你快樂 所以我快樂

算是繼續著"重感情"吧。

對於家人及朋友(不如說"重視的人"吧), 我是抱持著(題目)這種態度的。

很多時候, 大家都會覺得我很多事情都"沒所謂", 很多小事例如去哪吃飯、去哪行街等等, 我都是問對方想怎樣和跟隨對方決定的。從壞的方面看, 好像自己沒有決斷力, 或者不想背鑊, 總之不是提出的人之後有什麼問題就沒有責任, 不過我不是這樣的(可惜, 有不少身邊的人真的是這樣...)。由於自己對比其他人對很多東西比較沒所謂, 以吃東西來說, 我幾乎大部份的食物都會食, 那當然給對方決定比較好吧? 我當然不會虐待自己, 我自己不想的時候, 通常都會說出來, 或者覺得有問題的時候, 我也會警告對方, 但基本上大部份時間也真的沒所謂的(不只是說吃的方面啦)。我自己也的確會有自己的喜好, 而且有時太多朋友, 也沒有辦法兼顧到全部人吧, 因此當然沒可能會使大家都很滿足很快樂的。而真正會見到我很求其及極不客氣的一面, 不用多解釋, 一定是最好的幾個死黨。

以上只是以小事為例。其實在情緒上我很容易受身邊的人感染(因此看書看戲看卡通漫畫聽歌也是), 十分敏感, 對方(包括現實與虛構的人)心理狀態如何, 可能平時代入感較強, 受感染力也就較大。因此, 大家快樂的時候, 我也就快樂, 我也會儘自己的能力去令大家快樂。

曾經有一位朋友, 說過人都是自私的。他說"自私"的意思, 就是人做任何事也是為了自己, 即使是什麼所謂"無私的人"、"犧牲自己的人", 其實都是自私的, 因為他們也是自私地要滿足自己的理念要去做那些"無私"的行為, 其實也就是為了自己的心舒服。

不是要讚自己, 令別人說自己對人好。其實一如朋友所說, 我也只是自私而已。因為你們快樂, 我才快樂。即使自己多興高采烈也好, 見到有人不開心、不如意、受傷的時候, 我的情緒也可以很快地暴跌。因此我想讓大家也快樂; 請不要在我面前扮快樂, 因為這只會帶來反效果, 我希望大家無論快樂與否也會與我分享, 開心時一起開心, 不開心時想辦法去解決, 大家開心。

我的性格很相向的, 而且剛才也提過, 很容易受對方影響; 對方熱情, 我也會十分熱情, 相反亦然, 這樣的情況, 通常會使情況愈來愈好(或者惡性循環); 而我不太擅長"第一下"的開始, 像是一盞燈, 一池水那樣; 只要對方肯燃起燈, 這燈便會去儘力發光發熱; 投一塊小石, 漣漪也會愈來愈多, 愈來愈擴大, 回答給你的會更多。

有時, 可能會有人覺得我做得不好, 或者做一些事情令大家不快; 當然我也會做錯, 也可能會錯誤地判斷一些事情; 但大家有時試想想, 會不會有些事情是為你好? 短時間的不快, 一時的難堪並不要緊, 也不用在朋友(我)面前覺得羞恥, 就是當你是朋友才不要緊, 才沒所謂; 最重要的是長遠, 跟你談過, 懂得去反省去改, 以後變好了, 才是真正的好呀。

本來好像還有很多可以寫, 又好像沒什麼好寫了, 就此吧, 想到再加上去。

希望我身邊的人們, 都能夠永永遠遠快快樂樂地生活下去吧; 讓我也可以快樂吧!

完

八月二十七日 -- 雜記

1. 25/8(一) -- 收工返企; 交收左模型, 好耐無買過, 好平。

2. 26/8(二) -- 全日膝頭都好痛, 一郁一屈就痛, 懷疑係壓到條筋定神經線; 收工同C睇batman終於都睇左, 係落畫前睇到吒~~ 好好睇, 肯定係近期睇過o既戲最好睇o既一套, 我如果無睇我會後悔, Joker確係做得好, 好入戲, 不過話時話, 佢果種有腦又歇斯底里又有d問題o既表情動態, 真係好細微都做到呢, 不過我覺得HK都有d資深演員都做到o既 @@; 返到來要沖涼時唔知點樣一下好似鬆左d, 無咁痛...

3. 27/8(三) -- 下午去聽新人聽o既talk, 又係一貫同其他公司一樣o既Orientation: 洗腦, 講到好似好有理想又點咁, 其實都係...算吧啦; 收工返企, 好悶。膝痛方面, 仍然有d痛, 不過好過尋日, 應該逐漸好緊, 可能有d發炎? 發現自己拉直或者烏底身拉直腳, 個情況會好左d, 希望之後會好返; 應該同一向o既舊腰患有直接關係...

4. 難得有心機(同時間)打好多野, 又講到自己好真實o既心情, 文筆當然就唔好, 但係都算好有心機呢~ 居然無人re...

5. 係公司被某同事話似剛畢業, 其實即是我比人感覺唔似被洗練過; 其實大部份人都覺得出到來要"似"處事成熟才"似"成功的人, 不過我仍然都係唔想被洗禮, 我會"知"個社會係點, 但係唔一定做到好似一般人咁, 但係仍然都能show到我做得野!

6. 發覺自己係聽歌, 唱歌, 打鼓呢d時間, 可以非常忘我, 好enjoy。

7. 公司發出指令, X'mas, 農曆年, Easter等長假都唔好去旅行, 亦唔會批annual leave, 睇來好有機會紅日都返工; 九月中前, 把握hea的時間。

8. 最近又開始失眠, 又訓得好差, 又早醒; 總之唔係好夠訓...

9. 謝安琪o既囍帖街好聽, 適逢佢掀起左市區重建o既話題, 而我又咁o岩入左呢個機構做野呢~ Eric Kwok+Wyman, 2個我都係未到最鐘意o既人(我鐘意林夕多d o既), 不過呢首真係唔錯, 同落花流水有得揮呢!

囍帖街　謝安琪
作曲/編曲/監製 : Eric Kwok
填詞 : 黃偉文
忘掉種過的花　重新的出發　放棄理想吧
別再看　塵封的囍帖　你正在要搬家
築得起　人應該接受　都有日倒下
其實沒有一種安穩快樂　永遠也不差

就似這一區　曾經稱得上美滿甲天下
但霎眼　全街的單位　快要住滿烏鴉
好景不會每日常在　天梯不可只往上爬
愛的人沒有一生一世嗎　大概不需要害怕

(忘掉愛過的他)當初的喜帖金箔印著那位他
裱起婚紗照那道牆　及一切美麗舊年華　明日同步拆下
(忘掉有過的家)小餐台梳化雪櫃及兩份紅茶
溫馨的光景不過借出　到期拿回嗎　等不到下一代　是嗎

忘掉砌過的沙　回憶的堡壘　剎那已倒下
面對這墳起的荒土　你注定學會瀟灑
階磚不會拒絕磨蝕　窗花不可幽禁落霞
有感情就會一生一世嗎　又再婉惜有用嗎

(忘掉愛過的他)當初的囍帖金箔印著那位他
裱起婚紗照那道牆　及一切美麗舊年華　明日同步拆下
(忘掉有過的家)小餐台梳化雪櫃及兩份紅茶
溫馨的光景不過借出　到期拿回嗎　終須會時辰到　別怕

請放下手裡那鎖匙 好嗎

完

裇衫與呔2

不久之前才談過裇衫與呔, 那時還未知道要轉工。

現在已經在新工作待了一星期, 而新工作是規定要穿著裇衫西褲的(幸好不同打呔)。

很多公司都要求員工formal dressing; 不論需要對外見客與否, 由於社會有這個風氣, 使得這樣才是尊重, 也代表了一種精神。對於需要表現得專業或者要見客戶的工作, 這也是必需的; 而這也使整個辦公室更整體化。

當然, 熟悉我的人都知道, 我一定是不喜歡這樣穿著的人(我想其實很多人也不會喜歡吧); 女性還好, 所謂formal dressing也可以有很多很大的變化, 男性就很單一的幾乎就是裇衫西褲, 沒有選擇; 而不喜歡穿的原因也不外乎那幾個: 不舒服, 不方便, 很熱; 而唯一的好處, 就只是每天早上不用想如何"襯"衫而已(當然, 即使是便服我也不多會去想如何"襯"衫)。

除了這些, formal dressing的精神其實跟本就不適合我。由讀書時期開始, 一直到出來工作, 我一直都不是那種會很循規蹈矩的人、"看來很勤力"的學生/員工, 也不太會去"扮多野做"、"扮勤力"。

一向讀書/做功課/做事的時候, 我都喜歡攪清楚一切、想好了怎做、知道怎樣做最適合自己、想好了怎樣儘量一次過完成才會做(當然一定會在deadline前完成, 或者以deadline前完成為大前提去考慮怎樣做), 而當地的狀態, 幾乎都不會是正襟危坐的模樣; 因此, 當有"事"要做的時候, 我可能會一開始很快便做完, 也可能會一開始很像沒有做什麼, 但過了一段時間就突然完成了。而兩種情況, 都會使自己在某些時間看起來好像沒有事做, 很無聊的樣子, 但其實我已經做完, 或者未做完的時候, 其實腦中一直在盤算著計劃著怎樣做而已。

在一般人眼中, 我可能也就像一個懶散的員工吧? 不過跟我共事過的同事或者上司, 就比較會知道我的工作效率(要直屬的才知道, 坐在附近的人可能更加覺得我在閒著呢)。其實自己也比較適合一些自由一點、沒規則一點的工作, 總而言之我就是會把工作做好給你, 但中間的時間大家就別管我在做什麼。正如我不想要formal dressing一樣, 總之我就是給你好好的完成任務, 其他最好就不要過問我好了。

其實在很多方面也一樣; 不單是讀書、工作, 總之一般的任何事情, 我也是偏向這樣的。大家可能會覺得, 我不是一向也極有透明度的嗎? 這樣不就像黑箱作業? 其實我不是不願意回答, 我也樂於令大家明白的在做什麼、想什麼, 只不過由於個人的思維非常複雜, 而且經常跳躍式思想(在此強調!! 並不是說我自己高深, 而大家不明白, 而是複雜+跳躍式思想是很混亂也難以解釋, 因此大家才不明白而已), 因此不想花很多時間向別人解釋中間的心路歷程。

其中一個很經典而又頗為有趣的經歷, 不得不在此一提。在我讀書進修的時候, 有一次與我其中一位好友約了一起在同一地方, 各自做自己的畢業論文。一開始他就看很多參考文件, 一路寫一路想, 慢慢的慢慢的做; 而我則只開了個頭, 只寫了千多字的Introduction就好像停工了, 還在一邊聽歌, 又上網, 到處走走, 又打機的; 過了好一段時間, 他已經做了大約三份之一(還是一半呢?), 他見我這樣, 覺得我好像沒有心機做, 又覺得快我這麼多(因為論文不連reference、圖片等等起碼都要二、三萬字), 於是他很累之下就去小睡一會。到了他醒來的時候, 我卻已經做好了大約八成; 其實在之前我像閒著的時間, 一直在腦中想著應該包括的內容、如何組織及編排各個不同的部份, 還有如何加插各種不同的效果, 因此在他睡的時候, 我一開工就幾乎不用停, 而且很快地一路寫下去(而我完成的東西, 通常到最後也沒有很大的修改, 因為大部份都已經一早想好, 出來的產物也就和我想做的差不多)。這也是我平時做事一貫的做法。

當然, 其實這並不一定好, 而且在大多數人眼中, 也是不太好的; 不過我就是習慣了這樣呢(還好我現在雖然仍然是這種做事方法, 但也比較會使人覺得我沒那麼空閒著呢)~ 希望最終我也會找到一份很適合我的工作(在現今社會要找到一份有興趣有前途又有理想的工作也實在...)。

以前幾乎都無什麼人會見到我著得這麼formal的, 不過以後大家機會多的是了...

完

重感情

不知道別人的情感世界是怎樣, 自己的情感像很複雜但又簡單。

人的一生之中會遇到千千萬萬各式各樣的人, 有些人會與自己有很深的關係, 有些人則只是萍水相逢, 輕輕在身邊擦過。

在很多人的心中, 相信不太會記得與自己只相處很短的同事/朋友, 時間久了, 甚至連自己的親人/舊愛人也會漸漸遺忘。我卻會非常之深刻的記得很多很多事情。

很喜歡留意人的言行, 觀察人的小動作, 發現人的內在, 在過程當中會有很多得著, 好的、適合自己的可以學習, 不好的可當作警惕; 而在了解人的當中, 也會與很多人做了朋友或好朋友; 認識朋友方面我十分主觀, 經常恃著自己見得人多, 很相信自己的感覺, 與一個人相交一段短時間, "相信"自己掌握了對方大概的性格, 很快便會覺得對方是與自己"夾"或"不夾", 覺得能做到朋友的人, 我會很快便熟絡起來(有時快得令人嚇驚), 不是一路的人, 對不起, 道不同不相為謀, 我也不願多花時間了。
人有不同的性格, 而在觀察別人的時候也當然會看到對方不同的優點與缺點, 但當了解一個人的時候, 與對方成為朋友之後, 我會去看對方值得讚賞的地方, 喜歡去發掘對方的優點和可愛之處; 我會比較記得對方的真善美, 去喜歡每一個朋友(也因此容易受到傷害吧)。

即使只是相處過很短時間, 由於我比較容易付出心中真正的感覺, 因此每一段感情我也是很珍惜的, 不管是親如兄弟, 或只是相處過很短時間的人, 當中很多瑣事, 很多細節, 我也會記在心頭。

幼稚園被人欺負時替我出頭的同學;
小學與一班柴娃娃的參加同學於"歡樂天地"的生日會(甚至歡樂天地中無人欣賞卻努力表演的那老演員);
中學時期到以後也永不磨滅的死黨情;
補習班中相識和我一起談論將來, 想參加愉園青訓的同學;
會考英文Oral跟我同組、考完一起慢慢行到屋企樓下很好傾的不知名同學;
漫人墟延伸出來的幾段真摰的友情;
大學時期不打不相識的幾個好朋友;
六、七年前做第一份工, 與幾位好友兼同事為了幫另一位同事一起在星期日返公司做像中學生快樂郊遊一般的Freezing Survey;
BD日子中與四合院、拍檔、甚至老細的點點滴滴;
LD日子中與八婆等人胡鬧喧嘩的唱K;
520中認識的AG朋友們及其投入的玩樂和表情;
不同公司的司機在來回兩程之間的快樂談話;
話劇班最後一堂既有火花又惺惺相惜的一班朋友;
TMSU與村辦曾經一起戰鬥過的戰友及老細;
未能儘錄(我記得的! 不過再寫下去就太太太太長了)......

一切一切曾經喜歡過、重視過的人, 少量有些許不喜歡或討厭的人, 無論在讀書時間抑或出來社會工作後所認識的人, 當中有些仍然是經常見面的朋友, 亦有一些已經失去聯絡(或甚至連名也不記得), 但在我腦海中的profile只有增無減, 這些都是我很珍惜的"感情", 也是我一直活著的"証據"; 相信在我死去的時候才會隨著所有東西灰飛煙滅吧。

願與所有真心當我是朋友的人共勉。

完

及時行樂

打從出來社會工作開始, 做的工作幾乎都是與接觸人有關, 因此也聽過不少故事, 人生的故事。

不論是大家耳熟能詳的偉人、明星或者一個從來沒聽過屋村老伯伯的口中, 大家所能聽到、接收到的也只是一些過去, 還有那些人心中的一些感覺。就算大家讀了多少歷史, 看了多少哲學的書, 和多少有識之士談論過, 相信也沒有一樣能確定地告訴你人的一生究竟是為了什麼(宗教除外!)。

有很多人只是庸庸碌碌的過一生, 有些人則能大放光明; 每個人的能力及選擇也不同, 每人重視的、要什麼的也不同。到最後, 到老的時候, 大家回首前塵, 究竟會不會後悔自己有/沒有做過什麼? 當然, 到我們老的時候人生觀會和現在不同, "要"的東西也不同, 但這些都是不能預計的, 也只能"儘量"做好自己所想做的事吧?

人生匆匆數十年(科技發達一點或許可以一百年), 時間不斷地溜走, 不會等人; 究竟自己是要什麼的呢? 有些人覺得要努力工作, 覺得其他的東西也沒有那麼重要; 有些人覺得快樂最重要(當然什麼才是快樂, 每個人也不一樣, 也會有人工作才快樂); 有些人追求知識; 有些人追求金錢以外的理想; 有些人追求愛情...等等。

不去想自己年老時會怎樣想, 不如就現在去回首以前吧; 究竟自己有沒有努力工作, 或者想清楚自己的事業的路是怎樣走? 究竟自己有沒有去進修, 為未來鋪路? 究竟自己有沒有趁還年輕的時候去享受過生活, 去玩去開心? 究竟自己有沒有轟轟烈烈地談過一場戀愛? 很多很多的情況, 以上也不一定只可達到其中一樣, 也可以樣樣都成功過的; 大家也會對自己抱著不同的期望, 而自己有沒有達到目前心中的期望? 有沒有後悔之前做過/沒做過什麼?

見過也感受過很多生老病死, 眼見身邊的人就算年輕的也會擔心自己, 也會有病, 年紀大一點的更關心自己的健康; 人真的很化學, 就算多小心保養身體也好, 一樣也可以突然有病的。

除了確保自己及家人以後的生活之外(相信對很多人來說, 這個該是人生比較統一的其中一個目標吧?), 我自己很希望可以尋找到自己想要的快樂, 而不單單只是被工作掩埋一切。當然有很多朋友希望專注自己的事業, 甚至要闖出一片新天地出來; 而我自己則喜歡自由自在的感覺, 與朋友相處的感覺。我不想自己突然有什麼意外之前, 或者在青春溜走之前, 沒有享受過生命。

暫時自己一向的目標, 就是"儘量在不對別人有壞影響的情況下, 尋求自己最大的快樂"。

不過, 一個人的行為要完全不影響別人, 似乎也是沒有可能的吧。

完

及時行樂

歌手：蔡一傑
作曲：蔡一傑
填詞：蔡一傑
編曲：蔡一傑/譚國政

＊ＤA ＤI ＬE ＤALA　原來快樂很重要
ＤA ＤI ＬE ＤALA　實在太多煩惱
ＤA ＤI ＬE ＤALA　放開懷抱好不好　要及時行樂　ＢABY
ＤA ＤI ＬE ＤALA　我的心情跳呀跳
ＤA ＤI ＬE ＤALA　跟著音樂搖呀搖
ＤA ＤI ＬE ＤALA ＭOVE ＹOUR ＢODY ＴURN ＡROUND
要及時行樂　ＢABY

快樂很重要　不開心的事真的不要
難過的事情太多　一眨眼就會過
悲哀跟寂寞　請你不要纏著我
不開心的時候　不如跳一跳跟我大聲叫ＯH ＹEAH＊

時間會溜走　走了以後就不會回頭
明天會怎樣也好　豁出去盡情跳
把握著現在　不管從前跟未來
有愛就去愛　如果你快樂我也更快樂ＯH ＮO＊

完

鬼

曾經寫過"兒時趣事之蟑螂", 適逢最近是農曆七月, 傳說中鬼門關大開七天, 倒也是時候寫寫"兒時趣事之鬼"了。

有多少人從小到大沒怕過鬼呢?或多或少, 在繁榮安定如香港這種地方(尤其是中國人社會), 就算長大後不怕, 小時候也應該曾經怕過吧。

話說小時候也算很怕鬼怕黑的。尤其自己沒什麼玩伴又深閨, 卻又喜歡幻想, 因此經常地胡思亂想, 愈想就愈亂, 有時就愈想愈恐怖。其實如果將那些異想天開的恐怖情節及畫面拍成電影, 相信效果也很不錯呢。

家中的環境其實也使自己比較容易會惹起不少恐怖的幻想。認識我很久的人也知道(相信真的只有認識我很久的人才去過我舊屋了), 我以前家只有2間房的窗口是對著街外的, 大廳是完全沒有窗口, 而廚房浴室的窗外只是極度陰暗的天井。因此, 即使是大白天, 如果關了房門不開燈的話, 大廳也是很暗的; 而廚房浴室也需要經過大廳才能到達, 簡單來說, 晚上半夜起來去廁所, 就要經過一大段很暗的area。很多恐怖的想像也就由此而起。而另一樣會使人有點不安的, 是大廳通往廚房浴室的走廊旁的牆壁, 在高處掛了兩張很舊的祖先的相片, 相信一般會疑神疑鬼的人也會有經驗, 無論你行到那個地方, 他們都總像是望著你吧? 實在每次經過也使人很不安呢(大哥, 其實他們是自己的祖先耶...怕什麼怕?)

除了會怕浴室有廁所鬼、鏡中會有恐怖樣貌出現(到現在也對鏡有點心障, 不過與自己樣貌醜陋沒有關係)、舊祖先相片、床底下會藏著"東西"、窗外有頭伸過來看我...等等多不勝數(也不逐一描述了)的幻想外, 以下也談談一些比較特別或比較好笑的事件。

小時候有幾個惡夢是不止發過一次, 而且到現在也還記得很清楚的。剛才也大約說過家中的地理位置, 我當大家心裡有數了。其中有一個夢, 夢中是在深夜的時候, 不知為何在廳中有張"碌架床", 床上有一個人(其實不知是人是鬼), 那所謂的人樣貌很恐怖(是人類的樣貌, 不是怪物或鬼樣), 應該說是表情很恐怖, 很木獨, 面無表情, 目光空洞(對呀, 即使是幼稚園/小學時期發生的事, 但我仍然記得清清楚楚), 他/它慢慢的在床上坐起來, 似乎想向著也在廳中的我走過來(他的動作是極慢的, 因此有足夠的時間發生以下的事情)。我當然很害怕, 於是就想逃進房中(起碼分隔了兩地, 能關房門, 安全感高些), 但是走到房前想開門, 房中門後的爸爸(對! 就是我自己的老爸)不停地想關門, 和我角力, 不想我進去, 試問一個小孩子哪來力量跟一個大人角力? 於是我就一路哭叫"給我進去呀"一路想推開門, 而廳中床上那"東西"就繼續以極慢動作向我推進...那種壓力實在太可怕了, 而最恐怖的是夢我我老爸不單不施以援手, 還要加把勁推我入深淵呢~~(怎麼我老爸的形象在夢中攪成這樣的, 不過在此澄清, 在現實中爸媽是一定會全力支持我們的!)

還有一個夢是與家人一起在街上行, 行至某偏僻的路時(那條路現實是有的), 見到地上有一個聖誕老人, 而肚子是破開了的(奇怪的是我不知道是屍體還是人偶, 但破開了的肚子也沒有什麼血腥的東東, 只有像嘔吐物一般的東西, 但我感覺那"聖誕老人"是生物來的)。不知道為什麼大家都像沒有為意, 只是拉著我繼續走; 但當我回頭望時, 那聖誕老人卻轉頭向著我咧嘴而笑, 我當然很怕, 叫家人看時他/它卻回復了原狀, 但我自己望時他/它又望過來...很奇怪的一個夢。

有關"鬼"的事, 還有一件頗為有趣的。話說我家的昇降機大堂也是沒有向街的窗, 只是靠電燈照明。本來舊樓的燈也暗, 有時有一盞半盞壞了時就更暗, 也是一個當時覺得恐怖的地方。而另一個會害怕的地方就是昇降機中, 當自己一個在昇降機中的時候, 經常會向上望頭頂的風槽, 常常覺得有"東西"在那裡呢。而其中一個好笑的事情就在這發生。

又話說有一次在夜晚等昇降機的時候(9點多落街超市買東西), 自己已經一直在幻想著昇降機開門時有什麼恐怖的東西衝出來, 於是就一直想著希望昇降機開門時沒有東西(也使自己想得根深柢固了), 在開門的一瞵間, 見到有一個木口木面的人(面色也很蒼白), 我即時嚇了一大跳, 其實是我自己一直想著昇降機中不是有"東西"就是什麼也沒有, 完全沒想過會有普通人會在裡面...非常白痴; 最好笑的是, 由於我嚇了一跳, 有明顯的向上跳一跳及驚訝的表情, 也使得該名在昇降機中乘客也嚇了一跳...這件事實在...太白痴了。

其實也還有很多有關自己的幻想及有關鬼的趣事的, 不過不在此談那麼多了, 就此閣筆(筆?難道要說閣鐽盤?)。

現在, 人長大了。如果真的有面目猙獰或者陰森可怖的鬼的話, 相信見到也會害怕; 不過, 相比起死亡那種無底深淵及不肯定的"消失"的感覺, 我還是寧願見到鬼, 相信有afterlife的存在呢。

完

八月二十四日 -- 雜記

1. 18/8(一) -- 第一日返工; 好唔慣, 自己覺得平時適應力都算幾強, 其實入到來都好似無覺得有咩唔慣, 但係心情總係有d異樣, 所以連續好幾日都訓得唔好, 而且早上鬧鐘未響就醒; 暫時睇個情況應該到9月中之前都未會太忙, 唔使OT住(頭幾日直頭無咩做, 悶死), 之後就好難講; 大家想date我就趁早book定啦~~ :P 收工乖乖返企。

2. 19/8(二) -- 收工繼續返企。

3. 20/8(三) -- 好耐無打羽毛球!! 收工去SKM打波(7-9), 由於太耐無做運動o既關係, 打左個幾鐘就已經好累(而且得4個人, 無得替換); 打完2個鐘個人超累~ 沖完涼換埋衫去食飯(呀Wing唔食)d野來埋都10點, 食下飯睇埋奧運走10點半島。超累呢!

4. 21/8(四) -- 收工同呀強食飯; 好耐無同佢食飯了~~同佢行左好耐無行o既一堆MK睇玩具地方, 行到咁上下(大家都累, 所以都唔算行好多)係朗豪坊Gais食飯之後散; 買左好多野: 扭蛋, 模型, 漫畫都有, 滿載而歸呢。

5. 22/8(五) -- 打風唔使返工, 係屋企好輕鬆; 成日係企hea, 陪哥睇赤壁, 又睇左成日奧運。

6. 23/8(六) -- 同哥哥去SZ; 今次晏d去, 不過連老翻都無去睇, 一上到去就同耳唇咩其唱K, 同唱得好/夾得來o既人唱K係好開心o既事呢! 唱到6點半去左食飯, 食下飯傾下偈好開心呢, 仲大家一齊睇奧運, 睇左成個男10米跳水; 希望4年後, 大家仍然可以一齊咁樣睇奧運!! 一定要呢!!

7. 24/8(日) -- 成日係屋K hea的一天; 下晏同民打機, 成日又係睇下奧運; 閉幕式都有間唔時睇下咁。

8. 公司無得上網, 而且亦都唔可以copy任何file出來, 所以打左d咩野都copy唔到個word file; 都幾麻煩, 而且唔係下下全日8個幾9個鐘都有心機睇manual, 無得上網都唔緊要, 連打野都無o既話都幾悶呢。

9. HG Kampfer出左! 好靚, 好想買!

10. 係摧谷(無錯, 係摧)之下, 唱"拯救"破到一個音, 上到去一個以前唱唔到o既位呢, 不過首歌最尾果度都係唱唔到o既, 孫楠真係勁到痴線o既!

11. 奧運終於完滿閉幕, 之前都無諗過自己會睇咁多呢, 好好睇, 睇到各健兒o既努力, 同埋得獎果一刻, 睇幾多次都覺我好感動呢! 今次奧運會真係好正呀!

來緊:
搵日同Wendy食飯
仍然等呀源打來食飯
澤安K無消息
話劇同學gathering
29/8(五) -- 約左PuzzleWingSpenser食飯。
17/9(三) -- Wing同Catherine不約而同地係果日book到SKM場打羽毛球。

完

空虛

最近的心情很奇怪。
其實自己並不滿足現狀。

並不是覺得現在自己的狀況很不好, 說真的, 比起很多人, 我的家庭算很和諧, 家人的健康雖然不見得很好, 但暫時也不太差; 工作上, 剛剛找到了一份長工, 算是穩定; 自己的身體各方面將就將就也還好, 起碼暫時沒有絕症和暗病。

找到了一份所謂“長工”, 人工福利及長久性各方面對只有Degree沒有Professional資格的我來說是很不錯了。不過, 之前一直努力找工作與做事, 現在做了一份“長工”, 突然好像失去了一個大的目標。當然並不是找到一份穩定的工作就滿足, 因為一世做一份長久的technical grade, 雖然也無不可, 但如果現在自己廿多歲就這樣決定了、完結了, 我不太接受。

對於我現在做的行業, 除了跟我讀大學的同學外, 基本上中學同學和其他熟的朋友也不太了解; 對於工作、事業上有什麼想法其實也很難分享。而大學同學們, 不是沒有太大考慮過自己的事業的, 就是正在很努力再讀書考牌的一群。其實也沒有什麼其他的出路, 因為不是technical grade就是professional grade, 最舒服就是進入政府做公務員(如果入到的話, 我也不介意一直做公務員的technical grade), 但談何容易?

