十二月二十七日 -- 寧靜聖誕

21/12(一) -- 終於返工！不過過有2單嘢出site...結果幾乎都係街...冬至3點早收工，返去沖個涼再去天晉食飯。

22/12(二) -- 收工買外賣返去食。之後落咗去睇跌打。

1. 終於睇到跌打！醫師一望就問我係咪拖咗好耐...好腫，最尾擰腰要2嘢先擰到...

2. 今日見到朋友陸續收到卡。總算安慰聖誕前搞得掂。雖然唔係寄咗好多張，不過都花咗幾晚少有嘅可用時間去搞啊~

23/12(三) -- 早上C去買嘢，下午我睇跌打，之後買餸，夜晚我煮。

3. NBA開鑼！

24/12(四) -- 平安夜; 本來wfh，不過自己返咗公司。3點早收去官塘拿嘢，同Penny食d嘢，仲meet埋ConnieLoLo再返企。夜晚買外賣。

4. 上咗ConnieLoLo staycation酒店度一下。多謝佢哋幫買雜誌。

5. 難得係官塘梗係去駿運士多買燒賣返去。

6. 平安夜好平靜咁係屋企咁過。

25/12(五) -- 聖誕節。係屋企訓咗大半日，夜晚去天晉食飯。

26/12(六) -- 係屋企hea同訓左大半日，夜晚去天晉食飯。

27/12(日) -- 係屋企hea大半日，下午5點島呀媽上左來，之後同佢一齊落去買野，我再買外賣返企。

7. 今年收到一張聖誕卡，無禮物，無party。疫情影響左我地成年，仲影響埋節日。希望下年快d好轉...

8. One Piece 1000話了! 不過近期感覺真係好拖...雖然知道作者想講好多野想鋪好多野，但個節奏真係唔多得..

完

十二月二十日 -- WFH14Days

14/12(一) --  WFH(其實係AL); 係企hea左大半日，下午C訓完起身我落街2轉買野(第一轉同呀媽)。夜晚我煮。

1. 本來今日同B去打歲半針，仲請埋明後天預佢可能發燒，點知早2日健康院打來話有員工嘅家人中招，所以打針要延期...假已請又要清，所以都無cancel了...來緊年尾打...希望新年佢無打針作用啦...

15/12(二) -- WFH(a.m. AL); 全日在家; 夜晚C煮。

16/12(三) -- WFH(AL); 係企hea大半日，下午出去買野，夜晚打邊爐。

2. 李偲嫣無啦啦死左，有d突然同surprise。

17/12(四) -- WFH; 下午同阿媽去咗附近行下，係Donki買咗一堆嘢食返去做晚餐。

18/12(五) --  Karmen來左將軍澳比d野我，多謝~~ 下午去娘家食飯，提早做冬。

19/12(六) -- 下午去天晉，提早做冬。

3. 係天晉爺爺嫲嫲同B玩，我同C可以做下自己嘢 XD

4. 是晚上埋色又砌好一隻BB。

20/12(日) -- 中午出去拿呀馬比聖誕禮物比呀B，順便買埋lunch返去; 之後再出去同呀媽行一陣同買野，再上天晉拿魚湯; 夜晚我煮。

5. 今年因為無見到幾多朋友，更想寄聖誕卡比朋友。點知無啦啦 WFH 14日，基本上我無機會去做呢件事。最終抽到時間攪，點知一波三折其中一d卡係無信封...諗住寄左有果d算(本來都係寫左最想寄果幾張先)，最終今日出去專登買左信封返來夜晚寫埋，明天截郵前寄得切。好耐無拿筆，而且十幾廿張，又要等呀B訓先有得攪，累死了。

6. 真係完全無機會去買咩聖誕禮物了...

7. 唔覺唔覺NBA過多幾日又開季了~~

完

十二月十三日 -- 歲半

7/12(一) -- 14日WFH Day 1; 下午C出去買野，夜晚C煮。

8/12(二) -- WFH; 下午我出去買野，夜晚打邊爐。

9/12(三) -- WFH; 下午一齊出去買野，之後上天晉，夜晚食飯。

10/12(四) -- WFH; 全日在家; 夜晚C煮。

1. 而家好似恆常佢呀媽朝早訓覺我睇B。

11/12(五) -- 係企hea咗大半日，5點島落街，阿媽來一齊去咗坑口一轉，拿嘢同買飯。

2. 電鋸人終於完。跟住會有第二部 xD

3. 發現新漫畫 -- 葬送的芙莉蓮。不錯，又係我鍾意果種好溫暖有人情味嘅故事。

12/12(六) -- 係企hea半日，下午晏d(夜晚早d？)去天晉，食飯返。

4. 好想去信和買漫畫，ssp買玩具。

13/12(日) -- 呀B歲半; 係企hea左一日; 夜晚我同C都有煮。

5. 原來一個人的旅行已經係十年前嘅事。

完

十二月六日 -- 七座有人碓診

30/11(一) -- 收工返去C煮。

1. 今日個麻煩客打來，HA已經比埋intake letter佢，佢無啦啦話唔要，又來想無理要求，真係好痴線! 心中不禁狂用粗口咒罵佢全家!

1/12(二) -- 請假一天; 早上同CB去瑪麗覆診，都等左一個鐘; 睇完返去都中午，係街食埋野再買餸返企，呀B又訓左，比佢挨係我身差不多成個鐘我無得郁...夜晚打邊爐。

2. 皮膚科醫生話做Laser無用...剩返二個手術一個大家都覺得唔好，另一個就要考慮下...我個人就想照做，屋企人各有意見...

2/12(三) -- 呀源生日快樂! 收工返坑口拿野，夜晚C煮。

3. 第四波疫情，限聚令又來料，公司又開始輪流WFH。

3/12(四) -- 早上係屋企開會; hea左半日，夜晚C煮。

4. 成個月無砌模型，今日終於開工砌左一隻。

5. 夜晚第一次我同呀B講故事，不過佢好快訓著左。

4/12(五) -- Lunch同喪強食飯。夜晚過坑口拿野同買埋外賣(我買樓下)。

6. 多謝呀強送我變型金剛! 請佢食餐晏都抵呀~~

5/12(六) -- 全日無咩特別又唔敢出街，下午早少少4點幾5點過天晉，夜晚食飯。

6/12(日) -- 全日在家無去街。夜晚C煮。

7. 今日終於揀左歌換手機入面mp3。

8. 夜晚突然確認我果座有人確診...即係要連續WFH 14日...我好想返公司清case呀...

完

十一月二十九日 -- 又爆疫

23/11(一) -- 收工返企c煮。

24/11(二) -- 放半日假。下午同CBEdfWahRita去tst食星座冰室，再去九公行下同1881影相後入TKO酒店食tea後散。夜晚買外賣。

1. 幾日就將鬼滅漫畫二刷完。真係唔算係神作，但亦絕唔係地底泥。個人覺得漫畫係above average嘅，畫功算係咁，分鏡唔算好，人物設計不錯，劇情其實幾簡單，不過夾夾埋埋睇得幾舒服，幾流暢。我覺得佢成功原因可能就係因為簡單，所以攸動畫果時唔需要再顧及其他野，將畫面整到好靚，d打鬥動作好睇，加上一流嘅配樂，已經齊備"動畫好睇嘅原因"。另外，之前睇漫畫果時係中段開始追，今次二刷由頭睇，只係二、三晚就睇完，証明劇情同對白真係好簡單可以睇得好快。第一次追果時覺得個尾好拖，而家再睇的確係有d拖，不過唔使追一次過睇個感覺都還好，算係好流暢咁完嘅。

25/11(三) -- 放假一天; 全日無做D乜，呀B又唔合作，下午出去街市同超市買野，5點去食燒肉。

2. 不停發夢，仲要發夢中夢，又有不停四圍走嘅夢，同埋死咗之後嘅夢。

26/11(四) -- 收工返企C煮。

3. 延續返早幾個月睇左一半，二刷完Fable(寓言殺手)，仍然覺得好睇。

27/11(五) -- 收工返去買外賣。

4. 一晚睇完Milk果本Gundam特刊。有介紹有專訪有畫作有成品，睇得出好有心機搜集資料同編排。好值得買一本。 

5. 呢幾日疫情開始嚴重...

28/11(六) -- 係屋企hea大半日。呀B又唔係好合作唔多肯訓，又到食晏先訓。結果佢呀媽訓佢食野我又訓咁樣攪攪下，下午好晏先落街買野，之後上天晉食飯。

29/11(日) -- 又係屋企hea大半日。我又係下午訓左一覺，呢排真係好攰。又係好晏先落街買野，上天晉拿d野，夜晚返企自己煮。

完

十一月二十二日 -- 第一次沙灘

16/11(一) -- 收工返企c煮。

17/11(二) -- 收工返去買外賣。之後整完嘢仲早，去睇咗跌打，條腰舒服好多。

18/11(三) -- 收工返去買外賣。

19/11(四) -- 放假一天。C早上去複診，中午返。下午去咗將軍澳間Donki，買咗嘢食。夜晚係企食。

1. Donki -- 閒日返工時間唔使排隊入去，d巷窄+都有一定人數，所以唔係好好行(即使無BB車)。

20/11(五) -- 收工返去買外賣。

21/11(六) -- 好攰，全日hea下hea下，阿B又食食下晏訓，搞到我又訓，結果搞搞下無去街。下午係附近行個圈買嘢後就上天晉，夜晚食飯。

22/11(日) -- 下午叫埋媽一齊行去銀綫灣。無帶BB車去，好彩阿B都肯自己行下，唔使全程抱。係果度hea一陣走，返坑口食個tea返將軍澳。夜晚我煮。

2. 呀B第一次去沙灘。行就無乜問題，叫佢掂下d沙好似有少少障礙。抱佢出去水嘅位佢驚驚。

3. 自己一直諗緊嘅劇情一直去緊嘅長篇故仔去到其中一個高潮位。一直都好認同之前睇過唔少作家話，只要設定好人物，好多劇情就會好自然咁走。而劇情自然地走，又會好順利咁更加突顯左人物性格，仲會補完好多之前無諗嘅設定。個感覺真係正。

