路

人的一生, 有很多路要走

由出世開始, 牙牙學語時, 慢慢去掌握平衡, 父母在身邊支持著, 成功地踏出自己的第一步...

到了幼兒園, 小學, 爸爸媽媽帶著小不點兒去上學去, 小子有時累了不肯走, 撒著嬌要爸媽抱抱, 在愛中成長...

中學生, 開始有自己的思想, 到了反叛年齡, 開始不聽爸媽話了, 與朋友去玩, 但仍然在他們的管制下...

大學了, 自己開闢了自己的天地了, 與愛人, 朋友們一起的時間愈來愈多, 父母每天都在家中不知道兒女回家吃飯與否...

畢業, 上班, 結婚, 鳥兒離巢, 組織了自己的家庭, 有自己的生活, 煩惱, 間中回去看看父母, 父母已經蒼老了...

到自己也老時...父母都不在了...兒女又一代一代繼續著, 循環著...

當看見街上, 老人院的老人時, 都會想起很多這些事; 街上的老人和我們並無關係, 但, 在家中的呢?

樹欲靜而風不止
子欲養而親不在

父母把一生都奉獻給你, 但願大家在現在仍然有時間的時候, 珍惜身邊人, 做多一些事情, 令自己不會後悔自己沒有做過什麼吧!

完

四月八日 -- 雜記

星期六返工, 收工同娟, 民, Sam同Mandy唱K; Sam同Mandy遲dd先到, 原本諗住Green Box K lunch起碼可以唱到4點, 點知3點cut歌...好唔夠喉...之後大家都預左一齊食晚飯, Carmen話唔來, 原本來諗住去深水埔o既"小菜王", 不過呀Sam興起話去我家打機, 於是成班人殺上我屋企, 民仔同Sam打機, 我同娟, Mandy就傾下偈~~

晚飯民仔返屋企食...於是我地一行四人去小曼姐姐介紹o既地方食飯, 係將軍澳坑口果面, 聽小曼姐姐講, 原來間野幾出名, 都係叫小菜的, 有時有d名星都會去
去到間野, 果然好多人~~ 坐低叫左小曼姐姐推介o既鴛鴦豆腐同糯米飯, 仲叫左咕嚕肉, 蒜蓉白菜同九肚魚, 好豐富...鴛鴦豆腐好特別, 幾好食! 糯米飯唔會粘, 又唔太"流", 都好得! 咕嚕肉就麻麻地兼細碟, 蒜蓉白菜d蒜蓉好明顯係另外爆過再同白菜炒ｏ既, 香好多~~ 九肚魚都不過不失, 又唔會細碟, OK呢~~
小曼姐姐果然無介紹錯呢 ^^

以後都唔使成日專登去第二度食小菜, 將軍澳都有呢 ^^

星期日一早起身打波, 好耐無試過咁唔準! 射親波有6-7成中後"kuang"...好彩憑住teamwork都贏到波...
個天氣令人覺得好辛苦, 熱就一般熱, 但係好~~~焗! 打一陣就無晒氣咁, 呼吸困難, 成場都無咩活力(不過都好努力咁走動了), 不過防守o既腳步真係唔多得, 好多時明知奧拉祖民走緊, 但係都唔多跟佢, 成日走漏佢, 所以佢亦打得好, 入左好多波~~
而家BenChoi+民都幾係一個得人驚o既組合 @@

完

四月六日 之 晚飯@Daisy

星期四一早, 心血來潮搵呀貓姐, 佢居然得閒一齊食晚飯, 於是就去食佢講左好耐o既"Daisy"
話說之前貓姐都講過呢間野, 一開頭聽到係"旺角女人街"已經覺得"唔係呀嘛"
之後聽到係食甜品為主, 人頭百幾蚊, 就覺得好似麻麻地, 不過貓姐鮮有介紹野, 緊係要去試試啦

該餐廳環境都OK, 叫係坐得幾舒服, 服務都幾好, 坐底無耐就叫野食了
有特價套餐($60-$70), 呢個唔係咁吸引, 唔叫
有幾款set dinner, 百零蚊, 不過如果散叫main course+$30可以轉做餐, 價錢都係同set差唔多, 所以都唔叫set dinner
我點左貓姐之前食過o既"香草汁三文魚天使面", 而貓姐叫"蒜蓉鴨胸意粉", 佢仲另外叫左2隻生蠔

生蠔來左先, 我就唔多好, 無食, 不過當我見到貓食完果個滿足樣, 就知道好新鮮, 好好食(貓姐之前來賣晒食唔到, 可見呢度o既蠔應該OK)

之後餐湯到, 並唔係平時d頹o既求其餐湯, 幾好飲, 不過可能我中意淡d, 稍微覺得濃左d
餐包係蒜蓉包, 本身都中意食蒜蓉包, 仲有一d奶油o既醬可以加, d奶油奶味唔濃, 但係好香! 連唔食得奶o既貓都食得兼覺得好食~~

主菜來到, 呢個係unexpected咁好! 原本"香草汁三文魚天使面"香草汁諗住無咩野特別又得少少咁淋上d面度, 點知呢碟應該係將d面同汁一齊撈, 全部面都"yam"晒汁, 而且d香草味香而不濃, 好食! 至於三文魚, 份量普通, 原本又係諗住都係佐料來o既姐, 一食落口, 細細舊o既煙三文魚o既味, 可以令到成個口都感覺到! 同d淡淡地o既面一齊食, o岩o岩好! 正!
至於呀貓果碟, 我試左少少d意粉, 食落可以同時食到芝士"和"蒜蓉味, 唔會一種蓋過另一種味, 鴨胸就OK啦!

甜品另叫, 我叫左個拿破崙餅, 貓叫左個蘋果批
細個食左M記蘋果批, 對呢樣野一向麻麻地, 但係呢度o既唔同, 外面係脆脆地o既皮, 加埋入面o既有少少肉桂味蘋果粒同提子乾, 連皮一齊食好食, 只係食過M記o既人一定對"蘋果批"呢樣野改觀
最後要講講我個拿破崙餅, 頭先o既蘋果批就覺得幾好, 個拿破崙餅就係好好! 面同低都係一層酥酥地脆脆地o既餅, 中間夾住幾種生果, 少少cream再加d朱古力, 大件夾好味!

最尾餐飲, 一向只會叫凍飲o既我, 由於呢一餐實在好味, 令我覺得叫熱飲先似返一set, 於是叫熱奶茶, 呢個就中規中矩啦, 埋單每人百三蚊島, 我覺得係抵的!

唯一遺憾, 係呢一餐係貓姐爭左我好耐o既, 應該屈佢請我食至o岩, 唁記得添, 哇卡卡卡卡 :D

完

轉貼民仔 -- 三月二十一日晚飯

自己懶寫, 逼民仔寫, ()入面果d係我加o既意見

睇餸唔食飯

上星期五跟廣播劇的同學到土瓜灣一間叫"百味居"的地方吃飯。那裡其實是以半私房菜形式經營，所以菜式方面是可以跟老闆預訂的。

是晚菜式如下：
1. 珍寶刺身
真的很大碟，加上大量鮭魚，鮭之友不能錯過 (不過份量可能是阿sir跟老闆的友情價，故不能100%作準)
(太多了, 狂食都食唔完)

2. 茄汁煎大蝦
蝦大大隻，亦十分入味
(呢個OK啦, d蝦真係幾大隻)

3. 草原禾絮
以鹹蛋黃炒合掌瓜及冬菇，鹹香可口，不過個人來說不太喜歡，始終覺得瓜類的煮法都是以清淡為佳
(連鹹蛋黃炒, d冬菇口感"鞋鞋地", 幾好食)

4. 浴火鳳凰(紅咖哩雞) 配蒜茸飽
夠辣，可惜蒜茸飽比主菜早上檯，以致主菜上檯時蒜茸飽只剩下一半
(d汁贏晒, d雞完全唔重要, 如果係蟹就好了)

5. 菜膽扒雙鮑(齋鮑魚及鮑魚菇)
不是不好吃，但無甚特別
(意見同上)

6. 魚頭煲
魚頭香口惹味，當然不能不提那些薑蔥，實在入味得很
(個名應該係魚咀煲, 呢個我覺得係必食)


我這檯共有八人，「實際飲食人數」大概六至七人，每人結帳一百二十元，實在超值。

註：(係民仔o既註, 唔關我事)
1. 如文章標題一樣，因餸的份量很多，所以大家也沒有吃飯。
2. 「懶」有文采的菜名乃自己所作
3. 如有錯漏，承蒙指正。

(但願)我是一隻貓

我是一隻喵, 一隻有人養的喵, 喵~

每天睡到日上三竿才起床
伸個懶腰, 打個呵欠
大模廝樣, 視察家裡狀況

肚子餓了, 走到兜兜
罐頭濕糧餅乾魚魚任君選擇
食食食食, 不亦樂乎
不怕肥胖愈胖愈可愛

家中沒有人風流快活搗蛋去也
這裡聞聞那裡爪爪不怕被人罵
主人回來亂七八糟舉手就要打
挨挨磨磨腳邊撒嬌怒氣消一消

吃完晚飯拿起棒棒就跟主人玩
晚上凍凍攬著主人被窩中熟睡
無憂無慮

不用晨早起床
不用每天工作
不用出外看違例建築
不用回公司做報告
不用接投訴
不用愁未來去向
每天就是
食食食食食食食
訓訓訓訓訓訓訓

噓! 我是一隻幸福的貓兒哦~

"喂喂喂! 唔使做呀!"
老闆的聲音響起, 我又要做野了...

完

味精, 愛情

現代人，尤其是年輕人經常不在家吃飯。街外食店的東西通常都加了大量"味精"。即使是商店內所賣的很多調味料，醬油等等，都加了"味精"。

其實，"味精"並不是什麼好東西。"味精"只是盲目地把食物的味道變"濃"，但其實食物會因此失去其本身的鮮味。再者，吃完加了味精的食物，會覺得很口乾，這是吃了化學物質的現象。化學品吃得多，對身體健康會有影響，甚至增加患癌症的機會。對愛"吃"的人來說，最重要的是，長期吃"味精"，只會令自己的味蕾變得遲鈍，壞死，之後慢慢便更不能品嚐到食物的真正鮮味。

長期吃那麼"濃"的食物真的好嗎?始勿論會影響健康；就"吃"的角度來看，加了味精的食物跟本就不叫"好吃"。吃慣了味精的人，是一定吃不到那簡簡單單清炒白菜的那種菜的甜味，也不會明白粗菜淡飯的那種平和可喜的感覺，只慢慢沉溺於"濃""濃""濃"的口感。其實一切都去得太盡不見得好；就像看色情圖片，看見女郎一絲不掛三點盡露，絕對不及半遮半掩酥胸半露來得吸引；做運動去得太盡，也只會帶來反效果，不單止不能鍛鍊身體，反而負荷過重而傷身。中國人所講的"中庸之道", 其博大精深之處，就在於取其"平衡"。

愛情．．．不是一樣嗎?
被大量的小說，雜誌盲目渲染，大家都習慣了"激情"，拍拖好像就一定要轟轟烈烈，要生要死，愛過痛過，才是愛情。有"feel"(感覺）就覺得什麼都沒所謂，對方是最好的，什麼東西一切都給了對方；時間久了，沒有感覺時，慢慢大家都感覺到對方的壞習慣，壞的地方浮現起來，於是便愈來愈沒有感覺。沒有感覺怎麼辦?分手吧。

其實，平平淡淡，舒舒服服的一段關係不是更快樂嗎? 兩人真心相愛，互相信任；"愛"並不是只有"激情"(passion)，還有的是"承諾"(commitment)。雙方要維持一段關係，並不是只靠"感覺"，因為"愛"的感覺只是人體荷爾蒙分泌所產生的一種感覺，人體對一切的東西都會"習慣"，"習慣"了那種感覺，便沒有feel了，那豈不是一定會分手嗎?根據研究，人對這種荷爾蒙所產生的"愛"的感覺，最多也不過幾年就會習慣了。所以，真正的愛，除了"激情"外，還有時間長而產生的感情。

長期在愛情中加上"味精"，只會令感覺麻木，感受不到那種平淡而舒適的關係。咸魚白菜所帶來的味覺，到了三十多四十歲(甚至加老時)，才發現是如斯好吃，才發現不能回頭，才回頭發現從前的自己是那麼膚淺時，已經太遲了。愿有心看到此處的大家共勉。

完

四月三日

1. 呢排少左blogging, 因為我老細今日開始放兩個星期假, 我之前要清野俾佢, 所以忙d
2. 言下之意, 而家我老細放緊假, 我好似就會好free, 其實不然... 呢個如意算盤打唔響
3. 星期五再食土瓜灣間野, 今次菜單由民仔"http://kmw2005.blogspot.com/"post啦
4. 星期六．．．第一次去做面...由於我較嚴重ｏ既關係, 一般人做個半鐘我要做差唔多三個鐘, 訓係度無得郁，　累死人了
5. 洗面-->去死皮-->挑痘痘(最耐的過程, 又痛...)-->消炎-->面膜, 總共差唔多三個鐘, 盛惠$60抵到爛, 做三次島就會好好多, 再缺幾次去印印, 應該就會睇上寺好d了, 總共都不過幾百蚊, 有時間慢慢去做...
6. 星期日早上打波! 又係好耐無打, 好開心! 仍然keep到射得OK準喎, 都係唔mark唔得 ^^V
7. 休息時同民仔BenChoi講返一ｄ籃低基本野, BenChoi學得好快...之後我+民+Ben對一隊OK勁o既隊, 贏到! 3個都有用, 又幾有組織! 民pick'n roll, roll out roll in 都有! 而且入!
8. 下午來我家打機, 無咩特別

完

飯局

自從正月返完鄉下之後, 閒日放工後就經常性無返屋企食飯, 原因在於, 除左每星期兩日o既上堂之外, 仲欠下左好多唔同friend的飯局

適逢果期小弟生日, 所以有d係同我慶一慶祝, 有d就係約左好耐終於都出到來o既friend, 亦有死黨出來聚一聚...總之5日閒日有3-4日係係街食飯, 除左2日regular上堂之外, 幾乎次次出來都係唔同group的friends(當然有時有d人係重複左), 到左近期, d債終於慢慢還清, 加上d堂亦差唔多完, 之後o既日子放工後應該可以我閒返好多; 話雖如此, 同成班friend出來一齊食飯o既感覺係好開心的!

講起飯局, 有時有d唔多熟o既人或者朋友, 有咩慶祝或者生日, 都會無啦啦叫埋我去, 我有d好d的朋友話我傻o既, 明明唔熟, 出到去可能又悶, 而且到你生日又唔方會記得你, 你去來把鬼咩, 又晒錢又唔好食; 我覺得有時又唔係咁講的, 其實一班人一齊出來都幾攪野o既, 聽下人地講o既野, 參與下聯誼, 就算坐埋一二面無咩講, 起碼都有參加, 而且話唔定有驚喜, 知多d有趣o既事情呢~

好彩, 同我好o既朋友佔多數

完

三月三十日 -- 雜記

1. 星期一 (27/2) 又同Marian唱K, 組合仍然係果幾個人: 我, Marian, 哥, 娟, 民, 不過娟唔C服, 臨時唔來了
2. 本來聽到民話11.30pm島走, 於是其他人都無睇時間, 一路唱...唱唱下唔對路, 原來過左12.00 @.@, 都有車返屋企o既...但係好累...果晚仲要夜訓+咁o岩又失眠
3. 唱左好~~多舊歌同騎呢歌, 今次6點幾入去唱到12點幾, 真係咩都夠晒~
4. Marian識唱好多合唱歌, 開心死我了, 要學下佢推介果d先
5. 星期二沙角晚飯, 民仔唔來, Addison加入, 都係5個人(仲有我, 娟, Mandy)
6. 金沙角d野真係無以前咁好食...都係禾輋好d...
7. 娟食左好少野就頂唔住, 病...返屋企先
8. 當日大家8點幾就散了...搭車時同Mandy傾電話, 好耐無同佢傾偈了
9. 話劇堂, 正式有人present, 2組都正, 有suprise! 下次(2星期後)到我地了
10. 去"九龍居"食飯, 大大碟, 抵食又好食, 小曼姐姐果然無介紹錯呢~~
11. 食完飯, 小曼姐姐電單車車我返屋企, 好型女! 真係多謝晒! 風馳電掣o既感覺都好正! 希望有下次 :p
12. 今日收工乖乖返屋企了
13. 明晚廣播劇班再聚會(雖然完左course), 一定有好野食!
14. 老細下星期開始放2個星期假, 所以呢排要清野, 忙d, 不過...之後...呵呵呵 XDDDD
15. 努力埋呢2日!

完

三月二十五日 -- 週末活動

三月二十五日星期六, 參加左Albert佢地"百職"義工有份o既一日遊
有數個屬工聯會o既義工團體一齊攪, 總共有百幾人, 四架旅遊車
自己圍內識o既, 有Albert, Addison, Crystal, 娟, 去到識左Crystal的2位朋友Ann同Teresa

當日行程如下:
2.15pm於太子集合(集合時落雨, 但係開始起行至到散o既時候又無雨, 太好了), 大概2.30pm開車3點島到達北潭涌, 行自然徑, 基本上都唔算行山, 因為都係平路咁滯, 大家一伙人傾下偈吹下水咁(Albert哥好吹得), 一路上o既風景都幾靚呢! 唔覺唔覺行到盡頭一條廢村, 就返轉頭了
本來schedule 6.00pm返車, 但係未5點就出返來, 經過一間士多; 有一位朋友話d野都幾好食的, 大家就坐底左; 間士多雖然簡陋, 但係幾別致, 幾好feel; 一行人坐底, 本來得一, 二個人叫野食, 其他人都諗住齋坐, 但係當個奶茶到時, 嘩!好香! 大家都不禁一人叫左杯奶茶/檸茶, 又叫左2碟茶(應該係自己種果類o既), 好有菜o既甜味; 5點半, 有人收到call, 要開車了! 原來由於早, 其他人都返左車, 決定早d去晚飯! 我地一行人係最後未上車的 @@ 急急咁飲埋d野返去上車, 就去西貢碼頭附近了
大約6.00pm到, 就上去一間茶樓食晚飯, 都幾豐富, 全部大大碟, 有: 雞(類似白切雞, 不過凍凍地o既), 蝦, 炒蟹, 一碟2條蒸魚, 一碟貝殼類, 齋鮑魚, 豆卜+幾類菇, 白飯任裝, 大家都食得好飽
大約7.30pm就散席, 由於西貢有車直接返將軍澳屋企附近, 所以唔跟旅遊車出返太子了, 同Addison, Crystal及佢2位朋友Ann及Teresa(大家都係唔跟車的)係附近行左一陣, 仲食埋糖水添, 之後就散了
散時o岩o岩有車, ~8:20pm上車, ~8.45pm就到了

是日活動$50, 太抵了 ^^

完

又一完結 - 廣播劇初班

又完左一個course, 正如呀Sir所講, 究竟個感覺係點呢?
係: 又完左一個course了~ 收工~~~, 定係:又完一個course, 有咩得著呢?

