舊野 -- 表情符號

01. <(￣︶￣)> 02. <(￣︶￣)/ 03. b(￣▽￣)d

04. 汗(￣口￣)!! 05. ╮(￣▽￣)╭ 06. ╰(￣▽￣)╭

07. ╮(￣﹏￣)╭ 08. (￣▽￣@) 09. ○(￣﹏￣)○

10. <(￣oo,￣)/ 11. ╮(￣▽￣")╭ 12. ︿(￣︶￣)︿

13. /(￣▽￣)♂ 14. /(￣▽￣)♀ 15. ╭（￣m￣*)╮

16. ╰(￣▽￣)╯ 17. <(@￣︶￣@)> 18. 帥(￣▽￣)σ"

19. 羞(#￣▽￣#) 20. （￣Ｑ￣）╯ 21. 漲(￣︶￣)↗

22. 跌(┬＿┬)↘ 23. <(￣ c￣)y▂ξ 24. ε(￣□￣)3||

25. ╮(╯▽╰)╭ 26. ╮(╯_╰)╭ 27. ╮(﹀_﹀")╭

28.╰(‵□′)╯ 29. （＃－.－）/　 30. (︶︿︶)=凸

31. (((‵□′))怒 32.╭(─╴─)╮ 33. ˋ(′～‵")ˊ

34. ˋ(′o‵")ˊ 35. ˋ(′ε‵")ˊ 36. \(╯▼╰)/

37. ┐(─__─)┌ 38. <(‵^′)>氣! 39. ┌(‵▽′)╭

40. #(┬＿┬)泣! 41. <(￣︶￣)> <(￣︶￣)><(￣︶￣)>

42. <(￣︶￣)/<(￣︶￣)/<(￣︶￣)/ 43. 看拳o(╬￣皿￣)=○# (￣#)3￣)

44. K.O <(o一-一)=○# (￣#)3￣) 45. (╯‵□′)╯︵ ┴─┴ 翻桌啦!

46. 翻桌啦! ┴─┴ ︵ ╰(‵□′╰) 47. ╭∩╮(￣▽￣)╭∩╮你有沒有搞錯!

48. 哼.哼.哼<(︶︿︶)_╭∩╮╭∩╮ 49.
\("▔□▔)/\("▔□▔)/\("▔□▔)/

50. ~(￣▽￣)~(￣▽￣)~爽到不行~ 51. ~(￣3￣)~(︺ε﹀)~(￣3￣)~快送醫!

52. 無影腳<( ￣^￣)︵θ︵θ☆(>_<) 53. 笨蛋<( ‵□′)───Cε(┬＿┬)3

54. 夾!<( ‵□′)───C＜─___-)|| 55. ╭
(′▽`)╭(′▽`)╭(′▽`)╯Go!

56. ︿(￣︶￣)︽(￣︶￣)︿飛.飛.飛. 57. 兇手!兇手就是你! <(￣﹌￣)@m

58. 我..我..是大豬頭╭(﹊∩∩﹊#)╮ 59. 來嘛!╮(╯◇╰)╭口禾火～口禾火～


60. …(⊙_⊙;)… ○圭~○列~怎麼醬？ 61. <(￣oo,￣)/豬頭不是一天造成的!

62. ˋ(′o‵")ˊ這個你問我也不知道~ 63. 有火星人~ \("▔□▔)/\("▔□▔)/

64. 不要以為我不知道咩!┌(‵▽′)╭ 65. <(￣ c￣)y▂ξ 真煩,來哈根草吧~

66. 叔叔~這樣很冷耶! （＃－.－）/ 67. 我是優質大帥哥一枚. \(￣▽￣)♂

68. ♀(￣▽￣)/ 我是優質大美女一枚. 69. ┐(─__─)┌ 你說我有啥米辦法咧~

70. 吃飽飽，睡好好! ○(*￣︶￣*)○ 71. 有沒有被豬揍過啊? ○(#‵︿′#)○

72. ε(┬┬＿┬┬)3 我 真 命 苦 .. 73. 拆屋 ┴┴ ︵╰(‵□′)╯︵
┴┴

74. 冷到不行 ≡￣﹏￣≡ 冷到不行.. 75. <(‵^′)> 我看你還是回火星去好了!

76. <(￣oo,￣)/ 沒看過豬哥嗎??... 77. <(￣︶￣)/ 喜歡嗎？把拔買給你～

78. ︿(￣︶￣)︿ 這學期歐趴歐趴啦～

79. 無影腳昇級版 <( ￣^￣)︵θ︵θ︵θ︵θ︵θ︵θ︵θ︵θ︵θ☆( >_<)~啊!

80. 惡魔集團o(‵▽′)ψ 81. ψ(╰_╯)σ‧‧☆咒

82. ψ(￣︶￣)ψ(￣︶￣)ψ 83. 嘟著嘴 (￣)︿(￣) 84.（⊙ｏ⊙） 目瞪口呆


85. \(～__～)/ 要抱抱啦... 86. (＞﹏＜) 不～要～啦 87. （⊙.⊙）a...怎樣？

88. 〒▽〒 哇哇～人家不依 89. o(一︿一+)o 怨.念 90. (─.─|||| 很多條線

91. （＃－－）/ 下次小心. 92. 鬼魂團 ㄟ(川.一ㄟ) 93. √(─皿─)√ 讓我咬

94. (′ 3`)y==~ 人生海海.. 95. (￣y▽￣)╭ 唉唷唷~ 96. \(╯-╰)/ 不是我殺的

97. (￣▽￣＃) = ﹏﹏ 飄走 98. m(_ _)m 大人饒命啊!

99. ╭(′▽`)╭(′▽`)╯(讓咱們一起奔向夕陽吧...)

十月十六日 – 雜記

9/10(一) – 去飲。Denise就係Denise, 即使係自己o既婚宴仍然都不失其本色, 講野超出位同大膽, 真係好野。D野食就普普通通, 成個flow間酒樓都好似交行貨行standard咁。最唔中意就係每碟都幫一分晒野, 有d人食唔晒, 有d人可能唔中意食某d野, 有d人想食多d, 個個都係中意自己夾多d。
10/10(二) – 雙十台灣居然無咩發生d咩大事, 都係咁, 好無謂, 只不過係一場大d的show。同日Sharon生日, 不過無打比佢。收工返屋企。
11/10(三) – 印象中無咩特別的一天, 收工返企。
12/10(四) – 同日安姐姐受同馬生睇左寶貝計劃。唔好計d人中唔中意成龍呢個人, 呢一套係一套好睇o既戲。劇情唔高深, 簡單直接, 由頭到尾都好流暢; 2個幾鐘無悶場, 要笑位有笑位, 要動作場面有大量動作場面(而且都有d危險性的), 要溫情有溫情, 要明星有大量明星客串。基本上係無咩野可以complaint。如果有, 只係大家對港產片有成見/對某d明星有成見/要求太高了。係一套值得推介去睇o既戲來的。
13/10(五) – 黑色星期五+年月日數字加埋都係”13”o既一日。收工後同呀Mak, Barry去大球場簽約。正式有份part time了。不過唔係定時定日工作。簽完contract又去北角睇碟+食飯, 之後散。
14/10(六) – 娟約左朋友去TKO獅子會玩。$80一位燒烤任食, 仲有得游水射箭, 好抵玩。下次攪下活動先。我自己就係家hea足一日, 睇書+打機+訓覺, 頹的一天。
15/10(日) – 去澳門探親戚。9點幾出發, 11點幾到。成日都無做d咩, 有d人打牌, 我唔中意打牌, 就睇下書, 後尾同哥同表弟出去, 四圍食下野, 返到來食埋晚飯, 8點船返來, 10點島到家。都幾無聊的一天。
16/10(一) – 由於出site要同其他Department的大佬一齊, 而老細又唔得閒出, 所以繼report duty果日之後第一次著恤衫西褲返工。帶左便服換, 不過由於忙, 所以出完site無換返; 之後都廢事換了。民仔好朋友呀G搵人一齊睇WilDayOut, 邊個布興趣儘儘快報到。
來緊:
本來16/1(一) - 約左Angel, 不過佢突然要上course, postpone去下星期一。
17/10(二) - 本來約左Cyrus, 不過佢又要上堂, postpone去下星期三或五。
18/10(三) - 同民LOBO食飯, 地點未定。
23/10(一) - 話劇gathering, 今次係三個月來比較多人同正式的gathering, 好高興呢, 地點未定。
近況:
返工頗忙; 睇完“群龍之首”, 未借到下一部“天下有敵”; 真國無雙4將孟獲同祝融升左Level; 倚天仲有#4未借到。
返睇溫瑞安的“說英雄, 誰是英雄”系列; 之前都係睇左4部島, 而家一口氣睇左6部。第一部“溫柔的刀”好好睇, 第二部“一怒拔劍”普通, 第三部“驚艷一槍”好睇返, 第四部“傷心小箭都幾好睇, 第五部“朝天一棍”一dd位好睇, 有時有d悶, 第六部“群龍之首”前半悶悶地, 後半好睇! 之後果部唔知點呢? 幾時先肯出完呢?

完

轉: 金庸大學博士生入學考試試卷

轉貼
金庸大學博士生入學考試試卷



一、選擇題

◎ 單選

1.藍鳳凰及其諸位女弟子通過水蛭將血輸到令狐沖體內，你可以得到以下那種推測：
a.令狐沖為AB型血，藍鳳凰及其弟子為A、B、或AB型 　b.令狐沖為B型血，藍鳳凰及其弟子為AB、B或O型
c.令狐沖為O型血，藍鳳凰及其弟子為A、B或O型 　　
d.令狐沖為AB型血，藍鳳凰及其弟子為AB或O型 　　
e.以上推測都不對

2.楊過得到，后來給了郭靖，煉成倚天劍、屠龍刀的玄鐵可能是 　　
a.球磨鑄鐵 　　
b.馬口鐵 　　
c.高速合金鋼 　　
d.碳素纖維

3.下列武術中，利用仿生學理論創立的是 　　
a.越女劍 　　
b.降龍十八掌 　　
c.易筋經
d.金蛇劍法

4.桑土公用磁鐵吸出了眾人體內的牛毛細針，假設肌肉對細針的作用力為 0.4牛頓，細針由純鐵制成，則他使用的磁體可能是
a.三氧化二鐵
b.四氧化三鐵
c.釹鐵硼
d.巨磁阻氧化物

5. 藍鳳凰的致使華山師徒、桃谷六仙嘔吐不止的藥酒屬於
a.生物毒品
b.神經毒品
c.化學毒品
d.基因毒品
e.以上全不對

6. 接上題，他們屬於
a.中毒反應
b.過敏反應
c.妊娠反應
d.以上全不對

7. 接上題，如果你是大夫，會給他們開什麼藥 　　
a.阿司匹林 　　
b.牛黃解毒片 　　
c.氟酸 　　
d.讓他們喝大量的生牛奶 　　
e.以上全不對


◎ 多選

1. 楊過、程英、陸無雙鏟除了情花，造成
a.使這種植物不再害人
b.使一種珍稀物種滅絕
c.破壞了那個生物圈的生態平衡
d.造成該地區沙漠化

2. 張無忌是圓臉而不是他爸的方臉是因為 　　
a.圓臉是顯性基因，張無忌繼承了來自母體的該種染色體 　　
b.圓臉是隱性基因，張無忌之所以是圓臉，是因為其父也有一條該種染色體　
c.雖然圓臉是顯性基因，張無忌仍然有一定的幾率不是圓臉，無論其母親是什麼樣的染色體
　　
d.張無忌也有可能成為尖臉、長臉等其它臉型 　　
e.張無忌可能長大以后變為方臉。

3. 比較法輪功，邪教神龍教有[ 　　]危害，這說明邪教都具有反社會、反科學的本質
　
a.對胖、瘦頭陀等信徒造成巨大的身心傷害 　　
b.破壞了瘦頭陀、假太后、建寧公主一家的美滿幸福生活 　　
c.與境內外反華勢力(吳三桂、俄國)相勾結，成為反華工具 　　
d.搞迷信，搞個人崇拜 　　
e.圍攻黨政機關領導人韋小寶

4. 海老公的"化屍粉"為什麼能夠用不完 　　
a.因為它是屍體腐爛的催化劑，反應前后沒有變化 　　b.因為它是屍體腐爛的生成物
　　
c.因為它是屍體腐爛的誘導劑，會導致連鎖反應 　　
d.與金屬腐蝕的原理類似，"化屍粉"相當於在完整的金屬表面添加了一個腐蝕缺口
e.以上情況都有可能


二、判斷題

石中玉與石破天是同卵雙胞胎 ( )


三、填空題

1.懸崖高為_____m，則小龍女正好可以到達深灘低部。(設灘深為25m，小龍女橫截面為
0.00
7m*m，體重為50kg，取g=10m/s*s，不記空氣阻力。)

2.黃容的菜"玉笛誰家聽落梅"由5種肉組成，如果只考慮肉味的一階組合和二階組合，則有2
5種味道，這也就是它名稱的由來之一，如果考慮所以的組合情況，則它一共有___種味道。


四、計算題

1.段譽與喬峰在無錫城外比賽腳力的時候，段譽使用"凌波微步"與喬峰速度不相上下凌波微步
步"是曲線運動，試簡單估算段譽的直線運動速度是喬峰的多少倍。 提示：假設段譽沿正弦曲線運動

2. 楊逍對張無忌說"明教源出波斯，.唐大歷三年六月二十九日，長安洛陽建明教寺院"
大雲光明寺""，到張無忌34任教主，假設教主平均40歲繼任，試計算教主的平均壽命並推算方臘大概是第幾任教主。

說明：要通過書中的有關提示具體計算說這段話的時間，關於古代黃歷與公元紀年的轉換可參閱有關資料。


五、作圖題

1. 獨孤九劍的破箭術是專門對付各種暗器的，現在如果有72個暗器，以二維點陣的形式，2m*0.8m的截面，25m/s的速度向令狐沖打來，令狐沖以如何揮劍，才能以最快的速度打掉所有的暗器。畫出令狐沖揮劍的路徑。
(假設劍揮舞時速率不變，正方形、正三角形、正六邊形點陣任選其一討論，忽略重力加速度)


六、推理題

1. 桃幹仙忽道："楊七郎啊楊七郎，你只要保佑咱們六弟不死，老子向你磕幾個頭也是不妨。我這裡先磕頭了。"說著跪下磕頭.
桃枝仙道："倘若六弟死了呢？"
桃幹仙道:"我便把神像打得稀巴爛，再在爛泥上撒泡尿。"
桃花仙道："就算你把楊七郎的神像打得稀巴爛，又撒上一包尿，就算再拉上一堆屎，卻又怎地？六弟死都死了，你磕了頭，總之是吃了虧啦！"
桃枝仙道："言之有理，這頭且不忙磕，咱們去問個清楚，到底六弟的傷治得好呢，還是治不好。治得好再來磕頭，治不好便來拉尿。"
桃根仙道："倘若治得好，不磕頭也治得好,這頭便不用磕了。倘若治不好，不拉尿也治不好，這尿便不用拉了。"

分析他們在邏輯推理上有那些錯誤。


七、簡答題

1. 遍體通綠的打狗棒可能含有那些離子，可能是什麼礦物質。
2. 從生理角度東方不敗式的練功是否有一定的合理因素。
3.為什麼說郭靖夫婦雖然生有一子二女，仍然符合計劃生育的政策。


八、論述題

1. 利用熱力學第二定律：能量不可能自發由低向高流動，論" 吸星大法是否符合科學原理
。提示：把令狐沖(任我行)看作絕熱的孤立系統。

2. 以洋流理論分析，張無忌出生的島嶼的大概位置。可以根據上面有火山，應該在板塊邊緣，結合板塊學說論證。

3. 以韋小寶在簽定尼布楚條約中的荒謬表現論述我國X在處理中美撞機事件的正確性。


九、問答題

《笑傲江湖》中余滄海為了得到辟邪劍譜殺害了林振南夫婦及福威鏢局眾多鏢師，後來林振南之子林平之打擊報復，殺了余滄海眾人。
如果林平之不採取這個辦法，而是孰諸於法律，如果你是法官，該如何取證，並判定余滄海及其以青城四秀為代表的眾弟子？


※※※※※※※※※※※※※

識答晒o既一定係變態佬

轉載: 黃偉文: 另 一 批 機 艙 故 事

其實我唔多中意呢d人...

另 一 批 機 艙 故 事

從 曼 谷 回 港 的 航 機 上 ， 空 中 小 姐 客 氣 的 請 求 合 照 ， 我 也 滿 面 笑 容 地 應 承 了 ， 拍 畢 ， 我 表 情 一 轉 ， 黑 口 黑 面 地 問 她 ： 「 你 唔 驚 我 好 似 梁 詠 琪 咁 對 付 你 咩 ？ 」 空 中 小 姐 登 時 嚇 至 花 容 失 色 ， 幾 秒 鐘 後 才 回 過 神 來 ， 領 略 到 我 的 黑 色 笑 話 ， 呼 一 口 氣 ， 回 復 微 笑 走 開 了 。 我 當 然 不 信 梁 詠 琪 投 訴 空 姐 騷 擾 藝 人 的 傳 聞 ， 那 是 需 要 一 個 心 地 多 壞 ， 壞 得 來 又 多 得 閒 的 人 才 做 得 出 的 事 啊 ， 只 是 不 知 何 故 ， 我 總 是 太 喜 歡 飛 機 機 艙 有 故 事 發 生 ， 喜 歡 到 沒 有 我 都 要 親 手 策 劃 一 段 。
如 果 碰 巧 你 也 喜 歡 聽 幾 萬 呎 高 空 上 的 小 奇 遇 ， 我 倒 是 還 有 點 存 貨 。



之 一
雙 子 座 是 個 很 好 抵 賴 的 理 由 ， 有 什 麼 不 近 人 情 的 要 求 ， 我 總 推 說 是 由 於 雙 子 座 容 易 發 悶 的 特 質 ， 即 使 講 起 來 其 實 沒 有 邏 輯 。
例 如 坐 飛 機 我 最 不 能 忍 受 的 狀 況 ， 不 是 位 置 不 好 、 不 是 餐 飲 差 勁 、 不 是 航 班 誤 點 ， 是 娛 樂 系 統 失 靈 。
那 次 飛 東 京 不 巧 就 是 這 樣 ， 機 上 的 電 影 頻 道 壞 了 ， 投 訴 ， reset ， 再 試 ， 再 壞 ， 卒 之 三 個 多 小 時 的 航 程 過 了 一 大 半 仍 然 沒 有 起 色 ， 我 咬 捧 飲 料 來 的 空 中 服 務 員 不 放 （ 雖 然 我 心 知 entertainment system down 了 不 關 她 的 事 ， 捧 錯 了 午 餐 來 才 關 ， 而 她 沒 有 ） ， 嘩 啦 嘩 啦 講 了 一 堆 「 冇 戲 睇 你 想 悶 死 我 咩 ？ 坐 飛 機 我 唯 一 look forward 的 就 是 看 電 影 ， 搶 修 緊 ？ 修 好 多 次 咯 ， 都 唔 得 。 就 快 得 ， 得 都 冇 用 啦 ， 都 就 落 機 咯 ， 最 憎 一 部 戲 睇 得 一 半 有 頭 冇 尾 ， 死 啦 ， 呢 次 實 行 悶 死 我 啦 ， 手 頭 報 紙 雜 誌 又 揭 晒 咯 ， 呢 次 慘 咯 … … 」 誰 知 印 籍 的 空 中 小 姐 不 慌 不 忙 帶 來 了 一 本 兒 童 圖 畫 書 ， 還 陰 聲 細 氣 地 跟 我 說 ： 「 If you are really bored, I can read you a story myself. 」
我 當 堂 化 嗔 為 喜 。
這 很 明 顯 就 是 傳 說 中 的 EQ ， 我 冇 乜 ， 而 她 大 把 ， but I'm learning ， 就 由 這 個 童 話 事 件 開 始 。


之 二
從 倫 敦 回 港 ， 我 和 朋 友 自 check-in 時 就 得 不 到 相 鄰 的 位 子 ， 結 果 我 發 現 坐 朋 友 隔 鄰 的 是 個 單 身 出 門 的 老 小 姐 ， 衣 整 齊 舉 止 優 雅 ， 典 型 的 商 務 客 位 人 辦 ， 我 禮 貌 地 告 訴 她 我 在 前 面 其 實 有 個 和 你 現 在 坐 的 一 樣 ， 但 因 為 是 第 一 排 更 闊 落 的 window seat ， 所 以 請 問 她 可 不 可 以 成 人 之 美 「 委 屈 」 一 下 ， 轉 到 前 面 那 個 更 寬 敞 的 19A ， 讓 我 可 以 和 朋 友 團 聚 ， 這 是 如 果 我 是 她 一 定 會 願 意 幫 幫 人 做 的 事 ， 誰 知 她 優 雅 地 舉 起 手 中 的 玻 璃 杯 ， 啜 了 一 口 橙 汁 才 正 眼 都 不 看 我 們 地 答 ： 「 我 鍾 意 呢 個 位 ！ 」 對 ， 我 知 道 ， 她 不 能 算 是 不 對 。
起 飛 後 不 久 ， 空 中 服 務 員 才 說 那 位 小 姐 突 然 又 肯 和 你 調 位 了 ， 正 當 我 再 次 掏 出 我 的 迷 信 ， 認 為 這 個 世 界 好 人 總 是 比 衰 人 多 ， 一 屁 股 坐 到 我 的 新 座 位 之 際 ， 原 本 就 坐 在 隔 鄰 的 朋 友 就 告 訴 我 ： 「 小 心 呀 你 ！ 你 估 佢 真 係 良 心 發 現 呀 ， 佢 頭 先 打 瀉 晒 自 己 成 杯 橙 汁 落 個 位 度 ， 今 日 班 機 又 full ， 冇 第 二 個 空 位 揀 佢 先 話 同 你 調 位 咋 。 你 墊 多 兩 塊 毛 巾 先 好 坐 上 去 添 呀 ！ 」
我 循 方 向 望 望 那 位 奸 人 極 品 ， 她 居 然 還 向 我 點 點 頭 得 戚 微 笑 添 。
我 馬 上 空 姐 再 送 一 杯 橙 汁 過 去 ， 希 望 趕 得 及 下 個 氣 流 。 不 ， 不 要 橙 汁 ， 改 為 熱 咖 啡 ， 唔 該 ！


之 三
不 由 我 不 承 認 ， 成 為 所 謂 「 名 人 」 ， 畢 竟 是 有 點 好 處 的 ， 例 如 初 到 倫 敦 的 那 一 次 ， 在 地 鐵 機 場 站 的 票 務 櫃 申 請 無 限 次 搭 乘 的 雙 週 票 ， 票 務 員 問 我 要 近 照 做 個 臨 時 證 件 ， 我 話 冇 預 備 喎 ， 講 完 又 靈 光 一 閃 ， 從 手 提 行 李 中 翻 出 一 本 航 程 解 悶 用 的 《 明 週 》 ， 剛 好 那 期 有 個 我 的 訪 問 ， 我 翻 到 那 一 頁 遞 給 他 ， 問 哪 一 張 相 拍 得 比 較 好 ， 老 好 英 國 人 也 真 有 點 幽 默 感 ， 裝 作 認 真 地 看 完 所 有 相 才 煞 有 介 事 地 指 其 中 一 格 「 就 這 張 吧 」 ， 還 借 我 剪 刀 將 這 格 《 明 週 》 碎 片 剪 下 來 做 乘 客 證 。
另 一 些 所 謂 成 名 的 數 在 機 艙 發 生 ， 有 時 是 支 飲 剩 但 未 開 蓋 的 香 檳 、 有 時 是 頭 等 乘 客 的 衞 生 用 品 包 包 … … 今 次 則 是 來 自 一 位 熱 情 健 談 的 少 婦 級 空 中 服 務 員 ， 打 從 一 上 機 那 一 秒 她 已 跟 我 說 很 喜 歡 我 寫 的 歌 詞 ， 尤 其 是 為 陳 奕 迅 《 U-87 》 填 的 那 幾 首 ， 我 說 多 謝 你 喜 歡 。
晚 餐 差 不 多 吃 完 時 她 又 神 秘 地 出 現 在 我 的 面 前 ， 放 低 聲 線 鬼 鬼 馬 馬 地 問 ： 「 Wyman ， 你 想 唔 想 食 其 他 甜 品 呀 ？ 」 都 沒 等 我 答 ， 又 飄 呀 似 的 消 失 了 。
三 分 鐘 後 她 用 錫 紙 蓋 一 個 小 碟 ， 然 後 放 到 我 的 上 ， 今 次 更 細 聲 ： 「 頭 等 今 晚 dessert 呀 ， 你 睇 cheese cake 唔 食 ？ 」 我 手 起 羹 落 一 口 一 口 的 吃 ， 她 還 不 忘 補 充 ： 「 我 真 係 好 想 多 謝 你 幫 Eason 寫 隻 〈 大 個 女 〉 ， 因 為 我 自 己 都 有 個 女 ， 所 以 特 別 有 感 覺 ， 真 係 多 謝 你 寫 首 咁 好 歌 詞 呀 ！ 」 我 也 一 邊 吃 一 邊 回 答 她 ： 「 其 實 因 為 唱 片 公 司 將 credit 印 錯 了 ， 所 以 那 首 歌 其 實 不 是 我 寫 的 」 ， 剛 剛 好 吃 完 ， 將 碟 子 與 匙 羹 還 給 她 「 不 過 我 下 次 見 到 林 夕 會 幫 你 話 佢 聽 ， 並 且 代 佢 多 謝 你 件 芝 士 蛋 糕 呀 ！ 」 剛 剛 吃 完 最 後 一 啖 ， 畀 番 隻 碟 佢 。
林 夕 先 生 ， 見 字 請 聯 絡 我 ， 我 吃 了 你 的 芝 士 餅 ， 買 回 新 的 一 件 給 你 可 好 ？

天真與幼稚

天真與幼稚聽起來很相似, 其實不同。
天真與幼稚, 看來都像是不設實際的, 但其實"天真"的人對現實多少有透徹的了解, 但卻仍然存有一份純真的希望, 在俗世中尋求一點真善美。
幼稚的人卻不然。幼稚的人只是井底之蛙, 只是不設實際, 只是活於自己的世界之中。他們非但不能融入社會, 更難生存於社會中。
然而, 現在的人看來像很成熟, 知道很多道理, 但這是真的嗎? 為何千百年來, 人類總是重複著錯誤?

現在的人, 隨著經驗愈來愈多, 資訊愈來愈發達, 對很多事物的要求也愈來愈高。有時更高得過份: 因為經過幾千年來, 人隨著歷史, 見識, 經驗愈多, 很難再創新, 有新意。
沒有新意, 就只有靠著固有的方法、路徑"上位"、"成功"。不能成功的人, 對自己得不到的東西, 或者另類的東西, 甚或妒忌的東西, 便冠以"惡劣"的名義, 表達自己見解獨到, 不落俗套, 眼光銳利。
正如某小說作家所說:
[把清脆的, 銀鈴般的語言稱作是"雞仔聲"。把有理想的, 有志氣的年青人說成: 不知死活, 不知天高地厚的後生。把寫詩的稱作"無病呻吟的人", 把行俠的稱為"好勇鬥狠, 成天只知打打殺殺的人", 把美麗而成功的女人說為"有老闆後台把她包了", 拇熱衷行善的人當作"假仁假義偽君子", 把勇於將過去秩序、傳統架構重整、補充的人為"離經叛道, 欺師滅祖的無恥之徒"...
總之, 一切他們所沒有的美德, 見別人有了, 都會將之曲解、醜化、蹂躪、踐踏、譏刺、鄙薄不已。] -- 節錄自某小說

這些是否幼稚?

可惜的是, 現在真的有很多"雞仔聲"、"不知死活, 不知天高地厚的後生"、"無病呻吟的人"、"好勇鬥狠, 成天只知打打殺殺的人"、"有老闆後台包了的女人"、"假仁假義偽君子"、"離經叛道, 欺師滅祖的無恥之徒"...
有幾多女歌手真的能唱, 而不是"雞仔聲"?
有幾多年輕人, 讀過大學就以為自己很了不起, 不是"不知死活, 不知天高地厚"?
有幾多作詞人, 歌手, 盲目追求潮流的人, 不是"無病呻吟"?
有幾多"有老闆後台包了的女人"?
有幾多在政治上, 經濟上, 舞台上的"明星", 偉人"實際上是"假仁假義偽君子"?
因為真的有, 而且很多, 所以人們更加習慣把成功的人抹黑了, 醜化了, 是非難分, 黑白難明。

在一群幼稚的人當中, 天真又有何用?

