Y's Place

二月十九日 -- 雜記

2012-02-20T00:00:00.002+08:00

13/2(一) -- 收工返企食飯, 開展第一日獨居生活。

1. 頂唔住, 又剪左頭髮。

14/2(二) -- 收工返企食飯。

15/2(三) -- 收工返企食飯。

2. 今日打比Addison confirm星期五食飯時, 得知當年話劇同學兼歌后四個月前生左個B啦, 好開心呢~~

16/2(四) -- 收工同呀Cass食飯, 去左好耐無去噶King 1食飯, 同佢講下有關台灣噶野, 遲d佢會自己去果度旅行呢~

17/2(五) -- 收工要OT, 不過7點幾做晒d野, 星期六唔使返; 之後去同話劇同學們食飯; 8點到大角咀, 都仲早過2個人呢; 好耐無見大家啦, 食完飯搭MTR返企。

3. 落左巴士行過去食飯地方噶時候, 見到"晶輝"~~~ 下次一定要搵個機會去呢~~

18/2(六) -- 下午同C去左愉景灣行下, 夜晚係"ZAKS"食飯, 都幾好食呢, d野好大碟, 叫左唔係好多野都飽到嘔, 之後返企。

19/2(日) -- 一早起身同呀媽去每一年都會一齊去噶黃大仙, 之後趕返去中學打舊生籃球賽, 今日難得都打得幾好呢; 下午臨時同呀C去左動植物公園, 好多年無去過了, 之後食左聽聞都幾出名噶南記噶小鍋米線, 幾好食喎~~ 不過d送來講就荃灣好食d, 個湯就都好ok呢~~之後終於試到埋聰嫂新果個栗子蓉西米露, 之後返企。

4. 呢個星期部i-Phone愈來愈唔掂; 仲有個紅色繞線貓貓果個野唔見左 >_<""

5. 由今個星期開始, 我以後每一個日子、任何活動都會變成"到時先知", 因為公司進入忙噶階段了...

來緊:

20/2(一) -- 同白田同事食飯
21/2(二) -- 同SannyBarryAmy食呀C生日飯
26/2(日) -- 日安同盧撈結婚大日子!

完

二月十二日 -- 雜記

2012-02-13T01:41:00.002+08:00

6/2(一) -- 收工去CWB金滿庭同Amy慶生(呀CSannyBarry), 都幾好食又唔貴; 之後去埋聰嫂之後先返企。

1. 53, 2640

7/2(二) -- 收工同Nat食生日飯; 本來話出TST食韓國野, 不過佢要OT, 都係唔好要佢係沙田出來啦, 於是我入左沙田, 去食左我request, 好想食噶IKEA呢~ 之後(本來係入面都要行)行左下IKEA, 始終同呀女都係多野傾呢~~ 到咁上下9點幾就走; 第一次搭798由沙田直接入到屋企樓下呢~~ 好方便。

2. 連日好眼訓, 今日lunch無食飯, 訓左。好累呢。

3. 今日聽到有關個朋友噶朋友非洲老公果件事, 有d心up。

4. 今日突然又多一樣突發事件發生, 好得人驚; 點解呢d野會接二連三發生呢?

8/2(三) -- 同姑姑攪生日飯! 當然叫埋呀進~ 收工去TST海港城噶金不換食飯, d野好唔錯噶泰國野, 不過偏貴; 如果比我選當然都係會去九龍城啦~~ (不過呢間都唔差) 之後竟然去機鋪打機 XD 好耐無去過機鋪, 好耐無打過鼓機啦~~

9/2(四) -- 收工返企食飯。

10/2(五) -- 公司Operation, 開工開到10點半先走。

5. 原諒: 是因為不接受才會原諒, 如果接受了根本就不需要原諒; 既然原諒了, 就不會再接受, 不接受了, 就即是不能回頭。原諒了吧。

11/2(六) -- 下午同呀C去左筲箕灣東大街食d野, 再去hea行左海防博物館, 之後去左康怡睇新天生一對, 睇完係康怡食埋飯返去; 係屋企沖完涼, 過左九座同呀哥呀嫂同青鋒噶一班人過埋12點慶祝呀哥生日, 之後返企。

6. 呀哥突然決定明天正式入伙, 不過應該未正式搬過去住噶~

7. 新天生一對: 最好睇係個trailor噶一套戲...成套戲個結構好輕散, 描寫每一段感情(仔仔同前妻, 仔仔如Ella, 小小彬同仔仔...etc)都幾薄弱, 所以之後所有野都唔係好出...每一段戲又唔係好連貫得好順暢, 完全係為左一件事就拍果一段咁, 總之overall就唔多得, 係近期睇噶最唔好睇噶一套戲; 另, 真係靚人靚景o既。

12/2(日) -- 呀哥生日快樂、Tracy生日快樂、Cath生日快樂; 一早比人抄醒, 一家人去參與呀哥新屋入宅儀式, 之後諗住去飲茶, 但係要等50個number, 於是是但去左個茶記食左野; 之後下午係屋企hea, 好耐無試過weekend星期日呢d日子幾乎全日係屋企hea過呢。夜晚睇埋缺宅男女大結局, 麻麻地啦。

8. 換左blog噶wallpaper, 張相好靚呀, 好鍾意呢d光暗分明噶相。

9. 估唔到呀哥佢地話搬就搬, 由今日開始就自己住了...

來緊:

15/2(三) -- 同SannyBarryAmy食呀C生日飯
17/2(五) -- 同話劇同學們食飯
18/2(六) -- 同C食生日飯
20/2(一) -- 同白田同事食飯
26/2(日) -- 日安同盧撈結婚大日子!

完

二月五日 -- 雜記

2012-02-06T00:03:00.003+08:00

30/1(一) -- 請左假, 日頭同呀源呀娟去海洋公園; 十幾年無去過, 完全唔同晒; 都幾多人, 好多強國人, d秩序真係差d, 同埋由於好多位都要等, 用左好多時間, 於是無玩到機動遊戲, 只係睇晒d館同Show; 呀源要返學, 所以6點前就走; 夜晚出CWB同C食飯, 佢本來諗住去果間無開 XDD 臨時改去另一間自己燒餅噶地方食飯, 都幾得意; 食完飯9點島就走。

31/1(二) -- 收工同而家同事(Queenie, QQ老公Joe, Kenneth, Penny, Wendy)食生日飯 @ Ruby Tuesday KLB; 食完散水果時仲未夠九點, 去一去寶琳, 買左份比Amy噶生日禮物, 見仲早又o岩時間, 自己睇左場夜場噶貓貓(Puss in boots), 睇完都係11點3, 之後返企。

1. 一個人睇戲仲要係睇卡通片都幾寂寞。套戲都算係咁啦, 幾好睇, d 3D都唔錯, 係比小朋友睇得開開心心噶戲; 另外, 真係有時唔係好聽得出係張智霖呢~

2. 即使有幾多人誤解我都好, 總會有一堆人都係明白我同支持我o既。橫眉冷對千夫指, 反正我無做對唔住人噶事, 問心無愧。

1/2(三) -- 收工同日安盧撈Carol(BD時期識噶好友們)食生日飯; 去左油麻地噶Pink Salmon Cafe, 性價比好OK喎, 多謝大家; 旁邊就係296D站, 10點鬆d就返到企了。

3. 生日呢排試多幾間未食過又OK噶野呢~

2/2(四) -- 收工返企食飯, 之後攪掂埋比Amy的禮物。

4. 聽到某朋友講d野, 雖然一直都知知地, 但係聽到都唔多開心。

3/2(五) -- 收工去九龍城同魷魚食飯, 小店Copacabana, d野食都ok, 又唔算太貴; 食完再去甜蜜居食埋甜品先返企。

4/2(六) -- 下午同死黨們(民仔呀源呀娟呀Cass呀C)係Megabox唱生日K, 今次唱噶感覺又唔太熱烈喎; 呀源之後走先, 夜晚7點幾近8點加埋Fontane係九龍灣大榮華食晚飯, 之後散。

5. 幾年無食大榮華, 仍然都係出名但唔貴, 幾抵食; 雖然幾樣野都有第2d地方好食少少, 但係overall平均質素同埋性價比都好ok, 不過少人真係唔去得, 最好多d人啦~

5/2(日) -- 日頭同Mandy同佢男人+呀SamEsther呀娟等人唱K, 之前聽Mandy講話佢男友唱歌OK, 今次係第一次聽呢; 由於約左人於是6點幾走先, 夜晚同Taylor小暈呀蘇莉莉係新世紀Pokka食生日飯, 8點幾就食完散水了。

6. 最近訓覺臨天光都有發夢, 似乎訓得唔多好...

來緊:

6/2(一) -- 同Amy慶生
7/2(二) -- 同Nat食生日飯
8/2(三) -- 同姑姑攪生日飯! 當然叫埋呀進~
10/2(五) -- 公司Operation, 唔知星期六日使唔使去
12/2(日) -- 呀哥生日K+晚飯, 起碼join到晚飯掛?
17/2(五) -- 同話劇同學們食飯
18/2(六) -- 同C食飯
26/2(日) -- 日安同盧撈結婚大日子!

完

一月二十九日 -- 雜記

2012-01-30T01:32:00.003+08:00

23/1(一) -- 每年一度噶拜年, 已經係一日之內攪得掂; 中午食完晏先出發, 呀爸有d唔舒服無出; 先去北角姑媽度, 再去探一探呀"女麻", 再入香港仔搵呀姨, 再出返筲箕灣姨婆度就返企食飯。

1. 今日幸好避過幾個"哦"劫, 哇哈哈; 另外, 呀馬打來傾左幾句, 好開心。

24/1(二) -- 喪強生日快樂; 全日無咩做, 幾個中學同學同fnd上來我家玩(娟源Herman茄Denny), 第一次玩Texas Poker, 幾得意; Herman茄Denny唔食晚飯早走; 同呀娟呀源去尚德諗住食汶萊點知無開, 於是我地噶開年飯竟然係食大家樂哈哈, 食完散水。

25/1(三) -- 初三赤口賀歲波2012, 打左十幾年噶傳統, 今年book左室內場, 係第一次呢! 咁O岩天氣又凍又落雨, 室內好好多呀! 唔慣打全場, 不過都OK啦, 走左好多, 運動量OK呀; 之後無同佢地食, 同呀C呀娟Cass一齊係坑口食意粉, 之後買爭鮮返屋企; 再出去Jusco買夜晚要煮噶野; 之後返屋企, 差唔多都齊人, 一齊玩下d card game, 之後就整野食; 我整左Carbonara, 呀C整韓式炒年糕,加埋菠蘿腸仔同埋爭鮮壽司, 8個人(我呀C娟源AmySannySanny個女Cass)份量O岩O岩好, 而且好味呀。食完之後一齊睇左陣電視散水; 之後同SannyAmy同Sanny個女去左坑口, 聰嫂竟然無開, 陪Amy行返屋企附近等車, 竟然走左車, 等左傾左好耐先有車; 從屋企出來送人走竟然隔左成個鐘先返到屋企, 哈哈。

2. 收到Sanny同Amy夾份送噶禮物, 真係估唔到有呀! 多謝!

26/1(四) -- 姑姑生日快樂, 佢都生日快樂; 突然知要落KC006, 突然有得早收, 好開心; 呀C早到出來, 一齊去左MK Poker Cafe食飯, 好早就走。

3. 今天感覺糟透了, 但還是值得紀念的一日。

27/1(五) -- 收工入沙田穗禾苑Gordon新搬果度, 係佢家打邊爐gathering, 慶祝我生日; 食下野睇下電視吹下水, 之後又玩下board game card game, 有生日蛋糕同禮物呢, 多謝大家! 估唔到攪攪下都12點先走。

4. 三哥果句粗口(X街)同果句說話(我話比你聽, 你係我眼中跟本就唔係人)好型呀~~估唔到TVB會出粗口呢!

28/1(六) -- 下午1點meetAmy呀C同Sanny係鑽石山Hollywood食lunch, 之後去志蓮行下影相; 夜晚6點係中環大喜屋食生日飯, 果然好食呢; 之後大家都好飽, 又早得8點幾, 於是由中環慢慢行去CWB, 等埋位食埋聰嫂先散。多謝大家。

5.感覺好似愈來愈差咁。

29/1(日) -- 如我所料, 一直同人講呢日有6-7成機會被放飛機, 好彩都放唔晒; 之前果晚Tracy話早晚都有野做, 下午2點幾至6-7點先得閒, 於是就攝一下, 就返佢係MK或TST。早上去打波, 打完波見佢話有事, 最終都係去唔到 XD; 當然唔會2個鐘都出去攝啦, 返企抖。晚上過年後齊人一家一齊食飯。

6. 上網睇到一個漫畫, 雖然畫功唔係好靚, 內容又有d奇怪, 但係佢噶表達方法同埋內容幾得意, 我都曾經有諗過用咁噶表達方法寫野呢(雖然唔係新穎野); 另外, 誠如簡介所講, "極度純潔"同埋"變態"真係只有一紙之隔, 哈哈。

7. 來緊31歲啦, 希望來年有新噶希望, 新噶改變。

來緊:

30/1(一) -- 自己生日; 請左假, 日頭同呀源呀娟去海洋公園, 夜晚同C食飯
31/1(二) -- 同而家同事食生日飯 @ Ruby Tuesday KLB
2/1(三) -- 同日安等人食生日飯
3/2(五) -- 同魷魚食飯
4/2(六) -- 同死黨們唱生日K同食晚飯
5/2(日) -- 日頭同Mandy呀Sam等人唱K, 夜晚同Taylor等人食生日飯
17/2(五) -- 同話劇同學們食飯
18/2(六) -- 同C食飯
26/2(日) -- 日安同盧撈結婚大日子!

完

一月二十二日 -- 雜記

2012-01-24T01:27:00.001+08:00

16/1(一) -- 收工去左公司樓下買左新年要用噶禮盒, 再同同事Penny去左KT采豐行入返d貨, 之後先返企食飯。

1. 其實自信心不嬲都好低, 有時被踩多2下都會覺得好沉; 感覺自己器量同情緒都好過之前, 不過自信係無改變到噶。

2. 今日下午儲氣打左去追一條2年未還噶數, 好彩對方起碼都仲肯同我傾, 我上次借比佢無信錯人, 還左, 希望今次無再信錯佢。

17/1(二) -- 花姐姐生日快樂, 而家真係無幾可見到你啦; 之前臨時confirm同魷魚食飯; 呀爸之前果晚半夜又入醫院, 今次要留幾日check下啦; 收工入左醫院探一探佢, 之後出返去同魷魚食飯, 去左民仔之前去的Henry's Kitchen, d野各方面都唔錯, 性價比就普普通通啦; 食完吹水之後行到北角MTR搭車返企。

3. 公司幫我send email出來噶同事來緊都唔會了; 睇來我係公司唔寫得野啦~~~

4. 不要再受到蒙騙, 一切都是假的。

18/1(三) -- FPP生日快樂~~ 呀嫂都生日快樂~~ 下午出site早收工, 返企休息下再出去, 同姑姑一年一度互相慶祝生日。本來想去天機棧, 不過姑姑好似唔多o岩食, 於是臨時改左去任食放題+燒肉; 雖然我唔係食好多, 但係好飽呀~~~ 講返起都好~~~~耐無同姑姑2個人撐台腳了。姑姑係平時都好難約到出來見下食飯nd, 但係出到來又係好多野咩都講得噶fnd呢。

5. 點解次次打機打到最後大佬, 贏左一round, 覺得爆到機果時, 點知就輸左; 次次continue覺得唔多夠打時, 又比我贏一round, 但最後都係比人KO左; continue得多, 我真係唔想再continue落去了, 打唔爆機就打唔爆機吧...我就算有無限噶恆心, 都無無限噶信心...消磨殆盡...I'm so confused...

19/1(四) -- 又係下午出site早收工; 又係返企hea陣先出返去; 出TST同Nat華哥等人食太平館餐廳。食完同呀Nat傾左一段時間先散。

6. 呀哥夜晚出發去渡蜜月了。

7. First time go to the place ne

20/1(五) -- FF組團行花市, 都幾多人一齊去; 收工返企先再去CWB聚晒d人(民民FF呀娟呀源呀C呀CassAmyNormanFF朋友), 之前唔知幾多人又無idea所以唔知食咩, 最後分2批等位同等人, 食Fat Angelo's, 好耐無去過啦; 食完之後行花市, 超爆多人, 我地一行十幾個人(之後加多3個人)入到去好快就走散左做幾批; 好耐無行過花市, 真係超多人, 係要人貼人咁跟個人流行, 有時仲塞到停左係度; 成班人離離合合咁, 最後都分左3批; 最後我同Amy呀C佢地行左75%噶乾貨果邊, 出到來去左CWB聰嫂買外賣, 去Times外面坐係度食, 之後12點島散。

21/1(六) -- 全日在家, 唔係抖, 係清潔下家居, 話晒都係年廿八呀哈哈哈; 好乖咁清潔左廁所廚房抹地, 但係自己間房就偏偏唔多想攪, 哈哈哈。

22/1(日) -- 早上去左睇早場"紅花坂上的海", 之後全日在家抖。

8. 對於鍾意睇小品噶我來講, "紅花坂上的海"好睇呀; 拍到5-60年代噶日本, 拍到中學生青澀的愛情, 拍到貧苦生活當中噶積極, 每樣情懷都恰到好處, 劇情鋪排同轉折位我覺得都拿捏得幾好呀; 另外, 戲入面噶音樂, 配樂同歌都好聽, 而且好o岩入面噶各個場景同劇情呢; 總的來講自己都好鍾意套戲。

來緊:

26/1(四) -- 同日安等人食生日飯改期
27/1(五) -- 同呀進等人食生日飯
28/1(六) -- 同C等人食生日飯 @ 大喜屋
29/1(日) -- 日頭同催時同學去南丫島
30/1(一) -- 請左假, 日頭同呀源hea
31/1(二) -- 同而家同事食生日飯 @ Ruby Tuesday KLB
2/1(三) -- 同日安等人食生日飯
4/2(六) -- 同死黨們唱生日K
5/2(日) -- 同Taylor等人食生日飯

完

彌留

2012-01-18T00:30:00.003+08:00

"砰!!" 小張被車撞到, 彈飛數米。
救護車趕到, 小張被送去醫院。
慢慢的, 僅有的一點點意識也沒有了。

**********

不知道過了多久。醒來的時候, 感覺飄飄然的。對, 像是在空中飄浮著。在半空中飄浮著, 看一看四周, 原來就在醫院附近。從外面看到窗內自己躺在床上, 插著各種各樣的喉。那...自己是死了嗎? 還是未死?

不知道有什麼可以做, 不知道自己死了還是未死, 又沒有天使死神出現帶他走, 唯有四處閒晃一下。病房外沒有一個認識的人, 看來也不會有什麼人來探望自己吧? 看來自己就算死了也沒有人可惜的。

不如四處看看吧。
咦, 我豈不是可以免費去享受很多東西? 先去看看電影吧! 有一套想看很久的戲還未看呢! 還好不是3D的呢, 否則怎樣帶3D眼鏡? 哈哈!

真爽, 不費吹灰之力就進入了影院, 坐在最後一排慢慢觀賞吧! 旁邊的人好像感覺有點冷, 不過看來他們並看不到我呢! 這真是一套好戲! 幸好自己來看了! 接著做什麼好呢? 差不多傍晚了, 完全沒有餓的感覺, 不如回家看看吧?

慢慢的習慣了飄的感覺, 控制自己移動也掌握得好了。不過家裡也有夠遠的, 回來的時候天也已經黑了。回到家裡, 本來也是自己一個, 現在當然亦沒有半個人影。家裡的狗兒沒精打釆的頹然躺在一邊, 莫非寵物們真的可以感應到主人的狀態? 在家什麼看頭也沒有, 很無趣, 不如去看看鄰居吧?

去到對面的屋子裡。哇塞! 那女的竟然跟男人在做愛做的事! 哇哦! 這家的美女他平時也經常留意的了, 在等電梯的時候跟她打招呼也總是冷冷的, 想不到...起來這麼騷這麼熱情, 還不是淫娃蕩婦一個! 平時她自己一個住又不覺有什麼人出入她家, 原來...嘿嘿嘿, 這場真人表演比看AV還精彩~~ 這麼猴急連晚飯也未吃完便來...嘿嘿嘿...哇哦~~~~(下略)

呀, 還有F座的小伙子。他跟自己平時也會閒談幾句, 讓我偷偷看看他在做什麼? 說不定也在家幹些什麼齷齪的事, 嘿嘿嘿。咦, 想不到哦, 在努力的溫習中。呀, 我記得他之前講過快要高考, 想不到還挺惄真的呢! 加油努力啦。看他平時吊兒郎當還以為他不是這種人呢。人不可貌相呀!

看到沒什麼好看, 還是再去別的地方吧。走了幾家, 也沒什麼好看的, 那些"師奶"洗澡也沒什麼好看, 不如去看看老爸? 老爸看來也不見得對我有什麼留戀的, 從來也只是疼惜弟妹, 哼!

好不容易到了老家。咦, 弟妹都在呢! 在安慰著老爸? 老爸竟然眼紅紅的? 看來受了很大打?, 他會有這麼關心我嗎? 平時總對我不瞅不睬, 罵我"衰仔", 他竟然會關心我嗎?

唉...我也一直讓他擔心了...可我只想追求自己的夢想而已, 我有錯嗎? 兩個含蓄的傳統中國男人, 總不講出自己心中所想, 讓誤會加深了吧? 媽媽過世後, 我也沒有一次好好的回去探望過老爸... 如果我沒事, 倒真的要回來跟他說說話...陪他一下...

嗯...好像也沒有什麼朋友可以去看的, 也不便再打探別人的隱私了...還是回醫院, 看看情況吧? 起碼也要知道自己死了沒有呀。醫院好遠, 又要回去...難道沒有更快的飄浮方法?

終於到了。咦, 怎麼這麼晚還有人在病房外的? 是...她? 她...竟然會來探望我? 她哭得很厲害呢! 為什麼? 她不是一直也只當我好兄弟的, 但...她哭得好厲害! 傷心欲絕! 難道因為我一直當她是兄弟, 她才一直沒有顯露對我的關心? 為什麼呢...我不想她傷心, 我要她快樂! 為什麼我總是對所有人也這麼口不對心?

如果我沒事, 我一定要改變自己! 我要好好的孝順爸爸。我要讓爸爸明白我也在努力於我的夢想。我要對正在哭的那個她、為了我哭的那個她更好, 我要讓她快樂, 我要讓她知道我很喜歡她, 我要跟她在一起! 我一定要好起來, 我要振作起來, 我的身體, 加油呀!

小張感覺到自己飛向了自己的身體。

**********

黎明已到。
每天也有不同的事情發生, 世上的所有人都面對著不同的困難, 但愿所有人也正面、積極的面對, 即使結局並不一定是快樂的, 但也起碼讓自己回望過去時, 沒有留下遺憾。

完

末日

2012-01-18T00:30:00.001+08:00

小玲家在近郊地區, 晚飯後她喜歡到家外的那片大空地, 躺在廢棄的大水管上仰望天空。有時看到一輪大大圓圓的月亮, 有時看到滿天繁星。雖然經常看到住大城市的人像是很方便, 生活多姿多采, 但她卻喜歡鄉村的純樸, 大自然的美景。

這晚小玲又如常的躺著, 望著天空。突然見到天空有一點極光的光芒出現, 快速地閃過, 然後離地面愈來愈近。在她還未意識到是什麼事的時候, "那東西"轟然撞在她身旁空地上, 然而, 卻沒有引起什麼大爆炸。小玲嚇了一大跳, 卻又禁不住好奇心去望那一點點升起的煙霧。

煙霧散去, 只見地上有一副"機器", 就像外星人的太空船一樣的機器, 不過卻只有家裡浴盆大小。機器的門打開, 一個小小的生命體從裡面出來, 是一個小狗、貓咪大小, 十分可愛, 淺藍色的生物。

"哇! 好可愛哦!" 小玲很愛幻想, 經常看漫畫、動畫。見到這些事情雖然驚訝, 但卻不害怕。她慢慢的走過去, 那"生物"慢慢搖搖晃晃的走到她身邊, 就倒了下去。

**********

之後的事, 也像一般幻想故事般; 小玲把"生物"帶回家, 偷偷的把那"浴盆"藏起。那小傢伙很快就醒來, 小玲就偷偷的把牠養著。她摸牠、撫牠的時候牠會很高興, 牠的食量也不大, 小玲只要偷偷的從自己晚餐撥一點點出來就足夠, 而牠也像很喜歡地球的食物。小玲見牠很可愛, 又會吱吱叫, 為牠改了名字叫"小吱"。

慢慢的一起生活了幾個星期, 她很喜歡牠, 牠很有"靈性", 像聽得懂她說話般, 而且會有各種表情。
"小吱, 不知道你從什麼地方來的呢? 你有沒有同伴呢? 想家嗎?"
"吱吱~" "吱吱~"
"小吱, 這是你的太空船, 我偷偷的搬回來了~ 還用得著麼?"
"吱吱~" "吱吱~"
"小吱, 你聽得懂我說的話吧? 我也很想明白你說什麼呢!"
"吱吱~" "吱吱~"
"小吱, 我很想聽多點你的事呢~ 你有戀人嗎?"
"吱吱~" "吱吱~"
"小吱, 上學真的很無聊呀! 我好想快點長大, 出去社會做事。"
"吱吱~" "吱吱~"
"小吱, 我很喜歡學長呀, 我應不應該跟他表白呢?"
"吱吱~" "吱吱~"
"小吱..."
"吱吱!" "吱吱!"

她每天經常都跟牠談心, 卻也不知道牠想表達什麼, 只一個勁兒的跟牠玩、跟牠說話。像是養著貓兒、狗兒一樣, 很喜歡牠。

**********

荒廢的土地, 被摧毀的樓房。一張燒掉了一半的報紙飄過。
"本報訊: 獨裁國家領導人逝世, 世界政局不穩, 引發核子戰爭危機..."
浴盆般的太空船升起, 向著遙遠的天空飛去。

**********

"小吱, 不知道你從什麼地方來的呢? 你有沒有同伴呢? 想家嗎?"
"吱吱~" "吱吱~" (我是從很遠很遠的星球來的。我不知道同伴都到哪裡了...不過這裡的環境很好, 我很喜歡。)
"小吱, 這是你的太空船, 我偷偷的搬回來了~ 還用得著麼?"
"吱吱~" "吱吱~" (我會嘗試修理它的, 謝謝你!)
"小吱, 你聽得懂我說的話吧? 我也很想明白你說什麼呢!"
"吱吱~" "吱吱~" (我聽的懂呀! 我們有翻譯機器, 而且我們的學習能力很高的。)
"小吱, 我很想聽多點你的事呢~ 你有戀人嗎?"
"吱吱~" "吱吱~" (從前我們的星球也很美麗, 不過後來出現了紛爭, 打了很大很大的仗, 結果星球毀滅了。我們各自逃離了我們的星球, 再也找不到他們了...我很喜歡這裡, 希望可以在這定居!"
"小吱, 上學真的很無聊呀! 我好想快點長大, 出去社會做事。"
"吱吱~" "吱吱~" (你有看新聞嗎? 你們的星球很危險呀! 你們快點想辦法吧!)
"小吱, 我很喜歡學長呀, 我應不應該跟他表白呢?"
"吱吱~" "吱吱~" (你們這星球的人都不會覺得危險嗎? 都只想著自己嗎? 常常想著交配的事情嗎? 這樣很不妙呀!你們不著急嗎? 你的星球快要像我的星球一樣了! 很大的洞, 很大的洞呀!)
"小吱..."
"吱吱!" "吱吱!" (快逃走吧! 快逃走吧! 來不及了! 走吧!)

完

一百元的故事

2012-01-16T21:54:00.003+08:00

我是一張百元鈔票。雖然現在一百元不算得是什麼, 也買不到多少東西, 但幾十年前的我可風光著呢! 這麼多年來, 我經過了很多人的手, 有錢的大老爺、漂亮的小姐、繁忙的上班族、鬼祟的小偷...也到過不同的地方, 見到不少的事情, 呼~(像是呼出一口煙圈的感覺)

別看我有點殘舊, 身上有很多歲月的痕跡, 面上有奇怪的印, 我也曾經在保險箱待過, 跟鑽石夫人、珠寶小姐們可熟著呢。比起你們, 我可算是見過不少世面了。不過現在我老了, 實際的購買力也沒當年般高, 也差不多是時候等著回收去銀行處理掉了吧? 也沒有什麼好遺憾的。不過, 有一件事, 我倒是很想讓大家知道, 因為這可算是我一生中最刺激的事了。

很多很多年前, 一百元可算是很多錢哪! 那時一個麵包才幾毛錢, 一般人的月薪才幾百塊...哎呀我又愈扯愈遠了。當時正值農曆新年, 一個有錢大老爺在銀行換了大把的鈔票回家封紅封包, 後來才知道他就是城中富豪王百萬呢! 說到這個王百萬哪, 可厲害了...什麼? 不要又扯開話題? 好啦好啦, 反正大家也知道他是誰了。

講到哪兒了? 對對對, 王百萬封紅封包。他可闊綽得很哪。他隨便給遠房親戚的孩子也封個一、二百元, 給兒子的可不知幾千塊了。含著金鑰匙出世真的不同呀, 你看, 現在他的兒子得他老爸帶挈, 也都...好好好, 別扯開話題嘛。

話說那時我也是紅封包中的其中一員, 不過就才一百元, 當然不是給了他兒子啦。我落到了王百萬的一個遠房親戚的孩子手中。他們看來可並不富有呢! 看那孩子歡天喜地的。那孩子拿著紅封包獨個兒在屋內四處走, 王百萬的家你想像不到有多大呢! 從正門走...嗯嗯, 好啦好啦。那孩子手上拿著我, 沒有爸爸媽媽看著, 到處走到處玩, 走著走著出了屋子, 到了花園, 不知怎的竟然出了街上, 可真是頑皮呀!

說時遲, 那時快, 街上的一輛輕型貨車突然開了門, 兩個大漢走過來一把就抓住了小朋友上了車。我嘛, 當然也隨著上了車啦。那小孩掙扎呼叫, 可是大漢一把捂著他的嘴, 又用繩子把他綁著了。車子駛得很快, 一直到了某處停下。他們把小孩抬出來, 只見是一個很偏僻的地方, 進了一幢荒廢的矮房子。

其中一個大漢說, "等了這麼久, 終於有這個機會了! 這次一定發大財了!"
"對呀!大哥!捉到王百萬的兒子, 勒索他幾百萬的, 我們就一世無憂了!"
哎呀! 原來是兩個笨賊, 捉錯人了。
"好! 我們先來喝杯, 慶祝一下, 讓他們著急一下, 一會兒才打電話給他看看什麼情況吧! 嘿嘿嘿!"

**********

登登登登登登......電視新聞的音樂響起, 兩個笨賊立刻圍在電視旁, 打算看看他們做的"大事"有多轟動。
"六點半新聞報道。今天發生了一宗懷疑綁架案, 一名八歲男童失蹤。有目擊者於城中首富王百萬家外見到該小孩被擄走。失蹤的小童XXX, 為王百萬的遠房親戚..."
"什麼?! 他不是王百萬的兒子?!"
"靜一靜!! 看還說什麼!!"

"現在播出本台獨家採訪的片段。"
"綁架犯綁走的是我遠房親戚的兒子。我絕對不會姑息罪行! 一毛錢也不會拿出來的。你們還是快些放人自首吧!"
"求求你們放了我的兒子吧! 我家很窮沒錢的, 你行行好放了他吧!!..."

"什麼!! 這一毛不拔的...我們怎辦呀? 綁錯了人了!"
"這...這...等我再想一想! 你快去買些啤酒和吃的回來!"
"沒錢啦! 剛才都拿去給買了這麼大把吃的啦..."
"看看那小子身上有沒有吧!"
"有! 有紅封包...嘩! 紅封包有一百元呢! 我去買點東西回來吧!"

如是者, 我就被拿到了商店換了一大堆的零食啤酒。本來我以為從此也不知道這件事如何發展下去了, 怎料在商店過了一晚後, 發生了意想不到的事呢!

**********

第二天一早, 有客人到商店買東西。他只買一包香煙, 身上卻找不到零錢, 唯有拿了一張五百塊紙幣找贖(好大面值呢!)。店員嘀咕著把我找贖了到客人手上。
客人突然一怔, 問店員: "這一百元你從哪裡得來的?"
"我怎記得?"
"你看! 他上面有一個印, 是王百萬的印! 那一毛不拔的東西出了名每年派"利是"前也會在他的錢上印一個他專有的印, 好讓別人知道他派錢的! 你儘量想想吧!"
"你說起, 我也有印象, 因為沒有人會拿一百塊錢這麼多錢來買那麼多吃的喝的的。好像是一個普通男人啦..."
"他都買了什麼? 什麼樣子的? 可不可以儘量記起呀!"
"喂喂喂! 客人你是什麼人? 問那麼多幹嘛?!"
"我是張XX探員! 正在查緝一單綁架案! 你也應該在新聞略有所聞吧! 王百萬一毛不拔是出了名的, 他甚少派"利是"給別人, 事情才過了一天, 不會這麼快有他的這些"利是錢"在外流通, 所以肯定是歹徒曾經在這兒買過東西!"

對啦! 這個張探員就是現在的警務署長啦! 他當年可真是有幹勁又醒目呀! 難怪之後仕途那麼順利! 對對對, 我繼續講啦。張探員從店員口述的蛛絲馬跡之中, 查到綁匪們的藏身位置, 他一直帶著我這找贖回來的一百元, 讓我有機會看到全程呢!

警察們偷偷包圍了那屋子, 然後拿"大聲公"向著屋裡喊: "裡面的人聽著, 你們已經被包圍! 快點投降!"
只聽得裡面一人大喊: "大...大...大哥! 怎麼辦! 我們被被被包圍了! 快快快點投降吧!"
"別怕! 我們還有人質在手! 我們只要逃離這裡, 到大陸"著草"啦!"
"我們逃不掉的啦!! 還還還是快快投降吧!! 我我我要去自首啦! 呀~~~!"

那人似乎被攻擊了, 跟住是一片亂七八糟的聲音, 看來兩個笨賊在打架。張探員一馬當先衝去屋子, 大批警察隨著他湧過去, 只見兩人扭打在地, 很快就被制服, 而小朋友也安然無恙被救回了。

之後的事也不必多說啦, 大團員結局。而我也被當成証物, 把之後的法律程序呀什麼的都看全了。那兩個笨賊真的很笨, 在庭上還大吵大鬧的。王百萬哪, 可記一功呢, 他那無聊的打印行為讓張探員得了線索, 成為了一時佳話呢! 有錢人做什麼都可以, 雖然弄污了錢幣, 但也沒有人理了。

**********

呼, 整件事大概就是這樣啦! 我想很多人也沒有這樣的經歷吧? 哈哈哈! 我覺得我此生無憾啦! 應該也快夠期拿回銀行溶掉嘍! 哎! 怎麼了?

"咦, 這張是幾十年前的一百元紙幣, 很有收藏價值呢! 想不到讓我發現呢! 哇你看, 上面還印有王百萬的logo, 超罕有的! 嘩啦嘩啦嘩啦..."

哎, 小子們, 看來我命不該絕呢~ 哈哈! 再見啦各位! 呵呵呵!

完

封神、成魔

2012-01-16T21:54:00.001+08:00

庭園中血跡班班, 只見多人倒地、呻吟。大門被破開, 兵器散佈內外, 柱子上還釘著一把長劍。大廳內幾下吆喝聲, 只聽得兵器交雜聲響, 幾名好手相繼倒地、呻吟。

大廳中只剩一人站於中央。

薛劍亭是新一代的年青高手, 雖然只出道了短短兩年時間, 但已經在江湖中打響了名堂, 做過不少連江湖老手也做不到的大事。他和他的好友們樂於在江湖中自由自在地過日子, 鮮有參與江湖中事。可是愛抱不平的性格, 身在江湖不由己, 他們打破過不少犯下大事的集團, 戰勝過無數有名的高手。

這一次卻是私人恩怨。

人稱當世第一高手、亦正亦邪的"混世魔神"呂哲連同一批窮兇極惡的傳說中高手從天牢越獄起事, 他們武功高絕, 入皇宮行刺皇上, 幸得江湖上一眾高手事先得報, 趕來與宮中高手一起護駕, 才不致讓呂哲得逞。其後呂哲廣納惡人, 不聽其令的就被擊倒, 勢要弄得天下大亂。江湖上正值幾次黑道大戰之後, 幫派都元氣大傷, 竟然無人能夠阻止。幸而失蹤多時, 人稱"戰神"的曾白仔重出江湖, 聯合了各方本來不同派別的人, 打算一起圍剿、決戰呂哲一黨。

眾人經歷了大大小小的戰鬥, 戰勝了呂哲座下很多高手, 當中有人傷有人亡, 江湖難免。薛劍亭和黃權身為曾白仔的"兄弟", 當然也有參與。另一邊廂的黃權正與"人間兇器"林賤搏鬥, 而薛劍亭來到這裡, 卻另有多一個原因 -- 他找到了他的"殺父仇人"。

**********

一直以來, 他都是由他的師父撫養成人, 教會他劍法。他的本門劍法稱為"十三式", 於江湖中鮮有露面, 因為太強, 並不是一般人所能領悟。門下人數既少, 出世者幾乎皆為曠世高手, 戰無不勝, 因此江湖上稱此劍法為"無敵十三式"。兩年前師父著他下山歷練人生, 他才感受到劍術如此強大, 也是後來才知道自己的師父是當世十大高手之一的"劍神"葉群。

他一直不知道自己的生父生母是誰, 也不在意是誰, 因為他的心中只有對他恩重如山的師父。行走江湖多時, 竟然被他知道了當年的一點真相 -- 他的生父被奸人害死, 自己才慘成孤兒。而這次他收到確實消息, 他的"殺父仇人"正是呂哲座下第一高手, 因此他更要參與行動, 一睹殺父仇人。

**********

走過大廳, 經過長廊, 來到了一扇緊閉的大門前。大廳之外仍然聽到呻吟聲。他不欲多傷人命, 大部份人都只是被他重創, 並不致命。他沒有被仇恨沖昏頭腦, 他知道要保持冷靜, 才可以專心的跟房內的高手對峙。

慢慢的步至大門前, 他突然感到一股極濃重的殺氣由房內傳出! 他雖然年輕但已身經百戰, 那肢氣卻也仍然讓他不寒而慄! 他知道高手並不會偷襲, 因此他一把就推開大門, 看一看房內的殺父仇人是什麼模樣, 是何等的高手。

開門的瞬間, 殺氣突歛。眼前只見一片光明, 景物卻有點熟悉, 而"那人"更是熟悉的臉孔。

"師...父?" 薛劍亭錯愕非常, 竟然是失蹤多時的師父 -- "劍神"葉群。
"很驚訝吧? 對, 我就是你的殺父仇人。"葉群仍然一副恬靜無為的表情, 意態從容。"讓我都告訴你吧。"

**********

往事略過。(下刪數百字)

**********

"來吧, 亭兒, 讓我看看你有沒有好好用功練劍!"
"錚!" 一劍拔出來, 劍芒耀目, 可見葉群已處於戰鬥的顛峰狀態。

薛劍亭慢慢抽出了他的劍, 心底一片茫然。
他所懂的一切都是師父教他的, 他的劍術師父了然於胸, 他有機會贏嗎? 他剛剛才得知這樣的真相, 心綱已亂, 他還可以對付眼前當世十大高手, 他的師父"劍神"葉群嗎? 師父養育他長大, 教了他一切, 恩如生父, 他可以對師父刀刃相向嗎? 他不知道。"劍神"卻已經攻過來。

**********

幾道白光閃來, 葉群使出了"快攻"。十三式並不是十三招劍招, 而是十三種"劍意"。明白、貫通了劍意與應用技巧, 就能以自己的方式去使出屬於自己的劍招。十三式亦可互相通用, 造成無限的可能性, 最講究的是"靈活運用"。因此曾有門中高手不再用劍, 改以其他武器使出"十三式", 一樣見效。

"快攻"乃利用步法、身形、自己與敵方的虛位、自己招式與招式間的虛位、用盡身體與劍的每一部份, 各方面全部融合的主攻劍術, 大腦需要處理大量"數據", 同時亦要控制及微調身體。天資愈高及後天愈努力的人才可發揮得淋漓盡致。

薛劍亭完全沒有反擊的意欲, 但卻也沒有猶豫的餘地。他使出"禦守" -- 以最短移動身體及劍刃的距離及洞悉對方劍招的弱點, 採取最有效率的守勢。
"叮叮叮叮叮叮叮..."一連串劍鋒交擊的清脆響聲, 薛劍亭把師父的快劍都擋下。
"好!不錯!"葉群沒有留手, 但"快攻"仍被悉數擋下, 心中不禁安慰自己的徒兒已然成材, 同時也為自己有好敵手而高興。

劍鋒一偏, 劍勢突然時快時慢, 時而虛招時而實招, 正是十三式中的"虛實"。加上之前的"快攻", 極難捉摸。對著如此攻勢, 只守不攻絕非長久之計, 薛劍亭以"禦守"為基本, 加上"尾返" -- 以自己的劍勢(尤其"禦守")和借敵之勢反擊。畢竟薛劍亭天資極高, 亦身經百戰, 一時之間也盡把葉群的攻勢化解去。

薛劍亭自然的進入了極度專注的狀態, 他知道稍一不慎就會命喪對手劍下。因此他使出了自己最熟悉、掌握得最好的一式 -- "心魔"。"心魔"是以使劍技巧輔以時間差和心理造成的錯覺, 使對手難以防範的劍勢。加上"鋒芒"所強化了的劍氣, 令劍勢更難捉摸。薛劍亭更能使對方像看到了扭曲的劍刃, 是他最拿手的劍招。

十三式並不是劍招, 而是劍意, 不同的人使出會有完全不同的效果。葉群也未見過薛劍亭所使出的招意, 但他不以"禦守"為防, 反以"快攻"以攻對攻。"扭曲"了的劍像要被快攻瓦解, 但薛劍亭竟以"虛實"輔助"心魔", 連續三、四著帶"虛實"的"心魔"使出, 已非一般劍手所難應付。不過葉群畢竟是"劍神", 是十三式的傳人, 也是薛劍亭的師父, 他以全力的"禦守"擋下了"心魔"真正的殺著。

葉群知道薛劍亭已踏一流高手的境界, 不可再當他是昔日的徒兒。自己年紀精力已不及當年, 不可打長久戰。心念一動, 以"貫力"加強"鋒芒"的劍氣, 再使出十三式中最強的攻勢 -- "縱橫"。

"縱橫"乃劍神葉群自己所創。十三式本來只得九式, 後來一代一代傳下來, 有幾位特別出類拔萃的前人自創了招數再加上去。葉群也是不世出的奇材, 由他學到的十二式再加了這一招"縱橫", 成為現在的"十三式"。"縱橫"以極強的破壞力、極快的速度、用盡了所有身法、步法、劍技, 使出了縱橫交錯的劍網, 封盡敵方上中下三路, 的是極兇險的劍招!

薛劍亭想不到師父如此的狠, 使出他最得意的劍技, 完全不留情面。劍網籠罩了自己的所有退路, 眼看無法再避、無法再擋。他的精神卻進入了前所未有的境界: 他突然感到自身以外的所有事物都變得很慢, 他把師父的劍路看得清清楚楚, 他看到了劍網中的一絲空隙, 直刺下去。

他因為師父的招式, 到達了另一個層次, 另一個領域。他的身體自動消耗了相當多的精力, 令自身的動態視力, 呼吸、氣、身體等等各方面都提昇至極致。他使出的那一刺, 既快且準, 有如神來之筆, 但絕不是偶然, 是一個人到達極限所能做出的終極的一擊。

葉群想不到薛劍亭能到達如斯境界, 張開了的劍網一發不可收拾。在那一秒間兩人心念電轉, 無數念頭於腦海中閃過。葉群把功力催谷至自己的極限, 使出的"縱橫"已經超越了自己以往一切的劍技, 在雙方都達至"通神"的境界之下, 使出全力。

就在劍網即將觸及薛劍亭, 要把薛劍亭斬開的時候, 葉群所織劍裝突然收起, 停下。

薛劍亭長劍直貫葉群胸口。勝負已分。薛劍亭臉上、臂上、衣服上都有無數的淺淺的劍痕, 勝負只差在一剎那。他拔出了劍, 轉身就走。他不想報仇, 也無法報恩。他只完成了任務, 過了關, 劍術更上一層樓。其餘什麼的, 他也不想再想, 不想再理了。

葉群頹然坐下, 劍並沒有貫穿他的心臟, 雖受重傷, 但他不會死去。他敗了, 他過去的事情也曝光, 從此再也不能昂然面對著江湖。他何去何從? 人在江湖, 身不由己, 做過的事再也不能抹掉。薛劍亭不殺他是因為不想報仇? 還是要留他一命承受著更不堪的懲罰?

在那一刻, 薛劍亭成為了最年輕的當世"十大高手"之一。

完

其實d前事、殺父仇人果d本來都係無噶, 只係令到呢個短篇完整少少, 有理由d而已。同埋主要係想滿足自己寫下d打打打噶欲望。

一月十五日 -- 雜記

2012-01-16T01:25:00.002+08:00

9/1(一) -- Jenny話收到工, 臨時叫民仔呀娟呀源一齊食飯見下, 好耐無見; 去左SSP行左個圈落返MK, 民仔最終OT到9點都未走來唔到, 呀源上堂到9點半來又太遲, Jenny8點先到MK, 結果係3個人去食飯; 佢地又想平食, 本來諗住去食好d, 最後去左街市食, 食完行埋SaSa之後返企。

10/1(二) -- 收工返企食飯。

1. 日頭係公司lun左廿幾版紙噶公司ordinance, 仲extract左d野整埋個flowchart, 全部都係唔多擅長噶野; 夜晚係屋企攪左好耐都想攪噶iPhone轉歌仔, 真係頭昏腦脹; 終於都整完, 太好了。

11/1(三) -- 收工返企自己煮d野食, 之後呀嫂返來, 佢同呀哥都未食飯, 我又煮多左d, 所以佢又煮多少少, 大家一齊食。

12/1(四) -- 呀哥新年期間不在HK, 所以係今日食左團年飯先; 今日下午落site所以早收工, 返屋企準備負責整兩味。大家一齊食餐飯吹下水幾開心。

2. 今日突然地之前幾個唔同噶好友都搵返我傾偈, 感覺好奇怪...