完

十一月十五日 -- 無事是好事

9/11(一) -- 收工返企c煮。

10/11(二) -- 下午放假，同Cyrus行ssp玩具舖，大約4點散。之後落灣仔睇埋太原街上娘家夜晚食飯。

1. 天氣漸涼，褸魔終於出動外套。件新外套第一次著了。

11/11(三) -- 清假一天; 下午出去，先去坑口拿野再食d野，再去北角匯影個紫色花(無book只係外面影)同埋影貓貓展覽(遇到呀珊)。之後去呀媽公司坐左一陣，5點半島走。去調景嶺買野買埋外賣再返企。

2. 成季無著嘅牛仔褲都出動了，仲順便著埋新鞋。

12/11(四) -- 收工返企C煮。

3. 今日個麻煩客竟然send message來多謝我同埋話我做得好好。

13/11(五) -- 收工返去買外賣。

4. 今日打機打完第一次個分第一，高過長期高居榜首嘅呀強~~

5. 呀B連續2晚臨訓發癲狂喊做乜都唔得，好得人驚。

14/11(六) -- 呀馬突發約食lunch。中午2家一齊係將中食飯，再行少少商場散。之後買d野返企同執野後上天晉，夜晚係天晉食飯。

15/11(日) -- 下午入西貢呀C細佬屋企睇狗狗。夜晚返企我煮。

完

十一月八日 -- 五周年

 2/11(一) -- 收工返企c煮。

1. 今日2個突發消息 -- 羊生resign(入政府)，同埋Edf大肚。

3/11(二) -- 收工搭到寶林買外賣返去。

2. lunchtime公司活動整個浮游花筆有d流流哋。

4/11(三) -- 之前星期日FS補假一天。同cb去megabox食Ikea同行咗ToyRus同Aeon。Meet咗一下阿娟同還嘢比佢。夜晚返去c煮。

3. 呀B行玩具反斗城，見到動物/公仔會自己行埋去摸下玩下，見到車就自動飛左直行直過。我地從來無教過乜都比佢玩，睇來男仔同女仔都係天生有分別嘅。

5/11(四) -- 日安生日快樂；收工返企c煮。

4. 2年。

6/11(五) -- 收工返去買外賣。

7/11(六) -- 中午去阿媽公司食外賣，等阿媽收工後一齊去動植物公園同香港公園行下。夜晚上天晉食飯。

5. 香港歷來最熱立冬，30.2度。

8/11(日) -- 中午阿馬佢哋一家話去咗單車公園，我哋下午ad hoc join佢哋，係草地坐同玩，4點半散。之後帶阿B去天晉擺低，我同c去咗食Outback，叫係慶祝結婚5周年。食完買d嘢再買個蛋糕上去一齊食先返企。

6. 結婚5周年了，時間過得好快，尤其有B之後。

7. 第一次擺低阿B我哋自己去食飯。阿B好乖無叫無搵我哋。睇來可以繼續嘗試下。試多2次OK就可以去d任食嘅了。

完

十一月一日 -- 不停放假很疲累

27/10(二) -- Rita帶B+Edith下午來我家; Rita個B好少出街同見人，所以好生外又怕醜，唔太多互動。係屋企hea左一陣就出去單車公園野餐，食完野hea一陣就返企。我同Edith去買外賣同蛋糕，返去BB們食完野再食蛋糕，8點幾散。

28/10(三) -- 約左ConnieLoLoPenny出去，本來去野餐，不過落雨，轉左去K11 Musea食野同睇展品，之後再去香港藝術館睇展覽。最後夜晚食埋CheeseCake Factory之後走。慶祝Connie生日。

29/10(四) -- 晏返企夜晚C煮。

1. PMKGGYMT

2. 睇左套漫畫"小太郎一個人生活"。好啱我胃口，講人情味親情同埋與人相處。超級中我淚點，睇到心up但又有時好溫暖。仲係搭地鐵時睇到喊。

30/10(五) -- 收工返去買外賣。試咗parkside foodcourt，普通啦。

31/10(六) -- 突發入得西貢睇狗仔，阿B食完晏入去，睇到4點幾走。夜晚去天晉食飯。

3. 阿B第一次近距離見到同埋同狗狗互動，完全唔驚。仲好開心。

4. 2年無去西貢，5隻狗已經剩返2隻...

1/11(日) -- 一早起身去常寧公園同阿馬打波，之後去寶林買嘢食返去。中午好攰瞓咗，3點幾先出去，係附近買日用品買餸買飲品。夜晚C煮。

5. 好耐好耐無鬥波，雖然係同阿伯打，不過生疏+身體狀態好差，所以連阿伯都嫌我 xD。頭幾場一球波都射唔入(得籃底)。最後一場終於打返好d，d射波幾乎入晒。不過有得打波係開心嘅。

6. 最近沖涼時唱歌，驚覺差左好多。Joey Tang嘅假音上唔到，Mad About U上唔到，好多位上得唔舒服，用氣唔識用...etc，慘。 

完

十月二十七日 -- 七日連假(上)

19/10(一) -- 收工返去C煮。

20/10(二) -- 收工返企C煮。

1. 太眼訓，夜晚食完飯訓著左，到11點幾先起身執埋d野。

21/10(三) -- 收工返去買外賣。

22/10(四) -- 連放7日假第一天; 朝早10點出門一家去海洋公園; 本來約星期五不過怕打風所以改早一日; 去到都唔算好多人，入場等一陣同埋最後回程搭纜車等耐少少; 見到呀B都開心，主打睇動物，佢應該覺得好新奇嘅~~ 本來打算3,4點走，最終都差不多6點先走。好彩雖然係收工時間但係都逼到地鐵返去。將軍澳食完飯上左天晉再返企。本來約左之前影相佬拿相架，佢臨時話唔得。

2. 好攰好攰。
放連假 --> 搵日去洋海公園
星期五去洋海公園-->星期五可能打風-->改日子
其他日子-->星期六日公眾假期多人+其他日子有約
=改星期四
and，我之前星期五六日 -->不在考慮因素
完

23/10(五) -- 係企hea左大半日，中午攰到訓左; 下午4點先出去坑口拿野同行街，竟然遇到Connie。一齊行下一田後散，我地行多陣就返將軍澳，B訓著左我地6點島食埋野先返企。夜晚11點幾落樓拿相架。

24/10(六) -- hea咗大半日；阿B中午竟然訓咗2個鐘；4點島出門去坑口買d嘢再返將軍澳，再上天晉。夜晚係天晉食飯。

25/10(日) -- hea咗大半日，阿C做咗好多家務，我就睇住/抱住/捉住阿B。下午4點幾先出去，買d嘢就上天晉夜晚食飯。

26/10(一) -- 一朝早Penny突發約，10點幾佢帶個姪女來將軍澳(遇到Tommy神)，同B一齊去天晉clubhouse玩一陣，再去單車公園(Connie join)玩，到lunch一齊食埋嘢散。下午入康城搵Trista一家，係日出公園玩，跟住買外賣去佢哋家食，8點幾走。發現佢樓下搭van去坑口好方便。

完

十月十八日 -- 8號風球+FS

12/10(一) -- 收工返企c煮。

1。有新同事入我team; 妹妹仔一個，暫時睇都幾outgoing嘅，希望做野OK。

13/10(二) -- 原本打算夜晚返娘家食飯，結果全日8號風球泡湯。全日無落街，夜晚我煮。

2。公司單嘢(深喉樣本)其實我唔係好高興，不過解決咗，算了。

3。Beastars完結了。都幾突然，個尾好似完得有少少快，不過都算完整嘅。係一套值得推介嘅好漫畫。

14/10(三) -- 清假一日。一早起身去地鐵站比sample鵬鯉，之後上一上天晉，再買早餐返企。中午太攰訓咗一下，下午同cb出去食個tea，去調景嶺買嘢，比阿B係遊樂場玩咗一陣，再返將軍澳果邊買嘢後返企。夜晚我煮。

4。下午行完街臨返企係街企咗半個鐘，好攰...

5。原來煮得唔鞋叫無口感，笑咗。

15/10(四) -- 收工返去夜晚c煮。

16/10(五) -- FS；7點走得，夜晚同ConnieLoLo去咗晶輝食飯再返企。等個飯等咗好耐，之後搭巴士又塞車，最終落車係旺角搭地鐵返去。

6. 晶輝仍然好食呀~~~

17/10(六) -- FS；6半走得，返去買外賣。好眼訓。

7. 之前2日開始膝頭好痛，之前一晚臨訓係床自己按摩同捽左段時間，第二日好好多! 唔通真係久病成醫?

18/10(日) -- FS; 4點半走。唔記得食咩。

8. 因為太攰之前又忙，所以一直未post周記。本來見咁耐不如今次雙周，不過又好似已經好多，所以都係post埋。

完

十月十一日 -- 朋友仔

5/10(一) -- 公司whole day training悶到hi。夜晚返企c煮。

6/10(二) -- 收工返去我煮C準備左嘅野。

7/10(三) -- 收工去坑口拿嘢同買外賣返去。

8/10(四) -- 清假一天；中午同阿馬練咗2個半鐘波，超攰。返企沖個涼同cb出去食個tea，再搭鐵去康城睇下個新商場(無嘢睇)，之後行海邊返企。夜晚我煮。

1. 好耐無練波，真係無晒手感。不過練下有人提下，終於又記得返好多重點。不過都係要練多d先得。同埋，由於太攰加上下午繼續操勞，本來已經冤左好耐嘅腰開始痛。

9/10(五) -- 收工買外賣返企。之後趁有少少時間去左睇好耐無睇嘅跌打。睇完之後，之前腳一直有少少痺都無左, 不過個腰因為按丁d炎症發出來所以仲痛左(不過之後消左炎應該就會好d)。

10/10(六) -- 一早8點鐘出門去炮台山酒店睇C表妹被接新娘，11點島完之反大部份人散水，佢表妹爸媽、佢媽同我地就留係酒店hea; 下午我地3個去左城市花園同和富行左個圈; 6點零睇佢地簽紙(都幾多人)之後散水; 夜晚同C一家係水星街果間食飯，d野食仍然OK喎。

2. 是日超累，腰仍幾痛...