完

怪人、豪傑、瘋子、天才

經常都有人寫/講/唱這幾種人。由古至今, 這幾種人其實很難分得開來說。

天才、豪傑們能被人稱之為天才、豪傑, 都因為他們有過人的才能。但一般凡夫俗子, 卻不一定能了解天才們的想法, 因此很多天才都被稱為瘋子; 而普通平民百姓也不一定能接受豪傑們的行為, 因此很多豪傑都被稱為怪人。

加利略說地球是圓的, 被關在牢獄, 受盡折磨, 最終死在獄中。愛廸生在自己生活上的細節不太處理得來。袁祟煥忠心為國, 抵抗外敵, 最終落得慘淡收場, 普通愚民當時更以為他是奸臣逆賊。說不盡的例子。

畢竟, 人類(或者是生物)“普通”的佔大多數, 有能者不是不被人認同, 就是人們怕認同他們。因此, 有很多“天才”被洪流埋沒了。只有少數極其出類拔萃之人, 或者巧遇機緣的人, 有機會出人頭地。在現今, “埋堆”、“跟上潮流”才是“上位”最重要的事, 才是“從善如流”。因此, 騎在大家上頭的多是“豬囉”, 要不就是“走狗”。

可是, 人人的心目中卻仍然很渴望“英雄”。渴望這個世上有“英雄”的出現, 甚至渴望自己就是“英雄”。在各種小說、電影、歌曲、傳奇中, 都歌頌著“英雄”們。可是在這一個世代中, 恐怕“英雄”們還沒有機會出身, 就已經被世俗洪流所埋沒了。人要英雄, 卻怕英雄出現盡搶自己光芒; 雖然心中仰慕, 但實際上卻是個不需要英雄的年代了(只是需要一個人不怕死站出來做替死鬼就夠了: 成功了大家好, 失敗了也只是他死)。

就因為人人怕做“怪人”, “瘋子”, 有時很多好的/應該做的事沒人做, 不好/不應該做的事又沒人阻止, 大家卻又繼續埋怨; 幾千年下來, 人們一直重覆又重覆的犯著一樣的錯, 沒人改革, 沒人阻止。

在現代, 再沒有那麼多轟轟烈烈的事業; 在生活裡, 有時一些看得通透的人, 很不怕羞地, 去做一些應該做的事/一些他們覺得快樂又不礙著人的事/一些很厲害的事, 卻不被普通人接受, 就被稱為怪人。當然亦有融得入世間的天才、豪傑, 也是最成功的天才、豪傑。不過, 說了這麼久, 瘋子/怪人卻不一定是天才/豪傑。有時瘋子就是瘋子, 怪人就是怪人。

天才、豪傑我就一定不是了, 瘋子/怪人我卻是一向承認的。

完

轉載 唔知咩作者 -- 得失

失去一個人，絕對是痛苦。然而，痛苦，應該不獨是一個人承受。我失去你的同時，你也失去我。感情的字典裡，原本沒有「公平」這兩個字。然而，愛情上最公平的事，莫過於我失去你的同時，你也得不到我。

由今天開始，我自由了，你也自由了。我不會再約束你，而你也有再愛的自由。我們不再約會，你的時間表上沒有我，我也不再要預時間見你。我很少會再見你，你也見不到我。既然這是如此公平，為甚麼我總是覺得我失去的比你多？

我發現，我們分手，我失去的跟你失去的，原來迥然有別。訣別之後，我失去的只是一個不愛我的人，而你失去的，卻是一個深愛你的人。我失去一個我疼錫的人，而你失去了我的疼錫。我僅是失去一個我要掛心的人，你卻失去一個掛心你的人。我失去一個我喜歡遷就的人，你卻失去一個時刻遷就你的人。

到最後，我失去一個待我差的人，你失去一個待你好的人。輸家應該是你閣下，而不是我，對嗎？既然事情的結局是這樣，為甚麼我總是覺得我失去的比你多？既然你損失這般大，為甚麼你卻如此瀟灑？為甚麼我卻如此窩囊，蓬頭垢面而且鬱鬱不樂？

得到你的時候，我放棄另一個人，甚至是另一些人。我的心容不下兩個人，因此，我為你斷然放棄其他很好的選擇。我得的同時，也要失。放下，是為了真正擁有。當然，我比你果斷。

而另一方面，假如你得到我，你卻沒有放下另一個人，你是不是賺了？你得到的彷彿是更多，因為你同時得到過兩個人。兩個人都疼你，給你齊人之福。然而，在得失之間，你放下了的，就是忠誠。

愛情不能用錢得到，努力往往也換不到愛。然而，獲得愛情卻不得不付代價。得到愛情，尤其是得到愛情的感覺，有時要放下原則、身段、責任。我太愛你了，愛到一個地步，我失去了自己。我只有你，只要你活得比我好，就是一切了。

你一定比我更明白，對愛情忠誠，對感覺忠誠，不免對自己的另一半的不忠誠。得到感覺，放下了責任。得到理想，放下了承諾。得到愛情，放下了恩義。得失之間，總要取捨。我們的句號不幸是：你不想得失他，你只好得失我。

愛一個不夠愛我的人，是不是一場噩夢？其實不是。我能夠和一個我深愛的人相愛過，這已經刻骨鏤心。反之，你和一個你不太愛的我相愛過，又是不是你的一場噩夢？一心一意帶來平安，機關算盡換來內疚。

愛一個人不一定能夠擁有，但當我得到你的時候，我一往情深，好好愛惜你。為你，我失去了悠悠時光；同時，對你，我亦是光明磊落。最後一分鐘，你嘆喟說：「豈能盡如人意呢？」我卻能擲地有聲地說：「對你我無愧於心。」

十月九日 – 雜記

3/10(二) – 返工, 好累, 收工去左佐敦食魚。之後行左成條廟街, 好耐無係夜晚行過了。
4/10(三) – 返企
5/10(四) – 同KTG, 娟民SAM唱K, 都幾高興, 結果都係11點幾走, 無唱到好夜。
6/10(五) – 中秋夜, 返屋企, 好累
7/10(六) – 中午去新的君薈坊睇下有咩食, 發現有好~~~多人, 所以食KFC; 之後去TKO圖書館hea左一陣+借書, 再去寶琳行左圈, 之後返屋企附近買”食送”返去煮飯, hea足一日。
8/10(日) – 由於維園封左, 去左QuarryBay打波。除左平時打開的人, 仲有好耐無見的中學舊同學勁人們(李正明, 盧偉etc)。自己仍然keep住打得都唔錯(走到下位, 交到下波, pick得下, 搶到下籃板, 射得入波), 而且由於大家組織走位都OK, 所以都羸到街外人, 自己人對自己人時都羸到。尤其係專登我+民+Ben(已經成為新o既usual team)時, 都羸到猩猩+呀輝。有一下幾開心, 係底線feak起左呀輝鏟入去入左。打完波好累, 去左圖書館還左堆書, 民就順便返企沖個身; 之後去TKO同娟, 哥一齊食飯。下午就係家hea+打機; Sam就4點幾5點先來, 一齊打機食晚飯到10點幾散晒。
9/10(一) – 返工, 累, 晚上去金鐘"名都"飲。

完

再談港女

最近呢個話題幾多人講。眼見香港真係有好多呢d所謂"港女", 而自己身邊識o既女性好多都唔係, 十分慶幸。

其實所謂"港女", 問題都唔止出現係女性身上, 而係呢一代的年青人, 不論男女好多都好不知所謂, 只不過, 係呢個男女唔平等(而家女性好明顯過大了, 成日都濫用左女權)的時代, 男仔不長進不可, 所以感覺上男仔會好少少(男人養唔到家又俾人話, 搵唔到錢又俾人話, 咩都係男人應該做...etc); 加上而家資訊發達, 大家睇電視/上網都見到其他地方o既女仔好明顯平均質素係好d(起碼會鐘意睇下書, 唔會剩係睇八卦雜誌, 愛情小說; 起碼識得煮飯o既都多d, 起碼...etc), 所以先會有"港女"一詞出現...

不過, 同民仔blog講的一樣, 係話人"港女"之前, 都諗諗自己有無資格話人先...

完

十．一假期三天遊

30/10(六) – 朋友一早過關, 同哥直接到九龍塘join埋娟, 四個人去東涌搭昂平360。呀哥晨早買左飛, 去到本來唔多人, 點知等緊上去時就停左(後尾知道大風停左一段時間)。企係站度等左好耐, 終於開返。一程4個字島, 都幾快, 個景觀唔錯, 又唔會好搖, 幾舒服。上到去11點幾, 睇左陣街頭表演, 睇埋果2個短片(俾錢睇的:與佛同行&靈猴XX), 好肚餓, 去寶蓮寺食d野, 搭巴士入大澳。車程好快, 2-3個字島入到去; 原本諗住行一圈走, 都唔係好多野睇, 後尾見本來尾班車3.00pm延至4.30pm, 所以就去搭$20一位的環大澳一圈的小艇。隨左環大澳一圈, 仲會專登出深少少o既海, 隔遠望到中華白海豚, 雖然見唔到成隻野, 但係都見到粉紅色係海度游游下。由於幾大風, 都幾大浪下, 架艇係有d位都幾快甘行, 好舒服, 回程仲比海水整到一身都濕添。遊完大澳, 去返寶蓮寺搭昂平360出返來, 由於個朋友同呀哥都分別約左人, 所以得我同呀娟食飯。去左SSP的三上(娟未去過), 係惡貓店執到平野(俾人炒得好貴的Keroro Robot, 賣$35 only)。三上好好味, 食完大家都累, 好早就散。返到屋企沖埋涼, 10點幾呀哥佢地未返來就訓了。好累。
1/10(日) – 去長洲。無專登好早起身去, 所以入到去都中午了。入過咁多次長洲, 今次係第一次見咁多人。真係好~~~~多人。平時星期六日有時都幾多人, 但係今次好誇張, 條大街旺角咁。一去到就去食日本人夫婦o既手卷同紅豆餅, 好味。之後就去張保仔洞。途中去五行石; 不嬲都係隔遠望到就算, 今次爬埋d石過去。娟仲趺瘀左腳添。之後去張保仔洞; 好多人, 居然要排隊入去, 前面好多人, 仲要唔知係咪有人無電筒定係有人驚, 條隊停左唔郁好一會兒。細個一次都無入過去, 今次係第一次, 摸黑+偶然一次閃燈咁行, 都幾過癮呢。由於估唔到多人, 行完都唔早。行返落來, 搭$3一位的船返碼頭果面。之後去食每次都必去的糖水。味道其實同外面差唔多, 不過好平! 由於又熱又累的關係, 係咁飲+食(冰沙, 糖水etc); 食完就離開長洲了。因為晏左, 本來諗住去沙田萬佛寺+龍華乳鴿+禾輋大排檔臨時改變, 去牛頭角村的大排檔。食完大家都累, 所以返企, 又係好早就訓了。好好累, 雙腳都痛。
2/10 (一) – 呀哥約左第二班人, 我地呢面就搵左民仔一齊去玩。一早去城門水庫行山+睇馬騮(去到先醒起早知叫埋Connie出來)。個風景都幾靚, 而且見到好多馬騮~~ d馬騮好好笑, 動作好趣怪; 我地無帶野食, 所以佢地都無來搶野。其間我“嘰”一隻馬騮, 佢仲”wow”應返我添。另外, 有一隻大d的馬騮搶左隻細o既野食, 隻細o既仲係咁fing手係度“weeweewee”咁叫, 好好笑。行完一輪, 落返荃灣食米線, 好好味。之後行街。我同民仔唔係好o岩行街, 所以係機鋪等+抖(我對腳行左3日好痛了), 佢地行完荃灣又行下葵芳; 係葵芳meet左, 一齊入沙田食龍華乳鴒; 去到沙田火車站之後都行幾遠; 入到去坐底食, 的確係好食, 不過又好似唔值用五十幾蚊來食一隻咯…街市廿蚊, 寧願食2隻都仲有剩…不過的確係幾好食o既。食完, 娟要做節返屋企, 民都要返屋企食飯; 於是2個人就去SSP鴨記行下(2個人都好飽食唔落飯), 行完鴨記, 去綠林甜品食糖水, 之後行過去近SKM果面搭車去觀塘食埋Pancake同木糠布甸, 食完又返企了。咁就完左3日遊玩同飲食為主的旅程。對腳又累又痛了, 第日仲要返工。

完

戲評 – CLICK (人生自選台)

首先, 要鬧改中文戲名果個垃圾。實在係好垃圾。自己改左個戲名o既意思唔緊要, 但係中文戲名o既意思直頭係“錯”o既, 大錯特錯。

如果個主角o既遙控器, 係可以轉台, 轉左好多唔同o既事/人物/角色/境況出來, 就係人生自選台。但係唔係咯, 只係可以fast forward, 暫停, 較大細聲果d, 點算係人生自選台? 如果話因為個遙控器而令人生有唔同, 或者令佢啟發到有關人生o既野, 咁平時發生一件事都可以啦; 總之個中文名好唔得。

講返套戲, 係呢一期來講, 算好。幾好睇。成套戲由一開始, 我相信一般人已經可以估到晒成個故事o既流程係點, 發展係點, 轉捩點係邊, 高潮位係邊, 結局係點, 真係好standard好大路o既flow; 但最令我讚賞o既就係呢一點: 佢可以拍到即使你知道係點, 都會覺得好睇。全場該好笑o既好笑, 該叙事o既叙事, 該感動o既感動, 差唔多2個鐘都無悶場, 有時全場一齊大笑, 但係又可以帶出到主旨, 非常唔錯。呢d就係功力。唔係話可以激烈地讚賞, 但係可以係已知o既情況之一下都令人覺得好睇, 唔容易呢。而係入面帶出果個主旨, 都可以令人幾深刻地感受到; 唔似而家部部戲都話想帶出d咩野要令人反思, 但實質上好膚淺又做唔到個效果。

如果呢期想睇下戲, 可以睇下呢套; HK人, 輕鬆下啦。

完

九月二十九日 - 雜記

1. 經常見我轉貼"深雪"d野, 並唔係因為特別地欣賞/同意佢講伯3野, 而係因為佢講o既野好現實, 好近距離。雖然都有好多唔同意o既地方, 但係覺得大家睇左可以會有野可以思考下, 諗下o岩定錯, 諗下身邊o既事/物, 所以有時見到某d ok的就會轉貼出來。希望大家會睇之時, 都會思考下, 或者討論下。
2. 星期二食晚飯, 本來同3個我的上手+2個而家同事+舊老細+新老細食飯; 我地到左先, 舊老細未到; 其中2個上手原來唔知舊老細會來; 由於舊老細一向俾人壓迫感, 佢地2個居然走, 真係話走就走...舊老細真係咁差嗎?不過舊老細之可怕, 由此可見一斑。食飯係登打士街樓上cafe, 環境OK, 貴夾唔飽果類。
3. 星期三睇"CLICK", 另一篇會講。
4. 星期四返企。成日都有d唔想返企食飯想出去o既感覺, 但係有時返屋企食飯晨早沖埋涼之後成個夜晚係屋企hea的感覺, 其實都好舒服。娟同朋友唱K, 我係企睇下書打下機同朋友傾電話, 之後訓覺, 很寫意。
5. 星期五, 話劇初班同學gathering; 相識超過一年了, 仍然keep到, 好開心, 呢班人真係好唔錯呢。幾個月無攪正式gathering, 今次又急左d, 所以得6個人, 會去成日經過又一次都無去過的牛頭角下村大排檔, 期待! 10月要攪得好d。
6. 真三國無雙4: 黃忠去到最後一關; 其實有如果唔係執著想清晒所有據點同武將, 會易打d。不過點執著, 有d太難打的都要放棄唔打。黃忠係咁射箭真係好勁。下一隻應該會用張角。
7. 其實好似無咩野煩, 實質有好多野應該要煩, 而且間唔時係腦入面爆出來都好煩。
8. 娟同民體檢報告出左, 無咩野, 幾好。2個都無乙型肝炎, 快d去打針啦。

完

轉: 深雪 : 誠實免除委屈

自按: 呢篇我都幾認同, 所以有時直都係一件好事; 唔係朋友的話, 直唔直都無關係, 唔理佢好耐啦; 係朋友o既, 唔會因為幾句逆耳忠言就做唔到朋友, 唔得的話都唔抵做朋友啦。無論家人/朋友/情人, 坦白最重要, 最憎估估下!

**********

有些人只能絕對誠實和坦白。就似我，稍為假一次都死。話說，我完全不喜歡小孩子，這是心知肚明的事，於是，但凡對著任何人，我都會坦言告之。尤其是男人，我讓他早點知道我的取向，愛情的方向就會更明確，我不喜歡小孩子，就要找個同樣不喜歡小孩子的伴侶嘛！
有一次，我就因為不坦白而受苦。某個新相識的女性朋友家有孩子，我見那小男孩滿可愛的，於是就對他仁慈起來，也因為朋友是新相識，不好意思得失她。那小男孩見我不抗拒他，於是開始和我玩「遊戲」，狂扯我的頭髮，又向我擲東西，兼且「玩」打架。到我筋疲力盡了，才明白不誠實的害處有多大。
我明明不喜歡小孩子，因何在半小時前裝出喜歡小孩子的模樣？就因為我假裝，於是就受了半小時的酷刑。我終於硬起心腸，對這名頑皮仔說：「我不喜歡小孩子，我也不是你的朋友。」說罷，他就望住我，然後，氣鼓鼓的，走到另一角尋找新的玩伴。我見其他人與這名小男孩玩得好開心，我就覺得自己做得太對。我是不喜歡就不喜歡，假裝都無用。
我的結論是，誠實，就免於自己受委屈。對任何事、任何人，喜歡就喜歡，不喜歡就不喜歡，這樣子，雙方都會好過。
在愛情的層面上，你能坦白嗎？你真心喜歡他嗎？要不然，分手好嗎？要是，你常常覺得很委屈，皆因你沒對自己誠實。很多委屈不由他人造成，而是由於你不坦白造成。許多慘事，都是自己逼自己參與的。

轉貼: 深雪: 你夠膽批評誰

自按: 自問自己算係直o既人, 只要覺得係朋友, 就算未係好熟, 我都覺得對方有咩問題會直講出來。當然講成點, 就因人而異而技巧唔同啦。俾我"小"過的朋友, 你地有福了:因為我當你地係朋友。 XDDDD

**********

在一星期內試了兩次菜，兩次都普普通通，雖不難吃，卻無驚喜。席間就有朋友悄悄說：「十足男朋友煮給女朋友吃的那樣，就算不好吃也不會說出來。」
就是嘛，我們都吃過男朋友煮的東西，我們一邊吃一邊裝歡樂、裝驚喜、裝感激，完全不敢批評半句，免得無下次。
為甚麼不去批評試菜的廚師？皆因兩間餐廳都是朋友打理，無謂說話太狠，要批評的話，留待朋友自己開口好了，橫豎廚師是他自己請的。
如果，那兩次是無裙帶關係的試菜活動，那麼，心情就暢快得多，我們就能肆意批評，說話不留情面都可以。我們的責任就是批評嘛，既然大家有今生無來世，何妨去得盡一點？
批評別人，是要有「認頭」勇氣的，你要承認自己說過那樣子的批評，而這種勇氣，不是人人都有。這就解釋了因何網上論壇那樣熾熱，網友都能不負責任地肆意批評，發洩批評別人的欲望。
同時候，這亦解釋了為何有些人那麼喜歡批評伴侶和家人，皆因只有伴侶和家人能容忍他的批評，他亦只夠膽開聲去挑剔最親密的人。這些無膽匪類，平日對著同事和街外人時，根本不敢作聲，欺善怕惡，就是這一種。
說回試菜活動，其實是有點吊詭的，為何餐廳老闆自己決定不了菜式是否見得人？既然都請了那個廚師，不會因為試菜完畢就炒了他吧！真是摸不著頭腦。

轉: 深雪 : 友善的陌生人

自己按: 我諗起盧冠廷一首好好聽o既歌: 過路人, 有機會聽下啦大家

**********

在巴黎乘飛機回港時，因為行李太多又過重，所以就需要使用貨運服務，價錢較超重補錢便宜許多。而貨運服務需要五個工作天，於是，我就在回來香港後數天前往提取。
提取地點不在機場，但就在機場附近的貨運站，需要做些清關手續。因為我買了許多書，所以兩件行李超級重，我就像隻瘦小的牛那樣拖行著行李。
然後，好事就發生了，有些工作人員主動上前幫忙，替我把行李拖到室外，他們看不過眼我拖行重物的狼狽樣子啦！而早在我收貨時，他們已經關心地說我一個人搬不動，叫我下次找個朋友來幫手搬。
行李搬到室外後，我又遇上好好人的計程車司機。就連我樓下的管理員，見到我兩件行李都立刻搶著幫手。總之，那天就行運啦！不停遇上好心的陌生人，讓我整天的心情很好。
友善的陌生人是很重要的，友善的司機、餐廳服務員、售貨員，甚至是途人，都能讓人愉快起來。友善的陌生人所做的都是小事，卻令你深感人間有情，以及人性的善良一面。推己及人，我們都要做個友善的陌生人呀，先讓其他人覺得活在這城市真是一件美好的事。
有時看見有人對侍應大罵，我立刻就覺得那個人無家，如果那個人是個約會中的男生，我就以後都不會再見他。有本事就招聘兩個婢女日罵夜罵，那名可憐的侍應只不過剛巧運氣差，碰上個心理變態的。
對人好，我覺得輕易過對人差。對甚麼人都好，可說是個最適當的生活態度。

轉: 深雪: 看不過眼

我們看不過眼自己的男朋友，又看不過眼別的女人的男朋友，結論就是，我們誰都看不過眼。
女人總是這樣，希望自己的男朋友有錢、有面、有樣、有心、有情趣，而這種男人就是白馬王子，我們的男朋友嘛，只算是個騎騾仔的王子。當大家感情好時，女人會忘記男朋友的不完美，唔緊要啦，都算拍得幾開心啦！然而，當感情低潮時，女人就把男朋友的不完美看得巨細無遺，她忽然就後悔了，怎麼揀了這個男人？
在此情況，唯一讓女人好過的是，她看見別的女人的男朋友。嘩！那個男人嘛，看來更不濟事，更加不完美。
A的男朋友雖然是專業人士，但看來惡死又愛控制女人；B的男朋友很浪漫，但無錢囉！C的男朋友很風趣，很有魅力，但好像另有女朋友。總之，別的女人的男朋友全部不順眼，比自己的男朋友篤眼篤鼻十倍。忽然間，女人就幸福起來。「啊！都是我的男朋友最好！」縱然他其實不那麼好，但因為有所比較，他的分數就提升，女人也明白，比下有餘，已經算是不錯了。
若然，朋友有個完美男朋友，我們和我們的男朋友都會很有壓力，我們會嫉妒朋友的好運氣，而我們的男朋友會被比下去，造成心理困擾。大家的男朋友都不那麼完美，反而會構成一個感情頗佳的小圈子。當朋友向我們訴苦，訴說男朋友的壞品行時，我們會這樣安慰她：「你看我那一個，一樣差嘛！」然後，朋友就舒暢了，深感你真是個了不起的好朋友。
男朋友不順眼？別人的男朋友又不順眼？不要緊，我們自己順眼就可以了。他們全部不夠好，唯獨鏡中那個小可愛最好。

妄想

很想謀取暴利卻仍然刻薄員工的奸商們生仔無屎忽, 眼看自己生意一落千丈, 含恨而終。
在車上見到人把腳伸上座位/大聲講粗口/做任何沒有公德心的事時, 很想打拒鑊勁o既。
很想那些政客, 不論高官/議員/何黨/何派收起每天的廢話, 切切實實做福人民。
我想要很多很多錢, 多到怎樣揮霍也用不完的錢。
在街上見到人頭湧湧, 很難前進要慢慢隨著人流時, 很想出一招赤目司令的“天火焚身”一邊將前面的人打開, 一邊快速前進。
很想自己身體所有病痛, 不妥的地方全部好起來。
很想在很多國家的高峰會上, 一炸彈炸Q起各國領導人。
希望全世界的人保護環境, 不用全球暖化, 空氣又更加清新。
我很多很多蘭心慧質, 善解人意, 又風姿綽約, 既美且索的女朋友。
見到交通擠塞時, 車內司機仍然亂響號時, 很想車子發生小型爆炸, 車輛既壞, 但人又不死。
我希望身邊所有家人朋友等等都長生不老, 永遠快樂地生活下去。
很想那些沽名釣譽的明星快些收皮, 賺唔到錢無得撈。
我想我是一個英俊瀟灑玉樹臨風才高八斗智勝諸葛世界第一終極男子漢。
很想那些在辦公室中的那些既無腦又無才又作威作福的老細/呀頭/經理被公司栽員, 後悔沒好好的做該做的事。而所有擦鞋仔/女都一樣全部收皮。
見到人在不適當的地方食烟的時候, 想用烟頭篤拒, 更加希望拒不久患上肺癌, 早死早著。
人類停止所有傷害對方的行為。
很想自己不是瘋子。
很想自己是個瘋子。

完

九月二十六日 – 雜記

18/9 (一) – 貓生日, 不過晚上我同哥, 娟, LOBO去加拿大餐廳, 早落車, 行冤枉路。
19/9 (二) – 返企
20/9 (三) – 返企
21/9 (四) – 同強, 威食飯; 好耐無行過MK, 行左好多玩具, 漫畫鋪, 買左一套扭蛋, 又買左漫畫
22/9 (五) – 返企
23/9 (六) – 夜晚同Mango, 茵, 華, 鄧, Ceci, Chris, 民., 娟燒野食。好耐絛燒野食了。估唔到西貢有個咁o既地方, 係滿記個位行多2個字島。每位~$90任食, 包一支汽水一支水, d野食普通。雖然唔係特別平, 不過對於住TKO的我來講近, 幾好。
24/9 (日) – 晨早打波。好~~~耐無打波。打得麻麻地。11點幾開始有雨, 去左中央圖書館打躉。猩猩義借2張圖書證, 俾我借左11本書。當日煲左6本。下午除左睇書就係打機。
25/9 (一) – 返企。呢排返多左企, 乖。
26/9 (二) – 會同前老細, 現老細+一堆同事食晚飯, 唔知會點…
27/9 (三) – 同娟去睇“click”
28/9 (四) – 無date
29/9 (五) – 同話劇初班人們gathering, 好~~耐無聚了, 得我一個會攪活動, 但係前2個月我都無攪…今次急左d, 得5-6個人, 下次會好d了。
30/9 (六) – KTG來HK一星期。

呢排打“真.三國無雙4”, 幾好玩, 幾經辛苦打爆左修羅難度(最最難)的周泰傳。玩慣左修羅, 打返“困難”已經無咩癮。之後應該會慢慢昇下某d中意o既武將到甘上下level, 再打故事o既修羅難度了。“修羅”同“困難”真係差天共地…困難基本上唔會點輸, 修羅入面就算個人物咩都升到最高都好難打…

對前途仍然一片茫然, 而d舊同學們眼見開始愈來愈掂了, 自己係度做緊d咩呢?

完

短篇 - 天台．三

黃先生三十多歲, 是一個商人。雖然現在是一個經濟不錯的富人, 但年輕時曾經闖盪過, 而且因為夠狠心及不擇手段, 才能有現在的成就。現在能改變過去, 沒有人知道他從前的潦倒。現在他的朋友和合作伙伴都知道他做事能幹, 又有一個美滿幸福的家庭, 一個賢妻與一個亭亭玉立十多歲的女兒。

這天, 他放下工作, 一家到泰國旅行。一路上相安無事, 大家都很快樂。到了最後一晚, 他們被安排於一間普通房及連著的一間尾房。一向酒店的尾房都不太受人歡迎, 原因不言而諭。因此, 黃先生自己睡尾房, 而2母女則住另一間房。

晚上, 黃先生一個人在房中, 正要入睡之時, 突然聽到鄰房有聲響。他以為2母女在執拾行李, 不以為意, 只是明明記得好像執好了。他躺在床上, 聽見聲響一路發出, 持續了很久。他想: “那麼晚了, 不用睡嗎?” 也不多理。可是那聲音一直持續了個多小時, 他既奇怪, 卻很憤怒, 因為在寧靜的環境下, 些少聲響也會很吵。他忍不住起身拍門, 叫她們靜一點, 但沒有人應他。過了一些時候, 他試過幾次也沒有反應, 才想起悖們身處泰國, 那些…特別猛的, 他不敢再做什麼, 就去床上睡了。

一夜失眠, 雖然後來還是睡著了, 但卻睡得不好。第二天他們回程時, 他說起晚上的經歷, 2母女卻說完全聽不到聲響, 又聽不到他拍門。黃太太聽了之後很害怕, 她平常有點兒迷信, 她怕得罪了些什麼東西, 又怕帶了什麼骯髒東西回家, 因此回去後做了很多事情才安心。

人有旦夕之禍褔, 黃先生的生意遇到了難題, 愈來愈差, 甚至開始負債, 而且家中很多事也像交了霉運, 很不順利。黃太太又怕了起來, 認為是他們在泰國惹了禍, 慢慢擔心的病了起來, 竟然一病不起, 不多久便死了。生意失敗, 早年喪偶, 使他覺得心灰意冷, 但他是一個狠角色, 打算重新開始, 幹些非法勾當儲一筆錢東山再起; 他的女兒很乖巧, 用心讀書又很懂事, 喪妻之後, 現在已經是他最大的寶貝了。

有一天, 她女兒不見了。他非常著急, 但不用多久他就知道了。他收到了一張光碟, 內容是幾個蒙面大漢在強暴他的女兒! 過程之中十分殘忍, 全不把她當成是人般對待。他心痛之極, 電話響起。原來是歹徒向他勒索大筆金錢。他向電話大吼: “我現在沒錢了呀!” 對方只說: “沒有就等收屍吧。” 就掛了線。

黃先生籌不到錢, 報了警。過了幾天, 女兒的屍體被發現棄置於垃圾場, 滿身傷痕, 是城中轟動的大案件。黃先生知道歹徒不只為錢, 應該是他往時黑道上的敵人。他心灰意冷, 慢慢的走上了天台。突然間, 見到一個少女站在上面。他慢慢的走過去, 見到少女的面容, 似曾相識…大家也沒說話, 黃先生卻認出了那少女!

“是你!...原來是你!! 出事後幾天, 阿森死了, 阿明瘋了, 我就知道是你!! 這十多年來, 我一直害怕你會回來找我, 誰不知沒有, 但我卻怕了這麼多年! 這2年我慢慢我淡忘了…但…但你竟然來了! 為什麼你不害我!! 要害我的家人?! 為什麼你不像害阿森阿明那樣地害我! 呀~~~!!”

“要你就這樣子死了, 太便宜你了。我要你活多十多年, 擔驚受怕, 然後要你一切失敗, 家破人亡。我不要殺死你, 黃耀泰, 我要你自己死…”之後那少女消失了。

“自己死嗎? 我…還可以做什麼? 生意失敗了, 老婆不在了, 連…連女兒也…受盡折磨而死了…報應呀!”

黃先生慢慢的走到天台邊, 望著下面, 跳了出去…
沒有人知道他臨死看到些什麼, 說些什麼。

完

愛情觀

現代人談戀愛, 有時連“鐘意”與“愛”都分不清了。

雖然只是字面上的分別, 但我想說的不是字面上的定義, 而是實際上人的情感上的分別。“鐘意”比較自私, 以自己為先; “愛”則較無私, 以對方為先。曾經有人說, 2者分別在於以誰為中心; 以自己為中心的是為“鐘意”, 以對方為中心的是為“愛”。就如你只會鐘意咖啡, 鐘意雪糕, 因為這些東西令你快樂, 能滿足你的慾望。但若你愛一樣東西, 你會忘記自己, 以對方為中心, 一切為對方著想, 令對方幸福快樂。

試想清楚, 你對你的伴侶是“鐘意”還是“愛”。若你是因為對方令你快樂而把對方留在身邊, 沒有想到對方是否快樂, 這只是“鐘意”。若你為了對方愿意犧牲自己, 為令對方快樂, 這才是“愛”。當然, 現實中很難會出現完全的犧牲, 但總真是“愛”的話, 總會有某程度上的犧牲吧? 如果幸運遇上一個同時相愛的人, 真的可以完全忘掉自己, 因為對方會愛你如己, 當然你也必需愛他如己; 雖然能遇上這麼一個人的機會, 少之又少, 比中大獎的機會還少, 但當真的幸運地遇上他的時候, 一定要好好珍惜, 而還沒遇到的就要好好努力, 常存盼望, 心存感激, 做好自己, 一定會找到真命天子。

大家會不會想想, 做了一件事, 出發點是為自己或許為對方呢?
如果愛他, 又應該要怎樣做呢?

可惜, 剛才那一番說話似乎在現代都不通用了。不要說愛, 現在很多人連2人基本的要素: 互相關懷, 體諒, 溝通, 誠信, 都不大做得到。可能, 這樣的態度才適合現代愛情文化; 速食文化的確令感情生活加速, 以前可能要3,5,7年才發生的事, 現今有時可以在3,5,7日已經完成了過程, 之後分手, 又另一個3,5,7日…

明顯地, 這樣和資訊發達, 人流頻繁有關。現在任何一種東西都有太多款式給人選擇, 所以任何東西都要會缺少; 包括男/女朋友。很多人認為分手了可以再找第二個, 因此更加不會珍惜, 變相要求多多, 男/女朋友變得像貨物一樣, 有一點兒不高興就要退貨。

世風日下, 人心不古。互相關懷, 體諒, 溝通, 誠信何在?

完

短篇 - 天台．二

小敏剛剛離開謝師宴, 這晚一班同學及老師們談的興高采烈, 又帶點畢業的傷感, 不知不覺就很晚了。就要回到家的附近時, 有三個醉漢走近她搭訕。她很害怕, 不理他們向前走, 但他們繼續調笑, 她唯有拔足向前狂奔; 她家住在舊式唐樓, 沒有管理處, 沒有電梯; 她走到樓梯向上跑, 但一時失足跌倒, 那3人追到來, 看見她坐了在地上, 短裙下的雪白大腿, 清純可愛的面容, 登時慾念大起。

那3人捉住她, 掩著她咀, 把她拖上了天台, 其中一個叫阿明的說: 這…這樣似乎不太好吧? 另外2個人慾念高漲, 加上酒精的催化, 有點不顧後果了, 那叫阿泰的道: 阿明, 你膽小怕事的就不要做, 去樓梯那兒給我們把風, 去! 去!

