十一月二十一日 -- 雜記

15/11(一) -- 收工返企食飯, 再出去打毛毛球@林士德(9-11); 本來2個鐘6個人o岩o岩好, 但係有2個人無來, 2 on 2 連打無停, 最後半個鐘再有2個人走, 結果1 on 1打埋, 好累呢~~ 但係又唔會覺得exhaust, keep住做運動都係對身體好d~~

16/11(二) -- 同Esther慶生@九龍城三和田(19:30)(Esther民娟威SamMandyThomas); 第一次見到Mandy男友Thomas; 飽。

1. 人生就是因為很多unexpected的事才好玩，所以不要對自己有expectation就最好了。

2. 突然又覺得自己人生好似無左目標, 唔知想點咁; 不嬲都唔追求發達、錢、事業, 只係想享受生活同快樂; 但係自己好努力地做一d覺得係感受人生噶野噶時候、享樂噶時候, 已經唔再好似以前咁快樂, 咁我即係得到d咩呢? 只係時間一直咁過, 咁我應該點好呢?

17/11(三) -- 收工返企食飯, 之後去上話劇進階第二堂(20:45); 已經好唔想miss第一堂, 但係睇來之後仲會miss多2堂...

3. 好開心之前初班有d以為會失散又覺得OK的同學都有報進階呢~~果對好襯又好得噶情侶都有呢。

18/11(四) -- 收工同Queenie+佢個妹花花+佢個妹個同學呀水食素食一家, 食完好早返企。

4. 不論早午晚, 為何車上的人們總是帶著木然的一張臉、死魚般的眼神? 是因為太累, 還是平常的生活庸碌到失去了人生的目標? 還好慶幸自己仍有一點生氣; 雖然我也是一樣擺出一副死魚的臉孔。

5. 好友爸過身, 節哀。

19/11(五) -- 補學車果堂"傷心課程", 唔知咩事今次好順利好有信心, 如果考試係咁噶狀態一定過硬; 之後去join中學同學Gathering, 去到奧海城9點島佢地都係o岩食左一陣, 食完上左皇帝屋企; 主要係Edgar派帖, 同埋順便都有少少係同皇帝HouseWarming; 大家傾下偈, 睇下台慶, 玩下三國殺, 打下PS3, 有d人早走, 我就最後一批玩到3點幾走, 同民民吹下水行出MK, 咁o岩有泥蜢的, 4點到家。

6. 又又係果句, 同d熟噶朋友一齊Gathering真係開心呢。

7. 竟然間突然有一下有"想拍拖"噶感覺, 但係就單單係想, 又唔係有咩對象...究竟我仲有無能力去鐘意一個人同對人好呢? 感覺到自己樣樣野都差左之後, 抱住極大懷疑態度。

20/11(六) -- 起身無耐舅父打來, 叫我去拿返我個舊電話同帶路, 於是就即刻過左北角, 同佢地飲左茶之後就帶佢地去灣仔會展果邊, 幫佢地班親戚係萬麗check in左之後我走先, 順便去太源街行左下再返屋企; 之後再出返去KLB同Fontane食tea, 行左下德福之後就入東涌join埋Crystal同佢同事同屋企人一齊睇清明上河圖, 好多人, 不過真係幾OK, 不過真係feel到d人咩都唔識...同d人逼左個鐘之後就走, 同Crystal屋企人一齊搭返車出去, 由於有幾個人都無正正經經食飯, 於是係九龍灣一齊食左d野先返企, 好累噶一天呢。

8. 終於見到傳說中噶"大S"。

9. 多謝Fontane借左EatPrayLove同埋果隻"法文版唱日本卡通歌CD"比我呢~

21/11(日) -- 本來想打波, 不過太累唔打了; 訓到10點幾起身, 先同Crystal同佢幾個屋企人唱K Lunch, 之後即去第2場同催時同學唱Happy Hour, 好彩2場都係觀塘銀都, 好方便; 之後仲可以順便見埋羅小狗, 好可愛呢~~之後返企hea埋剩餘噶時間; 好耐無試過睇咁多電視; 終於K.O.埋屋企好多剩返噶野, 好飽。

10. 一個好累噶weekend, 由星期五晚開始係咁cher, 好彩星期日噶好輕鬆; 又要準備返工, 真慘。

來緊:
22/11(一) -- 同呀源食飯, 如果佢收到工噶話。
23/11(二) -- 同Angel食飯。
24/11(三) -- 話劇; 同時又係IIA K Gathering, 睇來又會走堂, 太難先約到一次Gathering了...本來話22/11咪好咯...而家決定唱到咁上下去上堂, 更唔想走堂。
25/11(四) -- 暫時空檔。
26/11(五) -- 同姑姑食飯。
27/11(六) -- dine at fontane's home, maybe with Grace etc? not firmed yet
28/11(日) -- 呀馬難得返HK, 緊係要打波! 之後我諗都要執去旅行d野了

29/11-6/12 -- TW之旅confirmed
18/12(六) -- KTG擺酒

完

遊魂

某深夜一時半, 尚文仍在房中遊玩著他沉迷的online game。他的生活除了上學就是躲在房間中打機, 是典型的宅男。

"喂! 你記得pxn21555叫那傢伙嗎?" online game中一個玩家發來信息, pxn21555應該是"那傢伙"的帳號。
"記得! 他的裝備可厲害著呢! 不過這兩天好像沒見到他。他轉了server嗎?"
"不! 可真嚇人一跳! 你快去看看Yagoo新聞! 今天頭條!"

尚文打機打得有點累, 正想休息一下, 就去網頁看了一下。
(頭條 -- 宅男弒母後畏罪自殺)
"什麼?! 那個"宅男"不會就是他吧?!"
"對呀! 就是他!"
"他怎麼了!打機打傻了嗎?"
"不知道啦, 上星期聽他說好像找到個有趣的新遊戲, 之後就怪怪的, 後來連上網也不見他了。"
"真奇怪!"

**********

學校。
"最近有很多這類新聞呢!"
"對呀對呀! 那些人都不知腦袋在想什麼, 整天就只懂打打殺殺吧?"
"竟然殺掉自己的父母! 只是為了不讓他們打機而已...真是世風日下呀..."
同學們都對最近的新聞議論紛紛。
"喂! 呀文! 你可別學他們一樣呀, 哈哈哈..."
同學們都對他這宅男訕笑。
"我...我...我才不會這...這樣呢!"
他連跟別人溝通、說話也有問題, 在網路上談天打字卻很快。

**********

半夜, 尚文又在房間中上網。
"呀...怎麼找不到呢...? 認識的人當中已經有2個人上頭條了! 竟然有人會夢遊時拿刀刺人! 難道真的跟網上傳聞的那遊戲有關?"
"咦? 這個網頁真奇怪, 版面好像很簡單, 但角落處竟然有遊戲可以下載? 讓我試試!"

[遊魂 -- 最恐怖的Online Game!]

"呵呵! 真有趣, 很少online game是以恐怖為題的呢! 一定要試一下!"
很快的安裝完, 尚文急不及待的進入遊戲。
遊戲以恐怖鬼屋為主題, 當中包含極多不同種類的遊戲, 一個人要完全破關可能要擅長非常多不同的遊戲。
"果然好玩! 夠挑戰性!"

如是者, 尚文幾天廢寢忘餐地玩, 開始慢慢掌握到過關技巧。
"終於讓我打進地下室了...咦?"
螢幕畫面突然全黑。
"你真的要進入地下室嗎?" -- yes/no --> yes
"進入地下室將會讓你的一生改變, 你確定要進去嗎?" -- yes/no --> yes
"進去之後將不能回頭, 你將會體會最刺激的遊戲, 歡迎進入[遊魂]" -- enter
"蓬!!"

**********

突然四周都變黑了, 伸手不見五指。
"怎麼了? 跳制嗎?"

"歡迎你進入[遊魂]的世界。"
"進入地下室, 才是這遊戲真正的開始, 你可以感受到這遊戲最刺激好玩之處。"
"你會親身感受到遊戲的真實感和存在感, 在這世界中感受到真正的殺敵樂趣; 你會有超人的身手、各種不同的武器、還有生活化的環境與敵人, 只要你試一下便會樂在其中, 快點試試開始遊戲吧!"
"要注意的是, 由於遊戲過份真實, 因此有機會會在現實與虛幻中迷失; 而你在遊戲中所作所為, 可能會影響現實生活, 包括你在遊戲中殺敵時, 現實的身體也..."

"什麼? 難道他們就是玩了這遊戲? 殺了媽媽、夢遊時殺人?...不!"

"...這遊戲將會在你晚上睡著之後自動啟動, 請注意, 若你於凌晨三時之後睡著, 遊戲將不會啟動, 而遊戲一經啟動, 將永遠無法登出, 只會於睡醒時暫時停止..."

"不...不不不...不能停止?!...我我我不要!! 那我不玩了!! 最多不去破關!!"

"另外, 有關遊戲內容, 由於敵人會自動搜尋玩家, 因此玩家一定可以感受到殺敵的樂趣, 不會找不到殺敵對象; 由於遊戲設定關係, 於遊戲中被殺亦會導致現實心臟停頓, 請務必努力殺敵拿取更高分數、昇級及購買更強大的裝備。祝遊戲愉快。簡介完畢, 遊戲將於下次登入時正式開始。"

"不! 我不要!! 我不要殺了爸媽! 更不要被殺!! 我最多不睡, 我最多每天也三時之後才睡!! 那就不會有事啦!! 我不要睡!! 我不要...!!"

**********

"呀文, 怎麼你最近總是很累的樣子? 大白天也在遊魂的?"
"對呀...我很睏, 好睏...可...可是我寧願白天遊魂...也不要在晚上遊魂..."
"哈哈哈, 宅男就是宅男, 你每晚也打機到很晚才睡吧, 哈哈哈..."

"我不要...不要..."

**********

朋友們, 你們也是"失眠"的一份子麼? 你寧願遊魂, 還是失眠?

完

**********

後記

1. 題目係某同事J諗比我噶, 好明顯係見我平時成日夜訓, 叫我寫"失眠", 或者"遊魂", 結果我唔係二擇其一, 係combine埋來寫了, 而且一開始就唔係想寫點解自己成日失眠, 而係想寫故仔。

2. 咁o岩呢排有類似新聞, 拿左來用, 都幾o岩。

3. 一開始設定係想講一個好叻噶偵探查殺人案件, 發現係因為有"鬼", 上人身殺人, 除非唔訓著; 最後結局係佢自己比果隻野上身, 跟住唔訓。

4. 寫寫下變左而家呢個version, 無左鬼噶存在, anyway, 係科幻噶世界點都係合理噶, 任我up, 哈哈。

5. 好無聊噶故仔, 無主題無寓意無結構, just a waste of ur time, haha, hope u all still feel a little bit enjoy of reading

完

香港典故

講開香港典故, 有好多可能大家都會知道來源, 例如調景嶺以前係叫做吊頸嶺, 後尾因為聽上去唔吉利, 所以取其諧音叫"調景嶺"; 太古城以前係船廠, 叫"大吉"噶, 後尾因為d人唔識字, 竟然寫錯d字, 就變成左而家噶"太古"; 有好多呢d香港噶典故, 唔止地名, 可能大家都聽唔少, 但係以下呢d大家就可能無聽過噶, 都係有段古係背後, 請大家聽我道來啦~~

**********

1. 赤柱 -- 清未時期, 香港都仲未係好似而家咁繁榮噶城市, 古時噶社會同而家都一樣, 有錢噶就大晒; 當時有一戶富裕人家, 個當家姓咩野已經無記載, 我就姑且叫佢做楊四萬啦。呢個楊四萬平時恃住自己有財有勢, 成日作威作福, 邊個佢睇唔順眼就會攪到人地雞毛鴨血, 不得安寧, 因此人人都唔敢得罪佢。有一次佢見到街上一個美女, 色心頓起, 想強拉佢來做四房, 個女仔誓死不從, 竟然跳海死左。個女仔親生爸爸得佢一粒女, 老婆一早死左, 孤苦伶仃, 最錫就係個女, 點知就咁死左, 當然就好唔忿氣走去報官啦, 但係d官點會幫d平民? 緊係幫有錢人啦, 有錢犯法不嬲都無罪o既。於是佢就自己走去楊家大宅去鬧事。佢唔去猶自可, 去左仲衰, 本來楊四萬攪唔到佢個女已經好唔老黎, 而家佢仲要找上門攪事, 佢即時叫d家丁捉左佢, 然後帶左佢去當時仲好偏僻噶"赤枉"(當時並唔係叫赤柱); 動用私刑。古時有炮烙, 佢竟然有樣學樣, 將條金屬枉燒紅左就將果個可憐噶爸爸推埋去, 好快佢就被折騰死左...紙始終包唔住火, 雖然地方偏僻, 但係件事始終傳左出來, 死左人官府都唔敢唔做野, 結果都拉左個楊四萬。而人們知道左件事之後, 由於楊四萬勢力猶在, 大家都係敢怒不敢言, 於是就將果個動用私刑噶地方叫做"赤柱"(燒紅左噶金屬柱咁解), 紀念呢段可歌可泣噶慘事。

2. 銅鑼灣 -- 點解呢個地方唔似銅鑼, 又要叫銅鑼灣呢? 話說香港以前係漁村就係人都知啦, 而當時香港有好多唔同噶"原住民"係度, 大家都熟悉噶好似"鄧家人", "鶴佬"等等; 而當中有好多都係以漁業維生; 漁民拜神, 好多時都係祈求無風無浪, 好似天后, 或者好似澳門噶媽閣咁, 都係一d人們拜來祈求出海平安噶神祇。係拜神噶儀式入面, 各處鄉村各處例, 而其中一個地方 -- 銅鑼灣, 而家有個避風塘果度, 當時都係漁民聚集噶地方, 係果度噶村民其中一個習俗, 就係每年雨季風季來臨之前(大約5-6月, 實際日期無從稽考了), 要以童男童女去祭祀神明。咁當然唔會好似西遊記咁拿去血祭啦, 但係就要將童男童女(代表仲係貞潔之身)沖乾淨晒個身體之後唔著衫(以最原始噶姿態)咁係祭壇度拜神, 以顯示大家對神明噶虔誠。於是當地被叫做"童裸灣", 後尾呢d咁噶祭祀活動慢慢式微同被取締, 為左遮掩呢d唔太光彩噶過去, 於是取其諧音叫"銅鑼灣"了。

3. 啄啄糖 -- 唔知大家有無食過啄啄糖呢? 而家香港已經好少地方有得賣了。如果大家有睇過電視或者書, 都會話啄啄糖取名噶原因係因為d人賣糖時整出噶聲音而命名, 其實呢d只係d人唔知就隨便理所當然咁講噶解釋, 事實上啄啄糖背後有一個愛情故事。話說以前有個小伙子(姑且又幫佢改個名叫呀右)賣糖為生, 佢平時好鐘意去鑽研一d新款噶糖, 因為一有新奇噶野, 小朋友都會好開心, 而佢亦都會覺得令到人開心係自己噶開心。佢有個青梅竹馬噶女仔朋友(叫呀花啦), 由細玩到大, 亦都好喜歡對方, 認定左對方為終生伴侶。有一次呀右研究到一種好特別噶糖(亦即係而家噶啄啄糖), 佢知道一定會好多人鐘意食, 好開心, 情不自禁就攬住左呀花就咀左落去, 大家都知啦, 當時社會比較保守, 唔好話咀啦連攬都好少有噶, 不過果一刻太開心太情不自禁先會咁o既。佢地為左紀念呢一次世紀錫錫, 就叫果隻糖做"啄啄糖"(好似雀仔啄野咁, 大家互相"啄"對方)。以前唔興自由戀愛, 婚嫁之事不嬲都係媒人介紹, 呀爸呀媽首肯就成事。呢d老掉牙噶故仔千篇一律, 大家都聽唔少。不過最後佢地係成功終成眷屬, 可喜可賀, 可喜可賀。

4. 鱷魚恤 -- 唔知大家知唔知鱷魚恤係點起家噶呢? 話說呢個香港噶傳統噶品牌, 當年創辦人(唔撻佢朵啦)係白手興家, 由一間山寨廠做起噶。要白手興家並唔係人人做到, 一定要智勇雙全同有無限噶毅力再加d運氣先可以做到。當年其實佢本來都無諗住會發達, 只係諗住同佢喜歡噶女仔一齊安安穩穩咁結婚生子過人世, 點知個女仔呀媽後尾竟然嫌佢窮, 將個女嫁左比個有錢人仲去埋外國。佢帶住無限噶悲傷發奮圖強, 唔可以衰比人睇! 因為個女仔個名叫"樂如"(音樂噶樂), 於是佢將個品牌改左做佢個名噶諧音 -- "鱷魚恤", 仲好成功添!

5. 麥當勞 -- 唔講大家唔知, 其實麥當勞噶發源地係香港。當時有一個目光好遠大噶餐廳老闆, 睇出左"快餐"市場噶潛力, 於是係香港某地開左一間好新式噶快餐店, 名叫"牡丹樓", 入面d食物都係唔使開鍋蒸炒煮, 只係用麵包夾唔同噶肉同埋炸下薯條加埋飲品就做到個餐, 方便又快捷又慳水慳力。後來有外國投資者見到呢個係一個可以發大來做噶投資, 於是就搵左佢去傾, 想發大來攪, 於是佢地就合作左來做。為左迎合外國市場, 緊係要改返個西名啦, 牡丹樓係佢心血所在, 佢唔想改名改得太唔同, 於是就叫做"麥當勞", 仲係外國開到成行成市。後尾佢老左無人繼承, 係香港噶"牡丹樓"無左, 反而"麥當勞"仲做到全世界都有, 仲回流返來香港添!

...
...
...
...
...

以上除左開段噶調景嶺同太古係堅野之外, 其他果d全屬吹水, 多謝大家觀賞。請密切留意第二集"香港典故"不定期刊登!!

p.s. 免責聲名: 對於果幾個比我老屈左噶地名同品牌名, 遊戲文章, 純屬虛構, 請大人有大量, 原諒則個。

完

十一月十四日 -- 又多又亂的一星期

8/11(一) -- 收工返企換衫拿野之後出返APM同關老B食飯(烏冬), 之後打羽毛球@荔景體育館。(2樣都晏左)

9/11(二) -- 收工返企煮日式咖哩雞同媽食飯。

10/11(三) -- 提早4點收工過Macau參加舅父個孫滿月酒, 應該過夜; 去唔到話劇第一堂; BB好得意, 突然又親身感受到成班表哥表姊表妹都結晒婚仲大家都有1-2個小朋友呢, 自我感覺麻麻...其實自己一向都係嚮往結婚噶人。佢地book左酒店比我訓, 早知就返HK啦~~~唔太好意思。

1. 唔知幾時唔見左個舊電話...連係HK定係Macau唔見都唔知...

11/11(四) -- 光棍節; 請左假; 係Macau酒店起身後, 表嫂call我叫我一齊食野, check out後佢來車我去食左個咖哩雞米, 好味, 之後去左買出名噶豆腐花, 再返舅父屋企, 睇左下B同同長輩傾左下偈後, 食埋晏就返HK; book左練車2個鐘, 感覺還ok; 夜晚同魷魚食飯@坑口村, 多謝手信呢, 好得意。晚上表姊表妹夫同另一人因為工作關係來HK到我家借宿一宵。

2. 從魷魚口中聽到有關一個City舊同學噶驚人消息。

12/11(五) -- 請左假, 電單車強制試肥左; 下午漫無目的咁hea, 臨時約到呀哥個會噶Winnie出來SSP行左下同食左個tea(其實係雜食), 之後返City行左個圈返屋企; 夜晚出返去順利睇高級組毛毛球打波, d人好勁呢, 之後成班人一齊落KT葫蘆館食糖水後返企。

3. 原來閒日戲院(TKOMCL)係唔開早場噶 =_=

4. 考車都係衰緊張, 不過都o岩噶, 如果緊張就做唔到要做噶野, 都係代表唔得; 緊張或者無信心都係能力不足噶一種, pass左盞自己唔好。練好d吧。

5. 破財噶一個星期, 唔見電話, 又要比錢考過個試。

6. 舊同學噶驚人消息延續, 更驚人。

7. 崩緊了的精神放鬆了; 原來經歷過大事之後, 遇到小事就會一點感覺也沒有。

8. 呀爸同呀哥返來, 不用再home alone了。

13/11(六) -- 中學同學室內籃球活動(9-11@SKM, 仲早過平時返工起身), 打得唔錯呢, 好耐無打籃球, 好彩都keep住有打毛毛球有做運動; lunch同Fontane唱K唱左個半鐘; 下午同Connie等舊友一齊係君傲灣clubhouse打PingPong同碌鈴, 之後夜晚買野上我家打邊; 打完仲睇埋"PTU之同袍"(都唔錯), 個格局同之前自己睇過果套噶PTU一樣, 都係分散好多點, 之後慢慢命運中合埋一齊呢, 唔知另外幾套PTU係咪都一樣。

9. 個舊電話竟然係Macau舅父家中, 搵得返。

10. 仍然都係果句: 難得有o岩同夾唱K噶人呢~~ 大家都可以唱好多年代噶歌, 同埋合唱識得和音~~

11. 全日噶schedule好連續同full呢, 到到下午有d累~~~(結果係4點幾發呆時比人問做咩突然靜左係咪有心事haha)

12. 家中打完邊爐都會好大陣味呢~~ 不過小肥羊個湯底真係好正~~~

14/11(日) -- 係公司抽到太空館睇"海底世界"噶平飛(其實比正價都係平少少, 本身就好平), 約左Angel睇, 都幾好睇呢~~~ 雖然有d野同平時睇紀錄片差唔多, 但係感覺爭好遠, 因為個螢幕勁太多了~~ 睇完一齊係返TST食野, 食返好耐之前同佢一齊食噶雲南米線, 一直以為執左, 原來未呢~!! 仍然都係好味~~~ 之後去遲join左Bomber噶K局; 當日佢生日同佢朋友攪K局, 又咁o岩見我想唱K, 於是搵我鄧埋腳; 佢同佢d朋友都唱得唔錯(當日自己可能因為之前又累又打邊等等各種關係, 把聲有d沙同有d唔舒服, 難得覺得佢地都係好玩得同都幾好人幾o岩傾呢; 之後有2個人走先, 剩返我地4個人一齊食晚飯, 去左MK食鐵板燒, d野OK啦, 食下傾下到差唔多11點9先散。

13. 驚人消息再延續, 睇來都係會照大家預期咁落去了。

14. 最近又多返client, 或者舊client來搵返我, 大家真可憐呢, 希望大家遲d都會開心返啦。

15. 都隔左幾多日無返工, 又要返返工, 唔多想返添。

來緊:

15/11(一) -- 羽毛球@林士德(9-11)
16/11(二) -- 同Esther慶生@九龍城三和田(19:30)
17/11(三) -- 話劇進階第二堂(20:45)
19/11(五) -- 補學車; 可能之後去join Angel噶camp?
20/11(六) -- Crystal誠邀我一齊去睇清明上河圖(9pm), 多謝呢

23/11(二) --
24/11(三) -- 話劇; 同時又係IIA K Gathering, 睇來又會走堂, 太難先約到一次Gathering了...本來話22/11咪好咯...
29/11(一) -- TW之旅confirmed
18/12(六) -- KTG擺酒

完

十一月七日 -- 雜記

1. 想念是一種習慣; 當你想念的是不應該想念的人、事、物時, 想念就是一種可悲的習慣。

2. 終於搵返蔡一傑係concert入面solo果首係咩歌, 係陳百強噶"盼望的緣份", 超好聽!!

1/11(一) -- 放棄羽毛球@九龍灣, 改為同Connie慶生飯局; 收工去左CWB噶日式放題"串"食, 8個人食都幾開心, d野食都幾好食, 請埋一個人每人都係$200島, 好抵; 原來果度逢星期一買3送1呢~~

3. 雖然唔係個個熟, 但同班識左好耐噶朋友(都有d係好熟噶)一齊食飯的確係會開心d。

4. 收工時係KTMTR巧遇K姐姐, 好耐好耐無見啦~~

2/11(二) -- 返工下午出site出左好耐, 好累, 好彩第日direct去HA可以晏dddd; 收工返企食飯。好累所以早訓了。

5. 拖泥帶水。

3/11(三) -- 本來想去睇下生日禮物, 係APM睇過無野o岩, 搭車去深水埔諗住自己行下街時, 催時同學搵我, 話佢好累唔想打波, 想我頂佢個位(記住數有人話請我食飯喎); 於是返企食d野出返去打波; 10-11林士德。

4/11(四) -- book了收工7點半-8點半練車; 收工Queenie陪我係KT食晚飯之後去練左一個鐘, 估唔到會落雨, 揀中左架唔得噶車來練...如果生鏽噶劍都用得好, 用返利劍就會好勁, 用呢個諗法來練車, 其實都OK handle到, 不過都轉彎時反左一下車, 整損左腳, 好痛XDDD; 好多人練車...唔想等所以好少練個8字, 反而狂練開停車令自己穩定d, 都OK呢。之後返一返公司諗住拿野, 點知鎖左係QQ櫃度拿唔到, 白行一轉(大姐仲係度開緊工 @@)。

6. 呢排唔知點解成日突然地會諗起考車噶野, 有d緊張。

5/11(五) -- 日安生日快樂!! 仲有Puzzle同埋Esther生日快樂!收工Jenny來, 係KLB join左呀威, 去SSP join埋呀娟同Jenny, 之後行左模型鋪, 去食左公和豆腐之後去左強記大牌檔, 之後返企。

7. confirm左老細9-12放假, 好野, 雖然我蝕左2日。

8. 半夜醒左, 又發神經, 哭了。好辛苦, 好怕。點解仲要係咁?

6/11(六) -- 約左成個月噶同同事踩車因為落雨而cancel...成日係屋企hea, 打左成日Angry Bird, 過晒d版; 之後又用左好多時間睇Apps. Store, 都無咩o岩dl; 夜晚煮飯食, 好耐無煮過野了...好彩都還OK。

7/11(日) -- 係屋企hea左大半日, 下午睇左"新最佳拍檔", 都係好耐之前果d"最佳拍檔"好睇d; 5點島同Jenny去MK, 波鞋街-->Body Shop-->莎莎-->食壽司-->兆萬-->采豐行-->九龍塘Jenn走, 之後返企。

9. 睇完廣告先知原來牛頓同我一樣都係唔食蘋果噶; 如果係梨或者其他生果跌落佢個頭度佢應該都係會食左去, 好明顯佢就係唔食蘋果先會拿住個蘋果係度諗野。

10. 繼之前打完Abgry Bird, 又係度喪打"Gun Bros", 好耐無試過好似以前讀書時期咁狂打機, 仲要打到眼好累 =_=

11. 台灣之旅得到各方面噶協助終於叫係就來攪得成, 太好了。

12. 原來呢個星期貼左好多篇野, 不過有d係之前打開, 有d係hea下hea下打左好耐噶。

來緊:

8/11(一) -- 收工同關老B食飯, 之後羽毛球@荔景體育館
10/11(三) -- 收工過Macau參加舅父個孫滿月酒, 應該過夜; 去唔到話劇第一堂
11/11(四) -- 光棍節; 請左假, book左練車; 夜晚同魷魚食飯
12/11(五) -- 請左假, 12:30pm練一個鐘車, 之後2:05pm隨即電單車強制試, 驚驚
13/11(六) -- 中學同學室內籃球活動
14/11(日) -- 係公司抽到太空館睇海底世界噶平飛(其實比正價都係平少少, 本身就好平), 約左Angel睇

15/11(一) -- 羽毛球@林士德
20/11(六) -- Crystal誠邀我一齊去睇清明上河圖, 多謝呢
29/11(一) -- TW之旅confirmed

完

幸福

難得同事呀Yo比噶題目。

**********

人們追求幸福, 但每個人追求的幸福也不同; 就像人生一樣, 每個人對人生的看法也不同。
沒有人說得上"人生"是為了什麼, 那究竟有沒有一個籠統的說法去講"幸福"呢?

"幸福"在不同的環境也會有不同的演繹吧? 在戰亂的國度裡人們祈求和平, 在饑荒的地方人們希望溫飽, 在比較富裕的社會如香港, 人們會想有穩定的工作、完滿的家庭、找到自己愛而又愛自己的人、甚至是發達賺大錢...等等。

對於生在繁榮穩定社會的我來說, 追求幸福, 其實也就是追求"心之所安"。

心覺得舒服就大於一切吧? 每個人對"心舒服"的要求也不同, 有些人會覺得肉體上舒服心才會舒服, 因此會去吃美食、住舒適的地方; 有些人喜歡金錢權力名利; 因種種原因去追求想他們追的人、事、物。有些人則喜歡做"有意義的事", 因此他們會去做義工, 去幫助別人, 去捐錢, 不去做壞事做好人...等等。其實不論做什麼、追求什麼, 也是滿足心入面的渴望、要求, 得到了、滿足了, 就會開心, 這就是"心之所安"了。

太多的要求、或者太高的要求, 就不容易達成, 有渴望而得不到, 就會不開心; 由此說來, 不要有過多的慾望、希望、期望、渴望(whatever)就會更容易開心吧? 說著說著又好像談到以前常常談的無慾無求和尚論。其實這當然是沒可能的, 人一定會有慾望, 無可能做到無慾無求, 而且沒有渴望、沒有想得到的東西, 人就不會進步, 因此這樣違反人性的事根本就是無稽之談。

"定下自己有望達成、或者要努力才可達成的目標, 這樣人就會努力、會有進步, 同時也不會常常因得不到而覺得不開心。"好像很完美, 但其實這也是違反人性: 刻意去控制自己的希望, 也就已經不是"隨心"了, 人就是會希望去得到一些自己沒可能得到的事呀, 哈哈。想起在"Eat, Pray, Love"中的女主角, 力求"平衡"(Balance), 但太刻意去求"平衡", 自己的心卻已經是失衡了。

覺得自己講得好像愈來愈複雜, 但其實自己的想法和目標一直也沒有改變: 要知道自己在做什麼, 想要什麼, 這樣即使最後的結果是如何也不會後悔; 儘量在不對別人有壞影響的時候, 做自己想做的事, 快樂就好。

完

短篇 -- 六親不認

清早時份, 天色還是迷迷濛濛的, 有一個人在山路上獨自行走。風吹起了幾片樹葉, 飄到了那人腳邊。

"呼~~ 想不到七月天時的清早山上還蠻冷的!"