呢個course係高於我o既expectation的
原本有諗過可能會悶悶地齋坐齋聽齋讀
不過又唔會喎; 講下理論經驗, 引導下一d意念o既野, 對呢樣野有多左認識
班同學好玩, 呀Sir又教得唔悶, 估唔到最後仲有得錄音添

到最後, 呀Sir亦好識得講野, 個結尾做得幾好呀(雖然覺得有d假, 哇哈哈, 老狐狸呀)
再下一期, 可能會報進階o既~

完

***我的吹水日記***

一向都無寫日記o既習慣

係上年十月, 因為老友的原因, 我又開左個網上日記的帳號
從此不時將自己o既感覺, 發生過o既事, 自己諗出來o既無聊短篇故仔寫低

無聊之際, 睇返自己之前寫過o既野, 好多感覺返返來
原來自己都好水得, 原來有時都會言之有物, 原來有d故仔睇返我自己都會笑
雖然都係一d好個人同好無聊o既野/感覺, 但係感覺良好!

不過發覺近幾個月o既貼文開始無之前咁多姿多彩
可能同個人最近心情感覺麻麻地有關...
希望可以又好似之前咁樣樣, 水返個勁o既!

好耐無寫故仔, 要搵d時間寫寫先
同埋希望好似之前咁多愁善感返d, 多d野寫啦 :D

完

探討童話故事(一) 之 悲慘可憐的角色

當大家見到這題目, 腦海中就會浮現了很多我們由小到大所聽的童話故事
安徒生童話, 格林童話甚至Disney的卡通, 很多主角的身世, 經歷都很悲慘
但在其中, 究竟有哪些是是既悲慘又可憐的呢?

首先, 大部份主角都應該被否決了吧?
灰姑娘, 小紅帽, 白雪公主和很多其中女主角等等, 雖然經歷了很多委屈, 危險
但到最後還是得到了平安/幸福的結局, [應該]過著無憂無慮的生活
那些遭遇也不過是人生中的一件有驚無險的事吧了
況且從她們那些沒腦袋的舉動來說, 她們也不見得會為人生有多煩惱

比較值得一提的悲慘女角, 人魚公主該佔一席, 不過, 她悲慘, 卻並不十分可憐
起碼, 她遇到一生中最愛的人
起碼, 她談過一場轟轟烈烈的愛情
起碼, 她有自主權, 有選擇權
起碼, 她知道自己的選擇有什麼後果
她是很不快樂, 但她可憐嗎?
貧窮線以下的煩惱, 跟本就不是煩惱, 因為愛而不快樂?
比起不能溫飽, 比起饑寒交逼, 能算是煩惱嗎?
所以人魚公主雖悲慘但不可憐

真正悲慘可憐的女主角, 不言而喻, 是賣火柴的女孩
我想不用說明了吧?

說了這麼多, 其實也只是提到了主角們
其實, 真正悲慘而可憐的角色, 可能是大家所忽略了的角色
其中之一, 就是在[白雪公主]裡的"魔鏡"了
魔鏡知世間一切之事, 其能力是何等偉大! 奈何被一無聊透頂的婆娘操控, 而魔鏡卻沒有移動離開的能力, 此為一慘
魔鏡空有偉大能力而未能造福人群, 如果可以其能力而施以仁政, 或用以拯救危難於及時, 豈不美事一件? 奈何每日只是負責答"誰是世上最美麗的人"...慘哉慘哉...
當白雪公主長大成人, 成為了世上最美之人, 魔鏡明知身犯險境, 仍然不肯說謊騙人, 其高尚情操可見一斑! 唯到故事後期, 該無聊透頂的婆娘一怒之下竟把魔鏡...
嗚呼! 噫嘻!
魔鏡呀魔鏡...落得如此下場, 豈不是童話故事中悲慘可憐的人物乎?

完

Magic: the Gathering

呢個係一款係中學時代我同好友曾經沉迷o既card game
唔打算係度講解個game點玩

話說尋日同呀哥上左戰棋會, 見到呢d久違o既card
諗起某好友諗住送一包俾另一位在外國o既好友
於是我興之所至就"抽"左2包, 一包自己, 一包俾外國o既老友

我見到呢個系列的booster pack個 illustration, 就覺得呢個系列玩"artifact"多
一開之下, 果然不出所料
個系列名係"Mirrodin"

以下就係我包野入面o既card:
(Mana 會以咁o既形式: R=紅, G=綠, W=白, B=藍, D=黑, WW+3=2粒白+3粒colourless)
Common:
1. Deconstruct (G+2) Sorcery: Destroy target artifact. Then add GGG to your mana pool.
2. Scale of Chiss-Goria (3) Artifact: Affinity for artifacts (This spell costs (1) less to play for each artifact you control). You may play Scale of Chiss-Goria any time you could play an instant. D: Target creature gets +0/+1 until end of turn.
3. Nim Shrieker (D+3) Creature (Zombie) 0/1: Flying. Nim Shrieker gets +1/+0 for each artifact you control.
4. AEther spellbomb (1) Artifact: B, Sacrifice AEther spellbomb: Return target creature to its owner's hand. (1), Sacrifice AEther spellbomb: Draw a card.
5. Skyhunter Cub (W+2) Creature (Cat Knight) 2/2: As long as Skyhunter Cub is equipped, it gets +1/+1 and has flying.
6. Hematite Golem (4) Artifact Creature (Golem) 1/4: 1+D: Hematite Golem gets +2/+0 until end of turn.
7. Slagwurm Armor (1) Artifact (equipment): Equipped creature gets +0/+6. Equip3 (3: Attach to target creature you control. Equip only as a sorcery. This card comes into play unattached and stays inplay if the creature leaves play.)
8. Lumengrid Warden (B+1) Creature (Human Wizard) 1/3.
9. Vulshok Gauntlets (2) Artifact (Equipment): Equipped creature gets +4/+2 and doesn't untap during its controller's untap step. Equip3 (3: Attach to target creature you control. Equip only as a sorcery. This card comes into play unattached and stays inplay if the creature leaves play.)
10. Frogmite (4) Artifact Creature 2/2: Affinity for artifacts (This spell costs (1) less to play for each artifact you control).
11. Neurok Familiar (B+1) Creature (Bird) 1/1: Flying. When Neurok Familiar comes into play, reveal the top card of your library. If it's an artifact card, put it into your hand. Otherwise, oput it into your graveyard.
Uncommon:
12. Rust Elemental (4) Artifact Creature (Elemental) 4/4: Flying. At the beginning of your upkeep, sacrifice an artifact other then Rust Elemental. If you can't, tap Rust Elemental and you lose 4 life.
13. Flayed Nim (D+3) Creature (Skeleton) 2/2: Whenever Flayed Nim deals combat damange to a creature, that creature's controller loses that much life. D+2: Regenerate Flayed Nim.
14. Brown Ouphe (G) Creature (Ouphe) 1/1: G+1, tap: Counter target activated ability from an artifact source. (Mana abilities can't be countered.)
Rare:
15. Oblivion Stone (3) Artifact: (4), tap: Put a fate counter on target permanent. (5), tap, Sacrifice Oblivion Stone: Detroy each nonland permanent without a fate counter on it, then remove all fate counters from all premanents.

完

深圳體檢

俾呀爸"哦"左好耐要做身體檢查, 終於係星期六(18/3)去左深圳某大醫院做身體檢查
包括某套餐o既全身檢查+肝+另外某d要照野o既檢查

晨早7點鬧鐘再攤係床到7點半起身, 去個大+沖個早涼
由於要照野所以唔食得野, 8點出門口
MTR+KCR大約9點3到上水, 9點半就到左深圳MTR
meet左呀哥同Kitty姐, 一齊去醫院
抽血+照+尿+立立雜雜o既檢查, 由於唔多人o既關係, 一個鐘島就攪掂晒
11點島就離開醫院

之後就join埋哥係果度o既一堆friend飲茶, 吹水
成班人都係好玩o既人, 又好吹得水, 佢地o既感覺好close好friend,
不過可能由於我早起+舟車勞頓+俾醫院抽左好多血o既關係
果日覺得好累同好"吽", 都唔點吹到水...

飲完茶去唱K; 果度o既K lunch好抵, 11點島開始(我地12點幾先去到)可以唱到6點
結果我地十幾廿個人要左2間中房係咁唱...
d歌都OK新, 音響好一般; 果堆朋友有好多都好唱得, 幾好玩呢~
不過我由於又係累o既關係, 狀態一般...

6點幾, 唱完K出來, 返返東門食晚飯, 食完我已經覺得好累了
佢地仲有下場, 而我就返HK先了, 10點幾返到屋企, 抖一陣, 沖涼, 訓覺...

完

廣播劇錄音記

上星期五晚(17/3)係我今期廣播劇初班ｏ既錄音

第一次去studio, 感覺好新鮮! 真係見到一堆儀器, 各種設備咁, 好似平時係電視見到果ｄ一樣, 好得意
去到時見到有人錄緊音, 果位幫人錄音ｏ既呀叔(唔記得咩名了)好pro呢, 超熟手

等左一陣, 終於都到我地錄音, 我地班分２組; 我係第２組ｏ既, 所以可以係錄音室外(即係呀叔果個位)睇下野先, 個過程好得意; 一來可以睇到ｄ同學們把聲扮鬼扮馬, 二來又可以見到錄音ｏ既操作(呢樣野可能對我來講興趣仲大), 真係好有趣; 到我地果組錄音時, 都覺得有ｄ緊張, 不過２組都總算順順利利錄完, 業餘水準, 算係咁啦~~

我(同民仔做同一個角色, 唔同組)做ｏ既角色只係配角, 係個劇ｏ既頭同尾出現, 叫係introduction同結尾做串連o既角色咁, 都幾得意, 係一個中年呀叔; 專登粗起把聲來講, 唔知入咪之後把聲係點ｏ既呢?

完

恬靜

星期三晚, 同幾位朋友去唱K, 好開心同熱鬧, 宴會過後, 當然就係各自歸家, 第二日仲要返工呢

係K房大聲o既音樂, 尖咀吵鬧o既繁忙, 地鐵煩擾o既噪音之後, 一出左MTR站, 來到將軍澳, 係一片寂靜
突然有一陣好奇妙又好舒服o既感覺

平時係旺角返工, 故然係經常身處吵雜o既環境, 就算收工返將軍澳, 都總有d巴士聲同人聲
但係尋晚出MTR站果一刻(十一點幾, 未算好晏), 真係好靜(有少少風同樹葉聲)...靜得好舒服(研究指出, 如果靜到雜音都冇, 人反而會覺得唔舒服的), 果下o既感覺真係好"正"!

如果大家有睇過我舊post(或者一向都知), 就會知道我係讀City時期其中一樣enjoy的事就係係11.30pm-12.00am島係深水埔上巴士返屋企果段時間(因為做final year project所以晏), 原因在於架巴士又少人, 街上又少人, 好靜, 好舒服, 好鐘意呢種自成一角渾然天成o既空間

一路行返屋企, 都享受住呢一片寂靜, 諗起以前夜夜地返屋企果一種感覺, 十分懷念...
不過, 到最後都係唔會成日咁做, 因為...

第二日仲要返工呀~~~

本來想就咁作結, 懶有趣咁, 不過其實仲有d感想o既~
係知道"而家已經唔同以前"o既一刻, 再感受到"有好多野過左去就返唔到轉頭"o既感覺, 要返返去以前讀書時期已經係冇可能了~ 細個時有d開心, 係大個左好難再尋回的...
係呢一兩年, 對呢樣野o既感覺十分強烈, 好唔鐘意"時光消逝"o既感覺...
好彩, 而家都仲叫後生, 仲可以努力令自己以後唔後悔; 所以要更加努力咁面對自己o既生活, 工作, 而且亦不忘係自己仲後生時遊玩! 希望每一樣野可以做一個最好o既平衡~
大家亦都要好好珍惜現在o既每一刻, 每一個身邊o既人, 尤其係父母親人同最親o既朋友呢!
生存o既感覺實在太美好了...
願大家共勉!

完

三月十六日 -- 雜記

11/3 - Long week, 之後同Mak, 娟, Connie同另一同事唱K Lunch, 幾開心呢~~ 唱到Mandy+李逸朗的歌, 又聽左顏福偉果幾首歌 :D
12/3 - 呀Sam + 民仔上來我家, 大家打機打得幾開心呢, 呀Sam仲留左部PS2係我度 :D
13/3 - 本來約左Taylor, 不過佢要開會, 臨時來唔到, cancel
14/3 - 病假一天...
15/3 - 話劇停課一天, 同幾位K膽唱K, 估唔到都有人識唱Mandy+李逸朗o既歌, 仲有"傾偈"唱添!~~好開心~ 另外, 同民民一齊唱"夢想有你"都算, 最正係同佢一齊唱"去飛", 佢唱到顏福偉o既神韻出來, 笑死我 XDDD 我唱彭家麗果part都唔錯呢~~ ^^v
16/3 - 終終終終終終終於約到貓Maychan食飯
17/3 - 廣播劇班錄音日! 未試過有呢d經驗呢! 正! 一定要去體驗下!
18/3 - 深圳體檢 + 玩
19/3 - 抖? 打波?
20/3 - 補返Taylor之約會

三月十日 -- 雜記

1. 個blog講o既野愈來愈好似日記/週記咁, 非我所愿, 我都想寫d好似感想/經驗/短文咁o既野, 不過一來思緒所限, 空白就係空白, 二來時間有限, 返工冇時間打, 放工又去左街, 來緊我會寫返多d野, 同埋會諗諗寫故仔以自娛
2. 自從回鄉返來之後勁tight o既schedule, 過左呢一個月之後開始慢慢還晒, 再加上遲d下一期工聯會course我最多只會報一個, 將會用返多d時間係其他野度
3. 開始要諗諗之後點, 長期同短期都要; 呢個星期內要將呢排搵到o既potential工apply晒, 之後可以停一停搵工; 來緊呢一期工聯會o既時間入面, 由於只會報一個course, 所以會抽多d時間做運動, 砌模型
4. 呢個星期o既schedule改左, 星期二同屋企人+親戚食飯, 而同Carol食飯改做星期四晚; 同佢仍然係好好傾, 係一個幾好o既朋友來
5. 隨左約會schedule, 都要諗諗平時自己o既time schedule, 要搵多d時間係other than返工訓覺之外, 固定地做運動
6. 估唔到過左超過一個月仲有生日禮物收, 再來模型, 多來多要, 多多益善 XD
7. 下星期開始我返工要有少少唔同了, 要清一清理玩有o既野先, 之後應該就唔難攪, 話唔定唔想轉工住
8. 再來來緊schedule:
11/3 Long week 星期六, 同娟, Mak等唱K lunch, 之後大家一齊幫我搬位
12/3 Sam + 唔知仲有咩人會來我家玩
13/3 同Taylor食飯
14/3 vacant
15/3 不用上堂, 所以唱K
16/3 vacant
17/3 上堂
18/3 深圳 -- 身體檢查 + 玩
19/3 抖 or 打波?

完

慾, 快樂, 自由 -- 思想空間中雜亂感覺之一角

呢個post講o既野會好雜又冇咩結構, 我亦唔想慢慢諗下點樣整好篇野o既條理, 唔明就算啦
我o既表達能力唔多得, 起碼通常都表達唔到我心入面所諗o既野

呢幾日同唔同o既friend傾偈/食飯
對自己所認知o既野又有多一層更深o既理解

人性, 其實可以話複雜, 但係又可以話簡單
有d人睇得呢樣野好detail, 好細緻, 好麻煩, 愈諗就愈多, 就愈來愈複雜
通常d人都想了解多d人性, 以好多唔同角度去分析, 去研究
於是就攪到唔知點咁, 一塌糊塗

反而我自己睇, 雖然人係有好多variation, 但係唔覺得真係話咁複雜
我咁講好似我好知道點睇人, 好識得人性咁, 其實唔係, 唔知應該點講, 其實我o既意思係
好多野都係因為"要求"而產生 (好多哲學, 宗教會有好多唔同o既詞語來形容"要求", 例如"慾望"..etc)
而每個人對唔同o既"要求"有唔同o既"程度"同"取向", 於是就發生左好多"事件"
從古到今, 不論係咩事: 大至歷史事件, 戰爭, 發明, 故事, 小至去街, 睇電視, 家常小菜...etc咩都好, 都係因為"要求"而做/而存在, 只要捉到路, 唔難get到呢樣野係咩來的...只不過係規模大小o既分別

想開心, 其實如果可以睇開d, 好多野會開心好多
當然, 受性格, 經歷, 環境各方面所限制, 好多時好多野都好難可以睇得開, 而且亦都唔係樣樣野都要睇得開, 樣樣野都冇所謂就會變得冇進步; 咁樣會開心好多~
人生究竟係為咩, 冇人講到係點, 但係到最後都係要開心姐;
有宗教信仰o既, 就去信, 去做返教義要做o既野, 求個心靈寄託; 鐘意玩o既就玩多d, 有人就唔理自己o既未來, 玩得就玩, 到左大個就好辛苦; 有人就希望以後生活好d, 於是搏命搵錢, 但係後生時光輝o既日子又冇好好咁玩過; 好多唔同o既做法, 組織成一個個唔同o既人生, 而最緊要o既就係係而家呢一刻, 知道自己要咩野, 而努力去做, 以後唔會後悔, 咁就好好了

講左咁耐, 都唔知自己想講咩, 不過其實呢個post的主旨都唔係講緊呢樣野

"要求", "執著"得太犀利, 就我所見通常都係唔開心o既多
唔開心, 如果能夠"成功"o既, 都算啦, 但係好多時都係"失敗"o既多
識到有某一兩位朋友, 自己可能識野d, 睇野比較叻d, 但係反而咁樣就令佢對人有好多偏見, 同人相處有問題, 朋友唔多, 慢慢變得更憤世嫉俗, 愈來愈偏激; 但係自己又唔知自己o既問題~
我唔擅長表達自己諗o既道理, 於是亦都唔能夠令對方明白問題所在, 有時一方講唔過另一方就唔代表理虧, 不過到最後有問題, 蝕底o既都係對方, 我亦唔想多費唇舌同對方爭辯了

我自己自從做野開始, 慢慢都學習呢樣野, 我覺得同老子道家o既"道"比較似
不過呢種諗法係唔可能通行於世上, 因為個個人都唔同, 亦唔係個個都睇得開; 而且只要有少部份有能力o既人唔係咁諗, 好容易就會影響到其他人 (起碼歐洲o既宗教思想同我國o既儒家思想就大大地影響左好多人o既思維, 好彩亦冇一種思想可以真係佔到大部份人), 而接受到唔同亦都係我o既諗法之一

每一個人都係唔同o既, 我同人傾偈之中, 最接受唔到o既野就係"限制", 冇可能將一樣野/思想/做法套落全部人身上, 有時同固執o既人傾偈真係令我好辛苦, 不過, 咁亦代表我執著左呢, 要學學放開了

可能, 呢樣思想就係我呢個水瓶座人真正心中o既"自由"

