八月十四日 -- 雜記

1. 之前都講過, 原本諗住開個篇寫公司d野, 但係都係無心機, 係度草草講下啦。而家我係地政處o既啟德果team做, 啟德team咁o岩係其中最最忙o既一早, 不過好彩我都唔係怕忙怕多野做o既人, 返工o既時間過得好快, 不過收工後個人覺得累好多(精神累)。以前5點零收工o既日子過去了。雖然比起私人公司係幸福好多, 但係係政府做, 平均要做到6點幾7點(仲要唔係老細級), 見到office其他人5點幾就開始走, 都係有d不爽XDDD。好彩而家係返5 Day, 好開心。
舊老細resign左, 11/8 last day走左了。佢係一個好人, 只不過個性格係慣左cool, 做人又極之嚴謹, 令到某d人覺得佢好harsh。Under佢實在係幾大壓力, 而且由於佢實在太勁(佢做呢個位應該係極度underpaid的), 即使我draft的memo, circulation, document甚至minute, 係意思同grammar都無錯, 佢都可以改好多野(佢d英文實在用得好老練, 既formal又準確)。雖然大壓力, 不過可以學到野。新老細來左一個星期, 佢從來未做過政府o既工, 唔係好知個flow係點行, 而且啟德實在係太多野, 佢來左一個星期, 一定take up唔晒(我做左一個月都未啦), 而家我地2個相依為命, 唯有慢慢摸索…
至於份工, 係我做過呢幾份最唔o岩我做的。之前做物業管理話就話做維修睇工程, 但係其實最緊要係對人: 房客, OC, contractor, 房署, 老細…etc, 做埋customer service, 雖然好多人覺得又煩又難做, 但係我反而handle到又做得開開心心。係BD 做o既野雖則係政府野, 又係執法部門, 但係其實好多野都係好睇情況, 自由度都大, 好case by case, 而且亦都要對人。而家呢份就十分死板, 樣樣野都要跟得好足個流程(政府d野又特別煩), 仲要極度極度極度細心(開正我死穴), 連d字眼一隻半隻都要執得好準, 好累人呢~ 不過做開又唔會咁快就話走o既, 係度做o既野同之前完全唔同, 學下野先啦。
2. 今個星期開始逢星期二游水, 係觀塘泳池, 鐵膽得我同民仔, 話左唔使OT就會來o既有呀S, 呀哥同呀源。其餘所有人都係free to walk in, 邊個有興趣聯絡我啦。
3. 返左一個月工, 由於收工累, 所以都無攪d咩活動, 係間唔時同朋友食下飯, 補充下個精神值。如果唔不時同朋友聚一聚, 傾下偈, 個精神值真係會好低。不過識左LOBO之後, 差唔多個個禮拜都會有美食聚會, 可以知多d有好野食o既地方, 都幾好呢, 之後可以同其他朋友去。
4. 上星期三同舊老細farewell食晚飯, 我個位o既上幾手同新舊老細一齊食。去左銅鑼灣廣場o既”南翔”。D野食OK啦(舊老細請我地), 過程都有傾有講o既…
5. 星期五同2個朋友(BD同事)食晚飯(Connie & Martin), 去左星期三”因為要同老細食飯而去唔到o既LOBO美食聚會”o既地方。係佐敦(我公司行去好近下)食龍躉。價錢唔算貴, 不過由於某個朋友講得唔太清楚, 所以叫左d野來唔夠食, 3個人(包括唔大食o既Connie)都唔夠食, 仲要事後先知原來係蒸o既果味龍躉先係推介(我地叫左炆), 蝕左添。(碟炸子雞都幾好食, 壽包都唔錯, 怕甜o既我都覺得OK)。食完之後由於唔多夠, 大家再去食糖水, 食下傾下就散了, 3個人慢慢行去尖咀(Connie有下場, 同Carmen Jessie飲野, 我同Martin仲路過say hi添), 最後同馬生去新港果面各自搭車返屋企。同朋友聚下舊食下飯真高興呢~~
同日, 呀S同Mandy加入左California, 做Gym虫。另外亦得知原來民仔唔聲唔聲一早就做左會員, 仲要好dum本做永久會員(聽另一永久會員呀Sam講要皮幾野)。
6. 星期六, 原本而家同事攪活動去濕地公園, 點知攪下攪下無下文, 諗住反正都係有活動, 呢邊去唔到, 就去深圳啦。約左KTG同埋另外幾個friends, 上到去都係飲飲食食唱埋K, 幾悠閒, 無之前幾次上去咁累。終於都唱到幾首學左好耐o既合唱歌, 我其他朋友一係唔識唱, 一係唱唔到, 所以有得同人唱到好滿足。夜晚去KTG介紹o既”酋長”食晚飯, 好特別! 食類似燒烤o既野, 但係有好多種類, 多過巴西燒烤, 而且坐係自己位度就得, 一班服務員(每個都拿住唔同野)會不停咁成間餐廳逐張台走埋來問要唔要, 唔使自己走出去拿野食。至於燒烤以外o既野, 就有一張好大o既台係外面, 有好多其他普通熟食同生果, 呢d就要自己去拿啦。總括來講, D野食得, 環境特別得來又舒服, 服務仲好好, 幾廿蚊任食, 實在係值得推介! 下次同其他朋友去要推下先得! 食完晚飯就返歸, 返到來得知原來濕地公園成行, 好彩一早通知左同事(係我未知成行之前)話唔join了。
同日, 呀哥去左我介紹o既一間中醫同一間推拿(都係我身邊有人去過而且極得o既!), 唔知係咪真係咁掂, 時間証明一切。
7. 星期日, 抖。
8. 星期一, 又返工了…

完

狠批一班無聊為情自傷的人

事先聲明, 我對我唔識o既人做咩野全無興趣, 佢地要發傻發癲都唔關我事, 亦都唔會可憐。不過如果有我唔識人睇左覺得有些少幫助o既, 無任歡迎。
係呢度我並唔係想講一兩個人, 而係我識o既一堆唔同圈子o既人, 所以唔好對號。

我好明白, 人係有感情o既動物。除左食飯訓覺大小二便之外, 人都需要精神上o既慰藉。而精神o既需要人人唔同, 有d人需耍事業帶來o既成功感, 有d人喜歡站在台上受萬人歡呼o既感覺, 有d人喜歡挑戰極限以提昇自己為榮, 有d人就以信仰為精神寄託, 但係除此之外, 有更多人(或包括剛才講過果d)需要人關心, 需要人o既”愛”。因此, 我並唔會係度講”有手有腳有飯食有地方住已經好幸福啦”(雖然我覺得係!)。我只係講返大家最在意o既”人生/生活” 同”戀愛/情傷”。

撇除晒果堆無父無母無手無腳失明失聰身有殘缺活在戰火恐懼當中o既人唔計(還不夠嗎?), 你地仍然不足為”慘”。”感情”, “感覺”係好重要, 但係真係大晒嗎?
即使真係大晒, 但係你地所謂o既”愛”有幾深有幾真? 對方真係如此重要? 現在係, 過多十年你能否仍然有如此”激情”? 呢樣野最多2-3年而已! 多年後回想起仍然會有很大的感覺嗎? 當一起生活後所浮出來o既問題又有無諗過? 真係因為”愛”就可以堅持所有野嗎? 我第一個唔信!
又或, 明明對方係一個唔值得愛o既人, 或者係一個對你完全無感覺o既人, 自己覺得有”feel”就堅持嗎? 有咩作用? 純粹要旁人覺得你癡情專一嗎? 要旁人可憐你嗎? 唔會! 人家心目中只覺得你無聊兼晒時間!
大家覺得自己果d真係愛嗎? 我覺得有一部份人(不是全部, 但如果大家都歸自己為不是那類, 我無話可說)只是”硬頸”和”覺得唔抵”而已。將這種思緒正當化, 便覺得是”愛”, 覺得不對不在自己, 自己很”慘”。
講慘, 我識(唔係睇書睇電視, 係真係識)大把人係呢方面更慘。要我數嗎? 有從少拍拖拍左7-8年因為有第三者分手(仲要我個朋友係男仔); 更有個朋友結婚十幾年有埋仔女, 但係因為外遇離婚, 頓失依靠同經濟支柱, 仲要獨力養2個細路(sorry搬左妳出來)。雖然仍然都係唔開心, 但係都可以振作起來, 努力向前; 但係你地班人少少野就喊苦喊忽, 算係老幾? 算係什麼東西?

人真的很了解自己嗎? 我覺得很多人都被”自己希望自己是什麼性格”的表層意識影響了。經常覺得自己是怎樣, 慢慢地自己便變得真的是這樣。什麼星座性格, 生肖, 睇相…等等, 只是影響了你自己而令以後產生改變(當然, 我係講坊間大部份都係無料到的, 真正的東西方術數我也覺得可信)。尤其近年各大傳媒, 書籍, 歌曲等等都標榜”慘” (其實連金庸小說內的主角, 很多時都以慘的經歷來引起讀者共鳴), 使人覺得如果自己不能很快樂, 不如便”慘”, 慘會使人可憐, 即使不可憐你也不會睇低你, 覺得你有錯也情有可原, 很淒美。對不起, 我不會。

戀愛真的大過天嗎? 真的那麼慘嗎? 要天天以淚洗面嗎? 食唔落飯嗎? 每晚發夢夢見他嗎? 人生真的那麼灰暗嗎? 真的什麼也沒有嗎? 不!!!! 只不過不能和所愛的人相愛罷了。父母呢? 兄弟姊姊呢? 朋友呢? 無人關心你了嗎? 你一個人發傻便令那麼多人擔心, 那樣便好嗎? 父母兄弟親戚朋友未必了解你, 但不了解不代表不關心! 只為了一個人便可以不理全世界的感受嗎? 忽視了自己所擁有o既野嗎?

覺得自己有所不足, 便要去”做”, 去”改變”! 放工無聊便去進修或去興趣班, 身體不太好就去求醫, 覺得自己性格某方面有問題使去改, 常常掛在口邊說”自己是這樣的了, 好難改的”, 但又不去行動, 根本就不會有所改變! 自己認識社工, 聽過心理醫生的說話, 也看過很多有關書籍; 有一位社工說: 人要改變自己, 是沒有人幫到的, 一定要自己”愿意”, willing to改變, 其他人才可從旁扶一把, 自己”批死自己唔得”, 就沒有改變的餘地。要在短時間內放開, 看淡一切當然困難, 但絕對不可將自己困在一個又一個框框裡, 鑽牛角尖, 愈來愈向著極端走。

沒有深思隨意便野出來, 結構可能散亂, 但希望大家認真諗諗, 希望對你地有些少幫助。接受唔到o既就算罷。我要講o既野差唔多係咁多了。

完

轉貼: 深雪 : 娶你為妻的秘笈 + 深 雪 : 娶你不娶你？

也許你也讀過《Why Men Love Bitches》這本戀愛秘笈，現在，同一位作者，Sherry Argov寫了一本更勁的女性攻略讀本─《Why Men Marry Bitches》。

一看書名就知勁，也果然，內容非常有見地，眾女士必能從中學曉幾招。顧名思義，此書以擄獵男人當上堂老襯為目的，一切朝結婚為目標。


如此偉大的題目，我打算分兩日介紹。首先，作者指出，女人若要男人娶她，就要在拍拖初期讓男人無壓力，要是你一開始拍拖，就擺出一個非要對方娶你不可的姿態，他就一定對你有所防範。


好了，到已進入熱戀階段時，女人要留意性愛上的態度。皆因，世上男人都只想娶正經女人，所以，女人平日的衣不可以太暴露，而在床上的表現，更加要留神。


男人，都有迷戀處女的情意結，於是，女人的表現愈清純，就愈能讓男人萌生結婚的念頭。那麼，請由內衣的風格開始注意，最初幾次的性愛，女人最好穿清純一些的內衣，要是真的很想穿性感內衣，就最好製造機會讓他知道，這套內衣是你專程為他而買的。男人很怕看見女人穿前度男友也看過的性感內衣，他會為此而反感。女人必須知道，男人只想娶一個絕對屬於他的女人。


床上表現適宜被動，切忌十八般武藝，不要表現得太老練。在最初幾次的性愛前，如果男人忘記帶避孕套，女人千萬不要在自己家中供應給他。整件事的要點是，讓他覺得你是好女人，不要引誘他，應讓他全權作主導。


要他娶你還須留意甚麼？留待明天再續。


緊接昨天的分析，你倆已經同居了，他還會想娶你嗎？《Why Men Marry Bitches》的作者Sherry Argov提出了一個重點：縱然你們已同床共枕，但你要令他依然有興趣繼續追捕你。

首先，不要讓這個男人佔你便宜。例如，若然他一回家就發你脾氣，你就要找機會出外走走避開他，並告訴他，雖然你明白他有多難受，但你希望他在你回家後已能冷靜下來。


他出外公幹數天也不致電給你嗎？你就要盡找機會與女朋友們逛街，當他終於致電給你了，你不妨不聽他的電話。這為了令他知道你也有你的生活，你不是他可以隨便丟低一旁的。


你的EQ要高，並間中製造一些機會讓他緊張你，而不是只有你會去緊他。


另外，如果他是有錢人，你要表現出你不貪他的錢，你一定要有份工作，這讓他尊重你。另一方面，無論他買甚麼送給你，你都要表現得快樂和感激，這讓他覺得，他能帶給你幸福。


好了，你們已同居兩年了，你已非常想結婚，可以怎樣做？你可以與他認真講清楚，你希望結婚，要是他諸多藉口，你就要從那一刻開始大幅度減少與他一起的時間。你加班又好、進修或是旅行都好，總之，讓他明白，要是大家不能結婚，你就會愈走愈遠。當他害怕失去你時，可能就會求婚。


要是他不求婚？你乾脆說分手，然後間中見一見他。當他掛念與你一起的日子時，就有可能求婚。


他還不求婚嗎？那麼，你另找一個新對象好了，橫豎，他永遠不會娶你，你要走的路，和他根本就不同的。

轉貼: 深雪 : 框框之女

很多好女孩都無男朋友，最大原因是，她有太多框框。
都未去到被追求的階段，卻已經超級多顧忌和嫌棄，太過保護自己。

嫌棄對方條件不夠好就無話可說，但有些女孩子甚至會因為對方一句半句說話而決定落閘；另外又有一些，會無端端考驗對方的誠意、專一程度；亦有女孩子以對方的舊戀愛史作為參考標準……

別人都未追你，你已經為這段關係寫下三世書，實在驚嚇。

我的建議是，輕輕盈盈、開開心心地為自己撮合一些約會機會，不要太快落閘。到第三次約會後，你真的肯定他完全不適合你才放狗咬人吧！到那時候，你不單止更了解他，亦更了解你自己，你會明白你真的討厭甚麼，以及能容忍甚麼。

如果，你是那種每個月都有人約會的女孩子，你當然有權嫌三嫌四。若然，你已三年無發市了，你就該由最簡單的男女約會開始平衡一下你的思想和心理。

縱然我是女人，我都會認為有些女孩子頗為心理變態。你認為你是在保護自己嗎？其實，你是在令自己蝕底。

態度開揚一點、簡單一點，在最初的階段，不要太認真。到你要認真考慮這段關係的方向時，你才把它分類吧！

那些落了千重大閘還有男人戀戀不捨的女人絕對不是你；舊時代流行考驗男人的方法亦不適用於你。你記，你是很久都無拖拍的那個。

對男人要採取歡迎的態度。而你心目中那些無限量的框框，稍後才設置。

無聊短篇 -- 把冰山劈開

“我…我…的八兒呀…你…一定要繼承爺爺的遺志…把冰山劈開…” 奄奄一息的一個爸爸對著兒子說。
“爸!爸! 我一定會的! 但…但是冰山是怎麼樣的呢?”
“你…你…不知…道嗎? 呀…旦…你…你…見到又大…又白…又…”一口氣接不上來, 就此嗚呼哀哉。

年輕的烏龜兒子從此下定決心, 練好武藝, 一面尋找著冰山的蹤跡, 誓要把冰山劈開。而為了繼承爺爺及父親的遺志, 少年不敢稍有偷懶, 日出而練, 日入而息, 每天風雨不改從不間斷地勤練絕技, 很快便超越了他的七個兄長; 日子有功, 不知不覺地在一次入定中領悟到本門絕技的奧妙, 而一窺高手之殿堂, 慢慢地更到了父親及爺爺不能到達之境界。年輕人漸覺自己的本領可以出身行走江湖, 便毅然離家, 全力去尋找冰山。

一路行俠仗義, 竟然闖出個名堂來, 但冰山的蹤跡卻無法得尋。行過千里路, 就在一個心灰意冷的晚上, 終於給他見到了, 想不到在這樣的境地相遇!

果然是很難應付的對手! 年輕人使盡一生功力, 全力擊出自家最終極絕招!
“冰山破!!”
暴喝一聲之下, “冰山”應手而裂!!

“我終於成功了! 我成功了! 我把冰山劈開了!”

就在此時, 一隻兔子怒氣沖沖地掙扎地走過來, 大聲責備年輕人所做的事。
“我自打破了冰山, 干你什麼事?”年輕人很傲氣地說。
“冰山?!那是月亮呀!”
“什麼?這不是冰山嗎?爸說是又大又白的…這不是冰山嗎?不是嗎?我畢生的功力…我…呀~~~~”

玉兔回去慢慢修補了月亮, 從此我們看見的月亮也是斑紋處處的。

完

問題: 究竟年輕人姓甚名誰?

睇完"底褲人"之我感

首先問下大家，蝙蝠俠同超人有咩相同之處，又有咩唔同之處?
錯錯錯，緊係唔係咩行俠仗義，有無超能力甘啦!
相同之處: 都係將條底褲著係外面。
不同之處: 一個笠係頭度，一個著係條長褲外面。

相信睇到呢度大家都對佢地有ｄ認識了

愈扯愈遠了。話說睇左呢排上ｏ既電影"超人"，柅講下觀後感。
首先，估唔到套戲成２個半鐘(之前無留意簡介)，坐甘耐，咩都底晒。
第二，個男主角係幾靚仔。相信好多女仔都係睇呢樣野先。
第三，ｄ特技係做得好好，唔係戲院睇感受唔到。

講完一般人要ｏ既野，講下自己ｏ既意見先。
結論先: 套戲唔差，但係亦並唔係一套好好ｏ既戲。

無錯，人靚，特技好睇。但係比起幾廿年前ｏ既Christopher Reeve，演繹無甘有內涵, 情感無甘豐富。今時今日ｏ既電影純粹著重視覺效果, 有點忽略演員的感情戲份上。並唔係話而家果ｄ差，但的確係無以前甘好。劇情方面，同近年ｏ既"美式英雄片"一樣，幾乎可以話無咩，總之就係有班衰人作惡，要解決各種麻煩，再加上ｄ感情線，就係甘。所謂有帶出來ｏ既信息，套套都係甘講架啦，要加ｄ有意思ｏ既野話甘易，唔係深刻ｏ既根本無用。

導演係"X-men"第一集ｏ既導演。呢個人根本就唔得，名大於實。導演最重要有２樣野：一係就係一個好ｏ既story teller (即係講故事ｏ既人)，一係就可以控制到觀眾情緒（開心，傷心，緊張，驚怕．．．等等)，呢個導演，絕對唔係一個好ｏ既story teller都算，拒拍呢ｄ"美式英雄片"，又唔見得有咩故事，居然動作場面都唔算多，一味影住堆人係度講野，一係就做ｄ好不知所謂ｏ既動作來發動能力，加特技又攪掂；甘使鬼搵拒拍咩! 總之個導演實在係唔得。

講返呢套戲，其實比係"X-Men"第一集，已經好好多，而且ｄ特技真係好唔錯。不過成套野雖然無咩悶場，但係又無特別高潮位；正常無論小說，故事，電影．．．都會有高潮位，但係呢套又唔係好算有(係有幾幕會緊張少少咯)，非演員之罪，乃導演之錯也。

總的來說，由於我一開始果３個原因，加上"超人"名頭又大，加上又係近期熱門，俾錢入戲院睇都係OK的，一看無防。５粒星會比３至３粒半星啦。

完

八月四日

呀馬生日快樂!! 祝身體健康! 心想事成!

1. 呢排都係返返返工, 放放放工
2. 呀媽同呀哥屋企大執屋, 當然除左我間房之外, 天堂與地獄之比更顯著
3. 呢幾個星期都有一日半日同Lobo, Martin, Carmen食晚飯。由於Martin係廚師, Lobo又係四圍試食o既食家, 所以次次都去d介紹地方, 而質素亦都幾好。最印象深刻係1/8(WED)去西環山道o既加拿大餐廳, d野好得! 係食西餐o既, 幾十蚊一位晚餐, 但係質素絕對超越呢個價位! 係個地方隔涉d。
4. 終於唱K唱左草蜢演唱會!(緊係唔會全部唱晒啦) 雖然好out, 但係好開心! 在每夜草~~~~蜢彈跳於激光中!草~~~~蜢彈跳於心窩中!
5. 今期工聯無報野, 要搵一日regular同民民去游下水先得
6. 本來想出另一個詳細o既文講返工d野, 諗左好耐但係都無心機寫...可能真係收左工唔想諗起啦...有機會先寫啦...總之好彩自己都OK勤力同暫時跟得住d野, 老細都無咩野大不滿啦
7. 果個幾千字o既金庸更加停左手成個月
8. 好多朋友都有野唔高興, 屋企人又有野唔多高興, 攪到自己都有d唔多高興
9. 睇左底褲人, 估唔到成2個半鐘; 套野OK啦, 唔差, 又唔見得極好; 不過要睇就最好係戲院睇; 總評都值得入戲院睇o既
10. 暫諗唔到d咩, 係咁

完

七月二十五日 -- 雜記

好耐無寫野了, 原因主要係轉左工, 由於太耐無寫, 所以記得d咩特別野就寫啦, 但係次序, 日期等等就可能求其d了~
1. 打鼓堂終於上完, 覺得雖然個班無咩用廢廢地, 但係由於自己有意識去學野, 所以一樣有得著, 同埋對個鼓o既感覺熟左d(雖然仍然要練多d); 另外, 係堂上都叫識左2個朋友, 一個係呀叔來o既, 一個係個好斯文o既後生女, 尾果幾堂上堂之前仲會一齊食飯添; 由於我地上8.45pm, 係MK上, 而且晏d都無所謂, 所以有一次直頭約6點係MK等, 去唱K唱到9點半先去上堂, 哈哈; 個呀叔唱得唔錯呀, 個女仔就好斯文, 好細聲。
2. 終終終於係前排問人借到草蜢來睇(好out), 好正呀~~~ 好想唱K唱~~~ 有好多都想唱!!
3. 份工實在係...都係遲d出過一篇野講啦...
4. 呢排返睇金庸, 不過進度慢左了, 睇埋手頭上果套天龍八部可能要停下了; 另外, 一路寫緊個"金庸小說讀後感", 唔覺唔覺寫下寫下都未寫完居然有三千幾字了 =.=, 不過轉左工之後未郁過了...
5. 22/7-23/7 同娟, 民, Sam, Mandy去珠海玩。覺得有d老點地去深圳再搭巴士去, 平係平d, 不過搭車好晒時間, 離開屋企要個半鐘到深圳, 再2個半鐘到珠海; 由於要等Mandy放工, 攪下攪下6點半先到...寧願貴少少搭船去澳門再過關...一去到就去一早卜左o既酒店(珠海渡假村)放低野, 再出去食飯; 食海鮮, 又平又抵, 不過海鮮以外o既野就唔好多食, 同埋記得果時係深圳福田食仲平d又好食d...不過呢餐民仔請, 有人請就算啦 XDDD。 食完之後去"碌鈴", 今次佢地碌多, 我碌左幾手, 都係中6-7個島...下次有機會要試下篤波...玩完返去都12點幾, 沖完涼大家未眼訓, 一齊玩UNO吹下水, 唔覺唔覺就3點幾4點...訓。第2日checkout之前又唔想去第二度, 所以留左係酒店, heahea下睇下電視就夠鐘checkout, checkout之後食午餐, 普普通通一餐之後就去睇小型賽車場, 睇睇下大家就都去玩, $30 for 10分鐘, 都幾刺激呀~ 之後去按摩, 我唔係好好, 所以2個鐘都按腳only, 原來按腳係平d的, 佢地按身2個鐘$60島, 我按腳$38, 平到嘔。按完都6黠零了, 大家聽我意見過關去澳門, 去碼頭見賣7.30pmo既船飛, 於是決定返HK先食晚飯, 買左船飛返去了。順帶一提, 買完船飛後大家有唔少人仔, 但係無晒港幣, 又無得"手禁", 好慘 XDDD 總的來講, 其實玩過d野食過d野深圳都有, 除左小型賽車之外其他野都係深圳平/好d, 又慳好多時間係旅程上, 所以第日都係寧願去深圳~ 不過今次有d唔同o既, 大家幾個friend一齊過夜吹下水都幾開心。
6. 7月頭呀爸同表弟返大陸, 所以閒日無約人都返屋企同呀媽食下飯, 收工去買下"食送", 返屋企煮2野咁。
7. 呢份工d同事雖然未必會好熟, 不過都係一班幾好o既人同玩得o既人, OK啦~~
8. 諗唔到有d咩住, 有遲d再加
9. 來緊會寫返野密返d...希望

轉工

成個星期無寫野, 原因係病
上個星期一, 二發燒, 星期三無再發, 但係一路咳到今個星期(不過係星期六日長抖之下好左好多)
成日唔舒服, 所以無咩心機寫野

另外一個原因, 係唔知點解個人好空
我上星期三就返新工了, 返新工有新氣象新環境, 照計應該好有新鮮o既感覺
尤其好似我呢d咁多野諗o既人應該有好多感覺
但係居然無
返左幾日工, 唔知自己係度做緊咩/諗緊咩
所以一路都無寫野

講返份工
而家返地政署, 人工同之前差唔多, 轉工係想轉下環境, 做下唔同o既野; 返工地點係油麻地停車場大樓, 咁樣講大家唔知係邊, 用另一方法講就可能會知: 直頭係油麻地圖書館果棟大廈, 即係係油麻地同佐敦中間。
唔知好唔好彩地, 請十幾個新人, 係呢個唔算忙o既部門做野; 我同係BD一樣, 十幾個人偏偏我係唯一果個編左去最忙果一組度做野(睇成個啟德機場)。一入去就聽人講我個組係好忙的, 2個人跟晒所有野...算啦, 好過無野做, 又可以學到野。
返放工時間係9.00am-17.48pm(食飯12.30-1.30, 得一個鐘), 由於而家係返五日工, 所以放遲d, 不過聽聞我果組唔一定可以準時收工(又未至於會好晏收); 返五日工真開心。
我果組得我同我老細, 係一個幾後生o既女人(三十島啦); 我上一手做埋呢個星期走, 好偶然地我上一手係我City的舊同學呀康(仲要係final year project同組添); 佢話無可能係走之前教晒我所有野, 叫我自己慢慢摸下點做...佢話老細好熟d野, 有咩唔識可以問佢, 不過真係可以成日問嗎? 後尾聽返, 原來老細都係contract staff(地政唔似BD, 好少contract staff的), 佢以前係外面應該好高級好有經驗, 唔知點解(睇怕係公司執笠定炒人)會來到呢度收少咁多人工做野。
同事方面, 由於有一堆都係新o既contract staff, 所以好自然地都係會一齊熟d; 我o既感覺係班人都幾好, 大家年輕人幾好傾又幾好玩, 不過熟我就未必會同佢地好熟到, 相性唔算好近。
返左差唔多一個星期工, 由於好多野未識o既關係, 老細都唔係比好多野我做, 所以都暫時幾得閒; 遲d上手走左, 我就會坐佢果個位, 就會有得上網(雖然會無時間上, 但係起碼"有得上"), 個office都幾靜, 同埋個feel好似好耐之前o既政府office咁, 個感覺好似做緊好耐之前o既公務員咁XDD
最值得高興o既野, 應該就係幾樣: 返放工仍然可以一程巴士, 幾方便; 好好好近圖書館, 仲近過旺角果時, 而家差唔多日日去; 隔離(真係隔離二步路)就有籃球場(雖然無咩機會打...), 所以個返工地點對我來講算係好唔錯了。

最在意o既, 始終係個人唔知點解對轉工一d感覺都無, 轉左就轉左了...好唔知點
不過, 反正都係生活
諗唔到有咩講, 就此。

今次篇野完全唔經大腦, 睇唔明就算啦

完

生病

細個時成日都病, 成日去睇醫生, 係藥罐來。到左大個, 雖然身體好過細個, 但係間唔時都會病下, 而且其實個身體一向都唔係好好狀態o既人。
由於細個成日病又食藥丸, 已經練就左可以同時唔使用水都可以吞幾粒藥丸o既能力, 有時要食藥又無水起來都可以照吞, 好方便。
話說呢排世界杯期間, 由於有PP Stream同PP Live, 而屋企電視又有CCTV1 的關係, 睇多左好多波, 後遺症就係夜訓。一向個身體同精神狀態都唔算好, 而且不嬲都訓得唔係好好, 所以睡眠對我來講好緊要。睇多左波, 自然就訓夜左; 不過通常都係睇頭場, 3點果場唔睇。
o岩o岩過左去果個星期五, 民仔上我屋企睇頭場, 而星期六, 民Sam娟上來我家睇波(屋企無人), 由於第2日唔使返工o既關係, 大家都諗住睇埋尾場(巴西對法國, 實好睇過英格蘭對葡萄牙)。英格蘭對葡萄牙果然係一場悶波, 呀Sam睇到恰眼訓, 完場就入房訓, 下場再出來; 娟唔係波癡, 所以睇完第一場就訓, 剩返我同民仔磨到3點; 到得3點, 叫唔醒呀Sam, 於是得返2個人睇; 由於連續2日夜訓, 加上成日係冷氣度, 所以終於出事了。
星期日發覺自己喉嚨有d痛, 諗住都無咩事, 星期一起身都唔係好唔得, 反而返到公司就開始頂唔住; 喉嚨痛, 人飄飄浮浮, 頭赤赤又暈, 覺得自己好可能係發炎+發燒...由於約左o既關係, 收工仲同鼓班同學唱K, 之後再上堂。返到屋企快快沖涼訓覺, 覺得自己有d發冷, 於是唔開冷氣訓; 訓到半夜醒左, 唔係因為熱, 係半夢半醒咁, 發左個好騎呢o既夢; 由於個夢好亂, 個人又醒醒地, 所以反來反去訓得好差...等於無訓過...無啦啦床尾個架跌左一堆野落來, 嚇左我一大跳; 果下真係好驚, 叫左一聲出來(唔係大叫, 係好微弱無助果種...), 果刻真係覺得有d無助, 又病又唔舒服又訓唔到...嚇親之後仲醒晒添...
由於醒左, 又唔舒服唔想開電腦, 於是出廳坐下, 磨左差唔多成個鍾(5點幾了)就返返房訓, 又係反來反去訓唔到...終於慢慢到訓著左, 但係星期二(4/7)係返公司o既last day, 無理由唔返, 於是死死氣地遲到都返公司了。
明天就返新工(5/7), 第一日返headquarter, 實際要返左第一日先知返邊; 希望快d好返, 唔好返工第一日就病啦...