13/1(五) -- 收工本來只係同Amy食飯, 之後呀C同Sanny都join左; 收工返企先再出來, 但佢地仲要OT, 所以自己行; 行行下Tracy搵開我, 佢都係MK約左人食飯但係又要等人, 於是約埋一齊行下, 陪佢買野; 佢買左個畫框勁大個, 又O岩O岩搬左新屋係MK, 於是我就好順便做左咕哩幫佢搬左上佢屋企, 好耐無見羅小狗, 同埋第一次見羅小貓! 搬完上去O岩O岩差唔多Amy佢地到, 就同Tracy散, 去meet佢地(差6唔多9pm); Amy唔舒服, 所以同佢地去左MK素食一家, 食完本來想去再食甜品, 不過想食果間好多人, 又已經11點幾唔早了, 於是就散水返屋企; 放左係我家果支洗頭水終於可以返返去媽媽Amy身邊啦~~ XD

3. 呀爸夜晚食錯野唔舒服入左急症, 好彩之後無咩事。

14/1(六) -- 組團去香工; FF因為怕多人所以都係唔去, Cass join埋; 1點meet呀C呀娟同Cass一齊係荔枝角食飯, 之後就去行香港工業中心; 平時都好多人, 而家臨近新年更多人, 係極多! 個地方又大d野又多, 反而唔知點睇, 行左幾個鐘都叫行完, 佢地都無點買野(而且幾乎無男仔野)就走; 時間尚早, 同佢地去左荃灣食好好味米線, 之後行左下荃豐同南豐, 就再去葵芳噶葵涌廣場行, 反而佢地係果度買得多d野呢~ 行完之後就散。

4. 是日金句: "其實我講得出ok時其實都真係覺得好ok的了"; 一向不習慣對人表示"好意", 有點羞於啟齒; 其實當我說我覺得"OK"的時候, 其實就已經真的覺得很OK, 如果說比OK更好的話時, 大概已經不止那個程度了。

5. Crystal姐姐早上搵我, 傾左陣, 佢都係唔多開心噶朋友之一呢, 攪咩野最近有連續幾個朋友都唔多開心呢? 不過佢大部份寄託都係2個仔度, 應該會好d噶。

15/1(日) -- Sam Hapi BDay; 一早就起左身, 落雨濕濕無波打, 於是去左睇戲, 又係10分鐘趕到去, 睇左MI4, 好精彩緊張噶戲, 睇呢d戲就係要咁先痛快! 唔使d咩劇情架~~ 由於似乎大家都唔多開心咁(其實又唔係全員唔開心噶), 又得閒又落雨, 於是就約左唱K啦; 老人腳老地方:我娟Cass源C係Jordon唱2-8pm; 由於呀娟要去飲呀C要同屋企食飯, 佢地走先。呀Cass遲左來, 大家都有d擔心, 不過原來無事啦, 好彩; 唱到8點走, 3個人去蘋果食飯同吹水到10點散。

6. 收到今年第一份生日禮物, 好開心呀~~

7. 來緊差唔多開始有一段時間可以出街食飯唔使比錢了~~ :P

來緊:

19/1(四) -- 同Nat華哥等人食飯
20/1(五) -- FF組團行花市wv close fnds~
26/1(四) -- 同日安等人食生日飯
27/1(五) -- 同呀進等人食生日飯
28/1(六) -- 同C等人食生日飯 @ 大喜屋
29/1(日) -- 日頭同催時同學去南丫島
30/1(一) -- 請左假, 日頭同呀源hea
31/1(二) -- 同而家同事食生日飯 @ Ruby Tuesday KLB
4/2(六) -- 同死黨們唱生日K

完

一月八日 -- 雜記

2012-01-09T01:19:00.002+08:00

3/1(二) -- 收工返企食飯。

4/1(三) -- 收工返企, 臨到家時Cass姐打來話搵我食飯, 於是去左寶琳食魚之味, 行一陣再食埋聰嫂, 係MTR傾到11點散。佢又出左問題, 傾左好多野(除左佢仲有好幾個好友噶事)。希望佢之後OK啦。

5/1(四) -- 收工返企食飯。

1. 話口未完, 今早Cass打來, 佢又玩完了。

6/1(五) -- 當日臨時呀C打來約夜晚食飯; 收工入左元朗食"日之味", 好好彩入到去唔使等位; 雖然唔係好似其他元朗日本野一樣賣"大舊", 只係正常size, 但係質素同價錢都OK喎。問本地人呀進果然無問錯呢~~之後無食甜品, 搭一程車出返CWB送佢返企之後之後再返企。

2. 雖然勝算很低, 但仍然要繼續努力呀!

7/1(六) -- 之前果日約左好友日安同Penny早上係clubhouse跑步, 大家都起到身集合去跑 :P; 中午一齊食lunch, 講開日安馬生佢地當日過大禮; 平時就唔應該佢地本人在場噶, 反正我同Penny係度, 咁就代勞下啦! 其實又唔係真係叫幫手, 只係參與啦, 但都有利是收呢, 哈哈, 仲要係馬生第一次派利是呀~~好榮幸(兼唔好意思); 下午本來諗住返企抖下, 不過佢2個去佢地新租屋果度執野, 但又好多野要拿去, 話要搭的士, 反正我同Penny都無野做, 搭車又唔使錢XD 於是就一齊去佢地新屋果度睇下啦~~ 去到hea左陣, 之後一齊落去食tea, 5點島散; 我落返KT搭van去荃灣, join埋Puzzle同佢個仔軒軒, Wing同佢女友, 入去呀Man屋企Gathering; 呀Man煮左好多野食, 好OK呢~ 大家吹下水睇下電視睇下軒軒百厭同玩下我帶去噶card game, 12點島散。

3. 早上知道的事, 對我來說是好事吧, 要努力!

4. 呀Man屋企真係幾隔涉, 我個台(同埋唔知邊d台)係完全收唔到, 人間蒸發左6個鐘呢~~

8/1(日) -- 訓到差唔多中午先起身, Jason來左, 一齊係屋企食d野, 跟住同佢打左個下午噶機, 夜晚Jenny來到, 一齊去樓下試左中開果間泰國野, 之後再一齊去坑口食埋聰嫂先返企。

來緊:

11/1(三) -- 大家一齊夠呀Cass?
12/1(四) -- 呀哥新年期間不在HK, 先食團年飯?
13/1(五) -- dine wv Amy
14/1(六) -- 組團去香工

完

誤解

2012-01-07T02:18:00.001+08:00

最近有句口頭禪, 就係"世人對我有太多誤解"。雖然我好多時都係用講笑形式講出來, 但係其實都係我心底噶說話。以下列舉一d好多人對我有噶誤解啦。(排名不分先後)

1. Hea。我比人噶感覺成日好似好hea, 同埋好唔在乎咁。我唔否認我對自己無興趣噶野會好hea, 但係對於我care噶野, 我真係好認真的。只不過, 我好少可會顯示比人睇我好care而已。顯示出來, 好似好做作咁。不過我似乎都過份地扮唔care。

2. 原來好多人, even有d close friend都覺得我好多野自己攪得掂, 覺得我OK, 唔使人幫手, 只要默默支持我就OK。因此我其實都係feel到大家真係好默默咁關心我噶, 不過其實我又真係想大家比多d幫助我咁咯。

3. 好多人都覺得我好收埋內心噶野, 覺得我雖然平時自己噶野咩都講, 但係對於自己開唔開心或者喜唔喜歡噶野都唔會好比人知道。其實我又不嬲真係唔慣去表達自己情感方面噶野, 不過其實大家問下我我就會答, 我唔介意講的, 最多扭多2句, 大家再追問落去我好多時都係會講的。

4. 有一個好大噶誤解, 就係有d人會覺得我大把女, 唔係話我多女朋友, 而係好多女性朋友。覺得我唔休無女朋友、唔使為呢樣野而煩。覺得我而家單身只係我唔諗、唔想而已; 又同埋, 有d人會覺得我同好多女仔熟, 要溝女會好容易, 甚至覺得我其實係漁翁撤網。呢樣野我相信close friend應該唔會有咁噶睇法, 但係似乎好多唔熟噶人都咁覺得...真係一個天大噶誤會...同埋令我更加無機會識到女朋友呢~~

5. 有d人覺得我咩都無所謂, 咩都唔介意; 我自問都算係就得人, 不過明顯唔係所有野都無所謂的。不過有時有d位我算數而已。同埋如果真係踩到我條線, 我係會出聲的, 如果唔出聲, 就係我覺得你應該知道而踩, 咁我就已經悄悄扣左分了。

**********

其實每個人都識咁多人, 有誤解好正常, 唔係問題, 了解返就OK; 不過問題似乎係, 大家都覺得大家對我噶"了解"係o岩噶, 仲要將自己噶諗法宣揚出去; 呢d不實噶諗法, 令到好多人都變左咁睇我, 如此一來, 我又情何以堪呢? 請大家好好了解我吧。

不過都好好彩, 係世上都係有一d對我無誤解噶人噶。

完

令你快樂

2012-01-07T02:15:00.001+08:00

人生在世, 身邊會出現各種不同的人, 跟自己關係愈近的, 會愈使大家想"令他們快樂"。
要令長輩、父母快樂, 最好是多陪陪在他們身邊, 還有別要他們為你的事而操心; 要令子女快樂, 不外乎滿足他們的欲望和好奇心, 與及給予他們好的成長環境; 朋友, 礙於關係不一定十分密切, 可以做的事情不一定很多, 最重要是給予他們支持和正面的力量。然而, 大家最想令"他/她"快樂的, 可能是身邊的另一半 -- 你的伴侶。

要令他/她(本來想之後簡稱"他", 但還是"她"吧)快樂, 並不是一件容易的事。要令她開心, 並不是噓寒問暖就可以, 噓寒問暖可以只是很順口(或者現在大家是順手)一句"今天很冷, 小心哦", 不代表真的關心、擔心; 並不是送她禮物就可以, 送禮物只要付出金錢就可以做到了, 錢解決到的事, 還不算最難的事; 並不是常常陪著她、跟她玩就可以, 只要有時間, 人人也可以經常出外遊玩, 那樣的話豈不是閒人可以對人很好?; 更不是每樣事情都討好她就可以, 這樣只是應聲蟲, 為了迎合她而沒有了自己。"縱壞"了對方, 對他也不一定是件好事。

當然我並不否定, 如果有人做以上的一切是對對方"好", 很多人可能連以上的也做不到。不過即使做盡了以上一切, 即使能為了她學東學西, 即使為了她煮飯煲湯洗碗做家務, 甚至犧牲了自己很多東西也好, 也不代表一個人懂得使對方快樂, 也不代表真的喜歡對方, 懂得照顧對方。那些都是形式上的"好"而已。大部份都是只要"肯", 就做到了。

如果喜歡對方, 真正想讓對方快樂的, 一定會想了解她, 為她著想。當她不快樂的時候可以安慰她、當見到好的事物時會想和她分享、可以隨時準備為了他給力/支持、會避免做一些會讓她不開心的事情免她擔心、也不會縱壞她, 在她要做錯事時會制止、會給意見...等等。要知道對方真正的需要是什麼。這些才是真真正正的為對方著想, 使對方開心, 讓對方幸福。

要做到這些, 一定是很喜歡對方、很細心很關注到她才做到的吧。每件事從心出發, 一定可以讓她感受到。心靈上所得的快樂遠比物質的為高, 也比物質上給她幸福難多了。"令你快樂", 並不是一件可以容易答應人的事, 不過一旦答應了, 可就扛起了這個大大的責任。如果雙方也想讓對方快樂, 相信可以一直走到最後吧?

好像有點想得太多了? 不過當你喜歡一個人的時候, 自然就會想多了吧?

完

新年 -- 2012 Version

2012-01-03T21:52:00.003+08:00

又踏入新的一年, 時間一直係咁過去, 有d人覺得都只不過係一個日子, 不過我覺得有d野set左出來就係一個bench mark, 所以都有值得作為一個劃線噶價值。

o岩先無耐回顧完上年2011。諗諗下, 都係唔好好似果篇個尾咁brief咁寫來年展望, 一於另開一篇寫低今年噶target, 定下目標, 咁到年尾做appraisal果時都有d野可以跟下嘛, 同埋我記得以前都講過, 將話說得滿d又成功做到的話(當然都係要做到先得啦), 會型d噶, 嘿嘿。

2012年, 得唔夠一個月噶時間仲係30歲, 好快就31了。3字頭呢個bench mark過左成年, 都慣晒。猶幸自己個樣同精神狀態都尚算唔老, 希望可以繼續keep住啦~~

咁有d咩野來年想達成噶呢? 等我諗到咩寫咩, 排名不分先後咁講啦。

首先最緊要噶就係自己噶精神修為。人始終會有經歷會開心會傷心會鼓舞會受傷, 過左去噶野已經發生左, 唔會返到轉頭, 亦都唔可以當無發生過。因此其實唔會"做返以前噶我", 有d野差左就係差左; 只不過呢, 無人話唔可以進步返, 或者做得更好的。有兩點覺得自己要努力做返好的:

第一點就係意志力。呢兩年自己好多時都無意志力去做好多野, 有d唔好噶習慣都成日唔記得、無心力去改, 或者想做噶野都無心去做。有d應該做噶野, 都係靠"習慣"去做; 因此有時有某d野明明唔係好大關係都有d執著, 因為唔想打破左某d習慣, 打破左習慣就會連其他野都做唔返。自己都知有呢個問題, 今年要好好改進一下, 加強左自己意志之後, 就可以case by case去諗下做唔做, 要做噶事, 就比d力去做。最近又開始返細個時練意志力噶方法, 從好多小處開始做起, set一d deadline同埋bench mark...etc, 總之, 要令自己堅強d。

第二點呢, 就係要"正面"。呢樣野真係呢2年跌得最多噶野。以前自己都好正面樂觀, 而家真係負面左好多。好彩, 做consultant時、睇人地d野時, 都仲可以同以前差唔多。但係當牽涉到自己d野噶時候, 真係好無信心, 一有uncertainty出現時, 好多時都係諗去負面、唔得果邊。呢樣野亦係需要強烈改進噶地方。不過比起意志力, 呢樣野真係有d難度。觀點被徹底打破、自信心被擊潰之後, 要建立返起來真係需要好長時間, 同埋其實要好多人支持的。不過講真, 唔係講笑, 好多人對我都有好大噶誤解, 呢句唔係口頭禪, 係事實來噶。有好多人覺得我好、叻、多噶野, 其實唔係。或者學呀女講句, 我都係鱷魚頭老襯底而已。我唔排除自己有無限強力噶小宇宙, 但係而家真係放唔到出來咯。呢個今年一大課題, 真係要好好地咁努力下。

精神方面就咁上下啦。之後噶目標就係keep fit。始終都不再25歲, 你話如果我都仲係fit, 無肚腩又無肥肉就話都無咩所謂, keep住就得姐~~但係上年下半年因為少左運動噶原因, 又肥返。不論係為左自己健康也好, 外型也好, 真係要做返多d運動。真係好可惜而家無羽毛球打, 如果有我真係好想個個星期都join。籃球都係要keep住打啦, 最緊要就係要跑步。我覺得呢樣野係最易最方便同可以達成噶。要令自己就算無人陪, 都一個星期搵晚去跑下步先得, 呢個又係意志力噶問題呢。

另一樣有關意志力同keep fit有關噶, 就係食野。其實我近年一向都唔係食好多野的, 而且除左正餐之外, 甚少會食tea、宵夜、零食。不過有時都因為以前噶習慣, 正餐明明食夠左, 都因為有剩而食多d(不過都係食唔晒), 或者因為自己軟弱而飲左甜野。今年要用意志令自己要記得唔好"習慣", 同埋警戒自己少飲甜野。

仲有一樣小小地有關自己噶野, 就係個blog。講真, 我一向都好重視自己個blog, 就算一直以來無咩人睇都好, 自己都會將自己所見所想寫低係blog度, 同埋幾無心機幾累都好, 一個星期起碼要有一篇雜記。呢個堅持唔斷得。前年產量大減, 上年好返d, 今年希望自己keep到好似上年咁先。同埋希望自己儘量貫徹, "當"個blog無人睇, 將自己諗噶野儘量100%寫出來。(當然, 其實我都知無咩可能, 有d野習慣左隱藏噶野都係會隱藏, 但係起碼從來唔會講大話吧)

自己野講完啦掛? 跟住噶目標就係希望屋企人開開心心。呢個唔係只係希望架, 都有目標的; 話說呀爸早排竟然出聲話想一家人去旅行, 所以今年除左想屋企人都健健康康開心之外, 就係可以攪到一次家庭旅行。近年都諗唔到有咩可以令到兩老特別開心, 上年呀哥結婚, 佢地都應該好開心, 遲d佢地如果有埋小朋友就更高興。但係在此之前, 希望可以攪到次家庭旅行呢~~

我估某d熟噶朋友都會想知有關"愛情"o既; 關於"拍拖"嘛, 都係隨緣啦。其實都有諗過自己鐘意d咩類型噶女仔的, 不過事實上係無跡可尋。我相信, 如果我同對方相處得開心同舒服噶話, 就會喜歡吧? 不過我都可以list下"以前曾經(或者而家都仲係)諗過自己鐘意一個女仔咩野"噶criteria的: (排名不分先後)

1. 我成日都話, 笑得好睇的(同個樣無關係, 係個笑容好唔好; 至於點為之好唔好, 當然係好主觀, 我覺得係就係啦XD)
2. 性格...我都唔知係要咩, 總之就係同佢相處得舒服, 所以應該無話特別要好動定好靜; 最好緊係動靜佳宜啦 XD
3.1 我覺得好可能, 如果同我有共同興趣噶會好d, 例如鐘意聽歌唱K畫畫噶, 甚至係鐘意睇書識d歷史金庸星座漫畫等等噶野, 我諗我會好高興。
3.2 接續上面果點, 如果有人會睇我blog, 甚至追我個blog, 我諗我會更加高興。
4. 當然, 有d個個都鐘意噶野, 例如樣靚身材正又有錢噶就更加唔拘啦~~~ :D

講到尾, 對我來講, 始終都係需要時間去相處吧。仲有, 即使我有好感, 都唔代表人地會有。所以好難呢。

**********

暫時諗左咁多, 曾經都有打算再讀書, 不過基於好多理由可能都未必了。

完

一月二日-- 新年快樂

2012-01-03T01:53:00.002+08:00

28/12(三) -- 本來約左天日, 但係Carol突然早上打來, 話改今日, 於是就改今日收工去廟街食殘忍飯。今次試左第間, 好少少, 不過應該都係上環西環好味d; 食完再去綿綿冰食野同吹水, 9點幾散。傾左好多野呢。

1. 同Carol傾開, 原來唔止日安, 佢都係識左就來十年噶舊同事啦~~~

2. 轉: 每一次想你, 我都得提醒我自己, 如果你想和我聊天的話, 你早就開口了...; 呢樣野我以前唔係咁諗的, 不過經過左以前, 而家係咁諗了。

29/12(四) -- 收工返企食飯。

3. 呀爸呀媽又講果d野; 另外, 今日發現一樣野, 就係佢地可能都知講來無用, 係講噶時候連望都唔敢望我了XDD; 仲有, 呀爸問我果句竟然係"你有無固定女朋友", 乜我有唔固定噶咩?!

30/12(五) -- 最後一次同催時同學食早餐。收工返企, 但唔想過去食飯, 於是將屋企剩噶野煮左一pang野來食, 之後休息。

4. 唔知點解, 今天好無心機, 好累, down。

5. 我發現, 真係有好多好多人對我有好大噶誤解, 再加上傳來傳去, 再加上有人有意或無意傳播, 令到誤解我噶人佔左好多好多。

6. 失眠的晚上; 半夜同舊同事Erika傾左一陣電話, 知道佢細佬開始康復咁都好呢~ 二來佢講講下講到自己, 原來係佢果排軟弱噶時候被攻陷左呢~~哇卡卡~~ 不過似乎問題有好多...同佢傾左都好多野。

31/12(六) -- 中午有d死黨來我度一齊食lunch, 之後買野, 上我家hea; 人齊後都係玩下(card game、winning...etc)到差唔多7點就去拿/買要食噶野, 開始大食會; 食完就一齊玩, 玩到咁上下倒數, 倒完數玩多陣, 唔太晏就散水了~~

7. 已成過去的2010, 沉澱完畢的2011, 向前邁進的2012; 明天+明年的我勢必戰勝今日+今年的我, 各位看倌請期待!

8. 轉: 千萬不要在12月31號23:59分上廁所......不然......你明年才能出來...... :D

1/1(日) -- 同死黨一齊食lunch, 之後上東協社打PingPong同唱K, 夠鐘+齊人之後就去食渣華軒, 好味; 之後有d人走, 剩餘噶人返返東協社打PingPong同唱K, 12點幾散。

9. 又係, 同一班好友一齊, 好開心。

2/1(一) -- Join左塔門郊遊, 又去左一個未去過噶地方; 一大班人有幾個熟同好傾噶朋友好開心的, 同埋好耐無見呀Mak啦~~晚餐唔多掂。

9. 聖誕及新年假期 = 日夜顛倒?

來緊:

7/1(六) -- Gathering wv 白田同事

完

2011大事回顧

2011-12-30T20:33:00.001+08:00

慣例每年都會寫大事回顧。今年自己身上的確係無咩大事發生, 不過no news is good news, 有時寧願無事發生平平穩穩仲好。上年睇今年運程果然都幾準: "乘接上年噶運勢", 即係唔係話特別差, 而係上年係點今年就繼續係點, 就呢一點來睇, 又係幾準噶。以下雜雜亂咁記一下2011年對我來講有咩比較大、特別、重要噶事發生。排名當然係不分先後。

1. 民民拍拖; 即使係年頭噶事, 但係仍然都係印象深刻, 亦都一定係可以列入三大之一。對於呢件事噶感想, 係當時就已經講左好多, 亦都唔係度再多講。不過真係好開心, 事隔就來一年, 見佢地2個都仲係好好地, 可以捉到大家相處噶方式, 我覺得已經好足夠啦。雖然有人話拍拖、一齊左唔一定會開花結果或者唔一定會點, 但係有咩關係呢? 總之就係一件開心噶事。

2. 三字頭; 自己終於都踏入"三字頭", 當然其實都只係一個數字而已, 但係數字歸數字, 始終都係一個心理關口, 睇股票都總有個水位係一個標準啦。三十而立, 我只係覺得自己好"立"而已。Anyway, 三十快樂。

3. 呀Sam事件; 雖然好短促, 但係真係令我感受良多, 亦都驗證左好多野。我真係好怕aggressive, 好怕同自己完全唔同噶生活方式, 好怕唔清唔楚, 好怕講大話。如果一開始可以慢慢來了解多d, 我諗個結果未必會係咁, 不過最近聽講對方都好開心, 咁都係一件好事。同埋驗證左如果係我唔喜歡噶人, 我真係連痴埋d都唔太想的。

4.1 日安婚訊; 另一件令人好開心噶事, 同日安識左就來滿十年啦, 十年間都發生左好多野(當然唔係我同佢之間啦哈哈), 一波三折, 終於到佢正式扑鎚結婚啦, 超級無敵戥佢開心呀~~ 呢個將我category為"為細識到大噶朋友"噶婚訊, 雖然一早就預左係遲早噶事, 但係最終confirm左都係非常開心的。

4.2 今年好多好多好多人結婚, 除左結婚, 其實好多身邊朋友(民民, KT014, K同學, 日安. Yee, Nat...etc), 都係今年開花或者結果(或者confirm結果)噶, 仲有好多舊同學、同事生左/有左BB添, 似乎今年對於我身邊噶人都係好年呢。

5. Singapore遊; 不得不提下自己噶事, 就係四仔旅行團啦。好開心可以聚到三個好友一齊去旅行, 仲要大家係無磨擦好順利好開心咁玩, 真係一次好好噶經驗呢。

6. 東京之旅; 終於去左一個自己都想去噶地方, 就係東京。都係一個好順利噶旅行, 呢2年去左好幾次旅行, 覺得自己都幾鍾意旅行呢, 下次又會去邊、同邊個去呢?

7.1 呀哥結婚; 當然都係今年大事啦。相信期望佢結婚噶人超多, 亦都終於不負所望, "攪掂"左。好開心見到佢搵到一個好適合佢、令佢開心噶人係身邊呢。

7.2 呀哥結婚隨之而來噶, 係同父母同住噶一段短噶日子。其實同佢地住都開心的, 我諗佢地都喜歡同返個仔住。只不過間屋好多野真係好難頂, 包括d小強同張硬到爆噶床。仲有, 隨之而來噶就係屋企人、親朋戚友開始"哦"我噶麻煩...

8. 呀源事件; 人地家事不便係度多講, 不過真係一件好麻煩噶事, 仲要攪左咁耐都未攪完; 希望件事快d解決, 唔好有咩手尾再跟啦。

9. 好teammate有左; 之前聽落一直覺得好似唔多會發生噶事, 竟然發生左。相信當事人應該好開心掛? 對於好teammate兼好友噶我來講, 真係好開心, 希望一切順順利利!

10. S分手事件; 臨到年尾先出事, 仲要其實我覺得我都係有關係, 難辭其"夠"(雖然我又唔係好做到d咩); 不過, 我覺得真係一件令人可惜噶事...

11. Erika事件; 呢件就真係一件超不幸事件, 好在最近聽到佢弟弟逐漸好轉, 雖然大把手尾有排跟, 但係執返條命, 總算係好事。好慶幸知道情況一直有好轉呢。

12. 雖然真係唔係咩人生大事, 但係Mavs champ左, 踢走Heats, 真係好高興, 不得不提 XD

一時都數唔到仲有咩"事件"去講, 我估諗唔到即係無咩啦掛? 今年如果以achievement來計, 自己係真係無咩"得到", 但其實覺得今年對自己來講, 係好好噶"整備"+"沉澱"噶一年。去左好多未去過噶地方遊玩, 去左好多地方食飯、玩左好多野、學過d唔同噶野, 睇左唔同噶show, 見左好多朋友; 自己一向都唔係要得到d咩實質噶野, 係想要enjoy自己噶生活, 基本上以上噶野全部係我想要噶野呢。所以其實自己今年並唔係白過呢。

亦都因為呢d經歷, 可以整理到自己噶思緒, 知道多左自己想要d咩野、唔想要d咩野; 亦都將自己噶"朋友list"重新refresh過; 有失去左噶朋友, 多左噶朋友, 變得重要左噶朋友...等等。無論係點都好, 都係為自己各方面好好準備噶一年。最重要, 就係今年慢慢的變得唔會再"到處都是你", 就算再有諗起, 衝擊都無咁犀利了。

仲有一樣野, 估唔到自己係每個月超過大半人工比左家用+供基金, 再加上今年不停出去玩、旅行、食、買下野之餘, 都仲可以儲到錢。期待樓市可以下調返d, 等我可以有機會做下業主啦。

展望2012

其實都無咩特別。
工作來講, 而家呢份都唔太差, 不過仍然希望會有機會搵到份好d噶走人?
屋企方面希望家人健健康康就好足夠了。
下定決心, 成日要令自己記得噶一樣野, 就係要減肥。今年年尾食左好多野, 肥左好多。唔係話要瘦, 但係而家呢個狀態真係唔多得, 堅係要控制一下自己了, 2012要努力。
上年可能自己都唔太OK, 今年都自己希望下, 2012可以搵到一個自己喜歡、對方又喜歡自己噶人, 可以係身邊渡過每個特別噶日子啦。

完

十二月二十七日 -- 聖誕快樂

2011-12-28T00:01:00.002+08:00

19/12(一) -- 收工同Nat華哥Joyce晚飯X'mas Gathering, 原來QueenieCheng都join; 其實我不嬲麻麻地呢個人, 諗野同講野都好奄悶, 不過算啦...去左The ONE 8樓果間FULL/half Cafe試下, d野貴得來, d野食配搭好奇怪, 味道幾特別但唔算好好味, 裝修同service都OK, overall來講...都係唔會encore的。之後就行隔離噶Lost & Found(Wacoal佢地走先, 我同Nat行), 行完再行左少少TST, 買到要買噶野, 之後就散水, 一齊行去新港果邊各自搭車。

1. 睇返年幾以來自己有被tag噶相, 睇返好多野諗返好多野呢。

20/12(二) -- Lunchtime圍內同事噶X'mas Party, 都幾開心, 今年Connie抽中送禮物比我, 好開心收到佢噶禮物, 仲要係第二次呢~~~ 另外今年我連續第二年抽中送比Penny, 都係好攪野呀~~ 收工同呀Jo去灣仔演藝睇話劇"微男搏女"; 都幾好睇, 好輕鬆同幾攪笑, 唔會太過低級, 都係講返現代人同埋男男女女噶關係同觀念, 仲有互動叫左好幾個觀眾上台添~ Overall來講都好唔錯, 蝦頭同泰臣好得好交到戲呀! 睇完10點島, 同呀Jo係MTR吹水吹到11點9先走。(本來可能有機會睇Aaron Concert?!)

2. 轉: 你知道你有多嘔心嗎? 當你媽第一次感覺你的存在時, 她吐了!

3. 一向對於禮物, 都係行開見到咩o岩就買, 唔o岩就唔送噶; 咁當然會有想一定要送噶時候啦, 尤其係生日我不嬲都覺得係比較重視噶日子, 所以其他節日好多時真係唔一定會有咩送比朋友們; 話說今年行左N次SSP、MK、TST, 又真係唔多睇得o岩禮物比朋友, 所以今年送出左唔多禮物比人呢~~(上年送左好多)

21/12(三) -- 早2日臨時約左C同Sanny佢地食飯; 收工同催時同路過CWB, 之後我係Wanchai等佢地; Amy唔得閒, Sanny要OT, 結果得我同C 2個人食飯@Bravo Latata@MK, 2個人坐左人地張4人台@@; 間野第三次去, d野食真係唔錯, 唔算貴, service都幾好, 係MK來講算係咁; 之後去行左信和同兆萬之後走。

4. 轉: 到年底一總結, 發現賺到的只有年紀...

5. 要對自己有自信...

22/12(四) -- 冬至早放3點; 收工同Penny去左觀塘噶鬆弛熊館同采豐行, 都係第一次去呢~ 行左下無買野, 之後就散水返企, 係樓下買左部份廿四號晚打邊噶野; 夜晚係企食飯做節。

6. S終於都係分左手, 唉......真係一個唔好噶消息。

23/12(五) -- 收工過去黃埔Outback同舊同事八婆一家GordonK呀進一齊食飯, 慶祝聖誕, 食完之後去左黃埔行下同埋係美國冒險樂園hea左一陣, 之後散。

7. 其實我介意...

24/12(六) -- 中午好友們(K源C+哥嫂)到TKO一齊食lunch之後買埋打邊要買噶野(KTG、佢老公Calvin、Amy, Sanny到最後都係唔來/來唔到) ; 之後上來我家一齊玩board game card game, 呀嫂細佬Jason都來join左; Connie送噶card games好有用呢, 幾乎玩齊咁多款(除左angry bird)~~ 到左夜晚就洗野同打邊邊, 11點幾民民來join我地, 一齊過12點; 之後大家再一齊玩到5點幾佢地先走。

8. 好耐無試過一班好友係我家gathering同玩咁晏啦, 好開心; 講真, 好彩無叫Barry, 一來其實佢同我地班人無個真係好熟, 二來亦格格不入, 三來人數都差唔多, 好夠了~

25/12(日) -- 11點就起左身, 其實好累好眼訓, 不過醒左; 1點幾係CWB join左民民同呀C, 一齊搭巴士一程車入小欖, 我咁過海再去仲平過去KT搭van去荃灣再轉van咯~ 同C民K源SanEsther BBQ, 上年都係原班人馬呢(今年少左d人)~ B到8點島走, 一齊去TW搵個地方坐底玩"Bang"(三國殺抄果隻card game), 到10點幾走, 散水返企。超眼訓。

9. 今個聖誕同一班好友一齊過, 好開心; 同埋, 好年輕咯, 哈哈。

10. 今晚NBA開季第一場有直播! 雖然好想睇, 但係通完頂真係頂唔住...訓, 明知好睇都無睇。(第日注: 真係一場咬得好緊噶賽事來呀~~)

26/12(一) -- 全日在家抖; 11點起身, hea到12點幾同呀哥呀嫂落街食飯, 返來沖個涼又訓, 訓到4點幾, heahea下hea到過去食晚飯, hea足一日; 原來我都唔係好年輕 XD

27/12(二) -- 一早起身諗住懶洋洋, 點知比呀媽叫我地過去食飯同下午出去行下; 於是下午就出左去, 諗左一輪, 太遠又唔想去, 西貢又好似去左幾次, 郊外又驚凍, 於是決定去中西區行下; hea遊左中西區半日, 幾寫意, 之後搭叮叮去北角呀哥個會址, 唱左幾首K, 之後返企食飯。

來緊:

29/12(四) -- 殘忍飯wv Carol
31/12(六) -- 倒數@ my home
1/1(日) -- Kman Bday Gathering

完

十二月十八日 -- 雜記

2011-12-18T22:25:00.003+08:00

12/12(一) -- 收工約左同日安行好耐無行的SSP, 臨收工Penny話加入; 一齊行左SSP, 但係都無咩收穫; 諗緊食咩噶時候, 佢地話唔食飯要掃街, 於是變左掃街; 走果時T同學搵我話陪佢食野, 同日安Penny一齊搭MTR到九龍灣我落車, T同學突然又話唔想食野想返屋企同靜下, 於是佢係KT落車返企, 我就返TKO了。係公司問日安借左隻碟One Day, 之前都想睇了; 雖然夜晚好眼訓, 但係都睇左; 係一套拍得好唔錯噶小品, 個導演拍得幾好呢~ 不過自己投入唔到故事中主角噶行為, 所以唔算十分欣賞。

13/12(二) -- 收工返企, 之後帶呀Jo去我睇開果間跌打, 之後返企食飯; 食完飯同呀媽行左陣超市, 返企之後再出返來陪呀Jo食d野, 之後散水返企。

14/12(三) -- 病假一天; 唔通搬返來一時未適應所以水土不服?又來頭痛。在家休息一天。全日瘟瘟鄧鄧, hea下訓下咁就過左一日。

15/12(四) -- KC006 Site Inspection早少少收工, 因為早, 所以同Penny去又一城行左下, 之後佢返企我去SSP, 估唔到買個喇叭都用左我好多時間, 有好多好多好多款都唔知點揀, 結果都買到一個送比呀哥呀嫂; 下午臨時約左Nat一齊行MK, 於是買完喇叭就過MK(行唔設玩具街, 買唔到禮物了...), 同佢快食街市, 之後行女人街行錯邊搵唔到鬆弛熊間鋪, 又買唔到野, 之後去左采豐行、兆萬、In's Point同信和, 睇左好多野竟然咩都買唔到 =_=, 跟住就行返去MK果邊搭車返企。對腳超累仲有d痛添, 最大鑊竟然係無功而返...

16/12(五) -- 下午放假, 返企執野休息下再出來, 本來諗住早d出去海港城再去SSP再去MK, 但係係屋企hea耐左, 同埋睇開youtube, 最後係因為睇"娛百"睇左陳妍希果集所以4點半過左先出門口, 最終無去TST了; 係SSP買到想買噶野(終於買左幾樣X'mas gift), 就去MK join Helen姐; 夜晚同大張等人係瓊華唱K慶祝Helen媽生日, 2個呀姐3個呀叔, 我超細咯哇哈哈~~ 不過佢地以前都係有聽開歌, 同埋後生d時應該都有唱K噶喎, 唔係唔識歌架喎, 有幾個仲要係到而家都仲有聽下歌, 識d新歌仲會點周杰倫呀、那些年呀、天梯果d歌添~~自己都無咩點唱大家一齊hea到10點半島走。催時同學咁O岩係MK, 同佢join埋行左陣MK, 再一齊返KT後返企。

1. 佢地噶"目標人物"無來到, 哇哈哈, 講真真係鬆一口氣呀~~ 大家要失望啦~~我影唔到相比大家睇了~~

2. 返到TKO, 咁o岩日安都係樓下附近, 好on居咁就約埋係樓下say個hi, 大家竟然好不約而同地係KFC交換左禮物比對方, 好低能呀哇哈哈~~交換完就各自返企~~ 多謝呀, 係今年第一份X'mas gift~~學佢話齋: "零時十分心靈相通交換的第一份聖誕禮物！"

3. 結果今年好大機會去唔成海港城影相呀~~~

4. 今日同一日竟然有2個同事叫我幫佢地睇同事交換禮物噶禮物咯~ =_="; 不過我行噶地方都唔多O岩, 無幫佢地睇O岩啦~ 好彩自己要買果份買到姐~~

5. 今個星期去左好多次SSP同MK呢~~

6. 好難得地, 今日早上同呀Nat傾時, 佢好慶, 好少見佢好慶呢~~ 不過之後同佢傾完, 都明噶~ 不過其實應該無事啦~~~~

17/12(六) -- 早上係屋企hea, 下午出左一出去同呀嫂去KT"美亞"行左圈就返企, 又訓; 夜晚7點同催時同學一齊去葵芳新都會, 影下個貓貓, 睇9點半噶Sherlock Holmes; 以前無睇過第一集。套戲都幾好睇呢, 有d手法拍得幾好; 睇完出來差唔多12點, 搭MTR返企。

7. 很不想看的福爾摩斯; 2年前沒有跟你看第一集, 2年前你也是在看戲時睡著了; 2年前不久之後就沒有再見面了。

18/12(日) -- 好開心噶一日!!呀馬無啦啦打來, 原來返左來HK!! 下午去左坑口join佢同埋民仔Fontane hea左一陣, 之後一齊上我家hea; 大家傾下偈同玩下i-Pad, 好開心呀~~~同最熟噶fnd一齊時間真係過得好快同好開心~~ 之後呀馬走先, 我就同民仔FuFu係樓下食牛涮鍋之後散。

8. 呢幾日同來緊呢個星期到年尾會係好開心噶一個星期, 因為會見到好多好朋友, 有好多gathering, 好開心呀, 好想停留係呢段時間, 唔想過去呢! 要好好感受呢段時間噶快樂呀!

來緊:

19/12(一) -- 同Nat華哥Joyce晚飯X'mas Gathering
20/12(二) -- 睇話劇"微男搏女"wv呀Jo
23/12(五) -- X'mas Gathering of 八婆
24/12(六) -- X'mas Gathering wv 死黨s
25/12(日) -- BBQwv 死黨s
1/1(日) -- Kman Bday Gathering

完

解藥/鎖匙

2011-12-13T19:09:00.001+08:00

他跟他的宿緣總算可以在這一夜解決。

焦無語和佘排山互恨、相爭幾十年, 在這月黑風高的高崗上, 終於要一決死戰。
數十年前, 他們是江湖上人稱"山雨雙刀"的好兄弟。可是為了一個女人而反目分離, 各自建立了自己的門派, 不相往來。後來門下弟子的爭執出了人命, 雙方新仇舊恨交纏, 互相殺戮, 畢竟雙方都是有頭有面的人, 江湖上其他門派都不便出頭代為處理調解。最後竟落得兩派一起中落, 弟子門徒四散。

這一夜, 他們都豁出所有。家人、錢財、各方面都安頓好。重要的是眼前此刻 -- 把對方殺死, 以解多年心結。

焦無語個性較為被動, 當年就只一著之差而失去了機會, 因此這次他先發動攻勢!
"亂麻刀法"施展起來, 非快速和眼快繚亂, 而是慢速而綿密, 不讓對方有喘息機會。棉密的刀路中隱隱露出殺機, 出奇不意就奪人要害, 的是一門好刀法!

"老兄, 多年未曾交手, 刀法是愈來愈精進了! 可我也沒有把功夫給擱下, 看我的!"

佘排山使的是"斷水刀法", 亦非以刀速見稱。刀法大開大合, 勢似斷石分金, 令人不敢直纓其鋒。二人刀法互有專長, 又互相?制, 加上相識已久, 極熟對方刀法套路, 如果合擊起來威力無窮, 但要取對方性命, 則非一時三刻可分勝負。

"心亂如麻!""披麻戴孝!"一連兩記殺著從不可能的角度閃出!
"一江春水向東流!" 對方竟以一招破兩招!
"鏗!鏗!!" 兩刀倏合即分, 就此當而, 兩人刀勢一變, 竟同時使出最後絕招!

"快刀斬亂麻!!" "抽刀斷水!!"
兩套不快的刀法, 最後殺手?竟然是"速度"! "快刀斬亂麻"以數倍的速度, 使出本來既慢且綿密的刀勢, 頓時兇險十倍! "抽刀斷水"則以最快最熟練的手法抽刀橫斬, 比一切進入刀鋒範圍內的敵人都更早斬中對方!

生死一線!
佘排山不單刀鋒, 連自己都被籠罩在"快刀斬亂麻"的刀勢內, 但他對自己的絕技"抽刀斷水"很有信心, 在這一瞬間也不容多想, 斷!!

"噗噗噗噗噗!" "颯!"
佘排山身中多刀, 連要害也被擊中。他想不到焦無語竟然避開了致命的攻擊, 以非要害位置硬受了一刀。戰術成攻, 佘排山看來活不久了。
焦無語突然臉色一變。"有毒?!"
他二話不說運功抗毒, 然後以刀抵住佘排山, "我還有一個時辰, 快把解藥給我, 否則我還夠時間把你一家殺光, 嘿嘿嘿!"
佘排山氣若游絲, 從懷中掏出一條匙, "匙...解...解藥...吃..."竟就此斷氣。

焦無語二話不說, 拿過匙就直奔佘排山大宅。鎖匙質感與一般的不同, 想必鎖住了極重要的物事。他趕到了佘宅, 一腳踼開大門, 直喝, "有誰知道佘排山的夾萬在哪裡! 快說! 若有一時半刻延遲, 我把你們殺光!"

佘宅內竟然無人知曉。
"焦大哥...他呢? 他怎麼了?" 是他曾經喜歡的女人。
"我把他給殺了, 哈哈哈! 快把夾萬的位置告訴我! 不快點我把你們全部都殺光! 全都殺光! 快呀!"
女人把一大包金銀財寶拿出來, "焦大哥你...他真的沒有什麼夾萬, 值錢都在這裡了, 我們沒有能力報仇, 也不會報仇, 這些你拿了去就走吧!"
"我要的不是這些! 快呀! 我要夾萬!!"

他開始感到毒要攻心了, 他著急了, 他開始殺人, 但一直也沒有人告訴他, 難道大家為了錢寧願命都不要?
終於全部人都給他殺光了, 只剩下女人, 他曾經喜歡的女人。他也已經快沒有力氣了。
"小岑...快...告訴我..."
"焦大哥!我真的不知道呀!"
"噗!" 一刀砍翻。
"想不到我竟然贏了他...卻要毒發身亡...為了什麼呢...為了什麼..."
"毒...你...要解藥...嗎? 你...你有鎖匙...嗎?"女人也只餘最後幾口氣了。
"我...就...是...在尋找...那...裝著,,,解藥的...夾萬..."
"鎖匙...就...是...解...解...藥..."女人死了。
"什...什麼?!"
焦無語掏出那"鎖匙", 立刻拋進口中, 吞掉。果然腹中涼涼的, 像是正在解開了身上的毒。可是太遲了。毒已經蔓延全身, 來不及了。
焦無語望著他親自殺死, 那曾經心愛的女人, 慢慢的沒有呼吸, 死, 不瞑目。

人與人之間的關係, 一旦牽扯到就像亂麻一樣, 沒有解藥, 沒有鎖匙可以再解開了。唯有一刀兩斷, 以死作結。

完

十二月十一日 -- 雜記

2011-12-11T23:56:00.002+08:00

5/12(一) -- 收工同Crystal姐姐係APM食牛陣, 補慶返佢生日; 好耐無見佢啦, 佢大一月中生日都無搵佢; 原來佢要搬屋啦; 好喜歡同佢傾偈, 雖然佢已經係兩子之母, 但係仍然可以keep到好年輕噶思維, 同時又有人生經歷, 而且係會全力支持同鼓勵我噶人, 係會好想向佢撒嬌噶人呢! 同佢吹左好多水, 講下佢要搬屋同佢個仔d野, 又講下我d野, 食到夠鐘就係APM行下, 到九點幾就散。

6/12(二) -- 收工返企食飯。

1. 已決定無論呀哥搬得走未, 係聖誕前我都會搬返去住了~ 幾時好呢?

7/12(三) -- 放假一天; 起身過荃灣, 呀Jo因事遲左, 自己行左陣, 之後食"爭鮮", 第一次食呢, d野平得來都唔太差(當然都唔係好好啦), 都OK噶; 之後去左愉景新城噶"幪面超人"展覽, 睇完就搭巴士入石崗, 郊遊一番; 係石崗行去河背村, 條路好易行, 完全唔辛苦, d景色仲好唔錯呢, 值得一提噶係果個農場牛奶同埋燉奶、薑汁撞奶, 非常得! 行完同呀Jo散, 出去紅磡國際都會foodcourt等埋Barry同usual gang(Barry, Sanny, Amy, 呀C, 仲加多個佢地同事Eva)食野, 之後睇黎老明演唱會, Sanny有免費飛就緊係去睇啦~ 11點3散場。

2. 講真, 黎老明個concert都幾搵笨, 8點9開場, 中間有好多講野位, 仲要係搵李思捷同一個唔知乜水係度講野, 加加埋埋好多時間; 唱到未11點就握手位, 竟然連續loop"我的親愛"好多次, 到到11點3島握完手, 就散場, 超搵笨, 其實佢唔係真係唱得十分多歌咯; 中間keep住見到有人離場, 去到握手位可能d人知道無野睇, 都走左好多, 完場連encore都無人叫就散水; Guest有陳小春同JW, 陳小春竟然唱左首佢唔太hit但係我鍾意噶歌"相依為命"; 我地6個人竟然係我最似fans, 全場d歌有8成都可以幾乎成首背到跟住唱, 又睇得算投入; 另外有2個人一直無咩表情同反應, 有2個就一直係度吹水同玩電話, 一個就因為不嬲細個鍾意開所以都OK投入。呢個晚上噶活動都幾好笑...嘿嘿...

