18/12(一) -- 出site早d收, 返天晉我家做冬。
19/12(二) -- 下午去灣仔續牌, 之後接C收工, 去金西南食米線後返企。
20/12(三) -- 收工同話劇朋友食飯, 試左同事介紹的佐敦米記, ok喎性價比幾高; 好耐無見但係每次見都好開心同可以聽到前輩分享經驗, 另外梗係要恭喜Crystal來緊1月結婚啦!
21/12(四) -- 清假一天; 11點同馬食野, Kathy來一齊坐, 之後我同馬去練波, 由於佢傷左, 所以今次齋射波; 一直都想練射波同三分, 今次真係齋練, 感覺上有進步~ 之後同馬去左M記食d野, 佢返企我再去射左陣波, 返企沖涼; 夜晚同C去左Waalah食飯。
22/12(五) -- 冬至早放3點收工; 搭叮落灣仔同Derek Jack食tea(我只飲杯野), 之後行下188再meet埋C, 行下太原街, 之後散; 夜晚C家大圍係灣仔食飯做冬。
23/12(六) -- 臨時約左Sanny下午一齊行葵廣, 本來一齊食晚飯但係佢累所以返企; 去TW meet Edf同Irene行下同埋食晚飯後散。
24/12(日) -- 9-11TKO, 是日拍住勁隊友, 全場無輸過所以打足全場, 都唔使我點起手, 早段幾準仲入左2球三分, 後段開始累, 無咁準, 不過自覺防守都OK; 打完波返企沖涼即出寶林同馬夫婦Norman食晏; 散左之後2點島meet ConnieMartin一齊去西環泳棚影相, 唔太多人但估唔到個個都影得耐, 等左個幾鐘, 之後行出西環碼頭影下相, 開始覺得腳好累, 最後一齊去左第二街餐廳食飯後返企。
25/12(一) -- 每年聖誕BBQ; C唔係好舒服怕d煙熏到所以無去, 我遲少少到, 源等埋我一齊入小欖joinSamEsther娟AdaDorothy進CharlotteSanny BBQ; 進2個走先, Sanny返去, 源陪我搭MTR佢到KLT走, 其他人坐Sam車來我家; 夜晚係企玩switch, 差不多11點散。
26/12(二) -- 早上同呀馬射波2個鐘, 仍然覺得有進步(intensive咁狂射當然會); 之後散返去同C食飯; 下午源EdfRita偉Irene分別來到我家, C同Edf各整d野食, 夜晚打Switch到10點幾散。
來緊:
27/12(三) -- TangoLily
29/12(五) -- C home
31/12(日) -- 我家Bino
6/1(六) -- K
18/1(四) -- 白田K
23/1(二) -- Crystal婚
2/2(五) -- Annual Din
3/3(六) -- Rita婚
10/3(六) -- Frankie婚
完
2017年12月26日 星期二
十二月二十日 -- Xmas
2017年12月17日 星期日
十二月十七日 -- 冷
11/12(一) -- 收工去北角同白田舊同事食飯聚下, 試左果間青藏牛肉麵, 好食喎。
12/12(二) -- 夜晚OT幫ACD開Briefing, 9點半島收工; OT之前同CSW朋友食野同埋連線打Switch Mario Kart。
13/12(三) -- 夜晚大角咀OT, OT前出土瓜灣出site, 之後去SSP再行去大角咀; 由土瓜灣食到SSP。
14/12(四) -- 出site返企好累唔煮飯, 出去樓下食台灣野。
1. Crystal夜晚打電話來, 佢下個月結婚啦~~~ 真係天大喜訊~~~
15/12(五) -- 收工去油塘同C食日本野。
2. 終於捱過左呢個禮拜；2晚OT，老細放假無啦啦d野湧出來又多野搞，又比晒我搞。
16/12(六) -- 早上去太古同中同(馬夫婦,Herman, 何文智)飲茶, 中午Herman走我地行一陣太古後散; 返企恰左陣, 4點幾出去食個tea行下Aeon買野返去, 夜晚食牛扒。
3. 開住電視聽籌款節目唱歌, 黃翊黃寶欣湯寶如陳潔靈林欣彤糖妹陳曉東...果d唔多講啦, 雖偶有甩轆但都算發揮到水準, 最想講係咁多年來盧巧音唱live都係好難聽, 就算佢有好幾首首本名曲幾好聽都好, 佢live真係唱得好差, 仲話要開演唱會...
17/12(日) -- 9-11天晉; 8點同馬夫婦食早餐, 之後打波; 之後返企hea, 下午出去買野返來C煮飯。是日有d凍。
4. 是日打波，幫隊友做擋時迎來被擋ge呀馬，我擋果下已經(想)企定/企直，但由於現場實?太快+我年老身體同反應，我企得唔直+佢被擋撞過來，所以整到佢舊患超痛，雖然我覺得自己已盡力+非故意，但自我感覺都很唔良好，超唔好意思...
5. 翻睇金庸, 連城訣雖然慘, 但係仍然覺得正。
6. 已經每日都好早攤去訓, 但係有人打機/睇片到好晏, 攪到訓唔好...好眼訓...
7. 竟然無啦啦想買下玩具/野比自己做聖誕禮物ge念頭, 但係其實無target想買d咩ge~
8. 拿左Switch返來都無點玩...唔係好大癮打機了。
來緊:
18/12(一) -- 我家做冬
20/12(三) -- 話劇朋友聚
21/12(四) -- 清假
22/12(五) -- 早放; C家做冬
25/12(一) -- 每年聖誕BBQ
18/1(四) -- 白田K
23/1(二) -- Crystal婚
完
2017年12月10日 星期日
十二月十日 -- 極光
4/12(一) -- 出site返企沖涼上天晉食飯早訓。
5/12(二) -- 出siteTKW之後去左果欄買左d果, 之後去大角咀同Charlie同Annie食埃及野, 幾好食; 8點開會9點島收工, 上一上天晉再返企。
6/12(三) -- 出site返來睇跌打, 之後同C各自買外賣返企食。
7/12(四) -- 收工去九龍灣meet Penny跟住一齊行去九展, 換左飛後食d野就去排隊, 睇林一峰+林奕匡concert。
1. Mr. Nice Guys Concert -- 好睇喎~ 本來佢2個我都幾like, Chet打滾咁多年揮灑自如絕對無問題, Phil獨唱我覺得佢唔算好sharp, 反而同Chet合唱/夾唱時好自在好放, 發揮得仲好; 另外佢2個係中盤之後入晒狀態之後表現都好正, 尤其2個都識玩音樂, 互相和音/玩chorus/Chet玩口琴/Phil吹Saxophone...etc都好正~~
8/12(五) -- 清假一天; 早上起身睇戲"英倫對決", 都算不錯; 之後返企C話恰陣, 我就去同馬練陣波, 今次主練射波, 最後有2個後生走來撩鬥波, 靠呀馬最終贏左~~ 返企沖個涼去Beans食野, 之後上一上五座同呀爸睇下就來裝修果度, 就搭巴士出太空館, 結果大塞車好耐先到, 好彩都岩岩好; 極光好靚好壯觀, 值得睇; 之後行左下TST後去左食好耐無食ge越南野, 仍然好味; 食完返企。
9/12(六) -- 早上hea, 下午源上來,再晏d Edith同Irene都來一齊去食Simplylife, 食完上我家一齊hea睇電視同食cake, 11點島散。
10/12(日) -- 8-11中山, 三粒鐘堅累, 不過好耐無試過無點腰痛咁打, 覺得自己都打得唔錯(但係仍然都係有防守同turnover老問題), 進攻方面起手唔算多但把握力幾高, 都入唔少, 三分都入左幾球。打完返去買外賣返去同C食, 沖涼就訓; 4點幾起身好肚餓, 同C去食tea後行下將中再買野食返企, 到8點幾又餓就食。
來緊:
11/12(一) -- 白田
12/12(二) -- OT
21/12(四) -- 清假
22/12(五) -- C家做冬
完
2017年12月3日 星期日
十二月三日 -- 返鄉
20/11(一) -- 突然OT, 大約8點9收工, 無走車+飛車, 9點3返到屋企, 仲沖得設涼先睇電視。
21/11(二) -- 收工返去買野煮飯。
1. 一早意外地無啦啦攪到自己身體。
22/11(三) -- 收工返企煮飯。
23/11(四) -- 出site返企沖涼hea陣之後出KT同波友食11月之星飯放題。
24/11(五) -- 早機返鄉, 去到食中午, 下午幾乎昏迷, 夜晚出萬佳食圍菜。
25/11(六) -- 表弟正日擺酒, 我做兄弟團之一去趁下熱鬧, 接完新娘返去新房再返佢老家(即係我住的呀姨度), 食完野下午又係hea hea下訓左, 夜晚又去萬佳食飯, 130圍好壯觀(雖然大表弟果時都差不多)。
26/11(日) -- 呢日無咩特別野攪, 呀哥呢日返Hk先, 呢日就我同C幫手同呀嫂湊2個B(同場仲有好多表兄弟姊妹的B), 呀哥走前同我地去左個商場行左圈, 對比起新年時去竟然執左好多鋪, 人少左好多; 下午返到去又係訓左; 夜晚出去食飯, 竟然係港式飲茶...不過主打係餐廳有小朋友corner比班小朋友放電; 是晚返到去叫左好豐富的宵夜, 超正呀~~~
27/11 -- 早上又係heahea下, 食完晏中午再去商場行個圈, 下午4點島就出發返HK了。一早買左機票, 原來老叔公是晚擺80大歲無早d通知, 早知留多日。
2. 唔知點解返去幾日, 又唔係好夜訓又唔係超早起身又唔係話好勞動, 唔知點解幾日下午都係爆累到控制唔到訓著左 @@
28/11(二) -- 清假休息一天; 中午同C同馬去寶林UCC食brunch, 之後我同馬去左練下波(差不多2個半鐘累死), 之後返TKO叫C落來買d野返企; 我沖涼hea抖到7點幾出去食飯。
29/11(三) -- 收工同ConnieNatPenny係上環食飯, 之後上去參觀Nat暫住一個月的Service Appartment, 9點幾走。
3. 幾個fnd大家不?眷傾偈感覺free好多同好悠閒, 可惜Connie第二日早機所以要早走無得傾得耐。
30/11(四) -- 本來約表弟食飯, 不過C呢幾日遲收工, 佢同大肚老婆都唔晏食得, 所以再約; 臨時約左Edf同佢男友上來我家食飯; 出site早收返去買野煮飯食, 佢地9點幾走; 沖完涼C無啦啦唔舒服。我睇埋降魔的結局, 不錯。
1/12(五) -- OT開會9半收工。C發燒39.5度。
4. 是日試左TKW同事介紹小店炸脾幾好味。
2/12(六) -- 源生日快樂; C退左燒但仍然唔舒服; hea左一日, 下午自己落左街行下同買糧油野返企, 夜晚佢煮麵食我食sushi。
3/12(日) -- 8-10柴灣, 是日作病手軟腳軟, 唔係好起到跑快, 不過都入左2球三分, 仲過左個人layup添; 下午公司睇戲活動係黃埔睇Justice League, 睇完係紅磡食埋野返企。
5. Justice League不錯, 唔使用腦睇下精彩片咁; 超人太屈機, 水人好豪邁幾型, 溫打烏文keep住索。
來緊:
7/12(四) -- Concert wv Penny
8/12(五) -- 清假; 太空館
完
2017年11月20日 星期一
十一月十九日 -- 雜記
6/11(一) -- MA早走返去睇跌打, 睇完好好多不過都係要小心d; 夜晚我煮大半。
1. 降魔的好睇喎, 劇情鋪排同伏線都幾正。
7/11(二) -- 出site後去SSP, 比Edith幫佢唱ge日元同埋同佢買sim card同買埋headphone; 之後返TKO同C試popwalk2韓國野, 麻麻地。
8/11(三) -- 收工返去, 食魚米家。
2. 是日作病, 一早訓覺。
9/11(四) -- MA早走返去睇跌打; 之後去popwalk2試埋意樂。
10/11(五) -- 出site早少少返去沖涼訓著, C買外賣返來食。
2. 是日lunch同Ava farewell, 去果間香港老飯店又貴又難食, 中大伏。
11/11(六) -- 早上起身去睇跌打,, 企左成個鐘個醫生遲到; 睇完返去hea同抖到3點島出去, TST Miramar -> 永安 -> 果欄 -> In's Point -> Aeon -> 旺中 -> 旺角道附近食飯再返企。今日幾乎由TST行去太子, 腰腳大爆炸。
12/11(日) -- 8-10石塘咀, 因為腰未好晒, 所以唔敢chur得太恆, 是日進攻方面好似齋射三分xDD 仲要唔係好準, 入左2球only, 反而有球執到進攻籃板係罸球線射中距離入左, 2分fg 100% xDD; 由於C娘家去拜山我無join, 所以佢之後入西貢食早餐同同狗仔沖涼etc我全部無join, 打完波同波友食完野(又去堅尼地城)後返企沖涼恰左; 到5點島起身同C去坑口行再去寶林行, 7點半meet埋呀哥佢地食上海野後, C同嫂去買野, 我同哥等, 之後一齊返TKO。
來緊:
23/11(四) -- 波友11月之星飯
24-27/11 -- 返鄉下, 細表弟婚
1/12(五) -- OT
3/12(日) -- 公司睇戲JL
完
2017年11月12日 星期日
十一月十二日 -- 2場K+腰傷
6/11(一) -- 收工返天晉食飯。
1. 年紀大左精神力集中力都差左; 一有disturb或者distract就整錯野; 今日開工砌至like果隻綠渣, 第一件就剪錯左, 仲要無得補救爛左, 超唔開心。
7/11(二) -- 本來同芳嫂糖放題, 不過芳臨時SL cancel; 收工返TKO試新果間台灣野, 普通。
2. 是日早左返工, 竟然咁岩遇到第一日搬來上環service apartment ge Nat, 即時一齊食早餐吹下水。
3. 是日loyeah又撩我同Csa, 又辣慶我, 不過今次無上次咁嚴重, 都唔係十分慶。
8/11(三) -- 收工去KT工廈西餐食飯, 慶祝結婚2周年紀念; 一如以往情人節、生日、紀念...etc, 其實都係單方面慶祝~ LOL
9/11(四) -- 出site收工返去買野煮飯。
10/11(五) -- 收工返C娘家食飯。
11/11(六) -- 早上老豆過來指導我換個房天花燈, 都攪左成個幾鐘, 最累係條頸, 如果唔係老豆教路我真係整唔掂~~ 下午同K腳Group係Jordon唱K, 之後去左醉瓊樓食埋飯先散。
4. 一如以往, 一早約左唱K, 去到果日就唔知唱咩, 又唔係十分興奮, 唔知想點咁...