完

長洲遊記

上星期六及日(24/6及25/6), 我同幾位朋友(娟, 民, 源, Sam, Mandy)一行人去左長洲玩。其實呢次行程都傾左幾耐, 大家時間難就, 但係最終都約到一個日子出來; 好耐無試過一班friends去玩2日1夜, 所以好期待。

一早睇定船期, 所以當日約定12.00係碼頭等(搭12.15o既船), 我同民仔相約係北角站一齊去; 由於我地都早左o既關係, 到左中環專登走去買以前彭定康食過果間o既蛋撻來食, 我呢d蛋撻魔人當然要試下啦(果日都無食早餐)~ 一試之下, 覺得個底唔錯, 牛油味幾重而且幾脆; 中間的蛋味都幾夠, 唔係純粹甜味; 不過整體來講, 個底o既味太勁, 蓋過左其他味道, 所以唔算真係極好o既蛋撻。

係碼頭食完蛋撻, 其餘人都到了(4人約埋一齊), 大家懷住興奮o既心情(細個寫遊記9成都會寫"懷住興奮o既心情", 所以無論係唔係都實要寫下XDDD)入閘上船, 約莫過左一個鐘就到了。到左長洲第一件事當然係拿左房先啦~ 今次book果間同上前同一班朋友果間係同一間(東堤), 入到去發現裝修左, 各樣野都好新淨呢~ 放底晒行李之後就去食晏。不自覺地去以前食o既某餐廳食晏, 匆匆食過之後, 去超市買d必要物品(廁紙, 水, 杯, 零食等)就返房討論下一步行動。

當日天氣好~~熱, 又極曬, 根本無可能燒烤同踩單車; 大家當然唔會戇居居留係房唔知做咩, 所以一致決定去沙灘。去到沙灘發覺真係好曬好熱, 有d人係陰o既位看住d野, 而其他人就當然落水啦~ 東灣o既水實在係幾污糟...同之前去大清水實在無得比, 不過由於太熱o既關係, 都係落水狂游; 練左一陣發覺無咩進境, 就叫呀源較蛙式; 蛙式真係易好多! 我試左幾野, 已經游到下, 而且仲可以呼吸到添~ 要練習多d先得!

幾個人輪流游一陣水之後, 大家都上返水; 係沙灘玩下飛碟, 數字球, 馬騮搶球咁(d沙好~~~熱又好粗, 所以一定要著住涼鞋), 唔覺唔覺就過左差唔多3個鐘(好明顯有曬黑左, 對腳仲有涼鞋印添...=.=); 返返間屋沖完涼, 差唔多7點出去食飯了。當然就去食一早決定o既海鮮啦~ 叫左一堆海鮮同小菜, 加埋食飯飲野每人都係幾廿蚊, 好平, 不過味道就算係普普通通, 將價就貨算係好好了。由於當晚世界杯賽事分別係11.00pm 瑞典對德國同埋3.00am 阿根廷對墨西哥, 而民仔係阿根廷fans, Sam係瑞典fans, 所以諗住落bar睇波; 食完飯去行下視察環境, 搵到一間bar好唔錯又有大電視, 即時book定位大家齊齊睇波~ 之後返屋磨一輪到夠鐘就去食糖水; 去返不嬲去果間食, 仍然係又平又抵食, 由於係民仔請(因為之前book房果日甩底), 大家都唔客氣了~ 食完就去睇波。係bar一堆人一齊睇波氣氛當然好好, 不過呀Sam愛隊瑞典後防唔知點解好大漏洞, 開波12分鐘內就比人入左2球, 下半場搏到球12碼仲要炒埋(拿臣>.<)...大勢已去...睇完都已經1點了, 返屋途中見碼頭外有好~~多街邊小食, 食左d(幾好食)之後就返去了...大家沖完涼, 民仔同Sam2個波痴再去睇下場波, 剩返我地4個就訓覺了(都2點幾3點了)。o岩o岩好2間房2個人一間唔使爭; 呀源一d都唔反訓, 所以同佢訓一張床都無咩問題, 幾好訓(反而好似我逼左佢出去 XDD)。

一訓到第2朝9點幾起身, 大家都起晒身, 見到得民仔係度; 原來佢地睇完場波都5點幾天光了, 飲埋早茶先返來, 一返來無耐呀Sam可能意興闌珊之下返屋企先; 我地一行5人梳洗妥當之後就去食早餐, 食完返屋打啤牌(Mandy果日o既手氣實在太好太可怕了), 到得差唔多時間, 就去還房食晏(食之前去買定一堆糖水); 食晏去左果對日本夫婦度食, d紅豆餅同手卷仍然都係好味呢~~ 食完之後係碼頭食埋糖水, 夠鐘上船。到左碼頭之後就各自散了, 呀源就上我屋企拿野。

總的來說, 今次玩得好開心, 長洲仍然都係我o既宿營favourite地點, 希望來緊可以再攪過, 同埋可以燒野食+踩單車啦~~~

完

p.s.同場加映: 第2日搭船返去時, 發生左一樣好精彩o既野, 我當然即刻影低左(見下圖); 係唔係好晶瑩剔透呢~ 好一條天然o既鐘乳石! 某去左外國o既朋友係唔係諗返起讀書時o既不快回憶呢? 話說當年我同受害人+下圖之人係學校o既集會中, 某人恰眼訓時又做出左下圖o既事, 而該鐘乳石大大滴咁落左該去左外國o既朋友o既校褸度。希望下圖唔好引起人不安啦 XDDD
另, 下圖打左格仔, 以防有人認出當事人。 :D

(按:暫時貼唔到圖, 遲d再補)

轉工

講左好耐好耐好耐轉工

最想就係轉返出去做私人公司, 唔係好想再做政府野
退而求其次, 就係點都想離開屋宇署, 因為做左好~~耐了~
牢騷之前都發過, 所以唔再講點解想走了。

上2個月寄過唔少application搵工, 回音唔多...見左1, 2份
當中有一份係地政處o既工, 又係contract, 一年一年咁續, 人工同而家又差唔多...
其實無咩特別好, 不過一來有得離開而家呢度, 二來轉下環境無咁悶, 三來可以做下第二d job nature, 學多少少野, 都好o既...
去見果日, 都無點準備, 膽粗粗就走去見; 估唔到問o既問題我又大部份OK答到; 同一般見開o既政府工(尤其係BD)唔同, 居然有7成用英文問答(平時得1-2條用英文), 我又用英文答得好順下喎~ 見完都無咩特別, 就走了。又估唔到政府效率咁快, 過左3個星期, 就打來話請; 由於我d假可以拿返錢, 所以我足一個月通知先走。

唔覺唔覺, 又唔記得寫上來, 仲有一個星期島就last day了; 公司d野清得就清, 儘量啦, 其餘都無咩好講了, 無咩心機做o既其實 XD

來緊新工未知返邊度, 人工就差唔多, 各位唔好叫我請食飯啦~~~~

完

！！！！熱火冠軍！！！！

上星期三(21/6), 係NBA FINALS Game 6, 係7場4勝制o既賽事入面, 熱火場數領先3-2
Game 6 同 Game 7 都會係小牛主場

原本諗住Game 6都係輸多, 最後去到Game 7先分到勝負(仲諗住Game 7請假睇波), 點知Game 6就俾熱火贏左!!
熱火係落後0-2 o既情況之下連贏4場!

好野! 熱水羸波!~~~~
點解我會甘開心?

我並唔係Wade或者Oneal的fans, 亦都唔討厭小牛(仲OK中意小牛添)
但係, 我長久以來支持o既球星--Payton彼頓, 係就來要退休之時終於都得償心願! 拿到冠軍指環!
仲有Zo(莫寧)!
佢地2個都係值得拿冠軍指環o既!
而且拒地係比賽入面都係有貢獻, 唔係"痴"人拿冠軍的~!

好感動呀~ 好開心呀~
好野~

請容我係度發下癲~
嗚嗚嗚嗚嗚~ 羸波了~
~>_<~ 苦盡甘來呀~

完

慾望與自制能力

其實對於好多野, 我o既自制能力並唔高

讀書時, 有得玩/打機時會玩唔停, 唔識收(當然又唔係好似我表弟咁完全唔停), 所以成績並唔理想
自小好鐘意睇書, 一開始睇書就唔願停, 一路睇一路睇, 如果係好似金庸小說果d咁精彩o既書, 直頭會睇到廢寢忘餐(唔係好誇張, 真係除左返學讀書訓覺ｏ既時間, 行緊路又睇, 食緊飯又睇, 連去廁所/沖涼時對眼都唔離開)
想食野/飲野時, 明知有ｄ時間唔應該再食, 但係又忍唔住再食
早上起床好眼訓, 明知再訓就會走車, 但係都要磨到最後一刻先起
...
...
好多野都係咁, 雖然睇落好似好多都好小事, 但係其實可以睇得出一個人係大事o既時候會點

不過, 由於細個有留意到呢樣野ｏ既關係, 有去嘗試練習過自己ｏ既耐力同自制能力
所以, 係好多大/重要ｏ既時候我相信自己可以做到; 好似係自己火大, 情緒唔好時, 可以儘量keep住個脾氣; 係有誘惑(even係大o既誘惑)ｏ既時候保持清醒...等等, 我覺得自己係呢幾年係呢方面有長進。
而如果自己覺得自制唔到o既, 就直頭唔做, 例如:賭, 吸毒...etc,　呢ｄ我覺得一試左就好難停ｏ既野, 就連試都唔會試。

人ｏ既自制能力其實唔係好高...通常都係受幾樣野影響, 最大ｏ既就係"環境"同"習慣"。
環境, 就當然係講緊身邊o既人, 事, 物等等; 簡單來講就係"近朱者赤, 近墨者黑", 好易明, 金科玉律; 正如d家長希望自己o既仔女入名校, 並唔係話d老師教得特別好, 而係d同學o既質素/讀書風氣...等等好好多;大家千祁唔好認為自己可以係唔好o既環境下, 出瘀泥而不染, 好難的, 唔好o既野就避免唔好接觸啦...

而所謂"習慣"只係一個好"籠統"o既詞語, 其中包括左好多野: 習慣/承諾/堅持/意志...等等o既野, 但係我覺得可以用"習慣"來做統稱。一個人意志堅強, 都係因為長期處於某d環境而練就左呢樣野; 一個人承諾左, 就會做/唔做一樣野, 就會被"承諾"影響住, 而變成習慣; 一個人習慣左一樣野, 就會keep住做/唔做。所以, 當人"破戒", 做左一次違反自己"習慣"o既野, 有d人就會好~~唔舒服, 有d人一破左就會自暴自棄...etc, 例如:
一個戒緊o既酒徙/賭徙/癮君子, 一旦做左一次, 果次之後就九成上返癮。
有d男/女仔, 試過one night stand, 個思想可能就變左"反正都試過, 一次同好多次都無所謂", 而繼續沉淪落去。
有人從來都係係"拍拖"o既狀態, 將一切o既心機, 所有野都放晒落去, 一無得拍就好唔慣, 而且好似失去左好多野, 跟住愈來愈鑽牛角尖, 愈諗愈多野...愈來愈唔開心。

其實好多野都係"心癮", 而"心癮"起皆因"慾望"。愈執著愈追求, 就愈會沉落去。好似游水咁, 愈用力就愈沉。
最近覺得, 其實人要搵o既應該係"追求快樂o既方法", 而唔係追求點樣"滿足自己o既慾望", 咁就會容易開心d。我知其實呢個係一樣好矛盾o既野, 因為"追求快樂o既方法"都係一樣"慾望", 而"快樂o既方法"亦都可以係滿足自己o既某d"慾望", 不過我o既意思係一種精神層面o既滿足同解脫; 好多野, 睇得開d遠d, 其實好簡單...當然人都係有慾望有壓力的, 係睇下有幾執著點樣追求如何放低同發洩吧了~

要開心, 又並唔需要好似和尚咁"四大皆空", 因為無"慾望"同"追求", 就唔會有進步; 而其中困難之處, 始終都係"平衡"同"中庸"之道吧?

再講落去, 似乎要做和尚了, 唔講了。

六月二十日 -- 雜記

1. 好耐無雜記, 唔知點解, 前排有野就會開topic, 而家都係覺得有d短短地o既都係開雜記一次過記低仲好, 而且內容有意義好多
2. 由於有好一排無講野, 所以都有唔少野可以記低, 不過唔跟時間次序了; 有幾個point本來應該係獨佔一篇文的, 不過而家一次寫晒係度, 又簡單d講啦~
3. 學游水, 唔算好順利, 浮/游都OK, 不過踢水時下半身沉沉地, 唔多好
4. 星期六(17/6), 同呀Sam去左大清水游水(雖然呀Sam話到明睇女為主 =.=), 果日天氣係最近最好o既一日, 陽光普照, 去到沙灘換完衫就搵個位坐低; 由於得2個人, 又要有人睇住d野, 所以輪流去游; 由於呀Sam想晒太陽為主(睇野為主一.一), 所以我就好開心地游左好耐水; 一個人, 當然唔敢去得太出啦; 嘩, 成世人第一次係海度游水, d水浮好多! 好易游~~ 雖然練左好耐, 又游到, 不過都覺得好似無咩用, 因為返到泳池都唔一定下半身浮得返...但總算都有唔少運動量呢! 而且又近屋企, 以後都要不時去下呢~~
5. 打鼓都差唔多OK, 慢慢熟習個鼓, 遲d游水堂完左多返d時間, 要自己去練下, 希望以後有機會搵到人夾下! o岩o岩叫學完"愛我別走", 下次教"光輝歲月"; 另外, 同一個同學前幾堂都有d偈傾, 個呀叔都幾傾得; 尋晚放學時個呀叔suggest下星期一6.00pm去唱K, 唱K9.00pm上堂, 好主意呢~~ 總共三個人: 我, 呀叔同一個女仔, 3個鐘都OK夠皮啦~
6. 某表妹要過澳洲了, 由細睇到佢大, 而家都開始要闖下自己o既路了, 星期三會兩家人一齊食個飯, 佢星期日就飛了...努力啦~!
7. 又有朋友拍拖, 努力好好對人啦...(對於戀愛無咩好講了)
8. 人真係好難影響其他人o既諗法, 我都好明白而且接受; 不過亦都唔好攪到我...以思想來講, 我絕對覺得我果套係會開心過好多人好多(我無話"好"過人)
9. 來緊星期六同娟, 民, 源, Sam, Mandy去長洲玩2日1夜, 好耐無試過了, 同成班friends一齊去玩! 期待!
10. NBA Finals去到白熱化階段, 熱火領先3-2, 仲有2場作客, 是但贏一場呀!!!! 熱火努力GOGOGO!!
11. 世界杯開鑼, 由於有得上網睇o既關係, 今屆睇左好多場賽事, 由細到大睇o既都唔夠今次多! 有得同同事朋友傾下, 都幾開心呢~ 不過就令人眼訓d, 4年一次, 算啦~~ 無咩特別捧邊隊, 不過由於打機o既關係, 幾鐘意瑞典, 就支持下佢啦~ 另外16/6(星期五晚)同民, 家昇, Herman, 民o既friend同Gloria(!)一齊去茶記睇波, 當然俾自己睇波有氣氛好多, 而且咁o岩睇果場係阿根廷6-0大數塞黑...不過果日最大o既archievement應該係第一次正正式式見到Gloria啦! 幾好呀, 個人幾nice又outgoing, 唔錯呀~ (雖然某人無行了)
12. 18/6(星期日)打籃球, 又隔左一段時間無打, 果日又熱又焗, 幾辛苦, 而且之前果日游左水, 所以好快累...(好少會覺得累而唔係無氣)由於而家少左某幾個人來打波, 剩返果d有d唔帶波, 有d剩係會進攻/走位, 所以變左成日係我key波了; 尋日打波, 起手次數OK, 該射則射, 而且幾準! 似乎都keep到個射術呢, 而家o既我同民+以前o既馬, 肯定勁過以前好多了~ 另, 呢排keep住運動, 覺得運動量OK夠呢~~ keep住呀! 來緊星期四晚同同事打波! 逢二, 四游水! 唔知幾時先攪到逢星期五打羽毛球呢?
13. 之前諗到好多野講, 暫時諗唔到, 就此啦

完

能力不足

做人最怕就係識少少, 又識唔晒, 唔湯唔水

要飲一係就飲足料足味o既湯, 最怕溝左水o既, 又淡又唔知點, 寧願就咁飲水
最驚遇到d人, 識d野認知度唔係高, 又有好多睇法同意見, 但係由於知得唔全面, d意見跟本無用o既; 尤其係d投訴o既人, 以為有d野係點點點, 又以為自己好有權利, 係度嘰嘰喳喳, 其實跟本就廢o既

自己都一樣, 好多野都好有興趣, 但係自己已經唔細, 無以前細個咁多時間精力同能力學野; 學一樣野學唔到好叻, 有時真係幾洩氣~ (當然都會努力學)

今日食晏o既combination幾得意, 好少有咁o既組合, 而且令我獲益良多; 某位朋友同另一個做社工o既朋友傾最近發生o既問題; 果位社工朋友講野o既內容/意念, 基本上同我一模一樣, 而且佢做人o既態度同埋某d對人性o既見解都一樣; 不過由於佢係社工, 見o既case多, 而且亦都係自己o既行業, 所以佢講出來o既見解同方法好"正", 我學到o既野並唔係佢講o既內容, 而係佢o既講野方法, 技巧同態度, 不愧為專業呀~ (雖然佢係作為朋友角度去講, 而且係誠懇o既)
另外, 聽到佢講o既野, 都令我有好深o既感受; 原來我一路諗o既某d野都有人係咁諗的, 我亦覺得自己一向諗o既野同行o既方向係無錯。

不過, 一向係某d朋友搵人傾偈o既對象o既我, 好多時聽到人講左o既野, 自己會諗到好多野, 會識點解決, 但係點樣做一個聆聽+俾意見o既人方面, 真係麻麻地, 主要係自己o既表達能力並唔能夠將自己諗o既野講到出來, 太多太雜同埋太空泛了...其實我一向都明白, 個個人都係唔同o既個體, 諗野o既方法同角落會唔同; 不過有時真係好想人地明白我o既思想, 好想有人好明白d野...不過, 能力不足。

其實唔好話呢樣野, 究竟我咩野係叻o既呢? 有咩野唔係能力不足?

完

游泳

游水, 對我來講, 實在無咩緣
雖然香港四面都係海, 又多泳池, 但係從來都無機會游
由細到大係屋企都無咩機會去學d咩同玩d咩, 好多野都係大個先自己去學
而游水亦係其中一樣, 到左大個d, 有朋友叫我去游, 又話教我, 我都提唔起勁(馬, 對, 係我衰XDD)

其實我一路都真係想學游水的
呢一期, 終於去左報學, 仲有人陪添~

以前一向都無咩機會落水, 第一次可能係幾年去泰國旅行時, 係酒店去個泳池度落過
果時起碼都証明左一樣野, 就係自己唔怕水, 夠膽睜開眼就咁成個頭浸晒落水入面~
亦都唔怕俾自己飄出泳池中間~

今次學游水, 上左2堂, 第一堂一來就學到點浮, 之後果d野都OK get到
要時間練習同埋實踐下呢~~ 希望可以學得成!

有d friend話咁大年紀好難學識了, 又講左好多好似好難o既野, 但係我唔信, 一定要學到!

另外, 希望遲d可以有每個星期游水, 逢星期五打羽毛球, 星期日打波咁o既運動量啦!

完

我食蕉了

話說上星期二俾條魚骨"kick"係喉嚨度, 過左幾日都仲有d野係度
成日都唔肯定係條骨仲係度定係"損"先覺得有d野

攪到我呢幾日都無咩mood, 成日都覺得有d野纏繞住自己, 好煩 XDDD

攪左幾日, 就係今日o既下午, 發生左一件事:
下午係屋企hea抖, 無咩做, 食完飯食隻蕉
由於呢幾日吞野個喉嚨都係有d唔多順暢, 所以食野俾起平時都咬耐好多, 爛好多
今次食蕉, 用左個好奇怪o既方法食 (有時我食野都會無啦啦奇奇怪怪的XDDD), 好難形容
總之2排牙用一種好機械o既方式同幾快咁開開合合, 而隻手"渣"住隻蕉亦都用一個好穩定而慢o既速度慢慢將隻蕉塞入個口入面, 而個結果就係好似d生產線咁好平均地慢慢將隻蕉食落去, 而d蕉俾d牙磨磨下磨到好似"漿"咁
食食下, 突然有d好唔同o既感覺, "咦? 點解...唔同左o既?" "點解個喉嚨感覺唔同左o既?"
原來不知不覺間, 喉嚨果種唔舒服感覺無左了! 之前唔係損左, 而係條骨仲係度!
而家無左了! 完全無果隻感覺了!
雖然個喉嚨變左都好似仲有其他感覺, 但係應該係有d損, 但係無野頂住了!
好野~~~~!!!
我食蕉了~~~~~~~~

完

頹廢的歌, 頹廢的樂壇

之前都講過, 香港樂壇o既歌手同歌曲水準低落。d歌唔見得好好聽得來d歌手亦唔多係唱得好。
最衰o既係, 又有大量o既"懶"係慘o既歌, 聽到又厭又悶。由早前容祖兒果d開始, 到後尾o既古巨Lay, 再到而家o既側田(仲有一堆九唔搭八的甚麼方力申Stephy...etc), d主打歌都係咁; 聽歌都係想抒發下感情或者開心下, 聽到愈來愈抑鬱, 唔知想點; 最攪野係氾濫到令到d 死o靚妹死o靚仔都懶係慘咁, 愈慘就愈好, 明明不知愁為何物又強說愁, 攪到個個都硬膠晒。

反而最近有返少少生氣, 例如復出o既關心研咁, 今次佢o既歌並唔標榜慘, 亦放棄左之前又係唱到懶慘o既唱腔, 聽落實在係舒服同清新好多~ 希望以後有多d呢d野出來啦~

話返轉頭, 真係要慘要頹廢, 香港同外國o既水準都無得比; 人地d歌詞, 唱功, 歌曲, 難度等等都勁幾皮。
最近練鼓打緊果隻歌, 就係其中之一; 以下:

Creep
by Radiohead

When you were here before
Couldn't look you in the eye
You're just like an angel
Your skin makes me cry
You float like a feather
In a beautiful world
I wish I was special
You're so fucking special

But I'm a creep
I'm a weirdo
What the hell am I doing here?
I don't belong here...

I don't care if it hurts
I want to have control
I want a perfect body
I want a perfect soul
I want you to notice when I'm not around
You're so fucking special
I wish I was special

But I'm a creep
I'm a weirdo
What the hell I'm doing here?
I don't belong here

She's running out again
She's running out
She runs runs runs RUNS~~~~
RUNS~~~~~~~~

Whatever makes you happy
Whatever you want
You're so fucking special
I wish I was special

But I'm a creep
I'm a weirdo
What the hell am I doing here?
I don't belong here
I don't belong here......

大家自己搵來聽下啦...

完

666 之 深喉經驗

今日係06年o既6月6日, 即係666

大家都知666代表d咩野

我唔知其他人有咩經歷, 但係我就認真黑仔

無錯, 被"深喉"果個係我



今日下午食飯, 由於唔想食咁肥, 於是食蒸魚飯(梅菜蒸鯇魚)

不嬲都有食魚, 從來都無發生d咩事

今日居然被條魚骨"浪"左係喉嚨底深處

唔痛但係好辛苦, 成日feel到有d野係喉嚨度

試過吞飯, 飲水, 甚至用手指伸入去扣喉, 好痛苦

但係條死魚骨仍然"浪"左係喉嚨深處

唔上唔落, 究竟幾時先攪得掂呀~!

好痛苦呀~ >__<

完

大日子

剛剛過左去o既星期六同星期日, 發生左都幾多緊要o既事情

3/6, 星期六, 見工
除左幾個星期前見o既一份政府工外, 好~~耐無見過工了。
一早起身, 使左$20, 搭左成個鐘車, 入到去大埔, 就係為左5分鐘o既花火(interview) 一.一"
不過, 我之前果幾個人都係入左去5分鐘島就出返來, interview詳情如下:
入到去坐底
1. 你之前做柏齡係做d咩野架?
2. 你而家做BD又做d咩架?
3. 你之前係柏齡做邊條村呀?
4. 你諗住人工大約幾多呀?
答完, 走得, 等消息 XDDDDDD

見完工返來2點幾睇過信箱無信, 夜晚返屋企諗住星期六下午郵差叔叔唔派信, 所以無再睇信箱~

同日, 熱火歷史性地打入NBA總決賽, 爆冷4-2踢走左乞人憎o既活塞, yeah~~~
同日, 將軍澳一日遊+買左泳褲同幾件衫褲

4/6, 星期日, 64紀念日
同2個朋友出來睇The Da Vinci Code, 可能本身小說OK, 套戲睇落就幾好睇
不過其實可以拍得好d, 個導演功力麻麻, Tom Hanks唔係做得唔好, 而係個角色無得俾佢發揮
另外如果有對歷史同宗教有d認識會知多好多野;

同日, 得知某位朋友正正式式KO
有位朋友考完試, 正正式式近期無咩野可以再考, 輕鬆晒!
同日, 小牛歷史性地打入NBA總決賽, 今年2隊入總決賽o既球隊都係未入過的
我同死黨咁o岩各自支持果隊都入到! 要牙骹戰了!
熱火努力呀!!