8/12(四) -- 收工一家人(除左呀爸平時成日去所以無去)一齊去北角探呀麻; 佢身體愈來愈唔得了, 唔認得我地, 講野又唔知講咩, 身體好差, 對手見到得返皮包骨...總之睇到都覺得...; 探完上左渣華軒食飯之後返企。

3. 收工同陳同學一齊hea左陣先散, 佢講左少少佢噶苦衷; 仲有講左有時有d野真係要Gamchulia先得。

4. 自己意志力差過以前好多呢, 要慢慢build up返; 幾時先可以將自己噶心理質素追返以前咁? 真係千年道行一朝喪呀。

9/12(五) -- 收工同Barry, K, C, Amy, Sanny同佢個女去沙田新城市睇果個Starlight Garden, 都幾靚呢; 之後一齊去左博康打邊邊; Tracy唔開心搵我, 打完邊邊出左APM陪佢, Barry佢地就去左唱K; 陪完Tracy再join返Barry佢地唱到5點9散場返企。

5. 好多年以來第一次返到屋企無沖涼就上床訓覺! 不過著左乾淨長褲+新襪遮左d污糟位, 張床無污染到, 係個枕頭姐~

10/12(六) -- 訓到中午起身出門口去呀儀噶wedding; 下午係北角教堂睇佢行禮; 之後成班同事去agnes b cafe, 呀Nat同佢地唔太熟怕無咩講, 於是我同佢就無join, 係北角Clover坐底食cake同吹水(同熟噶朋友吹水N耐真係好free同開心呢), 坐左好耐之後就去商務睇書, 2個傻瓜係書局企係度一齊睇蘇民峰同麥玲玲噶來年運程, 超八卦feel, 同埋係度喪笑咯, 好低能呀~~~ 之後就去CWB皇室堡飲呀儀果餐。

6. 聽朋友K的事, 佢果個對方做噶野, 之前唔知咁多, 都尚算諒解; 但知多d之後覺得真係唔多掂。

7. 今日收到message, T同學散了。

8. 舊同事Erika終於又有回覆, 佢細佬噶情況我都唔係度多講了...不過聽完真係有d驚驚地, 同埋好鄧佢覺得辛苦; 亦都好擔心Erika呢, 佢自己都話好辛苦, 好難支撐; 希望佢地一家都快d無事好返啦。

11/12(日) -- 今日全日都唔出去唔打波, 起身就執野搬返去了; 終於返返去, 好舒服, 在家千日好!~~

9. 其實我無嫌到果邊屋企, 同呀爸呀媽全都好好呢~ 見多佢地好多, 而且好多野都方便左; 當然張床同小強都好大問題, 但係其實都OK噶...反而自己覺得自己阻住佢地, 夜返沖涼又吵到佢地訓覺, 又成日霸左個電話呢, 雖然都知佢地唔會介意, 但係overall來計都係覺得返返去七座住好d~~

來緊:

12/12(一) -- 同日安行好耐無行的SSP, 順便睇下有無貨(禮物s)入
16/12(五) -- 同大張等人食晚飯慶祝Helen媽生日, 又來...不過今次會儘量有交代, 影張相比大家睇 XD
20/12(二) -- 睇話劇"微男搏女"wv呀Jo
21/12(三) -- 同Nat華哥Joyce晚飯X'mas Gathering
23/12(五) -- X'mas Gathering of 八婆
24/12(六) -- X'mas Gathering wv 死黨s
25/12(日) -- 暫定?BBQwv 死黨s
1/1(日) -- Kman Bday Gathering

完

給她的信

2011-12-09T19:04:00.003+08:00

芷慧,

今晚很開心, 可以跟你一起到我們相識的餐廳一起吃晚飯。

回想起第一次見到你、認識你, 已經是十四年前的事, 也就是在這位於窄巷旁的西餐廳。可十多年來, 才第一次跟你吃"雙人套餐", 我們卻都已經不是情人的關係了。

那次偶然的認識了朋友的朋友的你, 老實說, 初時並未太留意到你。可能我比較害羞吧, 甚少跟初相識的人談話。想不到我們相識之後, 相交、相知、相戀, 竟然就這樣走在一起, 經歷了那麼多風風雨雨。曾經快樂過、悲傷過、憤怒過、激烈過、平淡過, 兩個人就這麼闖進了對方的生命裡, 留下了這麼多不可磨滅的印記。

在今晚這麼特別的日子, 特意約你到這間我們相識的店子。想不到店子還在, 店子的裝潢也沒多大改變。一直多麼的想感謝你, 陪伴我走過了這麼多路。今晚是我們相識十四週年, 也是我們結婚的第十個年頭了。在此希望我們可以一直一直快快樂樂的永遠在一起, 像我們初相戀的時候甜蜜, 也希望我們的孩子健康快樂的成長, 等他們長大了我就可以跟你實現我們的夢想, 環遊世界。

芷慧, 我的老婆大人, 隨信附上鮮花一扎, 禮物一份, 還有, 再把自己送給你一次。我愛你。

夫,
泰

白雲

2011-12-09T19:04:00.001+08:00

他躺在總壇山頂的一塊大石之上, 雙手枕著頭, 翹著二郎腿, 望著天空。他喜歡這樣仰望著天空, 看著白雲一片一片的飄過。有時烏雲密佈, 甚至會下著大雨, 但他也喜歡就這樣躺著, 任由大雨打在他的身上。看著天空, 無窮無盡, 思緒無限, 想像無限。只有這樣才可以使他的腦袋慢下來。

對, 他的腦袋中的那樣東西"轉"得太快。
小時候的他就已經與眾不同。他腦筋轉得很快, 領悟力超強, 任何事情他很快就學會, 而且很快就拿到訣竅, 完全掌握到該技能的要點, 是一個不折不扣的天才。學武也一樣, 雖然他的身體、肌肉力量、彈跳力、微調控制身體的能力都不是最頂級, 但他所有武功幾乎都一學就會, 而且能發揮至極致。隨著時日的過去, 事半功倍, 很快就成為了絕頂的高手, 武林中人稱無敵的戰神。

對他來說, 武功也許只是人生的末節。他追求的是他自己的人生。他明白世上很多的道理, 看穿、甚至看透一切。他聚集了好伙伴, 快快樂樂, 一起闖天下、打天下。對他來說, 幹一番事業可能也只是人生的末節。與愛的人、喜歡的朋友一起享受過程才是最重要的。

他看透一切, 卻看不透"情"。與"人"的各種情感 -- 家人、朋友、情人的情。可是他卻看不到"人"是多麼可怕, 不明白"人"的惡意是多麼的可怕。即使他不麼不在乎他所擁有的一切"身外物", 但他在乎身邊的所有"人"。可是又有多少人會像他一樣呢? 他著重的, 並不一定是他身邊的人所著重的。他們有實力, 慢慢的就有勢力, 有錢, 有權。這些都讓他身邊的人腐化了。

他是多麼的相信朋友。可是背叛、欺騙、死亡、失去...各種的負面情感衝擊著他。他的腦筋轉得快, 精神時間也會比一般人過得快, 在同一時間內所感受到的也比別人多很多很多, 惡性循環使他的精神愈來愈受壓, 然後崩壞、被逼得瘋了。當然, 也包括了他最好朋友的背叛、愛人的背叛、朋友的死、被下毒、走火入魔...還有很多很多。

從此, 他的精神就變得很不穩定, 很異常, 變得像個瘋子。不折不扣的瘋子。面容像痙攣一樣, 腦子也不能正常的轉動, 隨時突然的就殺人, 偏偏武功仍然很強。幫派的主導權落入了別人的手, 偏偏那人卻又是為名利沖昏頭腦之輩, 徹底腐化, 無惡不作。幫派名聲愈來愈差, 他卻像一點也不知道, 被過去的"朋友"鎖住, 限制了自由。

終於一次他的腦袋偶爾回復正常, 可是他的身體狀態已經很差。他暗自閉關, 要回復自己的腦子、身體。可是他的"朋友"也是才智卓越之輩, 幫派的勢力被穩定之後, 就要殺了他這再沒利用價值的人。他還未完全恢復, 被重重的暗算了, 可是也成功的出走了。

武功暫時全失, 可是腦袋也變得清醒。他明白一切因果, 明白了人生, 知道自己想要什麼。他遇到了兩個年輕的小伙子, 他看到他們潛力非凡, 最可貴的是他們的友情、他們之間的牽絆、信任是何其強烈。他希望他們可以不要像自己一樣, 他喜歡他們甚至於與他們結拜為兄弟。他們雖然不知道他是誰, 但也肝膽相照, 信任他, 就像他以前對他的朋友一樣。這使他很快樂。

他的組織壞透了, 成為了武林公敵。所有幫派中人都應付不了。他覺得這幫派變成這樣都是自己的責任, 自己應該收拾這爛攤子。他仍然有幾個最可靠的伙伴, 絕對的信任的伙伴, 他還有兩個新的"兄弟"。

全江湖都知道, 另外兩大幫派已經聯合起來, 準備進攻總壇。大戰在即, 他不知道結果會如何, 但是他很享受這樣躺著, 望著天空, 望著浮雲, 繼續讓那仍然有時會不正常的腦子快速轉動, 讓思緒奔馳於無限的空間之中。

完

十二月四日 -- 雜記

2011-12-05T00:48:00.000+08:00

28/11(一) -- 之前話過煮返餐住家飯比Amy食, 雖然星期六煮左, 但係約左呢日, 都再食多次啦; Amy, Sanny同Barry都來左, 由於收工買送所以都係煮返d快野啦~ 食完吹下水再去坑口食聰嫂後散; 其實同佢地hea都幾relax的。

1. 又怒剪左頭髮。

2. 我發覺有時我真係好蠢下, 咩都攪唔清...

3. 今日係公司chok某同學, 佢竟然講大話, 哈哈; 最好笑就係我明知佢講大話, 又唔想踢爆佢, 哇哈哈。

4. NBA將會係X'mas開季? 遲2個月呀~~~不過都好過無呀~~~

29/11(二) -- 收工同同事Penny去東港城影小丸子, 之後食左Saizeriya個意粉, 開左年幾, 終於都無以前咁多人排隊啦, 之後再食埋聰嫂後返企, 9點返到好早呢~~

30/11(三) -- 放假一天; 難得訓到10點幾先起身; 一起身知道左個fnd個細佬原來有份係花園街大火, 入左醫院要做手術, 似乎都幾嚴重, 希望佢無事啦(晚上知道入左ICU); 約左呀源, 中午來TKO, 來我家copy d file, 下午想睇"In Time", 係我家copy完d file之後1:15, 先去睇下果場幾點, 原來係1:40, 即時走人lunch都食唔設係樓下買d小食就跑過去, O岩O岩來得設; Fontane係我地搭MTR時搵我話食tea, 睇完戲出來佢係灣仔, 於是就同呀源過左去同佢坐下吹水食d野, 之後仲行左好耐無行噶188同埋太原街(Fontane未行過呢), 無買野, 之後散水; 同呀C傾開我係灣仔, 話一齊食飯, 係WC等到7點幾, 同呀C同Sanny去左TST韓國街食"北口韓國地道小食", d野幾平幾抵食又幾好食呢, 食完散水。

5. Hunter又出多一期~

6. 覺得好似愈來愈多小強, 加上愈來愈覺得張床唔多掂, 愈來愈想返去住 =_=

1/12(四) -- 收工過去SSP, 買呀進噶生日禮物(MG OO Raiser), 之後出MK瓊華Neway同呀進慶生(Gordon, Wendy, Connie; Erika因家事來唔到); 見呀進收到份禮物超開心, 好少見佢果個開心噶樣呢, 緊係啦, 我知佢想要咩呀嘛哈哈; 當日係開晒聲之後試唱左"那些年"同埋"你不知道的事", 竟然唱到喎, 連"那些年"果2粒高音位都上到, 哇哈哈~ 到11點島走。返到去上左呀哥果邊拿返部相機先返去。

7. update: 朋友噶弟弟個肺壞左, 用緊人工肺, 入左ICU; 佢弟弟噶女友走左...聽到呢d消息, 全日都好心up...

8. 終於拿返自己部相機, 都係自己相機順手d呀~~

9. 明顯地感受到自己肥左, 真係要努力減肥啦。

2/12(五) -- 呀源生日快樂; 收工約左好友們(民民Fontane etc)同佢慶祝生日, 去左Nat推介噶Small Potato Cafe @ CWB, d野食OK喎, 仲估唔到有足球機添! 打左鋪, 我同呀源d技術都仲有d喎哈哈~ 食完飯hea到咁上下吹下水之後散。

3/12(六) -- 天氣幾凍, 全日係屋企訓訓訓 =_=; 早上10點幾起身, hea到食晏, 食完晏又訓訓到4點幾, 訓到頭都赤 =_=; 食完晚飯同呀媽呀哥去行下係屋企樓下新開噶Wellcome, 無咩好行, 之後過左七座拿返d野(頸巾etc)之後返企。

4/12(日) -- 一早起身去打波, 維園開工展會有排都無得去打, 轉場去Quarry Bay; 打到咁上下同民仔一齊走, 食少少野之後係CWB meet呀C之後一齊去Jordon, join埋呀源Barry佢地唱K, 又係2-8好抵唱(仲有呀源生日優惠)~ 唱完join埋Amy同佢朋友Tommy一齊去廟街食殘忍飯, 差過以前了...之後再去食個糖水後散。

來緊:

5/12(一) -- 同Crystal姐姐食飯, 好耐無見佢啦, 佢生日都無搵佢; 原來佢要搬屋啦; 好喜歡同佢傾偈, 雖然佢已經係兩子之母, 但係仍然可以keep到好年輕噶思維, 同時又有人生經歷, 而且係會全力支持同鼓勵我噶人, 係會好想向佢撒嬌噶人呢!
7/12(三) -- Sanny竟然有免費黎明演唱會飛! 同佢地一齊去睇。
9/12(五) -- 去沙田睇果個燈+打邊邊wv Barry & Co.+好友
10/12(六) -- 下午去觀禮夜晚就去埋飲of同事呀儀

完

十一月二十七日 -- 雜記

2011-11-28T01:06:00.000+08:00

21/11(一) -- 竟然7點半先收工; 過MK同Nat華哥同Joyce食素食一家, 之後再去石磨坊; 十點散。

1. 連續唔夠訓+唔好訓之下, 開始頭痛。

22/11(二) -- 是日頭痛, 不過公司可能有野要update, 都係返左工, 下午想Sick Leave或者Medical Appointment走, 但係都無; 收工返企食飯。

2. 轉載電視對白: "真愛就像鬼一樣，相信的人多，遇到的人少"。

3. 收工返企前去左屋企附近唯一一間玩具店"偉龍"睇下, 點知執左; 而家我家附近已經係一間漫畫店同玩具店都無了......

23/11(三) -- 收工返企食飯。

4. 感覺愈來愈遠, 愈來愈遠...

5. Youtube見到原唱"那些年"果個人唱Live都要降Key, 唔怪得啦~ CD版最高果幾粒音真係無咩幾可可以真音上到去的, 降左Key我都唱到啦~~ :P; 講返首歌, 我覺得個反正都係流行曲, 個編曲鋪排可以再好d呀哈哈。

24/11(四) -- 收工去MK"日之食", Barry生日飯第一擊wv呀Jo同KT; 由於第日要FS所以都係想早d返企, 不過都差唔多10點先走。

6. 其實總是不被祝福、不被期待。

7. 有d人話, 要做自己, 想點就點; 但係稍稍表達出自己噶意願, 已經比人覺得唔considerate, 脾氣唔好(?); considerate、細心d, 又話我無左自己; 咁即係要點呢?

25/11(五) -- 舊IIA同事們gathering, 慶Puzzle生日, 但係因為公司突然要做Freezing Survey全日到夜晚9點半, 所以去唔到...; 今日做FS唔太忙, 所以都唔係好辛苦, 但係呢排都訓得唔好, 所以好眼訓; 值得一提今次公司d伙食OK, 最正係夜晚果餐個湯, 超足料同濃味, 好好飲。

26/11(六) -- 一早同Barry佢地約左呢日去join果個地質公園遊, 所以唔去FS; 8點係坑口join左呀C搭van仔入西貢, 超快, 比人昆左添 XD; Barry同Sanny來埋之後一齊食早餐(Amy因事唔來); 個團都係heahea地, 有時係船上hea下聽導遊講野同睇下野, 同上年公司果個有d唔同, 就係間唔時會上岸行下同睇下野, 今次去的地方大部份都係未去過噶(得一個橋咀去過); 雖然影左好多相但係又唔覺得好多相可以影或者值得影; 完trip大約5點, 大家一齊去我家樓下買送上去(七座, 呀哥呀嫂去左旅行)之後我煮飯食, 食完Sanny個女咁O岩係TKO叫埋佢上來, 一齊睇十月圍城(我睇過, 不快回憶...), 同埋同Barry(順便同Sanny個女, 佢同Barry同月同日生)慶祝生日; 慶完睇完套戲十一點半佢地走。

8. 睇來NBA的owners同players傾掂數啦, 雖然遲d, 但係有得開季啦~~會係12月幾開呢?

9. 好想留係七座果邊訓呢~~真係舒服好多呀~~~~

10. 不協調感。

27/11(日) -- 好彩今日唔使返FS, 可以抖; 超級累, 九點幾醒過, 再訓到11點。起身hea到食lunch, 食完之後又再訓, 好累呢。5點幾出去九龍灣同舊同事Erika行左陣再食左飯, 之後睇丁丁歷險記(搵到人一齊睇真好), 都幾好睇喎; 睇完散, 點知Erika漏左d野係我度(幫佢袋住大家都唔記得), 結果我都係要返SKM拿返d野比佢, 11點半先返到企呢。

11. 睇其他戲噶trailer, 宮崎駿新果套片個歌好好聽呢! 成個trailer一開始無聲, 一來就開聲唱, 好得。不過呢套反正我本來都打算睇的了。

12. 今日係九龍灣時見到某同學, 仲見到佢同某好朋友拖住手行, 比我斷正無得解釋啦哈哈(佢見唔到我), 仲要之後睇戲原來同我同一場, 哇哈哈, 不過佢應該由頭到尾都見唔到我。

來緊:

28/11(一) -- dine wv Amy & Sanny
30/11(三) -- 放假一天
1/12(四) -- 同呀進慶生

完

十一月二十一日 -- 雜記

2011-11-21T00:39:00.004+08:00

14/11(一) -- 收工同日安、盧撈、Carol、呀儀去九龍灣Pokka Cafe食飯, 補慶日安同預祝呀儀生日。同幾個熟噶朋友一齊hea好舒服呢, 同埋大家係度玩影相好好笑。

1. 呀源同我講佢發個夢噶內容, 加埋佢以前發夢噶經驗, 如果係都勁喎~

2. 公司IT system無啦啦攪野, 攪到我老細(同埋其他部門)佢地都上唔到網? 我地本來就上唔到, 無咩影響, 但係如果佢地都上唔到, 會多左機會來攪我地嘛 =_=; 另外, 咁我以後仲打唔打野好呢? 有無同事可以幫我send到d文出去呢? @@

3. 陳同學日遊返來, 多謝佢噶手信同埋幫我買噶野; 另外同事們抽籤聖誕禮物, 今次...我覺得個結果幾好笑呢~ 哈哈。

15/11(二) -- 4點KC006出site, 可以早d收工, 所以可以唔帶野返工, 收工先返屋企換衫再拿野出去; 落到樓下行緊去MTR時竟然遇到關老B; 7-9同BarryGeorgeGeorge老婆Christy呀強Amy呀C係灣仔打毛毛球, 之後去左灣仔出名噶街市大排檔榮記食飯, Sanny join埋, 我都好耐無去過榮記啦。

4. 經歷左好一段時間噶努力, 終於攪完左個手作仔, 真係整到人都癲, 明明對人來講係簡單噶野, 自己都係好唔擅長D剪貼功夫, 救命呀~~ 效果同預想中爭好遠, 點解人地呢d野可以整得咁靚架~~~

5. 今天的感覺係, 我好似有d奶野。

16/11(三) -- 收工過TST約左魷魚食飯同行The One; 係The One的金牌小籠包食飯, 都ok啦, 估唔到DBS卡有折添; 之後上去行果間鋪頭, 今次慢慢睇, 好多野都好得意呢, 不過真係好貴; 有需要時買來做禮物係好好噶選擇呢。

6. 臨收工知道左老細明天training一天, 連埋我後日又放假, 連續四日唔使見到佢, 哇哈哈哈哈。

7. 極度討厭呢邊有好多小小強 =_=; 即使有呀爸呀媽係度有幾好, 其他野唔方便又好, 訓又唔舒服都好, 小小強呢樣野真係令我勁唔想係度住。

17/11(四) -- 收工返企食飯。

8. 某好友打來, 估唔到某好友噶好友係咁, 都幾大件事; 之後咁O岩bad-end人打來, 又講埋佢d野, 我真係頂佢唔住, 大炳左佢, 不過都比佢拖左我十幾分鐘...其實佢咁噶性格真係好唔掂。

9. 鼓起勇氣hi左之前因為自己妄語而令人唔開心果個朋友, 一直都唔敢hi佢。總算佢都有re我, 起碼表面上都好似無野咁呀, 有少少安慰...

10. 愈來愈頂唔住呢間屋。

18/11(五) -- 同呀Jo夾左請一日假一齊hea, 決定左行MK同TST(好耐無行過, 上星期係陪人行); 下午2點去左MK係女人街食左炳記牛牛(好耐無食過), 之後去左行朗豪坊, 行左成個商場, 不過都無咩O岩買, 順手影左d Hello Kitty; 之後去左釆豐行買左要買噶野, 原來呀Jo未去過, 結果佢仲買得多過我; 之後行左下In's Point, 行完就過左去蘭芳園食晚飯, 食完本來想去1881同海港城影下相, 點知落雨, 於是就散水返企。

11. 唔知點解感覺怪怪...唉; 其實何必諗咁多, 又何必有咩計謀呢? 想點就點, 隨心而行啦...

12. 同某友傾開, 原來我比人噶感覺係超女仔; 同埋脾氣唔多好; 同埋有時講野有攻擊性; 同埋有時太認真過份嚴肅...Oops...係我真係咁, 定係比人感覺係咁? anyway, 我都話我而家真係比以前愈來愈差呢; 哎, 極度影響心情...不過, 我會積極的, 要努力比人唔好有咁噶感覺吧...(或者應該話, 努力改左唔好噶野?)不過, 感覺上我比較好噶地方都無埋了...究竟我仲可以點呢? 講真, 我從來唔覺得自己有幾好, 但又無諗過咁差。

13. 我承認, 我對自己的想法一點兒也不坦白。

14. 很晚也仍然不想睡。

19/11(六) -- 同Lands舊同事(呀進, Wendy, Erika, Connie)去Gordon家; 咁O岩呀嫂同一時間又係要去果頭呢, 一齊搭巴士過去; 一班Lands舊同事係Gordon家, 玩XBox Kinect, 我係第一次玩呢, 都幾得意, 個感應好過Wii呢; 之後就打邊邊, 開住電視睇台慶, 都幾無聊呢, 雖然有d位都幾好笑噶; 大家又玩下board game, 果個board game都幾得意, 唔記得叫咩名; Erika手按摩好夠力好OK呢! 到11點半島夾埋呀哥呀嫂一齊返TKO。

15. 感受到自己, 原來又唔係鍾意自己一個, 又唔係鍾意同一班人一齊, 原來係幾鍾意享受"同一班人一齊又自己一個"噶感覺。

20/11(日) -- 今日同死黨圈聚同唱K, 1點到8點, 唱K都係咁, 無咩好講了(那些年有得唱了)。唱完去左蘋果食埋飯散。

16. 最近都超無心機, 好似周星星講咁, 好似條咸魚咁。

17. 返到屋企, 頂唔住沖涼前用左幾分鐘剪左d頭髮。

來緊:

21/11(一) -- 同Nat等人食飯
24/11(四) -- Barry Bday dinner wv Angel & KT
25/11(五) -- 舊IIA同事們gathering, 慶Puzzle生日
26/11(六) -- Out wv Barry etc

完

一首好鍾意好鍾意的打鼓機噶歌, 超愛, 可惜無long version; 就算係好易打噶歌, 以前都會成日選來玩。

攪手

2011-11-20T01:34:00.001+08:00

由好多年前開始, 我都係做"攪手"的角色。
首先申報, 做攪手完全係義務性質, 完全係一d利益都無o既。

一直都話, 做攪手係一個吃力不討好o既角色。
一個攪手, 要問好晒d人幾時得閒、想去邊、有咩唔想食/去、幾點、有無咩其他preference...等等, 就一定係煩到人; 你估個攪手好想搵你地咁多次? 你估個攪手好想成日d日子時間地點改來改去? 屎忽痕噶係其他團員, 個個係唔同噶範疇都有唔同仲要係攪到最好最fit? 個攪手又唔係你地條蟲, 鬼會知道晒所有人想要d咩? 幾了解都無可能啦, 始終都係要搵多2次~

仲要呢, 梗有人無啦啦再突然又想改野, 又或者個客觀因素有變(天氣/鋪頭等等問題); 咁無啦啦有唔同, 係咪又要變? 唔變的話係咪個個都唔會blame個攪手先? 仲有, 個個話無所謂, 但係最後又好~~~多聲出架喎, 無所謂的話係咪唔應該出聲呢?

如果唔問大家, 個攪手自己決定晒, 又話佢唔問, 專制; 問的話就一定煩, 又話煩住晒; 有野要改又話屎忽痕改來改去; 而家呢d野都係攪手噶責任咩? 一有人話改, 個個都係blame負責聯絡果個攪手, 個攪手由頭到尾都無任何自己噶意見或者要人就, 要人就噶係d團員喎?
跟住到時, 間鋪頭有咩問題唔好吃呀、安排有問題呀、要等位呀、天氣唔好呀, 都係會怪晒個攪手架喎? 個攪手係萬能? 個攪手負責盡量集齊所有人噶意愿, 去約人book台同埋做聯絡人咋!咁叻你地自己攪啦!

最屎忽果d係唔confirm果d人(呢個現象唔只發生係gathering, 就算單獨約會都係); 有d人要睇有幾多人來、有邊個來先去唔去, 頂你呀, 而家攪個gathering, 你來就來唔來就唔來啦, 個個要咁樣就無人confirm啦, 無人confirm就唔使book位唔使攪啦?! 痴忽線架。

仲有樣最屎忽噶, 就係自己明明得閒或者無人約, 但係個priority就將呢一group(或者約你果個人)擺得低d; 於是就唔confirm, 或者話暫定果一日, 到到如果有其他高d priority噶人約佢, 佢即時就話唔來; 你以為唔約實就無責任? 你hold住左人架, 人地諗住你可能係果日, 就唔約其他人架, 你係得閒係有興趣就來咯, 唔想就唔好來咯, 有咩"暫定"姐? 最衰就係到最後真係有其他人約就即走,仲要果d其他人唔係事先搵定佢個喎, 只係將個priority低噶ignore左, 然後就話我無約實你架, 咁都得?

或者有人睇到呢度, 會話, 咁多野講咁不滿, 你咪唔好做咯。係架, 其實有咩必要做? 做果個有咩著數? 有錢收? 有女溝? 痴線。無人做就無gathering架啦, 跟住d人又會呻, 無人攪活動, 又話愈來愈疏遠, 又話呢樣又話果樣的。跟住第二d人攪啦, 就仲衰, 無來搭霎一塌糊塗, 完全無組織性, 亂晒籠, 都唔知點解攪個活動都攪成咁。

以上呢d野唔係我齋講, 而係確實地所有野都係發生過的。
總之呢, 第日有咩gathering一係唔好搵我攪, 一係就真係由得我攪。我始終呢都係會搵多大家2次, confirm大家盡量有咩o岩的時間地點等等, 但係就唔就得晒所有人呢, 都只係盡量而已, 如果要吵呢, 咁sorry啦, 唔好搵我。

完

hea底

2011-11-17T19:37:00.001+08:00

明明呢排想作下故仔, 但係最終又係係度敘事。
又係講下自己。

**********

我諗可能都好多朋友會覺得我個人好hea底。今次當係自我辯護, 雖然又可能大家覺得解釋等於掩飾 XDD

唔知點解, 自己慣左個人噶精神、身體、各方面顯示出來都係"輕鬆"噶。就算係以前讀書、讀part time、做野果時, 就來到deadline或者個量好多, 如果一個唔關事噶人經過見到我, 應該都會覺得我好似好hea咁。呢個就係我慣常比人感覺到噶狀態。

以果時讀part time為例, 最後要交dissertation果期, 有一排成日同個fnd一齊漏夜做功課。佢就成日對住部電腦, 諗到諗唔到都係度打份功課(或者抄下人地果d)。我就成日hea住一隻字都唔打, 又行來行去, 攪下呢樣攪下果樣。其實呢, 我個腦係一直諗緊點做, 一直組織緊成個大綱, 前前後後同某d細節。結果呢, 去到唔記得幾點, 佢見佢d字數ahead住我好多就恰左, 我就後尾諗好晒開始做。到佢醒果時, 我就差唔多做完了。

我係有少少個情況要我比幾多我就出幾多力果d傾向(當然, 係講緊一d我唔係喜歡做噶事啦)。

咁喜歡做噶事呢? 呢個motivation就真係會大好~~~多。
同做功課一樣, 當我真係要做果時就會好快咁cher住來做, 唔同噶係, 功課果d要時間蘊釀, 去諗下點做, 同埋培養下情緒。但係自己喜歡噶野呢, 就一來就會好自然咁cher住去。自己噶興趣真係唔使多講啦, 有時一玩、一睇、一咩都好就停唔到落來, 樂此不疲。

另一個motivation係"人"。如果係為左自己喜歡噶人, 或者重要噶人, 個動力都會大到我cher住去。當然啦, 係感覺到對方唔太需要、未太需要我噶時候, 我都好似係hea下hea下咁, 但係如果有事發生, 或者有需要去做某d野時, 我都係會cher住去的。(呢個就係某好友話我會訓身噶原因?)

又舉個例啦。上星期日打波就完全係咁噶情況啦。我個死黨兼best Fnd係星洲返來, 早上一齊打波。我即使平時打波幾落力都好, 有時好累或者痛噶時候, 都會有少少懶懶地, 走少兩步。但係當日同佢同場時, 我係勁超級勤力同cher到盡, 有波無波係手都勁走位單擋入攝, 連波都射準左, 總之打得好開心。所以呢, 尤其我呢d自認重感情噶人來講, 朋友, 或者話"人"對我來講都係好大噶motivation。(當然係度都係想話比大家聽果個best friend之位係無可取替的 XDD)

上年開始, 自己噶動力真係好低。當然其中原因係一個身邊噶長期generator無左。所以亦都係覺得自己愈來愈差噶原因, 個渦輪一直只係靠以前剩餘噶能量同埋間唔時有噶風力來run, 邊度有得好似以前咁有power同埋積極呀...至於對人方面, 仲有一樣野呢, 就係我覺得自己其實真係幾怕醜。平時講笑果d我可以好唔要面, 但係平時我真係我唔懂得表達自己好喜歡家人朋友果種情感。寫blog我不嬲覺得無人睇同埋真係想記底自己諗咩先咩都寫出來, 但係平時相處, 就算對住身邊人, 都會好似好無所謂好hea咁。

由於以上噶各種原因, 希望大家明白平時"覺得"我hea底噶原因, 可以比我係適當時候繼續hea落去。或者希望大家比我呢篇野呃到啦, 哇卡卡卡卡。

完

十一月十三日 -- 雜記

2011-11-13T22:37:00.002+08:00

7/11(一) -- Jenny來HK, 本來話搵我食飯, 但係臨時唔得, 臨時返企同呀哥呀嫂落街食飯。

1. 終於搬左部腦過去。

8/11(二) -- 收工過TST同Jenny食飯。好耐無見佢啦, 個感覺好奇怪...=_=; 佢趕住搭8點車, 所以去到佢已經求其搵左間茶記坐住等, 一入去就叫野食食完就走, 都無點同佢傾過咩偈; 佢7點9島就到KLT去搭車, 我就好早返到企。表妹同佢老公係Macau來左, 明天去睇展覽, 今晚係度訓。

9/11(三) -- 收工返企食飯。九點幾就訓左。

2. 恭喜魷魚成功做左perm SO, 叫係踏入左人生另一步呀。

10/11(四) -- dine wv Nat Wacoal Joyce cancelled; 收工返企食飯。

3. 本來想跑步, 不過關老B噶腳起水泡唔跑, 又凍凍地, 我都無咩心機去跑了; 都係留返星期日打波啦!

11/11(五) -- 終極光棍節; 不甘寂寞, 星期三臨時聚眾食飯, 叫到好多人呢~~ 又係一呼八應!! 收工同小暈, 姑姑, 八妹, 呀進, Wendy, 呀C, Sanny, Amy去左試大圍雞煲, 等左好耐呢(好彩之前果日無跑步)~~ 但係真係幾好味, 可能我地多人, 每人都唔使80蚊, 好抵呀~~ d邊爐料就普通啦, 主要係個煲OK。之後再去埋附近食埋糖水先走, 差唔多12點先走呢。

4. 日安勇敢地公開晒佢噶婚訊, 好為佢地開心呢~~~~ 一定無事噶, 全力支持~~!!

5. NBA有望開季了~~!

6. 呢排開始同同事打返NDS Mario Kart, 好開心有幾個人一齊打, 最正係Raymond都好勁, 大家實力相當, 好好玩好刺激呢~~

12/11(六) -- BBQ wv colleagues cancel; 同魷魚食lunch, 去左坑口村果間La Piazza食, 想試左好~~~~耐, 亦同佢講左好~~~耐話一齊去試下, 慶祝埋佢生日呢; 間野食都唔錯; 同佢傾下偈, hea下再行下坑口之後散, 3點島返到企; 之後再出去同C行左下TST, 再過港晶同民民Fontane唱K, 唱到9點半散; 同FuFu傾開偈, 同佢搭到MOS, 先再返屋企。

8. 記: 挽?

13/11(日) -- 同Lands舊同事去Gordon家玩改到19/11; 呀馬返左HK, 早上同佢打波! 佢對我來講真係一個特別噶存在呢! 同佢一齊打波我會落力好多~ 今日打波超cher~~~不過打得好開心呢~~打完超級累!! 同佢地食飯時催時同學打來, 又唔開心, 結果食完飯出左MK陪佢行左2個鐘信和同兆萬睇iPhone殼同貼; 反而我買左幾本漫畫(追開有幾本都出左新一期), 之後佢話自己再行下, 我就返企沖涼食飯, 超累呢。8點幾恰左個幾鐘先再起身執野。

9. 今日真係好耐無試過咁累啦~~ 雖然有d曬又有d熱, 但係主要真係出盡力去打波呢~~ 呀馬話佢下年應該會返HK了, 好開心呢。

10. 今日係維園走果時, 見到有隻狗狗(普通狗仲打理得麻麻地)比唔知咩人綁左係鐵絲網度, 騰來騰去又wow wow叫, 好似好驚咁, 唔知係咪比人遺棄呢? 個感覺好慘呀。

11. 行MK除左漫畫仲bonus見到一樣o岩噶野, 買左返來; 睇來來緊幾日有手作仔要做啦~

來緊:

14/11(一) -- 補慶日安生日
15/11(二) -- 毛毛球wv Barry etc
16/11(三) -- 約左魷魚食飯同行TST
18/11(五) -- 同呀Jo夾左請一日假日頭一齊hea
19/11(六) -- confirm左同Lands舊同事去Gordon家
20/11(日) -- K wv Cass etc

25/11(五) -- 舊IIA同事們gathering, 慶Puzzle生日
26/11(六) -- Out wv Barry etc

完

天真/純真

2011-11-08T21:26:00.001+08:00

好耐以前都好似有講過, 純真同白痴只係一線之差。白痴係真係咩都唔識, 未見過世面, 唔知人間醜惡噶一面, 一心仲係生活係童話噶世界入面。小朋友純真加天真, 因為佢地仲細個, 唔識唔緊要, 但係年紀大左都仲係天真, 就可以叫係白痴。係咁現實噶世界, 白痴係好難生活到噶。不過, 如果可以正面開心咁做到白痴, 無人理到佢, 亦都可能係一件好事, 起碼真係覺得開心先呀。

年紀大, 經歷多左, 一定唔可以天真(因為天真好難生活), 但係卻仍然可以純真(當然, 好難做到)。人絕對係可以出污泥而不染的, 亦可以知道世途險惡, 而仍然保持住赤子之心噶。有經歷、有過去, 可以識得分辨是非, 可以避免自己踩到人地噶陷阱, 但係都仍然可以堅持住"真善美"。係工作中社會裡不論點樣生存, 但係對自己噶家人、朋友、愛人仍然可以純真如舊, 無抵觸。

其實有少少牽涉到之前講噶"快樂"噶問題上。之前講過, 精神層面噶快樂同實質得到多少噶野係唔同, 有d人會好唔認同精神層面噶野, 即使一個人無晒手腳但係活得開心積極, 都會有好多人覺得咁係bad-end。同一道理, 有人覺得天真噶白痴係傻噶低能噶, 但係如果佢地活係自己噶世界入面, 唔覺得有咩唔妥, 係咪都係一件開心噶事呢?

又再牽涉多少少以前講過噶野, "只要唔會對其他人有壞影響, 自己開心就OK了"。其實呢個係最基本噶生活層面。當然我無意去影響人地噶人生觀, 或者否定任何人噶諗法, 不過我覺得, 要世界和平, 想大家開心, 自然應該每人行多一步。虛假、欺騙...好多好多噶負面野, 會令人愈來愈唔開心, 亦只會令個世界愈來愈爛, 因為人地做自己唔做, 最後會蝕底噶係自己。

但係如果大家向前行一步, 會唔會係一件好事呢? 當然啦, 唔止虛假呢d咁少噶野, 其實而家成個世界好多好多野都已經繃緊左, 好多野只會愈來愈極端, 要大家一齊唔玩爛、停落來, 就好似金庸係小說入面講咁樣, 兩個高手比拼緊內力, 已經係勢成水火, 好難同一時間停落來, 是但一邊都信唔過對方, 唔會有一方肯先停或者慢慢減弱噶。而家噶社會都一樣, 太多人先玩爛, 愈來愈多人跟風, 已經係一塌糊塗。不過, 總有人要先蝕底, 先行呢一步的(事實証明, 雖然唔efficient, 但係的確有好多肯蝕底噶人, 會慢慢改變到其他人, 改變到個情況), 如果唔係再咁樣落去, 情況只會愈來愈差。咁呢D人究竟係叫天真定純真呢?

Anyway, 事先申報, 我唔係純真噶人, 亦唔想係天真噶人, 我只係一個鍾意吹水噶普通人罷了。

完

p.s. 不得不讚下呀Gill, 佢話自己天真唔係純真, 畢竟無用錯詞語。

十一月六日 -- 雜記

2011-11-06T20:43:00.002+08:00

31/10(一) -- 放假一天; 同呀哥出去拿衫拿野搬野足一個下午, 夜晚返來又要買野補野執野貼野, 仲有好多親戚朋友來左又要接待下吹水, 結果係攪到好繁忙兼好夜先得有訓。

1/11(二) -- 呀哥大婚之日; 一早起身到完成都好順利, 天氣又好, 基本上都無咩好特別講。夜晚12點幾返到來, 過爸媽果邊訓, 等到姨丈姨媽呀爸呀媽2個表弟連其中一個表弟噶一個女友都沖晒涼之後, 2點幾終於到我; 差唔多3點訓, 好彩有廳噶sofa, 唔使係地下, 第二日一早佢地出晒來吹水, 照恰下最後都係9點島起身。

1. 第一次做伴郎, 真係好~~~~忙; 因為所有人等一有D咩唔知要攪比錢應酬...etc全部都話搵伴郎, 其實好多野我都係唔知的; 好彩自己不嬲真係要做時都ok攪得掂, 最後完滿解決; 當日見到好~~~多好耐無見, 但細個就見過同識噶呀爸呀媽/朋友同鄉, 仲有好多我自己識噶朋友(從唔同地方來噶都有), 勁打招呼傾偈通場走; 另外一直都覺得"呀哥結婚"無咩真實感, 又唔會話好感動, 只係覺得終於都到你, 萬眾期待, 到左簽字正式註左冊, 新人講野都係無咩感覺, 係睇片果時, 播埋佢求婚果度同埋終於禮成晒kiss埋之後, 真係好感動, 眼眶都熱左啦~~ Anyway好開心終於都攪掂晒呢。注: 比以後噶新人參考, 伴郎伴都係唔好搵親生兄弟啦, 搵個fnd做好d, 親生兄弟做兄弟就好啦, 因為要同好多親戚長輩打交道, 再兼顧埋其他所有場務係有d困難的。P.S. 間野D野幾好食~~

2/11(三) -- 放假一天; 續上: 9點起身預左比d長輩"哦"(之前果晚都"哦"左), 到12點幾出去同呀哥呀嫂佢地去返晒星期一去果d地方, 拿D衫呀立雜野去還, 同埋燒豬回門, 好累, 返到屋企6點幾即時昏迷左2個鐘, 8點幾起身發現咩都未攪, 頭又暈, 救命。要搬去爸媽果邊住噶野一D都未執: 日常用品+少少衫褲+少少立雜野一個背囊島, 最緊要係部電腦, 個床肉都係唔好搬過去了。時間超趕又好累...

2. 5日假期, 諗住點都有時間去睇場戲, 點知最後一場都無睇到, 睇來實有d戲會miss左了...real steel、奪命金、In time、那些年...

3/11(四) -- 收工返企食飯。

3. "陽光神彩~露朝氣~ 迎來更大的~沖廁~" 呢首經典廣告歌今早在腦中迴響...張床好似木板咁堅硬, 真係好難頂。

4/11(五) -- 早一晚臨時約左, 收工過荃灣同Taylor、小暈、呀So打邊邊; 到差唔多11點走; 雖然唔係識左好耐噶fnd, 不過幾個人打邊爐吹下水都好輕鬆同舒服, 係一個relax噶Friday晚上。

4. 自己又"M到", 心情麻麻 =_=

5. 原來我真係好容易開心的, 好簡單就可以令我開心。

6. 睇左本出左N耐噶書, 帶銀公主噶"50樣女生想讓男生知道的心事"; 都幾持平咁講左男女係某D野噶睇法, 我覺得好多身邊噶親友都應該睇下呢, 尤其係男仔! (不過女仔都好應該睇同知); 原來自己都"知"同"識做"好多呢(但係究竟而家仲會唔會做?); 另外, 所謂女生想讓男生想知道噶事, 其實我都有一部份係好似女生咁, 有果D感覺同想法...

7. 呀源打來報料話出左Hunter X Hunter Guidebook, 去到睇原來係台版出左, HK版唔知會唔會出, 有理無理買左先!

8. 搬過果邊, 諸事不順; 張床好似木板咁堅硬, 勁訓唔慣; 無搬電腦過去, 無電腦用, 都OK噶, 我不嬲都話我係有咩用咩, 無咩就算噶人, 不過始終有會好d; 夜晚出來見到好多小強, 不過好彩唔係大強...; 沖涼用來"long"花灑支野斷左, 趺落來我隻腳度, 好痛, 又無得long住支花灑(不嬲我都唔渣住支花灑沖的); 總之好多野...希望果邊快d裝修完可以返去~~

5/11(六) -- 志蓮淨苑wv Barry & Co, 之前有人話係約實左, 原來到最後5個人有2個人來唔到, cancel左; 早上起身自己去睇左場早場, 好耐無睇戲啦! 睇左Tower Heist, Ben Stiller做主角, 仲有Eddie Murphy, 本來幾期待Eddie Murphy, 不過成套戲包括佢都係不過不失, OK啦; 下午本來想去長洲, 不過有機會過返屋企果邊, 就選擇左返來上下網, upload下相, 同埋臨時地美麗搵我一齊睇"那些年"; 好多朋友都已經睇左, 又唔太想自己睇, 好彩都有人一齊睇呢~ 下午5點島出去康怡睇, 之後同佢去左北角"小辣椒"食飯, 順便預祝佢生日。雖然稍嫌少少少少唔夠辣, 但係都好味道, 好耐無試過唔使就住人咁食辣啦。

9. "那些年"噶感想, 請睇blog噶另一篇文"那些年後感", 當然會寫多過FB版。

6/11(日) -- 一早起身過七座hea下打下野post下相, 之後同呀嫂同佢細佬一齊去久違噶長洲。主要係去行D未行過噶地方探下路, 以前鐘意去噶地方都無去到, 亦都無咩心機影好多相。仲有主要同佢地食下野, 想食噶野幾乎都食左呢。行完食完五點半就走了。

9. 下星期呀馬返來, 期待!

來緊:

7/11(一) -- Jenny來HK
10/11(四) -- dine wv Nat & Co., may be cancelled
12/11(六) -- 暫定BBQ wv colleagues, 仍然無確實消息
13/11(日) -- 呀馬返HK, 早上打波下午同佢聚!
15/11(二) -- 毛毛球wv Barry etc
19/11(六) -- 同Lands舊同事去Gordon家
20/11(日) -- K wv Cass etc
26/11(六) -- Out wv Barry etc

完

"那些年"後感

2011-11-06T11:29:00.004+08:00

太多人睇、太多人講呢套戲, 所以我都講下自己噶感覺。我估大部份要睇噶人都睇左, 所以都唔怕係度嚴重劇透。

首先講左個人對套戲噶主觀感覺(即係結論)先: 我個人係覺得幾好睇的。不過呢個只係主觀感覺, 以下先以戲論戲。

首先, 香港人好多都只係睇大製作、多特技噶片, 一係就係比人狂谷狂煲噶片, 有幾多人會成日走去睇愛情小品? 身邊噶朋友係有, 不過真係十個有八個唔會咯。睇多少少戲, 就會覺得呢套同果d荷里活B級校園青春愛情片差唔多格局, 劇情、拍攝、各方面都好普通。
台灣點解會爆紅? 因為係本土野, 人地本身唔多拍得好噶呢d片+九把刀噶名氣(當然都有實力, 以佢第一次導演來講好叻架啦). 所以呢套戲人地本地就好爆啦。
咁點解香港又會爆? 老實講, 本地噶愛情小品十套有七、八套係唔掂噶(係, 我係講緊葉念琛果d垃圾), 加上香港人又少睇開小品戲, 再加上香港人係好~~~~易比人煲+好~~~~~媚外, 所以入到去睇一套唔錯噶片都會話好好睇咯。同當年噶"情書"、"真的戀愛了"、甚至"心動"...等等噶戲係無得比的, 以戲來講, 絕對稱唔上係經典。

講返套戲。
電影編劇(故事重點同原著其實有一定差距)、導演算係唔錯啦, "講故事手法"以刀大寫開小說噶人來講, 應該都唔算好難到佢(雖然有好幾個位個人覺得可以做得好d, 有d位可以拖長少少, 有d位可以加返快d, 令到個高潮位唔好有"跌"噶感覺), 不過個鋪排比起海角七號算係明快好多啦。
每套戲都會有個觀點, 呢套好明顯係從男仔角度去睇成件事, 係比較屬於男人噶愛情故事, 所以有女仔fnd覺得唔好睇(網上亦有好多人覺得無共鳴)。
演員? 講真佢地有幾需要交到戲呢?一班後生仔做返佢地早幾年噶野(除左女主角年紀大d之外)而已啦。不過不得不讚下選角, 一班演員新面孔有新鮮感, 如果搵已經當紅噶演員可能反而無清新噶feel, 女主角就唔使多講啦, 個樣幾靚又夠清純, 即時贏晒。最估唔到係搵左彎彎真人演出, 哈哈。

有好多人都話, 戲入面好多野"中"左好多人噶"集體回憶"。
話說自己中學時期讀齋校, 並無果d校園青澀戀愛噶集體回憶。不過扯旗、睇AV、打手槍、玩粉擦、射橡筋、Happy Corner、龍珠、井上雄彥、駁老師咀、帶動同學集體反抗老師、罰企、會考後要同死黨分道揚鑣、排排坐講理想講志願...等等相信好多人都會有。成班死黨坐係球場看台一齊見到班花經過, 一齊鍾意班花、各施其技追女仔或者你未試過, 但男仔為女仔發奮、唔想心儀既人差過自己、唔想自己差過心儀既人、唔敢表白玩暗戀、唔敢拖手玩純愛、情人唔係戀人、鍾意果個唔係結婚果個、做唔到戀人做到好朋友、以上情節你同我或多或少經歷過。有回憶，所以有共鳴；有共鳴，自然有感受。

套戲講噶係八十前噶愛情故事, 估計對於而家30歲或以上既中男中女係入晒。加上套戲噶設定係普通場學生, 唔係尖子、唔係校隊、唔係有錢仔、又唔係古惑仔, 好平凡、好大眾; 情節亦好平淡, 冇強姦、冇絕症、冇生離死別、冇催淚、冇誇張、冇超現實情節, 夠真實，所以易投入；易投入，自然就好易有感染力。

最緊要噶係, 套戲強調既係「那些年，你錯過了什麼？」, 遺憾人人都有，年長既更加多，更加感同身受。

無論大家欣唔欣賞都好, 戲入面有好多樂而不淫噶笑位, 而戲中笑位都好密集(當然大家笑點有高有低, 但總算係由頭輕鬆可笑到落尾), 本來係一套講"遺憾", 講"回憶", 好似好沉重噶戲, 但係相信大家睇果時都係笑多過淚。
講起笑同淚, 呢套戲雖然大部份位都係笑位, 但係相信好多人最深刻印象、甚至有好多人拍手噶位就係最後一幕噶神來之筆。不過誠如一位朋友所講, 全場笑得最勁噶位, 亦係最令我喊噶位, 果一刻完全明白男主角噶心理感受, 真係笑中有淚，淚中又有笑; 加上穿插左回憶、平行時空之中噶佢地、同埋現實三方面噶片段(仲有不得不讚下, 好唔錯噶主題曲), 真係深深感受到"那些年噶遺憾"。

香港人睇, 一定唔會好似台灣人感受咁多咁深, 始終係人地本土野, 我地無試過地震、沒天燈、好多野都無, 但係相信大家都曾經有"愛", "純愛"。睇返香港某d導演噶"愛情"戲, 次次都係爾虞我詐、出賣、偷食, 仲要將呢d扭曲左噶愛情觀正當化, 一係就sell波sell蘿sell青春少艾噶肉體, 而家呢套sell"純愛"係咪更加有價值, 更加值得支持呢?