11/10(日) -- Parkside 8-10，今日真係輕鬆射下波，拿下感覺同埋adjust好射姿，所以條腰無再嚴重(亦好過尋日); 下午Trista勇帶埋佢地B女來我家，玩一陣熟絡左再落去單車公園玩; 到6點島盲買外賣上我家食同埋佢地玩多陣，8點半島散。

3. 呀B第一次同差不多年齡嘅小朋友互動同玩，一開始有D生保(不過呀B係自己屋企主場都幾主動)，之後熟少少可以一齊係同一個area玩下同有少少互動。到到夜晚已經見熟左，一齊玩得好開心，睇住佢地覺得好攪笑好開心，第一次見到呀B同人一齊玩。希望之後都多d機會可以繼續咁樣啦~~

4. 文晚好攰好眼訓，有一下整完野頭暈暈又好似有少少心跳咁, 有d辛苦。

完

十月四日 -- 連放五日假

 28/9(一) -- 收工返企夜晚C煮。

1. 估唔到熱火一路打上來入埋總決賽, JB係勁嘅, 領軍大佬精神領袖。

29/9(二) -- 收工返去買外賣。

30/9(三) -- 放假一天。早上同阿哥去荔枝角換Disney嘢，之後去SKM食貓貓車仔麵，再行咗圈ssp後返去。下午同CB去附近行下，上咗天晉一陣然後係街食個tea，夜晚買外賣返去。

2. 自問食嘢要求頗低，但今晚個飯真係難食...好撚難食。我連垃圾平價燒味飯都唔會話難食嘅...果個唔知乜牛免治牛甜蛋牛舌飯堅係...頂唔住。

3. 是晚黑雨。

1/10(四) -- 國慶放假一天+中秋; 朝早睇波; 中午出去同ConnieLoLoPenny同迷你仔食lunch, 之後去單車公園玩; 到3點幾暫時散, 我地去超市買d野返企, ConnieLoLo同Penny再上來我家吹水同打機(Penny買左聰嫂上來), 6點零散; 夜晚上天晉食飯。

2/10(五) -- 中秋節翌日假期；下午落街meet阿媽同阿哥，一齊行下海邊再兜返天晉，上去坐一陣。夜晚買外賣返去食。

3/10(六) -- 8-10 Parkside，好耐無打波！雖然限聚4人，射下波吹下水都好開心。之後阿澤陪我買早餐再一齊上我家，睇完場波後佢走。下午同cb去寶康公園玩，之後再去寶林行個圈食個tea返去。夜晚去天晉打邊爐。

4/10(日) -- 朝早果轉呀B訓得耐少少, 砌左個模型同youtube聽歌; 下午同CB出去公園行下再過坑口食左個tea之後返去TKO買d野; 夜晚C煮。

4. 放左5日假日日都出街, 攰死人了, 仲攰過返工。

5. 放假有去街有打波有聽歌有砌模型, 感覺都幾充實嘅。

6. 同C再三傾左下要放低下呀B嘅問題, 佢終讓步; 之後要搵機會放低下呀B係天晉度, 少少時間慢慢加都好丫。

完

九月二十七日 -- 終於轉歌list

1. 補返上星期, 5隻狗仔第3隻都走了...

21/9(一) -- 收工去坑口拿嘢同買外賣返企。

22/9(二) -- 下午放假，去行咗ssp(Edf同男友join行一陣)同灣仔，之後買蛋糕上娘家，夜晚食飯後呀B舅父車返我地返企。

2. SSP無嘢買，反而灣仔買到嘢 xD

23/9(三) -- 中午B食完野執埋野後, 呀哥過來再一齊出去陪我地去將中果邊入數交form再食tea, 之後再行下TKO返企。夜晚C煮。

24/9(四) -- 收工返企夜晚C煮。

3. 連續幾晚都因為太攰/太眼訓而乜都無做。今晚仲食完飯做完家務就恰咗下。好想轉下手機d歌。

25/9(五) -- 出site早收係土瓜灣搭van去寶林買嘢食同行個圈返企。

26/9(六) -- 朝早睇咗陣波同砌模型。下午同cb同阿媽去咗寶林行咗陣，5點島返tko，同cb食個tea返企整b嘅晚飯，再過天晉食飯。

27/9(日) -- 朝早起身睇左場波，下午同CB落街行下同買野食個tea，夜晚C煮。

4. Lakers入左 Finals, 雖然一向唔多like LBJ但係佢係勁嘅。

5. 夜晚終有精神揀歌同Backup野，一攪又攪左幾個鐘好夜。

6. 揀歌一向都係一個好長時間嘅任務; 每次都要由頭睇下d歌，又要就返呢期個mood; 另外發現除左果排個心情會影響之外，年紀同階段都好影響揀咩歌，有d歌以前經常聽，而家見到都唔係好想揀。

完

九月二十日 -- 雜記

 14/9(一) -- 收工返企夜晚C煮。

1. 夜晚廳個玩具突然自己唱, 不過應該係有野責到個制。

15/9(二) -- 收工返企夜晚c煮。佢媽下午來。

2. 出site收工又總站搭到總站。

16/9(三) -- 出site早收工去ssp行咗個圈買玩具先返企；夜晚c煮。

3. 今日抽樓估唔到個八婆來抽，但都抽唔到佢想要嘅。來緊有排煩。

17/9(四) -- 收工去坑口拿嘢返企，夜晚c煮。

4. 剪咗髮。

18/9(五) -- 收工返去買外賣。

5. 反黑路人甲 -- 覺得今年TBB其中一套最好睇; 故事當然有好多唔合理, 但由於係一套笑片, 我覺得d bug都可以接受去ignore嘅; 一路咁多集都有好多位好好笑, 覺得幾成功。一向覺得無理由做到男一嘅張振朗係呢度就好合適。另外係眾多女角各有特色都幾正。

19/9(六) -- 一早又醒, 起身睇波砌模型; 下午我過去呀哥度拿野過來, 之後話出去, 係屋企一路執野磨下磨下到4點幾先出; meet呀媽一齊行左一陣同街市買野(之前meet呀馬比左d野佢); 之後盲直接上天晉, 夜晚係天晉食飯。

20/9(日) -- 下午出去，expected有人要執好耐嘢，好彩照恰咗半個鐘(都未出到去)，4點幾落樓，meet埋阿媽去調景嶺買嘢，再出海邊兜個圈返去。夜晚c煮+買少少嘢食。

6. 醒唔起要行，著咗crocs，後段開始腳同腰都痛...

完

九月十三日 -- 雜記

7/9(一) -- 收工返企夜晚c煮。

1. 出site閃過ssp行感滿足。

8/9(二) -- 收工去尚德交收再去Popcorn買嘢飲再返企，夜晚c煮。

9/9(三) -- 早上10點零同B去聯合睇額頭, 等左2個鐘先有得睇, 呀B好乖咁長時間係度等都無點扭。睇完之後都差不多2點, 去Megabox Ikea食野之後行Megabox, 到6點島先走; 夜晚返去食屋企現成野。

2. 呀B係街或者對住其他人時真係好乖, 值得讚許。(不過係屋企真係好扭好曳好難頂呢)

10/9(四) -- 出site早收去坑口拿嘢再返企。夜晚c煮。

3. 出門返工行去搭車途中, 陽光充沛三秒鐘變大雨, 遮宦開唔切濕晒。

10/9(五) -- 收工返去買外賣。

11/9(六) -- 早上起身睇左陣波, 下午出去北角打針, meet呀媽係北角行左一陣, 之後上C娘家食晚飯。

12/9(日) -- 一早又比人吵醒, 早上睇左陣波; 下午太攰恰左一陣, 4點島出去meet呀媽行左下海邊, 好多人; 之後去坑口拿野, 夜晚上天晉食飯。

4. NBA -- Celtic同Raptors其實最初有少少估唔到打到Game 7, Game 3果球Buzzer 3分救左Raptors打多幾場, 雖然最後都輸左, 不過雖敗猶榮啦。今年playoff好多Game 7而且好多場都打到last second先分勝負, 幾精彩。Lakers無懸念晉級, 雖然唔係特別like LBJ, 不過更唔欣賞Harden同Westbrook。

完

九月六日 -- 雜記

31/8(一) -- 下午同C&B出去TKL買野, 呀B訓左又可食左個tea, 之後返TKO買完野返企; 夜晚C hea煮。

1/9(二) -- 收工去坑口拿野, 晚飯C煮。

2/9(三) -- 收工返企晚飯C煮。

3/9(四) -- 收工返去外賣好似。

4/9(五) -- WFH; 中午B食完野就一家去灣仔入境處拿護照, 之後上C娘家hea到夜晚食埋飯走。

1. 其實好想順便行太原街，可惜果10分鐘都無...

2. NBA playoff第一輪, expected有幾組好精彩; 結果有3組打到Game 7仲要都係打到最後一個play先分勝負,好熱血好好睇; 值得一提嘅係波叔CP3, 雖然最終Game 7落敗, 但係佢帶領到呢隊入到playoff已經係季前幾乎無人諗到嘅結果, 証明到佢真係好犀利~~

3. 公鹿輸0-3, 始料未及, 不過我都一直覺得係overate左嘅; 熱火加油~~

5/9(六) -- 一早起身同老豆去銀行, 之後買早餐返來; 下午係企hea, 夜晚去天晉食飯。

4. 夜晚同呀哥傾下AD&D同埋歌手...etc感覺好爽, 好耐無同人討論下d興趣野。

6/9(日) -- 下午同C&B落街買野, 落去無耐呀B痾左bubu, 於是上天晉換個片順便坐下同埋比爺爺嫲嫲同B玩下; 之後落返去買野, 商場超多人; 到差不多返到去屋企附近B先訓著, 係左個tea返企; 夜晚C 煮。

5. 整理下最近身體狀態: 

5.1 近呢一年係唔係好光嘅情況下有覺得眼朦左少少(砌模型時覺得), 老花?

5.2 一向無乜蛀牙, feel到最入果隻大牙有少少痛...

5.3 耐無運動, 應該有肥少少, 好彩感覺唔多...

5.4 腰有冤痛, 應該係經常拿重野同埋抱B, 不過比起之前傷患唔算嚴重

5.5 膝頭x2 feel到痛同漲, 應該發炎到有一定規模...不過同腰一樣, 哪有機會睇

5.6 身體有4-5度小型濕疹, 都係呢1,2年先發(以前不嬲都無), 除左因為年紀大左抵抗力差左, 相信都因為好耐無點做運動...

5.7 竟然好似有灰甲...要搵機會睇下醫生...

5.8 精神病應該一直都有, 雖然最近好似嚴重左...

