去, 算了。係屋企食完晏, 同呀媽呀哥呀嫂一齊出去, 行左寶琳同埋尚德, 行左成個下午, 好累呢~~ 不過一齊行下電器鋪呀、家品鋪呀、玩具鋪呀、街市呀超市呀咁, 都好開心呢。晚上係企食飯。是日又砌左模型~~
11. 今日Queenie返來了~~~
12. 聽講來緊呢期六合彩好多錢, 去買左, 如果中左就好啦~~ 唔好話一半啦, 四份一都好開心~~~
13. 追噶漫畫, 連有d新追噶都一套套咁完了 =_=
14. NBA playoff今年真係幾精彩呢~~ 其他邊隊champ都唔緊要, 總之剩返果D, 唔係Heats就得!
15. 今個星期打左好多篇野呢~ 自己好想好似以前咁, 打返多d野, 今個星期可能時間多dd, 可以打返好多無聊野, 都幾開心。
來緊:
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯, 放題?!
19/5(四) -- gathering w/ TKO buddies, 地點未定
20/5(五) --
21/5(六) -- gathering with 死黨, 詳情未定
22/5(日) -- BBQ?
23/5(一) -- 毛毛球
27/5-30/5 -- SG之旅
完
2011年5月14日 星期六
最佳位置?
在你的一生中, 有沒有一個異性朋友曾經是在你身邊的圈子之中, 佔有著一個特別位置的人呢?
或許你曾經有想過、沒想過、或者從來沒有考慮過、更加可能是不敢想過會跟他/她(之後都簡稱"他"吧)在一起的一個人。
可能你跟他在一起吃飯時、一起看戲時、或者無論什麼時候, 甚至是send sms、msn、facebook、whatsapp、pingchat...等等, 也覺得很快樂、很舒服。你有事或者他有事的時候, 會想起對方、支持對方、需要對方。他可能比你的另一半更了解你, 更懂得讓你快樂, 讓你心靈上得到安慰, 讓你在失意的時候舒服一點, 開心的時間更暢快一點。
你會覺得, 這樣的一個人、一段關係, 並不想有任何的改變, 因為這樣就已經是最舒服、最恰當的一個距離。你會害怕, 當關係改變之後, 期望會變得不同, 看到的會變得不同, 對對方的耐性、關懷、需要也變得不同, 破壞了最舒服的那種"和諧"。
可能, 彼此也有著另一半, 而你們不論在事實上甚至精神上也沒有出軌過。即使吵架時他會安慰你, 鼓勵你去?對方, 替你們加油, 幫你想辦法恢復關係。你們仍然忠於彼此的另一半, 只是安安份份的佔有著那個既近且遠的位置上, 一直一直繼續著你們那特別的相處方式。
或者有些人會覺得, 這跟"觀音兵"有分別嗎? 其實有著根本性的不同吧? 不論是兩人的關係、情感, 或者是事實上, 也完全是兩碼子事, 完全沒有曖昧的成份、思想、行為, 就只是守望、相助。或許, 不太感性的人沒有這種感覺吧?
這個佔有著特別位置的人, 可能會因為大家各有各忙, 或者因為各有另一半, 或者因為結婚還是其他什麼的原因, 最後疏遠了, 慢慢的沒有再聯絡了。不過他永遠在你心目中也是美好的, 最好的, 甚至好到縱壞了你, 讓你常常覺得你的另一半也沒有他的好。
因此, 你一直留住了這個位置。
這真的是一個最佳位置嗎?
完
p.s. 獻給身邊有著最佳位置的大家, 還有曾經破壞了那位置的他和自己。
標籤： 個人感受/感想/人生觀
2011年5月12日 星期四
成日任食, 罪大惡極
上星期食左好幾次任食。
屋企樓下牛涮鍋, 8度餐廳buffet, APM牛陣, 來緊Gordon請兄弟姊妹食飯去帝京buffet, 仲有肥強farewell又唔知會唔會真係食放題。
Oops~
任食呢樣野, 好明顯係係物質過度豐富噶社會下出現噶產物。
反正有錢, 人就比多d, 可以有好多款野食, 大食噶又可以食好多野, 係咁食貴野就會抵d, 各種原因令人係咁食。
一早有報導指出, buffet噶出現其實係浪費緊食物, 因為每次都要準備定好多款, 每款不停供應, 所以每次"宴會"結束後, 就會剩餘大量食物, 而呢D食物噶結果只係-- 掉左佢。
就算唔睇第三世界國家, 只係係物質豐富噶社會入面, 一樣都有窮人, 一樣都有食唔飽噶人。雖然一早知道呢個世界噶資源從來都唔係適當咁分配(適當, 唔需要平均), 甚至係弱肉強食, 無能力噶自然會受淘汰, 但係有必要咁浪費嗎?
事實上, 呢個世界上使得起錢噶人, 浪費得起, 要去做呢樣野, 無可厚非, 歷史上甚至有人權力大到可以為左D無聊野而令好多人死添。因此我覺得, 人想點係佢地噶自由, 由得佢。
不過在於個人方面, 任食都唔係一件好事。無錯, 係可以食到好多野, 甚至好多好野, 同埋buffet最valuable噶係可以係一餐之中食到唔同種類噶野。不過大多人去到食任食, 無論係因為D野太好食、太多好食噶野、定係因為要食多d先抵都好, 大部份人都係欲罷不能, 唔識節制。唔使我多講大家都知對健康係唔好噶。肥唔係一個問題, 唔需要個個都瘦到支竹咁, 個問題係"唔健康"。至於食咁多或者肥對健康有咩影響, 唔使我係度多講了。
誠然, 講咁多野之後, 我唔否認我都會去食任食, 甚至有時都會幾鐘意添, 不過其實呢樣真係唔係一件好事來。真係想食好野, 咪選擇一樣點來食咯。多吃壞肚皮, 何必呢?
It's our Bad Karma only~
標籤： 個人感受/感想/人生觀
2011年5月11日 星期三
窗框
一個人的性格、價值觀, 都是受著自己從少到大的所見所聞影響。就像一個人永遠被困於房間內, 看到的就只是房間內的事物, 還有透過窗框看到窗外的景物。要增長見識, 就只有不斷求學、旅行、閱讀、交談...等等, 知道得更多更深入。
礙於資源、時間所限, 人的眼界總會被那窗框限制住。因此一直以來看到的、感受到的, 就會覺得是對/錯, 根深蒂固之後, 就很難改變, 除非遇到很大的外力, 從外破牆而入, 徹底的改變一個人的看法。
總有些人會比別人優越一點。有些人聰明些, 有些人感受性強一些, 有些人有錢些, 這些各方面的優勢總能讓這些人接觸多一點, 從而去到另一層次的思想層面。而較低層面的人, 是永遠也不會明白較高層面的思想領域和模式的(感覺就像大家看著幼稚園的小朋友一樣, 不同的層次), 因此有很多人會對所謂"蠢"的人沒有耐性, 而那些"蠢"人也永遠無法理解別人的思想。再進一步, 有一些稀世的天才, 沒有人明白, 就成了"天才白痴"。
不過, 即使自己能夠伸出窗外, 看到多一點的人, 也不一定是比所有人厲害。誰又知道窗外的只不過是一幢大廈之內的事? 或者只是一個區域之內的事? 說不定有人能出了大廈、出了區域, 衝出世界, 甚至衝出宇宙?
到最後, 人也只是活於自己的窗框之中, 不論多大, 也只是自己的窗框。因此, 我從來也不會否定別人的人生觀、價值觀。就算大家覺得自己好像比別人看的多、看的闊、看的深(又是那看著幼稚園的小朋友不同的層次的感覺), 也應該要懷著心態, 知道自己之外有比自己看得更多更透徹的人。
其實這也就只是簡單的"人上有人, 天外有天"的道理。不過, 人總是剛愎自用的, 有幾多人可以虛懷若谷呢?
完
p.s. 朋友叻給的題目
標籤： 個人感受/感想/人生觀
三國外傳 -- 關先生劈友記
關先生千里劈友記
好久沒有寫過三國瞎扯外傳, 適逢最近"宇宙最強"所演的電影"關雲長"上映, 我也來湊個熱鬧寫一下三國的外傳吧。
**********
上回寫過(大家請看敝人以前寫的"趙雲百萬軍中藏阿斗")曹操與趙雲在百萬軍中姦淫了劉備的兩位夫人, 其實曹操一早就處心積累, 想攪劉備的老婆了。可憐的劉備本就沒什麼野心, 只想安安穩穩的過安樂日子, 怎知就因為娶了兩個漂亮的老婆, 就經常要受戰爭的洗禮, 當真紅顏禍水也。
話說終於曹操好不容易的打得劉備落荒而逃, 終於也讓他捉住了甘、麋二夫人, 連帶劉備旗下猛將關羽也給擄了過來。怎料關羽乃死腦筋, 腦中除了肌肉之外就是"忠義"兩字, 他一早看穿曹操是個淫賊, 作為劉備的二弟, 他怎可讓兩位嫂子讓曹賊污辱? 因此他答應效力曹操的條件, 其中一個就是不可動兩位夫人。
爭天下之事當然重要, 曹操雖然是個淫賊, 但畢竟是個亂世奸雄, 知道凡事皆應以大局為重, 最後不得不為了得到這一員大將, 而答應了他的條件。想不到關羽竟然夜夜守於兩位房夫人門前, 使曹操沒有機會去竊玉偷香, 了自己的心願。死了那麼多人, 打了場場勝仗, 期待萬分, 但卻給關羽這戇忠男破壞了好事, 唯有夜夜望門興嘆。
前事不多談。終於, 關先生得知大哥在河北表紹那裡, 決定連夜帶著兩位嫂嫂離開。由於他忠厚老實, 決不願帶著曹操送他的東西離開, 於是他掛印封金, 連曹先生送給他的新袍子也留了下來, 種下了那五關六將的禍根。
不一日來到東嶺關...等等, 由於故事由此開始會有對話, 為了增加親切感, 本人將Nicam故事至廣東白話, 將其本來的京腔轉變為白話表達是也。
來到東嶺關, 關羽一馬當先衝埋去個關口度, 諗住直行直過。點知守將孔秀即時攔住佢路。
"身分証, passport。"
關羽當堂啞左, 心諗, "敝, 無帶添!"
於是就答, "無喎。我係關羽關雲長, 官拜漢壽亭侯, 快D放我過去!"
"身分証passport丫唔該。"
關羽心諗, "唉呀, 頭先懶型將D野留晒係姓曹條友度, 早知就帶埋來, 而家就唔使咁煩啦!"
"喂, 我假假地都高級過你, 你快D放人好喎!"
"身分証passport丫唔該。"
"哎呀! 我挑你個XX祖宗十八代, 你連我關羽都唔識, 你點出來撈架!"
"身分証passport丫唔該! 你連身份証都無, 我點叉知你係乜水呀! 就算你係我上司, 就可以唔使証件都過得關呀? 下?! 我照足程序做野架, 我係唔放你吹呀? 我啤~~~~"
"我頂你個肺丫咁串? 我最X憎你呢D爛鬼公務員噶死人官腔! 正X街!"
"身分証passport丫唔..."
"噗!"
關羽好嬲, 係呢一刻佢爆啦, 佢拿起佢把大關刀, 一野就斬左孔秀噶頭落來。
"敝! 衝動出事, 快D撇先得!"
於是關羽就帶住兩個嫂嫂連夜閃人, 好不容易去到名城 -- 洛陽。
洛陽早幾年先俾董卓燒過來, 不過都總算係大城, 當地太守韓福都唔係流噶。佢一早收到風關羽會路經呢度, 自忖自己未必夠佢揪, 力敵不過就緊係智取啦, 於是佢係關羽來到果時百般留難, 同佢講, "你行左咁耐都累架啦, 不如你今晚係度抖下先, 天日先比你過關好無? 你都知啦, 你又無身份証又無passport, 我好難交代噶嘛...嘻嘻嘻...拿, 今晚我搵幾條女來陪你, 等你好好梳乎下, 天朝再慢慢趕路都唔遲呀~"
關羽一聽, 又好似有D道理, 又好似有D著數, 就一口答應。佢滿心歡喜, 就準備去沖個靚涼, 點知副將孟坦帶佢行果陣, 韓福偷偷地一箭射埋去! 關羽身手敏捷, 閃身一避, 總算避過左致命傷, 但係都中左肩頭。雖然好痛, 但係生死關頭, 絕對唔可以退縮! 佢一口咬住支箭頭, 一拔拔出來, 呢下其實係懶型, 佢知打交最緊要係個"勢", 先來一野嚇一嚇人, 贏個勢先! 果然隔離個孟坦睇到眼坦坦, 就係呢一下呆滯左就比關羽斬開左兩半。
韓福見自己偷襲都射唔死關羽, 知道大鑊, 即時就想走佬, 可惜走唔夠兩步, 就比關羽追到上來。關羽昂藏七尺, 步大力雄, 韓福又點夠佢來呢? 都係比關羽一刀劈開左兩半拜拜。
關羽知道此地不宜久留, 唯有帶住兩位嫂嫂, 仲有箭傷, 逃離左洛陽。
來到沂水關, 守關卞喜當然都收到消息啦, 佢見之前果三條友打又打唔過, 暗算又唔成功, 點算好呢? 雙拳難敵四手, 一於圍佢! 我唔信成班人圍佢佢都贏到! 於是佢係鎮國寺埋伏左六個刀斧手, 唉, 本來都想埋多幾個, 但係而家噶中級領導階層都好難撈, 平時做野油水又唔多, 慳住慳住先請到六個, 算啦, 照去。
話說關羽來到沂水關時, 卞喜就假裝好意, 要請佢為佢洗塵。點知果幾個平價刀斧手唔得醒目, 躲係牆角竟然突左d衫角同埋武器出來。關羽雖然係粗人一個, 但係之前比人線過, 都蠢唔晒架! 見到自己比人圍, 緊係先下手為強啦! 佢知卞喜警戒心都高, 如果一擊唔得手就實比人圍硬, 於是掄起佢把大關刀, 一衝衝埋去牆角後一斬斬左兩件。
呢下先聲奪人果然有用! 另外幾個人猝不及防, 又嚇親。關羽承機三兩下手勢就料理多兩件, 仲有兩件嚇到屁滾尿流, 緊係走夾唔抖啦。卞喜眼見不妙, 心諗早知唔好慳果少少錢, 請多幾個質素好d噶人來啦! 但係後悔都無用, 佢連走都走唔設, 就比關羽一刀斬死。
一路無話, 就到了滎陽關。呢度噶守將王植係韓福噶親家，不過佢不嬲同親家不和, 關羽斬死左韓福, 佢仲開心, 反正自己都唔夠關羽打, 不如做個好人放佢走仲好啦。佢接左關羽入城, 搵人幫關羽醫左箭傷, 安排晒房間比佢。不經意之下見到關羽兩個嫂嫂, 嘩! 當堂腳都軟, 攪乜呢兩條女咁索噶! 唔怪得老頂曹操點都要捉佢地返去啦! 曹操攪唔成, 而家佢地送羊入虎口, 仲唔係我噶運氣? 哇卡卡卡卡..."
佢即時著手安排人手, 設埋伏, 裝陷阱, 佢汲取左之前果幾條傻佬噶經驗, 今次準備充足, 重重噶陷阱加上充足噶人手, 一定可以制服到兩位夫人....呀唔係, 係制服到關羽, 志在必得! 可惜呀可惜, 千算萬算, 算不盡一點疏失, 日防日防, 防不住那一個 -- 家賊! 王植有條O靚叫胡班, 知道左王植噶企圖, 睇唔過眼, 偷偷地通知左關羽, 關羽知道之後緊係大怒啦, 不過佢唔會蠢到同自己條命仔過唔去, 三十六計, 走為上著!
憑住胡班引路, 佢避過晒d危險, 順利出關。王植知道事情敗露, 覺得好唔抵, 明明到手噶肥肉竟然飛出左佢五指山! 男人有時諗野真係用下面唔經大腦, 當佢諗起果兩位夫人噶豐姿, 佢就咩都唔理, 決定帶埋人馬去追! 一眾人馬唔使幾耐就追左上來。只嘆一聲英雄難過美人關, 狗熊都係難過美人關, 佢追到忘形竟然一馬當先就衝左過去, 都無諗過自己幾多斤兩。關羽本來都一肚氣出唔到, 而家王植自己埋來佢仲唔將D怒氣發係佢身上? 無錯, 發晒係佢身上, 佢揮刀連斬, 王植就俾佢劈開左幾份, 玩完。其餘噶兵丁見到呀頭瓜左, 緊係一哄而散啦, 於是關羽又過一關。
終於都來到最後一關。太守劉延知關羽到左, 親自去接佢。
"關先生, 你一路過關斬將, 其實我都唔應該放你走架啦, 不過我知我唔夠你打, 我唯有照普通程序來做啦。而家你無身份証無passport, 我照幫你登記左先, 第日有咩事再通知你啦。"
劉延抄底晒關羽噶生辰八字, 所有資料, 摸一奏關羽隻手, 諗, "呀...好大隻大手, 好堅壯噶大手...如果可以係我身上..."
關羽感覺到唔對路, 竟然係一個攪基太守, 救命呀! 佢即時就話, "咁多謝晒, 走啦!"
關羽一行人總算照做左過關手續。
臨走果時關羽問, "前面有條河, 老哥可唔可以借條船比我過河呢?"
劉延心有千絲萬縷噶念頭, 但係又點可以講出來呢? 佢因愛成恨, 得唔到, 唯有放手, 但係又唔忍心殺佢。
"我做晒好人比你過關啦, 你仲諸多要求? 仲要我借埋船比你? 你唔好要我貼埋大床比你娶老婆呀笨?"
關羽知道自己理虧, 難得過到關, 就算食左一面屁都算數, 去到河邊先算。
來到河邊, 已經係就快要去到佢劉大哥附近了。只見一個將領坐左係一條船上。
"關羽, 我係度等你好耐啦。"
"你係咩人, 你係咪要借條船比我?"
"關羽, 條船借比你, 不過租金係你條命! 喝!"
果位將領秦琪手執三尖八角槍, 來勢洶洶, 槍勁捲起沙塵, 直撲關羽! 關羽旋轉大刀, 刮起刀風, 迎向秦琪!
啪啪啪啪啪啪鏗鏗鏗鏗鏗鏗鏗鏗啪啪鏗鏗鏗鏗鏗啪啪啪啪啪啪鏗鏗鏗啪啪鏗鏗鏗鏗啪啪啪啪啪鏗鏗鏗鏗鏗!!!