對於我來講, 由於自己不嬲都鍾意睇小品戲, 加上對呢D野噶感受比較深, 所以其實都幾喜歡呢套戲噶; 同埋當然亦都會諗起有關自己噶野啦~~ 另外, 相信我係我識噶人當中, 係最有可能好似個男主角咁, 最尾做埋d咁癲噶野噶人啦, 哇哈哈。不過, 果一幕、果一下, 真係好感動到我。

完

p.s. 太多太雜亂噶感想同感覺, 寫唔晒出來, 純粹亂咁發表下意見而已。不喜勿插。
p.s.2 講真, 真係唔多想同唔想噶人一齊睇咯~ 好彩無姐。
p.s.3 我唔要做柯騰。

十月三十日 -- 雜記

2011-10-30T23:44:00.002+08:00

24/10(一) -- 同Lands舊同事慶祝Gordon生日@ YMT串; 收工返企先再出去, 食完10點島散。

1. 一個人有幾重視你, 其實係好少事就已經睇得出。

25/10(二) -- 同呀So小暈食飯@太子北海道活壽司; 主要係呀So就來去台北玩, 我同小暈一齊比d意見佢(不過其實都幾乎定晒), 同埋借漫畫比呀So; 食完吹左輪水, 再轉場去糖百府繼續。多謝個belated泰國手信, 一定好o岩我用~~

26/10(三) -- 清假一天, 之前臨時同朋友Alex一齊夾埋放假, 一齊去郊遊, 選左去大嶼山寶蓮寺大佛+心經簡林+大澳; 第一次去心經簡林, 都幾OK呢, 好彩影完呢度個相機先無電, 個後備電竟然轉袋無帶。好彩之後去大澳, 以前影過好幾次加上天色好暗影都唔靚, 所以都無咩覺得蝕左; 行晒之後搭6點車出返東涌, 出到去TST岩好7點半, 約左白田舊同事(Puzzle同佢個仔軒軒, Man同呀Wing)食飯, 係海港城八月軒, d野食OK啦。

2. 網上見到: Before you diagnose yourself with depression or low self-esteem, first make sure that you are not, in fact, just surrounded by assholes. ~ William Gibson

27/10(四) -- 本來約左呀儀落樓下跑步, 佢因為屋企到傢俬要返去, cancel。收工返企食飯。晚上臨時約左同關老B跑步, 由於預左會跑無咁耐, 所以加快跑噶速度, 最後雖然跑左半個鐘, 但係對腳都累同出到汗呢(之後果日發覺膝頭哥麻麻地, 第日都係keep返慢先得); 之後同關老B慢慢行到TKL, 吹左好耐水~~~好高興~~~

3. 網上見到: 沒有永遠不被毀的人, 也沒有永遠被讚嘆的人。當你話多的時候, 別人要批評你, 當你話少的時候, 別人也要批評你, 當你沉默的時候, 別人還是要批評你, 在這個世界上, 沒有一個人不被批評的。不要因為他人的懷疑, 而給自己煩惱, 也不要因為他人的無知, 而痛苦了你自己。走自己的路, 讓別人去說吧!
同(2)不謀而合, 勉勵下自己。

4. 今日得知一個消息, 一個好友懷孕了, 恭喜佢呀~~ 超開心。

5. 今日創左呢份工無出site direct home，正常六點收工最早返到屋企ge紀錄。

28/10(五) -- 遠在美國噶小雅生日快樂, 諗返都十幾年無見啦; 收工返企食飯。好眼訓10點幾就訓左。

6. 怎麼我成為了柯騰?

29/10(六) -- 一早起身, 食左個早餐hea左陣, 11點幾又訓返, 到差唔多1點先起身; 好臨時咁去坪洲, 之前得一面之緣噶電單車同學仔Kayla竟然話一齊去, 2個好得閒噶人就無無聊聊去左坪洲行; 地方好細, 好快就行得完, 亦都無咩特別靚噶地方; 出返來去左灣仔食好耐無去過噶金源, 2個人食唔得幾多野仲要打包走; 之後返企。

7. 一早起身食早餐時, TVB竟然播新一Gundam, 日本都係播到第三集咋喎, 竟然咁快可以買到來播? 不妨睇一下: 同網上D人講噶一樣, 兒童向...

8. 今日威威打來, 同我講, 宜豐竟然執左?! Oh no~~~

30/10(日) -- MayChan生日快樂; 全日在家hea, 幫手執下野同抖。好累呢~

9. 準備迎接呀哥大婚之日啦。

來緊:

31/10(一) -- 放假一天
1/11(二) -- 呀哥大婚之日
2/11(三) -- 放假一天
5/11(六) -- 志蓮淨苑wv Barry & Co.

12/11(六) -- 暫定BBQ wv colleagues
13/11(日) -- 同Lands舊同事去Gordon家
15/11(二) -- 毛毛球wv Barry etc
26/11(六) -- Out wv Barry etc

完

玩具

2011-10-27T18:55:00.001+08:00

"噗哧!"
人的身體被貫穿。血從傷口直噴出來, 灑在唐征的臉上、身上。唐征不斷的不斷的不斷的出指, 那還未斷氣的漢子的身體被手指貫穿著, 連嘶吼的力氣也沒有。這漢子只是唐征的"玩具"而已。

唐征本來是一個普通的莊稼漢。小時候練過一點武, 一次偶然的機會, 被當今三大黑道勢力之一的三山五巖盟的龍頭紀山達留意到他有超凡的練武資質。一次意外的殺人, 令他不得不逃離家鄉, 投靠紀山達。他的家人也因此全部被牽連至死。於是他便在紀山達的手下辦事, 亦潛心練武。紀山達需要武功高強的人, 他需要武力去打他的天下, 他沒有看錯人, 唐征的而且確是練武的奇材, 他的武功自成一派, 慢慢的練成了超凡入聖的武功, 最強的指力,可以隔空點穴, 超越了紀山達, 更成為了當今十大高手之一, 為紀山達在黑道打下了一片江山。

"噗哧!"
"玩具"仍然被蹂躪著。房間之中有幾個已經不動的"玩具"。雖然勉強分辨到是些什麼: 高大強壯的壯漢、裸女、瘦弱老人, 但大部份都已經不堪入目, 或者應該說是殘缺不堪。

紀山達滿足唐征的一切要求。唐征只是一個簡單的人, 他不要權力, 也不懂權謀, 他只要享受。紀山達給他很多錢、很多女人, 而他一直幫紀山達殺很多人, 慢慢的, 他喜歡"殺"的感覺。起初當他癮起的時候, 會殺動物, 後來覺得連殺牛殺豬也沒趣味了, 連老虎、黑熊也不是他的對手, 他就轉移目標向、還是喜歡殺 -- 人: 人的反應實在有趣多了。慢慢的他的身體開始對女人也不行了, 他變得愈來愈變態, 他喜歡姦殺、虐殺, 不在乎對方是否有反抗能力, 或者有沒有跟他一戰之力, 他只要殺。欺負弱者的殺。

紀山達總不能讓他一直殺下去, 他讓唐征服下一些鎮靜的藥, 可以讓他冷靜。但每次到了某一後時間唐征就會狂性大發一次, 不能制止。而那時紀山達就會安排一些"玩具" -- 自己的幫眾、街上的平民, 讓他折磨, 然後讓那人、那事消失而去, 乾乾淨淨。

"噗哧!"
手指繼續插進身體, 血淋淋的出來。唐征清楚人身的各處穴道和弱點, 他以指力貫穿"玩具"的身體, 但都不是人身要害, 即使血一直流出來, 但一時三刻也死不了。

唐征後來當然知道, 當年那次"意外的殺人"是紀山達精心安排的; 他也知道紀山達一直偷偷讓他服奇怪的蘗, 令他精神錯亂, 變得愈來愈瘋狂。可是人就是這樣, 不論是什麼原因造成的也好, "想"就是"想", 他現在很想很想殺人, 即使是因為紀山達人為造成的, 但他已經確實地成為了"變態"。而且沒有紀山達, 他也只是一個普通的莊稼漢, 不可以像現在一樣, 操縱著生殺大權, 想要什麼就什麼。他和紀山達的關係, 只是各取所需而已。

或許, 他也已經習慣了這樣的生活。自己一生究竟要什麼呢? 他不知道。他只知道他很興奮, 很滿足。他得到想要的東西。午夜夢迴之時, 可有後悔過? 可有想停止過? 他也不知道。沒有。

"噗哧!"
相信在"玩具"死之前已經瘋了。"玩具"親眼看著其他的玩具被長時間折磨才死得去, 他親眼看到唐征是如何地殘忍、變態。他被點了穴, 連動也不能, 只能發出嘶啞的聲音。他不能很快地死去, 不能咬舌自盡, 只能清醒地看著自己的身體愈來愈不似人形。因此, 寧願成為了玩具, 寧願在死前變成瘋子, 不論是因為被嚇瘋了, 還是本能地認為, 不應再清醒地感受到這一切。

門開了。一個精悍的漢子走了進來。是紀山達。他看著一屋的屍塊與鮮血。
"唐先生, 看來你的狀態很好, 是顛峰狀態呢。哈哈。"
"嘿嘿嘿...不只顛峰, 是瘋癲狀態...嘿嘿嘿..."
"放心吧, 大戰即將爆發, 四海幫的人已經總動員, 正在殺過來呢! 這次你可殺個夠了。"
"嘿嘿嘿嘿嘿...太好了...我期待了這天很多年了..."
還有他的宿敵 -- 劉福澤。他一生的"目標"、"希望", 就只有這多年與他對抗、與他齊名的十大高手。他也要他成為他的玩具之一。

殺戮, 在江湖上總是停不了。所有敵人, 在他心目中也只是"玩具。

完

十月二十三日 -- 雜記

2011-10-23T23:49:00.002+08:00

17/10(一) -- 收工返企食飯。

1. 星期六晚跑步+星期日連打幾個鐘波+下午行街噶後果, 係搽左冬青膏之後對腳都仲係痛, 好明顯over左 XD; 攪到我一早6點幾就醒左, 酸痛 >.<; 星期一全日都keep住痛~~2. 收工時天色已暗, 逐漸感受到轉季啦; 一向幾鐘意暗噶我, 亦都一向幾鐘意收工(放學)出來見到天色暗噶感覺; 由中學果時開始已經有咁噶感覺咁呢。18/10(二) -- 補祝呀Jo生日飯@Jordon King 1, 今次幾齊人喎: 呀Jo, KT, Barry, JP, MLT, Windson, 可惜二妹區兒來唔到; 收工先返企再出去; 最後JP來唔到, MLT同Windson遲D到, 食到10點半島走。3. 一直睇戲、睇人、聽歌等等, 有時都會去發掘果樣野噶亮點去留意, 有時可能有好多其他野唔好或者overall麻麻地, 但係某d亮點都好值得去讚賞的。要常存正面噶觀點, 品味好噶果一面。4. 總是感覺難受。19/10(三) -- 收工先返企, 再出去MK新世紀京川滬同呀哥結婚果日噶兄弟姊妹食飯; 幾好食喎d野。5. 今年有無NBA睇呢? 可憐無得睇呀... >_<; 希望只係縮短球季就算啦~~

20/10(四) -- 魷魚生日快樂; 因為落site KC006所以可以早收工; 收工返企先, 等呀儀都收工入TKO, 同佢係樓下買左d小食食完, 吹左一段時間水, 先去TKO運動場跑步; 今日竟然可以差唔多足一個鐘一直跑無停呀~~ 原來自己都ok跑到的, 不過夜晚對腳有d累呢~~

21/10(五) -- 四仔減一re-U食飯; 收工去北角join呀源同埋呀媽係G2000睇左陣, 買左shirt衫同埋西褲; 之後呀媽返企, 我同源等埋民仔來到一齊去食福建野, 食完過去炮台山食糖水, 呀源返企, 我同民民行返去北角坐左陣吹左陣水散。

6. 原來係呢年幾以來, 我對人性睇得真係幾負面, 同埋唔信任。

22/10(六) -- 中午剪左頭髮; 下午hea到咁上下晚上出去同民民FuFu同佢地噶朋友食飯; 本來6-7個人最後得我同民民同FuFu仲有一個佢噶fnd, 唔記得叫咩名; 去左兆萬噶一間放題食, 普通啦; 之後FuFu仲想去K, 結果hea到2點先走。

23/10(日) -- 起身之後同盧撈日安PennyCarol去Megabox K, 12點半到8點; 之後去Ikea食飯後返企。

7. 有時有D野, 重唔重視, 一下就睇得出來; 呃唔到人的。

來緊:

24/10(一) -- 同Lands舊同事慶祝Gordon生日
25/10(二) -- 同呀So小暈食飯@MK壽司; 放左Barry佢地飛機
26/10(三) -- 同白田舊同事食飯@MK朗豪坊
27/10(四) -- 再落運動場跑步
1/11(二) -- 呀哥大婚之日
12/11(六) -- 暫定BBQ wv colleagues
15/11(二) -- 毛毛球wv Barry

完

十月十六日 -- 雜記

2011-10-16T23:12:00.002+08:00

10/10(一) -- 松屋放題@CWB; 雖然佢地都大讚D野好食, 不過我覺得普通; 之前睇電影都係; 係因為我睇得戲多、食得好野多, 笑點高、要求高, 定係佢地要求低呢?

11/10(二) -- 話劇同學re-U; 同Wilson, Clement, Eric四條佬, 竟然去左唱K; 11點幾散; 讀完書之後好似好耐無試過齋佬唱K; 短期內連續唱K都可以唔點重複D歌, 哇卡卡; 不過同佢地唔太熟, 始終都係同熟人唱開心D呢; Eric一如所料都唱得唔錯, 其餘噶好普通。p.s. 今天係MKMTR見到某陳同學同佢好朋友 XD

1. Confirm有林奕華+HOCC音樂劇噶飛!

12/10(三) -- 放假一天; 全日在家hea爆。夜晚煮飯同呀爸2個人食, 呀媽唔返, 呀哥突然返左來,好彩D野夠3個人食。

2. 無聊地改左個blog噶版面, 只係唔想成日都係咁; 仲要改埋個平時自己係邊都好少用噶色調: 藍+白。

3. 即使我係好無聊, 但係我都係好無聊; 又如何?

13/10(四) -- 收工同Cass姐好趕咁過去TST搵區兒拿飛, 再搭船過灣仔演藝睇林奕華+HOCC音樂劇 -- 賈寶玉; 一如所料, 如果只係因為鐘意HOCC而去睇噶人會覺得悶, Cass姐中途就走左, 嘿嘿; 至於以林奕華來講, 套野淺過上兩套好多; 另外, 如果有睇過紅樓夢或者知道大概故事講咩會好d。不過今次舞台上噶走位遍排同動作舞蹈都多過林奕華之前我睇噶果2套, 始終都係有少少唔同, 呢套係sell HOCC+少少唱歌的。

4. 謊言總是讓人舒服的, 所以人們都喜歡聽謊言; 可是, 我不喜歡說也不喜歡聽。

14/10(五) -- 收工返企食飯。返企前入左d貨, 米酒呀蠔油呀米粉呀腸呀一堆野; 晚上係屋企Youtube聽左幾個鐘Beyond太極BlueJeans等等噶Live演出, 都幾high呢。

5. 唔知點解, 夜晚在家hea噶時候, 突然一陣好空虛好空虛噶感覺, 空到有D驚。

15/10(六) -- 全日約左Lands舊同事們; 11點同八婆、八婆老公Ivan、呀進同呀源係Megabox唱K; 唔敢話唱K以來, 但係近年來應該未試過一首歌都無點過~~不過都有唱少少; 八婆同佢老公應該N年無唱K, 見佢超開心, 同埋我地都好耐無見佢發癲啦哈哈, 企上sofa企上台面, 又叫又跳, 仲唱埋鳳閣恩仇未了情, 哈哈; 唱到3點完; 之後行左下Megabox, Ivan再車我地去九龍城, 八婆睇d BB野, 睇到5點幾就再車去鯉魚門, 選海鮮再等Jason來到7點3開始食; D野食都好味呢, 食到9點島走, Ivan車我到油塘, MTR返企; 返到來呀嫂造去跑步, 緊係去啦~~ 去跑左半個鐘, 今次有經驗加上前幾日都無運動過, 所以識得keep住個節奏, 可以一直跑唔停同埋跑完都唔累唔氣喘了。

16/10(日) -- 一早起身去打波, 天氣無咁熱, 即使曬都無咁辛苦, 可以打到1點半都唔算太累~~ 今日打得好過上星期, 尾段仲好少少添~~打完無同波友們食飯, 拉左民民2條友吹下水食下飯, 行到炮台山試下間意蠔屋, 比意蠔站差太遠了, 可一不可再; 之後去左M記繼續坐同吹水, 講講下話想睇皮鞋, 去左北角果個唔知咩城行左個圈, 之後都係去返灣仔Le Saunda個Outlet睇, 結果仲買到添, 太好了, 又完成左個任務。夜晚返企食飯。尋晚跑步今日打波仲要下午行街, 有D累呢~

6. 呀媽無啦啦比左條數我睇; 我睇返, 原來咁多年來竟然自己比到某個數比佢地, 如果將果舊數+基金果舊數+而家噶存款, 竟然都有咁大舊數~~

來緊:

18/10(二) -- Bday Dinner of Angel wv KTBarryJp...etc @ MK
19/10(三) -- 同兄弟姊妹食飯。
21/10(五) -- 四仔re-U食飯, 就算唔齊人起碼都同呀源食
22/10(六) -- 日頭同好友們hea; 晚上同民民FuFu同佢地噶朋友食飯
23/10(日) -- 日頭同盧撈日安PennyCarol Gathering
25/10(二) -- 同呀So小暈食飯

完

汽球

2011-10-14T18:35:00.003+08:00

汽球綁著的線離開了手。
汽球中充滿了氫氣, 牽絆一去, 隨即就飄上空中。
汽球一直向上飄, 不知道要飄到哪裡。

看到了較高的招牌: 仁味燒味店。
看到了大廈中不同的人在做不同的事; 二樓的牙醫正在檢視病人, 三樓的主婦正在打掃, 五樓的情侶正緊緊的依偎在一起。
看到了天台上面頑童們正在玩遊戲。

隨著風兒飄蕩, 由城郊飄到了郊外。
看到了藍藍的天, 白白的雲, 青青的山, 紅紅的花。
身邊有小鳥在飛舞, 在歡叫。
汽球會飄到哪兒呢? 會飄得多高呢?

汽球想要的是載著他四處飄蕩的風兒, 還是那一雙緊緊抓住那條線的手?

汽球...飄進雲裡...飄進風裡...結束生命...
汽球...飄進愛裡...飄進心裡...慢慢...死去...

完

論"點解咁多人會怕小強"

2011-10-14T18:34:00.002+08:00

今日要係度嚴肅咁探討下, 點解咁多人會怕小強(大隻果d)。係世界上, 人類社會有好多唔同地區、種族, 而唔同噶種族、文化都會有唔同噶習慣、喜好......等等。但係係繁榮噶城市入面, 不論中外各地咩文化都好, "小強"都會係某部份人所害怕噶一樣野。點解會發生咁樣噶情況呢? 不論大人、小孩、男人、女人、種族...etc都好, 係驚噶就會好驚, 毫沒來由, 明知自己比佢噶體積大好多, 明知佢點都殺唔死你, 但係就偏偏好驚。點解? 點解~~~!!?

其實, 無論基於生理上、心理上定係精神層面上, 人類會害怕呢樣野絕對係唔出奇噶。且聽我慢慢道來。

小強噶外表, 相信大家都好清楚。如果有心機、有膽色從頭到尾望佢一眼噶話, 你會發現佢一身噶結構係幾咁簡單得來又幾咁完美無瑕: 兩條長長噶觸鬚, 黑色反光噶修長身驅加對翼, 反轉噶話你會見到整齊有致噶幾對腳, 腳上面有刺, 仲有個肚一排排咁, 真係超級核突。此外, 從小學噶課本上都知, 佢地身上、刺上係會有致病噶細菌, 令人更加唔想接觸到佢。基於人對於醜惡噶野同埋疾病噶恐懼, 小強係生理上係會令人類產生極度噶厭惡。

係第一眼見到佢地時, 人類噶士氣值已經有所下降, 覺得厭惡, 唔想掂到佢。但係又點解會驚呢? 驚係從心入面發出的。本來佢咁核突, 已經唔多想理佢, 但係佢最可怕噶地方, 係佢噶"速度"加"未知性"。眾所周知, 一隻大強噶爬行速度同敏捷程度係好高的, 會飛果d更加係防不勝防, 但係佢地同一般動物噶決定性差異並唔係速度, 而係"未知性"。佢地最可怕噶地方, 係連佢地自己都唔知自己想去邊!! 當你想逃走噶時候, 你跟本就估唔到佢去緊邊, 你亦都唔知你逃走噶方向係唔係正確! 呢樣野正正就係佢最可怕之處。佢噶攻擊角度同軌跡係完全"無差別"噶。而人類一向對未知同未能預測噶野會恐懼, 係心理上見到佢地自然負擔同壓力都大增。

不過, 不論係生理定心理上有幾可怕都好, 人類一樣會有好多唔識死噶勇者。但係明明有d人連蛇呀老鼠呀都唔驚, 點解果d人偏偏會驚小強呢? 呢個就要歸咎於最後最決定性噶原因 -- 精神層面噶可怕。而呢一方面更加係牽涉左幾個唔同方面。

係自然界入面, 生物一般都會對於自己"高階"噶生物有恐懼、敬畏甚至係祟拜噶感覺。小強, 係一種存在係世界上最耐、生命力最強之一噶遠古生物; 佢咩都食得落, 唔好話動物植物, 連電線垃圾都可以食落肚, 可以話係生處於食物練噶最頂端; 佢地噶繁殖能力同適應能力極強, 世上無處不在, 唔似大部份生物咁, 只可以適應某種環境; 就憑呢d特質, 已經可以斷定佢地為地球上其中一種"高階"噶生物。

好似老鼠見到貓咁, 根本就無需多講, 一物治一物, 老鼠係完全被剋住一樣; 好多人類見到佢地, 士氣即時跌到"0"。但係小強無論見到咩生物都好, 都係一樣 -- "無懼"。佢地一樣只係會亂衝亂撞, 心情好少少就會向住黑暗噶地方鑽入去, 癲起來分分鐘直接撲入你噶懷裡!!佢地另外一樣強項, 係超強噶"存在感"。就算係我咁大份, 係人群、朋友之間行過, 都未必有人留意到我; 但係佢地一出現, 即時會令人提高警覺, 甚至神經緊張, 牽動到人每一條神經, 可見佢地噶存在感係幾咁強勁! 呢樣野同"體積"無關, 係"氣勢"噶問題。

由此可見, 人類對於小強噶恐懼, 亦都係包括左一種對"高階"(或者同級)生物噶恐懼, 呢樣已經唔止係生理心理, 而係精神層面上噶野了。亦因為咁, 我地可以作出一個結論, 就係小強根本就係位於世界上頂尖噶生物之一, 人類會驚佢絕對係正常噶! 害怕小強無罪!! 胡吼~~~~~~~!!

完

浮舟

2011-10-14T00:51:00.001+08:00

陳照獨自坐在畫舫的一邊。今晚王員外包了畫舫舉行宴會, 舫內聲樂喧天, 王員外與幾個大官商賈正在享用著流水不斷送上的酒肉, 還有怡紅院姑娘們的歌舞。

陳照對裡面的情況毫不關心, 也不到他去關心。他只是王員外請來的保鑣之一。這次的宴會很重要, 請了當地幾個大官, 王員外的生意可否繼續發財就要看看是否滿足到幾位大老爺了。有這麼多重要人物, 當然就要有重重防衛, 而他也就是其中一個護衛。

行走江湖, 也不過為了混一口飯吃。鋤強扶弱、劫富濟貧什麼的, 口上說說還可以, 連自己的肚子也餵不飽, 談何維持正義? 還好, 王員外只是個普通商賈, 平時雖然作威作福, 貪污賄賂, 但也不至於叫他們這些打手去幹傷天害理的事, 算是份優差吧。當了護衛好幾年, 也不是沒有遇過兇險。樹大招風, 也有試過不少大盜、劫犯來打過王員外主意。總算一幫兄弟手底下也有兩把刷子, 同心合力, 一直以來也沒有出過什麼事。

宴會繼續, 天氣卻開始不穩定。風來、雨下、雷嗚, 海上變得大風大浪。縱然畫舫離岸不太遠, 但也搖晃著。宴會廳中發出一陣陣男女的笑聲, 似乎他們因為搖晃而更添情趣, 更加高興。陳照仍然坐在一邊, 咬著剛啃完的雞腿骨, 望著漆黑的大海, 還有橫飛的風雨。縱然偶爾被吹來的雨打濕了身, 也毫不在乎, 因為他們的崗位就是這樣的。在這無聊的當口, 他留意到了海上的一點異樣。

一葉浮舟從遠處慢慢的向著畫舫飄來。浮舟上的一盞燈搖曳不定, 船頭似乎站著了一個人。陳照覺得情況有點不對勁, 呼叫了附近幾個兄弟一起來到船頭。在刀頭上生活的日子, 讓他們對危險的直覺更敏銳。他們都感覺到, 浮舟上的男子絕不簡單。

浮舟慢慢的愈飄愈近。陳照望到了舟上的事物: 一葉簡單的輕舟, 草搭的篷下一盞燈隨著船身搖晃而閃爍不定。舟前站著一個戴著斗笠的人。陳照的直覺讓他感到那人相當可怕。再仔細一點看著那人: 斗笠壓得低低的, 舟上油燈及畫舫的光只隱約照到他的輪廓, 看不見容貌; 一身白色長袍與黑夜及風雨形成了強烈對比; 長袖之中伸出了一柄長劍。看來擺明著是要來找碴的。

浮舟慢慢的輕輕的愈飄愈近, 陳照的經驗告訴他, 來人並非善類, 即使合眾兄弟之力, 也不是他的對手。那人身上似乎發出了無比的壓力, 即使刮著大風下著大雨, 也絲毫不受影響。而最可怕的, 是那人手上的那一柄長劍。劍所散發出的殺氣像是比主人更強, 似乎誓要見血才肯入鞘。

陳照斜眼望著一幫兄弟, 只見大家神色凝重, 本領較弱的兄弟更冷汗直冒。看來大家也感受到來者的可怕。世上總有一些不能超越的實力, 不論一般庸人如何努力, 也超越不了努力的天才。似乎今天讓他們都遇見了。他現在的感覺就像是一只讓大蟒蛇盯上了的弱小獵物, 毫無還擊之力, 連想動手的勇氣似乎也失去了。

本來這種日子就不好過, 行走江湖總是兇險的, 經常把性命放在刀頭上也不是辦法。作為王員外的護衛總算收入甚豐, 也儲了一點錢, 自己也漸過壯年, 本來打算過了冬就洗手不幹, 跟翠兒姑娘成親, 做點小生意什麼的。現在看來大家要葬身在這怒海之中...

浮舟繼續慢慢的飄近, 不過仍然有一段距離, 即使世上輕功最高的高手也躍不過來吧。風雨愈來愈大, 雷電交加, 天氣愈來愈差, 浪也愈來愈大。面對著這樣的困境, 護衛們都呆呆的看著, 大家竟然都忘了要作最後的反抗。陳照不知從何突然鼓氣了勇氣, 舉起了刀, 大吼了一聲: "啊~~~~~~~!!"

天上憑空"轟"的一聲旱雷, 把他的叫聲掩蓋, 狂風大雨一直翻飛著, 突然有一巨浪淹至!!
畫舫總算是當今最豪華最大的遊樂船隻, 整艘船劇烈搖晃傾斜了幾下, 總算沒被捲到翻船。大家都狼狽地站穩之際, 陳照霎眼見到那浮舟被那巨浪一捲而沒! 船上那人也隨著那大浪捲進了海中, 失去了蹤影。

風、雨、雷、浪仍然很大。宴會廳中渾然不覺外面發生過什麼事, 但天氣實在太差, 畫舫也剩著風開回了岸邊, 暫停了海上的宴會。眾兄弟如釋重負, 像是從死門關來回走了一趟般, 大家也相對無言。

究竟那人是什麼來頭? 究竟他的下場如何? 究竟他的目的是什麼? 沒有人知道。
陳照只知道, 世上有自己如何努力也衝不破的障礙及界限, 但即使世上如何聰明、如何強大的人, 也敵不過大自然, 也敵不過 -- 運氣。他已經厭倦了這種生活, 決定退出, 和他的翠兒姑娘好好成婚, 過著平凡的一生。

完

小狗的故事

2011-10-12T02:08:00.002+08:00

寫完之後, 我覺得簡直係一個情理兼備, 有晒起承轉合, 又正面又有意義噶故仔呀!
...
...
...
定係...其實我係一個...腦殘?

**********

汪汪汪汪!
汪汪!

汪~汪~汪~汪~汪~汪~汪~~~
汪汪汪~

汪!
汪!!
汪~~~~汪汪汪~~~
汪汪?
汪汪汪汪!

汪汪~
汪汪汪汪~
汪?! 汪汪汪??!
汪汪汪汪!!

汪!!!!
汪汪汪!
汪汪汪汪汪汪汪汪!
汪~~~~~~~

汪汪!
汪汪汪!
汪汪!!
汪...汪汪?
汪!

汪汪汪汪!!
汪~~~~汪~~~~~~~~~~~~~~~~~~~

完

腦殘~~~我是個腦殘~~~
哇卡卡卡卡卡卡卡~~~~

完

了解自己的喜惡

2011-10-12T02:08:00.000+08:00

一個人噶性格好難了解, even自己噶都係, 所以呢今次都係唔好講自己噶性格了。等我自己list下自己噶喜惡都好喎, 等自己了解多dd自己都好。雜亂無章地講下啦。

睇書: 其實自己好鐘意睇書, 雖然而家睇少左好多。以前住圖書館隔離, 日日都去借書睇書還書, 咩種類書都睇, 好開心架~~ 而家遠左就懶啦, 少去lu

唱K: 不得不提啦; 好鐘意聽人唱歌, 因為可以睇/聽得出好多野, 當然自己都鐘意唱, 因為覺得自己其中最真實噶一面會係唱K時釋放出來; 從來唔介意人地或者自己唱得好唔好聽, 開心就得(當然最好唔好難聽啦); 另外, 如果係同唱得好聽噶人唱緊係會開心D啦~ 賞心樂事呢~~ 好想有幾個鍾意唱K又大家都會鍾意談論歌噶朋友呢。

聽歌: 鍾意唱K一定鍾意聽歌, 自己算係好雜, 舊歌新歌唔同種類噶歌中文英文日文...好多都聽的。不過為左迎合個社會, 當然都係聽流行曲多吧。

電影: 一開始大概係因為想睇晒佢有可能會睇噶戲而想睇吧; 其實自己都鍾意睇戲, 即使一個人都會睇。

籃球: 雖然本來都有打, 但係明顯地有受到漫畫"Slam Dunk"影響而鍾意打。打極都係水平偏低。

羽毛球: 雖然打得唔好, 但係覺得自己要handle呢樣野會好過table tennis同tennis, 同埋唔知點解覺得好好玩。

食野: 其實...我又唔覺得自己算係特別喜歡食野噶人; 成日唔食都得, 所謂帶人去食野, 都係帶人去, 自己雖然分別到好唔好味, 但係其實自己食唔食好味噶野都唔太介意的。當然, 食左好味噶野都會開心D。

臭豆腐: 難忘細個屋企樓下挑擔噶小販, 好好味; 第一次食應該係佢。而家少經過有得賣噶地方所以少食。

榴槤: 第一次應該係呀媽買返來試的。而家當然係喜啦。

紅豆雪條: 記得係Form 1果時噶同學Andrew推介, 所以鍾意食; 細個無咩機會食呢D野, 就算食都會食橙汁味。

檸茶: 比起零食, 細個比較有機會買野飲, 不過飲親都係果汁類(陽光維他果d), 檸茶就好記得係大表姊推介, 之後變左鍾意飲的。

腸粉: 中學返學時路經噶一檔好好味, 亦都因為佢, 而家好少食, 因為比唔上。

車仔麵: 第一次食應該係細個時呀哥帶我去西貢噶松記? 果時好好味的, 而家唔得了; 之後係牛頭角下村噶車仔檔, 但係因為拆左無埋, 觀塘康寧小食轉左手退左步; 石夾尾車仔麵噶質素仍然係排頭(雖然都有退步), 西灣河車仔麵都好食, 除此之外唔知仲有邊度好食了。

粉麵: 其實唔太好湯麵類噶野, 除左車仔麵同埋雲南米線; 雲南米線其實都只係喜歡食荃灣果間...呀, TST果間都OK, 譚仔普普通通而已。

粥: 唔太好, 但會食。

芹類、莞茜: 點食都係接受唔到。

苦瓜、大樹波羅等等: Other than上面果2樣, 其實其他都食到, 不過唔會專登選擇來食。

寫野: 超愛; 雖然無文筆但係都係好鍾意寫, 因為自己好鍾意抒發自己諗咩, 同埋分享自己諗咩; 學精神科某D術語話齋, 我係精神上噶暴露狂? 哇哈哈。其實又唔係, 對於自己噶感情, 自己都知實在太收埋了。收埋到...會做好多無謂野去令人完全唔知我係呢方面係點的, 好無聊; 太害怕了吧?

模型(高達): 講真又未到超愛, 不過係喜好同興趣之一; 喜好BB戰士多於正常size好多。

影相: 唔識但都幾喜歡的, 唔鐘意攪D咩特別野, 但好鐘意將想記噶野記落來, 其實係"寫野"副產品。

煮野食: 自我增值技能。

朋友: 一個概括噶講法; 其實係鍾意同人傾偈, 了解多d人地噶經驗, 識多d野; 亦都喜歡被人關心同關心人噶感覺。

工作: 係足夠生活同玩噶情況下, 從來都唔concern噶一樣野。

家庭: 唔識講出口, 唔識做, 但一定係人人concern噶一個group吧, 自己親人一定係最重要的一環之一(一句入面有三個一XDD)。

愛情: 都係"同人噶關係"噶一種, 當然都會重要吧; 不過呢D咁雙方噶野, 無得強求; 無人肯比我愛, 亦都好難搵呢。

幽遊白書: 睇漫畫除左為開心, 都係吸收好多資訊噶方法來; 當中最鐘意係幽白, 呢個同資訊無關, 純粹喜歡。XDDD

**********

要講真係有無限噶野講呢, 不過一直諗下打下, 都對自己有返多少了解, 同埋自己真係記得好多瑣碎無謂野呢。

完

十月九日 -- 雜記

2011-10-09T23:34:00.002+08:00

3/10(一) -- 一班人(ConnieMartinYoYee珊Carol)慶祝同事MandyHo生日@MK Pokka Cafe; 傾到9點半島散。

1. 網上轉載: 一首歌曲, 想到你; 一些字眼, 想到你; 一篇文字, 想到你; 一部電影, 想到你; 一張側臉, 想到你; 一個笑容, 想到你; 一點溫暖, 想到你; 才發現, 一個不小心, 我也變得如此脆弱, 才發現, 隨便一個不小心就會踩到想你的地雷......然後把自己也炸得粉碎。

2. 同小恩子小朋友傾左一輪, 少同佢聯絡, 今次到佢出事(唔係下下都有關愛情噶); 要d時間呢。

4/10(二) -- Angel生日快樂; 早上返工唔多高興, 請下午假; 同催時同學傾開, 收工順便過左去St. Paul探下佢; 細個成日經果度, 一次都未去過呢, 好似咁大個仔都未去過HK私家醫院? 2點幾坐到3點島走, 返企沖涼抖一陣, 出返去MK同呀進Alex三條友睇電影"作死不離三兄弟"(=_="), 終於有得睇呢~~

3. 3 idiots "作死不離三兄弟" -- 好好睇呀, 又開心, 好正面, 好有意思, HK而家唔會有呢D戲呀~ 真係好值得推介噶一套戲呢~~ 戲入面有好多伏線, 都埋得好自然; 不過覺得自己都幾叻, 不輪係故事入面果d難題、伏線、劇情, 轉折都估到晒呢, 哇卡卡。睇完覺得其實以前噶自己就係咁, 同埋都應該係咁呀! 感覺自己有返d力量呢~

5/10(三) -- 重陽公眾假期; 中午同呀Jo食晏然後去海港城睇Lego, 再係TST行下; 晚上去太古同Barry呀CSanny睇特務On J, 我覺得普通啦, 都幾好笑ge; 之後去西灣河, 係太安樓食左D野再去食車仔麵再去食甜水之後散。

4. 對朋友講左d野, 希望可以幫到佢, 令佢可以好d; 不過結果係令人痛苦喎; 自責中。詳情唔講了(其實我係無佢誤會果個意思的)。

6/10(四) -- 同NatWacoal等人食飯cancel; 收工返企食飯。

5. 轉載自朋友手筆: 八月，蘋太祖久病決讓，立曲帝；至秋，太祖崩殂於加州，?未及耳順之年而歿。昔喬氏七六年立國稱帝，國號大蘋，八?五年遭篡亂而廢黜，逐後歷十二年復位，始後十四年厲兵秣?馬，創單騎御駕親征之風，艾朴、艾風、艾壁三役三平亂世?，史稱太蘋盛世。

6. 如果唔係因為穩定, 有D想轉換下環境。

7. 我的心情...想很唱K去宣洩!

7/10(五) -- 之前果晚臨時約人唱K, 收工同呀詩、小暈、呀源、呀進(一班唔相干噶人)去瓊華Neway, 都幾盡興呢! 唱到11點半走。

8. 惹不到傷寒, 卻上了無人駕駛的快車。

8/10(六) -- 全日日頭在家抖, hea到爆, 聽下歌; 晚上去逸東酒店, 佐治結婚請飲。帶左相機去竟然一張相都無影哈哈。晚上C臨時無啦啦話想唱K, 咁O岩唱家班老友都OK, 約左第日唱。

9/10(日) -- 早上去打波, 天氣竟然熱返少少, 不過都唔太辛苦, 10點打到1點都OK啦~ 而家少打, D基本功都渣左, 射波又唔多準 =_=; 下午同民join埋呀C一齊去Jordon唱K, 由2點唱到8點, 好抵呀, 今次真係盡興呢; 之後去左蘋果hea食之後散。

9. 今日收到D風, 睇來Barry可以放棄了; 完結左去啦。

來緊:

10/10(一) -- 又鄧腳? CWB松屋; 睇來以後呢D機會可以少d了~
11/10(二) -- 話劇同學re-U
15/10(六) -- Gathering wv Lands ex-col
18/10(二) -- Bday Dinner of Angel wv KTBarryJp...etc
19/10(三) -- 同兄弟姊妹食飯。

完

忽略

2011-10-04T00:28:00.001+08:00

細個果時, 因為屋企係最細個果個, 亦都同對上一個有咁上下年紀差距, 成日都無咩人理我噶。唔係指起居生活果d, 係當我有問題或者訴求果d, 問都無人應, 有時完全ignore添。一直到而家大個左, 好怕被人忽略, 好怕阻到人, 好怕令人唔開心, 所以會小心奕奕, 甚至揣摩人地噶心意, 然後係人地唔覺之下都會覺得無阻到人, 或者覺得相處得尚算舒服。時間耐左, 已經成為左習慣, 甚至係一種模式。

呢d經驗偏多, 所以一般來講做噶野都ok work的。當然明白, 一變成咁就有好多野主動性唔強, 或者太過小心奕奕就失去自我。不過如果睇得準的話, 一般人地都唔會覺, 同埋都唔會做錯野, 咁都好呀, 起碼唔會令人唔舒服, 就算唔係加分, 都唔係一個扣分噶存在。

唔知點解, 身邊好多朋友(即使係熟噶)都係果種會忽略人噶人, 唔係我要求對方重視自己, 而係真係忽略, 或者可以話基本噶回應都無; 或者係, 如果真係當一個人係朋友, 唔會咁樣忽視對方的。所以慢慢變得愈來愈驚。

講真, 我係好怕比人忽略噶。當然對我講大話會仲大鑊, 但係忽略我我都會好難受。曾幾何時, 比重要噶人對我忽略或者冷言冷語、黑面, 我真係好難受同好驚, 而且呢D野係無從正面去面對的。久而久之, 我只可以選擇唔去面對。由於怕阻到人, 所以唔搵咯。由於怕被忽略, 所以唔搵咯。由於怕黑面同冷言冷語, 所以唔好搵咯。

請別怪我, 對於愈重視、愈想搵噶人, 我有時只會愈來愈唔搵, 甚至愈來愈疏遠。就當我自己被扭曲了吧。

完

半桶水

2011-10-04T00:26:00.001+08:00

很不喜歡半桶水的感覺。一向覺得發展專才比通才更好。而專才的定義, 並不是指"專長於一種技能"而已, 而是各種配套的技能也一起得到提昇, 從而達到更高的achievement。

用一個打機RPG噶例子: 一個角色升level成長, 如果係戰士的話, 一定係會加力量同生命, 唔會加魔法。因為戰士係埋身肉搏噶職業, 所以力量大d攻擊力會強d, 又可以拿多d勁d噶武器, 而血多d就可以捱多幾下敵人噶攻擊, 又可以做魔法師噶肉盾。(我估我咁解釋, 唔打機噶人都應該會明掛?)

人生亦都一樣, 做咩職業都好, 除左主技能之外, 都會/應該精多幾樣配套技能。做音樂人總唔會只係識樂理, 總會唱歌好聽d或者識多樣樂器; 做藝人的話, 聲、色、藝總要有2樣是但一樣ok掛? 媾女果d如果性格又好又靚仔又有錢一定無往而不利, 即使有其中2樣都已經大殺三方; 總之, 總唔會只得一樣野係好/叻, 其他野唔得的。

成日話自己唔"好", 之前都討論過一d野, 今次討論埋呢樣: 半桶水。無錯, 人人都有叻d噶野, 但係配套呢? 自問無論要係邊一方面發展都係, 自己稍叻噶野都無好噶配套幫助(唔係講緊屋企呀其他人噶野, 純粹以自己噶技能而論)。即使身邊有好多朋友, 有d識起來覺得好似麻麻地咁, 但起碼佢地overall噶技能(或者性格背境...etc)都係一set咁配套, 有所專長。自己呢? 唔好話配套啦, 就算係做得好少少噶野, 都係半桶水而已, 當你知道果樣野噶極限係點, 而自己點都無可能去到果個level時, 真係會有d無力感。

我覺得自己就真係無專長的。叫係咩都識d, 周身有幾把刀, 但又唔算係張張利; 比人話係好d噶幾樣野, 又無咩配套可以support到, 所以其實真係要唱返首"一事無成"呀(仲要"也許得愛戀先可以得勝"呢句都唔唱得, 哈哈。

完

十月二日 -- 雜記

2011-10-02T23:07:00.002+08:00

26/9(一) -- 收工返企食飯。連日訓得唔好, 好累。

27/9(二) -- Barry book左毛毛球7-9pm @ 灣仔駱克道場; 收工去打, 5個人(我Barry呀強呀C同Sanny)得我係2個鐘無停過; 打完去CWB Broadway睇相機, 買埋; 之後食左間茶記後散。

1. 連日訓得唔好之後, 趁住天氣暖返少少, 開返冷氣訓一晚。

28/9(三) -- 收工要OT, OT到9點3島, 從KT返企。

2. 頭髮, 我忍你, 唔剪住!

29/9(四) -- 八號風球, 放假一天, 真好; Barry佢地原班人馬又出動, 不過我唔去了; 晚上在家食飯。全日在家都幾累...

30/9(五) -- 今日便服日, 我捐左錢可以著便服返工; 收工去呀Man屋企, 舊IIA Gathering(Man, David, Mandy, Doris, Sam, 後尾發現原來又唔算係真係最熟果堆); 係佢家打邊爐, 成班都識左一段時間, 咩都傾下都幾開心, 仲開住Eason噶concert來聽; 唔覺唔覺就12點啦! 之後一齊走; 係樓下平台見到一班街坊狗主一齊放狗, 有好多狗狗, 有大有細仲超友善。我地走埋去, 佢地一齊圍上來哄哄同聞聞聞, 跟住果d主人仲話比我地任錫任摸呀! 有好大隻噶雪橇, 有細隻噶歌姬, 仲有好多其他wow wow~ 超開心超幸福呀~~ 之後隻歌姬仲一直追住我地添! 呀Sam車我地落返去, 見落大雨仲車埋我地返去近噶地方, 專登車左我返KT, 真係太多謝了! (係荃灣車我返KT, 之後仲要送Mandy去TKW同埋Doris去大圍, 自己返元朗! p.s. 仲有呢個幾2個月成日坐人車哈哈)

3. 用錢買自由($60換一日著衫噶自由), 用自由來換錢(日日返工來搵錢)。

4. 同催時同學傾左好一輪偈, 好耐無試過了; 都係果句, 希望佢開心啦。

5. 我遇上了魔鬼。

1/10(六) -- 星期六先來公眾假期, 蝕; 約左魷魚係坑口食lunch, 好耐無見。食完行左坑口一下, 之後再去寶林散水, 自己行左一下就返企; 夜晚自己試煮左個炒飯ok喎。

6. 記得以前有人話過鐘意肥仔的~

7. 半夜同Yun傾左一輪, 估唔到原來佢噶故事係咁, 估唔到有朋友係會經歷呢D野噶人。

2/10(日) -- 全日在家hea爆, 煲完套韓劇"城市獵人"。

來緊:

3/10(一) -- 一班人慶祝同事MandyHo生日@MK
4/10(二) -- 同呀進睇電影作死不離三兄弟, 終於有得睇
5/10(三) -- 公眾假期
6/10(四) -- 同NatWacoal等人食飯
8/10(六) -- 佐治結婚請飲
11/10(二) -- 話劇同學re-U
18/10(二) -- Bday Dinner of Angel wv KTBarry

完

Mastermind

2011-10-01T02:44:00.001+08:00

細個都幾鐘意玩呢個遊戲, 尤其係屋企無咩玩具噶情況之下, 唔記得係邊個親戚朋友噶關係而有左副野, 有一期成日同屋企人玩。

記得果時都ok估到答案, 好多時玩到尾果幾round都會估到
, 有時可以係中盤就估到就好開心。當時完全無意識, 玩果時係經過左精密計算噶。中盤估到, 即使包括左運氣因素, 反而仲更開心。細個只係會因為結果而開心, 唔識得因為過程而喜悅。

而家當然知道其實隻game噶精髓係在於"計算", 而不擅長計算噶我, 應該係唔算喜歡玩呢類遊戲(好有可能細個係會比而家更加會計數, 或者更肯去計數)。究竟自己係因為懶呀, 定係因為自己係一個文科d、情感化d噶人呀, 定係因為自己真係唔叻去計算呀...都好, 對呢D估完再要計數再推斷噶野唔係好大興趣。

有少少夾硬, 都拉去講下愛情。
或者對於"愛情"呢樣野來講, "感覺"都係重要d噶一環。因此唔喜歡呢樣野流於公式同埋計算。雖然事實上好多情況都係咁: 有好感, 於是就追, 於是就對對方做一D好噶野, 令對方開心, 從而增加好感度, 慢慢到感情去到某一個程度時就係埋一齊。

話我固執都好, 我唔喜歡咁樣。即使全世界都係咁我都係咁話。我唔覺得"追"或者"示好"係"假", 亦唔可以話係"欺騙", 但係都唔係完全噶自己, 只係向對方表露左自己好果一面。同時, 如果對方都係有好感, 亦都只係會比較睇到自己好噶一面, 無咁留意到唔好噶地方。咁即係唔夠了解? 唔係真係知道真正噶自己係點?

講到"追", 感覺更加好似係捉心理咁。總之就係做好多野去令對方鍾意自己, 覺得自己好。但係事實上自己係咪真係咁好? 或者係咪真係可以以後一直keep住咁好? 大家熱情減退後真係可以一直keep住? 有幾多人可以做到呢?