完

八月三十日 -- 低落

24/8(一) -- 本來WFH, 不過有野辰趕,返左office; 收工返企夜晚C煮。

25/8(二) -- 早上做拿左返屋企嘅公司野, 一路做到中午呀B食完野就一家一齊出去, 去左坑口行+買野+拿野; 中間呀B訓著左, 好難得係街食左tea; 返TKO再買d野返企煮呀B晚飯, 夜晚過去天晉食飯, 慶祝媽子新曆生日。

1. 是日精神體力全消耗, 極攰。

26/8(三) -- 收工返去買外賣。

2. 覺得自己情緒同精神狀態唔多掂。

27/8(四) -- WFH；下午同c b落街行超市同商場買嘢。中途阿b訓著我哋又食咗tea。夜晚第一次試大6果d自熱火鍋，都幾得意。

28/8(五) -- 收工返去買外賣好似。

29/8(六) -- 上午出左一下去地鐵站meet呀馬拿野, 順便買野食返去; 下午同C&B去坑口行同買野, 夜晚過左天晉食飯。

30/8(日) -- 本來諗住下午出下去, 點知磨下磨下無出; 夜晚買外賣。

完

八月二十三日 -- 無啦啦九號波

 17/8(一) -- 收工返去買嘢再返企，夜晚c煮。

1. 過街英雄 -- 之前睇trailer好似幾好笑，暫時第一集就普通。森美一家人好入型入格 xD 于洋嘅窩囊阿伯、Madam Lo嘅惡師奶、森美嘅賤精、江嘉敏嘅港女 xDD

2. NBA playoff終於開始。

18/8(二) -- 收工去坑口拿嘢同買外賣。

3. 是晚7月+8號波+9號波。

19/8(三) -- WFH；早上繼續打風; 下午阿媽來一陣，之後我同佢一齊走陪佢返天晉，回程再買賣嘢同晚飯返去。

4. 過街英雄睇咗輪覺得麻麻哋，雖然走歡樂正面路線但感覺有d兒童向。棄。 

20/8(四) -- BE人來將軍澳搵我，好耐無見。2點出去meet佢，行咗將軍澳坑口同寶林玩具舖後散。返到將軍澳之後買埋一堆嘢返企。夜晚c煮。

5. Bad End人 -- 其實唔覺都識咗佢好耐，雖然一般人應該都係覺得佢難相處，但我都覺得ok嘅。同埋佢都真心當我係朋友嘅。

21/8(五) -- 收工去調景嶺買野再行返去中途買埋飯返企。.

6. 夜晚沖涼熱水爐無電, 好彩未開始沖; 落街買電。

22/8(六) -- 日頭在家，c表妹4點幾上來拿BB嘢，6點幾走。阿B全個下午無訓，點幾先訓。夜晚我出去買外賣。

7. 之前果晚夜訓，今日又無得恰，所以勁眼訓勁攰。

23/8(日) -- 下午同呀媽去街市超市買野，夜晚C整定左野我炒。

8. 呀B朝早一野wor落佢呀媽條腰度，佢呀媽條腰傷左。

9. 年紀漸長，頭髮無點白, 反而唔知點解唔少鼻毛白。

10. 最近夜晚自己係房個思緒同情緒差到一個點。

完

八月十六日 -- 睇波

10/8(一) -- WFH；下午落街2轉買嘢，夜晚c煮。

1. 反黑路人甲，之前以為又係警匪片，上星期睇trailer原來係笑片，又好似幾得意，今日一睇都覺得ok幾好笑，會再睇落去。

11/8(二) -- WFH；下午C落街買野; 本來我唔使落街, 不過臨時落街幫呀哥落左一落; 夜晚C煮。

2. 有時真係頂唔住d精神緊張, 唔好咁痴線啦。

3. 半夜發夢, 竟然係同老豆嘈(好耐都無啦, 而且同佢關係都無問題, 唔知點解發到係佢), 跟住扎醒。好唔開心

12/8(三) -- 收工去坑口拿野, 夜晚C煮。

13/8(四) -- 收工返企, 夜晚C煮。

14/8(五) -- 收工返去買外賣。

15/8(六) -- 黃昏去坑口拿嘢順便買埋外賣返。

5. 星期日凌晨2點半(星期六晚)有波睇，本來考慮早唔早d訓較鬧鐘睇唔睇，結果佛系11點訓唔較鬧鐘，點知2點半自己醒咗。食杯麵砌模型又睇咗場好波，雖攰但滿足。

16/8(日) -- 早上阿媽買早餐上來同見一見B；中午同阿媽去買餸再拿上天晉，返去再買d嘢返企。夜晚c煮。

完

八月九日 -- 攰

 3/8(一) -- 收工上天晉比口罩架爸媽, 同呀哥meet左比埋佢; 買外賣返企。

1. 買咗口罩架，都不錯，係無咁焗。

4/8(二) -- 呀馬生日快樂。WFH; 傍晚落街買野拿野上一上天晉同埋買外賣返企。

5/8(三) -- 出site去海盈白行一轉; 收工返去尚德買外賣。

2. 行左轉MK滿載而歸。

3. 好耐無試過搭296C總站到總站, 竟然只係啱好一個鐘仲以為會耐d。

6/8(四) -- WFH; 呀C下午落街, 夜晚我煮。

7/8(五) -- 收工去坑口拿嘢同買外賣。

4. 前一晚阿B半夜爆喊，搞咗輪先靜返，我再瞓。第日返工起身超眼瞓...

5. 殺手 -- 其實劇本真好多bug, 不過演員演出遮蓋左, 整體來講如果唔係因為d bug令人出戲的話, 其實氣氛做得幾好。除左大部份演員值得讚之外(除左陳國峰), 我覺得配樂做得好好喎; 另外拿鏡同剪接都幾好, 尤其上星期五果個結局周預告。

8/8(六) -- 早上被叫醒, 落去地鐵站同馬交收, 買埋早餐返企食; 下午訓左陣又被嘈醒; 夜晚買外賣。

6. 今期扭蛋一出, 我出去已經無得散買想要果2隻...果然係hit...

9/8(日) -- 全日在家; 之前果晚夜訓但都一早醒, 早上睇NBA+整好隻BB模型, 中午都係煮麵食, 下午訓左一半, 夜晚C煮。

7. 鳴謝好友今日出開街幫我買左套扭蛋。

完

八月二日 -- NBA restart

27/7(一) -- 收工去坑口拿野同買外賣返企。

28/7(二) -- WFH; 唔記得夜晚食咩。

29/7(三) -- WFH; 夜晚C煮。

30/7(四) -- WFH; 去坑口拿野買野同買外賣。

31/7(五) -- 收工調景嶺落車, 買 BB 野再行返去; 買埋外賣返。

1. 前一晚發夢同呀麥見面仲一齊去玩好開心好似以前咁...

2. 上網見到一個網上流傳有關小朋友可怕嘅故事, 希望唔係真人真事。

3. NBA終於restart。

1/8(六) -- 夜晚去Popwalk 2買外賣。

4. 無聊地半夜睇左一場足球決賽下半場, 仲要一開電視就即刻睇到入波果個攻勢。哈。

2/8(日) -- 下午C出去, 呀媽過左來賜下呀B; 夜晚C煮。

5. 又唔記得又懶所以咁遲先補返雜記。 

完

七月二十六日 -- WFH

20/7(一) -- WFH; 下午落街買野同睇跌打; 夜晚C煮。

21/7(二) -- 收工返去買嘢，夜晚c煮。

1. 今日公司部門大抽獎，teammate同事大兜亂...

22/7(三) -- WFH; 全日無落街, 係屋企做完公司拿返來嘅野;  C 下午2點島出去, B竟然無耐就訓著, 仲要訓左差不多2個半鐘; 夜晚C外賣Outback。

23/7(四) -- 是日AL; 全日無落街, 夜晚C煮。

24/7(五) -- 土瓜灣收工同edfrita行咗陣Sodamall，返去超市買嘢再買晚飯(幫阿哥買埋)。

25/7(六) -- 日頭係企hea, 下午出坑口拿野、買野同埋買Mr. Steak。

26/7(日) -- 日頭係企hea, 傍晚落街買野同買飯。

2. 好攰, 星期六同日嘅日頭都頂唔住恰/訓左1,2轉。

完

七月十九日 -- 又要wfh

13/7(一) -- 收工返企c煮。

14/7(二) -- 收工去坑口拿嘢，c煮。

15/7(三) -- 出site早d收，c煮。

1. 太攰，食完飯整完嘢9點零斷電跳制訓著，11點半島醒返。

14/7(四) -- 收工返去C煮d我買d野食。

15/7(五) -- 出site早收, 返去買外賣。

16/7(六) -- 好耐無試過, 全日無出街; 中午整左d野食, 呀C 2 點島出去, 呀B三個幾鐘都無訓, 最終5點半島訓左; 呀C返來買左tea當晚飯。

17/7(日) -- 更耐無試過, 連續2日無落過街; 呀C點幾鐘出去, 今次無夾硬叫呀B訓, 結果佢真係下午完全無訓過。夜晚C煮。

2. 好難得又砌起一隻, 好似係 N 年前買落果堆來講, 最後一隻HG。

3. 呢幾日爆得好犀利, 政府終於WFH, 我地公司當然跟。

完

七月十二日 -- 又爆疫

6/7(一) -- 收工去坑口拿野再去Jusco759買野返企, C煮。

7/7(二) -- 收工去將中同外父母BC食飯。

1. 美中鴨子個餐真係好唔抵食。

8/7(三) -- 收工返企C煮。

2. 是日Candy來搵我同Ansel食lunch, 仲請我地食飯(之前連升am, m同埋而家走)

9/7(四) -- 收工返企C煮。

3. Alex請食lunch。恭喜佢升am了~

10/7(五) -- 收工返去買外賣。

4. 2日行左SSP同信和 In's Point, 買左d玩具同用品, 好滿足, 尤其total都只係使左唔多錢。

11/7(六) -- 連日疫情爆發, 又唔敢帶B出街。想買部notebook比呀C, 於是整完lunch後同呀哥出左 SSP, 買左部notebook。夜晚買外賣。

5. 之前無送生日禮物, 見佢部notebook唔多掂佢又想要, 就買部比佢。買就自然要出去, 佢又唔想自己"又"係屋企睇B, 叫佢同呀哥去買我睇B佢又唔想, 最終都係我出。問多佢2句幾時出佢就來料。講真, 其實我都唔係好想出街, 而且出去都係買野比佢 ...