5. 醉瓊樓OK喎。
12/11(日) -- 8-10石塘咀, 是日打得落力, 又係攻防都覺得自己不錯; 是日連入2球3分, 可惜最後一球18:18 buzzer唔入之後夠鐘, 入左真係buzzer beater~~ 是日(again)最好笑係Jack叫左佢個fnd呀龍來, 又係好funny ge人, 最攪笑係佢無打開籃球都來(因為之前唔夠人), 仲要最後一球winning shot(另一場)係佢唯一一球亂隊ge三分入左, 超好笑~~; 之後同佢地去左Smithfield街市食好味沙爹牛麵再返企, 沖涼再出九龍城同EstherDorothy唱K慶生(SamEstherDorothy娟MandyThomasC), 之後6人去九龍城食平放題, 除開埋單每位$200, 雖然d野食好一般但係好平好抵。
6. 是日家俊帶左d新朋友來, 幾好波不過幾硬淨, 對左幾野同埋自己都落力打之後, 腰痛; 初初直頭痛到左邊下身痛又痺, 坐時好痛坐唔得耐; 之後返企沖涼捽完好d, 下午同夜晚慢慢都好好多, 起碼坐住都唔多痛。
7. 是日Dorothy帶果隻Board Game跑馬仔幾好玩。
來緊:
23/11(四) -- 波友11月之星飯
24-27/11 -- 返鄉下, 細表弟婚
完
2017年11月6日 星期一
十一月五日 -- Connie生日+草蜢Concert
30/10(一) -- 出site後返去買野煮飯。
1. 又係第一集, 一於睇下"降魔的"好唔好睇; 事前expect應該不錯, 睇完第一集來講暫時standard, 人物介紹+鋪排中, 比多幾集佢先。
31/10(二) -- 出site後返企先, 同老豆上五座收樓, 之後去寶林同C食飯同睇皮鞋。最終睇唔岩, 返企繼續追劇。
2. 其實都幾希望TBB有好睇劇, 一來可以更痴下家, 二來睇劇先會有起碼一個鐘時間坐定定可砌模型。
1/11(三) -- 早走去睇跌打, 買野返企沖個涼落返去點知已經好多人, 等到7點先到我; 夜晚C煮。
2/11(四) -- 原來唔使OT開會; 收工返天晉食飯。
3/11(五) -- 收工返企換衫執野出寶林同哥嫂C打羽毛球。之後食d野。
4/11(六) -- 一早起身去睇早場Thor 3, 之後去魚米家食早餐; 食完返企抖, heahea下訓埋; 醒左磨磨下到5點幾先出門, 去Megabox Ikea食野之後行下; 唔係好expect之下買左對波鞋(本來都有d想睇下)同皮鞋(呢個有需要的)後返企。
5/11(日) -- Connie生日快樂, 仲有Puzzle同esther都生日; 10-12 Parkside, 之後無人book, 所以我地加鐘打3個鐘, 是日由於星期五打左羽毛球同埋條腰緊, 所以無上星期咁有活力, 不過自覺都算打得中規中矩, 最後果一個鐘已經累到狗咁(入左一球三分); 之後同佢地食埋晏先返企; 累到大爆炸沖完涼就訓左, 無整個房燈; 6點出TST同ConnieLoLoNatClement食生日飯+草蜢concert。
2. 草蜢Concert，入場都睇過幾次了。
[我們都是這樣失戀的]
呢首係佢地嘅歌其中一首最like之一，好開心今次有唱。(所以偷錄左呢首)
以下為是次concert感受：
-- 可能唔想唱來唱去都係果d歌，今次唱左不少冷門歌，有d連我都唔識
-- 近年睇左好幾次何丙做音樂總監嘅concert，佢係好够膽大執過d歌嘅編曲
-- 同年代歌手來講，開concert都係sell老fans，所以d歌都唔會點大執，唯獨草蜢嘅style、歌、舞都創新得起，今次好多歌/跳舞歌都係編到完全唔同，disco電子音樂cyber風etc都玩埋，加上何丙d編曲好多時配樂好豐富，有時齋聽背景d音樂/聲效都好正
-- 今次d歌其中比較驚喜嘅係傑仔“流淚的背影”唱晒成首，好正~~(等K有得唱)
-- 光影效果都不錯，不過個圓型罩螢幕遮左我地山頂朋友d視線
-- 比起05年佢地重出，年紀始終大左，陰d陰d其實跳得少左(擺pose多左)
-- 我個位望到band位，個鼓真係超型棍，尤其係“華麗舞台”果part
-- 雖然係頭場，但現場氣氛都好熱烈，爆滿得來even坐我附近嘅山頂朋友好多都好high又叫晒
-- 音樂嘅野我識條鐵咩
-- 我要唱K!
3. 終於第一次見Nat男友, 感覺係幾sociable同nice ge~
來緊:
7/11(二) -- 同芳嫂糖食飯
8/11(三) -- Annivesary
11/11(六) -- K group K
12/11(日) -- Esther生日
24-27/11 -- 返鄉下, 細表弟婚
完
2017年10月29日 星期日
十月二十九日 -- 中同返港
23/10(一) -- 出site早收返去買野煮飯。
24/10(二) -- 中午出site後搵左Connie食飯; 收工同EdfC食Rita生日飯, 竟然係NPMTR撞到呀源; Villa Villa間野普普通通, 食完去左翠苑食糖水, 再去do平2蚊, 大家見仲早8點幾上左我家坐, 到10點零散。
25/10(三) -- 是日下午派信, 去馬游塘村同大埔仔上村, d村屋好難搵, 好彩最後都搵到; 之後返企沖涼, 夜晚上天晉食飯。
26/10(四) -- 出site早少少返, 買野煮飯。
1. 玩左幾年ge手遊SD高達終於正式執柒, 之前的確浪費左唔少時間係隻game度, 不過都總算有過滿足感, 隻game的achievement亦唔低; 雖然無咩用, 但係人生就係咁架啦, 有幾多到最後係有用? 曾經開心過, 已經足夠。
27/10(五) -- 收工返C娘家食飯。
28/10(六) -- 晨早起身8點到CWB同係美國返來的中同Simon飲茶(馬kathy周天恩); 之後返企抖陣, 下午出石夾尾同Edith食車仔麵同影下相。石夾尾村->南山村->CityU->又一城, 之後Rita走先, 我地3人返我家抖一陣, 8點幾去尚德稻香打邊爐, 11點島散。
2. 原來周天恩發生左d咁爆ge野, 真係surprise~~
29/10(日) -- 10-12 Parkside, 今日打之前雖然條腰好緊, 但難得覺得有d狀態, 好耐無試過真係好落力爆氣chok恆去打, 平時腳步極慢防守唔得, 今日覺得不錯, 算係decent, 攻擊方面都OK, 射波入攝等等果d都有, 而且好耐無同馬一隊, 今日同佢一齊打得幾爽。不過後遺症係打完之後條腰堅痛...是日三分唔記得3定4投2中; 之後返企, C煮杯麵, 我唔多想食, 於是食左一個橙一個柑一個柿同d提子當lunch算; 沖完沖太累訓左; 5點島起身, 超肚餓, 同C落去街市買野(食左d小食), 夜晚佢煮。
3. 近年ge自己唔係一個鍾意影響人ge人, 通常都係人地想點, 就由得佢/世界順住個flow去; 不過有時真係要guide返d野去一個自己覺得理想d的方向先得...
來緊:
2/11(四) -- OT
5/11(日) -- Connie生日+草蜢concert
11/11(六) -- K group K
24-27/11 -- 返鄉下, 細表弟婚
完
2017年10月23日 星期一
十月二十二日 -- TKO朋友
16/10(一) -- 收工臨時搵呀哥同C去TST睇埃及展, 之後哥走先, 我同C食萬豚屋後返企。
1. 估唔到睇左咁耐, 仲睇埋VR; 之後搭車睇apps見岩岩有車就去啦, 點知應該前面有問題, miss左2班, 最終等左好耐先上到車, 11點先返到企...
17/10(二) -- 起身感覺唔多妥, 索性SL; 結果放假仲辛苦過返工 xD; 10點幾落街睇醫生, 之後過天晉, 11點零食野, 12點同馬打波打左2個半鐘, 累到痴線, 之後同佢行到寶林再搭車, 上一上天晉返去, 買左生果, hea半個鐘3點9出去meet Norman, 同佢係Parkside hea射下波4-5傾下偈; 之後買野返企煮飯, 仲掃地抹地洗埋廁所, 累到癲; 最後果碟C返來接力。
18/10(三) -- 下午突然要出site, 西環收工, 臨時搵左Tracy坐左一陣傾下偈; 之後搭叮返上環, 同Grace食生日飯; Oldies環境同食物都唔錯, 但原來7點last order 8點收工, 好早就食完(不過由頭到尾都無客, 包場了); 之後返坑口食埋聰嫂先散。
2. 是日NBA開鑼! 可惜第一場一個球星(Hayward)出場唔夠5分鐘就大傷(隻腳向外擰...)摺埋了...
19/10(四) -- 收工返天晉食飯。
20/10(五) -- Grace生日快樂! 西環收工, 返企沖涼抖一陣, 8點幾出CWB食Derek生日飯(Derek Jack James Tommy Pierre Norman Raymond)。間火山燒ok啦, d肉都幾好, 三百幾蚊來講貴貴地但都算ok。有Jack James係度9 up全場都好笑。
21/10(六) -- 約左Grace 3點係坑口meet, 之後一齊入峻瀅勇Trista家坐; 吹下水到5點幾再一齊來我家同行下附近, 之後過寶林食上海野後Grace返企, 我地就行返去尚德再散。
22/10(日) -- 8-10柴灣, 是日一開打條腰就好緊, 所以進攻無咩特別表現, 起身唔多又入得唔多(雖然入左一粒三分), 好彩反而專注防守同回防唔太差, 有d貢獻; 打完之後家俊帶我去工業大廈入面一間好多年ge車仔麵, 買外賣返企, 真係好食喎~~~ 之後就係企抖, 到4點島落街買野返去, 夜晚C煮。
來緊:
24/10(二) -- Rita生日飯
27/10(五) -- 返娘家飯
28/10(六) -- 中同Simon飲茶
5/11(日) -- Connie生日+草蜢concert
11/11(六) -- K group K
24-27/11 -- 返鄉下, 細表弟婚
完
2017年10月15日 星期日
十月十五日 -- Dangal/八號波
9/10(一) -- 相安無事, 收工返天晉食飯。
1. 是日Stacey放完產假返來, 即時遞信, 賠錢星期五last day, 仲要來緊幾日SL xD
2. 八婆怒...又的確係我地唔太好ge...
10/10(二) -- 哥嫂忙, 出site早少少收工, 返去買野食再返企沖個涼, 上呀哥度幫手餵番薯食飯。
11/10(三) -- 收工返去, C唔多舒服, 買左粉返去食, 我就買大家樂雞餐食, 有剩帶飯。
12/10(四) -- 收工返去買野煮飯, 返企放低d野唔記得增值八達通, 於是落返街, 但唔記得帶key, 於是係樓下等C返來先返到企。
13/10(五) -- 收工去太子同好耐無見的花姐姐食飯; 第一間選ge cafe竟然已執, 之後去第二間; 裝修不錯, 環境都不錯, 不過d野食性價比就一般。9點就收舖, 焗散。
14/10(六) -- 一早起身自己去睇早場Dangal, 好好睇; 之後同馬佢地一齊食lunch, 傾下hea下到差不多4點散; 之後入西貢攪下狗, 最後出返調景嶺食一麵館後返企。
2. Dangal -- 一如之前3 Idiots同PK, 有意思得來個劇情節奏都拍得好好睇, 今次真人真事改篇一樣拍得唔會悶, 差不多3個鐘一d都唔覺時間過, 笑料無之前果2套咁多, 但一樣都係開開心心, 又有感動位; 有好多人睇完mainpoint覺得咩父權女權追尋夢想...etc, 我反而體會多一樣野, 就係而家好多故事叫人堅持、追逐夢想, 但係有幾多人好似主角咁有料/咁有眼光+咁有運呢? 唔好計運, 我反而好怕會令好多普通人/庸材/甚至蠢材盲目向前衝, 仲衰...
15/10(日) -- 8點Parkside, 由於未到9點就打8號波, 所以得7個人, 打到差不多9點一定要走, 同Derek jack食早餐, 再買外賣返去比C食; 係企hea左大半日, 5點落樓買野, 夜晚C煮。
來緊:
17/10(二) -- Grace生日飯
20/10(五) -- Derek生日飯
28/10(六) -- 中同Simon飲茶
5/11(日) -- Connie生日+草蜢concert
11/11(六) -- K group K
24-27/11 -- 返鄉下, 細表弟婚
完
2017年10月8日 星期日
十月八日 -- 不忿
3/10(二) -- 出site早少少收工, 返去煮飯; 呀爸呀媽同加拿大返來的叔嬸一齊食飯, 嬸住一晚。
1. 公司個死loyeah竟然夠夠膽做埋d無聊野辣慶我, 食屎啦。
4/10(三) -- 公司早收3點, 不過輪到我留守, 所以都係收6; 收工去SKW呀C婆婆屋企大圍做節飯。
5/10(四) -- 坪州BBQ cancel; 中午出九龍城同流局Group(ConnieLoLoPennyJessie)唱K, Jessie4點半島走; 我地唱到7點島走, 之後係九龍城食埋泰國野先散。
2. 真係唔知點解次次都係, 好耐無唱/難得攪一次好想唱的K, 出到來反而唔知唱咩得來, 又硬係覺得怪怪地咁; 是日仲衰ge係, 呢排真係好累好眼訓, 食完野竟然恰左一下, 好彩之後精神返唱返多d; 同埋好耐無唱, 不在狀態, 高音上唔好, 又唔夠氣...
3. 竟然難得有件事心頭不忿左2日, 不過之後終於淡忘了; 希望星期一無野發生。
6/10(五) -- 出site早dd收工, 返TKO拿返盒月餅(呀爸拿落來MTR), 之後過返北角同源上民仔屋企, 同佢媽妹傾左陣走; 之後meet埋C係附近食間星洲野後散。
7/10(六) -- 唔知點解呢排都好累好眼訓, 早上起身食d野又繼續hea, 到3點同C Connie Jessie去牧羊少年食tea, 4點9島Jessie走, 我地就去坑口行下, 6點半島返TKO; 返企hea一陣到差不多9點出去popwalk 2魚米家食飯。
8/10(日) -- 8-10WCH; 是日早段唔多起手, 無咩表現但都無咩大失誤, 之後起返少少手但都唔太入, 不過竟然難得有一下單人快攻前面無人入埋xDD 三分2投1中算係咁, 仲有一下critical贏波steal; 之後返TKO同C食野後返企抖。到傍晚出去買d野返來煮食。
來緊:
13/10(五) -- 花姐姐飯
20/10(五) -- Derek生日飯
28/10(六) -- 中同Simon飲茶
5/11(日) -- Connie生日+草蜢concert
24-27/11 -- 返鄉下, 細表弟婚
完
2017年10月2日 星期一
十月二日 -- 京阪之旅
20/9(三) -- 收工返去沖個涼, 之後夜晚出發去機場, 凌晨機去大阪~~
21-26/9 -- 京阪之旅。
27/9(三) -- AL休息一天; 全日就係hea, 執埋d野, 洗衫, 整相, 過天晉, 落街食飯x2等等。
28/9(四) -- 收工返企買野煮飯。
29/9(五) -- 出site早d收工; 同Derek係MK meet, 行左信和In's Point同果欄後散; 返企換個衫C收工, 去寶林食飯順便拿月餅, 之後meet馬夫婦一齊行左陣街散。
30/9(六) -- 進進大婚, 一早6點幾搭的士去汀九帝景, 成個過程尚算順利, 3點幾散; 酒店麻麻地, 地方窄, 野食又唔多又麻麻, 係叫有個池畔証婚; 散後坐shuttle出TW, 再返娘家食C爸生日飯。
1/10(日) -- Derek生日快樂; 早上10-12 TKO, 剛trip完返來+做完兄弟都好累, 唔算打得太差了...; 晚上姨丈請食飯, 係屋企附近紅樓, 不過呀哥佢地無來, 成班佢d fnd全部叔叔。
2/10(一) -- 10-12坑口, 極累不過都照跑, 都算係咁; 之後返去沖涼出TST食Mandy生日飯(MandyThomas娟SamEsther), 傾到差不多4點散; 之後行下TST同去In's Point信和, 夜晚返天晉食飯。
來緊:
3/10(二) -- 叔嬸來住一晚+食晚飯
4/10(三) -- C大圍做節飯
5/10(四) -- 坪州BBQ cancel; 流局Group K
5/11(日) -- Connie生日+草蜢concert
24-27/11 -- 返鄉下, 細表弟婚
完
2017年9月20日 星期三
大金冷氣泳兒羅力威Concert Rundown + 小評
標籤： 個人感受/感想/人生觀
2017年9月19日 星期二
九月十九日 -- 三分
11/9(一) -- 出site早收, 返去同媽買送吹水, 之後返企沖個涼, 夜晚過天晉食飯。
12/9(二) -- OT開會到差不多10點收工。
1. 是日試左James比我的鼻敏感藥, 效果好似不錯; 不過唔知關唔關藥事, 成日都極~~度眼訓。
13/9(三) -- 出site早少少收工, 返去買野煮飯。
14/9(四) -- 出site同埋夜晚OT, 9點半島收; 中間有d時間, 去左唱錢、SSP買sim card同玩具, 同埋去左明哥果間野買左3送飯飯盒去土瓜灣公屋下面d休憩地方食飯。
15/9(五) -- 出site, 同尋晚一樣又係去到個站無車, 等到6點幾先有車; 返去比左幫呀哥唱ge錢後返企沖個涼, 出返來同C係附近食飯。
16/9(六) -- 早上同馬佢地食早餐, 之後幫佢搬屋開門行行企企, 到中午一齊食埋晏先散; 之後返企沖涼抖, 夜晚同媽姨丈呀姨表弟一齊食添好運後返企。
17/9(日) -- 9-11坑口, 今日第一場入左一球三分, 總拿7分, overall都打得不錯, 仍然係打SG位; 第二場已經好累, 加上錯晒節奏, 大家都打得唔好(我更係一pat屎), 結果開頭輸太多, 之後佢打好d都係追唔返輸左; 最後一場, 可惜打到最後大家開始亂來hea, 不過如果真打應該我地贏, 我入左三球三分, 好似拿左11定13分, 好難得~~ C唔舒服, 中午食完飯買d野返去抖; 夜晚我煮。
18/9(一) -- OT開會到9點半島完。
19/9(二) -- 出site後medical appointment返TKO睇跌打, 就來去旅行都係睇一睇好d; 之後買野返去煮飯。
2. 今日小雲未婚夫無啦啦打比我, 我無佢電話開頭又唔認得, 佢講左一陣我先知係佢; 小雲媽好突然地走左, 佢地11月婚禮要暫停...好sad的消息...
