四月六日 -- 清明

31/3(一) -- 早走去睇腰+手物理治療。係寶林完，meet CB食金鳳後返企。

1/4(二) -- 出site黃大仙收工，夜晚C煮。

2/4(三) -- 呀媽今日返HK，我返7座訓了。出site灣仔收工，返去食太興。

3/4(四) -- 早收去睇手，睇完係寶林等CB來，食台灣野。之後返企。

4/4(五) -- 清明節假期。一早同呀媽2個去樓下食個早餐再去柴灣拜山，雖然係清明正日，但可能因為早，雖然多人但來回上落山巴士都啱啱唔使等好順利，10點半已經攪掂晒返到屋企。中午去將中交費再去Popwalk 2食野，再同B行出海邊佢踩直排輪返去。佢地直上九座我撳錢增值返企擺低d野再過去。夜晚食潤餅(拿左2隻去將廣比呀哥朋友)。

5/4(六) -- 朝早C送B去學2參加綵排，我係企休息，睇左場波(勇士對金塊)同砌模型，之後抖一陣，同C一齊去坑口湊B。一齊返來食牛大人，之後返企hea。夜晚叫外賣。

6/4(日) -- 打波天晉8-10，隻手都仲有痛，不過今日發揮算唔錯，雖然唔係好多入波，不過由於腰腿狀態OK，所以走多少少位，傳波都唔錯(不過贏波主要係靠勁隊友嘅)。11點去到北角同C婆婆慶祝歲生日(新加玻呀姨一家都來左HK)。食完係北角行下，之後臨時約左呀馬一家，去左維園玩一陣之後上佢屋企玩，叫外賣食完先返企。

來緊:

12-17/4 -- 台北之旅

26/4(六) -- B畢業表演@元朗

17-22/4 -- 呀媽返鄉下我去9座訓

27-29/4 -- 呀媽外遊我去9座訓

完

三月三十日 -- 突然firm去trip

24/3(一) -- 早走去睇腰+手物理治療。係寶林完，meet CB係度食埋飯先返企。

25/3(二) -- 出site收工(行左下MK)返企，本來諗過睇跌打，點知返到來見到B打瀉盆水，清理完都過晒鐘無得睇了。夜晚C煮。

26/3(三) -- 收工返企夜晚C煮。

27/3(四) -- 早收去睇腰+手，之後買南記返去。呀媽外遊我呢晚開始去9座訓。

28/3(五) -- 收工去天后同中同食飯。間野食少貴，d野都算係咁。食完大家係東岸公園散步去北角先散。

1。突發買左機票，4月12-17去台北。呀B第一次搭飛機。

29/3(六) -- 1145寶林照彩超。C帶B去灣仔參加活動(10-12)。之後我出CWB meet佢地食金西南，再去QC Open Day(同呀馬鳴鳴, meet到Ian)，夜晚一齊食埋雞飯走。

2。好突然消息KCLee過身。

30/3(日) -- 打波天晉8-10，隻手都仲有痛。今日有成15人，人多加猜嘅隊友唔太夾，所以都無特別打得好唔好。打完同佢地食完野買外賣返去。下午係屋企陪B玩，夜晚我落去買外賣。

來緊:

6/4(日) -- 中午C家飯

12-17/4 -- 台北之旅

26/4(六) -- B畢業表演@元朗

27/3-2/4 -- 呀媽外遊我去9座訓

17/4-22/4 -- 呀媽返鄉下我去9座訓

完

三月二十三日 -- 終於打波

17/3(一) -- 朝早MA睇新醫生整腰。出site收工返去食丸龜，無睇跌打。

18/3(二) -- 收工返去食外賣。之後落去睇跌打。

19/3(三) -- 收工返去寶林book照彩超同物理治療(book唔到)買海天堂再返去食，夜晚C煮。

1。中午同Lolo撐枱腳食生日飯。

20/3(四) -- 早收去睇腰，之後返去meet CB(佢地睇左白雪公主)食韓樂。

21/3(五) -- 出site收工約左ConnieLoLo係Popcorn食LoLo生日飯。

2。間Lifetistic服務態度好唔得。

22/3(六) -- 終於唔使上堂。朝早C帶B去上Ukulele最後一堂。我係屋企hea同訓到中午佢地返來，一齊去食Super Sandwich。之後呀媽來join我地一齊去海事博物館Open Day。玩完返到TKO 5點島，夜晚返九座食。