鏘!!!!!!
雖然只係交手得好短時間, 但係兩人已經過左無數招, 甫合, 即分。
秦琪跪底。
"好厲害...噶功夫...我諗住自己已經練到爐火純青噶武藝...可以匹敵當年噶呂布...可以出來幫曹大人打江山...點知..."
"小子, 你噶武功都好唔錯, 不過同當年噶人中呂布仲有差距, 你返去再練十年啦。"
"哈哈哈...我已經到左極限, 唔可以再進步架啦...既然係咁, 我留係呢個時代都無用..." "啪!"
秦琪被劈開一半。
"妖! 諸多聲氣, 阻住晒, 要死就快d死啦!"
關羽於是就同兩位嫂子上左船, 成功投奔大哥了。
後記
話說關羽終於去到袁紹根據地搵劉備, 佢去到關口。
守城士兵問, "身分証, passport。"
關羽當堂啞左, 心諗, "敝, 無帶添!"
於是就答, "無喎。我係關羽關雲長, 我係來搵劉大哥劉備噶, 快D放我過去!"
"身分証passport丫唔該。"
"喂喂喂! 你又來呢套? 我係關羽呀, 你連我關羽都唔認得, 你點出來撈架!"
"身分証passport丫唔該! 你連身份証都無, 我點叉知你係乜水呀! 個個都認親認戚, 咁我咪唔使做? 下?! 我照足程序做野架, 我係唔放你吹呀? 我啤~~~~"
"我頂~~~~~~~~~~~~~~~~~~~~~~~~~~!!"
完
2011年5月9日 星期一
五月八日-- 雜記
3/5(二) -- 收工後上堂(德文d數字果然難XD, 不過我上完堂就已經記得了, 其實我真係應該讀文科 =_=); 上完堂後好累(應該話本來全日都好累), 所以快食飯(君滬, 都OK喎, 尤其個酸辣湯)之後返企。
4/5(三) -- 同熟噶同事們(日安, 盧撈, Mandy, Amanda, Carol, 呀Yo, Yee, Charles, 呀衛, 呀珊同佢老公呀健)不定期gathering, 去Cafe 8 degree食buffet慶祝呀珊生日, 個buffet都幾好味呢~~
1. 當日對大家最shocking噶news係呀Yee今年結婚, 平時收收埋埋, 大家連佢拍拖都唔知~~ 原來拍左7年拖啦~~~
2. 走果時見到金剛(大隻+成套老西)同洪天明(高), 幾型呢~~
5/5(四) -- 收工同同事們(呀叻, Yee, Penny, 盧撈, 植, 齋, 呀黃)係君傲灣歡樂羽毛球, 好開心: 好近~~ 入到TKO食左Burger King先, 之後集齊人(大家係唔同地方食)上去打波; 成班人一齊玩好開心呢~~ 如果之後有得keep住打就好了~~
3. 今日輪到催時同學陣亡了...
6/5(五) -- 今日Barry佢地同呀Mak慶生, 不過約左魷魚在先; 同佢係新世紀老富昌食飯, 個名成間茶餐廳咁, 原來係西餐 XD 不過d野都幾好食喎, 尤其係個豬肋骨, 十分OK~~ 食完之後諗住去采豐行入貨, 點知去到8點35分, 人地原來8點半收工, 頂~ 之後同魷魚散左就返返去新世紀潮風join返Barry佢地, 佢地9點都未開始食 XDDD 之後就同佢地吹水(我無食野), 到咁上下就散了。順帶一提, 果間潮風d野真係唔多得, 但係好平, 估唔到新世紀有呢D地方 XDD
7/5(六) -- 臨時約左催時睇早場"關雲長"; 之後返企抖同hea, 訓左下; 晏少少Sam入左來TKO搵我7點幾走; 夜晚無同催時食飯; 上網見到貓姐,8點半臨時搵左佢出來MK, 9點幾係朗豪坊食左d野, 終於拿返係台灣果時借比佢噶4GB card了~~~!!食完野就返企了。
4. 聽催時同學講左好多佢d野(仲有有關T先生噶野), 真係有d嚇人。
5. 關先生劈友記: 又一顛覆三國"演義"之作; 近年愈來愈多作品以另外噶角度寫三國, 更加多人平反曹先生XD; 不過全套戲文戲同打戲好似2邊都唔拖唔水, 節奏亦有少少慢, 文戲想表達好多野但係又唔夠喉(尤其唔熟歷史背景噶人會唔識), 打戲又唔係真係十分多到打到飛起, 所以有少少兩邊不討好, 條"愛情線"更加係騎呢同薄弱; 姜文仍然好交到戲, 宇宙最強都係負責打果part, 唯一最要交戲個位係全套戲最好笑噶位, 真係忍唔住笑; 另外, 戲入面好多個男子漢都好型仔。
6. 本來係睇之前都係諗左個三國噶玩野故仔, 又係用同一段過五關斬六將, 而家唔多想寫了~~
7. 星期日噶凌晨發左個騎呢夢, 係夢入面又係走來走去又搭車又盛好累; 最後去左間"啟田小學", 係夢中竟係係大陸同HK邊境, 奇奇怪怪 @@"; 不過起身真係覺得累 =_=
8/5(日) -- 呀Mak生日快樂!! 早上去維園打波, 超耐無打, 好唔掂, D波射極唔入, 連籃底都炒粉, layup都唔入, 好彩最後好返d~~~ 同佢地食完飯後同民仔+擇茄三個人慢慢行去北角, 行左炮台山模型鋪同埋北角奇趣, 之後去左阿鴻小吃買左鹵水鵝返屋企加"食送"; 臨時約左Temp014係TKL食tea, 之後過埋坑口食聰嫂, damn fat! XD 再次感受到可以隨時約熟噶街坊出來食野吹水噶感覺, 太好了~ 晚上返企食飯, 個鹵水鵝堅好味~~ 晚上對手臂開始有d痛(紅晒)同有少少起泡, 睇來係曬傷左了。
8. 有連續三、四天的假期真好~~~
9. 夜晚係屋企煲Eason同蜢蜢噶concert, 好鬼正~~
10. 天才的課題(櫻木花道?): 1. 來緊真係要減少自己噶食野同埋少D去街(肥左啦), 仲有2. 要少d同朋友(女仔?)食飯(避忌d+多d返屋企食飯); 為自己定下目標, 學某人咁, 俾個叻自己先~~~ :D
來緊:
12/5(四) -- 4仔旅行團pre-trip gathering
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯
19/5(四) -- gathering w/ TKO buddies @ 點好味
23/5(一) -- 毛毛球
完
2011年5月3日 星期二
貪
貪
每個人也會有貪念。除了第三世界國家的人們, 還在追求基本的溫飽, 我們這些生活於大城市的人, 基本上都會有高於基本生活需求的欲望, 而人們要進步, 不多不少也是因為有欲望或者貪念, 才會去努力爭取。其實以前也寫過有關欲望的, 因此這次也不是談人的欲望, 是想寫有關人對愛情/關係/愛人的"貪念"。
現在的人一般拍拖, 也是"貪"對方的一些"好"吧。貪錢, 貪靚仔, 貪別人的關心, 貪被愛的感覺, 貪就手, 貪對方性格好, 貪對方叻...等等, 總會有一些優點去使人被吸引到。現在的人也好像愈來愈容易拍拖, 只要不是三頭六臂悟空八戒模樣的(或者即使是也好), 也會拍到拖。人們很容易便因為一點感覺, 或者某一些優點, 便走在一起。
人的相處, 是一種哲學。兩個人一起, 固然不可能預算以後會發生什麼事, 但起碼基本的價值觀要相同, 大家知道對方要的是什麼, 有足夠的了解, 才會有較好的根基吧?
本來想寫多些關於關係之中有關"貪"的事情, 還有自己貪的是什麼, 不過突然很沒有心機, 就此停下算了~~
完
標籤： 個人感受/感想/人生觀
五月二日 -- 雜記
26/4(二) -- 收工之後去上堂, 上完堂食飯後返企。
1. Dunno why suddenly think of many things, super unhappy, it hurts. (and it last through the week)
2. 上完堂食飯時見到好大隻甲由, 超核突; 諗起進入左春、夏天, 呢d死野又開始走出來了, 討厭!
27/4(三) -- 講左好~~~~~~耐了(上年噶事), 要同Queenie去西環"加拿大"食飯, 終於都去得成。收工搭Van仔去(原來KT有van去, 都好dd, 唔使MTR轉巴士煩死), 質素同價錢都OK keep到; 食完搭van返KT, 好快, 反而等巴士返屋企等左2個字 =_=
3. 多謝Sam送的headset, 終於有得正常咁聽返歌 @_@
4. 幾無啦啦地, 014比左佢個blog address我; 都幾開心呢, 雖然本來都熟, 但係以佢咁會有d收埋噶人來講會比個blog人, 証明我又儲多張朋友牌, 開心 ^_^
28/4(四) -- C妹生日快樂; TKO Buddies Gathering @ 匠(坑口), d野ok啦, 唔算好標青; 之後Sam來找我。
5. 已成為Rockman ZX Advent噶expert(好無聊), 而家最難level打最後大佬竟然可以只用subtank就夠贏; survival mode連打14隻大佬都游刃有餘, Oops~
6. 我要砌多d模型, 快d清貸~~
29/4(五) -- 收工返企食飯, 砌模型。三國傳來講已經砌左超過一半, sehr gut。
7. 食完飯同呀爸過左去搬洗衣機, 都幾重呢。
30/4(六) -- 臨時約左催時同學去Neway, 唱早K(APM)! 早K加上自己一直仲有d咳, 都係唔多盡興(都好過之前同Rhian佢地唱)。之後先返屋企, 下午hea with Sam and dinner@牛涮鍋。
8. 唔知點解全日都覺得好累, 好無精神個人又軟LaiLai。
9. Sam經過一輪長時間噶轉來轉去之後, 決定辭工(暫時)。
10. feel bad after long chat at night
1/5(日) -- 下午係Kt join埋民民一齊去青衣呀Ben屋企(海欣花園), 幾個中學同學一齊(我, 民同女友FF, Ben同佢老婆Amanda, 孖星同佢老婆同BB, 皇帝, 摘茄)傾下偈, 玩下BB, 同一班熟人一齊噶感覺真係舒服同開心。夜晚食飯同埋玩牌(一個新噶cardgame同埋鋤D), 到12點島走。去到巴士站先發覺漏左野, 返轉頭拿, 可能會走尾班車; 結果拿完之後勁走去巴士站, 0:25am趕到上左0:20係總站開過來噶尾班車, 噓~
2/5(一) -- 之前果晚好夜訓, 第日成點先起身(好耐無試過咁晏起身); 下午同Sam去左中環, 食個tea同吹水, 之後搭叮叮去灣仔太源街同188睇下玩具, 吃左蛇羹(本來o岩o岩呢個冬天諗住要食而家先食到), 之後我MTR去太子打毛毛球9-11。好耐無打波, 好開心呢~~
11. 珊姐生日, 成班fnd同佢慶祝, 無去到。
12. 假期中都砌左幾多隻模型呢, 不過原本預算係會砌多d的。
13. 係時候要練返下車了。
14. 要慢慢習慣同改變下生活, 畢竟唔係單身, 要慢慢習慣減少下約其他朋友出街(自己真係好多fnd, 約d都已經full晒成week); 仲有要多d返屋企食飯...
15. 明顯地感到呢排身體麻麻地, 要休息多d同埋要解一解熱氣。
16. 最終都無去Lego展~
來緊:
3/5(二) -- 上堂
4/5(三) -- buffet gathering with colleagues @ Cafe 8 degree
5/5(四) -- badminton in TKO with colleagues, so happy
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯
23/5(一) -- 毛毛球
30/5(一) -- 毛毛球
完
2011年4月25日 星期一
四月二十五日 -- 雜記
18/4(一) -- Jenny來港, 由於佢無得早收, 所以會晏; 差唔多9點入到來TKO同佢食樓下魚米家。
1. 記: 今日係公司同鵬鯉傾開"志明與春嬌"入面噶千Fa, 佢突然扮千Fa"你想約我呀? 你想約我呀?"果下, 超似, 爆笑XDDD
2. 魷魚最終都係...頂唔住。最終都係解決左...希望佢之後可以順順利利, 同埋可以開心啦。
19/4(二) -- 呀叻之前都話有事唔上得堂, 到左今日仲病埋添。公司好少人, 爆悶, 好累好眼訓, 有D想唔返學。最終都照去上堂, 上完堂同呀源係返新蒲崗(下午叫左佢)食馬拉‧棧, 之前同叻同佢男友食過都OK呢。之後Samantha來找我。
20/4(三) -- 下午係Jordon上堂(公司報果d"how to convey unwelcome message咁上下"), 之後順便同Carol食飯(Carol都有份上); 行左下In's Point之後食壽司, 食完再行下信和後返企。
3. 今天出左VP, 好耐無試過一出糧出咁大舊錢呢~
4. 開始有d唔係好舒服。
5. 其實一直以來, 想要的只是簡單的信心、沒有ignorance, 仲有少少噶希望, 可以傾住電話訓...
21/4(四) -- 好唔舒服, 不過都無SL; 收工返一返企再出去同Samantha食飯。
6. NDS Rockman ZX Advent個survival mode, 終於比我攻破左啦~~ 覺得自己好叻呀~~
7. 014同某人一齊睇3DXX團, 哇卡卡。
22/4(五) -- 一連四日Easter Holiday第一日; 早一日約左虎媽同Yan中午係油麻地唱K(個喉嚨超唔舒服所以唔係好唱得, 亦都唱得好少, 呀Yan係日本讀完書返來之後都未見過佢, 好耐無見呢; 之後虎媽返工, Yan同我去TST行玩具開倉, 好多平野呀~~~ 不過都無買!之後去TST Vietnam野坐底食D野, 傾左好耐偈; 佢雖然年紀輕輕但係思想好成熟, 比起好多大過佢噶人都識諗呢(其實識佢果時都係咁的了); 之後返屋企沖涼, 再出去同催時同學食晚飯。大家都累又唔多舒服, 結果佢入左來寶琳(近大家返屋企), 一齊食Saizeriya Italian Restaurant(意粉)同聰嫂之後散。
8. 開倉d野真係好抵, 其實有幾多野都ok想買, 不過又無話一隻真係極鐘意, 最終都忍手呢! 不過返轉頭諗, 有幾盒大盒噶BB戰士真係應該買的~~~ (PG GP01FB都好抵!)
23/4(六) -- 諗住在家休息的一日; 中午同關老B傾開臨時約左係樓下寶盈食個lunch同吹水; 之後返屋企hea; 晚上又係臨時有約, 呀珊姐叫左我同ConnieMartin等一齊去佢家食飯, 到10點幾就返企。
9. 呀哥同準嫂嫂去左Macau; 係屋企hea同休息都幾好; 終於的起心肝開返舊機, 用白痴方法整返晒d bookmark link同埋newsgroups出來, 係返新機add返晒, 仲順手執返整理返好, 真係好呢~~
10. 聽某人評返佢睇噶3DXX團, 同高登果段野真係差唔多, 好攪笑, 不過真係爛片一套, 唔需要去睇了。
11. HG Gouf Custom上埋黑線了, 又完一隻, so good。
12. 竟然係MTR遇到Angel~~~
24/4(日) -- 中午12點島到左元朗join左呀進, 等左八婆一家好耐到點幾鐘, 一齊食晏, 之後去百鳥塔; 同八婆一家散左之後同呀進行左下元朗, 合益三間模型鋪竟然有2間無開 @@; 之後搭巴士出CWB, 同Cynthia去左阿貓地攤, 第一次去呢~ D貓貓都唔怕人, 十隻有九隻都係肥貓呢。D野食普通, 每位$100如果只係想去食野就唔使去了。食完本來想去CWB聰嫂, 點知都幾多人, 結果改左去炮台山舊居附近噶福元湯圓, 食完之後返企。
13. 今日突然諗到, Cynthia Wong個讀音同黃鋅花好似, Oops~
14. 原來呀哥今日都係未返來, 繼續獨霸空閨~ :D
25/4(一) -- 一連四日Easter Holiday最後一日; 在家休息; 中午又係whatsapp臨時同關老B一齊食飯, 係樓下BurgerKing, 都係聽佢呻下, 不過佢都清楚自己諗咩O既, 加油努力啦。晚上返企食飯。同埋執埋剩返少少噶bookmarks~
15. 再的起心肝噴BB金色件, 再砌左少少, good。
16. 呢個假期感覺好ok呢, 又有節目, 又唔累, 又relax, 又執左好多野, very good~~
17. Queenie返多個星期就去旅行了~ 真開心!
18. 有D野唔同左, 心情亦都會有唔同, Blog個版面都好耐無轉, 轉下啦; 雖然已經公開, 但又唔喜歡太揚, 不過朋友們要知噶都知, 要明噶都明, 都夠了~ 有D咩要問O既話, 我唔太識用口講, 用message/whatsapp/msn等等噶野問我啦, 唔會唔肯答的。
來緊:
26/4(二) -- 上堂
27/4(三) -- 同Queenie同佢老公Joe去西環"加拿大"食飯, 講左好耐了。
28/4(四) -- TKO Buddies Gathering @ 匠
29/4(五) --
30/4(六) -- BadEnd人飯局可能postpone來呢日?
2/5(一) -- 毛毛球
4/5(三) -- buffet gathering with colleagues
23/5(一) -- 毛毛球
完
2011年4月21日 星期四
想太多
知道自己的性格, 總是想得太多。就算有些時候似乎是像沒有想過而行動, 其實也是經過了過往很長時間的"想"而成為了預設的行動, 習慣性地知道要怎麼做。為什麼會這樣呢?