阿明一向只是朋友中的“跟班”, 只好去把風; 聽著那少女小敏被人蹂躪著, 似乎她的掙扎及叫聲更激起了阿泰及阿森的獸性; 他不忍聽那慘叫聲, 於是走到樓下等待。良久, 他們3人離開了那地方, 完事後似乎清醒了一點, 害怕少女報警, 於是在阿明(獨居的)家躲了幾天, 什麼事也沒心情做。過了幾天也沒動靜, 阿泰和阿森才回家去。

他們剛離開不久, 阿明打開電視, 就見到了一則新聞: 十七歲少女跳樓身亡。他見到鏡頭的現場, 正是那少女的家那唐樓。他知道他們闖了大禍, 但新聞內容卻沒談及少女的遭遇, 也沒有遺書, 只是說她是品學兼優的乖學生, 尋死原因不明云云…

阿明立刻打電話給阿泰及阿森, 但都沒人接聽; 他繼續看新聞, 就在這時, 電話響起。他接聽, 但對方卻沒說話, 於是使掛了線。突然卻又響起, 接連好幾次都沒人說話。阿明說了句粗話, 正要掛斷之時, 對方便說話了: “你記得我嗎?” 是一把很悅耳的少女聲音。阿明覺得很耳熟, 但又想不起是誰。對方繼續: “你雖然沒有做, 但你也是共犯呀…” 突然響起尖叫聲!

阿明一聽, 就想起那慘叫聲了! 她…她不是…跳樓了嗎? 房內突然 傳出那慘叫聲。他嚇了一跳, 想也不想, 奪門而出。他不敢乘電梯, 不想在密封的地方, 於是直奔大廈樓梯, 正要向下走的時候, 卻見一個女子正從下面走上來; 他害怕得立刻調頭向上, 一直跑一直跑, 跑到天台上。剛回過氣來, 卻發現一個少女站在她旁邊。阿明退後, 望著她, 問她: “你…你…想幹…什麼…?” 少女只是靜靜地望著他, 一步一步向前走。阿明慢慢的退後, 十分害怕。他只一直叫: “不關我事的! 不關我事的! 不要來呀!”

少女步步進逼, 阿明心虧, 一直向後退… 突然那少女說了一句: “你也是共犯呀…” 突然撲前! 阿明一驚, 腳下突然被電線絆倒, 失平衡之下向後跌, 才發現身子已經凌空! 臨跌下去之際, 只聽那少女說一句: “饒你一命吧…”

阿明沒跌下樓, 他的腳被絆倒他的電線牽住了, 給倒吊掛在天台上, 後來被人救了下來, 但他卻從此喃喃自語, 神智不清, 不能再講發生過什麼事了。

完

短篇 - 天台．一

阿森今天又很晚才回家。其實他每天也很晚回家, 他討厭上學, 討厭媽媽整天價的在囉唆, 所以經常出去與幾個狐朋狗友到處流連, 不務正業。這幾天他更連續幾天沒有上學, 沒有回家, 連電話也不敢聽, 因為他和2個朋友作了一件過分的事, 犯了很大的罪: 他們強暴了一個少女。

那天他們在深夜見到一個美麗的少女孤身走在無人的街上, 他們3個人走上去搭訕, 起初也只是想調戲對方, 後來老友阿泰先起意要強姦那少女, 醉酒了的他們竟不理後果的幹了。事後, 他們離開了那一臉悲慘的少女, 他們怕那少女報警, 於是躲了幾天, 但過了數天, 電視報紙新聞居然沒有報導, 於是今晚便回一回家。

幾天沒洗澡, 又沒飯食, 3個人只是躲起來, 不停的喝酒, 實在是太累了。想到一會兒能在家中吃些東西洗個澡, 舒舒服服的睡一覺, 是多麼的好, 媽媽要囉嗦也不理了, 反正這時候也應該睡了吧。進入了電梯, 把玩著鑰匙, 無無聊聊的等, 慢慢覺得不對, 怎麼他住4樓, 但電梯那麼久還未到? 難不成突然壞了困lift? 該死, 難得一天想回家, 就這麼不順利, 按警鐘又沒響, 那麼晚又一定沒有人了, 唯有等吧…

一督間見到地上有一份報紙, 正好拿來消磨時間, 幸好電梯的燈沒有壞。一看頭版, 赫然見到一單新聞: 十七歲少女跳樓身亡。他吃了一驚, 看看內文及死者相片, 發現正是被他們強姦的少女! 難道她不敢報警, 又不甘受辱, 悲憤之下尋死? 內文並無提及她曾遭強暴, 只是說她是品學兼優的乖學生, 尋死原因不明云云…

突然有心寒的感覺, 難道電梯… 他狂叫狂拍門也沒反應, 他猛然用力雙手撬那門, 居然開了! 一出來立刻跑到樓梯, 只見已經在廿多樓, 他立刻向下走; 走了好一會, 發現層數不降反升, 明明剛才是二十一樓, 現在卻是二十三樓! 他開始害怕, 再向下走, 只見樓層似乎愈來高。他既驚且怒, 突然大吼: 我不怕你的! 我不怕你! 你只是個臭婊子, 給我強姦過的臭妝婊子!” 當然沒有人應他, 他見向下走沒有用, 就反其道而行向上走; 他從梯間的隙縫向上望, 似乎見到出口…

他沿著樓梯 ,不停向上跑, 最後到達了天台, 打開了天台的門, 一走出去, 只見天上烏雲密佈, 星星也看不到, 黑暗似乎從四面八方掩來。阿森望向天台的另一面, 似乎見到了自已家的門口, 他知道自己找到了出口; 走過去, 打開了家門, 見到好像還有更高的樓層, 他要去到最高的地方, 他寧願不回家了, 他向外一縱…他向下跌的時候, 他知道他可以離開這鬼地方了, 他見到地下那女孩站著, 張開雙手對他說: 你不是覺得我很漂亮嗎? 你要我嗎? 來吧…

第二天的報紙頭條: 醉酒青年墮樓慘死: XX年X月X日, 一青年被發現倒斃於XX樓地下, 懷疑有人醉酒失足墮樓致死, 當晚有住客曾聽見有人於深夜醉酒大叫…

完

改下歌詞: 還有

平時返工做完一輪野, 就會哼2句 "忙了一朝, 還有幾朝"
哼哼下, 發覺不如改晒成首去啦, 於是求其改左了

*****

還有
曲:李宗盛 詞:Y 編:倫永亮

(打工仔) 忙了一朝 還有多少? 但已是 快7點
肚空空 人冷冰冰 在這時 願快做完就閃
(老細) 走的不許走 OT終O透
我說過一開口 全部無得走~~~~
(打工仔) 明知今晚一走 明日就更 無得抖
盡力避免 老細話 還有

(打工仔) 忙了許多 還有很多 但最後 無得走
到今天 還有幾多 在繼續纏住我
(老細) 多少個壽頭 反覆心中咒
你要再講早走 份糧就無得收
(打工仔) 如今只得爽手 全部做晒 快d走
就是害怕 到最後 還有

(老細) 即使家下嘔 都不可早抖
(打工仔) 我往那一方走 仍馱在背後~~~~~~ WOWWOW~~~~~~
(老細) 明谷你地做牛 仍在設法減薪酬
(打工仔) 就是害怕 再接受 還有

(打工仔) 忙了多天 還有幾天? 又接近11點
我不知 還有幾天 若好運 願這份糧未變…

完

夜宵

夜宵, 亦即是宵夜。不知大家有沒有吃夜宵的習慣。
其實根據調查, 在睡前吃東西, 即使是2-3小時前吃, 除了剝奪了身體內臟(腸胃等等)的休息時間, 加重了他們的負荷外, 更容易積聚脂肪, 使人更容易變胖, 實在是一種十分不好的習慣。不過可能太早吃晚飯, 可能太晚睡, 可能各種原因, 有很多人也有吃夜宵的習慣。

我自己甚少會吃夜宵, 不過由於我睡眠一向不太好的原因, 有時失眠睡不著時, 就會翻冰箱找東西吃(通常我都會一早“入貨”以備不時之需), 幾粒燒賣, 或2條香腸什麼的, 加一杯汽水, 看看電視, “磨”完一輪, 看看是否可以再睡。其實如果第二天不用上班, 在深夜一個人靜靜的坐坐做做自己想做的事, 也蠻寫意的。

其實從少至大, 也十分渴望能夠有朋友住在家的附近; 平時放學/放工返家, 吃了晚飯又未睡的時候, 能打個電話對他說“唏! 落街食個糖水啦喂!” 然後大家就穿著街坊裝很隨便的到樓下, 隨便找個地方坐下飲些東西, 吃些東西, 談談天的, 真的十分開心! 不知大家又有沒有這種感覺呢?

可惜, 那麼多年來, 我的同學/同事/朋友的家都離家甚遠, 實在太可惜了。希望以後會有人搬來我家附近住吧! 呵呵!

完

“無”的境界

很多學說、修行, 都說要把心的雜念修練至“無”。有時, 人的思想很難控制, 要把生活私煩瑣事情都拋開, 四大皆空, 那麼哲學的事相信一般人很難做到。於是有很多人一聽到就覺得麻煩, 而會逃避去試。

其實, 平常我們會做的很多事情, 或多或少都需要到達這種境界。作為一個普通人, 平常生活時要“無”, 當然困難, 但有很多情況, 大家都會不知不覺地一窺門徑。其實有很多事情, 都會需要的, 當每一個人專心做自己喜愛的事情時, 就很容易達到。有很多活動, 例如玩樂器, 打桌球, 打遊戲機, 激烈如打籃球, 甚至打架, 發揮得最好時, 皆是在“專心”, 亦即是“無”的時候。

正如剛才所提到的活動, 並非一味靠快或靠力就可以成功; 以桌球、籃球為例, 誰不知道打球、射球的姿態是如何? 要做那動作出來易, 但打中、射中則難。其關鍵除了身體的協調, 心的“靜”也極為重要, 心不靜, 氣則浮, 氣浮使力則不當。反而當心“靜”的時候, 眼觀鼻, 鼻觀心, 而心使臂, 臂使指, 身體每一部份都不會做出過少, 但又不會過分及多餘的動作, 命中率也就大大提升。武術、打架也同一道理吧? 胡亂一拳打出去, 其實威力遠比紮馬沉肩打出的一拳為低, 甚至連察看敵手的動態也無法辦到。曾經更有一個朋友跟我說, 一個人正在專心做一件事情的時候, 十分好看; 而我此後也非常留意捕捉這些時候呢。(雖然其實我隨時隨地其實都在留意每一個人)

從這些一般的運動、活動再引申出來, 其實當大家面對一般生活細節時, 也一樣可以運用; 在社會中力求進取之時, 又不太計較名利得失, 盡力地做好要做的事, 反而更容易得到人的認同, 更容易融入不同的圈子中; 而很多煩惱也只像是很緲小的事情, 人也會覺得開心快樂一些。慢慢的, 就不會在得與失中進退失據, 掌握到終極快樂的泉源。

不過, 這也只不過是理想中的境界而已。

完

九月十八日 - 雜記

1. 呀貓生日快樂! 祝身體健康, 開開心心!
2. 12/9(二) – 天氣涼, 唔游水, 帶民+LOBO去三上食飯, 佢地都覺OK
3. 13/9(三) – 同Mango唱K, Mango+我+民+茵+Carmen, 第一次聽呀茵唱歌, 好柔o既聲, 有d歌真係好o岩佢唱呢
4. 14/9(四) – 返屋企
5. 15/9(五) – 同貓慶生(其實係同三個人慶 :D), 係荃灣食。間野OK喎, d野幾好食, 不過幾多人, 去之前一定要book位。3個人請埋另外3個人, 都係$200, 抵。果日約左8點半, 我要等2個幾鍾, 於是去行好~~~耐無行o既葵涌廣場, 行左個幾鐘行完, 再去行荃豐。居然無收穫, 慳返。XDDD 行o既過程中, 係一間大d的漫畫鋪度睇左陣書, 終於睇過少少“甜甜私房貓”, 好得意! 好想買! 雖然薄薄地, 但係全彩的, $40都OK呀, 買唔買好呢/
6. 16/9(六) – 同Mandy慶生, 去深圳玩一日, 不過臨時行程有所更改。一大早就我同娟+民上去, 帶佢地做身體檢查, 10點幾到SZ, 做完11點幾, 出返老街果頭, 帶佢地食酸辣粉, 獲得好評, 等左一陣到左差唔多一點, Sam同Mandy都到, 去食午飯, 不過我地都飽左, 主要係Sam同Mandy食。食完呀Sam想去按腳, 於是分三路: Sam按腳, 娟+Mandy行街買野, 我+民機鋪等。過左個零鐘, 集合。由於民仔未去過購書中心, Sam同Mandy又無興趣, 於是我+娟+民就去購書中心, Sam+Mandy就去華強。係購書中心逗留左個幾鐘就去華強join返大家, 已經5點幾, 之後去篤波。第一次篤波, 我都篤得唔錯呢~ :D, 篤左一個鐘就去食飯。“酋長”都得到大家讚賞, 無介紹錯佢地。食完8點幾, 佢地去按摩, 今次去大場按, 而我由於唔多鐘意, 所以唔join; 預定11點幾會合。我去返東門, 同PP+SS飲野, 之後join水庫友(Panda, 撈撈, 小飛貓), 六個人狂打UNO, 中間仲去玩左2次海盜船。到左就來12點, 都未有人打比我, 但係水庫散水。PP陪我等, 去左一度可以入2蚊唱一首歌o既地方等, 好得意, 原來有d咁o既野, 入2蚊, 輸入歌o既編號, 就可以唱, 係等人o既好去處, 當然, d音響環境各方面都係差啦, 好過無! 估唔到要等到12點9, 早知直頭去加州紅, 都係$25位; 打的去皇崗, 過關搭巴士去MK, 都幾快, 係MK坐泥蜢的返屋企, 又係快, 貴過巴士1蚊。估唔到3點有得訓。
7. 17/9(日) – 下午四點幾Connie同Martin來我家(佢地第一次)。來到參觀一輪, Connie就拿我d漫畫煲(Love Hina), 我同馬生就打Winning。馬生果然係打開o既, 同佢拍擋打5粒星o既杯賽, 都可以羸到冠軍, 好明顯係靠佢! XDDD 之後Connie都一齊打Winning, 又打太鼓之達人。到左8點半, 大家就去食飯。本來諗住帶佢地去坑口, 不過因為Connie無啦啦想買波(佢不嬲無睇同買波的, 係無啦啦想玩野), 於是去左尚德投注站, 我都湊下趣買左曼聯(我係第一次買波XDD)。買完由於都就來9點, 於是係小飛象食飯, 食完差唔多10點就散了。

完

轉: 深雪 : 戀愛初期有特權

有些慘事和傻事適宜在戀愛初期發生，例如，互相傳染感冒。他傳染你感冒嘛，你就嬌嗲地指控他：「麻煩你下次傳些好事過來！」雖然你好惡死，但其實你是心甜的，事關，你有了一種有難同當之感，是他傳染你的嘛，但你並不介意受少少苦。
在這戀愛初期，受點苦是浪漫的，甚至因為受了點苦，你會覺得，也許這一次可以長久了，始終共度過一點患難，是有所不同的。又或是，你可以在他面前論論盡盡幾次，這是你在戀愛初期的特權。例如，你可以變落湯雞、忘記帶門匙、行錯路、入錯廁所、錯衫……因為這是戀愛初期，情人的論盡反而變成可愛、無機心、童真。你出錯嗎？他就會想：「嘩！好Cute呀！」可是在戀愛後期，特權就消失。要是他再傳染你感冒？你就會大罵他：「感冒就唔好出來見我啦！害人精！我過兩日有個重要客要見呀！」

同樣地，當他對你的新鮮感消失後，你就不可以再論論盡盡。他會憎你、嫌你煩、覺得你靠不住、無責任心、低能。他會對你說：「你有冇帶個腦出街！」忽然，他厭惡世上所有傻氣和論盡的女人，他開始向外尋找一個精明女人做第三者。而你，除了憎他傳染你感冒之外，你更憎他無錢、無面、無男子氣概。所謂愛情，往往有種化醜為美、化差為好的魔力，當這魔力消失，你除了唏噓外，請趕快變得醒目，別再做大意的事，別再讓小慘劇發生。

當關係漸入穩定期後，我們就希望對方變得具功能性，我們期望他有用途，愈有用途、愈幫得到自己，就愈能把關係維持長久。

完

皇帝的狗的狗

皇帝的狗的狗

大家無睇錯個題目, 係無錯的。
好耐無用完全廣東白話, 好唔慣添。

係呢個社會, 有錢o既人就愈有錢, 窮人就好難跳上一層。見得愈多野, 就愈感覺到呢樣野。有時都會諗, 其實有時跟係有錢佬身邊做跟班, 執頭執尾, 都搵錢多過打份工。當然, 能夠跟係有錢佬身邊做跟班, 都要好叻。就算做唔到跟班, 做佢地旁邊o既果班人o既其中一個, 應該都一樣可以撈唔少油水。只係睇下澳門賭場, d人賭錢時d錢去得幾快, 就知道我地辛辛苦苦打工1成年儲返來o既錢, 係佢地眼中係幾咁微不足道。分分鐘佢地贏錢之後打個賞, 已經係一般人打成個月工o既錢了。所以見到有咁多擦鞋仔, 跟班, 或者高級雞係有錢人堆中出現。真係唔怪得d女星, 打開雙腿就咁易搵錢o既, 反正都係陪一個半個老細, 唔使一日接廿幾個客。

工作關係, 都會接觸到d大粒佬。前幾日同其他部門o既人, 仲有法國領事一齊落去睇一塊地。之後有日又同某大粒人出去, 又比我呢種感受。話說呢個“某大粒佬”自己都係d跟有錢人“搵食”o既人, 專門就係幫d有錢人用各種方法“擺平”事件o既人。雖然已經一把年紀, 但係好明顯感到佢個人好精明而且好識野。然而, 雖然佢可能只係一個有錢人身邊o既“狗”, 但係佢係好多其他人眼中都係大佬, 應該都係搵到唔少錢o既人。只見佢帶左一班人出來睇地盤, 仲帶埋自己個仔(成個二世祖咁o既仔)出來, 講野雖然客氣但係不卑不亢, 果然係厲害o既角色, 話晒行走江湖幾十年啦。令我諗起好似“李蓮英”呢d太監, 對住皇帝就係狗, 但係對住大部份其他人就好大粒。隨行o既人之中, 有一個人o既職位係“總經理”, 睇個樣平時都幾大牌果類人, 但係係果個人面前, 都好似一隻狗咁。但係, 呢隻“皇帝的狗的狗”, 相信份人工又係好多錢o既人。難怪, 真係難怪, 咁多人想要“權”, 想要“錢”。其實, 能夠做隻“皇帝的狗的狗”, 都已經好叻了。

當然, 仍然有好多人都係無咩野心, 隨意生活o既, 但係亦有好多都係追求名利o既人, 日日就係做住各種各類唔同o既寵物, 希望自己底下有更多寵物…
如果係你, 你又會唔會做“皇帝的狗的狗”呢?

我…都係做隻喵算了 =^^=

完

短篇 -- 男廁中的繡花鞋

男廁中的繡花鞋

呀明與小君一起看完午夜場, 看了一齣很精彩而恐怖的戲, 加上電影市道低落, 很少人在戲院看戲, 空蕩蕩的戲院更加使人有悚然的感覺。不過, 不恐怖的恐怖片怎會是好的? 因此雖然恐怖, 他們也十分高興。到了散場, 呀明要去洗手間; 不知為何, 戲院的洗手間總是較為陰森, 由於入場人數少, 散場後去廁所的人更少, 有些人寧可到商場的廁所。可是呀明憋了很久, 一定要去, 小君一個人怕, 所以在男廁門外等他, 一會兒才到多人的女廁。

男廁中一個人也沒有, 呀明也管不了那麼多, 一氣衝進了廁格中。
“呼~憋了這麼久, 終於出來了~”
呀明坐在廁上, 低嘆一聱, 他從開場不久就忍到這時, 實在很辛苦, 冷汗也不知冒了多少遍, 現在的感覺太舒暢了。

正在舒暢之間, 聽到門開聲。“想不到現在還有人來追廁所呀。”呀明心想。
聽得開門聲, 卻聽不到腳步聲, 怎麼那人腳步聲那麼輕的? 過了一會, 呀明無無聊聊, 東張西望之際, 在廁格地上間板的空隙中, 看到旁邊的廁格, 有一雙紅色的繡花鞋! 為什麼男廁會有紅色的繡花鞋? 呀明一向看恐怖片也不太怕, 但現在卻全身起了一陣涼意。他不敢動彈, 不敢驚動旁邊, 只希望那對繡花鞋的主人快些離開, 他就可以當什麼事也沒發生那樣走了。

等了好一會兒, 旁邊那人一點動靜也沒有, 呀明很想快些離開, 但他總是不敢先動。突然, 他聽到旁邊有抽噎的聲音, 似乎是那繡花鞋的主人發出的。在陰森的廁所, 有一對紅色繡花鞋, 再加上抽噎的哭聲, 實在使人覺得害怕。

情況不變, 旁邊又沒有進一步的動靜, 呀明不想在忍下去。他也算是大膽的人, 決定看看究竟。他站上廁所, 頭慢慢探頭上去看看, 一看之下, 見到旁邊的廁格, 坐著一個穿著女性衣服及那紅色繡花鞋的男子! 那男子似乎也見到他, 大家都嘛了一跳!

“怎麼原來是一個易服癖的男人呀…”呀明心想, 而且鬆了一口氣。
“這位…兄弟…你沒什麼吧?”呀明問。
“沒有…對不起…嚇著你了…我只是躲在這裡哭而已…”
“你沒有什事吧? 為什麼哭?”
“我只是傷心, 為何我有女兒心, 卻生於男兒身, 而又要經常給人歧視…嗚嗚嗚…”
“不要傷心啦…世上不如意事十常八九, 況且, 你真的想做女人, 就去做變性手術吧, 在這裡哭哭啼啼也沒有用呀!”
“對…你說的對…嗯嗯…那…我去了…嗯嗯…謝謝你, 再見…”
那人就離開了。

呀明再鬆一口氣, 突然想起自己在廁所待了很久, 小君等了他很久了, 終是快快的完事洗手離開。一出來, 小君就罵他 “怎麼那麼久! 手機又打不通, 急死人了, 人家一個人在外面也會怕的!”
呀明問她, “你剛才見不見男廁有一個易服癖進出? 我就是因為他才那麼久呀…”呀明正要說出在廁所發生的事, 小君卻說, “沒有呀, 從你進去廁所之後我一直站在這, 一直也沒有另外的人出入過呀…”
“什麼?!”

完

另一版本
呀明問她, “你剛才見不見男廁有一個易服癖進出? 我就是因為他才那麼久呀…”呀明正要說出在廁所發生的事, 小君回頭, 她的臉變了剛才那男子的臉, 露出了詭異的笑容。“你說的是我嗎?”
“呀…”

完

轉載: 深雪:仍需努力電暈他

拍拖拍到變老夫老妻的情侶，都好像忘記了引誘的藝術。男人本性粗心大意，那就算了，別期望他們會做些甚麼特別能增進感情的事。身為女人的你，把這責任捧上身吧！就由你間中想些辦法，電暈你那個老公仔。
一定要久不久來一次燭光晚餐，不只為浪漫，更為了顯現自身的魅力。因為那些餐廳的環境能輕易令你散發最美最矜貴的一面，這是已日久相對的他遺忘了的事。電暈他的要訣是一雙眼睛。你還記得拍拖初期的日子嗎？你最愛眼仔碌碌地凝視他，然後，他就被你迷倒了。這種陳年伎倆，你最好間中使用。

不要讓他忘記你多有魅力。如果你有些公事派對、私人派對，可以邀請他一同前往，繼而，花點時間與男性朋友說多幾句，讓你的男人知道，你絕對不是賣剩蔗，如果他對你不好，你立刻會找到新的、更好的機會。

當然，間中一次好靚好靚地出現在他面前，令他還有拍拖Feel；由你安排新的蜜月之旅，嘩，換過一張床，效果會激烈新鮮得多！也可以告訴他你有個新顧客好像以為你無男朋友；也可以調皮地問他：「有男人覺得我好靚，你話係唔係？」

總之，多做一些讓他自感要多關注你的事，也別忘記讓大家返回拍拖初期的若即若離之感。愛情，就是由模糊的、夢一樣的心情中產生。

把他當作是個初相識的男人般去電暈他。為甚麼不？你現在仍然每日電暈公司同事和客戶，留點精力去電暈他，你和他都會好開心。

轉載: 港女反擊︰狂 數 港 男 81 宗 罪

我覺得有好多好牽強 XDDD
不過回應返之前o既post, 又幾有趣, 照貼出來

港 女 反 擊 ： 孤 寒 　 好 色 　 膚 淺
狂 數 港 男 81 宗 罪
有 人 設 了 一 個 名 為 「 港 女 災 難 應 變 中 心 」 的 網 站 ， 狠 批 女 性 陋 習 。

在 she.com 網 男 狂 數 港 女 81 宗 罪 風 波 愈 鬧 愈 大 ， 一 個 針 對 港 女 禍 港 的 「 港 女 災 難 應 變 中 心 」 網 站 近 日 成 立 ， 開 宗 明 義 是 針 對 及 批 評 港 女 人 格 、 行 為 而 設 ， 目 的 是 「 提 升 港 女 心 理 質 素 水 平 」 ， 所 謂 知 己 知 彼 ， 網 站 載 錄 了 名 為 港 女 反 擊 「 港 男 極 醜 惡 真 面 目 」 的 鴻 文 ， 列 出 港 男 81 項 缺 點 ， 可 說 蔚 為 奇 觀 。

每 逢 畀 錢 借 尿 遁
港 女 眼 中 的 港 男 缺 點 可 概 括 為 孤 寒 、 好 色 、 醜 樣 、 不 成 熟 、 多 壞 習 慣 等 數 大 類 別 ， 如 出 街 畀 錢 時 扮 冇 帶 或 者 唔 見 銀 包 ； 每 逢 畀 錢 就 借 尿 遁 ； 話 接 你 食 ， 根 本 要 你 找 數 ； 唔 畀 家 用 ； 銀 包 有 十 張 卡 ， 但 張 張 都 碌 爆 晒 ； 見 到 名 牌 店 即 刻 兜 路 走 。 好 色 則 因 鍾 意 叫 雞 、 成 日 睇 日 本 AV （ 成 人 電 影 ） 、 當 女 友 是 AV 女 郎 、 拍 拖 有 sex 當 「 老 逢 」 、 鍾 意 影 人 裙 底 、 首 次 約 會 即 猴 擒 濕 吻 。 港 男 外 形 也 是 致 命 傷 ， 港 女 批 評 港 男 多 數 衣 冇 品 味 、 煙 屎 牙 、 大 肚 腩 加 地 中 海 ， 「 影 衰 」 港 女 。

壞 習 慣 罄 竹 難 書
大 唔 透 的 港 男 被 港 女 視 為 不 成 熟 ， 最 大 罪 的 是 底 褲 仲 係 阿 媽 買 。 另 外 缺 點 包 括 做 唔 經 大 腦 ， 其 實 係 冇 腦 ； 揀 女 仔 淨 係 識 睇 樣 同 身 材 ； 膚 淺 ； 言 之 無 物 ； 正 一 垃 圾 口 ； 放 飛 機 唔 使 本 ； 冇 責 任 感 ； 愛 送 安 全 套 做 生 日 禮 物 。 港 男 壞 習 慣 更 是 罄 竹 難 書 ， 去 完 廁 所 唔 洗 手 ， 臭 過 地 底 泥 ； 唱 k 走 晒 音 ， 夾 硬 賴 支 咪 壞 ； 打 女 人 ； 學 歷 低 ； 唔 長 進 ； 成 日 癩 蝦 蟆 想 食 天 鵝 肉 ； 專 打 拼 音 ， 英 文 差 又 唔 識 打 中 文 ； 自 己 女 朋 友 叫 靚 女 ， 人 女 朋 友 叫 港 女 ， 唔 記 得 自 己 阿 媽 都 係 香 港 女 人 。

港女語錄1 - 港女對香港男士的指責
名著：港男極醜惡真臉目

另一種港男特徵只可以用陰陰濕濕,縮頭烏龜形容,佢地通常人際關係極差,兩性地位低微甚至被撇多過乜,個性偏執,喜歡督人背脊,放暗箭,佢地作惡多端但唔敢係公眾面前或公眾地方作惡

因此佢地與現實脫節,網上行為特別囂張,熱愛女性但又對女性評頭品足,對她們尤其又愛又恨,必須把對方踩至地底泥才能滿足,有情緒障礙和行為障礙 ,焦慮做成不能忍受別人不接受其論點,鬧人可以滿足佢地人格扭曲的變態心理,佢地可能依賴或濫用藥物,性功能失調,過度性自慰,精神分裂症和有妄想症,有性變態與犯罪的傾向,死症!
　
1. 嫌尖腥悶嫌三嫌四
2. 出街比錢時扮冇帶/唔見銀包,請女食飯要女用肉償
3. 口頭話唔愛港女,實際媾唔倒港女
4. 國際任何女都媾唔倒
5. 最低階之御宅港男
6. 鍾意叫雞
7. 口頭話港女衰,實際係老婆/女友牢
8. 搞大女人肚即走路
9. 趙完唱
10.女人生日時一定玩失蹤
11. 樣衰衰,自己唔掂又要媾靚女
12. 媾唔倒網上散播該女之電話相msn
13. 自己偷食反向GF發爛渣
14. 每逢比錢借尿遁
15. 佢有錢時扮收唔倒call,永遠唔覆機,想借錢時哈巴狗,踢都唔走
16. 要GF上佢屋企掃地執野做工人,仲要搞完即趕走
17. 成日成隻狗，冇Ｄ主見
18. 學歷低，冇料又唔識收皮
19. 人工低，廢人一個
20. 剩係識溝大陸雞，扮大爺
21. 自己弱雞就話女仔要求高
22. 衣著冇 taste，出街見人扮型仔
23.講黎講去得把口
24.成日話唔敢高攀港女,根本高攀唔起
25. 唔識就女仔，自私
26. 比錢小小野成日同女仔計，冇Ｄ 風度
27. 養唔起女仔又成日阿芝阿佐
28. 去完廁所唔港手，臭過地底泥
29. 女仔叻又唔識欣賞同學習，冇Ｄ長進
30. 自己質數低又唔安於現狀，賴蝦mo想食天鵝肉
31.唱k走晒音,夾硬賴支咪壞
32.所謂去街其實係帶條女落公園行
33.請食飯其實係叫自己呀媽煮
34.生日禮物係安全套
35.底褲仲係呀
36. 2、3十歲人成個小朋友咁，唔成熟
37. 做野唔經大腦，其實係米冇腦？
38. 揀女仔剩識睇樣同身材，膚淺
39. 講野言之無物，垃圾口
40. 牙屎肚腩地中海，影衰女仔 41. 世界多俊男，但係香港俊男少到冇人有
42. 男仔樣衰唔係罪，但係香港醜男多到冇人有
43. 老婆同係挨唔識感激，廢物
44. 成日睇日本AV，睇完溝唔到女就叫雞
45. 拍拖有sex當老逢，邊個話一定要比你sex架？
46. 鍾意影人裙底
47. 約會第一日.喉禽要濕吻
48. 當老婆狗,唔知家用兩個字點寫
49. 當女友AV女郎,逼人做呢做路
50. 要老婆女友都係處,自己反而狂搞人
51. 出黎行古惑，10個9個都係男
52. 打交搶野犯案累累，10個9個都係男
53. 成日多多要求，少少付出，做下義工先啦
54. 成日怨天怨地，又唔識進修upgrade下自己
55.叫佢幫手,慘過挨契弟
56.外母生日,永遠帶個桔
57.吹到自己電腦幾咁勁,叫佢修腦完全冇
58.陪friend去邊都話得,你講多兩句就唔得
59.斃家伙,男友變色魔
60. 特別小氣冇風度
61.唔記得阿媽都係香港女人
62.自己條女叫靚女，人地條女叫港女
63.專打拚音,英文差又唔識打中文,仲以為自己好勁
64.講就183,出到來變153
65.第一句問妳要msn,第二句問幾歲三圍同叫妳出來玩
66.講就碩士,事實係食屎
67.鐘意扮版主亂搭爹
68.銀包有十張咭,張張都爆晒
69.見倒名牌shop,即刻兜路走
70.貴係佢口頭蟬,問佢去邊食,間間都話貴
71.坐巴士用膝頭un前面(尤其前面是女仔)
72.坐巴士扮訓著挨個頭落女仔o度
73.搭扶手電梯中意及前面女仔裙底
74. 呢頭話人靚女..果頭衰o左唱你正港女
75. 放飛機唔使本 冇負任感
76 專門向d女仔借錢.迫你做擔保.
77 話接你食野,根本要你找數.
78 爆房錢要你比.
79 暗地裡媾你d friend
80成日講搵唔倒..原來去晒賭
81一句唔埋就打你.