對於"追"呢樣野, 自己並唔係唔"追", 而只係實際上有d唔同, 唔係"懶"。只係一直相信, 只要大家相處落來, 係舒服係鍾意噶, 就自然知道自己係鍾意, 而當真係感覺到自己鍾意, 就會好自然咁想見對方多d, 想接觸多d了解多d, 想令對方開心, 想對對方好。並唔係想令對方喜歡自己, 而係自己想令對方開心, 係兩樣野來的。

因此, 我仍然係唔喜歡好似mastermind咁, 去計算點樣令對方喜歡自己, 去估對方喜唔喜歡自己。要喜歡, 就喜歡吧。

完

九月二十五日 -- 雜記

2011-09-26T00:27:00.002+08:00

19/9(一) -- 收工返企, 準備同呀哥去過大禮, 出門口時竟然超大雨, 係最大雨果時(黃雨); 上左的士去呀嫂度(TKW), 係佢家食晚飯, 佢爸爸媽媽好好人呀, 煮d野都好好味~ 之後就返TKO; 抖左下同呀哥呀嫂落左去TKO運動場跑步, 老實講做左呢度街坊咁耐, 個運動場起左咁耐都未去過, 皆因自己唔多好跑步呢~~跑左半個鐘多d(估唔到自己原來都跑到步的)返企。

1. 聽呀A講左佢好多野, 其中有一樣野講開, 雖然又係D不嬲都知噶野, 但係有時係人地度再聽, 感覺係唔同的; 而呢樣野聽左幾有感覺, 亦都令我覺得真係要努力: 一係就認命認自己就係咁, 如果唔想咁, 就要改變, 咁我係咪想咁樣? 自己執問自己, 覺得唔係咯, 我唔要認命。

2. 因為要搵d衫, 結果執左個衣櫃; 執左好多衫出來, 仲發現原來有d買返來未著過(成日拿擺面噶衫來著噶後果)。

20/9(二) -- TKW inspection所以可以早d收工; 同同事Penny去灣仔睇林一峰concert; 係TKW收工先去信和陪佢買CD再去灣仔通利拿野再去食飯, 間野好OK喎~ D野食幾好食又唔算貴又幾好坐, 值得推介~ 之後睇concert, 好好聽, 睇完陪埋Penny排隊簽埋名先走。

3. 林一峰唱歌真係好好聽好有feel呀, 我都唔知點comment; 佢唔同部份用唔同種類噶結他自彈先唱, 有用各種唔同技巧同唔同feel噶歌, 總之都好正呢; 同埋最正係佢噶歌詞, 正如佢所講, 對佢來講佢D歌噶詞係緊要過d曲噶; 唱左好多歌, 雖然自己唔係die hard fans但好彩好多都識; 一支煙的時間、The best is yet to come...等等都好正, 仲有英文版噶遇見都唱埋, 但係今晚呢首歌最觸動到我 - Trust, 好正...可惜噶係無唱到我最愛噶重回布拉格。

4. Penny超開心, 成個小朋友咁; 仲有, 係大家一齊打拍子噶時候, 見佢原來係打會打錯的 XDD 唔怪得佢學笛有問題 XDD

5. 天氣開始涼左, 好開心~~ 不過仲係沖緊凍水涼。

21/9(三) -- 之前果晚訓得唔多好(其實keep住都係麻麻, 不過之前果晚係差少少), 所以好累; 收工先返屋企沖個凍水涼醒神下, 再出返去土瓜灣同ABCS食呀A推介噶打冷, 都唔錯(又未到驚艷); 之後轉場去食果間甜品反而OK喎; 食完返企。

6. 終於同陳同學傾左下, update左佢d野, 覺得...唔係呀嘛, 玩野? 不過未知晒所有野, 要再跟進下呢。

22/9(四) -- 收工返企, 好眼訓, 早訓。

23/9(五) -- 收工前臨時搵左呀進去SSP行下跟住食飯(無買野), 去左好~~~耐無去噶飛鷹, 食完返企。

7. 網上見到: 只要是喜劇收尾, 過程你讓我怎麼哭都行。

24/9(六) -- Barry有免費飛去Disney+黑色世界; 10點半係CWB join埋呀C去到佐敦11點幾join埋其他人, 食新牛屋做lunch, 預計之後係玩完出返來先再食野; Barry車我地入去Disney玩, 我(同C都係)未去過係第一次去呢; 基本上D野都普通唔算十分好玩, 有d都幾fantasy噶, d show同劇院睇噶show都幾好, 如果係想"玩"噶就差d啦; 一行五人都係行同企多, 因為都要成日排隊; 而家開始有Halloween噶theme, d場景佈置同D人扮噶鬼都ok, 尤其係夜晚都幾有氣氛幾靚; 唯一好過環球噶係個煙花; 果2間鬼屋都唔多驚; 玩到11點人地關門先走, Barry車我地出MK新星打邊邊, 到2點先走, Barry車晒我地返企。

8. 竟然S無啦啦估到我無啦啦想聽乞丐王子, 好勁呀果下!

25/9(日) -- 全日在家hea一天, 只係2餐飯落過樓下。

8. 睇來都要買新相機啦; 仲有皮鞋。

來緊:

26/9(一) -- George派帖cancel; 應該返企食飯。
27/9(二) -- 毛毛球7-9 @ Wanchai; 應該會去買埋DC
28/9(三) -- OT @ KT
30/9(五) -- dine wv IIA
7/10(五) -- 話劇同學re-U
8/10(六) -- 佐治結婚請飲

完

信

2011-09-23T22:58:00.001+08:00

成日話自己而家差過以前。(事先聲明, 並唔係話以前噶自己好好, 只不過係比較來噶姐, 而家噶自己差過以前而已。)其中一個主因係已經無左"信"。

由細到大身邊都好多叻噶人, 成日活係好多勁人之下, 但係都唔會失去自信。曾幾何時, 亦都相信有某d方面自己係比其他人叻噶。感受性強、代入度高、纖細等等。當時有一份自信自己可以好易明白、感受、猜想有關人噶情感、情緒噶野。事實上, 以前的確頗為成功做到呢一方面噶野。

自己絕對係一個情感化、情感行先噶人, 但係同時因為吸收左好多人地噶經驗+睇書, 令我有好多野都可以睇得開。因此人地搵我傾偈時, 可以冷靜分析(作為旁觀者唔難), 可以用多個唔同角度去睇一件事(因為儲埋好多經驗), 同時亦可以情感上明白、感受到人地噶開心、悲傷(齋理性分析其實無咩用, 最緊要係感同身受)。所以呢D野加埋, 另我一直都易識到、熟到朋友, 亦都好多人願意同我傾佢地噶野。

呢年半以來, 真係感受到自己差左的。自己已經好多野算係唔好, 而當少數自己比較叻噶野都差左噶時候, 就真係差左好多。諗得太多唔緊要, 最敝係諗得多得來, 唔係O岩、或者負面。從前噶我比起而家正面好多, 而"諗得多"噶野亦都準確好多, 加上自己噶記性, 好多野唔使出聲都會知、會明, 話頭醒尾, 甚至可以叫善解人意?

講真, 而家唔係唔可以, 但係無左果份信心。我唔否認亦都唔係賴, 之前噶事令我喪失左呢樣野。明明自己睇得真、講得準、諗得O岩、甚至尚算做得好, 但係所有細心、關心、信心, 得來噶結果竟然係咁。加上太多噶欺騙、隱瞞, 我已經唔再肯定自己係O岩定唔O岩, 好多時就算明明都O岩的, 但係因為無左信心, 加上又負面左, 就會多好多不必要噶諗法同顧慮, 反而諗諗下就錯左、錯晒。惡性循環。跟住就愈來愈唔相信自己諗噶野, 之後就會愈來愈怕阻到人, 影響到人, 跟住就愈來愈退後。

除左"不能", 亦都有"不為"噶因素。講真, 自己尚算知得多野, 有好多野點會唔知、唔識? 不過, 又係果句, 我唔否認亦都唔係賴, 之前噶事令我喪失左呢樣野again。因為心態好累而唔想做。呢樣野相信都唔多使我解釋都好易明了。於是"不能"加"不為"令我覺得自己係呢方面差左好多。自問自己優點唔多, 來來去去都係同呢樣野有關。當呢樣野都差左咁多噶時候, 對自己噶價值就自然低左好多。

可幸, 爛船都有三分釘。即使係咁, 呢年幾以來仍然可以識到好多朋友, 亦都有好多好噶朋友。對住朋友自己都尚可以儘量正面, 亦都仍然OK了解別人。其實有好多野, 做左咁多年人, 個個都會知都會明, 只不過到真係發生、或者到左某d情況, 做唔做到係一回事。生活都係咁繼續落去, 唔開心、負面點都好都無用的。就算幾唔想都好都係要生活, 而生活得唔開心亦無意思。

時間係最有效噶療法, 亦係最殘酷噶。記性幾好都好, 即使仲記得"事情", "感覺"都會變得淡左。唔多唔少、唔經唔覺自己都好過之前好多。當然有D野係好難磨滅到的, 但係總算有明顯進步掛? 同某友傾開, 佢問我係咪就咁認命, 覺得自己係咁就係咁? 如果覺得係咁架啦, 就認命咯, 如果唔想, 就要改變。

想自己再充滿朝氣, 想自己再度正面, 想自己好似以前咁。定下目標, 努力向前。反正, 我信了。

完

九月十九日 -- 雜記

2011-09-19T01:34:00.003+08:00

12/9(一) -- 中秋節, 公司早放3點; 返企煮返味同屋企人食飯。

13/9(二) -- 公眾假期; 係屋企hea左一日; 晚上去同事Raymond結婚擺酒果度。走果時個住係調景嶺噶Manager車埋我地幾個住得近噶同事返來, 好開心。

1. 我真係好耐無試過燦爛咁笑麼?

14/9(三) -- 同白田噶舊同事(PuzzleManWing, Puzzle仲帶埋仔仔軒軒)打毛毛球, 好耐無見啦(亦都好~~耐無一齊打波); 係Quarry Bay meet左, 食一間茶餐廳樣噶泰國野, 個燒魚幾好食喎, d set 晚餐$35好抵, 個海南雞飯唔錯呢; 食完仲好早, 一齊去左太古城Jusco行左下, 到10點幾就返轉頭去打波(10-11), 打完散水; 全程軒軒勁百厭同調皮, 我地四個大人都無機會正正經經打返場波, 不過好好笑同好玩呢~~

2. 我要再重新整理自己, 唔好再被過去影響同矇騙; 覺得自己好傻好低能, 點解會咁呢? 不過真係極唔鐘意謊言、大話, 對我來講實在係太可怕了, 失去左信任係好難可以再得到的。

15/9(四) -- 同Planning果邊噶同事唱K(Nat, 華哥(Wacoal), 歌后靚媽秘書小姐Joyce, 另一秘書Queenie Cheng); 收工就返方便噶地點, 去MK新世紀Neway, 唱到10點幾島散。

3. 有d rumors比人講得太多同埋講噶果種態度令人覺得唔多pleasant, 玩下唔緊要, 但有d over左, 感覺麻麻地, 有D唔開心。

16/9(五) -- 呀So生日, 同Taylor小暈等人同佢慶生; 收工去荃灣, 再度唱K, 大約11點幾島走人。是日身體精神狀態都累, 亦都唔多唱, 不過大家都玩得幾開心, 有人好有心思帶左好多壽包來, 又有汽球同埋有d party用品, 玩汽球好攪笑。

17/9(六) -- 同BarryCynthiaAmySanny去西貢一日遊; 中午出發, 多謝Barry車我地入去呢。係西貢松記食晏, 好耐無去食, 而家差過以前好多了, 雖然唔係難食, 但係已經係好普通, 唔太值得去食; 食完行左下之後就搭船入去橋咀, 入去又係行下同影相, D風景幾靚呢~ 行完搭返船出來, join埋Sanny個女, 6點半島食泰旺, 好味道; 之後佢地坐Barry車去坑口, 我就因為多出一個人, 我自己搭車出返去坑口聰嫂join佢地一齊食埋甜品, 9點島散。

18/9(日) -- 貓姐生日快樂!! 一早起身, 去打波。打完波返企沖涼休息下, 去Fontane家同民民同FuFu個妹hea同食飯, Fontane親自下廚呢; 同隻狗Benson玩都幾累(後尾有少少係比佢玩咁=O=), 到8點幾九點出TST同呀A飲野吹水, 到12點島返企。

4. 又聽左呀A好多野, 今次有少少O咀添, 佢同佢個...我都當係bf先真係...=_=; 另外, 真係唔知點解我係那麼容易令人同我講好多佢地自己噶野, 仲要係好自己噶野呢(當然都有D人係唔會講自己野架啦)。

5. 有一番話又O岩: 一係認命, 一係就改, 咁我係咪要認命呢? 諗下, 唔係咯。

6. 最近去左、做左、聽左...etc好多自己呢段時間都唔想掂到噶野, 有意無意都好; 又好似...已經無咁強烈地覺得辛苦了。

來緊:

19/9(一) -- 幫呀哥過大禮去TGW
20/9(二) -- 林一峰concert
21/9(三) -- dinw wv ABCS @ TGW
24/9(六) -- Barry有免費飛去Disney+黑色世界

26/9(一) -- George派帖
27/9(二) -- 毛毛球7-9
8/10(六) -- 佐治結婚請飲

完

九月十一日 -- 雜記

2011-09-11T23:06:00.001+08:00

5/9(一) -- 早上direct去總部上training, 下午先返office; 收工返企食飯。

1. 第一日老細放假, 好free~~

6/9(二) -- Nat女生日快樂~~ 收工返企食飯。

2. 原來只要有人稍為對我和顏悅色, 我已經可以開心半天。

3. 呀爸同呀媽而家對我真係來堅了, 狂講, 煩到死...點算...=_=

7/9(三) -- K wv colleagues cancelled; 約左Nat同佢食飯, 等papa同佢慶祝下生日啦 XD; 收工去左MK行左下之後去新城市, 試左果間"果一度"麻麻地...生日飯來講係度食真係唔多掂。

3. 皮鞋都會入水, 睇來真係夠期換啦。

4. 連大張都來料, 做咩個個都話介紹女仔我識...

5. 世界是依每個人的眼而呈現; 什麼樣的人, 會看見什麼樣的世界; 什麼樣的心, 會生出什麼樣的結論。

8/9(四) -- Barry book左九龍城7-8pm打波, 唔夠人叫左我, 都係得3個, 叫埋同事呀儀去打, 總算夠4個人, 好難得有得打波啦而家~~ 打完之後去左就係隔離(市政大樓熟食中心)噶泰苑(即係真-王珍珍), 好耐無去過呢, 其實呢檔都係以前去開噶泰國野。食完之後散。

9/9(五) -- 本來星期二, 改左做呢日, 同白田舊同事食飯, 之後再有人突然唔得, 雖然係8月中已經約, 但係最終都係cancel...; 大張早2日無啦啦約出來食飯(都講左好耐), 於是叫埋大張果幾個呀姐朋友, 再叫埋舊同事(+相識)TaylorPollyCathy出來一齊食飯; 點知原來無啦啦話係介紹靚女比我識...=_=; 佢地帶多左個女仔來...好彩我地8個人, 佢地都係有好多野講, 都唔太尷尬噶...個女仔都幾靜, 所以無咩交流, 所以都無咩機會尷尬啦(有幾個位都有少少...); 去左朗豪坊噶Monster壽司, 呢間野都聽左好耐, 好多人都話好食, 不過我食落就覺得麻麻地, 唔太差但又唔係特別好(都有D係好唔錯, 但係overall就普通), 價錢偏貴呢。食完落滿記食多轉糖水(其實我壽司都食唔多都飽, 糖水更唔多食得落), 多謝大張請食糖水~~~ 食完散水(話時話個女仔都幾靚女)。晚上同Amy傾電話, 聽佢一輪咀狂呻, 哈又多一個人同我講佢噶煩惱呢, 不過我覺得佢同佢bf應該有機會ok掛? 希望無事啦。由於傾電話關係晏左訓。

10/9(六) -- 公司噶義工活動, 一早8點起身9點3去到藍田集合(所以有d累), 都有一段時間無做義工呢, 去老人院派月餅, 同d公公婆婆玩下遊戲傾下偈, 11點幾完, 之後同朋友們飲茶; 飲完茶下午去天樂里同AmyBarryCynthia(ABC, XDD)唱K; 唱完6點島夜晚返企食飯。

6. 若是無法成為一支鉛筆, 書寫別人的快樂, 那就盡力變成一塊橡皮擦, 抹去他們的悲傷。

11/9(日) -- 無野做, 在家休息hea足一天。

7. 下星期無啦啦咁就full左。

來緊:

13/9(二) -- 公眾假期; 同事Raymond結婚擺酒
14/9(三) -- 同白田同事打毛毛球
15/9(四) -- K wv planning同事(NatJoyceQQWacoal)
16/9(五) -- 呀So生日, 同TaylorPolly小暈等人同佢慶生
17/9(六) -- 同BarryCynthiaAmySanny etc去西貢

20/9(二) -- 林一峰concert
24/9(六) -- Barry有免費飛去Disney+黑色世界
8/10(六) -- 佐治結婚請飲

完

影子

2011-09-10T00:00:00.002+08:00

生, 請原諒我的不辭而別。
對不起...對不起...

一直以來我的任性讓你吃盡苦頭。
你很瞭解我, 你一直令讓我快樂, 而我卻一次又一次的讓你傷心、失落、幾近發瘋。
是我讓你失去了自己, 讓你不知所措, 消磨著你的所有。

我不知那一天為什麼失心瘋, 對你說分手。那一刻的我是瘋了、失去理智了。
回想起那一刻, 我就像聽到電話的另一方破碎了的聲音, 好像世界上失去了些什麼...是麼?

那一晚你一定不好過, 或者...是從那一晚之後你也不曾好過。
而我, 卻只能不好過了一晚。

我好後悔, 說了那一句話, 我真的好後悔。
生, 你知道嗎? 我真的好愛好愛你。即使大家曾經有多少不快樂的事情, 大家傷害著彼此, 但我仍然是愛你的。
我們在一起的快樂, 是所有其他快樂所無法比擬的。

過了那唯一不好過的夜晚, 我拖著疲累的身軀, 失魂落魄的想去找你, 我想親口跟你說一聲對不起, 親口說我愛你。可是我看見了什麼?

我看見的, 是馬路上的一架大貨車, 那大概就是我在世上最後看到的最後一樣東西吧。
我一心只想趕著去找你, 沒有看到路上的情況, 我走出了馬路, 貨車收制不及, 撞倒了我, 也奪去了我的生命。
我不能親口跟你說對不起, 不能對你說我愛你, 不能再抱你、吻你...我是多麼的後悔! 如果我沒有跟你說分手, 如果我跟你仍然是一起, 就算我突然死了, 我也覺得很幸福的。偏偏我卻跟你說了分手、傷了你的心、還沒讓你知道我的心意時, 我就死了!

我不想輪迴, 不能成仙成佛, 不能上天堂, 我求神讓我可以跟著你、看著你, 於是, 我化身成為了你的影子。

我都看到了。你的悲傷, 你哭、你呼喊、你精神晃惚。我看見你不再像以前般愛笑, 笑也只是淺淺的笑; 我看見你時常呆呆的靜靜的坐著, 兩眼失神地看著前方; 我看見你的手在顫抖, 經常深呼吸; 我看見你經常在談話時、走路時、工作時、遊樂時突然的停頓, 因為你看到了、聽到了、感覺到了一點點我們從前曾經一起經歷過的痕跡...

你是多麼的喜歡跟我分享你的事兒, 我卻從來也不多專心聆聽。從此, 我就可以一直跟著你身邊...我從來也沒有好好了解你, 現在我可以好好的看著你、跟著你。你做什麼, 我也在做著什麼, 你看見什麼, 我也就看見什麼...你不用再跟我分享你的一點一滴, 因為我都看見了、知道了。

我成為了你的影子, 追隨著你, 看到你看到的一切; 可是, 我卻不能觸摸你...我只配被你踩在腳下...是我對不起你...我奪去了你的心, 使你失去了你的神采, 使你不再像從前一樣, 那麼的吸引, 那麼的外向, 那麼的愛說笑, 那麼的可愛...

生...我好想讓你知道, 我愛你。我好想抱著你、吻著你的臉。即使你認為自己是多麼的不濟、多麼的不好, 我也是只愛你一個...

而我, 你的影子, 只能在你睡覺的時候, 在你不知不覺中, 在黑夜中隨著黑暗緊緊的包裹著你...抱著你...陪著你睡...願你有一天醒來的時候, 可以忘記了我, 回復到從前的、我最深愛的你。

完

九月四日 -- 雜記

2011-09-05T00:04:00.001+08:00

29/8(一) -- 約左Cass食飯; 睇來佢心情好返, 所以無再點大講D唔開心野, 主要係傾我地某好友噶野, 佢公司噶野同d閒偈; 去九龍灣本來想食齋, 經過一間佢係沙田食過好食噶韓國野, 臨時轉左呢間食; 唔記得叫咩名, 普通姐。坐左好耐吹水同埋之後行左下之後散。

1. 好耐無打過鼓機, 執返起鼓棍都幾乎無左個感覺, 打左下過下癮。

30/8(二) -- 姑姑突然話好想食日本放題, 於是我攪返次飯局, 叫左好幾個唔同噶fnd一齊食飯(姑姑同八妹, Barry同Angel, 仲有呀進), 去MK果間"串"食。食物質素中規中距, 都唔錯, 7點前入座8折, 食2個鐘, 圍返埋單每人150, 好抵; 雖然好累但始終都有d人互不相識, 叫係鼓氣左少少精神去吹水, 好彩大家應該都唔太悶吧? (好彩佢地自己各自都有識噶人) 9點食完就散。

31/8(三) -- 本來約左BarryCynthia同Amy食飯, Amy唔舒服無份工兼無來, 換左Cynthia噶一個同事Sanny同佢個女; 食大坑噶"達磨拉麵", 個拉麵係HK來講(其實就算計埋日本我食過噶來講)都算唔錯, 個湯好濃個味幾好; 之後去食谷祖琳開噶甜品鋪"小甜谷", 價錢偏貴, 我食果樣普通。

2. 好開心2套想睇噶戲都搵到腳睇呢~~~

1/9(四) -- 同Planning果邊同事(NatWacoalJoyceTerence呀Yo)食飯 @ Bravo Latata, 預祝呀Nat生日; Terence要OT來唔到(不過本來都同佢唔熟), 大家吹下水(不過佢地講比較多佢地果邊噶是非同人事噶野多), 到10點島散。

2/9(五) -- 好高興搵到人一齊睇竊聽風雲2~~ 早少少收工, 先返屋企卸底d唔喜歡噶衫再出返去九龍灣睇戲; 同LilyNancy同佢地個fnd Simon睇戲; 睇到9點半, 本來以為係KLB食個飯就散, 點知原來Simon有車, 竟然入左西貢食泰國野, 之後食埋滿記甜品, 好耐無入過西貢啦; 之後仲車埋我地上飛鵝山, 我係第一次上去呢~ 雖然見到好多車停係度但係唔見有車震XDD; 山上都幾舒服, 有風吹下, 雖然好遠同好暗但係都望到好遠噶景呢~ 12點幾走, Simon車我地返屋企。

3. 愛這個字- 原來愛情的世界很大, 大到可以裝下上百種委屈; 原來愛情的世界很小, 小到3個人就擠到窒息.......

4. 竊聽風雲2: 好好睇呢, 今年睇過噶港產片幾乎係最好睇了; 成套戲個張力好好, 好緊張; D演員大部份都好正, 都好交到戲呀~~ 劉青雲噶演技簡直係"唔搶戲噶搶戲", 佢噶角色根本都唔搶戲, 佢亦唔係好突出, 最勁就係呢度, 完全唔覺佢係做緊戲, 係將果個角色做到最好了~ 而果班老鬼都好正! 曾江, 江毅, 郭鋒, 駱應鈞全部都係好正! 總之係推介必睇噶戲呢~

3/9(六) -- 在家抖了一天。晚上去了聰嫂。

4/9(日) -- 之前約左Rachel係九龍灣噶MCL睇早場噶Horrible Bosses(邊個老細唔抵死), 睇完係埋lunch之後散, 返屋企; 下午臨時約左Cynthia(同Amy), 係屋企訓到4點島出去, 同Cynthia行左先達(部相機搵唔到鋪頭整), 之後係夏雪坐底飲野同吹水, 到6點幾就行信和(買漫畫同行格仔鋪)、彩豐行(出左新噶味, 白蘭花蔗糖沐浴露, 好OK呀; 一人買左一支, 幫佢袋住竟然到走左唔記得比返佢...)、兆萬(格仔鋪), 之後去Jordon蘋果餐廳join埋Amy一齊食飯(可惜Barry來唔到); 食完飯吹水到10點島散。

5. Horrible Bosses(邊個老細唔抵死), d劇情真係幾抵死呀, 哈哈。主打果個boss Kevin Stacey做, 好掂呀~~ 超乞人憎, 果然係老戲骨; Jennifer Aniston雖然唔係出得算好多, 但係都好攪野, 同埋估唔到佢好搏咯~~~成套戲都係胡胡鬧鬧咁, 都幾好笑; 估唔到噶係Jamie Foxx有份客串做個大茄, 但係都好笑呀~~個角色搵佢做好得呀哈哈~~

6. 係皆旺見到竟然有出Metal Slug隻野噶模型呢~~

7. 明天開始, boss on leave for two weeks, yay~~~!

來緊:

7/9(三) -- K wv colleagues?
8/9(四) -- Badminton wv Barry @ KLS 7PM
9/9(五) -- 本來星期二, 改左做呢日, 同白田舊同事食飯
10/9(六) -- 而家公司義工活動

14/9(三) -- 同白田同事打毛毛球
8/10(六) -- 佐治結婚請飲

完

八月二十八日 -- 雜記

2011-08-28T23:05:00.000+08:00

22/8(一) -- 收工後同去一齊去新加坡噶3個好友一齊食飯(4仔re-U); 最近少左去街食, 就算有時有飯局, 唔知點解都係想快d完左就算, 好似想敷衍左去就算; 但係呢個gathering就事前已經期待呢; 4條仔係九龍城食泰國野, 吹下水好開心, 好relax呢; 食完再去食埋合成糖水之後先散。

23/8(二) -- 落site之後direct home = 早放; 之後去寶琳MCL買$110 3張飛噶coupon, 先返企。

24/8(三) -- 收工返企食飯。

1. 記錯左呢日同JoyceLiuRachel食飯, 其實應該係尋日; 果日出左去同佢地坐底飲野同吹水; 2個都係好多年無見噶人, 係好無啦啦Rachel提開不如出來gathering下; 係APM近近地聚一聚, Joyce呢個舊同學係畢業後除左係街上遇到都無見過, 而rachel係Esther個fnd, 更加係無點出過來, 咁O岩佢地又識, 咁就3個人出來, 講下近況, 同埋聽下大家畢業之後點樣, 聚下舊都幾得意呢。

25/8(四) -- 收工返企食飯, 買埋蛋糕返去。

2. 記錯左呀媽生日噶日子; 局住放同事飛機, 真係對唔住了...

3. 諗返起, 一般人平時或者任何時候都會儘量表現自己最好噶一面比其他人見到, 但係原來我唔係; 好耐都無去表現過最好噶自己了, 定係, 已經無左呢?

4. 無自信, 負面...etc etc...要慢慢擊退談何容易, 不過多謝好友14噶一番話, 銘記於心, 盡力而為。

26/8(五) -- Angelic call suddenly on Thu morning, so Ad-hoc dinner; 收工同BarryAngel去尖咀韓國街食飯, 今次試呀之媽, 我覺得有D野麻麻地, 有D野都OK, overall都唔錯啦; 之後三個人係TST慢慢行同吹水去到差唔多太子, 去石磨坊坐底消下暑同吹水, 11點幾散。

27/8(六) -- 11點半去到鑽石山join埋八婆一家, 係Hollywood食晏; 食完呀進先來(大遲到), 之後一齊去行志蓮淨苑, 都幾靚呢~ 之後坐八婆佢地車去佢地家(第一次坐八婆手車, 仲衰過Barry XDD), 係佢家第一次玩高登神獸卡, 都幾好玩喎 XDD 最攪笑係果d獸死或者個player輸果時, 可以順便叫埋果d獸噶名出來, 好應景, 好好笑; 之後一齊去食埋飯先散。

5. 記得在夢中哭了。

6. 等左一年, 終於又出左新一期噶甜甜私房貓啦~~

7. 有D擔心好友噶情況。

8. 係時候要剪頭髮啦, 好唔好鏟左佢呢?

28/8(日) -- 係屋企hea一日, 聽返好多鼓機歌, 好多都好好聽呀~~ 好想打!下午呀嫂個細佬上埋來, 4個人一齊打AOEII, 好開心。夜晚落街食飯。

9. 經歷左2個星期多返屋企食飯之後, 來緊呢個星期又爆場...

10. 今期超級巨聲果然唔多掂...

11. 返多個星期, 老細就會放2個星期假啦~~

來緊:

29/8(一) -- dinner wv Cass姐, 睇來又有好多野要聽呢~
30/8(二) -- 姑姑發起日本放題
31/8(三) -- dinner wv BarryCynAmy @大坑; 睇來Barry好積極呢~
1/9(四) -- 同Planning果邊同事(NatWacoalJoyceTerence呀Yo)食飯 @ Bravo Latata

6/9(二) -- 同白田舊同事食飯
8/9(四) -- Badminton wv Barry
10/9(六) -- 而家公司義工活動
14/9(三) -- 同白田同事打毛毛球
8/10(六) -- 佐治結婚請飲

完

八月二十一日 -- 雜記

2011-08-22T01:31:00.000+08:00

15/8(一) -- 收工返企食飯。

1. 反轉豬肚; 講咩都無用, 唔出聲應該係最恰當的吧。人總係望唔到自己噶錯處, 當然都包括我自己在內, 所以要好好檢討自己。最後, 對不起, 多謝。

16/8(二) -- 收工先返企快速換衫, 再出返去join而家同事快食魚米家, 之後係君傲灣打羽毛球。對腳好彩都好得7788, 雖然都係爭d; 2個鐘6個人(Martin呀黃呀Yee呀YoMandy我), 我停左一次唔係好短時間, 基本上係狂打, 運動量好夠呢~ 不過去到尾段真係有d累了~~打完之後散, 返企。

2. 真係想成日有波打呢~~ 雖然今日打完小腳又有返少少痛~ 不過都係上次衰姐~~

17/8(三) -- 收工返企食飯。

3. 今日感覺良好; 之前同Taylor少少誤會, 無論點都好take the first step, 無事了; 另外, 同同事傾開, 講返起一本自己覺得好好噶書, 唔知佢地係咪會睇呢? 話時話都係時候自己再翻睇一睇, 應該會有收獲吧。I have to add oil to retrieve my olf self~

4. 我部相機竟然壞左...開唔到... =_=""

18/8(四) -- 收工返企食飯。

5. 呢個星期回復返一般人噶"正常": 多左返屋企食飯, 得啦得啦, 我都知大家會覺得對我來講係唔正常啦。食完飯之餘仲會係果邊坐多一段時間, 同呀爸呀媽吹下水; 咩都講, 由6-70年代噶明星講到黎明郭富城Eason; 講金庸講三國水滸紅樓夢講內地電視劇講到古龍溫瑞安到黃易講到TVB; 講袁祟煥岳飛秦檜光緒慈禧講到日本希特拉羅馬帝國, 好耐無同爸媽咁樣咩都傾一餐傾好耐了; 再者, 同年紀都無咩人會傾(或者有更多噶係唔識)呢D野, 要好好珍惜呢D同家人相處噶時光呢。適逢呀媽傷左腳大抖幾個月, 返返屋企找返d書出來順手比佢睇呢。

19/8(五) -- 收工本來係借漫畫比人, 最後變左順便一齊唱K; 收工過荃灣同呀So小暈同寶利唱K; 荃灣Neway唯一最勁噶地方就係星期五都可以無限唱呢; 到11點半島就散, 飛van去KT轉巴士返企。唔知係少唱定係喉嚨狀態唔好定係個場噶關係, 總之覺得唱得唔多好。

6. MCL又推出$110 3張飛噶coupon, 又要去買返2套先得啦~~

7. 雖然以前同佢地唱過一次K, 但係今次聽多d又多d野; So其實入咪把聲都OK, 不過個人好唔夠放(好多野都似係呢), 放膽D同大聲d就ok啦~ 小暈就之前都講過係ok唱得, 把聲好入咪; 仲有係估唔到佢唱Hocc時把聲好似呢(唱其他歌時又唔覺喎)。MN MWT NSP。

20/8(六) -- 約左都幾耐, 下午同日安去灣仔食tea(有人請 :D); 1點先起身, 無食野就同佢去果間書室, 有貓貓, 好得意呢, 不過食同飲噶野好少選擇(結果只係食左個好細噶燉蛋), 仲要冷氣唔夠, 坐係度都幾熱呢, 其實係係雜誌見到介紹, 去試下(唔會encore, 同埋估佢好難捱落去呢); 食緊果時叫左Kenneth出來, 佢未到之前陪左日安去石板街果邊拿野, 之後係金鐘meet Kenneth一齊去返灣仔試一間另外一個朋友話好味噶cake shop, 點知full左, 行返出去時經過榮式燒雞扒, 佢地都未試過於是入去食左雞扒同藕餅; 行返出去係Rocca買左2件cake去M記坐(中途仲上左去和昌大押噶天台), 可惜買唔到最好味果幾款呢; 坐到咁上下就去玩具街行左轉先散; 之後去CWB噶Red Mr.唱K! 第一次去Red Mr.呢! 約左貓姐& Co. (貓, MayChan, 喱, NG, 媛媛), 除左貓姐之外其他人都係超過半年以上無見(有d成年添); 雖然之前果晚唱左K, 但係再唱都OK, 因為未去過Red Mr., 試下都好呢~~ 佢地狂點Neway無噶蕭敬騰、方大同噶歌來唱, 而我都第一次終於都唱到無眠、他夏了夏天同埋天梯呢(可惜唱唔到蟬想)~~好開心(雖然佢地唱左大部份, 我唱得唔多歌)。果度d野飲唔多得, d小食同果盤都好味~ 埋單係貴過Neway噶(二百幾)。唱到11點完, 由於大家都無食飯, 再去食宵夜之後先散。

8. 好耐無同貓姐MayChan佢地唱K, 好正呢; 因為佢地係全部, 無錯係全部都唱歌好聽噶人, 當然特別係MayChan超勁啦~~~

21/8(日) -- 全日係屋企hea, 打下機訓下咁就過左一日。中午自己炒米粉, 由於懶所以唔多好食; 夜晚呀嫂煮, 係屋企食。

9. ChokChokChok我連續幾個星期都估O岩左呢~ 哇卡卡

來緊:

22/8(一) -- 4仔re-U dinner @ KLS
23/8(二) -- may dinner wv old classmate Joyce and Rachel?
25/8(四) -- 同而家同事食飯
27/8(六) -- 同Lands舊同事(八婆等人)遊志蓮靜院, 未confirm

6/9(二) -- 同白田舊同事食飯
10/9(六) -- 而家公司義工活動
14/9(三) -- 同白田同事打毛毛球
8/10(六) -- 佐治結婚請飲

完

孩子氣

2011-08-15T20:16:00.001+08:00

始終相信, 自己唔需要/唔想要係任何人面前"做樣"。

工作時工作, 遊戲時遊戲。講真, 工作對我來講絕對唔係人生噶全部, 因此我係off-work噶時候, 好少講公事, 亦都唔會扮到自己好能幹。就算返工唔忙果時, 我都會變現得好hea, I only do when it matter most(所以我真係最鐘意做果份工係之前IIA果份)。因此, 大部份朋友見到噶我都係去飲飲食食, 去玩, 鐘意玩具睇書睇漫畫聽歌唱K...etc, 因為同朋友一齊, 唔會係"工作"。

講下"玩"; 講真, 我覺得任何噶"興趣"都係同等的, 都係因為自己鐘意某樣野而想接觸、玩多d或者係想發洩下、開懷下, 係無分貴賤, 無關乎成熟與否。睇漫畫、煲劇、睇話劇、睇musical、睇Opera都係沉醉係幻想噶世界入面, 同埋欣賞到唔同種類噶藝術; 砌Model同玩O靚模都係對某D野噶構造有興趣; 打波同打Golf都一樣係做運動, 掃街同埋坐鏞記食噶都係好野...等等, 係根本上係無分別噶。

舉多個例, 我唔覺得睇漫畫同睇書係有"好"同"唔好"噶分別。一樣有好多"好"同"唔好"噶漫畫同書(係度講多句, 我係會睇書噶, 唔係純粹為左漫畫或者自己辯護)。要學野、要長進, 都唔一定要係所謂"好"噶野度學, 係"唔好"噶野度一樣可以學到好多野, 當係反面教材又得, 或者知道一D唔好噶野從而識得保護自己亦得。要學野、長進, 在乎噶係自己個心態, 唔係客觀環境。

講返"做樣"。或者因為唔想做作, 好多唔了解、未了解、不去了解我噶人都會係覺得我個人唔多得的。不論係外表定係平時見到我個人噶"感覺", 我都覺得自己係令人覺得unpleasant的。當然, 我話人地唔了解我, 唔係想話自己其實係"好"、"高分", 我亦唔覺得自己有幾好、幾高分添。但係我有我自己噶態度, 世上係興睇表面噶就由得佢地睇表面。只可以講一句, 我好似楊過咁, 係抵死噶(有關楊過係咪抵死, 請睇返我以前噶文)。

細個果時睇過本書, 有一句好影響到我, 比到我深刻感受: 以火點燃火, 以心發現心。我相信只要自己一直都係付出真心, 一定可以搵到更多真正噶朋友, 一定會有更加多人明白我, 至少唔會係討厭我吧。

如果話, 成人噶世界就係需要"做作", 就係需要"表面", 咁請恕我真係"孩子氣"。

完

八月十四日 -- 雜記

2011-08-14T23:23:00.003+08:00

8/8(一) -- 好累又無胃口, lunch time又無食飯訓左; 起身到夜晚之間都無食野; 晚上本來同NatWacoal(華哥)秘書姐姐(Joyce)食飯, 點知Joyce係公司跌親, 下午cancel左個gathering; 諗全返屋企食飯, 臨收工Kenneth臨時搵我食飯, 於是出左MK睇左D自遊行資料, 不過時間都幾趕, 應該攪唔成了; 之後同佢去左北海道活壽司食飯, 傾偈談下心, 到9點幾就散, 返企。

1. 而家噶自己比以前負面左好多; 當然唔只係自己噶問題, 都會被身邊好多人同現實影響。

2. 今早返工前著條西褲, 發覺著唔到噶, 真係肥左咁多?! 原來唔係我噶...嚇餐死, 不過肥左就真噶...

3. 同好友十四噶一席話; 話我太過2仔, 要學下4仔(九型人格噶野), 將重心放係自己多d; 真係要學下同習慣下呢; 但係, 咁我唯一噶好少少噶地方都無埋?......

9/8(二) -- 約左BarryCynthiaAmy睇功夫熊貓2; 收工去金巴利街(即係韓國野街)食漢城, 都OK(我就來食過晒成條街d野啦), 之後去The One睇, 幾好睇呢~ 尤其鐘意孔雀噶動作, 好靚呢; 睇完9點半島散。

4. 覺得真係要整理下自己個"腦"; 成日覺得自己唔好, 差過之前, 呢D係梗局; 長期係個迷宮入邊, 走唔出來, 都無辦法; 不過整理左之後, 可能會好行少少, 再積極少少; 要令自己好似以前咁, 好似湖咁靜止, 而家太多雜念煩思了。一切由做好自己開始。

10/8(三) -- 收工返企食飯。

5. 開始左係屋企做運動, 逐步增加吧。

11/8(四) -- 收工返企食飯, 繼續在家運動。

6. 在家運動, 先做sit up, 再跑步; 由於真係頂唔住落街跑, 又唔想落去又悶, 結果用左自我custom噶解決方法: 係屋企慢跑+腳要提起+腳板唔可以dump地(唔好吵到樓下), 悶點解決呢? 就係係房開住mp3聽歌+手上拿住NDS打機(仲要係打d唔使用腦要chok level噶位); 加埋個效果真係好, 唔會悶(無咁悶)+堅做到運動+可以堅持一段時間(唔係幾個字, 都超過半個鐘架, 雖然後段對腳都無提得咁起了。另一樣野係, 要堅持呢樣野, 首先係要出少d街, 因為去完街返來, 好難再做晒呢D野呢~

7. 慢慢hea玩同chok下level咁玩, 終於都爆左DQ9, 不過係個主線劇情姐, 仲有好多隱藏要素未玩(不過都唔會玩晒了)。

12/8(五) -- 收工同Kenneth同路去Jordon, 同佢行左下傾左陣偈, 之後佢去CAS, 我就joi nLands同事(呀進GordonWendyConnieErika)食飯, 慶祝Erika生日, 又去King 1; 食完散自己再去The One行左圈, 買左想買噶野, 搵唔到Kenneth, 等唔到佢一齊走, 返企。

8. 之前果日係屋企運動過量噶backfire就係小腿肌肉酸痛, 竟然係幾痛下...

13/8(六) -- Kenneth生日快樂! 一個人的早場 -- 3D藍精靈, 都係兒童向開開心心噶電影呢。下午係屋企訓到死左, 本來約左4點半出去, 好彩有人4點3打來, 即時出去, 遲左少少; Barry開車同我同JP+Cynthia(因為係之前果晚先臨時約, 約唔到多d人)一齊去元朗食飯。再次感受到唔多識路噶人噶威力, 都兜左好一段時間先入到去, 不過反正時間多同大家吹下水, 都無咩所謂; 幾經辛苦先搵到想去果間野(其實去唔到之前去開果間鋪, 好彩都無點兜路), 大家都覺得好食呢; 坐係度傾左好耐, 之後再轉場去B仔又傾左一段時間先走; 回程JP開Barry架車, 先車Cynthia返屋企(勵德), 再返TKO; 今日搭左好耐車呢~~~ 七月十四反而夜返屋企, 哈哈。

9. Hehe, Barry好似...

10. 腳仍然痛。

14/8(日) -- 早上起身都無出去睇早場了; 係屋企hea左大半日, 4點出去上環同呀哥呀嫂同佢細佬睇"中女解毒"。都唔錯呢, 應該好多野都好"中"唔少人噶心聲, 無論男定女都可以睇呢。估唔到有人帶小朋友去睇咯, 有無sense架? 之後4個人去左灣仔食The Flying Pan, 食完返企。

11. 覺得自己好多野都錯晒, 完全唔O岩, so down。

12. 愈來愈對呢個世界、人生、人、自己都失望, 不停地減分, 咁樣我仲可以點落去? 仲有咩可以加返分噶呢?

來緊:

16/8(二) -- 羽毛球wv而家同事
20/8(六) -- Tea wv 日安
27/8(六) -- 同Lands舊同事(八婆等人)遊志蓮靜院, 未confirm
8/10(六) -- 佐治結婚請飲

完

尋覓

2011-08-11T00:26:00.001+08:00

無咩心機寫...尤其個尾。

**********

迪卡維王子

迪卡維四處環遊, 身為王子的他最不喜歡在皇家之中像被綑綁般的生活, 他喜歡自由自在。他連隨從也不帶, 一個人到處經歷了不同的國度, 遇上了很多不同的人, 見到了很多不同的事。

這一天, 他來到了薩瑪隆城 -- 一個民風淳樸, 環境幽雅的小城。可是當他進入城中市集時, 卻覺得氣氛不太對勁。人民都好像惶恐不安似的。他曾聽說這兒的國王是一個溫和的國王, 人民的生活應該無憂無慮才對呀。

在酒館中, 聽到了酒後人們的私語。
"那黑色的騎士今天就要來搶公主了!"
"對呀! 他可厲害了, 無人能敵, 連國王親衛隊圍攻也打不贏他!"
"也難怪他要來搶我們的公主, 她真的十分美麗, 人人見了也不禁迷倒, 最難得是她心地善良, 能娶到她真是三生修來的福氣呢!"
"可惜那黑色騎士實在太厲害了, 跟本就沒有人可以打敗他! 就算國王立下重賞也沒有人敢挑戰他呢! 打敗便可以娶到公主呢! 不過我可無福消受呀!"
"現在我們最怕的是國王不肯交出公主, 那黑色騎士就不知會對我們這些平民百姓做些什麼來!"
"對呀...唏哩嘩啦..."
"唏哩嘩啦..."

流言不斷。就在此時, 城門警示聲大響, 迪卡維走出酒館, 在大街上聽到很清脆的馬蹄聲, 快而很有規律地從城外直奔大街, 再直衝向皇宮方向。

黑色騎士

只見那黑色騎士一身的黑色盔甲, 騎一匹黑馬, 極度整齊, 就像一個正規的軍隊騎士一般。黑色的頭盔把面孔都遮住了, 隱約見到盔中眼睛發出光芒。根據多時的遊歷經驗, 王子感覺到那黑色騎士不是"人", 是"魔物"。看來他要挺身而出, 一般人可對付不了"它"呢。

黑色騎士停在皇宮前, 低沈嘶啞的聲音叫道, "我的公主! 快還的的公主來!"
皇宮內沒有任何反應。
黑色騎士舉起手上大槍, 正有所行動。

"慢著!" 正是迪卡維王子。"有我在這, 你不可以胡作非為!"
"哦...你是他們請來阻礙我的嗎? 哼! 不知死活的傢伙, 去死吧!"
只見黑色騎士翻身下馬, 放下了大槍, 拔出了劍, "你沒騎馬, 我們以劍分勝負, 來吧!"

"想不到你倒也有風度! 喝!"
迪卡維首先出劍, 想不到黑色騎士雖穿著厚重的盔甲, 但動作也很敏捷。最難對付的是他那把厚重的雙手大劍, 連擋也不能擋, 只可以閃避。總算迪卡維身手敏捷, 連遇險招但也沒有被打中。

迪卡維也非庸手, 把握一個空隙閃身到黑色騎士側邊, 一劍直挑頭部。"鏘!"的一聲, 扶他的頭盔打了下來。圍觀的民眾都驚叫了起來, 那黑色騎士的臉竟然是一個骷髏!

黑色騎士輸了半招, 知道這次沒這麼容易解決事情。他立刻拾起頭盔戴上, 騎上黑馬, 說, "哼! 這次你贏了半招, 以後我不會再手下留情! 兩天後的月圓之夜, 把公主帶到米沙平原的山丘上, 否則我不會再客氣了!" 說完就騎著馬而去。

美麗的公主

迪卡維趕走了黑色騎士的消息傳遍了受到了薩瑪隆城。他受到了英雄式的歡迎, 被迎接到皇宮內見國王。
國王很高興的捉著迪卡維的手, 說, "太好了, 竟然有人能打敗那黑色騎士! 你是我們國家的英雄! 想不到那騎士竟然是魔物, 難怪沒有人是他的對手!"
"不, 我覺得他還未使出全力。如果他動真格, 我不知是否他的對手呢!"
"迪卡維呀! 現在我們國家只可以靠你了, 你一定要打敗那黑色騎士呀!"

"父皇!"
"拉菲爾! 你來了! 快來見見我們的英雄!"
只見拉菲爾公主站在門口。她果然名不虛傳, 美麗不可方物。卻見她走向國王, 憤怒的說, "父皇! 國家的安危, 人人都有責任! 為什麼要為了我使平民百姓受到威脅? 為什麼不可以把我交出去, 而要讓別人有危險? 為了大家, 月圓之夜你把我交出去吧! 況且, 我覺得那黑色騎士...不像是壞人!"
想不到公主不單美麗和心地善良, 還很有勇氣!

國王對公主說, "現在不只是你的安危問題。對方是魔物, 就算得到了你, 也不知他會對人民做些什麼! 你還是好好的留到宮中, 這些事就由我們處理吧!"
"不! 父皇! 你總是看不起我! 看不起女性!

公主一跺腳, 就氣得跑出去了。
"真失禮呀! 迪卡維, 我家公主實在太失禮了, 你可別嫌棄呀..."
"別這樣說, 我只是想收伏那魔物..."
說話未完, 士兵氣急敗壞地衝了進來: "不好了, 公主搶了一匹馬出城了!"

猛虎紋章

迪卡維在酒館喝著酒, 總著各式流言。
"我見到啦! 那黑色騎士頭盔被打飛時, 那一瞬間露出了真面目, 竟然是魔物!"
"對呀! 好可怕!!"
"不止呢! 我見到那盔甲胸口位置, 刻了猛虎紋章。那紋章好眼熟呢..."
"猛虎紋章? 是不是一隻老虎咬著花的圖樣? 難道是左魯古城的猛虎騎士團? 聽說左魯古城數百年前已經被魔物滅了, 那兒成了魔物的巢穴呀!"
"對呀, 聽說當時的騎士團長帶領著騎士團去討伐來襲的魔女和她的魔物軍團, 最終全軍覆沒...左魯古城從此就被滅了..."
"難道那黑色騎士是要來侵略我們的? 那可大事不妙呀..."
"對呀...唏哩嘩啦..."
"唏哩嘩啦..."

過了兩天, 大家也找不到公主的下落。
"迪卡維...我們連公主也不見了, 看來真的要靠你幫我們擊退那黑色騎士了..."
"放心吧, 擊退魔物是該做的事, 我會盡力而為的了!"

月夜決鬥

迪卡維騎著馬, 穿上全身裝備, 入夜後一個人去到米沙平原中那光禿禿的山丘。只見黑色騎士已經在等著。
"看來你們不打算交出公主呢...你一個人來跟我決鬥嗎? 好, 等我先解決你, 再去要我的公主!"