同晚, 好戇居地, 返屋企時望一望信箱; 諗住實無野時, 望到有d野~
一開信箱, 收到Lands Department寄來的offer! 雖然人工一樣, 但係可以逃離BD先!
太好了! Yeah~~~~~~~~~~~
轉工~~~~~~~~~~~~!!

完

死忌紀念日

人係唔識得反省o既動物

有幾多人, 由細到大可以錯左野奶過鑊, 但係未試過重蹈覆轍?每個人都會有錯, 亦都好容易會再犯同一錯誤, 但係每次經歷過d野(對也好錯也好)都應該會有所得著。但係現實中, 大部份人都係o岩o岩衰果陣時先會後悔, 慢慢就會忘記左, 跟住又來過。有d人甚至會話:我個人就係咁架啦~無辦法架喎~
你無辦法咁我都無辦法。

大家諗諗, 動物都有學習o既機能, 中過陷阱都會小心d, 但係人呢? 係人類咁多年o既歷史入面, 有幾多錯誤/戰爭/自相殘殺...等等係不斷咁發生? 但係現在又如何?
大家睇睇而家好多人慶祝o既節日: 端午節, 復活節, 情人節, 都係紀念人地o既死忌; 但係大家對呢d日子有咩感覺? 開心? 慶祝? 玩? 放假?
有無諗過背後o既意義? 知唔知點解要紀念?

我只係一個小市民, 歷史/政治唔到我理。咁自己o既人生呢? 點解唔勤力讀書? 點解唔對自己父母好d? 點解當初唔好好地對自己愛o既人? 點解唔做應該做o既事?
點解錯過之後, 會再做錯?

似乎人都係喜歡紀念自己o既失敗, 猶如大家會慶祝人地o既死忌一樣...

完

朋友的感情事件簿

呢排好多朋友, 係感情方面發生左好多事...講開發生緊果d, 都順便講埋一早發生果d啦
放心, 無提名, 無野爆

有一個朋友, 終於拍拖了...經歷左之前o既時間, 試過愛人, 亦試過被愛; 不過最終拍拖o既係新識o既朋友; 不過似乎仲有幾樣野未攪掂: 而家o既女朋友o既果幾個問題點解決呢? 之前某君o既野又點解決呢? 不過, 我相信呢位朋友拍得拖都應該諗過晒! 係呢度, 點都要祝福佢!

另一位朋友, 終於散拖了...(我應該無意會錯掛?)我唔係好知道詳情, 亦都唔係好知道佢地之間發生過o既所有事; 在我來睇, 拖拖拉拉左咁耐, 解決左係一件好事, 反正, 都唔可以補救, 而且亦都唔可以返返好似以前咁...不如早d結束吧? 雖然我都係果種唔主張人分開o既人, 不過去到某d地步, 長痛不如短痛...
我知道呢位朋友一向都好深情同專一, 而且好難好難先放得低一段感情, 又好難先可以投入另一段感情, 不過既然去到而家呢一步, 都希望可以睇開d...而且可以快d遇到+接受新o既一段戀情啦! 你仲有一班好朋友支持你, 有咩事/想出來散心/搵人傾偈, 就搵我地啦!

仲有一位朋友, 相識得唔算耐, 不過都傾得偈, 而且都大概知道佢o既情況...
而家佢係一種好混帳o既狀態中。雖然以前可能受過傷害, 而家2個人明明係中意對方, 但係由於2個人都係多野諗o既人, 於是諗左好多野, 又好多顧慮, 成日係度諗: 如果之後對對方唔夠好會點點點? 如果之後分手又點點點? 其實自己係咪真係咁愛對方? 所以到而家都仲未一齊, 仲係度磨磨磨緊, 又成日係度煩煩煩緊~
其實諗咁多有咩用? 未一齊之前, 好多野都預料唔到o既! 更加無得驚以後會唔會/有幾愛對方! 而家係相愛o既, 就無問題咯? 有咩好怕? 怕o既就一齊之後努力對對方好d, 有咩會解決唔到?
我覺得無咩咁多野好煩, 係中意就中意, 唔中意就唔中意! Just do it!
有做過野而衰左好過無做野衰! 起碼以後唔會後悔自己無做過d咩! 幸福係自己爭取的!

仲仲有一位朋友, 中意左一個拍緊拖o既人。係我朋友識對方時, 對方同佢另一半關係已經麻麻地, 而我朋友同對方亦熟絡得好快。我朋友無刻意做d咩野, 同對方都係保持朋友關係, 亦都唔想撬人牆腳。不過眼見對方同另一半o既關係愈來愈淡, 而同自己又成日會一齊食飯/其他活動, 而且好多野又唔係好避忌, 令到我o既friend覺得應該開始要做d野去追對方。而家雖然唔係好清楚對方心意, 不過從各方面睇, 應該有機會的! 反正對方同另一半都唔多掂了...希望佢成功啦!! 到時唔好有人性無異性就好了 ^o^

值得講o既, 仲有另一位朋友係前排都開始拍拖了, 2個都係成熟o既人, 我諗應該係以長久為前提, 無咩大問題吧? 希望好快見到你地拉埋天窗啦~ 呵呵呵~~

仲有一個朋友, 拍左拖都有4年, 話帶人地出來見人, 過左咁耐都仲未見人, 仲話呢世都唔會俾我見添, 驚我地斷背 XDDDD 又話答應左但係無話幾時, 拖得就拖, 死野~ 真係唔知要幾時先有機會...係咪要擺酒先見到呀喂? 我到時實唔俾多人情, 仲要賺埋張餅card, 呵呵呵~~~

嗯...有一個朋友, 未拍過拖, 到左呢幾年突然特別想拍拖, 想有個人照顧佢/錫佢, 不過好彩佢又唔會亂咁搵一個。就算幾想拍拖都好, 千祈唔好是但搵個呀~~ 自己幸福來o既! 希望你蜜運快臨啦~~

有一個又係混帳o既甲獸, 究竟係咪同人拍拖o既? 係就正正式式拍, 唔好拖住人, 但係又曖曖昧昧咁, 好衰的! 人地係一個好女仔, 唔好害左人呀衰野~~~

其他無提過o既朋友, 拍緊拖o既就祝大家長長久久, 未拍o既就希望大家快d搵到個好o既另一半啦!

係呢度, 特別要提一提
頭先講o既果d朋友們, 有熟有唔熟, 不過我都係知名不具, 連係男係女都無直接講出來~
不過我講果d野, 佢地應該都知道係講緊佢; 如果想回應又唔想比人知, 就匿名+refer返少少野來回應我啦

呢度要講一講, 無拍拖o既呀民仔來緊星期日o既考試努力啦~~~
仲有呀源都努力考試!!

完

六月一日 -- 雜記 (內藏重要資料)

27/5 -- 星期六, long week收工後, 去葵芳, 之後轉車去好耐無去o既屯門睇玩具, 不過最想睇果間雖然無開=.= 無收穫之下返返葵芳, 行完葵涌廣場(無收穫)諗住搭車去深水埔/旺角食晚飯, 係車站撞到Carmen; 之後3個人決定一齊去深水埔食譚仔(係石夾尾有收穫), 之後就返屋企
28/5 -- 星期日, 無做d咩, 係屋企抖, 下午呀Sam來一齊打機~
29/5 -- 星期一, 夜晚唱K, 本來諗住6點幾唱到8點幾之後去上堂, 不過之後當然係無上堂啦...唱到11點半島就走人
30/5 -- 星期二, 之前果晚又訓唔到, 好累之下請左病假, 同日Lands打來問我有offer做唔做, 另外一間prop man公司打來叫我星期六見工, 似乎我轉工有一線曙光了~ 果日下午去左寶琳新都城行左轉, 之後去坑口拿左張信用card, 第一次試南豐o既foodcourt, 之後就返企抖了~
31/5 -- 星期三, 端午節假期, 訓到黃朝白晏, 中午食粽, 下午過調景嶺見某一位朋友, 個女好可愛呀~ 不過好怕羞~ 呵呵呵~~ 同日得知某朋友發生左d唔高興o既野...星期四晚睇戲(Da Vinci Code)取消
1/6 -- 星期四, 返工, 新同事原來本來轉SO再轉BSO...所以6月中先走, 係一件好事, 不過到時可能我都走了~ 好耐無食過好好味o既快富街早餐~ 不枉專登早起身去食~ ^o^ 今日亦得知某朋友拍拖了~~

完

人言可畏

人係一樣好無聊同八卦o既生物, 不論男女, 一食飽飯無事做就會係度講人是非。

本身識好多朋友, 有時係同一個大圈子入面都會識幾個唔同小圈o既朋友。好多時一齊食飯, 活動, 總有d時間係講下其他朋友/同事o既野。有時聽到佢地講o既野, 真係好膚淺... 佢地有時見到一d好表面o既野, 就會有好多自己覺得好理所當然o既猜測, 之後一路推落去, 愈估愈多...從來無諗過一件事係有好多可能性。有時, 有d人又會將某d野標籤左, 見到某d人做過d咩/個樣似咩/平時態度點...等等, 就會有好多野講/猜測, 但係我覺得好多好可能同事實完全係唔同o既...(例如一男一女friend d就一定有野, 見到佢地去街就話拍拖; 個人生得樣衰就更加係"錯", 一定會將所有有關佢o既野諗去衰果邊...等等)

連普通人都係咁, 又難怪d八卦雜誌作野作得咁勁。最好笑o既係, 有時有d被講緊o既人, 其實我都識o既, 我知道事實跟本就唔係咁...聽到真係啼笑皆非。不過, 作為資訊o既收集處, 我係唔會隨便流放資訊出去, 並唔係因為我唔八卦, 而係我本身o既原則來。亦都廢事d野愈描愈黑, 或者又惹來唔同o既猜測。

最得人驚o既, 反而唔係作野。好多時見有d人係背後講左好多人地o既野, 到到係對方面前又扮晒friend, 真係好嘔心。我o既意思並唔係話要反面, 或者好明顯唔妥對方, 做人一定要圓滑的, 但係我所見o既係"稱兄道弟"(或者姊姊相稱), 真係好核突。明明背後講到對方幾咁差, d演技真係好到不得了。

請恕我直接, 我不嬲o岩就o岩, 唔o岩就唔o岩的, 除非係逼不得已。呢個世界上係有d唔圓滑o既人, 我覺得我對我喜歡的朋友們好就夠了。好彩, 我覺得係真係朋友(唔係相識/同學/同事)果d, 都唔多係咁o既人...而且我識o既朋友(或者熟到o既)都係d直接而可愛o既人。(當我當左某d同學/同事係朋友時, 就會叫"朋友", 而唔係同學/同事了)

唔知有幾多"朋友"又係我背後講過我d咩呢?

p.s. 話我好我又唔介意呀, 哇卡卡
p.s.2 呢篇野並唔係因為知道有咩人係背後話我而寫的(更加唔好諗呢句係此地無銀...)

完

五月二十六日 -- 雜記

1. 星期一學鼓, 教完"賣Love賣Fate", 教林曉培o既"娃娃愛天下", 首歌當然正, 而且打落好有feel, 而且第一次打已經打到了, 唔太難呀~ 不過成首歌有一個位幾難, 要練下先得
2. 星期二, 五月之星, 土瓜灣果間食, 無咩特別野講; d野好食+食唔晒(有一個人來唔到), 傾偈傾得幾開心, 仲見到廣播劇呀Sir添
3. 星期三, 無特別
4. 星期四, 收工難得約齊屋企人去坑口"合時"食飯, 最難得係叫到老豆出來食, d野OK呀~
5. 星期五, 今晚同Mak佢地班人補返呀Mak生日
6. 呢個星期有三日出site
7. Z高達II 落左畫, 去唔到戲院睇了...III 都唔會去睇了
8. 有d真係未必砌o既模型, 要執一執拿出來賣左去了...
9. 下星期一, 去唱好耐無唱過o既K, 不過呀A來唔到

完

"我來過，我很乖"

八歲女童的墓誌銘：我來過，我很乖

看到後非常感動，希望能讓大家都看到，所以在這裡轉載。

看完後,很想哭......

無奈的父親

有一個美麗的小女孩，她的名字叫做佘艷，她有一雙亮晶晶的大眼睛，她有一顆透亮的童心。她是一個孤兒，她在這個世界上只活了8年，她留在這個世界上最後的話是"我來過我很乖"。她希望死在秋天，纖瘦的身體就像一朵花自然開謝的過程。

在遍地黃花堆積，落葉空中旋舞時候，她會看見橫空遠行雁兒們。她自願放棄治療，把全世界華人捐給她的54萬元救命錢分成了7份，把生命當成希望的蛋糕分別給了7個正徘徊在生死線的小朋友。

我自願放棄治療

她一出生就不知親生父母，她只有收養她的"爸爸"。

1996年11月30日，那是當年農曆10月20日，因為"爸爸"佘仕友在永興鎮沈家衝一座小橋旁的草叢中發現被凍得奄奄一息的這個新生嬰兒時，發現她的胸口處插著一張小紙片，上面寫著："10月20日晚上12點。"

家住四川省雙流縣三星鎮雲崖村二組的佘仕友當時30歲，因為家裏窮一直找不到對象，如果要收養這個孩子，恐怕就更沒人願意嫁進家門了。看著懷中小貓一樣嚶嚶哭泣的嬰兒，佘仕友幾次放下又抱起，轉身走又回頭，這個小生命已經渾身冰冷哭聲微弱，再沒人管只怕隨時就沒命了！咬咬牙，他再次抱起嬰兒，嘆了一口氣："我吃什麼，你就跟我吃什麼吧。"

佘仕友給孩子取名叫佘艷，因為她是秋天豐收季節出生的孩子。單身漢當起了爸爸，沒有母乳，也買不起奶粉，就只好喂米湯，所以佘艷從小體弱多病，但是非常乖巧懂事。春去春又回，如同苦藤上的一朵小花，佘艷一天天長大了，出奇得聰明乖巧，鄉鄰都說撿來的娃娃智商高，都喜歡她。儘管從小就多病，在爸爸的擔驚受怕中，佘艷慢慢地長大了。

命苦的孩子的確不一般，從5歲起，她就懂得幫爸爸分擔家務，洗衣、煮飯、割草她樣樣做得好，她知道自己跟別家的孩子不一樣，別家的孩子有爸爸有媽媽，自己的家裏只有她和爸爸，這個家得靠她和爸爸一起來支撐，她要很乖很乖，不讓爸爸多一點點憂心生一點點氣。

上小學了，佘艷知道自己要好學上進要考第一名，不識字的爸爸在村裏也會臉上有光，她從沒讓爸爸失望過。她給爸爸唱歌，把學校裏發生的趣事一樣一樣講給爸爸聽，把獲得的每一朵小紅花仔仔細細貼在墻上，偶爾還會調皮地出道題目考倒爸爸……

每當看到爸爸臉上的笑容，她會暗自滿足："雖然不能像別的孩子一樣也有媽媽，但是能跟爸爸這樣快樂地生活下去，也很幸福了。"

2005年5月開始，她經常流鼻血。有一天早晨，佘艷正欲洗臉，突然發現一盆清水變得紅紅的，一看，是鼻子裏的血正向下滴，不管採用什麼措施，都止不住。實在沒辦法，佘仕友帶她去鄉衛生院打針，可小小的針眼也出血不止，她的腿上還出現大量"紅點點"，醫生說，"趕快到大醫院去看！"來到成都大醫院，可正值會診高峰，她排不上輪次。獨自坐在長椅上按住鼻子，鼻血像兩條線直往下掉，染紅了地板。他覺得不好意思，只好端起一個便盆接血，不到10分鐘，盆子裏的血就盛了一半。

醫生見狀，連忙帶孩子去檢查。檢查後，醫生馬上給他開了病危通知單。他得了"急性白血病"！

這種病的醫療費是非常昂貴的，費用一般需要30萬元！佘仕友懵了。看著病床上的女兒，他沒法想太多，他只有一個念頭：救女兒！借遍了親戚朋友，東拼西湊的錢不過杯水車薪，距離30萬實在太遠，他決定賣掉家裏唯一還能換錢的土坯房。可是因為房子太過破舊，一時找不到買主。

看著父親那雙憂鬱的眼睛和日漸消瘦的臉，佘艷總有一種酸楚的感覺。一次，佘艷拉著爸爸的手，話還未出口眼淚卻冒了出來："爸爸，我想死……"

父親一雙驚愕的眼睛看著她："你才8歲，為啥要死？"

"我是撿來的娃娃，大家都說我命賤，害不起這病，讓我出院吧……"

6月18日，8歲的佘艷代替不識字的爸爸，在自己的病歷本上一筆一畫地簽字：

"自願放棄對佘艷的治療。"

8歲女孩乖巧安排後事

當天回家後，從小到大沒有跟爸爸提過任何要求的佘艷，這時向爸爸提出兩個要求：她想穿一件新衣服，再照一張相片，她對爸爸解釋說："以後我不在了，如果你想我了，就可以看看照片上的我。"

第二天，爸爸叫上姑姑陪著佘艷來到鎮上，花30元給佘艷買了兩套新衣服，佘艷自己選了一套粉紅色的短袖短褲，姑姑給她選了一套白色紅點的裙子，她試穿上身就捨不得脫下來。三人來到照相館，佘艷穿著粉紅色的新衣服，雙手比著V字手勢，努力地微笑，最後還是忍不住掉下淚來。

她已經不能上學了，她長時間背著書包站在村前的小路上，目光總是濕漉漉的。

如果不是《成都晚報》的一個叫傅艷的記者，佘艷將像一片悄然滑落的樹葉一樣，靜靜地從風中飄下來。

記者阿姨從醫院方面得知了情況，寫了一篇報道，詳盡敘說佘艷的故事。旋即，《8歲女孩乖巧安排後事》的故事在蓉城傳開了，成都被感動了，互聯網也被感動了，無數市民為這位可憐的女孩心痛不已，從成都到全國乃至全世界，現實世界與互聯網空間聯動，所有愛心人士開始為這個弱小的生命捐款，"和諧社會"成為每個人心中的最強音。短短10天時間，來自全球華人捐助的善款就已經超過56萬元，手術費用足夠了，小佘艷的生命之火被大家的愛心再次點燃！宣佈募捐活動結束之後，仍然源源不斷收到全球各地的捐款。所有的錢都到位了，醫生也儘自己最大努力，一個接一個的治療難關也如願地一一闖過！大家沉著地微笑著等待成功的那一天！有網友如是寫道：

"佘艷，我親愛的孩子！我希望你能健康的離開醫院；我祈禱你能順利的回到學校；我盼望你能平安的長大成人；我幻想我能高興的陪你出嫁。佘艷，我親愛的孩子……"

6月21日，放棄治療回家等待死神的佘艷被重新接到成都，住進了市兒童醫院。

錢有了，卑微的生命有了延續下去的希望和理由。

佘艷接受了難以忍受的化療。玻璃門內，佘艷躺在病床上輸液，床頭旁邊放著一把椅子，椅子上放一個塑膠盆，她不時要側身嘔吐。小女孩的堅強令所有人吃驚。

她的主治醫生徐鳴介紹，化療階段胃腸道反應強烈，佘艷剛開始時經常一吐就是大半盆，可她
"連吭都沒吭一聲"。剛入院時做骨髓穿刺檢查，針頭從胸骨刺入，她"沒哭，沒
叫，眼淚都沒流，動都不動一下"。

佘艷從出生到死亡，沒有得到一絲母愛的關照。當徐鳴醫生提出："佘艷，給我當女兒吧！"佘艷眼睛一閃，淚珠兒一下就涌了出來。第二天，當徐鳴醫生來到她床前的時候，佘艷竟羞羞答答地叫了一聲："徐媽媽。"徐鳴開始一愣，繼而笑逐顏開，甜甜地回了一聲："女兒乖。"

所有的人都期待奇跡發生，所有的人都在盼望佘艷重生的那一刻。很多市民來到醫院看望佘艷，網上很多網民都在問候這位可憐的孩子，她的生命讓陌生的世界撒滿了光明。

那段時間，病房裏堆滿了鮮花和水果，到處瀰漫著醉人的芬芳。

兩個月化療，佘艷陸續闖過了9次"鬼門關"，感染性休克、敗血症、溶血、消化道大出血……每次都逢凶化吉。由省內甚至國內權威兒童血液病專家共同會診確定的化療方案，效果很好，"白血病"本身已經被完全控制了！所有人都在企盼著佘艷康復的好消息。

但是，化療藥物使用後可能引起的並發癥非常可怕。而與別的很多白血病孩子比較，佘艷的體質差很多。經此手術後她的體質更差了。

8月20日清晨，她問傅艷："阿姨，你告訴我，他們為什麼要給我捐款？"

"因為，他們都是善良人。"

"阿姨，我也做善良人。"

"你自然是善良人。善良的人要相互幫助，就會變得更加善良。"

佘艷從枕頭下摸出一個數學作業本，遞給傅艷："阿姨，這是我的遺書……"

傅艷大驚，連忙打開一看，果然是小佘艷安排的後事。這是一個年僅8歲的垂危孩子，趴在病床上用鉛筆寫了三頁紙的《遺書》。由於孩子太小，有些字還不會寫，且有個別錯別字。看得出整篇文章並不是一氣呵成寫完的，分成了六段。開頭是"傅艷阿姨"，結尾是"傅艷阿姨再見"，整篇文章"傅艷阿姨"或"傅阿姨"共出現7次，還有9次簡稱記者為"阿姨"。這16個稱呼後面，全部是關於她離世後的"拜託"，以及她想通過記者向全社會關心她的人表達"感謝"與"再見"。

"阿姨再見，我們在夢中見。傅艷阿姨，我爸爸房子要垮了。爸爸不要生氣，不要跳樓。傅阿姨你要看好我爸爸。阿姨，醫我的錢給我們學校一點點，多謝阿姨給紅十字會會長說。我死後，把剩下的錢給那些和我一樣病的人，讓他們的病好起來……"

這封遺書，讓傅艷看得淚流滿面，泣不成聲。

我來過，我很乖

8月22日，由於消化道出血，幾乎一個月不能吃東西而靠輸液支撐的佘艷，第一次"偷吃東西"，她掰了一塊方便麵塞進嘴裏。很快消化道出血加重，醫生護士緊急給她輸血、輸液……看著佘艷腹痛難忍、痛苦不堪的樣子，醫生護士都哭了，大家都願意幫她分擔痛苦，可是，想盡各種辦法還是無濟於!
事。

8歲的小佘艷終於遠離病魔的摧殘，安詳離去。

所有人都無法接受這個事實：那個美麗如詩、純凈如水的"小仙女"真的去了另一個世界嗎？記者傅艷撫摸著佘艷漸漸冰冷的小臉，泣不成聲，再也不能叫他阿姨了，再也不能笑出聲來了……

四川線上，網易等網站沉浸在淚海裏，互聯網被淚水打濕透了，"心痛到不能呼吸"。每個網站的消息帖子下面都有上萬條跟帖，花圈如山，悼詞似海，一位中年男士喃喃低語："孩子，你本來就是天上的小天使，張開小翅膀，乖乖地飛吧……"

8月26日，她的葬禮在小雨中舉行，成都市東郊殯儀館火化大廳內外站滿了熱淚盈眶的市民。他們都是8歲女孩佘艷素不相識的"爸爸媽媽"。為了讓這個一出生就被遺棄、患白血病後自願放棄自己的女孩，最後離去時不至於太孤單，來自四面八方的"爸爸媽媽們"默默地冒雨前來送行。

她墓地有她一張笑吟吟的照片，碑文正面上方寫著："我來過，我很乖(1996.11.30.--2005.8.22)"

後面刻著關於佘艷身世的簡單介紹，最後兩句是："在她有生之年，感受到了人世的溫暖。小姑娘請安息，天堂有你更美麗。"

遵照小佘艷的遺願，把剩下的54萬元醫療費當成生命的饋贈留給其他患白血病的孩子。這7個孩子分別是楊心琳、徐黎、黃志強、劉靈璐、張雨婕、高健、王傑。

這七個可憐的孩子，年齡最大的19歲，最小的! 只有2歲，都是家境非常困難，掙紮在死亡線上的貧困子弟。

9月24日，第一個接受佘艷生命饋贈的女孩徐黎在華西醫大成功進行手術後，她蒼白的臉上挂上了一絲微笑："我接受了你生命贈與，謝謝佘艷妹妹，你一定在天堂看著我們。請你放心，以後我們的墓碑上照樣刻著：我來過，我很乖……"

發發發牢騷

我要走! 我要離開呢個地獄!

而家返緊工呢度, 本身已經唔係好做,個section都算忙o既,
之前仲要同班垃圾公務員一齊減人工, 同工不同酬愈差愈遠
又唔係長工, 前途又無, 人工又唔係高

都算啦

前排同我同一組o既同事走左, 我一個人做2個人野,
有時老細放2個星期假, 就要做3個人野
上星期仲有日11點pm先收得工

咩都要我做晒, 個senior又麻"咇"煩, 少少野都要改來改去, 又驚死
為左自己方便少少, 就要人做好多麻煩功夫
d投訴o既人又硬膠, 識少少扮晒代表, d語氣又乞人憎
好想打鑊佢地, 不知幾想係電話串到佢地口啞啞

捱左個幾月, 上星期終於有個新人來幫手, 諗住好d啦
點知o岩o岩收到消息, 個新人要走了! 轉post做SO, personnel有無病?! 有無溝通架?!
又得返我一個做!
點做?!?!

願我之前見果份工請我
我要走! 我要離開呢個地獄!

世界杯完結前, 我一定要離開呢度!

完

劇 -- 野鴨 (The Wild Duck)

星期四晚睇左套舞台劇, 圈圈老師有份做, 所以去捧場。
事前, 圈圈話會做差唔多3個鐘, 又話會好悶, 結果呢...

呢個劇係十九世紀o既文壇巨人 - 易卜生 o既大作之一, 係睇之前我無去專登搵資料, 係睇完之後先再睇的。
劇入面o既劇情, 對白同人物都有好多都帶象徵意義, 透過呢個劇帶出左好多人生/人性o既野, 但係(起碼我自己覺得)又唔會好深奧好文藝, 幾有意思。至於個故事方面(唔諗住係度講了, 有興趣上網search, 好易搵), 劇情都幾牽引到我, 而且個flow一路落去都合理。我上網睇返英文版(可能有幾個唔同version), 發覺今次睇呢個中文版o既翻譯, 正如導演所講都跟得好足(得覺得譯得唔錯了, 起碼有d深層o既o既意義係中文都感受到), 舞台/燈光/服飾/各樣安排都好唔錯呢~~

演出方面, 大部份o既演員都做得好唔錯呢(圈圈都OK呀), 不過果2個男主角我就覺得麻麻地, 原因唔係佢地做得唔好, 而係佢地o既戲份係最難做, 最多對白同埋最緊要o既, 再加上可能驚太長太冗o既關係, 佢地d對白去得好快, 有時d中間interaction位太少...好唔舒服, 撇開難唔難o既關係, 覺得2個男主角(尤其係希瑪艾道)做得無咩味道。

呢套戲帶俾我好深o既感受。第一, 佢入面講o既幾個唔同種類o既人o既諗法同人生觀, 都係我好明白o既(係明白, 而唔係認同), 而帶出來o既信息, 我都好明白。第二, 就係我身邊有幾個人, 同劇中人物好相似; 並唔係話佢地o既經歷或者人生觀似, 而係佢地o既"思考方式"同埋"執著"好相似, 我覺得如果佢地去睇, 一定有所得著, 或者可能有所改變, 雖然無咩可能...