只見那人一身捕快服飾, 卻又不大對勁: 沒帶帽子, 頭髮隨便的蓄起, 還有幾根隨風飄盪著; 一邊耳垂釘著一顆小小圓圓的玉; 一下巴的鬍渣; 捕快服還算整潔, 但七月天時還圍著厚長的領巾, 長長的尾巴也隨著那幾條亂髮一起飄盪; 好好的長靴不穿, 卻穿著一對草鞋。好奇怪的一個漢子。

在還不算難走的山路盡頭, 一間簡陋的屋子就在大樹與小溪邊。漢子單手拿著木製長棍, 向著屋子走去。

就在這時候, 他嗅到了"氣味"。所謂氣味, 並不是真的嗅覺上的氣味, 而是從經驗與直覺磨練出來的"感覺"。就像有些人遇到不相識的人, 會嗅到與自己相同的氣味, 即是覺得對方跟自己很像, 一見如故。而這時他所嗅到的氣味, 是"危險"。

噗噗噗!!

漢子突然向一旁打滾開去, 暗器打在他原本所站的位置上。之後接二連三的也都給他避了開去。

"哈哈哈哈! 好俊身手!" 豪邁的聲音從屋裡響起。一個身高膀闊, 昂藏八尺的巨漢從屋子中出來。
"丈八金剛, 總算讓我找到你了..."
"哼! "六親不認"阮中由...這幾個月來一直被你從長安追來, 在不同的地方繞來繞去, 想不到最終還是給你找到這裡來!"
"江湖中武功我雖非一流高手之列, 可是捕快需要的技藝可還算是不賴的..."
"那你就後悔你的功夫沒練到家吧, 哈哈哈, 今天就要跟你來個了結!!"
三個人從"六親不認"周圍的樹林走出來, 正是剛才從四面八方放暗器的人。

"丈八金剛韋駝...少林寺叛徒, 十三年前弒師潛逃, 犯案累累, 山西劉員外三十四口滅門案, 高勝門開碑手胡坤慘死案, 姦淫擄掠, 無惡不作, 另殺二十七名追捕你的捕快; 師承少林, 以一身金剛不壞功和金剛杵橫行; 淮南三鬼, 大鬼任昔陵, 三鬼頭領, 負責計劃各種案子, 師承點滴上人, 擅使判官筆, 認穴打穴功夫和一手鋼鏢算起來也可入二流高手之列; 二鬼馮崢三鬼馮明, 乃馮氏三房後人, 擅長二人雙錘合擊及多種奇詭暗器; 淮南三鬼所犯案件包括..."

阮中由把四人的師承來歷及所犯案件, 不帶感情色彩、如數家珍地述說出來, 連一些他們本人以為無人得知的案件和事情竟然也無一不知。三鬼都暗自心驚, 但丈八金剛卻有恃無恐。
"阮捕頭, 今天總算把你引來了這裡, 你武功雖高, 但面對我四人合擊, 今天你是必死無疑的了! 哈哈哈哈!"
"你們知道為何我以長棍作武器麼? 因為捕快都是不帶感情, 忠實地把任務完成, 把罪犯捉拿歸案的, 目的是"捕捉", 亦不是"獵殺"..."

說時遲那時快, 阮中由身形拔起, 向著離自己最近的大鬼任昔陵當頭劈下! 由於阮中由突然發難, 大鬼根本走避不及, 判官筆也擋不了長棍這重形武器, 唯有硬生生舉起雙臂擋著這當頭一棒。
"啪!"大鬼感到雙臂劇痛, 木棍加上"六親不認"的內力竟把他雙臂臂骨打斷, 就在那極痛楚的一瞬間, 長棍迥棍一棒把大鬼打飛進了溪中。

一切的事情來得太突然, 二三鬼只見大哥突然被幹掉都嚇了一跳, 丈八金剛大喝一聲立刻上前就作出攻擊。
"還不快夾擊!!" 二三鬼畢竟久經江湖, 立刻回個神來上前夾擊。
阮中由還在喃喃自語, 無視被三人夾擊的危機。
"生死大事, 當以自身性命為先, 面對四大兇悍犯人, 出手重一點無可厚飛...非常時期, 不能生擒就只有放倒吧..."

"丈八金剛"在江湖中薄有名堂, 算得上高手之列, 而二鬼三鬼的夾擊也異常純熟, 單人匹馬難以招架, 阮中由唯有一直以長棍的距離優勢作出最大限度的保護。可是仍不免掛彩於暗器之下。"丈八金剛"突然從長棍的空隙中欺身直撲, 金剛杵以磅礡之勢直攻中門!

"很好!" 阮中由以木棍一架, 金剛杵法剛猛無比, 木棍根本承受不了重擊, "啪"一聲斷為兩截! 阮中由承著那一擊的力道猛然後退, 直撲三鬼馮明, 馮明正想舉雙錘應付, 怎料半邊木棍從阮中由脫手而出, "喝"的一聲, 木棍折斷了尖銳的那一端直插馮明心臟, 馮明應聲而倒。

二鬼馮崢知道自己武功不及, 不敢再近身而戰, 只遠遠的配合韋駝的攻擊發放暗器, 韋駝反而更能施展那大開大閤剛猛無比的杵法。阮中由手拿半截長棍, 身負幾處傷痕, 還要給二人夾攻, 漸漸支持不住。突然"呀!"的一聲, 二鬼馮崢倒地, 只見一身穿捕快衣衫的年輕女子趕到, 她再接連發射袖箭, 把韋駝的攻勢暫緩住。

"阮大哥! 你又不理人家自己就走了去! 我跟你是同伴, 不是要一起行動的麼?!"
"不...你是我下屬, 應該聽從我的指示...而且我一早就計算好你會追來, 幫我把那個混蛋了結的。"
"你計算個屁! 根本你就不信我想把我賴掉就走! 你個什麼"丈八金剛"的, 看招!"
"女孩兒家怎麼這般粗俗...小心!"

韋駝見三個幫手相繼倒下,自己又突然陷入被夾擊的困局, 二話不說就直撲向那女捕快, 他雖然身型魁梧, 身法卻是意想不到地快, 女捕快來不及反應已被他的大手一手挾持住。
"哈哈哈哈哈! 阮中由! 你剛才以為贏定了吧? 還可以這麼輕鬆? 哈哈哈哈哈! 怎辦, 現在女娃兒在我手上, 你什麼也辦不到啦! 她死了你可擔不起呀, 她可是江總捕頭的千金吧哈哈哈哈! 要她死還是你死?"

"我還是多此一問呢, 你的名號不是已經說明了嗎? 當年你不是一樣害死了你身邊的親人嗎? 為了辦案連自己親人的生死也可以不顧吧! 那是不是可以不顧這娃兒的生死來擒我這罪犯滔天的惡人? 哈哈哈!!"

當年於辦案時的一場意外, 阮中由的妻兒慘死, 加上他平常嚴正不阿的為人, 不喜歡多作解釋的性格, 使他背負了為辦案而"六親不認"的名號。由於他本領高強, 因此沒有駐留於什麼地方, 而是主力四處追緝重犯, 大家也樂得不留他在衙門。

阮中由一點也沒有猶豫, 和身直撲向韋駝!!

韋駝人質在手, 原本認為一般的人也會稍微猶豫一下, 或者一時反應不過來, 但對方竟然一點也沒有擔擱, 就這樣直撲過來, 倒是他不知怎算了。人質的作用, 在於牽制著對手, 但如果對方根本不在乎人質, 那就一點意思也沒有; 難道他真的六親不認, 為了辦案就不理她的生死!? 就在韋駝百般念頭閃過之制, 阮中由已欺近身前!!

"舉手!!"
阮中由沒來由的一聲大喝, 丈八金剛更摸不著頭; 就在這刻, 江大小姐突然舉起手來, 遮住了他的視線, 腋下一涼, 阮中由從江亦芙舉起手的空隙之下以剩下的半截斷棍直插他的身上!

"乖!!" 阮中由立刻拉開江亦芙, 乘勝追擊, 想再補多一棍, 可韋駝也非善類, 吃了一記受了重傷仍然做出最正確的判斷: 逃! 他承著阮中由拉開江亦芙的一剎立刻轉身後退就走, 他深信自己的身法快絕, 阮中由一定追不到他!!

血花四濺。
韋駝倒地。

"哼哼! 你也太小看本小姐了吧~~!!" 原來在韋駝轉身的一剎那, 阮中由已一把推前了江亦芙, 江亦芙就順勢一刀砍了韋駝, 就此了結。

"捉拿罪犯不是決鬥呢, 不用一對一的...總之任務完成就好了..."
"阮中由!! 剛才你真的不理我的死活就沖過來了!! 算什麼了!!"
"那是人性心理上的弱點呢...結果他也就真的反應不過來, 有機可承了哪...不過如果你出了事, 也沒辦法, 誰叫你這麼魯莽的就沖過去, 你根本就不是他對手嘛...嗯嗯...不過如果不是你被他捉住了然後有機可承放倒了他, 我憑半截斷棍也沒信心打待贏他呢...呀...對了, 剛才叫你舉手你倒也難得的那麼一次聽我話..."

阮中由一直喃喃自語, 江亦芙一直在旁囉哩囉嗦的吵鬧著, 聽不到他說的一句:

"我永遠也不要再失去同伴了..."

完

**********

1. 一d意思都無, 純粹係自己諗緊果個大故仔入面人物噶外傳, 只因太悶, 寫完就完了。

2. "丈八金剛"韋駝係故事入面都唔係咁, 係勁好多噶敵角, 阮中由應該係唔夠佢打噶。不過本身寫左佢就廢事改做第2d人物, 外傳就當唔關事噶外傳啦...可憐噶韋駝...

完

一封不寄的信 -- 冰茶, 星空, 蜜蜂

突然想起中學時期中文老師出的一個作文題目, 加上某同事給我的題目, 聯合起來寫一篇吧?

**********

上款略

夜涼如水。

又到秋天了, 不知道已經隔了多少年沒見, 你好嗎?
睡不著的夜晚, 百無聊賴地聽著歌, 喝著我最喜愛的冰茶; 想起你經常叮囑我別常喝冰冷的飲品, 對身體不好, 可是阿, 總是戒不掉這習慣呢。不過在公司我已經會在冰水加上一點熱水, 沒那麼冷的了, 總算是乖了一點吧? 反正戒不掉的, 又何止這些習慣?

望著窗外, 香港的夜空並不美麗; 太多大廈燈光, 太多霓虹燈, 空氣質素差, 永遠只是看到三數顆星星寂寥地伴著月亮閃爍著, 偶爾還會躲懶起來, 半顆也不見。你也像這些星星一樣了, 已經不在我的世界裡再出現, 仍然記得你當初最吸引我的笑臉, 仍然記得你的眼晴, 仍然記得你每個星期的哪一天會跟同事出去吃飯, 仍然記得你會在我手錶的12:02分去吃飯, 18:07分上公司車, 仍然記得在你爸眼皮底下的事, 仍然記得椰汁, 仍然記得為了電話而在廁所滑倒, 仍然記得所有的承諾, 仍然記得很多點點滴滴...仍然有如蜜蜂般每天每天不斷很努力地想...起你。記憶力太好似乎只是對讀書有用而已...

太多太多的"記得", 數之不盡, 太深刻的印在腦海中、皮膚上, 甚至是眼珠裡、耳朵中, 揮之不去。即使把頭髮不斷剪掉, 把眼鏡換掉, 買了新的袋子接替你所送給我的背囊, 把曾經一起的合照都刪除掉, 在日常生活中一切一切的你的痕跡都抹殺了; 可我卻不能炸掉了香港, 換掉了特首, 鋪平了彌敦道, 夷平了將軍澳..., 我只能眼見、耳聽著所有跟你有關、沒關的東西, 一次又一次地提醒我你的存在, 一次又一次地加深心底的...傷痕。

或許已經麻木了, 感覺到自己不再痛, 但同時也感覺不到自己可以再愛, 可以再對其他人好, 像以前對你一般的好; 或者在某年某月某日某時, 會遇見一個另我回復以前的我的人? 但願不要是個男人吧。

得知你快要結婚了, 不知道在換日線另一邊的你生活得如何了? 希望你已經完全的把我給忘記了, 把你的錯、我的錯都忘記了, 把以前的一切都能抹殺掉, 快樂地生活下去。

祝你幸福。

下款略

**********

以上文字內容純屬虛構, 如有雷同, 實屬巧合。

完

十月三十一日 -- 草蜢

26/10(二) -- 收工返企, 剪頭髮; 之後食飯, 好似好耐無試過一家四人齊晒咁食飯...不過又係講埋d...都hea左好一陣先返屋企; 比呀哥話我今次剪得超唔掂(緊係啦, 因為超唔專心超求其咁剪), 結果都係佢幫我執手尾...真係唔該晒。好累同唔多舒服, 都係早d訓。11點半島訓。

1. 每次剪頭髮噶時候, 都會有個諗法: d唔好噶思想同記憶都upload晒入去d頭髮度剪左去一齊走吧。

2. NBA明天開鑼! 每一日又多返少少娛樂啦~~

27/10(三) -- 平凡的一天, 收工返企食飯, 食完飯去上話劇last一堂。

3. 3點幾, 5點幾, 7點幾...原來早訓對我來講係奢侈同罪無可恕噶。

4. Yeah, 冷敲Celtics贏Heats估中左! 打巢佢地啦~~!

5. 不孝子連續三日返屋企食飯，難得難得，慚愧慚愧。

6. Penny有一張買一送一噶coupon 29號到期比左我, 臨時搵人好彩都搵到叻姐星期四一齊睇Eat Pray Love。本來約左Queenie一齊食飯同陪我睇台灣噶野, 唔好意思呢。

7. 真係凍凍地, 放棄凍水涼, 沖熱水涼了~~

8. 連續2晚早訓, 不過2晚半夜都有醒...

28/10(四) -- 小雅生日快樂, 而且仲係新婚快樂緊呢! 收工同叻姐食飯睇戲。

9. "Eat, Pray, Love"睇完好似有好多野想講, 又唔知想講咩, 套戲入面有太多野講, 有好多位都好值得一提, 不過太多, 唔提了, 所以都係度講唔到了; 重點講少少自己想提噶野:

Julia Roberts真係好勁, 個角色除左搵佢之外真係諗唔到搵邊個做到, 演技+氣質真係得佢先得, 不過佢都真係老了;

其實套戲好多野都唔係好o岩大部份HK人...或者好多Hk人get到噶野會唔同...或者係get唔到好多野...接唔到軌呢。

有錢人先做到噶野, 唔投入。

好難得地, 自己竟然係幾理性咁去睇呢套戲, 並唔係用平時感性噶自己去睇, 感受同接收噶野一樣, 不過可能睇得無咁辛苦吧?

一直以來自己同個女主角一樣係追求Balance, 亦都係一d唔應該Balance噶位唔Balance過, 但又如何呢? 其實根本去強求、不強求、隨遇而安、咩都好, 係唔得噶都係唔得。

學會原諒自己? 呢樣只係壞人想做好人噶藉口同理由。

有機會應該會睇下本書。

呢套野其實唔係好同HK接到軌, d人噶思想行為模式同HK人爭太遠呢; 同埋, 基本上有錢人先做到果個效果。

不太同意關老B所講, 套戲令人(或者港女)睇完會發白日夢, 基本上一直睇都無呢個感覺; 不過, 講真如果真係港女, 睇到噶可能真係如關老B所講咁, 咁又真係幾可悲。

10. 恭喜你做左業主, 今日拿埋鎖匙~~

29/10(五) -- book左8點半練車, 收工約左Crystal食飯; 佢有coupon於是去左板長, $50 coupon都幾抵呢, 不過APM果間真係唔多得, 以後都唔會去...之後佢陪我去左觀塘海濱公園坐同傾偈, 到夠鐘就去練車; 今日練車進度都唔錯, 都可以有好幾次係成set動作咁做又無出錯pass到呢, 而且仲get多左野; 之後換左架車, 原來應該就係我第一堂果架車! 真係超唔得, 好難控制, 唔怪得第一堂渣唔到啦! 之後用呢架車去練真係難好多, 但係都算係渣到呢; 練完返企。

11. 今日真係好累...好耐無試過累同眼訓到全日都好累, 覺得自己合埋眼唔使好耐就可以訓得著噶狀態, 好累...

12. 發現好多野自己噶能力都降低左, 唔係做唔到, 而係潛意識、身體、思想各方面都鎖住左, 令我做唔到以前做到噶水準(定係已經唔想做?)...明明自己覺得係可以噶...不論係感受人地噶心情、定係去令人開心噶能力(係唔肯做?)、睇野通透噶能力、愿意去做野(包括對人好)噶心情...各方面, 好似都已經無左、弱左...定係我一直係度否定而家噶自己, 美化過去噶自己呢?(覺得唔係咯...) 而家真係覺得自己只有係唱K時會比較放開d、表現d自己...(不過, 其實都玩少好多野+好多歌無再唱+無以前咁好了...)

30/10(六) -- MayChan生日快樂!! 起身好累, 於是唔睇早場住, 睇中午場噶"父後七日", 好睇; 之後返屋企hea, 頂唔住訓左一下, 差唔多夠鐘就起身出發; 草蜢concert, 勁正! 雖然其實比較鐘意佢地唱返自己d歌, 但係唱人地d歌都係d經典好聽噶, 都唔錯呢~~ Remus獨唱又係超正~~!! 可惜尾場都唔係唱耐好多呢...11點9島就完, d人磨到咁上下見無都散了...

13. 一個人的電影: 父後七日: 相對於"告白"噶變態同無情, "父後七日"拍出左好深厚、濃濃噶人情味; 並無刻意煽情、催淚, 但係感受到人同人之間各種唔同噶愛, 淡淡地係生活之中滲透出來。大家覺得自己同父母或者身邊噶人關係疏遠了嗎? 推介: "父後七日"。

有少少台灣味道, 不過應該唔影響HK人睇噶感覺。

覺得自己同個女主角係感性上係幾相似。

31/10(日) -- hea盡一日; 之前果晚4點先訓, 早上起身, heahea下上網, 食左d野, 再上網; 呢2日睇左唔少集nowtv噶have a nice day同埋home sweet home系列, 睇下呢d訪談節目幾好睇; 下午heahea下又訓, 訓到咁上下又起身睇, 就咁就過左一日; 夜晚返企同老豆食飯, 食完飯過左去睇人地噶新屋, 雖然有d野真係唔好, 但係入到去感覺好唔錯呢。

來緊:
1/11(一) -- 羽毛球@九龍灣放棄, 改為同Connie慶生飯局

8/11(一) -- 羽毛球@荔景體育館
10/11(三) -- 收工過Macau參加舅父個孫滿月酒, 應該過夜
11/11(四) -- 光棍節; 請左假, 一定要練車
12/11(五) -- 請左假, 電單車強制試
14/11(日) -- 係公司抽到太空館睇海底世界噶平飛(其實比正價都係平少少, 本身就好平), 約左Angel睇
15/11(一) -- 羽毛球@林士德
22/11(一) -- K w/ KWHIIA

完

十月二十五日 -- 通心粉

18/10(一) -- 收工返企食飯, 之後打羽毛球@土瓜灣; 果個查理幾勁, 同埋感覺上都唔係好乞人憎姐?

1. 個風就來打到, weekend咪無得練車?

2. 自己諗噶故仔竟然突然諗多左好多野, 大綱愈來愈完整。

19/10(二) -- 約左Angel食飯, 佢去完旅行返來之後, 好似都好耐一直無見過佢了; 原來無同佢食過King 1, 於是去左食; 食完去行左下美麗華噶UNIQLO之後散。

3. 究竟應該自己去freely去hea, 定係搵個伴去(當然都唔易搵)share個cost呢?

4. UNIQLO果件褸真係有d吸引...

5. 來緊想睇eat pray love同埋抱抱俏佳人。

20/10(三) -- 魷魚味生日快樂; 收工過MK睇左下玩具(無買野)再去銀行中心睇台灣噶機票package資料, 之後上話劇。

6. 返到屋企見呀哥訓左; 成日一係好早訓一係好遲訓, 唔定時, 真係曳; 我呢d先係乖噶嘛: 定時夜訓~

7. 繼之前呀傑傑之後, 總算係drama班拿多左幾個人噶facebook: Wilson, Eric同Clement, 呀, 仲有呀sir。

8. 個風好似好勁, 唔通真係打得成? 就算打唔成都大風大雨, weekend都係無得練車...亦唔方有咩節目(唱K就最好啦哈哈)

9. 目標: 考完強制試後, 12月前去台灣。

10. 一起 -- 遺棄? 舒服 -- 束縛?

21/10(四) -- 好彩之前果晚睇一睇, 打慣9點, 但其實今日係7點鐘係摩士公園體育館打毛毛球。收工即去打, 今次d人都好勁呢~~打完返企。

11. 唔覺唔覺, 我個故仔只係好brief噶人物、組織同少少劇情, 已經二千字了。不過, 我係唔會打個故仔出來噶。

12. 五年後噶小學通識入面會唔會有呢一句呢?"香港是一個十分安全的地方, 在"李氏力場"的庇護下, 不會受到風暴影響, 更不會影響人們的日常工作及學習。"

13. 下星期要訂去台灣噶野了。

22/10(五) -- 收工同Connie睇話劇, 先過左TST食越南野再去睇7點半, 時間o岩o岩好; 睇"命運建築師之遠大前程", 林奕華作品: 唔覺好似其他人講咁好深。一路睇一路都諗到好多野, 返到來唔想講咁多了。

14. 每個人都係建築自己命運噶建築師, 咁究竟大家平時睇野係用對眼? 用心眼? 定係好似大多數人咁用屁眼去睇野?

每一個人都只看到自己睇噶野; 世上有d人習慣、注定係比人睇到噶, 有d人係睇到別人噶人, 一旦只要注定左係先睇到別人, 別人睇唔到你, 就算你係他/她眼前晃來晃去, 你都唔會被睇見...

幻覺本來就唔係真實, 所以見到幻覺, 應該都係見到快樂噶野就好, 點解連見到噶幻覺都係唔開心噶?!

幸福...並唔係用眼去見, 用手去抓, 而係用心去感受噶。

15. 離場時經過不應該經過/見到噶尖東海傍及1881。

23/10(六) -- 一早起身本來想去睇戲, 後尾諗諗下d時間唔係好就, 出左去就無得攪屋企d野, 睇完就要去MK, 所以都係唔睇住, 留返星期日早上; 下午K w/ 青鋒社噶朋友仔, 唱到7點幾走; 威威同娟同民仔上來我家打機, 打到12點幾散。

16. 好難得地, 關老B竟然搵我星期日係返TKO踩車, 今日都唱到唔想唱, 所以星期日噶K局緊係唔去啦, 反正我係中間人, 叫左佢地自己join埋bad-end人就得啦, 唔使我去, 哈哈。話時話, 對上一次見到關老B同Angel係同一日, 係去書展果日, 都好耐之前了。

17. 係威威度拿返好多集Keroro, 第日得閒可以hea睇。

24/10(日) -- 本來話31號改為今日同Bad-End人唱K, 但係由於16點噶關係, 無去; 約左11點係TKL等, 等左一個鐘...累爆, 同關老B同佢噶朋友一六食lunch(麻酸樂, 好唔掂)之後踩車; 已經專登狂兜去d唔知咩位, 但係都係個幾鐘就踩左四站MTR站噶地方, 係寶琳坐左下休息; 由於關老B朋友約左人會早d走, 無啦啦係戲院買左5點8飛睇"抱抱俏佳人"; 三個人係寶琳休息左陣之後就踩返TKL, 兜左d路返到去都係三點幾...放返好晒d車之後就係城中站噶平台同clubhouse行左個圈, 之後關老B朋友就先走; 同關老B行去坑口, 食聰嫂之後行左下街就差唔多夠鐘, 再行去寶琳睇戲; 套戲普通啦, 都ok啦, 最交到戲係千Fa, 周秀娜個胸真係好勁; 戲入面都有d廣告位, 但係sell唔到我地d咩, 反而戲中見到林峰食個雞(唔係廣告噶)好似幾好味, 完場之後大家竟然就去KFC食雞, 哈哈, 食完行左下就返企。雖然耐無見又無聯絡, 不過o岩傾噶都係o岩傾噶~ :)

18. 又比多個人話點解好似好熟咁, 但係計返完來全識左半年都無。

19. 我是通心粉: 自己d野無咩唔講得, 個心係通噶; 而且好快熟。

20. 結果星期五六日打唔成風, 連雨都唔多滴。

25/10(一) -- 收工本來約左同QueeniePenny一齊睇Eat Pray Love, 不過臨收工唔知咩事超唔舒服, 無同佢地去睇了, 返屋企食飯休息左陣, 好返d, 再出返去九龍灣體育館打羽毛球, 果個呀石好勁呢~~~~ 打完返企。

21. 前一晚早左訓(12點前), 竟然早上又係好早6點幾醒...唉...雖然之後再訓都訓到但係都唔多淋...

22. 由前排睇左好多戲, 由之前噶唐山大地震開始, 到愛情遠著陸、狄仁傑、劍雨、中坑同學會、抱抱俏佳人等等都有一個共通點: 就係無論點都加左at least一段床戲...記得細個時睇電視d戲見到成日都加咀咀戲已經覺得, 乜咁易就咀咀噶? 而家咀咀已經唔係一回事, 係套套都有攪野... 一_一"" (反而變態日本仔噶戲"告白"無咯...)

23. 自動防衛系統啟動。

24. 雖然24號就已經轉左plan, 但係今日正式成為i-Phone+上網使用者了。

25. 今次個雜記好長呢。

來緊:

27/10(三) -- 話劇last一堂
28/10(四) -- 小雅生日快樂, 而且仲係新婚快樂緊呢!
30/10(六) -- 預算練車; 草蜢concert, 勁期待!
31/10(日) -- 如果星期六無練就今日練車

1/11(一) -- 羽毛球@九龍灣放棄, 改為同Connie慶生飯局
8/11(一) -- 羽毛球@荔景體育館
11/11(四) -- 光棍節; 一定要練車
12/11(五) -- 電單車強制試
14/11(日) -- 係公司抽到太空館睇海底世界噶平飛(其實比正價都係平少少, 本身就好平), 約左Angel睇
15/11(一) -- 羽毛球@林士德
22/11(一) -- K w/ KWHIIA

完

十月十七日 -- 學車

11/10(一) -- 起身頭痛, 頂唔住請左病假; 收工時間後同QueenieAlexKenneth去左觀塘好運印尼餐廳食飯。Kenneth因工事晏左來。

1. 百無聊賴, 係屋企上網睇左成套好多年前好紅噶漫畫"封神演義"(以前無睇過噶), 都幾好睇呢。

2. 逼自己攪左隻BB, 要令自己噶行動力一點一點咁累積上來先得...

12/10(二) -- 收工同魷魚妹係MK噶Magic & Grill(天機棧扒房)食飯, d野都ok; 之後時間尚早去左行IN's Point兆萬(買左野)同埋先達, 之後搭巴士返企。

3. 竟然魷魚妹部i-phone 4 hang左機, 要hard reset先開得返, 好明顯唔關我事佢係壞人啦。

4. 問左PCCW同Smartone電話上網噶plan。

13/10(三) -- 收工Queenie陪我去左轉plan(無轉台), 24號開始成為i-phone上網一族; 之後返企食完飯上話劇。

5. Queenie明天開始Japan之旅了...

14/10(四) -- 返工時間行street survey, 又熱又爆累...收工返企換衫執野之後同催時同學係KT雲南野食飯, 之後一齊上順利打毛毛球, 本來想hea打下但係打落都係勁cher, 仲要旁邊有場執到雞變左2個鐘都係勁打無停過...但係有dd進步呢。

6. 又發夢...

15/10(五) -- 收工即去學車, 好唔掂, 唔想講野。完全係0進度。

7. 意料中事, 史生同方小姐分手, 唉~ (係度睇blog又識佢地噶人睇完就算啦)

16/10(六) -- 因為之前打2個鐘毛毛球同埋學車失敗噶關係(又炒車又勁鴨), 同中學波腳們打室內噶籃球唔去了; 都係一早起左身, 去睇左告白, 之後下午睇埋 Grown ups, 睇完返企抖下晚上再上堂學電單車。竟然學緊果時威威同呀娟來探班, 係外面睇住我練車 =_=, 之後佢地等到我放學就一齊去食糖水再散。

8. 一個人的電影 x2: 告白 + Grown Ups(中坑同學會) (不含劇透)

告白: 雖然一早睇過小說知道左劇情, 但係仍然拍到可以令我覺得有張力, 好耐無試過睇戲全場由頭到尾都係靜晒噶~ 用左好多慢鏡, 玩好多鏡頭, 鐘唔鐘意就好個人觀感, 不過加埋輕音樂(有時仲有d佻皮噶音樂)去襯返報仇、未成年殺人、溺愛、欺凌...等等, 個對比落差用得幾好呢(竟然有用radiohead噶歌, 如果無聽錯噶話)。值得一睇。P.S. 日本人真係幾變態...