個話題太廣闊了, 愈寫愈諗就愈多, 冇可能講得晒, 要停了

完

搵工

前排因為好多原因, 開始努力搵工
原因有好多, 隨便數都可以數到好多出來
1. 冇前途; 雖然而家唔再請公務員, 遲d都係合約員工做o既, 要做都好可能有得長做長有, 但係咁樣一年一年續落去, 唔知幾時會兜, 又唔知係咪真係會一路落去, 好唔secure
2. 冇前途2; 一路咁做, 一係就真係有得長做, 但係又冇得升; 唔長做, 到再大d先出返去, 又太大個, 經驗又唔夠, 一樣死, 不如早d出返去博
3. 讀書都讀完, 要抖都抖夠, 唔可以再係度磨; 一係搵書讀, 但係真係唔知有咩好讀
4. 人工低; 雖然唔係話好低, 不過陪d有得升point的公務員一齊減薪之後又唔見得高; 外面經濟雖然好返dd, 唔見得好好, 但係眼見係外面o既人人工開始高返d了...even其他政府部門o既contract都有得加人工, 係我地冇...(同grade公務員多我地
5. 工作性質; 呢幾年BD的高層一路攪好多好無謂o既野, 增加左工作量得來又無實質作用, 令人覺得好煩o既野又一路一路接住要做;
5.1 外判o既consultant(乾收銀)好唔掂, 到最後要我地做埋佢地o既野;
5.2 垃圾中o既垃圾system: BCIS;
5.3 為交數而交數o既好多statistic+冇鬼用又A字膊又怕事又廢的高層階級=做好多無聊野
6. 士氣低落; 因為前面果5個points + 我地組織起來同上面傾過, 發覺contract員工完全不被重視 + 呢2年好多人搵到路數走 = 剩返係度o既人愈來愈冇心機
7. 我果區o既問題; 本身我果區好大好散, 我同個BS都係新來, 未係好熟, 而最熟果個partner做埋今個星期走...以後將會超難做...
8. 我o既Senior唔得 (好彩我老細個BS都幾好)
9. 總之好冇心機又好想轉環境

總之今年如果而家份工冇咩改變, 我一定要走

完

旺角行

星期日得閒冇事做, 呀哥覺得假期困係屋企好頹, 於是提議去旺角行下
雖然我同佢都冇咩特別目的地/物想睇(尤其我旺角返工 =.=), 佢話咩都可以睇下(衫漫畫玩具模型手機...etc), 咁都去睇下啦

由於果日晏左食午飯, 所以差唔多3點先出去
三個人搭地鐵去到太子落車, 第一站去左聯合廣場
聯合賣衫o既鋪頭多, 而且女仔衫佔多數, 不過都有幾間OK的男仔衫同漫畫鋪

行完聯合, 就去呀哥到旺角例去o既戰棋會(位於華僑商業中心8樓)
上到去, 仍然都係氣氛熾烈, 有好多人係度打card game(不過冇留意係咩game)
佢地有佢地打, 呀哥有呀哥睇佢o既野, 而我就緊係睇下Magic Card
而家又有$10一pack的magic card, 不過冇買, 草草睇過下d新card, 發覺仍然有好多舊時有o既card出現係新edition呢, 又多左好多騎呢card

去完戰棋會, 順路行落先達睇下手機, 由於都冇咩心水同埋都係諗住睇下款, 睇左一陣就睇完
再順路落皆旺睇扭蛋, 嘐哥對某d扭蛋都有d興趣, 而我都好耐冇係有開鋪o既時間睇了(通常最早都要下午4-5點先開鋪, 但係我就平時lunch time食完飯同friend去睇的), 係皆旺睇晒幾層o既鋪頭(有扭蛋, 有玩具, 仲有magic card睇), 之後就去間大d的機鋪, 俾呀哥睇下上年出果隻係街機用card玩o既"三國志大戰"~

去到金雞廣場間樓上機鋪, 由於幾大間, d機又唔係擺得好密, 所以都唔係好勁煙味
同呀哥睇過下新出o既一d機: House of the Dead 4(好大個screen), 哥布拉(幾特別), 孖寶賽車, 最後入到最入睇三國志大戰
三國志大戰係幾特別o既game來, 係度唔作介紹, 不過我同呀哥都覺得特別還特別, 其實唔係真係咁好玩, 而且好貴唔抵玩, 係機鋪都逗留左一段時間(但係3個人都冇打機)之後就走了

下一站到星際城市, d老翻俾人掃晒, 上去睇左陣大陸書, 好快又走了
出到來好累了已經(仲開始落雨), 去左M記坐底, 佢地2個食雪糕(我一累就冇咩胃口, 冇食野), M記幾多人, 不過勉強攝位都有得坐

抖左一陣, 去信和行
信和而家又係冇晒翻版冇晒咸碟, 除左不嬲都有o既漫畫鋪CD鋪之外, 而家有好多玩具/扭蛋鋪, 精品鋪同賣衫o既鋪頭! 完全同以前唔同了, 行晒信和3層+底層+12/F+10/F(有玩具鋪), 都已經差唔多8點了
大家都好累, 雖然食完飯d模型鋪就收左, 但係都唔一定要睇, 於是決定食飯之後就散

呀哥未去過富貴餐廳, 所以就帶佢去富貴
富貴真係幾抵: 夜晚係MK, $42唔使加一, 可以有餐湯+餐包(蒜蓉包)+沙律+主打(豬扒+魚柳, 居然係2塊豬扒+一塊魚柳)+凍飲(大杯的)+甜品(雪糕), 勁多野食...呀哥都覺得no complaint~
我累食唔落野, 所以2個人share一份, 而呀哥自己一份, 食完我都好夠飽了...

食完散, 唔行多人地方, 於是係富貴直出窩打老道, 轉入染布房街過火車站, 避晒多人o既地方
上左火車站剩返我同哥, 本來諗住搭MTR(因為dud左八達通), 不過想落一落我公司拿野; 上到公司竟然鎖左門=.=, 落返來唯有搭巴士, 好彩唔使點等車就有車, 就上車返企了, 返到來仲上左5座攪d野先返企 =.=

好好好累的一天

完

三月四日 -- 來緊schedule

之前滿滿o既schedule終於都行完
來緊新一輪都係好密, 不過過埋呢一兩個星期應該好好多掛...?

6/3 - 呀Mak自由之週第一天, 收工來我屋企去樓下掃街+食winner飯~
7/3 - 同Carol食飯, 又有一個人記得我生日 ^_^
8/3 - 上堂+例飯
9/3 - 暫時vacant (只敢講暫時 XDDD)
10/3- 上堂+例飯 (順帶一提: 公司partner last day......)

仲有貓+Maychan未約...仲有Rex, 仲有Cyrus, 仲有三月之星...

完

三月二日 -- 唱K

好一段時間冇唱K, 加上好耐之前一路都同Marian話唱K話左好耐~
終於等到佢考完試+我又得閒

幾得意的組合: 我, 哥, 娟, Marian, 民
大家似乎都唱得幾開心, 不過以後都唔去Neway了...閒日都only三個鐘...都係GreenBox好d
九點半夠鐘, 出到來諗住散; 一齊行出Nathan road, 一路行一路傾偈, 傾到慶起, 時間又早, 於是去左M記坐, 傾下偈~
傾得好高興, 唔經唔覺11點半, 大家第日都要返工, 局住要散, 不過幾開心呢~
下次可能係3月尾4月頭~ ^^

完

二月二十八日之 廣播劇班Gathering

廣播劇班呀Sir吳忠泰帶我地一班同學去佢屋企附近相熟o既食肆食晚飯
當晚我可以早d到, 先上呀Sir屋企坐一陣 (民因事缺席)
傾左陣偈, 大家就慢慢開始睇NOW播緊的電影"1947年之劫後英雄傳", 都OK好睇
一路到8點陸陸續續人都來齊(包括呀Sir的年輕貌美女友), 就落去附近一間餐廳食飯
據呀Sir講, 個大廚有多年經驗(呀Sir亦識佢o既), 而且係果頭來講係呢間最好食, 價錢亦豐儉由人
當晚o既菜單係平時冇的, 係呀Sir叫大廚自由整的(後來俾左咭片我地, 所以我地之後都可以咁), 類似私房菜咁, d野包括左日本野, 順德野, 泰國野, 西式野...好雜
菜單o既名唔知, 所以我只好形容係咩了 (次序都係大概o既)

1. 刺身船 -- 隻船就同平時去食日本野o既一樣咁大, 不過d刺身就鋪到滿一滿, 係超多! 而且好新鮮~
2. 魚咀煲 -- 類似將個魚雲分開兩邊, 好似係再炸過之後, 再同蔥呀等等佐料一齊煲, 呢個好食~
3. 人蔘燉生魚湯 -- 人蔘味唔太苦, d魚肉煲到好淋, d湯味(魚味同人蔘味)o既調教好得
4. 鬼馬唔知咩 -- 其實係油炸鬼上面"讓"左魚肉同芝麻, 由於可能係滾油炸o既關係, d油炸鬼唔會油淋淋, 再點d千島醬, 幾簡單得來又幾好食同特別 (呢個配搭真係幾攪野)
5.
6. 泰式生菜包 -- 一大碟類似炸過o既肉碎+蔥碎+唔知咩, 自己整d落生菜度, 擠檸汁再+泰式汁, 酸酸辣辣咁幾好食
7. 蠔煲 -- 蔥+好多又幾大隻o既炸過o既蠔(美國蠔)o既煲, 抵食, 味道OK啦
8. 鮑魚菇+白菜 -- 鮑魚菇同白菜都普普通通啦, 不過個汁"淆"得幾好
9. 豉油王炒麵 -- 呀Sir推介之一, 雖然係普通o既豉油王炒麵, 但係呢d簡單野反而考功夫, 幾好食!
10.紅莓Pancake -- 唔會"漏", 幾好食

10道菜+有人飲啤酒+汽水+奶茶檸茶等等(我飲左呀Sir推介o既茶走, 掂!)
11個人每位$140, 食物o既質+量+價真係好抵!
有機會要再去呢~

完

二月二十八日 -- 無言

1. 想轉工指數已經去到90%
2. 我個同組同事好可能會調走, 我留係度就會仲煩, 一家係時候真係要走了<--好不知所謂o既一句話
3. 個Blog交投淡靜, 好好好少人呢...
4. 我要自由...我要自由...我要自由...我要自由...我要自由...
5. 目標 -- 3月前清到80%之前睇o既complaint+CMBS出到Orders
6. 下期工聯會, 可能再報話劇 - 初班
7. 下期工聯會, 唔一個星期報兩日course了...
8. 其實唔計讀過d咩書做過d咩工, 我最適合做咩工作呢?

完住先

推介CD -- 自作自樂 Demo Project

自作自樂 Demo Project

精選16首本地樂壇高質流行作品DEMO!
由原曲作曲作詞班底親自演釋
令歌迷透徹解構16首流行名曲之真諦!!
支持原創作品　表揚幕後功臣

一首歌曲的成功，很多人都會把功勞歸於幕前的歌手，往往忽略了一班幕後功臣。環球
唱片有見及此，誠意推出一張輯錄了十六首本地原唱作品的Demo精選大碟《自作自
樂》，以表揚這群幕後音樂人努力創作的成果。

今次大碟所輯錄的十六首作品，都是流行一時的大熱歌曲，而Demo的主唱者，當中既有
資深的音樂人，如金培達、張佳添，也有新一代的唱作歌手，如王菀之、藍奕邦和馮穎
琪等，他們都是作得唱得之人，細聽這些Demo，在音樂或錄製上容或有些粗疏簡單，跟
正式推出市面的成品亦大有不同，有些甚至連歌名也被改掉，然而卻有著一份質樸自然
的可貴，聽起來也饒富趣味，值得歌迷細味。

由構思到製作，《自作自樂》這張Demo精選大碟，有別於市面上一般的精選或雜錦碟，
因為藉著這張大碟，唱片公司希望可以傳遞一個正面的訊息，讓有志從事音樂創作的新
秀，了解發表作品的渠道。加上不少Demo原唱者，均為新一代的唱作人，他們不時參與
校園表演，深受學生歡迎，故此希望透過他們對音樂創作的熱誠，讓莘莘學子支持原創
音樂外，也尊重知識版權，購買正版唱片。

為了配合大碟的宣傳工作，除了選出《按摩女郎》、《兩個人的幸運》和《終身學習》
三首歌曲的原裝Demo作主打作品外，現已訂於二月份推出，為配合宣傳，也將於二月十
二日在海港城舉行一場《馬拉松音樂會》，邀請Demo原唱者接力演唱，與歌迷分享他們
創作的樂趣和豐碩成果。

-----------------------------------------------------

自作自樂
1.執爾之手 (出版歌: 按摩女郎-原唱:劉德華) 主唱: 馮翰銘
2.兩個人的幸運(原唱:梁詠琪) 主唱: 金培達
3.臉紅 (出版歌: 戀上你的床-原唱:鄭秀文) 主唱: 王菀之
4.終生學習 (原唱:鄭融) 主唱: 謝杰
5.斷尾 (原唱:劉浩龍) 主唱: 藍奕邦
6.苦撐 (出版歌: 明目張膽-原唱:何韻詩) 主唱: 張佳添
7.數你不是 (出版歌: 雌雄同體-原唱:麥浚龍) 主唱: 馮穎琪
8.自我增值 (出版歌: 必殺技-原唱:古巨基) 主唱: 張繼聰
9.Beautiful Sunset (出版歌: 夕陽無限好-原唱:陳奕迅) 主唱: Eric Kwok
10.空中飛人 (原唱:李克勤)主唱: 阿志
11.今非昔比 (出版歌: 天之驕女-原唱:容祖兒) 主唱: 陳詠瑜
12.颱風 (出版歌: 男孩像你-原唱:薛凱琪) 主唱: 徐繼宗
13.空肩膊 (出版歌:兄妹-原唱:陳奕迅) 主唱: 徐偉賢
14.名種愛人 (出版歌: 奇洛李維斯回信-原唱:薛凱琪) 主唱: Eunice
15.無賴 (原唱:主唱:鄭中基) 徐志勇
16.回到記憶深深處 (出版歌:今年沒聖誕-原唱:許志安) 主唱: 柳重言

歌曲推介 -- 傾偈

唔係話d咩大作, 歌手又唔見得好好
不過幾鐘意呢首歌

傾偈

歌手：蔣雅文, 李逸朗 | 作曲：Aisana Yoojareon/Ryo Kung
填詞：夏至 | 編曲：藝琛

呆坐我家天光再打算
無謂太灰只不過失戀
談論理想統統不實踐
題目涉及到很遠

天空邊際　容納我留低
內容沒關係　談論過經濟

其實我最想不顧一切
求突破每天刻意傾計
其實再講幾多都白費
難共你共對一世

不知不覺　誰習慣留低
話題沒關係　談及你身世

不要想太多　過去天天跟你相處想太多
若拍拖終有天會失去麼
最尾終於醒覺沒幫助

隨時樂意照例相依對坐　聽過快樂的歌
無聊預計哪部影片叫座
未算示愛吧總有想過

天空邊際　容納我留低
內容沒關係　談論過經濟

其實我最想不顧一切　(好嗎)
求突破每天刻意傾計　(很假嗎)
其實再講幾多都白費　(過去相處不太差)
難共你共對一世　(誰沒法取替)

就愛你的話題　推測走勢
終於有日破例　(未去想破例)
未理太多問題　不想估計　(留不低)
但最後你未放開一切

＊未夠徹底
　不要想太多　過去天天跟你相處想太多
　若拍拖終有天會失去麼
　最尾終於醒覺沒幫助＊

REPEAT＊

其實我最想不顧一切　無謂要後悔一世

二月二十四日 -- 數日雜記

1. 搵工搵工搵工! 轉工轉工轉工!
2. 二月之星等人放學之計成功, 仍然保持到十人應戰, 希望之後果d都keep到啦~~
3. 見到Albert嫂, 同Albert哥好有夫妻相呀~~
4. 三月之星可以特別d, 踩單車+BBQ, good ar~
5. 星期四抖左一日, 好鬼正呢~ 不過d"架生"唔見晒, 想開工砌模型失敗 >__<
6. 今晚公司5.30pm開始熄server, 我點等民仔呀~~~~~!!! 又上唔到網, newsgroup, ICQ, blog都唔得!!
7. 娟見工努力! 一日兩場實有場掂!
8. 暫時係咁多

完

之前的schedule.改
18/2(Sat) 在家中休息+睇School of Rock+剪髮(應該冇波打) <----剪ed, 睇ed
19/2(Sun) 在家中休息+睇School of Rock+剪髮(應該冇波打) <----剪ed, 睇ed
21/2(Tue) 二月之星gathering <----間日本野竟然執左, 去左上海坊, 見到Albert嫂
22/2(Wed) 收工過澳門表妹婚宴 <----新post講
23/2(Thu) 請左假, 夜晚同娟, Mandy, Sam沙田沙角大排檔之約<----晚飯postpone左, 等Sam去完旅行返來先
24/2(Fri) 與民民食飯上堂
25/2(Sat) 在家中休息 or 打波 <----收工同媽去黃大仙
26/2(Sun) 在家中休息 or 打波 <----未知有咩攪
27/2(Mon) 同雞脾, 馮Sir, Connie, Carmen, Freak食飯
28/2(Tue) 收工返企
1/3 (Wed) 上堂
2/3 (Thu) 同哥, 娟, 民, Marian唱K
3/3 (Fri) 上堂

仲有呀貓Maychan, Carol, Rex係話左要出來而仍然未約的...

悼 -- 二月二十三日

尋日放假一天, 下午係屋企磨緊o既時候, 呀源打電話來
我收到電話聽到佢"喂, 打電話來有d野同你講時", 我都大概估到咩事了

只係係好耐之前見過一面, 印象好模糊, 不過果時仲係健康的, 幾年前聽到佢得左病都好驚訝
人真係好化學, 就算點小心點保養有d病都係避免唔到...

我都唔知講咩好, 安慰說話講左都冇用, 亦都唔知有咩好講, 所以都冇講d咩野
病左七年, 一路睇住愈來愈嚴重, 到左前排都知唔係剩得幾多時間, 相信大家都有心理準備
而家最緊要係處理之後o既事, 不過應該都冇問題o既

不過, 都總算係見到仔仔女女大個生生性性啦 ^^"
希望你屋企d野快d settle down, 好快就冇事啦

總之都係果句, 有d咩要幫手就搵我啦

完

足球與我

足球與我

大家一睇到個題目一定會好奇怪, 一向剩係打籃球o既我, 居然會講足球?