23/3(日) -- 隔左4個禮拜終於Book到場打返波(天晉8-10)，隻手仲有痛所以都係就住打...不過都打得唔錯，中距離唔太準但都唔算炒得多，入攝同埋顏色地帶都有入d波，又羸到Derek隊2次(自己有貢獻的)，三分1投1中。Overall算係咁。打完同佢地食野返企沖涼，呀C做家務，我就帶B出去玩。TKO遊樂場巡禮 單車公園->常寧(遇到朋友仔)->寶康，同佢玩左差不多3個鐘。之後去寶林，呀C來meet我地，食左間重慶野後返企。

3。呢個禮拜中隻手開始感覺好少少少少。

4。睇左幾次腰，真係無咁冤，幾好。

5。同Jack互相做左次三分助攻 xD;  又同Jack做左次give & go我鏟入去入波; 同埋最重要係同Jack敵對時佢拿到波出圈我叫佢傳波佢傳左比我 xDDDD

來緊:

24/3(一) -- 睇腰+手物理治療

29/3(六) -- 1145寶林照彩超。

26/4(六) -- B畢業表演@元朗

27/3-2/4 -- 呀媽外遊我去9座訓

17/4-22/4 -- 呀媽返鄉下我去9座訓

完

三月十六日 -- 睇戲再睇戲

10/3(一) -- 3點MA返去睇醫生睇埋跌打。之後同CB食拉麵。本來想過去寶林meet佢地，不過我睇醫生等好耐佢地都返來了。

11/3(二) -- 收工返去睇跌打，夜晚C煮。

12/3(三) -- 收工返去睇跌打，夜晚C煮。

13/3(四) -- 4點MA去Pen介紹果個骨傷診所(整腰)，之後返去再睇跌打(手)。夜晚C煮。

1。骨傷診所 -- 呢個醫生OK喎，整一次會按會針會電會"啪"骨，整完有鬆到。重點係，Bupa有cover，只需要比30蚊就得。

14/3(五) -- 出site收工返企，再同CB落街食米線陣。返去再買左蛋糕食(White Day)。

15/3(六) -- 朝早我去灣仔上堂(10-12)最後一堂，原本打算下午係CWB食飯再去花展，之後醒起仲有3張飛下星期到期，所以臨時改左睇戲。我上完堂之後返TKO，佢地係康城買左飛，返來TKO meet埋一齊出海邊茶記食野，再行一陣海邊(有event)之後返企。好彩無去花展同埋返得早，一返企就落大雨。我4點自己落去睇跌打，差不多5點完，入康城meet返CB睇戲，睇完食埋飯返。

2。美國隊長4 -- 戲來講唔算差，不過Sam真係無乜主角Charisma。福伯做得好，Sam個fnd都做得好，個蘇聯女都幾有記憶點。打鬥來講，覺得Sam著左戰衣打拳頭交麻麻地，好似唔係好敏捷。但佢塊面瘦，雖然身體大隻但又唔似力量型...空戰同最尾打Red Hulk就OK。雖然套戲好明顯講佢繼承美隊嘅掙扎，壞人敵人都幾有綽頭，但就真係爭咁個主角光環...

16/3(日) -- 隔左3個禮拜終於Book到場打返波(天晉8-10)，點知clubhouse上星期個staff攪錯mark左夜晚8-10，好彩星期六夜晚發現call-off到d朋友唔來。成晚訓得唔好，一早起身去clubhouse攪完，Derek來同我去尚德射陣波再去雍明食野。之後呀媽有免費飛同CB一齊係Popcorn睇哪吒2。睇完係幸運燒味食完野一齊去花展。行完返將中食那個後返企。超級攰。