Grown Ups: 輕輕鬆鬆娛樂片, 成個tone貫徹全場, 不過感覺上真係o岩中坑同埋已經不再年輕噶人睇, 十幾廿歲噶人應該感受唔到果份情懷吧...不過不失噶一套戲。

9. 今天的我戰勝了...呀唔係, 係殺死了昨天的自己~ 今日幾乎係由零開始噶我, 幾經辛苦終於追到差唔多正常人噶水平, 打到好核突噶8字了...(好唔好意思地撞到人車尾)

10. 瑞記竟然又開倉, 仲要係TST, 仲要本來平左噶野再平, 即係我買貴左 =_=

17/10(日) -- 同一原因, 下午打毛毛球都唔去了; 約左方小姐唱K lunch, 難得又有個唱d K個taste差唔多, 鐘意唱harmony(又唱到)噶K腳呢~ 之後行左一陣就返企, 休息一下夜晚再去學車。

11. 今天的我再次戰勝了昨天的自己~~已經可以正常係圈內打8字加速急停~~!追到同學進度啦~~係爭少少穩定性, 要再練習多d~~! 好感動呀~~ 原來我都得噶~~!

來緊:

18/10(一) -- 羽毛球@土瓜灣
19/10(二) -- 同Angel食飯, 佢去完旅行返來之後, 好似都好耐一直無見過佢了
20/10(三) -- 話劇
21/10(四) -- 毛毛球@摩士公園體育館
22/10(五) -- 睇話劇 w/ Connie etc
23/10(六) -- 下午K w/ 青鋒

25/10(一) -- 羽毛球@九龍灣
27/10(三) -- 話劇last
30/10(六) -- 草蜢concert, 勁期待!
31/10(日) -- K w/ bad end man & co....
1/11(一) -- 羽毛球@九龍灣
8/11(一) -- 羽毛球@荔景體育館
12/11(五) -- 電單車強制試

完

十月十日 -- Grease

1. 記: 係回程HK噶飛機上睇左"茱麗葉愛情信箱", 好好睇! 係我鐘意睇果種愛情小品呢! 個"女麻女麻"好交得戲, 好正; 套戲睇到我喊呢~~

2. 天氣轉涼, 真正的我慢慢的被召喚回來了...吧?

4/10(一) -- Lunch同同事唱K, 攪手Sandy竟然唔唱歌, Karen好得意, 好攪笑~~ 收工返企之後出去同TMS KWH舊同事們食飯(聯合三樓), 好耐無見黃Sir呢, 大家傾下聚下舊都幾開心, 估唔到個餐係好多野食噶, 好飽食唔晒, 都算幾抵呢~ 我地13個人叫野食果時仲諗住叫一圍再加幾個送, 點知叫左個片皮鴨再加1888套餐之後, 呀姐叫停我地, 叫我地千祈唔好再叫, 原來真係食唔晒的~~~

5/10(二) -- 收工同同事(Queenie, Penny, Wendy)唱K, 11點島散。Wendy其實都唱得唔錯, 不過細聲左d唔上咪。

3. 又半夜醒, 又發夢, 又哭, 唔知自己係發夢果時定係醒果時, 好辛苦, 好辛苦, 好痛苦...好頭痛。

4. 一拖再拖, 終於報左上堂學車。

5. 以前可以不理自己, 去盡量理人, 照顧人感受, 讓人開心; 現在自己的情緒也控制不住, 已經用了很多精神去控制住了...原諒我很多時也照顧不了大家那麼多的感受...

6. K竟然有Creep唱! 之後必唱選擇! (雖然好難唱)

7. 今晚唱K沒狀態、沒感情、沒感覺。

8. 希望今晚不要再發夢...讓我睡好一點好嗎?

6/10(三) -- 收工返企食飯再去上話劇堂(仲有last三堂了); 之後去TKO MCL買飛, 竟然因為果晚無午夜場, 收左工?! 第一次11點島去到係關門大吉噶 =_=

9. bad mood 延續, 點算好, 好害怕又發癲, 好害怕又緊張, 好害怕又抑鬱。

10. 出左典韋, 出左袁紹, 仲有之前噶袁術、曹操紅蓮裝...全部未買...好貴呀~~

11. 唔經唔覺, 踏入10月, NBA仲有唔夠一個月就開鑼啦~

7/10(四) -- 收工即去買飛, 之後去行左下奇趣, 自己無食野, 睇戲"狄仁傑之通天帝國", 都唔錯, 無咩悶場, 有心睇大概到中盤就估到邊個係真兇, 劉華仍然係劉華, 李冰冰都OK, 令我期待劉嘉玲都幾有霸氣, 都好交到戲, 估唔到噶係內地演員鄧超, 個角色幾特別又幾正, 不過佢係成套戲唯一一個因公徇職噶人, 真係慘, 同埋好似有意攪到佢好似奸噶, 但係原來係個好警察, 玩野? haha。幾鐘意套野有好多中國傳統野, 好似d妖法呀, 假國師呀, 易容術咁(順帶一提, 佢個用針易容抄HunterxHunter?!仲有發覺徐克應該有睇唔少日本、香港漫畫, 有好多位都有呢d感覺); 覺得個鬼市個設計+打鬥同埋大佛內部個設計+打鬥都好正呢, 感覺上如果真係起出來可以做旅遊景點呢~~ 睇完去食翠華再去聰嫂後散。

12. 第二日direct site, 可以遲9個字起身返工, 但係就比平時遲個幾兩個鐘訓覺, 打左第一篇遊記。

8/10(五) -- 本來約左收工同Grace食飯, 不過佢話病左所以cancel; 下午上電腦堂, 5點早收工, 之後返企同老豆食飯。

13. 屋企無咩好做, 終於一口氣打完晒北海道遊記, 趁有心機一次過打, 好累呢, 差唔多成萬字。

9/10(六) -- 一個人的早場: 劍雨, 好睇呢~~ 好耐無睇過比較傳統噶中國武俠片, 武指係董瑋! d打戲都幾好睇, 正呀! 入面自己覺得打鬥位唔算少啦, 再多就太多了, 覺得並不如Alex所講悶悶地; 劇情就中規中矩, 亦唔算難估, 成套戲都好流暢; 講下d演員, 楊紫瓊擔正做女主角, 無咩問題, 覺得個角色唔難發揮; 鄭雨盛大部份時間都唔多需要交戲, 最令我深刻印象係覺得佢都幾靚仔有型, 哈哈; 王學圻當然無咩問題, 不過佢十月圍城多好多機會發揮演技, 呢度算係無咩特別了, 要提一提個角色, 有某方面似龍珠入面紅帶軍噶統帥, 不過係叻好多咯...同埋都有d變態, 作為最後大佬都算係咁; 大S估唔到係做個淫婦+又係變態噶角色, 不過感覺上個角色好似無咩用...同埋個結果...有d估唔到, 不過都好o岩佢呢, 嘿嘿; 余文樂做到佢該做噶事啦, 不過一出佢同佢老婆噶位, 就知佢結果係點了 =_=; 三大殺手有一個係變戲法噶, 幾鐘意個角色, 好有特色呢~~ overall又係幾鐘意套戲好有傳統feel, 今年華語片來講都係最好睇果幾套了(不過so far第一評價都係唐山大地震)。

之後睇Grease!!! 估唔到呀哥之前果晚通知我班到半價飛, $295超抵呀!! lunch同呀哥同民民食榮式燒雞扒, 之後就去睇, 好好睇! 真係無咩好講+唔知點講, 有好多野真係要入場睇, 睇Live先正!! 所以唔多評了! 之後去左行太源街, 有收穫, 跟住同民仔去食"再興", d燒味真係好味呢, 而且又唔貴~~ 由於時間尚早, 同民仔搭電車過北角再搭MTR返企。好耐無搭過電車呢, 而家天氣唔熱, 幾好feel。

返屋企之後仲係好早, 睇鵬鯉借比我噶"志明與春嬌", 想睇呢套戲好耐啦~~ 又係余文樂~~ 一開頭係廳用DVD機睇, 竟然發覺得普通話, 攪到好唔想睇, 明明呢套係好地道噶HK片, d用語仲有粗口都係HK噶嘛, 點可以睇? 但係個劇情睇落幾正幾有feel, 竟然忍唔住睇左一段時間先停; 返入房, 諗諗下用電腦試睇, 又有2條track喎! 就算睇左都用廣東話由頭睇返! 自己都係幾鐘意呢類戲呢, 個劇情唔錯, 同埋我覺得演員們發揮得好好~~ 雖說係好現代感噶故事, 做d野都好日常生活, 低係一眾演員都演得好"真", 我覺得都唔可以話只係做返自己, 而係真係做得唔錯呢。

14. 充實噶一日, 充實過後係...

10/10(日) -- 一早起身諗住打波, 好彩都晏左少少起身, 又磨左陣先諗住出門, 民仔臨時打來通知話落雨打唔到, 於是佢就來我家玩; 食左民仔外賣噶BurgerKing之後就開始打機打Winning, 到3點幾佢就返屋企了; 突然覺得好累好眼訓於是就訓到食晚飯了。食完飯行好耐無去行過噶超市呢~

15. 今天很累很眼訓, hea左一日都好, 好似將之前好多好多噶疲累都引左出來, 又休息返一d咁。

16. 又要準備返工了...

來緊:

11/10(一) -- 收工同Kenneth etc 食飯
13/10(三) -- 話劇
14/10(四) -- 羽毛球@順利
16/10(六) -- 同中學波腳們打室內噶籃球
15-17/10(五至日) -- 晚上上堂學電單車

18/10(一) -- 羽毛球@土瓜灣
19/10(二) -- 同Angel食飯, 佢去完旅行返來, 好似好耐無見過佢了
20/10(三) -- 話劇
22/10(五) -- 睇話劇 w/ Connie etc

25/10(一) -- 羽毛球@九龍灣
30/10(六) -- 草蜢concert, 勁期待!
1/11(一) -- 羽毛球@九龍灣

完

北海道遊記(五)

2. Something about trip and Japan

2.16. 札幌係城市, 所以無鄉下咁凍呢。
2.17. 之前成日夜晚都出街又夜訓, 主要真係唔想浪費有得四圍睇多d野噶時間; 好似果朝受奴族村影相, 無其他團友有去, 應該都無咩人有係果度影幾多相呢。訓覺就係車度補返, 因為d車程好多時都有成個鐘, 某幾段仲差唔多3個鐘添。

3.5. Day 5

唔使浸溫泉, 又無咩好影, hea到盡先起身去食早餐(又係自助, 不過係last一次超標食蛋了), 食完都未夠集合出發時間(9:45 a.m.), 於是出去行下早上噶札幌。都無咩特別, d店又未點開, 返來之後就出發, 去導遊"話"本來行程無, 臨時加比我地噶白之戀人噶地方。由於賺錢噶關係, 所以聽聞愈開愈大, 愈起愈多。入面都幾靚, 要影噶話真係好多景同地方可以影, 完全係做來比人影相噶地方, 甚至影婚紗相都OK呢。要一提噶係個雪糕好食, 我食左個2溝, 就算怕怕地甜噶我都覺得個朱古力好食, 濃得來又好夠奶味, good。影左都好多相之後, 夠鐘走人去食飯了。

呢一餐係last啦(唔計飛機餐)。係鐵板燒, 任食噶。本來間野d野都好唔錯了, 仲加埋我地預訂左嚷牡丹蝦同黑毛和牛, 食到好飽, 好味呢。食完就去指定動作Outlet, 放我地係果度自由時間, 附近咩都無, 局住行足咁耐, 當然一d野都無買啦。不過都睇左唔少野呢。夠鐘後就去機場準備回程了。

係機場懷疑係最值得買野噶地方, 見有好多日本人係度買野, 不過可惜無時間睇同買了...聽到果個單獨噶女團友講果度賣噶芝士蛋糕好食, 但要行, 於是走左去幫另外噶團友同埋Crystal總共買左好幾盒返來(我都有份試食左一個, 十分芝士)。

回程機耐d要5個鐘島, 睇左"茱麗葉愛情信箱", 好好睇! 係我鐘意睇噶類型噶片呢~ 睇到喊左。可惜無"志明與春嬌", 於是睇左半套"美麗密令"同"史力加"(時間唔夠, 睇得半套...)(我開住史力加, Crystal開住"美", 我一邊聽一邊2邊睇, haha), 終於都返到HK, Harry(Crystal男友)仲來接我地機添。完成左成個行程, 帶左張8GB卡去, 結果係影晒滿左返來, 影剩15張相噶space, 哈哈哈。

4. 後記

4.1. 由於一路睇相一路諗一路打, 其實都會有好多野係忘記左, 打漏左, 算啦。
4.2. 由於一路睇相一路諗一路打, 打完就即post, 所以會有好多錯字, 完全無返轉頭睇, 唔理了, 明就算。
4.3. 要一提噶係, 手信真係好難買, 由於我不嬲都唔想買好行噶野送比人, 要買o岩噶野比o岩噶人, 所以唔一定個個有特別/o岩噶野, 呢樣野恕我任性了。
4.4. 更要提噶係, Crystal媽媽雖然年紀大, 但係同佢一齊去玩都OK, 好行得走得, 而且全團人都著褸時佢都係一件薄噶短袖都出到街, 勁。佢性格好攪野, 有時好似好唔想執輸咁, 有d孩子氣, 有時又好有經驗好老到咁, 好攪野; 而且佢都好食得, 成個trip一直食食食佢都好食得呢, 不過聽聞平時都食得好健康, 去旅行一次半次都唔驚。
4.5. 另一件攪笑噶野係, 由於可能我一向都幾受年長噶人喜歡(表現尚算乖巧同埋都ok照顧到人), Crystal媽竟然問我結左婚未, 仲話介紹佢個細女(Crystal個妹)比我識 XDDDDDDDDDDD 仲成日話佢好靚女好似大S咁(Crystal都話佢妹靚), 笑死人。仲要佢個妹個名都叫寶鈴添! (呢個應該得Queenie識笑了)
4.6. 直到而家都仲未比返錢Crystal姐姐, 我打電話追佢比個數我, 佢都話唔得閒遲d先。即係so far我都係未比過錢就去玩左5日, 哈哈。
4.7. 成個trip都叫玩得幾舒服, 搭車果d就預左, 成個行程去噶地方, 睇噶野, 都ok o岩我呢。
4.8. 一樣有低落、激動、開心噶時候, 亦都有d時間忘記左好多, 亦有發癲噶時間, 都要一一面對吧。
4.9. 一口氣打左好多好多, 暫時係咁多先啦, overall來講, 北海道之旅都係開心噶, 就此 -- 完結。
4.10. 連埋團費, 買埋手信, 加埋食野, 都係使左1萬蚊島, 相信係除左單獨果個女團友之外, 使得最少噶人了。

完

北海道遊記(四)

2. Something about trip and Japan

2.14. 自己都係比較鐘意自然境色, 歷史建築, 或者係有特色噶地道野, 對於現代化噶野感覺無咁強烈呢。日本對於保存果d野都幾執著同幾好, 所以都好o岩我去。
2.15. 日本人真係唔多識英文, 只係係札幌同某d專登請左人噶店(極少數)先有人識講英文同普通話, 不過, 如果有帶紙筆, 你寫漢字d人都OK睇到下噶。


3.4. Day 4

由於自己真係好鐘意噶關係, Crystal亦係覺得寧多莫少, 因此我同佢都早過morning call好多起身; 各自浸過溫泉之後, 約埋一齊再去愛奴族村。日頭真係好影好多~~~ 最難得又係雖然都係天陰同落少少雨, 但係又間唔時停雨又出左下太陽, 真係為左比我地影相呢~~ 係度都影左唔少相。

影完個村仲影埋沿路噶店、海邊咁, 寧願食早餐時間短d! 返到去得返半個鐘島又係食自助早餐, 係咁咦食完再影相, 影下個酒店同埋附近景色之後, 就離開呢個"阿寒湖"了。

之後去層雲疊; 本來呢個都係一個好噶留宿地方, 不過個團無包, 只係經過望下, 同埋去左另一景點 -- 銀河流星之瀧(即係瀑布); 呢個瀑布唔係sell壯觀, 係sell優美噶, 鐘唔鐘意就見仁見智啦, 不過自己就覺得不論係個瀑布定係附近環境都幾靚呢~~幾鐘意。

銀河同流星其實係2條瀑布來噶, 個源頭都係一個地方, 但係去到中間比舊石(叫做不動岩)分開左2邊, 因此亦叫做夫妻瀑布。由於覺得靚噶關係, 都影左好多相(又係等人散, 同埋好似得我一個擒左落去近水噶地方, 影左好多人地影唔到噶相呢)。可惜噶係時間唔夠長, 同埋Crystal發現左個地方行上去可以一個view睇晒2條瀑布!!(係下面係一個view睇唔晒的), 可惜我上唔設去! 成個團得佢上左去咋~~~

影完相就去食lunch, 又係自助, 不過呢間d咖哩飯幾好食(個人都幾喜歡日式咖哩)。食完飯竟然比我發現果個地方隔離有個好細好頹噶神社, 由於個人好喜歡呢d野, 雖然個神社真係好頹, 但係都走入去四圍望左同影相呢~~~ 神社外燒噶疑似檀木都好香, 好深刻印象。

食完飯就準備向西返返札幌了, 結束左荒山野嶺噶遊覽。到左札幌, 就先帶我地去狸小路, 一個都出名噶商店街。條街好長, 分七段噶, 入面有好多好多商店, 而分唔同段都有少少各自唔同噶特色, 好似某一段就聚集彈珠店, 機鋪同K鋪咁。導遊先帶我地去佢地指定噶手信店買野, 平少少啦, 於是都買左d野食(分比公司同事果d)。之後就自由時間, 差唔多2個鐘。團友都集中係條街同埋附近噶百貨公司行街, 而我就當然係離群(包括Crystal)四圍去啦! 由於札幌歷史無東京咁耐, 大約百幾年島, 所以個城市規劃無咁亂, d街都係井字咁噶。我就隨左狸小路同百貨公司之外, 勁行左好多附近噶橫街同鋪頭, 最最最緊要噶, 係睇左間書店同漫畫店。

先講漫畫店, 好大間, 唔知係日本算唔算大呢? 有好多好多好多漫畫同埋周邊產品賣, 而間店有我諗差唔多三分之一(可能再多d)噶位係賣咸濕漫畫噶, 真係超~~~多咸濕漫畫, 賣咸濕漫畫噶area仲大過HK一間普通漫畫鋪噶size...再講書店, 本來都無咩特別, 係見到有成套"金庸"果下都覺得幾正; 但係最最最令人激動噶地方, 係係書店噶漫畫角, 見到有個架係賣減價書噶(即係d賣唔出、或者時間耐左、要清貨噶書), 見到有"幽遊白書靈界紳士錄"(即係官方設定集)!!係香港係無出過中文版噶!!對於我呢個幽白死硬派fans來講絕對係好好好好大噶衝擊!!就算正價都買, 何況半價500Yen!! 即買!! 簡直係係日本第二激動到想喊噶一刻呀~~~!!

之後都差唔多開始要回程, 慢慢又行返去狸小路, 第一次入左日本名產之一噶彈珠店, 膽粗粗影左幾張相, 同埋感受過現場氣氛(不過無玩到), 就再行返去。係狸小路第七段見到間賣懷舊黑膠碟噶店, 用機播住黑膠碟老歌, 都幾有feel呢, 個老闆都幾好人, 我用我有限噶日文(其實係個trip之中都有好幾次自己同日本人溝通了)問左佢, 佢都比我影相呢。

夠鐘齊人之後, 就出發去食晚飯。又係食打邊爐, 不過今次係任食乒飲噶shabu shabu, d野普通, 主打又係我定預先訂左噶鮑魚同帶子(我地無訂拖羅)。其實鮑魚真係無咩特別, 可以唔使試, 個帶子就好大舊噶。食完飯返房settle左之後, 當然係去街噶時候啦! 難得間酒店係近市中心熱鬧噶地方, 點都要行下札幌噶。

第一目標係拉麵街! 預左當晚狂食野噶啦~ 不過聽聞係大通公園有啤酒節同好多攤檔, 所以想去睇下, 點知人地果度唔興夜噶, 晨早就收左了...行返轉頭去狸小路, 都收到七七八八。中間經過地鑼站, 緊係入去行下, 台灣噶同佢都好似, 又係好大好闊好長, 有地下商店街咁樣噶。經狸小路去Susuki, 最旺噶地方。

去到拉麵街, 好友Q推介噶店竟然星期日係唔開噶! 成條街得佢唔開, 佢都算威啦! 最終是但入左一間來食, 估唔到SMAP噶香取同中居, 反町隆史, 香港噶馬德鐘, 黃泆潼, 唐文龍都有來過呢。三個人食2碗, 雖然幾油, 但真係幾好食呢, 好彩聽導遊講食基本噶麵就ok, 本來就一定會有d配料同叉燒, 唔使另外叫叉燒麵咁噶(叫左就會有好多塊, 唔需要噶), 食完其實都飽同滿足啦, 再出去行下, 見到吉野家喎, 又係日本名產來嘛, 仲要係和牛做噶, 實有唔同噶; 快餐店, 一於過份d三個人食一碗普通size, hahaha, 都幾好食, 但係feel唔到同HK差好遠噶感覺, anyway, 到此一食啦~~ 食完真係好飽, 回程返去沖涼訓覺啦, 之前連續2晚都係日式酒店塌塌米, 今晚又訓返普通房間了。由於第二日係最後一日, 無咩行程, 所以morning call 8:00 a.m.

待續

北海道遊記(三)

2. Something about trip and Japan

2.13. 果度d雪糕都好食, 成個trip都食左好幾野。

3.3. Day 3

Before morning call一早起身, 先去浸下溫泉先, 舒服, 無咩機會啦~~ 之後食早餐buffet就出發。由於日本人好禮貌, 加上係鄉下地方, 我地由開始上車佢地d工作人員就一直揮手講再見, 到我地架車去到好遠, 都仲見到佢地向住右車一直揮手呢~~~

當日第一站係幸福車站, 唔知係咩戲定劇帶紅左噶地方呢? Anyway, 係做出來噶都好, 係一個幾靚同舒服噶景點。去到果度會諗起幾位朋友(所以亦有買到d手信), 但係第一個諗到噶係日安妹妹呢~ 一去到就覺得佢一定會鐘意呢個地方。講返個景點, 有個站, 有條路軌, 有個掛鐘, 仲有幾節車廂係度, 都幾好feel, 唔知點解, 雖然又唔係話係好靚噶自然風景, 但係感覺良好, 自己都幾鐘意呢個地方。

個車站牆上、天花都貼滿左好多好多好多d人寫噶野, 幾乎都係d相愛呀, 得到幸福呀等等肉麻噶野, 不過都幾有特色, d手信雖然都唔平, 但係亦都係有特色同埋得呢度有, 所以都買左d野; 個車卡車廂都唔錯, 如果有時間其實可以影到好多相呢...可惜又要等人影完走, 又唔係長時間, 所以影得唔夠盡興...就夠鐘走人了。

下一站係屈斜路湖, 亦係食lunch噶地方。先講下個地方, 果度雖然天氣都係凍凍地, 但係d水係暖噶(d沙都係), d人去到會係近岸噶沙度挖洞, 唔使挖好深就會有水滲出來, d人就會浸腳啦, 因此叫做"沙湯"。導遊話, 如果冬天來就無咁好景, 連行步路都難, 因為會有好~~~多天鵝係好遠噶地方飛來避暑, 好靚噶, 但係就成地都係屎...

望過下又影左相之後, 就係果度噶一間餐廳食飯; 打邊爐, 本身包噶伙食就好一般, 主打係之前預先訂定噶大隻蟹同埋海膽! 其實對於食都無咩好講, 大家是但上網或者睇電視節目都講唔少, 我都唔使形容了, 總之就係好食, 而且好貴啦~~ 食完好滿足, 又準備出發。

一輪車程之後, 到左硫黃山, 係個睡火山來噶; 其實簡單來講就係睇座山一直係度噴煙, 個煙真係好大好大, 親身係現場就會feel到d煙好大, 而亦都好大陣硫黃味(不過我唔多怕呢陣味), 隔遠影左下相(又係離左群先, 因為個個都係一到就湧去某地方, 基本上之後我都係採取等人去先等人散左之後先去噶方針, 唔再多提了), 就行埋去近噶地方; 近距離望就見到其實d煙氣都噴得幾快幾犀利, 我亦係唯一一個遊客(包括所有團友同當地人)唯一夠膽伸手埋去d煙度噶人(當然影埋相), 之後亦只得Crystal夠膽同我癲, 其實d煙第一下摸過去係暖噶, 如果放耐少少應該會好熱。

去完就上山, 睇摩周湖。本身個湖係好似無咩特別噶, 望落去只係一個好大噶湖, 中間無啦啦有個島咁噶野突出來, 但係其實特別噶地方係: 第一, 佢係一池死水來噶, 平時d湖都有個源頭, 又有個地方會流出大海, 但係呢個湖係無噶, 係一池死水, 好大潭噶死水, 唔知點來同點去噶; 而另外一個特點, 就個湖面好大霧, 好似好神秘咁, 只係見到中間果個島突出來, 都幾特別...不過, 我地去果時無霧, 所以望落一d都唔特別...由於果度係山上, 因此亦係成個trip最凍噶一個地方, 真係凍, 隻手拿相機影相都僵晒, 好凍。

睇完就去果晚留宿噶酒店。果個地方係日本北海道一個民族"愛奴族"(或者又可以叫蝦夷族)噶地頭(亦都即係格鬥遊戲"侍魂"入面好受歡迎噶女角"奈戶流留"噶故鄉~~ 佢地有自己獨特噶文化、語言, 係好特別噶一個民族, 不過純種噶族人已經剩返幾十個, 相信過多幾十年再同外人溝溝下, 以後就再無純種噶族人了。希望個文化唔好失傳吧。

講返個酒店, 其實呢間無咩特別, 都有室內室外溫泉, 但係就普通d, 無之前果晚咁正了(但係都日式房間塌塌米); 間酒店亦係果區最高果間酒店, 露天噶溫泉就係天台; 不過最高唔等於最好, 最好最出名果間係隔離, 我地係到左settled down之後, 由於仲有d時間先到食飯時間, 所以我地就一齊出去行左陣; 去左隔離果間酒店外面同入左少少睇, 好靚, 又係好日或噶裝修, 後尾聽返原來好貴噶。

之後就沿住條路行過去, 向住愛奴條村噶方向過去; 沿路有好多木雕同特色噶鋪頭, d木雕都好靚, 又係買手信噶時候呢。睇足成條街(都買左d野, 但係而家有d後悔無買到某d野呢), 轉個彎就到左條村。愛奴族噶守護獸係"貓頭鷹", 因此有好多貓頭鷹噶木雕呢, 好大隻好靚, 由於個人好鐘意睇d歷史建築、唔同文化噶野, 因此亦好鐘意呢個地方呢, 有好多野睇。可惜已經入黑, 影相都唔係好清, 但係都盡影盡睇左。(順帶一提, 北海道都好多熊噶, 雖然唔係日本最多噶地方, 但係都會見到好多有關熊噶標本、木雕等等噶野) (但係點解奈戶流留身邊噶2隻動物係鷹同狼噶? =_=)

影夠之後就返酒店, 又係食自助餐, 不過呢一餐係好食d噶, 仲有魚生添, 勁食。之後當然都有浸溫泉啦, 室內就唔好講了, 要提一提室外。頭先都講過, 果個地方係成個trip最凍(不過無摩周湖咁凍), 但係當晚又落雨又大風, 所以超凍; 果個露天溫泉係酒店頂, 個酒店又係最高噶無遮無掩, 出去果下真係堅凍! 不過又係果句, 環境凍得來浸溫泉就特別爽! 雖然唔係落雪, 但係都feel到個頭露係外面同個身浸係水度果種差距咁, 好舒服! 浸到個人暖晒再企起身吹風, 好刺激! 不過真係好凍, 好難先捱到10秒...

浸夠之後就返房, 回顧左下d相(同delete左d太廢噶相)之後, Crystal話難得旅行, 都係唔好咁浪費咁早訓, 話出去行下。兩條友(佢媽無去)夜媽媽決定去果條木雕街中間一間便利店買宵夜(即食麵)食; 竟然係咁凍、又落雨、又大風噶環境下, 我好"乖"咁學日本人唔打底, 只係著住件浴衣同褸加拖鞋就就咁出去, 而Crystal就有打底, 但係著住對木屐出去行, 2個都係傻噶! 結果都買左麵(仲係果間店買左比民仔噶手信 -- 咸濕漫畫一本), 返到酒店真係好暖(其實係外面好凍, 加上自己急尿感覺仲凍 =_=), 夜夜地, 又訓, 明天又係6:30a.m. morning call。

待續

北海道遊記(二)

2. Something about trip and Japan

2.9. 幾日天氣都時晴時陰, 不過好好彩係要影相時都出太陽。
2.10. 日本d蛋堅好食, 每日都食到超晒標 =_=, 但係真係好食; d奶亦都係好飲噶...
2.11. 導遊係第二日車上已經問定我地訂唔訂d貴野食, 雖然實比佢從中掠一筆, 但係無理由唔食噶...所以最終都係訂左...之後每一日如果有食我都會提一提。
2.12. 記: 好鐘意日本噶叫法: 奧巴馬大統領。

3.2. Day 2

一早起身, 望出去見到天氣好似ok; 係城市都可以見到一望無際噶畫面, d屋都好矮, 係HK都唔多機會見呢。
幾日噶早餐都係自助形式, 無咩好講。第一站係我好喜歡噶動物園! 得個半鐘! 無可能夠時間行啦...比我自己來一定玩到大半日...最終唯有選擇睇晒d重點先: 企鵝、海豹同北極熊。狂影左好多相同埋拍movie, d企鵝真係超得意, 肥嘟嘟咁又游水游得好快, 最攪笑係有隻野想食條魚又食來食去都食唔到, 最後比第二隻擔走左, 哈哈, 可惜只係拍左佢擔唔到噶片, 但係比人搶走果度無影到...