畢業後出來工作也經過了好幾年, 接觸到了很多不同的人與事, 也看見了很多熟的、不熟的朋友在不同行業工作; 發覺自己的性格對“商業性質”的東西實在不太進取, 如果要我在那一行發展, 我想我真的不會是一個好員工。建築行業算是在很多方面比較自由及沒那麼拘謹, 比較適合我, 而當中物業管理及維修方面的工作更是我工作以來覺得最適合自己, 因為工作的內容比較有變化, 有時需要因應不同情況而作出改變, 而且最重要的是需要與不同的人接觸及溝通, 不同階層、不同學歷、不同職業、不同年齡的人也有不同的經驗及人生觀, 與他們溝通實在可以將自己“資料庫”分析的數據大大增加, 很有參考的價值呢。

除了很多拼搏打工想出人頭地, 或者安逸於現狀的朋友外, 也認識了好一些向著自己的理想及興趣進發的朋友。他們所選擇的道路很不同, 但他們勇於向著一般人不會選擇的目標前進, 而結果也很不錯, 他們很成功也很快樂, 這給了我很大的啟示及勇氣; 始終人生於世, 除了要苟活之外, 也要快樂; 我經常也說, 在儘量少對別人有壞影響的情況之下, 要尋求自己的快樂呢。

踏了一隻腳在建築行業, 做了好幾年, 似乎也很難再轉行了。而且家人方面也一定會有壓力, 始終自己的前途、錢途也不只是自己的, 還要顧及家人的; 但如果不再讀書, 就永遠也只是technical grade; 再讀, 也像很難可以考到professional grade, 即使考到了, 前路也是茫茫。

能以自己的喜好及興趣(不一定是擅長的)為行業當然會很快樂; 當然真的沒可能去畫公仔及唱歌玩音樂打波為自己的職業吧? 就算真的要轉, 也應該在剛畢業時甚至再之前選讀科目時就要選擇。

其實, 在我心裡一直想讀社工或心理學, 亦很認真地想過自己是不是應該試試轉做這一行。

完

Batman有趣的圖

呢期Batman咁紅, 緊係要係未完之前出下呢d有趣o既野啦~ 不過我都未睇, 好想睇呀! 就來落畫啦~~ 完

八月十七日 -- 明天返新工

1. 12/8(二) -- 收工同胡師父食飯, 無啦啦吳放又來食, 俠士本來話食, 但係因為有事來唔到; 食SSP的強記, 真真正正而家僅存o既大排檔呢! 又係果句, 係SSP浦左咁耐都未去過, 而家終於試過了; 雖然幾出名, 但係唔會貴, 而且都幾好食呢! 值得再食o既地方來o既; 當日得5個人(仲有一個我唔識但係Spenser識o既肥師父)但係叫左8碟野...都OK, 反而個伙計推介o既最大碟又最貴二百幾蚊o既咩所謂石班尾又麻麻地好食又唔抵...(其他都係幾廿蚊咋)

2. 13/8(三) -- 收工返企, 睇左奧運中國女排, 好睇; 不過而家o既中國女排弱過以前了...

3. 14/8(四) -- 係TMS o既last day了; 其實係有唔捨得, 畢竟做左年幾, 有d搭開o既同事都係friend o既...而d呀sir亦都好好, 不過其實自己雖然感情算係豐富o既, 但係從來都唔識表達, 因此表面上都無咩野, 只係講byebye...好彩, 一向拍開夾開o既同事, 好多都早走過我, 而家都係剩返Spenser同呀sir等等少數人係唔捨得o既, d新來o既同事...都係無咩好感...多謝凱琪呢, 送左條tie比我! 收工後同Lands的舊同事Gordon, 俊, Erica, Wendy同Connie(當然係另一個connie, 仲要係我唔識o既)唱K; 估唔到有一間而家暑假都係以unlimit time又唔貴o既, 係寶勒巷o既Neway, d野食都唔太差呢, 不過個電視各方面就好舊, 間野應該已經幾耐又無再裝修過, 所以先會平d又唔限時呢; 當日見返好耐無見o既果堆舊同事, 又順便同Erica慶祝生日; 只係同過俊同Gordon唱過K, 其他人都無, 水準麻麻啦...而且佢地都唔係好好唱...下次都係約食飯好過啦~~~ 不過一齊食下野吹水都好開心, 12點島散。

4. 15/8(五) -- Last Day後休息一天, 係屋企hea足一日, 下午同哥哥(o岩o岩佢又下午off左)睇左2場DVD的concert, 仲砌左新鮮滾熱辣o既SD Gundam Exia, 幾靚呢; 晚上睇左成晚o既奧運,好睇。

5. 16/8(六) -- 又係全日係屋企, 下午民仔上左來, 不過無打機, 全日一齊睇奧運; 晚上佢同G小姐食飯, 我無join, 係屋企睇中國男籃對德國, 都幾好睇呢。

6. 17/8(日) -- 下午民仔又上來, 今次係打機; 5點島去左APM同德福添置返工衫(因為本來唔多夠), 真係好貴呢...未賺錢先使錢...晚上返企食完飯後又睇左成晚奧運。

7. 屋企間房o既室內無線電話真係愈來愈唔掂, 就來頂唔住, 要買過個啦...唔知邊隻好呢?

8. NDS o既十字制又係愈來愈唔掂, 要去整整...

9. 奧運開幕; 之前完全諗住自己唔會點睇, 好似無咩興趣咁, 但係最近睇下睇下發覺好好睇! 仲成日睇添而家! 有好多項目之前覺得唔會好睇o既, 原來都係好睇, 好似舉重射箭果d, 真係估唔到會好睇呢~~ 而自己亦都好自然地支持中國, 當贏左o既時候都會開心會叫, 輸左都會失望; 睇到唔同國家o既運動員各有出色o既表現, 都會覺得好精彩, 好好睇呢! 畢竟係度比賽o既所有運動員, 全部都係世界o既頂尖呀~~當見到佢地贏或者輸o既一刻, 都會好感動, 情緒好受到佢地影響呢! 我呢幾日睇電視o既時間, 係之前幾個月加埋都未必有咁多呢!! 繼續支持奧運!! 順帶一提, 睇奧運係睇亞視好睇d, d評述講得好好多, d o既技術有d咩唔同, 係點樣樣, 好窕唔好等等都講都出來, 唔係9up好勁呀, 好正呀之類呢~~ 徐嘉樂雖然以前睇佢講NBA好似廢廢地, 其實佢真係咩運動都講到, 睇緊o既時候, 唔同項目o既技術重點, 運動員o既背境, 花邊等等真係咩都講到出來, 好犀利呢~ 如果2台都播同一樣野, 睇奧運, 睇亞視!!

10. 睇左2個演唱會; 陳慧嫻o既活出生命2都幾好睇, 雖然佢唱得差過以前(佢claim佢自己演繹方法唔同左), 但係都仍然係好睇, 9成o既歌都係識o既, 耳熟能詳, 選o既歌都好經典好好聽呢~基本上無咩大投訴; 另外睇左之前周慧敏o既concert, 買左返來好耐都未睇; d歌唔係首首熟, 都有d好出名同好聽o既, 不過, 佢始終係偶像派, Live唱得麻麻地...把聲無以前咁雞, 而且d高低音都唱到, 但係把聲發得唔係好constant, 總之就係麻麻地...睇到有d悶...最好睇就係請果d guest:林子祥, 黃凱芹, 邰正宵, 林隆"王旋", 都好正呢!

來緊:
20/8(三) -- 羽毛球活動
搵日同呀強食飯
搵日同Wendy食飯
仍然等呀源打來食飯
澤安K無消息
話劇同學gathering
19/22/29號是但一日同PuzsleWing等人食飯

完

八月十一日 -- 雜記

1. 5/8(二) -- 收工返企; 由於有好多timeoff, 所以而家日日開始返晏d或者早走(返晏d多咯)。

2. 6/8(三) – 估唔到打風打得成, 8號風球; 全日在家hea抖, 唔使幫Spenser餵貓。

3. 7/8(四) – 收工去KT, 同貓食飯食大盛, 之後去餵貓返企。

4. 8/8(五) – 收工同Cass民去KT(因為要餵貓), 當日貓貓勁驚四圍走, 攪左好耐; 終於攪完都8點幾, 抖o既時候開電視, 睇左奧運開幕禮; 雖然本身expect左會好得, 但係都仍然係超出左expectation, 好好睇呢~~ 睇完9點幾先去食飯, 食KT大排檔, 傾到12點島先散。

5. 9/8(六) – 由於無野做呀哥、朋友又唔得閒, 無啦啦興起想去深圳, 見下d好耐無見o既朋友; 早上起身去, 1點島到SZ, 同朱義城、咩其食飯(忍者居, 普通日本野一間), 好耐無見佢地, 雖然平時好傾, 但係始終好少見面, 有d怪怪地哈~ 傾左輪之後無咩做, 3個人去左唱K, 第一次同pig2pure唱K, 原來都唱得幾好, 把聲好響亮而且唱d歌都好難唱呢~ 咩其仍然都同以前一樣都係小朋友咁樣。完K後咩其返企溫書, 我就去買老翻, 之後6點幾就散, 返HK了。晚上無飯食, 同C係沙田食UCC Coffee Shop; 間野d主菜就普普通通, 不過如果要餐o既話, 個沙律係好似以前Pizza Hut咁比個碟你自己出去拿的, 最重要o既係d沙律o既料同醬都好好食~~ 係來呢間野o既主打呢(不過主打係呢個又好似有d悲哀)~ 下次反而應該少叫d飯意粉果d, 試下d扒同小食類, 都會夠飽呢。之後去KT餵貓。

6. 10/8(日) – 一早去餵貓, 然後去APM買禮物, 之後同民上馬屋企, 補慶佢生日同house warming; 基本上全日都係hea, 大家一齊睇奧運睇左唔少項目(仲有打Slam); 本來之前覺得自己唔係好大癮睇, 不過估唔到睇睇下其實好多項目都好睇呢~~ 家昇5點島到, 都係一齊睇電視, 之後到差唔多就落去食飯, 間野雖然係鋪頭, 但係其實以前係大排檔來o既, 食落又覺得好唔錯, 幾好食! 可惜地點都係唔方便, 平時唔會專登來食呢(雖然成日都會上佢企)~ 食完飯晚上睇左大半場CHINA vs USA籃球, 預左比人炒, 上半場都叫交到貨, ok啦。11點半島返企。

7. 11/8(一) – 本來約左ConnieMartinCarol食飯, 不過有人唔舒服所以cancel; 收工返企食飯。

8. 有日中午落去SSP食飯, 自己浦左SSP咁耐, 又知左間野好耐, 但係第一次去北河街“公和”; 食完飯後經過, 見到間野已經覺得勁, 不禁入去試下; 聞到d炸豆腐好香, 不過食完飯唔食, 大家試豆漿同埋豆腐花, d豆漿好好好有豆味! 好得呢~~~ Spenser話d豆腐花唔夠滑; 下次要試下d炸豆腐同豆卜! 真係好得呢!!

9. 同事三分親大結局; 基本上個感覺係草草收場, 最尾幾個星期o既劇情好趕收工咁, 好多野都好求其同好快咁交代完。雖然話想係奧運前完姐, 但係早少少準備, 完整d好啦。

10. 要幫Pig2pure搵書 -- 藍寶石的夜空

11. 見到石琪有一段關於John Woo套赤壁o既好o岩我心意; "有關《赤壁》的爭議，目前似乎都集中在影片是否與歷史相符、及吳宇森如何演繹眾多三國人物的問題身上；其次才是吳的導演風格及處理戲劇的手法。對我來說，前者並不是一件怎麼bothering的事情。歷史於中國人好像永遠都是一個拋不掉的包袱。但電影是創作，容許作者演繹的幅度其實可以很大，關鍵是能否自圓其說和有沒有說服力而已。"

12. 最近有一單新聞唔知大家有無留意, 以下就係果單野o既野, 好好笑
該單新聞
http://the-sun.on.cc/channels/news/20080807/20080807025943_0000.html
follow up新聞
http://www.appleactionews.com/site/art_main.cfm?&iss_id=20080808&sec_id=6996647&art_id=11449435&dis_type=ss&media_id=1
有人將"男人最痛"改左歌詞唱埋出來, 好得!
http://hk.youtube.com/watch?v=LrMsOVCNxfM

來緊:
12/8(二) – 同GraceSpenserHopes胡師父食飯。
14/8(四) – 同Gordon仲有唔知咩人話去唱K
仍然等呀源打來食飯
澤安K無消息
話劇同學gathering

完

赤壁

看了大導JohnWoo的作品“赤壁”。

看過很多影評及網上很多人的觀後感, 有不少都說有什麼什麼不好, 或者挑了很多骨頭出來; 然而我覺得很好看。

要拍大家已經很熟悉的題材其實是很困難的, 例如金庸武俠小說, 大家都是耳熟能詳的, 自然地會在腦海中有很多想像, 也會有很多自己主觀的期望。看戲, 就應該以戲論戲, 不應以自己的角度去談戲。電影是否拍得好, 有很多客觀的因素可以討論; 而電影“好不好看”就很主觀, 自己覺得不好看, 也不等於拍得差, 只是不適合自己看而已。

至於最無稽的, 是有很多人否定電影之中的劇情。實在是很戇居。
三國的劇情, 可能有很多人很熟悉, 但電影是一門藝術, 也是創作, 導演編劇有自己心目中對當時的浪漫及想像, 當然可以以意創造及刪減, 以前中學的時候讀書也讀過的吧? 而且跟本亦沒可能所有觀眾的期望; 這套只是以那個時代為藍本的電影, 並沒有人說要跟足原本的, 而且, 要看跟足的版本, 請看內地多年前所拍的電視劇。

最最白痴的事情, 是有人對著某些情節說: 歷史不是這樣的!
極度白痴, 根本上正史中的赤壁之戰只有聊聊幾句, 那些人所說的“歷史”只是小說“三國演義”所杜撰出來的, 而三國演義中大部份的劇情, 與正史有很大很大的出入。不再談這些了。

話說自己喜歡這套電影。故事當然與“三國演義”原著有很大出入。其中人物性格的刻劃及武將們打鬥的場面也很精彩; 而花了最大心機的八卦陣也拍得不俗, 不過自己覺得稍嫌時間長了一點呢。而雖然有不少的文戲, 但我也不覺得悶, 在緊湊的戰事之前有一點點綴更能映襯出大戰之前的氣氛呢。唯一覺得不足的地方是舌戰群儒的一場戲不夠精彩呢。

人物刻劃也予人深刻的印象; 除了數位武將在戰場上十分英勇的雄姿外, 2位軍師除了有智慧的一面外, 也表現了他們對朋友、對上司、對妻子等等的一面, 亦表現了有幽默感的一面呢。而跟原著很大不同的, 就是2位軍師並沒有不和, 而像是朋友一般呢, 很期待他們同心協力擦出火花! Cast也很強勁, 很多演員也是很知名的演員, 而且也演得恰到好處。(另一遺憾是曹軍一方只是曹操有戲, 其他人也沒有怎樣出場。)

戲中有一些武將以一人之力衝入敵陣殺敵及連殺十幾廿人的場面, 雖然有一點誇張, 但也是那一句: 只是一齣電影, 會有一點誇張及“男人的浪漫”是可以接受的, 那樣才“型”呢!

由於事隔多日才打這一篇文, 所以有眾多感覺及感想也流失了, 就此作罷。
不過很期待下集進入戲肉的水戰“赤壁之戰”呢。

完

八月四日 – 雜記

1. 呀馬生日快樂!

2. 民仔妹妹放榜, 成績唔差不過有少少未如理想, 不過都加油呀~

3. 28/7(一) – 收工同Catherine去左黃金問價, 同佢個friend買佢部NDS; 係三上食, 好耐無食過了。

4. 29/7(二) – 同WingSpenserCarolCatherine打羽毛球; 好耐無打過~ 打得好開心呢~~ 最開心係掌握到人地打高波過來打返過去o既距離同時間! 打完2個鐘, 可能而家少左運動加上同勁人打o既運動量大好多(俾人地打到走來走去), 之後勁累, 好耐無試過做完運動即刻覺得好累呢! 當晚去左好耐無去o既南山村品香樓食飯, 9點半後o既特價小菜幾抵, 不過有d幾細碟, 有d又幾搵笨呢~因為個身體太累, 訓覺訓得好差。

5. 30/7(三) – 收工返企。

6. 31/7(四) – 講左好~~耐要同民仔個妹唱一次K, 終於到約到係放榜之前唱一次。晚上同民, 黃二妹, S同Cass唱K。唱得都幾開心, 而且都有得唱超過交房時間, o岩o岩好想走12點前cut單返企。

7. 1/8(五) – 收工返企, 唔想係企食, 於是同媽2個人去左尚德食汶萊餐廳, d送仲多到第日可以帶飯。

8. 2/8(六) – 由於硬膠o既合約關係, resign後要返返長短周; 是日long week; 收工約左民SMandyCass係荃灣食飯。帶左佢地去飯廳, 大家都覺得唔錯呢~~ 當晚大家7點坐底食飯傾下偈傾到10點幾走, 傾得幾開心呢~ 而且傾左唔少有意義o既野; 希望大家都係認真而又有得著啦。

9. 3/8(日) – 係企睇左好耐無睇過o既日劇Long Vacation 頭2集; 不嬲日劇自己都唔算睇得好多, 雖然都有好幾套覺得唔錯, 但係呢套真係其中一套最鐘意睇o既, 當年返睇過幾次添; 今次再睇, 有某d野感受同以前都唔同; 不過無變o既, 仍然係好鐘意山口智子! 演得超好!! 果然係實力派演員! 係戲入面平時好似傻大姐咁, 但係係認真o既時候感染力超強! 當然不得不讚o既係編劇同導演啦, 好多場戲都處理得好好!! 晚上同Catherine食飯; 終於拿到部NDSL比呀哥玩返~ 我都終於正式叫係自己有部NDS啦~~

來緊:
10/8(日) – 早上可能會睇Batman, 之後去馬屋企, 慶祝生日(其實即係打機)
18/8(一) – 返新工的日子
20/8(三) – 同Wing等人打羽毛球
下星期會同Spalling胡師父食個飯(仲叫埋俠士Grace等人)
等呀源打來, 出來食個飯
等呀貓幾時得閒, 等MayChan打來出去食飯
澤安村K聯誼活動, 到我就來走都係未攪成
話劇同學gathering

完

穿窿襪

某友人跟我談起“穿窿襪”，她有很大的反感。
穿窿襪其實背後隱藏著許多意思。

有些人可能覺得問題不大, 其實不然。
雖然別人多數時間也不會見到其他人穿的襪子有沒有穿窿, 但並不代表穿了就沒問題。

一件小事情, 可以看得到一個人是怎樣的。
懂得心理的人, 或者見微知著的人, 可以從別人一些小動作/小習慣等等, 看得到很多那個人的性格行為或處事。有很多人們覺得沒什麼好留意或者價值得小事, 其實可以看到很多東西。

有太多的例子可以講; 例如一個人寫的字如何, 平常生活態度如何, 衣著如何等等, 都可以看到他是一個怎樣的人。就算在別人見不到, 聽不見的地方做的事也一樣。一個人在小處是怎樣, 就大部份時間或大部份事情都是怎樣的。別以為自己可以平時在不重要的時候怎樣, 到要緊關頭可以做得好些; 其實這是錯的, 平常是怎樣, 基本上可以斷定大部份時間是怎樣。平時字寫得難看, 很難狂考試時才寫得一手好字; 平時衣著不整潔或騎呢, 也顯示他是一個“lair fair”的人。
一個人平時不嚴謹就一定不是一個嚴謹的人(當然, 世上是真的有異類或與常人不同的人, 但實在佔很少數, 也不要期望自己是那一種人)。

說回“穿窿襪”。
每一個人, 要在社會上生存, 在某些方面總要有一定的質素。雖然我自己也不是一個十分跟隨世俗潮流的人, 但也需要明白有一些事情是不得不做的。我並不會打扮自己, 因此不會穿得很靚很型 (穿了也不見得會), 但也起碼儘量整潔, 簡簡單單T-Shirt牛仔褲, 頭髮不喜歡落Gel就剪短它, 做一個“普通人”。如果不喜歡去做, 或者不懂得什麼叫騎呢, 就應該多問問人, 或者避免去穿得與別人不同。就算不介意自己騎呢, 起碼也要整潔。雖然別人看不到, 但一個人穿“穿窿襪”實在是有夠“lair fair”, 一個學生時期的人這樣還可接受, 但一個已出來工作一段時間的人就不可以了。

人靠衣裝, 在現在的社會, 外表很重要, 很多人也會留意外表。當然, 我覺得一個人的內在美是更重要的, 但世上有很多人也是跟隨第一印象去看一個人, 因此外表儀容就變得重要。並不是要求你靚仔靚女或者穿得很漂亮很潮, 但起碼要整潔 – 整齊、清潔。就算不跟得上潮流, 起碼也不要老土、騎呢吧? 尤其要見客、與人溝通的時候, 真的會有很大的不便: 別人第一眼就覺得你不好, 你如何可以跟他們好好溝通? 尤其在工作上, 別人那有這麼多時間去慢慢了解你?

除了外表, 內在也同樣重要。一個人不是“善良”就代表“好”。如果什麼也不懂, 沒有內涵, 就算多善良也只是個空心老倌, 沒有人會欣賞的(何況, 世上跟本就沒有非常善良又不自私的人)。一個人除了做事要對得住天地良心及自己(基本的道義而已), 也要不斷地充實自己的思想, 提昇自己的境界, 不可仍然渾噩的留在讀書或剛剛畢業的思想。除了這些, 做人的生活態度等等也不可太“求其”, 太過lair fair, 太hea, 到了年紀再大時會怎樣? 父母不可能永遠地跟住自己, 也不可能要求自己以後的伴侶會可以承受自己的不是呢。(而且, 這樣也不容易獲得別人的歡心吧?)

其實每一個人也有一對“穿窿襪”。我的意思並不是大家真的實物上有一對如此的襪子, 而是大家總會在一些只有自己才知道或者別人不在時才會做得lair fair的地方, 但相信不會太多, 也不會讓人知道吧? 即使有, 請大家不要拿出來讓人笑話呢。

完

TVB

相信從少到大, 大家都會看很多電視節目。
由於財雄勢大, 資源及藝人眾多的關係, TVB一直在我們這一代的時間中站在領先的地位。因此也出現了“慣性收視”。

很明顯地, 由於慣性收視的關係, TVB很不長進。多年來, 大部份節目都沒有新意, 已有的節目或Show甚至愈做愈差; 固然現在的市場, 電視已經不像以前那麼dominant, 有很多媒體及不同的方法可以捧紅偶像, 或者賺很多錢; 但其實從很多年前開始, 我都不明白為何會那麼不長進? 在免費電視台的市場上, TVB的佔有率是那麼的大, 要手下的人去創新或試驗性質的去試新元素, 我相信並不是真的那麼大影響, 也不見得會蝕幾多錢, 如果成功的話, 更會有更好的節目出現, 但偏偏管理層就是那麼的保守, 相信實在使很多觀眾流失呢。

大部份的電視劇集故事的篇排也是千篇一律, 連演員的配答也是, 真的令人作嘔;大型連續劇, 其實也是另一種的千篇一律, 毫無驚喜; 間中出現的一些好看的劇集或者遊戲節目, 也有八九成其實是抄外國的(而且抄得很足, 又沒有別人的好看)。說真的, 不去研究有什麼新種類的節目也正常, 因為需要的技術較多; 但劇集的劇情應該可以是有很大分別的吧? 總之, 實在令人失望…

已經很多年沒有長期追看電視劇, 也沒有什麼看電視的癮了; 當然, 間中也會有節目會想看的, 但可能也只是很短期的事情。最記得自己近年最欣賞而又會追看的劇集(不談show及遊戲節目了), 就只有“Loving you I Love You”, 一個單元故事, 劇情及演員也很不錯, 會故意回家追看呢~ 另外就只有近期“同事三分親”會覺得不錯(也不是每集追看了)。

最令我覺得討厭的, 是TVB明抄亞視成功的東西。雖然在商業社會, 無犯罪又沒有做錯什麼, 但其實真的很cheap。從當年的“今日睇真d”到後來的“電視廣告頒獎典禮”及“香港先生”, 其實都是亞視的idea, 而且做得更好; 而TVB就來一蹶明抄, 跟住已慣性收視及資源去取勝, 真的覺得很cheap。

亞視雖然產量少, 但其實拍出來的電視劇集很多也很好看; 即使資源有限演員有限, 但也有很多真的很好, 如果在TVB播出, 一早成為經典了(例如縱橫四海)。很多節目也見創新及走不同路線, 雖然不一定很好不一定成功, 但也足見努力(當然, 作為弱勢的一方也一定要努力了…)

其實這個現象真的很不健康, 也只會令電視行業慢慢的走下坡; 希望TVB及亞視可以做到以前的良性競爭, 使觀眾可以看到更高質素的電視節目吧。

完

怎麼天生不是女人

真的有一點點這個感覺。
多次被人面前或背後指責我很不“識做”。
其實, 我真的很痛恨“男女平等”這樣東西。因為根本就沒有。

在生理方面, 男與女的確有差別; 男性比較強壯, 而女性在生理期時是十分不舒服又不方便的。除此之外, 究竟男性還有什麼優勢? (其實在生理上, 女性在曳曳時, 能享受高潮的時間遠比男性長(男性就只是那一下而已); 食色性也, 這其實也是一個比起男性強很多的優勢呢)

在現今社會, 男性的壓力仍然是比女性大很多; 很多人(尤其女性)聽到可能不會有很深刻的感受, 或者只是覺得“對呀, 是大一些的”而已。但大家試想想, 現在大家見到一個不長進的男性與一個不長進的女性, 心中分別會有什麼感覺? 一個家庭, 男性收入比女性多, 大家會覺得正常; 女性收入比男性多, 大家就會覺得男性沒用, 不是嗎? 基本上, 社會仍然是default要男性養起一頭家(最多也是兩夫婦一起打工, 沒可能是女性扛起這責任)。一個男人沒事業, 就一定被人看不起; 女人沒事業, 卻應該沒有什麼人會看不起呢。

拍拖時候, 有很多東西都是一種“風氣”要男性去做的。但這些風氣是不是真的有需要的呢? 是不是有效率的呢? 我絕對覺得這不關乎有沒有情趣的問題, 也不可以說“你愛她的話就應該做什麼什麼”或者“男人就應該做什麼什麼”, 完全是無稽之談。當然, 愛是會付出的, 不求回報的; 但說真的, 例如男性要送女性回家(還有很多不提了), 那麼多的“義務”要做, 再想一想, 男性做了那麼多“公式的義務”, 女性其實對男性又做過什麼呢? 大家都會愛對方, 對對方好, 甜言蜜語, 但男性要附加了很多大家公式地要做的“義務”, 女性實在是有著很多優惠, 太多的方便了。反過來, 女性付出了些什麼?