3。哪吒2 -- 其實唔差。畫面質素唔錯，不過又唔好吹到天下無敵。故事同劇情編排係OK的，人物塑造同戰鬥技能等等都OK，笑位唔少d橋都不錯。後段打鬥一如網上d人所講，我都覺得有d多。我明白雙方人物同能力都各有不同，佢想顯示晒唔同人物特質同戰鬥，又要合作，又要有唔同combination，不過咁樣一來就太"chum"，真係睇到有少少審美疲勞(好彩未開始覺得好悶)。而主角們嘅"爆發"+"發威"嘅次數多於一次，就會有幾次"好勁嘅爆發畫面"，當出現多次時就會無左震撼力(even一次比一次勁都係)。Overall來講，其實係唔錯幾好睇，可以融合中國傳統故事同現今動畫力，難怪內地咁賣得，不過去到外地同埋唔太賣帳嘅香港，就自然票房會爭d了。

來緊:

完

三月九日 -- 瘋狂北上

3/3(一) -- 出site收工返去同CB食太興。

1。老豆今日出院。

4/3(二) -- 3點MA返去睇醫生。夜晚C煮。

5/3(三) -- 出site收工返企夜晚C煮。

6/3(四) -- 出site收工返企夜晚C煮。

7/3(五) -- C約左同學帶埋B夜晚食飯。我收工約左中同(Ben Herman)去灣仔食飯，仲去埋咭舖。

2。免費拿晒5種welcome deck，有排玩，最開心應該係呀B。

8/3(六) -- 朝早我去灣仔上堂(10-12)，臨時約左Trista夜晚食飯。返TKO之後呀媽臨時叫我去銀行。整完野我去尚德meetCB食牛肉飯，之後返企hea。Trista同悉悉5點島來到，我7點島落去買外賣，佢地玩到8點半島走。

9/3(日) -- 今個禮拜book唔到場打波。尋日買定車飛(唔買定應該無)，同呀媽CB試下係將軍澳酒店直通去深圳灣。搭9點25分車，要兜寶林觀塘，去到深圳灣都1個鐘多d(B可能同我玩睇畫板所以暈車嘔)。搭2站去上次去嘅后海再轉車2站去海月，去寶能All City玩一日。個個商場其實都差不多。食野打機夾公仔再食野，搭6點半果班車返去(最後一班返TKO係7點但已full)。

3。一程車係屋企到關口真係舒服好多。

來緊:

到15/3之間嘅星期六都要灣仔上堂8-10

完

三月二日 -- 北上again

24/2(一) -- 出site收工去寶林meetCB食台灣野返。

25/2(二) -- 收工返企夜晚C煮，我去睇左跌打(手腕)先返來食。

1。B又發燒，雖然低。

26/2(三) -- 收工返企夜晚C煮。

27/2(四) -- 收工返企夜晚C煮。

28/2(五) -- 出site派offer(SSP-017終於派top-up)之後返去食巷仔。

1/3(六) -- 朝早我去灣仔上堂(10-12)，返企再出去Popwalk2食意粉，去圖書館同B睇陣書借書，再係上面遊樂場玩一陣(遇到佢同學仔玩到一齊走)。返企沖涼叫外賣。

2/3(日) -- 今個禮拜book唔到場打波。朝早起身一齊去SZ(皇崗過)，去笋崗食野同行文具玩具城。夜晚早食埋潮發先返HK。

2。今個星期開始終於無晒約人嘅活動。

來緊:

到15/3之間嘅星期六都要灣仔上堂8-10

完

二月二十三日 -- C生日

17/2(一) -- 收工返去買外賣，放低屋企之後同呀媽去醫院探老豆。探完返企先食野。

1。星期六老豆MRI report出左，佢好緊張要再見醫生，於是呀媽同佢去睇，所以當日要留院。

18/2(二) -- C生日快樂。出site收工去買禮物同花，之後返TKO食湊湊邊爐。

19/2(三) -- 收工返企夜晚C煮。

20/2(四) -- 請假一天。朝早一齊去坑口呀B家長日見老師，之後即係坑口試搭直通車上深圳灣。搭2站去后海hea一日。

2。可以係將軍澳區直表到口岸感覺係不錯，而且2個關口好近，又近地鐵。

21/2(五) -- 中午公司lunch食buffet。夜晚去九龍灣食飯Sam Esther同我地食飯慶生。

3。好耐無見，都仍然係可以傾到計無冷場啊。終於還左部PS2。

22/2(六) -- 朝早我去灣仔上堂(10-12)，C同B就join左活動朝早去西沙Go Park晏晝去TST Lego樂園。我上完堂去左88附近食雄記個牛雜，再行下188同鉅利買豉油，之後去CWB搭車返企。係企恰左下，4點幾出MK行左估和In'sPoint同果欄，夜晚Mandy娟同我地係MK食飯慶生。