首先, 是自己的腦常常停不下來, 一定會一直在轉動, 總會在想著什麼, 如果真的不想去想什麼, 最少也得在腦海中唱著歌, 一直播放, 從來也很難得有空白的時候。而且自己的腦子會不停地跳躍思想、聯想, 會突然想到很遠、很不關事的東東上。這些全部加起來就變了一個無限的宇宙。不過, 這樣並不等同轉數快不快或者想像力豐不豐富, 只是會不停亂想罷了。
腦子的能力如是。經歷和習慣也會受到影響。小時候不能出街遊玩, 在家也不能看電視, 沒有遊戲機。每天除了上學還有放學回家溫書做功課之外, 休息時間也沒什麼可做的。因此我最大的娛樂除了看書之外就是"想" - 幻想、聯想、一直想。拿著家中謹有的玩具車、公仔去想故事、想情節。
我爸爸也是會想得多的人, 而他的"未雨綢繆"似乎有點過了份, 有時會想得太負面太遠。或許也有受了他一點影響自己也會這樣。自己算是樂觀正面的人, 對著家人朋友有事發生, 總會儘量鼓勵一下, 讓大家可以正面一些。不過當自己有事沒事的時候, 反而有時會想得很負面, 很害怕呢。
小時候住的地方家中有祖先的畫像, 單位外的公眾地方又有暗位, 總會很害怕地聯想到有鬼。人漸長大後愈來愈不怕黑, 反而怕死。之前有一段時間, 身體出現一點問題就會覺得是否有嚴重的病呢? 是否隱藏了不得了的大病呢? 之後會想到死了會怎樣呢? 其實自己並不很怕下地獄的。因為有afterlife的存在, 就代表的的意識會在, 就算受苦也好, 仍然"存在"。如果死了就什麼都沒有了, 那感覺好可怕呢。總之, 就是這樣胡思亂想。
再大一點, 人生經歷一點點的累積起來, 看到很多很多人間不好的事情, 有時可以看穿對方的謊言, 或者隱藏的不好的意思。人性真的很醜惡, 包括自己也會有時有很可怕的想法。因此其實對"人"、"愛情"等等的感覺頗為負面, 也因此很沒有安全感。
對於自己的"想太多", 可以讓自己開心、驕傲的倒也有一、二事。第一便是由於自己有想得多的能力, 有時對家人朋友的事倒還算上心, 大家有問題、煩惱等等的時候, 我倒也可以從很多不同角度去解釋、安慰一下, 或者可以幫忙解決問題。有時候也頗為細心, 想到一些別人想不到的重點, 總算對人有點幫助吧?
另一樣覺得自豪的, 是我從中學時期起想的一個故事。雖然並不是什麼大作, 就只是一個普通的武俠故事, 但整個故事的大綱尚算嚴謹。自己喜歡的尤其是人物設定, 除了主角之外所有配角敵角忠角奸角數十人(還是已經過百?)都有詳細的人物設定(當然還有自己的手稿畫下了他們的外貌裝扮)。自己很喜歡想故事(平時在Blog中也打了不少), 所以很喜歡這個長篇的故事呢! 不過由於太長, 也不會打出來了。就由得它留在心底吧。
其實每件事都總有好處有壞處, 視乎觀點與角度。"想太多", 也一樣有好有壞, 希望自己可以把它調節得剛剛好, 不致於對自己有壞的影響吧。
完
標籤： 個人感受/感想/人生觀
2011年4月18日 星期一
醫院
標籤： 個人感受/感想/人生觀
四月十七日 -- 雜記
2011年4月13日 星期三
收埋
2011年4月10日 星期日
四月十日-- 雜記
4/4(一) -- 收工同盧撈日安Carol係APM王家沙食飯, 補祝盧撈生日, 之後去Pacific Coffee坐底吹水; Saman收工來左APM, 陪佢係吉野家食野。
1. 踏入2011, 好多好噶朋友都拍拖呢! 神神秘秘噶魷魚終於都認佢拍啦(一早估到佢啦); 身邊好噶朋友愈來愈少single啦, 剩返噶要加油~~
5/4(二) -- 清明放假一天, 家中咁多年來第一次要拜山, 不過我太累, 唔join, 第日自己再去了。係屋企抖一日, 好幾個朋友叫我出去, 唔多會reject噶我都唔出呢。結果係民民上左來我家hea, 佢有佢睇書, 我有我展開大工程 -- 一次過拿好多三國傳BB戰士d金色件去噴金色, 又慳工夫又慳油~~ 今次真係好大決心要攪掂呢一堆先!
2. 雖說好友們都拍拖, 但係唔見得個個開心, G小姐同T女都好似唔太開心...希望佢地遲D會開心D啦! 拍拖真係會好過single?
3. 估唔到被牽涉左入好友之中噶一件好唔好噶事; 自己被超級誣衊, 當然係好唔開心, 但係好友比人咁樣做呢D野, 更加係令人覺得好不快! 究竟係咩人同咩原因真係無從稽考, 但係希望唔好再有呢D野發生, 同埋大家之後無事同開心就好了。
6/4(三) -- 臨時約左Samantha收工食飯同睇戲; 翡翠拉麵小籠包(九龍灣店)名大於實, 價錢又唔平。之後睇完戲就返企。
4. 單身男女: 感覺到係有heart去拍噶一套戲, 雖然主線劇情都係最common噶三角戀, 但係編排不落俗套, 而且利用左"2幢大廈"呢樣野貫穿左成套戲, 不單止諗頭連用鏡都好唔錯。
至於戲入面都係靚仔、靚女、有錢人, 雖然好似會令人覺得好fantasy, 或者好唔真實, 其實只係令人睇得有投入感d, 如果搵D醜怪噶人大家都唔想睇啦~ 係現實之中, 其實咪一樣有入面所代表噶人? 一樣會有有氣質噶女仔, 會有火星人, 會有賤男, 只不過都係低level左咁有錢無咁靚而已, 真實噶感情無論apply係咩人身上都係共通的。
所以由套戲一開始睇得唔太投入至到後尾投入其中, 為其感動。估唔到噶係, 自己估錯左結局。覺得個結局都仲有個message: even改過自身都好, 或者後悔都好, 或者timing唔O岩都好, 有D野錯過左就錯過左呢。
另外, 套戲除左會比女仔有fantasy之外, 何嘗唔係令到世上某d傻仔/外星人有fantasy? 不信為妙。
7/4(四) -- 日頭要做belated survey, 可以著便服; 3點幾做完last果隻appointment之後同Kenneth去左行又一城, 之後再去SKM食車仔麵, 再去SSP行左下, 再到夜晚briefing, OT到9點散。
5. 同Kenneth傾左好~~多野。好難得傾左好多心事, 知道左佢好~~多野, 不過當然唔會係度講啦。如果真係如佢所想咁做, 真係好可惜呢。另外, 都令到我好疑惑。
6. I'm happy I can talk normally again with my friend.
8/4(五) -- 臨時約實左Grace收工係寶琳食飯, 好~~耐無見了。又食魚之味, 但係去另一間未去過噶, 竟然個menu係唔同噶~~D野好食D添喎~ 食完去行左下奇趣同去戲院行左轉之後返企。
7. 最近聽好多拍拖等於無拍/唔拍好過拍噶case =_=; 竟然有個拍拖無耐噶人話: 其實單身都幾好呀, 自由自在~ Oops~
8. 心情激盪。
9/4(六) -- bad-end人飯局cancel, 唔使應酬了~~ 大半日係屋企抖, 又整左少少模型, 可以掉咁D盒呢; 大好weekend都係出下去, 唔多想提噶疲累旅程; 竟然係SSP遇到威威同呀娟~ 真係超巧合呢。夜d join左Samantha食飯。
10/4(日) -- 中午係沙田第一城果邊同Gordon食pre兄弟姊妹飯, 之後上佢屋企傾下個flow, 之後3點幾就走; 返企。
9. "赤色流星" -- 一套畫功同人物造型咁好噶漫畫, 竟然三期就完了...另外, "功夫"都就完, 忍唔住上網睇左九把刀噶原著, 漫畫原來改左結局, 唔知會改成點呢? 原著睇完真係...灰 =_=
10. 知名不具: 身邊有好多好友都係最近拍拖, 但係竟然好多都唔開心; 有人覺得拍左同無拍差唔多, 又唔知點reject; 有人之前有唔好噶經歷, 唔想開始; 有人拍左發覺自己唔太into個relationship, 仲覺得寂寞; 有人鐘意對方, 但係對方好似好唔care, 做埋D野令佢勁火; 諸如此類, 仲要明明自己拍緊拖都仲要我介紹定fnd佢地識, 真係...=_=; anyway, 所有呢D cases都已經比我剔除出我個list了。
11. 今日終於有多d時間同精神睇埋本"夜巡者", 都OK呢。
12. 不知為何, 心情好差; 並唔係因為諗起D咩以前噶野, 又唔係亂諗起D咩野, 亦唔係因為有咩人激我; 可能係因為呢個世界上噶野、朋友們噶野、自己最近接觸噶野等等, 令我覺得有D唔開心同灰。
來緊: 11/4(一) -- 同威威Mandy食飯(仲有生日飯食?)(暫定添好運)
12/4(二) -- 上堂
15/4(五) -- dine w/ 白田同事s
17/4(日) -- Gordon結婚擺酒
20/4(三) -- 下午上堂, 之後順便同Carol食飯?
30/4(六) -- BadEnd人飯局可能postpone來呢日?
2/5(一) -- 毛毛球
完
2011年4月3日 星期日
四月三日 -- 雜記
2011年3月27日 星期日
三月二十七日 -- 開始
2011年3月22日 星期二
三月二十日 -- Cancel的一week
14/3(一) -- 臨時約收工掃街with Saman @ SSP, 之後毛毛球@石硤尾公園體育館。
1. 新拍好順手! 超好用!
15/3(二) -- 早上睇跌打, 晏d返工; 德文Miss放假一天, 唔使上堂; 同貓源食飯cancelled(Cat), 同叻Connie等人睇戲cancelled; 呀Mak打來話電腦攪掂, 收工去佢家拿電腦, 夜晚同佢同Gorge食M記之後拿電腦返屋企, 終於有新電腦用!
2. 比朋友話我多女仔fnd, 無安全感同埋好似對個個都好, 所以先會令人覺得無野。 :D
3. 係公司做左門卒! 哈哈。
4. Love story wa totsusen? 好耐無聽呢首歌~~
5. D人都傻O既, 講到世界未日咁。
16/3(三) -- 本來同民民睇去新加坡噶野, 不過由於發現分開訂平d, 所以唔使去, cancelled; 收工返企。
6. 期待5月噶4仔旅行團! 4條仔(我、民、源、Kenneth)一齊去旅行~~
17/3(四) -- 早上約左叻食早餐; 收工同白田同事(Puzzle, Man, Wing)食飯@橋底辣蟹又cancelled(Puz); 收工返企。
7. “大家不要擔心日本核電站的輻射，這麼多年來，我們吃地溝油、化學火鍋、三聚氰胺奶粉、毒大米，皮革奶是為的是什麼呀？就是為在下一場生化戰爭中活下來. 我們贏在起跑線上！！”仲有更長version, 哈哈。
8. 呢個星期真係被Cancel活動噶一周。
9. 無聊一記: msn同一時間online人數突破40大關!
18/3(五) -- 連續3日FS cancelled, 又無野做; 呀Mak打來臨時約食飯, 同Mak, Barry, Bonnie, 呀強, George, 呀良去食明將...九成食噶人都係學生哥, 我地D搵緊錢噶人竟然去食...仲要等添。同Barry去行左下兆萬同In's Point; D野真係難食, 不過都係算啦...叫係一生人試一次啦; 食完去行星際再行綠野仙蹤(買到書)之後返企。
19/3(六) -- 約左Taylor、呀So同小暈係元朗食lunch; 落雨+加架車八達通機有問題, 攪左好耐所以遲左; 食紅樹林, 是但食; 本來Taylor話唔睇戲, 於是大家諗住睇潛行深淵, 之後佢話佢都可以一齊睇戲, 於是就佢買左猛男滾死隊噶飛; 食完飯先去Yoho Midtown佢地攪住戶証噶野, 之後去元朗大街果邊行千色店, 睇玩具, 到咁上下時間就返返去戲院附近再行, 竟然有好平噶玩具! 忍左手都買左幾盒; 之後就睇戲; 睇完去左食間台灣野食左麵就散; meet左一下Saman後返企。
10. 猛男滾死隊真係爛片一套, 又唔係十分好笑, 晒左個cast; 最奇怪係竟然聽到有小朋友係戲院入邊! 竟然帶小朋友睇呢D戲?!
20/3(日) -- 無約+好累; 全日在家休息, 好有心想砌三國傳噶野! 全日狂砌左幾隻, 打算咁樣之後遲D再一次過噴金色果d位!
11. 突然記得我真係要搵日過MCL, 買套票+續會員+用埋coupon!
12. 突然聽到d野, 其實有d唔開心...我都無做錯野, 點解要咁呢?
13. 同某好友講開, 又係講我; 原來我對朋友d行為真係好易令人誤會咩? 係噶話就唔會無人鐘意我啦~ 我不嬲唔好話對女仔, 對男仔都係咁O既...之後又諗起之前某人個男友話我, 慣性想溝女先會keep住做平時對朋友d野...sign...其實睇人睇事都真係觀點與角度問題。
14. too aggressive, I'm scared.
來緊:
21/3(一) -- 毛毛球@界限街
22/3(二) -- 上堂
23/3(三) -- 同叻華Joyce食飯; Jenny來HK
24/3(四) -- dine with Cass源民娟 etc
25/3(五) -- FS 3 days
28/3(一) -- Penny home with colleagues
29/3(二) -- 上堂
30/3(三) -- 陶瓷班
17/4(日) -- Gordon結婚擺酒
完
2011年3月18日 星期五
雪人
半夜, 天開始下起雪, 一堆堆雪在團積起來。
經過了一夜的大雪, 小螢家外堆起了好大的一團雪。
"好大的一堆雪哦! 看! 形狀就像個雪人呢! 我要把他堆起來!"
小螢於是就很努力的一小團一小團慢慢的把那一大團雪堆砌起來。
過了好些時候, 雪人終於成形了。
"好大好可愛好胖的雪人呀~~!我要把他裝飾起來!"
小螢把2個乒乓球裝在眼的位置上, 再把媽媽丟了的一截壞蘿蔔插著在鼻的位置。她細心的找了兩根長度和形狀相似的榭枝作為手, 一個很像樣的雪人就完成了。
"好開心呀! 這雪人好可愛哦! 跟小螢差不多高, 小螢要每天跟他玩!"
小螢每天就在雪中跟雪人聊天、遊戲, 想像著跟他對話, 跟他玩家家酒, 捉迷藏。
"雪人, 你餓嗎? 小螢餵你吃東西好麼?"
"雪人, 你冷麼? 你是雪人應該不怕冷吧? 不過你全身白白的不夠好看, 小螢幫你打扮一下好麼?"
小螢找了一些枯葉, 細心的編成了一個冠, 放在雪人頭上, 又找來了很不不同顏色的球和裝飾物放在他身上, 更把自己心愛的紅色領巾都圍在雪人子上。
"這領巾好襯你呢! 在你身上好漂亮! 是我心愛我領巾呢! 希望你喜歡吧!"
看著那鮮紅色的領巾襯托在白色的身軀上, 小螢覺得好好看。
小螢好喜歡雪人, 因為他會和小螢玩耍、談天。每天的瑣事、趣事甚至糗事也一一的告訴他。
"雪人呀, 你看那小鳥, 停在你的手上啦! 牠一定跟我一樣很喜歡你呢!"
"你看你看! 你的鼻子都鋪上了雪了, 讓我幫你掃掉!"
"你愈來愈胖啦! 看來你要減肥呢! 來! 我和你一起做運動!"
冬天終於慢慢的過去了。
太陽露出了熟悉的笑臉, 那溫暖的晨光照耀著大地。萬物都因為春天的來臨、太陽的高昇而回復生機。
可是, 雪人開始融化了。
他的臉開始扭曲, 身體開始瘦了下來。
"雪人! 你怎麼了! 你病了嗎? 你不舒服嗎?"
"喂! 喂! 我好擔心你呀! 你又不會說話, 我好擔心呀!"
"你要離開我了嗎? 不要! 我不要!" 小螢哭了。"我只有你這個朋友而已, 你每天陪我玩耍, 每天陪我談天, 我不要沒有了你呀!"
"是這該死的太陽嗎? 我幫你遮住他!"
小螢從家中拿了好多雨傘, 都打開著, 替雪人遮掩陽光。可是天氣回暖, 就算遮擋了陽光, 雪人還是一直慢慢的融化著。小螢抱著雪人, 緊緊的擁抱著他, 即使自己的身都濕透了也還一直抱住雪人。
"嗚嗚嗚...你不要離開我...我求求你吧! 你走了誰來陪我? 嗚嗚嗚..."
"太陽伯伯, 對不起, 是我錯了, 我不該罵你的! 求求你不要把雪人融掉好嗎?"
"雪人...你不要離開我呀..."
慢慢的, 雪人融化了, 地上只剩下一灘水, 一些枯葉、乒乓球...還有領巾。
領巾濕透了, 不知道是雪人的淚還是小螢的淚。
小螢跪坐著在雪人原來站立的地方, 拿起了那紅紅的領巾, 那條跟雪人十分相襯的領巾。
"雪人...你就這樣走了...你去了哪裡...快活嗎?"
天氣雖然開始回暖, 可是融雪之時還是很寒冷。
小螢終於明白了。
"雪人! 我知道你會回來的! 我等你! 下個冬天我等著你回來哦! 這條領巾還是會留著給你的! 哈哈!"
小螢破涕為笑, 因為知道可以再見到雪人。
等待下一個冬天。
完
原設定係想寫一個父母唔多理佢, 又無朋友噶自閉小朋友? 之後覺得想轉為父母唔多理, 無朋友又有絕症(或者重病)噶小朋友。總之都係用呢種心態來寫, 小小的一個短篇。
2011年3月15日 星期二
三月十四日 -- 雜記
7/3(一) -- 為左迎接來緊連續3日噶行程, 收工都係返企食飯。
1. Home Alone第一天。
8/3(二) -- 收工去上堂, 之後同叻係新蒲崗食飯之後返企。
2. 身邊的朋友儘是發生事, 好事和壞事。
3. 再次証明我的定位, 我的強項。
4. 夜晚上網睇埋Psyren結局。
9/3(三) -- URA同事Gathering, buffet @ Muse(TST); 收工去文化中心睇左下; 間野雖然唔算十分多野食, 不過都有足夠想食噶野, 同埋價錢都抵; 記: 係果度見到個事業線人, 化濃妝其實幾醜樣, 乜而家d人唔係明星都會咁著出街?