這次的決鬥比起上次更凶險。大家都出盡全力。兩個人的騎術和戰鬥技巧都是一等一的高手, 戰了好多回合都不分勝負。黑色騎士力量勝一疇, 迪卡維技巧高一些, 雙方一直打成平手。

"看招! 裂盔突!!" 黑色騎士使出絕招, 配合馬兒前衝之勢使出既快且狠的一招!
迪卡維眼快身輕, 突然剎停了馬, 趁著那多半秒的空檔離開了馬鞍, 從馬上跳起避開了那一絕招, 乘著對方前衝之勢直擊頭部!

"鏘!!" 黑色騎士頭部遭重擊, 跌下馬來。
"我輸了..."

尋覓百年

"慢著!" 只見公主騎著馬來到了這裡。
"拉菲爾公主! 你怎麼一個人來到這裡? 很危險的!"
"不! 我已經決定了, 你讓他把我帶走吧! 你看他身上的紋章, 是猛虎騎士團的。他一定跟魔女有關! 就算你擊敗了他, 左魯古的魔物如果群起而來, 憑你一個還是應付不了! 多謝你幫了我們, 但你還是快些離開這裡, 讓我跟他去吧!"

黑色騎士站起身來, 望向公主。
"拉...菲爾公主? 你...不是莉娜公主嗎? 我...?"
"我...我...記起了...我是左魯古的皇家猛虎騎士團長西剛達! 我帶領著兄弟們去討伐魔女! 可是...可是...我們全軍覆沒了...公主在等著我回去, 等著我戰勝了回去, 舉行盛大的婚禮! 她要跟我跳皇家圓舞曲, 完成我們的約誓! 我...一直在找她..."
"你...不是她嗎? 那...我要回去! 我要回去左魯古城找我的公主!"
"謝謝你們! 對不起, 給你們添麻煩了..."
黑色騎士說著, 騎上了馬, 向著北方而去。
黑色騎士的身影在黑暗處消失。

"公主, 回去吧!"
"他..."
突然兩個蝙蝠魔很快的從樹林那邊直飛過來, 大家還未來得及反應, 公主就被捉住了, 直飛向北方!
"拉菲爾公主!"

左魯古城

迪卡維回到薩瑪隆城, 把經過一五一十告訴了國王。
"想不到那黑色騎士一早埋伏了魔物, 抓走了我的女兒! 實在太可惡了!"
"對不起, 我讓公主給抓走了..."
"唉...也不關你的事...現在也沒有辦法...左魯古城是魔物的巢穴...公主...公主是救不回來的了..."
"也不一定...國王, 你告訴我左魯古城在哪兒, 讓我去一趟吧!"
"你為了公主真的肯以身犯險嗎?"
"不, 不單止為了救公主, 還有那黑色騎士..."

迪卡維一直向著北方, 終於見到遠方一座城池。那城池上空籠罩著烏雲。
"看來這次不簡單呢!"
迪卡維一直來到城門前, 只見城門打開了。他進城後, 只見都是荒廢了的頹垣敗瓦。沿路過去皇宮, 卻見不時有魔物的屍體。進入皇宮, 不時有魔物來襲, 不過都給他料理了。終於來到了皇宮中庭門外, 只見黑色騎士站在中央, 跟一個穿著紫黑色袍的魔女對峙著。

紫衣魔女

"魔女! 你...你究竟做了什麼! 為什麼...為什麼這兒會變成這樣?!"
"哎喲~ 你都忘了嗎? 看來我控制你的魔法給別人破解了呢! 那就讓我一五一十告訴你吧! 很久以前, 你帶著一堆沒用的廢物來攻擊我, 都讓我給解決掉了, 呵呵呵呵呵...可是呀...我很喜歡你呢~ 我想跟你在一起, 你又不肯, 我只好殺了你, 把你變成了魔物, 再控制著你的身心。你知道嗎? 這個城的滅亡, 你也有份造成的! 呵呵呵呵呵! 這兒已經什麼都沒有了! 你還是乖乖的跟我在一起吧! 你看, 我把他國美麗的公主抓來了, 我要侵佔她的身體, 你就可以和美麗的我一起了, 呵呵呵呵呵!"
"你...你...你休想!"

黑色騎士直衝向魔女, 魔唸了一串咒文, "破!" 黑色騎士在快要擊中7女時被彈開了。
"你雖然很厲害, 但在我的禱法面前也沒奈何呀, 嘿嘿嘿!"

迪卡維走到中庭, 說, "二對一, 勝算可就增加了一倍啦! 醜女!"
"西剛! 上!"
"喝!!"
兩人曾經決戰過兩次, 知道對方底細, 合擊起來更得心應手。
可是, 在魔女厲害的魔法跟前, 他們還是不敵, 受傷倒下了。

"呵呵呵呵呵! 你們都很厲害! 這少年仔也不錯呢! 不如都跟了我做我手下吧? 不過, 我要先殺了你們!"
說著口中唸唸有詞, 手上魔杖儲起了一個很的的魔球, 準備最後一擊, 一舉把黑色騎士和迪卡維都殺死。

"小兄弟! 我的盔甲厚, 可以擋住那一擊! 你比我敏捷, 趁機去了結她! 這可是唯一機會!"
迪卡維知道這是唯一的方法, 於是儲起力氣, 準備隨時發難; 掌握魔法師施法後的那一瞬空隙。

"...米拉梅拿!!!!" 隨著咒語最後一個字喊出, 魔球直飛向他們處。
黑色騎士突然踏前, 雙方擋著了那巨大的黑色魔球, 大喊, "是現在了!!!!"
迪卡維二話不說, 站起來雙腳發力, 直撲魔女。魔女剛唸完咒, 在硬直之中, 眼睜睜看著劍插入自己心臟。
"呀~~~~~~~~~呀~~~~~~~~~!!!"
"我只想跟你在一起呀..."
魔女痛苦地叫喊, 身體漸漸化成黑氣, 消散。

皇家圓舞曲

黑色騎士倒在地上, 他受了重傷, 看來那化為魔物的身體也捱不住了。
"小兄弟, 多謝你...我...總算為了國家, 為了她報仇了...我...真對不起他們..."

"西剛..."一把清脆的女子聲音響起, "謝謝你..."
黑色騎士望過去, 只見公主站在那裡, 頸上戴著她那獨有的項鍊 -- 夢幻紅寶石。
公主走過來, 拉著黑色騎士的手, 黑色騎士慢慢的站了起來。

跳著舞。
荒廢的頹垣敗瓦像回復了金碧輝煌的皇宮, 四周響起了音樂, 一對壁人隨著那一支圓舞曲跳著舞。
黑色騎士的身體跳著舞, 慢慢的化為一道光...
"多謝你, 異國的公主拉菲爾..."
黑色騎士的樣子不再是骷髏, 而是一個英俊勇敢的青年, 慢慢的化為光消失而去...
一把女聲在大家的耳邊響起, "多謝你們...多謝大家...那紅寶石項鍊你們留著做紀念吧!"

"公主, 回去吧..."
"他...嗯..."

終結

舉國歡騰。
不單止黑色騎士的危機解決了, 連左魯古城的魔物也沒有了。
"流浪者迪卡維, 你真的要走嗎? 不留在這兒做我的軍團長嗎?" 國王說。
"不啦~ 我喜歡自由自在, 不過我也離家太久啦, 也差不多是時候回去呢!"
"真的多謝你呀! 可惜我的女兒不能嫁你這樣的英雄了! 以後要多來玩呀, 我們隨時都歡迎你的!"
"再見!"

"迪卡維, 多謝你呢! 我一直覺得那黑色騎士不是壞人。結果証實我是對的! 莉娜公主雖然死了, 可是她有一個很愛他的騎士, 她很幸福呢!"
"對! 你一定也可以找到一個永遠守護你的騎士的!"
"再見了迪卡維, 你一定要回來探我們哦!"
"再見!"

完

p.s.?
迪卡維回到了老家, 給爸爸 -- 亦即是國王臭罵了一頓。不過他總算經歷過不少歷練, 成長了很多回來, 國王也老懷安慰。

半年後。
國王一家在庭院中, 士兵進來報告。
"國王! 遠方的薩瑪隆國王帶著一家到處進行親善之旅, 他們不日即將來到我們這兒了!"
"哦! 聽說他們的公主拉菲爾十分美麗呢! 我們趁機可以..."

"哎呀! 這麼巧他們又會來到這裡呢~~!"

完

八月七日 -- 雜記

2011-08-07T22:31:00.002+08:00

1/8(一) -- 呀源考車肥左, 似乎佢要放棄了; Cass姐又出事, 今次仲要有幾樣野; 收工同佢食飯, 本來諗住就咁係KT, 之後諗唔到有咩食, 佢又好多野唔食得, 結果係同佢去寶琳食魚之味, 之後帶埋佢去聰嫂(原來佢未去過~~)。之前已經聽過佢講咩事, 所以反面無點呻, 大家就輕鬆咁食飯吹水咩都講~

2/8(二) -- 頭痛, 心口好唔舒服成日好似有D野同埋痛痛地, 加上成日訓得唔好好累, 頂唔住sick leave一天; 全日係屋企攤都訓唔著, 醫生又無話特別咩事...晚上Jenny來HK借宿一宵, 佢第日要係HK做野。多謝大馬噶手信。

1. 信任就像一張紙, 皺了, 即使撫平, 也恢復不了原樣。

2. 世界上第一個知道牛奶可以飲噶人, 究竟對牛做左D咩野?

3. 結果今年動漫節都無去(本來其實都無諗住去)。

3/8(三) -- 之前臨時約, 收工同姑姑食飯, 拿手信(:D); 收工去MK行住等佢(行左In's Point, 信和, 又無去采豐行; 終於買左"進擊的巨人"), 佢就同預定差唔多8點到; 由於佢一早話左想食三文魚刺身, 所以去左北海道活壽司, 盡用我張88折卡; 食完9點, 好飽, 本來預左食完就散, 不過大家飽飽地都想行下, 結果去行左H&M、SaSa、卓悅, 之後發現原來MK有一間都幾大噶Cotton On(其實應該開左幾耐), 仲係果度買左衫添。行完都11點過d, 陪姑姑等埋車(又等得耐)都11點半, 返企12點3了。

4. 又聽到某人噶某d野, 唉。我都無做錯d野, 何必呢。

5. 姑姑又係一個好奇妙噶朋友; 平時msn傾2句又唔係十分多, 又唔常出來見; 但有咩野傾起來又會咩都講, 同埋出來食飯吹水行街又會好多野講同一齊睇, 其實係一個幾同感覺好舒服噶朋友呢。

6. 好少行MK, 好容易地牽動到D神經, 尤其係H&M...etc =_=

7. Hunter 311 出左!!!正!!!

4/8(四) -- 呀馬生日快樂!! 一早direct site去HA之後再見客, 可以晏d起身, 好開心; 收工同而家一堆同事食晚飯gathering, 去KT碼頭搭船去西灣河, 個日落景色好靚呢; 九個人(Queenie, Joe, Kenneth, Penny, Yee, Stanley, Wendy, Bonnie)食恆河, 好飽呢; 之後去埋明記食糖水(我無食了)後散。去到後段唔知點解開始勁眼訓, 狀態極低, 無晒聲氣, 哈哈。

8. 呀馬下星期五返來4日, 期待有機會打波!

5/8(五) -- 約左新朋友Cathy食飯; 去左King 1食飯; 好彩lunchtime訓左, 如果唔係真係未必頂得到夜晚; 好怕有dead air, 所以係咁講野~ 好耐無試過(定係其實未試過?)同未見過噶朋友食飯呢。

6/8(六) -- 中午出去香港仔, 同Nat同佢個fnd食山窿謝記, d炸魚皮魚片魚蛋都好味呢。之後join左佢地學會攪噶係蒲窩青少年中心噶Graffiti Workshop; 個地點係舊香港仔警署, 二級文物來呢, 只係入去睇下同影相都覺得正; 第一次接觸塗鴉, 好得意呢~ 可惜到真係畫果時要五人一組一人一隻字, 無得各人自己畫呢。完左就散, 返企食飯。

7/8(日) -- 下午出去同死黨們唱K, 喉嚨感覺麻麻, 間房音響、remote樣樣都唔多得, 三個半鐘sharp走, 樣樣野加埋令我覺得唔多盡興; 之後搵地方坐到6點半島, 去佐敦"金山"食飯, 好味道, 好早散8點幾返到屋企了。

來緊:

8/8(一) -- 同NatWacoal秘書姐姐食飯
9/8(二) -- 功夫熊貓wv BarryCynthiaAmy
12/8(五) -- dinner wv LD ex-colleagues
14/8(日) -- 中女解毒
20/8(六) -- Tea wv 日安
27/8(六) -- 掘蜆?

完

七月三十一日 -- 雜記

2011-08-01T01:52:00.002+08:00

25/7(一) -- 帶團(Barry, JP, Cynthia, Amy)SSP掃街之旅成功, 大家都覺得OK呢; 返企時搭巴士竟然塞車, 係九龍城唔郁停半個鐘, 好彩JP同車有人吹水。

1. 諗起左好多之前噶野, 係由古到今D野。

26/7(二) -- 因為落site噶關係, 早DD收工; 返屋企休息下沖完涼再出去join返盧撈、呀黃、鵬鯉、Alex、呀Yee去君傲灣噶clubhouse打羽毛球, 7:30-9:30, 好開心有得打波呢~ 而家難得有得打一次波呀~~

2. 分數加加減減，好耐無做過總結；系時候執一執心底裡個朋友list了。唔好再做濫好人, 唔好執著於以前一直覺得係好、或者唔好噶人了。

3. 我發覺, 通常肯去接近少少、去了解下我噶人, 都唔太多會討厭我噶; 不過如果無機會、或者唔想果d, 又都幾多會唔鐘意我; 不過我又知道自己一向唔係十分刻意去修飾自己噶人, 好多時第一印象對我都係唔好的; 而人噶bias真係對好多野都好大影響; 算啦, 無謂為左果d無謂而唔了解我噶人唔高興。

4. 結果, 今年無去書展......

27/7(三) -- 呢個星期唯一一日收工返企食飯 =_=

5. 連續幾日都早訓, 連續幾日都訓唔好; 又發夢又醒過。

6. 呀媽企係椅上跌落來, 隻腳腫左; 好彩咋~~ 無跌親或者撞親其他地方~~~

28/7(四) -- 出site後direct home早少少收工, 決定唔去SSP而係返屋企先, 沖個涼抖一下出返MK Magic Cafe同BarryAngel慶祝關老B生日(Mandy無來); 9點半島散。

29/7(五) -- 好耐無見噶話劇班同學(最早果班), 終於約返出來食飯見面(超過大半年無見啦); 收工過左MK行左下, 買鞋帶, 睇漫畫(買左d), 本來想去埋采豐行不過唔夠時間(之後發現其實都未需要去住); 之後去左Jordon蘋果餐廳join佢地食飯; Albert, Albert嫂, Addison, Crystal, 民仔OT來唔到, 除左我之外都係40+噶人呢~ 不過仍然係好好傾同埋同親佢地傾真係學/知多好多野, 人生仔女政治經濟內地...etc好多野佢地都睇得好通透(雖然我唔多好但不嬲都會留意, 尤其如果人地係講得有見地就更加會聽), 食完飯傾左好耐先散呢。

6. 係信和行, 見到"戰國妖狐"原來有出中文版, 一定要買(無HK版得台版)!(同日連載亦出左); "進擊的巨人"全線無第一期, 都係第出返先一次過買返啦; "武道狂之詩"試睇左第一期, 都唔錯, 不過我諗自己唔會追; 另外買左幾本雜噶漫畫; 好耐無咁睇漫畫法呢~~~

7. 仍然係好累同好眼訓...

30/7(六) -- 補返慶祝Carol生日, 成班人一人整一樣野去珊姐屋企開大食會; 起身hea左下就去買野整, 整完同日安盧撈一齊過北角; 好耐無試過唔係叫外賣噶大食會呢, 大家整噶野都好食呀~ (珊、日安、盧撈、呀儀、Amanda、呀儀、呀衛) 可惜呀衛唔舒服(竟然之前果晚盲腸開始痛, 一直到第日仲痛緊都唔去睇醫生, 結果比我地逼左去睇)日安同盧撈陪左佢去醫院就無再返來; 剩返噶人係企齋吹水hea足一日, 呀珊老公返來一齊食晚飯(食埋d野)之後睇下電視吹水, 夜少少佢地4個人打牌, 我同呀儀唔打, 吹左陣水同睇下佢地打, 到12點幾走先。

31/7(日) -- 本來係TKO Buddy Gathering; 不過之後有2個人放飛機cancel; 全日係企hea~

8. 開始打NDS噶DQ9, 好耐無試過真係打機噶打機呢~ 不過幾好玩~~

來緊:

4/8(四) -- 同而家一堆同事食晚飯gathering
7/8(日) -- K wv 死黨s
14/8(日)-- 中女解毒

完

天使

2011-07-28T18:22:00.003+08:00

不知從何時開始, 我們被稱為"天使"。從古時開始已經被人類歌頌, 被視為高貴、超然的一群。為了守護人類, 為了與邪惡戰鬥, 為了...那至高無上的"衪"效勞。

可是, "人類"真的值得被保護嗎?

**********

那些愚昧無知的人類。他們很醜惡, 充滿著各種劣根性。貪念、慾望、自私、憎恨、欺騙、隱瞞、猜忌、傲慢、偏見...各種負面的情緒交織, 人與人之間的關係總是存在著許多問題。即使標榜著人間有"愛"又如何? 愛一樣會扭曲、會變型、會消失不見。"愛"不是單單只有美好的一面, 只要滲入了以上隨便一樣負面的素材, 愛就會變得很醜惡。

只有"衪"的愛是可以完完全全、無私無盡的。可是人類呢? 還有...我們呢?

**********

人類不單止醜惡, 還"蠢"。自從人類擁有所謂"文明"後的數千年以來, 歷史所見的是永無止盡的自相殘殺。大部份的其他動物都只會獵殺異類以求果腹或生存。只有人類, 會不停地不停地不停地不停地不停地自相殘殺, 還會想出各種各樣的殘忍方法去折磨同類。

最愚蠢的是, 數千年來, 人類的歷史、戰爭、死亡...都是一直重複著又重複著又重複著:都只是為了"私慾" -- 權力、錢、女人。多少人就只是為了一個男人的慾望而死? 多少人就只是為了一個男人想要搶回女人(木馬屠城)、搏一個女人一笑而死(烽火戲諸侯)? 還有多少多少多少人是為了很無聊的事而去送死?

到了現代, 人更容易的就可以為了自己的慾望而惘顧別人的性命、利益。只是為了"錢", 人們住的地方、吃的東西、乘的交通工具...全部都可以偷工減料。世界上八成的所謂"財產"都只在多少的人手上, 有多少人清楚?

人命值錢嗎?

**********

"希望"。

如果世界不是那麼的污煙瘴氣, 為何還需要"希望"? 在這愈來愈被扭曲的世界, (假)"民主"、(假)"自由"、(假)"人權"、(假)"道學""已經被濫用。政府、政客、政黨、教廷、教堂、信仰、學校、家長、學生, 甚至平民、外來人士、社工什麼的, 都只是打著這些旗號去滿足自己的私慾; "投票"、"少數服從多數"只是讓有權力的人、有錢的人更容易去為自己要做的事而"正名", 讓無知的人覺得"合理。

希望要怎樣才可實現? 奇蹟要何時才會發生? 難道只有去等那不知幾多份之一才會中的"彩票"?

"希望"在哪裡?

**********

可是, "我"有這樣的想法, 會被界定為"有負面的劣根性", 會被評定為"異類", 會被批判為"顛覆者"。有誰會真正的看到世界正在滅亡? 人心正在扭曲?

全能、全知的"袮"啊, 究竟在"袮"眼中, 看到人類的未來會是怎樣? "袮"仍在救贖他們嗎? 還是"袮"已經放棄了, 由得他們自生自滅? "信"者真的可以得救嗎?

愛之深, 恨之切。如果我這樣會被稱為墮落, 那, 我就墮落好了。

完

七月二十四日 -- 雜記

2011-07-24T22:52:00.002+08:00

18/7(一) -- 關十四生日快樂~~下午放埋剩返4個鐘噶CL, 同埋幾個同事(ConniePennyAhYee)一齊去灣仔Crabtree teahouse high tea~ d野食都OK; Queenie又係得一個人食飯, 又難得大家係港島果邊, 於是晚上約左佢食飯; tea完之後自己行去太原街行下玩具, 到6點幾join埋Queenie去西灣河食恆河, 之後食埋明記糖水後行左下太安樓返企, 好早呢, 9點島(前)都到家了~

19/7(二) -- 收工返企食飯。

1. 今日好癲, 一日打左六篇野。

20/7(三) -- 收工返企食飯。

2. 一氣之下, 又來亂剪頭髮; 剪到興興地, 鏟埋, 爽。

21/7(四) -- 收工同Tango, 子揚, Vikki, Vikki男友, Lily, Lily個fnd Nancy, Lily個fnd個fnd Toby, 去Megabox唱K, 都唱得幾多, 佢地有幾個都係玩得幾癲~ 11點幾走, 12點半前返到企, 都唔太晏~~

3. 2次唱K發現有2粒音唔係好上到, 退步左? 未開聲? 另外, 第一次唱"那誰", 首歌好正。

22/7(五) -- 收工本來同Connie去睇話劇(林奕華), 不過佢唔舒服; 臨時搵左呀女Nat睇, 好似好衰咁臨時要搵人攝呢~~ 佢轉左工都無見過佢, 正好見下都好呢。係附近買左個salad食就去睇; 套劇竟然三個半鐘無中場休息, 坐到個人好累呢~~ 唔知點comment, 我覺得都幾好呀, 唔會好似Penny咁講, 話上次果套命運建築師好過呢套, 我覺得差唔多啦。

4. R: 我食開cheap野, 無經過包裝, 所以講野都係直接少少。你覺得我好差嗎? 不好嗎? 不是? 那就不是我的問題吧?

23/7(六) -- 由於之前2晚都夜訓, 本來想早上去書展, 都係算了; Bad End人就來去外國讀書, 於是約左去灣仔食lunch, 佢仲帶埋佢女友出來添, 第一次見, 個樣好似TVB個演員"康華"呢~~ 食完飯就散; 去左會展方向望左下, 好多人, 於是唔去書展了, 去左行太原街同埋行埋188, 慢慢咁行, 係咁熱噶天氣放鬆自己來行, 都唔係十分熱呢! 同埋一個人行188真係好, 可以慢慢睇晒要睇噶野; 行到差唔多5點, 本來Cynthia話佢5點會同fnd出來, 我可以join埋一齊去書展, 但係書展好多人唔多想join, 最終無join佢地, 返屋企算了; 返屋企我煮飯同呀爸2個人食, 食完係企hea, 睇左TVB Pear播噶Harry Potter 4大半集, 又叫睇多左集呢~ 計落得哈里2係完任未睇過, 基本上都叫睇過晒啦~~~

5. 經過好多次灣仔果間"原汁原味", 真係要搵機會試一次呢~

6. 係屋企無聊時, 睇返之前呀進話好睇噶漫畫"進擊的巨人", 幾好睇呢! 個氣氛做得好好同好緊張而且內容都幾正, 不過有時睇睇下都幾驚呢~ 仲有套好似好紅噶"武道狂之詩"要搵機會了解下先。

24/7(日) -- 下午出去睇哈里大結局, 都唔錯呀幾好睇; 睇完4點島, 行左The One, 好鐘意果間Lost & Found, 好多野睇~~~ 晚上meet埋KmanFF, 去左新世紀噶Kimchee食飯, 食完差唔多到9點就散。好舒服同輕鬆噶一日。

7. 一百年後, 我們都掛在牆上, 你在微笑, 我也在微笑。到時我們已看不到彼此, 所以有話好說...

8. 天日好同事返來了~

來緊:
25/7(一) -- SSP掃街之旅
26/7(二) -- badminton wv colleagues at TKO
28/7(四) -- KT Bday Dinner @ MK
29/7(五) -- 話劇同學gathering
30/7(六) -- Carol Bday party

4/8(四) -- 同而家一堆同事食晚飯gathering
7/8(日) -- K wv 死黨s
8月某日-- 話劇wv嫂嫂and fnds

完

雨天女孩日記

2011-07-19T20:56:00.001+08:00

又是討人厭的雨天。
一個人站在屋簷下, 望著灰色的天空, 下著大雨; 看著滿街的人, 有些一早有備而來, 打著傘漫步, 有些則給突如其來的雨打個措手不及, 被淋個落湯雞。

一個人站在屋簷下, 想像著會有一個心愛的人, 帶著傘來...;
或者, 那個帥帥的他會狼狽的跑到這個屋簷下, 不小心撞到了自己, "呀! 對不起小姐, 撞到你了!" "不要緊...";
又或者, 充滿成熟味道的男士會走過來, "小姐, 你沒帶傘嗎? 不如我送你回家吧?;
腦子裡充滿了各種想像, 口水也差不多流出來了。呀呼~ 星期天百無聊賴的, 又下著討厭的雨, 站在屋簷下發呆也沒什麼問題吧...

"喂! 小慧!"
還沉醉在幻想的她被一把粗大嗓子還有肩上的一拍嚇了一跳。
"阿萊?"
"你怎麼在這裡發呆了? 沒帶傘嗎? 來來來, 我送你一程吧!"
阿萊一把就把她扯到傘下, "回家嗎? 我也正跟你同路, 別客氣啦! 哈哈哈!"

女孩連發生什麼事也未清楚就給"挾持"著回家了。
"唉...怎麼跟想像中的都不同, 竟然是班中的粗魯男生!" 小慧心想著, "算啦! 反正也差不多要回家了。"
"喂!" 又是那大嗓門, "你沒看今天的天氣報告嗎? 怎麼連傘也沒帶? 不像你哦! 不過也對, 這兒離你家又不太遠, 可能懶帶出來吧? 哇哈哈哈...我說呀...嘰哩呱啦..."
男孩一直說過不停, 女孩幾乎連插嘴的機會也沒有。

女孩突然發現, 明明傘子也不太大, 下這麼大的雨, 怎麼她都沒有半點濕? 悄悄看一看男孩, 只見他把傘子都遮到女孩那邊, 自己都濕了半邊身了。

"或許, 其實他也是個不錯的男孩呢。"女孩想著, 拍一拍包包, "傘子呀, 對不起了, 今天可輪不到你派上用場啦~ ^_^"

完

龜兔賽跑回歸!?

2011-07-19T20:55:00.001+08:00

話說本人曾經寫過一系列噶"龜兔賽跑", 詳情請看標籤入面"龜兔賽跑"噶故仔。

**********

話說兔仔之前n次衰左係烏龜手上, 佢返屋企苦練多時, 將自己噶心、體、技都提昇到佢最高噶極限。佢覺得自己已經準備充足, 覺得今次無論如何, 不論係功夫版本、運動版本、色情版本、推理版本, 咩版本都好, 都唔會再輸比烏龜。

於是佢再搵烏龜, 要再同佢比試, 一雪前恥。

"烏龜! 我今次已經準備充足! 無論係邊一方面都好我都已經準備萬全! 我更加唔會掉以輕心! 所以今次一定唔會輸比你架啦!"
"哼哼! 呢D說話你好似係想講比自己聽咋嘛? 唔似咁有信心喎? 嘿嘿!"
"好! 我都知多講無用! 我同你只可以係分勝負, 係無需要講野噶!"
"無錯! 我地今次堂堂正正咁賽一次跑, 無花無假, 貨真價實咁比賽一次啦!"
"好! 我地由呢度開始, 跑去果邊果棵大樹下, 中間無障礙無陷阱, 憑實力分勝負!"
"好! 我無異議!"

於是佢地2個就設定左條起跑線, 嚴陣以待, 準備起跑!
"3, 2, 1, 跑!"
兔仔即刻全力狂奔, 佢覺得自己今日狀態好好, 比起平時練習時發揮更好, 佢好有信心一定可以贏到!

係呢個時候, 令佢驚訝噶事情發生左。

只見烏龜狂跑, 竟然快過佢!
無錯, 無花無假無取巧, 佢係跑得快過兔仔!
免仔出盡力咁跑, 眼見住自己同烏龜噶距離愈來愈遠。佢冷汗直流, 點解會咁噶?!
終於, 烏龜到左終點, 而之後兔仔都到左終點。

"點解...點解...點解...!! 點解我會輸噶!! 無理由噶!! 但係...我又真係唔覺今次有咩唔妥, 究竟點解!!"
"嘿嘿嘿...傻仔, 等我話你知點解啦; 我用四隻腳跑, 點會慢過你用兩隻腳跑呀?"
"下?!"
"乜你唔知烏龜係跑得好快噶咩? 不過我從來都唔比人知咋嘛。"
"下?!"
"哇哈哈哈哈哈哈......"
"下?! 下?! 下?!"

完

Aggressive-ness? less?

2011-07-19T20:54:00.001+08:00

熟我少少都知我係一蹶唔多aggressive噶人。

用打羽毛球為例。有時打打下有舊叉燒食, 覺得大家打得開心咪幾好, 跟住就唔會殺個波落去。久而久之, 我而家係唔識殺波噶, 係真係唔識殺, 明明自己夠高, 殺落去會OK, 但係真係唔識。

對於好多野, 自己都一樣係咁。自己、或者大家, 舒服就好。自己一直算係隨遇而安噶人(當然同自己噶屋企同成長經歷有關), 覺竹7呢個世界好多野自己都控制唔到, 有好多時太過刻意都無咩意思。所以自己會比較隨意而行。

講真, 就算講career、政治、股市都係。你當我懶又好, 睇化又好, 好多野根本就係一少撮人係度自己玩緊, 你想去控制就一定無可能, 更多人就想係呢D情況之下撈些少著數、油水, 或者咩都好, sorry咯, 我真係無咩興趣。

花費(我唔會話係浪費, 因為我身邊都有好叻好成功噶例子)左好多時間同精神, 有幾多人真係可以係股票度賺左好多? 值唔值得? 大升大跌之後, 其實最後係唔係都係只係balance返? 咁其實咪即係真係浪費左D時間同精力? 錢係賺唔晒噶, 亦都唔係人生噶唯一(當然, 係必要噶)。自己唔係十分著重物質享受, 因此對我來講真係"夠"就夠了。

不過, 唔單止呢D野。其實對於好多其他野, 自己都係唔aggressive。覺得好多野, 係O岩噶、係會噶, 自然就會係。同"命運"無關, 係"性格"。性格影響命運, 係好多唔同性格同情況交叉而成噶, 就係每日每日發生噶事。而人生最有趣噶地方, 就係無可能知道所有information, 唔知下一步會發生咩事, 咁樣先係人生吧。

自己噶目標, 或者所有人噶目標, 其實到最後都係快樂, 只不過令大家快樂噶野唔同。而我, 唯一好aggressive噶野就係令自己快樂, 而令自己快樂噶"事物", 可能就係 -- 隨遇而安。

完

瓶中之水

2011-07-19T20:53:00.001+08:00

再次強調, 自己雖然會看而且有看不過不少有關星座的書籍, 但並不代表自己是那些什麼也相信星座的星座迷。有時自己談及星座, 也只不過當作是閒聊的話題, 或者以此為題, 借題發揮而已。而這次也一樣。

水瓶座, 其精髓之處在於瓶中的"水"。水並無固定形態, 會隨著容器(甚至溫度)改變其形狀(態)。而很多水瓶座的人也一樣, 會隨著身邊的人而"改變"。

改變並不是改變自己的立場, 或者改變自己的看法。水瓶最忠於自己的感覺, 自己的一向的"concept"不會輕易地因人而改變的。

所謂"改變", 是改變自己與不同的人的相處方式, 按著對方的喜好、需要而改變自己的"形狀"、"顏色"、甚至"形態", 去使別人覺得舒服, 去緊貼住別人不同的形狀。不過, 水仍然是水而已。

曾經覺得, 這樣叫不叫"假"? 我覺得不算吧。這個情況, 就像大家對住自己的父母和對住自己的愛人, 應該會是兩個完全不同的人, 對吧? 而水瓶, 只是更細緻地分裂到不同的人身上而已。

因此我很喜歡Mr. Big的一首歌: Daddy, Brother, Lover, Little boy。只對著自己愛的人, 在他/她有需要的時候, 就變身成為她想要的狀態。How sweet。

完

記憶力, again

2011-07-19T20:52:00.001+08:00

儘管能夠忘記、能夠放下是幸福, 我的身體、我的腦袋還是自然地選擇了去"記住"。

從小到大, 雖不至於過目不忘, 但"背書"總是比較拿手的一項。一直到長大, 記著很多有用的、無用的事: 發生一些事的感覺、對某朋友雞毛蒜皮的某些趣事、很多朋友的生日喜好禁忌, 當然也還有對自己心愛的人的一切, 把對她的好成為習慣、成為自然動作, 把一切與她有關的事、時間、一切一切都記得清清楚楚。

但當他/她已經不再需要我的時候, 那一切的記憶都沒有意義了, 成為一個空殼。全年、全日到了某一個特定的日子、每一個特定的時間, 就很自然的想起了。到了很多地方、看到了某些東西、聽到某些歌, 甚至是某些片言隻字、氣味、顏色...一切的細緻的事件, 都可以trigger到我記憶的那一部份。

這一年多來就是這樣熬過去的。

寫了這麼多, 不是想說自己仍然記掛著她、或者仍然愛著她、還是自己有多深情。我只想說自己只是一個死腦袋的傻瓜, 如果不會愛上我、對我好、還沒有準備好的話, 還是別讓我愛上一個人好了。

完

人生觀, again

2011-07-19T20:51:00.001+08:00

有時回顧自己的blog, 數年來自己寫過的東西, 發現了一樣不知是好還是壞的現象。

以前寫過很多自己的人生觀, 對事物的看法, 現在已經很少寫了。當自己看著以前的東東時, 經常覺得到現在的看法也沒有什麼改變。這究竟是好事還是壞事呢?

從好的一方面看, 自己以前的"觀念", 對自己的人生來說已經是"正確", 自己已經清楚自己要走的路, 知道自己的性格、目光等等, 是要怎樣的, 因此就再沒有什麼大改變。

但另一方面, 我覺得人應該不斷成長, 要從經驗中學習。自己已經不再有多大改變, 是因為已經年紀大了, 變得頑固? 變得開始只相信自己的一套? 已經失去了進步的能力?

說真的, 對於人生觀也好, 看法也好什麼的, 是沒有什麼大的改變。但一直覺得, 這一年半來自己退步了很多。不是指身體上, 是指自己的心態上、待人接物上。明明已經掌握的技能, 有很多好像已經不再存在、不再能夠使用, 不論是因為"不能", 或者"不為"。

事實上也感覺到自己變得比以前負面, 也沒有以前般"好"。或者會有很多熟悉的的朋友認為我經常美化過去的自己, 但事實上, 倒不如說過去的自己的確是比現在的自己好。

從以前就一直覺得人應該是隨著時間一直有進步的, 可是卻得自己退步了, 而且變得疲累了, 動力也沒以前般大。是因為什麼原因呢? 因為之前的經歷? 因為失去以前的東西? 因為現在得不到想要的東西? 還是因為不知道未來想要什麼?

我經常也跟別人說, 二零一零年才認識我的人, 不再認識以前的我, 也不會知道以前的我是怎樣的了; 但不論怎樣也好, 我仍然很清楚自己就是自己。不會有人去慢慢分析你的經歷, 你的遭遇, 而去可憐現在已經變壞了、腐敗了的你。看來我要再努力起來呢。

或者, 我需要找一個動力, 或者一個支持點, 去使自己去重新努力起來? 又或者, 腐敗了才是真正的我?

p.s. 或者也要正面一點加多一句, 即使是變壞了、腐敗了的我, 也仍然比世上很多人好吧...

完

故事完結後

2011-07-18T21:29:00.001+08:00

到現在, 我仍然會夢到自己在維卡爾大平原上或者在茱內亞大森林中漫步。那股嫩草的香氣, 樹木的陰涼, 還有可能突然出現的小草怪、食人花等等, 都清清楚楚的在我夢中出現。

你們總會保護著我。我是團隊內唯一的神官, 唯一會使用神跡, 唯一會治療魔法的隊員, 甚至是唯一擁有神聖力量, 可以協助擊敗大魔王的人。偏偏, 我是隊中戰鬥力最弱的一個, 經常要受到你們的保護, 甚至令你們不惜犧牲性命來守護著我...

我永遠不會忘記提頓遺跡那如有生命般的水晶, 不會忘記馬克大雪山冰天雪地中的神鷹, 不會忘記基烈斯火山爆發時的壯觀景色, 不會忘記湯贊沙漠中那奇怪的綠洲, 不會忘記空中之城中各種各樣奇怪的道具和城主, 我們一起旅行的一切, 我永遠不會忘記...還有...不會忘記...你。

對於記憶力強的我, 不只是可以很快記到大量的咒文, 還會記得跟你們在一起的一點一滴。我記得德格勒斯每天七時就會敲著鑼鼓般叫大家起來, 巴恩總是喋喋不休的準備著大家的膳食, 卡繆兒最喜歡唱歌... 我們一起快樂的午餐, 一起努力地修練, 一起對抗敵人; 而我最難忘的, 是你的背影。

你並不是團隊中的主角; 你個性木訥, 不擅長說話, 大家一起說笑的時候, 你只會跟著大家一起傻笑; 你不是魔法師, 不是僧侶, 不是吟遊詩人...你不懂魔法, 不可以發揮驚天動地的法術; 你只是一個戰士, 以肉體和技術去戰鬥的武鬥家。大家似乎忘記了戰士以肉體、以武器分勝負的重要性: 在已方魔法師諗咒時的肉盾, 在敵方魔法師放出魔法前一擊即殺的豪快, 不會像魔法師般只有有限的精力去施法...其實, 戰士是多麼的重要。

而我, 最記得是你那高大的背影, 那男兒項背。永遠地、堅定地擋在我的身前。把大部份的攻擊都幫我擋開了, 接下了。我知道, 你不只是知道神官的重要性, 才會如此地保護我的。我看得見你偷偷望我的眼神。我看得見你那對著我溫柔的笑容。你知道嗎? 我一直好喜歡你。我記得你的一舉一動, 比起其他伙伴的還要清楚。

終於, 我們一伙好不容易到了大魔王跟前。巴恩壯烈犧牲了, 大家都好傷心。然後, 我用盡一切力量, 把勇者的聖劍, 加護了最強的聖光, 勇者發揮他最強大的力量, 與大魔王戰鬥, 其他人也援助著他, 最後他成功把那劍尖送進大魔王艾瑪的心臟。

有誰會留意到, 在那邊廂風起雲湧的戰鬥, 在這邊的生死之戰也不惶多讓。你一直在我使出加護力量時保護我, 在我力盡倒地後一直死守在我的附近, 你把大魔王的手下都擋在你的前面。你把黑暗騎士擊倒, 把三頭大蛇的頭切了下來, 把暗黑妖術師一腳踢到老遠; 然後, 大魔王艾瑪也給勇者了結; 而你, 卻也中了多支暗黑魔法箭、那些只向著我直射而來的暗黑魔法箭。

那一刻, 艾瑪死了, 那些箭刺在你的身上, 背上, 那寬厚的背上, 刺在你的後腦, 你連再見也來不及說, 就這樣走了。我還未學到到那掌握生死的復活咒語。我只見到你最後的那一個微笑, 只是向著我的微笑。在那一刻, 不單止魔王死了, 連你也死了, 而我的心, 也跟隨著你而去了。

大魔王被消滅了, 世界恢復和平。勇者和他的伙伴 -- 亦即是我們, 都被國王加冕為聖騎士、大神宮...平民百姓、國王、其他伙伴們, 大家都過著很幸福愉快的生活。我們呢? 我好想你也得到幸福, 好想自己能夠給你幸福...

我還依稀記得那陣青草的香味, 那陣好香好香的味道...我們曾經一起經歷過的味道...

完

七月十七日-- 雜記

2011-07-17T22:42:00.002+08:00

11/7(一) -- Pixar個展覽今日最後一日...無緣去睇了; 收工本來4仔re-U, 不過民民OT, FF唔多舒服, 所以得返呀源同Kenneth, 係APM Hipot食飯。

1. 要定下減肥計劃了, 但係邊度搵個secret angel呢?

12/7(二) -- 收工返企食飯, 呀媽竟然班到酒樓果d填鴨返屋企; 食完同媽去左Jusco行, 順便買埋要整卡邦尼意粉噶野, 等我天日試下先!

2. 對皮鞋都爛爛地了...

3. 要係廿幾號之前追返之前無睇噶Harry Porter...=_=

4. 我個故仔, 故事大綱+人物briefing已經過萬字了~ 我覺得好勁呀, 哇哈哈哈。

13/7(三) -- 本來打左電話返企話食飯, Queenie老公突然又話唔同佢食飯(之後又話返得不過太遲了), 臨時同Q食飯; 諗唔到食咩, 尋日又反正買左料, 仲有專人教路, 於是返左屋企試整卡邦尼汁意粉, 都OK啦; 食完去左坑口聰嫂食埋甜品散。

14/7(四) -- 臨時搵左呀進食飯, 比返上次無比噶手信佢; 去左SSP, 買左要買噶野比人, 順手買左要買噶扭蛋; 食左d雜食同同呀進行左下, 之後行左去近長沙灣果邊搵野食, 最後竟然係食小金井; 食完吹左陣水散。

5. 好想打羽毛球, 好想打籃球, 好想唱K, 好想打鼓, 好想畫公仔, 好想寫故事, 好想...好想...; 羽毛球無人book場, 無得打了; 籃球天氣好熱都仲可以照打, 但係落雨就無得打了; 唱K好難搵夠腳; 無咩識噶人會夾band, 更加唔會自己去打鼓; N年無畫公仔; 諗唔到寫咩故仔, 唔可以好似以前咁狂寫...仲有...仲有...

15/7(五) -- 收工返企同老豆2條友食飯。

16/7(六) -- 本來噶TKO buddies點心gathering, 變左呀瑛我噶聚眾Gathering, 哇哈哈哈, 結果係原本噶我、Barry、JP, 加埋呀源、Cynthia、Vikki同Lily, 臨時仲叫埋威威同呀娟添! 可惜民仔來唔到~~ 食完之後Lily同Vikki返公司, 威威同呀娟自己行, 剩返5人一齊唱K, 好開心可以唱K呢! 而且第一次同JP唱, 都OK呢; 到7點我走先, 去灣仔join Rhian呀天細恩同呀魚食飯, 本來話去金源, 不過最後無去, 佢地選左去The Flying Pan, 之後仲食埋之前Cynthia介紹果間cake添, 到10點幾就散。

6. 全日好圓滿呢, 又見好多朋友, 唔同堆噶朋友又唔會odd都傾到偈, 又食到好野, 唱到K, 好充實而圓滿噶一日呢。

17/7(日) -- 難得一日逼自己再訓, 好晏先起身; 跟住全日係屋企煲Harry Potter, 對眼好累, 不過都睇左要睇噶野, 唔睇晒lu~~ 夜晚係企同papa食飯。

7. 呀媽強制地介紹左D同鄉噶人比我, add埋facebook; 估唔到又真係會hi同傾偈喎~ haha

來緊:
18/7(一) -- 放埋剩返4個鐘噶CL, 同埋幾個同事一齊去high tea~
21/7(四) -- 同信和人等唱K?
22/7(五) -- 睇話劇(林奕華) wv Connie
23/7(六) -- Bad End人就來去外國讀書, 會同佢and佢gf食晏
24/7(日) -- 公司Movie蝦你老實; 晚上同KmanFF食飯
25/7(一) -- SSP掃街之旅?
28/7(四) -- KT Bday Dinner
30/7(六) -- Carol Bday party
8月某日-- 話劇wv嫂嫂and fnds

完

減肥

2011-07-13T22:46:00.002+08:00

自從無羽毛球打, 天氣又變得難打籃球之後, 運動噶機會少左好多。
食量又不變(好彩無增大), 結果就係愈來愈肥。
要定下減肥計劃了, 但係邊度搵到我個secret angel呢?
首先要控制住某d野先, 唔使咁急一來就要減, 咁樣應該會可行d; 一來太急進的話只會無心機。
加油

減肥策略Version I

早餐
星期一至五: 三文治, 最多一次食炒麵
星期六日: 睇下有無早場/打波, 如果有就食包, 無就係屋企睇下連唔連埋lunch食
'
午餐
星期一至五: 照常同同事食, 叫少飯或者唔好食晒d飯, 食少d油野; 凍飲照飲, 但一定要少甜
星期六日: 睇情況啦...

除非有人請(或特殊情況<-當然唔會經常特殊情況), otherwise no下午茶晚餐記得食少d, 控制份量如果之後會食甜品, 晚餐時要再食少d嚴禁零食, 嚴禁宵夜戒汽水, 戒甜野(好彩唔多好呢樣)運動我要打羽毛球 >__<
如果無落雨星期日儘量去打籃球
係屋企自己做d exercise

暫時係咁

七月十日 -- 雜記

2011-07-11T00:53:00.002+08:00

4/7(一) -- 今日臨時約左魷魚食飯, 好N耐無見佢了, 一次過派左2度噶手信比佢; 好耐無見加上佢而家online又少講野, 雖然我無咩變但係對方好似陌生左d呢...係寶琳食完飯行左陣, 本來想買星期二飛自己睇戲, 諗諗下都係算了; 返企剪頭髮之後沖涼hea, 時間尚早仲係九點幾。

1. 自己長遠諗噶故仔, 大部份人物同故事大綱已經完成接近7-8成啦, 好開心, 哇哈哈哈, 只係briefing都好似六、七千字; 哇哈哈哈, 我係唔會寫個故仔的~~~

2. 原來我真係好易滯。

5/7(二) -- 因為特別噶原因, 早收工, 亦都因為等車太順利, 比早收工更早收工; 於是收工自己去寶琳睇左老變3, 之後仲可以返企食飯添。

3. I don't care all the truth, I care the cheats.

4. 神秘的一個人平價場: 老變3 - 好比面咁睇左3D版; 個人認為唔需要睇3D; 劇情預左都係無咩特別大橋, 成場個氣氛都OK幾緊張同keep住唔會悶, 但又未到十分精彩; 大部份戲都係D人類度, D老變唔算係出得好多, 打噶戲份算少添; 仍然同前2集一樣, 講到人類都ok打得, 同D敵人有得抽下; 搵笨D噶係麥sir出得少得來又比人秒...攪錯呀; 換左女角, 個樣係外國人口味, 自己又未至於覺得醜, 身型的確係索噶。Overall...65-70分島啦, 2個半鐘算係咁了。另外: 果個Sentinel個樣有D似吳耀漢加鬍鬚。

5. 係屋企搵左好多首九十年代日本卡通片歌噶youtube片出來, 好high呀~~!! (一向覺得)卡通片歌其實都好好聽~~~!!