港女災難應變中心
http://hkgirl.no-ip.org

短篇 -- 苦澀

要用“苦澀”呢個題目, 但係又唔想寫d唔開心野, 唯有老土少少了…嗯嗯…

**********

小麗與男友呀友在一起好幾年了, 他們從來不曾有厭倦的感覺, 仍然像剛剛拍拖時那麼甜蜜, 是一對羨煞旁人的情侶。可是最近卻發生了問題 - 小麗發現呀友舉動有異。呀友的工作並不繁忙, 但最近常常沒有時間陪她。而且, 在一起的時候, 經常心不在焉, 又常常有來電, 每次都神神秘秘的; 小麗覺得事不尋常, 又不敢問呀友, 苦無對策。

週末, 小麗打算與呀友出去拍拖, 呀友卻在電話說很忙; 小麗聽到電話中另一個聲音, 似乎呀友在某餐廳, 於是決定偷偷去看看呀友在幹什麼。到了餐廳外, 小麗偷偷從外面望進去, 見到呀友與一個衣著斯文的女子在談笑甚歡; 小麗的心登時涼了一截, 她不愿見到這情況, 但事實擺在眼前, 發生了!

小麗悶悶不樂, 但在呀友面前卻不提起這件事; 呀友也似乎發覺她有不妥, 但他卻沒有什麼表示; 若是平時, 呀友見小麗悶悶不樂, 一定會逗她歡喜的。小麗是一個內向的女孩, 心中有什麼想法也不愿講出來, 所以經常自己一個在胡思亂想; 慢慢的, 她愈來愈覺得不妥, 又十分傷心; 為什麼呀友會突然這樣的呢? 終於到了一天, 呀友突然很凝重的約她吃飯。小麗感到極為不妥, 知道要攤牌了, 但也竭力忍住哭去赴會。她要知道前因後果。

大家在吃飯時也沒有說話, 只是自顧自的吃。小麗心中苦極了, 他們倆都是對方的初戀情人, 更一早認定是終身對象, 但此刻卻相對無言。這餐飯又漫長, 又無味。好不容易吃完, 還是呀友先開腔; 畢竟還是應該男方開口吧?

“小麗, 我打算結婚了…”
“什麼?!” 小麗一震。“他…和那狐狸精最多才不過個多月感情, 就勝過了我們幾年感情嗎? 難道對方懷孕了嗎?”
呀友繼續 “對方是一個很好的女孩子, 我一見到她, 就不禁愛上她了!”
(那女孩子真的那麼好嗎? 在餐廳見到時, 的確像是很斯文乖巧的…)
“小麗…你在聽嗎? 我希望你同意呀…”
(還要我同意? 我有反對的餘地嗎?)
呀友拿出一個盒子, 對她說 “小麗, 我希望得到你同意, 這是我的終身幸福呢。在盒子中是那女孩的樣子, 希望你可以看一看她…”
小麗心中苦澀極了, 她從來也不知道這種感覺, 現在卻明白了。
(還看什麼, 我其實都偷偷見過了)
小麗打開了盒子。

盒子中, 放了一面鏡子, 映照著小麗淚眼漣漣的樣子, 盒中還有一枚介指。
小麗登時呆了。究竟是什麼回事?
“小麗, 你見到她的樣子了嗎?”
“小麗, 我愛你。嫁給我好嗎?”
“小麗, 我已經安排好了整個婚禮了, 簽字婚紗酒席全部辦妥, 還找了個有經驗的女性朋友幫我呢。我連你父母也徵詢過了, 現在就只差你答應了…
呵呵呵, 怎麼你好像想哭呢?”
“嗚嗚嗚, 衰人, 弄得人家表錯情, 你好壞!”
小麗雖然在罵著呀友, 但她卻知道自己已抓住了幸福。

完

秋．雨．刀

最炎熱的暑天將過, 秋天很快便會到了。每逢轉季之時, 都總會下雨。今天這一場雨好大, 挾著涼涼的秋意, 使被雨淋濕了身的途人更添寒意。

我很喜歡秋天, 秋天的天氣既涼且爽, 很舒服。對我來說, 完全不會有秋意愁濃的感覺, 反而覺得身心舒暢。我也喜歡雨天, 雖然雨天很麻煩, 在街上走的時候會濕, 乘車又會塞車, 但在雨天之時, 我總會有一種奇異的高昂感。坐在車廂中, 看著車外被大風吹得翻飛的大雨, 想到了很多事情; 反正上班是肯定遲到了。

秋天總使很多人自然地憂鬱, 下雨天更會使很多人增添愁思。抽刀斷水水更流, 舉杯消愁愁更愁, 即使是絕世高手, 有莫大能耐, 能抽刀斷雨, 但也不能斬斷愁絲吧? 如果世上有一把刀, 能斬斷人一切的不快樂, 斬斷各種各類的煩惱, 那有多好? 當然, 有很多方法可以使人不再不快樂, 但都是很笨的方法罷了…

其實秋天, 雨天, 都不過是年中不同的日子氣候罷了, 要快樂的, 天天都可快樂, 要憂鬱的, 什麼天氣都會憂鬱, 完全視乎每個人的性格吧? 什麼秋．雨．刀的扮多愁善感, 倒不如去吃個秋刀魚定食吧!

完

無聊短篇 -- 公主的成長日記

公主的成長日記

某年某月某日, 某國的小公主出世了。小公主慢慢長大, 終於到了亭亭玉立的年紀, 但到了適婚年齡, 仍未有合適對象。從來也沒有人見過這個公主, 大家只知道, 她是一個很了不起的公主。

一個外國人路經此國, 聽到這個傳說。他憑著一身本領, 出來想闖一番事業, 想求榮華富貴, 而能夠迎娶公主, 也是很好的捷徑。於是, 他決定偷偷夜探皇宮, 見一見這神秘的公主, 憑他的溫柔手段, 一定可得到公主芳心; 即使不成功, 能見到她一面, 也足以使他出名了。

他到皇宮外觀察了幾天, 到了某天夜間, 他在一個巡邏較疏的地方下手, 偷偷地成功潛入去。皇宮很大, 但他慢慢的四處找, 發現宮中正擺了盛大的宴會, 寢宮中應該無人, 於是立刻去找公主的寢宮, 事先調查一番。

很快的給他找到了。他一進去, 就發現是一個少女的寢室。周圍的布置並不金碧輝煌, 但卻充滿了少女夢幻的情意, 他想: 公主一定是期待著夢中情人的出現!一督眼間, 見到桌上放了一本日記, 他忍不住做了不該做的事: 翻開別人的日記…

(以下為公主之日記內容, 括號中的內容為外國人閱讀時的感想)

某年某月某日(晴)
為什麼? 為什麼從少我就不太得到寵愛? 雖然父王及母后都庝我, 但是總有一層隔膜? (可憐的公主呀…她一定很渴望得到愛)

某年某月某日(晴)
我年紀漸漸大了, 為什麼從沒有人跟我說起提親的事呢? 最近妖魔四處橫行, 鄰國的公主們都給其他英勇的王子及勇者娶了, 為什麼偏偏我沒有?

某年某月某日(陰)
魔王的魔爪終於到了我國, 一位勇者及其隊伍到來幫助我們, 父王會見了他; 我偷偷在帳外看見他…我…愛上他了。父王說, 如果他打退惡魔, 就把我嫁給他, 我高興極了。(但看來沒嫁得成呀)

某年某月某日(雨)
勇者凱旋回歸, 我也出來見一見他。後來父王說起獎勵之事, 他堅決不肯, 說他不適合這裡的生活, 然後和戰友們飄然而去了。我實在傷透心了。(呵呵呵, 看來天留這機會給我呀)

某年某月某日(晴)
魔軍再來了。這次沒有人站出來, 國家給打得四處民不聊生, 我要苦練武藝, 為父王出一分力! (好一個孝順女子, 身為公主萬金之軀竟然…我愛上她了…)

某年某月某日(晴)
經過幾年苦練, 總算藝有所成, 國家也已殘破不堪; 魔王竟親自攻打我國! 我要出戰!

某年某月某日(雨)
今天終於見到魔王軍, 我一馬當先衝過去, 與魔王一個照面, 果然是可怕的對手, 但他竟然呆一呆, 露出個破綻, 似乎想不到一個公主竟會出戰, 結果給我一劍結果了, 魔王一死, 該天下太平了吧! (好, 好厲害的公主, 原來就是她在亞魯比昂之戰一劍殺了魔王的嗎?!)

就在此時, 一聲喝叱 “誰人膽敢闖本公主的房中?!”
外國人一驚, 手上日記掉在地上, 轉頭一看, 卻使他更為驚愕。
“怎麼…公主竟是…?! 原來是因為…? 我不甘心呀!”
他被公主一劍砍倒在地, 臨死前望著公主的容貌, 帶著極度的不甘而死。
他臨死終於明白, 為何公主嫁不出去了。
他臨死終於明白, 為何魔王見到公主時會呆一呆。
他臨死終於明白, 自己是何等地愚蠢。

完

初戀 – 潘金蓮

事先聲明: 文中有關潘金蓮所做之事, 乃依據小說內容而寫, 是以真有其事, 孰真孰假, 在此不作考究也。

**********

潘金蓮, 一個非常著名而臭名遠播的角色。她是中國古代芸芸眾生之中, 封建時代之下的其中一個可憐的女子。

中國自漢代起, 皇帝為了容易控制平民百姓的思想, 鞏固其統治, 於是大大的提倡儒家思想。自此, 中國千年來直至現代, 在文化科學等等各方面都減慢了進程, 更有不止千萬人因而受這影響, 鬱鬱終其一生, 或不得善終。其中受影響最大的一群人, 就是女子。潘金蓮就是在這麼一個時代下出現的女子。

潘金蓮出身自窮家, 但從小已是美人胚子, 十多歲就已經艷名播於附近一帶。她當然知道自己美麗, 亦因此從小便懂得打扮, 使自己更好看。在古時, 一個漂亮的女性, 會有什麼希望? 當時的婚姻制度都是父母作主, 哪有兒女的話事權? 因此, 在這漂亮女孩的心目中, 應該只是簡單地想嫁得一頭好人家, 生活無憂。哪兒像現在的女孩, 十多歲就可以拍拖/拍寫真/亂攪男女關係甚至未婚生子? 她也沒因自己漂亮而懶散, 她的針紙女紅技巧也可幫補家中收入, 到目前為止, 她也沒做什麼錯事吧。

事情就發生於她家旁的一戶有錢人。潘金蓮她爸幫那財主打工, 而其一家就住在旁邊, 因此潘金蓮也就在財主家打工。很容易想像到, 那財主見色起意, 要得到她, 要得到那美麗的面龐, 那青春的肉體…在古時候, 有錢人, 或多或少也有一些“力量”, 只要有錢, 什麼也可以做。窮人根本沒有選擇的餘地。財主要她, 她可以做什麼? 她反抗的話會有什麼後果? 她根本就沒有反抗的餘地。況且, 反正對方有錢, 跟了他, 可保生活無憂。因此, 在她十多歲的某一夜, 她的身子, 就交給了一個可做她爺爺的有錢人。他們只是私通, 卻無名份。因為財主怕老婆, 不敢納潘金蓮為妾, 還要偷偷摸摸的幹。但紙包不住火, 最終還是給母老虎知道了。財主為了自己, 替潘家作主, 將潘金蓮嫁給了故事的另一個角色 – 武大郎。

武大郎, 只是一個老老實實賣燒餅的窮漢, 而且五短身材, 貌不驚人, 潘金蓮要嫁給這樣一個人, 會有什麼感覺? 當然是不開心! 她從來不能要求什麼, 也不能選擇什麼, 身子曾經交給一個有錢人, 只打算從此不用為錢而愁; 但她沒有希望了, 因為她最終也只能嫁個窮漢! 她恨, 恨自己, 恨別人, 恨自己美麗但一無所有, 恨自己的丈夫既沒錢又沒情趣; 但她可以做什麼? 她逆來順受。直至有一天, 武大郎的弟弟來投靠哥哥, 而這個弟弟, 就是著名的打虎英雄 - 武松。

一個不拋頭露面的女子, 何曾見過這等英雄人物? 她愛上了他。她不是三貞九烈的女子。並不是她不想三貞九烈, 而是她沒資格三貞九烈, 因為很早以前, 她就已經沒有選擇地與財主做了苟且之事了。她愛上了一個英雄人物, 她覺得自己的美麗配得上英雄, 自己不應該有不幸的遭遇, 而且她對自己的美麗有自信! 在武大郎出去賣燒餅的時候, 她與武松喝了些酒, 有些醉意之時, 她誘惑了武松。

或許是因為醉了, 無意中透露了自己的情感; 又或許是醉了大膽了, 有意無意的誘惑, 總之, 她做了古時女子最不該做的事 – 紅杏出牆。武松不知是因為是個英雄人物, 或者是不解風情, 他直斥潘金蓮之非, 大大的罵了她; 之後, 他走了。當然潘金蓮是做錯了的, 但她心碎極了, 傷心極了。她被自己第一個看得上眼的男人罵, 罵的狗血淋頭。從前的遭遇, 都可接受; 但這是她的“初戀”, 她接受不來。由此, 她的性格開始扭曲了。

一個美麗女子, 自十多歲起, 被財主逼迫委身, 再被逼嫁給既窮且醜的漢子, 又被自己初戀情人罵自己無恥, 偏偏她心底也知道其實自己是有錯的, 各種憤怒, 哀怨, 愧疚, 不同的情緒, 煎熬著她, 使她的性格扭曲, 自暴自棄。反正自己在別人眼中, 已經不是正經女人了。於是她開始打扮自己, 又在家門外騷首弄姿; 就在這時, 她在門前遇到了一個男人 – 西門慶。

西門慶風流俊雅, 英俊瀟灑, 又是富家子弟, 潘金蓮見到, 自然就心中起暗湧。西門慶見到這樣一個俏美人, 更是骨頭也酥了。“姣婆遇著脂粉客”, 即使沒有王婆子在中間搭路, 他們倆遲早也會私通。而他們倆當然有私通。潘金蓮在西門慶身上, 獲得了很大的滿足。他樣子好看, 人又風流有情趣; 而她也可以放開一切盡情享受, 更有偷情的刺激, 因此她愈來愈沉淪。慢慢的, 附近的人都知道了, 而武大郎當然也會知道, 但他知道自己沒有辦法做什麼事, 只有啞忍。

武大郎那一方面啞忍, 而潘金蓮另一方面卻愈來愈明目張膽。2個私通男女, 為了能做長久夫妻, 起了歹意 – 毒死武大郎。這等事情, 怎會是無知婦孺所想到的, 當然是西門慶出的主意, 連騙帶哄的令潘金蓮做出的。可惜, 武大郎死後, 武松覺得有可疑, 一番查探之下, 知道了真相, 一怒之下殺了這對“狗男女”, 因而上了梁山。而潘金蓮就此背負著污名, 終其短暫的一生。

其實, 她的遭遇都是無可選擇的多, 慢慢地扭曲了她的性格, 從而使她一步一步的走向錯誤。不過雖然她錯, 但起碼她與西門慶一起時快樂過, 有墮落的快感, 她一生中唯一的快樂時光...

雖然她過了一個錯誤的人生, 但其罪可誅, 其情可憫也…

完

轉載: 網絡風雲︰港女被狂數81項缺點

其實唔係全部係咁, 但又真係有好多 XDDD

男 女 大 不 同 ， 平 日 受 盡 女 性 閒 氣 的 男 網 民 ， 在 she.com 狂 數 港 女 （ 香 港 女 性 ） 81 項 缺 點 ， 堪 稱 罄 竹 難 書 ， 只 能 節 錄 部 份 見 報 ： 豬 扒 冇 人 要 就 話 港 男 唔 敢 高 攀 ； 喜 歡 名 牌 ， 冒 牌 都 照 買 ； 用 英 文 以 為 自 己 好 高 級 ， 其 實 係 港 式 英 語 ； 花 過 多 時 間 、 金 錢 打 扮 ， 但 扮 極 唔 靚 ； 喜 歡 看 八 卦 雜 誌 ； 十 幾 廿 歲 時 成 日 飛 人 ， 30 歲 後 又 恨 嫁 、 幾 十 歲 人 仲 鍾 意 Hello Kitty ； 次 次 出 街 都 係 行 商 場 ； 咩 事 都 以 分 手 作 要 脅 ； 明 明 唔 睇 書 但 又 要 扮 有 見 識 ； 迷 信 星 座 ； 對 男 友 諸 多 要 求 又 唔 俾 男 友 反 駁 ； 頭 腦 簡 單 ， 人 講 乜 都 信 ， 毫 無 判 斷 力 ； 食 飽 飯 無 做 上 she.com 批 評 香 港 男 人 。 有 網 友 則 認 為 不 應 以 偏 概 全 ， 認 為 上 述 港 女 特 徵 並 非 港 女 獨 有 ， 世 上 不 少 女 性 也 有 ， 港 女 之 所 以 成 為 某 個 族 群 的 稱 呼 ， 「 是 因 為 她 們 的 特 徵 過 於 卑 劣 、 突 出 、 統 一 、 持 續 和 不 受 歡 迎 。 」

深海魚

曾經看過一個比喻, 把不同的人形容為在海面及在深海的魚。

有一些人, 永遠是那麼的受人注目, 永遠是那般的發熱發亮, 永遠地追求著陽光 – 不讓自己寂寂無聞, 努力地向上游。而另一種人, 被形容為灰暗, 毫不起眼, 把自己隱藏在陽光照不到的深海之中, 在黑暗靜悄悄地渡過一生。

真的嗎? 不然。起碼, 這樣的比喻對深海魚們太不公平了。起碼, 我寧為深海魚。

無論在海面或海底, 魚都是有機會被其他生物捕食的。但在海面的魚更會受人類垂釣, 捕魚, 污染…各方面的威脅。深海的環境, 是多麼的恬靜, 雖然深沉, 卻另有一番“生存”的感覺。連人類, 自稱為萬物之靈的人類, 對深海也未能完全探究, 仍然有很多未知的地域和生物。深海魚們刻意隱藏自己嗎? 不, 他們在不受人類影響的地方是那麼自由, 又能在這神秘而危險的地方求存, 有自己生存的空間與方法, 哪兒會隱藏自己? 或許, 他們只不過不想接觸表面世界罷了。其實海底世界既美麗又神秘, 又未經污染, 反而是一個樂土, 不需要陽光的樂土。

人也一樣。並不是沒沒無聞的人就沒有精彩的人生。並不是每個人也愛出風頭。世上也有很多有才能的人, 在沒有發光發熱的情況下, 渡過一生。有些可能是懷才不遇, 但也有些是看透世情, 甘於做一個平凡人。平凡人也能有其精彩之處, 而精彩與否, 只看你怎樣去走人生這條多姿多彩的路。一個積極, 健康而精彩的人生, 並不一定要是受萬人敬仰, 留名千古的。

最不要得的, 就是那些為些少事而自怨自艾, 自傷自憐, “認為”自己該像“深海魚”般躲在黑暗中的人, 他們不積極面對人生, 選擇逃避, 跟本不配被稱為“深海魚”。”深海魚”只不過像是隱居的世外之人, 雖然不愛面對世上的庸俗和煩惱, 但仍然有意義地活著; 而那些人呢? 見過什麼? 面對過什麼? 做過什麼有意義的事? 有何資格說自己是深海魚? 只是地底泥罷了。有時間, 不如好好地想想如何做些有意義的事情吧。

我希望能像深海魚, 在不被騷擾的情況下, 冷眼看著煩瑣的人世, 自由自在不受拘束地遊走於逍遙之間。

完

九月七日 – 雜記

2/9(六) – 娟, 民仔, 呀Sam上來屋企。好耐無上過來, 2個月前留係度o既啤酒終於有人飲左去了。超健康, 果日4個人打UNO, 每鋪(係每鋪)輸最多分o既人要做20下sit-up。開頭都無咩野, 後尾要頂娟果d, 開始有d頂唔順 (前前後後做左百幾二百下 =.=)。夜晚去南豐食飯, 食完飯返來打winning, 12點幾先散, 好耐無試過咁了~~
3/9(日) – 星期六收到呀源寄來o既野, 星期日自己一個係企抖, 所以裝左。係咩? 係電腦game “真三國無雙4” (之前我打果個係3)。無雙魂再起! 今集除左遊戲系統有少少唔同, 畫面靚左, 人物o既動作/屬性改左少少之外, 當然增加左唔少道具, 更加唔少得o既係加新人物啦~~ 新人物都幾得意: 有曹丕, 凌統, 關平, 星彩, 仲有左慈! 星彩個設定係張飛個女, 幾靚! 無雙入面o既女角都幾靚, 但係星彩呢個新女角一躍而成為頭幾位o既美女呢~ 後尾睇返資料, 原來個配音員係野田順子(即係Love Hina配狐狸美津果個), 試之下果然係果把聲呢~ 但係呢次個角色係一個好cool好木獨o既少女, 同狐狸完全唔同。未點用過呢個角色, 不過試落似係開頭難用難上手類o既角色。
一來玩, 就緊係玩下新角色啦! 第一隻正式玩o既係左慈。左仙人不愧係傳說中o既角色, 幾好用幾勁。角色造型幾特別。除左打故事之外, 我亦另外打free mode拿d特別道具, 到目前為止拿左一半多d了。第二隻用o既角色, 當然係無雙3時o既愛將周泰。無咩好講, 仍然係咁型! 呢排晚晚都玩一輪先訓, 不過唔會玩到好夜。
4/9(一) – 同舊公司o既friend聚。佢地又提議唱K(呢排成日都唱)。Taylor, 強, 娟, 舊呀頭大張都來。幾開心, 大家都幾耐無見, 到左11點島就散(唔似平時咁遲XD), 大張仲請晒我地添…
5/9(二) – 例游日。由於連續幾日訓得唔好, 所以唔多舒服成日暈暈地。得我同民2個得。下午我ad-hoc叫LOBO來, 佢無帶野, 所以唔游, 但係由於我唔多舒服, 所以就決定叫民仔自己游, 我同LOBO傾偈等佢。點知原來有card果個一定要有份入場, 所以索性唔游, 三個去食飯。去好~~耐無去過o既樹記。仍然係抵食夾大碟, LOBO都話OK。食完仲早, 於是提議去觀塘食糖水。搭巴士去到KT食下傾下10點幾就散。呢個combination都幾開心呢。同日, 經過KT果間煲仔飯店, 居然執左! 唔知係搬定係點呢…
6/9(三) – 乖乖返屋企, 打無雙。
來緊之後都無咩特別約實o既野攪。計有同Cyrus食飯(應係呢個星期, 但係搵唔到佢), 要搵貓同MayChan食飯, 下星期六同Mandy慶生, 會同娟民Sam共5個人去深圳再戰“酋長”!

另, 星期五六日每晚都有人睇完草蜢演唱會之後打來/ICQ同我講睇左, 仲要係明知我無得睇... =.=

完

神鵰俠侶電視版

事先聲明, 呢篇野係個人觀感, 而且預左同大眾為敵, 但係希望大家睇晒去, 有d咩講得唔o岩就插我, 唔好等我自己錯落去。

唔講本身套小說。2個月前寫左幾千字都未寫完o既金庸返讀再返讀報告, 有機會出先至慢慢討論套野啦。呢篇野個主旨係想講“電視版”。

由於本身個“故事”既出名又好睇, 所以電視版會好睇都唔出奇。但係呢樣野只不過係本身個劇本好, 同果班製作電視o既人無關係。所以係度講o既, 係有關電視製作出來o既效果。

講真, 我一向覺得好多大陸o既導演係“差”。我一向對內地o既野係完全無成見, 所以並唔係話一聽到係“大陸野”就罵o既人。但係, 係拍攝呢一方面, 真係差。

睇好多內地o既劇集同電影, 大家會發現分開左2個時期, 而現在仍然有2個時期o既產物。第一個時期, 同埋都今時今日o既內地片都仍然有好多都有o既野, 就係完全無“拍攝手法”。我係以前講電影時都講過, 導演要係一個好o既story teller, 拍攝手法好重要。無奈, 有好多內地導演拍o既戲, 就好似拍新聞片段甘 (呢個形容係呀Mak講的, 好貼切)。分鏡, 拿角度, 剪接…好多野都好唔掂, 成日都係靠個劇本好, 同埋故事入面帶出來o既信息好, 就好似大晒。係, 內地好多戲o既內容, 意念都好好(好過港產多多聲), 但係唔係內容大晒咯。總之簡單來講, 就係睇新聞片, 或者自己睇書好過。

第2個時期, 係呢幾年開始見到o既, 就係好多戲o既拍攝手法都“張藝謀化”。呢d作品, 你會經常經常見到好美好美o既畫面, 好美好美o既動作, 好美好美o既人物…等等, 但係好可惜, 太過著重畫面同美感, 無晒其他野。再講多次, 導演係story teller, 講故事o既人, 一個好o既講故事o既人, 唔係剩係形容到d野好仔細, 好美麗, 而係要令到聽故事o既人要: 1. 清楚明白個故事內容 2. 令人覺得精彩/緊湊…etc, 總之就係要扣人心弦。再無奈, 呢d導演無呢個能力。即使佢拍到畫面幾甘靚, 幾甘夢幻, 係一個shot度停幾耐, 係成套片是但take一個shot都可以做wallpaper甘靚都好; 空洞就係空洞, 唔好睇就係唔好睇, 悶就係悶。

講完內地導演, 係時候講下套神鵰俠侶電視版。

讚左呢套野要讚o既野先。
呢套野拍得好靚, 真係好靚。有某d人物亦好o岩角色, 亦做得好好。除此之外, 我未諗到有咩要讚。讚下人物, 小龍女呢個角色無咩好讚或彈, 因為原著入面跟本就係一個木口木面o既角色, 係某一d位稍為表露自己情感, 但係都無大喜大悲, 所以唔太需要演技, 只要個演員靚同個氣質似就得。劉亦菲靚唔靚見仁見智, 氣質叫係OK似, 所以演技方面無咩好讚(唔係話佢無演技, 而係呢個角色無得比佢發揮), 但係亦都無咩好彈。郭芙, 劇中可以做到好無腦又好乞人憎又有幾分姿色, 算係唔錯。郭襄佻皮可愛, 李莫愁冷艷奸惡, 都係做得好o既角色。
讚完。

要彈。
呢套野, 中左好多頭先我講o既問題。大家唔好唔同意我住。再講多次, 好睇係因為本身個故事好, 同埋名頭大, 大家會覺得好睇, 但係以電視劇論, 的而且確係一套大制作, 但係由於係大制作, 使左甘多錢, 更加要罵!!

呢套野係拍得好靚, 但係分鏡同角度分得好刻意同埋好“台灣”feel。台灣好多偶像劇近年都拍得十分“懶型”, 但係比我o既感覺係好娘, 好唔得。神鵰無台灣果d咁差, 但係都係太刻意了。係營造氣氛分面, 由於分鏡o既唔好, 再加上係好多“懶靚”o既畫面停留太長, 所以氣氛都唔好。劇情明明好緊張, 但係都唔能夠令人覺得緊湊投入, 極差o既story teller。

導演差, 已經係死罪。武指差, 係武俠片來講, 更加係接受唔到。到左今時今日, 居然仲有戲劇入面o既打鬥, 仲係2個人係飛係空中, 4隻手亂甘”fing”, 四圍係度爆炸, 只係靠爆破同電腦特技, 極唔掂。係, 入面係有d人一招一式甘打, 但係通常都係cheap仔先係甘打, 勁果d大俠就個個都係用“氣”, 係甘意“發”一野就震開晒d卒仔。個人認為, 呢d打, 唔睇罷就。至於用特技果d場面, 都係果句, 靚咯。

演員。有好多都好唔錯。選角, 都有d幾好。但係都有一堆係差o既。
我唔講有一堆女角唔夠靚, 靚唔靚又係見仁見智, 唔講了。講演同講氣質。
唔講果d即係我無留意到或者無意見)

楊過。第一眼睇到佢, 就覺得佢係好適合做最後時期o既楊過。係靚仔又幾型, 而且眉宇之間自然都會有些少皺起, 頗有滄桑之感。但係做後生時, 完全唔得。明明個樣超成熟, 但係扮活潑可愛, 好噁心, 好造作o既演技。佻皮? 完全做唔到。
黃蓉。太師奶了。人地係書入面雖然生過, 但係容色不減。而且個演員完全做唔到黃蓉o既“機智奸狡”o既感覺(黃蓉的確係奸狡的! 不過無做壞事而已)。
一燈。雖然唔係咩主要角色, 但係係其中一個極反感要罵的(唔係罵個角色, 係個演員)。明明係一個得道高僧, 極度慈祥得來又有皇者氣派, 但係個演員做o既時候, 講野時居然對眼係轉來轉去條眉又成日上揚又郁郁下! 好似好多野諗又好奸甘, 唔係心如止水恬靜無為, 極極極唔得, 完全不可接受! 唔好以為剃左光頭加大片白鬚就唔使做啦!
歐陽鋒, 做到好似傻傻地, 反而覺得似周伯通, 但係一d都唔“癡線”, 唔狂, 差。
周伯通, 太造作, 唔得。
黃藥師, 成個蛋散甘, 完全唔起眼; 當年無線o既綠葉演員駱應鈞都做得好過佢。
仲有好多, 不過開始唔想再講。

最後, 想講下睇左大結局果集o既感想。
我無全集坐定睇, 不過睇到3個“廣告”係入面。
第一個, 係楊過跳落絕情谷時, 終於見返小龍女, 好開心, 2個人係度飄來飄去, 某朋友話似拍緊飄柔廣告…
第二個, 小龍女講返呢十六點過, 同埋點解會好返; 佢話自己開始養玉蜂, 食d蜂蜜, 食左十六年, 慢慢好左。令我諗起某蜂膠廣告; 以下係我自己杜撰o既廣告台詞: 絕情蜂膠, 滋補養顏, 你睇我到左三四十歲都仲係少女甘o既樣, 點解? (單手拿起產品, 牌子名向外), 因為我食絕情蜂膠, 我食左十六年啦! =.=
第三個, 最後一幕, 隻鵰明明唔識飛, 居然會飛, 算。最後畫面影住好大一輪明月, 見2位主角身影飛左上天…慢慢完…大家係咪諗起由細到大睇月餅廣告o既嫦娥奔月? 不過多左個吳剛係隔離甘解。

說左好多, 這片子雖然不是真的那麼差, 不過, 離好看, 畢竟還有很遠的路呀..............絕對係差過佢應該做到o既效果, 係咁多。

完

八月三十日 -- 雜記

26/8 (六)抖+執野 (無執野)
27/8 (日)抖+Connie+馬生上來屋企 (無上來, 馬生要返公司做野)(連續2日係屋企足不出戶, 悶到爆, 5點幾去左寶琳玩具店行左轉, 執到平野)(夜晚睇左少少神鵰大結局, 睇左少少都見到3個廣告...詳細下一篇講), 3點訓
28/8 (一)補慶Carol生日 (唔知醒, 9點3起身, 10點返到公司, 無咩事)(Jordan慶, KT糖水), 2點訓
29/8 (二)例游 (由於電影"Death Note"未上之前已經約左呀源睇, 但係到而家都未睇, 所以呢日例游cancel, 同呀源, 娟睇戲; 即使我睇過漫畫, 都覺得套戲OK喎!套戲作左唔少改動, 但係都係refine左, 幾好, 咁當然有好多野係無漫畫交代得咁詳細啦), 2點半訓
30/8 (三)慶BD舊同事Carmen生日 (約實ed, 7.30pm漁港)
31/8 (四)LOBO美食gathering (約實ed, Daisy)
1/9 (五)應該無野攪啦掛? (同日Taylor生日)
2/9 (六)Sam同民可能上來屋企, Sam2個月無上來, 2罐啤酒仲係度 =.=)
3/9 (日)空
4/9 (一)約實ed慶Taylor生日, TST K buffet, 又K

完

秋 – 另一版本

秋天, 總令人容易諗到好多無聊野。
秋天, 好多花草樹木開始枯萎, 一地都係落葉同殘花, 變相多左一地垃圾, 辛苦左掃地呀嬸。光禿禿的樹枝, 雖然又未係影響市容, 但係都唔見得好睇, 更加唔好講有詩意。大家唔會認為樹木有思想掛?
係如此環境入面, 好多人都會諗到好多無謂野, 尤其有人會懶傷感, 自憐自傷, 唔知搏咩野。(而家應該唔興扮慘搏同情掛?)