12/7(日) -- 9-11 Monterey, 今日打得算正常, 不過射波就唔多入; 打完買外賣返來, 沖涼之後一家係大床攤, 呀B玩左成個鐘都唔訓; 之後呀C出街買野, 呀媽上左一下來; 夜晚我煮。

6. 呢排朋友之間講好多生活問題, 好多人都對前景悲觀, 又話要走資又話移民, 負能量爆發。雖然對於無得選擇嘅我來講, 係少左樣煩惱, 不過聽住都覺得煩。

7. 來緊想做嘅野: 賣埋剩返要賣嘅模型; 想寫返故; 繼續抽時間砌模型。

8. 搬去MK Office之後, ACD同事集結, 有少少想買Switch同佢地lunch一齊賽車...

9. 呢排都訓得好差。成日鬧鐘未響就醒, 又差不多日日發夢。 仲要d夢都係好攰, 一係就係狂諗野、一係就係同人爭拗, 一係就走來走去果d。攰死人。

完

七月五日 -- 雜記

29/6(一) -- 收工返企C煮。

1. 呀B終於開始發燒。

2. 呀B成功係兜兜屎屎。

3. TBB套殺手雖然都有抄襲成份, 不過暫時都不錯。陳豪做膠人一向OK, 視帝祥做爛人又係一向OK, 龔嘉欣做癲婆都不錯。

30/6(二) -- 出site早d收返企煮餃食。

1/7(三) -- 公眾假期; 朝早係企, 下午呀B難得訓左好耐, 我都恰左; 4點島出去呀C影相同買野, 之後上天晉clubhouse遊樂場同呀B玩一陣, 再上去食飯。

2/7(四) -- 收工返企C煮。

3/7(五) -- 臨時約收工Edf同Rita上來; 收工同Edf係土瓜灣一齊返TKO買野食再返企, Rita晏d到; 9點半島散。

4/7(六) -- 早上10點島出門, 11點島去大角咀"浮生"Cafe同日安NatPenny食野; 食完次後Penny返parttime, 我同Connie上Nat屋企; Connie走先, 之後Nat我地去奧海城後散, 我同C&B係果度行同係Outback食tea, 到差不多6點先走; 返到屋企後攪呀B野比佢食同沖涼, 我同C都無再食野。

5/7(日) -- 9-11 Monterey, 是日打得普通, 不過不失; 之後返企睇下B, 沖完涼後呀B訓左, 我又訓; 到4點幾5點先出去尚德街市同商場行下, 再去天晉clubhouse遊樂場同呀B玩一陣, 夜晚上天晉食飯。

4. 一星期三日假期, 係屋企有d時間, 但係都因為太累訓左或抖左...

完

六月二十八日 -- 雜記

22/6(一) -- 收工返企唔記得, 好似外賣。

1. BB今日打左三針, 好彩又唔係喊得好勁。

2. 半夜3點幾醒, 5點幾先訓得返, 好攰。

23/6(二) -- 收工返企唔記得。

2. BB開始低燒。

3. BB學用匙羹同第一次成功係兜兜wewe。

4. 太攰一早(10點島)整晒d野後訓。

24/6(三) -- 收工返企買外賣。

5. 太攰一早(10點島)咩都未整就訓著。

25/6(四) -- 端午節假; 同呀B出去行下之後上天晉, 比佢游下水; 夜晚食埋飯返。

26/6(五) -- 收工返去買外賣。

6. 多謝黃蜂扭蛋同日本買嘅UNIQLO EVA TEE

27/6(六) -- 同呀B去TKL行下同玩遊樂場, 之後上天晉食飯。

7. 呀嫂係台灣送來嘅夏雪芒好食, 好香同埋食落有一陣唔識形容嘅味, 同一般芒果隻味唔同。(愛文芒就係好濃好香啦山嘅芒果味, 夏雪芒就多一陣唔知咩味)

8. 係將軍澳商場短時間撞到呀馬一家同日安夫婦~

28/6(日) -- 8-10 Parkside; 終於有得打波! 不過一來顧慮左毛!腰同膝, 二來又唔係好夾到隊友, 所以打得麻麻; 之後返企食d野沖涼hea, 夜晚去天晉食飯。

9. 是日不停按摩同捽自己d肌肉同筋又拉筋, 後按: 星期一起身同返工都唔太痠痛。

來緊:
23/7(四) -- 請一日假同 C, B, C 媽同C呀姨(唔知仲有咩人 ) 去海洋公園, 全部人都係上半年生日所以有免費。

 完

六月二十一日 -- 賣模

15/6(一) -- 收工係九龍塘月台meet一meet Crystal, 佢比左d荔枝我; 之後去坑口拿野返企, 夜晚C煮。

16/6(二) -- 收工返企C煮。

17/6(三) -- 收工返企C煮。

18/6(四) -- 睇樓後收工返企C煮, 睇跌打。

19/9(五) -- 蘇屋睇樓後去舖頭搵Crystal, 之後同佢一齊人企睇呀B; 佢7點半島走, 我買外賣。

1. 多謝Crystal送左堆野比我地。

20/6(六) -- 早上OT, 買d野食返來, 之後我睇跌打; 下午hea一陣出街行個圈再上天晉夜晚食飯。

2. 夜晚經過Uniqlo屎忽痕入去行個圈, 無啦啦又買左件外套...不過減價係抵嘅。

21/6(日) -- 朝早呀媽買左早餐來; 下午同呀B出左一轉街買野之後上天晉, 夜晚食飯, 買左蛋糕簡單慶祝父親節。

3. 日蝕, 睇唔清。

4. 夜晚剪左頭髮, 爽好多。

5. 呢個禮拜多出街做野, 又熱又勁流汗所以個人特別攰, 星期六又OT(又係勁熱), 所以好似唔多夠抖...好攰...

6. 之前終於的起心肝出post賣模型; 賣得有平有貴, 都唔計得咁多, 總之賣得出大部份, 總計又無蝕就OK了。

完

六月十四日 -- BB一歲

8/6(一) -- 收工返企Bino。

1. 夜晚訓覺又發左走來走去跳跳跳嘅夢，不過今次係未見過嘅新地點，同埋輕鬆少少喎。

9/6(二) -- 放假一天，同呀B去觀塘影証件相。之後食個tea行下一田, 返將軍澳又再行下將廣先返企。夜晚買外賣。

2. 晚上發夢竟然見到民民。

10/6(三) -- 收工返企C煮。

11/6(四) -- 收工拉Edf同我去睇+買比B嘅銀鈪。之後散水返企，買外賣。

12/6(五) -- 補假一日。早上同老豆去銀行。之後買野返企食。下午呀B食完奶後3點幾出發去C娘家，食呀B第一次去。公公婆婆同佢慶生，8點半島走。

13/6(六) -- 呀B一歲生日快樂。上!同B出去行個圈係坑口食d野，下午去天晉夜晚食飯同B慶生。

3.今年呀B生日，佢2個舅父唔得閒、佰娘堂哥堂姐唔係香港，真可惜。

14/6(日) -- 中午同呀馬一家食飯同行下附近︿之後買野返企擺低再過呀哥度同呀媽hea。4點幾落街食個tea再返企執埋d野，夜晚去天晉食飯。

4. 唔覺唔覺，真係好快，呀B就一歲啦~~ 唔知講乜好。希望我地一家keep住開開心心健健康康就好好了~

完

六月七日 -- 雜記

1/6(一) -- 出site早收夜晚C煮。

2/6(二) -- 收工返企買外賣。

3/6(一) -- 出site早收夜晚C煮。

4/6(四) -- 收工返企C煮。

5/6(五) -- 收工返企C煮。

1. 降魔的2.0大結局了。其實今緝overall來講真心覺得麻麻地。佢想講嘅野係OK, 好多part分開睇都OK, 但係太散又無乜連貫性, 有d位又營造得唔夠, 有d位就太多...覺得有d浪費左...另外由於又太明顯有3.0, 個尾直頭都唔算係尾來...

6/6(六) -- 早上去土瓜灣OT收樓, 之後順便去九龍灣拿好耐都未去拿嘅湯, 順順便行左下淘大。買野返去食之後沖涼恰下抖陣, 夜晚過天晉食飯。

2. 之前果晚好大雨又行雷閃電, 好彩出去OT時無咩雨。

7/6(日) -- 早上在家, 一直大雨, 下午3點零開始無咩雨, 帶埋呀B去坑口行左陣同食tea, 夜晚返企C煮。

來緊
9/6(二) -- 請假一天, 中午同B去觀塘影証件相
12/6(五) -- FS補假一天, 去C娘家食飯, 呀B第一次去, 同埋預祝佢生日。
13/6(六) -- 呀B一歲生日

完

五月三十日 -- 打波!!!

25/5(一) -- 收工返企c煮。

1. 唔知係lunch定director請嘅tea，食完之後係街肚痛，好耐無試過係街忍到去廁所咁辛苦，本來15分鐘嘅路程好似過咗成個鐘咁。

26/5(二) -- 收工去坑口拿嘢返來，夜晚c煮。

27/5(三) -- Whole Day Site。收工返去睇跌打。夜晚整d即食嘢。

28/5(四) -- 出site早d收，返去買外賣，之後睇跌打。

29/5(五) -- 收工去寶林買外賣返企食。

30/5(六) -- 訓咗差不多成朝。下午買外賣上哥度hea。夜晚EdfRita來我家，食外賣。

31/5(日) -- Monterey 8-11；好耐無打波！好開心~~ 都打得唔錯，走位入攝射波都ok。之後買外賣返去食lunch。下午c出去。夜晚過天晉食飯。

2. 是日成身都係藥膏; 面有暗瘡膏，身有少少濕疹膏，同埋大量按摩膏。

來緊

9/6(二)  -- 請假一天; 同呀B去觀塘影証件相

12/6(五)  -- FS補假一天; 同呀B去娘家食飯

13/6(六) -- B一歲生日

完

五月二十四日 -- FS

18/5(一) -- 收工返企C煮。

1. 收工係油麻地，本來想去果欄，落大雨放棄了。去咗信和同In's Point。

2. 全日好眼訓，頭痛。

19/5(二) -- 出site早收返去睇跌打，6點睇到7點島，今次好快。夜晚c煮。

3. 今次睇跌打睇腰睇埋膝頭，其實都要睇好耐了，一直都有少少痛。睇來有排搞...