來緊:
20/9(三) -- 收工返去沖個涼, 之後夜晚出發去機場, 凌晨機去大阪~~
21-26/9 -- 京阪之旅
30/9(六) -- 進婚, C爸生日
2/10(一) -- Mandy生日飯
5/10(四) -- Helen家飯
5/11(日) -- Connie生日+草蜢concert
24-27/11 -- 返鄉下, 細表弟婚
完
2017年9月13日 星期三
九月十日 -- 2場concert
4/9(一) -- 突然出site金鐘同灣仔做boy送件, 行左好耐又落雨; 收工同Nat去左西環食飯, 預祝佢生日。間野唔貴但難食, 對面第二街餐廳好食好多。好耐無傾咁耐計, 之後去埋源記食糖水後散。
1. 最近見到有套漫畫叫"迷宮飯", 將迷宮冒險同煮野食一齊講, 幾好創意又幾好笑~~
5/9(二) -- 收工時Penny剛剛係上環收工, 同佢Starbucks坐低傾左半個鍾, 之後同路各自返企; 同C係Beans食飯, 竟然唔使等位。
6/9(三) -- 收工同LoLo去KLB等埋C一齊過九展meet日安, 食完飯睇mini concert泳兒+羅力威。
2. Concert -- 今次concert佢地唱好多唔係自己ge歌, 大部份都係好名ge, 所以基本上都係識背。至於佢地自己ge歌, 除左羅力威有1,2首唔太識, 其餘歌同埋泳兒果d都係識ge。
泳兒同羅力威係HK樂壇都算係比較唱得果d, 不過個concert開局時果幾首歌, 佢2個狀態唔知係麻麻地定點, 唔太穩定。之後慢慢好d, 不過我一路都聽到不少瑕疵, 可能我當左佢地係實力派歌手來聽啦, 有少少失望。相比之下, 早年聽過一次雜錦concert有鄭融, 佢穩定性同埋台上表現好過泳兒好多; 而之前睇男人幫, 我成日覺得穩打穩扎無咩突出ge梁漢文原來算係十分好了, 更加係贏佢地成條街。Overall來講都唔差ge, 只係相對失望。
7/9(四) -- 出site早收工返去買野煮飯。
8/9(五) -- 收工返C娘家食飯。
9/9(六) -- 早上起身同C去左Popwalk 2果度行個圈食飯, 之後返企hea抖, 到5點島出去Jusco行下, 我就去YMT同進食兄弟姊妹飯。姊妹都不錯, 間野食貴左d。
10/9(日) -- 8-10WCH, 今次跟James fnd車去同返, 方便左; 今日打返正常dd水準, 射波ok入又入到三分, 算係咁; 一開波連打2場打左成個鐘, 雖然贏波但係好累~~ 第一場拿左8分仲要係20-20入左絕殺球, 第二場一開波入左球三分, overall拿5分, 都算係咁; 之後返TKO同C食d野就係屋企耍廢, 夜晚出返HH同C Derek食foodcourt再睇李克勤演唱會。
3. Concert -- 細個係佢仲係寶麗金時代都算好like佢,
之後變左CD勤時的確覺得爭d, 不過今次concert對佢有少少另眼相看。佢的確係唱得好穩定, 難度高ge位完全無問題, 係唱方面真係無咩好挑剔。值得一講係佢其實真係唔止播CD, 而真係好過聽CD的。可惜因為保守關係, 佢甚少唱冷門歌, 有d失望; concert之中最印象深刻係佢唱果幾首社會歌, 難得地佢唱+編曲係好有feel, 有果種對社會黑暗、無力同投訴感覺, 希望遲d會出碟重溫。
最surprise係當晚嘉賓竟然係我超like的陳慧嫻, 仲要唱傻女, 實在太太太開心。
來緊:
12/9(二) -- OT開會
14/9(四) -- OT?
16/9(六) -- 幫馬搬屋開門行行企企
18/9(一) -- OT開會
21-26/9 -- 京阪之旅
30/9(六) -- 進婚, C爸生日
5/10(四) -- Helen家飯
5/11(日) -- Connie生日+草蜢concert
18/11(六) -- 小雲婚
24-27/11 -- 返鄉下, 細表弟婚
完
2017年9月3日 星期日
九月三日 -- 打返波
28/8(一) -- OT土瓜灣; 之後返去同C食屋企附近食飯; 買左2件cake返企稍微慶祝七夕。
29/8(二) -- 出site早dddd收工, 去YMT行In's Point, 果欄(買左日本桃同韓國梨, 又見到交通意外現場, 好似有人係大貨車底), 信和, 之後同ex-URA同事食CarolMandy生日飯@牛角。都係大路日式任食邊爐, 而家唔知係年紀大左定點, 已經無以前咁熱衷食呢d, 同埋怕自己食得多, 今次真係食得唔多, 近年食任食都可以控制到自己食ge份量了。
1. 打完2次風, 天氣回復正常, 但係好似feel到無之前咁熱喎~~~
30/8(三) -- 突然要出site行左大半個土瓜灣睇舖搵舖, 行到死熱到死累到死; 早dd收工返去買野煮飯。
31/8(四) -- 收工返天晉食飯。
1/9(五) -- 收工返企, 之後再出KT磯燒放題食Tommy神生日飯(Derek, Pierre, Norman, Tai, Fai, Lok, Jack, Tommy)。
2/9(六) -- 早上起身, 呀馬臨時搵我地食lunch; hea到點幾鍾落樓同佢地食拉麵, 吹下水, 之後同佢地睇地產舖, 仲順手去埋坑口安寧慈園睇樓; 散左之後我地行左下坑口, 之後出MK行左果欄(買左d生果), 之後行In's Point同信和, 買左Derek生日禮物; 臨時約左Edith去左泰廚食飯後散。
3/9(日) -- 士美菲路8-10; 之後痴呀俊車返TKO, 同C食lunch之後買埋野返企, 我沖涼恰左下, 佢煮飯。
2. 今日一早唔知醒, 好彩平時返工時間醒左, 只係遲少少; MTR去到NP轉車, 見到對面月台開門, 即時九秒九狂奔, 竟然追到, 前面仲有個鯡套飛飛ge人一齊跑添~ 不過跑完feel到條腰痛...打波前已有拉筋, 不過唔知係咪因為痛成個人balance唔好, 今日狂炒...近幾個月每次打波都有三分入ge streak都斷左。
3. 馬搵左地方搬了~~
來緊:
8/9(五) -- 娘家飯
10/9(日) -- 李克勤演唱會
12/9(二) -- OT開會
21-26/9 -- 京阪之旅
30/9(六) -- 進婚
5/10(四) -- Helen家飯
5/11(日) -- Connie生日+草蜢concert
18/11(六) -- 小雲婚
24-27/11 -- 返鄉下, 細表弟婚
完
2017年8月27日 星期日
八月二十七日 -- 2風球
21/8(一) -- 出site早少少收工, 買野返去煮飯。
1. 是日超熱。
22/8(二) -- 出site早少少收工, 由於預第日打風, 所以唔煮, 買左sushi返去食。
2. 是日都係超焗超熱。
23/8(三) -- 一如所料打風, 仲要打到10號, 打到全日唔使返工; 一早起左身反而訓唔返, hea左輪又訓下咁, 到下午過左天晉, 之後同埋呀媽一齊去買野; 呀哥呀嫂帶埋2個B仔我家, 夜晚C煮。
3. 長久以來玩ge手遊Gundam, 今日終於出公告, 10月摺了~~~
24/8(四) -- URFSK因為我而cancel; 出完site返企, 好熱; 夜晚食TKO食番薯生日飯。
25/8(五) -- 出site早d收工, 返企沖個涼換衫再出CWB HeSheEat同AngelKtAuyee食飯。
26/8(六) -- 中午出Jordon Neway同C娟源Cass進唱K, 進派帖。夜晚食埋飯散。
27/8(日) -- 一早又打8號波, 無得打波頂~~~~; hea到下午出去食個飽tea, 之後買野返企C煮。
4. 超時空男臣個結局就咁???!
5. 好耐無砌過MG, 今次的起心肝開左隻MG百式, 真切感受到而家d HG仲好過舊時MG; 不過金光閃閃無可取代ge~~~
6. 一直都覺得體重無大改變, 但係前一個月太~~~熱, 飲多左甜野, 覺得自己肥左, 大鑊了。
7. 今個星期就好似打下風hea下訓下咁過左了; 不過無打波感覺爭d野呀~~~
來緊:
29/8(二) -- ex-URA生日聚
1/9(五) -- 神生日飯
10/9(日) -- 李克勤演唱會
12/9(二) -- OT開會
21-26/9 -- 京阪之旅
30/9(六) -- 進婚
5/11(日) -- Connie生日+草蜢concert
18/11(六) -- 小雲婚
25/11(六) -- 細表弟婚
完
2017年8月20日 星期日
八月二十日 -- 三連波
14/8(一) -- 出site早少少收工返去煮飯。
15/8(二) -- 本來今日可能OT, 結果d野攪來攪去等來等去都係出唔到, 仲攪到我遲左3個字收工, 蝕左比佢。收工返去已經無咩野買, 結果同C買左大家樂個雞餐返企食。
16/8(三) -- 繼續等送信等到遲收工, C早我少少返到, 買左d送尾返去煮。
17/8(四) -- 終於送信, 差不多6點先係跑馬地走, 廢事煮; 行落去搭返叮去灣仔, 行完d玩具C差不多收工, 同埋Sanny一齊去Pam介紹的泰菜食飯; 唔貴質素都OK。
1. 是日book左機票。
18/8(五) -- 出site早收, 返去同馬打左陣波, 之後返企沖涼再出坑口村同Grace Trista食合時, 原來Trista搬左來TKO了~~之後食埋聰嫂散。
2. 今日鬥波好熱好累, 打到19比20時, 有open look射左個波出去, 由於太累但係射得好順完全feel到會入, 係個波未入前嗌左"game"(打21分), 果下其實好累已經唔係好大意識, 好彩入左並無7到, 又唔係想串; 不過射出去果下真係feel到會入的~~
3. 早幾個月離遠撞過Grace同個男仔係TKO, 當時同C講唔好係whatsapp問佢; 事隔一排今日見到佢, 即時當面問佢某日撞到佢同男仔一齊喎, 佢走唔甩話遲d同我講 xDD
19/8(六) -- 是日book埋酒店, 好煩; 中午買野上呀哥屋企食, 佢同我地講下京阪d野; 4點同Norman 2個人去Parkside射下波, 傾下計, 睇來佢都下定決心了; 5點零走返去沖個涼, 之後去WC, 同C娘家食大圍飯。
20/8(日) -- 9-11坑口, 打得so-so(繼續每個禮拜都有三分入ge streak xD); 之後返企煮麵食; 下午抖左陣, 我自己去買送返來煮飯食。
4. C全日由頭到尾係度睇行程; 其實我真係頂唔住佢呢d一有野outstanding就唔理deadline盲目要第一時間完成ge行為。有咁多時間可唔可以慢慢睇下plan下唔好咁急?
5. 是日被繁殖有關的液體射中 - 話說今日開個咸蛋個殼有d硬，敲完用手開時有一發蛋液射左係我身度…好彩唔係?射…
6. 天時暑熱頂唔住赤膊煮飯ge下場係 - 爆緊薑?時d油直彈肚腩；煮開野ge人，雙手大概都唔會怕比滾油彈到，但係肚腩…GG……
來緊:
24/8(四) -- URFSK因為我而cancel; 番薯生日飯
25/8(五) -- AngelKtAuyee飯
26/8(六) -- K, 進派帖
1/9(五) -- 神生日飯
10/9(日) -- 李克勤演唱會
21-26/9 -- 京阪之旅
30/9(六) -- 進婚
5/11(日) -- Connie生日+草蜢concert
18/11(六) -- 小雲婚
25/11(六) -- 細表弟婚
完
2017年8月13日 星期日
八月十三日 -- 熱
7/8(一) -- 出site早d返企, 夜晚過天晉食飯。
8/8(二) -- 收工返去買野C煮。
1. 是日apply左ACW。
9/8(三) -- 係山道收工, 行去PMQ附近, 等埋呀哥上去探Regine; 欣慰見到佢好樂觀正面積極(起碼係我地面前), 希望佢大步攬過!
10/8(四) -- 收工同CAnselFawniaCandy去TST打邊爐; 間野偏貴不過d野都唔錯, 少少over-price。
11/8(五) -- 收工去C娘家食飯。
12/8(六) -- 極度眼訓, 起身食左麵又再攤下訓下hea左大半日; 夜晚係Carnifornia Pizza kitchen同馬食生日飯, 再去Popwalk 2食甜品, 之後行左去海邊一圈後返企。
13/8(日) -- 坑口8-10, 今日真係難得打左日好波, 竟然打幾場都贏波(雖然有一場爭d因為我TO輸, 超好彩), 有一場竟然獨取12分, 入左2球三分波, 實在係太好彩; 之後同C食早餐, 買野後返企沖涼抖; 夜晚C煮係企食飯。
來緊:
18/8(五) -- 神生日飯
19/8(六) -- C娘家飯
24/8(四) -- URFSK
25/8(五) -- AngelKtAuyee飯
26/8(六) -- K, 進派帖
10/9(日) -- 李克勤演唱會
30/9(六) -- 進婚
5/11(日) -- Connie生日+草蜢concert
18/11(六) -- 小雲婚
25/11(六) -- 細表弟婚
完
2017年8月6日 星期日
八月六日 -- 雜記
31/7(一) -- OT到9點9, 又走車, van都上唔到, 結果第二架van去寶林再轉MTR返企。
1. 未行出大街前同老細講左我成日走車, 結果一出到大街就係佢面前比佢見到我走...