由細到大, 我一向就同"足球"冇咩緣份
由於小時候屋企冇咩俾我去課外活動, 加上又冇得睇電視, 所以對"足球"o既認識就限於新聞報導o既片段
而間中一次半次係家中睇"世界杯", 由於足球知識薄弱, 入球數目又偏少, 所以並不覺得精彩 (印象中仲要係睇意大利)
小學時期, 我所讀o既2間小學都唔興踢波, 尤其係後期果間, 好細o既校舍, 冇地方踢
到左中學, 要踢o既人都係踢開, 我呢d完全冇踢開已經係比唔上, 所以更加冇去踢; 由於上體育堂有得打籃球, 所以就開始左打籃球了~~

開始接觸得多d, 都係中學成日聽d同學仔講波, 成日聽到d咩曼聯, 車仔, 皇馬, 連係咩地方都唔知, d球星一大堆更加唔知係乜水, 聽聽下叫有d認識, 不過對呢樣野o既"認識度"都係好低, 一路到而家, 對呢樣野都仍然都好似係"緣慳一面"

我冇睇開足球, 又冇踢波, 冇捧開邊隊足球隊, 更加冇買波, 既然係咁, 點解會無啦啦講呢? 當然有原因啦~~~
話說逢星期五我都會同民民上堂, 上堂時間為八點四十分; 民民收工來到旺角通常七點島
個半鐘時間, 對於食飯食得好快o既兩個魯男子來講, 實在好長; 於是慣性地食完飯就去"麥花臣球場"睇人踢波, 而夜晚好多時都有比賽睇

又話說幾個星期前睇左一場一堆呀叔踢o既波, 幾精彩, 有個籠門好型, 撲左個單刀波再拗腰禁實個波, 引來全場鼓掌; 而上星期五, 更加睇左一場業餘杯賽, 精彩非常; (兩場波o既詳情都係由比較識講波o既民民係佢blog度講啦), 令我地寧願遲到都要睇晒場波 (好彩有睇到最後!)

另外一樣關於"足球"o既野, 就係"打機"
平時我自己打機係唔會打足球o既game的, 但係如果民仔來我屋企玩, 就九成都係打足球
通常我同佢都係玩一隻舊版o既winning eleven(因為冇新機)
大家都打得好水皮, 不過打下打下, 大家o既技術都有所進步, 由以前打"easy"都未必有波入, 到而家打"normal"都可以入下波贏下波(仍然水皮); 不得不提星期日o既一場大戰: 我同佢一齊Random用左中國對電腦Random的唔記得邊隊, 由於之前試過俾電腦o既中國射球射過人牆入波, 呢場開場三分幾鐘係禁區外博到球球, 由我施射, 我福至心靈, 學電腦咁射, 居然俾我入左波!! XDDDD
後來同民仔一齊打左好多場, 愈打愈頹, 終於出現左一球經典, 勁過區偉倫: 當時我地已經將波推入禁區, 敵方籠門同後衛俾我引晒過去, 我一球美妙o既傳球, 傳左俾係籠前空晒o既民仔, 正當興奮之際, 佢竟然橫傳!! 唔係單刀橫傳, 係空籠橫傳!! 仲要係好近個籠, 求其掃一腳都入o既距離! 當堂灰左...場波到最後互射十二碼輸埋, 灰晒... ...

其實足球都幾有趣, 不過我都係鐘意打籃球多d ^^

完

道

有一位朋友, 常常喜歡跟別人談論一些問題, 不論歌曲, 電影, 電器, 人生...etc
他經常把"終極", "根本"掛在口邊, 常常想發掘一些最簡單最基本的做法便能獲得最多, 最好的方法, 或者什麼/怎樣才是最好的歌曲/電影...等等
不過, 問題有三:
一, "最好"只是他自己主觀的"最好";
二, 他有時所知的東西又不夠多, 又以為自己知得夠多;
三, 完全不理會不同情況會有不同的評價/方法, 一定要一種"萬能的方法"
在此不想提這個人的做人論調, 亦不想談論誰對誰錯, 只是在討論中經常涉及到所謂"根本性", 或是"快樂/滿足"與否"~

有一大堆論點不想在此提, 要講實在打幾萬字也不能盡述大家的意見, 其中一個想提的論點是"快樂/滿足"
那位朋友經常認為, 做一樣事情/吃東西/去那裡玩...等等, 就一定要做盡可做的東西, 例如:
一, 去吃自助餐就一定要狂吃貴的東西, 絕對不會吃平的東西
二, 去香港迪士尼樂園就一定要全部玩過某幾樣遊戲
三, 電影/戲劇/故事...等等一定要有某些原素, 否則就不好看/不值得入戲院看
等等...等等...
他完全不會想想不是每一個人都要求同一樣東西, 有些人去吃自助餐可能是一班朋友要去, 而又不喜歡吃生蠔; 內地人去迪士尼樂園只是想"到此一遊", 對那些人物全無感覺, 更不想等個多小時去玩一玩遊戲...
他卻認為, 不做盡使是"蝕", 是"不應該鼓勵"的行為, 當跟他說每人都有不同的期望, 他卻說, 如果不做便能滿足, 那些人是"深層Bad End", 完全不接受...

再一次強調, 並不想在此談論他的人生觀; 只是有一點我最想討論的, 是他曾經說過"一個人經歷過很艱辛的時候(或者是斷手斷腳的人), 但心靈快樂, 是"深層Bad End", 他完全否定"心靈快樂"
即是說, 有些人去自助餐, 吃到自己喜歡的東西, 又和朋友有一個快樂的聚會, 但全部貴的東西都不吃, 是不應該的; 打機就算永遠只用同一種沉悶的方法, 永遠都在低層次沒有進步, 只要爆機就可以了; 沒有大場面大特技的小品電影便應該租碟而不應進戲院看? 同樣地, 如果有一個人有一億元, 但心靈不快樂, 而另一人很窮, 但很快樂/滿足, 他會認為後者是不應該的...

我的文筆差, 不知道應該如何清楚表達, 但大概是這樣的意思
個人認為, 有些時候也是得到最多時是最快樂, 但真的只有"得到最多"才是"最快樂"? 最值得做? 這樣的世界真的會有進步?
我不知道什麼是"道", 什麼才是"終極", 但我知道我"要什麼", 我怎樣才快樂

每一個人都是不一樣的

完

聽住mp3四圍留意野o既一次記錄

今日搭巴士返工, 係等車期間, 見到前面隊中有個中年男人幾特別
由於有幾多人等車, 我見唔到佢o既衣著, 只係見到個男人都幾高, 留鬚留長頭髮, 面型輪廓亦都唔差(都幾靚仔的)
當時只係留意到咁多, 亦冇再多作深究

上車後, 不論是否兩座皆空, 我一向都會坐最前排; 上到上層走到最前坐下, 發覺身旁正是剛才留意到的男子, 平時愛咩都睇咩都留意下o既我, 當然就會不時眼望望留意下佢啦~

一坐底第一樣就留意到o既, 就係佢條牛仔褲超爛, 係爛得幾緊要, d窿窿又好大; 隨即望上半身, 著住件咖啡色皮褸, 又係有d爛爛地o既, 拿住個好普通o既類似"Jansport"背囊; 係呢個時候, 再加埋頭先我話佢留鬚留長頭髮, 大家係咪會即刻想像到一個露宿者或者一個地盤佬o既型像呢?

不過又唔似係~
再留意多d, 發現佢左手手腕帶住一"揪"金屬飾物, 幾"型"o既款來o既; 佢雖然長頭髮, 但係一d都唔污"wear", 打理得幾好(冇做負雜子的); 見佢用耳筒聽緊野, 後尾見佢唔聽拿出來收埋, 係一部類似"i-river"物體o既野, 而個耳機係好特別o既一種來的
當然呢堆野都唔係咩實質証據話佢唔係一個地盤佬(起碼唔係露宿者掛?) 但係仲有一個好主觀o既理由, 就係我見到佢個樣唔似係(當然唔係剩係話塊面, 而係計埋氣質...各方面)
後來我落車佢都未落車, 咁就完了

究竟佢係個咩人呢?

完

二月十七日 -- 三星期Schedule

二月十七日 -- 三星期Schedule

今次呢個雜記完全係記事簿only
幾乎全部係收工後紀事 (不過都有d野show到出來)

13/2(Mon) 收工返企
14/2(Tue) 食飯+睇Chronicle of the Narnia
15/2(Wed) meet William, 上堂
16/2(Thu) 交收MG Aile Strike Gundma, 同民民見周天恩+食飯吹水
17/2(Fri) 與民民食飯上堂
18/2(Sat) 在家中休息+睇School of Rock+剪髮(應該冇波打)
19/2(Sun) 在家中休息+睇School of Rock+剪髮(應該冇波打)
20/2(Mon) 收工返企
21/2(Tue) 二月之星gathering
22/2(Wed) 收工過澳門表妹婚宴
23/2(Thu) 請左假, 夜晚同娟, Mandy, Sam沙田沙角大排檔之約
24/2(Fri) 與民民食飯上堂
25/2(Sat) 在家中休息 or 打波
26/2(Sun) 在家中休息 or 打波
27/2(Mon) 同雞脾, 馮Sir, Connie, Carmen, Freak食飯
28/2(Tue) 收工返企
1/3 (Wed) 上堂
2/3 (Thu) 同哥, 娟, 民, Marian唱K
3/3 (Fri) 上堂

每個星期o岩o岩好得一日係返屋企食飯的...(唔計星期日)
仲有呀貓Maychan, Carol, Rex係話左要出來而未約的...
......

完

二月十三日 -- 數日雜記

1. 星期六睇左"梁祝-下世傳奇"o既DVD, 都幾好睇呀, 校花瑄瑄 XDDDD
2. 星期日打波, 發覺近幾個月個射波命中率都OK, 除非係好好累o既時候, 基本上會令人覺得"唔可以唔mark"
3. 聽到有關話劇高班另外一d同學o既野, 太得人驚了
4. 下星期三過澳門參加表妹o既婚宴, 星期四請假
5. 明天是情人節了
6. 多謝呀源, 另外希望你媽會有好轉啦
7. 武林群俠傳冇心機玩了, 因為之後有個小遊戲要玩先過到, 但係而家部機玩會太快, 一家定過唔到的...
8. 尋日呀哥生日, 都慶祝唔到咩野, 不過送左件褸同衫
9. 尋日打完波, 同民民一齊再約埋呀源呀娟食飯, 食完行陣街再返企一齊打炸彈人, 幾開心
10. 星期三上堂, 希望可以自己組隊啦...如果唔係真係風起雲湧

完

天龍八部custom version演員表

上星期五同民民上完堂, 一齊返企時吹水, 吹吹下傾開d無聊野
其中一樣就係如果我地自己友開拍"天龍八部", 會搵邊個做邊個角色
經過我地用左好多時間(真係用左好多時間, 同埋諗左好耐, 改來改去), 終於都諗好晒邊個做邊個角色
以下呢堆人係我同民民都識o既人, 但唔代表佢地互相認識 (不分先後次序)

喬峰(蕭峰) – 馬 (最豪邁)
虛竹 – 民 (唔使講原因啦XDD)
段譽 – 昇 (多情, 有書呆子氣XD)
慕容復 – 天 (有吸引某d人o既能力)
游坦之 – 麥 (偏激)
丁春秋 – 馬智豪 (唔記得點解 XDDDD 請民民re返點解 XDDD)
段延慶 – Tim (似! XDD 似惡人)
葉二娘 – Carmen (冇咩其他角o岩佢咁, 唯有 XDD)
鱷神 – 何文智 (似)
雲中鶴 – 周天恩 (因為雲中鶴係...XDD)
鳩摩智 – Albert (佢本身好戲, 扮奸人又似, 又幾勁)
段正明 – King (因為同呀Ken係兄弟)
段正淳 – Ken (因為同呀King係兄弟, 又較似溝女格)
蘇星河 – 猩猩 (聰辨先生)
刀白鳳 – Crystal (觀音)
鍾夫人 – 寶 (其實幾個段正淳相好都係填塞落去的, 不過都有大概諗過邊個好dd)
馬夫人 – Susanna (其實幾個段正淳相好都係填塞落去的, 不過都有大概諗過邊個好dd))
秦紅棉 – Step (其實幾個段正淳相好都係填塞落去的, 不過都有大概諗過邊個好dd)
阮星竹 – Amy (其實幾個段正淳相好都係填塞落去的, 不過都有大概諗過邊個好dd)
慕容家臣 – Ben，屎蟲，輝，包不同 – 瑛 (非也非也XDD)
段家家臣 – 源，澤遠，Leo，朱丹臣 – 娟 (友情客串) (八個家臣都係搵剩返o既人填晒的XDD)
蕭遠山 – Sam (豪)
慕容博 – Law仔 (與Sam可有火花)
掃地僧 – Valentino (宗教人士+唔似勁人XDD)
枯榮 – 翔 (填塞的)
玄慈 – Addison (填塞的, 不過都o岩 XD)
無崖子 – 瑛的呀哥 (都係識好多野o既人)
天山童姥 – 民之妹 (o岩晒啦, 有小孩o既面)
李秋水 – Sharon (填塞的)
碧 – May (乖乖地)
白世鏡 – David (表面係好人, 雖然實際都係, 但係起碼表面o岩左先XDD)

完

二月八日 -- 雜記

好耐冇出日期post, 更耐冇用口語, 都係咁舒服d

1. 返左工幾日, 都未係好慣, 仍然holiday mood, 好彩冇咩忙/急o既野
2. 身邊唔知點解好多人都係屬於固執o既人, 講極講唔明, 又主觀到極, 不過亦由於呢d人(尤其係某大學同學), 令我自己都學到唔少野(知識上, 人性上, 情緒上)
3. 同一位朋友講開一個話題, 冇諗住講宗教上o既野, 但係由於佢係教徒, 都不得不講埋; 好多時我講o既野跟本就唔係講緊個宗教, 或者講緊個宗教有咩唔好, 有咩問題, 我講有問題o既野係"人", 不過由於大部份宗教人士都有o既bios, 一講到牽涉呢d o既野就會起左一堵牆同埋好敏感, 又會話我地唔明佢地o既諗法, 於是好難講得明, 不過, 由於我都對得好多呢d人, 所以希望到最後佢聽得明啦~
同日亦同另一個好鬼"牛"o既friend爭論野, 久經訓練, 好"爽口"~ XD
4. 最近玩返一隻自由度幾大o既舊game, 以前玩過一次爆左其中一個結局就冇玩落去, 其實果個結局雖然都正, 但係會玩少好多野; 返鄉下時見人玩, 又拿返出來玩, 幾好玩呢
5. 玩返隻game, 發玩左好多野, 不過唔係關於隻game的, 係自己; 隻game係RPG, 但係有好多小遊戲係其中, 十分需要靈巧o既心思同技巧, 一玩之下, 發覺原來自己o既身體協調性比以前差左了...
6. 玩game之中(唔止呢隻game), 都有發現自己有進步o既地方; 就係個人沉穩左, 有d野玩衰左冇咁炆, 同埋好快可以平靜返專注返去玩呢~
7. 係時候又要剪短返d頭髮了~
8. 又要攪"二月之星" :D

完

新年大病 (II)

話說夜晚9時多哥哥陪我到了急症室, 分流只分到第4類, 即是要 -- 等
無論有多少人, 快不快, 似乎都有心要分流為4及5類的人等, 有時明顯有一大段時間沒有叫人

在痛苦及沉悶之中渡過3小時(爸爸也在11時多來過, 但我們叫他先回去不用等), 見醫生的時候已經比初時沒那麼差了, 由於怕是感染, 於是吃了一粒退燒藥, 便抽血, X光照肺, 再坐2個半小時等報告
等到報告時已是凌晨2時半, 証實不是感染, 不用留院; 而在等了那麼久的過程中, 原來已經退了燒...
回到家已是3時, 當然要洗澡才睡覺, 睡時已是4時, 而病情其實已經好了很多, 比起日間精神很多了

在急症室等候期間, 有一緊急的病人, 聽說是自殺不遂; 只聽得他在簾後不停大聲呼救慘叫, 直聽得人心寒, 當時覺得, 做人真的不要隨便輕生, 更不要半死不活; 而要更加珍惜生命, 身體, 因為病痛實在太痛苦了; 由於上一年家人身體欠佳, 令我有深刻體會, 這次回鄉很多時拜神許願或祝賀人時, 都會說身體健康, 想不到許願後回港立刻便病了

我並沒有留意流年運程什麼的, 也不知今年運程如何, 但新年便大病一場加上被抽2次血有血光之災(後來要再去醫院一次再抽第二次), 希望已經過了不好事情的配額, 今年打後能順順利利, 健健康康, 在此也希望身邊親人朋友也都身體健康, 笑口常開!

完

新年大病 (I)

初六回港, 剩7時半飛機到深圳, 於是5時多要起床執拾(當然之前一天已經執好能執的東西), 吃了些少東西, 6時半便上車到機場了, 車程不過15-20分鐘, 7黠鐘登機, 差不多7時半便準時起飛了
到了深圳, 還得坐一小時巴士到羅湖關口, 意料之外地有不少人過關(當天是星期五, 又不是公眾假期了), 辛辛苦苦過關後便上火車轉地鐵回家

在機上及巴士上時, 雖無病的感覺, 但好像有少少暈浪的感覺; 而由於著住褸拿行李的關係, 覺得很熱又一身汗, 於是一回到香港(其實發覺氣溫較涼)上到火車就立刻除褸, 換上另一件沒那麼熱的; 經過早起, 搭飛機巴士, 過關, 拿行李之後, 實在極度疲累

回到家, 父母叫我和哥哥星期六或日要到祖父及姑媽家中補賀, 由於回到家後極覺疲累及開始不適, 所以都打算星期六或日去, 但哥哥不想再浪費一天出去, 提議下午就去, 一次過了結事情, 星期六日就可盡情休息; 中飯時候開始沒胃口, 沒有吃飯只吃了些少東西就開始頭暈躺在沙發休息; 哥哥吃完飯後不斷問何時可以起行(因為仔也很疲累及有些不舒服, 想當天完結事情), 我想休息一會到狀態好些才起行, 但他堅持要一個確實時間, 我哪知道要休息多久才好些? 我怕愈休息就愈不想行, 於是就頂著不舒服的身體離家

在街上, 明顯覺得自己力氣不足, 想行快些都不能, 總算到了柴灣祖父家, 坐了一陣就離開去北角的姑媽家, 此時再出到街上已經覺得狀態奇低了, 頭很暈, 而且腳步虛浮, 全身脫力, 好不容易到了姑媽家, 已是滿頭冷汗, 想嘔也嘔不出, 也不知姑媽有沒有留意到我痛苦的神情; 後來我終於不行了, 太暈了, 於是便借沙發躺著, 姑媽也覺得不得了, 幫我塗藥油, 我在哪裡睡了一會, 有些少精神後便強起精神回家 (好像沒有發燒的)

當時已經很暈和全身乏力, 好不容易回到家也沒胃口吃飯, 一試之下竟然已發燒, 平常的我很少胃不舒服, 但當時我已經是發燒+頭超暈+全身乏力+胃不舒服+有些少肚瀉, 由於擔心是否著了流感, 於是便打的直去急症室

待續

疲倦的靈秀山

在前文中提過, 年初一午飯後到靈秀山走了一轉
在小時候, 每年暑假我和一眾表兄弟姊妹都會回鄉(當然包括家長們), 由於有足夠地方住, 大家又年紀相當, 所以回鄉絕對是一件樂事(偏離話題了)

以前每年回鄉, 我都總會到靈秀山走一轉, 有時是大清早, 有時是下午, 無論是什麼時候, 治著那寬闊的山路(那山路在我小時候就修建成的, 所以行上山並不辛苦), 兩旁有田有花草樹木雞狗石屋, 倒也覺得十分自在和舒服, 那景色和清新空氣令人覺得大自然是有生命, 有活力的一樣東西

近年經濟起飛, 我鄉下所屬城鎮及村莊尤其是附近比較富裕的地方, 因此開始大興土木, 很多人都買地, 起房子; 因此靈秀山腳下很多的地都起了屋子, 大路兩邊的田完全不見了, 只剩下空空的石地泥地, 地上大量被採完石礦的碎石, 野草及垃圾; 沿路行上去, 那大路有很多地方亦開始失修, 聽聞從前於村中山腳下的一塊"風水石"也因為要炒地皮起房子而都被破壞名不知去向了; 山上的寺廟空相院十分熱鬧, 地上滿是垃圾, 信眾四出拜拜, 拿著香枝又不顧其他人, 不覺莊嚴而只覺庸俗不堪

走了一圈, 回程的時候都四, 五時了, 回頭看那靈秀山, 它的靈氣哪裡去了? 我只覺得它很疲累了, 它的生命, 活力也慢慢地消失了...讓它休息吧...