總的來講, 我覺得係一個好o既演出來o既, 而且一d都唔覺得悶呢!

p.s.
1. 全場我諗我係唯一一個無笑過o既人, 不過有幾個位好多人都笑同拍手了; 我從來都唔會覺得一d可悲/無知o既野係好笑
2. 入場時發現之前另一個話劇老師Jason都有入場睇
3. 睇緊時都係有d人做滋擾性o既野, 好彩唔多...

完

五月二十一日 -- 雜記

1. 今日係呀Sam生日, 生日快樂呢~
2. 呢排都係忙+極累, 所以個blog update得好慢
3. 17/5, 星期三, 仲返緊工司時(遲左少少), 打來話有黃紙(緊急野), 返到公司即刻出site, 11點幾時收工, 12點先返到去...當晚睇埋波添
4. 18/5, 星期四, 原訂同Carmen and William一齊去文化中心睇"野鴨", 點知William唔得閒唔來得, 張飛唯有臨時叫呀娟來睇~
5. 19/5, 諗過收工去睇Z II, 不過呀強話下星期先, 加上自己又累, 所以返屋企抖...
6. 20/5, 同呀哥去深圳和一班人參加活動, 都有5-60人, 係沙灘玩團體遊戲, 見大家都玩得好開心呢~ 不過我負責幫手而已, 本來個人都累, 更累呢~=.= 大型活動散左之後, 佢地有十幾個人(熟果堆)過夜通宵玩, 都有叫埋我, 不過我食完晚飯就返HK了~ 其實都幾想同佢地一齊玩呢, 幾好玩呀~ (雖然同佢地唔熟)
7. 係沙灘見到幾隻汪, 都好乖同幾好玩呢~~ 有一隻汪俾主人用沙埋剩個頭都唔郁, 好乖呢~~ 活動有參加者帶埋隻汪來, 我都有玩呢~~ (最衰無同最大隻果隻玩~~ >.<)
8. 個沙灘好大好靚, HK果d矛得比啦~
9. 21/5, 星期日, 抖, 矛波打, 落大雨
10. 來緊星期二係每月之星聚會了~~

完

颱風"真豬"對我o既影響 =.=

1. 打風落雨返工好麻煩
2. 葵涌貨櫃碼頭路葵順工業中心o既一幅大約80m x 40m的棚架倒塌, 幸好無傷到車/人, 不過我同老細一返到公司就要出去...出到去基本上都無咩可以做, 間工業中心本身有AP有contractor, 佢地自己會做野, 我同老細基本上就係係風雨之中影幾張相, 之後就係等等等, 等佢拆完棚解返封路就走人。話就好易, 不過好好好悶同好好好無聊, 係個管理處度畫公仔...等到6點幾都未拆完, senior來左, 叫我地留一個係度陪佢, 我當然叫我老細返屋企先啦...之後單野一波三折之下, 攪到11pm先攪掂; 同senior一齊o既時間仲唔坐, 係街度企足幾粒鐘添...累死人...
3. 過程中, 見識到d人操作d大型吊臂十分之極度靈活, 諗起"機械人"係有可能的...
4. lunch同dinner都唔使俾錢, 不過我寧願無呢件事咯
5. 走時同senior同一條路(MTR 葵芳-->藍田)...
6. 第二日早上要出site, 因此而唔使我出, 老細同新同事出
7. 第二日逢旨遲到, 亦都因為咁, 睇左下半場o既巴塞對阿仙奴, 都幾好睇呀~
8. 第二日都唔係極遲...10點島姐

完

短篇 -- 迷路女孩日記 (節錄)

迷路女孩日記 (節錄)

X月X日 星期三 (晴)

今天很~~早放學, 沒約人去逛街, 又不想那麼早回家, 突然想試試走路回家。
平常只5-10分鐘的車程, 不知要走多久呢? @@
我果然是個方向白痴 (一.一)", 轉過幾個街角, 就不知自己身在何方了, 我枉為這裡的市民呀~~ >.<
不知所措之際, 背後有人拍我膊頭, 咦...不是死黨健同學嗎?
原來他剛好在附近逛, 真是救星呀~~ 和他說說笑笑的, 不經不覺就回到家樓下了。(回到家好遲了~)
不過只顧閒談, 沒有好好認路呢 : p

X月X日 星期四 (晴)

很無聊的一天
在學校和健聊著回家的路徑, 他一說到第三個街口我就迷糊了 =.=
還是下星期三再試試吧...@.@

X月X日 星期三 (陰)

約了健"教"我回家, 從學校左轉右拐的, 很快就忘記怎走了 =.=
過了不知多久, 回到家了~~
哈, 話好像說不完, 在樓下談了很久才88

X月X日 星期三 (晴)

好像成了習慣, 星期三放學就會步行回家; 一如往常有健同學為客席嘉賓~ ^o^
總是認不了路 >﹏<, 不過這次好像走了不同的路? 不太記得了, 算吧~
回到家, 媽媽問我為何逢星期三總是晚了很~~多才回到家, 就算步行回來也不用這麼久吧?
哈, 可能談得太高興, 放慢了腳步吧? ^o^

X月X日 星期三 (雨)

下雨沒帶傘 =.= (笨)
堅持步行 =.= (更笨)
健打傘陪我回去 (沒有他我跟本回不去)
2個人1把傘, 靠著他的感覺...唔...
今天大家都無言...路程好像很遙遠...

X月X日 星期四 (雨)

發呆的一天
望著窗外有點想在雨中漫步的感覺...
不覺意翻開地圖...發現...

X月X日 星期五 (陰)

想問健一件事, 卻又不知怎開口, 為什麼呢?
好奇怪! >.< 他也好奇怪!! >.<
要在下星期三前記熟附近的路!

X月X日 星期三 (晴)

原來如此...
他明知人家是路痴, 卻故意每次都帶我繞遠路的 >﹏<

嗯...另外...我...談戀愛了 ^.^

完

後記: 各位路盲小心身邊有人點你四圍行拖長返屋企o既時間哦 ^__^

打鼓

係呢度想講o既, 當然係真係drums o既鼓, 唔係肚餓打鼓啦

由細到大, 都玩過唔少野, 陪養過好多興趣
隨住年齡增長, 見o既野多左, 時間/體力/精神所限, 有d野慢慢無再玩, 又有d野開始有興趣玩
而當中, 打鼓係比較特殊o既一種

細個o既時候, 咩都無學無玩, 所以隨左讀書之外o既音樂/體育/美術方面咩都唔識(同某人一樣)
雖然如此, 細個都會對好多野好有興趣, 覺得好似好正咁, 各方面例如彈琴, 打鼓, 結他, 各類運動, 畫公仔等等, 都好想試下。

直到中學, 個個玩開o既野都有返咁上下, 自己都係咩都唔識, 音樂方面唔識睇譜唔識咩音咩音唔在講, 就算朋友講足球咩隊去踢波都係咩都唔識, (提外話, 佢地講漫畫動畫遊戲機我都係咩都唔知), 好難融入去玩, 因為一個新手一來點同老手玩? 不過開始有打下籃球, 慢慢地都有得同d勁人打下(當然都係唔勁果幾個)。畫公仔都係無學過基本野, 永遠到咁上下就無咩進步, 而且一睇就知有d基本野係唔識的 XDD

愈扯愈遠添 :p , 細個一向無咩點掂音樂o既野, 最叻就係由細到大成日聽歌, 識好鬼多九唔搭八o既歌, 新舊都o岩, 而係聽o既時候, 成日成首歌o既咩components都會聽: 主唱, 和音, 結他, bass, keyboard, arrangement, 鼓等等, 都會逐樣留意(當然係中意o既歌先會啦), 而當中, 好中意和音果part, 而樂器方面就好留意到"鼓", 覺得好正!

雖然如此, 係中學時代都係無機會接觸呢樣野。其實都好正常, 由於鼓好少會獨立打, 一定會加埋第2d樂器; 又佔得多位, 又嘈, 屋企一定打唔到; 加上本身如果無學, 跟本就唔會有機會掂到啦。第一次叫係接觸到, 係係讀City年代。

讀City時, 識左呀Mak呢個死黨, 成日都同佢食飯或者出來hea, 空閒時無咩做, 呀Mak就中意係機舖"打躉", 貪有冷氣, 有得坐, 消費低(雖然有時好大煙味)。不嬲都好少落機舖o既我, 當然少打機啦, 係間唔時先打下d格鬥games; 當時好興捽碟機, 亦係音樂機o既始祖, 呀Mak都打得幾好添, 慢慢見到有結他機同跳舞機出現, 果時見到結他機, 我已經諗"其實如果結他機都整到, 打鼓機應該都OK喎!) 哈, 俾我馬"前"炮, 一語成纖, "up"中左, 無耐出左打鼓機, 亦係我開始"接觸"到類似"鼓"o既野。

初初出部機o既時候, 覺得好有趣, 但係由於幾貴同埋好似好難, 一路都無打; 後尾呀Mak試下打, 有時俾一首歌我玩, 覺得好難打, 但係好好玩! 後來我同佢都一齊有玩, 仲通常去松舖都剩係打鼓機無打其他機添。慢慢地, 交左唔少學費, d歌慢慢都打到難o既歌, 呀Mak可能一向都唔係當興趣, 所以都係打機咁打; 而我由於好中意打鼓o既感覺, 於是經常地係打o既時候改進打o既技巧, 所以有某d pattern同打法有所進步。(有好多人話打鼓機同真鼓好唔同, 係2樣野; 我自己覺得, 打落真係好唔同, 差好遠, 但係打鼓機對於練習手腳協調同打beat的sense係有用的)

到左返工, 自己終於可以自己去選擇去學下d咩, 玩下d咩; 其中一樣, 就係打鼓。由於去外面學好貴, 一堂要百幾二百蚊, 邊有咁o既閒錢呀~ 所以去工聯會學。初班同中班對我來緊好簡單(証明係打鼓機有心練係練到野o既), 係上堂期間, 發覺有d人似乎都係有打過打鼓機, 不過因為同佢地o既expectation唔同(佢地想打d難o既野, 但係其實基本功不足), 所以學學下上左幾堂就無返; 去到尾時剩返幾個人返lu; 其實學打鼓係好悶的, 因為初初練手腳協調, 同打基本beat的時候, 咩都無齋練, 如果唔中意係會覺得好悶的, 我自己可能真係中意, 所以好enjoy上堂o既時間(因為真係可以上個真o既鼓打), 從中亦睇出呢樣真係自己o既興趣所在。

學左2期, 之後因為讀part time無時間而停左, 最近又報返來學, 跳左高班報延續班; 發覺有心報o既同學有幾個level都有咁上下(當然都有d遠遠跟唔上), 而自己亦take up到d野; 不過最大問題, 係實戰經驗, 其實自己o既手腳協調, rolling, fill-in都跟到, 但係由於好少打真o既鼓, 上到去唔熟個位, 所以好生硬, 有時到左fill-in位又唔一定跟得晒; 比起初初, 數拍子準左, 對於鼓手來講, 呢樣都係最緊要呢~~ 希望以後有機會打多d鼓, 可以更上一層樓啦~~

完

我又懶

其實d問題好少, d答案又幾general, 不過都post出來啦

Get to know yourself better

Your view on yourself:

You are down-to-earth and people like you because you are so straightforward. You are an efficient problem solver because you will listen to both sides of an argument before making a decision that usually appeals to both parties.
The type of girlfriend/boyfriend you are looking for:

You like serious, smart and determined people. You don't judge a book by its cover, so good-looking people aren't necessarily your style. This makes you an attractive person in many people's eyes.
Your readiness to commit to a relationship:

You prefer to get to know a person very well before deciding whether you will commit to the relationship.
The seriousness of your love:

You are very serious about relationships and aren't interested in wasting time with people you don't really like. If you meet the right person, you will fall deeply and beautifully in love.
Your views on education

Education is less important than the real world out there, away from the classroom. Deep inside you want to start working, earning money and living on your own.
The right job for you:

You're a practical person and will choose a secure job with a steady income. Knowing what you like to do is important. Find a regular job doing just that and you'll be set for life.
How do you view success:

You are afraid of failure and scared to have a go at the career you would like to have in case you don't succeed. Don't give up when you haven't yet even started! Be courageous.
What are you most afraid of:

You are afraid of having no one to rely on in times of trouble. You don't ever want to be unable to take care of yourself. Independence is important to you.
Who is your true self:

You are mature, reasonable, honest and give good advice. People ask for your comments on all sorts of different issues. Sometimes you might find yourself in a dilemma when trapped with a problem, which your heart rather than your head needs to solve.

完

好人/壞人

"好人有好報，惡人有惡報"
相信大家都唔相信呢句野
起碼我唔多信先

綜觀人類幾千年o既歷史，或者係大家過往o既經歷
大家應該唔難舉出好多例子，證明呢句話係錯o既

不過，當然亦錯唔晒，而且都唔可以錯晒，如果唔係，失左平衡，呢個世界就唔會好似而家咁，懶有秩序，好似有公義咁(無左都係無，不過會更加亂)

呢個世界上o既野，無人可以話到對錯，好多野亦好難分對錯，我唔想討論呢樣野，不過即使有好多好明顯係大是大非o既事，一樣有人照做錯又無事，有人做得o岩反而好大鑊

我成日都講，世界就係因為d野估唔到，唔係樣樣都"合理"，唔係人人都行同一個flow先有趣，所以我亦唔會批判好人／壞人應該點點點

不過"好人有好報，惡人有惡報"<---呢句野應該有個更全面既解釋，如果唔係好易教壞細路
好人"可能"有好報，不過通常都係受左好多苦之後，先得到一ｄ好精神上o既好報
惡人"可能"有惡報，不過通常都開心左好耐同著數左好耐，先有唔係好大o既惡報
當然，都唔係一定，不過眼見好多情況都係咁...

咁我仲做好人來做咩?

完

五月十四日 -- 雜記

1. 其實keep住想寫野, 唔寫文日記都好, 不過好忙...
2. 10/5, 收工約左Carmen食飯, 出到來佢話唔肚餓, 於是飲野, 坐坐坐坐到8點幾, 佢走去上堂(之後佢同威爺食飯), 我就搵呀哥, 佢係SSP整完野, 於是我上SSP同佢食飯; 去左譚仔食, 食埋個土匪雞翼, 食係幾好食, 不過都係貴d, 食完返企都唔早了...
3. 11/5, 呀娟生日日, 詳見之前果篇野, 累
4. 12/5, 好累, 遲左起身, 返緊公司時老細打來話有黃紙...一返來就出site; 收工都係返屋企, 11點幾就訓了...
5. 13/5, 都係累; 早上返工, 下午同娟, Mandy, Sam一齊北上深圳; 呀Sam前幾日吹雞, 咁就成行了; 果日要等Mandy收工(1.00pm係荃灣走), 所以約左娟同Sam係沙田食左飯先; 食完飯等Mandy到沙田, 就一齊上去; 過關好多人, 而且開得幾個普通counter, 逼人做自動通道, 不過step都幾快做得完, 係多人姐; 上到去都3點島了, 呀Sam話累, 不如按摩先, 於是去佢去開果間好up-dup的"骨場", Sam齋按腳2個鍾, 娟同Mandy就按身2個鍾, 我就一半一半; 2個鍾$50好平, 不過按身十分麻麻地...腳就OK喎; 按完都5點幾, 搭地鐵去"深圳購書中心", 佢地幾個唔多睇書o既, 都無行晒 =.= 呀娟買左幾本手工藝書(麵粉花, 勾披肩...etc), 睇左一陣6點幾就走了; 打的去福田食海鮮, 我地4個人好誇張, 叫左一斤蝦, 一大隻羔蟹, 一碟鮑魚仔, 一碟扇貝, 十幾隻大大隻o既碳燒生蠔, 一碟通菜牛肉, 半隻雞, 連埋啤酒飯, 食得超滿足, 都係每人一舊島; 其實唔使咁貴, 因為雞同鮑魚都麻麻地, 可以唔叫的, d碳燒蠔好正呀~~~~食完坐陣, 再打的去華強北, 碌Ling; 我地打左3局, 連埋鞋錢都係每人50島, 好平~~~ 除左呀Sam, 我地都係第一次碌Ling, 呀Sam打得幾好, 平均都係百幾分; 我進步得幾快呢~ 覺得自己掌握訣竅同身體協調都OK呢~~ 第二局打左個全中 ^o^, 果局78分(當然都係好低分啦~), 打左３局, １１點幾, 又打的走人, 接近12點過關, 12點半島九龍塘上MTR, 1點島返到屋企~~
6. 14/5, 訓到差唔多12點幾, 基本上成日無做ｄ咩, 休息下抖下打下機咁, 夜晚呀媽去飲, 所以諗住來緊星期搵日再出去食飯; 呀Sam打來話晏ｄ想上來打機, 點知7點幾佢先去做gym, 諗住佢唔來啦, 誰不知佢話做完gym都想上來, 有ｄ野; 到左差唔多10點先來到, 同佢打下最新ｏ既winning 10, 幾好玩, 操控性都OK, NBA LIVE 06' 都幾好玩, 臨走問佢有咩心事, 佢又話無咩野; 佢12.30島走, 同佢傾電話講係邊搭車, 順便問佢有咩事, 佢先同我講, 好彩都唔係有咩大o既事, 不過都係會令佢有d down o既~~ 睇開ｄ啦~~ 又多個人會同我講心事了~ :p
7. 天日又要返工了...

完

五月十一日 -- 呀娟生日日

其實呢幾個星期都keep住好累, 之前果幾日都訓得唔係好好, 所以都好累
當日上午要出site, 下午做完手頭d野就準時收工

收工返屋企先, 執一陣野呀娟就收工了(6.00pm), 沖個身出門口, 去坑口做智能身份證, o岩o岩行到南豐就見到佢o岩o岩到, 入去唔使排隊就有得做, 話咁快攪掂走人

出到來搭98D去佐敦, 本來book左8.30pm, 未到8.00pm就到左, "音樂人"
都係食個西餐, 到咁上下時間外面台o既人就唱生日歌, 有人捧個蛋糕埋來, 我送埋份禮物俾佢
都幾開心, 坐到9.30pm就走人, so far都仲未覺得狀態大跌

9.45pm上到81C, 送佢返屋企, 坐上車就開始覺得累了 @@, 10.30pm到左佢屋企樓下, 10.45pm島上80X, 係KT轉296A, 返到屋企11.15pm島, 抖一陣沖埋涼都差唔多12.00了~~

都幾開心呀, 幾舒服

完

近期愛歌 -- "Since I Don't Have You"

打鼓堂呀Sir播佢o既mp3時曾經話可能會教o既歌
最後有同學話難打, 唔教了
一聽到呢首舊歌時(好耐無聽過), 好正!
好有feel, 好高亢~

"Since I Don't Have You" by Guns N' Roses

I don't have plans and schemes
And I don't have hopes and dreams
I, I, I don't have anything
Since I don't have you

And I don't have fond desires
And I don't have happy hours
I don't have anything
Since I don't have you

Happiness and I guess
I never will again
When you walked out on me
In walked ol' misery
And she's been here since then

(spoken) Yeah, we're fucked!

I don't have love to share
And I don't have one who cares
I don't have anything
Since I don't have you

You, you, you, oh, oh!
You, you, you, oh, oh!
You, you, you, oh, oh!
You, you, you, oh, oh!
You, you, you, oh yeah!

--
"Since I don't Have You" Copyright Guns N' Roses 1993
From the album "The Spaghetti Incident" Released November 23rd 1993

五月八日 -- 雜記

1. 呀麥今日生日, 生日快樂!!
2. 好耐無上blog, 因為屋企上唔到網, 又連續幾日放假, 又無攪過d咩整返部電腦...所以停產
3. 上星期三, 同Connie+Carol唱K, 雖然得3個人, 但係都幾開心; 終於都同Carol唱到K, 不過可惜呀Gap唔來; Connie唱歌個tone好溫柔, 仲有一度可能大家都無留意: 平時Connie唔算係一個好放開心情o既人, 但係當唱草蜢個Medley時, 我留意到Connie o既聲係唔同左, 唱得幾放同埋有俾到情緒落去的, 哇卡卡, 係好事呢 ^^
4. 星期四, 收工後同Carmen食個tea, 差唔多時間就過左灣仔同Angel食晚飯, 俾返之前呀馬屋企託佢拿俾呀馬, 而最後又拿唔到o既野我, 遲d俾返佢屋企; 同佢上左駱克道街市食飯, Angel好有心, 拿左6本佢去英國同呀馬旅行o既相簿俾我睇, 似乎玩得幾開心呢; Flora肥左呢, 呀馬仍然都係笑到果個gap樣XDDD, 食完睇完傾左都幾耐偈, 幾好傾呀, 之後就走了, 傾傾下傾到佢屋企樓下 ^o^
5. 星期五, 無野做, 好悶...之後夜晚同娟Maychan食飯打羽毛球, 好耐無打過, 而且技術又低, 不過打左差唔多個半鐘, 出一身汗, 好正! 之後如果繼續每個星期五攪我都要參加呢~~
6. 如果逢星期五打羽毛球, 星期日打波, 加上六月開始一個星期2日游水, 仲有不定期跑步, 個體能應該會好好多呢~~~
7. 星期六, 都係無咩做, 娟幫我修一修頭髮, 夜晚我地2個同Maychan+貓一齊去合時, 今次試過d炒蜆, 一般姐, 唔係特別好食; 食完之後好飽, 上我屋企, 打"太鼓之達人", 大家都好開心呢~ 打到11點幾12點就散了
8. 星期日打波o既約定, 愈發顯示d朋友係幾唔considerate; 平時佢地個個住對面海, 我過去就無可口非, 佢地唔肯去QuarryBay而要去維園我都接受, 但係佢地自己住得近就約8點, 完全無諗過我, 係咪有d唔係咁好呢? 聽到覺得有問題o既人, 當時又唔會幫我講一句, 會唔會又唔係咁好呢? 如果係我, 我都一定會幫friend諗, 改唔到都會嘗試爭取呀...
9. 星期六晚散左後, 本來諗住沖涼訓覺, 點知由於有d特別原因, 搵左民仔同呀馬3-line, 傾左好耐偈傾到2點, 我叫停先訓...第2日仲要7點幾起身打波...
10. 星期日打波, 一起身好~~眼訓, 右手超酸軟(羽毛球o既關係), 個人又好累... 不過打得好好! 手感返晒來! 十分準呢~~ 連勝~ 打左幾個鐘, 大家都累, 最後一場完全地outplay左民仔, 鏟籃/射波/爆籃/reverse layup/民仔o既絕招勾手都用埋, 個人入左5-6球, 大勝...哇卡卡
11. 打完波, 例牌上我屋企打winning(交收左MG MK II Ver 2.0 Titans Colour, 好型!!), 大家都因為知多左操作方法而有進步; 打到7點零, 我換埋衫同民仔一齊走; 過海參加Nickyo既係灣仔會展o既飲宴, 其實同佢唔係好熟...一般啦d野...OK o既, 見到d場面都幾開心, 由其係新郎上台講野好gap, 仲唱"妳的名字我的姓氏"添, 新娘致詞感觸到喊, 都幾感人呀 ^o^
12. 星期一, 有新人來, 暫時感覺普普通通, 無咩特別; 下午請假見工, Lands Department, 臨急抱佛腳溫書...最終都無問溫o既野, 好彩佢問d野我都識識地, 又OK答到喎; 估唔到佢6-7成用英文問 @@, 再估唔到我又答得OK流利喎, 唔知結果點呢?
13. 星期一其實好頻撲, lunch同Carmen食完之後, 影快相, 之後返屋企先, 執好晒野過海見工, 見完又返屋企擺返d野, 又出返MK(電話完全無電)...同Connie食左個tea, 等到娟來左俾d有關麵粉花o既野俾Connie, 之後Connie走, 我同娟食飯, 食完飯我上堂, 上完堂返企都唔早了...連續3日遲訓...

世界是誰的

睇開一篇講貓o既文章, 今次講愛協人道毀滅貓o既事件, 篇野講開"人"成日都操好多野o既生殺大權, 從而再傾究竟世界是誰的

節錄其中一段
"在這個連自殺都是罪的社會，我們連自己都不能決定生命的結束，又豈可有權決定另一個生命的去或留。可是居然有人可以隨便將個別生命處死……難道只是因為一句「非我族類」嗎？
世界究竟是誰的？如果人類不是已經組成一個強大的「組織」，如果人類不是發展出各種先進科技與武器，如果人類不是學懂生產、耕種與畜牧，那麼我們和其他動物根本沒有分別！每個民族，最初都是流浪的民族，我們根本應該與其他動物共存。如果我的貓貓能說話，他們會不會問：「媽媽，為何街上的貓貓要死？」"

十分同意
唔好話究竟世界是誰的, 連人點解要生存係世界上都未知, 仲攪咁多野?
國際自然及自然資源保護聯盟(IUCN)花兩年時間編纂的瀕危物種報告, 又多左一堆瀕危物種...
萬物之靈真的會整到個世界愈來愈亂同愈來愈差的嗎?

完

五月二日 -- 雜記

1. 上星期五晚, Carmen正日生日, William約出來一齊食飯...果日狀態好低, 基本上累+頭wingwing; 收工同Connie同馬田飲野, 好舒服咁傾下偈, 坐下, 好正; 7點幾散之後返一返屋企先, 返到去8黠零, 唔多夠時間抖, 唯有沖個涼換個衫出去; 出尖咀架車當然快(4個字), 9.15pm出到去了; 收工時買定禮物, 所以一去到就可以食飯唔使四圍騰; 齊左3個人之後William帶我地去諾士佛Terrace的西班牙野EL CID食飯; d野都OK啦, 幾好食不過又唔係好impressive, 食左: 成碟黑色墨汁o既墨魚(呢個口感幾好), 番茄蒜蓉包(都幾好食), 一碟貝殼類(普通) 仲有果d因為日子開始淡忘了(主果2碟係羊同魚咁咯), 個環境好熱鬧, 每一桌都係高談闊論, 唔使驚自己嘈(有個好似霑叔o既呀叔, 講野好大聲連笑聲都似); 有2個人會行埋來邊彈結他邊唱, 都幾正呀~~ 11點幾食完飯, 諗緊食咩dessert時, 講起之前喵姐介紹果間Daisy, 即時放棄呢度, 埋單打的過MK(禮物都OK滿意); 第二次介紹野俾佢地, 好彩獲得好評, 傾下食下12點幾, 埋單走人, 1點上車, 點半返到屋企沖涼2點訓...cher得太勁, 所以之後果幾日假期都無精神
2. 星期六, Long Week, 返公司, 收工食lunch, 食完, 返屋企, 訓訓訓訓到晚飯時間, 無咩做過
3. 星期日, 一早起身做義工, 幫個活動做定點o既checkpoint工作人員, 企成朝無咩做; 12.30完, 同Albert, Albert嫂, Addison, Crystal, 娟食lunch, 食完, 又係返屋企, 訓訓訓訓訓到晚飯時間, 無咩做過; 部電腦愈來愈唔得, 用就無咩問題, 係上唔到網; 搵呀哥幫手, 原來有大量spyware同中左病毒...有排整, 所以之後幾日(到而家都仲係)唔點上到網(間唔時得)
4. 星期一, 五一假期, 中午呀Mak來TKO, 陪佢四圍睇下TKO的樓, 睇下價, 有機會做鄰居, 開心死呢~~ 睇完上屋企打陣機, 咁又一日...
5. 星期二(今日), 返工, 一早要左架車出site, 下午做左陣野, 有d悶, 上blog XDDDD, 收工又無得跑步, 約左呀哥報游水, 要提升下個泳術先~~
6. 明天星期三, 收工同Connie+Carol仲有唔知咩人唱K, 希望好玩啦, 卡卡卡卡
7. 下星期一, 有新人來, 終於有人幫下手了, 下午見Lands, 仲未有任何tips...
8. 又要繼續做野

完

上班巴士途中的慘叫聲

前幾日搭巴士, 過左九龍灣去到啟業果頭, 好鐘意望街o既我, 突然覺得好唔慣, d景物好似有d唔同; 到左啟業, 發覺本來種係啟業同條大馬路中間果一堆大樹, 俾人砍晒落來! 架車埋站時, 我望住d大樹橫七豎八咁訓晒係度, 我彷彿好似聽到佢地係度悲吟緊...慘叫緊...
果d樹雖然大棵又伸左出來馬路, 但係不嬲都唔會阻住d車(就算有阻都會有人修剪), 應該係果個area要做d唔知咩野先殺晒佢地...只剩下幾棵細d的樹無砍到, 係樹上掛左"移植"o既牌...
究竟果個咁細o既位可以整d咩呢? 做咩要咁樣樣做呢? 本來有d樹係度, 係果個站等車o既人有樹蔭, 係果度住o既居民唔使直接對住大路, 俾d樹隔一隔; 而家? 無晒了...唔知想點
今日再經過, 見到果幾棵細樹仍然瑟縮係風雨之中, d砍左落來o既樹仍然係訓左係d泥地上面, 但係我已經再聽唔到有咩聲音了...