動物園主打都係狂行同狂睇動物, 放棄左睇show同排隊, 狂四圍行盡睇動物同影相, 記低少少野啦: 馬騮同台灣噶一樣, 都係做果d野, 抓住岸邊wear野食; 猩猩好攪笑, 係度扮鬼扮馬; 熊都尚算肥, 但係d貓科動物都幾瘦...大約係咁啦。完左動物園, 由於今次係去道東, 所以基本上都係一路向東(諗起周董噶歌"一路向北"), 又到食飯時間。又係好普通噶自助餐。值得一提噶係佢果度噶白湯同堆粟米湯都好香, 好味。

由於日本天氣反常, 加上而家呢個季節去, 所以無粟米(都有食過, 雖唔係最新鮮, 但都好甜好食), 無紅葉。繼續向東, 到富良野花田睇花。本來天都陰噶, 好彩地落車開始放晴, 天公做美。由於自己一直都想自己旅行下, 所以今次雖然同朋友而且跟團去, 但係都有某d時間係可以一個人噶: 就例如花田。

花田係個trip主打影相噶地方之一, 但係又唔想點影到人, 當機立斷(當機唔係hang機)就離群相反方向行, 勁開心, 可以狂影又無人呢~~ 一直同D人相反方向行所以基本上由頭到尾都唔使就位, 個結果就係, 由於係動物園同花田都影左好多相, 影到無電, 哈哈。記下d野: 有一片向日葵田d向日葵都背住左個太陽, 同埋有一朵特別大朵噶向日葵(王?); 無去小樽, 無去登別, 無紅葉睇, 都唔緊要, 呢個花田一樣都係幾靚呢。好喜歡果種一大片田跟感覺, 所以都影左旁邊人地塊田地。好enjoy呢一段幾乎係自己一個噶時間。

幾乎每一個旅遊點都有買手信噶地方, 不過導遊一早講左唔使買住, 好聽話地一直唔點買, 結果都係o岩噶呢。如果唔係咩特別野, 都係留返之後買係平dd。不過, 唔買還唔買, 影相唔使錢就梗係狂影啦。成個trip都係度影d地方限定噶HEA熊同HelloKitty呢(之後果d手信店就唔再提了)。

花田完左, 相機無咩電, 好彩當日行程都差唔多完。感覺上似攝時間咁, 去左芝士工房, 無咩好講, 係咁咦影d相就走(不過係果度買左支奶飲好好味, d芝士反而普通)。完左個芝士工房就出發去當晚, 或者可以話係個trip噶主打留宿地點 -- 十勝溫泉噶酒店。

去到酒店時間尚早, 好聽話咁跟導遊講噶一樣, 返房settled down之後, 即去浸下溫泉先! 不過...先講講個酒店同溫泉先啦。個酒店係日式噶房間, 訓覺會係塌塌米, 有生以來第一次呢。間房都好大間(尤其日本酒店房出名係細噶), 個環境同裝修都幾靚(不論係房間定係酒店大堂等等都係日式噶), 唔錯; 酒店中有室內同室外露天溫泉, 係分男女噶, 但係就一定要一絲不掛(日本噶溫泉都係咁噶啦, 所以d旅遊節目見d嘉賓有著泳衣或者圍毛巾都係做比人睇噶姐)。講下個溫泉, 話說(當然係聽導遊講噶啦)十勝溫泉噶泉水係世界得2個地方有呢款溫泉水, 而且係堅靚噶泉水, 水色係好似無花果浸水咁, 同埋浸左D水feel到係滑孱孱噶。

講返settled down之後; 由於同房叔叔唔浸住, 於是自己換左浴衣就即去溫泉! 去到之後就要除晒d衫入場, 初初都好唔慣, 不過當你見到個個都係咁又直行直過時, 如果你眼望望、遮遮掩掩、表現得異樣都只會更惹人注意, 所以大大方方咁就無事, 無人會理你, 好快就慣左了。入去最多只可以帶條好細噶手巾仔(用來放係頭頂多); 首先係沖涼先, 大家都係沖乾淨晒先去浸噶; 終於沖完涼, 來到戲肉啦(講到好似AV咁)~~ 其實自己不嬲怕熱, 不論係桑拿定溫泉都唔多好噶, 但係呢度真係OK喎~~(可惜無機會影底個環境了)

室內溫泉實在無咩特別, 好似個澡堂咁, 無咩feel, 緊係去露天果個啦~~ 一出門口, 嘩~ 好凍~ 日頭果時都只係十幾度, 夜晚再凍d仲要無著衫, 出去果下都幾係野; 即刻走去個泉度浸落去, 好舒服~~ d水唔太熱噶, 浸落去真係feel到d水係滑噶~~ 個頭露係水外面就feel到d空氣凍凍地, 但係個身就好暖, 感覺好正。室內溫泉個感覺好焗, 浸一陣就wingwing地, 但係露天噶就完全唔會咯, 浸耐d都ok呢~~個環境都唔錯, 花草樹木, 泉旁邊係d石, d團友仲話如果放支清酒同小食係度就好啦, 哈哈, 真係噶話都好嘆呢~~

浸夠浸罷出返來(如果唔想浪費的話, 就唔好再沖水啦, 就咁抹乾身就ok), 時間o岩o岩好食飯! 係一個好日式噶地方食日式定食, 十分精緻亦都好食, 算係包噶伙食入面比較好同有特色噶一餐啦, 好彩食飯果間野係假噶塌塌米, 唔使真係跪住來食呢~~

由於去到果度已經係道東鄉下荒山野嶺噶地方, 所以酒店外面係咩都無噶; 食完飯又無咩好做, 返房休息左一下, 又去浸過哈哈哈, 臨訓浸一浸真係舒服呢, 應該可以好訓dd吧...準備迎接第二日噶morning call 6:30a.m.

p.s. 事後先知原來露天溫泉男同女只係一板之隔, 仲要你兜一兜路就可以行到過去 =_=, d女團友竟然話如果係日本仔就無咩所謂, 佢地班衰野竟然寧願益d日本仔都唔益下自己友~~~

待續

北海道遊記(一)

前言

好想好想好想去散心, 去旅行, 一直都打算自己去旅行, 但係感受到自己噶行動力係呢大半年都好低好低...結果係自己一個人的旅行未攪得成之前, Crystal姐姐無啦啦搵我, 話去北海道, 係完全無頭緒、無準備、咩都無之下, 朦查查就跟左佢報左團去。

老實講, 好友Q講得o岩, 大家都feel唔到, 應該話連我自己都feel唔到係出發前果種好期待、好興奮噶感覺。對我來講呢個係一個點噶旅行呢? 去玩? 北海道睇景多, 無咩好玩。去散心? 同朋友一齊而且仲係跟團, 好似鴨仔咁, 都無咩散唔散心。無理由係為左使錢而去掛?

Anyway, 因為我今年要清十幾日假, 而且因為三、四人同行會平d, 而且都想去下旅行, 或者咩原因都好, 報左團。一直都無準備d咩野, 講真, 跟團都無咩好準備, 結果幾乎完全無pay過咩effort, 連Yen都係Crystal幫我唱埋(團費都係佢幫我比左先, 到返來HK都仲未比返佢...), 我就只係係出發之前果晚執左下行李, 就出發了。

事隔個幾兩個星期, 可能有好多野同感覺都唔多記得了, 又或者有d野記得, 打打下唔記得打, 點都好, 儘量記低吧。如果我再繼續打, 會delete左個post, 再打返add-ed version再post返, 儘量keep住置頂吧, 定係出(1), (2), (3)咁好d呢? 另外, 大家可以一路睇呢d字一路睇facebook d相reference, 會清晰少少。

1. pre-Trip

公司個boattrip完左, 竟然有時間去茶會; 茶會上已經feel到天氣唔多o岩, 好多野都睇唔到玩唔到, 不過唔緊要啦, 都係照去噶啦; 同團噶人年紀偏大, 而且對去日本都好有經驗...

2. Something about trip and Japan

係5日噶trip入面, 導遊兼領隊Ricky生講左好多有關日本噶野比我地知, 有d真係唔聽唔知呢, 但係由於唔記得幾時打幾時, 所以記得時我就係度打少少咁。

2.1. 日本經濟之差。
2.2. 日本唔同地方噶特產、地方限定、拉麵...etc
2.3. 日本噶黑道。
2.4. 日本今年噶天氣反常同埋影響。
2.5. 日本噶科技、產品、成藥、醫生etc。
2.6. 果邊天氣o岩o岩果幾日轉涼, 成個trip都係10-20度之間, 好舒服。
2.7. 日本物價一直好多年都無貴過, 但日Yen好貴。
2.8. 由於DC影相唔使錢, 於是5日喪影, o岩o岩影足8GB。

3. Trip

3.1. Day 1

一早起身, 為左唔使自己去機場, 去KLB join埋佢地(Crystal同佢媽)一齊去; 一路無話; 經過左大約4個鐘噶飛機(而且miss左睇"志明與春嬌" =_=), 終於到左日本...一個未來過, 聽左好多野, 又知左唔少野, 又同大家平時生活好大關係, 又對中國人來講有特別感覺...etc地噶方。估唔到第一次去日本唔係東京, 而係北海道。

第一個感覺, 真係"乾淨"。不論係空氣, 室內, 室外, 廁所(第一次感受日本廁所, 仲有沖水洗patpat噶感覺), 咩都好, 比人好乾淨噶感覺。仲有d人真係好有禮貌、公民意識...等等。係呢一方面真係值得一讚。

落機、集合、上車, 都已經4點幾5點, 搭車去札幌 -- 北海道最旺噶地方/城市, 第一晚就係果度過了。去到市區仍然都係果個感覺, 乾淨。5點幾已經開始天黑, 6點都黑齊了。話係大城市, 但係都已經好少人係街上, 只係去到最中心最旺噶地方(Susuki)先有多d人; 落左車行左一細圈札幌, 經過左拉麵街、紅燈區附近之後, 就去食晚飯了。晚飯係一間商場入面噶日式餐廳食定食, 日本d定食都好精緻, 好鐘意放好多個碟每碟少少咁, 放得好靚同有心思噶; 當晚果餐不過不失, 普通啦。

食完晚飯就上車去酒店了, 間酒店話係叫Sheraton(喜來登), 但係其實都唔係咩勁野, 3-4星格局而已, 地點係札幌噶邊d噶位, 唔近中心, 所以唔旺, 落樓下係無咩行噶; 同一個叔叔同房, 我同佢都係易就人噶人, 所以4晚同佢同房都無咩問題呢(唯一問題就係佢鼻"寒"聲幾大...第一晚無expect之下比佢吵到)。返到酒店房安頓好之後, 當然唔會咁快訓, 難得去到異國, 緊係要用盡時間去感受下啦; 三個人出返來, 去街行下, 樓下咩都無, 行出少少去大路, 都係無人係街噶(因為唔係中心), 見到間Mos Burger, 日本出產噶店, 緊係去試下啦, 個包真係好味過HK, 個裝修都幾好呢~~

食完宵夜(其實好似都係10點島?)再繼續行。街上都涼涼地, 行行下離遠見到好大個招牌, 好彩自己都有有限噶日文, 見到係個game字, 於是就以果度為終點啦。竟然係一間好大間、好似美國樂園有好多夾公仔機+機鋪噶地方。當然入去參觀下啦~~影左d相(好似鄉下仔出城咁), 仲有就一定係幫襯下, 打下鼓機啦! 都只係為左"係日本打過機"而打下而已, 100Yen一鋪都幾貴呢 ^^"

打完打罷就離開返酒店啦。間酒店竟然有一邊係教堂咁噶位。都幾靚呢, 所以係度狂影左堆相。之後上酒店, roommate都未訓呢~ 12點島, 落返樓下, 發現有部上得網噶電腦, 緊係上下網啦。一上就上左個幾兩個鐘, 同d朋友聯絡下(最過份係係日本都要玩下pet-so), 都幾開心, 不過好彩上一上, 因為之後噶酒店都無得再上網了, 連續幾日同HK所有野斷絕聯絡, 哈哈。玩夠左就返房訓了, 準備迎接第二日噶行程, 真係開始要旅行啦~ 6點半morning call~

待續

十月三日 -- 十一假期

1/10(五) -- 同事攪左function去大澳影相, 無啦啦叫埋我去, 佢地三個人(呀黃, 叻姐同Penny)都拿長炮 =_= 不過反正無野做, 於是就join埋一齊去; 4個人好似去旅行咁都幾開心, 行、曬左一日, 但係都唔覺好辛苦呢, 仲影左好多相(雖然我用傻瓜機); 之後叻姐唔同我地食飯, 我地就去左SSP食立雜野後返企。

1. 終於將之前一直未post的相整晒上facebook, 好大工程~

2/10(六) -- 都係無野做, 呀娟男友威威去左台灣, 佢又無野做, 原本諗住約佢出去行下, 不過唔知點解懶, 又累累地, 結果叫左佢來TKO, 同佢係樓下食左個牛鍋之後上屋企hea, 用左2個幾差唔多3個鐘頭睇晒所有北海道同大澳d相, 講解晒所有野都7點幾了, 之後約左花姐姐三個人一齊去左觀塘噶好運食印尼野, 都OK呢。

2. 報左公聯會, 又交左電話費, 完成任務之日。

3. 食完晏返屋企3點幾, 到7點幾8點出返去都hea左一個下午; 感覺上好似以前咁, 好free, 都係好舒服存在噶人呢; 其實發覺自己一直以來要噶, 都唔係要對方點樣, 唔係要對方點對我好好, 點樣為左我, 只要舒服就好...就算咩都無發生, 咩都無做, 只要大家相處得舒服同開心已經好夠呢...同埋更發覺自己真係十分柏拉圖式噶人。

4. 原來我之前真係有抑鬱。

3/10(日) -- 又係無野做、朦查查咁, join左BenChoi結婚兄弟姊妹團BBQ; 1點到大欖海天一色燒烤場, 原來係佢老婆同學re-U加佢地老公/bf, 奇奇怪怪; 間野d野食款唔算多又唔算好食, 八十幾蚊求其啦; hea燒到5點幾悶悶地同幾個中學同學一齊走; 臨時決定去MK, 於是搭巴士諗住係TW落, 但係驚自己照返左屋企, 於是搭到葵芳落, 一個人行左好耐無行噶葵涌廣場, 之後仍然想返屋企, 但係最終都去左MK, 去左釆豐行買左要買噶野, 去埋潮流特區買左上次睇左噶袋, 之後再行去In's Point好彩無敗家, 之後又中左走車魔咒, 於是搭第二架車入寶琳, 行左奇趣(都無敗家), 買埋牙膚, 任務完成。

5. 買晒要買噶野, 完成任務~~

6. 第一次係唔係人強逼下試用mask, 第一次用唔係搽係面係一塊噶mask。

7. 一個人行左好危險噶地方, 好彩無事, 好勇敢...

8. 安全渡過本身覺得會好危險噶假期, 多謝所有無論係出過來、定係係電話度陪過我噶朋友。

來緊:

4/10(一) -- IIA KWH 飯聚
5/10(二) -- K with 同事
6/10(三) -- 話劇
11/10(一) -- 羽毛球(?)
13/10(三) -- 話劇
14/10(四) -- 羽毛球(?)
16/10(六) -- 同中學波腳們打室內噶籃球
18/10(一) -- 羽毛球(?)
22/10(五) -- 睇話劇 w/ Connie etc
28/10(一) -- 羽毛球
1/11(一) -- 羽毛球

完

九月三十日 -- 北海道

20/9(一) -- 本來同同事(昆你同淋病你)一齊睇戲, 不過後者要做節, 所以唔睇; 由於昆你老公要開會, 所以都照食飯; 原來佢未去過華苑呢~ 於是就食左係重建區入面、仲要係我地負責噶樓、好耐無食過噶華苑印尼餐廳, 好味呢~ 食完都好早就散。

1. 過份保護自己, 因此而家一同人熟就好快好自然地拉遠返距離?

2. 記係華苑噶笑位: 油漆, 奶叉燒

3. 翻睇完幽遊白書呢~ 好耐無睇, 再睇竟然有新噶感受呢~ 有機會打返個閱讀報告~

4. 我把口講噶野有時又真係同我個腦諗噶野唔同...口不對心...最討厭說謊的我其實也會說謊...

5. 強烈地感覺到, 自己的心, 還有另外一些人和原因, 在我各方面都拖著我後腿...

6. 感到比人試緊, 哈哈。

7. 下午出site返到觀塘落左巴士, 企左係行人路擔起把遮果下, 有架小巴好快行過, 半身濕左 =_= =_=

21/9(二) -- 同Queenie Penny去九龍城食平版放題。好抵食, 超飽飽到上喉嚨。

7. 唔該晒呀哥幫我買左8GB卡~

8. 雖然只係一面之緣, 但係都好開心呀琮開腦手術成功無事!

22/9(三) -- 中秋早放, 3點收工。返企食飯。晚上呀哥個會好多人上左來玩, 我就執野之後訓。

23-27/9 -- @北海道; 有機會係度打遊記, 無機會噶話大家去睇Facebook d相都ok; 如果約出來可以比晒全部相+解釋比大家聽~

9. 其實買手信真係好難噶事; 有d人就鐘意紀念性噶野, 有d人又覺得無地方放好無謂, 買食噶野食完又無左又好似無咩紀念性; 自己買禮物又一向都係覺得o岩先買, 唔o岩對方買來又晒氣, 真係好煩; 結果都係有d好友就無咩特別野送, 只係野食, 有d就除左食就仲有第d野...算啦, 唔理了。

28/9(二) -- 仍然放假, 抖下; 一早起身hea, 呀Cass打來搵我食lunch, 於是去左鳳德食詠黎園噶擔擔麵, 之後同佢散左就係返黃大仙join埋威威入青衣去睇瑞華行開倉, 咁多年來第一次去呢~ 好彩有威威車我入去, 見到佢個friend Patrick; 點知d野勁貴, 近幾年開始都無咩買噶啦, 但係今次真係好貴, d野完全買唔落手, 超搵笨...結果用左10蚊扭左d平價2蚊蛋; 之後威威話心魔想食tea, 難得放假應該唔使排隊, 於是車左去上環食勝香園, 個茄牛通真係好得呀~~ 個奶油脆脆都好味~~ 之後去左灣仔太源街睇玩具, 到6點幾散左我就過北角同而家同事+走左噶同事食飯, 食渣華軒一圍o岩o岩12個人, 一日食左3餐好野, 好飽... @@, 食完就返企了。

10. 某好友: 加油, 祝你幸福。

29/9(三) -- 回復正常返工, 仍然無咩心機做野(唔關放左假去旅行事, 不嬲都無心機); 收工返企食飯之後去上堂。上堂少左好多人呢~~

11. 公司又上唔到網lu, 睇來上網+上台事在必行。

30/9(四) -- 返工仍然無心機, 好彩可以有好長時間係外面; 收工返屋企換衫執完野後出返MK, 約左民仔呀娟呀源食飯; 原來MK間金寶真係執左...突然諗起蘭苑饎館, 估唔到去到有位呢; 食完後就去打羽毛球, 打完之後新朋友呀偉仲順路車我返九龍灣呢~ 不過最終返到屋企時間都係差唔多...上上落落等車時間都係返度...不過總算自己一個噶時間少左好多, 同埋又平左呢~

12. 夢見, 痛苦

13. 仲未比錢QQ, 要記得先得 =_=

14. 有d必需品夠鐘要買了: 牙膏, 洗面野, 同埋沐浴露。

15. 很久以前一旦熱衷於某件事就會忽略周圍, 為了將自己的心情分享給別人而不經意的說了太多, 等到回過神來才發現對方一臉困惑的樣子; 久而久之, 就會"說謊" -- 或者說, 會根據談話的對象改變話題, 讓對方有同感, 避免涉及自己的想法, 有時還要裝作不知道一些事情, 自己也就慢慢的成為別人心中傾訴、舒服的存在; 一開始還好, 但隨著不斷"撒謊"(真的算是嗎?), 感覺自己的"心"也在消失...要去尋找, 再尋找即使自己暢所欲言, 也會微笑著傾聽的人; 只要有, 人就可以活下去了。

來緊:

1/10(五) -- 大澳
3/10(日) -- BBQ Gathering 1pm - anytime
4/10(一) -- IIA KWH 飯聚
11/10(一) -- 羽毛球(?)
14/10(四) -- 羽毛球(?)
16/10(六) -- 同中學波腳們打室內噶籃球
18/10(一) -- 羽毛球(?)
22/10(五) -- 睇話劇 w/ Connie etc

完

九月十九日 -- 雜記

13/9(一) -- 上午係總部training, 中午返公司前去左九龍灣買飛(用coupon), 之後自己過APM快食KFC(有coupon), 中間仲有d時間去左扭蛋鋪, 八達通"do"左一次扣左十五蚊, 竟然部機比我連扭左八粒蛋, 反正佢要送比我我就唔理照拿(竟然都係爭一粒先齊一套, 有一款勁重複); 收工同公司同事一齊去德福食Super Sandwich(又係有coupon), 之後係Uniqlo睇o岩左2年褸, 好想買呢~~ 之後一齊睇Going the Distance, 睇完返企。

1. Going the Distance主觀感覺: 無代入感噶地方無代入感, 有代入感噶地方都係不快回憶; 總結: 睇得唔舒服... p.s. Drew Barrymore又殘左... 再p.s. 唔鐘意太多粗口同講咸野...

2. 今日真係coupon之日, 仲要係抵玩抵食抵睇呢~

3. 今天的凍水涼竟然覺得有d凍。

14/9(二) -- 今日係公司執左下自己個位, 天日可以帶d玩具返去放了~~收工過左Uniqlo睇下有無減價, 之後返企食飯。

15/9(三) -- 晨早五點幾Cass打來, 睇來佢情況好唔掂...於是決定請半日假陪佢拉佢出來; 早上返完工返屋企換衫等佢話出來, 之後2點幾係觀塘join左, 陪佢出左電話卡之後去銀都唱K, 見佢一d精神都無喊都喊唔出, 於是專登狂點唔開心噶歌來唱, 無幾耐終於引爆左佢, wear住我狂喊...大半個鐘至一個鐘停左無唱由得佢wear住喊...終於平復左, 吹下水唱下居然到7點都未cut, 不過照埋單走人; 同Cass散左之後過TKW同Man同Mandy食飯, 食左間新疆野"大漠", d羊好得~~ 之後上堂上完堂散。

4. 睇住朋友狀態低落+成日拿自己d傷痕來安慰人, 自己都唔多掂。

5. 係一日入面經歷、亦再confirm左: 一向係我陪人, 好難搵人陪我(當然仍然都有好友會陪我)。

6. 銀都果間音響好過APM果間, 第日識揀了。

16/9(四) -- 收工同Penny同路入寶琳; 本來諗住同花姐姐睇下戲食飯可以用d抵用coupon, 不過無咩戲o岩, 最後只係食左魚之味, 再行去坑口食甜品後散。

7. 報唔報埋話劇高班好呢?

8. 連續幾日都覺得凍水涼凍左, 感覺到天氣有點點點點涼了。

17/9(五) -- 收工返企食飯, 再過林士德打羽毛球。試下對新鞋, 唔多o岩打波; 雖然得一個鐘, 但係2個場得5個人, 打足都勉強夠皮~~ 回程2個人竟然無點出聲, 究竟是怎麼了呢? 唔似我~

9. 一早起身無啦啦有個利是封係房門底(仲有五百蚊係入面添), 一直都唔知諗唔起係邊個噶, 仲諗左好無聊噶怪談故仔, 之後問呀爸竟然佢都唔知(本來以為係佢), 咁o岩半夜有個無來電噶未接來電, 真係唔跳邊個, 到最後當然係搵到真兇啦~~ haha, 真係唔記得果回事~~

10. 無啦啦咁、無經大腦咁同Queenie要左佢部舊噶i-phone 3GS; 發覺呢排做野都係唔知自己想點, 要諗下轉d上網噶plan了; 究竟係Peoples $68平爆cheap plan, 定係中規中矩$200樓下"3"噶plan但係都一時時收得, 定係Smarttone最貴但最好用噶plan呢?

18/9(六) -- 公司boattrip, 一早6點9起身去到大學站集合, 原來都唔使咁早噶...齊人後行去馬料水碼頭上船, 成個trip好多時間都係traveling中, 無咩睇; 上船之後成班友就開始狂影相啦~ 好彩成班都幾癲又玩得, 幾好玩, 影左一段時間之後大家開始覺得累, 終於到左地質公園噶某個位置, 輪流落船仔過去近距離睇下, 大家睇完就又一程船去食飯(中間恰左下); 食完飯上船又玩同影相, 又係一段時間先去到下一個目的地, 海下灣公園噶範圍, 又係輪流落船仔過去近距離睇下, 輪完就開始回程了, 又係要一段時間, 又恰左一下; 曬左成日, 好熱呢, 個膊頭同背都起左粒粒。本來預算返屋企, 但係5點9散時間上OK, 於是約埋Crystal一齊過Jordon聽個旅行噶茶會, 攪完晒d野一個鐘島, 同佢一齊過麗晶同Harry同佢細仔食大排檔, 食完返企, 超累。

11. 之前果晚打夜波+成日噶車船+曬+chok盡到夜晚, 好累呢~~

19/9(日) -- 起身hea到夠鐘出門口, 點半島開始唱生日K, 得我同民娟, 威威2點半島到, 呀源再晏少少, 4點幾呀Sam同Esther到, 主角Mandy4點半最後到, 6點幾時自己出左去一下In's Point買左套扭蛋, 終於買到仲平左呢; 不在狀態, 唔知點解唱出來勁無feel; 到8點唱完諗住去金寶, 點知唔知係無開定係執左, 竟然關左閘, 最後呀Sam提議去街市, 食完就散。

12. 最近都唔知自己諗緊咩, 又唔知自己想點。

13. 層次感? 連feel都未做好, 更加好似做唔到呢樣野。

14. 膊頭肩果d位置噶粒粒都幾犀利, 有d痕又有d痛~

來緊:

22/9(三) -- 中秋
23-27/9 -- 北海道
30/9(四) -- 羽毛球(?)
4/10(一) -- IIA KWH 飯聚(暫定?)
11/10(一) -- 羽毛球(?)
14/10(四) -- 羽毛球(?)
18/10(一) -- 羽毛球(?)
22/10(五) -- 睇話劇 w/ Connie etc

完

點解而家先至係10點半噶?!

我叫某同事比個題目我; 話說今日d時間好似好難過咁, 佢望一望時間: 返左好耐工, 點知都仲係10點半, 時間好似過得好慢咁噶? 於是就比左呢個題目我!

**********

傳說係希臘神話之中, 有一個叫做菲爾西斯噶人, 佢跑得好快, 人稱"飛毛腿"。作為諸神噶跑腿, 佢走得仲快過老虎跑、雀仔飛, 所以係當時係一個好重要噶傳信者。

佢跑一日就可以環繞世界一周; 但佢平時係出差之餘噶時間, 都會成日練跑, 佢希望自己可以精益求精, 跑得更快; 從來都唔會自滿, 諂都無諗過利用呢個技能去做壞事, 只係希望將佢要做噶事做好, 係一個好正直噶青年。

有一次, 雅典娜想通知佢細佬太陽神阿波羅海神波士頓要來搵佢地噶消息, 於是佢就叫菲爾西斯拿封信過去。菲爾西斯臨走前, 雅典娜千叮萬囑同佢講: "我細佬佢晚晚都瘟女, 第二朝無11點都唔會起身, 你記得唔好太早去到, 如果唔係會比佢鬧死你呀! 但係又唔好過12點比到佢喎, 因為呀叔佢下午就會到噶啦。"

於是菲爾西斯就出發啦, 睇一睇時間, 10點鐘, 望一望同太陽個距離, 無問題啦, 1-2個鐘內一定到! 於是佢就開始向住太陽跑啦。一直跑一直跑, 又越過高山又越過谷, 上天下地一直跑, 跑左一段時間, 已經差唔多追到個太陽, 但係一睇時間, 又早得滯喎, 於是就hea一陣等時間過啦, hea得一下個太陽又慢慢遠離左, 於是又再跑去追。如是姐, 好似過左好耐, 開始覺得有d唔對路...點解我跑咁耐, 都...好似有d問題噶?

點解而家先至係10點半噶?!

完

愛與恨 三部曲 之 "鏡"

其實預算係一個大約10分鐘噶獨腳戲, 不過既然打係blog, 又唔諗住真係寫劇本, 就變左有對手, 容易明d~~

**********

半夜, 房間沒有開燈, 街上零星的燈光穿過窗戶映照在少女的臉上。
一頭鬈曲的長髮, 標緻的臉蛋, 配著一對大眼睛, 一副模樣一看就知道是溫室中的小花, 大家心目中的公主。
少女對著房中的一塊大鏡子, 凝視著, 沉默了好久, 慢慢的對著鏡子說話...

**********

"辛蒂...活在這個虛偽的世界真的好累...好辛苦呢...每天每天也要重覆著重覆著重覆著好多好多不喜歡的事情...真的好累好累好辛苦...好辛苦..."