1/8(二) -- 收工返去買野C又爭住煮。Cass來痴餐兼訴苦。
2/8(三) -- 收工早dd收工返去買野煮飯食。
3/8(四) -- 出site收工早d返企煮飯。
2. 是日好surprise, 呀媽話我知一個舊相識患癌第四期了...
3. 是日番茄炒蛋技能唔止get, 試左2次已經有星了~
4/8(五) -- 馬生日快樂; 出site早收工返企, 夜晚再出坑口同C食Xoxo, 幾抵; 之後行下一田返企。
4. 是日好眼訓, lunch頂唔住恰左, 仲要過時老細拍醒 xD; 返企後連面都未抹(好想抹因好油)就攤左係sofa, 狂訓訓到C收工先起身, 個人仲要未回魂好迷, 超眼訓。
5/8(六) -- 全日係企hea, 到4點島娟源上來, 再hea到7點島meetSanny去坑口meet埋EdfIrene, 去坑口村食合時, 再食埋聰嫂返企hea, 10點半島散。
6/8(日) -- Parkside 9-11, 是日又唔係打得唔好, 不過硬食唔知點解好似好唔滿足咁(可能一場都未贏過又有2場爭dd贏到有少少關係); 返企沖涼抖一陣之後臨時約左日安盧撈Penny去Megabox食tea(Crosstini), 吹水到5點幾散, 行左下Ikea之後出淘大食foodcourt後返企。
來緊:
11/8(五) -- C家飯
19/8(六) -- C娘家飯
25/8(五) -- AngelKtAuyee飯
10/9(日) -- 李克勤演唱會
30/9(六) -- 進婚
5/11(日) -- Connie生日+草蜢concert
18/11(六) -- 小雲婚
25/11(六) -- 細表弟婚
完
2017年7月30日 星期日
七月三十日 -- 熱
25/7(二) -- 收工去CWB join埋馬couple上跑馬地同Ian一家Ben一家探Herman B, 之後全部人一齊落返CCC加埋Norman一齊食飯。
1. 皇帝B好得意~~
26/7(三) -- 收工返去買野又C煮。
27/7(四) -- 收工買野返去煮飯。
28/7(五) -- 出site早d收工返企沖涼恰左, C遲收工, 去左油塘食平價韓燒, 幾抵食。
2. 民仔個B出世啦~~~~~恭喜呀~~~~~我地三個最早~~~~~
3. 是日返工出閘比個肥婆阻住遲左幾秒無左個晨早優惠, 收工又睇住架巴士走, 嗚哇~~ (即轉van仔返寶林轉MTR算)
29/7(六) -- 之前果晚Bomber臨時約K; 早上1000-1400, 連埋個野食都OK; 之後散, 行左下Miramar後返企; 夜晚同哥嫂食娜多後上佢地企同BB hea左下。
4. 好耐無同佢地唱, 佢地唱到中後段上力仍然好ok, 同埋大家唱d歌年代都差不多(舊歌到新歌都OK)
30/7(日) -- 香港公園8-10, 都算打得OK; 之後返企hea; 夜晚上天晉食飯。
5. 呢2日真係好~~~熱~~~呀~~~
來緊:
10/9(日) -- 李克勤演唱會
30/9(六) -- 進婚
5/11(日) -- Connie生日+草蜢concert
18/11(六) -- 小雲婚
25/11(六) -- 細表弟婚
完
2017年7月24日 星期一
七月二十四日 -- 爸手術
17/7(一) -- 出site早收工返企沖涼換個衫, 勁大雨紅雨都出返MK同白田同事食妹記。
1. 之前一晚11點幾訓, 但有人開燈睇片到2點幾, 半夜仲要訓到出聲, 所以好眼訓。
18/7(二) -- 係觀塘OT到8點半島返企。
19/7(三) -- AL一天同QueenieC去書展; 早上一如以往壇島等, 食個早餐之後入去行下。4點島同C走先, 返TKO食個tea同買野返去夜晚在家食飯。
2. 由細到大, 到左夜晚都係多野想同埋好負面的時候; 呢排一直想起屋企人年紀大, 唔敢再想落去...好驚好唔開心。
20/7(四) -- 出site早收工先返企; 再出MK同Sanny小雲Amy源C食飯; 好大兜Laksa幾抵食。
21/7(五) -- AL一天; 一早7點出門陪老豆入院, 等到12點佢入去做手術, 我就去明德瑞士食d野, 出來影左KK, 返企放低d野去個廁所, 再去明德同KK坐左一個鐘, 呀爸攪掂上返病房, 同佢安頓好我就返企了。夜晚同C係附近食飯。
3. 今日等ge時候睇晒3本書展買ge書。
22/7(六) -- 一早老豆打來話1點出得院, 11點幾過左明德食野睇KK順便隨時過去接出院, 點知12點幾打來話未出得住, 再等通知; 於是去左行坑口, 再返企等; 返左企一陣就打來話走得, 於是過返去接左老豆返天晉(見到好耐無見的大表弟), 再返七座拿野+買魚去天晉比佢。返去買野夜晚C煮野食, Penny來痴餐。晏少少ConnieLoLo上埋來一齊hea吹水。
23/7(日) -- TKL8-10, 點知9點幾打八號風, 波只可打到9點, 之後同佢地一齊食早餐吹水; 散左後買左魚比老豆再買d野返企, 本來約左K不過佢地唔出, cancel; 係企hea下訓下磨左大半日, 夜晚C煮。
4. 一個無風無雨ge八號波...
24/7(一) -- AL一天; 早上去買左d野比老豆, 之後睇早場DUNKIRK; 睇完返企食d野出去同馬練波, 好熱不過d手感返返d來~~ 返企沖個涼抖下, 落街買野煮飯食。
5. DUNKIRK -- 網上有人話神作有人話糞作; 首先我覺得, 一定唔可以當佢係戰爭片來睇, 第二唔好要佢有好多特技來睇; 人地從來都無話過套戲係咁的; 今次講當年大徹退, 我覺得佢又無心要講人性黑暗/戰爭殘酷呢d野, 反而係帶出個人係呢d情況之下係幾咁無力, 但係同時係好多人努力之下係幾咁有力; 今次劇情方面分左三條線, 時間由一開始ge一星期/一日/一小時, 到最後三條線聚合來, 我覺得唔難明, 好清晰(Inception就係玩類似野, 不過呢套仲簡單d); 而特技方面, 同Intersteller一樣, 佢可以話係專登無用幾多電腦特技, 只係用拍攝技巧去營造空戰、海難等等各種情況; 而最犀利ge當然係氣氛營造啦~~ 配樂+剪接成個節奏令人有好多位都覺得好緊張。雖然到最後好似無一個特別主角, 又無好明確(但有暗示)主題, 我仍然都覺得係好睇ge片, 只不過又未至於係神作咁。
來緊:
25/7(二) -- 探Herman B
10/9(日) -- 李克勤演唱會
30/9(六) -- 進婚
5/11(日) -- Connie生日+草蜢concert
18/11(六) -- 小雲婚
25/11(六) -- 細表弟婚
完
2017年7月16日 星期日
七月十六日 -- 又一week
10/7(一) -- 收工返企食飯。
11/7(二) -- 出site早少少收, C約左人食飯, 我無特別搵人食飯, 所以返去買左外賣壽司同煎釀三寶食。
1. 如果唔係做野, 真係無咩機會去"醉酒灣", 真係一個山卡啦鳥不生蛋ge地方。
12/7(三) -- 收工返企食飯。
13/7(四) -- 出site早收返去煮飯; Edf臨時來痴餐。
14/7(五) -- 收工臨時約埋SannyEdf去KT食野, 本來想去試果間拉麵, 估唔到臨時磯燒都有位, 於是無啦啦又任食左。
15/7(六) -- 起身上午係企食d野, 下午hea到2點幾出門去SSP, 買左headphone, 搵唔到有老翻劇DVD, 線水遮都無貨不過幫Derek訂左, 無模型買; 之後順便去左葵廣行同掃街差不多4個鐘後返企, 累死。
16/7(日) -- TKL8-10, 好耐無咁近~~ 個背近幾次一次比一次快痛, 睇來真係要睇; 之後係企hea到2點幾, 同C係附近食tea買埋野返企, 佢煮; 我執左下間細房, 掉左好多散件、模型盒同無謂野; 夜晚在家食飯。
來緊:
17/7(一) -- 白田飯
18/7(二) -- OT
19/7(三) -- AL一天同Queenie去書展
20/7(四) -- Sanny飯
21/7(五) -- AL一天陪老豆入院
23/7(日) -- 小雲K
24/7(一) -- AL一天可能陪老豆
10/9(日) -- 李克勤演唱會
30/9(六) -- 進婚
18/11(六) -- 小雲婚
25/11(六) -- 細表弟婚
完
2017年7月9日 星期日
七月九日 -- 作病
3/7(一) -- 收工係NP同Rita交收, 之後返TKO好累所以唔煮野, 買左唐記包點d蒸飯同糯米雞返去食。
4/7(二) -- 出site早d收工買野返去煮飯。
5/7(三) -- 收工返去買野C煮。
6/7(四) -- 出site早d收工買野返去煮飯, EdfRita突然來痴餐。
1. 成個星期都係11點幾頂唔住訓, 但係第日起身都係好累。尋日開始牙肉有d痛。
7/7(五) -- 收工去KT印尼野同ConnieLoLoPenny食飯, 之後食埋糖水散。
2. 是日開始頭赤同喉嚨唔舒服。
8/7(六) -- 之前果日Esther臨時約今日唱K, 不過早上起身見呀娟病左唔來, 我本身狀態都麻麻, 所以唔去, 結果cancel; 係企hea左半日好少少, 到3點島出KT食tea, 之後行下觀塘廣場(買左DVD機)同埋駱駝漆大廈, 夜晚返天晉食飯。
3. CSa今日OT之前想叫埋我, 不過真係唔多想O, 佢叫左Ansel同佢去。
9/7(日) -- 堅離地城8-10, 今日場場都係以弱打強, 都有一場贏到; 之後返去沖涼, lkunch同呀馬couple食, 食完同佢行左屋企附近d地產舖; 下午去奧海城睇公司戲變形金剛, 果然係麻麻; 睇完同C係foodcourt食完返企。
4. 今日起身都係累累地, 打完波背痛又篤左魚蛋。
5. 馬太太都有左了, 好高興呢~~
來緊:
10/9(日) -- 李克勤演唱會
30/9(六) -- 進婚
25/11(六) -- 細表弟婚
完
2017年7月2日 星期日
七月二日 -- 回歸二十年
27/6(一) -- 收工去KLB交收, meet埋C娟IreneSanny陪Irene配眼鏡, 之後meet埋Edf去得寶韓國野食飯後散。
28/6(二) -- 收工返去買野C煮飯。
29/6(三) -- 收工返去買野C炒米粉; Edf臨時來痴餐。
30/6(四) -- 收工返去買野, 又係C煮。
31/6(五) -- 收工約唔到人, 同C去左坑口堂食爭鮮; 竟然食左16碟寫左8碟, 唔理了~
1/7(六) -- 七一回歸假期, shxt, 蝕左; 食完晏入西貢呀C攪狗仔, 夜晚食埋飯出返來。
1. 係西貢剛好一個下午砌好隻斯路, 呢隻真係出得好正。
2. 搭van小插曲 -- 你PKXX產啦, XXX筋, 有被XXX症同XX病唔好出來獻世啦。
2/7(日) -- 9-11 Parkside; 之後返企沖涼後即出美孚同進食飯同幫佢過大禮。之後去葵興同Derek拿手制, 再落YMT呀輝屋企打機, Tommy伉儷+輝+Derek一齊慶祝Norman生日; 夜晚去Jordan同CSanny同佢女食放題, 由於太累, 食好少已飽, 無胃口。
3. 是日好累。
來緊:
9/7(日) -- 公司戲老變
30/9(六) -- 進婚
25/11(六) -- 細表弟婚
完
2017年6月25日 星期日
六月二十五日 -- 雜記
19/6(一) -- 收工同C去左油塘快閃食飯返企。
1. 今日呀媽出山返新工, 都係上環, 竟然同呀媽返工咁近地方, 梗係同佢食個lunch啦~~
2. 呢幾日為左之前基金d野煩惱左少少, 不過而家好清楚要點就無咩好煩了, 拿到幾多就拿返出來吧~~
20/6(二) -- 收工返去同C買野煮飯食。
3. 今日無啦啦收到日安送的禮物, 多謝~~~ 超得意~~
4. Candy突然話參加左人地歌唱班的歌唱比賽~~ 問佢拿左個音樂中心FB, 睇左以前果d學員片段...原本我仲好有期待的...睇來Candy無咩事應該可以吊打晒佢地。
21/6(三) -- 出site早少少收工行下SSP之後去TST基金度簽返d野, 之後同CEdfRita食星林居。
22/6(四) -- 收工返去買野C煮飯。
23/6(五) -- 收工同C去西環阿元來了食飯; 間野都幾台灣味, 都OK; 不過來到HK真係咩都貴d...
24/6(六) -- 早上OT(TKW->SSP; 完左之後行左SSP, 同娟係SSP食野, 出金鐘meet C同Edf去睇藝術展; 之後去愉景新城meet埋Irere食飯, 食完行下TW後散。
25/6(日) -- Parkside 9-10, 唔夠喉於佢佢地話去打街場, 去左常寧個場發玩好多人, 結果兜返去明德果度個場, 行左好耐已經好累 xDD 烈日下抖一抖, 佢地打左一場, 我都未打就收皮~~ 同佢地食埋飯, 返去同C買野, 下午我在家耍廢, 咩都無做過, C煮飯。
來緊:
2/7(日) -- 幫進過大禮
9/7(日) -- 公司戲老變
10/9(日) -- 李克勤concert
30/9(六) -- 進婚
25/11(六) -- 細表弟婚
完
2017年6月19日 星期一
六月十九日 -- 三分波
12/6(一) -- 5點半8號波...早半個鐘收工但係搭車勁多人...好彩都係差不多車程時間, 早半個鐘返到企。買左外賣返企食。
13/6(二) -- 出site早收買野返企煮飯。
1. NBA又完一季...LBJ被1-4 K.O. 今年Finals其實悶悶地, 強弱懸殊。一向唔多like LBJ, 雖然自己唔係GSW粉絲, 亦都唔討厭Durant抱大腿, 所以GSW champ我會開心過CLE champ; 不過唔多like還唔多like, LBJ真係勁, 一於唔like埋你今年, 下年唔會唔like你啦~~(雖然都唔會like佢)
2. 賣仔round 2, 反應仍然頗熱烈。
14/6(三) -- OT係TKW走, 仲要等左好耐車; 返企拿埋d模型出去MTR交收, 同C係HKDay食飯, d時間算係o岩o岩好。
3. 是日發現原來隻game無整漏野, 不過棄左坑都係繼續棄, 而家日日好輕鬆, 間唔時開來清下野都幾好。
15/6(四) -- 收工同C去NP食功夫點心。
16/6(五) -- 本來約左同事唱K, 不過告吹; 同CAnselCandy去左大角咀韓燒。
17/6(六) -- 早上本來OT見客佢放飛機, 於是睇早場Wonder Woman, 幾好睇; 下午本來同C係SG來的表妹去玩, 不過落雨, 結果去左灣仔唱K(同佢HK表妹同SG表妹2個fnd, 全女班)唱到7點, 再去金源食飯。
4. Wonder Woman -- 2個幾鐘, 都幾好睇唔悶, 感人位灑狗血得來營造得唔錯; 女主角的確係索; 不過覺得男主角有d似韋家雄...
5. 由於有少少突然地去唱K, 同d人又唔熟/唔識, 所以無咩mood唱K, 又唔知唱咩, 頭2個鐘一首都無唱; 之後唱少少, 不過覺得自己都無咩feel。
18/6(日) -- 8-10香港公園; 是日繼續射到三分, 仲好似5定6投3中; 不過成個月無打過全場, 今日打到最後抽筋。之後返企沖涼, 呀源來左, 同佢係附近食飯, 之後返企耍廢, 攤左係廳一個下午; 辛苦C做家務同煮左一碟curry; 夜晚帶過去再買左外賣去天晉同爸媽哥嫂食飯。
來緊:
9/7(日) -- 公司戲老變
30/9(六) -- 進婚
25/11(六) -- 細表弟婚
完
2017年6月11日 星期日
六月十一日 -- 雜記
5/6(一) -- 出site TKW OT, 之後返去買野煮飯同上左天晉見左一見姨丈。
6/6(二) -- 收工返去買野C煮飯食。
7/6(三) -- 收工返去TKO唔煮飯食左Parkside隱世大家樂。
1. 是日Haagen Dazs雪條平少少, 但有人一入就入左好多, 好貴...其實本來貴ge野平少少都係貴...