4。可惜星期六下午freetime約唔到K。

23/2(日) -- 朝早打波天晉8-10，雖然手腕痛但今日打得幾好，走位單打同中距離都有。同上星期一樣，有少少footwork使到出來，又運用到之前諗左嘅顏色1地帶盲目擦板入波。打完同佢地係茶木食完早餐返去沖涼抖一陣，下午我帶B去康城遊樂場玩同埋睇"工作細胞"(本來B想睇美隊不過去到已經得返前排位置)。睇完返TKO買外賣返去食。

5。工作細胞 -- 真人版都好忠實咁拍到動漫嘅效果，日本動漫改篇來誚算好OK。

6。終於完左一輪"節目"，即係夜晚食飯/親子活動...etc，呢個禮拜都幾攰。不過雖然無後生d咁熱衷"節目"，同朋友聚仍然都好開心凡。

7。水果s好味道。

來緊:

到15/3之間嘅星期六都要灣仔上堂8-10

完

二月十六日 -- 情人節

10/2(一) -- 收工返去買外賣。

1。呀馬打波斷小腿，未知入面咩情況。

11/2(二) -- 下午病假。先同呀媽去黃大仙，3點到TKO醫院覆診。之後返企hea到6點幾再叫外賣落去拿。

12/2(三) -- 呀哥生日快樂! 收工同呀源去民仔呀媽度拜年，之後例牌去紅星食飯。多謝呀源。

13/2(四) -- 出site收工返企夜晚C煮。

14/2(五) -- 出site九龍城收工返去，調景嶺落車去圖書館meetCB。之後去幸運燒味食完返企。

15/2(六) -- 朝早我去灣仔上堂(10-12)，C帶B去學Ukulele。朝早臨時約左呀馬。我上完堂去CWB meetCB食金西南，再去呀馬屋企。5點幾島就走，行左去炮台山，再搭叮叮去北角，點知紅星full，去左食"大叻"之後後企。

16/2(日) -- 朝早打波天晉8-10，今日其實覺得自己打得唔錯，不過嬴波又真係唔算太關我事，雖然場場都有入d波，但隊友勁，羸都正常。打完去食野(Jack難得來)後返企沖涼，之後訓左2轉(勁眼訓同攰)，6點島去將中"那個"食飯後返企。

來緊:

18/2(二) -- C生日

20/2(四) -- 請假一天，可能去SZ

21/2(五) -- Sam Esther同我地食飯慶生

22/2(六) -- Mandy娟同我地食飯慶生

到15/3之間嘅星期六都要灣仔上堂8-10

完

二月九日 -- 開工大吉

5/2(三) -- 出site係九龍城收工，去寶林meet CB之後食台灣野。

6/2(四) -- 出site係收工去大窩口交收，之後返TKO食粢飯。

7/2(五) -- Pen BDay; 收工同CB係旺角燒烤堂食野，ConnieLoloPenny同我慶生(多謝!)。食完去聰嫂(好耐無食!)食埋甜品先散。

1。5點半島帶左呀B上office巡場，逗左唔少利是。

2。食完飯排緊聰嫂時衝左去信和買左2本書。

8/2(六) -- 朝早我去灣仔上堂(10-12)，C帶B去學Ukulele。我上完堂返去meetCB去Monterey果邊食野，行埋Donki返企。大約4點同CB同呀媽係樓下玩下屋苑嘅攤位遊戲，夜晚上九座食飯。

3。來緊仲有連續5個星期要上堂。覺得幾有用，雖然係針對兒童，不過同好多以前d CS野心理野都不謀而合。

9/2(日) -- 朝早打波天晉8-10，是日嬴波唔多關我事輸波就有d關事，打得一般。最後一場最後一球決勝分比我爆到入籃底對住個細粒d嘅竟然炒粉(雖然係左邊姐)之後輸埋...打完換個衫meet埋CB去北角同C家族團拜食開年飯。食完返企放低野之後去彩虹上坪石遊樂場玩(可惜個油壓升降台壞左無得玩)，之後返TKO食太興tea後返企。

3。後記: 今日出到一下幾好嘅up and under : 先左轉身再右轉身fake起對手再轉返另一邊空晒(同埋入到波)。

來緊:

11/2(二) -- TKO醫院覆診

12/2(三) -- 收工同呀源去民仔呀媽度拜年

21/2(五) -- Sam Esther同我地食飯慶生

22/2(六) -- Mandy娟同我地食飯慶生

到15/3之間嘅星期六都要灣仔上堂8-10

完

二月四日 -- 農曆新年

27/1(一) -- 早收去TKO醫院抽血，順便接埋老豆同呀媽一齊返九座。

1。B半夜(26晚)開始發燒...