**********

"老師早晨!"
"仙迪, 這個學期你又是全班第一, 真是一個乖學生! 學校有你這樣又乖又聰明又漂亮的學生真好! 我等著你考上一流大學呢!"
"多謝老師。我會努力的。"
"快點回家溫習吧! 我們都有很大期望在你身上哦!你考上一流大學, 是我們全校的光榮呢!"
"嗯嗯, 我會的了, 老師再見。"

**********

"那個班主任, 一副古肅的樣子, 只知道要我考上一流大學, 難道你不知道學生重要的不只是成績嗎? 平常就像望著螻蟻一樣望著其他程度較差的學生, 我是因為成績好才對我好一點。難道我不知道你只是想要一個上到一流大學的學生, 好讓自己光榮? 叨我的光滿足自己虛榮心的可憐蟲! 辛蒂呀...我真的不想世界上有這種白痴的老師! 白痴的班主任! 簡直是誤人子弟! 對吧...辛蒂...對吧..."

**********

"仙迪...我愛你..."
"唔..."
"別...別...別...這樣...別這樣啦!"
"對不起...我太愛你了...忍不住就...你太可愛了...好美麗...我一生一世也愛你的!"
"真的嗎?"
"當然...仙迪, 我愛你...來吧..."
"唔..."
"別..."

**********

"辛蒂呀...你看你...多麼美麗, 身材又好。你知道嗎? 所有男人都是賤格的! 為了得到你的身體, 什麼說話也講得出, 他們只是用下半身思想的動物! 他們見到你臉蛋可愛, 身材姣好, 就會起色心! 不! 其實只要你是女人, 送到上門他們也會要的! 你一定要好好守護著自己的身體呀...你看...多麼可愛..."

**********

"仙迪呀~ 快點來吃早餐, 吃完就去考試啦!"
"知道了, 媽。"
"你知道嗎? 今天是很重要的日子, 是影響你一生的重要日子呀! 今天的考試如果你考得好, 上到一流大學, 你就可以有好的前途啦! 以後也生活無憂啦!"
"嗯, 沒問題啦, 我已經溫習好了。"
"乖孩子! 媽媽愛你哦! 你考上一流大學我再加你的零用錢, 我們暑假去歐洲玩一個月好麼? 呵呵呵~~"
"謝謝媽媽。"
"我要去上班啦! 爸爸這幾天出外公幹不在, 我一會也要飛東京, 這幾天你小心點哦, 有什麼要的就跟Marian講叫她去買吧! 拜拜!"
"再見。"

**********

"難道大人只懂得去賺錢嗎? 讀書成績好就前途無可限量嗎? 關心小孩的成績、關心小孩有沒有錢用就叫關心了嗎? 一個月才見到你們幾天...幾乎每個晚餐也是自己食的...這樣算是家嗎? 有家庭溫暖嗎? 辛蒂...過兩天我生日了...只有你陪著我了..."

**********

"每天的每天的每天的生活都好煩! 看新聞那些政客都只懼得空口講白話! 民生根本沒有好起來! 娛樂新聞也只渲染明星們的八卦事件, 演員歌手也只要臉孔漂亮就可以了! 一點實力都沒有! 這是什麼世界...世風日下...道德淪亡...我好恨自己生於這個世界, 還要面對這樣的父母、學校、朋友!

還有你! 辛蒂! 你每天也在埋怨什麼的不是! 是你! 是你讓我愈來愈不快樂的! 明明生活在衣服無憂、萬千寵愛之中! 明明有手有腳、五官端正! 明明就比起很多人幸福! 為什麼你卻要一直一直一直一直在埋怨! 你也好, 他們也好, 我誰也不要, 什麼也不要, 我不要見到你, 我要殺了你!!"

"不可以, 你不可以殺掉我的, 我就是你呀! 你不可以這樣做! 仙迪! 你殺了我, 那你怎麼辦? 你不可以這樣做, 我跟你就是正反兩面呀! 一直以來也是我接收你的負面情緒...如果我不在, 那會怎樣呢? 你心底的瘋狂會去哪裡呢? 沒有了我怎麼還會有你...呀!!!"

**********

嗆啷!! 房間中玻璃碎裂的聲音響起。
良久, 一直沒有聲音再發出, 沒有回應。

**********

"小姐早晨! 怎麼這麼晚還不起床...小姐! 你怎麼了! 來人呀! 救命呀!! 怎麼鏡子破裂了, 仙迪怎麼滿身是血了! 手腕...是手腕...救命呀!! 來人呀...!!...

完

**********

p.s. 打到後來有d累又有d亂, 希望有人睇得明吧。

愛K

係人都知我鐘意唱K, 究竟有咩原因呢? 請先聽我講以下幾個故事。

**********

幾十年前, 爺爺係一個於當地出名唱歌好聽噶人, 當佢年輕噶時候, 人稱"靚聲王", 勁過張偉文, 果時佢並無諗住做歌星, 只係唱比自己噶朋友、同鄉聽, 後尾佢去左菲律賓, 都一樣令當地人聽到如沐春風咁, 美名遠播。

就係佢返來香港之後噶某一個年頭, 某組織舉行左一個歌唱大賽, 本來佢都無諗住參賽, 但係身邊噶親友甚至住係附近噶鄰居同鄉等人都鼓勵佢參加, 希望佢可以將佢噶歌聲發揚光大, 溫暖到多d人, 帶比多d人快樂, 感動到更多噶人, 而且得到冠軍噶獎金亦可以幫助到屋企噶經濟狀況, 於是佢毅然參加左呢個歌唱比賽。

由於佢把聲實在太靚, 加上佢多年係人前唱歌噶經驗, 由初賽到進入決賽佢都幾乎係高分過關, 而亦都得到台下觀眾噶欣賞, 堪稱"人氣王"; 到左決賽最後四強, 另外幾位都係唱得好好噶歌手, 唔容許一絲噶錯失, 但係竟然係最後一首歌, 係一粒高音位度...就係果一粒高音衰左! 全場都呆左! 但係比賽係殘酷噶, 並唔只係睇平時噶水準, 臨場發揮都好重要, 結果, 佢只係拿到第二名。排名、獎金並唔重要, 佢只係對自己失望, 認為自己處理得唔好, 而呢一次比賽噶失誤, 令佢遺恨終生, 耿耿於懷, 亦令佢意志消沉, 從此唔再唱歌...

呢件事從來都無人講過, 我地亦無人知情(知情者又無講); 本來我呀爸都係唱得之人, 不過爺爺似乎無意要佢繼承呢樣野, 而呀爸亦志不在此, 因此佢從來無參加過咩歌唱比賽; 但係爺爺成日都千叮萬囑我地, 做人做事一定要小心, 準備充足, 如果自己實力不足輸左, 都無問題, 可以再努力, 但係如果因為失手而敗, 果種後悔係好痛苦噶!

就係爺爺臨終噶時候, 佢握住我手, 講出左呢個係佢心中多年噶秘密同遺憾! 佢同我講, 好希望我地可以將唱歌呢樣野繼承落去, 令大家感動, 令更多人覺得舒服, 佢要我以後唱歌, 每一首都用心去唱, 每一首都唔馬虎, 每一首都要好似係決賽咁, 唱到最好! 所以而家噶我, 好鐘意唱K, 仲要係唱好K! 為左爺爺, 我一定要不負爺爺所望, 唱好每一首歌!

**********

係某年某月某日, 年輕噶我愛上左一個女孩 -- 我噶初戀情人; 果時我同佢都好年輕, 大家好o岩傾, 但係一直都無任何非份之想, 大家亦無諗去果邊, 只係每日傾下電話, 間唔時去下街, 相處得好快樂; 係某一日, 我地2個人去左唱K, 本來相安無事, 但係突然唱緊某一首合唱歌時, 大家四目交投, 就係果一剎那, 大家噶心靈都震動左一下; 歌, 繼續唱, 但係心, 已經唔係初初唱果陣時噶心, 大家都意識到, 對方係自己心中已經唔同左, 一直以來噶默契、快樂、所有野, 原來就係感情噶基礎。

係果一次K之後, 由於大家都無愛情噶經驗, 只係感受到少少、少少野, 但已經係佢地心中種下一顆小小噶幼苗。佢地繼續每日傾電話, 間唔時去下街, 繼續相處得好快樂; 終於有一日, 個男孩發覺自己真係愛上左果個女孩, 而有一次佢地又去左唱K。

一直唱, 大家都發揮得淋漓盡致, 好似演唱會咁, 無懈可擊, 突然男孩點左一首情歌, 佢呢首歌唱得特別有感情, 特別好聽, 唱完之後, 大家默默咁對望...正當男孩想講野噶時候, 女孩用手指按住左男孩噶咀, 然後講: 我就快要去美國啦...

大家相對無言, K歌噶音樂繼續響起, 但係只係寂寞咁一直播放, 偏偏無人去唱。埋單之後出到來, 暑假夏天噶一陣驟雨落起來, 男孩撐起把遮遮住身邊無帶遮噶女孩; 遮唔係好大把, 只係一把縮骨遮, 女孩挨近男孩, 挽住從未被女仔挽過噶臂彎; 就算男孩半邊身濕晒, 就算女孩個頭比遮督到, 大家都係一言不發, 默默咁向車站行過去...

"你唱歌好好聽, 好有感情, 你一定要好好地咁繼續唱歌, 我返來之後你一定要唱得更好比我聽呀! 你噶歌聲一定可以感動到更多人, 可以感動到一個真心明白你、了解你、愛你噶女仔噶, 祝你幸福..."

二個星期之後, 女孩遠飛美國, 從此二人就無再見面了...而我亦因此每次唱K都全力以赴, 努力再進一步, 為左可以感動到更多人而唱!

**********

係一個冬天噶晚上, 大肚噶媽媽如常係家中房間休息。突然間, 窗外一陣強光照入來, 只見一個好唔清楚噶人影係外面, 對佢講: 你而家身懷噶BB有一個使命, 好重要噶使命...

媽媽好驚, 偏偏咁o岩屋企無人, 都出左去, 而佢竟然連嗌都嗌唔出聲!果把聲音繼續同佢講野。

"你...你...你係咩來呀!"(佢心入面大聲呼叫)
"你唔使驚...你唔使怕...我係唔會害你噶...你冷靜咁聽我講...
而家係你肚入面噶BB身負一個好重大噶使命, 你一定要陪養佢, 平時比佢聽多d歌, 等佢浸淫係音樂入面, 佢大個左, 要唱好多好聽噶歌比身邊噶人聽, 要去感動好多人噶! 所以你一定要好好保護佢, 係佢成長過程入面去見更多野, 感受更多野, 接觸更多野, 等佢可以對唔同噶歌都有唔同噶感覺, 可以唱得更投入更有感情..."
"......"
"呢個使命就交比你啦! 再見!"
突然再一下強光閃起!

媽媽一覺醒來, 發現原來係南柯一夢, 不過, 本來關左噶窗竟然打開左, 半信半疑之間, 隔離屋收音機響起左一片悠揚噶音樂...

從此, 大肚噶媽媽就成日哼住歌, 而個BB(即是我)出左世後, 亦受家人影響成日聽歌, 到而家仲好鐘意唱歌添! 為左媽媽, 為左夢中果個唔知咩野噶啟示, 我一定要努力咁唱好每一首歌! 令聽到噶人都覺得溫暖, 覺得感動噶!

**********

連我自己都頂唔住, 其實諗到好多點子, 但係已經唔想再打落去, 相信大家都覺得夠了吧? 係咁先! XDD
p.s. 你地唔會真係相信是但一個係真噶嘛?

完

九月十二日 -- 雜記

勁懶, 所以不加修飾之前點樣brief打左就咁post算了 =_=

6/9(一) -- 買左飛同民民睇Inception, 終於都有得睇; 如果唐山大地震係睇演技, 咁Inception就係睇Idea同導演, 超好睇~ 唔係好難明姐... 真係堅好睇! 值得入場!! 無謂的(?)宵夜。

7/9(二) -- 成日都好眼訓, 收工返企食飯, 終於睇左One Piece噶第10個劇場版, 果然係尾田親自監製返, 好睇過其他劇場版, 仲有一定要買返果套扭蛋!

1. 誤會, 可怕的不信任, 對不起。

2. remember title provide by fnd: 冰茶, 星空, 蜜蜂

3. 識果時好好, 相處落會唔同; 相處得好好, 拍拖時又唔同; 拍拖時好好, 住埋一齊又唔同。

8/9(三) -- 呀Man唔食飯但返學; 返企食飯之後再去上堂。

9/9(四) -- dine w/ Grace @ EXP(Festival Walk), d野食都ok啦; 行左下又一城之後返企, 由於飽噶關係無食糖水; 拿返套貓貓漫畫了。

10/9(五) -- 陪Crystal同Harry睇左下TKO租盤, 之後返企換左衫, 同佢地食完飯後出KLB陪催時同學食飯, 再過APM唱K, 本來話通頂, 不過最終有人胃痛都頂唔住, 3點島散, 提早回家。

4. 竟然今次唱噶狀態好差, 個喉嚨好唔得, 個人噶狀態都唔得, 咁o岩對手都係唔多得, 係一次麻麻地噶K呢~ 不盡興(唔係因為時間短或者早走, 係唱噶問題)

11/9(六) -- 同同事呀儀同Penny去Queenie屋企玩; 中午join埋入去, 食QQ煮噶意粉好味道, 之後佢細佬妹都來左, 玩Wii同Pictionary, 好高興呢; 晚飯去左三聖食海鮮, 好滿足同盡興, 好似好耐無試過一段比較長噶時間無諗到唔開心噶野了。

5. 返到屋企換左床單枕頭套, 仲有個書架, 執返至愛噶幽遊白書出來, 好耐無溫過書啦。

12/9(日) -- K Lunch w/ Rhian & Tin cancel; 全日係屋企無出過街齋hea: 早上起身上網食左d翻睇左5本機動戰士Gundam San, 之後繼續上網, 砌左BB天熾鵬司馬懿, 下午唔餓hea左下開始悶到眼訓訓左, 傍晚起返身又hea左一陣6點幾整左d野食再hea, 8點島沖完涼開始睇左成集TVB超級巨聲決賽, 都OK啦(邊睇邊油今早隻BB, o岩o岩完個比賽就油完)。

6. 由於成日無出過街, 係屋企整野食, 順手執左個雪櫃, 掉左好多唔要噶野; 順手執左下自己d腳甲腳底死皮面...etc

7. 開始翻睇幽白, 仍然好熟, 哈。

8. 難得有打返d非雜記噶野, 或者雜記都好, 大家有睇有野想講不如留下言?

9. Mag Lam拿左冠軍, 意料中事, 但係d人吹得佢太勁, 其實佢係有potential, 但係未值得咁捧法; 鼻音太重, 咬字不清, 同埋唔穩定, 瑕疵仲有好多呢, 不過係HK來講算係唔錯了, 比起台灣就真係爭d, 無理由有得比較噶。

來緊:
13/9(一) -- 同公司同事一齊睇戲, Drew Barrymore! 期待。
15/9(三) -- 上堂
18/9(六) -- 公司boattrip
19/9(日) -- Mandy生日K?
22/9(三) -- 中秋
23-27/9 -- 北海道

完

公廁

繼續白話

**********

"公廁"噶意思, 除左本身"公共廁所"噶意思之外, 如果用"公廁"一詞去形容一個女性, 會係好低劣、好不堪噶評價。不過由於今次唔係想談論呢方面噶話題, 所以不在此論。

好難得咁, 講下自己。講下自己覺得噶自己, 可能係表層意識噶自己, 或者係...想人地覺得自己係咁噶自己? 無咩必要吧...總之, 儘自己噶努力去誠實地係自己blog度講出自己想講噶野吧。由於一個人係好複雜噶, 而自己亦都好複雜, 所以可能又係會亂亂地。

**********

一直以來都好鐘意留意人噶性格行為, 當然就唔少得會想試下發掘下真正噶自己係點樣(可能由於睇到自己醜陋噶一面, 所以從來都覺得自己係好唔得的)。一個人噶性格行為好受由細到大噶環境同教育影響, 但係自己本身噶性格同意志亦都會取決左佢行噶道路。

自己性格係細個時算係外向的吧? 細個果時已經係唔怕生, 小學時候已經開始好鐘意打電話比朋友仔傾電話, 一直到中學, 由於d人太勁太叻, 所以開始變成唔多起眼噶人, 但係同熟噶朋友都係仍然會好多噶吹水同聯絡; 到到上City果時, 由於自己年紀細dd加上無d同學咁成熟, 所以就係更唔起眼噶人(但係仍然搵到屬於自己果一堆噶人)。出到來做野, 第一份工比到好大影響我, 令我變返一個外向同開心噶人(詳情應該熟我噶人都知了), 由果時開始, 自己就識多好多朋友, 亦慢慢養成左好重視朋友、好怕同人關係變差、好怕麻煩到人、好怕令人唔高興(亦好怕d人唔高興緊, 想令人開心)噶性格。不過未至於做咩講咩都小心奕奕, 但係好自然對人果時用d措詞同態度都儘量會令人舒服噶(不過, 我個人都係直話直說噶人, 有唔o岩都照插, 只不過會儘量令人好受d吧...當然愈熟噶就愈唔客氣咯), 不過係呢一年有d太過火, 因為好多原因(主要都係情緒不穩定), 有時過份客氣、有時又會過份唔客氣、有時會咩都唔理不顧後果咁講、做一d野...總之, 控制自己比以前差左好多...

其實自己雖然算係外向, 但係其實唔懂得去"開始"的, 如果對方係一個會撩人噶人、或者因為返學、返工噶需要而有接觸, 咁對我來講就可以"開始"傾到偈、熟到。一直對人地噶感覺同對自己噶感覺係: 如果有d人噶性格如激流、如瀑布一樣, 奔放自如, 或者如小溪、如江河一樣, 清徹明快, 咁我就似係一潭水咁; 並唔係想講自己係一池死水, 更加唔認為自己有如浩瀚噶大海咁, 可以靜靜地環抱住、保護住大家; 而係覺得, 雖然係靜靜噶一潭水, 但係有野掉落來, 就一定會有水花彈返上來, 如果對方肯掉野落來, 我一定會有回應, 泛起水花、漣漪...等等, 可能比本身掉落去噶回響得更大。

不過, "表示出來噶回應"呢樣野只係講緊對"朋友"; 自問自己噶性格好易同人熟, 都算平易近人, 又樣樣野都會知d識d, 咩話題都o岩傾, 算係好噶聆聽者, 又會比到主觀同時又客觀噶意見比人; 但係雖然自己好敢表達自己好多感覺, 但係偏偏對家人、對愛噶人呢, 就好怕羞。心裡面一樣會諗好多野、做好多野去為佢地好, 會比對朋友更好, 但係偏偏咀巴就不喜歡表達出來。再者, 由於自己比人噶感覺係"大眾朋友"(甚至係知已, 或者係姊妹), 對個個都好似好好咁, (亦覺得自己已經無左果種曖昧、或者令人愛噶感覺?) 因此別人對我只會係"大眾朋友"噶感覺, 或者好簡單地係對"一個好人"果雒喜歡, 甚少會係"愛"果種喜歡呢。

對於"朋友", 自己唔算係來者不拒, 但係絕對唔揀擇, 只要o岩傾、肯關心同對對方好, 就算係壞人都唔一定係唔好噶朋友; 我成日都話, 葉繼歡都會有知心友, 幾壞噶人, 都會對自己噶朋友好噶, 佢對我好, 我同佢friend, 都可以係朋友, 每個人都有可取噶優點, 缺點都可能改變到, 咁做左朋友我都可以試下影響佢唔好做壞人噶姐?

以前係blog都有講過對朋友、對感情、對同人噶關係o既諗法, 睇返之後都慶幸到而家都無咩大改變; 其實我係咪太"淋"? 我係咪諗太多? 我係咪太過敏感? (問得出呢d問題, 都覺得係吧...) 反正, 起碼係有自覺地以自己現有性格咁生活落去, 都ok吧。

講到公廁, 其實綜合返之前講過噶野, 覺得自己似公廁: 有野掉落來就會有野反彈上來、對朋友幾乎來者不拒、人人也需要、在需要時會喜歡, 但卻永遠不會愛的地方, 好似都幾準確呢~~

完

九月五日 -- 雜記

30/8(一) -- 收工返企再出返來廣田打羽毛球(21:00-23:00); 係果頭食左下野就上去, 等到9點開波, 好彩d人都唔算好勁, 雖然自己水準不及, 但係都打到下; 之後由於佢地各自有車(2個有電單車, 1個有私家車車埋另外2個人), 跟佢地行左去個唔知咩地方, 之後話散, 佢地無話點搭車, 話可以行落去, 於是我就自己搵路落去了。

31/8(二) -- 好累, 狀態極低; 收工返企求其食左d野, 早訓。

1. 不知怎的, lunch無點食野, 夜晚無點食野, 但係都無咩感覺。

2. 為了他人高興而咩都可以做?

1/9(三) -- Taylor生日快樂; 呀Man話定左上唔到堂; 約左強同威食飯(拿埋呀強幫我買噶盒蛋), 結果行左下皆旺之後食, 去左MK金寶, 之後上堂。

3. 好似係第一套擁有噶Hunter x Hunter玩具呢~~

2/9(四) -- 收工過左MK, 糊里糊塗的報了團去北海道, 一個人的旅行變成不是一個人...回家整左d野食。

4. 台灣之旅延後至10月吧...或者會去新加坡探呀馬先?

5. 呀馬返來幾日, 不過未必有時間見呢。

3/9(五) -- 同娟威威呀Sam同Esther去食銀座藏人, 講左好耐好耐好耐終於都去到, 雖然唔多人齊...收工同昆你過灣仔, 佢地一家都係去果度食呢~~ d野食唔錯, 好耐無去過KT噶外野手, 比較唔返, 下次攪次去外野手先; Jenny夜晚來。

4/9(六) -- 一日行晒Jenny同威威想去噶地方: lunch食宜豐, 皆旺, 波鞋街(有對黑色波鞋ok喎又平$299, 無買), MK行人街, 兆萬(見到個袋ok $149再九折, 亦無買), 釆豐行(洗頭水), 廣華街(拿左頭盔), In's Point(三國傳扭蛋03 $50), 深水埔(係福利見到七武海果set盒蛋$150!! +$28公孫瓚), dinner(好耐無食過飛鷹), 返企; 敗左二百幾蚊玩具, 不過好抵呀~~心甘情願~~

5/9(日) -- 好累, 成日係屋企hea過左; Jenny成日係度睇"泡沫之夏", 我就訓下起下咁, 都睇左d, 唔多好睇, 晚上食完魚米家Jenny就返去了; 去左寶琳, 買左飛同民民星期一睇Inception; 呀馬始終都係無時間見我地呢~~

6. 好似無放過假咁, 唔多想返工呢。

7. 突然發現之前幾個星期都有唱K, 今個星期無喎, haha, 諗諗下又想唱。

8. 覺得自己真的渾噩了...唔知自己想點, 唔知自己做乜。

9. 接近2個星期都訓得唔多好, 就算早訓都早醒...

來緊:

6/9(一) -- 買左飛同民民睇Inception, 終於都有得睇
8/9(三) -- 上堂
11/9(六) -- 同同事去Queenie屋企。
23-27/9 -- 北海道之旅

完

明信片

朋友比噶題目, 不過感覺上寫得很"行"...

**********

在我的小時候, 已經不多人真的會"用"明信片了, 不過偶然還會收到爸爸或其他親戚從外地寄來的明信片。

從小一直對於明信片的感覺, 是一張硬卡紙, 一邊是某異國美麗或有特色的風景, 另一邊則會貼郵票和寫下要寫的內容; 除了可以傳情達意之外, 還可以讓對方看到他身處的地方, 每一個地方都有其特色, 因此甚有紀念價值。

現在科技發達, 社會也比以前富裕; 四處旅行已經不像以前般像是難比登天的事; 別說有特色的風景, 現在幾乎連整條街有什麼店都可以知道了; 電話、上網甚麼的也超方便, 已經可以免費即時通訊, 也不用再寄什麼信呀、明信片什麼的。

發達的資訊、即時的通訊究竟有否拉近了人的關係呢? 在這資訊過於泛濫的世界, 沒錯, 人的接觸的確因此而增加了很多, 但卻充斥著虛假的情報(還有情意?), 缺乏了真正見面時感受到的眼神、聲調, 也沒有了從筆跡中字裡行間感受到的溫暖。也由於要找到一個人太方便(或者可以說太容易發現找不到一個人), 也造成了很多的誤會, 揭穿了太多的謊言。人的關係、接觸的週期因此縮短了: 快了接近, 快了分開, 快了開始, 快了結束...

在很多商店還是會見到明信片, 他們的功能好像只剩下"手信"; 可憐它們本來主要用於傳情達意的功用已經沒有了, 而收到"手信"的人也不見得會好好地"用"它。那些真摰的一字一筆都到了哪裡去呢? 你又感受到冰冷的螢光幕中, 我熱心的文字麼?

完

半年@082010

好似之前果篇"夜半敲門"咁, 又係勁口語咁亂諗亂打亂寫, 今次應該係...有意無意地亂同埋打勁多野吧? 有無人會有心機睇晒, 兼明白晒我噶意思呢? 嘿嘿...當然, 有得睇我blog噶人會明多少少, 不過好多野, 唔會係facebook disclose吧? 反正, 想打下自己d感覺出來, 打左出來好似將d野放晒出來咁, 會舒服d吧~

**********

事隔半年, 由農曆年計起, 一年又過左一半。呢半個一年, 真係好奇怪。

感覺唔到自己係呢半年生活過d咩野, 真係幾乎好似一跳就跳過左咁, 自己未至於停留左係、仲係活係半年前, 但好多野好似好近, 又好似好遠咁。What da hell am I doin' here?

曾經講過自己怕死, 因此好珍惜"活著", 珍惜每一種"感覺", 我要儘無"白活", 無"後悔"; 追求自己想要噶野, 唔一定要係事業成功, 亦唔一定要係好多人、大部份人噶人生目標, (雖然我覺得好多人都係渾渾噩噩, 包唔包括自己呢?), 但我要噶野, 由我知道左要之後, 到而家都係無變過; 錯、傷心、痛, 都唔代表會後悔, 知道自己要d咩、知道自己結果可能會點、知道自己係有無諗過而作噶決定...等等, 都係知道噶, 一直都話, 如果知道自己做緊咩就OK, 最緊要唔係無意識地生活。

珍惜生命每一種感覺, 包括快樂、悲傷、舒服、痛楚, 每一樣都應該要感受過, 所以悲傷不快眼淚等等都無白白的給我錯失過去, 都係活著噶感覺; 有低潮噶時候更會顯得高潮時噶好。開心噶時候大笑, 唔開心噶時候大哭, 情感或者感情都放到最盡, 可以嗎?

慢慢回復好耐之前噶我(應該係3年前噶我吧?), 好外向、勁搵人, 識左好多新噶朋友; 好開心近半年識噶都係好好好好噶人, 救贖左我, 陪我捱過呢段時間; 自己一向都係隨自己意而行噶人, 我一向噶格言, 係"只要唔對其他人有壞影響, 自己開心噶話點做都得", 幾唔怕人地噶眼光; 之前幾年都收埋左、低沉左, 而家會咩都唔理, 想做就做, 想搵就搵, 不論係新係舊噶朋友都好, 總之任性地搵人陪自己(真的嗎?)。可能會讓人覺得煩, 可能會令人諗多左, 可能造成誤會, 不過自己好清楚自己想點, 好清楚自己噶想法, 人地要點諗就點諗吧, 總之係對人無壞影響噶情況之下, 自己開心噶話就可以; 如果會阻到, 咁就唔搵吧, 所以其實都要收歛一下吧? 唔想永遠都係陪人果個, 所以不停搵人陪我(定係其實都係陪人?)。我要任性。

點解人唔可以簡簡單單開開心心咁一齊生活呢? 因為人係有情感、多野諗、又複雜噶, 真係好煩, 一個人已經好煩好複雜,人再多就更煩, 所以不嬲都係有人噶地方就有是非。而家好積極、好進取咁去理朋友噶事, 因為自己噶野已經理唔到、唔想理, push自己去行; 既然自己好累, 唔想諗唔想攪, 咁去理返其他人噶野, 係可以理到、控制範圍內、同埋人地愿意噶情況下去理人都係好事。

每一天每一天每一天係照鏡定係係咩地方望到自己時, 都覺得好醜好醜; 曾經話過, 自己睇人靚唔靚, 好睇自己對對方噶感覺係點, 會好影響我對對方噶觀感, 因此好多時有d好多人地話唔太靚噶人我都會覺得靚, 人地覺得靚果d, 自己又覺得麻麻...如是者, 好明顯我係覺得自己好唔得, 甚至係好唔鐘意自己吧? 我應該係一個內在外在表裡如一噶人吧?