2. 是日夜晚同表弟傾左一輪, 睇來佢心意已決了...
8/6(四) -- 是日SL一天; 早上去馬屋企同佢睇波, 之後練下波同佢食lunch, 下午係屋企抖。夜晚同C買左TKOMTR開果間外賣sushi返企食。
3. 之前一晚發夢到唔知算唔算世界未日, 全水浸, 唔知點解一齊ge係呀哥同埋Ansel。
4. 是日係最熱果2個鐘12點半到2點幾打波, 好曬好熱好辛苦~~
5. 樓下同MTR間診所今日個醫生竟然無Bupa...攪到要去將中果邊睇醫生; 個醫生又攪笑, 一來就覺得我係想拿假紙。一開始我話頭痛, 抖左陣佢就接住話而家無事啦; 到最後講完晒佢話你今日無返工? 比張假紙你啦 -_-
9/6(五) -- 早少少係金鐘收工, 行去灣仔等C收工, 點知佢OT耐左, 企左好耐; 之後去新森林食飯後返企。
6. 夜晚我沖完涼出來佢唔小心鎖左房門, 細聲敲門又無反應, 呀爸訓左又唔敢大聲, whatsapp又無反應, 唯有訓細房, 好熱。btw, 原來去到2,3點外面係涼涼地的。
10/6(六) -- 早上起身睇波, 場波悶到爆, 球証玩晒; 我就唔信Cavs可以追返4場。之後累到又訓左, 3點幾起身, 出左KLB Ikea食野, 行左Megabox, 之後去左啟業新開果個小食咩貨櫃唔知咩, 完全無特別, 唔吸引, 之後返企。
11/6(日) -- Parkside 9-11, 打得普通啦~~; 之後去LCK join公司整包班。整完同Edf去KT同C一齊食APM話出名ge越南牛河, 以唔貴的價錢來講OK啦, 但又唔係好值得要排好耐隊(好彩我地早d同埋呀C早dd到排定先); 食完行下APM同觀塘廣場後散。
來緊:
17/6(六) -- 早上OT見客
9/7(日) -- 公司戲
完
2017年6月4日 星期日
六月四日 -- 雜記
29/5(一) -- 臨時約到收工同CAnselCandy去MK食放題, 之後去左旺中機舖打機, N年無入機舖打機, 仲要預著千年一預查牌~~ 之後就散了。
30/5(二) -- 放假一天, 中午去天晉食飯, 下午入西貢夜晚食飯。
1. 係天台洗左個狗泳池同埋天台地下, 曬左一輪, 好累~~
2. 因為大表弟單野, 老豆呢排都要過來訓了。
24/5(三) -- 收工搭叮叮去灣仔, C都咁岩差不多收工, 去食搬左舖ge芝士麵, 不過好似無咁好食, 同份量好細。之後返企睇下電視。
25/5(四) -- 出site早收工返去買野煮飯食。
3. 開始了賣模型清位了。
4. 最近棄左2個坑: 唯一有玩開ge手遊game同埋賣出左屋企儲藏ge模型。時間應該多左。
2/6(五) -- 收工交收完去太子exURA三月(Lolo)+五月(珊)生日飯。間野都不錯d野食好heavy~
3/6(六) -- 早上同Derek一齊去陽明山莊Tommy Wedding(唔記得帶shuttle飛好彩司機照比上)(樓下咁岩係楊千Fa個仔生日會); 散左之後同DerekJames落灣仔睇左NikeShop先散(4件六折好抵); 夜晚臨時拉夫約SannyAnselCandy食飯, 轉來轉去去左食KT上海野(差左), 之後入埋坑口食聰嫂先散(仲撞到大表分同佢舊朋友)。
5. 是日聽到新concept慢食減肥。
4/6(日) -- Parkside 9-11, 打得唔好; 之後同C去左尚德食飯(試左其中一間新餐廳, 台灣野, 普通)再去買野返去夜晚呀C煮飯。
6. 因為大表弟單野, 有機會爸媽返來住, 作為中間人的我可見日子唔會好受。
來緊:
11/6(日) -- 公司煮食班
9/7(日) -- 公司戲
完
2017年5月29日 星期一
五月二十八日 -- 雜記
22/5(一) -- 收工去TST同KTG食星林居, 好耐無見~~~傾下近況, 食完行左下TST同佢行去紅磡後散。
23/5(二) -- 收工同AnselFawniaCandyC去CWBCEO唱K, 11點島散。
1. 芳同Candy都係唱得之人, 不過好難有機會約唱K呢~ 是晚大家可能都累, 雖然都開心但又未至於氣氛好高漲, 第日有機會要約weekend下午K先~~
24/5(三) -- 收工好累, 返TKO同C去左Parkside間無人知的大家樂, 買左雞餐返企食。
2. 早幾日係youtube見到"父後七日"原來早2年已有人放左上去, 又無比人cut; 好鍾意呢套戲, 咁多年睇左咁多戲, 呢套係其中一套好深刻印象好鍾意的。
3. 睇來NBA決賽無咩懸念係果2隊對戰了; 今年雖然對GSW無特別愛, 但一向唔like LBJ下都係希望GSW champ。
25/5(四) -- 出site早收工返天晉食飯。
4. 是日正式決定, 玩左幾年ge手遊Gundam game正式棄坑了。
26/5(五) -- 收工去左行SSP, 買左隻MG, 好耐無買MG了~~不過好平好抵呀~~ 之後落返TST meet C同佢食萬豚屋烏冬, 個菌濃湯好香, TST來講算唔貴。
27/5(六) -- 早上起身睇早場Baywatch, standard同expected, 不錯。之後返企抖一陣, 下午出荃灣同Edf行左城門谷公園, 影下相hea下, 夜晚本來想放題但full了, 去左好耐無去的TW米線, 可惜太晏, 最好味ge炸醬無了(仲有好多平時會食ge野都無晒), 食完散。
28/5(日) -- Parkside 9-11; 之後返企沖涼出元朗同CSW同事去Anthony新家BBQ, 我8點走先。
來緊:
2/6(五) -- exURA飯
3/6(六) -- Tommy Wedding
11/6(日) -- 公司煮食班
完
2017年5月21日 星期日
五月二十一日 -- 雜記
15/5(一) -- 收工返來無咩好買又累, 於是就咁係樓下食香港地。夜晚一齊睇左好多集射鵰。
16/5(二) -- 收工去YMT行左下之後同Lily Tango係紅茶館食飯; 估唔到Tango已經拍左拖年幾二年+買左樓+下個月結婚(只簽字唔擺酒), 恭喜晒呀~~~
17/5(三) -- 出site早收工, 返去買野煮飯。
18/5(四) -- 收工去太子同IdaKarmen食飯(大自然素食)。
1. Ida不是派帖 XD 見佢仲keep得幾好, 個人好似成熟左添, 幾好丫~~
19/5(五) -- 出完site返企, 之後等C收工過寶林meet佢食上海野, 行下寶林(遇到Karmen同佢男友)再行返企。
20/5(六) -- 一早起身睇"春嬌救志明", 一如以往玩我果個年代ge舊野情懷、睇到又喊又笑、同埋例牌一段恐怖片情節; 睇完返企hea抖又恰左陣, 下午3點同日安Lolo係KT食tea, Club One間韓式野個下午茶好抵; 食完吹水同埋行左下APM後散; 返企hea到8點半再出去, 本來想食韓燒或放題, 不過唔餓、又貴貴地又無人一齊食, 最終都係hea食左個飯後返企。
2. 呢排拿返部NDS出來打返靈光守護者, 真係好玩呀~~ 個故事好正~~
21/5(日) -- Parkside 9-11; 今日半場打3on3或4on4, 空d得來又無班後生, 我比較發揮得好, 打得唔錯~~ 之後同C去左尚德食飯買埋野返企, 我就沖涼訓左, 佢煮飯, 夜晚再家食完過左一過去天晉。
3. Rowena把聲仲keep得好好呀~~一d都唔老仲好好聽~~~~
4. 好失望, 對於有級數ge歌手來講, 容我大膽講句陳潔靈今次我唔接受; 本身首歌變做合唱版係OK, 一直都好好地; 可惜ge係, 合唱係要互相補助互相support ge, 呀"Miss Chan Chan"係完全搶晒, 太大聲, 人地男聲唱低音好難響得過你; 仲要和音時明明係你副音都要大聲過主音, fail。
之後唱"喜歡你"又係敗筆, 揀首已經上晒腦ge柔情歌來唱, 已經好難超越原唱, 仲要唱GEM版, 又低音左, 老實講GEM唱得好過你, 完。
來緊:
22/5(一) -- KTG來港
23/5(二) -- URFS K
2/6(五) -- exURA飯
3/6(六) -- Tommy Wedding
11/6(日) -- 公司煮食班
完
2017年5月15日 星期一
五月十四日 -- 雜記.txt
8/5(一) -- OT快快手走人, 呀C煮左, 返企食飯。
9/5(二) -- 同AM食野, OT到差不多9點半。
10/5(三) -- C好晏收工, 我收工自己上天晉食飯; 之後陪呀爸同大B去超市再返企。
1. 今日睇到射鵰第三集d膠野後即時無晒興趣。
11/5(四) -- 娟生日快樂; 出site早d收工, 返去同呀馬練左陣波, 好熱好累; 之後返去買野煮飯, C又係好晏返來。
2. 而家成日星期四都無得買定星期六飛, 好衰咯~
12/5(五) -- 收工知C遲收, 去左九龍站同Derek hea, 再一齊搭巴士到KT; 散時C剛好收工, 等佢來KT食飯。食完行左下APM後返企。
3. 晚飯間野2個人食有75折, 折完性價比都算OK。
13/5(六) -- 下午同C同佢媽係TKO行左下, 食個tea, 之後佢細佬來一齊去坑口又行左下, 散左之後同Connie Lolo係TKO meet一齊行左下, 7點散, 我同C係湯加食飯。
14/5(日) -- 8-10黃竹坑, 中規中距; James個fnd車返我地返TKO; 同C食完飯買埋野返企, 之後我就沖涼訓覺, 差不多hea左日, C就煮左野, 夜晚一齊過天晉食飯。晚上係企上網睇返射鵰。
4. 十二蚊店買左個眼鏡勾好o岩用, 戴親眼鏡都成日向前甩, 而家唔會了。
5. 竟然發夢到某好友有左, 超開心; 可惜現實...
來緊:
18/5(四) -- Ida飯
22/5(一) -- KTG來港
23/5(二) -- URFS K
2/6(五) -- exURA飯
3/6(六) -- Tommy Wedding
完
又射鵰
由於劇情清晰, 主要人物描寫都好立體, 對於劇集是否忠於原著, d人物似唔似原著來講, 係無懸念亦無主觀感覺的。
場景: 比好多錢大製作, 地大脈博, d景真係超靚。
演員: 演唔出人物氣質/動作表情浮誇/甚至完全做到人物相反嘅感覺。
導演: 暫時未見到有拍金庸劇嘅內地導演係一個好嘅story-teller, 拍攝技巧、鏡頭、剪接...etc, 都係頗差so99y。
武功/特技/特效: 仲係停留係以為採用大量CG就好似特效好好(而d CG亦都唔得，同online差不多水平); 仲係停留係大量吊威也d角色飛來飛去2隻手fing來fing去、放出性攻擊就係好勁嘅年代/出完招zoom返埋個角色擺個pose就完...未能盡錄。
一, 本來金庸小說個故事就係好, 不論拍得好定唔好, 就咁睇個劇都有一定質素。
二, 觀眾睇表面, 睇顏值, 睇名氣; 我係親耳聽到人/親眼上網見人話"嘩d景真係好靚"、"XXX真係好靚仔, 套劇好好睇呀~~"(我真係想爆粗講: X你條友靚唔靚仔好主觀但係做得好差一d都唔似原著咯)
(打完懶得proof-read，有錯字或講野1999原諒則個。)
2017年5月7日 星期日
五月七日 -- 雜記
2/5(二) -- 收工返企, 再出返寶林同C食上海野, 本來想睇戲, 之後都係留返第日早場。
1. 買左支電鍍銀油, 效果好得, 睇來要再入貨。
3/5(三) -- 佛誕假期一天; 早上同Norman去左Herman度一齊睇波; 之後返TKO同C食飯買送, 我再去寶康同馬打陣波, 好快累...打得唔好(本來只係想練波點知勁多人, 又無帶打波眼鏡); 散左之後去尚德個場無人, 自己練左陣三分波返企。夜晚食完飯去左天晉坐左一陣先返。
4/5(四) -- 收工返企, 夜晚去天晉食飯。之後同番薯四圍走左成個鐘先返企。
2. 有時見到d網上言論, 都不自覺地心情唔好, 真係好無質素。
5/5(五) -- 收工返企, C OT到10點幾返來超激氣(公司野), 煮左d即食麵食。
3. 有人訓到第日起身都仍然激動到流眼淚。 :(
6/5(六) -- 中午出九龍城同娟Cass源進唱K, 夜晚C join埋一齊食泰國野, 慶祝娟Cass生日。
4. 試左間同心幾好食。
7/5(日) -- 早上坑口8-10, 身體跟唔上, 技術本來又唔夠, 雖然like打但其實係咪應該繼續同人打? 打完返企沖涼同C出去食野再返企訓左, 下午4點幾娟SamEstherMandyDorothy來我家, 玩左一陣到夜晚落去食食泰巷, 之後上返來睇左"湄公河行動", 玩陣Uno又睇埋"50年", 10點島散。
來緊:
8/5(一) -- OT
9/5(二) -- OT
18/5(四) -- Ida飯
2/6(五) -- exURA飯
完
2017年5月2日 星期二
五月一日 -- 雜記
24/4(一) -- 收工返企買野煮飯。
25/4(二) -- 收工去CWB買左牛批同咸批再去坑口買sushi返企。早沖涼早食完太累好早訓左, 半夜醒先熄晒d野再訓。
26/4(三) -- 收工返去懶得煮, 買左大家樂個$88雞餐, 好食又抵食。
27/4(四) -- 出site早收工返去買野煮飯。
28/4(五) -- 收工同同事打波; 開波無耐就篤魚蛋...之後d射波就算open look都超唔準...除左射波之外其餘野都打得ok ge...