係呢個天氣, 好多作家或者編劇就會利用人們呢類扮野的情緒, 作左好多懶傷感的故仔, 從而令人有“共嗚”, 因此而大賺一筆。收左工係街度行, 個個人唔係掛住返屋企煮飯湊仔, 就係諗下同朋友去邊度威, 有邊個仲甘得閒收左工仲諗下以前失戀的臭史, 或者掛心係屋企等你返去飲湯的父母?

都市並唔係麻木, 麻木的係人心, 每個人都係掛住眼前的歡樂, 仲有人追尋夢想的嗎? 係現實的世界入面, 大家最重視的係金錢, 利益。當知道自己發唔到達, 打死一世牛工時, 每日放工就會去追尋快樂, 眼前的快樂…

收工去邊度威…
點先溝到條女…
去邊度shopping…
點樣找卡數…

係呢個秋高氣爽的天氣入面, 好心大家唔好成日剩係掛住去wet! 天氣唔太熱, 又唔潮濕, 簡直係一年之中最好的天氣! 快 d趁好天氣去打波郊遊踩單車做多d戶外活動啦!! 仲有開始可以去d大排檔呀, 煲仔飯等等夏天唔會去食的地方。甘好的季節, 仲拿來諗咩傷心野呀, 去開心下啦~~!

你呀你呀你呀, 仲係度扮晒野? 去去去! 快去!

完

秋

秋天, 總令人多愁善感, 聯想起很多事情。
秋天, 是很多樹木落葉的時候, 帶著點點寒意, 倍增蕭瑟之感。一片片枯黃的落葉在街上, 地上, 被人們踐踏著, 樹木的禿枝只能靜捆地望著曾經血肉相連的同伴, 卻無法抒發出心中那一聲聲嘆息。

在這麼令人傷感的氣氛, 滿懷的思緒紛擾而至, 令不少人都有自傷之感, 而很多動人的愛情故事, 都始於又同時止於這多事之秋。在黃昏, 走在繁忙的街上, 日落餘暉映照在開始變禿的樹上, 滿地的落葉上, 更添一份憂愁, 令人想起遙遠的初戀, 想起曾經青梅竹馬的朋友, 想起在家中的兩老, 想起很多很多的人和事…

都市的麻木, 並不能佔據在都市生活的人; 雖然大家都在為口奔馳, 每天忙於工作, 忙於照顧家庭, 但大家的心裡都是希望明天會更好, 都有一個好夢, 都在追尋自己的夢…

生活富足的夢…
兒孫滿堂的夢…
幸福的夢…
充滿著愛的夢…

在這個秋天裡, 希望大家都漸漸遺忘愁思, 積極地去追尋自己的夢想, 好好享受人生帶給你的快樂。

完

請大家睇埋 "秋 -- 另一版本"

廢談

廢談

和人講開“無聊野”這個話題, 想講“無聊”和“廢”的分別。
其實無聊並不等於廢。無聊只不過是一個狀態, 一些在某狀態下所做的事; 做一些有的沒的事, 或者有一句沒一句的話; 好像很“廢”, 但其實並不一定廢。

“無聊”, 是一種很放鬆的狀態。一個人在學習在工作在做什麼也好, 精神會緊張, 會疲累, 遇到不開心不如意的事時, 更加使人覺得頹然。這時候, 就需要“無聊”一番。無聊一下, 能使人慢慢恢復精神, 能使人慢慢放鬆, 並不只是白白的浪費時間。溫習, 工作, 運動, 做什麼也好, 大家都知道“休息”是同樣重要的。一個人無論在精神或肉體上都不可以長期處於繃緊的狀態, 那樣只不過會有反效果罷了。即使在無聊的時候, 一樣能有很好的副產品產生: 除了能獲得精神的休息外, 當充分地感受到“無聊”的時候, 就能更加明白到什麼是有意義的事; 另外, 即使是做一些無聊的事情, 一樣可以從中學習到/體驗到人生的真理; 與朋友無聊地閒談, 一樣可以從中知道更多事情, 或更清楚對方的性格。

而什麼是“廢”? “廢”就是真正的毫無用處。在不適當的時候做/說一些東西, 或者做一些完全沒有用/沒有得著的事情, 白白浪費時間, 就是“廢”。現今有很多年青人, 做很多所謂“無聊”的事, 其實不單只無聊, 還很“廢”, 在此不多言, 大家心中有數。

不做無聊的事, 又怎樣過有聊的一生? 大家只要知道自己在做些什麼, 站在什麼位置, 又何妨無一無聊?
讓我們一齊來無一無聊吧!

完

誠徵

由於呢排比較無聊, 有時想寫下無聊野。
並唔係想提昇自己的文學水平, 亦唔係想娛樂大家。
只係想娛樂自己。

因此, 係度希望各位朋友, 得閒諗到d咩題目, 從ICQ又好電話又好咩途徑都好, 整d題目比我, 等我得閒無聊時可以寫下無聊野。

而題目希望儘量唔好甘仔細, 比d籠統d的野, 自由度可以大d, 當然有咩特別要求(例如題材, 形式等等)都可以比d意見o既。

不過, 內容將會隨我自己喜好同心情而變, 所以並唔會寫出大家expect o既野。
只係希望大家諗d題目, 比我有得自娛下罷了。

多謝大家~ ~真係唔該晒~~

完

超無聊短篇 -- 叉燒飯

前言
想寫一篇恐怖故事, 效果…正如所見。
文中所有形容詞及對於食物的形容, 並沒有事前或臨時去參考其他文章或評論, 全憑自己的經驗及以往對食物文章的記憶而寫, 看來我有點兒潛質寫食評。哇哈哈哈哈~~
XDDDDD

叉燒飯

小明最愛吃叉燒飯, 由小至大, 吃過不下千次的叉燒。無論是肥或瘦的叉燒, 他都很愛吃, 由其是燒得有點兒焦的, 特別惹味。他很喜歡到不同的餐廳試食不同的叉燒飯, 因為每一間的用料, 醬油調味, 火候也有所不同, 他要找到最終極的“叉燒飯”。

這天, 他又如常地去找餐廳吃叉燒飯。不知不覺去到一個人煙稀少的地方, 四周雖然也有屋有路, 但行人卻異常地少, 而且雖然陽光普照, 但樓宇的排列卻剛好把陽光遮了, 使那裡長期也應該照不到陽光。小明走進這個地方, 只見地鋪也是疏疏落落, 沒開幾間店舖。正想再去別處找之際, 見到街角有一間食肆 – “仁味燒臘店”。店面的裝潢很舊, 有點殘破, 看上去連格局也像舊式的餐廳一樣。小明可興奮了, 他不但找到一間有叉燒飯吃的地方, 而且更是舊式的店舖; 通常舊式店舖的師傅, 手勢會很好, 很老練, 而且經驗豐富, 找到“終極叉燒”的機會也會大大提高。

小明走進這家食店, 不見有其他食客, 也是陰陰冷冷, 不太乾淨的。他一坐下, 就有個店員走過來招呼。一看店員, 只見是個五十來歲, 面無表情, 雙眼無神的男子。他問小明要叫什麼的時候, 也只是勉強擠出個笑容內, 皮笑肉不笑的, 反而愈顯陰沉。
“叉燒飯一碟, 要多叉燒醬, 另上。要一杯奶茶, 唔該!”
店員一聲不響寫了單, 就回頭去廚房了。

良久, 叉燒飯到。
好一碟叉燒飯! 居然可以做到那麼好! 不僅肥瘦適中, 邊緣位置燒得有點兒焦焦的, 蜜汁加上些許焦味, 香氣四溢! 還未吃到, 已經知道是一碟上等的叉燒飯! 叉燒飯, 飯也是重要的一員, 先吃一口白飯; 白飯的濕度適中, 不會太濕而粘粘的, 而是偏向有點兒乾, 吃下去能夠感受到每一粒白飯都是獨立的, 飯香混和恰到好處的甜豉油, 加上些許叉燒所帶著的蜜汁與焦味, 一絕! 連白飯也那麼好吃, 小明急不及待的挾起一塊叉燒就吃!

噢~~~是那麼的好味~~~~!!蜜汁的甜, 燒焦的微脆, 本身肉的咸味與鮮味, 一切是多麼的恰到好處, 那叉燒一放到口中, 味道便慢慢的滲到整個口裡; 每一種味道都在刺激舌頭的每一個味蕾。不愧為上等的叉燒! 最奇怪的是, 其中一些的口感, 與從前所吃過的有點不同, 明明是一塊叉燒, 為什麼會有不同的口感呢? 難道是火候的不同? 難道是用了豬身上另外一處的肉?

喝一啖奶茶; 奶與茶的比例亦十分恰當! 明顯地, 所用的茶葉不是沖了又沖的舊茶渣; 以不是最滾燙的開水, 沖大概三份之二杯多一點點的茶, 再加上上等的花奶, 這樣的奶茶, 茶味與奶味剛剛好, 不會蓋過對方, 好一杯奶茶!

小明十分滿意, 轉頭想問店員有關店舖及師傅的事, 卻不見了他。卻見一個人從廚房走了出來。那人一身油污, 拿著一把刀, 似乎正是廚子。那廚子亦是面無表情, 眼神甚怪異, 令人望之不寒而慄。那廚子向他走過來, 和他說話。
“好吃嗎?” 聲音低沉。
“好! 很好吃呢! 師傅的手勢很好呀!”
“呵呵呵…我們的食物都是在店裡自己做, 並不是從外面買的呢。我們有獨特秘方呀…”
“對對對, 很好! 不過令我不解的是, 有些叉燒的口感不同…好像脆脆的…又不像是燒焦那種脆的感覺…嗯…很奇怪。”他望著廚子, 一邊挾起一塊一邊說。

那廚子突然用一種奇怪的目光望著他。好像很訝異, 又有點笑的感覺。小明突然一寒, 他想起了很多事情。他想起了很多新聞及故事, 有關殺人的故事, 有關烹調的故事, 有關人肉的故事! "仁味燒臘店"? 人味? 他被那廚子的眼神瞧得發了毛, 環顧四周, 陰陰暗暗的, 一個人也沒有。不! 那店員不知何時站在了後面!
“你…真的不知道你吃了什麼嗎?”
“不…不…不不知道…”小明有點怕, 口吃了。
小明吃一口剛才筷子所挾的食物, 仍然是奇怪的口感。

那廚子突然起立! 但卻轉身不看小明。小明既驚且奇怪。
“你看看吧…看看你吃的東西…”
小明低頭一看…

黑色的, 有一層反光, 像是打了一層臘; 有些一支支的東西伸了出來, 上面有些倒勾。對…沒錯…是..

呀呀呀呀呀呀呀呀呀呀呀!!!! 是蟑螂!!!! 是半隻蟑螂!!!! 脆脆的!!!! 是蟑螂!!!!
呀呀呀呀呀呀呀呀呀呀呀!!!!

完

八月二十四日 – 雜記

1. 21/8 (一)同馬家姐唱K慶生
2. 22/8 (二)溺
3. 23/8 (三)ad-hoc同Carol食飯
4. 24/8 (四)同鼓班同學gathering(岑哥同Chris), 又唱K
5. 25/8 (五)應該無野攪啦掛?
6. 26/8 (六)抖+執野
7. 27/8 (日)抖+Connie+馬生上來屋企
8. 28/8 (一)補慶Carol生日
9. 29/8 (二)例游
10. 30/8 (三)慶BD舊同事Carmen生日 (pending)
11. 31/8 (四)LOBO美食gathering (pending)
12. 1/9 (五)應該無野攪啦掛? (同日Taylor生日)
13. 9月第一個星期有一日慶Taylor生日
14. 真係好多人8-10月生日…
15. 明天direct site, 呢份工第一次direct site

完

短篇 -- 黃昏之戀

幾喜歡以前睇過o既某故事及其表達方式, 所以又來返篇。

黃昏之戀

我最喜歡在放學後來到這裡了。經過了一整天沉悶的課堂, 不想就此回家, 所以每逢不太忙的課後都會來到這裡 – 從家裡只是走十多分鐘的路程, 就會到的一個寧靜的, 長長的防波堤的未端, 一個人舒舒服服的躺著, 望著變化無常的天空, 或者一望無際的大海發呆, 直到要回家吃飯。

嗯…又如往常一樣…頭枕著書包…一個人出生在世上是要做什麼呢? 無論做過什麼也好, 開心也好, 悲傷也好, 到頭來, 那人人逃不過的事情來到, 還不是從此什麼也不知道了。每一天就只是重複又重複地做著無意義的事情。就算畢業後, 有幾多人能有大成就? 不論成績是好是壞, 有否上過大學的頹廢生活, 大部份黃毛小子還不是打一世牛工, 最多也不過是賺的錢多一點點或少一點點罷了…一樣沒出息; 再娶個黃面婆回家, 生個把兩個孩子, 就此庸庸碌碌的慢慢養大, 退休, 一生就此完了。女的呢? 在年輕時消耗自己的青春, 之後找份工作, 找個以自己的資質能找到的最好的男人, 嫁出去後做黃面婆; 再不是就做個女強人, 事業有成, 但夜夜寂寞難耐, 成了深閨怨婦, 年紀愈大就站得愈高, 人卻愈來愈變態, 做下屬的可慘了。只有少數出類拔萃的人才有能力做上成功之路, 但要實力加運氣才等於成功, 何時才輪得到我? 總之, 每一個人也在飾演自己的角色, 做好角色該做的事就好了…而我的角色, 就只是一個平凡的女學生, 樣貌身材普通, 成績過得去, 在家做過乖乖女, 在學校做個不起眼的學生就算了。

沒錯, 我就是這麼一個思想灰暗, 憤世嫉俗的女孩子。

天色漸暗, 暫時卻還不想回家…呀喲, 那2個是不良少年嗎? 嗯, 頭髮染的金金的, 衣著很爛, 最不喜歡這些扮走在時代尖端, 跟得上潮流的裝束。怎麼這個時候會有人來這裡的, 還是早些回家好了。嗯…?
“小妹妹, 怎麼一個人在這, 覺得寂寞嗎?”
“呵呵呵, 怎麼一見我們就要走呀, 不如我們陪你玩玩吧~~”
“不做聲, 是默認了嗎? 呵呵, 一會要你叫得拆了天呢~~”
“這裡很少人會來的, 不用怕哦~~”

“不要~~~~~~~~~~~~~~~!!”
2隻禽獸捉著我, 按著我的身體, 我想掙扎, 但我無能為力, 我現在的角色應該是一隻可憐待宰的小羔羊吧? 我閉目忍著眼淚, 任由禽獸擺弄我的身軀, 撕裂我的校服...反正掙扎會激起他們的獸性, 倒不如一動不動默默忍受還沒那麼痛苦。就在正要受辱之前, 一切停止了。

一聲怒喝, 伴隨著幾下慘叫。2個流氓被打跑了。咦…是隊長?
他是我的同學。可能是我性格的關係, 我只得一個好朋友小雪, 而另一個較談得來的, 就是平常坐在我後面的隊長了。“隊長”是他的綽號, 他是籃球隊的隊長, 又高大, 人又好, 雖然經常翹課, 成績不太好, 但還是很受歡迎的。平常也不是跟他十分熟絡, 不過由於坐得近, 也會經常跟他有一句沒一句的閒扯, 有什麼困難他也肯幫我手。想不到這次他救了我。

我整理著凌亂不堪的衣服, 向他道謝。
“你怎麼會在這裡的?”
“對呀…我剛剛想來找你…”
“那麼巧合呀…那2人不是你的朋友吧? 扮英雄救美嗎? 哇哈哈”
“哈哈, 虧你還可以說笑呀。可幸我來找你, 而且還沒遲了, 要不然你就骨頭也不剩了呀。”
“那真要多謝你了…要不要我以身相許? 哇哈哈…”
“呵呵, 那我就先記下這筆帳了…”
“你那麼受歡迎, 應該很快便會忘記這筆帳了, 那可便宜我了…呵”
“忘記嗎…不知道人會不會還能記住以前的東西呢…”
“什麼?”
“我想你記得一些東西, 想留下一點回憶在這世上…”
“唔…”
那麼突然的, 他就捉著我, 吻了下來, 良久, 放開。
那雙瞳孔望著沉在大海一半的夕陽, 餘輝灑在臉上。
他輕輕的說了聲 “再見了…” 就這樣走了, 留下一臉茫然的我。

本來也沒發生什麼事, 又沒受什麼大傷, 所以並不想報警。但嚇壞了的家人知道後堅持要我報警, 所以第二天沒有上課。落了口供, 檢查完身體, 一個人離開了家人又到了那防波堤。坐了很久, 心情很亂, 昨天發生的事像是很久以前的事, 又像是剛剛發生…一督眼間, 見到地上充滿著人們的字跡上, 當中有那熟悉的字跡。
一個心型中間, 寫著“天, 柔”…

“柔~~~~~~~”小雪的聲音在遠處響起。
“雪, 怎麼你又跑到這兒來了?”
“我都知道你在這兒了…”雪上氣不接下氣地跑過來, 喘著說。“今天老師跟我們說, 隊長他…”
我想停止她的說話, 不過沒可能吧。
“這幾個月他沒有上學, 原來是癌症未期, 一直躺在醫院裡, 他從來也沒有跟我們說過…” “老師說…他昨晚…昨晚…”

小雪回家了。我仍然坐在那裡, 望著黃昏的夕陽。
我一早就知道了, 有一次無意中聽到他跟老師說起打算退學, 說了原因, 我就知道了。想不到那麼快。望著地上那熟悉的字跡, 他為什麼會知道我常常在這裡? 難道他也常常會來? 昨天見到的他究竟…?

我只是飾演一個平凡女學生的角色, 學生就應該專心讀書, 不應談戀愛的。因此, 我從來也不會期望什麼, 更不會期待一個受歡迎的男生, 從來只把一切放在心底裡, 從來只覺得自己在哪裡也是配角。
望著夕陽, 我想起他那句輕輕的再見, 我知道在我一生的一段短時間裡, 曾經做過了主角, 我知道在某人的心目中, 我也許一直是主角。我流著眼淚, 前方開始變得糢糊…

這就是我的初吻。
這就是我的初戀。

完

游水遇著鬼2 之 溺水

今日真係諸事不順。

今朝一早返工時, 臨返到公司, 想收起部mp3機, 點知一唔小心就跌左落地; 平時有時都無咩事, 今次居然一野就用唔到, 好黑仔, 勁唔開心。返到公司, 其中一單好麻煩o既投訴又來, 以後可能又要日日出去做野, 既晒時間又辛苦, 慘。收工去游水, 唔知係咪日頭寫左篇無聊野, 居然溺水 =.=

事源係今日收工返城大游水, 雖然貴過公眾泳池少少, 但係少好多人, 好正。一路係淺d o既地方游, 游游下順順地, 游到去深水位(2.5M, 直立腳都係唔到地); 突然有一下呼吸不順, 之後就開始沉, 又唔夠氣沉到底彈返上來, 於是就飲左幾啖水; 其實之前都想停同返轉頭, 不過有時唔係話停就停, 而且本來一路係沿住池邊游, 諗住有咩事都可以伸手拉住池邊, 點知出左少少, 隻手差d先拉到 =.=
結果由救生員拉返我上來, 真係無鬼用...如果唔係救生員, 可能死鬼埋 XDDDD

雖然如此, 我都唔會怕左游水o既, 不過會再小心d的了。仲有要慎言, 唔好亂咁講野呢~~~XDDDD

完

無聊 -- 游水遇著鬼

游水遇著鬼

農曆七月, 大家有沒有經歷奇怪的事情呢?
七月十四鬼門大開, 很多人都覺得會發生很多事情, 亦有人說自己曾經見過, 而且繪影繪聲。而事實上, 不論有關係與否, 七月總會發生一些事情。

以香港為例, 這麼多年來, 總有很多年的七月十四日會有穿著全身紅衣服的女性自殺。遺書中大多怨氣甚重, 更聲言會“回來”算帳。有很多人稱“陰氣”較重的地方, 亦有人聲稱見/接觸過鬼。亦有很多傳說會有很多找替死鬼的事情, 包括水鬼…等等。究竟事否真有其事, 無從稽考。可能是心理作用, 疑神疑鬼; 可能是有光線加陰影造成類似效果; 可能是有人惡作劇; 亦有可能是真的…總之不能一概而論。

不過, 卻想在這講一講我去游水的經歷。
在某一夜, 我放工之後去泳池游水。對, 是泳池。香港理工大學的泳池也有一個很有名的鬼故, 晚上也沒人會去游泳。不過我去的泳池不是那個。正值暑天, 有很多人也會到泳池游泳, 在那麼多人, 那麼熱鬧的泳池, 難道會有鬼? 那晚, 我在游泳之際, 沒有給水鬼在水中抓腳, 也沒有發生意外, 但我見到了。

我見到一個洋鬼子在泳池游水~~~ 嘩, 很高大, 肚腩又大, 全身也是毛, 很得人驚呀~~~

嗯嗯…水完
呵呵呵

無聊短篇 -- 愛情以外

日落黃昏, 街上麻木的人們都趕著回家, 或去享受工作後的娛樂。在這酷熱的夏天, 卻有很多人是無憂無慮又空閒的: 學生們。

一個少年卻在街上滿頭大汗, 很忙的, 像在追蹤著什麼似的。他口中碎碎唸: “跟了好幾天, 爸爸也不過正正常常地上下班, 有什麼外遇? 如不是看在媽份上, 我才不想浪費時間呀!” 這幾天, 少年呀鋒奉了媽媽之命(其實是以零用錢為脅)去跟蹤爸爸, 因為懷疑他有外遇。但跟了好幾天, 一向循規蹈矩的爸完全沒有做出任何出軌的行為。其實呀鋒壓根兒就不相信爸會做出這些事情。
“家裡那歐巴桑實在太多疑了!”

不過, 今天卻有新進展。
這天, 爸爸下班後不回家, 反而駕車到了市內公園。呀鋒好不容易找到個隱藏的地方, 望著爸爸坐在長椅上, 吃著麵包當晚餐。
夜幕漸漸低垂…呀鋒等得有些不耐煩了, 正想離開, 卻有目標人物出現了! 一個中年女性走向爸爸, 露出微笑打個招呼, 就坐了在長椅上。那中年女性的樣子不像些不三不四的女人, 反而是十分溫雅嫻熟, 像極一個在家中相夫教子的好妻子, 好媽媽。他們倆很高興的交談起來。
呀鋒真的想不到爸爸會有外遇, 見到這情形, 正想走出去“捉姦”的時候, 突然從後被拍了一下膊頭。他嚇了一跳(偷窺也是窺心事吧?), 向後一望, 卻呆了一呆。

他見到後面拍他的是一個清麗脫俗的少女, 其脫俗之處令人覺得有點不吃人間煙火, 不像是人的感覺。但在這炎熱的夏天卻穿上了厚厚的冬天服, 還戴了長長的頸巾。正想發聲問她之際, 少女向他眨了眨眼, 指一指外面, 做了個噤聲的動作, 2個人繼續偷偷地看著外面2人的動靜。只見爸爸及那女人只是言談甚歡, 並沒有做些什麼親熱的動作。看了許久, 他們二人似乎想要離開了, 卻見他們互說再見之後, 就這樣分別了。呀鋒摸不著頭腦, 回頭在看那少女之時, 少女卻在不知不覺間已經走了。回到家中, 充滿疑惑的他沒有向媽透露今天所見, 他要真相大白後才敢斷定爸爸是否有外遇。

就這樣再跟一星期, 發現爸爸每逢星期二及五都會和那女子相會。他們每次見面卻只是像好朋友一樣, 坐在那長椅上說說話, 談天說地, 到了一定時間, 就會分別回家。呀鋒心中有些納悶, 這樣究竟算是什麼了, 所以這天等他們分別後跟著那女人一趟。奇怪的是, 跟著那女人, 三曲四折的走, 好像有點不妥, 在一個街角一拐, 竟然跟丟了。呀鋒正暗嘆自己沒用, 背後又被人拍了一拍, 他又嚇了一跳, 回頭一看, 果然又是那穿冬天裝的脫俗少女。

那神秘少女牽著他的手, 示意他跟著她走。那手柔若無骨, 給牽著有很舒服的感覺, 不過卻似乎有點冷; 不知是否病了, 所以會這樣, 又在夏天穿著冬天的衣服。不知不覺走到了市區邊緣的一間醫院。呀鋒心裡又是一陣納悶, 有點不情愿地被帶著走入了醫院, 去到了深切治療病房外。他隔著玻璃一看, 只見躺在裡面的人正是那個女人!

他轉頭一看, 那神秘女郎又不見了, 卻見另外一個少女剛剛進來。這少女雖不及那神秘女郎清麗脫俗, 卻也面容姣好, 溫柔爾雅。
“你…也認識我媽嗎?”
“她…是你媽? 哦…對…對呀…我是她朋友的兒子。”
“哦…多謝你來看她哦…她病了很久, 躺在裡面三個月了, 爸爸幾年前有外遇後一次也沒回來…根本就沒有人來採望她, 真感謝你呢!”
“不…不用客氣, 嗯…有什麼需要幫忙的…即管找我吧…嗯…再見了!”
呀鋒一溜煙地逃走了, 忘了自己沒留下聯絡方法, 人家又怎找他呢?

出了醫院, 他漫無目的地走, 完全不明白事情是怎樣的。
怎麼爸爸與那女人每次見面都只是大約一小時, 而且連續幾個星期都是如此? 為什麼那女人的女兒卻又說她已經昏迷躺了三個月? 究竟發生什麼事呢? 難道是雙生的姊妹嗎? 那神秘女郎又是什麼人呢? 看來要弄清真相, 非要從那女郎著手。

又到了公園相會之日, 呀鋒仍然躲了起來, 他這次再看清楚, 那女人正是之前躺在病床上昏迷的那人。就在此時, 他忽生感應, 回身一看, 見到那神秘女郎正要拍他背後。那女郎呆了一呆, 笑了笑, 拉著他走開, 到了另一面。
“你不明白嗎?”
“當然! 究竟…”
“有需要明白嗎?”
“這…”
神秘女郎指了一指遠處的那二人 :“他們是老朋友, 很久沒見了, 那女的也沒什麼放不下, 除了她的女兒, 就只想見見你爸爸, 也就是她的初戀情人。”
“什麼…?!”
“他們也不是相愛什麼的, 只是與老朋友聚聚, 很珍惜那份友誼吧了。你爸爸也不知道什麼, 你就不要告訴他吧。你是一個好人, 她很多謝你一直隱瞞著你媽。她亦要你好好照看她的女兒呢”
“那…你…你呢?你又是…”
那女郎指一指遠處, 只見那女人握著爸爸的手, 像是很珍而重之的道別。
女郎的聲音像從遠處飄來耳邊: “該是時候走了…”

幾個月後
“鋒~~~發什麼呆呀~~~”
“沒有呀, 我在想一些事情。”
溫柔爾雅的女孩行近, 問他: “有什麼好想的呢?”
“沒有, 我在想著之前發生的事…不過都不重要了”

那女人就在那夜安詳的去了。爸爸再也沒有晚上去公園, 也不知曾經發生這些事情。那女兒由她呀姨照顧, 呀鋒因為曾經受人所託, 也經常鼓勵她, 支持她, 和她做了好朋友。而那特別的幼苗亦在兩人心中慢慢滋長。

完

八月二十日 -- 雜記

1. Mary-Ann生日快樂~~~!!
2. 天日同Mary-Ann唱K, 順便慶個生~~
3. 來緊星期二繼續"逢星期二的游水", 今次會去CityU探路一雖然貴幾蚊, 但係應該少好多人; 上次去KT泳池太多人了...
4. 上星期四LOBO美食團去西環o既德記食飯。每人百零蚊來講, d野都OK o既。一人一個翅, 再加幾個小菜, 呢個價錢OK了。最覺得OK係用錫紙包住燒o既烏頭, 雖然d肉老左少少, 不過個醬好味。翅普普通通, 檸汁菜OK, d炸果堆野都係普通(d用來點o既醬反而正, 桂花糖醬), 總的來說, 都OK。
5. 20/8 星期日(即係今日)同小曼姐姐同佢d朋友食飯, 雖然遠d去到元朗, 但係d海鮮好好味。其實係呀機司哥哥今日收工後去買定海鮮(大隻蝦/飽魚仔/石斑/瀨尿蝦), 去佢去開果間野叫佢地整的。之後再叫多2碟菜, 每人都係$100島, 又好味, 抵。班人都幾好傾呀, 唔會悶。之後去埋食糖水, 8點9上車, 10點3返到家。
6. 早知今早去打波, 原來皇帝今個星期三就飛去英國...早知打埋波食埋晏啦。
7. 星期六執過下間房, 但係懶懶閒無全力執, 不過都整齊左o既...
8. 原來我真係有好好好好多模型未砌... @@ 擺左好多入櫃都放唔晒, 仲有d都係要滯留係房。

完

出庭作証

因為之前係BD(屋宇署)份工o既關係, 17/8(星期三)要去做証人。

由於係BD時, 成日出Order(命令)要人拆僭建物, 好多時d人都無拆; 出埋警告信都唔拆, 就會拿去告。通常d人一知要告, 就會即刻拆, 就算唔拆, 到佢一拿到傳票(出左傳票就即係一定要上庭同罰錢了), 都會即刻拆同認罪(認左罪罰少d)。不過, 有少數人會死都唔認罪, 覺得自己有理據(99%到最後都係有罪), 而今次就恰巧有人唔認罪, 所以我地做過呢單case的人都要準備上庭了。

係度講返少少之前係BD發生o既趣事。話說有一日, 一班同事突然聽到一對夫婦(呀叔同呀嬸來的)係會議室度同我地同事吵(當然係拒地2個嘈, 我地同事就緊係有禮貌啦)。果對夫婦(可以叫八公同八婆)又係覺得自己無錯, 無理由要拆d野, 又好粗俗, 總之傾唔成。由於到最後都唔肯拆, 所以後來知道會告拒地。當日由於拒地又大聲又嘈, 所以全公司都知咩事, 成班人都係背後笑拒地。

事隔幾月, 從同事果度聽返來, 原來單case已經審完。但係當日發生左好好笑o既事情。話說個官判左拒地有罪, 又要罰錢, 由於果2個人由始至終都覺得自己無問題, 因此係判完要離開o既時候, 爆左句粗。個法官聽到, 即時叫庭警“的”返拒地2個返來, 重重地告誡拒地一番, 仲話如果再講就告拒地睨視法庭。果對八公八婆即刻死死氣, 比人話左一輪先有得走。哇哈哈哈, 抵死。

講返我要上庭。由於一個法庭一日會定左審邊幾單case, 但係個次序又臨時睇個官鐘意審邊個先, 因此全部人都要一早到左先。果日9點幾就到左法院, 一路等等等等(好彩帶左2本厚o既書去睇), 我地單case放左係最後審 =.=, 12點幾場先開庭。開左庭一陣, 本來對方都唔肯認罪, 後尾可能終於都知道自己理虧, 終於係大概1點都認左罪。可憐我地班人係度磨左4粒鐘(好彩有帶書, 睇左成本), 到最後都係唔使出庭, 蝕晒。好心一係就晨早認左去, 我地唔使去; 一係就唔好認, 等我有得出下庭做下証人, 試下都好呀~~~而家等左甘耐又無得出, 真係唔抵!