並不只是說有沒有效率或有沒有需要; 在香港繁榮的市區中, 又不是住郊區, 晚上十一時前真的會有那麼危險嗎? 明明自己回家只需二十至三十分鐘, 但男性要比你遲超過一小時才能回到家, 大家認為這真的很合理嗎? 為了在車上陪你坐著二三十分鐘, 男性其實遲了那二三十分鐘加另外一時小時的時間才回家, 我覺得實在太辛苦了…最無稽的是, 明明有時情況不許可, 或者約了家人或其他朋友/有其他事要做, 似乎也一定要履行這些義務…

不知道其他人的心態是如何, 可能大家被勞役慣了, 又可能大家的女朋友有很多其他好處, 但單方面的附出無謂的舉動我實在接受不到。如果愛一個人, 我寧願在很多有用的地方對她更好; 有多餘錢跟她吃一餐好的大餐, 有多餘時間休息得更好; 再長遠地看, 真的愛對方的話, 是應該為結婚而打算, 去努力地在事業上打好基礎, 而並不是渾噩地對對方做很多無聊的“好”, 然後當玩夠了玩厭了就去找另一個人再好過。

當然, 這世上存在著一些既有錢又有時間的人, 去玩爛這個市場的。

完

七月二十七日 -- 雜記

1. 21/7-23/7(一)-(三) -- 收工返企食飯。

2. 24/7(四) -- 本來諗住去SSP拿新o既電話卡, 不過後尾轉左叫佢送來比我, 唔使去; 晚上同C食飯。

3. 25/7(五) -- 病假一天; 很累, 差唔多訓足成日; 睇醫生後順便去買送, 晚上叫埋民仔上來同媽一齊食飯; 煲左煲湯, 點知下午太累訓著左, 煲燶左...晚上民仔上來食完飯, 仲睇左大結局, 打左陣機散。

4. 26/7(六) -- 在家hea足一天, 差唔多全日都係訓訓訓, 訓到個人好唔舒服, 但係又好累喎...晚上睇左有套叫咩"美國發明王", d人好低能, 都唔明點解會有d咁低能咁痴線o既人; 另外亦睇左少少廣告頒獎典禮, 唔好睇。

5. 27/7(日) -- 早上同C去左睇早場o既"赤壁", 好睇, 食完飯散; 下午又係訓訓訓...晚上睇獎門人。

6. 呢個星期幾乎日日都返企食飯呢。

7. 好想攪下K; 其實一路以來都想叫呀sir一齊, 不過始終有d同事唔係好慣同上司或者呀頭唱K, 所以無叫呢。

來緊:
29/7(二) -- 同WingSpenserCatherineCarol打羽毛球
31/7(四) -- 同黃二妹民等人唱K
應該呢個星期一日同呀源食飯
2/8(六) -- Long Week
要約話劇同學食下飯
要約返Lobo等人食飯

完

轉載: 從前情人好嗎

貽 情 盡 興 -- 王 貽 興

從 前 情 人 好 嗎

雖 然 分 手 一 年 多 ， 馮 德 倫 仍 非 常 有 心 地 以 短 訊 恭 賀 前 女 友 Karen 奪 得 今 屆 金 曲 獎 「 最 佳 國 語 專 輯 」 大 獎 ， 認 真 有 情 有 義 。

太 多 人 ， 不 敢 update 舊 愛 近 況 。

不 少 男 孩 像 我 ， 時 常 偷 偷 哼 唱 古 巨 基 的 《 從 前 情 人 好 嗎 》 ， 不 一 定 是 可 笑 的 唐 璜 心 態 ， 只 是基 於 兒 時 聽 母 親 講 故 事 ， 閤 上 硬 皮 童 話 書 後 ， 被 逼 關 燈 睡 覺 ， 不 准 追 問 下 去 的 不 甘 心 罷 了 。

無 緣 成 為 最 愛 卻 又 很 牽 掛 。

後 來

不 是 每 個 愛 過 的 人 ， 分 開 後 ， 都 那 麼 縈 念 ， 想 知 她 究 竟 活 得 好 不 好 。

令 男 人 長 久 縈 念 的 方 法 ， 就 是 讓 他 對 你 愧 疚 。 到 現 在 ， 我 仍 然 害 怕 聽 到 任 何 關 於 她 的 事 。 每次 看 到 她 的 msn 登 入 ， 就 會 教 我 的 心 ， 有 一 秒 離 開 了 胸 膛 。

患 有 失 眠 症 的 我 ， 那 幾 年 ， 就 是 在 她 輕 柔 的 指 尖 與 懷 抱 裡 進 睡 。 她 陪 我 熬 過 漫 長 的 等 待 過 程 ，她 是 我 小 說 裡 的 女 主 角 ， 我 第 一 本 小 說 出 版 ， 第 一 次 得 獎 ， 她 都 在 。 彼 時 太 年 輕 ， 我 以 為 ， 後 來 一 切 一 切 ， 都 有 她 在 。

一 直 以 為 兩 人 共 過 患 難 ， 愛 情 就 會 堅 實 長 久 。 然 而 現 實 是 ， 患 難 過 後 ， 漫 長 的 平 淡 無 以 為 繼， 愛 情 ， 就 枯 萎 了 。

她 喜 歡 刮 風 ， 當 八 號 風 球 把 窗 外 吹 得 呼 呼 作 響 ， 她 會 興 奮 地 抓 住 我 的 臂 怪 叫 ， 兔 牙 咬 得 我 臂 膀 滿 是 牙 印 。 我 們 的 愛 情 ， 就 在 幾 年 前 某 個 刮 八 號 風 球 的 晚 上 開 始 。

分 手 後 某 晚 ， 悶 熱 無 風 。 我 和 她 聚 舊 ， 結 果 去 了 唱 K 。 結 帳 前 ， 她 站 起 來 ， 唱 了 一 首 劉 若 英的 《 後 來 》 給 我 聽 。 黑 暗 裡 她 嗓 音 抖 顫 ， 竭 力 裝 作 鎮 定 ， 卻 在 侍 應 進 來 收 拾 時 偷 偷 哭 了 。 好 不容 易 ， 我 才 止 住 了 上 前 把 她 緊 緊 擁 抱 的 衝 動 。

後 來 ， 我 總 算 學 會 了 如 何 去 愛 。

這 是 我 早 已 預 料 到 的 事 。

有 些 人 ， 一 旦 愛 過 ， 就 不 再 。 後 來 ， 別 說 是 這 首 歌 ， 我 只 消 聽 到 任 何 人 說 出 後 來 兩 個 字 ， 已 經 雙 眼 通 紅 。 這 是 她 後 來 不 會 知 道 的 事 。

我 不 是 偉 人

每 次 陰 差 陽 錯 知 道 ， 這 些 年 來 已 經 有 人 讓 她 不 寂 寞 ， 甚 至 讓 她 有 點 點 幸 福 的 發 胖 ， 我 就 會 安慰 自 己 ， 當 日 的 決 定 ， 是 對 的 。

我 們 的 愛 情 歷 險 裡， 總 有 一 個 人 ， 會 在 事 後 教 曉 你 ， 原 來 有 種 愛 ， 真 的 不 是 佔 有 。

明 知 我 不 可 能 是 你 下 半 生 那 個 人 ， 即 使 現 在 很 好 ， 然 而 路 漫 漫 ， 走 遠 了 ， 步 伐 的 差 距 就 會 漸漸 明 顯 。 較 早 發 現 那 一 個 ， 還 是 有 責 任 要 為 對 方 的 將 來 考 慮 。 而 委 婉 ， 卻 無 法 言 明 。

女 人 的 青 春 就 只 有 那 幾 年 ， 讓 她 一 直 跟 你 ， 卻 在 她 的 青 春 開 始 凋 零 ， 才 跟 她 說 句 對 不 起 ， 自 私 至 此 ， 我 怕 我 會 看 自 己 不 起 。 我 不 是 偉 人 ， 只 是 不 想 對 你 自 私 。

早 班 火 車

分 手 至 今 已 經 好 幾 年 。 每 次 她 跟 男 友 外 遊 ， 都 會 託 人 捎 手 信 給 我 媽 媽 ； 每 次 我 旅 行 寫 下 的 明信 片 ， 即 使 貼 上 了 郵 票 ， 還 是 沒 有 寄 出 。

猶 記 得 我 倆 第 一 次 坐 長 途 火 車 ， 從 巴 黎 到 尼 斯 ， 陽 光 很 好 ， 她 說 還 有 很 久 很 久 才 到 站 吧 ， 就 枕 在 我 肩 上 ， 甜 甜 睡 去 。

漫 長 的 旅 途 我 一 直 沒 睡 。 我 把 耳 機 塞 到 她 耳 ， 靜 靜 守 護 ， 生 怕 誰 走 過 吵 醒 她 。

天 黑 了 又 亮 ， 我 把 書 覆 在 她 額 上 ， 就 是 怕 陽 光 刺 到 她 的 眼 。

然 而 最 後 ， 喚 醒 睡 得 如 此 安 寧 無 辜 的 她 ， 卻 是 我 。 親 口 說 出 「 到 站 了 」 三 個 字 ， 原 來 ， 需 要 很 大 的 勇 氣 。 當 時 不 明 所 以 的 哀 傷 ， 現 在 ， 我 終 於 了 悟 。

七月二十一日 -- 倒數

1. 14/7(一) – 收工返返企, 頂唔住, 終於鏟晒d頭髮, 好爽。發覺自己近年一年都總會鏟一次。:P

2. 15/7(二) – 同Carol同佢坪石o既同事收工後打籃球。唔知點解好唔慣個場同波, 加上都打得唔好, 所以打得好差。Carol的同事都好勁, 就算我打得好都完全唔夠佢地打呢~~ 9點島打完, 話去觀塘食野, 去到之後無啦啦話要係APM睇野…睇左一段時間先再行去食飯(譚仔)…食完飯10點幾散。

3. 16/7(三) – 收工同Spenser, Grace, 凱琪, 呀怡去荃灣食米線。好耐無食同好耐無見呀恰, 好好味呢~~ 好似貴左2蚊島~ 食完好早就返企。

4. 17/7(四) – 收工拿2個鐘timeoff去URA簽contract, 終於都塵埃落定。之後去MK同Spenser請俠士食飯, 多謝佢比心水我地贏馬, 去左食一間好似幾出名食翅o既地方, 埋單我同Spenser每人$400, 好貴 @@, 不過d錢都係贏返來o既, 無所謂啦; 都幾好食呢~ 當日簽左約又係MK順手完成左好多交咩費咩費o既mission, 好輕鬆。

5. 18/7(五) – 連續幾日訓唔好又累, 收工無去同Carol佢地打波; 約左2個死黨來我企食我煮o既飯; 家昇外地工作返HK, 屋企無人, 於是來埋一齊食。4個人食完飯吹下水仲玩大富翁, 當晚黠幾鐘先散, 好眼訓呢。

6. 19/7(六) – 早上返MEP幫手, 印象中好似都未去過(唔太記得了), 一早到大窩口, 招呼完d人之後都幾早完; 同Spenser同少蔚行去荃灣食飯, 食完飯返企訓覺, 好累好眼訓呢。雖然不嬲唔鐘意睇選美節目, 但係晚上無咩做, 開電視都睇左d, 今年港姐好似靚過上年呢。

7. 20/7(日) – 早上估唔到無落雨打到波, 不過好熱好曬好焗, 三樣野加埋真係想死! 打左好短時間已經無咩動力去郁; 都打到12點半島, 成身紅晒仲有d頭赤添~ 打完食完飯民仔上我企打機。下午膊頭開始痕。好彩無痛姐。

8.最近o既音樂劇“蔓珠莎華”同“喝采”都好吸引, 不過二擇一都係會選擇“蔓珠莎華”呢, 始終鐘意梅姐多過Danny同Leslie; 係度想問下各位, 有無人有興趣一齊睇? 係就要買飛啦!

9. 一條好o岩某d人睇o既link: 免費網上睇某d雜誌o既網上版, 對於係公司無咩做又上得網o既人好o岩呢。
http://www.hk-fd.net/mag/

來緊:
29/7(二) – 同呀Wing等人打羽毛球。要約話劇同學食下飯
要約呀源食飯, 極耐無見。約黃二妹唱K

完

七月十四日 -- 終結, 是另一個開始

1. 7/7(一) – 收工返企; 由於平時煮開飯o既老豆返大陸, 於是由早d返到企o既我煮野同呀媽2個人食; 煮左番茄肉醬意, 呀媽都覺得OK~ :)

2. 8/7(二) – ConnieCarolMartin本來約左朋友, 點知果邊突然放飛機, 於是臨時搵我食Carol的生日飯; 收工後去Spenser推介o既KT廣場晶苑; d野食麻麻地…唔係十分精彩, 價錢普通唔算貴。食完由於仲早o既關係上左我企傾偈, 仲買生日蛋糕添~

3. 9/7(三) – 收工本來約左GraceYukiMary等人食飯, 由於唔太舒服o既關係, 返左企。煮左炒雞同菜同呀媽食。

4. 10/7(四) – 收工再返企煮野食, 由於呀哥都返, 煮左肉餅, 豬扒同腐乳炒通菜。

5. 11/7(五) – 本來約左SamEstherJoelle民馬S等人慶祝唔太熟o既Penny生日, 但係呀Sam當日話唔舒服臨時cancel; 臨時決定同民馬3個人去馬屋企house warming, 夜晚仲係食愛群添~ 雖然簡單但係大家都幾開心呢。當日收工收到呀Mak電話, 原定星期六晚去佢朋友燒野食/打邊爐+玩貓貓o既活動取消。

6. 12/7(六) – 本來全日無野攪, 馬又唔得閒, 不過佢突然得, 於是同民仔上左佢企, 玩左全日~ 連續2日上馬企都係打Slam好開心~

7. 13/7(日) – 下午同C去左葵芳行, 無收獲; 晚上去左加拿大餐廳, d料好似縮左d皮(無加價), 不過仍然好食, 而且好大份好飽。返得切企睇獎門人。

8. 睇左好幾集獎門人, 發覺逢親請親d行性感或者廣東話唔好o既女星, 都成日恰佢地。感覺上都幾惡意同幾睇低佢地, 其實我本身反而唔討厭佢地, 其實佢地都放棄左好多野同埋好努力去做o既, 講真, 佢地其實好多都好有料, 識得好多野, 好過好多HK捧出來o既明星啦...果d真係咩都唔識o既白痴來o既...

9. o岩o岩出左篇野, 估唔到就來料; 無啦啦進入倒數期了…裇衫西褲…唔…

10. 近排又又聽返舊歌, 其中又聽返好多陳慧嫻o既, 有好多以前都講過, 呢首少講d o既, 都幾正呢。

陳慧嫻 - 七分愛情三分騙
-----------------------------------

曾也相信 坦率方可有愛戀
純潔的愛情 永不會忍受欺騙
怎麼終於到今天 還要共你熱戀
寧願躲開真相莫說穿

* 知多一點 心也多千百轉
我與你的愛 更混亂
願將我隱瞞
和她的種種不再願聽
而聽到種種不要遇見 *

誰也知道 彼此都有缺點
原來世間愛情 三分總是欺騙
如果真心可有七分 愛著你就算冒險
仍然願意准許你來瞞騙

Repeat *

七分 是你愛情
三分 你欺騙
Oh 不要是騙我七分
留下這三分給我哭
Woo... No No No

知多一點 心裡祇得更酸
我與你的愛 怎麼算
願給你隱瞞
和她的種種不再願聽
而聽到種種不要遇見

來緊:
16/7(三) – 約左呀怡Grace凱琪Spenser去荃灣食米線。
29/7(二) – 同呀Wing等人打羽毛球。
要約呀源食飯, 極耐無見。
約黃二妹唱K

完

恤衫和呔

慶幸自己上班從來不需要這兩樣東西。

很多朋友都從事商業性質的工作, 即使不是, 也大部份在私人機構工作, 大都要求“formal dressing”(當然不要計現在的同事及一起讀建築行業的同學啦), 上班穿恤衫打呔是必然的事; 我非常怕熱, 要我在夏天穿著一件打底背心加一件恤衫, 再打上領帶, 實在比要了我的命更痛苦 (如果要見客的, 還要穿上西裝褸就真的比死更痛苦)。

由於這原因, 除了去見工之外, 與這兩樣東西很少接觸, 也沒什麼大的認識, 更不懂如何去襯什麼恤衫什麼呔什麼呔夾的。自己做的工作大都是前綫一點的工作人員, 而且經常與地盤、工程什麼的有關係, 不太需要它們。

當初中學畢業, 選擇入讀什麼科目, 少不更事, 仍然是什麼都不懂。朦查查, 別人說什麼就什麼, 迷迷糊糊的就選擇了建築行業。做學生的期間, 香港的經濟一落千丈, 建築行業尤其跌得厲害, 一蹶不振, 成為了其中一個衰落得最大的行業, 而且也永遠沒可能回復到以前的蓬勃。不過時勢命運是不能控制的, 從來也沒有去想過或者怨過自己有沒有選擇錯誤, 回想當天什麼都不懂時, 真的是什麼都不知道, 再選也仍然可能是選擇這個行業呢。

做人應該向前望, 也應該向好的一面看; 說真的, 這個行業其實也蠻適合我。
自己對於數字及不敏感, 因此計算及理科的都不用去想; 建築行業也有很多種類, 自己當然不適合做要計算的工作啦, 但有關與要溝通或者工程的工作, 就覺得自己可以勝任。

很慶幸自己可以做到 “建築行業”+“與人溝通”+“不用formal dressing”的工作 – 物業管理。畢業後出來社會第一份工作就是做物業管理, 即使之後轉轉折折做了好幾份不同工作, 也大都與其他人接觸有關(處理投訴, 入屋檢查…等等)。另一方面, 自己比較怕悶, 暫時做過的幾份工幾乎全部都需要往戶外工作, 對於不喜歡長期坐在辦公室的我來說, 實在是“fit到漏”。因此, 單以工作性質來說(即是不計前途工資環境同事等等), 其實是很喜歡現在這份工作呢。

完

p.s. 仍然是朋友給我的topic
再p.s. 其實想玩野, 寫恤衫與車呔, 嘿嘿。抑或寫恤衫與肚腩o既士啤呔好d呢? (都是“恤衫”與“呔”, 嘿嘿)

再完

藍精靈

不止一次, 跟好友談過“政治制度”。
自己並不是這方面的專家, 而且各個制度的特性, 相信有興趣的人也知道, 不知道的人也很容易就找到資料, 因此在這裡就不多談各種不同政制的運作及利敝了。

跟我談過的好友們也知道, 在世上存在的政制之中, 最終極時我是會選擇“有能力的獨裁者”。當然並不喜歡希特勒, 而是比較欣賞李光耀那種領導者。(當然也不太喜歡他控制國民的程度)。

即使各有利敝, 但也很不喜歡民主政制。現行的所謂民主政制, 就算是標榜自由的美國, 都是假的。根本上政治就是一班“玩開的人”自己玩的遊戲, 九成半以上的普通人其實完全沒有決定的能力, 真正“話事”的人其實很少。

就算有真正的“民主及選舉制度”, 也不一定是好。投票決定, 其實只是強逼一部份人(可能有49%的人)去接受另一部份人(51%人)的想法, 那樣會是開心的嗎? 大家只是基於制度問題, 強行去接受罷了。而且, 其實當中“搵笨”的地方也很大: 提出“政策”的只是一小部份人想出來的東西, 只是那一小部份人是被一大部份人選出來的, 真正去“想”及能夠“玩”的人, 其實也只是那小部份的人。簡單來說, 其實只是一小部份人set了一個框框出來, 讓大部份人覺得好像有自主權而已。

再就算, 真的有自主權, 那又會好嗎? 不。其實大部份普通人都沒有能力思考。不是指他們是低能, 是指大部份人對國際、經濟、政治各方面沒有一個透徹了解; 不了解、不明白, 很難可以做出好的決定, 大家只是以自己為中心來想事情罷了。(當然, 現在大部份在做政治的人, 也是以自己的利益為主) 大家試想想, 如果現在中國大陸突然變了全民投票, 會變成怎樣? 有那麼大比率的文盲, 他們真的有能力去想嗎? 說真的, 就算是其他國家, 普遍受教育程度較高, 情況也是一樣罷了, 還不是小數人去統籌全個國家的事務?

基於種種原因, 我比較喜歡有能力的獨裁者。無可厚非, 獨裁者統治也會有很多不好的地方。所有當權者(不論是獨裁或者民主政制的當權單位)都一定是有私心的, 他們都一定會先以自己的利益為著想去做事情; 如果是有能力的人, 他們可以做到“雙贏”的效果, 就總好過一班人互相爭拗無了期地執政黨與反對黨鬥爭。執行政策時也可以有效率許多。

當然, 有權力有私慾就會腐化, 有多少獨裁者能夠滿足自己的慾望又能使平民百姓安居樂業? 就算安居樂業, 人總是貪心的, 他們又會愈來愈要求多。因此也會有像李光耀那樣的人, 能帶起整個國家的經濟, 給大家安居樂業, 但又會有一定程度控制著思想。(人真的是很複雜的生物, 真的很難控制, 而且又貪心, 得一想二, 像歐洲某些國家, 政治經濟都很好, 人民生活安定, 不愁吃喝, 但其實自殺率卻很高, 因為他們好像很平淡, 沒有競爭, 沒有目標。)

其實這個世上很難會有有能力私心又不太大的領導者, 就算有, 也很難服眾(有多少個李光耀, 又有多少個國家能夠讓這樣的人由超貧窮帶領到富裕?) 因此, 一般也會寧願選擇所謂的民主政制。

就算是現在中國大陸, 其實也很不錯, 只不過人太多地又太大, 控制不到地方官員貪污罷了...其實在經濟及人民生活方面(不要計內陸的貧窮地區), 還不是跟我們差不多, 他們真的失去很多自由嗎? 始終漸漸對外開放, 人們的思想也會慢慢的變得開通, 其實現在很多的內地人已經不是像以前一樣, 比起香港, 其實香港人的思想卻像愈來愈封閉, 有些人為左而左, 為右而右; 有關暴力、性的訊息明明很多人講又樂此不疲, 卻又像禁忌般連一點點也不被允許, 連正常的教育也被視為“不雅”…等等, 愈談愈遠了, 停。

退而求其次, 像古代傳說中, 精靈等等種族的長老制也不錯(或者像某些漫畫中的村落一樣)。幾個長老(由於互相制衡, 又或者真的是有識之士, 為了整個組織著想, 因此不會有私心)選一個頭領出來(而長老會有權力廢了頭領, 因此該頭領也難有私心), 很多時這樣也可以做到“服眾”而有“效率”。始終, 中央集權易於控制及執行政策; 只要集合一些有知識又跟得上時代之士, 去統籌及管理, 或者去選擇一個有能力的人去領導, 真會有效率得多呢。(當然也只是理想中的假設罷了。) 簡單來說, 發夢完畢。

(順帶一提, 題目“藍精靈”是某朋友給我的題目, 我想到他們的生活, 從而想到他們的長老, 再想到寫這些內容的, 雖然到最後不太關事, 但也沿用這題目。)

完

轉載: 港姐的「親善」與「友誼」

港姐的「親善」與「友誼」
明報 : 2008-07-07 (星期一) 5:07 AM

【明報專訊】香港小姐曾經以「親善」、「友誼」作口號，但近年傳媒對港姐選舉的盛事，焦點已轉移。

若然外國人還用「親善」、「友誼」這角度來看本地傳媒對港姐的報道，肯定會暈低。他們看到最多的，是描述佳麗身形——主要是胸部大小的報道，圖文並茂。

比較各佳麗胸部之餘，還會比較同一佳麗在不同日子胸部的大小，明顯地忽略了衣著可以影響視覺的常識，夾硬指某幾位佳麗的胸部時大時細。

胸部以外，是其他外表的挑剔，包括屁股大和身上一些部位出現橙皮紋這些問題。

此外，最報道得多是佳麗的個人負面背景，或明爭暗鬥。

必然有個別佳麗被捧成熱門或反派，讓她變成眾矢之的。每年都有人說是內定冠軍，不知是幫忙或是整蠱。

以往績看，被指是內定的，幾乎都與冠軍無緣。那些事前言之鑿鑿的傳媒，事後像失憶一樣，當沒說過。

被指內定，多是因為佳麗的背景，如與電視台某高層一早認識，或有親戚及朋友關係等。

傳媒這樣報道，也勝過不報道，電視台不止不作澄清，更刻意配合，特別在表達佳麗身材方面。

以前不到準決賽前，是不會輕易讓人看到佳麗的泳衣照片，近幾年幾乎次次讓佳麗出來公開露面，都是泳裝。

這也難怪，如不是賣身材，也不知有什麼好賣。

「親善」、「友誼」這類口號，看來可以拋諸腦後。

郭繾澂

七月六日 -- 雜記

1. 27/6(五) – 同Cass民MandyS唱K, 慶祝Cass生日; 由於各種原因, 無叫呀Sam; 當晚2點幾走。

2. 28/6(六) – Short Week; 係企訓一日。

3. 29/6(日) – 係企訓到中午, 出NTK交收, 順手自己去左KT食車仔麵; 晚上同C食飯。

4. 30/6(一) – 約左好耐無見的Mango出來; 第一次見佢個佬, 佢叫埋呀細仲有呀細d朋友7個人唱K, 預料之中無得點唱; 10點完之後散, 無join民仔的下場。

5. 1/7(二) – 七一公眾假期; 下午係UNIQLO睇中左但係又買唔到衫, 之後返企; 見到好耐無見的2個表弟; 另, 晚上TVB劇集黎諾懿的表現實在太…攪笑了 =.=

6. 2/7(三) – 同民SamEstherS同Estehr個朋友Rachel食飯; 去左MK間潮樓; d野好難食…比起幾年前去TST果間時差好多…價錢又唔係平…當晚幾攪笑, 但總算作戰成功。9點幾散, 同民搭MTR再係MTR傾到11點幾先返企。

7. 3/7(四) – 收工返企。當晚係今個馬季最後一個賽馬日, 幾個同事問俠士拿心水, 結果我買左幾廿蚊俠士幫我填o既飛。

8. 4/7(五) – 收工同哥馬同佢2個朋友唱K; 介紹下認識o既新朋友都ok呢~

9. 5/7(六) – Long Week; 收工去左沙田UNIQLO終於買到衫, 同C食埋飯返。

10. 6/7(日) – 民o既朋友居然book到籃球場, 打11.00-13.00; 唔係好慣打全場+打唔慣o既位置, 打得麻麻地呢; 之後食飯去左細個見到已經想試下去o既金牛快餐店, 係灣仔見到佢好耐, 一直都無試過, 真係好傳統o既舊式快餐店呢; 食完由於落雨o既關係, 上左我企打機。

11. 由今個星期開始5-day work了; 要返早d放遲d…

12. 係網上見到有人貼左圖, 原來係TVB劇集“同事三分親”入面做“呀一”o既演員布偉傑係拍過四仔o既, 雖然d圖遮左重要部位, 但係佢個肉緊表情都好好笑。

13. Soma Bringer 全難度爆機, 好好玩。要挑戰下第二d職業呢。

14. 執白田村o既final report實在係一件好煩o既事; 執執下無啦啦話可能會改format叫人停工係一件更煩o既事; a waste of time!

15. 老爸星期一開始返大陸, 幾個星期不在HK。

來緊:
9/7(三) – 晚上同SpenserYukiGraceJoyceMary食飯?
11/7(五) – 同Sam民等人食飯, 同Penny慶生。
29/7(二) – 呀Wing book到場; 7-9pm係SKM打羽毛球。

等人約的:
1. Carol生日飯
2. 黃小妹放榜前K
3. 呀恰Grace等人荃灣米線
4. 呀蘇約Irene萍萍等人飯
5. 貓MayChanK
6. Mak等人BBQ+貓貓

完

等待雨, 是傘一生的宿命

好像是很詩意的一句句子, 但其實我本來的題目是:
“等待屎, 是屎塔一生的宿命”

現實就是現實, 每一個人對自己, 對別人都一定會有要求。
當然, 有些人自己的質素高, 對工作、對伴侶、對生活等等的要求就會較高;也有一些人會相對地要求低, 但一般來說, 也很少會有較低的要求, 反而有很多人會要求比自己“應得的”較多呢。把要求定得太高, 通常也不會得償所願, 不過也是“抵死”的。

人應該對自己的質素有清楚的了解, 力不到, 不從心, 就不要勉強自己。當然, 人應該很積極及正面地去努力, 達成一個更好的目標, 但也應該量力而為, 不要有過高的期望。

世界是不公平的, 人生出來會有優點有缺點, 但總有人過得幸福, 有人很不快樂。當然, 不一定客觀因素“好”的就快樂, 有錢人真的可以不開心, 窮人也可以很開心, 但這和公不公平沒有關係, 只不過是大家在這不公平的世界之中, 安慰自己的說法; 人無論如何, 生存在世上, 不管怎樣, 也只能無奈地接受一切客觀的現實, 然後主觀地去感受生活, 去使自己快樂而已。

因此, 傘, 就有傘的功能; 屎塔, 也有屎塔的功能; 但他們有不同的功能也好, 也不能期望有對方的功能, 也不能對打落在自己身上的東西有所期望, 如果有超越之外的期望, 就只會不快樂了。

不過, 可幸的是, 傘不只可以等待雨, 也可以等待陽光;
同樣, 屎塔也不必只等待屎, 也可以等待尿的。

完

論斷

每個人每個情況都是不同的, 但人就是喜歡用一般的標準, 或者自己的標準去衡量人, 去論斷人。

人都是盲目的, 當身邊附近的人都認為一件事是對的時候, 九成的人都不懂自己去思考, 就覺得那件事是對的。這就是“三人成虎”。

每個人都有優點缺點, 不過人總喜歡見到別人不好的地方, 又看不到自己不好的地方; 因此, 要接受別人的批評, 不要聽到別人說自己不對的時候就先不高興; 不論對方對不對, 別人那樣說都一定有理由(有理由不代表有道理), 可能自己是對的, 別人誤會了; 又可能有其他原因; 因此, 聽完之後要想要分析, 看看是否有問題, 再想想自己的處境和性格, 究竟自己有無錯。

很多人都喜歡在背後“說”人, 而且還要是以上;那種, 以自己的目光來論斷人, 那麼, 當事人知道了可以怎做?