2。太攰，(27晚)我未9點就訓左。

28/1(二) -- 除夕早收返九座團年飯。

3。B燒總算好返，係肚仔未好晒。

29/1(三) -- 大年初一。中午過去九座拜個年，之後同呀媽呀C一齊去SKW同老姨拜年，再坐巴士到北角同表姐拜年。夜晚返九座一齊食飯。

30/1(四) -- 生日。一早同老豆去坑口診所睇醫生，同佢返九座安頓好已經11點零。中午食d蘿蔔糕，之後同B出去茶果嶺公園玩，再去海濱公園玩一陣。夜晚去左裕民坊新嘅商場是旦食台灣野後返企。

31/1(五) -- 朝早維園中同初三赤口賀歲波(馬、Herman、Pierre、屎蟲、Norman、Ben、我)，同外人打第一場輸，第二場靠呀馬一個人屌打對方嬴波。之後估唔到自己友打下玩下11點幾先走，好攰; 沖完涼一家出門去到荃灣meet娟，一齊食完野上八婆家。之後源同進一家都到一齊聚(源走先，進晏來)。食埋飯散。

4。好耐無見八婆一家同進一家，好開心! 大魔二魔都好大個了!

1/2(六) -- 中午C大細佬揸車來TKO兜我地入西貢，夜晚佢全家一齊BBQ+Bino開年飯。9點幾車返我地返去。

5。係佢屋企睇左海關戰線同不日成婚1。

2/2(日) -- 中午去CCC同中同一齊携眷聚。食完野C馬同PC睇住小朋友，我同HermanNormanBen同Ben大女一齊去灣仔卡舖抽卡，好開心。個零鐘返來，Herman一家返企，我地一齊行去天后，Norman走先，其餘上馬屋企。夜晚食埋飯(外賣)走。

6。Luka <--> AD 呢單trade真係好surprise。

3/2(一) -- Block leave放假。本來諗過即日來回北上，不過我攰所以唔去了。中午食BBQ剩嘅野加烏冬，之後叫埋呀媽一齊去Megabox行下，夜晚上九座食飯清埋新年剩嘅野。

7。大S竟然病死，shocked。

4/2(二) -- Block leave放假。朝早C帶B去上堂，上完佢地返來再一齊去牛大人Bino，竟然唔限時任食。食完返企拿單車，同B踩去康城，B係公園玩一陣，再踩返去。夜晚買左外賣壽司同飯團食。

來緊:

7/2(五) -- 小本型飯聚慶生

9/2(日) -- C家大開年

11/2(二) -- TKO醫院覆診

21/2(五) -- Sam Esther同我地食飯慶生

完

一月二十六日 -- 陳慧嫻Concert!

20/1(一) -- 出site收工拿d水仙上呀媽度，再踩車過慧安園meetCB，食南記後返企。

21/1(二) -- 收工返去夜晚C煮。

1。好耐無行過特賣城玩具街同玩具舖。

22/1(三) -- 出site收工返去夜晚C煮。

23/1(四) -- 出site收工返去夜晚C煮。

24/1(五) -- 下午請假同呀媽CB去AIA。唔使錢有野飲有小食仲玩左60個幣，我一個遊戲都中唔到獎品，佢地3個都有~ 玩完都6點幾係附近食飯，之後媽帶B返九座，我同C睇陳慧嫻concert。11點3先散場返企都12點幾，2點幾訓勁攰。

25/1(六) -- 朝早同呀媽去左2間銀行做手續，中午同CB係尚德食野之後去灣仔B上堂，等佢果時行左陣。3點半接佢一齊搭叮去北角行左就執嘅奇趣，之後去九座。夜晚同呀爸呀媽一齊食飯同埋同老豆慶祝生日。