好彩返公司問返, 由於係公職, 所以應該唔使扣大假, 如果唔係真係蝕到入肉了。

完

改下歌詞 -- 肥貓學跳舞

呢排大家的心情都似乎隨住天氣而有d鬱悶~~~
不如大家一齊低B下, 唱支歌仔啦~~~!!!
希望係呢個甘悶o既氣氛入面, 大家唔笑首歌仔都有得笑下我!
哇哈哈哈哈哈哈~~~~~

肥喵學跳舞

調寄: London Bridge is falling down (有隻雀仔跌落水)
詞: 渣二
唱: 童音合唱團 (大家記住用最低B的聲音唱)

*小~貓走去學跳舞, 搖又擺, “弟”下手!
小~貓走去學跳舞, 餓~“匾”~肚皮!*

repeat ** x3 (每次速度加快)

(速度回復正常)
肚空空走去食下野, 鵝共鴨, 大乳豬!
肚空空走去食幾味, 餓~貓~變肥!


係咪頂唔住呢~~
哇卡卡卡卡卡~~~~

~~~~完~~~~

心的距離

不知是天生性格使然, 或真是星座的關係, 一向十分著重“心靈”。自己的身體疲累, 只要休息一下, 睡一覺就好; 就算仍然累, 精神充沛仍然可以凌駕肉體的疲累。這裡所說的“精神”, 並不只是說“有否足夠睡眠”那種“精神”, 而是指心靈上的滿足。

與人的關係也一樣, 自己覺得, 無論是親戚/愛人/朋友, “心”的距離最重要。當然, 每個人都不相同, 而實質上“形體”的距離亦會影響到人的交流, 但最重要的始終覺得是“心”。

有很多人交朋友或拍拖, 十分著重形式上的事情。覺得要常常見面/電話才算是朋友, 我卻不以為然。不錯, 與一個人感情要好, 自然想跟對方多見面, 多親近, 多說話, 但有很多時卻是情況不許可。我的其中一位死黨去了外國讀書一年了, 期間當然沒有見面, 有時忙起來(自己忙, 對方忙)連續很長時間連電話/ICQ也沒交談過, 但這代表了我們的友誼褪色了嗎? 一定不會! 我也有很多朋友, 不論在外國或在香港, 平時也很少見面, 聯絡也不多, 但一見面/聯絡時也暢所欲言, 就像肝膽相照經常見面的老朋友一樣。

十分珍惜“心靈上交流”的這種感覺。交朋友, 不在乎年齡, 性別, 距離及相識的時間, 只要是大家都肯把“心”交出來, 相性接近, 即使相處時間不多, 溝通時間不多, 甚至沒見過面, 但只要有某種形式的交流, 一樣可以成為好朋友。君不見很多人每天在學校/公司都與同學/同事相見, 但也不一定是朋友嗎? 有些情侶一星期中差不多天天都見, 每天也傾幾個小時電話, 甚至有肉體關係, 還不是不了解對方, 完全沒有精神上的聯繫?到最後也是分手收場。

有時親人間或朋友間, 不是以表面上形式上的噓寒問暖來表示關心。有些人就是不懂表達自己, 或不愛在某些方面表達情感, 難道這些人都是沒有感情的人嗎? 而且, 真正的關心, 並不一定是施予援手。有時情況根本不是外人可以幫忙的, 肯好好聆聽已經是很好的幫助, 不過問他的事情, 只從旁照顧其他瑣事也是很好的幫助, 甚至全無辦法幫到也好, 好好的作為一個朋友而做朋友也很足夠(很難解釋的一句)…總之都是關心的一種表現。

實質上的幫忙, 我能力有限, 要幫也是不過是幫倒忙; 所以希望自己能夠為身邊的人帶來希望, 帶來心靈上的安慰, 回復大家的“精神值”。有煩惱, 有問題又不介意的話不妨找我談談吧, 起碼有個會聆聽的人呢(反正我都身負不少人的秘密了, 不介意再多幾個人找我殺人滅口)。正所謂: 每日拿出幾分鐘, 聽聽少年心底夢。哇哈哈哈哈哈~~~ 超嘔的slogan~~~

話雖如此, 經常精神力不足的我還是需要與朋友見面/吹水/打機…等等, 來回復自己的“精神值”呢。

完

轉貼: 又係深雪 : 有利愛情的性格

其實好多時都唔係十分認同佢講o既野, 不過有時入面o既其中一d道理我覺得OK, 而且都係等各位各自理解下, 因此都係全篇轉貼啦。

深雪 : 有利愛情的性格

常說擇偶要看條件，其實，除了事業基礎、行為人品之外，性格都好重要。然而，何謂有利於建立感情的性格？我的建議是尊重以下兩個方向的。
第一，他是個願意接納自我增值的人。要注意，很多男人也不是如此。自我增值除了是事業上的進取外，更重要的是個性上的改進，一個願意接納自己有需要作出改進的人，才會是一個合意的伴侶。
試想想，他會否是個在情感低潮時願意尋求輔助的人？如果是，你就有福了。你可以觀察一下，他是否接受一些改進關係的書籍，此外，他接受自我增值這回事嗎？對於宗教上、靈性上的提升，他有甚麼看法？
最怕就是那些一成不變的人，與他們在一起，永遠只有他是對的，而任何改進的提議，都似乎有損他的男子氣概。
第二，他要是個願意顯露情緒的人。他能哭能笑嗎？他有能力與伴侶作出情感上的溝通嗎？當目睹別人有情緒上的波動時，他會不屑抑或作出共鳴和體諒？
一個不願意顯露情緒的人是不適宜擁有親密關係的，他不獨內心冷漠，更會辜負和取笑你的一番情意，你也別期望他有能力去愛你，他只夠能力做些膚淺的男女之事。基本上，這些人不會有與你作出情感上溝通的興趣，就算他有愛意，那些表達手法都會是錯的。
很多男人不接納自我改進這回事，也有很多男人以不表露內心情緒為榮。與其善心地幫助他們改變性格，不如掉頭走，搵過第二個好了！


完

八月十四日 -- 雜記

1. 之前都講過, 原本諗住開個篇寫公司d野, 但係都係無心機, 係度草草講下啦。而家我係地政處o既啟德果team做, 啟德team咁o岩係其中最最忙o既一早, 不過好彩我都唔係怕忙怕多野做o既人, 返工o既時間過得好快, 不過收工後個人覺得累好多(精神累)。以前5點零收工o既日子過去了。雖然比起私人公司係幸福好多, 但係係政府做, 平均要做到6點幾7點(仲要唔係老細級), 見到office其他人5點幾就開始走, 都係有d不爽XDDD。好彩而家係返5 Day, 好開心。
舊老細resign左, 11/8 last day走左了。佢係一個好人, 只不過個性格係慣左cool, 做人又極之嚴謹, 令到某d人覺得佢好harsh。Under佢實在係幾大壓力, 而且由於佢實在太勁(佢做呢個位應該係極度underpaid的), 即使我draft的memo, circulation, document甚至minute, 係意思同grammar都無錯, 佢都可以改好多野(佢d英文實在用得好老練, 既formal又準確)。雖然大壓力, 不過可以學到野。新老細來左一個星期, 佢從來未做過政府o既工, 唔係好知個flow係點行, 而且啟德實在係太多野, 佢來左一個星期, 一定take up唔晒(我做左一個月都未啦), 而家我地2個相依為命, 唯有慢慢摸索…
至於份工, 係我做過呢幾份最唔o岩我做的。之前做物業管理話就話做維修睇工程, 但係其實最緊要係對人: 房客, OC, contractor, 房署, 老細…etc, 做埋customer service, 雖然好多人覺得又煩又難做, 但係我反而handle到又做得開開心心。係BD 做o既野雖則係政府野, 又係執法部門, 但係其實好多野都係好睇情況, 自由度都大, 好case by case, 而且亦都要對人。而家呢份就十分死板, 樣樣野都要跟得好足個流程(政府d野又特別煩), 仲要極度極度極度細心(開正我死穴), 連d字眼一隻半隻都要執得好準, 好累人呢~ 不過做開又唔會咁快就話走o既, 係度做o既野同之前完全唔同, 學下野先啦。
2. 今個星期開始逢星期二游水, 係觀塘泳池, 鐵膽得我同民仔, 話左唔使OT就會來o既有呀S, 呀哥同呀源。其餘所有人都係free to walk in, 邊個有興趣聯絡我啦。
3. 返左一個月工, 由於收工累, 所以都無攪d咩活動, 係間唔時同朋友食下飯, 補充下個精神值。如果唔不時同朋友聚一聚, 傾下偈, 個精神值真係會好低。不過識左LOBO之後, 差唔多個個禮拜都會有美食聚會, 可以知多d有好野食o既地方, 都幾好呢, 之後可以同其他朋友去。
4. 上星期三同舊老細farewell食晚飯, 我個位o既上幾手同新舊老細一齊食。去左銅鑼灣廣場o既”南翔”。D野食OK啦(舊老細請我地), 過程都有傾有講o既…
5. 星期五同2個朋友(BD同事)食晚飯(Connie & Martin), 去左星期三”因為要同老細食飯而去唔到o既LOBO美食聚會”o既地方。係佐敦(我公司行去好近下)食龍躉。價錢唔算貴, 不過由於某個朋友講得唔太清楚, 所以叫左d野來唔夠食, 3個人(包括唔大食o既Connie)都唔夠食, 仲要事後先知原來係蒸o既果味龍躉先係推介(我地叫左炆), 蝕左添。(碟炸子雞都幾好食, 壽包都唔錯, 怕甜o既我都覺得OK)。食完之後由於唔多夠, 大家再去食糖水, 食下傾下就散了, 3個人慢慢行去尖咀(Connie有下場, 同Carmen Jessie飲野, 我同Martin仲路過say hi添), 最後同馬生去新港果面各自搭車返屋企。同朋友聚下舊食下飯真高興呢~~
同日, 呀S同Mandy加入左California, 做Gym虫。另外亦得知原來民仔唔聲唔聲一早就做左會員, 仲要好dum本做永久會員(聽另一永久會員呀Sam講要皮幾野)。
6. 星期六, 原本而家同事攪活動去濕地公園, 點知攪下攪下無下文, 諗住反正都係有活動, 呢邊去唔到, 就去深圳啦。約左KTG同埋另外幾個friends, 上到去都係飲飲食食唱埋K, 幾悠閒, 無之前幾次上去咁累。終於都唱到幾首學左好耐o既合唱歌, 我其他朋友一係唔識唱, 一係唱唔到, 所以有得同人唱到好滿足。夜晚去KTG介紹o既”酋長”食晚飯, 好特別! 食類似燒烤o既野, 但係有好多種類, 多過巴西燒烤, 而且坐係自己位度就得, 一班服務員(每個都拿住唔同野)會不停咁成間餐廳逐張台走埋來問要唔要, 唔使自己走出去拿野食。至於燒烤以外o既野, 就有一張好大o既台係外面, 有好多其他普通熟食同生果, 呢d就要自己去拿啦。總括來講, D野食得, 環境特別得來又舒服, 服務仲好好, 幾廿蚊任食, 實在係值得推介! 下次同其他朋友去要推下先得! 食完晚飯就返歸, 返到來得知原來濕地公園成行, 好彩一早通知左同事(係我未知成行之前)話唔join了。
同日, 呀哥去左我介紹o既一間中醫同一間推拿(都係我身邊有人去過而且極得o既!), 唔知係咪真係咁掂, 時間証明一切。
7. 星期日, 抖。
8. 星期一, 又返工了…

完

狠批一班無聊為情自傷的人

事先聲明, 我對我唔識o既人做咩野全無興趣, 佢地要發傻發癲都唔關我事, 亦都唔會可憐。不過如果有我唔識人睇左覺得有些少幫助o既, 無任歡迎。
係呢度我並唔係想講一兩個人, 而係我識o既一堆唔同圈子o既人, 所以唔好對號。

我好明白, 人係有感情o既動物。除左食飯訓覺大小二便之外, 人都需要精神上o既慰藉。而精神o既需要人人唔同, 有d人需耍事業帶來o既成功感, 有d人喜歡站在台上受萬人歡呼o既感覺, 有d人喜歡挑戰極限以提昇自己為榮, 有d人就以信仰為精神寄託, 但係除此之外, 有更多人(或包括剛才講過果d)需要人關心, 需要人o既”愛”。因此, 我並唔會係度講”有手有腳有飯食有地方住已經好幸福啦”(雖然我覺得係!)。我只係講返大家最在意o既”人生/生活” 同”戀愛/情傷”。

撇除晒果堆無父無母無手無腳失明失聰身有殘缺活在戰火恐懼當中o既人唔計(還不夠嗎?), 你地仍然不足為”慘”。”感情”, “感覺”係好重要, 但係真係大晒嗎?
即使真係大晒, 但係你地所謂o既”愛”有幾深有幾真? 對方真係如此重要? 現在係, 過多十年你能否仍然有如此”激情”? 呢樣野最多2-3年而已! 多年後回想起仍然會有很大的感覺嗎? 當一起生活後所浮出來o既問題又有無諗過? 真係因為”愛”就可以堅持所有野嗎? 我第一個唔信!
又或, 明明對方係一個唔值得愛o既人, 或者係一個對你完全無感覺o既人, 自己覺得有”feel”就堅持嗎? 有咩作用? 純粹要旁人覺得你癡情專一嗎? 要旁人可憐你嗎? 唔會! 人家心目中只覺得你無聊兼晒時間!
大家覺得自己果d真係愛嗎? 我覺得有一部份人(不是全部, 但如果大家都歸自己為不是那類, 我無話可說)只是”硬頸”和”覺得唔抵”而已。將這種思緒正當化, 便覺得是”愛”, 覺得不對不在自己, 自己很”慘”。
講慘, 我識(唔係睇書睇電視, 係真係識)大把人係呢方面更慘。要我數嗎? 有從少拍拖拍左7-8年因為有第三者分手(仲要我個朋友係男仔); 更有個朋友結婚十幾年有埋仔女, 但係因為外遇離婚, 頓失依靠同經濟支柱, 仲要獨力養2個細路(sorry搬左妳出來)。雖然仍然都係唔開心, 但係都可以振作起來, 努力向前; 但係你地班人少少野就喊苦喊忽, 算係老幾? 算係什麼東西?

人真的很了解自己嗎? 我覺得很多人都被”自己希望自己是什麼性格”的表層意識影響了。經常覺得自己是怎樣, 慢慢地自己便變得真的是這樣。什麼星座性格, 生肖, 睇相…等等, 只是影響了你自己而令以後產生改變(當然, 我係講坊間大部份都係無料到的, 真正的東西方術數我也覺得可信)。尤其近年各大傳媒, 書籍, 歌曲等等都標榜”慘” (其實連金庸小說內的主角, 很多時都以慘的經歷來引起讀者共鳴), 使人覺得如果自己不能很快樂, 不如便”慘”, 慘會使人可憐, 即使不可憐你也不會睇低你, 覺得你有錯也情有可原, 很淒美。對不起, 我不會。

戀愛真的大過天嗎? 真的那麼慘嗎? 要天天以淚洗面嗎? 食唔落飯嗎? 每晚發夢夢見他嗎? 人生真的那麼灰暗嗎? 真的什麼也沒有嗎? 不!!!! 只不過不能和所愛的人相愛罷了。父母呢? 兄弟姊姊呢? 朋友呢? 無人關心你了嗎? 你一個人發傻便令那麼多人擔心, 那樣便好嗎? 父母兄弟親戚朋友未必了解你, 但不了解不代表不關心! 只為了一個人便可以不理全世界的感受嗎? 忽視了自己所擁有o既野嗎?

覺得自己有所不足, 便要去”做”, 去”改變”! 放工無聊便去進修或去興趣班, 身體不太好就去求醫, 覺得自己性格某方面有問題使去改, 常常掛在口邊說”自己是這樣的了, 好難改的”, 但又不去行動, 根本就不會有所改變! 自己認識社工, 聽過心理醫生的說話, 也看過很多有關書籍; 有一位社工說: 人要改變自己, 是沒有人幫到的, 一定要自己”愿意”, willing to改變, 其他人才可從旁扶一把, 自己”批死自己唔得”, 就沒有改變的餘地。要在短時間內放開, 看淡一切當然困難, 但絕對不可將自己困在一個又一個框框裡, 鑽牛角尖, 愈來愈向著極端走。

沒有深思隨意便野出來, 結構可能散亂, 但希望大家認真諗諗, 希望對你地有些少幫助。接受唔到o既就算罷。我要講o既野差唔多係咁多了。

完

轉貼: 深雪 : 娶你為妻的秘笈 + 深 雪 : 娶你不娶你？

也許你也讀過《Why Men Love Bitches》這本戀愛秘笈，現在，同一位作者，Sherry Argov寫了一本更勁的女性攻略讀本─《Why Men Marry Bitches》。

一看書名就知勁，也果然，內容非常有見地，眾女士必能從中學曉幾招。顧名思義，此書以擄獵男人當上堂老襯為目的，一切朝結婚為目標。


如此偉大的題目，我打算分兩日介紹。首先，作者指出，女人若要男人娶她，就要在拍拖初期讓男人無壓力，要是你一開始拍拖，就擺出一個非要對方娶你不可的姿態，他就一定對你有所防範。


好了，到已進入熱戀階段時，女人要留意性愛上的態度。皆因，世上男人都只想娶正經女人，所以，女人平日的衣不可以太暴露，而在床上的表現，更加要留神。


男人，都有迷戀處女的情意結，於是，女人的表現愈清純，就愈能讓男人萌生結婚的念頭。那麼，請由內衣的風格開始注意，最初幾次的性愛，女人最好穿清純一些的內衣，要是真的很想穿性感內衣，就最好製造機會讓他知道，這套內衣是你專程為他而買的。男人很怕看見女人穿前度男友也看過的性感內衣，他會為此而反感。女人必須知道，男人只想娶一個絕對屬於他的女人。


床上表現適宜被動，切忌十八般武藝，不要表現得太老練。在最初幾次的性愛前，如果男人忘記帶避孕套，女人千萬不要在自己家中供應給他。整件事的要點是，讓他覺得你是好女人，不要引誘他，應讓他全權作主導。


要他娶你還須留意甚麼？留待明天再續。


緊接昨天的分析，你倆已經同居了，他還會想娶你嗎？《Why Men Marry Bitches》的作者Sherry Argov提出了一個重點：縱然你們已同床共枕，但你要令他依然有興趣繼續追捕你。

首先，不要讓這個男人佔你便宜。例如，若然他一回家就發你脾氣，你就要找機會出外走走避開他，並告訴他，雖然你明白他有多難受，但你希望他在你回家後已能冷靜下來。


他出外公幹數天也不致電給你嗎？你就要盡找機會與女朋友們逛街，當他終於致電給你了，你不妨不聽他的電話。這為了令他知道你也有你的生活，你不是他可以隨便丟低一旁的。


你的EQ要高，並間中製造一些機會讓他緊張你，而不是只有你會去緊他。


另外，如果他是有錢人，你要表現出你不貪他的錢，你一定要有份工作，這讓他尊重你。另一方面，無論他買甚麼送給你，你都要表現得快樂和感激，這讓他覺得，他能帶給你幸福。


好了，你們已同居兩年了，你已非常想結婚，可以怎樣做？你可以與他認真講清楚，你希望結婚，要是他諸多藉口，你就要從那一刻開始大幅度減少與他一起的時間。你加班又好、進修或是旅行都好，總之，讓他明白，要是大家不能結婚，你就會愈走愈遠。當他害怕失去你時，可能就會求婚。


要是他不求婚？你乾脆說分手，然後間中見一見他。當他掛念與你一起的日子時，就有可能求婚。


他還不求婚嗎？那麼，你另找一個新對象好了，橫豎，他永遠不會娶你，你要走的路，和他根本就不同的。

轉貼: 深雪 : 框框之女

很多好女孩都無男朋友，最大原因是，她有太多框框。
都未去到被追求的階段，卻已經超級多顧忌和嫌棄，太過保護自己。

嫌棄對方條件不夠好就無話可說，但有些女孩子甚至會因為對方一句半句說話而決定落閘；另外又有一些，會無端端考驗對方的誠意、專一程度；亦有女孩子以對方的舊戀愛史作為參考標準……

別人都未追你，你已經為這段關係寫下三世書，實在驚嚇。

我的建議是，輕輕盈盈、開開心心地為自己撮合一些約會機會，不要太快落閘。到第三次約會後，你真的肯定他完全不適合你才放狗咬人吧！到那時候，你不單止更了解他，亦更了解你自己，你會明白你真的討厭甚麼，以及能容忍甚麼。

如果，你是那種每個月都有人約會的女孩子，你當然有權嫌三嫌四。若然，你已三年無發市了，你就該由最簡單的男女約會開始平衡一下你的思想和心理。

縱然我是女人，我都會認為有些女孩子頗為心理變態。你認為你是在保護自己嗎？其實，你是在令自己蝕底。

態度開揚一點、簡單一點，在最初的階段，不要太認真。到你要認真考慮這段關係的方向時，你才把它分類吧！

那些落了千重大閘還有男人戀戀不捨的女人絕對不是你；舊時代流行考驗男人的方法亦不適用於你。你記，你是很久都無拖拍的那個。

對男人要採取歡迎的態度。而你心目中那些無限量的框框，稍後才設置。

無聊短篇 -- 把冰山劈開

“我…我…的八兒呀…你…一定要繼承爺爺的遺志…把冰山劈開…” 奄奄一息的一個爸爸對著兒子說。
“爸!爸! 我一定會的! 但…但是冰山是怎麼樣的呢?”
“你…你…不知…道嗎? 呀…旦…你…你…見到又大…又白…又…”一口氣接不上來, 就此嗚呼哀哉。

年輕的烏龜兒子從此下定決心, 練好武藝, 一面尋找著冰山的蹤跡, 誓要把冰山劈開。而為了繼承爺爺及父親的遺志, 少年不敢稍有偷懶, 日出而練, 日入而息, 每天風雨不改從不間斷地勤練絕技, 很快便超越了他的七個兄長; 日子有功, 不知不覺地在一次入定中領悟到本門絕技的奧妙, 而一窺高手之殿堂, 慢慢地更到了父親及爺爺不能到達之境界。年輕人漸覺自己的本領可以出身行走江湖, 便毅然離家, 全力去尋找冰山。

一路行俠仗義, 竟然闖出個名堂來, 但冰山的蹤跡卻無法得尋。行過千里路, 就在一個心灰意冷的晚上, 終於給他見到了, 想不到在這樣的境地相遇!

果然是很難應付的對手! 年輕人使盡一生功力, 全力擊出自家最終極絕招!
“冰山破!!”
暴喝一聲之下, “冰山”應手而裂!!

“我終於成功了! 我成功了! 我把冰山劈開了!”

就在此時, 一隻兔子怒氣沖沖地掙扎地走過來, 大聲責備年輕人所做的事。
“我自打破了冰山, 干你什麼事?”年輕人很傲氣地說。
“冰山?!那是月亮呀!”
“什麼?這不是冰山嗎?爸說是又大又白的…這不是冰山嗎?不是嗎?我畢生的功力…我…呀~~~~”

玉兔回去慢慢修補了月亮, 從此我們看見的月亮也是斑紋處處的。

完

問題: 究竟年輕人姓甚名誰?

睇完"底褲人"之我感

首先問下大家，蝙蝠俠同超人有咩相同之處，又有咩唔同之處?
錯錯錯，緊係唔係咩行俠仗義，有無超能力甘啦!
相同之處: 都係將條底褲著係外面。
不同之處: 一個笠係頭度，一個著係條長褲外面。

相信睇到呢度大家都對佢地有ｄ認識了

愈扯愈遠了。話說睇左呢排上ｏ既電影"超人"，柅講下觀後感。
首先，估唔到套戲成２個半鐘(之前無留意簡介)，坐甘耐，咩都底晒。
第二，個男主角係幾靚仔。相信好多女仔都係睇呢樣野先。
第三，ｄ特技係做得好好，唔係戲院睇感受唔到。

講完一般人要ｏ既野，講下自己ｏ既意見先。
結論先: 套戲唔差，但係亦並唔係一套好好ｏ既戲。

無錯，人靚，特技好睇。但係比起幾廿年前ｏ既Christopher Reeve，演繹無甘有內涵, 情感無甘豐富。今時今日ｏ既電影純粹著重視覺效果, 有點忽略演員的感情戲份上。並唔係話而家果ｄ差，但的確係無以前甘好。劇情方面，同近年ｏ既"美式英雄片"一樣，幾乎可以話無咩，總之就係有班衰人作惡，要解決各種麻煩，再加上ｄ感情線，就係甘。所謂有帶出來ｏ既信息，套套都係甘講架啦，要加ｄ有意思ｏ既野話甘易，唔係深刻ｏ既根本無用。

導演係"X-men"第一集ｏ既導演。呢個人根本就唔得，名大於實。導演最重要有２樣野：一係就係一個好ｏ既story teller (即係講故事ｏ既人)，一係就可以控制到觀眾情緒（開心，傷心，緊張，驚怕．．．等等)，呢個導演，絕對唔係一個好ｏ既story teller都算，拒拍呢ｄ"美式英雄片"，又唔見得有咩故事，居然動作場面都唔算多，一味影住堆人係度講野，一係就做ｄ好不知所謂ｏ既動作來發動能力，加特技又攪掂；甘使鬼搵拒拍咩! 總之個導演實在係唔得。

講返呢套戲，其實比係"X-Men"第一集，已經好好多，而且ｄ特技真係好唔錯。不過成套野雖然無咩悶場，但係又無特別高潮位；正常無論小說，故事，電影．．．都會有高潮位，但係呢套又唔係好算有(係有幾幕會緊張少少咯)，非演員之罪，乃導演之錯也。

總的來說，由於我一開始果３個原因，加上"超人"名頭又大，加上又係近期熱門，俾錢入戲院睇都係OK的，一看無防。５粒星會比３至３粒半星啦。

完

八月四日

呀馬生日快樂!! 祝身體健康! 心想事成!

1. 呢排都係返返返工, 放放放工
2. 呀媽同呀哥屋企大執屋, 當然除左我間房之外, 天堂與地獄之比更顯著
3. 呢幾個星期都有一日半日同Lobo, Martin, Carmen食晚飯。由於Martin係廚師, Lobo又係四圍試食o既食家, 所以次次都去d介紹地方, 而質素亦都幾好。最印象深刻係1/8(WED)去西環山道o既加拿大餐廳, d野好得! 係食西餐o既, 幾十蚊一位晚餐, 但係質素絕對超越呢個價位! 係個地方隔涉d。
4. 終於唱K唱左草蜢演唱會!(緊係唔會全部唱晒啦) 雖然好out, 但係好開心! 在每夜草~~~~蜢彈跳於激光中!草~~~~蜢彈跳於心窩中!
5. 今期工聯無報野, 要搵一日regular同民民去游下水先得
6. 本來想出另一個詳細o既文講返工d野, 諗左好耐但係都無心機寫...可能真係收左工唔想諗起啦...有機會先寫啦...總之好彩自己都OK勤力同暫時跟得住d野, 老細都無咩野大不滿啦
7. 果個幾千字o既金庸更加停左手成個月
8. 好多朋友都有野唔高興, 屋企人又有野唔多高興, 攪到自己都有d唔多高興
9. 睇左底褲人, 估唔到成2個半鐘; 套野OK啦, 唔差, 又唔見得極好; 不過要睇就最好係戲院睇; 總評都值得入戲院睇o既
10. 暫諗唔到d咩, 係咁

完

七月二十五日 -- 雜記

好耐無寫野了, 原因主要係轉左工, 由於太耐無寫, 所以記得d咩特別野就寫啦, 但係次序, 日期等等就可能求其d了~
1. 打鼓堂終於上完, 覺得雖然個班無咩用廢廢地, 但係由於自己有意識去學野, 所以一樣有得著, 同埋對個鼓o既感覺熟左d(雖然仍然要練多d); 另外, 係堂上都叫識左2個朋友, 一個係呀叔來o既, 一個係個好斯文o既後生女, 尾果幾堂上堂之前仲會一齊食飯添; 由於我地上8.45pm, 係MK上, 而且晏d都無所謂, 所以有一次直頭約6點係MK等, 去唱K唱到9點半先去上堂, 哈哈; 個呀叔唱得唔錯呀, 個女仔就好斯文, 好細聲。
2. 終終終於係前排問人借到草蜢來睇(好out), 好正呀~~~ 好想唱K唱~~~ 有好多都想唱!!
3. 份工實在係...都係遲d出過一篇野講啦...
4. 呢排返睇金庸, 不過進度慢左了, 睇埋手頭上果套天龍八部可能要停下了; 另外, 一路寫緊個"金庸小說讀後感", 唔覺唔覺寫下寫下都未寫完居然有三千幾字了 =.=, 不過轉左工之後未郁過了...
5. 22/7-23/7 同娟, 民, Sam, Mandy去珠海玩。覺得有d老點地去深圳再搭巴士去, 平係平d, 不過搭車好晒時間, 離開屋企要個半鐘到深圳, 再2個半鐘到珠海; 由於要等Mandy放工, 攪下攪下6點半先到...寧願貴少少搭船去澳門再過關...一去到就去一早卜左o既酒店(珠海渡假村)放低野, 再出去食飯; 食海鮮, 又平又抵, 不過海鮮以外o既野就唔好多食, 同埋記得果時係深圳福田食仲平d又好食d...不過呢餐民仔請, 有人請就算啦 XDDD。 食完之後去"碌鈴", 今次佢地碌多, 我碌左幾手, 都係中6-7個島...下次有機會要試下篤波...玩完返去都12點幾, 沖完涼大家未眼訓, 一齊玩UNO吹下水, 唔覺唔覺就3點幾4點...訓。第2日checkout之前又唔想去第二度, 所以留左係酒店, heahea下睇下電視就夠鐘checkout, checkout之後食午餐, 普普通通一餐之後就去睇小型賽車場, 睇睇下大家就都去玩, $30 for 10分鐘, 都幾刺激呀~ 之後去按摩, 我唔係好好, 所以2個鐘都按腳only, 原來按腳係平d的, 佢地按身2個鐘$60島, 我按腳$38, 平到嘔。按完都6黠零了, 大家聽我意見過關去澳門, 去碼頭見賣7.30pmo既船飛, 於是決定返HK先食晚飯, 買左船飛返去了。順帶一提, 買完船飛後大家有唔少人仔, 但係無晒港幣, 又無得"手禁", 好慘 XDDD 總的來講, 其實玩過d野食過d野深圳都有, 除左小型賽車之外其他野都係深圳平/好d, 又慳好多時間係旅程上, 所以第日都係寧願去深圳~ 不過今次有d唔同o既, 大家幾個friend一齊過夜吹下水都幾開心。
6. 7月頭呀爸同表弟返大陸, 所以閒日無約人都返屋企同呀媽食下飯, 收工去買下"食送", 返屋企煮2野咁。
7. 呢份工d同事雖然未必會好熟, 不過都係一班幾好o既人同玩得o既人, OK啦~~
8. 諗唔到有d咩住, 有遲d再加
9. 來緊會寫返野密返d...希望

轉工

成個星期無寫野, 原因係病
上個星期一, 二發燒, 星期三無再發, 但係一路咳到今個星期(不過係星期六日長抖之下好左好多)
成日唔舒服, 所以無咩心機寫野