有些人, 會向好一方面看, 也喜歡對人說比較好的一面; 就算是談不好的, 也會比較積極及正面; 萬一牽涉別人不好的地方, 也不會亂說; 可是, 並不是每個人都是這樣的。別人不是這樣, 通常那些人就是處於挨打的狀態, 因為反擊及辯駁都是不好的, 他們不想那樣做。因此, 在小說, 電視劇裡, 主角們要充正義時, 都會遇著很多阻礙, 通常因為很多“不做”的事情而礙手礙腳, 反而對方卻能不擇手段, 達到目的。在結局中, 邪不能勝正; 在現實中, 如果雙方實力相當的話, 九成都會是不擇手段的一方勝吧?

每件事或每個人, 去“看”的時候, 真的可以看到是怎樣也行; 以前都經常談過, 當你覺得一個人好的時候, 他做什麼也覺得是對的、好的; 相反亦然; 這種想法雖然很嘔心, 但卻存在於世界上, 也經常地發生。就算你多努力, 或對別人多好, 只要別人不認同你的“人”, 就會連你做的“事”也不認同; 也就是“對人不對事”。

找伴侶的條件, 不外乎外貌, 性格, 才華, 家底; 並不是說有那一樣特別重要, 但當你每一樣也不是好的時候, 就真的值得別人說你一句“抵你找不到男/女友”。

完

六月二十七日 -- 雜記

1. 好耐無打野, brief記錄啦。

2. 17/6(二) – 收工無野攪, Spenser又無野做, 於是同佢同Catherine上我企打機, 我自己返企食飯先再打。

3. 18/6(三) – 唔記得左。

4. 19/6(四) – 同LoboCarmen等人o既gathering又再cancel; 臨時決定同Catherine去請左病假o既Spenser屋企打機。

5. 20/6(五) – 同民Joelle呀儀係九龍城食黃珍珍; d野食都OK, 好早食完, 今次佢地又有propose去唱K, 不過唔啦當然; 行左陣九龍城廣場, 之後去左合成食糖水後散。

6. 21/6(六) – Long week; SO個試無通知; 收工本來約左八婆係SSP食飯, 但係因為佢唔方便o既關係, 臨時叫我上佢企食; 無其他人, 得我一個外人, 同佢同佢老公食飯, 好奇怪! 超尷尬! 去到又唔係直接食飯, 本來諗住去佢屋企附近食完, 就廢事上佢企打擾人, 點知佢話食唔落, 叫我上去先; 同佢老公打左陣winning, 之後食飯, 仲睇埋大半師奶股神先走。

7. 22/6(日) – 難得好天氣, 但係都放棄左去打波, 好累好眼訓; 訓左成日, 晚上同Catherine食飯。

8. 23/6(一) – 收工返企, 睇下電視, 自己剪左髮。

9. 24/6(二) – 收工返企。

10. 25/6(三) – 由之前一晚到呢日早上估唔到掛左好耐八號風球, 早上可以訓晏d, 返半日; 晚上同Cass食飯; 第一次同佢食飯呢; 之前唔係好熟, 不過好高興識多一個o岩傾o既朋友呢。食飯傾左好多野, 由當晚開始, 心情直落一年前一樣o既谷底。

11. 26/6(四) – 成個月前book定, 好耐無攪過咁大o既gathering; 收工連我18個人去東浦食buffet, 叫埋晒之前走左o既呀Wing Grace Catherine同埋華富石夾尾同KWH o既某d同事, 好熱鬧; 仲有人帶埋另一半出席呢; d野食都係同上次差唔多, 食得好飽; 第一次Mario Kart儲夠8個人開戰!! 好開心呢~~ 好耐無打過, 雖然打得唔長時間。Xavie(唔知有無串錯)好勁呢, 就算我個手製無壞, 又選返最順手o既車, 都覺得唔一定贏到佢。

12. 27/6(五) –本來心情已經唔好, 今日公司又發生d麻煩事, 師父又係度攪事...真係好鬼煩...想唔想做一份工, 工作性質/環境/人工/前途/同事/老細都係考慮因素, 之前只係工作環境同前途唔得, 而家同事又無之前咁好, 環境(講緊個氣氛, 同辦事處o既關係等等...)仲差左, 真係愈來愈唔想做。工作性質就一向都ok鐘意做呢類o既, 人工同老細都好, 但係真係無得長遠, 而且最夾最好o既同事幾乎走晒, 新來o既又麻麻地...真係無咩心機。

完

接受與忍受

在這裡想談一談“接受”與“忍受”的不同。
並不是想談字面意思, 而是想談談人與人之間關係的其中一樣重要的“事情”。

之前在讀書報告曾經談過張無忌。
當時對他其中一樣評價是:“他的胸襟廣闊, 氣量極廣, 面對大是大非也決不含糊, 能忍下心頭一切氣憤; 這樣的人, 雖然不是一個能治世或一統江湖的大器, 卻能成為每一個人身邊的朋友。”

張無忌無論遇著什麼困難, 或者見到什麼壞人, 對他做了不好的事也好, 他也能坦然面對, 他能夠接受到別人做的事情。接受和忍受有什麼不同呢? 像他那般, 胸襟廣闊, 在他身上發生了不好的事情, 他能淡然處之, 就是“接受”, 一個人心中很快的便忘記了不好的事, 不好的情緒, 或者根本覺得那些事“沒有大不了”, 那樣才是“接受”; 也有人很會替別人想“excuse”, 或者明白對方的心理或處境, 因此原諒對方, 這些都是“接受”。

相反, 有很多人說自己“接受”, 其實並不是真的“接受”, 而是“忍受”而已。他們只是將心中的怨氣積聚, 他其實覺得很不高興的, 根本就覺得有問題的, 這些只是叫“忍受”而已。

“接受”與“忍受”有很大的不同。一段關係(不論是親情愛情友情同事街上的人或什麼也好), 如果不停的只是“忍受”, 是非常糟糕的。
常常聽見人說, 要維持好兩人的關係, 一定要學習“接受”對方不好的東西, 很多人就誤解了, 把這個“接受”當作了“忍受”來做, 他們只是啞忍, 把心中的不滿抑壓, 以為就可以解決到事情, 其實這樣更糟糕透頂, 因為不論多麼好的關係, 抑制久了, 積壓多了, 也是會“爆”的, 爆了, 就什麼都沒有了。

有問題有不滿, 其實應該說出來(當然要看看熟稔的程度, 如果是親人, 愛人或好友, 我真的覺得沒有什麼不好說的!), 說出來, 才有機會解決到問題, 即使不能解決, 起碼也能明白對方。如果該問題是能解決的, 那就最好; 不能解決的, 最好就是嘗試去“明白”及“接受”; 真的不能接受, 那起碼大家可以真的“因了解而和平分手”。無論如何都是較好的結局。

“忍受”談夠了, 那如何“接受”呢? 這個真的是很個人性格及經歷所能培養出來的能力。如果你夠細心, 或者夠聰明, 去了解別人的性格, 或者了解別人的背境、事情真相、苦衷…等等, 你一定很容易就明白對方, 當你明白對方, 就很容易接受他為何會這樣做, 為何事態會這樣發展。當人能夠經常設身處地去替別人想, 那很多事情其實也就容易辦了, 世界也就和平多了。最怕是有些人“設身處地”, 但以自己的思考模式, 也是一點也不通的; 真正的“設身處地”, 是要明白對方的性格行為, 在他所遭遇的事情上想, 才能成立的。

當然, 盲目的胸襟廣闊替人著想明白苦衷也是不好的。
有很多變態殺人狂魔, 很多時都是因為小時候的經歷而起的, 他們變成那樣是有原因, 但也不表示可以原諒他們; 因此, 即使懷有廣闊的胸襟, 體貼他人的心, 也有不可以超越的底線, 在大是大非的事情之上更加不可有所偏離。

過份的“接受”, 只會寵壞別人, 使別人愈來愈敢欺負你。因此, 最好的始終是堅持自己的底線(不是大是大非, 也可以是自己的喜惡), 去體諒別人吧。

完

六月十六日 -- 雜記

1. 11/6(三) – Lunchtime Spenser本來話去跑步, 我就去練波, 點知佢唔去, 話天日, 由於自己好想練, 於是自己去練左陣波; 收工好似返企。

2. 12/6(四) – Spenser又唔上去, 可能波癮大, 再自己去練波; 收工本來約左Lobo佢地, 但係原來又有人唔得, 於是再延期去下星期四; 約左民, Jonathan同S係始創和花亭食, 有人有d就住, 所以唔係食得好暢快(不過食得暢快就會好貴 :P); 拿埋手信(大支益力多); 食完仲係8點幾, 去左義順食甜品, 吹水吹到10點走。

3. 13/6(五) – 收工無咩攪, Catherine佢地果面唱K, 於是join左; 由於係星期五同埋係瓊華o既關係, 所以係限左時o既; 當晚主要係想食好d o既野, 所以係瓊華唔錯呢~ d食物質素比起其他K buffet高好多; 選歌果然係好重要, 不停點d易唱o既歌…因為而家已經唱唔到歌呢。

4. 14/6(六) -- Long week; 收工好累返企。第一次同人link打Soma Bringer, 由於同Spenser各自都有打, 於是link打時飛晒d劇情, 去得好快呢~

5. 15/6(日) – 估唔到天氣OK, 於是去打波(不過之前果晚諗住無波打, 唔早訓); 雖然有落下雨, 但係打打下地乾返都打到; 由於平時閒日係公司有去練下波, keep住個手感, 所以正式鬥波都打得唔錯呢; 之後食完飯去民屋企馬幫佢整電腦; 之後上我企hea; 晚上佢地約左G同佢o既friend, 我無join留係企食飯。

6. 連日來打波都幾曬, 沖涼時發現自己明顯有黑左。

7. 自己覺得URA面試應該唔得; 佢無問technical野, 齋問general野, 於是好睇印象而已; 雖然自己答得流暢, 又無咩答得唔好咁樣, 但係自己o既感覺佢地應該唔係十分欣賞o既(無明顯跡象, 只係感覺而已) (通常呢d情況都會睇得保守d o既), 所以暫時應該轉唔到工呢。

8. NBA Finals去到呢個階段都無咩好睇了, Lakers拿champ o既希望似乎唔係咁大, 好彩2隊都覺得OK, 不過比預期中無咁精彩呢。今日Lakers贏返場, 睇下可唔可以下場作客偷一場, 逼到Game 7就好睇了。

9. 16/6(一) – 收工無野做, Spenser又無野做, 於是約一齊打Soma Bringer, 叫埋Catherine上我企一齊打機。我返企食完飯(佢地買飯盒)就一齊打機。由於眼訓又累, 所以來我企打係好事呢, 散之後我都唔使太夜訓。10點半散。

來緊:
19/6(四) – 延左幾次o既同LoboCarmenWilliam民食飯。
20/6(五) – 同民JoelleYee食飯。
26/6(四) – 同Spenser等人十幾個去東浦buffet。
27/6(五) – 同民MandyS等人補返同Cass慶生。

要約下話劇同學們食飯。
可能下星期同民妹妹等人唱K。

完

六月十日 -- 雜記

1. 2/6(一) – 收工返企。

2. 3/6(二) – 澤安辦事處o既人每個月都會煲糖水或者整d野, 次次都預埋我地呢。唔記得係星期二定三, 煲左唔知咩糖水(係涼茶+糖水來o既), 正, 每個都有一隻蛋, 個蛋仲要o岩o岩好, 唔太生唔太熟呢~

3. 4/6(三) – 同Carol同佢同事打羽毛球; 由於佢地book左6點o既關係, 拿左一個鐘timeoff走先; 佢d同事都打得唔錯, 好彩唔會太勁, 我都有得同佢地打(Spenser當然最勁, 仲有另一人都幾勁)。打完去APM食飯, 得4個人, 打左陣NDS10點島散。拿左Carol幫我買o既NDS叉電。

4. 5/6(四) – 收工出MK同哥食壽司; 當晚心情極度複雜…feel badly, 不知所謂, 唔想自己成為一個衰人…人不可以完全隨著情感, 理智或者身體去做事, 最重要係平衡…偏去一邊都唔好…好想逃離而家o既生活…其實HK呢個地方, 實在係有好有唔好…雖然到最後都會選擇係度生活, 但係有時走去其他地方hea下都好呢…

5. 6/6(五) – Grace last day(其實係星期六last, 不過有人星期六唔使返), 同佢farewell, 新work-co 呀Tin生日, 慶祝埋; 由於第日唔使返工, 收工同馬民去左九龍灣。馬對鞋爛左, 於是去買鞋, 之後一齊食飯; 當晚好難得我地3個人一齊, 傾左好多好多野, 都係關於大家對人生或者好多社會o既睇法, 真係可以反思好多野, refresh返好多睇法; 而當日最主要講o既話題, 都係講民仔o既, 講返好多我地對佢o既睇法同埋覺得佢不足之處, 真係好耐無咁樣插過佢呢(不過無鬧o既, 只係傾而已), 希望佢第日可以做好d啦; 好耐都無見佢頭dupdup眼濕源呢~ :P 當日傾到12點先散…

6. 7/6(六) – 由於新同事下星期唔得閒o既關係, 於是同我調左week, 所以呢日short week; 由於無野做o既關係, 去呀馬屋企hea一天; 本來諗住早d去, 不過之前果晚打機晏左, 好晏先起身(黑雨d雨都落晒了 :P); 同民一齊係馬屋企hea左一日, 打slam, 真係由細打到大, 好耐無打呢~ 唔覺唔覺打到好夜(12點幾), 之後好無聊咁睇埋場波(歐洲杯揭幕戰)先走(2點幾), 未試過咁夜係佢屋企走呢。

7. 8/6(日) – 又係好晏起身; 全日係企hea, msn見到Mak, 佢都無野攪, 於是來左我企一齊hea同打機, 佢hea到10點島走。Carol幫我買我NDS叉電機壞左…

8. 9/6(一) – 公眾假期; NBA Final Game 2, 我同民又去馬屋企, 一齊睇波; 諗住好好睇, 點知係一場悶波, 球証屈機…一d都唔公平, 超唔好睇。下午同Catherine去左荃灣行同睇野, 買返個NDS叉電。

9. 10/6(二) – 收工返企。

10. 睇左Indiana Jones 4, 對於我呢d叫係舊fans o既人來講, 當然要睇啦~ 個人來講覺得好睇, 因為佢入面好多野, 舊fans睇返都會開心, 同埋keep住成場戲都精彩唔會悶, 至於合唔合理就唔使太過深究啦~ 套戲o既format同以前呢個系列o既flow都似呢~ 好明顯係專登o既; 而Indy老左, 講返好多好無奈o既現實, 都好OK, 唔覺得有咩問題; 而個結局, 似乎係想完結左個系列, 都係一件好事來o既, 係一個幾完滿幾開心o既結局呢。

11. NDS玩緊隻game – Soma Bringer 靈光守護者, 以NDS game來講算好好玩, 而且d畫面聲效都好呢。

12. 不得不提新來o既同事; 我一向都唔存在bias來睇人, 自己最鐘意就係留意人同埋睇下人係點o既; 不過呢幾個講真, 實在係...唔太鐘意。三個同事, 一個係舊人調過來, 二個係新人; 幾個都係懶懶地…其實我一向覺得, 懶就人人都會, 係睇下個程度係點, 如果做得晒d野, 做得好d野, 懶都唔係好緊要, 但係太懶就唔多好...仲要好明顯地玩爛, 擺明唔想做...就唔好咯。懶都唔係最大問題, 三人之中其中o既人, 雖然只係見到短短一星期, 但係感覺係好輕挑o既人, 見佢地係會撩女仔, 講衰野o既人...一向我地村都無咁o既人, 突然多左幾個...最令我討厭o既, 佢地幾個都係好八卦, 完全無私隱觀念o既人; 之前已經見某人會四圍抄office o既野睇, 唔理d野係咪私人野, 人地整緊d咩完全唔避忌擺明係度望/目及; 最離譜就係公司部電腦, 大家都開左個個人o既folder放自己o既file, 雖然就咁係係desktop, 但係佢地居然係人唔係度果時開人d file來睇, 真係一d禮貌都無...總之, 呢幾個新來o既同事實在係麻麻地...唉...而且來左無耐, 已經唔同o既party o既人唔多鐘意佢地呢...以後點做野呢...真係好少會係post度寫咁多唔鐘意咩人o既野呢...

13. 由於各種原因, 呢排心情都好差, 尤其唔想見到某d人…都係同最friend的幾個朋友一齊最舒服最開心。總之大家唔好惹我就得了。

14. 話說又好想唱K呢, 要keep住唔好隔太耐唱, 如果唔係真係愈來愈唔掂…而且唱K可以釋放下d情緒呢; 仲有, 要係放暑假之前唱, 同d學生哥爭位又係好麻煩…

15. 係街見到原來之前陳慧嫻o既活出生命II個演唱會出左碟, 見佢都唔係唱得好差...雖然有d位都係爭d...始終佢都唔係練開歌o既人...真係浪費晒...不過有機會都會去買隻碟返來睇, 見到前半部好多翻唱人地o既舊歌, 後半就唱自己o既歌。

Links:

好有趣o既gif, 好多都好攪笑
http://forum1.hkgolden.com/view.asp?message=1239886

完

唱K

不得不談談“唱K”這個活動。不過會分開兩個不同的章節, 前半段談談自己對這活動的看法, 後半則談談一些心得。由於篇幅較長, 大家可以分段看, 並不用因為長而沒心機看; 或者可以只看前半段(因為前半段很短而已, 而後半段又可能對大家沒什用處及興趣)。

**********

認識我的人可能都知道, 我很喜歡唱K。有些人甚至可能覺得我是“K怪”。
其實, 我喜歡這活動有很多原因。

雖然現在我已經不是活動“攪手”, 也不常在聚會中攪氣氛, 但也喜歡跟朋友聚會(不論任何形式的聚會也可)。而在各種類型的聚會當中, 唱K是其中一種我頗為喜歡的。如果和很熟的朋友或死黨, 就算出來食飯或坐坐, 談天說地也很足夠; 但有時與一些未熟到某程度的朋友, 或一大班朋友出來, 不是個個都熟的時候, 唱K就可以彌補了有時不知談什麼話題的麻煩, 而要溝通時, 也可在K房中分批地溝通, 反而比飯局容易熟絡。不過這原因還是其次。始終能否熟稔, 都是要看每個人的性格, 是否合得來, 是否有心交朋友。

對我來說, 一個重要的原因就是我喜歡觀察人。其實在平日裡, 不論是街上的陌生人, 或者相識的朋友, 我不其然的也會去觀察人(當然不會很刻意地不和人談話或做別的事情, 只是留心別人做什麼去分析, 而是仍然如常地談話, 腦袋同時亦不停在轉動, 留心及分析著自己所接收的資訊)。在飯局中, 固然可以留意到各人的舉動及言談舉止, 但始終會比較少一點“真情流露”的時間。唱K時, 人總會不多不少地流露了自己的本性(當然不單止要看那人唱得如何, 並不是只是留意歌聲那麼簡單)。

很喜歡聽人唱歌, 除了以上能留意到人的原因, 另一主旨當然是喜歡聽別人的歌喉。唱K這活動是與朋友聚會, 唱得好不好沒所謂, 只要大家高興就好; 但如果有朋友唱得好聽, 或者跟自己唱得很夾的時候, 就會更加高興及興奮呢。

雖然自己並不唱得怎麼好聽, 但認識到很多唱得很好聽/很厲害的朋友, 也有一些唱得很合拍, 或者喜好接近的朋友。尤其喜歡當這些朋友的和音(當然, 我唱和音的功力也不高)。跟一些志同道合的朋友唱K真的很開心呢。

說了這麼多原因, 又交朋友又喜歡觀察人什麼的, 其實最大的原因也只不過是我喜歡唱歌而已, 嘿。

**********

唱K技巧及心得

大家看到這裡, 可能會很奇怪, 甚至嗤之以鼻: “你小子算什麼東西, 居然與人談什麼唱K技巧與心得?” 想在這裡分享的不只是這些, 是想借“唱K”來談談與人相處方面的東東。(大家又會想, “你小子算什麼東西, 居然與人談什麼做人心得? ”嘿。)

其實, 第一次與朋友唱K和第一次與人見面一樣, 都是讓別人認識自己的好機會(“第一印象”一向都是與人交往最重要的一環! 以前也說過, 第一印象好, 自然之後你所做的舉動在別人眼中也好一些, 相反亦然; 第一印象不好, 很難去改變別人的想法, 也很難奢求自己及別人用很長的時間去慢慢改觀)。如果你接觸到/認識到一個人的時候, 印象可能普通及不深刻, 那另一個讓別人從頭認識你/留意你的機會就是“唱K”了。

第一次與人唱K, 技巧上及心得上, 其實與第一次認識一個人差不多, 就是要做“最適合的事情”。第一次認識一個人的時候, 言談舉止要大方, 衣著要清潔整齊, 這些是最基本的; 而唱K也一樣, 除了不要霸咪之外, 選擇適合自己的歌最重要, 不要盲目唱難度高的歌去表現自己, 唱容易的歌唱得好聽才是王道。其次就是表現出真正的自己, 不用刻意去模仿別人(我很強調, 去學習別人的好處, 不等於模仿別人, 更不等於失去自我!)。表現真正的自己, 也不是讓人看到醜陋的自己, 而是讓人知道自己是一個怎樣的人, 知道自己的長處是什麼。至於短處, 並不是去隱瞞, 但第一次認識別人或者交往初期, 總難期望別人立刻見到你的短處而接受你吧? 所以不好的地方就不要表露出來, 慢慢的熟稔以後, 讓別人慢慢的知道及接受吧。

也想談談真的有關“唱K”的心得。當然, 我很強調, 唱K是大家出來高高興興的玩樂, 並不用太認真地要去唱得好聽, 又要想太多事情, 因此其實大家只要率性而為去選歌去放開喉嚨就很“快樂”了。以下的所謂心得, 只是自己唱K以來的一些經驗, 如果想唱得好聽一點的, 可以大家交流交流而已。第二想強調的, 以下是“唱K”的經驗心得, 並不是“唱歌”的心得, 是非常不同的。

(再度強調, 以下的東西, 是撇除了主觀因素“自己想唱什麼歌”來談的)
(另外, 當然假設大家不會五音不全或走音, 假設大家可以正常地唱到該唱的音)

1. 選歌; 對於唱K技巧並不會很高的普通人(我們)來說, 我覺得選歌是最重要的一環。有些人歌喉可能不太差, 於是便喜歡選擇一些難度較高的歌曲來唱。其實並不一定好。因為就算唱到也不一定唱得好聽。因此選擇“適合”自己唱的歌是最重要的。由於易唱的歌唱出來通常少犯錯, 因此唱易唱的歌效果反易比較好(公務員做法: 多做多錯, 少做少錯)。

另外, 有時唱一些偶像派歌手的歌可能比唱偶像派歌手的歌更好。由於實力派歌手本來就唱得很好聽, 大家如果不是唱到某一個級數, 比較之下, 即使唱得不錯, 別人也只會覺得OK而已; 反而唱偶像派的歌, 由於通常比較易唱, 而歌手發揮也只是一般, 因此你唱得不錯, 相比之下別人就會覺得你唱得好聽了。例如: 蔡一傑如果在演唱會中唱張學友的歌, 雖然可能另有一留風味又好聽, 但大家充其量也只會覺得好聽、不錯而已; 但他唱黎老明的“愛比我重要”, 由於歌本身易唱, 旋律很普通, 黎老明又唱得不好聽, 因此在演唱會上的效果非常好, 大家都覺得很好聽, 更有很多人說唱得好過原唱很多, 大獲好評。這就是選歌的哲學了。

選歌時, 自己熟不熟悉那首歌也會影響到發揮水準。熟悉歌的話, 對於那首歌的轉折之處、難唱的位、感情位、呼吸氣位等等也較容易掌握, 也因此會少犯錯, 也就會發揮得比較好。如果想唱一首歌又不熟悉的話, 那就聽多些去熟悉一點吧。

2. 有關唱高音的心裡障礙有幾樣需要注意的要點:

2a. 高音難唱, 唱到也不代表唱得好聽。唱高音的歌時, 如果自己的上限只剛剛到那音, 其實唱出來的聲音是不好聽的。通常不能平穩地唱到那個音, 就算唱到, 自己的聲音也不是能控制得好, 不論聲音及力道都會有很大的瑕疵, 很難聽。

2b. 當“真音”上不到的時候, 轉“假音”唱到, 也不一定好聽。真音轉假音如果不是經常練習或技巧純熟, 通常會力道不足, 很容易聽得出來, 很不好聽。真假音轉換得好不是容易的技巧呢。

2c. 不用真音, 只用假音唱, 雖然不存在轉換的問題, 但也不一定好聽。例如唱林子祥的“千憶個夜晚”或者信樂團“死了都要愛”那一類歌時, 就算用假音唱到, 都不會好聽, 因為通常都不夠力量, 不夠power, 一點feel都沒有(當然唱得好的人, 假音也可以唱得好聽)。所以, 這些歌唱不到還是不要唱的好。

2d. 強行經常用真音去唱高音的後果, 是會傷到聲帶的, 大家請小心, 尤其用喉嚨聲唱的人。

3. 運氣;很多技巧也牽涉到“運氣”。並不是Fortune或者Lucky這種運氣, 而且如何用氣去唱歌。唱歌最好不要用“喉嚨聲”, 而是要用丹田氣唱出來; 不過, 作為普通人, 如果不懂的話也不用故意去學去練(其實真的好一點, 可以唱得較響, 而且也沒那麼傷喉嚨); 有幾樣有關用氣的技巧, 例如震音什麼的, 也不用我們這些普通人去唱去做; 可要做的有以下幾樣:

3a. 唱歌時聲音一般不要時大時細; 當然在有感情位的時候, 大細聲也是一種很好的表現方法, 但在一般唱的時候, 不要突然用力或突然無力, 很突兀地大細聲是很難聽的, 在未學懂有效運用大細聲之前, 首先學懂如何平均地發聲吧。

3b. 每一句或字發音及收音時要“順”, 不太懂如何去講及不懂術語; 發出聲音通常大家都沒有問題, 但收尾則不是個個收得好。有些人唱完一句的最後一個字時就突然很硬的“停”了, 聲音突然停頓, 很奇怪很難聽; 基本上要說如何做, 說來很簡單, 就是要“淡出”, 當然並不是要用很長時間慢慢由大聲轉細聲到無聲, 但其實收音的一下, 過程是很快地做著“由大聲轉細聲到無聲”的, 那樣聽上去才會舒服比較舒服。

3d. 不計個人風格或者特殊技巧來說, 一般唱到一句的最後一字時, 拉長一點儘量拉到第二句頭會好聽一點; 當然是以一般來說, 而且例外也有很多, 而且也要預留時間讓自己吸氣, 以免不夠氣唱第二句。

3e. 吸氣位; 假設自己熟悉歌曲, 就要知道那些是吸氣位; 一般來說是句與句之間, 但大家都熟悉很多歌, 應該也知道會有例外, 總之宗旨就是不要打斷應該有的連貫性, 不要在應該唱得連貫的位置上吸氣; 如果有些句子真的很長, 不得不吸氣, 就留意歌手在哪個位置吸氣, 如果你的肺不及歌手大, 那就要自己想想在哪個位吸氣了。

4. 咬字; 太過字正腔圓可能會奇怪, 但如果咬字不清、有懶音、有/沒有不該的鼻音等等, 聽起來也會很奇怪的。

5. 感情; 雖然在真正的歌唱技巧上, 是有很多如何表現感情的方法, 不過也不是我們這些凡夫俗子需要知道的了, 其實也可以很個人化的; 至於何謂感情, 大家只要想想李克勤唱歌, 就可以知道什麼叫有唱功, 沒感情了。

以上其實都只是些很基本的東西與心得, 希望可以和大家交流交流吧。

雖然好像說了很多要點, 但其實大部份也是很普通的技能, 只是可以平時大家沒注意到罷了。也不用去想太多又練習什麼的, 有時只要注意到, 就會很容易地做到的了。

練習方法: 由於以上所述並沒有什麼深奧的技巧, 很多都是要注意的事情, 因此最好的練習方法, 就是唱K時關了“回音”(Echo); 因為這功能會把唱歌的瑕疵遮蓋了, 大家會聽不到什麼地方唱得不好的。大家可能會想, 那唱K時開了不就好了, 不用去練得好些啦; 其實開了這功能雖然會聽不到瑕疵, 但也會沒那麼好聽, 一點意思也沒有了(而且我寫這篇是為了談論如何唱得好些, 當然要假設這樣啦)。只要關掉了這功能, 大家就能很容易的注意到自己不好的地方, 那就會懂得怎樣去改, 進步會快很多呢。

由於自己並不是什麼專家, 所以只是在此發表一下自己所想, 以作紀錄而已; 最後在此在說一次, 唱K只是大家開開心心的出來玩而已, 想唱什麼便唱什麼, 想怎樣唱便怎樣唱吧! 其實我自己也從來沒想那麼多, 想唱什麼的時候就唱呢!