5. 本來今日如果FF唔去, 就係我同民仔去睇drama。
6. 同好友講起, 最近好多朋友拍拖, 好友問我會否有受影響, 都會有少少呢。不過都係一時噶姐。
7. 原來某人一開始時都有dd野呢, 哈。
10/3(四) -- 收工本來諗住自己磨夠時間練車, 臨時Kenneth同我去SSP行+終極掃街, 好開心; 之後搭van仔去土瓜灣, 行左下奇趣, 9:30pm練車, 感覺ok喎, 竟然可以係斜路打到好桃突噶8字。
8. 洩氣。
11/3(五) -- 同姑姑八妹食飯; 去左TST Applegreen, 一dd野, d pasta好食, 不過幾貴; 行左下金巴利街噶韓國雜貨鋪, d野食好似都OK, 不過唔平呢。之後散。
9. 珍寶打來, 電腦有得拿了~~
12/3(六) -- 話劇同學gathering cancelled; 本來諗住自己睇早場, Saman話一齊睇, 結果反而無睇最想睇噶The King's Speech同Black Swan, 睇左真係我第四位想睇噶I am number FOUR, 都幾刺激, 特技都OK, 最正係最尾果場打, 好得。之後同佢去左星林居食野同傾偈, 又係講果個男仔d野, 其實一直都係差唔多情況同意見, 希望之後OK啦。之後入粉嶺去蕾姐屋企睇B, 行左下模型鋪再去佢家, 睇佢地打牌同吹水, 到10點半先打完, 11點先食野, 食完散。
10. 晚上在家睇左QQ借比我噶小說"夜巡者"; 三大章睇左一章。
13/3(日) -- 下午同Mak同Barry去拿電腦, 之後拿上Mak屋企, 要裝晒d野, 好多波折(Keyboard, 燒碟...etc); 未整完之前, 我先走, 先去TST北京道一號Amanda婚宴果度影左2張相, 之後即走去CWB富豪香港酒店表弟婚宴果邊! Oops! 好頻撲~~
11. 本來又係有好多野想講同感想, 不過又係拖得耐左無打落來加唔想講咁多野, 唔講了。
來緊:
14/3(一) -- 毛毛球@石硤尾公園體育館
15/3(二) -- 早上會去睇跌打, 晏d返工; 德文Miss放假一天, 唔使上堂; 同貓源食飯cancelled, 同叻Connie等人睇戲cancelled, 無野做
16/3(三) -- 本來同民民睇去新加坡噶野, 不過由於分開訂平d, 所以唔使去, cancelled, 無野做
17/3(四) -- 同白田同事食飯@橋底辣蟹?
18/3(五) -- 連續3日FS? seems cancel, 又無野做
19/3(六) -- FS? seems cancel, 無野做
20/3(日) -- FS? seems cancel, 無野做
21/3(一) -- 毛毛球@界限街
22/3(二) -- 上堂
23/3(三) -- 同叻華Joyce食飯
30/3(三) -- 陶瓷班
17/4(日) -- Gordon結婚擺酒
完
2011年3月11日 星期五
分身
曾經講過有關超能力。我以前都講過我最想要噶係咩超能力, 到而家仍然都係果樣, 所以唔再係度講。
今次特別想講"分身"能力。
講分身能力呢, 我又唔會講點樣用佢來賺大錢呀、作奸犯科呀果d, 因為唔使我講大家都知可以點做, 所以都係慳返呢啖口水。
都係講下自己呢期點解諗到想要分身能力。主要都係講d生活上、好簡單噶事上面噶。
第一件事諗到噶, 並唔係自己好多野想做於是想分身做晒佢, 主要係感覺自己個身體好累, 想分身幫自己按摩。話說我雖然無學過, 但係自問以門外漢來講, 按摩手勢好唔錯的, 以前有機會試過噶人(當然只限某d人啦)都覺得好ok。雖然自己幫自己按摩都得, 但係都係一dd位, 有d位用唔到力o既, 所以最好就係可以分身幫自己按摩啦! 話時話, 我都好耐無幫人按過, 唔知仲得唔得了。
另一樣係睇戲。其實自己幾鐘意睇戲, 不過雖然多朋友, 但係真係無咩戲腳。講真雖然成日自己去睇戲, 但係其實如果有人一齊睇真係開心d姐。雖然睇戲果時唔會講野, 但係一齊睇完之後可以討論下係一件開心噶事。如果係睇笑片就更加想有識噶人係身邊一齊笑。如果係close噶人, 睇到好睇、好笑、好驚、精彩...etc噶位可以拍下佢手臂、抓下佢手咁, 會開心好多。甚至哄埋去細細聲講下討論兩句都ok呀。所以有分身的話真係會開心d呢。不過, 我只會買一張飛姐, 嘿嘿。
仲有d野都幾方便的, 就係係砌模型速度可以x2啦。而且有個人一齊砌又係開心d的, 一人cut一舊, 又可以吹下水, 點都好過一條友呢。尤其有d大盒件多噶模型, 如果有得分身多一個人整噶話, 應該會有心機好多, 哈哈哈。仲有最麻煩噶上色, 都係可以將時間縮短2倍, so good!
當然都有好多我鐘意做噶野唔可以、唔需要分身來做啦。好似唱K咁, 多個我咪即係多個人爭咪? 仲有, 打波都唔使兩個我了。打鼓呀、睇書呀果d都唔係分身做到的。最緊要就係拍拖, 更加唔需要分身, 我一個人就夠了, 哈哈哈。
好無聊地諗到"分身"呢樣野, 其實最先諗到噶原因係因為真係覺得d膊頭手手腳腳都有d累, 好想自己按下呢(因為我唔鐘意出去比其他人按的)。好似都好耐無打d咁短短地噶野, 就此罷。
完
標籤： 個人感受/感想/人生觀
2011年3月8日 星期二
寄生
記得多年前寫過幾篇有關三國噶"外傳", 當然都係假到痺, 攪下笑咁啦, 前排寫過有關西遊記噶野, 諗起都係中國四大名著, 不如又寫返三國, 玩下都好。上星期有好友叫我寫"懸疑"噶題材, 不如今次三國外傳玩懸疑?
**********
大勢已去。
汜水關、虎牢關...數不盡的敗仗, 加上反董卓聯盟的聲勢太強, 看來此地已不能久留。
"留得青山在, 哪怕沒柴燒。"
長長的地下秘道, 從董宅通往郊外的地下。走到中途, 只見一個人站在通道的要衝位置, 阻擋了去路。他背著燭光, 看不到他的臉龐, 但看到他那雄偉的身軀和手上的方天畫戟, 就知道他是 -- 呂布。
"義父, 我在此等候你多時了..."
"奉先, 你要護送我出去麼? 想不到你也知道這秘道呢!"
"對...是貂嬋告訴我的..."
"竟然是那臭婊...哼...你...想怎樣?"
"嘿嘿嘿...義父...義父...這名字倒叫得有點厭了。"呂布一振手中方天畫戟, "逆賊董卓! 受死吧!"
"呂布! 我待你不薄, 你竟然為了一個女人就...?!"
"哼! 廢話少說! 我不會再相信你的了! 竟然搶了我的女人! 而且現在勢之所趨, 你已經走到盡頭, 還想活著離開這裡嗎? 只要我拿著你的人頭出去, 就一定能繼續我的人生! 哈哈哈!"
"你從以前就已經是這樣...先殺丁原, 現在想殺我?!"
"沒錯! 這就是我的人生, 我的真理! 我沒有高明的謀略, 我當不成成功的領導者, 但我有最強的武力, 只要我依附在需要我武力的權力者上, 我依然可以享盡榮華富貴! 這就是我的寄生理論!"
"寄生...嗎? 嘿嘿嘿, 還不錯呀...你這沒腦袋的寄生蟲...不過...你那身軀還不錯, 很好的身體質素..."
"你喃喃地在說什麼? 遺言嗎?! 你已經再沒機會說了! 受死吧!"
呂布手執畫戟, 那高大的身軀仍然十分敏捷, 在狹窄的通道上一招橫掃千軍直衝過來!
"嘿嘿嘿, 呂布, 你以為你很強嗎? 你以為我赤手空拳就怕你嗎!"
董卓向著通道旁一躍而起, 一腳踢向牆上借力跳高, 順勢一腳就踏在橫掃而來的畫戟上, 在空中探身向前, 一手按在呂布面上, 整個身體撞倒呂布, 然後就把他按在地上。整個動作一氣呵成, 而且就只在一瞬間, "人中呂布"就被制服了。
呂布頭被按著, 口也給掩蓋著, 雙眼流露出驚異的眼神。
"奉先我兒...你以為我荒廢了我的武功嗎? 你錯了! 我被稱為西涼雄獅, 也是打仗戰鬥出身的! 怎會那麼容易被擊倒? 嘿嘿嘿...董卓這身體算是很好的了, 枉我千辛萬苦得到了他, 以為可以從此登上權力頂端, 怎料始終也是功虧一簣! 看來我要再慢慢的部署一下呢! 可憐呀可憐, 本來董卓在西涼好好的不就好了, 怎料他遇上了我! 哈哈哈!"
呂布完全不明白他所說的是什麼意思。
"呂布, 你的寄生理論很不錯, 不過, 我這才是真正的寄生!"
只見董卓的手, 突然生出了奇怪的觸鬚, 慢慢的從呂布的口耳鼻伸進去。呂布睜大了眼, 流露出訝異而驚恐的眼神。
"呂布呀呂布, 嘿嘿, 不愧為人中呂布...生得高大威猛, 英俊瀟灑, 武功高強, 你的身體我就收下了...你也不用有遺言的了, 我會代替你好好活下去, 嘿嘿嘿...對了, 那臭婊子貂嬋, 最終還是要屬於我的, 我會用你的身體好好的享用她, 哈哈哈哈哈..."
慢慢的呂布失去了意識...
當他再醒來之時, 只見"呂布"手執方天畫戟, 指著他喊"逆賊董卓! 受死吧!"
那呂布咀邊浮現出一抹淺笑...
**********
"呂布"貫徹了他前身的"寄生論"; 他先是投靠了袁術, 覺得他全無霸氣, 後來再投靠了劉備。可是他也覺得劉備難成大器。
"還是中原霸主最好呢...怎樣才能投靠到曹操那邊?"
時日變遷, 呂布聲名狼藉, 已被逼至走投無路。
深夜, 呂布召喚了張遼於帳中密談...
"兄弟, 我有要緊的事跟你商量一下..."
**********
張遼被綁於曹操帳下。
"哼! 曹賊! 你殺了我吧! 我不會投靠你的!"
"你就這樣死了不覺得可惜嗎? 你身為有用之身, 為了忠義就去赴死? 不如幫我成就大業, 造福萬民吧!"
曹操親自鬆了張遼的綁。
"宰相...你這樣厚待我, 我一定會誓死效忠於你!"
(嘿嘿嘿, 看來我還是不適合做亂世中的奸雄, 還是等統一天下之後再坐享其成吧!)
(看來曹操身旁那姓司馬的...有三兩把刷子...嘿嘿嘿)
**********
多年後, 經歷無數的戰亂, 三國時代終於完結。司馬懿之孫司馬炎登上了帝位。
年輕的他坐上了皇帝的寶座, 面對群臣, 咀邊浮現出一抹淺笑...
完
2011年3月7日 星期一
三月六日 -- 馬!
28/2(一) -- 收工join"飲食團之黑布街法國菜" (Angel, Katy, Mandy, Janette, Windson, Cathy, Barry同我); d野食都唔錯而且唔貴呢, 一人叫左一個set, 再另外叫左一碟蝦二碟鵝肝一碟鴨脾, 每人$160蚊; 不過如果鐘意鵝肝索性去King 1好過啦, 哈哈。
1. 一早起身, 隻腳痛痛地, 又咳, 於是睇左西醫+跌打。
2. 好耐無試過, 隻腳要唔濕水咁沖涼, 因為敷左藥; 結果拿左2張椅入去沖涼, 一隻用來坐一隻用來"long"腳, 結果都ok無點濕, 哈哈。
1/3(二) -- 收工同叻姐去到新蒲崗, 食左野再上堂學德文; 落堂後返屋企睇左未睇噶Liar Game, 真係頭昏腦脹, 有d原理明左就算了。
3. 德文讀出來d發音好掘, 幾難聽呢; 不過好有粗獷味道, like! 哇卡卡卡卡。另外, 由於同英文都係拉丁語系, d alphabet都係差唔多寫法同埋讀音都唔係差好遠, 即場都記得晒d字母了。個"r"好難讀呀~~
2/3(三) -- 收工返企食飯, hea到咁上下11點半島就訓覺。
4. 就算早返屋企, 真係都係會hea hea下唔知做咩, 書又無睇模又無砌咁過左成晚o既。
3/3(四) -- Bad end人星期二晚打來搵我食飯, 於是約左是晚收工係寶琳食(佢自己話要睇TKO奇趣, o岩晒我); 收工入左寶琳, 同佢食左魚之味之後行左奇趣, 之後散, 9點島就返到企了。
5. 聽下Bad end人講佢拍拖d野同佢女朋友d野, 真係愈來愈覺得佢個人唔掂。
6. 難得連續2晚都11點幾訓。
4/3(五) -- 搵左呀強幾日都搵唔到, 今日終於搵到佢, 佢話唔食飯; 下午臨時同Samantha傾開, 話入元朗食飯; 好耐無入過去, 有個地膽帶路食野+有得睇玩具, 緊係要去一去呢。先去左合益睇下(竟然無新出噶BB新安洲), 之後就去食日本野(田中勁多人, 去左酒泉), 之後再去B仔食糖水; 走果時10點幾Tracy話想唱K, 於是臨時約左去KT的APM唱, 唱完返企(6am)。
7. 星期四晚發左個夢, disturbing, find back, c-d。
8. 聽左Tracy講佢同T先生complicate噶野, 其實佢應該放開自己呢。
5/3(六) -- 早午起身過去坑口同盧撈同Alex食lunch, 返屋企hea一陣, 再出去SSP join埋呀源行下, 再搭van去TKW行左奇趣, 夜晚7:30pm同佢一齊練車。練完車食d野之後返企。
9. My best of the best friend呀馬係新加坡返來幾日!
10. 好彩搭MTR, 出左門口搭左一半先記起唔記得拿野, 返返TKO站呀哥拿返比我...
6/3(日) -- 本來唔想打波, 因為上個星期扭親腳, 不過呀馬返來仲話打波, 緊係要去!! 早上去左打波, 我地三個死黨好耐無夾波啦! 我地仍然係合作性超強, 就算個人能力唔夠, 都贏波! 哈哈哈! 超開心!! 打完波幾個中學同學一齊食飯吹水, 呀馬當然都一齊啦, 好耐無大家一齊吹水啦~~ 都係講下民仔拍拖, 仲有佢係新加坡噶野。傾完就散, 同民仔行去灣仔睇下玩具, 買左新果隻BB新安洲, 之後仲幾早, 於是搭電車過北角(民仔住北角), 諗住同佢係北角散左再自己搭MTR返企, 突然諗起有間奇趣, 於是去行下; 民仔突然諗起有間幾好噶店, 佢話想去試下食tea, 係cake店來噶 -- Clover(幸福餅店), d野OK喎! 不過2個大男人仲要打完波拿住籃球同模型做d咁girlish噶野好攪笑~~ 食完去奇趣行左下之後就行到地鑼站散, 返企食飯。
11. 之前果晚訓覺, 可能知道呀馬返左來而且仲會打波, 竟然發夢見到同佢打波, 仲見到佢typical噶籃底屈機射球入左! 哈哈哈! (睇來我係日布所思夜有所夢果種人? haha)
12. 今日係超開心噶一日! 見到呀馬, 打波又打得開心, 又買到野, 又食到好野, so good!!
13. 由天日開始, 要過三個星期噶Home Alone時間。
14. 好似又突然多左個client搵我傾野? 哇哈哈哈~ 我呢方面個磁場真係超強呀~ 哈哈 :D
來緊:
8/3(二) -- 上堂
9/3(三) -- URA同事Gathering, buffet @ Muse
10/3(四) -- 9:30pm練車, 之前噶時間都得閒
12/3(六) -- 話劇同學gathering?
13/3(日) -- Amanda結婚, 要去飲, 但去唔到! 要去表弟結婚飲果邊! OOps!
14/3(一) -- 毛毛球@石硤尾公園體育館
21/3(一) -- 毛毛球@界限街
30/3(三) -- 陶瓷班
完
2011年3月3日 星期四
hea講西遊
西遊記係我最早接觸、亦係我第一本睇左原著o既中國古代四大名著(其實原著來講我都只係睇左呢本同三國演義)。好鐘意作者噶想像力。而家資訊發達, 百花齊放, 太陽底下無新事, 好多idea、事物、"橋"對大部份人來講都唔係d咩新鮮事, 當係當年來講, 呢套fantasy神怪小說真係幾新穎, 因為佢將佛、道、仙、魔、精、怪等等o既野都包晒入去, 而且都幾精彩架! 當然, 已經有好多人評論、討論過呢本書, 我都無需要再講佢噶文學呀、歷史呀果d價值, 只係提下自己對於呢本書o既感覺姐。逐樣講下先:
一. 人物
一部好噶小說, 最緊要噶野之一就係人物噶塑造。鮮明噶人物絕對會令小說生色不少, 而且亦會好客易諗到故事噶發展。西遊記入面, 呢樣野真係做得好色。大家對於入面好多人物都應該印象深刻吧?先唔講敵角, 單單係四個主角已經有好大特色, 同埋最正噶係佢地都有優點有缺點, 好人性化同真實; 而佢地之間噶性格落差又產生好多火花出來。呢個正正係個故事最吸引噶地方。
主角:
唐僧 -- 其實睇得西遊記多, 唔多唔少都會覺得呢條友煩。係, 佢係得道高僧, 佢係正人君子, 佢係坐懷不亂, 佢係呢個故事入面"正純"噶化身, 但係有時真係幾頂佢唔住。首先, 佢除左係咩金禪子託世, 一出身已經係尊貴人物, 同埋負責擔正去取經(同埋同其他國家外交)之外, 其餘大部份時間都係一個trouble maker。
其實佢最大噶作用就係"被敵人捉、被自己人救"。咁我覺得個故事噶主題都係要佢受下九九八十一難, 問題唔大o既, 鬼叫佢唔識打又唔識法術, 係局住比人玩架啦。但係最大問題係佢好多時候大義凜然, 但係連對敵人都心軟, 有好多次奶野都係衰佢自己o既。
另外, 唔知係咩第一印象衰左噶關係, 佢對孫悟空噶信任程度極低(但係同樣地豬佬都係信唔過, 佢有時竟然會信豬唔信馬嬲); 有N次遇險都係因為唔信孫悟空而奶野。再伸延落去, 佢話係得道高僧, 心性應該控制得好好, 但係佢對住孫悟空時噶EQ係極低, 成日都嬲佢又唔信佢講, 得閒仲念佢唯一識噶法術緊箍咒, 好攪唔攪攪佢最野得果個徒弟, 真係抵死o既。最衰噶就係, 佢真係遇險噶時又狂叫悟空喎...