4. 來緊FS拍個manager...同埋星期日無得唔做...

5. 禁慾 -- 呢排又要記住禁慾。慾嘅意思當然有好多種，主要係最近辛苦飲好多甜嘢，要收斂d，同埋要小心唔好再傷到腰同膝頭...仲有唔好訓前慣性睇電話......

20/5(三) -- 收工趕去坑口拿嘢返企再睇跌打。夜晚c煮。

6. 膝頭睇咗2次已好好多，希望快d好。

7. 睇跌打果時, 趴係度係個窿望到下面張椅上面嘅好細粒好細粒白色蟲仔; 大半個佢都係上面行下行下, 唔知佢想點、想去邊、做乜野, 好似好脆弱又唔知有咩意義咁; 但人又何嘗唔係呢?

21/5(四) -- 收工返去睇跌打。夜晚我買外賣。

8. 吉野邊爐外賣原來就係比晒d料同湯自己返去淥, 不過都幾抵嘅。

9. 好多人生活係自己幻想所築構嘅世界入面其實都幾好笑。其實大部份人都係。

22/5(五) -- FS，7點幾就收。返去買外賣自己食。

10. 雖然係唔高興雖然情況係愈來愈差，但見d人好似世界末日咁又真係好on9又得啖笑。

23/5(六) -- FS，6點收。收工返去買外賣食。

11. 第一次發夢見到阿女，但係竟然係惡夢 xDD 見到佢唔知點解都係未到一歲但係又大隻左, 仲要周街行, 又唔知點解塞左隻老鼠入口.../// 之後我掹返出來就嚇醒左...

12. 呀B唔使人扶自己企到起身, 又一動作解鎖。

24/5(日) -- FS，今日做晒所有case，4點收工。係附近outlet買咗對波鞋。夜晚返去買外賣。

13. 超級攰同眼訓。

完

五月十七日 -- 大結局ss

11/5(一) -- 娟生日快樂。收工返去買外賣。

12/5(二) -- 放假一日。下午帶阿B去官塘影相，延咗差不多半年...4點幾影完返將軍澳去將中食個tea，再買咗一個外賣返去。夜晚c食外賣，我食生果。

1. 發夢。經常都發夢比人追，要走來走去逃走，有時仲幾危險添。好多時都係以前發過嘅場景，今次果個第一次見wo。(好窄嘅通道門口，跳出簷篷同氣氛歡樂少少)

13/5(三) -- 出site收工返企C煮。

2. 呀黃攪左個concert拿盡光環。其實而家做藝人/公眾人物真係愈來愈難, 講唔啱少少咩就比人放大來講, 跟住就鞭撻, 成班網上鍵盤戰士企係道德高地, 又無任何成本同責任...

14/5(四) -- 全日係公司好忙，有site可出都無出了。收工返企C煮。

3. 月尾book咗Monterey球場，可以打波了！

4. 鬼滅大結局 -- 之前d人見到d劇情以為會拖, 要打主角一排/現代篇, 比我估中左跟本就無拖。無慘真係近咁多年嘅漫畫入面其中一個最kai最7嘅最後大佬。除咗死都死得kai過人之外，佢用咗成千年嘅夜晚搵嘅藍色彼岸花，竟然只係白天開 😆😆🤣 呢個伏筆收到佢更加7到無輪...講返個大結局，其實套嘢個尾係埋得麻麻哋。打無慘唔精彩，打上六仲好睇好多。無慘活咗咁多年好似智謀又無乜，純粹係戰鬥勁(仲要唔係最勁)，打又無乜招又唔精彩...而好似好多伏線都無特別收，打完求其完就算咁...
不過叫係唔會好似其他紅嘅漫畫咁，拖到痴晒線，起碼都叫好頭好尾咁收到啦。
15/5(五) -- 出site早收, 返企C煮。

5. 十八年後的終極告白 -- 其實都唔錯，唔係一般tbb套路丫; 個結局除左呀一死得有d突然同夾硬之外, 其實都OK。每一個有罪嘅人最終都受到懲罰, 亦無夾硬BBQ。

6. 行咗下ssp，本來好想搵嘢買下，但最終無嘢啱...

16/5(六) -- 日頭係企無去街, 砌左模型; 下午呀媽來左, 我地臨時決定夜晚過去天晉食; 夜晚食完hea到9點幾返。

17/5(日) -- 日頭在家, 差不多4點先出去, 食個tea之後呀媽join一齊出海邊行左個圈, 之後買d野返企我煮。

7. 好想+好需要睇趺打, 來緊星期好金...

8. 好想開始寫返故。

完

五月十日 -- 正式復工

4/5(一) -- 收工返企落去睇跌打, 照燈照到完, 未到我, 個跌打佬收到電話就出左去, 等左好耐都無返...結果唔等就返企...C煮。

1. 有人執完BB夏天衫就夾硬一次過一機洗晒...我問佢其實又唔會一日著衫都唔使咁急一次過, 晾衫d衣架都夾都唔夠, 結果佢都係唔膠興自己晾, 夾硬一架2件咁晾晒; 其實何必呢?

5/5(二) -- 收工九龍塘Esther交收, 之後返企; 夜晚C煮。

2. 同Esther交收佢講開, 呢排無做運動佢d濕疹出返來; 我又諗起係喎, 呢排我d皮膚濕疹好可能都同呢個原因有關...好想打波呀~~

3. 好多娛樂場所重開, 但係唔包K場同球場, 擺明針對我同我過唔去啦~~

6/5(三) -- 收工返企C煮。

4. 地鐵站meet呀媽, 一齊上我家, 佢比左支藥膏我。(2間診所都無開) 搽左幾日, 好好多, 太好了~~~

5. 發覺最efficient係一返屋企唔好坐唔好抖, 即刻做夜晚要做嘅家務。通常我返到去B食緊野, 我就倒定幾個垃圾桶/煲水/晾衫, 到佢餵完去炒野時, 如果呀B唔使睇住, 就洗B野+做埋頭先未完果d野, 到佢煮完食得飯, 就佢食, 我唔食住finish埋之前果d野+洗定電飯煲同可以洗嘅野。之後我先食飯(都可能快過佢食完)等2個都食完之後就洗埋碗+下略, 呢個時候應該佢同B沖涼, 到沖完涼執埋最後塊片就可出去掉垃圾。以上就可以縮減因為等待而浪費嘅時間, 提早完成要做嘅野同沖涼...

7/5(四) -- 收工返企C煮。

6. 一日比一日眼訓。

8/5(五) -- 呀Mak生日快樂。收工去坑口拿c網購嘅嘢同外賣返企，之後再落樓下拿TB嘢。

9/5(六) -- 下午同B過咗阿哥度，阿媽都係度。之後一齊出去; 阿媽推阿b車，我同c難得2條友係街食(b瞬間訓着)。不過c都係緊張，食得超快...平時係屋企我等住洗嘢佢又慢板...之後去超市買嘢，本來想去公園，點知落雨，所以返企了。夜晚我煲飯炒菜同整即食嘅嘢。

10/5(日) -- 一早落去同呀馬交收, 之後買早餐返企; 呀媽上來一陣; 下午係企hea到喧上下過天晉, 街上同商場勁多人, 蛋糕都無晒; 夜晚呀媽煮。

7. 好耐無過去天晉食飯; 母親節仲要呀媽煮 xDDD

8. 正式復工一星期, 好攰; 放工返去仲要做到夜晚。

9. 本想weekend抖/砌模型/執野/整理賣模型野...最後當然全部無。

完

五月三日 -- 4日連假+返工即將回復正常

27/4(一) -- 收工返企C煮。

28/4(二) -- WFH; 今日同呀B落街, 明顯佢超唔慣, 喊; 不過出到去抱落地行佢都OK。夜晚C煮。

29/4(三) -- 收工買大家樂返去同C媽3人一齊食。

30/4(四) -- 佛誕假; 一早呀馬打來話去左單車公園, 所以帶埋B出公園搵佢地一齊hea下行下。下午老豆媽分別過左來(睇下呀B); 夜晚同哥搬野去天晉, 之後買外賣返。

1. 本來要嘅野無, 打去又無人聽, 係外面流浪左好耐最後是但買返去。

2. 自己試左果間陳記燒鵝外賣。幾足料不過味道一舨。

1/5(五) -- 勞動節假。上午hea, 下午同呀媽出左汕邊行個圈; 之後返去買tea一齊食同買定左sushi夜晚食。

2/5(六) -- 10半落去睇跌打好多人, 叫我12半再去; 順便買野返企同埋換埋細廁所廁板。12半落去, 點半島睇完, 又係好左多。下午同B去文曲里公園睇魚同行下, 之後上返車佢就訓左, 我同C好難得好耐無試過係外面坐低食野, 食左牛扒; 之後行下坑口商場後返企。夜晚整d即食野食。

3/5(日) -- 一早起身同呀媽同B去文曲里公園同去單車館草地行下, 之後買早餐返企, 我同媽過去呀哥果邊食, 我整下個external harddisk同cloud野。我返去後沖何涼C出去買野我睇B; 6半我落去Pierre來樓下比佢d BB野我, 我順便買野返企; 夜晚C煮。

3. 其實唔係唔appreciate, 知佢已盡力, 不過用幾個鐘整嘅野, 用多過我一倍時間, 而d野其實唔係九大鬼, 仲要期間我要睇住B(腰又未好, B又勁扭), 之後我又要洗一大堆野, 真係覺得難頂...真係寧願我煮算...