回到香港, 再次感受這個地方, 我完全不感覺到香港疲倦, 也感覺不到它生命力慢慢遠去
不過, 那只是代表, 香港已經是一塊死地了嗎? 還是已經是一個就像人造人, 機械人那樣一個沒有生活但會活動的地方呢?

奢侈, 浪費, 健康

這年回鄉渡歲, 感觸良多, 會分不同題目慢慢道來

這次回鄉, 其中一個原因是表弟"虛齡十六"的成年慶祝活動
在我家鄉(相信內地很多地方也是吧?), "虛齡十六歲"就代表"長大", "成年"了, 習慣地也會有活動
以前農村時代窮的時候, 也會一家人好好地吃一個飯(當然可能也只是在番薯粥中多了些少肉而已), 送禮物給主角等等, 現在沒有以前般窮, 一般家庭當然也會吃餐好的, 送一條金鍊什麼的; 而富有的人, 就會有大大的慶祝活動

這次表弟的慶祝活動, 也算熱鬧非常, 在家屋前有大型的裝飾, 上面寫著慶祝表弟的字句
正式擺酒的正日是初四, 但其實真的大宴親朋, 於初三晚, 初四中午及晚上和初五中午都分別擺十多圍至幾十圍, 而於初四當晚, 未開始前先放一輪煙花及炮仗, 便在家中大空地及其中一層, 分開2個地方開始了幾十圍, 請了幾百人的宴席

宴上食物極其豐盛, 主要菜色都圍繞住"海鮮"
在那三天, 天天都有大量的魚蝦蟹鮑參翅肚, 份量多得足夠令人吃到不想吃
以魚翅為例, 翅的份量可以塞滿你的口, 而完全沒有粉絲及其他佐料; 蟹黃, 大蝦已經多得令人覺得平凡到不平凡; 盛宴過後的第二天, 還有很多食物買了回來多的, 我們更可每人一隻鮑魚, 整隻地吃...
席中, 煙酒汽水也是大量供應, VSOP幾十支任人飲用, 而那些叔伯兄弟們亦能當是水一般面不改容地成杯一口氣喝下去...他們可以喝多久呢?

內地近年經濟增長快速, 財富愈來愈多, 但全國8-9成的財富都在很少百分比的人手中, 那些魚蝦蟹鮑參翅肚豬牛羊雞看來還有很大段時間在同一堆人的肚中打轉

新春回鄉過年

呢個post大約講下果幾日o既過程, 感想另post

28/1 - 年廿九, 下午深圳5點機, 食完中飯12點零出門口, 過關幾多人, 不過冇想像中咁多, 幾快過到關
返到去鄉下到埋屋企around 7點, 去探外婆, 食飯, 抖
29/1 - 大年初一! 基本上冇咩特別野做
好熱鬧, 凌晨o既時候四圍開始放煙花(係大型果隻), 放炮仗好吵好熱鬧, 去天台睇煙花, 睇住煙花係咁爆, 係自己o既四圍, 頭頂係咁放, 都幾好睇同正呢! 之後有一日我地自己都有買d小型煙花自己放, 此後話不提
起身後, 上午再去外婆度坐, 打左一轉麻將, 摸王本色再現, 幾乎都係我贏多, 最後贏左百幾蚊
中午食完飯去左條村附近o既名勝"靈秀山"行下, 上面有個都有d名o既"金相院"(又名空相院), 上去到都有拜下佛, 裝下香, 夜晚冇咩做o既時候就睇下小說"鹿鼎記", 雖然係唔記得左第幾次睇, 不過都係好睇, 之後果幾日有時間o既時候同臨訓o既時候都有提, 打後不提
30/1 - 呀哥農曆生日, 我新曆生日, 上午冇咩做, 中午後, 呀姨車我地去另一名勝"姑嫂塔", 之後去埋"黃金海岸", 各行左一圈就返歸了
夜晚呀哥請食飯, 食湖南菜, 都幾辣, 但係都頂得住, 係有碟魚真係辣又唔多頂到(不過好食), 食完飯, 去唱K, K完返企抖了
31/1 - 初三赤口, 由於初四係表弟正日做"十六歲", 所以呢日唔打算做d咩, 不過就去左條村所屬o既市"石獅市"行下, 好富裕o既一個城市呢 (順帶一提, 好多街邊小吃都好食 : p)
晚飯時間返到來, 夜晚果餐已經係表弟"十六歲"o既前宴, 擺左十幾圍, 飲飲食食咁完左當日
2/1 - 全日都係為左表弟o既"十六歲"而設, 話說我地鄉下每逢有人虛齡十六歲, 就會有慶祝活動(當然係男丁先有份, 同埋有錢先有得大攪啦), 通常都係父母攪食飯同送禮物俾佢
由於表弟家都攪得起大野, 所以係早上拜完一大輪神之後, 當日午飯同晚飯都大攪幾十圍, 好熱鬧, 而d食物亦好豐富, 鮑參翅肚魚蝦蟹肉, 食到你唔食, 當然仲有大量煙酒汽水供應, 有好多人猜拳飲酒, 好不熱鬧, 野食方面, 另post再講
係午飯同晚飯之間, 都係留左係家中抖抖, 睇下書咁
2/2 - 臨尾一日, 食完中飯去左泉州行下
另一大城市, 去左著名o既開元寺東西塔, 洛陽橋等幾個名勝, 又行左一陣街, 最後返去食晚飯執野, 總算完左成個旅程了
3/2 - 晨早5點幾起身, 7點半機, 一早未到12點返到來, 好累, 開始唔舒服, 又出左去呀爺度(因為返左鄉下冇同佢地拜年), 更加唔舒服, 再去姑媽度, 終於頂唔住, 係姑媽度抖左陣, 頂硬上返屋企, 食完晚飯超唔舒服, 發燒+頭超暈+周身冇力+肚唔舒服, 9點呀哥陪我到急症室, 分流後等左三粒鐘, 睇醫生, 抽血, 食左粒退燒藥, 照肺, 再訓下醒下等2個幾鐘報告出, 唔係感染同禽流感, 唔使留院, 等o既時候個燒都差唔多退晒...3點幾返到屋企, 沖個涼訓, 辛苦晒呀哥...其實佢都唔多舒服

完

狗年好開始

狗年即將來臨
返鄉下過年, 好耐冇試過了, 應該會好熱鬧
其實都係有少少朦查查咁, 個個都叫我返就返

放返個好假返來, 希望有工見, 見完有得做
咁就真係好開始了

想轉變環境, 仲有咩可以轉變呢?
最有可能都係"工"而已...
衣? 食? 住? 行? 家? 女? 學業?
冇咩好改到了

所以, 希望都放晒係工度了

完

轉工

一路以來, 都有好多理由唔轉工

幾年之前, 份糧唔差, 穩定, 放工時間準時, 時間可以讀書, 做野唔算辛苦, 外面o既工唔好做又低人工, 等拿埋份gratuity...etc
而家已經唔同晒了, 減左2次人工, 外面人工高返d, 留係度落去冇前途, 冇得長做, 轉唔到長工, 悶, d工作愈來愈煩愈來愈廢...etc
所以呢排好想轉工, 好冇心機繼續留係度, 睇住愈來愈多同事都走, 自己都經常性提住要走

睇來係時候轉下環境了, 希望前呀頭介紹果份請啦~

完

投訴

明顯地, 係呢個世界上唔開心o既人係多過開心o既
因此, 唔開心o既野係會容易傳染過開心o既野

香港尤其係一個唔開心o既城市
人人唔開心, 老闆狂玩狗野, 大量打工仔被刻薄長期唔開心
做d野唔多唔少都影響到身邊o既人, 家人, 朋友...etc
呢d人又係打工仔...一路咁散開去
公眾人物, 明星, 傳媒...等等亦都不停渲染唔好o既野
因為夠慘, 夠爛, 所以容易印象深刻
睇新聞, 好野唔見得有幾多人讚, 衰野就煲到盡
流行曲亦一樣, 十首歌有八首都係失戀唔開心分手想死冇好收場

係個咁o既大氣候入面, 只會使呢個情況惡性循環落去
點解要咁悲呢? 點解唔可以以好果方面去面對呢?
係咪有少少野都要投訴呢?
希望我自己係我身邊o既人入面, 係屬於俾到"光"人地o既人, 俾到"開心"人地o既人

話時話, 點解我又要係度投訴呢個世界呢?

完

莫名其妙

平時總會有唔同o既心情, 開心, 唔開心, down, 有/冇mood
呢排好奇怪: 我完全唔知自己有咩mood/開唔開心/做咩野

究竟係咩原因呢?
因為就來返鄉下? 因為好想好想轉工? 因為生活愈來愈無聊?
唔知, 唔理

仲有3日就放假了

話時話, 朋友考完試了, 唔知佢去左旅行未呢?

完

戲評 -- 一蚊雞保鑣

今天下午很空閒, 得閒冇事做半睇半聽咁睇左TVB下午播ｏ既"一蚊雞保鑣"
記得數年前都有見到戲ｏ既宣傳, 不過應該票房都唔會好好

戲中男女主角係黃子華同郭羨妮
故事係講咩唔係度講啦, 都OK有意思同有時都幾好笑ｏ既
不過個人觀感, 並唔係太"電影", 基本上d場景, 對白, 動作各方面都似係適合做"舞台劇"多過似"電影"
如果走入戲院睇可能會有人媽媽聲出返來
反而如果係電視劇或者舞台劇會唔錯呢~

入面隨左２位主角以外ｏ既角色, 除左Benz雄苑仔同羅蘭姐(出得唔多)之外
另外幾位出得幾多ｏ既配角都係唔識ｏ既
不過大家(包括主角)都做得幾好

總的來講, 係電視睇下都幾好啦

另, 戲中插曲郭羨妮主唱ｏ既"盲目支持"幾好聽, 幾有感情, 亦好ｏ岩個scene
試下搵唔搵到mp3先

完

杏仁豆腐花

同我熟o既朋友好多應該都知道, 亦曾經俾我帶過去大埔道"百吉蔗汁"食"杏仁豆腐花"

雖然係叫"豆腐花", 但係其實食落一ｄ都唔似一般ｏ既豆腐花, 有ｄ　Jelly同大菜糕混合ｏ既感覺
呢種"豆腐花"暫時除左呢度唔知邊度有得食了
自從讀City果時呀Mak第一次帶我去食之後都好喜歡食, 尤其係係夏天好熱ｏ既時候, 行到來身水身汗, 坐低一陣食個豆腐花, 成個人即時涼晒! 正！

昨晚與朋友食飯, 食完飯又去食"杏仁豆腐花", 老闆同我講做埋今年唔做了（仔女都唔會做)!!
即係仲有一個星期就唔做! 當堂個人呆一呆
吓?! 唔係呀嘛, 即係以後都冇得食?
本來成日都幾開心, 臨尾聽到個消息即時down左一down...

回程返屋企時都諗左好多野, 一來可惜"百吉蔗汁"唔做了(其實係好事來, 老闆退休光榮結業享清福), 二來諗到, 好多野一過左去就返唔到轉頭, 親人朋友身體時間...etc...etc...
真係要好好珍惜身邊ｏ既一切呀!!
來緊呢個星期, 一定要再去食"杏仁豆腐花"!!

完

一月十八日

1. 返工愈來愈冇意思...
2. 進階o既同學俾我o既感覺真係麻麻地, 唔係話有咩唔好, 不過俾唔到我想親近/做朋友o既感覺, 初班果堆真係好正好好玩!!
3. 今日話劇班果"一分鐘", 最終我選擇左"坐係度唔出聲", 出到我要o既效果呢~
4. "一月之星"聚會, 好開心, 多謝各位同學(順座位序): 民, Westley, King, Crystal, Albert, Addison, Carmen, Sharon, 最surprise係有生日蛋糕, 多謝~
5. 某去左外國o既老友呢期考試了, 努力!

完

一分鐘

話劇班課題: 要在大家面前做一分鐘自由發揮的任何事, 可以是自我介紹, 唱歌跳舞皆可, 總之要令人印象深刻
要如何運用此一分鐘? 如何可以在別人的時間裡奪走一分鐘? 實在是一個很困難的課題
曾經想過很多"玩爛"的方法, 一定可以令人有印象, 也有一些很普通的, 有攪笑的, 有向難度挑戰的~
如:
不做聲坐著什麼也不做一分鐘, 公然向老師示愛, 演之前另一話劇班裡自己做的角色(有精神問題的會考生), 扮演著名攪笑電影中的一幕(賭俠中周星星的錄影帶), 扮中槍死不斷氣, 扮問米婆上身(附加飛蛾一隻扮見到波叔), 扮見鬼, 扮神打, 做無聲劇(玻璃面具中的一幕), 扮半咸淡廣東話惡漢...etc

最後到現在也還想不到應該做什麼呢~

完

故事

由細到大, 都好喜歡故事
細個o既時候冇咩好做, 成日睇書, 睇好多故事書
咩種類都會睇 (而大個左更加係好多類書都有睇)

久而久之, 自己都好鐘意諗故仔
好多時d故仔都好會受果期睇過d咩故仔/漫畫/打機影響
不過沉醉係自己o既幻想世界入面, 又好開心

已經完左好多故仔, 而呢個習慣一路到而家都仲存在添(雖然故事進展慢左好多)
而家諗果d都儘量唔俾自己見過o既野影響, 希望有多d原創性 (雖然永遠都冇人知內容 XDD)
諗故仔, 其實劇情都唔係最鐘意諗o既, 最鐘意諗o既係世界觀
其次係人物o既性格同背景 (當然自己會手痕畫埋造型出來啦)

有幾個呢幾方面我自己都好鐘意o既故仔
有d完全虛構出來o既當然講出來大家都唔會知係咩
但係有一個就幾得意 -- 係西遊記 :D

西遊記無論係我國, 香港, 尤其日本已經係各種唔同o既方法: 電視電影漫畫動畫...etc玩過唔少次
不過我自己都係好鐘意呢個topic, 係細個第一個睇o既我國四大名著, 而且好大發揮同想像空間 (又多人物)
好彩, 我自己諗果個同之前見果d都唔係好同(尤其唔同日本果d: 沙僧=河童XDDDD)
最近係電視睇到有個又係用"西遊記"做藍本o既日漫(都出左好耐了) -- 最遊記
幾吸引到我, 因為都係幾反傳統, 幾有趣o既一個版本來的, 未有機會睇下添

自己諗果個, 係一個好混亂o既世界觀來o既, 仲未諗到好清楚 XDDD
不過所有"神"佛"o既"世界"都變左做"集團"
冇左"神"呢d野會易講好多 XDDDDD
人物性格好好好基本上都係跟返本來 (唔係太鐘意有d改得好犀利)
e.g. 孫悟空係衝動鬼, 八戒好色...etc
有d本來冇咩個性o既當然就更加有得發揮啦 :D

唔講咁多了, 反正都係自己諗的 XDDDDDDDD

完

一月十六日

1. 今日日頭實在冇咩特別事發生
2. 夜晚唱K! 好正! d"膽"o既人都到齊, Law仔Sharon歌王歌后仍然好得
3. 估唔到o既係, OO老師唱得好得!! 正呀! 冇來ｏ既人真係蝕左~~ 我識ｏ既人入面又多個唱歌勁人 @@
4. 基本上都唱得好盡興, 由接近7點唱到接近12點, 抵到爛, 想唱ｏ既歌基本上都唱到 (冇唱草蜢 -.-)
5. 明天又有飯局約會
6. 呀S終於遞左辭職信, 都OK呀~~~　唔使一定要放假啦, 有人工拿又可以隨時見工~~
7. 夠夠夠鐘訓覺了 :D

完

浪子

浪子回頭金不換
實在係一句教壞人o既說話
1. 人係自私的, 對方曾經"浪"過, 真的唔會介意以前d衰野? 時間耐左唔會智返出來?
2. 真係咁sure佢回左頭? 萬一未回, 或者之後又重蹈覆轍, 蝕底o既係邊個?
3. 人有權選擇, 點解要選一個有前科o既呢?
係度唔係奉勸各位要小心選擇, 而係奉勸各位千祁唔好做錯事, 一次不忠, 百次不容

以前o既王傑真係好正, d歌好聽又唱得有feel
而家唔得了...
不過佢都放棄左做浪子了
做浪子有咩好?

"可以笑的話, 不會哭
可找到知己哪會孤獨"

完

一月十五日

1. 星期六, 日好多時間都拿左來訓, 唔知點解好眼訓, 不過而家好夠訓呢~~
2. 星期六訓到10點幾11點, 之後3點島開始突然好~眼訓, 一訓訓到6點半, 夜晚訓覺第朝9點起身打波, 打完波食完飯返來沖完涼3點幾4點又眼訓, 訓到6點 =.=
3. 星期日打波, 好~~~~耐冇打, 體能差左好~~多 =.=, 但係打得幾好噃, 射波幾準, 又做到該做o既野呢~~
4. 星期一晚同話劇初班同學唱K, OO老師都來到! 期待的晚上節目!
5. 星期二晚同Bad End人食飯...
6. 星期三晚上堂+一d都唔suprise的飯局 XDDD
7. 星期五晚上堂
8. 剩返星期四會唔會同表弟去買衫呢? 好忙的一個星期
9. 一路開電視播十大勁歌一路砌鋼普拉, 隻MG RX-78-2 Gundam 0079 Version又砌左唔少呢~~
10. 明天又要返工, 要訓了

完

勁歌

今天播十大勁歌頒獎典禮
不過並唔係想係度講陳秋霞有幾勁
唔係想講李克勤終於出聲話要結婚
唔係想講邊個拿咩獎又喊又唱成點
總之唔係想講呢d無聊o既頒獎典禮啦

話說今日食飯時轉轉下台, 轉左去中央電視台
播緊綜藝節目, 例牌會載歌載舞
而d水準當然好過好多明星唔在講啦

其實我都冇咩點留心睇
不過臨走時聽到d野又返返轉頭睇睇噃
個節目係每一集都會請好多唔同種族o既人上來(唔一定係中國o既種族添噃)
表演下自己民族特別o既野, 亦有唱下歌
而我臨走時聽到o既, 係一個黑人唱"有多少愛可以重來"
仲要係用黑人音樂有d Jazz feel咁唱
好鬼正! 而且佢都唱得好有水準
令我有深刻印象呢~~~

其實係咪真係某一兩種類o既歌先可以流行到, 生存到呢?
HK聽歌o既人真係接受唔到其他音樂? 真係冇市場?