另外一個原因, 係唔知點解個人好空
我上星期三就返新工了, 返新工有新氣象新環境, 照計應該好有新鮮o既感覺
尤其好似我呢d咁多野諗o既人應該有好多感覺
但係居然無
返左幾日工, 唔知自己係度做緊咩/諗緊咩
所以一路都無寫野

講返份工
而家返地政署, 人工同之前差唔多, 轉工係想轉下環境, 做下唔同o既野; 返工地點係油麻地停車場大樓, 咁樣講大家唔知係邊, 用另一方法講就可能會知: 直頭係油麻地圖書館果棟大廈, 即係係油麻地同佐敦中間。
唔知好唔好彩地, 請十幾個新人, 係呢個唔算忙o既部門做野; 我同係BD一樣, 十幾個人偏偏我係唯一果個編左去最忙果一組度做野(睇成個啟德機場)。一入去就聽人講我個組係好忙的, 2個人跟晒所有野...算啦, 好過無野做, 又可以學到野。
返放工時間係9.00am-17.48pm(食飯12.30-1.30, 得一個鐘), 由於而家係返五日工, 所以放遲d, 不過聽聞我果組唔一定可以準時收工(又未至於會好晏收); 返五日工真開心。
我果組得我同我老細, 係一個幾後生o既女人(三十島啦); 我上一手做埋呢個星期走, 好偶然地我上一手係我City的舊同學呀康(仲要係final year project同組添); 佢話無可能係走之前教晒我所有野, 叫我自己慢慢摸下點做...佢話老細好熟d野, 有咩唔識可以問佢, 不過真係可以成日問嗎? 後尾聽返, 原來老細都係contract staff(地政唔似BD, 好少contract staff的), 佢以前係外面應該好高級好有經驗, 唔知點解(睇怕係公司執笠定炒人)會來到呢度收少咁多人工做野。
同事方面, 由於有一堆都係新o既contract staff, 所以好自然地都係會一齊熟d; 我o既感覺係班人都幾好, 大家年輕人幾好傾又幾好玩, 不過熟我就未必會同佢地好熟到, 相性唔算好近。
返左差唔多一個星期工, 由於好多野未識o既關係, 老細都唔係比好多野我做, 所以都暫時幾得閒; 遲d上手走左, 我就會坐佢果個位, 就會有得上網(雖然會無時間上, 但係起碼"有得上"), 個office都幾靜, 同埋個feel好似好耐之前o既政府office咁, 個感覺好似做緊好耐之前o既公務員咁XDD
最值得高興o既野, 應該就係幾樣: 返放工仍然可以一程巴士, 幾方便; 好好好近圖書館, 仲近過旺角果時, 而家差唔多日日去; 隔離(真係隔離二步路)就有籃球場(雖然無咩機會打...), 所以個返工地點對我來講算係好唔錯了。

最在意o既, 始終係個人唔知點解對轉工一d感覺都無, 轉左就轉左了...好唔知點
不過, 反正都係生活
諗唔到有咩講, 就此。

今次篇野完全唔經大腦, 睇唔明就算啦

完

生病

細個時成日都病, 成日去睇醫生, 係藥罐來。到左大個, 雖然身體好過細個, 但係間唔時都會病下, 而且其實個身體一向都唔係好好狀態o既人。
由於細個成日病又食藥丸, 已經練就左可以同時唔使用水都可以吞幾粒藥丸o既能力, 有時要食藥又無水起來都可以照吞, 好方便。
話說呢排世界杯期間, 由於有PP Stream同PP Live, 而屋企電視又有CCTV1 的關係, 睇多左好多波, 後遺症就係夜訓。一向個身體同精神狀態都唔算好, 而且不嬲都訓得唔係好好, 所以睡眠對我來講好緊要。睇多左波, 自然就訓夜左; 不過通常都係睇頭場, 3點果場唔睇。
o岩o岩過左去果個星期五, 民仔上我屋企睇頭場, 而星期六, 民Sam娟上來我家睇波(屋企無人), 由於第2日唔使返工o既關係, 大家都諗住睇埋尾場(巴西對法國, 實好睇過英格蘭對葡萄牙)。英格蘭對葡萄牙果然係一場悶波, 呀Sam睇到恰眼訓, 完場就入房訓, 下場再出來; 娟唔係波癡, 所以睇完第一場就訓, 剩返我同民仔磨到3點; 到得3點, 叫唔醒呀Sam, 於是得返2個人睇; 由於連續2日夜訓, 加上成日係冷氣度, 所以終於出事了。
星期日發覺自己喉嚨有d痛, 諗住都無咩事, 星期一起身都唔係好唔得, 反而返到公司就開始頂唔住; 喉嚨痛, 人飄飄浮浮, 頭赤赤又暈, 覺得自己好可能係發炎+發燒...由於約左o既關係, 收工仲同鼓班同學唱K, 之後再上堂。返到屋企快快沖涼訓覺, 覺得自己有d發冷, 於是唔開冷氣訓; 訓到半夜醒左, 唔係因為熱, 係半夢半醒咁, 發左個好騎呢o既夢; 由於個夢好亂, 個人又醒醒地, 所以反來反去訓得好差...等於無訓過...無啦啦床尾個架跌左一堆野落來, 嚇左我一大跳; 果下真係好驚, 叫左一聲出來(唔係大叫, 係好微弱無助果種...), 果刻真係覺得有d無助, 又病又唔舒服又訓唔到...嚇親之後仲醒晒添...
由於醒左, 又唔舒服唔想開電腦, 於是出廳坐下, 磨左差唔多成個鍾(5點幾了)就返返房訓, 又係反來反去訓唔到...終於慢慢到訓著左, 但係星期二(4/7)係返公司o既last day, 無理由唔返, 於是死死氣地遲到都返公司了。
明天就返新工(5/7), 第一日返headquarter, 實際要返左第一日先知返邊; 希望快d好返, 唔好返工第一日就病啦...

完

長洲遊記

上星期六及日(24/6及25/6), 我同幾位朋友(娟, 民, 源, Sam, Mandy)一行人去左長洲玩。其實呢次行程都傾左幾耐, 大家時間難就, 但係最終都約到一個日子出來; 好耐無試過一班friends去玩2日1夜, 所以好期待。

一早睇定船期, 所以當日約定12.00係碼頭等(搭12.15o既船), 我同民仔相約係北角站一齊去; 由於我地都早左o既關係, 到左中環專登走去買以前彭定康食過果間o既蛋撻來食, 我呢d蛋撻魔人當然要試下啦(果日都無食早餐)~ 一試之下, 覺得個底唔錯, 牛油味幾重而且幾脆; 中間的蛋味都幾夠, 唔係純粹甜味; 不過整體來講, 個底o既味太勁, 蓋過左其他味道, 所以唔算真係極好o既蛋撻。

係碼頭食完蛋撻, 其餘人都到了(4人約埋一齊), 大家懷住興奮o既心情(細個寫遊記9成都會寫"懷住興奮o既心情", 所以無論係唔係都實要寫下XDDD)入閘上船, 約莫過左一個鐘就到了。到左長洲第一件事當然係拿左房先啦~ 今次book果間同上前同一班朋友果間係同一間(東堤), 入到去發現裝修左, 各樣野都好新淨呢~ 放底晒行李之後就去食晏。不自覺地去以前食o既某餐廳食晏, 匆匆食過之後, 去超市買d必要物品(廁紙, 水, 杯, 零食等)就返房討論下一步行動。

當日天氣好~~熱, 又極曬, 根本無可能燒烤同踩單車; 大家當然唔會戇居居留係房唔知做咩, 所以一致決定去沙灘。去到沙灘發覺真係好曬好熱, 有d人係陰o既位看住d野, 而其他人就當然落水啦~ 東灣o既水實在係幾污糟...同之前去大清水實在無得比, 不過由於太熱o既關係, 都係落水狂游; 練左一陣發覺無咩進境, 就叫呀源較蛙式; 蛙式真係易好多! 我試左幾野, 已經游到下, 而且仲可以呼吸到添~ 要練習多d先得!

幾個人輪流游一陣水之後, 大家都上返水; 係沙灘玩下飛碟, 數字球, 馬騮搶球咁(d沙好~~~熱又好粗, 所以一定要著住涼鞋), 唔覺唔覺就過左差唔多3個鐘(好明顯有曬黑左, 對腳仲有涼鞋印添...=.=); 返返間屋沖完涼, 差唔多7點出去食飯了。當然就去食一早決定o既海鮮啦~ 叫左一堆海鮮同小菜, 加埋食飯飲野每人都係幾廿蚊, 好平, 不過味道就算係普普通通, 將價就貨算係好好了。由於當晚世界杯賽事分別係11.00pm 瑞典對德國同埋3.00am 阿根廷對墨西哥, 而民仔係阿根廷fans, Sam係瑞典fans, 所以諗住落bar睇波; 食完飯去行下視察環境, 搵到一間bar好唔錯又有大電視, 即時book定位大家齊齊睇波~ 之後返屋磨一輪到夠鐘就去食糖水; 去返不嬲去果間食, 仍然係又平又抵食, 由於係民仔請(因為之前book房果日甩底), 大家都唔客氣了~ 食完就去睇波。係bar一堆人一齊睇波氣氛當然好好, 不過呀Sam愛隊瑞典後防唔知點解好大漏洞, 開波12分鐘內就比人入左2球, 下半場搏到球12碼仲要炒埋(拿臣>.<)...大勢已去...睇完都已經1點了, 返屋途中見碼頭外有好~~多街邊小食, 食左d(幾好食)之後就返去了...大家沖完涼, 民仔同Sam2個波痴再去睇下場波, 剩返我地4個就訓覺了(都2點幾3點了)。o岩o岩好2間房2個人一間唔使爭; 呀源一d都唔反訓, 所以同佢訓一張床都無咩問題, 幾好訓(反而好似我逼左佢出去 XDD)。

一訓到第2朝9點幾起身, 大家都起晒身, 見到得民仔係度; 原來佢地睇完場波都5點幾天光了, 飲埋早茶先返來, 一返來無耐呀Sam可能意興闌珊之下返屋企先; 我地一行5人梳洗妥當之後就去食早餐, 食完返屋打啤牌(Mandy果日o既手氣實在太好太可怕了), 到得差唔多時間, 就去還房食晏(食之前去買定一堆糖水); 食晏去左果對日本夫婦度食, d紅豆餅同手卷仍然都係好味呢~~ 食完之後係碼頭食埋糖水, 夠鐘上船。到左碼頭之後就各自散了, 呀源就上我屋企拿野。

總的來說, 今次玩得好開心, 長洲仍然都係我o既宿營favourite地點, 希望來緊可以再攪過, 同埋可以燒野食+踩單車啦~~~

完

p.s.同場加映: 第2日搭船返去時, 發生左一樣好精彩o既野, 我當然即刻影低左(見下圖); 係唔係好晶瑩剔透呢~ 好一條天然o既鐘乳石! 某去左外國o既朋友係唔係諗返起讀書時o既不快回憶呢? 話說當年我同受害人+下圖之人係學校o既集會中, 某人恰眼訓時又做出左下圖o既事, 而該鐘乳石大大滴咁落左該去左外國o既朋友o既校褸度。希望下圖唔好引起人不安啦 XDDD
另, 下圖打左格仔, 以防有人認出當事人。 :D

(按:暫時貼唔到圖, 遲d再補)

轉工

講左好耐好耐好耐轉工

最想就係轉返出去做私人公司, 唔係好想再做政府野
退而求其次, 就係點都想離開屋宇署, 因為做左好~~耐了~
牢騷之前都發過, 所以唔再講點解想走了。

上2個月寄過唔少application搵工, 回音唔多...見左1, 2份
當中有一份係地政處o既工, 又係contract, 一年一年咁續, 人工同而家又差唔多...
其實無咩特別好, 不過一來有得離開而家呢度, 二來轉下環境無咁悶, 三來可以做下第二d job nature, 學多少少野, 都好o既...
去見果日, 都無點準備, 膽粗粗就走去見; 估唔到問o既問題我又大部份OK答到; 同一般見開o既政府工(尤其係BD)唔同, 居然有7成用英文問答(平時得1-2條用英文), 我又用英文答得好順下喎~ 見完都無咩特別, 就走了。又估唔到政府效率咁快, 過左3個星期, 就打來話請; 由於我d假可以拿返錢, 所以我足一個月通知先走。

唔覺唔覺, 又唔記得寫上來, 仲有一個星期島就last day了; 公司d野清得就清, 儘量啦, 其餘都無咩好講了, 無咩心機做o既其實 XD

來緊新工未知返邊度, 人工就差唔多, 各位唔好叫我請食飯啦~~~~

完

！！！！熱火冠軍！！！！

上星期三(21/6), 係NBA FINALS Game 6, 係7場4勝制o既賽事入面, 熱火場數領先3-2
Game 6 同 Game 7 都會係小牛主場

原本諗住Game 6都係輸多, 最後去到Game 7先分到勝負(仲諗住Game 7請假睇波), 點知Game 6就俾熱火贏左!!
熱火係落後0-2 o既情況之下連贏4場!

好野! 熱水羸波!~~~~
點解我會甘開心?

我並唔係Wade或者Oneal的fans, 亦都唔討厭小牛(仲OK中意小牛添)
但係, 我長久以來支持o既球星--Payton彼頓, 係就來要退休之時終於都得償心願! 拿到冠軍指環!
仲有Zo(莫寧)!
佢地2個都係值得拿冠軍指環o既!
而且拒地係比賽入面都係有貢獻, 唔係"痴"人拿冠軍的~!

好感動呀~ 好開心呀~
好野~

請容我係度發下癲~
嗚嗚嗚嗚嗚~ 羸波了~
~>_<~ 苦盡甘來呀~

完

慾望與自制能力

其實對於好多野, 我o既自制能力並唔高

讀書時, 有得玩/打機時會玩唔停, 唔識收(當然又唔係好似我表弟咁完全唔停), 所以成績並唔理想
自小好鐘意睇書, 一開始睇書就唔願停, 一路睇一路睇, 如果係好似金庸小說果d咁精彩o既書, 直頭會睇到廢寢忘餐(唔係好誇張, 真係除左返學讀書訓覺ｏ既時間, 行緊路又睇, 食緊飯又睇, 連去廁所/沖涼時對眼都唔離開)
想食野/飲野時, 明知有ｄ時間唔應該再食, 但係又忍唔住再食
早上起床好眼訓, 明知再訓就會走車, 但係都要磨到最後一刻先起
...
...
好多野都係咁, 雖然睇落好似好多都好小事, 但係其實可以睇得出一個人係大事o既時候會點

不過, 由於細個有留意到呢樣野ｏ既關係, 有去嘗試練習過自己ｏ既耐力同自制能力
所以, 係好多大/重要ｏ既時候我相信自己可以做到; 好似係自己火大, 情緒唔好時, 可以儘量keep住個脾氣; 係有誘惑(even係大o既誘惑)ｏ既時候保持清醒...等等, 我覺得自己係呢幾年係呢方面有長進。
而如果自己覺得自制唔到o既, 就直頭唔做, 例如:賭, 吸毒...etc,　呢ｄ我覺得一試左就好難停ｏ既野, 就連試都唔會試。

人ｏ既自制能力其實唔係好高...通常都係受幾樣野影響, 最大ｏ既就係"環境"同"習慣"。
環境, 就當然係講緊身邊o既人, 事, 物等等; 簡單來講就係"近朱者赤, 近墨者黑", 好易明, 金科玉律; 正如d家長希望自己o既仔女入名校, 並唔係話d老師教得特別好, 而係d同學o既質素/讀書風氣...等等好好多;大家千祁唔好認為自己可以係唔好o既環境下, 出瘀泥而不染, 好難的, 唔好o既野就避免唔好接觸啦...

而所謂"習慣"只係一個好"籠統"o既詞語, 其中包括左好多野: 習慣/承諾/堅持/意志...等等o既野, 但係我覺得可以用"習慣"來做統稱。一個人意志堅強, 都係因為長期處於某d環境而練就左呢樣野; 一個人承諾左, 就會做/唔做一樣野, 就會被"承諾"影響住, 而變成習慣; 一個人習慣左一樣野, 就會keep住做/唔做。所以, 當人"破戒", 做左一次違反自己"習慣"o既野, 有d人就會好~~唔舒服, 有d人一破左就會自暴自棄...etc, 例如:
一個戒緊o既酒徙/賭徙/癮君子, 一旦做左一次, 果次之後就九成上返癮。
有d男/女仔, 試過one night stand, 個思想可能就變左"反正都試過, 一次同好多次都無所謂", 而繼續沉淪落去。
有人從來都係係"拍拖"o既狀態, 將一切o既心機, 所有野都放晒落去, 一無得拍就好唔慣, 而且好似失去左好多野, 跟住愈來愈鑽牛角尖, 愈諗愈多野...愈來愈唔開心。

其實好多野都係"心癮", 而"心癮"起皆因"慾望"。愈執著愈追求, 就愈會沉落去。好似游水咁, 愈用力就愈沉。
最近覺得, 其實人要搵o既應該係"追求快樂o既方法", 而唔係追求點樣"滿足自己o既慾望", 咁就會容易開心d。我知其實呢個係一樣好矛盾o既野, 因為"追求快樂o既方法"都係一樣"慾望", 而"快樂o既方法"亦都可以係滿足自己o既某d"慾望", 不過我o既意思係一種精神層面o既滿足同解脫; 好多野, 睇得開d遠d, 其實好簡單...當然人都係有慾望有壓力的, 係睇下有幾執著點樣追求如何放低同發洩吧了~

要開心, 又並唔需要好似和尚咁"四大皆空", 因為無"慾望"同"追求", 就唔會有進步; 而其中困難之處, 始終都係"平衡"同"中庸"之道吧?

再講落去, 似乎要做和尚了, 唔講了。

六月二十日 -- 雜記

1. 好耐無雜記, 唔知點解, 前排有野就會開topic, 而家都係覺得有d短短地o既都係開雜記一次過記低仲好, 而且內容有意義好多
2. 由於有好一排無講野, 所以都有唔少野可以記低, 不過唔跟時間次序了; 有幾個point本來應該係獨佔一篇文的, 不過而家一次寫晒係度, 又簡單d講啦~
3. 學游水, 唔算好順利, 浮/游都OK, 不過踢水時下半身沉沉地, 唔多好
4. 星期六(17/6), 同呀Sam去左大清水游水(雖然呀Sam話到明睇女為主 =.=), 果日天氣係最近最好o既一日, 陽光普照, 去到沙灘換完衫就搵個位坐低; 由於得2個人, 又要有人睇住d野, 所以輪流去游; 由於呀Sam想晒太陽為主(睇野為主一.一), 所以我就好開心地游左好耐水; 一個人, 當然唔敢去得太出啦; 嘩, 成世人第一次係海度游水, d水浮好多! 好易游~~ 雖然練左好耐, 又游到, 不過都覺得好似無咩用, 因為返到泳池都唔一定下半身浮得返...但總算都有唔少運動量呢! 而且又近屋企, 以後都要不時去下呢~~
5. 打鼓都差唔多OK, 慢慢熟習個鼓, 遲d游水堂完左多返d時間, 要自己去練下, 希望以後有機會搵到人夾下! o岩o岩叫學完"愛我別走", 下次教"光輝歲月"; 另外, 同一個同學前幾堂都有d偈傾, 個呀叔都幾傾得; 尋晚放學時個呀叔suggest下星期一6.00pm去唱K, 唱K9.00pm上堂, 好主意呢~~ 總共三個人: 我, 呀叔同一個女仔, 3個鐘都OK夠皮啦~
6. 某表妹要過澳洲了, 由細睇到佢大, 而家都開始要闖下自己o既路了, 星期三會兩家人一齊食個飯, 佢星期日就飛了...努力啦~!
7. 又有朋友拍拖, 努力好好對人啦...(對於戀愛無咩好講了)
8. 人真係好難影響其他人o既諗法, 我都好明白而且接受; 不過亦都唔好攪到我...以思想來講, 我絕對覺得我果套係會開心過好多人好多(我無話"好"過人)
9. 來緊星期六同娟, 民, 源, Sam, Mandy去長洲玩2日1夜, 好耐無試過了, 同成班friends一齊去玩! 期待!
10. NBA Finals去到白熱化階段, 熱火領先3-2, 仲有2場作客, 是但贏一場呀!!!! 熱火努力GOGOGO!!
11. 世界杯開鑼, 由於有得上網睇o既關係, 今屆睇左好多場賽事, 由細到大睇o既都唔夠今次多! 有得同同事朋友傾下, 都幾開心呢~ 不過就令人眼訓d, 4年一次, 算啦~~ 無咩特別捧邊隊, 不過由於打機o既關係, 幾鐘意瑞典, 就支持下佢啦~ 另外16/6(星期五晚)同民, 家昇, Herman, 民o既friend同Gloria(!)一齊去茶記睇波, 當然俾自己睇波有氣氛好多, 而且咁o岩睇果場係阿根廷6-0大數塞黑...不過果日最大o既archievement應該係第一次正正式式見到Gloria啦! 幾好呀, 個人幾nice又outgoing, 唔錯呀~ (雖然某人無行了)
12. 18/6(星期日)打籃球, 又隔左一段時間無打, 果日又熱又焗, 幾辛苦, 而且之前果日游左水, 所以好快累...(好少會覺得累而唔係無氣)由於而家少左某幾個人來打波, 剩返果d有d唔帶波, 有d剩係會進攻/走位, 所以變左成日係我key波了; 尋日打波, 起手次數OK, 該射則射, 而且幾準! 似乎都keep到個射術呢, 而家o既我同民+以前o既馬, 肯定勁過以前好多了~ 另, 呢排keep住運動, 覺得運動量OK夠呢~~ keep住呀! 來緊星期四晚同同事打波! 逢二, 四游水! 唔知幾時先攪到逢星期五打羽毛球呢?
13. 之前諗到好多野講, 暫時諗唔到, 就此啦

完

能力不足

做人最怕就係識少少, 又識唔晒, 唔湯唔水

要飲一係就飲足料足味o既湯, 最怕溝左水o既, 又淡又唔知點, 寧願就咁飲水
最驚遇到d人, 識d野認知度唔係高, 又有好多睇法同意見, 但係由於知得唔全面, d意見跟本無用o既; 尤其係d投訴o既人, 以為有d野係點點點, 又以為自己好有權利, 係度嘰嘰喳喳, 其實跟本就廢o既

自己都一樣, 好多野都好有興趣, 但係自己已經唔細, 無以前細個咁多時間精力同能力學野; 學一樣野學唔到好叻, 有時真係幾洩氣~ (當然都會努力學)

今日食晏o既combination幾得意, 好少有咁o既組合, 而且令我獲益良多; 某位朋友同另一個做社工o既朋友傾最近發生o既問題; 果位社工朋友講野o既內容/意念, 基本上同我一模一樣, 而且佢做人o既態度同埋某d對人性o既見解都一樣; 不過由於佢係社工, 見o既case多, 而且亦都係自己o既行業, 所以佢講出來o既見解同方法好"正", 我學到o既野並唔係佢講o既內容, 而係佢o既講野方法, 技巧同態度, 不愧為專業呀~ (雖然佢係作為朋友角度去講, 而且係誠懇o既)
另外, 聽到佢講o既野, 都令我有好深o既感受; 原來我一路諗o既某d野都有人係咁諗的, 我亦覺得自己一向諗o既野同行o既方向係無錯。

不過, 一向係某d朋友搵人傾偈o既對象o既我, 好多時聽到人講左o既野, 自己會諗到好多野, 會識點解決, 但係點樣做一個聆聽+俾意見o既人方面, 真係麻麻地, 主要係自己o既表達能力並唔能夠將自己諗o既野講到出來, 太多太雜同埋太空泛了...其實我一向都明白, 個個人都係唔同o既個體, 諗野o既方法同角落會唔同; 不過有時真係好想人地明白我o既思想, 好想有人好明白d野...不過, 能力不足。

其實唔好話呢樣野, 究竟我咩野係叻o既呢? 有咩野唔係能力不足?

完

游泳

游水, 對我來講, 實在無咩緣
雖然香港四面都係海, 又多泳池, 但係從來都無機會游
由細到大係屋企都無咩機會去學d咩同玩d咩, 好多野都係大個先自己去學
而游水亦係其中一樣, 到左大個d, 有朋友叫我去游, 又話教我, 我都提唔起勁(馬, 對, 係我衰XDD)

其實我一路都真係想學游水的
呢一期, 終於去左報學, 仲有人陪添~

以前一向都無咩機會落水, 第一次可能係幾年去泰國旅行時, 係酒店去個泳池度落過
果時起碼都証明左一樣野, 就係自己唔怕水, 夠膽睜開眼就咁成個頭浸晒落水入面~
亦都唔怕俾自己飄出泳池中間~

今次學游水, 上左2堂, 第一堂一來就學到點浮, 之後果d野都OK get到
要時間練習同埋實踐下呢~~ 希望可以學得成!

有d friend話咁大年紀好難學識了, 又講左好多好似好難o既野, 但係我唔信, 一定要學到!

另外, 希望遲d可以有每個星期游水, 逢星期五打羽毛球, 星期日打波咁o既運動量啦!

完

我食蕉了

話說上星期二俾條魚骨"kick"係喉嚨度, 過左幾日都仲有d野係度
成日都唔肯定係條骨仲係度定係"損"先覺得有d野

攪到我呢幾日都無咩mood, 成日都覺得有d野纏繞住自己, 好煩 XDDD

攪左幾日, 就係今日o既下午, 發生左一件事:
下午係屋企hea抖, 無咩做, 食完飯食隻蕉
由於呢幾日吞野個喉嚨都係有d唔多順暢, 所以食野俾起平時都咬耐好多, 爛好多
今次食蕉, 用左個好奇怪o既方法食 (有時我食野都會無啦啦奇奇怪怪的XDDD), 好難形容
總之2排牙用一種好機械o既方式同幾快咁開開合合, 而隻手"渣"住隻蕉亦都用一個好穩定而慢o既速度慢慢將隻蕉塞入個口入面, 而個結果就係好似d生產線咁好平均地慢慢將隻蕉食落去, 而d蕉俾d牙磨磨下磨到好似"漿"咁
食食下, 突然有d好唔同o既感覺, "咦? 點解...唔同左o既?" "點解個喉嚨感覺唔同左o既?"
原來不知不覺間, 喉嚨果種唔舒服感覺無左了! 之前唔係損左, 而係條骨仲係度!
而家無左了! 完全無果隻感覺了!
雖然個喉嚨變左都好似仲有其他感覺, 但係應該係有d損, 但係無野頂住了!
好野~~~~!!!
我食蕉了~~~~~~~~

完

頹廢的歌, 頹廢的樂壇

之前都講過, 香港樂壇o既歌手同歌曲水準低落。d歌唔見得好好聽得來d歌手亦唔多係唱得好。
最衰o既係, 又有大量o既"懶"係慘o既歌, 聽到又厭又悶。由早前容祖兒果d開始, 到後尾o既古巨Lay, 再到而家o既側田(仲有一堆九唔搭八的甚麼方力申Stephy...etc), d主打歌都係咁; 聽歌都係想抒發下感情或者開心下, 聽到愈來愈抑鬱, 唔知想點; 最攪野係氾濫到令到d 死o靚妹死o靚仔都懶係慘咁, 愈慘就愈好, 明明不知愁為何物又強說愁, 攪到個個都硬膠晒。

反而最近有返少少生氣, 例如復出o既關心研咁, 今次佢o既歌並唔標榜慘, 亦放棄左之前又係唱到懶慘o既唱腔, 聽落實在係舒服同清新好多~ 希望以後有多d呢d野出來啦~

話返轉頭, 真係要慘要頹廢, 香港同外國o既水準都無得比; 人地d歌詞, 唱功, 歌曲, 難度等等都勁幾皮。
最近練鼓打緊果隻歌, 就係其中之一; 以下:

Creep
by Radiohead

When you were here before
Couldn't look you in the eye
You're just like an angel
Your skin makes me cry
You float like a feather
In a beautiful world
I wish I was special
You're so fucking special

But I'm a creep
I'm a weirdo
What the hell am I doing here?
I don't belong here...

I don't care if it hurts
I want to have control
I want a perfect body
I want a perfect soul
I want you to notice when I'm not around
You're so fucking special
I wish I was special

But I'm a creep
I'm a weirdo
What the hell I'm doing here?
I don't belong here

She's running out again
She's running out
She runs runs runs RUNS~~~~
RUNS~~~~~~~~

Whatever makes you happy
Whatever you want
You're so fucking special
I wish I was special

But I'm a creep
I'm a weirdo
What the hell am I doing here?
I don't belong here
I don't belong here......

大家自己搵來聽下啦...

完

666 之 深喉經驗

今日係06年o既6月6日, 即係666

大家都知666代表d咩野

我唔知其他人有咩經歷, 但係我就認真黑仔

無錯, 被"深喉"果個係我



今日下午食飯, 由於唔想食咁肥, 於是食蒸魚飯(梅菜蒸鯇魚)

不嬲都有食魚, 從來都無發生d咩事

今日居然被條魚骨"浪"左係喉嚨底深處

唔痛但係好辛苦, 成日feel到有d野係喉嚨度

試過吞飯, 飲水, 甚至用手指伸入去扣喉, 好痛苦

但係條死魚骨仍然"浪"左係喉嚨深處

唔上唔落, 究竟幾時先攪得掂呀~!

好痛苦呀~ >__<

完

大日子

剛剛過左去o既星期六同星期日, 發生左都幾多緊要o既事情

3/6, 星期六, 見工
除左幾個星期前見o既一份政府工外, 好~~耐無見過工了。
一早起身, 使左$20, 搭左成個鐘車, 入到去大埔, 就係為左5分鐘o既花火(interview) 一.一"
不過, 我之前果幾個人都係入左去5分鐘島就出返來, interview詳情如下:
入到去坐底