1. 連芳都要走了, URFS就來無朋友。
29/4(六) -- 睇1120可以訓得晏d的早場"Guardian of the Galaxy", 都係一部好高分商業片, 精彩攪笑特技滿滿; 之後返一返企出元朗, meet埋Edf係咁食食食同行街, 之後食埋晚飯散。
30/4(日) -- 早上去沙田拜娘家山, 無得打波。之後一齊飲茶。飲完茶同C係SG來的表弟同佢未婚妻入赤柱行下再出CWB行; 今日好曬又幾熱, 而且去呢2個地方都好多人, 好耐無不停地塞車塞人好疲累; 最後食埋金西南米線後上Hysan飲埋奶茶散。
2. 今日得知Rita婚訊, 雖然未定日子形式, 但佢個人一向穩重d都識諗, 雖然對方有好多問題, 但相信佢地無問題的。鄧佢地開心~
1/5(一) -- 五一公眾假期一天; 經過左尋日已經唔想出街; 9點零醒左hea到11點島又昏迷到點幾差不多2點先起身, 結果都係要出葵芳行街; 行完去SSP meet Edf同佢上左嘉頓山影日落, 之後佢男友join埋一齊落太子, 本來想食蘭苑, 點知星期一無飯食, 於是佢地食左糖水先, 再去女人街食西門町之後散。
來緊:
6/5(六) -- Cass 7 Co K & 飯
7/5(日) -- 五月之星
18/5(四) -- Ida飯
2/6(五) -- exURA飯
完
2017年4月23日 星期日
四月二十三日 -- 一念無明/拆彃專家
18/4(二) -- 收工返去買野煮飯。
19/4(三) -- 出site早收工返去買野煮飯。
1. 早排咁岩聽開呀黃, 呢頭佢就結婚了。今日搵返佢d歌來聽, 睇返d片, 發覺佢跳舞係幾勁(當然以前杜德偉張立基果d都勁啦~), 睇返近年什麼"亞洲健王"小豬果d, 或者d韓團, 真係差d...
20/4(四) -- 收工返天晉食飯。
21/4(五) -- 收工Ad-hoc約左Edf同佢男友去KT街市係泰野之後食埋甜品散。
2. 神秘的早場 -- 一念無明; 一如所料, 正如好多人講, 睇完好沉重。不過亦好真實。劇本、導演、演員果d好多人講, 我都唔使點講, 想講下少少有關劇情同現實之間我自己的感想。唔知點解呢個世界上仲係有好多人好天真諗野好ideal、非黑即白, 一件事、一個行為etc只有對於錯, 選擇只係對與錯, 如果對就唔會發生。佢地真係唔會諗, 呢個世界有灰, 又或者有好多巧合/好多無得選擇/好多無論如何只有黑。呢個電影亦都正正講左呢個現實出來: 所有野就由一開始曾志偉同金燕玲結合而造成ge後果。一個有錢女比窮鬼攪大個肚而結婚-->一開始已經怨恨-->女人憎老公憎埋個仔-->老公逃避成日走左去-->大仔孝順照顧呀媽-->細仔叻但一走了之-->呀媽長期對大仔差-->大仔壓力大影響工作影響朋友影響未婚妻-->爆煲, 所有人bad-end。你可以話, 每一個step佢地都有選擇去做好d/對人好d, 但係現實中比你的話你可以嗎? 係佢地境況、如此combination之下, 呢個發展好合理。亦都即係由一開始就可見bad-end機會好大。但係人就係有感情ge動物, 就係因為咁先至令到世界好多變數、好多可能性, 你可以大大聲話自己任何野都無錯、任何野都無意氣用事嗎? 再者, 唔通窮人就唔可以有感情、唔可以結婚嗎? 邊有得講一開始就係錯? 所以我覺得應該要明白、接受世界係非常不完美, 亦都無可能變得完美, 更唔好希望世界可以變得完美。我覺得我想做、我希望ge, 係好似戲入面唯一未來希望、仲有赤子之心果個小朋友, 佢單純、包容、善良, 雖然可能以後都係會被大人污染, 但係戲入面到最後仍然都無講到, 即係仲有希望。而雖然主角父子以後條路都明顯係好難行, 但最後果個擁抱, 勝於一切了。
22/4(六) -- 早上睇戲, 拆彈專家, 幾好睇; 下午同C娟源Edf係九龍城唱K, 夜晚食埋飯(路邊雞)再食埋甜品後散。
3. 拆彈專家 -- 聽講網上好多人彈; 係, 無錯, 其實要彈係一定有野彈, 但一套應有野值得彈, 係咪就係代表唔值得睇呢? 唔係。呢部戲絕對係值得睇多過唔值得睇。戲差不多2個鐘, 幾乎由頭到尾都緊張, 張力好夠, 而d動作戲、飛車戲爆破戲ge調度都好好, 呢個係部戲最值得讚ge地方。要彈就主要有2點: 部戲中段偏後有少少感覺拖得慢左, 我覺得可以快返d, 果個位感覺爭少少(又未到悶)。另一樣就係人物塑造, 我覺得除左黑仔個人物好成功之外, 其他都唔夠深入, 有幾個人物(女朋友, 導遊, 警察仔)係有用係有戲但係好似為加而加, 我覺得好似多左d野, 但係又唔夠深入。Overall來講, 其剩係搭左個紅隧場景我已經覺得好有心了~~
p.s. 為左打入大陸市場, 雖然有大陸演員, 但係主要角色其實都係得最後大佬, 其餘出得多果d都係HK老戲骨。
4. 今次唱K成員全部都係熟到可以無顧忌點咩歌都得的, 所以又另一番感覺~~
5. 唱學友同E神d歌真係自殺; 平時唱其他人d歌都覺得唔會太難聽, 一唱佢地d歌, 雖然唱到, 但係就覺得自己唱得好難聽...佢地本來實在太好聽了...
23/4(日) -- 8-10中山紀念公園, 是日連覺得自己打得好唔好都未有機會, 打左幾場都好快輸, 隊友都唔係好夾波果d, 快攻又幾乎得我一個返, 無得打; 返TKO同C食完野買送返企沖涼就休息, C煮晚飯。夜晚臨時呀馬約落左樓下傾偈睇相同埋比埃及手信我地~~
來緊:
28/4(五) -- URA波
30/4(日) -- 早上去沙田拜娘家山, 無得打波。
6/5(六) -- Cass 7 Co K & 飯
2/6(五) -- exURA飯
完
2017年4月17日 星期一
四月十七日 -- 復活假期
10/4(一) -- 土瓜灣OT。
1. 收工時撞正MTR個KT線死左, 九龍城又撞車大塞, 幾乎癱瘓左個九龍東交通; 結果行左去九龍城, 起碼可以多等幾條巴士線; 好多車都full住到, 最後都上到796X, 而且行觀塘繞道避開埋九東塞車, 都唔算用太~~耐時間返企。
11/4(二) -- 出site早少少收工返去買野煮飯食。
12/4(三) -- 收工返天晉食飯。
13/4(四) -- 收工同C去左寶林hea食韓燒。
14/4(五) -- 復活節連假第一天; 係企hea左大半日, 夜晚出KT RedMR 唱K(ConniePennyJessieChristineC), 200唱4個鐘包buffet, d野食好過Neway, Overall都OK喎。
15/4(六) -- 復活節連假第二天; 中午出中環同CSannyEdf同佢妹一齊去坪洲行下, 之後出返來去左西環食第二街餐廳後散。
2. 是日天氣都OK唔算太熱又無落雨, 行d地方都唔辛苦, 輕輕鬆鬆唔錯。
3. NBA Playoff開始了~~
16/4(日) -- 復活節連假第三天; TKL9-12, 是日個身體狀態幾好, 無咩酸痛同扯住, 所以都打得好, 射入左好多波, ; 之後快淋個浴出CWB同C表弟妹食飯, 再行左GU同去左SSP行, 對腳好累好痛; 之後返企先放低野同沖個涼, 夜晚出返NP同皇帝夫婦同Norman食飯(和平小飯店), 幾好食。
17/4(一) -- 復活節連假第四天; 早上同Norman上左皇帝屋企一齊睇波, 可惜係場悶波; 之後返企中午同C出左TKL行左個圈買野返企食, 下午係企抖; 夜晚番茄滿月飯。
來緊:
28/4(五) -- URA波
完
2017年4月9日 星期日
四月九日 -- 雜記
3/4(一) -- 收工同C去左坑口, 本來想去坑口村, 之後見到TKO Gateway果間韓國野未食過, 就試左; 都ok。
1. 終於睇左鐵血大結局; 其實又唔係好差, 都唔錯; 網上d屁孩太ideal, 現實就係殘酷就係衰架啦...
4/4(二) -- 清明公眾假期; 中午過爸媽果邊食潤餅, 之後同C入西貢佢幫佢細佬整d野, 怕多人又塞車所以整完早d出返來, 買野呀C煮飯。
2. 食完飯由9點零開始揀歌入電話攪左3,4個鐘, 次次都係用勁耐時間~~ 次次都係聽下search下feel下攪好耐, 但出來個songlist好有feel~~~
3. 已經無心機同無常識又覺得自己好有常識的人講常識...佢想點就由得佢點啦。
5/4(三) -- 出site早收工返企接收左個洗衣機, 夜晚出CWB參加Herman太太Priscilla的Surprise BDay Drink。識的人得Norman同佢女友, 同臨尾先出現的家昇。
6/4(四) -- 之前FS星期日返工, 補假一天; 中午出寶林同呀馬食lunch之後練波, 到點半島同佢一齊走, 去左寶林, 自己行個圈諗住返企, 行過球場見無人, 又要等呀媽, 於是又自己練左陣波, 3點幾同呀媽係寶林meet(又行返過去), 之後同佢係寶林行返企果邊, 但沿途左兜右兜, 比佢清楚左TKO個格局認到d路, 結果係今日做左唔少運動+行勁多路~~之後買左野返企煮飯, 勁~~~累。
4. 黃易RIP; 讀書時期圖書館回憶之一。仲好記得當時佢d書好難借(TVB果時仲未拍尋秦記同大唐已經好難), 好佩服當時我地幾個死黨竟然可以見有邊期就借邊期, 跳住來借跳住來睇都記得自己睇左/未睇, 仲可以駁返個故事 xD
可惜佢之後寫果d好似愈來愈唔岩口味, 盛唐系列已經好少睇了...個人認為最高峰都係"覆雨翻雲"呀~~
p.s. 早排想重睇一次, 點知發現新版已經被河蟹左, 無晒d禁斷情節了~~ xD
7/4(五) -- 收工去左In's Point行, 發現好~~~耐無行過MK, 之後同C會合, 去Jordon本來想食米記, 點知full左, 轉左去Sense, 都OK喎; 食完返企。
5. Ronald終於遞左信了~
8/4(六) -- 早上起身, 本來想早d出去, 磨磨下到12點幾先出, 去南昌公園睇下花, 不過無晒黃花海, 無咩好睇了, 之後行鴨記同玩具街同模6舖後返TKO, 本來想出開去係外面食飯, 但要拿TB野所以又返來; 拿完返企卸低晒d野之後早少少出去食冬蔭公公後返企。Hea睇左個無點追開ge大結局。
9/4(日) -- QCOBA籃球賽, 今年對住後生同好高大果2隊, 無得打輸晒, 不過志在參與同老友打下波, 都幾開心; 中午同佢地食埋lunch返企; 下午同C出去買野夜晚煮飯, Edf來痴餐, 之後一齊睇埋金像獎佢先走。
6. 今年金像獎無咩大爆冷賽果, 現場亦唔係十分精彩, 最好笑都係藍猛沖講野。
來緊:
14/4(五) -- K
28/4(五) -- URA波
完
2017年4月3日 星期一
四日二日 -- 雜記
27/3(一) -- 臨時約左EdfRita去西環食飯慶祝Edf生日。本來想去第二街餐廳, 點知去到發現原來星期一休息, 於是轉左食天樂。食完搭叮去到CWB佢地去行街我就返企。
1. 高達鐵血孤兒去到尾二一集, 只可以話失望, 白白浪費左咁好第一季同第二季個頭, d劇情走向唔知想點...下星期大結局, 希望不大了...
28/3(二) -- 出site早收工; 去左寶林行大減價奇趣, 之後返企煮飯。
2. 奇趣可能已經執左好多貨/比人買晒, 所以無咩好買了...最終執左2架車仔, 好平~~
3. 一早未夠10點就訓著左...
4. 點解自己人關係要攪到咁呢...
29/3(三) -- 突然出site早收工; 返企煮飯。同呀C行左Jusco。
30/3(四) -- 收工上天晉食飯。
5. 是日公司派信, 一如以往加人工幅度都係差不多, 個VP都係如之前所講多過往年。
31/3(五) -- 收工同C去左寶林行下同食左上海野。
6. 部洗衣機打柴; 多謝佢最尾都捱埋洗完最後一機衫。
1/4(六) -- 早上起身同爸媽呀B去拜山, 返企抖完出左坑口買洗衣機, 夜晚去CWB協奏坊食buffet慶C婆婆90大壽。
2/4(日) -- 黃竹坑8-10. 實在好早好遠. 打得都算OK; 返企沖個涼就出油塘同Penny食晏, 之後買埋Bino野上Penny家同佢core果堆朋友打邊爐, 慶祝佢正日生日; 10點半散。
7. 鐵血孤兒大結局, 未有機會睇, 但網上d人已經講晒; 其實主角死晒無問題, 敵角贏都無問題, 係早幾集d劇情唔合理, 同埋有好多地方交代有問題, 設定上又係唔夾, 第二季發生左好多呢d野, 所以有d失望...
來緊:
4/4(二) -- 清明公眾假期
5/4(三) -- 中同聚
6/4(四) -- 之前FS補假一天
9/4(日) -- QCOBA籃球賽
15/4(六) -- Helen家
28/4(五) -- URA波
完
2017年3月27日 星期一
三月二十六日 -- FS後休息
21/3(一) -- 出site早收工返企抖陣沖涼; 夜晚去呀哥度探B, 出世第四日先有機會探佢呢~~
22/3(二) -- 收工返企C煮飯食。
1. 連續返工第9日, 好好好眼訓。
15/3(三) -- 出site早收工返企先夜晚再出去太古同Penny同佢d fnd打波。時間完全唔覺地打到差不多10點, 仲要呀C係度齋坐又無飯食肚餓, 辛苦佢了...