26/1(日) -- 天晉打波8-10，今日人幾多又有新波友。自己算打得唔錯，有嬴有輸感覺OK。打完波Norman來埋join早餐，食完返企沖涼。中午Rita一家來一齊食飯同玩。佢地4點幾走之後係企hea一陣，幫B嘅同學嘅家姐5點半拿clubohouse房，同B係playhouse玩一陣去將中食飯。

來緊:

27/1(一) -- TKO醫院抽血

28/1(二) -- 除夕早收返九座團年飯

29/1(三) -- 大年初一

30/1(四) -- BDay

31/1(五) -- 初三赤口賀歲波; 晚上八婆聚

1/2(六) -- 入西貢C家開年

2/2(日) -- 中同?

9/2(日) -- C家大開年

11/2(二) -- TKO醫院覆診

完

陳慧嫻"The Fabulous 40 Priscilla" 40周年紅館演唱會2025

寫於睇Concert前(直

陳慧嫻開40周年concert。終於都睇佢嘅live。

好多兒時、童年、青少年時鍾意嘅歌手concert都有幸睇到，PC反而未。今次終於買咗飛睇。

我知，年紀大咗，音色差咗，身體無咁fit，狀態都差咗，全部都預咗嘅。但又如何呢？細個因為阿哥嘅關係，好鍾意聽佢d歌，佢亦都有好多好多好聽嘅歌，把聲好聽又有極強辨識度，唱到唔同風格嘅歌又有自己嘅style，絕對稱得上一時嘅天后。

對於無咁熟佢嘅人來講，起碼都識佢三五首經典，我都無謂多講果d咩千千闕歌/傻女/夜機/紅茶館/飄雪...etc了。有d例如love me once again/歸來吧/跳舞街/凌晨舊戲/我寂寞/七分愛情三分騙/Joe Le Taxi/情意結/癡情意外/人生何處不相逢/與淚抱擁/月亮/秋色/逝去的諾言/真情流露/孤單背影/玻璃窗的愛/戀戀風塵/我心不死...etc是旦數都已經夠全晚嘅歌單。唯一希望，呢d紀念concert，d歌嘅編曲唔好太大改動，有返以前味道已經夠了。

音樂好奇妙，除咗可以抒發自己嘅感興，仲可以連結記憶。點解好多人上咗年紀就越來越少聽新歌，因為舊歌連結咗佢哋最青春最美好嘅時光。聽到呢首嘅時候，會諗起某d開心嘅時候，聽到果首，會記得傷心嘅果晚。有d歌名或者旋律，會另人諗起某d片段，某d記憶，或者係某場大雨。

去聽concert，尤其係呢d舊歌手，唔止係為咗聽佢唱live，有時只係一種集體回憶，籍著呢d歌同周圍嘅人，去懷緬返一d已經逝去嘅過去，某d停留咗嘅片段，佢嘅作用唔係話欣賞d咩藝術或者得到d咩，而係係腦中連結咗d乜嘢。

事隔幾十年，當年流住鼻涕嘅小朋友們慢慢長大，可能一直聽住佢嘅歌，一路各種唔同經歷。可能大家都得到好多嘢，達成咗好多嘢，而呢d concert入面嘅音符同歌詞，係大家進入場館果刻，幫你將腦海入面好多嘢進行歸檔。

勾住過去嘅自己，係音樂其中重要嘅作用之一。音樂無話高唔高級，可唔可以產生共鳴，先係聽眾們最在意嘅。

Share呢首“二人時間”，係以前一直無點留意，到後來有次偶然聽到覺得好好聽嘅遺珠。

Concert後感

因為呀哥鍾意，所以細個都聽開，熟佢d歌。佢都59啦，本來預咗佢狀態都差好多，點知比起預期中好，我覺得好唔錯喎(現場有無tune有無咪咀我唔知啦)。

好多大路歌都有唱就預咗，最開心係佢揀咗唱“玩味”同“我心不死”(尤其係玩味)。

何炳重新編曲，令d歌有返新嘅時代感得來，但又無失去舊歌嘅味道。

除咗快歌medley果part d歌轉得快未必跟得切，其他歌幾乎都係音樂響起我就已經唔使睇字幕識得唱晒全首。

呢d concert真係睇一次少一次。睇完真係感覺好滿足啊。

Day 3 Rundown (可能有甩漏) (無comment果d都係正，只不過唔特別講)