完

傾偈

十分鐘意同朋友傾偈o既感覺
無論係同咩朋友, 熟o既, 唔熟o既, 男o既, 女o既
從傾偈之中都可以有得著: 釋放, 理解, 資訊, 意見, 世界觀, 做人觀, 咩都有

呢排同唔少朋友有好好o既幾段傾偈

keep住有個朋友同我傾佢識女仔d野, 又會問下我意見, 又會講下做過o既野同過程
(順帶一提, 如果某人有呢位朋友咁識做同咁識講野, 肯定易攪好多)
係我聽同俾意見之間, 我都有唔少對人處事同係對女仔方面o既得著
而且同呢位相識唔耐但係講野同對大家都好直接o既朋友都熟得好快呢~

另一位平時都幾好傾但係比較保護自己o既朋友, 都有少少估唔到o既傾偈
平時因為同佢都比較其他人熟, 佢都會講下少少自己野
今次居然會講多左自己o既野, 而且從把聲入面, 好難得地聽到佢有d激動甚至有d想喊o既感覺
好少見佢有呢d情感
不過都幾開心起碼又有一個當我真係friend的朋友, 希望佢快d開心返同解決到件事啦~

尋日同一位好友食飯, 亦都傾左唔少大家o既野
講下自己最近點, 講下來緊o既計劃, 講下自己好多野o既諗法, 講下擇偶, 愛情方面等等
雖然出來好似係為左俾部mp3我同埋去睇display card
(食完飯好無聊專登由太子慢慢行去深水埔)
但係其實我覺得主打係傾偈呢~ 一路行一路傾都唔覺時間過左去~

今日放左學例牌同另一老友搭地鐵返企, 臨到ｏ既時候先開始傾左好多野
新朋友, 政制, 自由獨裁, 個人觀念, 天馬行空, 亂諗野, 化, 目標, 朋友, 沖擊...etc etc好多好多
好難組織起來係度講了
雖然問題解決唔到, 不過可以有個夠friend, 又明我諗咩講咩, 諗野level又差唔多o既朋友傾下
都係好值得高興的了

真係十分喜歡同人吹水呢~

完

[閱後感] 10個讓你後背發涼的鬼故事

在新聞組看了一個post, 是"10個讓你後背發涼的鬼故事"
睇完之後, 有d故事睇過, 有d覺得唔係好恐怖 =.=
係呢度想講一下其中一個故仔, 並唔係想討論恐怖與否
故事如下:

你相信誰?

有一年登山社去登山,其中有一對感情很好的情侶在一起.
當他們到山下準備攻峰時,天氣突然轉壞了,但是他們還是要執意的上山去.
於是就留下那個女的看營地,可過了三天都沒有看見他們回來.
那個女的有點擔心了,心想可能是因為天氣的原因吧.
等呀等呀,到了第七天,終於大家回來了,可是唯獨她的男友沒有回來.
大家告訴她,在攻峰的第一天,她的男友就不幸死了!
他們趕在頭七回來,心想他可能會回來找她的.
於是大家圍成一個圈,把她放在中間,到了快十二點時,突然她的男友出現了還混身是血
的一把抓住她就往外跑.他女朋友嚇得哇哇大叫,極力掙扎,這時她男友告訴她....
在攻峰的第一天就發生了山難!
全部的人都死了只有他還活著........

你相信誰?

睇完個故事, 我諗到唔諗就答"我信男友"
你地會點諗呢?

完

一月十一日

1. 尋日收到呀源電話, 話佢細佬要左本來幫我買果張display card, 我問佢係唔係唔好意思要我買貴野, 佢話唔係~ XDD 其實大家咁熟, 冇咩所謂啦~~~~~~~~
2. 尋日上堂幾好玩, 而且終於見到好耐冇見o既圈圈老師(OO), 仍然都係咁靚女 :D (可惜佢冇睇呢個blog XDD)
3. 來緊o既話劇堂開始真係要做戲了, 2人一組, 唔知做咩呢?
4. 下堂好玩了, 每人prepare一分鐘做任何野, 令大家記得自己, Wakaka
5. 終於都約到OO唱K(coming Mon)! 實現左同Brother Tim三個月前的承諾, 好期待同OO唱K呢~
6. 呢排冇咩其他特別野了

完

藏於錢包的合照

好多人都會有藏於銀包o既照片, 有唔少都係合照, 或者係重要o既人o既相, 或者係自己影得靚/細個o既相

話說今日上堂前陪呀Sam去馬會買波, 係我等佢o既時候, 無意間見到隔離個男人o既銀包
個男人頭髮有d蓬鬆, 冇剃鬚根, 冇咩精神, 個樣頹頹地, 拿住份馬經係度填緊野
我係度無聊四圍望時, 見到佢打開左o既銀包入面果張與女友o既合照(九成都係女友掛?)
感覺好怪 -.-
係合照入面, 個男仔都四四正正, 頭都未染髮, 個女仔都幾可愛, 二人好親愛咁攬住來影, 仲笑得好燦爛添
同而家果個男仔o既樣比較, 個感覺實在係差好遠...

即時o既主觀感覺係, 究竟而家佢地係咪仲係咁開心恩愛呢? (其實個樣頹+買馬都唔代表o既咩o既, 不過個感覺實在係好唔舒服)
有時諗, 而家d人拍拖, 初初就會好開心, 咩都得, 慢慢耐左, 個激情o既感覺慢慢減退, 就開始d衰野浮晒上面, 冇晒"feel"
包容, 理解, commitment, 感情...etc咩都冇, "feel"字行頭, 好唔secure
偏偏又有好多人冇諗過踩落去, 未試過o既就奶晒野, 試過o既, 一係就從此唔take it serious, 一係就愈來愈灰, 一係就極小心奕奕, 總之經常雙方面都唔開心, 結果d關係愈來愈亂...

呢d話題唔講, 講返果張相~
張相俾人o既感覺, 一見到就會覺得係一對好sweet好開心好幸福o既情侶
見到個男仔咁樣樣, 有d"燉"個女仔唔抵 XDD
不過話又說回頭, 又點知個女仔真面目係點呢?
係度好衷心咁講一句, 希望呢一對咁有緣俾我見到張合照o既情侶, 可以開開心心恩恩愛愛咁一齊落去啦~~

你又有冇一張重要o既相係銀包呢?

完

一月十日

1. 話劇班朋友Sam一早打來同我傾偈, 話不嬲返工都係一個人係外面, 平時半晝唔點講野都冇咩野, 識左我之後, 有時我打俾佢, 有時佢打俾我傾下偈, 而家發現唔搵人傾下偈好唔慣~ XDDDDDDDDDD
2. Sam果然係一個好直接o既人, 差d就爆晒d野我聽, 不過為左保持神秘感, 我叫停左佢, 唔好話我知 XDDD
3. MG 龜霸係牛頭角賣$159, 2000Yen賣$159!! 好想買呀~~~~~~~~~~~~~~~~~
4. 呢幾日股市升得好犀利, 應該有人有不少斬獲吧? 係時候要放了~~
5. 今日返工有d有due date又近近地o既野做, 全日都幾忙, 時間過得好快, 太好了~~!!最怕無無聊聊咁呀~~
6. Keroro軍曹睇到大約70話了~~就來追到~~仲keep住好睇呢~~起碼我唔覺得厭~~
7. 決定返大陸過年, 同埋請3日假, 連埋紅日有9日假, 好似學生咁有得放寒假, 好開心 XDDD

一月八日 -- 雜記

好耐冇出過日期post~

1. 開始上工聯會o既course, 對course的感想係前文講過了, 不在此提
2. 一星期上兩日course雖然好似困身d, 不過放工有d世藝, 感覺都唔錯呢
3. 農曆新年決定返鄉下了, 應該會請三日假, 但係就唔會全部返晒大陸
4. 終於都同呀貓MayChanMiMi唱K, 之後又上貓企hea了, 終於都俾左幾個月俾唔到的禮物出去了
5. 草蜢演唱會好正~~~!!!
6. mp3機買了...早知自己行過時買...仲平d @@, 仲要係另外插線的, 以前經驗:好易壞 =.=
7. Display card好貴~ 原本諗住自己好少打機, 買張平平地o既算, 貴o既要來冇用 =.= =.=
8. 無啦啦使左好多錢, anyway, 當冇出過grat啦
9. 終於d病氣過得7788, 個人都精神返d

完

聲相

星期三與星期五上左工聯會2個course的第一堂了

話劇進階冇咩特別, 第一堂都係熱下身, 玩下遊戲咁
同學們亦冇咩特別, 係呀Sam失望d姐 XDD

反而冇係好大期望o既廣播劇十分OK
呀Sir好明顯有料到, 而且對玩今o既娛樂圈o既見解亦好到
而且講野亦好直接, 即係係講d可能對方唔o岩聽o既野都會照講(當然唔會講得好黑人憎)
很o岩我脾胃

當中呀Sir用左d時間講返歷史, 而另外六叫我地一班同學逐個介紹下自己
呀Sir合上雙眼用聲音判斷每個人o既性格
對於做左咁多年人又見過咁多唔同人o既呀Sir來講, 佢的而且確又講中左好多同學o既性格弱點
第一堂來個先聲奪人, 睇來可以都得到同學唔少o既尊敬呢

至於佢聽完我o既自介之後, 佢問我"你有d咩係覺得自己叻o既?"
我當堂都答唔出...

完

劑量決定毒性

看了星期四的新聞透視，主題是談人們對化學品的過份恐慌，當中最精警的是一句"劑量決定毒性" - 任何東西接觸過量也是有害的。 (我都覺得係咁, 所以原文節錄了)

人總是羊群心態, 果期興d咩就個個都怕咩野, 過左一段時間又慢慢食返
其實跟本問題都係存在係度, 睇下幾時又有人中招咁解
不過如果要驚, 瘋牛症, 豬鏈球菌, 禽流感, 鉛, 海水污染, 農藥, 激素...仲有大把野可以數, 禽畜魚菜生果, 咩都唔使食
所以食得其所, 食得開心, 就OK了

都係果句, 一向"中庸"之道都係王道, 係睇下大家掌唔掌握到吧了
劑量決定毒性
夠, 咪唔好執咁多劑, 唔夠, 咪執多幾劑咯

完

模型

因為鐘意高達o既關係, 亦都熱愛"鋼普拉" (Gunpla --> Gundam Plastic models)
不過成日因為時間, 精神, 空間, 心機各方面o既問題, 買左好多擺係屋企又冇開工砌
最近冇咩電腦game想打, 又唔想成日對住個monitor, 加上睇得多Keroro軍曹
又燃起了侵略藍星...呀唔係, 係砌"鋼普拉"o既鬥志

趁住5/1請左病假閒置在家, 開始砌MG RX-78-2 Gundam Ver. 0079
個模好掂, 無論係分件, 分色, 水口位置, 可動性都一流
即使係初心者, 素組出來都已經好靚, 攪到我完全冇意欲砌完去噴
打算噴某d位+滲線+消光算了
之後要繼續清貨! (不過仲未砌完)

話說昨晚同一位朋友吹水, 對方好直接同我講, 只知道我喜歡砌"鋼普拉"
不如就買盒俾我 (好直接, 冇驚喜但係好實用 XDD)
但係又驚買左我有o既重複左, 好無癮

我o既意見係 -- 多買多砌, 永不落空 XDDDD
重複咪重複咯, 唔怕多的, 同埋多左一隻可以噴唔同色調呢 :D
係呢度多謝果位朋友先~~ 呵呵~~ =^^=

完

一枝筆

我又講下生日禮物和筆o既關係

小時候, 每逢生日或聖誕呢d會有禮物收o既時候
雖然唔多收到禮物, 但係都試過收到一d包裝得OK的"筆"
收到時, 覺得支筆幾靚, 又唔多捨得用(而且亦冇咩機會用)
擺下擺下, 果幾支收過o既筆就隨住時間而過去, 被我遺忘了~

對於禮物, 有好多人有好唔同o既preference
有d人鐘意實際o既野, 有d人鐘意驚喜
有d人送野好直接, 問對方想要d咩, 就買果樣, 雖然冇驚喜, 但係一定o岩心水, 唔使煩
有d人就想俾驚喜對方, 但係可能又買唔到o岩對方心水o既野
有d人純粹想成班friends出來開開心心
有d人就想送d有心思o既野, 又有d人純粹想玩野, 送埋d 9唔搭8又gap的東東等等...

每個人都有唔同諗法, 好難講邊樣好d
係收果方面, 最好緊係想人地估下自己鐘意咩野, 又收到o岩心水o既禮物啦, 如果俾人問想要d咩又好難答...
係送果方面, 有d人又覺得要搵到對方o岩心水o既野好麻煩, 送左唔o岩又灰, 又好難打聽到對方要咩, 直接問對方又冇驚喜...

不過, 點樣都好過求其送d好行貨o既野俾人o既~ (好似筆呢d行行地又好似好實用o既野咁, 食之無味, 棄之可惜也)
究竟我以前收到果d筆去晒邊呢?

完

展望

General 願望 -- 自己, 家人和身邊的朋友工作順利、身體健康、家庭和睦和開開心心

Specific 願望
自己 -- 轉到份好工, 一切順順利利, 身心健康; Blog -- 可以繼續有恆心有時間寫野, 希望可以寫多d故仔
家人 -- 都係工作順利、身體健康、家庭和睦和開開心心
肥 -- 轉到份好工, 開開心心, 養隻貓/狗 =^^=
馬 -- 順利畢業, 係果面搵到份好工 (我自私d希望佢讀完書返來 :D), 肢票升升升
民 -- 擴闊生活圈子, CFA Level II考試及格, 與G順順利利
源 -- 份工繼續做得好好地(或者搵到份更好o既工), 可以做返三五七年, 仲有家人健康, 伯母康復!
醫人 -- 份工過埋probation, 漸入佳境, 來緊o既考試s都順利過關, 與家人關係改善
翔 -- 係Disley拿夠經驗之後跳槽去搵到份好o既, 仲有搵到個好o既女仔一齊
麥 -- 搵到好多可以winner o既flow, 做咩都唔會bad end
貓 -- 工作順利, 愛情順利, 快d養隻貓俾我成日上去玩
MayChan -- 而家份工好似都幾好呀, 希望唔使咁多OT, 係時候...諗下第2d野 :)
Taylor -- 同卿卿長長久久, 開開心心
強 -- 繼續扭蛋王! XDD
Sam -- 男人會煩o既2樣野, 有一樣你都唔會有問題, 咁緊係祝你搵到條好女啦~~
Carmen -- 轉過份工啦, 青春常駐
吉蒂姐 -- 都係搵到份自己鐘意o既工 ^o^

仲有冇漏呢? @@

完

一月二日 -- 雜記

1. 30/12 星期五, 放工後返屋企 (開始放假了)
2. 31/12 星期六, short week唔使返工, 又陪親戚行街買野, 成日冇做過d咩野
3. 31/12 星期六晚, 即係1/1凌晨2點幾3點, ICQ見到民仲未訓, 傾電話, 笑笑說說想想, 不經意就日出了, 打埋俾馬, 傾到英國都元旦, 傾到HK time 8.30am, 訓, 喉嚨開始唔舒服
4. 1/1 星期日, 訓到下午3點半島, 剪頭髮, 出街(去唔到呀貓度), 食飯, 返屋企, 臨訓前個頭開始唔舒服+喉嚨痛
5. 2/1 星期一, 朝早起身唔多舒服, 中午民, Ian, 猩猩來, 煮左餐飯慶祝佢地生日(3個都係12月生日), 之後又係打winning, 4點幾5點winning王herman來埋, 打到7點島, 散, 食完晚飯後開始好唔舒服+喉嚨痛...病了(放完假了)
6. 3/1 星期二, 早上起身發覺好左d, 返工了

30/12-2/1期間睇左好多集Keroro軍曹

完

我的零五

當然要學某人咁, 回顧一下05年
由於好可能隨時諗到野update, 所以唔係今年最後一日出
不過唔逐個月份咁講了

一月頭開始, 轉post, 點知轉post唔轉組
工作環境, 性質完全冇改變, 改變o既只係睇o既區同埋老細, 合作o既同事
另外, 讀書方面亦考完試, 等畢業了, 完左一件意料之內o既大事
生日, 印象中真係冇咩特別, 果排實在諗唔起做過d咩特別o既野, 隨左有幾餐飯食之外

年頭好似都冇咩特別野了

春天, 正式畢左業唔使再返學o既我, 同民仔開始工聯會o既上course日子
呢一季一齊報左guitar班, 重操guitar, 當時信誓旦旦即使完course都非要練好不可
不過係完course後慢慢慢慢都係少練左 (題外話, 都係歡喜"鼓")
每星期有一日同老友上下堂, 食下飯, 吹下水, 係好開心o既事

年中, 媽突然重病, 全家都擔心死了
又因為一d少誤會, 屋企人之間又有d問題
煩煩煩煩煩煩煩死了
媽病左2個月, 又到爸病...
好彩到左最後, 2個都好返冇事了
不過2人係疲累左好多就真...
家人有病有煩惱, 令我諗多左好多野...