4. 本來諗住4日假會砌到隻MG或者起碼砌到隻SD狼王, 點知太攰hea下抖下同埋日日都同呀B出街(之前之反都好多功夫), 結果一隻都無砌到(不過無所謂嘅); 起碼都整左一點絕, 換左廁板, 砌起set扭蛋, 又同呀B出左街。

5. 呀B頭一日出街喊, 出多2日已經無喊, 好快習慣左了~~

完

四月二十六日 -- 繼續

20/4(一) -- 收工去坑口拿C上網買嘅野, 之後行返來時順便睇左下就來完嘅櫻花; 夜晚C煮。

21/4(二) -- WFH; 唔記得有咩特別了。

22/4(三) -- WFH; 夜晚自己煮, 唔計煮麵炒飯果d, 好耐無煮過一餐飯; 都休覺得自己各方面勝一籌呀~

23/4(四) -- 忙碌的一天; 收工約左Derek係地鐵站交收抽油煙機油碟; 夜晚C煮。

1. 是日出糧出埋VP。

2. 公司派防疫包, 有d好笑。

3. Derek單野真係超級巧合; 之前搵另一friend幫手但攪左好耐都未買到, 星期六搵另一個fnd幫買, 佢星期二去開附近(住TM, 買亦都係TM)買左之後同屋企人去大角咀行, 咁啱遇到我而家嘅同事, 於是就比左佢(本來要約唔知幾時先見到面交收), 跟住我同事星期三要返office, 擺低比我, 跟住我星期四返工拿, 真係所有野都啱啱好~~

24/4(五) -- WFH; 日頭在家, 夜晚過左爸媽度飲左個湯同埋買外賣返企(sushi, 炸醬撈)。

4. 終於續左屋企個上網plan。

25/4(六) -- 下午呀媽來左睇B; 夜晚去尚德買外賣。

5. 是日呀B習得技能: 擒到上sofa了。

26/4(日) -- 是日全日在家無出去; C下午出左去買野; 夜晚我煮。

6. 我睇呀B時唔知係咪唔高興同佢玩佢又feel到, 無啦啦乖左沉默左, 唔知係咪嚇親佢; 其實我有d驚又擔心...好彩之後夜晚好似無乜事了...

完

四月十九日 -- 雜記

14/4(二) -- WFH; 下午C出去買野; 夜晚我出去買外賣(101, 燒味)同雪糕。

1. 是日係屋企又砌左盒模型, 最近產量好高~~

15/4(三) -- 收工返企C煮。

16/4(四)-- WFH; 下午C出去買野; 夜晚我出去買外賣(米線陣, 大家樂)zd1

2. 其實真係好唔開心。

17/4(五) -- 收工返企C煮。

18/4(六) -- 夜晚買sushi同桂花小幸。

3. 是日又砌左一盒模。

19/4(日) -- C下午出去買野; 呀媽來睇呀B, 之後同佢一齊落去買餸同上天晉; 夜晚買斬料同我炒個菜煲飯食。

4. 是日ConnieLoLo同Penny來TKO食tea, 可惜我join唔到。其實我都明白個道理, 只不過要實行其實係好難。總感覺很唔開心。

完

四月十三日 -- 復活節假期

四月六日(一) -- 收工返企C煮咖哩。

1. 是日出site, 係KC Office停車場做左噴罐戰士。

四月七日(二) -- WFH; 見天氣涼少少夜晚打邊爐。

四月八日(三) -- WFH; 夜晚外賣。

2. 是日第一次幫呀B度高。有66cm~~

四月九日(四) -- 收工返去買外賣(應該)。

四月十日(五) -- 復活節假期第一天; 夜晚呀媽整左d薯仔牛肉比我地食, 我地自己煲飯。

四月十一日(六) -- 復活節假期第二天; 夜晚唔記得食咩。

3. 漢化組一次過更左過百話, 今日一次過將The Fable睇到大結局。呢套真係好好睇! 估唔到原來今年夏天會出第二部, 不過第一部都完得好完滿。

四月十二日(日) -- 復活節假期第三天; C中午出去; 夜晚呀媽整左d炆豬肉同雞腳比我地食, 我地自己煲飯同C整左藕餅。

四月十三日(一) -- 呀B十個月大了; 復活節假期第四天; 夜晚見仲涼涼地又打邊爐。

4. 今次假期每日砌左一盒模型, 感覺好滿足呀~~

完

四月五日 -- 牙肉痛

30/3(一) -- 收工返企, 夜晚C煮。

1. Lego公仔到左, 成堆擺埋一齊好開心~~

31/3(二) -- WFH, 買外賣。

1/4(三) -- WFH; 早上同呀媽去左銀行, 再買早餐返去; 夜晚C煮, 傍晚我拿左d湯去天晉。

2. 而家銀行d友真係好唔專業...上次同今次佢地都會睇錯講錯整錯野架喎。

2/4(四) -- 收工等Edith來MK, 幫佢拿野比佢, 之後佢車我返將軍澳; 夜晚外賣。

3. 第一次坐敵車, 手車算係咁 xD 係有幾下踩酒有d chok :D

3/4(五) -- WFH; 早上落左樓三轉買糧油早餐; 下午C出去買野。夜晚唔記得。

4. 是日喉嚨開始有d痛, 之後果幾日發展成為牙肉超痛...發炎發到流血...

4/4(六) -- 兒童節? 清明節? 中午去地鐵站馬夫婦比BB野我, 順便買野食返去; 夜晚呀媽拿左潤餅同銀花茶來。

5/4(日) -- 全日在家; 早上我煮, C下午出去買野同買tea, 夜晚C煮。

完

三月二十九日 -- 手油SD Aile Strike Gundam

23/3(一) -- Edith生日快樂; WFH; 睇左跌打, 夜晚C煮。

1. BB識識地叫爹爹。

24/3(二) -- 收工返企, C煮。

25/3(三) -- WFH; 又睇左跌打, 呢幾日好似又冤左d; 夜晚買外賣。

2. Viennetta是日香港有貨, 即去買左返來食; 而家好貴, 食左又好似感覺同以前唔同...不過都唔係好記得了; 同日試埋煉奶雪條, 就係果陣味, 不過比想像中無咁甜。

26/3(四) -- 收工搭去寶林買南記返去。

27/3(五) --  WFH; 夜晚唔記得好似hea煮。

3. 好耐無試過全日係屋企無出過去。

28/3(六) -- 好似全日無特別做d乜; 晚飯買野食。夜晚無啦啦手痕搵返隻舊BB出來手油。

29/3(日) -- 早上呀媽過左來; 夜晚C煮。好似又係全日無出去。

4. 手油埋隻BB, 雖然手油好多瑕疵, 但都好滿足。

完

三月二十二日 -- 雜記

16/3(一) -- 收工返企C煮。

17/3(二) -- 收工去寶林買外賣返。

1. 是日新office叫正式開張, 無燒豬食有d失望。

18/3(三) -- 收工返企C煮。

2. Lunchtime落左花園街行左個圈, 買左個透明罩比呀B, 不過呀B明顯唔多like~

19/3(四) -- 收工返企C煮。

20/3(五) -- 去左MK行一轉; 收工返去買外賣。

21/3(六) -- 放假在家一天; 太累係咁訓左幾轉; 夜晚hea食。

22/3(日) -- 放假在家一天; 呀C下午出街買野, 夜晚外賣。

3. 呀B識叫爹爹好攪笑。

完

三月十五日 -- NBA都玩完

三月九日(一) -- 收工返企C煮。

三月十日(二) -- 收工返企外賣。

三月十一日(三) -- 請假一天; 呀哥個工人做埋呢個禮拜完, 今日叫佢last一次來我家幫手清潔一下。下午睇左跌打。夜晚買外賣。

1. 呀B終於都叫係退晒燒無再翻發了。

2. 終於拿晒最後一log要賣果d模型出來影左張相, 等我研究下幾錢就出post賣埋去了。

3. 本來想射下波, 不過無得去。

三月十二日(四) -- 收工返企C煮。

4. 今日NBA正式宣佈suspend個league了; 好似LBJ呢d年紀唔輕想沖冠嘅球員, 如果真係就咁完季, 老一年就老一年, 下年要再搏過就真陰公了。

5. 新睇一套漫畫"寓言殺手", 幾好睇。其實並唔係果d殺手刺激嘅故仔, 而係講主角要過平淡生活而遇上人和事, 當中好有人情味。不錯推。

三月十三日(五) -- Black Friday; 呀女九個月了。

6. 偷時間去左SSP行左個圈, 好耐無試過買左唔少野, 連埋之前果晚係樓下買嘅total買左3, 400蚊玩具, 好滿足(而且好多, 超抵)。

三月十四日(六) -- 一早8點半出門同媽哥去將中恆生9點開門攪戶口野, 以為好快點知攪到12點半先完, 攰死人。買野食返去。夜晚外賣。

7. 夜晚C呀媽打來, 佢地其中一隻狗狗, 呀媽Creamy唔掂, 打針走左了...

三月十五日(日) -- 中午去地鐵站同呀馬交收拿野; 下午2點幾C細佬來車我去黃竹坑Tracy度搬野返TKO; 之後落街交收賣模型, 順便去街市買野食買菜; 夜晚hea煮。

8. 一星期七日non-stop很累。你non-stop所以我收工、放假就幫你手。咁我呢?

完

三月八日 -- 回復正常上班

三月二日(一) -- 出site早收; 夜晚C煮。

1. 正式正常地日日返工了。

2 . 有時d野唔熟, 唔識得安排時間, 或者無arrange好個次序, 就會浪費好多時間...之後再整就會好晏同好累...

三月三日(二) -- 收工返企C煮。

3. 係12蚊店買左d野, 今日係公司自己位整好, 感覺都唔錯, 雖然同預期有少少唔同。

三月四日(三) -- 收工返企C煮。

三月五日(四) -- 收工返企C煮。

三月六日(五) -- 收工返企外賣。

4. BB無乜胃口唔食野, 夜晚開始有d燒。

5. 下午BB婆婆來睇BB, 佢個幾月無見過佢了~ 差d唔捨得走~~ :D

三月七日(六) -- 燒左半日, 中午同BB去左睇醫生。下午終於去左睇跌打。夜晚外賣。

6. 想睇跌打好耐; 最近感覺好好多, 只係仲有少少緊同痺, 醫師都話差不多。

三月八日(日) -- BB繼續燒下停下。呀媽早上來睇左佢一陣。

7. 是晚呀B狂扭勁喊, 攪到2點幾3點先訓...

完

三月一日 -- 呀B大躍進

17/2(一) -- 收工返企。應該係外賣?

18/2(二) -- C生日。WFH。咁啱呢幾日涼返, 之前一日係超市買左pack貴貴地牛, 夜晚在家Bino。

19/2(三) -- WFH。早上同呀媽去左黃大仙一轉, 今年仲買左個風車比呀B。

1. 呀B唔記得係18定19號掌握轉身坐起嘅技能。

20/2(四) -- 收工返企, 應該係外賣。

21/2(五) -- WFH。中午同呀馬射波, 之後去寶林買南記返去。夜晚煮?