完

附錄由於經常說我有些朋友唱歌很好聽, 但又口講無憑; 本來找了一條link可以讓大家聽聽我朋友錄的歌, 可惜發現load不到歌, 都是聽不到…算了。

http://www.agenow.com/Bbs/Disp.asp?ID=1304896 <---- 原本的link...

再完

六月一日 -- 雜記

1. 又係無寫底, 好多野唔記得, 又累, 是但寫d。

2. 收工去Mak屋企食飯, 傾下見工d野; 第一次食住家飯, 佢呀媽整d野都唔差呢~基本上都無咩傾見工野, 都係hea左個晚上就完。

3. 係觀塘NDS Mario Kart七人大戰勁爽, 好耐無試過咁多人一齊玩, 好好玩; 唔講唔知, 原來KT間花園餐廳係唔多人的, 想係度打躉同hea真係唔錯。

4. 星期五hea足一日(唔知點解好累); 中午返SKM食飯farewell Grace同Yuki; 之後就去上環見工; 唔問technical問題, 只問d general野, 所以好睇主觀感覺...野就照答左, 請唔請真係唔知...晚上同MayChan貓MiMi食飯, 好耐無食過MayChan公司訂返來o既三文魚刺身, 超好味! 可惜大家都唔記得左準備Wasabi同豉油...去左MK熟食中心食, 原來佢地都未去過, 比佢地試左咖哩農夫包小菜王同燒臘, 都OK呢~ 之後8點幾食完行左陣10點幾返企。

5. 好憎o既Spurs同唔太鐘意o既Pistons都出局, 總決賽係Celtics vs Lakers, 2隊都ok鐘意, good!

6. 星期日無波打, 上午去左馬屋企本來諗住幫手整傢俬, 點知搵左師父整, 因此上去齋hea; 之後同臨時拉夫o既民仔返TKO打羽毛球(Connie唔舒服); 打完之後突然決定同馬民3個人睇戲, 同Carol佢地散左之後上我企hea同沖涼, 晚上同2個死黨係MK睇左be kind rewind(低清老翻王), 好笑, 預期之中, 佢d翻拍經典戲o既位都好笑, 好抵死; 好耐無試過咁樣我地3個一齊食飯同睇戲呢(雖然時間緊迫3條友好快咁食左M記)。睇8點到10點散場返企。

7. 呀哥幫我買左個外置harddisk, 終於可以backup下HD d野, 清空下佢了。

8. 睇左Indiana Jones第三集, 好好睇, 由於細過打過computer game, 所以好多情節印象都好深刻, 亦都係3集之中最鐘意o既。

9. 明天就有2個人來澤安了...唉...

10. 唔太記得有咩想講, 就咁啦。

來緊:
4/6(三) -- 同Carol同佢村d同事打羽毛球。
5/6(四) -- 同CarmenLobo等食飯, 未知去邊食。

完

五月二十七日 -- 大事件!!

一日之間, 好似發生左好多事咁。

早一日有個新人來左我地條村, 睇落都ok傾到偈, 唔係夾唔來o既人; 早兩日聽到將會調多兩個人來澤安, 聽聞其中一個係爛人…仲要係好爛果種…唉…成日都整d咁o既野來破壞本來好好o既平衡。d高層實在係一d管理o既理念同能力都無。D人幾差都唔會炒人, 死都留住d唔得o既人, 咁樣反而令d好o既係咁走; 其實咁咪仲衰, 慢慢又係好似房署或者好多政府部門咁, 變成一個藏污納垢o既地方…

收工6點幾時, 收到電話, URA打來叫我星期五見工!! 突然有d緊張, 希望快d見完攪掂件事啦…

同民仔Joelle3個人食飯, 去左山林道金鳳, 食完仲好早, 未夠8點, 佢地都覺得好早, 未想返屋企住, 諗住搵d野攪, Joelle提議唱K; 一般來講民仔雖然唔會咁早返屋企, 但係通常都唔會答應無啦啦食完飯唱K, 但係一係“女”提出, 佢就完全無問題, 於是3個人去左唱K到11點幾先走…

太耐無唱K, 唔使講當然係完全不在狀態之中, 仲要係好差…係比起之前o既差更差…唉…而家真係一d唱Ko既心機都無了…好多位完全唱唔到…唱到果d又唱得唔好…

晚上返到屋企, 發生左近年內(近好多年, 保守估計5年)最驚o既事情!! 實在好耐好耐無咁驚過!! 話說返到屋企入左廳, 突然感覺到有黑色o既野係天花掠過, 即時停步四圍望, 又唔見d咩野喎; 於是衝入自己房, 諗住躲埋算啦, 入到房, 關左窗諗住開冷氣, 一轉身發現有隻好大隻黑色o既野飛入來, 仲要係向住我!!!! 其實一團黑色o既野飛入來, 我都睇唔清楚係咩, 不過以我咁多年驚曱甴o既經驗(如果大家唔知我驚曱甴同埋唔知我係好準o既曱甴探測器, 請睇返之前我寫o既一篇“兒時趣事1”), 我都肯定係曱甴來o既!! 我間房唔大, 我企係入面, 隻死野係外面飛入來, 仲要係我心口咁高, 仲要向住我, 真係好驚好驚好驚!! 仲要係困獸鬥!! 一向好執著張床要乾淨o既我, 係未換衫仲著住d去街衫o既時候, 仍然一d都無考慮過就跳左上張床, 即時拿起張被向住佢“發過去”, 之後掉底晒d野勁叫, 好耐未試過咁驚咁歇斯底里咁叫, 完全係好無助好心驚肉跳咁抱頭叫, 叫左2野眼鏡都甩埋望一望唔見左隻野, 即時衝出房離開現場, 眼鏡都無拿!!

之後呀哥出來問我咩事, 我同佢講見到隻黑色野係我房, 佢捲左張報紙入我房搵, 但係搵唔到, 四圍成間房都拍過搵過晒都話唔見, 仲話我係咪眼花添, 之後佢再搵左陣唔見, 就返自己房; 我戰戰兢兢咁慢慢入返房, 四圍望左好耐, 唔見隻野, 不過已經打定主意, 唔係間房訓了, 諗住拿d野去沖涼啦, 入到間房, 突然聽到d異聲, 即時衝出房!! 話說大隻o既曱甴, 唔單止飛, 有時郁都係會有聲o既!! 我當時聽到o既, 好似係果d聲, 唔係好肯定之下, 慢慢慢慢行去房門口, 四圍望又唔見隻野, 唯有再行入去聽下, 一聽就又聽到果d聲!! 我好肯定係曱甴!!! 於是衝返出廳叫呀哥; 呀哥又出返來, 我同佢講話有聲, 於是佢又入我房, 過左一陣佢終於見到隻野!!

為左令我安心, 佢幫我拿晒d枕頭被鋪果d出來, 拿左報紙入去, 仲關埋個房門同隻野搏鬥。良久, 終於話攪掂左; 其實我應該望一望條屍先會安心, 不過實在唔敢望, 而且信得過呀哥; 見呀哥拿住一團報紙掉入垃圾桶, 事件終於解決左。睇返呀哥o既形容, 隻野好~~~大隻, 比起一般大o既仲大隻, 痴線o既, 變態o既, 肯定係曱甴后來o既。

經過左今次事件, 我一再肯定, 自己係好驚好驚曱甴o既, 係完全無辦法控制到; 另外, 亦肯定左我對曱甴o既敏感度好高, 真係好強o既曱甴探測器, 如果唔係, 我係房度隻野已經飛左上我身。另外, 好彩屋企有呀哥呢個勇者係度。(呀爸呀媽仲勁, 可以徒手捉添。) 實在係好驚好驚, 真係好多年都無咁驚過了, 而且自從好細過, 都未試過比隻曱甴向住我飛埋來了。實在係太驚, 折騰左一輪, 攪到2點幾先訓…

完

雜雜雜感

聽話的孩子
從小到大, 都是一個“聽話的孩子”, 即使在反叛年齡, 也沒有什麼一般年青人的反叛意識, 十分聽父母話。長大以後, 仍然算是聽話的孩子, 不過已經不是盲目地聽話, 而是經過了自己的分析去聽話。如果覺得不對的, 也不會反抗, 而是與他們談談。父母在很多方面都算是很開明的, 比起很多同輩的父母, 其實他們都很算是放任我們去做自己喜歡的事, 不會拖著我們。不過當然亦有例外。雖然實際上並沒有阻止我們的行動, 但也會有很多意見。最大的其中一個問題就是“拍拖”, 雖然開明, 但其實他們有十分非常極之多的意見; 常常說“其實拍拖是你自己的事, 我們不會反對的”, 但之後就會“我們沒有什麼要求, 不過只要對方怎怎怎樣就可以了”, 或者有時就會說“如果對方怎怎怎樣, 就會對以後有怎怎怎樣不好的影響”, 但愈就愈多, 其實就是對那人有十分之多不滿意的地方。看著哥哥曾經有幾個對象, 都是被他們不停地“彈”, 開始時我也以為他們只是不滿意某樣東西, 到了另外的女孩子時原來又慢慢的出現了很多的意見…哥哥很尊重他們, 也因此覺得很不開心; 看著這情況實在覺得很煩(其實已經不是很多東西可以令我看著覺得很煩的了), 所以, 在這方面, 我已經決定完全不理他們, 徹底地做個不聽話的孩子算了。什麼不要內地的女孩子, 什麼對方家庭有負擔就會影響自己, 什麼最重要只有健康, 什麼學歷不夠, 什麼對方賺錢能力好點會輕鬆些, 什麼對方長得矮會影響下一代等等, 一概不理了。

普通朋友
拍拖的女友與普通朋友不同; 雖然以前也談過很多次, 但也再此再談一些。在很多人眼中, 兩者的分別很大(這是當然的啦), 雙方會說的話, 會做的行為也很不同, 而其中最大的分別, 就在於“對對方的期望不同”。這“不同”會因應性格、拍拖的時間等等而慢慢改變; 與普通朋友不同, 即使是很好很好的朋友, 大家也知道對方要什麼, 不要什麼, 不會過份地要求, 只有善意的鼓勵及批評。因此, 朋友通常都是長久的(當然, 我經常認為即使多好的朋友, 也不要牽涉金錢), 拍拖反而會出現很多問題, 爭拗, 很麻煩, 很令人不高興。反而如果是朋友, 倒是永永遠遠舒舒服服地相處呢。

張無忌
看金庸小說寫感想時, 曾經說過很不喜歡張無忌, 後來也慢慢的接受他。無疑, 作為一個領袖, 他不合格; 但作為一個人, 作為一個朋友, 他是很好的。雖然自己一向嚮往令狐沖的自由自在, 但其實自己在某方面也像張無忌的待人處事。最大的相同之處, 就是“不記恨”。自少已經是這樣, 很多人對自己差, 對自己不好, 固然那刻會覺得很不開心, 但經常很快便忘記了那種“恨意”, 即使還記得那人的所作所為, 但對他的“不快感覺”很快便會消失。對很多人也一樣, 即使曾經是什麼關係也好, 即使曾經多麼的不快也好, 我也始終狠不起心腸去恨, 慢慢的也只會記著對方的“好處”, 那樣雖然做人比較快樂, 但也令人有不少煩惱…最起碼, 有很多人因為知道我是這樣, 就更大膽地得寸進尺欺負我, 知道我以後不會恨他們…

男朋友
香港的“男朋友”, 相信在世界中已算是不錯的了(只討論對對方好不好, 而不是思想上長不長進身體上強不強壯)。外國的男女, 通常自主性都很高, 而且比起華人社會更有真正的“男女平等”, 男/女友不會過份地依賴對方, 各自有各自的空間, 因此很少存在“縱壞”的問題。在中國大陸, 台灣, 日本, 韓國等地, 仍然頗為“大男人”, 男性仍然比較主導, 在劇集之中男朋友對女朋友那些溫存軟語呵護備至, 在當地的現實中, 其實百中無一。在香港卻不然, 很多人(包括男女)也被小說電視劇等蒙蔽了, 縱壞了, 有很多其實不必要的行為, 也成為了“該做的事”, 變成了“例行公事”, 一點意思也沒有。其實不同地方有不同環境及文化, 盲目去跟從, 跟本一點意思也沒有。再者, 香港是中國人的社會, 有很多觀念仍然很傳統, 也影響到所謂的“男女平等”也是假的, 只是增加了女性的便利, 加重了男性的負擔, 跟本是欺壓男性而已…

死前的思想
一個人的一生, 究竟是為了什麼, 要做什麼, 要得到什麼, 很難有一個結論。我們可以試試想像, 自己就快要死了, 在床上試想像自己臨死的時候, 會回想一生, 會想起自己究竟做過什麼, 想起這一生人有沒後悔, 會認真的想究竟自己真正要的是什麼, 那末也許大家可以得出一個適合自己的目標, 就算不能知道自己一生的最終目標, 也能知道自己“目前這階段”最想要得到的, 最想達到的理想是什麼。

完

五月二十五日 -- 雜記

1. 19-22/5 -- 星期一至四都收工返企, 無咩好講。

2. 23/5(五) -- 收工打羽毛球, 由於幾個勁人都打, 我呢d弱o既人超夠運動量(因為不停前後左右追波俾人玩 :D), 打得好爽好開心~ :D

3. 24/5(六) -- Long Week, 收工同Catherine去葵芳; 預料之中都係果間"目標舖頭"d野最平, 買左新出o既BB三國傳夏侯淵; 之後本來諗住是但食, 點知見到有任食任飲打邊邊, 於是就無啦啦食...d野麻麻地, 來野又來得慢又唔多齊, 價錢唔算好平, 麻麻地...係間酒樓睇左成套"鼠膽龍威"先走, 因此幾晏; 晚上係企叉NDS電舊野爆左, 好大聲BANG一聲, 好大陣膠o既燶味, 仲有火花添, 嚇死人。要買過個叉電器了...

4. 25/5(日) -- 好難得天氣OK, 灑左2陣小雨但係唔多影響, 仲有好難得吳志天同家昇都來打!! 自己友都幾多人, 霸左半個場; 今日打得幾順, 贏多輸少, 打得幾盡興呢(平時lunch時間練波係有用o既)! 下午返企訓到晚上; 晚飯其他幾樣"食送"都係屋企人整, 自己請纓試整係網上見到的"水蛋蒸肉餅", 估唔到都OK! 第一次成功整到滑滑o既水蛋! 可惜肉餅咸左d。

5. 睇"鼠膽龍威", 都係覺得以前d戲係好好睇; 以前呢d八九十年代港產片, 完全唔理有無深度, 大堆頭將d野塞晒入去: 有動作, 有好多特技(唔係電腦特技), 有功夫打鬥, 有槍戰, 有爆破, 爆車爆直昇機, 有佈局, 有攪笑, 有無聊野; 演員有李連杰, 張學友, 邱淑貞, 午馬...等等, 要咩都有; 好多以前o既導演都話, 拍戲要三分鐘一小高潮, 五分鐘一大高潮, 總之唔好有悶場, 就係好似呢d片了。雖然係無咩深度, 但係直接了當, 精彩百出, 娛樂性極度豐富, 都係鐘意睇呢類戲多d呢!(近年來講, 成龍o既寶貝計劃都係呢類, 其實幾好睇(我都係唔多鐘意成龍呢個人, 但係戲還戲, 人還人)) 另外, 除左見到好耐無見o既邱淑貞(真係好靚同索)之外, 仲有另一個幾乎遺忘o既既靚又索又有女人味(真係大個左先識)o既周嘉玲, 幾欣賞呢個類型呢。

6. 經過左房署唔知高層中層定低層人士o既討論, 果然五天工作失敗左, 之前我都係抱觀望態度架啦。不過無論係點, 都唔到我地呢d小薯來決定, 上面想點咪點咯, 到我地出聲咩?

7. 今次好似無咩寫, 而且之前無記底, 因此應該又流失左某d感想~

來緊:
29/5(四) -- 約左呀WingCarol白田同事等人晚上食飯, 主打係打機3
0/5(五) -- 白田羽毛球活動
4/6(三) -- 同Carol同佢條村o既人羽毛球活動

Links:
今次簡潔d, 少d, 等大家有心機去睇下...尤其係youtube條link:

某位同事o既blog -- 同我一樣, 會寫好多自己體會同對人生或者自己o既感想; 年紀輕, 佢o既見解都唔差, 大家值得睇返佢d舊posts, 就算唔o岩自己, 都可以知多d野; 可惜o既係, 我雖然唔係唔同意佢o既諗法, 但係佢o既方向同我唔同, 而且有d野都係嫩左少少(不過自己又何嘗唔係好幼嫩?); 不過都再講多句, 有d係幾值得睇的。
http://hk.myblog.yahoo.com/kinman_1982

無聊又有d攪笑o既野, 唔開心可以睇; 而且, 其實入面講o既野, 唔多唔少都係o岩o既...
http://failforum.net/forum/redirect.php?tid=554396&goto=lastpost

嘲笑 -- 日本老牌明星玉置浩二o既一段Live片段, 佢現場唱"嘲笑", 邊彈邊唱; 唔使講唱功, 只係坐係度邊彈唱已經好有味道, 不論係唱功定情感方面都發揮得好正, 雖然只係簡單結他伴奏, 但係已經好夠; 自己第一次睇o既時候, 係完全唔停低由頭睇到尾, 雖然無字幕, 唔係好知佢唱咩, 但係都覺得好好聽, 呢d就係"感染力"! 亦都唔係好多好有唱功o既人有o既...誠意推薦大家睇晒去。 :)
http://www.youtube.com/watch?v=Gyjr0KiAoKE
http://www.youtube.com/watch?v=aeEr1I7slfo&feature=related

完

無聊短篇故事 -- 財神到

前言

很久沒寫寫無聊的故事了。自己好像甚少寫這類題材的故事; 這次想寫得比較草根, 比較生活化, 而又想帶給人心中一點點溫暖的感覺。
自己並不生於六、七十年代, 只是以書本及港台電視節目中所見所聞, 儘量去營造那個感覺, 總覺得香港在六七十年代的草根階層, 仍然很純樸, 很有草根味, 也更有人情味, 於是便以當時的屋村作為故事背景呢; 相信不只比我年輕的一代, 就算和我同輩, 也不一定感受到或知道那一種感覺吧…

財神到

“財神到, 財神到, 好心得好報…”
正值農曆新年期間, 收音機播放著一首家傳戶曉的流行歌。

亞興拖著疲累的步伐回到家中。只是傍晚時份, 爸媽上班仍未回家。晚飯時間未到, 只好睡一睡休息一下。在五金鋪當學師仔的生活真的不好過, 但誰叫自己不是讀書的材料呢? 別說家裡沒錢再供他上學, 就算再上, 也不見得有什麼成就, 倒不如中三畢業就出來做學師, 做到三五七年滿師了, 生活倒也就好點了, 也不用再使家裡有負擔; 弟弟成績一向很好, 如果升得上大學, 家裡出個大學生, 那可光宗耀祖哪。

“財神到! 接財神哪!” 在農曆年時總有人做著這些事。
亞興才剛倒在床上, 就又要起來打發這些小朋友。
只見一個面部紅撲撲眼睛又大又圓的小孩子站在門外, 拿著幾張上面寫著“財神”的紅色紙條, 身上也穿著紅色的新衣, 一派喜氣洋洋的氣氛。

“財神到! 接財神哪!”
小孩子熟練地叫著, 好像已經成為口頭禪那樣了。亞興正不耐煩被打擾, 想責備那小孩一頓的時候, 只見那小孩笑得那麼天真, 眼神之中帶著期待, 他心一軟, 拿出了一點零錢, 給了那小孩, 就想關門打發他走了。

小孩子接過零錢, 見亞興想關門, 拉著他說: “哥哥, 你忘了接財神呀!” 說著就遞了一張紅紙給他。
“不用了, 你留著吧, 快些走, 我要睡了, 乖乖快些回家吧!”
“不! 我不是騙錢的! 你給了我錢, 當然就要接財神啦!” 小孩硬將一張“財神到”紅紙塞進他手中, 然後一溜煙地走了, 臨走還在叫“記著帶在身上呀, 它一定會帶給你好運的!”
亞興苦笑一下, 隨手把紙放在褲袋裡, 倒頭便睡。

鈴…鈴…鈴…鈴…鈴…鈴…
剛睡了一會, 就被電話嘈醒。
“你他媽的真麻煩, 剛剛睡著又什麼人打來嘈…”邊罵邊接電話, 另一方傳來媽媽焦急的聲音。
“興仔! 你爸上班時突然暈倒了! 現在醫院還未醒呀! 快些來某某某醫院吧…”話未說完已帶哭音。

很快地趕到醫院, 媽隨著醫生走過來。
“林先生, 經過檢查, 發現你爸爸的心臟有問題, 現在要立刻做手術才能渡過危險期呢。”
“什麼! 怎會這樣的…”

“興仔呀…現在怎算呀…我們…我們哪有這麼多錢做手術…”
“難道便不做嗎? 不做的話爸爸…很危險的呀…”
“他是家中的經濟支柱, 沒了他我們可不知怎過了…你只是個學師仔, 我也只是做幫工, 細佬還在讀書…唉…拿了家裡所有錢, 都只能做手術, 之後爸爸要休養, 不能打工之餘還要吃飯還要補身子…我們怎負擔得起?”
亞興默然。
“唉, 見步行步, 唯有做了手術才算吧…”

亞興走出醫院, 漫目的地在街上亂逛, 見到一個投注站, 從褲袋中拿出些錢, 買了張六合彩。剛走出來, 見到有一個婆婆大叫“搶錢呀! 有人搶錢呀! 捉賊呀!”
亞興見狀立刻追出, 只見一個男人拿著個手袋狂奔, 一個婆婆在後面追著。他叫道: “婆婆, 等我來追吧!”
他追著賊人, 很快地追到個牆角, 突然賊人回身一拳打來, 他閃避不及坐倒在地。那賊人拿出刀子, 連亞興的錢包也被搶去了...
“唉...最近的運氣真背...”
伸手想從褲袋中拿紙巾抹一抹, 只拿到那張紅色的“財神”紙條...

茫然之際, 背後有人拍一拍他的肩膀。
“哥哥, 你跌了東西了。”只見早上那小孩子拿著一張六合彩卷遞給他。
“噢! 謝謝你。乖...”亞興正想轉身離開, 小孩子又拉著他。
“我幫你拾到了六合彩卷, 你要給回我呀。”
“什麼? 你要什麼? 我才剛被人搶了錢包呢...”
“不是呢, 那張紙要給回我呀!”說著便從他手上把紅紙搶了去。他邊走邊說, “哥哥, 祝你發財哪。”說著指了一指在店舖貼著的一張財神畫像, “看, 我長大以後就是這樣了, 嘻。”

手術順利完成, 亞興一家在醫院等了一天, 總算鬆了一口氣。
回到家中, 收音機正播出六合彩的結果...
“2, 4, 6, 8, 10, 12, 特別號碼14...”

“媽! 媽! 你...你你你看, 我中了六合彩呀! 中了二獎呀! 發達了!!”
“不單止爸爸的手術費, 連之後一段時間的生活費也不用怕了! 太好啦!”
“呀! 真的謝天謝地...老天保佑呀...”

“財神到, 財神到, 好心得好報…”六合彩之後接著播出了農曆新年期間常常播出的流行曲。
“財神到!! 真的財神到了呀!!”

完

自由的一晚及感想

昨晚過了一個很自由的晚上。
放工後, 決定不回家吃晚飯, 回到將軍澳, 在街上閒逛一會, 死黨打電話來, 在家中樓下和他談了整個小時(膝頭很痛呢), 買了牛扒回家, 自己煮東西吃。

八點多, 煮了個冬蔭功麵煎了兩塊牛扒, 邊吃邊看電視就到了十時半。其間, 看了很多平時不會看的電視劇集, 除了同事三分親, 還有銀樓金粉, 火蝴蝶, 鑑証實錄II。

銀樓金粉故事是環繞了大家族內爭鬥, 自從金枝慾孽收視成功之後, 無線便開拍了多套類似劇集。劇中演員大多是“老戲骨”, 因此幾場明爭暗鬥的戲也好看; 只是某幾名年輕演員仍然是大大地被比下去…鑑証實錄II暫時也過得去; 火蝴蝶又是典型的“時裝大家族內鬥+商場+股票”劇集, 有曾江鮑起靜林偉等人, 以亞視的人力資源來說很不錯了, 可惜的是作為第一主角的李彩樺演技實在不太好, 她所飾演的“草根階層奮鬥上位成為大家族媳婦兼商界女強人”實在令人不能感受到角色應有的氣質。

電視看到十時半, 碗碟煮食用具全部未洗, 洗完再洗澡都已經差不多十一時了。

從小到大都很怕悶。自己算是好動及比較外向的人, 小時候連排隊也覺得等得很痛苦; 記得以前排隊買首日封, 或者回鄉時要乘廿多個小時的長途車, 真的有“悶到想嘔”的感覺。而由於家人各有各忙, 兄長的年紀與我又有半個代溝, 家中的環境影響, 又不能看電視(讀書年代幾乎沒看過卡通片漫畫書)及去街或朋友家玩(只有星期日可以), 因此雖然不喜歡悶, 卻習慣了悶。

在悶的時候, 唯有想辦法使自己沒那麼悶。在沒有什麼東西在手的時候, 最有效的就是“想像”, 典型的水皮座, 最愛胡思亂想, 想東想西的, 就過了好些時間, 也就過了童年。(幸好有圖書館在家附近, 看了不少書呢)

到了現在, 仍然怕悶。長大了點以後, 小時候因為小與人接觸而怕羞的問題漸漸好轉(始終自己基本性格是外向的), 慢慢的認識了很多朋友, 在不同群體中也經常擔當攪手及攪氣氛的角色。現在慢慢的退居至幕後了, 經常要保持心情為最高狀態已經比以前難, 也很累; 而有時一大班朋友聚會, 我也不是出聲及突出的一個, 反而經常默默地坐於一角, 聆聽著大家, 不只是因為累; 以前也說過, 自己經常會留意各種各樣的東西, 也會去想及分析種資訊(當然是對是錯沒人知), 雖然我坐著沒有出聲談話, 但其實是在留意著大家的談話, 動態, 甚至小動作等等, 也在不停地去“看”及“感受”大家的想法及性格; 其實是不停地與所有人交流(不論我的想法對與錯, 但這樣使我對很多東西比較了解, 也使我可以接受到不同的人生觀及想法, 能求同存異, 也較能代入不同的思想去體察不同的東西), 只不過, 是單方面的交流罷了。

談得很雜亂; 到了現在, 雖然仍然很怕悶, 但也仍然是習慣了悶。在悶的時間裡, 仍然能如常渡過。其實以前也發現了, 自己能忍受“辛苦”的能力也不弱, 原來由小至大很多時候病了, 受傷痛了, 或者精神上不開心或悶, 都慢慢不經不覺的就捱過了, 再與別人說起時, 才知道原來都是很嚴重, 很痛, 很辛苦的; 但可能自己察覺不到, 雖然覺得很辛苦, 但沒有比較之下, 過了就過了。

不知怎的, 雖然很少看電視, 也不太欣賞現在的劇集, 但有時在家看著看著, 也消磨了很多時間呢。

完

大企問vs住家男

今晚在家看了一集"同事三分親"。(基本上一向喜歡這劇集, 只要在家也會看)
沒有看的人, 不會對看這篇文有影響。
很想談一談在現實中如果真的"大企問vs住家男"會怎樣。當然不要說劇中的"大企問"是一個丑角, 個性很差, 而且後半集發覺原來他是有目的才追Doris這些, 而是想談談這兩種人。

無疑, 在現實中, "大企問"類型的男性應該會有很大的優勢; 有學識, 高薪厚職, 樣貌不算差, 應該算是"荀盤"; 相反, "住家男"雖然有一技之長, 生活也可無憂, 但吊兒郎當, 毫無情趣, 品味也不及對方, 相比之下, 會選擇大企問的人應該會較多吧? (重申一次, 只是談這條件及類型, 並不是談角色)

在現實中, 相信沒有人會天真得只相信"愛情"的感覺, 那一剎那的感覺並不永恆, 也不長久; 兩個人相處, 性格比較合得來, 是不難產生"好感"的, 現在的人就憑這份"好感", 在單身的時候很容易就可以找到個對象, 但也因此亦很容易就分手, 因為基礎不足。除了所謂"好感"、"喜歡"的感覺, 相信絕大部份的人也會對另一半有一定的要求, 而且其"優點"愈多一定愈有優勢。人都是很現實的, 只是性格很好, 有內涵, 一定不會受到很多異性的青睞; 貧賤夫妻百事哀, "賺錢能力"或"家底"對男士尤其重要, 因為在感情基礎之下, "生活"也是極其重要的。因此, 大家不要說"有錢人"沒有優勢。

除了錢, 另一樣重要的就是"情趣"了。樣貌還不是那麼重要(當然如果"靚仔"就更好了), 但一定要有情趣。沒有錢, 有情趣, 就算最後不能長長久久, 但起碼拍拖時不會"悶"。
在劇集前半段, "大企問"有情趣, 有品味, 懂得製造氣氛, 搏人歡心; 相反"住家男"除了煮得一手好菜, 就什麼也不懂, 不解溫柔, 不懂情趣, 連去看個電影也不會; 大家會選擇那個呢?