16/3(四) -- 收工返天晉食飯, 之後上呀哥度睇左下B返企。
17/3(五) -- 收工去太安樓食野之後返企。
2. 今日loyeah係公司痴左線亂爆, 雖然唔多關我事, 不過坐係度聽住感覺都好差。老實講呢度d人都幾垃圾。
18/3(六) -- 終於可以訓到自然醒再訓回籠覺先起身; 早上陪C去銀行, 之後foodcourt食完晏返企等番薯起身, 點知等到過左3點半先出門; 同呀哥呀媽呀B去左香港公園同動植物公園行; 6點島散佢地返去先, 我同C行左下上環之後食米線再返企。
19/3(日) -- Parkside 10-12, 之後無人來打多左個鐘, 累到爆; 之後返企沖涼休息訓著左, C自己去左買送之後煮飯, 我就hea左一日, 多謝。
3. 都唔明點解林鄭當選網上咁多人呻吟; 我並唔係喜歡佢, 而係由頭到尾我地都無份選+邊個當選分別都唔大+唔多唔少都預左係佢, 所以真係無感。另外, 如果係喜薯片的話, 應該慶幸佢唔使入呢潭渾水。
4. 今集50強亮點絕對係黃百鳴; 雖然唔係話唱得點, 但係我覺得好帶到氣氛~~
來緊:
1/4(六) -- C婆婆90大壽
2/4(日) -- Penny家
完
2017年3月21日 星期二
三月十九日 -- FS
13/3(一) -- 出site早收返企; 去左醫院探左C細佬先, 再同加拿大來的堂弟食飯。
14/3(二) -- 下午過CSW FS Bfing後早收; 返TKO買送。
1. [又係好日唔睇TBB系列] -- 雖然劇情其實係唔同?, 但係"情侶因為雙方工作而隱瞞關係"呢個idea令我諗起某日漫(我諗亦都未必多人識)。另外都講過好多次, 其實TBB拍笑片(同處境劇)係OK的。又估唔到朦眼仔同黃翠如佢2個拍開檔做旅遊節目咁耐, 做一pair?火花又幾OK喎~~(呢d劇唔使咁斟酌演技啦~~)
15/3(三) -- 臨時出site去鴨利洲派信, 未去過所以派完行左下; 收工去北角同Nat食飯, 試左聰嫂個齋, 幾好食又唔貴, OK喎。
16/3(四) -- 出site早收工, 因為之後要連續3日OT所以唔約馬打波, 返企買d野煮。
17/3(五) -- FS, 8點收工, 點知等車等左半個鐘搭九先有車。
18/3(六) -- FS, 7點收工, 無咩胃口, 返企食呀C食剩個飯就算。
2. 今日中間有d時間上左Joson屋企坐下~~
19/3(日) -- FS, 3點幾收工; 返企抖陣沖涼之後去左Parkside同NormanTommyRaymond一齊射下波6-8; 之後散水, 同C去左將中foodcourt食飯。
3. 星期五一集"我暪結婚了"入面show晒煒哥、鷲哥、樊亦敏、李國麟d戲超得, 傅嘉莉唔好計佢d新聞, 係TBB新一代女演員來講算係放得開又做得唔錯, 黃翠如、洪永城、黃浩然、莊思敏、C君艮現都恰如其份, 其實已經好好, 成個團隊都幾正; TBB近年都係拍笑片同處境劇比較好睇。
來緊:
22/3(三) -- Penny打波
1/4(六) -- C婆婆90大壽
2/4(日) -- Penny家
完
2017年3月12日 星期日
三月十二日 -- 雜記
7/3(一) -- 出site早收一返去搵呀馬射波, 當然又變左鬥波; 之前果日先打完波, 真係好累本來又腰酸背痛, 雖然對住呀伯但一來對方唔弱二來真係cher唔出, 唔係打得好好; 之後返企沖涼上天晉食飯。
8/3(二) -- 收工入TKO醫院探C細佬; 之後係坑口同C同C媽食埋飯返企。
1. 見到姐姐抱KK返舖頭~~
9/3(三) -- 出site早收工返去買送夜晚屋企煮飯食。
10/3(四) -- 突然出site去石門果邊, 第一次去; 早少少收工返企hea一陣, 之後去醫院探C細佬, 再同C同佢媽食埋飯先返企。
11/3(五) -- 收工返去買外賣返企食。
12/3(六) -- 早上去呀哥度搬個書櫃過來, 之後落街食野同買野, 下午買左個sink盤隔氣換左, 2樣野加埋個腰背同手臂都勁累; 之後源SannyEdfIrene來我家打邊邊, 10點半島散。
13/3(日) -- 8-10中山, 可能尋日已經累, 今日打完係累到爆炸; 返TKO同C去食左意粉, 之後買埋送返企沖涼就幾乎昏迷到6點; 夜晚呀C炒米粉。
2. 鐵血孤兒劇情第二季雖然差d, 不過來到結局呢幾集好似幫主角們立晒flag, 唔知來緊要派幾多便當...
3. 唔係老唔老餅問題; 而家歌手唔走音就算, 唱得唔好就話要有感情就得 -- 睇返唱歌節目, 棠歌、湯記佢地果d年代唔走音已經係最最最基本, 佢地唱點止感情, 連口氣、音色...等等都好正; 邊有得唔話一代不如一代丫...
來緊:
14/3(一) -- 同加拿大來的堂弟食飯
17-19/3 -- FS
完
2017年3月6日 星期一
三月六日 -- 雜記
27/2(一) -- 出site去香港仔; 對呢個地方完全陌生, 有機會來下都幾得意, 以前就算來過都係跟人行, 點到點, 今次算係係個區內兜左一下, 有左多d印象; 早收工, 返企沖涼同執左個櫃, 之後出CWB HeSheEat同C小雲SannyAmyWing食飯。
1. 執野睇返好多舊野; 細個紀念冊、畫公仔紙、而家個大故事以前d初稿同idea、大量戲飛、生日卡聖誕卡post卡...etc, 一直都keep住, 感覺好好, 同埋好開心好多朋友都對我好好。時間有限, 睇左少少都係要放低, 第日執完再慢慢睇。
28/2(二) -- 收工去寶林睇下奇趣個租約期滿, 未話幾時完; 之後去試食個車仔麵, on 9了。食完返企。
1/3(三) -- 收工搭叮叮去CWB同Grace食我的生日飯(最後一場); 間野都OK, 仲要我地包左場一段時間(後尾有2個人入左來先share左個場); 食完8點幾就走。
2/3(四) -- 收工去觀塘同C日安盧撈Penny食煲仔飯; 諗返呢個冬天原來無打邊邊(唔計吉野家)無食羊腩煲無食殘忍飯, 今次總算食左其中一樣; 好耐無食過+有飯焦=太滿足啦~~~食完買埋野飲散, 返企都係9點零。
3/3(五) -- 出site早收工, 去左寶林係奇趣流連左好一段時間最終都係無買野走佬。行去坑口買甜品同爭鮮返企夜晚食。
2. 寶林奇趣租約期滿正價八折特價九折, 都有d幾吸引; 不過真係好唔捨得, 平時去親寶林都會行下...
4/3(六) -- 大半日係企hea同執下野; ad-hoc約左夜晚出CWB同中同食飯。
3. 對BenChoi真係有d唔好意思...
5/3(日) -- TKL8-10, 初段發緊夢, 之後正常返打得好d; 打完同佢地食埋野再買野返去比C食, 沖涼訓覺; 4點幾起身去買野, 夜晚2個人打邊爐; 突然收到佢細佬整親隻腳, 於是我2個打完邊爐臨時入西貢幫佢攪d狗再返企。
4. 幾乎成個禮拜訓覺都被開燈同被聽住煲劇聲訓, 好累。
來緊:
17-19/3 -- FS
完
2017年2月26日 星期日
二月二十六日 -- 雜記
20/2(一) -- 出site西灣河之後收工(OT?), 係太安樓買左d野食返去再煮少少食飯。
21/2(二) -- 之前一日臨時約, 收工同Nat食我的生日飯; 佢選左北角大江戶, 點知連佢自己都唔知咁貴, 攪到我超唔好意思 @@"
1. 同好友吹水很開心, 又update下佢近況~~
22/2(三) -- 突然要出site, 早收約左呀媽去黃大仙, 之後返企沖個涼再出返MK素食一家同Cass娟食飯, 多謝~~
23/2(四) -- 突然要出site, 早收返去買送煮飯。
24/2(五) -- 本來收工返C娘家, 點知早一日通知突然要OT; OT完咁o岩又巴士又無塞車, 上左娘家接佢返企; 仲有得飲湯同有飯送食~~
25/2(六) -- 本來想去Macau, 不過見天氣麻麻cancel左; 中午同小本型飯團們去APM唱K(12-3); 之後去左ConnieLoLo家house warming同預祝LoLo生日; 之後入鯉魚門同姨丈等人食海鮮, 好貴呀~~~(雖然姨丈比錢)
2. 今日好似唔係唱左好多歌~
3. 同好友一齊hea的感覺好relax~~
26/2(日) -- Parkside10-12, 打3打3, 都唔錯, 不過好累~~; 之後即返屋企沖個涼再同表弟表嫂去SSP掃街. 4點幾完, 一齊返TKO; 6點係TKO 2圍人一齊食飯, 慶祝表弟生日。
4. 套高達去到20集(或者應該叫45集), 仲有5集, 劇情都入左直路, 成班主角已經有不少人被派便當, 最後唔知點收科; 唔通真係滅團?
來緊:
27/2(一) -- Sanny飯
1/3(三) -- Grace飯
2/3(四) -- 煲仔飯
完
2017年2月19日 星期日
二月十九日 -- C生日
13/2(一) -- 收工返TKO食Saizeria意粉, 之後行超市再返企。
14/2(二) -- 情人節; 出site早收工收工返企煮飯食。
1. 無啦啦出site睇唔同野就比唔同人簽, 真係(被)玩野玩到盡, 算了唔理了。
15/2(三) -- 收工好累, 去寶林食韓國野(Hungry Korean), 之後行左下就返企。
2. 寶林奇趣竟然租約期滿了!
16/2(四) -- 收工返天晉食飯。
17/2(五) -- OT Bfing, 估唔到8點9就完; 返TKO咁o岩就到珊拿煲過來, 我拿返企。仲順便買埋蛋糕走私入屋企無被發現, 比到surprise C。
18/2(六) -- C生日快樂。起身係企煮麵食, 之後hea一陣出左去坑口, 見到貓貓KK, 係瑞士咖啡室食個tea, 之後搭巴士去美孚饒宗頤文化館(本來plan去芳園書室同馬灣影日落, 但係TKO見到全霧同埋無陽光, 於是先改去呢度), 都幾靚又唔多人; 之後見都近於是去左葵涌廣場行左個圈, 無收獲; 最後落西環, 本來想食cafe2, 不過見好貴下又唔係真係咁標青, 所以去左C未去過的天樂餐廳食飯(不過最後覺得都係第二街餐廳贏晒), 食完之後返企。
3. 竟然返TKO遇到ConnieLolo~~
19/2(日) -- 8-10TKL, 打完同佢地食埋野先返企, 好累; 沖完涼就訓左, 差不多3點出去買送返企, 我又hea, 今次C煮; 食完飯睇返一次畫皮, 好睇, 之後開畫皮2, 不過感覺差好多, 我無心機睇, C睇埋。
來緊:
20/2(一) -- OT?未定
22/2(三) -- Cass飯
27/2(一) -- Sanny飯
Nat飯
Grace飯
黃大仙
完
2017年2月13日 星期一
二月十二日 -- 返鄉
1/2(三) -- 返工一天, 收工返TKO食吉吉家邊爐, 之後執行李。
2/2(四) -- 放假同哥C返鄉(今年係我地條村輪16年一次攪"天公生", 都幾大攪, 機會難得所以返去參與下, 同埋探下親戚); 早上搭車入機場, 見左下Karmen, 搭完機返到屋企都係中午島, 探左外婆再食d野之後去酒店check-in (本來想住返屋企不過今次活動條村包埋酒店), 上左靈秀山金相院行左個圈拜個神; 之後返酒店對面個商場行下, 個新商場好大都幾靚, 仲有摩天輪添(不過無玩); 夜晚去左條村某學校運動場, 搭左個帳篷食飯(外面好大風但個場擋得晒唔覺), 歡迎外地返鄉參加的同胞, 主打海鮮野; 食完返酒店。夜晚係酒店睇左Robocop 2014版, 普普通通。
1. 好耐無感受過臨場放炮仗同煙花的感覺了~~~
3/2(五) -- 一早6點起身6點半落去食早餐7點集合, 去返自己村出發, 過去上年攪果條村果度迎個"天公"返我地條村。結果行到中午, 呀媽計左超過16000步(應該唔止因為最後未update), 行到最後對腳好累~~ 之後就聚埋食一餐就散水, 活動完結。等左好耐架接送巴士先開車, 返酒店抖一下, 又再去對面商場行下同食野; 夜晚返屋企食飯, 之後我地三個同呀媽呀姨去唱K, 由7點幾唱到12點半島(媽姨走左先)~~ 夜晚係酒店睇左陳曉做網絡電影"睡在我上鋪的兄弟", 都係普普通通。
4/2(六) -- 終可訓到自然醒, check-out後返企, 之後表弟同佢老婆帶我地去五店村行下(係一個城市入面保育左以前農家d屋的area, 不過翻新晒同埋變晒舖頭), 係果度食野(有個foodcourt可掃街), 之後去行八卦山個公園, 坐多陣就車我地去機場了。7點半島返左來8點出到來, 有$1600現金卷要係機場使, 結果係機場攪到9點幾先走, 一出來見有架A29就即上, 雖然係坑口落車, 但係E22A要兜, A29P經SauMauPing, 呢架A29就好~~~快就落車, 加上係南豐行返屋企都唔遠又唔辛苦, 早返左屋企仲好; 第日係機場有多個選擇返企了。
5/2(日) -- 一早打8-10中山紀念公園, 好晏訓但早起身有d累, 不過都打得唔錯; 打完同佢地食埋早餐先返TKO, 買埋野食返去比C; 下午係企抖, 夜晚出灣仔同C娘家團拜同食開年飯, 9點幾島散。
2. C開始作病。
6/2(一) -- 出site早少少收工, 返TKO煮野食。
7/2(二) -- URA舊同事一月之星飯; 收工去MK女人街食築地番本日式放題, 有蒸氣火鍋又有放題咁, 價錢算平, 位又唔會好逼, 幾抵食, 食物質素就普普通通亦唔算多選擇; 食完9點島散。
3. C SL一天, 佢自己係企抖同食飯。
8/2(三) -- 收工同源去民仔家同佢呀媽拜年, 之後入TKO同C係樓下食飯。多謝呀源就C唔舒服專登入TKO食飯。
4. 民仔confirmed生仔, 恭喜恭喜~~~
9/2(四) -- 下午Medical Appointment早d走, 返TKO睇跌打, 之後煮飯。好眼訓所以咩都未執9點幾10點就訓著左, 12點幾醒返執埋d野先再訓。
5. 之前係鄉下因為個地下好油所以線親patpat落地dun左一下, 本來都無咩事之後又唔痛, 呢幾日先開始痛, 奇怪。
10/2(五) -- 去灣仔拿牌後收工, 早少少去MK行左In's Point同信和(買左扭蛋模型同漫畫), 之後同C娟源SamEstherMandyDorothy食妹記大牌檔生日飯, 多謝。之後去埋蘭苑食甜品先散。
11/2(六) -- 好累係企hea左大半日, 晚上去CWB極上大喜屋食外母生日飯。
12/2(日) -- 黃竹坑10-12, 第一次去果頭, 連續2個星期都打得幾好, 入左好多波呢~~; 痴人車返TKO, 同C食左lunch入西貢幫佢細佬裝router, 之後返企沖個涼, 夜晚同哥食飯, 慶祝佢生日。
來緊:
17/2(五) -- OT Bfing
20/2(一) -- Angel飯
22/2(三) -- Cass飯
Nat飯
Sanny飯
黃大仙
完
2017年1月31日 星期二
一月三十一日 -- 農曆新年+生日
23/1(一) -- 收工返企食飯, 爸生日。
24/1(二) -- 收工同AnselFawnia去左西環食飯。
25/1(三) -- 收工約左EdfRitaC食飯, Rita臨時甩底; 去左觀塘工廈Bold Italic食, 之後行左APM個市集同埋觀塘遊樂場個花市。