夏天繼續同民仔工聯, 話劇初階
除左有興趣接觸呢樣野之外, 唔多唔少, 都係想同民仔一齊接觸多d其他人, 識下朋友, 放開自己
又希望我容易同人吹水, 結交o既性格, 可以識到一班朋友, 又可以拉埋民仔入去
結果, 話劇班o既同學係估唔到地好多都好好傾, 好好玩, 識到一班朋友, 又有固定o既gatherings
而民仔係course的過程中, 我覺得係有改變到的, 係有放開到自己的
我自己? 亦有得著呢, 我都可以學到野, 更放開自己之外, 又識到幾個特別熟d o既朋友, 波友

同樣係夏天, 最好o既朋友過去英國讀書了, 離愁別緒又唔多覺, 過去讀一年姐 (不過唔知會做幾耐野之嘛)
係之後o既日子, 先至慢慢感到寂寞左

年尾, 居然冇報一期工聯, 原因係民仔轉工, 未firm新環境
一個咩事都冇發生咁滯o既年尾
慢慢同新識o既話劇班朋友s熟絡

十月, 呢個blog - Y's Place誕生
寫左好多野, 有有聊有無聊, 不過自己幾滿足
暫時都未熱情減退

屋企方面, 爸, 媽, 哥都係為一向煩惱o既野煩惱, 不過06年我有預感會有好的突破
而一堆朋友係全年不同時間為工作, 考試, 愛情, 家庭...etc煩惱
馬, 民, 源, 醫人, 好耐冇見o既翔哥仔, 貓, 麥, MayChan...etc
大家都有同時幾樣o既煩惱, 希望來年都好快迎刃而解啦

愛情, 一句講晒: 心照啦 XDDD =^^=

我都係時候有新攪作了...第一步係密謀轉工
來個cheap cheap slogan先

零六新希望
前路由我創

XDDDDDDDDDDDDDD
Gap仔

完 (隨時再update)

心願得償

今年有d咩大事(唔好計d雞毛蒜皮o既小事啦) 係真係心願得償o既呢?
好似成年都冇咩發生過d大事咁, 好平淡o既一年

真正o既心願得償, 可能就係咁樣, 可以一路屋企人, 朋友, 工作...etc各方面都平平穩穩, 冇病冇痛
咁就係最好了

完

鬱悶 + 近況

經常性o既夜半失眠, 加上胡思亂想, 再加埋身體都keep住唔係好好, 令我精神呢排處於非常低o既狀態
狀態低, 又唔舒服, 就更加令到自己鬱悶

平時日頭做野時, 同friends一齊時幸好我又可以忘記到不快o既情緒, 只係臨訓前(經常性訓唔著果段時間)先會咁~ 不過偏偏係臨訓先係咁令我更加覺得辛苦, 究竟我點先可以走出困局呢? >_<

呢排唔想打機, 又唔想成日去街之際, 好彩有keroro軍曹睇
臨訓睇一陣睇到眼訓, 希望可以快d入睡

近來冇咩新衝擊, 希望來緊o既工聯會活動可以識多d新朋友, 同埋都係時候plan定轉工了

如果大家仲有心機繼續睇, 睇到來呢度o既, 就再講下自己d野先
前排有一次, 臨訓前電話同過左外國果位朋友傾左一陣偈
雖然唔係話講左d咩有意義o既野, 又唔係傾左d咩心事, 都係講下廢話, 講下生活, 講下NBA咁
但係傾完之後, 自己係覺得冇咁煩, 開心好多的, 訓之前又唔會諗d咩唔開心o既, 實在係太好了
肉麻都要講句, 地位依然不變呢 :D
Gap

完

聖誕節

聖誕節冇咩特別咁過左了

24/12 hea過
25/12 陪親戚係朗豪坊shopping, 好悶好累的一日, 拿野拿到手同膊頭好痛, 對腳又行+企到痛
26/12 成日係屋企磨o既一日, 睇左d KERORO軍曹, 好好笑
27/12 仲未到, 應該係比較有意義o既一日, 同民仔, Sam同呀勁食飯

聖誕禮物收穫: 同同事交換禮物返來果份垃圾同埋公司抽返來o既杯一隻

講下"眼睛"

- 無靈感, 純粹突然想寫下怪談, 又唔想寫"鬼" (因為真係要好長篇幅先得)
- 篇幅短, 好多野都交代唔得清楚
- 為左怪而怪, 有好幾個地方都好唔合理
- 用字, 分段, 標點都太求其了, 不過係公司寫o既, 又冇時間慢慢斟酌, 係咁上下了
- 下次仲未諗到寫咩題材
- d人名係用速成是但打2個碼, 之後係個堆字入面揀出來的, 係冇諗過的 :D

十二月二十三日

1. 尋日公司X'mas Party (當然唔係公司出錢, 係d攪手屈老細們出錢), for我地果面office的staff only, 不過都有百幾二百人, 去小肥羊, 食任食點心, d野食都OK啦
2. 玩遊戲送禮物玩到點半先開始食野...d攪手都唔知攪乜的
3. cheap cheap地都抽到隻IKEA(宜家)的杯
4. 最後食到3點先返公司 :D, 冇得早放o既補償
5. 放工風風火火趕去沙田新城市買份禮物 (鳴謝呀威專登陪我一齊去), 再趕返屋企食飯, 不過都成家人等緊我 @_@
6. 觀塘塞車, 7點半返到屋企, 都唔算好晏了
7. 今晚同呀Sam, Mandy食飯, 唔知佢地會點呢?
8. 尋日開始, 終於都寫完個故仔了, 冇深思熟慮, 篇幅又短, 唔多得

完

短篇 -- 眼睛

眼睛

"每個人在背後, 都有一對眼睛看著你哦~"
小垙用詭異的語氣說

小垙, 小文, 青煬和鳳艷四人在這暑假一起去渡假營
在夜裡, 他們就關掉了燈圍坐著說恐怖故事
說得最好的可算是小垙, 輪到他說的時候, 總會說得使人頭皮發麻, 聲色俱全, 十分真實
膽小的鳳艷是最大的受害者, 她每每在故事未到高潮就已經怕得不敢再聽
小垙就在這半夜當頭, 卻說了一個不是鬼故的故事

"其實在每個人背後都有一對眼在看著他, 無論你在做什麼, 它都會知道, 永遠逃不掉的"
"不過, "它們"不一定會給你留意到, 也不一定會對你做什麼, 可能就只是這樣靜靜地看...著...你..."

"鳳艷...你...你看!! 你看你後面!! 在看著你呀~~!!" 小文突然大叫
"呀!!~~~~ >.
小垙繼續 "這可不是開玩笑的呀! 剛才那些鬼故都只不過是創作出來的, 但"眼睛"卻不是說笑的呀~"
"那眼睛並不是實體來的, 也不會直接對你做成什麼傷害, 只是看著你做一切事情, 看著你的對錯是非, 一直到死它才不知到哪裡去..."
"不過, 曾經有人做錯事, 被"它"看著, 最後也不得善終呢~"

"哈! 小垙, 你想嚇人就說鬼故啦, 想轉用這種方法是嚇不到我的! 光怪陸離, 不知所謂!" 膽大的小文完全不怕
"不信就算吧! 反正也波有什麼分別啦, 都逃不掉的!"
"小垙你怎麼突然神神化化起來..."

一夜過去...
大家都再沒將昨晚的故事放在心上, 快快樂樂地渡過了最後一天的宿營

小文回到家中, 發現家中無人, 只見桌上留了媽媽的字條 "文: 爸爸媽媽有點事要一起回鄉下, 打電話給你打不通, 你就乖乖的自己在家中幾天吧..."
小文十分高興 "哈~ 爸媽不在, 可自由了~"
他立刻打電話給女友 "鳳艷, 這幾天我家沒有人呀, 快點來吧~~"
"哼, 你常常嚇我, 我可不理你呢~"
"來吧來吧~機會難得呀~~ 最多我呵返你, 好嗎? ^__^"
"嗯...現在很夜了, 今天不好啦, 明天啦..."
"好啦...那你明天要來哦~ 呵呵~"

"女友明天來, 要準備很多東西呀...又要買這買那, 真麻煩...又沒錢...呀!"
小文靈光一閃, 想到反正父母不在...不如...偷偷去找找他們的財物...
一想到就去做, 他走到父母的房中, 開始在抽屜, 床下找他爸媽收著的錢

"啪!" 一聲異響, 嚇了小文一跳
"噓~~~ 嚇死我了, 原來是雜誌跌了下來呀~"
繼續找...
在他心中卻突然一點異樣, 響起了小垙的說話
"每個人在背後, 都有一對眼睛看著你哦~"
"我才不信呢!"

"格!" 又一聲響
"又來?! 這次又跌了什麼?" "哼! 少來! 我只不過拿爸媽的錢用, 有什麼問題?!"
"格!格!" "什麼事?!"
小文開始有點驚慌, 離開了房間
"格!"
"我停手了呀!! 你想怎樣?! 究竟發生什麼事? 又不見有什麼跌了下來呀!"
小文緊張的四處找, 又找不到屋內有什麼異樣
"我就不信你可以做到什麼, 看看看, 看什麼看!"
全屋靜止了...只聽到小文自己的喘息聲...

他冷靜了起來, 覺得自己很傻, 居然會給幾聲聲響嚇到
他想找出"格!"的聲音來源, 以安定自己, 可是卻遍尋不獲
猶豫之際, "格!" "格!" "格!" "格!" "格!" "格!" "格!" "格!"
聲音連續響起! 快而急速, 挑起了小文的恐懼
"在哪裡?!在哪裡?!在哪裡?!" "我要打電話給媽媽! 我要打電話求救!"

"鈴鈴鈴鈴鈴鈴鈴鈴鈴鈴~~~" 電話卻在此時響起
他很怕, 但也拿起了聽筒 "喂? 喂喂? 是誰? 是誰呀? 出聲呀!! 喂?!"
沒有人回答
"呀呀呀呀呀呀呀呀!!!"
小文打電話給媽媽 "你現在打的電話號碼, 暫時未能接通..."
"媽媽回鄉下, 打不通呀! 對! 打給鳳艷!"
"你現在打的電話號碼, 暫時未能接通..."
"為什麼!! 為什麼為什麼為什麼為什麼!!"

就在此時, 門鈴響起 "叮咚!"
小文看一看時鐘, 已經是半夜2時
"叮咚!""叮咚!""叮咚!"
"格!""格!""格!""格!""格!"

"救命呀!!! 不要呀!!!"
小文衝去窗口旁, 看著大門, 怕有什麼會走出來

"叮咚!""叮咚!""叮咚!"
"格!""格!""格!""格!""格!"
"拍!拍!拍!拍!拍!拍!" 拍門聲
"救命呀~~~~~~" 小文一不小心, 向街外一跌而下...

窗外街燈照著屋內媽媽的字條 "文: 爸爸媽媽有點事要一起回鄉下, 打電話給你打不通, 你就乖乖的自己在家中幾天吧, 還有, 要幫手餵舅舅暫託的給我們幾天的貓兒哦~"
大門外...
"可惡的小文! 叫人家來, 來到了卻不來開門, 睡死了嗎! 打電話給你又剛剛沒電...哼!"

每個人在背後, 都有一對眼睛看著你哦~

完

十二月二十二日 -- 雜記

1. 無咩好講, holiday mood, 冇心機做野, 但係月尾前要交份大report (CMBS), 不過應該做得設o既....
2. 聖誕都係唔知d時間點
3. 今日係呢排最凍o既一日, 唔多怕凍o既我都覺得凍呢~~
4. 冇咩講了

Reminder

1. 星期五同Sam, Mandy食飯
2. 31/12 BBQ with colleagues B group
3. 俾野呀貓同上佢屋企hea~ (遙遙無期)
4. 聖誕禮物籌備 <------completed 90%
5. 27/12 gathering with 民, Sam, King, Carmen; Law仔 and Ken not firmed
6. 24/12 - 26/12 未sure

完

醫生與我

最近自己的身體keep住不妥, 不過某d好友又剩係會留意另外的好友, 冇留意我 :D

個自己o既健康都唔好, 經常性睇醫生, 中西醫, 物理治療, 仲有其他各種類型o既醫生都睇過
又係藥罐一名, 不過又唔會唔鐘意食藥
因為成日食, 所以食藥食得好慣, 可以唔使用水就咁吞幾粒藥添

至於心病, 有o既都好難解決, 唔多關事了

完

十二月二十日

今日上whole day seminar, 不用返office做野, hea了一日

今日同同事夜晚打邊爐順便慶祝聖誕, 係MK打邊爐任食$60位, 好抵
不過就污糟d, 冇咁乾淨

交換禮物, 抽中左一份係人都唔想要佢份禮物o既人果份禮物 :D
我俾人果份都OK, 唔差呢~

完

賭 2

人生好多野都好似係賭一鋪, 尤其係一般o既小市民, 小人物
其實好多野, 都係係某d人o既控制之內
不過係度我無意討論政治經濟

作為普通人, 好多野都好似係賭一鋪咁
除左買股票, 六合彩; 有好多日常生活o既決定其實都有少少似
搭地鐵一定唔會塞車, 但係巴士舒服d, 博唔博下搭巴士呢?
ABC餐唔知邊樣好食, 叫焗飯會唔會穩陣過炒飯呢?
交波俾邊個好呢? 2個都唔係俾人mark得緊, 呀A會唔會準d呢?

只不過, 呢d野唔係純粹50%估, 可以有information支持, 幫你揀一個大機會OK的選擇

係戀愛上, 又似唔似賭博呢?
究竟對方愛唔愛自己呢?
佢知唔知自己係鐘意佢o既呢?
同佢一齊左, 會唔會開心呢?
告唔告白好呢?
......諸如似類
呢d野, 一樣都係會有d information去幫助諗下是或否
不過身在局中者好難分析到咁解姐

不過, 既然係愛對方o既, 又何必諗咁多對方愛唔愛你?
佢愛唔愛你, 你應該都係愛佢架啦? 唔會因為話佢唔鐘意你你就唔鐘意佢啦?
你去買大細, 未開之前都唔知大定細架啦, 咪一樣係要落注知後先知自己係輸定嬴
話唔定圍骰通吃呢?

完

賭

澳門行, 少不免賭場一遊
我地一行人都冇賭一手, 只係作壁上觀, 我自己見到d人賭則有一番感受

果日行過幾個賭場, 係"金沙"逗留得最耐; 幾大, 裝修幾靚, 又冇咩煙味
係d賭桌睇人地賭, 廿一點, 大細, 百家樂等等
好大部份都係內地客, 出手闊綽
即使係最低果層落注最少o既區域, 一出手就掉幾千蚊出去
有時一局一萬, 十幾廿秒就冇晒了~ =.=
我地一個月辛辛苦苦賺o既錢, d人可以十數秒就全不介意豪左去, 太可怕了
賭錢呢樣野真係好得人驚

有時諗, d內地人咁有錢, 如果口才有返咁上下, 巴結下佢地, 掂佢地
一萬幾千係佢地眼中又跟本就唔係d咩野
佢地俾d貼士或者零頭, 可能已經可以有排使了...
打工真辛苦 一_一"

完

行情﹒閒情

對我來講, 一向都冇咩閒情去睇d咩行情
金融, 股票, 政治...等等, 我全部都會睇同留意下新聞
但係真係無意討論同研究

反而一路有閒情去留意o既行情, 就係某幾位朋友(尤其係K君)係某d方面o既行情
K君呢隻股, 自從上市呢幾年來, 波幅上落好細
冇咩水食, 而且就係因為波幅細, 愈來愈令人灰心
不過, 我又未睇淡佢, 因為係同業入面, 又冇咩競爭

會唔會遲d因為有競爭或者有外圍因素影響
對呢隻股有突破性o既影響呢?

完

又到聖誕

今年聖誕唔知會點過
澳門同內地o既親戚都會來幾日, 又會去四圍行+購物, 要同佢地買圍磨, 唔知要陪邊幾日
屋企會多左人訓, 熱鬧左好多

反而friends果面就唔知點...
中學同學睇個勢冇野攪...(冇左d key人)
呀貓果面未有聲氣 (唔知佢地點, 好似話25號正日食飯? =.= 即係我join唔到)
話劇同學更加唔似會有野攪 (打邊爐應該攪唔成)
不過點都要好好地咁抖下, 同埋唔多想去街同人逼了

前幾日係街見到Gundam資料集4本, 詳細過一大本o既MS大全集(有彩圖又有d內部mechanics)
買左來當係自己聖誕禮物算了

澳門行

由於舅父一家住澳門, 所以好細個開始都已經成日去澳門, 都冇咩地方冇去過
(年中澳門果面o既表親同我地都會去對方屋企幾次)
反而就好多野未食過, 賭場又冇點去過 (剩係去過一次葡京)

今次去澳門, 食左好多野, 豬扒麵, 葡撻, 大菜榚, 燉奶, 燉蛋, 芒果豆腐花...etc
又去埋金沙, 水晶宮, 葡京, 法老王, 不過一手都冇賭過 :D

澳門美食+賭場之旅, 星期六開始, 星期日晚10點半返到屋企, 完了~

另外, 今次的其他收穫, 除左玩呀B之外, 就係見到表哥的女朋友同表妹的男朋友
表妹同佢男友拍左都唔係好耐拖, 但係2個月後結婚了~~~
(係奉父母之命, 唔係攪出左人命, 大家唔好亂諗野)

完

好味

十二月十六日 -- 數日雜記

1. 星期三果晚8個人但係氣氛幾熱烈, 好開心, 可惜我狀態低左d
2. 呢排幾好訓...不過朝朝都唔想起身 :D
3. 健康真係好重要...btw, 源...你媽無事o既 ~~~ >﹏< ~~~
4. 再度感興: 識到多一堆friends真係高興
5. 鼓V2 打左首新的long version, 第一次打就過左~ 首歌唔錯呢~ ^^v
6. 三國無雙間唔時都仲有玩下~ 咩話? 模型? 呀...哈哈哈... :D
7. 星期六日決定左係去Macau, 又可以見到個肥B了 :D
8. 唔知Macau凍唔凍
9. 今晚同呀源食米線 :D

完

Mood

Mood係一樣好主觀o既野, 但係好容易俾好多客觀因素影響

Mood都有好多種, 基本上, 好多野都要有mood先做
不過好多人就濫用左呢樣野, 咩都要mood
係mood之餘, 係咪應該仲有好多野要考慮呢?
可行性? 承諾? 需唔需要? 別人感受?

做人太依本子辦事唔好, 但係太過俾情感控制亦都唔好
又係老調重彈: 中庸之道

今晚好多人放飛機, 我都冇mood去了
當然, 我會去

完

十三號晚臨訓前的"靈感"

事先聲明, 由於個topic牽涉好多野, 而且我果時個思路又好複雜, 我儘量以我有限o既表達能力去講, 睇唔明就算啦, 仲有, 如果睇開唔該睇晒去, 唔好對我有任何誤會

尋晚臨訓前, 又突然諗到好多唔開心野, 冇得解決o既野來o既 (有d係好人生o既野)
我個人衰就衰在平時好難訓著, 而且訓係度等訓著o既時候就算係累同眼訓都好, 個腦都會逼我係咁轉係咁諗野
阻止唔到...

話說係度唔知做乜諗野,好煩o既時候, 冇信仰o既我突然諗
"如果真係有神, 如果我有信仰, 信神o既話, 咁我係咪唔會煩, 而且會平安喜樂呢?"
當時, 我可能係迷糊之間突然有一野係嘗試去"信"左, 或者係嘗試去"接受"左
唔係講笑, 果下突然之間係平靜左好多, 唔再煩果樣野...

原來人o既精神係好脆弱, 好容易有事就會要"精神寄託", 好容易就會賴"神"
一依賴左, 就會慣性依賴, 有事起來個心靈都有樣底線頂住
而且有d野, 一信左, 就會好自然將一切o既野牽涉晒去果樣野度
但係永遠講出來, 唔信o既人就點同佢地講都覺得冇說服力~

打個比喻, 有樣野又係大部分人都係咁的:
你覺得一個人OK, 佢做d咩野, 都會OK, 反之亦然
一個有好感o既人, 佢做左樣o岩o既野, 你會話"我都話佢好架啦~"
佢衰左, 或者係做d錯o既野, 都會話"佢咁o岩今次姐" "佢唔小心姐"
相反, 一個你不嬲都唔順超o既人, 佢做好野, 大家都可以話"車, 扮好心!" "都唔知有咩意圖"
做錯野就更加唔使講啦...
(講樣唔關主topic事o既野, "第一印象"真係好緊要...)