2. 呀B少少地識得向前爬了~~

22/2(六) -- 無印象做乜, 全日在家睇B做家務同埋落街買野咁上下。

23/2(日) -- 無印象做乜, 全日在家睇B做家務同埋落街買野咁上下。

24/2(一) -- 之前果幾個返公司日子開始執d執d, 今日就最後一日返KC Office, 執埋最後d野返企。收工返去應該外賣?

25/2(二) -- 中午同呀馬射波。之後去寶林買泰國野返去, 同埋係模倉last day執左d半價野。夜晚唔記得。

26/2(三) -- 無印象做乜, 全日在家睇B做家務同埋落街買野咁上下。

27/2(四) -- 正式搬office, 呢排市面未回復正常返放工都係搭巴士先。好早到MK去左生力食早餐; 第一lunch同Lolo食foodcourt。收工返去應該係外賣。

28/2(五) -- 中午同呀馬射波, 射完去尚德KFC買返去食; 之後去睇左次跌打, 其實最近感覺好左好多。夜晚忘了。

29/2(六) -- 四年一次2月29日, 其實無咩特別。下午同呀媽呀哥去左收樓。五座果度新裝修2年, 個租客都可以住到d野爛...無言; 夜晚外賣。

3. 唔記得係呢幾日, 呀B已經可以自己扶住野企起身。

1/3(日) -- 無印象做乜, 全日在家睇B做家務同埋落街買野咁上下。

4. 2個禮拜, 呀B由只可以轉身同埋撐起, 變左識得坐識得爬仲可以自己扶住企起身, 無啦啦好大進展。而佢掌握左爬之後, 都好快加速左爬嘅速度。

5. 剛巧呢排經常Work from Home, 可以陪到呀B, 睇到佢掌握技能, 做到家務同埋同工人大清理大執屋, 真係perfect timing。

完

二月十六日 -- 執屋

3/2(一) -- 返工; 收工外賣。

4/2(二) -- HomeOffice(HF); 睇跌打。

1. 今日開始呀哥個工人姐姐來幫手大掃除。

5/2(三) -- HF

6/2(四) -- HF

7/2(五) -- HF, 跌打。

8/2(六) -- 係屋企繼續執屋。

9/2(日) -- 在家。

10/2(一) -- 返工; 外賣。

11/2(二) -- HF

12/2(三) -- HF, 呀哥生日, 我煮飯, 叫埋佢來食, 工人一齊食。

13/2(四) -- 返工; 寶林外賣。

14/2(五) -- HF; 今日工人完成大掃除大執屋任務。情人節無特別慶祝。

2. 呀媽提早係台灣返來

15/2(六) -- 在家。

16/2(日) -- 呀媽中午過來; 下午同呀媽呀哥落街食tea, 之後買野返去夜晚煮。

3. 經過一番努力, 終於將全屋大清潔同埋將d野由頭執過, 地方見使好多又整齊左好多, 正呀~~

來緊:

完

二月二日 -- 農曆新年+新曆生日

1. 事隔2個禮拜有d已經唔係好記得, 係咁咦記低。

20/1(一) -- 收工返去買外賣+睇跌打

21/1(二) -- pm ssp MCT

22/1(三) -- 收工返去買外賣

23/1(四) -- 收工返去買外賣

2. 呢幾日逐d咁都叫清潔左下個廳廁所同廚房。

24/1(五) -- 年三十早收3點; 一家返天晉團年。

25/1(六) -- 大年初一; 中午過天晉拜年, 跟住全日係果邊hea到夜晚食埋飯返企。

3. 是日落雨, 無去街; 咁啱今年亦無其他地方可以去拜年。

26/1(日) -- 年初二; 天氣好轉, 中午去天晉食完飯之後, 一齊落左街去海邊行一轉, 之後返天晉, 夜晚食埋飯之後返企。

27/1(一) -- 年初三; keep到中同初三赤口賀歲波(天晉場), 之後一齊食lunch; 下午返企hea一陣夜晚再過天晉食晚飯。

28/1(二) -- 年初四假; 娟SamEstherDorothyAdaMandyThomas來天晉BBQ(2-5)(源肚痛臨時來唔到), 八婆一家同進後join來食少少野同埋之後一齊碌拎(4-7); 八婆同進走之後, 其餘人一齊去將中買野飲再上我家坐, 買左蛋糕慶我同C生日。

29/1(三) -- 公司宣佈連放三日homeoffice; 夜晚過天晉食飯。

4. 呀哥一家決定提早去台灣了, 本來二月十幾號, 而家一月三十就去。

30/1(四) -- 生日; 呀哥一家連埋呀媽一齊去台灣(哥去幾日就返來繼續返工, 媽去到十幾號返來); 全日照常幫手1睇B做家務同落街買野; 夜晚C hea煮。

5. 同呀B影相postponed。

31/1(五) -- 睇B做家務落街買野, 今日跌打開所以去左睇跌打; 夜晚買外賣。

2/1(六) -- 睇B做家務落街買野; 夜晚hea食之後去睇跌打, 今日睇完痛...

2/2(日) -- 睇B做家務; 是日街都無落; 夜晚我煮。

6. 見到人痴晒線咁亂咁傳謠言, 又搶購口罩糧食同日用品, 真心覺得好痴線。詳細唔想講了。

來緊:
24/2(一) -- 放假一天同呀B去影樓影相。

一月十九日 -- 農生

13/1(一) -- 呀B七個月大。C仍然未好, 收工返去煮飯, 又無睇跌打。

14/1(二) -- 收工本想睇跌打, 返去買外賣之後落去, 點知跌打佬發燒唔睇, 自己買個飯盒返企。

15/1(三) -- 收工買外賣返去, 之反睇跌打。

16/1(四) -- 係公司附近新開超市買左d野, 收工返去試用汽炸鍋, 都OK。

17/1(五) -- 係公司做左好多好多野, 極累。收工買外賣。

18/1(六) -- 中午去北角同C親戚s飲茶; 之後返企休息一陣, 夜晚出中環梅夫人紀念館Cass婚宴。

1. 多謝C舅母記得我生日。

2. 梅夫人紀念館 -- 雖說係歷史建築, 又要入會先有得book, 但係個人覺得個場一般...並唔係特別好靚;  不過d野食係唔錯。另外去到後尾叫口號有d odd, 雖然睇落大部份人係黃, 都OK。Cass仲唱左"今生今世"。

19/1(日) -- 農曆生日; 連續2日放假都被7點幾叫醒; 你雖然辛苦, 痛ge唔係我, 但係返工ge都唔係你...都係例牌下午落下街食野。夜晚過天晉食飯。

來緊:
27/1(一) -- 初三赤口中同賀歲波+飯
28/1(二) -- Sam etc BBQ+碌拎
30/1(四) -- 放假一天同BB去影樓影相

完

一月十二日 -- 病痛

6/1(一) -- 收工返去睇跌打, C煮。

7/1(二) --  收工去寶林買南記返來比C食。

8/1(三) -- C呀媽唔舒服幫唔到手, 我請假一天, C複診, 我睇B。早上去左睇跌打, 中午買外賣; 下午C去複診, 呀媽來左睇呀B;

9/1(四) -- 收工返企睇B, C煮飯。

10/1(五) -- 收工返企, Grace來睇B, 之後一齊去將中食越南野, 再買野飲後散。

1. 估唔到第一餐生日飯, 多謝; 講起來我地2個互相有差不多2年無慶祝生日了。

11/1(六) -- 中午出左附近食野同行街買野, 夜晚買外賣。

2. 係要趁我係度攪好多野, 其實有時真係要量力而為, 唔得咪唔好攪咁多野咯, 大家都辛苦; 雖然你全日non-stop好辛苦, 但我收工返來都幫攪好多都辛苦, 仲要再整多d野真係頂唔住...

3. 睇左TBB播舊歌concert, 麥潔文同仙度拉仍然好勁, 把聲同唱功都keep得好好; 張德蘭都唔錯。

12/1(日) -- 之前果晚2點幾先完晒野, 7點幾被抄醒幫手睇B; 上午C睇醫生又乳腹炎所以好痛, 好彩我單獨睇B佢又唔算勁扭, 似乎只係最蝦呀媽; 下午C媽突發過來, 佢幫手睇B我同C即時訓覺休息, 謝天謝地; 各自訓左2個鐘, 夜晚同埋C媽一齊食飯佢先返企。

4. 好hea地留意下TBB頒獎典禮, (意料之內)好唔掂, 豬肉獎; 又幾意料之外金宵大廈羸得咁少獎...私心想佢拿最佳劇集; 視帝來講雖然陳山聰演得不錯不過其實係有少少瑕疵, 視后來講其實李CWa真係演得好好, 不過小紅姐個演出都好精彩, 輸都無辦法, 計埋輩份ge~ 千Fa同Pakho就得啖笑無咩好講啦。

來緊:
18/1(六) -- Cass婚
28/1(二) -- 年初四, BBQ

完

一月五日 -- 新年

30/12(一) -- 原本有得出site早收, 不過要留係公司整野所以無出。收工返企C煮, 無去跌打。

1. 2號要全世界出晒top-up offer, 到今日下午都仲改緊信, 仲話明天要簽好晒; 公司d垃圾高層快d收皮啦。

31/12(二) --  公司3點收工, 不過果然係3點走唔到, 最終好多同事未走, 我就攪掂走先, 3點半閃人; 夜晚同C落街行一陣, 之後Edf到, 一齊買野食返企, 再之後Rita同佢老公&B到。10點幾散晒。

1/1(三) -- 公眾假期一天; 同平時weekend一樣下午落街食野行下買野; 夜晚本來想煮不過最終無煮, 買左外賣返去食。

2/1(四) -- 出site去左SSP行下同買野, 之後返企。C煮。

3/1(五) -- 收工返企, 買外賣。

4/1(六) -- 早上去睇跌打, 持續有好轉; 下午一家搭地鐵去寶林食野同行下, 之後行返企; 夜晚買外賣。

5/1(日) -- 早上半睇B半睇左場波; 下午一家出去附近食野行下同買野返去; 夜晚C煮。

來緊:
18/1(六) -- Cass婚
28/1(二) -- 年初四, BBQ

完