如果你只是一個賺到點錢, 但沒樣貌, 沒家底, 沒情趣的人, 你認為你可以找到自己理想伴侶的機會高不高? (不是yes or no, 而是%) (緣份? 說笑吧)

另外有一樣想談的, 就是"大企問"的看法:
"香港人都生活在工作中, 平時大部份的時間, 就只是為了工作; 而他就會在工作時間以外享受人生, 增強自己的內涵及品味。"
真的說得很對, 可惜, 我相信香港人並不是不肯, 而是不能這樣(是不能, 非不為也)。被某些老闆及員工"玩爛"後, 在現在的香港社會, 要享受人生似乎只是有錢人的專利, 一般做小生意或打工的人, 跟本很難在這麼壓迫的社會去有品味地生活。(識玩識食什麼都識的蔡先生陶才子等等都是小時候家中有錢才能這樣)
有很多人可能已經慢慢地淡忘了應該要有這樣的生活, 也有可能有很多人根本就不會; 不要說什麼有品味, 現在的人有很多連書也不愛看, 更遑論什麼有品味了。有錢有時間, 相信大家最多也只會"享受生活"而已。

自己雖然不太算是不長進的人, 但也不是很進取很追求"出人頭地"的人。而自己的興趣也不在政治經濟方面(可悲的是我也會留意及懂, 而且某程度上已經比起很多一般人懂很多了...其他國家很多一般人民也會對政治經濟有認識, 更是學校的必修科), 專長也幾乎不是可以"賺大錢"的能力; 而自己所追求的生活, 是自由自在的享受生活, 至於追求品味甚麼的, 也只是一些草根品味, 閒時自己高興一下而已; 看來, 不要說"大企問", 連"住家男"仔不及呢~

完

附綠:
讀小曼姐姐的網上日誌, 見她看了一本書, 而她看書記錄了以下"11至討厭男士"要點:

"如果你係中其中一樣就要小心...
1.沒紳士風度 2.小器 3.留長髮 4.體臭,口臭 5.太肥 6.講大話7.計較,小家 8.沒愛心 9.EQ低 10.沒情趣 11.爛佬,粗略"

某幾位好朋友似乎中了好幾樣呢, 嘿嘿。不過, 能完全不中的, 也沒幾個吧?

各位男士, 注意了。

再完

轉載: 陳冠希事件副產品 「醬油男」一句成名 被問及豔照門看法 「我出來買醬油的」 (明報) 05月 14日 星期三 05:10AM

唔係想講陳冠希事件, 而係想講有時好多野, 成日係咁煲, 好煩o既時候, 呢種態度同反應實在好正, 夠直接, 唔好煩!!

**********

【明報專訊】「醬油男」跟陳冠希 有什麼關係？是的，真的沒關係。前陣子沸沸揚揚的藝人裸照風波，在內地也一度被炒熱。不過，廣州電視台（GZTV）早前在街頭訪問市民，「請問你對豔照門（裸照事件）有什麽看法？對CGX（陳冠希）等明星又有什麽看法？」怎料，一名男受訪者回答說﹕「關我X事，我出來買醬油的……」此段畫面在網上廣為流傳，一句「我出來買醬油的」亦頓成網絡流行語。

只要在內地搜尋網鍵入「醬油男」三字，就可看到網友各種PS（修改畫面）。這位其貌不揚的「醬油男」已成網絡紅人。廣州《信息時報》稱，這句話的流行，也代表了普通市民對被熱炒過頭的話題的厭煩。

「買醬油也是一種態度」

對此，有網友回應說，「網路世界要選中一個人，要讓這個人被矚目、被娛樂、被蔑視或者被侮辱，往往不由分說，被選中的人，從此必須被動地擔當被矚目、被娛樂、被蔑視或者被侮辱的使命。」在網路世界上，這個無名的醬油男也是毫不知情地成為「知名人士」。

「這面相，這才是非主流。欣賞，這個人相當內涵！」；「買醬油都能成名人。感謝GZTV！」「我決定從今天起，不再打醬油，我打陳醋！」「買醬油，也是一種態度」……

「醬油男」能受到這麽多人追捧，最重要的是前句話「關我X事」，雖然粗俗但直截了當，更展示了一種淡漠不屑的態度。此回答也適合近來被炒作過度的話題，特別是娛樂圈的種種傳聞：「請問你對劉德華 結婚的消息有何看法？」「關我X事，我出來買醬油的……」言下之意很明顯：別說無聊的事，我只關心柴米油鹽……

完

五月十九日 -- 雜記

1. 14/5(三) – 收工同民仔出MK終於完成任務, 買好禮物, 之後食街市返企。

2. 15/5(四) – 收工同貓MayChan係始創o既和花亭食飯; 唔係sell平o既鋪頭, 不過有幾款真係幾好食呢~~ 當晚大家食得幾狼, 用左唔少錢。妹味。

3. 16/5(五) – 收工係東涌食buffet慶祝S同Sam生日; 一行9人食都幾好傾幾開心, d野幾好食, 又唔貴, 雖然遠d但係都幾抵食, d羊架好味呢~~ 東浦個商場好多outlet, 幾多野行, 不過由於大家係收工去, 大家去到食, 食完出來都關門了, 無機會行。

4. 17/5(六) – Short Week; 一早起身同民去馬屋企睇波, 好耐無試過一齊睇波, 好開心; 下午食完飯落街練波, 好耐無train過民仔, 大家亦交流左d心得(其實都係單方面交流), 希望民仔可以有多d進步啦~ 5點幾返企買埋送, 整左金菇牛肉卷同埋蒜蓉炒荷蘭豆, 牛d味OK不過個卷就散散地, 豆就d蒜蓉味好夠但係唔多夠咸…煮餐飯都唔夠呀爸呀媽當日係屋企打掃同清潔咁辛苦, 聊表心意罷了~ (d牛有某d好似有少少少少唔熟, 好彩無食到佢地肚痛 :P 自己整牛都係偏整得無咁熟多過整得太熟) 晚上睇奪寶奇兵, 第一集就唔係好記得, 但係第二三集就印象深刻好多, 遲2個星期有機會會睇呢~

5. 18/5(日) – 在家hea一天, 搵到收埋左好耐o既縮小女神VCD; 當晚煮左鹵水雞翼同埋腐乳通菜, 雞翼好成功好好味, d菜就腐乳味好夠, 但係咸左d…一日淡左一日咸d…=.= 晚上睇獎門人, 又係睇d女藝人俾男藝人搏懵…在男觀眾角度來講, 有野睇好過無野睇o既…

6. 19/5(一) -- 星期日晚訓到3點幾4點醒左, 覺得好眼訓, 但係訓極都訓唔到, 於是起身, 食d野, 睇波play by play, 眼光光到天光, 6點9恰左半個幾鐘起身準備返工...; 呀叔係加拿大返來; 收工返企同佢食個飯, 傾2句, 沖涼hea至訓。

7. 日本Bandai模型展公佈, 會出大量模型友期待o既MG Guntank(太空坦克)!!!! 實在係太正了! 等左多年終於肯出, 聽聞仲係識郁o既?! 睇來又要出血了~~ 終於可以齊晒三架G Operation機體!!

8. 返工方面, 6月開始5 days work?! 不過將會係shift返星期1-5, 2-6咁返…第日星期一放假都唔知有咩攪呢~

9. 終於証實左Sam成功溝左Esther, 可喜可賀, 嘿嘿, 有餐飯食呢~~

來緊:
23/5(五) – 白田羽毛球活動
4/6(三) – 同Carol&佢同事打羽毛球
搵Carman同叫埋Lobo等人食飯
約人唱K!

完

外星人

要講外星人, 真係有好多野可以講。只係談論外星人究竟存唔存在, 已經可以出本書。而有好多探討外星人o既野, 大家都可以係d咩咩探秘, 咩咩搜奇果類書睇到好多好多資料, 因此唔需要再係度講了。

係度想講下另一種“外星人” – 就係平常人眼中奇怪o既人。

好多時, 大家都會稱一些同佢地溝通唔到o既人做“外星人”, 通常呢d人o既思想同行為都同一般人好唔同(唔計精神有問題果d啦), 佢地o既世界觀同對好多野o既睇法都好特別。

由細到大, 相信大家身邊唔多唔少都會有呢類人: 思想古舊, 同現代世界脫左節o既人; 諗野完全唔經大腦, 只得行動o既人; 完全唔知諗咩o既人; 諗野好偏激, 行為亦好偏激o既人…等等。歷史之中, 有好多出類拔萃o既人, 其實佢地o既思想同行為, 都係同普通人好唔同的。

天才同白痴好多時只係一線之差, 其實呢個題目係以前都曾經講過下。不過如果唔計d叻人, 剩返果d庸碌o既“外星人”又如何呢? 佢地並無卓越o既成就, 亦唔一定有富裕o既生活, 咁佢地o既人生可唔可以稱得上“成功”或者“快樂”呢?

曾經同一位朋友傾開, 講開一d小說中o既人物, 或者現實生活中o既人; 佢地遭遇好慘, 生活好貧窮, 或者有好多平常人會覺得“唔好”o既事, 例如斷手斷腳等等; 但係可能因為其他方面, 佢地精神上覺得好滿足(例如得到真愛, 某方面去到某境界, 追求到佢地人生o既目標…等等), 呢d算唔算滿足呢? 算唔算成功呢?

該位朋友完全否定左呢種人生。佢覺得只係精神上o既滿足係完全唔值得鼓勵的。當然如果真係全部親戚朋友死晒又斷手斷腳咁極端, 就算精神上幾滿足都可能係“bad-end”(其實我而家想討論o既, 有少少都係想講係呢d極端情況下, 精神方面真係好滿足又算係點), 但係某d朋友o既諗法上, “錢”同埋“物質”似乎都係一個用來衡量一個人幾成功o既要素。

有好多case列舉出來, 大家諗諗呢d人係唔係開心, 人生算係成功定失敗:
有d人係天才, 係科學或者藝術上好另叻, 但係唔一定有錢, 在生時可能非潦倒, 但係佢地o既見解理論或者作品得到後世稱頌, 咁佢地算唔算係成功呢? (當然, 大家可能會覺得佢地成功, 但係唔會想要佢地咁o既人生)
又或者, 係d窮鄉僻壤o既人, 或者諗諗係HK屋村住o既窮人, 佢地可能一生都未享受過好多豪華o既設施或者飲食(甚至係知道, 但係又唔係十分想去試), 佢地終其一生就只係平凡咁渡過, 但係有三餐o既溫飽, 而且平時唔會好辛苦勞碌, 無咩憂慮, 呢d叫唔叫係開心o既人生? (大家會覺得佢地唔成功, 但係叫唔叫開心?) 不用再舉太多其他例了。

在此並不是認同以上2種人生態度或者鼓勵人向這些方向邁進, 亦都並唔鼓勵“只要簡簡單單生活就好”呢d咁消極又唔長進o既諗法; 我一向都係求同存異o既人, 絕對接受同埋支持全世界不同o既睇法同做法, 只不過想大家諗諗, 呢類o既想法可能有d人會不以為然, 但係佢地到臨死o既時候, 如果無後悔過, 可以好平安喜樂, 咁究竟係好事定壞事呢? 一個人o既人生究竟追求d咩野, 係咪追求到自己要o既野就已經係“成功”呢? 係咪要大家都覺得你“成功”先係好呢? 如果大部份人覺得你成功, 但係亦有d人覺得你所得所失係“戇居”, 咁又如何呢?

呢個話題當然唔係以係呢度三言兩語就有結論, 人生呢個課題十分複雜, 就算係到老到死亦唔一定參透到; 只不過係大家努力生活o既同時, 不妨係空閒o既時候都諗諗, 自己想要d咩野, 然後努力地去做, 亦努力地去玩, 去休息, 咁相信大家o既人生, 起碼都會比唔少人開心同安樂呢。

對於自己, 最近同某位前輩稍為講過有關“人生目標”o既話題, 佢o既說話令我好有同感; 佢想追求o既係“colourful, simple and pleasant life”, 同我一向o既想法不謀而合呢。好羨慕佢可以完全向住自己o既興趣同夢想做事, 想做就做, 想抖就抖, 有實力, 同時亦有飯開, 好厲害呢。(順帶一提, 佢係一個藝術工作者, 仲要係水瓶座o既)

諗法同一般人有異, 異想天開, 大家會覺得奇怪o既人, 但係又融入到普通人o既社會, 可能大家身邊都有不少呢d“外星人”呢。其實, 水瓶座會唔會都係外星人來o既呢?

完

天真的小朋友

首先多謝某朋友提供題目, 佢亦係暫時唯一一個一聽就明咩叫“只係俾題目”o既人。

講起小朋友, 大家即時可能就會諗起“天真”, “可愛”, 甚至係“幼稚”、“無知”等等。

明顯地, 大家再諗一諗, 都應該會覺得時移勢易, 其實呢種諗法已經錯得好緊要了。君不見而家o既細路仔, 好細個已經好醒, 知好多野, 超級人細鬼大? 好多幼稚園畢業或者小學低班o既小朋友, 已經知道好多社會上發生o既, 或者已經對日後長大o既自己有一定目標, 更有不少已經識得“溝女”(真人真事)(當然仲係好初步想討好對方或者想對方做女朋友果種啦)。再大dd, 到左小學高班或者中學, 佢地知o既野已經比起我地當年所知仲多; 好似我識o既一d小朋友, 或者好似我表弟, 雖然係大人心中只不過係黃毛小子, 雖然佢細好多, 但係我同佢同輩, 都傾到偈, 聽過佢講o既野佢o既諗法同佢o既內心世界, 已經唔係好似小朋友咁渾渾噩噩, 係有自己o既“一套”想法了(當然就唔好論佢諗o既呢一套o岩定唔o岩啦, 隨住人慢慢成長, 自己o既一套諗法會因經歷而慢慢改變o既)。

大家都可以見到新聞同研究指出, 而家o既小朋友係好細個已經有拍拖經驗, 甚至係未成年已經不只初嘗雲雨, 偷嘗禁果, 而係多嘗雲雨, 屢嘗禁果了。姑勿論佢地夠唔夠成熟去handle呢d野, 但係可見呢個趨勢係愈來愈嚴重; 大家諗諗係我地仲係流緊鼻涕唔知自己做咩o既年紀, 而家o既細路已經知咩叫“溝女”, 係我地毛都未出齊, 大家好好奇咁睇緊咸書o既時候, 而家o既“小朋友”已經咩都做過晒了。可笑o既係, 而家o既年青一代可能仲會覺得(而有好多劇集、漫畫等等亦都渲染), 到左廿幾歲都仲未經過人事, 仲係“處”, 係十分“on9”o既添。(係咪好似某d人覺得, 出左來做野或者大個左, 唔識/唔去投資都係on9一樣呢?)

小朋友吸收力強, 而家o既社會資訊科技發達, 佢地亦好容易地會接觸到不同o既information。相信呢樣野係無可能避免, 亦都係制止唔到o既; 真正要做o既, 係教育方面要與時並進。教育一個小朋友, 並唔可以好似以前o既封建思想咁, 同佢地講“咩叫o岩, 咩叫錯”, 最重要係令佢地懂得“自己去分辨是非”, 有“獨立o既思考能力”; 過度保護小朋友, 只會帶來反效果, 除左令佢地無左分辨是非o既獨立思考能力之外, 更令佢地到左青春期時o既反叛思想更強烈。

觀乎而家好多家長, 非常“on9”地經常投訴各種媒體o既節目, 有什麼暴力呀、色情呀等等o既成分, 使到而家o既大部份電視節目(尤其所謂合家歡時段o既節目), 所有o既呢類場面都cut晒, 最好笑係一d打交o既卡通片, 將入面o既人物打中人或斬中人o既果個scene cut左。我心諗, 你地班師奶同呀叔或專業人士, 係細個o既時候, 睇d武俠o既劇集、卡通片或者其他節目, 大把殺人, 色情等等o既情節啦, 又唔見你地係學壞左? 會有暴力傾向? 會對性關係好隨使? (我本人十分肯定我細個時o既節目, 呢d野o既尺度係寬鬆好多的) 可見最重要o既係教育, 而唔係單單係資訊方面做無謂o既抑制。

當然, 而家o既各種媒體亦經常嘩眾取寵, 經常扭曲事實, 過份地標榜色情暴力,或者刻意報道有關o既新聞; 但有錯的並不只他們, 也不能經常“賴”學校教育, 真正背負其中很大責任的角色, 父母一定是其中一方。只要教育得好, 孩子們懂得思考, 哪怕他們看了什麼東西?

看來, 天真的, 可能只是我們這些年紀大的人們。

完

五月十二日 -- 好多金牛座朋友

1. 5/5(一) -- 病好返好多, 起碼無咳, cert晒d單, 又唔使落白田, 因此呢日先第一次行樓; Lunch又練射波, 另外亦不停練基本layup+籃底跳射, 仲練Key位擦版, 一身汗, 有進步; 收工同家人去金源, 好少可一家人出街食飯呢, 呀爸極少去街食o既; 都係食果d野, 好食; 一早食完返企, 晚上訓得好差...

2. 6/5(二) -- 之前果晚訓得好差, 因此極眼訓+累; 當日知道又有同事走...真慘呢... 唔知Spenser不喜歡的某人會唔會因此調返澤安呢? 當晚早訓。

3. 7/5(三) -- 為左睇生日禮物for next Fri, 收工同民民行街; 由於佢收工晏, 因此唔睇得好多野(但係極速行路+目標為本, 都行左好多地方!); 不過大致上都睇到要買咩了; 天氣開始熱, 而家d女仔愈來愈敢著, 好多短裙/短褲小背心呢~

4. 8/5(四) -- 呀Mak生日快樂!!

5. 9/5(五) -- Lunch一星期一度落去食飯, 去左係Openrice睇到d人話幾好食o既泰國野"蓮金", 野食都唔錯; 晚上終於有得打返羽毛球!! 打7:00pm, 打之前係Openrice見原來SSP有間出名食蝦子撈麵雲吞水餃o既"劉森記", d蝦子落好~~多, 雲吞水餃好足料又夠味, 唔錯呢~ 打足2個鐘, 唔太累, 運動量好夠呢~~ 希望以後keep住有得打; 打完去左綠林食個甜品先走。

6. 10/5(六) -- Long week; 一早返白田攪完d野先返澤安; 夜晚在家睇星光執執耀保良, 睇睇下轉台見到衛視播"超級星光大道", 2邊睇, HK歌手完全被人地d參賽者比下去... =.=

7. 11/5(日) -- S生日快樂; 早上想打波, 點知落左場雨無去打, 民仔上左來打機, 點知後尾出太陽...下午出MK睇禮物, 大致上確定左買咩; 之後諗唔到食咩晚餐; 突然叫S出來食飯, 去左荃灣, "飯廳"full左於是食附近o既Olive唔知咩Cafe/Bar, 都幾好食, 睇晒成集和味無窮+大半集獎門人, 之後返企。

8. 12/5(一) -- 公眾假期; hea抖一天, 5點幾出門口同Mak & Friends食晚飯慶祝Mak生日; 去左兆萬15樓o既"五月花"食, 係"港台日"食品放題, 即係三樣野都有d o既任食; d野食都OK啦...價錢就$150島, 唔算好貴, 刺身都有好多, 其餘各樣野都OK, 唔多講了, 中規中矩o既一間野食; 食完有d人散, 有d人話上個friend屋企坐下, 上去坐左個幾鐘就走, 返企。

9. Indiana Jones有廣告了! 呢套野係我地呢d老fans必睇! 到時要去睇呢~~ 就算"福伯"已經咁老, 但都想睇! 期待

10. 病終於叫好晒! 喉嚨好返, 好想唱K呢!

11. 十分碓定自己, 髮線上移...

12. 由於屋企都有好多野想backup, 有時都覺得有個外置harddisk都幾方便, 可以同朋友過data, 又唔貴, 因此想買個。

13. 搭lift見到隔離屋o既小朋友, 唔經唔覺已經好大個了...發覺真係歲月催人呢。

14. 睇星光大道, 真係好正; 之前睇過某台灣清談節目, 請晒成班星光二班上去傾偈, 係節目度大家又會唱下歌講下好多野, 因此對佢地好有印象, 好impressive, 而且個個都好叻, 有唔同character又唱得好好; 睇當日播o既比賽, 佢地雖然比起係清談節目表現得無咁放同無咁正, 但係水準都好高; 而評判都係資深o既音樂人, 而且評得好嚴謹好仔細, 佢地o既評審包括晒技巧、感情、style...各方面等等, 真係好犀利好有見解! 而且睇左都可以知多好多野, 學到好多野呢~~ 另外, 係聽佢地參賽唱歌時, 都試下自己評下佢地有咩好有咩唔好, 有好多位, 好或者唔好o既, 都同d評審員講o既一樣呢~~ 睇來雖然我自己唱就麻麻, 但係眼光都唔錯呢~~ 另, 當日睇"星光執執", 即時相比之下, HK歌手真係好多都好唔掂...人地d參賽者, 最差果個放入來, 都可以排得好前了(而且又唔係醜樣架喎...)

links:

教科書塗鴉, 有d真係好精彩, 真係要睇睇!

http://www2.discuss.com.hk/viewthread.php?tid=6974495&extra=page%3D21

劉林聯婚-今晚擺酒有你; d人真係好有心機整, 慶祝朋友結婚, 改晒歌詞唱晒整埋MTV, 好掂; 好有誠意呢!

http://www.youtube.com/watch?v=rISipIz1iJs

劉林聯婚-開場片1(廣告 full version)

http://www.youtube.com/watch?v=RG9mhbcAVG8&feature=related

張雨生和林志炫-比高音&比低音 -- 2個台灣超勁o既歌手, 鬥高低音, 好勁! 其實各有各擅長o既野呢~ 另外, 旁邊d link有佢地唱o既一d高難度o既歌(或者唱人地o既歌), 都好正!!

http://www.youtube.com/watch?v=ffmzkaD9awg

棒球達人? 個呀伯好勁呢...

http://hk.youtube.com/watch?v=uV6SClrOi0o

壞孩子的天空 之 快餐店阿叔 -- 前排網上有一段有個八婆係美心攪事, 仲要拍片放上網; 好多網上o既人都好大迴響, 鬧到個女人好勁, 呢一段係有個呀叔改左歌詞放上網, 仲自己唱埋, 好抵死。果句"一起出醜卻感覺多好"好正 :P

http://www.youtube.com/watch?v=scO5bhS-Q1w

來緊:

星期三或四同貓MayChan等人食飯

16/5(五) -- 去出名o既東涌酒店食buffet, 慶祝2個朋友生日。

完

失眠隨想

天氣很差, 很不舒服, 睡得不好。
想著很多過去的事, 很多不同的人和事。

人與人之間的關係和信賴實在是很薄弱的。
單方面當然可以很強, 但關係和信賴是雙方的, 單方面強, 一點用處也沒有, 而真正有很強牽絆的, 可能只有血濃於水的親人及青梅竹馬的好朋友。

小時候常常聽說, 最好的朋友一定是從少認識到大的朋友, 通常都是中學同學, 而到了出來社會工作後. 就很難交到好朋友了。
當然, 最熟最死黨的朋友, 起碼對我來說, 一定是中學同學及幾位大學同學; 但我從來也覺得, 出來工作並不一定交不到很好的朋友。
因此, 即使工作多年, 我對新認識的人, 一開始就算不交心, 也一定不會虛偽待人, 儘量地用自己的真心交往, 去交多一些朋友; 相信只要自己付出真心, 就能影響別人。

可是, 現實卻不是這樣。

即使在工作時或一直接觸時多麼熟悉多麼健談多麼像好朋友, 一旦離開了就像很快便不相干, 只像人生的過客;
即使像我一樣, 經常去保持跟人聯絡, 也發覺大部份的人也慢慢的淡出了, 找不到了, 不理我了。
即使在面前是對你笑, 對你很好, 但也不知道對方在背後是怎樣想你, 怎樣在別人面前說你。
雖然我並不是一個硬直得不懂人情世故的人, 但我面對不喜歡/不好的人時, 最多是不跟他笑不談話, 起碼不會假到像一般人那樣笑裡藏刀。
我會對一個人笑會跟一個人談話, 就一定不會是討厭他, 就算有時不知說甚麼或者無甚反應, 只是我狀態很低, 或者一時不知所言罷了。
幸好, 出來工作多年, 起碼現在仍然有出來工作後才認識的朋友, 起碼, 我心中當他們是好朋友。
(不過, 由以前到現在應該有很多很多我當他們是朋友, 他們卻只當我是普通人的人)

人都是負面的動物。
一個人即使如何地做得好, 如何地儘力, 都總有做得不完美的時候。有時環境因素客觀因素很差, 儘起力來做更加未必有好結果。
但人就總會比較容易看到壞的一面。
做得好的, 就只是惹來一點鼓掌, 甚至只是被覺得是"應該的"; 做得不好的, 沒有盡善盡美的, 就會覺得你做得不好, 很不應該了。
跟著很理所當然地假想了很多不好的原因, 去解釋你為何做得不好; 但從來也沒有人去想過, 做得好的地方及不好的地方之間有沒有矛盾, 也沒有人去衡量做得好及壞的地方及把它們去做一做比較; 只是很理所當然地指出不好的東西, 然後就以那些壞的東西去延伸出那人壞的"証據"。
慢慢地, 不信任、猜疑、不滿就會發生; 就算仍然信任對方, 也會有很多怨懟之情出現(如果有其他人推波助瀾, 煽風點火, 三人成虎, 被疑慮者也只有徒然)。
即使能捱得一段時間, 慢慢地總會愈來愈不能忍耐, 最後就爆破, 一段關係從此破裂。
不論是任何一種關係都是如此, 尤其是牽涉金錢及愛情的事情。

卡通片及幻想世界中愛興正義的力量在現實世界中並不是萬能的(當然吧), 現在也已經沒有人去很天真很傻的去相信"真善美"了。
人與人之間的關係, 一開始總是先存在著猜疑及小心, 慢慢才能建立起信任(現實當然是這樣, 相信大家也是的);
而最可悲是那建立起來的信任, 卻又是那麼容易地崩潰(即使在很多小說中, 一些大好人做了一百件大功德事, 卻可因為一點小事就被全世界唾棄);
我當然明白現實就是這樣, 也明白大部份人都是這樣; 可是追求"心靈自由"及與人"心靈交流"的我, 明白, 卻不接受。
極度的心灰意冷, 這些天真的想法, 放棄罷...