1。奇妙旅程

2。柯德莉夏萍穿過的鞋 (幾驚喜有呢首，自己幾鍾意嘅)

3。不羈戀人 (除左快歌medley某d歌，唯一一首背唔到歌詞 xD)

4。逝去的諾言 (愛歌之一)

5。人生何處不相逢

6。花店

7。紅茶館 (當然無左獨白)

8。玩味 (好開心! 愛歌之一)

9。真情流露 (呢首一向鍾意原版日版果首多d)

10。傻女 (必唱歌之一)

11。Jealousy (呢首嘅編曲更powerful幾正)

12。我寂寞 (呢度連續幾首都係我之前一直覺得好match嘅系列 怨婦歌)

13。我心不死 (會揀呢首好開心)

14。凌晨舊戲 (唯一一首改編覺得麻麻地嘅)

15。為何仍是你 (估唔到有(不過當然我都識xD)

16。明日有明天

17。情意結 (幾年前內地有人翻唱紅左，而家變左佢必唱歌)

18。快歌Medley(呢度有d歌會唱幾句就轉歌所以可能會甩)

反叛->大情人->披星戴月->披星獨行->憂鬱你好->夜半驚魂->地球大追蹤->Joe Le taxi->變變變->貪貪貪->跳舞街 (嘉賓 李克勤 出場) (雖然佢唔擅長跳唱快歌，不過整左個十零分鐘嘅快歌Medley，唔使齋企唱，都幾有心又精神嘅)

19。去吧 by 李克勤 (好彩佢同軒公都唱返PC嘅歌，AGA可能唔夠班所以唔敢唱 xD) (以

20。陪伴 (新歌，都唔錯)

21。玻璃窗的愛 (大合唱位開始)

22。夜機 (又係必唱經典)

Encore

23。千千闕歌 (又係必唱經典佢自己都唱到悶 xD)

24。飄雪

25。幾時再見

完

一月十九日 -- 終於返歸

13/1(一) -- 收工同白田舊同事聚，試左MK燒烤堂，都幾好食。

1。今日交收咗2場，又清一堆，咁又差不多一千蚊。其實錢都唔係最大問題，位置都有d問題但唔係最大，主要係真係砌唔晒，無謂浪費了。

14/1(二) -- 收工返去買外賣。

15/1(三) -- 出site收工返去夜晚C煮。

16/1(四) -- 出site收工返去行去坑口meet CB食燒肉。

17/1(五) -- 出site收工返去meetCB去Popwalk2食幸運燒味。

18/1(六) -- C朝早帶B上堂，C 11點半聽talk，我11點3去湊B返去換衫，跟住帶B去寶康公園遊樂場玩到1點半，C聽完talk之後大家去寶林meet一齊食泰國野。行個圈返企再同B落去踩直排輪，到6點幾去食新開果間拉麵。

19/1(日) -- 呀媽今日終於返香港。天晉打波8-10，之前果晚訓得極差，不過打波果時就唔太覺攰嘅(但全日都好眼訓同攰)。今日都算打得唔錯，近幾次打波都好少起手三分(都無入)，不過防守算係咁，turnover唔算多，中距離射唔少都算準，有d籃底咁，嬴波唔係唔關我事係有貢獻嘅(仲贏到Derek隊添)~ 打完去調景嶺meetCB食泰早餐，之後返企沖涼hea一陣，CB去睇戲Lion King，我係企抖一陣同晾衫，5點島帶B同學仔上天晉琴房，再幫呀媽推一堆野去九座。之後出返來meetCB係樓下食大家樂Bino。

2。終於可以返自己床訓! 都係自己床自在d呀~

來緊:

24/1(五) -- 下午請假同呀媽CB去AIA。夜晚同C睇陳慧嫻concert

27/1(一) -- TKO醫院抽血

11/2(二) -- TKO醫院覆診

完

一月十二日 -- 終於打波!