孫悟空 -- 首先, 我要好肯定咁同大家講一句, 佢係西遊記世界入面, 雖然係屬於好打果批, 但係點都唔係最好打果幾個, 或者應該話佢只可以做第一線好打, 但唔係最勁咯。
大家可能一諗孫悟空第一諗到噶野真係"好打"、"最打得", sorry咯, 佢係果四個主角入面就係, 係成個故事入面就一定唔係。大家會話, 嘩, 佢大鬧天宮, 無人有佢乎喎! 有呢個疑問好正常, 請聽我一一道來。
拿, 並無老屈。好唔好打, 當然包括埋戰鬥果時用計仔或者法寶啦, 佢自己用緊支棒都係法寶來。好, 就算唔計金角銀角呢d蛋散有7件法寶攪到佢焦頭爛額(果個咩瓶一叫佢個名就困左佢入去, 綑仙索一野就綁左佢), 齋講戰鬥能力, 其實係故事入面贏過佢或者攪到佢無晒乎噶比比皆是。我是但舉d例啦: 故事開始好似無奈有隻蜈蚣精, 次次打打下唔夠打就一野放條尾出來啄佢一野, 佢就即刻頂唔住, 之後佢要搵咩日出星君(之後話佢係隻雞來o既 =_=), 咯咯叫左幾聲先贏到佢; 牛魔王超勁, 孫悟空都無打贏佢, 仲叫左三眼二郎神、梅山六兄弟, 仲有一大票唔知咩神仙來, 都攪佢唔掂, 最後都係出返佛祖陣營先擺平到件事。之後六耳彌猴, 直頭同佢所有數值一樣, 邊個都贏唔到邊個, 又係出佛祖先得。仲有後期去到唔記得咩國, 有三兄弟獅、象、鷹, 佢地三個唐僧徒弟各自 1 on 1 都唔夠人打, 得孫悟空打唔過逃走到咋。最後係搵左三個佛祖陣營噶人來先攪掂。
其實故事入面N次麻煩都係要搵人來攪掂, 佢謀略同武力都唔係好夠人來噶; 好彩, 出外靠人照, 雖然佢無咩朋友, 但係憑住唐僧噶面子, 仲有佢武力威逼, 都好多人幫拖, 先至可以順利取經咋。
豬八戒 -- 呢個真係無咩好講啦, 性格極度鮮明: 咸濕, 懶, 卸膊, 搬弄是非噶小人...等等, 相信唔使我多講大家都好熟悉。不過講真, 個故事亦都係因為有佢係度而變得更加有趣, 有唔少事情其實佢先係X-facotr。
沙僧 -- 功能性人物; 總要有人負責晒其他雜務、陪跑、串場等等噶任務, 而佢就正正係呢個角色。呢種唔多出聲噶角色, 係故事入面都係有必要噶, 好多時有好多事件就係爭呢對手而做唔出d咩來, 佢噶用處就係呢對手同埋呢把口, 對於加強以上三個主角噶行為來講好有幫助架。
馬 -- 佢就辛苦咯, 平時都無咩幾可有戲交, 不過, 係某2個故事入面, 佢係有用架! 佢化身返做人型去救唐僧, 同埋潛入敵陣呢!
神、佛陣營:
佛祖果邊就幾乎係最勁同贏晒, 無咩好講。
天庭果邊, 就大部份都係廢廢地噶人, 連孫悟空一條友都攪唔掂, 算吧啦...玉皇大帝就擺明係一個懦弱o既廢人, 只係得勢果時就突然發到惡, 其餘果d太白金星呀、各方土地呀果d都只係蛋散, 亦可見到係迂腐同埋陳舊階級體制下充滿冗員同埋毫無生氣噶機構。
不得不提噶係觀世音菩薩, 佢係出得最多同埋最緊要噶加血人物, 次次都係redemption靠晒佢。
原本想講下多d, 不過都係講下敵角算了。
敵方陣營:
講少少自己印象深刻d噶。
牛魔王一家: 我覺得牛魔王真係勁喎, 起碼同老孫同級數, 叫係攪左好耐先攪得掂佢! 雖然有一個老婆一個外遇, 不過當時噶男人三妻四妾, 佢又叻, 有個狐狸精實屬正常。另外, 其實佢都唔係果d要食唐僧肉同埋想阻住晒噶妖怪, 佢只係想報仇咋! 雖說佢個仔紅孩兒(又係另一個攪到老孫頂唔住噶敵角)係曳, 但係係佢噶角度, 教仔係佢自己噶事, 而家比人攪到妻離子散, 佢有咩理由唔興? 所以我覺得佢情有可原!
白骨精: 我都唔明點解佢可以咁出名, 西遊記經典噶故事入面, 佢硬係比人提得算多, 人人都講得出"三打白骨精"。呢隻妖怪噶謀略值真係好低, 明明唔夠人打, 硬係要變身來呃唐僧, 最後雖然呃到幾野, 但咪又係比人一棒打得死, 真係低能。不過呢個三打白骨精噶故事正正體現出唐師父寧願信外人都唔信自己徒弟。
金角、銀角: 其實佢地充其量只係中級妖怪, 不過由於佢地多法寶, d泓寶又勁, 所以都值得一提o既; 話時話, 我真係up唔返佢果七種法寶出來...
鹿力、羊力、虎力: 呢三隻野真係好笑, 低級妖怪, 不過佢地同主角們係大家面前鬥法果度真係幾有趣~~
獅、象、鷹(唔記得叫咩名): 呢三隻後期妖怪, 出身係佛祖噶座騎, 雖然無咁出名, 但係絕對係最勁果幾個敵人~~ 不過之後被人屈機收返去, 不過都好過要死啦...
二. 劇情
其實劇情主線都幾簡單, 就係講幾條友向西行去取經。不過係中間遇到好多兇險。出現得最多噶就係想食左唐僧噶妖怪, 個個都話食左就長生不老, 呢樣野真係証明左, "廣告"係幾咁有用, 吹2吹就個個都當真!
出現得第二多噶, 係某d國家比妖魔攪到民不聊生, 或者係個國師、宰相、當權者就係妖怪。呢d情況到最後d妖怪都無咩好結果o既, 只可以怪佢地唔好彩。不過又見到另一樣野, 就係由於次次唐僧都要拿個通關文碟, 但係鑊鑊都比人扣起左或者唔係簽, 所以次次都逼到主角們要出手。其實有幾次, d妖怪就咁由得佢地過去咪無事咯...
第三多噶, 都係想食左唐僧, 不過係d女性妖怪想食左佢; 都唔知貪佢d咩。食左佢就話長生不老姐, 攪左佢會有好處? 係o既話, 第一時間姦左佢先啦!
仲有一d無厘頭噶攔路妖, 不提也罷。
三. 謀略、計、法術
一次過講啦。其實故事入面謀略位, 通常都係d妖怪呃一呃呀唐僧, 跟住就捉走佢, 或者趁佢地唔留意就捉走佢; 唐僧睇怕都係慣左比人捉, 唔捉唔過癮果種。不過次次d妖怪捉到唐僧, 都諗住攪一大輪先食佢, 所以次次到最後都係失敗左, 仲要比人打瓜埋, 真係晒氣。
而孫悟空次次做得最多係做2樣野: 一係就縮細潛入去, 一係就變做小妖潛入去。有時自己攪唔掂都會四圍打探下(主要都係叫當地山神、土地出來收風), 然後就班救兵, so simple。講真d救兵都唔係比面唐僧, 只係比面佛祖姐, 如果唔係邊有咁順攤? 一係就係佢地自己本身噶難攤子, 自己d座駕、寵物走出來作惡, 自己出來收返。
天庭果班救兵通常都係無咩計謀, 3宦係聽返老孫支笛, 叫佢地做咩就做咩; 最堅係佛祖果邊, 次次都係絕對壓倒性噶力量, 贏晒。通常故事去到果段, 大家就知又攪得掂。
本來想講多d法術, 不過打左好多, 都差唔多係時候停啦~~ 就咁。
完
標籤： 個人感受/感想/人生觀
2011年2月28日 星期一
二月二十七日 -- 雜記
21/2(一) -- 收工咁o岩同事Penny要過SSP, 於是同佢一齊過去黃金陪佢整Wii(一陣就攪掂), 之後去睇福利(買左HK龜霸), 再去周記油渣麵食飯(不過無食油渣麵), 之後行左下玩具街, 再去綠林食甜品; 同佢散左之後就行去保安道體育館打毛毛球, 9-11。
1. 夜半沒有來電的電話...
2. 晚上清理了電腦旁的東東...慢慢把之前的都清除吧。
22/2(二) -- 全日頭痛+眼痛; 晚上同幾個同事(日安, 叻, 呀Yo, Yee)在家食飯, 之後去聰嫂食甜品散。
3. 多謝2個好友, 話係佢地打比我噶。
23/2(三) -- 最近係公司都好hea下...好彩陰d陰d都有site出; 攪左銀行噶野, 太好了, 唔使星期六早上專登去寶琳; 收工後去MK: In's Point -> 采豐行(去開, 一次過買左4支野) -> 兆萬 -> 信和(買左三國傳漫畫特別篇, 麻麻地) -> 綠野仙蹤(盤點減價至28號) -> 買鞋帶(太長 =_=) -> 28M遇到好耐無見噶BD同事Mandy Ma -> 去到土瓜灣時間差唔多, 買左盒叉雞飯上工聯會食 -> 最後一堂話劇班
4. 最近噶NBA值得留意噶新聞, 唔係o岩o岩過左去噶All-Star Weekend, 而係就來到今季trad deadline之前, 仲有咩大單交易。
24/2(四) -- 收工過MK, 經過先買返鞋帶, 之後係旺電Join埋Barry同呀Mak砌機; 本來好順利又好快, 買晒d野叫佢砌, 7點幾買完, 8點半拿機, 點知食飯果時打來話我塊底板唔得, 一係比錢換; 好彩因為果間係大間噶, 不嬲都ok又唔貴, 結果佢再打來話幫我拿去整, 唔使我拿單唔使錢, 但係要人地整完比返佢再砌機; 總之就係d野攪完, 而家等佢砌完部機叫我。下次拿機先拿上呀Mak家裝晒d software。
5. 早左返屋企, 在家又喪剪左d頭髮; 都係舒服就算了, 而家我又何必咁小心剪呢? 其實有d想知後面剪成咩樣, 哈哈。
25/2(五) -- 收工去長沙灣同大張同佢d舊同事師奶食飯(咁o岩同同事Vincent同路), 本來話打邊爐, 不過最後去食日本野, 好耐無去過噶小金井, 好彩佢本來話叫果個人唔來呢; 之後搭Van去土瓜灣練車, 去到太早, 去左紅磡奇趣一轉再返來練車; 好耐無練過, 有d生疏噶感覺呢, 呢個呀sir幾好, 果2條路線行過2次就算(其實自己以後自己行下練下就OK), 之後就叫我練斜路8字, 狂練之下本來唔掂都變左勉強打到核突8字呢~~完左之後搭Van到寶琳再轉MTR返企。
5. 點解總係...好飄忽咁? 唉...; 不過, 我係唔會變的。
26/2(六) -- 無野做, 在家hea。下午丫女同佢男朋友入開來TKO, 落左附近同佢地食tea吹水, 之後再返企hea。晚上呀源入來TKO, 大家交換漫畫, 之後出去食野+行下TKO。
6. 感覺自己好熱氣...好耐無試過呢種感覺。
27/2(日) -- 早上打波, 竟然打第一場波時拗柴, 真係好多年都無試過了。由於拗柴關係, 雖然唔太嚴重之後都打到波, 但係都好似陰住陰住痛, 打波都就住就住, 無咩癮。12點幾Tracy搵我食飯, 就順便走先去KT食飯。同佢食完飯行左下, 竟然買到新羽毛球拍, 有個識o既人幫我睇真係好呢, 不過真係估唔到係呢個位破財。返屋企沖涼休息之後, 夜晚約左呀源同Samantha唱K; 雖然之前威威同呀娟唔出來唱K+諗住唱唔成, 但係三日照成行, OK呢; Samantha唱歌都唔錯, 把聲入咪幾好聽; 唱到11點島就散。
7. 睇左呀源借比我噶漫畫 -- Psyren, 都幾得意。
來緊:
28/2(一) -- 飲食團之黑布街法國菜
1/3(二) -- 開始上堂學德文
可能有一日同喪強同威威食飯?
12/3(六) -- 話劇同學K?
13/3(日) -- Amanda結婚, 要去飲
14/3(一) -- 毛毛球@石硤尾公園體育館
21/3(一) -- 毛毛球@界限街
完
2011年2月23日 星期三
工程車
好奇怪地, 係我噶喜好入面, 其中一樣係"工程車"。唔知點解好鐘意呢樣野。
最先察覺到噶係我好鐘意d好機械感覺噶野。d工程車正正就充滿左呢樣野, 個感覺好正。唔知點形容呢種感覺。異曲同工, 睇Lego, 我好鐘意古代城堡, 仲要係一定有吊橋果種, 就係果種mechanic噶感覺, 好正。不過我對d車噶牌子呀、speci呀果d又唔知架喎, 只係鐘意果種形狀同感覺, 哈哈。
無儲開Choro Q車仔, 但係都買齊晒Choro Q出噶工程車。可惜, 佢出左三套好靚噶工程車系列盒蛋, 太貴了, 所以無買...
仲有一樣野可能都影響到噶, 就係變型金剛。細個果時變型金剛有個系列係工程車噶, 果時已經覺得好靚, 好似五架島仲可以合體添! 估唔到後尾近年做噶電影版都有出! 不過電影版個deisgn係爭d就真(但係都好開心有出場~~)就算而家都有諗過買d產品架~~~!
歸根究底, 我又唔覺得係工程車好man而鐘意佢, 真係只係果種感覺, 完全係水瓶座, 並唔會因為佢靚、型、定係咩特質而鐘意, 只係因為鐘意, 就鐘意了。雖然, 一般來講工程車都真係好man好型! 不論係吊雞、鏟泥車, 連壓石屎果d車都好正! 講講下真係好想買果三套Choro Q呀~~
最fantasy噶係以前諗過噶一樣野。就係結婚時, 如果用工程車做花車, 一定型到爆!! 又o岩自己噶行業, 又出位, 又型, 絕對係正死呀~~~ 不過呢個真係好fantasy, 但係係想像,中真係會引來萬千目光! 而且覺得自己carry得起呢, 哇哈哈哈哈!!
廢話講完!
完
標籤： 個人感受/感想/人生觀
2011年2月22日 星期二
旅行
"卻說不出你愛我的原因...
卻說不出你欣賞我哪一種表情...
卻說不出在什麼場合我曾讓你動心...
說不出旅行的意義..."
旅行的意義 -- 陳綺貞
好喜歡陳綺貞的歌, 總是帶著一點隨性, 快樂時就快樂得有如脫兔般輕佻, 悲傷時就帶著淡淡的哀愁, 像滿不在乎地唱出心中真實的聲音。
對大家來說, 旅行的意義在於哪裡呢? 總不會像這首歌一樣, 是為了離開某人吧?
是為了擴闊眼界? 是為了散心? 是為了血拚Shopping? 是為了感受別的風土民情? 是為了看看不同地方的大自然美景? 是為了看看古舊的建築物? 還是真的為了離開某人?
對我來說, 如無特別原因, 我是很喜歡感受風土民情+大自然+古舊建築物的。亦因為如此, 我會比較喜歡自由行。自己隨意的在街上行走, 在喜歡的店中閒逛, 和當地的人談談天, 拍一大堆天雲地海貓狗鼠魚的照片, 還有憑弔一下不同的古老遺跡、建築群和廟宇。
上年的三次旅行, 雖然有跟旅行團有自由行, 但基本上也合乎我的原則。
年頭的上海之旅, 自由行。四天都在上海, 沒有去蘇杭, 自由自在的在上海閒逛, 逛了幾個主要想去的熱點, 還自己找車、找路, 去吃不同的東西。當自己找到要找的地方、意外的吃到好吃的東西時, 份外開心。令人印象深刻的還有黃昏的上海景色、黃浦江的街渡、舊灘建築群的夜景, 都是我很喜歡的呢。
日本北海道之旅, 雖然是跟團, 但也不錯。由於北海道有很多郊外的地方, 而且點到點的距離也很遠, 對於不會自駕遊的我來說, 跟旅行團也是很好的選擇。除了北海道的美食外, 主要都是看大自然的景色, 雖然有點走馬看花, 不過也感覺不錯, 浸溫泉也令我難忘呢。(還有團友們也沒有麻煩的人, 真好)
台灣的自由行, 是最令我難忘的。難得地完成了一次一個人的旅行, 而且達成了我旅行的主要目的: 感受風土民情、閒逛到想去哪就去哪、看了很多大自然的美景、吃了大量的當地美食、還有順便的嘗試散心+離開某人(心靈上)。
小時候, 家裡沒有機會到哪兒旅行, 只是每年回鄉, 還有很小的時候(小到沒有多少記憶)到上海蘇杭探望叔公。一直到自己開始上班之後才有機會和當時的朋友和同事一起跟旅行團去泰國。後來因為各種原因, 好幾年沒有再去旅行了。直至零九年才跟死黨們一起去台北(也是第一次和死黨去旅行, 超開心), 在一零年就去了三次。
雖然我去旅行的次數並不多, 但其實自己也蠻喜歡旅行的。不過旅行除了要有錢之外, "腳"也很重要。不可以太多人一起去, 而去的人也要很合得來才可。再者, 有很多時候要一起去過旅行才知對方有什麼問題, 亦會更了解對方呢。大概是2或4人的旅行最合適吧?
根據自己的喜好, 其實也還有很多地方想去的。全世界這麼多地方, 真的想去當然有好多, 但自己腦海中有浮現的如下: 日本的京阪神, 有大量的廟宇、神社, 絕對是很想去的地方。另外也有心魔想去Cambodia+Vietnam, 雖然我不太喜歡熱的天氣。說到天氣較涼又有大自然景色還有古老建築, 還是非歐洲莫屬, 不過這要較長的時間, 一定要找機會去一次呢。
這些可能都是比較遙遠的事了。反而自己很想去、卻還未去的地方是北京。北京除了是我國的首都, 還是我國歷史文化的集中地, 故宮、長城、遺址、博物館等等, 應該足夠我遊玩一整個星期呢。其實我國地大物博, 有很多地方也很想去呢, 希望以後有機會慢慢的都去過, 足跡踏遍神州。
不知下一次的旅行, 會是誰人作伴呢?