只要人與人之間有一點"關係", 就會有期望, "關係"愈密切, 期望就會愈大; 路人, 顧客, 上司, 下屬, 同事, 朋友, 死黨, 愛人, 親人...
自己當然絕對不會變成一個六親不認的人, 親人及朋友對我都十分重要, 不會放棄;
但有時想想, "六親不認"雖然很孤獨, 但在某方面其實是很輕鬆的, 因為一點負擔也沒有, 沒有人對自己有期望, 自己也沒有對任何人有期望(但衡量中間的得失, 當然不言而諭有很大的不同吧)。

要讓自己的身心恢復自由;
一向自己很多東西也看得開;
只要再把這些"現實"看得開, 就能再向更廣闊的天空飛去...(不要誤會我想死吧, 沒可能的, 嘿)

完

執blog大工程完成!!

終於用左好多個鐘o既時間, 執好左個blog; 好耐之前已經想執, 將以前o既文分晒類, 唔分類o既話根本唔會睇返, 而家分左類, 起碼有晒categories, 想睇返邊類野都易睇d, 而且可以幾乎ignore晒d雜記類 XDDD

原來呢幾年來自己都算好有心機, 打左好多野, 不過真係早兩年d野好好多, 就算差都好無聊都好水準低都好, 起碼都有好多類型o既文章同好有心機諗好多野呢~~不經不覺都有四百幾篇野!! 扣除雜記都有二百幾篇呀~~!!

係執o既時間, 都有睇返好多文(其實好多睇返個題目都記得自己寫咩), 有好多講自己睇法同人生觀o既文, 睇返都覺得幾有意義, 起碼都係自己o既見識同經驗而得出o既結論, 而且自己都算係比較正面o既人, 相信我o既意見, 就算唔一定o岩, 起碼都可以比到人正面o既思想呢~~

至於d故事, 就當然見仁見智啦~~ 自己睇返其實真係幾好笑, 尤其係龜兔賽跑系列, 雖然好無聊但係都估唔到當時幾有諗頭, 就算d故事唔好笑, 起碼都可以笑下我呢~~ :P (好多文如果要睇要由底睇返上來呢~~ 因為佢係跟時間排, 愈新就愈係上面o既。)

估唔到o既係, "其他/不能分類"果少量o既幾篇都OK好笑 :P

除左分左好多類型, 仲有幾個categories係特別整出來的: "還OK的"、"我喜愛的故事/文章"。
"還OK的"係一d我覺得都OK的故事、感想、人生觀或者有關自己o既野, 由於未到"精選", 所以2樣混埋一齊。
"我喜愛的故事/文章"就將"故事"同"感想/人生觀"分開左, 而且都係幾篇自己特別喜愛, 或者覺得有道理d感受深d o既文章, 覺得特別值得分享同自己會最想睇返o既文。

總之分完類好有成功感, 亦都希望有助一d有少少興趣睇返我d好d舊文o既朋友去爬返舊文啦~~

完

兒時趣事1

有時諗起好多細個時發生o既趣事, 得閒就記底下先。
當然, 呢d係自己當時好深刻印象或者覺得好笑, 唔代表個個都覺得好笑o既。

1. 由細到大都鐘意食野o既; 雖然唔會好似Lobo咁, 會四圍食, 試好多唔同o既野食, 又唔會好似d食家咁專業, 會品評d野; 但係其實自己都好喜歡食野, 而且真係要食o既時候都會好有要求(我一向o既態度都會將價就貨, 有時食平野或者為餐飽就無咩所謂, 真係食好野或者貴d o既野時就會奄尖d)。所以講一樣有關“食”o既野: 聽呀媽講, 我BB時識講o既第一句話, 居然唔係“爸爸” “媽媽”, 而係福建話o既“食”字 =.= 呢樣野簡直就係一個好大o既藉口比人話我點解食咁多野同肥…(雖然而家細食左好多了~) 不過一個人一生人第一個識講o既字居然係“食”, 真係有夠…唔知呀媽有無記錯呢?

2. 熟我o既人都知我好鐘意貓。不過應該唔多人知道我一生中第一次同貓結緣係點樣o既。話說好細個o既時候有一次暑假, 一家人去上海叔公屋企玩, 當時佢家養左一隻深啡色虎紋家貓; 第一日去到佢屋企, 就見到有隻喵, 第一次近距離接觸貓, 果時o既感覺有d緊張(相信好多動物第一次面對其他生物時都會有呢種感覺), 不過我都唔算怕佢, 仲好有興趣添; 記得果時走埋去逗佢, 仲係度扮喵叫; 不過, 大家勢估唔到, 我第一次逗貓貓o既下場居然係比隻貓“where”我, 亦即係出爪爪我塊面! 當時緊係驚啦, 亦令我果個年紀第一次感受到莫大o既痛恨~ (當然無咁誇張:P) 由於呢一次o既事件, 我亦真係有d討厭果隻貓, 係叔公屋企玩o既期間仲成日整蠱佢, 將佢趕入間房之後又關埋門關住佢, 又成日拉佢條尾(呢樣野應該我叔公家人同我家人都好記得), 到臨走我仲成日形住佢條尾比我拉拉下拉長左添~ 隻貓貓仲有同我地影相, 張相仲係度添~ (睇返其實好可愛 :D) 估唔到到左而家, 我好鐘意貓貓, 而且我o既favourite貓款係深啡色虎紋家貓呢~~

3. 同樣都係一件發生係上海o既事; 記得有一次唔知係家中無水定點樣, 我家同叔公一家人要去公共澡堂沖涼(係一生人第一亦係唯一一次); 話說果時年紀仲好細(應該係3歲左右), 成日話要跟住呀媽, 而且三歲都仲要人幫我沖涼, 因此, 我就被帶到男人o既天堂 – 女子澡堂果邊!! 咁細個, 當然唔會有d咩色情o既諗法啦~~ 不過由於好少有呢d機會, 所以印象都好深刻呢~ 印象中, 澡堂中有好多女性係度沖涼, 而且都係白雪雪, 而且唔知係咪比較北方, d身材都好勁下…唔…唔…唔…不過, 大過左o既我, 如果問我最喜歡欣賞o既女性部位, 絕對會答你係“腳”。人人都話男人年紀輕會鐘意睇面, 慢慢大左就會向下移睇胸, 再大d就睇腳; 但係我由以前開始已經係答人“腳”的…當然, 身為男人, 有得睇應該係樣樣都鐘意睇o既, 只不過講緊“最喜歡欣賞部位”姐~ :P 另外, 反正講開呢d野, 又再講多d: 我又反而唔係好喜歡“絲襪長腿”喎, 對絲襪呢樣野又無咩特別癖好~ :P 嘿嘿。

4. 頭先講起貓, 不得不提另一種同我好大關係o既動物 – 蟑螂。又係熟我o既人都知道, 我係極極極度害怕曱甴o既, 仲要係好誇張果種, 比起女仔見到時o既害怕更害怕!! 相信係我識o既人入面, 都無我咁驚! 無錯, 一個大男人怕曱甴好似好羞家, 但係我從來都唔會隱瞞呢樣野, 驚就係驚呀嘛!! 係我眼中簡直就係世上最最最醜惡o既生物!! 我反而唔係好驚其他蛇蟲鼠蟻(証明我唔係膽細, 只係驚呢一種生物), 好多時近距離見到老鼠都無咩野, 就只係驚曱甴, 如果有人專登拿呢樣野來同我玩, 我係真係會反面o既, 大家千祁咪拿呢樣野來同我玩呀! 究竟我有幾驚? 好難講到出來, 我儘量形容下啦; 係街上見到, 我係一定會運路走, 仲要兜到無雷公咁遠來行, 如果見到會行果d(唔好話會飛, 會飛果d我一定會以100米9秒9極速逃走), 我都會即時心跳大動作一彈彈開; 而厭惡o既程度, 係食飯時見到間餐廳有佢躝過, 都即時會疑神疑鬼, 四圍望同埋留意佢o既動向, 成餐都食得唔安落仲要愈快走愈好; 另外, 即使係書上o既圖片, 或者隔住一層玻璃, 知道一定唔會直接掂到, 我都係唔會去摸落去; 更加唔敢執佢o既死屍, 就算知佢死左, 再加上幾十層報紙加手套, 我都唔敢執的。有佢經過過o既地方或者躝過o既野, 我都係唔會掂或者行o既; 係咪幾誇張呢~

講左咁耐, 都未講到有關“兒時”o既事; 我同曱甴o既結緣, 要追溯到我BB歲幾兩歲o既時候; 記得果時自己應該識識地講野, 記憶仲好模糊, 而且仲係困係BB床無得走o既時候; 話說係BB床上無野做, 又走唔甩, 突然呀哥指住張床話“有曱甴呀”, 仲大為緊張好驚咁。對一個入世未深, 咩都唔知o既人來講, 面對住一樣未知o既生物, 緊係即時好驚啦!! 當時有幾個原因令我驚o既: 1. 呀哥好大反應好緊張(見到自己o既長輩咁緊張, 其實真係有影響的, 因為生物係會係長輩身上學習, 見到佢地驚, 自己緊係驚啦); 2. 唔知係咩生物(面對未知生物, 一定係淆底先o既) 3. 最慘係我係床度, 轉來轉去都見唔到佢(直至事件完結都無見過) (面對未知o既生物, 仲要連樣都見唔到o既神秘生物, 更驚) 4. 我係BB床度係無得走o既(困獸鬥, 當你被逼同你怕o既野關係一個地方無得走, 仲更驚(大家睇好多驚慄片或者喪屍片殺人片, 好多時驚都係因為係一個逃唔出o既地方比人/野追殺)。因為呢4個原因(係我由細到大諗出來, 分析過事件經過同人o既心理而得出o既結論!), 我係好驚好驚曱甴o既。之後都有幾件事值得一提: 係上幼稚園年紀o既時候, 有次企左係房門口, 係門框上有隻大曱甴(大家諗諗一個人企係門口, 同門框上o既野係幾近!), 由於屋企門同門框都係啡色, 一開始無留意到, 到我突然發現時好近, 隻衰野仲要無啦啦起飛!! 我當時嚇到即刻衝入房同大喊添!! 仲有好多次, 我係以前住果度(由出世到讀Year 1都係住北角舊樓)有好多曱甴的, 佢地平時都會躲埋, 但係夜晚就當然會走出來啦, 發生過好多次, 晚上醒左要去痾夜尿時, 開燈發覺(唔開燈係全黑咩都睇唔到o既)有隻大野係我隻手同燈制o既旁邊, 或者係係我企果個位o既牆旁邊, 真係嚇死人。亦都因此, 我練就出“曱甴探測器”o既本領。同我熟d的朋友都知, 我係街度行, 即使係係好暗o既環境(當然唔係黑晒o既地方啦), 係好刁鑽o既地方, 如果有曱甴我都會感覺到, 可能我對黑色o既移動或者待機物體好敏感o既關係, 而平時自己行路做野都慣左四圍望, 一眼關七(擺明係”目及”女 :P), 因此成日都發現人地見唔到o既曱甴呢, 如非狀態好低或者好專心咁做緊第2d野, 通常“曱甴探測器”都好勁的!!

太多兒時o既事可以講, 打左咁多, 未必有人有心機睇晒啦, 分開留返下次2345或者再多d先再講啦~~ 下次會講下有關“鬼”o既野。

完

五月四日 -- 五四詳盡雜記

1. 今次雜記唔係一日寫晒, 係之前有時間或有心情精神時就寫定果日做過d咩, 因此比較詳細dd, 唔會星期頭果d就唔記得晒而好短呢~ :P

2. 28/4(一) -- Carmen生日快樂。收工唱K。由於仲病緊o既關係, 個喉嚨仍然唔舒服, 基本上係唔適合唱歌的...大家都幾耐無見, 呀Man把聲仍然好聽; 不過呀Man又係典型天才型水皮座, 有d好叻或者好好o既野, 但係唔一定好有心機去做/練好佢, 佢把聲好聽唱歌亦都好好, 不過始終未必係最喜歡o既興趣, 因此少練同埋隨自己心情而唱或者有d求其(典型水皮座, 極度情緒同埋睇心情做野:P), 所以會有瑕疵呢~~雖然同我識o既唱得最好o既人仲未夠level, 不過把聲真係好聽~~

3. 29/4(二) -- 好耐無試過咁耐都病未好返...今日lunch第一次Spenser同凱琪去跑步, 希望佢地keep到成日去跑啦~ 自己都同佢地去左果度, 不過自己就練射波, 個場無咩人, 真係練波o既好地方, 可以慢慢adjust返自己o既手勢同手感; 收工同Lobo等人食飯, Lobo帶路當然就食佢推介o既野啦; 點知一開頭諗住去果度原來個4人set無做, 於是轉去另一間都係Lobo推介都係中菜o既地方。d野都OK好食, 不過個size就幾細, 而且唔係樣樣好食。個魚翅就好食, 唔係平時果種做法, 係用雞湯燉o既, 有好重o既雞味, 幾好食, 個文昌雞都唔錯; 魚就普普通通, 不過個龍蝦真係好細隻, 個菜直情唔係好好食...由於d野食唔係全部都好食, 加上每位差唔多$140都唔係平, 因此覺得overall普通而已, 過幾條街o既金源會好d呢~ 之後去左另一間野食甜品, 個綠茶布甸幾好食, size又係唔大仲要$20, 都係金源會開心d :P

4. 30/4(三) -- 病未好, 收工返企。晚上終於爆左忍者龍劍傳o既"超忍道"(即係最難o既level)(第二日仲儲齊晒所有木札), yeah! 相信唔係好多人有心機同能力做到呢! 係master左個game, 唔係finish而已~

5. 1/5(四) -- 五一勞動節假期, 由於之前果晚夜訓關係, 是日頭痛。在家hea抖一天。

6. 2/5(五) -- 雖然白田HO book左場, 但係由於佢唔得閒o既關係, 所以佢唔去兼無得幫我地拿場; 不過我地就照拿場紙入去打, 搏一搏成功左; 同SpenserCatherine打, Carol到時都差唔多打完; 7點鐘完場之後約左ConnieMartin係ssp一齊食飯同一齊打機; 6個人打Mario Kart打左3個幾鐘, 幾爽!! 好耐無試過咁多人一齊打啦~~ 好開心~~~ 係食飯地方打到9點幾, 再轉場到M記打到11點半島一齊走。

7. 3/5(六) -- 在家hea一天, 極悶。晚上剪左髮, 睇左大半勁歌季選(都係自己叫返季選, 叫咩第一季優秀選呀, 怪到死); 由12首歌增至14首... =.=。

8. 4/5(日) -- 由於星期六在家hea爆左, 星期日一早起身諗住打波又訓著左無去打, 頹爆。到下午居然msn都無咩熟朋友出現。3點幾同C行九龍灣, 行得少反而係M記打機好耐, 係UNIQLO仲撞到呀馬添; 晚上返企睇獎門人。


9. 星期二返企途中, 出左TKOMTR之後行緊返去時突然聞到陣臭味, 四圍望之下見有個年紀大的呀叔(即係又未到呀伯)企左係度, 我望落去見佢褲管同鞋上都有屎屎, 但係鞋底又無喎! 佢應該係...實在太可怕啦~~

10. 幾鐘意睇勁歌呢類節目; 主要o既原因當然係有得睇人唱Live啦~~ 星期六晚睇完, 仍然都係覺得, HK樂壇實在係笑死人...連一向唔唱歌o既主持崔建邦, 都唱得好過某d歌手...真係死得...唱歌唔係只係o岩音唔走就叫OK, 唱現場唔錯得只係基本, 發聲o既方法, 感情, 仲有出音收音有無瑕疵等等, 都有好大o既分別, 計埋晒呢d, 真係無邊幾個係叫"OK", 就算唱得較好o既Joey都有d位差dd(雖然佢o既歌係難唱過第2d人), 最好始終都係Eason, 克勤唱就無問題但係仍然係0感情, Joey同泳兒都好, 關心研叫OK, 何韻詩普通, 方力申叫係唔錯, 陳柏宇反而係一向都唱得OKo既, 其餘陳小春周柏豪Stephy果堆真係好垃圾...盧冠廷出返來, 佢演繹方法一向都係怪怪地, 佢唱就一定係唱得唔錯, 但係鐘唔鐘意就好主觀啦~ 個外國小朋友, 6-7歲就可以唱到咁, 好厲害呢~~

11. 發現左一樣野: 細個成日生飛滋, 大個d出來做野有時去街食飯或者自己煮野食就唔會(lunch帶屋企o既飯都唔會), 一連續多幾日返企食飯就好似又生, 究竟有無關係呢??

來緊:
5/5(一) -- 約左屋企人去灣仔金源食飯; 好難得一家人去街食飯呢。
9/5(五) -- 白田羽毛球活動? 未confirm。有一日約Carmen食飯

Links:

談戀愛必算的數學題 -- 睇到我頭大, 不過幾得意, 推介大家睇睇呢。
http://blog.pixnet.net/ironsnow/post/12591521

賭俠1999張家輝片段 -- 當年佢其中一套好好笑o既戲, 一路都覺得, 佢做配角真係好好, 好適合做一個好好o既配角/第二男主角, 但係擔正就始終爭d...同胡杏兒一樣。
http://hk.youtube.com/watch?v=LJSeEkmyJaU

有趣的招牌 -- 有d幾得意。
http://www.wretch.cc/blog/cwwany&article_id=16655078

完

四月二十七日 -- 剛果驚魂-->生化危機

1. 21/4(一) -- 開始係白田執野搬野上澤安; d櫃同台仲有好多雜物都好重呀...諗起果時由龍翔搬野去白田都係2個人, 累死了...收工返企。

2. 22/4(二) -- 繼續搬野大業; 好好累, 手都軟; 收工再返企。

3. 23/4(三) -- 係白田o既last day; 都有d唔捨得o既感覺o既; 係白田o岩o岩好一年(多幾日而已), 呢一年穴係發生左好多野...實在係好多...不過都過左去了, 返唔到轉頭的了, 都有好有唔好o既; 期待下條村同往後o既路啦! 收工都係無約, 但係連續返企又唔想, 於是收工臨時決定去葵芳行街, 諗住完村買個模型獎勵下自己; 點知行完發覺無野o岩買...是晚開始喉嚨好痛, 痛得好犀利...唔知係咪搬左3日野, 個人累所以抵抗力差左呢?

4.24/4(四) -- 病, 好唔舒服o既一天, 夜晚喉嚨痛早上起身好少少, 但係鼻水鼻涕就好犀利, 個人成身都好累同軟弱無力, 個人都無咩反應, 如果唔係開村第一日, 我會請病假...夾硬返工o既後果, 就係病得更嚴重...當日拜神, 拜完食完野基本上個人都無咩反應, 幾乎係坐到收工就返企, 醫生都無睇, 食完飯沖完涼8點半訓左, 諗住第日會好d...是晚本來約左ConnieMartinCarol等人打網球, 不過爽約返左企了...

5. 25/4(五) -- 本來諗住訓成晚起身會好d, 點知唔掂, 請左病假...成日在家hea抖一天; 晚上又爽左約Lands舊同事o既飯局...嗚嗚嗚...

6. 26/4(六) -- Long Week; 由於廢事請咁多病假, 於是未好返都照返工; 好彩當日工作量唔多; 一來返左澤安拿PDA先(因為星期五無返, 無拿到...), 拿完落白田收貨, 收完貨中午係下面食埋飯先返上澤安; 由於未好返, 收工返企...

7. 27/4(日) -- 咳同喉嚨痛痛地始終未清, 但係個身體叫係無咁軟手軟腳; 難得天氣好好, 而且好耐無打波, 於是去打波!! 今天打得反而幾好, 各方面都打得幾好, 射波亦準。打完食埋飯陪呀馬行左陣傢俬就返企。

8. 開村以來都黑仔? 第一日就病, 第二日請埋病假, 第三日未病好得來係公司仲界親手指, 都幾深仲流左唔少血...唔通澤安不利我? 明明條村感覺係幾好的...

9. 呢排都有開工砌野...KO左一d唔使/唔想加工o既模, 慢慢減少庫存都係一件好事呢~~

10. 仍然有睇o既漫畫仍然好睇。就算有d人話搵笨都好, 都係好睇 :D

11. 六月o既BB三國傳 -- 關平, 超型!! 可能買多一隻!!

12. 之前明明諗到好多野想打, 又唔記得晒, 算。

來緊:
28/4(一) -- 同ManPuzzleWingSpenser俠士凱琪K, confirmed; 我個喉嚨都唔知唱唔唱到...
29/4(二) -- 同LoboWilliam民食飯
1/5(四) -- 公眾假期
2/5(五) -- 好耐無打o既羽毛球!!同白田o既HO等人打~~
3/5(六) -- short week
16/5(五) -- 同死黨們去東涌食buffet慶祝呀Sam同S生日
未約到貓MayChan等人食飯

完

四月二十日 -- 雜記

1. 14/4(一) -- 收工本來返企, 收到電話奇趣有有平模, 去到係有,不過d野唔o岩...15/4(二) -- 同話劇同學去灣仔金源Gathering, 民AlbertAddisonCrstalFrederick; 燒雞好味, d甜品正呀~ 尤其係榴槤慕絲; 而家係內地開廠真係好難做呢...希望Albert加油啦! 16/4(三) -- 同ConnieMartinCarolAlvin係TKO打羽毛球, book一個鐘only, 當日精神狀態好低, 打完無同佢地食飯就返左企, 好早沖完涼就訓左... 17/4(四) -- 收工後留係公司4個人打機, 之後食飯返; 18/4(五) -- 同民Joelle等人K, 班人實在...好攪笑, 睇來第日都係少同佢地唱為妙~唱到1點島走先, 佢地晏d先走; 19/4(六) -- 突然打風落雨, 在家一天; 20/4(日) -- 估唔到天氣咁好, 不過無打波, 一早起身睇NBA Playoff Round 1 Game 1: Utah @ Houston! 民仔來左一齊睇, 之後基本上都係成日係企hea。

2. 古龍小說, 睇晒七種武器系列, 陸小鳳都就來睇完; 佢寫o既風格同金庸真係好唔同; 好多時都好有電影片段feel(佢亦都有小說其實係一寫就係拍片o既), 而且內容豪邁奔放好多, 主角們通常都係一來就已經武功高強, 比較少講成長o既野(因為篇幅較短); 佢寫o既野好講"意境", 好多時都寫到d人同武功o既意境好高, 好精彩; 不過佢寫咁多小說, 質素真係好參差...好睇起來可以好好睇, 差起來都幾唔好睇呢。而佢o既小說中, 無論係情節定係人物, 同佢o既人一樣, 都係好喜歡酒, 同埋都係以"俠氣"為本, 而且都係喜歡女人(而女人亦會好喜歡佢地而痴埋來), 古龍書中o既"真男人"同金庸o既好唔同, 不過的而且確比起金庸o既角色有氣概。比較唔鐘意o既有幾樣野: 由於佢o既小說故事通常都係懸疑故事, 所以好多時都係一路唔知發生咩事, 而慢慢解開迷題, 不過好多時都太濫地懷疑一個角色, 原來唔係佢, 原來又係深一層, 係另一個人, 點知原來又唔係...一路落去, 個個都懷疑過, 最終原來又係某某人咁, 其實有少少無聊同埋佢講晒o既...另一樣唔鐘意亦牽涉到呢樣野o既, 就係入面d好人當然就一定係好人, 奸o既(或者睇落去以為好, 其實係奸果d), 會出賣自己友, 跟住原來佢係卧底, 點知又再再出賣返另一邊, 跟住點知又有另外d人又出賣返佢...又係一路落去, 亂晒龍...頭先講果2樣野加埋, 真係好亂...up晒...

3. 星期五早上親身上左澤安, 一上到去咩都未見, 直覺感覺覺得好唔錯o既地方; 其實環境真係好靜又大風, 幾舒服, 只不過係唔方便左d...而且一間食肆都無...好彩都有一間華潤超市...有球場, 似乎之後o既lunch無機打, 都係會自己練下波呢。

4. 徵求topic一個。

5. NBA playoff開始, 打完又完一季了...今年真係不知鹿死誰手...不過完左又有幾個月時間少左樣娛樂了。

6. 諗唔到有咩講, 係咁。

來緊:
28/4(一) -- 同ManPuzzleWingSpenser俠士凱琪K, confirmed
16/5(五) -- 同死黨們去東涌食buffet慶祝呀Sam同S生日
未約到貓MayChan等人食飯
呢個星期會有一日閒日同Lands舊同事(另一堆)食飯, 未firm
下星期會同民LoboWilliam食飯

完

維修怪談之吉房奇遇

原本呢段無謂野好耐之前已經諗左(因為某d野係真係發生左係我身上的XDD), 但係一路都無寫, 而家終於都寫完。之前post左係呀sir個blog, 不過post左幾日, 諗諗下覺得太無聊, 於是修改左少少之後係度post返, 做返一個好無聊o既鬼故 :P
另外, 吉房, 即"空置單位"也。

**********

某大機構轄下掌管大量物業, 因此聘請了大量人士以作管理維修事宜(以下簡稱"大便", 乃"予人極大方便"之簡寫也)。話說由某一段時間開始, 大批的大便開始離職, 人心惶惶, 逃亡潮持續不斷。有人估計, 大便們隨著不斷工作之中, 發現自己的辛勞並無合理回報, 而另一大機構又掀起了挖角行動, 才出現了所謂"逃亡潮", 其實不然。

此大機構(以下簡稱H公司(或者HD), H for Happy, 因機構內有大量快樂的冗員也)轄下之物業, 大部份都經過時日的洗禮, 當中有不少日久失修, 而最重要的, 乃是這麼多年來, 總有不少人在這些物業中因各種原因"仙去", 因此也發生了很多"怪事"。以下就是其中一則行內流傳的"事情"。

話說某個天陰寒冷之日, 某大便要進行已作預約的入屋堪察, 於是在指定時間在某座頂樓該單位前等候工程聯絡員(簡稱"鑊高", 諧音也)及工程技術員(簡稱"廢達", 亦諧音也)*, 等了一段時間, 但見已經過了約定的時間仍然未到。為了不致失約, 唯有硬著頭皮, 自己先敲門, 作出檢查, 待同事們到達之後才補回其他工夫。

敲了好幾下, 沒有人應門; 由於該單位處於垃圾房旁, 該大便忍著臭味, 忍住頂樓機房的嘈雜及頂樓的陰暗, 繼續敲門。到了幾乎想放棄的時候, 大門"呀"的一聲打開, 一個面貌呆滯的老婆婆從門後伸出了頭, 問: "什麼事呀?" 大便解釋了自己的來意, 該老婆婆打量了他一下, 就開了門及鐵閘, 讓他入屋檢查。

大便不厭其煩而詳細的把檢查及維修的內容解釋了一次, 便開始了檢查。他有點納悶 "怎麼這單位內的陳設這麼舊? 而且像這麼空蕩蕩, 卻又好像比外面暗? 不過倒是沒什麼需要維修的地方..." 那老婆子也不跟他說話, 只自顧自的打掃, 大便也怕了這冷場, 但由於氣氛奇異, 也不知如何說些話來打破沉默, 於是唯有硬著頭皮快些檢查完便走。

檢查得好一會, 大致完成之後, 回到大廳正想向那老婆子解釋檢查的詳情, 突然發覺原來在露台中的洗衣機後, 有一個人一直蹲在後面, 一聲不響瞪大了眼看著他!! 大便自入屋以來一直沒有留意到那人, 即使檢查露台時也留意不到, 自問一向一眼關七耳聽八方的他不禁心中打了一個大突!! 不過檢查也已到了尾聲, 當然要完成整個程序; 他硬著頭皮向沒怎麼理他的老婆子解釋了檢查結果, 把該說的"台詞"都說了後, 就道謝一聲離開, 那洗衣機後的男子一直只是一聲不響地瞪著他; 就在他踏出了該單位後, 他突然發現原來廳中一直另有一人躺在椅上!! 他竟然也沒有留意到!!

他趕緊離開了該處, 正自奇怪鑊高與廢達仍未到達時, 電話突然響起。
"喂, 大便, appointment約左10點係十座XXX室等, 你做咩仲未見人o既?" (為了原汁原味, 口語得以保留, 原諒則個)
"下? 我頭先已經行左啦喎, 你地都仲未見人o既??"
"點會呀, 我地係間野門口等左你好耐啦噃!"
"下...等我睇睇先...咦! 原來我去錯左9座, 入錯左房口呀~~!"
"你快d來啦, 個住客開埋門等你來架啦~~!""好好好!"

大便原來去錯了地方, 他順便打電話去客戶服務主任查詢有關去錯了的九座單位, 該主任一查之下, 發覺...
"你頭先行果間, 應該係吉房來架噃!!"
"咩話?! 無理由架, 明明有人開左門, 我入去睇埋添架噃!!"
"唔係喎, 我見個record真係vacant flat來架噃, 你有無記錯呀~~"
"下..."