1. 你之前做柏齡係做d咩野架?
2. 你而家做BD又做d咩架?
3. 你之前係柏齡做邊條村呀?
4. 你諗住人工大約幾多呀?
答完, 走得, 等消息 XDDDDDD

見完工返來2點幾睇過信箱無信, 夜晚返屋企諗住星期六下午郵差叔叔唔派信, 所以無再睇信箱~

同日, 熱火歷史性地打入NBA總決賽, 爆冷4-2踢走左乞人憎o既活塞, yeah~~~
同日, 將軍澳一日遊+買左泳褲同幾件衫褲

4/6, 星期日, 64紀念日
同2個朋友出來睇The Da Vinci Code, 可能本身小說OK, 套戲睇落就幾好睇
不過其實可以拍得好d, 個導演功力麻麻, Tom Hanks唔係做得唔好, 而係個角色無得俾佢發揮
另外如果有對歷史同宗教有d認識會知多好多野;

同日, 得知某位朋友正正式式KO
有位朋友考完試, 正正式式近期無咩野可以再考, 輕鬆晒!
同日, 小牛歷史性地打入NBA總決賽, 今年2隊入總決賽o既球隊都係未入過的
我同死黨咁o岩各自支持果隊都入到! 要牙骹戰了!
熱火努力呀!!

同晚, 好戇居地, 返屋企時望一望信箱; 諗住實無野時, 望到有d野~
一開信箱, 收到Lands Department寄來的offer! 雖然人工一樣, 但係可以逃離BD先!
太好了! Yeah~~~~~~~~~~~
轉工~~~~~~~~~~~~!!

完

死忌紀念日

人係唔識得反省o既動物

有幾多人, 由細到大可以錯左野奶過鑊, 但係未試過重蹈覆轍?每個人都會有錯, 亦都好容易會再犯同一錯誤, 但係每次經歷過d野(對也好錯也好)都應該會有所得著。但係現實中, 大部份人都係o岩o岩衰果陣時先會後悔, 慢慢就會忘記左, 跟住又來過。有d人甚至會話:我個人就係咁架啦~無辦法架喎~
你無辦法咁我都無辦法。

大家諗諗, 動物都有學習o既機能, 中過陷阱都會小心d, 但係人呢? 係人類咁多年o既歷史入面, 有幾多錯誤/戰爭/自相殘殺...等等係不斷咁發生? 但係現在又如何?
大家睇睇而家好多人慶祝o既節日: 端午節, 復活節, 情人節, 都係紀念人地o既死忌; 但係大家對呢d日子有咩感覺? 開心? 慶祝? 玩? 放假?
有無諗過背後o既意義? 知唔知點解要紀念?

我只係一個小市民, 歷史/政治唔到我理。咁自己o既人生呢? 點解唔勤力讀書? 點解唔對自己父母好d? 點解當初唔好好地對自己愛o既人? 點解唔做應該做o既事?
點解錯過之後, 會再做錯?

似乎人都係喜歡紀念自己o既失敗, 猶如大家會慶祝人地o既死忌一樣...

完

朋友的感情事件簿

呢排好多朋友, 係感情方面發生左好多事...講開發生緊果d, 都順便講埋一早發生果d啦
放心, 無提名, 無野爆

有一個朋友, 終於拍拖了...經歷左之前o既時間, 試過愛人, 亦試過被愛; 不過最終拍拖o既係新識o既朋友; 不過似乎仲有幾樣野未攪掂: 而家o既女朋友o既果幾個問題點解決呢? 之前某君o既野又點解決呢? 不過, 我相信呢位朋友拍得拖都應該諗過晒! 係呢度, 點都要祝福佢!

另一位朋友, 終於散拖了...(我應該無意會錯掛?)我唔係好知道詳情, 亦都唔係好知道佢地之間發生過o既所有事; 在我來睇, 拖拖拉拉左咁耐, 解決左係一件好事, 反正, 都唔可以補救, 而且亦都唔可以返返好似以前咁...不如早d結束吧? 雖然我都係果種唔主張人分開o既人, 不過去到某d地步, 長痛不如短痛...
我知道呢位朋友一向都好深情同專一, 而且好難好難先放得低一段感情, 又好難先可以投入另一段感情, 不過既然去到而家呢一步, 都希望可以睇開d...而且可以快d遇到+接受新o既一段戀情啦! 你仲有一班好朋友支持你, 有咩事/想出來散心/搵人傾偈, 就搵我地啦!

仲有一位朋友, 相識得唔算耐, 不過都傾得偈, 而且都大概知道佢o既情況...
而家佢係一種好混帳o既狀態中。雖然以前可能受過傷害, 而家2個人明明係中意對方, 但係由於2個人都係多野諗o既人, 於是諗左好多野, 又好多顧慮, 成日係度諗: 如果之後對對方唔夠好會點點點? 如果之後分手又點點點? 其實自己係咪真係咁愛對方? 所以到而家都仲未一齊, 仲係度磨磨磨緊, 又成日係度煩煩煩緊~
其實諗咁多有咩用? 未一齊之前, 好多野都預料唔到o既! 更加無得驚以後會唔會/有幾愛對方! 而家係相愛o既, 就無問題咯? 有咩好怕? 怕o既就一齊之後努力對對方好d, 有咩會解決唔到?
我覺得無咩咁多野好煩, 係中意就中意, 唔中意就唔中意! Just do it!
有做過野而衰左好過無做野衰! 起碼以後唔會後悔自己無做過d咩! 幸福係自己爭取的!

仲仲有一位朋友, 中意左一個拍緊拖o既人。係我朋友識對方時, 對方同佢另一半關係已經麻麻地, 而我朋友同對方亦熟絡得好快。我朋友無刻意做d咩野, 同對方都係保持朋友關係, 亦都唔想撬人牆腳。不過眼見對方同另一半o既關係愈來愈淡, 而同自己又成日會一齊食飯/其他活動, 而且好多野又唔係好避忌, 令到我o既friend覺得應該開始要做d野去追對方。而家雖然唔係好清楚對方心意, 不過從各方面睇, 應該有機會的! 反正對方同另一半都唔多掂了...希望佢成功啦!! 到時唔好有人性無異性就好了 ^o^

值得講o既, 仲有另一位朋友係前排都開始拍拖了, 2個都係成熟o既人, 我諗應該係以長久為前提, 無咩大問題吧? 希望好快見到你地拉埋天窗啦~ 呵呵呵~~

仲有一個朋友, 拍左拖都有4年, 話帶人地出來見人, 過左咁耐都仲未見人, 仲話呢世都唔會俾我見添, 驚我地斷背 XDDDD 又話答應左但係無話幾時, 拖得就拖, 死野~ 真係唔知要幾時先有機會...係咪要擺酒先見到呀喂? 我到時實唔俾多人情, 仲要賺埋張餅card, 呵呵呵~~~

嗯...有一個朋友, 未拍過拖, 到左呢幾年突然特別想拍拖, 想有個人照顧佢/錫佢, 不過好彩佢又唔會亂咁搵一個。就算幾想拍拖都好, 千祈唔好是但搵個呀~~ 自己幸福來o既! 希望你蜜運快臨啦~~

有一個又係混帳o既甲獸, 究竟係咪同人拍拖o既? 係就正正式式拍, 唔好拖住人, 但係又曖曖昧昧咁, 好衰的! 人地係一個好女仔, 唔好害左人呀衰野~~~

其他無提過o既朋友, 拍緊拖o既就祝大家長長久久, 未拍o既就希望大家快d搵到個好o既另一半啦!

係呢度, 特別要提一提
頭先講o既果d朋友們, 有熟有唔熟, 不過我都係知名不具, 連係男係女都無直接講出來~
不過我講果d野, 佢地應該都知道係講緊佢; 如果想回應又唔想比人知, 就匿名+refer返少少野來回應我啦

呢度要講一講, 無拍拖o既呀民仔來緊星期日o既考試努力啦~~~
仲有呀源都努力考試!!

完

六月一日 -- 雜記 (內藏重要資料)

27/5 -- 星期六, long week收工後, 去葵芳, 之後轉車去好耐無去o既屯門睇玩具, 不過最想睇果間雖然無開=.= 無收穫之下返返葵芳, 行完葵涌廣場(無收穫)諗住搭車去深水埔/旺角食晚飯, 係車站撞到Carmen; 之後3個人決定一齊去深水埔食譚仔(係石夾尾有收穫), 之後就返屋企
28/5 -- 星期日, 無做d咩, 係屋企抖, 下午呀Sam來一齊打機~
29/5 -- 星期一, 夜晚唱K, 本來諗住6點幾唱到8點幾之後去上堂, 不過之後當然係無上堂啦...唱到11點半島就走人
30/5 -- 星期二, 之前果晚又訓唔到, 好累之下請左病假, 同日Lands打來問我有offer做唔做, 另外一間prop man公司打來叫我星期六見工, 似乎我轉工有一線曙光了~ 果日下午去左寶琳新都城行左轉, 之後去坑口拿左張信用card, 第一次試南豐o既foodcourt, 之後就返企抖了~
31/5 -- 星期三, 端午節假期, 訓到黃朝白晏, 中午食粽, 下午過調景嶺見某一位朋友, 個女好可愛呀~ 不過好怕羞~ 呵呵呵~~ 同日得知某朋友發生左d唔高興o既野...星期四晚睇戲(Da Vinci Code)取消
1/6 -- 星期四, 返工, 新同事原來本來轉SO再轉BSO...所以6月中先走, 係一件好事, 不過到時可能我都走了~ 好耐無食過好好味o既快富街早餐~ 不枉專登早起身去食~ ^o^ 今日亦得知某朋友拍拖了~~

完

人言可畏

人係一樣好無聊同八卦o既生物, 不論男女, 一食飽飯無事做就會係度講人是非。

本身識好多朋友, 有時係同一個大圈子入面都會識幾個唔同小圈o既朋友。好多時一齊食飯, 活動, 總有d時間係講下其他朋友/同事o既野。有時聽到佢地講o既野, 真係好膚淺... 佢地有時見到一d好表面o既野, 就會有好多自己覺得好理所當然o既猜測, 之後一路推落去, 愈估愈多...從來無諗過一件事係有好多可能性。有時, 有d人又會將某d野標籤左, 見到某d人做過d咩/個樣似咩/平時態度點...等等, 就會有好多野講/猜測, 但係我覺得好多好可能同事實完全係唔同o既...(例如一男一女friend d就一定有野, 見到佢地去街就話拍拖; 個人生得樣衰就更加係"錯", 一定會將所有有關佢o既野諗去衰果邊...等等)

連普通人都係咁, 又難怪d八卦雜誌作野作得咁勁。最好笑o既係, 有時有d被講緊o既人, 其實我都識o既, 我知道事實跟本就唔係咁...聽到真係啼笑皆非。不過, 作為資訊o既收集處, 我係唔會隨便流放資訊出去, 並唔係因為我唔八卦, 而係我本身o既原則來。亦都廢事d野愈描愈黑, 或者又惹來唔同o既猜測。

最得人驚o既, 反而唔係作野。好多時見有d人係背後講左好多人地o既野, 到到係對方面前又扮晒friend, 真係好嘔心。我o既意思並唔係話要反面, 或者好明顯唔妥對方, 做人一定要圓滑的, 但係我所見o既係"稱兄道弟"(或者姊姊相稱), 真係好核突。明明背後講到對方幾咁差, d演技真係好到不得了。

請恕我直接, 我不嬲o岩就o岩, 唔o岩就唔o岩的, 除非係逼不得已。呢個世界上係有d唔圓滑o既人, 我覺得我對我喜歡的朋友們好就夠了。好彩, 我覺得係真係朋友(唔係相識/同學/同事)果d, 都唔多係咁o既人...而且我識o既朋友(或者熟到o既)都係d直接而可愛o既人。(當我當左某d同學/同事係朋友時, 就會叫"朋友", 而唔係同學/同事了)

唔知有幾多"朋友"又係我背後講過我d咩呢?

p.s. 話我好我又唔介意呀, 哇卡卡
p.s.2 呢篇野並唔係因為知道有咩人係背後話我而寫的(更加唔好諗呢句係此地無銀...)

完

五月二十六日 -- 雜記

1. 星期一學鼓, 教完"賣Love賣Fate", 教林曉培o既"娃娃愛天下", 首歌當然正, 而且打落好有feel, 而且第一次打已經打到了, 唔太難呀~ 不過成首歌有一個位幾難, 要練下先得
2. 星期二, 五月之星, 土瓜灣果間食, 無咩特別野講; d野好食+食唔晒(有一個人來唔到), 傾偈傾得幾開心, 仲見到廣播劇呀Sir添
3. 星期三, 無特別
4. 星期四, 收工難得約齊屋企人去坑口"合時"食飯, 最難得係叫到老豆出來食, d野OK呀~
5. 星期五, 今晚同Mak佢地班人補返呀Mak生日
6. 呢個星期有三日出site
7. Z高達II 落左畫, 去唔到戲院睇了...III 都唔會去睇了
8. 有d真係未必砌o既模型, 要執一執拿出來賣左去了...
9. 下星期一, 去唱好耐無唱過o既K, 不過呀A來唔到

完

"我來過，我很乖"

八歲女童的墓誌銘：我來過，我很乖

看到後非常感動，希望能讓大家都看到，所以在這裡轉載。

看完後,很想哭......

無奈的父親

有一個美麗的小女孩，她的名字叫做佘艷，她有一雙亮晶晶的大眼睛，她有一顆透亮的童心。她是一個孤兒，她在這個世界上只活了8年，她留在這個世界上最後的話是"我來過我很乖"。她希望死在秋天，纖瘦的身體就像一朵花自然開謝的過程。

在遍地黃花堆積，落葉空中旋舞時候，她會看見橫空遠行雁兒們。她自願放棄治療，把全世界華人捐給她的54萬元救命錢分成了7份，把生命當成希望的蛋糕分別給了7個正徘徊在生死線的小朋友。

我自願放棄治療

她一出生就不知親生父母，她只有收養她的"爸爸"。

1996年11月30日，那是當年農曆10月20日，因為"爸爸"佘仕友在永興鎮沈家衝一座小橋旁的草叢中發現被凍得奄奄一息的這個新生嬰兒時，發現她的胸口處插著一張小紙片，上面寫著："10月20日晚上12點。"

家住四川省雙流縣三星鎮雲崖村二組的佘仕友當時30歲，因為家裏窮一直找不到對象，如果要收養這個孩子，恐怕就更沒人願意嫁進家門了。看著懷中小貓一樣嚶嚶哭泣的嬰兒，佘仕友幾次放下又抱起，轉身走又回頭，這個小生命已經渾身冰冷哭聲微弱，再沒人管只怕隨時就沒命了！咬咬牙，他再次抱起嬰兒，嘆了一口氣："我吃什麼，你就跟我吃什麼吧。"

佘仕友給孩子取名叫佘艷，因為她是秋天豐收季節出生的孩子。單身漢當起了爸爸，沒有母乳，也買不起奶粉，就只好喂米湯，所以佘艷從小體弱多病，但是非常乖巧懂事。春去春又回，如同苦藤上的一朵小花，佘艷一天天長大了，出奇得聰明乖巧，鄉鄰都說撿來的娃娃智商高，都喜歡她。儘管從小就多病，在爸爸的擔驚受怕中，佘艷慢慢地長大了。

命苦的孩子的確不一般，從5歲起，她就懂得幫爸爸分擔家務，洗衣、煮飯、割草她樣樣做得好，她知道自己跟別家的孩子不一樣，別家的孩子有爸爸有媽媽，自己的家裏只有她和爸爸，這個家得靠她和爸爸一起來支撐，她要很乖很乖，不讓爸爸多一點點憂心生一點點氣。

上小學了，佘艷知道自己要好學上進要考第一名，不識字的爸爸在村裏也會臉上有光，她從沒讓爸爸失望過。她給爸爸唱歌，把學校裏發生的趣事一樣一樣講給爸爸聽，把獲得的每一朵小紅花仔仔細細貼在墻上，偶爾還會調皮地出道題目考倒爸爸……

每當看到爸爸臉上的笑容，她會暗自滿足："雖然不能像別的孩子一樣也有媽媽，但是能跟爸爸這樣快樂地生活下去，也很幸福了。"

2005年5月開始，她經常流鼻血。有一天早晨，佘艷正欲洗臉，突然發現一盆清水變得紅紅的，一看，是鼻子裏的血正向下滴，不管採用什麼措施，都止不住。實在沒辦法，佘仕友帶她去鄉衛生院打針，可小小的針眼也出血不止，她的腿上還出現大量"紅點點"，醫生說，"趕快到大醫院去看！"來到成都大醫院，可正值會診高峰，她排不上輪次。獨自坐在長椅上按住鼻子，鼻血像兩條線直往下掉，染紅了地板。他覺得不好意思，只好端起一個便盆接血，不到10分鐘，盆子裏的血就盛了一半。

醫生見狀，連忙帶孩子去檢查。檢查後，醫生馬上給他開了病危通知單。他得了"急性白血病"！

這種病的醫療費是非常昂貴的，費用一般需要30萬元！佘仕友懵了。看著病床上的女兒，他沒法想太多，他只有一個念頭：救女兒！借遍了親戚朋友，東拼西湊的錢不過杯水車薪，距離30萬實在太遠，他決定賣掉家裏唯一還能換錢的土坯房。可是因為房子太過破舊，一時找不到買主。

看著父親那雙憂鬱的眼睛和日漸消瘦的臉，佘艷總有一種酸楚的感覺。一次，佘艷拉著爸爸的手，話還未出口眼淚卻冒了出來："爸爸，我想死……"

父親一雙驚愕的眼睛看著她："你才8歲，為啥要死？"

"我是撿來的娃娃，大家都說我命賤，害不起這病，讓我出院吧……"

6月18日，8歲的佘艷代替不識字的爸爸，在自己的病歷本上一筆一畫地簽字：

"自願放棄對佘艷的治療。"

8歲女孩乖巧安排後事

當天回家後，從小到大沒有跟爸爸提過任何要求的佘艷，這時向爸爸提出兩個要求：她想穿一件新衣服，再照一張相片，她對爸爸解釋說："以後我不在了，如果你想我了，就可以看看照片上的我。"

第二天，爸爸叫上姑姑陪著佘艷來到鎮上，花30元給佘艷買了兩套新衣服，佘艷自己選了一套粉紅色的短袖短褲，姑姑給她選了一套白色紅點的裙子，她試穿上身就捨不得脫下來。三人來到照相館，佘艷穿著粉紅色的新衣服，雙手比著V字手勢，努力地微笑，最後還是忍不住掉下淚來。

她已經不能上學了，她長時間背著書包站在村前的小路上，目光總是濕漉漉的。

如果不是《成都晚報》的一個叫傅艷的記者，佘艷將像一片悄然滑落的樹葉一樣，靜靜地從風中飄下來。

記者阿姨從醫院方面得知了情況，寫了一篇報道，詳盡敘說佘艷的故事。旋即，《8歲女孩乖巧安排後事》的故事在蓉城傳開了，成都被感動了，互聯網也被感動了，無數市民為這位可憐的女孩心痛不已，從成都到全國乃至全世界，現實世界與互聯網空間聯動，所有愛心人士開始為這個弱小的生命捐款，"和諧社會"成為每個人心中的最強音。短短10天時間，來自全球華人捐助的善款就已經超過56萬元，手術費用足夠了，小佘艷的生命之火被大家的愛心再次點燃！宣佈募捐活動結束之後，仍然源源不斷收到全球各地的捐款。所有的錢都到位了，醫生也儘自己最大努力，一個接一個的治療難關也如願地一一闖過！大家沉著地微笑著等待成功的那一天！有網友如是寫道：

"佘艷，我親愛的孩子！我希望你能健康的離開醫院；我祈禱你能順利的回到學校；我盼望你能平安的長大成人；我幻想我能高興的陪你出嫁。佘艷，我親愛的孩子……"

6月21日，放棄治療回家等待死神的佘艷被重新接到成都，住進了市兒童醫院。

錢有了，卑微的生命有了延續下去的希望和理由。

佘艷接受了難以忍受的化療。玻璃門內，佘艷躺在病床上輸液，床頭旁邊放著一把椅子，椅子上放一個塑膠盆，她不時要側身嘔吐。小女孩的堅強令所有人吃驚。

她的主治醫生徐鳴介紹，化療階段胃腸道反應強烈，佘艷剛開始時經常一吐就是大半盆，可她
"連吭都沒吭一聲"。剛入院時做骨髓穿刺檢查，針頭從胸骨刺入，她"沒哭，沒
叫，眼淚都沒流，動都不動一下"。

佘艷從出生到死亡，沒有得到一絲母愛的關照。當徐鳴醫生提出："佘艷，給我當女兒吧！"佘艷眼睛一閃，淚珠兒一下就涌了出來。第二天，當徐鳴醫生來到她床前的時候，佘艷竟羞羞答答地叫了一聲："徐媽媽。"徐鳴開始一愣，繼而笑逐顏開，甜甜地回了一聲："女兒乖。"

所有的人都期待奇跡發生，所有的人都在盼望佘艷重生的那一刻。很多市民來到醫院看望佘艷，網上很多網民都在問候這位可憐的孩子，她的生命讓陌生的世界撒滿了光明。

那段時間，病房裏堆滿了鮮花和水果，到處瀰漫著醉人的芬芳。

兩個月化療，佘艷陸續闖過了9次"鬼門關"，感染性休克、敗血症、溶血、消化道大出血……每次都逢凶化吉。由省內甚至國內權威兒童血液病專家共同會診確定的化療方案，效果很好，"白血病"本身已經被完全控制了！所有人都在企盼著佘艷康復的好消息。

但是，化療藥物使用後可能引起的並發癥非常可怕。而與別的很多白血病孩子比較，佘艷的體質差很多。經此手術後她的體質更差了。

8月20日清晨，她問傅艷："阿姨，你告訴我，他們為什麼要給我捐款？"

"因為，他們都是善良人。"

"阿姨，我也做善良人。"

"你自然是善良人。善良的人要相互幫助，就會變得更加善良。"

佘艷從枕頭下摸出一個數學作業本，遞給傅艷："阿姨，這是我的遺書……"

傅艷大驚，連忙打開一看，果然是小佘艷安排的後事。這是一個年僅8歲的垂危孩子，趴在病床上用鉛筆寫了三頁紙的《遺書》。由於孩子太小，有些字還不會寫，且有個別錯別字。看得出整篇文章並不是一氣呵成寫完的，分成了六段。開頭是"傅艷阿姨"，結尾是"傅艷阿姨再見"，整篇文章"傅艷阿姨"或"傅阿姨"共出現7次，還有9次簡稱記者為"阿姨"。這16個稱呼後面，全部是關於她離世後的"拜託"，以及她想通過記者向全社會關心她的人表達"感謝"與"再見"。

"阿姨再見，我們在夢中見。傅艷阿姨，我爸爸房子要垮了。爸爸不要生氣，不要跳樓。傅阿姨你要看好我爸爸。阿姨，醫我的錢給我們學校一點點，多謝阿姨給紅十字會會長說。我死後，把剩下的錢給那些和我一樣病的人，讓他們的病好起來……"

這封遺書，讓傅艷看得淚流滿面，泣不成聲。

我來過，我很乖

8月22日，由於消化道出血，幾乎一個月不能吃東西而靠輸液支撐的佘艷，第一次"偷吃東西"，她掰了一塊方便麵塞進嘴裏。很快消化道出血加重，醫生護士緊急給她輸血、輸液……看著佘艷腹痛難忍、痛苦不堪的樣子，醫生護士都哭了，大家都願意幫她分擔痛苦，可是，想盡各種辦法還是無濟於!
事。

8歲的小佘艷終於遠離病魔的摧殘，安詳離去。

所有人都無法接受這個事實：那個美麗如詩、純凈如水的"小仙女"真的去了另一個世界嗎？記者傅艷撫摸著佘艷漸漸冰冷的小臉，泣不成聲，再也不能叫他阿姨了，再也不能笑出聲來了……

四川線上，網易等網站沉浸在淚海裏，互聯網被淚水打濕透了，"心痛到不能呼吸"。每個網站的消息帖子下面都有上萬條跟帖，花圈如山，悼詞似海，一位中年男士喃喃低語："孩子，你本來就是天上的小天使，張開小翅膀，乖乖地飛吧……"

8月26日，她的葬禮在小雨中舉行，成都市東郊殯儀館火化大廳內外站滿了熱淚盈眶的市民。他們都是8歲女孩佘艷素不相識的"爸爸媽媽"。為了讓這個一出生就被遺棄、患白血病後自願放棄自己的女孩，最後離去時不至於太孤單，來自四面八方的"爸爸媽媽們"默默地冒雨前來送行。

她墓地有她一張笑吟吟的照片，碑文正面上方寫著："我來過，我很乖(1996.11.30.--2005.8.22)"

後面刻著關於佘艷身世的簡單介紹，最後兩句是："在她有生之年，感受到了人世的溫暖。小姑娘請安息，天堂有你更美麗。"

遵照小佘艷的遺願，把剩下的54萬元醫療費當成生命的饋贈留給其他患白血病的孩子。這7個孩子分別是楊心琳、徐黎、黃志強、劉靈璐、張雨婕、高健、王傑。

這七個可憐的孩子，年齡最大的19歲，最小的! 只有2歲，都是家境非常困難，掙紮在死亡線上的貧困子弟。

9月24日，第一個接受佘艷生命饋贈的女孩徐黎在華西醫大成功進行手術後，她蒼白的臉上挂上了一絲微笑："我接受了你生命贈與，謝謝佘艷妹妹，你一定在天堂看著我們。請你放心，以後我們的墓碑上照樣刻著：我來過，我很乖……"

發發發牢騷

我要走! 我要離開呢個地獄!

而家返緊工呢度, 本身已經唔係好做,個section都算忙o既,
之前仲要同班垃圾公務員一齊減人工, 同工不同酬愈差愈遠
又唔係長工, 前途又無, 人工又唔係高

都算啦

前排同我同一組o既同事走左, 我一個人做2個人野,
有時老細放2個星期假, 就要做3個人野
上星期仲有日11點pm先收得工

咩都要我做晒, 個senior又麻"咇"煩, 少少野都要改來改去, 又驚死
為左自己方便少少, 就要人做好多麻煩功夫
d投訴o既人又硬膠, 識少少扮晒代表, d語氣又乞人憎
好想打鑊佢地, 不知幾想係電話串到佢地口啞啞

捱左個幾月, 上星期終於有個新人來幫手, 諗住好d啦
點知o岩o岩收到消息, 個新人要走了! 轉post做SO, personnel有無病?! 有無溝通架?!
又得返我一個做!
點做?!?!

願我之前見果份工請我
我要走! 我要離開呢個地獄!

世界杯完結前, 我一定要離開呢度!

完

劇 -- 野鴨 (The Wild Duck)

星期四晚睇左套舞台劇, 圈圈老師有份做, 所以去捧場。
事前, 圈圈話會做差唔多3個鐘, 又話會好悶, 結果呢...

呢個劇係十九世紀o既文壇巨人 - 易卜生 o既大作之一, 係睇之前我無去專登搵資料, 係睇完之後先再睇的。
劇入面o既劇情, 對白同人物都有好多都帶象徵意義, 透過呢個劇帶出左好多人生/人性o既野, 但係(起碼我自己覺得)又唔會好深奧好文藝, 幾有意思。至於個故事方面(唔諗住係度講了, 有興趣上網search, 好易搵), 劇情都幾牽引到我, 而且個flow一路落去都合理。我上網睇返英文版(可能有幾個唔同version), 發覺今次睇呢個中文版o既翻譯, 正如導演所講都跟得好足(得覺得譯得唔錯了, 起碼有d深層o既o既意義係中文都感受到), 舞台/燈光/服飾/各樣安排都好唔錯呢~~

演出方面, 大部份o既演員都做得好唔錯呢(圈圈都OK呀), 不過果2個男主角我就覺得麻麻地, 原因唔係佢地做得唔好, 而係佢地o既戲份係最難做, 最多對白同埋最緊要o既, 再加上可能驚太長太冗o既關係, 佢地d對白去得好快, 有時d中間interaction位太少...好唔舒服, 撇開難唔難o既關係, 覺得2個男主角(尤其係希瑪艾道)做得無咩味道。

呢套戲帶俾我好深o既感受。第一, 佢入面講o既幾個唔同種類o既人o既諗法同人生觀, 都係我好明白o既(係明白, 而唔係認同), 而帶出來o既信息, 我都好明白。第二, 就係我身邊有幾個人, 同劇中人物好相似; 並唔係話佢地o既經歷或者人生觀似, 而係佢地o既"思考方式"同埋"執著"好相似, 我覺得如果佢地去睇, 一定有所得著, 或者可能有所改變, 雖然無咩可能...

總的來講, 我覺得係一個好o既演出來o既, 而且一d都唔覺得悶呢!

p.s.
1. 全場我諗我係唯一一個無笑過o既人, 不過有幾個位好多人都笑同拍手了; 我從來都唔會覺得一d可悲/無知o既野係好笑
2. 入場時發現之前另一個話劇老師Jason都有入場睇
3. 睇緊時都係有d人做滋擾性o既野, 好彩唔多...

完

五月二十一日 -- 雜記

1. 今日係呀Sam生日, 生日快樂呢~
2. 呢排都係忙+極累, 所以個blog update得好慢
3. 17/5, 星期三, 仲返緊工司時(遲左少少), 打來話有黃紙(緊急野), 返到公司即刻出site, 11點幾時收工, 12點先返到去...當晚睇埋波添
4. 18/5, 星期四, 原訂同Carmen and William一齊去文化中心睇"野鴨", 點知William唔得閒唔來得, 張飛唯有臨時叫呀娟來睇~
5. 19/5, 諗過收工去睇Z II, 不過呀強話下星期先, 加上自己又累, 所以返屋企抖...
6. 20/5, 同呀哥去深圳和一班人參加活動, 都有5-60人, 係沙灘玩團體遊戲, 見大家都玩得好開心呢~ 不過我負責幫手而已, 本來個人都累, 更累呢~=.= 大型活動散左之後, 佢地有十幾個人(熟果堆)過夜通宵玩, 都有叫埋我, 不過我食完晚飯就返HK了~ 其實都幾想同佢地一齊玩呢, 幾好玩呀~ (雖然同佢地唔熟)
7. 係沙灘見到幾隻汪, 都好乖同幾好玩呢~~ 有一隻汪俾主人用沙埋剩個頭都唔郁, 好乖呢~~ 活動有參加者帶埋隻汪來, 我都有玩呢~~ (最衰無同最大隻果隻玩~~ >.<)
8. 個沙灘好大好靚, HK果d矛得比啦~
9. 21/5, 星期日, 抖, 矛波打, 落大雨
10. 來緊星期二係每月之星聚會了~~

完

颱風"真豬"對我o既影響 =.=

1. 打風落雨返工好麻煩
2. 葵涌貨櫃碼頭路葵順工業中心o既一幅大約80m x 40m的棚架倒塌, 幸好無傷到車/人, 不過我同老細一返到公司就要出去...出到去基本上都無咩可以做, 間工業中心本身有AP有contractor, 佢地自己會做野, 我同老細基本上就係係風雨之中影幾張相, 之後就係等等等, 等佢拆完棚解返封路就走人。話就好易, 不過好好好悶同好好好無聊, 係個管理處度畫公仔...等到6點幾都未拆完, senior來左, 叫我地留一個係度陪佢, 我當然叫我老細返屋企先啦...之後單野一波三折之下, 攪到11pm先攪掂; 同senior一齊o既時間仲唔坐, 係街度企足幾粒鐘添...累死人...
3. 過程中, 見識到d人操作d大型吊臂十分之極度靈活, 諗起"機械人"係有可能的...
4. lunch同dinner都唔使俾錢, 不過我寧願無呢件事咯
5. 走時同senior同一條路(MTR 葵芳-->藍田)...
6. 第二日早上要出site, 因此而唔使我出, 老細同新同事出
7. 第二日逢旨遲到, 亦都因為咁, 睇左下半場o既巴塞對阿仙奴, 都幾好睇呀~
8. 第二日都唔係極遲...10點島姐

完