26/1(四) -- 出site早收, 同呀馬去左打波; 之後返企沖涼去天晉食屋企團年飯; 食完後除左爸爸一家去TKO個花市行。
27/1(五) -- 3點收工, 返企沖個涼換個衫再去C婆婆屋企團年。返TKO時珊同Connie臨時搵我地, 於是買左糖水上我家一齊hea左陣, 11點散。
28/1(六) -- 大年初一; 中午過左天晉食開年飯; 之後入左石排灣再去筲箕灣2個地方拜年; 夜晚返天晉食飯。
1. 一大好消息: FF有左了~~ 預產期8月。
29/1(日) -- 年初二; 同八婆一家進Charlotte係又一城M記食lunch, 玩create your taste; 之後散, 去C婆婆家食開年飯, 煮左少少野。
30/1(一) -- 早上打波TKO 9-12, 而家keep住有打多d波, 都打得唔錯, 不過食左個波餅, 個額頭比眼鏡整到爆缸 xDD; 之後返企沖個涼抖一陣, 出SSP行下, 自己買左盒模型, 再食個糖水返企; 好累攤左陣9點幾再落街, 本來想食吉吉家邊邊, 點知已經無晒, 唯有轉場去foodcourt試新果間台灣野, 都ok。
2. 其實之前應該無plan過去邊, 到當日先話諗下去坪洲定SSP; 本來想選坪洲, 不過因為我太累hea耐左, 晏晏地, 天氣又唔好(落雨), 結果去SSP; 食飯都無預先睇定或book定, 又累累地, 所以只係睇左TKO有咩食, 但我又唔多想食果d, 所以寧願係樓下是但食完快d返企。
3. 多年來其實都慣左同人食開貴野好野, 但係自己就好hea, 所以無咩所謂。以前屋企窮慣所以請人食幾百蚊一餐都覺得幾肉赤, 但食返自己果餐又成日都係是但的就更覺肉赤 xDD; 而家環境好d同埋耐左慣左就覺得無所謂了~~
4. 是日生日。
31/1(二) -- 維園中同賀歲波9點半打到1點島(馬Ben輝HermanTommyDerek), 之後同Ben輝TommyDerek食埋晏; 返企抖, 到6點島EdfRita來我家, 落樓下食泰國野再返企, 夜晚食蛋糕。
5. 第二好消息: PCLa有左了~~ 已經有左5個月, 完全睇唔出咯~~~
來緊:
1/2(三) -- 返工一天
2-4/2 -- 請左假返鄉下
5/2(日) -- C屋企大型開年
完
2017年1月22日 星期日
一月二十二日 -- 唱K x2
16/1(一) -- 出site早收工返企; 夜晚返天晉食; C公司春茗。
17/1(二) -- 花姐姐生日快樂; 出site早收工, 去坑口同呀馬打波, 又係打後生仔, 都係果句, 唔係對住平時星期日d體能怪同埋半場3打3, 真係輕鬆好多; 今日練左陣3分, 之後隻手好累~~ 之後同呀媽行左下尚德同埋上左天晉; 買送返企煮飯食。
18/1(三) -- Jenny生日快樂; 收工同同事(AnselRonaldPamCandy)去CWB RedMR唱K; 估唔到Candy唱K勁野喎, 除左唱到d難又高音ge歌, 合唱歌好似珊瑚海果d都唱到~~
19/1(四) -- 收工返企煮飯。
1. 突然人事變動, 由跟女人變跟男人, 不知是福是禍, 不過都係本住自己做自己就算了。
20/1(五) -- 收工返天晉食飯。
21/1(六) -- 中午過呀哥果邊食野, 之後行下TKO, 買左d野返去煮2碟(我訓著左, C煮); 夜晚買埋蛋糕過天晉同爸預祝生日。
2. 係Popcorn見到Grace同個男仔一齊, 不過佢見唔到我 B)
22/1(日) -- Parkside 8-10, 都打得OK, 之後同呀馬散步吹水到寶林再返企; 沖完涼hea一陣ad-hoc約左EdfRita出港晶唱K; 夜晚去C娘家食團年飯。
3. 是日農曆生日。
4. 高達新一集... :(
來緊:
23/1(一) -- 收工返企食飯。
24/1(二) -- 強生日; 收工同AnselFawnia食飯。
25/1(三) -- CSW貓group飯
26/1(四) -- 屋企團年
27/1(五) -- C婆婆屋企團年
28/1(六) -- 大年初一
29/1(日) -- 年初二; 約左八婆食lunch; 夜晚去C婆婆家開年
完
2017年1月16日 星期一
一月十六日 -- 雜記
9/1(一) -- 收工去尚德同樓下買送同糧食生果, 之後返企C煮。
1. 是日好累。
10/1(二) -- 出site早收工, 竟然係地鐵遇到呀媽; 即興想睇戲所以買左夜晚戲飛; 返企後出返去同呀馬練波, 不過幾乎都係鬥波, 打得唔錯, 打開全場打返半場3打3真係易好多, 而且唔係同d當打廿幾歲, 而係同中學生或健壯叔叔打, 輕鬆好多; 之後返企沖個涼, 出返去同C食吐司工房, 之後睇左Why Him? 幾好睇。
2. Why him? -- 以前非常外父系列編劇再來, 加上當年男主做監制, 但係笑料係update版同埋2個人性格係唔同, 所以笑料係唔同撞法。幾乎都係由頭笑到尾, 係個結局收得有d草草, 總的來講係睇得好開心ge~ 另外, James Franco堅係型仔好charming~
11/1(三) -- 收工返天晉食飯。
12/1(四) -- 公司春茗, 9點半散。
13/1(五) -- 出MK site, 早d收工, 行左信和同In's Point, 之後同Ansel去左SSP同佢行玩具街睇假Lego, 之後行埋福利返企(係MK同SSP都敗了家, 不過好耐無行過了~~)。懶煮懶落街買左飯盒返去食。
3. 夜晚上網睇左半套"億萬貓星人", 有人睇到訓著左, 所以無睇晒了。真係差差地。
14/1(六) -- 全日係企hea, 悶到爆; 下午上網睇左套"賞金獵人", 都係輕輕鬆鬆sell下靚仔靚女, 普普通通咁。夜晚過左坑口食桃園, 之後行下商場先返企。
15/1(日) -- 天晉9-11; 之後同C去左坑水食lunch, 買左個暖風機返企, 再落Jusco同街市買糧油同"食送", 夜晚佢煮。
4. 夜晚上網睇返好耐之前睇過嘅"School of Rock", 仍然覺得好正。不過真係唔係個個like。
來緊:
18/1(三) -- URFS K
22/1(日) -- 團年飯
完
2017年1月8日 星期日
一月八日 -- Passengers
3/1(二) -- 收工懶得煮, 去左北角係功夫點心。
1. 是日當事人親身消息: 呀囡終於都XXOOYYKK啦~~~ 好事多磨, 但係實在磨得太耐了~~~ 我已經聽夠你話fnd姐、無野ge、我覺得唔係咯...etc; 雖然無話一定會到最後, 但起碼都面對過去、嘗試走出傷痛、行出左第一步, 恭喜呀~~~
4/1(三) -- 收工返天晉食飯。
2. 今日繼續係人地trip緊的時候稍稍跟進, 似乎暫時問題不大丫~~
3. 假期同之後呢幾日翻睇返幽遊白書, 同埋順便睇一次買返來但無睇過ge完全版; 有彩頁好正, 不過d翻譯好似怪怪地, 有d意思同舊版直頭唔同(而有d我知ge好明顯係舊版先o岩), 好想睇日文版確認下真正意思呢~~ btw, 情意結又好, 咩都好, 真係好好睇~~~
5/1(四) -- 收工返TKO懶煮飯去左食將中foodcourt。
6/1(五) -- 出WC早收工接埋C返佢娘家食飯; 佢細佬車我地返去。
7/1(六) -- 中午同ConnieLoLo食意粉, 之後食寶林join埋呀珊行山, 行左小夏威夷瀑布, 幾易行又幾靚喎; 之後係井欄樹搭返巴士出鑽石山散; 夜晚返TKO同Edith同佢男友食放題。
8/1(日) -- 8-10中山, 以我自己能力範圍內算打得唔錯, 不過呀馬同佢地某d人打已打到好無癮, 可能佢以後都唔join了; 下午去奧海城睇公司贊助戲Passengers; 夜晚係foodcourt食埋飯返企。
4. Passengers -- 之前睇左影評, 知道唔係科幻災難片, 而係太空科幻愛情片。劇情想講係果個情況下男主角同女主角佢地心理想法、變化, 所以就算有唔合理位(例如點會無預有意外、點會無spare冬眠裝置、點會得一張醫療床etc), 都無損佢想表達的意思。初段半個鐘男主獨腳戲, 交代成件事+營造佢孤獨+佢想整醒人掙扎, 其實時間已經好多, 不過感覺個掙扎鋪排同描述得唔夠入肉(當然如果大家腦補能力強係應該感受到的); 之後女主醒左講佢地相處同愛情, 成件事就好自然, 去得好順, 加上2個係型男索女, 無得輸; 後段開始有危機同佢地去解救、要犧牲等等, 雖然大路但都緊凑, 結局無大驚喜但總算完滿, 成個起承轉合做得好好。場境來講雖然一直係架船度, 但都幾豐富, 尤其係失重力泳池果幕, 做得好正; 辛苦d演員幾乎齋係佈景做戲了~~交戲來講其實男女主都好努力交戲, 但諗返其實佢地靚樣都幾乎夠殺 xDD Bartender大叔Michael Sheen老戲骨, 都係一大亮點。總的來講係好睇呢~~
來緊:
12/1(四) -- 公司春茗
18/1(三) -- URFS K?
完
2016回顧
今次好少野寫, 主要唔係無大事發生, 亦都唔係懶搵返個blog之前d野來睇, 而係覺得2016過得舒服, 最值得講就係呢一份安逸。
好感恩 -- 當然亦唔係希望因為咁而令到以後變得唔好啦 -- 呢一年身邊親人朋友似乎都過得好唔錯; 爸爸媽媽哥嫂呀B都健康, 呀C屋企人都係; 而朋友們基本上都無好大唔好事發生, 就算有野之後都係recover返, 所以今年真係好感恩。
自己來講, 今年身體狀態尚算唔錯, 工作都習慣到, 而最緊要係所以幾自由舒適咁生活(我知自己屋企狀況真係比好多人幸福好多), 雖然無以前咁密, 但係都keep住見下朋友; 可以唱下K(少左好多); 砌模型(完成多左); 打波(keep住做運動); 唔多煩惱野。
雖然知道無野係可以永遠, 而且以後一定會有好多改變, 會有唔好野發生, 但係未來就係未知, 未知就有挑戰亦都先會有趣, 最希望係以後身邊親友同埋自己可以健健康康開開心心簡簡單單咁生活就好了。
完
標籤： 個人感受/感想/人生觀
欣宜現象
其實想講一個現象好耐, 不過都要講少少欣宜先。
首先要利申, 遠係我未用FB仲係打好多blog時, 欣宜已經係眾矢之的, 咩死亡之吻、扮白雪公主果d比人鬧到暈, 果時我係blog度曾經表達過幾欣賞佢, 好記得係佢仲細未出道時有次跟佢呀媽係大show表演又唱又跳, 覺得佢雖然唔靚又肥, 但係表演得幾放, 又有自信, 幾好的。之後佢出來唱歌, 把聲都算唔錯; 所以雖然當時好多人都唔like佢, 反而我覺得佢OK。
時至今日, 近年愈來愈多人like佢, 仲有好多好支持佢, 話佢好OK。
Sorry, 我唔係為反而反, 但係我真係覺得麻麻地。
首先, 我已經講過好多次, 做一個藝人, "聲色藝"起碼都要有2樣野係OK。明顯地, 佢係唔靚亦唔索, 呢樣野係好主觀, 但係我相信你問大部份人佢靚唔靚, 你話普世價值都好咩都好, 佢係唔靚咯。藝, 佢近年主打都唱歌, 拍戲拍劇演技來講經驗唔多, 當年同事三分親都已經見佢係麻麻地, 但佢唔係主攻呢方面, 算啦。跳舞來講近年唔係好覺佢跳, "你瘦夠了嗎?"雖然MV有跳但甚少見live, 姑且當佢OK啦。而佢身為一個歌手最重要?"聲", sorry, 我覺得佢只係消費緊佢以前?"OK"而已, 無進步, 只要聽一聽live就知。佢把聲唔厚, 即係無練基本功; 佢唱d音出來唔穩, 都係無練好基本功。作為一個職業歌手, 又係果句, 唔係同朋友唱K唔係玩, 你出來搵錢架, 連唱都未達標咁叫OK?
佢有歌好聽(say好多人鐘意?"女神")係佢公司同作曲填詞人比好野佢, 同佢唱得好唔好並唔係好直接關係。我亦都唔理佢有無消費佢呀媽同佢d叔祖兄弟?關係, 每個人上位都有佢理由, 有人關照都係一個長處, 無問題。最大問題係, 佢真係未夠班。同佢同期或後輩(唔好用前輩屈佢啦), 是但JW或Gin Lee都唱得好過佢, 講埋林二汶果d就更加無得比。
再次聲明, 我唔係佢hater, 因為香港歌壇有好多好唔掂?歌手, 我只係覺得佢唔值得而家?稱讚姐。
好, 講完欣宜。以下先係重點。(又來, 有幾多人會睇到呢度? xDD)
**********
唔只係歌壇, 而家娛樂圈、網上紅人甚至政治人物, 我最唔鍾意就係sell"態度"ONLY。有態度無問題, 但可唔可以唔"只係sell態度"?
欣宜為例。好多人讚佢好努力好勤力, 同埋佢好有態度, 唔介意自己肥, 唔理普世審美標準。Well, 我都好appreciate佢呢幾樣野, but咁唔代表佢係一個唱得好?歌手喎?? 歌手唔係應該基本係唱得好咩?大家可以覺得佢好努力係個圈度打滾, 好努力比人見到佢努力, 佢好有自己style好有態度, 但係唱歌? NO。
係現實世界, 你出到來係唔夠能力就係唔夠能力。好似我咁打波明明無技術體能下降意識又唔好, 但係我每一次都好勤力, 我嘗試去做好d, 每次有力唔痛時都比盡可以?力, 快攻唔夠人快都會跑前, 回防追唔到都會追, 自問係場內最勤力果幾個, 但係無意思架喎, 球技不足就係不足, 所以就算無沒到手/輸波/比人話做得唔好我都無得話我好勤力就無野喎? 現實世界都係咁, 唔係勤力就大晒, 一定要有能力, 無論係實力又好擦鞋又好, 要上世一定要有某d實力?。
勤力係一種"態度", 仲有好多其他"態度"。
(唔想講太多政治了。)
呢個世界偏偏就愈來愈多人愈來愈睇唔到重點。只要擺出來?感度/取態係正確(或政治正確)或者合乎好多人心態, 就係o岩, 之後就算做好多唔o岩?野都會大把人支持。或者明明無能力, 不過擺出來有noise有say有態度就盲目被支持。咁真係做到野果d人又點呢? 係咪呢個世界就緊要就係"公關"、識做"廣告"呢? 而家眼見唔單止係人, 連食店甚至係賣其他野咩店都好, 最緊要係"知名度", "有格調", 質素係點? 無人care。只要出名, 就大把人跟住去買、上FB呃like。Well...
一口氣打左一堆字, 無心機再打落去同check了, 就咁。
完
標籤： 個人感受/感想/人生觀
2017年1月3日 星期二
一月二日 -- 新年
28/12(三) -- 收工返天晉食飯。
29/12(四) -- AL一天; 中午同馬食飯之後練下射波; 下午係企hea一陣, 夜晚同白田同事係西營盤食飯。
30/12(五) -- 收工同Grace臨時決定去SSP行同掃街, 最後食埋綠林後返企。
31/12(六) -- 上午係企hea, 下午出左Megabox行下同買野, 之後返企; 夜晚C煮飯食; 之後係企都無特別倒數安靜渡過了~~
1/1(日) -- TKL8-10, 雖然覺得打得唔算差, 但係好似贏波輸波都唔關我事咁; 之後返企沖涼食d野, 太累恰左下; 下午同C出摩士泳池(見有event)但太多人排放棄左(之後先知原來哥嫂佢地都差不多時間去左仲排左個幾鐘), 行下摩士公園之後行到去新浦崗, 搭車去KT行左公廠倉買左生蠔, 過左APM一田食左刺身飯後返企。
2/1(一) -- 上午係企hea過, C中午約左人係TST食lunch, 我下午meet Ex-URA同事們一齊, 先去左天晉clubhouse比小朋友玩, 之後係企外賣+煮d野食, 最後交換埋禮物散。
來緊:
完