事後, 幾位同事一起再上去該大便"檢查"的單位查探, 發現真是一間空置單位, 而且聽知情人事說, 還有一些傳聞...該大便在事後也病倒了好一段時間...此後亦不時生病, 常取病假...
此事於大便界不脛而走, 慢慢傳遍了整間公司; 這只是第一次發生事情, 不過是滄海一粟, 之後在不同物業不斷再有類似情況發生, 因此才出現了所謂的轉工潮也。

完

文中所言有超過一半乃係創作, 如有雷同, 實屬巧合

*注 -- 此兩簡稱乃H公司某C級管理人員所擬, 意境之高, 非本人所能想像也。

完

四月十三日 -- 雜記

1. 每逢星期日, 我多左個會問自己o既問題: 我上星期做過d咩呀? 每星期o既閒日又懶無記低自己做過d咩, 次次都係星期日用個腦load返, 實在係麻煩呢。

2. 經過左大半年o既時間, 幾乎只係寫雜記, 自己都覺得自己個blog頹到爆; 雖然, 寫下感想寫下無聊故事都係低水準之作, 但係都總比只係有雜記多姿多采d; 不過, 我應該會開始寫返下d無聊野, 希望唔會出現只係有雜記o既情況。

3. 都係唔係好記得...儘記先: 7/4(一)返屋企; 8/4(二)心血來潮, 同Catherine去左新浦崗食大盛, 唔知點解埋單一人派左一張VIP card正~~9/4(三)返企; 10/4(四)約返好耐無見的Lands同事出來食飯: 八婆, 八婆老公(八公?), Maggie, Gordon, 呀B, Esther七個人, 係荃灣o既南翔小籠包食; 好耐無見八婆了!! 佢大左肚幾個月之後都未見過, 而家佢個B都2個幾月了, 睇左好多B相呢~ 好得意。11/4(五)極累收工後返企; 12/4(六)longweek收工去左葵芳睇玩具; 13/4(日)落雨無波打, 全日係企。

4. 白田村已經完結, 剩低o既時間就係等d工程完埋, 四月尾完村上澤安 -- 一個鳥不生蛋o既地方; 聽聞果度極度平靜, 都係一件好事...不過靜到連唯一一間食肆都執埋, 又有點兒那個...我同同事講笑形容: 果度變左bio-hazard都可能無人知 :P

5. 近兩星期爆左好多NDS game, 仲要係唔同類型o既game: Dungeon Explorer, 爆走貨櫃車, 忍者龍劍傳, 熱血躲避球, 不過一次過玩得太快, 又好似無咩game玩了...

6. 金庸小說返睇中, 但係唔係成日可以連續借到, 於是係中間o既時間借左古龍o既; 好細o既時候都有睇過, 但係已經完全唔記得, 所以幾乎可以話自己係未睇過(因為已經無咩印象了); 古龍小說好多都比金庸短好多, 而且風格好唔同, 另有一番風味, 不過質素比較參差, 好睇起來可以好好睇, 差起來又真係幾差。等我繼續慢慢睇返啦。而家睇緊七種武器系列。

7. 好耐無寫下故仔, 不如大家俾個題目我呀? 唔係俾題材, 而係俾一個"題目", 內容同方向果d就完全我自己諗, 唔該晒。

8. 某死黨係網誌中呼籲有睇佢blog的人留個言俾佢; 我以前都好似有做過類似o既野呢, 嘿嘿。不如我又係度呼籲下有睇o既人留個言啦(不過我估雜記應該無咩人睇, 更加未必會睇到呢度 XDD
9. 好多朋友又開始轉工, 而且都轉得好唔錯呢; 加油呀。

來緊:
15/4(二) -- 同話劇同學Gathering, 去灣仔金源, 好期待再食個燒雞同d甜品!!
16/4(三) -- 同ConnieMartinCarol係TKO打羽毛球, 係要開始打返熟習下了, 5月開始每星期同馮生打返!
20/4(日) -- 同Lands同事GordonEricaWendy食飯? 未firm
28/4(一) -- 同ManPuzzleWingSpenser俠士凱琪K, ok firm
16/5(五) -- 同死黨們去東涌食buffet慶祝呀Sam同S生日
未約到貓MayChan等人食飯
未約死黨們同Joelle等人唱K

完

做人難

由第一份工作開始, 工作上朋友上同事上等各方面也會常常接觸到很多不同的人(尤其因為工作, 之前每一份工作都要經常跟不同的陌生人打交道)。

人真的是很“衰”的生物, 總是對別人的期望很大。
不論是陌生人, 同事, 朋友, 情人, 親人也好, 總會慢慢的要求得愈來愈多。

做一個壞人, 對別人壞, 別人就不會喜歡你。
做一個好人, 對別人好, 別人就會慢慢的覺得理所當然, 覺得你好的行為是應該的, 或者想你做得更加好。
做到最好, 別人可能也會要你做得更好, 就算做不到更好, 就會要你保持著。當你間中一次半次做不到之時, 錯的卻就是你。

愈親近的人這情況就愈嚴重。大家也會覺得你一次半次的做得不夠好(可能比起很多其他人也好得多了)也是很不好, 甚至變了。一個好人就不可以有心情差發脾氣的時候, 不可以有很累想躲懶的時候, 不可以有想自主不聽話的時候…

工作上, 縱使有很多選擇做好/壞人的時候, 但始終公司/上司會有一定的指引及守則, 不會有太難做的時候。到最後只要跟規矩做就可以了。
在對待身邊的親友時, 卻就難了。

像對待小朋友一樣, 都是不可以“縱”的。
和很多人談“湊仔經”, 大都認為不論是嚴是寬, 是慈是惡, 教小朋友一定不可以“縱”。即使大家都不縱, 但有一個人縱, 也沒有用。

其實成年人何嘗不是? 當身邊的人個個也是好的時候, 要求就自然會提高。當大部分員工/同事做得好的時候, 也會要求效率高些。這樣當然很正常。

但有2個問題:
(1) 當身邊有人“玩爛”的時候, 把一些不應該做的事都做成“該做的standard”時, 就會令所有其他人都很麻煩了。有很多上司(尤其是不懂管理學的發不到達的老細, 或政府部門公營機構不會想賺錢的公務員)都不會把這些情況考慮, 也因此造成了惡性競爭的出現…(尤其在中國人社會); 又或者有些人會花很多時間或金錢去取悅男/女朋友, 但每個人的時間, 工作, 經濟狀況及人生態度也不同, 不能一概而論; 但卻也出現了很多“理所當然”應該要做的事, 但實際上是否真的需要做的呢?

(2) 前幾段所說的那樣, 愈做得好要求愈高。基本上你曾經做得好過, 就起碼要保持這那一個水準的“好”。做不到嗎? 是你的問題了。難怪“男人不壞, 女人不愛”。除了很多其他不同大家已知的原因之外(像: 能俘虜壞男人的心更有成功感, 壞男人通常比起好男人有趣不會悶…等等), 他們在一向壞的時候偶爾給你一絲的溫柔, 的而且確比起一個經常對你好的“好”來得矜貴。

那樣的話, 其實是否應該對人差一點? 難道又要常常說要保持“中庸之道”? 每一個人也是不同的個體, 而人的思想也是很複雜的, 要做到每一個人都好實在很困難。

到最後, 公司倒閉, 難以東山再起; 愛情消逝, 不能再回頭了。只有政府這些不會倒閉的公司, 一直半生不死地留在世上, 受盡唾罵。

做人真的很難哪, 造人相對卻簡單得多呢。
至於如何好好地造人, 卻是另一個話題了。

完

一再返睇金庸小說之閱讀報告之神鵰俠侶

幾經艱辛, 終於借到神鵰#2, 可以一口氣讀完。不過真的不會談寫作手法什麼的, 只會談談對小說故事人物的感覺。特別要提的, 是金庸先生於新版小說的後記的一段文字, 談論應抱什麼心態去欣賞小說, 看罷覺得這正是大家看小說, 電視/電影等等的心態, 大家有機會可以一看。這次的感想也包括了一些對"人"的感想, 希望大家看了之後可以給一點意見及有些幫助吧。

始終覺得雖然劇情很精彩, 主角的遭遇很傳奇, 故事中各項武功及人物都營造得很好, 但在金庸的小說當中, 縱使有很多人也最喜歡這部小說, 我自己卻比較沒這麼喜歡。

一個人喜歡一部小說與否, 除了作者的寫作功力是否能寫得有感染力之外, 讀者的性格及喜好也有很大的影響。正如一個文靜充滿愛情幻想的少女不一定會喜歡驚慄大師的小說, 一個粗豪的漢子也就未必會看少女愛情小說。

同樣道理, 由於自己的性格關係, 不太喜歡神鵰俠侶。當然不會討厭, 因為其劇情等等各方面也很精彩, 但有幾個主觀原因使得自己不喜歡。

第一個原因可能就是其他人最喜歡這部小說的原因。有不少人(包括身邊的好友)很喜歡小說主角楊過, 喜歡他反叛的性格。而這部小說的內容也深刻地描寫了他離經叛道及偏激的行為。個人覺得合理的反傳統, 對於傳統迂腐及不合理的“習慣”嗤之以鼻是很值得鼓勵, 而且十分欣賞的(我自己也不是一個傳統及循規蹈矩類型的人)。但我不能接受的是“偏激”。

自己的性格比較祟尚自由及平和, 憑心之所安而為, 不同種類的所有東西共存於世界上; 當然, “偏激”也是世上不同種類的東西之一, 因此我“接受”它, 但這並不代表我喜歡它(理智上接受與情感上接受有很微妙但截然不同的差距)。自己比較不喜歡偏激, 過份的偏激的性格或意念, 在歷史及經驗上通常只會愈走愈偏, 所發生的事只會愈來愈不好。

楊過若果沒有偏激的性格, 當然不會有他的各種奇遇, 不會為故事添上無數色彩, 不會產生出這麼惹那麼多人喜愛的人物, 更不會顯出他與小龍女一段刻骨銘心至死不渝的愛情。有很多人就是喜歡這些, 可憐楊過及龍女, 也為他們最終能成眷屬而歡喜。

自認為很客觀地覺得, 楊過是“抵死”的, 活該的。一個人是否獲得他應有之所報,並不是單純地想“好人有好報, 惡人有惡報”, 而是要看他的性格行為環境經歷而發生的。楊過個性高傲得很, 而且想法又偏激, 又剛愎自用, 壞就壞在他聰明(最怕就是這種人, 認為自己很會想很會明白各樣事情, 經過了自己的想像, 沒有看清楚情況就妄自猜度, 然後就產生了很多誤會, 帶給自己及別人很多麻煩, 其實大家不多不少也一定會這樣的, 希望大家看了之後要小心, 共勉之)。

楊過這樣的性格, 造成了他的遭遇, 因此十分合理, 並無該可憐之處。縱使他經常被人無理的懷疑, 但如果他不是這樣的性格, 像張無忌那樣柔弱一些, 說道理一些, 或像灰雲一樣忍辱負重一點, 就不會把事情愈弄愈糟。當然(當然又當然), 他的性格不是這樣就不是楊過, 我也並沒有說他的不是, 他所做的也相當符合他的性格, 貫徹了“楊過”會做的事, 只不過很符合他的性格行為之餘, 他的遭遇也就很符合他的所為, 也因此並不可憐。

由於自己並不是這樣的性格, 因此與楊過“相性不合”, 也就並不太投入於這角色, 於是便對書的喜愛程序打了折扣。

其實就這樣也算是一個完整的閱讀報告, 不過也就把其他的感覺也都寫了下來吧。除了以上這最大的原因之外, 還有幾個原因。

這部小說寫的是“愛情”, 不過不知道是由於書中人物太出類拔萃, 還是他們不多不少也甚偏激(應該2樣也有點吧), 他們愛上一個人後也很快就極深, 以致生死相隨, 終生不棄, 也就因此浪費了很多青春。先不說楊過到處惹下的相思, 其實連李莫愁, 武三通, “射鵰”之中帶下來的瑛姑, 林朝英…等等, 都是因為雙方的性格而導致了大量的遺憾。自己算是比較怕看這些劇情吧? 一段不完滿的愛情可以很美麗, 但不斷出現就使人生厭了。

談談人物吧。
楊過談了很多, 談談龍女。小龍女長居古墓, 因此不通世務行為完全像個白痴我覺得沒問題。而她對楊過的愛是真心的, 肯為他犧牲, 而她所遇到的事也因為楊過而變得慘了(受人影響才叫可憐, 不過她自己甘願去愛楊過, 不計一切也愛他, 她自己不覺得辛苦, 究竟這樣是不是叫開心?) (其實一個人快樂與否, 究竟應該看心境還是遭遇? 一個知足一生的窮人和一個擔心一世的富翁, 那個才叫幸福?)

李莫愁
只是一個失戀被人拋棄個性偏激而造成一生悲苦的可憐混蛋。

金輪法王
可算是其中一個營造得差的“最後大佬”了。雖然書中不斷強調他智慧過人, 武功高強, 又是一國之師, 氣派極大; 可是就書中所見, 他智不及黃蓉, 武不及周佰通郭靖楊過等人, 行為更是齷齪, 完全沒有武林高手的感覺, 只是一個武功頗為厲害的小人而矣。新版他的結局改了一點, 原本他是被打敗, 最後死於失火塌下的高台; 新版之中也差不多, 不過強調了他愛才之心, 極想收郭襄為徒, 真心地想救她而死...

射鵰之中帶下來的人物
基本上也差不多, 郭靖更加地成為一個"很完美"的人, 真的可以百分之百為了"俠義"而作出一切舉動, 太不真實了; 而黃蓉改變就最大, 由本來活潑可喜的小妖女, 變成了一個猜忌心極重又有點討人厭的中年婦人...

絕情谷中人
公孫止作為中期"大佬", 的確寫得夠賤, 不過仍然無甚氣派, 只是一個極度渴求女人的變態叔叔; 裘千尺則只是一個發狂的婆婆, 兩夫婦天造地設...綠萼是一個悲劇人物, 她的行為有點像程靈素, 不過沒有靈素的聰明, 但心境卻比靈素慘...除了得不到所愛, 更發現一向尊敬的父親的真面目, 更想置自己於死地...

尼摩星, 瀟湘子等人
地位及作用完全等於"射鵰"中的沙通天彭連虎等人, 只是給大家感覺到主角愈來愈強的, 書中所謂的一流高手...

愛楊過的女子們
只好說一聲: 真浪費。她們都是營造得很不錯的女角, 可惜可惜...

郭芙
不得不提, 實在是營造得很好的角色: 太討厭了。

完

雜談歌曲

自己很喜歡聽歌, 不論新舊中英日甚麼的歌也喜歡聽; 忽然有興致想談談一些歌; 以下的歌並不一定是自己範得最好聽或最喜歡的歌, 因為有太多歌了, 因此只寫一些想起的/現在聽到的/其中一些歌, 真的要談好歌, 談幾天幾夜也談不完。以下同我睇書o既感想一樣, 係極度主觀o既意見, 同埋唔一定係評d藝術性o既野, 完全係自己o既感覺; 另外, 搵到link的話, 我會post埋youtube的link比大家聽下。由於太多, 今次講返HK歌手多, 其他英文日文電視卡通果d有機會再講多d。今次來一個大轟炸, 唔知有無人有心機睇晒呢? 唔睇晒d link都睇下有d咩歌, 同埋講下大家有咩感覺/仲有咩歌大家想講啦~~

沒結果 -- 林憶蓮
好好聽o既一首歌, 超難唱, 唱到都唔一定好聽; 最有印象o既, 除左係原唱之外, 當然係我識o既其中一個唱K勁人MayChan唱o既, 超勁又超好聽, 呢首都唱到好聽, 唔係勁人係咩? 可惜無男仔唱o既version, 我都好想唱呀~~ 不嬲呢類有d激昂o既抒情歌都係我鐘意o既類型呢。http://www.youtube.com/watch?v=mBjtciVZmjo -- 痴線o既live演出!

下雨天 -- Blue Jeans
又係老歌一首。其實鐘意Blue Jeans+林憶蓮version (其實梁詠琪+Swing果個live version都唔錯)。好鐘意果種淡淡o既憂鬱感覺, 同埋簡單o既beat+輕鬆抒情。不過以下2條link o既live就無呢種感覺了...
http://www.youtube.com/watch?v=30tVFH70dgU
http://www.youtube.com/watch?v=BfO4F57ubLU

千億個夜晚 -- 林子祥
又係爆晒激情o既一首英文改篇歌, 自問果d高音位唱唔到(唱到都唔好聽), 雖有自己唱大半, 後段搵女仔唱 XDD
http://www.youtube.com/watch?v=5dr59mFOh8w -- live version, 大家聽下live有幾勁!

最佳位置 -- 趙學而
無錯, 唔係陳慧琳原唱o既version, 係趙學而o既版本。其實Kelly版本都OK, 個編曲好standard, 又係前面靜dd後面多d背景音樂同鼓咁樣; 反而更加鐘意趙學而全首靜靜地o既版本; 同下雨天同一道理, 係又淡淡o既憂鬱...
http://www.youtube.com/watch?v=-lB9Z4IeTDc -- 趙學而MTV versionhttp://www.youtube.com/watch?v=arsbsXwr5Zs -- 趙學而Live versionhttp://www.youtube.com/watch?v=_qaOfkpFycY&feature=related -- Kelly MTV version

魚蛋歌 -- 呀Sa+苦榮
估唔到我會講呢首歌呢。其實覺得首歌幾好聽(大家唔好比苦榮攪笑o既腔影響), 係幾有心機作的。鐘意個編曲(同埋中間間奏o既結他!), 歌詞其實填得好有心思(其實係好認真的歌詞), 起碼成首係有意思o既, 唔錯呢~
http://www.youtube.com/watch?v=e7MdgpKcwLs -- MTV version

我們都是這樣失戀的 -- 草蜢
不得不提呢首啦...曾經係自己唱K次次都要唱, 唱到人驚o既一首歌; 又係激情o既抒情歌, 仲有2重添。搵到的link都唔係好聽o既...大家搵返草蜢自己唱o既live version來聽啦...
http://www.youtube.com/watch?v=0dHj0-bVOJ0 -- 容祖兒+草蜢live version...
http://www.youtube.com/watch?v=X58sRKovEoo -- 居然有人唱來比賽, 不過麻麻地...

原來你什麼都不要 -- 張惠妹
又係好難唱又好激情o既歌。不過其實最鐘意都係迪克牛仔o既version XDD 好勁好激 (可惜搵唔到link), 早期唱K成日都唱呢 :P
http://www.youtube.com/watch?v=vAvcdRzm8Mc -- 張惠妹 MTV
http://www.youtube.com/watch?v=2mWLb2CSgjs -- 張惠妹 live

仍然是最愛你 -- 彭羚
好好聽, Cass把聲超正呢~~ 就算其他人唱到都無佢把聲咁好聽~~ 係佢o既歌入面最鐘意o既一首!
http://www.youtube.com/watch?v=RXfHucDh6L4 -- Live version
http://www.youtube.com/watch?v=JN4vrMf0Qrw -- 又係live version
http://www.youtube.com/watch?v=mrw5qEIIz5g -- TVB MTV version, 有得睇當年"再見亦是老婆"片段
http://www.youtube.com/watch?v=V-C2_1ALUQM -- Cass MTV version

Eyes on me -- Faye Wong (王菲)
又係好聽聲又甜o既一首歌。係日本出名o既game Final Fantasy VIII o既主題曲, 無懈可擊。
http://www.youtube.com/watch?v=R8u3DLU0CU0 -- MTV by Fayehttp://www.youtube.com/watch?v=HNefNLOHVYk -- Final Fantasy version

The Game of Love -- Santana feat. Michelle Branch
因為睇NBA而識o既一首歌(係某年NBA片段用o既一首歌); 有超出名o既結他手Santana演出, 彈得勁正! 同時亦顯示出, 唱歌唔係係咁震音就叫好聽, 完全唔震音都可以係勁同好聽的, 有style有感情都好重要!
http://www.youtube.com/watch?v=7yoGTVzgow8 -- MTV version
http://www.youtube.com/watch?v=KhMMYlOnVac -- Live version

親密愛人 -- 梅艷芳
梅姐有好多好歌, 好難講晒; 係咁多咁激o既歌入面, 反而揀左呢首慢慢靜靜o既歌; 好舒服好sweet o既歌...
http://www.youtube.com/watch?v=kVzMPR10gpQ -- 某Live演出, 已經係病緊o既時候了。

問誰領風騷 -- 甄妮+羅文
好聽又經典, 而且好勁!! 好有氣勢!! 根本就痴線o既; 由於首歌女果part太搶o既關係, 甄妮完全蓋過左羅文(不過都要係羅文先唔會俾佢蓋過晒)! 正! 型添呀!
http://www.youtube.com/watch?v=70fyjthntPQ -- MTV version
http://www.youtube.com/watch?v=kZ8NjVJxXRg -- Live先值得睇呀!!

風之Fantasia -- Sherry
日本卡通"羅德島戰記"片尾曲; 勁好聽o既一首歌, 有少少Elf(精靈)的感覺, 而歌手把聲勁好聽~ 係好早期開始鐘意o既一首卡通歌。
http://www.youtube.com/watch?v=K-z27UxNVbw -- 節錄自卡通片尾o既片段

Slam Dunk 主題/片尾曲
又係早期聽卡通歌就好鐘意o既歌, 搵到d卡通opening同ending version only
http://www.youtube.com/watch?v=7sivYQU66Vw -- ending version
http://www.youtube.com/watch?v=r4wPqBOuqnI -- 真人跟返卡通片段拍o既version, 好有心機但係好好笑XDDD
http://www.youtube.com/watch?v=ZUzow7Ni__M -- 另一首好好聽o既ending song 2
http://www.youtube.com/watch?v=PQyKqJfWHBU -- 經典場面配埋首歌, 就係呢度開始極鐘意首歌, 3分幾鐘開始至4分半鐘!

天涯孤客 -- 鄭少秋
不嬲都好鐘意呢首歌...唱得出果種離鄉別井o既哀愁...可惜被拿左去做僵屍片o既歌...有d人聽到都係笑多...
http://www.youtube.com/watch?v=buTb89AVqbM

與淚抱擁 -- 陳慧嫻
其實都想講傻女, 不過以前都講過, 所以講呢首。又係一首唱到後面激激地o既歌, 好難唱...得好聽。
http://www.youtube.com/watch?v=eEAXgKquSYU -- Live version
http://www.youtube.com/watch?v=XE-jxi0z9Ck -- Live version2
http://www.youtube.com/watch?v=zAp5iw2euQs -- 附送傻女勁正Live version

Black Diamond -- Purple
某卡通片o既片尾曲; 好正o既原因係結尾o既片段配埋音樂好型! 其實自己無睇果套卡通 :P
http://www.youtube.com/watch?v=l7bjytN8KVo -- 卡通ending version

You Give Love A Bad Name -- Bon Jovi
80年代經典rock歌一首; rock o既歌鼓同結他都唔一定要好快, 一下一下結結實實都好型! 可惜K無得唱~~
http://www.youtube.com/watch?v=GccfzxHIXaY -- 當年真係幾型http://www.youtube.com/watch?v=WWA28E0r_1c -- 附送Bad Medicine, 又係勁歌一首, 真係唔知佢黠係Live咁樣唱咁多呢d歌, 聲嘶力竭!

Liar -- Vanilla ninja
女子band組合o既一首歌; 係因為打鼓機先識o既一首歌; 感覺一個字: 型。Liar!! (果句Liar!!正)
http://www.youtube.com/watch?v=Q7rBfGVJUTY -- MTV

浮舟 -- go!go! 7188
又係因為打鼓機先識o既一首歌; 首歌就怪怪地, 但係個鼓同結他好正~~ d歌詞意境都幾正。首歌好有日本味。
http://www.youtube.com/watch?v=f5C-C9Ym8P8 -- 原MTV version, d片段意境都用得好特別, 好有意境。d英文歌詞係意思而已, 本來d日文詞填得有詩意d的。
http://www.youtube.com/watch?v=FoNBzKAuFYo -- Live version

死了都要愛 -- 信樂團
好激好痴線o既一首歌; 好難唱, 條友癲o既, 首首歌都係呢類歌, 變態o既
http://www.youtube.com/watch?v=mU99c0bA7Q0 -- MTV version
http://www.youtube.com/watch?v=b2q6YYqV5Ig -- Live version
http://www.youtube.com/watch?v=h1dlra7Qu_k -- Live version 2

吻別 -- 張學友
張學友大把好歌, 點解突然要講呢首呢? 因為個MTV好正~ 周海媚果時真係超掂呀~~估唔到佢做到咁sexy! 講返首歌, 當然係好好聽, 而且亦好鐘意迪克牛仔o既version呢~
http://www.youtube.com/watch?v=bW8vK-GpSbg -- MTV version, 海味~~~
http://www.youtube.com/watch?v=zCZw8CGnPIo -- Michael Learns to Rock version XDDD

鴿子情緣 -- 劉德華
又係係好多首歌入面偏偏揀呢首? 因為而家好少有呢d咁古代武俠風o既歌, 真係好有feel, 果時聽o既時候真係好有feel~~
http://www.youtube.com/watch?v=WnGCgfKqgwk

Without You -- Mariah Carey
又一首好好聽但係好好好好難唱o既歌...Mariah Carey又係一個癲人, 又高音又巨肺...痴線, all time favourite之一
http://www.youtube.com/watch?v=vOR_jq9M53c -- Live version, 根本就唔使聽CD version, Live仲正

珊瑚海 -- 周傑倫 feat. Lara
雖然唔係話十分鐘意周傑倫, 不過佢有時d歌都幾好聽, 尤其係同人合唱時; 屋頂, 千里之外等等都OK呢
http://www.youtube.com/watch?v=qn3qRNgG9eU -- MTV version

Since I Don't Have You -- Guns'n Roses
好激o既一首歌, 好正~ 唱得好放好癲~~ 點解HK硬係無咩其他類型o既歌呢?
http://www.youtube.com/watch?v=xKMGWRZloH0

一切也願意 -- 關淑怡
關淑怡all time favourite歌之一。仲記得呀man唱得好聽呢。
http://www.youtube.com/watch?v=nhlRPRZYcq4 -- Live versionhttp://www.youtube.com/watch?v=NWdMbbkNX4c -- MTV versionhttp://www.youtube.com/watch?v=UgAjg3L9b30 -- 關淑怡+李克勤version

眼訓了, 暫時係咁多啦~~

完

四月六日 -- 雜記

1. 呢個星期o既schedule有d唔記得左, 唔打了 =.= 人老無藥醫 =.=

2. 大字堂終於完了, 下一期又無報d咩野...其實都想掹d野報; Gundam OO第一季又完埋; NDS Dungeon Explorer 同暴走貨櫃車都爆左; 神鵰俠侶睇完, 下一套係射鵰..

3. 繼上次o既"沙爹司華力腸燒賣天使麵"同牛柳扒之後, 今次係"冬蔭功司華力腸天使麵"同雞扒; 終於都整晒屋企d天使麵了XDDD

4. 星期四晚又約左唔同地方識o既朋友聚會(民, Carol, Esther仲有民o既朋友Issac); 其實主旨係自己想去好耐無去o既禾輋陳根記 XDD; 好耐無食, 仍然好食又唔貴; 之後因為同路, 一齊去KT迡住返企, 突然叫埋Connie & Martin 係KT食糖水傾偈先返企, 好似有一段時間無搵下朋友一齊咁樣食飯吹水了, 雖然累都開心。

5. 今日無波打, 好難得地去行街買衫, 好耐無買衫, 轉季都係時候買d了...係九龍灣四圍轉買左d衫...

6. NDS雖然仲有d新games未玩, 不過都差唔多詔一過冷河, 要砌返模先。

7. 本來唔想諗同打神鵰同之後果d感想, 不過諗諗下都係打埋, 而且有人支持我打埋, 所以都係會啦。

8. 終於有機會打返羽毛球!! 久未開鑼o既羽毛球活動, 隨住辦事處某HO同事搬完屋又復興!! 5月起動!!

來緊:
10/4(四) -- 同Lands同事荃灣食飯! 八婆有左之後幾乎都未見過佢!! 生左2個月o既佢, 終於重出江湖!!
仲想攪下d唱K食飯同聚會, 幾時會有呢?

links:
可愛貓貓漫畫"甜甜私房貓Chi's Sweet Home"動畫版在線觀看http://www.youku.com/playlist_show/id_1551734.html

完