完
標籤： 個人感受/感想/人生觀
2011年2月20日 星期日
二月二十日 -- 雜記
14/2(一) -- 收工返企食飯。
1. 去下漫畫鋪, 天上天下單行本終於都出埋最後一期。雖然連載完左好耐, 但係之前出得慢又隔好耐, 都唔係好連貫咁睇, 終於又完一套漫畫呢。
2. 呀哥打電話來, 問我夜晚有咩攪, 之後話女友要上來, 攪到我夜晚想出下街... 最終都無出; 早返屋企, 本來諗住好多時間, 仲想砌下模, 點知heahea下聽下歌, 成晚就過左去...
15/2(二) -- 約民仔BarryAngel上我家食飯, 試下菜; 好耐無真係煮野, 感覺好唔掂。
3. 今日係ATM禁錢之後唔記得拿錢...之前要去某地方但係完全唔知自己想點去左第度, 總之係唔知咩事。
4. 從細到大因為各種原因, 自信欠奉; 而家更加發覺沉到谷底噶自信從來都無浮過返上來。
16/2(三) -- 好多活動, 取捨之後, 唔去上話劇班; 收工後成班人去呀珊家團拜, 佢地食飯食8點幾, 所以我只係上去見下大家, 諗住8點幾走去打波, Tracy send message來話一齊食飯, 於是7點幾就走, 去九龍灣食飯; 係赤丸食完烏冬之後(第一次試牛乳湯, 都ok)就同佢去九龍灣體育館毛毛球之後散。
5. 做運動真係一件好事, 又健康又開心, 又平!
6. 估唔到收到119噶利是, 仲要係Melody利是封, 哈哈。
17/2(四) -- 由於無搵人一齊食飯, 於是收工即返企食左之前剩噶野, 換埋衫去打毛毛球@藍田南體育館; 好開心唔近仲要打8-10, 7點半到左油塘MTR, 見仲早所以行上去; 打完散。
7. 收到銀行噶信, 之前禁完錢唔記待拿果400蚊, 因為無人拿食返, 退返比我; 失而復得!
8. 三三不盡, 一七八零。
9. 大張打來約食飯, 再講埋d無謂野...
18/2(五) -- 一年, 言猶在耳, 歷歷在目; Cynthia生日快樂; 收工後要等中學同學們, Queenie陪我行左下APM, 之後去鑽石山join埋d朋友一齊去家昇屋企探B~~ 買樓下外賣返屋企食, 吹下水影下相, 11點幾散。
10. 變左三五, 一八八零。
11. 第日唔使返工超開心, 可以慢慢整晒想整噶野, 打野upload相...etc
12. 要開始睇書了, 有Q借噶書, 仲有之前自己買噶書。
19/2(六) -- 之前果日約左呀媽今日去黃大仙, 呀媽要2點幾先到, o岩晒; 星期五收工行開APM, 見有早場11:20am都係$35, 順便搵埋同事Penny一齊睇。十點半同佢食完早餐睇。睇完佢返企, 我就去左新境界食飯, 食完坐一陣去MTR呀媽o岩差唔多時間到, 一齊去黃大仙。而家黃大仙改晒, 得返好少地方去得, 又限唔比拿果d燒噶野入去, 香每人都只可以拿九枝入去, 真攪笑。基本上入去得三個地方插得香, 每個地方三枝, 拜幾野就走, 全程都只係二個字島, 超快。之後返企, 過左去探呀麻, 佢都勉強認得我地(都唔知係咪真), 探完返企沖完涼, 超累超眼訓, 訓死左。八點島呀哥敲門叫食野, 起身食野同睇左百年好合。
13. 我知女人心 -- 成套拍得ok啦, 我覺得普通; 好耐無睇過鞏利做戲, 好ok呢, 好鐘意佢噶笑容, 好得! 成套戲我覺得最緊要果樣野就係"溝通", 只要肯坦誠對人, 人對都會坦誠對返你。就算現實我覺得唔係, 起碼我都做好自己果邊先。
14. 呢幾日有好多感受; 自己經歷、聽人講、識到新朋友、聽到佢地對於愛情拍拖關係噶見解, 總合起來, 同我一向所認知噶都差唔多; 其實我覺得, 人有時真係好簡單, 但又好複雜, 有好多野可能諗返根本係好簡單噶事同諗法, 但係事實上做出來講出來又好複雜。另外, 有關"拍拖"、"追女仔", 有好些朋友都講左好多野出來, 我係好明白而家大部份人都係咁, 不過我真係唔會亦唔想做; 最近聽得多左呢d野, 見得多左呢d野, 之前有某d迷思反而好似諗清楚左咁。Passion, understanding, committment全部都緊要, 可惜而家d人都欠奉。唔想太隨隨便便。最近有好多朋友死黨甚至連舊老細都想介紹女仔我識, 其實我真係好累呢。好肯定自己唔係果種一見鐘情噶人, 就算初初有好感, 都一定唔會鐘意, 始終相處先係最重要吧。好似成日同好多人好熟咁, 甚至係女仔都係熟, 或者generally對好多人都好, 其實好多野都係出於自然, 但係唔多唔少會令其他朋友或者當事人誤會, 我想追女仔/鐘意左女仔, 而家覺得我都係做返自己, 舒服就好了。唔多解釋。
20/2(日) -- 由於星期三四晚連續打波+來緊星期一又打, 所以決定唔打籃球, 休戰。一早醒左又訓再醒再訓, 到10點半先起身; 一直在家hea。夜晚7點幾先落街行左轉, 漫畫鋪原來星期日開到6點; 去左佳寶入左d貨就返企。臨時過去5座食飯。
15. 睇書, 砌模型, 油模型, 整SDX...差d全部無做, so hea...好彩都油左一隻BB戰士。
16. 全日吽係屋企, 真係好累噶其實...八妹打電話來叫我出去我又唔出喎, 最終都只係去左尚德行個圈, 好過無。
來緊:
21/2(一) -- 毛毛球@保安道
22/2(二) -- dine @ home w/ colleagues
23/2(三) -- last drama lesson
25/2(五) -- 同大張食飯, 之後練車
28/2(一) -- 飲食團之黑布街法國菜
1/3(二) -- 開始上堂學德文
13/3(日) -- Amanda結婚, 要去飲
14/3(一) -- 毛毛球@石硤尾公園體育館
完
2011年2月17日 星期四
霧 (Fog)
霧 (Fog)
打個title時, 諗起呂良偉廣告噶Mofork波鞋, 好想死 XDDDDDDDDDD
**********
好友Q比題目, 第一時間諗到噶係歌s。像霧像雨又像風、霧之戀、霧之中之狙擊手...等等。
無咩頭緒寫d咩野, 雜雜咁寫下啦。
先寫下第一時間諗到果d野先 -- 歌。
其實果d歌又諗唔到咩好寫, 本來諗住唔寫, 但係少少啦。
像霧像雨又像風 -- "像霧像雨又像風~~~來來去去只剩下一場空~~~"; 當年夜晚d廣東雜誌成鬼日播梁雁羚d歌, 而呢首係播得最多最上腦噶一首; 不過佢以前係因為個男友係唱片公司太子爺, 先有得係咁比人谷, 最衰又谷極唔起, 所以真係得啖笑, 而家大家提起或者唱K想玩時, 其中一首就係呢首歌。順帶一提, 呢首歌噶廣東話版"翻騰"係許志安唱噶, 當年都係話題之作...
霧之戀 -- 呢首譚校長經典, 真係無咩好講, 亦都好聽; 最難我難忘噶係我將佢crossover左另一首歌, 又勁o岩, 哈哈哈。
霧之中之狙擊手 -- 卡通片入面一個配角噶歌, 偏到爆我估真係無咩人會識, 哈哈哈。
實在其實d歌真係無咩好講, 唔講了~~
**********
再講下, 近排開始起霧, 睇來春天來啦, 真係唔想咁快, 好怕d又熱又濕噶感覺呢。不過睇住屋企附近日日都起霧, 好彩未熱, 所以未咁辛苦..."享受"埋剩餘噶寒冷啦...
**********
霧會令人睇野睇得唔清, 由於唔清, 所以睇落好多唔好噶野都會睇唔到或者唔清楚。又好奇怪噶喎, 你話人負面又不盡是: 大家係睇d PS左噶相、係霧入面睇野、唔記得眼鏡睇野朦左、d女遮遮掩掩又唔露晒出來...etc, 大家又會係偏向幻想係靚噶、正噶喎。係未了解一個人之前, 如果見到靚仔又會覺得係好噶喎。其實人又點會係負面噶動物呢?嘿嘿...
好多人都會將自己d相PS過, 執過先放上網比人睇; 同人做朋友果時(或者想追人果時)會盡量表現自己好噶一面; 就算追人都要曖曖昧昧, 總之就係咩都要唔清唔楚, 朦朦朧朧就最好, 等人估下猜下釣下想像下, 自自然然就會被吸引。並唔係想講呢d野o岩唔o岩或者有無用, 或者係咪apply to most case, 你問我我會答"yes"添。我只係想講, I don't like。
或者我真係一個理想主義噶白痴。雖然頭先果d PS呀執呀朦呀等等, 嚴格來講唔算係呃, 只係唔清楚, 或者叫"暪"啦。但係, 我都係唔喜歡噶。一次不忠百次不容, 曾經衰過一次就好難令人有信心, 呃人固然係絕對不能接受o既, 但係暪都唔見得好好。
同人相處, 總無可能永遠都keep到自己對人好噶一面。如果熟絡左就更加可能會show到自己真實噶一面。與其係咁, 何必係度扮野? 何必係做左朋友之後、做左情人之後先慢慢比人扣分? 當然唔係話要將自己最差噶一面公諸於世, 但係有好多時候無需扮野咯。到好friend之後、一齊之後先比人知道真面目, 或者最差情況係熱情減退之後先見到真面目, 到時對方咪仲難接受? 盞攪, 煩。
不過, 由於而家大家都會assume其他人初初已經係show好噶一面, 所以如果一開始唔扮下野或者儘show自己好噶一面, 大家就可能會想像你其實真人仲差, 咁到時自己就處境堪虞啦。可惜我實在係頂唔住呢d野, 要點諗就由得人點諗啦。所以或多或少, 我係人眼中都係怪怪地。或者有時我會坦白得可怕, 不過如果接受到咁坦白真正噶我, 而又了解真正噶我, 咁我諗呢份友情(甚至愛情)應該可以維持得長久d吧。
相反, 如果一直唔坦白, 甚至係講大話, 只會令我信唔過對方, 或者對對方印象大打折扣。如霧起, 只會暗暗蓋掩身邊你, 不會讓我想捉緊你。
Please be true to me.
完
p.s. 本來想整個FB version, 不過都係算了。
標籤： 個人感受/感想/人生觀
2011年2月14日 星期一
二月十三日 -- 雜記
7/2(一) -- 毛毛球@彩虹道, 打8-10, 記得帶波鞋同拍竟然唔記得帶衫褲, 結果都係要返企拿...收工同Connie好快咁食左羽壽司, 之後再返企順便換埋衫先出來, 時間o岩o岩好; 之前衫三賀歲波d疲勞都未recover晒, 所以今晚打完好累呢...
1. 說出來會被嘲笑的夢想，才有實踐的價值，即使跌倒了，姿勢也會非常豪邁！
8/2(二) -- 之前約左催時同學, 不過佢唔舒服; 好耐無約過呀Jo, 之前好多次出來都係一班人出來, 仲要無咩機會同佢傾偈, 於是約左佢食飯; 收工搵左一下Crystal先, 同佢傾左陣, 之後係MTR見Jenny, 多謝佢送噶生日禮物, 之後過調景嶺等Angel, 同佢食左自家烏冬, 價錢唔貴, d食物都幾好喎! 可以再試下呢~~
2. 第日如果養喵喵, 要幫佢地改名叫阿花、阿根, 要叫膠花同孖Gun, 跟我姓! (不過就無果呀、莖呀果d了)
3. 將軍澳見霧了, 難道春天要來了嗎?
9/2(三) -- 收工約左個客交野比我, 晏d走, 諗住返企食飯搭車時Tracy話食飯, 於是出返去APM同佢食甘味烏冬, 簡簡單單互慶生日。
4. Did I do or say anything really so wrong? I'm really sorry if so.
10/2(四) -- 新年前約左, 同同事邊邊@ my home; (Queenie, Joe, Kenneth, Penny, Bonnie, Yee, Wendy, Katy); 洗野地獄。
5. 聽到有關關十四噶消息, 都唔知鄧佢開心定唔開心好~~嘿嘿。
11/2(五) -- 臨收工先約Connie, 一齊去SSP; 去左行玩具店(敗左家!)同玩具街, 好耐無試過慢慢逐間行, 好開心呢~ 盧撈都係SSP見客, 我地行完佢o岩o岩見完, 緊係一齊食飯啦, 去左好耐無食噶周記油渣麵, 之後仲去食埋綠林糖水添! 之後盧撈要行黃金, 所以我就同Connie一齊搭車返去(有街坊真開心!!); 仲係尚德落車買左蛋糕先返企~~
6. 同d熟and/or識得耐噶朋友hea真係一件開心噶事。
12/2(六) -- 呀哥生日快樂, Catherine生日快樂, 仲有催時小妹都生日快樂; 早上起身hea左一陣就過寶琳攪銀行d野, 之後Barry入左來搵埋我一齊食lunch, 然後係油塘join埋呀Mak一齊去呀強Bonnie家拜年; 係佢家傾下偈、打下機, 齊人之後就打邊爐(呀強, Bonnie, Barry, Mak, 我, 呀良, 呀珊, Tammy, Gary, Eason同個女來左但係打邊爐之前走, George唔舒服來唔到), 打完邊爐係佢家一齊睇完套"十分愛"就散。成班舊同學/舊同事聚下真開心呢。
7. 就算講大話都好, 有時真係好想對外公佈, 自己唔係單身, 唔使煩。
8. 諗返起, 生日果時唔記得set返個生日唔比人見到, 真失敗。不過睇下有咩分別都好呢。
9. 係TVB幾個星期以前, 睇左好幾套葉念琛噶戲; 而家d後生仔女都係咁o既? 一塌糊塗, 所以係而家d年輕人先會睇到好有feel同好身同感受? 不過, 而家噶人就算唔係好似入面果d人咁, 都會係果d人噶受害者, 唔多唔少都會有代入感吧?
13/2(日) -- 本來想hea+落雨, 所以無打波+無波打; 係屋企hea, 都幾開心舒服, 民仔中午來, 同佢係樓下食完飯上來我家hea同打機, 之後到左3點幾出門口, 係佐敦同Fontane和Cynthia唱K, 之後去埋King 1同Cynthia慶祝生日, 食完吹完水散。
10. 新春+三字頭第一K!
11. 第N次比朋友話我多女仔朋友, 無安全感。哈哈。明明我應該就係最令人有安全感噶人...
12. 今日比起平時更唔想天日返工, 好想放多一日假呢。
來緊:
14/2(一) -- 無意義的情人節
15/2(二) -- 約d朋友上我家打邊/食飯
16/2(三) -- 去呀珊家團拜+毛毛球@九龍灣體育館
17/2(四) -- 毛毛球@藍田南體育館
18/2(五) -- 一年; 去家昇屋企探B~~
21/2(一) -- 毛毛球
25/2(五) -- 練車
28/2(一) -- 飲食團之黑布街法國菜
1/3(二) -- 開始上堂學德文
14/3(一) -- 毛毛球@石硤尾公園體育館
完
2011年2月12日 星期六
日光浴
日光浴 (原名:太陽浴)
當我吹牛也好, 發神經也好, 被人嘲笑也好, 這是我心中的想法。
**********
由於自己很怕熱, 因此朋友給我這個題目, 令我想起那炎熱的太陽, 實在有一陣好不舒服的感覺。要我寫日光浴, 實在也寫不出什麼來, 難道要寫"你又曬!我又曬!剝晒衫褲剝晒鞋!"乎? 反而第一時間想到的是"赤身露體毫無遮掩地暴露於太陽下", 進而想到的是"自己的想法像赤身露體毫無遮掩地暴露於人前"。因此, 寫寫自己吧。
這一年來, 經常說自己改變了, 變差了, 負面了。一直沒有解釋過何謂"差了"。從以前就認識我的人, 一定知道不論我是如何地隱藏自己真正的心情, 心態也還是很正面、很寬廣的; 就算自己一直"懶"自負地充當別人的"社工", 親眼見過、親耳聽過無數的個案, 不論是多麼醜陋、多麼不快樂的經歷、事實, 自己仍然能保持著樂觀正面的心態。不能否認, 現在的我不可以。
對著別人, 當然也還勉強能謹守著某幾條線, 也勉強地(在別人眼中?)可以稱得上是好人(甚至是大好人?), 可是自己實在心中的想法呢? 負面了、疲累了, 看著很多很多的人、事、物, 不再像以前般充滿著善意及希望(當然也不代表我大部份也看得很負面, 只是百份比減低了, 可能也還比很多人正面吧?或者說, 仍然有自信自己比起某些人好); 比起以前的自己, 心情起落大了, 淚腺脆弱了, 會"火"了, 容忍限度低了(還有很多不想逐樣列出來了)。
或許大家覺得我吹牛; 我自己經常說, 有很多事情、行為, 我是知道的, 只是不做而已。其實某程度來說, 這個說法(說我自己"不做"的說法)真是錯的。有些事情, 我已經是"習慣"了不做, 長期的不想做, 令自己已經不再有那個能力, 或者已經忘了、不懂了。而且行動力(或者應該說是意志?)也大大地減低了。並不因為沒有什麼人在身邊支持我, 而是自己沒有看得那麼正面、積極, 隨之而來的就是沒動力、慵懶。簡單來說, 或許自己不是不做, 是真的做不到了。
自己對所有東西的經驗、自己的記憶力、還有腦子把這所有東西一起運轉的速度, 所有東西加起來實在很可怕。當以前還是很開心、正面的時候還好。但當自己負面、不開心、精神狀態偏低的時候, 所有的東西一直一直一直衝擊著心靈、腦袋的時候, 不難想像就算是一段短短的時間也非常的難渡過, 像把時間濃縮了, 慢慢地一滴一滴的溜走(那豈不是"感覺上"長命了? 是好事?)。因此我常常說, 有些所謂的"優點", 並不一定是優點, 凡是有兩面。
簡簡單單、思想單純也有好處, 無知者也是很快樂的, 快樂就好, 懂那麼多、知那麼多有什麼好? 古代的人沒有冷氣, 沒有其他科技還不是可以活得很快樂、很充實? 知得多又得不到才會痛苦。心靈充實最重要, 如果不能充實, 不能得到, 還是不要知道的好。沒有錢就不要讓貓貓試貓罐頭, 只讓牠一直吃貓餅乾好了。
雖然事實上並沒有什麼責任, 也沒有錯, 但對這一年來才認識我、才熟悉的人抱歉了。我不能像以前那般對待大家呢。(我是真的一直毫無理由的美化以前的自己嗎?) 不過, 總算問心無愧, 不過不失吧。
還好, 我對人生的看法, 一向是"體驗", 不論是開心、不開心、是對是錯, 也是"活著"。因此就算多不快樂也好, 對我來說是"活著"的體驗, 是學習的機會, 是跟未來快樂的對比, 因此我沒有後悔之前做過、發生過的事情。
太陽浴完畢, 究竟會不會天降甘霖, 下一場我喜愛的雨呢?