四月二十八日 -- 雜記

1. 返工繼續忙忙忙, 仲有煩煩煩! 一個人頂晒d野實在係做唔設, 仲成日無啦啦隊d野來話要做左先, 之前d野都清唔到, 呢排仲要唔知咩事多左好多好串又乞人憎o既人打來, 好唔開心 \.||./!
2. 唯一好消息, 就係5月8日會有人來頂partner個位了
3. 星期二, 收工諗住同Rex跑步+食飯, 不過佢話要返屋企食飯, 跑完7點幾就散; 搭車入TKO, 落車都6.30pm了...跑唔到d咩+果日好累, 所以無跑到了...
4. 星期三, 其實都有d心郁想報多次話劇, 好好玩好開心好relax, 不過都係無; 原本果日約左小曼, 民仔, Carmen同威少唱K, 不過威少一早話過唔一定得, Carmen又話報多次話劇, 要上堂唔來, 於是散band, 返屋企食飯hea左一晚, 不過反正個人都累累地...; 呀娟同Mandy上話劇第一堂, 聽返佢講都覺得好玩, 而且佢地呢班幾多後生女, 仲幾靚添, 呀Sam聽到肯定好失望 XDD, 至於Carmen就報左晏d果班, 好似都幾好玩; 似乎2班人都OK好玩呢~~
5. 星期四, 返工繼續忙, 個人狀態仍然低, 好累...每月之星就係呢日, 收工後同呀Mak一路傾偈一路行去佢屋企, 仲上埋去, 借左好多碟俾我; 離開佢屋企一個人行去石硤尾玩具店, 好平! 無買野, 去join Carmen, 搭巴士去佐敦; 食雪糕, 買六合彩, join埋其他人(係MTR見一見呀源), 之後就上去Crystal介紹o既餐廳食飯
6. 間餐廳環境幾好, 暗暗地又靜靜地好舒服, 中間有一個空曠o既位置俾人隨時出來跳舞; 有個樂師彈琴唱歌, 好好聽~~~ d野食都唔錯, 每位百幾蚊, 幾好呢~~ 唯一唔妥o既, 就係我地班人好嘈...唔多好...應該要靜靜地的, 11點島走, 個人有d唔舒服了...
7. 今天星期五, 一早起身喉嚨痛, 又唔多舒服; Carmen生日正日, 收工約左Connie同Martin食tea, 之後磨到9點幾同Carmen威少3個人食飯; 原本諗住Carmen生日9點收工好慘無人同佢食飯, 諗住同佢是但食d野, 不過後尾威少join埋來, 仲話去食尖咀o既西班牙野, 我呢d鄉下仔...@@ 無所謂啦, 星期五我都唔怕晏o既 ^^
8. 來緊星期六long week, 收工要返企抖抖; 星期日就義工, 晨早8.30am要到MK, 星期一希望有波打

完

四月二十五日 -- 雜記

1. 呢排出post密左, 唔知有無人剩係會睇latest, 就無睇到中間果d呢? :D
2. 尋日唔知點解突然好唔開心, 個人好down, 可能工作真係好煩同好忙, 一個人做二個人野實在係爭d...
3. 尋日臨時搵人, 搵到呀源陪我食飯, 係佢雖要溫書o既時間入面都肯出來同我食飯, 真係thanks~
4. 弓起呀源加人工~~~~~~~~~~ 考試要努力呀~~~
5. 上打鼓堂, 見返好耐無見o既打鼓呀Sir; 全班大約8-9個人島; 呀Sir第一堂無準備野...問我地想學d咩野, 或者想學野咩歌, 大家當然都無準備, 咩都唔知; 結果呀Sir叫我地打個16 bit來睇睇; 本來我跳班都驚自己take up唔到d野, 不過發覺全班同學都係得2-3個打到...我都係其中一個, 睇來我都唔使好擔心 ^o^
呀Sir揀左d歌, 同學又講左d suggestion, 都唔係難o既歌, 之後應該會用歌來練, 無齋打咁悶呢~
6. 好耐無掂過鼓, 所以雖然手腳協調仲OK, 但係打落鼓o既感覺仍然不足, 不過呢d雖要時間去操了...起碼打就唔成問題o既~~
7. 上完堂, 個人無咁down, 打鼓真係一樣好適合的o既活動呢, 可以放鬆返自己~~
8. 上完堂出到來, 唔會玩野再行去等巴士, 一出來就MTR站, 緊係MTR啦~ (最衰dud 2蚊果度暫停左, 蝕左 :D) 返到屋企都係11點零, 唔太晏
9. 第日要晨早搵定人同我星期一食飯呢~~~
10. 今日收工要實行第一次o既跑步計劃了~~ 跑完返屋企食飯

完

四月二十四日 -- 雜記

1. 星期五收工, 過左一個好耐無試過o既收工; 話說好耐以前收工後成日無野做, 就同呀Mak食飯打機吹水, 呢d hair hair地o既日子好耐無試過~~ 星期五果日, 好難得地同康妮姐姐飲野, 兩個人係cafe傾下偈, 個種收工後抖丰同埋第二日唔使返工o既感覺好舒服, 好relax~~~ 7點幾, 同康妮姐姐散左, 本來都要返屋企, 去一去好耐無去o既"凱聲遊戲機"睇人打機, 見到呀Mak! 當然督一齊hair下啦~~~不過無打機; 由於呀Mak唔食飯, 反正又晏, 於是搵Carmen食飯, 等到拒收工食埋飯10點零返屋企, 好hair的一日哦~~ ^o^
2. 星期六, 無咩攪, 陪娟食飯報工聯會, 又多一個人因為我o既宣傳而報左話劇, OO老師應該俾返d"傭"我啦 XDDD 等緊o既時候, 都考慮緊自己要報咩, 因為直頭要開學了!
3. 煩惱緊報邊個:
3.1 流行鼓高班: 之前報過低, 中班, 太易, 高班無報過, 好處係循序漸進, 唔好處係驚太易, 晒錢
3.2 流行鼓延續班: 即係高班再上, 唔知程度去到邊, 好處係其覺得自己應該take up到, 唔使晒錢, 唔好處係始終有uncertainty, 同埋係3班o既時間係最差的: 8.45pm-10.15pm...
3.3 夾band班: 組合唔同樂器o既人為一班, 都係要求高班或以上, 好處係會好玩d, 又平d, 時間又OK, 唔好處係萬人自己水準未夠, 會影響人...
3.- 問過幾個人o既意見後, 最後揀左流行鼓延續班, 星期一就開波了~~ 希望take up到啦~~~
4. 呵呵呵, 星期日打波, 第一場打得唔好, 手感麻麻, 第二場開始愈戰愈勇, 雖然第二場都輸, 但係之後都開始贏到~~ 而家長期都係同民仔, BenChoi等一隊, 對猩猩+呀輝+Herman...等等o既組合, 但係都OK贏到 (雖然Benchoi有d矛); 星期日最後一場, 手感好到不得了, 贏10:4有6-7分都係我射入的, 好耐無咁好手感了~~~ 呀馬快d返來呀~~~~~~
5. 今日要上堂了, 來緊12堂收工後果幾個鐘點算好呢~~?
6. 近期寫返好多野, 不過都寫唔出自己心目中o既野, 原因有二: 好多野煩住唔專心, 草草了事; 好夜寫, 好眼訓; 因此, 寫唔到自己想寫o既, 其實本身用左d時間去諗左段落, 鋪排, 覺得都OK的, 不過最後o既product係好求其...
7. 我極度愛好自由同愛好朋友o既性格, 開始受到某d人講野了(尤其有時係同女性朋友食飯/吹水); 其實我都好明白的, 不過覺得有時大家都會有自己的生活, 我又多唔同堆o既friends, 而且最大原因係我細個成日都無野玩無得去街, 所以而家有時收工(又收得早)唔想咁快返屋企~~ (我又唔會好夜返到屋企); 不過好彩我去街食飯咩都好, 一定會講聲, 十分坦白又唔會隱瞞d咩野, 所以好少少o既~ 而且我相信大家都知我係唔會出軌果d人來o既 ^^v
嗯嗯, 不過我會檢討下同埋改善的~~~~~~~

短篇 -- 一分鐘

四月份一個仍然清涼的早上, 小麗在火車站等著列車

"列車還有一分鐘到站, 乘客請站在黃線後..." 月台的廣播令小麗陷於回憶中...

**********

"小麗, 你現在哪兒了?"
"榮, 我差不多到了, 你就等多我一分鐘吧!"
"我已經等了你一個鐘了, 拜託你就算要常常遲到, 也不要遲那麼多吧!"
"好的好的好的, 我差不多到了!"
"列車還有一分鐘到站, 乘客請站在黃線後..." 月台的廣播出賣了小麗
"什麼?! 你還在車站? 唉..."

**********

小麗回一回神, 火車卻已到站了, 走上車, 看見幾對情侶一對對的談笑甚歡
應該也是趁著這難得的假日去遊玩一番吧?
小麗獨個兒靠著窗站, 想起之前每逢假日都與呀榮一起渡過, 去不同的地方遊玩...
"我正在途中, 你等一等我吧...什麼? 你發什麼脾氣? 男孩子等女孩子天公地道的吧?!" 一個女孩講電話的聲音打斷了小麗的思路
只見一個年輕的女孩似乎和男朋友在講電話, 小麗瞬即又陷於回憶...

**********

差不多一樣的語句
"榮...我正在途中, 你等一等我吧, 等我一分鐘, 好不?"
"我已經等了你一個鐘了..."
"什麼跟什麼嘛, 要你等一等, 有那麼難嗎? 男孩子等女孩子, 天公地道!"
"我等了你很多一分鐘了, 一分鐘一分鐘一分鐘, 你要我等的何止一個鐘?"
"你不喜歡就不要等吧! 哼! 我回家了, 不阻你時間了!"
......

**********

那女孩一賭氣就下了車, 小麗只覺得她好像自己, 她想拉著她, 說些什麼, 但互不相識, 當然不好吧
"你不要浪費我時間吧, 我的時間很寶貴的, 每分鐘幾十萬上落呀!" 一個中年人大聲地說著話...

**********

"小麗...請你不要再遲到好嗎?"
"只不過一會兒, 等我一分鐘吧! 快到了快到了!"
"小麗, 我的一分鐘比你的一分鐘可珍貴得多呀..."
"我知我知, 你想說你每秒鐘幾千萬上落嘛..."
"你不明白..."
......

**********

火車到站, 小麗出來行了一會, 就到了一個很舒服寧靜的地方, 遠離了煩囂的都市
今天這裡比較多人, 她隨著人群慢慢地向目的地進發
幾經辛苦, 她終於走到了呀榮墓前
"榮, 我沒有遲到了, 看, 我還早了呢!"
她準備了各樣東西, 擺好了香, 花, 食物等等
"我沒有再遲到了...我不會再遲到了..."
"當時...你為何不告訴我你患了癌症? 只說你的一分鐘比我的一分鐘珍貴得多?"
"我知...因為你所餘的分鐘比我少...我知...我知道了..."
"我不會再遲到了..."

完

短篇 -- 不要離開我

小寶是一個很可愛的小女孩
她最喜歡爸爸了
爸爸常常給糖糖她吃, 又跟她講故事, 又買她要的玩具給她玩, 她每天都在那偌大的家中遊玩, 家中設施應有盡有, 爸爸也不用她去上學, 所以她跟本不用出去那污染的城市

她很愛她的爸爸, 尤其她知道爸爸很寂寞; 媽媽自懂事以來就不知道在哪裡, 只是看過相片而已; 家中也沒有僕人, 家務都是一段時間才請一批人來打掃一次; 飯都是爸爸親自煮的...
爸爸是一個很慈祥的人, 應該是年紀很大才生了她這個小女兒, 每當小寶看著爸爸那孤獨的身影, 就覺得他很可憐, 使她愈發愛她的爸爸

有時, 她會看見爸爸帶一些漂亮的呀姨和姐姐回來, 她也很喜歡某些和藹可親的姐姐, 但爸爸總不肯留她們下來陪陪自己, 陪陪小寶~

爸爸常常抱著小寶說: 小寶, 你是我唯一的親人, 爸爸很愛你的, 你不要離開我呀!
小寶便會摟著爸爸的脖子: 爸爸, 小寶最喜歡你了, 一定不會離開你的!

*************

有一天, 小實正在花園追逐著一隻蟋蟀, 追著追著來到了大屋後的一個倉庫
平常爸爸也不帶小寶到這裡, 也不準小寶進去, 只會帶那些呀姨姐姐來這裡
小寶追著蟋蟀, 蟋蟀一跳就跳入了倉庫裡了

小寶正玩得高興, 一手就推開了門進了倉庫, 卻找不著了小蟋蟀
她此時才意識到自己進入了倉庫, 好奇心使她慢慢地向內走, 想知道裡面放了些什麼東西
"一定是放了很多很多玩具, 不過爸爸不想一次過給小寶, 卻只給姐姐們看~~"

轉了角, 一個光景使小寶看傻了眼
"為什麼這麼臭的?"
"四...四周也是紅色的?"
"咦...那不是上星期見到的姨姨嗎? 為何她...沒有了手手腳腳?"
"半年前見過的姐姐也在...泡在了水中?"

小寶很害怕, 非常害怕, 她甚至叫不出來; 她拔腿轉身就跑, 一轉身卻撞到了一個人
那人一把抱起了她, 正是爸爸
"小寶, 為什麼那麼頑皮, 走了進來?"
小寶開始哭了, 大聲尖叫和哭, 大叫"我很害怕呀...我要走...我要走!"
爸爸一聽到, 呆一呆, 兩眼開始發紅
"為什麼?! 為什麼?! 我那麼愛你, 為什麼你要走? 為什麼你要走? 你們一個個也嚷著要走! 不要走!不要走! 小...小寶...爸爸很愛你的, 你不要離開我呀...你不要離開我...一輩子也不要..."

一把利刀刺穿了小寶的心臟...小寶在意識迷糊間...合上眼前
見到了一個人體標本, 面孔既熟悉且陌生...
是媽媽...

完

慘無人道, 慘絕人寰

前日, 發生左一件對我來講, 慘絕人寰的事情
******************************
人要一張咀來做什麼?

開講有話"民以食為天, 我以吹為地!"

食同吹水呢2樣野, 對我來講係好緊要o既

偏偏

上天就係咁對我!

由細到大, 不停咁係我身上發生o既異變!

生"飛滋"!

今次仲要生正係條"月利"底, 唔單止生左粒"飛滋"! 仲腫埋!

天呀! 唔好話食野咬野吞野, 連郁下條"月利"都痛到想死!

平時十幾廿分鐘食完o既一餐飯, 要食成個鐘先辛辛苦苦食得完!

講野成個痴"月利"根咁, 口齒不清!

我點捱呀~

我要食我要食我要食我要食我要食我要食!

我要講野我要講野我要講野我要講野我要講野我要講野!

天呀~

好返之後一定要去食返餐好o既!!

完

思緒418

個題目無咩特別, 純粹係四月十八日o既思緒咁解, 不過驚用日期出(e.g. 四月十八日 -- 雜記), 可能自己睇返(或者有讀者)就會飛左去; 但係今次寫d野, 自己覺得對自己來講有意思d(人地睇就可能無咩), 所以用個唔同d o既名做題目, 希望自己日後睇返會記得自己o既感覺

前一排比較忙, 寫少左野, 另一個原因, 係個腦有d空白
唔計d好日記式o既posts, 真係寫少左好多野, 就算有, 好明顯見到有好大o既空間可以寫多d, 深入d
但係真係好空白, 唔知點寫, 唔知寫咩~

寫來寫去, 我都唔係好願意寫d工作上, 前途上o既野, 寫都係點到即止
原因係我唔鐘意係呢度講呢d野, 因為好煩, 又唔想令人諗起都煩
並唔係我自己無諗

至於心情同感想方面, 可能係忙同累o既關係, 有時真係無咩好寫, 唔知點寫
可能個生活愈來愈無咩變化

好多時真係好想寫下故仔, 但係問題在於諗唔到寫咩題材

人人都鐘意自由, 我都係, 有時有個人係側邊, 反而就唔想做野
一有人督住督住就咩都唔想攪, 唔想做; 係公司係屋企出去玩, 邊度都係

發現好多人都失去左童心, 做野時認真就當然要, 但係玩果時都唔好玩, 唔夠放, 又太現實
真係一d都唔好玩

其實, 而家o既生活對我來講開始覺得愈來愈多限制, 好煩, 真係好煩

工聯會開課時間就來到, 再唔報名就摸頂了, 真係要去報
但係仲係心大心細唔知報咩, 真係報返鼓?
其實我想同朋友一齊玩下, 雖然都好鐘意鼓, 但係今次好想搵人陪, 一齊玩, 咩都好

好想搵d真係自己有潛質/叻o既野發展下, 時間真係可能可以自己安排, 唔可以賴好多限制
但係學/玩/發展咩野好呢?
其實我叻d咩呢? 我好想知

暫完

四月十七日 -- 復活節假期.後段

星期六晚同娟, CrystalCarmen再去坑口合時食晚飯
糯米飯仍然得到大家讚同, 椒鹽九肚魚都好食, 鴛鴦豆腐唔錯, 馬拉盞通菜味好濃, 辣辣地都幾好食, 京都骨就普通~

星期日上午打波, 繼續上一次打波o既狀態--手感麻麻地...
雖然好過上次, 都OK入到波, 但係自己射個波出去o既感覺麻麻地
成朝都幾乎係對住一隊幾勁o既人, 贏唔到
我地呢班人剩係贏到佢地一次
由於對手勁, 所以打左無耐就累...敵人真係好勁
不過連續3個星期都有打波, 太好了, 希望可以keep住
下午無人來我屋企, 所以抖下訓下過左

星期一, 同一堆friends唱K Lunch; 原定8個人, 我, 民仔, Sam, 娟, Mandy, Carmen, 小曼姐姐同Chris哥哥
拿左8個位有一個人無來; 當日狀態好差, 頭wingwing, 最慘係生飛滋係條利底, 好好好痛, 個喉嚨又有d痛, 好慘~~ 食野吞野都痛, 講野同唱歌都好似痴利根咁~ 辛苦死了~~
小曼姐姐唱歌果然掂呀~~下次要再唱~~~~機司哥哥o既感覺唔錯呢~~ ^_*

唱K到4點, 出到來小曼同機司走先, 剩返我地5個人唔知做咩, 原本呀Sam提議去篤波(5個人得佢一個識篤:D), 不過上到去無位, 最後都係決定來我企磨; 差唔多止車時呀源打來話join食飯, 於是大家約左係TKO等; 到我地落車時, 小曼姐姐打來, 原來唔記得帶鎖匙無門口入, 於是叫埋佢上來一齊坐~
好少有機會咁多人上來我屋企; 呀Sam同民仔打winning, 娟同Mandy傾偈, 我同呀源同小曼傾偈; 到7點零, 小曼姐姐返屋企先, 之後民仔返屋企, 剩返我, 呀源, 娟, Mandy同Sam去左小飛象食飯, 到9點幾就散~

咁就放完4日假了...

完

Log-in (登入)

現代人生活, 每天都幾乎要log-in
起碼我每天都要大量log-in

舉d例: check email, 公司果個垃圾system BCIS, 又係公司野ICC Website, 要check ownership 果個IRIS, ICQ, QQ, MSN, ATM拿錢, 出出入入, 寫blog...etc etc野野都要log-in, 煩死人

同"鎖"一樣, 曾幾何時, 都話隨住人類文明o既進步, "鎖"呢樣野就愈來愈被人用得多, 人人都要保護自己同自己o既野; 而電腦o既普及, 令到網上o既security都愈來愈普遍~

雖然鎖, 密碼呢d野好似令人與人之間o既距離加大, 但係現今o既世界, 有太多顧慮, 如果無左呢d野, 係無可能o既; 但係, 人與人之間o既信任, 友情又點呢?

面對住陌生o既人, 當然要有一定o既戒心, 而一般人對住朋友, 亦都會有所保留; 人與人心之間o既距離, 點解會咁遠呢? 眼見好多人對其他人都有唔同o既不滿, 表面上好似無野, 實質係背後又有好多說話, 有時聽到真係覺得好嘔心

所幸, 我識到好多朋友, 而有好多都係好好o既朋友, 隨時都打開心扉俾我log-in, 大家可以傾心事; 而我自己亦都好容易俾人log-in, 咁樣大家先可以容易d交流~

你又願唔願意俾我log-in呢?

完

四月十五日 -- 雜記

1. 呢2個星期老細放假, 加上partner走左無人fill, senior又係咁搵我煩, 一個人做三個人野, 超超忙
2. 唔多得閒出posts...
3. 10/4 (星期一)威威臨時吹雞叫唱K, 得佢, Carmen同我三個人, 原本諗住得三個人可能會悶悶地, 點知唔會, 威威唱歌好正, 而且又係懂得和音~~ 成晚個氣氛都好好, 本來打算10點幾走, 點知都係唱到11點幾先走
4. 星期三, 上堂到我地組present, 覺得自己做得好差, 其實一開始我就覺得個角色好難做, 再加上要記台詞, 所以做得好唔順...上完堂, 再戰九龍居, 今次有八個人, 可能天氣熱, 又坐街邊o既關係, 加上覺得自己之前表現麻麻, 今次叫d野食又係麻麻, 有個同學又係咁講d我唔係十分o岩聽o既野, 樣樣野加加埋埋令我無咩心機, 成晚都無咩點講野~~ 食完飯, 小曼姐姐(個名我真係唔覺有咩問題呀 :P)再載我返屋企, 風馳電掣, 正死了~~
5. 星期四, 放假前最後一日返工, 大家都無咩心機做野; 忙左2個星期, 上午出完site, 知道個senior下午放假, 當堂個人hare左, lunchtime食完飯, 係街睇人爆左"The House of the Dead 4", 好勁
6. 同Carmen食tea, 佢同呀娟終於有緣得見了; 食完6點幾呀Sam差唔多到, 於是一齊去樹記
7. 好耐無食樹記, 一行人(我, 娟, Sam, 民同家昇五人)到樹記食飯, 水準就普普通通, 不過勝在夠平呢~~老闆同d伙計都仲認得我 @@
8. 食完飯, 未到8點, 諗下下一場有咩攪; 呀Sam第二日要上大陸做大爺, 所以唔同我地去, 返屋企先; 原來我地4人諗住去觀塘食甜品, 講講下話上我屋企打機, 於是娟返屋企先, 我地3個男仔就上我屋企了...
9. 打機, 成晚都係打winning, 佢地2個就打多d, 我有時行開下, 執下野, 沖埋涼, 打少d; 果晚由9點幾打到第二朝5點先走...好彩我攪掂晒所有野, 佢地一走我熄晒燈就訓...
10. 星期五, 一朝早俾d電話sales嘈醒, 再訓, 11點幾樓下有人"禁"鐘, 好辛苦起身出廳, 點知停左, 唔知係邊個...之後已經訓唔返了...開始頭痛周身酸痛, 發燒前o既跡象, 又累又眼訓, 訓左成日還返之前果晚...咁就過左第一日假期
11. 星期日早上打波, 將會幾齊人, 期待; 星期一K Lunch, 又係好多人, 唔知會唔會睇埋戲呢?

完

路

人的一生, 有很多路要走

由出世開始, 牙牙學語時, 慢慢去掌握平衡, 父母在身邊支持著, 成功地踏出自己的第一步...

到了幼兒園, 小學, 爸爸媽媽帶著小不點兒去上學去, 小子有時累了不肯走, 撒著嬌要爸媽抱抱, 在愛中成長...

中學生, 開始有自己的思想, 到了反叛年齡, 開始不聽爸媽話了, 與朋友去玩, 但仍然在他們的管制下...

大學了, 自己開闢了自己的天地了, 與愛人, 朋友們一起的時間愈來愈多, 父母每天都在家中不知道兒女回家吃飯與否...

畢業, 上班, 結婚, 鳥兒離巢, 組織了自己的家庭, 有自己的生活, 煩惱, 間中回去看看父母, 父母已經蒼老了...

到自己也老時...父母都不在了...兒女又一代一代繼續著, 循環著...

當看見街上, 老人院的老人時, 都會想起很多這些事; 街上的老人和我們並無關係, 但, 在家中的呢?

樹欲靜而風不止
子欲養而親不在

父母把一生都奉獻給你, 但願大家在現在仍然有時間的時候, 珍惜身邊人, 做多一些事情, 令自己不會後悔自己沒有做過什麼吧!

完

四月八日 -- 雜記

星期六返工, 收工同娟, 民, Sam同Mandy唱K; Sam同Mandy遲dd先到, 原本諗住Green Box K lunch起碼可以唱到4點, 點知3點cut歌...好唔夠喉...之後大家都預左一齊食晚飯, Carmen話唔來, 原本來諗住去深水埔o既"小菜王", 不過呀Sam興起話去我家打機, 於是成班人殺上我屋企, 民仔同Sam打機, 我同娟, Mandy就傾下偈~~

晚飯民仔返屋企食...於是我地一行四人去小曼姐姐介紹o既地方食飯, 係將軍澳坑口果面, 聽小曼姐姐講, 原來間野幾出名, 都係叫小菜的, 有時有d名星都會去
去到間野, 果然好多人~~ 坐低叫左小曼姐姐推介o既鴛鴦豆腐同糯米飯, 仲叫左咕嚕肉, 蒜蓉白菜同九肚魚, 好豐富...鴛鴦豆腐好特別, 幾好食! 糯米飯唔會粘, 又唔太"流", 都好得! 咕嚕肉就麻麻地兼細碟, 蒜蓉白菜d蒜蓉好明顯係另外爆過再同白菜炒ｏ既, 香好多~~ 九肚魚都不過不失, 又唔會細碟, OK呢~~
小曼姐姐果然無介紹錯呢 ^^

以後都唔使成日專登去第二度食小菜, 將軍澳都有呢 ^^

星期日一早起身打波, 好耐無試過咁唔準! 射親波有6-7成中後"kuang"...好彩憑住teamwork都贏到波...
個天氣令人覺得好辛苦, 熱就一般熱, 但係好~~~焗! 打一陣就無晒氣咁, 呼吸困難, 成場都無咩活力(不過都好努力咁走動了), 不過防守o既腳步真係唔多得, 好多時明知奧拉祖民走緊, 但係都唔多跟佢, 成日走漏佢, 所以佢亦打得好, 入左好多波~~
而家BenChoi+民都幾係一個得人驚o既組合 @@

完

四月六日 之 晚飯@Daisy

星期四一早, 心血來潮搵呀貓姐, 佢居然得閒一齊食晚飯, 於是就去食佢講左好耐o既"Daisy"
話說之前貓姐都講過呢間野, 一開頭聽到係"旺角女人街"已經覺得"唔係呀嘛"
之後聽到係食甜品為主, 人頭百幾蚊, 就覺得好似麻麻地, 不過貓姐鮮有介紹野, 緊係要去試試啦

該餐廳環境都OK, 叫係坐得幾舒服, 服務都幾好, 坐底無耐就叫野食了
有特價套餐($60-$70), 呢個唔係咁吸引, 唔叫
有幾款set dinner, 百零蚊, 不過如果散叫main course+$30可以轉做餐, 價錢都係同set差唔多, 所以都唔叫set dinner
我點左貓姐之前食過o既"香草汁三文魚天使面", 而貓姐叫"蒜蓉鴨胸意粉", 佢仲另外叫左2隻生蠔

生蠔來左先, 我就唔多好, 無食, 不過當我見到貓食完果個滿足樣, 就知道好新鮮, 好好食(貓姐之前來賣晒食唔到, 可見呢度o既蠔應該OK)

之後餐湯到, 並唔係平時d頹o既求其餐湯, 幾好飲, 不過可能我中意淡d, 稍微覺得濃左d
餐包係蒜蓉包, 本身都中意食蒜蓉包, 仲有一d奶油o既醬可以加, d奶油奶味唔濃, 但係好香! 連唔食得奶o既貓都食得兼覺得好食~~

主菜來到, 呢個係unexpected咁好! 原本"香草汁三文魚天使面"香草汁諗住無咩野特別又得少少咁淋上d面度, 點知呢碟應該係將d面同汁一齊撈, 全部面都"yam"晒汁, 而且d香草味香而不濃, 好食! 至於三文魚, 份量普通, 原本又係諗住都係佐料來o既姐, 一食落口, 細細舊o既煙三文魚o既味, 可以令到成個口都感覺到! 同d淡淡地o既面一齊食, o岩o岩好! 正!
至於呀貓果碟, 我試左少少d意粉, 食落可以同時食到芝士"和"蒜蓉味, 唔會一種蓋過另一種味, 鴨胸就OK啦!