在世上, 總有人會令人覺得很好, 有人會令人覺得不太好。每一個人都有優點和缺點, 不過, 優點可能唔係起眼噶、或者人們喜歡注意噶。自己就好鐘意去睇人噶不同特質, 當然都會留意人噶優點和缺點。同時, 自己也偏向喜歡去睇、去記住人地噶優點。因此其實我係幾盲目咁偏向睇好果方面, 同我做得fnd噶人, 或者唔多唔少我都唔會覺得佢地靚呢 hahaha; 由於呢d係好主觀噶感覺, 因此係當局者清, 旁觀者迷呢。

下半年, 積極點吧; 學皮包鐵(筆試過左), 上話劇(上緊), 遲d可能報master, 搵language course讀, 自己去旅行(plan緊了), maybe so full, add oil, 蠅。

完全反自己一向寫野噶組織同style+胡思亂想隨筆, 完。

p.s. 發覺而家好鐘意咁樣亂糟糟打好多野, 等人無咩心機睇, 哈哈。

八月二十九日 -- 雜記

23/8(一) -- 早上同催時食左M記早餐; 收工本來諗住只係入寶琳, 但係昆你又出開去MK, 自己反正都唔返企食飯大把時間, 於是一齊出MK; 終於買到對黑色波鞋, 仲要係紅黑噶, 幾ok; o岩買完昆你打來, 叫我join埋佢同佢老公食飯, 見時間還可以, 於是同佢地去左食金寶, 食完散; 搭MTR返去, 經過見到電器鋪好多人圍觀, 心感不妙, 行埋去見到話成車噶人死晒, 心都離埋, 好得人驚...之後沿途聽住朋友live同我講咩事...雖然最終唔係全車人死晒, 但係仍然好心up...好唔開心, 差d係街上喊左出來...搭車入到寶琳, 時間尚早未夠10點, 去Toyrus買埋禮物, 再過MCL買戲飛卷, 終於全部任務完成返企。(諗諗下原來成晚用左唔少錢)

1. 七月十四, 自己平安渡過, 但係發生左好得人驚噶事...好可怕。

24/8(二) -- 下午4點去總部上堂, 6點前收左工, 返企食飯。

2. 轉晒d mp3九成做快歌同勁歌。

25/8(三) -- Roving (R1), 由全日轉左做半日(8:45-14:00), 超開心; 呀Man又係臨時話唔來, 係公司留到7點幾先走, 係街上hea左一陣再去上堂。

26/8(四) -- 早上食早餐作戰失敗, 得返我同催時食...下午Roving (R2 13:45-19:00), 企左2個半日, 對腳真係唔多得; 收工後join埋同事們Hugo, Will, Janie, Money姐同Queenie係APM唱K, 大家都係玩得開心同埋會發下癲噶人, 幾開心。11點島散。

3. 最近好像很奇怪, 又像發生了不得了的事情; 與自己一向某些觀念有不同, 自己的想法也有不同, 卻, 又很害怕。

27/8(五) -- 好友Teammate昆你生日快樂! 收工唔join同事噶Chill Out, 去左北角同Carol同呀衛上左呀珊屋企打機, 打左陣落去食飯到9點島散返屋企; 10點幾無啦啦同催時傾開話出來, 係APM join左竟然唔食糖水, 走左去唱K, wakakaka, 好耐無試過2個人唱K, 唱到4點幾先走, 唱左5個幾鐘, 雖然得2個人唱, 但係唔知係咪大家都高興, 情緒高漲, 同埋唱快歌勁歌多d, 所以氣氛居然好過有時成班人一齊唱呢~~ 2個人唱左咁耐勁滿足, 亦好累~~~

28/8(六) -- 中午出TST同Taylor呀娟食飯慶Taylor生日; 去左糟媽推介噶Vietnam野"味佳居", 個火車頭好食, 不過overall鐘意MK金寶多d(尤其係個小食拼盤水準有差); 食完係海港城行左下, 之後大家提議入天水圍Taylor屋企坐下(咁耐都未去過呢), 之後係佢家玩左下Wii到6點幾走, 返企食飯。

4. 極眼訓

29/8(日) -- 成個星期都唔多夠訓(又早起又夜訓咁), 點知半夜又醒早上又好早醒; 由於早醒噶關係(7點幾), 於是自己去左睇早場"線人", 整體來緊我覺得都叫OK, 感覺上無"証人"咁好睇, 張家輝做個角色太內歛, 內歛到唔多使交戲咁(有幾幕要交戲噶係有少少爆出來, 但係又好似...爭d); 謝檸檬一如以往, 差唔多, 不過不失, 最搶係綠葉噶智叔; 不過總算成場戲都帶到觀眾入個氣氛度, 都幾緊張, 個結局麻麻地...不過, 早場$35真係好抵~~ 睇完12點島, 呀哥佢地都係寶琳, join左佢地坐左一陣就一齊去打羽毛球(今次無咩人), 打13:00-14:00, 之後返屋企沖涼抖; 呀哥個社團好多人上左來, 成個下午都好吵好吵, 我太眼訓都訓左下; 原本諗住佢地6點幾7點走, 自己可以煮d野食, 廢事過去, 點知攪到7點幾都未走; 催時打來, 臨時約食飯, 逃離左吵雜噶地方, 去左寶琳魚之味, 食完好飽無去聰嫂就返企了。

來緊:
30/8(一) -- 羽毛球@藍田 (21:00-23:00)
1/9(三) -- Taylor生日快樂; 呀Man話定左上唔到堂; 約左強同威食飯, 之後上堂

完

八月二十二日 -- 雜記

1. 上星期六唱K時發現, 佐敦King 1旁邊果間有肥貓貓噶衫鋪執左...=_= 隻肥喵喵我都仲未見到佢個樣 >_<

16/8(一) -- 同同事仲有同事朋友噶飯局@ King 1(昆你, Bowling, Kenneth Penny, Tracy), 識到新朋友同埋都幾好傾; 某人...... haha~

2. 水瓶座, Tracy呢個名, 同2月12日生日呢三樣野, 都令我覺得有d得人驚...真係驚...

17/8(二) -- 收工同Queenie, Kenneth, Penny同Janie係荷里活foodcourt食完飯之後一齊睇戲, Sorcerer's Apprentice, 正牌荷里活B級片, 成套應好多電腦特技, 無咩悶場, keep住有笑位, 唔使點用腦, 作為消閑戲來講好睇, 而且星期二噶$45飛係抵睇噶, 攪野噶地方係雖然佢係一套講魔法噶戲, 但係又ok地夾到科學入去喎, 而且仲有一場追車戲, hahaha, overall都ok啦~

3. 老細開始放假。

4. 記: "襟食" by Janie姐姐

5. 半年

18/8(三) -- 呀Man臨時通知唔上堂, 收工返企食埋野去上堂, 全日都有溫左下書。

19/8(四) -- 早上請左假考筆試, 總算過左; 考完試去左石夾尾賓墟食早餐, 之後返屋企鏟頭後返工; 收工返企食飯。

6. 多謝Money姐幫我修補左不足之處~

20/8(五) -- 同昆你去左SSP掃街之旅~ 好耐無去啦~

7. 好想買袁術, 好想買紅蓮版曹操, 但係都好貴呀...唔抵買; 來緊有項羽同埋典韋好似仲有袁紹, 都係必買項目, 點算呀~~~

21/8(六) -- 之前果日臨時約左催時join佢同佢同事唱K(無記錯噶話:傑傑, Nicky, 呀偉, Carol), 佢有個男同事唱女音好勁呀~~ 催時都OK; lunch係新境界食飯之後, 再同佢同Cass源去Megabox唱K, 散左之後去TKO體育館同呀哥社團噶人打毛毛球, 好耐無打呢~~ 之後去左坑口, 點知間茶記爆左, 結果是但食吉野渣之後再去聰嫂之後返企。

22/8(日) -- 早上最終決定唔睇戲, 去左打波, 唔知係咪之前果日打左毛毛球, 有d累累地, 打到有d手軟腳軟, 好彩都打得ok; 食完lunch之後返屋企hea足一日...竟然幾乎成個下午同youtube渡過~夜晚返企食飯。

8. 奇怪地同催時小妹熟左~ 嗅到相似噶氣味呢, 好可怕。

9. 返屋企食飯, 做左一樣好似應該, 又好似唔應該噶野...但係點都好, 唔開心...

10. 開始要搵腳一齊睇草蜢演唱會, 仲有要plan 9月噶旅行。

來緊:

24/8(二) -- 下午4點去總部上堂
25/8(三) -- Roving (R1), 收工上堂
26/8(四) -- Roving (R2), 9點收工後join同事唱K
28/8(六) -- 上昆你屋企延至9月, 下午同taylor慶祝佢生日, 地點未定。
29/8(日) -- (13:00 - 14:00) badminton

完

八月十三日 -- 雜記

9/8(一) -- 收工去寶琳買戲飛, 之後行左下奇趣, 返TKO第一次食樓下果間burger king, 食左果個廿五個半噶餐, 都OK啦; 返來砌+油左BB胡軫(強人), hea左一晚。

10/8(二) -- 收工係寶琳食左大件三文魚刺身果間野之後睇戲"唐山大地震", 好好睇呢! 個女主角超好戲, 同埋到最後都係失守左呢~

1. 最近都很早醒。

2. 因為通透, 所以痛苦。

3. 每天在家中廁所、公司洗手間、電梯、或者從什麼樣的鏡子之中, 見到自己的樣子, 總是覺得很陌生, 很醜陋; 看了那麼多年, 仍然一樣。

4. 血濃於水; 以為自己比姑姑更冷血, 可還是失守了; 徐帆好犀利!

11/8(三) -- 收工返企先再出返去同Man食飯後上堂。

5. 晚上熄冷氣訓覺, 又OK喎。

12/8(四) -- 下午落左去幫手Roving 2-6, 係秀茂坪收工, 同鵬利一齊過寶琳, 早場就唔到呀龍時間, 買唔到飛, 之後返企食飯。

13/8(五) -- KTG同Calvin來HK幾日, 點知佢地有拗撓, KTG自己來; 臨時約左小翠食飯, 本來約左去SSP食飯, 但係小翠要係MK買相機唔知到幾點, 於是自己過左SSP先, 好貴呀d模型...行完小翠仲未得, 於是索性過埋MK; 到左之後本來以後佢得, 點知都未, 於是同佢暫時散, 去睇d野再返來搵佢; 最後等到8點半佢先攪掂(仲要買唔到), 去左MK金寶食, 餐飯講左幾個月終於都食到呢。

14/8(六) -- 早上起身無咩攪, KTG又起左身, 於是一齊去左睇早場, The Last Airbender, 世界觀OK, 導演麻麻地, 編劇普通, 演員麻麻地, 特技幾好, Overall普通...浪費左個題材呢...之後就去唱K, Calvin晏d來; 好耐無同KTG唱啦~~ 加埋呀娟威威民仔呀Cass都係玩開或者好唱得噶人, 雖然唔係唱得多但係都開心呢; 中途KTG同Calvin出左去講數, 好似唔多掂收到呀哥電話又喊又盛又話分手, 結果落左去行左幾個街口見到佢地, 係遠處睇住佢地半個鐘終於好似無咩事先偷偷返去; 唱2-8, 6個鐘之後民仔同cass走, 其餘人一齊去左金蘋果食飯, 之後返企。

15/8(日) -- 差唔多天光先訓...12點幾起身, 同KTGCalvin食晏之後出MK先達, 再去家樂, 行左潮流特區, 再返返去先達, 再去尖咀, 之後佢地一直睇結婚介指唔多關我事, 6點幾返企食飯。砌左BB張遼。

來緊:

16/8(一) -- 同而家同事昆你PennyKenneth仲有Bowling同Penny朋友食飯, hehe
17/8(二) -- 老細開始放假!
18/8(三) -- 上堂
19/8(四) -- 筆試
21/8(六) -- (18:00 - 19:00) badminton
24/8(二) -- 上堂(office hour)
25/8(三) -- Roving (R1)
26/8(四) -- Roving (R2)
28/8(六) -- Queenie's home
29/8(日) -- (13:00 - 14:00) badminton
31/8(二) -- Taylor's Bday celebration

完

腳

寫左數篇書面語, 今次都係來返個白話先。

比較熟悉我噶人可能都知道, 如果以欣賞角度去睇女仔噶身體, 個人係比較喜歡睇"腳"噶。一對美腿實在係...er...其實我都唔識點形容, 總之就係如果只可以選一樣, 個人會喜歡睇美腿多於纖腰、巨乳、嫩於青蔥噶玉手、標緻噶臉蛋或者係咩美麗噶腳踝果d野。(順帶一提, 蔡瀾先生係喜歡"腰"噶, haha)

我當然唔會咁簡單無啦啦係度講"女"啦, 其實真正想講噶"腳", 係...er...可唔可以話某樣野噶"伴"呢?

每個人做唔同噶野都會有"腳"。好似麻雀腳啦, 行街買衫噶腳啦, 我自己就打波有打波果班中學同學噶腳啦, 唱K都有少量鐵膽啦("腳"昇一個level就係"膽", 哈哈), "腳"最重要噶功用, 並唔係要有人一齊, 有人陪咁簡單, 而係大家都係喜歡果樣野、一齊做會開心d、或者會互相比到意見、或者level差唔多等等, 先係好噶"腳", 亦係好雙向噶一樣野。

自己喜好做噶野, 有d係好個人噶, 例如睇書砌模型咁, 都係一個人做; 但係有好多都係需要"腳"噶; 例如頭先講開噶打波, 就keep住每個星期都會有一班中學同學出來打, 除左大家鐘意打波之外, 仲可以keep住運動, 更可以聯絡感情呢。另外一樣就係而家對於我來講最大噶嗜好之一 -- 唱K, 其實唱K都有d腳, 不過講真而家愈來愈難約到, 又好似唔係好多熟噶人真係好鐘意唱、或者係好o岩咀形一齊唱一齊發癲咁, 不過都總算有腳。最可惜噶就係其實自己幾鐘意睇戲、話劇、musical、演唱會, 雖然多朋友, 但係又唔多係鐘意o既(或者鐘意噶都唔多熟), 所以好可惜, 好多時都錯失左好多睇噶機會(入戲院睇同睇Live感覺係好唔同的)。

最難搵噶"腳", 當然係會陪係身邊、以後都會一起到老的那個老伴吧? 由於關係長遠, 所以真係起碼要將頭先果d要求全部加埋都OK先得呢~~(不過而家放棄左呢樣野, 所以唔係度多寫了)(所以我係一隻無腳噶雀仔? XDDD)

希望以後可以搵到好多各種各樣噶"腳"吧~

完

借/還

朋友給的題目, 立刻想到的不是有借有還, 借錢還錢, 或者不問自取這些事情, 反而想到了有關"報應"。(之後想到的是媒體上經常播放的貸款廣告, 很惹人反感, 尤其見到某些廣告的女子在廣告中買衫買到透支欠下大筆卡數, 只覺得是"抵死")

有關"報應", 其實覺得也是一種"有借有還"。小時候總會天真地覺得好人有好報, 壞人也會有有報應, 若然未報, 也只是時辰未到。某程度上覺得, "報應"也是有道理的, 那種人有什麼樣的性格行為, 在身邊的環境人事物等等都會有一定的影響, 從而增加"報應"的可能性。

可是真的是太天真了。

最大的所謂"報應", 無論發生什麼事也好, 如果那人沒有不開心, 沒有覺得慘, 跟本就不叫做報應。因此壞得透徹、沒有心理負擔的人, 根本就不會有報應。當然世上並不會有這麼徹底極端的人, 但這樣推算下去, 其實壞人只要有心理準備, 或者對於道德觀低、或者心理負擔少的人, "報應"的力量自然就偏低了。相反, 好人有好報, 在某程度上也只是看那人的心理, 如果他不斷遇到不幸的事, 但心理上很滿足很開心, 在精神層面上也可以說是有好報, 因為他追求的是精神上, 自己是"好人"的滿足, 求仁得仁; 但當然世上也沒有完美的好人, 除了想滿足精神層面, 也從會有其他的希望; 而世上好人總是很容易就能欺負, 而壞人做了壞事, 卻能得到好處(又不一定有報應), 如果能更聰明、更實際地取得利益, 而不會不開心的話, 其實做壞人真的很爽呢。而這些好處、壞處跟本就是"取得", 而不是"借"的, 所以不用"還"呢, 嘿嘿。

人生苦短, 自己並不是十分追求物質、實際那種人, 但卻也不是神化到純粹追求精神滿足的人。因此, 既然做不到強悍的好人, 在現世還是做個壞人好了。

後記 -- 發覺自己卻是做壞事有報應, 做好事沒好報的那種人, 那應該做好人還是壞人呢?

完

八月八日 -- 雜記

1. 夜晚突然陷入極低情緒, 爭d又發癲。

4/8(三) -- 呀馬生日快樂~~ 收工呀Man話走唔到住, 食唔設飯, 臨時join左昆你同佢朋友寶鈴一齊食飯@坑口意粉, 之後去上話劇第一堂, 等左半個鐘車又熱又焗, 難得有燥噶心情 =_=; 第一堂感覺良好, 呀Sir都OK。

5/8(四) -- 收工同MandySin(太多叫Mandy噶朋友所以打埋個姓haha)食飯, 呀娟同威威都來到; 由於Mandy想食聰嫂, 所以入坑口, 係屋企出返門口果時極大雨, 濕晒; 食左茶記+聰嫂後散。

2. 來緊好似17/8開始老細放假一星期, 好開心。

3. 最近難得有心機打野, 大家快快比題目我~~ 今次想打故仔呢。另外請大家有睇blog噶人多多留言, 我返返來啦。應該都無幾多人睇了~~~

6/8(五) -- 收工同同事們(呀黃, Carol, 何敏, 估唔到Connie又來, Step, Penny, Vincent, Kenneth, 昆你, 呀植)唱K, 難得攪得成噶大型d噶活動; 好熱鬧噶一晚, highlight係Alan唱"我是憤怒", Kenneth噶精彩表演, 當然仲有呀植來到之後噶攪笑啦, 12點幾散。

7/8(六) -- 無野做噶一日, 臨時決定去Queenie家玩, 搭左好耐車入屯門呢; 同佢老公、細妹同佢朋友5個人玩Wii, 之後佢地玩紙牌大富翁同埋Cluedo, 跟住落左去食泰國野, 好食, 食完上返來hea左一陣我就返企了; 咁o岩遇到觀塘道出事, 係對面線, 好彩唔多影響我返屋企; 入到TKO又好大雨。

8/8(日) -- 早上起身天氣OK, 打左波, 超熱; 之後返企hea左一日。

4. 終於睇完本書呢, 隔左好耐; 幾好睇尤其個結局幾得意, 不過睇得辛苦。要還晒d書比昆你了~

5. 發現要搵戲腳真係好難, 好難好難。同埋好似慢慢引起左不必要噶誤會咁。

6. 發現自己現在經常做心中想做的事, 不是最恰當的事; 明知遁做了恰當的事會好一點, 但也是沒有做...

7. I am a star...shining in a sunny bright blue sky.

來緊:

11/8(三) -- 上堂
13/8(五) -- KTG同Calvin來HK幾日
16/8(一) -- 同而家同事昆你PennyKenneth食飯, hehe
18/8(三) -- 上堂
19/8(四) -- 筆試

完

如果你是黑社會的Director/CEO, 你會如何打理你的社團?

由於上次公開徵求題目有朋友(呢個人仲算係朋友嗎? :D :P)比左個題目我, 我當然不得不辜負人地咁辛苦諗比我噶題目, 由於前排比較無心機打野, 因此都隔左好耐先攪掂。
對於呢個題目, 其實一收到已經諗好左成篇野噶內容; 本來好想快快打出來, 免得自己需要諗好耐咁, 不過始終都係隔左好耐, 以下就係本人對於呢個題目想發表噶野(基於各種原因, 決定用白話來打呢篇野, 容易d表達某d意思):

**********

如果我係黑社會噶Director/CEO, 我會點做呢? 無論係用邊個層面講都好, 我會做噶只係一樣野 -- 解散。
以下會分幾個層面慢慢咁深入來講下我噶想法。

1. 對於一個擁有閒雲野鶴性格噶我來講, 我係一個一係唔commit, 一commit落去某d野就會比較全心全意去做果種人, 因此我只會對有興趣(或者真係逼於無奈)噶野"開始commit落去", 對於"管理黑社會". 我唔知自己有無呢個才能, 但係興趣一定唔大。

2. 從社會良心噶角度睇, 如果我做左黑社會噶Director/CEO, 然後解散左佢, 表面上好似係一件好事, 因為係好多人眼中會覺得, 少左個黑社會社團, 一班壞蛋群龍無首, 只會變左烏合之眾, 好容易就會擺得平, 咁樣噶話社會又得以太平。我就可以得到一個好噶名聲?

3. 然而, 事實並非如此, 少左一個組織, 仲有好多好多其他組織, 本來噶地盤只會比人霸左, 唔見得個情況會有所改善, 根本就唔係治本噶方法。

4. 再者, 如果一班窮兇極惡、作奸犯科噶人由本來有組織而變成無組織, 只會令社會大亂, 解散跟本就唔係辦法。黑社會組織對於社會來講係一個都幾必要噶存在, 因為可以控制住成個局面, 好過d壞人亂咁來, 因此呢個世界其實根本就無可能完全打擊/取締黑社會, 呢一點相信大部份人都明白, 政府/警方其實同所謂黑社會暗中都有左噶共識, 大家各自攪掂自己果part唔好太過份就算。

4. 事實上, 一個組織(無論係好係壞)並唔會因為個呀頭死左或者話解散就會無左, 蜘蛛無左個頭都可以繼續存在(應該有人會明呢句噶), 因此, 我咁做其實到最終根本就唔會對社會有咩影響, 我話解散, 只不過會掀起左有人爭我個位噶局面, 而呢個所謂局面都唔會影響左個勢力(你估真係因為爭崩頭而令個組織崩潰咩, 呢d漫畫先會有)。

最後結論:
我根本咩都無做過, 對呢個世界無影響, 無作為; I'm a creep...I'm a weirdo...what the hell am I doing here...I don't belong here...I don't belong here...(Radiohead -- Creep噶歌詞)

完

後記+"真．如果你是黑社會的Director/CEO, 你會如何打理你的社團?"

我當然無論如何都係會話"解散"噶啦。不過如果我真係做左黑社會噶Director/CEO, 叫解散, 大家認為我真係會咁簡單話散就散咩? 嘿嘿嘿...嘿嘿嘿嘿嘿...作為邪惡軸心, 當然唔會咁簡單啦...咁事實係點呢? 為左令大家唔好有生命危險, 我都係唔好講出來了, 嘿嘿嘿...嘿嘿嘿嘿嘿...

(好野, 終於寫夠一千字, 十五分鐘由頭打到完, 爽)

真．完

一個人的第一次

買了高木直子的繪本"一個人的第一次"; 很簡單的線條和文字, 卻很生活化, 有很多事情也很窩心; 因此我也想寫一下一些一個人的第一次呢。

**********

由出生到現在(甚至到死之前), 一定會有很多"第一次"的發生, 有些"第一次"相信每個人也會一生難忘; 有些可能對於其他人是雞毛蒜皮的小事, 對自己是很深刻的回憶; 總而然之, 所謂"第一次"最珍貴的地方, 就是"只有這次才有這個感覺, 以後也會不同了", 儘管有很多事情, 在"第一次"之後會再做, 甚至已經成為千篇一律的例行公事, 但那個"第一次"總是那麼地與別不同。因此自己會十分珍惜那種機會, 而且都會儘量把"它"錄製在腦海中呢。在此記下現在能夠想起, 對我人生有影響, 又可以公諸於世的那些"第一次"s。

**********

第一次的 -- 小強

不知為何, 記得還在BB床時候的事。還在很小很小的時候, 那時還是被困在BB床, 不能到處走動的時候, 那時應該已經有點意識, 並不是無意識的BB的時候了吧?有一天, 哥哥(一個對於那時候的自己來說, 是少數認識及會信任的人)突然很緊張, 說我的床有小強(由於我厭惡小強厭惡到連那2個字都不想講, 所以那時哥哥明明不是講"小強", 我都照打小強); 他說完之後, 媽問他在哪裡, 但大家又見不到; 對於一個BB來說, 突然第一次聽到一種新的生物, 而出自一個自己信任的人口中, 卻又像如此可怕, 而且在當時又見不到、找不著這種生物, 自然地就會對種生物產生了恐懼, 種下了"小強是很可怕"這根深柢固的思想。那次也是不了了之, 不知那隻可怕的東東往哪去了。

之後的小強

到現在仍然認為是除了人類以外, 親眼見過的史上最可怕最醜陋的生物。簡單來說, 就是"我怕小強"。其他的蛇蟲鼠蟻都還好, 就只是這種生物, 絕不能拿來和我開現笑。

**********

第一次的高達模型

小學時, 比我大很多年的表姊任職政府公務員, 該部門每年也會有一次"家庭同樂日", 簡單來說就是玩攤位遊戲, 每次都會拿到很多獎品玩具回家, 而有一年的其中一件玩具便是"高達模型" -- 現在已經是舊版的1:100"百式"; 當時完全不懂得"高達", 就只是覺得組合的過程很有趣(當時的模型仍然要用膠水, 很麻煩), 而那機器人很"有型", 那模型也玩了好久呢(最後從高處墮下粉身碎骨了); 而之後再接觸高達模型, 已經是上班之後; 那時經常跟喪強一起去看玩具, 第一次買了BB戰士的雙子星高達, 覺得造型很好, 而且模型的生產技術比當年進步了很多; 亦由於這一盒BB戰士, 我開始了買BB戰士(及其他高達不同比例的模型)呢。

之後的高達模型

泛濫。家中太多太多了, 知道自己這一生也砌不完, 不過仍然一直買買買...一直沒有改變的, 是自己最喜歡的還是Q版的BB戰士呢(最近迷上三國傳!)。

**********

第一次的演唱會/電影(當然係計入場睇噶)

我居然記得, 第一次睇噶演唱會係鄭少秋演唱會, 當時佢已經係"扮野秋", 仲記得係場中佢扮晒四大天王呢; 雖然果時自己仲係好細, 但係由於自己由細就聽歌, 所以都好enjoy個演唱會呢! (由細開始已經老人精?)
至於電影, 係自己唔記得幾歲(仲細d果時), 唔知點解屋企有d免費飛(細個屋企無咩錢, 係唔會去睇戲噶), 睇左套內地噶戲"皇天后土", 跟本就唔記得講咩, 只係記得好悶; 而有印象第一次比錢入場睇噶戲, 係同屋企人睇"富貴逼人"系列噶"富貴黃金屋", 當年2位主角而家都唔係度了~~

之後的演唱會/電影

仍然很喜歡, 不過雖然自己多朋友, 但係演唱會/電影腳就好少...唉; Music is Live! 當然要支持現場! 來緊草蜢又開, 有幾多人會去睇呢?

**********

第一次的唱K

印象中第一次的唱K, 是很多年前跟哥哥及他的同學唱; 那一次並不逗留很多時間, 而且也沒怎麼唱, 只記得他們點了"三人行", 叫我唱小朋友那一段。當時覺得很新奇, 而且平常都在電視看見歌手們拿著咪唱歌, 竟然可以自己拿著來唱, 不過由於怕羞跟很不習慣的關係(經過咪在喇叭出的聲音很不同), 因此並不是十分有印象及開心的經驗。

之後的唱K

後來唱得多的時候, 是中五畢業, 當時有一大段時間很空閒, 就經常跟好友們打波 --> 唱K Lunch ($25連一個午餐, 很"抵"), 開始上班後認識了更多朋友, 更是唱得多; 現在由於K腳難求, 次數也少了很多, 但唱K仍然是我其中一樣最愛的嗜好呢!

**********

不想篇幅太長, 而且記憶有限, 加上有些"不能出街", 就此停下吧; 可能會有續集也說不定?

完

八月三日 -- 雜記

26/7(一) -- 同姑姑傾開, 佢唔知發咩神經突然話想食荃灣間米線, 於是臨時同佢去左食, 之後行左下荃豐同南豐散。

27/7(二) -- 返半日工, 下午放假, 先返屋企再出去join關老B, 去灣仔檀島食左d野入場睇書展, 殺到完場過晒時間先走, 敗左唔少野(竟然大部份都唔係字噶書) =_=, 之後搭車入TKO放返d野屋企再出去食飯, 叫埋Angel但係佢到時我都要走; 遲到左少少上堂, 聽到10點放學返企。

1. 又再印證了自己的強項/弱項和定位, 還是儘量去快樂地接受現實吧。

28/7(三) -- Angel返左HK之後累, 所以cancel左睇"唐山"; 約左Grace食飯@ King 1, 之後行左寶琳。

2. 居然比人話我似Lotso =_=, 無理由掛。

29/7(四) -- 係土瓜灣收工, 昆你陪我行紅磡奇趣, 再行IN's Point(又買野), 再去幫KTG睇錶, 點知無佢要噶野, 之後食MK金寶, 再去幫佢睇左下錶都無, (又買左國產噶項羽同袁紹), 之後散。多謝昆你陪我行足全晚呢。

3. 連同事都話我似Lotso =_=, 攪錯。

30/7(五) -- Jenny來HK, 收工陪佢去左SaSa同采豐行買野之後去YMT李錦基食Vietnam野, 都係MK金寶好食d; 之後返企。

31/7(六) -- 同死黨圈(娟, 威, Jenny, 民, 源, Sam, Esther, Dorothy)唱K, 1點半唱到8點, 抵; 之後去左金蘋果食飯後散。

1/8(日) -- 同Jenny在家hea了一天, 睇左一直想睇噶"月滿軒尼詩", 好睇呢, 我始終都係喜歡小品; 4點幾去食左個晏左噶午餐、早左噶晚餐, 屋企樓下噶ShabuShabu。Jenny 7點幾走。

2/8(一) -- 收工同Cass食飯, 去左淘大某唔記得名噶齋鋪食, 形式好似快餐店, d餐都幾平, d野食普通都唔錯, 食完行左下淘大+德福散。

4. 比人話我唔似Lotso, 不過似Pooh =_=, 唉。

5. 呢個星期好似諗左好多野, 但係又好似唔多記得, 好一種茫然若失噶感覺...失去左d咩呢?