**********
再說一次, 當我吹牛也好, 發神經也好, 被人嘲笑也好, 這是我心中的想法。
完
**********
隨篇附送
日光浴(2)
經常說自己找不到自己的優點, 覺得自己沒有亮點, 這樣真的枉自己"稱自己最喜歡尋找別人亮點"之名。不如也來認真的、問心的找找自己的特質吧?
1. 親和力 -- 無可否認, 這是我最強的一環。極容易交朋友、極容易使人對我交心、讓很少朋友的人也當我是知心友...等等; 這些不是"幸運地不停遇上好人"能做到的。
2. 記憶力 -- 不論好壞囫圇吞棗, 會記著很多很多有謂無謂的人事物東西時間...等等, 卻偏偏不記仇。並不是不記得別人對我的不好, 我也會記得的, 但卻記不了那種"不快"、"恨"的感覺, 因此恨不了人。我強調, 這並不是一個好的特質。
3. 細緻 -- 不敢說自己細心, 因為明顯地自己有很多時留意到別人想要什麼、在想什麼, 但不一定會entertain別人(不論是怕別人誤會也好, 還是自己賭氣也好), 因此, 我不認為自己算是細心, 但肯定是細緻。反過來說, 不好的一面是"敏感", 尤其是見過鬼, 會更怕黑。
4. 轉數 -- 記憶力+細緻+聯想力(跳躍式思考力), 加起來不等於轉數; 真正可怕的是你的腦袋不停地逼你轉呀轉呀轉的時候, 那種可怕的感覺, 有多少念頭在一剎那間(那零點幾秒)飛過, 可是你的身體、手、口也反應不過來。或者, 都儘是一些不好、不快的東西; 那有什麼用?
5. 唱K -- 每次提起唱K, 可能有很多人會說我唱歌好聽。不過, 我強調我不會唱歌, 充其量只是唱K而已, 而且也並不是十分好聽, 只是不難聽而已。
突然覺得很疲累, 探討自己是一件很累的事情; 人很難了解別人, 也難了解自己; 當你不停地發現自己的不好的時候, 很無奈; 還是停下吧。
完...待續?
標籤： 個人感受/感想/人生觀
2011年2月7日 星期一
二月六日 -- 農曆新年
31/1(一) -- 中午同上年我公司噶Summer呀Will同而家噶幾個同事一齊去左食牛陣, 多謝佢噶禮物朱古力。收工約左舊同事Wendy食飯(又係一年見幾次, 大家生日都會食個飯果種), 佢係第一個confirm我食生日飯噶人呢。本來約食佐敦, 但係由於我想睇玩具噶關係, 於是約左係YMT。一收工即刻自己去SSP行左下, 再落YMT, 睇埋In's Point, 之後同佢去左食Sushi, 多謝呢一餐呢。食完都係8點半島就散了。自己去行左信和之後就返企。結果係咩都無買到。
1. 補返之前唔記得打噶: 喜歡電單車(26)噶感覺, 唔係一般人鐘意果種速度感, 而係果種真係掌控、操縱住架車噶感覺, 同46係唔同噶。所以就算開得唔快都會覺得好開心。
2. 好友Q送噶禮物, 真係surprise同好有心思, 超級多謝。
3. 年廿八, 洗邋遢, 今日好好地洗滌過自己, 換左床單枕頭套等等, 一切噶野乾乾淨淨咁來過。
1/2(二) -- 收工即去CWB世貿同Barry、呀祖、K14同金蘭姊妹Janet 5個人係Rice Paper食飯, 幾個好傾噶朋友一齊吹水, 吹左好耐, 之後上左去機鋪, 好耐無打過機, 哈哈; 之後5個人發癲影貼紙相, 好開心, 勁好笑; 無去行花市, 大家話去食糖水, 行到清風街, 幾間都好多人, 於是就去左老家噶福元湯丸, 又係坐左係度傾左好耐呢。差唔多12點先走。
2/2(三) -- 年三十, 有得早放3點; 呀源早走唔到, 所以無去KTDS了; 收工就返企hea, 好累恰左下, 夜晚一家食飯, 食完吹左下水先返來, 安靜渡過。
3/2(四) -- 大年初一, 新年快樂; 一早起身無咩做, hea, 過左去媽果邊食lunch, 之後返來hea同恰左下; 之前果日Angel佢地(Barry, Angel, Katy, Janet, Flora, Lucy)臨時約話去睇花車巡遊同睇夜場, 於是5點幾出門口, 6點join左佢地之後, 就企左係Nathan Road等, 話8點開始, 9點先見有巡遊經過, 結果到10點幾先散; 今年好唔掂, 又無咩氣氛, 白等呢...好累, 不過總算係睇過一次, 哈哈; 去左茶記食d野, 之後睇11點半場噶"最強喜事", 睇完覺得雖然都幾好笑, 但係"我愛HK"好睇d呢。成個故事結構同埋笑點都係後者好d。
4. 突然又做左consultant, 估唔到係身在Aus的咩咩, 同埋多左個新client, 竟然係八妹呢。
5. 之前知道Level E竟然出卡通, 終於搵到網上有得睇啦! 真係超正!
4/2(五) -- 年初二; 之前果晚4點幾先訓, 好難得地訓到點幾鐘先起身(中間有醒過); 係屋企hea同埋睇Level E; 下午好臨時地約左八妹出去睇煙花, 係第一次現場睇煙花呢! 係尖東海旁好多人呀, 不過現場睇噶感覺真係好唔同, 同埋都好正呢~ 完左之後散都好多人, 慢慢行左去佐敦係M記坐左陣食d野, 之後經PolyU去紅磡搭火車, 八妹返上水, 我係九龍塘轉車返企。
6. 在家好hea好悠閒, 睇Level E睇到笑, 笑到想哭, 好寂寞。
7. 連續2天好年輕的活動呢。
8. 終於睇左朋友們錄比我噶祝賀生日噶片, 好開心呢, 多謝大家。(仲有多謝呀源今年噶大攪)
5/2(六) -- 年初三, 赤口, 當然係去打十幾年來一貫噶賀歲波啦! 幾乎無停咁連打左3個鐘, 累到爆; 點幾鐘去食飯, 皇帝堅持唔食大家樂, 結果行行下入左大坑, 帶左佢地去民聲, 食晏平d, 都唔錯呢。之後就散, 自己去左油麻地交收再去寶琳買戲飛再返屋企, 累爆。返到企呀哥噶女友多樂士話要煲湯, 我就話不如我煮埋送叫埋呀爸呀媽來食, 結果就佢煲湯我煮送(呀哥批羅白皮); 煲左個湯, 整左咖哩同肉餅仲有炒菜食完hea。
9. 丫女係澳洲返來啦~~~
6/2(日) -- 年初四; 同關老B食左個早餐之後睇中午場"非常外父3", 仍然好睇~~ 之後同佢行勻晒4個TKOMTR站, 吹下水同食tea, 6點幾散, 返企。本來八妹話夜晚有通宵K, 預我自己會去一陣, 不過之後無左消息, 作罷; 明天好唔想返工呢~~~
10. 估唔到最後4日都有節目, 仲要係好optimum唔太多唔太累呢。
11. 咁就過左個假期啦, 好彩都幾乎慣早起, 對起身無大影響。
來緊:
7/2(一) -- 毛毛球@彩虹
10/2(四) -- 同事邊邊@ my home
16/2(三) -- badminton
17/2(四) -- badminton
9/3(三) -- 可能同民仔睇話劇, 如果佢另一張飛無人睇噶話(應該唔使我了)
完
2011年1月31日 星期一
一月三十日 -- 生日快樂
24/1(一) -- 呀強生日快樂; 收工返企食飯, 再去打毛毛球, 好耐無返過SKM場呢。感覺上今日打得唔錯呢。
1. 返返SKM有d感觸。
25/1(二) -- 收工返企食飯。去左買定大量飲料返屋企for Thursday, 好重下 =_=
2. 好耐無入貨, 順手入左d貨返屋企, 超重, 竟然係要行下停下換下手咁 =_=
26/1(三) -- 某人...生日快樂...; 姑姑生日快樂; 多謝Puzzle媽中午來請我食lunch(APM烏冬, 無影相呢); 收工返企食飯後去上話劇。
3. 夜晚上堂求其到著件底衫(著左好多年殘殘地噶T Shirt)加件褸就出去, 雖然無除褸, 不過都好求其。
4. 連續四晚返屋企食飯呢, 計埋天晚就五晚啦! (雖然唔係過去同呀爸呀媽食, 但係都係屋企食呀!)
5. 個耳機唔覺意跟埋件衫落左去洗, 拿返出來竟然無事...
6. 今日過埋NDS三國傳果個項羽之亂呢。
27/1(四) -- lunch去延左考車個期; 同事幫我慶生, 芒果蛋糕好味, 多謝呢; 晚上大堆同事來我家, 好好好熱鬧, 十五六個人, 好耐無咁多人來過啦哈哈, 佢地係度發癲好好笑; 又有蛋糕, 今日仲要係Amanda正日生日呢, 又再多謝大家噶生日卡。
7. 同d好友同事一齊第一次見到"仙女"。
28/1(五) -- 農曆生日快樂; 一年一度同姑姑互慶生日; 去食飯噶途中咁o岩經過悼念司徒華噶地方; 夜晚去左呀Yo介紹食魚生飯噶地方食飯, 真係好食呢。之後時間尚早, 去左松記食埋糖水, 再慢慢吹水行到MK火車站; 佢下場去唱K, 本來好想join, 不過都係無去, 返屋企。
29/1(六) -- 由於八婆個女唔舒服, 所以佢一家都來唔到, 因此踩唔成車。中午同民仔呀源Jenny在家打邊爐(本來呀娟都來, 不過之後又唔得), 一齊睇下碟(睇左楊千嬅周董同埋Sammi的演唱會), 夜晚咁上下時間, 出左MK加埋Fontane民民同Cynthia食素食一家, 大家都唔餓所以清清地都幾好; 之後8點半島去唱K, 後段呀Sam都來左, Esther唔舒服所以來show up一下就走左。到11點幾就cut歌, 散。唱得唔係好多, 唔夠喉呢。
8. 無咩好講, 多謝大家呢。
30/1(日) -- 之前果晚返到屋企唔多舒服, 所以本來book左早上9:30am練車cancel and postpone; 中午去左睇戲, 之後返企睇碟睇左今年噶喜羊羊大電影, 上年果套好睇d; 夜晚ad-hoc同Cynthia同佢朋友Doris食飯, 食左蘇玉華介紹噶民聲冰室, 雖然都唔錯但有d名過於實; 食完仲早所以去行左花市, 之後再行左下Sogo後散。
9. 提早的賀歲+生日片: 我愛HK: 延續"七十二家租客"噶屋村+懷舊感覺, 不過感覺上前者好睇d; 睇左都好多位笑得出, 稱職噶賀歲片。笑片都係唔好一個人睇呢。
10. 星期一老細放假, 好開心。
來緊:
31/1(一) -- 同Wendy食飯, 佢係第一個confirm我食生日飯噶人呢。年廿八。
1/2(二) -- 同BarryAngelKaty等人係CWB食飯, 可能行埋花市
2/2(三) -- 年三十, 有早放; 返企食飯。
3/2(四) -- 大年初一
4/2(五) -- 年初二
5/2(六) -- 年初三, 赤口, 應該仍然會有十幾年來一貫噶賀歲波打?
6/2(日) -- 年初四
7/2(一) -- 毛毛球
16/2 -- badminton
17/2 -- badminton
9/3(三) -- 可能同民仔睇話劇, 如果佢另一張飛無人睇噶話
完
2011年1月23日 星期日
一月二十三日 -- 雜記
17/1(一) -- 花姐姐生日快樂; 星期五同同事吹水時約食飯, 佢地話要食地道野; 收工同秘書姐姐Joyce, 華哥同埋呀女叻叻去北角食福建野, 夠地道啦(好彩佢地都覺得OK, 我仲試多左野添)! 之後去左Esprit倉, 大家竟然陪我睇衫仲幫我揀衫添! 真係麻煩晒大家; 我差唔多成年都無點買過衫呢! 終於買到褸~~~
1. feel extremely bad becoz i had sth unexpectedly make other feel not good
2. 華哥check衫簡直係一門藝術, 學到野呢!
3. 其實之前都發覺, 不過試衫更加發覺, 自己又肥左; 要堅決減肥, 做多d運動, 唔食咁多無謂野; 要對自己噶身體同健康負責! 仲有, 自己肥真係會更難睇, 我唔似某d人(例如肥姐)咁係肥d會好睇d果d來...唔想自己醜上加肥了。
4. NDS三國傳爆機, d技拿唔齊都正常, 點解人物都拿唔齊噶~~ 肯定有隱藏野~~
5. 每日繼續努力太鼓中。
6. 之前果日打波打到有少少抽筋, 今日勁累(夜晚訓覺都訓得唔多好), 凍又唔敢搽冬青膏; 12月真係少打波, 同埋今次都算打得多時間同幾激烈, 所以好累呢, 返工周身酸~~
7. 正如我自己再想像唔到自己一樣, 從來想像唔到民仔身邊有個人、拖住手噶景象, 終於都實現左呢。
8. 一如往年, 呢兩個星期會收歛自己, 唔點主動去搵朋友了。
18/1(二) -- Jenny生日快樂; 收工去美亞開倉度買左張被比Jenny做生日禮物, 之後join埋民娟威源一齊上SZ同佢食飯, 食完一齊返HK返企。
9. 呢兩日係公司3點島都會有斷片時間 =_=, 太眼訓...最近真係訓得唔多好...
10. 之前話過, 覺得以前噶自己返左來; 原來並唔完全...返來噶只有親和力; 而家feel到仲有好多野係未返, 或者返唔晒的; 總算feel到, 即係指日可待!
11. 自己噶精神病病態有d返來噶一天 =_=, 又係果時抑鬱噶症狀。
19/1(三) -- 收工返企前探左一下呀麻, 佢似乎狀態愈來愈差, 都唔多認得我了...; 食完飯上話劇之後返企。
12. (某件事)雖說唔完全關我事, 但係都唔多開心。
20/1(四) -- 我發覺好唔刻意地, 成日都係星期四無約~~不過收工前ad-hoc咁約左呀娟同民仔來觀塘睇下美亞開倉果度, 之後本來諗唔到食咩, 突然諗起雲南野, 仲要佢地未去過, 去食完之後又再落葫蘆館食埋糖水, 之後散。同民仔又係MTR入面傾左一段時間先返企。
13. News of brother, great.
14. 記: 同埋媽吹水, 表弟結婚+呀哥事件, 2次都輸左比呀媽, 枉我話自己口齒伶俐 =_=
21/1(五) -- 收工去瓊華同白田同事唱K(我PuzzleWingMan4人), 唱到11點cut歌之後返企。當日果度d野食好唔得...
15. 可有可無的人。
22/1(六) -- 本來約Kenneth來我家打邊爐, 但係叫唔到人, 諗住全日係屋企抖下; 早上見到Taylor, 講開好耐無見, 就約左出來食lunch; 係MK等噶時候上左綠野仙蹤買左幾本書(Gundam設定集, 身體語言, 同埋有關構圖、色彩噶書), 同佢加埋佢2個朋友小雲同呀So食飯, 點知宜豐唔知係裝修定執左! Shit! 唔好執呀! 之後去左花園餐廳是但食。食完無野做, 話去唱K, 好多年無同Taylor唱K啦~~! 好耐無聽佢唱過"如果我們不再見" haha (仍然遺憾無試過同佢老公相見同傾偈); 小雲都幾唱得, 入咪把聲同唱都唔錯, 不過比起近期識同唱開噶Joyce秘書姐姐就爭d了, 無咁impressive; 唱左一陣寶莉都來左, 又係好耐無見; 本來可以唱到6點半, 結果唱到7點半先走, 佢地去行街, 我就無join了。Ad-hoc join左呀娟佢地食飯, 去左北角同呀娟威威呀源仲有呀娟威威噶朋友Samantha食意蠔站, 食完係間野睇左半套"我的最愛"先走, 本來想食糖水但係好多人, 於是就咁散, 返企。
16. 同Taylor同佢朋友傾開大家識左Taylor幾耐, 原來我都就來識佢10年了 =_=
17. 繼林先生chok樣之後, 我發現有d歌手係"chok聲"。I don't like it.
18. 好耐無睇過一d增長自己知識噶書(雖然睇任何書都可以get到d野, 但係我呢度真係refer to一d真係教人野噶書), 要繼續增加下我身邊周身果d刀先(難得都係有興趣噶野)
23/1(日) -- 9:30am練車, 呀sir話我無大錯, 行果段路無問題, 睇來來緊主要課題係要練練斜路8字啦; 完左之後搭van返寶琳, 超順便咁睇左"新少林寺", 好普通, 陳木勝d野真係麻麻地, cast幾大都係咁話, but the film ease me a little bit。之後返屋企3點都未食野。下午同Barry同呀Mak分別傾左幾耐電話, 夜晚返企食飯。全日唔知點樣咁傻更更咁就過左, 書又無睇, 模型又無砌。
19. I am cursed
來緊:
24/1(一) -- 呀強生日; 晚上打毛毛球
25/1(二) -- 無野做
26/1(三) -- 某人...生日快樂...;姑姑生日快樂; 話劇
27/1(四) -- 大堆同事來我家
28/1(五) -- 一年一度同姑姑互慶生日
29/1(六) -- out with 死黨s
30/1(日) -- 早上9:30am練車
31/01 -- Wendy dinner, 1st one to confirm my Bday dinner lei
7/2(一) -- 毛毛球
16/2 -- badminton
17/2 -- badminton
9/3(三) -- 可能同民仔睇話劇, 如果佢另一張飛無人睇噶話
完
2011年1月22日 星期六
熱維他奶
"熱維他奶丫唔該 :D"
在某屋村的雜貨店, 小宜付了錢, 接過熱熱的玻璃瓶。
在寒風中拿著熱呼呼的玻璃瓶, 身體頓時暖了起來。
"爸爸, 熱維他奶喝了很舒服哦, 好暖! 好暖! 我好喜歡喝哦! 爸爸, 小宜每天也要喝!"