甜品另叫, 我叫左個拿破崙餅, 貓叫左個蘋果批
細個食左M記蘋果批, 對呢樣野一向麻麻地, 但係呢度o既唔同, 外面係脆脆地o既皮, 加埋入面o既有少少肉桂味蘋果粒同提子乾, 連皮一齊食好食, 只係食過M記o既人一定對"蘋果批"呢樣野改觀
最後要講講我個拿破崙餅, 頭先o既蘋果批就覺得幾好, 個拿破崙餅就係好好! 面同低都係一層酥酥地脆脆地o既餅, 中間夾住幾種生果, 少少cream再加d朱古力, 大件夾好味!

最尾餐飲, 一向只會叫凍飲o既我, 由於呢一餐實在好味, 令我覺得叫熱飲先似返一set, 於是叫熱奶茶, 呢個就中規中矩啦, 埋單每人百三蚊島, 我覺得係抵的!

唯一遺憾, 係呢一餐係貓姐爭左我好耐o既, 應該屈佢請我食至o岩, 唁記得添, 哇卡卡卡卡 :D

完

轉貼民仔 -- 三月二十一日晚飯

自己懶寫, 逼民仔寫, ()入面果d係我加o既意見

睇餸唔食飯

上星期五跟廣播劇的同學到土瓜灣一間叫"百味居"的地方吃飯。那裡其實是以半私房菜形式經營，所以菜式方面是可以跟老闆預訂的。

是晚菜式如下：
1. 珍寶刺身
真的很大碟，加上大量鮭魚，鮭之友不能錯過 (不過份量可能是阿sir跟老闆的友情價，故不能100%作準)
(太多了, 狂食都食唔完)

2. 茄汁煎大蝦
蝦大大隻，亦十分入味
(呢個OK啦, d蝦真係幾大隻)

3. 草原禾絮
以鹹蛋黃炒合掌瓜及冬菇，鹹香可口，不過個人來說不太喜歡，始終覺得瓜類的煮法都是以清淡為佳
(連鹹蛋黃炒, d冬菇口感"鞋鞋地", 幾好食)

4. 浴火鳳凰(紅咖哩雞) 配蒜茸飽
夠辣，可惜蒜茸飽比主菜早上檯，以致主菜上檯時蒜茸飽只剩下一半
(d汁贏晒, d雞完全唔重要, 如果係蟹就好了)

5. 菜膽扒雙鮑(齋鮑魚及鮑魚菇)
不是不好吃，但無甚特別
(意見同上)

6. 魚頭煲
魚頭香口惹味，當然不能不提那些薑蔥，實在入味得很
(個名應該係魚咀煲, 呢個我覺得係必食)


我這檯共有八人，「實際飲食人數」大概六至七人，每人結帳一百二十元，實在超值。

註：(係民仔o既註, 唔關我事)
1. 如文章標題一樣，因餸的份量很多，所以大家也沒有吃飯。
2. 「懶」有文采的菜名乃自己所作
3. 如有錯漏，承蒙指正。

(但願)我是一隻貓

我是一隻喵, 一隻有人養的喵, 喵~

每天睡到日上三竿才起床
伸個懶腰, 打個呵欠
大模廝樣, 視察家裡狀況

肚子餓了, 走到兜兜
罐頭濕糧餅乾魚魚任君選擇
食食食食, 不亦樂乎
不怕肥胖愈胖愈可愛

家中沒有人風流快活搗蛋去也
這裡聞聞那裡爪爪不怕被人罵
主人回來亂七八糟舉手就要打
挨挨磨磨腳邊撒嬌怒氣消一消

吃完晚飯拿起棒棒就跟主人玩
晚上凍凍攬著主人被窩中熟睡
無憂無慮

不用晨早起床
不用每天工作
不用出外看違例建築
不用回公司做報告
不用接投訴
不用愁未來去向
每天就是
食食食食食食食
訓訓訓訓訓訓訓

噓! 我是一隻幸福的貓兒哦~

"喂喂喂! 唔使做呀!"
老闆的聲音響起, 我又要做野了...

完

味精, 愛情

現代人，尤其是年輕人經常不在家吃飯。街外食店的東西通常都加了大量"味精"。即使是商店內所賣的很多調味料，醬油等等，都加了"味精"。

其實，"味精"並不是什麼好東西。"味精"只是盲目地把食物的味道變"濃"，但其實食物會因此失去其本身的鮮味。再者，吃完加了味精的食物，會覺得很口乾，這是吃了化學物質的現象。化學品吃得多，對身體健康會有影響，甚至增加患癌症的機會。對愛"吃"的人來說，最重要的是，長期吃"味精"，只會令自己的味蕾變得遲鈍，壞死，之後慢慢便更不能品嚐到食物的真正鮮味。

長期吃那麼"濃"的食物真的好嗎?始勿論會影響健康；就"吃"的角度來看，加了味精的食物跟本就不叫"好吃"。吃慣了味精的人，是一定吃不到那簡簡單單清炒白菜的那種菜的甜味，也不會明白粗菜淡飯的那種平和可喜的感覺，只慢慢沉溺於"濃""濃""濃"的口感。其實一切都去得太盡不見得好；就像看色情圖片，看見女郎一絲不掛三點盡露，絕對不及半遮半掩酥胸半露來得吸引；做運動去得太盡，也只會帶來反效果，不單止不能鍛鍊身體，反而負荷過重而傷身。中國人所講的"中庸之道", 其博大精深之處，就在於取其"平衡"。

愛情．．．不是一樣嗎?
被大量的小說，雜誌盲目渲染，大家都習慣了"激情"，拍拖好像就一定要轟轟烈烈，要生要死，愛過痛過，才是愛情。有"feel"(感覺）就覺得什麼都沒所謂，對方是最好的，什麼東西一切都給了對方；時間久了，沒有感覺時，慢慢大家都感覺到對方的壞習慣，壞的地方浮現起來，於是便愈來愈沒有感覺。沒有感覺怎麼辦?分手吧。

其實，平平淡淡，舒舒服服的一段關係不是更快樂嗎? 兩人真心相愛，互相信任；"愛"並不是只有"激情"(passion)，還有的是"承諾"(commitment)。雙方要維持一段關係，並不是只靠"感覺"，因為"愛"的感覺只是人體荷爾蒙分泌所產生的一種感覺，人體對一切的東西都會"習慣"，"習慣"了那種感覺，便沒有feel了，那豈不是一定會分手嗎?根據研究，人對這種荷爾蒙所產生的"愛"的感覺，最多也不過幾年就會習慣了。所以，真正的愛，除了"激情"外，還有時間長而產生的感情。

長期在愛情中加上"味精"，只會令感覺麻木，感受不到那種平淡而舒適的關係。咸魚白菜所帶來的味覺，到了三十多四十歲(甚至加老時)，才發現是如斯好吃，才發現不能回頭，才回頭發現從前的自己是那麼膚淺時，已經太遲了。愿有心看到此處的大家共勉。

完

四月三日

1. 呢排少左blogging, 因為我老細今日開始放兩個星期假, 我之前要清野俾佢, 所以忙d
2. 言下之意, 而家我老細放緊假, 我好似就會好free, 其實不然... 呢個如意算盤打唔響
3. 星期五再食土瓜灣間野, 今次菜單由民仔"http://kmw2005.blogspot.com/"post啦
4. 星期六．．．第一次去做面...由於我較嚴重ｏ既關係, 一般人做個半鐘我要做差唔多三個鐘, 訓係度無得郁，　累死人了
5. 洗面-->去死皮-->挑痘痘(最耐的過程, 又痛...)-->消炎-->面膜, 總共差唔多三個鐘, 盛惠$60抵到爛, 做三次島就會好好多, 再缺幾次去印印, 應該就會睇上寺好d了, 總共都不過幾百蚊, 有時間慢慢去做...
6. 星期日早上打波! 又係好耐無打, 好開心! 仍然keep到射得OK準喎, 都係唔mark唔得 ^^V
7. 休息時同民仔BenChoi講返一ｄ籃低基本野, BenChoi學得好快...之後我+民+Ben對一隊OK勁o既隊, 贏到! 3個都有用, 又幾有組織! 民pick'n roll, roll out roll in 都有! 而且入!
8. 下午來我家打機, 無咩特別

完

飯局

自從正月返完鄉下之後, 閒日放工後就經常性無返屋企食飯, 原因在於, 除左每星期兩日o既上堂之外, 仲欠下左好多唔同friend的飯局

適逢果期小弟生日, 所以有d係同我慶一慶祝, 有d就係約左好耐終於都出到來o既friend, 亦有死黨出來聚一聚...總之5日閒日有3-4日係係街食飯, 除左2日regular上堂之外, 幾乎次次出來都係唔同group的friends(當然有時有d人係重複左), 到左近期, d債終於慢慢還清, 加上d堂亦差唔多完, 之後o既日子放工後應該可以我閒返好多; 話雖如此, 同成班friend出來一齊食飯o既感覺係好開心的!

講起飯局, 有時有d唔多熟o既人或者朋友, 有咩慶祝或者生日, 都會無啦啦叫埋我去, 我有d好d的朋友話我傻o既, 明明唔熟, 出到去可能又悶, 而且到你生日又唔方會記得你, 你去來把鬼咩, 又晒錢又唔好食; 我覺得有時又唔係咁講的, 其實一班人一齊出來都幾攪野o既, 聽下人地講o既野, 參與下聯誼, 就算坐埋一二面無咩講, 起碼都有參加, 而且話唔定有驚喜, 知多d有趣o既事情呢~

好彩, 同我好o既朋友佔多數

完

三月三十日 -- 雜記

1. 星期一 (27/2) 又同Marian唱K, 組合仍然係果幾個人: 我, Marian, 哥, 娟, 民, 不過娟唔C服, 臨時唔來了
2. 本來聽到民話11.30pm島走, 於是其他人都無睇時間, 一路唱...唱唱下唔對路, 原來過左12.00 @.@, 都有車返屋企o既...但係好累...果晚仲要夜訓+咁o岩又失眠
3. 唱左好~~多舊歌同騎呢歌, 今次6點幾入去唱到12點幾, 真係咩都夠晒~
4. Marian識唱好多合唱歌, 開心死我了, 要學下佢推介果d先
5. 星期二沙角晚飯, 民仔唔來, Addison加入, 都係5個人(仲有我, 娟, Mandy)
6. 金沙角d野真係無以前咁好食...都係禾輋好d...
7. 娟食左好少野就頂唔住, 病...返屋企先
8. 當日大家8點幾就散了...搭車時同Mandy傾電話, 好耐無同佢傾偈了
9. 話劇堂, 正式有人present, 2組都正, 有suprise! 下次(2星期後)到我地了
10. 去"九龍居"食飯, 大大碟, 抵食又好食, 小曼姐姐果然無介紹錯呢~~
11. 食完飯, 小曼姐姐電單車車我返屋企, 好型女! 真係多謝晒! 風馳電掣o既感覺都好正! 希望有下次 :p
12. 今日收工乖乖返屋企了
13. 明晚廣播劇班再聚會(雖然完左course), 一定有好野食!
14. 老細下星期開始放2個星期假, 所以呢排要清野, 忙d, 不過...之後...呵呵呵 XDDDD
15. 努力埋呢2日!

完

三月二十五日 -- 週末活動

三月二十五日星期六, 參加左Albert佢地"百職"義工有份o既一日遊
有數個屬工聯會o既義工團體一齊攪, 總共有百幾人, 四架旅遊車
自己圍內識o既, 有Albert, Addison, Crystal, 娟, 去到識左Crystal的2位朋友Ann同Teresa

當日行程如下:
2.15pm於太子集合(集合時落雨, 但係開始起行至到散o既時候又無雨, 太好了), 大概2.30pm開車3點島到達北潭涌, 行自然徑, 基本上都唔算行山, 因為都係平路咁滯, 大家一伙人傾下偈吹下水咁(Albert哥好吹得), 一路上o既風景都幾靚呢! 唔覺唔覺行到盡頭一條廢村, 就返轉頭了
本來schedule 6.00pm返車, 但係未5點就出返來, 經過一間士多; 有一位朋友話d野都幾好食的, 大家就坐底左; 間士多雖然簡陋, 但係幾別致, 幾好feel; 一行人坐底, 本來得一, 二個人叫野食, 其他人都諗住齋坐, 但係當個奶茶到時, 嘩!好香! 大家都不禁一人叫左杯奶茶/檸茶, 又叫左2碟茶(應該係自己種果類o既), 好有菜o既甜味; 5點半, 有人收到call, 要開車了! 原來由於早, 其他人都返左車, 決定早d去晚飯! 我地一行人係最後未上車的 @@ 急急咁飲埋d野返去上車, 就去西貢碼頭附近了
大約6.00pm到, 就上去一間茶樓食晚飯, 都幾豐富, 全部大大碟, 有: 雞(類似白切雞, 不過凍凍地o既), 蝦, 炒蟹, 一碟2條蒸魚, 一碟貝殼類, 齋鮑魚, 豆卜+幾類菇, 白飯任裝, 大家都食得好飽
大約7.30pm就散席, 由於西貢有車直接返將軍澳屋企附近, 所以唔跟旅遊車出返太子了, 同Addison, Crystal及佢2位朋友Ann及Teresa(大家都係唔跟車的)係附近行左一陣, 仲食埋糖水添, 之後就散了
散時o岩o岩有車, ~8:20pm上車, ~8.45pm就到了

是日活動$50, 太抵了 ^^

完

又一完結 - 廣播劇初班

又完左一個course, 正如呀Sir所講, 究竟個感覺係點呢?
係: 又完左一個course了~ 收工~~~, 定係:又完一個course, 有咩得著呢?

呢個course係高於我o既expectation的
原本有諗過可能會悶悶地齋坐齋聽齋讀
不過又唔會喎; 講下理論經驗, 引導下一d意念o既野, 對呢樣野有多左認識
班同學好玩, 呀Sir又教得唔悶, 估唔到最後仲有得錄音添

到最後, 呀Sir亦好識得講野, 個結尾做得幾好呀(雖然覺得有d假, 哇哈哈, 老狐狸呀)
再下一期, 可能會報進階o既~

完

***我的吹水日記***

一向都無寫日記o既習慣

係上年十月, 因為老友的原因, 我又開左個網上日記的帳號
從此不時將自己o既感覺, 發生過o既事, 自己諗出來o既無聊短篇故仔寫低

無聊之際, 睇返自己之前寫過o既野, 好多感覺返返來
原來自己都好水得, 原來有時都會言之有物, 原來有d故仔睇返我自己都會笑
雖然都係一d好個人同好無聊o既野/感覺, 但係感覺良好!

不過發覺近幾個月o既貼文開始無之前咁多姿多彩
可能同個人最近心情感覺麻麻地有關...
希望可以又好似之前咁樣樣, 水返個勁o既!

好耐無寫故仔, 要搵d時間寫寫先
同埋希望好似之前咁多愁善感返d, 多d野寫啦 :D

完

探討童話故事(一) 之 悲慘可憐的角色

當大家見到這題目, 腦海中就會浮現了很多我們由小到大所聽的童話故事
安徒生童話, 格林童話甚至Disney的卡通, 很多主角的身世, 經歷都很悲慘
但在其中, 究竟有哪些是是既悲慘又可憐的呢?

首先, 大部份主角都應該被否決了吧?
灰姑娘, 小紅帽, 白雪公主和很多其中女主角等等, 雖然經歷了很多委屈, 危險
但到最後還是得到了平安/幸福的結局, [應該]過著無憂無慮的生活
那些遭遇也不過是人生中的一件有驚無險的事吧了
況且從她們那些沒腦袋的舉動來說, 她們也不見得會為人生有多煩惱

比較值得一提的悲慘女角, 人魚公主該佔一席, 不過, 她悲慘, 卻並不十分可憐
起碼, 她遇到一生中最愛的人
起碼, 她談過一場轟轟烈烈的愛情
起碼, 她有自主權, 有選擇權
起碼, 她知道自己的選擇有什麼後果
她是很不快樂, 但她可憐嗎?
貧窮線以下的煩惱, 跟本就不是煩惱, 因為愛而不快樂?
比起不能溫飽, 比起饑寒交逼, 能算是煩惱嗎?
所以人魚公主雖悲慘但不可憐

真正悲慘可憐的女主角, 不言而喻, 是賣火柴的女孩
我想不用說明了吧?

說了這麼多, 其實也只是提到了主角們
其實, 真正悲慘而可憐的角色, 可能是大家所忽略了的角色
其中之一, 就是在[白雪公主]裡的"魔鏡"了
魔鏡知世間一切之事, 其能力是何等偉大! 奈何被一無聊透頂的婆娘操控, 而魔鏡卻沒有移動離開的能力, 此為一慘
魔鏡空有偉大能力而未能造福人群, 如果可以其能力而施以仁政, 或用以拯救危難於及時, 豈不美事一件? 奈何每日只是負責答"誰是世上最美麗的人"...慘哉慘哉...
當白雪公主長大成人, 成為了世上最美之人, 魔鏡明知身犯險境, 仍然不肯說謊騙人, 其高尚情操可見一斑! 唯到故事後期, 該無聊透頂的婆娘一怒之下竟把魔鏡...
嗚呼! 噫嘻!
魔鏡呀魔鏡...落得如此下場, 豈不是童話故事中悲慘可憐的人物乎?

完

Magic: the Gathering

呢個係一款係中學時代我同好友曾經沉迷o既card game
唔打算係度講解個game點玩

話說尋日同呀哥上左戰棋會, 見到呢d久違o既card
諗起某好友諗住送一包俾另一位在外國o既好友
於是我興之所至就"抽"左2包, 一包自己, 一包俾外國o既老友

我見到呢個系列的booster pack個 illustration, 就覺得呢個系列玩"artifact"多
一開之下, 果然不出所料
個系列名係"Mirrodin"

以下就係我包野入面o既card:
(Mana 會以咁o既形式: R=紅, G=綠, W=白, B=藍, D=黑, WW+3=2粒白+3粒colourless)
Common:
1. Deconstruct (G+2) Sorcery: Destroy target artifact. Then add GGG to your mana pool.
2. Scale of Chiss-Goria (3) Artifact: Affinity for artifacts (This spell costs (1) less to play for each artifact you control). You may play Scale of Chiss-Goria any time you could play an instant. D: Target creature gets +0/+1 until end of turn.
3. Nim Shrieker (D+3) Creature (Zombie) 0/1: Flying. Nim Shrieker gets +1/+0 for each artifact you control.
4. AEther spellbomb (1) Artifact: B, Sacrifice AEther spellbomb: Return target creature to its owner's hand. (1), Sacrifice AEther spellbomb: Draw a card.
5. Skyhunter Cub (W+2) Creature (Cat Knight) 2/2: As long as Skyhunter Cub is equipped, it gets +1/+1 and has flying.
6. Hematite Golem (4) Artifact Creature (Golem) 1/4: 1+D: Hematite Golem gets +2/+0 until end of turn.
7. Slagwurm Armor (1) Artifact (equipment): Equipped creature gets +0/+6. Equip3 (3: Attach to target creature you control. Equip only as a sorcery. This card comes into play unattached and stays inplay if the creature leaves play.)
8. Lumengrid Warden (B+1) Creature (Human Wizard) 1/3.
9. Vulshok Gauntlets (2) Artifact (Equipment): Equipped creature gets +4/+2 and doesn't untap during its controller's untap step. Equip3 (3: Attach to target creature you control. Equip only as a sorcery. This card comes into play unattached and stays inplay if the creature leaves play.)
10. Frogmite (4) Artifact Creature 2/2: Affinity for artifacts (This spell costs (1) less to play for each artifact you control).
11. Neurok Familiar (B+1) Creature (Bird) 1/1: Flying. When Neurok Familiar comes into play, reveal the top card of your library. If it's an artifact card, put it into your hand. Otherwise, oput it into your graveyard.
Uncommon:
12. Rust Elemental (4) Artifact Creature (Elemental) 4/4: Flying. At the beginning of your upkeep, sacrifice an artifact other then Rust Elemental. If you can't, tap Rust Elemental and you lose 4 life.
13. Flayed Nim (D+3) Creature (Skeleton) 2/2: Whenever Flayed Nim deals combat damange to a creature, that creature's controller loses that much life. D+2: Regenerate Flayed Nim.
14. Brown Ouphe (G) Creature (Ouphe) 1/1: G+1, tap: Counter target activated ability from an artifact source. (Mana abilities can't be countered.)
Rare:
15. Oblivion Stone (3) Artifact: (4), tap: Put a fate counter on target permanent. (5), tap, Sacrifice Oblivion Stone: Detroy each nonland permanent without a fate counter on it, then remove all fate counters from all premanents.

完

深圳體檢

俾呀爸"哦"左好耐要做身體檢查, 終於係星期六(18/3)去左深圳某大醫院做身體檢查
包括某套餐o既全身檢查+肝+另外某d要照野o既檢查

晨早7點鬧鐘再攤係床到7點半起身, 去個大+沖個早涼
由於要照野所以唔食得野, 8點出門口
MTR+KCR大約9點3到上水, 9點半就到左深圳MTR
meet左呀哥同Kitty姐, 一齊去醫院
抽血+照+尿+立立雜雜o既檢查, 由於唔多人o既關係, 一個鐘島就攪掂晒
11點島就離開醫院

之後就join埋哥係果度o既一堆friend飲茶, 吹水
成班人都係好玩o既人, 又好吹得水, 佢地o既感覺好close好friend,
不過可能由於我早起+舟車勞頓+俾醫院抽左好多血o既關係
果日覺得好累同好"吽", 都唔點吹到水...

飲完茶去唱K; 果度o既K lunch好抵, 11點島開始(我地12點幾先去到)可以唱到6點
結果我地十幾廿個人要左2間中房係咁唱...
d歌都OK新, 音響好一般; 果堆朋友有好多都好唱得, 幾好玩呢~
不過我由於又係累o既關係, 狀態一般...

6點幾, 唱完K出來, 返返東門食晚飯, 食完我已經覺得好累了
佢地仲有下場, 而我就返HK先了, 10點幾返到屋企, 抖一陣, 沖涼, 訓覺...

完

廣播劇錄音記

上星期五晚(17/3)係我今期廣播劇初班ｏ既錄音

第一次去studio, 感覺好新鮮! 真係見到一堆儀器, 各種設備咁, 好似平時係電視見到果ｄ一樣, 好得意
去到時見到有人錄緊音, 果位幫人錄音ｏ既呀叔(唔記得咩名了)好pro呢, 超熟手

等左一陣, 終於都到我地錄音, 我地班分２組; 我係第２組ｏ既, 所以可以係錄音室外(即係呀叔果個位)睇下野先, 個過程好得意; 一來可以睇到ｄ同學們把聲扮鬼扮馬, 二來又可以見到錄音ｏ既操作(呢樣野可能對我來講興趣仲大), 真係好有趣; 到我地果組錄音時, 都覺得有ｄ緊張, 不過２組都總算順順利利錄完, 業餘水準, 算係咁啦~~

我(同民仔做同一個角色, 唔同組)做ｏ既角色只係配角, 係個劇ｏ既頭同尾出現, 叫係introduction同結尾做串連o既角色咁, 都幾得意, 係一個中年呀叔; 專登粗起把聲來講, 唔知入咪之後把聲係點ｏ既呢?

完

恬靜

星期三晚, 同幾位朋友去唱K, 好開心同熱鬧, 宴會過後, 當然就係各自歸家, 第二日仲要返工呢

係K房大聲o既音樂, 尖咀吵鬧o既繁忙, 地鐵煩擾o既噪音之後, 一出左MTR站, 來到將軍澳, 係一片寂靜
突然有一陣好奇妙又好舒服o既感覺

平時係旺角返工, 故然係經常身處吵雜o既環境, 就算收工返將軍澳, 都總有d巴士聲同人聲
但係尋晚出MTR站果一刻(十一點幾, 未算好晏), 真係好靜(有少少風同樹葉聲)...靜得好舒服(研究指出, 如果靜到雜音都冇, 人反而會覺得唔舒服的), 果下o既感覺真係好"正"!

如果大家有睇過我舊post(或者一向都知), 就會知道我係讀City時期其中一樣enjoy的事就係係11.30pm-12.00am島係深水埔上巴士返屋企果段時間(因為做final year project所以晏), 原因在於架巴士又少人, 街上又少人, 好靜, 好舒服, 好鐘意呢種自成一角渾然天成o既空間

一路行返屋企, 都享受住呢一片寂靜, 諗起以前夜夜地返屋企果一種感覺, 十分懷念...
不過, 到最後都係唔會成日咁做, 因為...

第二日仲要返工呀~~~

本來想就咁作結, 懶有趣咁, 不過其實仲有d感想o既~
係知道"而家已經唔同以前"o既一刻, 再感受到"有好多野過左去就返唔到轉頭"o既感覺, 要返返去以前讀書時期已經係冇可能了~ 細個時有d開心, 係大個左好難再尋回的...
係呢一兩年, 對呢樣野o既感覺十分強烈, 好唔鐘意"時光消逝"o既感覺...
好彩, 而家都仲叫後生, 仲可以努力令自己以後唔後悔; 所以要更加努力咁面對自己o既生活, 工作, 而且亦不忘係自己仲後生時遊玩! 希望每一樣野可以做一個最好o既平衡~
大家亦都要好好珍惜現在o既每一刻, 每一個身邊o既人, 尤其係父母親人同最親o既朋友呢!
生存o既感覺實在太美好了...
願大家共勉!