講返個比喻, 當你信o既時候, 好多野, 你都可以話係"安排"
好事發生, 可以覺得係"佢"俾你o既恩澤
唔好o既事, 可以係"挑戰", "考驗"
同時, 有好多野都可以係早有安排, 早有定數, 不要問, 只要信

我並唔覺得個宗教有任何問題, 而且係某程度來講係好添
而且的而且確好多人o既"心"係平安好多, 開心好多, 係好值得appreciate的
不過, 始終"信" "唔信" 呢樣野太過難令人妥協, 信則信, 信唔到都冇辦法
呢d野冇可能用實證來俾到人睇, 全憑個人一剎那體驗only...

如果我從此信左教, 從此返教會, 相信我尋晚果一剎那o既平安喜樂同"感覺"絕對可以拿來做分享
可惜

完

仲有, 有機會, 真係要講下"假道學" (又係以我o既組織能力好難講...)

十二月十四日

1. 返工o既時間一樣都係做做做, routine野, 好悶
2. 今晚又少2件, 除左呀寶之外, Albert同Susanna都來唔到, 另, coupon印了, 仲要buffer左, 2張 (彩色 :D)
3. 尋晚訓覺發生左件得意o既事
4. 原來我真係幾鐘意打d唔使點用腦打打打殺殺殺o既game =.=
5. 鼓機新一代Drummania V2出左, 貴d都打一鋪, choose左果幾首歌幾好玩! o岩我feel! 正呢~
6. 講返起, 已經有幾代鼓機o既OST買唔到了,好好好好好好好好想要!! >__<
7. 自從幾代前開始(即係返工之後 =.=), 打少左好多, 不過發覺自己仍然係鐘意打o既, 同埋少打但都有進步呢~
8. 下午...low mood...呀...放工之後又要磨時間...今日絕對絕對絕對絕對絕對唔會留係公司! (除非真係有野攪)
9. 世貿會議...俾我o既感覺同d貧窮農民o既意見一樣, 美國同歐盟o既人都係(*&^$*^#%(*^%$%$$%$###&!!!
10. 真真真係要寫下文章
11. 大家都真真真係唔會留comments..................

完

十二月十三日

1. 今日同friend食飯 (舊同事來的), 傾開好多好多野, 傾下公司野, 傾下朋友野, 傾下朋友d煩惱咁, 傾左好耐, 幾開心~ 不過有d死結(朋友o既死結)大家都發覺好難解開~
2. 幾開心, 因為幫carol姐 (即係個friend)解決左件煩事 (希望之後OK啦~ ^^)
3. 煲仔飯好好味, 木糠布甸好好味, 芒果pancake好好味~ :D~
4. 明天gathering, 愈來愈少人來了...
5. 估唔到尋日早訓, 今朝起身都仲有d頭痛
6. 之前print的coupon好似唔見左, 明天記得再print過

Previous Reminder:
1. 星期二同呀寶 & Carmen食lunch @ 東大門, 好彩記得 @_@ <----completed
2. 俾野呀貓同上佢屋企hea~ (遙遙無期) <----------繼續遙遙無期
3. 星期一/二同Crsytal姐食殘忍飯 (睇下搵唔搵到人一齊去) <---completed
4. 十二月之星on 13/12 at Kowloon Bay Ruby Tuesday (記住print coupon出來) <----tmr
5. 18/12 BBQ with Drama Classmates (攪唔攪得成??) <---攪唔成
6. 等呀源考完試(9/12)慶生 (9/12 or 10/12) <--------completed
7. 聖誕禮物籌備 (有d了) <------completed 90%
8. 過澳門 (遙遙無期x2) <----coming Saturday
9 . 星期四............ <----completed
10. 一堆模型要交收 (終於要賣d俾人了) <-----completed 90%
11. 突然收到電話, 來緊星期六無啦啦有個飲野聚會, 10.00pm-3.00am, 不過我唔知得唔得 <---end

New Reminder
1. 十二月之星on 13/12 at Kowloon Bay Ruby Tuesday (記住print coupon出來) <----tmr
2. 再搵呀源食飯 <----Friday
3. 下星期一同Cyrus食飯
4. 20/12 hot pot with colleagues A group
5. 31/12 BBQ with colleagues B group
6. 俾野呀貓同上佢屋企hea~ (遙遙無期)
7. 聖誕禮物籌備 <------completed 90%
8. 過澳門 <----coming Saturday
9. 一堆模型要交收 (終於要賣d俾人了) <-----completed 90% (欠一)

宿命

前排忙完幫人考牌, 忙完senior臨放假清野, 忙完上堂, 總之忙完一輪之後, 零五年完前呢幾個星期又可以閒返少少

又開始接觸返d friends的戀愛煩惱~
原來我接觸到o既煩惱都算幾多, (當然已經唔計網上見到人講果d)真係咩都有~
有長年苦戀無結果, 有一時意氣攪唔成, 有timing唔o岩惹誤會, 有痴惘心想想唔到, 有單方面委屈無怨無悔, 有拖拖拉拉, 有廿幾歲仔/女未拍過拖, 有拍拖多年分手, 有長年異地相戀, 有les, 有gay... (未能盡錄)
(大家唔好對號入座, 好可能唔係講你)

有d人有問題發生, 就成日都話"唉, 我係咁架啦..." "我呢世都係咁架啦..." "冇得救架..." "我預左係咁架啦..." etc etc...
有一樣野我好唔鐘意o既就係"宿命論", 平時拿來講下玩就好, (好似我o既"等車魔咒"咁), 但係一有咩唔得就賴"宿命", 真係係好唔要得o既做法, 完全係唔積極o既諗法
如果係跛o既, 唔跑得好正常; 如果係有智障o既, 諗唔到野都好正常;
行得走得食得訓得, 有咩係唔得架啦? 最多都係"冇咁叻"姐~
能力上o既野係其次, 好似話計數, 工藝, 運動呢d, 都有天資o既差距 (但係都有得努力)

"戀愛"呢樣野, 更加係冇得講; 冇錯, 條件差d, 係機會低d~
但係有冇試過努力? 有冇行到適當o既步伐? 有冇後悔過之前有/冇做到某d action?

而家d歌好興"慘情", 話劇呀Sir Jason問過我地 "知唔知點解人會對呢d野多d共鳴?"
唔係因為人係負面d, 唔係因為唔開心會傳染, 係因為"唔開心o既人多過開心o既人", "多"容易影響"少"
有時d野明明個情況唔係咁差, 點解要諗到咁差咁慘? 點解"被害意識"要咁重? 諗野做咩要咁唔開心?
另一話劇Miss"圈圈"亦都講過, 平時咁多唔開心野, 點解仲要聽唔開心o既歌? 好認同!

總之, 大家應該好好地諗下自己o既位置, 自己所擁有o既野, 企出自己個身處o既地方少少(呢個好抽象 :D), 就會睇到, 自己有幾幸福~
另, 戀愛並唔係人生o既唯一

希望我可以帶俾我身邊o既人"開心"

p.s. 下次有機會, 再講下我其中一樣最最最唔鐘意o既野---假道學

十二月十二日

1. 奶野了, 頭痛了
2. 掙扎緊返7座叫外賣/自己煮d野食, 定係過5座食, 都係過5座算
3. 今日係senior大假最後一日了~
4. 今日返到去, 都係唔多想望住個mon, 正好砌模型
5. Heat贏波~~ Shaq出得返了~~
6. 好想搵日食快富早餐~ 好味呢~~~~~~
7. So far呢度仍然冇攪作...

完

十二月十日 + 十二月十一日

1. 星期五呀源考完試, 難得約齊呀葵, 呀隆同婷婷5個人一齊慶呀源生, 去左唱K, 埋單婷婷請我地...
2. 星期六long week, 一放工就返TKO買"食送", 返屋企煮完食, 再"業"埋晚餐, 3點幾突然狀態暴跌, 一訓訓到7點幾...星期四開始已經狀態麻麻了
3. 煮返好耐冇整o既肉餅, 原來之前整來整去都硬硬地, 係有秘訣攪掂的, 就係: 蒸之前加少少凍滾水
4. 晚飯再戰雞! 又係有秘訣: 原來臨尾加水關鑊蓋煮一陣就會熟透, 再來炒菜+滾湯, 呢d咁易冇問題啦~
5. 聽返好~~耐冇聽o既"櫻通信Original Sound Track", 真係好好聽! d純音樂好正~~ 果時唔知係咩來, 是但買左呢隻碟, 估唔到係好野~~ (究竟"櫻通信"係咪咸野? @_@)
6. 食完晚飯, hea, 訓
7. 星期日, 抖+打機o既一日 (又冇砌模型... =.=)
8. 星期六+日, HARD MODE, 用貂嬋爆呂布傳 + 用祝融爆南蠻傳, 來緊想用甄宓或者月英
9. 明天係最後一日Senior放伯3大假, 最後一日free day了~ (仲要下午同事出site, 哈)
10. 又係時候................訓!

完

健康

健康真係好重要

一個人年紀仲後生, 好多野都可以捱到, 唔代表過左三十歲都仲得
而且而家捱壞左個底, 以後就好麻煩
唔好話三十歲啦...而家o既狀態同讀書果陣都差好遠了
以前夜訓, 四圍行行幾粒鐘, 連走幾場都仲好精神
而家? 冇呢回事了...
身體同精神都差左了, 身體易累唔在講, 精神都經常性唔係100%, 諗野都差左好多...

真係要小心d生活習慣, 起居飲食了...
好可惜, 有d野逼到我一定唔掂的 e.g. 訓唔到...etc

十二月八日

1. 順利過骨, 冇咩特別 (不過終於都要"手禁"錢了, 雖然唔一定用得著, 不過有備無患)
2. 呢排放工成日都要等人...等等等...好鬼慘, 最驚就係冇野做, 仲要一個人磨, 完全係:
天色已漸沉, 落日如暮燈, 深深深
天色繼續沉, 誰人在放工, 等等等 =.=
3. 活動陸續有來...放工經常性係咁唔得掂
4. 原來完全冇考慮過買聖誕禮物俾自己, 買野好唔好呢? 不過...買左都係擺姐... =.= =.=
5. 我要裝real player, 係屋企睇軍曹~~~!!
6. 今日晏左d...要訓了

完

shiritori

講下我係email或者網上點解經常性用"shiritori"呢個字
shiritori係日文來o既, 個字本身係日本一種遊戲來o既
個遊戲類似係中文o既"接龍" (曾經唔記得邊個老點我話係劃鬼腳)
即係好似咁: 肥貓, 貓仔, 仔女...etc 用返上一個詞語尾果個字來接落去
而日文就當然係以音來續啦~~
以下係英文解釋:Shiritori (しりとり) is a Japanese word game in which the players are required to say a word which begins with the final kana of the previous word. No distinction is made between hiragana, katakana and kanji. "Shiritori" literally means "taking the bottom" as Japanese language is written vertically.

個字o既解釋講完，其實同我點解用佢都唔係好關事
主要原因，係打鼓機入面有首歌名就係shiritori
本身好鐘意首歌，好聽，ｄ歌詞好正，次次聽到都會覺得開心，而且打落都好玩(有ｄ難．．．累)
亦都因為呢個原因，係網上就經常會用到呢個字了
好過用ｄ成日會見到又冇咩意思ｏ既字，好似Zaku, GM, Seraph...等等以前用過ｏ既字咁

講返起，都好耐冇打同聽過隻歌了~

完

自私

人都係自私的
無論有幾好人, 幾寬大為懷, 幾冇所謂都好, 人唔多唔少都係自私o既
呢樣野好正常

講到最難聽, 有d人o既論調係可以令人覺得對"人"灰到爆的, 例如話:
"其實人對人好, 人要施捨, 都係因為"自私"咋嘛, 佢地要滿足自己o既心, 所以做呢d野, 令自己覺得舒服"
"到你就來死o既時候, 你仲會唔會理到人地o既感受? 你就來浸死, 會唔會救埋旁邊d人?"
"你會唔會俾你女朋友俾人分享呀?"
諸如此類o既說話...

我係呢度唔想批判呢d人o岩唔o岩, 或者批評呢d說話有冇道理;
每個人都有自己o既經歷, 自己o既體驗, 而會有自己o既道理, 冇話咩係絕對錯的
有d人覺得, "人不為已, 天誅地滅", 所以一切o既野都以自己行先, 我都唔覺得有咩大問題
最緊要係貫徹始終咁行自己o既路

咁, 究竟幾自私先係最好呢? 點樣先做到最唔乞人憎又可以維持到自己o既利益呢?
呢樣野又係中國古人講o既一大課題: 中庸之道, 相信好難有人做到perfect的
我自己覺得, 人就算以自己行先, 但儘量唔好對其他人有壞影響, 咁就OK了

不過, 最抵死係, 如果做自私又對其他人有影響o既行為又俾其他人知道你的動機同原因, 就真係樣衰了

十二月六日

1. 班話劇同學開始冇點覆email, 唯有遂個打電話問同約...
2. lunch同呀寶同Carmen食飯, 哈哈, 食到好晏... :D
3. 夜晚同Crystal姐去觀塘食煲仔飯, 好耐冇食呢~~~ 好味呀~
4. 又賣左幾盒模型, 繼續唔使"手禁"錢...
5. 星期四...
6. 聽到個消息...星期六應該唔會去孖星果度了
7. 早知剪短d頭髮
8. 明天又上堂, 差唔多last了~~
9. 返工繼續無聊, 明天可能要係度寫下小說了
10. 訓

完

十二月五日

1. 雖然眼訓, 不過都update下
2. 個blog真係要搵d攪作, 攪咩好呢?
3. 開始賣咁d仔了...來緊仲有...砌唔晒都冇辦法, 又唔夠位擺...
4. 好一段時間冇"手禁"錢了, 個銀包又keep到有錢使噃, 點解? 並唔係因為我用EPS或碌咭(熟我o既都知我好少用) 原因係呢2個星期以來, 一路都有人還錢俾我, 一係就賣左d模型等等, 一路都唔使去櫃員機, 都有錢入袋~ 哈~
5. 呢個星期延續放工多野攪, 不過原來諗諗下都係因為要上堂, 先至好似令到d唔返屋企o既時間多左, 上堂係呢個星期last了~
6. 下個星期開始應該會空閒d砌下模型啦掛?
7. 星期六晚唔知會點, 究竟孖星想攪咩呢?
8. 星期四究竟又點o既呢?? =.=
9. 明天繼續唔想返工, 而家每一日返工時間都係以"放工有野攪"來支持住來捱到放工
10. 要訓了

完

桃園三只豬3

欲知前文，請看http://kmw2005.blogspot.com/

另一方面，大豬，二豬和三豬都為了自己的未來而努力搭建自己的安樂窩～
但因為他們都沒有經驗，所以不知道應該如何搭建～

大豬選擇在農莊打工，進行建設工事，二豬選擇到外地闖闖，而三豬則從事研究工作
三只豬都努力邁向自己的目標，但他們都各自遇到困難

三豬最大的問題就是傳宗接代，他的家對他各方面寄予厚望，但他雖然在工作上順利
但卻得不到心頭所好 (無敵是最寂寞～最是痛苦......願得知心愛伴～忘劍道～～)
他的心頭好--小G是一頭很吸引的母豬，她雖然和三豬十分熟稔，但卻遲遲未能與她傳宗接代～
使三豬很著急～～

恰巧地，甲獸也認識小G，也唾涎她的美色，正計劃著如何把一眾美女弄到手...

欲知後事如何，請看http://ohmygap.blogspot.com

家長日

相信大家讀書時年年都有家長日, 唔知大家o既心態係點呢?
由於我成績一向普普通通, 係學校又唔會好曳, 所以次次家長日都好廢
老師都係例牌果幾句, 冇咩特別comment~
所以都唔點會有緊張o既感覺, 係派成績表果下會緊張d

由細到大都好少見家長(除左家長日之外), 因為都好少犯事
雖然都有試過, 不過真係唔多, 而且都冇咩大鑊野

突然要見家長, 係一件令人十分洧底o既事

完

十二月四日

1. 呀源明天考試努力! 同埋你媽無野o既!
2. 今日打波, 唔知係咪呢排少打, 好快冇氣, 不過打得OK啦
3. 打完波如常同民民去食飯, 之後磨一輪再齊齊搭MTR返企
4. 打完波時一個電話打來...=.=
5. 同民仔磨完出TKO MTR, 見到外面有組織攪"05西貢才藝出頭teen"<--something like that, 令我注足左成個鐘, 因為有Live Band表演
6. 睇Live Band實在係好正, 雖然係d十幾廿歲o既年輕人, 但係佢地玩得好好, 好有水準, 有好多人圍觀呢~ 睇到完場, 返屋企時, 有所感慨, 原來自己都唔係年輕人teenager了 =.=
7. 睇Live Band, 我最留意o既當然係鼓啦~ 好正! 不過, 平時睇其他人d表演或作品, 無論係結他, 琴, 或者唔係樂器係手工藝, 運動, 模型...等等, 都會覺得自己無可能/好難去到果d境界, 反而今日睇Band, 覺得自己如果去學去練, 我係有能力打到鼓的, 雖然仲差好遠, 但係發覺自己好多野都跟到, 睇得明~
8. 天氣開始凍了, 係我o既天下了, 哈哈哈 (Just Gap Talk)
9. 星期五請病假冇左件事, 唔記得打俾OO睇駱駝男...sorry OO <---冇出reminder唔記得左...
10. 返到屋企先發覺左手有d問題, 一用力即刻軟晒, 用唔到力

又來Reminder:
1. 星期二同呀寶 & Carmen食lunch @ 東大門, 好彩記得 @_@
2. 俾野呀貓同上佢屋企hea~ (遙遙無期)
3. 星期一/二同Crsytal姐食殘忍飯 (睇下搵唔搵到人一齊去)
4. 十二月之星on 13/12 at Kowloon Bay Ruby Tuesday (記住print coupon出來)
5. 18/12 BBQ with Drama Classmates (攪唔攪得成??)
6. 等呀源考完試(9/12)慶生 (9/12 or 10/12)
7. 聖誕禮物籌備 (有d了)
8. 過澳門 (遙遙無期x2)
9 . 星期四............
10. 一堆模型要交收 (終於要賣d俾人了)
11. 突然收到電話, 來緊星期六無啦啦有個飲野聚會, 10.00pm-3.00am, 不過我唔知得唔得

完

十二月三日

1. 今日又係hae的一日, 冇咩點打機, 成朝係度同民民開ICQ一齊睇NBA, Heat作客贏Kings, yeah~
2. 個blog好似愈來愈無聊了, 變左日記咁, 要搵d攪作先
3. 今日下午去左坑口同尚德行左2轉, 又買"食送"返屋企煮
4. 今日炒雞, 買左半隻冰鮮雞斬件返來炒, 加d白酒炒掂呀~ :D~ 不過好似再炒熟好d...
5. 今日完全冇掂模型, 反而又買左... @_@
6. 明天打波打波打波!! 打完波有咩攪呢?

完