6. 覺得自己慢慢回復返07年前噶我? 但係又好似有d唔同, 而且, 唔想產生任何不必要噶誤會同麻煩, 都係小心d好。

7. 見到出左紅蓮裝曹操同袁術, 睇來要去一去SSP了...

3/8(二) -- 起身有d頭痛, 好軟弱噶情況下決定請病假(睇返對上一次係六月中, 都ok啦); 係屋企hea足足足一日, 真係好hea, 雖然好無聊同有d悶, 但係打下NDS, 攪下Pet-So, 睇下高木直子噶繒本, 打下野, 聽下歌都好寫意, 自己都好耐無咁悠閒地過一日呢。(就爭左唔夠時間攪埋模型就perfect啦)

8. 上網睇過下周秀娜同慳d啦Baby噶相集, 麻麻地姐...

9. 七月份精選詞語: 隊型, 無視, 還有部署。

來緊:

4/8(三) -- 話劇第一堂; 今次會記住每一堂玩噶練習呢。(and之後逢星期三)
5/8(四) -- dine w/ Mandy in TKO, 仲搵緊多d人
6/8(五) -- K gathering w/ URA buddies
25/8-26/8 -- 好似係呢2日我要去roadshow幫手

完

七月二十五日 -- iMax

1. "拋" & ATM

19/7(一) -- 早上頭很赤很辛苦, 不過做發起人同班同事食飯, 雖然有點軟弱但都返左工; 收工同大家(我, 昆你, 昆你老公糟媽, 茄輪, 呀植, 呀儀, Penny, carol)食灣仔金源, 傾偈到10點散; 好開心噶一次gathering。

2. 之前講錯野...真的衰左, 唉, 唔講對唔住啦, 但係真誠有悔意! 謝謝你!

3. 同茄輪在晚上傾了好一些事。

20/7(二) -- 臨時約左昆你食飯, 用聰嫂個榴槤甜品引左佢 XDDD; 收工即入坑口, 順手試埋間意粉, 由於時間尚早唔使等好耐; 食完就去左食聰嫂, 之後行返去尚德, 陪佢搭車出KT直車返轉頭TKO。

4. 想取消了那電話卡, 發了神經, 對不起。

5. 今早的我是10。

6. 先把話說得滿了, 再成功完成任務/勝出比賽, 才是"型"!

7. 盲目盲目盲目地做攪手, 盲目盲目盲目地想唱K, 不停唱; 我的興趣而還能夠keep住做的, 差不多只剩下唱K了。

8. 認真並沒有錯, 錯在過份認真。

21/7(三) -- 收工返企食飯

9. 卑鄙是卑鄙者的通行証，高尚是高尚者的墓誌銘 -- 林夕

10. 呀哥同民仔同佢d社團友上SZ, 第日係SZ去上海, Home Alone for 4 days。

22/7(四) -- 臨收工黑雨, 收工返企食飯

11. 呢排使左好多錢。

12. Call me Ying! K More Ying -- K魔瑛!

13. 繼7月頭日本之旅攪唔成, 8月頭噶Singapore之旅睇來都泡湯。

14. 好耐無試過咁早訓到呢, 11點幾~~

23/7(五) -- 晚上同花姐姐入左博康食飯, 食完搵左呀娟拿返d野, 之後返企。

15. 最近慢慢回復返好多年前噶自己, 不過覺得自己有d過渡活躍, 毫無顧忌咁講野, 識朋友, 同好多人混熟, 約好多人去街去玩, 有d過左頭噶感覺; 事實噶自己、一個人果時噶自己又係點呢? 係咪真係好返好多呢?

24/7(六) -- 呀進之前果日先知來唔到, 好早醒, 先去KT放底對皮鞋整, 之後搭van去荃灣搵八婆, 同佢一家同呀源食北海道活壽司; 之後等到差唔多3點呀娟同威威先來, 玩得一陣board game到6點佢地就走; 之後6點半島, 都無咩人玩唔到d咩, 我同源就去荃豐是但食d野散。

16. 極想睇唐山大地震!

25/7(日) -- 晨早發夢, 晨早醒, 好辛苦。中午去KT拿返對皮鞋, 好得呢! 之後拿埋對皮鞋去柴灣攪爺爺單野; 一如所料三點島走得, 之後本來想返屋企淋個浴換個衫出來, 但係太趕廢事; 係坑口join左關老B之後一齊去TST睇Toy Story 3, 第一次i-Max呢~~ 個螢幕好大~~ 套戲都好好睇~~ Pixar噶戲係無令人失望噶! 之後去左King 1食生日飯, 傾到10點島返企。

17. 經過一輪掙扎, 因為專重爺爺+可能有蚊+睇戲可能凍, 結果著左長褲; 雖然唔係真係好辛苦, 但係都有d時間幾熱...睇來呢個夏天除左返工之外要全著短褲先得~~

**********

來緊:

26/7(一) -- 臨時約左姑姑食荃灣米線
27/7(二) -- 下午請假同關老B去書展; 晚上學車上堂第一堂
28/7(三) -- 唐山大地震 w/ Angel
31/7(六) -- K w/ 死黨s?
2/8(一) -- dine w/ Cass
4/8(三) -- 話劇第一堂
5/8(四) -- dine w/ Mandy
6/8(五) -- K gathering w/ URA buddies

完

傘

多謝某同事(或者根據好耐之前我噶定義, 係朋友)提供題目; 好難得有人明白我要噶"題目"係點解, 而又比到我噶。記得以前都寫過有關傘噶文, 本來想寫d完全唔關事, 出奇不意噶野, 不過, o岩o岩開始寫返野, 唔寫d咩懶深入噶野, 就簡簡單單, 只係用白話簡單咁講下自己噶感覺, 講下自己諗起傘會諗起咩野吧。

**********

雖然都可以用來遮太陽, 但大部份人諗起"傘", 應該會同"雨"關連多d吧? 以前都講過, 自己唔知點解, 幾喜歡雨天, 一落雨就不期然咁會覺得情緒高漲少少。自己唔多唔少都會喜歡淋雨(而家酸雨犀利, 都唔敢淋了), 男仔夏天又甚少話擔遮遮太陽喎, 因此其實自己都好少用呢樣野。用得少還用得少, 又長期會放一把係袋喎, 主要用途都係用來遮d唔記得帶噶人噶, 哈哈。

一件不得不提有關"傘"噶事。話說從前讀男校, 甚少識得女仔; 係中五畢業時識左幾個新朋友, 其中一個女仔同我熟左(詳見以前blog打過噶); 印象中好似係第一次同女仔單獨約會就係同佢呢~~ 記得果時去九龍灣噶, 落雨佢又無帶遮, 結果就我一把遮2個人, 仲好記得佢無啦啦繞住我手臂(成世人第一次呀), 個感覺係又驚又突然又緊張(薯仔一名), 成個人硬崩崩。呢個絕對係值得一提"傘"帶比我噶珍貴回憶呢~~ (係咪因為咁, 而家無論咩時候都會帶把遮搏仲有呢d機會呢? XDDD)

"傘", 諧音"散"; 好多人都話唔老黎, 唔好拿來送比人; 自己無咩呢d意識, 成日呢d野偏偏就要去做下唔信邪, 不過呢d野有d人覺得寧可信其有不可信其無, 唔好拿自己噶命運來較飛, 真的嗎?

仲有一樣我諗係男仔會比較有多d機會玩噶, 就係拿縮骨遮當劍; 當個遮柄拔出來果下好似劍咁玩, 懶型 XDDD 就算而家自己有時拿住把遮都好無意識咁會咁做, 超低能(但係又唔係為左扮型, 只係好玩)。順帶一提, 而家用緊把遮已經唔可以咁玩了~~ 因為係自動彈出同收噶縮骨遮, 細個恨左好耐噶~~ 自動彈出無咩特別, 型係型在按個制可以收返把遮, 個感覺好正! 又係好低能噶感覺 =_=

暫時就咁多吧, 總算起步打左咁耐以來, 一篇非雜記噶野吧~~

完

七月十八日 -- 雜記

1. 好開心聽到個新聞, 但係又唔講得~~

12/7(一) -- 請左日假, 凌晨睇左WC決賽, 悶波一場...早上臨時約左關老師係坑口食lunch(意粉), 之後吹水同埋行左下坑口到4點島散, 之後臨時約左呀強食飯; 返屋企抖左一下再出去, 終於拿左隻SDX Superior Dragon, 好抵又好靚呀~~~ 行左下先達同皆旺(都好耐無行過啦), 之後去左食洗衣街噶海南雞飯, 食完行左下花園街返企。

2. 西班牙拿左WC champ, 民仔都算稍有安慰啦。

3. 終於facebook upload得返相, 終於upload返一大堆要整噶野上去。

13/7(二) -- 收工臨時約左威威, 咁就報左學電單車了; 之後去APM行左下, 食左KFC, 好耐無試過2個人食桶餐 =.= 雖然威威食多d, 但係我都好飽...之後落左金沙行左個圈後返企。

4. 前年...

5. 唔小心delete左一堆野...由它去吧...

6. 終於報埋學電單車, 唔好計危唔危險, 唔好計之後係咪真係會渣, 起碼自己呢期keep住積極地想向前行噶。

7. 居然比我呢個事先未搵人噶人抽中左戲飛...

14/7(三) -- 同ConnieMartinCarolMandy唱K, 本來呀黃都話來, 點知佢有事無返工亦無去到。

8. 肥在江湖，貓不由吱

15/7(四) -- 臨時被約同民仔HermanBenChoi食飯, 去左NP東寶, 雖然係好食, 但因為間野出名噶關係真係好貴, 自己覺得佢係overratted, 同一價錢去禾輋可以食到嘔都食唔晒, 又好食喎。

9. 開始可以像很久以前的自己一樣, 做攪手, 攪氣氛, 仍然都係攪完就可以躲埋一邊睇人地各種嚷笮態, 但係覺得自己內心愈來愈極端, 對住人開朗時好開朗, 內心噶黑暗卻愈來愈深藏。

16/7(五) -- Carol生日快樂; 同白田同事ManPuzzleWing gathering, 結果去左唱K; 收工去左MK間綠野仙蹤, 買左2本書仔, 之後join埋大家唱K, 果然星期五係sharp cut(其實係未夠鐘cut), 10點幾出到來, 呀Wing第日返早走先, 我同PuzMan去左石磨坊食糖水, 吹水到11點幾散。

10. 君要臣死, 臣Facebook!! (非死不可)

17/7(六) -- 中午臨時約左關老B食晏, 去Jusco果度果間ShabuShabu, 各方面都同"牛陣"差唔多, 不過覺得牛陣好d; 之後去Christine家(Christine, Connie, Martin, Carol, Sean, 呀衛), 又係同Carol慶祝生日, 今年同佢慶祝左三次, 切左三次蛋糕XDDD; 佢地幾個人打牌, 我唔打牌噶就打Winning, hea左一日; 晚上本來Connie同Martin唔留噶, 結果玩玩下都係留低左, 夜晚一齊食勝利小廚, 幾好食都唔算貴, 食完散, 返屋企。

11. 機會噶野一閃即逝, 把握唔到就無的了。

18/7(日) -- 同民仔同呀哥噶社團朋友Cindy仲有佢大學同學唱K, Cindy都唱得OK呢! 而且又好玩得, 又搵多個好K腳~! 之後同民仔去左Time Square開倉果度睇玩具(呀娟同威威都去左), 敗家敗左五百幾蚊 =_=, 之後同民仔買左Jusco壽司上我家打Winning到11點島散~

12. 今日個個都唔開心, 個個都發脾氣噶...係咪我做錯野呢...

13. 感覺好似愈來愈遠...

19/7(一) -- 同而家同事食飯@ Wanchai金源
24/7(六) -- 同好耐無見噶足球機之友龍葵婷婷呀源食飯cancelled, 去八婆家玩
25/7(日) -- 估唔到抽中左戲飛; 睇戲, 終於約實左人
27/7(二) -- 學車上堂第一堂

完

七月十一日 -- 雜記

6/7(二) -- 同同事"昆你"睇海洋天堂, 難得搵到人一齊睇呢。幾好睇, 平平淡淡噶感覺好好, 尤其喜歡那一段含蓄的愛情...

7/7(三) -- 返企食飯休息, 半夜睇波。

1. complete左好多tasks呢, 之前list出來果d攪掂左好多。

8/7(四) -- 收工同Grace去左坑口和花亭食飯之後行左下再去寶琳行+食埋聰嫂。

2. 總欺騙不了自己的感覺。

9/7(五) -- 收工同一班人(呀源, 呀娟, 威威, 舊同事Gordon, 進, 呀康)上八婆家探BBs + 玩; 去到等齊人係佢屋企食齋, 之後開始玩佢d board games, 由於狀態唔多好, 頭暈暈, 所以無點玩...到11點幾走~ 留左部DC係佢屋企唔記得拿走...

2. Bandai繼HG, MG同PG之後, 出左新噶RG, 即係MG噶精細度同埋HG噶大細, 真係好靚...痴線噶..., 不過無咩興趣, 始終都係鐘意BB戰士多。

10/7(六) -- 叫左班同事上我家玩; 中午昆你同佢老公糟媽來同我同哥一齊食飯, 之後上我家等左一下Kenneth同日安伉儷一齊上來, 開始玩到後來Alex同Carol都到, 好熱鬧; 中學同學Chowbenben返左來HK, 叫我一齊食晚飯, 無join到, 由於佢之後都唔得閒, 只可以呢晚, 唔見就要下年X'mas先見, 所以同Carol食完蛋糕、買左一堆野食上Connie屋企食、食完玩左陣Wii的mario Kart之後我就走先, 去TST join ChowBenBen、呀魚、虎媽同呀天, 坐底食左個甜品吹左陣水就散。2頭唔到岸...2邊噶人都唔多滿足到呢, 真係唔好意思...不過返轉頭都係要咁樣...

3. 呀強幫我買左SDX金色果隻Superior Dragon, 超靚仲好平呀~~ $230島~~

11/7(日) -- 早上去左順利打工商杯籃球最後一戰, 當然係輸波, 仍然都係2投1中; 之後臨時搵Carol入左TKO食lunch, join左佢去君傲灣佢地打網球果度, 我當然無打, 同connie左行左陣, 再去佢家打Wii的Mario Kart; 到佢地差唔多打完網球就落去join埋一齊(盧撈, Alex, 呀黃, Kenneth Carol)一齊去魚米家食tea, 之後知道呀黃原來就來搬去坑口, 於是一行人一齊去佢未裝修噶屋睇樓, 之後散。晚上哥叫左好多人上來玩同食野, 我都join玩左一下, 晚上等睇波睇WC決賽。

4. 一星期有4個人來搵我傾心事, 仲要有2個一來就喊...好耐無做過"社工"呢個角色; 不過係第一次係自己都係低沉噶時候做, 好彩對住人(或者話"client")都仲頂得住, 好堅強, 仲可以拿埋自己d傷痕來講...總之幫到人就好了...

來緊:
12/7(一) -- 請假, 凌晨會睇WC決賽, 之後未有plan...
14/7(三) -- 同ConnieMartinCarol唱K, 仲叫緊人; 呀黃好似有興趣, 大2家仲話叫埋個GO?
16/7(五) -- Carol B Day; 同白田同事ManPuzzleWing gathering

完

七月五日 -- 紀

1. 總結返之前噶雜記事項(+ new item):
1.1. 要買黑色波鞋(著緊果對真係唔多得了) -- 未有時間去睇
1.2. 要買headphone(用緊果個都愈來愈唔掂了) -- completed
1.3. 要買NDS袋袋(偷左呀哥果部來用, 唔需要住) -- canceled
1.4. 要買pc手制(無咁急噶item) -- canceled
1.5. plan下來緊旅行? 學車? 參加工聯會course? (報左工聯)
1.6. 想買短褲for summer著 -- completed

28/6(一) -- 收工返企食飯, 之後同呀哥去左坑口行。

2. 呀Wing記得我要買headphone, 咁o岩佢同事有個多唔要, 幫我要左平賣呢, 謝謝!

29/6(二) -- 同Lands舊同事(呀進, Gordon, Wendy, Connie)食飯慶祝Lands個Connie生日; 結果去唱K, 雖然係唔多好玩噶一班(呀進除外), 但係當練歌又好咩都好, 總算唱左K。佢地買噶禮物好得意(貓貓錢箱), 可惜無電玩唔到, 又無影底。

30/6(三) -- 本來約同虎媽呀魚食飯, 不過cancel左; 臨時搵左Cass去左KLB食飯傾偈...有人陪下傾下都係會舒服d, 仲順便行左下街; 9點散左之後自己再去坑口行左圈。

1/7(四) -- 公眾假期無約, 係屋企幾乎訓左一日。

2/7(五) -- 約左班同事食飯Gathering, 後來後加一齊睇波(八強巴西對荷蘭, 應該好睇); 結果本來7個人加到9個人, 去左觀塘上次同Crystal食果間上海野食, 之後6-7個人上左呀衛屋企睇波, 一齊食飯吹水睇波幾高興呢~ 不過反而感覺果日似係睇波為主, 食飯為副咁, 哈。

3/7(六) -- 日頭係屋企hea左一日, 夜晚本來約左民仔同佢d大學莊友睇波, 不過後來Crystal又搵我一齊睇波, 我地2個又加唔到入去民仔度, 結果就我同Crystal另外搵地方睇; 出來第一次見到佢男友呢, 一齊行左下佢要去飲, 之後去新蒲崗同好耐無見噶呀Tim係一間粉麵鋪睇波, 仲臨時叫埋呀娟同威威添, 睇完波散, 好彩無join民仔果邊呢。

4/7(日) -- 早上一早起身去順利, 同同事熱下身, 之後打工商杯, 當然係輸左啦, 起手2射1中, 有d籃板偷波咁, 都OK啦; 之後下午去天樂里同AngelKatyJanetWallace唱K, 都OK呢, 幾o岩玩; 一齊食埋晚飯佢地要睇Octave, 7點幾就散, 我就過左呀哥青年會個party度坐住hea, 佢地氣氛都幾好幾熱鬧呢。等到完party一齊返屋企。

5/7(一) -- 請左一日假; 約左呀娟食lunch, 食完呀娟返工之後自己去SSP福利買左百幾蚊共3盒模型, 再去MK等八婆到左上采豐行, 跟住去巴黎咖啡店坐同吹水; 之後上返Lands舊office同八婆拿返佢d野, 再過返In's Point睇玩具, 又買左一盒模型+一套扭蛋, 再搭地龍返荃灣, 去街市買左d送上佢家整野食, 食完飯吹水到10點島走; 好耐無試過一使使二百幾蚊買玩具呢~ 不過好抵買左好多野~~

3. 一年

4. 病情反覆...怎麼辦...

5. 又慣性好早醒, 好辛苦。

6. 世界杯四強了, NBA Free Agent開始簽得約了, 今年d free agent class好勁, 好期待有大轉變呢~ 不過暫時都係無咩郁...一係就留隊...

7. ......

來緊:

6/7(二) -- 同同事昆你睇海洋天堂, 難得搵到人一齊睇呢。
7/7(三) -- 返企休息, 半夜睇波
8/7(四) -- 同Grace食飯?
9/7(五) -- 同一班人上八婆家探BBs
10/7(六) -- 未有plan
11/7(日) -- 早上工商杯籃球最後一戰
12/7(一) -- 請假, 凌晨會睇WC決賽

完

六月二十七日 -- 雜記

1. 總結返之前噶雜記事項(+ new item):
1.1. 要買黑色波鞋(著緊果對真係唔多得了)
1.2. 要買headphone(用緊果個都愈來愈唔掂了)
1.3. 要買NDS袋袋(偷左呀哥果部來用, 唔需要住)
1.4. 要買pc手制(無咁急噶item)
1.5. plan下來緊旅行? 學車? 參加工聯會course? (要實行先得)
1.6. 想買短褲for summer著

結果一樣都未買未做。

21/6(一) -- 收工返家食飯。

2. 竟然有2個人同一晚發夢見到我...不過都係男噶... =.=

22/6(二) -- 拿得眼鏡, 本來Angel話星期二唔得, 之後又OK; 跟住話要9點前返到屋企, 最後都唔需要, 不過要晏d出; 本來約左呀喱8點幾9點拿返個小提琴, 最終可以收工去拿左先; 去到中環因為人為問題結果等左好耐7點差唔多半先拿到小提琴, 返屋企放底d野換衫過去坑口, o岩o岩Angel亦到坑口, 總算無白費等噶時間; 終於拿到眼鏡, 之後去左茶記食飯吹水, 係TKO散。

3. Delete了d野。

23/6(三) -- 白田飯聚補, 不太樂觀。果然都係少左好多人; 本來想去渣華軒, 點知比人包左場~ 結果去左意蠔站; 雖然期待左好耐噶飯聚, 延左2次都係唔齊人, 但係人少少一樣傾得好開心; 期待16號唱K! 好耐無聽呀ManPuzzle呀Wing唱k啦~

4. 今日比Puzzle姐姐(嬸嬸至o岩)教壞, 買左波, 哈哈~ 居然中埋三穿一, 哈哈。

24/6(四) -- 本來同同事打波。但係天氣反覆, 無打。同Queenie去左炮台山睇貓貓+買玩具+北角食福建野。

5. 係街度見到架巴士寫住"模特兒招募比賽"; 大家覺得有問題麼?

25/6(五) -- 返企食飯; 食完同呀媽係樓下行左下街吹水。

26/6(六) -- 本來民仔約左Money唱K, 我地班人幫手"鄧腳", 民仔好難得好積極呢! 不過可惜失敗左, 約唔成。之前果晚+早上由頭睇追到update港漫"溫瑞安群俠傳"; 下午民仔來打機打左成晏, 打到頭都赤, 之後行左去坑口食飯, 食完行左東港城再去埋寶琳行新都城, 想走時都10點, 見個商場直播世界杯南韓對烏拉圭, 就諗住睇下個頭, 睇睇下唔錯睇左成場, 之後返企。

27/6(日) -- 好想打波, 但係當然打唔成; 本來想自然醒夠早噶話睇早場, 不過爭dd, 早場睇唔到; 睇左中午場, 都係貴多10蚊姐; "打擂台"好睇呢, d人果然無講錯, 好有feel, d配樂都好正, 值得一睇; 下午hea左下, 之後頂唔住訓到食晚飯。

記返一d上星期噶事:

6. 出site時見到有個男人, 係觀塘道無紅綠燈噶中間位, 由對面馬路直奔過馬路, 之後仍然係馬路邊唔係行人路噶位一路狂跑, 仲要跑到啪啪聲, 最勁噶地方係, 果個人用一個好猙獰噶面孔一路叫住"呀呀呀呀呀~~~~!!!!"咁跑! 好有氣勢同埋feel到佢真係全力全心全意咁跑緊!

7. 記: 係公司同Kenneth講左d野, 令佢hang機, 個樣超好笑。

8. 放假時同呀娟威威Jenny係新都城萬寧見到個著住碎花連身短裙白雪雪樣貌身材都唔錯噶女仔, 係個domdom架前面係度慢慢研究d domdom, 仲拿左2盒係自己個購物籃度添~~

9. 不是我還可不可以再愛的問題了, 而是我還有能力讓別人幸福麼?

來緊:
29/6(二) -- 同Lands舊同事食飯慶祝唔知邊個生日, 未confirm
30/6(三) -- 同虎媽呀魚食飯, 未confirm
4/7(日) -- 同AngelKaty等人K, 未confrim

完

六月二十日 - 雜記

1. 總結返之前噶雜記事項(+ new item):
1.1. 要買黑色波鞋(著緊果對真係唔多得了)
1.2. 要買headphone(用緊果個都愈來愈唔掂了)
1.3. 要買NDS袋袋(偷左呀哥果部來用, 唔需要住)
1.4. 要買pc手制(無咁急噶item)
1.5. plan下來緊旅行? 學車?(要實行先得)

14/6(一) -- 約左Cass陪我同Angel去Times果間88配眼鏡(因為有佢有半價)。大家都諗左自己係要咩噶, 所以好快就配完; 呀Cass走先, 配完後同Angel本來想食Applegreen, 但係要等, 於是想轉去食咩飛機cafe(唔記得咩名), 點知內部裝修, 最終是但去左間茶記, 食完行去灣仔果邊, 再食左個麻麻噶甜品, Angel陪我等巴士, 散。

15/6(二) -- 一直都OK想睇波斯王子, 之前果日Angel講開會同佢朋友Katy睇, 仲係TKO睇添, 於是就join埋一齊睇; 好開心識多個TKO噶朋友呢, 大家都好雀躍識到TKO fnd; 係魚之味食完飯, 臨時加埋Angel同事呀龍4個人一齊睇; 套戲都唔錯, 不過略嫌太多跳跳跳噶戲, 反而覺得有d over, 而且個演員唔係動作演員出身, 好多鏡頭都係剪接出來, 無咁正; 個結局雖然係唔錯, 不過都係有d美中不足呢。

2. 新發現: 原來自己自言自語果時, 成日都會用英文或者普通話噶, 反而唔係用廣東話喎。

16/6(三) -- 公眾假期, 全日在家無出去, 無野做好悶, 砌+油左幾隻BB戰士, 好耐無開工同咁有心機呢。是晚KTG同佢未婚夫來左。

17/6(四) -- 本來約左白田同事們食飯, 好期待。點知有人唔記得, 又有2個人病左, 於是cancel; 臨時約左威威, 入元朗睇玩具, 食左間茶記(本來想食岩手拉麵)加B仔涼粉。有電單車坐真開心。

3.1 做了不願回家的孤魂野鬼

3.2 為何總是口不對心, 說違心的話

3.3 為了防止傷害, 硬不起鐵石心腸, 就讓冰封了它吧

18/6(五) -- Jenny來港, 同同事去睇+買相機; 收工搵左花姐姐一齊食飯, 本來想食CityCanteen, 之後講講下去左好耐好耐無去噶南山村樹記, 仍然健在+平呢。食完行左去SSP睇左下玩具, 散...

4. Lakers贏左總冠軍了~~ 終於又完一個球季~~ 今年LBJ被人踢左出局已經覺得好夠, 不過Finals 2隊係比較想Lakers贏噶~~ 下年咁多勁噶free agents, 一定風起雲湧了~~~

19/6(六) -- lunch同Jenny娟威威去左好耐無去噶佐敦"牛屋"食飯, 之後就陪佢地行街, 兵分2路, 女仔去左行護膚品, 我就同威威行; join埋之後再行廣東道名店-->In's Point, 之後佢地+埋威威表弟去睇A Team, 我就同Aki+Janet唱K, 8點半入去, 都係11點幾照cut歌, 而家似乎真係無無限唱呢支歌仔唱(勁唔夠喉); 同佢地散左之後尚早, 行返去佢地睇戲果度等埋佢地, 散, 搭到尾班巴士。

5. 係機鋪見到出左新噶鼓機! 今次好真實! 有2邊Cymbol+左右腳踏+3個tom!好正呀~~

20/6(日) -- 在家hea左大半日, 呀娟威威勁hea咁先過來; 睇左張敬軒噶08'拉闊變奏廳, 勁唱林憶蓮d歌, 好正; 執左下間房, 之後佢地5點幾先到, 去食魚之味+行下寶琳, 之後返企執埋野散。

來緊:
21/6(一) -- 本來諗住拿得眼鏡, 點知要星期二先有得拿, Angel要星期四先得閒添; 打算返家同老爸食返餐飯。
22/6(二) -- no plan, 搵威威去對面海?
23/6(三) -- 白田飯聚補, 不太樂觀。
24/6(四) -- 同Angel拿眼鏡。
25/6(五) -- 呀哩還返小提琴比我?
26/6(六) -- 民仔約左Money唱K, 我地班人幫手"鄧腳", 民仔好難得好積極呢!
27/6(日) -- 好想打波。

完

附: 夜半敲門
本來唔想打落blog, 不過始終係自己想記底野噶地方, 都係貼埋過來; 某晚訓唔著上facebook貼噶一篇文。

頭好暈...好暈...我好乖了...今晚好早就關機去睡...可是頭好暈...睡不著...好想嘔...身體好像火燙一樣...腦子、血管一跳一跳的...好辛苦...就是睡不著...
早睡的話就會很早醒來...晚睡的話第二天又好累好辛苦...好想一早就睡著, 一睡醒就天大亮, 好想好想...真的好辛苦、睡不了, 才再開電腦, 記下這些亂七八糟的東東...

夜深人靜, 突然間什麼不好的事情都湧出來, 小時候的、讀書的、上班的, 之前的事, 自己的、家裡的、朋友的...承受過的什麼都浮現出來, 好累好累好累...;記憶力太好, 不只會在幼兒園時期懂得背乘數表, 不只會在小學記得很多艱深的英文生字, 還會將很多很多不應該記得的快樂事情、痛苦事情統統都記在腦中, 揮之不去; 為何總是在不應該的時、地, 喜歡了不該喜歡的人、事、物; 人生隨著時間累積起來的, 不只成長、知識, 還有傷痕; 3點多了...好想唱K。

好想充實地過著每一天; 人生為了什麼, 沒有人知道, 也沒有人說得出死後會是什麼世界; 做壞事不見得有惡報, 做好人卻是吃虧得緊; 好想自己的blog好像以前一樣, 會寫故事, 寫感想, 寫短文, 寫雜七拉八的無聊東東...; 好想去旅行, 確實地去準備但一開始就失敗了、泡湯了; 學車麼? 幾時?; 手跟不上腦子的速度, 很多很多很多想到的東西都打不到, 記不下來, 腦筋一直在轉轉轉轉轉轉轉...