完

三月十六日 -- 雜記

11/3 - Long week, 之後同Mak, 娟, Connie同另一同事唱K Lunch, 幾開心呢~~ 唱到Mandy+李逸朗的歌, 又聽左顏福偉果幾首歌 :D
12/3 - 呀Sam + 民仔上來我家, 大家打機打得幾開心呢, 呀Sam仲留左部PS2係我度 :D
13/3 - 本來約左Taylor, 不過佢要開會, 臨時來唔到, cancel
14/3 - 病假一天...
15/3 - 話劇停課一天, 同幾位K膽唱K, 估唔到都有人識唱Mandy+李逸朗o既歌, 仲有"傾偈"唱添!~~好開心~ 另外, 同民民一齊唱"夢想有你"都算, 最正係同佢一齊唱"去飛", 佢唱到顏福偉o既神韻出來, 笑死我 XDDD 我唱彭家麗果part都唔錯呢~~ ^^v
16/3 - 終終終終終終終於約到貓Maychan食飯
17/3 - 廣播劇班錄音日! 未試過有呢d經驗呢! 正! 一定要去體驗下!
18/3 - 深圳體檢 + 玩
19/3 - 抖? 打波?
20/3 - 補返Taylor之約會

三月十日 -- 雜記

1. 個blog講o既野愈來愈好似日記/週記咁, 非我所愿, 我都想寫d好似感想/經驗/短文咁o既野, 不過一來思緒所限, 空白就係空白, 二來時間有限, 返工冇時間打, 放工又去左街, 來緊我會寫返多d野, 同埋會諗諗寫故仔以自娛
2. 自從回鄉返來之後勁tight o既schedule, 過左呢一個月之後開始慢慢還晒, 再加上遲d下一期工聯會course我最多只會報一個, 將會用返多d時間係其他野度
3. 開始要諗諗之後點, 長期同短期都要; 呢個星期內要將呢排搵到o既potential工apply晒, 之後可以停一停搵工; 來緊呢一期工聯會o既時間入面, 由於只會報一個course, 所以會抽多d時間做運動, 砌模型
4. 呢個星期o既schedule改左, 星期二同屋企人+親戚食飯, 而同Carol食飯改做星期四晚; 同佢仍然係好好傾, 係一個幾好o既朋友來
5. 隨左約會schedule, 都要諗諗平時自己o既time schedule, 要搵多d時間係other than返工訓覺之外, 固定地做運動
6. 估唔到過左超過一個月仲有生日禮物收, 再來模型, 多來多要, 多多益善 XD
7. 下星期開始我返工要有少少唔同了, 要清一清理玩有o既野先, 之後應該就唔難攪, 話唔定唔想轉工住
8. 再來來緊schedule:
11/3 Long week 星期六, 同娟, Mak等唱K lunch, 之後大家一齊幫我搬位
12/3 Sam + 唔知仲有咩人會來我家玩
13/3 同Taylor食飯
14/3 vacant
15/3 不用上堂, 所以唱K
16/3 vacant
17/3 上堂
18/3 深圳 -- 身體檢查 + 玩
19/3 抖 or 打波?

完

慾, 快樂, 自由 -- 思想空間中雜亂感覺之一角

呢個post講o既野會好雜又冇咩結構, 我亦唔想慢慢諗下點樣整好篇野o既條理, 唔明就算啦
我o既表達能力唔多得, 起碼通常都表達唔到我心入面所諗o既野

呢幾日同唔同o既friend傾偈/食飯
對自己所認知o既野又有多一層更深o既理解

人性, 其實可以話複雜, 但係又可以話簡單
有d人睇得呢樣野好detail, 好細緻, 好麻煩, 愈諗就愈多, 就愈來愈複雜
通常d人都想了解多d人性, 以好多唔同角度去分析, 去研究
於是就攪到唔知點咁, 一塌糊塗

反而我自己睇, 雖然人係有好多variation, 但係唔覺得真係話咁複雜
我咁講好似我好知道點睇人, 好識得人性咁, 其實唔係, 唔知應該點講, 其實我o既意思係
好多野都係因為"要求"而產生 (好多哲學, 宗教會有好多唔同o既詞語來形容"要求", 例如"慾望"..etc)
而每個人對唔同o既"要求"有唔同o既"程度"同"取向", 於是就發生左好多"事件"
從古到今, 不論係咩事: 大至歷史事件, 戰爭, 發明, 故事, 小至去街, 睇電視, 家常小菜...etc咩都好, 都係因為"要求"而做/而存在, 只要捉到路, 唔難get到呢樣野係咩來的...只不過係規模大小o既分別

想開心, 其實如果可以睇開d, 好多野會開心好多
當然, 受性格, 經歷, 環境各方面所限制, 好多時好多野都好難可以睇得開, 而且亦都唔係樣樣野都要睇得開, 樣樣野都冇所謂就會變得冇進步; 咁樣會開心好多~
人生究竟係為咩, 冇人講到係點, 但係到最後都係要開心姐;
有宗教信仰o既, 就去信, 去做返教義要做o既野, 求個心靈寄託; 鐘意玩o既就玩多d, 有人就唔理自己o既未來, 玩得就玩, 到左大個就好辛苦; 有人就希望以後生活好d, 於是搏命搵錢, 但係後生時光輝o既日子又冇好好咁玩過; 好多唔同o既做法, 組織成一個個唔同o既人生, 而最緊要o既就係係而家呢一刻, 知道自己要咩野, 而努力去做, 以後唔會後悔, 咁就好好了

講左咁耐, 都唔知自己想講咩, 不過其實呢個post的主旨都唔係講緊呢樣野

"要求", "執著"得太犀利, 就我所見通常都係唔開心o既多
唔開心, 如果能夠"成功"o既, 都算啦, 但係好多時都係"失敗"o既多
識到有某一兩位朋友, 自己可能識野d, 睇野比較叻d, 但係反而咁樣就令佢對人有好多偏見, 同人相處有問題, 朋友唔多, 慢慢變得更憤世嫉俗, 愈來愈偏激; 但係自己又唔知自己o既問題~
我唔擅長表達自己諗o既道理, 於是亦都唔能夠令對方明白問題所在, 有時一方講唔過另一方就唔代表理虧, 不過到最後有問題, 蝕底o既都係對方, 我亦唔想多費唇舌同對方爭辯了

我自己自從做野開始, 慢慢都學習呢樣野, 我覺得同老子道家o既"道"比較似
不過呢種諗法係唔可能通行於世上, 因為個個人都唔同, 亦唔係個個都睇得開; 而且只要有少部份有能力o既人唔係咁諗, 好容易就會影響到其他人 (起碼歐洲o既宗教思想同我國o既儒家思想就大大地影響左好多人o既思維, 好彩亦冇一種思想可以真係佔到大部份人), 而接受到唔同亦都係我o既諗法之一

每一個人都係唔同o既, 我同人傾偈之中, 最接受唔到o既野就係"限制", 冇可能將一樣野/思想/做法套落全部人身上, 有時同固執o既人傾偈真係令我好辛苦, 不過, 咁亦代表我執著左呢, 要學學放開了

可能, 呢樣思想就係我呢個水瓶座人真正心中o既"自由"

個話題太廣闊了, 愈寫愈諗就愈多, 冇可能講得晒, 要停了

完

搵工

前排因為好多原因, 開始努力搵工
原因有好多, 隨便數都可以數到好多出來
1. 冇前途; 雖然而家唔再請公務員, 遲d都係合約員工做o既, 要做都好可能有得長做長有, 但係咁樣一年一年續落去, 唔知幾時會兜, 又唔知係咪真係會一路落去, 好唔secure
2. 冇前途2; 一路咁做, 一係就真係有得長做, 但係又冇得升; 唔長做, 到再大d先出返去, 又太大個, 經驗又唔夠, 一樣死, 不如早d出返去博
3. 讀書都讀完, 要抖都抖夠, 唔可以再係度磨; 一係搵書讀, 但係真係唔知有咩好讀
4. 人工低; 雖然唔係話好低, 不過陪d有得升point的公務員一齊減薪之後又唔見得高; 外面經濟雖然好返dd, 唔見得好好, 但係眼見係外面o既人人工開始高返d了...even其他政府部門o既contract都有得加人工, 係我地冇...(同grade公務員多我地
5. 工作性質; 呢幾年BD的高層一路攪好多好無謂o既野, 增加左工作量得來又無實質作用, 令人覺得好煩o既野又一路一路接住要做;
5.1 外判o既consultant(乾收銀)好唔掂, 到最後要我地做埋佢地o既野;
5.2 垃圾中o既垃圾system: BCIS;
5.3 為交數而交數o既好多statistic+冇鬼用又A字膊又怕事又廢的高層階級=做好多無聊野
6. 士氣低落; 因為前面果5個points + 我地組織起來同上面傾過, 發覺contract員工完全不被重視 + 呢2年好多人搵到路數走 = 剩返係度o既人愈來愈冇心機
7. 我果區o既問題; 本身我果區好大好散, 我同個BS都係新來, 未係好熟, 而最熟果個partner做埋今個星期走...以後將會超難做...
8. 我o既Senior唔得 (好彩我老細個BS都幾好)
9. 總之好冇心機又好想轉環境

總之今年如果而家份工冇咩改變, 我一定要走

完

旺角行

星期日得閒冇事做, 呀哥覺得假期困係屋企好頹, 於是提議去旺角行下
雖然我同佢都冇咩特別目的地/物想睇(尤其我旺角返工 =.=), 佢話咩都可以睇下(衫漫畫玩具模型手機...etc), 咁都去睇下啦

由於果日晏左食午飯, 所以差唔多3點先出去
三個人搭地鐵去到太子落車, 第一站去左聯合廣場
聯合賣衫o既鋪頭多, 而且女仔衫佔多數, 不過都有幾間OK的男仔衫同漫畫鋪

行完聯合, 就去呀哥到旺角例去o既戰棋會(位於華僑商業中心8樓)
上到去, 仍然都係氣氛熾烈, 有好多人係度打card game(不過冇留意係咩game)
佢地有佢地打, 呀哥有呀哥睇佢o既野, 而我就緊係睇下Magic Card
而家又有$10一pack的magic card, 不過冇買, 草草睇過下d新card, 發覺仍然有好多舊時有o既card出現係新edition呢, 又多左好多騎呢card

去完戰棋會, 順路行落先達睇下手機, 由於都冇咩心水同埋都係諗住睇下款, 睇左一陣就睇完
再順路落皆旺睇扭蛋, 嘐哥對某d扭蛋都有d興趣, 而我都好耐冇係有開鋪o既時間睇了(通常最早都要下午4-5點先開鋪, 但係我就平時lunch time食完飯同friend去睇的), 係皆旺睇晒幾層o既鋪頭(有扭蛋, 有玩具, 仲有magic card睇), 之後就去間大d的機鋪, 俾呀哥睇下上年出果隻係街機用card玩o既"三國志大戰"~

去到金雞廣場間樓上機鋪, 由於幾大間, d機又唔係擺得好密, 所以都唔係好勁煙味
同呀哥睇過下新出o既一d機: House of the Dead 4(好大個screen), 哥布拉(幾特別), 孖寶賽車, 最後入到最入睇三國志大戰
三國志大戰係幾特別o既game來, 係度唔作介紹, 不過我同呀哥都覺得特別還特別, 其實唔係真係咁好玩, 而且好貴唔抵玩, 係機鋪都逗留左一段時間(但係3個人都冇打機)之後就走了

下一站到星際城市, d老翻俾人掃晒, 上去睇左陣大陸書, 好快又走了
出到來好累了已經(仲開始落雨), 去左M記坐底, 佢地2個食雪糕(我一累就冇咩胃口, 冇食野), M記幾多人, 不過勉強攝位都有得坐

抖左一陣, 去信和行
信和而家又係冇晒翻版冇晒咸碟, 除左不嬲都有o既漫畫鋪CD鋪之外, 而家有好多玩具/扭蛋鋪, 精品鋪同賣衫o既鋪頭! 完全同以前唔同了, 行晒信和3層+底層+12/F+10/F(有玩具鋪), 都已經差唔多8點了
大家都好累, 雖然食完飯d模型鋪就收左, 但係都唔一定要睇, 於是決定食飯之後就散

呀哥未去過富貴餐廳, 所以就帶佢去富貴
富貴真係幾抵: 夜晚係MK, $42唔使加一, 可以有餐湯+餐包(蒜蓉包)+沙律+主打(豬扒+魚柳, 居然係2塊豬扒+一塊魚柳)+凍飲(大杯的)+甜品(雪糕), 勁多野食...呀哥都覺得no complaint~
我累食唔落野, 所以2個人share一份, 而呀哥自己一份, 食完我都好夠飽了...

食完散, 唔行多人地方, 於是係富貴直出窩打老道, 轉入染布房街過火車站, 避晒多人o既地方
上左火車站剩返我同哥, 本來諗住搭MTR(因為dud左八達通), 不過想落一落我公司拿野; 上到公司竟然鎖左門=.=, 落返來唯有搭巴士, 好彩唔使點等車就有車, 就上車返企了, 返到來仲上左5座攪d野先返企 =.=

好好好累的一天

完

三月四日 -- 來緊schedule

之前滿滿o既schedule終於都行完
來緊新一輪都係好密, 不過過埋呢一兩個星期應該好好多掛...?

6/3 - 呀Mak自由之週第一天, 收工來我屋企去樓下掃街+食winner飯~
7/3 - 同Carol食飯, 又有一個人記得我生日 ^_^
8/3 - 上堂+例飯
9/3 - 暫時vacant (只敢講暫時 XDDD)
10/3- 上堂+例飯 (順帶一提: 公司partner last day......)

仲有貓+Maychan未約...仲有Rex, 仲有Cyrus, 仲有三月之星...

完

三月二日 -- 唱K

好一段時間冇唱K, 加上好耐之前一路都同Marian話唱K話左好耐~
終於等到佢考完試+我又得閒

幾得意的組合: 我, 哥, 娟, Marian, 民
大家似乎都唱得幾開心, 不過以後都唔去Neway了...閒日都only三個鐘...都係GreenBox好d
九點半夠鐘, 出到來諗住散; 一齊行出Nathan road, 一路行一路傾偈, 傾到慶起, 時間又早, 於是去左M記坐, 傾下偈~
傾得好高興, 唔經唔覺11點半, 大家第日都要返工, 局住要散, 不過幾開心呢~
下次可能係3月尾4月頭~ ^^

完

二月二十八日之 廣播劇班Gathering

廣播劇班呀Sir吳忠泰帶我地一班同學去佢屋企附近相熟o既食肆食晚飯
當晚我可以早d到, 先上呀Sir屋企坐一陣 (民因事缺席)
傾左陣偈, 大家就慢慢開始睇NOW播緊的電影"1947年之劫後英雄傳", 都OK好睇
一路到8點陸陸續續人都來齊(包括呀Sir的年輕貌美女友), 就落去附近一間餐廳食飯
據呀Sir講, 個大廚有多年經驗(呀Sir亦識佢o既), 而且係果頭來講係呢間最好食, 價錢亦豐儉由人
當晚o既菜單係平時冇的, 係呀Sir叫大廚自由整的(後來俾左咭片我地, 所以我地之後都可以咁), 類似私房菜咁, d野包括左日本野, 順德野, 泰國野, 西式野...好雜
菜單o既名唔知, 所以我只好形容係咩了 (次序都係大概o既)

1. 刺身船 -- 隻船就同平時去食日本野o既一樣咁大, 不過d刺身就鋪到滿一滿, 係超多! 而且好新鮮~
2. 魚咀煲 -- 類似將個魚雲分開兩邊, 好似係再炸過之後, 再同蔥呀等等佐料一齊煲, 呢個好食~
3. 人蔘燉生魚湯 -- 人蔘味唔太苦, d魚肉煲到好淋, d湯味(魚味同人蔘味)o既調教好得
4. 鬼馬唔知咩 -- 其實係油炸鬼上面"讓"左魚肉同芝麻, 由於可能係滾油炸o既關係, d油炸鬼唔會油淋淋, 再點d千島醬, 幾簡單得來又幾好食同特別 (呢個配搭真係幾攪野)
5.
6. 泰式生菜包 -- 一大碟類似炸過o既肉碎+蔥碎+唔知咩, 自己整d落生菜度, 擠檸汁再+泰式汁, 酸酸辣辣咁幾好食
7. 蠔煲 -- 蔥+好多又幾大隻o既炸過o既蠔(美國蠔)o既煲, 抵食, 味道OK啦
8. 鮑魚菇+白菜 -- 鮑魚菇同白菜都普普通通啦, 不過個汁"淆"得幾好
9. 豉油王炒麵 -- 呀Sir推介之一, 雖然係普通o既豉油王炒麵, 但係呢d簡單野反而考功夫, 幾好食!
10.紅莓Pancake -- 唔會"漏", 幾好食

10道菜+有人飲啤酒+汽水+奶茶檸茶等等(我飲左呀Sir推介o既茶走, 掂!)
11個人每位$140, 食物o既質+量+價真係好抵!
有機會要再去呢~

完

二月二十八日 -- 無言

1. 想轉工指數已經去到90%
2. 我個同組同事好可能會調走, 我留係度就會仲煩, 一家係時候真係要走了<--好不知所謂o既一句話
3. 個Blog交投淡靜, 好好好少人呢...
4. 我要自由...我要自由...我要自由...我要自由...我要自由...
5. 目標 -- 3月前清到80%之前睇o既complaint+CMBS出到Orders
6. 下期工聯會, 可能再報話劇 - 初班
7. 下期工聯會, 唔一個星期報兩日course了...
8. 其實唔計讀過d咩書做過d咩工, 我最適合做咩工作呢?

完住先

推介CD -- 自作自樂 Demo Project

自作自樂 Demo Project

精選16首本地樂壇高質流行作品DEMO!
由原曲作曲作詞班底親自演釋
令歌迷透徹解構16首流行名曲之真諦!!
支持原創作品　表揚幕後功臣

一首歌曲的成功，很多人都會把功勞歸於幕前的歌手，往往忽略了一班幕後功臣。環球
唱片有見及此，誠意推出一張輯錄了十六首本地原唱作品的Demo精選大碟《自作自
樂》，以表揚這群幕後音樂人努力創作的成果。

今次大碟所輯錄的十六首作品，都是流行一時的大熱歌曲，而Demo的主唱者，當中既有
資深的音樂人，如金培達、張佳添，也有新一代的唱作歌手，如王菀之、藍奕邦和馮穎
琪等，他們都是作得唱得之人，細聽這些Demo，在音樂或錄製上容或有些粗疏簡單，跟
正式推出市面的成品亦大有不同，有些甚至連歌名也被改掉，然而卻有著一份質樸自然
的可貴，聽起來也饒富趣味，值得歌迷細味。

由構思到製作，《自作自樂》這張Demo精選大碟，有別於市面上一般的精選或雜錦碟，
因為藉著這張大碟，唱片公司希望可以傳遞一個正面的訊息，讓有志從事音樂創作的新
秀，了解發表作品的渠道。加上不少Demo原唱者，均為新一代的唱作人，他們不時參與
校園表演，深受學生歡迎，故此希望透過他們對音樂創作的熱誠，讓莘莘學子支持原創
音樂外，也尊重知識版權，購買正版唱片。

為了配合大碟的宣傳工作，除了選出《按摩女郎》、《兩個人的幸運》和《終身學習》
三首歌曲的原裝Demo作主打作品外，現已訂於二月份推出，為配合宣傳，也將於二月十
二日在海港城舉行一場《馬拉松音樂會》，邀請Demo原唱者接力演唱，與歌迷分享他們
創作的樂趣和豐碩成果。

-----------------------------------------------------

自作自樂
1.執爾之手 (出版歌: 按摩女郎-原唱:劉德華) 主唱: 馮翰銘
2.兩個人的幸運(原唱:梁詠琪) 主唱: 金培達
3.臉紅 (出版歌: 戀上你的床-原唱:鄭秀文) 主唱: 王菀之
4.終生學習 (原唱:鄭融) 主唱: 謝杰
5.斷尾 (原唱:劉浩龍) 主唱: 藍奕邦
6.苦撐 (出版歌: 明目張膽-原唱:何韻詩) 主唱: 張佳添
7.數你不是 (出版歌: 雌雄同體-原唱:麥浚龍) 主唱: 馮穎琪
8.自我增值 (出版歌: 必殺技-原唱:古巨基) 主唱: 張繼聰
9.Beautiful Sunset (出版歌: 夕陽無限好-原唱:陳奕迅) 主唱: Eric Kwok
10.空中飛人 (原唱:李克勤)主唱: 阿志
11.今非昔比 (出版歌: 天之驕女-原唱:容祖兒) 主唱: 陳詠瑜
12.颱風 (出版歌: 男孩像你-原唱:薛凱琪) 主唱: 徐繼宗
13.空肩膊 (出版歌:兄妹-原唱:陳奕迅) 主唱: 徐偉賢
14.名種愛人 (出版歌: 奇洛李維斯回信-原唱:薛凱琪) 主唱: Eunice
15.無賴 (原唱:主唱:鄭中基) 徐志勇
16.回到記憶深深處 (出版歌:今年沒聖誕-原唱:許志安) 主唱: 柳重言

歌曲推介 -- 傾偈

唔係話d咩大作, 歌手又唔見得好好
不過幾鐘意呢首歌

傾偈

歌手：蔣雅文, 李逸朗 | 作曲：Aisana Yoojareon/Ryo Kung
填詞：夏至 | 編曲：藝琛

呆坐我家天光再打算
無謂太灰只不過失戀
談論理想統統不實踐
題目涉及到很遠

天空邊際　容納我留低
內容沒關係　談論過經濟

其實我最想不顧一切
求突破每天刻意傾計
其實再講幾多都白費
難共你共對一世

不知不覺　誰習慣留低
話題沒關係　談及你身世

不要想太多　過去天天跟你相處想太多
若拍拖終有天會失去麼
最尾終於醒覺沒幫助

隨時樂意照例相依對坐　聽過快樂的歌
無聊預計哪部影片叫座
未算示愛吧總有想過

天空邊際　容納我留低
內容沒關係　談論過經濟

其實我最想不顧一切　(好嗎)
求突破每天刻意傾計　(很假嗎)
其實再講幾多都白費　(過去相處不太差)
難共你共對一世　(誰沒法取替)

就愛你的話題　推測走勢
終於有日破例　(未去想破例)
未理太多問題　不想估計　(留不低)
但最後你未放開一切

＊未夠徹底
　不要想太多　過去天天跟你相處想太多
　若拍拖終有天會失去麼
　最尾終於醒覺沒幫助＊

REPEAT＊

其實我最想不顧一切　無謂要後悔一世

二月二十四日 -- 數日雜記

1. 搵工搵工搵工! 轉工轉工轉工!
2. 二月之星等人放學之計成功, 仍然保持到十人應戰, 希望之後果d都keep到啦~~
3. 見到Albert嫂, 同Albert哥好有夫妻相呀~~
4. 三月之星可以特別d, 踩單車+BBQ, good ar~
5. 星期四抖左一日, 好鬼正呢~ 不過d"架生"唔見晒, 想開工砌模型失敗 >__<
6. 今晚公司5.30pm開始熄server, 我點等民仔呀~~~~~!!! 又上唔到網, newsgroup, ICQ, blog都唔得!!
7. 娟見工努力! 一日兩場實有場掂!
8. 暫時係咁多

完

之前的schedule.改
18/2(Sat) 在家中休息+睇School of Rock+剪髮(應該冇波打) <----剪ed, 睇ed
19/2(Sun) 在家中休息+睇School of Rock+剪髮(應該冇波打) <----剪ed, 睇ed
21/2(Tue) 二月之星gathering <----間日本野竟然執左, 去左上海坊, 見到Albert嫂
22/2(Wed) 收工過澳門表妹婚宴 <----新post講
23/2(Thu) 請左假, 夜晚同娟, Mandy, Sam沙田沙角大排檔之約<----晚飯postpone左, 等Sam去完旅行返來先
24/2(Fri) 與民民食飯上堂
25/2(Sat) 在家中休息 or 打波 <----收工同媽去黃大仙
26/2(Sun) 在家中休息 or 打波 <----未知有咩攪
27/2(Mon) 同雞脾, 馮Sir, Connie, Carmen, Freak食飯
28/2(Tue) 收工返企
1/3 (Wed) 上堂
2/3 (Thu) 同哥, 娟, 民, Marian唱K
3/3 (Fri) 上堂

仲有呀貓Maychan, Carol, Rex係話左要出來而仍然未約的...

悼 -- 二月二十三日

尋日放假一天, 下午係屋企磨緊o既時候, 呀源打電話來
我收到電話聽到佢"喂, 打電話來有d野同你講時", 我都大概估到咩事了

只係係好耐之前見過一面, 印象好模糊, 不過果時仲係健康的, 幾年前聽到佢得左病都好驚訝
人真係好化學, 就算點小心點保養有d病都係避免唔到...

我都唔知講咩好, 安慰說話講左都冇用, 亦都唔知有咩好講, 所以都冇講d咩野
病左七年, 一路睇住愈來愈嚴重, 到左前排都知唔係剩得幾多時間, 相信大家都有心理準備
而家最緊要係處理之後o既事, 不過應該都冇問題o既

不過, 都總算係見到仔仔女女大個生生性性啦 ^^"
希望你屋企d野快d settle down, 好快就冇事啦

總之都係果句, 有d咩要幫手就搵我啦

完

足球與我

足球與我

大家一睇到個題目一定會好奇怪, 一向剩係打籃球o既我, 居然會講足球?

由細到大, 我一向就同"足球"冇咩緣份
由於小時候屋企冇咩俾我去課外活動, 加上又冇得睇電視, 所以對"足球"o既認識就限於新聞報導o既片段
而間中一次半次係家中睇"世界杯", 由於足球知識薄弱, 入球數目又偏少, 所以並不覺得精彩 (印象中仲要係睇意大利)
小學時期, 我所讀o既2間小學都唔興踢波, 尤其係後期果間, 好細o既校舍, 冇地方踢
到左中學, 要踢o既人都係踢開, 我呢d完全冇踢開已經係比唔上, 所以更加冇去踢; 由於上體育堂有得打籃球, 所以就開始左打籃球了~~

開始接觸得多d, 都係中學成日聽d同學仔講波, 成日聽到d咩曼聯, 車仔, 皇馬, 連係咩地方都唔知, d球星一大堆更加唔知係乜水, 聽聽下叫有d認識, 不過對呢樣野o既"認識度"都係好低, 一路到而家, 對呢樣野都仍然都好似係"緣慳一面"

我冇睇開足球, 又冇踢波, 冇捧開邊隊足球隊, 更加冇買波, 既然係咁, 點解會無啦啦講呢? 當然有原因啦~~~
話說逢星期五我都會同民民上堂, 上堂時間為八點四十分; 民民收工來到旺角通常七點島
個半鐘時間, 對於食飯食得好快o既兩個魯男子來講, 實在好長; 於是慣性地食完飯就去"麥花臣球場"睇人踢波, 而夜晚好多時都有比賽睇

又話說幾個星期前睇左一場一堆呀叔踢o既波, 幾精彩, 有個籠門好型, 撲左個單刀波再拗腰禁實個波, 引來全場鼓掌; 而上星期五, 更加睇左一場業餘杯賽, 精彩非常; (兩場波o既詳情都係由比較識講波o既民民係佢blog度講啦), 令我地寧願遲到都要睇晒場波 (好彩有睇到最後!)

另外一樣關於"足球"o既野, 就係"打機"
平時我自己打機係唔會打足球o既game的, 但係如果民仔來我屋企玩, 就九成都係打足球
通常我同佢都係玩一隻舊版o既winning eleven(因為冇新機)
大家都打得好水皮, 不過打下打下, 大家o既技術都有所進步, 由以前打"easy"都未必有波入, 到而家打"normal"都可以入下波贏下波(仍然水皮); 不得不提星期日o既一場大戰: 我同佢一齊Random用左中國對電腦Random的唔記得邊隊, 由於之前試過俾電腦o既中國射球射過人牆入波, 呢場開場三分幾鐘係禁區外博到球球, 由我施射, 我福至心靈, 學電腦咁射, 居然俾我入左波!! XDDDD
後來同民仔一齊打左好多場, 愈打愈頹, 終於出現左一球經典, 勁過區偉倫: 當時我地已經將波推入禁區, 敵方籠門同後衛俾我引晒過去, 我一球美妙o既傳球, 傳左俾係籠前空晒o既民仔, 正當興奮之際, 佢竟然橫傳!! 唔係單刀橫傳, 係空籠橫傳!! 仲要係好近個籠, 求其掃一腳都入o既距離! 當堂灰左...場波到最後互射十二碼輸埋, 灰晒... ...