6/7(三) -- 收工返企食飯。

6. 完了。

7/7(四) -- 之前果晚11點幾訓, 但係全日都仍然好累好眼訓狀態好低; 收工同同事們畫油畫, 唔知自己做過d咩來, 畫完返企。

8/7(五) -- 收工臨時約左見下花姐姐, 好耐好耐好耐無見佢啦, 終於可以見到佢, 我諗有大半年無見過佢了, 佢仍然都係同之前差唔多呢, 一次過將台灣、新加坡同日本噶手信比佢; 係九龍城糖百府坐左傾左個鐘偈(間野個楊枝甘露壞噶有怪味, 換左第二樣野), 7點半島同佢散左, 搭van落MK再轉MTR去TST, join埋姑姑同八妹, 去金巴利街噶"南大門"拿位, 之後賢賢+女友同呀Jim來埋, 六個人食飯(本來係預4個人噶), 又可以一次過清手信仲可以收返幫賢賢買野噶錢添。第一次見呀賢賢女友呢~~~ 食完飯姑姑沾沾同八妹去飲野, 我就返企了。

7. 今日真係派左好多手信出去呢~~同埋好開心見到花姐姐~~

8. 很難過, 很累。

9/7(六) -- 一早醒左, 起身係屋企hea, 之後成班同事去Queenie屋企玩; 初步學到點整卡邦尼汁, 下次要試下整先! 係佢家hea左一日, 打下Wii, 玩下Pictionary, 食下野咁, 成班好同事感覺良好。第一次見到Wendy男友真人, 感覺正如我同Q同Kenneth講咁。

10/7(日) -- 起身去睇左早場"Mr. Poppers Penguins", 睇完戲去奇趣發現做八折(即係之前八五折買貴左? =_=), 返屋企執一執野就出發去南丫島。好多年無去過南丫島, 超過五年了。係中環join埋Tango一齊入去, 伙南丫島meet Lily, 等埋Vikki同佢男友, 就入去海灘。原本完全無諗過落水, 不過佢地都話落, 好彩自己有帶左衫褲, 係果邊買左條沙灘褲就同佢地一齊落水。今年第一次游水呢~ 而且果個灘去到好出都仲係幾淺, 又唔太污糟, 幾好喎。咁大個仔第一次玩埋水泡, 好大個呀, 攬住佢載浮載沉隨波逐流都好寫意呢~ 之後Tango個fnd join埋一齊游, 到到夜晚大家一齊BBQ到搭10點半船出返來。

9. "Mr. Poppers Penguins", 占爺好似好耐都無拍戲, 佢噶肢體動作仍然係一絕呢~ 成套戲都好開心, D企鵝仔好得意呀~~ 另外佢個秘書, Ophelia Lovibond都令我留下印象, 好得意呢~

來緊:
11/7(一) -- dine wv 源KmanFF
16/7(六) -- DimSum wv TKO buddies, dine wv Rhian and Co.
22/7(五) -- 睇話劇(林奕華) wv Connie
24/7(日) -- 公司Movie蝦你老實
30/7(六) -- Carol Bday party
8月某日-- 話劇wv嫂嫂and fnds

完

手信list

2011-07-05T23:00:00.001+08:00

呢一年去左好多次旅行(自問比起好多人來講真係算好密), 由頭一、二次噶旅行途中諗下買咩手信比邊個再寫低, 直到近幾次直頭預先寫個list出來(之後噶旅行仲可以就咁用返個list)。大部份人或多或少都會有個類似噶list係心入面, 但我覺得應該唔多人會好似我咁, 會係旅行前寫個list, 然後係旅行沿途見到D咩特別野或者留意D咩O岩噶野買比朋友仔, 甚至係見到D更O岩噶野就要諗下邊樣比邊個...等等。

唔知其他人點諗, 但係自己覺得, 買手信係一件好開心噶事。因為如果真係有心買噶話, 係要用好多心機同心思, 去買(或者有時係唔使錢咁拿)一D當地特別噶野, 而唔係見到一D好"行"噶野就買一堆送比人。能夠入到"手信list"噶人, 一定都係一D特別噶人, 哇哈哈, 其實咁講只不過係懶譁眾取寵, 講到尾都係一堆熟人啦。

(再)比起其他人, 自己個list都好長下, 下下要買野其實都幾多(仲好貴添), 哈哈。不過係得list入面噶人唔多唔少都係有好多唔同特別噶感覺, 都會係自己珍惜噶人(其實真係要list, 又何止list上果d呢?)。自己可能暗暗係好想佢地感受到我送噶果樣野O岩佢地, 令佢地開心噶。

好耐之前自己都講過, 自己雖然係極鐘意講野同埋sharing好多野, 但係對於自己情感噶野係好唔識得表達。不論係對屋企人、鐘意噶人同好朋友都好, 從來都唔多會講少少自己好喜歡對方或者透露呢D感覺出來。有時候會刻意隱藏、漠不關心、甚至口不對心添。

雖然自己好似對個個朋友都好咁(就算一般朋友都係), 不過如果有心人士留意到細微噶野的話, 應該都會sense到其實我對真係好朋友或者身邊好親噶人係唔同的。不過係度當然就唔會講出來, 又或者其實自己都唔知點講呢。不過難得地講開呢d野, 都想係度再講多一次: 其實我心中係好愛我家人同身邊噶人們, 有時候雖然好似無咩表示咁, 但係如果有咩事起來, 如果出聲的話我會希望自己儘量幫到大家呢。而大家對我噶好我亦都記得清清楚楚, 時常都覺得好多人錫我, 好溫暖。

嗯嗯, 唔知講咩好, 都係就咁算啦~

完

七月三日 -- 雜記

2011-07-04T00:46:00.003+08:00

1. 之前果晚, 十一點幾訓, 十二點幾先訓著, 兩點幾, 四點幾同六點幾都醒...

20/6(一) -- FF生日快樂~~ 早上約左呀叻食早餐; 收工返企食飯之後本來想執野, 點知睇左華麗明星賽latest果2集之後好累, 就hea左無執。

2. 收到個晴天霹靂噶消息: 好同事Q由27/6開始將會被借調過去總部一個月, Oh no~~

3. 今次係三點幾, 五點幾同六點幾。

21/6(二) -- 收工返企食飯執野。經歷左幾次旅行, 每次執完野都仍然係有好似帶唔齊野噶感覺。

4. 終於...

22/6-26/6 -- Japan trip

26/6(日) -- 返到屋企, 執晒d野沖埋涼整埋要整噶野, 都好夜了。

27/6(一) -- Nat今日last day了, 所以唔請假專登返工; 另外Q都由今日開始外借去HQ果邊一個月了; 收工同Sam食飯, 試左KFC新果個好似有D日式噶燒雞餐, 三十幾蚊飽得來又幾好食喎! 仲值得encore添! 夜晚同呀哥AOE, 好眼訓。

28/6(二) -- 補返休息一天, 同隔離KTPD噶一D同事一齊放假, 約埋去食tea仲有夜晚掃街! 中午出去, 同Nat 1點去登記左個tea, 之後同佢係cafe 1882食左D野飲野同吹水, 之後2點幾華哥等人(Wacoal, Joyce, Joyce老公, Queenie Cheng, Queenie個fnd)來到, 就上齊上去食hi-tea; 間野個場就幾靚噶, 個view都好, 可惜落雨, d野食就普通麻麻地啦; 食完本來同Nat同Wacoal一齊去SSP掃街, 但係Nat唔舒服返去, 所有cancel左; 臨時約左呀進出來, 佢比左我係日本時佢幫我係HK買噶模型我, 真係唔該晒! 我竟然唔記得帶手信比佢~~~ 之後行左下黃金, 買左i-Phone果舊叉電, 之後同佢係周記食飯再散。晚上係屋企執左下d相。

5. 出門口時落天濕濕, 天氣又熱, 諗住都係著返短褲Crocs出去啦, 突然邐起會唔會唔好呢? 於是著返牛記出去, 最終食tea果度男仔真係有dress code唔比短褲同涼鞋, 好彩我醒姐!

6. Joyce老公名不虛傳, 真係靚仔呀~~

29/6(三) -- 今日打完D遊記; 收工返企食飯, 繼續執相, 經歷左幾次upload時hang左再upload, 終於整理完。覺得自己好快好有效率呀~~

7. 要減肥呀呀呀~~~

8. 要叫民民約下之前話劇D同學仔聚下先, 好耐無見了。

30/6(四)-- 之前果晚訓得好差; 收工後同死黨們食飯@KLS, 聽Connie講去呀Yo介紹噶Thai, 好味道, 之後我帶路去食甜品後散。

9. 屋企附近漫畫鋪清二手書, 收工經過時好平咁買左五本(1-5)"櫻通信"; 點解會買呢? 係中學時期成日會買d台版CD來聽, 有時D未睇過噶卡通片或者無玩過噶game噶original soundtrack都會買來聽; 當年(直到而家)都未睇過"櫻通信"呢套野, 但就買就隻soundtrack來聽, 好好聽, 真係好正。明顯地係講愛情噶故仔(仲要係學生時間噶愛情), d soundtrack係正到一聽你已經估到個scenerio係咩, 好貼題得來好好聽。講返套漫畫, 作者係"遊人", 佢出名係畫咸濕漫畫噶, 果套野一睇之下, 果然係講愛情噶漫畫, 雖然都有D三級位但係唔多, 劇情好唔錯; 最令人開心係, 一路睇一路係諗到邊一場係配咩音樂, 個感覺好正~~ 可惜D漫畫原來到第五期係未完O既。

10. 上網見到消息: 期待已久, Hunter x Hunter 8月連載再開!!!!

1/7(五) -- 公眾假期; 中午同呀哥呀嫂食完KFC一齊打左鋪AOE, 三個人一齊玩好開心呢~ 之後本來約左出去同民民FF唱K, 但係K房爆左, cancel左(無出街); 個頭赤赤地, 係屋企訓左, 訓起身同呀哥佢地一齊打機, 打到8點幾煮野食係屋企食飯, 最終全日係屋企hea左休息一日。

11. 不再像從前般抓狂, 是因為不可以, 還是因為完全不對?反正, 答案都是"不"。

2/7(六) -- 早上起身msn見到關老B, 臨時約左出去TKO中心食早餐, 之後同佢行左Jusco, 見平買左鞋"薦"; 之後買左野食返屋企同呀哥呀嫂食野, 在家hea一天。

3/7(日) -- 早上去打波, 好熱好曬好累; 一開始打得麻麻, 慢慢上力都打得OK, 不過好熱熱到個人無咩動力(其實個身體又唔係好累); 打完波食完飯同民民慢慢行去北角返屋企沖涼休息同呀哥打鋪AOE(頭有d赤); 五點半出門口同仙肥牙六點係CWB食聰嫂同行下Times(多謝Macau手信), 七點半去Mandy Ho婚宴; 都幾開心呢(仲見到好多舊同事s), 最攪笑係羊生噶花絮, 哈哈。

12. 最短, 最驚栗, 最恐怖、最悲情、最懸疑的微小說: 貞子懷孕了......

來緊:
7/7(四) -- oil painting session after work wv colleagues
9/7(六) -- 成班同事去Queenie屋企玩
22/7(五) -- 睇話劇(林奕華) wv Connie
30/7(六) -- Carol Bday party
8月某日-- 話劇wv嫂嫂and fnds
要約姑姑賢賢同八妹
要約花姐姐

完

東京之旅 -後語-

2011-07-01T11:18:00.001+08:00

東京之旅

後語

雖然自己係鐘意風景同埋歷史野多, 但係東京畢竟係首都, 亦都值得去噶。好彩並無點受地震影響, 而自己想去噶地方都幾乎去到。今次去由於2條佬去, 而且我未去過, 所以Barry都係有限時間內盡量同我去左好多地方呢, 同埋都無去到所有"樂園"類噶地方(仲可以再去多次東京in the future?)

另外, 雖然有帶本野, 但係唔係成日拿出來記低野, 好多時都係當晚係酒店拿返出來記, 所以都一定有miss左d感想, 無辦法了。今次可惜噶係買唔到想買噶鞋"薦", 唔知邊度有得買呢?

係度當然要多謝下d人啦, 一般太common果d唔再多講啦。

1. 首先要多謝Barry啦~~~都係多得佢book package、安排D行程、唱錢...等等, 又超好人又就我, 多謝晒呀~!
2. 多謝呀Penny借左本最新噶東京旅遊書比我, 好有用! 我地搭車行路睇地圖都係靠晒佢啦!
3. 多謝民民借左舊後備電比我, 等我可以係咁狂影相無顧忌!
4. 多謝Fontane借出Suica一張~~
5. 多謝Wacoal係本旅遊書mark左多recommendation比我~~
6. 多謝係東京留左一年噶呀Yan比左好多意見我

總結一下, 今次個trip 5日4夜, 機票連酒店連稅4000, 估唔到自己無expect買衫用左1000, 其餘使費(包括食飯, 交通, 買手信, 仲有未扣幫人買野)3000, 總共用左HKD8000島(應該係不足8000), 好抵呀~~

希望來緊唔知幾時, 再有下次噶trip!

完

東京之旅 Day 5 ~第九章~ "旅行的終結 - 上野"

2011-07-01T11:17:00.005+08:00

東京之旅 Day 5

~第九章~ "旅行的終結 - 上野"

之前提過, 上野係返成田機場噶必經之路, 所以好多人都會係最後一日來上野, 買完手信, 行完街就順便直接走。我地都唔例外, 由於當日無咩特別行程, 對腳又累, 又行唔設上野動物園(可惜), 於是就係酒店休息到11點check-out先走。

之前某日行過一間好大噶"GAP", 無買到件褸, 話如果係新宿果間細D見到有就買, 結果就係last呢日係新宿買左咯(I am褸魔)。買完初, 終於離開新宿, 拖住Gip去到上野。行左果個話有好多玩具噶商場, 多係好多不過全部正價, 仲貴過秋葉原, (Barry就係另一邊買左野), 之後都係例牌行返果條街啦。去返一般手信位"二木", 不過我之前已經係川越買左野食(起碼唔係人人會買到噶野呀), Barry就係度掃貨。

係度反面係第一次係日本"掃街"; 食左Kebab, "大山"噶炸薯餅同肉餅, 仲有燒章魚丸, 好味又好飽, 都唔使食飯了。掃完貨、掃完街, 係時候上之前搭過來果價平D噶火車, 返返成田機場啦。係火車見到個呀佰, 年紀都幾大, 但係拿住支1.25公升噶可樂係度吹, 好勁呢~~ 呢樣野只係我讀書果時先會做, 而家都唔得啦~~

終於都攪掂晒d手續各方面, 係機場竟然比差佬逗, 好有禮貌咁叫check我地袋; 之後上機、回港, 旅程完結。

Day 5 end記一記:
1. 返到來好熱, 東京頭果3日都熱, 但係無咁濕咁焗, 之後果2日天陰直情涼添!Hk天氣真係辛苦。
2. 唔知係咪HK機場博覽館有function, d巴士勁多人, 第一架我係上唔到(無理由企返去架), 結果係等第二架巴士, 10點半到HK, 過左12點半先返到屋企。

東京之旅 Day 4 ~第八章~ "秋葉原 - 動漫、遊戲、宅男、女僕"

2011-07-01T11:17:00.003+08:00

東京之旅 Day 4

~第八章~ "秋葉原 - 動漫、遊戲、宅男、女僕聚集之地?"

之前講過新宿池袋銀座原宿涉谷, 無提到秋葉原。因為呢個係一個唔同feel噶地方。一個好多有關動漫、遊戲、玩具、cosplay仲有好多女僕cafe噶地方(咁當然都有好多其他野, 例如電器)。不過由於對腳已經好痛, 加上去到都唔係好早(近黃昏), 所以唔係花左好多時間行。

行過晒旅遊書有介紹同無介紹噶好多店同商場, 真係有好~~~~多相關物品。不過事前都知, 其實果度D野比香港仲貴, 如果要買野, 只係要買D香港無噶野, 而我知價果d, 眼見的確係香港平D, 所以雖然都算行左幾多鋪頭, 但係一樣玩具都無買到。

至於街上好多係度派傅單噶女僕裝扮噶女仔, 佢地唔係好願意比人影相, 聽聞cafe內係唔比影添! 不過無去到, 所以唔知實際情況了。係區內有個AKB48劇場, 係佢地噶專屬場地, 聽聞日日有show開添, 不過我地當然係無去到啦。結果係無咩收獲噶情況下, 係對腳好痛噶狀態之中, 返返新宿。

照例去wifi通, 係大戶屋食晚飯, 之後就返酒店了。

Day 4 end 記一記:
1. 慳電mode of Japan
2. 腳超~~~痛, 返到來HK都仲痛左2日
3. 田村正和(純粹記返之前一D野)
4. Smap噶吾郎同松田聖子part埋拍廣告...

東京之旅 Day 4 ~第七章~ "築地市場 + 日本政治之旅? 日皇宮+靖國神社!"

2011-07-01T11:17:00.001+08:00

東京之旅 Day 4

~第七章~ "築地市場 + 日本政治之旅? 日皇宮+靖國神社!"

期待已久。一早起身, 去築地! 不過我地都係一般早, 8點幾9點幾到, 唔係超早果隻, 覺得無咩需要咁早; 當然亦都無去食D多人排噶店(全程日本都無排過隊食野)。好多遊客都係係外面hea逛下, 我同Barry就入埋去街市位行(築地市場好大呢), 有好~~~多海產呢! Barry唔多敢即買即食, 而我就緊係要complete呢個mission啦! 係街市位即買即食左刺身, 出返去外市場再食定食, 好飽, 但係真係好味道~~~ 返香港真係唔想再食呢D野住啦~~

離開築地市場, 慢慢行去銀座。途經Barry想去噶賣衫店"A&F", 入左去睇左陣。好正, 成幢building都係間店, 入面好暗, D音樂好大聲, 最正係所有, 無錯, 係所有sales不論男女都好正。男噶都係高大同靚仔, 女噶都高同靚女仲清一色短褲仔, 煩心悅目。不過場內唔比影相, 睇完之後覺得D野都貴所以就咁走。

係銀座就緊係順便去日皇宮, 都OK啦, 係外圍睇下咁(主要都係大家睇相啦), 就行去東京站。連續三日walk fight, 對腳又開始痛了。東京站竟然裝修, 影唔到相, 只係見到個頂。之後自己心魔, 而barry亦好就我, 去靖國神社!

唔係度多講靖國神社係咩啦, 有興趣自己去睇下係咩來。不過如果有留意下新聞應該都知知地, 係一個供奉日本戰犯(即係二戰果時D日本軍人)噶地方。我就一直心魔好想去睇下, 結果係出乎意料地驚喜呢。

首先就係個神社, 其實無咩特別, 都係一個建築物來噶姐, 係"到此一遊"噶地方。反而係旁邊噶"遊就館", 如果鐘意睇歷史噶就好值得去。入面都係唔比影相, 所以都無相睇啦。好似歷史博物館咁, 講返日本從第一次世界大戰開始, 一直到二戰完之間打噶仗、發生過噶事。

又有好多展品, 包括有D藝術品, 打仗噶武器、軍服, 軍人噶照片、書信(尤其係比屋企人噶遺書好正)等等, 好多野睇, 好值得去睇下呢! 最"有趣"噶地方, 係睇由佢地角度出發去睇佢地侵略噶野, 好攪野。例如: 蘆溝橋事變佢地話係一件好少噶事, 但係另到中國人引起左出乎意料噶大反抗、南京大屠殺佢地叫"南京事件", 仲完全無提過佢地大屠殺噶事...等等。

係呢度都花左幾多時間, 之後就出返去, 去秋葉原了。

東京之旅 Day 3 ~第六章~ "散步之達人 - 小江戶川越"

2011-07-01T11:16:00.005+08:00

東京之旅 Day 3

~第六章~ "散步之達人 - 小江戶川越"

呢一日噶行程差唔多係whole day, 所以可以一次過一篇野完。
一早起身, 去左wifi通食早餐(天屋個嬸嬸好好人)同wifi, 食完去左郵局寄左d"手信"先, 就搭JR由新宿去池袋再轉去川越。竟然係新宿噶車卡入面遇到呀Sean! 之前都知佢來日本, 但係要係咁大地方, 同一時空遇到一個人(仲要係車廂, 難度增加), 真係好難得! 同佢同路(佢當日係last day)傾左一陣, 到左池袋就散了。

川越, 係一個連日本東京旅遊書都無介紹噶地方。Barry San竟然搵到一個咁噶地方噶行程, 好犀利呢~ 佢知我鐘意d睇風景同舊式建築, 所以就搵到呢個地方, 而川越就正正係呢類地方。人稱"小江戶", 有好多好似江戶時代噶屋, 仲有好多神社。估唔到來到東京都可以有一日呢D行程, 好開心。之後(唔記得係銀座定邊度)我地係其他地方噶書店仲見到本書, 叫"散步之達人 - 川越", 係一本介紹果度噶書, 我地仲開左來睇添, 哈哈。

我地買左套票, 可以搭一程來回噶鐵路同埋當地巴士任搭, 係抵噶, 記住要去的話要買。基本上果度都係一個睇風景、睇建築物噶地方, 所以係呢度就無咩好寫啦, 不過個感覺好唔錯, 係東京除左都市之外都有呢D鄉下(又唔使搭去箱根咁遠)噶地方(從池袋去30分鐘車程only), 大家睇相啦。

由於都幾鐘意呢D野, 我地幾乎係度磨左全日。出返來都已經係黃昏了。係池袋(出返來要經過)竟然買到衫(係間店磨左好耐)。行左2日, 對腳都好痛了(每日都差唔返之前扣過噶血, 所以一日比一日痛)。買完衫返3新宿, 食飯同係wifi通hea左陣就返酒店了。

Day 3 end 記一記:
1. 多謝呀進幫我買模型, 好彩上一上facebook咋~~
2. 自己真係幾鐘意睇d歷史建築同舊野呢
3. 期待第二日噶築地魚生!
4. 果日竟然唔記得帶Suica, 好彩行程好多都唔係搭Suica用到噶線
5. 見到架車泊個位, 好~~~窄, 我同Barry仲話佢汨車勁過頭文字D果個藤原拓海
6. 經過思出橫町, 見到D燒烤好正, 好想試, 本來話第日試, 但係最後無去到, 可惜。
7. 電視廣告: I'm possible, 幾得意

東京之旅 Day 2 ~第五章~ "原宿、涉谷 - 迷失表參道" + "夜遊東京鐵塔"

2011-07-01T11:16:00.003+08:00

東京之旅 Day 2

~第五章~ "原宿、涉谷 - 迷失表參道" + "夜遊東京鐵塔"

講起原宿、涉谷, 我首先諗起噶竟然係DMC(爆粗Band友)! 主角根岸成日都唔想做佢做開果d死亡金屬, 而係鐘意做D輕鬆噶街頭藝人, 而係漫畫入面佢就成日去原宿同涉谷, 話果度係有型噶地方。事實上, 果度噶鋪頭都係比較有style噶店, 係潮人朝聖噶地方。

其實新宿、池袋、銀座、原宿同埋涉谷, 各有各唔同, 感覺就好似香港噶尖咀、中環、銅鑼灣同旺角咁, 係唔同價錢、質素、年齡層噶行街位。不過自己其實無expect會買衫, 所以都係行下叫係行過, 無買到D咩野(而Barry就一早預左會睇衫噶, 不過都無咩收穫)。

入夜, 係涉谷搵到日本另一個free wifi位(我地全日本就只係搵到呢2個了, 而且呢個Barry上唔到添), 休息左一下(當日其實行得好甘, 對腳開始痛了)。之後就去左好出名, 但係又無人當係景點噶涉谷忠犬"八公像"。果度其實係D人等人噶位(好似香港噶五支旗竿), 但係我地專登去到, 緊係影下相啦! 仲帶起左一陣熱潮, 無啦啦D人又走圭去影幾張相, 哈哈哈。

由於四、五點食左拉麵, 唔肚餓, 夜晚無食飯就直接從涉谷去東京鐵塔。東京鐵塔已經出名到連D人而家都唔會去了。而且新東京鐵塔都就來落成, 舊呢個出現身份危機呢。東京雖然節電, 但係東京鐵塔夜晚仍然著燈, 現場見到噶佢, 好靚, 我覺得好值得去睇下呢。

Day 2 End 記一記:
1. 東京d鐵路真係癲架, 好多條唔同線好煩, D月台呀站呀好多, 要搵來搵去, 有時仲要係同一區唔同地方, 要出街搵站, 好煩~~~
2. D人成日話搭緊車要靜, 但係我地成個trip所見, 好多本地人都係照大聲傾偈...
3. 日本妹而家好少係肥噶(同台灣一樣), 同埋大部份裝甲值都好高(化妝同打扮得好勁, d妝濃到見唔到本來面目), 加上時值夏天, 好~~~多短裙同埋短褲(熱褲仔), 作為遊客來講, 係睇得幾開心噶
4. AKB48係日本好~~~紅, 周街賣碟噶地方、廣告牌、電視節目等等都狂出, 好誇張, 洗腦式咁宣傳)
5. View神@東京鐵塔

東京之旅 Day 2 ~第四章~ "池袋 - 與貓貓相會"

2011-07-01T11:16:00.001+08:00

東京之旅 Day 2

~第四章~ "池袋 - 與貓貓相會"

下午噶行程幾乎都係"行街", 係真真正正噶行街。係幾個多人噶區域行同睇D鋪頭。跟返距離, 第一站先去池袋。行左Tokyu Hand, Sunshine City, 無咩收穫; Barry知我鐘意貓貓, 專登同我去左個貓貓店, 比D入場費入場有十幾廿隻貓貓任影任攪, 好開心呀~~ 因為之前都行左幾多路, 對腳有D累, 所以係果個位抖下, 同喵喵玩下影下相, 好開心, 磨左好耐呢9真係多謝Barry陪我呢)

池袋叫係行完, 準備去第二度; 途中經過華哥(Wacoal)極力推介噶"無敵家"拉麵, 當係半tea半dinner咁食, 4點幾5點食無咩人唔使等位(平時要排長龍, 緊係寧願呢D時間食啦), 好好味! 個湯底真係超得, 豬骨湯底好濃味(當然都好油)!Wacoal好介紹呢~~~

食飽飽(抖下對腳)之後, 就搭車繼續行街!

東京之旅 Day 2 ~第三章~ "三鷹之森 - 宮崎駿的足跡"

2011-07-01T11:15:00.006+08:00

東京之旅 Day 2

~第三章~ "三鷹之森 - 宮崎駿的足跡"

如果年紀同我差唔多噶, 應該都識得宮崎駿, 或者鐘意佢噶作品, 就算唔太鐘意, 起碼都會識得天空之城、風之谷呢D咁經典噶動畫。呢一日上午噶主要行程就係去三鷹, 果度有個宮崎駿噶博物館"朝聖。我唔敢話自己係fans, 但係的確幾鐘意好多佢噶作品(even有D人地話悶噶我都鐘意)。

一早起身食完早餐, 就搭車去到三鷹果邊。有架接駁巴士要成20HKD去個館度, 但係其實可以行到過去, 緊係慢慢行下啦, 個巴士只係蹶外觀靚D同有公仔, 無咩特別, 所以慳返果20蚊好過了。行過去果條路叫"風之散步道", 聽聞係O岩季節噶時候有花睇添, 不過我地當然就無啦。行左幾個字(可能有D人覺得幾個字都辛苦要搭車噶)就到左啦。

館入面係唔比影相噶(室外就比), 所以大家有興趣就要親身去睇啦; 對於我呢個動畫迷來講, 就覺得好正; 成個場噶setting好正, 館內有好多手稿、原畫、場景、動畫製作過程、劇本...等等好多資料, 如果比我慢慢睇, 真係可以睇好耐, 不過當然唔會真係用咁多時間係入面啦, 而且都幾多人, 無咩機會慢慢睇晒了。有好多畫同setting好想影相呀~~~不過好乖地無影到(亦都有staff係度睇住)。其中有個幾大噶貓巴士, 可以比小朋友擒上去, 擒入去, 好開心呢~

館噶屋外都好正, 最正當然就係"天空之城"入面噶機械人啦~~~幾米高比人任影, 好開心呀! 仲有行入d有飛行石, 都好正呢!係度brief咁講少少, 好多野都不足為外人道, 大家自己去睇啦~~~(另外, 係度買左d野)

出左館, 行另一個方向去另一個站"吉祥寺", 果度有Penny交帶落叫我幫佢去同買野噶hea熊專門店, 係果度逛左一陣, 買左d野, 係附近hea食個lunch之後, 下午就繼續另外噶行程了。

東京之旅 Day 1 ~第二章~ "夜探新宿!"

2011-07-01T11:15:00.004+08:00

東京之旅 Day 1

~第二章~ "夜探新宿!"

係酒店出來, 行返去新宿站果邊, 亦都係最熱鬧果邊。雖然經過左大地震, 但係仍然係好多人, 市面上完全唔覺有咩影響。唯一唔同就係佢地有好多地方都節電, 例如全東京5日行程, 所有街上噶汽水機都係唔著燈啦(但係仲work噶), 地鐵有d escalator唔開啦, 有好多地方噶hall或者行人通道無開晒D燈啦咁。

講返新宿, 係站附近真係好多人, 亦都好多人係度唱歌、表演。有band係度唱歌啦, 亦有人只係一set鼓係度打, 而D表演者噶水準都幾高呢。Weekday新宿噶夜晚, 街上都係人來人往, 四圍都係人, 經過旅遊書介紹噶中村屋, 試左個curry bun, 都ok啦。竟然行行下無意中搵到Barry心魔好想食噶"一蘭拉麵", 晚餐就食佢啦! 幾好味喎, 個湯底幾好味, 佢個特製辣粉都幾惹味, 個麵唔係一般拉麵, 係幼d噶, 食完好飽好滿足呢!

食飽飯就開始正式行下新宿, 其實都同一般大城市無咩分別。好多人, 好多車, 好多鋪頭。當然都要逛下歌舞妓町啦! 果幾條街好多人(男人負責噶)會撩你, 佢地除左會用日文, 見你似遊客仲會用幾流利噶普通話或者用英文添! 最攪笑係有個人見我地唔理, 無啦啦爆左句廣東話, 仲要係好粗俗噶添, 哈哈。

行左個圈, 當係見識過果頭係咩樣之後, 又出返D旺位行。去左Lawson買左三鷹個博物館噶飛, 去左Donkey睇雜貨, 搵到條街有free wifi(果條係日本我地幾乎唯一有free wifi噶地方, 我地之後叫果條街做"wifi通"(wifi dori, 即係wifi街, 哇哈哈, 差唔多日日都去wifi下同HK取得聯絡)。Wifi左一陣hea下之後, 就返酒店了。

東京之旅 Day 1 ~第一章~ "東京突入!"

2011-07-01T11:15:00.001+08:00

東京之旅 Day 1

~第一章~ "東京突入!"

二零一一年六月二十二日早上, 係大家都仲應該訓緊覺噶時候, 正式出發。雖然係三號風球, 但係都無損出發噶興奮心情。到達左機場, 循例check-in、食早餐、入境登機, 不過值得一提噶係, 入境果時機場果個哥哥仔, 好開心同少少驚訝咁話, "終於搵到一個個姓噶英文串法係同佢一樣噶"。由於我姓"施", 一般身份証都係串"Sze", 或者都有d"Si", 好少好似我咁係"Sy"噶, 竟然有人一樣, 好得意呢!

本來係Delta航空, 早幾日confirm時竟然轉左做ANA, 都幾好彩; 飛機餐係幾好食, 係飛機度抖左下, 同埋睇左套日本電影"Nekopan", 講一個退休日本男人唔習慣退休生活, 但係一堆自來喵去左佢屋企, 為佢生活添上左色彩同樂趣, 無字幕齋聽日文, 節奏都好慢, 其實悶悶地, 不過念在果堆可愛噶喵喵份上, 都睇完左。同場加映, 我握介Barry睇"Unknown", 我不時都一齊睇, 幾好睇呢。

唔經唔覺就到達東京, 如常咁落機...etc出到來, 終於到左日本啦~~ Barry果然係熟路, 連係日本讀過書噶朋友都叫我搭Nex, 但係Barry就好有信心話唔需要, 結果我地搭左平好多噶鐵路(1200Yen, Nex貴好多~~)出成田去上野(上野幾乎係去成田機場噶必經之路, 好多時都係經呢個位出入成田機場, 遲D最後一日會再講)。

到左上野, 轉JR線去新宿(我地住新宿Washington), 係新宿站行去酒店途中經過都廳(即係東京都個市政大樓), 上面有個瞭望台(免費噶), 緊係順便走上去望下啦~~ 拖埋個Gib上去, 望下東京同日落, HK真係無呢D好遠好平噶地方同view呢; 望完之後就走, 去到酒店check-in, settled down, 七點幾了。準備出去食飯同埋探索夜新宿!

東京之旅 -前言-

2011-07-01T11:14:00.002+08:00

東京之旅

前言

實在太多人去過日本, 大家亦睇過好多日劇或者知道得好多有關日本噶野, 因此我覺得對於大家來講, 其實東京無咩新?感; 再者我自己之前去北海道果次都寫過日本人噶文化習性, 所以今次遊記(同埋facebook噶相)唔會再重複呢D野, 只會講返自己行過、望過同埋諗過噶野, 非常個人化。(當然都希望比未去過噶人清楚d咁感受我見到噶野)

~序幕~ "準備"

近年去左好多次旅行(比起一般人來講算係密啦), 因此準備工夫駕輕就熟。來來去去都係帶果d野, 仲可以參考返之前trip噶經驗, 寫定晒帶咩、準備咩、手信list等等, 因此實在係好方便快捷。今次又出動返之前去台灣果本"遊記本", 可以係行程中記底一D特別噶野或者心情, 都幾好呢~~

上年曾經諗過去東京, 最終turn out跟團去左北海道。日本來講, 自己最鐘意京阪神, 正常第一次去就應該係東京, 估唔到自己係去左北海道先。呢個情況令我諗起香港漫畫"風雲", 一開始個女主角孔慈, 被佢義父利用去控制幾個男人, 於是佢嫁左比秦霜, 偷偷地同步驚雲有路, 實際上個心鐘意聶風。Oops, 唔知自己講緊咩, 愈扯愈遠, 哈哈哈。

今次去東京都係好多野夾埋先成行。首先係自己有好多假。次次去trip都係請2-3日, 但係自己有廿幾日假, 每年又只係比留14日去下年, 即係年年都要請十幾日。雖然都可以間唔時散放, 但係一來覺得唔多抵, 二來以前好少去旅行, 而家想去返D想去噶地方, 三來年尾可能忙, 未必有機會清假, 因此最近好似密密去trip咁

另外, 就係食正O岩O岩早幾個月大地震, 而家D package好平。市面其實已經回復正常, 可見來緊亦都開始會貴返, 要趁平去, 就真係要趁而家; 好好彩地有有人(Barry San)肯一齊去(更好彩係佢都去過幾次, 識路又肯plan行程又好人又就得人), 所以緊係趁機去啦~~~

今次個遊記(同埋facebook噶相), 唔係跟日子5 Day咁寫, 而係跟地點咁寫, 所以會多幾part, 同埋每part都會短d, 我諗會容易D睇, 同埋有D無咁好心機睇好長字噶人會有DD心機睇掛? 仲有要一提噶係, 最好係遊記連photo album一齊睇, 咁就可以個picture好clear呢。

好啦, 開始。

淅瀝淅瀝

2011-06-21T21:28:00.001+08:00

"淅瀝淅瀝......
轟!!"
"又獨行舊地, 遇著攔路雨灑遍......地...
路靜人寂寞, 這痛哭的雨途人懶去作躲避..."

收音機響起了Blue Jeans和林憶蓮合唱的舊歌。

看著窗外, 配合著這首經典老歌, 讓他想起了多年前他還在這城市的事情。
那時他天不怕地不怕, 和他的兄弟在這裡做各種"大買賣"。貧窮農村出身的他, 天不怕地不怕, 做事夠狠, 多次立下大功, 對兄弟卻有義氣, 因此成為了龍頭身邊的大紅人, 也很快在黑道上成為了"當紅"人物。

可惜, 英雄難過美人關, 當年他的其中一個兄弟搶走了他最心愛的女人, 兄弟反目, 他一怒之下錯手殺了自己人, 引起了軒然大波。好一陣的殺戮、報仇, 經歷過腥風血雨之後, 他的組織實力大為減弱, 而他也被"放逐", 即是逃走去台灣。

多年後, 他終於回到這個他曾經呼風喚雨的地方。呼腥風, 喚血雨。

看似多麼沉靜的一首歌, 內裡卻包涵著無限的情緒。當年他與他那最愛的女人, 最喜歡合唱這首歌。可是她已經隨他而去了...那次的仇殺, 讓很多人送了命, 卻偏偏送不了他的命。

這次, 另有組織知道他辦事能力強又夠狠, 專程由台灣請他回來做幾單買賣。他本對江湖再無留戀, 但對方的第一個任務吸引了他: 殺了那個已經成為黑幫高層的 -- "他"!

恨之入骨。"恨"會令一個人痛苦得死去活來。"恨"會讓一個人改變得很徹底。"恨"使他起了復仇的火焰。他決定要殺了他, 他覺得殺了他, 自己會好過點。他要一擊成功, 因此他不會在大街大巷, 而是 -- 約他出來。一個他認為已經消失的"老朋友"約他出來, 他一定會赴會。

**********

"卡刷。"
門開。多年不見, 那人面目依舊。可是大家的境況已經大不相同。
他知道只有一個機會。二話不說。
"呯!!" 一槍轟中了對方心臟, 沒錯, 是他的心臟, 他達成了目的了。
"呯!!呯!!呯!!呯!!呯!!呯!!呯!!呯!!"
那人當然帶了一些隨從來。他們立刻沒命的向他狂轟, 可是太遲了。他們的老大十之八九都會沒命。
而他自己, 當然也會。

"...急風送...陌路人...雨中歸去...(夜雨催促歸去)..."
在這天朗氣清的早上。血從他身上各處流出來。
淅瀝淅瀝......他聽著生命的聲音不斷溜走......也感覺到"恨"意隨著生命一同流走......

完

六月十九日 -- 雜記

2011-06-19T22:47:00.002+08:00

13/6(一) -- 收工返企食飯。

1. 開始覺得頭髮長, 食完飯係屋企又剪左d。

2. 夜晚喉嚨比起早上更唔舒服...

3. 呢2日比返晒d trips(Singapore and Japan)用噶錢比人呢~

14/6(二) -- 收工同叻, Wacoal同埋秘書姐姐去Megabox唱K; 喉嚨唔舒服, 把聲係完全唔得, 得返6-7成都唔知有無(高音上唔到); 竟然比人話我聲沙別有一番風味(仲話好d?!); 奇怪地係講野把聲幾拆同沙, 但係渣左咪唱把聲係好過講野好多噶 XDDD; 唱到11點島走。是日發揮得比平時好噶歌係"望月" XDDD

4. 當你塊面仲同你講緊你好青春，但系個身體就話你知你退化緊，新陳代謝變慢左；你就會好煩惱，d荳荳做咩十世都好吾返。

5. 除左要記得問民民借後備電, 仲要問佢拿返d新加坡旅遊書還比人。

15/6(三) -- 收工本來同IIA舊同事們食飯@土瓜灣大漠, MandyHo派帖; 由於喉嚨唔舒服噶關係, 決定唔去了。收工返企食飯後hea, 早訓。

6. 結果當晚訓得好差, 好眼訓。

16/6(四) -- 下午出site去TKW, 之後direct home所以好早返到企。買埋送返企煮, QueenieKennethPenny來我家食飯, 食完去坑口聰嫂食埋甜品散; 唔記得自己仲係唔舒服, 一食完凍野就知奶野...

7. 我不是一個擅長用言語表達自己"情感"的人; 只會想, 只會做, 只會感受, 甚至會寫, 但真的不會"說"。

17/6(五) -- 下午臨時約左威威收工去SSP, 都有一段時間無去啦; hea搭巴士去到, 主要目的達成 -- 買新出噶BB Wing Gundam, 仲有好多平野, 不過一隻都無買呢。之後同佢係周記食完飯就返企。沖完涼即砌隻BB, 好靚丫~~~ 之後同呀哥打左鋪AOE2先訓。

8. 舒了一口氣

18/6(六) -- 一早起身睇左早場"S8", 好好睇! 之後返企休息一下再出去, Art Jam with Kman & Fontane, My first ever oil painting~~~比晒d野你, 由得你自己玩三個鐘, 其實都幾好賺呢, 如果無學過又完全未玩過噶人(好似我咁), 真係唔知點算。唔覺唔覺就三個鐘, 玩完, 都幾hea同寫意噶。之後去左金巴利街(韓國野街)食清溪川(民民終於請返我餐飯啦~~~), D野都唔錯, 食完FF返企, 民民同我返TKO, 係屋企hea左陣佢就返去。

9. S8 -- 好好睇! 唔認同網上D人講果d唔好睇噶points。首先個劇本, 我覺得成個故事大綱就唔算係有咩新噶idea, 但係就真係導演功力, 拍得好好睇, 成套戲差唔多2個鐘都好緊張同埋無悶場, 2對父子/父女個親情位都做得好好, 唔似其他科幻/特技/災難片咁, 夾硬加d父子患難見真情, 係有鋪排過噶。特技方面, 好appreciate佢用返d old school式電影特技! 睇得出成套戲得好少地方係用電腦特技, 而係真係用拍攝技巧同埋搭D野出來做成好多唔同噶效果, 呢樣野真係好正~~~ 最後當然都要提下演員都做得好出色啦, 尤其係成套戲一直主打跟住噶果班小朋友, 佢地個個都好好戲! 不得不提, 最後出左字幕一陣之後, 仲有一段幾長噶野睇, 一定要睇埋呀~~~好正架~~!

10. 民民記得拿d書同電比我, yay~

19/6(日) -- 本來有張飛全日free搭MTR, 點知...趕住出門口唔記得拿; 一早起身hea一陣, 決定去買"食送"instead of去睇早場, 買完返來準備定晒d野出門口; 同Sam去左上環, 諗住食生記點知關左門, 就順埋路入西環食天樂, 個瑞士汁都OK; 之後hea搭電車去太古城, 行左下太古城中心同埋食左個章魚丸, OK啦; 之後返企煮飯同叫家人過來食飯, d野煮得普通啦。

11. 轉: 世界上有這麼一個男人, 小時候你怕他的威嚴, 長大了你學他的沉穩, 他的愛很深沉但不求回報; 你跟他耍賴不講理, 你瞎胡鬧, 你闖禍回家, 他批評訓斥你, 但他對你的愛從不改變; 你只一句話, 他就成為你的超人兼跑腿兼保鏢兼顧問。神馬男人都是浮雲, 全球最可靠的男人就是他 ---- 這個人就是老爸! 老爸, 父親節快樂!!

12. 今日呀媽話, 第日呀哥結婚搬過去佢自己果邊之後, 呀爸呀媽都係唔會搬返來呢邊, 即係我會一個人稱霸我家............

13. 某人話我係sporty型, 我唔多認同咯, 尤其呢個weekend噶活動, 明顯我唔算係一個動態噶人 -- 我應該係動靜皆宜!

14. 今日提早攪掂晒所有野, 可以早d訓, 明早約左呀女食早餐! 仲有無幾多機會啦...

15. 喉嚨叫係好得7788, 但係都係未好晒咯...仲係拆拆地聲...

來緊:
20/6(一) -- FF生日快樂~~
22/6-26/6 -- Japan Tokyo trip
3/7(日) -- Mandy Ho婚宴
7/7(四) -- oil painting session after work wv colleagues
22/7(五) -- 睇話劇(林奕華) wv Connie

完

(還你)門匙

2011-06-15T22:02:00.001+08:00

每個人在手中也握著一串門匙: 進入別人"領域"的門匙。

當開始認識一個人的時候, 大部份時候只會看到對方門外的"花園"。可能是悉心栽培過的花園, 也可能是從不理會的爛地, 總之就是他讓一般人看到的一面。
每個人也可能會有不止一個花園, 用來給不同的人觀看: 家人、同事、陌生人...等等, 這條花園的門匙,
一開始就可以得到。

再進一步, 就是進入大門的門匙了。有一定程度的熟悉, 才會把那"大門"的門匙給別人吧? 可以進入對方的"領域", 代表他讓你進入他的內心, 或者他願意跟你分享自己擁有的 -- 事、物、回憶、思想、經驗、過去...等等。不同程度的熟悉程度, 就可以access到那"領域"中不同的area。"家人"起碼也會把那"領域"中的幾把不同的門匙給了你, 因為血親的牽絆通常是一世的、絕對的信任。

能夠擁"睡房"門匙的, 一定是很親近或者很親密的人了。世上沒有多少人能像知己般, 能夠自出自入那個心底最私密的房間, 就算"情人"擁有房間中另一把知己沒有的暗門門匙, 但也不一定能夠access到知己能夠去到的所有範圍呢。當然, 也有些人從來就沒有派發過這門匙給任何人吧。

而在這房間中的保險箱 -- 那心底裡一切一切的想法, 包括了各種不同的秘密、黑暗、甚至腐爛了的自己, 那鑰匙從來也不存在, 因為連自己也不一定清楚在哪裡。畢竟, 人對於自己很多時其實也不是十分的了解。對於"房間"中的自己固然清清楚楚, 但對於保險箱中的自己, 很多時只能從鑰匙孔中窺探到一點, 更多時候, 只能從偶爾出現的次元裂縫中看到, 那真正的、赤裸裸的自己。

自己算是很容易把各種門匙給別人的人, 或許也比一般人擁有多些其他人的門匙。不過, 面對著一些從內反鎖的人們, 會感到很失望, 很不快樂。然而, 既然對方不再讓我進入他的"領域", 那又何必再抓著那些門匙不放呢?

還是乾脆還了它吧。

完

Q: "你門外的大概是一個遊樂場吧
把所有人都吸引過去玩, 讓人都忘了要進門
雖然大門根本沒鎖, 卻沒太多人會想到要去推一下
大門打開, 是幾乎沒甚麼間隔的大屋, 保險箱就放在大廳中心, 自己卻把它坐著...
"

"自己"?

2011-06-13T19:40:00.000+08:00

日安送給我的一句: "你不是為別人而活的", 還有Q的: "要錫自己多d"。
謝謝我的好朋友們呢~

長久以來我真的迷失了自己嗎?

六月十二日 -- 雜記

2011-06-13T01:13:00.001+08:00

7/6(二) -- 德文最後一堂; 之後同叻食Grad Din~~果間"Houston"我地第一日放學後逛果時已經決定左食呢間當grad din架啦~~哇哈哈! 結果貴得來都勉強ok啦, 唔算十分抵食。

1. 見到好幾個朋友都開始減肥, 自己都真係要努力減肥了; 運動量唔係唔夠, 好明顯要從"縮食"開始做起。

2. 過左端午, 開始正正式式熱啦, 中國人D曆法真係準呢; D褸都洗晒了~~~

8/6(三) -- 收工去左寶琳, 諗住睇下比Fontane噶禮物, 點知無O岩佢噶野, 反而自己又敗左家 @@; 之後返屋企食飯~~

3. Mavs 追返2-2! Yay!

4. 夜晚砌完隻HG龜霸~

9/6(四) -- Wendy生日快樂; 收工去MK, 行左個鐘島, 睇FF的生日禮物; 之後同Lands同事係名寶石餐廳食飯, 慶祝Wendy生日。

5. 睇到新一套Gundam噶設定...無言, 睇來今次可以慳返好多錢了。

6. 前排開始上網追噶新漫畫"戰國妖狐", 雖然公仔唔係好靚, 但係畫風同拿鏡OK, 而且雖然好似包裝到好似少年打交漫畫咁, 但係事實上佢入面講到好多"人生積極"同正面噶信息, 幾好睇呢。如果有機會係HK出中文單行本, 都會買來睇呢。

7. 新出果隻BB戰士堅靚, 睇來都係走唔甩......

8. 天日Games 5 Mavs一定要贏呀~

10/6(五) -- 收工去灣仔同FF民民呀源Cynthia食飯, 慶祝FF生日; 本來諗住去另外幾個地方, 但因為FF牙痛, 所以去The Plying Pan, 佢應該會食得舒服D; meet之前同Cynthia去左間餅店買蛋糕, 食完飯先去拿, 去第度食, 好味喎, 幾好推介呀間cake shop; 比民民昆左由dining place行去拿cake再行去金紫荊果度, 超遠, 之後出返來都遠, 返到屋企又熱又累 =_=

9. Mavs won Game 5!! Yay!! 成早都好留心咁睇波~!

10. 要記得問民民借相機後備電。

11/6(六) -- 一早起身, 有幾套戲想睇, 結果選左睇12點場噶"不再讓你孤單"; 好趕咁出左去睇, 睇完返企。返到企本來唔想訓, 但係係張床度無啦啦就好眼訓, 結果差唔多成個下午係屋企訓覺。=_= 好累。

11. 最快紀錄: 由屋企出門口果下直至踏入戲院, 10分鐘!