曾經說過, 不會再在別人面前...不會, 不會的了...讓我在這個時候, 記下自己的感覺...再等明天眾多朋友發的東西給淹沒吧...原諒我沒有文法、沒有鋪排、沒有整理過、極多語病又沒有連貫性的句子、段落。最好, 沒有人看到; 真的嗎? 那就不如別貼出來、或者刪除了吧?我還是應該做好自己的角色, 每一個人都有自己的角色, 就好好的扮演自己的角色, 不要超出別人想像中的角色範圍(好朋友?)就好了吧?那還是我嗎?

大家給我題目好嗎?好想有題目, 只是題目, 不用題材, 讓我去想、去墮入自己無邊的妄想中, 不如在此徵求題目吧? 有人可以出一個"題目"給我嗎? 好嗎? 只是一個"題目"就可以了...寫完, 我不會怕被恥笑, 會貼在facebook上。給我吧。

瘋了? 瘋完了? 瘋夠了麼? 怎麼也好, 這篇不會在blog出現, 只在夜深facebook留言+吃飽飯沒事做, 又不在貧窮線以下, 不是真正煩惱的感想...完畢。 03:28 15/06/2010

完

六月十三日 -- 雜記

1. 由於太耐無打, 懶得用中文打返詳細, 就咁用返之前記底噶方法再改少少來post啦...

24/5(一) -- 收工返企食飯; 之後同媽落樓下行左下返企。

2. 同事Queenie又借左幾本書比我呢。

25/5(二) -- 收工返企食飯。

26/5(三) -- 中學同學Simon返左來, 同佢同民仔食飯, 呀馬唔得閒; 一晚睇完Queenie借比我噶書"告白", 有

點"羅生門"噶感覺, 不過當中噶人唔係講同一件事, 是以不同人的角度延續著故事, 有d懸疑又變態呢。

27/5(四) -- lunch K w/ Queenie Janie Money; hopes suddenly call and return money, surprise and

glad; blow water w/ Crystal @ KT seashore place, beautiful and comfortable, she saved me again,

thx a lot; dine w/ Hopes @ MK, 果間魚翅執左, 求其搵間食打冷, d野唔多得; 10000 --> 13000, thx~

3. 好久好久沒有試過有人陪我傾電話傾到我眼訓了...只怪我很晚也睡不著...

28/5(五) -- 收工去左MK等Jenny來到食"素食一家"。

29/5(六) -- 早場係TKO睇左千秋王子, lunch w/ Bro n Jenny @ 新境界, 之後去沙田"一田"大減價 w/

Hannah n Jenny, 好多人, 之後行Ikea(又係食肉丸同熱狗); 最後巴士駁巴士入寶琳食魚之味大大塊三文魚刺

身, 好累。

30/5(日) -- 八婆生日快樂; 下午同Jenny娟威威去左科學館, 好多年無去過, 覺得好OK呢, 25蚊2點半入去玩

到7點先出來, 好抵~個人好喜歡呢個地方。晚上去左King 1食飯之後散。

4. 有d想睇飛沙風中轉, ok想睇波斯王子, 好想睇通天奇兵(The A Team)。

5. Megaman ZX Advent 玩緊 expert mode, 果然係難好多呢...

6. Ma is leaving on 7/6/2010

7. 好想買對黑色波鞋。

31/5(一) -- 小翠生日快樂; 係TKW ballot, 早少少收工, 同同事食tea, 之後自己返企...約左威威食飯, 本

來預8點幾, 最後10點幾到, 是但食樓下魚米家, 傾到11點幾走; 多謝娟's 扎肉同埋威威專登拿來比我。

1/6(二) -- 去TGW拿返野同叫客整野, 之後同民仔食時新果邊噶雞蛋仔同時新雞比+酸辣粉, 辣但不酸, 麻麻

地, 東門好食好多; 之後行左下奇趣之後上我家打winning到12點。

2/6(三) -- 收工約左crystal食飯, KT上海野。

8. 要買家居無線電話, 用緊呀哥果個要還了。

9. 無晒機位! 算盤打唔響......勁頹......

3/6(四) -- 參加左Corporate Game, 同事要派衫兼夾波; 本來話去大角咀, 點知改左去美孚, 超遠; 打完都9

點半, Angel OT打來話食飯, 10點半係調景嶺康年食飯。

4/6(五) -- 黃二妹生日快樂; 同呀Mak佢地(Mak, Barry, George, George女友, 強)係MK小肥羊打邊邊, 好耐

無見佢地同埋同佢地聚啦, 幾開心。

10. 打邊邊之前買左室內無線電話, 終於有個o岩用噶。

5/6(六) -- 中午同Cass食清真牛肉館, 個牛肉餅當然好味, 估唔到個羊都OK; 之後同民仔呀娟威威Cass唱K到

7點, 呀Cass先走, 我地食九龍城"路邊雞", 好食, 尤其個雞好呢。

6/6(日) -- Corporate Game第一場, 由於腳痛噶關係無去...但係早上去左同中學同學打波...(自己人打可以

hea d)

11. 手機個免提headphone愈來愈唔掂, 要買啦...

7/6(一) -- 呀馬考完試噶之後果日即係呢日即走; 本來約左Cass食飯, 但係佢腸胃炎, cancel左; 約左威威,

收工車我入屯門睇玩具, 睇完之後車返去寶琳食"魚之味", 好快呢...唔係搭公共交通工具真係快好多...

12. 打爛左副眼鏡...唉...

8/6(二) -- 收工同Wendy食飯; 本來想去Jordan King 1, 之後轉左去SSP"三上", 好耐無去, 之後綠林食糖水

散。

9/6(三) -- Wendy生日快樂; 原本約左Grace, 但係佢話唔舒服所以cancel; 返企食飯。

10/6(四) -- 開始唔多舒服, 早收工返企睇醫生; 約左呀源食飯; 臨時想叫多d人於是無差別咁叫朋友, 最終

得5個人(源, Cass, 威威, Wenkie), 食灣仔"金源"。

11/6(五) -- 好唔舒服, sick leave, sleep at home whole day。晚上食完飯行左去寶琳買飛。

12/6(六) -- 早上同民仔睇早場"The A Team", 超好睇, 不愧我一早就想去睇!; 中午同民仔呀娟威威食"新境

界"; 之後返企同民仔winning; 夜晚民仔返企, 我出返SSP同呀娟威威食"山東餃子店", 之後去綠林, 之後去

YMT In's Point睇玩具。

13/6(日) -- 朝早打波, 12點幾開始落雨無得打, 食完lunch上左Herman係奧運噶新屋打機, 之後夜晚返企食

飯。

13. 100000 --> 2000 per month

14. 總結返之前噶雜記事項(+ new item):
14.1. 要買黑色波鞋
14.2. 要買headphone
14.3. 要買NDS袋袋
14.4. 要買pc手制
14.5. plan下來緊旅行? 學車?

15. 好長...愈來愈懶...唉...

來緊:

14/6(一) -- 約左Cass同Angel去88配眼鏡。
15/6(二) -- 睇戲? 應該唔會...
16/6(三) -- 放假, 未有plan
17/6(四) -- 約左白田同事們食飯, 期待。

完

五月二十三日 - 四日三場

1. 好多朋友不約而同地係呢個星期都出國旅行呢。

10/5(一) -- 收工返企食飯, 好耐無咁齊人, 哈哈。

11/5(二) -- S happy B day; 臨時約左喪強食飯, 去左MK行左好耐無行噶玩具地方s, 最終真係敗左呢, 不過好靚又好抵呀。Satan Gundam~~~

12/5(三) -- 之前同Crystal傾過, 佢就考試有科contract law一齊研究下; 收工臨時約左佢, 係APM foodcourt一齊研究左好耐, 係果度食埋野; 好耐無掂過d讀書野呢。

2. 多謝Crystal的陪伴及安慰, 雖然係好似我陪你讀書溫書, 但係亦都係你陪左我, 講左好多野呢; 突然好down好down的日子, 多得你救贖了我, 多謝。

3. 人都好化學呢; Crystal朋友噶case聽得人好心酸呢, 希望佢朋友可以快d無事吧...又係一個叫人睇開d, 要開心d噶case。

13/5(四) -- 威威生日快樂; 約左Crystal再同佢一齊研究contract law, 不過為免佢企圖請食飯, 收工同公司新partner Queenie去左KT食雲南野, 食完行去九龍灣o岩o岩好Crystal返完屋企食完飯; 第一次上佢屋企呢(仲第一次見到佢細仔)~一齊睇左d notes好耐, 覺得自己去考可能都合格了哈哈。讀書真係辛苦, 無咩壓力咁睇返d notes同解釋返, 都好累呢。

14/5(五) -- 約左Spenser, 佢女友Fontane, Grace, Joyce同Carol係新世紀唱K; 第一次聽Fontane唱K, 雖然把聲弱d, 但都唱得幾好呢~~ 而且最開心係佢喜歡和音, 和到呀~~ 難得搵到識和音噶K腳呢~~估唔到11點sharp cut歌走人, 可惜。

4. 疏遠。

5. 由當日下午開始, 全公司電腦setting比IT攪過, 上唔到網了。

15/5(六) -- Cass生日快樂; lunch約左好耐無見噶Taylor係葵芳食飯, 陪佢睇買比老公噶生日禮物(不過買唔成), 無睇自己野; 之後約左虎媽同埋周天恩女友呀魚食飯; 係TST食韓國野, 都OK呢; 終於第一次見到傳說中噶呀魚, 感覺非常良好呢, 正如大家所講, 點解會比周生執到個咁噶女仔呢? haha...返屋企同路同佢傾左好一會兒, 很明白佢噶心情...

6. 記: 虎媽講噶"好人卡", "要學壞少少", 同埋"散發著女性荷爾蒙"...

16/5(日) -- 早上打波, 好累; 食完飯返企路過投埋票, 返企剪髮沖涼休息食飯。

7. 下午在家睇左下新一期噶超級星光大道(TW果個), 聽左幾個參賽者, 好唔得...真係唔多掂...

8. 同老豆2個人在家食飯, 居然同我講"有時有d野唔使睇得太過重, 盞唔開心", 真係好唔似呀爸平時會講噶野。 =.= =.= 不過好多謝。(跟住仲有唔知講過幾次, 做某d野記得要某d野)

17/5(一) -- 收工去左搵S拿返我d漫畫, 放左係人地度阻左人好耐了; 之後返屋企食左好豐富噶晚餐, 撈麵腸腸燒賣茄汁豆。

9. NDS爛左了...

18/5(二) -- 起身頭痛, 醫生話我唔係病, 可能有少少偏頭痛, 可能係神經緊張, 或者係呼吸唔好氧氣不足造成噶; 病假一天; 上午在家上網睇波, 中午過左科大同呀馬同佢女友食飯, 之後無聊搭車去寶琳, 行去坑口再行去調景嶺再行返屋企, 行晒4個TKO噶MTR站, 行得好慢但都好熱呢, 成身痴立立; 返到屋企休息一下沖完涼出YMT同Angel食飯(越南野), 再去佐敦松記...太多人於是又係隔離綿綿冰食甜品, 之後返企。

19/5(三) -- 收工同民仔一齊同Crystal係APM foodcourt研究佢果科Contract Law, 應該最後一次啦; 食埋飯吹左下水散。

10. 三個人好明顯好了解d concept: mutual mistake, common mstake, misrepresentation, offer, counter offer, accept...etctec應用晒, 哈哈哈。

11. 拍檔借左佢極力推介噶西班牙暢銷小說"風之影"比我, 好耐無試過煲書噶生涯了。

12. 計劃六月一個人的旅行。

20/5(四) -- 收工同一班同事(日安, 馬生, Alex, Queenie, 呀黃)食飯@ MK常悅食齋(素食一家彗食好多), 食完之後再去樓上cafe坐(Carol join埋)玩到12點散。(記: 個女仔幾得意, 連ConnieCarol都話得) 玩得幾開心, 最近比較開心噶一晚。

21/5(五) -- 本來無活動噶一日; 上午睇完本"風之影", 幾好睇; 下午約左Wenkie唱K; 大家都搵唔到人, 最終好耐無試過2個人唱K了; 完全係練歌噶一天: 好耐無試過熄晒echo來練歌了~~ 今次聽真Wenkie把聲, 低同中音(佢唱得舒服噶聲音)把聲好聽呢; 最後臨cut歌前插左"狂串樂基兒"作戰成功, 首歌一上就cut, 唱多左十幾廿分鐘, 哈哈; 5點幾出來, 陪佢hea到佢夠鐘同fnd食飯, 之後入MOS同花姐姐食飯, 食左Catherine之前介紹比花姐姐噶茶記, d野唔多得, 之後去左附近食糖水, 坐左好耐, 傾左好耐, 夜返屋企。

13. 繼NDS爛左之後, 今次係心神恍惚之下, 係返屋企噶車上遺失左用左好耐好喜歡噶, 裝NDS噶貓貓袋。

22/5(六) -- 上午係屋企睇左場波, 下午同貓MayChan等人十幾個唱K(呀貓係澳門跟show, 返來聚聚一天); 晚上同死黨們唱K Gathering(娟+Sam生日, +民仔娟Sam等人分別旅行返來, +呀馬就來過Singapore做野); 以前噶core幾乎都出席: 馬+眷Catherine, 民, 娟+眷威威, 呀源, Sam+眷Esther, Mandy(無帶個眷出來), Dorothy; 好齊人呢, 以後都唔知幾時仲有咁噶機會。拿左好多手信(三批人噶手信)。居然11點幾cut歌, 我同民+呀源上Sam屋企睇歐聯決賽, 難得咁o岩Sam屋企無人, 未上過去呢~ 場波都唔錯幾好睇啦。睇完4點半島係Sam企恰到8點幾返企沖涼, 本來仲想打波, 點知落雨, 於是再訓。

14. Sat morning, QQ deleted, cry。

23/5(日) -- 訓到12點半起身準備出門; 約左Aki, JN, Taniel唱K; 仍然都係覺得大家唱得唔錯呢(如果少d韓文歌就好了 =.=), 唱完6點幾尚早(臨走仲撞到呀珊), 係MK四圍行hea左一下再上金雞打左下機之後去洗衣街食飯, 食完仲唔肯走去左Langham Place M記坐低傾偈到夜先走。好似無咩點試過同小朋友一齊食飯hea同傾偈, 難得一次同入世未深又開始有d經歷噶年輕人吹水呢, 感覺好唔同, 哈哈。

15. 俾人, 仲要唔止一個人好認真地覺得我似24歲, 仲要點睇都唔似過25歲, 真係值得開心, 哈哈哈。

16. 刷新紀錄, 3日4場, 勁呀。

**********

夜夜痴纏 - 一首好好聽噶歌, 不過以前發生左好多事, 所以而家比人噶印象都係"恐怖噶歌"; 其實係一首好好聽噶歌呢。

大家唔好帶有色眼鏡去感受下首歌吧。
http://www.youtube.com/watch?v=oGuRS5UgGz8

有關歌曲以前噶故事。
http://www.hk007.com/viewthread.php?tid=254156

夜夜痴纏 - 電影"靈氣迫人"主題曲
歌手：麥潔文
作曲：顧嘉輝
填詞：林振強

嗚....嗚...嗚...嗚
朦朧晚空　雨暮彌漫
夜已半躺窗紗間
在你臂彎裡慢長夜晚
有我的一張笑顏
祈求你可繼續留下
讓我愛多千幾翻
但我知道在晨暮裡
我將孤單　你將消失
像這一晚
唯求你知　此刻太短
請將此身　盡舖以吻
唯求你知　愛是難斷
橫垮一生淚痕
如臨再生於此世界
願再不需孤單
若我他生又重遇你
你可不可與我一起
渡每一晚

完

五月九日 -- 母親節

26/4(一) -- 收工約左Crystal係MTR見一見面, 傾下偈, 都一段時間無見, 傾左一陣佢走之後, join左Angel然後去SSP食野, 都係食左d立立雜雜噶野; 食完搭MTR行埋下線返企。

1. Crystal考試加油。

27/4(二) -- 約左客噶關係, 係紅磡收工; 約左Cass食飯, 出左MK食東南亞野, d野食都OK; 食完唔太遲, 左去工聯會睇睇, 點知由於臨近開學噶關係, 一係就爆左一係就唔o岩時間地點, 無野報, 返企。今期睇來都係唔會報野了。

28/4(三) -- C妹生日快樂。收工同Grace食飯; 去到MK後係廣華對面買左果間有d名氣噶cake仔, 之後去左Mk素食一家食飯, 食完入左TKO食果d cake cake, 唔好甜噶我都覺得唔錯呢。

29/4(四) -- 收工同日安妹妹食飯, 去遺忘左好耐、其實係屋企附近噶日本野"富田"食, 都唔錯啦d野; 落雨好煩, 之後上左大眾行左一圈, 再去左寶盈噶"嚐糖"食糖水, 之後返企。

30/4(五) -- 早上直接過樂富房署交野先返公司, 見左一下Spenser同上左佢架步; 唔知點解上午開始, 個心境開心返好多, 係幾個月以來個心最開朗噶一日, 無啦啦覺得有好多野好似好遠好遠, 唔係好care噶感覺, 希望可以keep到一直落去啦...; 收工同姑姑入左元朗食飯, 好似係我第一次搭西鐵呢; 入到去先去合益朝下聖先~~點知大果間"佳佳"關左門了...仲有一間好細噶, 都有野睇呢, 仲幫威威買到野~~ 之後去左食日本野"麻布十番", 都係大件夾抵食噶呢, 幾好味; 食完行返出去, 搭車返企。

2. 原來五日閒日夜晚都同唔同噶女仔單獨食飯呢~ =.="

1/5(六) -- 原本打算同娟+威威一齊上SZ找Jenny, 不過最終放棄; 同佢地先去左MK快富食早餐, 好耐無去呢, 好似退步左...之後行左下玩具店就搭火車上粉嶺, 睇下呀強講果2間玩具店, 真係有呢, 仲搵到威威想要噶野, 價錢又OK; 之後等Jenny到左, 一齊係之前姑姑介紹噶上海野食lunch, 普普通通啦; 食完都3點幾, 搭車去KT再轉TKO, 來我家, 係我家睇左Jenny帶來噶"葉問2"隻碟, 覺得好普通姐...無咩劇情都係打打打, 發揚下中國武術咁...睇完打左陣機, hea左下之後去坑口想食意粉, 點知太多人所以停止派飛了, 於是去左之前Angel介紹果間茶記食豬扒麵, 食完再去聰嫂補多個甜品, 之後散。

2/5(日) -- 本來諗住踩車, 不過大家都覺得曬同好似無咩心機(第日又要返工?), 於是約左係九龍塘等再睇下點; 去食左好耐無食噶City Canteen, 之後仲行左個圈上左七樓添, 跟住大家無野做又唔想係戶外, 去左新世紀唱K, 之後行左下金魚街, 威威心魔極想去坑口食意粉, 最終5點幾就入TKO, 未到6點就好多人等緊, 好彩等左半個鐘島6點3有位, 威威終於食到了; 之後去左寶盈食嚐糖後散。

3/5(一) -- 又返工; 收工約左花姐姐同Jenny係博康大排檔食飯, 唔知係因為我後尾叫埋呀娟同威威定真係累噶關係(亦都可能2樣都有關), 花姐姐同我同Jenny坐左一陣都未食野就走先; 等到8點終於佢2個都來齊, 叫左好多野食, 食完好飽, 食唔到糖水, 散。

4/5(二) -- 本來約左話劇同學們食飯, 不過有人突然唔得, 改左去星期四; 由於C妹星期四唔得, 又好耐好耐幾年無見噶關係, 於是照同佢食飯; 去左King 1; 雖然幾年無見, 不過佢都無咩改變, 個樣、講野、小動作等等都同以前差唔多呢, 食完傾到10點幾島散。

3. 不停見回以前的朋友, 尋回以前的自己。

5/5(三) -- 收工OT到7點再同Jenny去SSP食野, 無食正餐係咁食立雜野; 係綠林居然見到C妹(仲見到佢男友添~~)之前幾年都唔見, 一見左之後第二日就撞到了, 真可怕。

4. 身體狀態極差。

5. 老細發癲, 話我成個鐘唔見人? 邊有可能呀...我去廁所都無咁耐啦; 又少少野都勁篤話我錯, 我自問跟唔到樣樣野100%o岩, 係我無用啦, 算...哈哈...

6/5(四) -- 收工同話劇同學呀拔、呀拔嫂Addison同民仔Gathering, 好耐無攪同無見啦啦~ 見返佢地好開心呢, 好正。係MK素食一家食飯。

6. 民仔新名: 荀盤、黃二成。

7. Albert名句: 男人年紀愈大愈著數市場愈大; 20歲果時可以識16-22歲噶女仔, 30歲果時可以識16-32歲噶女仔, 40歲果時可以識16-42歲噶女仔...

7/5(五) -- Jenny來港工幹一星期, 今天返去, 係土瓜灣收工後返屋企幫佢拿行李出來, 同Jenny花雞雞呀娟4個人食飯, 威威OT來唔到, 食完再去天湖之後散。

8/5(六) -- 呀Mak生日快樂; lunch同Grace去左MK宜豐食飯, 之後突發話去好耐無去噶葵芳行, 行左一個下午; 返返TKO後去北角同Wenkie去意蠔站食飯吹水之後返企。

8. 本來上次bad-End人一齊出來果堆人攪BBQ, 不過我唔參加; 之後聽返佢講d女仔全部甩底, 哈哈哈, 成件事超好笑。

9. 打比呀Mak; 原來果單癲佬殺人係佢條村發生, 好彩佢上左樓做野無事呀~~ 好好彩呢~~ 生日避過一劫呢~~

9/5(日) -- 早上打波, 好熱, 開始到夏天, 遲d可能會打少左了; 食完lunch返屋企買送整完d野訓到差唔多7點拿過去煮完同呀爸呀媽食飯。

**********

放逐愛情 -- 解偉苓; 無意中睇電視(十年都唔睇一次)噶痞子英雄聽到首歌覺得好聽。

http://www.youtube.com/watch?v=gNr87kFH1Tk&feature=related

作曲、作詞: 張義欣
主唱: 解偉苓

有時候 我真的覺得好寂寞
雖然你甚麼都沒說 只是緊緊的抱著我
卻輕輕對我說 我只是 普通的朋友
愛的感覺不同 付出的愛沒有結果

想不透 我知道自己沒有錯
愛你的心忘了上鎖 傻傻讓愛變成一種折磨
你對我一點不在乎 我還是愛的不認輸
對你的愛我選擇了讓步

被放逐在寒冷的邊際
去學習曖昧不清不是甜蜜
不再理所謂的不公平
靜靜的離去 輕輕閉上眼睛

想不透 我知道自己沒有錯
愛你的心忘了上鎖 傻傻讓愛變成一種折磨
你對我一點不在乎 我還是愛的不認輸
對你的愛我選擇了讓步

被放逐在寒冷的邊際
去學習曖昧不清不是甜蜜
不再理所謂的不公平
靜靜的離去 輕輕閉上眼睛

被放逐在寒冷的邊際
去學習曖昧不清不是甜蜜
不再理所謂的不公平
靜靜的離去 輕輕閉上眼睛

靜靜的擺在那裏

完

四月二十五日 -- Kick Ass

12/4(一) -- 新同事來左, 肥嘟嘟女仔一個, 希望佢係做得野噶人啦; 晚上去brieing session幫手, 比預期無咁夜返; 同日安妹妹一齊返去, 臨時決定去試下寶盈果間新開糖水鋪"嗜糖"(佢唔講我都唔知有, 十世無去過), 都幾好食呢, 好唔錯。

1. 半夜, 支撐不住了...

13/4(二) -- Training, 可惜之後又要去briefing session幫手, 無得著便服又無得早收工...好彩唔使跟埋拿野去總部先收工, 唔係仲晏...好彩仍然有日安一齊返...

14/4(三) -- OT至7點收工, 同民仔+Mango去左土瓜灣上海野食飯; 食完尚早, 同民仔快Van去寶琳行左下, 之後行去坑口食聰嫂。

15/4(四) -- 約左客所以8:30pm先係土瓜灣收工, 漫無目的咁四圍行, 行左去紅磡時新買左漢堡包食, 之後返屋企。

16/4(五) -- 收工同Spenser, 佢女友Fontane同grace上我家煮野食, 之後一齊睇電視"鐵馬尋橋", 都幾好睇呢; 睇完行去坑口食聰嫂, 居然遇到Angel呢。

2. 有望搵到新K腳?

17/4(六) -- 約左民仔呀娟威威踩單車, 好耐好耐好耐無踩過啦, 吐露港公路整完都無踩過呢; 果日天氣超好, 無太陽又無雨, 涼涼地好舒服, 又唔係好多人呢~ 大圍踩去大埔再踩返來, 之後想入坑口食意粉, 意料之中好多人, 於是去左好耐無去噶坑口村合時食大排檔, 仍然幾好食呢~ 可惜之後落雨佢地趕住走, 無再食糖水了。

3. 好耐無踩車, 不過今次踩好似比之前進步左呢。

18/4(日) -- 下午同Bad-End人同佢d fnd唱K, 變左好多人, 不過唔理, 照唱, 都有d人唱得OK呢; 散左之後搵花姐姐係KT食左車仔麵之後返企...

19/4(一) -- 唔舒服, 睇完醫生先返工, 收工OT到7點半返企。

4. Partner走左之後好忙好忙, 返工好忙。

20/4(二) -- 好累, 收工唔想OT, 臨時搵Grace係SSP食飯。

21/4(三) -- OT到7點, 之後返屋企同係加拿大返來噶堂弟同佢女友食飯; 之後同佢地去左寶琳行同埋食糖水。

22/4(四) -- 同AlexKennethCarol係APM食泰國野, d野食都唔錯哦。吹左好~~耐水, 好耐無試過咁吹水吹咁耐又幾開心呢~~傾左好多野~ 又講下細個又講下讀書時d野仲有同Kenneth相逢恨晚咁傾左好多戲同歌噶野呢~~

23/4(五) -- 收工臨時搵威威食飯, 去左SSP睇玩具, 食飯, 陪佢睇Harddisk, 之後佢話去打機; 好耐無去打機呢~~ 仲要係好耐無去過噶長沙灣龍威~~威威打高達好勁呢~~

24/4(六) -- 星期五晚無野做叫悶, 賢賢叫埋我星期六去唱K; 早上睇波兼砌模型, 下午去唱K, 結果有8個人呢(我, 賢賢, 姑姑, 小翠, 賢賢噶朋友呀Pig, 賢賢噶朋友Aki, Aki噶朋友Janet同...唔記得叫咩名); Aki(把聲似Rainie)同Janet都幾唱得呢~ 呀Pig早走, 唱完之後Aki唔知乜水同Janet三個都走先, 剩返我地4個去左朗晴坊食真心泰國菜, 都幾好食呢~~食完行去隔離朗豪坊行, 行完朗豪坊仲要去新之城打機添, 差唔多12點先散; 好耐無試過好似以前後生咁, 同朋友食飯唱K行街打機hea足一日呢~~

5. SD Unicorn出得好靚, 見價o岩會買多一隻呢~~

25/4(日) -- 早上打波, 食完晏陪呀馬去左CWB買袋, 之後入寶琳睇"勁揪俠 Kiss Ass", 好好笑, 幾好睇呢~~值得入場睇呀~~ 散場7點, 呀馬返企食飯, 係寶琳買左模, 又係零食物語買左DB果套盒蛋; 自己返屋企剪髮、沖涼、食撈麵同埋之前呀哥班fnd剩左係度噶野同埋睇"痞子英雄", 都幾好睇呢。聽到入面一首插曲, 解偉苓噶"放逐愛情"幾好聽呢。

6. 好耐無試過睇三級片啦, 哈哈。要同仔睇三級片, 哈哈。

7. 某人幾日不停地哭, 但係我咩都做唔到, 一d用都無。

8. Keep住想唱K。

9. 不會再...不會。

來緊:

27/4(二) -- 約左Cass食飯。
28/4(三) -- long time no see噶C妹生日, 要記得greet佢先。
1/5(六) -- 同呀娟威威上SZ搵Jenny。
2/5(日) -- 一班人一齊再踩車。

**********

禮物 -- 劉力揚; 好聽。

http://www.youtube.com/watch?v=PtwAZn6COMw&feature=related

禮物

作曲：80time
填詞：劉力揚

終於可以在今天劃上句點
一整夜　翻閱過去畫面
快想不起我們為何會訣別
只看到那雙你送的鞋

走一步又一步
我才發現繞了個圈
走了好幾年
又回到原點

你送的禮物　會不會太特別
毫不避諱　那不安的傳言
但漸行漸遠　習慣到沒感覺
難道你早想要我走遠

你送的禮物　在此刻好體貼
陪我回憶　把過往走一遍
穿了這些年　難免會有污點
就像每段愛　總會有終點

世上最殘酷的　恐怕是時間
困住人　一切卻還向前
乾涸的眼　再擠不出一點鹹
愛到如此可悲的境界

走一步又一步
卻跟不上你的腳步
你滿意了
為什麼我卻只想要哭

你送的禮物　會不會太特別
毫不避諱　那不安的傳言
但漸行漸遠　習慣到沒感覺
難道你早想要我走遠

你送的禮物　在此刻好體貼
陪我回憶　把過往走一遍
穿了這些年　難免會有污點
就像每段愛　總會有終點

你說做自己吧
我們都做回自己
不要再為愛受委屈

你送的禮物　原來是一場劫
終於分別　夙命一樣準確
可笑到想要　你賠給我時間
愛情有時廉價得可憐

光著腳我一路奔跑
鮮血淚水一路狂飆
收起我的驕傲
承認曾經備受煎熬
鞋上那記號
只有你能明瞭
過了這一夜
我就全忘掉

完