"小宜, 我們家窮, 可沒機會常常買給你喝喔。"
"我不依我不依! 爸爸每天也買給我喝吧!"
"小宜乖, 爸爸媽媽很努力掙錢, 才能支持到一家的生活, 給你們好好讀書。你要好好努力讀書, 以後出人頭地, 那時候想買多少熱維他奶也可以啦!"
"好好的讀書就能出人頭地, 賺好多錢麼?"
"對呀! 其實你已經算是很幸福的啦! 你生活在沒有戰亂、飢荒的地方, 每天也有飯吃; 四肢健全, 有完滿的家庭, 而且爸爸媽媽生得你這麼標緻, 比起很多人, 你已經是很幸福的一群啦!"
"我只想喝熱維他奶而已嘛...怎麼要說這麼多大道理呢, 人家聽不懂啦!"
"你看看," 爸爸遙望路邊一個乞丐, "就算在香港, 也有人連飯也沒得吃, 要在街頭捱餓捱凍呢! 所以你要好好珍惜現在所有的東西啦!"
"爸爸, 他看起來好可憐哦! 他好像很冷呀。不如買一瓶熱維他奶給他好麼?"
"我們自己也沒多少錢, 怎麼還可以買給他呢?"
"可是他好可憐哦! 他縮在那一角, 很冷的樣子呀!那不如我把我的給他吧。"
雖然小宜一家也是住在屋村的窮人, 但爸爸也樂見小宜有愛心。
"這瓶熱維他奶已經給了你, 你想怎樣都可以啦! 不過你給了他, 爸爸也不會買另一瓶給你的哦。"
"好!"
小宜拿著那瓶熱維他奶, 碎步跑向那衣衫襤褸的乞丐, 遞給他。
"叔叔, 你好冷吧! 你快喝這瓶熱維他奶吧! 好暖的!"
"哦? 謝謝...謝謝...小妹妹...唔唔..."
乞丐喝著那瓶熱維他奶, 小宜望著他, 第一次覺得原來幫助人原來是很快樂的。
那乞丐偷偷的對她說, "小朋友, 你可以每星期也買一瓶給我喝嗎? 我每星期的這一天也會待在這兒的。"
"我家好窮的, 爸爸也不會買給我呀。"
"可是我好冷呢, 如果能夠喝一瓶熱維他奶, 就會容易一點渡過這冬天的。"
"可是..." 小宜盤算著, 如果把每天那一點點的零用錢儲起來, 一星期也夠買一瓶的了, 不過就不能夠買糖果或者可愛的鉛筆擦了。
幾經掙扎, 小宜見那乞丐好可憐的樣子, 她也心軟了, 就答應了。
"謝謝小朋友! 你這麼肯幫助人, 你一定福有悠歸的!"
**********
如是者, 小宜每天都不買糖果吃, 儲夠了錢就偷偷到雜貨店買一瓶熱維他奶, 拿去給那乞丐喝, 他們也會談談天, 聊一會兒。爸爸當然不會不知道, 他看在眼裡也不禁失笑, 不過只要小宜沒有危險, 讓她做自己喜歡做的事, 學會關心別人、學會為目標努力、學會儲蓄也是好事。
過了兩個星期。有一天, 那乞丐突然對她說, "小宜, 我有一個秘密要告訴你, 可是不可以在那麼多人面前說出來。下星期這個時候, 我在屋村的後山那邊告訴你好嗎?"
小宜猶豫起來, 畢竟那乞丐也是陌生人, 如果貿然跟他到人跡罕至的地方, 會有危險。
"放心吧小宜, 我不會騙你的! 你只是想報答你而已!"
小宜勉強地答應了就回家。
她覺得不知怎算好, 雖然她本來不想讓爸爸知道, 但也決定告訴爸爸, 自己買熱維他奶給一個乞丐和整件事的始末。
"小宜很乖呢! 你懂得自己去判斷事情; 真的有問題時, 會告訴爸爸。" 爸爸不但沒有責罵她, 還稱讚她。
"放心吧, 沒事的。你就去看看他會跟你說什麼, 有事發生的話, 爸爸會來救你的!"
***********
到了下一個星期, 小宜如常的買了一瓶熱維他奶到那乞丐處, 爸爸偷偷的跟著她, 以防萬一。
她遞了那瓶熱呼呼的熱維他奶給乞丐, 比起之前戰戰兢兢得多。
"小宜, 不用害怕的, 來, 跟著叔叔吧。"說著就拖著她的小手要走。
小宜被他拖住手, 心想有什麼事爸爸會來救她的, 於是也跟著他走。
爸爸看到那乞丐帶著小宜轉了個轉角, 他立刻跟上去, 怎料一過了轉角就不見了他們。
爸爸急得有如熱鍋上的螞蟻, 想不到一個轉角就跟丟了, 難道那乞丐真的是歹徒?
他著急地在附近的街上徘徊, 也找不到他們的蹤影。
一個壓低了帽子的人跟他擦身而過。爸爸聽到一個聲音說, "真的是一個好爸爸呢, 教得女兒很好呀。她就在前面呢。"
爸爸轉過身來, 卻已不見那人的蹤影。
"爸爸!"
爸爸轉過身來, 見到小宜就在他身後。
"小宜!你沒事嗎? 我找不到你! 擔心死我了!"
"沒事呀!"
"我偷偷的跟著你們, 一轉角就不見你們了!"
"我跟著那叔叔, 突然就到了一個不知什麼地方。他跟我說他是福神, 他跟我說我有一個很好的爸爸, 而且說我也很乖。他送了這個小吊飾給我, 說我一定要常常帶在身邊, 以後一定會幸福的。"
爸爸看看那很有古中國風的吊飾, 再看一看小宜, 見她也沒有什麼事, 總算是舒一口氣。
"傻孩子, 那個叔叔應該是想給你這個報答你吧? 看來手工很精緻, 可能是人家的家傳之寶呢! 你就好好地保留住他吧!"
"不是啦! 他真的說他是福神, 然後一轉頭就不見了的呀..."
**********
廿年多後。
小宜長大成人。她很努力讀書, 找到一份很不錯很穩定的工作, 家境也比以前好了很多, 由於她心地善良, 思想又成熟, 長得又漂亮, 大家都很喜歡她。爸爸年紀漸大, 和媽媽都退休了。他們有子女供養, 生活也過得很舒適。
寒風中, 在那熟悉的屋村通道上。
"爸爸! 好久沒有回來這裡呢! 好懷念呀!"
"對呀, 聽說這裡快要清拆了, 所以就回來看看, 想不到變化也不大呢!"
"嗯嗯! 爸爸, 你還記得我以前在這兒遇上一個乞丐麼?"
"當然記得。你這個傻孩子還說他是福神呢! 那吊飾還在嗎?"
"在呀! 你看, 我常常帶在身邊呢! 而且我真的過得很幸福! 看來他真的是福神呢!"
"傻孩子! 你過得好, 因為你努力, 因為你善良, 所以你在社會上會比較容易渡過難關; 而且你生活在沒有戰亂、飢荒的地方, 每天也有飯吃; 四肢健全, 有完滿的家庭, 比起很多人已經算是很幸福了的啦! 當然還因為爸爸媽媽生得你這麼漂亮啦! 呵呵呵!"
"爸爸...你又來這套啦...你看! 那雜貨店還在呀! 這次到我買熱維他奶給你啦! 你要一天十瓶八瓶也沒問題! 哈哈!"
"傻孩子..."
"熱維他奶丫唔該 :D"
完
**********
平淡到唔平淡噶故仔。
完
2011年1月17日 星期一
一月十六日 -- 雜記
10/1(一) -- 約左叻姐仲有KTPD秘書姐姐JoyceLi唱K; 收工去左APM唱, 之前都同Joyce唱過K Lunch, 都知佢得噶啦, 今次唱夜晚時間多好多, 更確定佢好得! 把聲好聽好靚又唱得! 絕對入到我識噶人五強之內呢~~~! 唱到10點半島散(有得無限唱)。
1. 收到呀媽sms話表弟3月返HK結婚, 擺明有d壓力, 不過唔理lu, 反正我噶情感逼唔來。
11/1(二) -- 收工去學車, 去到TKW都7點, 買左個燒味飯係街邊坐底食完去上堂(好耐無試過呢個感覺); 第一次上路面學車! 雖然凍, 但係感覺好唔錯, 幾開心~ 同埋無想像中咁難呢~~不過個心情完全比另一樣野掩蓋左!
2. 一早起身上facebook, 見到民民: 正在交往中 ?!?!?!?!!!!!
3. whole day super happy, 一年以來, 最快樂的一天。本來成個星期都訓唔好, 幾日日頭都好累, 但係果日真係亢奮得好緊要, 唔眼訓!
4. 都話左係我地朋友之間係一等大事, 有六十幾人讚好! 唔好同d fans或者咩團體噶facebook account比較, 係超多!
5. 第一次係路面渣車, 有d爽, 有試過好多野, 上4波, 轉彎、上落斜等等, 感覺好開心, 唔會好似之前咁一d信心都無。
6. 開始有唔少朋友想介紹女仔我識, hahahaha; 都係呀媽最了解我, 幫我擋晒d媒同埋同鄉。其實我自己都識好多朋友, 仲一路有識新噶朋友, 個問題根本就唔係出係識唔識到女仔上面。
12/1(三) -- 收工返企食飯, 之後去上話劇。
7. 走車魔人習慣左搭van去寶琳再MTR返企了。
13/1(四) -- 收工同叻姐去左美亞開倉度睇野, 有好多野都好平好吸引呢; 之後一齊係工聯會報左下期德文初階, 之後去九龍灣佢陪我睇衫(結果買唔到褸只係買左2件Tee), 到差唔多九點佢返企食飯; 我自己去寶琳行左圈, 返屋企附近買burger king返企食。
8. 打比Crystal同佢講民仔噶野, 竟然知返一樣唔好噶野...唉, 真可惜。
14/1(五) -- 白田同事Gathering(Puz, Spenser, Grace, Wing and Man), spenser放飛機, 仲要之後比呀Man發現佢講大話; 去左北角渣華軒食飯, 本來諗住得5個人叫小菜, 之後話可以個半圍可以做5人份量, 於是就食左個豪華噶私房菜, 雖然好食, 不過都係6人或者12人抵好多...下次要聚眾呢; 食完吹完水10點幾返到TKOMTR時, 臨出閘(未出)催時同學搵我, 於是過返APM陪佢食飯吹水, 好耐無見佢, 好似有2個月呢。
9. 同催時同學傾開拍拖噶野, 對佢噶有關拍拖、單身感覺同感想好有同感。
15/1(六) -- 早場睇左tourist; 睇完同同事一齊入屯門Queenie家玩(Kenneth, Penny, Yee, Wendy); 晚上Wendy唔食得所以走先, 同Queenie細佬妹仲有老公加埋後join噶同事Janie一齊去三聖食海鮮, 食完再過市中心食糖水後散。
10. Tourist: 個劇情同故事唔算複雜, 幾個扭橋位都唔錯, 再加上三方個parties之間噶糾結, 幾得意; 另加靚人靚景, 睇得開心。Venice好靚, Johnny Depp好charming, Angelina Jolie雖然殘d同埋唔係靚女, 但係好有味道同壓場感, 而且都sexy。
11. 當日狀態麻麻地, 好累好眼訓又唔多想郁, 本身又唔係好into Wii, 但係結果大家係成日都玩Wii無玩第d野, 於是我反而主打睇下facebook、玩下NDS同恰, 好似唔多投入咁, 唔好意思呢; 其實幾高興。
16/1(日) -- 早上起身去QCOBA籃球賽(中學個舊生籃球賽), 例牌打到中午係學生canteen食完飯再打打到3點幾完。Fontane同Cynthia都係2點島來左呢。沽名釣譽咁又拿到銅牌, 連續三年有牌拿呢, 哈哈。散左之後同民仔Faontane仲有Cynthia一齊過左CWB的cafe坐同食tea, 吹水吹到5點幾6點散(本來話食飯, 不過後尾有人有事要走先); 之後民民上我家一齊打winning, 到9點零一齊去食BurgerKing後散。
12. 第一次見到民仔拖手仔、拍拖, 感覺好奇妙呢。希望佢地之後可以一直開開心心。
13. 其實我是一個很驕傲的人。
14. 估唔到Barry又會做野喎~嘿嘿。
15. 如果要專登show自己叻噶野, 專登去比人了解自己噶好同唔好, 專登去溝/製造浪漫同愛噶感覺, 而令人鐘意自己, 感覺唔太良好呢, 咁只係令人有錯覺而已。雖然都係令人了解自己噶一種手段。
來緊:
17/1(一) -- 花姐姐生日; dine w/ WahNatalieJoyce
18/1(二) -- Jenny生日, 同民Fontane娟威一齊上SZ食飯
19/1(三) -- 話劇
20/1(四) -- 我發覺好唔刻意地, 成日都係星期四無約~~
21/1(五) -- 同白田同事們唱K?
23/1(日) -- 9:30am學車
24/1(一) -- 呀強生日毛毛球
7/2(一) -- 毛毛球
完
2011年1月10日 星期一
一月九日 -- 雜記
3/1(一) -- 2011第一個工作天, sick leave; 完全係屋企抖, 無聊地上網睇港漫"功夫", 普通。夜晚在家食飯。砌完HGUC Gouf Custom! 好靚!
1. 發了奇怪的夢...(吱 w/ S)
4/1(二) -- 好耐無做過攪手, 攪大雜燴飯聚, 本來擔心唔多人, 點知叫下叫下又臨時有人來有人唔來之後, 都幾多人呢~~ 雖然佢地有d互相都唔識, 但係最後turn out都幾開心, 氣氛幾好! 可惜Kenneth來唔到...去左合時食飯, 之後過聰嫂糖水, 之後散。人: 我, 日安, 呀黃, 鵬鯉, KT14, 魷魚, 呀龍, Barry, Mandy(KT朋友)。
2. 這幾天一直想起了很多很多很久以前的事...
5/1(三) -- 收工返企食完飯再出去打毛毛球@竹園體育館 21:00-23:00 (即係話劇走堂), 累。
3. NDS噶太鼓, 前後出左三代, 三首主題曲我都好鐘意呢。
6/1(四) -- 臨時約左呀源同威威食飯, 威威叫埋Pinkey; 去左In's Point行左下, 之後去廟街食煲仔飯, 食完再過松記食糖水, 散左之後同呀源行左下MK同信和後返企。
4. 真的可以放下嗎?
5. 積極地做攪手, 很忙很不容易做, 吃力不討好, 卻是為了什麼? 難得有心力, 幫下d朋友都好。自己真的唔想識女仔呢...
6. 放風? 為免煩惱?
7/1(五) -- 公司攪噶Bowling night, 作戰成功! 因為報之前個email見有Karaoke設備, 所以報左; 收工同會去又唯一識噶同事叻姐同Kenneth(無份去噶)食飯, 食完飯同叻姐過去E-Max個Bowling場; 公司book左VIP果邊, 好正, 獨立四條link仲有K唱! 我就即時點歌齋狂唱K, 果然係之前無人留意到有呢樣野噶~~我唱到咁上下終於d人都埋來點歌同插歌(仲諗住我可以唱晒添 :), 於是我都打左一局; 個活動由7:30pm-9:30pm, 我都唱左一半以上時間, 哇卡卡, 好正; 完左之後, 叻姐男友渣車來接佢, 估唔到佢地一早預早會車我返屋企~~多謝晒同麻煩晒呢~~(叻姐男友個樣好似劉愷威呢~~)
8/1(六) -- 早上起身一個人的早場睇左"戀人絮語", 唔錯; 之後下午中學同學個ballgame無join(腳痛痛地), 晚上補祝民仔生日K, 好多人好熱鬧呢, 幾乎最熟噶都齊晒人, 好難得(我, 民, 娟, 威, Mandy, Sam, Esther, Fontane, Jenny, Dorothy), 所以都唱得唔多, 真係10點幾就cut歌, 之後返企。
7. "戀人絮語" -- 兜兜轉轉, 成了一圈; 最交到戲噶仍然係林嘉欣同Eason, Surprise係謝安琪, 仲有陳潔儀; 大家都係為愛而發傻: 雖然我唔一定會做, 但係一開始果d我可以感同身受, 最後噶...我唔可以咯...
9/1(日) -- 中午過新世紀neway同虎媽同佢男友呀天唱K Lunch, 約左成年終於大家就到時間出來唱K, 雖然呢幾日唱得密左d, 但係都去啦...第一次同佢地唱, 佢地都唱得唔錯啦; 之後就過返APM同星期二食晚飯果堆TKO Buddies+另外幾個人(我, KT, Janet, Angel, Mandy, Barry, Wallace呀龍, Mandy的韓國朋友)唱K, 3點唱到8點, 之後去左食印尼野, 食完再落葫蘆館食埋糖水後散。
8. 今次做攪手攪唱K局都尚算成功, 人夠多氣氛都幾好, 大家都似乎玩得幾開心, 見佢地大家都幾傾得埋; 雖然自己唔多想去, 不過都要做下攪手亦都要去下噶, 亦都因為人多加其實唔係好想唱, 唱得唔係好多歌, 幾個熟d噶好姊妹都話我今日做咩唱得咁少。
9. 由於之前發現同Janet個袋一樣噶關係, 今日竟然同佢結義金蘭為姊妹; 亦都由於Janet無啦啦比佢地叫做左Janet媽噶關係, 我無啦啦做左大姨媽(or Ying姨媽), shit~~
10. 三日四場達成, 計埋天日係四日五場。
來緊:
10/1(一) -- K w/ URA colleague
11/1(二) -- 上路面學車, 有d緊張...
12/1(三) -- 話劇
14/1(五) -- 白田同事Gathering(Puz, Spenser, Grace, Wing and Man)
15/1(六) -- 海鮮 @ Tuen Mun w/ colleagues of URA
16/1(日) -- QCOBA籃球賽
24/1(一) -- 毛毛球
完