6/1(一) -- 出site收工返企夜晚C煮。

1。第一次去到駿洋邨(同埋附近)。

7/1(二) -- Jackie返HK，搵我同Pen食lunch，好感觸。出site收工返去同CB去荳子食飯。

2。B難得今日一直都算乖，要一記。

8/1(三) -- 出site寶林收工返企，夜晚落去買外賣。

3。今日好夜先過去。半夜老豆打來問。

9/1(四) -- 出site收工返企夜晚C煮。

4。是日極眼訓。

10/1(五) -- 出site收工返企再同CB去寶林食金鳳，之後行一下返企。

5。今朝唔知醒，差不多8點先起，點知轉搭鐵返公司竟然無遲到。

11/1(六) -- 是日朝早嘈交，中午佢地食野我無食。之後入西貢C細佬度，hea到5點幾6點出返來，四圍已無位，最後去左譽居同埋佢爸媽細佬食飯。

6。過左一陣餓嘅時間就會唔覺得餓。

12/1(日) -- 天晉打波8-10，原來2個禮拜無打波。是日打得麻麻地，同埋只係嬴左一場(好彩都有贏)。打完例牌食雍明，食完返企沖涼夠一陣B(好攰想訓)，3點幾先落去食個大家樂tea，同B踩直排輪，佢又有進步。之後去寶盈大快活食飯後返企。

6。終於的起心肝出post，又賣左差不多成千蚊模型。

來緊:

13/1(一) -- 白田聚

24/1(五) -- 陳慧嫻concert

完

一月五日 -- 新年

1/1(三) -- 新年快樂。中午同CB呀媽一齊去Megabox食Ikea，食完呀媽走先，我地行完Megabox同Aeon之後返去。叫埋呀媽出來一齊食太興後返企。

1。呀B人生第一次跨年倒數。

2。例牌睇叱吒，例牌好多野攪唔掂。今年唱嘅水準"普遍"好過上年嘅其實，不過特別出眾嘅就少左。另外，d歌都係上年普遍好d。

3。呀媽今日返鄉下大約兩星期，我由今晚開始過九座訓。

2/1(四) -- Simon下午來拿返d野比我。出site收工返企擺低野同執野，夜晚出返APM同Ben食d野同睇誤判。

4。誤判 -- 事前好多網上評論話文戲唔差，打就狂打。自己睇完之後覺得都係自己預期之中，唔好太斟酌內容，順住個flow睇就OK，果啲乜堅持初心，謹守崗位，明燈照亮大眾，今時今日聽落仲十分諷刺，你咩立場就會take到乜嘢。劇情其實都係大路無乜驚喜，因為由細到大都睇得太多警匪片，套路唔會爭太多。呢套就想加d元素所以又有一堆法庭戲，好唔好就見仁見智，睇埋個製作特輯就覺得，佢好多諗法，有少少貪心，想講或者做嘅野多，對於某d人物或者場口塑造就反而好似唔夠。成套野嘅角色其實都算幾面譜同平面，尤其黑幫果兩件。打果幾場就精彩嘅，幾場決鬥前啲氣氛都營造得幾好，始終佢都係動作出身，而且又去過Hollywood，真心經驗值高嘅。Overall來講，純粹以睇戲角度就OK啦，不過難得有港式大製作(雖然係內地資金)，所以都值得入場睇嘅(我就因為睇戲quota少，如果要比錢入場未必排到睇呢套，但睇左都唔會後悔)。

3/1(五) -- 出site收工返屋企先，C同B睇超音鼠，睇完出來meet去敏華食野。

4/1(六) -- 上午C同B去上Ukulele，我係九座過七座等佢地上完一齊出去食野(堅信號唔使等)，下午一齊同B去灣仔上堂。點知原來大人唔使入，4點完一齊搭叮叮去天后，上呀馬屋企同鳴鳴慶生。8點走。

5/1(日) -- Book唔到場無波打。11點島出去食d野(小幸)跟住去維園行工展會，又曬又多人，抱左B行大半。行完買完野返屋企放低野，落單車公園草地玩攤位遊戲。遇到Grace一家。玩完係隔離單車場比B玩直排輪。6點島走，去尚德Sukiya食牛鍋。

5。上年差不多時候呀B學識踩單車，今年開始掌握直排輪了。而家呂使扶可以好慢咁向前，停低轉身。

來緊:

13/1(一) -- 白田聚

完