12. 不再讓你孤單: Overal來講覺得唔錯啦, 又未到好好睇; 套戲入面個故事, 想講噶時間偏長, 由相識到到最後幾長時間, 明顯想交代好多野; 我又唔覺得拖, 不過有少少"參"氣。編劇普普通通, 男女主角相遇相識到男主角鐘意個女主角, 我覺得安排得短左少少, 一開頭以為套戲唔長就覺得為左要趕場, 點知原來成2個鐘, 我覺得可以營造多d; 故事都合理, 我又唔覺得網上D人話咩咩咩無可能...etc唔OK喎, 內地人噶文化同情懷真係唔係個個人都明白得晒, 有好多唔係大城市噶地方的確係有純樸D噶人; 要導一個劇本普通噶戲到好睇唔容易, 劉偉強普普通通啦, 叫係拍得唔太差; 最正都係演員, 演員都做得好好, 所以overall係OK的; 入面個啞噶女仔幾靚呢~~ 同埋, 咁多年來, 我真係到而家都唔覺得舒淇靚或者正咯...(做戲係OK的)

13. 喜見寶琳噶奇趣真係裝修, 唔係執笠~~

12/6(日) -- 一起身hea做晒每日要做噶野之後, 11點幾出門口去赤柱! Barry來到TKO接我, 之後去TKL接KT, 再去灣仔接Gel; 先去西灣河食好耐無食噶大壽司, 依然健在; 之後入赤柱, 行左下之後就去打波, Tracy後join打波; 打完去美利樓食德國野, 幾好味; 夜晚出返去灣仔放企Angel, 再去TKL放低KT, 剩返我同Barry同Tracy就去坑口食埋個甜品先散。多謝晒今日Barry辛苦車晒我地四圍去呢! 同埋同一班好友出去玩都開心, 好耐無試過了。

14. 天日Mavs一定要贏埋Game 6呀, 就咁champ左去啦唔該!! 天日早上儘可能都唔做野了 XDDD

來緊:

14/6(二) -- K wv colleagues
15/6(三) -- 同舊同事們食飯, MandyHo派帖
16/6(四) -- 同而家同事食飯
18/6(六) -- Art Jam with Kman & Fontane
22/6-26/6 -- Japan trip
3/7(日) -- Mandy Ho婚宴
7/7(四) -- oil painting session after work wv colleagues
22/7(五) -- 睇話劇(林奕華) wv Connie

完

六月六日 -- 雜記

2011-06-06T23:04:00.002+08:00

23/5(一) -- 收工去MK交收MG百式(好抵), 再去SSP同bad-end人食飯(夾硬約), 比埋之前幫佢買噶模型佢; 之後去林士德打毛毛球; 蘇兒買左生日蛋糕慶祝119生日呢。

1. 得知一件令人好開心噶消息~ (咩都唔打得, 希望自己記得係咩事啦哈哈)

24/5(二) -- 上堂; 上完堂之後是但入左間SPK噶西餐廳, 估唔到好OK, 平靚正; 仲要無其他人, 包場。

2. 半夜每隔一個鐘就扎醒一次, 又發惡夢又唔舒服, 好辛苦。

25/5(三) -- 好唔舒服, 病假在家hea一天; 晚上pre-trip gathering, 爭呀源唔來得; 3仔係九龍灣淘大上海婆婆見下面傾下偈。

26/5(四) -- 要準備出發, 收工返企食飯後執野。

3. 好熱頂唔住所以係屋企剪左頭髮。

27/5-30/5 -- Singapore之旅, 詳見"新加坡遊記"。

31/5(二) -- 放假休息一天, 中午同Tracy食lunch, 而家Ikea噶野平左幾抵食喎; 夜晚全公司晚宴, 出返KT同同事們一齊搭shuttle過上環食飯, 上唔到德文。

4. 一返HK就知道叻要resign了, 好唔捨得呀呀女~~~papa以後點算呀~~~

5. 終於執晒d相上facebook。

1/6(三) -- 收工返企食飯; Jenny第二日要係HK返工, 所以過來借宿, 11點幾先來到。

2/6(四) -- 出site時Tango佢地臨時約埋我去佢地個K, 收工同佢地打的去Megabox唱K; 佢地成班人我都唔多識只係識3-4個, 不過好耐無唱K呢。megabox間野D野食都幾好食。佢地玩玩下飲好多酒愈來愈癲, 掉晒野咁好好笑, 我大約10點半早D走, 原來megabox行去296D都唔係好遠, 返屋企都幾快。Jenny 11點幾打來話第二日都仲要係HK做野, 要借多一宿, 佢係公司做到好夜差唔多成點先來(我訓先)。

6. 是那個人, 不說他也懂; 不是那個人, 說了也沒用。是那個人, 不解釋也沒關係; 不是那個人, 解釋也多餘。是那個人, 不留他也不走; 不是那個人, 留也留不住。是那個人, 不等自己會遇到; 不是那個人, 原地也會走丟...

7. 終於打完個遊記。

3/6(五) -- 收工後同BarryGeorge呀強呀Mak等人係大角咀食飯, 慶祝Bonnie生日。間野普通, 之後去食埋甜水後散。Jenny要再留埋呢一晚。

8. 連續幾日都訓得麻麻地, 好好好累呢。

9. 有好多好多野, 唔知點講。我只係覺得好累, 同埋個人唔想諗野, 但係好多唔同人就不停地逼迫我。好多野都唔到我去諗同決定。有時想靜落來都係無可能咁。算吧啦。

4/6(六) -- 黃二妹生日。起身同呀哥呀嫂Jenny去食牛涮鍋, 返屋企之後超累訓左成個下午, 都無陪到Jenny添。Jenny傍晚就返SZ了。夜晚返企食飯。

5/6(日) -- 早上去左維園打波, 爆熱, 今日feel到條腰有D痛, 所以唔算走得積極; 打完波返TKO同關老B食tea, 多謝佢送我噶USB風扇; 之後返企沖涼抖。KTG同佢老公來HK, 星期一晚睇Fish噶concert; 夜晚一齊同埋呀哥呀嫂等等去寶琳食板前, 行左下奇趣同戲院, 陪佢地買埋聰嫂之後返企。

10. 係奇趣親眼見到噶事: 一個小朋友走埋去counter, 拿住一個五蚊銀, 問個櫃位姐姐: 我可唔可以換2個$5銀呀? 個櫃位姐姐仲話試過有小朋友就咁走埋來話可唔可以要2個$5添。

6/6(一) -- 公眾假期; 一早7點前起左身, 去奧運皇帝屋企, 一班中學同學一齊睇波, 可惜Mavs輸左 >__<, 睇完波hea左一陣, 有人走先, 剩返三個人係大角咀食埋野都散, 返屋企。同呀哥打好~~~~多年無打過噶AOE II, 好攪野。夜晚返企食飯(粽)。

來緊:

7/6(二) -- 德文最後一堂; 之後同叻食Grad Din~~
8/6(三) --
9/6(四) -- 同Lands同事食飯, 慶祝Wendy生日
10/6(五) -- dine wv Kman FF etc for Bday of FF
12/6(日) -- Outing with TKO buddies
18/6(六) -- Art Jam with Kman & Fontane
22/6-26/6 -- Japan trip
7/7(四) -- oil painting session after work wv colleagues

完

新加坡遊記

2011-06-02T23:57:00.001+08:00

前言

今次個trip自己算係發起人, 起點噶諗法係"探我噶best friend呀馬", 本來只係得2個人(我同民民)噶trip慢慢加到4個人(加埋呀源同Kenneth)。事前都OK放心, 信得過呢4條仔夾埋應該問題唔大, 結果應該都還算OK吧。

3個同伴入面, 之前已經同過2nd best fnd(講到明都係咁講, 係2nd哈哈)民民去過旅行, 反而識左呀源(Best fnd in CityU)咁耐都未一齊去玩過, 再加上相識一年但係相逢恨晚噶kenneth, 呢隊4仔A team就集結完成。

遊記內容主打會講行程同埋comment下見到噶野, 食過噶野, 主要係敘事多, 因此反而想係前言、後語打感想呢。不過根據我一向諗到咩打D咩噶習慣, 相信到最後都係打到好似我一直度講緊野咁, 哈哈。

係個trip pay得最多effort噶一定係民仔啦, 事前功夫(book酒店, book機票, 事前買環球one day pass, 唱定4個人噶錢)全部都係佢一手包辦, 真係要係度大大咁鳴謝一下。自己只係問去過SG噶同事拿左行程同埋借左一堆旅遊書返來, 同埋同大家傾過下D行程, 其餘都無點出過力, 身為發起人實在都無咩慚愧, 反正一早就預左叫朋友們幫手了。(係呢一刻都仲未比返錢比民民添) :D

成個行程之中, 由於4個人都係吹水怪, 所以基本上係廢話百出, 笑料不盡。由於大家係不停咁爆肚, 因此不能盡錄啦。大家係4日之中不停咁話民民"精算"同埋"神", 引發左好多後績噶野都係講唔到的了。(仲有趁而家自己記得寫低噶"Jubman"、"出來啦!"、"出得來還, 預左要行"、"休息係為左行更多路, 行更多路係為左食更多噶野"...etcetc)

前言都係唔好講咁多, 留待後語吧! 以下係我地4日噶行程(同埋同行程有關、時間性排列噶感想)。

Day 1 (出發)

由於搭cheap cheap虎(貓?)航噶關係, 出發、回程機噶時間並唔係早機去、晚機返。11點幾機, 換來噶係唔需要太早起身出發。9點幾10點終於係機場集齊人馬, 係千燒百味食個豐富噶早餐(食完之後下一餐要起碼5點先係SG先食到了)之後就入閘過關登機出發。

一路無話, 係好狹窄又無飛機餐無水飲噶飛機渡過左4個鐘, 終於到達新加坡。由於SG好細, 4個人搭的士去酒店都好平。去到酒店, 見到門口有貓貓~~~ 好開心, 好靚噶喵喵來呢, 幫佢改左個名叫白虎(之後都有再見到佢, 唔多提了)。係我影相噶時候民民已經做好check in手續, 上房啦~~

Kenneth同佢2個無咁熟, 於是就同我同房。間酒店係平價D的, 所以無G/F富麗堂皇Lobby, 間房唔大, 朝早無早餐, 咁其實仲好呢(尤其我地想出去四圍食野)。不過最可惜係無wifi(係SG好多地方試來試去都係無, 所以4日無online)。settle down之後都差唔多5點, 即刻出去食野~~

原來住噶地方好近逸群雞飯, 於是就行過去, 順便感受下新加坡普通噶街道同風土民情(?)。只係10分鐘島路程就到lu。(幾日之後同係果邊做野噶best fnd傾先知原來果條街果幾間雞飯都OK的, 並唔係"逸群"特別好)不過當時未知就緊係去旅遊書介紹架啦。主打噶雞油飯好味道(尤其食完早餐之後都無食過野), 個魚鰾湯都OK, 4個人計返都係40蚊島一位, 好抵呢。(佢係唯一一間menu無價錢噶咯...之後去左第間, 仲大碟過佢。)

食完就趕緊往Safari出發。行去City Hall站(係一個可以轉幾條線噶中間站之一)都好近, 就搭好幾站車再轉線去"宏貿橋"站(SG朋友叫佢做熊貓橋), 落車轉巴士去。地鐵+巴士加加埋埋差唔多成粒鐘, 係SG算係遠噶地方了。係度講一講地鐵。SG地鐵有幾條線, 可以去到我地想去噶大部份地方, 而儲值飛每一程都平過單程好多, 我地初初去到唔知頭唔知路, 見儲值飛要收手續費無得refund所以無買到, 蠢左。單程飛好麻煩, 每一次用完之後, 要去返部機還返同refund返1蚊, D機又慢又要排隊, 好晒時間, 不過算啦, 經驗來噶。

終於到左目的地, 期待噶行程之一 -- Safari夜間動物園。自己不嬲都鐘意睇動物園, 所以好開心呢。園內有導覽車, 會行一個圈亦會有人解說, 都幾多人排隊, 等左幾架車之後就上車啦。行左一半島中間有一站可以落車, 我地就落車自己行另一個車經唔到噶圈。由於動物園都係果d野, 所以都唔係度多講啦~~ 亦都因為夜晚又暗噶關係, 好難影相, 所以都放左好少相上fb了。行完果圈再上車, 發覺呢架車噶導覽講解得生動好多, 有氣氛好多呢。完晒成條線之後我地就落車去睇動物show。睇完呢個幾有趣噶動物show之後就走了, 其實真係想有多d時間慢慢行晒成個動物園呢~~~(仲有, 成個動物園噶佈置同setting都好正好鐘意)

搭巴士去另一個地方, 行去"老巴剎" -- 一個半露天街市咁樣噶地方食宵夜。食左串燒、馬拉盞、C蛤、燒魔鬼魚同埋飲左好似幾正宗噶印度拉茶, D串燒噶醬好味, 燒魔鬼魚都好少機會食到, 滿足噶宵夜呢。之後決定慢慢行返去酒店(大約半個鐘路程啦)。

行下睇下新加玻四圍噶夜景, 路經一度好似係bar定disco噶地方, 有好多著得好sexy好索噶女仔係門口等入場(等人溝?), 可惜夜同埋相機無咩電, 無影底lu(無膽就真XD), 行過少少就係新加坡地標魚尾獅, 影左夜晚噶佢同埋海景, 相機就無電了, 都叫O岩O岩好啦。影晒相行返酒店都成點了。要提一下Kenneth噶方向感同認路能力都好犀利呢, 民民都已經係好OK, 但係Kenneth直頭係之前睇過下地圖之後, 就全程都唔使望唔使睇就照行, 仲要完全O岩晒方向呢~~

返到去沖完涼大家hea傾左陣偈就返自己房。SG電視有一台係電影台, 我地幾日都見到播唔少好戲呢, 晚晚都睇左D戲先訓, 哈哈。雖然第二日一早要去環球, 不過都hea到3點先訓。

Day 2 (環球Grand Opening)

一早起身, 我地hotel對面有個foodcourt, 都好多款野食, 我地就過左去食個早餐先。食完早餐就出發去環球啦。我地酒店好近地鐘站"Bras Basah"(中文應該係"百姓"咁解), 行5分鐘就到, 好方便, 真係又平又正。搭左唔使好多站就去到一條線噶總站, 再轉Sentosa Express搭個單軌鐵路, 得4站 Vivo city(即係地鐵轉車果站) -> 環球影城 -> 一站唔記得咩野(玩樂設施例如滑草果d就係度) -> 沙灘(入左去之後如果唔出返來係係任搭噶)。當然就係去環球影城啦。

我地呢日撞正環球Grand Opening, 好抵呢。一去到影下相, 就等睇Opening Ceremony, 睇完之後有D表演, 巡遊, 影左好多相同video, 到11點島就比人入去玩啦(之後聽返SG死黨話係新聞見到我地上左鏡呢!)。唔知係咪因為O岩O岩過左人地噶public hoilday定係因為早, 我地入去即時玩晒想玩果幾樣野都唔使排隊, 好開心! 係度唔多講環球入面有咩玩同有咩show睇啦, 上網同睇書加埋睇我D相都睇到, 所以慳返唔打了。總之就係好玩同埋D show都好睇啦~ (記一記: revenge of mummy(類似space mountain), Jurassic Park激流(濕晒身), Shrek 4D影院, Masagascar街頭歌舞表演)

有人唔玩機動遊戲, 所以一齊無玩。時間尚早, 未夠鐘睇shows, 於是就搭Sentosa Express入去沙灘度睇下。入到最後一站, 有free shuttle兜成個沙灘區。入左中間一個沙灘位睇下, D風景同個沙灘都幾靚呢。係果度噶foodcourt是但食D野, 估唔到旅遊區食野都唔貴呢。一般來講SG兌HKD 1對6, D野都唔係平, 但係我地食好多餐, 包括係旅遊區食野都係三十幾四十蚊呢。

去左沙灘唔係好多時間, 差唔多夠鐘就出返去環球影城, 睇shows。又係影左相唔多講, 總之係好睇(XD), 同埋不停地濕身啦。(記一記: Waterworld(水上+爆破+drama), Monster Rock(Live rock song + 跳舞表演), 電影特技場景(大風爆炸灑水又濕身))

睇晒D show之後, 我地想睇埋夜晚噶煙花(當日噶巡遊、延長到9點、同埋夜晚煙花都係opening果日先有), 但係仲有時間, 我地就搭車去Chinatown(出返Vivo City轉地鐵幾站, 好近下)行下。雖然之後都會再去Chinatown行同埋食, 但係反正有時間同埋果度多野食, 所以決定去一去。

去到Chinatown, 同SG其他地方個feel好唔同。Spot左之後會去買手信噶地方, 就行下同埋搵野食。搵到個好~~~~大噶foodcourt, 真係咩都有得食, 超大。大家係度食左d野(炒粿條, 蔗汁, 紅豆冰, 魚蛋粉, 窩貼), 之後, 再行下附近D街就又入返去Sentosa噶area。

本來想睇Song of the Sea, 不過因為無買定飛, 爆滿左所以睇唔到。離煙花仲有D時間, 於是入左去Sentosa另一邊噶沙灘(沙灘有2邊噶, 我地去左日頭無去果邊), 坐左陣同埋睇下夜景, 到差唔多就出返去環球了。(聽返SG死黨講Sentosa入面有全侍應著泳衣噶bar, 不過我地都無去了)

返返環球(第三次了, 我地叫做三顧環球XD), 霸個靚位準備睇女仔...呀唔係, 係睇煙花, 等噶時候我行開去睇左場70年代歌舞表演, O岩晒我呢D老鬼。之後睇煙花, 普普通通啦. 睇完煙花就散水啦。好多人一齊出返去Vivo City, 我地發揮HK人醒目精神, 搭掉頭車去沙灘果邊再原車出返來, 有得坐又快左, 賺晒。(記: Kenneth講最值錢噶"羨慕眼神", 同埋我做打手噶果一句"Beach!"之後放人XD)

出返來Vivo City, 去左foodcourt食野先。食左個唔記得叫咩甜噶餅、燒雞翼、同埋好好味噶叻沙~~ 食飽就返酒店, 試左7-11賣噶楊桃汁, 本來諗住可能好味, 點知得個甜字, 又唔酸, 好怪, 後尾Kenneth講起話似華梅水味, 大家先知點講陣味出來, 總之好難飲。是晚2點9曼聯對巴塞決戰, SG電視有得睇, 我同民民諗住睇。沖完涼大家又一齊hea下傾偈, 我就諗住訓下先, 叫民仔開波叫我, 結果係民仔無叫我, 佢自己一個睇左, 其餘人都訓左覺了。其實我都有D想睇呢~

當日由於預左濕身, 於是著左對Crocs行左全日, 對腳好痛呢~~

Day 3 (食+行+買)

第三日噶行程就hea好多, 無咩要趕住去噶。自己一早醒左, 出去行左一轉, 不過見到落大雨, 所以都無去遠。返返來大家都好似未起身咁, 於是再恰下。到差唔多中午大家先起晒身準備好。都叫臨時決定好要去咩地方, 於是去foodcourt食d野先。食完出發去左小印度果邊先(發現黃亞細就來夠鐘收鋪)。小印度又係另一番景像, 同SG其他地方或者Chinatown都唔同噶。係地鐵站行2個字島就去到黃亞細食肉骨茶(有少少趕係佢收工前, 同埋星期一唔開!)。原來SG肉骨茶都有2款噶: 一款係我地HK食開藥味重d, 另一款就係好似黃亞細咁好重胡椒味噶。雖然我個人喜歡前者, 不過後者都好食呢(同埋可以添飲一次)。(之後聽返死黨講果度噶豬腸都好味, 可惜無食到了~~) 提一提, 果間野係無冷氣的。

之後慢慢行返去小印度地鐵站, 行下經過下果度噶社區。個感覺完全係另一樣野, 同其他SG地方都唔同。之後搭返去SG噶中心d噶地方(City Hall, Raffle Places, Clarke Quay等等係類似HK中上環果d地方?), 行左好長噶路, 睇左日頭噶新加坡河、沿河邊噶鋪、日頭噶魚尾獅等等(食左榴槤雪糕夾麵包), 最終行埋去Chinatown(中途d野大家睇相算了)。

時間關係(又係趕佢收工前), 先去遠東廣場食亞坤Kayan多。個廣場都好唔錯, 不過可能因為星期日, 所以大部份店都關左門(+_+)。去到間店, 個多士好脆, Kayan醬甜甜地, 好鐘意食個蛋! (食過其他國家噶蛋, 係講緊是但一個其他地方噶蛋之後, 你會發覺HK噶雞蛋係無味, 完全唔好食的)

食完野買左少量手信就行下Chinatown(正式行啦)。行左好多橫街雜巷, 搵晒要搵噶店同買手信噶地方。又係唔多講啦(某人買左過千蚊噶手信, 好似拿住2隻乳豬咁, 威到盡)。5點幾, 大家拿住各種貨物返酒店, 同埋約我噶死黨Best Fnd呀馬出來食晚飯。

返到酒店放低野settle down之後, 就出返來, 搭地鐵去東岸果邊meet呀馬。終於都見到佢啦! (成個trip噶起源就係想探佢) 佢瘦左好多呢, 同埋見到佢真係超開心。係地鐵站行唔使2個字, 去食出名噶"無招牌海鮮"。呀馬食完之後都話平過佢去開其他地方噶海鮮呢(而且其他地方好多間都係HK噶珍寶、東海集團)。食左麥片蝦、胡椒蟹(x2)、Chili蟹(x1)、馬拉盞炒菜、飲左Lime water、薏米水, 總之都係好味, 大家自己睇相啦。最正係前後食左三隻都大隻噶蟹加埋D立雜野, 圍到來每位都係二百幾蚊, 好平呢~~

食飽飽呀馬帶我地行係附近噶紅燈區。去到時我地都奇怪架啦, 竟然成條街都係男人, 一個女人都無, 我地仲比人望添! 之後有警車經過, 先知咁O岩係掃場時間, 所以睇唔到D服務行業人士了~~~ 不過咁樣反而夠膽拿相機出來影幾張相呢。

之後呀馬同我地去夜晚噶Clarke Quay。果度有一個好大好靚噶酒吧區。個環境好舒服好靚, 好有feel, 仲有好多間bar有Live band添! 不過我地就只係行左個圈, 無坐底飲野了。影左D夜景同埋合照之後, 本來想去試下另一款藥味重D噶肉骨茶, 不過收工了, 食唔到, 之後就散水返酒店了。

是日諗住想涼爽D, 當日都係著Crocs出左去行, 但係到中途開始, 已經開始超痛, 之前果日噶痛未回復呢! 所以買完手信返酒店之後再出返去時換返波鞋, 舒服好多!

Day 4 (最後一hea)

最後一日, 無咩行程, cheap cheap貓航4點機, 2點幾都要到機場了。又唔多順路於是都無專登去榴槤街食榴槤了, 可惜。反正無咩做又無野要再買, 又要食飯(又係食完呢餐要夜晚返到HK先有得食), 於是決定encore海南雞飯(酒店行過去又近)。Check out之後放低行李係酒店, 行去海南雞街, 食左另一間(因為聽左呀馬講唔一定係要食逸群), 發現都係平, 而且仲大碟D添!

食完仲好早, 臨時決定不如再去Clarke Quay食果間肉骨茶啦, 點知去到見到星期一關門(發現除左星期日好多店唔開之外, SG另外有好多鋪星期一都係唔開的), 白行一趟。Encore左個榴槤雪糕夾麵包之後就返酒店拿行李, 再搭的士去機場了。

去到機場, 由於我地搭平機噶關係, 係去budget terminal, 個場都cheap好多。係機場問左竟然係某D Terminal入左閘先買到班蘭蛋糕? Anyway無深究到, 無買就算了。4點起飛, 8點島返到來, 返到屋企9點幾, 完結左成個旅程了~~~

後語

呢次旅行對我來講幾開心呢。可以同幾個熟噶朋友一齊旅行, 吹水up屎, 仲有傾下心事, 真係人生一大樂事。雖然係好多時候, 臨訓前、行緊路無傾偈時, 又會諗起好多以前噶、唔開心噶野, 好彩個行程都開心, 好多時都可以忘記到。

如果大家想對行程知得更多, 就要睇下我upload係facebook上面噶album啦。如果想再知多d, 就唯有親身來睇我係自己電腦(或者相機)噶full album, 仲拍左好多片添!

值得一提噶係, 新加坡真係好多短褲仔呢, 好多美腿好開心~~ 哇卡卡卡~~ 我地幾條友(其實主要係我同K先生)係度睇女仔仲指指點點。果邊唔係好似日本台灣香港咁, 唔興化濃妝, 一樣有好多靚女, 講真都係環境同埋廣告影響, HK等地先多人化妝姐, 係其他地方D人都唔係咁化一樣見到好多靚女啦。仲要人地日日曬太陽(仲有我覺得係有做運動), 勁fit勁好睇。成日躲係屋內化妝係咁食, 唔做運動又話要減肥果d HK女仔真係要反省下呢。

係呢度不得不提下, 要多謝下人呢。多謝各位團友縱容我噶任性(有無呢?) 好似大部份行程其實都好似係跟我意願咁, 都係我拿主意幾時去邊去邊, 唔好去邊去邊咁。另外我訓覺又唔早訓但係又早起, 同我同房噶kenneth應該成日覺得唔夠訓, 比我嘈住晒, 哈哈。仲有我沿路成日停低影相, 差D連紅燈區都想拿部相機出來影, 哈哈, 見到貓貓又係咁影, 去到夜晚自己相機無電仲拿埋民民舊後備電去用...etc, 總之睇來最麻煩都係我呢, 不能盡錄, 哇卡卡。

希望今次個trip大家都開心, 同埋期待下次再同好友們再去旅行啦~~~
(預告: 東京體察災情振興經濟之旅?!)

完

荒村

2011-05-24T02:33:00.001+08:00

不論是武功、相術、道術、紫微斗數或者是請神等等各種三教九流之術, 其實是真實的存在。當權者、富裕者垂涎於這些能力(者), 擁有這些能力是很危險的, 如果不好好正當地使用, 只會為禍人間, 因此, 真正有能之士, 十之八九都隱藏了他們的能力。現在的人所見, 也只是各種博大精深的方術之一二罷了。不過, 總有一些有能之士選擇了"入世", 用自己的能力去幫助人。

**********

在修行中, 她來到一條像似荒廢的村落。

丁圓感到像有很大的阻力, 阻礙她進入這條村莊。"阻礙"並不是物質上或事實上有什麼阻著她、擋著她, 而是她一準備進村就有一股莫名其妙的厭惡感湧現。若果意志力稍為薄弱的人, 恐怕就會轉身而去吧。

這條村正是她接受到委託的目的地。

委託人是村落中某村民移居到很遠的親人。他離鄉已久, 上次難得有機會回鄉時, 發現自己難以進入村莊。由於他強烈地想回去看一看家人, 總算誇過了那一道心理關口。可是一進村就發生一連串奇怪的事, 最後還是徒然離開。

丁圓斷定這兒有妖怪作祟。
那股"阻力"當然未能阻止她入村。但她一進村, 怪事就發生了。大風突然刮起, 捲起很大的沙塵, 四處發出奇怪的嗚嗚聲, 甚至有很多垃圾隨風直向她撲來。
"好大的惡作劇呢, 如果用硬的闖進去, 恐怕不能解決事情...還是晚點才來看看情況吧..."

晚上, 月色晈潔。
她再次來到這條村子, 竟然見到車水馬龍的景象。很多人在四處走, 大街上商業活動頻繁, 就像一般市集一大早的模樣。唯一不同的是, 現在是晚上。
"想不到那麼多人呢, 還是別打擾他們, 明天再來解決事情吧。"

第二天。
仍然是荒廢的村落, 仍然有莫名的厭惡感, 仍然有怪風怪事。
"強硬一點吧。"
她拿出兩道符, 口中唸唸有詞, 然後把符分向兩個方向直射出去!
"嘭!嘭!" 打破了兩道頹垣敗瓦。

"誰這麼大膽!"隨著一道吆喝聲, 一團黑色醜陋的東西冒了出來。
"是你做的嗎? 為什麼沒來由的破壞這個地方?!"
丁圓冷靜的回答, "你是誰? 從哪裡來的, 快報上名來。"
"哼! 你破壞了我的地方, 還敢大言不慚?! 這兒不到你這卑微的靈力者來多管閒事!"
只見那團醜陋的黑色的東西, 像吸了一口好大的氣, 四周像有無數的靈魂被吸了進去, "它"的體積變得愈來愈大, 樣貌變得愈來愈惡, 似乎要把她這外來者趕走。

"呼, 真麻煩, 看來這次的生意不划算呢。"
丁圓從背包拿了一道符出來, 唸了一句咒語, 突然閃身直衝向那黑色的東西。
"定!" 她把符貼在那東西身上。那東西似乎不能動彈了。

"說。"
"嗚...竟然...快放開我!"
"說吧。"
"......"

過了一會兒, 那東西開始說起來。
"...我是這裡的土地神。我要守護這村子。一直以來負責看守著這兒。可是這兒一直戰事頻繁, 這條村落就在進軍的路線, 首當其衝, 經常受到影響。男丁被強拉去當兵, 婦女也受到折磨, 民不聊生。你有想過"明天不來就好了, 希望開心一直繼續著, 希望不幸不要來臨"嗎? 戰爭、疾病、饑餓, 他們害怕明天會比今天更差, 因此我要保護他們, 這兒的人們都是好人, 他們常常祈求的保佑他們。是他們給我力量的, 我讓他們安安穩穩地留在村中, 不被外界侵擾, 不會再受戰火的洗禮! 我一直背負著這個使命, 就算到最後一分一刻, 我也要完成我的使命!"

丁圓一邊聽一邊看看這條村落: 荒廢的水井, 四周頹垣敗瓦, 一個人也沒有, 只剩下一些快要風化的骸骨。

她對著土地說, "明天不一定會更差, 時間會治療傷口, 艱苦的環境也會讓花兒茁壯成長!閉上眼、塞著耳、捲成一團, 才沒有進步! 這樣才是最不幸的結局! 你這樣做只能阻止戰爭和疾病入侵, 但最重要的東西 -- 時間, 你沒法阻止。跟外界隔絕, 這兒已經滅亡了, 缺乏循環, 停滯不前。你看, "明天"還是來了!看吧, 這兒已經沒有人了, 全部都死了。面對現實吧。你想好好的守護這個地方, 可是所有人、事、物都不可以固步自封的。看, 把自己封在原地, 不知道外面的世界, 留在原地踏步, 只是慢慢的腐朽...外面的世界現在是怎樣的, 你知道嗎? 戰亂已經停止了。這條村應該獲得解放, 那些亡靈也應該被超渡的了...讓他們去吧..."

只見她一邊說, 一些靈魂慢慢的從黑色的東西體內飄散出來, 那"土地"慢慢的縮小了, 最後回復了他本來的體積。"它"頹然地癱坐著。

"你答我: 你是為了什麼原因, 要保護誰, 不受什麼侵犯?"
"...這是我的存在意義, 我最初的目標, 不要被變更, 不想被否定......"
丁圓慢慢的走過去, 把"它"擁入懷中。"我叫你停止, 不是要你變更, 也不是否定你哦。而是你的任務已經完成了, 你做得很好; 或許, 在這交通要衝的地點, 慢慢會變回一個繁華的村子也不定呢。到時, 又會再有很多人在這生活, 有更多的笑臉在此浮現...一直以來你做的很好...辛苦你了...謝謝你..."
她感覺到肩上、背上慢慢的濕潤了。"它"在哭嗎?
"謝謝你...嗚嗚...一直也沒有人對我說呢...謝謝..."
黑色的東西慢慢的消散了。
村莊回復了本來荒涼的模樣。以後應該也不會再有怪事發生了吧。

"呼~ 又完成了一單生意。用了爆炸符和定身符, 真不划算呢..."
丁圓繼續踏上她的旅途。

完

攪手

2011-05-24T01:11:00.000+08:00

由細個開始, 已經係鐘意主動聯絡人噶人。亦都因為通常D人都係我聯絡開, 所以慢慢我就做左攪手噶角色。

近年做少左好多, 但係真係發覺每次見到人做攪手時, 真係好唔得。其實攪手係好難做噶, 不過有D人做攪手真係連基本野都做唔到。又唔confirm人時間地點, 又無問人幾時available, 更加唔使講有無問人preference。講真, 要攪得好少少, 其實需要每個人打超過一個電話噶。算啦, 如果自己唔係做攪手果個, 所以都好少會complaint人地做得唔好了。

講返做攪手噶難處。

第一遇到噶難題當然係就時間啦。要就晒咁多人時間係好難噶事, 人少少4-5個已經唔係易就, 人愈多就愈麻煩。最麻煩係有D人無理答霎, 唔記得自己原來邊日邊日唔得閒或者咩時間唔得閒, 到就晒定晒先來改, 好鬼煩。最憎係咩呢? 就係果d "你約住先啦, 到時我再睇下得唔得"噶人。如果真係因為返工或者其他野未定到噶都無可厚非, 但係有d人擺明就係睇下有咩人去/地點等等野O岩唔O岩心水先去, 真係唔想理佢咯。

做"攪手", 其實只係一個聯絡人。對於活動、地點、時間係無決定權噶。要去邊、幾點、甚至就唔就一D麻煩人, 並唔係佢要做決定噶事(除非大家agree左啦)。當個個人意見都唔同, 又遲遲都未決定噶時候, 就最麻煩。你就得一個, 又唔O岩另一個人心水; 當你就返另一個, 可能又有人唔鐘意。自己決定仲衰, 個個都唔鐘意(甚至有可能係D人唔鐘意你自己決定而唔問過佢地而已, 但係自己又無preference又唔表態)。

而家流行facebook或者send message, 講真, 根據以前經驗, 就算打電話親身問都會有以上問題發生, 何況好似facebook呢d咁被動噶方法? 除非個個都好似我咁姐, 如果唔係根本就行唔通。

攪手呢D吃力不討好噶角色, 都係少做為妙。(不過到最後仍然係我? 哇哈哈)

完

五月二十二日 -- 雜記

2011-05-23T00:02:00.002+08:00

催時同學打來, 真可憐。

16/5(一) -- Gordon兄弟姊妹感謝宴 @ MK帝京; d野食ok, 而家食任食都會就住, 唔會食到頂住胃啦~~

連續好耐都訓得唔好, 呢一晚又發夢了, 今次係時光機

17/5(二) -- 上堂; 同Sam & Nat & Gary食大盛; 唔見staff card and find back, 真好彩; KT and Tracy not happy again; extreme tired and talked seriously with Sam late

18/5(三) -- farewell呀強食飯, Muse Cafe; hea, 好笑, 怕左任食; back home not too late

19/5(四) -- 收工返企, 再出去gathering w/ TKO buddies, 榮華川菜館, but mark six, Yogurt @APM

20/5(五) -- 一早醒左, 又係極早, damn; 上網apply左HO; 頂唔住half day leave, 返企sleep, 夜晚出返MK, 買左要買噶野, 去Jordon, 食唔到太平館, 食左apple; 之後行TST, 好累; I think I'm sick today

argue?

21/5(六) -- gathering with 死黨s, K @ Jordon, 1-8好抵; 官涌街市dinner

22/5(日) -- 本來同sam & fnd BBQ or hot pot at Taipo, heavy rain cancelled; 本來留家, 突然要出KLB拿姨丈噶野, 拿完仲要去埋上環比cousin; 中環flying pan, dinner @ TKO w/ bro @ co.

呢個星期無咩心機打blog~

來緊:

23/5(一) -- 收工同bad-end人食飯(夾硬約), 比埋之前幫佢買噶野佢; 之後毛毛球
24/5(二) -- 上堂
25/5(三) -- pre trip gathering, 應該齊人啦掛
26/5(四) -- 準備出發
27/5-30/5 -- SG之旅

完

魚和海鳥

2011-05-18T23:23:00.000+08:00

魚兒在大海中暢游。自她出世以來, 一直都在海較深處, 跟著魚群四處游, 覓覓食, 間中避開一些較為兇惡的捕食者, 日子過得很自由自在。

她常常望向上方, 覺得光光的, 好像很有趣。但魚群總是很少會游到近海面。她一直也跟著大家, 落單了可不好呢。

有一天, 一條鯊魚來襲, 魚群四散。鯊魚不停地追逐著同胞們, 死了好多, 但他們也只能各自的逃走。她跟一些朋友沒命的逃, 終於躲開了鯊魚。回神一看, 他們到了難得來到的近海面。

她很好奇, 順勢游到海面附近, 向上望去: 嘩! 外面的世界好不同哦! 難以形容, 很廣闊, 很高, 總之就是跟自己的世界不同! 她癡癡的望著她未接觸過的"天空"。然後她看到了一些她從未見過的動物 -- 鳥。鳥兒在天空飛翔, 看起來好自由, 比在海中游像是更自由。時而高飛, 時而俯衝, 時而盤旋, 一對大翅膀, 帥極了。

"喂! 快回去吧! 我們要回大隊啦!"
雖然回到深海中, 但那一刻的景象一直纏繞在心中。

自此, 她就常常趁機溜到海面附近, 看著那片天空。她感受到很多新奇的事: 看到外面的世界有時很光, 有時很暗, 有日出有晚上; 會天晴、會下雨; 有好多住在海面附近的新朋友; 這些都是很新奇的事。但最令她難忘的, 仍然是天上那遙不可及的鳥兒。

她見到他常常在空中瞄下來, 看著她。他是留意到她的。她好羨慕他, 可以在空中飛馳, 她慢慢的好想離開海的世界, 她好想試一下在空中的感覺, 她很留意他, 她喜歡他。

新朋友們跟她說: 你不要常常來這裡啦, 這兒很危險的, 你要小心點呀, 水面上有很多捕食者的。
她說: 我好想離開這裡哦! 好想成為上面那些朋友般, 可以自由自在地在上面哦!
"小朋友, 別妄想啦, 你是魚也就永遠是魚, 不可能的啦!"
"不! 你看! 他常常在看著我呢! 我想他帶我走, 去上面的世界!"
"世途險惡...你要小心呀..."

"看!看!他又看過來了! 你看!"
"小心點呀, 快走吧!"
"不! 他真的向著這邊過來呀! 我可以夢想成真了! 我喜歡他! 我要跟他走!"

海鳥真的飛下來了。他捉住了魚兒, 直飛天上去。

完

Q: 誰知道，或許真有善良的海鳥，想跟魚做朋友？
Y: 因此我也沒有寫最後怎樣。
Y: 離開了海面, 可能在窒息前那十分鐘的"人"生對她來說已足夠吧~只要她覺得幸福，就夠了; 因此還是半open end好了。

滿足感

2011-05-17T00:22:00.002+08:00

人無論做什麼也好, 也是為了"滿足感"吧? 不論是最原始的食慾、性慾, 到精神層面的各種滿足感也好, 人所做的都是為了填滿自己的滿足感。

最基本的是為了生存。食, 然後是住衣行, 上班、賺錢就是為了生存。再進一步, 有了錢或者好一點的物質生活, 就會較為容易求偶。

之後就是滿足一些精神上的需要, 也就是人類所謂跟動物不同的地方。自尊、榮譽、權力、愛情、友情...等等數不盡的欲望, 而賺錢、食飯、勝利、甚至幫助人、做義工...等等數不盡的行為, 也只是為了滿足自己。即使是為了更大的、更深層一點的宗教、民族, 也一樣是滿足自己的心靈。以前也談過, 就算大至宗教、民族、小至愛情、友情的所為"犧牲", 也是為了自己, 只不過不是為了物欲, 而是滿足自己的意志而有滿足感罷了。因此我以前也說過, 所有人做的所有事都可以稱為"自私"。(當然, 有很多"自私"對別人來說是好事)

最能夠滿足大部份物慾、佔有慾的東西, 自然是"錢"。錢雖然不是萬能, 卻能買到很多很多東西, 甚至不只是物質的東西。不用多談了。

曾經跟不少朋友(尤其女性朋友)談過, 擇偶條件之一是要有"上進心"。何為上進心? "上進心"又代表什麼? 其實就等於是錢(或者其餘"物質"的統稱)吧。有上進心向上爬, 最終的目的還不是錢? 向上爬之後得到的權力也只有當事人享受得到, 另一半真正能享受的就只是錢。只不過每個人的目標價錢也不同而已。

對於我來說, 雖然自小不是有錢, 也經過經常要"慳住使"的時間, 但我從來對於"錢"或"物慾"方面的需要也不太強(當然又不至於完全不在乎可以送給人), 就算現在也不介意過刻苦一點的生活(當然可以舒服就舒服點吧)。

"人"雖然不知道為了什麼要生存於世上(也不打算討論), 但總是為了要"快樂"。"快樂"源於"滿足"。而我的滿足感也一樣, 貫徹多年來再網誌中所寫的, 我所希望的快樂很大部份是從精神層面上的滿足而來。感情上得到滿足, 可以使身邊的親人、愛人、朋友都開心, 大家一起開心, 就很好了。可以學到、看到、感受到不同的事物, 知道多一點, 也很開心。錢, 無疑令人可以更方便更舒服, 可是有很多事情真的不是錢可以達成的。對我來說, 夠就好了。怎樣為之夠, 反正我物質方面不用太過豐足, 因此夠就夠了, 哈哈。

我的上進心, 在於"為了得到我想要的東西而努力"。不過, 不是錢。

完

p.s. 叻比噶題目, 佢噶feedback係"在我角度黎睇, 有上進心係等於set 個目標/理想比自己. 有上進心既人, 起碼都會知自己做緊D乜, 無咁易lost當然, 都要睇個目標係set向邊一個aspect 既"
其實我最後果一句, 就係咁噶意思呢。

"親人"

2011-05-17T00:22:00.001+08:00

以前已經談過真正的親人, 也說過不會在此多講, 因此這次當然也不是談真正的血親。
在大家的生命中, 有沒有一些沒有血緣關係, 但感情比血親還要好, 信任度很高的朋友呢?

可能大家會以兄弟、姊妹相稱, 甚至可能以父母、子女自居, 又或者大家沒有宣之於口, 但大家的情誼超越了一般朋友的界線, 會對他們有絕對的信任。

無論發生什麼事情, (只要不是犯罪), 對方會毫無條件的撐你, 支持你, 信任你。就算在不方便、情況不太許可之下, 也會儘能力去幫你, 甚至不惜與其他人"反面"也要幫。

這個位置與"了解"沒有關係, 純粹地是大家一直相處而累積起來的感情和信任。正如大家的爸爸媽媽不一定是最了解你的人, 但他們一定會支持你, 為你付出一樣。

如果你有的話, 恭喜你。
在世上能有這麼一個, 或者不止一個人會這麼對你的話, 真的是一件非常幸福的事。在這個很虛假、充滿自私與謊言的世界, 如果有這麼的一個人, 真的要好好珍惜。

我, 會是你的那個"親人"嗎?

**********

如果你有一個親人+最佳位置般的朋友(不一定是異性), 那恭喜你了。人生得一知己, 死而無憾。很慶幸自己身邊有這樣的人, that's what I always proud of in my life.

完

五月十五日-- 雜記

2011-05-15T23:01:00.000+08:00

9/5(一) -- 請左假, 早上係家hea同埋整晒要整噶野, 好free; 下午同Sam去左寶琳食意粉, 之後去左買飛睇戲, 再食聰嫂同行一陣, 6點鐘睇左想睇好耐噶"Just go with it", 好睇呢~ 之後食魚之味後返企。

1. 見到深藏已久的朱古力, 深感朱古力跟愛情一樣, 會過期; 丟了吧。

2. Just go with it(愛情大龍鳳): 估唔到做左2個鐘, 好睇呢。成套戲都無悶場, 雖然劇情有D誇張(同埋覺得一開始交代個男主角以前果度好似無咩用), 但係男女主角噶愛情線都算係鋪排得合情理; Jennifer Aniston超正呢~~真係好sharp同埋好做到佢角色要表達噶感覺。年紀唔係一個問題, 同果時睇鞏利一樣, 雖然年紀唔輕但係都覺得好charming; 講大話真係一件好唔好噶事呢, 超憎, 一個大話掩蓋一個大話仲衰啦。

10/5(二) -- 公眾假期, 連續四日假噶最後一天; 全日在家hea的一天, 將之前砌左噶幾隻模型油埋, 好開心, 最近噶完工度好高呢。下午訓左2個鐘到夜晚過去食飯。晚上仲砌埋HG百式, 又完一隻。

3. 一個好友因為一件小事而誤會兼唔妥我, 我都超唔開心; 但係, 我依然覺得自己無做錯到。

11/5(三) -- 呀煎生日快樂; 收工諗住去寶琳買返之前見到果個好平的風扇, Connie都一齊去, 第一次係KT搭van入PoLam呢; 去到行左下奇趣, 再去睇展銷果度, 點知個風扇已經比人買左, 買唔到~~ 行左下PoLam(睇埋另外幾間電器鋪)之後同Connie返返TKO睇下日本城噶風扇, 全部都係要幾百蚊, 放棄了。返企食飯。

4. 今日又擅自亂剪頭髮, 不過剪完舒服, 爽!

12/5(四) -- 四仔旅行團pre-trip gathering; Kenneth因為公司臨時要OT開會來唔到, 真可惜...臨時加埋FF來, 就晒所有人, 於是去Jordon金蘋果; 其實都無咩十分多野好傾, 大致上都係去果d地方食果d野, 都唔使傾好耐, 結果都係幾個死黨一齊吹下水食飯, 好relax呢。食完10點島返企, 竟然一來就有車。

5. 收到好友Q係捷克寄來噶postcard, 好開心~~ 話時話, 好似N年無收過postcard了~~

6. 催時同學又...-_-

13/5(五) -- 收工去元朗同Sam食飯, 終於食到個酸菜魚煲, 好味道, 食完之後未9點就散, 返企。

7. 多謝果把風扇呢。

8. 點解個豪華龍裝劉備咁平, $199~~~(平時最最最平都要$240島!) 不過都係無買呢~

14/5(六) -- 一早唔知點解好早醒, 攤左唔知幾耐發覺真係訓唔返, 起身, 8點幾; 上下網hea下仲砌埋一隻模型, 10點幾出門去iSquare同Sam睇早場Fast5, 都幾好睇; 之後係返iSquare食lunch(T e), 食完行下iSquare, 就去碼頭搭船去灣仔; 原本諗住去上環生記食粥, 或者去中環Flying Pan食野, 點知出到去大路, 臨時就上左架叮叮去北角; 去到自己舊居附近行下, 落左去睇森記書店同貓貓, 之後行去和富果邊(今日經過灣仔無去太源街, 行過和富無入奇趣, 哇哈哈), 去左Clover食cake, 之後就返TKO; 同呀哥一pair四個人去左坑口大排檔食晚飯, 食完再去聰嫂食甜水, 之後返企。晚上又砌一隻模型。

9. 快5：130分鐘，無咩悶場，用幾十蚊睇住好多野爛好抵睇；個夾萬作為主腳來講好稱職，最尾大發神威，好勁 :D

10. 呀哥係九座搬左個電視過來, 而家又有返電視了~~

15/5(日) -- Cass生日快樂; 本來好想去歷史博物館同埋科學館睇辛亥革命同埋愛恩斯坦果2個展覽, 仲推埋朋友噶K局, 不過到最後竟然無人一齊去, 算了。係屋企食完晏, 同呀媽呀哥呀嫂一齊出去, 行左寶琳同埋尚德, 行左成個下午, 好累呢~~ 不過一齊行下電器鋪呀、家品鋪呀、玩具鋪呀、街市呀超市呀咁, 都好開心呢。晚上係企食飯。是日又砌左模型~~

11. 今日Queenie返來了~~~

12. 聽講來緊呢期六合彩好多錢, 去買左, 如果中左就好啦~~ 唔好話一半啦, 四份一都好開心~~~

13. 追噶漫畫, 連有d新追噶都一套套咁完了 =_=

14. NBA playoff今年真係幾精彩呢~~ 其他邊隊champ都唔緊要, 總之剩返果D, 唔係Heats就得!

15. 今個星期打左好多篇野呢~ 自己好想好似以前咁, 打返多d野, 今個星期可能時間多dd, 可以打返好多無聊野, 都幾開心。

來緊:
16/5(一) -- Gordon兄弟姊妹感謝宴 @ MK帝京
17/5(二) -- 上堂
18/5(三) -- farewell呀強食飯, 放題?!
19/5(四) -- gathering w/ TKO buddies, 地點未定
20/5(五) --
21/5(六) -- gathering with 死黨, 詳情未定
22/5(日) -- BBQ?
23/5(一) -- 毛毛球
27/5-30/5 -- SG之旅

完