其實足球都幾有趣, 不過我都係鐘意打籃球多d ^^

完

道

有一位朋友, 常常喜歡跟別人談論一些問題, 不論歌曲, 電影, 電器, 人生...etc
他經常把"終極", "根本"掛在口邊, 常常想發掘一些最簡單最基本的做法便能獲得最多, 最好的方法, 或者什麼/怎樣才是最好的歌曲/電影...等等
不過, 問題有三:
一, "最好"只是他自己主觀的"最好";
二, 他有時所知的東西又不夠多, 又以為自己知得夠多;
三, 完全不理會不同情況會有不同的評價/方法, 一定要一種"萬能的方法"
在此不想提這個人的做人論調, 亦不想談論誰對誰錯, 只是在討論中經常涉及到所謂"根本性", 或是"快樂/滿足"與否"~

有一大堆論點不想在此提, 要講實在打幾萬字也不能盡述大家的意見, 其中一個想提的論點是"快樂/滿足"
那位朋友經常認為, 做一樣事情/吃東西/去那裡玩...等等, 就一定要做盡可做的東西, 例如:
一, 去吃自助餐就一定要狂吃貴的東西, 絕對不會吃平的東西
二, 去香港迪士尼樂園就一定要全部玩過某幾樣遊戲
三, 電影/戲劇/故事...等等一定要有某些原素, 否則就不好看/不值得入戲院看
等等...等等...
他完全不會想想不是每一個人都要求同一樣東西, 有些人去吃自助餐可能是一班朋友要去, 而又不喜歡吃生蠔; 內地人去迪士尼樂園只是想"到此一遊", 對那些人物全無感覺, 更不想等個多小時去玩一玩遊戲...
他卻認為, 不做盡使是"蝕", 是"不應該鼓勵"的行為, 當跟他說每人都有不同的期望, 他卻說, 如果不做便能滿足, 那些人是"深層Bad End", 完全不接受...

再一次強調, 並不想在此談論他的人生觀; 只是有一點我最想討論的, 是他曾經說過"一個人經歷過很艱辛的時候(或者是斷手斷腳的人), 但心靈快樂, 是"深層Bad End", 他完全否定"心靈快樂"
即是說, 有些人去自助餐, 吃到自己喜歡的東西, 又和朋友有一個快樂的聚會, 但全部貴的東西都不吃, 是不應該的; 打機就算永遠只用同一種沉悶的方法, 永遠都在低層次沒有進步, 只要爆機就可以了; 沒有大場面大特技的小品電影便應該租碟而不應進戲院看? 同樣地, 如果有一個人有一億元, 但心靈不快樂, 而另一人很窮, 但很快樂/滿足, 他會認為後者是不應該的...

我的文筆差, 不知道應該如何清楚表達, 但大概是這樣的意思
個人認為, 有些時候也是得到最多時是最快樂, 但真的只有"得到最多"才是"最快樂"? 最值得做? 這樣的世界真的會有進步?
我不知道什麼是"道", 什麼才是"終極", 但我知道我"要什麼", 我怎樣才快樂

每一個人都是不一樣的

完

聽住mp3四圍留意野o既一次記錄

今日搭巴士返工, 係等車期間, 見到前面隊中有個中年男人幾特別
由於有幾多人等車, 我見唔到佢o既衣著, 只係見到個男人都幾高, 留鬚留長頭髮, 面型輪廓亦都唔差(都幾靚仔的)
當時只係留意到咁多, 亦冇再多作深究

上車後, 不論是否兩座皆空, 我一向都會坐最前排; 上到上層走到最前坐下, 發覺身旁正是剛才留意到的男子, 平時愛咩都睇咩都留意下o既我, 當然就會不時眼望望留意下佢啦~

一坐底第一樣就留意到o既, 就係佢條牛仔褲超爛, 係爛得幾緊要, d窿窿又好大; 隨即望上半身, 著住件咖啡色皮褸, 又係有d爛爛地o既, 拿住個好普通o既類似"Jansport"背囊; 係呢個時候, 再加埋頭先我話佢留鬚留長頭髮, 大家係咪會即刻想像到一個露宿者或者一個地盤佬o既型像呢?

不過又唔似係~
再留意多d, 發現佢左手手腕帶住一"揪"金屬飾物, 幾"型"o既款來o既; 佢雖然長頭髮, 但係一d都唔污"wear", 打理得幾好(冇做負雜子的); 見佢用耳筒聽緊野, 後尾見佢唔聽拿出來收埋, 係一部類似"i-river"物體o既野, 而個耳機係好特別o既一種來的
當然呢堆野都唔係咩實質証據話佢唔係一個地盤佬(起碼唔係露宿者掛?) 但係仲有一個好主觀o既理由, 就係我見到佢個樣唔似係(當然唔係剩係話塊面, 而係計埋氣質...各方面)
後來我落車佢都未落車, 咁就完了

究竟佢係個咩人呢?

完

二月十七日 -- 三星期Schedule

二月十七日 -- 三星期Schedule

今次呢個雜記完全係記事簿only
幾乎全部係收工後紀事 (不過都有d野show到出來)

13/2(Mon) 收工返企
14/2(Tue) 食飯+睇Chronicle of the Narnia
15/2(Wed) meet William, 上堂
16/2(Thu) 交收MG Aile Strike Gundma, 同民民見周天恩+食飯吹水
17/2(Fri) 與民民食飯上堂
18/2(Sat) 在家中休息+睇School of Rock+剪髮(應該冇波打)
19/2(Sun) 在家中休息+睇School of Rock+剪髮(應該冇波打)
20/2(Mon) 收工返企
21/2(Tue) 二月之星gathering
22/2(Wed) 收工過澳門表妹婚宴
23/2(Thu) 請左假, 夜晚同娟, Mandy, Sam沙田沙角大排檔之約
24/2(Fri) 與民民食飯上堂
25/2(Sat) 在家中休息 or 打波
26/2(Sun) 在家中休息 or 打波
27/2(Mon) 同雞脾, 馮Sir, Connie, Carmen, Freak食飯
28/2(Tue) 收工返企
1/3 (Wed) 上堂
2/3 (Thu) 同哥, 娟, 民, Marian唱K
3/3 (Fri) 上堂

每個星期o岩o岩好得一日係返屋企食飯的...(唔計星期日)
仲有呀貓Maychan, Carol, Rex係話左要出來而未約的...
......

完

二月十三日 -- 數日雜記

1. 星期六睇左"梁祝-下世傳奇"o既DVD, 都幾好睇呀, 校花瑄瑄 XDDDD
2. 星期日打波, 發覺近幾個月個射波命中率都OK, 除非係好好累o既時候, 基本上會令人覺得"唔可以唔mark"
3. 聽到有關話劇高班另外一d同學o既野, 太得人驚了
4. 下星期三過澳門參加表妹o既婚宴, 星期四請假
5. 明天是情人節了
6. 多謝呀源, 另外希望你媽會有好轉啦
7. 武林群俠傳冇心機玩了, 因為之後有個小遊戲要玩先過到, 但係而家部機玩會太快, 一家定過唔到的...
8. 尋日呀哥生日, 都慶祝唔到咩野, 不過送左件褸同衫
9. 尋日打完波, 同民民一齊再約埋呀源呀娟食飯, 食完行陣街再返企一齊打炸彈人, 幾開心
10. 星期三上堂, 希望可以自己組隊啦...如果唔係真係風起雲湧

完

天龍八部custom version演員表

上星期五同民民上完堂, 一齊返企時吹水, 吹吹下傾開d無聊野
其中一樣就係如果我地自己友開拍"天龍八部", 會搵邊個做邊個角色
經過我地用左好多時間(真係用左好多時間, 同埋諗左好耐, 改來改去), 終於都諗好晒邊個做邊個角色
以下呢堆人係我同民民都識o既人, 但唔代表佢地互相認識 (不分先後次序)

喬峰(蕭峰) – 馬 (最豪邁)
虛竹 – 民 (唔使講原因啦XDD)
段譽 – 昇 (多情, 有書呆子氣XD)
慕容復 – 天 (有吸引某d人o既能力)
游坦之 – 麥 (偏激)
丁春秋 – 馬智豪 (唔記得點解 XDDDD 請民民re返點解 XDDD)
段延慶 – Tim (似! XDD 似惡人)
葉二娘 – Carmen (冇咩其他角o岩佢咁, 唯有 XDD)
鱷神 – 何文智 (似)
雲中鶴 – 周天恩 (因為雲中鶴係...XDD)
鳩摩智 – Albert (佢本身好戲, 扮奸人又似, 又幾勁)
段正明 – King (因為同呀Ken係兄弟)
段正淳 – Ken (因為同呀King係兄弟, 又較似溝女格)
蘇星河 – 猩猩 (聰辨先生)
刀白鳳 – Crystal (觀音)
鍾夫人 – 寶 (其實幾個段正淳相好都係填塞落去的, 不過都有大概諗過邊個好dd)
馬夫人 – Susanna (其實幾個段正淳相好都係填塞落去的, 不過都有大概諗過邊個好dd))
秦紅棉 – Step (其實幾個段正淳相好都係填塞落去的, 不過都有大概諗過邊個好dd)
阮星竹 – Amy (其實幾個段正淳相好都係填塞落去的, 不過都有大概諗過邊個好dd)
慕容家臣 – Ben，屎蟲，輝，包不同 – 瑛 (非也非也XDD)
段家家臣 – 源，澤遠，Leo，朱丹臣 – 娟 (友情客串) (八個家臣都係搵剩返o既人填晒的XDD)
蕭遠山 – Sam (豪)
慕容博 – Law仔 (與Sam可有火花)
掃地僧 – Valentino (宗教人士+唔似勁人XDD)
枯榮 – 翔 (填塞的)
玄慈 – Addison (填塞的, 不過都o岩 XD)
無崖子 – 瑛的呀哥 (都係識好多野o既人)
天山童姥 – 民之妹 (o岩晒啦, 有小孩o既面)
李秋水 – Sharon (填塞的)
碧 – May (乖乖地)
白世鏡 – David (表面係好人, 雖然實際都係, 但係起碼表面o岩左先XDD)

完

二月八日 -- 雜記

好耐冇出日期post, 更耐冇用口語, 都係咁舒服d

1. 返左工幾日, 都未係好慣, 仍然holiday mood, 好彩冇咩忙/急o既野
2. 身邊唔知點解好多人都係屬於固執o既人, 講極講唔明, 又主觀到極, 不過亦由於呢d人(尤其係某大學同學), 令我自己都學到唔少野(知識上, 人性上, 情緒上)
3. 同一位朋友講開一個話題, 冇諗住講宗教上o既野, 但係由於佢係教徒, 都不得不講埋; 好多時我講o既野跟本就唔係講緊個宗教, 或者講緊個宗教有咩唔好, 有咩問題, 我講有問題o既野係"人", 不過由於大部份宗教人士都有o既bios, 一講到牽涉呢d o既野就會起左一堵牆同埋好敏感, 又會話我地唔明佢地o既諗法, 於是好難講得明, 不過, 由於我都對得好多呢d人, 所以希望到最後佢聽得明啦~
同日亦同另一個好鬼"牛"o既friend爭論野, 久經訓練, 好"爽口"~ XD
4. 最近玩返一隻自由度幾大o既舊game, 以前玩過一次爆左其中一個結局就冇玩落去, 其實果個結局雖然都正, 但係會玩少好多野; 返鄉下時見人玩, 又拿返出來玩, 幾好玩呢
5. 玩返隻game, 發玩左好多野, 不過唔係關於隻game的, 係自己; 隻game係RPG, 但係有好多小遊戲係其中, 十分需要靈巧o既心思同技巧, 一玩之下, 發覺原來自己o既身體協調性比以前差左了...
6. 玩game之中(唔止呢隻game), 都有發現自己有進步o既地方; 就係個人沉穩左, 有d野玩衰左冇咁炆, 同埋好快可以平靜返專注返去玩呢~
7. 係時候又要剪短返d頭髮了~
8. 又要攪"二月之星" :D

完

新年大病 (II)

話說夜晚9時多哥哥陪我到了急症室, 分流只分到第4類, 即是要 -- 等
無論有多少人, 快不快, 似乎都有心要分流為4及5類的人等, 有時明顯有一大段時間沒有叫人

在痛苦及沉悶之中渡過3小時(爸爸也在11時多來過, 但我們叫他先回去不用等), 見醫生的時候已經比初時沒那麼差了, 由於怕是感染, 於是吃了一粒退燒藥, 便抽血, X光照肺, 再坐2個半小時等報告
等到報告時已是凌晨2時半, 証實不是感染, 不用留院; 而在等了那麼久的過程中, 原來已經退了燒...
回到家已是3時, 當然要洗澡才睡覺, 睡時已是4時, 而病情其實已經好了很多, 比起日間精神很多了

在急症室等候期間, 有一緊急的病人, 聽說是自殺不遂; 只聽得他在簾後不停大聲呼救慘叫, 直聽得人心寒, 當時覺得, 做人真的不要隨便輕生, 更不要半死不活; 而要更加珍惜生命, 身體, 因為病痛實在太痛苦了; 由於上一年家人身體欠佳, 令我有深刻體會, 這次回鄉很多時拜神許願或祝賀人時, 都會說身體健康, 想不到許願後回港立刻便病了

我並沒有留意流年運程什麼的, 也不知今年運程如何, 但新年便大病一場加上被抽2次血有血光之災(後來要再去醫院一次再抽第二次), 希望已經過了不好事情的配額, 今年打後能順順利利, 健健康康, 在此也希望身邊親人朋友也都身體健康, 笑口常開!

完

新年大病 (I)

初六回港, 剩7時半飛機到深圳, 於是5時多要起床執拾(當然之前一天已經執好能執的東西), 吃了些少東西, 6時半便上車到機場了, 車程不過15-20分鐘, 7黠鐘登機, 差不多7時半便準時起飛了
到了深圳, 還得坐一小時巴士到羅湖關口, 意料之外地有不少人過關(當天是星期五, 又不是公眾假期了), 辛辛苦苦過關後便上火車轉地鐵回家

在機上及巴士上時, 雖無病的感覺, 但好像有少少暈浪的感覺; 而由於著住褸拿行李的關係, 覺得很熱又一身汗, 於是一回到香港(其實發覺氣溫較涼)上到火車就立刻除褸, 換上另一件沒那麼熱的; 經過早起, 搭飛機巴士, 過關, 拿行李之後, 實在極度疲累

回到家, 父母叫我和哥哥星期六或日要到祖父及姑媽家中補賀, 由於回到家後極覺疲累及開始不適, 所以都打算星期六或日去, 但哥哥不想再浪費一天出去, 提議下午就去, 一次過了結事情, 星期六日就可盡情休息; 中飯時候開始沒胃口, 沒有吃飯只吃了些少東西就開始頭暈躺在沙發休息; 哥哥吃完飯後不斷問何時可以起行(因為仔也很疲累及有些不舒服, 想當天完結事情), 我想休息一會到狀態好些才起行, 但他堅持要一個確實時間, 我哪知道要休息多久才好些? 我怕愈休息就愈不想行, 於是就頂著不舒服的身體離家

在街上, 明顯覺得自己力氣不足, 想行快些都不能, 總算到了柴灣祖父家, 坐了一陣就離開去北角的姑媽家, 此時再出到街上已經覺得狀態奇低了, 頭很暈, 而且腳步虛浮, 全身脫力, 好不容易到了姑媽家, 已是滿頭冷汗, 想嘔也嘔不出, 也不知姑媽有沒有留意到我痛苦的神情; 後來我終於不行了, 太暈了, 於是便借沙發躺著, 姑媽也覺得不得了, 幫我塗藥油, 我在哪裡睡了一會, 有些少精神後便強起精神回家 (好像沒有發燒的)

當時已經很暈和全身乏力, 好不容易回到家也沒胃口吃飯, 一試之下竟然已發燒, 平常的我很少胃不舒服, 但當時我已經是發燒+頭超暈+全身乏力+胃不舒服+有些少肚瀉, 由於擔心是否著了流感, 於是便打的直去急症室

待續

疲倦的靈秀山

在前文中提過, 年初一午飯後到靈秀山走了一轉
在小時候, 每年暑假我和一眾表兄弟姊妹都會回鄉(當然包括家長們), 由於有足夠地方住, 大家又年紀相當, 所以回鄉絕對是一件樂事(偏離話題了)

以前每年回鄉, 我都總會到靈秀山走一轉, 有時是大清早, 有時是下午, 無論是什麼時候, 治著那寬闊的山路(那山路在我小時候就修建成的, 所以行上山並不辛苦), 兩旁有田有花草樹木雞狗石屋, 倒也覺得十分自在和舒服, 那景色和清新空氣令人覺得大自然是有生命, 有活力的一樣東西

近年經濟起飛, 我鄉下所屬城鎮及村莊尤其是附近比較富裕的地方, 因此開始大興土木, 很多人都買地, 起房子; 因此靈秀山腳下很多的地都起了屋子, 大路兩邊的田完全不見了, 只剩下空空的石地泥地, 地上大量被採完石礦的碎石, 野草及垃圾; 沿路行上去, 那大路有很多地方亦開始失修, 聽聞從前於村中山腳下的一塊"風水石"也因為要炒地皮起房子而都被破壞名不知去向了; 山上的寺廟空相院十分熱鬧, 地上滿是垃圾, 信眾四出拜拜, 拿著香枝又不顧其他人, 不覺莊嚴而只覺庸俗不堪

走了一圈, 回程的時候都四, 五時了, 回頭看那靈秀山, 它的靈氣哪裡去了? 我只覺得它很疲累了, 它的生命, 活力也慢慢地消失了...讓它休息吧...

回到香港, 再次感受這個地方, 我完全不感覺到香港疲倦, 也感覺不到它生命力慢慢遠去
不過, 那只是代表, 香港已經是一塊死地了嗎? 還是已經是一個就像人造人, 機械人那樣一個沒有生活但會活動的地方呢?

奢侈, 浪費, 健康

這年回鄉渡歲, 感觸良多, 會分不同題目慢慢道來

這次回鄉, 其中一個原因是表弟"虛齡十六"的成年慶祝活動
在我家鄉(相信內地很多地方也是吧?), "虛齡十六歲"就代表"長大", "成年"了, 習慣地也會有活動
以前農村時代窮的時候, 也會一家人好好地吃一個飯(當然可能也只是在番薯粥中多了些少肉而已), 送禮物給主角等等, 現在沒有以前般窮, 一般家庭當然也會吃餐好的, 送一條金鍊什麼的; 而富有的人, 就會有大大的慶祝活動

這次表弟的慶祝活動, 也算熱鬧非常, 在家屋前有大型的裝飾, 上面寫著慶祝表弟的字句
正式擺酒的正日是初四, 但其實真的大宴親朋, 於初三晚, 初四中午及晚上和初五中午都分別擺十多圍至幾十圍, 而於初四當晚, 未開始前先放一輪煙花及炮仗, 便在家中大空地及其中一層, 分開2個地方開始了幾十圍, 請了幾百人的宴席

宴上食物極其豐盛, 主要菜色都圍繞住"海鮮"
在那三天, 天天都有大量的魚蝦蟹鮑參翅肚, 份量多得足夠令人吃到不想吃
以魚翅為例, 翅的份量可以塞滿你的口, 而完全沒有粉絲及其他佐料; 蟹黃, 大蝦已經多得令人覺得平凡到不平凡; 盛宴過後的第二天, 還有很多食物買了回來多的, 我們更可每人一隻鮑魚, 整隻地吃...
席中, 煙酒汽水也是大量供應, VSOP幾十支任人飲用, 而那些叔伯兄弟們亦能當是水一般面不改容地成杯一口氣喝下去...他們可以喝多久呢?

內地近年經濟增長快速, 財富愈來愈多, 但全國8-9成的財富都在很少百分比的人手中, 那些魚蝦蟹鮑參翅肚豬牛羊雞看來還有很大段時間在同一堆人的肚中打轉

新春回鄉過年

呢個post大約講下果幾日o既過程, 感想另post

28/1 - 年廿九, 下午深圳5點機, 食完中飯12點零出門口, 過關幾多人, 不過冇想像中咁多, 幾快過到關
返到去鄉下到埋屋企around 7點, 去探外婆, 食飯, 抖
29/1 - 大年初一! 基本上冇咩特別野做
好熱鬧, 凌晨o既時候四圍開始放煙花(係大型果隻), 放炮仗好吵好熱鬧, 去天台睇煙花, 睇住煙花係咁爆, 係自己o既四圍, 頭頂係咁放, 都幾好睇同正呢! 之後有一日我地自己都有買d小型煙花自己放, 此後話不提
起身後, 上午再去外婆度坐, 打左一轉麻將, 摸王本色再現, 幾乎都係我贏多, 最後贏左百幾蚊
中午食完飯去左條村附近o既名勝"靈秀山"行下, 上面有個都有d名o既"金相院"(又名空相院), 上去到都有拜下佛, 裝下香, 夜晚冇咩做o既時候就睇下小說"鹿鼎記", 雖然係唔記得左第幾次睇, 不過都係好睇, 之後果幾日有時間o既時候同臨訓o既時候都有提, 打後不提
30/1 - 呀哥農曆生日, 我新曆生日, 上午冇咩做, 中午後, 呀姨車我地去另一名勝"姑嫂塔", 之後去埋"黃金海岸", 各行左一圈就返歸了
夜晚呀哥請食飯, 食湖南菜, 都幾辣, 但係都頂得住, 係有碟魚真係辣又唔多頂到(不過好食), 食完飯, 去唱K, K完返企抖了
31/1 - 初三赤口, 由於初四係表弟正日做"十六歲", 所以呢日唔打算做d咩, 不過就去左條村所屬o既市"石獅市"行下, 好富裕o既一個城市呢 (順帶一提, 好多街邊小吃都好食 : p)
晚飯時間返到來, 夜晚果餐已經係表弟"十六歲"o既前宴, 擺左十幾圍, 飲飲食食咁完左當日
2/1 - 全日都係為左表弟o既"十六歲"而設, 話說我地鄉下每逢有人虛齡十六歲, 就會有慶祝活動(當然係男丁先有份, 同埋有錢先有得大攪啦), 通常都係父母攪食飯同送禮物俾佢
由於表弟家都攪得起大野, 所以係早上拜完一大輪神之後, 當日午飯同晚飯都大攪幾十圍, 好熱鬧, 而d食物亦好豐富, 鮑參翅肚魚蝦蟹肉, 食到你唔食, 當然仲有大量煙酒汽水供應, 有好多人猜拳飲酒, 好不熱鬧, 野食方面, 另post再講
係午飯同晚飯之間, 都係留左係家中抖抖, 睇下書咁
2/2 - 臨尾一日, 食完中飯去左泉州行下
另一大城市, 去左著名o既開元寺東西塔, 洛陽橋等幾個名勝, 又行左一陣街, 最後返去食晚飯執野, 總算完左成個旅程了
3/2 - 晨早5點幾起身, 7點半機, 一早未到12點返到來, 好累, 開始唔舒服, 又出左去呀爺度(因為返左鄉下冇同佢地拜年), 更加唔舒服, 再去姑媽度, 終於頂唔住, 係姑媽度抖左陣, 頂硬上返屋企, 食完晚飯超唔舒服, 發燒+頭超暈+周身冇力+肚唔舒服, 9點呀哥陪我到急症室, 分流後等左三粒鐘, 睇醫生, 抽血, 食左粒退燒藥, 照肺, 再訓下醒下等2個幾鐘報告出, 唔係感染同禽流感, 唔使留院, 等o既時候個燒都差唔多退晒...3點幾返到屋企, 沖個涼訓, 辛苦晒呀哥...其實佢都唔多舒服

完

狗年好開始

狗年即將來臨
返鄉下過年, 好耐冇試過了, 應該會好熱鬧
其實都係有少少朦查查咁, 個個都叫我返就返

放返個好假返來, 希望有工見, 見完有得做
咁就真係好開始了

想轉變環境, 仲有咩可以轉變呢?
最有可能都係"工"而已...
衣? 食? 住? 行? 家? 女? 學業?
冇咩好改到了

所以, 希望都放晒係工度了

完

轉工

一路以來, 都有好多理由唔轉工

幾年之前, 份糧唔差, 穩定, 放工時間準時, 時間可以讀書, 做野唔算辛苦, 外面o既工唔好做又低人工, 等拿埋份gratuity...etc
而家已經唔同晒了, 減左2次人工, 外面人工高返d, 留係度落去冇前途, 冇得長做, 轉唔到長工, 悶, d工作愈來愈煩愈來愈廢...etc
所以呢排好想轉工, 好冇心機繼續留係度, 睇住愈來愈多同事都走, 自己都經常性提住要走

睇來係時候轉下環境了, 希望前呀頭介紹果份請啦~

完

投訴

明顯地, 係呢個世界上唔開心o既人係多過開心o既
因此, 唔開心o既野係會容易傳染過開心o既野

香港尤其係一個唔開心o既城市
人人唔開心, 老闆狂玩狗野, 大量打工仔被刻薄長期唔開心
做d野唔多唔少都影響到身邊o既人, 家人, 朋友...etc
呢d人又係打工仔...一路咁散開去
公眾人物, 明星, 傳媒...等等亦都不停渲染唔好o既野
因為夠慘, 夠爛, 所以容易印象深刻
睇新聞, 好野唔見得有幾多人讚, 衰野就煲到盡
流行曲亦一樣, 十首歌有八首都係失戀唔開心分手想死冇好收場

係個咁o既大氣候入面, 只會使呢個情況惡性循環落去
點解要咁悲呢? 點解唔可以以好果方面去面對呢?
係咪有少少野都要投訴呢?
希望我自己係我身邊o既人入面, 係屬於俾到"光"人地o既人, 俾到"開心"人地o既人

話時話, 點解我又要係度投訴呢個世界呢?

完

莫名其妙

平時總會有唔同o既心情, 開心, 唔開心, down, 有/冇mood
呢排好奇怪: 我完全唔知自己有咩mood/開唔開心/做咩野

究竟係咩原因呢?
因為就來返鄉下? 因為好想好想轉工? 因為生活愈來愈無聊?
唔知, 唔理

仲有3日就放假了

話時話, 朋友考完試了, 唔知佢去左旅行未呢?

完

戲評 -- 一蚊雞保鑣

今天下午很空閒, 得閒冇事做半睇半聽咁睇左TVB下午播ｏ既"一蚊雞保鑣"
記得數年前都有見到戲ｏ既宣傳, 不過應該票房都唔會好好

戲中男女主角係黃子華同郭羨妮
故事係講咩唔係度講啦, 都OK有意思同有時都幾好笑ｏ既
不過個人觀感, 並唔係太"電影", 基本上d場景, 對白, 動作各方面都似係適合做"舞台劇"多過似"電影"
如果走入戲院睇可能會有人媽媽聲出返來
反而如果係電視劇或者舞台劇會唔錯呢~

入面隨左２位主角以外ｏ既角色, 除左Benz雄苑仔同羅蘭姐(出得唔多)之外
另外幾位出得幾多ｏ既配角都係唔識ｏ既
不過大家(包括主角)都做得幾好

總的來講, 係電視睇下都幾好啦

另, 戲中插曲郭羨妮主唱ｏ既"盲目支持"幾好聽, 幾有感情, 亦好ｏ岩個scene
試下搵唔搵到mp3先

完

杏仁豆腐花

同我熟o既朋友好多應該都知道, 亦曾經俾我帶過去大埔道"百吉蔗汁"食"杏仁豆腐花"

雖然係叫"豆腐花", 但係其實食落一ｄ都唔似一般ｏ既豆腐花, 有ｄ　Jelly同大菜糕混合ｏ既感覺
呢種"豆腐花"暫時除左呢度唔知邊度有得食了
自從讀City果時呀Mak第一次帶我去食之後都好喜歡食, 尤其係係夏天好熱ｏ既時候, 行到來身水身汗, 坐低一陣食個豆腐花, 成個人即時涼晒! 正！

昨晚與朋友食飯, 食完飯又去食"杏仁豆腐花", 老闆同我講做埋今年唔做了（仔女都唔會做)!!
即係仲有一個星期就唔做! 當堂個人呆一呆
吓?! 唔係呀嘛, 即係以後都冇得食?
本來成日都幾開心, 臨尾聽到個消息即時down左一down...

回程返屋企時都諗左好多野, 一來可惜"百吉蔗汁"唔做了(其實係好事來, 老闆退休光榮結業享清福), 二來諗到, 好多野一過左去就返唔到轉頭, 親人朋友身體時間...etc...etc...
真係要好好珍惜身邊ｏ既一切呀!!
來緊呢個星期, 一定要再去食"杏仁豆腐花"!!

完